رواية اريد ان اعيش الجزء الأول
للكاتبة نور ناصر
.
.
ﺍﻟﺤﺐ ...
ﺗﻠﻮﻣﻨﻲ ﺍﻟﺪﻧﻴﺎ ﺍﺫﺍ ﺍﺣﺒﺒﺘﻪ
ﻛﺄﻧﻲ ﺍﻧﺎ ﺧﻠﻘﺖ ﺍﻟﺤﺐ ﻭﺍﺧﺘﺮﻋﺘﻪ ....
ﻛﻌﺪﺕ ﺍﻟﺼﺒﺢ ﺗﻌﺒﺎﻧﻪ ﻛﻠﺶ ﺍﺣﺲ ﻣﻤﻠﺨﻪ .. ﻣﺸﺒﻌﺎﻧﻪ ﻧﻮﻡ ﺟﺴﻤﻲ ﻣﻜﺴﺮ .. ﺍﺑﻨﻲ ﻳﺴﺮ ﻋﻤﺮﻩ ﻫﺴﻪ 6 ﺍﺷﻬﺮ ﻭﺑﻨﺘﻲ ﺣﻼ ﺳﻨﺘﻴﻦ ﻭﻧﺺ ..
ﻳﺴﺮ ﺷﺎﻟﻊ ﻗﻠﺒﻲ ﺑﺎﻟﻠﻴﻞ ﻣﻴﻨﺎﻡ ﻫﺎﻟﻔﺘﺮﻩ ﻣﺎﺍﺩﺭﻱ ﺷﺒﻲ ﺍﻣﻲ ﺗﮕﻮﻝ ﻳﺮﻳﺪ ﻳﻄﻠﻊ ﺍﻟﻪ ﺍﺳﻨﺎﻥ .. ﺣﻼ ﻟﺴﻪ ﺯﻏﻴﺮﻩ ﻭﻫﻢ ﺗﺤﺘﺎﺝ ﻣﺪﺍﺭﺍﺓ ﻫﻢ ﺯﻳﻦ ﺑﻨﺖ ﺍﺧﻮﻳﻪ ﺣﺎﺯﻡ ﺍﻟﻠﻪ ﻳﺮﺣﻤﻪ ﻳﻤﻲ ﺍﻟﺠﺒﻴﺮﻩ ﻋﻤﺮﻫﺎ 14 ﺳﻨﻪ ﻭﺍﻟﺰﻏﺎﺭ ﺍﺧﺬﺗﻬﻢ ﺍﻣﻬﻢ
ﺗﺪﺍﻭﻡ ﺑﺎﻟﻤﺪﺭﺳﻪ .. ﺻﻒ ﺛﺎﻧﻲ ﻣﺘﻮﺳﻂ ﺍﺳﻤﻬﺎ ﺭﻗﻴﻪ ﺍﻟﻴﻮﻡ ﺩﻭﺍﻣﻬﺎ ﺿﻬﺮﻱ .. ﺣﻼ ﺗﮕﻌﺪ ﻣﻦ ﺍﻟﺼﺒﺢ ﺗﺮﻭﺡ ﻳﻤﻬﺎ
ﻳﺴﺮ ﺑﻘﻪ ﻧﺎﻳﻢ ﺍﻻﻓﻨﺪﻱ ﻻﻥ ﺑﺎﻟﻠﻴﻞ ﻣﻴﻨﺎﻡ ﻛﻌﺪﺕ ﺍﻧﻲ ﺳﺎﻋﻪ 7 ﻳﻼ ﺍﻟﻠﺤﻚ ﻋﻠﻰ ﺍﻟﺸﻐﻞ .. ﻭﺍﻣﻲ ﻛﻠﻤﺎ ﺍﻟﻬﺎ ﺗﺘﻌﺐ ﻭﺍﻟﻜﺒﺮ ﺑﻴﻦ ﻋﻠﻴﻬﺎ ﻭﻛﻠﻨﺎ ﻳﺠﻲ ﻳﻮﻡ ﻧﻜﺒﺮ ﺍﺫﺍ ﺍﻟﻠﻪ ﻃﻮﻝ ﻋﻤﺮﻧﺎ ..
ﻃﺒﻌﺎ ﺍﻧﻲ ﻧﻮﺭ .. ﻋﻤﺮﻱ ﺣﺎﻟﻴﺎ 23 ﺳﻨﻪ ﺧﺮﻳﺠﺔ ﻛﻠﻴﺔ ﺍﻻﺩﺍﺏ ﻗﺴﻢ ﺍﺩﺏ ﺍﻧﻜﻠﻴﺰﻱ .. ﻣﺘﺰﻭﺟﻪ ﻣﻦ ﻋﻼﺀ ﻋﻤﺮﻩ 26 ﺳﻨﻪ ﻣﻮﺿﻒ ﺑﺸﺮﻛﺔ ﺍﻟﻨﻔﻂ ﺑﺎﻟﻌﻤﺎﺭﻩ ﻭﻫﻢ ﻣﺘﺰﻭﺝ ﻗﺒﻠﻲ ﺍﻣﻞ ﻭﻋﻨﺪﻫﻢ ﻭﻟﺪ .. ﻃﺒﻌﺎ ﺗﺰﻭﺟﻨﺎ ﺑﻌﺪ ﻗﺼﺔ ﺣﺐ ﻭﺍﻓﺘﺮﻗﻨﺎ ﻭﺗﺰﻭﺝ ﻫﻮ ﻭﺑﻌﺪﻫﺎ ﺍﻟﻠﺘﻘﻴﻨﺎ ﻭﺭﺟﻊ ﺍﻟﺤﺐ ﻭﺗﺰﻭﺟﻨﺎ .. ﺍﻧﻪ ﺑﺎﻟﺒﺼﺮﻩ ﻭ ﻫﻮ ﻭﺯﻭﺟﺘﻪ ﺑﺎﻟﻌﻤﺎﺭﻩ
ﻻﻥ ﺷﻐﻠﻪ ﻫﻨﺎﻙ .. ﻳﺠﻲ ﻛﻞ ﺍﺳﺒﻮﻉ 3 ﺍﻳﺎﻡ ﺧﻤﻴﺲ ﻭﺟﻤﻌﻪ ﻭﺳﺒﺖ ﻳﺮﻭﺡ .. ﻃﺒﻌﺎ ﺻﻌﺒﻪ ﻋﻠﻴﻪ ﻭﺧﺎﺻﺔ ﺑﺎﻟﻔﺘﺮﻩ ﺍﻻﺧﻴﺮﻩ .. ﻇﻞ ﻛﻞ ﺍﺳﺒﻮﻋﻴﻦ ﻳﺠﻲ ﻣﺮﻩ ﺍﻭ ﻛﻞ ﺷﻬﺮ ﻣﺮﻩ .. ﺍﺷﺘﺎﻗﻠﻪ ﻫﻮﺍﻱ ﻭﺍﻋﺎﺗﺒﻪ ﻳﺘﺤﺠﺞ ﺑﺎﻟﻀﺮﻭﻑ ﻭﺍﻟﻄﺮﻳﻖ ﻃﻮﻳﻞ .. ﻭﻣﺼﺎﺭﻳﻒ ﺍﻟﺴﻴﺎﺭﻩ ﺗﺘﻌﺐ ﻣﻦ ﻃﻮﻝ ﺍﻟﻤﺴﺎﻓﻪ .. ﺍﻧﻲ ﺍﺳﻜﺖ ﺷﺴﻮﻱ .. ﻣﺎﺍﺭﻳﺪ ﺍﻛﻮﻥ ﺣﻤﻞ ﻓﻮﮒ ﺣﻤﻠﻪ ﻭﺍﻳﻀﺎ ﺍﺣﺒﻪ ﺑﺠﻨﻮﻥ ﻛﻞ ﻟﻴﻠﻪ ﻫﻮ ﺑﻌﻴﺪ ﻋﻨﻲ ﺗﻌﺬﺑﻨﻲ .. ﻭﺍﺣﺴﻬﺎ ﻃﻮﻳﻠﻪ ﮔﻮﻩ ﺗﻤﺮ .. ﻭﻳﻄﻠﻊ ﺍﻟﺼﺒﺢ ﻭﺍﻟﺘﻬﻲ ﻭﻳﺎ ﺍﻟﺠﻬﺎﻝ ﻭﺍﻣﻲ ﻭﺍﻟﺸﻐﻞ
ﺣﺎﻟﺘﻲ ﺍﻟﻴﻮﻡ ﻣﺨﺮﺑﻄﻪ ﻟﻌﺒﺎﻥ ﻧﻔﺲ ﻭﺍﻟﺸﻬﺮﻳﻪ ﻣﺘﺄﺧﺮﻩ ﻛﻠﺶ .. ﻭﺧﺎﻳﻔﻪ ﻻ ﺣﺎﻣﻞ ﻭﺍﺑﻨﻲ ﺯﻏﻴﺮ ﻟﺴﻪ ﺑﺲ ﺷﺴﻮﻱ ﺣﺒﻮﺏ ﻣﻨﻊ ﺍﻟﺤﻤﻞ ﺗﻌﺒﺘﻨﻲ ﻛﻠﺶ .. ﻭﺍﻟﺪﻛﺘﻮﺭﻩ ﻣﻨﻌﺘﻨﻲ ﻣﻨﻬﺎ ﻭﻧﻮﺏ ﺍﺧﺬﻫﺎ ﻋﻠﻰ ﺧﺎﻟﻲ ﺑﻼﺵ ﻻﻥ ﻣﺎﻋﺮﻑ ﺷﻮﻛﺖ ﺑﺎﻟﻀﺒﻂ ﻳﺠﻲ ﻋﻼﺀ ..
ﻃﻠﻌﺖ ﻣﻦ ﺍﻟﻐﺮﻓﻪ .. ﻏﺴﻠﺖ ﻭﺟﻬﻲ ﻭﺭﺣﺖ ﻃﻠﻴﺖ ﻋﻠﻰ ﺭﻗﻴﻪ ﺩﺗﻜﺘﺐ ﻭﺣﻼ ﻳﻤﻬﺎ ﺩﺗﺸﺨﺒﻂ ﻭﻻﺯﻣﻪ ﺍﻟﻘﻠﻢ ﺑﻴﺪﻫﺎ ﺑﺎﻟﻄﻮﻝ ﺑﺪﻭﻥ ﻣﺘﻐﺮﺳﻪ ﺑﺄﺻﺎﺑﻌﻬﺎ ﺍﺑﺘﺴﻤﺖ ﺷﻜﻠﻬﺎ ﺣﻠﻮ ﻣﻤﺪﻩ ﻋﻠﻰ ﺍﻻﺭﺽ ﻭﺍﻟﻮﺭﻕ ﻛﺒﺎﻟﻬﺎ ﻭﺗﺸﺨﺒﻂ ﻣﺤﺴﺖ ﻋﻠﻴﻪ ﻣﻦ ﻃﻠﻴﺖ ﻋﻠﻴﻬﻢ .. ﺭﺣﺖ ﺑﻮﺟﻬﻲ ﻟﻠﻤﻄﺒﺦ ﺷﻔﺖ ﺍﻣﻲ ﺻﺒﺤﺖ ﻋﻠﻴﻬﺎ
ﻧﻮﺭ .. ﺻﺒﺎﺡ ﺍﻟﺨﻴﺮ ﻳﻤﻪ ﺷﻮﻧﺞ ﺍﻟﻴﻮﻡ
ﺍﻡ ﻧﻮﺭ .. ﻫﻼ ﻳﻤﻪ ﺻﺒﺤﺞ ﺍﻟﻠﻪ ﺑﺎﻟﺨﻴﺮ ﻭﺍﻟﻠﻪ ﻳﻤﻪ ﺷﮕﻠﺞ ﺩﺍﻳﺨﻪ ﺍﻟﻴﻮﻡ ﻛﻠﺶ
ﻧﻮﺭ .. ﺧﻴﺮﺝ ﻳﻤﻪ ﺷﺒﻴﺞ ﺧﺎﻑ ﻣﻜﺜﺮﻩ ﺑﺎﻻﻛﻞ ﻭﺻﺎﻋﺪ ﺍﻟﺴﻜﺮ
ﺍﻡ ﻧﻮﺭ .. ﻣﺎﺍﺩﺭﻱ ﻭﺍﻟﻠﻪ ﻫﺬﺍ ﺍﻛﻠﻲ ﺍﻟﻲ ﺗﺤﻄﻴﻨﻪ ﻛﺪﺍﻣﻲ
ﻧﻮﺭ .. ﻳﺎﺍﻣﻲ ﺍﺣﻨﻪ ﺍﺛﻨﻴﻨﻪ ﻳﺮﺍﺩﻟﻨﻪ ﻧﺮﻭﺡ ﻟﻠﻄﺒﻴﺐ ﻻﻥ ﺍﻧﻪ ﻫﻢ ﺩﺍﻳﺨﻪ ﻓﺪ ﺷﻮﻳﻪ ﻳﺠﻲ ﻧﺎﻇﻢ ﺍﺧﻮﻳﻪ ﻳﺠﻴﺐ ﺍﻟﻤﺴﻮﺍﻙ
ﻭﺍﮔﻠﻪ ﺑﻠﻜﻲ ﻳﻮﺩﻳﻨﻪ ..
ﺍﻡ ﻧﻮﺭ .. ﻋﻠﻮﺍﻩ ﻭﺍﻟﻠﻪ
ﻧﻮﺭ ... ﺳﻮﻳﺖ ﺍﻟﺮﻳﻮﻙ ﻭﻛﻤﻠﺘﻪ ﻭﺑﻴﻦ ﻣﺎﺧﻠﺼﻨﻪ ﺷﻐﻞ ﺍﺟﻪ ﻧﺎﻇﻢ ﻭﮔﺘﻠﻪ .. ﻛﺎﻝ ﺟﻬﺰﻭﺍ ﻧﻔﺴﻜﻢ ﺍﻟﻌﺼﺮ ﺍﺟﻲ ﺍﺧﺬﻛﻢ ..
ﺍﻟﻌﺼﺮ ﺑﺪﻟﺖ ﻟﻠﺠﻬﺎﻝ ﺣﻼ ﻭﻳﺴﺮ ﻭﺭﻗﻴﻪ ﻫﻢ ﻭﻭﺩﻳﺘﻬﻢ ﻳﻢ ﺯﻭﺟﺔ ﺍﺧﻮﻳﻪ ﺭﻭﻯ ... ﺑﺲ ﻳﺴﺮ ﺍﺧﺬﺗﻪ ﻻﻥ ﻳﺒﺠﻲ ﻭﻫﻲ ﻫﻢ ﻋﺪﻫﺎ ﺍﻃﻔﺎﻝ ﻣﺘﻜﺪﺭ ﻋﻠﻴﻬﻢ ﻛﻠﻬﻢ ﻭﻣﻨﻜﺪﺭ ﻧﺨﻠﻲ ﺭﻗﻴﻪ ﻭﺣﺪﻫﺎ ﺑﺎﻟﺒﻴﺖ
.
ﻃﺒﺖ ﺍﻣﻲ ﻟﻠﻄﺒﻴﺒﻪ ﻭﺍﻧﻲ ﻭﻳﺎﻫﻪ .. ﺍﻧﻲ ﺭﺍﺩﺕ ﻣﻨﻲ ﺗﺤﻠﻴﻞ ﺣﻤﻞ .. ﺭﺣﺖ ﺣﻠﻠﺖ ﺣﻤﻞ ﻭﻃﻠﻊ ﺍﻳﺠﺎﺑﻲ ﺣﺎﻣﻞ ﻣﺎﺍﺩﺭﻱ ﺍﻧﻘﻬﺮ ﻣﺎﺍﺩﺭﻱ ﺍﻓﺮﺡ ﺍﻛﻮ ﻧﺎﺱ ﺑﺲ ﺗﺘﻤﻨﻰ ﺍﻟﺨﻠﻔﻪ ﺍﻧﻲ ﻻ ﻻﻥ ﻭﺿﻌﻲ ﻳﺨﺘﻠﻒ ﺯﻭﺟﻲ ﻣﻮﺩﺍﺋﻤﺎ ﻳﻤﻲ ﻭﻋﺎﻳﺸﻪ ﺍﺑﻴﺖ ﺍﻫﻠﻲ .. ﻭﻱ ﺍﻣﻲ ﻭﺍﺑﻨﻲ ﺯﻏﻴﺮ ﻭﺑﻨﺘﻲ ﻭﺯﻭﺟﻲ ﻣﺘﺰﻭﺝ ﻭﻫﻢ ﻋﻨﺪﻩ ﻃﻔﻞ ﻓﻤﺮﺍﺡ ﻳﻠﺤﻚ ﻋﻠﻴﻨﻪ ﻣﺎﺍﺩﺭﻱ ﺷﺴﻮﻱ ﺧﺎﻳﻔﻪ ﻣﻦ ﺭﺩﺓ ﻓﻌﻞ ﻋﻼﺀ ﻻﻥ ﻫﻮ ﻣﺤﺬﺭﻧﻲ ﺍﺧﺬ ﺣﺬﺭ ﺑﺲ ﺍﻧﻲ ﺗﺮﻛﺖ ﺍﻟﺤﺒﻮﺏ ﻗﺒﻞ ﻻﺍﻛﻤﻞ ﺍﻟﺸﺮﻳﻂ ﻣﺎﻟﺘﻪ ﻻﻥ ﺗﺄﺫﻳﺖ ﻣﻨﻬﺎ ..
ﻛﻤﻠﻨﺎ ﻛﻞ ﺷﻲ ﻭﻃﻠﻌﻨﺎ ﻣﻦ ﺍﻟﻌﻴﺎﺩﻩ ﻧﺎﻇﻢ ﻳﻨﺘﻈﺮﻧﺎ ﻓﺘﺢ ﺍﻟﻨﺎ ﺑﺎﺏ ﺍﻟﺴﻴﺎﺭﻩ ﻭﺻﻌﺪﻧﺎ .. ﻛﺎﻝ ﻫﺎ ﺳﻼﻣﺎﺕ
ﺍﺳﺘﺤﻴﺖ ﺍﻛﻮﻟﻪ ﺣﺎﻣﻞ ﻛﻠﺖ ﻏﻴﺮ ﻣﺮﻩ ﻫﺴﻪ ﺷﻴﻜﻮﻝ
ﮔﺘﻠﻪ ﺍﻥ ﺷﺎﺀﺍﻟﻠﻪ ﺧﻴﺮ ﺍﻣﻲ ﺳﻜﺮﻫﺎ ﻣﺮﺗﻔﻊ ..
ﻧﺎﻇﻢ .. ﻫﺎ .. ﺍﻛﻠﺞ ﺍﻡ ﺣﻼ ﺯﻭﺟﺞ ﻣﺎﻧﺎﻭﻱ ﻳﺸﺘﺮﻳﻠﻜﻢ ﺑﻴﺖ ﺷﻲ ﺗﺮﻩ ﻣﻴﺼﻴﺮ ﺍﻟﺒﻴﺖ ﺑﻲ ﻭﺭﺛﻪ ﻭﻳﻦ ﺗﺮﺣﻴﻦ ﺍﺫﺍ ﺍﻟﻜﻞ ﻃﺎﻟﺐ ﺑﻮﺭﺛﻪ ﺍﻧﻪ ﻣﺎﺍﻗﺼﺪ ﻋﻠﻴﻪ ﺑﺲ ﻻﺗﻨﺴﻴﻦ ﻣﺤﻤﺪ ﻭﺑﻨﺎﺕ ﺣﺎﺯﻡ ﺧﺎﻑ ﻛﻠﺸﻲ ﻳﺼﻴﺮ ﻭﺍﻣﻬﻢ ﺗﺮﻳﺪ ﺣﺼﺘﻬﻢ
ﻧﻮﺭ .. ﺍﻧﻲ ﺍﺳﺘﺤﻴﺖ ﺑﻠﺤﻈﺘﻬﺎ - ﻭﻟﻠﻪ ﻳﺎﺧﻮﻳﻪ ﻫﻮ ﻋﻨﺪﺓ ﻗﻄﻌﺔ ﺍﺭﺽ .. ﺑﺲ ﺑﻌﺪﻩ ﻣﺎﺑﺎﻧﻴﻬﻪ .. ﻻﻥ ﻳﺎﺩﻭﺏ ﺩﻓﻊ ﺳﻌﺮﻫﺎ
ﻧﺎﻇﻢ .. ﻫﺎﺍ ﺗﺮﻩ ﺍﻧﻲ ﺍﺭﻳﺪ ﻣﺼﻠﺤﺘﺞ
ﻧﻮﺭ ... ﺍﻛﻴﺪ ﺧﻮﻳﻪ .. ﺍﻓﺘﻬﻢ ﻋﻠﻴﻚ
ﻭﺻﻠﻨﺎ ﻟﺒﻴﺘﻬﻢ ﺍﺧﺬﻧﻪ ﺍﻟﺠﻬﺎﻝ ﻭﺭﺟﻌﻨﺎ ﻟﻠﺒﻴﺖ
ﻭﺍﻧﻲ ﺑﺲ ﺍﻓﻜﺮ ﺷﻠﻮﻥ ﺭﺍﺡ ﺍﺑﻠﻎ ﻋﻼﺀ ﺑﺎﻟﻤﻮﺿﻮﻉ
ﺍﺟﻪ ﺍﻟﺨﻤﻴﺲ ﻭﺍﺟﻪ ﻋﻼﺀ .. ﻭﺻﻞ ﺍﻟﻤﻐﺮﺏ ﻭﻣﻦ ﺷﻔﺘﻪ ﺍﺟﻪ .. ﻛﺄﻧﻲ ﻧﺨﻠﻪ ﻋﻄﺸﺎﻧﻪ ﻭﻭﺻﻞ ﺍﻟﻬﺎ ﺍﻟﻤﻲ .. ﺑﻮﺳﺘﻪ ﻭﺣﻀﻨﺘﻪ ﻭﻣﺎﺍﻛﺪﺭ ﺍﺷﺒﻊ ﻣﻨﻪ ﻭﻻﺍﺭﻳﺪ ﺍﺗﺮﻙ ﺣﻀﻨﻪ .. ﺑﻘﻪ ﺣﺎﺿﻨﻲ ﻭﺣﺎﺿﻨﺘﻪ ﻭﺣﻼ ﺗﺠﺮﺟﺮ ﺑﻴﻨﻪ ﺗﺮﻳﺪ ﻫﻲ ﻫﻢ ﺗﺤﻀﻨﻪ ﻭﺗﺒﻮﺳﻪ ..
ﺷﺎﻟﻬﻬﺎ ﻭﺑﺎﺳﻬﺎ ﻭﻫﻲ ﻓﺮﺣﺎﻧﻪ ﺑﺠﻴﺘﻪ ﻭﺟﺎﻳﺐ ﺍﻟﻬﺎ
ﻟﻌﺒﺎﺕ ﻭﻣﻼﺑﺲ ﻭﺍﻟﻲ ﺳﻴﺘﺎﺕ ﻧﻮﻡ ﺷﻜﺪ ﻣﻴﺸﺒﻊ
ﻣﻨﻬﻢ ﻛﻠﻤﺎ ﻳﺠﻲ ﺷﻜﻞ ﻫﻬﻪ
ﻫﻮ ﻭﺻﻞ ﺍﻟﻤﻐﺮﺏ .. ﺗﻌﺸﻴﻨﺎ ﻭﺧﻠﺼﻨﺎ ﻭﻧﻮﻣﺖ ﺍﻟﺠﻬﺎﻝ ﻭﻗﺖ .. ﺑﻌﺪ ﻣﺎ ﻗﻀﻰ ﻭﻗﺖ ﻭﻳﺎﻫﻢ ﻳﻠﻌﺒﻬﻢ ...
ﺩﺧﻠﺖ ﻟﻠﻐﺮﻓﻪ ﺍﻟﺴﺎﻋﻪ ﻋﺸﺮﻩ ﺑﺎﻟﻠﻴﻞ .. ﻭﺍﻟﻮﻗﺖ ﺷﻬﺮ 10
ﻟﺒﺴﺖ ﻣﻦ ﺍﻟﻤﻼﺑﺲ ﺍﻟﺠﺎﺑﻬﻢ .. ﺍﻟﻴﻪ
ﺧﻠﻴﺖ ﻣﻜﻴﺎﺝ ﺧﻔﻴﻒ ..
ﻭﺭﺣﺖ ﻛﻌﺪﺕ ﻳﻤﻪ ﻋﻠﻰ ﺍﻟﺴﺮﻳﺮ ﺣﻀﻨﻲ ﻣﻦ ﺧﺼﺮﻱ
ﻭﺷﺎﻟﻨﻲ ﺧﻼﻧﻲ ﺑﺤﻀﻨﻪ ﻭﺑﻮﺳﻨﻲ
ﮔﺘﻠﻪ ﺍﺧﺦ ﻋﻠﻰ ﻛﻴﻔﻚ ﺣﺒﻴﺒﻲ
ﻋﻼﺀ - ﻫﻬﻪ ﺷﺒﻴﺞ ﺷﺴﻮﻳﺖ ﺑﻌﺪﻧﻲ ﻣﺎﺑﻠﺸﺖ
ﻧﻮﺭ .. ﺑﻴﻨﻤﺎ ﻫﻮ ﻳﺒﻮﺱ ﮔﺘﻠﻪ ﻋﻼﺀ
ﮔﺎﻝ - ﻫﺎ ﺍﺷﻮ ﻣﻮ ﻋﻠﻰ ﺑﻌﻀﺞ
2
ﻧﻮﺭ - ﺍﺣﺘﺎﺭﻳﺖ ﻭﺧﺎﻳﻔﻪ ﻣﻦ ﺭﺩﺓ ﻓﻌﻠﻪ ..
ﮔﺘﻠﻪ ﻭﺍﻟﻠﻪ ﻣﺎﺍﻋﺮﻑ ﺷﻮﻥ ﺍﺑﺪﻱ
ﻋﻼﺀ -- ﻛﻮﻟﻲ ﺣﻴﺎﺗﻲ ﺷﺒﻴﺞ ﻣﺘﺮﺩﺩﻩ
ﻧﻮﺭ .. ﻋﻼﺀ ﺍﻧﻲ ﺣﺎﻣﻞ ﮔﻠﺘﻬﺎ ﺑﺎﺻﺮﺍﺭ
ﻫﻮ ﻧﺰﻟﻨﻲ ﻣﻦ ﺣﻀﻨﻪ ﻭﻭﻛﻒ ﻋﻠﻰ ﺭﺟﻠﻴﻪ
ﻋﻼﺀ .. ﺷﻨﻮ ﺷﺪﺗﺤﺠﻴﻦ . ﻧِﻮِﺭ ﺻِـﺪُﻙ ﺟﺬﺏ
ﻭﻛﺖ ﺣﻤﻞ ﻫﺴﻪ ﻣﺪﺗﺸﻮﻓﻴﻦ ﺍﻟﻮﺿﻊ
ﻧﻮﺭ .. ﺍﻗﺘﺮﺑﺖ ﻣﻨﻪ .. ﺧﻠﻴﺖ ﺍﻳﺪﻳﻪ ﻋﻠﻰ ﺻﺪﺭﻩ
ﮔﺘﻠﻪ ﺣﺒﻴﺒﻲ ﺍﻋﺮﻑ ﻭﺍﻟﻠﻪ ﺍﻋﺮﻑ ﺑﺲ
ﻫﺬﺍ ﺍﻟﻲ ﺻﺎﺭ ﻭﺍﻟﻠﻪ ﻣﻮﺑﻴﺪﻱ ﺷﻲ
ﺍﻟﺤﺐ ﺩﻣﺮﻧﻲ ﺳﻮﺍﻧﻲ ﺍﻋﺼﺎﺏ
ﻭﺗﻌﺐ ﻣﻌﺪﺗﻲ ﻣﻜﺪﺭﺕ ﺍﺗﺤﻤﻞ ﺗﺮﻛﺘﻪ ...
ﺑﻌﺪﻧﻲ ﻋﻨﻪ ﻭﺗﻨﻬﺪ ﻭﺑﻴﻦ ﻋﻠﻴﻪ ﺍﻟﻌﺼﺒﻴﻪ ﻭﮔﺎﻝ
ﻋﻼﺀ - ﺍﻧﻲ ﻟﻮ ﻣﺠﺎﻱ ﺍﺣﺴﻦ ﺍﺭﻭﺡ ﺍﻭﻟﻲ
ﻟﺒﻴﺖ ﺍﻫﻠﻲ ﻣﺎﺍﻟﻲ ﻧﻔﺲ ﺍﺑﻘﻰ ﻫﻨﺎ
ﻧﻮﺭ - ﺷﺒﻴﻚ ﻋﻼﺀ ﺷﻨﻮ ﺩﺗﻌﻴﺮﻧﻲ ﺑﺠﻴﺘﻚ ﺯﻳﻦ ﺍﻧﻲ ﺷﻨﻮ ﺫﻧﺒﻲ ﻫﻢ ﻣﺘﺤﻤﻠﻪ ﺣﻼ ﻭﻳﺴﺮ ﻟﻮﺣﺪﻱ
ﻭﻫﻢ ﺍﻟﻮﺣﺎﻡ ﻣﺘﻌﺒﻨﻲ ﻭﺑﺎﻟﺴﻨﻪ ﺣﺴﻨﻪ ﻳﻠﻪ ﺩﺷﻮﻓﻚ
ﺗﺠﺎﺯﻳﻨﻲ ﺑﻬﺎﻟﻜﻼﻡ
ﻋﻼﺀ - ﺷﻨﻮ ﻭﺍﺟﺒﺞ ﻫﺬﺍ ﻣﻮ ﺟﻬﺎﻟﺞ ﻏﺼﺒﺎ
ﻋﻠﻴﺞ ﺗﺘﺤﻤﻠﻴﻬﻢ
ﻟﻮ ﻣﺎ ﺟﻴﺘﻲ ﻛﻞ ﺍﺳﺒﻮﻉ ﻣﺮﻩ ﺟﺎﻥ ﻫﻢ ﻣﻠﻴﺘﻴﻨﻲ
ﻧﻮﺭ - ﻻ ﻋﻼﺀ ﻻ ﺷﺪﺗﻜﻮﻝ ﻭﻫﻮ ﺩﻳﺒﺪﻝ ﻣﻼﺑﺴﻪ
ﺳﻮﺍﻫﻪ ﺻﺪﻙ ﻭﻳﺮﻳﺪ ﻳﻄﻠﻊ .. ﺑﻘﻴﺖ ﺍﺗﻮﺳﻞ ﺑﻲ
ﻻﻓﺪﻭﻩ ﺷﺮﺍﺡ ﻳﻜﻮﻟﻮﻥ ﺍﻫﻠﻚ ﻋﻠﻴﻪ ﻣﻄﻠﻌﺘﻪ ﺑﺎﻟﻠﻴﻞ
ﻣﻮ ﻋﻠﻰ ﺍﻻﺳﺎﺱ ﻧﺮﻭﺡ ﺍﻟﻬﻢ ﺍﻧﻲ ﻭﻳﺎﻙ
ﻋﻼﺀ - ﻣﺎﺍﺭﻳﺪ ﺑﻄﻠﺖ ﺭﺍﻳﺢ ﺍﻟﻮﺣﺪﻱ ﻭﺑﺎﺟﺮ ﺍﺟﻴﻲ
ﻧﻮﺭ - ﺑﺪﻝ ﻭﻃﻠﻊ .. ﻭﻋﺎﻑ ﺩﻣﻮﻋﻲ ﻋﻠﻰ ﺧﺪﻱ
ﻭﺣﺴﺮﻩ ﺑﻘﻠﺒﻲ .. ﻭﻣﻊ ﻫﺬﺍ ﻛﻠﻪ ﺇﺑﻨﻪ ﺍﻟﻲ ﺑﺄﺣﺸﺎﺋﻲ
ﻭﻣﺂﺛﺮ ﻋﻠﻴﻪ ﻣﻦ ﺩﻭﺧﻪ ﻭﻭﻫﻦ ﻭﻏﺜﻴﺎﻥ
ﺟﻨﺖ ﺍﺗﻤﻨﻰ ﻣﻨﻪ ﻛﻠﻤﻪ ﺣﻠﻮﻩ ﺍﻱ ﺣﺒﻴﺒﻲ ﺍﻟﻒ ﻣﺒﺮﻭﻙ
ﺍﺑﻨﻪ ﻫﺬﺍ ﺧﻮ ﻣﺎﻧﺬﺑﻪ ﻭﺍﺫﺍ ﺍﻻﻭﺿﺎﻉ ﻣﻮﺯﻳﻨﻪ
ﺍﻃﻚ ﺍﻟﻜﺎﻉ ﺍﻟﺞ ﻭﺍﻃﻠﻊ ﻓﻠﻮﺱ ﻭﺍﻋﻴﺸﻜﻢ ﻣﻦ ﻣﺎﻱ
ﻋﻴﻨﻲ ﻭﺭﺳﻢ ﺑﻮﺳﻪ ﻋﻠﻰ ﺭﺍﺳﻲ
ﺩﺍﺋﻤﺎ ﺑﻮﺳﺔ ﺍﻟﺮﺍﺱ ﺍﻟﻬﺎ ﻣﻜﺎﻧﻪ ﺧﺎﺻﻪ ﺑﻬﻴﺞ ﺣﺎﻻﺕ
ﺑﺲ ﺍﻳﺂ ﻣﻦ ﻫﺬﺍ ﻣﺎﺻﺎﺭ ﺟﺎﺯﺍﻧﻲ ﺑﺪﻓﻊ ﻭﻫﺮﻭﺏ ﻣﻨﻲ
ﻭﻛﺎﻧﻪ ﻣﻴﺸﺘﻬﻲ ﻳﺸﻮﻓﻨﻲ ﻭﻻﻋﺒﺎﻟﻚ ﺣﺎﻣﻞ ﺑﺈﺑﻨﻪ
ﻃﻠﻊ ﻭﺧﻠﻪ ﺭﻭﺣﻲ ﻣﻄﺸﺮﻩ ﻟﻮ ﻛﻠﻤﻪ ﻣﻨﻪ ﺣﻠﻮﻩ ﺗﺼﺒﺮﻧﻲ
ﻋﻠﻰ ﺗﻌﺒﻲ ﺑﺲ ﻣﺴﻤﻌﺖ
.
ﻧﻮﺭ ...
ﻧﻤﺖ ﻭﺩﻣﻮﻋﻲ ﺗﺮﺳﺖ ﻭﺟﻨﺘﻲ ﻭﺣﺘﻰ ﻣﺨﺪﺗﻲ ﺍﺣﺲ ﺗﺒﻠﻠﺖ .. ﺷﻜﺪ ﺍﺣﺒﻪ ﻳﺎﺭﺑﻲ ﻣﺎﻟﻲ ﺣﻖ ﺑﻲ ﺍﺑﺪ .. ﻟﺰﻣﺖ ﺍﻟﺘﻠﻴﻔﻮﻥ .. ﺍﺗﺼﻞ ﺑﻲ ﻣﺎﻛﻮ ﻣﺎﻳﺸﻴﻠﻪ ..
ﺑﻌﺜﺖ ﺍﻟﻪ ﻣﺴﺞ .. ﺣﺒﻴﺒﻲ ﻟﻴﺶ ﺗﺰﻋﻞ ﻣﻨﻲ ﺍﻧﻲ ﻣﺎﺍﻟﻲ ﺫﻧﺐ ﻫﻮ ﺍﺑﻨﻚ ﻣﻮ ﺑﺲ ﺍﺑﻨﻲ .. ﺍﺭﺟﻊ ﺑﺎﺟﺮ .. ﻓﺪﻭﻩ ﻣﺸﺘﺎﻗﻪ ﺍﻟﻚ ﻫﻮﺍﻱ ﺧﻠﻴﻨﻲ ﺍﺧﺬ ﻣﻨﻚ ﺟﺮﻋﻪ ﻭﻟﻮ ﺻﻐﻴﺮﻩ ﻣﺎﺍﻛﻮﻝ ﺍﺷﺒﻊ ﻣﻨﻚ ﻻﻥ ﻳﻮﻣﻴﻦ ﻣﻴﺸﺒﻌﻨﻲ .. ﺑﺲ ﺍﺧﺬ ﻣﻨﻚ ﺟﺮﻋﺔ ﺣﻨﺎﻥ ﻭﺣﺐ ﺍﺫﺍ ﺗﺤﺒﻨﻲ ﺍﺭﺟﻊ ﻟﺘﺮﻭﺡ ﺯﻋﻼﻥ ﻣﻨﻲ ..
ﺻﺎﺭ ﺍﻟﺼﺒﺢ .. ﻛﺎﻟﻌﺎﺩﻩ ﺷﻐﻞ ﻭﺟﻬﺎﻝ ..
ﻳﺴﺮ ﺑﺲ ﻳﺒﺠﻲ ﻭﺣﻼ ﺟﺎﻧﺖ ﻣﺮﻳﻀﻪ ﻣﺎﺧﺬﻩ ﺷﻮﻳﻪ
ﺑﺮﺩ ........
ﺭﺣﺖ ﻟﻠﻤﻄﺒﺦ ﻛﻠﺖ ﺑﻠﻜﻲ ﺍﺳﻮﻳﻠﻪ ﺍﻛﻼﺕ ﺣﻠﻮﻩ
ﺍﺭﺿﻲ ﻋﻨﻲ .. ﺳﻮﻳﺖ ﺩﻭﻟﻤﻪ .. ﻭﺯﻻﻃﻪ ﻭﻃﺒﺨﺖ ﺗﻤﻦ ﻭﻣﺮﮒ ﺑﺎﻣﻴﻪ ..
ﻭﻛﻞ ﻫﺬﺍ ﻭﺍﻳﺪ ﻻﻣﻲ ﻣﺮﻳﻀﻪ ﻭﺍﻳﺪ ﻟﺤﻼ ﺑﺲ ﺗﺘﻌﻴﻘﻞ
ﻃﻔﻠﻪ ﻭﻣﺮﻳﻀﻪ
ﻭﻳﺴﺮ ﻧﻮﺑﻪ ﻋﻠﻰ ﺍﻳﺪﻱ ﻧﻮﺏ ﺍﻧﻮﻣﻪ ﻧﻮﺏ
ﺍﺭﺿﻌﻪ ﻭﻏﻴﺮ ﺍﻟﻐﺜﻴﺎﻥ ﻭﺍﻟﺪﻭﺧﻪ ﺍﻟﻌﻨﺪﻱ ﺯﻳﻦ ﻭ ﻣﻨﻲ ﻟﻠﺴﺎﻋﻪ 1 ﺧﻠﺼﺖ ﺷﻐﻞ ﻭﻃﻔﻴﺖ ﻋﻠﻰ ﺍﻻﻛﻞ
ﻃﺒﻴﺖ ﻟﻠﺤﻤﺎﻡ ﻋﻠﻰ ﻧﻮﻣﺔ ﻳﺴﺮ ..
ﺳﺒﺤﺖ ﻭﻃﻠﻌﺖ ﺻﻠﻴﺖ ﻭ ﺭﺗﺒﺖ ﻧﻔﺴﻲ
ﺑﻠﻜﻲ ﻋﻼﺀ ﻳﺠﻲ
ﺟﻴﻜﺖ ﺍﻟﻔﻮﻥ .. ﺩﺍﺯﻟﻲ ﻣﺴﺞ ﺍﺟﻲ ﻋﻠﻰ ﺍﻟﻐﺪﺍ
ﺍﺳﺘﺒﺸﺮﺕ ﺧﻴﺮ ﺑﺎﻟﻤﺴﺞ
ﺧﻠﻴﺖ ﻣﻜﻴﺎﺝ ﺧﻔﻴﻒ ﻭﻟﺒﺴﺖ ﺑﺮﻣﻮﺩﺍ ﺍﺯﺭﮒ ﻭﻭﺭﺩﻱ
ﻣﻔﺘﻮﺡ ﻣﻦ ﺍﻻﻛﺘﺎﻑ ..
ﻏﺪﻳﺖ ﺍﻟﺠﻬﺎﻝ ﻭﺍﻣﻲ ﻭﺍﻟﻜﻞ ﻧﺎﻡ
ﻭﺍﻧﻲ ﺑﻘﻴﺖ ﺍﻧﺘﻈﺮﻩ
ﻟﻠﺴﺎﻋﻪ 2 ﻳﻼ ﺍﺟﻪ .. ﺍﺳﺘﻘﺒﻠﺘﻪ ﻳﻢ ﺑﺎﺏ ﺍﻟﺼﺎﻟﻪ
ﻫﺎ ﺣﺒﻴﺒﻲ ﻭﺑﻮﺳﺘﻪ
ﻋﻼﺀ - ﻫﺎﺍ ﺷﻄﺎﻟﻌﻪ ﺣﻠﻮﻩ ﺻﺎﻛﻪ
ﻧﻮﺭ - ﺻِـﺪُﻙ ﺧﻮ ﻣﺰﻋﻼﻥ ﻣﻨﻲ
ﻋﻼﺀ - ﺧﻠﺺ ﺣﺒﻴﺒﻲ ﺳﺪﻱ ﺍﻟﻤﻮﺿﻮﻉ ﺍﻟﻲ ﺻﺎﺭ ﺻﺎﺭ
ﮔﺮﺻﺘﻬﺎ ﻣﻦ ﺧﺪﻫﺎ .. ﻭﻳﻦ ﺍﻟﻜﻞ ﺍﺷﻮ ﺻﻨﻄﻪ
ﻧﻮﺭ - ﺣﻴﺎﺗﻲ ﺍﻟﻜﻞ ﺗﻐﺪﻭ ﻭﻧﺎﻣﻮ ﺑﺲ ﺍﻧﻲ ﻭﺍﻧﺖ
ﺗﺮﻳﺪ ﺍﺻﺐ ﻏﺪﺍ .. ﻭﻣﺤﻮﻃﻪ ﺍﻳﺪﻳﻪ ﻋﻠﻰ ﺭﻗﺒﺘﻪ
ﻭﺍﺩﻟﻊ
ﻋﻼﺀ - ﻻ ﺍﺭﻳﺪ ﺍﺗﻐﺪﻩ ﻣﻨﺞ .. ﺑﺲ ﻫﺎ ﺑﺸﺮﻁ ﻣﺘﻜﻮﻟﻴﻦ ﻋﻠﻰ ﻛﻴﻔﻚ ﻭﻣﻦ ﻫﺎﻟﺤﺠﻲ ﺧﺰﺭﺗﻬﺎ
ﻧﻮﺭ - ﻫﻬﻬﻪ ﻻ ﻣﺎﺍﮔﻮﻝ ﺍﻫﻢ ﺷﻲ ﺗﺮﺿﻰ ..
ﺑﻌﺪﻫﺎ ﺗﻐﺪﻳﻨﻪ .. ﻭﻇﻞ ﻳﻌﻴﺐ ﺍﻟﺪﻭﻟﻤﻪ ﻣﻮﻛﻠﺶ ﻻﭼﻌﻪ
ﻭﻣﺎﺑﻴﻬﻪ ﺣﻤﻮﺿﻪ
ﺍﻟﺒﺎﻧﻴﻪ .. ﺍﺻﺎﺑﻌﻬﺎ ﺫﺍﻳﺒﻪ ﻭﺍﻧﺖ ﺗﺪﺭﻳﻦ ﺑﻴﻪ ﺍﺣﺒﻬﺎ
ﺻﺒﻊ ﺻﺒﻊ ﻣﻮﺫﺍﻳﺐ
ﻋﻴﻨﻲ ﺍﻧﺖ ﺍﺳﺘﺎﺫﻩ ﺑﺲ ﺑﺎﻟﺰﻻﻃﻪ ﻣﻮﻣﺎﻝ ﻫﻴﺞ
ﻃﺒﺦ .. ﻫﺒﻂ ﻣﻌﻨﻮﻳﺎﺗﻲ ﻭﻟﻮ ﺷﺎﻳﻔﻨﻲ ﺷﻮﻥ
ﻛﻤﻠﺖ ﺷﻐﻠﻲ ﻣﺠﺎﻥ ﻫﻴﺞ ﺣﺠﻪ ﺑﻠﻌﺖ ﻟﺴﺎﻧﻲ
ﻭﺳﻜﺘﺖ ﻛﻠﺖ ﻫﻨﻪ ﺷﻜﻢ ﺳﺎﻋﻪ ﺣﻴﺒﻘﻰ ﻳﻤﻲ
ﻭﻳﺮﻭﺡ ﻣﺎﺍﺭﻳﺪ ﺍﻛﺪﺭ ﻋﻠﻴﻪ ﺧﻠﻲ ﺷﻤﺎﻳﺤﺠﻲ
ﻳﻼ ﺯﻳﻦ ﻣﻦ ﻋﺠﺒﺘﻪ ﺍﻟﺰﻻﻃﻪ
ﺑﻘﻴﺖ ﺍﻳﺪﻱ ﻋﻠﻰ ﻗﻠﺒﻲ ﺧﺎﻑ ﻳﺠﻴﺐ ﺳﻴﺮﺓ
ﻃﺒﺦ ﺍﻣﻞ ﻭﺍﻧﻘﻬﺮ ﻛﻠﺶ ﻭﺍﺗﺄﺛﺮ ﺑﺲ ﻣﮕﺎﻝ
ﺍﻟﺤﻤﺪﻟﻠﻪ ...
ﺍﻧﻲ ﻣﻦ ﺻﺪﻙ ﻓﺎﺷﻠﻪ ﺑﺎﻟﻄﺒﺦ ..
ﮔﻌﺪﻧﻪ ﻧﺴﻮﻟﻒ ﻭﮔﺘﻠﻪ ﺍﻧﻲ ﻣﻘﺪﻣﻪ ﻋﻠﻰ ﺗﻌﻴﻴﻦ
ﺑﺲ ﻣﻤﻨﺘﺒﻬﻪ ﻣﮕﺎﻳﻠﻪ ﺍﻟﻪ ﻗﺪﻣﺖ ﻋﻠﻰ ﺍﻟﻨﺖ
ﺑﺸﺮﻛﺔ ﺍﻟﻨﻔﻂ
ﻋﻼﺀ - ﺍﻱ ﻋﺎﺩﻱ ﺍﻧﻲ ﻣﻌﻨﺪﻱ ﻣﺸﻜﻠﻪ ﺑﺲ ﺍﻧﺖ
ﺷﻮﻥ ﺣﺘﺪﺑﺮﻳﻦ ﻭﺿﻊ ﻳﻌﻨﻲ ﺣﺎﻣﻞ ﻭﺍﻟﺠﻬﺎﻝ ﺯﻏﺎﺭ
ﻭﺍﻧﻲ ﻣﻮﻳﻤﺞ ﺩﻭﻡ
ﻧﻮﺭ .. ﺍﻧﻲ ﺑﻘﻠﺒﻲ ﮔﻠﺖ ﺍﻛﻴﺪ ﺍﻧﻲ ﻣﺪﺑﺮﻩ ﺣﺎﻟﻲ ﺑﺪﻭﻧﻚ
ﻫﻲ ﻣﺎﺍﺩﺑﺮﻫﺎ ﻳﻌﻨﻲ .. ﺑﺲ ﺍﻧﻲ ﺍﺗﺨﺬﺕ ﻣﻦ ﻣﺒﺪﺃ ﺍﻟﻼﻣﺒﺎﻻﺓ ﺍﺳﺎﺱ ﻟﺮﺍﺣﺔ ﻗﻠﺒﻲ
ﻣﺎﺍﺣﺠﻲ ﻭﻛﻠﺸﻲ ﺍﺿﻤﻪ ﺑﻘﻠﺒﻲ
ﺑﺲ ﻣﺎﺍﺩﺭﻱ ﺷﻮﻛﺖ ﺭﺍﺡ ﻳﻨﻤﻠﻲ ﻫﺎﻟﻘﻠﺐ
ﻛﻮﻣﻪ ﺣﺠﻲ ﺍﺧﺒﻲ ﻭﻣﺎﺍﻛﺪﺭ ﺍﺣﺠﻲ
ﺍﻟﻤﻬﻢ ﺟﺎﻭﺑﺖ
ﮔﺘﻠﻪ ﺗﺪﺑﺮ ﺣﺒﻴﺒﻲ ﻭﻟﻪ ﻳﻬﻤﻚ ﺍﻣﻲ ﻣﻮﺟﻮﺩﻩ
ﻭﺭﻗﻴﻪ ﻭﺭﻭﻯ ﻫﻢ ﻣﺎﺗﻘﺼﺮ ﻭﺍﻟﻠﻪ ....
ﺑﺲ ﺍﻟﻤﻬﻢ ﺍﺳﺎﻋﺪﻙ ﻭﻟﻮ ﺑﺸﻲ ﺑﺴﻴﻂ
..
ﻋﻼﺀ - ﺑﺲ ﻭﺍﻟﻠﻪ ﻳﺮﺍﺩﻟﻬﺎ ﺣﻆ ﻭﻟﻮ ﻭﺍﺳﻄﻪ
ﺑﻌﺪ ﺍﺿﺒﻂ
ﻧﻮﺭ - ﺍﻱ ﺣﻴﺎﺗﻲ .. ﺍﺣﻼﻡ ﮔﻠﺘﻠﻲ ﺣﻤﺎﻫﻪ
ﻳﺸﺘﻐﻞ ﻫﻨﺎﻙ ﻭﺍﺿﺒﺎﺭﺍﺕ ﺍﻟﺘﻌﻴﻴﻦ ﺗﺼﻞ ﻳﻤﻪ
ﺑﻠﻜﻲ ﻳﮕﺪﺭ ﻳﺴﺎﻋﺪﻧﻲ ..
ﻛﻤﻠﻨﻪ ﻛﻼﻡ ﺍﺣﺲ ﺍﻟﻮﻗﺖ
ﻳﻤﺸﻲ ﺑﺴﺮﻋﻪ ﻣﻦ ﻳﺠﻲ ﻣﺪﺩﺍﺷﺒﻊ ﻣﻨﻪ .. ﺍﺑﺪ
ﻳﻮﻡ ﺛﺎﻧﻲ ﺑﻘﻪ ﻧﺎﻳﻢ .. ﻟﻞ 1 ﺍﻟﻈﻬﺮ ﻻﻥ ﺳﻬﺮﻧﻪ ﻭﻃﻮﻟﺖ
ﺳﻬﺮﺗﻨﻪ ..
ﺑﻌﺪﻫﺎ ﻛﻌﺪ ﺍﻛﻞ ﻟﮕﻤﺘﻪ ﻭﺳﺒﺢ ﻭﺑﺪﻝ
ﻭﺻﺎﺭ ﻣﻮﻋﺪ ﺭﺣﻠﺘﻪ ﻟﻠﻌﻤﺎﺭﻩ
ﺍﺣﺴﻪ ﻛﺎﻋﺪ ﻋﻠﻰ ﻧﺎﺭ ﻣﺘﺸﻮﻕ ﻳﺮﻭﺡ ﻳﻨﺘﻈﺮ ﺻﺪﻳﻘﻪ
ﻳﻄﻠﻊ ﻭﻳﺎ .. ﮔﺎﻝ ﺍﻭﻭﻭ ﺗﺄﺧﺮ ﻫﺬﺍ
ﮔﺘﻠﻪ ﻣﺘﺸﻮﻕ ﺗﺮﻭﺡ ﺍﻟﻬﻪ ﻣﻮ ؟؟
ﻋﻼﺀ - ﻫﻬﻪ ﺷﻨﻮ ﺗﻐﺎﺭﻳﻦ
ﻧﻮﺭ .. ﻻ ﻣﻮ ﻋﻦ ﺍﻏﺎﺭ ﺑﺲ ﻣﻦ ﻳﺼﻴﺮ ﻣﻮﻋﺪ ﺟﻴﺘﻚ
ﺍﻟﻨﻪ ﻫﻢ ﺗﺘﺸﻮﻕ ﻫﻴﺞ ..
ﺗﻘﺮﺏ ﻣﻨﻲ .. ﻭﮔﺎﻝ ﺍﺛﻨﻴﻨﻜﻢ ﺯﻭﺟﺎﺗﻲ ﻭﺑﺎﺳﻨﻲ ﻣﻦ ﺧﺪﻱ
ﻭﺍﺛﻨﻴﻨﻜﻢ ﺍﻣﻬﺎﺕ ﺍﻭﻻﺩﻱ
ﻭﺑﻮﺳﻨﻲ ﻣﻦ ﺍﻟﺨﺪ ﺍﻟﺜﺎﻧﻲ ﻭﮔﺎﻝ ﺑﻄﻠﻲ ﺍﻟﻐﻴﺮﻩ
ﻭﺍﺧﺮ ﺷﻲ ﺑﻮﺳﻪ ﻋﻠﻰ ﺷﻔﺘﻲ
ﺣﻮﻃﺖ ﺭﻗﺒﺘﻪ ﺑﺄﻳﺪﻳﻪ ﮔﺘﻠﻪ -: ﺍﻣﻞ ﻫﻢ ﺗﻐﺎﺭ
ﻋﻼﺀ -: ﻭﻟﺞ ﺍﻣﻞ ﻣﺎﻛﻮ ﻣﺜﻠﻬﺎ .. ﺍﺣﻢ
ﻧﻮﺭ -: ﻟﻢ ﺍﺻﺎﺑﻌﻪ ﻭﺧﻼﻫﻢ ﻋﻠﻰ ﺣﻠﮕﻪ ﻭﮔﺢ
ﻭﻛﻤﻞ ﻛﻼﻣﻪ ﻭﻫﻮ ﻳﻠﻌﺐ ﺑﺸﻌﺮﻱ
ﻛﺎﻝ ﺍﺳﻒ ﺣﺒﻴﺒﻲ ﺑﺲ ﺍﻣﻞ ﻓﻘﻴﺮﻩ ﻭﺣﺒﺎﺑﻪ
ﻭﻣﺘﺪﺧﻞ ﺑﺸﻲ ﻋﺪﻫﺎ ﻏﺎﻳﻪ ﻭﺣﺪﻩ ﻭﺍﺷﺮ ﺑﺈﺻﺒﻊ
ﺍﻻﺑﻬﺎﻡ ﻭﻫﻲ ﺭﺿﺎﺗﻲ ..
ﮔﺘﻠﻪ ﻟﻴﺶ ﺍﻧﻲ ﺷﺴﻮﻳﺖ ﺣﺘﻰ ﻣﺪﺍﺍﺭﺿﻴﻚ
ﺍﺷﻮ ﺩﺍﺍﺣﺎﻭﻝ
ﻋﻼﺀ -: ﻟﻴﺶ ﺗﺎﺧﺬﻳﻦ ﻋﻠﻰ ﻧﻔﺴﺞ ﺍﻧﻲ ﻣﺪﺍﺍﻗﺎﺭﻧﺞ
ﺑﻴﻬﺎ ..
ﻛﻞ ﻭﺣﺪﻩ ﻣﻨﻜﻢ ﺍﻟﻬﻪ ﻣﻜﺎﻧﻪ ﺧﺎﺻﻪ ﻋﻨﺪﻱ ﻭﺍﻧﺖ ﻣﻦ ﻗﺒﻠﺘﻲ ﺑﻴﻪ ﺗﻌﺮﻓﻴﻦ ﻣﺘﺰﻭﺝ ﻭﻫﺴﻪ ﺟﻴﺒﻲ
ﺍﻟﺠﻬﺎﻝ ﺍﺑﻮﺳﻬﻢ ﻗﺒﻞ ﻻﺍﻃﻠﻊ
ﻧﻮﺭ : - ﮔﺘﻠﻪ ﻣﺎﺷﻲ .. ﻋﻔﺘﻪ ﻭﻃﻠﻌﺖ
ﺷﻜﺪ ﻳﺤﺒﻬﺎ ﻭﻳﻜﻮﻟﻮﻥ ﻣﺎﻟﺤﺐ ﺍﻻ ﻟﻠﺤﺒﻴﺐ ﺍﻻﻭﻝ
ﺍﺷﻮ ﺍﻧﻲ ﺣﺒﻪ ﺍﻻﻭﻝ
ﻣﻌﻘﻮﻟﻪ ﻣﻴﺤﺒﻨﻲ ﺍﻭﻑ ﺭﺣﺖ ﻟﻐﺮﻓﺔ ﺍﻣﻲ
ﻭﺭﻗﻴﻪ ﻳﺴﺮ ﻳﻤﻬﻢ ﺟﺎﻥ ﻭﺣﻼ ﻧﺎﻳﻤﻪ
ﺍﺧﺬﺕ ﻳﺴﺮ ﻭﺩﻳﺘﻪ ﺍﻟﻪ ﺑﻮﺳﻪ ﻭﻛﺎﻝ ﻣﺎﺍﻟﺤﻚ
ﺍﺷﻮﻑ ﺣﻼ .. ﺍﺧﺬ ﺟﻨﻄﺘﻪ ﻃﻠﻌﺖ ﺷﻤﺮﺕ ﻭﺭﺍﻩ ﻣﺎﻱ ﻭﻳﺴﺮ ﺑﻴﺪﻱ
ﺷﻔﺘﻪ ﺍﺑﺘﻌﺪ ﻋﻦ ﻣﺠﺎﻝ ﺭﺅﻳﺘﻲ
ﺩﺧﻠﺖ ﻣﺜﻞ ﻛﻞ ﻣﺮﻩ ﻣﻘﻬﻮﺭﻩ
ﻛﻠﺶ ﺍﺣﺲ ﺭﻭﺣﻲ ﺍﻧﺘﺰﻋﺖ ﻣﻨﻲ ﻭﺭﺍﺣﺖ ﺍﻻﻣﻞ
ﻫﻨﻴﺎﻟﺞ ﺍﻣﻞ .. ﺍﻏﻠﺐ ﺍﻳﺎﻡ ﺍﻟﺸﻬﺮ ﻫﻮ ﻳﻤﺞ
ﺍﺫﺍ ﻣﺎﻃﻠﻊ ﺍﻟﻲ ﺗﻌﻴﻴﻦ ﺍﺧﻠﻲ ﻳﺎﺧﺬﻧﻲ
ﺍﺭﻭﺡ ﻭﻳﺎ ﻣﺪﺍﺍﺗﺤﻤﻞ
ﺍﻧﻲ ﻭﺍﻛﻔﻪ ﺑﺒﺎﺏ ﺍﻟﺼﺎﻟﻪ ﺻﺎﻓﻨﻪ ﻭﻻﺯﻣﻪ ﻳﺴﺮ
ﻗﻄﻌﺖ ﺍﻓﻜﺎﺭﻱ ﺭﻗﻴﻪ ﻛﺎﻟﺖ ﺣﻼ ﺗﺮﻳﺪﺝ
ﺭﺣﺖ ﺍﻟﻬﺎ .. ﺳﻮﻳﺖ ﺍﻟﻬﺎ ﻛﻤﺎﺩﺍﺕ .. ﻭﺍﻧﻄﻴﺘﻪ
ﺩﻭﻩ ..
2
ﺑﺎﻟﻠﻴﻞ .. ﺧﺎﺑﺮﺗﻨﻲ ﺍﺣﻼﻡ .. -: ﻭﻟﺞ ﺣﻴﺪﺭ ﻳﻜﻮﻝ
ﻃﻠﻊ ﺍﺳﻤﺞ ﺑﺎﻟﺘﻌﻴﻴﻦ
ﻧﻮﺭ .. -: ﻭﻗﺘﻬﺎ ﺟﻨﺖ ﺗﻮﻩ ﻏﺎﻓﻴﻪ ﺩﻙ ﺍﻟﺘﻠﻴﻔﻮﻥ
ﻋﺒﺎﻟﻲ ﻋﻼﺀ ..
ﻭﺍﻧﻲ ﺑﻴﻪ ﻧﻮﻣﻪ ..
ﻧﺴﻴﺖ ﺍﻟﺸﻄﺮ ﺍﻟﺜﺎﻧﻲ ﻣﻦ ﻛﻼﻣﻬﺎ
ﻭﺭﻛﺰﺕ ﻋﻠﻰ ﺍﻻﻭﻝ
ﺟﺎﻭﺑﺘﻬﺎ .. -: ﻭﻟﺞ ﻳﺎ ﻋﻼﺀ
ﺍﺣﻼﻡ : - ﻫﻬﻬﻬﻪ ﺩﻣﺎﻏﺞ ﻣﺸﻠﻐﻢ ﻳﻢ ﻋﻼﺀ
ﻭﻟﺞ ﺣﻴﺪﺭ ﺣﻤﺎﻱ ﺷﺒﻴﺞ ﺍﻧﻲ ﻣﻜﻠﺖ ﻋﻼﺀ
ﻧﻮﺭ .. : - ﻭﻟﺞ ﻛﻮ ﻟﻲ ﻋﻴﺪﻱ ﺧﻠﻴﻨﻲ ﺍﻓﺮﺯﻥ
ﺍﺣﻼﻡ -: ﻫﻬﻬﻬﻪ ﺭﻭﺣﻲ ﻏﺴﻠﻲ ﻭﺟﻬﺞ ﺍﻛﻮ ﻭﺍﺣﺪ
ﻳﻨﺎﻡ ﺳﺎﻋﻪ 10 ﻏﺴﻠﻲ ﻭﺭﺟﻌﻲ
ﻧﻮﺭ -: ﻻ ﻭﻟﺞ ﺍﺣﺠﻲ ﻣﻴﺤﺘﺎﺝ
ﺍﺣﻼﻡ -:.. ﻭﻟﺞ ﺣﻴﺪﺭ ﺣﻤﺎﻱ ﮔﻠﻲ ﻃﺎﻟﻊ ﺍﺳﻤﺞ
ﺑﺎﻟﺘﻌﻴﻴﻦ
ﻧﻮﺭ :.. - ﻻ ﺻﺪﻙ ﻋﻠﻴﺞ ﺍﻟﻠﻪ
ﺗﺮﻩ ﺣﺎﻣﻞ ﻣﺎﺑﻴﻪ ﺣﻴﻴﻞ ﺻﺪﻣﺎﺕ ..
ﺍﺣﻼﻡ .. -: ﻫﻬﻬﻪ ﺻﺪﻙ ﺣﺎﻣﻞ ﻋﻴﻨﻲ ﺍﻟﻒ ﻣﺒﺮﻭﻙ
ﺷﻜﺪ ﻋﻠﻴﺞ ﻫﺴﻪ
ﻧﻮﺭ -: ﻟﺴﻪ ﺷﻬﺮ ﻭﺍﺳﺒﻮﻉ .. ﻭﺑﺴﺮﻋﻪ
ﺑﻴﻦ ﻋﻠﻴﻪ ﺍﻟﻮﺣﺎﻡ ﻭﻣﺘﻌﺒﻨﻲ
ﺍﺣﻼﻡ -:.. ﻣﻴﺨﺎﻟﻒ ﺣﺒﻲ ﻧﻮﻧﻪ ﺭﺯﻕ ﻭﺟﺎﻱ
ﺷﻮﻓﻲ ﻋﻠﻰ ﻋﻴﻦ ﺟﻴﺘﻪ ﻃﻠﻊ ﺗﻌﻴﻴﻨﺞ
ﻧﻮﺭ .. : - ﺍﻟﺤﻤﺪﻟﻠﻪ ﺯﻳﻦ ﺷﻮﻛﺖ ﺍﺩﺍﻭﻡ
..
ﺍﺣﻼﻡ .. -: ﻭﻟﺞ ﺣﻴﺪﺭ ﻫﻮﺍﻳﻪ ﺳﺎﻋﺪﺝ
ﻣﺒﻘﻪ ﻭﺍﺣﺪ ﻣﻤﻮﺻﻲ ﻋﻠﻰ ﺍﺳﻤﺞ
ﻧﻮﺭ .. -: ﻭﻟﺞ ﺷﻜﺪ ﻋﻴﺐ ﺧﺎﻑ ﺍﻧﺖ ﻟﺤﻴﺘﻲ
ﻫﻮﺍﻳﻪ ﻋﻠﻴﻪ ﺍﺣﻼﻡ .. -: ﻻ ﻭﻟﺞ ﻫﻮ ﻣﻦ ﻭﺣﺪﻩ
ﺍﻧﻲ ﻣﺮﻩ ﻭﺣﺪﻩ ﮔﺘﻠﻪ
ﻋﻮﺩ ﺟﻴﺒﻴﻠﻪ ﺍﻟﺤﻼﻭﻩ ﻣﺎﻝ ﺍﻟﺘﻌﻴﻴﻦ
ﻧﻮﺭ .. -: ﻋﻮﺩ ﺍﺟﻴﺐ ﺍﻟﻤﺮﺗﻪ ﺍﻭ ﺍﻃﻔﺎﻟﻪ
ﻫﻮ ﺷﺠﻴﺒﻠﻪ ﻋﻴﺐ
ﺍﺣﻼﻡ .. -: ﻫﻪ ﻭﻟﺞ ﺣﻴﺪﺭ ﻣﻄﻠﻖ ﺻﺎﺭﻟﻪ 4 ﺳﻨﻮﺍﺕ
ﻭﻣﺎﻋﻨﺪﻩ ﺍﻃﻔﺎﻝ
ﻧﻮﺭ .. -: ﺍﻫﺎ ﻭﻟﻴﺶ ﻣﻴﺘﺰﻭﺝ
ﺍﺣﻼﻡ .. -: ﻻﻥ ﻫﻮ ﻧﺴﺒﺘﻪ ﺻﻔﺮ ﺯﻭﺟﺘﻪ ﺗﺮﻛﺘﻪ
ﺭﻏﻢ ﺟﺎﻥ ﻳﺤﺒﻬﺎ ﺑﻌﺪﻫﺎ ﻗﺮﺭ ﺍﻥ ﻣﻴﺘﺰﻭﺝ .. ﺍﺑﺪ
ﻧﻮﺭ .. ﻭﺷﻮﻥ ﻣﺘﺤﻤﻞ ﺑﺪﻭﻥ ﻣﺮﻩ
ﺍﺣﻼﻡ .. ﻣﺜﻠﻤﺎ ﺍﻧﺖ ﻣﺘﺤﻤﻠﻪ ﺑﺪﻭﻥ ﺭﺟﺎﻝ ﻫﻬﻬﻬﺎﻱ
ﻧﻮﺭ .. ﻭﻟﺞ ﺍﺣﻼﻡ ﺭﺟﻠﻲ ﻣﻮﺟﻮﺩ ﻟﻴﺶ ﺗﻔﺎﻭﻟﻴﻦ ﻋﻠﻴﻪ ﻭﺗﻘﻠﺒﻴﻦ ﻋﻠﻴﻪ ﺍﻟﻤﻮﺍﺟﻊ
ﺍﺣﻼﻡ .. ﺍﻛﻮﻝ ﻫﻴﺞ ﺣﺘﻰ ﺗﻐﻴﺮﻳﻦ ﻣﻦ ﺣﺎﻟﺞ
ﻧﻮﺭ .. ﻭﻟﺞ ﺷﻐﻴﺮ ﻳﻌﻨﻲ ﺍﺗﻄﻠﻚ ﻭﺍﺟﺮﺟﺮ ﺟﻬﺎﻟﻲ ﺑﺎﻟﻤﺤﺎﻛﻢ
ﺍﺣﻼﻡ .. ﻻﺍﻧﻲ ﻣﻜﻠﺖ ﻫﻴﺞ ﺑﺲ ﻏﻴﺮﻱ ﻣﻦ ﺣﺎﻟﺞ ﺷﻮﻱ
ﻧﻮﺭ .. ﻣﺎﺷﻲ . ﺑﺎﻟﻨﺴﺒﻪ ﻟﻠﺪﻭﺍﻡ ﺷﻮﻛﺖ ﺍﺩﺍﻭﻡ ﮔﺎﻟﺖ ﻭﻟﺞ ﻋﻠﻰ ﺍﻻﺛﻨﻴﻦ ﺗﺮﺣﻴﻦ
ﺗﺴﻮﻳﻦ ﺍﺟﺮﺍﺋﺎﺕ ﻭﺑﻌﺪ ﺷﻮﻛﺖ ﺗﺒﺎﺷﺮﻳﻦ
ﺑﺎﻟﻀﺒﻂ ﻣﺎﺍﻋﺮﻑ ..
ﻭﻫﺴﻪ ﺭﻭﺣﻲ ﻛﻤﻠﻲ ﻧﻮﻣﺘﺞ ﺑﻠﻜﻲ ﺗﺸﻮﻓﻴﻦ
ﻋﻼﺀ ﺑﺎﻟﺤﻠﻢ
ﻧﻮﺭ .. -: ﺍﻱ ﻫﻢ ﺍﻧﻌﻢ ﺍﻟﻠﻪ ﺍﺷﻮﻓﻪ ﺑﺎﻟﺤﻠﻢ
ﺍﻗﻠﻬﺎ ﺍﺷﻮﻓﻪ ﺣﺘﻰ ﻟﻮ ﺑﺤﻠﻢ ﺭﺍﺿﻴﻪ
ﻭﻣﻘﺘﻨﻌﻪ
ﺍﺣﻼﻡ .. -: ﺩﻣﺮﺗﻲ ﻧﻔﺴﺞ ﺑﻬﺎﻟﺰﻭﺍﺝ
ﺷﻨﻮ ﺣﺼﺘﺞ ﻣﻨﻪ 3 ﺍﻳﺎﻡ ﺑﺎﻟﺸﻬﺮ
ﻧﻮﺭ -:.. ﺷﺴﻮﻱ ﺍﺣﺒﻪ . ﻭﺟﻬﺎﻟﻲ ﻭﻳﻦ ﺍﺭﻭﺡ
ﺍﺣﻼﻡ -:.. ﺧﻠﻲ ﻳﺴﻮﻱ ﺣﻞ ﺧﻠﻲ ﻳﺸﻮﻑ ﺑﺪﻳﻞ
ﻋﻨﻪ ﻭﻳﻨﺘﻘﻞ ﻫﻨﺎ ﺗﺮﻩ ﻣﻮ ﺻﻌﺒﻪ
ﻧﻮﺭ .. -: ﻻﺍﻛﻴﺪ ﺻﻌﺒﻪ ﻣﻨﻴﻦ ﻳﺸﻮﻑ ﺍﻟﺒﺪﻳﻞ ﻋﺒﺎﻟﺞ ﻣﺮﺗﺎﺣﻪ ﻻ ﻭﺍﻟﻠﻪ ﻗﻠﺒﻲ ﻣﻠﻴﺎﻥ ﻭﺟﻊ ﻭﻫﻢ
ﺍﺣﻼﻡ .. -: ﻧﻮﺭ ﺍﺗﻤﻨﺎﻟﺞ ﺍﻟﻘﺎﺩﻡ ﺍﺣﻠﻰ
ﻭﺍﺣﺴﻦ ﻭﻟﺘﻨﺴﻴﻦ ﻣﻦ ﺗﺮﺣﻴﻦ ﻟﻠﺸﺮﻛﻪ ﺳﺌﻠﻲ ﻋﻠﻰ ﺣﻴﺪﺭ ﻫﻮ ﻳﺴﺎﻋﺪﺝ ﻭﻫﺴﻪ ﺗﺼﺒﺤﻴﻦ ﻋﻠﻰ ﺧﻴﺮ
ﻧﻮﺭ .. ﻭﺍﻧﺖ ﺑﺨﻴﺮ ﺣﺒﻲ ﻭﺍﻟﻒ ﺷﻜﺮ ﻋﻠﻰ ﺍﻟﺒﺸﺎﺭﻩ
ﺣﺠﻴﺘﻪ ﺑﺼﻮﺕ ﺣﺰﻳﻦ ﺭﺟﻌﺖ ﺭﺍﺳﻲ
ﻋﻠﻰ ﺍﻟﻤﺨﺪﻩ .. ﺧﻠﻴﺖ ﺍﻳﺪﻱ
ﻋﻠﻰ ﺑﻄﻨﻲ ﺍﺣﺎﺟﻲ ﺍﺑﻨﻲ ﺍﻟﻲ ﺍﺑﻄﻨﻲ
ﺍﻳﻲ ﺣﺒﻴﺒﻲ ﺷﻮﻑ ﺟﻴﺘﻚ ﺧﻴﺮ ﻋﻠﻴﻨﻪ
ﻭﺍﺑﻮﻙ ﻣﺎﻳﺮﻳﺪﻙ
ﺍﻓﻜﺮ ﺑﺤﺠﻲ ﻭﺍﺗﻜﻠﺐ ﺍﺣﻼﻡ ﻳﺮﺑﻲ ﺍﻟﻴﻤﺘﻪ ﻫﺎﻟﺤﺎﻝ
ﺧﻠﻲ ﺍﺩﺯﻟﻪ ﻣﺴﺞ ﺍﻛﻮﻟﻪ ﺍﺧﺬﺕ ﺍﻟﺘﻠﻴﻔﻮﻥ
ﺩﺯﻳﺘﻠﻪ ﻣﺴﺞ ﺣﺒﻴﺒﻲ ﻃﻠﻊ ﺗﻌﻴﻴﻨﻲ
ﺍﻛﻴﺪ ﻣﺎﻳﺮﺩ ﻫﻮ ﺑﺎﻟﻠﻴﻞ ﻻﻥ ﻣﻠﺘﻬﻲ
ﻭﻱ ﺍﻣﻮﻟﺘﻪ ﺍﻭﻭﻑ ﺷﻜﺪ ﺍﺣﺴﺪﻫﺎ
ﻭﻟﻮ ﻣﻮ ﻃﺒﻌﻲ ﺍﻟﺤﺴﺪ ﺑﺲ ﻣﺪﺍﻡ ﻣﺎﺧﺬﻩ
ﻣﻨﻲ ﺣﺒﻲ ﺍﻛﻴﺪ ﺍﺣﺴﺪﻫﺎ ..
ﻧﻤﺖ ..
ﺑﺎﻟﻴﻮﻡ ﺍﻟﺜﺎﻧﻲ ﺧﺎﺑﺮﺗﻪ .. ﻭﮔﺘﻠﻪ ﺭﺩﺓ ﻓﻌﻠﻪ ﻋﺎﺩﻳﻪ
ﻣﺜﻞ ﺍﻱ ﺷﻲ ﻳﺨﺼﻨﻲ ﻋﺎﺩﻱ ﻋﻨﺪﻩ
ﺍﻧﻲ ﺍﺣﺲ ﺑﻜﻞ ﺷﻲ ﺑﺲ ﺍﺳﻜﺖ ﻭﻣﺎﺍﻋﺎﺗﺒﻪ
ﺧﺎﻳﻔﻪ ﻟﻴﻘﺎﺭﻧﻲ ﺑﺎﻣﻞ ﻭﺍﺣﺴﺎﺱ ﺍﻟﻐﻴﺮﻩ ﻣﻮﻭﻭﺟﻊ
ﺑﻴﻮﻡ ﺍﻻﺛﻨﻴﻦ ﺍﺟﺖ ﺭﻭﻯ ﻳﻢ ﺍﻣﻲ ﻭﺍﻟﺠﻬﺎﻝ ﻭ ﺍﺧﻮﻳﻪ ﻧﺎﻇﻢ .. .. ﻭﺩﺍﻧﻲ ﻟﻠﺸﺮﻛﻪ .. ﺳﺄﻝ ﻋﻠﻰ ﺣﻴﺪﺭ ﺣﻤﺎ ﺍﺣﻼﻡ ﻭﺩﻟﻮﻧﻪ ﻋﻠﻴﻪ
ﺍﺟﻪ ﺳﻠﻢ ﻋﻠﻴﻨﻪ ﻭﻣﺸﻪ ﺑﺎﻻﺟﺮﺋﺎﺕ ﻭﻭﻫﻮﺍﻱ ﻭﺻﻪ ﻋﻠﻴﻪ
ﻛﻠﺶ ﺧﺠﻠﻨﻪ ..
ﺗﺼﻮﺭﺕ ﺣﺎﻟﻲ ﺑﺪﻭﻥ ﻭﺍﺳﻄﻪ ﺍﻛﻴﺪ ﻣﻴﻄﻠﻊ ﺍﺳﻤﻲ
ﻭﻳﻄﻴﺢ ﺣﻈﻲ .. ﺑﺲ ﺷﺴﻮﻱ ﻣﺤﺘﺎﺟﺘﻬﺎ ﻛﻠﺶ ﻫﺎﻟﻮﺿﻴﻔﻪ 3 ﺍﻃﻔﺎﻝ ﺭﺍﺡ ﻳﺼﻴﺮﻭﻥ .. ﻳﺮﺍﺩﻟﻬﻢ ﺻﺮﻑ ﻛﻮﻣﻪ ﻭﺯﻭﺟﻲ ﺑﺮﮔﺒﺘﻪ ﺍﻧﻲ ﻭﺫﻳﺞ ﻣﺮﺗﻪ ﻳﻌﻨﻲ
ﻫﻢ ﻣﻴﻠﺤﻚ ..
ﺍﻧﻄﻮﻧﻲ ﻣﻮﻋﺪ ﻟﻠﺪﻭﺍﻡ .. ﻭﺭﺟﻌﺖ ﻟﻠﺒﻴﺖ
ﻣﺮﺕ ﺍﻳﺎﻡ ﻭﺗﺄﺧﺮ .. ﻋﻼﺀ ﻣﺎﺍﺟﻪ ﺍﺗﺼﺎﻻﺗﻪ ﻗﻠﻴﻠﻪ
ﻛﻠﺶ .. ﺩﺧﻠﺖ ﺑﺎﻟﺸﻬﺮ ﺍﻟﺜﺎﻧﻲ ﻣﻦ ﺍﻟﺤﻤﻞ ﻭﺑﻠﺸﺖ
ﺍﺩﺍﻭﻡ .. ﺧﻠﻴﺖ ﺍﺑﻨﻲ ﻭﺑﻨﺘﻲ ﻳﻢ ﺍﻣﻲ ﺭﻭﻯ ﺟﺎﻧﺖ ﺗﺠﻲ ﺷﻮﻳﻪ ﺍﻟﻬﻢ ﺗﺸﻮﻑ ﺍﺣﺘﻴﺎﺟﺎﺗﻬﻢ ﻻﻥ ﻗﺮﻳﺒﻪ ﻋﻠﻰ ﺑﻴﺘﻨﻪ
ﻭﺭﻗﻴﻪ ﺗﺪﺍﻭﻡ ﺩﻭﺍﻡ ﺛﻼﺛﻲ .. ﺛﻼﺙ ﺳﺎﻋﺎﺕ ﺑﺎﻟﻴﻮﻡ
ﻭﻫﻢ ﻣﻦ ﺻﺎﻟﺤﻲ ﻫﺬﺍ ..
ﺑﺲ ﻛﻠﺶ ﺗﻌﺒﺖ ﺍﻛﻌﺪ ﻣﻦ ﺍﻝ 4 ﺍﻃﺒﺦ ﻭﺍﻋﺰﻝ ﺍﻟﺒﻴﺖ
ﻭﺍﻏﺴﻞ ﻣﻼﺑﺲ
ﻣﻦ ﺍﺟﻲ ﺍﻟﺠﻬﺎﻝ ﻣﻠﻬﻮﻓﻴﻦ ﻋﻠﻴﻪ ﻛﻠﺶ ﺍﺣﻀﻨﻬﻢ ﻭﺍﺑﺠﻲ
ﺍﻧﻘﻬﺮ ﺍﻋﻮﻓﻬﻢ ﻛﻞ ﻫﺎﻟﺴﺎﻋﺎﺕ
ﺍﻣﺎ ﻋﻼﺀ ﺍﺧﺦ ﻋﻼﺀ ﺍﻣﻮﺗﻨﻲ ﺑﺒﺮﻭﺩﻩ ﻛﻠﺶ ﺻﺎﻳﺮ
ﻻﻳﺴﺌﻞ ﻻ ﻳﺨﺎﺑﺮ ﺍﻟﻪ ﺍﻧﻲ ﺍﺧﺎﺑﺮ ﻭﺍﻣﺴﺞ ﺍﻟﻪ
ﺍﺧﺬ ﻣﻮﻋﺪ ﻳﻼ ﻳﺨﺎﺑﺮ
ﺷﻨﻮ ﻣﺴﻮﻳﺘﻠﻪ ﺍﻣﻞ ﻣﻌﻘﻮﻟﻪ ﺳﺎﺣﺮﺗﻠﻪ
ﻫﻲ ﺍﻏﻠﺐ ﻭﻗﺘﻬﺎ ﻳﻢ ﺍﻟﺸﻴﻮﺥ ﻭﺍﻟﺴﺤﺎﺭﻳﻦ ﺗﺘﻌﺎﻟﺞ
ﺍﻭﻭﻑ ﺷﻬﺎﻻﻓﻜﺎﺭ ﺍﻟﻲ ﺗﺮﺍﻭﺩﻧﻲ
ﻃﻜﺖ ﺭﻭﺣﻲ ﻣﺎﺑﻘﺎﻟﻲ ﺻﺒﺮ 3 ﺍﻳﺎﻡ ﻣﻴﺠﺎﻭﺏ ﻭﻻﻳﺘﺼﻞ
ﺩﺯﻳﺖ ﺍﻟﻪ ﺭﺳﺎﻟﻪ
ﻭﻟﻚ ﻋﻼﺀ ﺣﺲ ﺑﻴﻪ ﺣﺮﺍﻡ ﻋﻠﻴﻚ ﺍﺳﺎﺍﻝ ﻋﻨﻲ ﻋﻦ ﺟﻬﺎﻟﻚ ﻛﻮﻝ ﺷﻮﻧﻬﻢ .. ﻣﻴﺼﻴﺮ ﻫﻴﺠﻲ ﺍﻟﻤﻦ ﻣﺘﺰﻭﺟﻨﻲ ﺑﺲ
ﺑﺎﻻﺳﻢ ﺭﺟﺎﻝ ﻳﻌﻨﻲ
ﻭﺷﻤﺮﺕ ﺍﻟﺘﻠﻴﻔﻮﻥ ﻋﻠﻰ ﺍﻟﺠﺮﺑﺎﻳﻪ ﻭﺍﻟﺠﻬﺎﻝ ﻧﺎﻳﻤﻴﻦ ﺍﻟﺴﺎﻋﻪ 11 ﺑﺎﻟﻠﻴﻞ ﻭﺻﺮﺕ ﺭﺍﻳﺤﻪ ﺟﻠﻴﻪ ﺑﺎﻟﻐﺮﻓﻪ
ﻣﺜﻞ ﺍﻟﺨﺒﻠﻪ ..
ﻟﺸﻮﻳﻪ ﺧﺎﺑﺮ ﺭﺣﺖ ﺍﺭﻳﺪ ﺍﺟﺎﻭﺑﻪ ﻋﺜﺮﺕ ﺑﻨﺺ ﺍﻟﻐﺮﻓﻪ
ﻭﻭﻛﻌﺖ .. ﺍﺣﺲ ﺑﻄﻨﻲ ﻧﺨﻀﺖ ﺧﺾ
ﺷﻠﺘﻪ ﮔﺘﻠﻪ ﺍﻟﻮ
ﻋﻼﺀ .. -: ﺷﻜﻮ ﺷﺒﻴﺞ ﺷﻜﻮ ﺷﻨﻮ ﻫﺎﻟﺮﺳﺎﻟﻪ ﺗﺪﺭﻳﻦ ﺑﻴﻪ ﻣﺎﺍﺣﺐ ﻫﺎﻟﺨﺮﻳﻂ ﻭﺍﻧﺖ ﺗﻌﺮﻓﻴﻦ ﻛﻠﺶ ﺯﻳﻦ
ﺿﺮﻭﻓﻲ
ﻧﻮﺭ .. -: ﻋﻼﺀ ﺍﻧﻲ ﻣﺮﺗﻚ ﻣﺮﺗﻚ ﺍﻟﻴﻪ ﺣﻘﻮﻕ
•2
ﺧﻠﻴﻠﻲ ﻣﻜﺎﻧﻪ ﺑﮕﻠﺒﻚ ﺍﻧﻪ ﻭﺟﻬﺎﻟﻲ ﺍﺳﺎﻝ ﻋﻨﻲ ﺭﺍﻋﻴﻨﻲ
ﺗﺮﻩ ﻣﻴﺼﻴﺮ ﺷﻨﻮ ﻓﺮﻗﻲ ﻋﻦ ﺍﻣﻞ ﺍﻧﻲ
ﻋﻼﺀ .. ﻫﻬﻪ ﻭﺍﻟﻠﻪ ﻭﺻﺎﺭﻟﺞ ﻟﺴﺎﻥ ﺷﻨﻮ ﺷﻔﺘﻲ ﻧﻔﺴﺞ
ﻋﻠﻴﻪ ﺻﺎﺭ ﻋﺪﺝ ﺭﺍﺗﺐ ﻭﻭﺿﻴﻔﻪ
ﻧﻮﺭ .. ﻟﻴﺶ ﻫﻴﺞ ﺩﺗﻌﺎﻣﻠﻨﻲ ﻋﻼﺀ ﻫﺎ ﻟﻴﺶ ﻳﺎﻭﺿﻴﻔﻪ ﻳﺎﺷﻐﻞ ﻫﻲ ﻻﻥ ﺍﺭﻳﺪﻙ ﺗﺴﺄﻝ ﻋﻨﻲ .. ﻫﻴﺞ ﺗﻜﻮﻟﻲ ﻭﺑﻌﺪﻳﻦ ﺑﺲ ﻛﻮﻟﻲ ﺍﻣﻞ ﺷﻨﻮ ﻣﺴﻮﻳﺘﻠﻚ ﺳﺎﺣﺮﺗﻚ ﻫﺎﻟﻜﺪ ﺗﺤﺒﻬﺎ ﻃﺒﻌﺎ ﺍﺻﻼ ﻣﮕﻀﻴﻪ ﻭﻗﺘﻬﺎ ﻛﻠﻪ ﻳﻢ ﺍﻟﺴﺤﺎﺭﻳﻴﻦ
ﺷﻮﻥ ﻣﺎﺗﺴﺤﺮﻟﻚ ﻭﺗﻐﻴﺮﻙ ﻋﻠﻴﻪ
ﻋﻼﺀ .. ﻭﺍﻟﻠﻪ ﻭﻃﻠﻌﺘﻲ ﺣﺎﻗﺪﻩ ﺑﺲ ﺗﺪﺭﻳﻦ ﻟﻮ ﺍﻧﻲ ﻳﻤﺞ ﻭﺣﺠﻴﺘﻲ ﻫﺎﻟﺤﺠﻲ ﻭﺍﻟﻠﻪ ﻻﺍﺧﺮﺑﻂ ﻭﺟﻬﺞ ﺗﺨﺮﺑﻂ
ﺍﺷﻮﻓﺞ ﺷﻮﻥ ﺗﺪﺍﻭﻣﻴﻦ ﻭﻭﺟﻬﺞ ﺧﺮﻳﻄﻪ ﺯﺭﻛﻪ
ﻭﻟﺞ ﻣﺘﻌﺮﻓﻴﻦ ﺍﻣﻞ ﺣﺘﻰ ﺗﺤﺠﻴﻦ ﻋﻠﻴﻬﺎ
ﺍﻣﻞ ﺍﻡ ﺑﻴﺖ ﻭﺳﺒﺎﻋﻴﻪ ﻭﺗﻜﺘﻞ ﻧﻔﺴﻬﻪ ﻋﻠﻰ ﻣﻮﺩﻱ
ﻣﺘﺴﻤﻌﻨﻲ ﻫﺎﻟﺨﺮﻳﻂ ﻣﺎﻟﺘﺞ ﻫﺬﺍ
ﺍﻧﺖ ﻭﺣﺪﻩ ﺩﻟﻮﻋﻪ ﻭﺳﻤﻌﻲ ﺧﻠﻲ ﺍﻛﻠﺞ
ﺍﻣﻞ ﻋﻨﺪﻱ ﺍﻟﺪﻧﻴﺎ ﻛﻠﻬﺎ ﻭﺍﻧﺖ ﺑﻔﻠﺴﻴﻦ ﻣﺎﺍﺷﺘﺮﻳﺞ ﻭﺍﺍﺿﺢ ﻭﻛﻴﻔﻲ ﻋﺠﺒﺞ ﺧﻴﺮﺍ ﻋﻠﻰ ﺧﻴﺮ ﻣﻌﺠﺒﺞ ﺟﻴﺒﻲ ﺍﻟﺠﻬﺎﻝ
ﻭﻟﻲ ﺍﻃﻠﻜﺞ ﻭﺍﺭﺗﺎﺡ ﺍﻧﻲ ﻭﺍﻧﺖ ﻫﻢ ﺍﺭﺗﺎﺣﻲ ﻋﻮﺩ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق