رواية عشق وابتلاء الجزء الثالث عشر
للكاتبة شمس
...
ﻗﺮﻳﺐ ﻣﺘﺨﻠﺺ ﺍﻟﻌﻄﻠﻪ . ﮔﺘﻠﻪ ﺑﺎﺑﺎ ﺍﺭﻳﺪ ﺍﺭﻭﺡ . ﻻﻥ ﻣﺎﺑﻘﻰ ﺷﻲ ﻉ ﺍﻟﺪﻭﺍﻡ ﻭﺍﺭﻳﺪ ﺍﺟﻬﺰ ﻧﻔﺴﻲ .
ﺑﺎﺟﻲ ﺣﺎﻭﻟﺖ ﺗﻘﻨﻌﻨﻲ ﮔﻠﺘﻬﺎ ﺍﺫﺍ ﺗﺮﺩﻳﻦ ﺍﻧﻲ ﺍﺭﻭﺡ ﻭﺍﻧﺘﻲ ﺍﺑﻘﻲ .
ﮔﺎﻟﺖ ﻻ ﺍﺭﻭﺡ ﻭﻳﺎﺝ .
ﺭﺩﺕ ﺑﺲ ﺍﺭﻭﺡ ﻭﺍﺧﻠﺺ . ﻣﺎﺍﺭﻳﺪ ﺍﺗﻌﺬﺏ ﺍﻛﺜﺮ .
ﺣﻈﺮﺕ ﻣﻼﺑﺴﻲ .
ﻭﺑﺪﻟﺖ .
ﺳﻠﻤﺖ ﻉ ﺑﻴﺒﻲ ﻭﺣﻈﻨﺘﻬﺎ ﻭﺑﺠﻴﻨﺎ ﺳﻮﻳﻪ .
ﻭﮔﺎﻟﺖ ﻣﻮ ﺗﮕﻄﻌﻴﻦ ﺑﻴﻪ .
ﻃﻠﻌﻨﺎ ﺍﻧﻲ ﻭﺑﺎﺟﻲ .
ﺑﺎﺑﺎ ﻃﻠﻊ ﺍﻟﺠﻨﻂ ﻭﻳﺎﻧﺎ .
ﺍﺗﻮﻗﻌﺖ ﺑﺎﺑﺎ ﻳﻮﺻﻠﻨﺎ .
ﺣﺘﻰ ﺧﺎﻟﻮ ﻣﻌﺘﺰ ﮔﺎﻝ ﺍﺟﻲ ﺍﺧﺬﻛﻢ .
ﮔﺘﻠﻪ ﻻ ﺑﺎﺑﺎ ﻳﻮﺻﻠﻨﺎ .
ﺑﺲ ﺍﻟﻲ ﻛﻨﺖ ﻣﻤﺘﻮﻗﻌﺘﻪ . ﻣﺼﻄﻔﻰ ﺍﻟﻲ ﻳﻮﺻﻠﻨﺎ
ﺑﺴﺎﻋﺘﻬﺎ ﺭﺩﺕ ﺍﺭﺟﻊ ﻭﺍﺑﻄﻞ .
ﻭﺑﺎﺟﻲ ﺗﺴﺤﺐ ﺑﻴﻪ .
ﻳﻤﻌﻮﺩﻩ ﻻﺗﻔﻀﺤﻴﻨﺎ ﺍﺻﻌﺪﻱ .
ﻣﺎ ﻣﺎﺍﺻﻌﺪ ﻭﻳﺎﻩ .
ﮔﺘﻠﻪ ﺑﺎﺑﺎ ﻣﻮ ﻋﺴﺎﺱ ﺍﻧﺖ ﺗﻮﺻﻠﻨﺎ .
ﺍﻱ ﺑﺎﺑﺎ ﺑﺲ ﺻﺎﺭﺕ ﻋﻨﺪﻱ ﺷﻐﻠﻪ . ﻭﮔﻠﺖ ﺍﻟﻤﺼﻄﻔﻰ ﻳﻮﺻﻠﻜﻢ .
ﺍﻭﻭﻭﻭﻑ ﻭﺍﻟﻠﻪ ﻫﺬﺍ ﻳﺪﻋﻤﻨﺎ ﻫﺴﺎ ﺍﺩﺭﻱ ﺑﻲ . ﻳﺒﻘﻰ ﻳﺒﺎﻭﻉ ﻣﻦ ﺍﻟﻤﺮﺍﻳﻪ ﻭﻳﻄﻠﻊ ﮔﺒﻞ ﺑﻴﻨﺎ .
ﺻﻌﺪﺕ ﻭﺍﻧﻲ ﻣﻌﺒﺴﻪ . ﻭﻫﻮ ﻃﺎﮒ ﻣﻦ ﺍﻟﻀﺤﻚ .
ﮔﻌﺪﺕ ﺑﺎﺟﻲ ﺑﺎﻟﻤﻘﺪﻣﻪ ﻭﺍﻧﻲ ﻭﺍﻭﻻﺩﻫﺎ ﺑﺎﻟﻮﺭﻯ .
ﻭﻫﻮ ﻳﺬﺏ ﺑﺴﺎﻣﻴﺮ ﻭﻛﻼﻡ .
ﻳﮕﻠﻪ ﻣﻬﻨﺪ ﻭﺍﻟﻠﻪ ﺍﺣﺒﻚ . ﻋﻠﻰ ﺍﺑﻦ ﺧﺎﻟﻮ ﻣﻌﺘﺰ .
ﺍﻧﻲ ﺑﻘﺖ ﻋﻴﻨﻲ ﻉ ﺍﻟﺸﺎﺭﻉ ﻣﺎﺍﺑﺎﻭﻋﻠﻪ .
ﺭﮔﺒﺘﻲ ﺗﻮﺟﻌﻨﻲ ﻣﻦ ﮔﺪ ﻣﺎﺍﺑﺎﻭﻉ ﻉ ﺟﻬﻪ ﻭﺣﺪﻩ .
ﺍﻟﺘﻔﺘﺖ ﺻﺎﺭﺕ ﻋﻴﻨﻲ ﺑﻌﻴﻨﻪ ﻏﻤﺰﻟﻲ .
ﺧﺰﺭﺗﻪ .
ﮔﺎﻝ . ﻳﻤﻪ ﻫﻦ ﻳﺨﺒﻠﻦ ﻭﺩﻭﺭ ﻳﺨﻮﺯﺭﻥ ﺻﺎﺭﻥ ﻳﻤﻮﺗﻦ .
ﻋﺰﺍﺍﺍﺍ .
ﮔﺎﻟﺘﻠﻪ ﺑﺎﺟﻲ . ﺩﺧﻠﻲ ﻋﻴﻨﻚ ﻉ ﺍﻟﺸﺎﺭﻉ ﻻ ﺗﺪﻋﻤﻨﺎ .
ﻭﺻﻠﻨﺎ ﻧﺺ ﺍﻟﻄﺮﻳﻖ ﻗﺮﻳﺐ ﻋﻔﻚ .
ﮔﺎﻝ ﺑﺲ ﻧﻌﺒﻲ ﺑﻨﺰﻳﻦ .
ﻋﺒﻴﻨﺎ . ﻭﺍﺷﺘﺮﺍﻟﻨﺎ ﻋﺼﻴﺮ ﻭﻣﻲ ﻭﺟﺒﺲ .
ﮔﺎﻝ ﺍﻛﻴﺪ ﺗﺠﻮﻋﻮﻥ ﺍﻛﻠﻮ .
ﻓﻌﻼ ﺍﻟﻄﺮﻳﻖ ﻃﻮﻳﻞ ﻟﻠﺤﻠﻪ .
ﺣﺘﻰ ﻧﻌﺴﺖ . ﻭﺍﺧﺬﺗﻨﻲ ﺍﻟﻨﻮﻣﻪ .
ﻓﺰﻳﺖ ﻭﺻﻠﻨﺎ ﺍﻟﺤﻠﻪ .
ﺑﺴﺮﻋﻪ ﺻﺎﺭﺕ ﻋﻴﻨﻲ ﻉ ﺍﻟﻤﺮﺍﻳﻪ .
ﺍﺳﺘﺤﻴﺖ ﺷﮕﺪ ﻋﻴﺐ ﺷﻠﻮﻥ ﻧﻤﺖ .
ﮔﺎﻝ ﺍﻭﻭﻭﻭﻑ ﺷﺒﻌﺖ ﺷﻮﻑ ﺗﺨﺒﻞ ﻣﻦ ﺗﻨﺎﻡ ﻫﻨﻮﺩﻱ .
ﺩﺭﺕ ﻭﺟﻬﻲ ﻭﺣﺎﺻﺮﺗﻨﻲ ﺍﻟﻀﺤﻜﻪ .
ﻣﻦ ﻭﺻﻠﻨﺎ . ﺟﺎﻱ ﻳﻨﺰﻝ ﺍﻟﻐﺮﺍﺽ .
ﻃﻠﻊ ﺍﺣﻤﺪ ﻣﻦ ﺍﻟﺒﻴﺖ ﺟﺎﻥ ﻳﻢ ﺑﻴﺒﻲ .
ﺗﺨﺒﻞ ﻣﻦ ﺷﺎﻑ ﻣﺼﻄﻔﻰ . ﮔﺎﻝ ﮔﻮﺍ .… ﻉ ﻓﻠﺲ .
ﺗﻄﻠﮕﺘﻲ ﻣﻨﻲ ﺣﺘﻰ ﺗﻠﻌﺒﻴﻦ ﺑﻜﻴﻔﺞ ﻭﻳﺎﻩ .
ﻣﺼﻄﻔﻰ ﻋﺼﺐ . ﺫﺏ ﺍﻟﻐﺮﺍﺽ ﻣﻦ ﺍﻳﺪﻩ .
ﻭﻟﺰﻣﻪ ﺷﺒﻌﻪ ﺑﻮﻛﺴﺎﺕ .
ﻟﻚ ﻳﺎﻋﺎﺭ ﺷﻠﻮﻥ ﺗﺤﺠﻲ ﻫﻴﺞ ﻋﻠﻴﻬﺎ .
ﻫﺎﻱ ﺍﺷﺮﻑ ﻣﻨﻚ ﻳﺎﻧﺬﻝ .
ﻃﻠﻊ ﺧﺎﻟﻮ ﻣﻌﺘﺰ ﺑﺎﻟﮕﻮﻩ ﻓﺎﻛﻜﻬﻢ .
ﻭﺳﻮﻟﻔﻠﻪ ﻣﺼﻄﻔﻰ .
ﻭﺧﺎﻟﻮ ﺿﺮﺏ ﺍﺣﻤﺪ ﻭﻃﺮﺩﻩ .
ﮔﺎﻟﻪ ﺍﻧﻲ ﺍﻟﻲ ﺣﺠﻲ ﻭﻱ ﺍﺑﻮﻙ ﺑﻌﺪﻳﻦ .
ﺍﺗﻌﺬﺭ ﻣﻦ ﻣﺼﻄﻔﻰ ﻭﮔﻠﻪ ﺍﺩﺧﻞ .
ﮔﺎﻟﻪ ﻻ ﺭﺍﺡ ﺍﺭﺟﻊ .
ﻭﺭﺍﻱ ﺩﻭﺍﻡ ﺑﺎﺟﺮ .
ﻃﻠﻌﺖ ﻣﺎﻣﺎ .
ﺳﻠﻤﺖ ﻋﻠﻴﻪ ﻭﺍﻋﺘﺬﺭﺕ ﻣﻨﻪ . ﺣﺘﻰ ﺗﻌﺠﺒﺖ ﻣﻦ ﺗﺼﺮﻓﻬﺎ .
ﻭﮔﻠﺘﻠﻪ ﻉ ﺍﻻﻗﻞ ﺍﺗﻐﺪﺍ ﻭﺍﺭﺗﺎﺡ ﻳﻠﻪ ﺗﺮﻭﺡ .
ﺍﻧﺖ ﺗﻌﺒﺎﻥ ﻣﻦ ﺍﻟﻄﺮﻳﻖ .
ﺑﺎﻟﮕﻮﺓ ﻭﺍﻓﻖ .
ﺍﺗﻐﺪﺍ ﻫﻮ ﻭﺧﺎﻟﻮ . ﻭﻃﻠﻌﻮﺍ .
ﺍﺟﻪ ﺧﺎﻟﻮ ﻣﺎﻫﺮ ﻭﺍﺣﻤﺪ .
ﻭﻣﻠﻔﻖ ﺣﺠﻲ . ﻋﺴﺎﺱ ﻣﺼﻄﻔﻰ ﺫﺍﺏ ﺣﺠﻲ ﻋﻠﻴﻪ ﻭﻫﻮ ﺍﻧﻔﻌﻞ .
ﺑﺲ ﺧﺎﻟﻮ ﻣﻌﺘﺰ ﺳﻮﻟﻔﻠﻪ ﺍﻟﺴﺎﻟﻔﻪ .
ﻭﻫﻮ ﻣﺎﺭﺿﻰ ﻋﻠﻰ ﺍﺑﻨﻪ ﻭﮔﺎﻡ ﻳﺤﺠﻲ ﻋﻠﻴﻪ .
ﺍﻧﻲ ﺭﺟﻌﺖ ﻟﻠﺪﻭﺍﻡ .
ﻭﺍﻟﺪﺭﺍﺳﻪ .
ﻭﺑﻌﺪ ﻣﺎﺭﺣﺖ ﻟﻠﻨﺎﺻﺮﻳﻪ ﺑﺲ ﻳﻮﻡ ﺍﺭﺑﻌﻴﻦ ﺟﺪﻭ .
ﻭﺭﺟﻌﺖ ﻭﻱ ﻣﺎﻣﺎ ﺣﺘﻰ ﻣﺼﻄﻔﻰ ﻣﺸﻔﺘﻪ ﻭﺻﺮﺕ ﺍﺗﺠﻨﺒﻪ .
ﻻﻥ ﺍﺣﻤﺪ ﻫﻴﺞ ﺣﺠﻰ ﻋﻠﻴﻪ .
ﻟﻌﺪ ﺍﻟﻐﺮﺑﻪ ﺷﻠﻮﻥ ﺗﺤﺠﻲ
ﻣﺎﺭﺩﺕ ﺍﺟﻴﺐ ﺣﺠﺎﻳﻪ ﻉ ﺭﻭﺣﻲ .
ﺳﻤﻌﺖ ﻣﻦ ﺑﺎﺟﻲ ﺍﻧﻪ ﺣﻨﻴﻦ ﺟﺎﺑﺖ ﻋﻤﻠﻴﻪ ﻭﻭﺻﻠﺖ ﺍﻟﻤﻮﺕ ﻳﻠﻪ ﻭﻟﺪﺕ . ﻭﺣﺎﻟﺘﻬﺎ ﺗﻌﺒﺖ ﺣﻴﻞ ﺑﺲ ﺣﺎﻟﻴﺎ ﺍﺣﺴﻦ ﻭﻣﺨﻠﻴﻬﺎ ﺗﺤﺖ ﺍﻟﻤﺮﺍﻗﺒﻪ ﻳﻮﻣﻴﻦ ﻭﻣﻄﻠﻌﻴﻬﺎ .
ﻓﺮﺣﺖ ﺍﻟﺴﻼﻣﺘﻬﺎ . ﺑﺲ ﺍﺛﺎﺭﻧﻲ ﺍﻟﻔﻀﻮﻝ ﺍﺷﻮﻑ ﺑﻨﺖ ﻣﺼﻄﻔﻰ ﺗﺸﺒﻬﺎ ﻟﻮ ﻻ .
ﻣﺴﻤﻴﻬﺎ ﻣﻼﻙ .
ﻭﺳﻤﻌﺖ ﻣﻦ ﺑﺎﺟﻲ ﺻﺎﻳﺮ ﺍﺷﻜﺎﻝ ﻉ ﺍﻻﺳﻢ .
ﺣﻨﻴﻦ ﺗﮕﻠﻪ ﻟﻴﺶ ﺍﺳﻢ ﺑﻲ ﺣﺮﻑ ﻣﻴﻢ .
ﺻﺪﮒ ﺿﺤﻜﺘﻨﻲ ﺷﻠﻮﻥ ﻋﻘﻠﻴﻪ .
ﻋﺒﺎﻟﻬﺎ ﻉ ﺍﺳﻤﻲ .
ﺑﺲ ﻭﻟﻮ ﻛﻠﺸﻲ ﺍﺗﻮﻗﻊ ﻣﻨﻪ ﻣﺨﺒﻞ ﻭﻳﺴﻮﻳﻬﺎ .
ﻣﻦ . ﺭﺍﺣﺖ ﺑﺎﺟﻲ ﻣﺼﻮﺭﺗﻬﺎ ﺑﺎﻟﻜﺎﻣﻴﺮﺍ . ﻋﻴﻮﻥ ﺍﺑﻮﻫﺎ ﺑﺎﻟﻀﺒﻂ ﻭﺣﻠﻮﻩ ﺑﺲ ﻫﻲ ﻧﺤﻴﻠﻪ .
ﻻﻥ ﺣﻨﻴﻦ ﻭﻣﺮﺿﻬﺎ ﻭﻣﺘﺎﻛﻞ ﺍﺛﺮ ﻋﺎﻟﻄﻔﻠﻪ .
ﺍﻟﻤﻬﻢ ﺳﻼﻣﺘﻬﻢ ﺍﺛﻨﻴﻨﻬﻢ .
ﺍﻟﺴﺎﺩﺱ ﺣﻴﻞ ﺗﻌﺒﻨﻲ . ﻭﺍﻣﺘﺤﺎﻧﺎﺗﻲ ﻛﺎﻧﺖ ﺑﺴﻨﻪ 2006
ﺑﺸﻬﺮ ﺍﻟﺴﺎﺩﺱ .
ﺍﻣﺘﺤﻨﺎ ﻭﻛﻨﺖ ﻉ ﺍﻻﻏﻠﺐ ﺯﻳﻨﻪ . ﻻﻥ ﺑﻌﺾ ﺍﻻﻣﺘﺤﺎﻧﺎﺕ ﺻﻌﺒﻪ .
ﻭﻓﻌﻼ ﻧﺠﺤﺖ . ﻭﻃﻠﻌﺖ ﻣﻌﺪﻝ 86 .
ﻭﺳﺎﺭﻩ 74 .
ﺍﻟﻜﻞ ﻓﺮﺣﺎﻥ . ﻭﺟﺎﺑﻮﻟﻨﺎ ﻫﺪﺍﻳﻪ .
ﻭﻓﺠﺄﺓ ﺍﺟﺘﻨﻲ ﺭﺳﺎﻟﻪ .
( ﻣﺒﺮﻭﻙ ﺍﻟﻨﺠﺎﺡ ﻳﻮﻡ ﺍﻟﻲ ﺍﺯﻓﺞ ﺍﻟﻐﺮﻓﺘﻲ )
😲😲 ﻫﺬﺍ ﻣﻨﻮ .
ﻣﺎﺍﺩﺭﻱ ﻟﻴﺶ ﺍﺟﻪ ﺑﺒﺎﻟﻲ ﻣﺼﻄﻔﻰ .
ﺑﺲ ﻣﻨﻴﻦ ﺟﺎﺏ ﺭﻗﻤﻲ ..
ﺍﻭﻭﻭﻭﻑ ﻫﺎﻱ ﺍﻛﻴﺪ ﺑﺎﺟﻲ ﺍﺣﻼﻡ ﺻﻮﺟﻲ ﻧﻄﻴﺘﻬﺎ ﺭﻗﻤﻲ .
ﺭﺣﺖ ﻣﻌﺼﺒﻪ . ﻫﻲ ﺷﺎﻓﺘﻨﻲ ﺍﺑﺘﺴﻤﺖ .
ﮔﺎﻟﺖ ﻭﺍﻟﻠﻪ ﻣﻦ ﮔﺘﻠﻪ ﻣﺎﺳﻪ ﻧﺠﺤﺖ . ﻫﻮ ﺣﻠﻔﻨﻲ ﺍﻻ ﺍﻧﻄﻴﻪ ﺍﻟﺮﻗﻢ .
ﻣﺎﺍﺩﺭﻱ ﺷﺤﺠﻲ .
ﻫﺬﺍ ﺑﻌﺪ ﻣﻴﻔﻮﺕ ﺣﺎﻟﻲ .
ﺭﺟﻌﺘﻠﻪ ﺍﻟﺮﺳﺎﻟﻪ .
💭) ﺷﻜﺮﺍ ﺧﻮﻳﻪ . ﻭﻣﺒﺮﻭﻙ ﺍﻟﻚ ﻉ ﺍﻟﻤﻮﻟﻮﺩﻩ ﺗﺘﺮﺑﻰ ﺑﻌﺰ ﻭﺩﻻﻝ ﺍﻣﻬﺎ ﻭﺍﺑﻮﻫﺎ )
ﺩﺯ ..
💭💭 ( ﺍﻟﻠﻪ ﻳﺒﺎﺭﻙ ﺑﻴﺞ ﺗﻤﻨﻴﺘﻬﺎ ﻣﻨﺞ ﻭﺗﺸﺒﻬﺞ ﺑﺲ ﺍﻥ ﺷﺎﺀ ﺍﻟﻠﻪ ﺍﺑﻨﻲ ﻳﻄﻠﻊ ﻋﻠﻴﺞ ﻣﻦ ﻧﺘﺰﻭﺝ ..
ﻭﺑﻌﺪﻳﻦ ﺷﻨﻮ ﺧﻮﻳﻪ ﺭﺍﺿﻊ ﻭﻳﺎﺝ . ﺑﻄﻠﻲ ﺳﻮﺍﻟﻔﺞ ﻫﺎﻱ ﻣﺎﺳﻪ . )
ﻫﻬﻬﻬﻬﻪ ﺿﺤﻜﺖ ﻭﺩﺯﻳﺘﻠﻪ ( 💬 ﺗﺤﻠﻢ … )
ﻭﻏﻠﻘﺘﻪ .
ﮔﻠﺖ ﺧﺎﻑ ﻳﺘﺼﻞ ﻟﻮ ﻳﺪﺯ ﺭﺳﺎﻟﻪ ﻭﻣﺎﻣﺎ ﺗﺸﻚ .
ﮔﻤﺖ ﺍﻃﻨﺶ ﻛﻠﻤﺎ ﻳﺘﺼﻞ ﻟﻮ ﻳﺪﺯ ﺭﺳﺎﻟﻪ . ﻣﺎﺍﺟﺎﻭﺏ .
ﺍﺫﺍ ﻧﻄﻴﺘﻪ ﻣﺠﺎﻝ ﻳﺘﻤﺎﺩﻯ .
ﺑﺪﺃ ﺍﻟﺘﻘﺪﻳﻢ . ﻭﻃﻠﻌﻠﻲ ﻫﻨﺪﺳﻪ ﻛﻮﻓﻪ .
ﺑﺲ ﻣﺎﺭﺩﺗﻬﺎ . ﻭﻣﺎﺍﺭﻳﺪ ﺍﺭﻭﺡ ﺍﻗﺴﺎﻡ ﻻﻥ ﻣﺎﻣﺎ ﻣﺎﻗﺒﻠﺖ ﺗﺨﺎﻑ ﻋﻠﻴﻪ .
ﺣﺎﻭﻟﺖ ﺍﺣﻮﻝ ﻟﻼﺩﻧﻰ .
ﺑﺲ ﺍﻟﻜﻞ ﻳﮕﻠﻲ ﺭﻭﺣﻲ ﺗﺮﺑﻴﻪ .
ﻭﻛﻨﺖ ﻣﺘﺮﺩﺩﻩ ﺍﺻﻼ ﻛﻨﺖ ﺍﺗﻤﻨﻰ ﺍﺭﻭﺡ ﻗﺎﻧﻮﻥ .
ﻭﻋﺴﺎﺱ ﺍﺭﻭﺡ ﻗﺎﻧﻮﻥ ﻣﺴﺎﺋﻲ .
ﺑﺲ ﮔﻠﻮﻟﻲ ﻣﺎﺑﻲ ﺗﻌﻴﻴﻦ ﻭﻃﻴﺮﻭﺍ ﻭﺍﻫﺴﻲ .
ﻓﺮﺣﺖ ﺗﺮﺑﻴﻪ ﺍﻧﻜﻠﻴﺰﻱ .
ﻭﺳﺎﺭﺓ ﺷﺠﻌﺘﻨﻲ ﻻﻥ ﻭﻳﺎﻫﺎ .
ﻭﻣﺮﺗﻀﻰ ﻫﻢ ﻭﻳﺎﻧﺎ .
ﮔﺎﻝ ﺍﻧﻲ ﺍﺧﺬﺟﻦ . ﻭﺍﺭﺟﻌﺠﻦ .
ﻭﺍﻟﺼﺮﺍﺣﻪ ﺍﺗﺮﺩﺩﺕ ﺑﺴﺒﺐ ﺭﻧﺎ .
ﻫﻲ ﻣﻦ ﻏﻴﺮ ﻛﻠﺸﻲ ﺗﻜﺮﻫﻨﻲ .
ﻭﺻﺎﺭ ﻋﻨﺪﻫﻢ ﺍﺛﻨﻴﻦ ﺍﻃﻔﺎﻝ ﻭﻫﻲ ﺑﻌﺪﻫﻲ ﺗﻐﺎﺭ ﻭﺗﺘﻌﺎﺭﻙ .
ﺍﺫﺍ ﻋﺮﻓﺖ ﻫﻮ ﻭﻳﺎﻱ ﺑﻨﻔﺲ ﺍﻟﺠﺎﻣﻌﻪ ﺷﺘﺴﻮﻱ .
ﺑﺲ ﻭﺍﻟﻠﻪ ﺣﺘﻰ ﻫﻮ ﻧﺴﻰ ﺍﻟﻤﻮﺿﻮﻉ ﻭﻛﻠﻪ ﻳﮕﻠﻲ ﺧﻮﻳﻪ .
ﺑﺲ ﺭﻧﺎ ﻋﻘﻠﻬﺎ ﻓﺎﺭﻍ ﻭﺗﻐﺎﺭ ﺣﻴﻞ ﻋﻠﻴﻪ .
ﻛﻨﺖ ﻣﺘﺤﻤﺴﻪ ﻟﻠﺪﻭﺍﻡ ﻭﺑﺪﻳﺖ ﺑﺎﻟﺘﺠﻬﻴﺰﺍﺕ .
ﻧﺰﻟﻨﺎ ﻟﻠﺴﻮﮒ ﺍﻧﻲ ﻭﻣﺎﻣﺎ .
ﻭﺍﺷﺘﺮﻳﺖ ﻛﻞ ﺷﻲ ﺑﻨﻔﺴﻲ .
ﻃﺒﻌﺎ ﺍﻟﻔﻠﻮﺱ ﻣﻦ ﺑﺎﺑﺎ ﻫﻮ ﺍﺗﻜﻔﻞ ﺑﻤﻼﺑﺲ ﺍﻟﻜﻠﻴﻪ .
ﺭﺟﻌﺖ ﻣﻦ ﺍﻟﺴﻮﮒ ﻭﻟﮕﻴﺖ ﺭﻧﺎ ﻋﺪﻧﺎ ﻭﮔﺎﻟﺒﻪ ﻭﺟﻬﻬﺎ ﻋﻠﻴﻪ .
ﮔﻠﺖ ﺑﮕﻠﺒﻲ .
ﻳﺎﺳﺘﺎﺭ ﻳﺎﺭﺑﻲ
...
ﺍﺟﻴﻨﻪ ﻣﻦ ﺍﻟﺴﻮﮒ . ﺷﻔﺖ ﺭﻧﺎ ﻋﺪﻧﺎ ﻫﻲ ﻭﺍﻭﻻﺩﻫﺎ .
ﮔﺎﻋﺪﻩ ﻳﻢ ﺑﻴﺒﻲ .
ﻭﺗﺨﻮﺯﺭ ﺑﻴﻪ .
ﻣﺎﻣﺎ . ﻫﻠﻮ ﺭﻧﺎﻭﻱ ﺷﻠﻮﻧﺞ .
ﺭﻧﺎ .. ﻫﻠﻮ ﻋﻤﻪ .
ﺍﻧﻲ ﻣﺎﺍﺣﺠﻲ ﻭﻳﺎﻫﺎ .
ﺍﺧﺬﺕ ﻏﺮﺍﺿﻲ ﻭﺩﺧﻠﺖ ﻟﻠﻐﺮﻓﻪ .
ﺑﺪﻟﺖ ﻭﻃﻠﻌﺖ .
ﻟﮕﻴﺘﻬﺎ ﺗﺤﺠﻲ ﻭﻱ ﻣﺎﻣﺎ .
ﺗﮕﻠﻬﺎ ﻋﻤﻪ ﻣﺎﺳﻪ ﻣﻬﻤﺎ ﻳﻜﻮﻥ ﺍﺳﻤﻬﺎ ﻣﻄﻠﮕﻪ .
ﻭﻣﺎﺍﺭﻳﺪﻫﺎ ﺗﺮﻭﺡ ﻭﺗﺮﺟﻊ ﻭﻱ ﻣﺮﺗﻀﻰ .
ﺍﻟﻨﺎﺱ ﺷﺘﮕﻮﻝ ﻋﻠﻴﻬﺎ ﻭﻋﻠﻴﻪ .
ﻣﺎﻣﺎ .. ﻋﻴﺐ ﻋﻤﻪ ﺷﻨﻮ ﻫﺬﺍ ﺍﻟﺤﺠﻲ . ﺍﻭﻻ ﻣﺮﺗﻀﻰ ﺍﺧﻮﻫﺎ
ﻭﺛﺎﻧﻴﺎ ﺳﺎﺭﺓ ﻭﻳﺎﻫﻢ ﺗﺮﻭﺡ ﺗﺮﺟﻊ ﺑﻌﺪ ﺷﻨﻮ ﻫﺬﺍ ﺍﻟﺤﺠﻲ .
ﺭﻧﺎ .. ﻋﻤﻪ ﺍﻧﺘﻲ ﺗﻌﺮﻓﻴﻦ ﺷﻲ ﻭﺍﻧﻲ ﺍﻋﺮﻑ ﺷﻲ .
ﻣﺎﻣﺎ .. ﻭﺷﻨﻮ ﺍﻟﺸﻲ ﺍﻟﻲ ﺗﻌﺮﻓﻴﻪ . ﮔﻮﻟﻲ ﺣﺘﻰ ﻧﻔﺘﻬﻢ .
ﺭﻧﺎ .. ﻋﻤﻪ ﺍﻧﺘﻲ ﻣﺮﻳﻀﻪ ﻭﻣﺎﺍﺭﻳﺪ ﺍﺿﻮﺟﺞ .
ﻣﺎﻣﺎ .. ﮔﻮﻟﻲ ﻟﺘﺨﺎﻓﻴﻦ ﻣﻴﺼﻴﺮ ﺑﻴﻪ ﺷﻲ .
ﺍﺟﻴﺖ ﺍﻧﻲ ﻭﮔﻔﺖ ﮔﺒﺎﻟﻬﺎ ﮔﻠﺘﻠﻬﺎ ﻳﻠﻪ ﮔﻮﻟﻲ ﺷﻨﻮ ﺍﻟﻲ ﺗﻌﺮﻓﻴﻪ ﻋﻨﻲ .
ﮔﺎﻟﺖ . ﻋﻤﻪ ﺍﻧﻲ ﻣﺎﺭﺩﺕ ﺍﺣﺠﻲ ﺑﺲ ﻫﻲ ﺟﺒﺮﺗﻨﻲ .
ﻣﺎﺳﻪ ﺣﺎﻃﻪ ﻋﻴﻨﻬﺎ ﻋﻠﻰ ﻣﺮﺗﻀﻰ ﻣﻦ ﻗﺒﻞ ﻣﺎﺗﺘﺰﻭﺝ
ﻭﻣﻦ ﺗﺰﻭﺟﻨﻲ ﺍﻧﻘﻬﺮﺕ ﻣﺘﺸﻮﻓﻴﻬﺎ ﮔﻤﺖ ﺗﻄﻠﻊ ﻋﻴﻮﺏ ﺑﺤﻤﻮﺩﻱ ﺣﺘﻰ ﺗﺘﻄﻠﮓ ﺑﻴﻨﻤﺎ ﺍﺣﻤﺪ ﻛﺎﻥ ﻣﻌﻴﺸﻬﺎ ﺑﺪﻻﻝ .
ﺗﻠﺒﺲ ﺷﻜﻞ ﻭﺗﻨﺰﻉ ﺷﻜﻞ .
ﺍﻧﻲ ﺑﻘﻴﺖ 😲😲 ﻫﻴﺞ ﻣﺎﻛﻨﺖ ﻣﺘﻮﻗﻌﻪ ﺗﻔﺘﺮﻱ ﻋﻠﻴﻪ ﻫﻴﺞ ﺍﻓﺘﺮﺍﺀ .
ﻣﺎﻣﺎ . ﺷﻨﻮ ﻫﺬﺍ ﺍﻟﺤﺠﻲ ﻋﻴﺐ ﻋﻠﻴﺞ ﻣﺘﺴﺘﺤﻴﻦ .
ﻫﻤﻪ ﺍﺧﻮﻩ ﻭﺑﺤﻴﺎﺗﻬﺎ ﻣﮕﺎﻟﺘﻠﻪ ﻏﻴﺮ ﺧﻮﻳﻪ .
ﻫﺴﺎ ﻟﻮ ﺗﺎﻫﻤﺘﻬﺎ ﻭﻱ ﻭﺍﺣﺪ ﺛﺎﻧﻲ ﺟﺎﻥ ﺻﺪﮔﺖ .
ﺑﺲ ﻭﻱ ﻣﺮﺗﻀﻰ .
ﮔﻮﻣﻲ ﺭﻧﺎ ﺭﻭﺣﻲ ﺍﻟﺒﻴﺘﺞ . ﻭﻋﻴﺐ ﻫﺬﺍ ﺍﻟﺤﺠﻲ ﺍﻟﻤﺮﻩ ﺍﻟﺜﺎﻧﻴﻪ ﺍﮔﻮﻝ ﺍﻟﻤﺎﻫﺮ ﻋﻠﻰ ﺳﻮﺍﻟﻔﺞ .
ﺑﻴﺒﻲ ﻫﺪﻳﻪ . ﺍﻟﻠﻪ ﻳﻄﻴﺢ ﺣﻈﺞ ﻳﺮﻧﺎ ﺧﻠﻲ ﻳﺠﻲ ﻣﺎﻫﺮ ﻭﺍﻧﻲ ﺍﺳﻮﻟﻔﻠﻪ .
ﺻﺪﮒ ﺍﻟﺴﺎﻧﻲ ﻣﻴﻌﺮﻑ ﻳﺠﺎﻭﺏ ﺍﻭ ﻳﺮﺩ ﻉ ﺗﻔﺎﻫﺎﺗﻬﺎ .
ﻣﺎﮔﺪﺭﺕ ﺗﮕﻮﻝ ﺭﺟﻠﻲ ﺟﺎﻥ ﺣﺎﻁ ﻋﻴﻨﻪ ﻋﻠﻴﻬﺎ .
ﺗﻬﻤﺘﻨﻲ ﺍﻧﻲ ﺣﺎﻃﻪ ﻋﻴﻨﻲ ﻋﻠﻴﻪ .
ﺑﺎﻭﻋﺖ ﺍﻟﻤﺎﻣﺎ . ﮔﺎﻟﺖ ﻟﺘﺨﺎﻓﻴﻦ ﺍﻋﺮﻑ ﻣﺴﺘﺤﻴﻞ ﺗﺴﻮﻳﻬﺎ .
ﻟﻮ ﺭﺩﺗﻲ ﺟﺎﻥ ﺍﺧﺬﺗﻲ ﺍﻟﻲ ﺗﺮﺩﻳﻪ ﻣﻦ ﻣﺮﺗﻪ ﺑﺲ ﺍﻋﺮﻑ ﺑﻨﺘﻲ ﻭﺍﺧﻼﻗﻬﺎ ..
ﺍﺭﺗﺎﺣﻴﺖ ﻣﻦ ﺣﺠﺖ ﻣﺎﻣﺎ ﻫﻴﺞ ﺍﻭﻝ ﻣﺮﻩ ﺗﻤﺪﺣﻨﻲ ﺑﻬﺬﺍ ﺍﻟﺸﻜﻞ .
ﮔﺎﻟﺖ . ﺑﺲ ﺍﺗﺼﻠﻲ ﻉ ﺳﺎﺭﻩ ﻭﮔﻠﻴﻠﻬﺎ ﺭﻭﺣﻦ ﻭﺍﺭﺟﻌﻦ ﻭﺣﺪﺟﻦ ﺑﺨﻂ ﻟﺘﺮﻭﺣﻴﻦ ﻭﻱ ﻣﺮﺗﻀﻰ ﻣﺎﻟﻲ ﺧﻠﮓ ﻣﺸﺎﻛﻞ .
- ﻻ ﻣﺎﻣﺎ . ﺍﺭﻭﺡ ﻭﻳﺎﻩ ﻟﻴﺶ ﺍﺧﺎﻑ ﻭﺍﺗﺮﺍﺟﻊ ﻭﺍﻧﻲ ﻣﻤﺴﻮﻳﻪ ﺧﻄﺄ . ﻣﺮﺗﻀﻰ ﺍﺧﻮﻳﻪ ﻭﺭﺍﺡ ﻳﺒﻘﻰ ﻃﻮﻝ ﻋﻤﺮﻩ ﻣﺜﻞ ﺍﺧﻮﻳﻪ ﻭﻣﻤﺠﺒﻮﺭﻩ ﺍﺧﺎﻑ ﻣﻦ ﺍﻓﻜﺎﺭ ﺭﻧﺎ ﺍﻟﻤﺮﻳﻀﻪ ﻭﺍﮔﻠﻪ ﻣﺎﺍﻣﺸﻲ ﻭﻳﺎﻙ ﻟﻠﺠﺎﻣﻌﻪ ﻻﻥ ﻣﺮﺗﻚ ﺗﻐﺎﺭ . ﻭﺍﻟﻠﻪ ﻋﻴﺐ .
ﺧﻠﻴﻬﺎ ﺗﻔﻜﺮ ﻣﺜﻞ ﻣﺘﺮﻳﺪ ﻳﺠﻲ ﻳﻮﻡ ﻭﺗﺘﻌﻮﺩ ﻉ ﺍﻟﻮﺿﻊ ﻭﺗﻌﺮﻑ ﻫﻲ ﻛﺎﻧﺖ ﻏﻠﻄﺎﻧﻪ .
ﻗﺮﺭﺕ ﺑﻌﺪ ﻣﺎﺍﺧﺎﻑ ﻭﻻﺍﺗﺮﺍﺟﻊ . ﻭﻣﺎﺍﺳﻤﺢ ﺍﻻﻱ ﺍﺣﺪ ﻳﻬﻴﻦ ﺑﻴﻪ .
ﺑﻴﺒﻲ ﻗﺒﻞ ﻣﺎﺍﺭﻭﺡ ﻟﻠﺴﻮﮒ . ﮔﺎﻟﺖ ﻟﺘﺸﺘﺮﻳﻦ ﺍﺳﻮﺩ ﺍﺷﺘﺮﻱ ﺍﻟﻮﺍﻥ .
ﺍﻟﺤﺰﻥ ﺑﺎﻟﮕﻠﺐ ﻳﻴﻤﻪ . ﻭﺍﻧﺘﻲ ﺑﻌﺪﺝ ﺷﺎﺑﻪ ﻭﺭﺍﺡ ﺗﺪﺧﻠﻴﻦ ﻛﻠﻴﻪ .
ﻣﻦ ﺗﺪﺍﻭﻣﻴﻦ ﻓﻜﻲ ﺣﺰﻧﺞ ﺍﻧﺘﻲ ﻭﺳﺎﺭﻩ ﺑﻌﺪﺟﻦ ﺣﺪﻳﻴﺜﺎﺕ .
ﻭﺟﺪﺟﻦ . ﻫﻢ ﻣﺎﻳﻘﺒﻞ ﺗﺒﻘﻦ ﺑﺎﻻﺳﻮﺩ ..
ﻣﺎﻣﺎ ﻣﻘﺒﻠﺖ ﺑﺲ ﺑﻌﺪﻳﻦ ﺑﻴﺒﻲ ﻗﻨﻌﺘﻬﺎ
...
ﺑﺄﻭﻝ ﻳﻮﻡ ﺩﻭﺍﻡ . ﻣﺎﻟﺒﺴﺖ ﺟﺒﻪ .
ﻟﺒﺴﺖ ﺗﻨﻮﺭﻩ ﻭﻗﻤﻴﺺ ﻭﻓﻮﮔﺎﻩ ﺳﺘﺮﻩ . ﻭﻟﻔﻴﺖ ﺍﻟﺸﺎﻝ ﻭﻟﺒﺴﺖ ﻧﻈﺎﺭﺍﺕ ﺷﻤﺴﻴﻪ .
ﻃﻠﻌﺖ ﺍﺧﺒﻞ ﻓﺪﻳﺘﻨﻲ .
ﺧﻠﻴﺖ ﺑﺲ ﻛﺤﻞ ﻭﻣﺎﺳﻜﺮﺍ . ﻭﻋﻴﻮﻧﻲ ﻛﺒﺎﺭ ﺑﺮﺯﻥ ﻭﻃﻠﻌﻦ ﺣﻠﻮﺍﺕ .
ﺍﺧﺬﺕ ﺟﻨﻄﺘﻲ ﻭﻃﻠﻌﺖ ..
ﻟﮕﻴﺖ ﻣﺮﺗﻀﻰ ﻭﺳﺎﺭﻩ ﻣﻨﺘﻈﺮﻳﻨﻲ ﺑﺎﻟﺴﻴﺎﺭﻩ .
ﺻﻌﺪﺕ ﻟﻮﺭﻯ ﻭﮔﻠﺖ ﺻﺒﺎﺡ ﺍﻟﺨﻴﺮ .
ﮔﺎﻝ ﻣﺮﺗﻀﻰ ﻭﻟﺞ ﻣﺎﺳﻪ ﺷﻄﺎﻟﻌﻪ ﻟﻮ ﺍﺩﺭﻱ ﺟﺎﻳﺐ ﻭﻳﺎﻱ ﺷﻲ ﺍﺣﺎﺭﺏ ﺑﻲ ..
ﻫﻬﻬﻬﻬﻪ ﻣﻮ ﺍﻟﻬﻠﺪﺭﺟﻪ .
ﺷﻠﻮﻥ ﺍﺷﺘﻐﻞ ﺣﺎﺭﺱ ﻋﻠﻴﺠﻦ . ﺍﻧﺘﻲ ﻭﺍﻻﺧﺖ ﻫﻨﺎ ﻳﺄﺷﺮ ﻋﻠﻰ ﺳﺎﺭﻩ .
ﻭﺻﻠﻨﺎ ﻟﻠﺠﺎﻣﻌﻪ . ﺟﻮ ﺟﺪﻳﺪ ﻭﺣﻴﺎﺓ ﺟﺪﻳﺪﻩ ﻋﻠﻴﻪ .
ﻻﺯﻡ ﺍﻋﻴﺶ ﻭﺍﺩﺭﺱ ﻭﺍﻧﺠﺢ ﻭﺍﻓﺮﺡ .
ﻛﺎﻓﻲ ﻫﻢ ﻭﻛﺎﻓﻲ ﺣﺰﻥ .
ﻣﻦ ﺍﻟﻴﻮﻡ ﺍﻧﻲ ﺍﻧﺴﺎﻧﻪ ﺛﺎﻧﻴﻪ .
ﺍﻟﻲ ﻃﻤﻮﺣﺎﺗﻲ ﻭﻻﺯﻡ ﺍﺣﻘﻘﻬﺎ ﻭﻣﺎﻳﻮﮔﻒ ﺑﻮﺟﻬﻲ ﺍﺣﺪ .
ﻛﻞ ﻭﺍﺣﺪ ﺭﺍﺡ ﺍﻟﻘﺴﻤﻪ .
ﺭﺣﺖ ﻟﻠﻘﺴﻢ ﻣﺎﻟﺘﻲ . ﻣﺎﺍﻧﻜﺮ ﺧﺠﻼﻧﻪ ﻭﻣﺎﺍﻋﺮﻑ ﺍﺣﺪ .
ﺑﺲ ﻻﺯﻡ ﺍﺻﻴﺮ ﻗﻮﻳﻪ .
ﺳﺄﻟﺖ ﻉ ﺍﻟﻤﺮﺣﻠﻪ ﺍﻻﻭﻟﻰ .
ﺩﻟﻮﻧﻲ ﻋﻠﻴﻬﺎ . ﺩﺧﻠﺖ ﺍﻛﻮ ﺑﻨﺎﺕ ﻭﺷﺒﺎﺏ ﮔﺎﻋﺪﻳﻦ .
ﮔﻠﺖ ﺻﺒﺎﺡ ﺍﻟﺨﻴﺮ .
ﺻﺒﺎﺡ ﺍﻟﻨﻮﺭ . ﺭﺩﻭﺍ .
ﮔﻌﺪﺕ ﻳﻢ ﺑﻨﻴﻪ ﻫﻲ ﺣﻨﻄﺎﻭﻳﻪ ﺑﺲ ﻣﻼﻣﺤﻬﺎ ﺣﻠﻮﻩ ﻭﻣﺒﻴﻦ ﻋﻠﻴﻬﺎ ﻓﻘﻴﺮﻩ . ﺗﻌﺎﺭﻓﻨﺎ ﻉ ﺑﻌﺾ ..
ﺳﻠﻤﺖ ﮔﺎﻟﺖ ﺍﺳﻤﻲ ﻭﺳﻦ ..
ﺍﻧﻲ ﺍﺳﻤﻲ ﻣﺎﺳﻪ .
ﻋﺎﺷﺖ ﺍﻻﺳﺎﻣﻲ . ﺣﻠﻮ ﺍﺳﻤﺞ .
ﺗﺴﻠﻤﻴﻦ ﺍﺳﻢ ﺑﻴﺒﺘﻲ ﻫﻬﻬﻪ .
ﻻﺯﻡ ﺣﻠﻮﻩ ﻣﺜﻠﺞ .
ﻫﻮ ﺍﻧﻲ ﻃﺎﻟﻌﻪ ﻋﻠﻴﻬﺎ .
ﻭﺳﻦ .. ﺍﻧﺘﻲ ﻣﻦ ﻭﻳﻦ .
- ﻣﻦ ﺍﻟﺤﻠﻪ .
- ﺍﻧﻲ ﻣﻦ ﺍﻟﻨﺎﺻﺮﻳﻪ ﻭﺍﻗﺴﺎﻡ ﻭﻣﺎﺍﻋﺮﻑ ﻭﺣﺪﻩ ﻭﺍﻟﺨﻮﻑ ﻛﺎﺗﻠﻨﻲ .
- ﻻﺣﺒﻴﺒﺘﻲ ﻟﻴﺶ ﺍﻟﺨﻮﻑ ﺍﻋﺘﺒﺮﻳﻨﻲ ﺻﺪﻳﻘﺘﺞ ﻭﻣﺎﻛﻮ ﻭﺣﺪﻩ ﺍﻥ ﺷﺎﺀ ﺍﻟﻠﻪ ﺍﻧﻲ ﺍﻫﻠﻲ ﻭﻋﻤﺎﻣﻲ ﻣﻦ ﺍﻟﻨﺎﺻﺮﻳﻪ .
- ﺍﻫﺎ ﻣﻦ ﻭﻳﻦ ﻭﻳﺎﻋﺸﻴﺮﻩ .
- ﻣﻦ ﻗﻠﻌﺔ ﺳﻜﺮ .. ﻋﺸﻴﺮﺓ ( ) ..
- ﺍﺣﺴﻦ ﻧﺎﺱ ﻭﻃﻴﺒﻴﻦ . ﺍﺣﻨﺎ ﻣﻦ ﺍﻟﺮﻓﺎﻋﻲ ﻗﺮﻳﺒﻪ ﻋﻠﻴﻬﺎ .
ﺑﺲ ﻋﻤﺘﻲ ﻫﻨﺎﻙ ﺑﻘﻠﻌﺔ ﺳﻜﺮ ﻣﺘﺰﻭﺟﻪ .
( ﺑﺪﺍﺧﻠﻲ .. ﺍﻭﻭﻭﻑ ﻳﺎﻟﻨﺎﺻﺮﻳﻪ ﻛﻠﻤﺎ ﺍﻧﻬﺰﻡ ﻣﻨﺞ ﺍﻧﺘﻲ ﻭﺭﺍﻱ ﻭﺭﺍﻱ ﻣﻜﺘﻮﺏ ﻋﻠﻴﻪ ﺍﺣﺐ ﻭﺍﺻﺎﺩﻕ ﻭﺍﺧﺎﻟﻂ ﻣﻦ ﺍﻟﻨﺎﺻﺮﻳﻪ )
ﻭﺳﻦ .. ﻭﺍﻫﻞ ﺍﺑﻮﺝ ﺑﺎﻟﺤﻠﻪ ﻟﻮ ﺑﺎﻟﻨﺎﺻﺮﻳﻪ ..
ﺑﻴﺒﻲ ﻣﻦ ﺍﻟﺤﻠﻪ ﻭﺟﺪﻭﺍ ﺗﺮﻙ ﺍﻟﺤﻠﻪ ﻭﺍﺟﻪ ﻋﻤﻮﺩﻫﺎ ﻫﻨﺎ ﺗﺰﻭﺟﻮﺍ ﻭﺍﺳﺘﻘﺮﻭﺍ ﻫﻨﺎ ﻭﺍﻧﺘﻘﻠﻮﺍ ﺑﻌﺪﻳﻦ . ﻳﻌﻨﻲ ﺍﺻﻠﻬﺎ ﺣﻼﻭﻳﻪ ﺑﺲ ﺟﺪﻭﺍ ﻣﻦ . ﻗﻠﻌﺔ ﺳﻜﺮ .
ﺍﻫﺎ .. ﺍﻱ ﺣﻘﻪ . ﺍﺫﺍ ﺍﻟﺤﻼﻭﻳﺎﺕ ﻫﻴﺞ ﺣﻠﻮﺍﺕ . ﺣﻘﻪ ﻳﺘﺮﻙ ﻛﻠﺸﻲ ﻭﻳﺠﻲ ﻭﺭﺍﻫﺎ ﻫﻬﻬﻬﻪ
ﻫﻬﻬﻬﻬﻬﻪ ﺍﻧﺘﻮ ﺍﻻﺣﻠﻰ ﺣﺒﻴﺒﺘﻲ ..
ﮔﻠﺘﻠﻬﺎ ﻣﺎﻛﻮ ﺑﻨﺎﺕ ﻭﻳﺎﺝ ﻣﻦ ﺍﻟﻨﺎﺻﺮﻳﻪ .
ﻻ ﺍﻛﻮ ﺑﺲ ﺑﻐﻴﺮ ﺍﻗﺴﺎﻡ .
ﺑﺲ ﺍﻧﻲ ﺍﻧﻜﻠﻴﺰﻱ .
ﻭﺍﻛﻮ ﺍﻧﻜﻠﻴﺰﻱ ﻣﺮﺣﻠﻪ ﺛﺎﻧﻴﻪ ﻭﺛﺎﻟﺜﻪ ﻣﻮ ﻭﻳﺎﻱ ﺑﺲ ﺑﺎﻟﻘﺴﻢ ﺍﻟﺪﺍﺧﻠﻲ ﻧﻠﺘﻘﻲ .
- ﺍﻱ ﺷﻲ ﺗﺤﺘﺎﺟﻴﻪ ﺣﺒﻴﺒﺘﻲ ﮔﻮﻟﻲ ﻭﺍﻧﻲ ﻣﺎﺍﻗﺼﺮ ﺍﻥ ﺷﺎﺀ ﺍﻟﻠﻪ .
ﺍﺭﺗﺎﺣﻴﺖ ﺍﻟﻮﺳﻦ ﺣﻴﻞ ﻣﺒﻴﻨﻪ ﺣﺒﺎﺑﻪ .
ﻭﺻﺮﻧﺎ ﻧﻄﻠﻊ ﻭﻧﺪﺧﻞ ﻟﻠﻤﺤﺎﻇﺮﻩ ﺳﻮﻳﻪ .
ﻭﻋﺮﻓﺘﻬﺎ ﻉ ﺳﺎﺭﺓ .
ﺻﺎﺭﺕ ﮔﻌﺪﺍﺗﻨﺎ ﺳﻮﻳﻪ .
ﻭﻣﺮﺍﺕ ﻳﺠﻲ ﻣﺮﺗﻀﻰ ﻳﻤﻨﺎ ﻳﺸﺘﺮﻳﻠﻨﺎ ﺍﻱ ﺷﻲ ﻧﺎﻛﻠﻪ ﻟﻮ ﻣﻲ .
ﺑﺲ ﻭﺳﻦ ﺗﺴﺘﺤﻲ ﻭﻣﺮﺍﺕ ﺗﮕﻮﻡ ﻣﻦ ﻳﺠﻲ .
ﮔﺎﻡ ﻳﺠﻲ ﻗﻠﻴﻞ .
ﺍﻟﺠﺎﻣﻌﻪ ﺣﻴﺎﺓ ﺛﺎﻧﻴﻪ . ﻭﻧﺴﻴﺖ ﻫﻤﻲ ﻭﺍﻳﺎﻡ ﺍﻟﺤﺰﻳﻨﻪ ﺑﻴﻬﺎ .
ﺻﺤﻴﺢ ﺍﻟﺪﺭﺍﺳﻪ ﺻﻌﺒﻪ .
ﺑﺲ ﺷﻐﻠﺘﻨﻲ ﺷﻮﻳﻪ .
ﺑﺤﻴﺚ ﺍﺭﺟﻊ ﻟﻠﺒﻴﺖ ﺗﻌﺒﺎﻧﻪ
ﻭﺍﻟﻤﺸﻜﻠﻪ ﻛﻠﻤﺎ ﺍﺭﺟﻊ ﻧﻠﻜﻲ ﺍﻟﺤﺎﺭﺱ ﻧﺎﻃﺮ ﻉ ﺍﻟﺸﺒﺎﻙ .
ﺗﺒﺎﻭﻋﻠﻨﺎ ﺷﻮﻛﺖ ﻧﺮﺟﻊ ﻭﺷﻨﺴﻮﻱ .
ﺍﺳﻮﻱ ﻧﻔﺴﻲ ﻣﺸﺎﻳﻔﺘﻬﺎ ﺑﺲ ﺑﺪﺍﺧﻠﻲ ﺍﺿﺤﻚ ﻋﻠﻰ ﻋﻘﻠﻴﺘﻬﺎ ﻻﻥ ﻏﻴﺮﺗﻬﺎ ﻣﻮ ﻏﻴﺮﻩ ﻃﺒﻴﻌﻴﻪ ﻣﺮﺽ .
ﻗﺼﺪﻱ ﺍﻟﺤﺎﺭﺱ ﺭﻧﺎ 😂
....
ﻛﻨﺖ ﺑﻬﺬﻱ ﺍﻟﻔﺘﺮﺓ ﻋﺎﻳﺸﻪ ﺣﻴﺎﺗﻲ ﺑﺄﺣﺴﻦ ﻣﺎﻳﻜﻮﻥ .
ﻣﺎﻣﺎ ﻣﺘﻘﺼﺮ ﻋﻠﻴﻪ ﺑﻠﺒﺲ ﺍﻭ ﻣﺼﺮﻑ ﻧﺺ ﺭﺍﺗﺒﻬﺎ ﺍﻟﻲ 😂 .
ﻛﻞ ﻳﻮﻡ ﺷﻜﻞ ﻭﻉ ﺍﻟﻤﻮﺩﻳﻞ .
ﻭﺑﺎﺑﺎ ﻫﻢ ﻣﻴﻘﺼﺮ ﻛﻞ ﺷﻬﺮ ﻳﺪﺯ ﺍﻟﻲ .
ﻣﺼﻄﻔﻰ ﺩﺍﻳﻤﺎ ﻳﺘﺼﻞ ﻭﻳﺪﺯ ﺭﺳﺎﺋﻞ ﺑﺲ ﻣﺎﺍﺟﺎﻭﺏ .
ﺍﺣﺎﻭﻝ ﺍﻧﻬﻲ ﻛﻠﺸﻲ .
ﺻﺢ ﮔﻠﺒﻲ ﻳﺮﻳﺪﻩ ﻭﻳﺘﻤﻨﺎﻩ . ﺑﺲ ﻋﻘﻠﻲ ﻳﺒﺘﻌﺪ ﻭﻳﺼﺪﺓ .
ﻣﺼﻄﻔﻰ ﺻﺎﺭ ﺟﺮﻳﺊ ﺣﺘﻰ ﺑﺮﺳﺎﺋﻠﻪ . ﻳﮕﻠﻲ
💬 ﺣﺒﻴﺒﺘﻲ ﻣﺸﺘﺎﻕ ﻟﻴﺶ ﻣﺘﺮﺩﻳﻦ .
💬 ﻣﺎﺳﺘﻲ ﻭﺭﻭﺡ ﺍﻟﺤﺴﻴﻦ ﻣﺸﺘﺎﻗﻠﺞ ﻻﺗﺴﻮﻳﻦ ﺑﻴﻪ ﻫﻴﺞ ﺗﺮﻯ ﺗﺪﻣﺮﻳﻨﻲ .
💬 ﻣﺎﺳﻪ ﻻﺗﺨﻠﻴﻨﻲ ﺍﺟﻴﺞ ﻟﻠﺤﻠﻪ ﺍﺫﺍ ﻣﺘﺮﺩﻳﻦ .
💬 ﻣﺎﺳﻪ ﻣﻌﻘﻮﻟﻪ ﺷﻔﺘﻲ ﻏﻴﺮﻱ ﻭﻧﺴﻴﺘﻴﻨﻲ ..
… ﻛﺎﻧﺖ ﺭﺳﺎﺋﻠﻪ ﺗﺪﻣﺮﻧﻲ . ﻭﺍﺧﺮ ﺭﺳﺎﻟﻪ ﺟﺮﺣﺘﻨﻲ ﺣﻴﻞ .
ﻳﮕﻠﻲ ﺣﺒﻴﺘﻲ ﻏﻴﺮﻱ ﻫﻮ ﺍﻧﻲ ﺍﮔﺪﺭ ﺍﺣﺐ ﻏﻴﺮﻩ ﻭﻫﻮ ﻳﺴﺮﻱ ﺑﺮﻭﺣﻲ .
ﻛﻨﺖ ﺍﺗﻤﻨﻰ ﻳﻨﺴﺎﻧﻲ ﻭﻳﺸﻮﻑ ﺣﻴﺎﺗﻪ .
ﻭﺑﻴﻮﻡ ﻃﻠﻌﺖ ﻣﻦ ﺍﻟﻤﺤﺎﻇﺮﻩ ﻭﺷﻔﺖ ﺫﻳﺞ ﺍﻟﺸﺨﺼﻴﻪ ﺍﻟﺤﻠﻮﻩ ﻭﺑﻤﻼﺑﺲ ﻋﺴﻜﺮﻳﻪ ﻭﻧﻀﺎﺭﺍﺕ .
ﻣﺎﻋﺮﻓﺘﻪ ﺑﺎﻻﻭﻝ ﺑﺲ . ﺑﻌﺪﻳﻦ ﺗﻔﺎﺟﺄﺕ 😲 ﻣﺼﻄﻔﻰ .
ﻫﻮ ﺍﺑﺘﺴﻢ ﺑﻤﻜﺮ . ﻭﺍﻧﻲ ﺍﻻﺭﺗﺒﺎﻙ ﻣﻮﺗﻨﻲ .
ﺧﻔﺖ ﻟﻴﺸﻮﻓﻨﺎ ﻣﺮﺗﻀﻰ . ﺷﻴﮕﻮﻝ ﻫﺴﺎ ﻋﻠﻴﻪ .
ﻣﺎﺭﺩﺕ ﺍﻟﻔﺖ ﺍﻻﻧﺘﺒﺎﻩ .
ﺍﺳﺘﺂﺫﻧﺖ ﻣﻦ ﻭﺳﻦ .
ﻭﻃﻠﻌﺖ ﻭﺭﻯ ﺍﻻﻗﺴﺎﻡ . ﻭﻫﻮ ﻳﻤﺸﻲ ﻭﺭﺍﻱ .
ﻛﺎﻥ ﻟﺒﺴﻪ ﻣﻠﻔﺖ ﻟﻼﻧﺘﺒﺎﻩ ﻭﺍﻟﻄﻼﺏ ﻛﻠﻬﺎ ﺗﺒﺎﻭﻋﻠﻪ .
ﻭﺍﻟﺒﻨﺎﺕ ﻳﺘﻬﺎﻣﺴﻦ ﻋﻠﻴﻪ .
ﻳﺨﺒﻞ ﻃﺎﻟﻊ ﺑﺎﻟﻤﻼﺑﺲ ﺍﻟﻌﺴﻜﺮﻳﻪ . ﻭﺣﺴﻴﺖ ﺑﻐﻴﺮﻩ ﻋﻠﻴﻪ ﻣﻨﻬﻦ .
ﻫﻮ ﻳﻤﺸﻲ ﻭﺭﺍﻱ .
ﺍﻭﻛﻔﻲ ﺷﺒﻴﺞ ﺍﺑﺘﻌﺪﻧﺎ ﻋﻦ ﺍﻟﻄﻠﺒﻪ .
ﺍﻭﻛﻔﻲ ﺷﻨﻲ ﺷﺎﺩﺓ ﻣﺤﺮﻙ ﻭﺗﻤﺸﻴﻦ .
ﺍﻟﺘﻔﺘﺖ ﻭﺍﻧﻲ ﻣﻌﺼﺒﻪ . ﻣﺼﻄﻔﻰ ﻫﻲ ﻫﺎﻱ ﺳﻮﺍﻳﻪ ﺗﺴﻮﻳﻬﺎ
ﺷﺴﻮﻳﺖ ﻣﺘﮕﻠﻴﻠﻲ ﮔﻠﺒﻲ ﻃﺎﮒ ﻋﻠﻴﺞ ﻭﺍﻧﺘﻲ ﻻﺗﺮﺩﻳﻦ ﻋﻠﻰ ﺍﺗﺼﺎﻻﺗﻲ ﻭﻻﻋﻠﻰ ﺭﺳﺎﺋﻠﻲ .
ﻭﺍﺫﺍ ﻣﺎﺍﺭﺩ ﺗﺠﻲ ﻟﻬﻨﺎ . ﺗﺘﻌﻤﺪ ﺗﺤﺮﺟﻨﻲ ﮔﺪﺍﻡ ﺍﻟﻄﻼﺏ .
ﺍﺣﺮﺟﺞ ﺷﻨﻮ ﺟﺎﻥ ﻋﻨﺪﻱ ﺷﻐﻞ ﻫﻨﺎ ﻭﻣﺸﺘﺎﻗﻠﺞ ﮔﻠﺖ ﺍﻣﺮ ﺍﺷﻮﻓﺞ .
ﻭﺷﻔﺘﺘﻲ ﻳﻌﻨﻲ ﺷﺘﺮﻳﺪ ﺑﻌﺪ ﺑﻘﻠﻤﻲ ﺍﻟﻜﺎﺗﺒﻪ ﺷﻤﺲ
ﺍﻧﺘﻲ ﻟﻴﺶ ﻫﻴﺞ ﻗﺎﺳﻴﻪ ﻣﻌﻘﻮﻟﻪ ﻛﺮﻫﺘﻴﻨﻲ ﺑﻌﺪ ﻣﺎﺗﺤﺒﻨﻲ ﻋﻨﺪﺝ ﻏﻴﺮﻱ .
ﻫﺎﻱ ﺛﺎﻧﻲ ﻣﺮﻩ ﺗﮕﻮﻟﻬﺎ ﻣﺎﺍﺳﻤﺤﻠﻚ ﻣﺼﻄﻔﻰ .
ﻫﺎﺍﺍﺍ ﻳﻌﻨﻲ ﻗﺮﻳﺘﻲ ﺭﺳﺎﻟﺘﻲ .
ﺍﻱ ﻗﺮﻳﺘﻬﻦ . ﺑﺲ ﺍﺫﺍ ﻣﺎﺍﺭﺩ ﻋﻠﻴﻚ ﻣﻴﻨﻄﻴﻚ ﺍﻟﺤﻖ ﺗﺘﻬﻤﻨﻲ ﻋﻨﺪﻱ ﻭﺍﺣﺪ .
ﺣﻘﻲ ﻭﻟﺞ ﺣﻘﻲ . ﻭﻟﺞ ﺍﻧﺘﻲ ﺩﻣﺮﺗﻴﻨﻲ .
ﻭﻟﺞ ﺍﻧﺘﻲ ﻏﻠﻄﺎﻧﻪ ﻭﻗﻮﻳﻪ .
ﺍﻧﻲ ﻏﻠﻄﺎﻧﻪ ﺷﺴﻮﻳﺖ ﺑﻠﺔ .
ﻭﻟﺞ ﺍﻧﻲ ﺍﻟﻲ ﺟﻨﺖ ﻣﺎﺗﻬﺰﻧﻲ ﻣﺮﺓ ﻭﻣﻦ ﺷﻔﺘﺞ ﻭﮔﻌﺘﻴﻨﻲ ﻭﺧﻠﻴﺘﻲ ﮔﻠﺒﻲ ﺑﺈﻳﺪﺝ ﺣﺒﻴﺘﺞ ﻭﻭﻓﻴﺖ ﻭﺍﻧﺘﻲ ﺭﺣﺘﻲ ﺗﺰﻭﺟﺘﻲ ﻏﻴﺮﻱ ﺑﺤﺠﺔ ﻣﺠﺒﻮﺭﻩ . ﻭﺗﺎﻟﻲ ﺑﻌﺪ ﻣﺎﮔﻄﻌﺖ ﺍﻻﻣﻞ ﻭﺗﺰﻭﺟﺖ .
ﺍﻧﺘﻲ ﺗﻄﻠﮕﺘﻲ . ﻭﺭﺟﻌﻠﻲ ﺍﻻﻣﻞ ﻭﮔﺘﻠﺞ ﻧﺮﺟﻊ
ﻃﻠﻌﺘﻲ ﺣﺠﺘﺞ ﺣﻨﻴﻦ ﻭﻣﻼﻙ .
ﺟﺎﻱ ﺍﮔﻠﺞ ﻣﺎﺍﮔﺪﺭ ﺍﻋﻴﺶ ﺑﻼﺝ ﻭﻻﺍﺣﺐ ﻭﺣﺪﻩ ﻏﻴﺮﺝ .
ﺍﻭﻭﻭﻭﻭﻭﻑ ﻣﺼﻄﻔﻰ ﻣﻤﺴﺘﻌﺪﺓ ﺍﺑﺮﺭ ﺍﻟﻚ ﺍﻭ ﺗﻌﺒﺖ .
ﻭﻣﺎﻛﻮ ﺷﻲ ﺑﻴﻨﺎ ﻳﺤﺘﺎﺝ ﺍﺑﺮﺭ ﻋﻠﻤﻮﺩﻩ .
ﺍﻧﺖ ﻣﺘﺰﻭﺝ ﻭﻋﻨﺪﻙ ﺑﻨﻴﻪ ﻭﺳﺒﻖ ﻭﺍﻥ ﮔﺘﻠﻚ ﻣﺎﺍﺑﻨﻲ ﺳﻌﺎﺩﺗﻲ ﻉ ﺗﻌﺎﺳﺔ ﻏﻴﺮﻱ .
ﻭﻟﻮ ﺗﻔﻜﺮ ﺑﺤﻨﻴﻦ ﻭﺣﺒﻬﺎ ﺍﻟﻚ ﺟﺎﻥ ﮔﺪﺭﺕ ﺗﺤﺒﻬﺎ ﻭﺗﻌﻴﺶ ﺑﺴﻌﺎﺩﻩ ﻭﻱ ﻋﺎﺋﻠﺘﻚ .
ﻭﻟﺞ ﻳﺎﺣﺐ ﻫﺬﺍ . ﺣﻴﺎﺗﻲ ﺻﺎﻳﺮﻩ ﺩﻣﺎﺭ ﻭﻳﺎﻫﺎ .
ﺍﻭﻝ ﺷﻲ ﺣﻤﻠﻬﺎ ﻭﻣﺮﺿﻬﺎ ﻭﺗﺤﻤﻠﺖ ﻭﮔﻠﺖ ﻣﻴﺨﺎﻟﻒ ﻣﺮﻳﻀﻪ ﻭﺣﺴﻮﺑﻪ ﻋﻠﻴﻪ . ﻭﺭﻏﻢ ﺍﻧﻲ ﻣﺎﺭﻳﺪﻫﺎ ﻭﺍﻣﻲ ﺧﻄﺒﺘﻬﺎ ﻭﺣﺪﻫﺎ .
ﻭﺟﺎﺑﺖ ﻭﺫﺍﺑﻪ ﻣﻠﻮﻛﻪ ﻟﻴﻞ ﻭﻧﻬﺎﺭ ﻋﻠﻰ ﺍﻣﻲ ﻭﻧﺎﻳﻤﻪ ﻭﻣﺮﻳﻀﻪ ﻭﺍﻟﻌﻼﺝ ﻣﺪﻣﺮﻫﺎ ﻭﻣﻌﺼﺒﻬﺎ .
ﻭﻣﻦ ﺍﺟﻲ ﺑﺎﻻﺟﺎﺯﻩ .
ﺗﺒﺪﻱ ﺗﺘﻌﺎﺭﻙ ﻭﻛﻠﺸﻲ ﻭﮔﺎﻟﺖ ﻣﺎﺳﻪ ﺳﺒﺐ ﺗﻌﺎﺳﺘﻨﺎ ﻭﻫﻲ ﺳﺒﺐ ﻣﺮﺿﻲ .
ﻭﺍﺩﺭﻱ ﺑﻴﻚ ﺗﺘﻤﻨﻰ ﻣﻮﺗﻲ ﺣﺘﻰ ﺗﺘﺰﻭﺟﻬﺎ . ﻭﺳﺎﻋﺎﺕ ﺗﮕﻠﻲ ﻃﻠﮕﻨﻲ ﻣﺎﺍﺭﻳﺪﻙ ﻳﻌﻨﻲ ﻣﺎﺍﻋﺮﻑ ﺑﺎﻟﻀﺒﻂ ﺷﺘﺮﻳﺪ ..
ﻭﻫﻲ ﺗﻌﺮﻑ ﻛﻠﺸﻲ ﻭﺗﺰﻭﺟﺘﻨﻲ ﺭﺍﺿﻴﻪ .
ﺣﺘﻰ ﺍﻣﻲ ﺟﺎﻧﺖ ﺗﺴﺎﻧﺪﻫﺎ ﻫﺴﺎ ﮔﺎﻣﺖ ﺗﺤﺠﻲ ﻋﻠﻴﻬﺎ ﻭﮔﺎﻟﺖ ﺍﻟﺨﺎﻟﺘﻲ ﺍﻧﺘﺼﺎﺭ ﻋﻠﻴﻬﺎ .
ﺍﻋﺬﺭﻫﺎ ﻣﺼﻄﻔﻰ ﺍﻛﻴﺪ ﻣﺮﺿﻬﺎ ﻫﻮ ﺍﻟﺴﺒﺐ ﺍﻟﻤﻔﺮﻭﺽ ﺗﺘﺤﻤﻠﻬﺎ .
ﻭﺍﻧﻲ ﻣﻨﻮ ﻳﺘﺤﻤﻠﻨﻲ ﻣﻨﻮ ﺍﻟﻲ . ﺍﺭﻳﺪ ﺍﺭﺗﺎﺡ ﺍﺭﻳﺪ ﺍﻋﻴﺶ ﺑﺴﻌﺎﺩﻩ ﺍﺭﻳﺪ ﺍﺳﺘﻘﺮ .
ﺍﻭﻭﻭﻭﻑ ﻣﺼﻄﻔﻰ ﻟﻮ ﺗﺤﺠﻲ ﻣﻨﺎ ﺍﻟﺒﺎﺟﺮ ﻣﻴﻔﻴﺪ .
ﻣﺴﺘﺤﻴﻞ ﺍﻗﺘﻨﻊ .
ﻫﻮ ﺑﻼ ﻛﻠﺸﻲ ﻭﺍﻧﺘﻮ ﻫﻴﺞ ﺣﻴﺎﺗﻜﻢ . ﺍﺫﺍ ﺩﺧﻠﺘﻬﺎ ﺍﻧﻲ ﺷﺘﺼﻴﺮ .
ﺍﻧﻄﻴﻨﻲ ﻓﺮﺻﻪ ﻣﺎﺳﺔ ﺧﻠﻴﻨﺎ ﻧﺮﺟﻊ ﻣﺜﻞ ﻗﺒﻞ ﺍﻧﻄﻴﻨﻲ ﺍﻣﻞ ﺣﺘﻰ ﺗﻜﺪﺭ ﺍﻛﻤﻞ ﺣﻴﺎﺗﻲ ﻭﺍﻋﻴﺶ ﻭﺍﺗﺤﻤﻞ ﺣﻨﻴﻦ ﻭﻣﺸﺎﻛﻠﻬﺎ .
ﺍﻧﺖ ﺍﻟﻲ ﺍﺭﺣﻤﻨﻲ ﻭﺧﻠﻴﻨﻲ ﺍﺷﻮﻑ ﺩﺭﺍﺳﺘﻲ ﻭﻣﺴﺘﻘﺒﻠﻲ ﻣﺎﺍﺭﻳﺪ ﺍﻋﻴﺶ ﻋﻤﺮﻱ ﻛﻠﻪ ﻭﺍﻧﻲ ﻋﻠﻰ ﺍﻣﻞ ﻭﺗﺎﻟﻲ ﺍﺗﻌﺬﺏ ﻣﻦ ﺟﺪﻳﺪ .
ﻫﺴﺎ ﻳﻠﻪ ﮔﺪﺭﺕ ﺍﻭﮔﻒ ﻋﻠﻰ ﺭﺟﻠﻲ ﻭﻣﺎﺍﺭﻳﺪ ﺍﻭﮔﻊ ﺑﻌﺪ .
ﺣﺎﻟﻴﺎ ﻛﻠﻴﺘﻲ ﺍﻫﻢ ﻣﻦ ﻛﻠﺸﻲ .
- ﻭﺍﻫﻢ ﻣﻨﻲ ﻫﻢ .
- ﺳﻜﺘﺖ ..
- ﺧﻠﺺ ﺍﺧﺬﺕ ﺟﻮﺍﺑﻲ . ﻣﻮﺩﻋﻪ ﺑﺎﻟﻠﻪ .
ﺩﺍﺭ ﻭﺟﻬﻪ ﻭﻣﺸﻰ . ﻭﺍﺧﺬ ﺭﻭﺣﻲ ﻭﻳﺎﻩ ﻭﺩﻱ ﺍﺻﺮﺥ ﻭﺍﺭﻛﺾ ﻭﺭﺍﻩ ﻭﺍﺣﻀﻨﻪ ﻭﺍﮔﻠﻪ ﺍﺧﺬﻧﻲ ﻭﻳﺎﻙ ﺑﻌﺪﻧﻲ ﺍﺣﺒﻚ ﻭﺍﺭﻳﺪﻙ .
ﺭﺟﻌﻠﻲ . ﺑﻴﻦ ﺍﻟﻔﺮﺣﻪ ﺍﻟﻲ ﻏﻤﺮﺗﻨﻲ ﻭﺑﻴﻦ ﺍﻟﺨﻮﻑ .
ﺍﮔﻠﺞ ﺻﺪﮒ ﺷﻨﻮ ﻫﺬﺍ ﻟﺒﺴﺞ . ﺟﺎ ﺍﻟﺠﺒﻪ ﻭﻳﻦ ﻟﻴﺶ ﻧﺰﻋﺘﻴﻬﺎ .
😂😂 ﺿﺤﻜﺘﻨﻲ ﻭﺍﻟﻠﻪ ﺑﻌﺪﻙ ﻋﻠﻰ ﺳﻮﺍﻟﻔﻚ .
ﻫﺎ ﻫﻮ ﻫﻢ ﺻﻮﺟﻲ ﺍﺧﺎﻑ ﻋﻠﻴﺞ .
ﻭﻣﻮ ﻻﻥ ﺍﺣﺒﺞ ﻻ . ﻻﻥ ﺑﻨﺖ ﺧﺎﻟﻲ ﻭﺗﻬﻤﻴﻨﻲ .
ﺑﺲ ﻻﻥ ﺍﻧﺘﻲ ﻣﺎﺗﺮﺩﻳﻦ . ﺍﻫﺘﻤﺎﻣﻲ ﺑﺮﺍﺣﺘﺞ ﺑﻌﺪ ﻣﺎﺍﺿﻐﻂ ﻋﻠﻴﺞ ﻭﻻﺍﺧﺎﺑﺮ ﻭﻻﺩﺯ ﺭﺳﺎﺋﻞ .
ﺑﻌﺪ ﻣﺎﺍﺗﻮﺳﻞ ﻭﺍﺫﻝ ﻧﻔﺴﻲ ﻻﻥ ﺫﻟﻴﺘﻬﺎ ﻫﻮﺍﻱ .
ﻭﻣﺜﻞ ﻣﮕﻠﺘﻲ ﺍﺷﻮﻑ ﺣﻴﺎﺗﻲ ﺍﺣﺴﻦ ﻣﻤﺎ ﺍﮔﻀﻲ ﺍﻟﻌﻤﺮ ﺍﺭﻛﺾ ﻭﺭﺍﺝ ﻭﺍﻧﺘﻲ ﺗﺘﻮﻧﺴﻴﻦ ﻋﻠﻰ ﺻﺪﻱ ﻭﻣﺬﻟﺘﻲ .
ﻭﺍﻧﺘﻲ ﻫﻢ ﺷﻮﻓﻲ ﺣﻴﺎﺗﺞ ﻣﺎﺍﺟﺒﺮﺝ ﻋﻠﻰ ﺷﻲ ﺍﺗﺮﺩﻳﻪ ﻻﻥ ﺍﻋﺮﻓﺞ ﺍﻧﺘﻲ ﻣﻮ ﻣﺎﺳﻪ ﺍﻟﻲ ﺣﺒﻴﺘﻬﺎ ﻭﺣﺒﺘﻨﻲ .
ﺗﺮﻛﻨﻲ ﻭﺭﺍﺡ . ﻭﺍﻧﻲ ﺻﺎﻓﻨﻪ . ﺭﺍﺡ ﺍﻱ ﺭﺍﺡ . ﻳﻌﻨﻲ ﺧﻠﺺ ﻛﻠﺸﻲ . ﻭﺍﻧﺘﻬﻰ .
ﻣﺎﺍﺗﻮﻗﻌﺖ ﻫﻴﺞ ﻳﺤﺠﻲ ﻭﻳﻤﺤﻴﻨﻲ ﺑﺴﺮﻋﻪ .
ﺍﻧﺼﺪﻣﺖ .
ﻧﺰﻟﺖ ﺩﻣﻮﻋﻲ . ﻭﻋﻠﻰ ﺷﻨﻮ ﺗﺒﺠﻴﻦ ﻣﻮ ﻫﺬﺍ ﺍﻟﻲ ﺭﺩﺗﻴﻪ ﮔﻠﺘﻴﻠﻪ ﺍﺗﺮﻛﻨﻲ ﻭﺗﺮﻛﺞ ﺑﻌﺪ ﻟﻴﺶ ﺿﺎﻳﺠﻪ .
ﻣﺴﺤﺖ ﺩﻣﻮﻋﻲ ﻭﺭﺟﻌﺖ ﻟﻼﻗﺴﺎﻡ .
ﻟﮕﻴﺖ ﻣﺮﺗﻀﻰ ﻣﻨﺘﻈﺮ ﺑﺎﻟﺒﺎﺏ .
ﺷﺎﻓﻨﻲ ﺍﺟﻪ ﻳﺮﻛﺾ ﻭﺳﺎﺭﻩ ﻭﺭﺍﻩ .
ﻭﻳﻦ ﺟﻨﺘﻲ ﮔﻠﺒﺖ ﺍﻻﻗﺴﺎﻡ ﻋﻠﻴﺞ .
ﺣﺘﻰ ﻭﺳﻦ ﻣﺘﻌﺮﻑ ﻭﻳﻦ ﺭﺣﺘﻲ .
ﻫﻮ ﻳﺤﺠﻲ ﻭﺍﻧﻲ ﺑﻌﺎﻟﻢ ﺛﺎﻧﻲ ﻛﻞ ﻛﻠﻤﻪ ﻣﻦ ﻣﺼﻄﻔﻰ ﺑﺄﺫﻧﻲ ﺧﻠﺺ ﺗﺮﻛﺘﺞ ﺷﻮﻓﻲ ﺣﻴﺎﺗﺞ .
ﻳﺎﺣﻴﺎﺓ ﺍﻟﻲ ﺍﺷﻮﻓﻬﺎ ﻭﺍﻧﺖ ﻣﻮ ﺑﻴﻬﺎ .😭
ﺍﻧﻲ ﻣﻦ ﺍﻟﺼﺒﺢ ﻟﻠﻈﻬﺮ ﻣﻤﺎﻛﻠﻪ ﺷﻲ ﻭﺍﻧﻘﻬﺮﺕ ﺣﻴﻞ
ﺣﺴﻴﺖ ﺭﺍﺡ ﺍﻭﮔﻊ ﻭﻳﻐﻤﻰ ﻋﻠﻴﻪ .
ﮔﺘﻠﻪ ﻣﺮﺗﻀﻰ ﺧﻠﻴﻨﺎ ﻧﺮﺟﻊ ﻟﻠﺒﻴﺖ ﺭﺍﺡ ﺍﻭﮔﻊ ﻭﺍﻳﺪﻱ ﺗﺮﺟﻒ
ﻟﺰﻣﺘﻨﻲ ﺳﺎﺭﺓ ﻭﻃﻠﻌﻨﺎ ﻟﻠﺒﻴﺖ .
# ﺑﻘﻠﻤﻲ _ ﺷﻤﺲ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء