رواية لم تكن خطيئتنا ج1 الجزء السابع
للكاتبة نور ناصر
.
.
ﺳﻤﻴﻪ : ﻗﻠﺒﻲ ﻧﻐﺰﻧﻲ ﺑﺎﻭﻋﺖ ﻋﻠﻰ ﺭﻗﻴﻪ ﻣﺎﻣﻔﺘﻬﻤﻪ ﺷﻲ ﻣﻦ ﺍﻟﻤﻮﺿﻮﻉ ﺑﺲ ﺗﻀﺤﻚ ﻭﺣﺎﺳﻪ ﺑﺤﻨﺎﻥ ﻋﻤﻪ ﺯﻳﻨﺐ ﻣﻦ ﺣﺎﺿﻨﺘﻬﺎ .
ﺍﻧﻪ ﺻﺢ ﻣﻮ ﻗﺮﻳﺒﻪ ﺍﻟﻬﺎ ﻭﻣﺎﺍﻓﻬﻢ ﺍﻟﻬﺎ ﻫﻮﺍﻳﻪ ﺑﺲ ﺍﺣﺴﻬﺎ ﺭﻭﺣﻲ ﻣﻦ ﺍﻟﺪﻧﻴﺎ ﻭﺧﺎﻳﻔﻪ ﻋﻠﻴﻬﺎ ﻻﻥ ﺣﺎﻟﺘﻬﺎ ﺧﺎﺻﻪ ﻭﺍﻟﺪﻧﻴﺎ ﺻﺎﻳﺮﻩ ﻏﺎﺑﺔ ﻭﺣﻮﺵ ﻭﺫﻳﺎﺑﻪ ﻭﺍﻟﻨﺎﺱ ﻣﺎﺗﺮﺣﻢ .
ﺳﻤﻌﺖ ﺻﻮﺕ ﻣﻦ ﺑﻴﺒﻴﺘﻲ
ﻛﺎﻟﺖ : ﺍﻱ ﺻﻠﻮﺍﺕ ﻋﻠﻰ ﺍﻟﻨﺒﻲ ﺷﻮﻓﻦ ﺍﺻﻐﺮ ﻣﻨﺠﻦ ﻭﺭﺍﺡ ﺗﻌﺮﺱ ﻭﺍﻧﺘﻦ ﻇﺎﻻﺕ .
ﺳﻤﻴﻪ : ﻭﺍﻟﻠﻪ ﻳﺎ ﺑﻴﺒﻲ ﺍﻟﻲ ﻳﺴﻤﻌﺞ ﺍﻋﻤﺎﺭﻧﺎ ﺏ 30 ﻭ 40
ﻭﻣﻌﻨﺴﺎﺕ ﻭﻛﺎﻋﺪﺍﺕ ﻋﻠﻰ ﻛﻠﺒﺞ ﺍﺷﻮ ﺑﻌﺪﻧﻪ ﻛﻠﻴﻪ ﻣﺎﻣﺨﻠﺼﻴﻦ .
ﺯﻳﻨﺐ : ﺣﺠﺖ ﺍﻡ ﻟﺴﺎﻥ ﺷﻴﺨﻠﺼﻨﺎ ﻣﻦ ﻟﺴﺎﻧﻬﺎ ﻻﺗﺨﺎﻓﻴﻦ ﻣﺎﺗﻌﻨﺴﻴﻦ ﺍﺫﺍ ﻛﻠﺶ ﻛﻠﺶ ﺍﺧﻄﺒﺞ ﻻﻣﻴﺮ .
: ﻫﻠﻪ ﺍﻧﻮﺑﻪ ﻋﻠﻴﻪ ﺍﻣﻴﺮ ﻫﺎﻻﻣﻠﺢ ﺣﺘﻰ ﺗﺼﻴﺮ ﺑﺎﻟﺴﺠﺎﺟﻴﻴﻦ ﺍﻧﻪ ﻭﻳﺎ .
ﺯﻳﻨﺐ : ﺷﻮﻑ ﺍﻻﺩﺑﺴﺰ ﺷﻮﻥ ﺗﺤﺠﻲ ﻋﻠﻰ ﺍﺑﻨﻲ ﻛﺪﺍﻣﻲ ! !
ﺑﻴﺒﻲ : ﺍﺳﺐ ﺍﻟﺘﻴﻦ ﻭﺍﻫﻠﻪ ﮔﺎﻋﺪﻳﻦ ﻣﺎﺗﺴﺘﺤﻲ .
ﺳﻤﻴﻪ : ﻫﺬﺍ ﺗﻴﻦ ﺍﺳﻮﺩ ﻻ ﻭﺍﻟﻠﻪ ﺍﻟﺘﻴﻦ ﻃﻌﻤﻪ ﺣﻠﻮ ﻛﻮﻟﻲ ﺭﺍﺱ ﺑﺼﻞ ﺛﻮﻡ ﻓﻠﻔﻞ ﺣﺎﺭ ﺍﺻﻼ ﺣﺮﺍﻣﺎﺕ ﺍﺷﺒﻬﻪ ﺑﻨﻌﻤﺔ ﺍﻟﻠﻪ ﻫﺎﻟﻤﺘﻌﺠﺮﻑ .
ﺯﻳﻨﺐ : ﻳﻴﻤﻪ ﻣﻨﺞ ﺍﻧﺖ ﻓﻠﻚ ﺍﺳﻮﺩ ﺑﺲ ﺍﺭﻳﺪ ﺍﻋﺮﻑ ﻣﻨﻮ ﺍﻟﻲ ﺭﺍﺡ ﻳﺒﺘﻠﻲ ﺑﻴﺞ ﺍﻗﺼﺪ ﻳﺼﻴﺮ ﻣﻦ ﻧﺼﻴﺒﺞ .
ﺳﻤﻴﻪ : ﺍﻱ ﻭﺍﻟﻠﻪ ﻋﻤﻪ ﺍﻧﻪ ﻫﻢ ﺍﺭﻳﺪ ﺍﻋﺮﻑ
ﺍﻱ ﺻﺪﻙ ﻣﺎ ﮔﻠﺘﻲ ﻣﻨﻮ ﺍﻟﻲ ﺧﻄﺐ ﺭﻗﻴﺔ؟
: ﻣﻨﺎﺿﻞ ﺍﺑﻦ ﺍﺧﻮﻱ .
ﺑﺎﻭﻋﺖ ﻟﺼﻔﺎ ﻛﺘﻠﻬﻪ ﻛﻮﻟﻲ ﻟﺮﻗﻴﻪ ﺟﺎﻳﻴﻠﻬﺎ ﻋﺮﻳﺲ .
ﺍﺷﺮﺗﻠﻬﺎ ﻭﻋﺮﻓﺖ ﺧﻠﺖ ﺍﺻﺒﻌﻬﺎ ﻋﻠﻰ ﺷﻔﺎﻳﻔﻬﺎ ﻣﺜﻞ ﺍﻟﻄﻔﻠﻪ ﻭﺩﻧﮕﺖ ﺭﺍﺳﻬﺎ ﻣﺒﺘﺴﻤﻪ ﻭﺧﺠﻼﻧﻪ .
ﺭﻓﻌﺖ ﺭﺍﺳﻬﺎ ﻭﺗﺎﺷﺮ ﻟﺼﻔﺎ
ﺿﺤﻜﺖ ﺻﻔﺎ ﻛﺎﻟﺖ ﺗﺴﺄﻟﻨﻲ ﻣﻨﻮ ﺍﻋﺮﻓﻪ ﻟﻮ ﻻ .
: ﺍﻱ ﺗﻌﺮﻓﻪ ﮔﻠﻴﻠﻬﻪ ﻫﺬﺍ ﺍﻟﻲ ﺳﺒﺤﺘﻲ ﺑﺎﻟﻤﺎﻱ ﺍﻟﻮﺻﺦ ﻳﻨﺘﻈﺮﺝ ﺗﺴﺒﺤﻴﻨﻪ ﻣﻦ ﺫﺍﻙ ﺍﻟﻴﻮﻡ ﺍﻟﻬﺎﻟﻴﻮﻡ ﻣﻮ ﻗﺎﺑﻞ ﻳﺴﺒﺢ ﺍﻟﻪ ﻳﺮﻳﺪ ﺭﻗﻴﻪ ﺗﺠﻠﻔﻪ .
ﻛﺮﺻﺘﻨﻲ ﻋﻤﻪ ﺯﻳﻨﺐ ﺑﻔﺨﺬﻱ ﻭﻟﺞ ﺷﺒﻲ ﺍﺑﻦ ﺍﺧﻮﻱ ﻗﺎﺑﻞ ﻭﺻﺦ .
ﻳﺠﻮﺯ ﺷﺎﻓﺘﻪ ﺭﻗﻴﻪ ﻭﺻﺦ ﻭﺷﻤﺮﺕ ﻋﻠﻲ ﺳﻄﻞ ﺍﻟﻤﺎﻱ ﺣﺘﻰ ﺗﺴﺒﺤﻪ
ﺭﻗﻴﻪ ﻋﺪﻫﻪ ﺟﻬﺎﺯ ﺍﺳﺘﺸﻌﺎﺭ ﺑﺎﻟﻮﺻﺎﺧﻪ ﺍﻟﻲ ﺗﻌﺮﻓﻪ ﻭﺻﺦ ﮔﺒﻞ ﺗﺴﺒﺤﻪ .
ﺻﻔﺎ : ﻫﻬﻬﻬﻪ ﻭﻣﺎﺗﺴﺒﺤﻪ ﺍﻟﻪ ﺑﺎﻟﻤﺎﻱ ﺍﻟﻮﺻﺦ .
ﺳﻤﻴﻪ : ﺑﻌﺪ ﻟﻠﻀﺮﻭﺭﺓ ﺍﺣﻜﺎﻡ ﻣﺎﺟﺎﻥ ﺑﻴﺪﻫﻪ ﺍﻟﻪ ﺳﻄﻞ ﺍﻟﻤﺎﻱ ﺍﻟﻮﺻﺦ
ﺍﻟﻤﻬﻢ ﻋﻤﻪ ﻫﻮ ﻃﻠﻚ ﻣﺮﺗﻪ ﻣﻮ؟
: ﻻ ﺑﻌﺪﻩ ﻭﺍﺻﻠﻴﻦ ﻟﻠﻄﻼﻙ .
: ﺍﻱ ﻋﻮﺩ ﻣﻦ ﻳﻄﻠﻚ ﺧﻠﻲ ﻳﺠﻲ ﻳﺨﻄﺐ ﻣﻮ ﻫﺴﻪ .
ﺑﻴﺒﻲ : ﻭﺍﻧﺖ ﺷﻌﻠﻴﺞ ﺍﺧﺘﺞ ﻭﺻﻠﺖ ﻗﺴﻤﺘﻬﺎ ﻟﻮ ﺗﻐﺎﺭﺭﻳﻦ؟
: ﻣﺎﺍﻏﺎﺭ ﻣﻦ ﺧﻮﺍﺗﻲ ﺍﻧﻪ ﻳﺎ ﺑﻴﺒﻲ ﺑﺲ ﻻﺯﻡ ﻳﻄﻠﻚ ﺧﺎﻑ ﻳﺮﺟﻌﻬﺎ ﻭﻫﺎﻟﺸﻲ ﻣﺎﻳﺼﻴﺮ .
: ﺍﻧﺖ ﻣﺎﻋﻠﻴﺞ ﺧﻠﻲ ﺗﻤﺸﻲ ﺧﻄﻴﻪ ﺯﻳﻦ ﻣﻨﻪ ﺧﻄﺒﻬﺎ ﻣﻨﻮ ﻳﺮﻳﺪ ﻭﺣﺪﻩ ﺧﺮﺳﻪ .
: ﺑﻴﺒﻲ ﺷﺒﻴﺞ ﻣﺎﺗﮕﻠﻴﻠﻲ ﻭﺍﺫﺍ ﺧﺮﺳﻪ ﺑﺲ ﻣﺎﻧﺎﻗﺼﻬﺎ ﺷﻲ
ﻭﺣﻠﻮﻩ ﻭﺑﻌﺪﻳﻦ ﻫﻴﻪ ﻣﻮ ﺑﺎﻳﺪﻫﻪ ﻫﺎﻟﺸﻲ ﻣﻦ ﺍﻟﻠﻪ
.
ﺍﻭﻭﻭ ﺍﻧﺖ ﺷﻴﺨﻠﺼﻨﻪ ﻣﻦ ﺍﻟﻠﺴﺎﻧﺞ ﺍﻟﻠﻪ ﻳﻌﻴﻨﻪ ﺍﻟﻲ ﺭﺍﺡ ﻳﺒﺘﻠﻲ ﺑﻴﺞ .
: ﻫﻮ ﻭﻳﻨﻪ ﺑﺲ ﺧﻠﻲ ﻳﺠﻲ ﻫﺴﻪ ﻭﺑﻌﺪﻳﻦ ﻟﻜﻞ ﺣﺎﺩﺙ ﺣﺪﻳﺚ .
ﺻﻔﺎ : ﺍﻱ ﻋﻤﻪ ﻣﻨﺎﺿﻞ ﺷﻜﺪ ﻋﻤﺮﻩ؟
: ﺣﺒﻴﺒﺘﻲ ﻋﻤﺮﻩ 30 ﺳﻨﻪ .
ﺳﻤﻴﻪ : ﺣﻴﻴﻞ ﺷﺎﻳﺐ ﻫﺬﺍ ﻭﺧﻄﻴﻪ ﺭﻗﻴﻪ ﺗﻮﻩ ﻳﻠﻠﻪ 18 ﺳﻨﻪ ﻋﻤﺮﻫﺎ .
ﺯﻳﻨﺐ : ﻭﻟﺞ ﺷﻤﺸﻴﺒﻪ ﺑﻌﺪﻩ ﺷﺎﺏ .
ﺑﻴﺒﻲ : ﻫﻲ ﺑﺎﻟﻌﻪ ﻣﺴﺠﻞ ﺍﻟﻴﻮﻡ ﻣﺎﺗﺴﻜﺖ ﻳﻤﻪ ﺯﻧﻮﺑﻪ ﻣﻦ ﻳﺠﻲ ﺍﻳﻮﺏ ﺍﻧﻪ ﺍﮔﻠﻠﻪ
: ﺍﻱ ﻋﻤﻪ ﺍﻥ ﺷﺎﺀﺍﻟﻠﻪ ﻭﺍﻫﻢ ﺷﻲ ﺭﻗﻴﻪ ﺗﻮﺍﻓﻖ ﺣﺘﻰ ﻳﺠﻮﻥ ﺍﻣﻪ ﻭﺍﺧﺘﻪ ﻫﻢ ﻛﻠﻬﻢ ﺷﺎﻳﻔﻴﻨﻬﻪ ﺑﻌﺮﺱ ﻭﻋﺪ ﺑﺲ ﺑﻌﺪ ﺍﻻﺻﻮﻝ ﻻﺯﻡ ﻳﺠﻮﻥ ﻭﻳﺘﻔﻘﻮﻥ ﻭﻳﺎﻛﻢ .
ﺧﻠﺖ ﻋﺒﺎﻳﺘﻬﺎ ﻋﻠﻰ ﺭﺍﺳﻬﺎ ﻭﮔﺎﻣﺖ : ﺍﻧﻪ ﺍﺭﻭﺡ ﻋﺎﺷﺖ ﺍﻳﺪﺝ ﺻﻔﺎﻭﻱ ﻋﻠﻰ ﺍﻟﻨﺴﻜﺎﻓﻴﻴﻪ ﻛﻠﺶ ﻃﻴﺒﻪ .
ﺑﻴﺒﻲ : ﻫﺎﺍ ﻭﻳﻦ ﺑﻌﺪ ﻭﻛﺖ .
: ﻻ ﻋﻤﻪ ﺗﺪﺭﻳﻦ ﺑﻌﺪ ﻳﺠﻮﻧﻪ ﺧﻄﺎﺭ ﻳﺘﺒﺎﺭﻛﻮﻥ ﻻﻳﻨﺎﺱ ﻣﺎﻳﺼﻴﺮ ﻣﺎﻣﻮﺟﻮﺩﻩ ﺍﻧﻪ ﻫﻢ ﻋﻴﺐ ﻻﺯﻡ ﺍﺳﺘﻘﺒﻠﻬﻢ .
ﺑﻴﺒﻲ : ﻫﺎﺍ ﻳﻠﻠﻪ ﺍﻟﻠﻪ ﻭﻳﺎﺝ .
ﺳﻤﻴﻪ …
ﻣﻦ ﻛﺎﻟﺖ ﻳﺠﻮﻥ ﻳﺘﻔﻘﻮﻥ ﻋﻠﻰ ﻛﻞ ﺷﻲ
ﺣﺴﻴﺖ ﺑﻬﺎﻟﻴﻮﻡ ﺷﻜﺪ ﻣﺤﺘﺎﺟﻴﻦ ﺍﻣﻨﺎ ﺗﺤﻀﺮﻫﻪ ﻭﺗﻄﻠﻌﻬﺎ ﻳﻤﻬﻢ ﻭﺗﺘﻔﻖ ﻭﻳﺎﻫﻢ ﻋﻠﻰ ﺷﻐﻼﺕ ﺑﻴﻬﻪ ﻣﺼﻠﺤﺘﻬﺎ
ﺍﻧﻘﻬﺮﺕ ﻭﺑﻴﺒﻴﺘﻲ ﻣﺒﻴﻦ ﻋﻠﻴﻬﺎ ﺗﺮﻳﺪ ﺑﺲ ﺗﺰﻭﺟﻬﺎ .
ﻛﻠﺖ ﻟﺼﻔﺎ ﻛﻠﻴﻠﻬﻪ ﺑﻠﻠﻪ ﻫﻴﻪ ﻣﻮﺍﻓﻘﺔ ﻋﻠﻴﻪ؟
ﺣﺎﺟﺘﻬﺎ ﻭﻛﺎﻟﺖ ﺍﻱ ﻣﻮﺍﻓﻘﺔ
ﺯﻳﻦ ﻛﻠﻴﻠﻬﻪ ﻋﻨﺪﻩ ﺍﻃﻔﺎﻝ .
ﺗﻜﻮﻝ ﻣﻴﺨﺎﻟﻒ ﺍﻧﻪ ﻫﻢ ﺍﺟﻴﺒﻠﻪ ﺍﻃﻔﺎﻝ
ﺭﻛﻌﺖ ﻛﺼﺘﻲ ﻫﺎﻱ ﻭﺍﺻﻠﻪ ﻣﺮﺣﻠﻪ .
ﺑﺎﻟﻠﻴﻞ ﻣﻦ ﺍﺟﻪ ﺍﺑﻮﻱ ﻛﻠﺘﻠﻪ ﺑﻴﺒﻲ
ﻛﺎﻝ ﺍﻫﻢ ﺷﻲ ﻫﻴﻪ ﺷﻨﻮ ﺗﻜﻮﻝ ﻣﻮﺍﻓﻘﻪ؟
ﺑﻴﺒﻴﺘﻲ ﻛﺎﻟﺖ ﺍﻱ ﻣﻮﺍﻓﻘﻪ ﺯﻭﺟﻬﻪ ﻳﻤﻪ ﻣﺪﺍﻡ ﺟﺎﻳﺘﻬﺎ ﻗﺴﻤﻪ .
ﺍﻳﻮﺏ : ﺍﻟﻮﻟﺪ ﺍﻋﺮﻑ ﻋﺰ ﺍﻟﻤﻌﺮﻓﻪ ﺧﻮﺵ ﻭﻟﺪ .
ﺳﻤﻴﻪ : ﻳﺎﺑﻪ ﻣﺘﺰﻭﺝ ﻭﻋﻨﺪﻩ ﺍﺛﻨﻴﻦ ﺍﻃﻔﺎﻝ .
ﺑﻴﺒﻲ : ﻣﻮ ﻛﻠﻮﻟﺞ ﻳﺎﺑﻨﻴﻪ ﻳﺮﻳﺪ ﻳﻄﻠﻚ ﺷﺒﻴﺞ ﺍﻧﺖ ﻣﺮﺗﻪ ﻫﻨﺎﻙ ﺣﺘﻰ ﺟﻬﺎﻟﻬﻪ ﻣﺴﺠﻠﺘﻬﻢ ﻣﺪﺍﺭﺱ ﻫﻨﺎﻙ .
ﺳﻤﻴﻪ : ﺧﻠﻲ ﻳﻄﻠﻚ ﻛﻠﺶ ﻭﻳﺠﻲ ﻳﺨﻄﺐ ﻋﻠﻴﻤﻦ ﻣﺴﺘﻌﺠﻞ .
ﺍﻳﻮﺏ : ﻛﻮﻣﻲ ﺳﻤﻴﻪ ﻻﺗﻠﻐﻴﻦ ﻧﺎﻭﺷﻴﻨﻲ ﺍﻟﺘﻠﻴﻔﻮﻥ ﺧﻠﻲ ﺍﺧﺎﺑﺮ ﻋﻤﺞ ﺳﻠﻴﻤﺎﻥ ﻭﺍﻓﺘﻬﻢ ﻣﻨﻪ .
ﺍﻧﻄﻴﺘﻪ ﺍﻟﺘﻠﻴﻔﻮﻥ ﺍﺗﺼﻞ ﻋﻠﻰ ﻋﻤﻮ ﺳﻠﻴﻤﺎﻥ
ﻭﻃﺒﻌﺎ ﺍﺭﺍﺀ ﻋﻤﻮ ﺳﻠﻴﻤﺎﻥ ﻣﻮ ﻣﺠﺮﺩ ﺍﺭﺍﺀ ﻭﺍﻧﻤﺎ ﺍﻭﺍﻣﺮ
ﻛﻮﻧﻪ ﻛﺒﻴﺮ ﺍﻟﻌﺎﺋﻠﻪ .
ﻭﻻﻥ ﻣﻨﺎﺿﻞ ﻳﺼﻴﺮ ﺍﺑﻦ ﺍﺧﺘﻬﻪ ﺍﻟﻤﺮﺗﻪ ﻓﺄﻛﻴﺪ ﻫﺴﻪ
ﺭﺍﺡ ﻳﺴﻮﻱ ﻭﻻﺍﻛﻮ ﺍﺣﺴﻦ ﻣﻨﻪ .
ﺑﺎﻟﻠﻴﻞ ﺍﺗﺼﻠﻨﺎ ﺑﺄﻣﻲ ﻭﺍﻧﻄﻴﺘﻬﺎ ﻋﻠﻢ ﺑﺨﻄﺒﺔ ﺭﻗﻴﻪ
ﻧﺒﺮﺗﻬﺎ ﺟﺎﻧﺖ ﺍﻟﻔﺮﺡ ﻭﺍﻟﺤﺰﻥ ﻭﺍﻟﺼﺪﻣﻪ
ﻳﻤﻜﻦ ﻓﺮﺡ ﻻﻥ ﺍﺟﺘﻠﻬﻪ ﻗﺴﻤﻪ ﻭﺣﺰﻥ ﻻﻥ ﻫﻴﻪ ﺑﻌﻴﺪﻩ ﻋﻨﻬﺎ . !
: ﻭﻟﺞ ﻣﺎﻣﺎ ﺳﻤﻴﻪ ﻣﻨﻮ ﻫﺬﺍ ﻭﻭﺍﻓﻘﻮﺍ ﻋﻠﻴﻪ ﻟﻮﻻ .
: ﻭﺍﻟﻠﻪ ﻳﺎﺍﻣﻲ ﻣﺪﺍﻡ ﻣﻦ ﻃﺮﻑ ﻋﻤﻮ ﺳﻠﻴﻤﺎﻥ ﺍﻛﻴﺪ ﻳﻮﺍﻓﻘﻮﻥ .
: ﺯﻳﻦ ﻫﻮ ﺷﻠﻮﻧﻪ ﺍﻟﻮﻟﺪ ﺧﻮ ﻣﺎ ﻣﻬﺘﻠﻒ ﺧﻄﻴﻪ ﺍﺧﺘﺞ ﻭﻟﺞ ﻳﻤﻪ ﺳﻤﻴﻪ ﺧﻮ ﻣﺎﺭﺍﺡ ﺗﻨﻈﻠﻢ ﻫﺎﻟﻤﺴﻜﻴﻨﻪ .
: ﻻ ﻳﻤﻪ ﻣﺎﺗﻨﻈﻠﻢ ﻭﺍﻧﻪ ﺍﺧﺘﻬﺎ .
: ﺍﺣﺠﻴﻠﻲ ﻋﻨﻪ ﺍﻟﻮﻟﺪ ﺷﻠﻮﻧﻪ ﻣﺎﻟﻮﻧﻪ
.
ﺻﻔﺎ : ﻣﺎﻣﺎ ﻳﺼﻴﺮ ﺍﺑﻦ ﺍﺧﻮ ﻋﻤﻪ ﺯﻳﻨﺐ ﺗﻜﻮﻝ ﻋﻤﺮﻩ 30 ﺳﻨﻪ .
ﺳﻤﻴﻪ : ﺷﺒﻴﺞ ﺗﻨﺒﺼﻴﻦ ﻣﻮ ﺍﻧﻪ ﺟﺎﻱ ﺍﺣﺠﻲ ﻭﻳﺎﻫﺎ .
ﺻﻔﺎ : ﻫﻢ ﺗﻠﻴﻔﻮﻧﻲ ﻭﻫﻢ ﻣﺎﺗﺨﻠﻴﻨﻲ ﺍﺣﺠﻲ ﺣﺎﺟﺰﺗﻬﺎ ﺑﺲ ﺍﻟﺞ !
ﺍﻣﺎﻟﻴﺪ : ﻭﻳﻨﺠﻦ ﺑﻨﺎﺕ ﻣﻨﻮ ﻣﻨﻬﻢ ﺍﺑﻦ ﺍﺧﻮ ﺯﻳﻨﺐ .
ﺻﻔﺎ : ﻣﺎﻣﺎ ﺍﺳﻤﻪ ﻣﻨﺎﺿﻞ ﻋﻤﺮﻩ 30 ﻣﺎﺍﺩﺭﻱ ﺍﺑﻦ ﻣﻨﻮ .
ﺳﻤﻴﻪ : ﺍﻱ ﻣﺘﺰﻭﺝ ﻭﻋﻨﺪﻩ ﺟﻬﺎﻝ ﺍﺛﻨﻴﻦ
ﺻﻔﺎ : ﻣﺮﺗﻪ ﺯﻋﻼﻧﻪ ﻭﺗﺮﻳﺪ ﺗﺘﻄﻠﻚ ﺍﻫﻠﻠﻬﻪ ﺑﻐﻴﺮ ﻣﺤﺎﻓﻈﺔ
ﺳﻤﻴﻪ : ﺍﻫﻮﻭﻭ ﻫﻢ ﺣﺠﺖ .
ﺍﻣﺎﻟﻴﺪ : ﻫﻲ ﺷﺒﻴﺠﻦ ﻭﻟﺞ ﺳﻤﻴﻪ ﺧﺎﻑ ﺗﻜﻤﻞ ﺍﻟﺨﻄﻮﺑﻪ ﻭﺗﺼﻴﺮ ﺍﻟﻘﺴﻤﻪ ﺩﻳﺮﻱ ﺑﺎﻟﺞ ﻻﺗﻨﻈﻠﻢ ﺍﺧﺘﺞ ﻛﻮﻥ ﻣﻬﺮ ﺯﻳﻦ ﻏﺮﻓﺔ ﻧﻮﻡ ﺯﻳﻨﻪ ﺣﻔﻠﺔ ﻣﻬﺮ ﺧﻠﻴﺴﻮﻭﻟﻬﻪ ﻭﺍﻟﻠﻪ ﻳﺎﺭﻳﺖ ﺍﻧﻪ ﺍﻭﻟﻔﻬﻪ .
ﺳﻤﻴﻪ : ﺍﻱ ﻃﺒﻌﺎ ﺷﺤﺪﻫﻢ ﻳﺤﻄﻮﻥ ﻣﻦ ﻗﺪﺭﻫﺎ ﺣﺎﻟﻬﺎ ﺣﺎﻝ ﺍﻱ ﻭﺣﺪﻩ ﻭﺍﻧﻪ ﻫﻢ ﺍﺧﺎﺑﺮ ﻋﻤﻪ ﺯﻳﻨﺐ ﻭﺍﺣﺎﺟﻴﻬﺎ .
ﺍﻣﺎﻟﻴﺪ : ﺍﻱ ﻋﻔﻴﻪ ﺑﻨﻴﺘﻲ ﻣﺎﺍﻭﺻﻴﺞ ﺑﻌﺪ ﺧﻄﻴﻪ ﺍﺧﺘﺞ ﺑﻌﺪ ﻋﻴﻨﻲ ﺭﻗﻴﻪ ﺭﺍﺡ ﺗﺼﻴﺮ ﻋﺮﻭﺳﻪ ﺑﻌﻴﺪ ﻋﻦ ﻋﻨﻲ ﻣﻦ ﻋﻤﺖ ﻋﻴﻨﻲ ﺍﻟﻲ ﻣﺎﺗﺸﻮﻓﺞ ﻋﺮﻭﺳﻪ .
ﺳﺎﺩ ﺍﻟﺼﻤﺖ ﻭﺍﻟﻬﺪﻭﺀ ﻭﺻﺎﺭ ﺍﻟﺪﻣﻊ ﻳﺘﻜﻠﻢ
ﻋﻦ ﻧﺪﻡ ﺟﺎﺀ ﻣﺘﺄﺧﺮﺍً ..
ﻳﻮﻡ ﺛﺎﻧﻲ ﺍﻟﺴﺒﺖ ﺍﺗﻔﻘﻮﺍ ﻳﺠﻮﻥ ﻋﻮﺩ ﻳﺸﻮﻓﻮﻫﺎ
ﺍﻟﻌﺼﺮ .
ﺭﺣﻨﻪ ﻟﻠﻐﺮﻓﻪ ﻧﺤﻀﺮﻫﺎﺍ ﺍﺧﺘﺎﺭﻳﺖ ﺍﻟﻬﺎ ﻓﺴﺘﺎﻥ ﻣﺎﺭﻭﻧﻲ
ﻛﻠﻮﺵ ﺷﻌﺮﻫﺎ ﻣﻔﺘﻮﺡ ﻭﻋﻠﻴﻪ ﺑﻮﻧﺪ ﺑﻠﻮﻥ ﺍﻟﻔﺴﺘﺎﻥ
ﺭﺍﺩﺕ ﻣﻜﻴﺎﺝ ﻣﻘﺒﻠﺖ ﻛﺘﻠﻬﺎ ﺧﻠﻲ ﻳﺸﻮﻓﻮﻫﺎ ﻉ ﺍﻟﻄﺒﻴﻌﻪ ﺍﺣﺴﻦ .
ﻛﻌﺪﻧﻪ ﻧﻨﺘﻈﺮﻫﻢ
ﺍﺑﺎﻭﻋﻠﻬﺎ ﻣﺜﻞ ﺍﻟﻜﺎﻋﺪﻩ ﻋﻠﻰ ﻧﺎﺭ ﻭﻛﻞ ﺷﻮﻱ ﺗﺴﺎﻝ ﺻﻔﺎ ﻫﻢ ﺭﺍﺡ ﻳﺠﻲ ﻭﻳﺎﻫﻢ ﻫﻮ؟
ﻛﺴﺮﺕ ﺧﺎﻃﺮﻱ ﻣﻤﺼﺪﮔﻪ
ﺩﻋﻴﺖ ﺍﻟﻬﺎ ﺑﻘﻠﺒﻲ ﻭﺭﻭﺣﻲ
ﺍﺳﻌﺪﻫﺎ ﻳﺎﺍﻟﻠﻪ ﺭﻗﻴﻪ ﺑﺮﻋﺎﻳﺘﻚ
ﻻﺗﺨﻠﻲ ﻳﻈﻠﻤﻬﺎ ...
ﻣﻦ ﺍﺟﻮ ﺍﻧﻪ ﻭﺻﻔﺎ ﻃﺒﻴﻨﻪ ﺟﻮﻩ ﻻﻥ ﻫﻮ ﺟﺎﻥ ﻭﻳﺎﻫﻢ ﻭﺍﺣﻨﻪ ﺍﺳﺘﺤﻴﻨﺎ ﻧﻜﻌﺪ ﺑﻮﺟﻮﺩﻩ
ﻃﻠﻌﻮﺍ ﻭﺍﺣﻨﺎ ﻣﺎﻋﺮﻓﻨﺎ ﻋﻠﻰ ﺷﻨﻮ ﺍﺗﻔﻘﻮﺍ
ﺩﺧﻠﺖ ﺍﺭﻳﺪ ﺍﺳﺄﻝ ﺑﻴﺒﻴﺘﻲ ﺳﻤﻌﺖ ﺍﺑﻮﻱ ﻳﺴﺄﻟﻬﺎ ﻋﻦ ﺍﺧﺘﻪ ﺗﻔﺎﺟﺄﺕ !! ﺍﻭﻝ ﻣﺮﻩ ﺍﺳﻤﻌﻪ ﻳﺴﺄﻝ ﻋﻠﻰ ﻣﺮﻩ
ﺩﺧﻞ ﺍﻟﺸﻚ ﺍﻟﻘﻠﺒﻲ !
ﻃﻠﻊ ﺍﺑﻮﻱ ﺭﺣﺖ ﻟﺒﻴﺒﻴﺘﻲ
: ﻋﻠﻰ ﺷﻨﻮ ﺍﺗﻔﻘﺘﻮﺍ ﺧﻮ ﻣﺎ ﺣﻄﻴﺘﻮﺍ ﻣﻦ ﻗﺪﺭﻫﺎ .
: ﺧﻠﻲ ﺗﻤﺸﻲ ﻗﺴﻤﺘﻬﺎ ﻻﺗﺼﻴﺮﻳﻦ ﻋﻈﻢ ﺑﺎﻟﺒﻠﻌﻮﻡ .
ﺍﻭﻭﻭ ﺑﻴﺒﻲ ﺍﺭﻭﺡ ﺍﺧﺎﺑﺮ ﻋﻤﻪ ﺯﻳﻨﺐ ﺍﺣﺴﻦ ﺍﻧﺖ ﻣﺎﺗﻨﻄﻴﻦ ﻧﺸﺪﺓ .
: ﺍﻧﺖ ﺍﻟﻠﻪ ﻣﺴﻠﻄﺞ ﻋﻠﻴﻪ ﻳﻤﺘﻪ ﺗﻌﺮﺳﻴﻦ ﻭﺍﺭﺗﺎﺡ ﻣﻨﺞ .
: ﻳﻮﻡ ﺍﻟﺴﻌﻴﺪ ﻭﻋﻴﺪ ﺍﻋﺮﺱ ﻭﺍﻓﻜﺞ ﻣﻨﻲ .
ﺩﺧﻠﺖ ﻟﻠﻐﺮﻓﻪ ﺧﺎﺑﺮﺕ ﻋﻤﻪ ﺯﻳﻨﺐ
ﻛﺘﻠﻬﺎ ﻋﻤﻪ ﺭﻗﻴﻪ ﺣﺎﻟﻬﺎ ﺣﺎﻝ ﺍﻟﺒﻨﺎﺕ ﻣﺎﺍﺭﻳﺪ ﺍﺣﺪ ﻳﺤﻂ ﻣﻦ ﻗﺪﺭﻫﺎ ﺟﻴﻒ ﻫﻲ ﻣﺎﺗﺤﺠﻲ ﻭﺗﻌﺮﻓﻴﻦ ﻭﺿﻌﻨﺎ ﺍﺣﻨﺎ ﺑﻼ ﺍﻡ ﺗﺎﺧﺬ ﺣﻘﻨﺎ ﻭﺍﺑﻮﻱ ﻣﺎﻳﻬﺘﻢ ﺍﻟﻬﺎﻱ ﺍﻟﺴﻮﺍﻟﻒ ﻭﺑﻴﺒﻲ ﻋﺪﻫﺎ ﺍﻫﻢ ﺷﻲ ﺗﻤﺸﻲ ﻗﺴﻤﺘﻬﺎ ﻭﻫﻲ ﺧﻄﻴﻪ ﺗﺤﺐ ﺗﺸﺘﺮﻱ ﻭﺗﻬﺘﻢ ﺑﻨﻔﺴﻬﺎ ﻓﻬﻤﺘﻲ ﻋﻠﻴﻪ ﻋﻤﻪ؟
: ﻭﻟﺞ ﺍﻡ ﻟﺴﺎﻥ ﺗﺮﻩ ﻣﻨﺎﺿﻞ ﻭﺍﻫﻠﻪ ﻧﺎﺱ ﺷﺒﻌﺎﻧﻴﻴﻦ
ﻫﻮ ﻣﻮﺿﻒ ﺭﺍﺗﺒﻪ ﺍﻟﺤﻤﺪﻟﻠﻪ ﻭﺍﺧﺘﻪ ﻣﻌﻠﻤﻪ ﻭﺍﻣﻪ ﻋﺪﻫﺎ ﺭﺍﺗﺐ ﺍﻟﺸﻬﻴﺪ ﻭﺍﻧﻪ ﻣﻌﺘﺒﺮﺗﻬﺎ ﻣﺜﻞ ﺑﻨﺘﻲ ﻫﻢ ﻣﺎﺍﻗﺒﻞ ﻋﻠﻴﻬﺎ ﺍﻃﻤﺌﻨﻲ ﻛﻞ ﺷﻲ ﻫﻲ ﺗﻄﻠﺒﻪ ﺣﺎﺿﺮ ﺍﻧﺖ ﺗﺪﺭﻳﻦ ﺷﻜﺪ ﺍﺣﺒﻜﻢ .
.
ﺍﻱ ﻋﻤﻪ ﻭﺍﺣﻨﻪ ﻫﻢ ﻧﺤﺒﺞ .
: ﻃﻠﻊ ﮔﻠﺒﺞ ﻃﻴﺐ ﺍﻡ ﻟﺴﺎﻥ !
: ﻫﻬﻬﻬﻪ ﺍﻱ ﻋﻤﻪ ﺟﺎ ﺷﻌﺒﺎﻟﺞ .
ﻣﺮﺕ ﻛﻢ ﻳﻮﻡ ﻭﺻﺎﺭﺕ ﺭﻗﻴﺔ ﻣﻦ ﻧﺼﻴﺐ ﻣﻨﺎﺿﻞ
ﺍﻟﻔﺮﺡ ﺟﺎﻥ ﻭﺍﺿﺢ ﺑﻌﻴﻨﻬﺎ
ﺍﺗﻔﻘﻮﺍ ﻋﻠﻰ ﻛﻞ ﺷﻲﺀ
ﻋﻤﻪ ﺯﻳﻨﺐ ﻭﺍﺧﺘﻪ ﺗﻜﻔﻠﻮﺍ ﺑﻜﻞ ﺍﻟﺘﺮﺗﻴﺒﺎﺕ
ﺍﺍﺧﺘﻪ
ﺣﺴﺐ ﻣﺎﺳﻤﻌﺖ ﻋﻦ ﺍﺧﺘﻪ ﺍﻟﻲ ﺍﺳﻤﻬﺎ ﻓﺎﻃﻤﺔ
ﺍﺭﻣﻠﻪ ﻣﻦ ﺳﺒﻊ ﺳﻨﻮﺍﺕ ﻭﻣﺎﻋﺪﻫﺎ ﺍﻃﻔﺎﻝ
ﺍﺟﻮ ﺍﻟﻌﺼﺮ ﻫﻴﻪ ﻭﻋﻤﻪ ﺯﻳﻨﺐ ﺍﺧﺬﻭﺍ ﺭﻗﻴﻪ
ﺣﺘﻰ ﺗﺨﺘﺎﺭ ﺑﺪﻟﻪ ﻟﻠﺤﻔﻠﻪ
ﺑﻘﻴﺖ ﺍﺑﺎﻭﻋﻠﻬﻬﻢ ﻭﻫﻢ ﺑﺎﻟﻄﺎﺭﻣﻪ
ﺍﺑﻮﻱ ﻛﺎﻝ ﺍﻟﻬﻢ ﺍﻧﻪ ﺍﻭﺻﻠﻜﻢ ﻟﻠﺴﻮﻙ
ﻭﻋﻴﻮﻧﻪ ﺟﺎﻧﺖ ﻋﻠﻰ ﻓﺎﻃﻤﻪ
ﺣﺴﻴﺖ ﺑﺎﻧﺰﻋﺎﺝ ﻭﺿﺠﺖ
ﺭﺣﺖ ﻟﺼﻔﺎ ﺑﺎﻟﻐﺮﻓﻪ
ﺟﺎﻧﺖ ﺗﺒﺮﺩ ﺍﺿﺎﻓﺮﻫﺎ
ﻛﻌﺪﺕ ﻳﻤﻬﺎ
: ﺻﻔﺎ ﺍﺑﻮﺝ ﻭﻛﻊ ﻭﻣﺤﺪ ﻛﺎﻟﻪ ﺍﺳﻢ ﺍﻟﻠﻪ .
ﻟﻄﻤﺖ ﻋﻠﻰ ﺻﺪﺭﻫﺎ ﻭﻛﺎﻣﺖ ﻣﻦ ﻋﻠﻰ ﺍﻟﺴﺮﻳﺮ ﻭﻟﺞ ﻭﻳﻨﻪ ﻫﺴﻪ ﻭﻭﻳﻦ ﻭﻛﻊ
ﺟﺮﻳﺘﻬﺎ ﻣﻦ ﻫﺪﻭﻣﻬﺎ ﻭﺭﺟﻌﺘﻬﺎ ﻋﻠﻰ ﺍﻟﺴﺮﻳﺮ
: ﻭﻟﺞ ﻭﻛﻊ ﺑﺎﻟﺤﺐ ﺷﺒﻴﻴﺞ !
: ﻳﺒﻮﻭ ﻭﺍﻟﻠﻪ ﺗﺨﻠﺴﻴﻦ ﺍﻟﻮﺍﺣﺪ ﺧﻠﺲ . ﺍﻱ ﺧﻠﻲ ﻳﻮﻛﻊ ﺷﺘﺮﻳﻦ ﻣﻨﻪ .
: ﺍﻳﻲ ﻳﺠﻴﺒﻠﻨﻪ ﻣﺮﺓ ﺍﺑﻮ ﻫﻨﺎﻧﻪ ﻣﺎﺍﺭﻳﺪ ﺍﻭﻭﻭﻭﻩ
: ﻭﻟﺞ ﺷﺎﺏ ﻭﻣﻦ ﺣﻘﻪ
: ﺧﻠﻴﺖ ﺭﺟﻞ ﻋﻠﻰ ﺭﺟﻞ ﻛﻠﺖ ﺍﻱ ﺷﺎﺏ ﻭﻣﺤﺪ ﻃﻔﺎ
ﺑﺎﻭﻋﺘﻠﻬﺎ ﺍﻛﻠﺞ ﺻﻔﺎ ﺍﻧﻪ ﺍﺭﻳﺪ ﺍﻣﻲ ﺗﺠﻲ ﻟﻠﺤﻔﻠﻪ
ﺑﺎﻭﻋﺘﻠﻲ ﻣﺼﺪﻭﻣﻪ ﺗﺨﺒﻠﺘﻲ ؟
: ﺍﻣﻬﺎ ﻭﻣﻦ ﺣﻘﻬﺎ ﺗﺠﻲ ﺗﺸﻮﻓﻬﺎ ﻭﻫﻴﻪ ﻋﺮﻭﺳﻪ .
: ﺍﺑﻮﻱ ﻳﻄﻴﺢ ﺣﻈﻨﺎ ﻭﺍﻟﻠﻪ ﻳﻌﻠﻜﻨﺎ ﺑﺎﻟﺒﻨﻜﻪ
: ﺍﺑﻮﺝ ﻭﺍﻛﻊ ﻭﺑﻌﺪ ﻣﺎﺭﺍﺡ ﻳﻬﺘﻢ ﻻﻱ ﺷﻲ ﻣﻨﺎ ﻭﺟﺎﻱ
ﻭﺍﻧﻪ ﺭﺍﺡ ﺍﻛﻠﻪ ﺑﺲ ﺧﻠﻲ ﻳﺠﻲ ﺑﺎﻟﻠﻴﻞ .
: ﻣﺎﺗﺨﺎﻓﻴﻦ ﻭﺍﻟﻠﻪ ﻳﻄﻴﺢ ﺣﻈﺞ
: ﻋﻠﻰ ﺷﻨﻮ ﺍﺧﺎﻑ ﺷﻤﺴﻮﻳﻪ ﺍﻧﻪ ؟
: ﺟﺮﺋﺘﺞ ﺍﻟﺰﺍﻳﺪﻩ ﻫﻲ ﺭﺍﺡ ﺗﻌﻢ ﻋﻠﻴﺞ !
: ﻣﺎﺗﻌﻢ ﻭﻻ ﺷﻲ ﺑﺲ ﻳﺠﻲ ﺍﻛﻠﻪ
ﺑﺎﻟﻠﻴﻞ ﺍﺟﻪ ﺍﺑﻮﻱ
ﺷﻔﺘﻪ ﻛﺎﻋﺪ ﻭﺣﺪﻩ ﺑﺎﻟﻬﻮﻝ
ﻭﻛﻔﺖ ﺑﻌﻴﺪ ﺷﻮﻳﻪ ﻋﻨﻪ
ﺧﺎﻑ ﻳﺮﻛﻌﻨﻲ ﺑﻄﻔﺎﻳﺔ ﺍﻟﺠﻜﺎﻳﺮ
ﺗﺠﺮﺃﺕ ﻭﻧﻄﻘﺖ
ﻛﺘﻠﻪ : ﻳﺎﺑﻪ ﺧﻠﻲ ﺍﻣﻲ ﺗﺠﻲ ﻟﺤﻔﻠﺔ ﺭﻗﻴﺔ
ﺑﻘﻴﺖ ﺍﻧﺘﻈﺮ ﺭﺩﻩ
ﺑﺎﻭﻋﻠﻲ ﺑﻨﻈﺮﺓ ﺑﺎﺭﺩﻩ ﻛﻠﺶ ﺣﺴﻴﺖ ﻣﺎﻳﻬﻤﻪ ﻫﺬﺍ ﺍﻟﻤﻮﺿﻮﻉ ﺑﻌﺪ
ﻃﺎﻝ ﺍﻟﺼﻤﺖ ﻭﻫﻮ ﻣﺎﻧﻄﻖ
ﻋﻔﺘﻪ ﻭﺩﺧﻠﺖ ﻟﻠﻐﺮﻓﻪ
ﺻﻔﺎ ﻭﺭﻗﻴﻪ ﺟﺎﻱ ﻳﺤﺠﻦ
ﻛﺘﻠﻬﺎ ﺻﻔﺎ ﺍﺑﻮﻱ ﻗﺒﻞ ﺗﺠﻲ ﺍﻣﻲ
: ﺟﺬﺍﺑﻪ ﻛﺘﻴﻠﻪ ؟ﺷﻨﻮ ﻛﺎﻝ ؟
: ﺍﻱ ﻛﺘﻠﻪ ﻭﺳﻜﺖ ﺍﺻﻼ ﻃﺎﻛﻬﻪ ﺻﻔﻨﻪ .
: ﻳﻌﻨﻲ ﻫﻮ ﺍﻓﺘﻬﻢ ﺷﻨﻮ ﻛﺘﻴﻠﻪ ﻟﻮ ﺑﺎﻟﻪ ﺑﻐﻴﺮ ﻣﻜﺎﻥ
: ﺍﻟﺴﻜﻮﺕ ﻋﻼﻣﺔ ﺍﻟﺮﺿﺎ ﻳﺎﺍﺧﺘﻲ ﻭﺑﻌﺪﻳﻦ ﻭﻳﻦ ﺑﺎﻟﻪ ﺷﺘﻘﺼﺪﻳﻦ ؟
: ﻫﻪ ﻳﻤﻜﻦ ﻳﻢ ﺣﻤﺎﺕ ﺍﺧﺘﺞ
: ﻳﺴﻮﻳﻬﻪ ﺍﻟﺤﻆ
: ﻭﻟﺞ ﺳﻤﻌﺖ ﻣﻨﻮ ﻳﺠﻲ ﻳﺨﻄﺒﻬﺎ ﺗﺮﻓﺾ
: ﺑﺲ ﻻ ﻣﻀﻤﻮﻣﻪ ﻻﺑﻮﺝ ﻭﻟﺞ .
: ﺷﻜﻮﻭﻭ ﺑﻴﻬﺎ
: ﺩﺭﻭﺣﻴﻲ ﺷﻜﻮﻭ ﺑﻴﻬﺎ ﺑﻌﺪ ﺗﺠﻴﻨﻪ ﻣﺮﺓ ﺍﺑﻮ ﺗﻄﻴﺢ ﺣﻈﻨﺎ
: ﻣﺒﻴﻦ ﻋﻠﻴﻬﺎ ﺣﺒﺎﺑﻪ
: ﺑﻌﺪﻳﻦ ﺗﺘﻔﺮﻋﻦ ﻋﻠﻴﻨﻪ ﺩﻃﻴﺮﻱ ﺧﻞ ﺍﺧﺎﺑﺮ ﺍﻣﻲ .
: ﺷﺮﺍﺡ ﺗﻜﻠﻴﻠﻬﻪ ﺍﺑﻮﻱ ﻣﻌﺠﺐ ؟
: ﻧﺠﺒﻲ ﺭﺍﺡ ﺍﻛﻠﻠﻬﻪ ﺗﻌﺎﻱ ﻟﻠﺤﻔﻠﻪ ﺍﺑﻮﻱ ﻗﺒﻞ .
ﺧﺎﺑﺮﺗﻬﺎ ﻓﺮﺣﺖ ﻛﻠﺶ ﻭﻣﻔﺮﻓﺤﻪ ﻋﻠﻴﻬﺎ
ﺑﻴﻮﻡ ﺍﻟﺤﻔﻠﻪ ﺍﺟﺖ ﺍﺧﺘﻪ ﻭﻋﻤﻪ ﺯﻳﻨﺐ ﻭﺩﻭﻫﺎ ﻟﻠﺼﺎﻟﻮﻥ .
ﺍﺣﻨﻪ ﺑﻘﻴﻨﺎ ﺑﺎﻟﺒﻴﺖ
ﺍﻟﻈﻬﺮ ﺑﺪﻟﻨﻪ ﻭﻛﺎﻋﺪﻳﻦ ﻧﺨﻠﻲ ﻣﻜﻴﺎﺝ ﺑﺎﻟﻐﺮﻓﻪ
ﺩﺧﻠﻦ ﻫﺠﺮﺍﻥ ﻭﺭﺟﻮﺍﻥ
ﺍﻣﻞ ﻭﺍﻳﻨﺎﺱ ﻭﺍﻧﺘﺮﺳﺖ ﺍﻟﻐﺮﻓﻪ
ﻫﺠﺮﺍﻥ : ﺷﻜﺪ ﺍﻛﺮﻩ ﺍﻟﻬﻮﺳﻪ ﻳﺮﺑﻲ ﺍﻟﺤﻔﻼﺕ ﻣﺎﺗﺮﻫﻢ ﺍﻟﻪ ﺑﺎﻟﻘﺎﻋﺎﺕ ﻣﻮ ﺍﺑﻴﺖ ﻫﺎﻟﻜﺪﻭﺗﻪ ﻭﺍﻟﻠﻪ ﺍﻫﻞ ﺑﺎﺑﺎ ﺍﻋﺮﺍﺳﻬﻢ ﻭﺣﻔﻼﺗﻬﻢ ﻛﻠﻬﺎ ﺑﺎﻟﻘﺎﻋﻪ .
ﺳﻤﻴﻪ : ﺣﺒﻴﺒﺘﻲ ﻣﺪﺍﻡ ﻣﺎﻋﺎﺟﺒﺞ ﺷﻜﻮ ﺍﺟﻴﺘﻲ !
: ﺷﺒﻴﺞ ﺳﻤﻴﻪ ﻋﻮﺩ ﺍﺣﻨﺎ ﺍﺑﻴﺘﻜﻢ ﻭﻫﻴﺞ ﺗﺤﺠﻴﻦ ﻋﻠﻴﻨﻪ ؟
: ﻻ ﺣﺒﻴﺒﺘﻲ ﻣﻨﻴﻦ ﺍﺟﺎﻩ ﺑﻴﺘﻨﺎ ﻫﺬﺍ ﺍﻟﺒﻴﺖ ﺍﻣﺞ ﺍﻟﻬﺎ ﺣﺼﻪ ﺑﻲ .
ﺿﺎﺟﺖ ﻭﻣﺎﻛﺪﺭﺕ ﺗﺮﺩ ﺧﻠﺖ ﻭﻃﻠﻌﺖ ﻭﺗﺒﻌﺘﻬﺎ ﺍﺧﺘﻬﺎ ﻃﻠﻌﺖ ﻭﺭﺍﻫﺎ
ﺍﻣﻞ : ﻭﺍﻟﻠﻪ ﻋﻠﻴﺞ ﺳﻮﺍﻟﻒ ﺳﻤﻴﻪ ﻓﺸﻠﺘﻴﻬﺎ ﻭﻟﺞ .
ﺳﻤﻴﻪ : ﻭﺍﻟﻠﻪ ﺷﻬﺎﻟﺘﻌﺠﺮﻑ
ﺑﺎﻭﻋﺖ ﻟﺼﻔﺎ ﺗﻌﺎﻱ ﺧﻄﻴﻠﻲ ﺍﻻﻳﻼﻳﻨﺮ ﻳﻠﻠﻪ
ﻛﻤﻠﺖ ﻛﻞ ﺷﻲ ﻃﻠﻌﺖ ﻣﻦ ﺍﻟﻐﺮﻓﻪ ﺻﺎﺭﺕ ﺑﻮﺟﻬﻲ ﺍﺷﻮﺍﻕ ﻭﺑﻨﺎﺗﻬﺎ
ﺍﺷﻮﺍﻕ ﺑﻜﺎﻣﻞ ﺍﻧﺎﻗﺘﻬﺎ ﺍﻟﻤﻌﻬﻮﺩﻩ
ﺗﺒﺎﻭﻋﻠﻲ ﺑﺸﺮﺍﺳﺔ ﻭﺣﻘﺪ ﻳﻤﻜﻦ ﺑﻨﺘﻬﺎ ﻛﻠﺘﻠﻬﺎ ﺷﺤﺠﻴﺖ
ﻳﻮﻭ ﻃﺰ ﻇﻠﻴﺖ ﺍﻣﺸﻲ ﺑﺪﻟﻊ
ﺍﺑﺎﻭﻉ ﻟﻨﻔﺴﻲ ﺑﺎﻟﻤﺮﺍﻳﻪ ﺣﻠﻮ ﺍﻻﻳﻼﻳﻨﺮ ﻋﻠﻴﻪ ﺻﻔﺎ ﺧﻄﺘﻪ ﺑﺎﺣﺘﺮﺍﻓﻴﻪ
ﺭﻗﻴﻪ ﺑﻌﺪﻫﺎ ﻣﺎﺟﺎﻳﺒﻴﻬﺎ ﻣﻦ ﺍﻟﺼﺎﻟﻮﻥ .
ﻇﻠﻮﺍ ﻳﺠﻮﻥ ﺍﻟﻤﻌﺎﺯﻳﻢ ﻣﻦ ﺑﺎﺏ ﺍﻟﻤﻄﺒﺦ
ﻻﻥ ﺍﻟﺒﺎﺏ ﺍﻟﺜﺎﻧﻲ ﻳﻤﻪ ﺍﻟﺰﻟﻢ ﻳﻔﻮﺗﻮﻥ ﻣﻨﻪ ﻟﻠﺪﻳﻮﺍﻧﻴﻪ .
ﺩﺧﻠﺖ ﻟﻠﻤﻄﺒﺦ ﺻﻔﺎ ﺍﺟﺖ ﻭﺭﺍﻱ
ﺍﻟﻮﻟﺪ ﻫﻢ ﻃﺎﺑﻴﻦ ﻭﻃﺎﻟﻌﻴﻦ
ﻣﺨﻠﻴﻪ ﺷﺎﻝ ﻋﻠﻰ ﺭﺍﺳﻲ ﺑﺲ ﺧﺼﻼﺕ ﻃﺎﻟﻌﻪ ﻣﻦ ﺷﻌﺮﻱ ﻃﻠﻴﺖ ﻣﻦ ﺑﺎﺏ ﺍﻟﻤﻄﺒﺦ ﻉ ﺍﻟﻄﺎﺭﻣﻪ
ﺷﻔﺖ ﺭﺿﻮﺍﻥ ﻭﺍﻛﻒ ﻳﺨﺎﺑﺮ
ﻭﻣﻨﺎﻙ ﺑﻐﻴﺮ ﻣﻜﺎﻥ
ﺷﻔﺖ ﺍﻣﺎﻥ ﻭﺍﻛﻒ ﻳﻢ ﺍﻣﻴﺮ ﻭﺍﺳﻼﻡ
ﺑﻘﻴﺖ ﻭﺍﻛﻔﻪ ﻭﻣﺮﻛﺰﺓ ﻋﻠﻴﻪ ﻣﺎﺧﺬ ﺍﻻﻧﺎﻗﻪ ﻣﻦ ﺍﻣﻪ
ﺍﻟﺒﻨﺎﺕ ﻳﻔﻮﺗﻦ ﺍﺳﻼﻡ ﻭﺍﻣﻴﺮ ﻳﺒﺎﻭﻋﻮﻥ ﻋﻠﻰ ﺷﻜﻮ ﺑﻨﻴﻪ ﺗﻤﺮ
ﺑﺲ ﻫﻮ ﻟﻮ ﺗﻔﻮﺕ ﻣﻦ ﻳﻤﻪ ﻫﻴﻔﺎﺀ ﻭﻫﺒﻲ ﻣﺎﻳﺒﺎﻭﻋﻠﻬﺎ
ﺷﻨﻮ ﺍﻧﺖ ﻣﺎﺗﮕﻮﻭﻟﻲ؟
ﺻﺎﺭﺕ ﻧﻈﺮﺍﺕ ﺑﻴﻨﺎﺗﻨﻪ
ﻋﻴﻮﻧﻪ ﺗﻬﺪ ﺣﻴﻞ ﺛﻜﻠﻲ ﻣﻦ ﻛﺪ ﺍﻟﺠﺎﺫﺑﻴﻪ ﺍﻟﺒﻴﻬﺎ
ﺩﺍﻋﺒﻨﻲ ﺍﻟﻬﻮﺍ ﻭﻃﻴﺮ ﺧﺼﻼﺕ ﺷﻌﺮﻱ ﺍﻟﻄﺎﻟﻌﻪ ﻣﻦ ﺍﻟﺸﺎﻝ ﻭﺍﺣﺲ ﻧﻈﺮﺍﺗﻪ ﻋﻠﻴﻪ
ﺻﺮﻓﺖ ﻧﻈﺮﻱ ﻋﻨﻪ ﺑﺎﺑﺘﺴﺎﻣﻪ ﻃﻠﻌﺖ ﻏﺼﺐ ﻋﻨﻲ ﺑﺲ ﻫﺎﻟﻠﺤﻈﺎﺕ ﺣﺴﻴﺘﻬﺎ ﻋﻤﺮ ﻭﻧﻈﺮﺍﺗﻪ ﻣﺎﻛﺪﺭﺕ ﺍﻓﺴﺮﻫﺎ .
ﺩﺧﻠﺖ ﺍﻣﻲ ﻭﺑﻴﺒﻴﺘﻲ ﺍﻟﻲ ﻫﻴﻪ ﺍﻣﻬﺎ
ﻓﺮﺣﻨﺎ ﻛﻠﺶ ﺣﻀﻨﺎﻫﺎ ﺍﻧﻪ ﻭﺻﻔﺎ ﻭﺩﻣﻮﻋﻬﺎ ﺗﻬﻞ
ﺻﺎﺭ ﺳﻨﺘﻴﻦ ﻣﺎﺷﺎﻳﻔﻴﻨﻬﺎ
ﺑﻴﺒﻴﺘﻲ ﺗﻌﺒﺎﻧﻪ ﺧﻄﻴﻪ ﻣﺮﻩ ﻛﺒﻴﺮﻩ ﻭﻋﺪﻫﻪ ﺯﻳﺎﺩﻩ ﺑﺎﻟﻮﺯﻥ ﺍﺫﺍ ﺑﻘﺖ ﻭﺍﻛﻔﻪ ﺗﺘﻌﺐ .
ﺟﺮﻳﺖ ﺍﻟﻬﺎ ﺍﻟﻜﺮﺳﻲ ﺟﺎﻥ ﺑﺼﻒ ﺑﺎﺏ ﺍﻟﻤﻄﺒﺦ
ﺗﺮﻳﺪ ﺗﻜﻌﺪ ﻭﺻﻔﺎ ﺟﺎﺑﺖ ﺍﻟﻤﺎﻱ ﺍﻟﻬﻢ
ﺑﻬﺎﻟﻠﺤﻈﻪ ﻃﻠﻌﺖ ﺍﺷﻮﺍﻕ
ﺻﺎﺣﺖ ﻫﺬﻥ ﺷﺠﺎﺑﻬﻦ ﻫﻨﺎ !
ﺑﻴﺒﻴﺘﻲ ﻣﺎﻛﻤﻠﺖ ﻛﻌﺪﺗﻬﺎ ﻛﺎﻣﺖ
ﺍﻟﻜﻞ ﻣﺴﺘﻐﺮﺏ ﻭﻳﺒﺎﻭﻋﻠﻬﺎ
ﺍﻳﺪﻱ ﻋﻠﻰ ﻗﻠﺒﻲ
ﻳﺮﺑﻲ ﺷﺮﺍﺡ ﺗﺴﻮﻱ ﻫﺎﻳﻪ ﺗﺨﺒﻠﺖ
ﺍﺟﺖ ﻳﻤﻲ ﻟﺰﻣﺘﻨﻲ ﻣﻦ ﻋﻜﺴﻲ ﺑﻘﻮﻩ ﺣﺴﻴﺖ ﻣﻦ ﺧﻼﻝ ﺿﻐﻄﻬﺎ ﻋﻠﻰ ﺍﻳﺪﻱ ﺑﻤﺪﻯ ﺣﻘﺪﻫﺎ ﻋﻠﻴﻪ ﻭﻛﺮﻫﻬﺎ ﺍﻟﻲ
ﺑﺎﻭﻋﺘﻠﻲ ﻭﻧﻔﺜﺖ ﺣﻘﺪﻫﺎ ﺑﻮﺟﻬﻲ
ﻫﻲ ﺳﻮﺍﻟﻔﺞ ﻣﻮﻭﻭ ﺍﻧﺖ ؟
ﺍﻧﺖ ﻛﻠﺘﻴﻠﻬﻦ ﻳﺠﻦ
ﻭﺗﺼﻴﺢ
ﺑﻴﺒﺘﻲ ﺗﻮﺟﻪ ﻛﻼﻣﻬﺎ ﻻﻣﻲ ﻳﻠﻠﻪ ﻳﻤﻪ ﻣﺎﺍﻟﻨﺎ ﻣﻜﺎﻥ ﻫﻨﺎ
ﻧﻔﻀﺖ ﺍﻳﺪﻱ ﻣﻦ ﺍﺷﻮﺍﻕ
ﻛﻠﻲ ﺍﺭﺟﻒ
ﻳﺮﺑﻲ ﺍﻟﻘﻮﺓ ﺍﺭﻳﺪﻫﺎ ﻣﻨﻚ ﻗﻮﻳﻨﻲ
ﺻﺮﺕ ﻣﻘﺎﺑﻴﻞ ﺍﻣﻲ ﺍﻟﻲ ﻻﺯﻣﻪ ﺑﻴﺒﻲ ﻣﻦ ﺍﻳﺪﻫﺎ ﻭﺗﺮﻳﺪ ﺗﻄﻠﻊ .
ﻛﺘﻠﻬﺎ ﻣﺎﺗﻄﻠﻌﻮﻥ ﻭﺍﻟﻠﻪ ﻳﻤﻪ ﻣﻮ ﺑﻜﻴﻔﻬﺎ .
.
ﺍﺷﻮﺍﻕ " ﺑﺼﻴﺎﺡ :" ﺷﻨﻮ ﻣﻮ ﺑﻜﻴﻔﻬﺎ ﻭﻟﺞ ﻳﺎﻋﺪﻳﻤﺔ ﺍﻟﺘﺮﺑﻴﺔ
ﺳﻤﻴﻪ : ﻭﺍﻟﻠﻪ ﺧﺎﺑﺼﺘﻨﻲ ﺑﻬﻲ ﺍﻟﻜﻠﻤﺘﻴﻦ،ﻋﺪﻳﻤﺔ ﺗﺮﺑﻴﺔ ﻋﻠﻰ ﺍﻻﻗﻞ ﻣﺎﺍﻃﺮﺩ ﺑﺎﻟﻨﺎﺱ ﺟﺎﻳﻴﻦ ﺿﻴﻮﻭﻑ .
: ﺗﻌﺘﺮﻓﻴﻦ ﻣﺎﻋﻨﺪﺝ ﺗﻌﺎﻟﻲ ﺧﻠﻲ ﺍﺭﺑﻴﺞ .
ﻋﻤﻪ ﺯﻳﻨﺐ ﻭﻋﻤﻪ ﺍﻣﺘﺜﺎﻝ ﻻﺯﻣﺎﺗﻬﺎ ﻣﻦ ﺍﻳﺪﻳﻬﺎ ﻭﻫﻲ ﺗﺮﻳﺪ ﺗﻬﺪ ﻋﻠﻴﻪ ﻭﺻﻮﺕ ﺻﻴﺎﺣﻬﺎ ﻋﺎﻟﻲ .
ﺍﻣﺎﻟﻴﺪ " ﺑﻌﺼﺒﻴﺔ :" ﻋﻠﻰ ﻛﻴﻔﺞ ﻋﻴﻨﻲ ﻃﺎﻟﻌﻴﻦ ﻃﺎﻟﻌﻴﻦ ﻣﺎﺑﺎﻗﻴﻦ ﻋﻠﻰ ﺭﺍﺳﺞ .
ﺳﻤﻴﻪ " ﺑﻘﻬﺮ :" ﻻ ﻳﻤﻪ ﻋﻔﻴﻪ ﺑﺲ ﺷﻮﻓﻴﻬﺎ ﻭﺍﻟﻠﻪ ﺍﻧﻪ ﻛﻠﺖ ﻻﺑﻮﻱ ﺭﺍﺡ ﺗﺠﻴﻦ ﻭﺳﻜﺖ ﻣﺎﻛﺎﻝ ﺷﻲ .
ﺍﺷﻮﺍﻕ " ﺑﺼﻴﺎﺡ :" ﻭﻳﻨﻪ ﺍﻳﻮﺏ ﺻﻴﺤﻮﻟﻲ ﺍﻳﻮﺏ ﺍﺣﺠﻲ ﻭﻳﺎ ﻟﻮ ﺍﻧﻪ ﻟﻮ ﻫﻢ ﻫﻨﺎ .
ﻣﻦ ﺑﻴﻦ ﺍﻟﻨﺴﻮﺍﻥ ﻓﺎﺕ ﺃﻣﺎﻥ ﻭﺃﺧﺬﻫﺎ
ﺣﺎﻭﻁ ﺍﻛﺘﺎﻓﻬﺎ ﺑﺎﻳﺪﻳﻨﻪ ﻭﻫﻮ ﻳﺘﻜﻠﻢ ﻭﻳﺎﻫﺎ ﺑﻬﺪﻭﺀ ﻭﺑﺮﻭﺩ ﻏﻴﺮ ﻃﺒﻴﻌﻴﻴﻦ .
ﻓﻮﺗﻬﺎ ﻟﻠﻤﻄﺒﺦ ﻏﺼﺐ ﻋﻨﻬﺎ . ﺗﻤﺸﻲ ﻭﺗﺘﻠﻔﺖ .
ﻭﺗﺪﺭﺩﻡ .
ﺑﻜﻞ ﺧﻄﻮﻩ ﺗﺘﻠﻔﺖ ﻭﺗﺮﻳﺪ ﺗﺮﺟﻊ ﻋﻴﻮﻧﻬﺎ ﻋﻠﻴﻨﻪ ﺗﺠﺪﺡ ﻧﺎﺭ ﻭﺷﺮﺍﺳﺔ ﻭﻏﻀﺐ ﺧﻠﺘﻨﻲ ﻣﺘﺴﺎﺋﻠﺔ ﺷﻨﻮ ﻣﻦ ﺣﻘﺪ ! !
ﻋﻤﻪ ﺯﻳﻨﺐ ﻭﺍﻣﺘﺜﺎﻝ ﻇﻠﻮﺍ ﻳﻄﺒﺒﻮﻥ ﺑﺎﻟﻨﺴﻮﺍﻥ
ﺍﻟﻲ ﺍﻟﻠﺘﻤﻮﺍ ﻳﺒﺎﻋﻦ ﻋﻠﻰ ﺍﻟﻤﺸﺎﺟﺮﺓ ﺍﻟﺼﺎﺭﺕ ﻗﺒﻞ ﺷﻮﻳﻪ .
ﺍﻟﻠﺘﻔﺘﺖ ﻋﻠﻰ ﺍﻣﻲ ،
: ﻳﻠﻠﻪ ﻣﺎﻣﺎ ﺍﺩﺧﻠﻮﺍ ﻣﻌﻠﻴﻜﻢ ﺑﻴﻬﺎ ﻫﺬﻩ ﺑﺲ ﺑﻮﺧﻪ ﻛﻞ ﺷﻲ ﻣﺎﺗﺴﻮﻱ ﺑﺲ ﺗﻬﺪﻳﺪ ﻭﺻﻮﺕ ﻋﺎﻟﻲ .
ﺍﻡ ﺃﻣﺎﻟﻴﺪ : ﻻ ﺑﻨﻴﺘﻲ ﻻﺯﻡ ﻧﻜﺴﺮ ﺍﻟﺸﺮ ﻭﻧﺮﻭﺡ ﺧﺎﻑ ﺗﺼﻴﺮ ﻣﺸﻜﻠﻪ ﺷﻠﻨﻪ ﺑﻬﺎﻟﺮﺑﺎﺑﻪ ﻫﺎﻱ .
: ﻻﻋﻔﻴﻪ ﻣﺎﻋﻠﻴﻜﻢ ﺑﻴﻬﺎ ﻫﺴﻪ ﺗﻌﻮﻓﻜﻢ ﻭﺗﺴﻜﺖ ﻣﺎﻟﻬﺎ ﻋﻼﻗﻪ .
ﺍﻣﺎﻟﻴﺪ : ﻻ ﻳﻤﻪ ﻻ ﺍﺭﻭﺡ ﺍﺣﺴﻦ .
ﺍﻧﻪ ﺳﻜﺘﺖ ﻭﺿﺠﺖ ﻭﻣﺎﺭﺩﺕ ﺍﻟﺢ ﻋﻠﻴﻬﻢ ﺑﻌﺪ ﺍﻛﺜﺮ
ﺍﻣﻲ ﻓﺘﺤﺖ ﺟﻨﻄﺘﻬﺎ ﻃﻠﻌﺖ ﻋﻠﺒﺔ ﻭﺍﻧﻄﺘﻨﻴﺎﻫﺎ
ﻛﺎﻟﺖ : ﻫﺬﺍ ﺍﻟﺴﻮﺍﺭ ﺍﻟﻮﻋﺪﺗﺞ ﺑﻲ ﺻﻮﺭﻳﻠﻲ ﺍﺧﺘﺞ ﻭﺩﺯﻳﻠﻲ ﺻﻮﺭﻫﺎ ﺍﺷﻮﻓﻬﺎ .
ﻣﺎﻣﺪﻳﺖ ﺍﻳﺪﻱ ﺑﺲ ﺍﺣﺠﻲ ﻭﺍﺗﻮﺳﻞ ﺑﻴﻬﺎ ﺗﺒﻘﻰ
ﺍﺳﺘﻴﺎﺀ ﻭﻣﺎﻛﻮ ﺫﺭﺓ ﻓﺮﺡ ﺑﻴﻪ
ﺳﺤﺒﺖ ﺍﻳﺪﻱ ﻭﺧﻠﺖ ﺍﻟﻌﻠﺒﻪ ﺑﺮﺍﺣﺔ ﻛﻔﻲ .
ﺑﻮﺳﻨﺎﻫﺎ ﺍﻧﻪ ﻭﺻﻔﺎ ﻭﻇﻠﻴﻨﻪ ﻭﺍﻛﻔﻴﻦ ﻧﺒﺎﻭﻋﻠﻬﺎ ﻭﻫﻲ ﺗﻤﺸﻲ ﻭﺗﻄﻠﻊ ﻣﻦ ﺍﻟﺒﺎﺏ ﺍﻟﺮﺋﻴﺴﻲ .
ﺑﺎﻭﻋﺘﻠﻲ ﺻﻔﺎ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ
ﺍﻧﺎ ﻣﻮ ﻣﺜﻠﻬﺎ ﻣﺎﺍﺑﺠﻲ ﻛﺪﺍﻡ ﺍﻱ ﺍﺣﺪ
ﻫﻲ ﻋﻜﺴﻲ ﺑﺴﺮﻋﻪ ﺗﺒﺠﻲ ﻭﻋﻠﻰ ﺍﻗﻞ ﻣﻮﻗﻒ
ﮔﺎﻟﺖ : ﻻ ﺗﺪﺧﻠﻴﻦ ﻟﻠﻤﻄﺒﺦ ﺗﺮﻩ ﻋﻤﺘﻲ ﺍﺷﻮﺍﻕ ﻫﻨﺎﻙ ﺗﺠﻨﺒﻴﻬﺎ ﺗﻮﻟﻲ ﺳﻤﻴﻪ ﻋﻔﻴﻪ ﺍﺑﻘﻲ ﻫﻨﺎ ﻋﻠﻰ ﻣﺎﺗﻬﺪﺃ ﺷﻮﻳﻪ .
: ﺍﺗﺠﻨﺒﻬﺎﺍﺍ ! ! ؟ ﻻ ﻭﺍﻟﻠﻪ ﺭﺍﻳﺤﺘﻠﻬﺎ ﻭﺍﺭﻳﺪ ﺍﻃﻠﻊ ﻛﻞ ﺍﻟﻲ ﺑﻘﻠﺒﻲ .
: ﻻ ﺳﻤﻴﻪ ﺗﺪﺭﻳﻦ ﺑﻴﻬﺎ ﻋﺼﺒﻴﺔ ﻋﻘﻠﻲ ﺍﻟﻴﻮﻡ ﻓﺪﻭﻩ
ﺍﻟﺨﺎﻃﺮ ﺭﻗﻴﺔ .
ﺟﺮﻳﺖ ﻧﻔﺲ ﻭﺯﻓﺮﺗﻪ ﻟﺰﻣﺖ ﺟﺒﻴﻨﻲ ﺑﺘﻮﺗﺮ ﻛﻠﺸﻲ ﺑﺮﺍﺳﻲ ﻣﺨﺮﺑﻂ .
ﻭﺍﺑﻮﻱ ﻣﺎﻛﻮ ﻭﻻﺑﻴﻦ ﻣﺸﻐﻮﻝ ﺩﺍﺧﻞ ﺑﺎﻟﺪﻳﻮﺍﻧﻴﻪ ﻭﻳﺎ ﺿﻴﻮﻓﻪ .
ﺍﺭﻳﺪ ﺍﻫﺪﺃ ﺣﺘﻰ ﺍﺩﺧﻞ ﻣﺎﺟﺎﻱ ﺍﻫﺪﺃ ﺍﺑﺪ .
ﺷﻮﻓﺔ ﺍﻣﻲ ﻭﻫﻲ ﺗﻄﻠﻊ ﻣﻨﺎ ﻣﻜﺴﻮﺭﺓ ﺧﻨﮕﺘﻨﻲ ﻋﺬﺑﺘﻨﻲ
.
ﺍﺑﺎﻭﻉ ﺍﻟﺼﻔﺎ ﻭﺍﻛﻔﻪ ﻳﻤﻲ
ﺻﻔﺎ : ﺍﻣﺸﻲ ﻧﺪﺧﻞ ﺑﻠﻜﻲ ﺭﺍﺣﺖ ﻟﻠﻬﻮﻝ
ﻛﺘﻠﻬﺎ ﻳﻠﻠﻪ ﻧﺪﺧﻞ
ﺩﺧﻠﻨﺎ ﻟﻠﻤﻄﺒﺦ
ﺗﻠﮕﺘﻨﻲ ﺑﻴﺒﻴﺘﻲ ﻳﻢ ﺍﻟﺒﺎﺏ
ﻟﺰﻣﺘﻨﻲ ﻣﻦ ﺍﻳﺪﻱ ﻭﺗﻬﺰ ﺑﻴﻬﺎ ﺑﺮﺟﻔﺔ ﻭﻫﻮﺍﻥ ﻋﻼﻣﺎﺕ ﺍﻟﻜﺒﺮ
: ﻭﻟﺞ ﻣﺎﻋﻨﺪﺝ ﻋﻘﻞ ﻫﻲ ﺳﻮﺍﻟﻔﺞ ﻣﺎﺗﻴﻮﺯﻳﻦ ﻣﻨﻬﺎ
ﺍﻧﺖ ﺷﻮﻥ ﻭﻳﺎﺝ ﻣﺎﺗﺮﺗﺎﺣﻴﻴﻦ ﺍﺫﺍ ﻣﺎﺗﺴﻮﻳﻦ ﻣﺸﻜﻠﻪ .
: ﻳﺎ ﻣﺸﻜﻠﺔ ﺑﻴﺒﻲ ﻳﻌﻨﻲ ﻭﺍﺫﺍ ﺍﺟﺖ ﺍﻣﻲ ﺣﺎﻟﻬﺎ ﺣﺎﻝ ﺍﻟﻨﺴﻮﺍﻥ ﺷﺮﺍﺡ ﻳﺼﻴﺮ ﺗﻄﻴﺮ ﻧﺼﻜﻢ؟ !
ﺍﻣﺘﺜﺎﻝ : ﺍﻧﺖ ﺗﺪﺭﻳﻦ ﺑﺎﻣﺞ ﻣﺎﻣﺮﺣﺐ ﺑﻴﻬﺎ ﻫﻨﺎ ﻭﺭﺍﺡ ﺗﺼﻴﺮ ﻣﺸﺎﻛﻞ ﺍﺫﺍ ﺍﺟﺖ ،ﻣﺎﻟﻬﻬﺎ ﺩﺍﻋﻲ ﺟﻴﺘﻬﺎ ﺗﺮﻩ .
: ﺗﻜﺪﺭﻳﻦ ﻣﺎﺗﺤﻀﺮﻳﻦ ﻋﺮﺱ ﺍﺑﻨﺞ ﺍﺳﻼﻡ ﻟﻮ ﻣﻬﻤﺎ ﻣﺴﻮﻳﻪ ﺍﻧﺖ؟
: ﻻﺗﻘﺎﺭﻧﻴﻨﻲ ﻭﻳﻪ ﺍﻣﺞ ﺍﻣﺜﺎﻟﻬﺎ ﻋﻘﺎﺑﻬﻢ ﺍﻟﺮﺟﻢ ﻭﺍﻟﻘﺘﻞ ﺑﺲ ﺍﻫﻠﻬﺎ ﻣﺎﻣﻬﺘﻤﻴﻦ ﻭﺍﺑﻮﺝ ﻣﺎﻳﺮﻳﺪ ﻳﻮﺻﺦ ﺍﻳﺪﻩ ﺑﺪﻣﻬﺎ .
: ﺍﻧﺖ ﻫﻢ ﻣﺎﻣﻌﺼﻮﻣﺔ ﻣﻦ ﺍﻟﺨﻄﺄ ﺗﺮﻩ .
ﺑﻴﺒﻲ : ﻭﺷﺮﺍﺡ ﻳﺼﻴﺮ ﺑﻴﻬﺎ ﺍﻣﺎﻟﻴﺪ ﺍﺫﺍ ﻣﺎﺍﺟﺖ .
: ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺍﻟﻠﻪ ﺑﻌﺰﺗﻪ ﻭﺟﻼﻟﻪ ﻳﺴﺎﻣﺢ ﻭﻳﻐﻔﺮ ﺍﻟﺬﻧﻮﺏ ﺑﺲ ﺍﻧﺘﻮﺍ ﻻ
ﻫﻢ ﺯﻳﻦ ﺍﻟﻬﻮﺍ ﻣﻮ ﺑﻴﺪﻛﻢ ﺟﺎﻥ ﮔﻄﻌﺘﻮﺍ ﻋﻨﻪ .
ﻋﻔﺘﻬﻢ ﺭﺣﺖ ﺍﻣﺸﻲ ﺑﺨﻄﻮﺍﺕ ﻳﺎﺋﺴﻪ ﻭﺣﺰﻳﻨﻪ ﻛﻌﺪﺕ
ﻋﻠﻰ ﺧﺎﻣﺲ ﺑﺎﻳﻪ ﻣﻦ ﺍﻟﺪﺭﺝ .
ﺍﻟﺒﻴﻪ ﻧﺎﺭ ﻣﺴﺘﻌﺮﻩ
ﻋﻴﻮﻧﻲ ﺍﺣﺴﻬﺎ ﺟﻤﺮ ﻳﺤﺮﮔﻨﻲ
ﺩﻣﻮﻉ ﻣﺘﻜﺪﺳﻪ ﺑﻴﻬﺎ ﻣﻮﺭﺍﺿﻴﺔ ﺗﻨﺰﻝ
ﻣﺜﻞ ﺳﺤﺎﺑﻪ ﻭﻣﻠﻴﺎﻥ ﻣﻄﺮ ﺑﺲ ﻃﺎﻝ ﺍﻟﻮﻗﺖ ﻭﻣﺎﻣﻄﺮﺕ ﺑﻘﺖ ﻣﺤﻤﻠﻪ .
ﻣﺮﺕ ﺍﻟﺪﻗﺎﻳﻖ ﻭﺍﻧﻪ ﮔﺎﻋﺪﻩ ﺍﻟﻘﻬﺮ ﺑﻴﻪ
ﺻﺎﻓﻨﻪ ﻭﻣﺎﻣﻨﺘﺒﻪ ﻋﻠﻰ ﺍﻱ ﺷﻲ
ﺍﺳﻤﻊ ﺻﻮﺕ ﻛﻌﺐ ﺻﻔﺎ ﻉ ﺍﻟﺪﺭﺝ ﻓﺰﺯﻧﻲ ﻣﻦ ﺻﻔﻨﺘﻲ ﺑﺎﻭﻋﺘﻠﻬﺎ
ﺻﻌﺪﺕ ﻳﻤﻲ ﮔﺎﻟﺖ ﺳﻤﻴﻪ ﺍﺟﻮ ﻳﻠﻠﻪ ﺗﻌﺎﻱ ﺷﻮﻓﻲ ﺭﻗﻴﻪ ﺷﻠﻮﻥ ﻃﺎﻟﻌﻪ ﺗﺨﺒﻞ
ﻓﺮﻛﺖ ﻋﻴﻮﻧﻲ ﻣﺎﺟﺎﻭﺑﺘﻬﺎ
ﺣﺎﻭﻃﺘﻨﻲ ﺑﺎﻳﺪﻳﻬﺎ
ﺧﻠﺖ ﻭﺟﻬﻪ ﻋﻠﻰ ﻛﺘﻔﻲ
ﺗﺤﺠﻲ ﻭﺗﺒﺠﻲ
ﻭﻟﺞ ﺗﺴﺄﻟﻨﻲ ﻋﻦ ﺍﻣﻲ ﺗﮕﻠﻲ ﻣﻮ ﻛﺎﻟﺖ ﺗﺠﻲ ﺷﻮ ﻣﺎﻛﻮ ﻭﻳﻨﻬﺎ ﺧﻠﻲ ﺗﺠﻲ ﺗﺸﻮﻓﻨﻲ ﺷﻮﻥ ﻃﺎﻟﻌﺔ ﺣﻠﻮﻩ .
ﻣﻦ ﺳﻤﻌﺖ ﻛﻼﻣﻬﺎ ﺧﻠﻴﺖ ﺍﻳﺪﻱ ﻋﻠﻰ ﺣﻠﮕﻲ
ﻣﺎﺗﺤﻤﻠﺖ ﺍﻟﺪﻣﻮﻉ ﺍﻟﻲ ﻛﺎﻧﺖ ﻣﺤﺒﻮﺳﺔ ﻗﺒﻞ ﺷﻮﻳﻪ
ﻧﺰﻟﺖ ﻋﺸﺮﺓ ﻋﺸﺮﺓ ﻋﻠﻰ ﺧﺪﻱ
ﻣﺤﻤﻠﻪ ﻗﻬﺮ ﻭﺍﻟﻢ ﻋﺬﺍﺏ ﻭﻧﺪﻡ
ﻳﺎﺭﻳﺖ ﻣﺎﻛﻠﺖ ﻻﺑﻮﻳﻪ ﻋﻠﻰ ﺳﻮﺍﻟﻒ ﺍﻣﻲ .
ﺩﺭﺕ ﻭﺟﻬﻲ ﻋﻠﻰ ﺻﻔﺎ ﻛﺘﻠﻬﺎ ﻭﺍﻧﻪ ﺍﺑﺠﻲ ﻭﺻﻮﺕ ﺷﻬﻘﺎﺗﻲ ﻣﺴﻤﻮﻋﻪ
: ﺭﻭﺣﻲ ﻛﻠﻴﻠﻬﻪ ﻣﺎﻛﺪﺭﺕ ﺗﺠﻲ ﻋﺪﻫﺎ ﺷﻐﻞ ﺑﺎﻟﺼﺎﻟﻮﻥ .
: ﺍﻣﺸﻲ ﻣﺎﺗﺸﻮﻓﻴﻨﻬﺎ ﺍﻧﺖ .
: ﺧﻠﻲ ﺍﻣﺴﺢ ﺩﻣﻮﻋﻲ ﻭﺍﺟﻲ ﻳﻤﻬﺎ .
: ﻣﺎﺷﻲ .
ﻧﺰﻟﺖ ﻭﺗﻄﻘﻄﻖ ﺑﺎﻟﻜﻌﺐ
ﺍﺑﺎﻭﻉ ﻟﺮﺟﻠﻴﻪ ﺣﺎﻓﻴﻪ
ﻭﺍﻟﻔﺴﺘﺎﻥ ﻛﺸﺨﻪ
ﺻﺎﻳﺮﻩ ﻧﺸﺎﺯ ﻭﻻﺍﺍﻋﺮﻑ ﺍﻟﻠﺒﺲ ﻛﻌﺐ !
ﻣﺴﺤﺖ ﺩﻣﻮﻋﻲ ﺑﺤﺬﺭ
ﻻﺍﺧﺮﺏ ﺍﻟﻤﻜﻴﺎﺝ
ﻧﺰﻟﺖ ﺑﺎﻭﻋﺖ ﻟﻨﻔﺴﻲ ﺑﺎﻟﻤﺮﺍﻳﻪ
ﺟﻮﻩ ﻋﻴﻮﻧﻲ ﺧﻂ ﺍﺣﻤﺮ ﺷﺴﻮﻱ ﻣﺘﺸﻮﻗﻮ ﺍﺷﻮﻓﻬﺎ
ﺭﺣﺖ ﻟﻠﻬﻮﻝ
ﺷﻔﺘﻬﺎ ﻛﺎﻋﺪﺓ ﺑﺎﻟﻜﻮﺷﻪ ﻭﺍﺑﺘﺴﺎﻣﺔ ﻋﺬﺑﺔ ﻭﺑﺮﻳﺌﺔ ﻋﻠﻰ ﻣﺤﻴﺎﻫﺎ ﻣﺮﺳﻮﻣﺔ .
ﻟﻬﺞ ﻗﻠﺒﻲ ﺑﺎﻟﺪﻋﺎﺀ ﺍﻟﻬﺎ
ﺑﺄﻥ ﻳﺴﻌﺪﻫﺎ
ﺑﺪﻟﺘﻬﺎ ﻭﺭﺩﻳﺔ ﻣﺪﻧﻔﺸﻪ
ﻛﺮﻛﺶ ﻋﻠﻰ ﺍﻛﺘﺎﻓﻬﺎ
ﻃﺎﻟﻌﻪ ﻣﺜﻞ ﺍﻟﻠﻌﺎﺑﻪ
ﻣﻼﻣﺤﻬﺎ ﺑﺮﻳﺌﺔ
ﻟﻤﺤﺘﻨﻲ ﻣﻦ ﺑﻌﻴﺪ ﻇﻠﺖ ﺗﺄﺷﺮﻟﻲ ﺑﺤﺐ ﺑﻜﻒ ﺍﻳﺪﻫﺎ
ﺍﺑﺘﺴﻤﺖ ﺍﻟﻬﺎ
ﻭﺗﻘﺪﻣﺖ ﺑﺎﺗﺠﺎﻫﻬﺎ ﻭﺳﻂ ﺍﻟﻬﻮﺳﻪ ﻭﺗﺠﻤﻊ ﺍﻟﻨﺎﺱ .
ﺍﻭﺧﺮ ﺑﻴﻬﻢ ﺑﺎﻳﺪﻱ
ﻧﺰﻟﺖ ﻧﻔﺴﻲ ﻋﻠﻴﻬﺎ ﻭﺣﻀﻨﺘﻬﺎ ﻭﺟﻬﻲ ﺻﺎﺭ ﻋﻠﻰ ﺍﻛﺘﺎﻓﻬﺎ ﺑﺴﺘﻬﺎ ﻋﻠﻰ ﻛﺘﻔﻬﺎ .
ﻭﺧﺮﺕ ﻣﻨﻬﺎ ﺗﺒﺎﻭﻋﻠﻲ ﻭﺗﻀﺤﻚ ﻓﺮﺣﺎﻧﺔ
ﻭﺗﺒﺎﻋﺪ ﺧﺼﻼﺕ ﺷﻌﺮﻱ ﺍﻟﻲ
.
ﺗﺒﻌﺜﺮﺕ ﻭﺍﻟﻠﺘﺼﻘﺖ ﻋﻠﻰ ﻭﺟﻬﻲ
ﺍﺭﺗﺴﻤﺖ ﻋﻠﻰ ﻣﻼﻣﺤﻬﺎ ﻋﻼﻣﺎﺕ ﺍﻧﺰﻋﺎﺝ ﻭﺗﺴﺎﺋﻞ
ﺍﻟﻠﺘﻔﺘﺖ ﻋﻠﻰ ﺻﻔﺎ ﺍﻟﻲ ﻛﺎﻋﺪﻩ ﻋﻠﻰ ﻳﻤﻴﻨﻬﺎ ﻭﺗﻜﻠﻤﺖ ﻭﻳﺎﻫﻪ ﺑﻠﻐﺔ ﺍﻻﺷﺎﺭﺓ
ﻓﺴﺮﺗﻠﻲ ﺻﻔﺎ : ﺗﻜﻮﻝ ﺷﺒﻴﻬﻦ ﻋﻴﻮﻧﺞ ﺣﻤﺮ ﻭﻣﺒﻴﻨﺔ ﺑﺎﺟﻴﻪ ﻗﻠﻴﻞ ﺍﺷﻮﻓﺞ ﻫﻴﺞ ﺷﺒﻴﺞ ﺍﻟﻴﻮﻡ؟
ﺍﻧﻄﻴﺘﻬﺎ ﻧﻈﺮﺓ ﺍﻃﻤﺌﻨﺎﻥ ... ﻭﺑﺴﺘﻬﺎ .
ﺑﻘﻴﺖ ﻳﻤﻬﺎ ﺷﻮﻳﻪ
ﻧﻈﺮﺍﺕ ﺍﺷﻮﺍﻕ ﻣﺎﺗﺮﻛﺘﻨﻲ ﺑﺤﺎﻟﻲ ﺍﻧﺰﻋﺠﺖ .
ﺑﺲ ﺑﻘﻴﺖ ﻭﺍﺗﻈﺎﻫﺮﺕ ﺑﺎﻟﻘﻮﺓ
ﺍﻟﻰ ﺍﻥ ﺗﻌﺒﺖ ﻭﺗﻌﺐ ﻛﻞ ﺷﻲ ﺑﻴﻪ
ﮔﻤﺖ ﻣﻦ ﻣﻜﺎﻧﻲ
ﺍﺭﻳﺪ ﺍﺣﺮﻕ ﻗﻠﺐ ﺍﺷﻮﺍﻕ
ﺍﺑﺪﻝ ﻓﺴﺘﺎﻧﻲ ﺍﻻﺳﻮﺩ ﺣﺘﻰ ﻻﻳﺒﻴﻦ ﻋﻠﻴﻪ ﺍﻟﺤﺰﻥ ﺍﻛﺜﺮ
ﺭﺣﺖ ﻟﻠﻐﺮﻓﻪ ﻟﺒﺴﺖ ﻓﺴﺘﺎﻥ ﺷﻴﻔﻮﻥ ﺑﻨﻔﺴﺠﻲ ﻏﺎﻣﻖ ﻃﻮﻳﻞ ﻭﻛﺼﺘﻪ ﻛﺼﺔ ﺍﻟﺤﻮﺭﻳﺔ .
ﻃﻠﻌﺖ ﻣﻦ ﺍﻟﻐﺮﻓﻪ ﺷﻔﺖ ﻫﻮﺳﻪ
ﺍﺟﻮ ﺍﻫﻞ ﺍﻟﻌﺮﻳﺲ
ﺭﺣﺖ ﻳﻢ ﺍﻟﺪﺭﺝ ﻛﺒﺎﻟﻪ ﺻﺎﻳﺮ ﺍﻟﺤﻤﺎﻡ ﻭﺑﺼﻔﻪ ﻣﻐﺴﻠﺔ ﻭﻣﺮﺍﻳﻪ .
ﺷﻔﺖ ﻧﺴﻮﺍﻥ ﻣﺎﺍﻋﺮﻓﻬﻦ ﻣﻦ ﺍﻫﻞ ﺍﻟﻌﺮﻳﺲ
ﻳﻢ ﺍﻟﻤﺮﺍﻳﻪ ﺟﺎﻱ ﻳﻌﺪﻟﻦ ﻣﻜﻴﺎﺟﻬﻦ
ﺑﻘﻴﺖ ﻭﺍﻛﻔﻪ ﺟﺎﻱ ﺍﺳﻮﻱ ﺷﺮﻳﻂ ﻓﺴﺘﺎﻧﻲ ﺍﻟﻲ ﻧﺎﺯﻝ ﻣﻦ ﺍﻟﺮﻗﺒﻪ ﻋﻠﻰ ﺍﻟﺼﺪﺭ
ﺍﺭﻳﺪ ﺍﺭﺑﻄﻪ ﻫﻨﺎ ﻻﻥ ﺍﻟﻐﺮﻓﻪ ﺻﺎﺭﺕ ﻫﻮﺳﻪ .
ﺑﻘﻴﺖ ﻭﺍﻛﻔﻪ ﺍﻧﺘﻈﺮﻫﻦ ﻳﺨﻠﺼﻦ
ﻭﺍﺳﺘﻤﻊ ﻟﻜﻼﻣﻬﻦ
: ﻳﺎﻳﻤﻪ ﺷﻠﻮﻥ ﺣﺎﺭﻩ ﻣﺎﻋﺒﺎﻟﻚ ﺷﺘﻪ
: ﻫﻮ ﻣﻨﻴﻦ ﺍﻛﻮ ﺷﺘﺎ ﺑﺎﻟﺒﺼﺮﻩ ﺑﺲ ﻛﻢ ﻳﻮﻡ ﻣﻌﺪﻭﺩﺍﺕ ﻋﻠﻰ ﻋﺪﺩ ﺍﻻﺻﺎﺑﻊ .
: ﺍﻱ ﻭﺍﻟﻠﻪ ﺍﻧﻪ ﻭﻻﺍﻟﻠﺒﺲ ﻗﺪﻳﻔﻪ ﺑﺎﻟﺒﻴﺖ .
: ﻫﻮ ﺟﻮﻧﻪ ﻣﺎﻝ ﻗﺪﻳﻔﻪ ﺍﺷﺘﺮﻳﻬﻪ ﻭﺍﺷﻤﺮﻫﺎ ﺑﺎﻟﻜﻨﺘﻮﺭ .
ﺑﻬﺬﻩ ﺍﻻﺛﻨﺎﺀ ﺍﺟﺖ ﻭﺣﺪﻩ ﻭﻳﺎﻫﻦ
ﮔﺎﻟﺖ : ﻭﺍﻟﻠﻪ ﻭﺳﻮﺍﻫﺎ ﻧﻀﻮﻟﻲ ﻭﻻﺗﻮﻗﻌﺘﻬﺎ ﻣﻨﻪ ﺷﻮﻥ ﮔﺪﺭ ﻳﺘﺰﻭﺝ ﻋﻠﻰ ﺍﻻﺀ ﻭﻫﻮ ﺷﺎﻳﻠﻬﺎ ﺑﺎﻟﺼﻠﻮﺍﺕ ﻳﻤﻮﻭﺕ ﻋﻠﻴﻬﺎ .
: ﻳﻤﻌﻮﺩﻩ ﻫﻮ ﺳﻮﺍ ﻫﻴﺞ ﻭﺧﻄﺐ ﻫﺎﻱ ﺍﻟﺨﺮﺳﻪ ﺣﺘﻰ ﻳﻜﺴﺮ ﺧﺸﻤﻬﺎ ﻭﺗﺮﺟﻊ ﻏﺼﺒﺎ ﻋﻠﻴﻬﺎ .
: ﻻ ﻳﻤﻌﻮﺩﻩ ﻳﺮﻳﺪ ﻳﻄﻠﮕﻬﺎ ﺣﺴﺐ ﻣﺎﺳﻤﻌﺖ !
: ﻻ ﻋﻴﻨﻲ ﻫﻮ ﮔﺎﻝ ﻷﻳﺎﺩ ﺭﺟﻠﻲ ﻫﺬﺍ ﺍﻟﻜﻼﻡ ﻳﻜﻮﻝ ﺑﺲ ﺍﺧﻄﺐ ﺗﺮﺟﻊ ﻻﻥ ﻗﺎﻓﻠﺔ ﺻﺎﺭﻟﻬﺎ ﻣﺪﺭﻱ ﻛﻢ ﺷﻬﺮ ﻳﺮﻭﺡ ﻋﻠﻴﻬﺎ ﻭﻣﺎﺗﻘﺒﻞ ﺗﺮﺟﻊ .
: ﺯﻳﻦ ﻫﺎﻱ ﺍﻟﺨﺮﺳﻪ ﺷﻨﻮ ﺫﻧﺒﻬﺎ ﺧﻄﻴﻪ ﻫﻢ ﻣﺎﻳﺼﻴﻴﺮ ﺗﺮﻩ ﻳﻮﺭﻃﻬﺎ ﻭﻳﺎ ﻭﺍﺫﺍ ﺭﺟﻌﺖ ﺍﻻﺀ ﺷﺮﺍﺡ ﻳﺴﻮﻱ ﺧﻮ ﻣﺎﻳﻌﻮﻑ ﻫﺎﻱ .
: ﻟﻴﺶ ﻫﻮ ﻟﻌﺐ ﻭﻳﻌﻮﻓﻬﺎ ﺑﻌﺪ ﻣﺎﺍﺩﺭﻱ ﻋﻠﻤﻲ ﻋﻠﻤﺞ ﺍﻧﻪ ﺳﻤﻌﺖ ﻫﺬﺍ ﺍﻟﺤﺠﻲ ﻫﻮ ﻣﺎﺭﺍﺡ ﻳﻄﻠﮕﻬﺎ ﺑﺲ ﻳﺮﻳﺪ ﻳﻜﺴﺮ ﺧﺸﻤﻬﺎ ﺑﺨﻄﺒﺘﻪ ﻣﻦ ﻫﺎﻱ ﺍﻟﺨﺮﺳﻪ !
ﺳﻤﻴﻪ ...
ﺳﻤﻌﺘﻬﻦ ﻟﻮ ﺗﻬﺴﺘﺮﺕ ﻣﺎﺍﺗﺤﻤﻠﺖ ﺍﺑﺪ ﻳﻌﻨﻲ ﻣﻌﻘﻮﻟﺔ ﻛﻼﻣﻬﻦ ﺻﺢ؟
ﻫﺎﻱ ﺗﻜﻮﻝ ﻫﻮ ﺑﻨﻔﺴﻪ ﺣﺎﺟﻲ ﻟﺮﺟﻠﻬﺎ ﻫﺎﻟﺤﺠﻲ ﻣﺎﻣﻌﻘﻮﻟﺔ ﺗﺠﺬﺏ؟ !
ﻋﻔﺘﻬﻦ ﻳﺴﻮﻟﻔﻦ ﺍﺣﺲ ﺍﻧﻘﻄﻌﺖ ﻋﻦ ﺍﻟﻌﺎﻟﻢ ﻳﺎﺭﺑﻲ ﺷﺴﻮﻱ ﻭﺷﻮﻥ ﺍﻧﻘﺬ ﺍﺧﺘﻲ ﺷﻠﻮﻭﻭﻥ .
ﺭﻛﻀﺖ ﻟﻠﻤﻄﺒﺦ ﺍﺭﻳﺪ ﺍﺷﻮﻓﻠﻲ ﺍﺣﺪ ﻳﺼﻴﺢ ﻷﺑﻮﻱ
ﺍﮔﻠﻪ .
ﻭﺻﻠﺖ ﻟﺤﺪ ﺑﺎﺏ ﺍﻟﻤﻄﺒﺦ ﺍﻟﻲ ﻳﻄﻞ ﻋﻠﻰ ﺍﻟﺤﺪﻳﻘﺔ
ﺷﻔﺖ ﺭﺿﻮﺍﻥ ﻭﺍﮔﻒ
ﺍﺷﺮﺗﻠﻪ ﺍﺟﻪ ﺩﺧﻞ ﺑﺎﻟﻤﻄﺒﺦ
ﺣﺠﻴﺖ ﺑﺴﺮﻋﻪ : ﺭﺿﻮﺍﻥ ﺭﻭﺡ ﺻﻴﺢ ﻷﺑﻮﻭﻱ .
: ﺳﻜﻮ ﻓﻬﻤﻴﻨﻲ؟
: ﺭﻭﺡ ﺻﻴﺤﻠﻪ ﺑﺴﺮﻋﻪ ﺟﺎﺍﻱ ﺍﮔﻠﻚ
: ﻋﻠﻰ ﻛﻴﻔﺞ ﻟﻴﺲ ﻫﻴﺞ ﺗﺮﺟﻔﻴﻦ ﻏﻴﺮ ﺍﻓﻬﻢ .
ﺻﺤﺖ ﺑﻮﺟﻬﻪ ﺍﻭﻭﻭﻭ ﺷﻌﻠﻴﻚ ﺍﻧﺖ ﺭﻭﺡ ﺻﻴﺤﻠﻪ ﻭﺍﻧﺖ ﺳﺎﻛﺖ .
ﺣﺴﻴﺖ ﺑﺄﻳﺪ ﺩﺍﺭﺗﻨﻲ ﻋﻠﻴﻬﺎ
ﺑﺎﻭﻋﺖ ﺷﻔﺘﻬﺎ ﺍﺷﻮﺍﻕ ﺿﺮﺑﺘﻨﻲ ﺑﻜﻞ ﻣﺎﺗﻤﻠﻚ ﻣﻦ ﻗﻮﺓ ﺭﺍﺷﺪﻱ ﻋﻠﻰ ﻭﺟﻬﻲ ﻭﻭﻳﺎﻫﺎ ﻃﻠﻌﺖ ﻛﻠﻤﺎﺕ
ﮔﺎﻟﺖ ﺍﺩﺑﺴﺰ ﻟﻴﺶ ﺗﺼﻴﺤﻴﻦ ﺑﻮﺟﻬﻪ ﻳﺸﺘﻐﻞ ﻋﻨﺪﺝ ﻫﻮ ﻭﻻﺑﻌﻴﻨﺞ ﺍﺣﺪ .
.
ﻟﺰﻣﺖ ﺧﺪﻱ ﺻﻮﺍﺑﻬﺎ ﺃﻟﻢ ﺑﺮﻭﺣﻲ ﻣﻮ ﻋﻠﻰ ﻭﺟﻬﻲ
ﻣﺎﺍﻫﺘﻤﻴﺖ ﻭﻻﺧﺠﻠﺖ ﮔﺪﺍﻡ ﺭﺿﻮﺍﻥ
ﻭﻻ ﺑﻨﺎﺗﻬﺎ ﺍﻟﻲ ﺍﻟﻠﺘﻤﻌﺖ ﻋﻴﻮﻧﻬﻢ ﻭﺑﺸﻤﺎﺗﻪ .
ﻻ ﺍﻟﻲ ﻳﻬﻤﻨﻲ ﺍﺧﺘﻲ ﻭﺑﺲ ﺷﻮﻥ ﺍﻧﻘﺬﻫﺎ ﻣﻦ ﻫﻲ ﺍﻟﺨﻄﻮﺑﺔ .
ﮔﺘﻠﻬﺎ ﻭﺍﻟﻠﻪ ﺭﺍﺡ ﺍﺩﻓﻌﺞ ﺛﻤﻦ ﻫﺬﺍ ﺍﻟﺮﺍﺷﺪﻱ ﻭﺭﺍﺡ ﻳﻜﻮﻥ ﺍﻟﺜﻤﻦ ﻏﺎﻟﻲ .
ﻛﻠﺖ ﻫﺎﻟﻜﻼﻡ ﺑﻌﻔﻮﻳﺔ ﺍﻟﻤﻬﻢ ﻋﻨﺪﻱ ﻣﺎﺗﻀﻌﻒ ﺷﺨﺼﻴﺘﻲ ﻭﻣﺎﺍﻋﺮﻑ ﺷﻨﻮ ﺣﻴﺼﻴﺮ ﺑﻌﺪﻳﻦ
ﻭﺧﺮﺕ ﺭﺿﻮﺍﻥ ﻣﻦ ﻋﻠﻰ ﺍﻟﺒﺎﺏ
ﺭﺿﻮﺍﻥ ﺍﻟﻲ ﻣﺎﺍﺣﺮﻙ ﺳﺎﻛﻦ ﻭﺭﺩﻉ ﺍﻣﻪ ﻋﻦ ﺿﺮﺑﻲ
ﻫﻨﺎ ﻣﺎﻋﻨﺪﻱ ﺷﻲ ﺍﻓﻜﺮ ﺑﻲ ﻏﻴﺮ ﺍﻭﺻﻞ ﻻﺑﻮﻱ ﻭﺍﻛﻠﻪ ﺍﻟﻲ ﺳﻤﻌﺘﻪ .
ﻃﻠﻌﺖ ﻟﻠﻄﺎﺭﻣﻪ،
ﺍﺳﻼﻡ ﻭﺍﻣﺎﻥ ﻭﺍﻛﻔﻴﻦ
ﺷﺎﻓﻨﻲ ﺍﺳﻼﻡ ﻛﺎﻝ : ﺷﻌﻨﺪﺝ ﻫﻨﺎ ﺭﻭﺣﻲ ﺩﺧﻠﻲ ﻣﺎﺗﺸﻮﻓﻴﻦ ﺍﻟﺰﻟﻢ ﮔﺪﺍﻣﺞ .
ﻧﺘﺮﺕ ﺭﻭﺡ ﺻﻴﺢ ﻻﺑﻮﻱ .
: ﺩﺧﻠﻲ ﺟﺎﻱ ﺍﮔﻠﺞ .
ﻣﺎﺍﻫﺘﻤﻴﺖ ﻟﻜﻼﻣﻪ ﮔﺘﻠﻪ ﺍﻧﺎ ﺭﺍﻳﺤﻪ ﻭﺧﺮﺭﺭ
ﺻﺎﺭ ﻣﻘﺎﺑﻴﻠﻲ ﺍﻣﺎﻥ ﻣﻨﻌﻨﻲ ﺣﺘﻰ ﻣﺎﺍﻓﻮﺕ
ﻭﺍﺧﻴﺮﺍ ﺗﺤﺮﻙ ﻭﻧﻄﻖ ﻫﺎﻟﺼﻨﻢ ﺷﻜﺪ ﺑﺎﺭﺩ ﺍﻧﺖ ﺍﻟﺨﺎﻃﺮ ﺍﻟﻠﻪ .
ﺭﻓﻌﺖ ﺭﺍﺳﻲ ﺻﺎﺭﺕ ﻋﻴﻮﻧﻪ ﺑﻌﻴﻮﻧﻲ
ﻧﻈﺮﺍﺕ ﺑﺎﺭﺩﺓ ﻭﻫﺪﻭﺀ ﻗﺎﺗﻞ .
ﻭﺗﺮﻧﻲ ﺑﺲ ﺣﺎﻭﻟﺖ ﺍﺣﺎﻓﻆ ﻋﻠﻰ ﺍﺗﺰﺍﻧﻲ ﻭﻣﺎﺍﺑﻴﻦ ﺍﻟﻪ ﺗﻮﺗﺮﻱ .
ﮔﺎﻝ ﺭﺟﻌﻲ ﺍﻧﻲ ﺭﺍﺡ ﺍﺻﻴﺢ ﺍﻟﻪ ...
ﺗﻨﻔﺴﺖ ﺍﻟﺼﻌﺪﺍﺀ
ﻭﻻ ﻭﺍﺣﺪ ﺑﻲ ﺧﻴﺮ ﺑﺲ ﻫﺬﺍ ﺍﻟﻌﺬﺍﺏ
ﻣﻊ ﺍﻻﺳﻒ ﺍﻣﻚ ﻫﺎﻱ ﺍﻟﻨﺴﺮﺓ
ﺭﺟﻌﺖ ﻛﻢ ﺧﻄﻮﺓ ﻭﻛﻔﺖ ﺍﺑﺎﺏ ﺍﻟﻤﻄﺒﺦ ﻣﺘﻮﺗﺮﻩ ﻭﺍﻟﺪﻣﻊ ﺭﺟﻊ ﺗﺠﻤﻊ ﺑﻄﺮﻑ ﻋﻴﻨﻲ .
ﺍﺟﻪ ﺍﺑﻮﻱ ﻻﺑﺲ ﺩﺷﺪﺍﺷﺘﻪ ﺍﻟﺒﻴﻀﺎﺀ
ﺍﺷﺮﻟﻲ ﻣﻦ ﺑﻌﺪ ﺧﻄﻮﺍﺕ ﻳﻤﺸﻲ ﻭﻳﺤﺠﻲ ﻭﻛﻞ ﻣﺎ ﺍﻟﻪ ﻳﺘﻘﺪﻡ ﺑﺎﺗﺠﺎﻫﻲ ﮔﺎﻝ : ﻳﻠﻠﻪ ﺑﻮﻳﻪ ﺭﻭﺣﻲ ﺟﻴﺒﻲ ﺟﻨﺴﻴﺘﺔ ﺍﺧﺘﺞ ﺭﺍﺡ ﻳﻌﻘﺪ ﺍﻟﻬﻢ ﺍﻟﺸﻴﺦ .
: ﻻ ﻋﻔﻴﻪ ﻳﺎﺑﻪ ﻻﺗﺰﻭﺟﻬﺎ " ﻭﺣﺠﻴﺘﻠﻪ ﺍﻟﻨﺴﻮﺍﻥ ﺷﻨﻮ ﮔﺎﻟﻦ "
: ﻭﻟﺞ ﻳﺎﺑﻪ ﻣﺎﻋﻠﻴﻪ ﺑﺤﺠﻲ ﺍﻟﻨﺴﻮﺍﻥ ﺍﻧﻪ ﺟﺎﻱ ﺍﻛﻠﺞ ﺭﻭﺣﻲ ﺟﻴﺒﻲ ﺟﻨﺴﻴﺘﻬﺎ .
ﻭﺧﺮﻧﻲ ﻭﺩﺧﻞ ﺻﺎﺡ ﺻﻔﺎ ﺻﻔﺎ
ﻣﺎﺍﻋﺮﻓﺖ ﺷﻨﻮ ﺍﺳﻮﻱ ﺍﺑﺪﺍﺧﻠﻲ ﺻﺮﺧﺔ ﺍﺭﻳﺪ ﺍﺻﺮﺥ ﻭﺍﺑﺠﻲ ﺍﺭﻳﺪ ﺍﻣﻨﻌﻬﻢ ﻣﺎﻳﺰﻭﺟﻮﻫﺎ .
ﺭﻛﻀﺖ ﺍﺩﻭﺭ ﻋﻤﻪ ﺯﻳﻨﺐ ﻣﺎﻛﻮ . ﺍﻟﻨﺴﻮﺍﻥ
ﻳﺒﺎﻭﻋﻮﻟﻲ ﺷﺒﻴﻬﺎﺍ ﻫﻲ؟
ﺷﻨﻮ ﻏﻴﺮﺍﻧﻪ ﻣﻦ ﺍﺧﺘﻬﺎ ﻻﻥ ﺭﺍﺡ ﺗﺘﺰﻭﺝ ﻗﺒﻠﻬﺎ
ﻣﺎﺍﻫﺘﻢ ﻟﺤﺠﻴﻬﻢ
ﻻﻭﻝ ﻣﺮﻩ ﺣﺴﻴﺖ ﺍﻧﻪ ﺍﻟﺨﺮﺳﻪ ﻣﻮ ﺭﻗﻴﺔ
ﺣﺴﻴﺖ ﺑﻴﻬﺎ ﻭﻫﻴﻪ ﻣﺎﺗﻜﺪﺭ ﺗﺤﺠﻲ
ﺷﻮﻥ ﺭﺍﺡ ﺗﺘﺰﻭﺝ ﻇﻠﻢ ﺷﻮﻥ ﻳﺮﺑﻲ ﺷﻠﻮﻭﻭﻥ . ؟
ﻭﺻﻠﺖ ﻟﻠﻬﻮﻝ ﺑﺎﻭﻋﺖ ﻟﻤﻜﺎﻥ ﺭﻗﻴﻪ ﺷﻔﺘﻪ ﻓﺎﺭﻍ ﻭﻫﻴﻪ ﻣﺎﻛﻮﻭ .
ﺻﺎﺭﺕ ﻣﻘﺎﺑﻴﻠﻲ ﺇﻳﻨﺎﺱ ﺣﺠﻴﺖ ﺑﻮﺟﻬﻬﺎ ﺑﺎﻧﺰﻋﺎﺝ ﻭﻳﻦ ﺭﻗﻴﻪ؟
ﺍﺷﺮﺗﻠﻲ ﻭﺣﺠﺖ ﺑﺼﻮﺕ ﺍﻛﺎﺩ ﺍﻥ ﺍﺳﻤﻌﻪ ﺑﺴﺒﺐ ﺍﻟﻬﻮﺳﻪ .
ﮔﺎﻟﺖ : ﺩﺧﻠﻮﻫﺎ ﻟﺬﻳﺞ ﺍﻟﻐﺮﻓﻪ ﺭﺍﺣﻮﺍ ﻳﻌﻘﺪﻭﻥ
ﻏﻤﻀﺖ ﻋﻴﻮﻧﻲ ﻫﻢ ﺍﻟﺪﻧﻴﺎ ﻛﻠﻪ ﻋﻠﻰ ﺍﻛﺘﺎﻓﻲ
ﺗﺤﺴﺮﺕ ﺻﺎﺭ ﻣﻘﺎﺑﻴﻠﻲ ﺍﺑﻮﻱ
ﺑﻴﺪﻩ ﺟﻨﺴﻴﺘﻬﺎ
ﺗﻮﺟﻬﺖ ﺍﻟﻪ ﻟﺰﻣﺘﻪ ﻣﻦ ﺍﻳﺪﻩ
ﻳﺎﺑﻪ ﻋﻔﻴﻪ ﻭﺧﺮﻧﻲ ﻋﻨﻪ ﻣﺎﺳﻤﻌﻨﻲ .
ﺷﺴﻮﻱ ﻣﺎﺑﻴﺪﻱ ﺷﻲ .
ﺗﻮﺟﻬﺖ ﻣﺒﺘﻌﺪﺓ ﻋﻦ ﺍﻟﻬﻮﺳﻪ
ﺑﻜﻞ ﺷﺒﺮ ﺑﺎﻟﺒﻴﺖ ﺍﻛﻮ ﻧﺎﺱ .
ﻳﺮﺑﻲ ﺍﺣﺲ ﺭﻭﺣﻲ ﺑﺪﻭﺍﻣﺔ
ﺯﻭﺑﻌﻪ ﻋﺎﺻﻔﻪ
ﺷﻨﻮ ﺫﻧﺒﻬﺎ ﻳﺎﺍﻟﻠﻪ ﻭﺷﻨﻮ ﺫﻧﺒﻨﺎ ﻛﻠﻨﺎﺍﺍ؟ ؟ !!!!
ﻛﻌﺪﺕ ﻋﻠﻰ ﺍﻟﺪﺭﺝ ﺑﻴﺄﺱ
ﺭﺍﺳﻲ ﺑﻴﻦ ﺭﻛﺒﻲ ﻭﺩﻣﻮﻋﻲ ﺗﻨﺰﻝ ﻋﻠﻰ ﻓﺴﺘﺎﻧﻲ .
ﺍﻟﻬﻼﻫﻞ ﺑﺄﺫﻧﻲ ﻋﺮﻓﺖ ﻋﻘﺪﻭﺍ ﻭﺧﻠﺼﻮﺍ .
ﻛﺮﻫﺖ ﺭﻭﺣﻲ ﺍﻟﻤﺎﮔﺪﺭﺕ ﺗﻨﻘﺬ ﺍﺧﺘﻬﺎ
ﻛﺮﻫﺖ ﺣﻴﺎﺗﻲ ﻟﻮ ﺍﻧﻪ ﻭﻟﺪ ﺟﺎﻥ ﻛﺪﺭﺕ ﺍﺳﻮﻱ ﺍﻱ ﺷﻲ ﻭﺍﻣﻨﻊ ﻫﺎﻟﺰﻭﺍﺝ
ﺑﺲ ﺍﻧﻪ ﺑﻨﻴﻪ ﻣﺸﻜﻠﺔ؟ !
ﻭﺑﻨﺖ ﻣﻨﻮ؟
ﺍﻡ ﻣﺠﺘﻤﻊ ﻳﻨﻈﺮ ﺍﻟﻬﺎ ﻧﻈﺮﺓ ﺳﻴﺌﻪ
ﺍﺏ ﻻﺍﺑﺎﻟﻲ ﻣﻴﻬﻤﻪ ﺑﻨﺎﺗﻪ ﻳﺮﻳﺪ ﻳﺮﺿﻲ ﺍﻫﻠﻪ ﻭﻳﻜﻔﺮ ﻋﻦ ﺫﻧﺒﻪ ﺑﻄﺎﻋﺘﻬﻢ ﻻﻥ ﻭﻗﺒﻞ ﺳﻨﻴﻦ ﻣﻨﻌﻮﺍ ﻣﻦ ﻫﺎﻟﺰﻭﺍﺝ
ﻭﻣﺎﺍﻣﺘﻨﻊ ﺍﺗﺰﻭﺝ ﻭﻋﺾ ﺍﺻﺒﻊ ﺍﻟﻨﺪﻡ
ﻻﻥ ﺍﻟﻲ ﻋﺎﻑ ﺍﻫﻠﻪ ﻭﺩﻧﻴﺘﻪ ﻋﻤﻮﺩﻫﺎ ﺧﺬﻟﺘﻪ !
ﻛﻞ ﺷﻮﻳﻪ ﻭﺣﺪﻩ ﺗﺼﻴﺤﻨﻲ ﻭﻟﺞ ﻛﻮﻣﻲ ﺟﺎﻱ ﻳﻠﺒﺴﻬﺎ ﺍﻟﺤﻠﻘﻪ ﻳﻠﺒﺴﻬﺎ ﺍﻟﺬﻫﺐ ﻗﻄﻌﻮﺍ ﺍﻟﻜﻴﻜﺔ
ﺑﻘﻴﺖ ﺑﻤﻜﺎﻧﻲ ﻣﺎﺍﺗﺤﺮﻛﺖ
ﻭﺍﻟﻨﺎﺱ ﺗﺴﺎﻝ ﺷﺒﻴﻪ
ﻣﺎﺍﺟﺎﻭﺏ
ﺍﺟﺖ ﺻﻔﺎ
: ﻳﻠﻠﻪ ﻛﻮﻣﻲ ﻣﺎﺗﺮﻭﺣﻴﻦ ﺭﺍﺡ ﻧﺮﻭﺡ ﻟﻼﺳﺘﺪﻳﻮ ﻧﺼﻮﺭ
ﺍﺷﺮﺕ ﺍﻟﻬﺎ ﻻ .
ﺑﻘﻠﺒﻲ ﻋﻤﺖ ﻋﻴﻨﻲ ﺍﺗﻮﻧﺲ ﺑﺤﻔﻠﺘﻬﺎ ﻭﻫﻲ ﺭﺍﺡ ﺗﻨﻈﻠﻢ .
ﺑﻠﺶ ﺍﻟﻤﻐﺮﺏ ﻭﺍﻟﻨﺎﺱ ﺧﻔﺖ
ﻣﺎﺍﻋﺮﻑ ﻣﻨﻮ ﺍﻟﻲ ﺻﺎﺣﻨﻲ ﻛﺎﻝ ﻳﺮﺩﻭﺝ ﺑﺎﻟﺼﺎﻟﻪ .
ﻛﻤﺖ ﻣﻦ ﻣﻜﺎﻧﻲ
ﻣﺸﻴﺖ ﺑﺨﻄﻮﺍﺍﺕ ﺿﻌﻴﻔﻪ ﺍﺟﺮ ﺑﺮﻭﺣﻲ ﺟﺮ .
ﻭﺻﻠﺖ ﻟﻠﺼﺎﻟﻪ ﺍﻭﻝ ﻭﺍﺣﺪ ﺻﺎﺭ ﮔﺒﺎﻟﻲ ﺍﻣﺎﻥ ﻭﺍﻛﻒ ﻳﻢ ﺍﻟﺒﺎﺏ ﺍﻳﺪ ﺑﺠﻴﺒﻪ ﻭﺍﻟﺜﺎﻧﻴﻪ ﻻﺯﻡ ﺑﻴﻬﺎ ﺍﻟﺴﺘﺮﺓ ﻭﺳﻮﻳﺞ ﺍﻟﺴﻴﺎﺭﻩ .
ﺍﺭﺗﺒﻜﺖ ﻣﻦ ﻧﻈﺮﺍﺗﻪ
ﻣﺪﻳﺖ ﺍﻳﺪﻱ ﻟﺰﻣﺖ ﺍﻟﺨﺼﻼﺕ ﺍﻟﻤﺘﻤﺮﺩﺓ ﻃﺎﻟﻌﻪ ﻣﻦ ﺷﻌﺮﻱ ﺭﺟﻌﺘﻬﺎ ﺩﺍﺧﻞ ﺍﻟﺸﺎﻝ .
ﻣﻨﺎﻙ ﺍﻣﻪ ﻭﺧﻮﺍﺗﻪ
ﻭﻋﻤﻲ ﺳﻠﻴﻤﺎﻥ ﻭﺍﺑﻮﻱ ﻭﺑﻴﺒﻴﺘﻲ .
ﻋﺮﻓﺖ ﻫﻨﺎ ﺭﺍﺡ ﺍﺗﻢ ﻣﺤﺎﺳﺒﺘﻲ ﻋﻠﻰ ﻛﻞ ﺍﻟﻲ ﺻﺎﺭ ﺑﺎﻟﺤﻔﻠﺔ
ﻳﺎﺭﺑﻲ ﺍﺣﺲ ﻧﻔﺴﻲ ﺑﺤﻠﺒﺔ ﻣﺼﺎﺭﻋﻪ ﻭﺍﻟﻜﻞ ﺿﺪﻱ
ﻣﺎﻛﻮ ﺍﻟﻲ ﻳﻌﻴﻨﻲ
ﺑﺲ ﺍﻧﺖ ﻗﻮﻳﻨﻲ ﻭﺧﻠﻴﻨﻲ ﺍﻭﺍﺟﻬﻬﻢ .
ﻳﺘﺒﻊ .
ﺑﺎﻟﻨﺴﺒﻪ ﻟﻠﻲ ﺳﺄﻟﻮﺍ ﻋﻦ ﺭﻗﻴﻪ
ﺭﻗﻴﻪ ﺻﻤﺎﺀ ﻭﺑﻜﻤﺎﺀ
ﻭﺍﻟﻘﺼﻪ ﻧﻌﻢ ﺣﻘﻴﻘﻴﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق