رواية عشق وابتلاء الجزء الحادي عشر
للكاتبة شمس
...
ﻣﻦ ﻳﻮﻡ ﺍﻟﻲ ﺗﺰﻭﺟﺖ ﻣﺎﺍﺳﻪ ﻭﺍﻧﻲ ﻣﺎﺷﻔﺖ ﺍﻟﺮﺍﺣﻪ .
ﻛﻠﺒﻲ ﻳﻮﺟﻌﻨﻲ .
ﺣﺴﻴﺖ ﺭﻭﺣﻲ ﺟﺒﺎﻥ ﻭﻣﺎﮔﺪﺭﺕ ﺍﺩﺍﻓﻊ ﻋﻦ ﺣﺒﻲ .
ﺍﺧﺬﻫﺎ ﻣﻦ ﻭﺍﺣﺪ ﻣﺎﻳﺴﺘﺎﻫﻠﻬﺎ .
ﺻﻮﺗﻬﺎ ﻭﺑﺠﻴﻬﺎ ﻟﺴﺎ ﺑﺄﺫﻧﻲ .
ﻣﻦ ﺗﮕﻮﻝ . ﻣﺼﻄﻔﻰ ﻣﺠﺒﻮﺭﻩ .
ﻃﻠﻌﺖ ﻗﻬﺮﻱ ﺑﺨﺎﻟﻲ ﻭﺣﺠﻴﺖ ﻭﺣﺘﻰ ﺗﺠﺎﻭﺯﺕ ﻋﻠﻴﻪ
ﻭﻣﻦ ﺫﺍﻙ ﺍﻟﻴﻮﻡ ﺍﻟﻬﺬﺍ ﺍﻟﻴﻮﻡ ﻣﺎﺍﺣﺠﻲ ﻭﻳﺎﻩ .
ﺑﻴﻮﻣﻬﺎ ﺻﺎﺭﺕ ﻣﺸﻜﻠﻪ ﻛﺒﻴﺮﻩ .
ﻭﺗﺪﺧﻠﻮ ﺍﻋﻤﺎﻣﻲ ﻭﺟﺪﻱ ﺍﻟﺸﻴﺦ .
ﻭﮔﺎﻝ ﺍﻧﻲ ﺍﺧﻄﺒﻬﺎ ﺍﻟﻚ .
ﺑﺲ ﻣﻦ ﺧﺎﺑﺮ ﻭﺍﻧﻄﻪ ﺧﺒﺮ ﺍﻟﺨﻮﺍﻟﻬﺎ .
ﮔﺎﻟﻮﻟﻪ ﺍﻟﺒﻨﻴﻪ ﺧﻠﺺ ﻋﻘﺪ ﻋﻠﻴﻬﺎ ﺍﺑﻦ ﺧﺎﻟﻬﺎ ﻭﺻﺎﺭﺕ ﺑﺬﻣﺘﻪ .
ﺣﺴﻴﺖ ﺍﻟﺪﻧﻴﺎ ﺗﻔﺘﺮ ﺑﻴﻪ . ﻭﻣﺎﺷﻔﺖ ﺷﻲ ﮔﺪﺍﻣﻲ .
ﻭﻭﮔﻌﺖ ﻣﻦ ﻃﻮﻟﻲ .
ﻛﺮﻫﺖ ﺍﻻﻛﻞ ﻭﺍﻟﻌﻴﺸﻪ . ﻭﺍﻟﺒﻴﺖ ﻭﻛﻠﺸﻲ .
ﺑﻌﻤﺮﻱ ﻣﺎﻫﺰﻧﻲ ﺷﻲ . ﺑﺲ ﺣﺒﻲ ﺍﻟﻤﺎﺳﻪ ﺫﻟﻨﻲ ﻭﺩﻣﺮﻧﻲ .
ﺍﻣﻲ ﺍﻫﻠﻲ ﺍﻋﻤﺎﻣﻲ ﺍﺟﺪﺍﺩﻱ .
ﻛﻠﻬﺎ ﺗﺤﺠﻲ ﻋﻠﻴﻪ . ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ
ﻳﮕﻠﻮﻟﻲ ﺍﻧﺴﺎﻫﺎ . ﻭﺍﺑﺪﻱ ﺣﻴﺎﺗﻚ ﻣﺎﻣﻘﺴﻮﻣﻪ ﺍﻟﻚ .
ﺍﻻﻛﻞ ﮔﻄﻌﺘﻪ . ﻭﺑﻴﺖ ﺟﺪﻱ ﺍﻟﺸﻴﺦ ﺑﻌﺪ ﻣﺎﺭﺣﺘﻠﻪ .
ﻭﻻﮔﻌﺪﺕ ﺑﻌﺪﻫﺎ ﻋﻠﻰ ﻧﻬﺮ ﺍﻟﻐﺮﺍﻑ .
ﻻﻥ ﻛﻠﺸﻲ ﻫﻨﺎﻙ ﻳﺬﻛﺮﻧﻲ ﺑﻴﻬﺎ .
ﺑﻌﻤﺮﻱ ﻣﺎﺣﺒﻴﺖ ﻭﻣﻦ ﺣﺒﻴﺖ ﻣﻦ ﮔﻠﺒﻲ . ﺭﺍﺣﺖ ﻣﻦ ﺍﻳﺪﻱ ﻭﺧﺴﺮﺗﻬﺎ . ﻗﺮﺭﺕ ﺍﻗﺪﻡ ﻋﻠﻰ ﻛﻠﻴﻪ ﺍﻟﻀﺒﺎﻁ ﺑﺒﻐﺪﺍﺩ .
ﺣﺘﻰ ﺍﺑﻌﺪ ﻭﺍﺭﺗﺎﺡ .
ﻭﻓﻌﻼ . ﺍﺑﺘﻌﺪﺕ ﻭﻧﺴﻴﺖ ﻛﻠﺸﻲ . ﺑﺲ ﻣﺎﺳﻪ ﻣﺎﮔﺪﺭﺕ ﺍﻧﺴﺎﻫﺎ .
ﻣﻮ ﻣﺒﺎﻟﻐﻪ ﺑﺲ ﺍﺣﻨﻪ ﻣﻦ ﻧﺤﺐ ﻣﺎﻧﮕﺪﺭ ﻧﻨﺴﻰ ﺑﺴﻬﻮﻟﻪ .
ﺣﺒﻨﺎ ﻳﺨﺘﻠﻒ ﻳﺴﺮﻱ ﺑﺪﻣﻨﺎ .
ﻣﻦ ﺍﺟﻲ ﺑﺎﻻﺟﺎﺯﺍﺕ ﺍﻻﻫﻠﻲ .
ﺗﺒﻘﻰ ﺍﻣﻲ ﺗﺰﻥ ﺑﺮﺍﺳﻲ . ﻭﺗﺤﺠﻲ .
ﻳﻤﻪ ﻛﺎﻓﻲ ﺗﻌﺬﺏ ﺭﻭﺣﻚ .
ﻳﻤﻪ ﺍﺗﺰﻭﺝ ﻭﺷﻮﻑ ﺣﻴﺎﺗﻚ .
ﻳﻤﻪ ﺍﺭﻳﺪ ﺍﻓﺮﺡ ﺑﻮﻟﺪﻙ .
ﻳﻤﻪ ﻭﻳﻤﻪ .
ﻃﮕﮕﺘﻬﺎ ﺍﻟﺮﻭﺣﻲ .
ﺣﺘﻰ ﺍﻟﺒﻴﺖ ﻛﺮﻫﺘﻪ .
ﺗﻐﻴﺮﺕ ﻉ ﺍﻟﻨﺎﺱ ﻛﻠﻬﺎ ﻭﻋﻼﻗﺘﻲ ﺻﺎﺭﺕ ﻣﺤﺪﻭﺩﻩ ﺣﺘﻰ ﻭﻱ ﺍﻫﻠﻲ .
ﻭﺑﻴﻮﻡ ﺻﺎﺭﺕ ﻣﺸﻜﻠﻪ ﺑﻴﻨﻲ ﻭﺑﻴﻦ ﺍﻣﻲ .
ﻭﺭﺍﺣﺖ ﺍﻟﺠﺪﻱ ﺍﻟﺸﻴﺦ ﻣﻬﺪﻱ .
ﻭﺣﺠﺖ ﻭﻳﺎﻩ .
ﻭﺩﺯ ﻋﻠﻴﻪ .
ﺧﻼﻧﻲ ﻭﮔﻌﺪ . ﻭﺟﺎﻧﻮﺍ ﻋﻤﺎﻣﻲ ﻣﻮﺟﻮﺩﻳﻦ ﻭﺍﺑﻮﻱ .
ﻭﮔﺎﻝ ﺟﺪﻱ . ﺟﻨﺖ ﺍﺗﺼﻮﺭﻙ ﺯﻟﻤﻪ ﻭﺍﻋﺘﻤﺪ ﻋﻠﻴﻚ .
ﺯﻟﻤﻪ ﻣﺎﺗﻬﺰﻩ ﻻﺭﻳﺢ ﻭﻻﺑﻨﻴﻪ .
ﺑﺲ ﻃﻠﻊ ﻋﻀﻤﻚ ﻃﺮﻱ ﻭﮔﻠﺒﻚ ﺭﻫﻴﻒ ﻭﻣﺎﺗﺘﺤﻤﻞ .
ﺑﻮﻳﻪ ﻣﻮ ﻣﻦ ﺷﻴﻢ ﺍﻟﺰﻟﻢ .
ﺗﺒﻘﻰ ﺗﺤﺐ ﻭﺗﻌﺸﮓ ﻣﺮﻩ ﺗﺰﻭﺟﺖ ﻭﺻﺎﺭﺕ ﺑﺬﻣﺔ ﻏﻴﺮﻩ .
ﻻﺗﺨﻠﻴﻨﺎ ﺑﺤﻠﻮﮒ ﺍﻟﻌﺎﻟﻢ ﻭﺑﻄﻞ ﺳﻮﺍﻟﻒ .
- ﺟﺪﻱ ﺷﻤﺴﻮﻱ ﺍﻧﻲ . ﺷﻮ ﻣﻦ ﺍﻟﺪﻭﺍﻡ ﻟﻠﺒﻴﺖ ﻣﺎﻣﺄﺫﻱ ﺍﺣﺪ ﻭﻻ ﺍﻟﻲ ﻋﻼﻗﻪ ﺑﺄﺣﺪ ﺷﺘﺮﺩﻭﻥ ﻣﻨﻲ ﺑﻌﺪ .
- ﻧﺮﻳﺪﻙ ﺗﺮﺟﻊ ﻣﺼﻄﻔﻰ ﺍﻟﻮﻟﺪ ﺍﻟﻲ ﺍﻟﻨﺎﺱ ﻛﻠﻬﺎ ﺗﺤﻠﻒ ﺑﺄﺳﻤﻪ . ﺍﻟﻮﻟﺪ ﺍﻟﻲ ﻳﮕﻌﺪ ﺑﻬﺬﺍ ﻣﻜﺎﻧﻪ ﻳﻤﻲ ﻭﻳﺸﺎﺭﻛﻨﻲ ﺑﮕﻌﺪﺗﻨﺎ . ﻳﺤﺠﻲ ﻭﻳﻨﻄﻲ ﺭﺃﻳﻪ ﻳﻬﺘﻢ ﺍﻟﻤﺴﺘﻘﺒﻠﻪ .
ﻣﻮ ﻋﺎﻳﻒ ﻭﻻﻳﺘﻪ ﻭﺭﺍﺡ ﻣﺘﻐﺮﺏ ﻭﻗﺎﻓﻞ ﮔﻠﺒﻪ ﻋﻦ ﻧﺎﺳﻪ ﻭﺍﻫﻠﻪ ﻷﺟﻞ ﺑﻨﻴﻪ . ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ
- ﺟﺪﻱ ﺍﻟﻲ ﺗﺮﺩﻭﻩ ﻳﺼﻴﺮ ﺑﺲ ﻣﺎﻝ ﺍﻋﻮﻑ ﻛﻠﻴﻪ ﺍﻟﻀﺒﺎﻁ ﻣﺎﺍﻋﻮﻓﻬﺎ ﺍﺧﺘﺎﺭﻳﺖ ﻃﺮﻳﻘﻲ ﻭﻣﺎﺍﻋﻮﻓﻪ .
- ﻻ ﺑﻮﻳﻪ ﺍﺣﻨﻪ ﻧﻔﺘﺨﺮ ﺑﻴﻚ ﻭﻣﺎﻧﺮﻳﺪﻙ ﺗﻌﻮﻓﻪ . ﺑﺲ ﻓﺮﺡ ﮔﻠﺐ ﺍﻣﻚ ﻭﺗﺰﻭﺝ ﻭﺧﻠﻴﻬﺎ ﺗﺸﻮﻑ ﻭﻟﺪﻙ .
- ﻣﻮ ﻭﻛﺘﻪ ﻫﺬﺍ ﺍﻟﺤﺠﻲ ﺟﺪﻱ
- ﻻ ﻭﻛﺘﻪ ﻫﺴﺎ . ﻣﻦ ﺑﺎﺟﺮ ﺗﺮﻭﺡ ﺍﻣﻚ ﻭﺗﺨﻄﺒﻠﻚ .
ﻭﺍﻟﻤﻬﺮ ﻭﺍﻟﻐﺮﻓﻪ ﻭﻛﻞ ﺍﻟﺘﻜﺎﻟﻴﻒ ﻋﻠﻴﻪ .
ﻭﺣﺠﺎﻳﺘﻲ ﻣﺎﺗﺼﻴﺮ ﺍﺛﻨﻴﻦ ﺑﻜﻞ ﺍﻟﺪﻭﻭﺍﻭﻳﻦ . ﻣﻮ ﻫﺴﺎ ﺗﺠﻲ ﺍﻧﺖ ﺗﻜﺴﺮﻫﺎ .
ﺷﻔﺖ ﺟﺪﻱ ﻋﺼﺐ . ﻣﺎﺭﺩﺕ ﺍﻛﺴﺮ ﻛﻼﻣﻪ ﻭﻫﻮ ﺍﻟﻪ ﻫﻴﺒﺘﻪ ﺑﻴﻦ ﺍﻟﻌﺎﻟﻢ . ﺍﺿﻄﺮﻳﺖ ﺍﻭﺍﻓﻖ . ﻭﺧﺎﺻﻪ ﺑﻌﺪ ﻣﺎﺗﺰﻭﺟﺖ ﻣﺎﺳﻪ ﻭﻻﺯﻡ ﺍﮔﻄﻊ ﺍﻻﻣﻞ ﻣﻨﻬﺎ ..
ﺣﺘﻰ ﻟﻮ ﺍﺗﺰﻭﺝ ﺍﻱ ﻭﺣﺪﻩ . ﺑﺲ ﻣﺴﺘﺤﻴﻞ ﺍﻛﻮ ﻭﺣﺪﻩ ﺗﺎﺧﺬ ﻣﻜﺎﻥ ﻣﺎﺳﻪ .
ﻣﻦ ﻭﺍﻓﻘﺖ ﺍﺗﺘﺰﻭﺝ . ﺍﻣﻲ ﺣﺎﺭﺕ ﺷﺘﺴﻮﻱ . ﮔﺎﻣﺖ ﺗﻬﻠﻬﻞ ﻭﺗﻄﺶ ﺟﻜﻠﻴﺖ .
ﻭﮔﺎﻟﺖ . ﻫﺴﺎ ﺍﺭﻭﺡ ﺍﻻﻧﺘﺼﺎﺭ ﻭﺍﺣﺎﺟﻴﻬﺎ ﻋﻠﻰ ﺣﻨﻴﻦ .
ﺣﻨﻴﻦ ﺷﻨﻮ ??
ﺍﺧﻄﺒﻠﻚ ﺑﻨﺖ ﺧﺎﻟﺘﻚ . ﺍﺣﺴﻦ ﻣﻦ ﺍﻟﻐﺮﻳﺒﻪ ﻳﻤﻪ .
ﻳﻤﻪ ﻣﺎﻟﮕﻴﺘﻲ ﺍﻟﻪ ﺣﻨﻴﻦ . ﻣﻌﺘﺒﺮﻫﺎ ﺍﺧﺘﻲ ﻭﻣﺎﺑﻴﻮﻡ ﻣﺘﺨﻴﻠﻬﺎ ﻣﺮﻩ ﺍﻟﻲ .
- ﻻ ﻳﻤﻪ ﻣﻦ ﺗﻌﻘﺪﻭﻥ ﺍﻟﻠﻪ ﻳﺪﺧﻞ ﺍﻟﻤﺤﺒﻪ ﺑﮕﻠﻮﺑﻜﻢ .
ﻭﺣﻨﻴﻦ ﺧﻮﺵ ﺑﻨﻴﻪ ﻭﻣﻦ ﺛﻮﺑﻨﺎ . ﻭﺍﻟﻲ ﻧﻌﺮﻓﻬﺎ ﺍﺣﺴﻦ ﻣﻦ ﺍﻟﻲ ﻣﺎﻧﻌﺮﻓﻬﺎ .
- ﻳﻠﻪ ﻳﻤﻪ ﺑﻜﻴﻔﺞ ﺣﻨﻴﻦ ﺍﻭ ﻏﻴﺮﻫﺎ ﻣﺎﺗﻔﺮﻕ ﻋﻨﺪﻱ .
- ﺍﻱ ﻋﻮﺩ ﻓﺸﻠﻨﻲ ﻭﻱ ﺍﻧﺘﺼﺎﺭ ﻭﻋﺎﻣﻞ ﺑﻨﺘﻬﺎ ﻣﻮ ﺯﻳﻦ .
- ﻭﻟﻴﺶ ﺍﻋﺎﻣﻠﻬﺎ ﻣﻮ ﺯﻳﻦ ﻳﻤﻪ . ﺍﺣﺘﺮﻣﻬﺎ ﻭﺍﻗﺪﺭﻫﺎ . ﺑﺲ ﻣﺎﺍﻭﻋﺪﺝ ﻳﺠﻲ ﻳﻮﻡ ﻭﺍﺣﺒﻬﺎ .
- ﺍﻥ ﺷﺎﺀ ﺍﻟﻠﻪ ﺍﻟﺰﻣﻦ . ﻳﻨﺴﻴﻚ ﻭﻳﺨﻠﻴﻚ ﺗﺤﺐ ﻣﺮﻳﺘﻚ ﻭﺗﺴﻌﺪﻫﺎ
- ﺍﻟﻠﻪ ﻛﺮﻳﻢ ﺑﺲ ﻓﻀﻴﻬﺎ ﻻﻥ ﻋﻨﺪﻱ ﻳﻮﻣﻴﻦ ﺑﺲ ﻭﺍﺭﺟﻊ .
_ ﺍﻱ ﻳﻤﻪ ﻣﺎﻋﻨﺪﻧﺎ ﺷﻲ ﺑﺲ ﻧﻨﻄﻲ ﺧﺒﺮ ﺍﻟﻬﻢ ﻭﻧﻤﺸﻲ ﻭﻧﻌﻘﺪﻟﻜﻢ ﺑﻨﻔﺲ ﺍﻟﻴﻮﻡ .
ﺧﻄﺒﺖ ﺣﻨﻴﻦ . ﺻﺢ ﻃﻠﻌﺖ ﺣﻠﻮﻩ ﺑﺲ ﻣﻮ ﻣﺜﻞ ﻣﺎﺳﻪ .
ﺿﺤﻜﺖ ﻣﺎﺳﻪ ﻭﻭﺟﻬﺎ ﻭﺑﺸﺎﺷﺘﻬﺎ ﻛﻠﻬﺎ ﻣﻤﻮﺟﻮﺩﻩ ﺑﺤﻨﻴﻦ .
ﻣﻦ ﻟﺒﺴﺘﻬﺎ ﺍﻟﺤﻠﻘﻪ ﻭﺍﻟﺬﻫﺐ . ﺍﺗﺨﻴﻠﺖ ﻣﺎﺳﻪ ﮔﺒﺎﻟﻲ .
ﻛﻞ ﺳﺎﻟﻔﻪ ﺗﺴﻮﻱ ﺗﺼﻴﺮ ﻣﺎﺳﻪ ﺑﺒﺎﻟﻲ .
ﺣﺘﻰ ﻣﻦ ﺗﮕﻮﻝ ﺍﺳﻤﻲ ﺍﻟﺘﻔﺖ ﻋﺒﺎﻟﻲ ﻣﺎﺳﻪ ﺗﺼﻴﺤﻠﻲ .
ﻋﺎﻧﻴﺖ ﻫﻮﺍﻱ ﺑﻔﺘﺮﺓ ﺧﻄﺒﺘﻨﺎ . ﻣﻊ ﺍﻟﻌﻠﻢ ﻣﺎﻧﻠﺘﻘﻲ ﻫﻮﺍﻱ
ﺑﺲ ﻣﻦ ﺍﻧﺰﻝ ﺍﺟﺎﺯﻩ .
ﺣﻨﻴﻦ ﻋﻨﺪﻫﺎ ﺩﻭﺍﻡ ﻭﺍﻣﺘﺤﺎﻧﺎﺕ . ﻭﺍﻧﻲ ﻫﻢ ﻣﻤﺘﻮﺍﺟﺪ .
ﻗﺮﺭﺕ ﻧﺘﺮﻙ ﺍﻟﺰﻭﺍﺝ ﻟﻠﻌﻄﻠﻪ ﺍﻟﻨﻬﺎﺋﻴﻪ .
ﺗﺠﻬﻴﺰﺍﺕ ﺣﻨﻴﻦ ﻭﺍﻟﻐﺮﻓﻪ ﻭﻛﻠﺸﻲ ﺍﻣﻲ ﻣﺤﻈﺮﺗﻪ ﻭﺟﺪﻱ ﻣﺸﺘﺮﻱ ﺍﻟﻐﺮﻓﻪ .
ﻳﻌﻨﻲ ﺍﻧﻲ ﻣﺎﺩﺭﻳﺖ ﻭﻻﺳﻮﻳﺖ ﺍﻱ ﺷﻲ .
ﺍﻟﻰ ﻳﻮﻡ ﺍﻟﺰﻭﺍﺝ . ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ
ﺗﺰﻭﺟﻨﺎ ﺑﺎﻟﺒﻴﺖ ..
ﻣﺎﺷﻔﺘﻬﺎ ﻭﻻﺍﻧﺘﺒﻬﺖ ﻋﻠﻴﻬﺎ ﺍﻻ ﻟﻤﻦ ﺩﺧﻠﺖ ﻟﻠﻐﺮﻓﻪ .
ﻟﺰﻣﺘﻨﻲ ﺍﻣﻲ . ﻳﻤﻪ ﺍﮔﻀﻴﻬﺎ ﺍﻟﻴﻮﻡ ﻣﻮ ﺗﻔﺸﻠﻨﺎ .
ﻳﻤﻪ 😡😡 ﺷﻨﻮ ﻫﺬﺍ ﺍﻟﺤﺠﻲ .
ﺩﺧﻠﺖ ﻟﮕﻴﺘﻬﺎ ﮔﺎﻋﺪﻩ ﻉ ﻃﺮﻑ ﺍﻟﺴﺮﻳﺮ .
ﻭﻣﺪﻧﮕﺔ ﺭﺍﺳﻬﺎ .
ﮔﻌﺪﺕ ﻳﻤﻬﺎ . ﺣﻨﻴﻦ ﺍﺭﻳﺪﺝ ﺗﺘﺤﻤﻠﻴﻨﻲ ﻭﺗﺼﺒﺮﻳﻦ ﻋﻠﻴﻪ .
ﻭﻣﺎﺗﻤﻠﻴﻦ ﻭﺗﺘﺸﻜﻴﻦ .
ﺍﻧﺘﻲ ﻣﻦ ﺍﺧﺬﺗﻴﺘﻲ ﺗﻌﺮﻓﻴﻦ ﻣﺎﺳﻪ ﺑﮕﻠﺒﻲ .
ﻭﺭﺿﻴﺘﻲ . ﻭﻣﻮ ﻣﻌﻨﺎﻫﺎ ﺭﺍﺡ ﺍﻇﻠﻤﺞ .
ﻻ ﺍﻧﻲ ﺍﺭﻳﺪﺝ ﺗﻨﺴﻴﻨﻲ ﻭﺗﺨﻠﻴﻨﻲ ﺍﺗﻐﻴﻴﺮ ﺣﺘﻰ ﻧﻌﻴﺶ ﺣﻴﺎﺗﻨﺎ ﻃﺒﻴﻌﻴﻪ .
ﺍﻧﻲ ﺍﺣﺠﻲ ﻭﻫﻲ ﺗﻬﺰ ﺑﺮﺍﺳﻪ .
ﺭﻓﻌﺖ ﺣﻨﻜﻬﻪ ﺑﺈﻳﺪﻱ ﺳﺒﺤﺎﻥ ﺍﻟﺨﺎﻟﻖ .
ﺍﻭﻭﻭﻑ ﺍﻡ ﻋﻴﻮﻥ ﺍﻟﺸﻬﺒﻪ ﻣﻮﺗﻴﻨﻲ .
ﻫﺎﻱ ﺍﻟﻌﻴﻮﻥ ﺍﻟﻲ ﺟﺬﺑﺘﻨﻲ ﻣﻦ ﺍﻭﻝ ﻳﻮﻡ ﺷﻔﺘﻬﻦ .
ﺍﺗﻘﺮﺑﺖ ﻭﻣﻤﺼﺪﮒ ﻣﺎﺳﻪ ﮔﺒﺎﻟﻲ .
ﻭﺯﻭﺟﺘﻲ . ﺍﻧﺪﻣﺠﺖ ﻭﻱ ﺣﻨﻴﻦ ﻭﺍﻧﻲ ﺑﺒﺎﻟﻲ ﻣﺎﺳﻪ .
ﺷﻜﻠﻬﺎ ﻭﻭﺟﻬﺎ ﻭﺍﺑﺘﺴﺎﻣﺘﻬﺎ ﻛﻠﻬﺎ ﮔﺒﺎﻟﻲ .
ﺣﻀﻨﺘﻬﺎ ﺣﻴﻞ ﻭﻋﺼﺮﺗﻬﺎ ﺑﻴﻦ ﺍﻳﺪﻳﻪ .
ﺍﺧﺎﻑ ﺗﺮﻭﺡ ﻋﻨﻲ ﻟﻮ ﻳﺎﺧﺬﻭﻫﺎ ﻋﻨﻲ .
ﺭﺣﺖ ﺑﻌﺎﻟﻢ ﺛﺎﻧﻲ ﻭﻳﺎﻫﺎ ﻭﻫﻲ ﻫﻢ ﺫﺍﻳﺒﻪ ﺑﻴﻦ ﺍﺩﻳﻪ .
ﻭﻭﻭﻭﻭﻭﻭ .. ﻭﻣﺎﺣﺴﻴﺖ ﻉ ﺭﻭﺣﻲ ﺍﻻ ﻟﻤﻦ ﺧﻠﺼﺖ .
ﻃﻔﺮﺕ ﻣﻦ ﻣﻜﺎﻧﻲ .
ﺣﻨﻴﻦ ﺍﺳﻒ .. ﻟﻴﺶ ﺗﺒﺠﻴﻦ ﺍﺫﻳﺘﺞ .
- ﻻ ﻣﺎﺃﺫﻳﺘﻨﻲ ﺑﺎﻟﻌﻜﺲ ﻛﻨﺖ ﺭﻗﻴﻖ ﻭﻋﺎﻃﻔﻲ ﺑﺲ ﺍﻋﺮﻓﻚ ﻣﻮ ﻭﻳﺎﻱ ﻭﻱ ﻣﺎﺳﻪ . ﻻﻥ ﺍﺳﻤﻬﺎ ﻣﺎﻓﺎﺭﮒ ﺍﻟﺴﺎﻧﻚ ﻣﻦ ﺍﻟﺒﺪﺍﻳﻪ ﻟﺤﺪ ﻣﺎﺧﻠﺼﺖ
...
ﺧﺠﻠﺖ ﻣﻦ ﻧﻔﺴﻲ ﻣﻦ ﺷﻔﺖ ﺩﻣﻮﻉ ﺣﻨﻴﻦ ﻭﻋﺘﺒﻬﺎ .
ﻣﻬﻤﺎ ﻳﻜﻮﻥ ﺣﺒﻲ ﺍﻟﻤﺎﺳﻪ .
ﺑﺲ ﺣﻨﻴﻦ ﺍﻧﺴﺎﻧﻪ ﻭﻣﻴﺼﻴﺮ ﺍﺟﺮﺣﻬﺎ ﻫﻴﺞ .
ﮔﻤﺖ ﺑﺴﺮﻋﻪ . ﻟﺒﺴﺖ ﺩﺷﺪﺍﺷﺘﻲ ﻭﻃﻠﻌﺖ .
ﺗﻠﮕﺘﻨﻲ ﺍﻣﻲ ﺑﺎﻟﻬﻼﻫﻞ .
ﻃﻠﻌﺖ ﺳﻠﻤﺖ ﻋﻠﻰ ﻋﻤﺎﻣﻲ ﻭﺍﺑﻮﻱ ﻭﺟﺪﻱ .
ﻭﺑﻘﻴﺖ ﺑﺮﻯ ﻳﻢ ﻭﻟﺪ ﻋﻤﻲ ﻭﺍﺻﺪﻗﺎﺋﻲ .
ﻣﺎﺍﮔﺪﺭ ﺍﺩﺧﻞ ﻭﺍﺧﻠﻲ ﻋﻴﻨﻲ ﺑﻌﻴﻦ ﺣﻨﻴﻦ .
ﺻﺎﺭﺕ 11 ﺍﺑﻮﻱ ﮔﺎﻡ ﻳﺤﺠﻲ .
ﺗﻌﺎﻝ ﺍﺩﺧﻞ ﺗﻌﺸﺎ ﺍﻟﺒﻨﻴﻪ ﺧﻄﻴﻪ ﻣﺎﺗﺖ ﻣﻦ ﺍﻟﺠﻮﻉ .
ﺩﺧﻠﺖ ﻟﮕﻴﺖ ﻣﺨﻠﻴﻦ ﻋﺸﺎ ﻭﻫﻲ ﺳﺎﺑﺤﻪ ﻭﻣﺒﺪﻟﻪ ﻭﮔﺎﻋﺪﻩ ﻣﻨﺘﻀﺮﺗﻨﻲ .
ﮔﻠﺘﻠﻬﺎ ﺍﺗﻌﺸﻲ ﺍﻧﻲ ﺭﺍﺡ ﺍﺭﻭﺡ ﺍﺳﺒﺢ .
ﺍﺧﺬﺕ ﻣﻨﺸﻔﻪ ﻭﺗﺮﺍﻙ ﻭﺳﺒﺤﺖ ﻭﻃﻠﻌﺖ ﻭﻫﻲ ﻣﮕﺎﺑﻠﻪ ﺍﻟﺼﻴﻨﻪ ﻣﺎﻣﺘﻌﺸﻴﻪ . ﺑﻘﻠﻤﻲ ﺷﻤﺲ
ﻟﻴﺶ ﻣﺎﺗﻌﺸﻴﺘﻲ .
ﻣﻨﺘﻀﺮﺗﻚ
ﻣﻮ ﮔﺘﻠﺞ ﻣﺎﺍﺗﻌﺸﺎ
ﻣﺼﻄﻔﻰ ﺍﻧﺴﻰ ﺍﻟﻲ ﺻﺎﺭ . ﻛﺄﻧﻪ ﻣﺎﺳﻤﻌﺖ ﺷﻲ ﻭﻻﺻﺎﺭ ﺷﻲ ..
ﮔﻌﺪﺕ ﻳﻤﻬﺎ . ﺣﻨﻴﻦ ﺍﻧﺘﻲ ﺗﻌﺮﻓﻴﻦ ﻭﺿﻌﻲ ﻭﻻﺯﻡ ﺗﻘﺪﺭﻳﻪ
ﻭﺍﻧﻲ ﻣﮕﺎﻳﻠﻪ ﺷﻲ . ﻣﺴﺎﻋﺪﻩ ﺍﺗﺤﻤﻞ ﻭﺍﻧﺘﻀﺮﻙ .
ﺑﺲ ﻉ ﺍﻻﻗﻞ ﻟﺘﺠﻴﺐ ﺍﺳﻤﻬﺎ ﻳﻤﻲ ﻭﺑﻐﺮﻓﺘﻨﺎ .
ﺧﻠﻲ ﻣﺸﺎﻋﺮﻙ ﺍﻟﻨﻔﺴﻚ ﻭﻻﺗﻄﻠﻌﻬﺎ ﻟﺒﺮﺓ .
ﺻﺎﺭ ﻭﺑﺴﺘﻬﺎ ﺑﺮﺍﺳﻬﺎ . ﺍﺣﺴﺒﻴﻬﺎ ﻋﻠﻴﻪ .
ﺭﻏﻢ ﺣﺒﻲ ﺍﻟﻜﺒﻴﺮ ﺍﻟﻤﺎﺳﻪ . ﺑﺲ ﺣﻨﻴﻦ ﺧﻄﻴﻪ ﻭﻣﺎﻟﻬﺎ ﺫﻧﺐ .
ﺭﻏﻢ ﻣﺎﺭﺩﺕ ﺍﺫﻳﻬﺎ ﻭﺍﺗﻘﺮﺑﻠﻬﺎ ﻭﺍﻧﻲ ﮔﻠﺒﻲ ﻳﻢ ﻣﺎﺳﻪ .
ﻟﻜﻦ ﻋﻮﻃﻔﻲ ﻭﺷﻮﻗﻲ ﻭﺣﻨﻴﻨﻲ ﺍﻟﻤﺎﺳﻪ ﺗﺨﻴﻠﺘﻬﺎ ﺍﻟﻴﻮﻡ ﺯﻭﺟﺘﻲ ﻭﺗﻘﺮﺑﺘﻠﻬﺎ ﺑﺤﺮﻳﻪ ﻭﺭﺍﺣﻪ .
ﺍﻟﻰ ﺍﻥ ﺻﺎﺭ ﺍﻟﻲ ﺻﺎﺭ ﻭﺍﻧﻲ ﻣﺎﺣﺎﺱ ﻉ ﺭﻭﺣﻲ ..
ﻣﺮﺕ ﺍﻻﻳﺎﻡ ﻋﺎﺩﻱ . ﺑﻘﻠﻤﻲ ﺷﻤﺲ
ﻭﮔﻤﺖ ﺍﺗﺠﻨﺐ ﺍﺗﻘﺮﺏ ﺍﻟﺤﻨﻴﻦ .
ﺍﻟﺪﻭﺍﻡ ﺷﻮﻳﻪ ﺷﺎﻏﻠﻨﻲ .
ﺍﺭﺟﻊ ﺑﺲ ﺑﺎﻻﺟﺎﺯﺍﺕ . ﻣﺮﺗﺎﺡ ﻧﻮﻋﺎ ﻣﺎ .
ﻋﻤﻪ ﺍﺣﻼﻡ ﻛﺎﻧﺖ ﺗﻨﻘﻞ ﺍﺧﺒﺎﺭ ﻣﺎﺳﻪ ﻛﻠﻬﺎ .
ﻭﻛﺎﻧﺖ ﺗﺤﺠﻴﻠﻲ ﻣﻌﺎﻧﺎﺗﻬﺎ ﺑﺂﺧﺮ ﻓﺘﺮﻩ .
ﻭﻫﺬﺍ ﺍﻟﻌﺎﺭ ﺷﻠﻮﻥ ﻳﻌﺎﻣﻠﻬﺎ ﻳﻔﻮﺭ ﺩﻣﻲ ﻭﻣﺎﺍﺗﺤﻤﻞ .
ﻭﺍﺑﻘﻰ ﺍﻏﻠﻲ .
ﻭﺳﺎﻋﺎﺕ ﺍﮔﻠﻪ ﺭﺑﻲ ﻻ ﺗﺴﺘﺠﻴﺐ ﺩﻋﺎﺋﻲ ﻣﻦ ﮔﻠﺖ ﻣﺎﻳﻨﺴﻌﺪﻭﻥ .
ﺍﺳﻌﺪﻫﺎ ﻳﺎﺭﺑﻲ . ﻻﻥ ﺑﻌﺪ ﺧﻠﺺ ﺍﻧﻲ ﺗﺰﻭﺟﺖ ﻭﻫﻲ ﺗﺰﻭﺟﺖ
ﻭﻣﺎﺍﻇﻦ ﺑﻌﺪ ﻧﺠﺘﻤﻊ .
ﻭﮔﻠﺖ ﺍﻟﻌﻤﺘﻲ ﺑﻌﺪ ﻣﺎﺍﺭﻳﺪ ﺍﺳﻤﻊ ﺍﺧﺒﺎﺭﻫﺎ .
ﻻﻥ ﺑﺄﻋﺘﺒﺎﺭ ﻛﻞ ﻭﺍﺣﺪ ﺭﺍﺡ ﺑﻄﺮﻳﻘﻪ .
ﺍﻟﻰ ﺍﻥ ﻳﻮﻡ ﺑﺎﻟﺼﺪﻓﻪ . ﺳﻤﻌﺖ ﺍﻣﻲ ﺗﺤﺠﻲ ﺑﺎﻟﺘﻠﻔﻮﻥ ﻣﺎﺍﻋﺮﻑ ﻭﻱ ﻣﻨﻮ .
ﺑﺲ ﮔﺎﻟﺘﻠﻬﺎ ﻣﺎﺩﺭﻳﺘﻲ ﺑﻤﺎﺳﻪ ﺗﻄﻠﮕﺖ .
ﺍﻱ ﻫﻲ ﻣﺘﺼﻠﻪ ﻋﻠﻰ ﺍﺑﻮﻫﺎ ﻭﮔﺎﻳﻠﺘﻠﻪ ﻭﺧﻄﻴﻪ ﺑﺲ ﺗﺒﺠﻲ
ﻃﻠﻊ ﺟﺎﻥ ﻳﻌﺬﺑﻬﺎ ﻭﻣﺮﺍﻭﻳﻬﺎ ﺍﻟﻮﻳﻞ .
ﻭﺗﺎﻟﻲ ﺧﺎﻳﻨﻬﺎ ﻭﻋﻨﺪﻩ ﺳﻮﺍﻟﻒ ﻣﻮﺯﻳﻨﻪ .
ﺣﺴﻴﺖ ﺷﺮﺍﺭ ﻳﻄﻠﻊ ﻣﻦ ﻋﻴﻨﻲ . ﮔﻠﺒﻲ ﻭﺟﻌﻨﻲ ﺣﻴﻞ .
ﻃﻠﻌﺖ ﺑﺮﻩ . ﻭﮔﻤﺖ ﺍﺿﺮﺏ ﺑﻮﻛﺴﺎﺕ ﺑﺎﻟﺤﺎﻳﻂ ﺍﺭﻳﺪ ﺍﻃﻠﻊ ﺣﺮﮔﺔ ﮔﻠﺒﺒﻲ .
ﺁﺥ ﻟﻮ ﻳﻤﻲ ﻳﺎﺍﺣﻤﺪ . ﻟﻚ ﺗﻀﺮﺑﻬﺎ ﻭﺗﺨﻮﻧﻬﺎ .
ﻭﻟﻚ ﺍﺫﺍ ﺗﺸﻮﻑ ﻧﻔﺴﻚ ﻣﻮ ﮔﺪﻫﺎ ﻟﻴﺶ ﺍﺧﺬﺗﻬﺎ ﻣﻨﻲ .
ﻟﻴﺶ ﻓﺮﻗﺘﻨﺎ ﻭﺣﺮﻣﺘﻨﻲ ﻣﻨﻬﺎ .
ﮔﻤﺖ ﺍﺿﺮﺏ ﻉ ﺭﺍﺳﻲ . ﻟﻴﺶ ﺍﺳﺘﻌﺠﻠﺖ ﻳﺎﻣﺼﻄﻔﻰ ﻟﻴﺶ
ﻭﻟﻚ ﻣﺮ ﺷﻬﺮ ﻋﻠﻰ ﺯﻭﺍﺟﻚ ﻭﺣﺒﻴﺒﺘﻚ ﺗﻄﻠﮕﺖ .
ﻭﻟﻮ ﺣﺘﻰ ﺍﺫﺍ ﻣﺎﻣﺘﺰﻭﺝ ﺷﻠﻮﻥ ﺍﺧﺬﻫﺎ ﻭﺍﻧﻲ ﻋﺎﻗﺪ ﻋﻠﻰ ﺣﻨﻴﻦ .
ﺍﻟﻨﺪﻡ ﺍﻛﻞ ﮔﻠﺒﻲ . ﻭﻳﻮﻡ ﻛﺎﻣﻞ ﺍﻧﻲ ﺍﻟﻲ ﻳﺤﺎﺟﻴﻨﻲ ﺍﻧﻔﺠﺮ ﺑﻮﺟﻬﺔ .
ﺍﺧﺮ ﺷﻲ ﻣﺎﺗﺤﻤﻠﺖ . ﺭﺣﺖ ﺍﻟﺨﺎﻟﻲ ﻋﺎﺩﻝ .
ﻭﻃﻠﻌﺖ ﻛﻞ ﺍﻟﻲ ﺑﮕﻠﺒﻲ .
- ﺍﻧﺖ ﺍﺑﻮ ﺍﻧﺖ . ﺑﻨﺘﻚ ﺗﺘﻌﺬﺏ ﻭﺗﻨﻀﺮﺏ ﻭﺗﻨﻬﺎﻥ ﻭﺍﻧﺖ ﮔﺎﻋﺪ ﻫﻨﺎ ﺑﺎﻟﺠﺬﺏ ﺭﻭﺡ ﻭﺍﺳﻴﻬﺎ ﺣﺴﺴﻬﺎ ﺍﻧﻚ ﻳﻤﻬﺎ .
ﺭﻭﺡ ﺍﺩﺏ ﺍﻟﻲ ﺟﺮﺣﻬﺎ .
- ﻟﻴﺶ ﻫﻲ ﻣﻦ ﺗﺰﻭﺟﺖ ﺍﺣﺘﺮﻣﺘﻨﻲ ﺍﺧﺬﺕ ﺭﺃﻱ .
- ﻟﻮ ﺷﺎﻳﻔﺘﻚ ﺍﺑﻮ ﺍﻟﻬﺎ ﺻﺪﮒ ﺟﺎﻥ ﺍﺧﺬﺕ ﺭﺃﻳﻚ .
ﺑﺲ ﺍﻧﺖ ﻣﻦ ﻫﻲ ﺻﻐﻴﺮﻫﺎ ﻫﺎﻣﻠﻬﺎ ﻭﺷﺎﻣﺮﻫﺎ ﻋﻨﺪ ﺧﻮﺍﻟﻬﺎ .
ﺑﻜﻴﻔﻬﻢ ﻳﻤﺸﻮﻫﺎ ﻭﻳﺘﺤﻜﻤﻮﻥ ﺑﻴﻬﺎ .
ﺗﺮﻛﺘﻪ ﻭﻃﻠﻌﺖ .
ﻭﺻﻠﺖ ﻟﻠﺒﻴﺖ ﻟﮕﻴﺖ ﺍﻣﻲ ﻣﻌﺼﺒﻪ .
ﻋﺮﻓﺖ ﻭﻛﺎﻟﺔ ﺍﻻﻧﺒﺎﺀ ﺑﺘﻮﻝ ﻣﻮﺻﻠﺘﻠﻬﺎ ﺍﻟﺤﺠﻲ ..
- ﺍﻧﺖ ﺷﻌﻠﻴﻚ ﺑﻤﺎﺳﻪ ﻭﺗﺮﻭﺡ ﺍﻟﺨﺎﻟﻚ ﺗﻬﺪ ﻋﻠﻴﻪ .
ﺍﻧﺖ ﺭﺟﺎﻝ ﻣﺘﺰﻭﺝ ﺑﻄﻞ ﺳﻮﺍﻟﻔﻚ .
ﻭﺍﺑﻌﺪ ﻋﻦ ﻣﺎﺳﻪ .
ﻫﺎﻱ ﺑﻨﺖ ﺧﺎﻟﺘﻚ ﻭﺫﻳﺞ ﺑﻨﺖ ﺧﺎﻟﻚ .
ﻻﺗﺨﻠﻴﻨﺎ ﻧﺘﺤﺎﺭﺏ ﺑﺴﺒﺒﻚ .
ﻋﻮﻑ ﻣﺎﺳﻪ ﻭﺍﻧﺴﺎﻫﺎ ﻭﻣﻮ ﻳﻌﻨﻲ ﺗﻄﻠﮕﺖ ﺭﺍﺡ ﺗﺤﻠﻰ ﺑﻌﻴﻨﻚ .
- ﻟﻴﺶ ﻫﻲ ﻳﻤﺘﻪ ﻃﺎﺣﺖ ﻣﻦ ﻋﻴﻨﻲ ﺣﺘﻰ ﻫﺴﺎ ﺗﺤﻠﻰ .
ﺑﺲ ﺍﻧﺘﻲ ﺍﻟﺠﺒﺮﺗﻴﻨﻲ ﻉ ﺍﻟﺰﻭﺍﺝ .
ﻣﻮ ﮔﺘﻠﺞ ﻣﺎﺍﮔﺪﺭ ﺍﻧﺴﺎﻫﺎ .
- ﺩﻳﺮ ﺑﺎﻟﻚ ﺗﻔﻜﺮ ﺑﻴﻬﺎ ﻻ ﻭﺍﻟﻠﻪ ﺍﺗﺒﺮﺃ ﻣﻨﻚ ﻭﻣﺘﺸﻮﻑ ﻭﺟﻬﻲ ﺑﻌﺪ ﻓﺎﻫﻢ . ﺧﻠﻴﻚ ﺍﻟﻤﺮﺗﻚ ﻭﺑﻴﺘﻚ ﻭﻣﻌﻠﻴﻚ ﺑﻐﻴﺮﻙ .
- ﺻﺤﻴﺢ ﺍﻧﻲ ﻣﺘﺰﻭﺝ . ﺑﺲ ﻣﺎﺳﻪ ﻣﻮ ﻏﺮﻳﺒﻪ ﻭﻣﺎﻟﻬﺎ ﺍﺣﺪ ﻣﻦ ﺗﺤﺘﺎﺝ ﻭﺍﺣﺪ ﻳﻮﮔﻔﻠﻬﺎ ﻭﻳﺪﺍﻓﻌﻠﻬﺎ ﻣﺎﺭﺍﺡ ﺍﻗﺼﺮ ﺧﻠﻲ ﻫﺬﺍ ﺍﻟﺸﻲ ﺑﺒﺎﻟﺞ . ﻃﻠﻌﺖ ﻣﻦ ﺍﻟﺒﻴﺖ .
ﺭﺣﺖ ﻳﻢ ﻧﻬﺮ ﺍﻟﻐﺮﺍﻑ . ﻭﺍﻭﻝ ﻣﺮﻩ ﺍﺭﻭﺣﻠﻪ ﻣﻦ ﻳﻮﻡ ﺍﻟﻲ ﺍﻧﺨﻄﺒﺖ ﻣﺎﺳﻪ .
ﻟﻴﺶ ﻫﻴﺞ ﻳﺎﺍﻟﻬﻲ . ﻟﻴﺶ ﻫﻴﺞ ﺍﻟﻘﺪﺭ ﻳﺤﺎﻭﻝ ﻳﻔﺮﻗﻨﺎ ﺑﻜﻞ ﺍﻟﻄﺮﻕ .. ﺍﺗﺰﻭﺟﺖ ﻭﺗﺮﻛﺘﻨﻲ . ﻭﻣﻦ ﺗﻄﻠﮕﺖ ﺍﻧﻲ ﻣﺘﺰﻭﺝ . ﻫﻴﺞ ﻣﺎﻣﻘﺴﻮﻣﻠﻨﺎ ﻧﻨﺠﻤﻊ .
ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ . ﺣﻴﺸﺎﻙ ﻣﻦ ﺍﻥ ﺍﻟﻮﻣﻚ . ﺑﺲ ﺍﻋﺬﺭ ﮔﻠﺐ ﻳﺤﺐ ﻭﻣﺘﻌﺬﺏ ﺑﺤﺒﻪ .
ﺭﺟﻌﺖ ﻟﻠﺒﻴﺖ ﻣﺎﻟﻲ ﺧﻠﮓ ﻭﺗﻌﺒﺎﻥ .
ﺷﻔﺖ ﺣﻨﻴﻦ ﺗﺤﻮﻡ ﺩﺍﻳﺮ ﻣﺪﺍﻳﺮﻱ .
- ﺷﻜﻮ ﺷﺒﻴﺞ ﺍﺣﺠﻲ . ﺑﺲ ﺍﺫﺍ ﺳﺎﻟﻔﻪ ﺗﻐﺜﻨﻲ ﻻﺗﺴﻮﻟﻔﻴﻦ
- ﺍﻟﺤﻘﻴﻘﻴﻪ ﻣﺎﺍﻋﺮﻑ ﺍﺫﺍ ﺗﻐﺜﻚ ﺍﻭ ﻻ .
ﺍﻧﻲ ﻳﻤﻜﻦ ﺣﺎﻣﻞ ﻣﺼﻄﻔﻰ
- ﻃﻔﺮﺕ ﻣﻦ ﻣﻜﺎﻧﻲ 😲😲 ﺷﻨﻮ
ﺍﻗﺼﺪ ﺷﻠﻮﻥ ﻋﺮﻓﺘﻲ .
- ﻣﺎﻣﺘﺄﻛﺪﻩ ﺑﺲ ﺍﻧﻲ ﻭﺧﺎﻟﺘﻲ ﻳﮕﻮﻟﻦ ﻣﻨﺘﻀﺮﻳﻦ ﺑﺎﺟﺮ ﻧﺮﻭﺡ ﻧﺤﻠﻞ ﻭﻧﺘﺄﻛﺪ . ﺑﺲ ﻻﻥ ﺍﻧﺖ ﺿﺎﻳﺞ ﻭﺭﺩﺕ ﺗﺮﻭﺡ ﺑﺎﺟﺮ ﻟﻠﺪﻭﺍﻡ ﮔﻠﺖ ﺍﮔﻠﻚ ﻣﻦ ﻫﺴﺎ .
- ﺑﻴﻬﺎ ﺍﻟﺨﻴﺮ ﺍﻥ ﺷﺎﺀ ﺍﻟﻠﻪ . ﻣﺒﺮﺭﻭﻙ ...
ﺣﺠﻴﺘﻬﺎ ﻭﻣﺎﺍﻋﺮﻑ ﺍﺫﺍ ﻓﺮﺣﺎﻥ ﺍﻭ ﻻ .
ﺑﺲ ﺍﻟﺤﻤﺪ ﻟﻠﻪ ﻫﺬﺍ ﺭﺯﻕ ﻣﻨﻪ .
ﮔﻠﺘﻠﻬﺎ ﺍﺫﺍ ﺗﺄﻛﺪﺗﻮﺍ ﺑﺎﺟﺮ ﺧﺎﺑﺮﻳﻨﻲ ﻭﮔﻠﻴﻠﻲ ..
ﺳﺒﺤﺎﻥ ﺍﻟﻠﻪ ﺷﻨﻮ ﻫﺬﺍ ﺍﻟﺴﺮ ﺍﻟﻲ ﺧﻠﻪ ﺍﻻﺧﺒﺎﺭ ﺗﻨﺰﻝ ﻋﻠﻴﻪ ﻛﻠﻬﺎ ﺍﻟﻴﻮﻡ .
ﺧﺒﺮ ﻃﻼﮒ ﻣﺎﺳﻪ ﻭﺻﺎﺭﺕ ﺣﺮﻩ .
ﻭﺟﺎﻳﻨﻲ ﻃﻔﻞ ﺑﺎﻟﻄﺮﻳﻖ .
ﻣﻌﻘﻮﻟﻪ ﻫﺬﺍ ﺍﻟﻄﻔﻞ ﺣﺘﻰ ﻳﻨﺴﺪ ﻛﻞ ﺍﻣﻞ ﺑﻴﻨﻲ ﻭﺑﻴﻨﻬﺎ .
ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ
………………
ﻣﺎﺍﺍﺍﺍﺳﻪ ..
ﻣﻦ ﻫﺪﺩﺗﻪ ﺍﻻﺣﻤﺪ . ﺍﺿﻄﺮ ﻳﻄﻠﮕﻨﻲ ﺑﺲ ﺷﻠﻌﻪ ﺍﻟﮕﻠﺒﻲ ﻳﻠﻪ ﻃﻠﮓ .
ﻭﺍﺧﻴﺮﺍ ﺭﺟﻌﺘﻠﻲ ﺣﺮﻳﺘﻲ ..
ﺑﺲ ﺑﻌﺪ ﻣﺎﻧﻔﺴﻴﺘﻲ ﺗﻌﺒﺖ ﻭﺣﻴﺎﺗﻲ ﺍﻧﻘﻠﺒﺖ ﺭﺃﺳﺎ ﻋﻠﻰ ﻋﻘﺐ .
ﺍﺗﺼﻠﺖ ﻋﻠﻰ ﺑﺎﺑﺎ ﻭﮔﺘﻠﻪ ﺑﻘﻰ ﻳﻠﻮﻡ ﺑﻴﻪ . ﻭﻳﺤﺠﻲ ﺑﺲ ﺭﺍﺿﻴﺘﻪ ﻭﺗﺼﺎﻟﺤﻨﻪ .
ﻭﮔﺎﻝ ﺗﻌﺎﻱ ﻛﻢ ﻳﻮﻡ ﻫﻨﺎ ﻳﻢ ﺑﻴﺒﻴﺘﺞ ﺍﺭﺗﺎﺣﻲ ﻭﻏﻴﺮﻱ ﺟﻮ .
ﻛﻨﺖ ﻣﺘﺮﺩﺩﻩ ﺑﺲ ﺑﻌﺪ ﺍﻟﺤﺎﺣﻪ ﻭﺍﻓﻘﺖ .
ﻗﺮﺭﺕ ﺍﺭﻭﺡ ﻛﻢ ﻳﻮﻡ ﻭﺍﺭﺟﻊ ﻻﻥ ﺭﺍﺡ ﺍﺑﺪﻱ ﺍﻗﺮﺃ ﻭﺍﺣﻈﺮ ﻟﻠﺴﺎﺩﺱ ﻻﺯﻡ ﺍﻛﻤﻞ ﻫﺬﻱ ﺍﻟﺴﻨﻪ
....
ﺑﻌﺪ ﻣﺎﺗﻄﻠﮕﺖ ﺍﻧﻘﻄﻌﺖ ﻋﻼﻗﺘﻲ ﺑﺒﻴﺖ ﺧﺎﻟﻮ ﻣﺎﻫﺮ .
ﻭﺭﻧﺎ ﻣﺘﺤﺠﻲ ﻭﻳﺎﻱ ﻭﮔﻤﺖ ﺍﺗﻼﻓﺎﻫﺎ ﻣﺎﺍﺣﺐ ﺍﺳﻤﻊ ﺗﺠﺮﻳﺤﻬﺎ .
ﺣﺘﻰ ﺍﻟﺒﻴﺖ ﺧﺎﻟﻮ ﻋﺎﻣﺮ ﻣﺎﺍﺻﻌﺪ . ﺍﺧﺎﻑ ﺗﮕﻮﻝ ﺟﺎﻳﻪ ﺗﺨﻄﻒ ﺭﺟﻠﻲ . ﻻﻥ ﺩﻭﻡ ﺗﺤﺠﻴﻬﺎ .
ﮔﻤﺖ ﺍﺗﺼﻞ ﻉ ﺳﺎﺭﺓ ﺗﺠﻴﻨﻲ ﻭﻧﻘﺮﺃ ﺳﻮﻳﻪ ﻻﻥ ﻫﻲ ﺍﺻﻐﺮ ﻣﻦ ﻋﺪﻧﺎ ﺑﺴﻨﻪ ﺍﻧﻲ ﻭﺭﻧﺎ .
ﻭﻻﻥ ﺗﺮﻛﺖ ﺳﻨﻪ . ﻓﺼﺮﺕ ﻭﻳﺎﻫﺎ ﺣﺎﻟﻴﺎ .
ﻫﻲ ﺩﺍﺧﻠﻪ ﺑﻜﻢ ﻣﺎﺩﻩ ﻋﻨﺪ ﻣﺪﺭﺳﻴﻦ .
ﻓﻄﻠﺒﺖ ﺗﺴﺠﻠﻲ ﻭﻳﺎﻫﺎ .
ﻣﺎﻣﺎ ﮔﺎﻟﺖ ﺍﺳﻮﻱ ﺳﻠﻔﻪ ﻣﻦ ﺭﺍﺗﺒﻲ ﻭﺍﺩﻓﻌﻠﺞ .
ﻭﺍﻧﻲ ﻫﻢ ﻋﻨﺪﻱ ﺫﻫﺒﻲ .
ﺭﺩﺕ ﺍﺑﻴﻌﻪ ﺑﺲ ﻫﻲ ﻣﻘﺒﻠﺖ .
ﺻﺎﺭﺕ ﻋﻼﻗﺘﻲ ﻗﻮﻳﻪ ﺑﺴﺎﺭﻩ . ﻭﺍﻟﺼﺮﺍﺣﺔ ﮔﻠﺒﻬﺎ ﺍﻧﻀﻒ ﻣﻦ ﺭﻧﺎ ﻭﻣﺘﺤﺐ ﺗﺤﺠﻲ ﻉ ﺍﺣﺪ .
ﻭﺍﻧﻲ ﺗﻌﺠﺒﻨﻲ ﻫﻴﺞ ﻭﺣﺪﻩ .
ﺍﺣﻤﺪ ﻣﺮﺍﺕ ﺍﺷﻮﻓﻪ ﻣﻦ ﻧﻄﻠﻊ ﻟﻠﺪﻭﺭﻩ ﺑﺲ ﺍﻫﻤﻠﻪ ﻭﻣﺎﺍﻫﺘﻢ .
ﻣﻊ ﺍﻧﻪ ﻳﺤﺎﻭﻝ ﻳﺤﺠﻲ ﻭﻳﺎﻱ .
ﺍﻣﻪ ﻛﻞ ﻳﻮﻡ ﺗﺮﻳﺪ ﺗﺨﻄﺒﻠﻪ ﻭﺗﺨﻴﺮﻩ . ﻭﻫﻮ ﻣﻴﻘﺒﻞ .
ﻭﻫﻲ ﺗﺠﻲ ﺗﺪﻋﻲ ﻭﺗﺤﺠﻲ ﻋﻠﻴﻪ ﻭﺗﻄﻠﻊ .
ﺗﮕﻠﻲ ﻛﻠﻪ ﻣﻦ ﻭﺭﺍﺝ ﺳﺪﻳﺘﻲ ﻧﻔﺲ ﺍﺑﻨﻲ ﻉ ﺍﻟﺰﻭﺍﺝ .
ﻛﺮﻫﺘﻲ ﺑﺎﻟﻨﺴﻮﺍﻥ ﻛﻠﻬﺎ .
ﻣﺎﻣﺎ ﻛﺎﻧﺖ ﺗﺮﺩﻫﺎ ﺑﺲ ﺍﻧﻲ ﺍﺗﺮﻛﻬﺎ ﻭﺍﺩﺧﻞ ﺍﻟﻐﺮﻓﻪ ﺍﺳﻮﻱ ﻧﻔﺴﻲ ﻣﺴﺎﻣﻌﺘﻬﺎ ﻭﻫﻲ ﺗﻤﻮﺕ ﺣﺮﮔﺔ .
ﻣﺮﻩ ﺑﻴﺒﻲ ﻃﺮﺩﺗﻬﺎ ﻭﮔﺎﻟﺖ ﺍﻟﺨﺎﻟﻮ ﻋﻠﻴﻬﺎ . ﺑﻌﺪ ﻣﺘﻔﺘﺢ ﺍﻟﻤﻮﺿﻮﻉ ..
ﺍﻧﺸﻐﻠﺖ ﺑﺎﻟﺪﺭﺍﺳﻪ . ﻭﺑﺎﺑﺎ ﺑﻘﻰ ﻳﻠﺢ ﻋﻠﻴﻪ ﺍﻧﻪ ﻳﺎﺧﺬﻧﻲ ﻳﻤﻪ .
ﻭﺍﻧﻲ ﺍﺗﺤﺠﺞ ﺑﺎﻟﺪﻭﺭﺍﺕ ﻭﺍﻟﺪﺭﺍﺳﻪ .
ﺍﻟﻰ ﺍﻥ ﺑﻴﻮﻡ ﺷﻔﺘﻪ ﻓﺠﺄﺓ ﮔﺒﺎﻟﻲ .
ﮔﺎﻝ ﻣﺸﺘﺎﻗﻠﺞ ﻭﻣﺎﺍﮔﺪﺭ ﺍﺩﺧﻞ ﺟﻴﺒﻲ ﻣﻼﺑﺴﺞ ﻭﺗﻌﺎﻟﻲ . ﺑﺴﺒﺐ ﺧﻮﺍﻟﻲ ﻣﻴﺤﺠﻲ ﻭﻳﺎﻫﻢ ﻣﻦ ﺃﺧﺮ ﻣﺮﻩ ﺗﻌﺎﺭﻛﻮﺍ .
ﻣﺎﺭﺩﺕ ﺍﺣﺮﺟﻪ . ﮔﻠﺖ ﺍﻟﻤﺎﻣﺎ ﺗﺮﺩﺩﺕ ﺑﺲ ﺑﻴﺒﻲ ﻗﻨﻌﺘﻬﺎ ﮔﺎﻟﺘﻠﻬﺎ ﺧﻠﻲ ﺗﻐﻴﻴﺮ ﺟﻮ ﻭﺗﺒﺘﻌﺪ ﻋﻦ ﻫﻨﺎ ﺷﻮﻳﻪ .
ﺍﻧﻲ ﺍﻋﺮﻑ ﻣﺮﺍﺡ ﺍﺭﺗﺎﺡ . ﺑﺲ ﻣﺎﺭﺩﺕ ﺍﻛﺴﺮ ﺧﺎﻃﺮﻩ ﺍﻟﺒﺎﺑﺎ
ﺍﺧﺬﺕ ﻛﻢ ﮔﻠﺒﻴﻪ .
ﻻﻥ ﻫﻲ ﻛﻢ ﻳﻮﻡ ﻭﺭﺍﺟﻌﻪ .
ﺍﻧﻲ ﺗﻐﻴﺮﺕ ﻭﺳﺘﺎﻳﻠﻲ ﺗﻐﻴﺮ .
ﻟﻔﺔ ﺍﻟﺸﺎﻝ ﺣﻠﻮﻩ . ﻭﺍﻧﻲ ﺿﻌﻔﺎﻧﻪ ﻛﻠﺶ ﻭﺟﺴﻤﻲ ﺣﻠﻮ
ﻟﺒﺴﺖ ﻋﺒﺎﻳﻪ ﺍﺳﻼﻣﻴﻪ ﻭﻟﻔﻴﺖ ﺍﻟﺸﺎﻝ .
ﻭﻣﺨﻠﻴﺖ ﺍﻱ ﺷﻲ ﺑﻮﺟﻬﻲ ﺑﺲ ﻛﺤﻞ ﻭﻣﺎﺳﻜﺮﺍ .
ﻭﺩﻋﺖ ﻣﺎﻣﺎ ﻭﻃﻠﻌﻨﺎ .
ﺭﺟﻌﻨﻲ ﺍﻟﻄﺮﻳﻖ ﺳﻨﺘﻴﻦ ﻭﻧﺺ ﻟﻮﺭﻯ .
ﻣﻦ ﺻﺎﺭ ﺍﻟﺤﺮﺏ .
ﻭﻣﻦ ﺭﺟﻌﻨﺎ ﻭﻭﻳﺎﻧﺎ ﻣﺼﻄﻔﻰ .
ﻭﻫﻮﺍﻱ ﺫﻛﺮﻳﺎﺕ ﺭﺟﻌﺘﻠﻲ .
ﺩﺧﻠﻨﺎ ﺍﻟﻨﺎﺻﺮﻳﻪ . ﺣﺴﻴﺖ ﮔﻠﺒﻲ ﻳﺪﮒ ﺣﻴﻞ .
ﻭﺍﺩﻱ ﺗﺮﺟﻒ ﻭﺍﻃﺮﺍﻓﻲ ﺛﻠﺠﺖ .
ﺁﻩ ﻳﺎﻗﻠﺒﻲ .. ﺃﻣﺎ ﺯﻟﺖ ﺗﺤﻦ ﻭﺗﻌﺸﻖ .
ﺍﻣﺎ ﺯﻟﺖ ﺗﻔﻜﺮ ﻭﺗﺘﺬﻛﺮ . ﺫﻛﺮﻳﺎﺕ ﻛﻨﺖ ﺍﺿﻨﻬﺎ ﻟﻦ ﺗﺴﺘﺮﺟﻊ .
ﺍﻟﻢ ﻳﻨﻘﻄﻊ ﺍﻻﻣﻞ .. ﺍﻟﻢ ﺗﻜﻒ ﻭﺗﻤﻞ .
ﻭﺍﻧﺖ ﺗﻌﺮﻑ ﺍﺻﺒﺢ ﺣﺒﻚ ﻣﺴﺘﺤﻴﻞ .
ﻓﻠﻤﺎ ﻣﺎﺯﻟﺖ ﻣﺘﻔﺎﺋﻞ ﻭﻛﺄﻥ ﻫﻨﺎﻙ ﻣﻦ ﻳﻨﺘﻀﺮﻙ ﻟﺘﺮﺟﻊ ..
ﻭﺻﻠﻨﺎ ﺍﻟﺒﻴﺖ ﺟﺪﻭ ﻫﻨﺪﻱ .
ﻧﺰﻟﺖ ﺗﻠﮕﺘﻨﻲ ﺑﻴﺒﻲ ﺻﺤﺘﻬﺎ ﻣﻮ ﻣﺜﻞ ﻗﺒﻞ ﻭﺗﻌﺒﺎﻧﻪ .
ﺣﻀﻨﺘﻨﻲ ﻭﺗﺒﺠﻲ .
ﻭﻟﺞ ﻳﻤﻪ ﻣﺎﺳﻪ ﺭﺍﺡ ﺍﻣﻮﺕ ﻋﻠﻰ ﺷﻮﻓﺘﺞ ﻟﻴﺶ ﻫﻴﺞ ﮔﻄﻌﺘﻲ ﺑﻴﻨﺎ . ﻳﻤﺎ ﺑﻌﺪ ﻃﻮﻟﻲ ﺷﺼﺎﻳﺮﻩ ﺗﺨﺒﻠﻴﻦ ﻋﻴﻦ ﺍﻟﺤﺎﺭﺓ ﺑﺎﺭﺩﻩ .
ﺗﺒﻮﺱ ﻭﺗﺸﻢ ﺑﻴﻪ ..
ﺍﺟﻮ ﺍﺧﻮﺍﻧﻲ ﺳﻠﻤﺖ ﻋﻠﻴﻬﻢ ﻭﺑﻮﺳﺘﻬﻢ .
ﺳﻠﻤﺖ ﻋﻠﻰ ﺑﺘﻮﻝ . ﻭﻃﺒﻌﺎ ﺳﻼﻣﻬﺎ ﻣﻦ ﻭﺭﻯ ﺧﺸﻤﻬﺎ .
ﻭﺻﺮﻋﺖ ﺭﺍﺳﻲ ﺑﺎﻟﺤﺠﻲ ..
ﻟﻴﺶ ﺗﻄﻠﮕﺘﻲ
ﻭﺍﻟﻨﺎﺱ ﻣﺎﺗﺮﺣﻢ
ﻛﻠﻨﺎ ﻋﺪﻧﺎ ﻣﺸﺎﻛﻞ ﺑﺲ ﮔﺎﻋﺪﻳﻦ ﻭﻣﺤﺘﺮﻣﻴﻦ ﺍﺭﻭﺍﺣﻨﺎ .
ﺍﻭﻭﻭﻩ ﻣﻦ ﻫﺬﺍ ﺍﻟﺤﺠﻲ ﺍﻟﻲ ﻳﺴﻢ ﺍﻟﺒﺪﻥ .
ﺍﻟﻰ ﺑﻴﺒﻲ ﺭﮔﻌﺘﻬﺎ ﺑﺎﻟﺪﻭﻟﻜﻪ ﻳﻠﻪ ﺳﻜﺘﺖ .
ﻫﻬﻬﻬﻬﻪ ﻓﺪﻭﻩ ﺍﻟﺒﻴﺒﻲ ﺑﻌﺪﻫﻲ ﻉ ﺳﻮﺍﻟﻔﻬﺎ .
ﮔﻤﺖ ﺑﺪﻟﺖ . ﻭﺭﺣﺖ ﺍﺳﻮﻱ ﻋﺸﺎ ﻭﻱ ﺑﺘﻮﻝ .
ﻭﻛﻞ ﺳﺎﻋﻪ ﺗﺮﻳﺪ ﺗﺮﻭﺡ ﻟﻠﺘﻠﻔﻮﻥ ﻭﺑﻴﺒﻲ ﺗﻄﺮﺩﻫﺎ .
ﻣﺎﻓﻬﻤﺖ ﺍﻟﺴﺎﻟﻔﻪ ﺷﻨﻮ .
ﺗﺎﻟﻲ ﺑﻴﺒﻲ ﮔﺎﻟﺘﻠﻬﺎ ﻭﻟﺞ ﻭﻛﺎﻟﺔ ﺍﻻﻧﺒﺎﺀ ﻛﻠﺸﻲ ﻭﻧﺸﺮﺗﻲ ﻭﺧﺒﺮﺗﻲ ﺍﻟﻌﺎﻟﻢ ﻛﻠﻬﺎ .
ﻓﻬﻤﺖ ﺗﺮﻳﺪ ﺗﺨﺎﺑﺮ ﺑﻴﺖ ﻋﻤﺘﻲ ﻭﺗﮕﻠﻠﻬﺎ .
ﺧﻔﺖ ﻣﻦ ﺩﺍﺧﻠﻲ . ﻣﺎﺍﺭﻳﺪ ﺍﺣﺪ ﻳﺴﻤﻊ ﺑﺠﻴﺘﻲ ﻭﺗﺼﻴﺮ ﻣﺸﺎﻛﻞ .
ﮔﺎﻝ ﺑﺎﺑﺎ ﮔﻮﻣﻲ ﻧﺮﻭﺡ ﺍﻟﺒﻴﺖ ﺟﺪﺝ ﻣﻬﺪﻱ .
ﺍﻧﺘﻲ ﺗﺤﺒﻴﻦ ﺍﻟﺠﻮ ﻫﻨﺎﻙ .
ﺗﺮﺩﺩﺕ ﺍﺭﻭﺡ ﺧﺎﻑ ﺍﻟﺘﻘﻲ ﺑﺄﺣﺪ .
ﮔﺘﻠﻪ ﻻﺑﺎﺑﺎ ﺧﻠﻴﻬﺎ ﻏﻴﺮ ﻣﺮﻩ ﺍﺭﻳﺪ ﺍﺷﺒﻊ ﻣﻦ ﺑﻴﺒﻲ .
ﻟﻠﻴﻞ ﮔﺎﻟﺖ ﺑﻴﺒﻲ ﺗﻌﺎﻱ ﻧﺎﻣﻲ ﺑﺤﻈﻨﻲ ﻣﺜﻞ ﻗﺒﻞ ﻣﻦ ﺗﺠﻴﻨﻲ .
ﻭﺳﻮﻟﻔﻴﻠﻲ ﻋﻠﻰ ﻫﺬﺍ ﺍﻟﻤﮕﻤﻮﻉ ﺍﻟﻲ ﺗﺰﻭﺟﺘﻪ .
ﺧﻠﻴﺖ ﺭﺍﺳﻲ ﻋﻠﻰ ﺭﺟﻠﻴﻬﺎ ﻭﻧﺴﻮﻟﻒ .
ﺍﻧﺪﮔﺖ ﺍﻟﺒﺎﺏ .
ﺣﺴﻴﺖ ﮔﻠﺒﻲ ﺍﻧﺨﻄﻒ .
ﻣﻌﻘﻮﻟﻪ ﺍﻟﮕﻠﺐ ﻳﺤﺲ ﻫﻴﺞ ﻭﻳﻌﺮﻑ ﺍﻟﻲ ﻳﺤﺒﻪ ﺑﺎﻟﺒﺎﺏ .
ﮔﺎﻟﺖ ﺑﺘﻮﻝ . ﺍﺟﺖ ﺍﻓﺮﺍﺡ ﻭﻭﻟﺪﻫﺎ .
ﮔﻤﺖ ﻋﺪﻟﺖ ﺷﺎﻟﻲ .
ﺩﺧﻠﺖ ﻋﻤﺘﻲ ﺍﻧﺼﺪﻣﺖ ﻣﺖ ﺷﺎﻓﺘﻨﻲ .
ﺑﻮﺳﺘﻨﻲ ﻋﺎﺩﻱ . ﺑﺲ ﺣﺴﻴﺖ ﻭﺟﻬﻬﺎ ﺛﮕﻴﻞ ﻋﻠﻴﻪ .
ﺑﻌﺪﻳﻦ ﺩﺧﻠﺖ ﺣﻨﻴﻦ .. ﺗﺠﺮ ﺑﻨﻔﺴﻬﺎ ﻭﻣﺒﻴﻦ ﻋﻠﻴﻬﺎ ﺗﻌﺐ ﺍﻟﺤﻤﻞ ﻭﻭﺟﻬﻬﺎ ﺍﺻﻔﺮ .
ﺷﺎﻓﺘﻨﻲ ﺍﻧﺮﻋﺒﺖ . ﻭﺑﻘﺖ ﺗﺠﺮ ﺑﺎﻟﺤﺠﻲ .
ﻫﻬﻬﻬﻬﻠﻮﻭﻭﻭ ﻣﺎﺍﺍﺍﺍﺳﻪ . ﺷﻮﻛﺖ ﺍﺟﻴﺘﻲ .
ﺍﻟﻴﻮﻡ ﺍﺟﻴﺖ ﺑﺎﺑﺎ ﺍﺻﺮ ﻭﺟﺎﺑﻨﻲ .
ﺑﻌﺪﻳﻦ ﺩﺧﻠﻦ ﺣﻼ ﻭﺭﻧﺎ ﺣﻀﻨﻨﻲ . ﻭﺣﻼ ﻣﺨﻄﻮﺑﻪ ﺍﻻﺑﻦ ﻋﻤﻬﺎ ﻓﺮﺣﺘﻠﻬﺎ ﻛﻠﺶ .
ﺍﺣﺠﻲ ﻭﻳﺎﻫﻢ ﻭﻣﺮﺗﺒﻜﻪ .
ﺳﻤﻌﺘﻪ ﻛﺢ . ﻭﻟﻮﻧﻲ ﻭﺭﻭﺣﻲ ﻭﮔﻠﺒﻲ ﻛﻠﻬﺎ ﺍﻧﺨﻄﻔﺖ .
ﺭﺩﺕ ﻣﺎﺍﺑﻴﻦ ﻭﺣﺎﻭﻟﺖ . ﺑﺲ ﺍﻛﻴﺪ ﺑﻴﻦ ﻋﻠﻴﻪ .
ﻋﺴﺎﺱ ﻫﻮ ﺯﻋﻼﻥ ﻭﻣﻴﺪﺧﻞ ﺍﻟﺒﻴﺖ ﺟﺪﻭ .
ﺑﺲ ﺑﺎﺑﺎ ﻗﻨﻌﻪ ﻭﺭﺍﺿﺎﻩ ﻭﺩﺧﻠﻪ .
ﺳﻠﻢ ﻭﺑﻘﻰ ﻫﻴﺞ .😲😲
ﻻ ﺍﻧﻲ ﺍﻟﺤﺠﻴﺖ ﻭﻻ ﻫﻮ . ﺑﻴﻦ ﺍﻻﺭﺗﺒﺎﻙ ﻋﻠﻴﻨﺎ .
ﺁﻟﺘﻘﻴﻨﺎ ﺑﻌﺪ ﺍﻟﻔﺮﺍﻕ ﺍﻟﺘﻘﻴﻨﺎ ﻭﻧﻬﻠﻨﺎ ﻣﻦ ﺍﻟﻬﻮﻯ ﻭﺍﻧﺘﺸﻴﻨﺎ
ﻭﺻﺤﻮﻧﺎ ﻣﻦ ﻧﺸﻮﺗﻨﺎ ﻳﻮﻣﺎ . ﻟﻮﺩﺍﻉ ﻣﻠﺊ ﺍﻟﻌﻴﻮﻥ ﻭﺑﻜﻴﻨﺎ
ﻫﻜﺬﺍ ﺩﻧﻴﺎ ﺍﻟﻌﺎﺷﻘﻴﻦ ﻟﻘﺎﺀﺍ . ﻭﻭﺩﺍﻋﺎ ﻓﻴﺎﻟﻴﺘﻨﺎ ﻣﺎﺍﻟﺘﻘﻴﻨﺎ
ﮔﺎﻝ ﺷﻠﻮﻧﺞ ﻣﺎﺳﻪ . ﺍﻥ ﺷﺎﺀ ﺍﻟﻠﻪ ﺑﺨﻴﺮ
ﮔﺘﻠﻪ . ﻫﻠﻮ ﺧﻮﻳﻪ ﺷﻠﻮﻧﻚ .
ﺣﺴﻴﺖ ﺍﻟﻜﻞ ﻳﺒﺎﻭﻋﻠﻨﺎ . ﺭﺩﺕ ﺍﻛﺴﺮ ﻋﻴﻨﻬﻢ .
ﺑﺲ ﺑﺤﺠﺎﻳﺘﻲ ﻛﺴﺮﺕ ﮔﻠﺒﻲ ﻭﮔﻠﺒﻪ .
ﻣﺼﻄﻔﻰ . ﺍﻭﻝ ﻣﺸﻔﺘﻬﺎ ﮔﺒﺎﻟﻲ ﻋﺒﺎﻟﻲ ﺍﺣﻠﻢ ﻣﺎﻣﺼﺪﮒ ﺭﻭﺣﻲ . ﺻﺢ ﺿﻌﻔﺎﻧﻪ ﻭﺫﺑﻼﻧﻪ . ﺑﺲ ﻋﻴﻮﻧﻬﺎ ﻧﻔﺴﻬﻦ .
ﻣﺎﺗﻐﻴﻴﺮ ﺍﻟﺤﺐ ﻣﻨﻬﻦ . ﻟﻬﻔﺘﻬﺎ ﻧﻀﺮﺗﻬﺎ ﺻﻮﺗﻬﺎ ﻭﺭﺟﻔﺔ ﺍﺩﻳﻬﺎ ﻣﻦ ﺗﺤﺠﻲ ﻭﻳﺎﻱ ﻛﻠﻬﻦ ﻧﻔﺴﻬﻦ .
ﺑﻌﺪﻫﻲ ﻣﺜﻞ ﻣﺎﺗﺮﻛﺘﻬﺎ .
ﻋﺒﺎﻟﻚ ﺍﻟﺒﺎﺭﺣﻪ ﺍﻓﺘﺮﻗﻨﺎ .
ﺍﺑﺪ ﻣﺎﺗﻐﻴﺮﺕ ﻣﺎﺍﺍﺍﺳﺘﻲ .
ﺑﻘﻴﻨﺎ ﺑﺲ ﻋﻴﻮﻥ ﺗﺴﻮﻟﻒ ﻭﺗﻌﺎﺗﺐ .
ﻭﺻﺤﻴﺖ ﺍﻫﻠﻲ ﻭﺣﻨﻴﻦ ﻣﻮﺟﻮﺩﻩ .
ﺳﻠﻤﺖ ﻋﻠﻴﻬﺎ . ﻭﺭﺩﺕ ﻭﻳﺎﻟﻴﺘﻬﺎ ﻣﺎﺭﺩﺕ .
ﻣﻦ ﮔﺎﻟﺖ ﺧﻮﻳﻪ ﻣﺮﺩﺗﻬﺎ ﺍﻟﺮﻭﺣﻲ ﻣﺮﺩ .
ﮔﻌﺪﺕ ﺑﺼﻒ ﺍﻣﻲ . ﻭﻣﺪﻧﮓ .
ﻣﺎﺍﮔﺪﺭ ﺍﺣﻂ ﻋﻴﻨﻲ ﻋﻠﻴﻬﺎ . ﺍﻧﻜﺸﻒ ﻭﻛﻠﻬﺎ ﺗﻌﺮﻑ .
ﻳﻨﻜﺸﻒ ﺍﻟﻲ ﺿﻤﻴﺘﻪ ﻭﺿﺤﻜﺖ ﻉ ﺍﻟﻨﺎﺱ ﻭﮔﻠﺖ ﻧﺴﻴﺘﻪ .
ﻣﻦ ﺍﺣﺠﻲ ﻭﻱ ﺧﺎﻟﻲ ﻟﻮ ﺑﻴﺒﻴﺘﻲ .
ﻭﺗﺼﺪ ﻋﻴﻨﻲ ﻋﻠﻴﻬﺎ . ﺍﻟﮕﺎﻫﺎ ﺗﺮﺟﻒ ﻭﺗﻔﺮﻙ ﺑﺪﻳﻬﺎ .
ﺍﻭﻭﻭﻭﻑ ﻳﺒﺖ ﮔﻠﺒﻲ . ﺭﺩﻳﺘﻲ ﻭﺭﺩﺕ ﻭﻳﺎﺝ ﺍﺷﻮﺍﮔﻲ ﻭﺍﺣﻠﻰ ﺍﻳﺎﻣﻲ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء