رواية لم تكن خطيئتنا ج2 الجزء الخامس
.
.
للكاتبة نور ناصر
.
.
ﺳﻤﻴﺔ .. ﮔﻌﺪﺕ ﻋﻠﻰ ﺍﻟﺠﺮﺑﺎﻳﺔ ﻭﺑﻌﺪﻧﻲ ﺑﻬﺪﻭﻡ ﺍﻟﺪﻭﺍﻡ
ﻭﺍﻳﺪﻳﻪ ﻋﻠﻰ ﺧﺪﻭﺩﻱ ﻭﺍﻫﺰ ﻧﻔﺴﻲ ﺑﺘﻮﺗﺮ
ﻭﺍﻓﻜﺎﺭ ﺗﺎﺧﺬﻧﻲ ﻭﺗﺠﻴﺒﻨﻲ ..
ﺩﺧﻠﺖ ﺻﻔﺎ .. ﻭﻟﺞ ﺳﻤﻴﺔ ﺻﺪﮒ ﻫﺬﺍ ﺍﻟﺤﺠﻲ .
ﺻﺪﮒ ﻋﻤﻲ ﻳﺮﻳﺪﺝ ﻷﻣﻴﺮ ﻫﺬﺍ ﺷﻨﻮ ﺍﻟﻲ ﻳﺮﻳﺪ ﻳﻮﺻﻞ ﺍﻟﻪ ﺑﺎﻟﻀﺒﻂ؟
: ﺟﺎﻭﺑﺘﻬﺎ ﻣﺎﺍﺩﺭﻱ ﻣﺎﺍﺩﺭﻱ ﻫﺬﺍ ﻣﻦ ﻫﺴﻪ ﻳﺘﺤﻜﻢ ﺑﻴﻨﺎ
ﺍﻟﻠﻪ ﻳﺮﺣﻤﻚ ﺑﻮﻳﺔ ﺍﻟﻤﻦ ﺧﻠﻴﺘﻨﺎ ﺍﻟﻤﻦ ﺑﺲ ﻟﻠﻲ ﻣﺎﻳﺮﺣﻤﻨﺎ .
ﺗﻘﺮﺑﺖ ﻣﻨﻲ ﺻﻔﺎ ﻭﻇﻠﻴﻨﻪ ﻧﺒﺠﻲ ﺍﺛﻨﻴﻨﻪ
ﻳﻮﻡ ﺛﺎﻧﻲ ﺍﻟﺼﺒﺢ ﺭﺣﺖ ﻟﻠﺪﻭﺍﻡ ﻭﻣﻦ ﺩﺭﺑﻲ ﻟﻘﺴﻢ ﺍﻣﻴﺮ ﺍﺩﻭﺭ ﻋﻠﻴﻪ ..
ﺷﻔﺘﻪ ﻭﺍﻛﻒ ﺍﺑﺤﺪﻩ ﻳﺪﺧﻦ ﺟﻜﺎﻳﺮ ﻧﻈﺮﺍﺗﻪ ﺑﺎﻟﻔﺮﺍﻍ ﻭﺻﺎﻓﻦ
ﺗﺴﻠﻠﺖ ﻋﻠﻰ ﻛﻴﻔﻲ ﻭﺭﺣﺖ ﻳﻤﻪ ﮔﺘﻠﻪ ﺍﻣﻴﺮ ﺷﺠﺎﺍﺍ ﺃﺑﻮﻙ؟
ﻫﻮ ﺍﺭﺗﺒﻚ ﻭﺍﺣﺘﺎﺭ ﺷﻴﺴﻮﻱ ﺷﻤﺮ ﺍﻟﺠﮕﺎﺭﺓ ﺑﺎﻟﮕﺎﻉ ﻭﺳﺤﮓ ﻋﻠﻴﻬﺎ ﮔﺎﻝ ﺍﺑﻮﻱ ﻭﻳﻨﻪ ﺍﺑﻮﻭﻱ؟
ﻫﺰﻳﺖ ﺍﻳﺪﻱ ﻳﺤﻀﻲ ﻳﺨﺎﻑ ﻣﻦ ﺍﺑﻮ ﻻﻳﺸﻮﻓﻪ ﻳﺸﺮﺏ ﺟﻜﺎﻳﺮ ﮔﺘﻠﻪ ﻗﺎﺑﻞ ﺍﺳﺮﺡ ﺑﻲ ﺗﺴﺄﻟﻨﻲ ﻋﻨﻪ .
ﺑﺎﻭﻋﻠﻲ ﻭﻣﻨﺨﺰﺭ ﮔﺎﻝ ﺍﺣﺘﺮﻣﻲ ﻧﻔﺴﺞ ﺷﻨﻮ ﻫﻮ ﺻﺨﻞ ﻭﺍﺳﺮﺣﻴﻦ ﺑﻲ .
ﺣﺠﻴﺖ ﺑﮕﻠﺒﻲ ﺻﺨﻞ ﻭﺳﺘﻴﻦ ﺻﺨﻞ ﻫﻤﻴﻦ
ﺭﺩﻳﺖ ﮔﺘﻠﻪ ...
ﺍﻣﻴﺮ ﺷﻨﻮ ﻫﺎﻱ ﺍﻟﺴﺎﻟﻔﺔ ﺍﻟﻲ ﻃﺎﻟﻌﻠﻨﻪ ﺑﻴﻬﺎ ﺍﺑﻮﻙ؟
ﺍﻧﺎ ﻣﺎﺍﺭﻳﺪﻙ ﻭﺍﻛﺮﻩ ﻣﺎﺍﻛﺮﻫﻚ .
ﺍﻣﻴﺮ .. ﻭﺍﻧﺎ ﻋﻨﺪﻱ ﺍﻟﻤﻮﺕ ﺍﻫﻮﻥ ﻭﻻﺍﺗﺰﻭﺟﺞ .
: ﺍﻱ ﻳﻠﻠﻪ ﻟﻌﺪ ﻣﻮﺕ ﻭﺧﻠﺼﻨﻲ ﻣﻨﻚ .
: ﻋﺴﻰ ﻳﻮﻣﺞ ﮔﺒﻞ ﻳﻮﻣﻲ ﺍﻥ ﺷﺎﺀﺍﻟﻠﻪ
ﺗﻘﺮﺏ ﻣﻨﻲ ﮔﺎﻝ ﻣﻮ ﺗﺴﻤﻊ ﺍﻧﺼﺎﻑ ﺑﻬﺎﻱ ﺍﻟﺴﺎﻟﻔﺔ ﺍﻓﺘﻬﻤﺘﻲ؟
ﻻﺍﻉ ﻣﺎﺗﺴﻤﻊ ﺑﺲ ﺍﻧﺖ ﺷﺮﺍﺡ ﺗﺴﻮﻱ ﺷﻜﻠﻪ ﺍﺑﻮﻙ ﻗﺎﻓﻞ .
ﺷﺴﻮﻱ ﺳﻜﺘﺖ ﻋﻨﻪ ﻭﻣﻌﺘﻜﻒ ﻭﻣﻦ ﻳﺪﺧﻞ ﻟﻠﺒﻴﺖ ﺍﺣﺒﺲ ﺭﻭﺣﻲ ﺑﻐﺮﻓﺘﻲ .
.. ﻟﻚ ﻣﻮ ﻫﻴﺞ ﺳﺎﻳﺴﻪ ﺍﺧﺬﻩ ﺑﺎﻟﺴﻴﺎﺳﻪ
ﺍﻧﺖ ﻣﺎﺳﺎﻣﻊ ﺍﺫﺍ ﺟﺎﻧﺖ ﺣﺎﺟﺘﻚ ﻳﻢ ﺍﻟﭽﻠﺐ ﺳﻤﻲ ﺣﺠﻲ ﺟﻠﺒﺎﻥ ..
.. ﺍﻳﺎ ﺟﻠﺒﻪ ﻳﺎﺑﺖ ﺍﻟﺠﻠﺒﻪ ﺍﻧﺖ ﺷﻨﻮ ﻣﺎﺗﺴﺘﺤﻴﻦ؟
.. ﺷﺒﻴﻚ ﺷﺒﻴﻚ ﻫﻮ ﻣﺜﻞ ﻭﺍﻻﻣﺜﺎﻝ ﺗﻀﺮﺏ ﻭﻻﺗﻘﺎﺱ .
ﻭﻟﺞ ﺳﻜﺘﻲ ﺳﻜﺘﻲ ﻭﻭﻟﻲ ﻣﻨﺎ ﺍﺟﺖ ﺍﻧﺼﺎﻑ " ﺑﻨﺘﺮ ﻭﺧﻮﻑ "
ﺑﺎﻭﻋﺖ ﺷﻔﺖ ﺍﻧﺼﺎﻑ ﺟﺎﻳﻪ ﺻﻮﺑﻨﻪ ﻭﻭﺟﻬﻪ ﻳﺬﺏ ﺍﻟﻮﺍﻥ ﻏﻴﺮﺓ ﻋﻠﻰ ﻋﺼﺒﻴﺔ
ﺍﻧﺼﺎﻑ ﻣﻦ ﻧﻮﻉ ﻏﻴﺮﺗﻬﺎ ﻗﺎﺗﻠﺔ ﻛﻠﺶ ..
ﻭﺻﻠﺖ ﻳﻤﻨﻪ ﻭﺳﻠﻤﺖ .. ﻭﻇﻠﺖ ﺗﺒﺎﻭﻋﻠﻲ ﻭﺗﺒﺎﻭﻋﻠﻪ ﻭﺗﺒﺎﻋﺪ ﺑﻨﻈﺎﺭﺗﻬﺎ ﻋﻨﻲ ﺑﻌﺪﻡ ﺭﺿﺎ ..
ﺗﺮﺧﺼﺖ ﻣﻨﻬﻢ ﻭﻣﺸﻴﺖ ..
ﻫﻲ ﺩﻗﺎﻳﻖ ﻭﺷﻔﺘﻬﺎ ﻳﻢ ﺯﻳﻨﺔ ﻭﺍﻳﺜﺎﺭ
ﻭﻳﺒﺎﻭﻋﻮﻟﻲ ﻭﻳﺤﺠﻮﻥ ..
ﻇﻠﻴﺖ ﺍﺧﻤﻦ .. ﺍﻛﻴﺪ ﺗﻌﺎﺭﻛﺖ ﻭﻳﺎ
ﻭﺭﺍﺣﺖ ﻳﻢ ﺫﻧﻲ ﺗﻔﺮﻍ
ﻭﺗﺤﺶ ﺑﻴﻪ
ﻋﺒﺎﻟﻬﺎ ﺍﻧﺎ ﻣﺨﻠﻴﺔ ﻋﻴﻨﻲ ﻋﻠﻴﻪ
ﻭﻣﺎﺗﺪﺭﻱ ﺍﻟﻴﻤﻬﺎ ﺷﻨﻮﻭﻭ؟
ﺭﻏﻢ ﺗﺪﺭﻱ ﺍﺣﺐ ﺍﻣﺎﻥ ﻭﺣﺎﺟﻴﺘﻠﻬﺎ ﺍﻧﺎ
ﺑﺲ ﻣﺎﻫﺬﻩ ﻋﻠﻴﻪ ﻣﻮ ﺧﻮﺵ ﻧﻈﺮﺓ
ﻋﺒﺎﻟﻬﺎ ﻣﺜﻞ ﺍﻣﻲ ﺍﻧﺎ
ﻳﺎﺭﺑﻲ ﺷﻠﻮﻥ ﺑﻴﻪ ﻛﻠﻬﻢ ﻳﺎﺧﺬﻭﻧﻲ ﺑﺬﻧﺐ ﺍﻣﻲ
ﺷﻨﻮ ﻣﻦ ﺣﻆ ﻋﻠﻴﻪ
.
ﻣﺮﺕ ﺍﻳﺎﻡ ﻋﻤﻲ ﻟﺴﻠﻴﻤﺎﻥ ﻛﻠﻤﺎ ﻳﺸﻮﻓﻨﻲ
ﻳﺤﺎﺟﻴﻨﻲ ﺑﻨﻔﺲ ﺍﻟﻤﻮﺿﻮﻉ
ﻭﻫﻢ ﺍﺭﻓﺾ ﻭﺍﻻﺳﻨﻪ ﻭﺍﺣﺼﻠﻲ ﺭﺯﺍﻟﺔ ..
ﻭﺳﻜﺖ ﻓﺘﺮﺓ ..
ﻣﺮﺓ ﺭﺟﻌﺖ ﻟﻠﺒﻴﺖ .. ﺳﻠﻤﺖ ﻋﻠﻴﻬﻢ ﻭﮔﻌﺪﺕ ﻳﻤﻬﻢ
ﮔﺎﻟﺖ ﺑﻴﺒﻴﺘﻲ : ﺳﻤﻴﺔ ﺑﺎﺟﺮ ﻻﺗﺮﻭﺣﻴﻦ ﻟﻠﺠﺎﻣﻌﻪ
ﺳﺄﻟﺘﻬﺎ ﻟﻴﺶ ﺑﻴﺒﻲ
ﺑﻴﺒﻲ : ﺑﺎﺟﺮ ﻧﺮﻭﺡ ﻧﺴﻮﻱ ﻭﻛﺎﻟﺔ ﻟﻌﻤﺞ ﺳﻠﻴﻤﺎﻥ ﻋﻠﻤﻮﺩ ﺍﻟﺒﻴﺖ ..
: ﺷﺒﻲ ﺍﻟﺒﻴﺖ؟
: ﻳﺮﺩﻭﻥ ﻳﺒﻴﻌﻮﻧﻪ ..
: ﺷﺴﺎﻟﻔﺔ ﻳﺒﻴﻌﻮﻧﻪ ﻫﺬﺍ ﻋﻤﻲ ﺻﺪﻙ ﻣﺎﻳﺴﺘﺤﻲ ﺷﻜﺪ ﺣﻘﻴﺮ ﻣﺎﻳﻜﻮﻝ ﺍﺣﻨﺎ ﻛﺎﻋﺪﻳﻦ ﺑﻲ ﻭﻳﻦ ﻧﺮﻭﺡ .
ﻓﺎﻃﻤﺔ : ﺳﻤﻴﺔ ﺍﻟﻨﺎﺱ ﺗﺮﻳﺪ ﺣﻘﻬﺎ ﻫﺴﻪ ﻣﺤﺪ ﻳﻔﻜﺮ ﻏﻴﺮ ﺑﺲ ﺑﻤﺼﻠﺤﺘﻪ ﻭﺍﺣﻨﺎ ﻫﻢ ﻧﺎﺧﺬ ﺣﺼﺼﻨﻪ ﻭﺍﺧﺬﻛﻢ ﻧﺮﻭﺡ ﻧﺄﺟﺮ ﺍﻭ ﻧﺸﺘﺮﻱ ﻳﻢ ﺍﻫﻠﻲ ﺣﺘﻰ ﻧﺼﻴﺮ ﻗﺮﻳﺒﻴﻦ ﻋﻠﻰ ﺭﻗﻴﺔ ﺧﻄﻴﺔ ﻫﻢ ﻣﺤﺘﺎﺟﺘﻨﻪ ﻳﻤﻬﺎ ﻻﺗﺨﺎﻓﻴﻦ ﺍﻧﻪ ﻣﺎﺍﺗﺨﻠﻰ ﻋﻨﻜﻢ .
ﺑﻴﺒﻲ .. ﻭﺍﻧﻪ ﻫﻢ ﺣﺼﺘﻲ ﺍﻟﻜﻢ ﻭﺍﺑﻘﻰ ﻭﻳﺎﻛﻢ ﻣﺎﺍﺗﺨﻠﻰ ﻋﻨﻜﻢ .
ﺻﻔﺎ .. ﺧﻠﻲ ﻳﺒﻴﻌﻪ ﻋﻤﻲ ﻭﻳﺎﺧﺬ ﺣﺼﺘﻪ ﻭﻧﻔﺘﻚ ﺑﻠﻜﻲ ﻳﻔﻚ ﻳﺎﺧﻪ ﻣﻨﻪ ..
ﺳﻤﻴﺔ .. ﻣﺎﺍﺩﺭﻱ ﺑﻜﻴﻔﻜﻢ .. ﻋﻮﺩ ﺍﺭﻭﺡ ﻭﻳﺎﻛﻢ ﺍﻣﺮﻱ ﻻﻟﻠﻪ ﻭﺍﻟﻠﻪ ﻭﻛﺖ ﺻﺎﺭ ﻫﺬﺍ ﻭﺫﺍﻙ ﻳﺘﺤﻜﻢ ﺑﻴﻨﻪ .
ﺍﻧﻪ ﻃﺎﺑﻪ ﺟﻮﻩ ﻣﻦ ﺭﺧﺼﺘﻜﻢ .
ﺩﺧﻠﺖ ﻟﻠﻤﻤﺮ ﺻﻮﺕ
ﺻﻔﺎ ﻭﺭﺍﻱ .. ﻣﺎﺗﺮﺩﻳﻦ ﻏﺪﻩ؟
ﻛﺘﻠﻬﺎ ﺑﺼﻮﺕ ﻋﺎﻟﻲ ﺍﻧﺴﺪﺕ ﻧﻔﺴﻴﻴﻴﻲ .
ﻃﺒﻴﺖ ﻟﻠﻐﺮﻓﺔ ﺍﺑﺪﻝ ﻭﺍﺷﻤﺮ ﻳﺮﺑﻲ ﻣﺎﺍﺭﻳﺪ ﻋﻤﻲ ﻳﺘﺤﻜﻢ ﺑﻴﻨﻪ .
ﻳﻮﻡ ﺛﺎﻧﻲ ﻣﺎﺩﺍﻭﻣﺖ ﻛﻌﺪﺕ ﺷﻔﺘﻬﻢ ﻛﺎﻋﺪﻳﻦ ﻛﺒﻠﻲ
ﻛﺘﻠﻬﻦ ﻟﻌﺪ ﺍﻧﺘﻦ ﻣﻮ ﻻﺯﻣﺎﺕ ﻋﺪﺓ؟
ﺻﻔﺎ .. ﻋﻤﻲ ﺳﻠﻴﻤﺎﻥ ﻳﻜﻮﻝ ﻳﺼﻴﺮ ﺍﻟﻤﺮﺓ ﺑﺎﻟﻌﺪﺓ ﺗﻄﻠﻊ ﻟﻠﻀﺮﻭﺭﺓ ﻫﻮ ﺳﺎﺋﻞ ﺷﻴﺦ ..
.. ﺍﻱ ﻃﺒﻌﺎ ﻫﺎﻱ ﺑﻴﻬﺎ ﻣﺼﻠﺤﺘﻪ ﺷﻮﻥ ﻣﺎﻳﺮﻭﺡ ﻭﻳﺴﺄﻝ
ﺑﺪﻟﺖ ﻭﺭﺣﺖ ﻭﻳﺎﻫﻢ ﺳﻮﻳﻨﻪ ﻭﻛﺎﻟﺔ ﻟﻌﻤﻲ ﺳﻠﻴﻤﺎﻥ ..
ﻭﺭﺟﻌﻨﻪ ﻟﻠﺒﻴﺖ ﺗﻐﺪﻳﻨﺎ ﻭﻧﻤﻨﻪ ﺷﻮﻳﻪ
ﻛﻌﺪﻧﻪ ﺍﻟﻌﺼﺮ ﺟﺎﻱ ﻧﺸﺮﺏ ﺟﺎﻱ ﺑﺎﻟﻤﻄﺒﺦ ..
ﺳﻤﻌﻨﻪ ﺍﻟﺒﺎﺏ ﺍﻧﺪﮒ
ﻛﻠﻬﻢ ﺑﺎﻭﻋﻮﻟﻲ ﻭﺍﺩﺭﻱ ﺑﻴﻬﻢ ﻳﺮﺩﻭﻧﻲ ﺍﻓﺘﺤﻬﺎ ..
ﮔﺘﻠﻬﻢ ﺍﻱ ﺍﻧﻪ ﺻﺎﻳﺮﺓ ﺍﻟﺒﻮﺍﺏ ﻣﺎﻟﺘﻜﻢ
ﻛﻠﻪ ﺍﻧﻪ ﺍﻓﺘﺢ ..
ﺻﻔﺎ .. ﺷﻨﺴﻮﻱ ﺍﺣﻨﻪ ﻫﻨﺎ ﺟﻤﻌﻴﺔ ﺍﻻﺭﺍﻣﻞ ﺑﺲ ﺍﻧﺖ ﻣﺨﺘﻠﻔﺔ ﻋﻨﻪ ..
ﺳﻤﻴﺔ .. ﺑﺎﻭﻋﺖ ﻟﻔﺮﺍﺱ ﻣﺨﻠﻴﺘﻪ ﻓﺎﻃﻤﺔ ﺑﺎﻟﻜﺮﺳﻲ ﺍﻟﻤﺤﻤﻮﻝ ﻣﺎﻟﺘﻪ ﺩﻧﮕﺖ ﻋﻠﻴﻪ ﺑﺎﻭﻋﺘﻠﻪ ﻋﻴﻮﻧﻪ ﻛﻠﻤﺎ ﻳﻜﺒﺮ ﺗﺒﻴﻦ ﻟﻮﻧﻬﻢ ﺍﺣﻠﻰ ﻭﺍﻓﺘﺢ .. ﺗﺬﻛﺮﺕ ﺍﺑﻮﻱ ﻭﻟﻮﻥ ﻋﻴﻮﻧﻪ ﺗﺮﺣﻤﺖ ﺍﻟﻪ ﺑﻘﻠﺒﻲ
ﺩﻧﮕﺖ ﻋﻠﻰ ﻓﺮﺍﺱ ﺑﻮﺳﺘﻪ ﻣﻦ ﮔﺼﺘﻪ
ﮔﺘﻠﻪ ﻭﻟﻚ ﺍﻧﺖ ﺷﻮﻛﺖ ﺗﻜﺒﺮ ﻭﺗﻔﺘﺢ ﺍﻟﺒﺎﺏ ﻋﻨﻲ
ﺿﺤﻚ ﻭﺑﻮﺳﺘﻪ
ﻭﮔﻤﺖ ﻣﻦ ﻣﻜﺎﻧﻲ
ﺳﻠﺘﺘﻠﻲ ﺷﺎﻝ ﻭﺧﻠﻴﺘﻪ ﻋﻠﻰ ﺭﺍﺳﻲ ..
ﻃﻠﻌﺖ ﻣﻦ ﺍﻟﻤﻄﺒﺦ ﻭﻋﺒﺮﺕ ﺍﻟﺤﺪﻳﻘﺔ ﻭﺻﻠﺖ ﻟﻠﺒﺎﺏ
ﻓﺘﺤﺘﻬﺎ ﻭﺍﻧﺼﺪﻡ ﺑﻲ ﻣﻨﺘﺠﻲ ﻋﻠﻰ ﺑﻨﻴﺪ ﺳﻴﺎﺭﺗﻪ
ﻳﻔﺮ ﺑﺎﻟﺴﻮﻳﺞ ..
ﻻﺑﺲ ﺗﻴﺸﻴﺮﺕ ﺭﺻﺎﺻﻲ ﻧﺺ ﺭﺩﻥ
ﻭﺑﻨﻄﺮﻭﻥ ﺍﺳﻮﺩ ..
ﺗﻤﻨﻴﺖ ﺑﻠﺤﻈﺔ ﺟﻨﻮﻥ .
ﺃﺭﻛﺾ ﺍﻟﻪ ﻭﺃﺣﻀﻨﻪ ..
ﻭﺑﻘﻮﺓ ﺍﻟﺤﻀﻦ ﺃﻧﺴﻰ ﻛﻞ ﺷﻲ ..
ﺃﻧﺴﻰ ﺃﻫﻠﻲ ﻭﺃﻫﻠﻪ ..
ﺃﻧﺴﻰ ﺍﻟﻨﺎﺱ ﺍﻟﻤﺤﻴﻄﻴﻦ ﺑﻴﻨﺎ ﻭﺍﻟﻤﺠﺘﻤﻊ ﻭﺍﺧﻠﻴﻬﻢ ﺷﻤﺎﻳﺤﺠﻮﻥ ﺧﻞ ﻳﺤﺠﻮﻥ .
ﺍﺣﻂ ﺍﻳﺪﻳﻪ ﺣﻮﻝ ﺭﻗﺒﺘﻪ ﻭﺃﺑﺎﻭﻉ ﺑﻌﻴﻮﻧﻪ ﺑﺪﻟﻊ ..
ﻫﺎﻱ ﺍﻟﻌﻴﻮﻥ ﺍﻟﻲ ﻧﺨﻠﻘﺖ ﻋﻠﻤﻮﺩﻱ ﺣﺘﻰ ﺍﺑﺎﻭﻉ ﺑﻴﻬﻦ ﻭﻣﺎﺍﺷﺒﻊ
.
ﻣﺜﻞ ﻣﺎﺧﻠﻘﻪ ﻛﻠﻪ ﻟﺤﺘﻰ ﻳﻜﻮﻥ ﻭﻃﻨﻲ ..
ﺍﺑﺪﻱ ﺑﻬﺎﻟﻠﺤﻈﺔ ﻋﻴﻮﻧﻪ ﻫﻲ ﺍﻟﻲ ﺗﺤﺠﻲ ﻭﻛﻞ ﻫﺎﻟﻜﻮﻥ ﻳﺴﻜﺖ ..
ﺍﺳﻤﻊ ﻏﺰﻟﻪ ﻭﺍﺧﺠﻞ .. ﻳﻠﺰﻣﻨﻲ ﻣﻦ ﺧﺪﻭﺩﻱ ﻭﺍﺳﻤﻊ ﻛﻠﻤﺔ ﺍﻻﺣﺒﺞ ﻣﺮﺓ ﺛﺎﻧﻴﺔ .. ﻫﻢ ﺍﺳﻤﻌﻬﺎ ﻣﺮﺓ ﺛﺎﻧﻴﺔ ﻳﺮﺍﺩ ﺍﻟﻬﺎ ﺑﺨﺖ ﻭﺣﻆ ﻣﻮ ﻣﺜﻞ ﺣﻈﻲ،ﺍﻟﻤﻄﻴﻦ
ﻳﺮﺑﻲ ﻣﻮ ﺻﻌﺒﺔ ﻋﻠﻴﻚ ..
ﻫﻲ ﻟﺤﻈﺎﺕ ﻭﺻﺤﻴﺖ ﻣﻦ ﺍﺣﻼﻣﻲ ﻭﺷﻔﺘﻪ ﻭﺍﻛﻒ ﻳﻤﻲ
ﻭﺍﻧﻪ ﻻﺯﻣﻪ ﺻﻔﺤﺔ ﺍﻟﺒﺎﺏ ﻭﺍﺑﺎﻭﻉ ﺍﻟﻪ ﻭﻧﺎﺳﻴﺔ ﻛﻞ ﺷﻲ
ﻧﻈﺮﺍﺕ ﻋﻴﻮﻧﻪ ﺗﺤﺠﻲ ﺷﻮﮒ ﻭﻟﻬﻔﻪ ﻭﺷﻐﻒ
ﺍﺧﺬﺗﻨﻲ ﻋﻴﻮﻧﻲ ﻻﺻﺒﻌﻪ ﺍﻓﺘﺶ ﻋﻦ ﺍﻟﺤﻠﻘﺔ
ﻣﺎﻛﻮ ﻣﺎﻟﮕﻴﺘﻬﺎ ..
ﻇﻠﻴﺖ ﺍﺳﺄﻝ ﺑﻘﻠﺒﻲ
ﻫﺎﺍ ﻣﺎﻳﻌﺠﺒﻚ ﺗﻠﺒﺲ ﺣﻠﻘﺘﻬﺎ
ﻭﺑﺪﻭﻥ ﻣﺎﻳﺴﻠﻢ ﮔﺎﻝ .. ﻭﺑﻨﺒﺮﺓ ﻫﺎﺩﺋﺔ ﺻﻴﺤﻴﻠﻲ ﺑﻴﺒﻴﺘﻲ
ﻳﻤﻜﻦ ﻳﺪﺭﻱ ﺑﻴﻪ ﺍﺫﺍ ﺳﻠﻢ ﻣﺎﺭﺍﺡ ﺍﺭﺩ ﻋﻠﻴﻪ ..
ﻫﺰﻳﺖ ﺭﺍﺳﻲ ﺑﻘﺒﻮﻝ ..
ﻭﺩﺧﻠﺖ ﺑﺪﻭﻥ ﻣﺎﺍﺳﺪ ﺍﻟﺒﺎﺏ .
ﺭﺣﺖ ﺍﺟﺮ ﺑﺨﻄﻮﺍﺗﻲ
ﺍﺭﻳﺪ ﺑﺲ ﺍﺑﻘﻰ ﻳﻤﻪ ﻭﺍﺷﺒﻊ ﻣﻨﻪ ﺷﻮﻑ
ﺻﺤﺖ ﻟﺒﻴﺒﻴﺘﻲ ﻛﻮﻩ ﺗﻜﻮﻡ ﺑﺲ ﻛﺘﻠﻬﺎ ﺍﻣﺎﻥ ﻳﺼﻴﺤﻠﺞ
ﻃﻠﻌﺖ ﺑﺮﺓ ...
ﻭﺍﻧﻪ ﺑﻘﻴﺖ ﺍﺑﺎﻭﻉ ﻣﻦ ﺷﺒﺎﻙ ﺍﻟﺪﻳﻮﺍﻧﻴﻪ
ﻉ ﺍﻟﺤﺪﻳﻘﺔ
ﺷﻔﺘﻬﺎ ﺗﺘﻮﺳﻞ ﺑﻲ ﻳﺪﺧﻞ
ﻭﺩﺧﻞ ﻭﻛﻒ ﺑﺎﻟﺤﺪﻳﻘﺔ
ﻇﻞ ﻳﺤﺠﻲ ﻭﻳﺎﻫﺎ
ﻭﺍﻧﻄﺎﻫﺎ ﺑﻴﺪﻫﺎ ﺷﻲ
ﺣﺠﻪ ﻭﻳﺎﻫﺎ ﻭﺑﺎﻭﻉ ﻋﻠﻰ ﺍﻟﺸﺒﺎﻙ ﺍﻟﻲ ﻭﺍﻛﻔﺔ ﻳﻤﻪ ﺍﻧﺎ
ﻭﺩﻋﻬﺎ ﺩﻧﮓ ﺑﻮﺳﻬﺎ ﻋﻠﻰ ﺭﺍﺳﻬﺎ ﻭ ﺭﺍﺡ
ﺍﺣﺲ ﺭﻭﺣﻲ ﻃﻠﻌﺖ ﻣﻦ ﺭﺍﺡ ..
ﻣﻮﻳﺪﺭﻱ ﺑﻴﻪ ﺍﺣﺒﻪ ﻟﻴﺶ ﻳﺮﻭﺡ ..
ﺑﻬﺎﻟﻠﻴﻮﻡ ﺍﺣﺲ ﺭﻭﺣﻲ ﺗﺨﺮﺑﻄﺖ ﻛﻠﺶ
ﻳﺎﺭﺑﻲ ﺍﻟﻨﺎ ﺍﺷﻬﺮ ﻭﺍﺣﻨﺎ ﻣﻨﻔﺼﻠﻴﻦ
ﻟﻴﺶ ﻣﻮ ﮔﺎﺩﺭﺓ ﺍﻧﺴﺎﻩ ﺍﺑﺪ ..
"" ﻭ ﻛﺄﻧﻚ ﻣﺴﺤﺖ ﻋﻠﻰ ﻗﻠﺒﻲ ﺑﻴﺪﻙ
ﻭ ﻗﻠﺖ ﺑﺴﻢ ﺍﻟﻠﻪ ﺍﺭﻗﻴﻚ
ﻭﻻ ﺍﺣﺪ ﻏﻴﺮﻱ ﻳﺴﻜﻨﻚ ﻭ ﻳﺤﺘﻮﻳﻚ
ﻭﻛﺄﻥ ﻛﻞ ﺷﻌﻮﺏ ﺍﻷﺭﺽ ﺭﺩﺩﺕ ﺁﻣﻴﻦ ""
ﺑﻘﻴﺖ ﻭﺍﻛﻔﻪ ﺑﻤﻜﺎﻧﻲ .. ﻭﺍﺑﺠﻲ ﻋﻠﻰ ﺣﻈﻲ
ﺷﻴﺼﻴﺮ ﻟﻮ ﺑﺲ ﻫﻮ ﺍﻟﻲ ﻭﻣﺎﺍﺭﻳﺪ ﺑﻌﺪ ﺍﻱ ﺍﻣﻨﻴﺔ ﺗﺘﺤﻘﻖ .
ﺩﺧﻠﺖ ﺻﻔﺎ .. ﺻﺎﺣﺖ ﺳﻤﻴﺔ ﺳﻤﻴﺔ ..
ﻣﺴﺤﺖ ﺩﻣﻮﻋﻲ .. ﺑﺪﻭﻥ ﻣﺎﻟﻠﺘﻔﺖ ﺍﻟﻬﺎ ..
ﻭﺣﺠﻴﺖ ﻫﺎﺍ ﺻﻔﺎ ﺍﺳﻤﻌﺞ ..
ﺍﺟﺖ ﻳﻤﻲ
: ﻫﺎ ﺟﺎﻱ ﺗﻄﻠﻴﻦ ﻋﻠﻴﻪ ﻣﻨﺎ؟
ﺩﻧﮕﺖ ﻭﺳﻜﺘﺖ ﻭﺩﻣﻮﻋﻲ ﺗﻄﻴﺢ ﻉ ﺍﻟﮕﺎﻉ ..
ﮔﺎﻟﺖ ﻳﻮﻭﻟﻲ ﺍﻟﻠﻪ ﻳﺮﺯﻗﺞ ﺍﺣﺴﻦ ﻣﻨﻪ
ﺟﺎﻭﺑﺘﻬﺎ ﻭﺍﻻﺣﺴﻦ ﻣﻨﻪ ﻣﻨﻮﻭ ﺍﻣﻴﺮ ﻣﻮﻭ؟
: ﻻ ﻭﻟﺞ ﻣﻮ ﺍﻣﻴﺮ ﺍﻥ ﺷﺎﺀﺍﻟﻠﻪ ﻣﻮ ﻫﻮ .
: ﺳﻜﺘﻲ ﺻﻔﺎ ﻣﺎﺍﺭﻳﺪ ﺍﻻﺣﺴﻦ ﻣﻨﻪ ﺍﻧﺎ ..
ﻭﻣﺸﻴﺖ ﺑﺴﺮﻋﻪ ﻭﻃﻠﻌﺖ ﻣﻦ ﺍﻟﺪﻳﻮﺍﻧﻴﺔ
ﺭﺣﺖ ﻟﻠﻐﺮﻓﺔ ﺍﺟﺖ ﻭﺭﺍﻱ
ﮔﻌﺪﺕ ﻋﻠﻰ ﺍﻟﺴﺮﻳﺮ ..
ﺍﺟﺖ ﻛﻌﺪﺕ ﻳﻤﻲ
ﻛﺎﻟﺖ : ﺑﺲ ﻫﻮ ﺧﺎﻃﺐ ﻫﺴﻪ ﺷﻴﻠﻲ ﻣﻦ ﺑﺎﻟﺞ
: ﻭﺍﻟﻠﻪ ﻟﻮ ﻳﻨﺸﺎﻝ ﺟﺎﻥ ﺷﻠﺘﻪ ﺑﺲ ﻣﺎﺑﻴﺪﻱ ﻋﻠﻰ ﺭﻭﺣﻲ ﺷﻲ ﻭﻫﻢ ﺍﺩﺭﻱ ﺑﻲ ﻣﺎ ﺭﺍﻏﺐ ﺍﻟﻬﺎ ﻭﻟﺞ ﺣﺘﻰ ﺣﻠﻘﺘﻬﺎ ﻣﺎﻳﻠﺒﺴﻬﺎ ..
: ﺳﻤﻴﺔ ﻫﻴﺞ ﺭﺍﺡ ﺍﺗﻌﺒﻴﻦ ﻻﺗﻌﻴﺸﻴﻦ ﻧﻔﺴﺞ ﺑﺎﻻﻭﻫﺎﻡ
ﻭﺗﻮﻗﻌﻲ ﻋﻤﻲ ﺑﺎﻱ ﻟﺤﻈﺔ ﺷﻴﺴﻮﻱ ﺍﻗﺘﻨﻌﻲ ﺑﺎﻧﻪ ﺍﻣﺎﻥ ﺧﺎﻃﺐ ﻭﺭﺍﺡ ﻳﺘﺰﻭﺝ ﻭﺍﻧﺴﻲ ..
: ﺍﻱ ﻛﻠﻴﻠﻲ ﻫﻴﺞ ﺑﺲ ﻻﺗﻜﻠﻴﻠﻲ ﺍﻟﻠﻪ ﻳﻌﻮﺿﻨﻲ
ﻣﻦ ﻳﻮﻡ ﺍﻟﺤﺒﻴﺘﻪ ﻭﺍﻧﻪ ﺍﺷﻮﻓﻪ ﺑﺲ ﻫﻮ ﺭﺟﺎﻝ ﻋﻠﻰ ﻭﺟﻪ ﺍﻟﺪﻧﻴﺎ ﺑﻌﺪ ﻫﻴﻬﺎﺕ ﺍﻗﺒﻞ ﺍﻭ ﺍﺣﺐ ﺑﻐﻴﺮﻩ ﺍﺑﺪ ﺍﻋﺮﻓﻪ ﻗﻠﺒﻲ ﻋﻨﻴﺪ .
.
ﺩﺧﻠﺖ ﺑﻴﺒﻴﺘﻲ ﻭﺑﻴﺪﻫﺎ ﻓﻠﻮﺱ
ﮔﺎﻟﺖ ﻫﺎﺟﻦ ﻫﺎﻱ ﻣﻦ ﺍﻣﺎﻥ ﻳﻜﻮﻝ ﻣﺼﺮﻑ ﺍﻟﻜﻢ
ﺑﺎﺟﺮ ﺭﺍﺡ ﻳﺴﺎﻓﺮ ﺧﻄﻴﺔ ﻭﻳﻤﻜﻦ ﻳﻄﻮﻝ ﻳﻠﻠﻪ ﻳﺠﻲ .
ﺳﻤﻴﺔ .. ﺑﻴﺒﻲ ﻟﻴﺶ ﺧﺬﻳﺘﻲ ﺷﻨﻮ ﺍﺣﻨﺎ ﻧﺠﺪﻱ ؟
ﺑﻴﺒﻲ : ﻭﻟﻴﺶ ﺗﺠﺪﻳﻦ ﻗﺎﺑﻞ ﻫﻮ ﻏﺮﻳﺐ ﻭﻫﻨﻮﺏ ﻳﺪﺭﻱ ﻣﺎﻋﺪﻛﻢ ﻣﻌﺎﺵ ﺣﺐ ﻳﺴﺎﻋﺪ ﺑﻌﺪ ﻋﻴﻨﻲ .
ﺳﻤﻴﺔ .. ﺣﺠﻴﺖ ﺑﮕﻠﺒﻲ ﻭﺑﻌﺪ ﻋﻴﻨﻲ ﺍﻧﻪ ﻫﻤﻴﻦ .
ﺩﺧﻠﺖ ﻓﺎﻃﻤﺔ .. ﻟﻴﺶ ﻋﻤﻪ ﻣﺎﻋﺪﻫﻢ ﻟﻌﺪ ﻭ ﺭﺍﺗﺒﻲ ﺍﻧﻪ ﻣﺴﺆﺅﻟﺔ ﻋﻨﻬﻢ ﻭﺍﺻﺮﻑ ﻋﻠﻴﻬﻢ ﺧﻮﺍﺕ ﺍﺑﻨﻲ ﺧﻮ ﻣﺎﺍﻗﺼﺮ ﻋﻠﻴﻬﻦ .
ﺑﻴﺒﻲ .. ﻳﻤﻪ ﺍﻟﻜﻞ ﻣﺎﻣﻘﺼﺮ ﻭﺍﻟﻠﻪ ﺳﻠﻴﻤﺎﻥ ﻭﺍﺷﻮﺍﻕ ﻭﺣﺘﻰ ﺍﺳﻼﻡ ..
ﺳﻤﻴﺔ .. ﺍﺷﻮﺍﻕ ﻫﺎﻱ ﺑﺎﻟﺬﺍﺕ ﻣﺎﺗﺎﺧﺬﻳﻦ ﻣﻨﻬﺎ ﻭﻻﻓﻠﺲ ﺍﺣﻤﺮ .
ﺑﻴﺒﻲ .. ﻟﻴﺶ ﻳﻤﻪ ﻋﻴﺐ ﻋﻤﺘﺞ ﻫﺎﻱ .
: ﺣﺘﻰ ﻻﺑﻌﺪﻳﻦ ﺗﻌﻴﺮﻧﻪ ﻭﺍﺣﻨﻪ ﻫﻢ ﻣﺎﺍﺭﻳﺪ ﺍﺣﺪ ﻳﺘﺼﺪﻕ ﻋﻠﻴﻨﻪ .
: ﻭﻟﺞ ﻋﻤﺘﺞ ﻫﺎﻱ ﻣﺎﺟﺎﻱ ﺗﺘﺼﺪﻕ ﻭﻻ ﺷﻲ ..
ﺻﻔﺎ .. ﻋﻔﺖ ﺑﻴﺒﺘﻲ ﻭﺳﻤﻴﺔ ﻳﺘﺠﺎﺩﻟﻮﻥ ﻭﺭﺣﺖ ﻟﻠﻤﻄﺒﺦ ﺍﻛﻤﻞ ﺗﺤﻀﻴﺮﺍﺕ ﺍﻟﻌﺸﻪ ﺭﺍﺡ ﻳﺠﻮﻥ ﺭﻗﻴﺔ ﻭﻋﻤﺘﻬﺎ
ﺭﻥ ﺗﻠﻴﻔﻮﻧﻲ ﺭﻓﻌﺘﻪ ﺷﻔﺘﻬﺎ ﺍﺧﺖ ﻓﺮﺍﺱ ﺍﻟﻜﺒﻴﺮﺓ
ﻗﻠﺒﻲ ﻭﺟﻌﻨﻲ ﻛﻠﺶ ﻛﻞ ﺷﻲ ﻳﺨﺼﻪ ﻳﻘﻬﺮﻧﻲ
ﻣﻮ ﻋﺒﺎﻟﻚ ﻋﺸﺖ ﻭﻳﺎ 3 ﺃﺷﻬﺮ ﻻ ﻭﺍﻧﻤﺎ ﻋﻤﺮ .
ﺟﺎﻭﺑﺘﻬﺎ ﺳﻠﻤﺖ ﻭﻇﻠﺖ ﺗﺴﺄﻝ ﻋﻨﻲ
ﺑﻌﺪﻫﺎ ﮔﺎﻟﺖ ﺍﺷﻮ ﻣﺎﺳﺄﻟﺘﻲ ﺑﻌﺪ ﻋﻦ ﺍﻏﺮﺍﺿﺞ ﺑﺎﻟﻐﺮﻓﺔ ﺑﻘﺖ .
.. ﻭﺍﻟﻠﻪ ﻋﻤﺮﻱ ﺍﺻﻼ ﻧﺎﺳﻴﺘﻬﻢ .
.. ﺍﻥ ﺷﺎﺀﺍﻟﻠﻪ ﺍﺣﻨﺎ ﻧﺠﻴﺒﻬﻦ ﺍﻟﺞ ﻭﺍﻟﻐﺮﻓﺔ ﺍﻻﺧﺸﺎﺏ ﺍﺑﻮﻱ ﻛﺎﻝ ﺍﺫﺍ ﻣﺎﺗﺮﺩﻳﻬﻪ ﻧﺴﻮﻳﻬﻪ ﻓﻠﻮﺱ ﻭﻧﻨﻄﻴﺞ ﺍﻳﺎﻫﺎ .
.. ﻻ ﻳﻤﻌﻮﺩﺓ ﻳﺎﻓﻠﻮﺱ ﻛﻞ ﺷﻲ ﻣﺎﺍﺭﻳﺪ ﻭﺩﺍﻋﺘﺞ ﺍﻟﺪﻧﻴﺎ ﻛﻠﻬﺎ ﻃﺎﻟﻌﻪ ﻣﻦ ﻋﻴﻨﻲ ﻭﻣﺎﺑﻨﻔﺴﻲ ﻛﻞ ﺷﻲ .
.. ﺍﻟﻠﻪ ﻳﺴﺎﻋﺪﺝ ﺑﺪﻝ ﺍﻟﻤﺼﻴﺒﺔ ﻣﺼﻴﺒﺘﻴﻦ ﺑﺲ ﻫﻢ ﻣﺎﻳﺼﻴﺮ ﺍﺣﻨﺎ ﻫﻢ ﻧﺨﺎﻑ ﺍﻟﻠﻪ ﺑﻴﺞ ﻭﺍﻟﻠﻪ ﺍﻏﺮﺍﺿﺞ ﺑﻌﺪﻫﻦ ﻋﻠﻰ ﺣﻄﺔ ﺍﻳﺪﺝ .
.. ﺍﻱ ﺍﺩﺭﻱ ﺗﻌﺮﻓﻴﻨﻲ ﺑﻴﻜﻢ ﻭﺍﻟﻠﻪ ﻣﻦ ﻳﻮﻡ ﺍﻟﻲ ﻃﺒﻴﺖ ﻟﺒﻴﺘﻜﻢ ﻋﺮﻭﺱ ﺣﺪ ﻣﺎ ﻃﻠﻌﺖ ﻭﺍﻧﻪ ﺍﺭﻣﻠﻪ ﻣﺎﺷﻔﺖ ﻣﻨﻜﻢ ﺷﻲ ﻣﻮﺯﻳﻦ ﻭﺗﻤﻨﻴﺖ ﺍﻛﻤﻞ ﺣﻴﺎﺗﻲ ﻭﻳﺎﻛﻢ ﺑﺲ ﺍﻟﻠﻪ ﻣﺎﻗﺎﺳﻤﻬﺎ ﺍﻟﻲ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ .
.. ﻭﺍﺣﻨﻪ ﻫﻢ ﻣﺎﺷﻔﻨﻪ ﻋﻠﻴﺞ ﺷﻲ ﻣﻮﺯﻳﻦ ﺍﻟﻠﻪ ﺷﺎﻫﺪ ﺻﻔﺎﻭﻱ ﺑﺲ ﻫﻢ ﻣﺎﻳﺼﻴﺮ ﺣﺘﻰ ﺫﻫﺒﺞ ﻣﺎﺍﺧﺬﺗﻲ ﻭﺑﺎﻗﻲ ﺑﺎﻟﻐﺮﻓﺔ ﻭﺍﻟﻠﻪ ﻧﺤﺠﻲ ﺑﻴﺞ ﻧﻜﻮﻝ ﺷﻮﻥ ﻧﻔﺲ ﻋﻠﻴﻬﺎ ﻭﻣﺄﻣﻨﻪ ﺑﻴﻨﻪ ﺣﺘﻰ ﻣﺮﺓ ﻋﺒﺎﺱ ﺍﺧﺬﺗﻪ ﻭﺿﻤﺘﻪ ﻭﻗﻔﻠﺖ ﻋﻠﻴﻪ ﺧﺎﻑ ﻛﻞ ﺷﻲ ﻳﺼﻴﺮ .
.. ﻣﻴﺨﺎﻟﻒ ﺧﻠﻲ ﺍﻟﻌﻤﺘﻲ ﺗﻠﺒﺲ ﺑﻲ ﺍﻧﻪ ﻣﺎﺑﻨﻔﺴﻲ ﺷﻲ ﻭﺍﻟﻠﻪ ﻳﺎﺍﺣﻼﻡ ﻣﺎﻟﻲ ﺧﻠﻚ ﺣﺘﻰ ﺭﻭﺣﻲ .
.. ﻫﻲ ﺍﻣﻲ ﻭﻳﻨﻬﺎ ﻭﻳﻦ ﺍﻟﺬﻫﺐ ﻳﻤﻌﻮﺩﺓ ﺯﻳﻦ ﻣﻦ ﺗﻜﺪ ﻟﻨﻬﺎﻳﺔ ﺍﻟﺸﻬﺮ ﺗﻌﺒﺎﻧﻪ ﻭﺍﻟﻠﻪ .
.. ﺳﻮﺩﺓ ﻋﻠﻴﻪ ﺍﻥ ﺷﺎﺀﺍﻟﻠﻪ ﺑﺲ ﺍﻃﻠﻊ ﺍﻟﻌﺪﺓ ﺍﺟﻲ ﺍﺷﻮﻓﻬﺎ .
.. ﻫﻠﻪ ﺑﻴﺞ ﻋﻴﻮﻧﻲ ﺍﺣﻨﻪ ﺑﺎﺟﺮ ﻧﺠﻲ ﻭﻧﺠﻴﺐ ﺍﻏﺮﺍﺿﺞ ﻭﻳﺎﻧﺎ ..
ﺳﺪﻳﺘﻪ ﻣﻨﻬﺎ ..
ﺍﻧﺪﮔﺖ ﺍﻟﺒﺎﺏ .. ﻭﺩﺧﻠﺖ ﺭﻗﻴﺔ ﻭﻋﻤﺘﻬﺎ ﻭﺑﻨﺖ ﻣﻨﺎﺿﻞ ﺳﺮﻯ ﻭﻳﺎﻫﻢ .
ﺳﻠﻤﺖ ﻋﻠﻴﻬﻢ ﻭﺍﺧﺬﺕ ﺑﻨﺘﻬﻪ
ﻛﻠﺶ ﻧﺎﻋﻤﺔ ﻭﻣﻠﺒﺴﺘﻬﺎ ﻃﻮﻙ ﺍﺑﻮ ﺍﻟﺸﻌﺮ ﺍﻻﺷﻘﺮ
ﻻﻧﻬﺎ ﮔﺮﻋﻪ ﻭﻣﻠﺒﺴﺘﻬﺎ ﺍﺗﻤﻴﻤﻪ ﺑﺎﻳﺪﻫﺎ
ﻭﺑﺪﻭﻥ ﻛﻤﺎﻁ ﻭﺑﺪﻟﻪ ﻭﺭﺩﻳﺔ ﻛﻴﺒﻮﺭ ﻭﻣﺒﻄﻨﻪ ﺑﻘﻤﺎﺵ ﺷﺘﻮﻱ
ﻻﻋﺒﺔ ﺑﻴﻬﺎ ﻟﻌﺐ
ﺍﺧﺬﺗﻬﺎ ﺑﻮﺳﺘﻬﺎ ﺭﻗﻴﺔ ﺑﺪﻟﺖ ﻣﻼﺑﺴﻬﺎ ﻭﺭﺍﺣﺖ ﺗﺤﻮﺱ ﺑﺎﻟﺒﻴﺖ ﺍﺟﺖ ﺳﻤﻴﺔ ﻭﻇﻠﻴﻨﻪ ﻧﺒﺎﻭﻉ ﺍﻟﻬﺎ ﻭﻧﺤﺠﻲ ﮔﺘﻠﻬﺎ ﺷﻜﺪ ﺍﻓﻜﺮ ﻳﺎﺭﺑﻲ ﺭﻗﻴﺔ ﺷﻮﻥ ﺭﺍﺡ ﺗﺮﺑﻴﻬﺎ ﻭﻫﻲ ﻣﺎﺗﺤﺠﻲ ﺍﻛﻴﺪ ﺗﺘﻌﻠﻢ ﻟﻠﻐﺔ ﺍﻻﺷﺎﺭﺓ ﺍﻛﺜﺮ ﻣﻦ ﺍﻟﺤﺠﻲ .
ﻛﻠﺶ ﺍﻓﻜﺮ ﺑﻴﻬﺎ ﻫﺎﻟﻄﻔﻠﺔ ﺷﻮﻥ ﺭﺍﺡ ﺗﺼﻴﺮ ﺑﺎﻟﻤﺪﺭﺳﺔ ﻣﻨﻮ ﺭﺍﺡ ﻳﻬﺘﻢ ﺑﺪﺭﺍﺳﺔ ﻭﺍﺟﺒﺎﺗﻬﺎ
ﻣﻨﺎﺿﻞ ﻛﻠﻪ ﺩﻭﺍﻡ .
ﻭﺍﻛﻴﺪ ﻣﻦ ﻳﺠﻲ ﺗﻌﺒﺎﻥ ﻭﻳﻦ ﺍﻟﻪ ﺧﻠﮓ
.
ﺣﺠﺖ ﺳﺮﻯ ﺍﻧﻲ ﺍﺩﺭﺳﻬﺎ ﻋﻤﻪ ﻛﻞ ﺷﻲ ﺍﻋﺮﻑ .
ﻛﺮﺻﺘﻬﺎ ﻣﻦ ﺧﺪﻫﺎ ﻛﺘﻠﻬﻪ ﻋﻔﻴﺔ ﺑﺎﻟﺸﻄﻮﺭﺓ ..
...
ﺭﻗﻴﺔ ﻇﻠﺖ ﺗﺤﻮﺱ ﺷﺎﻓﺖ ﻣﻼﺑﺲ ﻣﺎﻣﻐﺴﻮﻻﺕ ﻏﺴﻠﺘﻬﻦ ﻭﻧﺸﻔﺘﻬﻦ ﻭﺷﺮﺗﻬﻦ ﻭﺟﻠﻔﺖ ﺍﻟﻐﺴﺎﻟﺔ
ﻃﺒﺖ ﻟﻠﺪﻳﻮﺍﻧﻴﺔ ﺟﺮﺕ ﺍﻟﺰﻭﻟﻴﺔ ﻟﻠﻄﺎﺭﻣﺔ ﻭﺻﺒﺖ ﻓﻮﻛﺎﻫﺎ ﻣﺎﻱ ﻭﻇﻠﺖ ﺗﻔﺮﻙ ﺑﻴﻬﺎ ..
ﺍﺷﺮﺕ ﺍﻟﻬﺎ ﻻﺗﺘﻤﺮﺿﻴﻦ
ﺑﺎﻻﺷﺎﺭﺓ ﻛﺎﻟﺖ ﺍﻟﺠﻮ ﺣﻠﻮ ﻣﻮ ﺑﺎﺭﺩ ﻛﻠﺶ .
ﺩﺧﻠﺖ ﺟﻮﻩ ﻟﻠﻤﻄﺒﺦ
ﺍﺟﺖ ﺳﻤﻴﺔ ﻃﻠﺖ ﻋﻠﻰ ﺍﻟﻄﺎﺭﻣﺔ
ﺧﻠﺖ ﺍﻳﺪﻳﻬﺎ ﻋﻠﻰ ﺭﺍﺳﻬﺎ ﻳﺒﻮﻭ ﻣﺪﺍﻡ ﺍﻟﻴﻮﻡ ﺭﻗﻴﺔ ﻋﺪﻧﻪ ﺭﺍﺡ ﻳﺨﻠﺺ ﺍﻟﻤﺎﻱ ﻭﻟﺞ ﺭﻭﺣﻲ ﻛﻠﻴﻠﻬﻪ ﻛﺎﻓﻲ ﺍﺭﻳﺪ ﺍﺳﺒﺢ ﺑﺎﺟﺮ ﻭﺭﺍﻱ ﺩﻭﺍﻡ .
.. ﻫﺴﻪ ﺭﺍﻳﺤﻪ ﺍﻛﻠﻬﻪ ﺑﺘﺞ ﺟﺎﻱ ﺗﺒﺠﻲ ﺗﻌﺎﻱ ﺭﺿﻌﻴﻬﺎ
ﻃﻠﻌﺖ ﺍﻟﻬﺎ ﺍﺷﺮﺗﻠﻬﺎ
ﺍﺷﺮﺕ ﺍﻟﻲ ﻣﺎﺍﺭﺿﻌﻬﺎ ﺳﻮﻳﻠﻬﻪ ﻣﻤﻪ ﺗﺸﺮﺏ
ﻭﺩﻧﮕﺖ ﺗﻔﺮﻙ ..
ﻛﻠﺖ ﻟﺴﻤﻴﺔ ﻣﺎﻛﻮ ﻓﺎﻳﺪﺓ ﻭﺿﺤﻜﺖ ..
ﻛﺎﻟﺖ ﺭﺍﻳﺤﺔ ﺭﻛﺾ ﺍﺳﺒﺢ ﻛﺒﻞ ﻻﻳﺨﻠﺺ ﺍﻟﻤﺎﻱ ﻋﻠﻰ ﺍﻳﺪ ﺭﻗﻴﺔ ﻭﺧﺎﻑ ﺍﻟﻴﻮﻡ ﻣﺎﻛﻮ ﺿﺦ ﻭﺍﻇﻞ ..
ﻭﺩﺧﻠﺖ ﺗﺮﻛﺾ ﺟﻮﻩ ..
ﺑﻘﻮﺍ ﻋﺪﻧﻪ ﻭﻳﻮﻡ ﺛﺎﻧﻲ ﺭﺍﺣﻮ
ﺍﻟﻌﺼﺮ ﺍﺟﻮﺍ ﺧﻮﺍﺕ ﻓﺮﺍﺱ ﻭﻣﺮﺓ ﺍﺧﻮ
ﺟﺎﻳﺒﻴﻦ ﺍﻏﺮﺍﺿﻲ .. ﺷﻜﺪ ﺑﺠﻴﺖ ﺑﻴﻮﻣﻬﺎ
ﻣﺮﺓ ﻋﺒﺎﺱ ﻃﻠﻌﺘﻠﻲ ﺍﻟﺬﻫﺐ ﻛﺎﻟﺖ ﺟﻴﻜﻲ ﺧﺎﻑ ﻧﺎﻗﺺ ﻣﻨﻪ
ﻛﺘﻠﻬﺎ ﻣﺎﻳﺤﺘﺎﺝ .. ﻣﻦ ﻃﻠﻌﻮﺍ ﻓﺘﺤﺖ ﺟﻨﻄﺔ ﺟﺎﻧﺖ ﻣﻠﻴﺎﻧﺔ ﻣﻜﻴﺎﺝ ﻳﻤﻜﻦ ﺍﻛﺜﺮ ﻣﻦ ﺍﻟﺒﻠﻮﻛﺮﺍﺕ ﺍﻧﻪ ﻋﻨﺪﻱ
ﺟﺎﻥ ﻣﺎﻳﻄﻴﺢ ﻣﻦ ﻭﺟﻬﻲ ..
ﻭﻫﺴﻪ ﺯﻳﻦ ﻣﻦ ﺍﻏﺴﻞ ﺑﺼﺎﺑﻮﻧﺔ
ﺳﺪﻳﺘﻬﺎ ﻭﺩﻓﻌﺘﻬﺎ ﺟﻮﺓ ﺍﻟﺠﺮﺑﺎﻳﺔ ..
ﺍﺗﺬﻛﺮﺕ ﻛﻼﺩﺓ ﺫﻫﺐ ﺧﻨﻚ
ﺑﻴﻬﺎ ﺣﺮﻓﻲ ﻭﺣﺮﻑ ﻓﺮﺍﺱ
ﻃﻠﻌﺘﻬﺎ ﻭﻟﺒﺴﺘﻬﺎ ﻭﺍﻟﺒﺎﻗﻲ ﺿﻤﻴﺘﻪ ﻛﻠﻪ ..
&&&&&&
ﺳﻤﻴﺔ .. ﺍﻧﺪﻛﺖ ﺍﻟﺒﺎﺏ ﻭﻣﺎﻛﻮ ﻏﻴﺮﻱ ﺍﻟﺒﻮﺍﺏ ﺍﻟﻲ ﻳﻔﺘﺢ ﺍﻟﺒﻴﺒﺎﻥ
ﻭﺍﻧﻪ ﺷﻮﻥ ﻋﺠﻮﺯﻳﺔ ..
ﻓﺘﺤﺘﻬﺎ ﻭﺍﺷﻮﻑ ﻋﻤﻲ ﺳﻠﻴﻤﺎﻥ ﻭﻋﻤﻪ ﺯﻳﻨﺐ
ﺑﻴﺪﻩ ﺍﻟﺴﺒﺤﺔ ﻭﺩﺧﻞ ﻛﺎﻝ ﻃﺒﻲ ﺳﻮﻳﻠﻲ ﻃﺮﻳﻖ
ﺣﺘﻰ ﻣﺎﻟﺤﻜﺖ ﺍﺳﻠﻢ ﻋﻠﻴﻪ ..
ﻃﺐ ﺻﺎﺭ ﻳﻢ ﺷﺒﺎﻙ ﺍﻟﺪﻳﻮﺍﻧﻴﺔ ﻭﻭﻛﻒ .
ﻋﻠﻤﺎ ﺑﻮﺳﺖ ﻋﻤﻪ ﺯﻳﻨﺐ ﻣﺎﺗﺸﺒﻊ ﻣﻦ ﺍﻟﺒﻮﺱ
ﻓﻮﻙ ﺍﻟﻌﺸﺮﻳﻦ ﺑﻮﺳﺔ ﺑﺎﺳﺘﻨﻲ ..
ﺍﺧﺮ ﺷﻲ ﮔﺎﻟﺖ ﻫﻠﻪ ﺑﻠﻲ ﺭﺍﺡ ﺗﺼﻴﺮ ﭼﻨﺘﻲ .
ﮔﺘﻠﻬﺎ ﺍﻱ ﻣﻦ ﺩﺑﺶ ..
ﺿﺤﻜﺖ ﻣﺸﺖ ﻭﻛﻔﺖ ﻳﻤﻪ ..
ﺩﺧﻠﺘﻬﻢ ﺟﻮﺓ ﻭﺻﺤﺖ ﻟﺒﻴﺒﻴﺘﻲ ..
ﺍﺟﺖ ﻭﻛﻌﺪﻧﻪ .. ﻃﺒﺖ ﺻﻔﺎ ﺳﻠﻤﺖ ﻭﺿﻴﻔﺘﻬﻢ ..
ﺑﺎﻭﻋﻠﻲ ﻭﺭﻓﻊ ﺍﺻﺒﻌﻪ ﻭﻳﺤﺠﻲ ﺑﺼﻴﻐﺔ ﺍﻻﻣﺮ ..
: ﺣﺴﺒﻲ ﺣﺴﺎﺑﺞ ﺑﺎﺟﺮ ﺍﺟﻴﺐ ﺷﻴﺦ ﻭﻧﻌﻘﺪ ﺍﻟﻜﻢ ﺍﻧﺖ ﻭﺍﻣﻴﺮ ..
: ﮔﺘﻠﻪ ﺑﺲ ﻋﻤﻮ ﻣﺎﺍﺭﻳﺪﻩ ﻣﺎﻳﺼﻴﺮ ﺗﺠﺒﺮﻧﻲ ﺣﺮﺍﻡ ﻋﻠﻴﻚ .
ﻛﺎﻡ ﻋﻠﻰ ﺣﻴﻠﻪ ﻣﻌﺼﺐ ﻣﺨﻨﺰﺭ ﻭﻋﻴﻮﻧﻪ ﺗﺒﺚ ﻧﺎﺭ ﻭﺷﺮﺍﺭ ﺣﻤﺮﺓ
ﻭﺗﺨﻮﻭﻑ ..
ﺻﺎﺡ . . ﻛﻠﻤﺔ ﺯﻳﺎﺩﺓ ﺍﺩﻓﻨﺞ ﻫﻨﺎﺍﺍ ﻣﻮ ﺍﻧﺖ ﺍﻟﺰﻋﻄﻮﻃﺔ ﺗﺎﻟﻲ ﻭﻛﺖ ﺗﻮﻛﻔﻴﻦ ﺑﻮﺟﻬﻲ ﺗﺮﻩ ﻭﺍﻟﻠﻪ ﺿﺎﻣﻠﺞ ﺿﻤﻴﻤﺔ
ﺳﻮﻱ ﺍﻟﻲ ﺍﮔﻠﺞ ﻋﻠﻴﻪ ﻻﺗﺮﻩ ﻭﺍﻟﻠﻪ ﺗﺘﻨﺪﻣﻴﻦ ﻭﺍﺧﻠﻴﺞ ﺗﺤﻔﺮﻳﻦ ﮔﺒﺮﺝ ﺑﻴﺪﺝ ..
ﻭﻛﻔﺖ ﺍﺭﻳﺪ ﺍﺣﺠﻲ ﺑﺲ ﺟﺴﻤﻲ ﻛﻠﻪ ﻳﺮﺟﻒ
ﮔﻠﺖ ﺑﺼﻮﺕ ﻣﺮﺗﺠﻒ ﻭﺍﻟﻠﻪ ﺣﺮﺍﻡ ﺍﻟﻲ ﺟﺎﻱ ﺗﺴﻮﻱ ﺑﻴﻨﻪ ﺍﺣﻨﻪ ﻣﻮ ﻋﺒﻴﺪ ﻋﻨﺪﻙ ..
ﺭﻓﻊ ﺍﻳﺪﻩ ﺍﻟﻲ ﺑﻴﻬﺎ ﺍﻟﺴﺒﺤﺔ ﻭﺍﺟﻪ ﺻﻮﺑﻲ ..
ﺻﺎﺭﺕ ﺑﻴﺒﺘﻲ ﮔﺒﺎﻟﻪ ﻭﺗﺼﻴﺢ ﺑﻮﺟﻬﻪ ﻳﻤﻤﻤﻪ ﺣﺒﻮﺑﻲ ﻋﻠﻴﻚ ﺑﺮﻭﺡ ﺍﻟﻤﺮﺣﻮﻡ ﻻﺍﺍﺍﺍﺍﺍ
ﻋﻤﻪ ﺯﻳﻨﺐ ﺳﺪﺕ ﺣﻠﮕﻲ ﻭﻇﻠﺖ ﺗﺪﻓﻊ ﺑﻴﻪ ﻟﺤﺪ ﻣﺎ ﻃﻠﻌﺘﻨﻲ ﺑﺮﻩ ﺍﻟﺪﻳﻮﺍﻧﻴﺔ ﻭﻫﻮ ﺑﻘﻰ ﻳﻠﻌﻠﻊ ﺑﺼﻮﺗﻪ ..
ﻭ ﻛﻼﻣﻪ ﻛﻠﻪ ﺗﻬﺪﻳﺪ ﻭﻭﻋﻴﺪ ﻭﻏﻠﻂ ﻣﺎﺧﻠﻪ ﺣﺮﻣﺔ ﻻﺣﺪ . .. ﻭﻻ ﮔﺎﻝ ﻋﻴﺐ ﻣﻦ ﺍﺭﻣﻠﺔ ﺍﺧﻮﻱ ﻭﺑﻌﺪﻫﺎ ﺑﺎﻟﻌﺪﺓ ﻭﻫﻴﺞ ﺻﻴﺎﺣﻪ ﻭﺍﺻﻞ ﻟﺴﺎﺑﻊ ﺟﺎﺭ ..
ﻟﺰﻣﺘﻨﻲ ﻋﻤﻪ ﺯﻳﻨﺐ .. ﮔﺎﻟﺖ ﺑﺲ ﺍﻫﺪﻱ ﺣﺒﻮﺑﺔ
ﺑﺼﻴﺎﺡ .. ﻋﻤﻪ ﺷﻮﻥ ﺗﺮﺩﻳﻨﻲ ﺍﻫﺪﺃ ﻣﺎﺭﻳﺪﻩ ﺟﺎﻱ ﺍﻛﻠﻠﻜﻢ .
ﮔﺎﻟﺖ ﻭﻟﺞ ﺳﻜﺘﻲ ﻻﻳﺴﻤﻌﺞ ﻭ ﺍﻟﻠﻪ ﻳﺬﺑﺤﺞ ﻉ ﺍﻟﺠﺒﻠﺔ
ﻭﺩﺧﻠﺘﻨﻲ ﺑﺴﺎﻉ ﻟﻠﻐﺮﻓﺔ .. ﻭﻗﻔﻠﺖ ﺍﻟﺒﺎﺏ ..
ﮔﻌﺪﺕ ﻉ ﺍﻟﺠﺮﺑﺎﻳﺔ ﻛﻠﻲ ﺍﺭﺟﻒ ﻭﺍﺩﺭﺩﻡ
ﻛﺘﻠﻬﻪ ﻋﻤﻪ ﻓﺪﻭﻩ ﺍﻟﻌﻤﺮﺝ ﺣﺎﺟﻲ ﻣﺎﺍﺭﻳﺪ ﺍﻣﻴﺮ ﺍﻧﻪ ﻣﺎﺍﺭﻳﺪﻩ ..
ﺍﺟﺖ ﻛﻌﺪﺕ ﻛﺒﺎﻟﻲ ﻋﻠﻰ ﺳﺮﻳﺮ ﺻﻔﺎ
ﻛﺎﻟﺖ ﻻﺍﻧﻪ ﻭﻻ ﺍﻱ ﺍﺣﺪ ﻧﮕﺪﺭ ﻋﻠﻴﻪ .. ﺍﻧﻪ ﻟﺮﻭﺣﻲ ﻣﺎﺍﺳﻮﻱ ﺟﺎﺭﻩ ﺑﺲ ﺍﻧﺖ ﻃﻴﻌﻲ ﺍﻣﺮﺝ ﻟﻠﻪ ﺷﺴﻮﻳﻦ ﻭﺗﻌﺎﻱ ﻳﻤﻲ ﺍﺩﻟﻠﺞ ﺩﻻﻝ ﺍﺧﻠﻴﺞ ﺑﻌﻴﻮﻧﻲ ..
ﺭﺩﻳﺖ ﻋﻤﻪ ﺍﻧﺖ ﻋﻠﻰ ﻋﻴﻨﻲ ﻭﺭﺍﺳﻲ ﻭﻳﺎﺭﻳﺖ ﺑﺲ ﻋﻠﻴﺞ ﺑﺲ ﻫﺬﺍ ﺯﻭﺍﺝ ﻭﺍﻧﻪ ﻭﺍﻣﻴﺮ ﻣﺎﻣﺘﻮﺍﻟﻤﻴﻦ .
ﺳﻤﻌﻨﺎ ﺻﺎﺡ ﺯﻧﻴﻴﻴﺒﻪ ﻳﻠﻠﻪ ﻣﺸﻴﻨﻪ ﻭﻛﻠﻴﻠﻬﺎ ﻟﻬﺎﻱ ﺑﺎﺟﺮ ﺍﻟﻌﺼﺮ ﺍﺟﻴﺐ ﺍﻟﺸﻴﺦ ﻭﺍﻟﺸﻬﻮﺩ ﺧﻠﻲ ﺗﺤﻀﺮ ﺭﻭﺣﻬﺎﺍﺍ .
ﻧﺰﺕ ﻋﻤﻪ ﺯﻳﻨﺐ ﻭﻛﺎﻣﺖ ﺍﺟﺖ ﻳﻤﻲ ﺑﺎﺳﺘﻨﻲ ﻋﻠﻰ ﺭﺍﺳﻲ ﻭﺧﺪﻭﺩﻱ ﻛﺎﻟﺖ ﻋﻤﺎﺗﻲ ﺑﻌﺪ ﺷﺴﻮﻳﻦ ﻓﻮﺿﻲ ﺍﻣﺮﺝ ﻻﻟﻠﻪ ﻻﺗﻌﻤﻴﻦ ﻋﻠﻰ ﺭﻭﺣﺞ ﺍﻗﺒﻠﻲ ﺑﺎﻣﻴﺮ ﺗﺮﻩ ﻫﻮ ﺧﻮﺵ ﻭﻟﺪ .
ﻭﻃﻠﻌﺖ ﺑﺴﺮﻋﻪ ..
ﻣﺎﺍﺩﺭﻱ ﺷﻮﻥ ﺧﻠﺺ ﺍﻟﻠﻴﻞ ﻭﺍﻧﻪ ﺍﻓﻜﺮ ﺑﻄﺮﻳﻘﺔ ﺗﺨﻠﺼﻨﻲ
ﻭﻣﺎﻛﻮ ﺣﻞ ..
ﻳﻮﻡ ﺛﺎﻧﻲ ﻣﺎﺩﺍﻭﻣﺖ .. ﻭﻛﺎﻋﺪﺓ ﻋﻠﻰ ﺍﻋﺼﺎﺑﻲ
ﺻﺎﺭ ﺍﻟﻌﺼﺮ ﻣﺎﺳﻤﻌﻨﻪ ﺍﻟﻪ ﺍﺷﻮﺍﻕ ﻭﺑﻨﺎﺗﻬﺎ ﻋﻠﻰ ﺭﺍﺳﻨﻪ ﻓﺮﺣﺎﻧﻪ ﻭﻣﺒﺪﻻﺕ ﻋﺒﺎﻟﻚ ﻋﺪﻧﻪ ﻋﺮﺱ ..
ﻭﺍﻧﻪ ﻇﺎﻟﻪ ﺑﺪﺷﺪﺍﺷﺘﻲ ..
ﻭﻣﻌﺼﺒﻪ ﺭﺍﺳﻲ ﺑﺎﻟﺸﺎﻝ ..
ﺍﺑﺎﻭﻋﻠﻬﻢ ﻭﺍﺗﺄﻓﺄﻑ ﻭﻋﻴﻮﻥ ﻭﻧﻈﺮﺍﺗﻬﺎ ﻭﺣﺠﻴﻬﺎ ﺍﺷﻮﺍﻕ ﻛﻠﻬﺎ ﺷﻤﺎﺗﺔ ..
ﻫﻲ ﺩﻗﺎﻳﻖ ﻭﺍﺟﺖ ﻋﻤﻪ ﺯﻳﻨﺐ ..
ﻛﻌﺪﺕ ﻳﻤﻲ ﻛﺎﻟﺖ ﺷﻮ ﻣﺎﻣﺒﺪﻟﺔ ..
ﺣﺮﻛﺖ ﺍﻳﺪﻱ ﺑﻌﺪﻡ ﺭﺿﺎ ﻭﺍﻧﺰﻋﺎﺝ ..
ﺳﻤﻌﺖ ﺻﻮﺗﻪ ﺻﺎﺡ ﺳﻮﻭﻟﻨﻪ ﻃﺮﻳﻖ
ﻭﺩﺧﻠﻬﻢ ﺑﺎﻟﺪﻳﻮﺍﻧﻴﺔ ..
ﺻﺎﺡ ﺍﺣﻢ ﺍﺣﻢ ﻭﺩﺧﻞ ﻛﺎﻝ ﻳﻠﻠﻪ ﺗﻌﺎﻱ ﺧﻞ ﻧﻌﻘﺪ ﺍﻟﻜﻢ .
ﺑﺎﻭﻋﺖ ﺍﻟﻪ ﺑﻌﺼﺒﻴﺔ .. ﺍﻧﻄﻮﻧﻲ ﻋﺒﺎﻳﺔ ﻭﺩﺧﻠﺖ ﻋﻠﻴﻬﻢ
ﺍﻧﻪ ﻭﻋﻤﻪ ﺯﻳﻨﺐ ..
ﺍﻟﺸﻴﺦ ﻭﺍﻣﻴﺮ ﻭﺍﺧﻮﺍﻧﻪ ﻭﺍﺛﻨﻴﻦ ﻣﺎﻋﺮﻓﺘﻬﻢ ﺍﺗﻮﻗﻊ ﺧﻮﺍﻟﻬﻢ ..
ﮔﻌﺪﺕ ﻭﺑﺪﺃ ﺍﻟﺸﻴﺦ ﻳﺤﺠﻲ .. ﻭﺍﻧﺎ ﻣﺎﻣﺮﻛﺰﺓ ﺑﺸﻲ
ﺑﺲ ﻛﻠﻲ ﺍﺭﺟﻒ .. ﺭﺟﻔﻪ ﻣﺮﺍﻓﻘﺘﻨﻲ ﻣﺎﺗﺮﺿﺎ ﺗﻬﺪﻧﻲ .
ﺗﻤﻨﻴﺖ ﺍﻣﺎﻥ ﺍﻟﻴﻮﻡ ﻣﻜﺎﻥ ﺍﻣﻴﺮ
ﺷﻴﺼﻴﺮ ﻳﻌﻨﻲ ﻗﺎﺑﻞ ﺭﺍﺡ ﺗﻨﮕﻠﺐ ﺍﻟﺪﻧﻴﺎ ﻟﻴﺶ ﻳﺮﺑﻲ . !
ﻣﺎﺣﺴﻴﺖ ﺍﻟﻪ ﻋﻠﻰ ﻋﻤﻪ ﺯﻳﻨﺐ ﻭﻫﻲ ﺗﻨﺪﺳﻨﻲ ﺑﻴﺪﻱ
ﻫﻤﺴﺘﻠﻲ ﻛﻮﻭﻭﻟﻲ ﻧﻌﻢ ﺍﺍﻗﺒﻞ ..
ﺻﺤﺖ ﻻﺍﺍﺍ ﻣﺎﺍﻗﺒﻞ .....
ﻭﻛﻤﺖ ﻭﻃﻜﻴﺘﻬﺎ ﺭﻛﻀﻪ ﻟﻠﻐﺮﻓﺔ .. ﻭﻗﻔﻠﺘﻬﺎﺍﺍﺍ
ﻣﺮ ﺷﻮﻳﻪ ﻭﻗﺖ ..
ﺍﺳﻤﻌﻪ ﻳﻢ ﺑﺎﺏ ﺍﻟﻐﺮﻓﺔ
ﻛﺎﻝ ﺍﻧﻪ ﺭﺍﻳﺢ ﺍﻭﺩﻱ ﺍﻟﺸﻴﺦ ﻭﺍﺟﻲ ﻭﺍﻋﻠﻤﺞ ﺷﺮﺍﺡ ﺍﺳﻮﻱ
.
ﺻﻔﺎ .. ﺷﻔﺖ ﺳﻤﻴﺔ ﺭﻛﻀﺖ ﺣﺒﺴﺖ ﻧﻔﺴﻬﺎ ﺑﺎﻟﻐﺮﻓﺔ
ﻭﻣﺎﻧﺪﺭﻱ ﺷﻨﻮ ﺻﺎﺭ .
.. ﺍﺟﺖ ﻋﻤﺔ ﺯﻳﻨﺐ ﺗﺮﻛﺾ ﻭﺗﻠﻄﻢ ﻋﻠﻰ ﺧﺪﻭﺩﻫﺎ .
. ﻭﻟﺞ ﺟﻨﺖ ﻋﻠﻰ ﻧﻔﺴﻬﺎ ﺻﺨﻤﺘﻨﻪ ﻭﻓﺸﻠﺘﻨﻪ .. ﺷﺮﺍﺍﺍﺡ ﻳﻔﻜﻬﺎ ﻣﻨﻪ ﺷﺮﺭﺭﺍﺡ ﻳﻔﻜﻬﺎ ..
ﻟﺰﻣﺘﻬﺎ ﻓﺎﻃﻤﺔ ﺗﺤﺠﻲ ﺑﺼﻮﺕ ﻧﺎﺻﻲ ﻋﻤﻪ ﺷﻨﻮ ﺻﺎﺭ؟
ﺟﺎﻭﺑﺘﻬﺎ .. ﻭﻟﺞ ﻓﺸﻠﺘﻨﻪ ﻛﺪﺍﻣﻬﻢ ﻛﺎﻟﺖ ﻣﺎﺍﻗﺒﻞ ﻭﻟﺠﺠﺞ ﺷﺮﺍﺡ ﻳﺴﻮﻱ ﺑﻴﻬﻪ ﻫﺴﻪ ...
ﻋﻤﻪ ﺍﺷﻮﺍﻕ ﻭﺍﻛﻔﺔ ﻳﻤﻬﻦ ﻛﺎﻟﺖ ﻣﺎﺗﺼﻴﺮﻟﻬﺎ ﺟﺎﺭﺓ ﺷﻮﻥ ﻫﻴﺞ ﺗﻔﺸﻞ ﻋﻤﻬﺎ ﻣﺎﺣﺴﺒﺖ ﻟﻔﻌﻠﺘﻬﺎ ﺍﻱ ﺣﺴﺎﺏ ..
ﻓﺎﻃﻤﺔ .. ﺍﻟﻌﻔﻮ ﻣﻨﺞ ﺑﺲ ﻫﺬﺍ ﺍﻟﻌﻘﺪ ﺑﺎﻃﻞ ﻻﻥ ﻫﻲ ﻣﺎ ﻣﻮﺍﻓﻘﺔ ﺍﺻﻼً ..
ﻇﻠﻦ ﻳﺤﺠﻦ ﻭﺑﻴﺒﻴﺘﻲ ﻭﻳﺎﻫﻦ
.. ﺷﻔﺖ ﻋﻤﻲ ﻛﺎﻝ ﺍﺣﻢ ﺍﺣﻢ
ﻭﺩﺧﻞ ﺑﺪﻭﻥ ﻣﺎﻳﺒﺎﻭﻉ ﻻﺣﺪ
ﺻﺮﺕ ﻛﺒﺎﻟﻪ ﻛﺎﻝ ﻭﻳﻦ ﺍﺧﺘﺞ ﻭﻟﺞ؟
ﺳﻜﺘﺖ ..
ﻣﻦ ﺑﻴﻦ ﺍﺳﻨﺎﻧﻪ ﻛﺎﻝ ﻭﻳﻨﻬﺎ ﺟﺎﻱ ﺍﻛﻠﺞ
ﺍﻧﻪ ﺧﻔﺖ ﻣﻨﻪ ﻛﻠﺶ ﻭﺷﻜﻠﻪ ﻳﺨﻮﻑ
ﺍﺟﻴﺖ ﺍﻃﻴﺢ ﻣﻦ ﺍﻟﺨﻮﻑ
ﺍﺷﺮﺕ ﺍﻟﻪ ﻋﻠﻰ ﺍﻟﻐﺮﻓﺔ ...
ﺭﺍﺡ ﻭﻛﻒ ﻳﻢ ﺍﻟﺒﺎﺏ ﺣﺎﺟﺎﻫﺎ ..
ﻭﺭﺟﻊ ﻭﻛﻒ ﻳﻢ ﺍﻟﺪﻳﻮﺍﻧﻴﺔ
ﺻﺎﺡ ﺍﺷﻮﺍﻕ ..
ﺭﺍﺣﺖ ﺍﻟﻪ ﻋﻤﻪ ﺍﺷﻮﺍﻕ ﺗﻤﺸﻲ ﺑﺘﻜﺒﺮ ﻭﺍﺑﻬﻪ
ﺣﺠﻪ ﻭﻳﺎﻫﺎ ﻭﻃﻠﻊ ﺑﺴﺮﻋﺔ ..
ﺍﺟﺖ ﺟﺎﻥ ﺗﻠﺰﻡ ﺑﻴﺒﻴﺘﻲ ﻣﻦ ﺍﻳﺪﻫﺎ ..
ﻭﺣﺠﺖ ﻭﻳﺎﻫﺎ ﻳﻠﻠﻪ ﻳﻤﻪ ﺍﻣﺸﻲ ﻭﻳﺎﻱ ﺍﻟﻠﻴﻠﺔ ..
ﺑﻴﺒﻲ : ﻻ ﻳﻤﻪ ﺍﺷﻮﺍﻕ ﻣﺎﺭﻭﺡ .. ﻫﺴﻪ ﻳﺠﻲ ﺳﻠﻴﻤﺎﻥ ﻭﺧﺎﻑ ﻳﺴﻮﻱ ﻟﺴﻤﻴﺔ ﺷﻲ ﻣﺎﻳﻬﻮﻥ ﻋﻠﻴﻪ ﻫﺎﻱ ﺑﻨﺖ ﺍﻟﻤﺮﺣﻮﻡ ﺍﻣﺎﻧﺔ ﺑﺮﮔﺒﺘﻲ ﻣﺎﺍﺧﻠﻲ ﻳﺄﺫﻳﻬﺎ .
ﺍﺷﻮﺍﻕ : ﻣﻦ ﺍﻳﺪﻫﻪ ﻳﻤﻪ ﻣﺎﺷﻔﺘﻲ ﺷﻮﻥ ﻓﺸﻠﺘﻪ ..
ﻭﻳﻠﻠﻪ ﺭﻭﺣﻲ ﺟﻴﺒﻲ ﻋﺒﺎﺗﺞ ﺧﻠﻲ ﻧﺮﻭﺡ .
: ﻣﺎﺭﻭﺡ ﻳﻤﻪ ﺭﻭﺣﻲ ﺍﻧﺖ ...
: ﺯﻳﻨﺐ ﻫﻨﺎ ﻭﻓﺎﻃﻤﺔ ﻣﻮﺟﻮﺩﺓ ﻣﺎﻳﺴﻮﻳﻠﻬﻪ ﺷﻲ ﻭﻫﺎﻱ ﻣﺎﻳﻨﮕﺪﺭ ﺍﻟﻬﺎ ﺍﻟﻌﺮﻣﺔ ﻭﻗﺎﻓﻠﺔ ﺍﻟﺒﺎﺏ ﻣﺎﺑﻲ ﻳﻔﺘﺤﻪ
ﻟﻮ ﻫﺴﻪ ﻳﻌﺼﺐ ﻭﻳﺼﻴﺢ ﻭﺍﻧﺖ ﻳﺮﺗﻔﻊ ﺿﻐﻄﺞ ﻭﺳﻜﺮﺝ ﻭﺗﺘﺄﺫﻳﻦ .
ﺑﻌﺪ ﺍﺻﺮﺍﺭ ﻗﻮﻱ ﻣﻦ ﻋﻤﺘﻲ ﻃﻠﻌﺖ ﺑﻴﺒﻴﺘﻲ ﻣﻦ ﺍﻟﺒﻴﺖ ﻭﺩﻣﻌﺘﻬﺎ ﺑﻌﻴﻨﻬﺎ ..
ﮔﻌﺪﻧﻪ ﺍﻧﺎ ﻭﻓﺎﻃﻤﺔ ﻭﻋﻤﺘﻲ ﺯﻳﻨﺐ ﺑﺎﻟﻬﻮﻝ .. ﻭﻭﻟﺪﻩ ﺑﺎﻟﺪﻳﻮﺍﻧﻴﺔ .. ﻇﻠﻴﻨﻪ ﻣﺤﺘﺎﺭﻳﻦ ﺷﻨﻮ ﻧﺴﻮﻱ ﻭﻣﺎﻧﻌﺮﻑ ﺷﺮﺍﺡ ﻳﺼﻴﺮ ..
ﻭﺭﺍﻫﺎ ﺑﻮﻗﺖ ﻗﺼﻴﺮ ﺭﺟﻊ .. ﻭﺻﺎﺍﺍﺡ ﺯﻧﻴﻴﻴﺒﺔ
ﻃﻔﺮﺕ ﻋﻤﺔ ﺯﻳﻨﺐ ﻭﺭﺍﺣﺖ ﺍﻟﻪ ﺭﻛﺾ ..
ﺳﻠﻴﻤﺎﻥ : .. ﺧﺎﺑﺮﻱ ﻣﻨﺎﺿﻞ ﺧﻞ ﻳﺠﻲ ﻳﺎﺧﺬ ﺍﺧﺘﻪ ..
ﺯﻳﻨﺐ .. ﻭﺍﻟﻠﻪ ﻓﺸﻠﺘﻨﻪ ﻳﺎﺭﺟﺎﻝ ﺍﻟﻤﺮﺓ ﺑﺎﻟﻌﺪﺓ ﻭﺍﻧﺖ ﻻ ﺧﻠﻴﺖ ﺣﺸﻤﺔ ﻭﺍﺣﺘﺮﺍﻡ ﺍﻟﻬﺎ ﻛﺎﻓﻲ ﻭﺍﻟﻠﻪ ﻋﻴﺐ .
ﺳﻠﻴﻤﺎﻥ " ﺑﻌﺼﺒﻴﺔ " : ﻭﻟﺞ ﻣﻮ ﺍﻛﺒﺮ ﻣﻦ ﻓﺸﻠﺘﻲ ﻭﻟﺞ ﺧﺎﺑﺮﻱ ﻻ ﻭﺍﻟﺨﻠﻘﺞ ﺍﻃﻠﻜﺞ ﻭﺑﻌﺪ ﺗﻨﺴﻴﻦ ﻭﻟﺪﺝ ﻳﻠﻠﻪ ﺭﻭﺣﻲ ﺧﺎﺑﺮﻱ .
ﺻﻔﺎ .. ﺑﻌﺪﻫﻪ ﺍﺟﺖ ﻋﻤﺔ ﺯﻳﻨﺐ ﻭﻛﺎﻟﺖ ﻟﻔﺎﻃﻤﺔ ﺑﻌﺪ ﺳﻤﻌﺘﻲ ﻛﻞ ﺷﻲ ﻓﻄﻮﻣﺔ ﺧﺎﺑﺮﻱ ﻋﻠﻰ ﻣﻨﺎﺿﻞ ﺧﻠﻲ ﻳﺠﻲ ﻳﺎﺧﺬﺝ .
ﻓﺎﻃﻤﺔ .. ﻭﺍﻟﺒﻨﺎﺕ ﻋﻤﻪ ﺧﻠﻲ ﺍﺧﺬﻫﻦ ﻭﻳﺎﻱ .
ﻧﻄﻠﻊ ﻭﻧﻔﺮﻍ ﺍﻟﺒﻴﺖ ﺍﻟﻪ ﺍﺫﺍ ﻳﺮﻳﺪ ﺍﻟﺒﻴﺖ .
ﻣﻦ ﺑﻌﻴﺪ ﻭﻛﺎﻧﻪ ﺳﻤﻊ ﻛﻼﻣﻬﺎﺍ ﺻﺎﺍﺍﺡ ﺍﻟﺒﻨﺎﺕ ﻳﺒﻘﻦ ﻫﻨﺎﺍﺍ
.
ﺯﻳﻨﺐ .. ﻳﻠﻠﻪ ﻓﻄﻮﻣﺔ ﻋﻔﻴﺔ ﺍﺧﺬﻱ ﻓﺮﺍﺱ ﻭﺭﻭﺣﻲ ﻭﺍﻟﺒﻨﺎﺕ ﻳﺒﻘﻦ ﻳﻤﻲ ﺍﻧﻪ ﻫﻨﺎﻧﻪ .
ﻭﺗﻀﺮﺏ ﻋﻠﻰ ﺻﺪﺭﻫﺎ ..
ﻧﺰﻟﺖ ﺩﻣﻮﻋﻬﺎ ﻓﺎﻃﻤﺔ ﺍﻧﺪﺍﺭﺕ ﻋﻠﻴﻪ ﻛﻠﺘﻠﻲ ﻣﺎﺍﻋﻮﻓﺠﻦ ﺑﺲ ﺧﻠﻲ ﺗﺨﻠﺺ ﻫﺎﻱ ﺍﻟﻠﻴﻠﺔ ﻋﻠﻰ ﺧﻴﺮ .
ﻭﺭﺍﺣﺖ ﻟﻠﻐﺮﻓﺔ ﻭﺍﻧﻪ ﻭﺭﺍﻫﺎ
ﻧﺒﺠﻲ ﺍﺛﻨﻴﻨﻪ ..
ﻟﻔﻠﻔﺖ ﻓﺮﺍﺱ ﺑﺎﻟﺒﻄﺎﻧﻴﺔ ﻭﺍﺧﺬﺕ ﺣﺎﺟﺎﺗﻪ ﺍﻟﻲ ﻳﺤﺘﺎﺟﻬﻦ
ﻣﺘﺖ ﻗﻬﺮ ﻋﻠﻴﻬﺎ ﻭﻋﻠﻴﻪ ﺧﻄﻴﺔ ﺗﻄﻠﻊ ﺑﻬﺎﻟﻠﻴﻞ ﻭﺑﺎﻟﺒﺮﺩ
ﻛﻌﺪﻧﻪ ﺑﺎﻟﻬﻮﻝ ﻭﻧﻨﺘﻈﺮ ﻣﻨﺎﺿﻞ ﻳﺠﻲ
ﻭﻋﻤﻲ ﺭﺍﻳﺢ ﺭﺍﺩ ..
ﻳﻤﺸﻲ ﻭﻣﺨﻠﻲ ﺍﻳﺪﻳﻪ ﻭﺭﻩ ﺿﻬﺮﻩ ﻭﻳﺴﺒﺢ ﺑﺎﻟﺴﺒﺤﺔ ﻣﺎﻟﺘﻪ ..
ﺩﻙ ﺗﻠﻴﻔﻮﻥ ﻓﺎﻃﻤﺔ .. ﻛﺎﻟﺖ ﻫﺬﺍ ﻣﻨﺎﺿﻞ
ﻛﺎﻣﺖ ﻋﻠﻰ ﺣﻴﻠﻬﻪ ﻭﺑﻴﺪﻫﻪ ﻓﺮﺍﺱ
ﺣﻀﻨﺘﻨﻲ ﻭﺑﻮﺳﺘﻨﻲ ﻣﻦ ﻭﺭﻩ ﺍﻟﺒﻮﺷﻲ
ﻭﻇﻠﺖ ﺗﻬﻤﺲ ﺑﺎﺫﻧﻲ ﻭﺻﻮﺗﻬﺎ ﺑﻲ ﺑﺤﺔ ﺍﻟﺒﻜﺎﺀ
ﻭﻣﺨﻨﻮﻛﺔ . .. ﻛﺎﻟﺖ ﻣﺎﺍﺗﺮﻛﺠﻦ ﺍﺍﺟﺮ ﺷﻘﺔ ﻭﻧﻜﻌﺪ ﺑﻴﻬﺎ ﺑﺲ ﺧﻞ ﺍﺧﻠﺺ ﻋﺪﺓ .
ﻭﺧﺮﺕ ﻣﻨﻬﺎ ﻭﺍﻫﺰ ﺭﺍﺳﻲ ﺑﻘﺒﻮﻝ .. ﻃﻠﻌﺖ
ﻭﺍﻧﻪ ﻛﻌﺪﺕ ﻋﻠﻰ ﺍﻟﻘﻨﻔﺔ ..
ﺑﺲ ﻃﻠﻌﺖ ﺍﺟﻪ ﻋﻤﻲ ﻛﺎﻝ ﺻﻔﻴﺔ ﺭﻭﺣﻲ ﻟﺒﺴﻲ ﻋﺒﺎﻳﺘﺞ ﻭﻳﻠﻠﻪ ﺍﻣﺸﻲ .
ﺟﺎﻭﺑﺘﻪ .. ﻭﻳﻨﻪ ﺍﺭﻭﺡ ﻋﻤﻮﻭ؟
ﺻﺎﺡ ﻻ ﺗﺠﺎﺩﻟﻴﻦ ﻳﻠﻠﻠﻠﻪ ..
ﻛﺘﻠﻪ ﻋﻤﻮﻭ ﻋﺒﺎﻳﺘﻲ ﺑﺎﻟﻐﺮﻓﺔ ﻭﺳﻤﻴﺔ ﻗﺎﻓﻠﺔ ﺍﻟﺒﺎﺏ .
ﺍﺷﺮﻟﻲ ﻋﻠﻰ ﺍﻟﻌﺒﺎﻳﺔ ﻣﻌﻠﮕﻪ ﺑﺎﻟﻬﻮﻝ ﻛﺎﻝ ﻟﺒﺴﻲ ﻫﺎﻱ ﻭﻏﻄﻲ ﻭﺟﻬﺞ ﺑﺎﻟﺨﺎﻭﻟﻲ .
ﺭﺣﺖ ﻟﺒﺴﺘﻬﺎ ﻭﺑﺼﻔﻬﺎ ﻣﻴﺰ ﻭﻧﻘﻄﺔ ﻛﻬﺮﺑﺎﺀ ﻋﻠﻴﻬﺎ ﺗﻠﻴﻔﻮﻧﻲ ﻣﻠﺼﺘﻪ ﻣﻦ ﺍﻟﺸﺤﻦ ﺍﺧﺬﺗﻪ ..
ﻏﺸﻴﺖ ﻭﺟﻬﻲ ﺑﺎﻟﺸﺎﻝ ﻭﻧﺰﻟﺖ ﺍﻟﻌﺒﺎﻳﺔ ﻛﻠﺶ ﻋﻠﻰ ﻭﺟﻬﻲ ..
ﺻﺎﺡ ﺯﻧﻴﺒﺔ ﻳﻠﻠﻪ ﺍﺧﺬﻳﻬﺎ ﻭﺭﻭﺣﻲ ﺍﻧﺖ ﻭﻟﺪﺝ ﻟﻠﺒﻴﺖ .
ﻛﺘﻠﻪ ﻋﻤﻮﻭﻭ ﻭﺳﻤﻴﺔ؟
ﻣﺎﻋﻠﻴﺞ ﺑﻴﻬﻪ ﻫﺎﻱ ﺍﻟـ *** ﻭﻳﻠﻠﻪ ﺭﻭﺣﻲ .
ﻻ ﻋﻤﻮﻭﻭ ﻓﺪﻭﻩ ﻻ ﺗﺄﺫﻳﻬﺎﺍﺍ ..
ﺻﺎﺍﺍﺡ ﺯﻧﻴﻴﻴﻴﺒﺔ ﺍﺧﺬﻳﻬﺎ ﻣﻦ ﻭﺟﻬﻲ ﻻﺍﺩﻓﺮﻫﺎﺍﺍ ﻫﺴﻪ .
ﺟﺮﺗﻨﻲ ﻋﻤﻪ ﺯﻳﻨﺐ ﻭﺍﻧﻪ ﺍﺗﻮﺳﻞ ﺑﻲ
ﻭﺻﻮﺗﻲ ﻣﺎﻳﻄﻠﻊ
ﺣﺠﻴﺖ ﺑﺼﻮﺕ ﻧﺎﺻﻲ ﺳﻤﻴﺔ ﺳﺎﻣﺤﻴﻨﻲ ﻋﻔﻴﻪ
ﺍﺩﺭﻱ ﻟﻮ ﺍﻧﺖ ﺑﻤﻜﺎﻧﻲ ﻣﺎﺟﺎﻥ ﻋﻔﺘﻴﻨﻲ ﺑﺲ ﻭﺍﻟﻠﻪ ﻣﺎﻋﻨﺪﻱ ﻗﻮﺓ .. ﻭﺍﻟﻲ ﺻﺎﺭ ﻛﻠﻨﺎ ﺍﻧﺠﺒﺮﻧﺎ ﻋﻠﻴﻪ .
ﻃﻠﻌﺖ ﻣﻦ ﺍﻟﺒﺎﺏ ﺭﻓﻌﺖ ﺭﺍﺳﻲ ﻟﻠﺴﻤﺎﺀ ..
ﺻﺎﻓﻴﺔ ﻭﺍﻟﮕﻤﺮ ﺑﺪﺭ ..
ﺩﻋﻴﺖ ﺍﻟﻠﻪ ﻳﺮﺣﻢ ﺑﺤﺎﻟﻲ ﻭﺣﺎﻟﻬﺎ
ﺍﻧﻪ ﻫﻢ ﻣﺎﺍﺩﺭﻱ ﺷﻨﻮ ﺍﻟﻲ ﻳﻨﺘﻈﺮﻧﻲ ! !
ﺑﻌﺪﻧﻲ ﺷﺎﺑﺔ ﻭ ﻣﺎﺷﻔﺖ ﻣﻦ ﻫﺎﻟﺪﻧﻴﺎ ﻏﻴﺮ ﺍﻟﺘﻌﺐ ﻭﺍﻟﻘﻬﺮ ..
ﺷﻔﺖ ﻗﺴﺎﻭﺓ ﺍﻟﺪﻧﻴﺎ ﻭﺍﻧﺎ ﻣﺴﺘﺴﻠﻤﺔ ﻭﻗﻮﺗﻲ ﻛﻠﻬﺎ ﺍﻧﻬﺪﺕ ﺭﺍﺣﺖ ... ﺍﺣﻼﻣﻲ ﻣﺎﺗﺖ ...
.
ﻛﺎﻥ ﺣﻠﻤﻲ ﺍﻧﻮ ﺍﻋﻴﺶ ﺣﻴﺎﺓ ﻭﺍﺑﻨﻲ ﻣﺴﺘﻘﺒﻠﻲ ﺑﺄﻳﺪﻱ ...
ﺣﻠﻤﺖ ﻫﻮﺍﺍﻱ ﺑﺲ ﻭﺍﻟﻠﻪ ﻣﺎﺷﻔﺖ ﻣﻦ ﻫﺎﻟﻬﻮﺍﻱ ﺷﻲ ....
ﺍﻱ ﺻﺢ ﺷﻔﺖ ، ﺷﻔﺖ ﺍﺣﻼﻣﻲ ﻭﻫﻲ ﺗﻨﻘﺘﻞ ﻛﺪﺍﻡ ﻋﻴﻨﻲ ، ﺷﻔﺖ ﺯﻫﺮﺓ ﺷﺒﺎﺑﻲ ﻭﻫﻲ ﺗﺬﺑﻞ ﻭﻟﻼﺳﻒ ﻣﺎﺗﺖ ، ﺷﻔﺖ ﻫﻤﻮﻡ ﺑﺤﻴﺎﺗﻲ ﺃﻟﻲ ﺍﻋﻤﺎﺭﻫﻢ ﺑﺎﻟﺴﺒﻌﻴﻦ ﻣﺎﺷﺎﻓﻮﻫﺎ ﻭﺍﻧﺎ ﺑﻌﻤﺮ ﺍﻟﻌﺸﺮﻳﻦ ﻭﺷﻔﺖ ﺍﻧﻮﺍﻉ ﺍﻟﺼﺪﻣﺎﺕ ..
ﻛﺎﻥ ﺣﻠﻤﻲ ﺍﻋﻴﺶ ﺑﺲ ﻫﺴﻪ ﺻﺎﺭ ﺣﻠﻤﻲ ﺍﻣﻮﺕ ﻭﺍﺧﻠﺺ .. ﺟﺒﺘﻬﺎ ﻇﻴﻢ ﺑﻈﻴﻢ ﻣﺎﺷﻔﺖ ﻳﻮﻡ ﺣﻠﻮ
ﻛﻞ ﺍﻟﺤﻠﻮ ﺍﻟﺸﻔﺘﻪ ﻭﻱ ﻓﺮﺍﺱ ﺍﻧﻤﺤﻰ ﺑﻠﺤﻈﺔ ﻭﻓﺎﺗﻪ
.
ﺻﻌﺪﺕ ﻟﻠﺴﻴﺎﺭﺓ ﻛﻌﺪﺕ ﻭﺭﻩ ﺍﻧﻪ ﻭﻋﻤﻪ ﺯﻳﻨﺐ
ﺍﻟﺠﻮ ﺑﺎﺭﺩ ﻭﺍﻧﻪ ﻻﺑﺴﺔ ﺩﺷﺪﺍﺷﺔ ﻛﺸﻤﻴﺮ
ﻻﻥ ﺑﺎﻟﺒﻴﺖ ﺣﺮ ﻭﻣﺎﺍﺗﺤﻤﻞ ﺍﻟﻤﻼﺑﺲ ﺍﻟﺸﺘﻮﻳﺔ .
ﻇﻠﻴﺖ ﺍﻃﻜﻄﻚ ﻣﻦ ﺍﻟﺒﺮﺩ ﻭﺑﺪﺍﺧﻠﻲ ﺷﻬﮕﺔ ﻗﻮﻳﺔ ﻭﻣﺎﺍﻛﺪﺭ ﺣﺘﻰ ﺍﺷﻬﮓ ﺑﺎﻟﺒﺠﻲ ﻛﻠﺸﻲ ﺍﻛﺘﻤﻪ
ﻣﻦ ﺷﺪﺓ ﺣﺰﻧﻲ ﻭﻗﻬﺮﻱ ﻋﻠﻰ ﻓﺮﺍﺱ ..
ﺍﻟﻠﺘﺰﻣﺖ ﺑﻜﻠﺸﻲ ﻳﻜﻮﻟﻮﻧﻪ ﺍﻟﻲ ﻭﺍﻋﺘﺒﺮﻩ ﺻﺤﻴﺢ
ﺭﻏﻢ ﻣﻦ ﻗﺒﻞ ﺟﻨﺖ ﺍﻧﺘﻘﺪ ﺍﻟﻲ ﻳﻜﻮﻟﻮﻥ ﺍﻟﻤﺮﻩ ﺍﻟﻲ ﺑﺎﻟﻌﺪﺓ ﺍﺫﺍ ﻃﻠﻊ ﺻﻮﺗﻬﻪ ﺭﺟﻠﻬﺎ ﻳﺘﻌﺬﺏ ﺑﺎﻟﻘﺒﺮ .. ﻓﺨﻔﺖ ﺍﺫﺍ ﻳﻄﻠﻊ ﺻﻮﺗﻲ ﺍﻋﺬﺏ ﻓﺮﺍﺱ ﺑﻘﺒﺮﺓ ..
ﻇﻠﺖ ﻋﻤﻪ ﺯﻳﻨﺐ ﺗﺤﺠﻲ ﻭﻳﺎ ﻭﻟﺪﻫﺎ ﻭﺍﻧﻪ ﻓﻜﺮﻱ ﻭﺑﺎﻟﻲ ﻳﻢ ﺳﻤﻴﺔ ﻭﻓﺮﺍﺱ ﻃﻠﻊ ﺑﻌﺰ ﺍﻟﺒﺮﺩ ﺧﺎﻑ ﻻﻳﺘﻤﺮﺽ ..
ﻭﺻﻠﻨﻪ ﻟﺒﻴﺘﻬﻢ ﻭﻧﺰﻟﺖ ﺍﺗﻌﺜﺮ ﻭﻋﻤﻪ ﺯﻳﻨﺐ ﻻﺯﻣﺘﻨﻲ
ﺩﺧﻠﻮﺍ ﻭﻟﺪﻫﺎ ﻭﺑﻘﻴﺖ ﺑﺎﻟﻄﺎﺭﻣﺔ
ﻛﺘﻠﻬﺎ ﻋﻤﻪ ﺷﺮﺍﺡ ﻳﺼﻴﺮ ﺑﺴﻤﻴﺔ ﺧﺎﻑ ﻳﻜﺘﻠﻬﻪ ﻋﻤﻲ . !
ﺟﺎﻭﺑﺘﻨﻲ : ﻻ ﻋﻤﻪ ﺷﺴﺎﻟﻔﺔ ﺧﻮ ﻣﺎﻣﺠﺮﻡ ﻫﻮ ﻭﻫﻲ ﻗﺎﻓﻠﺔ ﺍﻟﺒﺎﺏ ﻋﻠﻴﻬﺎ ﺷﻴﻄﻠﻌﻬﺎ ﻫﺴﻪ ﻳﻬﺪﺃ ﺑﺲ ﻫﻲ،ﺳﻮﺍﻳﺘﻬﺎ ﺟﺒﻴﺮﺓ .
ﺩﻧﻜﺖ ﻭﻟﺰﻣﺖ ﺭﺍﺳﻲ ﺍﺣﺴﻪ ﺭﺍﺡ ﻳﻨﻔﺠﺮ ﻟﺰﻣﺘﻨﻲ ﺍﻟﺒﺎﺭﺩﺓ ﻭﻫﻢ ﺍﻧﻘﻬﺮﺕ ﻭﺍﻧﺼﺪﻣﺖ ..
ﺩﺧﻠﺘﻨﻲ ﻋﻤﻪ ﺯﻳﻨﺐ ﺟﻮﻩ ﺑﻐﺮﻓﺘﻬﺎ ..
ﺍﺟﻦ ﺍﻣﻞ ﻭﺍﻳﻨﺎﺱ ﻳﻤﻲ ..
ﺣﺠﺖ ﺍﻟﻬﻦ ﻋﻤﻪ ﺯﻳﻨﺐ ﻛﻞ ﺷﻲ ﺻﺎﺭ
ﻛﺎﻟﺖ ﺻﻔﺎﻭﻱ ﺗﻤﺪﺩﻱ ﻭﺍﺭﺗﺎﺣﻲ ..
ﺑﺎﻭﻋﺖ ﺍﻟﻬﺎ ﺟﺎﻭﺑﺘﻬﺎ .. ﻣﻨﻴﻦ ﺗﺠﻲ ﺍﻟﺮﺍﺣﺔ ..
ﻛﺎﻟﺖ ﻧﺰﻋﻲ ﺍﻟﺒﻮﺷﻲ ﻣﺤﺪ ﻳﺪﺧﻞ ﻫﻨﺎﻧﻪ ﺑﻌﺪ .
ﻣﺪﻳﺖ ﺍﻳﺪﻱ ﻧﺰﻋﺘﻪ ..
ﻇﻠﻴﺖ ﺍﻟﻠﻮﺏ ﻋﻠﻰ ﺳﻤﻴﺔ ﻣﺎﺍﺩﺭﻱ ﺷﺼﺎﺭ ﺍﻟﻬﺎﺍ .
ﺍﻧﻄﺘﻨﻲ ﻋﻤﻪ ﺭﻭﺏ ﻟﺒﺴﺘﻪ ﻻﻥ ﺑﺲ ﺍﺭﺟﻒ .
ﺑﻘﻴﺖ ﻛﺎﻋﺪﺓ ﻋﻠﻰ ﻣﻨﺪﺭ ﺑﺎﻻﺭﺽ ﺑﻐﺮﻓﺔ ﻧﻮﻡ ﺗﻮﻗﻌﺘﻬﺎ ﻟﻌﻤﺔ ﺯﻳﻨﺐ .
ﺑﻌﺪﻫﺎ ﺑﻮﻗﺖ ﭼﻔﺖ ﻋﻠﻴﻨﺎ ﻋﻤﻲ .. ﺻﺎﺡ ﺍﻧﻄﻴﻨﻲ ﺗﻠﻴﻔﻮﻧﺞ .
ﻣﻦ ﺍﻟﺨﻮﻑ ﺧﻠﻴﺘﻪ ﺑﺎﻳﺪﻩ ﺑﺪﻭﻥ ﺍﻱ ﺗﺮﺩﺩ .
ﺍﻧﺪﺍﺭ ﻳﺮﻳﺪ ﻳﻄﻠﻊ ﻣﻦ ﺍﻟﻐﺮﻓﺔ
ﮔﺘﻠﻪ ﺑﺨﻮﻑ ﻭﺻﻮﺕ ﻳﺮﺟﻒ .. ﻋﻤﻮﻭ ﻭﻳﻦ ﺳﻤﻴﺔ .
ﺍﻧﺪﺍﺭ ﻋﻠﻴﻪ ﻭﻣﻨﻈﺮﻩ ﻳﺮﻋﺐ .. ﻋﻴﻮﻧﻪ ﺣﻤﺮﻩ ﻭﻣﺨﻨﺰﺭ .
ﮔﺎﻝ ﻻ ﺗﺴﺄﻟﻴﻦ ﻋﻨﻬﺎ ..
ﻭﻃﻠﻊ ﻭﻃﺒﮓ ﺍﻟﺒﺎﺏ ﺣﻴﻴﻞ .
ﺷﻤﺮﺕ ﺭﻭﺣﻲ ﻋﻠﻰ ﻋﻤﻪ ﻭﺍﺑﺠﻲ ﺑﺼﻮﺕ ﻣﺨﻨﻮﮒ ﻭﻣﺮﺗﺠﻒ .. ﻭﺍﺑﺎﻭﻉ ﻟﻌﻴﻮﻧﻬﺎ ﺑﺘﻮﺳﻞ ﻭﺩﻣﻮﻋﻲ ﺗﻜﺖ .
ﮔﺘﻠﻬﺎ ﻋﻤﻪ ﻋﻔﻴﺔ ﺣﺒﻮﺑﺔ ﻛﻠﻴﻠﻲ ﺷﺴﻮﻩ ﺑﻴﻬﺎ ﻓﺪﻭﻩ ﺭﻭﺣﻲ ﺍﺳﺘﻔﺴﺮﻱ ﻣﻨﻪ .
ﻇﻠﺖ ﺗﻬﺪﺃ ﺑﻴﻪ .. ﺻﻔﺎﻭﻱ ﺍﻫﺪﻱ ﻣﺎﻳﺴﻮﻳﻠﻬﻪ ﺷﻲ ﺑﺲ ﻳﻌﺎﻗﺒﻬﻪ ﻻﻥ ﻓﺸﻠﺘﻪ ﻭﺗﺪﺭﻳﻦ ﺑﻲ ﻋﺼﺒﻲ ..
ﻣﺎﺍﻋﺮﻑ ﺷﻮﻥ ﻣﺮ ﺍﻟﻮﻗﺖ ﻭﺧﻠﺺ ﺍﻟﻠﻴﻞ ..
ﺑﻴﻦ ﺩﻣﻮﻉ ﻭﺑﺠﻲ ﻭﺍﻟﻢ ﻭﺣﻴﺮﺓ ﻭﺗﻔﻜﻴﺮ ﺑﺎﻟﻤﺠﻬﻮﻝ ..
ﻃﻠﻊ ﺍﻟﺼﺒﺢ ﻭﺍﻧﻪ ﻧﻤﺖ ﺑﺎﻟﻔﺮﺍﺵ ﺍﻧﺘﻜﺴﺖ ﻛﻠﺶ
ﺻﺨﻮﻧﻪ ﻭﻟﺰﻣﺘﻨﻲ ﺍﻟﺒﺎﺭﺩﺓ ..
ﺍﺟﺖ ﻳﻤﻲ ﻋﻤﻪ ﺯﻳﻨﺐ .. ﻭﺧﺮﺕ ﺍﻟﺒﻄﺎﻧﻴﺔ
ﻣﻦ ﻋﻠﻴﻪ .. ﻛﺎﻟﺖ ﺻﻔﺎﻭﻱ ﺷﺒﻴﺞ ﺗﻮﻧﻴﻴﻦ
ﻣﺎﺟﺎﻭﺑﺘﻪ ﻣﺎﺑﻴﻪ ﺣﺘﻰ ﺍﺣﺠﻲ ..
ﺧﻠﺖ ﺍﻳﺪﻫﺎ ﻋﻠﻰ ﺟﺒﻴﻨﻲ
ﺗﺤﺴﺴﺖ ﺣﺮﺍﺭﺗﻲ ﮔﺎﻟﺖ ﺍﻭﻭ ﻫﺎﻱ ﺷﻨﻮ ﺣﺮﺍﺭﺗﺞ ﻣﺮﺗﻔﻌﻪ ﻛﻠﺶ .. ﺍﻧﻪ ﻫﺴﻪ ﺭﺍﻳﺤﺔ ﻟﻠﺪﻭﺍﻡ
ﺭﺍﺡ ﺍﺋﻤﻨﺞ ﻋﻨﺪ ﺍﻟﺒﻨﺎﺕ ﻳﺪﻳﺮﻥ ﺑﺎﻟﻬﻦ ﻋﻠﻴﺞ
ﺍﻛﻮ ﺩﻭﻩ ﻣﺎﻝ ﺍﻓﻠﻮﻧﺰﺍ ﻭﺑﺮﺩ ﺑﺎﻟﺜﻼﺟﺔ
ﺍﺗﺮﻳﻜﻲ ﺣﺘﻰ ﺗﺎﺧﺬﻳﻨﻪ ..
ﺣﺮﻛﺖ ﺭﺍﺳﻲ ﺑﻘﺒﻮﻝ .. ﻭﻫﻲ ﺭﺍﺣﺖ ..
.
ﺑﻌﺪ ﺷﻮﻳﺔ ﺍﺟﺖ ﺍﻳﻨﺎﺱ ﻭﺑﻴﺪﻫﻪ ﺻﻴﻨﻴﺔ ﺍﻟﺮﻳﻮﻙ
ﺣﻠﻴﺐ ﺩﺍﻓﻲ ﻭﺑﻴﺾ ﻣﺴﻠﻮﮒ ﻭﺷﻜﻠﻴﻦ ﺟﺒﻦ .
ﻳﻠﻠﻪ ﻛﺪﺭﺕ ﺍﻛﻞ ﻟﻜﻤﺘﻴﻦ ﻭﺍﺧﺬ ﻧﻮﻋﻴﻦ ﻣﻦ ﺍﻟﺪﻭﻩ
ﺳﺎﻋﺪﺗﻨﻲ ﺍﻃﻠﻊ ﺍﻏﺴﻞ ﻭﺭﺟﻌﺖ ﻟﻠﻐﺮﻓﺔ
ﺗﺮﻳﺪ ﺗﻄﻠﻊ ﻛﺎﻟﺖ ﺗﺮﺩﻳﻦ ﺷﻲ ﻟﻮ ﺍﺭﻭﺡ ﺍﺭﻳﮓ ﺍﺑﻨﻲ .
ﺍﻳﻨﺎﺱ ﺑﺲ ﻛﻠﻴﻠﻲ ﻣﺎﻛﻮ ﺧﺒﺮ ﻋﻦ ﺳﻤﻴﺔ؟
ﻻ ﻭﺍﻟﻠﻪ ﻣﺎﻛﻮ ..
ﻋﻔﻴﺔ ﮔﻠﻴﻠﻲ ﺷﺮﺍﺡ ﻳﺼﻴﺮ ﺑﺄﺧﺘﻲ؟
ﺍﻟﻠﻪ ﻳﺨﻠﺼﻬﺎ ﻣﻦ ﺷﺮﻩ ﺍﻥ ﺷﺎﺀﺍﻟﻠﻪ ﺍﺩﻋﻴﻠﻬﺎ .
ﻃﻠﻌﺖ ﺍﻳﻨﺎﺱ ﻭﺭﺟﻌﺖ ﺗﻠﻔﻠﻔﺖ ﺑﺎﻟﺒﻄﺎﻧﻴﺔ
ﺻﺎﺭ ﺍﻟﻈﻬﺮ ﺍﺟﺖ ﻋﻤﻪ ﺯﻳﻨﺐ ﻣﻦ ﺍﻟﺪﻭﺍﻡ
ﺻﺒﻮﺍ ﺍﻟﻐﺪﺍ ﺑﺎﻟﻐﺮﻓﺔ ﺍﻟﻲ ﺍﻧﻪ ﺑﻴﻬﺎ
ﺗﻐﺪﻳﻨﻪ ﺍﻧﻪ ﻭﻋﻤﻪ ﺯﻳﻨﺐ ﻭﺍﻳﻨﺎﺱ ﻭﺍﻣﻞ .
ﻭﻧﻄﻮﻧﻲ ﺩﻭﻩ ﻭﺷﻮﻳﺔ ﺻﺮﺕ ﺍﺣﺴﻦ .
ﻟﻠﻌﺼﺮ ﺍﺟﻪ ﻣﻨﺎﺿﻞ ﻭﺭﻗﻴﺔ
ﻃﺒﺖ ﻳﻤﻲ
ﺍﻟﻐﺮﻓﺔ ﺍﻟﻲ ﺍﻧﻪ ﺑﻴﻬﺎ ﺗﻄﻞ ﻉ ﺍﻟﻬﻮﻝ .
ﻭﻛﻔﺖ ﺍﺗﺴﻤﻊ ﻟﺤﺠﻴﻬﻢ ..
ﻣﻨﺎﺿﻞ .. ﻋﻤﻲ ﻣﻦ ﺭﺧﺼﺘﻚ ﺍﺣﻨﻪ ﺑﻴﺘﻨﻪ ﺟﺒﻴﺮ ﻭﺍﻟﺒﻨﺎﺕ ﻣﺜﻞ ﺧﻮﺍﺗﻲ ﺧﻠﻴﻬﻦ ﻳﺠﻦ ﻳﻌﻴﺸﻦ ﻋﺪﻧﻪ .
ﺳﻠﻴﻤﺎﻥ .. ﻭﺷﺘﺮﻳﺪ ﺍﻟﻨﺎﺱ ﻳﺤﺠﻮﻥ ﻋﻠﻴﻪ ﻣﺨﻠﻲ ﺑﻨﺎﺕ ﺍﺧﻮﻭ ﻋﻨﺪ ﺍﻟﻐﺮﻳﺐ !
ﻣﻨﺎﺿﻞ .. ﻋﻤﻲ ﻫﺬﺍ ﻣﻨﻮ ﺍﻟﻴﺤﺠﻲ ﺍﺷﻮ ﺍﻟﻨﺎﺱ ﻛﻠﻤﻦ ﻣﻠﺘﻬﻲ ﺑﻈﻴﻤﻪ ﻭﺍﻧﻪ ﻣﻮ ﻏﺮﻳﺐ ﺯﻭﺝ ﺍﺧﺘﻬﻦ .
ﺳﻠﻴﻤﺎﻥ .. ﺍﻛﻮﻝ ﺍﻧﺖ ﺩﻳﺮ ﺑﺎﻟﻚ ﻋﻠﻰ ﺍﻟﺨﺮﺳﺔ ﻭﻣﺎﻋﻠﻴﻚ ﺑﺨﻮﺍﺗﻬﺎ .
ﻣﻨﺎﺿﻞ .. ﻫﺎﻱ ﺍﻟﺨﺮﺳﺔ ﺯﻭﺟﺘﻲ ﻭﺍﻡ ﺑﻨﺘﻲ ﻭﺍﻟﻬﺎ ﺍﺳﻢ
ﺳﻠﻴﻤﺎﻥ .. ﺍﻛﻠﻚ ﺷﻨﻮ ﺍﻧﺖ ﺟﺎﻱ ﺗﻌﻠﻤﻨﻲ ﺍﻟﺤﺠﻲ .
ﻣﻨﺎﺿﻞ .. ﻻ ﺍﻟﻌﻔﻮﺍ ﻣﻨﻚ ﻋﻤﻲ ﺑﺲ ﻫﺴﻪ ﺷﮕﻠﺖ؟
ﺳﻠﻴﻤﺎﻥ : .. ﻣﺎﻋﻠﻴﻚ ﺑﺎﻟﺒﻨﺎﺕ ..
ﺻﻔﺎ .. ﺗﻤﻨﻴﺖ ﺍﺭﻭﺡ ﻭﻳﺎﻫﻢ ﺍﺷﺘﺎﻗﻴﺖ ﺍﻟﻔﺮﺍﺱ ﻭﻟﻔﺎﻃﻤﺔ ﻭﺧﺎﻳﻔﻪ ﻣﻦ ﻧﻮﺍﻳﺎ ﻋﻤﻲ ﻣﻮ ﻫﺎﻟﻠﻪ ﺑﻠﻠﻪ ﻳﺮﻳﺪﻧﻲ ﺍﺑﻘﻰ ﻫﻨﺎ ﻣﺎﺍﺩﺭﻱ ﺷﻨﻮ ﺍﻟﻲ ﺍﺑﺎﻟﻪ ..
ﺭﻗﻴﺔ ﻣﺮﺗﻴﻦ ﺳﺄﻟﺘﻨﻲ ﻋﻠﻰ ﺳﻤﻴﺔ .. ﮔﺘﻠﻬﺎ ﺍﺑﻴﺖ ﻋﻤﺘﻲ ﺍﺷﻮﺍﻕ ﻭﻳﺎ ﺑﻴﺒﻴﺘﻲ .
ﺑﻌﺪﻫﺎ ﺻﺎﺡ ﻋﻠﻴﻬﺎ ﻣﻨﺎﺿﻞ ﻭﺭﺍﺣﺖ ..
ﺭﺩﺕ ﺗﻠﻴﻔﻮﻧﻲ ﻣﻦ ﻋﻤﻲ ﻣﺎﻗﺒﻞ ﻳﻨﻄﻴﻨﻴﺎ .
ﻭﺑﺲ ﺍﻓﻜﺮ ﺑﺴﻤﻴﺔ .
ﻣﺮﺕ ﻛﻢ ﻳﻮﻡ ﻭﺧﻠﺼﺖ ﺍﻟﻌﺪﺓ ..
ﮔﻠﺖ ﺍﺗﻮﺍﺻﻞ ﻭﻳﺎ ﺍﻣﺎﻥ ﻭ ﺍﻛﻠﻪ ﻋﻠﻰ ﺳﻤﻴﺔ ﺑﻠﻜﻲ ﻳﻜﺪﺭ ﻳﺴﻮﻱ ﺷﻲ
ﺑﺲ ﺗﻠﻴﻔﻮﻧﻲ ﻋﻨﺪ ﻋﻤﻲ
ﺍﻧﺘﻈﺮﺕ ﺍﻳﻨﺎﺱ ﺗﻨﺰﻝ ﻭﺍﺣﺎﺟﻴﻬﻪ .
ﻣﻦ ﻧﺰﻟﺖ ﻛﺘﻠﻬﺎ
ﻛﺎﻟﺖ ﻣﺎﻋﻨﺪﻱ ﺭﻗﻤﻪ ..
ﻋﻔﻴﻪ ﺍﺧﺬﻱ ﻣﻦ ﺍﻱ ﺍﺣﺪ
ﻣﺎﺷﻲ .
ﺑﻘﻴﺖ ﺍﻧﺘﻈﺮﻫﺎ
ﻭﻣﻦ ﺭﺟﻌﺖ ﻛﺎﻟﺖ ﺧﺎﺑﺮﺕ ﻫﺠﺮﺍﻥ ﻣﺎﻗﺒﻠﺖ ﺗﻨﻄﻴﻨﻲ ﺭﻗﻤﻪ ﺗﻜﻮﻝ ﺍﻣﻬﺎ ﻣﺎﺗﻘﺒﻞ .
ﺍﻛﻴﺪ ﺣﺴﺖ ﺑﻴﻪ ﺍﻧﻪ ﺍﺭﻳﺪﻩ ..
ﻛﺘﻠﻬﺎ ﺯﻳﻦ ﺍﺧﺬﻱ ﻣﻦ ﻭﻋﺪ ﺍﻭ ﺍﺳﻼﻡ ﺍﻛﻴﺪ ﻣﺎﻳﺨﻠﻮﻥ ﻣﻨﻪ .
ﺧﻮﺵ ﺍﻓﻜﺮ ..
ﺣﺎﺟﺖ ﻭﻋﺪ ﻛﺎﻳﻞ ﺍﻟﻬﺎ ﺭﻗﻤﻪ ﻣﻐﻠﻖ ﻭﺍﻟﻔﻴﺲ ﻣﺎﻟﺘﻪ ﻣﺎﻛﻮ ﺻﺎﺭ ﻫﻮﺍﻱ ﻣﺎﺍﻟﻪ ﻇﻬﻮﺭ ﻋﻠﻴﻪ ..
ﺩﻋﻴﺖ ﺍﻟﻠﻪ ﺭﺑﻲ ﻛﻞ ﺍﻟﺒﻴﺒﺎﻥ ﺍﻧﺴﺪﺕ ﺑﺲ ﺑﺎﺑﻚ ﻇﻞ ﻣﻔﺘﻮﺡ ﻭﻣﺸﺮﻉ ﻛﻮﻥ ﺑﻌﻮﻧﻬﺎ ﺍﺧﺘﻲ ﻭﺗﻮﺋﻤﻲ ﺷﺤﺎﻟﻬﺎ ﻫﺴﻪ ..
ﻭﺭﻩ ﻣﺎﻃﻠﻌﺖ ﻣﻦ ﺍﻟﻌﺪﺓ ﺑﻜﻢ ﻳﻮﻡ ﺻﺎﺣﻨﻲ ﻋﻤﻲ .
ﺭﺣﺖ ﻳﻤﻪ .. ﻋﻨﺪﻩ ﻏﺮﻓﺔ ﻫﻮ ﻭﺣﺪﻩ ﺑﻴﻬﺎ ﺑﻮﻓﻴﺔ
ﺑﺎﻭﻋﺖ ﺷﻔﺖ ﺗﻠﻴﻔﻮﻧﻲ ﻓﻮﻙ ﺍﻟﺒﻮﻓﻴﺔ
ﻃﺎﻟﻊ ﺷﻮﻳﻪ ﻣﻦ ﺍﻟﻜﭭﺮ ﻣﺎﻟﺘﻪ ﺧﻂ ﺍﺣﻤﺮ ..
ﺑﺲ ﺧﻔﺖ ﺍﻛﻠﻪ ﺍﻧﻄﻴﻨﻴﺎ ..
ﻛﺎﻝ ﻛﻌﺪﻱ ..
ﻛﻌﺪﺕ ﻋﻠﻰ ﺍﻟﻘﻨﻔﺔ ..
ﺳﻠﻴﻤﺎﻥ : - ﺻﻔﺎ ﺍﻧﺖ ﻫﺴﻪ ﻃﻠﻌﺘﻲ ﻣﻦ ﺍﻟﻌﺪﺓ ﻭﺍﻧﻪ ﻭﻟﺪﻱ ﻛﺒﺎﺭ ﻭﺷﺒﺎﺏ ﻭﻣﺎﺍﺭﻳﺪ ﻣﺸﺎﻛﻞ ﻭﻻ ﺍﻱ ﺷﻲ ﻏﻠﻂ ﻳﺼﻴﺮ ﺑﻬﺬﺍ ﺍﻟﺒﻴﺖ .
ﺳﻜﺘﺖ ﺑﺲ ﮔﻠﺒﻲ ﻭﺟﻌﻨﻲ ﻋﺮﻓﺖ ﺿﺎﻣﻠﻲ ﺿﻤﻴﻤﺔ
...
ﻛﻤﻞ ﻛﺎﻝ : ﺟﺎﻳﻴﻦ ﺍﻟﺞ ﺧﻮﺵ ﺧﻄﺎﺑﺔ ﻋﻠﻴﺞ ﺍﻟﺠﻤﻌﺔ ﻳﺠﻲ ﻳﺸﻮﻓﺞ ﺍﻟﺮﺟﺎﻝ ..
ﻇﻠﺖ ﺍﻟﺪﻣﻮﻉ ﺗﺼﺐ ﻣﻦ ﻋﻴﻨﻲ ﻭﻛﻠﺶ ﺍﺧﺎﻑ ﻣﻨﻪ
ﻃﻠﻌﺖ ﻣﻦ ﺍﻟﻐﺮﻓﺔ ﺍﺑﺠﻲ .
ﻇﻞ ﻳﻮﻣﻴﺔ ﻳﮕﻠﻲ ﺣﻀﺮﻱ ﻧﻔﺴﺞ ﻟﻠﺠﻤﻌﺔ
ﻭﺍﻧﻪ ﻣﺤﺘﺎﺭﺓ ﺑﻌﻤﺮﻱ ﻭﺍﻟﺨﻮﻑ ﻣﺘﻤﻠﻜﻨﻲ ﻣﻨﻪ ...
ﺷﻔﺖ ﺍﺑﻨﻪ ﻣﺆﻳﺪ ﺍﻟﺠﺒﻴﺮ ..
ﻛﺘﻠﻪ ﻣﺆﻳﺪ ﻋﻔﻴﺔ ﺣﺎﺟﻲ ﻻﺑﻮﻙ ﺍﻧﻪ ﻣﺎﺍﺭﻳﺪ ﺍﺗﺰﻭﺝ ﻻﻳﺠﺒﺮﻧﻲ .
ﻣﺆﻳﺪ .. ﻳﻤﻌﻮﺩﺓ ﺍﻧﻪ ﻟﺮﻭﺣﻲ ﻣﺎﺑﻴﺪﻱ ﺷﻲ ﺑﻌﺪ ﻣﻮ ﺍﻟﺞ ﺍﺗﺰﻭﺟﻲ ﻭﺍﺧﻠﺼﻲ ﻭﻻﻇﻠﻴﻦ ﺗﺤﺖ ﺭﺣﻤﺘﻪ .
: ﺑﺲ ﺍﻧﻪ ﻣﺎﺍﺭﻳﺪ ﺍﺗﺰﻭﺝ ﻭﻫﻮ ﻣﺼﺮ .
: ﺑﻌﺪ ﻫﺎ ﻫﻴﻪ ﺷﺴﻮﻳﻦ ﺍﺗﺰﻭﺟﻲ ﻭﺍﺭﺗﺎﺣﻲ ﺍﻧﻪ ﻣﺎﺍﻛﺪﺭ ﺍﻭﻛﻒ ﺑﻮﺟﻪ ﺍﺑﻮﻱ .
ﺍﻧﺴﺪﺕ ﺍﻟﺒﻴﺒﺎﻥ ﻛﻠﻬﺎ ﺑﻮﺟﻬﻲ ﻭﻣﺎﺍﺩﺭﻱ ﻋﻦ ﺍﺧﺘﻲ ﺷﻲ .
ﻳﻮﻡ ﺍﻟﺠﻤﻌﻪ ﺍﺟﺖ ﻋﻤﻪ ﺯﻳﻨﺐ ﻭﺍﻧﻄﺘﻨﻲ ﻓﺴﺘﺎﻥ ﺍﺳﻮﺩ ﻣﻦ ﺍﻟﻘﻬﺮ ﺣﺘﻰ ﻣﺎﺍﻧﺘﺒﻬﺖ ﻋﻠﻴﻪ ﻛﺎﻟﺖ ﻟﺒﺴﻲ ﺭﺍﺡ ﻳﺠﻮﻥ
ﻟﺒﺴﺘﻪ ﻭﻃﻠﻌﺖ ﺷﻔﺖ ﻣﺮﻩ ﺑﺎﻟﻬﻮﻝ ﻛﺎﻋﺪﺓ ﻋﻤﻪ ﺯﻳﻨﺐ ﻛﺎﻟﺖ ﻫﺎﻱ ﺍﺧﺘﻪ .
ﺳﻠﻤﺖ ﻋﻠﻴﻬﺎ ﻭﻛﻌﺪﺕ ﮔﺒﺎﻟﻬﺎ ﻇﻠﺖ ﺗﺒﺎﻭﻋﻠﻲ ﺑﻌﺪﻡ ﺍﻫﺘﻤﺎﻡ ﻭﺗﺴﻮﻟﻒ .
ﺩﻗﺎﻳﻖ ﻭﺻﺎﺣﻨﻲ ﻋﻤﻲ ﻭﺭﺣﺖ ﺍﻟﻪ ﺍﺟﺮ ﺑﺨﻄﻮﺍﺗﻲ ﺟﺮ ﻭﺍﺑﺪﻱ ﺍﺑﺠﻲ .
ﺩﺧﻠﻨﻲ ﻋﻠﻴﻪ ﺭﻓﻌﺖ ﺭﺍﺳﻲ ﺍﻧﺼﺪﻣﺖ
ﺭﺟﺎﻝ ﺑﻜﺪ ﻋﻤﺮﻱ ﻣﺮﺗﻴﻦ
ﺑﺲ ﻣﺒﻴﻦ ﺻﺎﺑﻎ ﻭﻣﻌﺪﻝ ﻭﻣﺮﺗﺐ
ﻛﻌﺪﺕ ﻛﺒﺎﻟﻪ ﻭﻛﻞ ﺷﻮﻳﺔ ﺍﺭﻓﻊ ﺭﺍﺳﻲ ﺍﺑﺎﻭﻋﻠﻪ ﺍﺷﻮﻑ ﻧﻈﺮﺍﺗﻪ ﺗﺘﺤﺴﺴﻨﻲ ﺑﺸﻜﻞ ﺍﻧﻘﺮﻓﺖ ﻣﻨﻪ
ﺍﺑﺘﺴﺎﻣﺘﻪ ﻛﺎﻧﻬﺎ ﻣﺎﻛﺮﺓ ﻭﺑﻴﻬﻪ ﺧﺒﺚ
ﺻﺎﺑﻎ ﺷﻌﺮﻩ ﻭﺣﻮﺍﺟﺒﻪ ﻭﻫﻢ ﺑﻴﺪﻩ ﺳﺒﺤﻪ ﻭﻻﺑﺲ ﻗﻤﻴﺺ ﺯﻳﻦ ﻣﺎﻳﻨﺒﻂ ﻣﻦ ﻛﺮﺷﻪ ..
ﻛﺎﻝ ﻟﻌﻤﻲ ﺍﻛﺪﺭ ﺍﺣﺠﻲ ﻭﻳﺎﻫﺎ ﻋﻠﻰ ﺍﻧﻔﺮﺍﺩ
ﺭﺩ ﻋﻠﻴﻪ ﺍﻱ ﺑﻌﺪ ﻫﻴﻪ ﺭﺍﺡ ﺗﺼﻴﺮ ﻣﺮﺗﻚ ..
ﻭﻃﻠﻊ ..
ﺍﺟﻪ ﮔﻌﺪ ﻳﻤﻲ .. ﺩﻧﮕﺖ ﺍﻋﺼﺮ ﺑﺎﻳﺪﻳﻪ ﻭﺍﺭﺟﻒ
ﻛﺎﻝ ﺧﻠﻲ ﺍﺣﺠﻴﻠﺞ ﻋﻨﻲ ﺍﻧﺎ ﻣﺘﺰﻭﺝ ﺍﺛﻨﻴﻦ ﻭﺍﻧﺖ ﺍﻟﺜﺎﻟﺜﺔ ﺑﺲ ﺍﻧﺖ ﺭﺍﺡ ﺗﺼﻴﺮﻳﻦ ﺍﻻﻋﺰ ﺍﻧﺖ ﺍﻟﺼﻐﻴﺮﺓ ﻭﺑﻨﺖ ﺍﺧﻮ ﺍﻟﻐﺎﻟﻲ ﺻﺪﻳﻖ ﻋﻤﺮﻱ ﺍﺑﻮ ﻣﺆﻳﺪ
ﻭﻇﻞ ﻳﻠﻐﻲ ﺍﻧﺼﺪﻣﺖ ﻭﺩﻣﻮﻋﻲ ﻇﻠﺖ ﺗﻄﻴﺢ ﺑﺤﻈﻨﻲ
ﻳﺎﺭﺑﻲ ﺧﻠﺼﻨﻲ ﺷﻬﺎﻟﺰﻭﺍﺝ ﻫﺬﺍ ..
ﺍﺭﻳﺪ ﻗﻮﺓ ﺍﺟﺮ ﺭﻭﺣﻲ ﻣﻦ ﻣﻜﺎﻧﻲ ﻣﺎﺍﻛﺪﺭ .
ﺑﻘﻴﺖ ﻛﺎﻋﺪﺓ ﻣﺘﻮﺗﺮﺓ ..
ﺍﻟﻰ ﺍﻥ ﺍﺟﻪ ﻋﻤﻲ ﻭﺭﺍﺣﻮﺍ ..
ﻟﻠﻤﻐﺮﺏ ﻋﻤﻲ ﻃﻠﻊ .. ﻭﺍﻟﻮﻟﺪ ﻣﺎﻛﻮ
ﻣﺎﺑﻘﺎﻟﻲ ﺑﺲ ﺍﺳﻼﻡ ﺍﺳﺘﻌﻴﻦ ﺑﻲ ﻳﺨﻠﺼﻨﻲ
ﺻﻌﺪﺕ ﻻﻳﻨﺎﺱ ﺩﻛﻴﺖ ﺑﺎﺏ ﻏﺮﻓﺘﻬﺎ ﻭﺩﻣﻮﻋﻲ
ﻋﻠﻰ ﺧﺪﻱ
ﻓﺘﺤﺘﻬﺎ ﻭﺑﻴﺪﻫﺎ ﺍﺑﻨﻬﺎ
ﻛﺎﻟﺖ ﻫﺎﺍﺍ ﺻﻔﺎﺍﺍ
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﮔﺘﻠﻬﺎ ﻋﻔﻴﺔ ﺧﺎﺑﺮﻱ ﺍﺳﻼﻡ ﺧﻞ ﺍﺣﺠﻲ ﻭﻳﺎ ...
ﺷﺘﺮﺩﻳﻦ ﻣﻨﻪ؟
ﺑﺲ ﻛﻠﻤﺘﻴﻦ ﻓﺪﻭﻩ
ﻻ ﻋﻔﻴﺔ ﺍﺧﺎﻑ ﻣﻦ ﻋﻤﻲ ﺍﻧﻪ ﻣﺤﺬﺭﻧﻪ .
ﻋﻠﻴﺞ ﺍﻟﻠﻪ ﺑﺲ ﺷﻮﻳﻪ ﻫﻮ ﻣﻮ ﻫﻨﺎ ﻃﺎﻟﻊ ﻋﻔﻴﻪ ﺍﻳﻨﺎﺱ ﺑﺮﻭﺡ ﺍﺑﻮﺝ .
ﻛﻮﺓ ﻗﺒﻠﺖ ﻃﻠﻌﺖ ﺭﻗﻤﻪ ﻭﺩﮔﺖ ﻋﻠﻴﻪ ﻣﻦ ﺍﻭﻝ ﺩﮔﻪ ﺟﺎﻭﺑﻬﺎ
ﻛﻠﺘﻠﻪ ﺻﻔﺎ ﺗﺮﻳﺪ ﺗﺤﺠﻲ ﻭﻳﺎﻙ ..
ﻣﺎﺳﻤﻌﺖ ﺷﻜﺎﻝ ﺑﺲ ﺭﺩﺕ ﻛﻠﺘﻠﻪ ﻣﺎﺍﺩﺭﻱ ﻫﺎﻙ ﺍﻳﺎﻫﺎ ﺗﺤﺎﺟﻴﻚ ﻛﺒﻞ ﻻﻳﺠﻲ ﻋﻤﻲ ..
ﻭﺍﻧﻄﺘﻨﻲ ﺍﻟﺘﻠﻴﻔﻮﻥ ﻛﺎﻟﺖ ﺑﺴﺮﻋﻪ ﺧﻠﺼﻴﻨﻲ
ﺍﺧﺬﺗﻪ ﻭﺍﻳﺪﻱ ﺗﺮﺟﻒ
ﺷﺮﺩﺍﻧﻲ ﻋﻠﻴﻚ ﺍﺳﻼﻡ ﺷﻨﻮ ﻣﻦ ﺯﻣﻦ ﻫﺬﺍ
ﺭﺍﺡ ﺗﺴﺎﻋﺪﻧﻲ ﻟﻮ ﺗﺎﺧﺬ ﺑﺜﺎﺭﻙ ﻣﻨﻲ ﻋﻠﻰ ﺍﻟﺴﻮﻳﺘﻪ ﺑﻴﻚ ﺑﺎﻟﻤﺎﺿﻲ
.
ﺻﻔﺎ .. ﺻﺎﺭﻟﻲ ﻫﻮﺍﻱ ﻣﺎﺳﺎﻣﻌﺔ ﺻﻮﺗﻪ ﺍﻛﺜﺮ ﻣﻦ ﺳﻨﺔ ﺗﻘﺮﻳﺒﺎ ﺍﺗﺬﻛﺮ ﺍﺧﺮ ﻣﺮﺓ ﺗﻌﺎﺭﻛﻨﻪ ﻭﺿﺮﺑﻨﻲ ﻭﻣﻨﻬﺎ ﺑﻌﺪ ﻣﺎﺗﻮﺍﺻﻠﺖ ﻭﻳﺎ ﺑﺎﻟﺘﻠﻴﻔﻮﻥ ..
ﺍﮔﻮﻝ ﺍﻧﻪ ﺷﺠﺎﺑﻨﻲ ﻋﻠﻴﻚ ﻫﺴﻪ ﻣﺎﻛﻮ ﻏﻴﺮﻙ ﻳﻨﻘﺬﻧﻲ ﺷﻨﻮ ﻫﺎﻟﺬﻟﺔ ﻫﺎﻱ ﻳﺎﺭﺑﻲ ..
ﻻﺯﻣﻪ ﺍﻟﺘﻠﻴﻔﻮﻥ ﻭﻣﺨﻠﻴﺘﻪ ﻋﻠﻰ ﺍﺫﻧﻲ ﻭﺑﺲ ﻧﻔﺴﻲ ﻳﺼﻌﺪ ﻭﻳﻨﺰﻝ ﺑﺼﻮﺕ ﻣﺴﻤﻮﻉ ﻣﺤﺘﺎﺭﺓ ﺷﺤﺠﻲ ..
ﺻﺎﺡ ﺑﺒﺮﻭﺩ ﻭﺗﻜﺒﺮ .. ﺍﺣﺠﻲ ﺍﺳﻤﻌﺞ ..
ﻣﺎﺍﺩﺭﻱ،ﺷﺠﺎﻧﻲ ﻣﻦ ﺳﻤﻌﺖ ﺻﻮﺗﻪ .. ﺗﺬﻛﺮﺕ ﺍﻳﺎﻡ ﻣﻦ ﺟﻨﻪ ﻧﻀﺤﻚ ﻭﻧﺴﻮﻟﻒ ﻭﻧﺘﻌﺎﺭﻙ ﺫﻛﺮﻳﺎﺕ ﻣﺎﺗﻨﺴﻲ ﺑﻠﺤﻈﺘﻬﺎ ﻟﺰﻣﺘﻨﻲ ﻗﺸﻌﺮﻳﺮﺓ .
ﮔﺘﻠﻪ ﻭﺑﻌﺪﻫﺎ ﺍﻟﺮﺟﻔﻪ ﺑﺼﻮﺗﻲ
ﺍﺳﻼﻡ ﺍﻧﻪ .. ﻭﺳﻜﺘﺖ ! !
ﺍﻳﻨﺎﺱ ﻫﻢ ﻭﺗﺮﺗﻨﻲ ﻳﺎﺭﺍﻳﺤﺔ ﻟﻠﺸﺒﺎﻙ ﺗﻄﻞ ﺧﺎﻑ ﻳﺠﻲ ﻋﻤﻲ
ﻟﻮ ﺗﺮﻭﺡ ﻟﻠﺒﺎﺏ ﺗﻔﺘﺤﻪ ﻭﻫﺎﻱ ﻻﺯﻣﻪ ﺍﺑﻨﻬﺎ ﻭﻣﺎﺧﺬﺗﻬﺎ ﻣﺸﻲ ﻣﻦ ﺍﻟﺒﺎﺏ ﻟﻠﺸﺒﺎﻙ .
ﺻﺎﺡ ﺍﺳﻼﻡ : - ﺗﺤﺠﻴﻦ ﻟﻮ ﺍﺳﺪﻩ .. ؟ !
ﺍﻳﻨﺎﺱ " ﺑﻨﺘﺮ .." ﻭﻟﺞ ﺍﺣﺠﻲ ﻓﻀﻴﻬﺎ ﻻﻳﺠﻲ ﻋﻤﻲ ﺑﻲ ﻃﺒﻊ ﻳﺴﻨﻂ ﻳﻮﻛﻒ ﻭﺭﻩ ﺍﻟﺒﺎﺏ ﻭﻳﺘﺴﻤﻊ ..
ﻳﺎﺭﺑﻲ ﺍﻟﺤﺠﺎﻳﺔ ﻣﺎﺗﻄﻠﻊ ﻫﻲ ﮔﻮﺓ ..
ﺣﺠﻴﺖ -: ﻋﻤﻲ ﻳﺮﻳﺪﻧﻲ ﺍﺗﺰﻭﺝ .
ﺍﺳﻼﻡ .. ﻭﺍﻧﻪ ﺷﻴﺨﺼﻨﻲ ؟
-: ﺍﺭﻳﺪﻙ ﺗﺤﺎﺟﻲ ﺗﻤﻨﻌﻪ ﺍﻧﻪ ﻣﺎﺍﺭﻳﺪ ﺍﺗﺰﻭﺝ ﺣﺎﺟﻴﺖ ﻭﻟﺪﻩ ﻣﺤﺪ ﮔﺎﺩﺭ ﻳﻮﻛﻒ ﺑﻮﺟﻬﻪ ﻛﻠﺖ ﺑﻠﻜﻲ ﺍﻧﺖ ﺗﮕﺪﺭ .
-: ﺍﺗﺰﻭﺟﻲ ﺍﺣﺴﻠﺞ ﺻﻔﺎ ﺍﻟﺰﻭﺍﺝ ﺳﺘﺮ ﺍﻟﺞ ..
ﻗﻬﺮﺗﻨﻲ ﺣﺠﺎﻳﺘﻪ ﺻﺎﺭﺕ ﺩﻣﻮﻋﻲ ﻋﻠﻰ ﺧﺪﻱ ﻏﺼﻴﺖ ﺑﺎﻟﺒﺠﻲ ﺍﺩﺭﻱ ﺑﻲ ﻳﺮﻳﺪ ﻳﺬﻟﻨﻲ ﺍﻧﻪ ﻣﺎﺭﺍﻳﺪﺓ ﻣﻨﻪ ﻏﻴﺮ ﻳﻮﻛﻒ ﻫﺎﻟﺰﻭﺍﺝ ﮔﺘﻠﻪ ﺍﻟﺤﻤﺪﻟﻠﻪ ﺍﻧﻪ ﻣﺴﺘﻮﺭﺓ ﻭﻣﺎﻣﺤﺘﺎﺟﺔ ﺭﺟﺎﻝ ﻳﺴﺘﺮﻧﻲ .
-: ﻣﺎﺑﻴﺪﻱ ﺷﻲ ﻋﻠﻴﺞ ﺻﻔﺎ ..
-: ﺍﻧﻪ ﺍﺩﺭﻱ ﺍﻧﺖ ﺗﮕﺪﺭ .
-: ﺷﻨﻮ ﺗﺮﺩﻳﻦ ﺍﻧﻬﻲ ﻋﻠﻴﺞ ﻣﺜﻼً؟
-: ﺍﻱ ﺷﻲ ..
-: ﻻﺀ ﺗﺰﻭﺟﻲ ﺍﺣﺴﻠﺞ ..
-: ﻣﺎﺍﺭﻳﺪ ﺍﺗﺰﻭﺝ ﻫﺬﺍ ﺍﻟﺮﺟﺎﻝ ﺑﮕﺪ ﻋﻤﺮﻱ ﻣﺮﺗﻴﻦ ﺍﻋﺘﺒﺮﻧﻲ ﺍﺧﺘﻚ ﻭﺟﺎﻱ ﺗﺴﺘﻨﺠﺪ ﺑﻴﻚ ﻭﺧﻠﺼﻨﻲ .
-: ﺍﻧﺠﺒﻲ ﺷﻨﻮ ﻫﺎﻟﺤﺠﻲ ﺍﻧﺖ ﻏﺒﻴﺔ ﻟﻮ ﺗﺘﻐﺎﺑﻴﻦ ﺍﺧﺘﻚ ﺷﻨﻮﻭ؟
-: ﻣﺸﻜﻮﺭ ﺍﺑﻦ ﻋﻤﻲ ﻭﻣﺎﻗﺼﺮﺕ .
ﺍﻳﻨﺎﺱ ﻭﺍﮔﻔﺔ ﻋﻠﻰ ﺭﺍﺳﻲ ﺧﻤﺸﺖ ﺍﻟﺘﻠﻴﻔﻮﻥ ﻣﻨﻲ ﺑﺴﺮﻋﺔ
ﺑﺎﻭﻋﺘﻠﻬﺎ ﺑﺤﻘﺪ ﻭﻃﻠﻌﺖ ﻣﻦ ﻏﺮﻓﺘﻬﺎ ﺍﺭﻛﺾ
ﻧﺰﻟﺖ ﺟﻮﻩ ﺻﺎﺭﺕ ﮔﺒﺎﻟﻲ ﻏﺮﻓﺔ ﻋﻤﻲ ﺍﻟﻲ ﺑﻴﻬﺎ ﺗﻠﻴﻔﻮﻧﻲ
ﺑﺲ ﻣﺎﺍﻛﺪﺭ ﺍﺩﺧﻞ ﺍﻟﻬﺎ ﻻﻥ ﺍﺑﻨﻪ ﺍﻟﺼﻐﻴﺮ ﺳﻤﻴﺮ ﻋﻤﺮﻩ 16 ﻛﺎﻋﺪ ﺑﺎﻟﻬﻮﻝ ﻭﺑﻴﺪﻩ ﺗﻠﻴﻔﻮﻧﻪ ..
ﺭﺣﺖ ﻟﻐﺮﻓﺔ ﻋﻤﻪ ﺯﻳﻨﺐ ..
ﻋﻤﻪ ﺯﻳﻨﺐ ﻭﻋﻤﻮ ﻣﺎﻳﻨﺎﻣﻮ ﺳﻮﻩ ﺍﺛﻨﻴﻨﻬﻢ ﺑﻐﺮﻓﺔ ﻭﺣﺪﺓ ﻏﺮﻓﻬﻢ ﻣﻨﻔﺼﻠﻴﻦ ﻋﻦ ﺑﻌﺾ
ﻣﺎﺍﺩﺭﻱ ﻟﻴﺶ
ﺑﺲ ﻣﺮﺍﺕ ﺍﺷﻮﻓﻪ ﺑﺎﻟﻠﻴﻞ ﻳﺼﻴﺢ ﺍﻟﻬﺎ ﺗﺮﻭﺡ ﻳﻤﻪ ..
&&&&&
ﺍﺳﻼﻡ .. ﺷﮕﺪ ﻓﺮﺣﺖ ﻣﻦ ﺍﺳﺘﻨﺠﺪﺕ ﺑﻴﻪ ﻭﺧﺎﺑﺮﺗﻨﻲ
ﺷﻜﺪ ﻣﺸﺘﺎﻕ ﻭﻭﻟﻬﺎﻥ ﻋﻠﻰ ﺻﻮﺗﻬﺎ
ﺍﺣﺲ ﻫﻴﻪ ﻣﺎﻱ ﻭﺍﻧﻪ ﻛﺎﻉ ..
ﻭﻣﺎﺍﮔﺪﺭ ﺑﺪﻭﻧﻬﺎ
.
ﺑﺲ ﺣﺒﻴﺖ ﺍﺗﻠﺬﺫ ﻭﻫﻲ ﺗﺘﻮﺳﻞ ﻭﺍﻧﺘﻘﻢ ﻟﺮﺟﻮﻟﺘﻲ
ﻭﺍﻟﻠﻌﺐ ﺑﺎﻋﺼﺎﺑﻬﺎ ﺷﻮﻳﺔ .
ﺷﻜﺪ ﻗﻬﺮﺗﻨﻲ ﻣﻦ ﺗﺤﺠﻲ ﻭﻫﻲ ﺗﺒﺠﻲ
ﺍﻛﻮ ﺍﺧﺘﻼﻑ ﻣﺎﺑﻴﻦ ﻋﻤﻲ ﻳﺠﻲ ﻳﻜﻠﻲ ﺍﺗﺰﻭﺟﻬﺎ ﻭﻣﺎﺑﻴﻦ ﻫﻲ ﺗﺘﺼﻞ ﺑﻴﻪ ﻭﺗﻄﻠﺐ ﻣﺴﺎﻋﺪﺗﻲ
ﺻﻮﺗﻬﺎ ﺑﺴﺮﻋﻪ ﺧﻼﻧﻲ ﺍﺿﻌﻒ .
ﻗﺮﺭﺕ ﺍﺭﻭﺡ ﻳﻮﻡ ﺛﺎﻧﻲ ﻟﻌﻤﻲ ﻭﺍﺧﻠﻲ ﻳﻮﻛﻒ ﺧﻄﻮﺑﺘﻬﺎ ﻣﻦ ﺫﺍﻙ ﺍﻟﺮﺟﺎﻝ ﻭﺍﻧﻪ ﺍﺗﻘﺪﻡ ﺍﻟﻬﺎ ..
&&&&
ﺻﻔﺎ .. ﻛﻠﺶ ﺿﺠﺖ ﻭﺿﻠﻴﺖ ﺍﺑﺠﻲ ﺑﺎﻟﻐﺮﻓﺔ ﺍﻟﻮﺣﺪﻱ
ﺷﺠﺎﺑﻨﻲ ﻋﻠﻰ ﺍﺳﻼﻡ ﻭﺷﻮﺩﺍﻧﻲ ﺍﻟﻪ .
ﺍﺻﻼ ﺍﻧﻪ ﻟﻮ ﻣﺎ ﺿﺎﻗﺖ ﺑﻴﻪ ﺍﻟﺴﺒﻞ ﻣﺎﺍﺳﺘﻨﺠﺪ ﺑﻲ
ﺑﺲ ﻻﻥ ﺍﺩﺭﻱ ﺷﺨﺼﻴﺘﻪ ﻗﻮﻳﺔ ﻭﻳﻜﺪﺭ ﻳﻔﺮﺽ ﺭﺃﻳﻪ ﻋﻠﻰ ﻋﻤﻲ ﻋﻜﺲ ﻭﻟﺪﻩ .
ﻫﻮ ﻟﻮ ﺍﺭﻳﺪ ﺟﺎﻥ ﺭﺣﺖ ﺣﺎﺟﻴﺖ ﺭﺿﻮﺍﻥ ﺑﺲ ﺍﺩﺭﻱ ﺑﻲ ﻣﺎﻳﺪﺑﺮﻫﺎ ﻭﻣﺎﻳﻮﻛﻒ ﺑﻮﺟﻪ ﻋﻤﻲ .
ﺑﺲ ﺍﺩﺭﻱ ﺑﻲ ﺟﺎﻱ ﻳﻨﺘﻘﻢ ﻣﻨﻲ ﻻﻥ ﺑﻴﻮﻡ ﻣﻦ ﺍﻻﻳﺎﻡ ﺟﻨﺖ ﺣﺒﻴﺒﺘﻪ ﻭﺃﺫﺍﻧﻲ ﻭﺗﺮﻛﺘﻪ ..
ﻭﻟﻮ ﻳﺮﺟﻊ ﺑﻴﻪ ﺍﻟﻮﻛﺖ ﻫﻢ ﺍﺭﻓﻀﻪ ﻭﺗﺼﺮﻓﻪ ﺍﻟﻴﻮﻡ ﻭﻳﺎﻱ ﻳﺜﺒﺖ ﻣﺎﺭﺍﺡ ﺍﺭﺗﺎﺡ ﻭﻳﺎ
ﻭﺍﺧﺘﻴﺎﺭﻱ ﺍﻟﻔﺮﺍﺱ ﺟﺎﻥ ﺻﺤﻴﺢ ﺑﺲ ﺍﻟﻮﻛﺖ ﺿﺪﻱ .
ﺑﺎﻟﻠﻴﻞ ﺍﺟﻪ ﻋﻤﻲ ﺻﺎﺣﻨﻲ ..
ﻛﺎﻝ ﺻﻔﺎ ﺍﻧﻪ ﺍﺗﻔﻘﺖ ﻭﻳﺎ ﺍﻟﺠﻤﺎﻋﻪ ﻋﻠﻰ ﻛﻞ ﺷﻲ
ﺍﻟﺤﺎﺿﺮ ﻭﺍﻟﻐﺎﻳﺐ ﻭﻛﺎﻝ ﺭﺍﺡ ﻳﻜﻌﺪﺝ ﻣﺆﻗﺘﺎً ﻭﻳﺎ ﻧﺴﻮﺍﻧﻪ ﻭﺑﻌﺪﻳﻦ ﻳﻌﺰﻟﺞ ﻋﻨﻬﻢ .
ﺍﻧﻪ ﺳﻜﺘﺖ ﻭﺍﺭﺟﻒ ﺧﻮﻑ ﻣﻨﻪ ﮔﺘﻠﻪ ﻋﻤﻮ ﻭﻳﻦ ﺳﻤﻴﺔ؟
ﮔﺎﻝ ﻻﺗﺴﺄﻟﻴﻦ ﻋﻨﻬﺎ .. ﻭﻃﻠﻊ
ﺍﺟﺖ ﻳﻤﻲ ﻋﻤﻪ ﺯﻳﻨﺐ ﻧﻤﺖ ﺑﺤﻀﻨﻬﺎ ﻭﺍﺑﺠﻲ
ﻛﺘﻠﻬﺎ ﻣﺎﻣﻌﻘﻮﻟﺔ ﻣﺤﺪ ﻳﻜﺪﺭ ﻳﻮﻛﻒ ﺑﻮﺟﻬﻪ .
ﻛﺎﻟﺖ ﺍﻟﻨﻪ ﺍﻟﻠﻪ ﻭﺍﻟﻠﻪ ﺷﻜﺪ ﺣﺠﻴﺖ ﻭﻳﺎ
ﻛﻞ ﺣﺠﺎﻳﺔ ﻭﺍﻟﺜﺎﻧﻴﺔ ﺍﺻﻠﺦ ﻭﺍﺫﺑﺢ ﻭﺍﻃﻠﻜﺞ ﻭﺍﺷﻤﺮﺝ ﺗﻌﺒﺖ ﻣﻨﻪ ﻛﻠﺶ .
ﻋﻤﻪ ﺧﻠﻲ ﻳﺎﺧﺬ ﺍﻟﺒﻴﺖ ﻭﺣﺼﺼﻨﻪ ﺑﻲ ﺑﺲ ﺧﻠﻲ ﻳﻔﻚ ﻣﻨﻪ .
ﻭﻟﺞ ﻋﻴﻨﻲ ﺻﻔﺎﻭﻱ ﻫﻮ ﻣﻮ ﻗﺼﺪﻩ ﺍﻟﺒﻴﺖ ﺑﺲ ﻳﺮﻳﺪ ﻳﺰﻭﺟﺠﻦ ﻭﻳﺴﺘﺮ ﻋﻠﻴﺠﻦ ﻭﺍﻟﻠﻪ ﻣﻦ ﺯﻳﻦ ﻣﺎﺧﻠﻔﺖ ﻣﻨﻪ ﺑﻨﺎﺕ ﺟﺎﻥ ﻭﺋﺪﻫﻦ ﻣﺜﻞ ﺍﺑﻮ ﺟﻬﻞ ﻣﻦ ﻳﺪﻓﻦ ﺍﻟﺒﻨﺎﺕ .
: ﻋﻤﻪ ﻫﻮ ﺍﺷﺎﻳﻔﻨﻪ ﻗﺎﺑﻞ ﺗﺎﻳﻬﺎﺕ ﺑﺎﻟﺸﻮﺍﺭﻉ ﺍﺷﻮ ﺍﻟﺤﻤﺪﻟﻠﻪ ﻣﺴﺘﻮﺭﺍﺕ .
: ﺑﻌﺪ ﻫﺎﻱ ﻋﻘﻠﻴﺘﻪ ﻭﻫﺎﻱ ﻧﻈﺮﺗﻪ ﻟﻠﻤﺮﺓ ﺯﻳﻦ ﻣﻨﻪ ﻭﺧﻼﻧﻲ ﺍﺩﺍﻭﻡ ﻣﺪﺭﻱ ﺷﻌﺠﺐ ﺑﺲ ﺑﻬﺎﻱ ﻫﻮ ﻧﺼﻔﻨﻲ .
ﮔﻮﻩ ﺧﻠﺺ ﺍﻟﻠﻴﻞ . ﻭﺍﻧﻪ ﺑﺲ ﺍﺧﻄﻂ . ﺍﺧﺮ ﺣﻞ ﺗﻮﺻﻠﺖ ﺍﻟﻪ ﺍﺧﺎﺑﺮ ﺍﻣﻲ ﺑﻠﻜﻲ ﺗﻜﺪﺭ ﺗﺴﻮﻱ ﺷﻲ . ﻳﻮﻡ ﺛﺎﻧﻲ ﺍﻟﺼﺒﺢ
ﻃﻠﻌﻮﺍ ﻟﻠﺪﻭﺍﻡ ﻋﻤﻲ ﻭﻣﺮﺗﻪ ﻭﻭﻟﺪﻩ .
ﺍﻣﻞ ﻭﺍﻳﻨﺎﺱ ﻳﺘﺄﺧﺮﻥ ﺑﺎﻟﮕﻌﺪﺓ ﺍﻟﺼﺒﺢ .
ﺭﺣﺖ ﻟﻐﺮﻓﺔ ﻋﻤﻲ ﻓﺘﺤﺖ ﺍﻟﺒﺎﺏ ﺍﻧﻔﺘﺤﺖ ﺯﻳﻦ ﻣﺎﻣﻘﻔﻮﻟﺔ .
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻱ .. ﻣﺪﻳﺖ ﺍﻳﺪﻱ ﺍﺭﻳﺪ ﺍﺗﻨﺎﻭﺵ ﺍﻟﺘﻠﻴﻔﻮﻥ ﻣﺎﺍﻟﻮﺣﻪ . ﻓﻮﮒ ﺍﻟﺒﻮﻓﻴﺔ ..
ﺟﺮﻳﺖ ﻛﺮﺳﻲ ﻭﺻﻌﺪﺕ ﻋﻠﻴﻪ
ﺷﻔﺖ ﺗﻠﻴﻔﻮﻧﻲ ﺍﺧﺬﺗﻪ ﻭﺭﺟﻌﺖ ﺍﻟﻜﺮﺳﻲ ﺑﻤﻜﺎﻧﻪ .
ﺩﺳﺖ ﺩﮔﻤﺔ ﺍﻟﻘﻔﻞ ﻣﺎﻳﻨﻔﺘﺢ ﻣﺨﻠﺺ ﺷﺤﻦ .
ﺩﻭﺭﺕ ﻋﻠﻰ ﺷﺎﺣﻦ ﻣﺎﻛﻮ .
ﻃﻠﻌﺖ ﻣﻦ ﺍﻟﻐﺮﻓﺔ ﺷﻔﺖ ﺑﺎﻟﻬﻮﻝ ﻭﺣﺪﻩ ﺧﻠﻴﺘﻪ ﻉ ﺍﻟﺸﺤﻦ ﻭﺍﺗﺮﻗﺐ ﺧﺎﻑ ﺍﺣﺪ ﻳﮕﻌﺪ ﻭﻳﺸﻮﻓﻨﻲ
.
ﻣﺮﺕ ﻛﻢ ﺩﻗﻴﻘﺔ ﻓﺘﺤﺖ ﺍﻟﺘﻠﻴﻔﻮﻥ ﻭﺩﮔﻴﺖ ﺭﻗﻢ ﺍﻣﻲ
ﻭﺍﺑﺎﻭﻉ ﻉ ﺍﻟﺪﺭﺝ ﺧﺎﻑ ﻻﺍﺣﺪ ﻳﻨﺰﻝ .
ﻃﻠﻌﺖ ﺭﻗﻢ ﺍﻣﻲ ﺍﺗﺼﻠﺖ ﻣﺮﺓ ﻣﺮﺗﻴﻦ ﻭ 3 ..
ﺍﻟﻰ ﺍﻥ ﺟﺎﻭﺑﺘﻨﻲ ﻭﻣﺒﻴﻦ ﺻﻮﺗﻬﺎ ﻣﻨﻌﺴﺔ .
ﮔﺎﻟﺖ ﺍﻟﻮﻭﻭ ..
ﮔﺘﻠﻬﺎ ﺍﻧﺖ ﺷﻨﻮ ﻣﻦ ﺍﻡ ﺍﻧﺖ ﻣﺎﺗﺴﺄﻟﻴﻦ ﻋﻦ ﺑﻨﺎﺗﺞ ﺧﻠﻔﺘﻴﻨﻪ ﻭﻧﺴﻴﺘﻲ ﻋﺎﺩ ﻓﻜﺮﻱ ﺷﺮﺍﺡ ﻳﺼﻴﺮ ﺑﻴﻨﻪ ﺑﻌﺪ ﺍﺑﻮﻧﻪ ..
: ﺍﻭﻭﻭ ﺳﻤﻴﺔ ﺷﺒﻴﺞ ﻭﻟﺞ ﺍﻧﻪ ﻣﻦ ﻓﺎﺗﺤﺔ ﺍﺑﻮﺝ ﻃﺮﺩﻭﻧﻲ ﺗﺮﺩﻳﻦ ﺍﺟﻲ ﻭﺭﻩ ﺍﻟﻔﺎﺗﺤﺔ ﺣﺘﻰ ﻳﻤﻠﺨﻮﻧﻲ !
: ﺍﻧﺎ ﻣﻮ ﺳﻤﻴﺔ ﺍﻧﺎ ﺻﻔﺎ ﻭﻟﺞ ﻳﻤﻪ ﺳﻮﻳﻠﻨﻪ ﺟﺎﺭﺓ ﺍﻧﺖ ﺍﻣﻨﻪ ﻭﺍﻟﺞ ﺣﻖ ﺑﻴﻨﺎ ﻋﻤﻲ ﻣﺎﺍﺩﺭﻱ ﻭﻳﻦ ﻭﺩﻩ ﺳﻤﻴﺔ ﺭﻭﺣﻲ ﺍﺷﺘﻜﻲ ﻋﻨﺪ ﺍﻟﺸﺮﻃﺔ ﻋﻠﻴﻪ .
: ﻳﺎ ﺻﺨﺎﻡ ﺻﺨﻤﻪ ﻭﻳﻦ ﻭﺩﺍﻫﺎ ..
: ﻣﺎﺍﺩﺭﻱ ﺻﺎﺭ ﺍﺳﺒﻮﻋﻴﻦ ﻣﺎﺷﺎﻳﻔﺘﻬﻪ ﻭﺣﺠﻴﺘﻠﻬﻪ ﺳﺎﻟﻔﺔ ﺳﻤﻴﺔ ﻛﻠﻬﺎ .
: ﻭﻟﺞ ﺍﻧﻪ ﻫﺴﻪ ﻣﻮ ﺑﺎﻟﺒﺼﺮﺓ ﺑﻐﻴﺮ ﻣﺤﺎﻓﻈﺔ ﺍﺭﺟﻊ ﻭﻳﺼﻴﺮ ﺧﻴﺮ .
: ﻭﺍﻧﺎ ﺭﺍﺡ ﻳﺰﻭﺟﻨﻲ ﻟﻮﺍﺣﺪ ﺍﻛﺒﺮ ﻣﻨﻲ ﺏ 25 ﺳﻨﺔ ﻭﺍﻧﺖ ﻳﻤﺘﻪ ﺗﺮﺟﻌﻴﻦ ﺣﻀﺮﺗﺞ .
: ﺷﺒﻲ ﻫﺬﺍ ﺍﺳﺘﺠﻠﺐ ﻋﻠﻴﺠﻦ ﺧﻮ ﻣﺎﺍﺳﺘﺠﻠﺐ ﻣﺎﻛﻮ ﺍﺣﺪ ﻳﻜﺪﺭ ﻳﻮﻛﻒ ﺑﻮﺟﻬﻪ ﻭﻳﺮﺩﻩ .
: ﻣﺎﻛﻮ ... ﻣﺎﻛﻮ ﻟﻴﺶ ﺧﺎﺑﺮﺗﺞ ﺍﻧﻪ ﻣﺄﻳﺴﺔ ﻣﻨﺞ ﺑﺲ ﻣﻦ ﻻ ﺟﺎﺭﺓ ﻣﻦ ﺣﻼﺕ ﺍﻟﺒﺮﻭﺣﻲ ﺷﺴﻮﻭﻭﻱ .
: ﺗﻜﺪﺭﻳﻦ ﺗﻄﻠﻌﻴﻦ ﻣﻦ ﺍﻟﺒﻴﺖ ﺭﻭﺣﻲ ﺍﻟﺨﺎﻟﺞ ﺟﺎﺑﺮ ﻭﺍﺑﻘﻲ ﻳﻤﻪ ﺑﻴﻦ ﻣﺎﺍﺟﻲ ﻭﺍﺣﻂ ﺍﻟﻪ ﺣﺪ ﻭﺍﺧﻠﻲ ﻳﻌﺮﻑ ﺣﺪﻭﺩﻩ ﺍﻟﻪ ﺍﺧﻠﻲ ﻳﺨﻴﺲ ﺑﺎﻟﺴﺠﻦ .
: ﻭﺍﻧﻪ ﻭﻳﻦ ﺍﻧﺪﻝ ﺑﻴﺘﻬﻢ ..
: ﻭﻟﺞ ﻣﺎﻳﺘﻴﻪ ﺍﻧﺖ ﺗﻌﺮﻓﻴﻦ ﺍﻟﻤﻨﻄﻘﺔ ﺍﺧﺬﻱ ﺗﻜﺴﻲ ﻭﺭﻭﺣﻲ ﻫﻨﺎﻙ ﻉ ﺍﻟﺸﺎﺭﻉ ﺍﻟﻤﺤﻞ ﻣﺎﻟﺘﻪ ﺭﻭﺣﻴﻠﻪ ﻟﻠﻤﺤﻞ ﻭﻫﻮ ﻳﺎﺧﺬﺝ ﻟﻠﺒﻴﺖ ﺍﻧﻪ ﻫﺴﻪ ﺭﺍﺡ ﺍﺧﺎﺑﺮﻩ ﻭﺍﻓﻬﻤﻪ ﺍﺑﻘﻲ ﻳﻤﻪ ﻭﻫﻮ ﻣﺮﺍﺡ ﻳﻘﺼﺮ ﺑﺤﻤﺎﻳﺘﺞ .
: ﺯﻳﻦ ﻳﻤﻪ ﺧﻠﻲ ﺍﻓﻜﺮ ﻫﺴﻪ ﻻﺯﻡ ﺍﺳﺪﻩ ﺧﺎﻑ ﻳﺠﻲ ﺍﺣﺪ ﻳﺸﻮﻓﻨﻲ ﺍﻧﻪ ﺍﺑﻴﺘﻬﻢ .
ﺧﺘﻤﺘﻪ ﻣﻨﻬﺎ ..
ﺩﻛﻴﺖ ﺍﻟﻔﺎﻃﻤﺔ ﺟﺎﻭﺑﺘﻨﻲ ﺑﺴﺮﻋﻪ ﺳﻠﻤﺖ ﻋﻠﻴﻪ ﺍﻃﻤﻨﺖ ﻋﻠﻰ ﻓﺮﺍﺱ .
ﻛﺎﻟﺖ ﺩﺯﻳﺖ ﻣﻨﺎﺿﻞ ﻟﻠﺒﻴﺖ ﺷﺎﻑ ﺍﻟﺒﺎﺏ ﻣﻘﻔﻮﻝ ﻭﻋﻠﻴﻪ ﺳﻠﺴﻠﺔ ﺟﺒﻴﺮﺓ ﻭﻋﻠﻴﻬﺎ ﻗﻔﻞ ﺣﺪﻳﺪ .
ﮔﺘﻠﻬﺎ ﻓﺎﻃﻤﺔ ﺗﺮﻩ ﺍﻧﻪ ﺭﺍﻳﺤﺔ ﻟﺒﻴﺖ ﺧﺎﻟﻲ ﺭﺍﺡ ﺍﻧﻬﺰﻡ ﻣﻨﺎ
ﺍﻧﺖ ﻣﺘﺎﻛﺪﺓ ﻋﻤﺮﻱ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ .
ﺍﻱ ﻣﺘﺎﻛﺪﺓ ﻭﺍﻟﻠﻪ ﻫﻨﺎﻙ ﺍﺧﻠﻴﻬﻢ ﻳﺸﺘﻜﻮﻥ ﻋﻠﻰ ﻋﻤﻲ ﻫﻨﺎ ﻣﺤﺪ ﻛﺎﺩﺭ ﻳﻮﻛﻒ ﺑﻮﺟﻬﻪ ﻭﺧﺎﻳﻔﻪ ﺍﺟﻲ ﻳﻤﺞ ﺧﺎﻑ ﻳﺴﻮﻳﻠﻜﻢ ﻣﺸﺎﻛﻞ ﻭﻳﺎﺧﺬﻧﻲ .
ﺍﻥ ﺷﺎﺀﺍﻟﻠﻪ ﺣﺒﻴﺒﺘﻲ ﺑﺲ ﺍﺑﻘﻲ ﻋﻠﻰ ﺗﻮﺍﺻﻞ ﻭﻳﺎﻱ ﻭﻻﺗﮕﻄﻌﻴﻦ ﻣﻨﻲ .
ﺧﺘﻤﺘﻬﺎ ﻭﻳﺎﻫﺎ .. ﻣﻠﺼﺖ ﺍﻟﺘﻠﻴﻔﻮﻥ ﻣﻦ ﺍﻟﺸﺤﻦ
ﻗﻔﻠﺘﻪ ﻭﺭﺟﻌﺘﻪ ﻟﻤﻜﺎﻧﻪ ..
ﻭﺭﺣﺖ ﻟﻠﻐﺮﻓﺔ ﺩﺧﻠﺖ ﺟﻮﻩ ﺍﻟﺒﻄﺎﻧﻴﺔ
ﻭﺑﺲ ﺍﻓﻜﺮ ﺷﺮﺍﺡ ﻳﺨﻠﺼﻨﻲ .
&&&& ﺇﺳﻼﻡ .. ﺑﺎﻟﻴﻮﻡ ﺍﻟﻲ ﻗﺮﺭﺕ ﺑﻲ ﺍﺭﻭﺡ ﻟﻌﻤﻲ ﺳﻠﻴﻤﺎﻥ .. ﺻﺒﺤﺖ ﻣﺮﻳﺾ ﻛﻠﺶ
ﺍﺭﻳﺪ ﺍﻛﻮﻡ ﻣﻦ ﺍﻟﻔﺮﺍﺵ ﻣﺎﺑﻴﻪ .. ﺍﻓﻠﻮﻧﺰﺍ ﻟﺰﻣﺘﻨﻲ ﺑﻌﻀﺎﻣﻲ ﺍﺣﺴﻬﻢ ﻣﻔﺘﺘﺎﺕ ﺗﻔﺘﺖ ..
ﺻﻌﺪﺕ ﺍﻣﻲ ﺷﺎﻓﺘﻨﻲ .. ﺳﻮﺕ ﺍﻟﻲ ﻛﻤﺎﺩﺍﺕ
ﻭﺳﻮﺍﺋﻞ ﺩﺍﻓﻴﺔ ﻭﺍﻧﻄﺘﻨﻲ ﻋﻼﺝ ﻟﻠﺒﺮﺩ ﻭﺍﻻﻧﻔﻠﻮﻧﺰﺍ .
ﺗﻐﻄﻴﺖ ﻭﻧﻤﺖ ﻭﺣﺘﻰ ﻟﻠﺪﻭﺍﻡ ﻣﻜﺪﺭﺕ ﺍﺩﺍﻭﻡ .
ﺍﺟﻠﺖ ﺍﻟﺮﻭﺣﺔ ﺑﻴﻨﻤﺎ ﺍﺻﻴﺮ ﺯﻳﻦ
ﺟﻨﺖ ﻣﺤﻀﺮ ﺍﺧﺬ ﺍﻣﻲ ﻭﻭﺍﺣﺪ ﻣﻦ ﺧﻮﺍﻟﻲ
ﻭﺍﺗﻘﺪﻡ ﺍﻟﻬﺎ ﻋﻠﻰ ﺣﺴﺐ ﺍﻻﺻﻮﻝ
.
ﺻﻔﺎ !.. ﻳﻮﻡ ﺛﺎﻧﻲ ﺍﻟﺼﺒﺢ .. ،ﻭﺭﻩ ﻣﺎ ﻃﻠﻌﻮﺍ ﻛﻠﻬﻢ
ﻟﻠﺪﻭﺍﻡ .. ﺭﺣﺖ ﻟﻐﺮﻓﺔ ﻋﻤﻲ ﺍﺧﺬﺕ ﺍﻟﺘﻠﻴﻔﻮﻥ ﻭﺭﺟﻌﺖ ﻋﺒﺎﻳﺘﻲ ﻭ ﺍﻟﺒﻮﺷﻲ ﻭﻃﻠﻌﺖ ..
ﺍﻣﺸﻲ ﻭﺍﺗﻠﻔﺖ .. ﻭﺍﻟﺒﺮﺩ ﻳﻠﻔﺢ ﺑﻴﻪ
ﻣﻦ ﺍﻟﺼﺒﺢ ﻛﻠﺶ ﺑﺮﺩ .
ﻓﺘﺖ ﻣﻦ ﺍﻟﻔﺮﻉ ﺍﻟﻲ ﺑﻲ ﺑﻴﺖ ﻋﻤﻲ
ﻭﻭﺻﻠﺖ ﻟﻠﻔﺮﻉ ﺍﻟﻲ ﺑﻴﻲ ﺑﻴﺘﻨﻪ
ﻭﻣﺜﻞ ﻣﺎﻛﺎﻟﺖ ﻓﺎﻃﻤﺔ ﺷﻔﺖ ﺍﻟﺒﺎﺏ ﻣﻘﻔﻮﻝ ﺑﺴﻠﺴﻠﺔ ﻭﻗﻔﻞ ﺣﺪﻳﺪ
ﻣﻜﺘﻮﺏ ﻋﻠﻴﻪ ﻟﻠﺒﻴﻊ
ﻭﻛﻔﺖ ﺍﺑﺎﻭﻉ ﻭﺍﺑﺠﻲ ﻭﻳﻨﺞ ﺳﻤﻴﺔ ﻭﺍﻧﻪ ﺷﻮﻥ ﺗﺮﻛﺘﺞ .
ﺑﺲ ﻣﺎﺑﻴﻪ ﺣﻴﻞ ﻭﻗﻮﺓ ﺣﻜﻢ ﺍﻟﻈﺎﻟﻢ ﺍﻟﻠﻪ ﻳﺮﺣﻤﻚ ﻳﺎﺑﻮﻳﺔ ..
&&&
ﻧﻔﻴﺖ ﻭﺃﺳﺘﻮﻃﻦ ﺍﻟﻌﺪﻡ ﻣﻜﺎﻧﻲ ﻣﺤﻴﺖ ﻣﻦ ﺣﻴﺎﺓ ﺗﻤﻨﻴﺖ ﻟﻮ ﺃﻧﻬﺎ ﻛﺘﺒﺖ ﻟﻲ ﻭﻣﺎ ﺃُﺟﻬﻀﺖ ﻣﻨﻬﺎ ﺑﺴﺒﺐ ﺧﻄﻴﺌﺔ ﻟﻢ ﺗﺮﺗﻜﺒﻬﺎ ﻳﺪﺍﻱ ﺃﺳﺎﺋﻞ ﻧﻔﺴﻲ ﻣﻦ ﺃﻧﺎ ﻭﻣﻦ ﺃﻛﻮﻥ ﻗﻀﻴﺖ ﺣﻴﺎﺗﻲ ﻭﺃﻧﺎ ﺿﺎﺋﻌﺔ ﺑﻴﻦ ﺍﻟﺤﻘﻴﻘﻪ ﻭ ﺍﻷﻭﻫﺎﻡ ﻭﻻ ﺃﻋﺮﻑ ﻛﻴﻒ ﺗﺪﻓﻘﺖ ﺣﻴﺎﺗﻲ ﺑﻄﺮﻳﻘﺔ ﻭﺩﺩﺕ ﻛﺜﻴﺮﺍً ﻟﻮ ﺃﻧﻬﺎ ﺗُﻨﺴﻰ ﻛﻴﻒ ﺷﻮﻫﺖ ﻗﺴﺎﻭﺗﻬﺎ ﻣﻼﻣﺢ ﺫﺍﻛﺮﺗﻲ ﻣﻦ ﺃﺫﻥ ﻟﻤﻦ ﻭﺋﺪ ﻃﻔﻮﻟﺘﻲ ﺑﺘﺤﺪﻳﺪ ﻣﺼﻴﺮﻱ ﻓﻤﻦ ﺃﻋﻤﺎﻗﻲ ﺗﻌﺬﺑﺖ ﻣﻦ ﺩﺍﺧﻠﻲ ﺗﻤﺰﻗﺖ ﺗﻮﺳﻠﺖ ﺍﻟﻘﺪﺭ ﻣﺮﺍﺭًﺍ ﺣﺘﻰ ﺗﻌﺜﺮﺕ ﺑﺮﻭﺡ ﺗﺎﺋﻬﻪ ﻣﺜﻠﻲ ﺍﺩﻣﻨﺘﻪ ﻋﺸﻘﺘﻪ ﺛﻢ ﺗﻨﺎﺛﺮﺕ ﺣﻘﻴﻘﺘﻨﺎ ﺃﺷﻼﺀ ﻭﺑﻘﻴﺖ ﺃﻗﻀﻢ ﺃﻇﺎﻓﺮﻱ ﻧﺪﻣﺎً ﻟﻜﻮﻧﻲ ﻟﻢ ﺃﺗﺸﺒﺚ ﺑﻪ .. ..
ﺳﻤﻴﺔ .. ﺑﻘﻴﺖ ﺑﺎﻟﻐﺮﻓﺔ ﻟﺸﻮﻳﺔ ﻭﺍﺳﻤﻊ ﻣﺎﻛﻮ ﺻﻮﺕ ﻇﻠﻴﺖ ﺍﺗﺴﻤﻊ ﺧﻠﻴﺖ ﺍﺫﻧﻲ ﻳﻢ ﺍﻟﺒﺎﺏ ..
ﻣﺎﻛﻮ ﺣﺲ ﻭﻻﻧﻔﺲ ﻭﻳﻦ ﺭﺍﺣﻮﺍ ﻫﺬﻭﻝ؟ !
ﺩﻗﺎﻳﻖ ﻭﺍﺳﻤﻊ ﺿﺮﺏ ﻗﻮﻱ ﻋﻠﻰ ﺍﻟﺒﺎﺏ
ﻣﺘﺖ ﻣﻦ ﺍﻟﺨﻮﻑ ﺭﺣﺖ ﺳﺤﺒﺖ ﺩﻭﻻﺏ ﺧﺸﺐ ﺻﻐﻴﺮ
ﺻﺎﻳﺮ ﺑﻴﻦ ﺳﺮﻳﺮﻱ ﻭﺳﺮﻳﺮ ﺻﻔﺎ ..
ﺍﺭﻳﺪ ﺍﻭﺻﻠﻪ ﻟﻠﺒﺎﺏ ﻣﺎﻟﺤﮕﺖ ﺍﺗﻜﺴﺮﺕ ﻭﺗﻨﺎﺛﺮ ﺍﻟﺨﺸﺐ .
ﻭﺷﻔﺘﻪ ﻋﻤﻲ ﺩﺧﻞ .. ﻭﺍﺷﻜﺎﻝ ﺍﻟﺸﺘﻢ ﻭﺍﻟﻀﺮﺏ
ﺍﻛﺜﺮ ﺷﻲ ﻋﻠﻰ ﻇﻬﺮﻱ ﺑﺎﻟﺴﺒﺤﺔ
ﻭﺩﻓﺮ ﺑﺮﺟﻠﻪ .. ﻭﺍﻧﺎ ﺍﺣﺎﻭﻝ ﺍﺣﻤﻲ ﻧﻔﺴﻲ ﻣﺎﺍﻛﺪﺭ .
ﺳﺤﺒﻨﻲ ﻣﻦ ﺷﻌﺮﻱ ﻭﺍﻧﻪ ﺍﺗﻮﺳﻠﻪ
ﮔﺎﻝ ﻭﻟﺞ ﺍﻧﻪ ﺍﺑﻨﻲ ﺭﺟﺎﻝ ﺷﻜﺒﺮﻩ ﻣﺎﻭﻛﻒ ﺑﻮﺟﻬﻲ ﺍﻧﺖ ﺑﺖ ﺍﻟـ ***
ﻭﻧﺰﻝ ﻏﻠﻂ ﻋﻠﻰ ﺍﻣﻲ
ﮔﺘﻠﻪ ﺍﺫﺍ ﺍﻧﺖ ﻣﺨﻨﺜﻪ ﺍﻧﻪ ﺷﻌﻠﻴﺔ
ﺻﺎﺡ ﺑﻐﻀﺐ -: ﺍﻧﺖ ﻧﺎﻭﻳﺔ ﻋﻠﻰ ﻋﻤﺮﺝ ﺍﻟﻴﻮﻡ ﻋﺎﺟﺒﺞ ﺗﻤﻮﺗﻴﻦ ﻋﻠﻰ ﺍﻳﺪﻱ .
ﻭﻇﻞ ﻳﻌﺖ ﺑﺸﻌﺮﻱ ﺣﻴﻞ ﺣﺴﻴﺖ ﺭﺍﺡ ﻳﻨﺸﻠﻊ ﻛﻠﻪ
ﻭ ﻳﺴﺢ ﺑﻴﻪ
ﻭﻳﻦ ﺭﺍﺡ ﻳﻮﺩﻳﻨﻲ ﻭﺍﻫﻠﻲ ﻭﻳﻨﻬﻢ
ﺍﺻﻴﺢ ﺑﻴﺒﻲ، ﺻﻔﺎ، ﻓﺎﻃﻤﺔ
ﻣﺤﺪ ﻳﺴﺘﺠﻴﺐ ﺍﻟﻲ .
ﺻﻌﺪﻧﻲ ﺍﻟﺪﺭﺝ ﻭﺷﻤﺮﻧﻲ ﺑﺎﻟﺼﺎﻟﺔ ﺍﻟﻔﻮﻙ .
ﻇﻞ ﻳﺒﺎﻭﻋﻠﻲ ﻭﺍﻧﻪ ﻣﺪﻣﻤﻪ
ﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﻭﺍﺭﺩﺩ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﻚ ﻫﻢ ﺗﻼﮔﻲ ﺍﺑﻮﻱ ﻣﻦ ﺗﻤﻮﺕ ﺷﺮﺍﺡ ﺗﮕﻠﻪ ﻛﺘﻠﺖ ﺑﻨﺎﺗﻚ
ﻭﺍﺷﻬﮓ ﺑﺎﻟﺒﺠﻲ ..
ﻭﻫﻮ ﻳﺴﻤﻌﻨﻲ ﻭﺳﺎﻛﺖ
ﺟﺮ ﺣﺴﺮﺓ
ﻛﺎﻝ ﻛﺎﻓﻲ ﻋﻠﻴﺞ ﺍﻟﻴﻮﻡ
ﻃﻠﻊ ﻭﻗﻔﻞ ﺍﻟﺒﺎﺏ ﺍﻟﻲ ﻣﻨﻪ ﻧﻨﺰﻝ ﻟﺠﻮﻩ ..
ﻟﺤﻈﺎﺕ ﻭﺻﺎﺭﺕ ﻇﻠﻤﺔ
ﻃﻔﻪ ﻋﻠﻴﻪ ﺍﻟﻜﻬﺮﺑﺎﺀ ﻣﺘﺖ ﺧﻮﻭﻑ ..
ﻟﺰﮔﺖ ﺭﻭﺣﻲ ﺑﺒﺎﺏ ﺍﻟﺪﺭﺝ ﻭﺍﺩﮒ ﻋﻠﻴﻪ
ﻭﻣﺤﺪ ﺍﻟﻲ ..
ﻇﻠﻤﺔ ﻭﺑﺮﺩ
ﻇﻠﻴﺖ ﻣﺎﺍﻣﻴﺰ ﺭﺟﻔﺘﻲ ﻣﻦ ﺍﻟﺨﻮﻑ ﻟﻮ ﻣﻦ ﺍﻟﺒﺮﺩ ..
ﺑﻘﻴﺖ ﺑﻤﻜﺎﻧﻲ ..
ﻣﺎﺍﻋﺮﻑ ﺷﻠﻮﻥ ﺧﻠﺺ ﺍﻟﻮﮔﺖ ..
ﻭﻛﻌﺪﺕ ﺻﺎﻳﺮ ﺻﺒﺢ
ﺍﻟﻄﺎﺑﻖ ﺍﻟﺜﺎﻧﻲ ﺑﻲ ﻏﺮﻓﺔ ﻓﺎﻃﻤﺔ ﻭ 3 ﻏﺮﻑ ﻏﻴﺮﻫﻦ
ﻭﺣﺪﺓ ﻣﻨﻬﻦ ﺍﺑﻮﻱ ﺍﻟﻠﻪ ﻳﺮﺣﻤﻪ ﺳﻮﺍﻩ ﺑﻴﻬﺎ ﺣﻤﺎﻡ ﻗﺒﻞ ﻻﻳﺘﺰﻭﺝ ﻣﻦ ﺟﺎﻥ ﺟﺎﻱ ﻳﺤﻀﺮ ﻟﻌﺮﺳﻪ
.
ﺑﻘﻴﺖ ﻃﻮﻝ ﺍﻟﻮﻗﺖ ﻓﻮﮒ .. ﻭﺣﺸﺔ ﻭﺧﻮﻑ
ﺍﻟﻮﻛﺖ ﻛﻮﻩ ﻳﺨﻠﺺ .
ﻭﻛﻬﺮﺑﺎﺀ ﻣﺎﻛﻮ ..
ﻛﺒﻞ ﻻﻳﺠﻲ ﺍﻟﻠﻴﻞ ﻇﻠﻴﺖ ﺍﺩﻭﺭ ﺷﻤﻮﻉ
ﻭﻟﻜﻴﺖ ﻭﺑﻘﻴﺖ ﺍﻟﻠﻴﻞ ﻋﻠﻰ ﺍﻟﺸﻤﻊ ﺍﺑﺎﻭﻋﻠﻬﺎ ﺣﺪ ﻣﺎﺗﻨﻄﻔﻲ ﻭﺍﻏﻔﻰ .
ﺍﺭﻭﺡ ﻟﺜﻼﺟﺔ ﻓﺎﻃﻤﺔ ﺑﻴﻬﺎ ﺑﺲ ﻣﺎﻱ
ﻭﺷﻔﺖ ﺑﺴﻜﺖ ﻭﻧﺴﺎﺗﻞ
ﺍﺳﻜﺖ ﻣﻌﺪﺗﻲ ﺑﻴﻬﺎ .
ﺳﻤﻌﺖ ﺍﻟﺒﺎﺏ ﺍﻧﻔﺘﺤﺖ
ﺷﻔﺘﻪ ﻋﻤﻲ
ﺭﻛﺾ ﺩﺧﻠﺖ ﻟﻠﻐﺮﻓﺔ ﻭﻗﻔﻠﺖ ﺍﻟﺒﺎﺏ
ﺳﻤﻌﺘﻪ ﺻﺎﺡ ﻛﺎﻝ ﻫﺬﺍ ﺯﻗﻨﺒﻮﺕ ﻭﺳﻢ ﺍﻟﺞ
ﻭﺍﺭﻳﺪ ﺍﺷﻮﻑ ﺷﻮﻥ ﺗﻌﺎﻧﺪﻳﻨﻲ ﺍﻟﻪ ﺍﺑﻘﻴﺞ ﻫﻨﺎ ﻃﻮﻝ ﻋﻤﺮﺝ .
ﺑﺲ ﺳﻤﻌﺖ ﻃﻜﺔ ﺍﻟﺒﺎﺏ ﻃﻠﻌﺖ ﺷﻔﺘﻪ ﺟﺎﻳﺐ ﺧﺒﺰ ﻭﻟﺒﻦ ﺭﻭﺑﺔ ﻭﺍﺟﺒﺎﻥ .
ﻛﻌﺪﺕ ﺍﻛﻞ ﻣﻴﺘﺔ ﺟﻮﻉ ﺷﻨﻮ ﻣﻦ ﺣﻜﻢ ﻫﺬﺍ
ﻳﺮﺑﻲ ﻭﺗﺎﻟﻴﺘﻬﺎ ﺷﻠﻮﻥ
ﻭﺍﻟﻠﻪ ﺍﺧﺘﻨﮕﺖ
ﺍﻟﻜﻞ ﺍﺗﺨﻠﻰ ﻋﻨﻲ
ﺍﻣﻲ ﻣﻦ ﺯﻣﺎﻥ ﺣﻴﻴﻞ .
ﻓﺎﻃﻤﺔ ﺑﻴﺒﻴﺘﻲ،ﺻﻔﺎ، ﺭﺿﻮﺍﻥ ﺍﻟﻲ ﻛﺘﻞ ﺭﻭﺣﻪ ﻋﻠﻴﻪ
ﻟﻮ ﺍﻧﺖ ﺍﻣﺎﻥ ﻭﻳﻨﻚ ﻣﺎﺗﮕﻠﻲ ﻭﻳﻦ؟
ﻣﺎﻓﮕﺪﺗﻨﻲ ﻣﺎﺳﺄﻟﺖ ﻋﻨﻲ ﻣﺎﻭﺻﻠﻚ ﺧﺒﺮﻱ
ﻓﺮﺣﺎﻥ ﺑﺨﻄﻴﺒﺘﻚ ﻭﻧﺴﻴﺘﻨﻲ .
ﻟﻴﺶ ﺍﻟﻜﻞ ﺗﺨﻠﻰ ﻋﻨﻲ ﻟﻴﺶ؟
ﺑﻘﻴﺖ ﻋﻠﻰ ﻫﺎﻟﺤﺎﻝ ﻛﻢ ﻳﻮﻡ
ﻣﺮﺍﺕ ﺍﺑﻘﻰ ﺑﺪﻭﻥ ﺍﻛﻞ ﻭﺍﻟﺸﻤﻊ ﻗﺮﺏ ﻳﺨﻠﺺ
ﻭﺍﺑﻘﻰ ﺑﺎﻟﻈﻼﻡ .. ﺻﺎﺭﺕ ﺍﻟﺤﻴﺎﺓ ﻣﺎﺗﻨﻄﺎﻕ ﻟﺪﺭﺟﺔ ﺻﺮﺕ ﺍﺗﻤﻨﻰ ﺍﻟﻤﻮﺕ ﺍﻟﻒ ﻣﺮﺓ ﺑﺎﻟﻴﻮﻡ
ﻭﻣﺮﺍﺕ ﻣﺎﻳﺠﻴﺐ ﺍﻟﻲ ﺍﻛﻞ ﻭﺍﻟﻲ ﻋﻨﺪﻱ ﻳﺨﻠﺺ ﺍﻣﻮﻭﺕ ﺟﻮﻉ .
ﺑﻜﻞ ﻟﺤﻈﺔ ﺍﺭﻳﺪ ﺍﺳﺘﺴﻠﻢ ﻭﺍﻗﺒﻞ ﺑﺎﻣﻴﺮ .
ﻻﻥ ﺍﻟﺸﻐﻠﺔ ﺻﺎﺭﺕ ﺷﻐﻠﺔ ﻋﻨﺎﺩ .
ﻇﻠﻴﺖ ﻛﻠﻤﺎ ﻳﺠﻲ ﻋﻤﻲ ﻳﺠﻴﺐ ﺍﻻﻛﻞ ﺍﻟﻠﺒﺪ ﺑﺎﻟﻐﺮﻓﺔ ﻭﻣﺎﻃﻠﻊ ﺻﻮﺕ .
ﻳﻮﻡ ﻣﻨﻬﻦ ﺳﻤﻌﺖ ﺻﻮﺕ ﻃﻜﺔ ﺍﻟﺒﺎﺏ ﻭﺭﺣﺖ ﺍﺭﻛﺾ ﻟﻠﻐﺮﻓﺔ ﺩﺧﻠﺖ ﻭﻗﻔﻠﺘﻬﺎ .
ﺳﻤﻌﺖ ﺻﻮﺕ ﺑﻨﻴﺔ ﻭﺍﻛﻔﺔ ﻳﻢ ﺍﻟﺒﺎﺏ ﺗﺼﻴﺤﻠﻲ ﺳﻤﻴﺔ ﺳﻤﻴﺔ .
ﺻﻮﺕ ﺻﻔﺎﺍﺍ ﻫﺬﺍ .. ﺭﻛﻀﺖ ﻟﻠﺒﺎﺏ ﻭﻓﺘﺤﺘﻬﺎ ..
&&&&
ﺻﻔﺎ .. ﻭﮔﻔﺖ ﺍﺑﺠﻲ ﺑﻌﺪﻫﺎ ﻣﺸﻴﺖ
ﻭﻭﺻﻠﺖ ﻟﻠﺸﺎﺭﻉ ﺍﻟﻌﺎﻡ ..
ﺍﺟﺮﺕ ﺗﻜﺴﻲ .. ﻭﺍﻧﻄﻴﺘﻪ ﺍﻟﻌﻨﻮﺍﻥ ﻭﺻﻠﻨﻲ ﺍﻟﻪ
ﻧﺰﻟﺖ ﻋﻠﻰ ﺍﻟﺸﺎﺭﻉ ﻭﺍﺩﻭﺭ ﻋﻠﻰ ﻣﺤﻞ ﺧﺎﻟﻲ
ﻣﻦ ﺑﻴﻦ ﺳﻮﻙ ﻭﻫﻮﺳﻪ ﻣﺤﻼﺕ ﻣﺨﻀﺮ ﻭﺳﻤﺞ
ﻭﺍﺧﻴﺮﺍ ﻟﻜﻴﺘﻪ ﻫﻮ ﻳﺒﻴﻊ ﻣﻮﺍﺩ ﻏﺬﺍﺋﻴﺔ ﻭﻣﺤﻠﻪ ﻣﻮ ﻛﻠﺶ ﻛﺒﻴﺮ .
ﺩﺧﻠﺖ ﻭ ﺳﻠﻤﺖ ﻋﻠﻴﻪ ..
&&&&
ﺇﺳﻼﻡ .. ﺑﻌﺪﻫﺎ ﺻﺮﺕ ﺍﺣﺴﻦ
ﺣﺎﺟﻴﺖ ﺍﻣﻲ ﮔﻮﺓ ﺍﻗﺘﻨﻌﺖ ﻭﺷﻮﻥ ﺍﻧﺖ ﺷﺎﺏ ﻭﺗﺘﺰﻭﺝ ﻫﺎﻱ ﺍﺭﻣﻠﺔ ﻭﻣﻦ ﻫﺎﻟﺤﺠﻲ ﺍﻟﻲ ﻻﻳﺎﻛﻞ ﻭﻻﻳﺸﺮﺏ ﻋﻨﺪﻱ .
ﺍﺩﺭﻱ ﻣﺎﺍﻗﺘﻨﻌﺖ ﻭﺭﺍﻓﻀﺔ ﻫﺬﺍ ﺍﻟﺰﻭﺍﺝ ﺑﺲ ﻣﺎﺗﻜﺪﺭ ﺗﺮﻓﺾ ﻭﺍﻧﺎ ﻣﺼﺮ .
ﺧﺎﺑﺮﺕ ﻋﻤﻲ ﻋﻮﺩ ﺍﺭﻳﺪ ﺍﻓﻬﻤﻪ
ﮔﺘﻠﻪ ﺍﻧﺎ ﺟﺎﻱ ﻭﻭﻳﺎﻱ ﺍﻣﻲ ﻭﺧﻮﺍﻟﻲ ﻭﺍﺭﻳﺪ ﺍﺧﻄﺐ ﺻﻔﺎ .
ﻓﺎﺟﺌﻨﻲ ﺑﺼﻴﺎﺣﻪ ﻭﻟﻚ ﺻﻔﺎ ﺷﺮﺩﺕ ﻭﻣﺎﺍﺩﺭﻱ ﻭﻳﻦ ﻭﻟﺖ ﺍﻟﻪ ﺍﺫﺑﺤﻬﺎ ﺑﺲ ﺧﻞ ﺍﻻﮔﻴﻬﻪ .. ، !!!!
&&&&
ﺳﻤﻴﺔ .. ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﺍﻳﻨﺎﺱ ﻋﺒﺎﻟﻲ ﺻﻔﺎ
ﮔﺘﻠﻬﺎ ﺷﺠﺎﺑﺞ؟
ﻛﺎﻟﺖ ﻋﻤﻲ ﺟﺎﺑﻨﻲ
ﺭﺍﺡ ﻳﺨﻠﻴﻨﻲ ﺍﻃﻠﻊ ﻣﻨﺎ ﻣﻮﻭ؟
ﻻ ﺑﺲ ﮔﻠﻲ ﺻﺎﺭ ﻛﻢ ﻳﻮﻡ ﻣﺎﺍﻟﺞ ﺣﺲ ﻭﺍﺟﻴﺖ ﺍﻃﻤﺌﻦ ﻋﻠﻴﺞ .
ﻟﻴﺶ ﻭﻫﻮ ﻳﻬﻤﻪ ﻛﻠﻴﻠﻲ ﺷﻠﻮﻧﻬﻢ ﺧﻮﺍﺗﻲ ﻭﺍﺧﻮﻱ ﺷﺨﺒﺎﺭﻫﻢ .
ﻣﻮﺯﻳﻨﻴﻦ ﻭﻟﺞ ﺻﻔﺎ ﺷﺮﺩﺕ .
ﻟﻄﻤﺖ ﻋﻠﻰ ﻭﺟﻬﻲ ﺻﺨﺎﺍﻡ ﻭﻟﺞ ﻭﻳﻦ ﺭﺍﺣﺖ؟
ﺩﺧﻞ ﻋﻤﻲ ﺑﺴﺮﻋﻪ ﮔﺎﻝ ﺧﻠﻲ ﺑﺲ ﺍﻟﺰﻣﻬﺎ ﺍﻟﻪ ﺍﺫﺑﺤﻬﺎ
ﮔﺪﺍﻣﺞ .
ﻟﻄﻤﺖ ﻭﺟﻬﻲ ﻭﺻﺮﺧﺖ ﮔﺘﻠﻪ ﻫﺴﻪ ﺍﻧﺖ ﺷﺘﺮﻳﺪ ﮔﻠﻲ ﺷﺘﺮﻳﺪ ﻣﻴﺨﺎﻟﻒ ﺍﻧﻪ ﻣﻮﺍﻓﻘﺔ ﺍﺗﺰﻭﺝ ﺍﻣﻴﺮ ﺑﺲ ﻋﻮﻑ ﺍﺧﺘﻲ ﻭﻃﻠﻌﻨﻲ ﻣﻦ ﻫﻨﺎ .
ﺗﻘﺮﺏ ﮔﺎﻝ ﻫﺎ ﻭﺍﺫﺍ ﻋﺪﺗﻲ ﺍﻟﻲ ﺳﻮﻳﺘﻲ ﺫﻳﻚ ﺍﻟﻤﺮﺓ ﺍﺫﺑﺤﺞ ﻭﺍﺫﺑﺢ ﺍﺧﺘﺞ ﮔﺪﺍﻡ ﻋﻴﻮﻧﺞ .
ﻫﺰﻳﺖ ﺭﺍﺳﻲ ﺑﻴﺄﺱ ﮔﺘﻠﻪ ﺍﻃﻤﺌﻦ ﻣﺎﺍﺳﻮﻳﻬﻪ ﺑﻌﺪ .
ﺿﺤﻚ ﻛﺎﻝ ﺍﻱ ﺗﻌﻠﻤﺘﻲ ﻣﻦ ﺍﻟﺪﺭﺱ ﺍﻟﻲ ﺍﻧﻄﻴﺘﺠﻴﺎ ﻫﺎﺍﺍ .
ﺳﻜﺘﺖ ..
ﻛﺎﻝ ﻳﻠﻠﻪ ﺍﻣﺸﻲ ﺍﻳﻨﺎﺱ ﻭﻃﻠﻊ ﻗﻔﻞ ﺍﻟﺒﺎﺏ ﻋﻠﻴﻪ ..
ﻛﻌﺪﺕ ﺑﺎﻟﻜﺎﻉ ﺍﻟﻠﻮﺏ ﻭﺍﻓﻜﺮ ﺑﺼﻔﺎ
ﻳﺎﺭﺑﻲ ﻭﻳﻦ ﺭﺍﺣﺖ ﻣﻌﻘﻮﻟﺔ ﺭﺍﺣﺖ ﻻﻣﻲ ﺍﻛﻴﺪ ﻭﺍﻻ ﻭﻳﻦ ﺗﺮﻭﺡ .
ﻳﻮﻡ ﺛﺎﻧﻲ ﻛﻌﺪﺕ ﻋﻠﻰ ﺻﻮﺕ ﺍﻟﺒﺎﺏ ﻭﻫﻮ ﻳﻨﻔﺘﺢ
ﺩﺧﻠﺖ ﻋﻤﻪ ﺯﻳﻨﺐ ﺑﺲ ﺷﻔﺘﻬﺎ ﺳﺎﻟﺘﻬﺎ ﻋﻠﻰ ﺻﻔﺎ
ﻛﺎﻟﺖ ﻣﺎﻟﻜﻮﻫﺎ ﻭﺍﻣﺞ ﻳﻜﻮﻟﻮﻥ ﻣﻮ ﻫﻨﺎﻧﻪ .
ﻭﻋﻤﺞ ﺑﺲ ﻳﻌﺮﺳﻜﻢ ﺍﻧﺖ ﻭﺍﻣﻴﺮ ﻳﺮﻭﺡ ﻟﺨﺎﻟﺞ ﺟﺎﺑﺮ ﻟﺒﻴﺘﻪ ﻭﺑﻌﺪ ﺍﻟﻠﻪ ﻛﺮﻳﻢ .
ﺍﺧﺬﺗﻨﻲ ﻭﻧﺰﻟﻨﻪ ﺟﻮﻩ ..
ﻛﺎﻟﺖ ﻳﻠﻠﻪ ﺑﺪﻟﻲ ﻋﻤﺞ ﻭﺍﻣﻴﺮ ﻛﺎﻋﺪﻳﻦ ﺑﺎﻟﻬﻮﻝ ﻳﻨﺘﻈﺮﻭﻥ
ﻭﻳﻦ ﻧﺮﻭﺡ ..
ﺗﺮﺣﻮﻥ ﺗﻌﻘﺪﻭﻥ ﻋﻘﺪ ﺳﻴﺪ ﻭﻫﻢ ﻓﺪ ﻧﻮﺏ ﺗﻌﻘﺪﻭﻥ ﻣﺤﻜﻤﺔ
.
ﺳﻤﻴﺔ ..
ﻛﻞ ﻗﻮﺗﻲ ﺗﻼﺷﺖ ﻭﻣﻦ ﺟﻬﻪ ﺍﺻﺒﺮ ﺭﻭﺣﻲ ﺍﻛﻮﻝ ﺍﻧﺎ ﺍﺫﺍ ﺍﺿﻞ ﻣﺤﺒﻮﺳﺔ ﻣﺎﺍﻛﺪﺭ ﺍﺳﻮﻱ ﺷﻲ .
ﻭﻣﻦ ﺟﻬﻪ ﺍﺧﺘﻨﮕﺖ ﻓﻮﮒ ﻭﻛﻠﺶ ﺍﺧﺎﻑ ﻭﺍﺣﺲ ﻣﻮ ﻭﺣﺪﻱ ﻭﻣﺮﺍﺕ ﺍﺳﻤﻊ ﻃﻜﻪ ﺍﻇﻞ ﺍﺭﺟﻒ
ﻣﻦ ﺯﻳﻦ ﻃﻠﻌﺖ ﻣﻨﻬﺎ ﺳﻼﻣﺎﺕ ﻭﻣﺎﺻﺎﺭ ﺑﻴﻪ ﺷﻲ
ﻳﻤﻜﻦ ﻟﻮ ﺍﺣﺪ ﻏﻴﺮﻱ ﻭﻋﻠﻰ ﻫﺎﻟﺨﻮﻑ ﻳﻤﻮﺕ ﺑﻤﻜﺎﻧﻪ .
ﺍﺳﺘﺴﻠﻤﺖ ﻟﻜﻞ ﺷﻲ
ﺑﺪﻟﺖ ﻭﺧﻠﺼﺖ ﻭﺭﺣﺖ ﻭﻳﺎﻫﻢ ﻟﺒﻴﺖ ﻭﺍﺣﺪ ﺳﻴﺪ ﻭﻋﻘﺪ ﺍﻟﻨﻪ ..
ﻭﺭﺟﻌﻨﻪ ﻣﺎﻟﺤﮕﻨﻪ ﻧﻜﻤﻞ ﻋﻘﺪ ﺍﻟﻤﺤﻜﻤﻪ .. ﺑﺲ ﺳﻮﻳﻨﻪ ﺗﺤﻠﻴﻞ ﺩﻡ ..
ﺳﻠﻴﻤﺎﻥ : ﺑﺎﺟﺮ ﻧﻜﻤﻞ ﺑﺎﻗﻲ ﺍﺟﺮﺍﺋﺎﺕ ﻋﻘﺪ ﺍﻟﻤﺤﻜﻤﺔ
ﺍﻣﻴﺮ : ﻳﺎﺑﻪ ﺍﻧﻪ ﺑﺎﺟﺮ ﻋﻨﺪﻱ ﺍﻣﺘﺤﺎﻥ ﻣﺎﺍﻛﺪﺭ ﻣﺎﺍﺩﺍﻭﻡ .
ﺳﻠﻴﻤﺎﻥ : ﺍﻧﺠﺐ ﻛﺘﻠﻚ ﺑﺎﺟﺮ ﻳﻌﻨﻲ ﺑﺎﺟﺮ .
ﺳﻤﻴﺔ ... ﻫﺬﺍ ﺍﻣﻴﺮ ﺷﻤﺎﻳﮕﻮﻟﻪ ﺍﺑﻮ ﻳﻜﻠﻪ ﺻﺎﺭ
ﺍﺗﻤﻨﻴﺖ ﺍﻛﺘﻠﻪ ﮔﺪﺍﻡ ﺍﺑﻮ ﻭﺍﻓﻮﺥ ﮔﻠﺒﻲ .
ﺭﺟﻌﻨﻪ ﻟﻠﺒﻴﺖ .. ﺳﺄﻟﺖ ﻋﻤﻪ ﺯﻳﻨﺐ ﻋﻠﻰ ﺑﻴﺒﻴﺘﻲ
ﻛﺎﻟﺖ ﻣﺮﻳﻀﺔ ﻛﻠﺶ ﻭﻧﺎﻳﻤﺔ ﺑﺎﻟﻔﺮﺍﺵ .. ﻭﺩﻭﻡ ﺗﺴﺄﻝ » ﻋﻠﻴﻜﻢ ﺍﻟﺒﺎﺭﺣﺔ ﺟﻨﺖ ﻳﻤﻬﺎ .
ﺍﻭﻭﻭﻑ ﺧﻄﻴﺔ ﻳﺎﺭﺑﻲ ..
ﺑﻌﺪﻫﺎ ﺍﺟﺖ ﻓﺎﻃﻤﺔ ﻭﺭﻗﻴﺔ ﻭﺑﻨﺘﻬﺎ
ﺣﻀﻨﺘﻬﻢ ﺣﻴﻴﻞ ﻛﻠﺶ ﺣﻴﻴﻞ ﻣﺎﺑﻮﺩﻱ ﺍﺗﺮﻛﻬﻢ ﻣﻦ ﻛﺜﺮ ﺷﻮﮔﻲ ﺍﻟﻬﻢ ..
&&&&
ﺻﻔﺎ ... ﺭﻓﻌﺖ ﺍﻟﺒﻮﺷﻲ ﺳﻠﻤﺖ ﻋﻠﻰ ﺧﺎﻟﻲ ﺻﺎﺭ ﻫﻮﺍﻱ ﻣﺎﺷﺎﻳﻔﺘﻪ
ﻛﺒﺮﺍﻥ ﻭﺍﻟﺸﻴﺐ ﻣﺎﻟﻲ ﺷﻌﺮﻩ ﻭﺍﺑﺘﺴﺎﻣﺘﻪ ﺍﻟﺤﻨﻮﻧﻪ ﺑﻌﺪﻫﺎ ﻣﺮﺳﻮﻣﺔ ﻋﻠﻰ ﻣﺤﻴﺎﻩ ..
ﺍﺧﺬﻧﻲ ﺑﺄﺣﻀﺎﻧﻪ .. ﻛﺎﻝ ﻫﺎﻱ ﺷﻨﻮ ﺷﮕﺪ ﺑﺎﭼﻴﻪ
ﻣﺴﺤﺖ ﺩﻣﻮﻋﻲ ..
ﻛﺎﻝ ﺷﻜﻮﻝ ﻋﻠﻰ ﺍﻣﺠﻦ ﺩﻣﺮﺗﻜﻢ ﻭﺍﻟﻠﻪ ﻭﺍﻧﻪ ﻣﺎﺑﻴﺪﻱ ﺷﻲ ﻋﻠﻴﻜﻢ .
ﺳﻜﺘﺖ ﻭﺯﺩﺕ ﺑﺎﻟﺒﺠﻲ ..
ﮔﺎﻝ ﻛﻌﺪﻱ ﻫﻨﺎ ﻛﻌﺪﻱ .. ﻫﺴﻪ ﺍﺧﺎﺑﺮ ﻣﺮﻭﺍﻥ ﻳﻮﺩﻳﺞ ﻟﻠﺒﻴﺖ .
ﻛﺘﻠﻪ ﺑﺴﺮﻋﻪ ﺧﺎﻟﻮﺍ ﺍﺧﺎﻑ ﻻﻳﺠﻲ ﻋﻤﻲ ..
ﻻﺗﺨﺎﻓﻴﻦ ﻣﺎﻳﻜﺪﺭ ﻳﺴﻮﻳﻠﺞ ﺷﻲ ﺍﻧﺖ ﺑﺤﻤﺎﻳﺘﻲ ..
ﺍﻃﻤﻨﺖ ﺍﻟﻜﻼﻣﻪ .. ﻭﮔﻌﺪﺕ ﻭﺳﻜﺘﺖ ..
ﻛﺎﻝ ﻫﺎﻱ ﻛﺪﺍﻣﺞ ﺍﻟﻤﺤﻞ ﺧﺎﻑ ﺟﻮﻋﺎﻧﻪ ..
ﺗﺴﻠﻢ ﺧﺎﻟﻮ ﻣﺎﺍﺷﺘﻬﻲ ..
ﮔﻌﺪﺕ ﺍﻧﺘﻈﺮ ﻣﺮﻭﺍﻥ ﺣﺘﻰ ﻳﺠﻲ،ﻳﻮﺩﻳﻨﻲ ﻟﺒﻴﺘﻬﻢ
ﻭﺍﻟﺨﻮﻑ ﻣﻮﺗﻨﻲ، ﺍﻟﺘﻔﻜﻴﺮ ﺍﻛﻞ ﻋﻘﻠﻲ
ﺑﻜﻞ ﻟﺤﻈﺔ ﺍﺗﻮﻗﻊ ﻋﻤﻲ ﻳﭽﻔﺖ ﻋﻠﻴﻪ ﻭﻳﺎﺧﺬﻧﻲ ﻭﻣﺎﺭﺍﺡ ﺍﻋﺮﻑ ﻣﺼﻴﺮﻱ ﺳﺎﻋﺘﻬﺎ .
ﻛﻞ ﺷﺨﺺ ﻳﺪﺧﻞ ﻟﻠﻤﺤﻞ ﻳﺸﺘﺮﻱ ﺍﻧﻪ ﻋﺒﺎﻟﻲ ﻋﻤﻲ ﻭﺍﻏﻄﻲ ﺭﻭﺣﻲ ﻭﺍﻧﺪﺍﺭ .
ﺍﻟﻰ ﺍﻥ ﺍﺟﻪ ﻣﺮﻭﺍﻥ ﻭﺍﺧﺬﻧﻲ ﻟﺒﻴﺘﻬﻢ ﺍﻧﻪ ﻭﺧﺎﻟﻲ ..
ﺍﻭﻝ ﻣﺎﺩﺧﻠﺖ ﻣﻦ ﺍﻟﺒﺎﺏ ﺭﺣﺒﻮﺍ ﺑﻴﻪ ﻣﺮﺓ ﺧﺎﻟﻲ ﻭﺑﻨﺎﺗﻬﺎ 3
ﻭﺩﻭﻧﻲ ﻳﻢ ﺑﻴﺒﻴﺘﻲ ﺍﻡ ﺍﻣﺎﻟﻴﺪ .. ﻫﻢ ﺑﻮﺳﺘﻨﻲ ﻭﻛﻌﺪﺕ ﻳﻤﻬﺎ .. ﺣﺴﻴﺖ ﺑﺮﺍﺣﺔ ﻭﺣﺴﻴﺖ ﺍﻧﻪ ﺍﻧﺎ ﻣﻮ ﻏﺮﻳﺒﺔ ﺑﻴﻨﻬﻢ .
ﺭﻏﻢ ﺻﺎﺭ ﺳﻨﻴﻦ ﻣﺎﺩﺍﺧﻠﺔ ﺑﻴﺘﻬﻢ .. ﻧﺎﺱ ﻃﻴﺒﻴﻦ ﻭﺑﺴﻄﺎﺀ
ﺑﻘﻴﺖ ﻳﻮﻣﻴﻦ .. ﺑﺎﻟﻴﻮﻡ ﺍﻟﺜﺎﻟﺚ ﺍﻧﺪﮔﺖ ﺍﻟﺒﺎﺏ ﺑﺎﻟﻠﻴﻞ ﻭﺭﻩ ﺍﺫﺍﻥ ﺍﻟﻌﺸﺎﺀ ..
ﻃﻠﻊ ﻣﺮﻭﺍﻥ ﻭﺭﺟﻊ ﻛﺎﻟﻮ ﺳﻮﻭ ﻃﺮﻳﻖ ﺟﺎﻳﻴﻦ ﺯﻟﻢ ..
ﺍﻧﻪ ﺑﻠﺤﻈﺘﻬﺎ ﻣﺘﺖ ﺧﻮﻑ ﻟﺰﻣﺖ ﺍﻳﺪ ﺧﺎﻟﻲ . .
ﻭﺍﺑﺠﻲ ﻭﻣﺮﻋﻮﺑﺔ ﮔﺘﻠﻪ ﺧﺎﻟﻮ ﺍﻧﺎ ﺩﺧﻴﻠﺘﻚ ﻋﻔﻴﺔ ﻻﺗﻨﻄﻴﻨﻲ ﺍﻟﻪ ﻳﺬﺑﺤﻨﻲ ﻭﺍﻟﻠﻪ
.
ﮔﺎﻝ ﺍﻫﺪﻱ ﺧﺎﻟﻮ ﻣﺎﺍﻧﻄﻴﺞ ﺻﺪﮒ ﺟﺬﺏ
ﺻﺎﺡ ﻋﻠﻰ ﺑﻨﺎﺗﻪ ﻳﺎﺧﺬﻭﻧﻲ ﻳﻀﻤﻮﻧﻲ ..
ﻃﻠﻌﻮﻧﻲ ﻣﻦ ﺑﺎﺏ ﺍﻟﻤﻄﺒﺦ ﻉ ﺍﻟﺤﺪﻳﻘﺔ
ﮔﻌﺪﻧﻪ ﻭﺭﻩ ﺍﻟﺒﻴﺖ ﻭﻃﻔﻴﻨﻪ ﺍﻟﻀﻮﻩ ..
ﺍﻟﺒﻴﺖ ﺻﻐﻴﺮ ﻭﺍﻟﺼﻮﺕ ﻳﻨﺴﻤﻊ
ﺍﺳﻤﻊ ﺻﻮﺕ ﻋﻤﻲ ﻳﺼﻴﺢ ﺑﺲ ﻣﺎﻳﻨﻔﻬﻢ ﺷﻨﻮ ﻳﻜﻮﻝ
ﻭﻭﻳﺎ ﺯﻟﻢ ﻳﻬﺪﺃﻭﻥ ﺑﻲ ..
ﻇﻠﻴﺖ ﺍﺑﺠﻲ ﻭﮔﻮﺓ ﺣﺎﺑﺴﺔ ﻧﻔﺴﻲ
ﻭﺑﻨﺎﺕ ﺧﺎﻟﻲ ﻳﻬﺪﺃﻥ ﺑﻴﻪ ..
ﻭﺍﺭﺟﻒ ﻣﻦ ﺍﻟﺨﻮﻑ ﻭﺍﻟﺒﺮﺩ ..
ﺑﻌﺪﻳﻦ ﺳﻤﻌﺖ ﺻﻮﺕ ﺳﻴﺎﺭﺍﺕ ﺷﺤﻄﺖ ﻭﺻﺎﺭ ﻫﺪﻭﺀ
ﺻﺎﺡ ﻋﻠﻴﻨﻪ ﻣﺮﻭﺍﻥ .. ﺩﺧﻠﻨﻪ ﺟﻮﻩ ..
ﺑﺎﻭﻋﺖ ﺍﻟﺨﺎﻟﻲ ﺑﻌﻴﻮﻥ ﺗﺘﻮﺳﻞ ..
ﺳﺄﻟﺘﻪ ﻣﺮﺗﻪ ﻫﺎ ﻳﺎﺭﺟﺎﻝ ﺷﻨﻮ ﺻﺎﺭ ﻭﺷﻨﻮ ﻫﺎﻟﺼﻴﺎﺡ .
ﺟﺎﻭﺑﻬﺎ .. ﺧﻠﻲ ﻳﻮﻟﻲ ﻫﺬﺍ ﻳﺤﺠﻲ ﻋﺸﺮﺓ ﺑﺎﻟﺸﻬﺮ ﮔﺘﻠﻪ ﻣﻮ ﻋﻠﻰ ﻛﻴﻔﻚ ﺍﻟﺒﻨﻴﺔ ﺑﻨﻴﺘﻨﻪ ﻭﻣﺜﻞ ﻣﺎﺍﻧﺖ ﻋﻤﻬﺎ ﺍﻧﻪ ﺧﺎﻟﻬﺎ ﻭﻣﺤﺪ ﻳﮕﺪﺭ ﻳﺪﻧﺎﻟﻬﺎ ﻭﻫﻲ ﺑﺎﻟﻐﺔ ﻋﻤﺮﻫﺎ 21 ﺳﻨﺔ ﻣﻮ ﺯﻏﻴﺮﺓ ﻭﻣﻦ ﺣﻘﻬﺎ ﺗﻘﺮﺭ ﻛﻞ ﺷﻲ ﻳﺨﺺ ﺣﻴﺎﺗﻬﺎ .
ﻣﺮﺗﻪ : ﺍﻱ ﻭﺷﻨﻮ ﺟﺎﻭﺑﻚ؟
: ﻇﻞ ﻳﻬﻮﺑﺰ ﻭﻳﺼﻴﺢ ﻭﺟﻤﺎﻋﺘﻪ ﻣﺴﺎﻧﺪﻳﻨﻪ .. ﻋﺒﺎﻟﻬﻢ ﻳﺨﻮﻓﻮﻧﻲ ﻟﻮ ﻣﺎﻋﻨﺪﻱ ﺍﺣﺪ ﻫﺪﺩﺗﻬﻢ ﻭﺍﻟﻠﻪ ﮔﺘﻠﻬﻢ ﺣﺠﺎﻳﺔ ﺯﺍﻳﺪﺓ ﺍﺭﻭﺡ ﻉ ﺍﻟﺸﻴﺦ ﻣﺎﻟﺘﻨﻪ ﻫﻮ ﻳﺤﻠﻬﺎ ..
ﻫﻢ ﻣﺎﻗﺒﻠﻮﺍ ﻛﺎﻟﻮﺍ ﻧﺮﻳﺪ ﺑﺘﻨﻪ ﻭﺍﺣﻨﻪ ﺍﺣﻖ ﺑﻴﻬﺎ ﻭﺍﻧﺘﻮﺍ ﺷﺠﻌﺘﻮﻫﺎ ﺗﺸﺮﺩ ﻭﻇﻠﻮﺍ ﻳﻬﺪﺩﻭﻥ ﻭﺭﺍﺣﻮﺍ .
ﺻﻔﺎ .. ﻇﻠﻴﺖ ﺑﺲ ﺍﻓﻜﺮ ﻭﻣﻴﺘﻪ ﺍﻟﺨﻮﻑ ﻋﻤﻲ ﻫﺬﺍ ﻣﺎﺭﺍﺡ ﻳﺴﻜﺖ ﻭﺧﻄﻴﺔ ﺧﺎﻟﻲ ﻓﻘﻴﺮ ﺧﺎﻑ ﻳﺄﺫﻱ .
ﻟﺸﻮﻳﺔ ﺍﺟﺖ ﻣﺮﺓ ﺧﺎﻟﻲ ﺍﻧﻄﺘﻨﻲ ﺗﻠﻴﻔﻮﻧﻬﺎ
ﻛﺎﻟﺖ ﻫﺎﻱ ﺍﻣﺞ ﺗﺤﺠﻲ ﻭﻳﺎﺝ .
ﺍﺧﺬﺗﻬﺎ ﻣﻨﻬﺎ ﻭﮔﺒﻞ ﻻﺍﺳﻠﻢ ﻋﻄﺖ ﺑﻴﻬﺎ
ﻛﺘﻠﻬﺎ ﻭﻳﻨﺞ ﻣﻮ ﻋﻠﻰ ﺍﻻﺳﺎﺱ،ﺗﺠﻴﻦ ﻭﺗﺸﺘﻜﻴﻦ ﻋﻠﻰ ﻋﻤﻲ ﻋﻠﻤﻮﺩ ﺳﻤﻴﺔ .
ﺍﻣﺎﻟﻴﺪ .. ﻭﻟﺞ ﺳﻤﻴﺔ ﺧﺎﺑﺮﺗﻨﻲ ﻭﺗﺴﺄﻝ ﻋﻨﺞ .
ﺳﺪﻳﺘﻪ ﺑﻮﺟﻬﺎ ﻭﺭﺣﺖ ﺭﻛﺾ ﻟﺘﻠﻴﻔﻮﻧﻲ ﻓﺘﺤﺘﻪ ﻭﺩﻛﻴﺖ ﺭﻗﻢ ﺳﻤﻴﺔ ..
ﺟﺎﻭﺑﺘﻨﻲ : ﺍﻧﺖ ﻭﻳﻨﺞ ﻳﺎﺣﻤﺎﺭﺓ ..
: ﺳﻤﻴﺔ ﺷﻮﻧﺞ ﻭﻭﻳﻦ ﺟﻨﺘﻲ ﺧﻮ ﻣﺎﺻﺎﻳﺮﻟﺞ ﺷﻲ؟
: ﻛﻞ ﺷﻲ ﻣﺎﺑﻴﻪ ﺟﻨﻲ ﺍﻟﻌﺎﻓﻴﺔ ﺑﺲ ﺍﻧﺖ ﺷﺨﺒﺎﺭﺝ؟
: ﺍﺣﺠﻴﻠﻲ ﻭﻟﺞ .
ﺳﻤﻴﺔ : ﺣﺠﻴﺘﻠﻬﻪ ﻛﻞ ﺷﻲ ﻭﻭﻳﻦ ﻛﻨﺖ . !
ﺻﻔﺎ .. ﺍﻧﺎ ﺍﺭﻳﺪ ﺍﺟﻲ ﻳﻤﻜﻢ ﻣﺸﺘﺎﻗﺘﻠﻜﻢ ﻛﻠﺶ ﺑﺲ ﺧﺎﻳﻔﺔ ﻛﻠﺶ ﺧﺎﻳﻔﺔ .
: ﻻ ﺗﺨﺎﻓﻴﻦ ﺍﻟﻴﻮﻡ ﺣﺎﺟﺎﻧﻲ ﺍﺳﻼﻡ ﻭﻛﺎﻝ ﺍﺫﺍ ﺗﻜﺪﺭﻳﻦ ﺗﻮﺻﻠﻴﻠﻬﻪ ﻛﻠﻴﻠﻬﻪ ﻻﺗﺨﺎﻑ ﺍﻟﻬﺎ ﺍﻻﻣﺎﻥ ﻭﺑﺤﻤﺎﻳﺘﻲ ﺑﺲ ﺧﻠﻲ ﺗﺮﺟﻊ .
: ﺧﺎﻑ ﻫﺬﺍ ﺟﺬﺍﺏ ﻭﻟﺞ ﺍﺳﺘﻨﺠﺪﺕ ﺑﻲ ﻇﻞ ﻳﺒﻴﻊ ﻋﻠﻴﻪ ﺛﮕﻞ .
: ﺗﻨﺤﻞ ﺍﻥ ﺷﺎﺀﺍﻟﻠﻪ ﺻﺒﺮﻱ .
: ﻳﻌﻨﻲ ﻫﺴﻪ ﺍﻧﺖ ﻣﺨﻄﻮﺑﺔ ﻷﻣﻴﺮ؟
: ﺍﻱ . ..
: ﺳﻤﻴﺔ ﺷﻠﻮﻥ ﺍﺳﺘﺴﻠﻤﺘﻲ ﻣﺎﺟﺎﻱ ﺍﺻﺪﮒ ..
: ﻭﻟﺞ ﺍﺧﺘﻨﮕﺖ ﻓﻮﮒ ﺍﺟﻴﺖ ﺍﻣﻮﺕ ﻭﺍﻟﻠﻪ ﻭﻣﻦ ﮔﻠﻲ ﻋﻤﻲ ﺍﻧﺖ ﺷﺎﺭﺩﺓ ﻫﻢ ﻛﻠﺶ ﺍﻧﺼﺪﻣﺖ ﻭﺗﺄﺫﻳﺖ ﻣﺎﻛﺪﺭﺕ ﺍﺑﻘﻰ ﻣﺤﺒﻮﺳﺔ ﺑﻌﺪ . ﻭﺍﻓﻘﺖ ﻭﺍﻧﻪ ﻣﺄﻳﺴﺔ ﻣﻦ ﻛﻞ ﺷﻲ .
ﺳﺪﻳﺘﻪ ﻣﻦ ﺳﻤﻴﺔ ﻣﺮﺕ ﻛﻢ ﻳﻮﻡ ﻭﺍﻧﺎ ﻣﺘﻮﺍﺻﻠﺔ ﻭﻳﺎﻫﺎ
ﻛﺎﻟﺖ ﻛﻤﻠﺖ ﻋﻘﺪ ﺍﻟﻤﺤﻜﻤﺔ ﻣﺘﺖ ﻗﻬﺮ ﻋﻠﻴﻬﺎ ﻣﺎﻣﻘﺴﻮﻡ ﺍﻟﻬﺎ ﺗﺘﺰﻭﺝ ﺍﻟﻲ ﺗﺤﺒﻪ ﻭﻣﺎﺍﺩﺭﻱ ﺷﻌﺠﺐ ﻋﺎﻳﻔﻬﺎ ﻛﻞ ﻫﺎﻟﻔﺘﺮﺓ ﻣﺎﺳﺄﻝ ﻋﻨﻬﺎ
.
ﺑﻬﺎﻟﻜﻢ ﻳﻮﻡ ﻋﻤﻲ ﻣﺎﺑﻄﻞ ﺟﻴﺎﺗﻪ ﻭﻫﻮﺳﺎﺗﻪ
ﻭﺍﻧﻪ ﻇﻠﻴﺖ ﺧﺎﻳﻔﺔ ﻋﻠﻰ ﺧﺎﻟﻲ ﺧﺎﻑ ﻳﺴﻮﻳﻠﻪ ﺷﻲ ﺧﻄﻴﺔ ﻣﺎﻳﺴﺘﺎﻫﻞ .
ﻛﻠﻤﺎ ﺗﺨﺎﺑﺮﻧﻲ ﺳﻤﻴﺔ ﺍﻛﻠﻠﻬﺎ ﺍﺧﺎﻑ ﺍﺟﻲ
ﺑﻌﺪﻫﺎ ﺍﺟﻪ ﻋﻤﻲ ﻭﻣﻦ ﻃﻠﻊ
ﺍﺟﻪ ﻳﻤﻨﻪ ﺧﺎﻟﻲ
ﻛﺎﻝ ﻫﺬﺍ ﻭﻳﺎ ﻭﻟﺪ ﺧﻮﺵ ﻳﺤﺠﻲ ﺷﺨﺼﻴﺔ ﻭﺭﺯﻥ
ﺑﺲ ﺍﻧﻪ ﻣﺎﺍﺧﻠﻴﺞ ﺗﺮﻭﺣﻴﻦ ﺍﻟﻪ ﺗﺄﻣﻨﻴﻦ ﻳﻠﻠﻪ .
ﻋﺮﻓﺖ ﺟﺎﻳﺐ ﻭﻳﺎ ﺍﺳﻼﻡ ﺑﺲ ﺍﻧﻪ ﻫﻢ ﻣﺎﺍﺛﻖ ﺑﻲ
ﻻﻥ ﺍﺧﺮ ﻣﺮﺓ ﺧﺬﻟﻨﻲ ..
ﺧﺎﺑﺮﺕ ﺳﻤﻴﺔ .. ﻛﺎﻟﺖ ﺭﺟﻌﻲ
ﮔﺘﻠﻬﺎ ﺍﺧﺎﻑ ﻣﺎﺍﺭﺟﻊ ..
ﻟﻠﻌﺼﺮ ﺭﺍﺣﺖ ﺩﻧﻴﺎ ﺑﻨﺖ ﺧﺎﻟﻲ ﺗﻔﺘﺢ ﺍﻟﺒﺎﺏ
ﺍﺟﺖ ﻭﻭﻳﺎﻫﺎ ﺳﻤﻴﺔ .. ﺭﻛﻀﺖ ﺍﻟﻬﺎ ﺣﻀﻨﺘﻬﺎ ﻭﺍﻧﻪ ﺍﺑﺠﻲ ﻭﻫﻲ ﺍﺑﺠﻲ ..
ﮔﺘﻠﻬﺎ ﻭﻟﺞ ﻋﺒﺎﻟﻚ ﻗﺮﻥ ﻣﺎﺷﺎﻳﻔﺘﺞ ﻣﻮ ﺷﻬﺮ ..
ﺩﺧﻠﺖ ﻭﺭﺍﻫﺎ ﺑﻴﺒﻴﺘﻲ .. ﮔﻮﺓ ﺗﻤﺸﻲ ﻭﺗﺒﺠﻲ
ﺗﺤﺎﺿﻨﻪ ﺍﺣﻨﻪ ﺍﻟﺜﻼﺛﺔ .. ﻭﺩﻣﻮﻋﻨﺎ ﺗﻜﺖ .
ﺑﻴﺒﻲ .. ﺷﺴﻮﻩ ﺑﻴﺠﻦ ﻇﺎﻟﻢ ﺍﻟﻨﻔﺲ ﻳﺎﻳﻤﻪ ﺍﻧﻪ ﺟﻨﺖ ﻋﻠﻰ ﻓﺮﺍﺵ ﺍﻟﻤﺮﺽ ﻭﺍﮔﻮﻝ ﺍﻟﺒﻨﺎﺕ ﻣﺎﻓﮕﺪﻧﻲ ..
ﺳﻤﻴﺔ .. ﻭﻟﺞ ﺻﻔﺎ ﺷﻮﻥ ﻋﻔﺘﻴﻨﻲ ﻭﺣﺪﻱ ﺑﺎﻟﺒﻴﺖ ﻟﻮ ﺍﻧﻪ ﻭﺍﻟﻠﻪ ﻣﺎﺟﺎﻥ ﻋﻔﺘﺞ !
ﺻﻔﺎ .. ﺍﻋﺮﻑ ﺳﻤﻴﺔ ﻣﺎﺟﺎﻥ ﺗﻌﻮﻓﻴﻨﻲ ﺑﺲ، ﻣﺘﺖ ﺧﻮﻑ ﻣﻨﻪ ﺑﺬﻳﺞ ﺍﻟﺴﺎﻋﻪ ﺍﻟﻠﻪ ﻻﻳﺮﺩﻫﻪ ..
ﮔﺎﻟﺖ .. ﺑﻴﺒﻴﺘﻲ ﻳﻠﻠﻪ ﺍﺳﻼﻡ ﻳﺘﺎﻧﻴﻨﻪ ﺑﺎﻟﺴﻴﺎﺭﺓ .
ﺻﻔﺎ .. ﻭﻋﻤﻲ ﻭﻳﺎ؟
ﺳﻤﻴﺔ .. ﻻﺀ ﻣﻮﻭ ﻭﻳﺎ ﺍﺟﻴﻨﻪ ﻭﺣﺪﻧﻪ .
ﺻﻔﺎ .. ﺧﻠﻲ ﺍﻛﻮﻝ ﻟﺨﺎﻟﻲ ﺑﺎﻻﻭﻝ ﺧﻄﻴﺔ ﻫﻮ ﻫﺴﻪ ﺑﺎﻟﻤﺤﻞ ﺭﺍﺡ ﺍﺧﺎﺑﺮﻟﻪ ..
ﻛﻌﺪﻭﺍ ﺳﻤﻴﻪ ﻭﺑﻴﺒﻴﺘﻲ ﻳﻢ ﻣﺮﺓ ﺧﺎﻟﻲ ﻭﺑﻴﺒﻴﺘﻲ ﺍﻡ ﺍﻣﺎﻟﻴﺪ .
ﻭﺍﻧﻪ ﺭﺣﺖ ﺧﺎﺑﺮﺕ ﺧﺎﻟﻲ ﮔﺘﻠﻪ ﺭﺍﺡ ﺍﺭﻭﺡ ..
ﻛﺎﻝ ﺍﻧﻪ ﺟﺎﻱ ﻫﺴﻪ ﺍﺻﺒﺮﻱ ﻻﺗﻄﻠﻌﻴﻦ .
ﻟﺒﺴﺖ ﻣﻼﺑﺴﻲ ﻭﺭﺣﺖ ﻳﻤﻬﻢ ﺑﺎﻟﺼﺎﻟﺔ ﺟﺎﻱ ﻳﺴﻮﻟﻔﻮﻥ ..
ﻛﻌﺪﺕ ﺑﺼﻒ ﺳﻤﻴﺔ ﻭﻟﺰﻣﺖ ﺍﻳﺪﻳﻬﺎ ..
ﺍﺑﺎﻭﻉ ﺑﻌﻴﻮﻧﻬﺎ ﻭﺍﺷﻮﻑ ﺍﻟﺘﻌﺐ ﻭﺍﻟﺤﺰﻥ
ﺟﻮﻩ ﻋﻴﻮﻧﻬﺎ ﺍﺳﻮﺩ ﻭﺿﻌﻔﺎﻧﻪ ﻛﻠﺶ .
ﻟﺸﻮﻳﺔ ﺍﺟﻪ ﺧﺎﻟﻲ .. ﺳﻠﻢ ﻋﻠﻰ ﺍﻟﻜﻞ
ﻛﺎﻝ ﻫﺎﺍ ﺑﻮﻳﺔ ﺍﻧﻪ ﻭﺻﻴﺖ ﺍﻟﻮﻟﺪ ﻳﻘﺼﺪ ﺍﺳﻼﻡ ﻋﻠﻴﺞ ﻭﻻﻥ ﻣﺒﻴﻦ ﺛﻘﺔ ﻭﺯﻟﻤﺔ ﻭﻋﻨﺪ ﻛﻠﻤﺘﻪ ﻛﺎﻝ ﺑﺖ ﻋﻤﻲ ﻭﺍﺣﻄﻬﺎ ﺑﻌﻴﻮﻧﻲ ﻣﺎﺣﺎﺟﺔ ﺗﻮﺻﻴﻨﻲ ..
ﮔﺘﻠﻪ ﻣﺎﻗﺼﺮﺕ ﺧﺎﻟﻮ ﺍﻟﻠﻪ ﻳﻄﻮﻝ ﺑﻌﻤﺮﻙ ﻭﻳﺤﻔﻆ ﺍﻟﻚ ﺧﺎﻟﻪ ﻭﺍﻟﺒﻨﺎﺕ ﻭﻣﺮﻭﺍﻥ ..
ﻭﺩﻋﺘﻬﻢ ﻭﻃﻠﻌﺖ ﺗﻌﻮﺩﺕ ﻋﻠﻴﻬﻢ ﺑﻬﺎﻟﻔﺘﺮﺓ ..
ﺧﺎﻟﻲ ﻭﻣﺮﺗﻪ ﻛﻠﺶ ﻃﻴﺒﻴﻦ ..
ﺑﻨﺎﺗﻬﻢ ﺣﺒﺎﺑﺎﺕ ..
ﻣﺮﻭﺍﻥ ﻣﺆﺩﺏ ﻭﻓﻘﻴﺮ ﻋﻴﻨﻪ ﻣﺎﻳﺮﻓﻌﻬﺎ ﻋﻠﻴﻪ ..
ﺍﻟﺤﻤﺪﻟﻠﻪ ﺍﻟﻲ ﺳﺨﺮﻫﻢ ﺍﻟﻲ ﺣﺘﻰ ﻳﺤﺘﻮﻭﻧﻲ
ﺍﻣﺎ ﺍﻣﻲ ﻣﺎﺍﺟﺖ ﺑﻌﺪ ﺗﻜﻮﻝ ﻣﺮﻳﻀﺔ ﻭﺑﺎﻗﻴﺔ ﻳﻢ ﺍﻗﺎﺭﺑﻬﺎ .
ﻃﻠﻌﻨﺎ ﺑﺮﺓ ﻭﻭﻳﺎﻧﺎ ﺧﺎﻟﻲ .. ﺍﺳﻼﻡ ﺟﺎﻥ ﺑﺎﻟﺴﻴﺎﺭﺓ
ﻣﻦ ﺷﺎﻓﻨﻪ ﻧﺰﻝ ..
ﺭﺍﺣﻠﻪ ﺧﺎﻟﻲ ﻛﻠﻪ ﺑﻌﺪ ﻣﺎﺍﻭﺻﻴﻚ ﻋﻠﻴﻬﺎ .
ﮔﺎﻟﻪ ﻻﺗﻮﺻﻲ ﺣﺮﻳﺺ ..
ﺻﻌﺪﺕ ﺑﻴﺒﻴﺘﻲ ﻛﻌﺪﺕ ﺑﺼﻒ ﺍﺳﻼﻡ ..
ﺍﻧﻪ ﻭﺳﻤﻴﺔ ﻭﺭﺓ ..
ﻫﻲ ﻭﺭﻩ ﻣﻘﻌﺪ ﺍﻟﺴﺎﻳﻖ ﻭﺍﻧﺎ ﻭﺭﻩ ﺑﻴﺒﻴﺘﻲ ..
.
ﺍﻭﻝ ﻣﺎﺻﻌﺪ ﺍﺳﻼﻡ ﺍﻧﺪﺍﺭ ﻋﻠﻴﻪ
ﺻﺎﺭﺕ ﻋﻴﻮﻧﻪ ﺑﻌﻴﻮﻧﻲ ..
ﺍﻧﺰﻋﺠﺖ ﻣﻦ ﻧﻈﺮﺍﺗﻪ .. ﺩﻧﮕﺖ
ﺍﺟﺎﻧﻲ ﺻﻮﺗﻪ .. ﻫﻴﻪ ﻫﺎﻱ ﺳﻮﺍﻳﺔ ﺗﺴﻮﻳﻨﻬﺎ؟ !
ﺭﻓﻌﺖ ﺭﺍﺳﻲ ﺣﺠﻴﺖ .. ﺍﻧﺖ ﺍﺧﺮ ﻭﺍﺣﺪ ﺗﺤﺎﺳﺒﻨﻲ ﻻﻥ ﻃﻠﺒﺘﻚ ﺗﻮﻛﻒ ﺑﺠﺎﻧﺒﻲ ﻭﺻﺪﻳﺘﻨﻲ .
ﺍﻧﺪﺍﺭ ﻣﻨﻲ ﻭﻣﺪ ﺍﻳﺪﻩ ﻟﻠﺴﻮﻳﺞ ﺷﻐﻞ ﺍﻟﺴﻴﺎﺭﺓ ﻭﺣﺮﻛﻬﺎ ﻭﻫﻮ ﻳﺤﺠﻲ ..
ﺍﺳﻼﻡ .. ﺟﺎﻥ ﺍﻟﻤﻔﺮﻭﺽ ﻳﻮﻡ ﺛﺎﻧﻲ ﺍﺟﻲ ﺍﻟﻌﻤﻲ ﻭﺍﺣﺎﺟﻲ ﻭﺍﻃﻠﺒﺞ ﻣﻨﻪ ﺑﺲ ﺻﺎﺭ ﻋﻨﺪﻱ ﺿﺮﻑ .
ﺻﻔﺎ .. ﻭﺍﻧﻪ ﻣﻦ ﻃﻠﺒﺖ ﻣﺎﺭﺩﺗﻚ ﺗﺘﺰﻭﺟﻨﻲ ﺗﺮﻩ .
ﺍﺳﻼﻡ .. ﻭﻳﻄﺒﺞ ﻃﻮﺏ ﻭﺍﻧﻪ ﺷﻨﻮ ﺩﺍﺧﻞ ﺑﺠﻴﺒﻲ ﺑﺲ ﺭﺩﺗﺞ ﻋﻠﻰ ﺫﻣﺘﻲ ﺣﺘﻰ ﻋﻤﻲ ﺑﻌﺪ ﻻﻳﺘﺪﺧﻞ ﺑﺤﻴﺎﺗﺞ ﺑﺲ ﺍﻧﺖ ﺻﺪﮒ ﻣﺎﺗﺴﺘﺎﻫﻠﻴﻦ .
ﺳﻤﻴﺔ .. ﺍﺳﻼﻡ ﻣﻮ ﺑﻬﺬﺍ ﺍﻻﺳﻠﻮﺏ ﻋﻠﻰ ﻛﻴﻔﻚ ﻭﻳﺎﻫﺎ ﺗﺮﻩ
ﻫﻲ ﻫﺴﻪ ﻣﺠﺮﻭﺣﺔ .
ﺍﺳﻼﻡ .. ﻭﻟﻴﺶ ﺑﺲ ﻫﻴﻪ ﻣﺠﺮﻭﺣﺔ ﻋﺸﺘﻮﻭ ﺧﺘﻮﻟﻲ ﺣﺘﻰ ﺑﻌﺪ ﻻﺗﮕﻠﻲ ﺍﺗﺪﺧﻞ ﻭﺍﻭﮔﻒ ﺑﻮﺟﻪ ﻋﻤﻲ .
ﺻﻔﺎ .. ﺑﺲ ﺍﻧﺖ ﻭﻋﺪﺕ ﺧﺎﻟﻲ ﻟﻮ ﺭﺍﺡ ﺗﺨﻠﻒ ﺑﻮﻋﺪﻙ؟ !
ﺑﻴﺒﻲ .. ﻣﺎﻋﻠﻴﻚ ﻣﻨﻬﺎ ﻣﺎﻋﻠﻴﻚ ﻫﻲ ﻭﻳﻦ ﺗﻠﮕﻪ ﻣﺜﻠﻚ
ﻭﻧﺪﺍﺭﺕ ﻋﻠﻰ ﺻﻔﺎ ﺗﺴﻮﻳﻠﻬﻪ ﺣﺮﻛﺎﺕ ﺑﻮﺟﻬﻪ .
ﺍﺳﻼﻡ .. ﻻ ﻭﺍﻟﻠﻪ ﺑﻴﺒﻲ ﺧﺘﻮﻟﻲ ﺗﺘﻤﻀﻴﮓ ﻋﺒﺎﻟﻬﺎ ﻣﻴﺖ ﻋﻠﻴﻬﺎ ﺍﻧﻪ .
ﺻﻔﺎ .. ﻛﻴﻔﻜﻢ ﺍﻟﻲ ﺗﺮﻳﺪﻭ ﺳﻮﻭ ﺑﺲ ﺧﻠﻮﺍ ﻋﻤﻲ ﻳﻔﻚ ﻳﺎﺧﺔ ﻣﻨﻲ .
ﺍﺳﻼﻡ .. ﺍﻧﺠﺒﻲ ﺑﻌﺪ ﻭﻻ ﺍﻟﻲ ﻏﺮﺽ ﺑﻴﺞ .
ﺻﻔﺎ .. ﻫﻮ ﺍﻧﺖ ﻫﻢ ﻳﺠﻲ ﻳﻮﻡ ﻭﺗﻨﻌﺪﻝ ﻭﺍﻟﻠﻪ ﻭﻻ ﺭﺍﺡ ﺗﻨﻌﺪﻝ .
ﺍﺳﻼﻡ .. ﺍﻧﺠﺒﻲ ﻭﺍﺣﺠﻲ ﻋﺪﻝ ..
ﺳﻤﻴﺔ .. ﻇﻠﻮﺍ ﻳﺘﻨﺎﮔﺮﻭﻥ ﻫﺬﻭﻝ ﺷﻮﻥ ﺭﺍﺡ ﻳﺘﺰﻭﺟﻮﻥ ﻭﻻ ﻋﻨﺪﻩ ﺍﺳﻠﻮﺏ ﺑﺲ ﻭﺍﻟﻠﻪ ﻣﺎﻟﻲ ﺧﻠﮓ ﺍﻃﻠﻊ ﻟﺴﺎﻧﻲ ﻋﻠﻴﻪ ﻭﻫﻮ ﻣﺎﻗﺼﺮ ﻭﺍﻟﻤﻬﻢ ﺻﻔﺎ ﺑﺤﻤﺎﻳﺘﻪ ﻟﻮ ﻏﻴﺮﻩ ﻋﻠﻲ ﺳﻮﺗﻪ ﺑﻲ ﻣﺎﻳﺒﺎﻭﻉ ﺑﻮﺟﻬﻪ .
ﻇﻠﻴﺖ ﺍﺑﺎﻭﻉ ﻣﻦ ﺍﺑﺠﺎﻣﻪ ﻫﻠﺒﺖ ﺍﺷﻮﻓﻪ ﻭﺍﻟﻠﻪ ﮔﻠﺒﻲ ﺧﺒﻠﻨﻲ ﻋﻠﻴﻪ ﺍﺣﺴﻪ ﺑﻜﻞ ﻧﺒﻀﺔ ﻳﺴﺄﻟﻨﻲ ﻋﻠﻴﻪ
ﺻﺢ ﺍﻧﻪ ﻋﻠﻰ ﺫﻣﺔ ﺭﺟﺎﻝ ﺑﺲ ﻋﻘﺪ ﺑﺎﻃﻞ ﻻﻥ ﺍﺛﻨﻴﻨﻪ ﻣﺎﻗﺎﺑﻠﻴﻦ ﺑﻬﺎﻟﺰﻭﺍﺝ .
ﺭﺟﻌﻨﺎ ﻟﻠﺒﻴﺖ .. ﺭﻗﻴﺔ ﻳﻤﻨﻪ ﻭﻋﻤﻪ ﺯﻳﻨﺐ ﺍﺳﺘﻘﺒﻠﻮﺍ ﺻﻔﺎ
ﺍﺧﺬﺕ ﺍﻟﺠﻬﺎﻝ ﻭﺧﻠﺘﻬﻢ ﺍﺛﻨﻴﻨﻬﻢ ﺑﺤﻀﻨﻬﺎ ﻭﺗﺒﻮﺱ ﺑﻴﻬﻢ ﻭﻫﻤﺎ ﻫﺴﺘﻮﻫﻢ ﻳﻜﻌﺪﻭﻥ .
ﻛﻌﺪﺗﻬﻢ ﻋﻠﻰ ﺭﺟﻠﻴﻬﺎ ﻭﺗﻠﻌﺒﻬﻢ .
ﺻﺎﺣﺘﻨﻲ ﻋﻤﻪ ﺯﻳﻨﺐ .. ﺗﻌﺎﻱ ﺷﻮﻓﻲ ﺷﻨﻮ ﺟﺒﺖ ﺍﻟﺞ ﺳﻤﻴﻪ .
ﺑﺎﻭﻋﺖ ﺟﺎﻳﺒﻪ ﺟﻨﻄﺘﻴﻦ ﻣﻼﺑﺲ ﻭﻣﻜﻴﺎﺝ ﻓﺘﺤﺘﻬﻢ ﺍﻟﻲ
ﻭﻋﻠﺒﺔ ﺑﻴﻬﺎ ﺫﻫﺐ .
ﻫﺰﻳﺖ ﺍﻳﺪﻱ ﮔﺘﻠﻬﺎ ﻋﻤﻪ ﺍﻧﺖ ﻭﺍﻟﻠﻪ ﺑﻄﺮﺍﻧﻪ .
ﺯﻳﻨﺐ .. ﻟﻴﺶ ﻳﺎﻋﻤﻪ ﺍﻧﺖ ﻋﺮﻭﺳﻪ ﻫﺴﻪ ﻭﺟﻨﺘﻲ ﺑﻌﺪ ﻫﺎﻱ ﻻﺯﻡ ﺍﻟﺸﻌﻼﺕ ﺍﺟﻴﺒﻬﺎ ﺍﻟﺞ ﻭﺍﻧﻪ ﻣﻌﺎﺭﻓﻲ ﻫﻮﺍﻱ ﻭﺍﻫﻠﻲ ﻭﺻﺪﻳﻘﺎﺗﻲ ﺑﺎﻟﺪﻭﺍﻡ ﻳﺠﻮﻥ ﻳﺘﺒﺎﺭﻛﻮﻥ ﻻﺯﻡ ﺗﻜﺸﺨﻴﻦ ﻛﺪﺍﻣﻬﻢ ﻭﻳﻠﻠﻪ ﺗﻌﺎﻱ ﻳﻤﻲ ﺟﺒﺘﻠﺞ ﻣﺤﺎﺑﺲ ﻭﺣﻠﻘﺔ ﮔﺪﺭﻳﻬﻦ ﺧﺎﻑ ﻣﻮ ﻋﻠﻰ ﮔﺪ ﺍﺻﺎﺑﻌﺞ .
ﺳﻤﻴﺔ .. ﻋﻤﻪ ﻫﺬﺍ ﺯﻭﺍﺟﻨﺎ ﺑﺎﻃﻞ ﺷﺒﻴﺞ ﺍﻧﺖ ﺍﻧﻪ ﻭﺍﻣﻴﺮ ﻣﺎﻧﺮﻫﻢ ﺍﻟﺒﻌﺾ ﺍﻧﻪ ﻗﺒﻠﺖ ﺑﺲ ﺍﺭﻳﺪ ﺭﺟﻠﺞ ﺍﻟﻲ ﻣﺜﻞ ﺍﻟﺜﻮﺭ ﺍﻟﻬﺎﻳﺞ ﻳﺨﻒ ﻋﻠﻴﻨﻪ ﺷﻮﻳﺔ
.
ﻻ ﻭﻟﺞ ﺗﺮﻩ ﺍﻣﻴﺮ ﻣﻮ ﻣﺜﻞ ﺍﺑﻮ ﺍﻧﺖ ﺑﺲ ﻛﺴﺒﻲ ﻫﺴﻪ ﻳﻈﻞ ﻳﺤﺒﺞ ﻭﻳﻤﻮﺕ ﻋﻠﻴﺞ ﻭﺗﻌﻴﺸﻮﻥ ﻋﻴﺸﺔ ﺳﻌﻴﺪﺓ .
: ﺍﻣﻴﺮ ﻳﺤﺐ ﺻﺪﻳﻘﺘﻲ ﺍﻧﻪ ﻭﻳﺎ ﻣﺴﺘﺤﻴﻞ ﻳﺼﻴﺮ ﺑﻴﻨﻨﺎ ﺣﺐ .
: ﻳﺤﺒﻬﺎ ﺑﺲ ﻣﺎﺻﺎﺭﺕ ﺍﻟﻘﺴﻤﻪ ﺷﺴﻮﻳﻦ ﺑﻌﺪ .
: ﺍﻩ ﺷﻜﺪ ﺳﻬﻞ ﺍﻟﻜﻼﻡ .. ﺍﻧﺎ ﮔﺎﻳﻤﺔ ﺍﺭﺗﺎﺡ ﻋﻤﻪ ﻣﻦ ﺭﺧﺼﺘﺞ .
: ﻭﻟﺞ ﻭﺍﻟﻤﻼﺑﺲ ﻋﻠﻰ ﺍﻻﻗﻞ ﺗﻌﺎﻱ ﻛﺪﺭﻱ ﺍﺫﺍ ﻣﻮ ﻉ ﻗﻴﺎﺳﺞ ﺍﻟﺸﻲ ﺍﺭﺟﻌﻪ .
ﻣﺸﻴﺖ ﻭﻻ ﻛﺄﻧﻲ ﺍﺳﻤﻌﻬﺎ ﻣﻮ ﺫﻧﺒﻬﺎ ﻭﻻﺫﻧﺒﻲ .
ﺑﺲ ﺍﻟﺪﻧﻴﺎ ﻛﻠﻬﺎ ﻃﺎﻟﻌﺔ ﻣﻦ ﻋﻴﻨﻲ .
ﺩﺧﻠﺖ ﻟﻠﻐﺮﻓﺔ .. ﻃﻠﻌﺖ ﺍﻟﻤﺪﺍﻟﻴﺔ ﺍﻟﻲ ﺑﺈﺳﻢ ﺍﻣﺎﻥ
ﺑﺲ ﻫﻲ ﻇﻠﺘﻠﻲ ﻣﻨﻪ ﺣﺘﻰ ﺍﻟﻤﺤﺎﺩﺛﺎﺕ ﺣﺬﻓﺘﻬﻦ .
ﺷﻤﻴﺘﻬﺎ ﺧﻠﻴﺘﻬﺎ ﻋﻠﻰ ﻗﻠﺒﻲ ..
ﺟﺎﻱ ﺍﺣﺎﻭﻝ ﺍﻧﺴﺎﻩ .. ﻭﺍ ﻓﺘﺢ ﺻﻔﺤﺔ ﺟﺪﻳﺪﺓ ..
ﻭ ﺍﺻﺤﻰ ﻛﻞ ﻳﻮﻡ .. ﻭﺍﻧﻪ ﻣﺎﻣﻨﺘﻈﺮﻩ ﺷﻲ ﻣﻨﻪ ﻭﻻ ﺍﺩﺧﻞ ﻟﻤﺤﺎﺩﺛﺘﻪ ﻭﺍﺟﻴﻚ ﺍﺧﺮ ﻇﻬﻮﺭ
ﻭﻻﺍﺩﺧﻞ ﻟﺼﻔﺤﺘﻪ ﻭﺍﺑﺎﻭﻉ ﺑﻤﻨﺸﻮﺭﺍﺗﻪ ﻭﺗﻌﻠﻴﻘﺎﺗﻪ
..
ﻭﺍﻏﻴﺮ ﻣﻦ ﻧﻤﻂ ﺍﻻﻏﺎﻧﻲ ﺍﻟﻲ ﺍﺳﻤﻌﻬﺎ .. ..
ﻭﺍﻛﺪﺭ ﺍﺗﻤﺎﺳﻚ ﻣﻦ ﺗﺠﻲ ﺳﻴﺮﺗﻪ ..
ﻉ ﺍﻧﻮ ﺷﻲ ﺣﻠﻮ ﺑﺲ ﻣﺎ ﻳﻬﻤﻨﻲ ..
ﻭ ﺍﻟﻤﻮﺿﻮﻉ ﻃﺒﻴﻌﻲ ..
ﻭ ﺣﺘﻰ ﺍﺧﺒﺎﺭﻩ ﻣﺎﺍﺣﺎﻭﻝ ﺍﻋﺮﻓﻬﺎ ..
..
ﻟﻜﻦ ! ! ﺍﻟﻘﻮﺓ ﺍﻟﻲ ﺑﻴﻪ ..
ﻣﺜﻞ ﺍﻟﻲ ﻳﺤﻂ ﻃﺒﻘﺔ ﻣﻦ ﻃﻴﻦ ﻉ ﺭﻭﺣﻪ ..
ﺣﺘﻰ ﺗﺒﻴﻦ ﺻﻠﺒﺔ . ﻭ . ﻗﻮﻳﺔ ..
ﺑﺲ ﻣﻦ ﻳﺠﻲ ﺍﻟﻠﻴﻞ ﻭﺗﻨﺰﻝ ﺍﻟﺪﻣﻮﻉ ..
ﺍﻟﻄﻴﻦ ﻳﻨﺤﻞ ﻭﻳﺮﻭﺡ ... ..
ﺣﺎﻭﻟﺖ ﻣﺜﻞ ﺍﻟﻌﺎﺩﺓ ﺍﻗﺘﻞ ﺣﺒﻪ ﺍﻟﻲ ﺑﻘﻠﺒﻲ .
ﺑﺲ ﺍﻧﺎ ﻭﺟﺎﻱ ﺍﻗﺘﻠﻬﺎ ﺭﺟﻔﺖ ﺭﻭﺣﻲ، ﺳﻤﻌﺖ ﺻﻮﺕ ﺟﻮﺍﻳﻪ ﻳﻘﻮﻝ ..
ﻭﺍﻟﻠﻪ ﺍﺷﺘﺎﻗﻴﺘﻠﻪ .. ﺍﻩ ﺷﻮﻛﺖ ﺍﺗﺸﺎﻓﻰ ﻣﻦ ﺣﺒﻚ .
ﻣﺮﺕ 5 ﺍﺷﻬﺮ ﻋﻠﻰ ﻭﻓﺎﺓ ﺍﺑﻮﻳﺔ
ﺩﻭﺍﻡ ﺑﻌﺪ ﻣﺎﺩﺍﻭﻣﺖ ﺍﺟﻠﺖ ﻫﺎﻱ ﺍﻟﺴﻨﻪ .. ﺍﻣﺎﻥ ﻣﺎﺷﻔﺘﻪ ﺑﻌﺪ ﻭﻻ ﻋﺮﻓﺖ ﺍﺧﺒﺎﺭﻩ ﻭﻣﺎﺍﺩﺭﻱ ﻋﻨﻪ .. ﺑﻴﺒﻴﺘﻲ ﺗﻜﻮﻝ ﻣﺴﺎﻓﺮ ﻭﻣﻘﺎﻃﻊ ﺍﻫﻠﻪ ﻭﺣﺘﻰ ﺧﻄﻴﺒﺘﻪ . .
ﻭﺣﺎﻥ ﻣﻮﻋﺪ ﺯﻭﺍﺟﻲ .. ﺑﻴﻮﻣﻬﺎ ﻣﺎﺟﺎﻥ ﻋﻨﺪﻱ ﺍﻱ ﺍﺣﺴﺎﺱ .
ﺣﻔﻞ ﺯﻭﺍﺝ ﺑﺴﻴﻂ ﻻﻥ ﺑﻌﺪﻩ ﺍﻟﺤﺰﻥ ﻣﺨﻴﻢ ﻋﻠﻴﻨﻪ
ﻭﻋﻠﻰ ﻣﺸﺎﻋﺮﻧﻪ ..
ﺯﻓﻮﻧﺎ ﻟﻠﻐﺮﻓﺔ .. ﺑﺪﻟﻨﻪ ﻭﺗﻌﺸﻴﻨﻪ ..
ﺍﺟﻪ ﻳﻤﻲ ﺍﻣﻴﺮ ﻳﺒﺎﻭﻋﻠﻲ ﻭﻳﺼﺪ ﺑﻌﻴﻮﻧﻪ .
ﮔﺎﻝ ﻳﻠﻠﻪ ﺗﻌﺎﻱ ﺧﻠﻲ ﻧﻔﻀﻬﺎ ﻻ ﻳﻈﻞ ﺍﺑﻮﻱ ﻳﺤﺠﻲ ﻣﺎﻟﻲ ﺧﻠﮕﻪ ﺗﺮﻩ ﮔﻮﺓ ﻣﺘﺤﻤﻠﻪ .
ﻛﻤﺖ ﻋﻠﻰ ﺣﻴﻴﻠﻲ ﻭﮔﻔﺖ ﻋﻠﻰ ﺍﻟﺠﺮﺑﺎﻳﺔ
ﻛﺘﻠﻪ ﺍﺳﻤﻌﻨﻲ ﺗﺮﻩ ﻣﺎﺭﺍﺡ ﺍﻋﻴﺪﻫﺎ ﻣﺮﺗﻴﻦ ﺩﻳﺮ ﺑﺎﻟﻚ ﺗﺠﻴﺴﻨﻲ ﻫﺬﺍ ﺍﻟﻌﻘﺪ ﺑﺎﻃﻞ ﻭﺍﺣﻨﺎ ﻣﺎﺑﻴﻨﻨﺎ ﺯﻭﺍﺝ
ﮔﺎﻝ ﺍﻭﻭﻭﻭ ﺑﻠﻠﻪ ﻻﺗﺎﻛﻠﻴﻦ ﺗﺒﻦ ﺗﺮﺩﻳﻦ ﻳﻜﻮﻟﻮﻥ ﻋﻠﻴﻪ ﻣﻮ ﺭﺟﺎﻝ .
ﻭﻟﻴﺶ ﻫﻢ ﻳﻜﻮﻟﻮﻥ ﺧﻮ ﺍﻧﻪ ﺍﻛﻠﻚ ﺍﻧﺖ ﺻﺪﻙ ﻣﻮ ﺭﺟﺎﻝ ﺍﻟﻲ ﺗﺨﻠﻲ ﺍﺑﻮﻙ ﻳﺠﺒﺮﻙ ﻉ ﺯﻭﺍﺝ ﻭﺗﻌﻮﻑ ﺣﺒﻴﺒﺘﻚ .
ﺍﻳﺎ ﻃﺎﻳﺤﺔ ﺍﻟﺤﻆ ..
ﺳﺤﺒﻨﻲ ﻣﻦ ﺛﻮﺑﻲ ﻭﻃﻴﺤﻨﻲ ﻉ ﺍﻟﺠﺮﺑﺎﻳﺔ
ﻣﺪﻳﺖ ﺍﻳﺪﻱ ﻭﺧﺮﻣﺸﺘﻪ ﺣﻴﻴﻞ ﺑﺄﻳﺪﻩ ﻋﻠﻰ ﻃﻮﻟﻬﺎ .
ﺻﺎﺡ ﺍﺧﺨﺦ ﺍﻧﻪ ﺍﻋﻠﻤﺞ .. ﻳﺮﻳﺪ ﻳﻬﺠﻢ ﻋﻠﻴﻪ
ﻃﻔﺮﺕ ﻣﻦ ﻓﻮﮒ ﺍﻟﺠﺮﺑﺎﻳﺔ ﻭﺭﺣﺖ ﺭﻛﺾ ﻟﻠﺤﻤﺎﻡ
ﻓﺘﺤﺘﻪ ﻭﺩﺧﻠﺖ ﻭﺭﺩﻳﺖ ﻗﻔﻠﺖ ﺍﻟﺒﺎﺏ ﻋﻠﻴﻪ .
.
ﻇﻠﻴﺖ ﺷﻮﻳﺔ ﻣﺎﺍﺳﻤﻊ ﺍﻟﻪ ﺣﺲ ﻓﻜﺮﺕ
ﻛﻠﺖ ﻫﻮ ﺍﻧﻪ ﻣﻦ ﺍﺑﻮ ﻣﺎﺍﺧﺎﻑ ﺍﻧﻮﺏ ﻣﻨﻪ
ﺧﻞ ﺍﻃﻠﻊ .
ﻓﺘﺤﺖ ﺍﻟﺒﺎﺏ ﻭﻃﻠﻌﺖ .. ﺷﻔﺘﻪ ﻻﺯﻡ ﻭﺻﻠﺔ ﻗﻤﺎﺵ ﺑﻴﻀﺔ ﻭﻳﻤﺴﺢ ﺍﻟﺪﻡ ﻣﻦ ﻋﻠﻰ ﺍﻳﺪﻩ ﺑﻤﻜﺎﻥ ﻣﺎﺧﺮﻣﺸﺘﻪ .
ﻭﻛﻔﺖ ﺑﺎﻟﺠﻬﻪ ﺍﻟﺜﺎﻧﻴﺔ ﻣﻦ ﺍﻟﺠﺮﺑﺎﻳﺔ ..
ﮔﺘﻠﻪ ﺷﺠﺎﻱ ﺗﺴﻮﻱ ..
ﺑﺎﻭﻋﻠﻲ ﻣﺨﻨﺰﺭ ﻭﺳﻜﺖ .. ﻟﻤﺎ ﺧﻠﺺ
ﻛﺎﻝ ﺳﻤﻌﻲ ﻭﻟﺞ ﻣﺨﺒﻠﺔ .. ﺭﺍﺡ ﺍﻭﺩﻳﻠﻬﻢ ﻫﺎﻱ ﻭﺍﻛﻠﻠﻬﻢ ﻫﺬﺍ ﻧﻴﺸﺎﻧﺞ ﺣﺘﻰ ﻳﺴﻜﺘﻮﻥ ..
ﻃﮕﻴﺘﻬﺎ ﺿﺤﻜﻪ ﮔﺘﻠﻪ ﻭﻟﻚ ﻫﺬﺍ ﻣﻮ ﻧﻴﺸﺎﻧﻲ ﻫﺬﺍ ﻧﻴﺸﺎﻧﻚ ﻭﺍﻧﻪ ﺳﻮﻳﺘﻪ ﺍﻟﻚ .
ﻛﺎﻝ ﻭﮔﺒﺮﺭﺭﺭ ﻭﺍﺧﺬ ﺍﻟﻮﺻﻠﻪ ﻭﻃﻠﻊ .
ﻭﺧﺮﺕ ﻓﺮﺷﺔ ﺍﻟﻌﺮﺱ ﻣﻦ ﺍﻟﺠﺮﺑﺎﻳﺔ
ﻧﺰﻟﺖ ﻏﻄﻪ ﻭﺗﻤﺪﺩﺕ ﺑﺎﻟﻨﺺ ..
ﺩﺧﻞ ﻛﺎﻝ ﻭﺧﺮﻱ ﺳﻮﻳﻠﻲ ﻣﻜﺎﻥ ﺧﻞ ﺍﻧﺎﻡ ..
ﺭﻓﻌﺖ ﺭﻭﺣﻲ ﮔﺘﻠﻪ ﺩﻳﺮ ﺑﺎﻟﻚ ﺗﺠﻲ ﺗﻤﺪﺩ ﻳﻤﻲ
ﺧﻠﻴﻬﺎ ﺍﺑﺎﻟﻚ ﺧﻮﻓﻚ ﻣﻨﻲ ﺗﺮﻩ .
ﺗﺨﺼﺮ ﮔﺎﻝ ﻭﻟﻴﺶ ﺍﺧﺎﻑ ﻣﻨﺞ ﻋﻴﻨﻲ ﺭﺍﺡ ﺗﺤﺒﻠﻴﻨﻲ ﺧﻮ ﻣﺎﺭﺍﺡ ﺗﺤﺒﻠﻴﻨﻲ .
ﺿﺤﻜﺖ ﮔﺘﻠﻪ ﺍﻱ ﻛﻞ ﺷﻲ ﻳﺼﻴﺮ ﻣﻮ ﻫﺴﺘﻮﻩ ﻃﻠﻌﺖ ﻧﻴﺸﺎﻧﻚ .
ﮔﺎﻝ ﻛﻮﻣﻲ ﻣﻦ ﻋﻠﻰ ﺍﻟﺠﺮﺑﺎﻳﺔ ﺍﻧﻪ ﺍﻧﺎﻡ ﻋﻠﻴﻬﺎ .
ﺳﻤﻴﺔ .. ﻭﺍﻟﻠﻪ ﻫﺴﻪ ﺍﺫﺍ ﺗﻀﻮﺟﻨﻲ ﺍﺭﻭﺡ ﻻﺑﻮﻙ ﺍﻛﻠﻪ ﺍﻣﻴﺮ ﺟﺬﺍﺏ ﻣﺎﺍﺧﺬﻧﻲ ﻭﻫﺬﺍ ﻣﻮ ﻧﻴﺸﺎﻧﻲ .
ﺍﻣﻴﺮ .. ﺭﻭﺣﻲ ﻛﻠﻴﻠﻪ ﻫﺴﻪ ﻳﻜﻠﻲ ﺭﻭﺡ ﺍﺧﺬﻫﺎ ﻭﺍﻧﺖ ﺗﻄﻴﺤﻴﻦ ﺑﻴﻬﻪ .
ﺳﻤﻴﺔ .. ﻫﺎﺍ ﻟﻌﺪ ﺍﮔﻠﻪ ﻳﺸﺮﺏ ﺟﮕﺎﻳﺮ .
ﺍﻣﻴﺮ .. ﺍﻟﻠﻪ ﻳﺎﺧﺬﺝ ﻭﺍﺧﻠﺺ ﻣﻨﺞ ..
ﺷﻤﺮﺕ ﻋﻠﻴﻪ ﻣﺨﺎﺩ ﻭﺍﺧﺬ ﺑﻄﺎﻧﻴﺔ
ﺗﻤﺪﺩ ﺟﻮﻩ ﻭﻧﺎﻡ ..
ﻣﺮﺕ ﺍﻻﻳﺎﻡ ﻭﺍﺣﻨﺎ ﻣﺎﺑﻴﻨﻨﺎ ﺷﻲ ﻭﻛﺎﺿﻴﻨﻬﺎ ﻛﻠﻪ ﻋﺮﺍﻳﻚ ﻭﺩﻭﻡ ﺍﻃﻠﻊ ﺍﻧﻪ ﺍﻟﻤﻨﺘﺼﺮﺓ ﻭﺍﺧﻠﻲ ﻳﺪﮒ ﻋﻠﻰ ﺭﺍﺳﻪ .
ﻋﻤﻲ ﻣﺘﺴﻠﻂ ﻭﺩﻛﺘﺎﺗﻮﺭ ﺑﺎﻟﺒﻴﺖ ﻭﺍﻟﻜﻞ ﻳﻬﺎﺑﻪ ﻭﻳﺨﺎﻑ ﻣﻨﻪ .
ﺑﺲ ﻳﺪﺧﻞ ﻟﻠﺒﻴﺖ ﻳﺴﻜﺘﻮﻥ .
ﻓﺪ ﻳﻮﻡ ﺷﻔﺘﻪ ﺑﺎﻟﺤﺪﻳﻘﺔ ﻛﺎﻋﺪ ﻋﻠﻰ ﻛﺮﺳﻲ ﻭﺑﻴﺪﻩ ﻣﺮﺍﻳﻪ ﺟﺎﻱ ﻳﺼﺒﻎ ﺷﻮﺍﺭﺑﻪ ..
ﻭﻳﻤﻪ ﻃﺒﻠﺔ ﻭﻋﻠﻴﻬﺎ ﻣﺤﺘﻮﻳﺎﺕ ﺍﻟﺼﺒﻎ
ﻭﻋﻠﺒﺔ ﺣﺠﻢ ﻛﺒﻴﺮ ﺍﻭﻛﺴﺠﻴﻦ ﺍﺗﻮﺳﺎ ﺍﻻﺻﻔﺮ
ﻇﻠﻴﺖ ﺍﺑﺎﻭﻉ ﺍﻟﻪ ﻣﻦ ﺷﺒﺎﻙ ﺍﻟﻤﻄﺒﺦ ﻭﻫﻮ ﻳﺼﺒﻎ .
ﻟﺸﻮﻳﺔ ﺍﻧﺪﮔﺖ ﺍﻟﺒﺎﺏ ﻭﻋﺎﻑ ﺍﻏﺮﺍﺿﻪ ﻭﻃﻠﻊ ﻟﻠﺒﺎﺏ .
ﻭﺩﺧﻞ ﺧﻄﺎﺭ ﻟﻠﺪﻳﻮﺍﻧﻴﺔ ﻭﮔﻌﺪ ﻳﻤﻪ .
ﺗﺬﻛﺮﺕ ﻣﺰﻳﻞ ﺍﻟﺸﻌﺮ ﻣﺎﻟﺔ ﻋﻤﻪ ﺯﻳﻨﺐ
ﻳﺼﻴﺮ ﺑﻮﺩﺭﺓ ﻳﻨﺤﻞ ﺑﺎﻟﺴﺎﺋﻞ ﻭﻳﺴﺘﺨﺪﻡ .
ﺍﻳﺒﺎﺍﻩ ﻭﺍﻟﻠﻪ ﻓﻜﺮﺓ ﺟﻬﻨﻤﻴﺔ ..
ﺭﺣﺖ ﻟﻠﺤﻤﺎﻡ ﻭﺍﺧﺬﺕ ﺍﻟﻤﺰﻳﻞ
ﻭﺗﺴﻠﻠﺖ ﻟﻠﺤﺪﻳﻘﺔ .. ﺑﺎﻭﻋﺖ ﻣﻨﺎ ﻣﻨﺎ ﻣﺤﺪ
ﺍﻧﻄﻴﺖ ﻇﻬﺮﻱ ﻟﻠﻤﻄﺒﺦ
ﻓﺘﺤﺖ ﻋﻠﻴﺔ ﺍﻻﻭﻛﺴﺠﻴﻦ ﻭﻓﺮﻏﺖ ﺍﻟﻤﺰﻳﻞ ﻭﺳﺪﻳﺘﻬﺎ ﻭﻻ ﻣﻦ ﺷﺎﻑ ﻭﻻ ﻣﻦ ﺩﺭﻩ ..
ﺍﺫﺍ ﻣﺎﺍﺧﻠﻴﻚ ﺍﺗﺪﮒ ﺷﻮﺍﺭﺑﻚ ﺗﺎﺗﻮ ﻳﺎﺳﻠﻮﻡ ﻳﺎﺍﺑﻦ ﺯﻛﺎﻭﻱ ﻣﺎﺍﻃﻠﻊ ﺍﻧﻪ ﺳﻤﻴﺔ .
ﺻﻔﺎ .. ﻋﻤﻲ ﻳﻮﻣﻴﺔ ﻭﺟﺎﻱ ﺟﺎﻳﺐ ﻣﺸﺘﺮﻱ ﻟﻠﺒﻴﺖ
ﻟﻌﺒﻬﺎ ﻟﻨﻔﺴﻨﻪ .. ﻭﻏﻴﺮ ﺍﻟﺤﺎﺣﻪ ﻋﻠﻴﻪ ﺑﺎﻟﺰﻭﺍﺝ
ﻭﻣﺴﺎﻣﻴﺮ ﻭﺣﺠﻲ ﻭﺗﻬﺪﻳﺪﺍﺍﺕ
.
ﻣﺮﻩ ﻣﻦ ﺍﻟﻤﺮﺍﺕ ﮔﻠﻲ ﻻﻋﺒﺎﻟﺞ ﻏﻔﺮﺗﻠﺞ ﻋﻠﻰ ﺳﻮﺍﻳﺘﺞ
ﺗﺮﻩ ﻣﺎﻧﺎﺳﻴﻬﻪ ..
ﺍﻣﺎ ﺍﺳﻼﻡ ﺑﺎﻗﻲ ﺯﻋﻼﻥ ﻋﺸﺘﻮ ..
ﺍﻟﻰ ﺍﻥ ﻓﺪ ﻳﻮﻡ ﺟﺎﺑﻪ ﻋﻤﻲ ﻭﺍﺟﻪ ﻭﻭﻳﺎ ﺷﻴﺦ ﻭﻋﻘﺪ
ﺍﻟﻨﻪ ﺑﺎﻟﻐﺼﺐ ﻭﺍﺛﻨﻴﻨﻪ ﻣﻄﻨﮕﺮﻳﻦ .
ﻋﻠﻰ ﻳﺎ ﺑﻮ ﺍﻟﻤﺸﺘﺮﻱ ﻳﺮﻳﺪ ﺍﻟﺒﻴﺖ ﻭﻳﻠﻠﻪ ﻓﺮﻏﻮﺍ .
ﺑﺠﻴﺖ ﺑﺠﻲ ﻣﺎﺻﺎﻳﺮ ﻭﻣﺘﺖ ﻗﻬﺮ ﻳﺎﺭﺑﻲ ﺍﺫﺍ ﺳﻤﻌﻮﺍ ﺍﻫﻞ ﻓﺮﺍﺱ ﺷﺮﺍﺡ ﻳﻜﻮﻟﻮﻥ ﻋﻠﻴﻪ .
ﺑﻌﺪﻫﺎ ﺳﻨﻮﻳﺔ ﺍﺑﻨﻬﻢ ﻣﺎﻃﺎﻟﻌﻪ ﻭﺍﻧﻪ ﻋﻘﺪﺕ ﻣﻨﻮ ﺭﺍﺡ ﻳﻌﺬﺭ ﻭﻳﻜﻮﻝ ﺍﻧﺠﺒﺮﺕ ﻭﻋﻤﻬﺎ ﻇﺎﻟﻢ .
ﺍﺟﺖ ﻳﻤﻲ ﻣﻦ ﻓﺎﻃﻤﺔ ﺗﻬﻮﻭﻥ ﻋﻠﻴﻪ ..
ﻗﺒﻞ ﺍﻟﻌﺮﺱ ﺑﻴﻮﻡ ﺍﺟﺎﻧﻲ ﺍﺳﻼﻡ ﺍﻟﻌﺼﺮ ..
ﮔﺎﻝ ﺍﻣﺸﻲ ﺍﺧﺘﺎﺭﻱ ﺑﺪﻟﺔ ﻟﻠﻌﺮﺱ .
ﮔﺘﻠﻪ ﻣﺎﺍﺭﻳﺪ ﺍﻟﻠﺒﺲ ﺑﺪﻟﺔ ﺍﻧﻪ ﻻﺑﺴﺘﻬﺎ ﻣﻦ ﮔﺒﻞ ﻭﻛﺎﻓﻲ .
: ﺯﻳﻦ ﻟﺒﺴﻴﻬﺎ ﺍﻟﻲ ..
: ﻣﺎﺍﺭﻳﺪ ﺍﺳﻼﻡ ﻻﺗﻀﻐﻂ ﻋﻠﻴﻪ ..
ﺻﺎﺡ ﺑﻨﺘﺮ ﻣﺎﻻﺯﻡ ﻣﺎﻻﺯﻡ ﻭﺭﺍﺡ ..
ﺩﺧﻠﺖ ﻟﻔﺎﻃﻤﺔ ﺣﺠﻴﺖ ﺍﻟﻬﺎ ..
ﮔﺎﻟﺖ ﺧﻄﻴﺔ ﺍﻛﻮ ﺑﺪﻻﺕ ﺑﺴﻴﻄﺔ ﻭﻣﻮ ﻣﺪﻧﻔﺸﺔ
ﺍﻣﺸﻲ ﻧﺨﺘﺎﺭ ﻭﺣﺪﺓ ﻭﺭﻭﺣﻲ ﺻﺎﻟﻮﻥ
ﺧﻄﻴﺔ ﺗﺮﻩ ﻫﻮ ﻫﻢ ﻣﻦ ﺣﻘﻪ ﻳﺸﻮﻓﺞ ﺑﺎﻻﺑﻴﺾ ..
ﺍﻧﻪ ﺍﻗﺘﻨﻌﺖ ﺑﻜﻼﻣﻬﺎ ﺩﺯﻳﻨﻪ ﻋﻠﻰ ﺳﻤﻴﺔ ﻭﺭﺣﻨﻪ ﺍﺟﺮﻧﻪ ﺑﺪﻟﻪ ﺑﻴﻀﺔ ﻛﺼﺘﻬﺎ ﺣﻮﺭﻳﺔ ﺭﺩﺍﻧﺎﺗﻬﺎ ﻟﻠﻌﻜﺲ ﻛﻴﺒﻮﺭ ﻭﻋﻠﻰ ﺍﻟﻜﺘﻒ ﻣﺜﻞ ﺍﻟﺮﺗﺒﺔ ﻧﺎﺯﻟﺔ ﻟﺤﺪ ﺍﻟﺰﻧﺪ ﻭﺣﻔﺮﺓ ﺍﻟﺼﺪﺭ ﻋﺮﻳﻀﺔ ﻋﻠﻰ ﺷﻜﻞ ﻗﻠﺐ ..
ﺍﻟﻤﻜﻴﺎﺝ ﺑﺴﻴﻂ ﻛﻠﺶ ﻭﺍﻟﺘﺴﺮﻳﺤﺔ ﻫﻢ ﺑﻒ ﻣﻦ ﻓﻮﮒ ﻭﺍﻟﺒﺎﻗﻲ ﻣﻔﺘﻮﺡ ﻭ ﺑﻴﺮﻣﻦ ..
ﺍﺟﻮ ﺣﺘﻰ ﻳﺎﺧﺬﻭﻧﻲ ﻟﺒﻴﺘﻬﻢ .. ﺣﺴﻴﺖ ﺑﻔﺮﺣﺘﻪ ﻣﻦ ﺷﺎﻓﻨﻲ ﺑﺎﻻﺑﻴﺾ .. ﻟﺰﻣﻨﻲ ﻣﻦ ﺍﻳﺪﻱ
ﺗﺸﺎﺑﻜﺖ ﺍﺻﺎﺑﻌﻨﻪ ﻇﻞ ﻳﻀﻐﻂ ﺑﻘﻮﺓ ﺍﻳﺪﻩ ﺩﺍﻓﻴﺔ
ﺑﺲ ﺗﺄﺫﻳﺖ ﻭﺧﻔﺖ ﺳﺤﺒﺘﻬﺎ ﻣﻨﻪ ﻭﮔﻌﺪﻧﻪ ..
ﺭﻓﻌﺖ ﺭﺍﺳﻲ ﺍﺷﻮﻑ ﻧﻈﺮﺍﺕ ﺍﻣﻪ ﻭﺍﻳﻨﺎﺱ
ﻣﻌﺎﺟﺒﻬﻢ ﺷﻲ .. ﻭﺍﺣﺲ ﺍﻟﻜﻞ ﻳﺤﺠﻲ ﻋﻠﻴﻪ
ﻭﻣﻨﺎ ﺍﻧﺎ ﻧﻔﺴﻴﺘﻲ ﺗﻌﺒﺎﻧﻪ ﻛﻠﺶ ..
ﺯﺩﺕ ﺗﻌﺐ .. ﺯﻓﻮﻧﺎ ﻟﻠﻐﺮﻓﺔ .. ﺟﺎﺑﻮﺍ ﺍﻟﻌﺸﺎ
ﺑﺎﻭﻋﻠﻲ ﻛﺎﻝ ﺗﻌﺎﻱ ﺍﻛﻠﻲ
ﻛﻠﺖ ﻣﺎﺍﺭﻳﺪ .. ﻋﺼﺐ ﺑﺲ ﻣﺎﺍﺣﺠﻪ
ﺷﻜﺪ ﻋﺼﺒﻲ .. ﺷﺮﺍﺡ ﻳﺨﻠﺼﻬﺎ ﻭﻳﺎ ! !
ﺑﻘﻴﺖ ﻛﺎﻋﺪﺓ ﻋﻠﻰ ﺍﻟﺴﺮﻳﺮ .. ﻭﻣﺮﺕ ﻋﻠﻰ ﺫﺍﻛﺮﺗﻲ ﻫﻮﺍﻱ ﺍﺷﻴﺎﺀ ﻭﻣﻨﻬﺎ ﻟﻴﻠﺔ ﻋﺮﺳﻲ ﺍﻻﻭﻝ ..
ﻛﻮﻩ ﺗﻤﺎﺳﻜﺖ ﻭﻣﺎﺑﺠﻴﺖ ..
ﺗﻌﺸﻪ ﻭﺭﺍﺡ ﺍﺟﻪ ﻣﺘﻮﺿﻲ ﻭﺻﻠﻪ ..
ﻭﺍﺟﻪ ﻳﻤﻲ ﻟﺰﻣﻨﻲ ﻣﻦ ﻛﺘﻔﻲ ..
ﺍﻗﺸﻌﺮ ﺟﺴﻤﻲ .. ﮔﺘﻠﻪ ﻭﺧﺮ ﻭﺍﻟﻠﻪ ﺗﻌﺒﺎﻧﻪ ﻭﻣﺎ ﺍﻟﻲ ﺧﻠﮓ
ﮔﺎﻡ ﺩﻓﻌﻨﻲ ﻗﻮﻱ ﻭﮔﻌﺖ ﺟﻮﺓ .. ﺷﻤﺮ ﻋﻠﻴﻪ ﻣﺨﺪﺓ ﻭﺑﻄﺎﻧﻴﺔ .. ﻛﺎﻝ ﻧﺎﻣﻲ ﻳﻤﺞ ﺧﻮﺵ .
ﺗﻐﻄﻴﺖ ﻭﻧﻤﺖ ﺟﻮﻩ ﺍﻟﺒﻄﺎﻧﻴﺔ ﺷﺒﻌﺖ ﺑﺠﻲ
ﺩﻣﻮﻋﻲ ﻏﺴﻠﻦ ﻭﺟﻬﻲ ..
ﺍﺳﻼﻡ .. ﮔﻌﺪﺕ ﺍﻟﺼﺒﺢ ﻧﺰﻟﺖ ﺟﻮﻩ ﺷﺎﻓﺘﻨﻲ ﺍﻣﻲ ﻭﺧﺎﻻﺗﻲ
ﺑﻮﺳﺘﻨﻲ ﻛﺎﻟﺖ ﺑﻌﺪ ﻣﺎﺣﺎﺟﺔ ﺍﺳﺄﻟﻚ ﻋﻦ ﻟﻴﻠﺘﻚ ﺷﻮﻥ ﺟﺎﻧﺖ .
ﮔﺘﻠﻬﺎ ﻳﻤﻤﻪ ﺗﺮﻩ ﺍﻧﻪ ﻣﺎﻳﻬﻤﻨﻲ ﻭﺣﺎﻭﻟﻲ ﺗﺼﻴﺮﻳﻦ ﻭﻳﺎﻫﺎ ﺯﻳﻨﺔ ..
ﺻﻔﺎ .. ﻛﻌﺪﺕ ﺍﻟﺼﺒﺢ ﻋﻴﻮﻧﻲ ﻣﻮﺭﻣﺔ ﺗﻌﺒﺎﻧﺔ ﻛﻠﺶ ﻭﻻ ﻋﺒﺎﻟﻚ ﻋﺮﻭﺱ،ﺍﺑﺎﻭﻋﻠﻪ ﻧﻈﺮﺍﺗﻪ ﺗﻌﺬﺭﻧﻲ ﻋﻠﻰ ﺍﻟﻲ ﺍﻧﻪ ﺑﻴﻪ ﺑﺲ ﺗﺼﺮﻓﺎﺗﻪ ﻭﻗﺴﺎﻭﺗﻪ ﺗﺒﻴﻦ ﺍﻟﻌﻜﺲ .
ﺧﺎﺑﺮﺗﻨﻲ ﺳﻤﻴﺔ .. ﺟﺎﻭﺑﺘﻬﺎ
ﻫﺎ ﻭﻟﺞ ﺷﻮﻧﺞ ﺑﺸﺮﻱ .
ﺷﺒﺸﺮ ﻳﻌﻨﻲ ﻃﺮﺩﻧﻲ ﻭﻧﻤﺖ ﺟﻮﻩ ﻉ ﺍﻟﻜﺎﻉ .
ﺳﻤﻴﺔ .. ﺍﻣﺪﻩ ﺣﻈﺞ ﺍﻱ ﻭﺍﻟﻠﻪ ﻭﻟﺞ ﺍﻧﻪ ﺍﻟﻲ ﺍﻃﺮﺩﻩ ﻭﺧﻠﻲ ﻳﻨﺎﻡ ﺑﺎﻟﮕﺎﻉ .
: ﺍﻧﺖ ﻣﻨﻮ ﻳﻜﺪﺭ ﻋﻠﻴﺞ ﺑﺲ ﺫﺍﻙ ﺍﻟﺮﺟﺎﻝ .
: ﺍﻧﺠﺒﻲ ﻭﺧﻠﻴﻨﻲ ﻣﻠﺘﻬﻴﺔ ﺑﺎﻟﻤﻘﺎﻟﺐ ﺍﻟﻲ ﺍﺳﻮﻳﻬﻦ ﺑﻌﻤﻲ ﻭﻣﺘﻨﺎﺳﻴﺘﻪ
: ﻫﻬﻬﻬﻬﻊ ﺧﺮﺑﻴﻮﻣﺞ ﺷﺴﻮﻳﺘﻲ .
: ﻣﻦ ﺍﺷﻮﻓﺞ ﺍﻛﻠﺞ ﺍﻟﻴﻮﻡ ﺍﻟﻌﺼﺮ ﻧﺠﻴﻜﻢ ﺑﺲ ﻻﺯﻡ ﺗﻌﺬﺭﻳﻨﻲ ﻉ ﺍﻟﻬﺪﻳﺔ ﺗﺪﺭﻳﻦ ﺭﺟﻠﻲ ﺍﻟﺸﻔﻴﺔ ﻃﺎﻟﺐ ﻭﺍﺑﻮ ﻳﺼﺮﻑ ﻋﻠﻴﻪ .
: ﻫﻬﻬﻬﻪ ﻧﺠﺒﻲ ﻗﺎﺑﻞ ﺑﻴﻨﺎﺗﻨﻪ ﻫﺪﺍﻳﺎ ﺍﺣﻨﺎ .
ﺧﺘﻤﺘﻬﺎ ﻭﻳﺎﻫﺎ ﺍﺟﻮ ﺍﻟﻌﺼﺮ ﻛﻠﻬﻢ ﻫﻲ ﻭﺭﻗﻴﺔ ﻭﻓﺎﻃﻤﺔ
ﺑﻘﻮﺍ ﻳﻤﻨﻪ ﻋﻠﻰ ﺍﻟﻌﺸﺎ ﻭﺭﺍﺣﻮﺍ ..
ﺍﺳﻼﻡ .. ﻣﺮﺕ ﺍﻻﻳﺎﻡ ﻭﺍﺣﻨﻪ ﻣﺎﻧﺤﺠﻲ ﻭﻭﺍﺣﺪ ﻛﺎﻟﺐ ﻭﺟﻬﻪ ﻋﻠﻰ ﺍﻟﺜﺎﻧﻲ .. ﺣﺘﻰ ﺍﻣﻲ ﺣﺴﺖ ﺑﺲ ﻣﻦ ﻳﻤﻲ ﺍﻃﻤﻄﻢ ﺍﻟﺴﺎﻟﻔﺔ ﻭﻣﺎﺍﻧﻄﻲ ﺑﻴﻬﺎ ..
ﻓﺪ ﻟﻴﻠﺔ ﺣﺴﻴﺘﻬﺎ ﺗﻌﺒﺎﻧﺔ ﺑﺲ ﻣﺎﺣﺎﺟﻴﺘﻬﺎ
ﺗﻌﺸﻴﻨﻪ ﻛﻌﺪﺕ ﻳﻢ ﺍﻣﻲ ﺷﻮﻳﺔ ﻭﻫﻲ ﺭﺍﺣﺖ ﺗﻐﺴﻞ ﻣﻮﺍﻋﻴﻦ ﻭﺗﻨﻀﻒ .. ﺻﻌﺪﺕ ﻓﻮﻙ ﺗﻤﺪﺩﺕ ﻋﻠﻰ ﺍﻟﺴﺮﻳﺮ ﻭﺑﻴﺪﻱ ﻣﻮﺑﺎﻳﻠﻲ ..
ﺷﻔﺘﻬﺎ ﺩﺧﻠﺖ ﻭﺗﻌﺒﺎﻧﻪ ﺗﺠﺮ ﺭﻭﺣﻬﺎ ﺟﺮ ﻭﺗﻤﺸﻲ ..
ﻛﻌﺪﺕ ﻋﻠﻰ ﺍﻟﺴﺮﻳﺮ ﻭﻧﺘﺠﺖ ﻋﻠﻰ ﺗﺎﺝ ﺍﻟﺠﺮﺑﺎﻳﺔ .
ﻟﺰﻣﺘﻬﺎ ﺍﻳﺪﻫﺎ ﺣﺎﺭﺓ ﻛﻠﺶ ﻣﺴﺨﻨﻪ ﻛﺘﻠﻬﺎ ﺑﻴﺞ ﺷﻲ؟
ﺗﺒﺎﻭﻋﻠﻲ ﻭﺗﻬﺰ ﺭﺍﺳﻬﺎ ﺑﺎﻟﻨﻔﻲ
ﺧﻠﻴﺖ ﺍﻳﺪﻱ ﺟﻮﻩ ﻇﻬﺮﻫﺎ ﻭﺭﻓﻌﺘﻬﺎ ﺍﻟﺼﺪﺭﻱ
ﻭﻇﻠﻴﺖ ﺍﺗﺄﻣﻠﻬﺎ ﺷﮕﺪ ﺗﺮﻓﻪ ﺟﻨﻬﻪ ﮔﻴﻤﺮ ﺍﻟﺼﺒﺢ
ﺍﺧﺬﺗﻨﻲ ﻧﻈﺮﺍﺗﻲ ﻟﺸﻔﺎﻳﻔﻬﺎ .. ﻭﻣﺎﻛﺪﺭﺕ ﺍﺳﻴﻄﺮ ﻋﻠﻰ ﺭﻏﺒﺘﻲ ﺑﻴﻬﻢ .. ﺩﻧﮕﺖ ﻋﻠﻴﻬﺎ ﻭﺍﻟﻠﺘﻬﻤﺘﻬﻢ ﻣﺜﻞ ﺍﻟﺠﻮﻋﺎﻥ .
ﻭﻫﻲ ﺑﻴﻦ ﺍﻳﺪﻳﻨﻲ ﻳﺎﺋﺴﺔ ﻭﻣﺴﻠﻮﺑﺔ ﺍﻻﺭﺍﺩﺓ ..
ﺻﺒﻲ ﻋﺘﺎﺑﻚ ﻓﻲ ﻓﻤﻲ ﺗﻘﺒﻴﻼ ﻣﺎﺿﺮ ﻟﻮ ﻛﺎﻥ ﺍﻟﻌﺘﺎﺏ ﺟﻤﻴﻼ
.
.
ﺻﻔﺎ .. ﮔﻌﺪﺕ ﺍﻟﺼﺒﺢ ﻋﻠﻰ ﺻﻮﺕ ﺧﻔﻴﻒ ﺑﺎﻟﻐﺮﻓﺔ
ﺷﻔﺘﻪ ﻣﺘﻮﺿﻲ ﻭﺟﺎﻱ ﻳﻔﺮﺵ ﺳﺠﺎﺩﺓ ﺍﻟﺼﻼﺓ .
ﺑﺎﻭﻋﻠﻲ ﻭﺩﺍﺭ ﻭﺟﻬﻪ .. ﻭﺗﻮﺟﻬﻪ ﻟﻠﻘﺒﻠﺔ ﻳﺼﻠﻲ ..
ﺑﻌﺪﻧﻲ ﺍﻧﺎﻡ ﺟﻮﻩ . ﻫﻮ ﻣﻄﻨﮕﺮ ﻭﺍﻧﺎ ﺍﺳﺘﺤﻲ ﻣﻨﻪ ﻣﺎﺍﺭﻳﺪﻩ ﻳﻜﻮﻝ ﻋﻠﻴﻪ ﺍﺗﻨﺎﺯﻝ ﺍﻟﻪ . .
ﮔﻤﺖ ﻃﺒﮕﺖ ﻓﺮﺍﺷﻲ ﻭﺧﻠﻴﺘﻪ ﺑﻤﻜﺎﻧﻪ ﺑﺎﻭﻋﺖ ﻟﻠﺠﺮﺑﺎﻳﺔ ﻫﻮ ﻣﺮﺗﺒﻬﺎ ﻛﺎﻟﻌﺎﺩﺓ ..
ﻧﺰﻟﺖ ﺟﻮﻩ ﺗﻮﺿﻴﺖ ﻭﺻﻠﻴﺖ ﺑﺎﻟﻬﻮﻝ ..
ﺳﻮﻳﺘﻠﻪ ﺭﻳﻮﮒ ﻭﺣﻀﺮﺗﻪ ﻋﻠﻰ ﺍﻟﻤﻴﺰ ﺑﺎﻟﻤﻄﺒﺦ .
ﺷﻔﺘﻪ ﻧﺰﻝ ﻭﻣﺒﺪﻝ ﻣﻼﺑﺴﻪ .
ﺍﻧﻪ ﺻﻌﺪﺕ .. ﻛﺴﺮﺕ ﻧﻮﻣﺘﻲ ﺑﻌﺪ ﻣﺎﺍﻛﺪﺭ ﺍﻧﺎﻡ
ﻧﻀﻔﺖ ﺍﻟﻐﺮﻓﺔ ﻭﺭﺟﻌﺖ ﻧﺰﻟﺖ ﺟﻮﺓ ﺍﺷﻮﻑ ﺷﻨﻮ ﺍﻛﻮ ﺍﺧﻠﺼﻪ ﻋﻠﻰ ﻭﻛﺖ ﺧﺎﻑ ﺍﻧﻌﺲ ﺑﻌﺪﻳﻦ ﺍﺧﺬﻟﻲ ﻏﻔﺔ ..
ﺩﺧﻠﺖ ﻟﻠﻤﻄﺒﺦ ﺷﻔﺖ ﻋﻤﺘﻲ ﻣﻮﺻﻠﻪ ﺍﻻﺳﺘﻜﺎﻧﻪ ﻟﺸﻔﺘﻬﺎ ﺗﺮﻳﺪ ﺗﺸﺮﺏ ﺟﺎﻱ .
ﮔﺘﻠﻬﺎ ﺻﺒﺎﺡ ﺍﻟﺨﻴﺮ .. ﺷﺮﺑﺖ ﺟﺎﻱ ﻭﻃﻮﻟﺖ ﺷﻮﻳﺔ
ﻳﻠﻠﻪ ﺭﺩﺕ .. ﻛﺎﻟﺖ ﺻﺒﺎﺡ ﺍﻟﻨﻮﺭ ..
ﺭﺣﺖ ﻟﻠﻘﻮﺭﻱ ﺍﺭﻳﺪ ﺍﺻﺐ ﺟﺎﻱ ..
ﮔﺎﻟﺖ ﺣﺘﻰ ﻧﻐﺴﻞ ﺯﻭﻟﻴﺔ ﺍﻟﺼﺎﻟﺔ ﺻﺎﺭﺕ ﻭﺻﺨﺔ ﻣﻦ ﺑﺪﺍﻳﺔ ﺍﻟﺸﺘﻪ ﺍﻟﻬﺴﻪ ﻣﺎﻏﺴﻠﻨﺎﻫﻪ ..
ﮔﺘﻠﻬﺎ ﺧﻮﺵ ﻋﻤﻪ ..
ﺑﻴﻨﻤﺎ ﺻﺒﻴﺖ ﺟﺎﻱ ﻭﺧﻠﻴﺖ ﻓﻮﮔﺎﻩ ﺣﻠﻴﺐ
ﻭﻃﻠﻌﺖ ﺑﺴﻜﺖ ﻭﻳﺎﻩ .. ﺟﺎﻱ ﺍﻛﻞ ﺍﻭﻝ ﺑﺴﻜﻮﺗﻪ .
ﺳﻤﻌﺘﻬﺎ ﺟﺎﻱ ﺗﺴﺤﺐ ﺑﺎﻟﺰﻭﻟﻴﺔ ﻭﺗﺴﻮﻱ ﺭﻭﺣﻬﺎ ﻓﺤﻄﺎﻧﺔ .
ﻭﺗﺮﻳﺪ ﺗﻄﻠﻊ ﻣﻦ ﺑﺎﺏ ﺍﻟﻤﻄﺒﺦ ..
ﺷﺮﺑﺖ ﺷﻮﻳﺔ ﻭﮔﻤﺖ ﮔﺘﻠﻬﺎ ﻋﻮﻓﻴﻬﺎ ﻋﻤﻪ ﺍﻧﻪ ﺍﻃﻠﻌﻬﺎ .
ﻭﺍﺧﺬﺗﻬﺎ ﻣﻨﻬﺎ . ﻛﺎﻟﺖ ﺍﻱ ﻫﻢ ﻳﻠﻠﻪ ﺗﻠﺤﻚ ﺗﻨﺸﻒ
.. ﻃﻠﻌﺘﻬﺎ ﺑﺎﻟﻄﺎﺭﻣﺔ .. ﻭﻃﺒﻴﺖ ﻟﻠﺒﻴﺖ ﺍﺷﻐﻞ ﺍﻟﺴﺨﺎﻥ
.. ﻧﻬﺎﻳﺔ ﺷﻬﺮ ﺍﻟﺜﺎﻟﺚ ..
ﻭﺍﻟﺠﻮ ﺑﻌﺪﻩ ﺑﺎﺭﺩ .. ﻫﺴﻪ ﻋﻠﻰ ﺷﻨﻮ ﻣﺴﺘﻌﺠﻠﺔ .
ﺑﻌﺪ ﻭﻛﺖ ..
ﺷﻐﻠﺖ ﺍﻟﺴﺨﺎﻥ ﻭﻃﻠﻌﺖ ﺑﺮﻩ ﻣﺪﻳﺖ ﺍﻟﺼﻮﻧﺪﺓ
ﺳﻤﻌﺖ ﺻﻮﺗﻬﺎ ﺻﺎﺣﺖ ﺻﻔﺎﺍﺍ ﺗﺮﻩ ﺍﻟﻤﺎﻱ ﺩﺍﻓﻲ ﻣﻮ ﺍﻟﻪ ﺗﺸﻐﻠﻴﻦ ﺍﻟﮕﻴﺰﺭ ..
ﺗﺤﺴﺴﺘﻪ ﺑﺎﺭﺩ ﺛﻠﺞ ﻭﺍﻟﺪﻧﻴﺎ ﺻﺒﺢ ﻭﻫﻢ ﺑﺮﺩ
ﺑﺲ ﻫﺎﻱ ﻣﺒﻴﻨﺔ ﺗﺮﻳﺪﻫﺎ ﺣﺠﺔ ﻋﻠﻴﻪ
ﺧﻠﻲ ﺗﻮﻟﻲ ﻣﺎﻧﺎﻗﺼﻨﻲ ﻫﻴﻪ ﺑﻌﺪ .
ﺷﻜﻠﺖ ﺍﻟﺘﺮﺍﻛﺴﻮﺕ ﻭﺩﻧﻜﺖ ﺍﻓﺮﻙ ﺍﻟﺰﻭﻟﻴﻪ ﻭﻫﻲ ﻛﻠﺴﺎﻉ ﺍﺧﻠﺺ ﺷﻲ
ﺗﺠﻴﺒﻴﻠﻲ ﺷﻲ ﺛﺎﻧﻲ .. ﻟﺤﺪ ﻣﺎﺍﺫﻥ ﻭﺍﻧﻪ ﻣﺎﻣﺨﻠﺼﺔ
ﺭﺣﺖ ﺻﻠﻴﺖ ﻭﺗﻐﺪﻳﺖ ﻭﺭﺟﻌﺖ .
ﺟﺎﻱ ﺍﻃﺒﮓ ﺑﻴﻬﻦ .. ﺭﻓﻌﺖ ﺭﺍﺳﻲ ﺟﺎﻥ ﺍﺷﻮﻑ ﺍﺳﻼﻡ ﻛﺪﺍﻣﻲ ﻳﺒﺎﻭﻋﻠﻲ ﻭﻓﺎﻙ ﻋﻴﻮﻧﻪ ﻋﻠﻴﻪ .
ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ ﮔﻠﺖ ﻳﻤﻤﻤﻪ ﺷﺒﻴﻚ ﺧﺮﻋﺘﻨﻴﻴﻲ .
ﺗﻘﺮﺏ ﻳﻤﻲ ﻛﺎﻝ ﺷﻨﻮ ﻫﺎﻱ ﻣﻔﺮﻋﺔ ﻭﻟﺞ ﺍﺣﻨﻪ ﻭﺍﻟﺸﺎﺭﻉ ﺳﻮﻩ ﺑﻠﻠﻪ ﻭﺍﺣﺪ ﺟﺎﻱ ﻳﻄﻞ ﻋﻠﻴﺞ ﻣﻦ ﻓﻮﮒ ﺳﻄﺢ ﺍﻟﺠﻴﺮﺍﻥ .
ﺍﻧﻪ ﻻﺑﺴﺔ ﺗﺮﺍﻙ ﺭﺑﻊ ﺭﺩﻥ ﺍﺣﻤﺮ ﺭﻳﺎﺿﻲ ﻭﻣﺨﻄﻂ ﻋﻠﻰ ﺟﻨﺐ ﺑﺨﻄﻴﻦ ﺃﺑﻴﺾ ..
ﺳﻜﺘﺖ ﻋﻨﻪ .. ﻭﺍﺭﻳﺪ ﺍﺩﻧﻚ ﺍﺧﺬ ﺍﻟﺰﻭﻟﻴﺔ ..
ﮔﺎﻡ ﺩﻓﻌﻨﻲ ﻣﻦ ﺯﻧﺪﻱ ..
ﻛﺎﻝ ﻭﺧﺮﻱ ﺍﻧﻪ ﺍﺷﻴﻠﻬﻪ ..
ﻳﺎﻟﻠﻪ ﺷﮕﺪ ﻋﻨﻴﻒ ..
ﺷﻜﻞ ﺭﺩﺍﻧﺎﺕ ﻗﻤﻴﺼﻪ .. ﻭﻇﻞ ﻳﺸﻴﻞ ﺑﺎﻟﺰﻭﻟﻴﺔ
ﺍﺟﺖ ﻋﻤﺘﻲ ﻛﺎﻟﺘﻪ ﻫﺴﻪ ﺍﻧﺖ ﻣﺘﻮﺍﺯﻱ ﺗﻮﻙ ﺟﺎﻱ ﻣﻦ ﺍﻟﺪﻭﺍﻡ ﻭﺗﻌﺒﺎﻥ ﺧﻠﻴﻬﻪ ﻫﻲ ﺗﺸﻴﻠﻬﻢ ﻭﺗﺸﺮﻫﻢ ﺷﻌﻠﻴﻬﺎ ﺷﻮ ﻻ ﺍﻛﻮ ﻃﻔﻞ ﺍﺑﻄﻨﻬﺎ ﻭﻻ ﺷﻲ
.
.
ﺑﺎﻭﻉ ﻷﻣﻪ ﻭﺑﺎﻭﻋﻠﻲ ﻭﺳﻜﺘﺖ
ﻭﺍﻧﻪ ﺍﻧﻘﻬﺮﺕ ﻭﺩﺧﻠﺖ ﺟﻮﻩ ﺍﺣﻀﺮ ﺍﻟﻪ ﺍﻻﻛﻞ ..
ﺣﻀﺮﺗﻪ ﻭﺻﻌﺪﺕ ﻓﻮﮒ ﺍﺑﺪﻝ ﻣﻼﺑﺴﻲ ﻛﻠﻬﻦ ﻣﺎﻱ ﺣﺘﻰ ﺑﺮﺩﺕ ..
ﺇﺳﻼﻡ .. ﺷﺮﻳﺖ ﺍﻟﺰﻭﺍﻟﻲ ﻭﻃﺒﻴﺖ ﻟﻠﻤﻄﺒﺦ .. ﺷﻔﺖ ﺑﺲ ﺍﻣﻲ
ﻛﺘﻠﻬﺎ ﻳﻤﻪ ﻣﺎﻳﺼﻴﺮ ﻫﺎﻟﻜﻼﻡ ﻫﺬﺍ ﻛﺪﺍﻣﻬﺎ ﺗﺮﻩ ﺧﻄﻴﺔ ﻣﺎﻳﺼﻴﺮ ﺗﺠﺮﺣﻴﻬﺎ .
ﺍﻻﻡ .. ﺍﻛﻠﻚ ﻭﺍﺳﻤﻌﻨﻲ ﺯﻳﻦ ﺗﺮﻩ ﻫﻲ ﻇﻠﺖ ﻳﻢ ﺭﺟﻠﻬﺎ ﺫﺍﻙ 3 ﺍﺷﻬﺮ ﻭﻣﺎﺣﺒﻠﺖ ﻭﺍﺫﺍ ﺑﻴﻬﺎ ﺷﻲ ﺍﻧﻪ ﻣﺎﺍﺻﺒﺮ ﺍﺯﻭﺟﻚ ﺍﻟﻮﺣﺪﺓ ﺛﺎﻧﻴﺔ .
ﺍﺳﻼﻡ .. ﺍﻭﻭﻭ ﺷﻠﻮﻥ ﺷﻐﻠﺔ ﻫﺎﻳﻪ ﻳﻤﻪ ﻋﻠﻰ ﻛﻴﻔﺞ ﺗﺮﻩ ﺍﻛﻮ ﺍﺯﻭﺍﺝ ﻳﺒﻘﻮﻥ ﺳﻨﻴﻦ ﻣﺎﻳﺼﻴﺮ ﻋﺪﻫﻢ ﺍﺣﻨﻪ ﻣﺎﺻﺎﺭ ﺍﻟﻨﻪ ﺷﻬﺮ ﺑﻌﺪﻧﻪ .
ﺍﻻﻡ .. ﺍﻧﺖ ﻫﺎﻟﻮﺍﺣﺪ ﺍﻟﻲ ﻭﺍﺭﻳﺪ ﺍﺷﻮﻑ ﺧﻠﻔﺘﻚ .
ﺍﺳﻼﻡ .. ﺑﻬﺎﻟﻠﺤﻈﺔ ﺩﺧﻠﺖ ﺻﻔﺎ ﻭﻛﺄﻧﻬﺎ ﺳﻤﻌﺖ ﻛﻞ ﺍﻟﻜﻼﻡ ﻭﺑﻌﻴﻮﻧﻬﺎ ﺩﻣﻊ .. ﺑﺲ ﻣﺎﺣﺠﺖ ﻓﺎﺗﺖ ﻣﻦ ﻳﻤﻲ ﺗﺮﻳﺪ ﺗﻄﻠﻊ ﮔﺘﻠﻬﺎ ﻭﻳﻦ ﺭﺍﻳﺤﺔ؟
ﺻﻔﺎ .. ﺭﺍﻳﺤﺔ ﺍﺷﻮﻑ ﺍﻟﺰﻭﺍﻟﻲ ..
ﺍﺳﻼﻡ .. ﺷﺮﻳﺘﻬﻢ ﻛﻠﻬﻢ ﻣﺎﻳﺤﺘﺎﺝ ﻭﺑﻌﺪ ﻣﻦ ﻭﺟﺎﻱ ﻣﻦ ﺗﻄﻠﻌﻴﻦ ﻟﻠﻄﺎﺭﻣﺔ ﺍﻭ ﻟﻠﺴﻄﺢ . ﺗﻠﺒﺴﻴﻦ ﺣﺠﺎﺑﺞ ﻋﻠﻰ ﺭﺍﺳﺞ .
ﺻﻔﺎ .. ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﻳﻦ ﻣﺎﺍﺭﻭﺡ ﻇﻴﻢ ﻫﺎﻱ ﺷﺠﺎﻫﺎ ﻋﻤﺘﻲ ﺑﻌﺪﻫﻪ ﺣﺎﻗﺪﺓ ﻋﻠﻴﻪ ﻻﻥ ﻣﺎﻗﺒﻠﺖ ﺑﻲ ﮔﺒﻞ ﺟﺎﻱ ﺗﺸﻮﻓﻨﻲ ﺍﻟﻮﻳﻞ ﻫﺴﻪ ﺧﺎﻑ ﺍﻧﻪ ﻧﺎﻗﺼﺔ ﻭﻣﺎﺷﺎﻳﻔﺔ ﻇﻴﻢ ﻭﻗﻬﺮ ﺟﺎﻧﺖ ﻗﺒﻞ ﺗﺤﺒﻨﻲ ﻭﺯﻳﻨﺔ ﻭﻳﺎﻱ ﺑﺲ ﻣﻦ ﺭﻓﻀﺖ ﺍﺳﻼﻡ ﺗﻐﻴﺮﺕ ﻫﺴﻪ ﻻﺯﻡ ﺍﺣﺎﻭﻝ ﺍﺭﺿﻴﻬﻪ ﺷﺴﻮﻱ ﺍﺣﺎﻭﻝ ﺍﺗﺄﻗﻠﻢ ﻭﺍﻋﻴﺶ .. ﻣﻦ ﺳﻤﻌﺖ ﺍﺳﻼﻡ ﻳﺪﺍﻓﻌﻠﻲ ﺭﻏﻢ ﺗﻘﺼﻴﺮﻱ ﻭﻳﺎ ﻓﺮﺣﺖ ﺑﺪﺍﺧﻠﻲ .
ﺭﺣﺖ ﻟﻠﺪﻳﻮﺍﻧﻴﺔ ﻣﺴﺤﺖ ﺍﻻﺭﺿﻴﺔ ﻭﻓﺮﺷﺖ ﺯﻭﻟﻴﺔ ﺛﺎﻧﻴﺔ ﻫﻲ ﻃﻠﻌﺘﻬﺎ ﺍﻟﻲ .. ﺻﺎﺭ ﺍﻟﻌﺼﺮ ﺣﻀﺮﺕ ﺍﻟﻌﺸﺎﺀ ﻭﺑﺎﻟﻠﻴﻞ ﺗﻌﺸﻴﻨﻪ ﺑﺲ ﺍﺣﺲ ﺭﻭﺣﻲ ﮔﻮﻩ ﺍﻓﺘﺢ ﻋﻴﻮﻧﻲ ﻣﻦ ﺍﻟﺘﻌﺐ ﻭﺍﻟﺴﺨﻮﻧﻪ ﻭﻋﻀﺎﻣﻲ ﻇﻠﺖ ﺗﻮﺟﻌﻨﻲ ﻭﺍﻧﻪ ﺍﺻﻼ ﻣﺎﺍﺗﺤﻤﻞ ﺍﺑﺪ .
ﺻﻌﺪﺕ ﮔﻮﻩ ﺍﺟﺮ ﺧﻄﻮﺍﺗﻲ .. ﺣﺘﻰ ﻣﺎﺑﻴﻪ ﺍﻃﻠﻊ ﻓﺮﺍﺷﻲ ﺍﻟﻲ ﺍﻧﺎﻡ ﻋﻠﻴﻪ .. ﺭﺣﺖ ﺗﻤﺪﺩﺕ ﻋﻠﻰ ﺍﻟﺴﺮﻳﺮ
ﻭﻫﻮ ﻳﺤﺎﺟﻴﻨﻲ ﻭﺑﺲ ﺍﻫﺰ ﺑﺮﺍﺳﻲ ..
ﻟﺤﻈﺎﺕ ﻭﺻﺎﺭﺕ ﺷﻔﺎﻳﻔﻲ ﺣﺒﻴﺴﺔ ﺷﻔﺎﻳﻔﺔ
ﻓﻚ ﺍﺳﺮﻫﺎ ﺍﺳﺘﺤﻴﺖ ﺿﻤﻴﺖ ﺭﺍﺳﻲ ﺑﺼﺪﺭﻩ
ﻛﻤﺸﺖ ﻓﺎﻧﻴﻠﺘﻪ ﺣﻴﻴﻞ ﺍﺣﺎﻭﻝ ﺍﺧﻔﻲ ﺧﺠﻠﻲ ...
ﻇﻞ ﻳﻬﻤﺲ ﺑﺄﺫﻧﻲ ﻛﻼﻡ ﺣﻠﻮ ﻭﻏﺰﻝ ﺳﺎﻣﻌﺘﻪ ﻣﻦ ﻗﺒﻞ ﺳﻨﻴﻦ ﻣﻨﻪ ﻭﻫﺴﻪ ﺍﻧﻌﺎﺩ ﻋﻠﻰ ﺍﺳﻤﺎﻋﻲ ..
ﻣﺎﻫﻲ ﺍﻻ ﻟﺤﻈﺎﺕ ﺣﺘﻰ ﺻﺎﺭ ﻳﻄﺒﻊ ﺷﻔﺎﻳﻔﻪ ﻋﻠﻰ ﺭﺍﺳﻲ، ﺟﺒﻴﻨﻲ ﺧﺪﻭﺩﻱ ﻭﻋﻨﻘﻲ ..
ﻟﺤﻈﺎﺕ ﻭﺻﺮﺕ ﻛﻠﻲ ﻣﻠﻜﻪ ﻭﻣﺎﻋﻨﺪﻱ ﺍﻱ ﺧﻴﺎﺭ ﻏﻴﺮ ﺍﻥ ﺍﻃﻴﻌﻪ ﻭﺑﺲ ..
ﺳﻤﻴﺔ .. ﺍﻟﺼﺒﺢ ﻓﺘﺤﺖ ﻋﻴﻮﻧﻲ ﺣﺴﻴﺖ ﺑﺎﻣﻴﺮ ﮔﺎﻋﺪ ﻳﺒﺪﻝ ﻭﺷﺎﻋﻞ ﺍﻟﻀﻮﺓ ﻃﺦ ﺑﻌﻴﻮﻧﻲ ﺯﻋﺠﻨﻲ .
ﮔﻤﺖ ﮔﺘﻠﻪ ﺍﻧﺖ ﻣﺎﺗﻌﺮﻑ ﺗﺒﺪﻝ ﺑﻬﺪﻭﻭﻭﺀ
ﺑﺎﻭﻋﻠﻲ .. ﺷﺒﻴﺞ ﺗﺘﻌﺎﺭﻛﻴﻦ ﻭﻳﺎ ﺫﺑﺎﻥ ﻭﺟﻬﺞ .
: ﻃﻔﻲ ﺍﻟﻀﻮﺓ ﺍﻧﺮﻳﺪ ﻧﺨﻤﺪ ..
: ﺧﻤﺪﻱ ﺑﻠﻜﻲ ﻣﺎﺗﮕﻌﺪﻳﻦ .. ﻟﻮ ﻫﻴﻪ ﻏﻴﺮﺓ ﻻﻥ ﺍﻧﻪ ﺍﺩﺍﻭﻡ ﻭﺍﻧﺖ ﻷ .. ؟
: ﺗﻨﻔﺴﺖ ﺑﻌﺼﺒﻴﺔ ﮔﺘﻠﻪ ﺍﻧﻪ ﺍﻋﻠﻤﻚ ﺍﺫﺍ ﻣﺎﮔﻮﻝ ﻟﻌﻤﻲ ﻋﻠﻰ ﻛﻞ ﺷﻲ .
: ﺍﻧﺠﺒﻲ ﺍﻧﺠﺒﻲ ﻭﺭﺟﻌﻲ ﻧﺎﻣﻲ ﻳﻠﻠﻪ ﺛﺒﺮﺗﻴﻨﻪ .
ﻳﺮﻳﺪ ﻳﻄﻠﻊ ﺻﺤﺖ ﻋﻠﻴﻪ ﺗﻌﺎﻝ ﻭﻟﻚ ﺷﻴﻞ ﻓﺮﺍﺷﻚ ﻳﻠﻠﻪ ﺗﻄﻠﻊ . ﻭﺍﺷﺮ ﺍﻟﻪ ﻋﻠﻴﻪ
.
ﺭﺟﻊ ﺷﺎﻟﻪ ﻣﻦ ﺍﻟﮕﺎﻉ ﻭﺷﻤﺮﻩ ﻋﻠﻴﻪ ﻛﻠﻪ ﻫﻮ ﺍﻟﻤﻨﺪﺭ ﻭﺍﻟﺒﻄﺎﻧﻴﻪ ﻭﺍﻟﻤﺨﺪﺓ ﻭﮔﻌﻦ ﻋﻠﻴﻪ ﻭﻃﻴﺤﻨﻲ ﻉ ﻣﺮﺓ ﺛﺎﻧﻴﺔ ﻭﺧﻠﻪ ﻭﺷﺮﺩ ﻭﻃﺒﮓ ﺍﻟﺒﺎﺏ .
ﻭﺣﺘﻰ ﺍﻟﻀﻮﺓ ﻣﺎﻃﻔﺎﻩ ..
ﮔﻤﺖ ﻭﺍﻧﻪ ﺍﻭﺧﺮﻫﻢ ﻣﻦ ﻋﻠﻴﻪ ﻭﺍﻋﺪﻝ ﺑﺸﻌﺮﻱ ﻻﻥ ﺗﺨﺮﺑﺺ ﮔﻠﺖ ﺍﻧﺎ ﺍﻋﻠﻤﻚ ﺍﺫﺍ ﻣﺎﺍﺭﺑﻴﻚ ﻣﻦ ﺟﺪﻳﺪ ﻳﺎﺍﻣﻴﺮ ﻳﺎﺍﺑﻦ ﺯﻧﻮﺑﺔ ..
ﻏﺴﻠﺖ ﻭﻃﻠﻌﺖ ﻣﻦ ﺍﻟﻐﺮﻓﺔ .. ﺍﻩ ﺷﻜﺪ ﻣﺸﺘﺎﻗﺔ ﻟﻠﺪﻭﺍﻡ ﺑﺲ ﻫﺴﻪ ﻓﺎﺗﺘﺖ ﺑﻌﺪ ..
ﺩﺧﻠﺖ ﻟﻠﻤﻄﺒﺦ ﺷﻔﺖ ﻋﻤﻲ ﻃﺐ ﻣﻦ ﺑﺎﺏ ﺍﻟﺤﺪﻳﻘﺔ
ﻣﺘﻠﺜﻢ ﺑﻜﻔﻴﺔ ﻭﻣﺨﻠﻴﻬﺎ ﻋﻠﻰ ﺣﻠﮕﻪ .
ﻭﻛﻔﺖ ﻳﻢ ﺑﺎﺏ ﺍﻟﻤﻄﺒﺦ ﺍﻟﻲ ﻳﻄﻞ ﻋﻠﻰ ﺍﻟﻬﻮﻝ
ﻭﻫﻮ ﮔﻌﺪ ﻋﻠﻰ ﺍﻟﻤﻴﺰ ﻣﺎﻝ ﺍﻟﻄﻌﺎﻡ
ﺍﺷﻮﻑ ﻋﻤﻪ ﺯﻳﻨﺐ ﺗﺒﺎﻭﻋﻠﻪ
ﮔﻠﺘﻠﻪ ﺷﻨﻮ ﺍﻟﻴﻮﻡ ﻣﺎﺭﺍﺡ ﺗﺮﻭﺡ ﻟﻠﺪﻭﺍﻡ ..
ﺟﺎﻭﺑﻬﺎ ﺻﺒﻴﻠﻲ ﺟﺎﻱ ﻭﻻ ﻭﻟﺞ ﻣﺎﺭﻭﺡ ﻫﺬﺍ ﺍﻟﺼﺒﻎ ﺍﺛﺎﺭﻳﻪ ﻳﻄﻴﺢ ﺍﻟﺸﻌﺮ ﺑﻌﺪ ﻣﺎﺍﺷﺘﺮﻱ ﻣﻨﻪ .
ﺍﻓﺎﺍﺍﺍ ﺭﺍﺣﺖ ﺍﻟﻬﻴﺒﺔ ﺍﺭﻳﺪ ﺍﺳﻴﻄﺮ ﻋﻠﻰ ﺭﻭﺣﻲ ﻣﻦ ﺍﻟﻀﺤﻚ ﻣﺎﺍﮔﺪﺭ ﻃﻠﻌﺖ ﻋﻠﻰ ﺍﻟﺴﺮﻳﻊ ﻭﺭﺣﺖ ﻟﻠﺤﺪﻳﻘﺔ ﻭﺍﻧﻪ ﺧﺮﺑﺎﻧﺔ ﺿﺤﻚ ..
ﻣﺮ ﺍﻟﻴﻮﻡ ﻋﺎﺩﻱ .. ﺑﺎﻟﻠﻴﻞ ﻭﺑﻌﺪ ﻣﺎ ﺍﻟﻜﻞ ﻧﺎﻡ
ﺷﻔﺖ ﺍﻣﻴﺮ ﺍﺧﺬ ﺗﻠﻴﻔﻮﻧﻪ ﻭﺑﺎﻛﻴﺖ ﺟﻜﺎﻳﺮﻩ ﻭﻧﺰﻝ ﺟﻮﻩ
ﺧﻠﻴﺖ ﺍﻟﻮﻗﺖ ﻳﻤﺮ ﺷﻮﻳﺔ ﻭﻧﺰﻟﺖ ﻭﺭﺍﻩ ..
ﺳﻤﻌﺖ ﺍﻟﺼﻮﺕ ﺟﺎﻱ ﻣﻦ ﺍﻟﺪﻳﻮﺍﻧﻴﺔ
ﺍﺗﺴﻤﻌﺖ ﺟﺎﻱ ﻳﺤﺠﻲ ﻭﻳﺎ ﺑﻨﻴﺔ ﻭﻳﺘﻮﻧﺲ .
ﻣﺪﻳﺖ ﺍﻳﺪﻱ ﻋﻠﻰ ﻳﺪﺓ ﺍﻟﺒﺎﺏ ﻣﺎﺗﻨﻔﺘﺢ .
ﻗﺎﻓﻠﻬﺎ ! !!
ﮔﺘﻠﻪ ﻫﻴﻦ ﺍﻧﻪ ﺍﻋﻠﻤﻚ ..
ﺻﻌﺪﺕ ﻭﻧﻤﺖ ﻭﻫﻮ ﻣﺎﺍﺟﻪ .
ﺍﻟﺼﺒﺢ ﻫﻢ ﻣﺎﻟﺤﮕﺖ ﻋﻠﻴﻪ ﺍﺭﻳﺪ ﺍﺭﺯﻟﻪ ..
ﻟﻠﻈﻬﺮ ﺣﻈﻴﺖ ﺑﻴﻪ ﺑﺲ ﺩﺧﻞ ﺟﺎﻱ ﻳﺒﺪﻝ .
ﮔﺘﻠﻪ ﺍﻛﻠﻚ ﺷﻮﻧﻬﻪ ﺳﻬﺮﺓ ﺍﻟﺒﺎﺭﺣﺔ
ﺑﺎﻭﻋﻠﻲ ﮔﺎﻝ ﺷﻨﻮﻭ؟
ﮔﺘﻠﻪ ﺗﺮﺿﻰ ﺍﻧﻪ ﺍﺳﻮﻱ ﻣﺜﻠﻤﺎ ﺍﻧﺖ ﺗﺴﻮﻱ . ؟ !
ﮔﺎﻝ ﺷﺘﻘﺼﺪﻳﻦ ﻭﻟﺞ ﻭﺿﺤﻲ؟
ﺣﺠﻴﺖ ﺍﻟﻪ ﻋﻠﻰ ﺍﻟﻲ ﺳﻤﻌﺘﻪ ..
ﮔﺎﻝ ﺷﺤﺪﺝ ﺍﺫﺑﺤﺞ ﻭﺍﻟﻠﻪ
ﻋﻠﻴﺖ ﺻﻮﺗﻲ ﻭﺷﻤﻌﻨﻰ ﺍﻧﺖ ﻟﻌﺪ ؟
ﺍﻧﻪ ﺭﺟﺎﻝ ...
ﻭﺍﻧﻪ ﻫﻢ ﺭﺟﺎﻝ ﺗﺮﻩ ﺍﻟﺮﺟﻮﻟﻪ ﻣﻮ ﺑﺈﻧﻚ ﺗﻤﺘﻠﻚ ﻓﺪ ﺷﻲ ﻣﻌﻴﻦ ﻻﺍﺍ ﺍﻟﺮﺟﻮﻟﻪ ﺑﺎﻟﻤﻮﺍﻗﻒ ﻭﺍﻟﺘﺼﺮﻓﺎﺕ ﻭﺍﻧﺖ ﻛﻞ ﺍﻟﻲ ﻋﻠﻴﻚ ﺗﺤﺘﺮﻣﻨﻲ ﻃﻮﻝ ﻣﺎﺍﻧﻪ ﻋﻠﻰ ﺫﻣﺘﻚ ﻓﺎﻫﻢ ﻋﻠﻴﻪ .
ﻇﻞ ﻳﺴﻮﻱ ﺣﺮﻛﺎﺕ ﻃﺎﻳﺢ ﺣﻈﻬﺎ ﻭﻳﻐﻠﻂ ﻋﻠﻴﻪ ﻭﺍﻧﻪ ﺍﺭﺟﻊ ﻋﻠﻴﻪ ..
ﻭﻧﺎﺳﻴﻦ ﺭﻭﺣﻨﺎ ﻭﻧﺘﻌﺎﺭﻙ
ﻟﺤﺪ ﻣﺎ ﺳﻤﻌﻨﻪ ﻋﻤﻲ ﻳﮕﻮﻝ
ﻭﻟﺞ ﺯﻧﻮﺑﺔ ﻫﺬﻭﻝ ﺯﻭﺝ ﺍﻟﻨﻌﻞ ﺷﺒﻴﻬﻢ ﺻﻮﺗﻬﻢ ﻃﺎﻟﻊ ﺷﻮ ﺻﻴﺤﻴﻠﻬﻢ ﻳﻠﻠﻪ .
ﮔﻠﺖ ﺍﻭﻭﻭﻭ ﻳﺎ ﺳﻠﻴﻤﺎﻥ ﻫﺴﻪ ﺍﻧﺖ ﻣﻨﻮ ﺷﻤﺮﻟﻚ ﻋﻈﻢ .
ﺃﻣﻴﺮ .. ﻫﺎﺍ ﻗﺼﺪﺝ ﺍﺑﻮﻱ ﭼﻠﺐ ﻭﺷﻤﺮﻭﻟﻪ ﻋﻈﻢ ﺍﻟﻪ ﺍﮔﻠﻪ ﻋﻠﻴﺞ
ﺳﻤﻴﺔ : ﮔﻠﻪ ﻭﺷﻮﻑ ﺍﻧﻪ ﻛﻢ ﻟﺰﻣﻪ ﻻﺯﻣﻪ ﻋﻠﻴﻚ ﻟﺤﺪ ﺍﻟﺒﺎﺭﺣﺔ ﺻﺎﺭﻭﺍ 3 ﺣﺘﻰ ﺻﻮﺭﺗﻚ ﻣﻦ ﺍﻟﺸﺒﺎﻙ ﻭﺍﻧﺖ ﮔﺎﻋﺪ ﺗﺪﺧﻦ ﻭﻻﺯﻡ ﺍﻟﺘﻠﻴﻔﻮﻥ ﻭﻓﺎﺗﺢ ﻛﺎﻣﻴﺮﺍ ﻭﺍﻟﺒﺎﻗﻲ ﺧﻠﻴﻨﻪ ﺳﺎﻛﺘﻴﻦ ﺍﺣﺴﻦ .
ﺍﻣﻴﺮ : ﺍﻳﺎ ﻗﻨﺪﺭﺓ ﻭﻳﻦ ﺗﻠﻴﻔﻮﻧﺞ ﺟﻴﺒﻲ ..
ﺳﻤﻴﺔ .. ﺧﺬﻳﺘﻪ ﻭﺿﻤﻴﺘﻪ ﺑﻴﺪﻱ ﮔﺘﻠﻪ ﺍﻧﺠﺐ ﻣﺎﺍﻧﻄﻴﻜﻴﺎ .
.
ﺳﻤﻌﻨﻪ ﺍﻟﺒﺎﺏ ﺗﻨﺪﮒ ﺑﻘﻮﺓ ﻭﻋﻤﻲ ﻳﺼﻴﺢ ﻃﻠﻌﻮﺍ ﻭﻟﻜﻢ .
ﻃﻠﻌﻨﺎ ﻭﺍﺣﻨﺎ ﻭﺍﺣﺪ ﻳﺒﺎﻭﻉ ﻟﻠﺜﺎﻧﻲ ﻭﻳﺘﻮﻋﺪﻟﻪ ﺑﺎﻟﻨﻈﺮﺍﺕ .
ﻭﻛﻔﻨﻪ ﻳﻢ ﺑﺎﺏ ﻏﺮﻓﺘﻨﻪ ﻭﺍﺣﺪ ﺑﺼﻒ ﺍﻟﺜﺎﻧﻲ ..
ﻭﺣﺼﻠﻨﺎﻟﻨﻪ ﺭﺯﺍﻟﺔ ﻣﺒﻠﻠﻪ ... ﻻﻥ ﻋﻤﻲ ﺷﺒﻌﻨﻪ ﺗﻔﺎﻝ ﺗﻒ ﻋﻠﻴﻜﻢ ﻭﺗﻒ ﻋﻠﻴﻜﻢ .
ﺟﻬﺎﻝ ﺯﻋﺎﻃﻴﻂ ..
ﻭﺩﺧﻠﻨﻪ ﻟﻠﻐﺮﻓﺔ ﻛﻤﻠﻨﺎ ﺍﻟﻌﺮﻛﺔ ﻫﻨﺎﻙ ﺑﺼﻮﺕ ﻧﺎﺻﻲ ..
ﻭﻫﻴﺞ ﻣﺮﺕ ﺍﻻﻳﺎﻡ .. ﻳﻮﻡ ﻣﻨﻬﻦ ﺭﻥ ﺗﻠﻴﻔﻮﻧﻲ
ﺑﺎﻭﻋﺘﻪ ﺷﻔﺘﻬﺎ ﺍﻧﺼﺎﻑ ﺭﺩﻳﺖ ﻋﻠﻴﻬﺎ ﻭﻳﺎﺭﻳﺘﻨﻲ ﻣﺎﺭﺩﻳﺖ ﺍﺷﻜﺎﻝ ﺍﻟﻐﻠﻂ ﻏﻠﻄﺖ ﻋﻠﻴﻪ ﻭﻇﻠﺖ ﺗﺸﺒﻬﻨﻲ ﺑﺄﻣﻲ ..
ﮔﺘﻠﻬﺎ ﻣﺎﺣﺎﺟﺔ ﺍﺑﺮﺭﻟﺞ ﻭﺍﺣﺠﻲ ﻭﻳﻄﺒﺞ ﻃﻮﻭﺏ ﺷﻨﻮ
ﺍﻟﻨﻈﺮﺓ ﺍﻟﻲ ﺗﺎﺧﺬﻳﻨﻬﺎ ﻋﻨﻲ ﺍﺧﺬﻳﻬﺎ ﺍﻟﻤﻬﻢ ﺍﻧﻪ ﻣﻮ ﻣﺜﻞ ﻣﺎﺗﮕﻮﻭﻟﻴﻦ ﻭﺍﻧﺎ ﺍﺳﻤﻰ ﻭﺍﻋﻠﻰ ﻣﻦ ﺍﻥ ﺗﺠﻴﺒﻴﻦ ﺳﻴﺮﺗﻲ ﺑﺎﻟﻤﻮﺯﻳﻦ ﺑﺲ ﺷﻮﻓﻲ ﻧﻔﺴﺞ ﺷﻨﻮ ﻗﺒﻞ ﻻ ﺗﺘﻬﻤﻴﻨﻲ .
ﺍﻧﺖ ﻫﻢ ﻣﻮ ﻣﻼﻙ ﻭﻻ ﻣﻌﺼﻮﻣﺔ ﻣﻦ ﺍﻟﺨﻄﺄ .
ﻭﺳﺪﻳﺘﻪ ﺑﻮﺟﻬﻪ ﻭﺑﻘﻴﺖ ﻣﻘﻬﻮﺭﺓ ﻛﻠﺶ ..
ﺭﺣﺖ ﻟﻠﻤﻄﺒﺦ ﺷﻔﺖ ﺍﻳﻨﺎﺱ ﻭﺃﻣﻞ ﺟﺎﻱ ﻳﺸﺘﻐﻠﻦ . ..
ﮔﻌﺪﺕ ﻋﻠﻰ ﺍﻟﻜﺮﺳﻲ .. ﺟﺎﻧﺖ ﮔﺒﺎﻟﻲ ﺍﻟﺨﻀﺮﺓ ﺍﺑﺎﻭﻋﻠﻬﺎ ﻭﻣﺘﻌﺎﺟﺰﺓ ﺍﻧﻀﻔﻬﺎ ﺍﺣﺲ ﻛﻠﺸﻲ ﺑﻴﻪ ﻣﻴﺖ ﻭﻭﺍﻫﺲ ﻣﺎﻛﻮﻭ .
ﺩﻗﺎﻳﻖ ﻭﺩﺧﻞ ﺣﺴﻦ ﺍﺑﻦ ﻣﺆﻳﺪ ﻋﻤﺮﻩ ﻋﺸﺮﺓ ﺳﻨﻮﺍﺕ
ﻣﻼﺑﺴﺔ ﻣﺘﺪﻣﺮﺓ ﻛﻠﻬﺎ ﻃﻴﻦ
ﺻﺎﺣﺖ ﻋﻠﻴﻪ ﺍﻣﻪ ..
ﻭﻟﻚ ﻫﺎﻱ ﺷﻤﺴﻮﻱ ﺑﻨﻔﺴﻚ ﻫﺎﺍﺍﺍ .
ﺟﺎﻭﺑﻬﺎ .. ﻭﺍﻟﻠﻪ ﻣﺎﻣﺎ ﺟﺪﻭﻭ ﮔﻠﻲ ﺍﺳﮕﻲ ﺍﻟﺤﺪﻳﻘﺔ ﻭﻭﻃﺤﺖ ﻭﺗﺪﻣﺮﺕ ..
.. ﻭﺍﻧﺖ ﺷﺒﻴﻚ ﺍﻋﻤﻰ ﻣﺎﺗﺸﻮﻭﻑ ..
ﻭﻟﺰﻣﺘﻪ ﻭﺗﻀﺮﺏ ﺑﻲ ﺍﻧﺮﻳﺪ ﻧﻔﻜﻬﺎ ﻣﻨﻪ ﻣﺎﻧﮕﺪﺭ .
ﻟﺸﻮﻳﺔ ﺣﺴﻴﻨﻪ ﺑﺈﻳﺪ ﻟﺰﻣﺘﻬﺎ ﻗﻮﻱ ..
ﺑﺎﻭﻋﻨﻪ ﻋﻤﻲ ﻟﺰﻣﻬﺎ ﻣﻦ ﺍﻳﺪﻫﺎ ﻭﺷﻤﺮﻫﺎ ﻭﻛﻌﺖ ﻋﻠﻰ ﺍﻟﺜﻼﺟﺔ ..
ﻭﻧﺰﻝ ﻋﻠﻴﻬﺎ ﻏﻠﻂ ﻭﺳﺐ ﻭﺷﺘﻢ ..
ﺟﺎﻭﺑﺘﻪ ﺍﻧﺖ ﻟﻴﺶ ﺗﻐﻠﻂ ﻋﻠﻴﻪ ﻣﻮ ﺍﻧﺖ ﻧﻔﺴﻚ ﺗﻌﺮﻑ ﺍﺧﻼﻗﻲ ﻭﺍﻧﺖ ﺍﻟﻲ ﺧﻄﺒﺘﻨﻲ ﻻﺑﻨﻚ .
ﺻﺎﺡ ﺑﻴﻬﺎ ﻻ ﺍﻧﺖ ﻃﺎﻳﺤﺔ ﻭﺍﺩﺑﺴﺰ ﻭﻳﺮﺍﺩﻟﺞ ﺗﺮﺑﻴﺔ ﻣﻦ ﺟﺪﻳﺪ ﻭﺍﺫﺍ ﺯﻭﺟﺞ ﻣﺎﺍﺩﺑﺞ ﻭﻋﻠﻤﺞ ﺷﻮﻥ ﺗﺮﺩﻳﻦ ﻋﻠﻴﻪ ﺍﻧﻪ ﺑﻴﺪﻱ ﺍﺭﺑﻴﺞ .
ﺣﺠﺎﻳﺔ ﻣﻨﻪ ﻭﺣﺠﺎﻳﻪ ﻣﻨﻬﺎ .. ﺍﺟﻪ ﻣﺆﻳﺪ ﻭﻣﺎﮔﺪﺭ ﻳﺴﻜﺘﻬﺎ ﻭﻛﻔﺖ ﺑﻮﺟﻪ ﻋﻤﻲ ﻣﺜﻞ ﺍﻟﺴﻴﻒ ﻭﺗﺪﺍﻓﻊ ﻋﻦ ﻧﻔﺴﻬﺎ
ﺗﻘﺮﺏ ﻳﺮﻳﺪ ﻳﻀﺮﺑﻬﺎ .
ﻣﺆﻳﺪ ﻣﺎﻳﻜﺪﺭ ﻳﻮﻛﻒ ﺑﻮﺟﻪ ﺍﺑﻮ ﻭﻳﻠﺰﻣﻪ ﺣﺠﺎﻳﻪ ﻣﺎﻛﺪﺭ ﻳﺤﺠﻲ ﺑﻮﺟﻬﻪ
ﻭﮔﻒ ﻣﺆﻳﺪ ﺑﻨﺺ ﺍﻟﻤﻄﺒﺦ ﻭﺷﮓ ﻣﻼﺑﺴﻪ ﻭﻇﻞ ﻳﺼﻴﺢ ﺑﻜﻞ ﻗﻮﺗﻪ ﻭﻟﻜﻢ ﺗﻌﺒﺒﺒﺒﺖ ﻣﻮﻭﻭﺗﻮﻭﻭﻧﻲ ﻛﺎﻓﻲ ﻳﻮﻣﻴﺔ ﻣﺸﻜﻠﺔ
ﻭﻭﻛﻊ ﻣﻐﻤﻲ ﻋﻠﻴﻪ ..
ﺍﺟﻮ ﺍﺧﻮﺗﻪ ﻭﻋﻤﻪ ﺯﻳﻨﺐ ﺗﻮﻫﺎ ﺟﺎﻳﻪ ﻣﻦ ﺍﻟﺪﻭﺍﻡ ﻇﻠﺖ ﺗﺪﮒ ﻭﺗﻠﻄﻢ ﻭﻭﺩﻭﺍ ﻟﻠﻤﺴﺘﺸﻔﻰ ﻭﻣﻨﻬﺎ ﺍﻛﺘﺸﻔﻮﺍ ﻋﻨﺪﻩ ﺳﻜﺮ ﻭﻫﻮ ﻋﻤﺮﻩ 30 ﺳﻨﺔ ..
ﻋﻤﻲ ﺍﺑﺪ ﻣﺎﻳﺮﺣﻢ ﻭﻻ ﺍﺣﺪ ﻳﮕﺪﺭ ﻳﻮﮔﻒ ﺑﻮﺟﻬﻪ ..
ﻭﻟﻼﺳﻒ ﺷﻮﺍﺭﺑﻪ ﻃﻠﻌﺖ ﻣﺮﺓ ﺛﺎﻧﻴﺔ ..
ﻳﻮﻡ ﻣﻦ ﺍﻻﻳﺎﻡ .. ﺍﺟﺎﻧﻲ ﺍﻣﻴﺮ ﻳﺒﺠﻲ ﺍﻳﻴﻴﻲ ﻳﺒﺠﻲ !!!
ﻛﻌﺪ ﻳﻢ ﺭﺟﻠﻴﻪ ﻭﺍﻧﻪ ﮔﺎﻋﺪﺓ ﻋﻠﻰ ﺍﻟﺠﺮﺑﺎﻳﺔ
.
ﻭﻟﺞ ﺳﻤﻴﺔ ﺍﻧﺼﺎﻑ ﺭﺍﺡ ﺗﺘﺰﻭﺝ ..
ﮔﺘﻠﻪ ﺷﻨﻮﻭﻭ؟
ﻭﻟﺞ ﺍﻱ ﻭﺍﻟﻠﻪ ﺍﻟﻴﻮﻡ ﺍﺟﺘﻨﻲ ﻛﺎﻟﺖ ﺍﺣﺬﻑ ﻛﻞ ﺷﻲ ﻳﺨﺼﻨﻲ ﺟﺎﻳﻴﻦ ﺍﻟﻬﺎ ﺧﻄﺎﺑﺔ ﻭﺭﺍﺡ ﺗﻮﺍﻓﻖ .
ﺑﺎﻭﻋﺖ ﺍﻟﻪ ﮔﺘﻠﻪ ﻣﺪﺍﻡ ﺍﻧﺖ ﻫﻴﺞ ﺗﺤﺒﻬﺎ ﻟﻴﺶ ﻣﺎﻭﻛﻔﺖ ﺑﻮﺟﻪ ﻋﻤﻲ ﻭﻭﻛﻔﺖ ﺯﻭﺍﺟﻨﺎ ﻟﻴﺶ ﻇﻠﻤﺘﻨﻲ ﻭﻇﻠﻤﺘﻬﺎ ﻭﻇﻠﻤﺖ ﻧﻔﺴﻚ .
ﺭﻓﻊ ﺭﺍﺳﻪ ﻛﺎﻝ ﺳﻤﻴﺔ ﺃﻧﻪ ﻃﺎﻟﺐ ﻭﻣﺎﺍﻛﺪﺭ ﺍﺷﺘﻐﻞ ﺍﻧﻪ ﻣﺘﻌﻮﺩ ﻋﻠﻰ ﻣﺼﺮﻑ ﺍﺑﻮﻱ ﺍﺫﺍ ﻃﺮﺩﻧﻲ ﻭﻳﻦ ﺍﺭﻭﺡ ﻭﺍﺑﻮﻫﺎ ﻣﺎﺍﻧﻄﺎﻧﻴﺎﻫﺎ ﻻﻥ ﺑﻌﺪﻧﻲ ﻣﺎﺑﻴﺪﻱ ﺷﻐﻠﺔ ﻛﻠﺖ ﺍﺗﺰﻭﺟﺞ ﺑﻴﻨﻤﺎ ﺍﺗﺨﺮﺝ ﻭﻳﺼﻴﺮ ﺧﻴﺮ ﺣﺎﻭﻟﺖ ﺍﺧﻠﻴﻬﺎ ﻣﺎﺗﺪﺭﻱ ﺑﺎﻟﻤﻮﺿﻮﻉ ﺑﺲ ﻋﺮﻓﺖ .
ﺳﻤﻴﺔ .. ﻭﻫﺴﻪ ﺷﻨﻮ ﺍﻟﻲ ﺑﻴﺪﻱ ﺍﺳﻮﻱ ﺍﻧﻪ؟
: ﻣﺎﺟﺎﻱ ﺗﺠﺎﻭﺑﻨﻲ ﺍﺭﻳﺪﺝ ﺗﺮﺣﻴﻦ ﺍﻟﻬﺎ ﻟﻠﺒﻴﺖ ﻭﺗﻔﻬﻤﻴﻨﻬﺎ ﻋﻠﻰ ﺯﻭﺍﺟﻨﺎ ﻭﺿﺮﻭﻓﻪ .
: ﻭﺗﺘﻮﻗﻊ ﺍﺑﻮﻫﺎ ﻳﺰﻭﺟﻬﺎ ﺍﻟﻚ ﻭﺍﻧﺖ ﻣﺘﺰﻭﺝ ﺍﻭ ﻣﻄﻠﻖ .
: ﺧﻠﻲ ﻻ ﺗﻮﺍﻓﻖ ﻫﺴﻪ ﻭﺑﻌﺪﻳﻦ ﻳﺼﻴﺮ ﺧﻴﺮ ..
ﺳﻤﻴﺔ .. ﮔﺘﻠﻪ ﺍﻭﻙ ﻭﺩﻳﻨﻲ ﻟﺒﻴﺘﻬﻢ ..
ﻛﺎﻝ ﻛﻮﻣﻲ ﺑﺪﻟﻲ ..
ﺭﺣﺖ ﻟﺒﺴﺖ ﻛﻮﺕ ﺯﻳﺘﻮﻧﻲ ﻭﺟﻴﻨﺰ ﺍﺯﺭﮒ
ﺑﻮﺕ ﺭﺑﻊ ﺯﻳﺘﻮﻧﻲ ﻭﺷﺎﻝ ﻛﺮﻳﻤﻲ ..
ﺭﺗﺒﺖ ﻭﺟﻬﻲ ﺑﺎﻟﻤﻜﻴﺎﺝ ﻭﻃﻠﻌﺖ ﻭﻳﺎﺍ ..
ﻭﺻﻠﻨﻪ ﻟﺒﻴﺖ ﺍﻧﺼﺎﻑ ﻧﺰﻟﺖ ﻭﻫﻮ ﺑﻘﻰ ﻭﺍﻛﻒ ﻳﻢ ﺍﻟﺴﻴﺎﺭﺓ ﺩﮔﻴﺖ ﺍﻟﺒﺎﺏ .. ﻃﻠﻌﺖ ﺍﺧﺘﻬﺎ ..
ﺭﺍﺣﺖ ﺗﺼﻴﺢ ﺍﻟﻬﺎﺍ ..
ﻃﻠﻌﺖ ﺍﻧﺼﺎﻑ ﻣﺨﻨﺰﺭﺓ .. ﻭﺗﻨﺘﺮ ﺑﺎﻟﺤﺠﻲ ..
ﺷﺠﺎﺑﺞ ﻭﻟﻴﺶ ﺍﺟﻴﺘﻲ ..
ﺟﺎﻭﺑﺘﻬﺎ .. ﺍﺳﻤﻌﻴﻨﻲ ﺍﻧﺼﺎﻑ ﺍﻟﻲ ﺭﺍﺡ ﺍﻛﻮﻟﻪ ﺻﻌﺐ ﻳﻨﮕﺎﻝ ﺑﺲ ﺍﻧﺎ ﻣﻀﻄﺮﻩ ..
ﺑﺎﻋﻴﻠﻪ ﺍﻟﻲ ﻭﺍﮔﻒ ﻫﻨﺎﻙ ﻭﺍﺷﺮﺕ ﻋﻠﻰ ﺍﻣﻴﺮ
ﻣﺠﺮﺩ ﺍﺧﻮﺍﻥ ﻭﺑﻐﺮﻓﺔ ﻭﺣﺪﺓ ﺍﺣﻨﺎ
ﻭﻣﺎﺑﻴﻨﻪ ﺍﻱ ﺷﻲ ﺍﻧﺖ ﻋﺎﺷﺮﺗﻴﻨﻲ ﺑﺲ ﻟﻼﺳﻒ ﺣﺎﻟﺞ ﺣﺎﻝ ﻫﻮﺍﻳﺔ ﻣﺎﻳﻌﺮﻓﻮﻧﻲ ﺷﻨﻮﻭ ﻭﻫﺬﺍ ﻣﻮ ﻣﻮﺿﻮﻋﻨﺎ ﻭﻣﺎﻳﻬﻤﻨﻲ ﺑﺲ ﺍﺭﻳﺪﺝ ﺗﺜﻘﻴﻦ ﺑﻴﻪ ﺍﻧﺘﻈﺮﻱ ﺍﻣﻴﺮ ﻳﺤﺒﺞ ﻭﺷﺎﺭﻳﺞ ﻭﺯﻭﺍﺟﻨﻪ ﺻﺎﺭ ﺗﺤﺖ ﺿﻐﻂ ﺭﻫﻴﺐ ﺑﺲ ﺛﻘﻲ ﺯﻭﺍﺟﻨﺎ ﻣﺆﻗﺖ ﻭﺍﻧﺎ ﻣﺴﺘﺤﻴﻞ ﺍﺑﻘﻰ ﻭﻳﺎ ﺑﻌﺪ ﺑﺲ ﻫﺎﻱ ﻓﺘﺮﺓ ﻭﺗﻌﺪﻱ .
ﻃﻠﻌﺖ ﺷﻮﻳﺔ ﻣﻦ ﺍﻟﺒﺎﺏ ﻭﻇﻠﺖ ﺗﺒﺎﻭﻋﻠﻪ ﺑﻘﻬﺮ
ﺑﺎﻭﻋﺘﻠﻬﺎ ﻭﺣﺠﻴﺖ ﺑﮕﻠﺒﻲ ﻭﻳﻴﻪ ﻋﻠﻰ ﺣﻈﻲ ﻣﺎﺍﺩﺭﻱ ﺷﻨﻮ ﺍﻟﻲ ﻋﺠﺒﻬﺎ ﺑﻲ ﻫﺎﻻﻣﻠﺢ ﻫﺬﺍ ﺻﺪﮒ ﺍﻟﺤﺐ ﺍﻋﻤﻰ ﺷﮕﻮﻝ ﺍﻧﻪ ﻟﻌﺪ ﺃﻣﺎﻥ ﻳﺨﺒﻞ ﻭﺿﺎﻉ ﻣﻦ ﺍﻳﺪﻱ ﺑﻠﺤﻈﺔ ﻭﺣﺪﺓ ﻭﺭﺍﺡ .
ﮔﺎﻟﺖ ﻣﺎﺍﺍﺷﻲ ..
ﮔﺘﻠﻬﺎ ﻳﻌﻨﻲ ﺍﺭﻭﺡ ﺍﻃﻤﻨﻪ ﺗﻨﺘﻈﺮﻳﻨﻪ ﺍﻧﺖ؟
ﻫﺰﺕ ﺭﺍﺳﻬﺎ ﺍﻳﻲ .
ﻛﺘﻠﻬﺎ ﻟﻌﺪ ﺧﻮﺵ ﺍﻟﻠﻪ ﻭﻳﺎﺝ .
ﺻﺎﺣﺖ ﺳﻤﻴﺔ ..
ﺑﺎﻭﻋﺖ ﺍﻟﻬﺎ ..
ﻛﺎﻟﺖ ﻣﺎﺗﻄﺒﻴﻦ ﺗﻜﻌﺪﻳﻦ ﺷﻮﻳﺔ ..
ﻛﺘﻠﻬﺎ ﻣﺎﺟﺎﻳﺔ ﺍﻛﻌﺪ ﺍﻧﻪ ﻭﺭﺣﺖ ﻟﻠﺴﻴﺎﺭﺓ ..
ﺻﻌﺪﺕ ﻭﻳﺎ ﺧﺒﻠﻨﻲ ﺷﻜﻠﺘﻠﺞ ﻭﺷﻜﻠﺘﻠﺞ .
ﺣﺪ ﻣﺎ ﻋﻄﻠﺖ ﺍﻟﺴﻴﺎﺭﺓ ﺑﻨﺺ ﺍﻟﻄﺮﻳﻖ ..
ﮔﺘﻠﻪ ﻫﻴﺞ ﺍﺣﺴﻠﻠﻚ .. ﻧﺰﻝ ﻓﺘﺢ ﺍﻟﺒﻨﻴﺪ ﻭﻇﻞ ﻳﺤﻮﺱ ﺑﻴﻬﺎ .
ﻧﺰﻟﺖ ﻭﮔﻔﺖ ﻳﻤﻪ .. ﻭﻭﻳﻪ ﻋﻠﻰ ﺣﻈﻲ ﺍﻟﻤﻄﻌﻄﻊ ﻣﺜﻞ ﻫﺎﻱ ﺍﻟﺴﻴﺎﺭﺓ ﺍﻟﻤﻄﻌﻄﻌﻪ ..
ﻭﻇﻠﻴﺖ ﺍﮔﺮﻙ ﻳﻢ ﺭﺍﺳﻪ ﻣﺎﻟﻜﻴﺖ ﺍﻟﻪ ﻫﺎﻱ ﺗﺠﻴﺒﻨﻪ ﺑﻴﻬﺎ .
ﻟﻌﺪ ﺧﻮ ﻣﺎﺗﺮﺩﻳﻨﻲ ﺍﺟﻴﺒﺞ ﺑﻄﻴﺎﺭﺓ
ﺷﺒﻴﻬﻪ ﺳﻴﺎﺭﺓ ﻭﻋﺪ ﺣﺪﻳﺜﺔ ﺟﺎﻥ ﺍﺧﺬﺗﻬﺎ ﻣﻨﻪ ﺍﻟﻪ ﺳﻴﺎﺭﺓ ﺍﺑﻮﻙ ﺍﻟﺒﺨﻴﻴﻞ ﺻﺎﺭﻟﻪ ﻗﺮﻥ ﻣﺎ ﻣﺒﺪﻟﻬﺎ ﺑﺲ ﺑﻲ ﻳﻀﻢ ﺍﻟﻔﻠﻮﺱ .
ﺍﻭﻭﻭ ﻫﺴﻪ ﺷﺠﺎﺏ ﺍﺑﻮﻱ ﺑﺎﻟﻨﺺ ﻭﻟﺞ ﻭﻟﻲ ﺻﻌﺪﻱ ﺑﺎﻟﺴﻴﺎﺭﺓ ﻭﻻﺗﻈﻠﻴﻦ ﻫﻨﺎ ﻭﻻﺗﺪﻭﺧﻴﻨﻲ
ﻟﻤﺤﺖ ﻭﺍﺣﺪ ﻳﻌﺒﺮ ﺍﻟﺸﺎﺭﻉ .. ﺍﻱ ﻭﺍﻟﻠﻪ ﻫﻮﻭﻭ ﺩﻣﻌﺖ ﻋﻴﻮﻧﻲ ﺑﻼ ﻭﻋﻴﻴﻲ ﻇﻠﻴﺖ ﺍﻓﺮﻙ ﺑﻴﻬﻦ ﻳﻌﺒﺮ ﻭﻳﺒﺎﻭﻋﻠﻲ ﻭﻧﻮﺏ ﻳﺼﺪ ﺑﻨﻈﺮﺍﺗﻪ ﻣﻨﻲ ﻭﻳﺒﺎﻭﻉ ﻳﻤﻨﻪ ﻭﻳﺴﺮﻩ ﻋﻠﻰ ﺍﻟﺴﻴﺎﺭﺍﺕ
ﺣﻴﻴﻴﻞ ﺻﺎﺭ ﻛﻮﻣﺔ ﻣﺸﺎﻳﻔﺘﻪ
ﻫﻮﻭ ﻟﻮ ﻣﻮﻭ ﻫﻮﻭﻭ ﺍﻳﻲ ﻭﺍﻟﻠﻪ ﻫﻮﻭﻭ ﺃﻣﺎﺍﺍﻥ ..
ﻟﻢ ﻳﻜﻦ ﺷﻌﻮﺭﺍً ﻓـ ﺣﺴﺐ
ﺍﻥ ﻗﻠﺒﻲ ﻳﺮﻛﺾ ﻓﻲ ﻛﻞ ﻣﺮﺓ ﻳﺮﺍﻙ ﻓﻴﻬﺎ ﻧﺤﻮﻙ
ﺣﺘﻰ ﻭﺍﻧﺎ ﻛﻤﺎ ﺍﺑﺪﻭ ﻋﻠﻴﻪ ﺑﻬﺬﺍ ﺍﻟﺜﺒﺎﺕ
ﺍﺟﻪ ﻭﮔﻒ ﻳﻤﻨﻪ ﻭﺍﻧﻪ ﻣﺼﺪﻭﻭﻣﺔ .. ﺑﺲ ﺍﺑﺎﻭﻉ ﺍﻟﻪ ﻭﺍﺗﺼﻨﻊ ﺍﻟﻘﻮﺓ .. ﺍﻣﻴﺮ ﻣﻠﺘﻬﻲ ﻳﺤﻮﻭﺱ ..
ﺳﻮﻩ ﻧﻔﺴﻪ ﻣﺘﺠﺎﻫﻠﻨﻲ
ﻛﺎﻝ ﺳﻼﻡ ﻋﻠﻴﻜﻢ ..
ﺭﻓﻊ ﺭﺍﺳﻪ ﺍﻣﻴﺮ ﺳﻠﻢ ﻋﻠﻴﻪ ..
ﺃﻣﺎﻥ .. ﻫﺎﺍ ﻣﺤﺘﺎﺟﻴﻦ ﺷﻲ ..
ﺃﻣﻴﺮ .. ﻻ ﻭﺍﻟﻠﻪ ﺍﻧﻪ ﻫﺴﻪ ﺍﺭﻭﺡ ﺍﺟﻴﺐ ﻣﺼﻠﺢ ﻳﺸﻮﻑ ﻋﻠﺘﻬﺎ ﺑﺲ ﺍﺫﺍ ﺗﮕﺪﺭ ﻭﺩﻱ ﻫﺎﻱ ﺍﻟﻤﺨﺒﻠﺔ ﻟﻠﺒﻴﺖ ﮔﺮﻋﺘﻨﻲ ﺑﻮﮔﻔﺘﻬﺎ ﻫﻨﺎ .
ﺳﻤﻴﺔ .. ﻣﻨﻮ ﺍﻟﻤﺨﺒﻠﺔ ﻭﻟﻚ ﻳﺎ ﻣﺨﺒﻞ ﺧﻮ ﻣﺎﺍﻧﻪ .
ﺃﻣﻴﺮ .. ﺍﻱ ﻟﻌﺪ ﻣﻨﻮ ﺟﺪﻳﻴﻲ .
ﺳﻤﻴﺔ .. ﻭﻣﻨﻮﻭﻭ ﮔﻠﻚ ﺍﻧﻪ ﺍﺭﻳﺪ ﺍﺭﻭﻭﺡ ﻭﻳﺎﺍ ..
ﺃﻣﻴﺮ .. ﺗﺮﺣﻴﻦ ﻭﻏﺼﺒﻦ ﻋﻠﻰ ﺭﺍﺳﺞ ﺩﻭﺧﺘﻴﻨﻴﻴﻲ
.
.
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق