رواية اريد ان اعيش الجزء الثالث
للكاتبة نور ناصر
.
ﻧﻮﺭ ...
ﺗﻔﺎﺟﺌﺖ ﺑﺪﺧﻠﺘﻪ ﻋﻠﻴﻪ .. ﺟﻨﺖ ﺷﺎﻳﻠﻪ ﻳﺴﺮ .. ﻭﺍﻓﺘﺮ
ﺑﻲ ﺿﻮﺟﻨﻲ ﺑﺲ ﻳﺒﺠﻲ ﻭﺍﻧﻲ ﺗﻌﺒﺎﻧﻪ ..
ﻣﻦ ﺷﻔﺘﻪ .. ﺍﺗﻤﻨﻴﺖ ﺍﺭﻭﺡ ﺍﻟـﻪ .. ﺍﺣﻀﻨﻪ ﺍﮔﻮﻟﻪ ﺍﺳﻔﻪ
ﻋﻠﻰ ﻛﻼﻣﻲ ﺍﻟﺴﻤﻌﺘﻪ ﺍﻟﻚ
ﺑﺲ ﻣﺎﺳﻮﻳﺘﻬﺎ ﺳﻮﻳﺖ ﻧﻔﺴﻲ .. ﻣﺪﺍﻳﺮﻩ ﺑﺎﻝ ﺍﻟﻪ ﺍﺑﺪ
ﻭﻛﻤﻠﺖ ﻓﺮﺗﻲ ﺑﺎﻟﻐﺮﻓﻪ ..
ﺍﺟﻪ ﺍﻗﺘﺮﺏ ﻣﻨﻲ ﻭﺍﺧﺬ ﻳﺴﺮ ﻭﺑﻮﺳﻨﻲ ..
ﻋﻼﺀ .. ﺣﻤﺪﻟﻠﻪ ﻋﻠﻰ ﺳﻼﻣﺘﺞ
ﻧﻮﺭ .. ﺍﺑﺘﻌﺪﺕ ﻣﻨﻪ ﻭﺗﺼﻨﻌﺖ ﺍﻻﻟﻢ ﻭﺭﺣﺖ ﻛﻌﺪﺕ ﻋﻠﻰ ﺍﻟﺴﺮﻳﺮ .. ﮔﺘﻠﻪ ﺷﺠﺎﺑﻚ ﻣﻮ ﺍﺑﻨﻚ ﻣﺮﻳﺾ .. ﻟﻴﺶ ﺟﻴﺖ
ﻋﻼﺀ .. ﺍﺭﺟﻊ ؟؟؟؟
ﻧﻮﺭ .. ﺗﺮﺟﻊ ﺗﺒﻘﻰ ﻣﺘﻬﻤﻨﻲ ﻣﺎﺍﮔﺪﻱ ﻣﻨﻚ ﺍﻫﺘﻤﺎﻡ
ﻋﻼﺀ .. ﻫﺎﺍﺍ ﻫﻲ ﻋﻠﻴﻪ ﻭﻗﺘﺮﺑﺖ ﻣﻨﻬﺎ ﻭﻫﻲ ﻛﺎﻋﺪﻩ ﻋﻠﻰ ﺍﻟﺴﺮﻳﺮ ﺍﺭﻳﺪ ﺍﺑﻮﺳﻬﻪ ﻣﻦ ﺷﻔﺘﻬﺎ ﻣﻴﻠﺖ ﻧﻔﺴﻬﻪ ﻋﻠﻰ ﺍﻟﺴﺮﻳﺮ ﻣﻘﺒﻠﺖ ﻭﻃﻨﻜﺮﺕ ﻭﺩﺍﺭﺕ ﻭﺟﻬﻪ ﮔﺘﻠﻬﺎ ﻫﺎﺍ ﺷﻜﻮ ﺍﻟﻬﺎﻟﺪﺭﺟﻪ ﺯﻋﻼﻧﻪ ﻣﻨﻲ ﻧﻮﺭ ﻻﺗﺪﻟﻌﻴﻦ
ﻧﻮﺭ .. ﻋﻼﺀ ﺍﻧﻲ ﻣﺠﺮﺩ ﺷﻲ ﺛﺎﻧﻮﻱ ﺑﺤﻴﺎﺗﻚ
ﻭﺍﻧﻲ ﻣﺎﺍﺭﻳﺪ ﻫﺎﻟﺸﻲ ﻃﺒﻌﺎ .. ﺑﺎﻉ ﺍﻛﺮﻫﻨﻲ ﻃﻠﻜﻨﻲ
ﺑﺲ ﻟﺘﺠﻴﻠﻲ ﻭﻗﺖ ﺣﺎﺟﺘﻚ
ﻋﻼﺀ .. ﺻﺪﻭﻭﻙ ﺗﺤﺠﻴﻦ ﻫﺬﺍ ﺿﻨﺞ ﺑﻴﻪ
ﻧﻮﺭ .. ﺍﻧﻄﻴﻨﻲ ﻳﺴﺮ ﺧﻠﻲ ﺍﻧﻴﻤﻪ
ﻋﻼﺀ .. ﺭﺍﺡ ﺍﺧﺬﻩ ﻳﻤﻲ ﺍﻟﻌﺒﻪ
ﻧﻮﺭ .. ﻓﺘﺖ ﺑﺎﻟﻔﺮﺍﺵ ﻭﺗﻐﻄﻴﺖ ..
ﻭﻫﻮ ﻃﻠﻊ ﻣﻦ ﺍﻟﻐﺮﻓﻪ ﻭﻳﺎ ﻳﺴﺮ
ﺍﻧﻘﻬﺮﺕ ﻋﻠﻴﻪ ﻛﻠﺶ ﻫﻮﺍﻱ ﺣﺠﻴﺖ ﺣﺠﻲ ﻣﺆﻟﻢ
ﺑﺲ ﺧﻠﻲ ﻳﺤﺲ ﺑﻴﻪ ﻭﺑﺎﻟﻴﺤﺠﻲ ﻭﻳﺎﻳﻪ ﻭﻳﺸﻮﻑ ﺷﻮﻥ ﺍﻧﺠﺮﺡ ﻣﻦ ﻛﻼﻣﻪ
ﺳﺤﺒﺖ ﺍﻟﻔﻮﻥ .. ﻭﺧﺎﺑﺮﺕ ﺍﺣﻼﻡ
ﻫﺎﺍﺣﻼﻡ ﻣﻜﺘﻴﻠﻲ ﺷﻜﺪ ﻓﻠﻮﺱ ﺍﻟﻤﺴﺘﺸﻔﻰ
ﺍﺣﻼﻡ .. ﻭﻟﺞ ﺣﻴﺪﺭ ﻣﻴﻘﺒﻞ ﻳﺎﺧﺬ
ﻧﻮﺭ .. ﻟﻴﺶ ﺑﺎﻟﻠﻪ ﺯﻳﻦ ﻛﻮﻟﻴﻠﻲ ﺷﻜﺪ ﺍﻧﻲ ﺍﺗﺼﺮﻑ
ﺍﺣﻼﻡ .. ﻭﻟﺞ ﻣﺎﺍﺩﺭﻱ ﻣﻘﺒﻞ ﻳﻜﻮﻝ ﻫﺴﻪ ﺷﻮﻧﺞ
ﻧﻮﺭ .. ﺯﻳﻨﻪ ﺍﺟﻪ ﻋﻼﺀ
ﺍﺣﻼﻡ .. ﺍﻱ ﺍﺷﻮﻓﺞ ﺯﻳﻨﻪ ﻫﻪ
ﻧﻮﺭ ... ﻫﻬﻬﻬﻪ ﻳﻼ ﺣﺒﻲ ﺍﺧﺎﺑﺮﺝ ﻏﻴﺮ ﻭﻗﺖ
ﺳﺪﻳﺘﻪ ﻣﻨﻬﺎ ﺷﻔﺖ ﻣﺴﺞ ﻣﻦ ﺣﻴﺪﺭ
ﻳﺎﻋﺰﺍﺍﺍ ﺷﺎﻑ ﻃﻠﺐ ﺍﻟﺼﺪﺍﻗﻪ ﻭﺻﻞ ﺍﻟﻪ ﺍﻻﺷﻌﺎﺭ
ﻭﺍﻛﻴﺪ ﻋﺮﻓﻨﻲ ﻻﻥ ﺍﻧﻲ ﻛﺎﺗﺒﻪ ﺍﺳﻤﻲ ﺑﺎﻻﻧﻜﻠﻴﺰﻱ
ﻧﻮﺭ ﺳﻼﻡ ﻭﻣﻌﻠﻮﻣﺎﺕ ﻋﻨﻲ ﻣﻜﺎﻥ ﺳﻜﻨﻲ ﻭﺷﻐﻠﻲ
ﺍﻛﻴﺪ ﻋﺮﻓﻨﻲ ﻳﺎﺍﺍﺍﺧﺮﺏ
ﻧﻮﺏ ﻛﺎﺗﺐ ﻫﻼ ﺍﻡ ﺣﻼ ﺷﻔﺘﺞ ﺩﺍﺯﺗﻠﻲ ﻃﻠﺐ ﺻﺪﺍﻗﻪ
ﺧﻴﺮ ﻣﺤﺘﺎﺟﻪ ﺷﻲ ..
ﻛﻠﺖ ﺧﻠﻲ ﺍﺭﺩ ﻋﻠﻴﻪ ﻓﺸﻠﻪ ﻭﺍﻛﻮﻟﻪ ﻋﻠﻰ ﺍﻟﻔﻠﻮﺱ
ﺭﺩﻳﺖ ﻋﻠﻴﻪ ﺳﻼﻣﺘﻚ ﻣﺎﺍﺭﻳﺪ ﺑﺲ ﺷﻜﺪ ﻓﻠﻮﺱ ﺍﻟﻤﺴﺘﺸﻔﻰ
ﺣﻴﺪﺭ .. ﻻ ﺧﻠﻴﻬﻦ ﻣﺎﻝ ﺳﻼﻣﺘﺞ ﻳﻤﻌﻮﺩﻩ ..
ﻧﻮﺭ .. ﻻ ﻋﻴﻨﻲ ﻣﻘﺼﺮﺕ ﺍﻟﻲ ﺳﻮﻳﺘﻪ ﻭﻳﺎﻱ ﻣﻴﺘﺴﻮﻩ
ﻭﺍﻟﻠﻪ ﺑﺲ ﻛﻮﻝ ﺷﻜﺪ ﻭﻋﻔﺖ ﺍﻟﻔﻮﻥ .. ﻭﻃﻠﻌﺖ
••________________••
ﻋﻼﺀ .. ﻛﻌﺪﺕ ﻳﻢ ﻋﻤﺘﻲ .. ﻭﺳﻮﻟﻔﺖ ﺍﻟﻲ ﻛﻞ ﺷﻲ
ﻭﻛﺎﻟﺖ ﺣﻤﺎ ﺍﺣﻼﻡ ﻫﻴﺞ ﻭﻫﻴﺞ ﻣﺎﺧﺬﻫﻪ ﻣﻦ ﺍﻟﺸﻐﻞ ﻭﺩﻓﻊ ﻓﻠﻮﺱ ﺍﻟﻤﺴﺘﺸﻔﻰ ﻭﻣﺎﺍﻋﺮﻑ ﺷﻨﻮ
ﺍﻧﻲ ﺭﺃﺳﺎ ﺧﻠﻴﺖ ﻳﺴﺮ ﻳﻢ ﻋﻤﺘﻲ ﻭﺭﺣﺖ ﺍﻟﻨﻮﺭ ﻟﻠﻐﺮﻓﻪ
ﺍﻭﻝ ﻣﺎﻓﺘﺤﺖ ﺍﻟﺒﺎﺏ .. ﺷﻔﺘﻬﻪ ﺗﺮﻳﺪ ﺗﻄﻠﻊ ﺳﺤﺒﺘﻬﻪ
ﻣﻦ ﺍﻳﺪﻫﻪ ..
ﺗﻌﺎﻟﻲ ﻧﻮﺭ .. ﺷﻨﻮ ﺍﻟﻲ ﺳﻤﻌﺘﻪ ﻣﻦ ﻋﻤﺘﻲ
ﻧﻮﺭ .. ﺍﻭﻭﻭ ﺷﺴﻤﻌﺖ .. ﻭﺩﺭﺕ ﻭﺟﻬﻲ ﻋﻨﻪ
ﻋﻼﺀ .. ﺷﻨﻮﻭ ﺍﻭﻭﻭ ﻫﻴﺞ ﻛﻼﻣﻲ ﺛﻜﻴﻞ ﻋﻠﻴﺞ ﻭﺩﺭﺕ ﻭﺟﻬﻪ ﺻﻮﺑﻲ ﺑﻌﺪ ﺷﻨﻮ ﺳﻤﻌﺖ ﻣﺘﺨﺮﺑﻄﻪ ﺑﺎﻟﺪﻭﺍﻡ ﻭﻣﻦ ﻫﺎﻟﺤﺠﻲ ...
ﻧﻮﺭ ... ﺍﻱ ﻋﻼﺀ ﻭﺧﻠﻒ ﺍﻟﻠﻪ ﻋﻠﻰ ﺍﻟﻮﻟﺪ ﺳﺎﻋﺪﻧﻲ ﻭﺩﺍﻧﻲ ﺍﻟﻤﺴﺘﺸﻔﻰ ﻭﺍﻫﺘﻢ ﺑﻴﻪ .. ﻭﺩﺍﻧﻲ ﻣﺴﺘﺸﻔﻰ ﺧﺎﺹ ﻭﻟﻮ ﺍﻧﺖ ﻣﺠﺎﻥ ﺳﻮﻳﺘﻬﻪ ﻭﻋﻔﺘﻪ ﺍﺭﻳﺪ ﺍﻃﻠﻊ
ﻋﻼﺀ .. ﺷﻨﻮ ﺗﻌﻴﺮﻳﻨﻲ ﺑﻲ
ﻧﻮﺭ .. ﻣﺜﻠﻤﺎ ﺍﻧﺖ ﺗﻌﻴﺮﻧﻲ ﺑﺎﻣﻞ
ﻋﻼﺀ .. ﺳﻤﻌﻴﻨﻲ ﻧﻮﺭ ﺣﺘﻰ ﺗﺒﻄﻠﻴﻦ ﻣﻦ ﺍﻟﺸﻐﻞ ﻭﺍﺧﺬﺝ ﻭﻳﺎﻳﻪ ﻟﻠﻌﻤﺎﺭﻩ
ﻧﻮﺭ .. ﺷﺴﻮﻱ ﺭﺍﻳﺤﻪ ﻭﻳﺎﻙ ﻭﻳﻦ ﺍﻛﻌﺪ ﺑﺒﻴﺖ ﺍﺧﺘﻚ
ﻋﻼﺀ .. ﺍﻧﻲ ﺍﺩﺑﺮﻫﺎ ﻣﻌﻠﻴﺞ
ﻧﻮﺭ .. ﻭﺍﻟﺸﻐﻞ .. ﺍﻋﻮﻓﻪ
ﻋﻼﺀ .. ﺍﻱ ﺗﻌﻮﻓﻲ ﺍﻧﻲ ﺍﺻﺮﻑ ﻋﻠﻴﻜﻢ
ﻧﻮﺭ ... ﻭﺍﻣﻲ
ﻋﻼﺀ .. ﺍﺫﺍ ﺗﺮﺩﻳﻦ ﻧﺎﺧﺬﻫﺎ ﻭﻳﺎﻧﻪ
ﻧﻮﺭ .. ﻣﺎﺍﺍﺍ . ﻭﺧﺮ ﻭﻋﻔﺘﻪ ﻭﻃﻠﻌﺖ
ﻋﻼﺀ ... ﻻﺻﺪﻙ ﺗﺘﺪﻟﻊ ﻫﻲ ﺍﻧﻲ ﺍﻋﻠﻤﻬﺎ ﻣﺎﺍﺧﻠﻴﻬﺎ ﺗﺪﺍﻭﻡ
ﻃﺒﻴﺖ ﺍﺭﻳﺪ ﺍﺑﺪﻝ ﺍﺭﻭﺡ ﺍﺟﻴﺐ ﺍﻛﻞ ﻣﻦ ﺍﻟﻤﻄﻌﻢ .. ﻻﻥ ﺷﻜﻠﻬﺎ ﺗﻌﺒﺎﻧﻪ ﻭﻣﺎﺑﻴﻬﻪ ﺗﻄﺒﺦ ﻭﺍﻣﻬﺎ ﻫﻢ ﺗﻌﺒﺎﻧﻪ .
.
ﺍﺳﻤﻊ ﺗﻠﻴﻔﻮﻧﻬﺎ ﺗﻮﺻﻞ ﺍﻟﻪ ﻣﺴﺠﺎﺕ
ﺍﻟﺸﻴﻄﺎﻥ ﻇﻞ ﻳﻠﻌﺐ ﺑﻴﻪ
ﻣﺪﻳﺖ ﺍﻳﺪﻱ ﺍﻟﻪ .. ﻭﺍﻭﻝ ﻣﺮﻩ ﺍﺟﻴﻚ ﺗﻠﻴﻔﻮﻧﻬﺎ ﻣﻦ ﻭﺭﺍﻫﺎ
ﺷﻔﺖ ﻣﺴﺞ ﻣﻦ ﻭﺍﺣﺪ ﺍﺳﻤﻪ ﺣﻴﺪﺭ ﺍﻱ ﻫﻮ ﻧﻔﺴﻪ ﺍﻟﺤﺠﺖ ﻋﻠﻴﻪ ﻋﻤﺘﻲ ﻭﻫﻲ ﺗﻤﺪﺡ ﺑﻲ
ﻗﺮﻳﺖ ﻫﻲ ﺩﺍﺯﻩ ﺍﻟﻪ ﻃﻠﺐ
ﻭﺑﺎﻻﺧﻴﺮ ﻛﺎﺗﺒﻠﻬﺎ ﺍﺫﺍ ﻋﻨﺪﺝ ﻣﺸﺎﻛﻞ ﻭﻳﺎﺍ ﺯﻭﺟﺞ ﻛﻮﻟﻴﻠﻲ ﺍﻧﻲ ﺍﺳﺎﻋﺪﺝ ﺍﻧﺖ ﺑﺲ ﺍﻣﺮﻳﻨﻲ ﺍﻡ ﺣﻼ ..
ﺍﻧﻲ ﺷﺒﺖ ﺑﻴﻪ ﺍﻟﻨﺎﺭ .. ﻟﺰﻣﺖ ﺍﻟﻔﻮﻥ ﻭﺭﻛﻌﺘﻪ ﻭﻓﺘﺤﺖ ﺍﻟﺒﺎﺏ ﺍﺭﻳﺪ ﺍﺗﻨﻔﺲ ﻣﺎﺍﻛﺪﺭ ..
ﺍﺣﺲ ﺍﺧﺘﻨﻜﺖ ﺻﺤﺖ ﻧﻮﻭﻭﻭﻭﻭﻭﺭ ﺗﻌﺎﺍﺍﺍﺍﺍﺍﺍﻱ
ﻧﻮﺭ .. ﺍﻧﻲ ﺟﻨﺖ ﺑﺎﻟﻤﻄﺒﺦ ﺩﺍﺍﻏﺴﻞ ﻣﻤﺔ ﻳﺴﺮ ﺳﻤﻌﺘﻪ ﻳﺼﻴﺢ ﺍﻭﻭﻭ ﺷﺒﻲ ﻫﺬﺍ
ﺭﺣﺖ ﺍﻟﻪ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﻭﻃﺒﻴﺖ ﻛﺘﻠﻪ ﺑﺒﺮﻭﺩ ﺷﻜﻮ ﺷﺘﺮﻳﺪ ..
ﺍﺷﻮ ﻫﺬﺍ ﻫﺠﻢ ﻋﻠﻴﻪ ﻟﺰﻣﻨﻲ ﻣﻦ ﺷﻌﺮﻱ ﺍﺑﺎﻭﻉ ﺗﻠﻴﻔﻮﻧﻲ ﻣﻔﻠﺶ ﺑﺎﻟﮕﺎﻉ
ﻋﻼﺀ ... ﺣﻘﻴﺮﻩ ﺧﺎﻳﻨﻪ .. ﻭﻟﺞ ﻣﺎﺗﻮﻗﻌﺘﻬﺎ ﻣﻨﺞ
ﻧﻮﺭ ... ﺷﺒﻴﻚ ﻋﻼﺀ ﻟﻴﺶ ﺗﻜﻮﻝ ﻫﻴﺞ
ﻋﻼﺀ .. ﻭﻟﺞ ﺷﻮﻥ ﺗﺪﺯﻳﻠﻪ ﻃﻠﺐ ﺷﻮﻥ ﺗﺮﺍﺳﻠﻴﻨﻪ ﻫﺎﺍ
ﻧﻮﺭ .. ﻫﻮ ﻣﻨﻮ ﺷﺒﻴﻚ ﺍﺗﺮﻙ ﺷﻌﺮﻱ ﺍﺧﺦ ﺩﺗﺄﺫﻳﻨﻲ ﺗﺮﻩ
ﻋﻼﺀ .. ﺍﻣﻮﺗﺞ ﺍﺫﺑﺤﺞ ﻫﻢ ﻭﺍﻧﺖ ﺷﻮﻥ ﺗﺤﺠﻴﻠﻪ ﻋﻠﻰ ﻣﺸﺎﻛﻠﻨﻪ ﻫﺎﺍ
ﻧﻮﺭ .. ﻣﺎﺣﺠﻴﺘﻠﻪ ﻭﺍﻟﻠﻪ ﺑﺲ ﻋﻮﻓﻨﻲ ﺍﺗﺮﻛﻨﻲ ﻭﻟﻚ ﻭﺧﺮﺭ
ﻋﻼﺀ .. ﺳﺎﻗﻄﻪ ﺧﺎﻳﻨﻪ ﻫﻲ ﺍﻟﺜﻘﻪ ﺍﻟﻲ ﺍﻧﻄﻴﺘﺠﻴﺎﻫﻪ
ﻧﻮﺭ .. ﺩﻧﺠﺐ ﺍﻧﻲ ﻣﻮ ﺧﺎﻳﻨﻪ ﻭﺧﺮﺭﺭﺭ
ﻋﻼﺀ .. ﻧﺠﺐ ﻣﻮ ﻗﺮﺑﺖ ﻭﺟﻬﻪ ﺍﻟﻲ ﻭﺻﺮﺕ ﺍﺣﺠﻲ ﺑﻮﺟﻬﻪ ﺑﻠﻐﺔ ﺍﻟﺘﻬﺪﻳﺪ ..
ﻣﻦ ﺑﺎﺟﺮ ﻧﻮﺭ ﻣﻦ ﺑﺎﺟﺮ ﺗﺮﻭﺣﻴﻦ ﻭﻳﺎﻳﻪ ﻟﻠﻌﻤﺎﺭﻩ ﻭﺗﻌﻮﻓﻴﻦ
ﻛﻞ ﺷﻲ ﻫﻨﺎ ﺧﻮﺵ
ﻧﻮﺭ .. ﻛﺪﺭﺕ ﺍﻧﻬﺰﻡ ﻣﻨﻪ ﻭﺍﺭﻭﺡ ﻋﻠﻰ ﺍﻟﺴﺮﻳﺮ
ﻛﺘﻠﻪ ﻣﺎﺭﻭﺡ ﻭﻳﺎﻙ ﻃﻠﻜﻨﻲ
ﺍﻗﺘﺮﺏ ﻣﻨﻲ ﺷﻔﺖ ﺍﻟﻤﻮﺕ ﺑﻌﻴﻮﻧﻪ ﺷﺴﻮﻳﺘﻲ ﻭﻟﺞ ﻧﻮﺭ ﺍﻟﻪ ﺗﺮﺩﻳﻦ ﻋﻠﻴﻪ ﺍﻟﻪ ﺗﺒﺤﻮﺷﻴﻦ ﻋﻠﻰ ﺻﻔﺤﺘﻪ
ﻋﻼﺀ .. ﺭﺣﺖ ﺍﻟﻬﻪ ﻋﻠﻰ ﺍﻟﺴﺮﻳﺮ ﺻﻌﺪﺕ ﻋﻠﻴﻬﺎ ﺿﻐﻄﺖ
ﻭﺍﻫﻤﺲ ﺑﺎﺫﻧﻬﺎ
ﻭﻟﺞ ﺍﺫﺑﺤﺞ ﻭﻫﺴﻪ ﺭﺍﻳﺢ ﻻﺧﻮﺍﻧﺞ ﻭﺭﺍﻳﺢ ﺍﻟﻬﺬﺍ ﺍﻟﻜﻠﺐ ﻭﺍﺳﻮﻳﻬﻪ ﻭﻳﺎ
5
ﺩﻡ ﻟﻠﺮﻛﺐ ﻭﻓﻀﺎﻳﺢ ﺧﻮﻭﻭﺵ
ﻧﻮﺭ .. ﻻﻋﻔﻴﻪ ﺗﻌﺎﻝ ﻋﻼﺀ ﻳﻤﻌﻮﺩ ﻻﺗﻔﻀﺤﻨﺎ ﻭﺍﻟﻠﻪ ﺍﺣﺠﻴﻠﻚ ﺍﻟﻲ ﺻﺎﺭ ﻛﻠﻪ ﻣﺎﺑﻴﻨﻪ ﺷﻲ ﻭﻻﺣﺠﻴﺖ ﺍﻟﻪ ﻋﻦ ﻣﺸﺎﻛﻠﻨﻪ ﺍﺣﻼﻡ ﺑﺎﻟﻐﻠﻂ ﺣﺠﺖ ﻭﺍﻟﻠﻪ ﻭﺍﺫﺍ ﺗﺮﻳﺪ ﺍﺭﻭﺡ ﻭﻳﺎﻙ ﻭﺍﺧﻠﺺ ﺍﻟﻲ ﺗﺮﻳﺪﻩ ﺑﺲ ﺍﺳﺘﺮ ﻋﻠﻴﻨﻪ ﻻﻧﻨﻔﻀﺢ ﻓﺪﻭﻩ ﻭﻛﻮﻡ ﻋﻨﻲ ﺍﻟﺒﺎﺭﺣﻪ ﻣﺴﻮﻳﻪ ﺍﻟﻌﻤﻠﻴﻪ ﻭﺩﺗﺎﺫﻳﻨﻲ ﺍﻧﺖ ﻓﺪﻭﻩ
ﻋﻼﺀ .. ﻛﻤﺖ ﻣﻨﻬﺎ ﺑﺲ ﺑﻘﻴﺖ ﻳﻤﻬﻪ ﻋﻠﻰ ﺍﻟﺴﺮﻳﺮ .. ﻛﺘﻠﻬﻪ ﻣﺎﺷﻲ ﻧﻮﺭ ﺳﻬﻠﻪ ﻭﻟﺞ ﻫﻲ ﺍﻟﺜﻘﻪ ﺍﻟﻤﻨﻄﻴﺞ ﺍﻳﺎﻫﻪ
ﻧﻮﺭ .. ﺍﻟﻜﻼﻡ ﺟﺎﻥ ﻋﺎﺩﻱ
ﻋﻼﺀ .. ﺍﺷﺸﺸﺶ ﺍﻣﻮﺗﺞ ﻻﺗﻔﺘﺤﻴﻦ ﺣﻠﻜﺞ ﻻﺍﺷﮕﻪ ﺍﻟﺞ ﻫﺴﻪ ﺭﻓﻌﺖ ﺍﻳﺪﻱ ﺍﺭﻳﺪ ﺍﺿﺮﺑﻬﺎ .. ﺷﻔﺘﻬﺎ ﺗﺤﻤﻲ ﻧﻔﺴﻬﻪ ﺑﺎﻳﺪﻫﻪ ﻋﻔﺘﻪ ﺭﺣﺖ ﺍﻟﻤﺤﻔﻀﺘﻲ ﺍﺧﺬﺕ ﻓﻠﻮﺱ ﻭﻃﻠﻌﺖ
ﺷﻔﺖ ﮔﺒﺎﻟﻲ .. ﺍﻣﻬﺎ ﻛﺎﻟﺖ ﻳﻤﻪ ﻫﺒﻄﺘﻮﻧﻲ ﺷﺒﻴﻜﻜﻢ
ﻛﺘﻠﻬﺎ ﻣﺎﻛﻮ ﺷﻲ ﻋﻤﻪ .. ﺍﺑﺪ
ﻃﻠﻌﺖ ﻣﻦ ﺍﻟﺒﻴﺖ ﺭﺣﺖ ﺍﻟﺒﻴﺖ ﻧﺎﻇﻢ ﻛﺘﻠﻪ ﺍﻧﻄﻴﻨﻲ ﻋﻨﻮﺍﻧﻬﻢ ﺫﻭﻟﻪ ﻳﻄﺎﻟﺒﻮﻧﻪ ﻓﻠﻮﺱ ﻭﺍﺭﻳﺪ ﺍﺭﺟﻌﻬﻢ ﻛﺎﻝ ﻣﺎﺍﺩﺭﻱ ﺧﻠﻲ ﺍﺧﺎﺑﺮ ﻭﺍﺳﺌﻞ ﻋﻨﻬﻢ ..
ﺧﺎﺑﺮ ﻭﺳﺄﻝ ﻭﺍﻧﻄﺎﻧﻲ ﺍﻟﻌﻨﻮﺍﻥ .. ﻛﺘﻠﻪ ﺗﺮﻩ ﺍﻧﻲ ﺭﺍﺡ ﺍﺧﺬ ﻧﻮﺭ ﻭﻳﺎﻳﻪ ﻟﻠﻌﻤﺎﺭﻩ ﻛﺎﻝ ﻭﺩﻭﺍﻣﻬﺎ ﻛﺘﻠﻪ ﺑﻌﺪﻳﻦ ﻧﺤﺠﻲ ﺑﻬﺎﻟﻤﻮﺿﻮﻉ ﻛﺎﻝ ﻟﻌﺪ ﺷﻮﻛﺖ ﺗﻄﻠﻌﻮﻥ ﻛﺘﻠﻪ ﺑﺎﺟﺮ ﻛﺎﻝ ﻟﻌﺪ ﺣﺘﻰ ﺍﺟﻲ ﺍﺧﺬ ﺍﻣﻲ ﻭﺑﻨﺖ ﺍﺧﻮﻳﻪ ﻛﺘﻠﻪ ﻣﺎﺷﻲ
ﻭﻃﻠﻌﺖ
ﺭﺣﺖ ﻋﻠﻰ ﺣﻴﺪﺭ ﺩﮔﻴﺖ ﺍﻟﺒﺎﺏ ﻃﻠﻊ ﺍﻟﻲ ﻭﺍﺣﺪ ﮔﺘﻠﻪ ﺍﺭﻳﺪ ﺣﻴﺪﺭ ﻛﺎﻝ ﻫﺴﻪ ﺍﺻﻴﺤﻪ ﺍﻟﻚ .. ﺭﺍﺡ ﺑﻌﺪﻫﻪ ﻓﺪ ﺭﺑﻊ ﺳﺎﻋﻪ ﺍﺟﻪ
ﻛﺎﻝ ﺍﻧﻲ ﺣﻴﺪﺭ ﺃﻣﺮﻧﻲ
ﮔﺘﻠﻪ ﺷﻜﺪ ﻓﻠﻮﺱ ﺍﻟﻤﺴﺘﺸﻔﻰ
ﻛﺎﻝ ﻧﻌﻢ ﻛﺘﻠﻪ ﺍﻧﻲ ﺯﻭﺝ ﺍﻡ ﺣﻼ
ﻫﻮ ﻇﻞ ﻳﺘﻠﻌﺜﻢ ﺑﺎﻟﻜﻼﻡ ﻛﺎﻝ ﻫﺎﻟﻜﺪ ﺍﻟﺤﺴﺎﺏ
ﺷﻤﺮﺗﻬﻦ ﻋﻠﻴﻪ ﻭﻟﺰﻣﺘﻪ ﻣﻦ ﻳﺎﺧﺘﻪ ﻭﻛﺘﻠﻪ ﻫﻴﻪ ﺑﻌﺪ ﻻﺗﺮﺍﺳﻞ ﻭﺍﺑﺘﻌﺪ ﻋﻨﻬﺎ ﺧﻮﻭﻭﺵ ﻫﻮ ﻇﻞ ﺻﺎﻓﻦ ﻛﺎﻝ ﻭﺧﺮ ﻳﻼ .. ﺭﺩﺕ ﺍﺿﺮﺑﻪ ﻟﺰﻡ ﺍﻳﺪﻱ ﻃﻠﻊ ﻭﺍﺣﺪ ﺛﺎﻧﻲ ﻛﺎﻝ ﺷﻜﻮ ﻣﺎﺍﺭﺩﺕ ﻓﻀﺎﻳﺢ ﺧﻠﻴﺖ ﻭﺭﺟﻌﺖ ﻟﻠﺒﻴﺖ
ﺷﻔﺖ ﻋﻤﺘﻲ ﺣﺎﺟﻴﺘﻬﻪ .. ﻛﺘﻠﻬﺎ ﺗﺮﻩ ﺭﺍﺡ ﺍﺭﻭﺡ ﺗﺮﺣﻴﻦ ﻭﻳﺎﻧﻪ ﻛﺎﻟﺖ ﻻ ﻣﺎﺍﻛﺪﺭ
ﻛﺘﻠﻬﺎ ﻧﺎﻇﻢ ﺣﻴﺎﺧﺬﺝ
ﻛﺎﻟﺖ ﺧﻮﺵ ﺑﺲ ﺷﻨﻮ ﺻﺎﺭ ﻛﺘﻠﻬﺎ ﻻﺗﻬﺘﻤﻴﻦ
ﺍﻡ ﻧﻮﺭ .. ﺩﻳﺮ ﺑﺎﻟﻚ ﻋﻠﻴﻬﻪ ﻭﻋﻠﻰ ﺍﻟﺠﻬﺎﻝ
ﻋﻼﺀ .. ﻻﺗﻬﺘﻤﻴﻦ ﺍﻛﻴﺪ ﺑﻌﻴﻮﻧﻲ
ﻧﻮﺭ .. ﺑﺎﻟﻠﻴﻞ ﺍﺟﻪ ﻧﺎﻇﻢ .. ﺍﺧﺬ ﺍﻣﻲ ﻭﺭﻗﻴﻪ ﻭﺩﻋﺘﻬﺎ ﻭﺍﺑﺠﻲ ﻭﻫﻲ ﻫﻢ ﻭﺑﻮﺳﺖ ﺍﻟﺠﻬﺎﻝ ﻛﺎﻟﺖ ﺗﻌﻮﺩﺕ ﻋﻠﻴﻬﻢ ﻛﺘﻠﻬﺎ ﻫﻢ ﻧﺮﺟﻊ ﻟﺘﻀﻮﺟﻴﻦ ﻫﺰﺕ ﺑﺮﺍﺳﻬﺎ ﻫﻲ
ﻭﻻﺑﺴﻪ ﺍﻟﻌﺒﺎﻳﻪ ﻭﺭﺍﺣﺖ
ﺑﺎﻟﻠﻴﻞ ﻋﻼﺀ ﺑﺲ ﻳﻔﺘﺮ ﻭﻳﺪﺧﻦ ﻭﺍﻧﻲ ﻣﻴﺘﻪ ﺧﻮﻑ ﻣﻨﻪ ﻟﻴﺴﻮﻳﻠﻲ ﺷﻲ ..
ﻳﺎﺭﺑﻲ ﻛﻞ ﺷﻲ ﻭﻻ ﺍﻟﻔﻀﻴﺤﻪ
ﺳﻮﻳﺖ ﻧﻔﺴﻲ ﻣﻠﺘﻬﻴﻪ ﻭﻳﺎ ﺍﻟﺠﻬﺎﻝ ... ﻟﺤﺪ ﻣﺎﻧﻮﻣﺘﻬﻢ
ﻭﻧﻤﺖ ﺻﺎﺭ ﺍﻟﻔﺠﺮ ﻛﻌﺪﺕ .. ﻫﻮ ﻛﺎﻋﺪ ﺑﺎﻟﺼﺎﻟﻪ ﻭﻋﻴﻮﻧﻪ ﺣﻤﺮ ﻳﺨﻮﻑ ﻭﺑﺲ ﻳﺨﺰﺭﻧﻲ
ﻛﺎﻝ ﻳﻼ ﺣﻀﺮﻱ ﻛﻞ ﺷﻲ ﺑﻌﺼﺒﻴﻪ
ﺣﻀﺮﺕ ﻛﻞ ﺷﻲ ﻭﻣﺎﺍﺑﻮﺍﻫﺴﻲ ﺍﻟﺮﻭﺣﻪ ﺍﺑﺪ ﺗﻌﻮﺩﺕ ﻫﻨﺎ ﺑﺲ ﺧﻔﺖ ﻣﻨﻪ ﻓﻀﻴﺤﻪ ﻣﺨﺒﻞ ﻭﺍﻋﺮﻓﻪ
ﻭﺍﻓﻜﺮ ﻭﻳﻦ ﺭﺍﺡ ﻧﻜﻌﺪ ﻫﻨﺎﻙ ﺑﺲ ﻻ ﻭﻳﺎ ﺍﺧﺘﻪ ﻭﻣﺮﺗﻪ
ﻭﻃﻠﻌﻨﺎ.
.
.
ﻧﻮﺭ ... ﻃﻠﻌﻨﺎ ﻣﻦ ﺍﻟﺒﻴﺖ ﻧﺮﻳﺪ ﻧﺼﻌﺪ ﺑﺎﻟﺴﻴﺎﺭﻩ
ﺍﻧﻲ ﺭﺣﺖ ﺍﺭﻳﺪ ﺍﺻﻌﺪ ﺍﻟﻮﺭﻩ ﺟﺮﻧﻲ ﺣﻴﻞ
ﻛﺎﻝ ﺷﻨﻮ ﺍﻟﺴﺎﻳﻖ ﻣﺎﻟﺘﺞ
ﺍﺻﻌﺪﻱ ﻛﺪﺍﻡ
ﮔﺘﻠﻪ ﻭﺣﻼ ﻛﺎﻝ ﻣﻌﻠﻴﻬﻪ ﺷﻲ ﻫﺴﻪ ﺍﻧﻄﻴﻬﻪ ﺷﻲ
ﺗﻠﺘﻬﻲ ﺑﻲ ﻭﺍﺷﺪ ﺍﻟﻬﺎ ﺣﺰﺍﻡ ﺍﻻﻣﺎﻥ ..
ﺻﻌﺪﺕ ﻛﺪﺍﻡ ..
ﻭﺭﺣﻨﻪ ﺍﻟﺒﻴﺖ ﺍﺧﻮﻳﻪ ﻧﺎﻇﻢ
ﺳﻠﻤﻨﺎﻫﻢ ﻣﻔﺘﺎﺡ ﺑﻴﺖ ﺍﻫﻠﻲ ﻭﺩﺧﻠﺖ ﻭﺩﻋﺖ ﺍﻣﻲ ﻣﺮﻩ ﺛﺎﻧﻴﻪ ﻭﻭﺩﻋﺖ ﺭﻗﻴﻪ ﻭﺻﻴﺘﻬﺎ ﻋﻠﻰ ﻧﻔﺴﻬﻪ ﻭﻋﻠﻰ ﺍﻣﻲ
ﻭﻭﺻﻴﺖ ﺭﻭﻯ ﻛﺎﻟﺖ ﺑﻌﻴﻮﻧﻲ ﺍﺧﻠﻴﻬﻢ ..
ﺭﺟﻌﻨﺎ ﺻﻌﺪﻧﺎ ﺑﺎﻟﺴﻴﺎﺭﻩ .. ﻳﺴﺮ ﺑﺤﻀﻨﻲ ﻭﺣﻼ ﻭﺭﻩ
ﺳﺎﺩ ﺍﻟﺴﻜﻮﺕ ﺑﻴﻨﺎﺗﻨﻪ ﻭﺍﻧﻘﻄﻊ ﺍﻟﻜﻼﻡ ..
ﺣﺎﻭﻟﺖ ﺍﻛﺴﺮ ﺣﺎﺟﺰ ﺍﻟﺼﻤﺖ ﻭﺣﺠﻴﺖ
ﻋﻼﺀ ﻭﺩﺍﻋﺔ ﺍﻣﻲ ﺩﺯﻳﺖ ﻃﻠﺐ ﺻﺪﺍﻗﻪ ﺑﺎﻟﻐﻠﻂ
ﻋﻼﺀ .. ﻫﻮ ﺯﺍﺣﻒ ﻭﺍﻧﺘﻴﻴﻴﻲ
ﻧﻮﺭ .. ﻻﻋﻼﺀ ﻻ ﺍﻧﻲ ﻣﻮ ﺳﺎﻗﻄﻪ ﻛﺘﻠﻚ ﺑﺎﻟﻐﻠﻂ
ﻋﻼﺀ .. ﻟﻴﺶ ﺟﺎﻭﺑﺘﻲ ﻣﻮ ﻋﺪﺝ ﺭﺟﺎﻝ ﺟﺎﻥ ﺧﻠﻴﺘﻴﻨﻲ
ﺍﺟﺎﻭﺑﻪ
ﻧﻮﺭ .. ﻣﺘﺸﻮﻑ ﻧﻔﺴﻚ ﺷﻮﻥ ﻫﺎﻣﻠﻨﻲ
ﻋﻼﺀ .. ﺩﺭﺕ ﻋﻠﻴﻬﺎ ﻭﺍﺷﺮﺕ ﺍﻟﻬﺎ ﺑﺎﺻﺒﻌﻲ ﺍﺳﻜﺘﻲ
ﺍﺷﺸﺸﺶ ﻻﺍﮔﻠﺒﻬﻪ ﺑﻴﻜﻢ ﻫﺴﻪ
ﻧﻮﺭ .. ﺧﻔﺖ ﻣﻦ ﺻﻮﺗﻪ .. ﻭﻋﺼﺒﻴﺘﻪ ﻋﻴﻮﻧﻪ ﺗﺨﻮﻑ
ﺧﺎﻑ ﻳﻜﻠﺒﻬﻪ ﺑﻴﻨﻪ ﺻﺪﻙ ﻭﺍﻻﻃﻔﺎﻝ ﺷﻨﻮ ﺫﻧﺒﻬﻢ
ﺳﻜﺘﺖ
ﺑﻌﺪ ﻃﻮﻝ ﻣﺴﺎﻓﺔ ﺍﻟﻄﺮﻳﻖ ﻭﺻﻠﻨﺎ ..
ﻭﻛﻔﻨﻪ ﻳﻢ ﺑﻴﺖ .. ﺗﻮﻗﻌﺖ ﺑﻴﺖ ﺍﺧﺘﻪ ..
ﺩﺧﻞ ﺍﻟﺴﻴﺎﺭﻩ ﻟﻠﻜﺮﺍﺝ ﻭﻧﺰﻟﻨﺎ
ﻣﺮﻳﻨﻪ ﻋﻠﻰ ﺍﻟﺤﺪﻳﻘﻪ ﺟﺎﻧﺖ ﻛﻠﺶ ﻣﺮﺗﺒﻪ ﻭﻧﻀﻴﻔﻪ
ﻭﻧﻮﺏ ﺍﻟﻄﺮﻣﻪ ﻫﻢ ﺍﻻﺭﺿﻴﻪ ﻛﺎﺷﻲ ﻭﻳﻠﻤﻊ ﻟﻤﻊ ﻭﻣﺒﻴﻦ ﺟﺪﻳﺪ ﺍﻟﺒﻨﺎﺀ ﻣﺎﻟﺘﻪ ﺯﺍﺩ ﺍﺳﺘﻐﺮﺍﺑﻲ ﻭﺍﻧﻲ ﺍﻣﺸﻲ ﻭﺑﻴﺪﻱ
ﻳﺴﺮ ..
ﺭﺍﺡ ﻫﻮ ﻧﺰﻝ ﺣﻼ ..
ﻭﻓﺘﺢ ﻗﻔﻞ ﺍﻟﺒﺎﺏ ﻭﺩﺧﻠﻨﺎ ..
ﻣﺎﻛﻮ ﺣﺲ ﺑﺎﻟﺒﻴﺖ ﺍﺑﺪ . ﻭﻛﻔﺖ ﺑﺎﻻﺳﺘﻘﺒﺎﻝ . ﺳﺄﻟﺘﻪ ﻫﺬﺍ ﺑﻴﺖ ﻣﻨﻮ
ﻣﺠﺎﻭﺑﻨﻲ .. ﻛﺎﻝ ﺩﺧﻠﻲ ﻭﺍﻧﺖ ﺳﺎﻛﺘﻪ
ﺩﺧﻠﺖ ﺑﻌﺪﻫﻪ ﻟﻠﻬﻮﻝ ﻭﺍﻟﺒﻴﺖ ﻣﺮﺗﺐ ﻛﻠﺶ ﻭﻣﺄﺛﺚ ﻭﻧﻀﻴﻒ
ﺻﺎﺭ ﮔﺒﺎﻟﻲ ﺍﻟﺪﺭﺝ .. ﻭﺍﻟﻬﻮﻝ ﺑﻲ ﺗﺨﻢ ﻗﻨﻔﺎﺕ .. ﻭﺷﺎﺷﻪ
ﻭﻫﻢ ﻣﺎﻛﻮ ﺍﺣﺪ .. ﻛﻌﺪﺕ ﻉ ﺍﻟﺘﺨﻢ ﺗﻌﺒﺎﻧﻪ ﻭﻧﺰﻟﺖ ﻳﺴﺮ ﺑﺎﻻﺭﺽ .. ﻭﺣﻼ ﺭﺍﺣﺖ ﻳﻤﻪ ﺗﻠﻌﺒﻪ ﻭﻫﻮ ﻳﺰﺣﻒ
ﻟﺸﻮﻳﻪ ﺍﺗﺼﻞ ﺍﺳﻤﻌﻪ ﻳﺤﺠﻲ ..
ﻋﻼﺀ .. ﺍﺗﺼﻠﺖ ﺑﺎﻣﻞ ﻻﻥ ﺍﻟﻠﺘﻬﻴﺖ ﺑﻤﺼﻴﺒﺔ ﻧﻮﺭ ﻭﻧﺴﻴﺘﻬﻪ ﻭﺍﺻﻼ ﻣﺎﺳﺌﻠﺖ ﺣﺘﻰ ﻋﻠﻰ ﺣﻤﻮﺩﻱ ..
ﺷﻔﺖ ﻣﻜﺎﻟﻤﺎﺕ ﻣﻨﻬﺎ ﻭﻣﺴﺠﺎﺕ ﻣﺠﺎﻭﺑﺘﻬﺎ ﺍﺻﻼ ﻋﻘﻠﻲ ﻣﺸﻮﺵ ﺻﻌﺐ ﺍﻋﺎﺩﻝ ﺑﻴﻦ ﺍﺛﻨﻴﻦ ﻛﻠﺶ ﺻﻌﺐ ﻭﻛﻞ ﻣﺸﻜﻠﻪ ﺍﻛﺒﺮ ﻣﻦ ﺍﻟﺜﺎﻧﻴﻪ
ﺍﻟﻤﻬﻢ ﺧﺎﺑﺮﺗﻬﺎ .. ﻫﺎﺍ ﺍﻣﻞ ﺍﻧﻲ ﺑﺎﻟﺒﻴﺖ
ﺍﻣﻞ .. ﺷﺪﻋﻮﻩ ﻋﻼﺀ .. ﻣﺘﻜﻮﻟﻲ ﺷﺪﻋﻮﻩ ﺍﺑﻨﻚ ﻣﺴﻮﻱ ﻋﻤﻠﻴﻪ ﻭﻫﻢ ﺧﻠﻴﺘﻨﻪ ﻭﺣﺪﻧﻪ ﻭﺭﺣﺖ .. ﻭﻫﻢ ﻣﺘﺠﺎﻭﺏ ﻭﻻﺗﺴﺌﻞ
ﻋﻼﺀ .. ﺻﺎﺭﺕ ﺷﻐﻠﻪ .. ﺷﻮﻛﺖ ﺍﺟﻲ ﻋﻠﻴﺞ
ﺍﻣﻞ .. ﻟﺘﺠﻲ ﻣﻮ ﺍﻟﻪ ﺍﺧﻮﻳﻪ ﻣﻤﻘﺼﺮ ﺑﺎﺟﺮ ﻧﻄﻠﻊ ﻣﻦ ﺍﻟﻤﺴﺘﺸﻔﻰ ﺍﺣﺘﻤﺎﻝ
ﻋﻼﺀ .. ﺍﻭﻭﻭ ﺍﻣﻞ ﻟﺘﻀﻮﺟﻴﻨﻲ ﺟﺎﻱ ﻣﻦ ﻃﺮﻳﻖ ﻃﻮﻳﻞ
ﻭﺗﻌﺒﺎﻥ ﻭﻫﺴﻪ ﻓﺪ ﺷﻮﻳﻪ ﻭﺍﺟﻲ ﻋﻠﻴﺞ .. ﺗﺤﻀﺮﻱ ﻭﺑﺎﻱ
ﻧﻮﺭ .. ﺧﻠﺺ ﻣﻜﺎﻟﻤﻪ ﮔﻤﺖ ﺭﺣﺖ ﻳﻤﻪ ﻭﺍﺣﺲ ﺑﻄﻨﻲ ﻭﺟﻌﺘﻨﻲ .. ﺍﻟﻲ ﺍﻓﺘﻬﻤﺘﻪ ﺍﻥ ﻫﺬﺍ ﺑﻴﺘﻪ ﮔﺘﻠﻪ ﻋﻼﺀ ﻫﺬﺍ ﺑﻴﺘﻚ ﺷﻮﻛﺖ ﺧﻠﺼﺖ ﺑﻨﺎﺋﻪ ﻭﻣﻜﺘﻠﻲ
ﻋﻼﺀ . . ﻭﻟﺞ ﻋﻴﻦ ﺗﺤﺠﻴﻦ ﺍﺳﻜﺘﻲ
ﻧﻮﺭ .. ﻻﻣﺎﺍﺍﺳﻜﺖ ﻣﺎﺍﺳﻜﺖ ﻟﻬﻨﺎ ﻭﺑﺲ ﻛﺎﺍﻓﻲ
ﺍﻧﺖ ﺷﻨﻮ ﻭﻟﻚ ﺷﻨﻮ .. ﻭﺻﺮﺕ ﺍﺿﺮﺑﻪ ﻋﻠﻰ ﺻﺪﺭﻩ ..
ﺷﻜﺪ ﺣﻘﻴﺮ ﻭﻧﺬﻝ ﻟﻴﺶ ﻫﻴﺞ ﺩﺗﺴﻮﻱ ﺑﻴﻪ ﻭﻟﻚ ﻟﻴﻴﻴﻴﺶ ﺗﺒﻨﻲ ﺍﻟﻬﺎ ﺑﻴﺖ ﻭﺍﻧﻲ ﺷﺎﻣﺮﻧﻲ ﻫﻨﺎﻙ
ﻋﻼﺀ ... ﻟﺰﻣﺖ ﺍﻳﺪﻳﻬﺎ ﺷﺒﻴﺞ ﻧﻮﺭ ﺧﻮ ﻣﺎﺗﺨﺒﻠﺘﻲ
ﻧﺴﻴﺘﻲ ﻣﻦ ﻛﺘﻠﺞ ﺍﻣﺸﻲ ﻭﻳﺎﻳﻪ ﻣﻘﺒﻠﺘﻲ ﻫﺎﺍ
ﻭﺗﺤﺠﺠﺘﻲ ﺑﺒﻨﺎﺕ ﺍﺧﻮﺝ ﻭﺍﻣﺞ ﻟﻮ ﻧﺴﻴﺘﻲ ﺍﻧﻲ ﻋﺪﻟﺘﻪ ﺍﻟﺒﻴﺖ ﺍﻫﻠﺞ ﻭﺭﺗﺒﺘﻪ ﺟﺎﻳﻪ ﺗﺤﺎﺳﺒﻴﻨﻲ ﻋﻠﻰ ﻫﺬﺍ ﺍﻟﺒﻴﺖ
..
ﻧﻮﺭ . ﺳﺤﺒﺖ ﺍﻳﺪﻳﻪ ﻣﻨﻪ ﺑﻘﻮﻩ ﻭﺍﺑﺘﻌﺪﺕ ﻣﻨﻪ ﺍﺻﻴﺢ . ﺷﻨﻮ ﺗﻌﻴﺮﻧﻲ ﻟﻴﺶ ﺑﺲ ﺍﻧﻲ ﻭﺍﻣﻲ ﻛﺎﻋﺪﻳﻦ ﺑﻲ ﻣﻮ ﺟﻬﺎﻟﻚ ﻫﻢ ﻳﺴﺮ ﻇﻞ ﻳﺒﺠﻲ ﻭﺍﻧﻲ ﻣﻮ ﺑﺤﺎﻟﻪ ﻭﻻﺷﻮﻓﻪ ﺍﺑﺪ ﻭﺣﻼ ﻇﻠﺖ ﺻﺎﻓﻨﻪ ﻭﻋﻴﻮﻧﻬﻪ ﻣﺪﻣﻌﻪ ﻭﺑﺲ ﺗﺒﺎﻉ ﻋﻠﻴﻨﻪ
ﻋﻼﺀ .. ﻟﺞ ﻛﺎﻓﻲ ﻣﺎﺍﻋﻴﺮﺝ ﺍﻫﺪﻱ .. ﺍﻛﻌﻌﺪﻱ ﻭﻟﺞ ﺗﻌﺒﺎﻥ ﻭﺍﻟﻠﻪ ﻣﺘﺨﺎﻓﻴﻦ ﺍﻟﺠﻬﺎﻝ ﻳﺨﺘﺮﻋﻮﻥ ... ﻭﺭﺣﺖ ﺍﺧﺬﺕ ﻳﺴﺮ ﺑﻌﺪ ﻣﺎ ﺷﻔﺘﻪ ﻣﻤﻬﺘﻤﻪ ﺍﻟﻪ ﻭﺑﺲ ﺗﺪﺭﺩﻡ ﻭﺗﺼﻴﺢ ﻭﻛﺎﻋﺪﻩ ﺑﺎﻟﻜﺎﻉ ﻭﺗﻠﻄﻢ
ﻧﻮﺭ .. ﺳﺎﻋﺔ ﺍﻟﺴﻮﺩﻩ ﺍﻟﻌﺮﻓﺘﻚ ﺑﻴﻬﻪ
ﺷﻜﻮﻝ ﻋﻠﻴﻚ ﺣﺎﺯﻡ ﺍﻟﻠﻪ ﻳﺤﺮﻛﻚ ﺑﻜﺒﺮﻙ ﻉ ﺍﻟﺴﻮﻳﺘﻪ
ﺑﻴﻪ .. ﺍﻟﻠﻪ ﻻﻳﻮﻓﻖ ﺍﺧﻮﺍﻧﻲ ﺍﻟﺨﻠﻮﻧﻲ ﺑﺪﺭﺑﻚ
ﻋﻼﺀ .. ﻃﻠﻌﺖ ﺍﻟﻤﻤﻪ ﺍﻧﻄﻴﺘﻬﺎ ﺍﻟﻴﺴﺮ ﻭﺧﻠﻴﺘﻪ ﻳﻢ ﺣﻼ
ﺭﺣﺖ ﻳﻢ ﻧﻮﺭ ﻟﺰﻣﺘﻬﺎ ﻣﻦ ﺍﻳﺪﻳﻬﺎ ﻇﻠﺖ ﺗﺪﻓﻊ ﻟﺰﻣﺘﻬﺎ ﻗﻮﻱ ﻭﻟﺞ ﺍﻫﺪﻱ ﺍﻟﺨﺎﻃﺮ ﺍﻟﻠﻪ ﺗﻌﺒﺘﻴﻨﻲ ﻫﺎ
ﻧﻮﺭ .. ﺍﻧﻌﻞ ﺍﺑﻮ ﺟﻬﺎﻟﻲ ﻭﻟﻚ ﺳﻜﺘﺖ ﻫﻮﺍﻳﻪ ﺍﺧﺬﻫﻢ ﻣﺎﺍﺭﻳﺪﻫﻢ ﻭﻃﻠﻜﻨﻲ .. ﻳﻼ
ﻋﻼﺀ .. ﺍﺧﺬﺗﻬﺎ ﺣﺎﺿﻨﻬﺎ ﻭﻻﺯﻡ ﺍﻳﺪﻳﻬﺎ ﺍﺛﻨﻴﻨﻬﻢ ﺻﻌﺪﺗﻬﺎ ﺍﻟﺪﺭﺝ ﻟﻠﻄﺎﺑﻖ ﺍﻟﻔﻮﻙ ﺩﺧﻠﺘﻬﻪ ﺑﺎﻟﻐﺮﻓﻪ ﻭﻗﻔﻠﺖ ﺍﻟﺒﺎﺏ ﻇﻠﺖ ﺗﺼﻴﺢ ﻭﺗﻐﻠﻂ ﺳﻮﻳﺖ ﻧﻔﺴﻲ ﻣﺎﺍﻫﺘﻢ ﻭﻻﺍﺳﻤﻊ
ﺗﻌﺒﺖ ...
ﺍﺭﻳﺪ ﺍﺭﻭﺡ ﺍﺷﻮﻑ ﺣﻤﻮﺩﻱ ﻭﺍﻣﻞ
ﻧﺰﻟﺖ ﺟﻮﻩ ﺷﻔﺖ .. ﻳﺴﺮ ﻧﺎﻳﻢ ﻋﻠﻰ ﺍﻻﺭﺽ ﻏﺎﻓﻲ
ﺣﻼ ﺗﻔﺘﺮ ﺑﺎﻟﻬﻮﻝ ﻭﺗﻠﻌﺐ ﺑﻤﻼﻋﻴﺐ ﺣﻤﻮﺩﻱ ﺍﺧﺬﺕ ﻳﺴﺮ ﻭﻣﻤﺘﻪ ﻭﻳﺎ .. ﻭﻃﺒﺒﺘﻪ ﺑﺎﻟﺴﻴﺎﺭﻩ
ﺍﺧﺬﺕ ﺣﻼ ﻭﻳﺎﻳﻪ . ﻫﻢ . ﺑﻴﺖ ﺍﺧﺘﻲ ﻣﻮ ﺑﻌﻴﺪ .. ﻭﺫﻳﺞ ﻓﻮﻙ ﺗﻀﺮﺏ ﺑﺎﻟﺒﺎﺏ ..
ﻧﻮﺭ .. ﻃﺒﺒﻨﻲ ﺑﻐﺮﻓﻪ ﻓﻮﻙ .. ﻣﻤﻔﺮﻭﺷﻪ ﺑﺲ ﻧﻀﻴﻔﻪ ﻛﻠﺶ ﺗﻠﻤﻊ .. ﻣﺒﻴﻬﻪ ﺷﻲ ﺍﺑﺪ ﻇﻠﻴﺖ ﺍﺻﻴﺢ ﻭﺍﺿﺮﺏ ﺍﻟﺒﺎﺏ ﻣﻴﺴﻤﻌﻨﻲ ..
ﺳﻤﻌﺖ ﺻﻮﺕ ﺳﻴﺎﺭﻩ .. ﺭﺣﺖ ﻟﻠﺸﺒﺎﻙ ﺻﺎﻳﺮ ﺑﺎﻟﻮﺍﺟﻬﻪ
ﺷﻔﺘﻪ ﻃﻠﻊ .. ﻳﺎﻧﺬﻝ ﺷﻮﻥ ﻣﻦ ﻭﺭﺍﻳﻪ ﺑﺎﻧﻲ ﺍﻟﻬﻪ ﺑﻴﺖ
ﻭﺍﻧﻲ ﺷﺎﻣﺮﻧﻲ ﺍﻧﻲ ﺍﻋﻠﻤﻚ ﺍﻟﻪ ﺍﻋﻠﻤﻜﻢ ﻣﻨﻮ ﺍﻧﻲ
ﺷﻜﺪ ﻛﺮﻫﺘﻪ ﺍﺣﺲ ﺭﻭﺣﻲ ﻣﺤﺘﺮﻛﻪ ﺣﺮﻙ
ﺷﻴﺮﺩﻩ ﺍﻟﺰﻣﻦ ﻭﺍﻗﺒﻞ ﺑﻤﺤﺴﻦ ﻟﻮ ﺍﻟﻲ ﺧﻄﺒﻮﻧﻲ ﺑﺎﻟﻜﻠﻴﻪ ﺍﻭﺍﻓﻖ ﻋﻠﻴﻬﻢ ﻭﻻﺍﻗﺒﻞ ﺑﻲ ﻭﺍﺗﺒﻬﺬﻝ ﻫﺎﻟﺒﻬﺬﻟﻪ
ﺷﻜﺪ ﻓﻜﺮ ﻧﺤﺲ ﺣﻀﻲ ﺍﺍﺥ ﺣﺘﻰ ﺍﻟﺠﻬﺎﻝ ﻣﻴﻬﻤﻮﻧﻲ
ﺑﻘﻴﺖ ﻛﺎﻋﺪﻩ ﻭﺭﻩ ﺍﻟﺒﺎﺏ ﻭﺑﻄﻨﻲ ﺗﻮﺟﻌﻨﻲ ﻛﻠﺶ
ﻳﺮﺑﻲ ﺯﻳﻦ ﻣﺎﺧﻠﻔﺖ ﺑﻌﺪ ﻣﻨﻪ ﻫﻴﺞ ﺣﻘﻴﺮ
ﻋﻼﺀ .... ﻭﺻﻠﺖ ﺍﻟﺒﻴﺖ ﺍﺧﺘﻲ ﻧﺰﻟﺖ ﺍﻟﺠﻬﺎﻝ ﺩﻛﻴﺖ ﺍﻟﺒﺎﺏ ﻭﻓﺘﺖ .. ﻃﻠﻌﺖ ﺍﺧﺘﻲ ..
ﺍﻧﻄﻴﺘﻬﺎ ﺍﻟﺠﻬﺎﻝ ﻛﺘﻠﻬﻪ ﺑﻘﻴﻬﻢ ﻳﻤﺞ .. ﺍﺭﻭﺡ ﺍﻟﻤﺴﺘﺸﻔﻰ ﺍﺷﻮﻑ ﺣﻤﻮﺩﻱ ﻭﺍﻣﻞ
ﻛﺎﻟﺖ ﻟﻌﺪ ﻭﻳﻨﻬﺎ ﺍﻣﻬﻢ ﻭﺍﺧﺬﺗﻬﻢ ﺑﻮﺳﺘﻬﻢ
ﮔﺘﻠﻬﺎ ﺻﺎﺭﺕ ﺷﻐﻠﻪ ﻭﺑﻘﺖ ﺑﺎﻟﺒﻴﺖ .. ﺭﺍﻳﺢ ﺍﻟﻤﺴﺘﺸﻔﻰ ﻛﺎﻟﺖ ﺭﻭﺡ ..
ﺭﺣﺖ ﺍﻟﻤﺴﺘﺸﻔﻰ ﺷﻔﺖ ﺍﻣﻞ ﻭﺍﺑﻨﻲ ﺍﺣﻤﺪ ﺷﻮﻳﻪ ﺗﻌﺒﺎﻧﻪ
ﻭﻛﺎﻟﻮﺍ ﺍﻟﻌﻤﻠﻴﻪ ﺻﻌﺒﻪ ﻭﻫﻮ ﻋﻤﺮﻩ 4 ﺳﻨﻮﺍﺕ ﺑﺲ ﻭﺍﻟﻌﻤﻠﻴﻪ ﺑﺎﻟﻘﻠﺐ ﻣﻮ ﻫﻮﺍﻳﻪ ﻧﺎﺟﺤﻪ . . ﻃﺒﻌﺎ ﺍﻧﻲ ﺍﺣﺲ ﺣﻤﻞ ﺟﺒﺎﻝ ﻉ ﺍﻛﺘﺎﻓﻲ ﻣﻨﺎ ﺣﻤﻮﺩﻱ ﺍﺑﻨﻲ ﻭﻣﻨﺎ ﺧﺒﺎﻻﺕ ﻧﺴﻮﺍﻧﻲ ﺍﻣﻞ ﻭﻧﻮﺭ ..
ﺍﻣﻞ ﻣﻦ ﺗﻄﻨﻜﺮ ﺗﻨﺨﺮﺱ ﺍﺑﺪ ﻭﻻﺗﺤﺠﻲ ﺗﻀﻮﺟﻨﻲ
ﻧﻮﺭ .. ﺗﻌﺼﺐ ﻭﺗﺼﻴﺢ ﻭﺗﻐﻠﻂ ﺑﺪﻭﻥ ﻭﻋﻲ
ﺑﺎﺧﺘﺼﺎﺭ ﻭﺣﺪﻩ ﺍﺿﺮﺏ ﻣﻦ ﺍﻟﺜﺎﻧﻴﻪ
ﺍﻣﻞ ﻣﻦ ﺗﺴﻜﺖ ﺗﺪﻕ ﺍﻟﻘﻠﺐ ﻟﻮ ﺗﺤﺠﻲ ﺍﺣﺴﻦ
ﻧﻮﺭ .. ﺗﻈﻞ ﺗﺤﺠﻲ ﻭﺗﻐﻠﻂ ﺑﺪﻭﻥ ﻭﻋﻲ ﻭﻣﺘﺴﻜﺖ
ﺑﻘﻴﺖ ﻫﻨﺎﻙ ﻛﻢ ﺳﺎﻋﻪ ﻭﺭﺟﻌﺖ ﻟﺒﻴﺖ ﺍﺧﺘﻲ ﺍﺧﺬﺕ ﺍﻟﺠﻬﺎﻝ ﻭﺭﺣﺖ ﻟﺒﻴﺘﻲ .. ﻧﻮﺭ ﻣﺎﺍﻟﻬﻪ ﺻﻮﺕ ﺍﺑﺪ .. ﻳﺴﺮ ﻇﻞ ﻳﺒﺠﻲ ﻣﻴﺴﻜﺖ ...
ﺍﺧﺬﺗﻪ ﻭﺻﻌﺪﺕ ﺍﻟﻬﻪ ﻓﻮﻙ .. ﻓﺘﺤﺖ ﺍﻟﺒﺎﺏ ﻛﺎﻋﺪﻩ ﻋﻠﻰ ﺍﻻﺭﺽ ﻫﺎﺩﺋﻪ ﺳﺎﻛﺘﻪ ﺑﺲ ﺷﺎﻓﺘﻨﻲ ﺗﺨﺰﺭ ﺑﻌﻴﻮﻧﻬﺎ
ﻳﺴﺮ ﻳﺒﺠﻲ .. ﻣﺘﺪﻳﺮ ﺍﻟﻪ ﺑﺎﻝ ﻭﻣﻜﺎﻣﺖ ﺍﻟﻪ ﺍﺑﺪ ..
ﻛﺘﻠﻬﻪ ﻣﺪﺗﺸﻮﻓﻲ ﻳﺒﺠﻲ ﺩﻛﻮﻣﻴﻠﻪ ﺍﺧﺬﻱ ﺳﻜﺘﻲ
.
ﻧﻮﺭ .. ﻻﺍﺷﺘﻬﻴﻚ ﻭﻻﺍﺷﺘﻬﻲ ﺟﻬﺎﻟﻚ ﻭﻟﻲ ﺍﻃﻠﻊ ﺑﺮﻩ
ﻋﻮﻓﻨﻲ ..
ﻋﻼﺀ .. ﻣﺨﺒﻠﻪ .. ﻭﻧﺰﻟﺖ ﻳﺴﺮ ﺭﺍﺡ ﻳﺰﺣﻒ ﺍﻟﻬﺎ .. ﻟﺰﻣﺘﻪ ﺑﺒﺮﻭﺩ .. ﻋﻔﺖ ﺍﻟﺒﺎﺏ ﻣﻔﺘﻮﺡ ﮔﺘﻠﻬﻪ ﺍﺫﺍ ﺗﺮﺩﻳﻦ ﻧﺰﻟﻲ . ﻭﻧﺰﻟﺖ ..
ﻧﻮﺭ .. ﺣﺮﮒ ﮔﻠﺒﻲ ﺻﺮﺕ ﺍﺣﺲ ﻧﻔﺴﻲ ﺗﻐﻴﺮﺕ ﺣﻴﻴﻞ ﺻﺮﺕ ﻗﺎﺳﻴﻪ ﺣﺘﻰ ﺍﻃﻔﺎﻟﻲ ﻣﺪﺩﺍﺣﺲ ﺑﻴﻬﻢ ..
ﺍﻟﻐﺮﻓﻪ ﺍﻟﻲ ﺍﻧﻲ ﺑﻴﻬﻪ ﺑﺎﺭﺩﻩ ﺻﺮﺕ ﺍﺣﺲ ﻧﻔﺴﻲ ﺍﺑﺮﺩ ﻣﻨﻬﺎ
ﻣﺎﻋﺎﺩ ﻳﺄﺛﺮ ﺑﻴﻪ ﺷﻲ ..
ﻳﺴﺮ ﻏﻔﻪ ﻳﻤﻲ ﻧﺰﻋﺖ ﺷﺎﻟﻲ ﻭﻓﺮﺷﺘﻪ ﻭﻧﻮﻣﺘﻪ ﻋﻠﻴﻪ
ﻟﺸﻮﻳﻪ ﺻﻌﺪ ﻋﻼﺀ
ﮔﺎﻝ ﺍﻧﺖ ﺷﺒﻴﺞ ﻣﺘﺤﺴﻴﻦ .. ﻣﺘﺸﻮﻓﻲ ﻧﺎﻳﻢ ﻋﻠﻰ ﺍﻻﺭﺽ
ﺍﺧﺬﻩ ﺷﺎﻟﻪ ﻋﻠﻰ ﻛﺘﻔﻪ ﻛﺎﻝ ﻛﻮﻣﻲ ﺟﺒﺖ ﺍﻛﻞ ﻳﻼ ﻧﺰﻟﻲ ﺍﻛﻠﻲ
ﺍﻧﻲ ﺍﺣﺘﺎﺟﻴﺖ ﺍﻏﻴﺮ ﻣﻼﺑﺴﻲ ﻧﺰﻟﺖ .. ﻭﺭﺍﻩ ﺷﻔﺘﻪ ﻛﺎﻋﺪ ﺑﺎﻟﻬﻮﻝ .. ﻳﻤﻪ ﺣﻼ ﻭﻓﺎﺭﺵ ﺳﻔﺮﻩ ﻭﻋﻠﻴﻬﻪ ﺍﻛﻞ
ﻛﺎﻝ ﻳﻠﻪ ﺗﻌﺎﻱ ﺍﻛﻠﻲ ..
ﺳﺤﺒﺖ ﺍﻟﺠﻨﻄﻪ ﻣﺎﻟﺖ ﺍﻟﻤﻼﺑﺲ ﺍﺧﺬﺕ ﻣﻨﻬﺎ ﻣﻼﺑﺲ ﺍﻟﻲ ﻭﻭﻛﻔﺖ ﻣﺘﺨﺼﺮﻩ ﻛﺘﻠﻪ ﻭﻳﻦ ﺍﻟﺤﻤﺎﻡ ..
ﻋﻼﺀ .. ﺍﺑﺘﺴﻤﺖ .. ﺍﻗﺘﺮﺑﺖ ﻣﻨﻬﺎ .. ﺻﺎﺭ ﻭﺟﻬﻲ ﻗﺮﻳﺐ ﻋﻠﻰ ﻭﺟﻬﻪ ﮔﺘﻠﻬﻪ ﻣﻮ ﺍﻟﻤﻔﺮﻭﺽ ﺍﻧﻲ ﺍﻟﻲ ﺍﺯﻋﻞ ﻻﻥ ﺧﻨﺘﻲ ﺛﻘﺘﻲ
ﻧﻮﺭ .. ﺑﺎﻟﻠﻪ ﻻﺗﺪﻭﺧﻨﻲ ﻭﻳﻦ ﺍﻝ ---- ﺍﻟﺤﻤﺎﻡ
ﻋﻼﺀ .. ﻫﻲ ﺍﺧﻼﻕ ﻭﺣﺪﻩ ﻣﻮﺿﻔﻪ ﻋﺸﺘﻮ ﻭﺧﺮﻳﺠﻪ ﻫﻴﺞ ﺗﻐﻠﻂ
ﻧﻮﺭ .. ﺍﻭﻭﻭﻭ ﻓﻀﻬﺎ ﺗﺮﻩ ﻣﺪﺍﺍﺗﺤﻤﻞ
ﻋﻼﺀ .. ﺳﺤﺒﺘﻬﺎ ﻣﻦ ﺍﻳﺪﻫﺎ ﺍﺧﺬﺗﻬﺎ ﻟﻠﺤﻤﺎﻡ
ﻛﺘﻠﻬﺎ ﻣﺪﺍﻡ ﺩﺗﺘﺤﻀﺮﻳﻠﻲ ﺍﺩﻟﻴﺞ ﺍﺑﻮ ﺍﻟﺤﻤﺎﻡ ﻣﻮ ﺑﺲ ﺍﻟﺤﻤﺎﻡ ..
ﻧﻮﺭ .. ﻧﻨﻨﻨﻨﻨﻨﻲ ﻭﻓﺘﺖ ﻟﻠﺤﻤﺎﻡ .. ﻏﺴﻠﺖ ﻭﻃﻠﻌﺖ
ﮔﻠﻲ ﻋﻴﻨﺞ ﻋﻠﻰ ﺍﻟﺠﻬﺎﻝ ﻃﺎﻟﻊ ﺍﻧﻲ ..
ﻛﻌﺪﺕ ﻳﻢ ﺣﻼ ﺩﺗﻠﻌﺐ ﺑﺎﻻﻛﻞ
ﻋﺒﺎﻟﻚ ﻣﺎﺍﺷﻮﻓﻬﺎ ﺭﻏﻢ ﺍﺗﺨﺒﻞ ﻣﻦ ﺟﺎﻫﻞ ﻳﻠﻌﺐ ﺑﺎﻻﻛﻞ
ﻛﻌﺪﺕ ﺟﻮﻋﺎﻧﻪ ﺗﺸﻜﻠﺖ ﻭﺍﻛﻞ ﻫﻮ ﺍﺟﻪ ﻃﺒﺐ ﻏﺮﺍﺽ ﻭﺻﻌﺪﻫﻢ ﻓﻮﻙ ..
ﻋﻼﺀ .. ﻓﺮﺷﺖ ﺍﻟﻐﺮﻓﻪ ﺍﻟﻔﻮﻙ ﺯﻭﻟﻴﻪ ﻭﺟﺒﺖ ﺻﻮﺑﻪ ﻛﻬﺮﺑﺎﺋﻴﻪ ﻭﺷﻜﻠﺖ ﺑﻴﻬﻪ ﺍﺿﻮﻳﻪ ﺣﺘﻰ ﺍﻟﺪﺭﺝ ﻓﺮﺷﺘﻪ ﺍﻟﻬﻢ ﺣﺘﻰ ﻻﻳﺒﺮﺩﻭﻥ .. ﺍﻛﻮ ﺣﻤﺎﻡ ﻣﻘﺎﺑﻴﻞ ﺍﻟﻐﺮﻓﻪ ﺍﻟﻔﻮﮒ . ﻣﺘﺮﻭﻙ . ﻫﻢ ﺷﻜﻠﺖ ﺑﻲ ﺿﻮﻩ ﻭﺟﺒﺘﻠﻪ ﺍﻏﺮﺍﺽ ﺣﺘﻰ ﺍﺷﻐﻠﻪ ﺍﻟﻬﻢ ..
ﻧﺰﻟﺖ ﺳﻤﻌﺖ ﻳﺴﺮ ﻳﺒﺠﻲ ﻭﻫﻲ ﺗﺎﻛﻞ ﻭﺣﻼ ﺗﻠﻌﺐ ﺑﺎﻻﻛﻞ ﻭﻣﺘﻠﻔﻪ ﺍﻟﺪﻧﻴﺎ ﻛﻠﻬﺎ .. ﻭﻻﺟﻨﻬﺎ ﺗﺸﻮﻓﻬﺎ ﻭﻻﻳﻬﻤﻬﺎ ﺑﺲ ﺗﺎﻛﻞ
ﻧﻮﺭ ﺷﺴﺎﻟﻔﻪ ﺷﺒﻴﺞ ﻣﺘﺴﻤﻌﻴﻦ ﻭﻣﺘﺸﻮﻓﻴﻦ ﻫﻢ
ﻳﺴﺮ ﻳﺒﺠﻲ ﻭﺣﻼ ﺷﺴﻮﺕ
ﻧﻮﺭ .. ﺍﻭﻭﻱ ﻣﻌﻠﻴﻪ ﺑﻴﻬﻢ ﺟﻬﺎﻟﻚ ﺣﻴﺮ ﺑﻴﻬﻢ ﺍﻧﺖ ..
ﻋﻼﺀ .. ﺍﺭﻳﺪ ﺍﺻﻌﺪ ﺍﺳﻮﻱ ﺍﻟﺤﻤﺎﻡ .. ﺻﺒﺮﻱ ﺭﺍﺡ ﻳﻨﻔﺬ ﻣﻨﺞ ﻭﺍﻟﻠﻪ
ﻧﻮﺭ .. ﻻﻣﻴﻨﻔﺬ ﻻﻥ ﺍﻧﺖ ﺗﻌﺮﻑ ﺑﻨﻔﺴﻚ ﻏﻠﻄﺎﻥ ﻭﻫﺴﻪ ﺩﺗﺤﺲ ﺑﺎﻟﻨﺪﻡ ﻟﺬﻟﻚ ﻻﺯﻡ ﺗﺘﺤﻤﻞ ﻛﻞ ﺷﻲ ﻭﻋﻔﺖ ﺍﻻﻛﻞ
ﻭﺭﺣﺖ ﻏﺴﻠﺖ
ﻋﻼﺀ .. ﺍﻭﻭﻭﻑ ﺗﺨﺒﻠﺖ ﻫﻲ
ﺍﻱ ﺍﻧﻲ ﺻﻮﺟﻲ ﺍﻫﻤﻠﺘﻬﺎ ﻛﻠﺶ ﺍﻟﻠﺘﻬﻴﺖ ﺑﻌﻤﻠﻴﺔ ﺍﺣﻤﺪ
ﻋﻔﺖ ﺍﻻﻏﺮﺍﺽ ﺍﻟﻲ ﺑﻴﺪﻱ ﻭﺭﺣﺖ ﺍﻟﻴﺴﺮ ﺍﺳﻜﺘﻪ
ﺍﻧﻄﻴﺘﻪ ﻟﻌﺒﻪ ﻭﺧﻠﻴﺘﻪ ﺑﺎﻟﻬﻮﻝ
ﺍﺧﺬﺕ ﺣﻼ ﻏﺴﻠﺖ ﺍﻟﻬﺎ .. ﻭﺭﺟﻌﺖ ﺷﻠﺖ ﺍﻟﺴﻔﺮﻩ ﺍﻟﻲ ﺑﻴﻬﺎ ﺍﻻﻛﻞ ﻭﺩﻳﺘﻬﻪ ﻟﻠﻤﻄﺒﺦ ..
ﺭﺟﻌﺖ ﺷﻔﺘﻬﺎ ﺑﻐﺮﻓﺔ ﻧﻮﻣﻨﻪ ﺍﻧﻲ ﻭﺍﻣﻞ ﻭﺍﮔﻔﻪ ﻳﻢ ﺍﻟﺒﺎﺏ ﻭﺗﺒﺎﻭﻉ
ﺭﺣﺖ ﺗﻘﺮﺑﺖ ﻣﻨﻬﺎ .. ﺭﺩﺕ ﺍﺳﺎﻳﺴﻬﻪ ﺑﻠﻜﻲ ﺗﺮﺟﻊ ﺍﻟﻌﻘﻠﻬﺎ ﮔﺘﻠﻬﺎ ﻧﻮﺭ ﺑﺲ ﻳﺼﻴﺮ ﻋﻨﺪﻱ ﻛﻢ ﻓﻠﺲ ﻭﺍﺳﺪﺩ ﺩﻳﻮﻧﻲ ﺍﺟﻴﺒﻠﺞ ﻭﺣﺪﻩ ﻟﻠﻐﺮﻓﻪ ﺍﻟﻔﻮﮒ ﻋﻠﻰ ﺫﻭﻗﺞ
ﺑﺲ ﻫﺴﻪ ﻫﻮﺍﻱ ﻣﺪﻳﻮﻥ ﻋﻠﻰ ﻋﻤﻠﻴﺔ ﺍﺣﻤﺪ ﻫﺴﻪ ﻓﺮﺷﺖ ﺍﻟﻜﻢ ﺍﻟﻐﺮﻓﻪ ﺍﻟﻔﻮﻙ ﻭﺭﺗﺒﺘﻬﺎ ﺑﺲ ﺳﺎﻋﺪﻳﻨﻲ ﺍﻧﺖ ﺣﺘﻰ ﺍﺳﻮﻳﻠﻜﻢ ﺍﻟﺤﻤﺎﻡ ﻫﻲ ﺗﺴﻤﻌﻨﻲ ﻭﻫﺎﺩﺋﻪ
ﻧﻮﺭ .. ﺍﻟﻐﺮﻓﻪ ﺣﻠﻮﻩ ﻭﻣﺮﺗﺒﻪ ﻭﻛﻞ ﺷﺒﺮ ﺑﺎﻟﺒﻴﺖ ﻧﻀﻴﻒ ﻭﻣﺮﺗﺐ ﺍﻧﻲ ﺍﻋﺘﺮﻑ ﺑﺎﻥ ﺍﻧﻲ ﻋﺠﻮﺯﻳﻪ ﻣﻮﻣﺜﻠﻬﺎ ﺩﺍﺋﻤﺎ ﺍﻋﺘﻤﺪ ﻋﻠﻰ ﺍﻣﻲ ﻭﻣﻦ ﺛﻢ ﺍﻧﻲ ﻋﻨﺪﻱ ﺟﻬﺎﻝ ﺍﺛﻨﻴﻦ ﻫﻲ ﻫﺎﻟﻮﺍﺣﺪ ﻳﻌﻨﻲ ﻋﺪﻫﺎ ﻓﺮﺍﻍ ﻫﻮﺍﻳﻪ
ﮔﺘﻠﻪ ﻣﻴﺤﺘﺎﺝ .. ﺍﺻﻼ ﺍﻧﻲ ﻣﺒﺎﻗﻴﻪ ﻫﻨﺎ
ﻭﺟﻬﺎﻟﻚ ﺍﻧﺖ ﺣﻴﺮ ﺑﻴﻬﻢ ..
ﺭﺣﺖ ﻟﻠﻬﻮﻝ ﺍﺧﺬﺕ ﺟﻨﻄﺘﻲ ﻭﺻﻌﺪﺕ ﻓﻮﻙ
ﻋﻼﺀ .. ﺗﻌﺒﺖ ﻛﻠﺶ .. ﺍﻟﺠﻬﺎﻝ ﻛﻠﻪ ﺍﻧﻲ ﺍﺩﺍﺭﻳﻬﻢ
ﻫﻲ ﻛﻠﺶ ﺷﺎﻟﺖ ﺍﻳﺪﻫﺎ
ﺍﻳﺪ ﺍﺷﺘﻐﻞ ﺑﺎﻟﺤﻤﺎﻡ ﺍﻟﻔﻮﻙ ﻭﺍﻳﺪ ﻟﻠﺠﻬﺎﻝ ﻭﺍﻳﺪ ﻟﻠﻔﻮﻥ ﺍﺧﺎﺑﺮ ﺍﻣﻞ ﺍﻃﻤﺄﻥ ﻋﻠﻴﻬﻢ ..
ﻧﻮﺭ .. ﻣﺎﺍﺩﺭﻱ ﺷﻨﻮ ﺍﺣﺴﺎﺳﻲ ﺍﻟﺒﻴﺖ ﻳﺠﻨﻦ ﻭﻣﺮﺗﺐ ﻭﺗﺼﻤﻴﻤﻪ ﻛﻠﺶ ﺭﺍﻗﻲ
ﺧﻼﻧﻲ ﺍﻧﻘﻬﺮ ﻛﻠﺶ ﻭﺍﻋﻴﺪ ﻛﻞ ﺣﺴﺎﺑﺎﺗﻲ
ﺍﻧﺼﺪﻣﺖ ﻭﺍﻧﻲ ﺍﻟﻲ ﺷﻔﺘﻪ ﻣﻦ ﺳﻘﻄﺖ ﻣﻮ ﺷﻮﻳﻪ ﻫﻢ ﺁﺛﺮ ﻋﻠﻴﻪ
ﻣﺮﺕ ﻛﻢ ﻳﻮﻡ ﻧﻔﺲ ﺍﻟﺤﺎﻝ .. ﺍﺣﺲ ﺭﻭﺣﻲ ﻣﻠﻴﺎﻧﻪ ﻏﻴﺾ ﻭﻛﺮﻩ .. ﺭﺟﻊ ﺍﻟﺪﻭﺍﻣﻪ ﺍﻟﺼﺒﺢ ﺍﻟﺠﻬﺎﻝ ﻳﻤﻲ ﻭﻣﺎﺍﻟﻲ ﺧﻠﻜﻬﻢ ...
ﺟﻨﺖ ﺩﺍﺍﻧﺰﻝ ﻣﻦ ﺍﻟﺪﺭﺝ .. ﻻﺑﺴﻪ ﺗﺮﺍﻙ ﻭﻓﺎﺗﺤﻪ ﺷﻌﺮﻱ
ﻭﻣﺨﻠﻴﻪ ﺍﻳﺪﻳﻪ ﺑﺠﻴﻮﺑﻲ ﺍﻧﻔﺘﺤﺖ ﺍﻟﺒﺎﺏ ﻃﺒﺖ ﺍﻣﻞ
ﻭﺍﺑﻨﻬﺎ ﻭﻋﻼﺀ .. ﻛﺎﻟﺖ ﺳﻼﻡ ﻋﻠﻴﻜﻢ .. ﻭﻇﻠﺖ ﺗﺒﺎﻭﻋﻠﻲ
ﺑﺪﻭﻥ ﺗﻌﺠﺐ ﺗﻮﻗﻌﺖ ﻋﻼﺀ ﻛﺎﻳﻞ ﺍﻟﻬﺎ ....
ﺭﺩﻳﺖ ﺑﺒﺮﻭﺩ ﻭﺻﻌﺪﺕ ﻓﻮﻙ .. ﺍﻟﺠﻬﺎﻝ ﻧﺎﻳﻤﻴﻦ ﺍﻟﻈﻬﺮ
ﺑﻘﻴﺖ ﺍﻓﺘﺮ ﺑﺎﻟﻐﺮﻓﻪ ..
ﻟﺸﻮﻳﻪ ﺻﻌﺪ ﻋﻼﺀ .. ﮔﺎﻝ ﻣﺘﻌﺮﻓﻴﻦ ﺗﻜﻮﻟﻴﻠﻬﺎ ﺣﻤﺪﻟﻠﻪ ﻋﻠﻰ ﺍﻟﺴﻼﻣﻪ ..
ﮔﺘﻠﻪ ﺑﻜﻴﻔﻲ ﻣﺎﺍﮔﻮﻝ ﮔﻮﻩ ﻭﻻﺗﺘﻮﻗﻊ ﻣﻨﻲ ﺧﻴﺮ ﻫﺎ ﺗﺮﻩ ﺍﻛﻮﻟﻚ ﺍﻧﻲ ﻭﺍﺷﺮﺕ ﺍﻟﻪ ﺑﻴﺪﻱ ..
.
ﻋﻼﺀ .. ﺷﺒﻴﺞ ﻟﺰﻣﺘﻬﺎ ﻣﻦ ﺍﻳﺪﻫﺎ ﻗﻮﻱ ﺭﺩﺕ ﺍﻛﺴﺮﻫﺎ
ﻣﻦ ﺷﺪﺓ ﻋﺼﺒﻴﺘﻲ ﺣﻴﻞ ﺍﺳﺘﻔﺰﺗﻨﻲ ﻭﻟﺞ ﺻﺎﺭﻟﻲ ﻛﻢ ﻳﻮﻡ ﺻﺎﺑﺮ ﻋﻠﻴﺞ ﻛﺎﻓﻲ ﺭﺟﻌﻲ ﺍﻟﻌﻘﻠﺞ ﺻﻴﺮﻱ ﺍﺩﻣﻴﻪ
ﻧﻮﺭ ... ﻣﺎﺍﺭﻳﺪﻙ ﻣﻮ ﺍﻧﻲ ﻧﻮﺭ ﺍﻟﻘﺪﻳﻤﻪ ﺷﻲ ﺑﻴﻪ ﺍﻧﻜﺴﺮ ﻃﻠﻜﻨﻲ ﻭﺍﺧﻠﺺ ﻣﻨﻲ ﻭﺍﺧﻠﺺ ﻣﻨﻚ
ﻋﻼﺀ .. ﻟﻴﺶ ﺣﻨﻴﺘﻴﻠﻪ .. ﺗﺮﺩﻳﻦ ﺗﺮﻭﺣﻴﻠﻪ ﻣﻮ ؟؟؟
ﻧﻮﺭ ... ﺍﻧﺠﺐ ﻋﻼﺀ ﺍﻧﻲ ﺍﺷﺮﻑ ﻣﻦ ﺍﻟﺸﺮﻑ ﺍﻓﺘﻬﻤﺖ ﻭﺭﺳﺎﺋﻠﻲ ﻭﻳﺎ ﻣﺒﻴﻬﺎ ﺷﻲ ﺷﺘﺮﻳﺪ ﺗﺴﻮﻱ ﺳﻮﻱ
ﺍﻧﺘﻔﺾ ﻇﻞ ﻳﻀﺮﺑﻨﻲ ﺑﻜﻞ ﻗﻮﺗﻪ ﻳﮕﻮﻟﻲ ﻭﺻﺎﻳﺮﻩ ﺗﻐﻠﻄﻴﻦ ﻭﺍﺳﺘﻤﺮ ﻳﻀﺮﺑﻨﻲ ﻭﮔﻌﺖ ﺑﺎﻟﮕﺎﻉ ﻛﺘﻠﻪ ﺍﻧﺠﺐ ﻣﺨﺎﻳﻔﻪ ﻣﻨﻚ ﺍﻛﺮﻫﻚ ﺍﻛﺮﻫﻚ ﻃﻠﻜﻨﻲ
ﻧﺰﻝ ﻋﻠﻴﻪ ﻟﺰﻣﻨﻲ ﻣﻦ ﺷﻌﺮﻱ ﻭﻋﻀﺎﻧﻲ ﺑﺮﻛﺒﺘﻲ ﺣﻴﻴﻞ
ﻧﺒﺘﺖ ﺍﺿﺎﻓﺮﻱ ﺑﺄﻳﺪﻩ ﻭﺻﺮﺧﺖ ﻛﻌﺪﻭﺍ ﺍﻟﺠﻬﺎﻝ ﻣﻔﺰﻭﻋﻴﻦ
ﺳﺪ ﺣﻠﻜﻲ ﺑﺄﻳﺪﻩ ﻗﻮﻱ . ﻭﻟﻮﻩ ﺍﻳﺪﻱ ﺍﻟﺨﺮﻣﺸﺘﻪ ﺑﻴﻬﺎ . ﻛﺎﻝ ﻋﻠﻰ ﺟﺜﺘﻴﻴﻴﻲ ﺍﻃﻠﻚ ﺍﻱ ﺑﺲ ﻣﺘﺘﺰﻭﺟﻴﻦ ﻏﻴﺮﻱ ﺗﺘﺬﻛﺮﻳﻦ ﻣﻦ ﻓﺸﻜﻠﺖ ﺧﻄﺒﺘﺞ ﻭﻱ ﻣﺤﺴﻦ ﺗﺮﻩ ﺍﻟﺘﺎﺭﻳﺦ ﻳﻌﻴﺪ ﻧﻔﺴﻪ ﻭﺗﺮﻛﺘﻲ ﺑﺪﻓﻊ
ﮔﺘﻠﻪ ﻟﻮ ﻣﺘﺰﻭﺟﻪ ﻣﺤﺴﻦ ﻟﻮ ﺍﻱ ﻭﺍﺣﺪ ﻣﺘﺰﻭﺟﺘﻪ ﻭﻻﺍﻧﺖ ﺍﻟﻔﮕﺮ ﺑﻠﺸﻨﻲ ﺑﻴﻚ ﺣﻈﻲ ﺍﻻﺳﻮﺩ ..
ﺍﻟﺠﻬﺎﻝ ﻳﺒﺠﻮﻥ ﺍﻛﺒﺮ ﺿﺤﻴﻪ ﻫﻢ ﺍﻟﻲ ﺻﺎﺭﻭ ﺑﻴﻨﺎﺗﻨﻪ
ﺍﺏ ﻣﻴﻌﺮﻑ ﻳﺘﺼﺮﻑ ﻭﺍﻡ ﻣﺴﻴﻄﺮﻩ ﻋﻠﻴﻬﺎ ﻋﺎﻃﻔﺘﻬﺎ ﻭﻫﻢ ﺍﺿﺮﺏ ﻣﻦ ﺍﻻﺏ
ﺭﺍﺡ ﻋﻠﻴﻬﻢ ﺍﺧﺬﻫﻢ ﻭﮔﺎﻝ ﻫﻲ ﺣﺼﺘﺞ ﻟﻠﻴﻮﻡ ﺑﺎﻻﻳﺎﻡ
ﺍﻟﺠﺎﻳﻪ ﺭﺍﺡ ﺗﺸﻮﻓﻴﻦ ﺷﺮﺍﺡ ﺍﺳﻮﻱ ﺑﻴﺞ
ﻋﺎﻓﻨﻲ ﻭﻃﻠﻊ ..
ﻛﻌﺪﺕ ﺑﺎﻟﻜﺎﻉ ﺍﺑﺠﻲ .. ﻣﺪﺭﻱ ﺷﻨﻮ ﺍﺣﺴﺎﺳﻲ ﻣﺨﺮﺑﻂ
ﻣﺪﺭﻱ ﺍﻛﺮﻫﺎ ﻣﺪﺭﻱ ﺍﺣﺒﻪ ﻣﺪﺭﻱ ﻛﻠﺸﻲ
ﺗﻤﺪﺩﺕ ﺑﺎﻻﺭﺽ .. ﻟﺴﺎﻋﺎﺕ ﻃﻮﻳﻠﻪ ﺑﺪﻭﻥ ﺣﺮﻛﻪ ﻭﺍﺣﺲ ﻧﻔﺴﻲ ﺟﺜﻪ ﻫﺎﻣﺪﻩ ﻭﺩﻣﻮﻋﻲ ﺗﻨﺰﻝ
ﺧﺎﻳﻔﻪ ﺍﻧﺰﻝ .. ﺟﻮﻩ ﻭﺍﺷﻮﻓﻪ ﺷﻮﻥ ﻳﺘﻌﺎﻣﻞ ﻭﻱ
ﺍﻣﻞ ﻭﺍﻧﻘﻬﺮ .. ﺍﻟﻮﻡ ﻧﻔﺴﻲ ﺍﻧﻲ ﻭﺭﻃﺖ ﻧﻔﺴﻲ ﻭﻳﺎ
ﻣﺠﻨﺖ ﺣﺎﺳﺒﻪ ﺣﺴﺎﺏ ﺍﻟﻬﺬﺍ ﻛﻠﻪ
ﻋﺒﺎﻟﻲ ﻳﺤﺒﻨﻲ .. ﺍﻟﻲ ﻭﺭﺍﺡ ﻳﻜﺪﺭ ﻳﻮﻓﻖ ﺑﻴﻨﻪ
ﺑﺎﻟﻠﻴﻞ ﺍﺟﻪ ﻭﺣﺪﻩ ﻛﻠﻲ ﻛﻮﻣﻲ ﺍﻛﻠﻲ ﻭﻳﺎﻧﻪ ﺩﺭﺕ ﻋﻨﻪ ﻣﺎﺭﺩﻳﺖ ﻋﻠﻴﻪ ..
ﺑﻌﺪﻫﺎ ﺑﻘﻴﺖ ﺑﺎﻟﻐﺮﻓﻪ ﺍﻟﻮﻗﺖ ﻣﻴﻤﺸﻲ ﻧﻮﺑﻪ ﺍﻛﻮﻡ ﺍﻣﺸﻂ ﻧﻮﺏ ﺍﻣﻜﻴﺞ ﻭﺍﺧﻠﻲ ﻋﻄﺮ ﺑﺲ ﺍﺭﻳﺪ ﺍﻟﻮﻗﺖ ﻳﻤﺸﻲ ﻧﻮﺏ ﺍﺭﻭﺡ ﻟﻠﺤﻤﺎﻡ ﻧﻮﺏ ﺍﻓﺘﺢ ﺍﻟﺘﻠﻔﺰﻳﻮﻥ ﻭﺍﻃﻔﻲ . ﻧﻮﺏ ﺍﻧﺰﻉ ﺳﺘﺮﺓ ﺍﻟﺘﺮﺍﻙ ﻭﺍﺑﻘﻰ ﺑﺎﻟﻜﻴﻤﻮﻧﻪ . ﻧﻮﺏ ﺍﺑﺠﻲ ﺍﺣﺲ ﺗﺨﺒﻠﺖ ﺻﺎﺭﺕ ﺳﺎﻋﻪ 11 ﺟﺎﺏ ﺍﻟﺠﻬﺎﻝ ﻧﺎﻳﻤﻴﻦ ﻭﺍﺣﺪ ﻭﺭﻩ ﺍﻟﺜﺎﻧﻲ ..
ﺍﻧﻲ ﺍﻣﺪﺩﻩ ﺭﺟﻠﻴﻪ ﻭﻣﺘﻜﻴﻪ ﻇﻬﺮﻱ ﻋﻠﻰ ﺍﻟﺤﺎﻳﻂ ﻭﺍﻟﺘﻠﻔﺰﻳﻮﻥ ﮔﺒﺎﻟﻲ .. ﺷﻌﺮﻱ ﻣﻔﺘﻮﺡ .. ﻭﻣﻜﻴﺠﻪ
ﺧﻼﻫﻢ ﻛﻞ ﻭﺍﺣﺪ ﺑﻔﺮﺍﺷﻪ ﻭﻏﻄﺎﻫﻢ ﻭﺍﻧﻲ ﻣﺎﺍﺩﺭﻱ ﻋﻨﻬﻢ ﺍﻛﻠﻮ ﺷﺮﺑﻮ ﻣﺎﺍﺩﺭﻱ ﺑﺲ ﻣﻼﺑﺴﻬﻢ ﻣﺘﻐﻴﺮﻩ ..
ﺍﺟﻪ ﻛﻌﺪ ﻳﻤﻲ .. ﻭﻳﻠﻌﺐ ﺑﺸﻌﺮﻱ .. ﻭﺍﻧﻲ ﻣﺎﺍﺣﺮﻙ ﺳﺎﻛﻦ
ﻧﻮﺏ ﻳﻠﻌﺐ ﺑﺎﻟﺨﻴﻂ ﻣﺎﻝ ﺍﻟﻜﻴﻤﻮﻧﻪ ﻳﺪﺧﻞ ﺻﺒﻌﻪ ﺑﻲ ﺩﻏﺪﻏﻨﻲ ﻧﺰﻟﺖ ﺭﺍﺳﻲ ﻋﻠﻰ ﺍﻳﺪﻩ ﻛﺎﻡ ﺣﻈﻨﻲ .. ﻟﺴﻪ ﻣﺎﺍﺗﺤﺮﻛﺖ ﺍﺑﺪ .. ﻭﺑﻮﺳﻨﻲ ﻋﻠﻰ ﺭﺍﺳﻲ ﻭﺳﻠﻤﺖ ﺍﻟﻪ ﺟﺴﺪﻱ ﺑﻜﻞ ﺳﻬﻮﻟﻪ ﻣﺎﺍﻋﺮﻑ ﻟﺤﻈﺘﻬﺎ ﻟﻴﺶ ﻫﻴﺞ ﺳﻮﻳﺖ ﻭﻣﺎﻗﺎﻭﻣﺘﻪ ﺑﺲ ﻳﻤﻜﻦ ﺗﻌﺒﺖ ﺍﻗﺎﻭﻡ ﻭﺍﺣﺠﻲ ﻭﺍﻻﺳﻦ ﻻﻥ ﻣﻴﻔﻴﺪ .. ﻣﺜﻞ ﺍﻟﻤﺸﺎﻳﻒ ﻫﺠﻢ ﻋﻠﻴﻪ ﺗﺬﻛﺮﺕ ﺍﻭﻝ ﺍﻳﺎﻡ ﺯﻭﺍﺟﻲ .. ﺑﺲ ﺟﺴﻤﻲ ﺗﺨﺪﺭ ﻭﺻﺎﺭ ﺿﺪ ﺍﻟﻮﺟﻊ ..
ﻣﺎﻗﺎﻭﻣﺖ ﻋﺮﻓﺘﻪ ﻣﻦ ﻳﺘﻌﺐ ﺍﻭ ﺗﺘﺮﻛﻪ ﺍﻣﻞ ﻳﺼﻴﺮ ﻫﻴﺞ ﻋﻼﺀ ﺭﺟﻌﺖ ﻛﺮﻫﺘﻪ ﻭﺗﻤﻨﻴﺖ ﺣﻴﺎﺗﻲ ﺗﺨﻠﺺ ﺑﻬﺎﻟﻠﺤﻈﻪ
ﺍﻭ ﺍﺗﺮﻛﻪ ﺍﻟﻰ ﺍﻻﺑﺪ .. ﻭﺍﻋﻴﺶ ﺣﻴﺎﺗﻲ ﺑﻌﻴﺪ ﻋﻨﻪ ﻻﻥ ﻫﻲ ﻣﻮ ﺣﻴﺎﺓ ..
ﻛﻤﻞ ﻛﻞ ﺷﻲ ﻭﻇﻞ ﻳﺒﻮﺳﻨﻲ ﻭﻳﻌﺘﺬﺭ ﻣﻨﻲ ﺍﻧﻲ ﻣﺎﺣﺎﺟﻴﺘﻪ ﻭﻏﻔﻴﺖ ﻭﺑﺎﻟﻠﻴﻞ ﺍﺣﺲ ﻫﻮ ﻛﻠﻪ ﻳﻤﻲ ﻭﺑﻴﻦ ﺍﻟﻨﻮﻡ ﻭﺍﻟﻴﻘﻀﻪ ﺣﺴﻴﺖ ﻳﺴﺮ ﻛﻌﺪ .. ﻭﻫﻮ ﺳﻜﺘﻪ ﺭﺟﻌﺖ ﻛﻤﻠﺖ ﻧﻮﻣﺘﻲ ..
ﻛﻌﺪﺕ ﺍﻟﺼﺒﺢ ﺍﻟﺠﻬﺎﻝ ﻟﺴﻪ ﻧﺎﻳﻤﻴﻦ ﺳﺒﺤﺖ ﻭﻟﺒﺴﺖ ﺗﺮﺍﻙ ﺷﺘﻮﻱ
ﺑﻲ ﻛﺒﻮﺱ .. ﺧﻠﻴﺘﻪ ﻋﻠﻰ ﺭﺍﺳﻲ ﻭﻧﺰﻟﺖ ﺍﻟﺪﺭﺝ ﻭﺍﻳﺪﻳﻪ
ﺑﺠﻴﻮﺑﻲ ﺷﻔﺖ ﺍﻣﻞ ﺗﻔﺘﺮ ﺑﺎﻟﺒﻴﺖ ﻣﺜﻞ ﺍﻟﻨﺤﻠﻪ .. ﻛﻌﺪﺕ
ﺑﺎﻟﺼﺎﻟﻪ .. ﺍﺑﺎﻭﻋﻠﻬﺎ ﺷﻌﺠﺒﻪ ﺑﻴﻬﺎ ﺑﺎﻟﻠﻪ ﻫﻲ
ﻣﺎﺑﻴﻬﻪ ﺷﻮﻓﻪ
ﺑﻌﺪﻫﺎ ﺷﻔﺘﻬﺎ ﻇﻠﺖ ﺗﺮﺵ ﻣﺎﻱ ﻭﺗﺒﺨﺮ ﺍﻟﺒﻴﺖ
ﻣﻦ ﻳﻤﻲ ﺍﻧﺘﻔﻀﺖ ﻭﻛﻤﺖ ﮔﺘﻠﻬﺎ ﺷﺪﺗﺴﻮﻳﻦ
ﺑﺎﻭﻋﺘﻠﻲ ﻭﻫﻲ ﻣﻌﺎﺟﺒﻬﻪ
ﻛﺎﻟﺖ ﺷﻨﻮ ﺩﺗﺸﻮﻓﻴﻦ
ﮔﺘﻠﻬﺎ ﺑﺼﻮﺕ ﺍﻋﻠﻰ ﺳﺤﻮﺭﻩ ﻣﻮ ﺩﺗﺴﺤﺮﻳﻦ ﺍﻟﺒﻴﺖ
ﻣﻦ ﻫﻴﺞ ﻋﻼﺀ ... ﻣﻴﺤﺒﻨﻲ ﻭﺿﺎﻳﺞ ﻣﻨﻲ
ﺍﺛﺎﺭﻱ ﺍﻧﺖ ﺳﺎﺣﺮﺗﻪ .. ﻛﺎﻟﺖ ﻧﺼﻲ ﺻﻮﺗﺞ ﺍﺑﻨﻲ ﺗﻌﺒﺎﻥ
ﻛﻠﺶ .. ﺭﺟﺎﺀﺍ
ﻛﺘﻠﻬﺎ ﻣﺎﺷﻲ
ﺍﺟﻪ ﻋﻼﺀ ﺍﻟﻌﺼﺮ .. ﮔﺘﻠﻪ ﺍﺭﻳﺪ ﺗﻠﻴﻔﻮﻥ ﻛﺎﻝ ﺗﻌﺎﻱ ﻭﺭﺍﻳﻪ ﻓﻮﻙ ﻛﺘﻠﻪ ﺷﻄﺎﻟﺒﻪ ﺍﻧﻲ ﺳﺤﺒﻨﻲ ﻣﻦ ﺍﻳﺪﻱ .. ﻭﺻﻌﺪﻧﺎ
ﻓﻮﻙ ..
ﻛﺎﻝ ﺍﺟﻴﺒﻠﺞ ﺗﻠﻴﻔﻮﻥ ﺗﺪﻟﻠﻴﻦ ﺑﺲ ﻣﻜﺎﻟﻤﺎﺕ ﻣﺎﻛﻮ ﻓﻴﺲ ﻭﻻ ﺍﻱ ﺷﻲ ﺑﺎﺧﺘﺼﺎﺭ ﻣﺎﻛﻮ ﺳﻮﺷﻴﻞ ﻣﻴﺪﻳﺎ ﺑﺲ ﻣﻜﺎﻟﻤﺎﺕ ﺗﺎﻓﺎﻓﺖ ﻛﺘﻠﻪ ﺧﻮﺵ
ﻳﻮﻡ ﺛﺎﻧﻲ ﺟﺎﺏ ﺗﻠﻴﻔﻮﻥ ﻭﺷﻜﻞ ﺑﻲ ﺍﻟﺴﻴﻢ ﻣﺎﻟﺘﻲ ﻧﻔﺴﻬﺎ
ﺧﺎﺑﺮﺕ ﺍﻫﻠﻲ ﻭﺍﻃﻤﺄﻧﻨﺖ ﻋﻠﻰ ﺍﻣﻲ
ﺑﻌﺪﻫﺎ ﺧﺎﺑﺮﺕ ﺍﺣﻼﻡ .. ﻛﺎﻟﺖ ﺍﻟﻲ ﻋﻼﺀ ﺷﻤﺴﻮﻱ ﺑﺤﻴﺪﺭ ﺑﻘﻴﺖ ﺻﺎﻓﻨﻪ ..
ﻛﺎﻟﺖ ﻳﻜﻮﻝ ﻋﻠﻴﻪ ﺷﻜﺪ ﻣﺘﺨﻠﻒ ﺧﻠﻲ ﺗﻄﻠﻚ ﻭﺍﻧﻲ ﺍﺗﺰﻭﺟﻬﺎ ﻛﺘﻠﻬﺎ ﺍﺣﻼﻡ ﺍﺳﻜﺘﻲ ﺷﺪﺗﺤﺠﻴﻦ
ﻛﺎﻟﺖ ﻫﻮ ﻣﻬﺘﻢ ﺑﻴﺞ ﻫﻮﺍﻳﻪ ﻭﻫﻨﺎﻙ ﺍﺧﺬ ﺍﻟﺞ ﺍﺟﺎﺯﻩ ﺣﺘﻰ ﻟﺘﻨﻔﺼﻠﻴﻦ ﻣﻦ ﺷﻐﻠﺞ
ﺳﺪﻳﺘﻪ ﻣﻨﻬﺎ ﻭﺍﺣﺲ ﺍﻟﺸﻴﻄﺎﻥ ﻳﻠﻌﺐ ﺑﻴﻪ ﻭﺑﻌﻘﻠﻲ
ﻧﺰﻟﺖ ﺟﻮﻩ ﺷﻔﺖ ﻋﻼﺀ ﺣﺎﺿﻦ ﺍﻣﻞ ﺑﺎﻟﻤﻄﺒﺦ ﺑﻜﻞ ﻭﺩ ﻭﺭﻭﻣﺎﻧﺴﻴﻪ ..
ﺻﺮﺕ ﺍﻏﻠﻲ ﻏﻠﻲ ﺑﻠﻴﻠﺘﻬﺎ ﺍﺧﺘﻠﻖ ﺍﻟﻤﺸﺎﻛﻞ ﻣﻦ ﺟﻮﻩ ﺍﻟﻜﺎﻉ
ﺷﻔﺘﻬﺎ ﺷﻌﻠﺖ ﺑﺨﻮﺭ .. ﺻﺮﺕ ﺍﺻﻴﺢ ﺭﺍﺡ ﺗﻤﻮﺗﻨﻲ ﺑﺴﺤﻮﺭﺗﻬﺎ ﺭﺍﺡ ﺗﻤﻮﺕ ﺟﻬﺎﻟﻲ ﻭﻟﻚ ﺭﺟﻌﻨﻲ ﻟﺒﻴﺖ ﺍﻫﻠﻲ
ﺍﺧﺬﻧﻲ ﻭﺻﻌﺪﻧﻲ ﻓﻮﻙ ﻭﻟﺞ ﺭﺍﺡ ﺗﻤﻮﺗﻴﻨﻲ ﺷﺒﻴﺞ ﺗﺨﺒﻠﺘﻲ ..
ﻣﺮﺕ ﺍﻟﻠﻴﻠﻪ ﻭﻣﺎﺍﺟﻪ ﻳﻤﻲ
ﻭﻣﺮﺕ ﺍﻻﻳﺎﻡ .. ﻭﺍﺑﻨﻬﻢ ﻣﻦ ﻃﺒﻴﺐ ﺍﻟﻄﺒﻴﺐ ﻭﻣﺎﻳﺼﺤﻰ
ﻭﻫﻢ ﺍﺷﻮﻓﻬﺎ ﺗﺒﺨﺮ ﺍﻟﺒﻴﺖ .. ﻭﺗﺮﺷﺮﺵ ﻣﺎﻱ ﺭﺣﺖ ﻟﺰﻣﺘﻬﺎ ﻣﻦ ﺍﻳﺪﻫﻪ ﻭﻛﺘﻠﻬﻪ ﻣﺘﺸﺒﻌﻴﻦ ﻫﺎﺍ ﺩﻛﺎﻓﻲ ﻭﺍﺧﺬﺗﻪ ﻣﻨﻬﺎ ﻭﺻﺒﻴﺘﻪ ﻋﻠﻰ ﺍﻟﺒﺨﻮﺭ ﻃﻔﻴﺘﻪ ﻭﺻﺮﺕ ﺍﺩﻓﺮ ﺑﻲ ﺑﺮﺟﻠﻲ
ﻛﺎﻟﺖ ﺍﻧﺖ ﻣﻴﻨﺴﻜﺖ ﻋﻠﻴﺞ ﺍﺑﺪ ﺍﺑﺪ
ﻭﺭﺍﺣﺖ ﺟﺮﺕ ﺗﻠﻴﻔﻮﻧﻬﺎ ﻛﺘﻠﻬﻪ .. ﺷﺮﺍﺡ ﺗﺴﻮﻳﻦ ﺗﺨﺎﺑﺮﻳﻦ ﻋﻼﺀ ﻫﻬﻬﻪ ﺗﺨﻮﻓﻴﻨﻲ
ﻭﻛﻌﺪﺕ ﺑﺎﻟﺼﺎﻟﻪ ﻭﻋﻠﻴﺖ ﺍﻟﺘﻠﻔﺰﻳﻮﻥ
ﻟﺸﻮﻳﻪ ﺟﺘﻲ ﺍﺧﺖ .. ﺍﺧﺖ ﻋﻼﺀ .. ﺗﻬﺪ ﺑﻴﻪ ﻭﻟﺞ ﺍﻧﺖ ﻣﻦ ﻳﺎﺯﺑﺎﻟﻪ ﺟﺎﺑﺞ ﻫﺎﺍ ﻣﻦ ﻳﺎﺯﺑﺎﻟﻪ ﺍﻟﺒﻨﻴﻪ ﻣﺮﻳﻀﻪ ﻭﺍﺑﻨﻬﺎ ﻣﺮﻳﺾ
ﻭﺍﻧﺖ ﺗﺴﻮﻳﻦ ﻣﺸﺎﻛﻞ ﻫﺎﺍ
ﻛﺘﻠﻬﺎ ﺷﻨﻮ ﺟﺎﻳﻪ ﻋﻠﻴﻪ ﻫﺪﺍﺩﻩ ﺗﺨﻮﻓﻴﻨﻲ ﺍﻧﺖ ﻭﻫﻲ ﺍﻡ ﺍﻟﺴﺤﻮﺭﻩ ﺍﺧﺬﺕ ﻣﻨﻲ ﺣﺒﻴﺒﻲ ﺑﺴﺤﻮﺭﺗﻬﺎ ﻭﺍﺫﺗﻨﻲ
ﺑﻴﻨﻤﺎ ﺩﻧﺘﻌﺎﺭﻙ ﻭﻧﺼﻴﺢ ﻭﻛﻌﺖ ﺍﻣﻞ ﺑﺎﻟﻜﺎﻉ ﻭﺻﺎﺭﺕ ﺗﺮﺟﻒ ﻭﺗﻬﺬﻱ ﻣﺪﺭﻱ ﺷﺘﻜﻮﻝ
ﺍﺧﺬﺕ ﺟﻬﺎﻟﻲ ﻭﺻﻌﺪﺕ ﻓﻮﻙ .. ﺍﺑﺎﻭﻉ ﻣﻦ ﺍﻟﺸﺒﺎﻙ ﺯﻟﻢ ﺍﺛﻨﻴﻦ ﻭﻣﺮﻩ ﻛﺒﻴﺮﻩ ﺍﺧﺬﻭﻫﺎ ﻭﺭﺍﺣﻮ
ﺑﺲ ﺗﻮﻗﻌﺖ ﺍﺧﺖ ﻋﻼﺀ ﺑﻘﺖ ﻳﻢ ﺍﺣﻤﺪ ﺟﻮﻩ
ﺑﻌﺪﻫﺎ ﺑﻜﻢ ﺳﺎﻋﻪ ﺍﺟﻪ ﻋﻼﺀ ﻭﺷﻜﻠﻪ ﻳﺨﻮﻑ
ﮔﺎﻝ ﺷﺒﻴﺞ ﻧﻮﺭ ﺷﺎﻟﻲ ﻳﺮﺿﻴﺞ ﻣﻮ ﺩﺍﺍﺭﺿﻴﺞ ﺩﺍﺍﺣﺎﻭﻝ
ﺍﺳﻮﻱ ﻛﻞ ﺷﻲ ﻋﻠﻰ ﻣﻮﺩﺝ .. ﻭﻟﺞ ﺍﺑﻨﻲ ﺩﻳﻤﻮﺕ ﺩﻳﻤﻮﺕ ﻭﺍﻧﺖ ﺷﺎﺑﻌﺘﻨﻲ ﻗﻬﺮ ﻭﻣﺸﺎﻛﻞ ﻣﺎﺍﺗﺤﺴﻴﻦ ﺗﻌﺒﺖ ﺗﻌﺒﺖ ﺑﻌﺪ ﻣﺎﺍﺿﺮﺏ ﻭﻻﺍﺻﻴﺢ ﺑﺲ ﻛﻮﻟﻲ ﺷﺘﺮﺩﻳﻦ ﻫﺎﺍ ﻛﻮﻟﻲ
ﻛﺘﻠﻪ ﻃﻠﻜﻨﻲ ﻭﺭﺟﻌﻨﻲ ﻟﻠﺒﺼﺮﻩ ﺧﻠﻲ ﺍﺭﺟﻊ ﺍﻟﻮﺿﻴﻔﺘﻲ
ﺍﺭﻳﻴﺪ ﺍﻋﻴﻴﻴﺶ ﺑﺪﻭﻧﻚ ﺍﺭﻳﻴﺪ ﺍﻋﻴﺶ ﺫﻟﻴﺘﻨﻲ ﺗﻌﺒﺘﻨﻲ ﻣﺪﺍﺍﻛﺪﺭ ﺍﻧﺴﻰ ﺍﻟﻲ ﺳﻮﻳﺘﻪ ﺑﻴﻪ
ﻛﺎﻝ ﻣﺎﺷﻲ ﺑﺲ ﺍﻟﺠﻬﺎﻝ ﻳﺒﻘﻮﻥ ﻫﻨﺎ ..
ﻛﺘﻠﻪ ﺧﻮﺵ
ﻛﺎﻝ ﻣﺎﺷﻲ ﺟﻬﺰﻱ ﻧﻔﺴﺞ
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق