رواية اريد ان اعيش الجزء الثاني
للكاتبة نور ناصر
.
.
ﻧﻮﺭ 💔👇....
ﺷﻴﺮﺩﻩ ﺍﻟﻮﻛﺖ ﺫﺍﻙ ﺍﻟﻌﺮﻓﺘﻚ ﺑﻲ
.. ﻳﺤﺠﻲ ﻭﺍﻧﻲ ﻣﺼﺪﻭﻣﻪ ..
ﻗﺎﻃﻌﺘﻪ ﻫﺎﻟﺪﺭﺟﻪ ﺗﺤﺒﻬﺎ ﻫﻲ ﺑﺲ ﺣﺠﺎﻳﺘﻴﻦ
ﺣﺠﻴﺘﻬﻢ ﻋﻠﻴﻬﻪ ﻫﻴﺞ ﺗﻄﻠﻜﻨﻲ ﻋﻠﻤﻮﺩ ﻛﻠﻤﻪ
ﻋﻼﺀ .. ﻏﻠﻄﺎﻧﻪ ﻳﻤﺞ ﺑﻜﺮﺑﺎﺝ ﻫﻲ ﻭﺗﺤﺠﻴﻦ
ﻋﻠﻴﻬﻪ
ﻧﻮﺭ .. ﻣﺎﺧﺬﺗﻚ ﻣﻨﻲ
ﻋﻼﺀ .. ﺍﺑﻨﻲ ﻣﺮﻳﺾ ﻭﺗﻌﺒﺎﻥ ﻭﻋﻤﻠﻴﺘﻪ ﺑﺎﺟﺮ
ﻭﺍﻧﺘﻲ ﺟﺎﻱ ﺗﺘﻔﻴﻜﻴﻦ ﻭﺗﺘﻌﻴﻘﻠﻴﻦ ﺑﺮﺍﺳﻲ ﺷﺘﻌﺮﻓﻴﻦ ﻋﻦ ﺿﺮﻭﻓﻲ
ﻭﺗﺤﺠﻴﻦ ﻫﻴﺞ
ﻧﻮﺭ .. ﻟﻴﺶ ﺍﻧﺖ ﺗﺤﺠﻴﻠﻲ ﺗﺸﻜﻴﻠﻲ ﺣﺘﻰ ﺍﻗﺪﺭ ﺿﺮﻭﻓﻚ
ﺍﻭﺍﺳﻴﻚ
ﻋﻼﺀ .. ﺍﻟﻤﻬﻢ ﻣﺎﺍﺭﻳﺪ ﺍﺣﺠﻲ ﺣﺠﻲ ﻳﻀﻮﺟﺞ
ﺟﻴﺖ ﺍﺭﺗﺎﺡ ﻳﻤﺞ ﺗﻜﻮﻟﻴﻠﻲ ﺣﺎﻣﻞ
ﻣﻴﺔ ﻣﺮﻩ ﻛﺘﻠﺞ ﺩﻳﺮﻱ ﺑﺎﻟﺞ
ﺑﻌﺪ ﺗﺮﻳﺪﻳﻨﻲ ﺍﺟﻲ ﺑﺲ ﺍﺟﻲ ﻳﻤﺞ ﺗﺤﺒﻠﻴﻦ
ﻧﻮﺭ .. ﻫﺴﻪ ﺍﻧﻲ ﺣﺎﻣﻞ . ﺍﺫﺍ ﺍﺟﻴﺖ ﺭﺍﺡ ﺍﺣﻤﻞ ﻓﻮﻛﻪ
ﻋﻼﺀ .. ﻛﺎﻓﻲ ﻣﻮ ﮔﺘﻠﺞ ﺭﻭﺣﻲ ﻟﺘﺨﻠﻴﻨﻲ ﺍﺣﺠﻲ ﺣﺠﻲ
ﻳﻀﻮﺟﺞ ﺑﻌﺪ ﺍﻛﺜﺮ ﺗﺮﻩ ﻣﺎﻟﻲ ﺧﻠﻜﺞ
ﻧﻮﺭ . ... ﺍﻛﺜﺮ ﻣﻦ ﺍﻟﺤﺠﻴﺘﻪ ﺷﺘﻜﻮﻝ ﻣﺎﻋﺎﺩ ﻳﻬﻤﻨﻲ ﺭﻭﺡ ﻣﻌﺎﻓﻪ ﻣﺸﺎﻓﻪ ﺍﺑﻨﻚ ﺍﻥ ﺷﺎﺀ ﺍﻟﻠﻪ ﻣﻴﺸﻮﻑ ﺷﺮ ﻭﺳﺪﻳﺘﻪ ﺑﻮﺟﻬﻪ ﻭﻗﻔﻠﺖ ﺍﻟﻔﻮﻥ ﺣﺎﺟﻴﺘﻪ ﺑﻜﻞ ﻫﺪﻭﺀ ﻭﺍﺣﺲ ﻣﺎﻋﻨﺪﻱ ﺍﻋﺼﺎﺏ ﻭﻻﻛﺪﺭ ﺣﺘﻰ ﺍﻋﺼﺐ ﻋﻠﻴﻪ ﻧﻮﺏ ﻛﻌﺪﺕ ﺍﻓﻜﺮ ﺑﺎﺑﻨﻪ ﻳﺎﺧﻄﻴﻪ ﺍﻧﻲ ﻫﻢ ﺍﻡ ﺍﻟﻠﻪ ﻳﺴﺎﻋﺪ ﻗﻠﺒﻪ ﻫﺴﻪ ﻣﺤﺮﻭﻙ ﻋﻠﻴﻪ ﻛﻌﺪﺕ ﺍﺑﺮﺭ ﻛﻼﻣﻪ ﺍﻟﻲ ﻭﻻﻛﺎﻧﻪ ﺣﺠﻪ ﺣﺠﻲ ﻳﺴﻢ ﺍﻟﺒﺪﻥ .. ﺷﻜﺪ ﻓﻄﻴﺮ ﻳﺎﻛﻠﺒﻲ
ﺍﻟﺨﻄﺄ ﻣﻮ ﻋﻠﻴﻪ ﻟﻤﺎ ﺧﺎﺏ
ﻇﻨﻲ ﺑﻲ، ﺑﺲ ﺍﻟﺨﻄﺄ
ﻋﻠﻴﻪ ﻟﻤﺎ ﺍﻧﻄﻴﺘﻪ ﻓﺮﺻﻪ ﻭﻣﺎﺍﺻﺮﺭﺕ ﻉ ﺍﻟﻄﻼﻕ ﻭﺭﺟﻊ ﻳﻘﻠﻞ ﻣﻦ ﻗﺪﺭﻱ .
ﺍﺧﺮ ﺷﻲ
ﻛﻌﺪﺕ ﺍﺑﺠﻲ .. ﻭﻣﺎﺍﺩﺭﻱ ﺷﻨﻮ ﺍﺣﺴﺎﺳﻲ
ﻣﺎﻋﻨﺪﻱ ﺍﺣﺴﺎﺱ ﻣﺠﺮﺩﻩ ﻣﻦ ﻛﻞ ﺷﻲ
ﺩﺍﺧﻠﻲ ﻓﺎﺭﻍ ﻭﻣﻮﺣﺶ ﺑﺲ ﺩﻣﻮﻋﻲ ﺗﺤﺮﻛﻨﻲ
ﺍﻱ ﺗﺤﺮﻛﻨﻲ ﻭﻣﻮﻛﺎﺩﺭﻩ ﺍﻋﺮﻑ ﻟﻴﺶ
ﺑﻌﺪﻫﺎ ﻛﻠﺖ ﺑﻌﺪ ﻣﺎﺍﻋﺎﺗﺒﻪ ﻭﻻﺍﻛﻮﻟﻪ ﻟﻴﺶ
ﻣﺘﺠﻲ ﻳﻮﻟﻲ
ﻫﻮ ﻭﺿﻤﻴﺮﻩ .. ﺑﺲ ﺷﻮﻥ ﺣﺘﺨﻠﺺ
ﻭﻫﻢ ﻳﺠﻲ ﻳﻮﻡ ﻭﺍﺑﻄﻞ ﺍﺣﺒﻪ ﻣﺎﺍﺩﺭﻱ ﺳﺆﺍﻝ
ﺑﺎﻗﻲ ﻭﻳﺎﻳﻪ ﻳﺎﻛﻞ ﻭﻳﺸﺮﺏ ﺑﺮﻭﺣﻲ
ﺷﻮﻥ ﺍﻟﻴﻤﺘﻪ ﺣﻴﺒﻘﻪ ﻣﻬﻤﻞ ﺑﺤﻘﻲ ﻭﺑﻘﻴﺖ ﺍﻓﻜﺮ ﻭﺍﻋﺘﺐ
ﻋﻠﻰ ﻧﻔﺴﻲ ﺑﺪﺍﻝ ﻣﺎﺍﻋﺘﺐ ﻋﻠﻴﻪ
ﻻﺯﻡ ﺗﺘﺤﻤﻠﻴﻦ ﻧﻮﺭ ﻻﺯﻡ ﻻﻥ ﺍﻧﺖ ﻗﺒﻠﺘﻲ ﺑﻲ
ﺣﺘﻰ ﻗﺒﻞ ﺍﻥ ﺗﻌﺮﻓﻴﻦ ﻭﺿﻊ ﻭﺣﺎﻟﺔ ﺯﻭﺟﺘﻪ ﻗﺒﻠﺘﻲ ﺑﻲ
ﻭﻣﺎﺍﻧﻄﻴﺘﻲ ﻓﺮﺻﻪ ﻟﻨﻔﺴﺞ ﻛﻌﺪ ﻳﺴﺮ ﻳﺒﺠﻲ ﺷﻨﻮ ﺣﺒﻴﺒﻲ ﻫﻢ ﺗﺤﺲ ﺑﺎﺑﻮﻙ ﺷﻴﺴﻮﻱ ﺑﻴﻪ ﺭﺿﻌﺘﻪ ﻭﻧﺎﻡ ﻭﻧﻤﺖ
ﻋﻼﺀ .
ﺍﻧﻲ ﺟﻨﺖ ﺍﺣﺐ ﻧﻮﺭ ﺑﺎﻟﺒﺪﺍﻳﻪ . ﻭﻋﺸﺖ ﻭﻳﺎﻫﻪ ﺍﻭﻝ ﻗﺼﺔ ﺣﺐ ﺑﺤﻴﺎﺗﻲ ..
ﻭﻛﺘﻠﻬﺎ .. ﺍﺳﻮﻱ ﻛﻞ ﺷﻲ ﻋﻠﻰ ﻣﻮﺩﺝ ﺣﺘﻰ ﺍﻣﺞ
ﻧﺎﺧﺬﻫﻪ ﻭﻳﺎﻧﻪ
ﻫﻲ ﻣﻘﺒﻠﺖ ﺿﻮﺟﺘﻨﻲ ﻭﻭﺍﻓﻘﺖ ﻋﻠﻰ ﻣﺤﺴﻦ
ﻭﺷﻔﺘﻬﻪ ﺑﻌﻴﻨﻲ ﻻﺑﺴﻪ ﺍﻟﻪ ﺍﻟﺒﺪﻟﻪ
ﻟﻔﻘﺖ ﻋﻠﻰ ﻣﺤﺴﻦ ﺳﺎﻟﻔﻪ ﻭﻛﺘﻠﻬﺎ ﻳﺎﺧﺬ ﻣﺨﺪﺭﺍﺕ
ﻭﻫﻮ ﺑﺎﻟﺤﻘﻴﻘﻪ ﺑﺲ ﻳﺸﺮﺏ ﻣﻴﺎﺧﺬ ﻣﺨﺪﺭﺍﺕ
ﻣﺴﻤﻌﺖ ﻫﺎﻟﺸﻲ ﻋﻨﻪ ..
ﻣﻦ ﻃﻠﻊ ﺗﻌﻴﻴﻨﻲ ﺑﺎﻟﻌﻤﺎﺭﻩ ﺭﺣﺖ ﺍﻟﺒﻴﺖ ﺍﺧﺘﻲ
ﻭﺷﻔﺖ ﻫﻨﺎﻙ ﺍﻣﻞ
ﺑﺎﻟﺒﺪﺍﻳﻪ .. ﺟﻨﺖ ﺍﺭﻳﺪ ﺍﺗﺰﻭﺟﻬﺎ ﻻﻥ ﺍﺳﺘﺤﻴﺖ ﻣﻦ ﺍﺧﻮﻫﺎ
ﻭﻳﺎﻫﻢ ﺑﺎﻟﺒﻴﺖ ﺍﻧﻲ ﻭﺍﺧﺘﻪ ﻣﻮﺟﻮﺩﻩ
ﻻﻥ ﺍﻣﻜﺎﻧﻴﺘﻲ ﻣﺤﺪﻭﺩﻩ ﻣﺎﺍﻛﺪﺭ ﺍﺷﺘﺮﻱ ﺑﻴﺖ ﺍﻭ ﺃﺟﺮ
ﺷﻘﻪ
ﻣﺎﺍﻧﻜﺮ ﻋﺠﺒﺘﻨﻲ ﻣﻮ ﻛﺸﻜﻞ ﻭﺍﻧﻤﺎ ﻓﻘﻴﺮﻩ ﻭﺣﺒﺎﺑﻪ
ﻭﻣﺘﻌﺘﺮﺽ ﻋﻠﻰ ﺍﻱ ﺷﻲ ﻛﻠﻪ ﺻﺎﺭ ﻭﺣﺎﺿﺮ
ﻣﺮﺿﻬﺎ ﺍﺛﺮ ﻋﻠﻴﻪ ﻭﺻﺎﺭﺕ ﻋﻨﺪﻱ ﺣﺎﻟﻪ
ﻣﻜﺪﺭ ﺍﺳﻴﻄﺮ ﻋﻠﻰ ﻧﻔﺴﻲ ﻭﺭﻏﻢ ﻛﻞ ﻫﺬﺍ ﺍﺣﺒﻬﺎ ﺍﺣﺲ
ﻣﺴﺤﻮﺭ ﺑﻴﻬﺎ
ﺍﻫﻠﻬﺎ ﻳﺎﺧﺬﻭﻫﺎ ﻟﻠﺸﻴﻮﺥ ﻭﺍﻟﺴﺎﺩﻩ ﻳﻌﺎﻟﺠﻮﻫﺎ ﻭﺻﺎﺭﺕ
ﺣﺎﻣﻞ ﻻﻥ ﺗﻘﺮﺑﺖ ﺍﻟﻬﺎ .. ﺗﺤﺖ ﺗﺄﺛﻴﺮ ﺍﻟﺘﺨﺪﻳﺮ
ﺣﺎﻟﺘﻲ ﺍﻟﻲ ﻭﺻﻠﺖ ﺍﻟﻬﺎ ﺑﺴﺒﺐ ﻣﺮﺽ ﺍﻣﻞ ﺧﻠﺘﻨﻲ
ﺍﺩﻭﺭ ﻋﻦ ﺷﻲ ﻳﺨﻠﻴﻨﻲ ﺍﻓﺮﻍ ﺣﺎﺟﺘﻲ ﺍﻟﺒﺪﺍﺧﻠﻲ
ﺷﻔﺖ ﻧﻮﺭ ﮔﺒﺎﻟﻲ ﻭﺻﺎﻳﺮﻩ ﺣﻠﻮﻩ ﺑﺸﻜﻞ ﻣﻮﻃﺒﻴﻌﻲ
ﻣﻬﺘﻤﻪ ﺑﻨﻔﺴﻬﺎ ﺣﻴﻞ
ﺑﺤﺜﺖ ﻋﻨﻬﺎ ﻭﺳﺄﻟﺖ ﻭﻋﺮﻓﺖ ﺍﻥ ﻫﻲ ﻟﺴﻪ ﻣﻮ ﻣﺮﺗﺒﻄﻪ
ﺑﺄﺣﺪ ﺍﺑﺪ ..
ﻭﺑﻌﺪﻫﺎ ﺑﺎﻗﻴﻪ ﻋﻠﻰ ﺣﺒﻬﺎ ﺍﻟﻲ
ﻣﺎﺍﻧﻜﺮ ﺟﺎﻧﺖ ﻧﻴﺘﻲ ﻭﻳﺎﻫﻪ ﺳﻮﺀ ﻭﺭﺩﺕ ﺍﺗﺰﻭﺟﻬﺎ ﺑﺎﻟﺴﺮ
ﺑﺪﻭﻥ ﻋﻠﻢ ﺍﻫﻠﻲ ﻭﺍﻫﻠﻬﺎ ﺑﺲ ﻫﻲ ﺭﻓﻀﺖ
ﻭﺑﻘﺖ ﺍﻣﻞ ﻋﻠﻰ ﺣﺎﻟﺘﻬﺎ
ﻭﺑﻘﻴﺖ ﺍﻧﻲ
ﻭﻧﻮﺭ ﮔﺒﺎﻟﻲ
ﻗﺮﺭﺕ ﺍﺗﺰﻭﺟﻬﺎ ﻭﻣﻦ ﺍﺟﻲ ﻻﻫﻠﻲ ﻋﻮﺩ ﺍﻣﺮ ﺍﻟﻬﺎ
ﻭﺍﻗﻀﻲ ﻭﻳﺎﻫﻪ ﻓﺘﺮﺓ ﺍﺟﺎﺯﺗﻲ
..
ﺗﺰﻭﺟﻨﺎ ﻭﺻﺎﺭ ﻋﺪﻧﺎ ﺣﻼ ﻭﺑﻌﺪﻫﻪ ﺑﻐﻠﻄﻪ ﺻﺎﺭ ﻳﺴﺮ
ﻭﻧﺒﻬﺘﻬﺎ ﻭﻫﻲ ﺩﻟﻮﻋﻪ ﻳﺄﺫﻳﻨﻲ ﺍﻟﺤﺐ ﺍﻟﻤﺎﻧﻊ
ﻭﻣﻦ ﻫﺎﻟﺤﺠﻲ ﻭﺍﻧﻲ ﻣﺎﺍﺻﺪﮔﻬﺎ ﻭﺍﺣﺲ ﺑﻴﻬﺎ
ﺗﺮﻳﺪ ﺗﺨﻠﻒ ﺣﺘﻰ ﺗﺮﺑﻄﻨﻲ ﻳﻤﻬﺎ ..
ﺑﺲ ﺍﻧﻲ ﺑﺎﻟﻔﺘﺮﻩ ﺍﻻﺧﻴﺮﻩ ﺍﻣﻞ ﺻﺎﺭﺕ ﺯﻳﻨﻪ ﻭﺍﻣﺮﺍﻩ ﻛﺎﻣﻠﻪ ﻭﺍﻛﺪﺭ ﺍﺗﻘﺮﺏ ﺍﻟﻬﺎ ﺑﺲ ﻣﺎﺣﺠﻴﺖ ﻟﻨﻮﺭ ﻫﺎﻟﺸﻲ
ﻣﺎﺍﺣﺐ ﺍﺣﺠﻲ ﻛﺪﺍﻣﻬﺎ ﺍﻱ ﺷﻲ ﻳﺨﺼﻨﺎ
ﻭﺣﺘﻰ ﺑﻨﻴﺖ ﺍﻟﻨﻪ ﺑﻴﺖ ﻭﻫﻢ ﻣﺎﻛﻠﺖ ﻟﻨﻮﺭ
ﻻﻥ ﻣﺎﺍﺭﻳﺪ ﻣﺸﺎﻛﻞ ﺍﺫﺍ ﺍﺟﻴﺒﻬﺎ ﻳﻤﻲ
ﻭﻫﺬﺍ ﺣﺎﻝ ﻛﻞ ﺍﻟﻀﺮﺍﻳﺮ
ﻭﺍﻟﻘﻠﺐ ﻣﻴﻜﺪﺭ ﻣﻴﻔﻀﻞ ﺷﻲ
ﻓﺎﻧﻲ ﺍﻓﻀﻞ ﺍﻣﻞ ﻻﻥ ﻣﻄﻴﻌﻪ
ﻭﻣﺎﻓﺪ ﻳﻮﻡ ﺍﻋﺘﺮﺿﺖ ﻋﻠﻰ ﺷﻲ
ﻭﺷﻲ ﺑﺪﺍﺧﻠﻲ ﻳﺨﻠﻴﻨﻲ ﺍﺣﺒﻬﺎ ﻣﺎﺍﺩﺭﻱ ﻟﻴﺶ ﻭﺣﺘﻰ ﺣﻤﻮﺩﻱ ﻻﻥ ﻣﺮﻳﺾ ﺍﻟﻪ ﻣﻜﺎﻧﻪ ﺧﺎﺹ ﻋﻨﺪﻱ
ﻧﻮﺭ .. ﻫﻢ ﺯﻭﺟﺘﻲ ﻭﻫﻢ ﺍﺣﺒﻬﺎ ﺑﺲ ﺍﻓﻀﻞ ﺍﻣﻞ ﻋﻠﻴﻬﺎ
ﻭﺍﻟﻄﺮﻳﻖ ﺑﻌﻴﺪ ﻣﺎﻛﺪﺭ ﺍﺟﻲ ﻫﻮﺍﻳﻪ ﻫﻨﺎﻙ ﺍﻣﻞ ﻭﺣﻤﻮﺩﻱ ﻭﻋﻨﺪﻱ ﻣﺴﺆﺅﻟﻴﺎﺕ ﺍﺛﻨﻴﻨﻬﻢ ﻣﺮﺿﻰ ﻭﻻﺯﻡ ﺍﻫﺘﻢ ﺑﻴﻬﻢ
ﻧﻮﺭ ﻣﺘﺤﺘﺎﺝ ﻫﻮﺍﻳﻪ ﺍﻫﺘﻤﺎﻡ ﻣﺜﻞ ﺍﻣﻞ ﻻﻥ ﻣﺎﺑﻴﻬﻪ ﺷﻲ
ﻣﻮ ﻳﻜﻮﻟﻮﻥ ﻣﺮﻳﻀﻜﻢ ﺣﺘﻰ ﻳﺸﻔﻰ ﻭﺻﻐﻴﺮﻛﻢ ﺣﺘﻰ ﻳﻜﺒﺮ ﻫﻲ ﻧﻔﺲ ﺍﻟﺸﻲ ..
ﻃﺒﺦ ﺍﻣﻞ ﺍﺣﻠﻰ ﻃﺒﺦ ﻣﻮﻳﻜﻮﻟﻮﻥ ﻗﻠﺐ ﺍﻟﺮﺟﻞ ﻣﻌﺪﺗﻪ 😙 ﺍﻣﺎ ﻧﻮﺭ ﻣﺎﻓﺎﻟﺤﻪ ﺑﺲ ﺑﺎﻟﺰﻻﻃﻪ ..
ﻧﻮﺭ ... ﻛﻌﺪﺕ ﺍﻟﺼﺒﺢ .. ﻋﻨﺪﻱ ﺁﻻﻡ ﺍﺑﻄﻨﻲ ..
ﻭﺭﻭﺣﻲ ﻟﻌﺒﺎﻧﻪ ﺍﺣﺲ ﺗﺮﻳﺪ ﺗﻄﻠﻊ
ﻭﺍﻟﻠﻪ ﻣﺎﺑﻴﻪ ﺍﺩﺍﻭﻡ
ﺑﺲ ﻻﺯﻡ ﺍﻗﻮﻱ ﻧﻔﺴﻲ ﺍﺫﺍ ﺟﻨﺖ ﻏﺎﻳﻠﻪ ﺍﻳﺪ ﻭﺣﺪﻩ ﻣﻦ ﻋﻼﺀ ... ﺍﻟﺒﺎﺭﺣﻪ ﻏﺴﻠﺖ ﺍﻳﺪﻳﻪ ﺍﻻﺛﻨﻴﻦ ﻣﻦ ﮔﻠﻲ ﺍﻃﻠﻜﺞ
ﻳﻤﻪ ﻛﻞ ﺷﻲ ﻭﻻﺍﻃﻠﻚ ﺷﺮﺍﺡ ﺗﺤﺠﻲ ﻋﻠﻴﻪ ﺍﻟﻨﺎﺱ
ﻭﺍﻭﻟﻬﻢ ﺯﻫﺮﻩ ﺗﺘﺸﻤﺖ ﺑﻲ
ﻛﻞ ﻣﺮﻩ ﺗﺠﻲ ﻭﺗﺠﻴﺐ ﻣﺮﺓ ﻣﺤﺴﻦ ﻭﺗﻜﻮﻝ ﻳﺎ ﺑﻌﺪﺝ
ﻫﻨﺎ ﺍﺑﻴﺖ ﺍﻫﻠﺞ ﻣﺎﻋﺮﻑ ﺍﻻﻓﻨﺪﻱ ﻣﺎﻟﺘﺞ ﻳﺤﻄﻠﺞ ﺑﻴﺖ
ﺍﻧﻲ ﺍﻛﻮﻝ ﺍﻟﻬﺎ ﻻ . ﺍﻧﻲ ﺍﺭﻳﺪ ﺍﺑﻘﻪ ﺍﻟﻴﻢ ﺍﻣﻲ ﻣﻨﻮ ﺍﻟﻬﺎ
ﻫﻲ ﺗﻄﻜﻬﺎ ﺿﺤﻜﻪ
ﺍﺑﻘﻪ ﻫﻴﺞ ﺍﺣﺴﻠﻲ
ﺭﺣﺖ ﻟﻠﻤﻄﺒﺦ ﺍﻟﺠﻮ ﺑﺎﺭﺩ ﻓﺘﺤﺖ ﺍﻟﺜﻼﺟﻪ ﺍﺟﺖ ﺑﺮﻭﺩﺗﻬﺎ ﻋﻠﻴﻪ
3
ﺍﻧﻲ ﻻﺑﺴﻪ ﺩﺷﺪﺍﺷﻪ ﺻﻴﻔﻴﻪ ﻧﺺ ﺭﺩﻥ .. ﻭﺍﻟﺠﻮ ﺑﺎﺭﺩ
ﻻﻥ ﻣﺎﺍﺣﺐ ﺍﻧﺎﻡ ﺑﺸﻲ ﺛﺨﻴﻦ
ﺷﻔﺖ ﺍﻛﻮ ﺭﻭﺑﻪ ﻭﺗﻤﻦ ﻣﻄﺒﻮﺥ ﻳﺮﺑﻲ ﺍﻟﻢ ﺟﺴﻤﻲ ﻭﺭﻭﺣﻲ ﻣﺎﺑﻴﻪ ﺍﻃﺒﺦ ﺳﺎﻋﻪ 6 ﻭﻧﺺ ﻣﺒﻘﻪ ﺷﻲ ﺗﺠﻲ ﺳﻴﺎﺭﺓ ﺍﻟﺸﻔﺖ ..
ﺭﺣﺖ ﺭﻛﺾ ﻟﻠﻐﺮﻓﻪ ﻭﻧﺴﻴﺖ ﻧﻔﺴﻲ ﺣﺎﻣﻞ ..
ﻟﺒﺴﺖ ﺗﻨﻮﺭﻩ ﺟﻮﺯﻳﻪ ﻭﻗﻤﻴﺺ ﺟﻮﺯﻱ ﺳﺘﻦ ﻭﺳﺘﺮﻩ ﺑﻴﺞ
ﻭﺷﺎﻝ ﺟﻮﺯﻱ .. ﺭﺣﺖ ﻓﺘﺤﺖ ﺍﻟﺒﺎﺏ ﻋﻠﻰ ﺍﻣﻲ ..
ﺧﻄﻴﻪ ﺗﻌﺒﺎﻧﻪ ﻛﻮﻩ ﺗﻜﻮﻡ ﺑﻮﺳﺘﻬﺎ ﻛﺘﻠﻬﺎ ﻳﻤﻪ ﺍﻧﻲ ﺭﺍﻳﺤﻪ ﻣﺎﺑﻴﻪ ﺍﻃﺒﺦ .. ﺍﻛﻮ ﺗﻤﻦ ﻭﺍﻛﻮ ﺭﻭﺑﻪ
ﺑﺎﻟﻌﺸﺎ ﺍﺳﻮﻳﻠﻜﻢ ﺍﻛﻠﻪ ﺗﺴﻮﻩ ﻫﺴﻪ ﻣﺎﺑﻴﻪ ﮔﺎﻟﺖ ﺭﻭﺣﻲ ﻳﻤﻪ ﺍﻫﻢ ﺷﻲ ﺻﺤﺘﺞ
ﻛﺘﻠﻬﺎ ﻳﻤﻪ ﺭﺍﺡ ﺍﺩﺯ ﺭﻭﻯ ﺑﻌﺪﻳﻦ ﺗﻤﺮ ﻋﻠﻴﻜﻢ
ﻛﺎﻟﺖ ﻣﻴﺨﺎﻟﻒ ﻛﻮﻣﻴﻨﻲ ﺍﺭﻭﺡ ﻳﻢ ﺟﻬﺎﻟﺞ ﺧﺎﻑ ﻳﻜﻌﺪﻭﻥ
ﻛﺘﻠﻬﺎ ﺣﻀﺮﺕ ﺍﻟﺤﻼ ﺷﻐﻼﺕ ﻉ ﺍﻟﻤﻴﺰ ﺧﻠﻴﺘﻬﻢ ﻭﻣﻤﻪ ﻟﻴﺴﻮﺭﻱ .. ﺣﺘﻰ ﻻﺗﺘﻌﺒﻴﻦ .. ﻛﺎﻟﺖ ﻻﺗﻬﺘﻤﻴﻦ
ﻭﺻﻠﺘﻬﺎ ﻟﻐﺮﻓﺘﻲ
ﻭﻃﻠﻌﺖ ﻣﻦ ﺍﻟﺒﺎﺏ .. ﻭﻣﻘﻬﻮﺭﻩ ﺍﻋﻮﻑ ﺍﻣﻲ ﺗﺮﺑﻲ ﺍﻟﺠﻬﺎﻝ
ﻭﻫﻲ ﺗﻌﺒﺎﻧﻪ ﻫﻢ ﺭﺑﺘﻨﻲ ﻭﻫﻢ ﺩﺗﺮﺑﻲ ﺟﻬﺎﻟﻲ
ﺻﻌﺪﺕ ﺑﺎﻟﺴﻴﺎﺭﻩ ﻛﻠﺖ ﺻﺒﺎﺡ ﺍﻟﺨﻴﺮ ﺭﺩﻭﺍ ﻋﻠﻴﻪ
ﺣﻴﺪﺭ ﺣﻤﻪ ﺍﺣﻼﻡ ﻭﻳﺎﻧﻪ ﺟﺎﻥ ﺑﺎﻟﺴﻴﺎﺭﻩ ﻻﻥ ﻧﻔﺲ ﺍﻟﻤﻨﻄﻘﻪ ..
ﻛﻌﺪﺕ ﻭﺍﺍﻻﻻﻡ ﺗﺰﻳﺪ .. ﻭﺍﻟﻄﺴﺎﺕ ﺗﻤﻮﺗﻨﻲ ﺑﻘﻴﺖ ﻻﺯﻣﻪ ﺑﻄﻨﻲ ﻓﺘﺤﺖ ﺍﻟﻔﻮﻥ ﻣﺎﺍﺩﺭﻱ ﺷﺴﻮﻱ
ﺷﻔﺖ ﺭﺳﺎﻟﻪ ﻣﻦ ﻋﻼﺀ .. ﻛﺎﺗﺒﻠﻲ ﻣﺮﻩ ﺛﺎﻧﻴﻪ ﺳﺪﻱ ﺍﻟﻔﻮﻥ ﺑﻮﺟﻬﻲ ﻭﺷﻮﻓﻲ ﺷﺤﻴﺼﻴﺮ ﺍﻟﺞ ..
ﮔﻠﺖ ﺑﻘﻠﺒﻲ ﺩﻃﻴﺮ ﺷﻴﺼﻴﺮﻟﻲ ﺍﻛﺜﺮ ﺑﻌﺪ ﻣﻦ ﻭﺭﺍﻙ
ﻭﻻﺗﺤﺲ ﺑﻴﻪ
ﻭﺻﻠﻨﻪ ﻭﺍﺣﺲ ﺣﻴﺪﺭ ﻗﺮﻳﺐ ﻋﻠﻴﻪ ﻣﻜﺪﺭﺕ ﺍﺻﻌﺪ ﻟﻠﺸﺮﻛﻪ ﺑﻘﻴﺖ ﺑﺎﻟﺤﺪﻳﻘﻪ
ﺍﻻﻟﻢ ﻳﻤﺰﻕ ﺍﺣﺸﺎﺋﻲ ...
ﻛﻌﺪﺕ ﻋﻠﻰ ﻣﺼﻄﺒﻪ ﺑﺎﻟﺤﺪﻳﻘﻪ ﺍﺟﻪ ﺗﻘﺮﺏ ﻋﻠﻴﻪ
ﻛﺎﻝ ﺧﻮﻳﻪ ﺍﻡ ﺣﻼ .. ﺑﻴﺞ ﺷﻲ ﻣﺤﺘﺎﺟﻪ ﺷﻲ
ﺍﺳﺘﺤﻴﺖ ﺍﮔﻮﻟﻪ ﻛﻠﺶ
ﺭﺍﺡ ﺑﻌﻴﺪ ﻋﻨﻲ ﺭﻓﻌﺖ ﺭﺍﺳﻲ ﺩﻳﺨﺎﺑﺮ .. ﺑﻘﻴﺖ ﺍﺻﺎﺭﻉ
ﺍﻻﻟﻢ ..
ﺑﻌﺪ ﺩﻗﺎﻳﻖ ﺟﺎﺏ ﺍﻟﺘﻠﻴﻔﻮﻥ ﻭﻛﺎﻝ ﻫﻲ ﺍﺣﻼﻡ ﺗﺤﺎﺟﻴﺞ
ﺭﻓﻌﺖ ﺭﺍﺳﻲ ﺑﺎﻭﻋﺘﻠﻪ ﺑﺎﻳﺪ ﺍﺧﺬﺕ ﺍﻟﻔﻮﻥ ﻭﺍﻳﺪ ﻋﻠﻰ
ﺑﻄﻨﻲ ..
ﮔﺘﻠﻬﺎ ﺍﻟﻮ ﻭﺑﺠﻴﺖ
ﺍﺣﻼﻡ .. ﻭﻟﺞ ﺷﻜﻮ ﺷﺒﻴﺞ .. ﻳﻤﻌﻮﺩﻩ
ﻧﻮﺭ .. ﻭﻟﺞ ﺭﺍﺡ ﺍﻣﻮﺕ ﺑﻄﻨﻲ ﻭﺟﻊ ﻣﻮﺗﻨﻲ
ﺍﺣﻼﻡ .. ﺍﻧﻄﻴﻨﻲ ﺣﻴﺪﺭ
ﻧﻮﺭ .. ﻭﻟﺞ ﺍﺳﺘﺤﻲ ﻣﻨﻪ
ﺍﺣﻼﻡ .. ﺩﻧﻄﻴﻨﻴﺎ
ﻧﻮﺭ .. ﺭﻓﻌﺖ ﺭﺍﺳﻲ ﺷﻔﺘﻪ ﺟﺎﻱ ﻫﻮ ﻭﻣﻮﺿﻔﻪ ﺛﺎﻧﻴﻪ
ﺍﺟﻮﺍ ﻳﻤﻲ ﺍﻧﻄﻴﺘﻪ ﺍﻟﻔﻮﻥ ﺑﺪﻭﻥ ﻣﺎﺍﺣﺠﻲ ..
ﻭﺻﺮﺕ ﺍﺣﺠﻲ ﻭﻱ ﺍﻡ ﺍﻳﻤﻦ ﺍﻟﻤﻮﺿﻔﻪ ﻭﻳﺎﻳﻪ
ﻛﺎﻟﺖ ﺷﺒﻴﺞ ﻛﺘﻠﻬﺎ ﺑﻄﻨﻲ ﺗﻮﺟﻌﻨﻲ
ﻛﺎﻟﺖ ﻟﻴﺶ ﺗﻮﺟﻌﺞ ﺑﺎﻭﻋﺖ ﺍﻟﺤﻴﺪﺭ ﻭﺍﻛﻒ
ﺍﺳﺘﺤﻴﺖ ﻭﺩﻧﻜﺖ ﻛﺘﻠﻬﺎ ﺍﻧﻲ ﺣﺎﻣﻞ ﻭﺍﻟﺒﺎﺭﺣﻪ ﻭﻛﻌﺖ
ﻫﻮ ﺭﺍﺡ ﺑﻘﺖ ﻳﻤﻲ ﻻﺯﻣﻪ ﺍﻳﺪﻱ ﺑﻌﺪﻫﺎ ﺟﻮﻱ ﻣﻮﺿﻔﺎﺕ ﺍﺛﻨﻴﻦ ﻳﻤﻨﻪ ﻫﻢ ﺭﺟﻊ ﺣﻴﺪﺭ ﻛﺎﻝ ﺍﻣﺸﻲ ﺍﻟﻤﺴﺘﺸﻔﻰ ﺟﺒﺖ ﺳﻴﺎﺭﻩ .. ﻛﻤﺖ ﻭﺧﺎﻳﻔﻪ ﻻﻣﻼﺑﺴﻲ ﺑﻴﻬﻢ ﺷﻲ
ﺣﻤﺪﻟﻠﻪ ﻣﺎﻛﻮ ﺷﻲ ..
ﺻﻌﺪﺕ ﺑﺎﻟﺴﻴﺎﺭﻩ ﻭﺍﻡ ﺍﻳﻤﻦ ﻭﻳﺎﻳﻪ .. ﻭﻣﺼﻄﻔﻰ
ﻛﺪﺍﻡ .. ﻭﺍﺣﻨﺎ ﻭﺭﻩ .. ﻭﺻﻠﻨﺎ ﺍﻟﻤﺴﺘﺸﻔﻰ
ﺟﺎﻧﺖ ﻣﺴﺘﺸﻔﻰ ﺧﺎﺹ ﻣﻮ ﺣﻜﻮﻣﻲ
ﺩﺧﻠﺖ ﻋﻠﻰ ﺍﻟﺪﻛﺘﻮﺭﻩ ﺑﻌﺪ ﺍﻧﺘﻈﺎﺭ ﺷﺎﻓﺘﻨﻲ ﻧﻤﺖ ﻋﻠﻰ ﺍﻟﺴﺪﻳﻪ ﻓﺤﺼﺖ ﺑﻄﻨﻲ ﻛﺎﻟﺖ ﻳﺎﺷﻬﺮ ﻛﺘﻠﻬﺎ ﻛﻤﻠﺖ ﺷﻬﺮﻳﻦ
ﺍﻧﻲ .. ﻛﺎﻟﺖ ﻧﺰﻟﻲ .. ﻧﺰﻟﺖ ﻃﻚ ﻋﻨﺪﻱ ﻧﺰﻑ ﻣﻮﻃﺒﻴﻌﻲ
ﺑﺤﻴﺚ ﺧﻔﺖ ﻛﻠﺶ ﺍﻭﻝ ﻣﺮﻩ ﻳﺼﻴﺮ ﻫﻴﺠﻲ ﻋﻨﺪﻱ
...
ﻧﻮﺭ ...
ﺭﻏﻢ ﻛﻞ ﺍﻟﻮﺟﻊ ﺍﻟﻲ ﺣﺴﻴﺘﻪ ﺑﺴﺒﺒﻪ
ﺑﻠﺤﻈﺘﻬﺎ ﺭﺩﺗﻪ ﻳﻤﻲ
ﻭﺟﻮﺩﻩ ﻳﺤﺴﺴﻨﻲ ﺑﺎﻻﻣﺎﻥ ﻳﻘﻠﻞ ﻋﻠﻴﻪ ﺍﻟﻮﺟﻊ
ﺍﻟﺴﺒﺐ ﻻﻥ ﺍﺣﺒﻪ ﻭﻭﺍﺛﻘﻪ ﻣﻦ ﺍﺣﺴﺎﺳﻲ
ﺭﻏﻢ ﻻ ﻣﻦ ﺟﺒﺖ ﺣﻼ ﻳﻤﻲ ﻭﻻ ﻳﺴﺮ ﻛﻠﻪ ﻭﺣﺪﻱ
ﻣﻦ ﻳﺘﻤﺮﺿﻮﻥ ﻛﻠﻪ ﻭﺣﺪﻱ
ﺍﻟﻤﻬﻢ .. ﻧﺰﻓﺖ ﻭﺩﺧﻠﻮﻧﻲ ﻟﻠﺼﺎﻟﻪ .. ﻭﺍﻧﻲ ﻣﻴﺘﻪ
ﺧﻮﻑ ﻭﺍﻫﻤﺲ ﺑﺎﺳﻤﻪ ﻋﻼﺀ ﻋﻼﺀ ﻣﺤﺘﺎﺟﺘﻪ
ﺑﺲ ﻫﻮ ﻣﻮ ﻳﻤﻲ ﻭﻻ ﻳﻌﺮﻑ ﺑﻴﻪ ﻭﺷﺪﻳﺼﻴﺮ ﺍﻟﻲ
ﺣﻴﺪﺭ ...
ﺍﻧﻲ ﺣﻴﺪﺭ ﻋﻤﺮﻱ 34 ﺳﻨﻪ ﻣﻄﻠﻖ .. ﻭﻣﻌﻨﺪﻱ ﺍﻃﻔﺎﻝ
ﺧﺮﻳﺞ ﻣﻌﻬﺪ ﻧﻔﻂ .. ﻭﻣﻮﺿﻒ ﻧﻔﻂ ..
ﺑﻴﺘﻲ ﻭﺣﺪﻱ .. ﺯﻭﺟﺘﻲ ﺗﺮﻛﺘﻨﻲ ﻻﻥ ﻣﺎﺍﻧﺠﺐ ﻭﻧﺴﺒﺘﻲ ﺻﻔﺮ ..
ﻋﺎﻟﺠﺖ ﻫﻮﺍﻳﻪ ﻣﺎﻛﻮ ﻣﺎﺻﺎﺭ ..
ﺿﻠﺖ ﺗﺘﺤﺠﺞ ﻭﺗﻨﺪﺏ ﺣﻈﻬﺎ ﺍﻟﻌﺎﺛﺮ ﻭﺳﻴﺮﺓ ﺍﻻﻃﻔﺎﻝ ﻣﻴﻮﻛﻌﻮﻥ ﻣﻦ ﻟﺴﺎﻧﻬﺎ
ﻭﺍﻧﻲ ﻫﻢ ﻋﻨﺪﻱ ﺍﺣﺴﺎﺱ ..
ﻛﻌﺪﺕ ﻭﻳﺎﻫﻪ ﺑﻔﺪ ﻳﻮﻡ .. ﻭﺣﺎﺟﻴﺘﻬﺎ ﻭﻛﺘﻠﻬﺎ ﺍﻧﻲ
ﻫﻲ ﺣﺎﻟﺘﻲ ﺗﺤﺒﻴﻦ ﺗﺒﻘﻴﻦ ﻭﻳﺎﻳﻪ ﺍﻧﻲ ﺧﻠﺺ
ﻣﺮﺍﺡ ﺍﻋﺎﻟﺞ ﺑﻌﺪ ﺗﻌﺒﺖ
ﻭﺍﺫﺍ ﺗﺤﺒﻴﻦ ﻧﻨﻔﺼﻞ ﻭﻛﻞ ﺣﻘﻮﻗﺞ ﺍﺧﺬﻳﻬﺎ
ﻻﻥ ﺗﻌﺒﺖ ﻣﻦ ﺗﺬﻣﺮﺝ ..
ﺟﺎﻥ ﺍﺧﺘﻴﺎﺭﻫﻪ ﺍﻻﻧﻔﺼﺎﻝ ﻭﺍﻧﻔﺼﻠﻨﺎ .. ﻭﻛﻠﻤﻦ ﺭﺍﺡ
ﺑﺤﺎﻝ ﺳﺒﻴﻠﻪ ..
ﺍﻣﺎ ﺍﻧﻲ ﺻﻤﺖ ﻋﻦ ﺍﻟﺰﻭﺍﺝ ﻭﻣﺎﺍﻓﻜﺮﺕ ﺑﻲ ﺑﻌﺪ ﺍﺑﺪ
ﺑﻔﺪ ﻳﻮﻡ ﺟﺘﻲ ﺍﺣﻼﻡ ﻣﺮﺕ ﺍﺧﻮﻳﻪ ﻭﮔﺎﻟﺖ ﺻﺪﻳﻘﺘﻬﺎ
ﺍﻭ ﻫﻲ ﺟﺎﻧﺖ ﺍﺧﺖ ﻃﻠﻴﻘﻬﺎ ﺍﻟﺴﺎﺑﻖ ﻭﺑﻌﺪﻫﻢ ﻣﺤﺎﻓﻈﻴﻦ
ﻋﻠﻰ ﻋﻼﻗﺘﻬﻢ .. ﻭﻣﻤﺘﺨﺎﺭﺑﻴﻦ ﻫﻲ ﻭﻳﺎﻫﻪ
ﻣﻘﺪﻣﻪ ﻋﻠﻰ ﺗﻌﻴﻴﻦ ﻳﻤﻜﻢ ﻭﺗﺮﻳﺪ ﻣﻨﻚ
ﻣﺴﺎﻋﺪﻩ .. ﻛﺘﻠﻬﺎ ﻣﺎﺷﻲ
ﺍﻧﻲ ﻗﺮﻳﺖ ﺍﺳﻤﻬﺎ . ﻧﻮﺭ ﻭﺍﻟﻤﻌﻠﻮﻣﺎﺕ ﻋﻨﻬﺎ ﻣﺘﺰﻭﺟﻪ
ﻣﺎﺍﺩﺭﻱ ﻛﻞ ﺷﻮﻳﻪ ﺍﻭﺻﻲ ﻋﻠﻴﻬﻪ ﺍﺣﺪ
ﺣﺘﻰ ﺯﻫﮕﻮﺍ ﻣﻨﻲ ﻭﻳﻜﻮﻟﻮﻟﻲ ﻣﻨﻮ ﻫﻲ ﻧﻮﺭ
ﺷﺘﺼﻴﺮ ﻣﻨﻚ ﻛﺘﻠﻬﻢ ﻣﺎﺍﻋﺮﻓﻬﺎ ﻭﻻﺷﺎﻳﻔﻬﺎ ﺑﺲ ﻣﻮﺻﻴﻨﻲ
ﻋﻠﻴﻬﺎ
ﺭﻏﻢ ﻛﻠﺶ ﺍﻛﺮﻩ ﺳﺎﻟﻔﺔ ﺍﻟﻮﺍﺳﻄﻪ ﺑﺲ ﺑﻬﻲ
ﻣﺎﺍﺩﺭﻱ ﻟﻴﺶ ﻭﺍﻓﻘﺖ ﺍﺗﺪﺧﻞ ..
ﺷﻔﺘﻬﺎ ﺟﺎﻳﻪ ﻭﻱ ﺍﺧﻮﻫﻪ ﻭﻫﻢ ﺳﺎﻋﺪﺗﻬﻢ
ﺩﺍﻭﻣﺖ ﻧﻮﺭ .. ﻭﺍﺷﻮﻓﻬﺎ ﺗﺠﻲ ﻭﺗﺼﻌﺪ ﺑﺴﻴﺎﺭﺓ ﺍﻟﺸﺮﻛﻪ ﻭﻳﺎﻧﻪ
ﺑﻔﺪ ﻳﻮﻡ ﺷﻔﺘﻬﺎ ﺗﺘﺄﻟﻢ ﺳﺌﻠﺘﻬﺎ ﻣﺠﺎﻭﺑﺖ ﻛﻠﺖ ﻳﻤﻜﻦ ﺗﺴﺘﺤﻲ
ﺧﺎﺑﺮﺕ ﺍﺣﻼﻡ .. ﻭﺣﺠﺖ ﻭﻳﺎﻫﻪ ﻋﺮﻓﺖ ﺣﺎﻣﻞ
ﺭﺣﺖ ﺻﺤﺖ ﻣﻮﺿﻔﻪ ﻭﻳﺎﻧﻪ ﻣﻮﺑﺲ ﻣﻮﺿﻔﻪ ﻭﺍﻧﻤﺎ ﺻﺪﻳﻘﻪ
ﻭﻛﻠﺶ ﺣﺒﺎﺑﻪ .. ﺍﺧﺬﻧﺎ ﺳﻴﺎﺭﻩ ﻣﻦ ﺍﻟﺸﺮﻛﻪ .. ﻭﻭﺩﻳﺘﻬﺎ
ﺍﻟﻤﺴﺘﺸﻔﻰ ﺧﺎﺹ ﻫﻮﺍﻱ ﺍﻧﻘﻬﺮﺕ ﻋﻠﻴﻬﺎ ﻭﺍﻫﺘﻤﻴﺖ ﺍﻟﻬﺎ ..
ﺩﺧﻠﻨﺎﻫﻪ ﻟﻠﻔﺤﺺ ﻃﻠﻌﺖ ﺍﻡ ﺍﻳﻤﻦ ﻳﻤﻲ ﻧﻨﺘﻈﺮﻫﺎ
ﺑﺲ ﻣﺎﻃﻠﻌﺖ .. ﻧﻮﺭ
ﺍﺟﺖ ﺍﻟﻤﻤﺮﺿﻪ ﺑﺎﻭﻋﺘﻠﻲ ﻛﺎﻟﺖ ﺷﺒﻴﻚ ﺟﺎﻳﺐ ﺯﻭﺟﺘﻚ
ﺑﺘﻨﻮﺭﻩ ﻭﻗﻤﻴﺺ ﻭﻫﻲ ﻋﺪﻫﻪ ﺍﺳﻘﺎﻁ ﺣﻤﻞ ﺭﻭﺡ ﺟﻴﺐ ﺍﻟﻬﻪ ﻣﻼﺑﺲ ﻭﺻﺤﻴﺎﺕ ﻻﻥ ﻋﺪﻫﻪ ﻧﺰﻑ ﻭﺩﺧﻠﺖ
ﺑﺎﻭﻋﺘﻠﻲ ﺍﻡ ﺍﻳﻤﻦ ﻭﺿﺤﻜﺖ ﻛﺎﻟﺖ ﻭﻫﻲ ﻓﺎﻭﻟﺖ ﻋﻠﻴﻚ ﺑﺎﻟﺰﻭﺍﺝ ﺑﻠﻜﻲ ﺗﺘﺰﻭﺝ
ﺍﻧﻲ ﺿﺤﻜﺖ ﻭﺭﺣﺖ ﻭﻳﺎ ﺍﻡ ﺍﻳﻤﻦ ﻧﺸﺘﺮﻳﻠﻬﺎ ﻣﻼﺑﺲ
ﺍﻣﺸﻲ ﻭﺍﻧﻲ ﻣﻘﻬﻮﺭ ﻋﻠﻰ ﺍﻟﻄﻔﻞ ﻋﺒﺎﻟﻚ ﺍﺑﻨﻲ ﺍﻟﻲ ﻭﻛﻊ
ﺟﺒﻨﻪ ﺍﻟﻬﺎ ﻣﻼﺑﺲ .. ﻭﺧﺎﺑﺮﺕ ﺍﺣﻼﻡ ﺍﺟﺖ ﻫﻲ ﻭﺍﺧﻮﻳﻪ ﻭﺭﺍﺣﺖ ﺍﻡ ﺍﻳﻤﻦ ﺑﺴﻴﺎﺭﺓ ﺍﻟﺸﺮﻛﻪ
ﻧﻮﺭ .. ﺧﻠﺼﺖ ﻣﻦ ﺍﻟﻌﻤﻠﻴﻪ ﻭﻃﻠﻌﺖ ﺷﻔﺖ ﺍﺣﻼﻡ ﻳﻤﻲ
ﻣﻦ ﺷﻔﺘﻬﺎ ﺑﺠﻴﺖ ﻭﺑﻘﻴﺖ ﺍﺣﺠﻲ ﺑﺪﻭﻥ ﻭﻋﻲ ﺍﺣﻼﻡ ﻭﻛﻊ ﺍﺑﻨﻲ ﻛﻠﻪ ﻣﻦ ﻋﻼﺀ ﻣﺠﺎﻥ ﻳﺮﻳﺪﻩ ﻭﻳﻌﻴﺮﻧﻲ ﺑﻲ
ﺣﻀﻨﺘﻨﻲ ﻭﺗﻮﺍﺳﻴﻨﻲ
ﻃﻠﻌﻨﻪ ﻭﺍﻧﻲ ﻛﻠﺶ ﺧﺠﻼﻧﻪ ﻣﻦ ﺣﻴﺪﺭ ..
ﻣﻦ ﺷﺎﻓﻨﻲ ﻛﺎﻝ ﺣﻤﺪﻟﻠﻪ ﻋﻠﻰ ﺍﻟﺴﻼﻣﻪ
ﻛﺘﻠﻪ ﺑﺼﻮﺕ ﻭﺍﻃﻲ ﺍﻟﻠﻪ ﻳﺴﻠﻤﻚ
ﺩﺧﻠﻨﺎ ﻟﻠﺴﻴﺎﺭﻩ ﻭﺍﻧﻲ ﺍﺑﺠﻲ ﻭﻻﺯﻣﻪ ﺑﻄﻨﻲ ﻣﻬﻤﺎ ﻳﻜﻮﻥ
ﺑﺲ ﺍﺑﻨﻲ ﻫﺬﺍ ﻭﻣﺎﺍﺭﺩﺗﻪ ﻳﻮﻛﻊ
ﺍﺣﻼﻡ ﻛﺎﻟﺖ ﺧﻠﻲ ﻳﺮﺗﺎﺡ ﻋﻼﺀ ﺍﻓﻨﺪﻱ ﻣﻮ ﺟﺎﻥ ﻣﻴﺮﻳﺪﻩ
ﺧﻠﻲ ﻳﻔﻚ ﻫﺴﻪ
...
ﺣﻴﺪﺭ .. ﺳﻤﻌﺖ ﺍﺣﻼﻡ ﻭﻋﺮﻓﺖ ﺯﻭﺟﻬﺎ ﻣﻴﺮﻳﺪ ﺍﻟﻄﻔﻞ
ﺣﺎﺟﻴﺖ ﻧﻔﺴﻲ ﺳﺒﺤﺎﻧﻚ ﺭﺑﻲ ﻻﺍﻋﺘﺮﺍﺽ ﻋﻠﻰ ﺣﻜﻤﻚ
ﻋﻠﻰ ﻛﻮﻟﺘﻬﻢ ﻳﻨﻄﻲ ﺟﻮﺯ ﻟﻠﻲ ﻣﺎﻋﻨﺪﻩ ﺍﺳﻨﺎﻥ ..
ﻧﻮﺭ .. ﻓﺸﻠﺘﻨﻲ ﺍﺣﻼﻡ ﻛﺘﻠﻬﺎ ﻓﺸﻠﺘﻴﻨﻲ ﻳﻤﻜﻦ ﺳﻤﻌﻮﺍ ﺭﺟﻠﺞ ﻭﺣﻤﺎﺝ ﻫﺰﺕ ﺍﻳﺪﻫﺎ ﻣﻌﺎﺟﺒﻬﺎ
ﺭﺟﻌﻨﻪ ﻟﻠﺒﻴﺖ ﺍﺟﺖ ﺍﻣﻲ ﺧﺎﻳﻔﻪ ﻛﻠﺶ ﻛﻌﺪﺕ ﺑﺎﻟﻜﺎﻉ ﺷﺒﻴﺞ ﻳﻤﻪ ﺷﺼﺎﺭ
ﻛﺘﻠﻬﺎ ﻣﺼﺎﺭ ﺷﻲ ﻳﻤﻪ ﺳﻘﻄﺖ ﺍﻟﺤﻤﻞ ﻟﺘﺨﺎﻓﻴﻦ
ﻛﻌﺪﺕ ﺑﺎﻟﻜﺎﻉ ﻛﻮﻩ ﺗﺘﻨﻔﺲ ﺗﻤﺪﺩﺕ ﻋﻠﻰ ﺍﻟﺴﺮﻳﺮ
ﺍﻧﻲ ﻭﺍﺑﺎﻭﻉ ﺍﻟﻬﺎ ﺍﺟﺖ ﺣﻼ ﻟﺰﻣﺖ ﺧﺪﻫﻪ ﺍﺗﻠﻤﺴﻪ
ﻭﻧﺰﻟﺖ ﺩﻣﻮﻋﻲ ..
ﺍﺑﺎﻭﻉ ﻳﺴﺮ ﻧﺎﻳﻢ ﺑﻔﺮﺍﺷﻪ ﺣﺒﻴﺒﻲ ﺻﺎﺭ ﻋﻤﺮﻩ 8 ﺍﺷﻬﺮ
ﺍﺣﻼﻡ ﺟﺎﺑﺖ ﻛﻼﺹ ﻣﻲ ﻻﻣﻲ ﺷﺮﺑﺖ
ﻭﻇﻠﺖ ﺗﻔﺮﻙ ﺑﺼﺪﺭﻫﻪ
ﻟﺸﻮﻳﻪ ﺩﻙ ﻓﻮﻧﻬﻪ ﻃﻠﻌﺖ
ﻭﺭﺍﻫﺎ ﺭﺟﻌﺖ ﺟﺎﻳﺒﻪ ﺻﻴﻨﻴﺔ ﺍﻛﻞ ﻣﺸﺎﻭﻱ ﻣﺸﻜﻠﻪ
ﻛﺎﻟﺖ ﻫﻲ ﺟﺎﺑﻬﻪ ﺣﻴﺪﺭ ﻭﺭﺟﻠﻲ ﺭﺍﺣﻮﺍ ﺍﻟﻌﺼﺮ ﻳﺠﻲ ﻋﻠﻴﻪ
ﻛﺘﻠﻪ ﺍﻛﻮﻟﺞ ﺍﺣﻼﻡ ﺍﻟﻤﺴﺘﺸﻔﻰ ﺧﺎﺹ ﻣﻮ ؟
ﺍﺣﻼﻡ .. ﻭﻫﻲ ﺩﺗﺤﻀﺮ ﺍﻻﻛﻞ ﺑﺎﻟﻜﺎﻉ ﺟﺎﻭﺑﺘﻨﻲ ﺍﻱ
ﻧﻮﺭ - ﻣﻨﻮ ﺩﻓﻊ ﺍﻟﻤﺒﻠﻎ
ﺍﺣﻼﻡ - ﺣﻴﺪﺭ ﺩﻓﻌﻪ
ﻧﻮﺭ - ﺗﺮﻩ ﻓﺸﻠﻪ ﺍﻧﻲ ﻣﻌﺒﺎﻟﻲ ﺭﺡ ﻳﻮﺩﻭﻧﻲ ﺍﻟﻤﺴﺘﺸﻔﻰ ﺍﻫﻠﻲ
ﺍﺣﻼﻡ - ﻫﻬﻬﻪ ﺗﺮﻩ ﺣﻴﺪﺭ ﺑﺨﻴﻞ ﺑﺲ ﻣﺪﺭﻱ ﺷﻌﺠﺐ ﻭﺩﺍﺝ ﻟﻬﻴﺞ ﻣﺴﺘﺸﻔﻰ
ﻧﻮﺭ - ﻻﺻﺪﻙ ﻣﻤﺒﻴﻦ ﻋﻠﻴﻪ ﺑﺨﻴﻞ ...
ﺍﺣﻼﻡ - ﺍﻟﻤﻬﻢ ﺣﺘﻰ ﺗﺎﻛﻠﻴﻦ ﻻﻥ ﻧﺰﻓﺘﻲ ﻫﻮﺍﻳﻪ ﻭﻫﺬﺍ ﺭﺟﻠﺞ ﻟﺘﺨﺎﺑﺮﻱ ﺧﻠﻲ ﻫﻮ ﻳﺨﺎﺑﺮﺝ
ﺧﻠﻲ ﻳﺤﺲ ﺑﻴﺞ
ﻧﻮﺭ - ﺳﻜﺘﺖ ﻭﻣﻦ ﺻﺪﻙ ﻣﺎﺧﺎﺑﺮﺗﻪ
ﺗﺎﻟﻲ ﻛﺘﻠﻬﺎ ﻛﻮﻟﻲ ﺍﻟﺤﻴﺪﺭ ﺷﻜﺪ ﺍﻟﻤﺒﻠﻎ ﺣﺘﻰ ﺍﻧﻄﻴﻬﻴﺎ
ﺍﺣﻼﻡ - ﻣﺎﺷﻲ ﻳﻼ
ﻧﻮﺭ - ﺧﻠﺖ ﻭﺭﻩ ﺿﻬﺮﻱ ﻣﺨﺎﺩ ﺗﻜﺘﻨﻲ ﻭﻇﻠﺖ ﺗﻨﻄﻴﻨﻲ ﻟﻘﻢ ﺍﻛﻞ ..
ﻛﻞ ﺷﻮﻳﻪ ﺍﺟﻴﻚ ﺍﻟﻔﻮﻥ ﻣﻌﻘﻮﻟﻪ ﻋﻼﺀ ﻣﻴﺤﺲ ﺑﻴﻪ ﺍﻧﻲ ﺷﻴﺼﻴﺮ ﺍﻟﻲ ﻫﻮ ﻫﺬﺍ ﻫﻢ ﺣﺐ
ﻟﻌﺪ ﻟﻴﺶ ﺍﻧﻲ ﺍﺣﺲ ﺑﻲ ﻣﻦ ﻳﺼﻴﺮ ﺍﻟﻪ ﺷﻲ .. ﻣﻌﻘﻮﻟﻪ ﻣﻴﺤﺒﻨﻲ
ﻧﻤﺖ ﺷﻮﻳﻪ ﻛﻌﺪﺗﻨﻲ ﺍﺣﻼﻡ ﻛﺎﻟﺖ .. ﺭﺍﻳﺤﻪ ﺍﻧﻲ ﺷﻮﻳﻪ ﻭﺗﺠﻲ ﺭﻭﻯ ﻭﻧﺎﻇﻢ ﺍﺧﻮﺝ ﺗﻮﻫﺎ ﺧﺎﺑﺮﺕ
ﻛﺘﻠﻬﺎ ﺭﻭﺣﻲ ﻣﻘﺼﺮﺗﻲ
ﻟﻠﻌﺼﺮ ﺍﺟﻪ ﻣﺤﻤﺪ ﺍﺧﻮﻳﻪ ﻻﻥ ﻫﻮ ﺭﺟﻊ ﻫﻨﺎ ﻭﺗﺰﻭﺝ ﻭﺍﺧﺬ ﺍﺑﻨﻪ ﻋﻠﻲ ﺍﻟﻲ ﻫﻮ ﻧﻔﺴﻪ ﺍﺑﻦ ﺍﺣﻼﻡ ﻭﻳﺎ .. ﻭﺯﻭﺟﺘﻪ ﻫﻢ ﺟﺘﻲ ﻭﻳﺎ ..
ﻭﺭﺍﻫﺎ ﺍﺟﺖ ﺭﻭﻯ ﻭﺳﻮﻭ ﺍﻟﻌﺸﺎ ﻭﮔﻀﻦ ﺷﻐﻞ ﺍﻟﺒﻴﺖ ﻛﻠﻪ
ﻣﻦ ﻣﻼﺑﺲ ﻭﺗﻨﻀﻴﻒ
ﻛﻠﺖ ﺍﻟﺤﻤﺪﻟﻠﻪ ﻣﻦ ﻃﻠﻌﺖ ﻣﻨﻬﻦ
ﺻﺎﺭ ﺍﻟﻠﻴﻞ ﺗﺮﺧﺼﻮ ﻛﺎﻟﻮﺍ ﻧﺮﻭﺡ ﻧﺠﻲ ﺑﻐﻴﺮ ﻭﻛﺖ
ﻛﺘﻠﻬﻢ ﺭﻭﺣﻮﺍ ﺍﻧﻲ ﻣﺒﻴﻪ ﺷﻲ ﻫﺴﻪ ﺍﻛﺪﺭ ﺍﻛﻮﻡ
ﻭﻫﺬﺍ ﻛﻠﻪ ﻭﻋﻼﺀ ﻣﺎﻛﻮ ﻣﺎﺍﺗﺼﻞ ﺍﻣﻲ ﺗﻌﺒﺎﻧﻪ ﻭﻧﺎﻣﺖ
ﻳﺴﺮ ﻳﺒﺠﻲ ﻛﻤﺖ ﻛﻮﻩ ﻋﻠﻴﻪ ﺑﺪﻟﺖ ﺍﻟﻪ ﺍﻟﺤﻔﺎﻅ
4
ﺳﻮﻳﺘﻠﻪ ﻣﻤﻪ ﻭﺧﻠﻴﺘﻪ ﺑﻔﺮﺍﺷﻪ ..
ﺑﻴﻨﻤﺎ ﻏﺴﻠﺖ .. ﻭ ﺍﻛﻠﺖ ﺷﻮﻳﻪ ..
ﺭﺣﺖ ﻳﻢ ﺭﻗﻴﻪ ﺩﺗﻘﺮﺍ ﻭﺣﻼ ﻳﻤﻬﺎ
ﺣﻼ ﺷﻌﺮﻫﺎ ﻣﻜﻔﺶ ﻭﻻﺑﺴﻪ ﺗﺮﺍﻙ ﺑﻨﻔﺴﺠﻲ ﻭﻻﺯﻣﻪ ﻟﻌﺎﺑﺘﻬﺎ ﻭﺗﺴﺤﻞ ﺑﻴﻬﺎ ﺑﺎﻻﺭﺽ .. ﺷﺎﻓﺘﻨﻲ ﺍﺟﺘﻨﻲ ﺗﺮﻛﺾ ﺩﻧﻜﺖ ﻋﻠﻴﻬﺎ ﺑﻮﺳﺘﻬﺎ ﮔﺘﻠﻬﺎ ﺗﺮﺩﻳﻦ ﺷﻲ ﻣﺠﻮﻋﺎﻧﻪ ﻛﺎﻟﺖ ﻻ ﻭﺣﻠﻜﻬﺎ ﻛﻠﻪ ﻛﻜﺎﻭ .. ﻣﺒﻴﻦ ﻣﺎﻛﻠﻴﻦ
ﺭﻗﻴﻪ ﻛﺎﻟﺖ ﻋﻤﻪ ﺳﻮﻳﺖ ﺍﻟﻬﺎ ﻛﻮﺏ ﺣﻠﻴﺐ ﻭﺍﻧﻄﻴﺘﻬﺎ ﻛﻜﺎﻭ ﻫﻲ ﺭﺍﺩﺕ
ﻛﺘﻠﻬﺎ
ﻣﺎﺷﻲ ﺍﺫﺍ ﺭﺩﺗﻲ ﺗﻨﺎﻣﻴﻦ ﺣﻠﻮﺵ ﺗﻌﺎﻱ ﻳﻤﻲ ﻟﺘﻀﻮﺟﻴﻦ
ﺭﻭﻛﺎ .. ﻫﺰﺕ ﺭﺍﺳﻬﺎ ﻭﺗﻀﺤﻚ
ﺭﺣﺖ ﻟﻠﻐﺮﻓﻪ .. ﺗﻨﺎﻭﺷﺖ ﺍﻟﻔﻮﻥ .. ﺷﻔﺖ ﻣﻜﺎﻟﻤﻪ ﻓﺎﺋﺘﻪ ﻣﻦ ﺍﺣﻼﻡ .. ﻭﻣﺴﺞ ﻛﺎﺗﺒﺘﻠﻲ ﺑﻲ ﻳﻤﻜﻦ ﻧﺎﻳﻤﻪ ﺣﺒﻴﺒﺘﻲ ﺍﺭﺗﺎﺣﻲ ﻭﻟﺘﻌﺒﻴﻦ ﺑﺎﺟﺮ ﺣﻴﺪﺭ ﻛﺎﻝ ﻳﺎﺧﺬ ﺍﻟﺞ ﺍﺟﺎﺯﻩ ..
ﻟﺘﻬﺘﻤﻴﻦ ..
ﻛﻠﺖ ﺍﻟﺤﻤﺪﻟﻠﻪ ﻫﺬﺍ ﺣﻴﺪﺭ ﻣﻼﻙ ﻣﻦ ﺍﻟﺴﻤﺎ
ﻫﻢ ﻭﺿﻔﻨﻲ ﻭﻫﻢ ﺩﻳﻬﺘﻢ ﺑﻴﻪ ﺧﻄﻴﻪ ﺍﻟﻠﻪ ﻳﺮﺯﻗﻪ ﺍﻟﺬﺭﻳﻪ
ﻭﺍﻟﺰﻭﺟﻪ ﺍﻟﺼﺎﻟﺤﻪ
ﻛﺘﻠﻬﺎ ﻣﺎﺷﻲ ﻭﻟﺘﻨﺴﻴﻦ ﺗﻜﻮﻟﻴﻠﻪ ﻋﻠﻰ ﺍﻟﻔﻠﻮﺱ ﻋﻔﻴﻪ
ﻣﺎﺭﺩﺕ ﻳﻤﻜﻦ ﻧﺎﻳﻤﻪ
ﺑﻌﺪﻫﺎ ﻭﺻﻠﻨﻲ ﻣﺴﺞ ﻣﻦ ﻋﻼﺀ ﻋﻠﻰ ﺍﻟﻮﺗﺲ ﺍﺏ ﻓﺘﺤﺘﻪ
ﻛﺎﺗﺐ ﺑﻲ .. ﺷﺪﻋﻮﻩ ﻋﻴﻨﻲ ﺑﺎﻟﺠﺬﺏ ﺍﺳﺄﻟﻲ ﻋﻦ ﻋﻤﻠﻴﺔ ﺍﺑﻨﻲ ﻟﻮ ﺗﺮﺩﻳﻦ ﻣﻨﻲ ﺍﻫﺘﻤﺎﻡ ﻭﺍﻧﺖ ﻣﺎﺗﻬﺘﻤﻴﻦ
....
ﻏﻠﺴﺖ ﻋﻠﻴﻪ ﻭﻣﺎﺭﺩﻳﺖ ﺍﺣﻜﺮﻩ ﻳﻮﻟﻲ ﺧﻠﻲ ﻳﺤﺲ ﺑﻴﻪ
ﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺍﺗﺼﻔﺢ ﺍﻟﻔﻴﺲ .. ﻃﺒﻴﺖ ﻋﻠﻰ ﺻﻔﺤﺔ ﺍﺣﻼﻡ ﻭﺑﻌﺪﻫﺎ ﺻﻔﺤﺔ ﺭﺟﻠﻬﺎ ﺻﺎﺭﺕ ﻛﺒﺎﻟﻲ
ﺻﻔﺤﺔ ﺣﻴﺪﺭ .. ﺍﺑﺎﻭﻉ ﻧﺎﺷﺮ ﺻﻮﺭﻩ ﻭﻫﻮ ﻣﺴﺎﻓﺮ
ﻣﻮﺍﺻﻔﺎﺗﻪ ﻫﻮ ﻃﻮﻳﻞ ﻭﺑﺸﺮﺗﻪ ﺑﻴﻀﻪ ﺷﻌﺮﻩ ﺍﺳﻮﺩ ﺟﺴﻤﻪ ﻣﻠﻴﺎﻥ ﻭﻋﻨﺪﻩ ﻛﺮﺵ ﺯﻏﻴﺮ
ﻟﺤﻴﺘﻪ ﻣﺤﺪﺩﻫﺎ ﻣﺒﻴﻦ ﻋﻤﺮﻩ ﺑﻨﻬﺎﻳﺔ ﺍﻟﻌﺸﺮﻳﻨﺎﺕ
ﺑﺲ ﻣﻜﺘﻮﺏ ﺑﺼﻔﺤﺘﻪ ﻋﻤﺮﻩ 34 ﺳﻨﻪ
ﻣﺮﺗﺐ ﺣﻴﻞ ﻳﻬﺘﻢ ﺑﻨﻔﺴﻪ
ﻭﺍﻧﻲ ﺍﺗﺼﻔﺢ ﺻﻌﺪﺕ ﻟﺒﺪﺍﻳﺔ ﺻﻔﺤﺘﻪ
ﺟﺎﻥ ﻳﻄﻠﻊ ﺍﺗﺼﺎﻝ ﻣﻦ
ﺣﺒﻴﺒﻲ ﺩﻳﺘﺼﻞ ﻋﻼﺀ ﺍﻧﻲ ﻣﺴﺠﻠﺘﻪ ﺣﺒﻴﺒﻲ
ﻫﻪ ﺣﺒﻴﺶ ﻫﺬﺍ
ﺧﺮﺏ ﻣﻦ ﻛﺪ ﺍﺭﺗﺒﺎﻛﻲ ﺑﺴﺮﻋﻪ ﻓﺘﺤﺖ ﺧﻂ
ﺟﺎﻭﺑﺖ ﺍﻟﻮ
ﻋﻼﺀ .. ﺍﻟﻮ ﺍﻱ ﻣﺪﺍﻡ ﺑﻴﺪﺝ ﺍﻟﻔﻮﻥ ﻭﺷﻔﺘﻲ ﺍﻟﻤﺴﺞ
ﻟﻴﺶ ﻣﺠﺎﻭﺑﺘﻲ ﻋﻴﻨﻲ
ﻧﻮﺭ - ﺍﻟﻨﺎﺱ ﺗﺴﻠﻢ ﺗﻜﻮﻝ ﺷﻮﻧﻜﻢ ﺍﺧﺒﺎﺭﻛﻢ
ﻋﺎﻳﺸﻴﻦ ﻣﻴﺘﻴﻦ ﺻﺎﺣﻴﻦ ﻣﺮﺿﻰ
ﺍﺳﺄﻝ ﻋﻠﻰ ﺟﻬﺎﻟﻚ ﻣﻮ ﺗﻄﻚ ﺑﺎﻟﺤﺠﻲ
ﻋﻼﺀ .. ﺍﻳﻴﻴﻴﻪ ﻭﺍﻟﻠﻪ ﺻﺎﺭ ﻋﻨﺪﺝ ﻟﺴﺎﻥ ﻃﺒﻌﺎ
ﺷﻌﺪﻫﻪ ﺍﻻﺭﻧﺒﻪ ﺻﺎﺭ ﻋﺪﻫﻪ ﻭﺿﻴﻔﻪ
ﻭﻣﺘﺘﺤﺠﻪ
ﻧﻮﺭ - ﻣﻨﻮ ﻫﻲ ﺍﻻﺭﻧﺒﻪ
ﻋﻼﺀ - ﺍﻧﺘﻲ
ﻧﻮﺭ - ﻭﺷﻤﻌﻨﻰ ﺍﺭﻧﺒﻪ
ﻋﻼﺀ - ﻣﻮ ﺍﻻﺭﻧﺒﻪ ﻳﻮﻣﻴﻪ ﺗﺤﺒﻞ ﻫﻬﻬﻬﻬﻬﻬﻬﻬﻬﻬﻬﻬﻪ
ﻧﻮﺭ - ﺷﻜﺪ ﻏﺜﻴﺚ .. ﺍﺑﺸﺮﻙ ﺍﻟﻲ ﻣﻀﻮﺟﻚ ﻣﻨﻲ
ﻣﺎﺍﺍﺍﺕ ﺍﺧﻠﺺ ﻣﻮ ﻫﺬﺍ ﺍﻟﻐﺎﺛﻚ
ﺍﺑﻨﻲ ﺍﻟﻲ ﺍﺑﻄﻨﻲ ﻭﺍﻟﻠﻪ ﻳﻌﻠﻢ ﺑﻌﺪ ﻳﻤﻜﻦ
ﻳﺴﺮ ﻭﺣﻼ ﻫﻢ ﻳﺼﻴﺮ ﺑﻴﻬﻢ ﺷﻲ ﻣﻦ ﻭﺭﻩ ﻧﮕﻚ
ﻋﻼﺀ - ﺷﺪﺗﺤﺠﻴﻦ ﺍﻧﺖ ﺷﺒﻴﺞ ﻫﺎﺍ ﻣﺘﺤﺠﻴﻦ ﻋﺪﻝ
ﻧﻮﺭ - ﺭﻭﺡ ﻋﻼﺀ ﺭﻭﺡ ﻣﺎﻟﻲ ﺧﻠﻚ ﻃﺎﻟﻌﻪ ﻣﻦ ﺍﻟﻤﺴﺘﺸﻔﻰ ﻭﻣﺎﻟﻲ ﺧﻠﻚ ﺑﺎﺧﺘﺼﺎﺭ ﻣﺎﻟﻲ ﺧﻠﻜﻚ ﺍﻧﺖ ﺑﺎﻟﺬﺍﺕ
ﺳﺪﻳﺘﻪ ﺍﻛﺜﺮ ﻣﺮﻩ ﺩﻭﺳﺖ ﻭﺑﺎﻟﻐﻠﻂ ﺭﺍﺡ ﻋﻠﻰ ﺍﺿﺎﻓﺔ
ﺻﺪﻳﻖ ﺑﺼﻔﺤﺔ ﺣﻴﺪﺭ .. ﺧﺮﺭﺭﺏ ﺣﺬﻓﺘﻪ ﺭﺃﺳﺎ
ﻭﻃﻠﻌﺖ ﻇﻠﻴﺖ ﺍﺭﺟﻒ
ﺭﺩ ﺩﻙ ﻋﻼﺀ .. ﻣﺮﻩ ﻭﻣﺮﺗﻴﻦ ﻭﺗﻼﺛﻪ
ﻃﻠﻌﺖ ﻣﻦ ﺍﻟﻐﺮﻓﻪ ﻻﻥ ﺍﻣﻲ ﻭﻳﺴﺮ ﻧﺎﻳﻤﻴﻦ
ﺭﺣﺖ ﻟﻠﺼﺎﻟﻪ .. ﻭﺟﺎﻭﺑﺘﻪ ﮔﺘﻠﻪ ﻋﻨﺪﻙ ﺷﻲ ﺑﻲ ﺧﻴﺮ ﺍﺣﺠﻲ ﻣﻌﻨﺪﻙ ﻟﺘﻨﻄﻖ ﻭﺧﻠﻴﻨﻲ ﺍﻭﻟﻲ ﺍﻧﺎﻡ
ﻋﻼﺀ - ﻟﺞ ﺍﻭﻛﻔﻲ ﺷﺒﻴﺞ ﺻﺎﺭﻟﺞ ﺷﻲ ﺷﻬﺎﻟﺤﺠﻲ ﻫﺬﺍ
ﺍﻟﺪﺗﺤﺠﻲ ﺷﻮﻛﺖ ﺻﺎﺭ ﻛﻞ ﻫﺬﺍ
ﻧﻮﺭ - ﺻﺎﺭ ﻭﺧﻠﺺ ﻭﺍﻟﻄﻔﻞ ﻭﻛﻊ ﺍﺭﺗﺎﺡ ﺍﻧﺖ ﻣﻮ ﻫﺬﺍ ﺍﻟﺮﺩﺗﻪ
ﻋﻼﺀ - ﺩﺗﺤﺠﻴﻦ ﺻﺪﻙ ﻟﻮ ﺗﺠﺬﺑﻴﻦ ﻭﺗﺮﺩﻳﻨﻲ ﺍﺟﻴﺞ
ﻧﻮﺭ - ﺑﻌﺪ ﺧﻠﺺ ﺍﺫﺍ ﻳﻌﺠﺒﻚ ﺗﻌﺎﻝ ﻭﺍﺫﺍ ﻻ ﺑﻌﺪ ﺍﺣﺴﻦ
ﻣﺘﻬﻤﻨﻲ ﺟﻴﺘﻚ ﺑﻌﺪ ..
ﻋﻼﺀ .. ﻫﻪ ﺍﻱ ﻭﺻﺎﺭ ﻋﻨﺪﺝ ﻟﺴﺎﻥ ﻭﺗﻠﻐﻴﻦ ﻫﻮﺍﻳﻪ ﺷﻔﺘﻲ ﻧﻔﺴﺞ ﻋﻠﻴﻪ ﻣﻮ
ﺍﻟﻤﻬﻢ ﺍﻧﻲ ﻫﺎﻟﻴﻮﻣﻴﻦ ﻣﺎﺍﻛﺪﺭ ﺍﺟﻲ ﻻﻥ ﺣﻤﻮﺩﻱ ﺗﻌﺒﺎﻥ ﻭﻳﺤﺘﺎﺟﻨﻲ .. ﻭﻣﺎﺍﻟﻪ ﺍﺣﺪ ﺧﺎﻑ ﺧﻮﺍﻟﻪ ﻳﻘﺼﺮﻭﻥ
ﺑﺲ ﻳﺘﻌﺪﻩ ﻛﻢ ﻳﻮﻡ ﻣﻦ ﻋﻤﻠﻴﺘﻪ ﺍﺟﻴﺞ
ﻧﻮﺭ - ﺍﻱ ﻋﻼﺀ ﻟﺘﺠﻲ ﺍﻧﻲ ﻣﻤﺤﺘﺎﺟﻪ ﺷﻲ ﻭﺍﻭﻻﺩ ﺍﻟﺤﻼﻝ ﻫﻮﺍﻳﻪ ﻭﻛﻔﻮﻟﻲ ﻭﺩﻭﻧﻲ ﺍﻟﻤﺴﺘﺸﻔﻰ
ﻋﻼﺀ ﺍﺧﺬ ﺭﺍﺣﺘﻚ ﻭﻫﻢ ﻣﻦ ﺣﻘﻚ ﻫﺬﺍ ﻛﻠﻪ ﻻﻥ ﺍﻧﻲ ﺍﺗﻌﻮﺽ ﺍﻣﺎﺍ ﺍﺑﻦ ﺍﻣﻞ ﻓﻤﻴﺘﻌﻮﻭﻭﻭﺽ ..
ﻋﻼﺀ ... ﺷﺘﻘﺼﺪﻳﻦ ﺑﻜﻼﻣﺞ ﻫﺬﺍ ﻳﻌﻨﻲ ﺩﺗﻨﺘﻘﺼﻴﻦ
ﻣﻨﻬﺎ ﻣﻮﻭ ﻗﺼﺪﺝ ﻣﺘﻜﺪﺭ ﺗﺨﻠﻒ ﺑﻌﺪ ﻫﺎﺍ
ﻧﻮﺭ - ﺍﻭﻭﻭﻭﻭ ﻋﻼﺀ ﺧﺼﻢ ﺍﻟﺤﺠﻲ ﺍﻟﻲ ﻳﺮﻳﺤﻚ ﺭﺍﺡ ﺍﻛﻮﻭﻭﻭﻟﻪ ﺍﻣﻞ ﺍﺣﺴﻦ ﻣﻨﻲ ﻭﺍﺣﻠﻪ ﻣﻨﻲ ﻭﺗﺤﺒﻚ ﻭﺗﻤﻮﻭﺕ ﻋﻠﻴﻚ ﻭﻣﺘﻌﺬﺑﻚ ﻣﺜﻠﻲ
ﻭﻣﺪﺍﻡ ﻫﻴﺠﻲ ﻟﻴﺶ ﺗﺰﻭﺟﺘﻨﻲ ﻫﺎﺍﺍﺍ ﻫﺎﺍﺍﺍﺍﺍ ﻣﺘﺤﺠﻲ ﻫﺴﻪ ﺭﺍﺡ ﺍﺳﺪﻩ ﻛﺘﻠﻚ ﺗﻌﺒﺎﺍﺍﺍﻧﻪ ﺗﻌﺒﺎﺍﺍﻧﻪ ﻣﻨﻚ ﻭﻣﻦ ﺍﻟﺼﺎﺭ ﺍﻟﻴﻮﻡ ﻛﺎﺍﻓﻲ ﻛﺎﺍﻓﻲ ﺭﻭﻭﻭﺡ ﺭﻭﺡ ﻣﺎﺍﺗﻬﻤﻨﻲ ﺑﻌﺪ ﻭﻫﻢ ﺳﺪﻳﺘﻪ ﻭﻗﻔﻠﺖ ﺍﻟﻔﻮﻥ ﻭﻛﻌﺪﺕ ﺍﺑﺠﻲ
ﺍﺣﺲ ﺍﻧﻲ ﺑﻤﻌﺮﻛﻪ ﺑﻴﻦ ﻗﻠﺒﻲ ﻭﻋﻘﻠﻲ
ﻋﻘﻠﻲ ﻳﻌﺮﻑ ﺣﻘﻴﻘﺔ ﻋﻼﺀ ﻭﻳﻌﺮﻑ ﻣﻴﺤﺒﻨﻲ ﻭﺧﻠﺺ ﺍﻟﺒﻌﻴﺪ ﻋﻦ ﺍﻟﻌﻴﻦ ﺑﻌﻴﺪ ﻋﻦ ﺍﻟﻘﻠﺐ
ﺑﺲ ﻗﻠﺒﻲ ﻳﻨﻜﺮ ... ﻭﻟﺴﻪ ﻣﺘﺸﺒﺚ ﺑﻲ
ﻣﺪﻣﻨﻪ ﺑﻲ ﻭﻛﻠﻨﺎ ﻧﻤﺎﺭﺱ ﺍﻻﺩﻣﺎﻥ ﺑﺸﻜﻞ ﺍﻭ ﺑﺎﺧﺮ
ﺑﺲ ﺍﺩﻣﺎﻧﻲ ﺳﻴﺊ ﻟﻠﻐﺎﻳﻪ ﻻﻧﻲ ﻣﺪﻣﻨﻪ ﺑﺸﺨﺺ
ﻣﻮ ﺍﻟﻲ ﻭﻻ ﺭﺍﺡ ﻳﺼﻴﺮ ﺍﻟﻲ ﺑﻴﻮﻡ
ﺍﺟﺖ ﺍﻣﻲ ﺷﻔﺎﺗﻨﻲ ﻣﺨﻠﻴﻪ ﺭﺍﺳﻲ ﻋﻠﻰ ﺭﺟﻠﻴﻪ ﻭﺍﺑﺠﻲ
ﺍﻡ ﻧﻮﺭ . ﻳﺎﺑﻨﻴﺘﻲ ﻛﺎﻓﻲ ﺣﺮﺍﻡ ﺗﻌﺬﺑﻴﻦ ﺭﻭﺣﺞ
ﻧﻮﺭ .. ﻳﻤﻪ ﺗﻌﺒﺖ ﻳﺤﺒﻬﺎ ﻳﻜﺘﻞ ﻧﻔﺴﻪ ﻋﻠﻴﻬﺎ
ﺣﺴﺮﻩ ﺍﺣﺠﻲ ﻛﻠﻤﻪ ﻋﻠﻴﻬﺎ ﻳﮕﻠﺐ ﺍﻟﺪﻧﻴﺎ ﻋﻠﻴﻪ
ﺍﻡ ﻧﻮﺭ - ﺍﻱ ﻳﻤﻪ ﻫﻲ ﻣﺴﻮﻳﺘﻠﻪ ﻣﺤﺒﻪ ﻻﻥ ﻭﻛﺘﻬﺎ ﻛﻠﻪ
ﻳﻢ ﺍﻟﺴﺤﺎﺭﻳﻦ ﺗﻠﻜﻴﻬﻪ ﻣﺴﻮﻳﻪ ﺍﻟﻪ ﺷﻲ
ﻧﻮﺭ - ﺻﺮﺕ ﺍﺑﺠﻲ ﻟﻮ ﻣﻜﺎﻳﻠﻪ ﺍﻟﻲ ﺍﺣﺴﻦ
ﻫﺴﻪ ﺻﺮﺕ ﻣﺘﻌﺬﺑﻪ ﺍﻛﺜﺮ
ﻭﻋﺬﺭﺗﻪ
ﻭﺑﺮﺭﺕ ﺗﺼﺮﻓﺎﺗﻪ ...
______~~~~~~~------~~~~~~~_______
ﻋﻼﺀ .. ﻗﺒﻞ ﻋﻤﻠﻴﺔ .. ﺍﺑﻨﻲ ﺣﻤﻮﺩﻱ ﺑﺄﺳﺒﻮﻉ ﺍﻣﻞ ﻧﻔﺴﻴﺘﻬﻪ ﺗﻌﺒﺖ ﻭﺗﻔﻜﺮ ﺑﻲ ﻭﺗﻮﻫﻮﺱ ﻭﺭﺟﻌﺖ ﺍﻟﻬﺎ ﺍﻟﺤﺎﻟﻪ
ﻗﺒﻞ ﺍﻟﻌﻤﻠﻴﻪ ﺑﻠﻴﻠﺘﻴﻦ ﺍﻧﻄﻴﺖ ﺍﻟﺤﻤﻮﺩﻱ ﺍﻟﺪﻭﻩ ﻭﻧﻮﻣﺘﻪ ﺭﺣﺖ ﻳﻤﻬﻪ ..
ﺷﻔﺘﻬﺎ ﺍﻣﺪﺩﻩ ﻉ ﺍﻟﺴﺮﻳﺮ ﻭﻣﻤﺒﺪﻟﻪ ﺑﺪﺷﺪﺍﺷﺘﻬﻪ
ﻫﺎﺍ ﺍﻣﻮﻟﺘﻲ ... ﺷﺒﻴﺞ ﻭﻣﺪﺩﺕ ﻳﻤﻬﺎ ﻭﺍﺳﻨﺪﺕ ﺭﺍﺳﻲ ﺑﺎﻳﺪﻱ ..
ﺍﻣﻞ .. ﻣﺎﻛﻮ ﻋﻼﻭﻱ ﻭﻧﻄﻴﺘﻪ ﻇﻬﺮ ﻭﻏﻤﻀﺖ ﻋﻴﻮﻧﻲ
ﻋﻼﺀ .. ﺭﺣﺖ ﺣﻀﻨﺘﻬﺎ .. ﻣﻦ ﺧﺼﺮﻫﺎ ﻛﺘﻠﻬﻪ ﺷﺒﻴﺞ
ﻟﺘﺨﺎﻓﻴﻦ ﺗﺮﻩ ﻣﻴﺼﻴﺮ
4°°
ﺍﻟﻪ ﺷﻲ
ﺍﻣﻞ .. ﻋﻼﺀ ﻋﻮﻓﻨﻲ ﻋﻔﻴﻪ ﺭﻭﺡ ﻧﺎﻡ ﻳﻢ ﺣﻤﻮﺩﻱ ﻫﺎﻟﻠﻴﻠﻪ
ﻋﻼﺀ .. ﻣﺎﺷﻲ ﺍﺭﺗﺎﺣﻲ ﺍﻫﻢ ﺷﻲ ﺭﺍﺣﺘﺞ
ﺭﺣﺖ ﻳﻢ ﺣﻤﻮﺩﻱ ﻭﺧﺎﺑﺮﺗﻨﻲ ﻧﻮﺭ ﺟﻨﺖ ﻣﻌﺼﺐ .. ﻭﻫﻲ ﻫﻢ ﻇﻠﺖ ﺗﺤﺠﻲ ﺗﻌﺎﺭﻛﺖ ﻭﻳﺎﻫﻪ ﻟﻌﺒﺖ ﻧﻔﺴﻲ ﻣﻨﻬﻦ ﻭﺣﺪﻩ ﻣﺨﺒﻠﻪ ﻭﻭﺣﺪﻩ ﺩﻟﻮﻋﻪ . . ﻣﺨﺒﻞ ﺍﻟﻴﺘﺰﻭﺝ ﺍﺛﻨﻴﻦ ﻣﻮﺻﺎﺣــــــﻲ
ﺑﻌﺪ ﻋﻤﻠﻴﺔ ﺣﻤﻮﺩﻱ .. ﺗﻮﻗﻌﺖ ﻧﻮﺭ ﺗﺨﺎﺑﺮ ﺗﺴﺄﻝ ﻣﺎﻛﻮ ﻣﺎﺳﺌﻠﺖ ﻭﻻﺧﺎﺑﺮﺕ ..
ﻣﻮ ﻣﻦ ﻋﻮﺍﻳﺪﻫﺎ
ﺻﺎﺭ ﺍﻟﻠﻴﻞ ﻛﻠﺖ ﺍﺧﺎﺑﺮﻫﺎ ... ﻭﺍﻋﺎﺗﺒﻬﺎ ﻛﻠﺘﻠﻲ ﺳﻘﻄﺖ
ﺍﻟﺤﻤﻞ ﺑﺼﺮﺍﺣﻪ ﺍﺭﺗﺎﺣﻴﺖ ﻻﻥ ﺍﻣﻜﺎﻧﻴﺘﻲ ﻣﺎﺗﺴﻤﺢ ﺍﻋﻴﺶ 4 ﺟﻬﺎﻝ ﻭﻓﻮﻙ ﻫﺬﺍ ﻛﻠﻪ .. ﻣﺮﺽ ﺍﻣﻞ ﻭﺍﺑﻨﻬﺎ ..
ﺻﺎﺭﺕ ﻣﺠﺎﺩﻟﻪ ﺑﻴﻨﺎﺗﻨﻪ ﻭﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﻲ ﻋﺼﺒﺖ ﻋﻠﻴﻬﺎ ﺑﺲ ﻻﺯﻡ ﺍﺭﻭﺡ ﺍﻟﻬﺎ ﻳﻮﻡ ﺛﺎﻧﻲ ﻻﻥ
ﺻﺎﺭ ﺍﻟﺼﺒﺢ ﻛﻌﺪﺕ ﻭﺣﺎﺟﻴﺖ ﺍﻣﻞ ﻛﺘﻠﻬﺎ ﺭﺍﺡ ﺍﺭﻭﺡ
ﻟﻠﺒﺼﺮﻩ
ﺍﻣﻞ - ﺑﺲ ﺍﻧﺖ ﺗﻌﺮﻑ ﺍﻧﻲ ﻣﻮﺯﻳﻨﻪ ﻫﺎﻟﻴﻮﻣﻴﻦ
ﻭﺣﻤﻮﺩﻱ ﺗﻮﻩ ﻋﻤﻠﻴﺘﻪ ﺍﻱ ﻣﺘﻜﻮﻟﻲ ﺷﺘﺴﻮﻱ ﺭﺍﻳﺢ
ﻋﻼﺀ - ﺗﺮﻩ ﺧﻄﻴﻪ ﺗﻮﻫﻪ ﻣﺴﻘﻄﻪ ﻃﻔﻞ ﻻﺯﻡ ﻋﻠﻰ ﺍﻻﻗﻞ
ﺍﺷﻮﻓﻬﺎ ﻭﺍﺟﻲ ..
ﺍﻣﻞ - ﺯﻳﻦ ﺗﺠﻲ ﻗﺒﻞ ﺍﻟﻠﻴﻞ
ﻋﻼﺀ - ﺍﺣﺘﻤﺎﻝ ﺍﺑﺎﺕ
ﺍﻣﻞ - ﻋﻼﺃﻭﻱ ﻣﻮ ﺍﺑﻨﻚ ﻣﺮﻳﺾ
ﻋﻼﺀ - ﺍﺧﻮﺍﻧﺞ ﻣﻮﺟﻮﺩﻳﻦ ﺯﻳﻦ
ﺭﺍﻳﺢ ﺗﺮﺩﻳﻦ ﺷﻲ
ﺍﻣﻞ .. ﻻ
ﻋﻼﺀ .. ﻃﻠﻌﺖ ﻣﺤﺘﺎﺭ ﻣﺪﺭﻱ ﻫﻨﺎ ﺍﺑﻨﻲ ﻣﺮﻳﻴﺾ ﻣﺪﺭﻱ ﻫﻨﺎﻙ ﻧﻮﺭ ﻫﻢ ﺗﻌﺒﺎﻧﻪ .. ﺍﻭﻭﻑ ﺷﻮﺭﻃﻨﻲ ﺍﻧﻲ
ﻭﺻﻠﺖ ﻟﺒﻴﺘﻬﻢ .. ﺩﻛﻴﺖ ﺍﻟﺒﺎﺏ ﻃﻠﻌﺖ ﺭﻗﻴﻪ ﻓﺘﺖ ﻟﻠﺒﻴﺖ
ﺳﻠﻤﺖ ﻋﻠﻰ ﻋﻤﺘﻲ ﻭﺳﺄﻟﺖ ﻋﻠﻰ ﻧﻮﺭ .. ﻛﺎﻟﺖ ﺑﺎﻟﻐﺮﻓﻪ
ﺭﺣﺖ ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﺷﺎﻳﻠﻪ ﻳﺴﺮ ﻭﻳﺒﺠﻲ ﻭﻫﻲ ﻣﺤﺘﺎﺭﻩ ﺑﻲ ﻭﺗﺴﻜﺘﻪ ﻭﺟﻬﻪ ﺍﺻﻔﺮ ﻭﻣﺒﻴﻨﻪ ﺗﻌﺒﺎﻧﻪ ﻫﻲ ﺷﺎﻓﺘﻨﻲ ﻣﺪﺍﺭﺕ ﺍﻟﻲ ﺑﺎﻝ .. ﻭﺩﺍﺭﺕ ﻭﺟﻬﻪ ﺗﻤﺸﻲ
ﺗﻘﺮﺑﺖ ﻣﻨﻬﺎ ﺑﺴﺘﻬﺎ ﻋﻠﻰ ﺭﺍﺳﻬﺎ ﻭﺍﺧﺬﺕ ﻳﺴﺮ ﻣﻨﻬﺎ
ﻧﻮﺭ ...
ﻭﺟﺪﺗﻨـﻲ ﻋـﻨﺪ ﺍﻏﺘـﺮﺍﺑـﻚ ﻭﻃﻨﻨـﺂ ..
ﻓـ ﻭﺟـﺪﺕ ﻓﻴﻚ ﻣﻨﻔـﺎﻱ ﻭﻏـﺮﺑﺘـﻲ .. 🍂💔
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق