رواية لم تكن خطيئتنا ج2 الجزء السادس | نهاية الجزء الثاني
للكاتبة نور ناصر
.
.
ﺳﻤﻴﺔ .. ﻇﻞ ﻳﺒﺎﻭﻋﻠﻲ ﻭﻧﻈﺮﺍﺗﻪ ﺗﻜﻮﻟﻲ ﻣﺎﺗﺼﻴﺮﻟﺞ ﺟﺎﺭﺓ
ﺑﻜﻠﺒﻲ ﻛﺘﻠﻪ ﺍﻧﺖ ﺷﻌﻠﻴﻚ ..
ﺻﺪ ﻧﻈﺮﺍﺗﻪ ﻣﻨﻲ .. ﻭﺍﻟﻠﺘﻔﺘﺖ ﻷﻣﻴﺮ ﮔﺎﻝ ﻭﺍﻟﻠﻪ ﺍﻧﻲ ﻣﺠﺎﻱ ﺑﺴﻴﺎﺭﺗﻲ ﻷﻥ ﺯﻳﺎﺭﺗﻲ ﻗﺼﻴﺮﺓ ﻫﻨﺎ ﻛﻮﻟﺶ
ﺑﺲ ﻫﺴﺔ ﺍﺋﺠﺮ ﺗﻜﺴﻲ ﻭﺍﻭﺩﻳﻬﺎ ﻟﻠﺒﻴﺖ ..
ﻭﺭﺍﺡ ﻟﻠﺸﺎﺭﻉ ﻳﺒﺎﻭﻉ ﻋﻠﻰ ﺍﻟﺴﻴﺎﺭﺍﺕ ..
ﺗﻘﺮﺑﺖ ﻣﻦ ﺍﻣﻴﺮ ﻭﻧﺪﺳﺘﻪ ﺑﻜﺘﻔﻪ ﻧﺒﺘﺖ ﺍﺻﺎﺑﻌﻲ .
ﮔﺘﻠﻪ ﺑﺼﻮﺕ ﻧﺎﺻﻲ ﺍﻧﻪ ﺍﻋﻠﻤﻚ ﻣﻦ ﻧﻮﺻﻞ ﻟﻠﺒﻴﺖ ..
ﺍﻧﺪﺍﺭ ﻋﻠﻴﻪ ﺑﺲ ﻭﺟﻬﻪ ﻭﺍﻳﺪﻳﻪ ﻣﺜﺒﺘﻬﻦ ﻋﻠﻰ ﺍﻟﺒﻨﻴﺪ .
ﮔﺎﻝ ﻣﺎﺗﺨﻮﻓﻴﻦ ﭼﻠﺒﻲ ....
ﺑﺎﻭﻋﺖ ﻻﻣﺎﻥ ﻳﺒﺎﻭﻋﻠﻲ ﻭﺩﺍﺭ ﻭﺟﻬﻪ ..
ﻇﻠﻴﺖ ﺍﺭﺍﻗﺒﻪ .. ﺃﺷﺮ ﻟﺘﻜﺴﻲ ﻭﮔﻒ ﺍﻟﻪ
ﺣﺠﻪ ﻭﻳﺎ ﺷﻮﻳﺔ ﻭﺗﺎﻟﻲ ﺑﺎﻭﻋﻠﻲ ﺣﻄﻴﺖ ﻋﻴﻮﻧﻲ ﺑﻌﻴﻮﻧﻪ ﻫﺎﻟﻨﻈﺮﺍﺕ ﺍﺳﺘﻤﺮﺕ ﻟﺤﻈﺔ ﻭﺣﺪﺓ ﺑﺲ ﺣﺠﺖ ﻋﻦ ﺍﻻﺷﻬﺮ ﺍﻟﻲ ﻣﺎﺷﻔﺘﻪ ﺑﻴﻬﻢ ﺣﺠﺖ ﺣﺐ ﺿﺎﻳﻊ ﻋﺘﺐ ﻳﻮﺟﻊ ﺍﺷﺘﻴﺎﻕ ﻳﺬﺑﺢ ..
ﺃﺷﺮﻟﻲ ﺑﺮﺍﺳﻪ ﻭﻓﺘﺢ ﺍﻟﺒﺎﺏ ﺍﻟﻮﺭﺓ ﻣﺎﻟﺔ ﺍﻟﺘﻜﺴﻲ .
ﺭﺣﺖ ﺍﻣﺸﻲ ﺑﺨﺠﻞ ﻭﻓﺮﺡ ﻣﻤﺰﻭﺟﻴﻦ ..
ﺩﺧﻠﺖ ﻭﻫﻮ ﺳﺪ ﺍﻟﺒﺎﺏ .. ﺭﺍﺡ ﺣﺎﺟﻪ ﺍﻣﻴﺮ
ﻭﺑﻌﺪﻫﻪ ﺭﺟﻊ ﺻﻌﺪ ﺑﺎﻟﺘﻜﺴﻲ ..
ﻭﺣﺮﻛﺖ ﺍﻟﺴﻴﺎﺭﺓ .. ﺗﻤﻨﻴﺖ ﺍﺭﻭﺡ ﻭﻳﺎ ﻻﺧﺮ ﺍﻟﺪﻧﻴﺎ
ﺑﺲ ﻛﻮﻥ ﻭﻳﺎ ﻭﻣﺎﻳﻬﻤﻨﻲ ﺷﻲ ﺛﺎﻧﻲ ..
ﺣﺮﻛﺖ ﺍﻟﺴﻴﺎﺭﺓ .. ﺍﻧﻪ ﻛﺎﻋﺪﺓ ﻭﺭﺍﻩ ﻣﺒﺎﺷﺮﺓ
ﻇﻠﻴﺖ ﺍﺑﺎﻭﻉ ﺍﻟﻪ ﺑﺎﻟﺠﺎﻣﺔ .. ﺑﺎﻭﻋﻠﻲ ﺷﺎﻓﻨﻲ
ﻟﺒﺲ ﺍﻟﻨﻀﺎﺭﺓ .. ﮔﻠﺖ ﺑﻘﻠﺒﻲ ﺍﻳﺎ ﺧﺒﻴﺚ ﻟﻴﺶ ﺗﺤﺮﻣﻨﻲ
ﻧﻈﺮﺍﺗﻚ .. ﻟﻴﺶ ﺗﻤﻨﻌﻨﻲ ﻣﻦ ﺍﻟﺤﺠﻲ ﻭﻳﺎﻙ ﻋﻠﻰ ﺍﻻﻗﻞ ﺑﻠﻐﺔ ﺍﻟﻌﻴﻮﻥ .
ﺑﺲ ﺍﺣﺲ ﻧﻈﺮﺍﺗﻪ ﺗﺮﺍﻗﺒﻨﻲ .. ﮔﻤﺖ ﺗﺪﻧﻴﺖ ﺷﻮﻳﺔ ﺣﺘﻰ ﻻﻳﺒﺎﻭﻋﻠﻲ .. ﻣﺪﺍﻡ ﺣﺮﻣﻨﻲ ﻣﻦ ﻋﻴﻮﻭﻧﻪ ﺍﻧﻪ ﺍﺣﺮﻣﻪ ﻣﻨﻲ .
ﻭﺻﻠﻨﻪ ﻟﻠﺒﻴﺖ .. ﺑﺲ ﺗﻤﻨﻴﺖ ﻣﺎﺍﻭﺻﻞ ﺗﻤﻨﻴﺖ ﺗﻄﻮﻝ ﻫﺎﻟﻤﺪﺓ ﺍﻟﻲ ﺑﻴﻬﺎ ﻭﻳﺎ ..
ﻧﺰﻝ ﻗﺒﻠﻲ ﻭﻓﺘﺢ ﺍﻟﺒﺎﺏ ﺍﻟﻲ ..
ﻭﺭﺍﺡ ﻳﻤﺸﻲ ﻗﺒﻠﻲ .. ﺩﺧﻞ ﻣﻦ ﺑﺎﺏ ﺍﻟﺸﺎﺭﻉ ﻟﻠﺤﺪﻳﻘﺔ
ﺑﺪﻭﻥ ﻣﺎﻳﺤﺠﻲ ﻭﻻ ﻛﻠﻤﺔ ..
ﺍﻟﻮﻗﺖ ﻣﻐﺮﺏ ﻭﺍﻟﻈﻼﻡ ﺣﻞ ...
ﻣﻌﻈﻢ ﺍﺭﺟﺎﺀ ﺍﻟﺤﺪﻳﻘﺔ ﻇﻠﻤﺔ ﻭﺷﻮﻳﺔ ﺑﻴﻬﺎ ﺿﻮﻩ ..
ﻳﻤﺸﻲ ﮔﺪﺍﻣﻲ ﺑﻜﻞ ﺑﺮﻭﺩ .. ﻣﺜﻞ ﻗﺎﻟﺐ ﺛﻠﺞ
ﻧﺮﻓﺰﻧﻲ ﻛﻠﺶ ﺍﺣﺲ ﺭﺍﺡ ﺍﻧﻔﺠﺮ ..
ﺗﻘﺮﺑﺖ ﻣﻨﻪ ﺑﺴﺮﻋﻪ ﻟﺰﻣﺘﻪ ﻣﻦ ﺯﻧﺪﻩ
ﺍﻧﻔﺠﺮﺕ ﺑﻮﺟﻬﻪ ﺑﺲ ﺍﺣﺎﻭﻝ ﻣﺎﺍﺧﻠﻲ ﺍﺣﺪ ﻳﺴﻤﻊ
ﮔﺘﻠﻪ ﺍﻧﺖ ﺷﻨﻮﻭﻭ ﻣﺎﻧﺎﻭﻱ ﺗﺤﺠﻲ ﺷﻴﻴﻲ؟ ؟
ﻭﮔﻒ ﻇﻞ ﻳﺒﺎﻭﻋﻠﻲ ﻭﺍﺣﻨﻪ ﻗﺮﻳﺒﻴﻦ ﻣﻦ ﺑﻌﺾ ﻛﻠﺶ
ﺭﻓﻊ ﺷﻌﺮﻩ ﻟﻴﻔﻮﮒ ﻭﺟﺮ ﺣﺴﺮﺓ ﻗﻮﻳﺔ ﺣﻴﻞ .
ﻭﺟﻪ ﻧﻈﺮﺍﺕ ﻗﻮﻳﺔ ﺍﻟﻲ .. ﮔﺎﻝ ﺷﻨﻮ ﺗﺮﺩﻳﻦ ﺍﮔﻮﻟﺞ ﻳﻌﻨﻲ ﺍﺑﺎﺭﻛﻠﺞ ﻉ ﺍﻟﺰﻭﺍﺝ ﻣﺜﻼ؟ ؟
: ﺍﻱ ﻭﻟﻴﺶ ﻣﺎﺗﺒﺎﺭﻛﻠﻲ ﺍﻧﻪ ﻣﻮ ﺍﺟﻴﺖ ﻟﺨﻄﻮﺑﺘﻚ ﻓﺮﺣﺖ ﻭﺑﺎﺭﻛﺖ ﺍﻟﻚ ﺷﻤﻌﻨﻰ ﺍﻧﺎ ﻟﻮ ﺍﻧﻪ ﺍﻗﻮﺓ ﻣﻨﻚ ﻭﻣﺎﺗﻜﺪﺭ ﺗﺴﻮﻱ ﻣﺜﻠﻲ .
: ﻫﻪ ﻳﻌﻨﻲ ﺷﻨﻮ ﻗﺎﺑﻞ ﺍﻧﺘﺼﺮﺗﻲ ﻋﻠﻴﻪ ﺍﻧﺖ ﻟﻮ ﺷﻨﻮ ﺍﻟﻤﻮﺿﻮﻉ؟
: ﺍﻱ ﺍﻇﺎﻫﺮ ﺍﻧﺎ ﺍﻗﻮﺓ ﻣﻨﻚ ﻭﺍﻛﺪﺭ ﺍﻭﺍﺟﻪ ﻛﻞ ﺷﻲ ﺑﻌﻜﺴﻚ ﺗﻤﺎﻣﺎ ..
.
.
ﺿﺤﻚ ﺑﺎﺳﺘﻬﺰﺍﺀ .. ﮔﺎﻝ ﺳﻤﻴﺔ ﺗﺮﻩ ﺍﻧﻲ ﺍﻋﺮُﻑ ﻛُﻞ ﺷﻲ .
ﺍﻧﺼﺪﻣﺖ ﺑﺎﻭﻋﺘﻠﻪ ﮔﺘﻠﻪ ﺷﺘﻘﺼﺪ ..
ﺍﻧﺪﺍﺭ ﻭﺭﺍﺡ ﻳﺮﻳﺪ ﻳﻤﺸﻲ .. ﻣﺪﻳﺖ ﺍﻳﺪﻱ ﻟﺰﻣﺘﻪ ﻣﻦ ﺯﻧﺪﻩ
ﻛﻠﺖ ﺍﺣﺠﻲ ﺷﻨﻮ ﺗﻌﺮﻑ؟
ﺿﺮﺏ ﺍﻳﺪﻱ ﺑﺎﻃﺮﺍﻑ ﺍﺻﺎﺑﻌﻪ ﻭﻳﺤﺠﻲ ﺑﻌﺼﺒﻴﺔ ﻛﺎﻝ ﺩﻳﺮﻱ ﺑﺎﻟﺞ ﺗﻠﺰﻣﻴﻨﻲ ﻣﺮﺓ ﺛﺎﻧﻴﺔ .
ﻭﻳﻠﻠﻪ ﺍﻣﺸﻲ ﻛﺪﺍﻣﻲ ﺍﺭﻭﺡ ﺍﺳﻠﻢ ﻋﻠﻰ ﺧﺎﻟﻮ ﻭﺍﻃﻠﻊ
ﻻ ﺗﺄﺧﺮﻳﻨﻲ ..
ﻭﺭﺍﺡ ﻗﺒﻠﻲ ..
ﺣﺠﻴﺖ ﺑﻘﻠﺒﻲ
ﻣﻦ ﺧﻠﺨﺎﻟﺔ ﺍﻟﺨﻠﺨﻠﺖ ﻋﻈﺎﻡ ﺧﺎﻟﻚ ..
ﻫﺬﺍ ﺷﻨﻮﻭ ﻳﻌﺮﻑ ﻣﻌﻘﻮﻟﺔ ﻳﺪﺭﻱ ﻣﺎﺑﻴﻨﻲ ﻭﺑﻴﻦ ﺍﻣﻴﺮ ﺷﻲ ..
ﺧﻼﻧﻲ ﺑﺪﻭﺍﻣﺔ ﻣﻦ ﺍﻟﺘﻔﻜﻴﺮ ﻭﺭﺍﺡ ﻭﺍﻧﺎ ﺍﺭﺍﻗﺒﻪ ﺍﻟﻰ ﺍﻥ ﻃﺐ ﺟﻮﻩ ..
ﺍﻣﺸﻲ ﻭﺍﻓﻜﺮ ﺍﻟﻰ ﺍﻥ ﺩﺧﻠﺖ ﻣﻦ ﺑﺎﺏ ﺍﻟﻤﻄﺒﺦ ﻭﺻﻌﺪﺕ ﺍﻟﻐﺮﻓﺘﻲ .. ﺑﺪﻟﺖ ﻣﻼﺑﺴﻲ ..
ﻭﺍﻟﺘﻔﻜﻴﺮ ﻣﺴﻴﻄﺮ ﻋﻠﻴﻪ ﻳﺠﻲ ﺍﻣﻴﺮ ﻭﻳﺼﻴﺮ ﺧﻴﺮ ..
ﻧﺰﻟﺖ ﺟﻮﻩ ﺷﻔﺘﻪ ﮔﺎﻋﺪ ﻳﻢ ﻋﻤﻲ ﺑﺎﻟﺼﺎﻟﺔ
ﺍﺣﺘﺎﺭﻳﺖ ﺑﻴﻦ ﺍﺭﻭﺡ ﺍﮔﻌﺪ ﻳﻤﻬﻢ ﻭﺑﻴﻦ ﻟﻮ ﺍﺭﻭﺡ ﻟﻠﻤﻄﺒﺦ .
ﻗﻄﻊ ﺍﻓﻜﺎﺭﻱ ﻋﻤﻲ .. ﻣﻦ ﺷﺎﻓﻨﻲ ﮔﺎﻝ ﺳﻤﻴﺔ ﺭﻭﺣﻲ ﺻﺒﻲ ﺟﺎﻱ ..
ﮔﺘﻠﻪ ﺻﺎﺭ ..
ﺭﺣﺖ ﻟﻠﻤﻄﺒﺦ ﺷﻔﺖ ﻗﻮﺭﻱ ﻉ ﺍﻟﻄﺒﺎﺥ ﺟﺴﺘﻪ ﺣﺎﺭ
ﺍﻱ ﺑﻌﺪ ﺍﺣﺴﻦ ﻣﺎﺑﻴﻪ ﺍﺣﻤﻲ ..
ﺣﻀﺮﺕ ﺍﻟﺴﺘﻜﺎﻳﻦ ﺍﺛﻨﻴﻦ .. ﻭﺧﻠﻴﺘﻬﻢ ﺑﺼﻴﻨﻴﺔ ﺍﻟﺘﻘﺪﻳﻢ
ﻭﺻﺒﻴﺘﻪ .. ﺑﺲ ﺍﺷﻮ ﺭﻳﺤﺘﻪ ﻏﺮﻳﺒﺔ ﻣﻮ ﻣﺜﻞ ﺍﻟﺠﺎﻱ
ﻳﻠﻠﻪ ﺷﻌﻠﻴﻪ ﻫﻢ ﻣﺴﻮﻳﻨﻪ ﺷﻌﻠﻴﻪ ﻗﺎﺑﻞ ﺍﻧﻪ .
ﻭﺩﻳﺘﻪ ﺍﻟﻬﻢ .. ﻭﮔﻌﺪﺕ ﻳﻤﻬﻢ ..
ﻭﺭﻩ ﺷﻮﻳﺔ ﺍﺑﺎﻭﻉ ﺍﻣﺎﻥ ﺷﺮﺏ ﺷﻮﻳﺔ ﻭﺧﻼﻩ ﺍﻻﺳﺘﻜﺎﻧﻪ ﺑﺎﻟﺼﻴﻨﻴﺔ ﺭﺟﻌﻬﺎ ..
ﻋﻤﻲ ﺑﻴﺪﻩ ﺍﻻﺳﺘﻜﺎﻥ ﻭﺑﺎﻭﻋﻠﻲ ﮔﺎﻝ ﻫﻮ ﻫﺬﺍ ﺍﺍﻟﺠﺎﻱ ﺍﻟﻲ ﮔﺘﻠﺞ ﻋﻠﻲ ﻣﺎﻛﻮ ﻳﻮﻡ ﮔﺘﻠﺞ ﻋﻠﻰ ﺷﻲ ﻭﺩﺑﺮﺗﻲ .
ﺟﺎﻭﺑﺘﻪ ﻫﺴﻪ ﺍﻧﺖ ﻣﻮﺭﺩﺕ ﺟﺎﻱ ﺻﺒﻴﺖ ﺍﻟﻚ ﺟﺎﻱ ﻗﺎﺑﻞ ﺍﻧﻪ ﻣﺴﻮﻳﺘﻪ ﻫﻢ ﻣﺴﻮﻳﻨﻪ .
ﺳﻠﻴﻤﺎﻥ : ﻣﺎﻋﻨﺪﺝ ﻏﻴﺮ ﺍﻟﻠﻐﻮﺓ ﺍﻟﺰﺍﻳﺪﺓ ﺩﺭﻭﺣﻲ ﺿﻮﮔﻲ ﺷﻮﻓﻲ ﺷﻨﻮ ﻣﻦ ﺟﺎﻱ ﻫﺬﺍ .
ﻛﻤﺖ ﻣﻦ ﻣﻜﺎﻧﻲ ﺍﺧﺬﺕ ﺍﻻﺳﺘﻜﺎﻧﻪ ﺍﻟﻲ ﺷﺮﺏ ﻣﻨﻬﺎ ﺍﻣﺎﻥ ﺷﺮﺑﺘﻪ ﺷﻮﻳﺔ ﻳﺎﺍﺍﺍ ﻫﺬﺍ ﺻﺪﮒ ﻣﻮ ﺟﺎﻱ
ﻫﺬﺍ ﻧﻮﻣﻲ ﺑﺼﺮﺓ .. ﺷﻜﺪ ﻓﺸﻠﺔ ..
ﺷﻮﻥ ﺍﻭﺧﺮ ﺍﻟﻔﺸﻠﺔ .. ﮔﺘﻠﻪ ﻋﻤﻮ ﻫﻮ ﻛﻠﻪ ﻧﻌﻤﺔ ﺍﻟﻠﻪ .
ﺳﻠﻴﻤﺎﻥ ;' ﺍﻧﻪ ﺭﺩﺕ ﺟﺎﻱ ﻳﺎﻟﻤﺪﻣﻐﺔ ..
ﺯﻳﻨﺐ .. ﻳﻤﻌﻮﺩ ﻣﺎﺗﺪﺭﻱ ﺍﻟﺒﻨﻴﺔ ﻣﺴﻮﻳﻦ ﻧﻮﻣﻲ ﺑﺼﺮﺓ
ﺟﺎﻧﺖ ﻃﺎﻟﻌﺔ ﺗﻮﻫﺎ ﺍﺟﺖ .
ﺳﻠﻴﻤﺎﻥ .. ﺍﻱ ﺧﻮ ﻣﺎﻋﺪﻫﻪ ﻏﻴﺮ ﺍﻟﻄﻠﻌﻪ ﺗﺒﻨﻄﺮﺕ ﻭﻃﻠﻌﺖ ﻭﻛﻞ ﺷﻲ ﻣﺎﺗﻌﺮﻑ ﺗﺴﻮﻱ ﻭﺍﻧﺖ ﻻﺗﻐﻄﻴﻦ ﻋﻠﻴﻬﺎ .
ﺳﻤﻴﺔ .. ﻫﺬﺍ ﻛﻠﻪ ﻋﻠﻴﻪ ﻣﻊ ﺍﻻﺳﻒ ..
ﮔﺘﻠﻪ ﻋﻤﻮ ﺷﺪﻋﻮﻩ ﻋﻠﻴﻚ ﻭﺍﻟﻄﻠﻌﻪ ﺷﻌﻠﻴﻬﺎ ﻭﻫﺴﻪ ﺍﺭﻭﺡ ﺍﺻﺐ ﺟﺎﺍﺍﻱ ﻣﻦ ﺟﺪﻳﺪ ﻣﺎﻟﻬﺎ ﺩﺍﻋﻲ ﻫﺎﻟﺼﻴﺤﺔ .
ﺳﻠﻴﻤﺎﻥ .. ﻭﻓﻮﻛﺎﻫﺎ ﻣﺎﻋﺎﺟﺒﻬﺎ ..
ﺍﻣﺎﻥ .. ﻻ ﺗﻌﺎﻱ ﻻﺗﺼﺒﻴﻦ ﺑﻌﺪ ﺍﻧﻲ ﺍﺗﺮﺧﺺ . ..
ﺯﻳﻨﺐ .. ﻭﻳﻦ ﺭﺍﻳﺢ ﺍﺑﻘﻰ ﻉ ﺍﻟﻌﺸﺎ ﻳﻤﻨﻪ ..
ﺍﻣﺎﻥ .. ﻻ ﺧﺎﻟﻪ ﺳﻔﺮﺓ ﺩﺍﻳﻤﺔ ﺍﻥ ﺷﺎﺀﺍﻟﻠﻪ ﺍﻧﻲ ﻭﺭﺍﻱ ﺑﺎﺟﺮ ﺳﻔﺮ ﻻﺯﻡ ﺍﻧﺎﻡ ﻋﻠﻰ ﻭﻗﺖ
.
ﺳﻤﻴﺔ .. ﻭﺟﻌﻨﻲ ﮔﻠﺒﻲ ﻣﻦ ﮔﺎﻝ ﺭﺍﺡ ﻳﺴﺎﻓﺮ ﺷﺒﺴﺮﻋﻪ ﺭﺍﻳﺢ ..
ﺭﺣﺖ ﻟﻠﻤﻄﺒﺦ ﻭﻫﻮ ﻇﻞ ﻳﺤﺠﻲ ﻭﻳﺎﻫﻢ ..
ﺻﺎﺭﺕ ﺍﻳﻨﺎﺱ ﻛﺪﺍﻣﻲ ﺗﺒﺎﻭﻋﻠﻲ ﺑﻨﻈﺮﺍﺕ ﻣﺎﺗﻨﺤﺰﺭ
ﻛﺎﻟﺖ ﺍﺟﻴﺘﻲ ﻭﻳﺎﺍﺍ؟
ﺟﺎﻭﺑﺘﻬﺎ ﺍﻱ
ﺑﺴﻴﺎﺭﺗﻪ؟
ﻻ ﺍﺟﻴﻨﻪ ﺑﺘﻜﺴﻲ ﺳﻴﺎﺭﺓ ﻋﻤﻲ ﻋﻄﻠﺖ ﺑﺎﻟﻄﺮﻳﻖ ﻭﺍﻣﻴﺮ ﺑﻘﻰ ﻳﻤﻬﺎ .
ﺍﻳﻨﺎﺱ : - ﻳﻜﻮﻝ ﻳﺮﻳﺪ ﻳﺴﺎﻓﺮ .
ﺳﻤﻴﺔ : - ﻟﻌﺪ ﻫﻮ ﺍﻟﻤﻦ ﺟﺎﻱ .. ؟ !
: ﺭﺟﻮﺍﻥ ﻣﺘﻌﺎﺭﻛﺔ ﻭﻳﺎ ﺭﺟﻠﻬﺎ ﺍﺑﻮﻫﺎ ﻳﻜﻮﻝ ﺍﻟﻬﺎ ﺗﻄﻠﻜﻲ ﻭﺍﻣﻬﺎ ﺗﻜﻮﻟﻠﻬﺎ ﻻ .. ﻭﺗﻜﻮﻝ ﺍﺣﺲ ﻧﻔﺴﻲ ﺿﺎﻳﻌﻪ ﺧﺎﺑﺮﺗﻪ ﻳﺠﻲ ﻳﺘﻔﺎﻫﻢ ﻭﻳﺎ ﺭﺟﻠﻬﺎﺍ ﻭﻫﻮ ﺟﺎﻱ ﻋﻠﻤﻮﺩ ﺍﺧﺘﻪ .
ﺳﻤﻴﺔ : ﺣﺠﻴﺖ ﺑﻘﻠﺒﻲ ﻫﻨﻴﺎﻟﻬﺎ ﺍﺧﺘﻪ ﺷﻮﻥ ﻋﻨﺪﻩ ﻣﺴﺆﺅﻟﻴﺔ ﺍﺗﺠﺎﻫﻪ ﻭﻳﺨﺎﻑ ﻋﻠﻴﻬﺎ .
ﺍﻳﻨﺎﺱ : ﺍﻱ ﻭﺍﺟﻪ ﻋﻠﻤﻮﺩ ﻫﺠﺮﺍﻥ ﺍﻧﺨﻄﺒﺖ .
: ﺻﺪﻙ؟ ﺷﻮﻛﺖ .. ؟
: ﺍﻱ ﺍﻧﺨﻄﺒﺖ ﺳﻮﻭﻫﺎ ﺑﻴﻨﺎﺗﻬﻢ ﻳﻜﻮﻟﻮﻥ ﻣﺎﻟﻬﺎ ﺩﺍﻋﻲ ﺣﻔﻠﺔ ﻛﺒﻴﺮﺓ ﻻﻥ ﻫﺎﻱ ﺛﺎﻧﻲ ﻣﺮﺓ ﺗﻨﺨﻄﺐ .
: ﺍﻱ ﺧﻮﺵ ﻋﻨﺪﺝ ﺗﻮﺍﺻﻞ ﻭﻳﺎﻫﻢ .
: ﺍﻱ ﻣﻬﻤﺎ ﺻﺎﺭﺕ ﺑﻴﻨﻨﺎ ﻣﺸﺎﻛﻞ ﺑﺴﺒﺐ ﺍﻧﻔﺼﺎﻝ ﻫﺠﺮﺍﻥ ﻭﺍﺳﻼﻡ ﺑﺲ ﻧﺒﻘﻰ ﺍﻫﻞ ﻭﺍﻟﺪﻡ ﻣﺎﻳﺼﻴﺮ ﻣﺎﻱ .
ﺳﻤﻴﺔ .. ﺍﻱ ﻓﻌﻼ .
ﻛﻤﻠﻨﻪ ﻋﺸﺎ ﻭﺭﺣﺖ ﺍﺭﻳﺪ ﺍﻧﺎﻡ .. ﺷﻔﺖ ﺍﻣﻴﺮ ﻣﺘﻤﺪﺩ ﻉ ﺍﻟﺠﺮﺑﺎﻳﺔ
ﻛﺘﻠﻪ ﺍﻧﺖ ﻟﻴﺶ ﺗﻔﺸﻠﻨﻲ ﻛﺪﺍﻡ ﺍﻣﺎﻥ ﻭﺗﻜﻮﻝ ﻋﻠﻴﻪ ﻣﺨﺒﻠﺔ .
ﺍﻣﻴﺮ .. ﺍﻱ ﻭﻣﺎ ﻣﺠﺬﺏ .
ﺳﻤﻴﺔ .. ﺍﺧﺨﺦ ﻭﺍﻟﻠﻪ ﻣﺎﻟﻲ ﺧﻠﻜﻚ ﺍﻟﻠﻴﻠﺔ .
ﻭﻳﻠﻠﻪ ﻭﺧﺮﺭﺭ ﻋﻦ ﺍﻟﺠﺮﺑﺎﻳﺔ ﺍﺭﻳﺪ ﺍﻧﺎﻡ .
ﺍﻣﻴﺮ .. ﺧﻤﺪﻱ ﺟﻮﻩ ﺍﻧﺎ ﺍﻧﺎﻡ ﺍﻟﻴﻮﻡ ﻫﻨﺎ .
ﺳﻤﻴﺔ .. ﺍﻭﻭﻭ ﺣﺘﻰ ﺣﺠﻲ ﻣﺎﺍﺷﺘﻬﻲ ﺍﺣﺠﻲ ﻭﻳﺎﻙ .
ﻓﺮﺷﺖ ﺟﻮﻩ ﻭﺗﻤﺪﺩﺕ ..
ﺍﺗﺬﻛﺮﺕ ﻛﻼﻡ ﺍﻣﺎﻥ ﻭﺭﺣﺖ ﻳﻢ ﺍﻣﻴﺮ
ﻛﺘﻠﻪ ﺍﻛﻠﻚ ﺍﻧﺖ ﻛﺎﻳﻞ ﺷﻲ ﻛﺪﺍﻡ ﺍﺣﺪ ﻋﻠﻰ ﺍﻧﻮ ﺍﺣﻨﺎ ﻣﺎﺑﻴﻨﻨﺎ ﺷﻲ .
ﺍﺭﺗﺒﻚ ﺷﻮﻳﺔ ﮔﺎﻝ ﻫﺎﺍ ﺍﻱ ﺑﺲ ﺍﺧﻮﺗﻲ .
ﮔﺒﻴﺖ ﺑﻮﺟﻬﻪ ﺍﻧﺖ ﻣﺎﺗﺴﺘﺤﻲ ﻣﺎﺗﺨﺠﻞ ﺷﻮﻥ ﺗﺮﻭﺡ ﺗﻜﻠﻠﻬﻢ ﺑﻠﻠﻪ ﻛﺎﻟﻮﺍ ﻛﺪﺍﺍﻡ ﺍﺣﺪ .
ﺻﺎﺡ ﺷﺒﻴﺞ ﻋﻠﻰ ﻛﻴﻔﺞ ﻭﺑﻌﺪﻳﻦ ﺍﻧﺖ ﺷﻬﺎﻟﺴﺆﺍﻝ؟
ﻧﺘﺮﺗﻪ .. ﻣﺎﻛﻮﻭ ﺷﻲ ﺑﺲ ﺍﻳﻨﺎﺱ ﺟﺎﻱ ﺗﻠﻤﺤﻠﻲ ..
ﻛﺎﻝ .. ﻫﺎﻱ ﻫﻢ ﻳﺮﺍﺩ ﺍﻟﻬﺎ ﻭﺍﺣﺪ ﻳﻀﺒﻬﺎ ﺍﻟﻪ ﺍﻛﻮﻝ ﻟﻮﻋﺪ ﻋﻠﻴﻬﺎ ﻳﻜﺺ ﻟﺴﺎﻧﻬﺎ .
ﺻﺤﺖ ﻋﻠﻴﻪ .. ﻭﺍﻟﻠﻪ ﺍﺫﺍ ﮔﺘﻠﻪ ﺳﻮﺍﻟﻔﻚ ﻛﻠﻬﺎ ﺗﻠﮕﺎﻫﺎ ﻳﻢ ﻋﻤﻲ .
: ﺩﻭﻭﻟﻲ ﻻ ﻋﺒﺎﻟﺞ ﺍﺧﺎﻑ ﺗﺮﻩ ﺷﺒﻌﺖ ﻣﻦ ﺗﻬﺪﻳﺪﺍﺗﺞ .
-; ﻟﻌﺪ ﺍﺧﺮﺏ ﺑﻴﻨﻚ ﻭﺑﻴﻦ ﺍﻧﺼﺎﻑ .
-: ﻫﺎ ﻳﻠﻠﻪ ﺧﻤﺪﻱ .
-: ﺍﻧﺖ ﻫﻢ ﺍﺧﻤﺪ ﻣﻦ ﻛﻮﻥ ﺧﻤﺪﺕ ﻋﻠﻴﻚ ﻃﺎﺑﻮﮔﻪ .
-: ﻃﺎﺑﻮﮔﻪ ﻋﻠﻰ ﺭﺍﺳﺞ ﺍﻥ ﺷﺎﺀﺍﻟﻠﻪ ..
-: ﻋﻠﻰ ﺭﺍﺳﻚ ﺍﻧﺖ ﻭﺍﻟﻠﻪ ..
-: ﺍﻛﻠﺞ ﺳﻤﻴﺔ ﺻﺪﻙ ﻣﺮﺓ ﻛﻠﺖ ﻻﻣﺎﻥ ﺳﻤﻴﺔ ﻟﺴﺎﻧﻬﺎ ﻃﻮﻳﻞ ﺍﺟﺖ ﺗﺼﻴﺢ ﻋﻠﻴﻪ ﻛﺪﺍﻡ ﺭﺑﻌﻲ ﻛﺎﻝ ﺍﻧﻪ ﺍﺣﺎﺟﻴﻬﻪ ﻫﻮ ﺷﻨﻮ ﺟﺎﻥ ﻳﺤﺎﺟﻴﺞ ﺑﺎﻟﺘﻠﻴﻔﻮﻥ؟
.
ﺳﻤﻴﺔ : - ﻋﺰﺍﺍﺍ ﺷﻮﻥ ﺳﺆﺍﻝ؟ ﮔﺘﻠﻪ ﺍﻱ ﻫﻢ ﺟﻨﻪ ﻧﺤﺠﻲ ﺑﺎﻟﺘﻠﻴﻔﻮﻥ .
-: ﻳﻌﻨﻲ ﻫﻴﺞ ﻣﺠﺮﺩ ﺣﺠﻲ . ؟
-: ﺍﻱ ﻣﺠﺮﺩ ﺣﺠﻲ ﻻﻳﺮﻭﺡ ﺑﺎﻟﻚ ﻟﺒﻌﻴﺪ .
... ﺻﻔﺎ ...
ﺟﺎﻧﺖ ﻋﻤﺘﻲ ﻣﺎﻣﻮﺟﻮﺩﺓ ﺃﺧﺬ ﺭﺍﺣﺘﻲ ﺑﺎﻟﻠﺒﺲ ﻻﻥ ﺍﺫﺍ ﻫﻨﺎ ﻫﻴﻪ ﺍﺳﺘﺤﻲ ﻣﻨﻬﻪ ..
ﻟﺒﺴﺖ ﻛﻴﻤﻮﻧﻪ ﺳﻮﺩﺓ ﺑﻴﻬﺎ ﻧﻘﺸﺔ ﻋﻠﻰ ﺍﻟﺼﺪﺭ ﻟﺤﺪ ﺍﻟﺒﻄﻦ ﻭﺷﻮﺭﺕ ﺟﻴﻨﺰ ﺍﺯﺭﮒ ..
ﺧﻠﻴﺖ ﻣﻜﻴﺎﺝ ﻓﺘﺤﺖ ﺷﻌﺮﻱ ﻭﻧﺰﻟﺖ ﺟﻮﻩ ﺍﺭﻭﺡ ﻳﻢ ﺍﺳﻼﻡ .. ﺩﻭﺭﺗﻪ ﺷﻔﺘﻪ ﮔﺎﻋﺪ ﺑﺎﻟﺼﺎﻟﺔ ﻋﻠﻰ ﺍﻟﻘﻨﻔﺔ ﻭﺑﻴﺪﻩ ﺗﻠﻴﻔﻮﻧﻲ ﻳﺪﻭﺭ ﺑﻲ ﺿﺠﺖ ﻣﻦ ﺗﺼﺮﻓﻪ ﺭﻏﻢ ﻣﺎﻋﻨﺪﻱ ﺷﻲ ﺍﺿﻤﻪ ﻋﻨﻪ ﺑﺲ ﻃﺒﻌﻪ ﺷﻜﺎﻙ .
ﻭﺍﺑﺪ ﻣﺎﺭﺍﺡ ﻳﺘﻐﻴﺮ .. ﺍﻟﻤﻬﻢ ﻣﺎﺑﻴﻨﺖ ﺍﻟﻪ ﺍﻧﺰﻋﺎﺟﻲ
ﺍﺭﻳﺪ ﺍﺟﺎﺭﻱ ﺍﺭﻳﺪ ﺍﻋﻴﺶ ﻛﺎﻓﻲ ﻧﻜﺪ ﻭﻫﻢ .
ﺷﺎﻓﻨﻲ ﻃﻠﻊ ﻣﻦ ﺍﻟﺘﻄﺒﻴﻘﺎﺕ ﺍﻟﻲ ﻫﻮ ﺩﺍﺧﻞ ﻋﻠﻴﻬﺎ
ﻃﻔﺎﻩ ﻭﺧﻼ ﻋﻠﻰ ﺍﻟﻄﺒﻠﺔ ﺍﺷﺮﻟﻲ ﻋﻠﻰ ﺭﺟﻠﻲ ﺍﻛﻌﺪ ﺑﺤﻀﻨﻪ .
ﺍﺑﺘﺴﻤﺖ ﺍﻟﻪ ﻭﺭﺣﺖ ﻳﻤﻪ ﮔﻌﺪﺕ ﺑﺤﻀﻨﻪ ﺣﻮﻃﺖ ﺭﻗﺒﺘﻪ ﺑﺄﻳﺪﻳﻪ ﺷﻤﻴﺘﻬﺎ ﻭﺑﺴﺘﻬﺎ ..
ﺧﻠﻪ ﺍﻳﺪﻳﻪ ﻋﻠﻰ ﺭﺟﻠﻲ ﻳﺪﺍﻋﺒﻨﻲ ﻭﺍﻧﻪ ﺍﺿﺤﻚ
ﻭﻳﻬﻤﺲ ﺑﺄﺫﻧﻲ ﺍﺣﺒﺞ ﺻﻔﺎﻭﻱ ﻭﻳﻌﺾ ﺑﺸﺤﻤﺔ ﺍﺫﻧﻲ ﺗﺰﻳﺪ ﺿﺤﻜﺎﺗﻲ ..
ﺩﺍﺭ ﻭﺟﻬﻲ ﻋﻠﻲ .. ﮔﺎﻝ ﺗﺘﻮﺍﺻﻠﻴﻦ ﻭﻳﺎ ﺍﻣﺞ؟
ﺟﺎﻭﺑﺘﻪ ﺍﻱ ..
ﻣﺎﺍﺣﺐ ﺗﺘﻮﺍﺻﻠﻴﻦ ﻭﻳﺎﻫﺎ ﺍﺑﺪ .
ﺍﺳﻼﻡ ﻫﺎﻳﻪ ﺍﻣﻲ ﻭﻣﻦ ﺑﺎﺏ ﺑﺮ ﺍﻟﻮﺍﻟﺪﻳﻦ ﻻﺯﻡ ﺍﺳﺄﻝ ﻋﻨﻬﺎ ﺧﺎﺻﺔ ﻭﻫﻲ ﻫﺎﻻﻳﺎﻡ ﻣﺮﻳﻀﺔ ﻛﻠﺶ .
ﺳﺤﺒﻨﻲ ﻣﻦ ﺍﻛﺘﺎﻓﻲ ﻧﻮﻣﻨﻲ ﻋﻠﻰ ﺍﻳﺪﻳﻪ ﻣﺜﻞ ﺍﻟﻄﻔﻠﺔ
ﻭﻳﻠﺰﻡ ﺷﻔﺘﻲ ﺑﺄﺻﺎﺑﻌﻪ .
ﮔﺎﻝ ﺍﻧﺎ ﺷﻨﻮﻭ ﺍﮔﻮﻭﻝ ﺍﻧﺖ ﮔﻮﻟﻲ ﺻﺎﺭ .
ﺃﺭﻳﺪ ﺍﺣﺠﻲ ﻧﺰﻝ ﻭﺟﻬﻪ ﻋﻠﻴﻪ ﻭﻛﺘﻢ ﺍﻧﻔﺎﺳﻲ ﺑﺒﻮﺳﺔ
ﻋﻠﻰ ﺷﻔﺘﻲ ﻣﺎﺍﻛﺪﺭﺕ ﺣﺘﻰ ﺍﺗﻨﻔﺲ ﻣﻨﻬﺎ ..
ﺳﻤﻴﺔ ... ﻣﺮﺕ ﺍﻳﺎﻡ .. ﻳﻮﻡ ﻣﻨﻬﻦ .
ﺳﻤﻌﺖ ﺍﺟﺖ ﺍﻟﻨﺎ ﻋﻤﺘﻲ ﺍﺷﻮﺍﻕ ﺭﺍﺣﻮﺍ ﺍﻟﻜﻞ ﻳﺴﻠﻤﻮﻥ ﻋﻠﻴﻬﺎ ﺑﺲ ﺍﻧﺎ ﺑﻘﻴﺖ ﺑﺎﻟﻤﻄﺒﺦ .
ﺟﺎﻱ ﺍﺷﺮﺏ ﺟﺎﻱ ﻭﻻﺯﻣﺔ ﺗﻠﻴﻔﻮﻧﻲ ﻭﺍﺳﻮﻟﻒ ﻭﻳﺎ ﺻﻔﺎ
ﺳﻤﻌﺖ ﺻﻮﺕ ﻋﻤﻲ ﻳﻢ ﺭﺍﺳﻲ
ﻛﺎﻝ ﻛﻮﻣﻲ ﻋﻠﻰ ﺭﺍﺳﺞ ﺭﻳﺸﺔ ﻣﺎﺗﻜﻮﻣﻴﻦ ﺗﺴﻠﻤﻴﻦ ﻋﻠﻰ ﻋﻤﺘﺞ .
ﺧﻠﻴﺖ ﺗﻠﻴﻔﻮﻧﻲ ﻭﮔﻤﺖ ﻋﻠﻰ ﺭﺟﻠﻴﺔ ﻭﺭﺣﺖ ﺳﻠﻤﺖ ﻋﻠﻴﻬﺎ ﺭﺩﺕ ﻋﻠﻴﻪ ﺑﺲ ﺍﺷﻮﻓﻬﺎ ﺗﻌﺒﺎﻧﺔ ﺣﻴﻴﻞ .
ﻛﻌﺪﺕ ﻳﻤﻬﻢ ﻣﻦ ﺑﺎﺏ ﺍﻻﺣﺘﺮﺍﻡ .. ﻭﻟﻮ ﻣﺎﺍﺣﺘﺮﻣﻬﺎ .
ﺳﺎﻟﻬﺎ ﻋﻤﻲ ﻋﻠﻰ ﺭﺿﻮﺍﻥ ﺷﻠﻮﻧﻪ .
ﺟﺎﻭﺑﺘﻪ : - ﻭﺍﻟﻠﻪ ﻳﺎﺍﺑﻮ ﻣﺆﻳﺪ ﺣﺮﮒ ﮔﻠﺒﻲ ﺣﺘﻰ ﻣﺎﻛﻠﻲ ﻋﻠﻰ ﺧﻄﻮﺑﺘﻪ ﺭﺍﺡ ﺳﻮﺍﻫﺎ ﺍﺑﻴﺖ ﺍﺑﻮ ﻭﺍﻧﻪ ﺑﻴﻮﻡ ﺍﻟﺤﻔﻠﺔ ﻳﻠﻠﻪ ﻋﺰﻣﻨﻲ ﺿﺎﻉ ﺑﻲ ﺍﻟﺘﻌﺐ ﻭﺍﻟﺮﺑﻪ ﺿﺎﻉ .
ﺳﻠﻴﻤﺎﻥ : - ﻳﻠﻠﻪ ﻻﺗﻀﻮﺟﻴﻦ ﺍﻟﺒﺮﻛﺔ ﺑﺄﻣﺎﻥ ﺣﻀﺮﺗﻲ ﺣﻔﻠﺘﻪ ﻭﺍﻥ ﺷﺎﺀﺍﻟﻠﻪ ﺗﺸﻮﻓﻴﻦ ﻋﺮﺳﻪ .
ﺍﺷﻮﺍﻕ : - ﻭﻳﻦ ﻳﺎﺍﺑﻮ ﻣﺆﻳﺪ .
ﺑﺎﻭﻋﺘﻠﻲ ﺑﻘﻬﺮ ﻭﺍﻧﻜﺴﺎﺭ ﻭﮔﺎﻟﺖ ﺧﻠﻴﻬﻪ ﺳﻜﺘﻪ .
ﻋﻤﻲ ﻇﻞ ﻳﻠﺢ ﻋﻠﻴﻬﺎ ﺗﺤﺠﻲ
ﺍﻧﻪ ﺣﺴﻴﺖ ﻋﻠﻰ ﺭﻭﺣﻲ ﺍﺧﺬﺕ ﺍﻟﺼﻴﻨﻴﺔ ﻭﺑﺎﻭﻋﺖ ﻻﻳﻨﺎﺱ ﻣﺪﺍﻡ ﻣﻮﺟﻮﺩﺓ ﺑﻌﺪﻳﻦ ﺗﮕﻠﻲ ﺷﺒﻲ ﺍﻣﺎﻥ
.
ﻛﺘﻠﻨﻲ ﺍﻟﻔﻀﻮﻝ ﻭﺭﺣﺖ ﻟﻠﻤﻄﺒﺦ ﺧﻠﻴﻬﺎ ﺗﺤﺠﻲ ﺍﺫﺍ ﺍﻧﻪ ﻣﻮﺟﻮﺩﺓ ﻣﺴﺘﺤﻴﻞ ﺗﺤﺠﻲ .
ﻛﻌﺪﺕ ﺑﺎﻟﻤﻄﺒﺦ ﺍﻧﺘﻈﺮ ﺍﻟﻰ ﺍﻥ ﺍﺟﺖ ﺍﻳﻨﺎﺱ ﺗﺴﻮﻱ ﻣﻤﻪ ﻻﺑﻨﻬﺎ .
ﻛﻤﺸﺘﻬﺎ ﻛﺘﻠﻬﺎ ﺷﺒﻲ ﺍﻣﺎﻥ .
ﺿﺤﻜﺖ ﻭﺣﺠﺖ ﻋﻤﺘﻲ ﺍﺷﻮﺍﻕ ﺗﻜﻮﻝ ﻣﻔﺸﻠﻬﻢ ﻭﻳﺎ ﺑﻴﺖ ﻋﻤﻪ ﻏﺎﻟﻖ ﻣﻮﺑﺎﻳﻠﻪ ﻭﻣﺴﺎﻓﺮ ﻭﺍﻟﺒﻨﻴﺔ ﺗﺸﻜﻲ ﻭﺗﺒﺠﻲ ﺗﻜﻮﻝ ﻣﺎﻳﻬﺘﻢ ﺍﻟﻲ ﻭﻫﻮ ﻛﺎﻳﻠﻠﻬﺎ ﻫﺬﺍ ﺍﻟﻤﻮﺟﻮﺩ ﻋﺠﺒﺞ ﺍﻫﻼ ﻭﺳﻬﻼ ﻣﺎﻋﺠﺒﺞ ﺍﻟﺒﺎﺏ ﻳﻔﻮﺕ ﻓﻴﻴﻴﻴﻴﻞ .
ﻭﺻﺎﻳﺮﺓ ﻣﺸﻜﻠﻪ ﺑﻴﻦ ﺍﺑﻮ ﻭﺑﻴﻦ ﻋﻤﻪ ﺑﺴﺒﺒﻪ ﻭﺍﻟﺒﻨﻴﺔ ﺗﻜﻮﻝ ﺑﻌﺪ ﻣﺎﺍﺭﻳﺪ ﻭﺗﺮﻳﺪ ﺗﻔﺴﺦ ﺍﻟﺨﻄﻮﺑﺔ .
ﺻﻔﺎ ..
ﻭﻋﺪﻧﻲ ﺍﺳﻼﻡ ﻧﻄﻠﻊ ﻧﺘﻌﺸﻪ ﺑﺮﻩ ..
ﺑﺪﻟﺖ ﻟﺒﺴﺖ ﻓﺴﺘﺎﻥ ﻣﺤﺠﺒﺎﺕ .. ﻧﻴﻠﻲ ﻭﺑﻲ ﺻﺪﺭﻳﺔ ﺫﻫﺒﻲ .
ﻭﻓﻴﻮﻧﻜﻪ ﺑﺎﻟﻈﻬﺮ ﺫﻫﺒﻴﺔ .
ﺧﻠﻴﺖ ﻣﻜﻴﺎﺝ ﺧﻔﻴﻒ .. ﻭﻃﻠﻌﻨﻪ .
ﮔﻌﺪﻧﻪ ﺑﺎﻟﻤﻄﻌﻢ ﻛﻞ ﺷﻮﻳﺔ ﻭﻟﺪ ﻳﺒﺎﻭﻋﻠﻲ .
ﻇﻞ ﺍﺳﻼﻡ ﻳﺨﺰﺭ ﺑﻴﺔ
ﻛﺘﻠﻪ ﺷﺒﻴﻚ .
ﻛﺎﻝ ﻛﻠﻪ ﻣﻨﺞ ﺷﻬﺎﻟﻠﺒﺲ ﻟﻴﺶ ﻣﺎﻟﺒﺴﺘﻲ ﻋﺒﺎﻳﺔ
ﻭﺷﺪﻋﻮﺓ ﻫﺎﻟﻜﺪ ﺧﺎﻟﻪ ﻣﻜﻴﺎﺝ .
ﺟﺎﻭﺑﺘﻪ ﻣﻮ ﻃﻠﻌﺖ ﻫﻴﺞ ﻛﺪﺍﻣﻚ ﻣﻦ ﺍﻟﺒﻴﺖ ﻟﻴﺶ ﻣﺎﺣﺠﻴﺖ ﻋﻠﻴﻪ ﺍﻟﻪ ﻫﻨﺎ ﺗﺤﺠﻲ .
ﺍﺳﻼﻡ .. ﺍﺷﺶ ﺍﺳﻜﺘﻲ ﻭﻻ ﻛﻠﻤﺔ ﻳﻠﻠﻪ ﺍﻣﺸﻲ ﻧﺮﺟﻊ ﻟﻠﺒﻴﺖ .
ﺻﻔﺎ .. ﻃﻠﻊ ﻛﺪﺍﻣﻲ ﻣﻌﺼﺐ ﻭﺍﻧﻪ ﺍﻣﺸﻲ ﻭﺭﺍﻩ ﻭﺩﻣﻮﻋﻲ ﻳﻮﻛﻌﻦ ﻣﻨﻲ ﻉ ﺍﻟﻜﺎﻉ ﻣﻦ ﻛﺪ ﻏﺰﺍﺭﺗﻬﻦ ﻳﺎﺭﺑﻲ ﺷﺴﻮﻳﺖ ﻫﺴﻪ ﺍﻧﻪ .
ﻫﻮ ﻳﻤﺸﻲ ﻭﻳﻠﺘﻔﺘﺖ ﺍﻟﻲ .. ﻛﻌﺪﺕ ﻳﻤﻪ ﺑﺲ ﺍﺑﺠﻲ
ﻇﻞ ﻳﺴﻮﻕ ﻭﻳﺴﺘﻐﻔﺮ .
ﻛﺎﻝ ﻳﻠﻠﻪ ﺳﻜﺘﻲ ﺑﺲ ﺍﻧﺎ ﺍﻏﺎﺭ ﻋﻠﻴﺞ ﺍﻧﺖ ﺗﺠﺬﺑﻴﻦ ﻛﻠﻤﻦ ﻳﺒﺎﻭﻋﻠﺞ ﻭﺍﻧﻪ ﻣﺎﺍﺗﺤﻤﻞ .
ﺻﻔﺎ .. ﺑﺲ ﻛﻠﻲ ﺍﻧﺖ ﺷﺘﺮﻳﻴﺪ ﻫﺎﺍ ﺗﺠﻮﻣﻨﻲ ﻭﺗﺨﻠﻴﻨﻲ ﺑﺎﻃﺎﺭ ﻟﻮ ﺗﺤﺒﺴﻨﻲ ﺑﻘﻔﺺ ﺗﺮﻩ ﺗﻌﺒﺖ ﻣﻨﻚ ﻭﺍﻟﻠﻪ ﺍﻧﻪ ﻣﺎﻛﺎﻳﻠﺘﻠﻚ ﻃﻠﻌﻨﻲ ﺍﻧﺖ ﻛﻠﺖ .
ﺍﺳﻼﻡ .. ﻳﻠﻠﻪ ﻣﺎﺻﺎﺭ ﺷﻲ ﻫﺴﻪ ﺍﺧﺬﺝ ﻟﻤﻜﺎﻥ ﺛﺎﻧﻲ .
: ﻣﺎﺭﻳﺪ ﻭﺩﻳﻨﻲ ﻟﻠﺒﻴﺖ ﺑﻌﺪ ﺍﺗﻮﺑﺔ ﺍﺫﺍ ﺍﻃﻠﻊ ﻭﻳﺎﺍﺍﻙ .
; ﻛﺎﺍﻓﻲ ﻭﻟﺞ ﺍﻋﺼﺎﺑﺞ .
: ﻧﺰﻟﻨﻴﻴﻴﻲ .
: ﺷﻜﻮﻭﻭ ﺷﺒﻴﺞ ﻭﻟﺞ .
: ﻧﺰﻟﻨﻴﻴﻲ ﻫﻨﺎﻧﻪ ﺭﺍﺡ ﺍﺗﻘﻴﺊ .
ﻧﺰﻟﻨﻲ ﻭﺍﻧﻄﺎﻧﻲ ﻋﻼﮔﺔ ﺍﺣﺲ ﻣﺼﺎﺭﻳﻨﻲ ﻃﻠﻌﺖ
ﻏﺴﻞ ﻭﺟﻬﻲ ﻭﺭﺟﻊ ﺻﻌﺪﻧﻲ ﺑﺎﻟﺴﻴﺎﺭﺓ .
ﻳﻠﺰﻡ ﺍﻳﺪﻱ ﻭﺍﻫﺪﻫﻪ ﻣﻨﻪ .
ﻭﺻﻠﻨﻪ ﻟﻠﺒﻴﺖ ﺍﻟﻠﻴﻞ ﻛﻠﻪ ﻣﺎﻧﻤﺖ ﺑﺲ ﻟﻌﺒﺎﻥ ﻧﻔﺲ ﻋﻨﺪﻱ .
ﻭﻫﻮ ﻣﺤﺘﺎﺭ ﺷﻨﻮ ﻳﺴﻮﻳﻠﻲ .
ﻳﻮﻡ ﺛﺎﻧﻲ ﺍﺧﺬﻧﻲ ﻟﻠﺘﺤﻠﻴﻞ .
ﻭﻃﻠﻌﺖ ﺣﺎﻣﻞ .. ..
ﺳﻤﻴﺔ .. ﻃﻠﻌﺖ ﻣﻦ ﺍﻟﻐﺮﻓﺔ ﺷﻔﺖ ﻋﻤﻲ ﻭﺍﻛﻒ ﻳﻢ ﺑﺎﺏ ﻏﺮﻓﺔ ﺍﻳﻨﺎﺱ ﻭﻭﻋﺪ ﻭﻳﺘﺴﻨﻂ ﻋﻠﻴﻬﻢ ﻭﻫﻢ ﺫﻛﻮﻝ ﺟﺎﻱ ﻳﺘﻨﺎﻛﺮﻭﻥ ..
ﺷﻜﺪ ﻣﺎﻳﺴﺘﺤﻲ ﻫﺴﻪ ﻣﺮﺓ ﻭﺭﺟﻠﻬﺎ ﺑﻠﻠﻪ ﺑﻴﻨﻬﻢ ﻣﻮﺿﻮﻉ ﺧﺎﺹ ﺍﻧﺖ ﺷﻮﻥ ﺗﺮﻭﺡ ﺗﺴﻤﻊ ﺍﻟﻬﻢ .
ﻟﺤﻈﺎﺕ ﻭﺩﮒ ﻋﻠﻴﻬﻢ ﺍﻟﺒﺎﺏ .. ﻛﺎﻟﻠﻬﻢ ﺍﻃﻠﻌﻮﻭﻭﻭﺍ .
ﻃﻠﻌﻮﺍ ﻭﻇﻞ ﻳﺤﻘﻖ ﻭﻳﺎﻫﻢ .
ﺑﺠﺖ ﺍﻳﻨﺎﺱ ﻛﻠﺘﻠﻪ ﻋﻤﻮﻭ ﻛﻞ ﺍﺳﺒﻮﻉ ﻳﺴﺎﻓﺮ ﻭﻣﺴﻮﻱ ﻋﺒﺎﺩﺍﻥ ﺑﺼﺮﺓ ﻋﺸﺎﺭ ﻭﺣﺘﻰ ﺻﺪﻳﻘﺎﺕ ﺍﻳﺮﺍﻧﻴﺎﺕ ﻋﻨﺪﻩ .
.
ﻭﻋﺪ ﻣﺪﻧﮓ ﻭﺳﺎﻛﺖ .. ﺻﺎﺡ ﻋﻠﻴﻪ ﺭﻭﺡ ﺟﻴﺐ ﺍﻟﺠﻮﺍﺯ ﻣﺎﻟﺘﻚ .
ﺩﺧﻞ ﺟﺎﺑﻪ ﻭﻃﻠﻊ ﺧﻼ ﺑﻴﺪ ﺍﺑﻮﻭﻭ .
ﮔﺎﻝ ﻳﻠﻠﻪ ﻫﺎﻱ ﻫﻴﻪ ﻓﻀﺖ ﺭﺍﺣﺖ ﻭﻧﺰﻝ ﺟﻮﻩ
ﻛﺎﻡ ﻭﻋﺪ ﺿﺮﺏ ﺍﻳﻨﺎﺱ ﻋﻠﻰ ﺭﺍﺳﻬﺎ ﺑﻴﻨﻤﺎ ﻫﻢ ﺟﺎﻱ ﻳﺪﺧﻠﻮﻥ ﻟﻠﻐﺮﻓﺔ ﻭﻛﻼﻟﻬﻪ ﻫﺎﺍ ﺍﺭﺗﺎﺣﻴﺘﻲ ﻫﺴﻪ .
ﻇﻠﻴﺖ ﺍﻫﺰ ﺑﻴﺪﻱ ﻋﻤﻲ ﺍﺑﺪﺍﻝ ﻣﺎﻳﻜﻮﻝ ﺍﻟﻮﻋﺪ ﻃﻠﻌﻬﻢ ﻭﻧﺴﻬﻢ ﺧﻄﻴﻪ ﻣﺮﺗﻚ ﻭﺍﺑﻨﻚ .
ﺍﺧﺬ ﺍﻟﺠﻮﺍﺯ ﻣﻨﻪ ﻋﺒﺎﻟﻪ ﻫﻮ ﺣﻞ ﺍﻟﻤﻮﺿﻮﻉ ﻣﺎﻳﺪﺭﻱ ﺭﺍﺡ ﻳﺄﺟﺞ ﺍﻟﻤﺸﺎﻛﻞ ﺑﻴﻨﻬﻢ ﺍﻛﺜﺮ .
ﺻﻔﺎ .. ﻣﺮﺕ ﺍﻻﺷﻬﺮ ﻭﻭﺻﻠﺖ ﻟﻠﺸﻬﺮ ﺍﻟﺨﺎﻣﺲ
ﺭﺣﺖ ﺍﺳﻮﻱ ﺳﻮﻧﺎﺭ ﺣﺘﻰ ﺍﻋﺮﻑ ﺟﻨﺲ ﺍﻟﺠﻨﻴﻦ
ﺍﻟﺪﻛﺘﻮﺭﺓ ﻛﻠﺘﻠﻲ ﺑﻴﺞ ﺑﻨﻴﺔ ﻃﮕﻴﺖ ﺑﺠﻲ .
ﺭﺣﺖ ﻻﺳﻼﻡ ﻛﻮﺓ ﺍﺣﺠﻲ
ﺻﻌﺪﻧﻪ ﺑﺎﻟﺴﻴﺎﺭﺓ ﻭﺍﻧﻪ ﺍﺷﻬﮓ ﺑﺠﻲ ﻗﺮﺃ ﺍﻟﺴﻮﻧﺎﺭ
ﻛﺎﻝ ﺷﺒﻴﺞ ﺗﺒﺠﻴﻦ ﺑﻴﺞ ﺑﻨﻴﺔ ﻭﺍﻛﻴﺪ ﻫﺴﻪ ﺗﻄﻠﻊ ﺣﻠﻮﺓ ﻣﺜﻠﺞ ﻭﺍﻟﺤﻤﺪﻟﻠﻪ ﻭﺍﻟﺸﻜﺮ ﻋﻠﻰ ﺗﻤﺎﻡ ﺍﻟﺨﻠﻘﺔ .
ﺑﺲ ﻫﻮ ﻣﺎﻳﺪﺭﻱ ﻟﻴﺶ ﺍﺑﺠﻲ ..
ﺭﺟﻌﺖ ﻟﻠﺒﻴﺖ ﺧﺎﺑﺮﺕ ﺳﻤﻴﺔ
ﻛﺘﻠﻬﻪ ﺗﻜﺪﺭﻳﻦ ﺗﺠﻴﻦ ﺍﺷﻮﻓﺞ .
ﺳﻤﻴﺔ : ﺍﻱ ﺣﺒﻴﺒﺘﻲ ﺭﺍﺡ ﺍﻛﻮﻝ ﻟﻌﻤﺔ ﺯﻳﻨﺐ ﺗﺠﻴﺒﻨﻲ .
ﺑﻘﻴﺖ ﺍﻧﺘﻈﺮﻫﺎ ﻋﻠﻰ ﻧﺎﺭ ﺍﺟﺖ ﺳﻠﻤﺖ ﻋﻠﻰ ﻋﻤﻪ ﺍﺧﺬﺗﻬﺎ
ﻭﺻﻌﺪﺕ ﻓﻮﮒ ﺍﻟﻐﺮﻓﺘﻲ
ﻛﻌﺪﻧﻪ ﻋﻠﻰ ﺍﻟﺠﺮﺑﺎﻳﺔ
ﻛﺘﻠﻬﺎ ﺳﻤﻴﺔ ﺍﻧﻪ ﺑﻴﻪ ﺑﻨﺖ .
ﺳﻤﻴﺔ : ﻓﺪﻭﻩ ﻳﺎﺍﻟﻠﻪ ﺻﻠﻮﺍﺕ ﻋﻠﻰ ﻣﺤﻤﺪ .. ،
ﺻﻔﺎ .. ﻃﻜﻴﺖ ﺑﺠﻲ ﻇﻠﻴﺖ ﺍﺷﻬﮓ
: ﻭﻟﺞ ﺧﻴﺮﺝ ﺷﺒﻴﺞ ﺷﺪﻋﻮﻩ ﻫﺎﻟﺒﺠﻲ ﻫﺬﺍ
: ﻣﺮﺓ ﻛﺎﻋﺪﻳﻦ ﺍﻧﻪ ﻭﻓﺮﺍﺱ ﻋﻠﻰ ﺍﻟﺸﻂ ﻓﺎﺗﺖ ﺑﻨﻴﺔ ﻛﺎﻝ ﻫﺎﻱ ﺑﺘﺞ ﻛﺘﻠﻪ ﺑﺲ ﺑﻨﺘﻲ ﻭﺑﻨﺘﻚ ﻫﻤﻴﻦ ﻣﺎﺟﺎﻭﺑﻨﻲ ﻭﻻ ﻛﺎﻧﻪ ﻳﺴﻤﻌﻨﻲ ﻣﻌﻘﻮﻟﺔ ﻳﻘﺼﺪ ﻋﻠﻰ ﻫﺎﻱ ﺍﻟﻲ ﺍﺑﻄﻨﻲ .
ﺳﻤﻴﺔ .. ﻻ ﺷﺴﺎﻟﻔﺔ ﻫﻮ ﻣﻨﻴﻦ ﻳﺪﺭﻱ ﺑﺲ ﻫﻴﺞ ﻛﺎﻟﻬﺎ ﻋﻠﻰ ﻓﻄﺎﺭﻳﺔ .
: ﻻ ﺍﻛﻴﺪ ﻫﻮ ﺍﺗﻨﺒﺄﻟﻲ ﺑﻴﻬﺎ .
: ﻻ ﺷﻬﺎﻟﺤﺠﻲ ﻫﺬﺍ ﻣﺎﻳﻌﻠﻢ ﺍﻟﻐﻴﺐ ﻏﻴﺮ ﺍﻟﻠﻪ .
: ﺳﻤﻴﺔ ﺍﻧﻪ ﺗﻌﺒﺎﻧﻪ ﻭﻟﺞ ﺍﺭﻳﺪ ﺑﻴﺖ ﻳﻠﻤﻨﻪ ﺑﻴﻮﻡ ﻧﻜﻮﻥ ﺑﻲ ﺗﻌﺒﺎﻧﻴﻦ ﻭﻧﺮﻳﺪ ﻧﺮﺗﺎﺡ ﻧﻠﺘﻢ ﺍﻧﻪ ﻭﺍﻧﺖ ﻭﺭﻗﻴﺔ ﻭﻓﺮﺍﺱ ﺍﺧﻮﻱ ﻭﻓﺎﻃﻤﺔ ﻟﻴﺶ ﻫﻴﺞ ﻣﻄﺸﺮﻳﻦ ﻭﻣﺎﻋﺪﻧﻪ ﺑﻴﺖ ﻟﻠﻌﺎﺋﻠﺔ ﻣﺜﻞ ﻛﻞ ﺍﻟﻨﺴﻮﺍﻥ ﻳﺮﻭﺣﻦ ﺑﻴﺖ ﺍﻫﻠﻬﻦ .
: ﺍﻭﻭﻭﻑ ﺻﻔﺎﺍﺍ ﻋﻔﻴﺔ ﻭﻟﺞ ﺍﻧﻪ ﺷﻨﻮ ﺍﻛﻮﻝ ﻻ ﺭﺟﺎﻝ ﻣﺜﻞ ﺍﻻﻭﺍﺩﻡ ﻻ ﺍﻫﻞ ﻭﻋﻤﻲ ﻣﻮﺗﻨﻪ ﻛﺎﺗﻢ ﻋﻠﻰ ﻧﻔﺲ،ﺍﻟﻜﻞ ﺑﺎﻟﺒﻴﺖ ﻛﻮﻟﻲ ﻳﺎﻟﻠﻪ ﻭﺣﻤﺪﻱ ﺭﺑﺞ ﻣﻜﺘﻮﺏ ﻋﻠﻴﻨﻪ ﻫﺬﺍ ﻛﻠﻪ ﺷﻨﺴﻮﻱ .
: ﺍﻟﺤﻤﺪﻟﻠﻪ .
: ﺍﺳﻼﻡ ﺷﻮﻧﻪ ﻭﻳﺎﺝ؟
: ﺣﺠﻴﺖ ﺍﻟﻬﺎ ﻋﻠﻲ ﺻﺎﺭ ﺑﺎﻟﻤﻄﻌﻢ ﻗﺒﻞ ﻛﻢ ﺷﻬﺮ .
: ﺗﺮﺩﻳﻦ ﺍﺣﺠﻲ ﻭﻳﺎﺍﺍﺍ؟
: ﻻﻻ ﻳﻤﻌﻮﺩﺓ ﻣﺎﻟﻲ ﺧﻠﮓ ﻋﺮﻛﻪ .
: ﻳﻠﻠﻪ ﻋﻤﻪ ﺯﻳﻨﺐ ﺗﺼﻴﺤﻠﻲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻭﻋﻠﻰ ﺍﻟﺒﻨﻮﺗﻪ .
ﺳﻤﻴﺔ .. ﺭﺟﻌﺖ ﻣﻦ ﻳﻢ ﺻﻔﺎ ﻭﺭﺃﺳﺎ ﺻﻌﺪﺕ ﻟﻠﻐﺮﻓﺔ
ﺷﻔﺖ ﺍﻣﻴﺮ ﻭﺑﻴﺪﻩ ﺍﻟﻤﺪﺍﻟﻴﺔ ﺍﻟﻲ ﺑﺄﺳﻢ ﺍﻣﺎﻥ .
ﺭﻓﻌﻬﺎ ﺑﻮﺟﻬﻲ ﺻﺎﺡ ﻛﺎﻝ ﻫﺎﻱ ﺷﻨﻮﻭﻭ؟
ﺧﻤﻄﺘﻬﺎ ﻣﻦ ﺍﻳﺪﻩ ﺻﺤﺖ ﺑﻮﺟﻬﻪ ﻛﺘﻠﻪ ﻣﺎﻳﺨﺼﻚ ﻭﺍﻧﺖ ﻣﻨﻮﻭ ﺳﻤﺢ ﺍﻟﻚ ﺗﻠﻌﺐ ﺑﺎﻏﺮﺍﺿﻴﻴﻲ ﻫﺎﺍﺍ . ؟ !
ﺍﻣﻴﺮ .. ﻫﺎﻱ ﺍﻟﻤﺪﺍﻟﻴﺔ ﺷﻔﺘﻬﻪ ﻋﻨﺪ ﺍﻣﺎﻥ ﻣﺮﺓ ﺑﺴﻮﻳﺞ ﺳﻴﺎﺭﺗﻪ ﺷﺠﺎﺑﻬﻪ ﻋﻨﺪﺝ .
ﺳﻤﻴﺔ .. ﺑﮕﺘﻬﻪ ﻣﻦ ﻋﻨﺪﻩ .
: ﻭﺷﻤﻌﻨﻰ ﻫﻲ ﺗﺒﻮﻛﻴﻨﻬﺎ ﻣﻦ ﻋﻨﺪﻩ ﺍﺣﺠﻲ ﺑﻴﻨﺞ ﻭﺑﻴﻨﻪ ﺷﻲ؟ ؟
ﺳﻤﻴﺔ : ﺍﻧﻔﺠﺮﺕ ﺑﻮﺟﻬﻪ ﺍﻳﻴﻴﻲ ﻣﻠﻴﺖ ﻫﻠﻠﻠﻠﻜﺖ ﺟﻨﺖ ﺍﺣﺒﻪ ﻭﻳﺤﺒﻨﻴﻴﻴﻲ ﺍﺭﺗﺎﺣﻴﺖ ﻫﺴﺴﺴﻪ .
ﺍﻣﻴﺮ .. ﺳﻤﻴﺔ ﺑﻌﺪ ﻣﺎﺭﺍﺡ ﺍﺳﻤﺢ ﺗﺒﻘﻴﻦ ﻋﻠﻰ ﺫﻣﺘﻲ ﺍﺑﺪ
.
ﺳﻤﻴﺔ ... ﺑﻌﺪ ﺳﻤﺎﻋﻲ ﺟﻤﻠﺘﻪ ﺍﻻﺧﻴﺮﺓ ﮔﻌﺪﺕ ﻋﻠﻰ ﺍﻟﺠﺮﺑﺎﻳﺔ ﻭﻛﻞ ﻣﺸﺎﻋﺮ ﻣﺎﻋﻨﺪﻱ ..
ﮔﺘﻠﻪ .. ﺭﻭﺡ ﮔﻮﻭﻝ ﻻﺑﻮﻙ ﻫﺎﻟﺤﺠﻲ
ﺧﻮﻭﺵ .....
ﺧﻠﻲ ﻳﻄﻠﮕﻨﺎ ﺍﻧﺎ ﻟﻮ ﻋﻠﻴﻪ ﺍﻃﻠﻚ ﻣﻨﻚ ﺍﻟﻴﻮﻡ ﮔﺒﻞ ﺑﺎﺟﺮ .
ﺃﻣﻴﺮ .. ﺍﻧﺖ ﻟﻴﺶ ﻣﺎﮔﺘﻴﻠﻲ ﻫﺎﻟﺤﺠﻲ ﺣﺘﻰ ﺍﻛﻮﻝ ﻻﺑﻮﻱ ﻭﺟﺎﻥ ﻣﺎﺗﺰﻭﺟﻨﻪ ﺍﻋﺘﺮﺍﻓﺞ ﻫﺬﺍ ﺟﺎﻱ ﻣﺘﺄﺧﺮ .
ﮔﻤﺖ ﻋﻠﻰ ﺣﻴﻴﻠﻲ ﮔﺘﻠﻪ ﺷﺒﻴﻚ ﺗﺨﺮﺑﻂ ﺑﺎﻟﺤﺠﻲ
ﺍﺣﻨﻪ ﺟﻨﻪ ﻣﻨﻔﺼﻠﻴﻦ ﻭﻫﻮ ﺧﺎﻃﺐ ﻟﻮ ﻣﺎﻋﻨﺪﻙ ﻋﻠﻢ .
ﺟﺎﻭﺑﻨﻲ : ﺍﻱ ﺣﻘﻪ ﻳﻨﻔﺼﻞ ﻋﻨﺞ ﺍﻧﺖ ﻣﻨﻮ ﻳﺘﺤﻤﻠﺞ .
ﺻﺤﺖ ﺑﻮﺟﻬﻪ ﺩﻭﻭﻟﻲ .. ﺧﻤﻄﺖ ﺷﺎﻟﻲ ﺧﻠﻴﺘﻪ ﻋﻠﻰ ﺭﺍﺳﻲ ﻭﻃﻠﻌﺖ ﻣﻦ ﺍﻟﻐﺮﻓﺔ .. ﻧﺰﻟﺖ ﺟﻮﻩ .
ﺩﻛﻴﺖ ﺑﺎﺏ ﻏﺮﻓﺔ ﻋﻤﻪ ﺯﻳﻨﺐ ﻭﺩﺧﻠﺖ ﺷﻔﺘﻬﻪ ﮔﺎﻋﺪﺓ ﻋﻠﻰ ﺍﻟﻤﻨﺪﺭ ﺍﻟﻲ ﺑﺎﻻﺭﺽ ﻭﺗﺨﺎﺑﺮ .
ﺑﺎﻭﻋﺘﻠﻲ ﻭﺍﺷﺘﺮﻟﻲ ﺍﻛﻌﺪ ﻳﻤﻬﺎ .. ﻣﺸﻴﺖ ﺍﻟﻬﺎ ﻳﺎﺋﺴﺔ ﻭﻣﺤﻄﻤﺔ
ﻣﻠﻴﺖ ﻣﻦ ﺣﻴﺎﺗﻲ ..
ﻛﻌﺪﺕ ﺑﺼﻔﻬﺎ ﺧﻠﻴﺖ ﺭﺍﺳﻲ ﺑﺤﻀﻨﻬﺎ ﻇﻠﺖ ﺗﻠﻌﺐ ﺑﺸﻌﺮﻱ ﺑﺎﻳﺪﻫﺎ ﻭﺍﻻﻳﺪ ﺍﻟﺜﺎﻧﻴﺔ ﺑﻴﻬﺎ ﺍﻟﺘﻠﻴﻔﻮﻥ ﻭﺗﺤﺠﻲ .
ﺍﺧﺬﺗﻨﻲ ﺍﻓﻜﺎﺭﻱ ﻟﺒﻌﻴﺪ ﺗﻤﻨﻴﺖ ﻋﻤﺔ ﺯﻳﻨﺐ ﻣﻜﺎﻥ ﺍﺷﻮﺍﻕ ﻭﺍﻣﺎﻥ ﻣﻜﺎﻥ ﺍﻣﻴﺮ .
ﻟﻴﺶ ﻛﻞ ﺍﻟﻲ ﻧﺘﻤﻨﺎﻩ ﻣﺎﻳﺘﺤﻘﻖ ..
ﺯﻳﻦ ﺍﺫﺍ ﺍﻣﻴﺮ ﺻﺎﺭ ﺭﺟﺎﻝ ﻭﻛﻒ ﺑﻮﺟﻪ ﺍﺑﻮ ﻭﺗﻢ ﺍﻻﻣﺮ ﻭﺗﻄﻠﮕﻨﺎ ﺍﻧﻪ ﻭﻳﻦ ﺍﺭﻭﺡ ﺍﺷﻮ ﺣﺘﻰ ﺑﻴﺖ ﻣﺎﻋﺪﻧﻪ .
ﺍﺣﺲ ﻧﻔﺴﻲ ﻏﺮﮔﺎﻧﻪ ﺑﺒﺤﺮ ﻣﻦ ﺍﻟﺘﻔﻜﻴﺮ ﻭﻣﻮﺟﺔ ﺗﻮﺩﻳﻨﻪ ﻭﺛﺎﻧﻴﺔ ﺗﺠﻴﺒﻨﻲ ..
ﺷﻴﺨﻠﺼﻬﺎ ﻳﺮﺑﻲ .. ﻏﻤﻀﺖ ﻋﻴﻮﻧﻲ ﺑﺸﺪﺓ
ﺭﺟﻌﺖ ﻻﻳﺎﻣﻲ ﻭﻳﺎ ﻭﺍﻟﻲ ﺍﺳﺘﻤﺮﺕ ﺍﺷﻬﺮ
ﻭﺧﻠﺼﺖ ﻣﺜﻞ ﺍﻟﺤﻠﻢ .
ﺗﻤﻨﻴﺖ ﻟﻮ ﻣﺎﻣﺨﻠﺼﺔ ..
ﺗﻤﻨﻴﺖ ﺍﻟﻲ ﺍﻧﺎ ﺑﻲ ﻫﺴﻪ ﻛﺎﺑﻮﺱ ﻭﻋﻠﻰ ﻟﺤﻈﺔ ﺍﺻﺤﻰ ﻣﻨﻪ ﻭﺍﺧﻠﺺ ..
ﺧﻠﺼﺖ ﻋﻤﺔ ﺯﻳﻨﺐ ﻣﻦ ﻣﻜﺎﻟﻤﺘﻪ .. ﻃﻠﺖ ﺑﻮﺟﻬﻲ
ﮔﺎﻟﺖ : ﺷﺒﻴﻬﺎ ﺍﻡ ﻟﺴﺎﻥ ﻣﺎﻟﺘﻲ ﺍﻟﻴﻮﻡ .
ﻭﺻﻠﺖ ﺍﻟﻤﺮﺣﻠﺔ ﻓﻘﺪﺕ ﻧﻔﺴﻲ ﺍﻟﻘﺪﻳﻤﺔ ﺍﻟﻜﺘﻮﻣﺔ ﻭﺍﻟﻲ ﻣﺎﺗﺤﺠﻲ ﺍﻟﻲ ﺑﺪﺍﺧﻠﻬﺎ ﻭﻻﺗﺒﺮﺭ .
ﺑﻠﺤﻈﺔ ﺣﺠﻴﺖ ﺍﻟﻬﺎ ﻛﻞ ﺷﻲ ..
ﺍﻧﺼﺪﻣﺖ ﻭﺗﻔﺎﺟﺌﺖ .. ﮔﺎﻟﺖ ﻳﺎﺍﺑﻨﻴﺘﻲ ﺍﻟﺤﺐ ﻣﻮ ﻛﻞ ﺷﻲ ﺗﺮﻩ ﻫﺎﻱ ﺍﻧﻪ ﮔﺪﺍﻣﺞ ﻭﻋﺎﻳﻨﻴﻨﻲ ﺯﻳﻦ ﺍﺗﺰﻭﺟﺖ ﻋﻤﺞ ﻋﻠﻰ ﺣﺐ ﻭﺷﻮﻓﻴﻨﻪ ﻫﺴﻪ ﺻﻔﻴﻨﻪ ﻛﻞ ﻭﺍﺣﺪ ﻳﻨﺎﻡ ﺑﻐﺮﻓﺔ ﺍﻧﺖ ﺣﺎﻭﻟﻲ ﺗﻜﺴﺒﻴﻦ ﺍﻣﻴﺮ ﻭﺗﻘﺮﺑﻴﻨﻪ ﺍﻟﺞ .
: ﺑﺲ ﻳﺎﻋﻤﻪ ﺍﻣﺎﻥ ﻣﻮ ﻣﺜﻞ ﻋﻤﻲ ﺍﺑﺪ ﻭﺍﻧﻪ ﻭﺍﻣﻴﺮ ﻣﺴﺘﺤﻴﻞ ﻧﺘﻮﺍﻟﻢ .
: ﻣﺎﺳﺎﻣﻌﻪ ﺛﻠﺜﻴﻦ ﺍﻟﻮﻟﺪ ﻋﻠﻰ ﺧﺎﻟﻪ ..
: ﺍﻱ ﺳﺎﻣﻌﻪ .
: ﻟﻌﺪ ﻟﻴﺶ ﻋﻔﺘﻲ .
: ﻣﺎﺟﻨﺖ ﻣﺘﻮﻗﻌﺔ ﺭﺍﺡ ﻳﺨﻄﺐ ﺑﺴﺮﻋﺔ ﻫﻴﺞ ﻭﺛﺎﻧﻴﺎ ﺍﻧﺎ ﺳﻤﻌﺖ ﺍﻫﻠﻪ ﺑﻬﺎﻱ ﺍﺫﻧﻲ ﻳﺤﺠﻮﻥ ﻋﻠﻴﻪ ﺑﺴﺎﻋﺘﻬﺎ ﻛﻠﺶ ﺗﺄﺫﻳﺖ ﻭﺗﺤﻄﻤﺖ ﻧﻔﺴﻴﺘﻲ ﻳﻤﻜﻦ ﻏﻠﻄﺖ ﻭﻃﻠﻌﺖ ﺍﻟﺤﺮﮔﺔ ﺑﻲ ﻭﺗﺼﺮﻓﺖ ﺑﺄﻧﺎﻧﻴﺔ ﻭﻳﺎ .
ﮔﻤﺖ ﻣﻦ ﺣﻀﻨﻬﺎ ﻟﺰﻣﺖ ﺍﻳﺪﻫﺎ ﻭﺣﺠﻴﺖ ﺑﺘﻮﺳﻞ ﻭﻳﺎﻫﺎ
ﻋﻤﻪ ﺍﺭﻳﺪ ﺍﺗﻄﻠﮓ ﻣﻮ ﻫﺎﻱ ﺍﻟﺤﻴﺎﺓ ﺍﻟﻲ ﺍﺭﻳﺪﻫﺎ ﻋﻔﻴﺔ
: ﺷﺒﻴﺪﻱ ﻋﻠﻴﺞ ﺍﻧﺎ ﻳﺎﻋﻤﺮﻱ ﻭﻫﻢ ﺟﺎﻱ ﺍﺷﻮﻑ ﺍﺑﻨﻲ ﻣﺎﻣﺮﺗﺎﺡ ﻭﻫﻢ ﻣﺎﺑﻴﺪﻱ ﻋﻠﻴﻪ ﺷﻲ .
ﺍﻧﺘﻜﻴﺖ ﻋﻠﻰ ﺍﻟﺤﺎﻳﻂ ﺣﻀﻨﺖ ﺭﺟﻠﻴﻪ ﻟﺼﺪﺭﻱ .
ﺍﺣﺲ ﺑﻀﻴﺎﻉ ﻭﺍﻟﻢ ﻣﻮﻃﺒﻴﻌﻲ،ﻭﻣﺎﺍﺩﺭﻱ ﺷﺮﺍﺡ ﻳﺼﻴﺮ ﺑﻴﻪ ﺑﺎﻻﻳﺎﻡ ﺍﻟﺠﺎﻳﺔ
.
ﮔﺘﻠﻬﺎ ﻋﻤﻪ ﺑﻠﻜﻲ ﺑﺎﺟﺮ ﺗﻮﺩﻳﻨﻲ ﻟﺒﻴﺖ ﺍﺧﻮﺝ
ﺍﺷﻮﻑ ﺭﻗﻴﺔ ﻭﻓﺎﻃﻤﺔ ..
ﮔﺎﻟﺖ ﻏﺎﻟﻲ ﻭﺍﻟﻄﻠﺐ ﺭﺧﻴﺺ ..
: ﺍﻟﻠﻴﻠﺔ ﺭﺍﺡ ﺍﺑﻘﻰ ﻫﻨﺎﻧﻪ ﻳﻤﺞ ﺍﻧﺎﻡ ..
: ﺑﺒﻄﻦ ﻋﻴﻨﻲ ﺑﺲ ﻛﻢ ﺩﻭﺏ ﻳﺎﻋﻤﺮﻱ ﻛﺎﻓﻲ ﺍﻗﻨﻌﻲ ﺑﻨﺼﻴﺒﺞ ﻳﺎﻋﻴﻨﻲ .
: ﻋﻤﻪ ﻻ ﺍﻧﻪ ﻭﻻ ﻫﻮ ﻣﻘﺘﻨﻌﻴﻦ .
: ﻭﻫﻮ ﻫﻢ ﺍﻧﻈﻠﻢ ﺳﻮﺩﺓ ﻋﻠﻴﻪ .
: ﻫﻮ ﻣﺎﻳﺤﺮﻙ ﻧﻔﺴﻪ ﻭﺍﻻ ﻭﻳﻦ ﺍﻛﻮ ﺑﻨﻴﺔ ﺗﻨﺠﺒﺮ ﻋﻠﻰ ﺍﻟﺰﻭﺍﺝ ﺑﻬﺎﻟﻮﻛﺖ ﺑﻌﺪ ﻣﻮ ﻭﻟﺪ ﻭﻣﺴﻤﻮﺣﻠﻪ ﻳﺴﻮﻱ ﻛﻞ ﺷﻲ ﺑﻤﺠﺘﻤﻌﻨﻪ .
: ﺍﻧﺖ ﻣﻮ ﺷﻔﺘﻲ ﻋﻤﺞ ﻣﻦ ﻳﻌﺼﺐ؟
: ﺍﻱ .
: ﻟﻌﺪ ﺳﻜﺘﻲ ﻭﻻﺗﻠﻮﻣﻴﻨﻪ ﺑﻌﺪ ..
... ﻳﻮﻡ ﺛﺎﻧﻲ ﺍﻟﺼﺒﺢ ﻭﺟﺎﻥ ﺍﻟﺠﻮ ﺣﺎﺭ ﺍﺧﺬﺗﻨﻲ ﻋﻤﻪ ﻭﺭﺣﻨﻪ ﻟﺒﻴﺖ ﻣﻨﺎﺿﻞ . ﺩﺧﻠﻨﻪ ﺳﻠﻤﻨﻪ ﻋﻠﻴﻬﻢ ﺑﻮﺳﺖ ﺍﻻﻃﻔﺎﻝ ﺭﺣﻤﺔ ﻭﻓﺮﺍﺱ ﺍﻟﺼﻐﻴﺮ
ﺭﺣﻨﻪ ﻟﻠﻤﻄﺒﺦ ﻧﺴﺎﻋﺪ ﻓﺎﻃﻤﺔ ﺑﺎﻟﻄﺒﺦ
ﺍﻧﻪ ﻭﻋﻤﻪ ﺯﻳﻨﺐ .. ﻭﺭﻗﻴﺔ ﺗﺤﻮﺱ ﻭﺗﻨﻀﻒ ﻛﺎﻟﻌﺎﺩﺓ
ﮔﺘﻠﻬﺎ ﻓﺎﻃﻤﺔ ﺍﻧﻪ ﺍﺭﻳﺪ ﺍﺗﻄﻠﮓ ﻭﻣﺼﺮﻩ ﻭﺍﺭﻳﺪﺝ ﻭﻳﺎﻱ ﺍﻧﺖ ﻣﻮ ﮔﻠﺘﻲ ﻣﺎﺍﺗﺨﻠﻰ ﻋﻨﻜﻢ .
ﺍﺟﺖ ﻛﻌﺪﺕ ﻳﻤﻲ ﻛﺎﻟﺖ ﻭﺍﻧﻪ ﻋﻠﻰ ﻭﻋﺪﻱ ﻃﺎﻟﻤﺎ ﺍﻟﻄﻼﻕ ﻣﺎﻳﻀﺮﺝ ﻭﻳﺮﻳﺤﺞ ﺍﻧﻪ ﻭﻳﺎﺝ ﺑﺲ ﻋﻤﺞ ﺷﻮﻭﻥ؟
: ﻧﺘﻄﻠﮓ ﻭﻧﺨﻠﻲ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭﻫﻮ ﻣﻦ ﻛﻴﻔﻪ ﻳﺴﻜﺖ .
ﺯﻳﻨﺐ ..: ﺷﮕﻠﺞ ﻋﻤﺞ ﻳﺴﻜﺖ؟ ﺳﺎﺑﻊ ﺍﻟﻤﺴﺘﺤﻴﻼﺕ ..
ﺳﻤﻴﺔ .. ﺧﻠﻲ ﻳﻨﺒﺎﻉ ﺍﻟﺒﻴﺖ ﻭﻧﺎﺧﺬ ﺣﺼﺼﻨﻪ ﻭﻧﺄﺟﺮ ﺍﻭ ﻧﺸﺘﺮﻱ ﺑﻴﺖ ﻋﻠﻰ ﮔﺪﻧﻪ ﻭﻧﮕﻌﺪ ﺑﻲ ﺑﺪﻭﻥ ﻋﻠﻢ ﻋﻤﻲ ﻭﻣﺎﻧﮕﻮﻟﻪ ﻭﻳﻦ ﮔﺎﻋﺪﻳﻦ ﻭﺑﻌﺪﻫﻪ ﻧﺘﻄﻠﮓ ﻋﻠﻤﺎ ﻳﻤﺮ ﻭﻗﺖ ﻭﻫﻮ ﻳﻘﺘﻨﻊ ﻭﻳﻨﺴﻰ ..
ﻓﺎﻃﻤﺔ .. ﺍﻧﻪ ﻭﻳﺎﺝ ﺳﻤﻴﺔ ﻭﻋﻴﻮﻧﻲ ﺍﻟﺞ ﺑﺲ ﺷﻮﻥ ﺍﺫﺍ ﻋﺮﻑ ﻣﻜﺎﻧﻪ ﻋﻤﺞ .
: ﻫﺴﻪ ﺍﻧﺘﻮﺍ ﺷﺒﻴﻜﻢ ﺧﺎﻳﻔﻴﻦ ﻣﻨﻪ ﺷﻨﻮ ﻣﺎﻛﻮ ﺯﻟﻢ ﺗﻮﻛﻒ ﺑﻮﺟﻬﻪ ﻭﺍﻟﻠﻪ ﺍﻧﻪ ﺧﻠﺼﺖ ﻃﺎﻗﺘﻲ ﻭﺑﻌﺪ ﻣﺎﺍﺗﺤﻤﻞ ﻳﺎﻋﺎﻟﻢ ﺍﺭﻳﺪ ﺍﻋﻴﺶ ﺣﻴﺎﺗﻲ ﺑﻌﺪﻧﻲ ﺑﺒﺪﺍﻳﺔ ﺍﻟﻌﺸﺮﻳﻦ ﻭﺍﺣﺲ ﻋﻤﺮﻱ ﺑﺎﻟﺴﺒﻌﻴﻦ ﻭﻣﺴﺠﻮﻧﺔ ﺑﺴﺠﻦ ﻣﺎﺟﺎﻱ ﺍﺣﺲ ﺑﻄﻌﻢ ﺍﻟﺤﻴﺎﺓ ﺍﺑﺪ ﺷﻨﻮ ﺫﻧﺒﻲ ﻋﺎﻳﺸﺔ ﻭﻳﺎ ﻭﺍﺣﺪ ﻳﻜﺮﻫﻨﻲ ﻭﺍﻛﺮﻫﺎ .
ﺯﻳﻨﺐ .. ﻳﻌﻨﻲ ﺷﻨﻮ ﺗﺮﺩﻳﻦ ﺗﺴﻮﻳﻦ ﺍﻟﻤﺎﺳﻮﻳﻨﺎ ﺍﺣﻨﺎ
: ﺍﻱ ﺍﺷﺘﻜﻲ ﻋﻠﻴﻪ ﻋﻨﺪ ﺍﻟﺸﺮﻃﺔ ﻭﺍﺫﺍ ﻣﺎﺳﻮﻭ ﺣﻞ ﺍﺋﺠﺮ ﺟﻤﺎﻋﺔ ﺍﺧﻠﻴﻬﻢ ﻳﻜﺘﻠﻮﻧﻪ ﻟﻮ ﻳﺪﻋﻤﻮﻧﻪ ﻳﻜﺴﺮﻭﻧﻪ ..
ﺯﻳﻨﺐ .. ﻳﺎ ﺻﺨﺎﻡ ﻭﻟﺞ ﺳﻤﻴﺔ ﺻﺪﻙ ﺗﺤﺠﻴﻦ ﻫﺬﺍ ﻋﻤﺞ ﻭﺍﻟﻈﻔﺮ ﻣﺎﻳﻄﺒﻊ ﻣﻦ ﺍﻟﻠﺤﻢ ﺷﻮﻥ ﺗﺴﻮﻳﻦ ﻫﻴﺞ ﺍﻧﺖ ﻣﻬﻤﺎ ﻳﻜﻮﻥ ﻫﻮ ﻳﺮﻳﺪ ﻣﺼﻠﺤﺘﺞ .
: ﻭﺍﻟﻠﻪ ﺍﻃﻠﻌﻪ ﻟﻠﻈﻔﺮ ﻭﺍﮔﻄﻤﻪ ﻫﻢ ﺑﻌﺪ ﻋﻠﻰ ﻫﺎﻟﻌﻢ ﻫﺬﺍ .
ﻭﺍﺣﻨﺎ ﺟﺎﻱ ﻧﺘﻨﺎﻗﺶ ﻃﺒﺖ ﺍﻡ ﻓﺎﻃﻤﺔ ﻭﻭﻳﺎﻫﺎ ﺍﻻﺀ ﺟﻨﺘﻬﺎ ﺳﻠﻤﺖ ﻋﻠﻴﻨﻪ ..
ﻋﺎﺩ ﺍﺣﻨﻪ ﻏﻴﺮﻧﻪ ﺍﻟﻤﻮﺟﻪ .. ﺗﺸﻜﻠﺖ ﻭﻇﻠﺖ ﺗﺴﺎﻋﺪ ﻭﺗﺴﻮﻟﻒ ﻭﺗﻀﺤﻚ ﻭﻳﺎﻧﻪ ﺍﻟﻲ ﻋﺮﻓﺘﻪ ﻣﺄﺟﺮ ﺍﻟﻬﺎ ﻣﻨﺎﺿﻞ ﺷﻘﺔ ﻗﺮﻳﺒﺔ ﻣﻦ ﻫﻨﺎ ..
ﺻﺒﻮﺍ ﺍﻟﻐﺪﻩ .. ﮔﻌﺪﻧﻪ ﻋﻠﻰ ﺍﻟﺴﻔﺮﺓ ..
ﻭﻛﻌﺪ ﻣﻨﺎﺿﻞ ﻭﻳﺎﻧﻪ ﻋﻦ ﻳﻤﻴﻨﻪ ﺍﻻﺀ ﻭﻋﻦ ﻳﺴﺎﺭﻩ ﺭﻗﻴﺔ
ﻇﻠﻦ ﻳﻮﻛﻠﻦ ﺑﻲ ﺻﺎﺡ ﺑﻴﻬﻦ ﻭﻟﺠﻦ ﺍﻧﺪﺑﻠﺖ ﺑﻄﻨﻲ ﻣﻨﺠﻦ ﻻﺗﺨﻠﻮﻧﻲ ﺍﻃﮓ ﺍﻟﺜﺎﻟﺜﺔ
.
ﻇﻠﻮﺍ ﻳﻀﺤﻜﻮﻥ .. ﺿﺤﻜﺖ ﻭﻳﺎﻫﻢ ﺑﺲ ﻣﺎﺟﺎﻱ ﺍﺣﺲ ﺑﻄﻌﻢ ﺍﻟﺴﻌﺎﺩﺓ ﺑﺎﻟﻀﺤﻚ ﻓﻌﻼ ﺍﻟﻲ ﻳﻀﺤﻚ ﻣﻮ ﺷﺮﻁ ﺳﻌﻴﺪ .
ﺗﻮﻧﺴﺖ ﻭﻳﺎﻫﻢ ﺿﺤﻜﻨﻪ ﻭﺳﻮﻟﻔﻨﻪ ...
ﺻﺎﺭ ﺍﻟﻌﺼﺮ ﻃﻠﻌﻨﻪ ﻣﻨﻬﻢ ﻭﺍﺣﺲ ﺍﻟﻜﻞ ﻋﺎﻳﺶ ﺣﻴﺎﺗﻪ ﺑﺲ ﺍﻧﻪ ﻣﻴﺘﻪ .. ﺣﺘﻰ ﻓﺎﻃﻤﺔ ﺻﺢ ﺍﺑﻮﻱ ﻣﺎﺕ ﻭﻋﺎﻓﻬﺎ ﺑﺲ ﻫﻲ ﻫﻢ ﻣﻠﺘﻬﻴﺔ ﻭﻳﺎ ﺍﺑﻨﻬﺎ ﺗﺠﻴﺒﻪ ﻣﻨﺎ ﺗﻮﺩﻱ ﻣﻨﺎ ﺗﺒﻮﺱ ﺑﻲ ﻭﺗﻠﻌﺒﻪ ﻭﻛﻞ ﺷﻮﻱ ﺗﺒﺪﻟﻪ ﺷﻜﻞ ..
ﺍﻣﻮﻣﺘﻬﺎ ﺭﺍﺡ ﺗﺨﻠﺺ ﻭﺭﺍﺡ ﺗﺮﺟﻊ ﻟﺪﻭﺍﻣﻬﺎ ﻭﺗﺨﻠﻲ ﻳﻢ ﺭﻗﻴﺔ ﻭﺍﻣﻬﺎ ..
ﺭﻗﻴﺔ ﻫﻢ ﻓﺮﺣﺎﻧﻪ ﻭﻱ ﺑﻨﺘﻬﺎ ﻭﻭﻳﺎ ﺯﻭﺟﻬﺎ ﻭﺍﻟﺒﻴﺖ ﺍﻟﻲ ﻛﺎﻋﺪﻳﻦ ﺑﻲ ﻫﻢ ﻛﻠﻪ ﺍﻟﻬﺎ ﻭﻛﻠﻪ ﻧﻀﻴﻒ ﻭﻛﺎﻣﻞ ﻭﻣﺮﺗﺐ ﺗﺤﺘﺎﺭ ﺷﻨﻮ ﺗﻨﻀﻒ ﻭﺷﻨﻮ ﺗﺮﺗﺐ ﺑﻲ ..
ﻣﻨﺎﺿﻞ ﻣﺄﺛﺜﻪ ﺍﻟﻲ ﻣﻦ ﺍﻟﻔﻮﻙ ﻟﻠﺠﻮﻩ .. ﻭﻳﺤﺒﻬﺎ ﻭﻛﻠﻪ ﻳﻜﻮﻝ ﺍﻛﻌﺪﻫﺎ ﻋﻦ ﻳﺴﺎﺭﻱ ﻋﻠﻰ ﺻﻔﺤﺔ ﺍﻟﻘﻠﺐ ﻷﻥ ﻫﻨﺎ ﻣﻜﺎﻧﻬﺎ ..
ﺯﻭﺟﺘﻪ ﺣﻘﻘﺖ ﻏﺎﻳﺘﻬﺎ ﻭﻛﺎﻋﺪﺓ ﺑﺸﻘﺔ ﻣﺜﻞ ﻣﺎﻃﻠﺒﺖ ﺗﺮﻳﺪ ﺗﻜﻌﺪ ﻭﺣﺪﻫﺎ ﻭﻣﺮﺍﺕ ﺗﺠﻲ ﻳﻤﻬﻢ ﻭﻋﻼﻗﺘﻬﻢ ﺻﺎﺭﺕ ﺣﻠﻮﺓ ﻭﻭﺍﺣﺪ ﻣﺘﻘﺒﻞ ﺍﻟﺜﺎﻧﻲ ..
ﮔﻠﺖ ﻟﻌﻤﻪ ﺯﻳﻨﺐ ﺧﻠﻲ ﺍﺭﻭﺡ ﺍﺷﻮﻑ ﺻﻔﺎ ﺑﺪﺭﺑﻨﻪ ﺍﻟﺒﺎﺭﺣﺔ ﻣﻦ ﺭﺟﻌﻨﻪ ﻣﻨﻬﺎ ﺟﺎﻧﺖ ﺗﻌﺒﺎﻧﻪ ﻛﻠﺶ .
ﻛﺎﻟﺖ ﻣﻴﺨﺎﻟﻒ .. ﺩﺧﻠﻨﻪ ﺍﻟﻬﻢ ﺳﻠﻤﻨﻪ ﻋﻠﻴﻬﻢ ﻭﮔﻌﺪﻧﻪ
ﺻﺎﺣﺘﻠﻲ ﺻﻔﺎ ﺭﺣﺖ ﻳﻤﻬﻪ ﺑﺎﻟﻤﻄﺒﺦ ﺗﺴﻮﻱ ﺍﻟﻌﺼﻴﺮ
ﺑﻘﺖ ﻋﻤﻪ ﺯﻳﻨﺐ ﻳﻢ ﻋﻤﻪ ﺍﻣﺘﺜﺎﻝ ..
ﮔﺘﻠﻬﺎ ﻫﺎﺍ ﺷﻮﻧﺞ ﺑﻌﺪﺝ ﺗﻌﺒﺎﻧﺔ؟
ﮔﻌﺪﺕ ﻋﻠﻰ ﻛﺮﺳﻲ ﻣﻴﺰ ﺍﻟﻄﻌﺎﻡ
ﻭﺧﻠﺖ ﺍﻳﺪﻳﻬﺎ ﻋﻠﻰ ﺧﺪﻫﺎ ﻭﺩﻣﻮﻋﻬﺎ ﻧﺰﻟﺖ
ﻛﺎﻟﺖ ﻭﺻﻮﺗﻬﺎ ﻣﺒﺤﻮﺡ ﺑﺎﻟﺒﺠﻲ
ﻭﺍﻟﻠﻪ ﺑﻌﺪﻧﻲ ﻟﻴﻞ ﻧﻬﺎﺭ ﺍﺑﺠﻲ ﻭﺍﺳﻼﻡ ﻣﺤﺘﺎﺭ ﺑﻴﻪ
ﻣﺘﻜﺌﺒﻪ ﻭﺑﺲ ﺍﻓﻜﺮ ﺑﻔﺮﺍﺱ ﻋﺒﺎﻟﻚ ﺍﻟﺒﺎﺭﺣﺔ ﻣﺎﺕ
: ﺣﺎﺟﻲ ﺍﺳﻼﻡ ﻛﻠﻴﻠﺔ ﺧﻠﻲ ﻳﻮﺩﻳﺞ ﺍﻟﻘﺒﺮﻩ ﺯﻭﺭﻱ ﺑﻠﻜﻲ ﺗﺮﺗﺎﺣﻴﻦ .
: ﺧﺎﻑ ﻳﻌﺼﺐ ﻋﻠﻴﻪ ﻣﺎﻟﻲ ﺧﻠﻜﻪ ﻓﻮﻙ ﺿﻴﻤﻲ ﻭﻳﻦ ﺍﺭﻭﺡ ﻭﻭﻳﻦ ﺍﻭﻟﻴﻲ .
ﻻ ﻣﺎﻳﻌﺼﺐ ﻻﺯﻡ ﻳﻌﺬﺭﺝ ﺍﻧﺖ ﺑﺤﺎﻟﺔ ﺍﺳﺘﺜﻨﺎﺋﻴﺔ ﻭﻣﺸﺎﻋﺮﺝ ﻣﺮﻫﻔﺔ ﻭﺟﻴﺎﺷﺔ ﻻﻥ ﺣﺎﻣﻞ ﻭﻫﻴﺞ ﺭﺍﺡ ﺍﺗﻌﺒﻴﻦ ﻭﺗﺘﻌﺐ ﻧﻔﺴﻴﺘﺞ ﻭﻣﻮ ﺯﻳﻦ ﻋﻠﻰ ﺍﻟﺒﻨﻮﺗﺔ
: ﺑﺲ ﺍﺧﺎﻑ ! !
: ﻻﺗﻜﻮﻟﻴﻦ ﺍﺧﺎﺍﺍﺍﻑ ﺍﺑﺪ ﺣﺎﺟﻲ ﺍﻟﻴﻮﻡ ﻭﺍﺫﺍ ﺭﻓﺾ ﺍﻭ ﺯﻋﻞ ﺷﺮﺍﺡ ﻳﺴﻮﻱ ﺧﻮ ﻣﺎﺭﺍﺡ ﻳﮕﺺ ﺭﺍﺳﺞ .
ﺍﺟﺎﻧﻲ ﺻﻮﺕ ﻋﻤﻪ ﺯﻳﻨﺐ ﻳﻴﻠﻪ ﺳﻤﻴﺔ ﻻﺗﺘﺄﺧﺮﻳﻦ ﻭﺭﺍﻧﻪ ﺭﺟﻌﻪ ﻟﻠﺒﻴﺖ ..
ﺍﺷﺮﺕ ﻟﺼﻔﺎ ﻳﻠﻠﻪ ﻻﻥ ﻣﻦ ﺍﻟﺼﺒﺢ ﻃﺎﻟﻌﻴﻦ ﺧﺎﻑ ﻋﻤﻲ ﻳﺤﺠﻲ ﻋﻠﻴﻨﻪ .
ﻣﺴﺤﺖ ﺩﻣﻮﻋﻬﺎ ﻭﺍﺧﺬﺕ ﺍﻟﻌﺼﻴﺮ ﻭﺭﺣﻨﺎ ﻳﻤﻬﻢ ..
ﻛﻌﺪﻧﻪ ﺷﻮﻳﺔ ﺳﻮﻟﻔﻨﻪ ﻭﺑﻌﺪﻳﻦ ﺭﺟﻌﻨﻪ ﻟﻠﺒﻴﺖ ..
ﺷﻔﻨﻪ ﻋﻤﻲ ﻛﺎﻋﺪ ﺑﺎﻟﻬﻮﻝ .. ﺳﻠﻤﻨﻪ ﻭﺩﺧﻠﻨﻪ
ﺻﺎﺡ ﻋﻠﻴﻪ ﺳﻤﻴﺔ ﺭﻭﺣﻲ ﺻﺒﻲ ﺟﺎﻱ
ﻣﺪﺭﻱ ﻣﻨﻮ ﻛﺎﻳﻠﻪ ﺍﻧﻮ ﺍﻧﻪ ﭼﺎﻳﭽﻴﺔ ..
ﺭﺣﺖ ﻟﻠﻤﻄﺒﺦ ﺣﻤﻴﺘﻪ ﻭﺻﺒﻴﺘﻪ ﻭﺭﺟﻌﺖ ﻟﻠﻬﻮﻝ
ﺷﻔﺖ ﺳﻤﻴﺮ ﺍﺑﻨﻪ ﺍﻟﺰﻏﻴﺮﻭﻥ ﻃﺐ ﻟﻠﻬﻮﻝ
ﻳﻤﺸﻲ ﻭﻳﻌﺪﻝ ﺑﺸﻌﺮﻩ ﺻﻔﻨﺖ ﻋﻠﻴﻪ ﻫﺬﺍ ﺷﻨﻮ ﺍﻟﻤﺘﻐﻴﺮ ﺑﻲ ..
ﺣﻄﻴﺖ ﺍﻟﺠﺎﻱ ﻳﻢ ﻋﻤﻲ .. ﻟﺤﻈﺎﺕ ﻭﻋﻤﻲ ﺻﺎﺡ ﻋﻠﻰ ﺳﻤﻴﺮ
ﺗﻌﺎﻝ ﺗﻌﺎﻝ ﻫﺎﺍﺍﻱ ﺷﻨﻮ ﻭﺷﻤﺴﻮﻱ ﺑﺸﻌﺮﻙ ..
ﺿﺤﻚ ﺳﻤﻴﺮ ﻭﻇﻞ ﻳﺒﺎﻋﺪ ﺷﻌﺮﻩ ﻋﻦ ﻭﺟﻬﻪ ﻣﺜﻞ ﺍﻟﺒﻨﺎﺕ
ﻛﻠﻪ ﻳﺎﺑﻪ ﺳﺮﺣﺘﻪ ﻭﺻﺒﻐﺘﻪ ﻳﻢ ﺍﻟﺤﻼﻕ ..
.
ﺍﻧﺘﺒﻬﺖ ﻋﻠﻴﻪ ﺻﺪﻙ ﺷﻌﺮﻩ ﻣﺼﺒﻮﻍ ﻟﻮﻥ ﭼﻜﻠﻴﺘﻲ ﻭﻣﺴﺮﺡ ﻭﻧﺎﺯﻟﻪ ﮔﺬﻟﺘﻪ ﻟﺤﺪ ﺣﻨﻜﻪ ..
ﺍﻧﺪﺍﺭ ﻋﻤﻮ ﺳﻠﻤﺎﻥ ﻟﺰﻳﻨﺐ .. ﻛﺎﻝ ﺍﻟﻬﺎ ﻫﻲ ﻫﺎﻱ ﺧﻠﻔﺘﺞ
ﻫﻢ ﻓﺮﺣﺘﻲ ﻣﻦ ﻛﺎﻟﻮﻟﺞ ﺍﺟﺎﺝ ﻭﻟﺪ !! !!
ﺭﺩ ﺑﺎﻭﻋﻠﻪ ﮔﻠﻪ ﺍﻧﺰﻉ ﺣﺰﺍﻣﻚ ﻭﺍﻧﻄﻴﻨﻴﺎ
ﺑﺎﻭﻋﺖ ﻟﺒﻨﻄﺮﻭﻧﻪ ﺑﻨﻔﺨﻪ ﻭﺣﺪﻩ ﻳﻮﺻﻞ ﻟﻠﺮﻛﺒﻪ
ﺟﺎﻭﺑﻪ ﻣﺎﻻﺑﺲ ﺣﺰﺍﻡ ..
ﮔﺎﻡ ﻋﻠﻰ ﺣﻴﻠﻪ ﻭﻟﺰﻣﻪ ﻣﻦ ﻛﻔﺸﺘﻪ .. ﻭﺻﺎﺡ ﻋﻠﻰ ﺣﺴﻦ ﺍﺑﻦ ﻣﺆﻳﺪ ﻳﻨﺎﻭﺷﻪ ﺍﻟﻤﮕﺺ ﻭﺫﺍ ﻳﺼﻴﺢ ﻭﻳﺘﻮﺳﻞ ﻭﻋﻤﻪ ﺯﻳﻨﺐ ﺗﺼﻴﺢ ﻋﻮﻓﻪ ﻋﻮﻓﻪ ﻫﻮ ﻳﺰﻳﻨﻪ ..
ﺍﺧﺬ ﺍﻟﻤﮕﺺ ﻭﻛﺼﻜﺼﻪ ﻛﻠﻪ .. ﻭﺫﺍﻙ ﺑﻌﺪ ﺷﻮﻳﻪ ﻭﻳﺼﺮﺥ ﻟﻮ ﻣﺎ ﺍﻟﺨﻮﻑ ﺟﺎﻥ ﺷﮓ ﻫﺪﻭﻣﻪ ..
ﺭﺣﺖ ﻟﻠﻐﺮﻓﺔ ﻭﺍﻛﻮﻝ ﺳﻠﻴﻤﺎﻥ ﻳﺮﺍﺩ ﺍﺯﻳﻦ ﺷﻮﺍﺭﺑﻪ ﻣﺮﻩ ﺛﺎﻧﻴﺔ ﻷﻥ ﻣﺎﻳﺠﻮﺯ ﻣﻦ ﺳﻮﺍﻟﻔﻪ ..
ﺻﻔﺎ ..
ﺑﻌﺪ ﻣﺎﻃﻠﻌﺖ ﺳﻤﻴﺔ ﻣﻦ ﻳﻤﻨﻪ ﺗﺸﺠﻌﺖ ﺍﺣﺠﻲ ﻷﺳﻼﻡ ﻭﻇﻠﻴﺖ ﺍﺧﻄﻂ ﺑﺪﺍﺧﻠﻲ ﺷﻨﻮ ﺍﺣﺠﻴﻠﻪ ..
ﻭﺷﻨﻮ ﺍﻛﻠﻪ .. ﻭﻫﻴﺞ ﺍﻗﻨﻌﻪ . ..
ﺧﻠﺼﺖ ﺗﺤﻀﻴﺮﺍﺕ ﺍﻟﻌﺸﺎ ..
ﺻﻌﺪﺕ ﻓﻮﮒ .. ﺳﺒﺤﺖ ﻭﻃﻠﻌﺖ . ﺻﻠﻴﺖ ﺍﻟﻤﻐﺮﺏ
ﻭﺧﻠﺼﺖ .. ﻟﺒﺴﺖ ﻟﺒﺴﺔ ﺣﻮﺍﻣﻞ ﺑﻨﻔﺴﺠﻴﺔ ﻃﻮﺥ ﻗﻤﺎﺷﻬﺎ ﻓﺎﻧﻴﻠﻪ ﺑﺎﺭﺩ ﺭﺑﻊ ﺭﺩﻥ ﻭﺑﻴﻬﻪ ﺧﻂ ﺍﺑﻴﺾ ﻉ ﺍﻟﺮﺩﺍﻧﺎﺕ .. ﻃﻮﻟﻬﻪ ﻓﻮﻙ ﻣﻦ ﺍﻟﺮﻛﺒﺔ ﻋﻠﻴﻬﺎ ﻛﺼﺔ ﺟﻮﻩ ﺍﻟﺨﺼﺮ ﻭﻣﻦ ﺟﻮﻩ ﻋﺮﻳﻀﺔ .. ﻟﺒﺴﺖ ﺟﻮﺍﻫﺎ ﺳﺘﺮﻳﺞ ﺍﺑﻴﺾ ﻟﺤﺪ ﺍﻟﺮﻛﺒﺔ .. ﺗﺠﻨﺒﺎ ﻟﻨﻈﺮﺍﺕ ﻋﻤﺘﻲ ﺗﺒﺎﻭﻉ ﻋﻠﻴﺔ ﻣﻦ ﺍﻟﻠﺒﺲ ﺷﻲ ﻗﺼﻴﺮ ﻭﺗﺪﻭﺭ ﻭﺟﻬﻪ ﻣﺜﻞ ﺍﻟﻤﻌﺎﺟﺒﻬﻪ .
ﻧﺰﻟﺖ ﺟﻮﻩ ﺍﺣﻀﺮ ﺍﻟﻌﺸﺎ ﻋﻠﻰ ﺍﻟﺴﻔﺮﺓ .. ﻭﺍﻓﻜﺮ ﺷﻮﻥ ﺍﻓﺘﺢ ﺍﻟﻤﻮﺿﻮﻉ ﻭﻳﺎ ﺍﺳﻼﻡ .. ﺷﻔﺘﻪ ﺩﺧﻞ ﺑﺲ ﺷﻔﺖ ﻋﻴﻮﻧﻪ ﺧﻔﺖ ﻭﺗﺮﺍﺟﻌﺖ ﻋﻦ ﻛﻞ ﻣﺨﻄﻄﺎﺗﻲ ..
ﻭﺍﻛﻔﺔ ﻋﻠﻰ ﺍﻟﺴﻨﮓ ﺍﺑﺘﺴﻤﺖ ﺍﻟﻪ ﺑﺨﻮﻑ .. ﺍﺟﻪ ﺣﻀﻨﻲ ﻣﻦ ﻭﺭﻩ .. ﻭﺑﺎﺳﻨﻲ ﺑﺮﮔﺒﺘﻲ ...
ﮔﺎﻝ ﺷﻮﻧﻬﺎ ﺍﻳﻮﺗﻪ .. ؟ !
ﺍﻧﺪﺍﺭﻳﺖ ﻋﻠﻴﻪ ﺑﺎﺳﺘﻐﺮﺍﺏ
ﮔﺘﻠﻪ ﻣﻨﻮﻭ ﺍﻳﻮﺗﻪ ﻫﺎﺍﻱ .. ؟ !
ﺍﺧﺬﻧﻲ ﻣﻦ ﺍﻳﺪﻱ ﻛﻌﺪ ﻋﻠﻰ ﺍﻟﻜﺮﺳﻲ ﻭﻛﻌﺪﻧﻲ ﻋﻠﻰ ﺭﺟﻠﻴﻨﻪ .
ﻛﺎﻝ ﺩﻳﺮﻱ ﺑﺎﻟﺞ ﻻ ﺗﻤﺮﺩﻳﻨﻲ ..
ﺿﺤﻜﺖ ﻛﺘﻠﻪ ﺍﺻﻼ ﻣﺎﺯﺍﺩ ﻭﺯﻧﻲ ﻫﻮﺍﻱ ﻫﺴﻪ ﺍﻧﺎ ﺑﺒﺪﺍﻳﺔ ﺍﻟﺸﻬﺮ ﺍﻟﺨﺎﻣﺲ ﻭﻭﺯﻧﻲ 68 ..
ﺭﺩ .. ﻻﻥ ﻛﺎﺿﻴﺘﻬﺎ ﺑﺲ ﺑﺠﻲ ﻭﻣﺎﺗﺎﻛﻠﻴﻦ ﻭﺍﻣﻮﺗﻪ ﺍﻳﻮﺗﻪ ﻣﻦ ﺍﻟﺠﻮﻭﻭﻉ ..
: ﺑﺲ ﺍﻧﻪ ﻣﺎﺍﺭﻳﺪﻫﺎ ﺍﻳﺎﺕ ﺍﺭﻳﺪ ﺍﺳﻤﻬﺎ ﻧﺒﺄ .. ،
ﺭﻓﻊ ﺣﺎﺟﺒﻪ ﮔﺎﻝ ﺷﻤﻌﻨﻰ ﻧﺒﺄ ..
ﺍﺭﺗﺒﻜﺖ ﻣﻨﻪ ﻭﻣﻦ ﻧﻈﺮﺍﺗﻪ ﮔﺘﻠﻪ ﻋﺎﺟﺒﻨﻲ ..
ﺩﻧﮓ ﺭﺍﺳﻪ ﺭﻓﻊ ﻣﻼﺑﺴﻲ ﻣﻦ ﻳﻢ ﺭﺟﻠﻴﻪ
ﻓﻮﺕ ﺍﺻﺎﺑﻌﻪ ﺑﺎﻟﺴﺘﺮﻳﺞ ﻣﻦ ﻳﻢ ﺭﻛﺒﺘﻲ
ﻛﺎﻝ ﻫﺎﻱ ﺷﻼﺑﺴﺔ ﻟﻴﺶ ﺗﺤﺼﺮﻳﻦ ﺑﻄﻨﺞ ﺑﺎﻟﺴﺘﺮﻳﺞ
ﻫﺴﻪ ﺗﺄﺫﻳﻨﻬﺎ ..
ﻃﺒﺖ ﻋﻤﺘﻲ ﺑﺴﺮﻋﺔ ﻃﻔﺮﺕ ﻣﻦ ﺣﻀﻨﻪ ..
ﮔﺎﻟﺖ ﻋﻠﻰ ﻛﻴﻔﺞ ﻋﻠﻰ ﻛﻴﻔﺞ ﺑﻨﻴﺘﻨﻪ ﺍﺑﻄﻨﺞ ﻫﺴﻪ ﺷﺼﺎﺭ ﺑﻴﻬﺎ .
ﺍﺳﻼﻡ : .. ﺍﻱ ﻭﺍﻟﻠﻪ ﻫﻢ ﺣﺎﺻﺮﺗﻬﺎ ﺑﺎﻟﺴﺘﺮﻳﺞ ﻭﻫﻢ ﺗﮕﻤﺰ ﺑﻴﻬﺎ ﺻﻔﺎ ﺗﺮﻩ ﺑﻨﻴﺘﻲ ﺍﺭﻳﺪﻫﺎ .
ﺑﺎﻭﻋﺘﻠﻪ ﻭﺿﺤﻜﺖ . ﻭﺭﺟﻌﺖ ﻛﻤﻠﺖ ﺷﻐﻞ ..
ﺗﻌﺸﻴﻨﻪ ﻭﺧﻠﺼﻨﻪ ﺭﺣﺖ ﺍﻏﺴﻞ ﻣﻮﺍﻋﻴﻦ ﻭﺑﻘﻰ ﮔﺎﻋﺪ ﻳﻢ ﺍﻣﻪ ﻭﻳﺴﻮﻟﻔﻮﻥ
.
ﺧﻠﺼﺖ ﺍﻧﺎ .. ﻭﺍﺭﻳﺪ ﺍﺻﻌﺪ ﻓﻮﮒ ﺻﺎﺣﻨﻲ ﺗﻌﺎﻱ ﮔﻌﺪﻱ ﻳﻤﻨﻪ ..
ﺣﺠﺖ ﻋﻤﺘﻲ .. ﻻ ﺧﻠﻴﻬﺎ ﺗﺮﻭﺡ ﺗﺼﻌﺪ ﺗﺘﻤﺪﺩ ﺧﻄﻴﺔ ﺗﻌﺒﺖ .
ﻛﺎﻝ ﺧﻠﻴﻬﺎ ﺗﺘﻤﺪﺩ ﻫﻨﺎﻧﻪ ﻳﻤﻨﻪ ﻭﺭﺍﺡ ﻟﻠﻐﺮﻓﻪ ﺍﻟﺜﺎﻧﻴﺔ ﺟﺎﺑﻠﻲ ﻣﻨﺪﺭ ﻭﻛﻌﺪﺕ ﻋﻠﻴﻪ ﻭﻣﺪﻳﺖ ﺭﺟﻠﻴﻪ
ﺍﺟﻪ ﻳﻤﻲ ﮔﺎﻝ ﺗﻤﺪﺩﻱ ﻟﺰﻣﻨﻲ ﻣﻦ ﺍﻛﺘﺎﻓﻲ ﻭﻣﺪﺩﻧﻲ ﻳﺒﺎﻭﻋﻠﻲ ﻭﻳﻐﻤﺰ ﺑﺘﻚ ﻋﻴﻦ ﻭﻳﻌﺾ ﺷﻔﻪ ..
ﺿﺤﻜﺖ ﺍﻟﻪ ..
ﮔﻌﺪﺕ ﻳﻤﻬﻢ ﺷﮕﺪ ﻳﺴﻮﻟﻔﻮﻥ ﻫﻮ ﻭﺍﻣﻪ ..
ﻭﺍﻧﺎ ﻓﻜﺮﻱ ﻳﻢ ﺫﻳﺞ ﺍﻟﺴﺎﻟﻔﺔ ﺷﻠﻮﻥ ﺭﺍﺡ ﺍﻗﻨﻌﻪ ﻳﻮﺩﻳﻨﻲ ﺍﺯﻭﺭ ﻗﺒﺮ ﻓﺮﺍﺱ .
ﺑﻘﻴﺖ ﻳﻤﻬﻢ ﺍﺫﺍ ﺳﺄﻟﻮﻧﻲ ﺍﺟﺎﻭﺏ ﺍﻱ ﺍﻭ ﻻ
ﻭﺍﺫﺍ ﺿﺤﻜﻮﺍ ﺍﺿﺤﻚ ﻭﻳﺎﻫﻢ ﻣﺜﻞ ﺍﻃﺮﺵ ﺑﺎﻟﺰﻓﺔ ..
ﺑﻌﺪﻫﺎ ﻧﻌﺴﺖ ﻋﻤﺘﻲ ﻭﺭﺍﺣﺖ ﻧﺎﻣﺖ ..
ﺍﺧﺬﻧﻲ ﻭﺻﻌﺪﻧﻲ ﻟﻔﻮﮒ
ﮔﺎﻝ ﺻﺎﻳﺮﺓ ﺛﮕﻴﻠﺔ ﺭﺍﺡ ﺍﺳﻮﻳﻠﻨﻪ ﻏﺮﻓﺔ ﺟﻮﻩ
ﻻﻥ ﻣﺎﺑﻴﺞ ﺗﻨﺰﻟﻴﻦ ﻭﺗﺼﻌﺪﻳﻦ . ...
ﻭﺻﻠﻨﻪ ﻟﻠﻐﺮﻓﺔ ﮔﺎﻝ ﻳﻠﻠﻪ ﻧﺰﻋﻲ ﺍﻟﺴﺘﺮﻳﺞ ..
ﺿﺤﻜﺖ ﮔﺘﻠﻪ ﻧﺸﺒﺖ ﻭﻳﻪ ﺍﻟﺴﺘﺮﻳﺞ
ﺍﺧﺠﻞ ﻣﻦ ﻧﻈﺮﺍﺕ ﺍﻣﻚ ﻭﻟﺒﺴﺘﻪ ..
ﺗﺪﻧﻪ ﻳﻤﻲ ﺧﻠﻪ ﺍﻳﺪﻩ ﻋﻠﻰ ﺭﺍﺳﻲ
ﮔﺎﻝ ﺻﻔﺎﻭﻱ ﻻﺯﻡ ﺗﺘﻌﻠﻤﻴﻦ
ﺑﺎﻟﻠﻴﻞ ﻧﮕﻌﺪ ﻳﻢ ﺍﻣﻲ ﺧﻄﻴﺔ ﺗﻀﻮﺝ ﻭﺣﺪﻫﺎ
ﻣﻮ ﺭﺃﺳﺎ ﺗﺼﻌﺪﻳﻦ ﻓﻮﮒ ..
ﻫﺰﻳﺖ ﺭﺍﺳﻲ ﺑﻘﺒﻮﻝ ﮔﺎﻝ ﻳﻠﻠﻪ ﺑﺪﻟﻲ ..
ﺑﺪﻟﺖ ﻭﺭﺣﺖ ﻳﻤﻪ ..
ﻫﻮ ﻣﺘﻤﺪﺩ ﻭﻣﺨﻠﻲ ﺍﻳﺪ ﺟﻮﺓ ﺭﺍﺳﻪ ﻭﺍﻟﺜﺎﻧﻴﺔ
ﺑﻴﺪﻩ ﺍﻟﻤﻮﺑﺎﻳﻞ ..
ﻋﺎﻓﻪ ﻭﻟﺰﻡ ﺍﻳﺪﻱ .. ﺣﺴﻴﺖ ﻣﺤﺘﺎﺟﻪ ﺍﻛﻮﻟﻪ ﺑﻬﺎﻟﻠﺤﻈﺔ
ﺧﻠﻴﺖ ﺍﻳﺪﻱ ﻋﻠﻰ ﺣﻠﮕﻲ ﻭﻇﻠﺖ ﺍﻟﺪﻣﻮﻉ ﺗﻨﺰﻝ ..
ﮔﺎﻡ ﻣﻦ ﻧﻮﻣﺘﻪ .. ﻭﺣﻀﻨﻲ ﻭﺭﺟﻊ ﻧﻮﻣﻨﻲ ﻋﻠﻰ ﺍﻳﺪﻩ
ﺩﻓﻨﺖ ﻭﺟﻬﻲ ﺑﺼﺪﺭﻩ ﻭﺍﻳﺪﻱ ﻋﻠﻰ ﻋﻴﻮﻧﻲ ﻭﺷﻬﮕﺖ
ﺑﭽﻲ ..
ﻇﻞ ﻳﺴﻜﺖ ﺑﻴﻪ ﻭﻳﺘﻮﺳﻠﻨﻲ ﺍﺣﺠﻲ
ﺻﻔﺎ ﺑﺲ ﺍﺣﺠﻲ ﻣﻘﺼﺮ ﻭﻳﺎﺝ ﺍﻧﺎ ! !
ﺭﻓﻌﺖ ﺭﺍﺳﻲ ﺍﺑﺎﻭﻉ ﻟﻮﺟﻬﻪ ﮔﺘﻠﻪ ﻣﺎﺗﻀﻮﺝ ﺍﺫﺍ ﺍﻛﻮﻟﻚ ..
ﺑﺲ ﺍﺣﺠﻲ ﺷﺒﻴﺞ ﻳﻄﺒﻨﻲ ﻃﻮﺏ ﺍﻧﻪ ﻣﻮ ﺳﺒﺤﺘﻴﻨﻲ ﺑﺪﻣﻮﻋﺞ ..
ﺭﻓﻌﺖ ﺟﺴﻤﻲ ﻭﻛﻌﺪﺕ ﻋﻠﻰ ﺟﺮﺑﺎﻳﺔ ﻭﻫﻮ ﺑﻌﺪﻩ ﻣﺘﻤﺪﺩ ﻭﺣﺠﻴﺖ ﺍﻟﻪ ﻛﻞ ﺷﻲ ..
ﻭﺍﻧﺎ ﻣﺪﻧﮕﻪ . ﻛﻌﺪ .. ﻣﺪ ﺍﻳﺪﻩ ﺧﻠﻪ ﺍﺻﺎﺑﻌﻪ ﺟﻮﺓ ﺣﻨﻜﻲ ﺭﻓﻊ ﺭﺍﺳﻲ .. ﻭﻛﻌﺪ ﻳﺤﺠﻲ ﻭﻣﺮﻛﺰ ﻋﻴﻮﻧﻪ ﻋﻠﻴﻪ
ﮔﺎﻝ .. ﺻﻔﺎ ﺍﻧﻪ ﻋﻘﻠﻲ ﺟﺒﻴﺮ ﺍﻟﺮﺟﺎﻝ ﺧﻴﺮ ﻭﻃﻴﺐ ﻭﺍﻧﺎ ﻫﻢ ﻋﺎﺷﺮﺗﻪ ﺟﺎﻥ ﺟﻴﺮﺍﻧﻪ ﻭﺻﺪﻳﻘﻲ
ﻫﺴﻪ ﻣﺎﺕ ﻭﺍﻟﻠﻪ ﻳﺮﺣﻤﻪ ﻭﻳﻮﻡ ﻣﻦ ﺍﻻﻳﺎﻡ ﺟﺎﻥ ﺯﻭﺟﺞ ﻭﺑﺎﻟﺤﻼﻝ ﻭﻣﺎﺑﻴﻬﺎ ﺷﻲ ﺍﺫﺍ ﺗﺰﻭﺭﻳﻦ ﻗﺒﺮﻩ .. ﺍﻧﺎ ﻣﺆﻣﻦ ﺑﺎﻧﻪ ﺍﻟﻤﺮﺍﻩ ﺑﺎﻻﺧﺮﺓ ﺍﻟﻬﺎ ﺍﺧﺮ ﺍﺯﻭﺍﺟﻬﺎ ﺑﺎﻟﺪﻧﻴﺎ ﻭﺍﻧﺖ ﺍﻟﻲ ﺑﺎﻟﺪﻧﻴﺎ ﻭﺍﻻﺧﺮﺓ
ﺍﻧﺖ ﻣﺎﻱ ﻭﺍﻧﺎ ﮔﺎﻉ ﻭﺑﺪﻭﻥ ﺍﻟﻤﺎﻱ ﺍﻟﮕﺎﻉ ﺗﻤﻮﻭﺕ
ﺍﻧﺖ ﺣﺐ ﻃﻔﻮﻟﺘﻲ ﻭﻣﺮﺍﻫﻘﺘﻲ ﻭﺷﺒﺎﺑﻲ ﻭﺣﻴﺎﺗﻲ
ﺍﻧﺖ ﺍﻟﻲ ﺻﺒﺮﺕ ﻋﻠﻤﻮﺩﻫﺎ ﻭﺍﻋﺘﺰﻟﺖ ﻛﻞ ﺍﻟﻨﺴﺎﺀ .
ﺷﻬﮕﺖ ﻻ ﻫﻲ ﺿﺤﻜﻪ ﻭﻻ ﻫﻲ ﺑﭽﻴﺔ ..
ﺣﻀﻨﻲ ﻭﺑﻮﺳﻨﻲ
ﮔﺎﻝ ﻣﻮ ﺍﻟﻄﺮﻳﻖ ﻃﻮﻳﻞ ﻭﺧﺎﻑ ﺗﻌﺒﻴﻦ ﻭﺍﻧﺖ ﺣﺎﻣﻞ؟
ﮔﺘﻠﻪ ﺍﻧﻪ ﻫﺴﻪ ﺗﻌﺒﺎﻧﻪ ﺍﻛﺜﺮ ..
ﻳﻮﻡ ﺛﺎﻧﻲ ﻭﺩﺍﻧﻲ ﻟﻠﻤﻘﺒﺮﻩ .. ﺯﺭﻧﺎ ﻗﺒﺮ ﺍﺑﻮﻳﺔ ﻏﺴﻠﻨﺎ ﺑﻤﺎﻱ ﻭﺭﺩ
ﻭﻛﻌﺪﺕ ﺍﻧﻪ ﺍﻗﺮﺍ ﺳﻮﺭﺓ ﻳﺲ ..
.
ﻭﻫﻮ ﺗﻮﺿﻰ ﺑﺒﻄﻞ ﻣﺎﻱ ﻭﺻﻼ ﺭﻛﻌﺘﻴﻦ
ﻳﻢ ﺍﻟﻘﺒﺮ ..
ﻭﺭﺣﻨﻪ ﺍﻟﻘﺒﺮ ﻓﺮﺍﺱ ﻭﻫﻢ ﻧﻔﺲ ﺍﻟﺸﻲ
ﺭﺍﺡ ﺍﺳﻼﻡ ﻇﻞ ﻳﺼﻠﻲ ..
ﻭﺍﻧﻪ ﻇﻠﻴﺖ ﺍﻗﺮﺍ ﻗﺮﺁﻥ .
ﺧﻠﺼﺖ ﻭﺣﺎﺟﻴﺘﻪ
ﮔﺘﻠﻪ ﺍﻧﻪ ﺟﺎﻳﺘﻚ ﻭﻭﻳﺎﻱ ﺑﻨﺘﻲ ﺍﻟﻲ ﮔﺘﻠﻲ ﻋﻠﻴﻬﺎ
ﺭﺟﻌﻨﻪ ﻟﻠﺒﻴﺖ ﺍﺭﺗﺎﺣﻴﺖ ﺷﻮﻳﺔ ﮔﻠﻲ ﺳﻤﻴﻬﻪ ﻧﺒﺄ ﺍﻧﺖ ﺍﻟﻲ ﺭﺍﺡ ﺗﻄﻠﮕﻴﻦ ﺑﻴﻬﺎ ﻭﺗﻮﻟﺪﻳﻨﻬﺎ ﻭﺍﻟﺤﻤﻞ ﺍﻻﻛﺒﺮ ﻋﻠﻴﺞ
ﺧﻼﻧﻲ ﺍﻃﻤﺌﻦ ﻋﻠﻰ ﺍﻣﻲ ﺑﻌﺪ ﺑﺘﺮ ﺳﺎﻗﻬﺎ ﺑﻌﻤﻠﻴﺔ ﺟﺮﺍﺣﻴﺔ ﺑﺴﺒﺐ ﻣﺮﺽ ﺍﻟﮕﻨﮕﺮﻱ
ﻭﻣﺘﻮﺍﺟﺪﺓ ﻳﻢ ﺯﻭﺟﻬﺎ ﺑﻐﻴﺮ ﻣﺤﺎﻓﻈﺔ
ﻭﻫﻴﺞ ﻣﺮﺕ ﺍﻻﻳﺎﻡ ﻳﻮﻡ ﻣﺮ ﻭﻳﻮﻡ ﺣﻠﻮ
ﻣﺤﺪ ﻣﺮﺗﺎﺡ ﻣﻦ ﻫﺎﻟﺪﻧﻴﺎ
ﺑﺲ ﻧﮕﻮﻝ ﺍﻟﺤﻤﺪﻟﻠﻪ ﺭﺏ ﺍﻟﻌﺎﻟﻤﻴﻦ ..
..
ﺳﻠﻴﻤﺎﻥ : - ﺍﮔﻮﻭﻝ ﺯﻧﻮﺑﺔ ﺯﻭﺝ ﺍﻟﻨﻌﻞ ﻫﺎﻻﻳﺎﻡ ﺍﺷﻮﻓﻬﻢ ﻳﻨﺎﻣﻮﻥ ﻛﻞ ﻭﺍﺣﺪ ﺑﻐﺮﻓﺔ ﻣﻮﻭﻭ؟
ﺯﻳﻨﺐ : - ﻭﺍﻟﻠﻪ ﺩﻧﻴﺎ ﻣﻮ ﺟﻨﺖ ﺗﺼﻴﺤﻠﻬﻢ ﺻﻨﻒ ﺍﻟﻤﻬﻨﺪﺳﻴﻦ .
-: ﺻﻨﻒ ﺍﻟﻘﻨﺎﺩﺭ ﻃﻠﻌﻮﺍ ﻋﺒﺎﻟﻲ ﺍﻭﺍﺩﻡ ﻭﺍﻟﻠﻪ ﺭﻭﺣﻲ ﺻﻴﺤﻴﻠﻬﻢ ﻳﻠﻠﻪ ..
ﺳﻤﻴﺔ .. ﻣﺜﻞ ﻣﺎ ﺻﺎﺡ ﺍﻟﻨﺎ ﺭﺣﻨﺎ ..
ﻧﺰﻝ ﺍﻣﻴﺮ ﻣﻦ ﻓﻮﻙ ﻭﺍﻧﻪ ﻃﻠﻌﺖ ﻣﻦ ﻏﺮﻓﺔ ﻋﻤﺔ ﺯﻳﻨﺐ
ﻭﻛﻔﻨﻪ ﺍﺛﻨﻴﻨﻪ ﻣﻘﺎﺑﻴﻠﻪ ..
ﻫﻮ ﻛﺎﻋﺪ ﻣﺘﺮﻫﻲ ﻋﻠﻰ ﺍﻟﻘﻨﻔﺔ .
ﻛﺎﻝ ﺧﻴﺮﻛﻢ ﺷﺼﺎﻳﺮ ﻭﻳﺎﻛﻢ ﺷﻮ ﻛﻞ ﻭﺍﺣﺪ ﺑﻐﺮﻓﺔ .
ﺍﻣﻴﺮ ﺑﺎﻭﻋﻠﻲ ﻭﺟﺮ ﺣﺴﺮﺓ ﺷﻜﺒﺮﻫﺎ
ﻭﻧﻮﺏ ﺑﺎﻭﻉ ﺍﻟﻪ .. ﮔﻠﻪ ﻳﺎﺑﻪ ﺍﻧﻪ ﻣﺎﺍﺭﻳﺪﻫﺎ ﻭﺍﺭﻳﺪ ﺍﻃﻠﮕﻬﺎ
ﺻﺎﺡ ﺑﻲ ﺍﻧﭽﺐ ﺯﻋﻄﻮﻁ ﺍﻟﻔﺎﻫﻲ ﺍﻻﺛﻮﻭﻭﻝ .
ﺍﻣﻴﺮ .. ﺑﺼﻴﺎﺡ ﮔﺘﻠﻠﻠﻚ ﻣﺎﺍﺍﺭﻳﺪﻫﺎ ..
ﺟﺎﻥ ﺍﻛﻮ ﻓﻮﺍﻧﻴﺲ ﻣﺎﻝ ﻓﻴﻜﺔ ﻭﺯﻳﻨﺔ ﻋﻠﻰ ﺍﻟﻄﺒﻠﺔ
ﺗﻨﺎﻭﺷﻬﻢ ﻋﻤﻲ ﻭﺷﻤﺮﻫﻢ ﻋﻠﻴﻪ .. ﻭﺣﺪﺓ ﻣﻨﻬﻦ ﻃﺨﺖ ﺑﺰﻧﺪﺓ . ..
ﻇﻞ ﻳﺼﻴﺢ ﺣﻴﻴﻴﻞ ﺭﺍﺡ ﺍﻃﻠﮕﻬﺎ ﻭﺷﺘﺮﻳﺪ ﺗﺴﻮﻱ ﺳﻮﻱ ﻭﺍﻧﻪ ﻃﺎﻟﻊ ﻣﻦ ﺍﻟﺒﻴﺖ ﻭﺧﻠﻲ ﺑﻴﺘﻚ ﻳﻔﻴﺪﻙ .
ﻭﺳﻮﺍﻫﺎ ﺻﺪﻙ ﻭﻳﺮﻳﺪ ﻳﻄﻠﻊ ﻣﻦ ﺍﻟﺒﻴﺖ ﻭﺭﻛﺾ ﻭﺭﺍﻩ ﻋﻤﻲ ﻣﺎﻟﺤﮓ ﻋﻠﻴﻪ ﺭﺍﺡ ﻳﺮﻛﺾ ﻭﻟﺰﻣﺘﻪ ﻋﻤﻪ ﺯﻳﻨﺐ ﻭﺗﻬﺪﺃ ﺑﻲ ﺩﻓﻌﻬﺎ ﻭﺍﻟﻠﺘﻤﻮﺍ ﻛﻞ ﺍﻟﻲ ﺑﺎﻟﺒﻴﺖ .
ﺭﺟﻊ ﺑﺎﻭﻋﻠﻲ ﮔﻠﻲ ﻭﺍﻧﺖ ﺧﺎﺗﻮﻥ ﺧﻮ ﻣﺎﻋﻨﺪﻱ ﺍﺿﺎﻓﺔ ﺑﻌﺪ .
ﮔﺘﻠﻪ ﺍﻧﺖ ﻇﻠﻤﺘﻨﻲ ﺑﻬﺬﺍ ﺍﻟﺰﻭﺍﺝ ﺧﻠﻲ ﻳﻄﻠﮕﻨﻲ ﻋﻴﺸﺘﻴﺶ ﻫﺎﺍﺍﻱ .
ﺑﺼﻴﺎﺡ .. ﺗﺮﺩﻳﻦ ﺗﺪﻳﺤﻴﻴﻴﻦ ﻫﺎﺍ ﺗﺮﺩﻳﻦ ﺗﺼﻴﻌﻴﻴﻴﻴﻦ .
ﮔﺘﻠﻪ ﺑﺼﻴﺎﺡ ﺍﻧﺖ ﻇﺎﻟﻢ ﻇﺎﺍﺍﻟﻢ ..
ﺍﺟﻪ ﻳﺮﻳﺪ ﻳﻀﺮﺑﻨﻲ ﻭﻛﻔﺖ ﺑﻤﻜﺎﻧﻲ ﻣﺎﺣﺮﻛﺖ ﺳﺎﻛﻦ ﺧﻠﻲ،ﺷﻤﺎ ﻳﺴﻮﻱ ﻳﺴﻮﻱ ﻫﻨﺎ ﻭﻛﻔﺖ ﺍﻟﺤﻴﺎﺓ ﻋﻨﺪﻱ ﻣﺎﻋﺎﺩ ﺟﺴﻤﻲ ﺫﺍ ﺍﻫﻤﻴﺔ ﺍﻟﻲ .
ﺻﺎﺭﺕ ﺑﻴﻨﻲ ﻭﺑﻴﻨﻪ ﻋﻤﻪ ﺯﻳﻨﺐ ﮔﻠﺘﻠﻪ ﻻ ﺧﻄﻴﺔ ﻳﺘﻴﻤﺔ ﻋﻮﻓﻬﺎ
ﻛﺘﻠﻬﺎ ﻋﻤﻪ ﻋﻮﻓﻲ ﺧﻞ ﻳﻀﺮﺑﻨﻲ ﺑﻠﻜﻲ ﻳﺮﺗﺎﺡ ﺣﺘﻰ ﻳﺨﻠﻴﻨﻲ ﺍﺗﻄﻠﮓ ﻭﻳﻄﻠﻖ ﺳﺮﺍﺣﻲ .
ﺻﺎﺣﺖ ﺑﻴﻪ ﻋﻠﻴﺞ ﺑﺮﻭﺡ ﺍﺑﻮﺝ ﺳﻜﺘﻲ .
ﻭﻫﻮ ﻣﺴﺘﻤﺮ ﻳﺘﻘﺪﻡ ﻭﻭﻟﺪﻩ ﻭﺍﻛﻔﻴﻦ ﻳﺘﻔﺮﺟﻮﻥ
ﻭﺍﻟﺠﻬﺎﻝ ﻳﺼﺮﺧﻮﻥ .
ﻭﺑﻴﻨﻲ ﻭﺑﻴﻨﻪ ﻋﻤﺘﻲ ﺗﺮﻳﺪ ﺗﻮﺧﺮﻩ ﻭﺗﺪﻓﻊ ﺑﺼﺪﺭﻩ ﻭﻫﻮ ﻳﺨﺰﺭﻫﺎ ﻭﻳﺼﻴﺢ ﺑﻮﺟﻬﻪ ﻭﺧﺮﻱ ﻭﺧﺮﻱ
ﻣﺎﺗﺮﺿﻰ
.
ﺳﺤﺐ ﻋﻤﺘﻲ ﺷﻤﺮﻫﺎ ﺑﻜﻞ ﻗﻮﺗﻪ ﻭﺑﺴﺎﻋﺔ ﻋﺼﺒﻴﺔ
ﻟﺰﮔﻬﻪ ﺑﻤﻴﺰ ﺍﻟﺘﻠﻔﺰﻳﻮﻥ ﺻﺮﺧﺖ ﻭﻭﻛﻌﺖ .
ﺍﻟﻜﻞ ﺭﺍﺣﻮﻟﻬﻪ ﻳﺮﻛﻀﻮﻥ ﻭﺍﻧﺎ ﻣﻦ ﺑﻴﻨﻬﻢ ﻭﻋﻤﻲ
ﻧﺴﻰ ﻛﻞ ﺷﻲ .
ﺍﺷﻮﻑ ﺍﻟﺪﻡ ﻳﻜﺖ ﻣﻦ ﺭﺍﺳﻬﺎ ﻭﻓﺎﻗﺪﺓ
ﺑﻠﺤﻈﺘﻬﺎ ﻇﻞ ﻋﻤﻲ ﻳﺪﮒ ﻋﻠﻰ ﺭﺍﺳﻪ
ﻭﻳﺼﻴﺢ ﺯﻧﻴﺒﻪ ﺯﻧﻮﺑﺔ ..
ﺩﻣﻮﻋﻲ ﺣﺠﺒﺖ ﻋﻨﻲ ﺍﻟﺮﺅﻳﺎ
ﻣﺎﺗﺴﺘﺎﻫﻞ ﺍﺣﺒﻬﺎ ﺟﺎﻧﺖ ﺟﺎﻱ ﺗﺪﺍﻓﻌﻠﻲ
ﻣﺎﺭﺩﺗﻬﺎ ﺗﺪﺍﻓﻌﻠﻲ ﺍﻧﺎ ﺭﺩﺗﻪ ﻳﻀﺮﺑﻨﻲ
ﺳﻤﻌﺖ ﻭﻟﺪﻩ ﻳﺪﻋﻮﻭﻥ ﻋﻠﻴﻪ ﻭﻷﻭﻝ ﻣﺮﺓ
ﺍﺧﺬﻭﻫﺎ ﻟﻠﻤﺴﺘﺸﻔﻰ ﻭﻣﺎﺧﻠﻮﻧﻲ ﺍﺭﻭﺡ ﻭﻳﺎﻫﻢ .
ﻣﺘﺖ ﺧﻮﻑ ﻣﻦ ﻋﻤﻲ ﺧﺎﻑ ﻳﺮﺟﻊ ﻳﺄﺫﻳﻨﻲ
ﻭﻳﻄﻠﻊ ﺍﻟﺤﺮﮔﺔ ﺑﻴﺔ ..
ﺧﺎﺑﺮﺕ ﺻﻔﺎ ﺍﺭﺟﻒ ﻭﺍﺑﺠﻲ ..
ﮔﺎﻟﺖ ﺭﺍﺡ ﻧﺠﻲ ﻋﻠﻴﺞ ﺍﻧﻪ ﻭﺇﺳﻼﻡ
ﻟﺒﺴﺖ ﻭﺣﻀﺮﺕ ﺍﻏﺮﺍﺿﻲ ﻭﻃﻠﻌﺖ ﺍﻧﺘﻈﺮﻫﻢ .
ﺍﺟﻮ ﺍﺧﺬﻭﻧﻲ ﻭﻃﻠﻌﻨﻪ ..
ﻭﺑﺲ ﺍﺑﺠﻲ ﻋﻠﻰ ﺯﻳﻨﺐ ﻭﻋﻠﻰ ﺣﻀﻲ ...
ﺗﺄﻧﻴﺐ ﺍﻟﻀﻤﻴﺮ ﻋﺬﺑﻨﻲ ﻟﻮ ﺳﺎﻛﺘﻪ
ﺟﺎﻥ ﻫﻮ ﻫﻢ ﺳﻜﺖ ﻋﻨﻲ ﻟﻮ ﺷﺎﺭﺩﺓ ﻟﻠﻐﺮﻓﺔ
ﻟﻮ ﻟﻮ ﻭﻟﻮ ﻟﻮ ﺯﺭﻋﻮﻫﺎ ﻃﻠﻌﺖ ﻳﺎﺭﻳﺖ ﻭﻋﻠﻰ ﻫﺎﻟﻤﻨﻮﺍﻝ
ﺭﺍﺡ ﻳﺨﻠﺺ ﺍﻟﻌﻤﺮ ﻭﻣﺎﺷﻔﺖ ﻣﻨﻪ ﺷﻲ ﺣﻠﻮﻭﻭﻭ ...
ﻇﻠﻴﺖ ﻳﻢ ﺻﻔﺎ .. ﻭﺍﻳﻨﺎﺱ ﺍﺟﺖ ﻭﻳﺎﻧﻪ ﺑﻄﻠﺐ ﻣﻦ ﺭﺟﻠﻬﻪ
ﺍﺳﻼﻡ ﻳﺮﻭﺡ ﻭﻳﺠﻲ ﻣﻦ ﺍﻟﻤﺴﺘﺸﻔﻰ ﻳﺠﻴﺐ ﺍﻟﻨﻪ ﺧﺒﺮﻫﺎ
ﻛﺎﻝ ﺗﻌﺒﺎﻧﺔ ﻛﻠﺶ ﺧﻴﺎﻃﺎﺕ ﺑﺮﺍﺳﻬﺎ ﻭﺍﻳﺪﻫﺎ ﻣﻜﺴﻮﺭﺓ
ﻭﺗﺴﺄﻝ ﻋﻨﺞ .
ﻛﺘﻠﻪ ﺍﺭﻳﺪ ﺍﺭﻭﺡ ﺍﺷﻮﻓﻬﺎ ﺑﺲ ﺍﺧﺎﻑ ﻣﻦ ﻋﻤﻲ .
ﻛﺎﻝ ﻭﻟﺪﻫﺎ ﻧﻘﻠﻮﻫﺎ ﻟﻐﻴﺮ ﻣﺴﺘﺸﻔﻰ ﻣﺎﻳﺪﺭﻱ ﺑﻴﻬﺎ ﻫﻮ
ﻣﻦ ﻃﺎﻟﻊ ﻣﻦ ﺍﻟﻤﺴﺘﺸﻔﻰ ﻟﻠﺒﻴﺖ ﻳﺮﺗﺎﺡ
ﻧﺎﻗﻠﻴﻨﻬﺎ ﻭﻣﺮﺕ ﻣﺆﻳﺪ ﺭﺍﻳﺤﺔ ﻷﻫﻠﻬﻪ
ﺳﻤﻴﺮ ﻣﻮﺩﻳﻨﻪ ﻳﻢ ﺑﻴﺖ ﺟﺪﻩ ..
ﻭﻛﻠﻬﻢ ﻣﻘﺎﻃﻌﻴﻦ ﺳﻠﻴﻤﺎﻥ .
ﺭﺣﺖ ﺯﺭﺗﻬﺎ ﺷﺒﻌﺘﻬﺎ ﺑﻮﺱ ﺑﮕﺪ ﻣﺎﺟﺎﻧﺖ ﺗﺒﻮﺳﻨﻲ ﻭﺍﺿﻮﺝ .
ﺑﺠﻴﺖ ﻳﻤﻬﺎ ﮔﺘﻠﻬﺎ ﻛﻠﻪ ﺑﺴﺒﺒﻲ ﻟﺴﺎﻧﻲ ﻋﻢ ﻋﻠﻴﻪ .
ﮔﺎﻟﺖ ﺍﺑﻘﻰ ﺍﺣﺒﺞ ﻭﺍﺣﺐ ﻟﺴﺎﻧﺞ .
ﻃﻠﻌﺖ ﻣﻦ ﻳﻤﻬﺎ .. ﺧﺎﺑﺮﻧﻲ ﺍﻣﻴﺮ
ﻛﺎﻝ ﺣﺘﻰ ﻧﺘﻄﻠﮓ ! !!
ﮔﺘﻠﻪ ﻳﻮﻡ ﺳﻌﻴﺪ ﻭﻋﻴﺪ
ﮔﺎﻝ ﺍﺫﺏ ﻭﺭﺍﺝ 7 ﺣﺠﺎﺭﺍﺕ .
ﮔﺘﻠﻪ ﺍﺳﻮﻱ ﺣﻔﻠﺔ ﻃﻼﻕ ﻭﺍﺭﻛﺺ ﻭﺍﻏﻨﻲ .
ﮔﺎﻝ ﺍﺫﺑﺢ ﻃﻠﻲ ..
ﮔﺘﻠﻪ ﻳﺎﺍﺍﺍ ﺭﺍﺡ ﺗﺬﺑﺢ ﺭﻭﺣﻚ ..
ﮔﺎﻝ ﺍﻧﺠﺒﻲ ﻭﺗﺤﻀﺮﻱ ..
ﺭﺣﻨﻪ ﻟﻠﻤﺤﻜﻤﺔ ﮔﺎﻋﺪﻳﻦ ﻧﻨﺘﻈﺮ ﺩﻭﺭﻧﻪ
ﮔﺘﻠﻪ ﺍﻟﻠﻪ ﻫﻴﺞ ﻭﺍﮔﻌﺪ ﺍﻟﺼﺒﺢ ﻭﻣﺎﺍﺻﺒﺢ ﺑﻮﺟﻬﻚ
ﮔﺎﻝ ﺍﻟﻠﻪ ﻭﺍﻧﻪ ﺍﻧﺎﻡ ﻋﻠﻰ ﺟﺮﺑﺎﻳﺘﻲ ﻃﻮﻝ ﺑﻌﺮﺽ ﻭﺍﺭﺗﺎﺡ ﻣﻨﺞ ﻭﻣﻦ ﺻﻴﺎﺣﺞ .. ﻣﺎﻣﺼﺪﮒ ﻛﺮﺻﻴﻨﻲ ﻛﺮﺻﻴﻨﻲ .
ﻛﺘﻠﻪ ﻛﻮﻭﻥ ﺑﻄﺎﺑﻮﮔﻪ ﻫﺴﻪ .
ﺣﺼﻠﺖ ﻋﻠﻰ ﻃﻼﻗﻲ .. ﻭﺍﺭﺗﺎﺣﻴﺖ
ﺍﺣﺲ ﺍﻧﻮﻟﺪﺕ ﻣﻦ ﺟﺪ ﻭﺟﺪﻳﺪ ..
ﺑﻘﻴﺖ ﻳﻢ ﺑﻴﺖ ﺍﺳﻼﻡ .. ﺑﻴﻮﻡ ﺳﻤﻌﻨﻪ ﻋﻤﻲ ﺍﺟﻪ ﻳﺼﻴﺢ ﺍﺧﺬﺗﻨﻲ ﺻﻔﺎ ﻭﺻﻌﺪﻧﻪ ﻓﻮﮒ ﻭﻗﻔﻠﻨﻪ ﺍﻟﺒﺎﺏ ﻋﺮﻓﺖ ﺻﺎﺭ ﻋﻨﺪﻩ ﻋﻠﻢ ﺑﺎﻟﻄﻼﻕ ..
ﺍﺳﻼﻡ ﻭﻛﻒ ﺑﻮﺟﻬﻪ ﻭﻫﺪﺃﻭﻭ ﺷﻴﺮﻳﺪ ﻳﺴﻮﻱ ﺍﻛﺜﺮ .
ﮔﺎﻝ ﺍﻟﻬﻢ ﺍﺑﻴﻊ ﺍﻟﺒﻴﺖ ﻭﻣﺎﺍﻧﻄﻴﻬﻪ ﺣﺼﺘﻬﺎ .
ﻭﻳﻬﺪﺩ ﻭﻳﻐﻠﻂ ﻭﻭﻭﻭ ...
.
ﺑﻘﻴﺖ ﻓﺘﺮﺓ ﺍﺧﺎﻑ ﺍﻃﻠﻊ ﻇﻠﻴﺖ ﻣﺤﺒﻮﺳﺔ
ﻭﺍﻣﻴﺮ ﻣﺴﺎﻓﺮ ﻏﻴﺮ ﻣﺤﺎﻓﻈﺔ ﻋﻨﺪ ﺻﺪﻳﻘﺔ
ﺣﺴﺐ ﻗﻮﻝ ﺍﺳﻼﻡ ..
ﻣﺮﺕ ﻓﺘﺮﺓ ﺑﻌﺪ ﺍﻟﻄﻼﻕ .. ﻓﺎﻃﻤﺔ ﺃﺟﺮﺕ ﺷﻘﺔ ﻳﻢ ﺍﻫﻠﻬﺎ ﻭﺍﺧﺬﺗﻨﻲ ﻳﻤﻬﺎ ..
ﺑﻌﺪﻫﺎ ﺷﻔﺖ ﺍﺗﺼﺎﻝ ﻣﻦ ﺭﺿﻮﺍﻥ .. ﺟﺎﻭﺑﺘﻪ
ﺳﺄﻟﻨﻲ ﺍﺫﺍ ﻣﺤﺘﺎﺟﺔ ﺷﻲ ..
ﮔﺘﻠﻪ ﺍﺭﻳﺪ ﺍﺷﺘﻐﻞ ..
ﮔﺎﻝ ﻣﺤﺘﺎﺟﺔ ﻓﻠﻮﺱ ﺍﻧﻪ ﺍﺩﺯﻟﺞ .
ﻻ ﻣﺎﻣﺤﺘﺎﺟﺔ ﺑﺲ ﺍﺭﻳﺪ ﺍﺗﻌﻠﻤﻠﻲ ﺷﻐﻠﺔ ﻣﺎﺍﺭﻳﺪ ﺍﺻﻴﺮ ﻋﺎﻟﺔ ﻋﻠﻰ ﺍﺣﺪ .
ﻛﺎﻝ ﻣﻴﺨﺎﻟﻒ ﺍﺷﻮﻓﻠﺞ ..
ﻭﺭﺓ ﺍﻳﺎﻡ ﺭﺩ ﺧﺎﺑﺮﻧﻲ ﮔﺎﻝ ﺍﻛﻮ ﺷﻐﻞ ﺑﻤﺬﺧﺮ ﺍﺩﻭﻳﺔ ﺍﺫﺍ ﺗﺮﺩﻳﻦ .
ﮔﺘﻠﻪ ﻣﻴﺨﺎﻟﻒ ﻭﺍﺟﻪ ﻋﻠﻴﻪ ﻭﺩﺍﻧﻲ ﻭﺍﺷﺘﻐﻠﺖ ..
ﺷﻐﻞ ﻣﺘﻌﺐ ﺍﺑﻘﻰ ﺑﺎﻟﺴﺎﻋﺎﺕ ﺍﺳﻔﻂ ﺑﺎﻻﺩﻭﻳﺔ ﻭﻏﻴﺮ ﺍﻟﻔﺮﺓ ﻋﻠﻰ ﺍﻟﺼﻴﺪﻟﻴﺎﺕ ﺣﺘﻰ ﺍﺗﻔﻖ ﻭﻳﺎﻫﻢ ﺑﺘﻮﺯﻳﻊ ﺍﻻﺩﻭﻳﺔ ﻛﻤﻨﺪﻭﺑﺔ ..
ﻣﺮﺍﺕ ﺍﺭﺟﻊ ﻟﻠﺒﻴﺖ ﻇﻬﺮﻱ ﻭﺍﻛﺘﺎﻓﻲ ﻳﻮﺟﻌﻨﻲ
ﺑﺲ ﺍﻟﻠﻌﺐ ﻭﻳﺎ ﻓﺮﺍﺱ ﺍﻟﺼﻐﻴﺮ ﺍﺭﺗﺎﺡ ..
ﻋﻤﻲ ﻣﺎﺗﺮﻛﻨﻪ ﻳﻮﻣﻴﺔ ﺗﻬﺪﻳﺪ ﻭﻭﻋﻴﺪ
ﺑﺲ ﺍﺧﺮ ﻓﺘﺮﺓ ﺳﻤﻌﺖ ﺑﻲ ﻣﺮﻳﺾ .
ﻛﻞ ﻭﻟﺪﻩ ﺗﺎﺭﻛﻴﻨﻪ ﻭﺣﺘﻰ ﻋﻤﺔ ﺯﻳﻨﺐ
ﻭﻛﺎﻋﺪﻳﻦ ﺑﻴﺖ ﻭﺣﺪﻫﻢ ﻭﻫﻮ ﺗﺎﺭﻛﻲ ﻭﺣﺪﻩ
ﺑﺪﺃ ﺍﻟﺪﻭﺍﻡ ﻭﺑﻠﺸﺖ ﺍﺩﺍﻭﻡ ﻣﺮﺣﻠﺔ ﺛﺎﻧﻴﺔ ﺍﻟﻲ ﻣﺎﻛﻤﻠﺘﻬﺎ ..
ﺟﻤﻌﺔ ﻭﺳﺒﺖ ﺍﺷﺘﻐﻞ ﺑﺎﻟﻤﺬﺧﺮ ﺍﻭ ﻣﺮﺍﺕ ﻣﻨﺪﻭﺑﺔ ﻋﻠﻰ ﺍﻟﺼﻴﺪﻟﻴﺎﺕ ..
ﻓﺪ ﻳﻮﻡ ﻣﻄﺮ ﻭﺍﻟﻤﻐﺮﺏ ﺧﻠﺼﺖ ﺷﻐﻞ
ﻃﻠﻌﺖ ﻣﻦ ﺍﻟﺼﻴﺪﻟﻴﺔ . ﺭﺍﺡ ﺍﺗﺒﻠﻞ ..
ﻟﻔﻴﺖ ﺍﻟﻜﻮﺕ ﺯﻳﻦ .. ﺑﺎﻭﻋﺖ ﻗﻴﻄﺎﻥ ﺣﺬﺍﺋﻲ ﻣﻔﺘﻮﺡ
ﺍﻻﺭﺽ ﻛﻠﻬﺎ ﻣﺎﻱ ..
ﺩﻧﮕﺖ ﺍﺷﺪﻫﻪ .. ﺣﺴﻴﺖ ﺍﻧﺤﻄﺖ ﻣﻈﻠﺔ ﻋﻠﻰ ﺭﺍﺳﻲ
ﺍﺟﺎﻧﻲ ﻋﻄﺮﻩ ﺣﺴﻴﺖ ﺑﻲ .. ﺑﺎﻭﻋﺘﻠﻪ ﺍﻧﺘﺮﺳﺖ ﻋﻴﻮﻧﻲ ﺩﻣﻮﻋﻲ ﻻﺍﺭﺍﺩﻳﺎ ﺑﺠﻴﺖ .
" ﻛﻴﻒ ﺃﺧﺒﺮﻙ ﺃﻧﻚ ﻓﺮﺻﺘﻲ ﺍﻷﺧﻴﺮﺓ ﻟﻠﻨﺠﺎﺓ، ﻭﺃﻥ ﺣﺒﻚ ﻗﺎﺑﻊٌ ﺑﻲ، ﻻ ﻧﻬﺎﻳﺔ ﻟﻪ ﻭﻻ ﺧﻼﺹ، ﻭﺃﻧﻚ ﺍﻷﻣﺎﻥ ﻟﺸﺨﺺٍ ﻣﻀﻰ ﻃﻮﺍﻝ ﺣﻴﺎﺗﻪِ ﻗﻠﻘًﺎ، ﻭﺃﻧﻚ ﺿﻴﺎﺀ ﺭﻭﺣﻲ ﻭﻛﻞ ﺃﺷﻴﺎﺋﻲ، ﻭﺃﻥ ﻳﺪﻳﻚ ﺣﻀﻦ ﻳﺤﻮﻝ ﺑﻴﻨﻲ ﻭﺑﻴﻦ ﺃﺣﺰﺍﻧﻲ، ﻭﻻﻣﻨﻔﻰ ﻣﻨﻚ ﺇﻻ ﺃﻧﺖ ".
ﺣﺴﻴﺘﻪ ﺑﻠﻊ ﺭﻳﮓ .. ﻛﺎﻝ ﻧﺤﺠﻲ؟
ﻫﺰﻳﺖ ﺭﺍﺳﻲ ﺍﻱ ﺑﺲ ﺍﻛﻮﻝ ﻟﻠﺴﺎﻳﻖ ..
ﺭﺣﺖ ﻟﻠﺴﺎﻳﻖ ﻓﺘﺤﻠﻲ ﺻﻨﺪﻭﮒ ﺍﻟﺴﻴﺎﺭﺓ
ﺧﻠﻴﺖ ﻛﺎﺭﺗﻮﻥ ﺍﻻﺩﻭﻳﺔ ..
ﮔﺘﻠﻪ ﺭﻭﺡ ﺍﻧﺖ ﺭﺍﺡ ﺍﺭﻭﺡ ﻭﻳﺎ ﺍﺑﻦ ﻋﻤﺘﻲ .
ﮔﺎﻝ ﻣﺎﺷﻲ ﺑﺮﺍﺣﺘﺞ ..
ﺭﺣﺖ ﺍﻣﺸﻲ ﺑﺎﺗﺠﺎﻩ ﺍﻣﺎﻥ ﺑﻬﺪﻭﺀ ..
ﻭﺍﺧﺬﻧﻲ ﻟﻠﺴﻴﺎﺭﺓ .. ﺩﺧﻠﻨﻪ ..
ﮔﺘﻠﻪ ﺷﻌﺠﺐ ﺟﻴﺖ ﺟﺎﻱ ﺗﺼﺎﻟﺢ ﺍﻫﻠﻚ ؟
ﺑﺎﻭﻋﻠﻲ ﮔﺎﻝ ﻻ ﺍﺟﻴﺖ ﺍﺷﻮﻑ ﺧﻮﺍﺗﻲ ﺍﻫﻠﻲ ﺧﺬﻟﻮﻧﻲ ﺑﻤﺎ ﻓﻴﻪ ﺍﻟﻜﻔﺎﻳﺔ ﺑﺲ ﺍﺧﻮﺍﺗﻲ ﻣﺎﻟﻬﻦ ﺫﻧﺐ .
ﺷﻮﻛﺖ ﺗﺘﺰﻭﺝ ..
ﻓﺴﺨﺖ
ﻳﺎﺍﻳﺎ ﻭﺍﻟﺒﻨﻴﺔ ﺷﻨﻮ ﺫﻧﺒﻬﺎ
ﺗﻌﺮﻑ ﺍﺣﺒﺞ ﺧﻮﺍﺗﻲ ﺣﺎﺟﻴﻦ ﻛﺪﺍﻣﻬﺎ ﻭﻣﻴﺔ ﻣﺮﺓ ﻛﺘﻠﻬﺎ ﺍﻧﻲ ﺍﻋﺘﺒﺮﺝ ﺍﺧﺘﻲ ﻭﻣﻦ ﺭﺍﺣﻮﺍ ﺍﻣﻲ ﻭﺍﺑﻮﻱ ﻳﺨﻄﺒﻮﻫﺎ ﻭﺍﻓﻘﺖ ﺷﺒﻴﻬﺎ ﻏﺒﻴﻪ ﻟﻮ ﻣﺎﻋﺪﻫﺎ ﻋﻘﻞ !
ﺣﺮﻙ ﺍﻟﺴﻴﺎﺭﺓ
ﻛﺎﻝ ﺍﺟﻴﺖ ﺍﺷﻮﻑ ﻭﺣﺪﺓ ﻣﺠﻨﻮﻧﺔ ﻣﺎﺍﺩﺭﻱ ﺗﺤﺲ ﺑﻴﻪ ﻣﺎﺍﺩﺭﻱ ﻻ .
ﺷﻮﻥ ﻋﺮﻓﺖ ﻣﻜﺎﻧﻲ ﻫﻨﺎ .
ﺗﺠﻴﻨﻲ ﺍﺧﺒﺎﺭﺝ ﺍﻭﻝ ﺑﺄﻭﻭﻝ ﻟﻴﺶ ﺗﻌﺒﻴﻦ ﻧﻔﺴﺞ ﻭﺗﺸﺘﻐﻠﻴﻦ ﻟﻬﻴﺞ ﻭﻗﺖ ﻭﺍﻟﺪﻧﻴﺎ ﻣﺎﺗﺘﺄﻣﻦ .
ﺷﻴﺮﻳﺪ ﻳﺼﻴﺮ ﺍﻛﺜﺮ ﻣﻦ ﺍﻟﻲ ﺻﺎﺭ !
ﻻﺳﻤﻴﺔ ﻻﺗﮕﻮﻭﻟﻴﻦ ﻫﻴﺞ ﺑﻄﻠﻲ ﻭﺍﻧﻲ ﺍﺩﺯﻟﺞ ﻓﻠﻮﺱ ﺷﻜﺪ ﻣﺎﺗﺮﺩﻳﻦ .
ﻣﺎﺍﺭﻳﺪ ﻓﻠﻮﺱ ﻣﻦ ﺍﺣﺪ ﺍﺭﻳﺪ ﺍﺷﺘﻐﻞ ﻭﺑﺲ ﺍﺭﻳﺪ ﺍﺛﺒﺖ ﻟﻠﻜﻞ ﺑﺎﻧﻪ ﺍﻧﻪ ﻗﻮﻳﺔ ﻭﻣﺤﺪ ﺍﻟﻪ ﻓﻀﻞ ﻋﻠﻴﻪ .
ﺍﻋﺮﻑ ﺍﻧﺖ ﻗﻮﻳﺔ ﺍﻧﺖ ﺑﻤﻴﺔ ﺭﺟﺎﻝ ..
ﻭﺻﻠﻨﻪ ﻳﻢ ﺍﻟﺸﻘﺔ ﻭﮔﻒ ﺍﻟﺴﻴﺎﺭﺓ .. ﺍﻟﺪﻧﻴﺎ ﻟﻴﻞ ﻭﻓﺎﻃﻤﺔ ﺗﺨﺎﺑﺮ ﮔﺘﻠﻬﺎ ﺟﺎﻳﺔ ..
ﺍﻧﺪﺍﺭ ﻋﻠﻴﺔ ﮔﺎﻝ ﺍﻧﻲ ﺑﺎﺟﺮ ﻣﺴﺎﻓﺮ
ﺩﻧﮕﺖ . ﺑﺠﻴﺖ . ﺭﻓﻊ ﺭﺍﺳﻲ ﮔﺎﻝ ﺍﺷﺮ ﻋﻠﻰ ﺍﻭﺭﺩﺗﻪ ﺍﻟﻲ ﺑﺄﻳﺪﻩ
ﻛﺎﻝ ﺑﺎﻋﻲ ﻫﻨﺎ ﻣﺎﻳﺠﺮﻱ ﺩﻡ ﻫﻨﺎ ﺍﻧﺖ ﺗﻤﺸﻴﻦ ﻣﻜﺎﻧﻪ
ﺍﺷﺮ ﻋﻠﻰ ﺻﺪﺭﻩ ﻛﺎﻝ ﺍﻧﻪ ﻣﺎﺍﺗﻨﻔﺲ ﻫﻮﺍ ﺍﺗﻨﻔﺲ ﺣﺒﺞ
ﺯﺩﺕ ﺑﺎﻟﺒﺠﻲ .. ﻟﻔﻨﻲ ﻣﻦ ﺍﻛﺘﺎﻓﻲ ﻭﺧﻼﻧﻲ ﻋﻠﻰ ﺻﺪﺭﻩ ﺑﺎﺳﻨﻲ ﻋﻠﻰ ﺭﺍﺳﻲ ..
ﻟﺰﻣﺖ ﺑﻤﻼﺑﺴﻪ ﺣﻴﻞ ﻭﺑﺠﻴﺘﺘﺖ ..
ﮔﺎﻝ ﺍﺭﻳﺪﺝ ﻗﻮﻳﺔ ﺍﻗﺮﻱ ﺯﻳﻦ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻭﻟﻮ ﻣﻴﺤﺘﺎﺝ ﺍﻭﺻﻴﺞ .
ﻫﺰﻳﺖ ﺭﺍﺳﻲ ﺍﻱ ﺍﻱ ..
ﮔﺎﻝ ﺍﺣﺒﺞ ﻣﺮﺓ ﺟﺎﻳﺔ ﺭﺍﺡ ﺍﺟﻲ ﺑﻀﺮﻭﻑ ﺍﺣﺴﻦ .
ﻳﺮﻳﺪ ﻳﺒﻮﺳﻨﻲ ﻋﻠﻰ ﺧﺪﻱ ﻭﺧﺮﺕ ﺑﺎﻭﻋﺘﻠﻪ
ﻛﺘﻠﻪ ﻻﺯﻡ ﺍﻧﺰﻝ .. ﻛﺎﻝ ﺍﻭﻛﻲ ﻭﺿﺤﻚ ..
ﻛﺎﻝ ﺑﺲ ﺍﻭﺻﻞ ﻟﺘﺮﻛﻴﺎ ﺍﺧﺎﺑﺮﺝ
ﻭﺩﻋﺘﻪ ﻭﻧﺰﻟﺖ ..
ﻟﻜﻴﺖ ﻓﺎﻃﻤﺔ ﻏﺎﺩﻳﻪ ﻧﺎﺭ ﻋﻠﻴﻪ
ﻛﺘﻠﻬﺎ ﻻﺗﺨﺎﻓﻴﻦ ﻣﺎﻛﻮ ﺷﻲ
ﺭﺍﺡ ﺍﺩﺧﻞ ﺍﺳﺒﺢ
ﺩﺧﻠﺖ ﺳﺒﺤﺖ ﻭﻃﻠﻌﺖ
ﺩﻙ ﺗﻠﻴﻔﻮﻧﻲ ﺭﺿﻮﺍﻥ
ﻭﺻﻠﻪ ﺧﺒﺮ ﻣﺎﺟﻴﺖ ﻭﻳﺎ ﺍﻟﺴﺎﻳﻖ
ﻭﻇﻞ ﻳﺤﻘﻖ ﻭﻳﺎﻱ
ﻛﺘﻠﻪ ﺟﻴﺖ ﻭﻳﺎ ﺍﻣﺎﻥ
ﻭﺳﺪﻳﺘﻪ ..
ﺑﻌﺪﻫﺎ ..
ﺧﺎﺑﺮﻧﻲ ﺍﻣﺎﻥ ﻣﻦ ﻭﺻﻞ ﺗﺮﻛﻴﺎ ..
ﺍﺳﺘﻤﺮﺕ ﺍﺗﺼﺎﻻﺗﻨﺎ ﺭﺟﻌﻨﻪ ﻣﺜﻞ ﺍﻭﻝ ﺑﺲ ﺍﻛﻮ ﺧﻮﻑ ﻭﻣﺎﺍﻋﺮﻑ ﻭﻳﻦ ﺑﻌﺪ ﺭﺍﺡ ﺗﻮﺩﻳﻨﻪ ﻭﺗﺠﻴﺒﻨﻪ ﺍﻟﺪﻧﻴﺎ ..
ﺍﻧﺘﻬﺖ .. ﺍﻟﻘﺼﺔ ﺣﻘﻴﻘﻴﺔ
ﺗﺤﻴﺎﺗﻲ ﺍﻟﻜﻢ
.
ﺍﻟﺴﻼﻡ ﻋﻠﻴﻜﻢ ...
ﺣﺒﺎﻳﺒﻲ ﻭﺍﻋﺰﺍﺋﻲ ..
ﺍﻟﻨﻬﺎﻳﺔ ﻣﻮ ﻣﺒﻬﻤﺔ ﻭﻻ ﻧﺎﻗﺼﺔ ﻭﺍﻧﻤﺎ ﻭﺍﺿﺤﺔ ﺟﺪﺍ
ﺭﻛﺰﺕ ﺑﻴﻬﺎ ﻋﻠﻰ ﺧﻼﺻﻬﺎ ﻣﻦ ﺯﻭﺍﺟﻬﺎ ﺍﻟﺒﺎﺋﺲ ﻭﻋﻤﻬﺎ ﺍﻟﻤﺘﺴﻠﻂ .
ﺭﺟﻌﺖ ﻟﺤﺒﻴﺒﻬﺎ ﻟﻜﻦ ﺑﻌﺪﻫﻢ ﻣﺎﻣﺘﺰﻭﺟﻴﻦ .
ﻭﻫﺬﺍ ﺍﻟﻲ ﻭﺿﺤﺘﻪ ﺑﺎﻻﺧﻴﺮ ..
ﻳﻌﻨﻲ ﺍﺫﺍ ﺗﺰﻭﺟﺘﻪ ﻭﺻﺎﺭﺕ ﻣﺸﺎﻛﻞ ﺑﺎﻋﺘﻘﺎﺩﻛﻢ ﺍﻟﻘﺼﺔ ﺭﺍﺡ ﺗﻜﻤﻞ؟؟
ﺍﻛﻴﺪ ﻫﻢ ﺭﺍﺡ ﺗﺒﻘﻰ ﻧﺎﻗﺼﻪ
ﺍﻟﻤﻬﻢ ﻧﺘﺮﻙ ﻛﻞ ﺷﻲ ﻟﻼﻳﺎﻡ ..
ﺍﺣﺒﻜﻢ ﻣﺘﺎﺑﻌﻴﻨﻲ ﻭﺗﺪﻟﻠﻮﻥ ﺍﺫﺍ ﺣﺎﺑﻴﻦ ﺍﻧﺰﻟﻠﻜﻢ ﺟﺰﺀ بعد ﺑﺲ ﻣﻮ ﻫﺴﻪ ﻣﻦ ﺗﻜﺘﻤﻞ ﺍﻻﺣﺪﺍﺙ .
ﻭﺗﺮﻩ ﻫﻮﺍﻱ ﻛﺎﻟﻮﺍ ﻃﻮﻟﺘﻴﻬﺎ ﻭﺻﺎﺭﺕ ﻣﻤﻠﺔ ﻭﺿﻐﻂ ﻋﻠﻴﻪ ﻛﻠﺶ ﻛﺒﻴﺮ ﻟﺬﻟﻚ ﻻﺯﻡ ﺗﺴﺎﻣﺤﻮﻧﻲ ﻫﻮﺍﻱ ﺍﺗﺄﺛﺮ ﺑﺎﻟﺘﻌﻠﻴﻘﺎﺕ ﺍﻟﺴﻠﺒﻴﺔ .
ﺗﺤﻴﺎﺗﻲ ﺍﻟﻜﻢ
ﻭﺍﺣﺒﻜﻢ ﻛﻠﻜﻢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق