رواية عشق وابتلاء الجزء العاشر
للكاتبة شمس
...
ﻋﺼﺒﺘﻨﻲ ﻣﺎﻣﺎ ﺗﺮﻛﺘﻬﺎ ﻭﻧﻤﺖ .
ﻭﺍﻻﺻﺢ ﺑﻘﻴﺖ ﺍﺗﮕﻠﺐ ﺑﻔﺮﺍﺷﻲ ..
ﺍﻟﻰ ﺍﻥ ﺍﺫﻥ ﺍﺫﺍﻥ ﺍﻟﻔﺠﺮ .
ﻣﻦ ﺍﻟﺼﺒﺢ ﺍﺟﺖ ﺭﻧﺎ .. ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻣﺎﺳﻪ .. ﺍﮔﻌﺪﻱ .
ﺍﻣﻤﻢ ﻫﻠﻮ ﺭﻧﺎ ﺷﻠﻮﻥ .
ﺷﻠﻮﻧﻲ ﻳﻌﻨﻲ . ﺑﻌﺪ ﻣﺎﺧﻠﻴﺘﻲ ﺭﺟﻠﻲ ﻭﺍﺧﻮﻱ ﻳﺘﻌﺎﺭﻛﻮﻥ .
ﻫﺎﻱ ﺷﺒﻴﺞ ﺭﻧﺎ . ﺍﻧﻲ ﺷﻌﻠﻴﻪ ﻗﺎﺑﻞ ﺍﻧﻲ ﻭﺩﻳﺖ ﻉ ﻣﺮﺗﻀﻰ ﻭﮔﺘﻠﻪ ﺍﻧﺰﻝ .
ﺍﻱ ﻟﻮﻣﺎ ﺟﺎﻳﻪ ﺍﻟﺒﻴﺖ ﺟﺪﻭ ﻭﮔﺎﻟﺒﺔ ﺍﻟﺪﻧﻴﺎ ﻣﺎﻳﻨﺰﻝ ﻋﻤﻲ ﻭﻣﺮﺗﻀﻰ .
ﺍﺳﺘﺤﻤﺪﻱ ﺭﺑﺞ ﻭﻳﻦ ﻻﮔﻴﻪ ﻫﻴﺞ ﺭﺟﺎﻝ ﻳﺤﺒﺞ ﻭﺑﻴﺖ ﻭﺣﺪﺝ ﻭﻣﺪﻟﻠﺔ ﺑﻌﺪ ﺷﺘﺮﺩﻳﻦ .
ﺍﺑﺎﻭﻋﻠﻬﺎ ﻭﻣﻤﺼﺪﮔﻪ . ﻣﻌﻘﻮﻟﻪ ﻫﺎﻱ ﺭﻧﺎ ﺻﺪﻳﻘﻪ ﻃﻔﻮﻟﺘﻲ ﻭﺍﺧﺘﻲ ﻫﻴﺞ ﺗﺤﺠﻲ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﺭﻧﺎ ﺍﻧﺘﺒﻬﻲ ﺍﻟﻜﻼﻣﺞ ﻭﻟﺘﺘﺠﺎﻭﺯﻳﻦ .
ﻟﺞ ﻛﻴﻔﺖ ﺍﺗﺤﺴﻨﺖ ﻋﻼﻗﺘﻲ ﺑﻤﺮﺗﻀﻰ ﺷﻮﻳﻪ .
ﮔﻤﺘﻲ ﺗﻌﺎﺭﻛﺘﻲ ﻭﻱ ﺍﺣﻤﺪ ﻭﺗﺮﻛﺘﻴﻪ .
ﻭﺧﻠﻴﺘﻲ ﻣﺮﺗﻀﻰ ﺍﻟﻠﻴﻞ ﻛﻠﻪ ﻳﺘﮕﻠﺐ ﻭﻳﺴﺐ ﺑﺎﺧﻮﻱ ﻭﻣﺎﺍﮔﺪﺭ ﺍﺣﺠﻲ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﺗﺮﺩﻳﻦ ﺗﻬﺪﻣﻴﻦ ﺑﻴﺘﻲ ﻣﺎﺍﺳﻪ .
ﮔﻮﻣﻲ ﺍﻃﻠﻌﻲ ﺭﻧﺎ . ﺧﻠﻴﻨﻲ ﺑﺤﺎﻟﻲ . ﺳﺒﻖ ﻭﺍﻥ ﮔﺘﻠﺞ ﻣﺮﺗﻀﻰ ﺍﺧﻮﻱ .
ﻭﻫﻮ ﺍﻧﺴﺎﻥ ﻭﺍﻋﻲ ﻭﻣﺴﺘﺤﻴﻞ ﻳﺒﺎﻭﻉ ﻉ ﺯﻭﺟﺔ ﻏﻴﺮﻩ .
ﺑﺲ ﺑﺤﺠﻴﺞ ﻫﺬﺍ ﺗﺪﺧﻠﻴﻦ ﻫﻴﺞ ﺍﻓﻜﺎﺭ ﺑﺮﺍﺳﻪ .
ﺭﻭﺣﻲ ﺍﻟﺒﻴﺘﺞ ﻭﺭﺟﻠﺞ .
ﻭﻣﺎﻟﺞ ﺩﺧﻞ ﺑﻴﻪ .
ﺭﺍﺩﺕ ﺗﻄﻠﻊ . ﺩﺍﺭﺕ ﻭﺟﻬﻬﺎ . ﺩﻳﺮﻱ ﺑﺎﻟﺞ ﺗﺘﻄﻠﮕﻴﻦ .
ﻭﺍﻟﻠﻪ ﺍﻓﻀﺤﺞ ﻓﻀﻴﺤﻪ .
ﻭﺣﺘﻰ ﺳﺎﻟﻔﻪ ﻣﺼﻄﻔﻰ ﺍﻃﻠﻌﻬﺎ .
ﻫﻬﻬﻬﻬﻪ ﺭﻭﺣﻲ ﺑﺎﺑﺎ ﺭﻭﺣﻲ . ﻫﻲ ﺑﻘﺖ ﻋﻠﻴﺞ ﺩﻧﻴﺎ ﻭﻛﻠﻬﺎ ﺿﺪﻱ .
ﻃﻠﻌﺖ ﻭﻫﻲ ﺗﻬﺪﺩ ﻭﺗﺘﻮﻋﺪ .
ﺍﻭﻭﻭﻑ ﺣﺘﻰ ﺍﻟﻨﻮﻣﻪ ﻃﺎﺭﺕ .
ﻟﻤﻴﺖ ﻓﺮﺍﺷﻲ ﻭﮔﻤﺖ .
ﺻﺎﺭ ﺧﺎﻟﻮ ﻣﺎﻫﺮ ﻭﺯﻭﺟﺘﻪ ﮔﺒﺎﻟﻲ .
ﻭﻣﺎﻣﺎ ﺗﻠﮕﺘﻬﻢ .
ﺳﻠﻤﺖ ﻋﻠﻴﻬﻢ .
ﮔﺎﻝ ﺗﻌﺎﻱ ﻣﺎﺳﻪ ﺳﻮﻟﻔﻴﻠﻲ ﺷﻜﻮ .
ﮔﺘﻠﻪ ﺍﻏﺴﻞ ﻭﺍﺟﻲ ﺧﺎﻟﻮ .
ﻏﺴﻠﺖ ﻭﺭﺟﻌﺖ . ﺍﺣﺲ ﻣﺮﺕ ﺧﺎﻟﻮ ﺗﺮﻳﺪ ﺗﺨﻨﮕﻨﻲ .
ﺍﻱ ﺑﻮﻳﻪ ﻓﻬﻤﻮﻧﻲ ﺷﻜﻮ .
ﺧﺎﻟﻮ ﻭﺍﻟﻠﻪ ﻣﺎﻋﻨﺪﻱ ﺷﻲ ﻭﻳﺎﻩ . ﻫﻮ ﻉ ﺍﻗﻞ ﺷﻲ ﻳﻀﺮﺑﻨﻲ ﻭﻻﻳﺨﻠﻴﻨﻲ ﺍﻃﻠﻊ ﻭﺣﺘﻰ ﻣﺎﻣﺎ ﻣﻨﻌﻨﻲ ﻣﻨﻬﺎ .
ﻭﻉ ﺍﺗﻔﻪ ﺍﻻﺳﺒﺎﺏ ﻳﺴﻮﻱ ﻣﺸﻜﻠﻪ .
ﻣﺮﺕ ﺧﺎﻟﻮ . ﺍﻱ ﻃﺒﻌﺎ ﻟﻮ ﻣﻤﺸﻮﻓﺘﻪ ﺍﻟﻀﻴﻢ ﻣﻴﺴﻮﻱ ﻫﻴﺞ
ﺑﺲ ﻫﻮ ﺍﻟﺼﻮﺝ ﺑﻲ ﻛﺘﻞ ﺭﻭﺣﻪ ﻋﻠﻴﺞ .
ﻭﺧﻼﺝ ﺑﺒﻴﺖ ﻭﺣﺪﺝ ﺗﺎﻟﻲ ﻫﻴﺞ ﺗﺤﺠﻴﻦ ﻋﻠﻴﻪ .
ﺧﺰﺭﻫﺎ ﺧﺎﻟﻮ ﺳﻜﺘﺖ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻣﺎﻣﺎ .. ﺧﻮﻳﻪ ﺗﺼﻴﺮ ﻣﺸﺎﻛﻞ ﺑﻴﻦ ﻛﻞ ﺍﺛﻨﻴﻦ . ﺑﺲ ﻣﻮ ﺗﻮﺻﻞ ﻟﻠﻀﺮﺏ .
ﺧﻠﻲ ﺗﮕﻮﻡ ﺍﻡ ﺍﺣﻤﺪ ﺗﺸﻮﻑ ﺿﻬﺮﻫﺎ . ﻭﺍﺫﺍ ﺗﺮﺿﺎﻫﺎ ﺑﻜﻴﻔﻬﺎ . ﺍﻧﻲ ﻫﺎﻟﻮﺣﺪﻩ ﻋﻨﺪﻱ ﻭﺍﻧﻄﻴﺘﻬﺎ ﺍﻣﺎﻧﻪ ﺍﻻﺣﻤﺪ ﻻﻥ ﻋﺰﻳﺰ ﺗﺎﻟﻲ ﻫﻴﺞ ﻳﺴﻮﻱ .
ﺗﻌﺎﻝ ﻭﻟﻚ ﺍﺩﺧﻞ ( ﺧﺎﻟﻮ ﺻﺎﺡ ﻉ ﺍﺣﻤﺪ ﻭﺍﻛﻒ ﺑﺎﻟﻄﺮﻣﻪ )
ﺩﺧﻞ ﺍﺣﻤﺪ ﻣﻨﺼﻲ ﺭﺍﺳﻪ ﮔﻌﺪ ﻉ ﻃﺮﻑ ﺍﻟﻘﻨﻔﻪ .
ﻳﻠﻪ ﻫﺴﺎ ﻓﻬﻤﻮﻧﻲ ﺳﺒﺐ ﺍﻟﻤﺸﻜﻠﻪ ﺍﻟﺤﻘﻴﻘﻲ
ﺷﻨﻮ ﺍﻟﻲ ﻭﺻﻠﻜﻢ ﺍﻟﻬﻴﺞ ﺣﺎﻟﻪ .
ﻫﻮ ﺑﺎﻭﻋﻠﻲ ﻭﺧﺎﻳﻒ . ﻋﺒﺎﻟﻪ ﺭﺍﺡ ﺍﺣﺠﻲ .
ﺍﻧﻲ ﻣﺎﺣﺠﻴﺖ ﻭﺳﻜﺘﺖ ﻣﺎﺭﺩﺕ ﺍﺻﻐﺮﻩ ﮔﺪﺍﻡ ﺍﻫﻠﻪ .
ﮔﺎﻟﻪ ﻣﺎﻛﻮ ﺷﻲ ﻳﺎﺑﻪ . ﺑﺲ ﺍﻧﻲ ﻋﺼﺒﻲ ﻭﻣﺎﺍﺗﺤﻤﻠﺖ .
ﺍﻧﺠﺐ ﻟﻚ . ﻋﺼﺒﻲ ﻋﻠﻴﻤﻦ . ﻗﺎﺑﻞ ﺍﻟﺪﻳﺎﻧﻪ ﻭﺍﮔﻔﺘﻠﻚ ﺑﺎﻟﺒﺎﺏ .
ﻋﻨﺪﻙ ﻣﺮﻩ ﻣﺎﺳﻪ ﺍﺳﻢ ﻋﻠﻰ ﻣﺴﻤﻰ .
ﻭﺍﻧﺖ ﻣﺎﺭﺍﺿﻲ ﻭﺗﺴﻮﻱ ﺑﻴﻬﺎ ﻫﻴﺞ .
ﮔﻮﻡ ﺑﻮﺱ ﺭﺍﺳﻬﺎ ﻳﻠﻪ .
ﻻ ﺧﺎﻟﻮ ﻣﺎﺍﺭﻳﺪﻩ ﺑﻌﺪ ﺗﻌﺒﺖ . ( ﺣﺠﻴﺖ ﺍﻧﻲ )
ﺑﻮﻳﻪ ﺍﻟﻌﻨﻮﺍ ﺍﻟﺸﻴﻄﺎﻥ . ﻭﺍﺫﺍ ﻣﺴﺞ ﺑﻜﻠﻤﻪ ﺑﻌﺪ ﺍﻧﻲ ﺍﻟﻲ ﺍﺗﺼﺮﻑ ﺑﺲ ﺧﺎﺑﺮﻳﻨﻲ .
ﺍﺣﻤﺪ ﺍﺟﻪ ﺩﻧﮓ ﻉ ﺭﺍﺳﻲ ﻭﻳﺒﻮﺱ ﻭﻳﺒﻮﺱ ﺑﺄﻳﺪﻱ ﻭﻳﺘﻮﺳﻞ
ﻣﺎﺳﻪ ﻭﺍﻟﻠﻪ ﻣﺎﺍﺳﻮﻱ ﺑﻌﺪ ﺍﺍﺗﻌﻮﻓﻴﻨﻲ ﻣﺎﺍﮔﺪﺭ ﺑﻠﻴﺎﺝ .
ﻭﮔﺎﻡ ﻳﺒﺠﻲ .
ﺗﻮﺑﻪ ﻭﺍﻟﻠﻪ ﺍﺧﺮ ﻣﺮﻩ ..
ﻣﺎﻣﺎ . ﻳﻠﻪ ﻣﺎﻣﺎ ﺍﻟﻤﺴﺎﻣﺢ ﻛﺮﻳﻢ ﺍﺭﺟﻌﻲ ﺍﻟﺒﻴﺘﺞ ﻭﺯﻭﺟﺞ ﻭﻣﻨﺎ ﻭﺟﺎﻱ ﺍﻧﻲ ﻛﻞ ﻳﻮﻡ ﻋﻨﺪﺝ ﺍﺫﺍ ﺍﺫﺍﺝ .
ﻳﺤﻠﻢ ﺗﺮﺟﻌﻴﻠﻪ ﺑﻌﺪ . ﻭﺗﻐﻤﺰﻟﻲ .
ﻫﻬﻬﻬﻬﻪ ﻣﺤﺪ ﻳﻌﺮﻑ ﺑﺪﺍﺧﻠﻲ . ﺍﻟﻜﻞ ﻳﺮﻳﺪ ﻳﻠﻢ ﺍﻟﻤﺸﻜﻠﻪ ﺣﺴﺐ ﻃﺮﻳﻘﺘﻪ .
ﻭﻣﻴﻌﺮﻓﻮﻥ ﺍﻟﻤﺸﻜﻠﻪ ﺍﻛﺒﺮ ﻣﻤﺎ ﻳﺘﺼﻮﺭﻭﻥ .
ﺍﺿﻄﺮﻳﺖ ﺍﺭﺟﻊ ﻭﻳﺎﻩ . ﻻﻥ ﻣﺎﺑﺎﻟﻴﺪ ﺣﻴﻠﻪ .
ﺭﺟﻌﺖ ﺑﺲ ﺷﺮﻃﺖ ﻋﻠﻴﻪ ﻣﺎﻳﻠﻤﺴﻨﻲ . ﻭﻻﻳﺘﻘﺮﺑﻠﻲ .
ﻣﺮﺕ ﺍﻻﻳﺎﻡ ﻫﺪﻭﺀ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻭﺍﺣﻤﺪ ﺗﻐﻴﻴﺮ ﻧﻮﻋﺎ ﻣﺎ .
ﺑﺲ ﮔﺎﻡ ﻳﻄﻠﻊ ﻫﻮﺍﻱ ﻭﻳﺘﺄﺧﺮ ﻳﻠﻪ ﻳﺠﻲ .
ﺍﻫﺘﻤﺎﻣﻪ ﻗﻞ .
ﻭﻳﺠﻲ ﻳﺤﺎﻭﻝ ﻳﺘﻘﺮﺏ . ﺑﺲ ﻳﺎﺧﺬﻟﻪ ﺷﻮﻳﻪ ﻭﻳﺮﻭﺡ .
ﺍﻛﻴﺪ ﺗﻌﺐ .
ﻭﺍﻧﻲ ﻫﻢ ﻣﻠﻴﺖ ﻭﻣﺎﺣﺎﻭﻟﺖ ﺑﻌﺪ ﻭﻳﺎﻩ ﻭﻻ ﺳﺎﻋﺪﺗﻪ .
ﻻﻥ ﺳﺒﻖ ﻭﮔﺘﻠﻪ ﺍﺗﻌﺎﻟﺞ ﻭﻣﺎﻗﺒﻞ .
ﺩﻭﺍﻡ ﻣﺨﻼﻧﻲ ﺍﺩﺍﻭﻡ . ﻭﺑﻄﻠﻨﻲ ﻭﮔﻌﺪﻧﻲ ﺑﺎﻟﺒﻴﺖ .
ﺿﺎﻋﺖ ﻋﻠﻴﻪ ﺳﻨﻪ ﻭﺍﻧﻲ ﮔﺎﻋﺪﺗﻬﺎ ﺑﺎﻟﺒﻴﺖ .
ﺍﻃﺒﺦ ﻭﺍﺫﺏ ﺍﻻﻛﻞ ﻣﻴﺠﻲ .
ﻣﻨﺒﻪ ﻋﻠﻴﻪ ﻣﺎﺍﻃﻠﻊ .
ﻓﺄﺳﺘﻐﻠﻴﺖ ﺍﻟﻔﺮﺻﻪ ﻭﮔﻤﺖ ﺍﻗﺮﺃ ﺍﻟﻲ ﺍﻋﺮﻓﻪ ﺑﺎﻟﺒﻴﺖ .
ﻋﺴﺎ ﻭﺍﻥ ﻳﺠﻲ ﻳﻮﻡ ﻳﺤﻦ ﻋﻠﻴﻪ ﻭﻳﺨﻠﻴﻨﻲ ﺍﻛﻤﻞ ..
ﻣﺎﻣﺎ ﺗﺠﻲ ﻫﻲ ﺗﺸﻮﻓﻨﻲ ﻭﺗﻮﺍﺳﻴﻨﻲ ﺍﺗﺤﻤﻠﻲ ﻭﺍﺗﺤﻤﻠﻲ
ﻭﻣﻦ ﮔﺘﻠﻬﺎ ﺍﻧﺘﻲ ﻟﻴﺶ ﻣﺘﺤﻤﻠﺘﻲ ﺑﺎﺑﺎ .
ﻭﺳﺎﻣﺤﺘﻴﻪ .
ﺯﻋﻠﺖ ﻋﻠﻴﻪ ﻭﮔﺎﻟﺖ ﺍﺑﻮﺝ ﺍﺗﺰﻭﺝ ﻋﻠﻴﻪ .
ﺍﺣﻤﺪ ﻳﺤﺒﺞ ﺑﺲ ﺍﻧﺘﻲ ﺍﻟﻲ ﻣﺎﻧﺎﻃﻴﺘﻪ ﺣﺒﺞ .
ﻓﻜﺮﺕ ﺑﻜﻼﻣﻬﺎ ﻳﻤﻜﻦ ﺻﺪﮒ . ﺍﻧﻲ ﻣﺎﻧﺎﻃﻴﺘﻪ ﺣﺒﻲ .
ﻗﺮﺭﺕ ﺍﺣﺎﻭﻝ ﺍﺣﺒﻪ . ﻭﺧﺎﺻﻪ ﺑﻌﺪ ﺣﺐ ﻣﺼﻄﻔﻰ ﺭﺍﺡ ﻣﻦ ﺯﻣﺎﻥ ﻭﺧﺎﺻﻪ ﻣﻦ ﺳﻤﻌﺖ ﺧﻄﺐ .
ﮔﻤﺖ ﺳﻮﻳﺖ ﻛﻴﻜﻪ ﻭﺯﻳﻨﺘﻬﺎ .
ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ . ﻟﺒﺴﺖ ﻓﺴﺘﺎﻥ ﻃﻮﻳﻞ ﻣﺎﺭﻭﻧﻲ ﻭﺍﻧﻲ ﺑﻴﻀﻪ . ﻭﺑﻲ ﻓﺘﺤﻪ ﻉ ﻃﻮﻝ ﺍﻟﺮﺟﻞ ﺑﺎﻟﺼﻔﺤﻪ
ﺭﻓﻌﺖ ﺷﻌﺮﻱ ﻭﻧﺰﻟﺖ ﺍﻟﺒﺎﻗﻲ .
ﺧﻠﻴﺖ ﻣﻴﻚ ﺍﺏ ﻓﺎﺗﺢ ﻭﻛﺤﻞ ﻭﻣﺎﺳﻜﺮﺍ .
ﻃﻠﻌﺖ ﺣﻠﻮﻩ ﻛﻠﺶ .
ﺑﻘﻴﺖ ﻣﻨﺘﻈﺮﻩ ﻣﺎﻛﻮ .
ﺻﺎﺭ ﺍﻟﻤﻐﺮﺏ
ﮔﻤﺖ ﺳﻮﻳﺖ ﻋﺸﺎ ﻭﺣﻈﺮﺗﻪ .
ﺍﺟﻪ ﺗﻠﮕﻴﺘﻪ ﺑﺄﺑﺘﺴﺎﻣﻪ .
ﮔﺎﻝ ﺷﻨﻮ ﺍﻧﻲ ﺑﺤﻠﻢ . ( ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ )
ﻻ ﻣﻮ ﺣﻠﻢ . ﺣﻘﻴﻘﻪ . ﺧﻠﻴﻨﺎ ﻧﺒﺪﻱ ﺻﻔﺤﻪ ﺟﺪﻳﺪﻩ ﺍﺣﻤﺪ .
ﻣﺴﺘﻌﺪﻩ ﺍﻧﺘﻀﺮﻙ ﻭﺍﺗﺤﻤﻞ . ﺑﺲ ﺑﺎﻟﻤﻘﺎﺑﻞ ﺍﻧﺖ ﻫﻢ ﺳﺎﻋﺪﻧﻲ ﻭﻻ ﺗﺘﻌﺎﻣﻞ ﻭﻳﺎﻱ ﺑﻘﺴﻮﻩ .
ﺍﺗﻘﺮﺏ ﺍﻟﻲ ﺷﻢ ﺭﮔﺒﺘﻲ ﻭﺑﺎﺳﻨﻲ .
ﺣﺴﻴﺖ ﺭﻭﺣﻲ ﺫﺑﺖ .
ﺭﺩﺕ ﺍﺣﺎﻭﻝ ﺍﺗﺠﺎﻭﺏ ﻭﻳﺎﻩ .
ﺷﺎﻟﻨﻲ . ﺑﻴﻦ ﺍﺩﻳﻪ .
ﺣﺎﻭﻃﺖ ﺍﺩﻳﻪ ﻉ ﺭﮔﺒﺘﻪ .
ﺧﻼﻧﻲ ﻉ ﺍﻟﺴﺮﻳﺮ .
ﻣﺎﺍﻧﻜﺮ ﺧﺎﻳﻔﻪ ﻣﻨﻪ . ﺑﺲ ﺭﺩﺕ ﺍﺟﺒﺮ ﻧﻔﺴﻲ ﻭﺍﻧﻄﻴﻪ ﻓﺮﺻﻪ .
ﻻﻭﻝ ﻣﺮﻩ ﻳﺘﻌﺎﻣﻞ ﻭﻳﺎﻱ ﺑﺮﻗﻪ .
ﻭﺣﺘﻰ ﺑﻮﺳﺎﺗﻪ ﻭﻟﻤﺴﺎﺗﻪ ﻏﻴﺮ ﻋﻦ ﻛﻞ ﻣﺮﻩ .
ﺗﺠﺎﻭﺑﺖ ﻭﻳﺎﻩ ﻭﺭﺣﺖ ﻭﻳﺎﻩ ﺑﻌﺎﻟﻢ ﺛﺎﻧﻲ .
ﻭﻧﺴﻴﺖ ﺣﻴﺎﺗﻲ ﻭﻧﺴﻴﺖ ﺍﻧﻲ ﻣﺎﺳﻪ .
ﺭﺩﺕ ﺑﺲ ﺷﻲ ﻳﺨﻠﻲ ﺿﻤﻴﺮﻱ ﻣﺮﺗﺎﺡ ﺍﺗﺠﺎﻫﺔ ﻭﻣﺎﺍﻛﻮﻥ ﻇﺎﻟﻤﺘﻪ ﻭﻣﺎﻧﺎﻃﻴﺘﻪ ﺍﻟﺤﺐ ﻭﺣﺘﻰ ﻣﻴﮕﻮﻝ ﺑﻴﻮﻡ .
ﻣﺎﺣﺎﻭﻟﺖ ﻭﻣﺎﻧﻄﺘﻨﻲ ﺣﻘﻲ
....
ﻛﻨﺖ ﻣﺘﺄﻣﻠﻪ ﺑﻬﺬﻱ ﺍﻟﻠﻴﻠﻪ ﻳﺘﻐﻴﻴﺮ ﻛﻮﻟﺸﻲ .
ﻭﺍﻋﻴﺶ ﺣﻴﺎﺓ ﻃﺒﻴﻌﻴﻪ ..
ﺑﻌﺪ ﻣﺎﻋﻴﺸﻨﻲ ﺑﻌﺎﻟﻢ ﺛﺎﻧﻲ ﻭﺫﺑﺖ ﺑﺄﺣﻀﺎﻧﻪ .
ﺷﺎﻟﻨﻲ ﻭﺧﻼﻧﻲ ﻉ ﺻﺪﺭﻩ .
ﻧﺰﻝ ﺷﻌﺮﻱ ﻉ ﻭﺟﻬﻪ ﻭﻫﻮ ﻳﺸﺘﻢ ﺑﻲ .
ﻓﺘﺤﺖ ﺍﺯﺭﺍﺭ ﻗﻤﻴﺼﻪ .
ﻛﺎﻥ ﻛﻞ ﺍﻟﻲ ﺍﺳﻮﻳﻪ ﻣﻮ ﺑﺮﻏﺒﻪ ﻣﻨﻲ .
ﺑﺲ ﺭﺩﺕ ﺍﺟﺎﺯﻑ ﻭﺍﺗﺠﺮﺃ ﻣﺮﻩ ﻭﺣﺪﻩ ﺑﺤﻴﺎﺗﻲ
ﻧﺴﻴﺖ ﻛﻞ ﺍﻟﻲ ﺳﻮﺍﻩ ﻭﺭﺩﺕ ﺍﻓﺘﺢ ﺻﻔﺤﻪ ﺟﺪﻳﺪﻩ ﻭﻳﺎﻩ .
ﻟﻜﻦ ﻣﺤﺎﻭﻟﺘﻲ ﺑﺎﺋﺖ ﺑﺎﻟﻔﺸﻞ .
ﻭﺍﺣﻨﺎ ﺫﺍﻳﺒﻴﻦ ﺑﺄﺣﻈﺎﻥ ﺑﻌﺾ .
ﺣﺴﻴﺖ ﺷﻲ ﻳﻬﺘﺰ ﺟﻮﺍﻱ .
ﺍﺳﺘﻐﺮﺑﺖ ﻭﻃﻔﺮﺕ ﻣﻦ ﻣﻜﺎﻧﻲ .
ﺍﻭﻝ ﻣﺮﻩ ﺍﺣﺲ ﺑﻬﻴﺞ ﻫﺰﺓ ﻗﻮﻳﻪ .
ﻭﺍﻟﺼﺮﺍﺣﻪ ﻣﺎﺍﻋﺮﻓﻬﺎ ﺷﻨﻮ .
ﺷﺒﻴﺞ ﻟﻴﺶ ﮔﻤﺘﻲ .
ﺷﻨﻮ ﻫﺬﺍ ﺍﻟﻲ ﺑﺒﻨﻄﺮﻭﻧﻚ ﻳﻬﺘﺰ .
ﻫﺎ . ﻣﺎﻛﻮ ﺷﻲ .
ﻻ ﺍﻛﻮ ﺍﻧﻲ ﺣﺴﻴﺖ ﺑﺸﻲ .
ﻫﺎﻱ ﺷﺒﻴﺞ ﺗﺘﻮﻫﻤﻴﻦ .
ﻟﻮ ﺗﻨﺪﻣﺘﻲ ﻻﻥ ﺗﻘﺮﺑﺘﻴﻠﻲ ﻭﺗﺮﺩﻳﻦ ﺗﮕﻮﻣﻴﻦ .
ﻫﻢ ﺍﻧﻲ ﺑﻄﻠﺖ ﻣﺎﺍﺭﻳﺪ ﺑﻌﺪ .
ﺍﮔﻮﻡ ﺍﺣﺴﻦ ﺍﻟﻲ .
ﺗﺮﻛﻨﻲ ﻭﮔﺎﻡ ﻫﻬﻬﻬﻪ .
ﻣﺎﺍﻋﺮﻑ ﺍﺿﺤﻚ ﻟﻮ ﺍﺑﺠﻲ ﻉ ﺣﻈﻲ .
ﺟﺎﻥ ﻫﻮ ﻳﺘﻮﺳﻞ ﺑﻴﻪ .
ﻫﺴﺎ ﺍﻧﻲ ﺍﻧﺰﻝ ﻛﺮﺍﻣﺘﻲ ﻭﺍﺗﻘﺮﺑﻠﻪ ﺗﺎﻟﻲ
ﻳﻄﻠﻊ ﺣﺠﻪ ﻭﻳﻨﻬﺰﻡ .
ﺑﺲ ﺍﻛﻴﺪ ﻭﺭﺍﻩ ﺷﻲ .
ﺍﺣﻤﺪ ﻣﺴﺘﺤﻴﻞ ﻳﺘﺮﻛﻨﻲ ﺑﺴﻬﻮﻟﻪ .
ﻛﻨﺖ ﺍﻧﻲ ﺭﺍﻓﻀﺘﻪ ﻭﻫﻮ ﻳﺘﻘﺮﺏ .
ﺑﺲ ﺍﻟﻲ ﻋﺠﺒﻨﻲ ﻫﺬﺍ ﺍﻟﺸﻲ ﺍﻟﻲ ﻳﻬﺘﺰ ﺷﻨﻮ .
ﻫﻮ ﺑﻌﺪ ﻣﺎﮔﺎﻡ .
ﺩﺧﻞ ﺍﻟﺤﻤﺎﻡ . ﻭﻓﺘﺢ ﺍﻟﻤﻲ ﺑﺎﻟﻨﺺ ﺳﺎﻋﻪ .
ﻭﻃﻠﻊ ﻣﺎﺳﺎﺑﺢ ﻭﻻﻣﻐﺴﻞ .
ﺯﺍﺩ ﺷﻜﻲ ﺍﻛﺜﺮ ﺑﺲ ﻣﺎﺳﺄﻟﺘﻪ .
ﺑﺲ ﺑﺪﻳﺖ ﺍﺭﺍﻗﺒﻪ .
ﺍﻧﺘﺒﻬﺖ ﻋﻠﻴﻪ .
ﻳﻄﻠﻊ ﺍﻟﺼﺒﺢ ﻳﺠﻲ ﺍﻟﻤﻐﺮﺏ .
ﺍﺑﺪﻝ ﻭﺍﻋﺪﻝ . ﺻﺎﺭ ﻣﺎﻳﻬﺘﻢ ﺍﻭ ﻣﻴﻼﺣﻈﻨﻲ ﺍﺻﻼ .
ﺍﺗﻘﺮﺏ ﻳﺼﺪﻧﻲ .
ﻳﺘﺮﻛﻨﻲ ﮔﺎﻋﺪﻩ ﻭﻣﻨﺘﻈﺮﺗﻪ ..
ﻭﻳﻄﻠﻊ ﻟﻠﺸﺎﺭﻉ ﺑﺤﺠﺔ ﻳﺸﺘﻢ ﻫﻮﺍ .
ﻭﻫﻮ ﻳﮕﻌﺪ ﺑﺴﻴﺎﺭﺗﻪ .
ﺣﺘﻰ ﺍﺫﺍ ﺍﺟﻪ ﺍﻟﻈﻬﺮ .
ﻳﻄﻠﻊ ﻳﺮﻭﺡ ﺑﺎﻟﺴﻴﺎﺭﻩ ﻳﮕﻌﺪ ﺷﻮﻳﻪ .
ﻟﻮ ﻳﺪﺧﻞ ﻟﻠﺤﻤﺎﻡ .
ﺣﺘﻰ ﻣﻦ ﺍﮔﻠﻪ ﺍﺭﻳﺪ ﺍﻃﻠﻊ ﻟﻮ ﺍﺭﻭﺡ ﺍﻟﻤﺎﻣﺎ ﻣﻴﻤﺎﻧﻊ .
ﺣﺴﻴﺖ ﺍﻛﻮ ﻭﺣﺪﻩ ﺑﺤﻴﺎﺗﻪ ﺑﺲ ﺷﻠﻮﻥ ﻭﻣﻨﻮ ﻭﻭﻳﻦ ﻳﻠﺘﻘﻲ ﺑﻴﻬﺎ ﻭﺷﻠﻮﻥ ﻳﮕﺪﺭ ﻳﻘﺎﺑﻠﻬﺎ ﻭﻫﻮ ﻋﺎﺟﺰ .
ﻣﻌﻘﻮﻟﻪ ﺻﺎﺭ ﺯﻳﻦ .
ﺍﻟﺸﻚ ﺍﻛﻞ ﮔﻠﺒﻲ ..
ﻭﺑﻴﻮﻡ ﻣﺎﻣﺎ ﻣﺮﻳﻀﻪ ﺣﻴﻞ .
ﺭﺣﺖ ﺍﺷﻮﻓﻬﺎ .. ﮔﻠﺘﻠﻪ ﺍﻻﺣﻤﺪ ﺭﺍﺡ ﺍﺑﺎﺕ ﻳﻤﻬﻢ .
ﻻﻥ ﺑﻴﺒﻲ ﻭﻣﺎﻣﺎ ﻣﺮﻳﻀﺎﺕ .
ﺷﻔﺘﻬﻦ ﻧﺎﻣﻦ . ﻃﻠﻌﺖ ﻣﻦ ﺍﻟﻐﺮﻓﻪ .
ﺻﺎﺭﺕ ﮔﺒﺎﻟﻲ ﺑﺎﺟﻲ ﺍﺣﻼﻡ .
ﺻﺎﺑﻐﻪ ﺷﻌﺮﻫﺎ ﺍﻭﻝ ﻣﺮﺓ ﺍﻧﺘﺒﻪ ﻋﻠﻴﻪ .
ﮔﻠﺘﻠﻬﺎ ﺍﻟﻠﻪ ﺑﺎﺟﻲ ﻳﺨﺒﻞ ﺷﻌﺮﺝ ﻭﻳﻦ ﻣﺴﻮﻳﺘﻪ .
ﻫﺎﻱ ﺑﺎﻟﻨﺎﺻﺮﻳﻪ ﺳﻮﻳﺘﻪ ﻣﻦ ﺭﺣﻨﺎ ﻟﻠﺼﺎﻟﻮﻥ ﻭﻱ ﺣﻨﻴﻦ .
ﻳﺎﺻﺎﻟﻮﻥ 😲 ﻟﻴﺶ ﻫﻤﻪ ﺗﺰﻭﺟﻮﺍ ..
ﺍﻭﻭﻭﻑ ﻣﺎﺳﻪ ﻣﺎﺭﺩﺕ ﺍﺿﻮﺝ ﻭﺍﺍﻟﻠﻪ ﺑﺲ ﺯﻝ ﺍﻟﺴﺎﻧﻲ ﻭﺍﻟﻠﻪ
ﻻ ﺑﺎﺟﻲ ﻉ ﺷﻨﻮ ﺍﺿﻮﺝ .
ﺍﻟﻠﻪ ﻳﻬﻨﻴﻬﻢ . ﺍﻧﻲ ﺑﻌﺪ ﺍﺗﺰﻭﺟﺖ ﻭﻣﻴﺤﻘﻠﻲ ﺍﻓﻜﺮ ﺑﻲ .
ﻭﻫﻮ ﻫﻢ ﻻﺯﻡ ﻳﺸﻮﻑ ﺣﻴﺎﺗﻪ .
ﺑﺲ ﻃﻮﻟﺖ ﺧﻄﺒﺘﻬﻢ ﻫﻮﺍﻱ . ﺣﺘﻰ ﻧﺴﻴﺖ ﻫﻤﻪ ﻣﺨﻄﻮﺑﻴﻦ
ﺍﻱ ﻣﻮ ﻻﻥ ﺣﻨﻴﻦ ﺗﺪﺭﺱ ﮔﺎﻝ ﻟﻠﻌﻄﻠﻪ ﻭﻧﺘﺰﻭﺝ .
ﻭﻫﻮ ﻫﻢ ﺩﻭﺍﻡ ﻣﺎﻳﻠﺤﮓ ..
ﺍﻭﻭﻭﻭﻩ ﻳﺎﻣﺎﺳﻪ . ﺣﺘﻰ ﻧﺴﻴﺖ ﺍﻟﺪﻭﺍﻡ ﻭﺍﻟﻤﺪﺭﺳﻪ .
ﻧﺴﻴﺖ ﺍﻧﻲ ﺍﻟﻤﻔﺮﻭﺽ ﻫﺴﺎ ﻣﻤﺘﺤﻨﻪ ﺳﺎﺩﺱ .
ﺍﻟﻠﻪ ﻳﺴﺎﻣﺢ ﺍﻟﻲ ﻛﺎﻥ ﺍﻟﺴﺒﺐ .
ﺷﻮﻛﺖ ﺗﺰﻭﺟﻮﺍ ..
ﺍﻻﺳﺒﻮﻉ ﺍﻟﻲ ﻓﺎﺕ . ﺑﺴﺮﻋﻪ ﺳﻮﻭﻫﺎ . ﻻﻥ ﻣﺼﻄﻔﻰ ﻻﺯﻡ ﻳﺮﺟﻊ ﺍﻟﺒﻐﺪﺍﺩ .
ﻋﻨﺪﻩ ﺩﻭﺍﻡ .
ﺿﺠﺖ ﺑﻴﻮﻣﻬﺎ ﺣﻴﻞ . ﻛﻞ ﺍﺣﻼﻣﻲ ﻭﻃﻤﻮﺣﺎﺗﻲ .
ﺧﻠﺺ ﺭﺍﺣﺖ .
ﺭﺩﺕ ﺍﺳﺄﻟﻬﺎ ﻋﻨﻪ . ﺷﻠﻮﻧﻪ ﻣﺮﺗﺎﺡ ﺑﺪﻭﻧﻲ .
ﻣﻦ ﺯﻓﻮﻩ ﺟﺎﻥ ﻳﻀﺤﻚ .
ﻟﻮ ﺣﺰﻳﻦ ﻣﺜﻠﻲ ﻣﻦ ﺗﺰﻭﺟﺖ .
ﻳﺘﺬﻛﺮﻧﻲ ﻟﻮ ﻧﺴﺎﻧﻲ .
ﻛﺎﻥ ﻣﺠﺮﺩ ﻓﻀﻮﻝ ﺍﻧﺘﺎﺑﻨﻲ ﻟﻠﺤﻈﻪ . ﺑﺲ ﺍﺳﺘﻐﻔﺮﺕ ﺭﺑﻲ
ﻭﺍﺗﺮﺧﺼﺖ ﻣﻦ ﺑﺎﺟﻲ ﻭﺭﺟﻌﺖ ﻟﻠﻐﺮﻓﻪ ..
ﺷﺎﻓﺘﻨﻲ ﻣﺎﻣﺎ ..
ﻟﻴﺶ ﻣﺎﻣﺎ ﻟﺴﺎ ﻫﻨﺎ .
ﺭﻭﺣﻲ ﺍﻟﺰﻭﺟﺞ ﻟﺘﺮﻛﻴﻪ .
ﻻ ﻣﺎﻣﺎ ﻫﻮ ﮔﻠﻲ ﺍﺑﻘﻲ .
ﻣﻴﺨﺎﻟﻒ ﺭﻭﺣﻲ ﻣﺪﺍﻡ ﺑﻌﺪ ﻭﻛﺖ ﻫﺴﺎ .
ﻟﺒﺴﺖ ﺣﺠﺎﺑﻲ ﻭﻃﻠﻌﺖ .
ﻓﺘﺤﺖ ﺑﺎﺏ ﺑﻴﺘﻨﻪ .
ﻭﺩﺧﻠﺖ .
ﻟﻜﻴﺖ ﺍﺣﻤﺪ ﺑﻮﺿﻊ ﻣﺰﺭﻱ .
ﻋﻨﺪ ﺗﻠﻔﻮﻥ ﻣﺤﻤﻮﻝ ﺑﻴﺪﻩ ﺍﻭﻝ ﻣﺮﻩ ﺍﺷﻮﻓﻪ ﻋﻨﺪﻩ .
ﻭﺩﻳﺤﺠﻲ ﺑﺎﻟﺘﻠﻔﻮﻥ .
ﻭﻳﻤﺎﺭﺱ ﻭﻱ ﺍﻟﻲ ﻳﺤﺠﻲ ﻭﻳﺎﻫﺎ .
ﻉ ﺍﻟﺘﻠﻔﻮﻥ ﻭﺩﺍﺧﻞ ﺑﻌﺎﻟﻢ ﺛﺎﻧﻲ ﻭﻛﻠﺸﻲ ﻣﻼﺑﺲ .
ﺍﺷﻤﺄﺯﻳﺖ ﻣﻦ ﺍﻟﻤﻨﻈﺮ .
ﺩﺧﻠﺖ ﻋﻠﻴﻪ .
ﻫﻮ ﻃﻔﺮ .
ﻛﻤﺖ ﺍﻋﻴﻂ ﻋﻠﻴﻪ .
ﺍﻧﺖ ﺷﻨﻮ ﻳﺎﺍﺧﻲ ﺣﺲ ﺑﻴﻪ .
ﻟﻚ ﺿﺤﻴﺖ ﺑﻜﻮﻟﺸﻲ ﻋﻤﻮﺩ ﺍﺭﺿﻴﻚ .
ﺳﻌﺎﺩﺗﻲ ﻭﻛﺒﺮﻳﺎﺋﻲ ﻭﻛﺮﺍﻣﺘﻲ .
ﺩﺳﺖ ﻉ ﮔﻠﺒﻲ ﻭﺍﺗﻘﺮﺑﺘﻠﻚ .
ﻭﻓﺘﺤﺖ ﺣﻈﻨﻲ ﻭﮔﻠﺒﻲ ﺍﻟﻚ .
ﺗﺎﻟﻲ ﺗﺨﻮﻧﻲ . ﻭﺗﻤﺎﺭﺱ ﺑﺎﻟﺘﻠﻔﻮﻥ .
ﻫﺴﺎ ﻋﺮﻓﺖ ﺷﻨﻮ ﻫﺬﺍ ﺍﻻﻫﺘﺰﺍﺯ ﺫﻳﺞ ﺍﻟﻤﺮﻩ .
ﻭﻓﻮﮔﺎﻫﺎ ﺗﻨﻜﺮ ﻭﺗﮕﻠﻲ ﻣﺎﻛﻮ ﺷﻲ .
ﻣﻦ ﻳﻤﺘﻪ ﻋﻨﺪﻙ ﻫﺬﺍ ﺍﻟﺘﻠﻔﻮﻥ .
ﺷﻮﻛﺖ ﺍﺷﺘﺮﻳﺘﻪ ﻭﻣﺎﺗﺤﺠﻲ .
ﺍﻧﻲ ﺍﺣﺠﻲ ﻭﻣﻌﺼﺒﻪ .
ﻭﻫﻮ ﻳﺤﺎﻭﻝ ﻳﻬﺪﻱ ﺑﻴﻪ ﻭﻳﺴﻜﺘﻨﻲ .
ﮔﺘﻠﻪ ﻳﺎﺍﺧﻲ ﺑﺪﻝ ﻣﺎﻣﺨﻠﻲ ﺗﻠﻔﻮﻥ ﻭﺗﻤﺎﺭﺱ ﻭﻱ ﺍﻟﻌﺎﻫﺮﺍﺕ .
ﺍﺫﺍ ﻋﻨﺪﻙ ﻫﻴﺞ ﺭﺟﻮﻟﻪ ﻣﺎﺭﺱ ﻭﻱ ﻣﺮﺗﻚ .
ﻧﻔﺬ ﺣﻘﻮﻗﻚ ﺍﻟﺸﺮﻋﻴﻪ .
ﺑﺲ ﺍﻟﻲ ﻣﺎﻋﻨﺪﻩ ﺭﺟﻮﻟﻪ ﻭﻋﺎﺟﺰ ﻣﺜﻠﻚ ﻫﻴﺞ ﻳﺴﻮﻱ .
ﻭﻣﺎﺣﺴﻴﺖ ﺍﻻ ﺭﺍﺷﺪﻱ ﻉ ﻭﺟﻬﻲ ﺍﻭﻝ ﻣﺮﻩ
ﺍﻋﺎﻳﺮﻩ ﻭﺍﺣﺴﺴﻪ ﺑﻨﻘﺼﻪ .
ﺑﺲ ﻻﻥ ﻣﻠﻴﺖ ﻭﺗﻌﺒﺖ ﻣﻨﻪ .
ﺑﻴﻮﻣﻬﺎ ﻃﻠﻌﺖ ﻗﻬﺮﻱ ﻛﻠﻪ .
ﻭﻗﻬﺮﻱ ﺍﻟﺴﻨﺘﻴﻦ ﺍﻟﻲ ﺍﺧﺬﻫﻦ ﻣﻦ ﺣﻴﺎﺗﻲ .
ﺍﻟﺴﻨﺘﻴﻦ ﺍﻟﻲ ﻛﺒﺮﻧﻲ ﺑﻴﻬﻦ ﻋﺸﺮﻳﻦ ﺳﻨﻪ .
ﺣﻄﻢ ﻃﻤﻮﺣﺎﺗﻲ ﻭﻣﺴﺘﻘﺒﻠﻲ .
ﺣﺘﻰ ﻳﺜﺒﺖ ﺭﺟﻮﻟﺘﻪ ﻭﻫﻮ ﺫﺭﺓ ﺭﺟﻮﻟﻪ ﻣﺎﻋﻨﺪﻩ .
ﺑﻬﺬﺍ ﺍﻟﻴﻮﻡ ﻭﻻﻥ ﻋﺎﻳﺮﺗﻪ .
ﻛﺴﺮﻧﻲ ﺗﻜﺴﺮ .
ﻫﻮ ﻳﻀﺮﺏ ﻭﺍﻧﻲ ﺍﺑﺠﻲ ﻭﺍﻋﻴﻂ ﻭﺍﺣﺠﻲ ﻭﻣﺨﻠﻴﺖ ﺷﻲ ﻣﺎﺣﺠﻴﺘﻪ .
ﻟﻌﻨﺘﻪ ﻭﻟﻌﻨﺖ ﺣﻴﺎﺗﻲ ﻭﺍﻫﻠﻲ ﻭﻛﻞ ﺍﻟﻲ ﺣﻮﺍﻟﻴﻪ .
ﻻﻥ ﻫﻤﻪ ﺳﺒﺐ ﺗﻌﺎﺳﺘﻲ .
ﺍﻧﻲ ﺍﺣﺠﻲ ﻭﻫﻮ ﻳﺴﺘﻤﺮ ﻳﻀﺮﺏ .
ﺧﺸﻤﻲ ﻳﻨﺰﻑ ﺩﻡ . ﻭﺣﻠﮕﻲ ﻫﻢ .
ﺍﺣﺲ ﺍﻟﻀﺮﺏ ﻣﻦ ﻛﻞ ﺟﻬﻪ ﻳﺠﻴﻨﻲ .
ﮔﻤﺖ ﻣﺎﺍﺣﺲ ﺑﺸﻲ ﺑﻌﺪ .
ﺣﺴﻴﺖ ﺑﻐﻮﺍﺵ ﻭﻣﺎﺍﺷﻮﻑ .
ﺗﺬﻛﺮﺕ ﺣﻴﺎﺗﻲ ﻛﻠﻬﺎ ﻭﺷﻠﻮﻥ ﻋﺎﻧﻴﺖ .
ﻭﺣﺒﻲ ﺍﻟﻲ ﻋﺸﺘﻪ ﻭﺧﺴﺮﺗﻪ ﺑﻠﺤﻈﻪ ﺑﺴﺒﺒﻪ .
ﻭﺑﻌﺪﻫﺎ ﻣﺎﺣﺴﻴﺖ ﺑﺸﻲ ..
ﮔﻌﺪﺕ ﻟﮕﻴﺖ ﻧﻔﺴﻲ ﺑﺎﻟﻤﺴﺘﺸﻔﻰ .
ﻣﺎﻣﺎ ﻳﻤﻲ ﻭﺧﻮﺍﻟﻲ ﻭﻣﺮﺕ ﺧﺎﻟﻲ .
ﺑﺎﻭﻋﺖ ﺍﻻﻳﺪﻱ ﻣﺠﺒﺮﻳﻬﺎ ﻳﻤﻜﻦ ﻣﻜﺴﻮﺭﻩ ﻭﻻﻓﻴﻦ ﺭﺍﺳﻲ .
ﮔﻠﺘﻠﻬﺎ ﻣﺎﻣﺎ ﻛﻠﺸﻲ ﺑﻴﻪ ﻳﻮﺟﻌﻨﻲ ﻭﺍﺑﺠﻲ .
ﺳﻮﺩﻩ ﻋﻠﻴﻪ ﻳﻤﻪ . ﻭﺍﻟﻠﻪ ﺑﻌﺪ ﻣﺎﺍﺭﺟﻌﺞ ﺍﻟﻬﺬﺍ ﺍﻟﺨﺒﻞ ﻟﻮ ﻫﺴﺎ ﻳﻤﻮﺕ .
ﺟﺎﻥ ﻣﺮﺕ ﺧﺎﻟﻮ ﮔﺎﻡ ﺗﺤﺠﻲ ﻭﺗﻌﻴﻂ .
ﻭﺍﺫﺍ ﻣﺎﺭﺟﻌﺘﻴﻬﺎ . ﻣﻮ ﻛﺎﻓﻲ ﻋﺎﮔﺮ ﻭﻣﺘﺤﻤﻠﻬﺎ ﺍﺑﻨﻲ .
ﻣﻦ ﺑﺎﺟﺮ ﺍﺯﻭﺟﻪ ﺍﻟﻲ ﺗﺨﻠﻔﻠﻪ ﺩﺳﺘﻪ .
ﻭﺧﻠﻲ ﺑﻨﺘﺞ ﺍﻟﻌﺎﮔﺮ ﻋﻠﻰ ﮔﻠﺒﺞ .
ﺧﺎﻟﻲ ﻋﺎﻁ ﺑﻴﻬﺎ ﻭﻃﺮﺩﻫﺎ .
ﺷﻔﺖ ﺩﺧﻞ ﺩﻛﺘﻮﺭ ﻭﻭﻳﺎﻩ ﺷﺮﻃﻲ .
ﮔﺎﻝ ﺑﺎﺑﺎ ﺍﻧﺘﻲ ﺍﻛﻮ ﺍﺣﺪ ﻣﻌﺘﺪﻱ ﻋﻠﻴﺞ ﺗﺤﺒﻴﻦ ﺗﻘﺪﻣﻴﻦ ﺷﻜﻮﻯ
....
ﺍﻟﺪﻛﺘﻮﺭ ﮔﺎﻝ ﺑﺎﺑﺎ ﺟﺴﻤﺞ ﻛﻠﻪ ﺍﺛﺎﺭ ﺿﺮﺏ ﻭﺣﺘﻰ ﺟﺒﺖ ﺩﻛﺘﻮﺭﻩ ﻭﺷﺎﻓﺖ ﺟﺴﻤﺞ ﻛﻠﻪ ﺟﺮﻭﺡ ﻭﻛﺪﻣﺎﺕ ..
ﺍﺫﺍ ﺍﺣﺪ ﻣﻌﺘﺪﻱ ﻋﻠﻴﺞ ﺑﺎﻟﻀﺮﺏ . ﺯﻭﺟﺞ ﺍﻭ ﺍﻱ ﺍﺣﺪ .
ﺍﺣﺠﻲ ﻭﻟﺘﺨﺎﻓﻴﻦ .
ﺍﻧﻲ ﺑﻠﻐﺖ ﺍﻟﺸﺮﻃﻪ . ﻻﻥ ﻫﺎﻱ ﻧﺴﺆﻭﻟﻴﻪ .
ﻟﺘﺨﺎﻓﻴﻦ ﺍﺣﺠﻲ ﻛﻠﺸﻲ ..
ﻛﻨﺖ ﺑﺤﺎﻟﻪ ﻣﺰﺭﻳﻪ . ﻭﻣﺎﻟﻲ ﺧﻠﮓ ﺍﺩﺧﻞ ﺑﺴﻴﻦ ﻭﺟﻴﻢ .
ﺧﻮﺍﻟﻲ ﻳﺤﺎﻭﻟﻮﻥ ﻳﺒﺮﺭﻭﻥ ﻟﻠﺪﻛﺘﻮﺭ .
ﻭﻳﮕﻠﻮﻟﻪ ﻫﻲ ﻭﮔﻌﺖ ﻣﻦ ﺍﻟﺪﺭﺝ .
ﻭﻭﺍﺣﺪ ﻳﮕﻮﻝ ﺍﻧﺪﻋﻤﺖ . ﺑﻘﻠﻤﻲ ﺷﻤﺲ
ﺣﺠﻴﻬﻢ ﻣﺘﻨﺎﻗﺾ .
ﻭﺍﻧﻜﺸﻒ ﻛﺬﺑﻬﻢ .
ﺣﺘﻰ ﺍﻟﺸﺮﻃﻲ ﻋﺎﻁ ﺑﻴﻬﻢ ﻭﻃﻠﻌﻬﻢ ﻣﻦ ﺍﻟﻐﺮﻓﻪ .
ﻭﮔﻠﻬﻢ ﻟﺘﺤﺎﻭﻟﻮﻥ ﺗﺄﺛﺮﻭﻥ ﻋﻠﻴﻬﺎ ﺍﻃﻠﻌﻮﺍ .
ﺑﻌﺪ ﻣﺎﻃﻠﻌﻮﺍ .
ﮔﺘﻠﻪ . ﺩﻛﺘﻮﺭ . ﻣﺎﺍﺷﺘﻜﻲ ﻉ ﺍﻱ ﺍﺣﺪ .
ﻣﺎﺍﮔﻠﻚ ﻭﮔﻌﺖ ﻣﻦ ﺍﻟﺪﺭﺝ ﺍﻭ ﺍﻧﺪﻋﻤﺖ .
ﺑﺲ ﺍﻟﻠﻪ ﻣﻮﺟﻮﺩ ﻳﺎﺧﺬ ﺣﻘﻲ .
ﻟﻬﺬﺍ ﻣﺎﺍﻗﺪﻡ ﺍﻱ ﺩﻋﻮﻩ .
- ﺑﺎﺑﺎ ﻫﺬﻱ ﺍﻟﺪﻋﻮﻩ ﺣﻔﺎﻃﺎ ﻉ ﺣﻴﺎﺗﺞ ﻭﺣﺘﻰ ﻣﺤﺪ ﻳﺘﻌﺮﺿﻠﺞ .
- ﻟﺘﺨﺎﻑ ﺩﻛﺘﻮﺭ ﺍﻧﻲ ﺍﻋﺮﻑ ﺍﺣﺎﻓﻆ ﻉ ﺣﻴﺎﺗﻲ ﻭﻣﺎﺍﻛﺮﺭ ﺍﻟﻐﻠﻂ ﻣﺮﺗﻴﻦ .
ﺑﻌﺪ ﻣﺎﻳﺌﺲ ﺍﻟﺪﻛﺘﻮﺭ ﺣﺘﻰ ﺍﻗﺪﻡ ﺩﻋﻮﻩ .
ﻃﻠﻌﻮﺍ ﻭﺍﺟﻮ ﺧﻮﺍﻟﻲ .
ﻳﺘﺤﻘﻘﻮﻥ .
ﮔﺎﻟﺘﻠﻬﻢ ﻣﺎﻣﺎ . ﻣﺎﺍﺷﺘﻜﺖ ﻋﻠﻴﻪ . ﻭﻟﻮ ﺍﻟﻤﻔﺮﻭﺽ ﺗﺸﺘﻜﻲ ﺣﺘﻰ ﻳﺘﺄﺩﺏ . ﺑﻘﻠﻤﻲ ﺷﻤﺲ
ﺧﺎﻟﻮ ﻣﺎﻫﺮ . ﻧﻴﺮﺍﻥ ﻫﺎﻱ ﺑﻤﻜﺎﻥ ﻣﺎﺗﻬﺪﻳﻦ ﺍﻟﻨﻔﻮﺱ .
ﻣﺎﻣﺎ .. ﻧﻔﻮﺱ ﺷﻨﻮ . ﺩﺳﺖ ﻉ ﺑﻨﺘﻲ ﺫﻳﺞ ﺍﻟﻤﺮﻩ ﻭﻋﺪﻳﺘﻬﺎ .
ﺑﺲ ﻫﺎﻟﻤﺮﻩ ﺯﻭﺩﻫﺎ .
ﻭﻣﺴﺘﺤﻴﻞ ﺍﻗﺒﻞ ﺗﺮﺟﻌﻠﻪ ﺍﻻ ﻳﺘﺄﺩﺏ ..
ﺧﺎﻟﻮ ﻣﻌﺘﺰ .. ﺧﻠﻲ ﻳﻮﻟﻲ . ﻛﻠﺶ ﻃﻐﻰ ﺍﺣﻤﺪ .
ﺍﻟﻠﻪ ﺍﻧﻄﺎﻩ ﻧﻌﻤﻪ ﺑﺲ ﻫﻮ ﻣﺎﻗﺪﺭﻫﺎ . ﺑﻨﻴﻪ ﺗﺮﺑﺎﺕ ﺍﺩﻳﻨﺎ ﻭﻻ ﻣﻦ ﻃﻠﻌﻪ ﻭﻻﺩﺧﻠﻪ .
ﺑﻄﻠﻬﺎ ﻣﻦ ﺍﻟﻤﺪﺭﺳﻪ . ﻭﺣﺠﻴﻨﺎ ﻭﻣﺎﺳﻤﻊ ﻛﻼﻣﻨﺎ ﻭﻋﺎﻧﺪ ﻭﻫﻲ ﮔﺎﻟﺖ ﻗﺎﺑﻠﻪ ﻭﺳﺎﻳﺮﺗﻪ .
ﻛﻞ ﻳﻮﻡ ﺿﺎﺭﺑﻬﺎ ﻭﻫﻲ ﻣﺘﺤﻤﻠﻪ .
ﺷﻨﻮ ﻓﺼﻠﻴﻪ ﻣﺎﺧﺬﻫﺎ .
ﺍﺫﺍ ﺍﺑﻮﻫﺎ ﺑﻌﻴﺪ ﻭﻣﺎﻳﻮﮔﻔﻠﻬﺎ .
ﻭﺍﻟﻠﻪ ﺍﻧﻲ ﻣﻮﺟﻮﺩ ﻭﺍﻛﺴﺮ ﺭﺍﺳﻪ .
ﺍﻟﺼﺮﺍﺣﺔ ﻋﺠﺒﻨﻲ ﺧﺎﻟﻮﺍ ﻣﻌﺘﺰ ﻭﺍﺭﺗﺎﺣﻴﺖ ﻣﻦ ﺩﺍﻓﻌﻠﻲ ﻭﻟﻮ ﺑﻌﺪ ﻓﻮﺍﺕ ﺍﻻﻭﺍﻥ . ﻟﻮ ﻭﺍﮔﻒ ﻫﺎﻱ ﺍﻟﻮﮔﻔﻪ ﻭﻳﺎﻱ ﻣﻦ ﺍﻟﺒﺪﺍﻳﻪ ﻣﺼﺎﺭ ﺍﻟﻲ ﺻﺎﺭ .
ﮔﻠﺘﻠﻬﺎ ﻳﻮﻭﻡ ﺧﻠﻴﻨﺎ ﻧﻄﻠﻊ ﻣﺎﺍﺭﻳﺪ ﺍﺑﻘﻰ ﺑﺎﻟﻤﺴﺘﺸﻔﻰ
ﻻ ﻣﺎﻣﺎ ﺍﻟﺪﻛﺘﻮﺭ ﻳﻜﻮﻝ ﺧﻠﻮﻫﺎ ﺍﻟﻴﻮﻡ ﻫﻨﺎ .
ﻣﺎﻣﺎ ﺍﺧﺘﻨﮕﺖ ﻣﺎﺍﺭﻳﺪ ﺍﺑﻘﻰ .
ﺳﻮﻩ ﺍﻟﺨﺮﻭﺝ ﺧﺎﻟﻮ ﻭﻃﻠﻌﻨﺎ .
ﻣﺎﺃﮔﺪﺭ ﺍﻣﺸﻲ ﺭﺟﻠﻴﻪ ﻳﻮﺟﻌﻨﻲ ..
ﻭﻛﻞ ﺟﺴﻤﻲ ﻳﻮﻥ ﻣﻦ ﺍﻻﻟﻢ ..
ﺭﺣﺖ ﺍﻟﺒﻴﺖ ﺟﺪﻭﺍ .
ﮔﻠﺘﻠﻬﺎ ﻳﻮﻡ ﺗﺮﻭﺣﻴﻦ ﺗﻠﻤﻴﻦ ﻣﻼﺑﺴﻲ ﻛﻠﻬﺎ ﻣﺎﺍﺑﻘﻰ ﺩﻗﻴﻘﻪ ﻭﻳﺎﻩ ﺑﻌﺪ .
ﻳﻤﻪ ﺍﺳﺘﻬﺪﻱ ﻻﺗﺘﻬﻮﺭﻳﻦ .
ﻫﻬﻬﻬﻪ ﺗﺤﺠﻴﻦ ﺻﺪﮒ . ﻋﺒﺎﻟﻲ ﻛﻼﻣﺞ ﺍﻟﻲ ﺑﺎﻟﻤﺴﺘﺸﻔﻰ ﺗﻨﻔﺬﻳﻪ .
ﺍﻱ ﻣﺎﻣﺎ ﺍﻧﻲ ﻭﻳﺎﺝ ﻭﺭﻫﺢ ﺍﻧﻄﻴﻪ ﺩﺭﺱ .
ﻳﺎﺩﺭﺱ ﻣﺎﻣﺎ . ﺗﻌﺮﻓﻴﻦ ﻟﻴﺶ ﺗﻌﺎﺭﻛﻨﺎ .
ﻻﻥ ﺩﻳﺨﻮﻧﻲ ﻭﻳﻤﺎﺭﺱ ﻭﻱ ﻭﺣﺪﻩ ﺑﺎﻟﺘﻠﻔﻮﻥ .
ﻋﻨﺪﻩ ﻣﺤﻤﻮﻝ ﻣﺸﺘﺮﻳﻪ ﻭﻣﺨﺒﻴﻪ ﻋﻨﻲ
....
ﻣﻌﻘﻮﻟﻪ 😲😲
ﺍﻱ ﻣﻌﻘﻮﻟﻪ ﻳﻮﻭﻡ . ﺍﻧﺘﻲ ﺗﻄﻠﮕﻠﺘﻲ ﻣﻦ ﺑﺎﺑﺎ .
ﻻﻥ ﺗﺰﻭﺝ ﻋﻠﻴﺞ ﺑﺎﻟﺤﻼﻝ .
ﻓﻜﻴﻒ ﺍﻟﺤﺎﻝ ﺑﻴﻪ . ﻣﻦ ﺍﺷﻮﻑ ﺯﻭﺟﻲ ﻳﺨﻮﻧﻲ ﺑﺎﻟﺤﺮﺍﻡ ﻭﺑﺼﻮﺭﻩ ﻣﺸﻤﺌﺰﺓ . ﺑﻘﻠﻤﻲ ﺷﻤﺲ
ﻛﺎﻓﻲ ﻭﻟﺞ ﻛﺎﻓﻲ .. ﻋﻘﻠﻲ ﻣﺪﺍ ﻳﺴﺘﻮﻋﺐ .
ﺍﺣﻤﺪ ﻫﻴﺞ ﻳﻄﻠﻊ ﻣﻦ ﻋﻨﺪﻩ .
ﺷﻮﻛﺖ ﻧﺰﻟﺖ ﺍﻟﻤﺤﻤﻮﻻﺕ ﺷﻮﻛﺖ ﻟﺤﮓ ﻳﺸﺘﺮﻳﻪ .
ﻣﺎﺍﻋﺮﻑ ﺑﺲ ﺍﻛﻴﺪ ﻣﻦ ﺯﻣﺎﻥ ﻻﻥ ﺻﺎﺭ ﻓﺘﺮﻩ ﻣﻮ ﻉ ﺑﻌﻀﻪ ﻭﻳﺘﺨﺘﻞ . ﻛﺎﻥ ﻳﺘﺼﻞ ﻋﻠﻴﻬﺎ ﻣﻦ ﻭﺭﺍﻱ ..
ﺍﻧﻲ ﺗﺤﻤﻠﺖ ﺍﻧﻮﺍﻉ ﺍﻟﻌﺬﺍﺏ ﻣﻨﻪ . ﻭﺍﻧﺤﺮﻣﺖ ﺍﻛﻮﻥ ﺍﻡ
ﻭﺍﻧﺤﺮﻣﺖ ﻣﻦ ﺍﻟﺴﻌﺎﺩﻩ ﻭﺍﻟﺮﺍﺣﻪ .
ﻓﻲ ﺳﺒﻴﻞ ﺍﺭﺿﺎﺀ ﺍﻟﻨﺎﺱ ﻭﺍﺭﺿﺎﺋﺞ .
ﺣﺘﻰ ﻣﺤﺪ ﻳﮕﻮﻝ ﻣﺎﺳﻪ ﻗﺼﺮﺕ .
ﻣﻴﮕﻮﻟﻮﻥ ﻣﺎﺳﻪ ﺑﺎﻋﺖ ﺯﻭﺟﻬﺎ ﻭﻣﺘﺤﻤﻠﺘﻪ .
- ﺍﮔﻠﺞ ﺷﻨﻮ ﺗﮕﻮﻟﻴﻦ ﺍﻧﺤﺮﻣﺖ ﻣﻦ ﺍﻻﻣﻮﻣﻪ .
ﺷﻮﻛﺖ ﺭﺣﺘﻮﺍ ﺣﻠﻠﺘﻮﺍ ﻭﻋﺮﻓﺘﻮﺍ ﻣﻴﺼﻴﺮ ﻋﻨﺪﻩ ﺍﻃﻔﺎﻝ .
ﺍﻭﻭﻭﻑ ﻣﺎﻣﺎ . ﻫﺴﺎ ﺍﻧﺘﻲ ﺗﺮﻛﺘﻲ ﺍﻟﻜﻼﻡ ﻛﻠﻪ ﻭﻟﺰﮔﺘﻲ ﺑﻬﺎﻱ
ﺍﻧﺴﻴﻬﺎ ﻛﺄﻧﻪ ﻣﺎﺳﻤﻌﺘﻲ . ( ﻣﺎﮔﻠﺖ ﺍﻟﻤﺎﻣﺎ ﺍﺣﻤﺪ ﻋﺎﺟﺰ ﻣﺎﺭﺩﺕ ﺍﺣﺴﺴﻪ ﺑﺎﻟﻨﻘﺺ ﺑﻴﻦ ﺍﻫﻠﻪ ﻭﻧﺎﺳﻪ )
ﻟﻴﺶ ﻭﻟﺞ ﻣﻮ ﺍﻣﻪ ﻛﻞ ﺳﺎﻋﻪ ﺗﻌﺎﻳﺮﺝ ﻭﺗﮕﻠﺞ ﻋﺎﮔﺮ .
ﺧﻠﻴﻬﺎ ﺗﺤﺠﻲ . ﻋﻮﺩ ﻣﻦ ﺗﺰﻭﺝ ﺍﺑﻨﻬﺎ ﺍﻟﻮﺣﺪﻩ ﺛﺎﻧﻴﻪ ﺗﻌﺮﻑ ﺍﻟﺴﺒﺐ ﻣﻨﻲ ﻟﻮ ﻣﻨﻪ .
ﻟﻬﻨﺎ ﻭﺧﻠﺺ ﻣﺎﻣﺎ ﻻﺗﻔﺘﺤﻴﻦ ﻫﺬﺍ ﺍﻟﻤﻮﺿﻮﻉ ﺍﻧﻲ ﻭﻋﺪﺕ ﺍﺣﻤﺪ ﻣﺎﺍﮔﻮﻝ ﺍﻻﻱ ﺍﺣﺪ .
ﺍﻭﻭﻭﻭﻑ ﻳﻤﺎﺳﻪ ﻟﻴﺶ ﻣﺎﺣﺠﻴﺘﻲ ﻛﻞ ﻫﺎﻱ ﺍﻟﻔﺘﺮﻩ .
ﺷﺄﺣﺤﻲ ﻳﻮﻭﻡ ﻫﻮ ﺍﻧﺘﻲ ﻳﻤﺘﻪ ﺳﻤﻌﺘﻴﻨﻲ . ﻛﻞ ﻫﻤﺞ ﺍﺑﻦ ﺍﺧﻮﺝ . ﻣﻮ ﺍﻧﺘﻲ ﺍﻟﻲ ﺟﺒﺮﺗﻴﻨﻲ ﻋﻠﻴﻪ
ﺷﻤﺪﺭﻳﻨﻲ ﻫﻴﺞ ﻳﻄﻠﻊ . ﻭﺍﻟﻠﻪ ﺑﺎﻻﻭﻝ ﺍﺟﺎﻧﻲ ﻳﺘﻮﺳﻞ ﺑﻴﻪ ﻭﻳﮕﻠﻲ ﻗﻨﻌﻴﻬﺎ ﻭﺍﺧﻠﻴﻬﺎ ﺗﺎﺝ ﻋﻠﻰ ﺭﺍﺳﻲ ﻭﺍﺩﻟﻠﻬﺎ .
ﻭﮔﻠﺖ ﺍﺑﻦ ﺧﺎﻟﻬﺎ ﻭﺭﺍﺑﻴﻦ ﺳﻮﻳﻪ .
ﻭﮔﺒﺎﻝ ﻋﻴﻨﻲ .
ﻭﺍﻟﻠﻪ ﻟﻮ ﻣﺎﺧﺬﻩ ﻏﺮﻳﺐ ﺍﺣﺴﻦ ﻣﻦ ﺍﺑﻦ ﺧﺎﻟﻲ .
ﺷﻮﻳﻪ ﻭﺩﺧﻠﻮﺍ ﺧﻮﺍﻟﻲ ﻭﻣﺮﺗﻀﻰ .
ﺟﺎﻥ ﻣﻤﻮﺟﻮﺩ ﺍﻟﺒﺎﺭﺣﻪ ﻫﻤﺰﻳﻦ ﻣﺎﺑﻴﻪ ﺣﻴﻞ ﺭﻧﺎ ﻭﺍﻟﺴﺎﻧﻬﺎ .
ﮔﺎﻝ ﺳﻼﻣﺘﺞ ﺧﻮﻳﻪ . ﺍﻟﻠﻪ ﻟﻴﻨﻄﻲ ﻫﺎﻟﻨﺬﻝ ﺷﻤﺴﻮﻱ ﺑﻴﺞ
ﺗﺴﻠﻢ ﺧﻮﻳﻪ . ﺷﺄﺳﻮﻱ ﻫﺎﻱ ﻗﺴﻤﺘﻲ .
ﺧﻮﺍﻟﻲ ﮔﺎﻟﻮﺍ . ﺷﺘﮕﻮﻟﻴﻦ ﺍﻧﺘﻲ . ﺭﺍﺡ ﻧﺠﻴﺐ ﺍﺣﻤﺪ ﻭﻧﮕﻌﺪﻛﻢ
ﻻ ﺧﺎﻟﻮ . ﻻﺗﺠﻴﺒﻮﻩ . ﻟﻬﻨﺎ ﻭﻛﺎﻓﻲ . ﻣﺎﻋﻨﺪﻱ ﺍﻱ ﺣﺠﻲ ﻭﻳﺎﻩ
ﻏﻴﺮ ﺑﺲ ﻳﺠﻲ ﻳﻄﻠﮕﻨﻲ .
ﺧﺎﻟﻮ ﻣﺎﻫﺮ . ﺑﺲ ﻫﻮ ﻋﻨﺪﻩ ﺣﺠﻲ ﺛﺎﻧﻲ .
ﺍﻱ ﺣﺠﻲ ﻋﻠﻴﻪ ﺧﻠﻲ ﻳﺤﺠﻲ . ﻫﻮ ﻭﺭﺑﻪ .
ﺑﺲ ﻭﺭﻭﺡ ﺟﺪﻭ ﻣﺎﻗﺼﺮﺕ ﻭﻳﺎﻩ ﺑﮕﺪ ﺍﻟﺸﻌﺮﺍﻳﻪ .
ﺑﺲ ﻫﻮ ﺍﻟﻲ ﻣﺎﻋﺮﻑ ﻳﺼﻮﻧﻲ ﻭﻳﺤﺎﻓﻆ ﻋﻠﻴﻪ .
ﻭﻣﺎﻣﺴﺘﻌﺪﻩ ﺣﻴﺎﺗﻲ ﻛﻠﻬﺎ ﺍﻋﻴﺶ ﻭﻱ ﺷﺨﺺ ﻣﻌﻘﺪ ﻭﻣﺮﻳﺾ ﻭﺻﺎﺣﺐ ﻧﺰﻭﺍﺕ .
ﺍﻟﻲ ﻳﺨﻮﻧﻲ ﻣﺮﻩ ﻳﺨﻮﻧﻲ ﺍﻟﻒ ﻣﺮﻩ .
ﺧﻮﺍﻟﻲ . ﺷﻮﻛﺖ ﺧﺎﻧﺞ .
- ﺍﺳﺄﻟﻮﻩ ﻭﺍﺫﺍ ﻋﻨﺪﻩ ﺟﺮﺃﺓ ﻳﺴﻮﻟﻒ ﻛﻠﺸﻲ .
ﺍﺫﺍ ﻣﺘﻄﻠﮕﻮﻧﻲ . ﺑﻘﻠﻤﻲ ﺷﻤﺲ
ﻟﻠﻴﻮﻡ ﺍﻧﻲ ﺳﺎﻛﺘﻪ . ﺑﺲ ﺗﻠﻔﻮﻥ ﻭﺍﺣﺪ ﺍﻟﺒﺎﺑﺎ . ﻳﺠﻲ ﻳﺎﺧﺬﻧﻲ ﻭﺗﺼﻴﺮ ﮔﻌﺪﺍﺕ ﻭﺗﺪﺧﻞ ﺷﻴﻮﺥ ﻭﺗﺼﻴﺮ ﺷﻄﻮﻟﻬﺎ .
ﻣﺎﻣﺎ . ﺷﻮﻑ ﺍﻳﻮ ﺍﺣﻤﺪ ﻣﺎﺳﻪ ﺳﻮﻟﻔﺘﻠﻲ ﻛﻠﺸﻲ .
ﺑﺲ ﻭﻋﺪﺗﻬﺎ ﻣﺎﺍﺣﺠﻲ .
ﺍﺣﻤﺪ ﻏﻠﻄﺎﻥ ﻫﻮﺍﻱ ﺑﺤﻖ ﻣﺎﺳﻪ .
ﻭﻣﺎﻳﺘﺼﻠﺢ ﺍﻱ ﺷﻲ ﺑﻴﻨﻬﻢ .
ﻣﺜﻞ ﻣﺎﻗﺒﻠﺘﻮﺍ ﻃﻼﮔﻲ ﻣﻦ ﻋﺎﺩﻝ ﻭﺳﺎﻧﺪﺗﻮﻧﻲ .
ﺳﺎﻧﺪﻭﺍ ﺑﻨﺘﻲ ﻭﺻﻴﺮﻭﺍ ﻇﻬﺮ ﺍﻟﻬﺎ
ﻭﺧﻠﻲ ﻛﻠﺸﻲ ﻳﻨﺘﻬﻲ ﺑﻬﺪﻭﺀ .
ﺧﺎﻟﻮﺍ .
ﮔﺎﻝ ﺍﻟﻤﺮﺗﻀﻰ ﺻﻴﺤﻪ ﺍﻟﻬﺬﺍ ﺍﻻﺛﻮﻝ .
ﺍﺟﻪ ﺍﺣﻤﺪ .
ﮔﺎﻟﻪ . ﻣﺎﮔﻠﺘﻠﻨﺎ ﺗﺨﻮﻥ ﻣﺮﺗﻚ . ﻳﺎﻋﺎﺭ ﻳﺎﻣﺎﺗﺴﺘﺤﻲ .
ﻫﻮ ﺧﺰﺭﻧﻲ .
ﺑﺎﻭﻋﺘﻠﻪ ﻭﮔﺘﻠﻪ ﻃﻠﮕﻨﻲ ﺍﺣﻤﺪ ﺍﺣﻨﻪ ﺑﻌﺪ ﻣﻨﻔﻴﺪ ﺍﻟﺒﻌﺾ .
ﺗﺤﻠﻤﻴﻦ ﺍﻃﻠﮕﺞ
ﺧﺎﻟﻮﺍ ﮔﺎﻝ ﺍﻧﻄﻮﻫﻢ ﻓﺮﺻﺔ ﻛﻢ ﻳﻮﻡ ﻳﻬﺪﺃﻭﻥ ..
ﻻﻳﺴﺘﻌﺠﻠﻮﻥ .
ﮔﻠﺘﻠﻬﻢ ﻻ . ﺍﻧﻲ ﺍﺭﻳﺪ ﺍﺣﺠﻲ ﻭﻱ ﺍﺣﻤﺪ ﺍﻟﻮﺣﺪﻧﺎ .
ﮔﺘﻠﻪ ﺍﺣﻤﺪ . ﺳﺮﻙ ﻳﺮﻭﺡ ﻭﻳﺎﻱ ﻟﻠﻤﻮﺕ ﺍﺫﺍ ﻃﻠﮕﺘﻨﻲ .
ﺑﺲ ﺍﺫﺍ ﻣﻄﻠﮕﺖ .
ﺍﮔﻠﻬﻢ ﻛﻠﺸﻲ ﻭﺍﺧﻠﻴﻬﻢ ﻳﻄﻠﮕﻮﻧﻲ ﻏﺼﺐ ﻋﻨﻚ .
ﻟﻮ ﺑﺎﻟﻘﺎﻧﻮﻥ .
# ﺑﻘﻠﻤﻲ _ ﺷﻤﺲ
ﻳﺘﺒﻊ ... .
...
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء