رواية لم تكن خطيئتنا ج2 الجزء الرابع
للكاتبة نور ناصر
.
.
ﻟﻘﺪ ﺭﺣﻠﻮ ﻋﻨﺎ ﻭﻟﻢ ﻳﻬﺘﻤﻮ
ﻟﻤﺎ ﻗﺪ ﻳﻜﻮﻥ ﻣﺎ ﺳﻮﻑ ﻳﺤﺪﺙ ﻣﻌﻨﺎ
ﺭﺣﻠﻮ ﺩﻭﻥ ﺳﺎﺑﻖ ﺍﻧﺬﺍﺭ ﻭﻟﻢ ﺍﺩﺭﻙ ﺭﺣﻴﻠﻬﻢ ﻋﻨﻲ
ﺍﻻ ﺑﻌﺪ ﻓﻮﺍﺕ ﺍﻻﻭﺍﻥ .. ﻟﺤﻈﺘﻬﺎ ﻛﻨﺖ ﻣﺸﺘﺎﻗﺔً ﻛﺜﻴﺮﺍ ﻟﺴﻤﺎﻉ ﺻﻮﺗﻬﻢ ..
ﺍﻩ ﻛﻢ ﻛﻨﺖ ﺍﺗﻤﻨﻰ ﻓﺮﺻﺔ ﻭﺍﺣﺪﺓً ﻗﺒﻞ ﺭﺣﻴﻠﻬﻢ
ﺍﺗﺼﺎﻝ ﻭﺍﺣﺪ
ﻟﻘﺎﺀ ﻭﺍﺣﺪ
ﻧﻈﺮﺓ ﻭﺍﺣﺪﺓ
ﻭﻧﻔﺲٌ ﻭﺍﺣﺪ ﻣﻦ ﺍﻧﻔﺎﺳﻬﻢ .
ﻛﻢ ﺍﻧﺎ ﺑﺤﺎﺟﺔً ﻟﻜﻲ ﺍﺳﺘﻨﺸﻖ ﻋﻄﺮ ﺍﻧﻔﺎﺳﻬﻢ
ﻓﻤﺎ ﺍﺻﻌﺐ ﺍﻟﺮﺣﻴﻞ ﻋﻨﺪﻣﺎ ﻻ ﻧﺪﺭﻛﻪ
ﻗﻄﻌﻮﺍ ﺍﺧﺒﺎﺭﻫﻢ ﻋﻨﻲ ﻓﻜﻨﺖ ﺍﻇﻦ
ﺑﺴﺒﺐ ﺍﻧﺸﻐﺎﻟﻬﻢ ﺑﺎﻟﺤﻴﺎﺓ
ﻭﻟﻜﻦ ﻓﺠﺄﺓً ﻭﺑﺮﺳﺎﻟﺔً ﻭﺍﺣﺪﺓ ﻗﻄﻌﻮﺍ ﻛﻞ ﺷﻲ ﺑﻴﻨﻲ
ﻭﺑﻴﻨﻬﻢ .. ﻓﻤﺎ ﺍﺳﻬﻠﻬﺎ ﻋﻨﺪﻛﻢ
ﻭﻣﺎ ﺍﺻﻌﺒﻬﺎ ﻋﻨﺪﻱ ﻫﺬﻩ ﺍﻟﺮﺳﺎﻟﺔ ...
ﻟﻘﺪ ﺍﻧﺘﻬﻰ ﻛﻞ ﺷﻲ ﺳﺎﻣﺤﻴﻨﻲ ....
ﻭﺩﺍﻋﺎً ....
ﺳﻮﻑ ﺗﺒﻘﻴﻦ ﺣﺒﻲ ﺍﻟﻮﺣﻴﺪ ...
ﻟﻜﻦ ﺍﻟﻰ ﻣﺘﻰ ...
ﺍﺭﺣﻠﻮ ﻣﺎ ﺩﻣﺘﻢ ﺍﺗﺨﺬﺗﻢ ﺍﻟﺮﺣﻴﻞ ﻭﻻ ﺗﻌﻮﺩﻭ ﻣﺠﺪﺩﺍً
A ﺧﺎﻃﺮﺗﻲ
ﺳﻤﻴﺔ .. ﺩﺧﻠﺖ ﻭﺍﺣﺲ ﺻﺎﺭﺕ ﺍﻻﻧﻈﺎﺭ ﻋﻠﻴﻪ
ﺍﺷﻮﺍﻕ ﻭﺑﻨﺎﺗﻬﺎ .. ﺍﺣﺘﺎﺭﻥ ﺷﻴﺴﻮﻥ ﻣﻦ ﺷﺎﻓﻨﻲ
ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ ﻭﻳﺘﺒﺴﺒﺴﻦ
ﻭﻣﻼﻣﺤﻬﻦ ﻣﺘﺤﻴﺮﺓ ﻭﻣﺘﺴﺎﺋﻠﺔ
ﺣﺘﻰ ﺍﻡ ﺍﻟﻌﺮﻭﺱ .. ﺍﺟﺎﻧﻲ ﺍﺣﺴﺎﺱ ﻛﻠﻬﺎ ﺗﻌﺮﻑ ﺑﻘﺼﺘﻨﺎ .
.. ﻇﻠﻴﺖ ﺍﺩﻭﺭ ﻋﻠﻰ ﺑﻴﺒﻴﺘﻲ ﺍﻟﻲ ﺭﺍﺣﺖ ﺍﻟﻬﻢ ﻗﺒﻞ ﻳﻮﻡ ..
ﻻﺯﻣﻪ ﺑﺪﻟﺘﻲ ﺑﻴﺪﻱ ﻻﻥ ﻃﻮﻳﻠﺔ ﺗﺴﺢ
ﻭﺍﻟﺸﺎﻝ ﺍﻟﻲ ﻋﻠﻰ ﺍﻛﺘﺎﻓﻲ ﺑﻴﺪﻱ ﺍﻟﺜﺎﻧﻴﺔ
ﻭﺍﺑﻌﺪ ﺷﻌﺮﻱ ﻣﻦ ﻋﻠﻰ ﻭﺟﻬﻲ ﺑﺤﺮﻛﺔ ﻣﻦ ﺭﺍﺳﻲ ..
ﻭﺍﻻﺑﺘﺴﺎﻣﻪ ﻣﺎﺧﻠﻴﺘﻬﺎ ﺗﻨﻤﺤﻲ ﻣﻦ ﻭﺟﻬﻲ ..
ﺷﻔﺖ ﺑﻴﺒﻲ ﻭﻋﻤﻪ ﺯﻳﻨﺐ ﻭﺍﻣﺘﺜﺎﻝ ﻭﺍﻣﻞ ﻭﺍﻳﻨﺎﺱ
ﺭﺣﺖ ﻳﻤﻬﻢ . ﺳﻠﻤﺖ ﻋﻠﻴﻬﻢ . ﻛﻌﺪﺕ ﻋﻠﻰ ﻧﻔﺲ ﺍﻟﻄﺎﻭﻟﺔ .. ﻗﺮﻳﺒﺔ ﻋﻠﻰ ﺍﻳﻨﺎﺱ ﻭﺍﻣﻬﺎ .
ﺍﺑﺎﻭﻉ ﺑﻴﺒﻴﺘﻲ ﻧﻈﺮﺍﺗﻬﺎ ﻛﻠﻬﺎ ﺣﺰﻥ ﻋﻠﻴﻪ .
ﺣﺎﺟﻴﺘﻬﺎ ﺑﻌﻴﻮﻧﻲ ﻣﻮ ﻛﺖ ﺣﺰﻧﺞ ﺑﻴﺒﻲ ﻻﺗﺨﻠﻴﻨﻲ ﺍﺑﺠﻲ ﻋﻔﻴﺔ ﻛﻮﻩ ﺻﺎﺑﺮﺓ ﻭﺍﻟﻠﻪ ..
ﺍﻳﻨﺎﺱ ﺑﺎﻭﻋﺘﻠﻲ ﻓﻬﻤﺖ ﻣﻦ ﻧﻈﺮﺍﺗﻬﺎ ﻛﻞ ﺷﻲ
ﮔﺎﻟﺖ ﺷﻌﺠﺐ ﺟﻴﺘﻲ ﺳﻤﻴﺔ ..
ﺑﻌﺪﺕ ﺷﻌﺮﻱ ﻋﻦ ﻭﺟﻬﻲ ﺑﺘﻜﺒﺮ
ﮔﺘﻠﻬﺎ ﻭﻟﻴﺶ ﻣﺎﺍﺟﻲ ﻳﻌﻨﻲ ﺗﺮﻩ ﺣﺎﻟﻲ ﻣﻦ ﺣﺎﻟﺞ ﻫﻢ ﺑﻨﺖ ﺧﺎﻟﻪ ﺍﻧﺎ ﻣﺎﻳﺼﻴﺮ ﺍﺟﻲ ﻭﺍﺗﻮﻧﺲ ﻳﻌﻨﻲ ﻟﻮ ﺑﺲ ﺍﻧﺖ ﺟﺎﻳﻪ ﺗﺘﻮﻧﺴﻴﻦ ﻭﺑﻄﻨﺞ ﺷﮕﺪﻫﻪ ..
ﻛﺎﻟﺖ ﻫﺎﺍﻱ ﺷﺒﻴﺞ ﺧﺬﻳﺘﻴﻨﻲ ﺣﺎﺻﻞ ﻓﺎﺻﻞ ﻫﻮ ﺳﺆﺍﻝ ..
: ﺍﻱ ﻭﺍﺩﺭﻱ ﻭﺭﻩ ﺳﺆﺍﻟﺞ ﺷﻨﻮ ﻭﺍﻃﻤﺌﻨﻲ ﻣﻦ ﻫﺎﻟﻨﺎﺣﻴﺔ ..
ﺍﻣﺘﺜﺎﻝ .. ﺳﻤﻴﺔ ﺷﻌﺠﺐ ﻓﺎﻃﻤﺔ ﻣﺎ ﺍﺟﺖ ﻟﻠﺤﻔﻠﺔ ..
ﺳﻤﻴﺔ .. ﺗﻌﺒﺎﻧﻪ ﻋﻤﻪ ﻣﺎﺑﻴﻬﻪ ﺗﺠﻲ ..
: ﻭﺷﻠﻮﻧﻬﺎ ﻭﻳﺎﺝ ﺑﺎﻟﺒﻴﺖ ..
: ﺯﻳﻨﻪ ﺣﺒﺎﺑﺔ ﻭﻃﻴﺒﺔ ﻣﺎﺷﻔﻨﻪ ﻋﻠﻴﻬﺎ ﺷﻲ ﻣﻮﺯﻳﻦ ..
: ﻫﺎ ﺍﻟﺤﻤﺪﻟﻠﻪ ﺑﺲ ﻣﺒﻴﻨﺔ ﻣﻌﻘﺪﺓ ﻛﻠﺶ ﻣﺎﺗﻄﻠﻊ ﻭﻻﺗﻮﺍﺻﻞ . ..
: ﻻ ﻋﻤﺔ ﺍﻧﺖ ﻣﺎﻣﻌﺎﺷﺮﺗﻬﺎ ﻭﻫﻲ ﺍﻟﺤﻤﻞ ﻣﺘﻌﺒﻬﺎ ﺍﺫﺍ ﺗﻄﻠﻊ ﺗﺘﺨﺮﺑﻂ ﻓﻔﻀﻠﺖ ﺗﻈﻞ ﺑﺎﻟﺒﻴﺖ ..
: ﻭﺍﻟﻠﻪ ﺧﻮﺵ ﻣﺎﺗﻨﻄﻴﻦ ﺑﻤﺮﺓ ﺍﺑﻮﺝ .
: ﻟﻴﺶ ﺍﻧﻄﻲ ﺑﻴﻬﺎ ﻣﺎﻣﺄﺫﻳﺘﻨﻲ ﺑﺸﻲ
.
ﺍﻱ ﻋﺎﺩ ﺍﻧﺖ ﺣﻘﺎﻧﻴﺔ ﺍﻟﻠﻪ ﻳﻬﺪﻳﻬﺎ ﺍﻟﻜﻢ ..
ﺧﻠﺼﺖ ﻋﻤﻪ ﺍﻣﺘﺜﺎﻝ .. ﺩﺭﺕ ﻭﺟﻬﻲ ﺷﻔﺖ ﺍﺷﻮﺍﻕ ﻭﺑﻨﺎﺗﻬﺎ ﻭﺍﻡ ﺍﻟﻌﺮﻭﺱ ﺻﺎﺣﻮﻟﻬﻦ
ﻋﺮﻓﺖ ﺭﺍﺡ ﻳﺪﺧﻠﻮﻥ .. ﻓﺘﺤﺖ ﺟﻨﻄﺘﻲ ﻃﻠﻌﺖ ﺗﻮﺭﺑﺎﻥ ﻭﺭﺩﻱ ﻣﺘﻨﺎﺳﻖ ﻭﻱ ﻟﻮﻥ ﺍﻟﻔﺴﺘﺎﻥ ﻭﺭﺩﻱ ﺑﻲ ﻛﺮﺳﺘﺎﻝ ﺧﻠﻴﺘﻪ ﻋﻠﻰ ﺭﺍﺳﻲ ﻭﻧﺰﻟﺖ ﻛﺬﻟﺘﻲ ﺻﻔﺢ ..
ﻭﺍﺳﺘﻌﺪﻳﺖ ﺣﺘﻰ ﺍﺷﻮﻑ ﺣﺒﻴﺒﻲ ﻭﻫﻮ ﺑﻴﺪﻩ ﻭﺣﺪﺓ ﺛﺎﻧﻴﺔ ﻗﺒﻞ ﻻﺗﻜﻮﻥ ﺧﻄﻴﺒﺘﻪ ﺟﻨﺖ ﺍﻣﻮﺕ ﺭﻭﺣﻲ ﻣﻦ ﺍﻟﻐﻴﺮﺓ ﻣﻮ ﺑﻌﺪ ﻫﺴﻪ ﻭﺭﺍﺡ ﺍﺷﻮﻓﻬﻢ ؟ ﻟﺒﻌﺾ ..
ﻳﺎﺭﺑﻲ ﺻﺒﺮ ﻗﻠﺒﻲ ﻭﺍﺭﺣﻤﻨﻲ .. .. .. ..
ﻣﺎﺍﻋﺮﻑ ﻣﻨﻴﻦ ﺍﺟﺘﻨﻲ ﺍﻟﻘﻮﺓ ﻭﺍﺣﺘﻔﻀﺖ ﺑﺎﺑﺘﺴﺎﻣﺘﻲ
ﺭﻏﻢ ﺍﺣﺲ ﻗﻠﺒﻲ ﻳﺒﺠﻲ ﻭﻳﻠﻌﻨﻨﻲ ﺑﻜﻞ ﻧﺒﻀﺔ ..
ﺑﻬﺎﻟﻠﺤﻈﺔ . ﺍﺷﺘﻐﻠﺖ ﺍﻻﻏﻨﻴﺔ ﻭﺩﺧﻠﻮﺍ ﺷﻔﺘﻪ ﻻﺯﻡ ﺍﻳﺪﻫﺎ ﻭﺩﺧﻞ ﺑﻴﻬﺎ ﻣﻼﻣﺤﻬﺎ ﺍﻋﺮﻓﻬﺎ ﻣﺎﺑﻴﻬﺎ ﺫﺭﺓ ﻓﺮﺡ ﻭﻛﻠﻬﺎ ﺗﺠﻬﻢ ﺍﻋﺮﻓﻚ ﺣﺒﻴﺒﻲ ﺍﻧﺖ ﻣﻮ ﻗﺎﺑﻞ ﺑﻬﺬﺍ ﺍﻟﺰﻭﺍﺝ ﻭﻻ ﻣﻐﺼﻮﺏ ﻭﺍﻧﻤﺎ ﺗﺮﻳﺪ ﺗﻨﺘﻘﻢ ﻣﻨﻲ ﺗﺮﻳﺪ ﺗﻘﻬﺮﻧﻲ ﻭﺍﻧﺎ ﻣﺴﺘﺎﻫﻠﺔ ﺧﺬﻟﺘﻚ ..
ﻃﻠﻌﺖ ﺯﺍﻳﺪ ﻋﻠﻰ ﺍﻟﻤﻤﺮ ﺍﻟﻲ ﻳﻤﺸﻮﻥ ﺑﻲ
ﺗﻌﻤﺪﺕ ﺍﺭﻳﺪﻩ ﻳﺸﻮﻓﻨﻲ ..
ﻭﺷﺎﻓﻨﻲ .. ﻣﻼﻣﺤﻪ ﻛﻠﻬﺎ ﻣﺴﺘﻐﺮﺑﺔ ..
ﺧﻠﻴﺖ ﻋﻴﻮﻧﻲ ﺑﻌﻴﻮﻧﺔ ﻭﻣﺒﺘﺴﻤﺔ ﺑﻌﺪﻧﻲ
ﺣﺴﻴﺖ ﻋﻴﻮﻧﻪ ﺭﺍﺡ ﻳﻨﻄﻦ ﻣﻦ ﺍﻟﻐﻀﺐ
ﻭﻭﻛﻒ ﻣﻜﺎﻧﻪ ﻣﻦ ﺍﻟﺼﺪﻣﺔ
ﺣﺘﻰ ﺧﻄﻴﺒﺘﻪ ﻇﻠﺖ ﺗﺒﺎﻭﻋﻠﻲ ﻣﺼﺪﻭﻣﺔ
ﻭﻛﻠﺘﻠﻪ ﻳﻠﻠﻪ . .. ﺍﺧﺬﻫﺎ ﻭﻣﺸﻪ ﻭﻳﺒﺎﻭﻋﻠﻲ .
ﻭﺻﻠﻮﺍ ﻟﻠﻜﻮﺷﺔ ﻭﻛﻌﺪﻭﺍ .. ﻭﻇﻠﺖ ﻋﻴﻮﻧﻪ ﻋﻠﻴﻪ ﻣﻦ ﻟﺤﻈﺔ ﻟﻠﺜﺎﻧﻴﺔ ..
ﻭﺑﺪﺃﺕ ﻣﺮﺍﺳﻴﻢ ﺍﻟﺤﻔﻞ ﻣﻦ ﻟﺒﺴﻬﺎ ﺍﻟﺤﻠﻘﺔ ﺣﺴﻴﺖ ﻧﻔﺴﻲ ﺍﻡ ﺛﻜﻠﻰ ﻭﻓﻘﺪﺕ ﺍﺑﻨﻬﺎ ﻟﻠﺘﻮ ..
ﺿﻤﻴﺮﻱ ﺟﺎﻱ ﻳﻤﻠﺨﻨﻲ ﻣﻮ ﺑﺲ ﻳﺄﻧﺒﻨﻲ ..
ﺍﺣﺲ ﮔﺎﻋﺪﺓ ﺑﺴﺎﺣﺔ ﺣﺮﺏ ﻣﻮ ﺑﻘﺎﻋﺔ ﺍﻋﺮﺍﺱ ﻭﺍﻓﺮﺍﺡ .. ،
ﻭﺑﻌﺪ ﺳﺎﻋﺎﺕ ﺗﻌﺒﺖ ﻣﻦ ﺍﻟﺘﻤﺜﻴﻞ .. ﺍﺳﺘﻨﺰﻓﺖ ﻫﻮﺍﻱ ﻣﻦ ﻋﺎﻃﻔﺘﻲ ﻭﻣﺸﺎﻋﺮﻱ .. ﻗﺮﺭﺕ ﺍﻻﻧﺴﺤﺎﺏ ﻣﻦ ﻫﺎﻟﺤﺮﺏ .
ﺧﺎﺑﺮﺕ ﺍﺑﻮﻱ .. ﺣﺘﻰ ﻧﺮﻭﺡ ..
ﺭﺣﺖ ﻟﻠﺤﻤﺎﻡ .. ﺑﺲ ﺍﺧﺘﻠﻴﺖ ﺑﻨﻔﺴﻲ
ﻃﺎﺣﺖ ﻋﻠﻰ ﺧﺪﻱ ﺩﻣﻌﺔ ﺣﺮﮔﺖ ﺧﺪﻱ ..
ﻟﺒﺴﺖ ﺍﻟﺒﺸﺖ ﻣﺎﻟﺘﻲ ﻧﺰﻋﺖ ﺍﻟﺘﻮﺭﺑﺎﻥ ﺿﻤﻴﺘﻪ
ﻭﻣﺴﺤﺖ ﺍﻟﻤﻜﻴﺎﺝ .. ﺧﻠﻴﺖ ﺷﺎﻟﻲ ﻟﻔﻴﺘﻪ ﺯﻳﻦ ﻭﻃﻠﻌﺖ ﺍﻧﺘﻈﺮ ﺍﺑﻮﻱ . . ﻳﻢ ﺑﺎﺏ ﺍﻟﻘﺎﻋﺔ ﻭﮔﻔﺖ ﺣﺰﻳﻨﻪ
ﺑﺪﺍﺧﻞ ﺍﻟﻘﺎﻋﺔ ﻫﺎﻱ ﺧﺴﺮﺕ ﺣﺐ ﺣﻴﺎﺗﻲ ﺍﻻﻭﻝ
ﺍﻟﻲ ﺟﻨﺖ ﻣﻌﻮﻟﺔ ﻋﻠﻴﻪ ﻫﻮﺍﻱ .. ﺟﻨﺖ ﺍﺭﻳﺪﻩ ﺍﻣﺎﻥ ﻟﺮﻭﺣﻲ ﻭﺣﻴﺎﺗﻲ ﺍﻟﻲ ﻗﻀﻴﺖ ﺍﻏﻠﺐ ﺳﻨﻮﺍﺗﻬﺎ ﻗﻠﻘﺔ ﻭﺿﺎﻳﻌﺔ ..
ﻭﺍﻧﺎ ﻭﺍﮔﻔﺔ ﺳﻤﻌﺖ ﺻﻮﺗﻪ ﻳﮕﻠﻲ ﻟﻴﺶ ﺍﺟﻴﺘﻲ ..
ﻏﻤﻀﺖ ﻗﻮﻳﺖ ﺭﻭﺣﻲ ﮔﺒﻞ ﻻﺍﻟﺘﻔﺖ ﺍﻟﻪ
ﺩﺭﺕ ﻋﻠﻴﻪ ﻭﺗﺼﻨﻌﺖ ﺍﻟﻘﻮﺓ
ﮔﺘﻠﻪ ﺍﻣﻚ ﻋﺰﻣﺘﻨﺎ ﻭﺟﻴﻨﻪ ..
ﺃﻣﺎﻥ .. ﺍﻧﺖ ﺷﻨﻮ ﻣﺎﺗﮕﻠﻴﻠﻲ؟ ؟
ﺳﻤﻴﺔ .. ﺍﻧﺎ ﻓﺮﺣﺎﻧﺘﻠﻚ ﻻﻥ ﻟﮕﻴﺖ ﺍﻟﻲ ﻣﻦ ﻣﺴﺘﻮﺍﻙ ﻭﺗﻠﻴﻖ ﺑﻴﻚ ﻭﺍﻫﻠﻚ ﻗﺎﺑﻠﻴﻦ ﺑﻴﻬﺎ ﻭﺭﺍﺡ ﺗﻌﻴﺶ ﺣﻴﺎﺗﻚ ﻭﻳﺎﻫﺎ ﺑﺪﻭﻥ ﻣﺎﺗﺪﻭﺥ ﺭﺍﺳﻚ ﺑﻤﺸﺎﻛﻞ ﺍﻧﺖ ﻣﺎﺍﻟﻚ ﺫﻧﺐ ﺑﻴﻬﺎﺍﺍ ..
ﺃﻣﺎﻥ : ﺗﻘﻨﻌﻴﻨﻲ ﺟﺎﻳﺔ ﻓﺮﺣﺎﻧﻪ ..
: ﺑﻬﺪﻭﺀ .. ﺍﻃﻤﺌﻦ ﺍﻣﺎﻥ ﻓﺮﺣﺎﻧﺔ ﻭﺩﺍﻋﺘﻚ ..
: .. ﻻﺗﺤﻠﻔﻴﻦ ﺑﺪﺍﻋﺘﻲ ﺟﺬﺏ .
ﺍﺟﻪ ﺍﺑﻮﻱ ﻋﻔﺖ ﺍﻣﺎﻥ ﻭﺻﻌﺪﺕ ﻭﺻﻌﺪﺕ ﺑﺎﻟﺴﻴﺎﺭﺓ ..
...........
ﺻﻔﺎ ... ﻣﺮﺕ ﺍﻻﻳﺎﻡ ﺧﺎﻭﻳﺔ ﻣﺎﺑﻴﻬﺎ ﻃﻌﻢ ﺍﻟﻔﺮﺣﺔ ﺍﺑﺪ
ﻛﻞ ﻳﻮﻣﻴﺔ ﺍﻧﺪﺏ ﺣﻀﻲ ﺷﻨﻮ ﻣﻦ ﻗﺪﺭ ﻫﺬﺍ ﻭﺍﻧﻜﺘﺐ ﺍﻟﻲ
ﺧﻼﻝ 3 ﺍﺷﻬﺮ ﺍﺣﺒﻪ ﻭﺍﺗﻌﻠﻖ ﺑﻲ ﻭﻳﺮﻭﺡ ﻣﻨﻲ ﺑﻠﺤﻈﺔ ﻭﺣﺪﺓ
.
ﻟﻴﻞ ﻭﺍﻟﻐﺮﻓﺔ ﻇﻠﻤﺔ ﻣﻄﻔﻴﻨﻬﺎ ﻋﻮﺩ ﺍﻧﺎﻡ ﻧﺠﺬﺏ ﻋﻠﻰ ﺭﻭﺣﻨﺎ ﻛﻞ ﺍﻟﻘﻬﺮ ﻳﻄﻠﻊ ﺑﺎﻟﻠﻴﻞ .. ﺳﻤﻌﺖ ﺳﻤﻴﺔ ﺗﺒﺠﻲ
ﺭﺣﺖ ﻳﻢ ﺳﺮﻳﺮﻫﺎ .. ﻛﻌﺪﺕ ﻳﻤﻬﺎ ﻟﺰﻣﺘﻬﺎ ﻣﻦ ﻛﺘﻔﻬﺎ ﻭﻫﻲ ﻧﺎﻃﻴﺘﻨﻲ ﻇﻬﺮ ..
ﮔﻠﺘﻬﺎﺍ ﻛﺎﻓﻲ ﺳﻤﻴﺔ ﺭﺣﻤﻲ ﺭﻭﺣﺞ ﺍﻧﺎ ﺷﮕﻮﻭﻝ ﻭﻟﺞ ﮔﻠﺒﻲ ﺍﺣﺘﺮﮒ ﻭﺻﺎﺭ ﺭﻣﺎﺩ ..
ﺳﻤﻴﺔ .. ﻭﻟﺞ ﺣﺮﮔﺖ ﮔﻠﺒﻲ ﺍﻗﻮﺓ ﻭﺍﻟﻠﻪ ﺷﻮﻓﺘﻲ ﺍﻟﻲ ﻭﻫﻮ ﻳﻤﻠﻜﻬﺎ ﺗﻔﺘﺖ ﺭﻭﺣﻲ ..
ﺻﻔﺎ .. ﻋﻠﻰ ﺍﻻﻗﻞ ﻋﺎﻳﺶ ﻭﺭﺍﺳﻪ ﻳﺸﻢ ﺍﻟﻬﻮﺍ ﻣﻮ ﻣﺜﻠﻲ ﺍﻧﺪﻓﻦ ﻭﺭﺍﺡ ﺟﻮﺓ ﺍﻟﺘﺮﺍﺏ ..
ﺳﻤﻴﺔ .. ﺣﺠﻴﺖ ﺑﮕﻠﺒﻲ ﻳﻤﻪ ﺍﺳﻢ ﺍﻟﻠﻪ ﻋﻠﻴﻪ ﺑﺲ ﺭﺩﺕ ﺍﺑﻴﻦ ﺍﻟﻬﺎ ﺍﻧﻪ ﺍﺣﻨﺎ ﻧﻔﺲ ﺍﻟﺤﻆ ﻣﺪﺍﻣﻨﻪ ﺗﻮﺃﻡ ﺣﻀﻨﺘﻬﻪ .
ﻇﻠﺖ ﺗﻬﻤﺲ ﺑﺎﺫﻧﻲ ﻫﻢ ﺍﻛﻮ ﺑﻌﺪ ﻓﺮﺣﺔ ﺑﺎﻟﺤﻴﺎﺓ ﻟﻴﺶ ﻋﻤﺮﻧﻪ ﻛﻠﻪ ﻋﺎﻳﺸﻴﻦ ﺑﺨﺮﻳﻒ ﻭﺍﻟﺮﺑﻴﻊ ﻣﺎﻣﺮﻧﻪ ﻳﻮﻡ ﻟﻴﺶ ﻫﻴﺞ ﺣﻈﻨﻪ ﺳﻤﻴﺔ ..
ﺳﻤﻴﺔ .. ﻫﺬﺍ ﺍﻟﻲ ﺭﺑﺞ ﻗﺎﺳﻤﻪ ﺍﻟﻨﺎ ﻃﻠﻌﻨﺎ ﻣﻦ ﺑﻄﻦ ﺍﻣﻨﺎ ﻭﺍﺣﻨﻪ ﻣﻜﺘﻮﺏ ﻋﻠﻴﻨﻪ ﻧﻌﻴﺶ ﻫﻴﺞ .
ﺧﻠﺼﻨﺎ ﺍﻟﻠﻴﻞ ﺑﺠﻲ ..
ﻳﻮﻡ ﺛﺎﻧﻲ ﺍﻟﺼﺒﺢ ﮔﻌﺪﺕ ﻋﻴﻮﻧﻲ ﻣﻮﺭﻣﻪ ﻣﺜﻞ ﻛﻞ ﻳﻮﻡ
ﺷﺎﻓﺘﻨﻲ ﺑﻴﺒﻴﺘﻲ
ﮔﺎﻟﺖ .. ﻭﻳﻪ ﻋﻠﻴﻪ ﻳﻴﻤﻪ ﺷﺼﺎﻳﺮ ﺑﻴﺞ ﺭﺣﻤﻲ ﺭﻭﺣﺞ ﺫﺑﻠﺘﻲ ﻛﻠﺶ ﻣﺎﻳﺼﻴﺮ ﻫﺎﻟﺸﻜﻞ ..
ﺻﻔﺎ .. ﮔﻌﺪﺕ ﻳﻤﻬﻪ ﺑﺤﺴﺮﺓ ﮔﺘﻠﻬﺎ ﺗﺘﺬﻛﺮﻳﻦ ﻣﻦ ﺧﻄﺒﻨﻲ ﺍﺳﻼﻡ ﻭﺭﻓﻀﺖ ﻭﮔﺘﻴﻠﻲ ﺭﺟﺎﻝ ﻭﺍﻟﻪ ﺣﻮﺑﺔ ﻭﺣﻮﺑﺘﻪ ﻣﺎﺗﺘﻌﺪﺍﺝ ﻫﺎﻱ ﺣﻮﺑﺘﻪ ﺑﻴﺒﻲ ﺷﻔﺘﻴﻬﻪ ﺑﻌﻴﻨﺞ ﻫﺴﻪ .
ﺑﻴﺒﻲ، : ﻋﺴﺎﻧﻲ ﻣﺎ ﮔﻠﺖ ﻭﻻ ﺣﺠﻴﺖ ﺳﻮﺩﺓ ﻋﻠﻴﻪ ﻳﻤﻪ ﺑﻌﺪ ﻋﻤﺮﻱ ..
ﺻﻔﺎ : ﺍﻛﻮﻡ ﺍﺷﻮﻑ ﻓﺎﻃﻤﺔ ﺧﺎﻑ ﻣﺤﺘﺎﺟﺔ ﺷﻲ ..
ﺩﺧﻠﺖ ﻟﻠﻤﻄﺒﺦ ﺷﻔﺘﻬﺎ ﺟﺎﻱ ﺗﺸﺘﻐﻞ
ﺷﺎﻓﺘﻨﻲ ﺿﺤﻜﺖ ﺍﺑﺘﺴﻤﺖ ..
ﺟﺮﻳﺖ ﻛﺮﺳﻲ ﻭﮔﻌﺪﺕ ﻣﻮ ﻣﺜﻞ ﮔﺒﻞ ﺟﻨﺖ ﺷﻜﺪ ﺍﺣﺐ ﺍﺷﺘﻐﻞ ﻭﺍﻧﻀﻒ ﻭﺍﺭﺗﺐ ﻭﺍﺳﻮﻱ ﺍﻛﻼﺕ ﻫﺴﻪ ﻟﻜﻞ ﺷﻲ ﻣﺎﻟﻲ ﻭﺍﻫﺲ ..
ﮔﺎﻟﺖ ﺗﺮﺩﻳﻦ ﺷﻲ؟
ﮔﺘﻠﻬﺎ ﻻ ﺑﺲ ﺭﺩﺕ ﺍﺳﺄﻟﺞ ﺳﺆﺍﻝ؟
ﺳﺄﻟﻲ ﻋﻤﺮﻱ ..
ﺍﻧﺖ ﺣﺎﻣﻞ ﺑﻮﻟﺪ ﻣﻮﻭ؟
ﺍﻱ ﺣﺒﻴﺒﺘﻲ ﺍﻥ ﺷﺎﺀﺍﻟﻠﻪ ..
ﺷﺮﺍﺡ ﺗﺴﻤﻴﻨﻪ؟
ﺍﺑﻮﺝ ﻳﺮﻳﺪﻩ ﻃﻴﻒ ..
ﻫﺎﺍ ..
ﺟﺮﺕ ﺍﻟﻜﺮﺳﻲ ﮔﻌﺪﺕ ﻳﻤﻲ .. ﮔﺎﻟﺖ ﻣﺒﻴﻦ ﻋﻠﻴﺞ ﺗﺮﺩﻳﻦ ﺗﺨﺘﺎﺭﻳﻦ ﺍﻟﻪ ﺍﻻﺳﻢ ﻣﻮ؟
ﺑﻌﺪ ﺍﻧﺘﻢ ﻣﺨﺘﺎﺭﻳﻦ ﺍﻟﻪ ﺍﺳﻢ ..
ﻭﺍﻧﺖ ﻫﻢ ﺍﺧﺘﻪ ﻭﻳﺤﻖ ﺍﻟﺞ ﺗﺴﻤﻴﻨﻪ ..
ﺩﺧﻠﺖ ﺳﻤﻴﺔ ..
ﺻﻔﺎ .. ﺍﺭﻳﺪﻩ ﻋﻠﻰ ﺍﺳﻢ ﺍﻟﻤﺮﺣﻮﻡ ..
ﺳﻤﻴﺔ .. ﻫﻴﺞ ﺭﺍﺡ ﺗﺘﺄﺫﻳﻦ ﻭﻣﺎﺭﺍﺡ ﺗﻨﺴﻴﻦ ﺑﺴﺮﻋﻪ
ﺻﻔﺎ .. ﺭﻓﻌﺖ ﺭﺍﺳﻲ ﺍﻟﻬﺎ ﻭﻣﻨﻮ ﮔﻠﺞ ﺍﺭﻳﺪ ﺍﻧﺴﺎﻩ؟
ﻓﺎﻃﻤﺔ .. ﺧﻠﻴﻬﻪ ﺳﻤﻴﺔ ﻳﻤﻜﻦ ﺗﺘﻌﻠﻖ ﺑﻲ ﻭﻳﻌﻮﺿﻬﺎ
ﺷﻮﻳﺔ ﺻﻔﺎ .. ﻓﺎﻃﻤﺔ ﺍﻧﺖ ﺑﻌﺪ ﺷﮕﺪ ﻭﺗﺠﻴﺒﻴﻦ؟
ﻓﺎﻃﻤﺔ : .. ﺑﻌﺪ ﺍﻟﻲ ﺷﻬﺮ ﻭﺍﺣﺪ ﺍﻥ ﺷﺎﺀﺍﻟﻠﻪ ..
ﺻﻔﺎ .. ﺍﻱ ﻭﺗﺮﺟﻌﻴﻦ ﺗﺪﺍﻭﻣﻴﻦ ﻣﻮﻭ؟
ﻓﺎﻃﻤﺔ :.. ﺍﻥ ﺷﺎﺀﺍﻟﻠﻪ ﺍﺧﻠﺺ ﺍﻣﻮﻣﺔ ﻭﺍﺭﺟﻊ ﺍﺩﺍﻭﻡ .
ﺻﻔﺎ :.. ﺍﻱ ﻳﺒﻘﻰ ﻳﻤﻲ ﺍﻧﺎ ﺍﺭﺑﻲ ..
ﺳﻤﻴﺔ .. ﻭﺍﻧﺖ ﺻﻔﺎ ﻣﺎﻧﺎﻭﻳﺔ ﺗﺮﺟﻌﻴﻦ ﻟﻜﻠﻴﺘﺞ؟
.
ﺻﻔﺎ :.. ﻣﺎﻟﻲ ﺧﻠﮓ ﻛﻠﻴﻪ ﻭﻻ ﺩﺭﺍﺳﺔ ﻭﻻ ﺍﻱ ﺷﻲ .
ﺳﻤﻴﺔ .. ﻟﻴﺶ ؟؟ﺗﺮﻩ ﻫﺬﺍ ﻣﺴﺘﻘﺒﻠﺞ ﻓﺮﺍﺱ ﺍﻟﻠﻪ ﻳﺮﺣﻤﻪ ﻣﺎﺕ ﻭﻣﺎﺑﻴﺪﺝ ﻋﻠﻴﻪ ﺷﻲ ﻭﻫﺬﺍ ﻛﻠﻪ ﻣﺎﺭﺍﺡ ﻳﺮﺟﻌﻪ ﻭﺍﻧﺖ ﻋﺎﻳﺸﺔ ﻫﺴﻪ ﻭﺍﻟﺤﻲ ﺍﺑﻘﻰ ﻣﻦ ﺍﻟﻤﻴﺖ ..
ﺻﻔﺎ .. ﻣﺎﻟﻲ ﺧﻠﮓ ﻟﻜﻞ ﺷﻲ ﻭﺧﻠﺺ . ..
-------
ﺭﻗﻴﺔ ﺣﺎﻣﻞ ﺑﺎﻟﺸﻬﺮ ﺍﻟﺨﺎﻣﺲ .. ﻭﻛﻌﺎﺩﺗﻬﺎ ﺗﻨﻀﻒ ﺍﻻﻛﻮ ﻭﺍﻟﻤﺎﻛﻮ ..
ﺍﻻﺀ ﻭﺭﻗﻴﺔ .. ﻛﻞ ﻭﺣﺪﺓ ﺗﺤﺎﻭﻝ ﺗﺮﺿﻲ ﻣﻨﺎﺿﻞ ﺑﻄﺮﻳﻘﺘﻬﺎ .. ﺍﻻﺀ ﻃﺒﺎﺧﺔ ﻣﺎﻫﺮﺓ ﻭﻧﻔﺴﻬﺎ ﺑﺎﻻﻛﻞ ﻃﻴﺐ ﻭﺗﺤﺎﻭﻝ ﺗﻨﺎﻓﺲ ﺭﻗﻴﺔ ..
ﻭﺭﻗﻴﺔ ﺷﺎﻃﺮﺓ ﺑﺘﺮﺗﻴﺒﻬﺎ ...
ﻛﺎﻧﺖ ﺍﻻﺀ ﺗﺮﻳﺪ ﺗﺴﺒﺢ ﻭﺗﺴﺒﺢ ﺍﻟﺠﻬﺎﻝ .. ﺍﺧﺬﺕ ﻣﻼﺑﺴﻬﺎ ﻭﻣﻼﺑﺴﻬﺎ ﺟﻬﺎﻟﻬﺎ ﻭﻋﻠﮕﺘﻬﻢ ﺑﺎﻟﺤﻤﺎﻡ ..
ﻭﺭﺍﺣﺖ ﻟﻠﻤﻄﺒﺦ ﺗﻬﺪﺭ ﻋﻠﻰ ﺍﻟﺤﻼﻭﺓ ﺍﻟﺸﻌﺮﻳﺔ ﺍﻟﻲ ﻳﺤﺒﻬﺎ ﻣﻨﺎﺿﻞ ﻭﺍﻟﻠﺘﻬﺖ ﺗﺮﺍﺳﻞ ﺍﺧﺘﻬﺎ ﻭﺗﻨﺘﻈﺮ ﺍﻟﺤﻼﻭﺓ ﺗﺴﺘﻮﻱ ﻛﻠﺶ ﺣﺘﻰ ﺗﺎﺧﺬ ﺍﻟﺠﻬﺎﻝ ﻭﺗﺴﺒﺤﻬﻢ ..
ﺭﻗﻴﺔ .. ﺩﺧﻠﺖ ﻟﻠﺤﻤﺎﻡ ﻭﺑﺪﺕ ﺗﻐﺴﻞ ﻛﻞ ﻣﺎﺑﻄﺮﻳﻘﻬﺎ ﻣﻦ ﻣﻼﺑﺲ ﻭﺑﺪﻭﻥ ﻗﺼﺪ ﻣﻨﻬﺎ ﺍﺧﺬﺕ ﺍﻟﻤﻼﺑﺲ ﺍﻟﻲ ﻣﻌﻠﮕﺔ ﻭﺟﻠﻔﺘﻬﻦ ﺑﻴﺪﻫﺎ ﺟﻠﻔﺔ ﻣﻦ ﻫﺎﻱ ﺍﻟﺘﻤﺎﻡ ﻭﺷﻄﻔﺘﻬﻢ ..
ﺑﻬﺬﻩ ﺍﻻﺛﻨﺎﺀ ﺩﺧﻠﺖ ﻋﻠﻴﻬﺎ ﺷﺮﻳﻜﺘﻬﺎ ﺑﺼﺤﺒﺔ ﺑﻨﺘﻬﺎ .
ﺍﺷﺮﺕ ﺍﻟﻬﺎ ﻃﻠﻌﻲ ﺍﻧﺮﻳﺪ ﻧﺴﺒﺢ ..
ﺭﻗﻴﺔ ﻭﻫﻲ ﺗﺮﻓﻊ ﺗﻚ ﺣﺎﺟﺐ ﻭﺑﻐﻀﺐ ﺍﺑﺎ ﺍﺑﺎ ﻭﻃﻠﻌﺖ ..
ﺍﻻﺀ .. ﺩﻭﺭﺕ ﻋﻠﻰ ﺍﻟﻤﻼﺑﺲ ﻳﺎﺍﻭﻳﻨﻬﻢ ﻫﺴﻪ ﺗﻮﻫﻢ ﻋﻠﮕﺘﻬﻢ ﻫﻨﺎ .. ﺑﺎﻭﻋﺖ ﻟﻠﺴﻠﺔ ﻳﺎ ﻫﺬﻭﻝ ﻫﻤﺎ ﺍﻟﻐﺒﻴﺔ ﺍﻟﺨﺮﺳﺔ ﻣﺒﻠﻠﺘﻬﻢ .. ﻃﻠﻌﺖ ﺍﺭﻛﺾ ﺷﻔﺘﻬﺎ ﺑﻨﻬﺎﻳﺔ ﺍﻟﻤﻤﺮ ﻭﺗﺮﻳﺪ ﺗﺮﻭﺡ ﻟﻠﻬﻮﻝ .. ﺟﺮﻳﺘﻬﺎ ﻣﻦ ﻭﺭﻩ ﻭﺻﻴﺤﺖ ﻭﻟﺞ
ﺍﻧﺖ ﺍﺣﺪ ﻋﺎﺗﺐ ﻋﻠﻴﺞ ﺍﺣﺪ ﻛﺎﻳﻠﺞ ﻏﺴﻠﻲ ﺍﻟﻤﻼﺑﺲ ..
ﺭﻗﻴﺔ .. ﺑﺪﻭﻥ ﻓﻬﻢ ﻭﺑﺎﻻﺷﺎﺭﺓ ﻭﻫﻲ ﺗﺴﺤﺐ ﻧﻔﺴﻬﺎ ﻣﻨﻬﺎ ﺑﻐﻀﺐ ﻭﺗﺴﺄﻟﻬﺎ ﺑﻠﻐﺘﻬﺎ ﻋﻦ ﺳﺒﺐ ﻫﺬﺍ ﺍﻟﺘﺼﺮﻑ ﺍﻟﻌﻨﻴﻒ .
ﻇﻠﺖ ﺍﻻﺀ ﺗﻌﻴﻂ ﻓﻘﺪﺕ ﺍﻋﺼﺎﺑﻬﺎ ﻭﻛﻤﺸﺖ ﺭﻗﻴﺔ ﻣﻦ ﺷﻌﺮﻫﺎ ﺑﻌﻨﻒ ..
ﺭﻗﻴﺔ ﻧﺼﺖ ﺟﺴﻤﻬﺎ ﻋﻠﻰ ﺯﻧﺪ ﺍﻻﺀ ﻭﻋﻀﺘﻬﺎ ﺑﻘﻮﺓ ..
ﻋﻠﻰ ﺻﻴﺎﺣﻬﻢ .. ﺍﺟﻪ ﻣﻨﺎﺿﻞ ﻭﺍﻣﻪ ..
ﻭﻓﺎﻛﻜﻮﻫﻢ ..
ﺍﻻﺀ .. ﻣﻨﺎﺿﻞ ﻫﺴﻪ ﻫﻲ ﻣﻮ ﺣﻤﺎﻣﻬﺎ ﻓﻮﮒ ﻟﻴﺶ ﻫﻴﺞ ﺗﺨﺒﺚ ﻭﻳﺎﻱ ﻟﻴﺶ ..
ﻣﻨﺎﺿﻞ ...: ﺍﺷﺮﺕ ﻟﺮﻗﻴﺔ ﻟﻴﺶ ﻫﻴﺞ ﺳﻮﺕ ..
ﺭﻗﻴﺔ .. ﺟﺮﺕ ﺷﺎﻝ ﺍﻻﺀ ﺗﺸﻢ ﺑﻴﻪ ﻭﺳﻮﺕ ﻧﻔﺴﻬﺎ ﻣﻨﻘﺮﻓﺔ ﻭﺳﺪﺕ ﺧﺸﻤﻬﺎ ﺑﻤﻌﻨﻰ ﺍﻧﻬﺎ ﺍﺷﺘﻤﺖ ﺭﻳﺤﺔ ﺍﻟﻤﻼﺑﺲ ﻣﻮ ﻃﻴﺒﺔ ﻓﮕﺎﻣﺖ ﻏﺴﻠﺘﻬﻦ ﺑﺪﻭﻥ ﻗﺼﺪ ﻣﻨﻬﺎ ..
ﻣﻨﺎﺿﻞ .. ﺍﻻﺀ ﺍﻟﻤﻼﺑﺲ ﺭﻳﺤﺘﻬﻢ ﻣﻮ ﻃﻴﺒﺔ ﻭﻫﻲ ﻏﺴﻠﺘﻬﻢ ﻣﺎﺑﻴﻬﺎ ﺷﻲ ﺍﻟﻜﻨﺘﻮﺭ ﻣﺘﺮﻭﺱ ﺭﻭﺣﻲ ﻃﻠﻌﻴﻠﻜﻢ ﻏﻴﺮﻫﻦ .
ﺍﻻﺀ .. ﻣﻮ ﺍﻛﻠﻠﻚ ﺍﻋﺰﻟﻨﻲ ﺷﻮﻑ ﺷﺴﻮﺕ ﺑﺰﻧﺪﻱ ﺷﻮﻭﻑ ﺯﻭﺭﮔﺘﻨﻲ .
ﺍﻡ ﻣﻨﺎﺿﻞ .. ﻭﺍﻧﺖ ﻣﺎﻣﻘﺼﺮﺓ ﻣﻠﺨﺘﻲ ﺷﻌﺮﻫﺎ ﻫﺎﻱ ﻓﻮﻛﺎﻫﺎ ﺑﻌﺪ ﻓﻮﻙ ﻣﺎﺗﻐﺴﻞ ﻫﺪﻭﻣﻜﻢ .
ﺍﻻﺀ .. ﺍﻧﻪ ﺩﺍﺯﻩ ﻋﻠﻴﻬﻪ ﺗﻐﺴﻠﻬﻦ ﻳﺎﻋﻤﻪ ﺍﻋﺰﻟﻨﻲ ﻣﻨﺎﺿﻞ ﺗﻌﺒﺖ ﻣﻦ ﺍﻟﻤﺸﺎﻛﻞ ﺍﻧﻪ ﺗﻌﺒﺖ ﺭﻳﺘﻨﻲ ﻣﺎﺭﺍﺟﻌﻪ ﻟﻬﻨﺎﺍﺍ .. ،
ﻣﻨﺎﺿﻞ .. ﺷﻮﻓﻲ ﺭﺍﺡ ﺍﻋﺰﻟﺞ ﻋﻦ ﻫﻨﺎ ﺗﺮﺟﻊ ﺭﻗﻴﻪ ﺟﻮﻩ ﻭﺍﻧﺖ ﺍﻃﻠﻌﻠﺞ ﺩﺭﺝ ﺧﺎﺭﺟﻲ ﻣﻦ ﺍﻟﻔﻮﻙ ﻭﺑﻌﺪ ﻣﺎﺍﺷﻮﻓﺞ ﻫﻨﺎﺍﺍ ﺍﺑﺪ ﺑﺲ ﺧﻠﻲ ﺗﻮﺍﻓﻖ ﺭﻗﻴﺔ ﻳﻠﻠﻪ ..
ﺍﻻﺀ .. ﻭﻫﻲ ﺷﻜﻮ ﻭﺗﺎﺧﺬ ﺭﺃﻳﻬﺎ ﺧﻠﮓ ﺧﺮﺳﺔ .
ﻣﻨﺎﺿﻞ .. ﻭﺑﻌﺪ ﺷﺮﻁ ﺛﺎﻧﻲ ﻳﻮﻡ ﻋﻨﺪﺝ ﻭ 3 ﻋﺪﻫﺎ ..
ﺍﻻﺀ .. ﺍﻱ ﻣﻮﺍﻓﻘﺔ ﺑﺲ ﺧﻠﺼﻨﻲ ﻣﻦ ﻫﺎﻟﺒﻠﻮﺓ ﻫﺎﻱ ﺍﻟﻲ ﺍﺑﺘﻠﻴﺖ ﺑﻴﻬﺎﺍﺍ ..
ﻣﻨﺎﺿﻞ .. ﻭﻋﻠﻰ ﺗﺠﺎﻭﺯﺝ ﻋﻠﻴﻬﺎ ﻋﻘﻮﺑﺔ ﺑﺲ ﺗﻔﻮﺕ ﺑﺸﻬﺮﻫﺎ ﺍﺑﻘﻰ ﺷﻬﺮ ﻛﺎﻣﻞ ﻳﻤﻬﺎ ..
ﺍﻻﺀ . . ﺑﺲ ﺧﻠﻲ ﺍﻟﻠﻪ ﻳﺨﻠﺼﻨﻲ ﻣﻨﻬﺎ ﻛﻞ ﺷﻲ ﻣﺎﺍﺭﻳﺪ ﺑﻌﺪ .
------
ﺻﻔﺎ .. ﻣﺮﺕ ﺍﻻﻳﺎﻡ ﻭﺟﺎﺑﺖ ﻓﺎﻃﻤﺔ ﻭﻟﺪ ﻭﻗﺒﻠﻮﺍ ﻳﺴﻤﻮﻧﻪ ﻓﺮﺍﺱ ﻧﺰﻭﻻ ﻋﻨﺪ ﺭﻏﺒﺘﻲ ..
ﻓﺎﻃﻤﺔ ﺗﻌﺒﺎﻧﻪ ﺍﻭﻝ ﺍﻳﺎﻣﻬﺎ ﺍﻣﻬﺎ ﻛﺒﻴﺮﺓ ﺑﺎﻟﻌﻤﺮ ﺑﻴﺒﻴﺘﻲ ﻫﻢ ﻣﺎﺑﻴﻬﺎ
ﺳﻤﻴﺔ ﺩﻭﻣﻬﺎ ﻣﺘﻜﺘﺮﺓ . ﻭﺗﺸﺘﻐﻞ . ﺍﻧﺎ ﺗﻮﻟﻴﺖ ﺭﻋﺎﻳﺘﻪ
ﻭﺭﻋﺎﻳﺔ ﺍﻣﻪ ..
ﻣﺮﺍﺕ ﺍﺷﻮﻑ ﻓﺎﻃﻤﺔ ﻧﺎﻳﻤﺔ ﻭﻓﺮﺍﺱ ﻳﺒﺠﻲ ﺍﺧﺬﻩ ﻟﻠﻐﺮﻓﺔ ﻭﺍﻛﻌﺪ ﺍﺗﺨﻴﻠﺔ ﻓﺮﺍﺱ ﺍﻟﻤﺮﺣﻮﻡ ﻭﺍﺷﻜﻴﻠﺔ ﻭﺍﺣﺠﻴﻠﺔ ﺍﺣﺲ ﻧﻔﺴﻲ ﺍﺭﺗﺎﺡ ..
ﺑﻬﺎﻱ ﺍﻟﻔﺘﺮﺓ ﻭﺑﻌﺪﻫﺎ ﻓﺎﻃﻤﺔ ﻣﺎﻃﺎﻟﻌﺔ ﻣﻦ ﺍﻻﺭﺑﻌﻴﻦ ﺍﺑﻮﻱ ﻋﻄﻠﺖ ﺳﻴﺎﺭﺗﻪ .. ﻭﮔﻌﺪ ﺑﻼ ﺷﻐﻞ .
ﻭﻟﻼﺳﻒ ﻭﻻ ﻭﺍﺣﺪ ﻣﻦ ﺍﺧﻮﺗﻪ ﺍﺟﻪ ﺳﺄﻝ ﻋﻨﻪ ﻭﻛﺎﻝ ﺷﻤﺤﺘﺎﺝ ﻣﺎﻣﺤﺘﺎﺝ ..
ﻓﺎﻃﻤﺔ .. ﺍﻳﻮﺏ ﺑﺪﻝ ﺳﻴﺎﺭﺗﻚ ﺍﺣﺴﻦ
: ﻭﻣﻨﻴﻦ ﺍﺟﻴﺐ ﻓﻠﻮﺱ ﻳﺎﻓﺎﻃﻤﺔ ..
: ﺑﻴﻊ ﺫﻫﺒﻲ ﻭﻋﻨﺪﻱ ﺟﻢ ﻓﻠﺲ ﻭﻧﮕﻮﻁ ﻓﺮﻭﺳﻲ ﻭﺑﻴﻊ ﻫﺎﻱ ﻭﺟﻤﻠﻬﻪ ﻭﺍﺷﺘﺮﻱ ﺍﺣﺪﺙ ﻣﻨﻬﺎ ..
: ﻻ ﻓﺎﻃﻤﺔ ﻫﺎﻱ ﺫﻫﺒﺎﺗﺞ ﻭﺍﻧﻪ ﻣﺎﻟﻲ ﺣﻖ ﺑﻴﻬﻦ ﻭﻣﺎﺍﻛﺪﺭ ﺍﺧﺬﻫﻦ .
: ﺍﻧﺎ ﻭﻳﺎﻙ ﻣﺎﻛﻮ ﻓﺮﻕ ﺍﺛﻨﻴﻨﻪ ﻭﺍﺣﺪ ﺣﺒﻴﺒﻲ ﻭﺑﻌﺪﻳﻦ ﺍﻟﻠﻪ ﻳﺮﺯﻗﻚ ﻭﺗﻌﻮﺿﻨﻲ ﻭﺍﻟﺬﻫﺐ ﺯﻳﻨﺔ ﻭﺧﺰﻳﻨﺔ ﺍﺫﺍ ﻣﺎﺍﺑﻴﻌﻪ ﻭﺍﺣﻨﺎ ﻣﺤﺘﺎﺟﻴﻦ ﺷﻠﻲ ﺑﻲ ﺿﺎﻣﺘﻪ ﻳﻠﻠﻪ ﺍﺧﺬﻩ ﻳﺎﻋﻴﻨﻲ ﻭﺑﻴﻌﻪ ﺍﻧﻪ ﺍﻟﻤﻦ ﺿﺎﻣﺘﻪ ﻏﻴﺮ ﻟﻠﻌﺎﺯﺓ ..
ﺻﻔﺎ .. ﺍﺧﺬ ﺍﺑﻮﻱ ﻓﻠﻮﺱ ﻓﺎﻃﻤﺔ ﻭﺫﻫﺒﻬﺎ
ﻭﺑﺎﻉ ﺳﻴﺎﺭﺗﻪ ﻭﺍﺷﺘﺮﺍﻟﻪ ﺳﻴﺎﺭﺓ ﺣﺪﻳﺜﺔ ..
ﻭﻇﻞ ﻳﺸﺘﻐﻞ ﺑﻴﻬﺎ ..
ﺟﻨﻪ ﻛﺎﻋﺪﻳﻦ ﺑﺎﻟﻬﻮﻝ ﺑﺎﻟﻠﻴﻞ ﻭﺑﻴﺪﻱ ﻓﺮﺍﺱ
ﺻﺤﺖ ﺳﻤﻴﺔ ﺗﻌﺎﻟﻲ ﺷﻮﻓﻲ ﻓﺮﺍﺱ ﺷﻮﻥ ﺣﻠﻮ ﻣﺎﻳﻌﺠﺒﺞ ﺗﺸﻴﻠﻴﻨﻪ ﺗﻼﻋﺒﻴﻨﺔ ..
ﺳﻤﻴﺔ .. ﻻ ﺍﻧﻪ ﺍﺧﺎﻑ ﻣﻦ ﺍﻻﻃﻔﺎﻝ ﺑﻬﻴﺞ ﻋﻤﺮ ..
ﺻﻔﺎ .. ﻭﻟﺞ ﺻﺎﺭ ﻋﻤﺮﻩ ﺷﻬﺮ ﻭﺟﺎﻱ ﻳﻜﺒﺮ ..
ﻓﺎﻃﻤﺔ .. ﻟﻌﺪ ﺷﻮﻥ ﺭﺍﺡ ﺗﺘﺰﻭﺟﻴﻦ ﻭﻳﺼﻴﺮ ﻋﻨﺪﺝ ﻃﻔﻞ .
ﺳﻤﻴﺔ .. ﺑﺎﻭﻋﺖ ﻟﺼﻔﺎ .. ﻭﺭﺟﻌﺖ ﺑﺎﻭﻋﺖ ﻟﻔﺎﻃﻤﺔ ﮔﺘﻠﻬﺎ ﻣﺎﺍﺭﻳﺪ ﺍﺗﺰﻭﺝ ﺍﻧﺎ ..
ﺍﺟﺖ ﺿﺮﺑﺖ ﻋﻠﻰ ﻛﺘﻔﻲ ﺿﺮﺑﻪ ﺧﻔﻴﻔﻪ
ﻛﺎﻟﺖ .. ﮔﻠﻨﺎﻫﺎ ﮔﺒﻠﺞ ﺣﺒﻴﺒﺘﻲ ..
ﺭﻓﻌﺖ ﺷﻌﺮﻱ ﻟﻴﻔﻮﻙ .. ﺑﺎﻭﻋﺘﻠﻪ ﺟﺎﻱ ﻳﻄﻮﻭﻝ ..
ﻓﺎﻃﻤﺔ .. ﺍﺑﻮﻛﻢ ﺗﺄﺧﺮ ﻛﻠﺶ ﻳﺎ ﺑﻨﺎﺕ ..
ﻣﺎﺍﺩﺭﻱ ﺷﻨﻮ ﺍﻟﺴﺎﻟﻔﺔ ..
ﺻﻔﺎ .. ﺧﺎﺑﺮﻭﻟﺔ ..
ﻓﺎﻃﻤﺔ .. ﻭﺍﻟﻠﻪ ﺧﺎﺑﺮﺕ ﻣﻐﻠﻖ ..
ﻫﺴﻪ ﺭﺍﺡ ﺍﺭﺟﻊ ﺍﺧﺎﺑﺮ ﻣﺮﺓ ﺛﺎﻧﻴﺔ ..
ﻭﺭﺟﻌﺖ ﺧﺎﺑﺮﺕ ﻣﺮﺓ ﺛﺎﻧﻴﺔ ﻭﺛﺎﻟﺜﺔ ﻭﻣﺎﻛﻮ ﺟﻮﺍﺏ ..
ﺻﺎﺭﺕ ﺳﺎﻋﻪ 10:00 ﺑﺎﻟﻠﻴﻞ ..
ﮔﻠﺒﻨﺎ ﻇﻞ ﻳﻠﻌﺐ ﺍﺑﻮﻱ ﺍﻟﻤﻐﺮﺏ ﺑﺎﻟﺒﻴﺖ ﻭﻣﺎﻳﺘﺄﺧﺮ ﻫﺎﻟﮕﺪ
ﺻﺎﺭﺕ ﺏ 11 ﻭﺏ 12 ﻭﻫﻮ ﻣﺎﻛﻮ ..
ﻣﺘﻨﺎ ﺧﻮﻑ ﻭﻇﻠﻴﻨﻪ ﻧﺪﻋﻲ ﻭﻧﺒﺠﻲ
ﺧﺎﺑﺮﻧﻪ ﻋﻤﻮ ﺳﻠﻴﻤﺎﻥ .. ﻛﺎﻝ ﺭﺍﺡ ﺍﺩﻭﺭ ﻋﻠﻴﻪ ..
ﺑﻘﻴﻨﻪ ﺑﻘﻠﻖ ﻭﺑﺨﻮﻑ ﻭﺣﺘﻰ ﺍﻟﻨﻮﻡ ﻃﺎﺭ ﻣﻦ ﻋﻴﻮﻧﻨﺎ ﻭﺍﻟﺘﻔﻜﻴﺮ ﺍﻛﻞ ﮔﻠﺒﻨﺎ ... ﻭﻳﻨﻪ ﺍﺑﻮﺏ ﻭﺷﻨﻮ ﺻﺎﺭ ﺍﻟﻪ ﻭﻟﻴﺶ ﺍﻟﻬﺴﻪ ﻣﺎﻛﻮ
.
ﺻﻔﺎ .. ﻣﺮﺕ ﻋﻠﻴﻨﻪ ﻟﺤﻈﺎﺕ ﻗﺎﺗﻠﺔ ..
ﻛﻞ ﺷﻮﻳﺔ ﺳﻤﻴﺔ ﺗﺨﺎﺑﺮ ﻋﻤﻲ ﻭﻳﻜﻮﻝ ﺑﻌﺪ
ﻣﺎﻟﮕﻴﻨﺎ ..
ﻓﺪﻭﺍﺗﻚ ﺭﺑﻲ ﺑﻌﺪﻧﻲ ﺑﺎﻟﻌﺪﺓ ﻻﺗﻔﺠﻌﻨﻲ ﺑﺄﺑﻮﻱ ..
ﻭﺍﻟﻠﻪ ﺑﻌﺪﻫﺎ ﺩﻣﻌﺘﻲ ﻣﺎ ﻧﺸﻔﺖ ..
ﻓﺮﺍﺱ ﺍﻟﺼﻐﻴﺮ ﻓﺮ ﻣﻦ ﺍﻟﺒﭽﻲ ﻭﻓﺎﻃﻤﺔ ﻣﻮ ﺑﺤﺎﻟﻪ
ﺗﺒﺠﻲ ﻭﺗﻜﻮﻝ ﺍﻧﺎ ﻓﻜﺮ ﺍﻧﺎ ﻓﻜﺮ ﺑﺲ ﻻ ﺻﺎﺭ ﺑﻲ ﺷﻲ .
ﺍﺧﺬﺗﻪ ﻭﺳﻮﻳﺘﻠﻪ ﻣﻤﻪ .. ﻭﺩﻣﻮﻋﻲ ﺗﻜﺖ .. ،
ﮔﻌﺪﺕ ﺑﻴﺒﻴﺘﻲ ﻋﻠﻰ ﺍﻟﻀﺠﺔ ﺍﻟﻲ ﺳﻮﻳﻨﺎﻫﺎ
ﺷﺒﻴﻜﻢ ﺻﺎﻳﺮ ﺷﻲ ﻟﻴﺶ ﻣﺨﺒﻮﺻﻴﻦ ..
ﻓﺎﻃﻤﺔ .. ﻋﻤﻪ ﺍﻧﺖ ﺍﻣﻪ ﻛﻮﻣﻲ ﺍﺩﻋﻲ ﻻﻳﻮﺏ ﺍﻟﻠﻪ ﻳﺮﺟﻌﻪ ﺑﺎﻟﺴﻼﻣﺔ ..
ﺑﻴﺒﻲ .. ﻭﻟﻜﻢ ﺷﺒﻲ ﺍﻳﻮﺏ ﻟﻬﺎﻟﺤﺰﺓ ﻭ ﻣﺎﺍﺟﻪ .
ﺳﻤﻴﺔ ﻣﻨﻬﺎﺭﺓ ﻭﺗﺒﺠﻲ .. ﺍﻱ ﺑﻴﺒﻲ ﻛﻮﻣﻲ ﺍﺩﻋﻴﻠﻪ
ﺧﺎﺑﺮﻧﻪ ﻋﻤﻲ ﺳﻠﻴﻤﺎﻥ ﺟﺎﻱ ﻳﺪﻭﺭ ﻋﻠﻴﻪ ﻭﻫﺴﻪ ﺍﺗﻌﺪﺕ ﻧﺺ ﺍﻟﻠﻴﻞ ﻭﻫﻮ ﻣﺎﻛﻮﻭﻭ .
ﺑﻴﺒﻴﺘﻲ ﻇﻠﺖ ﺗﺪﮒ ﻭﺗﻠﻄﻢ ..
ﺍﺟﺖ ﻋﻤﻪ ﺍﻣﺘﺜﺎﻝ ﻭﻛﺎﻟﺖ ﺍﺳﻼﻡ ﺭﺍﺡ ﻭﻳﺎﻫﻢ ..
ﻭﻟﺪﻧﺎ ﻛﻠﻬﺎ ﺍﺗﺠﻤﻌﺖ ﺑﻜﻞ ﻣﻜﺎﻥ ﺗﺪﻭﺭ ﻋﻠﻴﻪ ..
ﻇﻠﻴﻨﺎ ﺍﺣﻨﺎ ﻣﻨﻬﺎﺭﻳﻦ ﻭﻧﺒﺠﻲ
ﻟﻠﺼﺒﺢ ﻭﺍﺑﻮﻱ ﻣﺎﻛﻮ ..
&&&&&
ﺍﺳﻼﻡ .. ﺑﺎﻟﻌﺎﺩﺓ ﻣﺎﺍﻧﺎﻡ ﻭﻛﺖ .. ﺳﻬﺮﺍﻥ ﺍﻟﺴﺎﻋﻪ ﺏ 1:00 ﺍﺟﺎﻧﻲ ﺍﺗﺼﺎﻝ ﻣﻦ ﻋﻤﻲ ﺳﻠﻴﻤﺎﻥ ..
.. ﺍﺳﻼﻡ ﺗﺮﻩ ﻋﻤﻚ ﺍﻳﻮﺏ ﺍﻟﻬﺴﻪ ﻣﺎﺟﺎﻱ ﻟﻠﺒﻴﺖ ﺍﻃﻠﻊ ﻭﻳﺎﻧﻪ ﻧﺪﻭﺭ ﻋﻠﻴﻪ ..
ﺍﻧﺼﺪﻣﺖ ﻣﻦ ﮔﺎﻝ ﻫﻴﺞ ﮔﺘﻠﻪ ﻣﺎﺧﺎﺑﺮﺗﻮﺍ؟ ؟
.. ﺧﺎﺑﺮﻧﺎ ﺗﻠﻴﻔﻮﻧﻪ ﻣﻐﻠﻖ ﻳﻠﻠﻪ ﺍﻃﻠﻊ ﺑﺴﺮﻋﻪ ﺍﻟﺤﮕﻨﺎ ﺑﺴﻴﺎﺭﺗﻚ ..
.. ﺻﺎﺭ ﻋﻤﻲ ﺑﺲ ﺍﻟﻠﺒﺲ .
ﺳﺪﻳﺘﻪ ﻣﻨﻪ ﻃﻔﺮﺕ ﻣﻦ ﺍﻟﺠﺮﺑﺎﻳﺔ ..
ﺑﺴﺮﻋﻪ ﻟﺒﺴﺖ ﻗﻤﻴﺺ ﻭﺑﻨﻄﺮﻭﻥ ﻭﺍﺧﺬﺕ ﺳﻮﻳﺞ ﺍﻟﺴﻴﺎﺭﺓ ﻭﺍﻟﺘﻠﻴﻔﻮﻥ .. ﺳﻮﻳﺖ ﺍﻟﺪﺭﺝ ﺑﺎﻳﺘﻴﻦ ﺗﻼﺛﺔ ﻣﻦ ﺍﻻﺳﺘﻌﺠﺎﻝ
ﺭﻛﻀﺖ ﻟﻠﻜﺮﺍﺝ ﻭﺷﻐﻠﺖ ﺍﻟﺴﻴﺎﺭﺓ ..
ﻃﻠﻌﺖ ﺍﻣﻲ ﻭﺭﺍﻱ ﻣﺨﺮﻭﻋﺔ ..
ﻭﻛﻔﺖ ﻳﻢ ﺟﺎﻣﺔ ﺍﻟﺴﻴﺎﺭﺓ .. ﻭﻟﻚ ﻳﻤﻪ ﺧﺮﻋﺘﻨﻲ ﺷﻨﻮ ﺻﺎﺭ
ﻧﺰﻟﺖ ﺍﻟﺠﺎﻣﻪ ﺑﻴﻨﻤﺎ ﺣﺠﺖ ﺟﻤﻠﺘﻬﺎ
ﮔﺘﻠﻬﺎ ﻳﻤﻪ ﻋﻤﻲ ﺳﻠﻴﻤﺎﻥ ﺧﺎﺑﺮﻧﻲ ﻳﻜﻮﻝ ﻋﻤﻲ ﺍﻳﻮﺏ ﺍﻟﻬﺴﻪ ﻣﺎﺟﺎﻱ ﻟﺒﻴﺘﻪ ﺗﻠﻴﻔﻮﻧﻪ ﻣﻐﻠﻖ ﻭﻣﺎﻣﺒﻴﻦ ﻣﻨﻪ ﺧﺒﺮ ﻭﻫﺎﻱ ﻣﻮ ﻣﻦ ﻋﻮﺍﻳﺪﻩ ﺍﻧﻪ ﻃﺎﻟﻊ ﻭﻳﺎﻫﻢ ﺍﺩﻭﺭ ﻋﻠﻴﻪ .
ﺍﻣﺘﺜﺎﻝ .. ﻳﺎ ﻳﻤﻪ ﺷﺼﺎﺭ ﺑﻲ .
ﻣﺎﺍﺩﺭﻱ ﻭﺍﻟﻠﻪ ﺭﻭﺣﻲ ﻳﻢ ﺑﻨﺎﺗﻪ ﻭﻣﺮﺗﻪ ﻭﺑﻴﺒﻴﺘﻲ ﻳﻤﻜﻦ ﻳﺤﺘﺎﺟﻮﻥ ﺍﺣﺪ ﻳﻤﻬﻢ ﺧﻄﻴﺔ ﺗﻠﮕﻴﻬﻦ ﻣﻨﻬﺎﺭﺍﺕ ﻫﺴﻪ .
ﺍﻱ ﻳﻤﻪ ﺭﺍﻳﺤﻪ ﻭﺍﻧﺖ ﻫﻢ ﺩﻳﺮ ﺑﺎﻟﻚ ﺍﻟﻮﻛﺖ ﻣﺘﺎﺧﺮ ..
ﮔﺘﻠﻬﺎ ﺍﻥ ﺷﺎﺀﺍﻟﻠﻪ .. ﻭﺣﺮﻛﺖ ﺍﻟﺴﻴﺎﺭﺓ
ﻭﺑﻠﺸﻨﻪ ﻧﺪﻭﺭ ﻋﻠﻴﻪ .. ﻋﻨﺪ ﺍﻗﺎﺭﺑﻨﺎ
ﻣﺎﻛﻮ ﻓﺺ ﻣﻠﺢ ﻭﺫﺍﺏ ﻭﻣﺎﺍﺍﺣﺪ ﻳﻌﺮﻑ ﻋﻨﻪ ﺷﻲ !
ﻗﺪﻣﻨﻪ ﺑﻼﻍ ﺑﻤﺮﻛﺰ ﺍﻟﺸﺮﻃﺔ ..
ﺗﻮﺟﻬﻨﺎ ﻟﻠﻤﺴﺘﺸﻔﻴﺎﺕ ﻭﺩﻭﺭﻧﺎﻫﻦ ﻭﺣﺪﺓ ﻭﺣﺪﺓ
ﻣﺎﻟﮕﻴﻨﻪ ﺍﻟﻪ ﺍﺛﺮ
.
ﺍﺧﺮ ﺷﻲ ﺭﺣﻨﺎ ﻟﻠﻄﺐ ﺍﻟﻌﺪﻟﻲ ﻭﻫﻢ ﻣﺎﻛﻮ
ﻃﻠﻊ ﺍﻟﻔﺠﺮ ﻭﺍﺣﻨﺎ ﻧﺪﻭﺭ ﻋﻠﻴﻪ ..
ﻭﻣﺎﺣﺼﻠﻨﺎﺍﺍﻩ ...
ﻟﻠﺴﺎﻋﺔ ﺏ 9:00
ﻛﺎﻟﻮﺍ ﺟﺎﻳﺒﻴﻦ ﺟﺜﺔ ﻟﻠﻄﺐ ﺍﻟﻌﺪﻟﻲ ﻧﺮﻭﺡ ﻧﺸﻮﻓﻬﺎ
ﺭﺣﻨﺎ ﻭﻃﻠﻊ ﻫﻮ ﻟﻼﺳﻒ ..
ﻋﻤﻲ ﺍﻳﻮﺏ ﺑﺸﺤﻤﻪ ﻭﺑﻠﺤﻤﻪ
ﻃﻮﻟﻪ ﻭﺑﻌﺮﺿﻪ ﻣﻀﺮﻭﺏ ﻃﻠﻘﺔ ﺑﺮﺍﺳﻪ
ﻭﺳﻴﺎﺭﺗﻪ ﻣﺎﺧﺬﻳﻬﺎ ﻭﺷﺎﻣﺮﻳﻨﻪ ..
ﻧﺎﺱ ﺑﻼ ﺿﻤﻴﺮ ﻭﺍﻧﺴﺎﻧﻴﺔ ﻣﻌﺪﻭﻣﺔ ﻋﺪﻫﻢ ﺍﻟﺮﺣﻤﺔ ﻭﻣﺨﺎﻓﺔ ﺍﻟﻠﻪ ..
ﻣﺎﻋﺮﻑ ﺷﻨﻮ ﻣﻦ ﺑﺸﺮ ﺍﻟﻲ ﻳﺘﺠﺮﺃ ﻳﻘﺘﻞ ﺑﺸﺮ
ﻭﺍﻟﻠﻪ ﺍﻟﻲ ﻧﺎﻃﻴﻪ ﺍﻟﺮﻭﺡ ﻣﻮ ﻫﻮ ..
ﻋﻤﻲ ﺍﻳﻮﺏ ﻃﻮﻝ ﻋﻤﺮﻩ ﻣﺎﻣﺄﺫﻱ ﺍﺣﺪ ﻳﺮﻭﺡ ﺑﺪﺭﺑﻪ ﻭﻳﺠﻲ ﺑﺪﺭﺑﻪ ..
ﻭﺍﻟﻠﻪ ﺭﺯﻗﻪ ﻭﻟﺪ ﺑﺎﻟﺠﺪﻳﺪ ﻭﻋﻨﺪﻩ ﺑﻨﺎﺕ ﻭﻭﺣﺪﺗﻬﻦ ﺍﺭﻣﻠﺔ ﺷﻮﻥ ﺭﺍﺡ ﻳﺼﻔﻦ ﻣﻦ ﺑﻌﺪﻩ ..
ﻃﻴﺐ ﺍﺧﺬﺗﻮﺍ ﺍﻟﺴﻴﺎﺭﺓ ﻟﻴﺶ ﻗﺘﻠﺘﻮﺍ ﺷﻨﻮ ﻣﻦ ﻭﺣﻮﺵ ﺍﻧﺘﻮﺍ ﻭﺑﻼ ﻗﻠﺐ ..
ﺗﻤﻨﻴﺖ ﺍﻋﺪﻣﻬﻢ ﺑﻴﺪﻱ ﻭﺍﻟﻠﻪ ..
ﺍﻓﺘﺮﺕ ﺍﻟﺪﻧﻴﺎ ﺑﻴﻪ
ﻓﺎﺟﻌﻪ ﻭﺻﺎﺑﺘﻨﻪ ﻛﻠﻨﺎ
ﺭﺟﻌﺖ ﺑﺬﻛﺮﻳﺎﺗﻲ ﻟﻮﻓﺎﺓ ﺍﺑﻮﻱ ﺑﺎﻟﻤﺮﺽ ﺍﻟﺨﺒﻴﺚ
ﻭﺍﻧﻬﺎﺭﻳﺖ ..
ﺟﺎﻥ ﺣﻨﻴﻦ ﻭﻳﺎﻧﺎ ﻣﺎﻳﻮﻡ ﺍﺫﺍﻧﺎ
ﻛﻠﻤﺎ ﻳﺸﻮﻓﻨﻲ ﺷﻨﻮ ﻣﺤﺘﺎﺝ ﻭﺷﻨﻮ ﺗﺮﻳﺪ
ﺣﺘﻰ ﻣﻦ ﻣﺎﺍﻧﻄﺎﻧﻲ ﺻﻔﺎ ﻋﺬﺭﺗﻪ
ﻻﻥ ﺑﻨﺘﻪ ﻭﻣﺎﻳﮕﺪﺭ ﻳﺠﺒﺮﻫﺎ ..
ﻛﻤﻠﻨﺎ ﺍﻻﺟﺮﺍﺋﺎﺕ ﻛﻠﻬﺎ .. ﺍﺧﺬﻧﺎ ﻏﺴﻠﻨﺎ
ﻭﺻﻠﻴﻨﻪ ﻋﻠﻴﻪ ﻭﻭﺩﻳﻨﺎ ﻟﻠﺒﻴﺖ ﺑﺘﺎﺑﻮﺗﻪ
ﺩﺧﻠﻨﺎ ﻭﺍﻟﻠﺘﻤﻦ ﻋﻠﻴﻪ ﺍﻟﻨﺴﻮﺍﻥ
ﻛﻠﻬﻦ ﻳﺼﺮﺧﻦ ﻭﻳﺒﺠﻦ
ﻭﺣﺪﻩ ﻣﻨﻬﻦ ﻣﺎﻳﻄﻠﻌﻠﻬﺎ ﺻﻮﺕ ﻭﻻ ﻃﺎﻟﻊ ﻣﻨﻬﺎ ﺷﻲ
ﺟﻔﻮﻑ ﻭﺑﻮﺷﻴﻪ ﻭﻋﺒﺎﻳﺔ ﻭﺟﻮﺍﺭﻳﺐ .
ﺍﺣﺴﻬﺎ ﻣﺨﻨﻮﮔﻪ ﺗﺮﻳﺪ ﺗﺸﻬﮓ ﺑﺲ ﻛﻮﻩ ﻣﺘﺤﻤﻠﻪ
ﺿﻌﻴﻔﻪ ﻛﻠﺶ ﺑﺲ ﻫﻴﺌﺘﻬﺎ ﻣﻮ ﻏﺮﻳﺒﻪ ﻋﻠﻴﻪ ﻭﻣﺎﺍﻛﺪﺭ ﺍﻧﺴﺎﻫﺎ .
ﺗﻀﺮﺏ ﺭﺍﺳﻬﺎ ﻋﻠﻰ ﺍﻟﺘﺎﺑﻮﺕ ﻭﻻﺯﻣﺘﻪ ﺑﺜﻨﻴﻦ ﺍﻳﺪﻳﻬﺎ
.. ﺗﺤﺴﺮﺕ ﺍﻭﻭﻑ ﺻﻔﺎ ﺷﺴﻮﻩ ﺑﻴﺞ ﺍﻟﻮﻛﺖ ! !
ﻭﻳﻦ ﺭﺍﺣﺖ ﻛﺸﺨﺘﺞ ﺍﻧﺎﻗﺘﺞ ﻭﻟﺒﺴﺞ؟
ﻟﻌﺪ ﺷﻜﺪ ﻏﺪﺍﺭ ﻫﺎﻟﺰﻣﻦ ﻭﻣﺎﻳﺒﻘﻲ ﺍﺣﺪ ﻋﻠﻰ ﺣﺎﻟﻪ .
&&&&&
ﺳﻤﻴﺔ .. ﺍﻟﻠﻴﻞ ﻛﻠﻪ ﺍﻧﻠﻮﺏ ﻣﺜﻞ ﻭﺍﺣﺪ ﻋﻨﺪﻩ ﻭﺟﻊ ﻗﻮﻱ ﺑﺠﺴﻤﻪ .
ﻣﺜﻞ ﻭﺍﺣﺪ ﻳﻨﺰﻑ ﻣﺜﻞ ﻭﺍﺣﺪ ﻣﻄﻌﻮﻥ ﺳﺠﻴﻨﺔ ..
ﻛﺎﻋﺪﻩ ﺑﺎﻟﻬﻮﻝ ﻭﻳﺎﻫﻢ ﻣﻨﺘﺠﻴﺔ ﻉ ﺍﻟﺤﺎﻳﻂ ﻭﺍﻟﺪﻣﻮﻉ ﺗﻜﺖ ﺍﺑﺎﻭﻉ
ﻭﺍﺳﻤﻊ ﻓﺎﻃﻤﺔ ﺗﮕﻮﻝ ﺍﻧﻪ ﻓﮕﺮ ﺍﻧﻪ ﻓﮕﺮ ﺍﺩﺭﻱ ﺭﺍﺡ ﻳﺼﻴﺮ ﺑﻲ ﺷﻲ ﻛﻠﻪ ﻣﻨﻬﻢ ﺟﺒﺮﻭﻧﻲ ﻟﻴﺶ ﺍﺣﺮﻣﻜﻢ ﻣﻨﻪ
ﻳﺎﺭﺑﻲ ﻟﺨﺎﻃﺮ ﺍﺑﻨﻪ ﺍﺧﺬ ﺭﻭﺣﻲ ﺑﺪﺍﻟﻪ ﻳﺎﺭﺑﻲ ﻻﺍﺳﺄﻟﻚ ﺭﺩ ﺍﻟﻘﻀﺎﺀ ﻭﻟﻜﻦ ﺍﺳﺄﻟﻚ ﺍﻟﻠﻄﻒ ﻓﻴﻪ ..
ﺻﻔﺎ ﺭﺍﺣﺖ ﻳﻤﻬﺎ ﺗﻤﺴﺢ ﺩﻣﻮﻋﻬﺎ ﻭﺑﻴﺪﻫﻪ ﻓﺮﺍﺱ ﺍﻟﻤﺎﺭﺍﺿﻲ ﻳﺴﻜﺖ .
ﻭﺗﻜﻠﻬﺎ ﻻﻻ ﻋﻔﻴﺔ ﻫﺴﻪ ﻳﺠﻲ ﻭﻣﺎﺑﻲ ﺷﻲ
ﻻﺗﺴﻮﻳﻦ ﺑﺮﻭﺣﺞ ﻫﻴﺞ ﺍﻧﺖ ﺑﻌﺪ ﻣﺎﻃﻠﻌﺘﻲ ﻣﻦ ﺍﻻﺭﺑﻌﻴﻦ ﻭﺗﺮﺿﻌﻴﻦ ﻓﺮﻭﺳﻲ ﻋﻔﻴﺔ ﺍﺭﺣﻤﻲ ﺭﻭﺣﺞ .
ﺗﻬﺪﻳﻬﻪ ﻭ ﻣﻨﻬﺎﺭﺓ ﺍﻛﺜﺮ ﻣﻨﻬﺎ ..
ﺟﻨﺖ ﻣﻦ ﺍﻟﺒﺪﺍﻳﺔ ﻣﺎﻣﺘﻘﺒﻠﺔ ﻓﺎﻃﻤﺔ
ﺭﻏﻢ ﺣﺒﺎﺑﺔ ﻭﻃﻴﺒﺔ ﺑﺲ ﺷﻲ ﺑﺪﺍﺧﻠﻲ ﻳﻤﻨﻌﻨﻲ ﻣﻨﻬﺎ
ﺭﻏﻢ ﺍﻳﻤﺎﻧﻲ ﺑﺎﻟﻘﻀﺎﺀ ﻭﺍﻟﻘﺪﺭ ﻭﺍﻧﻪ ﺍﻻﻧﺴﺎﻥ ﻣﺎﺑﻴﺪﻩ ﻋﻠﻰ ﻧﻔﺴﻪ ﺷﻲ ﻭﻻ ﺣﺘﻰ ﻋﻠﻰ ﺍﺣﺒﺎﺑﻪ ﺑﺲ ﺑﻘﻰ ﻫﺎﺟﺲ ﺍﻟﺨﻮﻑ ﻣﻦ ﻫﺬﺍ ﺍﻟﻴﻮﻡ ﻳﺄﺭﻗﻨﻲ ﻭﺍﻋﺘﻘﺪ ﺣﺎﻥ ﻣﻮﻋﺪﻩ .
ﺭﻏﻢ ﻣﺎﺍﻋﺮﻑ ﻋﻦ ﺍﺑﻮﻱ ﺷﻲ ﺑﺲ ﺍﺣﺴﺎﺳﻲ ﺳﺎﺑﻘﻨﻲ .
ﻟﻠﺼﺒﺢ ﺭﺟﻌﺖ ﺧﺎﺑﺮﺕ ﻋﻤﻲ
ﺩﻛﻴﺖ ﻣﺮﻩ ﻭﺍﺛﺎﻧﻴﺔ ﻭﺍﻻﺧﻴﺮﺓ ﺟﺎﻭﺑﻨﻲ ﻭﺍﺣﺪ ﻣﻨﻬﻢ
ﻭﻋﺪ ﺍﻭ ﺍﻣﻴﺮ ﺍﻻﺛﻨﻴﻦ ﺻﻮﺗﻬﻢ ﻣﺘﺸﺎﺑﻪ .
ﮔﺘﻠﻪ ﻫﺎﺍ ﺑﺸﺮ ﻟﮕﻴﺘﻮﺍ ﺍﺑﻮﻱ
.
ﺻﻮﺗﻪ ﺟﺎﻥ ﻣﺨﻨﻮﮒ ﻭﻣﻮﻃﺒﻴﻌﻲ ﻣﺒﻴﻦ ﺑﺎﭼﻲ
ﻛﺎﻝ ﺍﻱ ﻟﮕﻴﻨﺎﻩ ..
ﮔﺘﻠﻪ ﻭﻳﻨﻪ ﻫﺴﻪ ﻭﺷﻮﻧﻪ
ﺑﺎﻟﻄﺐ ﺍﻟﻌﺪﻟﻲ ﻣﻴﺖ ﻳﺎﺳﻤﻴﺔ ﻣﻀﺮﻭﺏ ﻃﻠﻘﺔ ﺑﺮﺍﺳﻪ ..
ﺍﻟﺨﺒﺮ ﻭﮔﻊ ﻣﺜﻞ ﺍﻟﺼﺎﻋﻘﺔ ﻋﻠﻴﺔ
ﻣﺜﻞ ﻃﻠﻘﺔ ﺍﻧﻀﺮﺑﺖ ﺑﻴﻪ
ﻫﻲ ﺻﺮﺧﺔ ﻭﻫﻲ ﻭﮔﻌﻪ
ﺍﺻﺮﺥ ﻣﺎﺍﺕ ﻭﮔﺐ ﺍﻟﺼﺮﻳﺦ ﻳﻤﻲ
ﺑﻌﺪﻧﻲ ﻣﺎﻣﺘﻌﺎﻓﻴﺔ ﻣﻦ ﻛﺴﺮﺗﻲ
ﻣﻮﺗﻚ ﻛﺴﺮﻧﻲ ﻳﺎﺑﻮﻳﺔ
ﻻ ﻣﻮﺗﻚ ﻛﺴﺮﺗﻲ ﺍﻻﻗﻮﻯ ﻭﺍﻻﻛﺒﺮ ..
ﻗﻄﻊ ﺭﻭﺣﻲ ﺍﻟﻰ ﺍﺷﻼﺀ ﻓﻲ ﺟﺴﺪ
ﻣﺮﺍﺕ ﻳﮕﺪﺭ ﺍﻟﺤﺒﻴﺐ ﺍﺫﺍ ﺟﺎﻥ ﺣﻨﻴﻦ ﻳﺤﻞ ﻣﺤﻞ ﺍﻻﺏ
ﻳﻜﺪﺭ ﻳﺸﻴﻞ ﺣﺒﻴﺒﺘﻪ
ﻭ ﻳﺪﺍﺭﻳﻬﺎ
ﻳﺪﺍﻭﻳﻬﺎ ﻣﻦ ﺗﺘﻤﺮﺽ
ﻳﺴﻠﻴﻬﺎ ﻭﻳﻮﻧﺴﻬﺎ ﻣﻦ ﺗﻀﻮﺝ
ﻭﻳﺼﻴﺮ ﻫﻮ ﺍﻟﺴﻨﺪ ..
ﻟﻜﻦ ﻛﻴﻒ ﺣﺎﻟﻲ ﻭﺍﻧﺎ ﻓﺎﻗﺪﺓ ﺍﻻﺛﻨﻴﻦ
ﺍﻟﺤﺒﻴﺐ ﻭﺯﻭﺩﻫﺎ ﺍﻟﻮﺍﻟﺪ
ﺍﺳﻤﻊ ﺑﻴﺒﻴﺘﻲ ﺗﺼﺮﺥ ﺑﺤﻨﺠﺮﺓ ﻣﺘﻌﺒﺔ ﻣﺒﺤﻮﺣﺔ ﺑﺎﻻﻟﻢ
ﻭﺍﻟﻘﻬﺮ ..
ﻳﺎﺭﺑﻲ ﺍﻟﻤﻦ ﻣﻄﻮﻝ ﻋﻤﺮﻱ ﻭﺗﺎﺧﺬ ﺿﻨﺎﻱ ﮔﺒﻠﻲ ﻭﻳﺤﺘﺮﮒ ﮔﻠﺒﻲ ﻋﻠﻴﻬﻢ ﻫﺬﺍ ﺛﺎﻟﺚ ﻭﺍﺣﺪ ﻣﺎﺧﺬﻳﺘﻨﻲ ﮔﺒﻠﻪ ﺍﻧﻪ ﺷﻨﻮ ﻓﺎﻳﺪﺓ ﻋﻤﺮﻱ ..
ﺻﺪﮒ ﻣﻦ ﮔﺎﻝ ﺍﻋﻤﺎﺭ ﻋﺪﺩ ﻭﺍﻋﻤﺎﺭ ﻣﺪﺩ ﺑﻌﺪﻩ ﻣﺎﻭﺍﺻﻞ ﻳﻮﻣﺞ ﺑﻴﺒﻲ ﻭﺍﻟﻠﻪ ﻳﻄﻮﻝ ﻋﻤﺮﺝ ﻣﺪﺍﻣﺞ ﻣﻦ ﺭﻳﺤﺔ ﺍﺑﻮﻱ .
ﺍﻟﻠﺘﻤﻮﺍ ﺍﻟﺠﻮﺍﺭﻳﻦ ﻭﺍﻗﺎﺭﺑﻨﺎ ﻭﻛﻞ ﻭﺣﺪﺓ ﺗﺠﻲ ﺗﺼﺮﺥ ﻭﺗﻜﻌﺪ ﺗﺒﺠﻲ ..
ﻣﺎﺍﺣﺲ ﺑﻠﻲ ﺣﻮﻟﻲ .. ﻣﺎﺣﺴﻴﺖ ﺍﻟﻪ ﻋﻠﻰ ﺍﻣﻲ ﻳﻤﻲ
ﺭﻓﻌﺖ ﺭﺍﺳﻲ ﺑﺎﻭﻋﺘﻠﻬﺎ ﺑﻘﻬﺮ ..
ﺷﻔﺖ ﺍﻟﺪﻣﻮﻉ ﻋﻠﻰ ﻋﻴﻮﻧﻬﺎ ..
ﺟﻨﺖ ﺍﺭﻳﺪ ﺍﻋﺎﺗﺒﻬﺎ ﻷﻥ ﻣﻦ ﻓﺘﺮﺓ ﺗﻠﻴﻔﻮﻧﻬﺎ ﻣﻐﻠﻖ ﻭﺣﺘﻰ ﻣﻦ ﻣﺎﺕ ﻓﺮﺍﺱ ﻫﻲ ﻣﺎﺍﺟﺖ ﻟﺼﻔﺎ ..
ﻟﻜﻦ ﻣﺎﻧﻄﻘﺖ ﺑﺸﻲ .. ﺣﺘﻰ ﺷﻔﺘﻬﻢ ﻃﺮﺩﻭﻫﺎ ﻛﻠﻮﻟﻬﺎ ﺭﻭﺣﻲ ﻫﻢ ﻣﺎﺣﺠﻴﺖ ﻭﻻﺗﺤﺮﻛﺖ ﻣﻦ ﻣﻜﺎﻧﻲ ..
ﺍﺣﺲ ﻧﻔﺴﻲ ﺑﻐﻴﺮ ﻋﺎﻟﻢ ..
ﻋﺎﻟﻢ ﺍﻛﺜﺮ ﺍﻟﻢ ﻭﻭﺟﻊ ..
ﻣﻦ ﺟﺎﺑﻮﺍ ﺍﻟﺘﺎﺑﻮﺕ ﺗﻤﻨﻴﺖ ﻳﺴﻤﻌﻨﻲ ﻣﻦ ﺍﺣﺠﻲ
ﻳﺎﺑﻪ ﺍﺑﻘﻰ ﻻﺗﺮﻭﺡ ﻋﻔﻴﺔ
ﺍﺭﺟﻊ ﺟﻮﻳﻨﻲ ﺑﺠﻜﺎﺭﺗﻚ
ﺍﺿﺮﺑﻨﻲ ﻭﺍﺣﺒﺴﻨﻲ ﻭﻛﻞ ﺷﻲ ﺳﻮﻱ ﺑﺲ ﺍﺳﻤﻚ ﺑﺎﻟﺪﻧﻴﺎ ﻛﺎﻓﻲ ..
ﺍﺧﺬﻭﺍ ﻭﺍﺧﺬﻭﺍ ﻛﻞ ﺷﻲ ﻭﻳﺎ
ﺍﻟﺴﻨﺪ ﻭﺍﻻﻣﺎﻥ ..
ﻣﻦ ﺍﺧﺬﻭﺍ ﺍﻟﺘﺎﺑﻮﺕ ﻭﺗﺒﻌﻨﺎﻩ ﻟﻠﺒﺎﺏ
ﻭﻇﻠﻴﺖ ﺍﺑﺎﻭﻋﻠﻬﻢ ﻛﻠﻬﻢ ﺍﻭﻻﺩ ﻋﻤﻲ ﺷﺎﻳﻠﻴﻨﻪ
ﻭﺍﻣﺎﻥ ﻣﺎﻛﻮ ﻭﻳﺎﻫﻢ
ﻳﻤﻜﻦ ﻣﻮ ﺑﺎﻟﺒﺼﺮﺓ
ﺭﺟﻌﺖ ﮔﻌﺪﺕ ﻭﻳﺎﻫﻢ ﻭﻛﻠﻨﺎ ﻣﻨﻬﺎﺭﻳﻦ
ﺳﻤﻌﺖ ﻋﻦ ﺭﻗﻴﺔ ﻣﻦ ﺩﺭﺑﻬﺎ ﻟﻠﻤﺴﺘﺸﻔﻰ ﻣﺘﺨﺮﺑﻄﺔ ﻋﻠﻴﻬﻢ ﻣﻦ ﻛﺎﻳﻠﻴﻦ ﺍﻟﻬﺎ ..
ﻭﻣﻦ ﺍﺟﺖ ﺑﻴﺪﻫﻪ ﺍﻟﻜﺎﻧﻴﻮﻻ
ﻧﺎﻣﺖ ﺑﺤﻀﻦ ﺻﻔﺎ ﻭﺗﺸﻬﮓ ﻣﺎﺗﻜﺪﺭ ﺣﺘﻰ ﺗﮕﻮﻡ
ﺍﺟﻮﺍ ﻃﻠﻌﻮﺍ ﺍﻟﻘﻨﻔﺎﺕ ﺍﻟﺪﻳﻮﺍﻥ ﻣﺎﻳﺴﻊ ﺍﻟﻨﺴﻮﺍﻥ ﻛﻠﻬﺎ
ﻻﻥ ﻋﺪﺩﻫﻢ ﻫﻮﺍﻱ .
ﺑﺎﻭﻋﺖ ﻟﻠﻘﻨﻔﺔ ﺍﻟﻲ ﺟﺎﻥ ﻳﮕﻌﺪ ﻋﻠﻴﻬﺎ
ﻭﺍﻋﺎﻳﻦ ﺭﻗﻴﺔ ﻭﺍﻟﺪﻣﻮﻉ ﺗﻨﺰﻝ ﻣﻦ ﻋﻴﻮﻧﻬﺎ ﻭﺗﻮﺻﻞ ﻟﺤﺪ ﺫﺍﻧﻬﺎ ﻭﻧﻈﺮﺍﺗﻬﺎ ﺑﺎﻟﺴﮕﻒ .
ﺍﺗﺬﻛﺮ ﻣﻦ ﺟﺎﻧﺖ ﺗﮕﻌﺪ ﻳﻢ ﺭﺟﻠﻴﻦ ﺍﺑﻮﻱ ﻭﺗﺨﻠﻲ ﺍﻳﺪﻳﻨﻬﻪ ﻋﻠﻰ ﺭﻛﺒﺎﺗﻪ ﻭﻳﻀﺤﻜﻬﺎ ﺑﻄﺮﻳﻘﺘﻪ ..
ﺧﻠﻴﺖ ﺭﺍﺳﻲ ﻋﻠﻰ ﺭﺟﻠﻴﻪ ﺑﺲ ﺍﺭﻳﺪ ﺍﻧﻔﺼﻞ ﻋﻦ ﻫﺬﺍ ﺍﻟﻌﺎﻟﻢ ﻭﺍﺧﺘﻠﻲ ﺑﺮﻭﺣﻲ ﻭﻳﺎ ﺣﺰﻧﻲ .
ﺍﺟﺖ ﻋﻤﻪ ﺯﻳﻨﺐ ﺟﺎﺑﺖ ﻓﺮﺍﺱ ﺍﻟﺼﻐﻴﺮ ﻭﺗﺘﻮﺳﻞ ﻟﻔﺎﻃﻤﺔ ﺗﻜﻮﻡ ﺗﺮﺿﻌﻪ
ﻓﺎﻃﻤﺔ ﺗﺄﺷﺮ ﺍﻟﻬﺎ ﻭﻣﺎﺗﻘﺒﻞ ﺗﮕﻮﻡ
ﺑﺎﻭﻋﺖ ﺍﻟﻪ ﺑﺸﺮﺗﻪ ﺣﻤﺮﺓ ﻋﻠﻰ ﺳﻤﺎﺭ ﻭﻋﻴﻮﻧﻪ ﺑﻴﻬﻦ ﻟﻮﻥ ﺭﺻﺎﺻﻲ ﺗﻮﻩ ﻋﻤﺮﻩ ﺷﻬﺮ ﻭﺍﻭﻝ ﻣﺮﺓ ﺍﺭﻛﺰ ﺑﻲ .
.
ﮔﻤﺖ ﻣﻦ ﻣﻜﺎﻧﻲ ﺍﺗﻌﺜﺮ ﺑﻤﺸﻴﺘﻲ
ﺍﻣﺸﻲ ﻭﺍﻟﺰﻡ ﺑﺎﻟﺤﺎﻳﻂ
ﺍﻟﻰ ﺍﻥ ﻭﺻﻠﺖ ﺍﻟﻪ ..
ﻭﺍﻭﻝ ﻣﺮﺓ ﺍﺷﻴﻠﻪ
ﺟﻨﺖ ﺧﺎﻳﻔﺔ ﻣﻨﻪ ﻣﺎﺍﺩﺭﻱ ﻟﻴﺶ
ﺑﺲ ﻫﺴﻪ ﻣﺎﺍﺣﻮﺟﻨﻲ ﺍﻟﻪ
ﺍﺭﻳﺪ ﺍﺭﺗﺸﻒ ﻣﻨﻪ ﺣﺐ ﻭﺍﻧﻄﻲ ﺣﻨﺎﻥ ﺍﺧﻮﻱ ﻫﺬﺍ
ﺍﺧﺬﺗﻪ ﻣﻦ ﻋﻤﻪ ﺯﻳﻨﺐ ﺑﻌﺪ ﻣﺎﻭﺻﻠﺖ ﺍﻟﻪ ﺑﺸﻖ ﺍﻻﻧﻔﺲ ﻭﻛﺄﻧﻲ ﻋﺎﺑﺮﺓ ﺍﻟﻘﺎﺭﺍﺕ ﻛﻠﻬﺎ ﻳﻠﻪ ﻭﺻﻠﺖ
ﻻﻥ ﺗﻌﺒﺎﻧﻪ ﺣﻴﻴﻞ ﻭﺟﺴﺪﻱ ﻣﻨﻬﻚ ﺣﺪ ﺍﻟﻮﺟﻊ ..
ﺍﺧﺬﺗﻪ ﺍﺗﺄﻣﻠﻪ ﻭﺍﺑﺠﻲ ﺷﺎﻓﺘﻨﻲ ﻓﺎﻃﻤﺔ
ﻭﻳﻤﻜﻦ ﺯﻭﺩﺕ ﻋﻠﻴﻬﺎ ﺍﻭﺟﺎﻋﻬﺎ
ﻭﺯﺍﺩﺕ ﺑﺠﻲ ..
ﺍﺧﺬﺗﻪ ﻭﺑﻮﺳﺘﻲ ﻭﺧﻠﻴﺘﻪ ﻋﻠﻰ ﺻﺪﺭﻱ ..
ﻣﺎﺍﻋﺮﻑ ﺷﻮﻥ ﻣﺮﺕ ﺍﻳﺎﻡ ﺍﻟﻌﺰﺍﺀ ..
ﻭﺟﻨﻪ ﻣﻨﻌﺰﻟﻴﻦ ﻋﻦ ﻛﻞ ﺷﻲ ﺍﻟﻪ ﻋﻦ ﺣﺰﻧﻨﺎ ..
ﮔﺎﻋﺪﻳﻦ ﻭﺭﻩ ﻣﺎﺧﻠﺼﺖ ﺍﻟﻔﺎﺗﺤﻪ
ﻛﺌﻴﺒﻴﻦ ﻭﺳﺎﻛﺘﻴﻦ .. ﺑﻴﺒﻴﺘﻲ ﺍﺧﺬﺗﻬﺎ ﺍﺷﻮﺍﻕ ﻻﻥ ﺗﻌﺒﺎﻧﻪ ﻛﻠﺶ ﻭﺩﺗﻬﺎ ﻟﻠﻄﺒﻴﺐ ..
ﺍﺟﺖ ﮔﻌﺪﺕ ﻓﺎﻃﻤﺔ
ﺑﺴﺮﻋﻪ ﻛﺎﻟﺖ
ﺍﻟﻠﻪ ﻳﺎﺧﺬﻧﻲ ﻳﺎﺑﻨﺎﺕ ﺍﻧﻪ ﺣﺮﻣﺘﻜﻢ ﻣﻦ ﺍﺑﻮﻛﻢ ﻛﻠﻪ ﺑﺴﺒﺒﻲ
ﻭﺧﻠﺖ ﺣﺠﺎﺑﻬﺎ ﻋﻠﻰ ﻋﻴﻮﻧﻬﺎ ﻻﻥ ﺍﻟﺪﻣﻊ ﻇﻞ ﻳﺘﻨﺎﺛﺮ
ﺭﺍﺣﺖ ﻳﻤﻬﺎ ﺻﻔﺎ .. ﻟﺰﻣﺘﻬﺎ ﻣﻦ ﻛﺘﻔﻬﺎ ﻻﺗﮕﻮﻟﻴﻦ ﻫﻴﺞ ﺍﻧﺖ ﺷﺮﻳﻜﺘﻨﺎ ﺑﺎﻟﻤﺼﺎﺏ
ﺍﻟﻠﻪ ﻳﻨﺘﻘﻢ ﻣﻨﻬﻢ ﺍﻟﻲ ﻗﺘﻠﻮﺍ ﻭﺍﻟﻠﻪ ﻻﻳﻬﻨﻴﻬﻢ ﺑﺎﻟﺴﻴﺎﺭﺓ
ﻭﺣﺴﺎﺑﻬﻢ ﻋﻨﺪ ﺍﻟﻠﻪ ﺍﻥ ﺷﺎﺀﺍﻟﻠﻪ ..
ﻓﺎﻃﻤﺔ .. ﺍﻧﻪ ﻛﻠﻪ ﻣﻨﻲ ﺍﻧﻄﻴﺘﻪ ﺍﻟﺬﻫﺐ ﻭﺍﻟﻔﻠﻮﺱ ﻟﻮ ﺷﺎﻣﺮﺗﻬﻦ ﺑﺎﻟﺸﻂ ﻭﻻﻧﺎﻃﻴﺘﻬﻪ ﺍﻟﻪ .
ﺳﻤﻴﺔ .. ﻋﻴﻮﻧﻲ ﺑﺎﻟﻔﺮﺍﻍ ﻇﻠﺖ ﺗﺒﺎﻭﻋﻠﻲ ﻓﺎﻃﻤﺔ ﻭﻛﺎﻧﻬﺎ ﺗﺮﻳﺪ ﻣﻨﻲ ﻛﻠﻤﺔ .
ﻭﺻﻔﺎ ﺗﺘﻮﺳﻞ ﺑﻨﻈﺮﺍﺗﻬﺎ ﻋﻮﺩ ﻃﻴﺒﻲ ﺧﺎﻃﺮﻫﺎ ﺑﻜﻠﻤﺔ ﻃﻴﺒﺔ ..
ﺭﺣﺖ ﻳﻤﻬﺎ ﮔﺘﻠﻬﺎ ﻫﺬﺍ ﻗﻀﺎﺀ ﺍﻟﻠﻪ ﻭﻗﺪﺭﻩ ﻭﻣﺎﻛﻮ ﺍﻋﺘﺮﺍﺽ ﻋﻠﻴﻪ ﻭﻋﻠﻰ ﺣﻜﻤﺔ ﺳﺒﺤﺎﻧﻪ
ﺍﻧﺖ ﻫﺴﻪ ﺩﻳﺮﻱ ﺑﺎﻟﺞ ﻋﻠﻰ ﺭﻭﻳﺤﺔ ﺍﻟﻐﺎﻟﻲ ﻓﺮﺍﺱ
ﻭﻻﺗﻬﻤﻠﻴﻨﻪ .
ﺣﻀﻨﺘﻨﻲ ﮔﺎﻟﺖ ﺣﺘﻰ ﺍﻟﺤﻠﻴﺐ ﺍﻟﻲ ﺍﺭﺿﻌﻬﻴﺎ ﻳﺬﺑﻪ ﻣﻦ ﺍﻟﻘﻬﺮ .
ﺭﺑﺘﺖ ﻋﻠﻰ ﻛﺘﻔﻬﺎ ﻭﺧﺮﺗﻬﺎ ﻭﮔﻤﺖ ﻣﻦ ﻳﻤﻬﺎ
ﺭﺣﺖ ﻟﻠﻐﺮﻓﺔ ﺭﻗﻴﺔ ﻣﺎﻛﻮ
ﺭﺟﻌﺖ ﻟﻠﻬﻮﻝ
ﺻﻔﺎ ﻭﻳﻦ ﺭﻗﻴﺔ
ﺻﻔﺎ .. ﻣﺎﺍﺩﺭﻱ ..
ﻓﺎﻃﻤﺔ .. ﺑﻐﺮﻓﺘﻲ ﻓﻮﻙ ﻣﺎﺗﺮﺿﻰ ﺗﻬﺪ ﺩﺷﺪﺍﺷﺘﻪ ﺷﺎﺑﮕﺘﻬﻪ ﻭﺗﺒﺠﻲ .
ﺳﻤﻴﺔ .. ﺍﻧﻪ ﺻﺎﻋﺪﺓ ﻳﻤﻬﺎ ..
ﺻﻌﺪﺕ ﻭﻓﺘﺤﺖ ﺍﻟﺒﺎﺏ ﺷﻔﺘﻬﺎ ﻣﺘﻤﺪﺩﺓ ﻭﻏﺎﻓﻴﺔ ﻭﻳﻤﻬﺎ ﺩﺷﺪﺍﺷﺔ ﺍﺑﻮﻱ .
ﻭﻳﻦ ﻣﺎﺍﺭﻭﺡ ﻗﻬﺮ ﻳﺎﺍﻟﻠﻪ ﻫﻮﻧﻬﺎ ﻋﻠﻴﻨﻪ ﻭﺍﻧﻄﻴﻨﻪ ﺍﻟﺼﺒﺮ .
ﻧﺰﻟﺖ ﺟﻮﻩ .. ﻭﺭﺣﺖ ﻟﻠﻐﺮﻓﺔ ﻃﻠﻌﺖ ﺷﻲ ﻋﺰﻳﺰ ﻋﻠﻴﻪ ﻣﺎﺍﺩﺭﻱ ﺍﺫﺍ ﺍﺷﻮﻓﻪ ﺍﻧﻘﻬﺮ ﻟﻮ ﻳﺴﻠﻴﻨﻲ ﻭﻳﺸﻴﻞ ﺍﻟﻬﻢ ﻋﻨﻲ ﺷﻮﻳﺔ ..
ﺍﻟﻤﻴﺪﺍﻟﻴﺔ ﺍﻟﻤﺼﺎﻏﺔ ﻋﻠﻰ ﺷﻜﻞ ﺍﺣﺮﻑ ﺍﻣﺎﻥ ..
ﻃﻠﻌﺘﻬﺎ ﻭﻇﻠﻴﺖ ﺍﺭﺗﺐ ﺑﻴﻬﺎ ﻻﻥ ﺍﺧﺮ ﻣﺮﺓ ﻋﻮﺟﺘﻬﺎ
ﺍﻧﺘﻬﻴﺖ ﻣﻦ ﺗﺮﺗﻴﺒﻬﺎ ﺷﻤﻴﺘﻬﺎ ﺑﻜﻞ ﻗﻮﺗﻲ ﺑﺴﺘﻬﺎ ﻭﺧﻠﻴﺘﻬﺎ ﻋﻠﻰ ﻗﻠﺒﻲ ..
ﻭﺗﻤﺪﺩﺕ ﻋﻠﻰ ﺍﻟﺠﺮﺑﺎﻳﺔ ﻏﻔﻴﺖ ﺷﻮﻳﻪ
ﻭﻋﻴﺖ ﻋﻠﻰ ﺻﻮﺕ ﺣﺠﻲ ﻳﻢ ﺍﻟﺒﺎﺏ
ﻃﻠﻌﺖ ﺷﻔﺖ ﺭﻗﻴﺔ ﻻﺑﺴﺔ ﻋﺒﺎﻳﺘﻬﺎ ﻭﻣﻨﺎﺿﻞ ﻭﺍﻣﻪ ﻳﺮﺩﻭﻥ ﻳﺎﺧﺬﻭﻫﺎ ..
ﺳﻠﻤﺖ ﻋﻠﻴﻬﻢ ﻭﻭﻛﻔﺖ ﻳﻢ ﺍﻟﺒﺎﺏ
ﻓﺎﻃﻤﺔ .. ﺧﻠﻴﻬﺎ ﺭﻗﻴﺔ ﻳﻤﻨﻪ ﻣﺎﺑﻘﻰ ﺷﻲ ﻟﻠﺨﻤﻴﺲ ﻧﺴﻮﻱ ﺛﻮﺍﺏ ﻟﻠﻤﺮﺣﻮﻡ .
ﻣﻨﺎﺿﻞ .. ﻻ ﺧﻴﺘﻲ ﺍﺧﺬﻫﺎ ﻫﺴﻪ ﻭﺍﺟﻴﺒﻬﻪ ﺍﻟﺨﻤﻴﺲ ﻣﻦ ﺍﻟﺼﺒﺢ ﻭﻛﺖ ﻃﻠﻌﺘﻲ ﻟﻠﺪﻭﺍﻡ .
ﺳﻤﻴﺔ .. ﺣﺠﻴﺖ ﺑﮕﻠﺒﻲ ﻣﻨﺎﺿﻞ ﺍﺫﺍ ﺭﺍﺩ ﻳﺎﺧﺬ ﺭﻗﻴﺔ ﻣﺎﻛﻮ ﺷﻲ ﻳﻮﮔﻒ ﺑﺪﺭﺑﻪ ﻭﻣﺤﺪ ﻳﮕﺪﺭ ﻳﻤﻨﻌﻪ .
ﻓﺎﻃﻤﺔ .. ﺍﻥ ﺷﺎﺀﺍﻟﻠﻪ
ﻣﻨﺎﺿﻞ .. ﻳﻠﻠﻪ ﻣﺎﻣﺤﺘﺎﺟﺔ ﺷﻲ ﺧﻴﺘﻲ
: ﻻ ﺧﻮﻳﺔ ﺳﻼﻣﺘﻚ
.
ﻳﻮﻡ ﺍﻟﺨﻤﻴﺲ ﻣﻦ ﺍﻟﺼﺒﺢ ﺟﺎﺑﻮ ﺍﻟﻤﺴﻮﺍﮒ ﻋﻤﻮﺩ ﺍﻟﺜﻮﺍﺏ ﺍﻟﻲ ﺭﺍﺡ ﻧﻄﺒﺨﻪ ﻭﻧﻮﺯﻋﻪ ﻋﻠﻰ ﺭﻭﺡ ﺍﻟﻤﺮﺣﻮﻡ .
ﺍﺟﺖ ﺑﻴﺒﻴﺘﻲ ﻭﺍﺷﻮﺍﻕ ﻭﺑﻨﺎﺗﻬﺎ
ﻭﺍﻟﻜﻞ ﺍﺟﻮ ﻭﻇﻠﻴﻨﻪ ﻧﺤﻀﺮ ﻟﻠﻌﺸﻪ .
ﻭﺭﻩ ﺍﻟﻈﻬﺮ ﺍﺣﻨﻪ ﻣﺨﻠﺼﻴﻦ ﻛﻞ ﺷﻲ .
ﺭﺣﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ
ﻃﻠﻌﺖ ﻣﻦ ﺍﻟﻐﺮﻓﺔ ﺳﻤﻌﺖ ﺻﻮﺕ
ﮔﻠﺒﻲ ﻋﻮﺭﻧﻲ ﻋﻠﻴﻪ
ﺟﻨﺖ ﻣﺤﺘﺎﺟﺘﻠﻪ ﻃﻮﻝ ﻫﺎﻱ ﺍﻻﻳﺎﻡ
ﺍﺭﺗﺸﻒ ﻣﻨﻪ ﺣﺘﻰ ﻳﺮﻭﻳﻨﻲ ﻻﻥ ﺍﺣﺲ ﻧﻔﺴﻲ ﻣﻴﺘﻪ ﻋﻄﺶ .
ﺍﺧﺬﺗﻨﻲ ﺧﻄﻮﺍﺗﻲ ﻟﻤﻜﺎﻥ ﺍﻟﺼﻮﺕ .. ﻋﺒﺮﺕ ﺍﻟﻤﻄﺒﺦ
ﺧﻠﻴﺖ ﺷﺎﻟﻲ ﻋﻠﻰ ﺭﺍﺳﻲ
ﻫﻨﺎﻙ ﺷﻔﺘﻪ ﻭﺍﻛﻒ ﺑﺎﻟﻄﺎﺭﻣﺔ ..
ﻣﺤﺘﻀﻦ ﺑﻴﺒﻴﺘﻲ ﺑﺠﺴﺪﻫﺎ ﺍﻟﻨﺤﻴﻞ ﻭﻗﺎﻣﺘﻬﺎ ﺍﻟﻘﺼﻴﺮﻩ ﺑﻀﺨﺎﻣﺘﻪ ﻭﻃﻮﻟﻪ ﻭﺟﺴﻤﻪ ﺍﻟﻤﻠﻴﺎﻥ ﺍﻟﻤﺘﻨﺎﺳﻖ
ﻭﻫﻲ ﺗﺒﺠﻲ ﻭﻫﻮ ﻳﻮﺍﺳﻴﻬﺎ ﻭﺍﻳﺪﻩ ﻋﻠﻰ ﺭﺍﺳﻬﺎ
ﺑﻠﻌﺖ ﺭﻳﮕﻲ ﻭﻛﻔﺖ ﻳﻢ ﺑﺎﺏ ﺍﻟﻤﻄﺒﺦ ﺧﻠﻴﺖ ﺍﻳﺪﻱ ﻋﻠﻰ ﺍﻟﺒﺎﺏ .. ﻭﻇﻠﻴﺖ ﺍﺑﺎﻭﻋﻠﻪ ﻇﻬﺮﻩ ﻋﻠﻴﻪ .
ﻻﺑﺲ ﺍﺳﻮﺩ ﺑﺄﺳﻮﺩ
ﻗﻤﻴﺺ ﻣﺸﻜﻞ ﺭﺩﺍﻧﺎﺗﻪ
ﺟﻔﻴﻪ ﺭﺻﺎﺻﻲ ﻭﺍﺳﻮﺩ ﻻﻓﻬﺎ ﻋﻠﻰ ﺭﮔﺒﺘﻪ
ﺗﻨﻔﺴﻲ ﺻﺎﺭ ﺍﺳﺮﻉ
ﻭﺍﻟﻠﻪ ﻣﺤﺘﺎﺟﺘﻚ ﺣﺒﻴﺒﻲ ﺷﻠﻮﻧﻚ ﺩﻣﻮﻋﻲ ﺗﺠﻤﻌﺖ ﺑﺨﺪﻱ .
ﺗﺮﻙ ﺣﺼﻦ ﺑﻴﺒﻲ ﺍﻧﺪﺍﺭ ﻋﻠﻴﻪ
ﺻﺎﺭﺕ ﻋﻴﻮﻧﻪ ﺑﻌﻴﻮﻧﻲ ﻟﻤﻴﺖ ﺍﺻﺎﺑﻌﻲ ﻗﻮﻳﺖ ﻗﺒﻀﺔ ﺍﻳﺪﻱ ﺿﺮﺑﺘﻬﺎ ﻋﻠﻰ ﺍﻟﺒﺎﺏ ﺑﻬﺪﻭﺀ .
ﻭﺩﺭﺕ ﻭﺟﻬﻲ ﺍﺭﻳﺪ ﺍﺭﻭﺡ ﻭﺍﺩﺧﻞ ﺑﺎﻟﺒﻴﺖ
ﺳﻤﻌﺘﻪ ﺻﺎﺡ ﺳﻤﻴﻪ
ﻣﺎﺭﺩ ﻋﻠﻴﻪ ﻟﺴﺎﻧﻲ
ﺑﺲ ﻗﻠﺒﻲ ﮔﺎﻟﻪ ﺭﻭﺣﻬﺎ ﻭﻋﻤﺮﻫﺎ ..
ﺑﺎﻭﻋﺘﻠﻪ ﺑﻨﻈﺮﺍﺕ ﻗﻮﻳﺔ
ﺑﻘﻠﺐ ﻣﻨﻬﻚ
ﻭﺭﻭﺡ ﻣﻤﺰﻗﺔ ﺍﺷﻼﺀ
ﺟﺴﺪ ﻣﺘﻌﺐ
ﻋﻴﻮﻥ ﻳﻤﻠﺆﻫﺎ ﺍﻟﺪﻣﻊ
ﻣﺎﺟﺎﻭﺑﺘﻪ ﺑﺲ ﺑﺎﻭﻋﺘﻠﻪ
ﺟﺎﻥ ﻣﻨﺘﻈﺮ ﺟﻮﺍﺑﻲ
ﺍﻟﻲ ﻃﺎﻟﺖ ﺍﻟﻤﺪﺓ ﻭﻣﺎﻃﻠﻊ ﻣﻨﻲ
ﻣﺎﺣﺼﻞ ﺍﺟﺎﺑﺔ ﺑﺲ ﻧﻈﺮﺍﺕ ﺟﺎﺋﻌﺔ ﻣﺸﺘﺎﻗﺔ ﻟﺸﻮﻓﺘﻪ ﺍﺳﺘﺴﻠﻢ ﻭﮔﺎﻝ ﺑﺼﻮﺕ ﻣﺘﻌﺐ ﻭﻣﻘﻬﻮﺭ
" ﺍﻟﺒﻘﻴﺔ ﺑﺤﻴﺎﺗﺞ "
ﻟﺴﺎﻧﻲ ﻋﻨﻴﺪ ﻭﻣﺎﻳﻘﺒﻞ ﻳﺤﺠﻲ
ﺑﺲ ﻫﺰﻳﺖ ﺭﺍﺳﻲ ﺍﻟﻪ
ﻭﺩﺭﺕ ﺍﻟﻪ ﻇﻬﺮﻱ
ﺑﻬﺎﻟﻠﺤﻈﻪ ﺻﺎﺭﻥ ﺩﻣﻮﻋﻲ ﻋﻠﻰ ﺧﺪﻱ
ﻭﮔﻠﺒﻲ ﻟﻌﻨﻨﻲ ﻭﺣﺠﻪ
ﺣﻴﺎﺗﻚ ﺍﻟﺒﺎﻗﻴﺔ ﻳﺎﺑﻌﺪ ﺭﻭﺣﻲ .
ﻣﺸﻴﺖ ﻭﺭﺣﺖ ﺭﻛﺾ ﻟﻠﺪﻳﻮﺍﻧﻴﺔ
ﺟﺎﻧﻮ ﺟﻬﺎﻝ ﺍﻗﺎﺭﺑﻨﺎ ﺑﻴﻬﺎ ﻭﺑﻨﺎﺕ ﺍﻋﻤﺎﺭﻫﻦ 16 ﻭﺍﻗﻞ
ﻃﻠﻌﺘﻬﻢ ﻭﺳﺪﻳﺖ ﺍﻟﺒﺎﺏ ﺍﺭﻳﺪ ﺍﻇﻞ ﻭﺣﺪﻱ ﺍﺑﺎﻭﻉ ﺍﻟﻪ
ﻗﻔﻠﺘﻬﺎ ﻭﻃﻔﻴﺖ ﺍﻟﻀﻮﻩ
ﻭﻇﻠﻴﺖ ﺍﺑﺎﻭﻉ ﺍﻟﻪ ﻣﻦ ﻭﺭﻩ ﺗﻮﻝ ﺍﻟﺒﺮﺩﺓ .
ﻭﻇﻠﻴﺖ ﺍﺣﺎﺟﻲ .. ﻣﺸﺘﺎﻗﺘﻠﻚ ﻛﻠﺶ
ﻭﻟﻚ ﺍﻣﺎﻥ ﺭﺍﺡ ﺍﺑﻮﻳﺔ ﻭﺻﺮﺕ ﻳﺘﻴﻤﺔ ﻭﻣﺎﺍﻋﺮﻑ ﻣﺼﻴﺮﻱ
ﺑﺎﻭﻋﺖ ﻻﻳﺪﻩ ﻣﺎﻻﺑﺲ ﺣﻠﻘﺔ ﻳﺎﺗﺮﻯ ﻟﻴﺶ؟
ﻇﻞ ﻳﺒﺎﻭﻉ ﻋﻠﻰ ﺍﻟﺸﺒﺎﻙ ﺍﻟﻲ ﻭﺍﻛﻔﻪ ﻭﺭﺍﻩ ﺍﻧﺎ
ﻭﻋﻴﻮﻧﻪ ﺗﺤﺠﻲ ..
ﺗﺤﺴﺮﺕ ﻭﺩﻣﻮﻋﻲ ﺗﻨﺎﺛﺮﺕ ﺑﺸﺪﺓ ..
ﺍﺭﻳﺪ ﺍﮔﻠﻪ ﺍﻱ ﺍﻧﺎ ﻫﻨﺎ ﺗﻌﺎﻝ ﻳﻤﻲ ﺑﺲ ﺍﺧﻠﻲ ﺭﺍﺳﻲ ﻋﻠﻰ ﺻﺪﺭﻙ ﻟﺤﻈﺔ ﻭﺣﺪﻩ
ﻗﻠﺒﻲ ﻣﻮﺗﻨﻲ ﻋﻠﻴﻚ ..
ﺷﻔﺘﻪ ﺩﺍﺭ ﻳﺮﻳﺪ ﻳﺮﻭﺡ
ﺍﻟﻠﺘﻔﺘﺖ ﺍﺧﺮ ﻣﺮﺓ ﻭﻇﻞ ﻳﺒﺎﻭﻉ ﻋﻠﻰ ﺍﻟﺸﺒﺎﻙ
ﻭﺣﺮﻛﺎﺗﻪ ﻛﻠﻬﺎ ﺍﺳﻒ .
ﻟﺰﻣﺖ ﺗﻮﻝ ﺍﻟﺒﺮﺩﺓ ﺣﻴﻴﻞ ﻭﻋﺼﺮﺗﻬﺎ
ﻭﻇﻠﻴﺖ ﺍﺑﺎﻭﻋﻠﻪ ﻭﻫﻮ ﻳﻄﻠﻊ ﻣﻦ ﺍﻟﺒﺎﺏ
ﺍﻋﺘﺼﺮ ﻗﻠﺒﻲ ﺑﺎﻻﻟﻢ
ﺭﺍﺡ ﺍﻟﻐﺎﻟﻲ ﻭﺍﻻﻏﻠﻰ ﻭﺷﻴﺮﻳﺪ ﻳﺼﻴﺮ ﺍﻟﻲ ﺑﻌﺪ ﻭﺷﻤﻀﻤﻮﻣﻠﻲ ..
&&&&&
ﺇﺳﻼﻡ .. ﺑﻌﺪ ﻣﺮﻭﺭ ﺷﻬﺮ ﻋﻠﻰ ﺣﺎﺩﺛﺔ ﻣﻘﺘﻞ ﻋﻤﻲ ﺍﻳﻮﺏ ﺍﻧﺪﮔﺖ ﺍﻟﺒﺎﺏ ﺑﺎﻟﻠﻴﻞ ﻭﺭﺣﺖ ﻓﺘﺤﺘﻬﺎ ..
ﺷﻔﺘﻪ ﻋﻤﻲ ﺳﻠﻴﻤﺎﻥ ..
ﺳﻠﻤﺖ ﻋﻠﻴﻪ ﻭﺩﺧﻠﺘﻪ ﺟﻮﻩ ..
ﺍﺟﺖ ﺍﻣﻲ ﺳﻠﻤﺖ ﻋﻠﻴﻪ ﻭﻗﺪﻣﺖ ﺍﻟﻪ ﺍﻟﺠﺎﻱ ..
ﻃﻠﻌﺖ ﻭﺑﻘﻴﻨﻪ ﻭﺣﺪﻧﻪ ..
ﺳﻠﻴﻤﺎﻥ .. ﺍﺳﻼﻡ ﺍﻧﺖ ﺗﻌﺮﻑ ﺻﻔﺎ ﺑﻌﺪ ﻣﺎﺑﻘﺎﻟﻬﺎ ﺷﻲ ﻭﺗﻄﻠﻊ ﻣﻦ ﺍﻟﻌﺪﺓ ﺣﻀﺮ ﻧﻔﺴﻚ ﺣﺘﻰ ﺗﺘﺰﻭﺟﻬﺎ .
ﺍﺳﻼﻡ .. ﺻﺪﻣﺘﻨﻲ ﻋﻤﻲ ﺷﻨﻮ ﺍﺗﺰﻭﺟﻬﺎ ﻭﻣﻨﻮ ﻛﻠﻚ ﺍﻧﻪ ﺍﺭﻳﺪﻫﺎ .
: ﺍﻧﺖ ﻛﺒﻞ ﺟﻨﺖ ﻛﺎﺗﻞ ﺭﻭﺣﻚ ﻋﻠﻴﻬﺎ ..
: ﺍﻱ ﺑﺲ ﻫﺴﻪ ﻏﻴﺮ ﻭﻣﺎﺍﺭﻳﺪﻫﺎ .
: ﻟﻚ ﺍﺑﻮﻫﻦ ﻫﺴﻪ ﻣﺎﺕ ﻭﺍﻧﻪ ﺍﺭﻳﺪ ﺍﺯﻭﺟﻬﻦ
ﺳﻤﻴﺔ ﺭﺍﺡ ﺍﺯﻭﺟﻬﺎ ﻻﻣﻴﺮ ﺍﺑﻨﻲ ﻭﺍﻧﺖ ﺍﺧﺬ ﺻﻔﺎ ﺣﺘﻰ ﻧﺒﻴﻊ ﺍﻟﺒﻴﺖ ﻭﻧﻘﺴﻤﻪ ﻟﻠﻮﺭﺛﺔ .
: ﻻ ﻋﻤﻲ ﻟﻴﺶ ﺗﺒﻴﻌﻪ ﺧﻠﻴﻬﻦ ﻛﺎﻋﺪﺍﺕ ﺑﻲ ﻫﻨﻪ ﻭﻣﺮﺕ ﺍﺑﻮﻫﻦ .
: ﻛﻠﻨﺎ ﻧﺮﻳﺪ ﺣﺼﺼﻨﺎ ﻣﻦ ﺍﻟﻔﻠﻮﺱ ﻭﺍﻟﺒﻴﺖ ﻫﺬﺍ ﻳﺠﻴﺐ ﻣﻼﻳﻴﻦ .
: ﻋﻤﻲ ﺍﺣﻨﺎ ﺍﻟﺤﻤﺪﻟﻠﻪ ﻣﺎﻣﺤﺘﺎﺟﻴﻦ ﺷﻮ ﻛﻠﻤﻦ ﻋﻨﺪﻩ ﺑﻴﺖ ﻭﺍﻟﻘﻨﺎﻋﺔ ﻛﻨﺰ ﻻﻳﻔﻨﻰ ﻭﺑﻌﺪﻳﻦ ﻣﻨﻮ ﻳﻜﻮﻝ ﻫﻨﻪ ﻳﺮﺿﻦ ﺑﺎﻟﺰﻭﺍﺝ .
: ﺷﻨﻮﻭ ﺑﻜﻴﻔﻬﻦ ﻋﺒﺎﻟﻚ ﺍﻧﻪ ﺍﻳﻮﺏ ﻭﺍﺧﻠﻴﻬﻦ ﻋﻠﻰ ﺣﻞ ﺷﻌﺮﻫﻦ ﻭﺍﻋﺮﻑ ﺍﻣﻬﻦ ﺷﻨﻮ ﺍﺭﻳﺪ ﻛﻞ ﻭﺣﺪﻩ ﻣﻨﻬﻦ ﺍﺧﻠﻴﻬﻪ ﻋﻠﻰ ﺫﻣﺔ ﺭﺟﺎﻝ ﻛﺒﻞ ﻻﻳﺼﺨﻤﻦ ﻭﺟﻬﻲ .
: ﻋﻤﻲ ﻣﺎﻳﺼﻴﺮ ﺗﺠﺒﺮﻫﻦ ﻋﻠﻰ ﺍﻟﺰﻭﺍﺝ ﻭﻫﻨﻪ ﻣﺎﻳﺮﺩﻥ .
: ﻭﻟﻚ ﺍﻧﻪ ﻭﻟﺪﻱ ﻭ ﺯﻟﻢ ﻭﺷﻮﺍﺭﺏ ﻭﺟﺒﺮﺗﻬﻢ ﺗﺮﻳﺪﻧﻲ ﻣﺎﺍﺟﺒﺮ ﻫﺎﻟﻤﻔﻌﻮﺻﺎﺕ ﻫﺬﻧﻲ
ﺷﻮﻑ ﺍﺳﻼﻡ ﺍﺫﺍ ﻣﺎﺗﺘﺰﻭﺝ ﺻﻔﺎ
ﺍﺯﻭﺟﻬﺎ ﻟﻐﻴﺮ ﻭﺍﺣﺪ .
: ﻋﻤﻲ ﻣﺎﺍﺭﻳﺪﻫﺎ ﺟﺎﻱ ﺍﻛﻠﻚ ﻭﻛﻞ ﻫﺬﺍ ﺍﻟﻲ ﺟﺎﻱ ﺗﺴﻮﻱ ﻏﻠﻂ ﻣﺎﻳﺼﻴﺮ ﺗﺘﺤﻜﻢ ﺑﻴﻬﻦ ﻭﺑﻌﺪﻳﻦ ﺍﺣﻨﺎ ﻋﻤﺮﻧﺎ ﻣﺎﺷﻔﻨﻪ ﻋﻠﻴﻬﻦ ﺷﻲ ﺧﻠﻴﻬﻦ ﺑﺎﻟﺒﻴﺖ ﻭﺍﺣﻨﻪ ﺍﻧﺪﻳﺮ ﺑﺎﻟﻨﻪ ﻋﻠﻴﻬﻢ ﻭﻋﻠﻰ ﺍﺧﻮﻫﻢ
ﺑﺲ ﻣﺎﻝ ﺍﺗﺰﻭﺝ ﺻﻔﺎ ﻻ ﻫﺎﻱ ﺣﻴﻴﻞ ﻭﺍﮔﻔﻪ ﻭﺍﻧﺎ ﻣﺎﺍﺭﻳﺪﻫﻪ
.
ﺍﺳﻼﻡ .. ﻃﻠﻊ ﻋﻤﻲ ﺳﻠﻴﻤﺎﻥ ﻣﻦ ﻳﻤﻨﻪ ﻭﻣﺎﺣﺼﻞ ﺍﻟﻲ ﻳﺮﻳﺪﻩ ﻣﻨﻲ .. ﺻﻌﺒﺔ ﺍﺗﺰﻭﺝ ﺻﻔﺎ
ﻣﻮ ﺭﺍﻫﻤﺔ ﻛﻠﺶ ﺑﻌﺪ ﻛﻞ ﺷﻲ ﺻﺎﺭ
ﻣﺎﺍﺭﻳﺪ ﺍﻧﺠﺮﺡ ﻣﺮﺓ ﺛﺎﻧﻴﺔ ﻻﻥ ﺍﺩﺭﻱ ﻣﺎﺭﺍﺡ ﺗﺘﻘﺒﻠﻨﻲ
ﺑﻌﺪ ﻣﺎﺷﻔﺘﻬﺎ ﺷﻮﻥ ﻣﻠﺘﺰﻣﺔ
ﻳﻌﻨﻲ ﻣﺎﺗﻜﺪﺭ ﺗﺨﻮﻥ ﺯﻭﺟﻬﺎ ﺣﺘﻰ ﺑﻌﺪﺗﻬﺎ
ﻋﻜﺲ ﺗﻮﻗﻌﻲ ﻭﺷﻜﻮﻛﻲ ﺍﻟﻲ ﺟﺎﻧﺖ ﻣﺤﺎﻭﻃﺘﻨﻲ ﻋﻠﻴﻬﺎ .
ﻭﻫﺬﺍ ﻋﻤﻲ ﻳﺨﻮﻁ ﺑﺼﻒ ﺍﻟﺴﺘﻜﺎﻥ ..
ﻭﺑﻜﻴﻔﻪ ﻳﺤﺠﻲ ﻣﺨﻠﻲ ﻋﻴﻨﻪ ﻋﻠﻰ ﻣﺄﻭﻯ ﻫﺎﻻﻳﺘﺎﻡ
ﻭﻳﺮﻳﺪ ﻳﺰﻭﺟﻬﻦ ﻏﺼﺐ ﻻ ﻭﺑﻌﺪﻫﺎ ﺍﺭﺑﻌﻴﻨﻴﺔ ﺍﺧﻮ ﻣﺎﻃﺎﻟﻌﺔ ﻭﻓﻮﻛﺎﻫﺎ ﺍﻟﺒﻨﻴﺔ ﺑﻌﺪﻫﺎ ﺑﺎﻟﻌﺪﺓ ﻭﺟﺎﻱ ﻳﺨﻄﺐ ﺍﻟﻬﺎ
ﺻﺪﮒ ﺍﻥ ﻟﻢ ﺗﺴﺘﺤﻲ ﻓﺎﺻﻨﻊ ﻣﺎﺷﺌﺖ !
ﺍﺧﺬﺕ ﺍﻟﺴﺘﻜﺎﻳﻦ ﻭﺩﻳﺘﻬﻦ ﻟﻠﻤﻄﺒﺦ .. ﺍﻧﻄﻴﺘﻬﻦ ﻻﻣﻲ
..
ﻫﺎﺍ ﻳﻤﻪ ﻋﻤﻚ ﺭﺍﺡ
ﺍﻱ ﺭﺍﺡ
ﺷﻨﻮ ﻳﺮﻳﺪ؟
ﺟﺮﻳﺖ ﻛﺮﺳﻲ ﻭﻛﻌﺪﺕ ﻋﻠﻴﻪ
ﺗﺤﺴﺮﺕ .. ﺑﻄﺮﺍﻥ ﻳﺮﻳﺪ ﺍﺗﺰﻭﺝ ﺻﻔﺎ
ﻣﺮﺓ ﺛﺎﻧﻴﻪ ﻭﻫﻢ ﺻﻔﺎ ﻣﻦ ﻳﻮﻡ ﺍﻟﻲ ﺍﺗﺮﻣﻠﺖ ﻭﺍﻧﻪ ﺧﺎﻳﻔﻪ ﻣﻨﻬﺎ
ﻳﺎﻳﻤﻪ ﺟﺎﻱ ﺍﻛﻠﻚ ﺧﻞ ﺍﺧﻄﺐ ﺍﻟﻚ ﺧﺎﻑ ﺻﺪﻙ ﻋﻤﻚ ﻳﻠﺰﮔﻬﺎ ﺑﻴﻚ .
ﻳﻤﻪ ﺷﻮﻥ ﺍﺧﻄﺐ ﻭﻋﻤﻲ ﺗﻮﻩ ﻣﻴﺖ ..
ﻣﺎﺑﻴﻬﻪ ﺷﻲ ﻧﮕﻠﻠﻬﻢ ﺍﺣﻨﻪ ﺧﺎﻃﺒﻴﻦ ﻓﻼﻧﻪ ﻭﻧﺎﻃﻴﻦ ﻻﻫﻠﻬﻪ ﺣﺠﺎﻳﺔ ﻭﻓﺸﻠﺔ ﻣﻨﻬﻢ ﻧﻜﺴﺮ ﺣﺠﺎﻳﺘﻨﻪ ﻭﻫﻮ ﻋﻤﻚ ﻣﻦ ﻛﻴﻔﻪ ﻳﺴﻜﺖ .
ﺍﺳﻼﻡ .. ﻛﻤﺖ ﻋﻠﻰ ﺣﻴﻠﻲ .. ﮔﺘﻠﻬﺎ ﻋﻮﻓﻴﻬﺎ ﻫﺎﻱ ﺍﻟﺴﺎﻟﻔﺔ ﻣﺎﺗﻔﻴﺪﺝ ﻻﺯﻭﺍﺝ ﻭﻻﺧﻄﻮﺑﺔ ﻭﻻﻫﻢ ﻳﺤﺰﻧﻮﻥ ﺧﻠﻴﻨﻲ ﻋﺎﻳﺶ ﻫﻴﺞ ﺍﺣﺴﻠﻲ .. ﺷﻮﻓﻴﻨﻲ ﺷﺤﻼﺗﻨﻲ ﻋﺰﻭﺑﻲ ﻭﺍﺧﺒﻞ .
ﻳﺎ ﻳﻤﻪ ﺍﻧﻪ ﺗﻌﺒﺖ ﺍﺑﺤﺪﻱ ﺍﺭﻳﺪ ﻭﺣﺪﺓ ﻭﻳﺎﻱ ﺗﻌﻴﻨﻲ ﻋﻠﻰ ﺍﻟﺒﻴﺖ ﻭﻫﻢ ﺍﺭﻳﺪ ﺍﻃﻠﻊ ﺍﺭﻭﺡ ﻋﻤﺮﺓ ﺣﺞ .
ﺍﻱ ﺭﻭﺣﻲ ﻣﻨﻮ ﻛﺎﺿﺞ؟ ﺍﻧﻪ ﻣﻮ ﺟﺎﻫﻞ ﺣﺘﻰ ﻣﺎﺗﮕﺪﺭﻳﻦ ﺗﻌﻮﻓﻴﻨﻲ ﻭﺣﺪﻱ .
ﺍﺳﻼﻡ ﻳﻤﻪ ﻳﺎﺧﻮﻓﻲ ﻳﻠﺰﮔﻮﻥ ﺻﻔﻴﻪ ﺑﻴﻚ ﻭﻫﺬﺍ ﻋﻤﻚ ﻣﺎﻳﻨﮕﺪﺭ ﻋﻠﻴﻪ ﻣﻮ ﺗﻀﻌﻒ ﻭﺗﻮﺍﻓﻖ ﺗﺮﻩ ﻣﺎﺍﺭﻳﺪﻫﺎ ﻫﻨﺎ
ﻣﻮ ﺗﮕﻮﻭﻝ .
ﺍﻃﻤﺌﻨﻲ ﻋﻤﻲ ﻣﺎﻳﻜﺪﺭ ﻳﺴﻮﻱ ﺷﻲ ..
ﻻ ﻭﺍﻟﻠﻪ ﻛﻞ ﺷﻲ ﻳﺴﻮﻱ ﺑﺲ ﺍﻧﺖ ﻣﺎﺗﻌﺮﻓﻪ ﺯﻳﻦ
ﺍﻟﻬﺴﻪ ﺍﺗﺬﻛﺮ ﺯﻳﻨﺐ ﻣﻦ ﺗﺴﻮﻟﻔﻠﻲ ﺷﻠﻮﻥ ﺟﺒﺮ ﻣﺆﻳﺪ ﺣﺘﻰ ﻳﺘﺰﻭﺝ ﺍﻣﻞ ﻭﻣﺎﺧﻼﻩ ﻳﺎﺧﺬ ﺍﻟﻲ ﻳﺤﺒﻬﺎ .
ﺫﺍﻙ ﺍﺑﻨﻪ ﻭﺍﻧﻪ ﺍﺑﻦ ﺍﺧﻮ ﻭﻫﻮ ﻣﺎﺍﻟﻪ ﺍﻱ ﺳﻠﻄﺔ ﻋﻠﻴﻪ ﻭﺍﻧﺎ ﻣﺎﺍﺳﻮﻱ ﺷﻲ ﻣﻮ ﺑﺎﺭﺍﺩﺗﻲ ﺍﻧﺖ ﺑﺲ ﺷﻴﻠﻲ ﻫﺎﻻﻓﻜﺎﺭ ﻣﻦ ﺭﺍﺳﺞ ﻭﻧﺎﻣﻲ ﺭﻏﺪ ﻭﺗﺼﺒﺤﻴﻦ ﻋﻠﻰ ﺧﻴﺮ .
ﻭﺍﻧﺖ ﺑﺨﻴﺮ ﻳﻤﻪ ..
ﺻﻌﺪﺕ ﻓﻮﮒ .. ﻭﻟﻐﺮﻓﺘﻲ ﮔﺒﻞ
ﻧﺰﻋﺖ ﺍﻟﺘﻴﺸﻴﺮﺕ
ﻭﺗﻤﺪﺩﺕ .. ﻋﻴﻮﻧﻲ ﺑﺎﻟﻔﺮﺍﻍ
ﺍﻧﻘﻠﺒﺖ ﻋﻠﻴﻪ ﺍﻟﻤﻮﺍﺟﻊ ﺍﻟﻠﻴﻠﺔ ..
ﻇﻠﻴﺖ ﺍﻓﺘﺶ ﻋﻦ ﺑﻘﺎﻳﺎ ﺣﺒﻬﺎ ﺑﻴﻪ
ﻭﺍﻟﮕﺎﻩ ﻣﻮﺟﻮﺩ ﺑﺲ ﺍﻛﻮ ﺷﻲ ﺍﺳﻤﻪ ﻋﺰﺓ ﺍﻟﻨﻔﺲ،ﺍﻟﻜﺮﺍﻣﺔ ﻭﺍﻟﻜﺒﺮﻳﺎﺀ ..
ﻫﺬﺍ ﻋﻨﺪﻱ ﺍﻗﻮﻩ ﻣﺒﺮﺭ
ﻻﻥ ﺍﺣﺲ ﻗﻠﺒﻲ ﺟﺎﻱ ﻳﻌﺎﺗﺒﻨﻲ ..
ﺳﺤﺒﺖ ﺍﻟﺘﻠﻴﻔﻮﻥ ﻭﻃﻠﻌﺖ ﺫﻛﺮﻳﺎﺗﻲ ﺍﻟﻲ ﻣﺎﮔﺪﺭﺕ ﺍﺗﺨﻠﺺ ﻣﻨﻬﺎ ..
ﻃﻠﻌﺖ ﺻﻮﺭﻫﺎ
ﻭﺣﺪﺓ ﻣﻨﻬﻦ ﺟﻨﻪ ﻛﺎﻋﺪﻳﻦ ﺑﺎﻟﺤﺪﻳﻘﺔ
ﻣﺨﻠﻴﺔ ﺍﻳﺪﻫﺎ ﻋﻠﻰ ﻛﺘﻔﻲ ﻭﻣﺒﺘﺴﻤﺔ ﺑﻘﻮﺓ
ﻻﺑﺴﺔ ﺷﺎﻝ ﺯﻳﺘﻮﻧﻲ ﻭﻣﻄﻠﻌﻪ ﻛﻢ ﺧﺼﻠﺔ ﻣﻦ ﺷﻌﺮﻫﺎ ﺍﻻﺳﻮﺩ .
ﻭﻳﻦ ﺟﻨﻪ ﻭﻭﻳﻦ ﺻﺮﻧﺎ
3 ﺳﻨﻮﺍﺕ ﺣﺐ ﻭﻣﺸﺎﻛﻞ
ﻻﻛﺪﺭﺕ ﺍﺗﻘﺒﻠﻬﺎ ﻭﻻﺗﺘﻘﺒﻠﻨﻲ .. ..
.
ﺳﻠﻴﻤﺎﻥ .. ﺃﻣﻴﺮ ﺣﻀﺮ ﻧﻔﺴﻚ ﺗﻌﺪﻱ ﻛﻢ ﺷﻬﺮ ﻟﻮﻓﺎﺓ ﻋﻤﻚ ﺍﻟﻠﻪ ﻳﺮﺣﻤﻪ ﺣﺘﻰ ﺍﺯﻭﺟﻚ ﺳﻤﻴﺔ ..
ﺯﻳﻨﺐ .. ﻳﺎﺍﺍﺍﺍ
ﺃﻣﻴﺮ .. ﻳﺎﺑﻪ ﺳﻤﻴﺔ ﺑﻴﺶ ﺍﻟﻜﻴﻠﻮ ﻣﺎﺍﺭﻳﺪﻫﺎ ﻫﺎﻟﺴﻌﻠﻮﺓ
ﻭﺍﻧﻪ ﻣﻮ ﺧﻄﺒﺖ ﻭﺣﺪﺓ ﻭﻳﺎﻱ ﺑﺎﻟﻜﻠﻴﺔ . ﻭﺟﺎﻱ ﺍﻧﺘﻈﺮﻫﺎ ﺗﺘﺨﺮﺝ ﻭﻧﺘﺰﻭﺝ .
ﺳﻠﻴﻤﺎﻥ . . ﻳﻮﻟﻮﻥ ﺫﻭﻟﻪ **** ﻟﻮ ﻳﺮﺩﻭﻥ ﻳﻨﻄﻮﻧﻪ ﺟﺎﻥ ﻧﻄﻮﻧﻪ ﻣﻮ ﻳﻮﻣﻴﻪ ﻣﺄﺟﻠﻴﻨﻬﺎ .
ﺯﻳﻨﺐ .. ﻭﺑﻌﺪﻳﻦ ﻳﺎﺭﺟﺎﻝ ﺗﺮﻩ ﺳﻤﻴﺔ ﺍﻛﺒﺮ ﻣﻦ ﺍﻣﻴﺮ ﺑﺴﻨﺔ
ﺳﻠﻴﻤﺎﻥ .. ﻭﺍﺫﺍ ﺑﺴﻨﺔ ﻫﻮ ﻉ ﺍﻟﻌﻤﺮ ﺩﺷﻮﻓﻲ ﺟﻨﻪ ﺑﻌﻴﺮ ﻳﺤﻄﻬﺎ ﺟﻮﻩ ﺍﺑﺎﻃﻪ .
ﺃﻣﻴﺮ .. ﻳﺎﺑﻪ ﺍﻧﻪ ﺳﻤﻴﺔ ﻫﺎﻱ ﻣﺎﺍﺭﻳﺪﻫﺎ .
ﺳﻠﻴﻤﺎﻥ .. ﻣﻮ ﺑﻜﻴﻔﻚ ﺗﺘﺰﻭﺟﻬﺎ ﻭﺭﺟﻠﻴﻚ ﻓﻮﮒ ﺭﺍﺳﻚ ..
ﺃﻣﻴﺮ .. ﻭﺍﺫﺍ ﻣﺎﺗﺰﻭﺟﺘﻬﺎ ﺷﺴﻮﻱ ..
ﺳﻠﻴﻤﺎﻥ .. ﺗﺎﺧﺬ ﻫﺪﻭﻣﻚ ﻭﺗﻄﻠﻊ ﻣﻨﺎ ﻳﻼﺍﺍﺍ
ﻣﺎﻋﻨﺪﻱ ﻟﺤﻴﺔ ﻣﺴﺮﺣﺔ ﻭﻻ ﺭﮔﻪ ﺗﻠﻌﺐ ﺷﻨﺎﻭ ﻭﺍﻟﻲ ﺍﻛﻮﻟﻪ ﻳﺘﻨﻔﺬ
ﺍﻧﺖ ﻭﺍﺧﻮﻙ ﺳﻤﻴﺮ ﺣﺎﻟﻜﻢ ﻣﻦ ﺣﺎﻝ ﺍﺧﻮﺗﻜﻢ ﺍﻟﻜﺒﺎﺭ ﻣﺆﻳﺪ ﻭﻭﻋﺪ ﻣﺎ ﺗﺘﺰﻭﺟﻮﻥ ﺍﻟﻪ ﺍﻟﻲ ﺍﺧﺘﺎﺭﻫﻢ ﺍﻧﻪ ﻭﺍﮔﻄﻊ ..
ﺃﻣﻴﺮ : ﺭﺿﻮﺍﻥ ﻣﻮ ﺧﻄﺒﻬﺎ ﻛﺒﻞ ﺟﻢ ﺳﻨﻪ ﻭﻣﺎﻗﺒﻠﻮﺍ ﻛﻠﻪ ﻫﺴﻪ ﺧﻞ ﻳﺮﺟﻊ ﻳﺨﻄﺒﻬﺎ .
ﺳﻠﻴﻤﺎﻥ : ﺭﺿﻮﺍﻥ ﻛﻠﻲ ﻋﻠﻰ ﺑﻨﻴﺔ ﻣﺘﻔﻖ ﻭﻳﺎﻫﺎ ﻉ ﺍﻟﺰﻭﺍﺝ ﻛﺒﻞ ﻻﻳﻤﻮﺕ ﻋﻤﻚ ﻋﻮﺩ ﻳﺮﻳﺪ ﻳﺨﻄﺒﻬﺎ ﺑﺲ ﻋﻤﻚ ﻣﺎﺕ ﻭﺍﺟﻠﻬﻪ ﻭﺍﺷﻮﺍﻕ ﻣﺎﺗﻘﺒﻞ ﺑﺴﻤﻴﺔ ﻭﺍﻣﺎﻥ ﺧﺎﻃﺐ ﺑﻨﺖ ﻋﻤﻪ ﻣﺎﻛﻮ ﻏﻴﺮﻙ ﺍﻧﺖ .
ﺯﻳﻨﺐ : ﻭﺍﻟﺒﻨﻴﺔ ﺍﺫﺍ ﻣﺎﻗﺒﻠﺖ ﺷﺮﺍﺡ ﺗﺴﻮﻱ؟
ﺳﻠﻴﻤﺎﻥ : ﺍﻓﺮﻙ ﺧﺸﻤﻬﺎ ﻓﺮﻙ ﺍﺷﺤﺪﻫﻪ ﻣﺎﺗﻘﺒﻞ ﻭﺍﻟﻠﻪ ﺍﻋﻠﻤﻬﺎ ﺍﻟﻨﺒﻲ ﺍﻟﻌﺮﺑﻲ ﻣﺎﺍﻃﻠﻊ ﺍﻧﻪ ﺳﻠﻴﻤﺎﻥ .
ﺯﻳﻨﺐ .. ﺍﺩﺭﻱ ﺷﻨﻮ ﺍﻟﻲ ﺗﺮﻳﺪ ﺗﻮﺻﻞ ﺍﻟﻪ ﺗﺮﻩ ﻣﺎﻳﺼﻴﺮ ﺗﺠﺒﺮﻫﻢ ﺣﺮﺍﻡ ﻭﺍﻟﻠﻪ ..
: ﻭﻳﻦ ﻳﻮﻟﻦ ﺍﺫﺍ ﻣﺎﺗﺰﻭﺟﻦ . ﺍﺩﻳﺤﻬﻦ . ؟ :?'
: ﺧﻠﻴﻬﻦ ﻛﺎﻋﺪﺍﺕ ﺑﺎﻟﺒﻴﺖ ﺷﻜﻮﻭ ﻋﻠﻴﻬﻦ ..
: ﺍﻟﺒﻴﺖ ﺍﺑﻴﻌﻪ ﺑﻴﺖ ﺍﺑﻮﻱ ﻫﺬﺍ ﻭﺍﻧﻪ ﺑﻨﻴﺘﻪ ﻭﺗﻌﺒﺖ ﺑﻲ ﻛﺒﻞ ﻣﺎﺍﺧﻠﻲ ﺍﻟﻬﻤﻔﻌﻮﺻﺎﺕ ﺷﻤﺪﺭﻳﻨﻲ ﺷﻴﺴﻮﻭﻥ ﻣﺎﻳﺴﻮﻭﻥ .
: ﻭﺍﻣﻚ؟
: ﻟﻮ ﺗﺎﺧﺬﻫﺎ ﺍﺷﻮﺍﻕ ﻟﻮ ﺍﺟﻴﺒﻬﺎ ﻫﻨﺎ ﻋﻨﺪﻱ ..
: ﻭﻓﺎﻃﻤﺔ ﻣﻮ ﻋﻴﺐ ﻣﻨﻬﺎ ﻣﻮ ﻫﻲ ﻛﺎﻋﺪﺓ ﻭﻳﺎﻫﻦ ﺧﻄﻴﺔ ﻭﻣﺎﺗﺮﻛﺘﻬﻦ ﻟﺤﻈﺔ ﻭﺣﺪﺓ .
: ﻧﺰﻭﺝ ﺍﻟﺒﻨﺎﺕ ﻭﻧﺒﻴﻊ ﺍﻟﺒﻴﺖ ﻭﻧﻨﻄﻴﻬﻪ ﺣﺼﺘﻬﺎ ..
ﺯﻳﻨﺐ ..: ﻃﻠﻌﺖ ﻣﺨﻄﻂ ﺍﻟﻜﻞ ﺷﻲ .. ﺍﻟﻠﻪ ﻳﻬﺪﻱ ﺍﻟﻨﻔﻮﺱ ﻭﻳﻄﻴﺐ ﺍﻟﺨﺎﻃﺮ ..
&&&&
ﺳﻤﻴﺔ .. ﻣﺮﺕ ﺍﻻﻳﺎﻡ ﻭﻣﻜﺎﻥ ﺍﺑﻮﻱ ﻓﺎﺭﻍ ﻛﻠﺶ،
ﻣﺎﻳﻌﺪﻱ ﻳﻮﻡ ﺍﺫﺍ ﻣﺎﻧﺘﺠﻤﻊ ﻭﻧﺒﺠﻲ ﻛﻠﻨﻪ ..
( ﺳﺄﺧﺘﺼﺮ ﺍﻟﻜﺜﻴﺮ ﻣﻦ ﺍﻟﺤﺰﻥ ﻻﻧﻨﺎ ﺑﻜﻴﻨﺎ ﺑﻤﺎﻓﻴﻪ ﺍﻟﻜﻔﺎﻳﺔ )
ﺧﺎﺑﺮﻧﻪ ﻣﻨﺎﺿﻞ ﻭﮔﺎﻝ ﺭﻗﻴﺔ ﻣﺘﺄﺧﺮﺓ ﻭﻻﺩﺗﻬﺎ ﻭﺍﻟﻄﺒﻴﺒﺔ ﺩﺯﺗﻬﺎ ﻟﻠﻤﺴﺘﺸﻔﻰ
ﺻﻔﺎ ﻭﻓﺎﻃﻤﺔ ﺑﺎﻟﻌﺪﺓ
ﻭﺍﻡ ﻣﻨﺎﺿﻞ ﻣﺮﻳﻀﺔ ﻛﻠﺶ ..
ﺭﺣﺖ ﻭﻳﺎﻫﺎ ﺑﺎﻟﺒﺪﺍﻳﺔ ﻣﺎﻋﺪﻫﺎ ﺍﻟﻢ
ﺩﺧﻠﻨﻪ ﻟﻠﻤﺴﺘﺸﻔﻰ ﻭﺍﺳﻤﻊ ﻳﻮﻧﻦ ﻣﻦ ﺍﻻﻟﻢ ﻭﺷﻲ ﻳﺼﺮﺧﻦ
ﺑﻄﻨﻲ ﻣﻐﺼﺘﻨﻲ ﺭﺩﺕ ﺍﺗﻘﻴﺊ .
ﺑﺎﻭﻋﺖ ﻟﺮﻗﻴﺔ ﺍﻟﻠﻪ ﺭﺣﻤﻬﺎ ﻣﺎﺗﺴﻤﻊ ﻫﺎﻟﺼﺮﻳﺦ
.
ﻓﺤﺼﺘﻬﺎ ﺍﻟﺪﻛﺘﻮﺭﺓ .. ﻭﺍﻧﻄﺘﻬﺎ ﻣﻐﺬﻱ
ﺷﻜﻠﺘﻪ ﺍﻟﺴﺴﺘﺮ ..
ﺑﻘﻴﻨﻪ ﻧﻨﺘﻈﺮ ﻛﻞ ﺷﻲ ﻣﺎﻛﻮ ﻭﻣﺎﻋﺪﻫﻪ ﺍﻱ ﺍﻋﺮﺍﺽ ﻭﻻﺩﺓ ..
ﺍﺑﺎﻭﻉ ﻟﺒﺎﻗﻲ ﺍﻟﺒﻨﺎﺕ ﺍﻟﻲ ﺟﺎﻱ ﻳﺠﻴﺒﻦ ﻛﻞ ﻭﺣﺪﺓ ﻭﻭﻳﺎﻫﺎ ﺍﻣﻬﺎ .. ﻫﺎﻱ ﺍﻟﻲ ﺗﺒﺠﻲ ﻭﻱ ﺑﻨﺘﻬﺎ ﻭﻫﺎﻱ ﺍﻟﻲ ﻣﺨﻠﻴﺔ ﺭﺍﺳﻬﺎ ﺑﺤﻀﻨﻬﺎ ﻭﻫﺎﻱ ﺍﻟﻲ ﺗﻮﻛﻠﻬﺎ ﻭﻭﻭﻭ
ﻭﺍﺣﻨﺎ ﺑﻼ ﺍﻡ ..
ﺍﻧﻘﻬﺮﺕ ﻛﻠﺶ .. ﺧﺎﺑﺮﺕ ﻋﻤﻪ ﺯﻳﻨﺐ ﺗﺠﻴﻨﻪ
ﻻﻥ ﻣﺎﺍﻛﺪﺭ ﻭﺣﺪﻱ ﻭﻣﺎﺍﻋﺮﻑ ﻟﻬﻴﺞ ﺣﺎﻻﺕ ﻭﻃﻮﻟﻨﻪ ﻛﻠﺶ ﺍﺟﺖ ﻭﻣﺎﻗﺼﺮﺕ ..
ﺑﻌﺪ ﻭﻗﺖ ﺻﺎﺭ ﻋﺪﻫﺎ ﺍﻟﻢ ﻭﻇﻠﺖ ﺗﻠﻮﺏ ﻭﺍﻧﺎ ﻣﺎﺍﻛﺪﺭ ﺣﺘﻰ ﺍﺑﺎﻭﻉ ﺍﻟﻬﺎ ﺍﻧﻘﻬﺮ ﻛﻠﺶ
ﻣﺎﺑﻴﻬﺎ ﺗﺼﺮﺥ ﻭﺗﻮﻭﻥ ..
ﻛﺴﺮﺕ ﮔﻠﺒﻲ ﻭﮔﻠﺐ ﻛﻞ ﺍﻟﻲ ﺷﺎﻓﻮﻫﺎ
ﻇﻠﻦ ﻣﺤﺘﺎﺭﺍﺕ ﺷﻴﺴﻮﻥ ﺍﻟﻬﺎ
ﻭﺣﺪﻩ ﺗﻤﺴﺢ ﻇﻬﺮﻫﺎ ﻭﻭﺣﺪﺓ ﺗﻘﺮﺍ ﻋﻠﻴﻬﺎ ﻭﻭﺣﺪﺓ ﺗﺪﻋﻲ ﺍﻟﻬﺎ
ﻋﺎﻓﻦ ﺑﻨﺎﺗﻬﻦ ﻭﺍﺟﻦ ﻳﻢ ﺭﻗﻴﺔ
ﺣﺘﻰ ﺍﻟﻤﻤﺮﺿﺎﺕ . ﺍﻧﻘﻬﺮﻥ ﻋﻠﻴﻬﺎ ﻭ ﺍﻫﺘﻤﻦ ﺑﻴﻬﺎ ﻣﻦ ﺩﻭﻥ ﺍﻟﻜﻞ ..
ﺩﺧﻠﻮﻫﺎ ﻟﺼﺎﻟﺔ ﺍﻟﻮﻻﺩﺓ ..
ﻭﺩﻣﻮﻋﻲ ﺗﻜﺖ ﻣﻨﺎ ﻭﻣﻨﺎ .. ﻭﻋﻤﻪ ﺯﻳﻨﺐ ﺗﻬﺪﺃ ﺑﻴﻪ
ﺑﻌﺪﻫﺎ ﺳﻤﻌﺖ ﺻﻮﺕ ﺍﻟﻄﻔﻠﺔ ..
ﻓﺮﺣﺖ ﻛﻠﺶ ﺣﻀﻨﺖ ﻋﻤﻪ ﺯﻳﻨﺐ ﻭﺍﺑﺠﻲ
ﺍﺟﺖ ﺑﻌﺪ ﻣﻌﺎﻧﺎﺓ .. ﻭﻣﻨﺎﺿﻞ ﺟﺎﻥ ﻣﺨﺘﺎﺭ ﺍﻟﻬﺎ ﺍﺳﻢ
" ﺭﺣﻤﺔ " ..
ﻃﻠﻌﻮﻫﺎ ﻣﻦ ﺻﺎﻟﺔ ﺍﻟﻮﻻﺩﺓ ﺑﺎﻟﻜﺮﺳﻲ ﺍﻟﻤﺘﺤﺮﻙ
ﻭﻭﻳﺎﻫﺎ ﺍﻟﻄﻔﻠﺔ ..
ﺟﺎﻥ ﻳﻮﻡ ﺣﻠﻮ ﻓﺮﺣﻨﺎ ﺑﺴﻼﻣﺘﻬﺎ ﻭﺍﻟﻤﻮﻟﻮﺩﺓ
ﺍﻟﻲ ﻧﻮﺭﺕ ﻋﺎﺋﻠﺘﻨﻪ .. ﻭﺯﺍﺩ ﻋﺪﺩ ﺍﻓﺮﺍﺩﻫﺎ ..
ﺭﺟﻌﻨﺎ ﻟﻠﺒﻴﺖ .. ﺑﻘﺖ ﻋﺪﻧﺎ ﺭﻗﻴﺔ
ﻧﺪﺍﺭﻳﻬﺎ ﺍﺣﻨﺎ ..
ﺑﻌﺪﻫﺎ ﺍﺟﻪ ﻣﻨﺎﺿﻞ ﺍﺧﺬﻫﺎ ﻭﺍﻣﻪ ﺻﺎﺭﺕ ﺻﺤﺘﻬﺎ ﺍﺣﺴﻦ .
ﺑﻬﺎﻟﻔﺘﺮﺓ ﺑﺪﺃ ﺍﻟﺪﻭﺍﻡ ..
ﮔﻌﺪﺕ ﺍﻟﺼﺒﺢ ﺑﺪﻟﺖ ﻣﻼﺑﺴﻲ
ﺩﺧﻠﺖ ﻋﻠﻴﻪ ﻓﺎﻃﻤﺔ ..
ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ ..
ﺧﺬﺕ ﺍﻳﺪﻱ ﻭﺧﻠﺖ 25 ﺍﻟﻒ ..
ﺑﺎﻭﻋﺖ ﺍﻻﻳﺪﻱ ﻭﺭﻓﻌﺖ ﺭﺍﺳﻲ ﺑﺎﻭﻋﺖ ﺍﻟﻬﺎ ﮔﺘﻠﻬﺎ ﺷﻨﻮ ﻫﺎﻱ؟ !
- ﻫﺎﻱ ﻓﻠﻮﺱ ﺳﻤﻴﺔ ...
- ﺍﻋﺮﻑ ﻓﻠﻮﺱ ﺑﺲ ﺍﻟﻤﻦ ؟
- ﺍﻟﺞ ﺧﺎﻑ ﻃﺒﻌﺎ ..
ﻣﺪﻳﺖ ﺍﻳﺪﻱ ﻭﺑﻴﻬﺎ ﺍﻟﻔﻠﻮﺱ ﺑﺎﺗﺠﺎﻫﻬﺎ
- ﻻ ﺍﺧﺬﻳﻬﻦ ﻣﺎﻣﺤﺘﺎﺟﺔ ﻓﻠﻮﺱ ﺍﻧﻪ ﻋﻨﺪﻱ ﺍﻟﺤﻤﺪﻟﻠﻪ .
- ﺳﻤﻴﺔ ﻻﺗﺨﻠﻴﻦ ﺑﻴﻨﻨﺎ ﺣﻮﺍﺟﺰ ﻭﺍﻧﺎ ﻣﻮ ﻏﺮﻳﺒﺔ ﺍﻋﺘﺒﺮﻳﻨﻲ ﺑﻤﻜﺎﻥ ﺍﺑﻮﺝ ﻫﺴﻪ .
- ﻓﺎﻃﻤﺔ ﺍﻧﺎ ﺍﻋﺮﻑ ﻣﻌﺪﻧﺞ ﻣﺎﻳﺤﺘﺎﺝ ﺗﻨﻄﻴﻨﻲ ﻓﻠﻮﺱ ﻭﺍﻧﻪ ﻋﻨﺪﻱ ﻣﺎﻝ ﺷﻐﻠﻲ ﻭﻱ ﺭﺿﻮﺍﻥ ﻣﺎﺻﺮﻓﺖ ﻣﻨﻬﻦ ﺷﻲ ﻭﺭﺍﺡ ﺍﺣﺎﻭﻝ ﺍﻛﻠﻪ ﻳﺸﻐﻠﻨﻲ ﻫﺎﻟﻔﺘﺮﺓ ﻭﻳﺎ ﻫﻢ .
- ﻣﻮﺗﺠﻴﻦ ﺗﻌﺒﺎﻧﻪ ﺍﻟﻌﺼﺮ ﻣﺎﺭﺍﺡ ﺗﻜﺪﺭﻳﻦ ﺍﻫﺘﻤﻲ ﺑﺪﺭﺍﺳﺘﺞ ﺍﺣﺴﻦ .
- ﺣﺘﻰ ﻟﻮ ﺍﻟﺠﻤﻌﻪ ﻭﺍﻟﺴﺒﺖ ﻻﻥ ﺍﻟﻤﺠﻤﻊ ﻣﺎﻟﺘﻬﻢ ﻳﻔﺘﺢ ﺑﻬﻴﺞ ﺍﻳﺎﻡ .
- ﻣﻴﺨﺎﻟﻒ ﺳﻤﻴﺔ ﺍﺧﺬﻳﻬﻦ ﻭﻻﺗﻀﻮﺟﻴﻨﻲ ﻭﺗﻘﻬﺮﻳﻨﻲ ﻭﺗﺤﺴﺴﻴﻨﻲ ﺑﺎﻧﻪ ﺍﻧﻪ ﻏﺮﻳﺒﺔ ﺧﻨﺼﻴﺮ ﻋﺎﺋﻠﺔ ﻭﺣﺪﺓ ﻭﺑﻬﺎﻟﻀﺮﻭﻑ ﻫﺎﻱ ﻻﺯﻡ ﻧﺘﻜﺎﺗﻒ .
- ﻓﺎﻃﻤﺔ ﺍﻧﺖ ﻋﻨﺪﺝ ﻃﻔﻞ ﺻﻐﻴﺮ ﻭﻣﺤﺘﺎﺝ ﻣﺼﺎﺭﻳﻒ ﺿﻤﻴﻬﻦ ﺍﻟﻪ ﻭﺍﻟﻠﻪ ﻣﺎﻣﺤﺘﺎﺟﺔ .
- ﺍﻧﻪ ﻣﺎﺧﺬﺓ ﺍﻣﻮﻣﻪ ﺑﺮﺍﺗﺐ ﻭﻳﻜﻔﻴﻨﺔ ﺍﻟﺤﻤﺪﻟﻠﻪ .
- ﻣﻴﺨﺎﻟﻒ ﻳﺼﻴﺮ ﻣﺎﻳﺼﻴﺮ ﺍﺳﻢ ﺍﻟﻠﻪ ﻋﻠﻴﻪ ﺣﺒﻴﺒﻲ ﻳﺤﺘﺎﺝ ﻃﺒﻴﺐ ﺍﻱ ﺷﻲ ﻳﻔﻴﺪﻧﺞ .
ﺑﻌﺪ ﺍﺻﺮﺍﺭ ﻣﻨﻬﺎ ﺍﺧﺬﺕ ﺍﻟﻔﻠﻮﺱ ﻭﺧﻠﻴﺘﻬﻦ ﻋﻠﻰ ﺟﻬﻪ .
.
ﺍﺟﻪ ﺍﺑﻮ ﺍﻟﺨﻂ ﻭﺻﻌﺪﺕ ﻭﻳﺎ ..
ﺍﻭﻝ ﻣﺎﻭﺻﻠﺖ ﻟﻠﻜﻠﻴﺔ ﺷﺎﻓﺘﻨﻲ ﺍﻧﺼﺎﻑ
ﺗﺒﺎﻭﻋﻠﻲ ﻣﺤﺘﺎﺭﺓ ﺑﻌﺪﻫﺎ ﺍﺟﺘﻨﻲ
ﻛﺎﻟﺖ ﺍﻟﺒﻘﻴﺔ ﺑﺤﻴﺎﺗﺞ
ﻭ ﺣﻀﻨﺘﻨﻲ ﻭﻇﻠﺖ ﺗﺒﺠﻲ ﻭﺍﻧﻪ ﻫﻢ ﺑﺠﻴﺖ ﺑﺤﺮﮔﺔ
ﻭﺧﺮﺕ ﻣﻨﻲ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ ﺻﺎﺩﻗﺔ
ﺍﻧﺼﺎﻑ : - ﺳﻤﻴﺔ ﻋﺬﺭﻳﻨﻲ ﻣﺎﺧﺎﺑﺮﺕ ﻭﻻ ﺳﺄﻟﺖ ﺑﺲ ﻭﺍﻟﻠﻪ ﻣﺎﺍﺩﺭﻱ ﺷﺠﺎﻧﻲ ﻭﺍﺧﺮ ﻣﺮﺓ ﺳﻤﻌﺘﺞ ﻛﻼﻡ ﻣﻮ ﺣﻠﻮ ﺧﺠﻠﺖ ﻣﻦ ﻧﻔﺴﻲ ﻭﺧﺎﻑ ﺗﻔﺸﻠﻴﻨﻲ .
-: ﻻﻋﺎﺩﻱ ﻣﺎﺻﺎﺭ ﺷﻲ ﻭﺍﺩﺭﻱ ﺑﻴﺞ ﻃﻴﺒﺔ ﻭﮔﻠﺒﺞ ﻋﻠﻰ ﮔﻠﺒﻲ ﻣﻮ ﻣﺎﻝ ﺍﻓﺸﻠﺞ .
-: ﺣﺒﻴﺒﺘﻲ ﻭﺷﻮﻧﻜﻢ ﻫﺴﻪ ﻭﺻﻔﺎ ﺷﻮﻛﺖ ﺗﻄﻠﻊ ﻣﻦ ﺍﻟﻌﺪﺓ .
-: ﻫﻮﺍﻱ ﻭﺗﻄﻠﻊ ﺍﻥ ﺷﺎﺀﺍﻟﻠﻪ ﻫﻢ ﻣﺼﻴﺒﺘﻬﺎ ﻣﺼﻴﺒﺔ ﺷﻨﺴﻮﻱ ﻻﺍﻋﺘﺮﺍﺽ ﻋﻠﻰ ﺣﻜﻤﻪ ﻫﻮ ﺍﺩﺭﻯ ﺑﻌﺒﺎﺩﺓ
ﺟﺎﻱ ﺍﺣﺠﻲ ﻭﻳﺎﻫﺎ ﻭﺍﺷﻮﻑ ﺍﻣﻴﺮ ﻳﺒﺎﻭﻉ ﺍﻟﻨﺎ ﺑﻨﻈﺮﺍﺕ ﻏﺮﻳﺒﺔ ﻭﻣﺜﻞ ﺍﻟﻲ ﺑﮕﻠﺒﻪ ﺣﺴﺮﺓ .
ﻇﻠﻴﺖ ﻣﺘﺴﺎﺋﻠﺔ ﺷﺒﻲ؟
ﺑﺎﻭﻋﺘﻠﻪ ﺍﻧﺼﺎﻑ ﻭﺿﺤﻜﺖ
ﺑﺎﻭﻋﺘﻠﻲ ﻭﺑﻮﺟﻬﻪ ﺍﺑﺘﺴﺎﻣﻪ
ﮔﺎﻟﺖ ﻣﻦ ﺭﺧﺼﺘﺞ ﺳﻤﺴﻢ
ﻭﺭﺍﺣﺖ ﻭﺭﺍﻩ ﺑﺎﻭﻋﺘﻠﻬﻢ ﻇﻠﻮﺍ ﻳﺤﺠﻮﻥ ﻭﻳﻤﺸﻮﻥ ﺍﻟﻰ ﺍﻥ ﺍﺧﺘﻔﻮﺍ ﻣﻦ ﺍﻣﺎﻡ ﺍﻧﻈﺎﺭﻱ ..
ﻇﻠﻴﺖ ﺍﺑﺎﻭﻉ ﻉ ﺍﻟﻄﻼﺏ ﻭﺍﻧﻪ ﻭﺣﻴﺪﺓ
ﻇﻠﻴﺖ ﺍﻓﻜﺮ ﺑﺄﻣﺎﻥ ..
ﻛﻮﻥ ﻫﺴﻪ ﻳﻄﻠﻌﻠﻲ ﻣﻦ ﺑﻴﻨﻬﻢ ﻭﺍﻛﺤﻞ ﻋﻴﻮﻧﻪ ﺑﺸﻮﻓﺘﻪ
ﺑﺲ ﺍﺩﺭﻱ ﺑﺮﻭﺣﻲ ﺍﺫﺍ ﺷﻔﺘﻪ ﻣﺴﺘﺤﻴﻞ ﺍﺿﻌﻒ
ﻣﺪﺍﻡ ﺧﻄﺐ ﻭﻣﺎﺳﺄﻝ ﺑﻌﺪ ﻋﻨﻲ
ﻫﺬﺍ ﻫﻮ ﻭﻫﻢ ﻣﺎﻳﺼﻴﺮ ﺍﺣﺸﺮ ﺭﻭﺣﻲ ﺑﻴﻨﻪ ﻭﺑﻴﻦ ﺧﻄﻴﺒﺘﻪ ﻻﻥ ﻫﺴﻪ ﻫﻮ ﻣﻮ ﻣﻠﻜﻲ ﺑﻌﺪ ﻣﻠﻜﻬﺎ ﻫﻲ
ﻣﻬﻨﺎﻳﺔ ﺑﻲ ﻭﺍﻟﻠﻪ ﺍﺣﺴﺪﻫﺎ .
ﻇﻠﻴﺖ ﺍﻓﻜﺮ ﻫﺴﻪ ﺷﻨﻮ ﻳﺴﻮﻱ ﻭﻳﺎﻫﺎ
ﻫﻢ ﻳﺴﻮﻟﻒ ﻭﻳﺎﻫﺎ ﻣﺜﻞ ﻣﺎﻳﺴﻮﻟﻒ ﻭﻳﺎﻱ ﻭﻳﻀﺤﻜﻬﺎ ﻫﻢ ﻣﻦ ﻳﺨﺘﻠﻲ ﺑﻴﻬﺎ ﻳﺨﻠﻲ ﺭﺍﺳﻬﺎ ﻋﻠﻰ ﺻﺪﺭﻩ
ﺍﻭﻭﻑ ﻫﻨﻴﺎﻟﻬﺎ ﻭﺍﻟﻠﻪ ﻭﺍﻟﻒ ﻫﻨﻴﺎﻟﻬﺎ
ﺑﺲ ﻫﻲ ﻳﻤﻜﻦ ﺗﺤﺒﻪ ﻗﺒﻠﻲ ﻭﺍﻟﻬﺎ ﺣﻖ ﺑﻲ ﺍﻛﺜﺮ ﻣﻨﻲ ﻭﺗﻌﺒﺖ ﻋﻠﻤﺎ ﺣﺼﻠﺘﻪ ﻟﺬﻟﻚ ﺣﻀﺖ ﺑﻲ
ﺍﻟﻚ ﺍﻟﻠﻪ ﻳﮕﻠﺒﻲ ﻭﺍﻟﻠﻪ ﻳﺼﺒﺮ ﺭﻭﺣﻲ .
ﺧﻠﺼﺖ ﺩﻭﺍﻡ ﻭﺭﺟﻌﺖ ﻟﻠﺒﻴﺖ ﻧﺰﻟﺖ ﻣﻦ ﺍﻟﺨﻂ
ﻃﺒﮕﺖ ﺳﻴﺎﺭﺓ ﻋﻤﻲ ﺳﻠﻴﻤﺎﻥ
ﻳﻢ ﺑﺎﺑﻨﻪ ﺍﺳﺘﻐﺮﺑﺖ
ﻳﻤﻪ ﺷﺒﻲ ﻫﺬﺍ .
ﻧﺰﻝ ﻣﻌﺼﺐ
ﮔﺎﻝ ﻭﻳﻦ ﺟﻨﺘﻲ؟
ﺗﺤﺴﺮﺕ ﺑﮕﻠﺒﻲ ﮔﻠﺖ ﺑﺪﺕ ﺍﻟﺘﺪﺧﻼﺕ ﺷﺮﺍﺡ ﻳﮕﻀﻴﻬﺎ
ﻣﺎﺗﺤﺠﻴﻦ ﻭﻳﻦ ﺟﻨﺘﻲ؟
ﮔﺘﻠﻪ ﻭﻛﺎﺗﻤﺔ ﻋﺼﺒﻴﺘﻲ
ﺟﻨﺖ ﺑﺎﻟﺠﺎﻣﻌﻪ ﺑﻌﺪ ﻭﻳﻦ؟
ﻧﺘﺮ ﺑﻴﻪ ﻭﻣﻨﻮ ﮔﻠﺞ ﺗﺮﺣﻴﻦ ﻭﻏﻴﺮ ﺗﺴﺘﺄﺫﻧﻴﻦ ﻣﻨﻲ ﺍﻧﻪ ﻭﻟﻲ ﺍﻣﺮﺝ ﻫﺴﻪ ﻣﺎﺗﻄﻠﻌﻴﻦ ﻣﻦ ﺍﻟﺒﺎﺏ ﺍﺫﺍ ﻣﺎﺗﮕﻠﻴﻠﻲ .
ﺍﺭﻳﺪ ﺍﺣﺠﻲ ﺳﻜﺘﻨﻲ
ﻛﺎﻝ ﺳﻮﻳﻠﻲ ﻃﺮﻳﻖ ﺍﻓﻮﺕ ﻋﻨﺪﻱ ﻣﻮﺿﻮﻉ ﻭﻳﺎﺝ .
ﺗﺄﻓﺄﻓﺖ ﻭﻫﻮ ﻳﺨﻮﺯﺭ ﺑﻴﻪ
ﺩﺧﻠﺖ ﺟﻮﻩ ﺷﻤﺮﺕ ﺍﻟﻜﺘﺐ ﻭﺍﺩﺭﺩﻡ ﻋﻠﻴﻪ
ﻫﺴﻪ ﻫﻮ ﺷﻌﻠﻴﻪ ﻳﺘﺤﻜﻢ ﺑﻴﻪ ﻭﺑﻌﺪﻳﻦ ﺍﻧﻪ ﺷﻨﻮ ﻣﺴﻮﻳﺔ؟
ﻭﺍﻟﻠﻪ ﻳﻌﻠﻢ ﺷﻨﻮ ﻳﺮﻳﺪ .
ﺩﺧﻠﺖ ﻟﻠﻬﻮﻝ ﺷﻔﺘﻬﻢ ﻛﺎﻋﺪﻳﻦ
ﺻﻔﺎ ﻭﺑﺤﻀﻨﻬﺎ ﺍﻟﺼﻐﻴﺮ ﻓﺮﺍﺱ ﺟﺎﻱ ﺗﻨﻄﻲ ﻣﻤﻪ
ﻓﺎﻃﻤﺔ ﻭﺑﻴﺒﻴﺘﻲ ﺟﺎﻱ ﻳﺸﺮﺑﻦ ﺟﺎﻱ .
ﮔﻠﺖ ﺳﻼﻡ ﻋﻠﻴﻜﻢ ..
ﺭﺩﻭﺍ ﻭﻋﻠﻴﻜﻢ ﺍﻟﺴﻼﻡ ..
ﮔﺘﻠﻬﻢ ﻋﻤﻲ ﺳﻠﻴﻤﺎﻥ ﻫﻨﺎ ﺭﺍﺡ ﺍﻃﺒﺒﻪ ﺑﺎﻟﺪﻳﻮﺍﻧﻴﺔ .
ﮔﺎﻣﺖ ﻓﺎﻃﻤﺔ ﻭﺩﺧﻠﺖ ﺟﻮﻩ .
ﺍﺟﺖ ﺑﻴﺒﻴﺘﻲ ﻭﺭﺍﻱ .
ﻃﻠﻌﻨﻪ ﺑﺮﻩ .
ﺑﻮﺳﺘﻪ ﺑﻴﺒﻴﺘﻲ
ﻭﻫﻮ ﺩﺧﻞ ﻟﻠﺪﻳﻮﺍﻧﻴﺔ .
ﻛﻌﺪﻧﻪ ﺗﻼﺛﺘﻨﻪ ﻋﻠﻰ ﺍﻟﻘﻨﻔﺔ
ﺑﻴﺒﻲ . : ﻛﻮﻣﻲ ﺻﺒﻲ ﻟﻌﻤﺞ ﺟﺎﻱ .
ﻛﻤﺖ
ﺻﺎﺡ ﺑﻌﺼﺒﻴﺔ ﻣﺎﺍﺭﻳﺪ ﮔﻌﺪﻳﻴﻲ .
ﻋﺒﺎﻟﻚ ﻃﺎﻟﺒﻨﻲ ﻃﻼﺑﺔ ﺑﺲ ﻳﺼﻴﺢ . .
ﻛﻌﺪﺕ ﻭﺍﺗﺄﻓﺄﻑ ..
ﮔﺎﻝ ﺳﻤﻌﻲ ﺳﻤﻴﺔ ﺟﺎﻱ ﺍﺭﻳﺪ ﺍﮔﻠﺞ ﻋﻠﻤﻮﺩ ﺑﺲ ﺗﺨﻠﺺ ﻋﺪﺓ ﻣﺮﺕ ﺍﺑﻮﺝ ﻭﺍﺧﺘﺞ ﺗﺘﺰﻭﺟﻴﻦ ﺍﻣﻴﺮ .
ﮔﻤﺖ ﻋﻠﻰ ﺣﻴﻠﻲ ﺷﻨﻮﻭ؟ ﻣﺎﺍﺭﻳﺪ ﺍﺗﺰﻭﺝ ﺍﻧﻪ ﻋﻤﻮﻭﻭ .
: ﺍﻧﻪ ﻣﺎﺟﺎﻱ ﺍﺧﺬ ﺭﺃﻳﺞ ﺟﺎﻱ ﺍﻛﻠﺞ ﺑﺲ ﻭﺧﻠﻲ ﻳﻜﻮﻥ ﺑﻌﻠﻤﺞ ﻫﻮ ﻋﻘﺪ ﻭﻫﻮ ﺯﻭﺍﺝ ﺍﺣﻨﺎ ﻋﺪﻧﺎ ﻣﺼﻴﺒﺔ ﻭﻛﻠﺸﻲ ﻣﺎﻧﺴﻮﻱ ﺭﺍﺳﺎ ﻧﺎﺧﺬﻛﻢ ﻟﻠﺒﻴﺖ .
: ﺑﺲ ﺍﻧﻪ ﻣﺎﺍﺭﻳﺪﻩ ﻋﻤﻮ ﻭﺍﻧﺖ ﻣﻮ ﻣﻦ ﺣﻘﻚ ﺗﺠﺒﺮﻧﻲ ﻋﻠﻰ ﺍﻟﺰﻭﺍﺝ ﻣﻦ ﺍﺑﻨﻚ .
: ﻣﺎﺍﺭﻳﺪ ﺍﻋﺘﺮﺍﺽ ﻣﻔﻬﻮﻡ ﻭﻫﺬﺍ ﺍﻻﻣﺮ ﺗﻢ ﻣﻦ ﻳﻤﻲ .
: ﺑﺲ ﻫﻮ ﻳﺮﻳﺪ ﺑﻨﻴﺔ ﻭﻳﺎﻧﻪ ﺑﺎﻟﻜﻠﻴﺔ ﻭﺳﺒﻖ ﻭﺍﻥ ﺗﻘﺪﻡ ﺍﻟﻬﺎﺍ ..
: ﺗﻮﻟﻲ ﺫﻳﺞ ﻣﺎﻛﻮ ﻏﻴﺮﺝ ﺗﺼﻴﺮﻳﻦ ﻣﺮﺗﻪ ﺍﻓﺘﻬﻤﺘﻲ ﻭﻛﺎﻓﻲ ﻟﻐﻮﺓ ﺯﺍﻳﺪﺓ ﻭﺻﻴﺮﻱ ﻋﺎﻗﻠﺔ ﻻﺗﺨﻠﻴﻨﻲ ﺍﺫﻳﺞ .
ﺑﺎﻭﻋﺖ ﻟﺒﻴﺒﻴﺘﻲ ﺑﻴﺒﻲ ﺍﺣﺠﻴﻠﺞ ﻛﻠﻤﺔ ؟
ﺑﻴﺒﻲ : ﻳﻤﻪ ﺳﻠﻴﻤﺎﻥ ...
ﺳﻠﻴﻤﺎﻥ .. ﻳﻤﻪ ﺍﻧﺖ ﻻﺗﺪﺧﻠﻴﻦ ﻭﻳﻠﻠﻪ ﺍﻭﺩﻋﻨﺎﻛﻢ .
ﻭﻃﻠﻊ ..
ﺭﻛﻀﺖ ﻋﻠﻰ ﺑﻴﺒﻴﺘﻲ ﻛﺘﻠﻬﺎ ﺑﻴﺒﻲ ﻫﺬﺍ ﺷﺠﺎﻱ ﻳﺤﺠﻲ ﻫﻮ ﻣﻮ ﺑﻜﻴﻔﻪ ﺗﺮﻩ .
ﻳﺎﺑﻴﺒﻲ ﻣﺎﺑﻴﺪﻱ ﻋﻠﻴﻜﻢ ﺷﻲ ﺍﻧﻪ .
ﺭﺣﺖ ﺭﻛﺾ ﻟﻠﻐﺮﻓﺔ ... ﻣﺤﺘﺎﺭﺓ ﺷﺴﻮﻱ
ﻭﺍﺭﺩﺩ ﻻ ﻣﺎﻳﮕﺪﺭ ﻳﺠﺒﺮﻧﻲ ﻭﺍﻟﻠﻪ ﺍﺣﺮﮒ ﺭﻭﺣﻲ ﻭﺍﻟﻠﻪ
ﺍﺫﺍ ﺟﺒﺮﻧﻲ ﻋﻠﻰ ﻫﺎﻻﻣﻠﺢ ﻫﺬﺍ ﻭﺍﻧﻮﺏ ﺣﺒﻴﺐ ﺻﺪﻳﻘﺘﻲ ﻭﺍﻧﺎ ﻣﺎﺻﺪﮔﺖ ﺭﺟﻌﺖ ﺻﺪﺍﻗﺘﻨﺎ .
ﻳﺎﺭﺑﻲ ﻃﻠﻌﻨﻲ ﻣﻦ ﻫﺎﻟﻤﺄﺯﻕ .. ﺷﺴﻮﻱ ﻳﺎﺭﺑﻲ ﺩﺑﺮﻧﻲ
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق