رواية عشق وابتلاء الجزء الثاني عشر
للكاتبة شمس
...
ﮔﺎﻋﺪﺓ ﮔﺒﺎﻟﻲ ﻭﺍﻧﻲ ﺑﻮﺩﻱ ﺍﺟﺮﻫﺎ ﻣﻦ ﺍﻳﺪﻳﻬﺎ ﻭﺍﺣﻈﻨﻬﺎ ﻭﺍﺷﻤﻬﺎ ﻭﺍﮔﻠﻬﺎ ﻣﺸﺘﺎﻗﻠﺞ ﻟﻴﺶ ﺗﺮﻛﺘﻴﻨﻲ ﻭﺭﺑﻲ .. ﺍﻣُِـٍْـّْ წყღწ ــًٍّـْﻮٌٍﺕ؏ـًٍْــ 👆ــﻠـٓـﻴﺞ .
ﺗﻔﻜﻴﺮﻱ ﺍﺧﺬﻧﻲ ﺍﻟﻬﺎ ﺍﻭﻭﻭﻑ ﺷﺴﻮﻳﺖ ﺑﺮﻭﺣﻲ ﻣﺎﺣﺎﺱ ﺑﺂﻱ ﺷﻲ ﺍﺣﺠﻲ ﻭﻳﺎﻫﻢ ﻭﺑﺎﻟﻲ ﻳﻢ ﻣﺎﺳﻪ ..
ﻣﺎﺳﺔ .. ﺑﻠﺤﻈﺎﺕ ﻳﺘﻼﮔﻦ ﻋﻴﻮﻧﻪ . ﻳﻌﺮﻓﻨﻲ ﻭﺍﻋﺮﻓﻪ ﺑﺸﻨﻮ ﻳﻔﻜﺮ . ﺍﻧﻲ ﺍﻗﺮﺃ ﻋﻴﻮﻧﻪ ﻭﻫﻮ ﻳﻘﺮﺃ ﻋﻴﻮﻧﻲ .
ﺑﺲ ﺷﻨﻮ ﺍﻟﻔﺎﺋﺪﻩ . ﻫﻮ ﻣﻮ ﺍﻟﻲ ﻭﻻ ﺍﻧﻲ ﻛﻨﺖ ﺍﻟﻪ .
ﺣﺴﻴﺖ ﻉ ﻧﻔﺴﻲ ﻭﺻﺤﻴﺖ .
ﻫﺎﻱ ﺯﻭﺟﺘﻪ ﻳﻤﻪ . ﻫﻲ ﺍﺣﻖ ﻣﻦ ﻋﻨﺪﻱ ﺑﻲ .
ﺻﺤﻴﺢ ﻫﻮ ﺣﺒﻴﺒﻲ . ﺑﺲ ﻫﻲ ﺍﻡ ﺍﺑﻨﻪ ﺍﻭ ﺑﻨﺘﻪ .
ﻣﺎﺍﺭﻳﺪ ﺍﺣﻤﻞ ﺧﻄﻴﺔ ﻫﺬﺍ ﺍﻟﻄﻔﻞ ﺑﺮﮔﺒﺘﻲ .
ﻣﺎﺭﺩﺕ ﺗﻨﻮﻟﺪ ﻣﺎﺳﻪ ﺟﺪﻳﺪﻩ
ﻭﻣﺎﺭﺩﺕ ﺍﺻﻴﺮ ﺑﺘﻮﻝ . ﺍﻟﻲ ﺍﺧﺬﺕ ﺯﻭﺝ ﻣﻦ ﻣﺮﺗﻪ ﻭﺑﻨﺘﻪ .
ﺑﺴﺮﻋﻪ ﮔﻤﺖ ﻭﻃﻠﻌﺖ ﻣﻦ ﺍﻟﻐﺮﻓﻪ .
ﻃﻠﻌﺖ ﺑﺎﻟﺤﺪﻳﻘﻪ ﺍﺷﻢ ﻫﻮﺍ .
ﺳﻤﻌﺖ ﺻﻮﺕ ﻭﺭﺍﻱ . ﺑﺴﺮﻋﻪ ﺍﻟﺘﻔﺘﺖ .
ﻋﺒﺎﻟﻲ ﻫﻮ … . ﺑﻘﻠﻤﻲ ﺷﻤﺲ
ﺍﺗﻌﺠﺒﺖ ﻫﺎﻱ ﺣﻨﻴﻦ .
ﻣﺎﺳﻪ ﻟﻴﺶ ﺍﺟﻴﺘﻲ .
ﻫﻬﻬﻬﻪ ﻻﺯﻡ ﻣﻤﻨﻮﻉ ﺍﺟﻲ ﺍﻟﺒﻴﺖ ﺟﺪﻭ .
ﻻ ﻣﻮ ﻣﻤﻨﻮﻉ ﺑﺲ ﺍﻧﺘﻲ ﻫﺴﺎ ﻣﻄﻠﮕﻪ . ﻭﻣﺼﻄﻔﻰ ﻫﺴﺎ ﺑﺪﺍ ﻳﻨﺴﺎﺝ ﻟﻴﺶ ﺭﺟﻌﺘﻲ . ﻟﻴﺶ ﺗﺮﺩﻳﻦ ﺗﺤﻴﻴﻦ ﺍﻟﺤﺐ ﺍﻟﻲ ﺑﮕﻠﺒﻪ
ﻟﻴﺶ ﺗﺤﻄﻤﻴﻨﻲ ﺍﻧﻲ ﻭﺍﻟﻲ ﺑﺒﻄﻨﻲ .
( ﺍﺧﺬﺕ ﻧﻔﺲ ﺧﻠﻴﺞ ﻗﻮﻳﻪ ﻣﺎﺳﻪ ﻭﻟﺘﻀﻌﻔﻴﻦ ﻛﺎﻓﻲ ﻛﻠﻬﺎ ﺗﺪﻭﺱ ﺑﻴﺞ ﻭﺍﻧﺘﻲ ﺳﺎﻛﺘﻪ )
ﺑﺎﻋﻲ ﺣﻨﻴﻦ . ﺍﻧﻲ ﻣﺎﺭﺟﻌﺖ ﺍﻟﻤﺼﻄﻔﻰ . ﻭﻻ ﺭﺍﺡ ﺍﺭﺟﻊ
ﻭﻟﻮ ﻣﺎﺍﺻﺮﺍﺭ ﺑﺎﺑﺎ ﻣﺎﺍﺟﻲ .
ﻣﺼﻄﻔﻰ ﺑﺎﻟﻨﺴﺒﻪ ﺍﻟﻲ ﺻﻔﺤﻪ ﻭﺍﻧﻄﻮﺕ .
ﻭﺍﻟﺪﻟﻴﻞ ﮔﻠﺘﻠﻪ ﺧﻮﻳﻪ .
- ﺑﺲ ﺍﻧﺘﻲ ﺑﻌﺪﺝ ﺗﺤﺒﻴﻪ ﻣﺒﻴﻦ .
- ﺍﺣﺒﻪ ﺍﻟﻤﺼﻄﻔﻰ ﺍﻭ ﻻ ﻣﻴﺨﺼﺞ . ﻻﻥ ﻫﺬﻱ ﻣﺸﺎﻋﺮ ﺗﺨﺼﻨﻲ ﺍﻧﻲ . ﻭﺑﺎﻟﻨﺴﺒﻪ ﺍﻟﻤﺸﺎﻋﺮﻩ ﻫﻮ ﺣﺮ ﺑﻴﻬﺎ .
ﺑﺲ ﺍﻟﻲ ﺍﺭﻳﺪﺝ ﺗﻌﺮﻓﻴﻪ . ﺍﻧﻲ ﻣﺴﺘﺤﻴﻞ ﺍﺗﻘﺮﺏ ﺍﻟﺸﺨﺺ ﻣﺘﺰﻭﺝ .
- ﺑﺲ ﺍﻧﺘﻲ ﺍﺣﺴﺞ ﺑﻴﻨﺎﺗﻨﺎ ﺩﺍﻳﻤﺎ ﺣﺘﻰ ﺍﺫﺍ ﺍﺭﻳﺪﺓ ﻳﻨﺴﺎﺝ ﻣﺎﺍﮔﺪﺭ ﻣﻮ ﻋﺎﺩ ﻫﺴﺎ ﺗﻄﻠﮕﺘﻲ .
- ﺣﻨﻴﻦ ﺍﻧﺘﻲ ﺗﺰﻭﺟﺘﻲ ﻭﺍﻧﺘﻲ ﺗﻌﺮﻓﻴﻦ ﻫﻮ ﻳﺤﺒﻨﻲ . ﻭﺗﻌﺮﻓﻴﻦ ﻧﻔﺴﺞ ﺭﺍﺡ ﺗﻤﺮﻳﻦ ﺑﺄﺧﺘﺒﺎﺭ ﺻﻌﺐ .
ﻓﺄﻧﺘﻲ ﺑﻴﺪﺝ ﺗﮕﺪﺭﻳﻦ ﺗﺠﺬﺑﻴﻪ ﺍﻟﺞ ﻭﺗﺨﻠﻴﻪ ﻳﺤﺒﺞ .
ﺍﻣﺎ ﺍﻧﻲ ﻣﺎﻋﻨﺪﻱ ﺷﻲ ﺍﮔﻮﻟﻪ . ﺑﺲ ﻻﺗﺘﻮﻗﻌﻴﻦ ﺍﺩﺧﻞ ﺑﻴﻨﻜﻢ ﻭﻛﻮﻧﻲ ﻣﻄﻤﺄﻧﻪ ﻭﺧﻠﻲ ﺑﺎﻟﺞ ﻣﻦ ﺍﺑﻨﺞ ﻭﺳﻌﺎﺩﺗﺞ ﻭﺍﻧﺴﻴﻨﻲ ﻛﺄﻧﻪ ﺍﻧﻲ ﻣﻤﻮﺟﻮﺩﻩ .
ﺍﻧﻲ ﻛﻢ ﻳﻮﻡ ﻭﺭﺍﺟﻌﻪ ﻟﻠﺤﻠﻪ ﻭﺭﺍﺡ ﺍﻟﺘﻬﻲ ﺑﺪﺭﺍﺳﺘﻲ ﻭﻣﺴﺘﻘﺒﻠﻲ ﻭﻫﺬﺍ ﻃﻤﻮﺣﻲ ﺍﻟﻮﺣﻴﺪ ﺣﺎﻟﻴﺎ .
ﺗﺮﻛﺘﻬﺎ ﻭﺩﺧﻠﺖ . ﺷﻔﺖ ﻣﺼﻄﻔﻰ ﻃﻠﻊ .
ﺻﺎﺭﺕ ﻋﻴﻨﻲ ﺑﻌﻴﻨﻪ .
ﺩﻧﮕﺖ ﻭﺩﺧﻠﺖ ﻟﺠﻮﻩ ﺑﺴﺮﻋﻪ .
ﮔﻌﺪﺕ ﻳﻢ ﺑﻴﺒﻲ ﻭﺟﺪﻭ . ﻭﺍﺳﺘﻠﻤﺘﻨﻲ ﻋﻤﺘﻲ .
ﺑﻨﺼﺎﺋﺤﻬﺎ ﻭﺣﺠﻴﻬﺎ .
ﻟﻴﺶ ﺗﻄﻠﮕﺘﻲ ﻭﺑﻌﺪﺝ ﺻﻐﻴﺮﻩ ﻭﻭﻟﻴﺶ ﻭﻟﻴﺶ .
ﺻﺮﻋﺘﻪ ﺍﻟﺮﺍﺳﻲ ﺷﮕﺪ ﻛﻨﺖ ﺍﺣﺒﻬﺎ ﺍﻛﺜﺮ ﻋﻤﺎﺗﻲ .
ﻫﺴﺎ ﻣﺎﺣﺴﻴﺖ ﺑﺲ ﺍﻟﺤﻘﺪ ﺷﺎﻳﻠﺘﻪ ﻋﻠﻴﻪ .
ﺛﺎﻧﻲ ﻳﻮﻡ . ﺭﺣﻨﺎ ﺍﻧﻲ ﻭﺑﻴﺒﻲ ﻭﺟﺪﻭ ﻭﺑﺎﺑﺎ ﻭﺍﺧﻮﺍﻧﻲ ﻭﺑﺘﻮﻝ ﺍﻟﺒﻴﺖ ﺟﺪﻭﺍ ﻣﻬﺪﻱ ..
ﺍﻟﺒﻴﺖ ﺍﻟﻲ ﺑﻲ ﺫﻛﺮﻳﺎﺗﻲ ﻛﻠﻬﺎ .
ﻗﺮﺭﺕ ﺍﺭﻭﺡ ﺍﺷﻤﺮ ﺫﻛﺮﻳﺎﺗﻲ ﻛﻠﻬﺎ ﺑﻨﻬﺮﺭ ﺍﻟﻐﺮﺍﻑ ﻭﺍﻭﺩﻋﻪ .
ﺑﻘﻴﻨﺎ ﻣﻦ . ﺍﻟﺼﺒﺢ ﻟﻠﻤﻐﺮﺏ .
ﻭﻗﺖ ﺍﻟﻐﺮﻭﺏ ﺍﻟﻠﻪ .. ﺫﻛﺮﺕ ﻣﻦ ﺻﻌﺪﻧﺎ ﺑﺎﻟﻘﺎﺭﺏ .
ﻭﻣﻦ . ﻧﮕﻌﺪ ﻉ ﻃﺮﻑ ﺍﻟﻨﻬﺮ .
ﻭﺍﮔﻔﻪ ﻭﻣﺒﺘﺴﻤﻪ ﻭﻣﻐﻤﻀﻪ ﻋﻴﻮﻧﻲ ﻭﺍﺳﺘﻨﺸﻖ .
- ﺍﺷﺘﺎﻗﻴﺘﻲ ﺍﻟﺬﻳﺞ ﺍﻻﻳﺎﻡ .
ﺍﻟﺘﻔﺘﺖ . ﺻﺎﺭﺕ ﻋﻴﻮﻧﻲ ﺑﻌﻴﻮﻧﻪ .
ﮔﺎﻝ .. ﻧﻔﺴﻬﻦ
ﺷﻨﻮ ??? …… ﺑﻘﻠﻤﻲ ﺷﻤﺲ
ﺍﻟﻨﻈﺮﻩ ﻭﺍﻟﻌﻴﻮﻥ .
ﺩﻧﮕﺖ . ﻏﻠﻄﺎﻥ ﻛﻠﺸﻲ ﺗﻐﻴﻴﺮ ﺑﻴﻪ .
ﻣﻮ ﺍﻧﺘﻲ ﺍﻟﻲ ﺗﺴﻮﻟﻔﻴﻦ . ﻋﻴﻮﻧﺞ ﻭﮔﻠﺒﺞ ﻫﻨﻪ ﻳﺴﻮﻟﻔﻠﻲ .
ﻋﻴﻮﻧﻲ ﺫﺑﻠﻬﻦ ﺍﻟﺒﺠﻲ ﻭﺍﻻﻟﻢ . ﻭﮔﻠﺒﻲ ﺧﻠﻴﺖ ﺑﻤﻜﺎﻧﻪ ﺣﺠﺮ ﻣﻦ ﺯﻣﺎﻥ . ﻳﻌﻨﻲ ﻣﺎﻛﻮ ﺷﻲ ﺑﻘﻰ ﻋﻠﻰ ﺣﺎﻟﻪ .
- ﻭﺣﺒﺞ .
- ﻣﺎﺕ ﻣﻦ ﻳﻮﻡ ﺍﻟﻲ ﺻﺮﺕ ﻉ ﺫﻣﺔ ﺭﺟﺎﻝ ﺛﺎﻧﻲ .
- ﻟﻴﺶ ﺗﺰﻭﺟﺘﻲ ﺍﺫﺍ ﻫﻴﺞ ﻣﻴﺖ ﻛﻠﺸﻲ ﺣﻠﻮ ﺑﻴﺞ .
- ﻫﻬﻬﻪ ﺍﻧﻲ ﺑﻨﻴﻪ ﻭﻣﺠﺒﻮﺭﻩ ﻭﺍﻛﻮ ﺿﺮﻭﻑ ﺍﻗﻮﻯ ﻣﻨﻲ .
- ﺍﻧﺖ ﻟﻴﺶ ﺗﺰﻭﺟﺖ ??.
- ﻋﺒﺎﻟﻲ ﺍﻧﺴﺎﺝ . ﻭﻋﺪﻧﺎ ﻋﻴﺐ ﺍﻟﻲ ﻳﻔﻜﺮ ﺑﻮﺣﺪﻩ ﻣﺘﺰﻭﺟﻪ ﻭﺣﺮﺍﻡ . ﻭﻣﺎﺭﺩﺕ ﺍﻏﻀﺐ ﺍﻟﻠﻪ ﻭﺍﻫﻠﻲ .
ﺑﺲ ﻣﺎﮔﺪﺭﺕ ﺍﻧﺴﺎﺝ . ﺣﺒﺞ ﺍﻧﺘﺸﺮ ﺑﺠﺴﻤﻲ ﻭﻣﺎﻟﻪ ﻋﻼﺝ ﻏﻴﺮ ﺑﺲ ﺍﻧﺘﻲ .
ﻭﺧﻠﻪ ﻋﻴﻮﻧﻲ ﺑﻌﻴﻮﻧﻪ .
ﻋﻴﻮﻧﺞ ﺗﺤﺠﻲ . ﻭﻟﺰﻡ ﺍﻳﺪﻱ . ﻭﺍﻳﺪﺝ ﺗﺮﺟﻒ .
ﻭﺩﮔﺎﺕ ﮔﻠﺒﺞ ﺳﺮﻳﻌﻪ ﻟﻴﺶ ﺗﻨﻜﺮﻳﻦ .
ﺗﺤﺒﻨﻲ ﺑﻌﺪﺝ .
ﻻﺗﻜﺎﺑﺮﻳﻦ ﻣﺎﺳﻪ ﻭﺗﻀﻴﻌﻴﻨﺎ .
ﻛﺎﻓﻲ ﻏﻠﻄﻨﺎ ﻣﺮﻩ ﻻﺗﻜﺮﺭﻳﻦ ﺍﻟﻐﻠﻂ .
ﺍﺷﺸﺸﺶ ﺍﺷﺸﺸﺶ ﻛﺎﻓﻲ ﻣﺼﻄﻔﻰ ﺍﻧﺴﻰ ﺍﻧﺴﺎﻧﻲ
ﻣﺴﺘﺤﻴﻞ ﻳﺠﻲ ﻳﻮﻡ ﻭﻧﻨﺠﻤﻊ .
ﻟﻮ ﺭﺍﻳﺪ ﺍﻟﻠﻪ ﺟﺎﻥ ﺍﻧﺠﻤﻌﻨﺎ ﻣﻦ ﺯﻣﺎﻥ .
ﺩﺗﺸﻮﻑ ﺍﻟﻀﺮﻭﻑ ﻛﻠﻬﺎ ﺿﺪﻧﺎ .
ﺍﻧﺖ ﺗﺘﺤﺪﻯ ﻣﻨﻮ . ﺗﺘﺤﺪﻯ ﻗﺪﺭﻧﺎ .
ﺍﺣﻨﻪ ﻗﺪﺭﻧﺎ ﺍﻧﻜﺘﺐ ﻣﻦ ﺯﻣﺎﻥ .
ﻭﻫﺴﺎ ﺍﻧﺖ ﻣﺘﺰﻭﺝ ﻭﺭﺍﺡ ﻳﺠﻴﻚ ﻃﻔﻞ ﺑﺎﻟﻄﺮﻳﻖ .
ﻻﺗﺘﻬﻮﺭ ﻭﺗﺴﻮﻱ ﺍﺷﻴﺎﺀ ﺗﻨﺪﻡ ﻋﻠﻴﻬﺎ ﻭﺗﺨﻠﻴﻨﻲ ﺍﻧﺪﻡ ﻻﻥ ﺍﺟﻴﺖ .
ﺑﺲ ﺍﻟﺸﺮﻉ ﺣﻠﻞ ﺍﺭﺑﻌﻪ . ﻭﻣﺎﺭﺍﺡ ﺍﻗﺼﺮ ﻋﻦ ﺣﻨﻴﻦ ﺑﺄﻱ ﺷﻲ
ﻣﺎﺭﺍﺡ ﺗﻌﺪﻝ ﺑﻴﻨﺎ . ﺭﺍﺡ ﻳﻤﻴﻞ ﮔﻠﺒﻚ ﺍﻟﻴﻪ ﻭﺗﺤﺒﻨﻲ ﺍﻛﺜﺮ ﻭﻣﺘﻔﺎﺭﮔﻨﻲ .
ﻭﺣﻨﻴﻦ ﺗﺼﻴﺮ ﺍﻟﻀﺤﻴﻪ ﺑﻴﻨﺎ ﻭﺍﻟﺤﺒﻨﺎ .
ﻣﺎﺍﮔﺪﺭ ﺍﺗﺤﻤﻞ ﺫﻧﺒﻬﺎ ﻭﺍﻋﻴﺸﻬﺎ ﺍﻟﻲ ﻋﺎﺷﺘﻪ ﻣﺎﻣﺎ .
ﺍﻭ ﺍﻋﻴﺶ ﺍﺑﻨﻬﺎ ﺍﻟﻲ ﻋﺸﺘﻪ ﺍﻧﻲ .
ﺍﻧﺴﺎﻧﻲ ﻣﺼﻄﻔﻰ ﻭﺍﺻﺤﻰ ﻭﻟﺘﺠﻴﺐ ﺍﻟﺤﺠﻲ .
ﻭﺍﻧﻲ ﻣﻦ ﺑﺎﺟﺮ ﺭﺍﺟﻌﻪ .
ﻭﻳﻤﻜﻦ ﺑﻌﺪ ﻣﺎﻧﻠﺘﻘﻲ ﻻﺗﻌﺒﻨﻲ ﻭﺧﻠﻴﻨﺎ ﺍﺻﺪﻗﺎﺀ ﺍﻓﻀﻞ .
ﺗﺮﻛﺘﻪ ﻭﺩﺧﻠﺖ .
ﺍﻭﻭﻭﻑ ﺭﺑﻲ . ﺍﻧﻄﻴﻨﻲ ﺍﻟﻘﻮﻩ .
ﻳﻤﻜﻦ ﻟﻮ ﺑﺎﻗﻴﻪ ﺷﻮﻳﻪ . ﺍﺿﻌﻒ ﻭﺧﺎﺻﻪ ﻣﻦ ﻟﺰﻡ ﺍﻳﺪﻱ ﻭﺧﻠﻪ ﻋﻴﻮﻧﻲ ﺑﻌﻴﻮﻧﻪ .
ﺫﺑﺖ ﺑﻴﻬﻦ ﻭﻭﺩﻱ ﺍﺻﺮﺥ ﻭﺍﺣﻀﻨﻪ .
ﺭﺩﺕ ﺍﮔﻠﻪ ﻻﺗﺘﺮﻛﻨﻲ ﻣﺸﺘﺎﻗﺘﻠﻚ ..
ﺣﺒﻲ ﺍﻟﻚ ﻳﺰﻳﺪ ﻣﺎﻳﻨﻘﺺ .
ﺑﺲ ﺍﻟﻠﻪ ﻳﺤﺒﻨﻲ ﻭﻧﻄﺎﻧﻲ ﺍﻟﻘﻮﻩ .
ﺣﺘﻰ ﺍﮔﺪﺭ ﺍﻭﺟﻪ ﻋﻴﻮﻧﻪ ﻭﺍﺻﺒﺮ .
ﺧﻠﺺ ﻣﺎﺳﻪ ﺍﻟﻲ ﺳﻮﻳﺘﻲ ﻋﻴﻦ ﺍﻟﻌﻘﻞ . ﻻﺗﻨﺪﻣﻴﻦ ﻭﻻﺗﺘﺮﺍﺟﻌﻴﻦ .
ﺧﻠﻲ ﺍﻟﻨﺎﺱ ﺗﺤﺒﺞ ﻭﺗﻘﺪﺭﺝ ﺍﺣﺴﻦ ﻣﻤﺎﻳﺠﻲ ﻳﻮﻡ ﺗﺬﻣﺞ ﻭﺗﺤﺠﻲ ﻋﻠﻴﺞ ﻭﺗﮕﻮﻝ ﻫﺎﻱ ﺧﻄﺎﻓﻪ ﺍﻟﺰﻟﻢ .
ﻣﺜﻞ ﻣﻴﮕﻮﻟﻮﻥ ﻉ ﺑﺘﻮﻝ .
ﻻﺗﺨﻠﻴﻦ ﻧﻔﺴﺞ ﺍﻧﺘﻲ ﻭﺑﺘﻮﻝ ﺑﻨﻔﺲ ﺍﻟﻜﻔﻪ .
ﻗﺮﺭﺕ ﺍﺭﺟﻊ ﻟﻠﺤﻠﻪ . ﺷﮕﺪ ﺣﺎﻭﻝ ﺑﺎﺑﺎ ﺍﺑﻘﻰ ﻛﻢ ﻳﻮﻡ ﺑﺲ ﺍﻧﻲ ﻣﻘﺒﻠﺖ .
ﻻﻥ ﺍﺫﺍ ﺍﺑﻘﻰ ﺍﻛﺜﺮ ﻣﺎﺍﺗﺤﻤﻞ .
ﺭﺟﻌﺖ ﺍﻟﺤﻴﺎﺗﻲ ﺍﻟﻮﺍﻗﻌﻴﻪ ﻭﺩﺭﺍﺳﺘﻲ .
ﻛﻨﺖ ﻣﻦ ﺍﺷﺘﺎﻗﻠﻪ ﻭﺍﺣﻦ .
ﺍﮔﻌﺪ ﺍﻛﺘﺐ ﻉ ﺍﻟﻮﺭﻕ ﺧﻮﺍﻃﺮ .
ﺍﻓﺮﻍ ﮔﻞ ﺍﻟﻲ ﺑﮕﻠﺒﻲ ﻭﺍﺭﺟﻊ ﺍﻟﻄﺒﻴﻌﺘﻲ .
ﻛﺎﻥ ﻣﺼﻄﻔﻰ ﻣﺜﻞ ﺍﻟﻤﺮﺽ ﻣﺎﻳﻄﻴﺐ ﻣﻨﻲ .
ﺑﺎﻟﻌﻜﺲ ﻳﻮﻡ ﻋﻦ ﻳﻮﻡ ﺍﺣﺴﻪ ﻳﺰﻳﺪ ﻭﻳﻨﺘﺸﺮ ﺑﺠﺴﻤﻲ ﺍﻛﺜﺮ .
ﺑﺲ ﺩﺍﻳﻤﺎ ﺍﺩﻋﻲ ﺑﺼﻼﺗﻲ ﻭﺍﺑﺠﻲ .
ﺍﻧﻪ ﺭﺑﻲ ﻳﺼﺒﺮﻧﻲ ﻭﻳﺮﻳﺢ ﺑﺎﻟﻲ ﻭﻣﺜﻞ ﻣﺎﺩﺧﻠﻪ ﺍﻟﮕﻠﺒﻲ ﻳﻄﻠﻌﻪ ﻣﻨﻪ
...
ﺍﺳﺘﻤﺮﻳﺖ ﺑﺤﻴﺎﺗﻲ ﺑﺼﻮﺭﻩ ﻃﺒﻴﻌﻴﻪ .
ﺩﺭﺍﺳﺘﻲ ﻭﻣﺴﺘﻘﺒﻠﻲ . ﺍﻭﻟﻰ ﺍﻭﻟﻮﻳﺎﺗﻲ .
ﻣﺎﺍﮔﺪﺭ ﺍﻧﻜﺮ ﺗﻔﻜﻴﺮﻱ ﺑﻤﺼﻄﻔﻰ .
ﺑﺲ ﻛﻨﺖ ﺍﺣﺎﻭﻝ ﺍﺷﻐﻞ ﻧﻔﺴﻲ ﺣﺘﻰ ﺍﻧﺴﻰ .
ﻭﺧﺎﺻﻪ ﺑﻌﺪ ﻣﺎﺑﺪﺕ ﺍﻟﺪﻭﺍﻣﺎﺕ .
ﻣﺎﻛﻮ ﻓﺮﺍﻍ ﺑﺤﻴﺎﺗﻲ .
ﻟﻴﻞ ﻣﻊ ﻧﻬﺎﺭ ﺍﺩﺭﺱ ﻭﺍﻟﺴﺎﺩﺱ ﺻﻌﺐ .
ﺍﻣﺘﺤﺎﻧﺎﺕ ﻭﺗﺤﺎﺿﻴﺮ .
ﻭﺍﻃﻠﻊ ﺍﺭﻭﺡ ﻟﻠﻤﻌﻬﺪ ﺩﺍﺧﻠﻪ ﺩﻭﺭﺍﺕ .
ﺣﺘﻰ ﺍﻛﻞ ﺍﻧﺴﻰ ﺍﻛﻞ .
ﻳﺎﺩﻭﺏ ﺍﻛﻞ ﻧﺴﺘﻠﻪ ﻭﻋﺼﻴﺮ .
ﻭﺍﺭﺟﻊ ﻟﻠﺒﻴﺖ ﺩﺭﺍﺳﻪ ﻭﺳﻬﺮ ﻣﺎﺍﻟﺤﮓ .
ﺣﺘﻰ ﺍﻫﻠﻲ ﻣﺎﺍﮔﻌﺪ ﻭﻳﺎﻫﻢ .
ﺑﺎﺟﻲ ﻣﺮﺍﺕ ﺗﮕﻌﺪ ﻳﻤﻲ ﺷﻮﻳﻪ .
ﻭﺗﺴﻮﻟﻔﻠﻲ ﻋﻦ ﺍﺧﺒﺎﺭ ﺍﻟﻨﺎﺻﺮﻳﻪ .
ﻭﺗﻠﻤﺤﻠﻲ ﻋﻦ ﻣﺼﻄﻔﻰ . ﺑﻘﻠﻤﻲ ﺷﻤﺲ
ﺍﺣﺎﻭﻝ ﺍﻏﻴﺮ ﺍﻟﻤﻮﺿﻮﻉ . ﺑﺲ ﺗﺮﺟﻊ ﻭﺗﺴﺄﻝ .
ﻣﺎﺳﻪ ﺍﻧﺘﻲ ﺑﻌﺪﺝ ﺗﺤﺒﻴﻦ ﻣﺼﻄﻔﻰ .
ﻭﺍﺫﺍ ﺍﺣﺒﻪ ﺷﻨﻮ ﺍﻟﻲ ﻳﺘﻐﻴﺮ ﻫﻮ ﻣﺘﺰﻭﺝ ﻭﻋﻨﺪﻩ ﺣﻴﺎﺗﻪ .
ﺑﺲ ﻫﻮ ﻳﺤﺒﺞ ﻭﻳﺮﻳﺪﺝ .
ﻣﺎﻳﻬﻤﻨﻲ ﻫﻮ ﺷﻨﻮ ﻳﺮﻳﺪ . ﺍﻟﻤﻬﻢ ﺍﻧﻲ ﺷﻨﻮ ﺍﺭﻳﺪ .
ﻣﺴﺘﺤﻴﻞ ﺍﺻﻴﺮ ﺍﻟﺰﻭﺟﻪ ﺍﻟﺜﺎﻧﻴﻪ . ﺣﺘﻰ ﻟﻮ ﻛﺎﻥ ﻫﺬﺍ ﺍﻟﺸﺨﺺ ﺣﺒﻴﺒﻲ .
ﺗﺤﺠﻲ ﻭﺗﺘﻌﺐ ﺑﺲ ﻣﺘﮕﺪﺭ ﺗﻘﻨﻌﻨﻲ .
ﺍﻋﺮﻑ ﻣﺼﻄﻔﻰ ﺩﺍﺯﻫﺎ .
ﻭﺧﺎﺻﻪ ﺑﻌﺪ ﻣﺎﺍﺟﻮﻧﻲ ﻧﺎﺱ ﺧﻄﺒﻮﻧﻲ ﺗﺨﺒﻞ ﻫﻮ .
ﺍﻟﻮﻟﺪ ﺍﻟﻲ ﺧﻄﺒﻨﻲ ﻫﻢ ﻣﻄﻠﻖ ﻭﻣﺘﻤﻜﻦ .
ﺑﺲ ﻣﺎﻗﺒﻠﺖ . ﻻﻥ ﺗﻔﻜﻴﺮﻱ ﺑﻤﺴﺘﻘﺒﻠﻲ ﻭﺑﺲ
ﻭﻣﺎﺍﺭﻳﺪ ﺍﻛﺮﺭ ﺍﻟﻐﻠﻂ ﻣﺮﻩ ﺛﺎﻧﻴﻪ .
ﻣﺎﻣﺎ ﺑﻴﻦ ﺍﻟﺪﻭﺍﻡ ﻭﺍﻟﺒﻴﺖ ﻫﻢ ﻣﺎﺍﺷﻮﻓﻬﺎ ﻫﻮﺍﻱ .
ﺭﻧﺎ ﺣﺎﻳﺮﻩ ﺑﺒﻨﺘﻬﺎ ﻭﺣﺎﻣﻞ ﻣﺮﻩ ﺛﺎﻧﻴﻪ .
ﻭﺣﺎﻟﻬﺎ ﻣﺎﻳﺴﺮ ﻋﺒﺎﻟﻚ ﻋﻤﺮﻫﺎ ﺍﺭﺑﻌﻴﻦ . ﻣﻮ 19 ﺳﻨﻪ
ﻣﺎﺗﺮﺗﺐ ﻧﻔﺴﻬﺎ ﻭﻻﺗﻌﺪﻝ .
ﻭﻣﺮﺗﻀﻰ ﺻﺎﺭ ﺑﺎﻟﻜﻠﻴﻪ .
ﻭﻳﺮﺗﺐ ﻧﻔﺴﻪ ﻭﻫﻮ ﺣﻠﻮ .
ﻭﻫﻲ ﺗﻐﺎﺭ ﻋﻠﻴﻪ ﻭﻛﻞ ﻳﻮﻡ ﻣﺸﻜﻠﻪ ﺷﻜﻞ ﻣﻦ ﻭﺭﻯ ﻏﻴﺮﺗﻬﺎ .
ﺍﻣﺘﺤﻨﺖ ﻧﺼﻒ ﺍﻟﺴﻨﻪ ﻭﻛﻤﻠﺖ ﺑﺴﻼﻣﻪ .
ﺑﺎﻟﻌﻄﻠﻪ ﻣﺎﻝ ﻧﺼﻒ ﺍﻟﺴﻨﻪ .
ﻭﻛﺎﻥ ﺍﻭﻝ ﻳﻮﻡ ﺑﻴﻬﺎ ﻭﻓﺮﺣﺎﻧﻪ ﻻﻥ ﺭﺍﺡ ﺍﺷﺒﻊ ﻧﻮﻡ .
ﺑﻌﺪ ﺗﻌﺐ ﻭﺳﻬﺮ .
ﺍﺟﺖ ﺑﺎﺟﻲ ﺍﺣﻼﻡ ﺗﻌﻴﻂ ﻭﺗﺒﺠﻲ .
ﺍﻟﺴﺎﻋﻪ ﺍﺭﺑﻌﻪ ﺍﻟﻔﺠﺮ ..
ﺍﻧﻲ ﺍﻧﻬﺒﻄﺖ ﻭﺭﺟﻠﻴﻪ ﺟﻤﺪﻥ ﻣﻦ ﺍﻟﺨﻮﻑ .
ﻛﻞ ﻓﻜﺮﻱ ﺭﺍﺡ ﻳﻢ ﻣﺼﻄﻔﻰ ﺧﻔﺖ ﺻﺎﺭ ﺑﻲ ﺷﻲ .
ﻭﻫﻮ ﺑﺒﻐﺪﺍﺩ .
ﮔﺎﻟﺖ ﻋﻤﻲ ﻫﻨﺪﻱ ﺗﻮﻓﻰ .
ﻫﻨﺎ ﺻﺪﮒ ﮔﻤﺖ ﺍﺩﮒ ﻭﺍﻟﻄﻢ .
ﻫﻮ ﺑﺂﺧﺮ ﻓﺘﺮﺓ ﺗﻤﺮﺽ . ﺑﺲ ﻣﺎﺍﺗﻮﻗﻌﺖ ﻳﻤﻮﺕ .
ﺷﻨﻮ ﺣﺎﻝ ﺑﻴﺒﻲ ﻣﺎﺳﻪ ﻫﺴﺎ .
ﻫﻲ ﺗﻤﻮﺕ ﻋﻠﻴﻪ ﻫﺬﺍ ﻛﺒﺮﻫﻢ ﻭﻫﻢ ﻣﺜﻞ ﺍﻟﻌﺸﺎﻕ .
ﺣﻈﺮﻧﺎ ﻏﺮﺍﺿﻨﺎ ﻭﻟﺒﺴﺖ ﺍﺳﻮﺩ .
ﻭﻃﻠﻌﻨﺎ ﻛﻠﻨﺎ ﺍﺧﺬﻧﻪ ﻛﻴﻪ . ﺣﺘﻰ ﺑﻴﺒﻲ ﻫﺪﻳﻪ ﻭﻳﺎﻧﺎ .
ﻭﺻﻠﻨﺎ ﻟﻬﻨﺎﻙ .
ﺍﻟﺪﻧﻴﺎ ﻣﮕﻠﻮﺑﻪ ﺯﻟﻢ ﻭﻧﺴﻮﺍﻥ .
ﺩﺧﻠﻨﺎ ﺑﻴﺒﻲ ﺣﺎﻟﻬﺎ ﻳﺒﺠﻲ .
ﺗﺒﺠﻲ ﻭﺗﺼﻴﺢ ﻳﺤﺒﻴﺒﻲ ﻭﻳﻦ ﻋﻔﺘﻨﻲ .
ﻏﻴﺮ ﺗﺎﺧﺬﻧﻲ ﻭﻳﺎﻙ .
ﮔﻤﺖ ﺍﺷﻬﻚ ﻣﻦ ﺍﻟﺒﺠﻲ .
ﺗﺬﻛﺮﺕ ﻣﺼﻄﻔﻰ ﺍﺳﻢ ﺍﻟﻠﻪ ﻋﻠﻴﻪ .
ﻫﻮ ﺑﺲ ﺣﺐ ﻭﺍﻧﻲ ﺍﻧﻬﺒﻄﺖ ﻣﻦ ﺍﺟﺖ ﺑﺎﺟﻲ ﮔﺎﻟﺘﻠﻨﺎ ﻋﺒﺎﻟﻲ ﺷﻮ ﺷﺼﺎﺭ ﺑﻲ .
ﻟﻌﺪ ﻫﻲ ﺷﻠﻮﻥ ﻋﺸﺮﺓ ﻋﻤﺮ ﻭﺳﻨﻴﻦ ﻭﺣﺐ .
ﺳﻠﻤﺖ ﻋﻠﻰ ﻋﻤﺎﺗﻲ ﻛﻠﻬﻦ .
ﻭﺍﺑﺠﻲ .
ﺩﺧﻠﺖ ﺍﺧﻠﻲ ﻏﺮﺍﺿﻨﺎ ﺑﺎﻟﻐﺮﻓﻪ .
ﺷﻔﺖ ﺣﻨﻴﻦ ﺑﻄﻨﻬﺎ ﻛﺒﺮﺍﻧﻪ ﺣﻴﻞ .
ﻭﺗﻌﺒﺎﻧﻪ ﻛﻠﺶ . ﻭﻣﺨﻠﻴﻪ ﻛﺎﻧﻮﻧﻪ .
ﻭﻧﺎﻳﻤﻪ .
ﺳﺄﻟﺖ ﺣﻼ ﻋﻠﻴﻬﺎ .
ﮔﺎﻟﺖ . ﺣﺎﻟﺘﻬﺎ ﺗﻌﺒﺎﻧﻪ ﺣﻴﻞ . ﻛﻼﺗﻬﺎ ﻣﺄﺫﻳﺎﺗﻬﺎ .
ﻭﻭﺣﺪﻩ ﻣﻨﻬﻦ ﺻﺎﻳﺮ ﺑﻴﻬﺎ ﺿﻤﻮﺭ ﻣﻦ ﻫﻲ ﺻﻐﻴﺮﻩ ﻭﻣﺤﺪ ﻋﺮﻓﻬﺎ ﺍﻻ ﻟﻤﻦ ﺣﻤﻠﺖ ﻭﺯﺍﺩﺕ ﻋﻨﺪﻫﺎ ﺍﻟﻠﺘﻬﺎﺑﺎﺕ .
ﮔﺎﻝ ﺍﻟﺪﻛﺘﻮﺭ ﮔﻠﻴﺘﻬﺎ ﺍﻟﺜﺎﻧﻴﻪ ﻫﻢ ﺗﻌﺒﺎﻧﻪ ﻭﻻﺯﻡ ﺗﺒﺪﻱ ﻋﻼﺝ .
ﺑﺲ ﻻﻥ ﺣﺎﻣﻞ ﻣﺎﺗﮕﺪﺭ .
- ﻳﻌﻨﻲ ﺷﻠﻮﻥ ﺧﻄﻴﻪ ﺗﺒﻘﻰ ﻫﻴﺞ .
- ﺍﻱ ﺷﻨﺴﻮﻱ . ﻣﻮ ﺯﻳﻦ ﻉ ﺍﻟﻄﻔﻞ ﺗﺴﺘﺨﺪﻡ ﺍﻱ ﻋﻼﺝ .
- ﺍﻟﻠﻪ ﻳﮕﻮﻣﻬﺎ ﺑﺎﻟﺴﻼﻣﻪ .
- ﻫﻲ ﺷﻨﻮ ﺑﻴﻬﺎ .
- ﺑﻴﻬﺎ ﺑﻨﻴﻪ .
- ﺷﮕﺪ ﺣﻠﻮ ﺗﺠﻲ ﺑﺎﻟﺴﻼﻣﻪ ﻫﻲ ﻭﺍﻣﻬﺎ .
ﺍﻟﺰﻟﻢ ﺭﺍﺣﺖ ﺗﺪﻓﻦ ﺟﺪﻭﺍ .
ﻭﺍﻟﻤﻼﻟﻲ ﻋﺒﺎﻟﻚ ﻳﺸﺘﻤﻦ ﺍﻟﻔﺎﺗﺤﻪ . ﻣﻠﻪ ﺩﺍﺧﻠﻪ ﻭﻣﻠﻪ ﻃﺎﻟﻌﻪ
ﻧﻮﺍﺡ ﻭﺑﺠﻲ ﻭﻟﻄﻢ .
ﻟﺤﺪ ﺍﻟﻈﻬﺮ . ﺍﺟﻮ ﺍﻟﺰﻟﻢ .
ﺗﻠﮕﻴﺖ ﺑﺎﺑﺎ ﺣﻈﻨﺘﻪ ﻭﺍﺑﺠﻲ . ﻭﻫﻮ ﻣﻮﺗﻨﺎ ﺑﺠﻲ .
ﮔﻌﺪ ﺑﺎﻟﮕﺎﻉ ﻭﻳﺒﺠﻲ ﻭﻳﻠﻄﻢ ﻉ ﺭﺍﺳﻪ .
ﻳﮕﻮﻝ ﺫﺑﻴﺘﻪ ﺍﻻﺑﻮﻱ ﺑﺎﻟﺘﺮﺍﺏ . ﻋﻔﺘﻪ ﻭﺣﺪﻩ ﻭﺍﺟﻴﺖ .
ﻳﻤﻪ ﻭﻳﻨﺞ ﺗﻌﺎﻟﻴﻠﻲ ﻣﺤﺪ ﺍﻟﻲ ﺑﻌﺪ ﺍﺑﻮﻱ ﻭﺳﻨﺪﻱ ﺭﺍﺡ .
ﺍﻟﻜﻞ ﻣﮕﺎﺑﻠﻲ ﻭﺗﺒﺠﻲ .
ﺍﺭﻳﺪ ﺍﮔﻮﻣﻪ ﻣﺎﺍﮔﺪﺭ .
ﺗﺎﻟﻲ ﺍﺟﻪ ﺍﺣﺪ ﺳﺎﻋﺪﻧﺪ ﻭﺷﺎﻟﻪ .
ﺑﺎﻭﻋﺖ ﻣﺼﻄﻔﻰ ﻋﻴﻮﻧﻪ ﺣﻤﺮ ﻣﻦ ﺍﻟﺒﺠﻲ .
ﮔﺘﻠﻪ ﺍﻟﻠﻪ ﻳﺴﺎﻋﺪﻙ .
ﮔﺎﻝ . ﻳﺴﺎﻋﺪﻧﺎ ﻛﻠﻨﺎ ﺍﻥ ﺷﺎﺀ ﺍﻟﻠﻪ
ﮔﻮﻣﻨﺎ ﺍﺑﻮﻳﻪ ﺣﺴﻴﺖ ﺍﺩﻳﻨﺎ ﺗﻼﻣﺴﺖ .
ﺳﺤﺒﺘﻬﺎ ﺑﺴﺮﻋﻪ .
ﺍﺟﻪ ﺳﺠﺎﺩ ﺷﺎﻟﻪ ﻭﻳﺎﻩ ﻭﻃﻠﻌﻮﻩ ﻳﻢ ﺍﻟﺰﻟﻢ .
ﺍﻟﺒﻨﺎﺕ ﻛﻠﻬﻦ ﺑﺎﻟﻤﻄﺒﺦ ﻳﺼﺒﻦ ﻏﺪﺍ ﻟﻠﺰﻟﻢ .
ﺍﺳﺘﺤﻴﺖ ﺍﮔﻌﺪ ﻭﺍﺳﻜﺖ .
ﮔﻤﺖ ﻭﻳﺎﻫﻦ .
ﻧﺼﺐ .
ﺍﺟﻪ ﻣﺼﻄﻔﻰ . ﺭﺍﻓﻊ ﺩﺷﺪﺍﺷﺘﻪ .
ﻭﮔﺎﻝ ﺻﺒﻦ ﺗﻤﻦ ﻭﺍﻧﻄﻨﻲ ﺍﻧﻲ ﺍﺧﻠﻲ ﻟﺤﻢ .
ﺍﻧﺖ ﺗﺨﻠﻦ ﺷﻮﻳﻪ ﻭﺗﻔﺸﻠﻨﺎ ﻣﺎﺗﻌﺮﻓﻦ .
ﮔﻠﺘﻠﻬﺎ ﺣﻼ ﺗﻌﺎﻟﻲ ﺻﺒﻲ ﺑﻤﻜﺎﻧﻲ ﺗﻤﻦ .
ﺍﻟﺘﻔﺖ ﻋﻠﻴﻪ .
ﻫﻤﺴﻠﻲ ﻟﻴﺶ ﺍﺑﺰﺯ ﺍﻧﻲ ﻣﺎﺗﮕﻌﺪﻳﻦ ﺗﺼﺒﻴﻦ ﻳﻤﻲ .
ﻻ ﺑﺲ ﻣﺎﺍﻋﺮﻑ ﺷﻠﻮﻥ ﺗﺮﻳﺪﻫﻦ .
ﺷﻠﻮﻥ ﻣﺘﺴﻮﻳﻬﻦ ﻋﺎﺩﻱ . ﺑﻘﻠﻤﻲ ﺷﻤﺲ
ﮔﻤﺖ ﺍﺻﺐ ﻭﺍﻧﻄﻲ ﻭﺍﻳﺪﻱ ﺗﺮﺟﻒ .
ﻭﻫﻮ ﺭﻏﻢ ﺣﺰﻧﻪ ﻳﺎﺧﺬ ﻣﺒﺘﺴﻢ .
ﮔﺎﻝ ﻣﺎﺗﮕﻠﻴﻠﻲ ﻣﺎﺧﺬ ﻟﻼﻋﺪﺍﻡ ﺍﻳﺪﺝ ﺗﺮﺟﻒ .
ﮔﻮﻣﻲ ﻋﻤﻲ ﻻﺗﻜﺴﺮﻳﻬﻦ ﺍﺫﺍ ﺑﻘﻴﺘﻲ ﻫﻴﺞ ﺗﺮﺟﻔﻴﻦ .
ﻣﺎﺻﺪﮔﺖ ﺑﺴﺮﻋﻪ ﻧﻄﻴﺘﻬﻦ ﺍﻟﺤﻼ .
ﻭﮔﺎﻟﺖ ﺍﻧﺘﻲ ﺻﺒﻲ ﺳﻮﻭﺏ ﺑﻤﻜﺎﻧﻲ .
ﮔﻤﺖ ﺍﺻﺐ ﻭﺍﻧﻄﻴﻬﻢ .
ﺍﺟﻮ ﻭﻟﺪ ﻋﻤﻬﻢ ﮔﺎﻣﻮﺍ ﻳﺸﻴﻠﻮﻥ ﻣﻮﺍﻋﻴﻦ .
ﮔﻤﻨﺎ ﻧﺨﻠﻲ ﺑﺎﻟﺼﻮﺍﻧﻲ ﻭﻧﻨﻄﻴﻬﻢ .
ﺑﺎﻭﻋﺘﻠﻪ .
ﺍﺷﺮﻟﻲ ﺑﻌﻴﻨﻪ ﻣﻌﻨﺎﻫﺎ .
ﺍﻃﻠﻌﻲ ﻣﻦ ﺍﻟﻤﻄﺒﺦ .
ﻳﺎﺍﺍﺍ ﻫﺬﺍ ﺷﺒﻲ . ﺍﻟﻲ ﻳﺸﻮﻓﻪ ﻳﮕﻮﻝ ﻭﻟﻲ ﺍﻣﺮﻱ ﻟﻮ ﺯﻭﺟﻲ ﻳﺘﺤﻜﻢ ﺩﻭﻭﺭ .
ﻋﺎﻧﺪﺕ ﺑﻘﻴﺖ .
ﻫﻮ ﻋﺼﺐ . ﺗﺮﻙ ﺍﻟﻠﺤﻢ . ﻭﮔﺎﻡ ﮔﺎﻝ ﺍﻧﻄﻴﻨﻲ ﺍﺷﻴﻠﻬﺎ .
ﺍﺧﺬ ﺍﻟﺼﻴﻨﻴﻪ ﻣﻨﻲ . ﺣﺘﻰ ﻣﺎﻳﺤﻲ ﺍﺣﺪ ﻣﻦ ﺍﻟﻮﻟﺪ ﻭﻳﺎﺧﺬﻫﺎ ﻣﻨﻲ .
ﺍﺧﺬﻫﺎ ﺑﺎﻭﻋﺘﻠﻪ ﻣﻌﺼﺒﻪ .
ﻏﻤﺰﻟﻲ ﻭﻃﻠﻊ .
ﻳﺎﺍﺍﺍ 😲 ﺍﻟﻨﺎﺱ ﻭﻳﻦ ﻭﻫﻮ ﻭﻳﻦ .. ﺣﺴﻴﺖ ﺍﻟﺒﻨﺎﺕ ﻛﻠﻬﺎ ﺗﺒﺎﻭﻋﻠﻲ .
ﺍﻻﺣﺴﻦ ﺍﻃﻠﻊ ﻣﻦ ﺍﻟﻤﻄﺒﺦ .
ﺷﻮﻳﻪ ﻭﻛﻠﻬﺎ ﺗﺤﺲ ﻭﺗﻄﻠﻌﻠﻲ ﺳﺎﻟﻔﻪ ﺑﻌﺪﻳﻦ ﺍﻧﻲ ﻓﻲ ﻏﻨﻰ ﻋﻨﻬﺎ .
ﻃﻠﻌﺖ ﻭﻣﺎﺩﺧﻠﺖ ﺍﻟﻤﻄﺒﺦ ﺧﻼﻝ ﻓﺘﺮﺓ ﺍﻟﻔﺎﺗﺤﻪ .
ﻻﻥ ﻣﺼﻄﻔﻰ ﺻﺎﻳﺮ ﻛﻠﺶ .
ﻃﺒﻌﺎ ﺣﻨﻴﻦ ﻃﻮﻝ ﺍﻟﻔﺎﺗﺤﻪ ﻣﺎﻓﺎﺭﮔﺘﻨﻲ ﻭﻳﻦ ﻣﺎﺍﺭﻭﺡ ﻭﺭﺍﻱ .
ﺭﻏﻢ ﻣﺮﺿﻬﺎ .
ﻣﺎﺍﺩﺭﻱ ﺷﺘﻔﻜﺮ .
ﻫﺬﺍ ﺍﻟﺸﻲ ﺧﻼﻧﻲ ﺍﻛﻌﺪ ﻳﻢ ﻣﺎﻣﺎ ﻭﺍﺳﻜﺖ .
ﺑﺲ ﻭﻗﺖ ﺍﻟﻀﺮﻭﺭﻩ ﺍﮔﻮﻡ .
ﺧﻠﺼﺖ ﺍﻟﻔﺎﺗﺤﻪ . ﺑﻴﺒﻲ ﺣﺎﻟﻬﺎ ﻛﻠﺶ .
ﮔﺎﻝ ﺑﺎﺑﺎ ﻣﺎﺳﻪ ﺍﻟﻌﻄﻠﻪ ﺑﻌﺪﻫﻲ .
ﺍﺑﻘﻲ ﻫﻨﺎ ﻳﻢ ﺑﻴﺒﺘﺞ .
ﻋﻤﺎﺗﺞ ﻛﻞ ﻭﺣﺪﻩ ﺑﻴﺘﻬﺎ ﻭﻣﻠﺘﻬﻴﺎﺕ .
ﻭﻗﺮﻳﺐ ﺍﻟﺪﻭﺍﻡ ﺍﻧﻲ ﺍﻭﺩﻳﺞ .
ﻣﺎﻣﺎ ﮔﺎﻟﺖ ﺍﺑﻘﻲ ﻫﻨﺎ ﻳﻢ ﺑﻴﺒﺘﺞ .
ﺍﻧﻲ ﺗﺮﺩﺩﺕ .
ﺑﺲ ﻣﻦ ﮔﺎﻟﺖ ﺑﺎﺟﻲ ﺍﺣﻼﻡ ﺍﻧﻲ ﺭﺍﺡ ﺍﺑﻘﻰ ﻫﻨﺎ ﻃﻮﻝ ﺍﻟﻌﻄﻠﻪ .
ﺑﻘﻴﺖ ﻭﻳﺎﻫﺎ
....
ﻣﺎﺭﺩﺕ ﺍﺑﻘﻰ ﺑﺎﻟﻨﺎﺻﺮﻳﻪ .
ﺑﺲ ﺑﺎﺟﻲ ﻗﻨﻌﺘﻨﻲ ﻭﮔﺎﻟﺖ ﺍﻧﻲ ﺍﻭﻻﺩﻱ ﻋﻄﻠﻪ ﻭﺭﺍﺡ ﺍﺑﻘﻰ ﻫﻨﺎ .
ﺑﻘﻴﺖ ﻳﻢ ﺑﻴﺒﻲ ﻭﺭﺍﺣﻮ ﺑﻴﺒﻲ ﻭﻣﺎﻣﺎ ﻭﺧﻮﺍﻟﻲ ﻭﻧﺴﻮﺍﻧﻬﻢ .
ﺍﻟﺒﻴﺖ ﺗﻘﺮﻳﺒﺎ ﻫﺪﺉ ﺳﺒﻌﺔ ﺍﻳﺎﻡ ﺍﻟﻨﺎﺱ ﻣﺎﻟﻴﻪ ﺍﻟﺒﻴﺖ .
ﻭﺍﺧﻴﺮﺍ ﻫﺪﺉ .
ﻭﺍﻧﻲ ﮔﻠﺖ ﺍﺷﺒﻊ ﻧﻮﻡ ﺑﺎﻟﻌﻄﻠﻪ 😭.
ﺑﻴﺒﻲ ﺷﺒﻪ ﺳﺎﻛﻨﻪ ﻣﺎﻟﻬﺎ ﺣﺲ .
ﺣﺘﻰ ﻣﺎﺗﺤﺠﻲ ﻭﻱ ﺑﺘﻮﻝ . ﻛﺎﻧﺖ ﻫﻲ ﻭﺑﺘﻮﻝ ﻣﻨﺎﮔﺮ ﻟﻴﻞ ﻭﻧﻬﺎﺭ .
ﺗﮕﻠﻲ ﻻﺗﻌﻮﻓﻴﻨﻲ ﺧﻠﻲ ﻓﺮﺍﺷﺞ ﻳﻤﻲ .
ﻭﺩﺍﻳﻤﺎ ﮔﺎﻋﺪﻩ ﻳﻤﻬﺎ .
ﻣﺎﻣﺎ ﻣﺸﺘﺮﻳﺘﻠﻲ ﻣﻮﺑﺎﻳﻞ ﻧﻮﻛﻴﻪ .
ﻭﺑﻲ ﻟﻌﺒﻪ ﺍﻟﺪﻭﺩﻩ .
ﻣﻠﺘﻬﻴﻪ ﺍﻟﻌﺐ ﺑﻴﻬﺎ ﻭﻳﻦ ﺍﺭﻭﺡ .
ﻣﺮﺍﺕ ﺍﻛﻮﻡ ﻟﻠﻤﻄﺒﺦ ﺍﻏﺴﻞ ﻣﻮﺍﻋﻴﻦ ﻟﻮ ﺍﺳﻮﻱ ﻋﺸﺎ .
ﻣﻮ ﻛﻠﻪ ﻋﻠﻰ ﺑﺘﻮﻝ . ﻋﻴﺐ ﻗﺎﺑﻞ ﺟﺎﻳﻪ ﺍﻛﻞ ﻭﺍﻧﺎﻡ .
ﺑﺎﺟﻲ ﺭﺍﺣﺖ ﻳﻮﻣﻴﻦ ﺍﻻﻫﻠﻬﺎ ﺑﻴﺖ ﺟﺪﻭ ﻣﻬﺪﻱ .
ﻭﺭﺟﻌﺖ ﻳﻤﻲ .
ﻋﻤﺎﺗﻲ ﻳﺠﻦ ﺍﻟﺼﺒﺢ ﻟﻠﻤﻐﺮﺏ ﻭﻳﺮﺣﻦ .
ﻟﻠﻴﻞ ﺍﻟﺒﻴﺖ ﻫﺎﺩﺉ .
ﺑﺎﺑﺎ ﺗﻌﺒﺎﻥ ﻳﺠﻲ ﻧﺘﻌﺸﺎ ﻭﻳﺒﻮﺱ ﺭﺍﺱ ﺑﻴﺒﻲ ﻭﻳﺮﻭﺡ ﻳﻨﺎﻡ .
ﻓﻴﺴﺘﻐﻞ ﺍﻟﻔﺮﺻﻪ ﻣﺼﻄﻔﻰ
ﺑﺤﺠﺔ ﻋﻤﺘﻪ ﻫﻨﺎ . ﻳﺠﻲ ﺑﺎﻟﻠﻴﻞ ﻣﺎﻳﺠﻲ ﺑﺎﻟﻨﻬﺎﺭ .
ﻻﻥ ﻳﺪﺭﻱ ﺍﻣﻪ ﺗﺎﻛﻠﻪ ﻭﺗﺸﺮﺑﻪ ﻫﻬﻬﻬﻪ .
ﺑﺲ ﻋﺒﺎﻟﻪ ﻣﺎﺳﻪ ﺳﻬﻠﻪ ﻭﻳﻘﺸﻤﺮﻫﺎ .
ﻳﺘﺸﺎﻗﻪ ﻭﻱ ﻋﻤﺘﻪ ﻋﻼﻗﺘﻪ ﻗﻮﻳﻪ ﻭﻳﺎﻫﺎ .
ﻭﻳﮕﻠﻬﺎ ﺍﻧﺘﻲ ﻣﻮ ﺧﻮﺵ ﻭﺍﺳﻄﻪ .
ﻳﻘﺼﺪ ﻋﻠﻴﻪ ﺣﺘﻰ ﺗﻘﻨﻌﻨﻲ .
ﺑﻴﺒﻲ ﻧﺎﻳﻤﻪ ﻭﺍﻧﻲ ﻳﻤﻬﺎ .
ﻃﻠﻌﺖ ﻣﻮﺑﺎﻳﻠﻲ ﻣﻦ ﺟﻴﺒﻲ ﻭﻃﻠﻌﺖ ﺍﻟﺪﻭﺩﻩ ﺍﻟﻌﺐ ﺑﻴﻬﺎ .
ﺣﺘﻰ ﻣﺎﺍﺑﺎﻭﻋﻠﻪ . ﻻﻥ ﺍﻋﺮﻑ ﻣﺎﺍﺗﺤﻤﻞ ﺍﺑﺎﻭﻉ ﻟﻌﻴﻮﻧﻪ .
ﺷﺎﻑ ﻋﻨﺪﻱ ﻣﻮﺑﺎﻳﻞ . ﻫﻤﺲ ﺍﻟﻌﻤﺘﻪ .
ﺍﺷﻮ ﻣﮕﺎﻳﻠﺘﻠﻲ ﻋﻨﺪﻫﺎ ﻣﻮﺑﺎﻳﻞ .
ﺑﺎﺟﻲ .. ﻭﺍﻟﻠﻪ ﺣﺘﻰ ﺍﻧﻲ ﻣﺎﺍﻋﺮﻑ ﺭﻗﻤﻬﺎ .
ﺑﺪﺍﻳﺎﺕ ﺍﻟﺪﻭﺍﻡ ﺍﺷﺘﺮﺗﻪ ﺍﻣﻬﺎ ﻻﻥ ﺗﺨﺎﻑ ﻋﻠﻴﻬﺎ ﺗﺘﺎﺧﺮ .
ﺍﺳﻮﻱ ﻧﻔﺴﻲ ﻣﺎﺍﺳﻤﻌﻬﻢ .
- ﺍﻧﻄﻴﻨﻲ ﺭﻗﻤﺞ ﻋﻤﻪ ﺍﺭﻳﺪ .
ﺍﻧﻲ ﺳﺎﻛﺘﻪ .
ﮔﺎﻟﺖ . ﺍﻧﺖ ﺍﺳﻤﻌﺞ ﻳﺒﻨﺘﻲ ﻭﺍﻭﺻﻴﺞ ﻳﺠﻨﺘﻲ .
ﻗﺎﺑﻞ ﺍﻧﻲ ﻋﻨﺪﻱ ﻣﻮﺑﺎﻳﻞ .
ﺍﻧﻲ ﻣﻐﻠﺴﻪ . ﺑﺲ ﮔﻠﺒﻲ ﻳﺮﻳﺪ ﻳﻄﻔﺮ ﻭﻳﺮﻭﺡ ﻳﮕﻌﺪ ﺑﺤﻀﻨﻪ .
ﻭﺧﺎﺻﻪ ﻫﺴﺎ ﺻﺎﻳﺮ ﻳﺨﺒﻞ .
ﻣﺨﻠﻲ ﺷﻮﺍﺭﺏ ﺛﺨﺎﻥ ﻭﻟﺤﻴﻪ ﺧﻔﻴﻒ ﻭﻳﻤﻜﻦ ﻳﻠﻌﺐ ﺍﺛﻘﺎﻝ ﺻﺎﻳﺮﻩ ﻋﻨﺪﻩ ﻋﻀﻼﺕ .
ﻳﺨﺒﻞ . ﻟﻴﺶ ﻫﻲ ﺭﺗﺒﻪ ﺍﻟﻀﺎﺑﻂ ﺍﻻﻱ ﺍﺣﺪ ﺗﻠﻮﮒ .
ﻛﺎﻧﺖ ﺍﻣﻨﻴﺘﻲ ﺍﺷﻮﻓﻪ ﺑﻤﻼﺑﺲ ﺍﻟﻀﺒﺎﻁ .
ﻫﻮ ﻫﻴﺞ ﻭﻳﻤﻮﺕ . ﺍﺫﺍ ﺷﻔﺘﻪ ﺑﺎﻟﺒﺪﻟﻪ ﺍﻟﻌﺴﻜﺮﻳﻪ ﻳﻤﻜﻦ ﺍﺫﻭﺏ .
ﻛﺎﻧﺖ ﻣﺸﺎﻋﺮﻱ ﺍﻟﻪ ﺧﻔﻴﻪ . ﻣﺤﺘﻔﻈﻪ ﺑﻴﻬﺎ ﺑﺪﺍﺧﻠﻲ .
ﺍﺣﺒﻪ ﻭﺍﻋﺸﻘﻪ ﻭﺍﺗﻐﺰﻝ ﺑﻲ ﺑﺲ ﻛﻞ ﻫﺬﻱ ﺍﻟﻤﺸﺎﻋﺮ ﻣﻤﻄﻠﻌﺘﻪ ﺍﻭ ﻣﺒﻴﻨﺘﻬﺎ ﺍﻻﺣﺪ .
ﺍﺳﺘﻤﺮ ﻛﻞ ﻳﻮﻡ ﻳﺠﻲ ﺑﺎﻟﻠﻴﻞ . ﺿﺠﺖ ﻣﻦ ﻫﺬﻱ ﺍﻟﺤﺎﻟﻪ ﻭﺍﻧﻲ ﺍﻋﺮﻑ ﺑﺘﻮﻝ ﻣﺎﺗﺴﻜﺖ ﻭﺗﻮﺻﻞ . ﻭﻣﺎﺑﻴﻪ ﺣﻴﻞ ﺍﻟﻜﻼﻡ ﻋﻤﺘﻲ ﺍﺫﺍ ﻋﺮﻓﺖ .
ﮔﻤﺖ ﻣﻦ ﺍﺷﻮﻓﻪ ﮔﺎﻋﺪﻳﻦ ﻫﻮ ﻭﻋﻤﺘﻪ .
ﺍﺭﻭﺡ ﺍﮔﻌﺪ ﺑﺎﻻﺳﺘﻘﺒﺎﻝ .
ﺑﺎﺑﺎ ﻭﺑﺘﻮﻝ ﺑﺎﻟﻐﺮﻓﻪ ﻳﻨﺎﻣﻮﻥ ﻣﻦ ﻭﻛﺖ . ﻭﺍﺧﻮﺍﻧﻲ ﺑﻐﺮﻓﺘﻬﻢ .
ﮔﻌﺪﺕ ﺑﺎﻻﺳﺘﻘﺒﺎﻝ .
ﺍﺗﺼﻠﺖ ﻉ ﻣﺎﻣﺎ . ﻭﺍﺣﺠﻲ ﻭﻳﺎﻫﺎ .
ﻭﺗﺴﺄﻟﻨﻲ ﻋﻦ ﺑﻴﻴﻲ .
ﻭﺗﮕﻠﻲ ﺷﻮﻛﺖ ﺗﺮﺟﻌﻴﻦ .
ﺳﻤﻌﺖ ﺍﻟﺒﺎﺏ ﺍﻧﻔﺘﺤﺖ ﺍﻟﺘﻔﺘﺖ . ﺷﻔﺘﻪ ﺩﺧﻞ ﻭﻗﻔﻞ ﺑﺎﺏ ﺍﻻﺳﺘﻘﺒﺎﻝ .
ﻭﻫﻲ ﺍﻧﺨﻄﻒ ﻟﻮﻧﻪ .
ﻭﻣﺎﻣﺎ ﻉ ﺍﻟﺘﻠﻔﻮﻥ . ﺍﺷﺮﻟﻲ ﺑﺄﺻﺒﻌﻪ ﺍﺷﺸﺸﺸﺶ
ﮔﻠﺘﻠﻬﺎ ﻳﻠﻪ ﻣﺎﻣﺎ ﺍﻟﺮﺻﻴﺪ ﺣﻴﺨﻠﺺ .
ﺳﺪﻳﺘﻪ .
ﺍﻧﺖ ﺷﺪﺍﺗﺴﻮﻱ .
ﺍﻧﺘﻲ ﺟﺒﺮﺗﻴﻨﻲ ﻫﻴﺞ ﺍﺳﻮﻱ .
ﺷﺘﺮﻳﺪ ﻣﻨﻲ ﻣﺼﻄﻔﻰ ﻣﻮ ﺣﺠﻴﻨﺎ ﻭﺧﻠﺺ ﺑﻌﺪ ﺷﺮﺍﻳﺪ .
ﺍﺗﻘﺮﺏ ﻣﻨﻲ . ﻭﻳﺒﺘﺴﻢ .
( ﺍﻭﻭﻭﻑ ﻳﺎﺭﺑﻲ ﻟﻴﺶ ﻫﻴﺞ ﺍﺗﻌﺬﺑﻨﻲ ﺟﺎﻱ ﺍﻣﻮﺕ ﻣﻦ ﻳﺒﺘﺴﻢ ﺭﺑﻲ ﺍﻧﻄﻴﻨﻲ ﺍﻟﻘﻮﻩ ﺍﺗﺤﻤﻞ ﻭﺍﺻﺪﻩ ﻻﺗﺨﻠﻴﻨﻲ ﺍﺿﻌﻒ )
ﺍﺗﻘﺮﺏ ﻛﻠﺶ ﺣﺼﺮﻧﻲ ﻭﻱ ﺍﻟﺤﺎﻳﻂ .
ﻣﺼﻄﻔﻰ ﺍﻧﺖ ﺷﻮ ﺻﺎﻳﺮ ﻣﺎﺗﺴﺘﺤﻲ ﺩﻓﻌﺘﻪ .
ﺍﻧﻌﻢ ﺍﻟﻠﻪ ﻋﻠﻴﺞ ﻳﻌﻨﻲ ﺍﻧﻲ ﻣﺎﻋﻨﺪﻱ ﻣﺴﺘﺤﻪ .
ﻻ ﻣﻮﻗﺼﺪﻱ ﺑﺲ ﻛﻨﺖ ﺗﺴﺘﺤﻲ ﻭﺧﺠﻮﻝ ﻗﺒﻞ ﻟﻴﺶ ﻫﻴﺞ ﺟﺮﺉ .
ﻻﻥ ﮔﻠﺒﻲ ﻃﮓ ﻭﺑﻌﺪ ﻣﺎﺍﺗﺤﻤﻞ .
ﺍﺣﺒﺞ ﻭﺍﻧﺖ ﺩﻣﺮﺗﻴﻨﻲ .
ﺟﻨﺖ ﮔﺎﻃﻊ ﺍﻻﻣﻞ ﺑﺲ ﺍﻟﻘﺪﺭ ﺭﺟﻌﺞ ﺍﻟﻲ ﻳﻌﻨﻲ ﻣﻘﺴﻮﻣﻠﻨﺎ ﻧﺮﺟﻊ ﺳﻮﻳﻪ .
ﺳﺒﻖ ﻭﺍﻥ ﮔﺘﻠﻚ ﺍﻧﺖ ﻫﺴﺎ ﻣﺘﺰﻭﺝ ﻭﻣﺴﺘﺤﻴﻞ ﻳﺼﻴﺮ ﺍﻟﻲ ﺑﺒﺎﻟﻚ .
ﺩﻓﻌﺘﻪ ﻭﺳﺤﺒﺖ ﻧﻔﺴﻲ .
ﻟﺰﻡ ﺍﻳﺪﻱ ﻭﻗﺮﺑﻨﻲ ﻋﻠﻴﻪ .
ﺍﻧﻔﺎﺳﻨﺎ ﺍﺧﺘﻠﻄﺖ .
ﮔﻠﺒﻲ ﺗﺴﺎﺭﻋﺖ ﺩﮔﺎﺗﻪ .
ﻋﻴﻮﻧﻪ ﻳﺒﺎﻭﻋﻦ ﺑﻌﻴﻮﻧﻲ ﺑﺠﺮﺋﻪ ﻭﻋﺸﻖ .
ﺑﻘﻪ ﻳﻬﻤﺲ .
ﺷﻴﺼﻴﺮ ﻟﻮ ﻫﺴﺎ ﺍﻧﺘﻲ ﻣﺮﺗﻲ .
ﻭﻋﺼﺮﺝ ﺣﻴﻞ ﺑﻴﻦ ﺿﻠﻮﻋﻲ .
ﻭﺍﺿﻮﮒ ﻫﺎﻱ ﺍﻟﺸﻔﺎﻳﻒ ﻭﺍﺫﻭﺏ ﺑﻌﻴﻮﻧﺞ ﺍﻟﺤﻠﻮﻩ .
ﺩﻓﻌﺘﻪ ﺣﻴﻞ .
ﻫﺎﻱ ﺷﺒﻴﻚ ﺗﺨﺒﻠﺖ .
ﺗﺮﻯ ﺯﻭﺩﺗﻬﺎ .
ﻭﺍﺗﻨﻔﺲ ﺣﻴﻞ ﻭﺍﻳﺪﻱ ﺗﺮﺟﻒ ﻭﺍﺻﻼ ﺍﻧﻲ ﺫﺑﺖ ﺑﻜﻼﻣﻪ .
ﺑﺲ ﻟﻮ ﺑﺎﻗﻴﻪ ﺷﻮﻳﻪ ﺟﺎﻥ ﺍﺗﺠﺮﺉ ﻭﺳﻮﻩ ﺍﺷﻴﺎﺀ ﺍﻛﺜﺮ .
ﻣﺎﺭﺩﺕ ﺍﺿﻌﻒ . ﻭﻻﺭﺩﺗﻪ ﻳﺘﺼﻮﺭﻧﻲ ﺳﻬﻠﻪ ﻭﻳﺴﺘﻐﻠﻨﻲ .
ﺍﻧﺖ ﺷﺘﺘﺼﻮﺭﻧﻲ ﻣﻦ ﺗﺘﻘﺮﺏ ﻭﺗﺴﻮﻱ ﻫﻴﺞ ﺷﻐﻼﺕ ﺭﺍﺡ ﺍﻗﺒﻞ ﻭﺍﮔﻠﻚ ﻧﺘﺰﻭﺝ ﺑﺎﺟﺮ .
ﺍﻧﺴﻰ ﮔﺘﻠﻚ ﻣﺴﺘﺤﻴﻞ ﻧﺠﺘﻤﻊ .
ﻻﺗﺤﺮﻣﻨﻲ ﻣﻦ ﺣﺒﺞ ﻣﺎﺳﻪ .
ﺍﻧﺴﺎﻧﻲ ﺍﺣﺴﻦ .
ﻣﺎﺍﮔﺪﺭ ﻭﺍﻧﺘﻲ ﻫﻢ ﺗﺤﺒﻴﻨﻲ ﻻﺗﻨﻜﺮﻳﻦ ﻭﺍﻟﺪﻟﻴﻞ ﺫﺑﺘﻲ ﺑﺄﺩﻳﻪ .
ﻏﻠﻄﺎﻥ .
ﻭﻫﺴﺎ ﻳﻠﻪ ﺍﻃﻠﻊ ﻟﻴﺸﻮﻓﻚ ﺍﺣﺪ ﻭﺗﺠﻴﻨﻲ ﺣﺠﺎﻳﻪ .
ﺑﻌﺪﻧﻲ ﻣﺎﻛﻤﻠﺖ . ﺍﺣﺪ ﺣﺎﻭﻝ ﻳﻔﺘﺢ ﺍﻟﺒﺎﺏ ﺑﺲ ﻣﻘﻔﻮﻟﻪ .
ﻃﻔﺮﺕ ﻣﻦ ﺍﻟﺨﻮﻑ .
ﮔﻤﺖ ﺍﮔﻤﺰ ﻭﻫﻮ ﻻﺯﻣﻨﻲ ﺍﺷﺸﺶ ﻟﺘﺨﺎﻓﻴﻦ .
ﮔﻤﺖ ﺍﻟﻄﻢ ﻉ ﺧﺪﻱ .
ﻭﺍﺿﺮﺏ ﺑﻲ .
ﺳﺤﺐ ﻧﻔﺴﻪ ﻉ ﻛﻴﻒ .
ﻭﻃﻠﻊ ﻣﻦ ﺑﺎﺏ ﺍﻻﺳﺘﻘﺒﺎﻝ ﺍﻟﻲ ﻉ ﺍﻟﺤﺪﻳﻘﻪ ﺑﺴﻜﺘﻪ ﻭﻗﺒﻞ ﻣﻴﻄﻠﻊ ﻧﻄﺎﻧﻲ ﺑﻮﺳﻪ ﻫﻮﺍﺋﻴﻪ ﻭﻃﻠﻊ .
😨😨 ﺧﺒﻞ 😂😂
ﻛﻔﺸﺖ ﺷﻌﺮﻱ ﻭﻓﺮﻛﺖ ﻋﻴﻨﻲ ﻭﻃﻠﻌﺖ ﺳﺮﻳﺖ ﻧﻔﺴﻲ ﻧﺎﻳﻤﻪ .
ﻓﺘﺤﺘﻬﺎ ﻟﮕﻴﺘﻬﺎ ﺑﺎﺟﻲ ﻃﺎﮔﻪ ﻣﻦ ﺍﻟﻀﺤﻚ .
ﮔﻠﺘﻠﻬﺎ ﻳﻤﻪ ﻫﺒﻄﺘﻲ ﮔﻠﺒﻲ ﻟﻴﺶ ﻫﻴﺞ .
ﻭﻟﺞ ﺷﻔﺘﻬﺎ ﺻﺎﺭﺕ ﺳﻜﺘﻪ . ﮔﻠﺖ ﺑﺲ ﻻﻧﺎﻣﻮﺍ .
ﻳﺎﺍﺍﺍﺍ ﻋﺰﺍ ﺷﻨﻮ ﻧﻨﺎﻡ ﻃﺮﺩﺗﻪ ﻭﻫﻮ ﻻﺯﮒ .
ﺑﺲ ﺍﻋﺮﻓﻬﺎ ﺳﻮﺍﻟﻔﺞ .
ﻫﻬﻬﻬﻬﻬﻬﻪ
ﺍﻱ ﺍﺿﺤﻜﻲ . ﺗﺪﺭﻳﻦ ﻣﻦ ﺍﻧﻔﺘﺤﺖ ﺍﻟﺒﺎﺏ ﻣﺘﺖ ﺑﺪﻣﻲ .
ﻭﻟﻮ ﺷﺎﻳﻔﺘﻪ ﻫﻮ ﻫﻬﻬﻬﻪ ﺷﻠﻮﻥ ﻃﻠﻊ ﻣﺜﻞ ﺍﻟﺤﺮﺍﻣﻲ .
ﻳﺎﺍﺍﺍ ﺍﮔﻮﻝ ﻭﻳﻨﻪ ﻋﺒﺎﻟﻲ ﺧﺎﺗﻞ .
ﻫﻤﺰﻳﻦ ﺍﺟﻴﺘﻲ . ﻧﻘﺬﺗﻴﺘﻲ .
ﻭﻟﺞ ﻟﻴﺶ ﻫﻴﺞ ﺗﺴﻮﻳﻦ ﻭﻳﺎﻩ ﺧﻄﻴﻪ .
ﻭﺍﻧﻲ ﻣﻮ ﺧﻄﻴﻪ ﺑﺎﺟﻲ .
ﺷﻨﻮ ﺫﻧﺒﻲ ﺍﻋﻴﺶ ﻭﻱ ﺣﺒﻲ ﻭﺗﺸﺎﺭﻛﻨﻲ ﻭﺣﺪﻩ ﺛﺎﻧﻴﻪ .
ﻭﺍﻟﻨﺎﺱ ﺗﻜﺮﻫﻨﻲ ﻭﺗﺄﺷﺮ ﻋﻠﻴﻪ ﻭﺗﮕﻮﻝ ﺧﻄﺎﻓﻪ ﺯﻟﻢ .
ﻭﺷﻨﻮ ﺫﻧﺐ ﺣﻨﻴﻦ ﻭﺍﺑﻨﻬﺎ .
ﻭﺍﻟﻠﻪ ﻣﻦ ﺷﻔﺘﻬﺎ ﺑﺎﻟﻔﺎﺗﺤﻪ ﺍﻧﻘﻬﺮﺕ ﻋﻠﻴﻬﺎ ﺣﺎﻟﻬﺎ ﻟﻴﺴﺮ ﻋﺪﻭ ﻭﻻ ﺣﺒﻴﺐ .
ﺍﻭﻭﻭﻭﻑ ﺧﺒﻠﻮﺗﻨﻲ ﺍﻧﺘﻲ ﻭﻳﺎﻩ . ﻭﻟﺞ ﻣﻮﺗﻨﻲ ﻛﻞ ﺳﺎﻋﻪ ﻳﮕﻠﻲ ﺍﺣﺠﻲ ﻭﻳﺎﻫﺎ .
ﺷﺘﺤﺠﻴﻦ ﻭﻳﺎﻱ . ﺍﻟﺪﻧﻴﺎ ﻛﻠﻬﺎ ﺿﺪﻧﺎ . ﻛﻠﻬﺎ ﺑﺎﻟﻔﺎﺗﺤﻪ ﻋﻴﻮﻧﻬﺎ ﻋﻠﻴﻪ ﺍﺫﺍ ﻭﺍﻓﻘﺖ ﻭﺗﺰﻭﺟﺖ ﺷﻴﺴﻮﻭﻥ ﺑﻴﻪ ﻭﺧﺎﺻﺔ ﻋﻤﺎﺗﻲ .
ﺍﺣﺠﻲ ﺍﻧﺘﻲ ﻭﻳﺎﻩ ﺑﺎﺟﻲ ﻭﺧﻠﻴﻪ ﻳﻨﺴﺎﻧﻲ ﺍﺣﺴﻦ ﺍﻟﺨﺎﻃﺮ ﺑﻨﺘﻪ ﺍﻟﻲ ﺟﺎﻳﻪ ﺑﺎﻟﻄﺮﻳﻖ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء