رواية لم تكن خطيئتنا ج1 الجزء السادس
للكاتبة نور ناصر
.
ﺍﻧﺪﻛﺖ ﺑﻘﻮﺓ ﺍﺷﻮ ﺍﻧﻪ ﺷﻠﺖ ﺩﺷﺪﺍﺷﺘﻲ ﻭﺭﻛﻀﺖ ﺣﺘﻰ
ﻧﻌﺎﻟﻲ ﻭﻛﻊ ﻣﻦ ﺭﺟﻠﻴﻪ ﺑﺎﻟﻄﺎﺭﻣﻪ .
ﻳﺎﻳﻤﻪ ﺍﻧﻪ ﻛﻠﺶ ﺻﺎﻳﺮﻩ .
ﺭﺣﺖ ﻟﻠﻤﻄﺒﺦ ﺻﻔﺎ ﻭﺍﻛﻔﺔ ﻉ ﺍﻟﻄﺒﺎﺥ ﺟﺎﻱ ﺗﻄﻠﻊ ﺍﻟﺒﻴﺬﻧﺠﺎﻥ ﺍﻟﻤﻘﻠﻲ ﻣﻦ ﺍﻟﻄﺎﻭﻩ .
ﺭﺣﺘﻠﻬﺎ ﺍﺍﻟﻠﻬﺚ ﺻﻔﺎ ﺻﻔﻴﻪ ﺻﻔﻮﺵ ﺭﻭﺣﻲ ﻓﺘﺤﻲ ﺍﻟﺒﺎﺏ ﻻﺷﻮﺍﻕ ﺭﺍﺡ ﺗﻜﺴﺮﻩ ﻋﻠﻰ ﺭﺍﺳﻨﻪ ﻣﻦ ﻛﺜﺮ ﺍﻟﺪﻙ .
: ﻫﻬﻬﻬﺎﻱ ﻭﺍﻧﺖ ﻟﻴﺶ ﻣﺎﺗﻔﺘﺤﻴﻨﻪ ﺗﺨﺎﻓﻴﻦ ﻣﺎﺗﻮﻗﻌﺘﺞ ﻫﻴﺞ ﺍﻓﺎﺍﺍﺍ ﻭﺍﻟﻠﻪ ﺳﻤﻴﻪ ﺗﺨﺎﻑ .
: ﻧﺠﺒﻲ ﻭﺭﻭﺣﻲ ﻓﺘﺤﻲ ﻣﺎﺍﺷﺘﻬﻲ ﺍﺷﻮﻑ ﺟﻬﺮﺗﻬﺎ .
: ﻣﺎﺍﺻﺪﻙ ﺑﻴﺞ ﺷﻲ ﻭﺍﻟﻠﻪ ، ﺍﻟﻤﻬﻢ ﺭﺍﻳﺤﻪ ﻭ ﺍﻧﺖ ﻛﻤﻠﻲ ﺍﻟﺒﻴﺬﻧﺠﺎﻥ .
: ﺧﻮﺵ ﺑﺲ ﺭﻭﺣﻲ .
ﺭﺍﺣﺖ ﻭﺍﻧﻪ ﺗﺒﻌﺘﻬﺎ ﻭﻭﻛﻔﺖ ﺍﺑﺎﺏ ﺍﻟﻤﻄﺒﺦ
ﺍﺳﺘﺮﻕ ﺍﻟﻨﻈﺮ
ﺷﻔﺘﻬﻢ ﺩﺧﻠﻮﺍ ﻇﻠﻴﺖ ﺍﺑﺎﻭﻉ ﻋﻠﻰ ﻃﻮﻟﻪ ﺍﺻﻼ ﻧﺴﻴﺖ ﺍﻣﻪ ﻭﻧﺴﻴﺖ ﻫﻲ ﻧﻔﺴﻬﺎ ﺍﺷﻮﺍﻕ ﻭﻋﺪﺍﻭﺗﻬﺎ ﻭﻛﺮﻫﺎ ﺇﻟﻲ
ﻣﺸﻴﺘﻪ ﻛﻠﻬﺎ ﻫﻴﺒﻪ ﺍﺗﺰﺍﻥ ﻭﻣﺎﺗﺨﻠﻮﺍ ﻣﻦ ﺍﻻﻧﻔﻪ .
ﺭﻏﻢ ﻛﺮﻫﻲ ﻻﻣﻪ ﻭﻏﺮﻭﺭﻫﺎ ﻭﻳﻤﻜﻦ ﻫﻮ ﻭﺍﺭﺙ ﺻﻔﺎﺕ ﺍﻟﻐﺮﻭﺭ ﻣﻨﻬﺎ ﺑﺲ ﺍﻧﻪ ﺗﻨﺎﺳﻴﺖ ﻫﻴﻪ ﺗﻜﻮﻥ ﺍﻣﻪ .
ﻭﻇﻠﻴﺖ ﺍﺗﺎﻣﻠﻪ ﺍﻟﺤﺪ ﻣﺎ ﺩﺧﻞ ﻟﻠﺒﻴﺖ ﻣﻦ ﺍﻟﺒﺎﺏ ﺍﻟﺜﺎﻧﻲ .
ﻭﺍﺷﺘﻤﻴﺖ ﺭﻳﺤﺔ ﺣﺮﻙ ﺭﻛﻀﺖ ﻟﻠﻄﺎﻭﻩ ﺍﻟﺒﻴﺬﻧﺠﺎﻥ ﻣﻔﺤﻢ ﺗﻔﺤﻢ .
ﻃﻠﻌﺘﻪ ﻭﺫﺑﻴﺖ ﻏﻴﺮﻩ .
ﻭﺍﺳﻤﻌﻬﻢ ﻃﺒﻮﺍ ﻟﻠﻬﻮﻝ ﻓﺘﺤﺖ ﺷﻮﻳﻪ ﻣﻦ ﺍﻟﺒﺎﺏ ﻭﻇﻠﻴﺖ ﺍﺑﺎﻭﻉ .
ﺳﻤﻌﺖ ﺍﺑﻮﻱ ﻳﺮﺣﺐ ﺑﻲ ﻭﺑﻴﻴﺒﻲ ﺗﺒﻮﺳﻪ .
ﻭﻫﻮ ﻳﺴﻠﻢ ﻋﻠﻴﻬﻢ ﺳﺤﺮﻧﻲ ﺻﻮﺗﻪ ﺭﺟﻮﻟﻲ ﻭﺑﻲ ﺑﺤﺔ .
ﺟﺎﻱ ﺍﻃﻞ ﻭﻣﻨﺪﻣﺠﻪ ﻭﻣﺎﺍﻧﺘﺒﻬﺖ ﺍﻟﻪ ﻋﻠﻰ ﺻﻔﺎ ﻭﻫﻲ ﺗﺪﻓﺮ ﺍﻟﺒﺎﺏ ﻭﺟﺎﻥ ﺗﻄﻚ ﻛﺼﺘﻲ
ﻓﺰﻳﺖ ﻟﺰﻣﺘﻬﺎ ﻭﻋﻄﺖ ﺍﺧﺦ
ﺿﺮﺑﺘﻬﺎ ﻭﻋﺘﻨﻲ ﻭﺗﺬﻛﺮﺕ ﺍﻟﺒﺎﺫﻧﺠﺎﻥ
ﺭﺣﺖ ﺍﻛﻠﺒﻪ ﻋﻠﻰ ﺍﻟﺠﻬﻪ ﺍﻟﺜﺎﻧﻴﻪ .
ﺍﺟﺖ ﺻﻔﺎ ﻇﻠﺖ ﺗﺒﺎﻭﻉ ﻟﻠﻄﺎﻭﻩ .
: ﻭﻟﺞ ﻫﻲ ﺷﻨﻮ ﺷﻤﺴﻮﻳﻪ ﻣﺤﺮﻭﻙ ﺷﻴﺎﻛﻠﻪ ﻫﺬﺍ .
: ﻣﻌﻠﻴﺞ ﻣﺎﺑﻲ ﺷﻲ ﻳﻨﻮﻛﻞ .
: ﺍﻧﺖ ﺍﻛﻠﻲ ﺍﺣﻨﺎ ﻣﺎﻧﺎﻛﻠﻪ ﺭﺍﻳﺤﺔ ﺍﺿﻴﻔﻬﻢ .
ﺗﺮﻳﺪ ﺗﺮﻭﺡ ﻛﻀﻴﺘﻬﻪ ﻣﻦ ﻋﻜﺴﻬﺎ ﻛﺘﻠﻬﺎ ﺷﻴﺴﻮﻭﻥ ﺟﺎﻳﻴﻦ؟
: ﺟﺎﻳﻴﻦ ﻳﺨﻄﺒﻮﻧﺞ ﻟﺮﺿﻮﺍﻥ .
... ﺑﻘﻠﺒﻲ ﻛﺘﻠﻬﺎ ﺍﻧﻪ ﺍﺭﻳﺪ ﻫﺬﺍ . ﻭﺑﻠﺴﺎﻧﻲ ﻛﺘﻠﻬﺎ ﻣﺎﺍﺭﻳﻴﺪ ﻣﺸﻜﻮﺭﺭﺭﻳﻦ .
ﻛﺎﻟﺖ ﺭﻭﺣﻲ ﻟﻠﻄﺎﻭﻩ ﻭﻟﺞ ﺷﻨﺘﻌﺸﺎ؟
ﺭﺍﺣﺖ ﺗﺤﻀﺮ ﺍﻟﻬﻢ ﻋﺼﻴﺮ
ﻛﺘﻠﻬﺎ ﻫﻢ ﺷﻴﺴﻮﻭﻥ ﺟﺎﻳﻴﻦ
: ﺟﺎﻳﻴﻦ ﺣﺘﻰ ﺍﻣﺎﻥ ﻳﺸﻮﻑ ﺑﻴﺒﻴﺘﻲ ﻭﺍﺑﻮﻱ ﻳﺴﻠﻢ ﻋﻠﻴﻬﻢ ﺻﺎﺭﻟﻪ ﻫﻮﺍﻱ ﻣﺎﺷﺎﻳﻔﻬﻢ .
ﺑﻘﻠﺒﻲ : ﺍﻭﻭﻱ ﻓﺪﻳﺘﻪ ﺻﺎﺣﺐ ﻭﺍﺟﺐ .
ﻛﺘﻠﻬﺎ ﺍﻛﻠﺞ ﻫﻢ ﻳﺘﻌﺸﻮﻥ ﻫﻨﺎ .
: ﺷﻴﺘﻌﺸﻮﻥ ﺑﻴﺬﻧﺠﺎﻧﺞ ﺍﻟﻤﺤﺮﮒ
ﻳﺮﺩﻭﻥ ﻳﺮﻭﺣﻮﻥ ﺑﺲ ﻳﺎﺧﺬﻭﻥ ﺑﻴﺒﻴﺘﻲ ﻭﻳﺎﻫﻢ .
ﻓﺘﺤﺖ ﺍﻟﺒﺎﺏ ﻭﺗﺮﻳﺪ ﺗﻄﻠﻊ ﻭﺑﻴﺪﻫﺎ ﺻﻴﻨﻴﺔ ﺑﻴﻬﺎ ﻋﺼﻴﺮ ﺻﺮﺕ ﺑﻨﺺ ﺍﻟﻤﻄﺒﺦ ﺑﺎﻭﻋﺖ ﻋﻠﻰ ﺍﻟﻬﻮﻝ ﻛﺒﺎﻟﻲ ﺻﺎﺭ ﺍﻣﺎﻥ ﻭﺑﺼﻔﻪ ﺍﺑﻮﻱ ﻭﺟﻮﻩ ﺑﺎﻟﻜﺎﻉ ﻛﺎﻋﺪﺓ ﺭﻗﻴﺔ .
ﻻﺑﺲ ﺑﺪﻱ ﺯﻳﺘﻮﻧﻲ ﻧﺺ ﺭﺩﻥ ﺭﻏﻢ ﺍﻟﺪﻧﻴﻪ ﺑﺮﺭﺩ ﺷﻬﺮ 12
ﻭﺳﺎﻋﻪ ﺳﻠﻔﺮ ﻭﺑﻴﺪﻩ ﺳﻮﻳﺞ ﺳﻴﺎﺭﺗﻪ
ﻣﻦ ﻛﺪ ﻣﺎ ﺭﻛﺰﺕ ﺑﻲ ﺍﺣﺲ ﺣﺘﻰ ﻋﻄﺮﻩ ﺍﺷﺘﻤﻴﺘﻪ ﻭﻫﻮ ﺑﻌﻴﺪ ﻋﻨﻲ ﺑﻜﻢ ﻣﺘﺮ ﺍﻟﻤﺴﺎﻓﻪ ﺑﻴﻦ ﻣﻜﺎﻧﻲ ﺑﺎﻟﻤﻄﺒﺦ ﻭﻛﻌﺪﺗﻪ ﺑﺎﻟﻬﻮﻝ
.
ﺍﻧﺴﺪﺕ ﺍﻟﺒﺎﺏ ﻭﺭﺟﻌﺖ ﻛﻤﻠﺖ ﺍﻟﺒﻴﺬﻧﺠﺎﻥ ﺍﻟﻲ ﻧﺼﻪ ﺍﺣﺘﺮﻙ ﻣﺪﺭﻱ ﻛﻠﻪ .
ﻭﺑﺎﻟﻲ ﻣﺎﺍﺩﺭﻱ ﻭﻳﻦ .
ﺳﻤﻌﺘﻬﻢ ﻃﻠﻌﻮﺍ ﻭﺧﺬﻭﺍ ﺑﻴﺒﻴﺘﻲ ﻭﻳﺎﻫﻢ .
ﺍﺟﺖ ﺻﻔﺎ : ﺍﻣﺪﺍﺝ ﻭﻻﻳﻌﺘﻤﺪ ﻋﻠﻴﺞ ﺑﺸﻲ .
ﻋﻔﺘﻬﺎ ﻭﺭﺣﺖ ﻟﻠﻐﺮﻓﺔ .
ﺍﻣﺴﺢ ﻋﻠﻰ ﻛﻠﺒﻲ ﻭﺍﺩﻋﻲ ﻣﺎﻳﻮﻛﻊ ﺑﺎﻟﻤﺤﻀﻮﺭ ﻭﺍﻟﻤﻤﻨﻮﻉ .
ﺍﻏﻤﻀﺖ ﻋﻴﻮﻧﻲ ﻛﻠﻤﺖ ﻧﻔﺴﻲ ﻻﺍﻧﻲ ﺍﻗﻮﻩ ﻣﻦ ﻫﻴﺞ ﻫﺬﺍ ﻣﺠﺮﺩ ﺍﻋﺠﺎﺏ ﻭﻳﻨﺘﻬﻲ ﺑﺎﻗﺮﺏ ﻭﻗﺖ ﻭﺍﻥ ﺷﺎﺀﺍﻟﻠﻪ ﻣﺎﻳﺘﺤﻮﻝ ﺍﻟﻰ ﺍﻟﺤﺐ ﻻﻥ ﺍﺫﺍ ﺣﺒﻴﺘﻪ ﺭﺍﺡ ﺍﺗﺄﺫﻯ .
ﺷﻲ ﺑﺪﺍﺧﻠﻲ ﻳﻜﻠﻲ ﻻﺗﻨﺴﻴﻦ ﺍﻟﻤﻤﻨﻮﻉ ﻣﺮﻏﻮﺏ .
ﺍﺯﺣﺖ ﻫﺎﻻﻓﻜﺎﺭ ﻋﻨﻲ ﺣﺎﻭﻟﺖ ﺍﺗﻠﻬﻰ ﺑﺎﻱ ﺷﻲ
ﻟﺰﻣﺖ ﻣﻠﺰﻣﻪ ﻭﻛﻌﺪﺕ ﺍﻗﺮﺍ ﻭﺍﻗﺮﺍ ﺍﻧﻪ ﺷﺠﺎﻱ ﺍﻗﺮﺍ ﻭﺍﺻﻼ ﺑﺎﻟﻲ ﻭﻳﻦ
ﺧﺮﺭﺭﺏ ﻫﺬﻩ ﻣﻠﺰﻣﺔ ﺻﻔﺎ ﺍﻱ ﻣﺒﺮﻭﻙ ﻋﻠﻴﺞ ﺳﻤﻴﻪ ﺍﻱ ﻻ ﻧﺴﻴﺘﻲ ﻭﺯﺣﺘﻲ ﻋﻨﺞ ﻣﻦ ﺩﺑﺶ
ﻣﺒﻴﻦ ﻣﻦ ﺗﺸﺘﺘﺞ ﻭﺿﻴﺎﻋﺞ ﻭﺍﻛﻌﻪ ﻭﺍﻟﻮﻛﻌﻪ ﻣﻮ ﺳﻬﻠﻪ
ﺟﻦ ﻭﺍﻛﻌﻪ ﺍﺑﻴﺮ ﻋﻤﻴﻖ ﺟﺪﺍ .
ﺍﻧﻪ ﻃﻮﻝ ﻋﻤﺮﻱ ﻻ ﺍﺅﻣﻦ ﺑﺎﻟﺤﺐ ﻣﻦ ﺍﻭﻝ ﻧﻈﺮﺓ ﻭﺭﺍﺡ ﺍﺑﻘﻰ ﻋﻠﻰ ﺍﻳﻤﺎﻧﻲ ﺭﺍﺡ ﺍﺣﺎﻭﻝ
ﻫﺬﺍ ﻣﻮ ﺣﺐ ﻭﺍﻧﻤﺎ ﺍﻋﺠﺎﺏ ﺍﻋﺠﺎﺏ ﻭﺧﻠﺺ .
ﺣﺴﻴﺖ ﻋﻠﻰ ﺍﻳﺪ ﺗﺮﺑﺖ ﻋﻠﻰ ﻛﺘﻔﻲ ﺑﺎﻭﻋﺖ
ﺭﻗﻴﻪ ﻭﺑﻴﺪﻫﺎ ﻋﻠﺒﺔ ﺗﺎﺷﺮﻟﻲ
ﻣﺎﻓﺘﻬﻤﺖ ﻋﻠﻴﻬﺎ ﺑﺲ ﺣﺴﻴﺖ ﺑﻴﻬﺎ ﺗﺮﻳﺪﻧﻲ ﺍﻓﺘﺤﻬﺎ
ﺍﺧﺬﺗﻬﺎ ﻣﻨﻬﺎ ﻭﻓﺘﺤﺘﻬﺎ ﻭﺭﺟﻌﺖ ﺧﻠﻴﺘﻬﺎ ﺑﺎﻳﺪﻫﺎ
ﺑﻬﺎﻟﻠﺤﻈﻪ ﺩﺧﻠﺖ ﺻﻔﺎ ﻛﺎﻟﺖ ﻳﻠﻠﻪ ﻋﺸﺎ
ﻭﺑﻠﺤﻈﺔ ﺛﺎﻧﻴﺔ ﺻﺮﺧﺖ ﻭﻟﺠﺠﺞ ﺭﻗﻴﻪ ﻭﺍﺧﺬﺕ ﺍﻟﻌﻠﺒﻪ ﻣﻦ ﺍﻳﺪﻫﺎ
ﺻﻔﺎ : ﺳﻤﻴﻪ ﻳﺎﺧﺒﻴﺜﻪ ﻭﻟﺞ ﻟﻴﺶ ﺗﻨﻄﻴﻨﻬﻴﺎ ﺣﻘﻴﺮﺓ ﻫﻲ ﻏﺎﻟﻴﻪ ﻋﻠﺒﺔ ﺍﺍﻻﻱ ﺷﺎﺩﻭ .
: ﻳﻮﻭﻭ ﺷﻤﺪﺭﻳﻨﻲ ﻭﺑﻌﺪﻳﻦ ﺍﺑﻮﻱ ﻳﻨﻄﻴﺞ ﺍﻟﻤﺼﺮﻑ ﺗﺸﺘﺮﻳﻦ ﺑﻲ ﻫﻲ ﺧﺮﺍﺑﻴﻄﺞ ﺣﺘﻰ ﺍﻟﻠﻪ ﻣﺎﻳﻘﺒﻞ .
: ﺑﺼﻴﺎﺍﺍﺡ ... ﺑﻜﻴﻔﻲ ﺣﺮﻳﺘﻲ ﺷﻌﻠﻴﺞ ﺍﻧﺖ .
ﺳﻤﻴﻪ ﺗﻬﺰ ﺑﺎﻳﺪﻫﺎ
ﺻﻔﺎ .. ﺑﺎﻧﻔﻌﺎﻝ ﻭﺑﻠﻐﺔ ﺍﻻﺷﺎﺭﻩ ... ﺭﻗﻴﻪ ﻫﻲ ﻣﺎﻟﺘﻲ ﻻﺗﻠﻌﺒﻴﻦ ﺑﻴﻬﺎ ﻋﻨﺪﺝ ﻋﻠﺐ ﺧﻠﻲ ﻣﻨﻬﻢ .
ﺭﻗﻴﻪ ﺑﺪﻭﻥ ﺍﻱ ﺭﺩﺓ ﻓﻌﻞ .
ﺻﻔﺎ .. ﺳﻤﻴﻪ ﻻﺗﺼﻴﺮﻳﻦ ﺧﺒﻴﺜﺔ ﺍﻟﻬﺎﻟﺪﺭﺟﻪ ﺍﻧﺖ ﻣﺎﻋﻠﻴﺞ ﻣﻔﻬﻮﻡ ﻭﺑﻌﺪﻳﻦ ﺷﻌﻨﺪﺝ ﻛﺎﺿﻪ ﻣﻠﺰﻣﺘﻲ ﺷﺘﺮﺩﻳﻦ ﺗﺴﻮﻳﻦ ﺑﻴﻬﺎ ﻫﻲ ﻫﻢ .
: ﻳﻮﻭﻭ ﺷﻤﺮﺗﻬﺎ ﻋﻠﻴﻬﺎ ﺑﻜﻞ ﺑﺮﻭﺩ ﻋﺒﺎﻟﻚ ﻣﺘﺒﻨﺠﻪ
ﻭﻣﺎﺍﺣﺲ ﺑﺸﻲ .
ﺑﺎﻟﻠﻴﻞ ﻭﺑﻌﺪ ﻣﺎ ﻧﺎﻡ ﺍﺑﻮﻱ ﻭﺭﻗﻴﺔ ﻫﻢ ﺑﻘﻴﻨﻪ ﺍﻧﻪ ﻭﺻﻔﺎ
ﻭﺍﺗﺼﻠﻨﺎ ﻋﻠﻰ ﺍﻣﻲ .
: ﺻﻔﺎ ﺟﻴﺒﻲ ﻫﻮ ﺗﻠﻴﻔﻮﻧﻲ ﻭﺍﻧﻪ ﺟﺒﺖ ﺍﻟﺮﻗﻢ ﺍﻧﻪ ﺍﺣﺠﻲ ﻭﻳﺎﻫﺎ ﺑﺎﻻﻭﻝ .
: ﻻ ﺍﻧﻪ ﺟﻴﺒﻴﻴﻴﻲ .
ﺟﺎﻭﺑﺖ ﻭﻓﺘﺤﺖ ﺳﺒﻴﻜﺮ ﺣﺘﻰ ﻧﺴﻤﻌﻬﺎ ﺍﺛﻨﻴﻨﻪ .
ﻫﻠﻮ ﻣﺎﻣﺎ ﺷﻮﻧﺞ
: ﻫﻼ ﺣﻴﺎﺗﻲ ﻫﻼ ﺑﻌﺪ ﺭﻭﺣﻲ ﻣﻨﻮ ﺻﻔﺎ؟
: ﻻﺍﻧﻪ ﺳﻤﻴﻪ .
: ﻫﻼ ﺑﺎﻟﻤﻬﻨﺪﺳﺔ ﻭﻟﺞ ﻣﺎﺗﺼﻮﺭﻳﻦ ﺷﻜﺪ ﻓﺮﺣﺘﻠﺞ ﻣﻦ ﻋﺮﻓﺖ ﻃﻠﻌﺖ ﻣﻌﺪﻝ ﺯﻳﻦ .
: ﺍﻟﺤﻤﺪﻟﻠﻪ ﺍﻧﺖ ﺷﻮﻧﺞ ﺷﻮﻥ ﻋﺎﻳﺸﻪ ﻭﻳﻤﺘﻪ ﺗﻄﻠﻜﺘﻲ . ؟
: ﻣﺎﺻﺎﺭﻟﻲ ﻓﺘﺮﺓ، ﻋﻮﻓﺞ ﻣﻨﻲ ﺭﻗﻴﺔ ﺷﻠﻮﻧﻬﺎ ﻭﺍﻟﻠﻪ ﻃﺎﮒ ﻛﻠﺒﻲ ﻋﻠﻰ ﻫﺎﻟﻄﻔﻠﺔ .
: ﻣﺎﻣﺎ ﻳﺎﻃﻔﻠﺔ ﺭﺍﺡ ﺗﺪﺧﻞ ﺏ 18 ﺳﻨﻪ
ﻭﻻﺗﺰﻋﻠﻴﻦ ﺟﺎﻥ ﻃﮓ ﻛﻠﺒﺞ ﻋﻠﻴﻬﻪ ﻭﻫﻲ ﺻﻐﻴﺮﺓ ﻣﻦ ﺟﻨﺘﻲ ﺗﻌﻮﻓﻴﻨﻬﻪ ﻋﻨﺪﻱ ﻭﺗﻄﻠﻌﻴﻦ .
: ﺳﻤﻴﻪ ﻫﺬﺍ ﺍﻟﻤﻮﺿﻮﻉ ﺍﻧﺴﻲ ﻛﺎﻓﻲ ﻣﺎﻣﻠﻴﺘﻲ .
: ﺷﻮﻥ ﺍﻧﺴﻰ ﻭﺍﻟﻨﺎﺱ ﺑﻜﻞ ﻣﻨﺎﺳﺒﺔ ﺗﻌﻴﺮﻧﺎ ﺑﻲ
.
ﻛﺎﻓﻲ ﺳﻤﻴﻪ ﺍﻧﻄﻴﻨﻲ ﺻﻔﺎ ﺍﺣﺠﻲ ﻭﻳﺎﻫﺎ
: ﻫﻲ ﺍﻧﻪ ﺍﺳﻤﻌﺞ ﻓﺎﺗﺤﻴﻦ ﺳﺒﻴﻜﺮ
ﺷﻠﻮﻧﺞ ﻳﻤﻪ ﺻﻔﺎ
ﺑﺨﻴﺮ ﻣﺎﻣﺎ ﺍﻧﺖ ﺷﻮﻧﺞ .
ﺯﻳﻨﻪ ﻳﺮﻭﺣﻲ ﺭﺍﺡ ﺍﺩﺯﻟﺞ ﺷﻐﻼﺕ ﺑﻴﺪ ﺍﺑﻦ ﺧﺎﻟﺞ ﻟﻠﻜﻠﻴﻪ ﺷﻮﻥ ﻣﻜﻴﺎﺝ ﻋﻨﺪﻱ ﺍﻟﺞ ﻳﺨﺒﻞ .
ﺳﻤﻴﻪ : ﺷﻨﻮ ﻋﺰﻟﺘﻲ ﺍﻟﺼﺎﻟﻮﻥ ﻭﺿﻤﻴﺘﻲ ﺍﻟﻬﺎ ﻫﺬﺍ ﺍﻟﻤﻜﻴﺎﺝ .
: ﻻﻳﻤﻪ ﻣﺎﻋﺰﻟﺘﻪ ﻃﻠﻌﺖ ﺗﺴﻮﻛﺖ ﻭﺗﺬﻛﺮﺗﻬﺎ ﺗﺤﺐ ﺍﻟﻤﻜﻴﺎﺝ ﻭﺍﻧﺖ ﺟﺒﺘﻠﺞ ﺳﻮﺍﺭ ﺫﻫﺐ ﻧﺎﺯﻙ ﻭﻛﻠﺶ ﺣﻠﻮ ﺍﺩﺭﻱ ﺑﻴﺞ ﺗﺤﺒﻴﻦ ﺍﻻﻛﺴﺴﻮﺍﺭﺍﺕ ﺍﻟﻨﺎﻋﻤﻪ ﺑﺲ ﻣﺎﺭﺍﺡ ﺍﺩﺯﻩ ﻫﺴﻪ ﺧﺎﻑ ﺍﻧﻄﻲ ﻟﻤﺮﻭﺍﻥ ﻳﻀﻴﻌﻪ ﻫﺬﺍ ﺍﻟﻔﺎﻫﻲ .
ﺳﻤﻴﻪ : ﺳﻼﻣﺘﺞ ﻣﺎﻣﺎ ﻣﺎﺍﻧﺮﻳﺪ ﺷﻲ ﺍﻫﻢ ﺷﻲ ﺗﻜﻮﻧﻴﻦ ﺑﺨﻴﺮ ﻭﺗﺘﺼﺮﻓﻴﻦ ﺻﺢ .
: ﺍﺗﺼﺮﻑ ﺻﺢ؟ ؟
: ﺍﻳﻲ .
: ﻣﺎﻋﻠﻴﺞ ﺑﺤﺠﻲ ﺍﻟﻨﺎﺱ ﺗﻔﺴﺮ ﻛﻞ ﺷﻲ ﻋﻠﻰ ﻫﻮﺍﻫﺎ .
: ﻟﻌﺪ ﻟﻴﺶ ﺗﻄﻠﻜﺘﻲ ﻣﻦ ﺯﻭﺟﺞ؟
: ﻣﺎﻣﺘﻔﺎﻫﻤﻴﻦ .
: ﺑﺲ ﺍﻟﻨﺎﺱ ﺗﺤﺠﻲ ﺣﺘﻰ ﻻﺑﻮﻱ ﺳﺎﻣﻊ ﺷﻲ .
: ﺍﻟﻨﺎﺱ ﻛﻞ ﺷﻲ ﺗﺤﺠﻲ ﻭﻣﻮ ﺿﺮﻭﺭﻱ ﺣﺠﻴﻬﻢ ﺻﺢ ﺍﻟﻤﻬﻢ ﺍﺑﻮﺝ ﺷﻠﻮﻧﻪ ﻣﺎﻧﺎﻭﻱ ﻳﺘﺰﻭﻭﺝ .
: ﻻ ﻣﺎﻳﺮﻳﺪ .
ﺍﻣﺎﻟﻴﺪ ﺑﺤﺴﺮﺓ : ﺍﻳﻴﻴﻪ ﺣﻘﻪ ﻋﻴﻨﻲ ﺑﺲ ﺷﻌﺠﺐ؟
: ﻳﻜﻮﻝ ﭼﺰﺕ ﺭﻭﺣﻲ ﻣﻦ ﺍﻟﻨﺴﻮﺍﻥ .
: ﺍﻱ ﻣﻮ ﻛﺘﻠﺞ ﺣﻘﻪ ﻳﻠﻠﻪ ﻫﺴﻪ ﻻﺯﻡ ﺍﻧﺎﻡ ﻭﺭﺍﻱ ﻛﻌﺪﺓ ﻣﻦ ﺍﻟﺼﺒﺢ ﻭﻧﺘﻮﺍﺻﻞ ﺍﻥ ﺷﺎﺀﺍﻟﻠﻪ ﻣﻨﺎ ﻭﺟﺎﻱ ﻭﻧﺘﺸﺎﻭﻑ .
: ﺷﻠﻮﻥ ﻧﺘﺸﺎﻭﻑ ﺑﻠﻠﻪ ﺑﻌﺪ ﺍﻟﻲ ﺻﺎﺭﺭ . ؟
: ﻋﻤﺮﻱ ﻣﺪﺍﻡ ﺍﺣﻨﻪ ﺗﺤﺖ ﺳﻤﺎﺀ ﻭﺣﺪﻩ ﻧﺘﺸﺎﻭﻑ ﺍﻧﻪ ﻣﺎﺍﺍﻛﺪﺭ ﻫﺎﻟﻜﺪ ﺍﺑﻘﻰ ﺑﻌﻴﺪﺓ ﻋﻨﻜﻢ ﺭﺍﺡ ﺍﺧﻠﻲ ﺧﺎﻟﻜﻢ ﺟﺎﺑﺮ ﻳﺠﻲ ﻳﺤﺎﺟﻲ ﺍﺑﻮﺝ ﻭﻳﺨﻠﻴﻨﻲ ﺍﺟﻲ ﺍﺷﻮﻓﻜﻢ ﻋﻠﻰ ﺍﻻﻗﻞ .
: ﺍﻥ ﺷﺎﺀﺍﻟﻠﻪ ﺍﺣﻨﻪ ﻫﻢ ﻧﺮﻳﺪ ﻧﺸﻮﻓﺞ .
: ﻳﻼ ﺣﺒﻴﺒﺎﺗﻲ ﻣﺎﻣﺤﺘﺎﺟﻴﻦ ﺷﻲ ﺑﻌﺪ .
ﺻﻔﺎ،ﺳﻤﻴﻪ : ﺳﻼﻣﺘﺞ .
ﻣﻊ ﺍﻟﺴﻼﻣﻪ .
ﺻﻔﺎ : ﻛﻤﺖ ﻣﻦ ﺳﺮﻳﺮ ﺳﻤﻴﻪ ﻭﺭﺣﺖ ﻋﻠﻰ ﺟﺮﺑﺎﻳﺘﻲ .
ﺗﻤﺪﺩﺕ ﺑﺎﻭﻋﺘﻠﻬﺎ : ﺩﻣﻌﺖ ﻋﻴﻮﻧﻲ ﺧﻄﻴﻪ ﺍﻣﻲ ﻗﻬﺮﺗﻨﻲ،،
: ﻫﻲ ﻣﺎﻝ ﺗﻘﻬﺮ ﻓﻌﻼ ﺗﻘﻬﺮ ﺑﺲ ﻛﻞ ﺍﻟﻲ ﺻﺎﺭ ﺍﻟﻬﺎ ﻣﻦ ﺍﻳﺪﻫﺎ .
: ﺳﻤﻴﻪ ﻋﻠﻰ ﻛﻴﻔﺞ ﻭﻳﺎﻫﺎ ﺑﺎﻟﺤﺠﻲ ﺗﺮﻩ ﺧﻄﻴﻪ ﻻﺗﺸﻮﻓﻴﻨﻬﺎ ﻣﺎﺗﺰﻋﻞ ﻣﻨﺞ ﺗﻈﻠﻴﻦ ﺗﺸﻤﺮﻳﻦ ﺑﺎﻟﺤﺠﻲ .
: ﻫﻪ ﺗﺬﻛﺮﻳﻦ ﻣﻦ ﺟﺎﻧﺖ ﺗﻜﺘﻠﻨﻲ ﺍﻛﺜﺮ ﻭﺣﺪﻩ ﺍﻧﻜﺘﻠﺖ ﺍﻧﻪ ﻫﻬﻪ ﺳﻮﺍﺀ ﻣﻦ ﺍﻣﻲ ﺍﻭ ﺍﺑﻮﻱ .
ﺍﻟﻤﻬﻢ ﺧﻠﻲ ﺍﻧﺎﻡ ﻭﺭﺍﻧﻪ ﺩﻭﺍﻡ .
: ﺍﻛﻠﺞ ﺷﻔﺘﻲ ﺍﻣﺎﻥ ﺷﻠﻮﻥ ﺣﻠﻮ ﻭﺷﻠﻮﻥ ﻳﺤﺠﻲ .
ﺳﻤﻴﻪ : ﻳﻤﻪ ﻓﺰ ﻗﻠﺒﻲ ﻣﻦ ﺫﻛﺮﺕ ﺍﺳﻤﻪ ﻭﺣﺴﻴﺖ ﺑﺎﻟﻐﻴﺮﻩ ﻋﻠﻲ ﻣﻨﻬﺎ .
ﻛﺘﻠﻬﺎ ﺍﻱ
: ﻳﺸﺒﻪ ﻋﻠﻲ ﻋﺬﺍﺏ .
: ﺍﻱ ﺫﺍﻛﻪ ﻋﻠﻲ ﻋﺬﺍﺏ ﻫﺬﺍ ﺍﻣﺎﻥ ﻋﺬﺍﺏ
: ﻫﻬﻬﻬﺎﻱ ﻭﻫﻢ ﻣﺎﻳﺤﺠﻲ ﻣﺜﻠﻨﻪ .
: ﻋﺪﻟﺖ ﻛﻌﺪﺗﻲ ﺳﻨﺪﺕ ﺭﺍﺳﻲ ﺑﻜﻒ ﺍﻳﺪﻱ ﻭﻋﻜﺴﻲ ﻋﻠﻰ ﺍﻟﻤﺨﺪﺓ ﮔﺘﻠﻬﺎ ﺷﻠﻮﻥ ﻳﻌﻨﻲ؟
: ﻳﻌﻨﻲ ﻳﺤﺠﻲ ﺑﺎﻟﺪﺍ ﻭﻫﻢ ﻳﺨﻠﻲ ﺿﻤﻪ ﻋﻠﻰ ﺍﻟﺤﺮﻭﻑ ﻳﻜﻮﻝ ﻻﺑﻮﻱ ﺍﺷﺘﻐﻮﻭﻝ .
.
ﺍﻱ ﻳﻌﻨﻲ ﻳﺘﺒﻐﺪﺩ ﺑﺎﻟﺤﺠﻲ .
: ﺍﻱ ﻟﻴﺶ ﺗﺮﻙ ﻟﻬﺠﺘﻨﺎ ﻫﻮ ﻣﻮ ﺍﺻﻠﻪ ﺑﺼﺮﺍﻭﻱ .
: ﻣﻮ ﻳﻜﻮﻟﻮﻥ ﻣﻦ ﻋﻤﺮﻩ 15 ﻋﺎﻳﺶ ﻫﻨﺎﻙ ﺍﻛﻴﺪ ﺗﻌﻠﻢ ﻳﺤﺠﻲ ﻣﺜﻠﻬﻢ .
: ﺍﻱ ﺻﺤﻴﺢ .
: ﺯﻳﻦ ﻫﻮ ﻫﺴﻪ ﺷﻜﺪ ﻋﻤﺮﻩ .
: ،ﺷﻤﺪﺭﻳﻨﻲ ﻛﻞ ﻣﺮﻩ ﺗﺴﺎﻟﻴﻦ ﻋﻠﻰ ﻋﻤﺮﻩ .
ﻭﻟﻲ ﺧﻞ ﺍﻧﺎﻡ ﻛﺎﻓﻲ ﺗﺤﺠﻴﻦ .
ﺳﻤﻴﻪ .
ﺑﻘﻠﺒﻲ ﺣﺠﻴﺖ ﻫﺴﻪ ﺍﻟﻪ ﺗﺬﻛﺮﻳﻨﻲ ﺑﻲ ﻳﺎ ﺻﻔﺎ ﺍﺍﺍﻑ .
ﻗﺒﻞ ﻻﺍﻧﺎﻡ ﻫﻮﺍﻱ ﻓﻜﺮﺕ ﺑﻲ ﻟﻴﺶ ﺍﻟﻴﻮﻡ ﻣﻦ ﺷﻔﺘﻪ ﻧﺴﻴﺖ ﺍﻣﻪ ﺗﺼﻴﺮ ﺍﺷﻮﺍﻕ ﻭﻧﺴﻴﺖ ﻛﻞ ﺷﻲ .
ﺍﻟﺼﺒﺢ ﮔﻌﺪﻧﺎ ﻭﺟﺎﻱ ﻧﺒﺪﻝ .
ﺟﺎﻱ ﺍﻟﻠﺒﺲ ﺟﻮﺍﺭﻳﺒﻲ ﻭﺻﻔﺎ ﺗﺎﻓﺎﻑ
ﺷﺒﻴﺞ ﻣﻦ ﺍﻟﺼﺒﺢ
: ﻟﺞ ﺷﻮﻓﻲ ﺭﻗﻴﻪ ﺷﻤﺴﻮﻳﻪ ﺑﺎﻟﻌﻠﺒﻪ .
: ﻭﺍﻟﻠﻪ ﺍﻧﺖ ﺣﻠﻮﺓ ﺑﻼ ﻣﻜﻴﺎﺝ ﻻﺗﺨﺒﺼﻴﻦ ﺭﻭﺣﺞ ﺣﻄﻲ ﺷﻲ ﺧﻔﻴﻒ ﻣﺜﻠﻲ ﺍﺳﺎﺱ ،ﻣﺴﻜﺎﺭﻩ ،ﻭﻣﺮﺗﺒﻪ ﺣﻮﺍﺟﺒﻲ ﻭﻟﻮﻥ ﻃﺒﻴﻌﻲ ﻉ ﺍﻟﺸﻔﻪ ﻭﻓﻀﺖ ﻭﺭﺍﺣﺖ .
: ﺑﻜﻴﻔﻲ ﺣﺮﻳﺘﻲ ﻫﻲ ﺷﻤﺎ ﺍﺣﻂ ﺧﻠﻲ ﺍﺣﻂ ﻣﻌﻠﻴﺞ .
: ﺣﻄﻲ ﺑﺲ ﻣﻮ ﺍﻭﭬﺮ ﻫﻴﺞ .
: ﻣﺎﺍﻋﻠﻴﺞ ﻫﻲ ﻳﻮﻣﻴﻪ ﻋﻠﻰ ﻫﺎﻟﺴﻴﺮﺓ ﻫﻲ ﺍﻭﻭﻭﻑ ………… ﺣﺘﻰ ﺍﺳﻼﻡ ﻛﺮﻫﺘﻪ ﻣﻦ ﻭﺭﻩ ﻫﺎﻟﺴﺎﻟﻔﻪ .
: ﻫﻪ ﻛﺮﻫﺘﻲ ﻫﻬﻬﻪ ﺻﺪﻙ ﺗﺤﺠﻴﻦ؟ ﻫﻴﺞ ﺍﻟﺤﺐ ﻋﻨﺪﺝ ﺗﺤﺒﻲ ﺑﺴﻬﻮﻟﺔ ﻭﺗﻜﺮﻫﻲ ﺑﺴﻬﻮﻟﺔ .
: ﻣﻮ ﻛﺮﻫﻨﻲ ﺑﻌﻴﺸﺘﻲ ﺍﻭﻭﻭ
: ﻳﺤﺒﺞ ﻋﻠﻰ ﻃﺒﻴﻌﺘﺞ ﺑﺲ ﺍﻧﺖ ﻫﻴﺞ ﺗﺠﺒﺮﻳﻨﻪ ﻳﺘﺼﺮﻑ ﻭﻳﺎﺝ ﻫﻴﺞ .
: ﻻ ﺍﺟﺒﺮﻩ ﻭﻻ ﻳﺠﺒﺮﻧﻲ .
: ﻳﻌﻨﻲ ﺷﻨﻮ ﻫﺴﻪ ﻧﻬﻴﺘﻲ ﻛﻞ ﺷﻲ ﻭﻳﺎﺍﺍ؟ ؟ ﺍﻫﻠﻬﻞ؟ ؟
: ﻻ ﻣﺎﺗﺮﻛﻨﻪ ﺑﻌﺾ ﺑﺲ ﻳﻀﻮﺟﻨﻲ .
: ﻭﺍﻧﺖ ﺟﺎﻱ ﺗﺘﻤﻜﻴﺠﻴﻦ ﺣﺘﻰ ﺗﺸﻮﻓﻴﻠﺞ ﺑﺪﻳﻞ ﻋﻨﻪ ﻫﻬﻬﻬﺎﻱ ﻣﻮﻭﻭﻭ؟
: ﺍﻧﺠﺒﻲ ﺳﻤﻴﻪ ﻟﻮ ﺗﺪﺭﻳﻦ ﺟﻢ ﻭﺍﺣﺪ ﺻﺎﺭﺣﻨﻲ ﻭﺍﻧﻪ ﺭﻓﻀﺖ ﺟﺎﻥ ﻣﺎﺣﺠﻴﺘﻲ ﻫﺎﻟﺸﻜﻞ .
: ﺍﻭﻭﻭ ﺷﻌﻠﻴﻪ ﺧﻞ ﺍﺭﻭﺡ ﺍﺗﺎﺧﺮﺕ .
ﻣﺮﺕ ﺍﻳﺎﻡ ﺍﻻﺳﺒﻮﻉ ﺑﺸﻜﻞ ﻋﺎﺩﻱ ﻟﻜﻦ ﻧﻬﺎﻳﺘﻪ ﺍﺑﺪ ﻣﺎﻛﺎﻧﺖ ﻋﺎﺩﻳﻪ .
ﺳﻮﺍﺀ ﺑﺎﻟﻨﺴﺒﻪ ﺍﻟﻲ ﺍﻭ ﺻﻔﺎ ﻭﺍﻻﻫﻢ ﺭﻗﻴﺔ .
ﺍﻻﺭﺑﻌﺎﺀ ﺣﻨﺔ ﻭﻋﺪ ﺍﺑﻦ ﻋﻤﻲ ﺳﻠﻴﻤﺎﻥ ﻭﺍﻳﻨﺎﺱ ﺑﻨﺖ ﻋﻤﻲ ﺍﻟﻤﺮﺣﻮﻡ .
ﺑﻴﻮﻡ ﺍﻟﺤﻨﻪ ﺍﻟﻌﺼﺮ
ﺻﻔﺎ : ﺍﻛﻠﺞ ﻧﺮﻭﺡ ﻟﺤﻨﺔ ﻭﻋﺪ ﺍﺣﻠﺊ ﺭﺍﺡ ﻳﺠﻴﺒﻮﻥ ﻣﻄﺮﺏ
ﺳﻤﻴﻪ : ﻻ ﻭﻟﺞ ﻫﺴﻪ ﻛﻠﻬﻢ ﻫﻨﺎﻙ ﻣﻠﺘﻤﻴﻦ ﺣﺘﻰ ﻣﺎﺭﺍﺡ ﻧﺎﺧﺬ ﺭﺍﺣﺘﻨﺎ ﺍﻟﻮﻟﺪ ﺭﺍﺡ ﻳﻄﺒﻮﻥ ﻭﻳﻄﻠﻌﻮﻥ .
ﺻﻔﺎ : ﺍﻭﻭﻭ ﻫﺴﻪ ﺍﻟﻪ ﺑﻴﻮﻡ ﻭﺍﺣﺪ ﻳﺴﻮﻭﻫﺎ .
: ﺷﻤﺪﺭﻳﻨﻲ ﺑﻌﺪ ﻫﺬﻩ ﺗﺮﺗﻴﺒﺎﺕ ﻋﻤﻲ ﺳﻠﻴﻤﺎﻥ ﺍﻛﻴﺪ .
ﺭﺗﺒﻨﻪ ﻣﻼﺑﺴﻨﺎ ﻭﻛﻞ ﺷﻲ ﻭﺭﺣﻨﻪ ﺍﻧﻪ ﻭﺻﻔﺎ
ﺭﻗﻴﻪ ﻣﻦ ﺍﻟﺼﺒﺢ ﻫﻨﺎﻙ ﺭﺍﺣﺖ ﻭﻱ ﺑﻴﺒﻲ ﻭﺍﺑﻮﻱ ﻭﺍﺣﻨﻪ ﻻﻥ ﺩﻭﺍﻡ ﻣﺎﻛﺪﺭﻧﻪ ﻧﺮﻭﺡ ﺍﻟﺼﺒﺢ .
ﻭﺻﻠﻨﻪ ﻭﺍﻟﻜﻞ ﻫﻨﺎﻙ
ﺷﻔﺖ ﺍﺷﻮﺍﻕ ﻣﻦ ﺑﻌﻴﺪ ﻭﺣﺎﻭﻟﺖ ﺍﺗﺠﻨﺒﻬﺎ ﺍﺫﺍ ﻫﻲ ﺑﻤﻜﺎﻥ ﺍﻃﻠﻊ ﻣﻨﻪ .
ﻫﻮﺳﻪ ﻭﺗﺤﻀﻴﺮ ﻋﺸﺎ ﻟﻠﻤﻮﺟﻮﺩﻳﻦ .
ﺗﻌﺸﻴﻨﺎ ﻭﺧﻠﺼﻨﺎ ﻏﺴﻠﻨﺎ ﻣﻮﺍﻋﻴﻦ
ﺻﻌﺪﻧﻪ ﻟﻠﻔﻮﻙ ﻏﺮﻓﺔ ﺍﻣﻞ ﺯﻭﺟﺔ ﺍﺑﻦ ﻋﻤﻲ
ﺍﻧﺘﺒﻬﺖ ﻋﻠﻰ ﺗﻠﻴﻔﻮﻧﻲ ﻣﺎﺑﻲ ﺷﺤﻦ ﺧﻠﻴﺘﻪ ﻉ ﺍﻟﺸﺤﻦ
.
ﻭﺑﺪﻳﻨﻪ ﻧﺒﺪﻝ ﻟﺒﺴﺖ ﺑﺪﻟﻪ ﺭﺑﻊ ﺭﺩﻥ ﻗﺼﻴﺮﺓ ﻟﺤﺪ ﺍﻟﺮﻛﺒﻪ ﺑﻨﻔﺴﺠﻲ ﻏﺎﻣﻖ ﻣﻜﻴﺎﺝ ﻳﺎﺩﻭﺏ ﻳﺒﻴﻦ ﻣﺴﻜﺮﺓ ﺭﻣﻮﺵ ﻭﺣﻮﺍﺟﺐ ﻭﺣﻤﺮﻩ ﻭﺭﺩﻳﻪ ﻉ ﺑﻨﻔﺴﺠﻲ ﻓﺎﺗﺢ ﻛﻠﺶ .
ﺻﻔﺎ ﻣﺎﺧﺬﻫﺎ ﺍﻟﻮﺍﻫﺲ ﺑﺎﻟﻤﻜﻴﺎﺝ ﻟﺒﺴﺖ ﺑﺪﻟﻪ ﻣﺎﺭﻭﻧﻲ ﺳﺎﺩﻩ ﻃﻮﻳﻠﻪ ﺣﻮﺭﻳﻪ ﻭﺭﺩﺍﻥ ﻃﻮﻳﻞ ﺑﺲ ﺍﻻﻛﺘﺎﻑ ﻣﻔﺘﻮﺣﻪ
ﺍﻟﻤﻜﻴﺎﺝ ﺳﻤﻮﻛﻲ ﻭﺍﻟﺤﻤﺮﻩ ﻣﺎﺭﻭﻧﻲ ﻣﺎﺕ ﻭﻣﻜﺒﺮﻩ ﺷﻔﺘﻬﺎ ﻃﺎﻟﻌﻪ ﺣﻠﻮﻩ ﺣﻴﻴﻞ .
ﺍﻟﻜﻞ ﺗﻌﺠﺐ ﻋﻠﻰ ﺟﻤﺎﻟﻬﺎ
ﻧﺰﻟﻨﻪ ﺟﻮﻩ
ﺍﻧﻪ ﻻﺑﺴﻪ ﺑﺸﺖ ﻓﻮﻙ ﺍﻟﺒﺪﻟﻪ
ﺗﺤﺴﺒﺖ ﻭﺟﻮﺩ ﻭﻟﺪ
ﺑﺲ ﺻﻔﺎ ﻣﺎﻟﺒﺴﺖ ﺷﻲ ﺑﺲ ﺷﺎﻝ ﻭﻏﻄﺖ ﺑﻲ ﺍﻛﺘﺎﻓﻬﺎ .
ﺍﻟﻜﻞ ﻧﺰﻟﻦ
ﺍﻗﺎﺭﺏ ﻋﻤﻪ ﺯﻳﻨﺐ ﺧﻮﺍﺗﻬﺎ ﻭﺑﻨﺎﺗﻬﻢ ﻭﻧﺴﻮﺍﻥ ﺍﺧﻮﻫﺎ
ﻭﺑﻠﺶ ﺍﻟﻤﻄﺮﺏ ﻳﻐﻨﻲ
ﺍﺣﻨﺎ ﺑﺎﻟﺼﺎﻟﻪ ﻭﻫﻢ ﺑﺎﻟﺤﺪﻳﻘﻪ
ﻭﺍﻟﻮﻟﺪ ﻃﺎﺑﻴﻦ ﻃﺎﻟﻌﻴﻦ ﻭﻋﻴﻮﻧﻬﻢ ﺯﺍﻳﻐﻪ
ﻋﻄﺸﺖ ﻃﻠﻌﺖ ﻣﻦ ﺍﻟﺼﺎﻟﻪ ﺻﺎﺭ ﺑﻮﺟﻬﻲ ﺭﺿﻮﺍﻥ
ﻻﺑﺲ ﻗﻤﻴﺺ ﺍﺑﻴﺾ ﻭﺭﺑﻄﻪ ﺳﻮﺩﻩ ﺑﻼ ﺳﺘﺮﻩ ﻭﺑﻨﻄﺮﻭﻥ ﺍﺳﻮﺩ .
ﻓﺘﺢ ﻋﻴﻮﻧﻪ ﻋﻠﻴﻪ
ﻋﺪﻟﺖ ﺷﺎﻟﻲ ﻭﺩﻧﻜﺖ
ﺗﻘﺮﺏ ﻣﻨﻲ ﻛﺎﻝ
: ﺳﻤﻴﻪ ﻫﻼ ﻭﺍﻟﻠﻪ
: ﻫﻼ ﺑﻴﻚ ﺭﺿﻮﺍﻥ ﺷﻠﻮﻧﻚ ؟
: ﻫﺴﻪ ﺻﺮﺕ ﺯﻳﻦ .
: ﺍﻭﻭﻭﻭ
: ﻫﻬﻪ ﺍﻛﻠﺞ ﺳﻲ ﺳﻤﻴﻪ؟
ﺑﺲ ﻻ ﺯﻋﻠﻴﻦ ﻣﻨﻲ؟
: ﻻ ﺍﻃﻤﺌﻦ .
ﺗﻘﺮﺏ ﻣﻨﻲ ﺧﻄﻮﺍﺕ ﻭﺍﻧﻪ ﺍﺑﺘﻌﺪﺕ .
: ﺗﺪﺭﻳﻦ ﺍﻧﺖ ﺣﻴﻴﻞ ﻣﻤﻴﺰﺓ
: ﻻ ﻣﺎﺍﺩﺭﻱ .
: ﺍﻧﻪ ﺍﻛﻠﺞ ﻟﻴﺲ ﺑﺎﻋﻲ ﺍﻟﻜﻞ ﻣﻦ ﻳﺼﻴﺢ ﺍﺳﻤﻲ ﻳﻜﻮﻝ ﺭُﺿﻮﺍﻥ ﺍﻟﻪ ﺍﻧﺖ ﺗﺼﻴﺤﻴﻨﻲ ﺭَﺿﻮﺍﻥ ﺑﻔﺘﺢ ﺍﻟﺮﺍﺀ .
: ﺣﺠﻴﺖ ﺑﻘﻠﺒﻲ ﺍﻭﻭ ﻫﺬﺍ ﺷﻜﺪ ﻣﺮﻛﺰ ﺑﻴﻪ ﺣﺘﻰ ﻣﻨﺘﺒﻪ ﻟﻠﻬﺠﺘﻲ ﻛﺘﻠﻪ ﺍﻱ ﺭﻭﺿﻮﺍﻥ ﻫﺬﺍ ﻣﺨﻠﻴﻨﻲ ﻣﻤﻴﺰﺓ ﻋﻮﺩ؟
: ﻭﺑﻌﺪ ﺳﻐﻠﺔ ﺛﺎﻧﻴﺔ ﺍﻟﻴﻮﻡ ﻛﻠﻬﻦ ﻋﺒﺎﻟﻚ ﺩﻓﺎﺗﺮ ﺭﺳﻢ ﻣﻠﻮﻧﻪ ﺑﺲ ﺍﻧﺖ ﻃﺒﻴﻌﻴﻪ .
: ﺍﻭﻭﻭ ﺷﻜﺪ ﻣﺮﻛﺰ ﺑﻴﻪ ﻟﻌﺪ ﻧﺼﻴﺤﺔ ﻻ ﺗﺮﻛﺰ ﻫﻮﺍﻱ ﻣﻮ ﺯﻳﻦ ﻋﻠﻴﻚ ﻣﻦ ﺭﺧﺼﺘﻚ .
ﻋﻔﺘﻪ ﺭﺣﺖ ﻟﻠﻤﻄﺒﺦ ﺻﺎﺣﺘﻨﻲ ﻋﻤﻪ ﺯﻳﻨﺐ ﻛﺎﻟﺖ
: ﻫﺎﺍ ﻭﻟﺞ ﺍﺩﺏ ﺳﺰ ﺻﺎﺭﻟﺞ ﺷﻜﺪ ﺗﻠﻐﻴﻦ ﻭﻳﺎ ﻭﺗﻜﻮﻟﻴﻦ ﻣﺎﺍﺭﻳﺪﻩ ؟
: ﺍﻭﻭ ﻋﻤﻪ ﻫﻮ ﺳﻠﻢ ﻋﻠﻴﻪ ﻭﺭﺩﻳﺖ .
: ﻫﺬﺍ ﻛﻠﻪ ﺳﻼﻡ؟ ؟
: ﺍﻱ
ﺻﺎﺣﻮﺍ ﻋﻠﻴﻬﺎ ﻭﺭﺍﺣﺖ ﻃﻠﻌﺖ ﻣﻦ ﺍﻟﻤﻄﺒﺦ
ﺷﻔﺖ ﺻﻔﺎ : ﻭﻟﺞ ﺳﻤﻴﻪ ﺻﺪﻙ ﺿﻮﺟﻪ ﻫﻨﺎ ﺣﺘﻰ ﻣﺎﺍﻛﺪﺭ ﺍﺭﻛﺺ .
: ﻣﻮ ﻛﺘﻠﺞ ﻧﺮﻭﺡ ﻟﺤﻔﻠﺔ ﺍﻳﻨﺎﺱ ﺟﺎﻥ ﻫﺬﺍ ﺍﻟﺤﺎﻳﻂ ﻳﺴﻤﻊ ﺍﻧﺖ ﻣﺎﺗﺴﻤﻌﻴﻦ .
: ﺍﻭﻭﻭ ﺗﺮﻩ ﺭﺟﻮﺍﻥ ﻭﻫﺠﺮﺍﻥ ﺭﺍﺣﻦ ﻫﻨﺎﻙ ﺿﺎﺟﻦ ﻣﻨﺎ .
ﺍﻣﺸﻲ ﻧﺮﻭﺡ .
: ﺧﻠﻲ ﺍﺭﻭﺡ ﺍﺟﻴﺐ ﺗﻠﻴﻔﻮﻧﻲ ﻣﻦ ﻓﻮﮒ .
: ﺧﻮﺵ ﺍﻧﺘﻈﺮﺝ ﻫﻨﺎ .
ﺻﻔﺎ ..
ﻭﻛﻔﺖ ﺍﻧﺘﻈﺮ ﺳﻤﻴﻪ ﺗﺠﻴﺐ ﺗﻠﻴﻔﻮﻧﻬﺎ
ﺑﺎﻭﻋﺖ ﺍﺳﻼﻡ ﻳﺎﺷﺮﻟﻲ .
ﺭﺣﺖ ﻳﻤﻪ
ﺳﻠﻤﺖ ﻋﻠﻴﻪ
ﺍﺳﻼﻡ : ﻭﻟﺞ ﻫﻲ ﺷﻨﻮﻭ ﺷﻄﺎﻟﻌﻪ ﺗﺨﺒﻠﻴﻦ .
: ﻫﻬﻬﻪ ﺧﺠﻠﺘﻨﻲ .
ﺗﻘﺮﺏ ﻣﻨﻲ ﺭﻓﻊ ﺣﺎﺟﺒﻪ ﻭﻳﻌﺾ ﺷﻔﺘﻪ ﻛﺎﻝ
: ﻭﻟﺞ ﻫﺬﺍ ﺷﻨﻮ ﺣﻠﻜﺞ ﻣﺎﻝ ﻣﻤﻤﻤﻤﻢ .
ﺿﺤﻜﺖ
ﻛﺎﻝ ﻭﻫﻮ ﺫﺍﻳﺐ ﻭﻓﻮﻛﺎﻫﺎ ﺗﻀﺤﻜﻴﻦ
: ﺍﺿﺤﻚ ﻟﻌﺪ ﺷﺘﺮﻳﺪ ﺍﺭﺯﻟﻚ ؟
: ﻣﺎﺍﺩﺭﻱ ﺍﻧﺖ ﺷﺘﺸﻮﻭﻓﻴﻦ؟
: ﻣﺎﺷﻮﻑ ﻋﻤﻴﻪ
ﻭﺑﻌﺪﻳﻦ ﺍﻧﺖ ﺷﻌﻨﺪﻙ ﻫﻨﺎ؟ ؟؟
: ﻭﻟﺞ ﺑﻴﺘﻨﻪ ﺍﻧﺘﺮﺱ ﻧﺴﻮﺍﻥ ﺷﺴﻮﻱ ﺑﺎﻗﻲ ﻫﻨﺎﻙ ﺟﻴﺖ ﻫﻨﺎ .
: ﺍﻱ ﺍﺣﻨﺎ ﻫﻢ ﺭﺍﺡ ﺍﻧﺮﻭﺡ ﻟﺒﻴﺘﻜﻢ ﺿﻮﺟﻪ ﻫﻨﺎ .
: ﺍﻱ ﺑﺲ ﻣﻮ ﺗﻄﻠﻌﻴﻦ ﻫﻴﺞ .
: ﺭﺍﺡ ﺍﻟﻠﺒﺲ ﻋﺒﺎﻳﻪ ﻻﺗﺨﺒﺼﻨﻲ .
: ﺣﺘﻰ ﻭﺟﻬﺞ ﻏﺴﻠﻲ ﻫﻢ
: ﻻ ﻣﺎﺍﻏﺴﻠﻪ ﻋﻠﻴﻤﻦ .
: ﻭﻟﺞ ﺑﺮﻩ ﻛﻠﻪ ﻭﻟﺪ ﻻﻳﺸﻮﻓﻮﺝ ﻫﻴﺞ .
: ﺍﻭﻭﻭﻭ ﻻ ﺗﺼﻴﺮ ﻣﻌﻘﺪ ﻛﻠﺶ .
: ﺑﻌﺼﺒﻴﻪ ﻭﻟﺞ ﺷﺼﻴﺮ ﻣﻌﻘﺪ ﻫﺴﻪ ﻣﻦ ﺑﺎﻭﻋﺖ ﻟﺤﻠﻜﺞ ﺷﻮﻥ ﻓﻜﺮﺕ ﺑﻲ ﻫﻴﺞ ﺭﺍﺡ ﻳﻔﻜﺮﻭﻥ ﺑﻴﺞ .
: ﺍﻭﻭﻭ
ﺍﺭﻳﺪ ﺍﻧﺴﺤﺐ ﻣﻦ ﻳﻤﻪ ﻟﺰﻣﻨﻲ ﻣﻦ ﻣﻌﺼﻤﻲ ﺻﻔﺎ ﻣﺴﺤﻲ ﻭﻳﺨﺰﺭﻧﻲ ﺳﺤﺒﺖ ﻣﻌﺼﻤﻲ ﻗﻮﻱ ﻭﺭﺣﺖ
ﺣﺎﻭﻟﺖ ﺍﺑﺘﻌﺪ ﻣﻦ ﻳﻤﻪ ﻗﺪﺭ ﺍﻟﻤﺴﺘﻄﺎﻉ .
ﻟﺒﺴﺖ ﻋﺒﺎﻳﺔ ﻣﻔﺘﻮﺣﻪ
ﻛﻮﻩ ﺗﻌﺪﻳﺖ ﻣﻦ ﺍﻟﻮﻟﺪ ﻭﺍﻟﻬﻮﺳﻪ ﻭﻃﻠﻌﺖ ﺑﺮﻩ ﺍﻟﺒﻴﺖ .
ﺳﻤﻴﻪ .
ﺻﻌﺪﺕ ﻓﻮﻙ ﻭﺭﺍﺳﺎ ﻓﺘﺤﺖ ﻏﺮﻓﺔ ﺍﻣﻞ ﺑﺪﻭﻥ ﻣﺎﺍﺩﻙ ﺍﻟﺒﺎﺏ .
ﺗﻔﺎﺟﺄﺕ ﺷﻔﺘﻪ ﺑﺎﻟﻜﻴﻤﻮﻧﻪ ﺭﺻﺎﺻﻴﻪ ﻋﻠﻴﻬﺎ ﻛﺘﺎﺑﺔ ﺍﻧﻜﻠﻴﺰﻳﻪ ﺳﻮﺩﻩ
ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ﻭﻛﺘﻠﻪ ﺍﺳﻔﻪ .
ﺍﺭﻳﺪ ﺍﺩﻭﺭ ﻭﺍﻃﻠﻊ
ﺳﻤﻌﺘﻪ ﻛﺎﻝ ﺑﺼﻮﺗﻪ ﺍﻟﺮﺟﻮﻟﻲ ﺍﻟﻤﺒﺤﻮﺡ ﻭﻛﻠﻪ ﺗﻜﺒﺮ .
ﺍﻣﺎﻥ : ﺗﺮﺩﻳﻦ ﺷﻲ .
ﺍﻟﻠﺘﻔﺘﺖ ﺷﻔﺘﻪ ﺟﺎﻱ ﻳﻠﺒﺲ ﺑﻘﻤﻴﺼﻪ
ﻋﺪﻟﺖ ﺷﺎﻟﻲ ﻛﻠﺖ ﺑﺎﺭﺗﺒﺎﻙ ﺑﺲ ﻣﺤﺎﻓﻀﻪ ﺍﺑﻴﻦ ﻗﻮﺓ ﺷﺨﺼﻴﺘﻲ .
: ﺑﺘﻜﺒﺮ .. ﺍﻱ ﺍﺭﻳﺪ ﺗﻠﻴﻔﻮﻧﻲ ﻫﻨﺎ ﺑﻘﻰ .
ﻭﻫﻮ ﻳﺮﻳﺪ ﻳﻄﻠﻊ ﻭﻳﺪﻛﻢ ﺑﺎﻟﻘﻤﻴﺺ ﻛﺎﻝ ﻓﻮﺗﻲ .
ﻣﺮ ﻣﻦ ﻳﻤﻲ ﻭﻋﻄﺮﻩ ﺗﺮﺱ ﺭﻳﺘﻲ .
ﻣﺤﺎﺳﻪ ﺑﻬﺎﻟﺸﻌﻮﺭ ﻣﻦ ﻗﺒﻞ .
ﺩﺧﻠﺖ ﺳﺤﺒﺖ ﺗﻠﻴﻔﻮﻧﻲ ﻣﻦ ﺍﻟﺸﺤﻦ ﻭﻃﻔﻴﺖ ﻧﻘﻄﺔ ﺍﻟﻜﻬﺮﺑﺎﺀ
ﻃﻠﻌﺖ ﺷﻔﺘﻪ ﺟﺎﻱ ﻳﻤﺸﻂ ﻳﻢ ﻣﺮﺍﻳﻪ ﺑﺎﻟﺼﺎﻟﻪ ﺍﻟﻲ ﻳﻢ ﺍﻟﻐﺮﻑ ﺍﻟﻔﻮﻙ .
ﻣﺸﻴﺖ ﺧﻄﻮﺍﺕ ﺻﺮﺕ ﻳﻤﻪ ﻻﻥ ﺍﻟﻤﺮﺍﻳﻪ ﺍﻟﻲ ﻭﺍﻛﻒ ﻋﻠﻴﻬﺎ ﻗﺮﻳﺒﻪ ﻉ ﺍﻟﺪﺭﺝ
ﮔﺎﻝ ﺍﻧﺖ ﺑﻨﺖ ﺧﺎﻟﻮ ﺍﻳﻮﺏ؟
ﺑﺎﻭﻋﺘﻠﻪ ﻛﺘﻠﻪ ﺷﻤﺪﺭﻳﻚ؟
: ﺍﻧﺖ ﻧﻔﺴﺞ ﺍﻟﻲ ﺷﻔﺘﺞ ﺑﺎﻟﻜﻠﻴﻪ ﻣﻮ؟
: ﺍﻱ ﻧﻔﺴﻲ
: ﺍﻱ ﺳﺎﻟﺖ ﺍﻣﻲ ﻣﻦ ﺷﻔﺘﺞ ﺑﻠﺤﻈﺘﻬﺎ ﻭﻛﻠﺘﻠﻲ ﺑﻨﺖ ﺧﺎﻟﻚ ﻣﺎﻛﻮ ﻏﻴﺮﻫﺎ ﺍﻛﻴﺪ ﺑﻨﺖ ﺧﺎﻟﻮ ﺍﻳﻮﺏ .
ﻳﺒﻮﻭﻭ ﺑﺲ ﻻ ﻛﺎﻳﻠﺘﻠﻪ ﻋﻠﻰ ﻟﺴﺎﻧﻲ ﻭﻋﺮﺍﻳﻜﻲ ﻭﻳﺎﻫﺎ .
ﻳﻮﻭ ﺧﻠﻲ ﺗﻜﻠﻪ ﺍﺻﻼ ﻣﺎﻳﻬﻤﻨﻲ .
ﻛﺘﻠﻪ ﺍﻱ ﺻﺤﻴﺢ ﻭﻧﺰﻟﺖ ﺟﻮﻩ ﺍﺣﺲ ﺗﻮﺗﺮﺕ ﻛﻠﻠﺶ .
ﻭﺍﺣﺲ ﻛﻼﻣﻪ ﻟﻬﺴﻪ ﺑﺎﺫﻧﻲ ﻭﻋﻄﺮﻩ ﺑﺎﻧﻔﺎﺳﻲ
ﻭﻧﻈﺮﺍﺗﻪ ﺍﻟﻘﻮﻳﻪ ﺗﺮﺍﻗﺒﻨﻲ .
ﺍﻭﻝ ﻣﺎﻧﺰﻟﺖ ﺍﻟﺪﺭﺝ ﺻﺎﺭ ﻛﺒﺎﻟﻲ ﺭﺿﻮﺍﻥ ﻭﻧﻈﺮﺍﺗﻪ
ﻣﺎﺣﺎﺟﻴﺘﻪ
ﺩﻭﺭﺕ ﺻﻔﺎ ﻣﺎﻛﻮ ﺑﺎﻟﺒﻴﺖ ﻛﻠﻪ
ﺷﻔﺖ ﻋﻤﻪ ﺯﻳﻨﺐ ﺳﺎﻟﺘﻬﺎ ﻛﺎﻟﺖ ﺷﻔﺘﻬﺎ ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ
ﺍﻳﺎﺍﺍ ﻣﺨﺒﻠﺔ ﻋﺎﻓﺘﻨﻲ ﺧﺎﻑ ﻣﻨﺘﻈﺮﺗﻨﻲ ﺑﺮﻩ ﺧﻠﻲ ﺍﻃﻠﻊ ﺑﻠﻠﻪ .
ﻃﻠﻌﺖ ﻣﺎﻛﻮ ﺻﻔﺎ
ﻇﻠﻴﺖ ﺍﺳﺐ ﻭﺍﺷﺘﻤﻬﺎ
ﺍﻟﺤﻘﻴﺮﺓ ﻋﺎﻓﺘﻨﻲ
ﻛﻠﺖ ﺑﻠﻜﻲ ﺍﻟﺤﻜﻬﺎ ﻻﻥ ﻣﺎﺻﺎﺭ ﻫﻮﺍﻳﻪ
ﻣﺸﻴﺖ ﻭﺍﺑﺘﻌﺪﺕ ﻋﻦ ﺑﻴﺖ ﻋﻤﻲ ﺷﻮﻳﻪ ﻭﺻﺎﺭ ﺍﻟﻄﺮﻳﻖ ﺷﺒﻪ ﺍﻇﻠﻢ
ﻻﻥ ﺍﻻﺿﻮﻳﻪ ﺑﺲ ﻣﻘﺎﺑﻴﻞ ﺍﻟﺒﻴﻮﺕ ﻭﺍﻟﻤﺴﺎﻓﻪ ﻣﺘﻔﺎﻭﺗﻪ ﺑﻴﻦ ﻛﻞ ﺑﻴﺖ ﻭﺍﻟﺜﺎﻧﻲ .
ﺧﻔﺖ ﻛﻠﺶ ﻭﺍﺻﻮﺍﺕ ﺟﻼﺏ ﺑﻌﻴﺪﻩ ﺭﻋﺒﺘﻨﻲ
ﺣﺴﻴﺖ ﺧﻄﻮﺍﺕ ﻭﺭﺍﻳﻪ ﺻﺎﺭ ﺍﻟﺮﻋﺐ ﺍﻛﺜﺮ
ﺍﻧﻤﺪﺕ ﺍﻳﺪ ﺍﻟﻲ ﻟﺰﻣﺘﻨﻲ ﻭﺳﺤﺒﺘﻨﻲ ﻣﻦ ﺍﻟﺸﺎﺍﺭﻉ
ﻣﺘﺘﺘﺖ ﺩﻣﻲ ﺟﻤﺪﺩﺩ ﻏﻤﻀﺖ ﻋﻴﻮﻧﻲ ﻣﻦ ﺍﻟﺨﻮﻭﻑ ﻭﺍﻟﺮﻋﺐ ﻭﺍﺭﻳﺪ ﺍﻋﺮﻑ ﻣﻨﻮ ﻫﻴﺞ ﺳﻮﺍ ﺑﻴﻪ .
ﺍﺟﺎﺍﺍﻧﻲ ﺻﻮﻭﺗﻪ
.
ﺍﺟﺎﻧﻲ ﺻﻮﺗﻪ " ﺳﻤﻴﻪ ﺍﻫﺪﺋﻲ "
ﻓﺘﺤﺖ ﻋﻴﻮﻧﻲ ﻋﺮﻓﺖ ﺻﻮﺗﻪ
ﻇﻠﻴﺖ ﺍﺻﻴﺢ ﺑﻮﺟﻬﻪ ﻭﺍﺿﺮﺏ ﻋﻠﻰ ﺻﺪﺭﻩ
ﺭﺿﻮﺍﻥ ﻳﺎ ﺣﻘﻴﺮ ﺷﺴﻮﻳﺖ ﺑﻴﻪ ﻭﻟﻚ ﺍﺟﻴﺖ ﺍﻣﻮﻭﺕ ﻫﻴﺞ ﺗﺨﻮﻭﻓﻨﻲ .
ﻣﺴﺘﻤﺮ ﻳﮕﻠﻲ ﺍﻫﺪﺋﻲ ﻭﺍﻧﻪ ﻓﺎﻗﺪﺓ
ﻣﺎﺗﻌﺮﻑ ﺗﺼﻴﺤﻠﻲ ﺑﻬﺪﻭﺀ ﻣﻮ ﻫﻴﺞ ﺗﺨﻮﻓﻨﻴﻲ
: ﺭﺩﺕ ﺍﺣﺠﻲ ﻭﻳﺎﺝ ﺑﺲ ﺳﻤﺪﺭﻳﻨﻲ ﻫﻴﺞ ﺗﺨﺎﻓﻴﻦ ﻃﺎﻟﻌﻪ ﺑﺎﻟﻠﻴﻞ ﺳﺘﺘﻮﻗﻌﻴﻦ؟
ﺩﻓﻌﺘﻪ ﻟﺰﻣﻨﻲ
: ﺍﺭﻳﻴﺪ ﺍﺣﺠﻲ ﻭﻳﺎﺝ ﻛﺘﻠﺞ
: ﺍﻟﻠﻬﻢ ﻃﻮﻟﺞ ﻳﺎﺭﻭﺡ ﺍﺣﺠﻲ ﺩﻛﺘﻮﺭ ﺍﺣﺠﻲ ﻃﻠﻌﻬﺎ ﻟﻠﺤﺠﺎﻳﻪ ﻣﻮ ﺭﻭﺣﻲ ﻃﻠﻌﺖ .
: ﻋﻨﺪﺝ ﻋﻼﻗﺔ ﻭﻱ ﺍﻣﺎﻥ ﻛﻮﻟﻴﻠﻲ ﺣﺘﻰ ﺍﺣﺘﺮﻡ ﻗﺮﺍﺭ ﻗﻠﺒﺞ ﻭﺍﺑﺘﻌﺪ ﻋﻨﺞ .
ﺻﺪﻣﻨﻲ ﻫﺬﺍ ﺷﻴﺤﺠﻲ ﻳﺎ ﻋﻼﻗﻪ ﺷﻴﻬﺬﺭﻡ ﻫﺬﺍ
ﻛﺘﻠﻪ ﺍﻭﻭﻭﻑ ﻳﺎﺭﻳﺖ ﺗﺒﺘﻌﺪ ﻋﻨﻲ ﻭﺗﺨﻠﺼﻨﻲ
ﺑﻌﺼﺒﻴﻪ ﺍﺣﺠﻲ ﻛﺘﻠﺞ .
ﺭﺿﻮﺍﻥ ﻻﺗﻌﺼﺐ ﻋﻠﻴﻪ ﺑﻠﻠﻪ .
ﺍﺣﺠﻲ ﻟﻌﺪ
ﻭﺍﻧﺖ ﺷﻮﻥ ﺍﻛﺘﺸﻔﺖ ﻫﺬﺍ ﺍﻻﻛﺘﺸﺎﻑ ﺍﻟﻌﻈﻴﻢ ﺩﻛﺘﻮﺭ ﺭﺿﻮﺍﻥ .
ﺍﺍﺷﺮﺕ ﺑﻜﻒ ﺍﻳﺪﻱ ﺑﺎﻟﻬﻮﺍ ﻭ ﺑﺴﺨﺮﻳﻪ
ﻣﻦ ﻧﺰﻟﺘﻲ ﻣﻦ ﻓﻮﻙ ﻭﺭﺍﺝ ﺑﻜﻢ ﺩﻗﻴﻘﺔ ﻧﺰﻝ ﺍﻣﺎﻥ ﺍﺳﺘﻐﺮﺑﺖ ﺻﻌﺪﺕ ﻓﻮﻙ ﻣﺎﻛﻮ ﺍﺣﺪ ﺑﺲ ﺍﻧﺘﻢ ﺍﻻﺛﻨﻴﻦ ﺩﺧﻞ ﺍﻟﺸﻚ ﺑﻴﻪ ﻭﺧﺎﺻﺔ ﺍﻛﻮ ﻋﺪﻛﻢ ﻟﻘﺎﺀ ﻣﺴﺒﻖ .
ﺍﺭﻳﺪ ﺍﺣﺠﻲ ﺳﻜﺘﻨﻲ ﺳﺤﺒﻨﻲ ﻗﻮﻱ
ﺍﻟﻲ ﺑﺼﻔﻪ ﺍﺣﻨﻪ ﻭﺍﻛﻔﻴﻦ ﻗﻄﻌﺔ ﺍﺭﺽ ﻓﺎﺭﻏﻪ ﺑﻴﻦ ﺑﻴﺘﻴﻦ .
ﺳﺤﺒﻨﻲ ﻗﻮﻱ
ﺍﻛﻠﻪ ﺷﺒﻴﻚ ﻳﺴﻜﺘﻨﻲ ﻻﺯﻣﻨﻲ ﻭﺧﻄﻒ ﺑﻴﻪ
ﺍﻻﺭﺽ ﻛﻠﻬﺎ ﺍﺷﻮﺍﻙ ﻭﻧﺒﺎﺗﺎﺕ ﺍﻧﻔﺘﺢ ﺣﺰﺍﻡ ﺍﻟﺒﺸﺖ
ﺍﻟﺸﺎﻝ ﺗﺨﺮﺑﺺ .
ﺻﺮﻧﻪ ﺑﻈﻬﺮ ﺍﻟﺒﻴﺖ ﺍﻟﻲ ﺟﻨﻪ ﻭﺍﻛﻔﻴﻦ ﻳﻤﻪ
ﺿﺮﺑﺘﻪ ﻋﻠﻰ ﻛﺘﻔﻪ ﺑﻘﺒﻀﺔ ﺍﻳﺪﻱ
ﮔﺘﻠﻪ ﻭﻋﻤﻰ ﺷﺒﻴﻚ؟
ﻫﻮﻭﺹ ﻻﺗﺠﺎﻭﺯﻳﻦ ﻭﻻﺗﺨﻠﻴﻨﻲ ﺍﻓﻘﺪ ﺍﻋﺼﺎﺑﻲ ﻭﻳﺎﺝ ﻣﺎﺳﻔﺘﻲ ﺍﻟﻮﻟﺪ ﺟﺎﻳﻴﻦ ﻣﻦ ﺫﺍﻙ ﺍﻟﻄﺮﻳﻖ ﺍﺫﺍ ﺳﺎﻓﻮﻧﺎ ﺳﺮﺍﺡ ﻳﻜﻮﻟﻮﻥ ﻋﻠﻴﺞ؟
: ﺭﻓﻌﺖ ﺍﺻﺒﻌﻲ ﺍﻟﺴﺒﺎﺑﻪ ﺑﻐﻀﺐ
ﻻ ﺗﻌﺼﺐ ﻋﻠﻴﻪ ﺍﺣﺬﺭﻙ ﺧﻮﻭﺵ ﻣﺎﺭﺍﺡ ﻳﻜﻮﻟﻮﻥ ﻭﺑﻌﺪﻳﻦ ﺍﻧﺖ ﺍﺑﻦ ﻋﻤﺘﻲ ﻗﺎﺑﻞ ﻭﺍﻛﻔﻪ ﻭﻱ ﻏﺮﻳﺐ ﻭﻣﻨﻴﻦ ﻳﻌﺮﻓﻮﻧﻲ ﺑﻬﺎﻟﻈﻠﻤﺔ؟ ؟
: ﻳﺒﻮﻭﻱ ﻟﺴﺎﻥ ﻟﻮ ﺑﻲ ﻛﻲ ﺳﻲ ! !
ﺣﺠﻴﺖ ﺑﻘﻠﺒﻲ ﻭﺍﻟﻠﻪ ﻟﻮ ﻛﺎﻳﻞ ﺭﺳﺎﺳﻪ ﺟﺎﻥ ﻃﻜﻴﺘﻬﺎ ﺿﺤﻜﻪ ﺧﻠﻴﺖ ﻫﺎﻟﺒﻴﻮﺕ ﻛﻠﻬﺎ ﺗﺴﻤﻌﻬﺎ ﻭﻣﻨﺎ ﺍﻧﻪ ﺿﺤﻜﺘﻲ ﻓﻀﻴﺤﻪ .
ﺍﺑﺎﻭﻋﻠﻪ ﻳﺒﺎﻭﻋﻠﻲ ﻭﻣﺎﻣﺴﻴﻄﺮ ﻋﻠﻰ ﻧﻈﺮﺍﺗﻪ
ﺗﺬﻛﺮﺕ ﺍﻟﺒﺸﺖ ﻣﻔﺘﻮﺡ ﻭﺑﺪﻟﺘﻲ ﻃﺎﻟﻌﻪ ﻣﺨﺼﺮﻩ ﻋﻠﻰ ﺟﺴﻤﻲ ﻟﻔﻴﺖ ﺭﻭﺣﻲ ﻭﻋﺪﻟﺖ ﺷﺎﻟﻲ ﺗﻮﺗﺮﺕ ﺧﺠﻠﺖ .
ﻛﺘﻠﻪ ﺷﻮﻓﻠﻨﻪ ﻫﺬﻭﻝ ﻣﺎﻭﻟﻮ ﺧﻠﻲ ﻧﻔﻮﺕ ﺷﻨﻮ ﺭﺍﺡ ﻧﺒﻘﻰ ﻫﻨﺎ ﻟﻠﺼﺒﺢ .
ﻃﻞ ﻛﺎﻝ ﺗﻌﺪﻭﺍ ﺍﻭﺻﻠﺞ؟
: ﺧﻠﻲ ﺍﺧﺎﺑﺮ ﺻﻔﺎ ﺍﺷﻮﻓﻬﺎ ﻭﻳﻦ
ﺧﺎﺑﺮﺗﻬﺎ ﻛﺎﻟﺖ ﻭﻟﺞ ﺍﻧﻪ ﺭﺟﻌﺖ ﺍﺑﻴﺖ ﻋﻤﻲ
ﻣﺎﻛﺪﺭﺕ ﺍﺳﺒﻬﺎ ﻛﺪﺍﻡ ﺭﺿﻮﺍﻥ ﻛﺘﻠﻬﺎ ﺧﻮﺵ ﻳﺼﻴﺮ ﺧﻴﺮ
ﺳﺪﻳﺘﻪ ﻭﺑﺎﻭﻋﺘﻠﻪ ﺧﻠﻲ ﻧﺮﺟﻊ ﻟﺒﻴﺖ ﻋﻤﻲ
: ﺳﻮﻥ ﺗﺮﺟﻌﻴﻦ ﻭﺍﻻﻣﻪ ﺍﻧﻜﻠﺒﺖ ﻳﻢ ﺑﺎﺑﻬﻢ ﻣﺎﺑﻘﻰ ﻭﺍﺣﺪ ﻣﺎﺍﺟﻪ ﻟﻠﺤﻨﻪ .
ﻃﺒﻌﺎ ﺍﺫﺍ ﺻﺎﺭﺕ ﺣﻨﻪ ﺑﺎﻟﻤﻨﻄﻘﻪ ﺍﻟﺰﻳﻦ ﻭ ﺍﻟﺸﻴﻦ ﻳﻠﺘﻤﻮﻥ
ﻛﺘﻠﻪ ﻭﺩﻳﻨﻲ ﻟﺤﻨﺔ ﺍﻳﻨﺎﺱ ﻭﺻﻔﺎ ﺑﻌﺪﻳﻦ ﺗﺠﻲ
.
ﻣﺸﻴﻨﻪ ﺍﻟﻄﺮﻳﻖ ﻫﺪﻭﺀ ﻭﻇﻼﻡ ﺩﺍﻣﺲ ﻃﻠﻊ ﺗﻠﻴﻔﻮﻧﻪ ﻳﻀﻮﻱ ﺑﻲ
ﺍﻧﻪ ﺷﻮﻳﻪ ﻫﺪﺃﺕ ﻭﺑﺎﻟﻲ ﺻﻔﻰ ﺑﺎﻭﻋﺘﻠﻪ ﻛﺘﻠﻪ ﺍﻧﺖ ﺷﻮﻥ ﺗﻔﻜﺮ ﻭﺍﻟﻠﻪ ﻣﺎﺍﺩﺭﻱ ﻳﺎ ﺭﺿﻮﺍﻥ ﻳﻌﻨﻲ ﺗﺘﻮﻗﻊ ﻣﻦ ﻟﻘﺎﺋﻴﻦ ﺑﺲ ﺍﺳﻮﻱ ﻋﻼﻗﺔ ﻭﻱ ﺍﻣﺎﻥ .
: ﻻ ﻣﻮ ﻫﻴﺞ ﺗﻮﻗﻌﺖ ﺗﻠﺘﻘﻮﻥ ﺑﺎﻟﻜﻠﻴﺔ ﻻﻥ ﻛﻠﺘﻴﻠﻲ ﺣﺠﻴﻨﻪ
: ﻫﻲ ﻛﻠﻤﺘﻴﻦ ﺣﺠﻴﻨﺎﻫﻢ ﻭﺑﻌﺪﻳﻦ ﺍﻣﺎﻥ ﻣﻮ ﺧﺎﻃﺐ ﺑﻨﺖ ﻋﻤﻚ؟
: ﻣﺎ ﺧﺎﻃﺒﻬﺎ ﺑﻌﺪﻫﻢ ﻣﺠﺮﺩ ﻛﻼﻡ ﻭﺑﻴﻦ ﺍﻻﻫﻞ ﻳﻌﻨﻲ ﺯﻭﺍﺝ ﻣﺼﻠﺤﻪ ﺍﻭ ﺣﺘﻰ ﻳﺼﻴﺮ ﺗﻘﺎﺭﺏ ﺑﻴﻦ ﺍﻟﻌﺎﺋﻠﺘﻴﻦ ﺍﻛﺜﺮ ﻫﻴﺞ ﺷﻲ !
: ﻭﺷﻤﺪﺭﻳﻚ ﺍﻣﺎﻥ ﻣﺎﻳﺤﺒﻬﺎ
: ﻋﻴﻨﻲ ﻟﻮ ﻳﺤﺒﻬﺎ ﺟﺎﻥ ﺗﺰﻭﺟﻬﺎ ﻣﻦ ﺯﻣﺎﻥ ﻣﺎﻧﺎﻗﺼﺔ ﺳﻲ ﻫﻮ ﺧﺮﻳﺞ ﻭﻳﺴﺘﻐﻞ ﺑﺴﺮﻛﺔ ﻃﻴﺮﺍﻥ ﺑﺎﺭﺑﻴﻞ
ﺑﺲ ﺍﻧﻪ ﺍﻋﺮﻑ ﻓﺮﺡ ﻣﻮ ﺫﻭﻗﻪ ﻭﻻ ﺍﻟﻪ ﺭﻏﺒﻪ ﺑﻴﻬﺎ .
: ﻫﻪ ﻭﺷﻠﻮﻥ ﺻﺎﻳﺮ ﺫﻭﻗﻪ ﺑﻠﻠﻪ ﺧﺎﻳﻒ ﻋﻠﻴﻪ ﻳﺒﺎﻭﻋﻠﻲ ﺍﻧﻪ ﺍﻟﺰﺭﮔﻪ ؟ﻭﻳﻌﻮﻑ ﺍﻟﺸﮕﺮﺓ ﺑﻨﺖ ﻋﻤﻪ ﺍﻧﺖ ﻣﺎﺍﺩﺭﻱ ﺷﻮﻥ ﺗﻔﻜﺮ ﺷﻮﻥ ﺻﺮﺕ ﺩﻛﺘﻮﺭ ﻣﺎﺍﺩﺭﻱ .
ﺑﺎﻭﻋﻠﻲ ﻣﺒﺘﺴﻢ ﻭﻣﺮﺕ ﻧﺴﻤﺔ ﻫﻮﺍ ﺑﺎﺭﺩﻩ ﺍﻟﺒﺸﺖ ﺑﻼ ﺣﺰﺍﻡ ﻻﻥ ﻭﻛﻊ ﻫﻨﺎﻙ ﻟﻔﻴﺖ ﺭﻭﺣﻲ ﺧﺠﻠﺖ ﻣﻦ ﻧﻈﺮﺍﺗﻪ ﻳﺮﺑﻲ ﻣﺎﻛﻮ ﻣﺸﺎﻋﺮ
ﻛﺎﻝ ﺑﻌﺪ ﺯﻓﻴﺮ ﺑﺎﺭﺩ ﻭﻳﺘﺒﻌﻪ ﺑﺨﺎﺭ
ﺍﻧﺖ ﻣﻮ ﺯﺭﮔﻪ ﺍﻧﺖ ﺑﺴﺮﺗﺞ ﺑﻠﻮﻥ ﺍﻟﻌﺴﻞ ﻭﻫﻮ ﻣﻮ ﻋﻠﻰ ﺍﻟﺠﻤﺎﻝ ﺗﺮﻩ ﻋﻠﻰ ﻗﻮﺓ ﺍﻟﺴﺨﺼﻴﻪ .
ﺍﺑﺎﻭﻋﻠﻪ ﻣﺨﻨﺰﺭﺓ ﻛﻤﻠﺖ ﻣﺸﻴﺘﻲ ﻭﺳﻜﺘﺖ .
ﻛﻤﻞ ﻛﻼﻣﻪ ..
ﺍﻧﻪ ﺧﻔﺖ ﻻ ﻳﺨﻠﻲ ﻋﻴﻨﻪ ﻋﻠﻴﺞ ﻭﺧﺎﺻﺔ ﺍﺫﺍ ﻋﺮﻑ ﺍﻧﻪ ﺭﺍﻳﺪﺝ ﺧﺎﻑ ﻳﻨﺘﻘﻢ ﻣﻨﻲ ﺑﻴﺞ ﻣﺎﺭﺍﺡ ﺍﺗﺤﻤﻞ ﻭﺍﻟﻠﻪ .
: ﺑﺎﻭﻋﺘﻠﻪ ﺑﻨﻈﺮﺓ ﺧﺎﻃﻔﻪ ﻛﺘﻠﻪ ﻟﻴﺶ ﻳﻨﺘﻘﻢ ﻣﻨﻚ .
ﻗﺮﺑﻨﺎ ﻧﻮﺻﻞ ﺍﻟﻤﻮﺿﻮﻉ ﻃﻮﻳﻞ ﺑﻌﺪﻳﻦ ﺍﺣﺠﻴﻠﺠﻴﺎ ﺍﻧﻪ ﻭﺍﻣﺎﻥ ﻋﺪﺍﻭﺍﺕ ﺗﺪﺭﻳﻦ ﺣﺘﻰ ﻃﺒﺮﺓ ﺣﺎﺟﺒﻪ ﺍﻧﻪ ﺳﺒﺒﻬﺎ .
ﺑﺎﻭﻋﺘﻠﻪ ﺑﺎﺳﺘﻐﺮﺍﺏ ﺗﺬﻛﺮﺕ ﺑﻴﺒﻴﺘﻲ ﻣﻦ ﺗﻜﻮﻝ ﺟﺎﻧﻮﺍ ﻭﺍﺣﺪ ﻳﺪﻣﻢ ﺍﻟﺜﺎﻧﻲ .
ﻛﺘﻠﻨﻲ ﺍﻟﻔﻀﻮﻝ ﺍﺭﻳﺪ ﺍﻋﺮﻑ ﺷﻜﻮ؟ ﺑﺲ ﻣﺎﺑﻴﻨﺖ ﺍﻟﻪ ﻓﻀﻮﻟﻲ
ﻭﺻﻠﻨﻪ ﻟﺒﻴﺖ ﻋﻤﻲ ﻛﺘﻠﻪ ﻣﺸﻜﻮﺭ ﺑﺪﻭﻥ ﻣﺎﺍﺑﺎﻭﻉ ﺍﻟﻪ
ﺩﺧﻠﺖ ﺳﻠﻤﺖ ﻋﻠﻰ ﺍﻟﻜﻞ ﺑﺲ ﺑﻨﺎﺕ
ﺩﺯﻳﺖ ﺭﺳﺎﻟﻪ ﻟﺼﻔﺎ ﻛﺘﻠﻬﺎ ﺗﻌﺎﻱ ﻭﻱ ﺍﺑﻮﻱ ﺍﻧﻪ ﺍﺑﻴﺖ ﻋﻤﻲ
ﻇﻠﺖ ﺗﻐﻠﻂ ﻋﻠﻴﻪ ﻋﺮﻓﺖ ﺿﺎﺟﺖ ﻻﺯﻡ ﺗﻤﺴﺢ ﺍﻟﻤﻜﻴﺎﺝ ﻫﺴﻪ .
ﺷﻔﺖ ﻟﻲ ﻣﻜﺎﻥ ﻭﻛﻌﺪﺕ ﺍﺑﺎﻭﻉ ﺍﻟﺒﻨﺎﺕ ﻳﺮﻛﺼﻦ ﻭﺻﻮﺕ ﺍﻟﺪﻱ ﺟﻲ ﻳﺼﺪﺡ .
ﻛﺼﻴﺖ ﺟﻢ ﺻﻮﺭﺓ ﻭﻱ ﺍﻳﻨﺎﺱ ﻭﺭﺣﺖ ﺭﺟﻌﺖ ﻟﻤﻜﺎﻧﻲ .
ﺍﺛﻨﺎﺀ ﺣﻔﻠﺔ ﺍﻟﺤﻨﻪ ﻳﺴﺌﻠﻮﻥ ﻋﻦ ﺍﻣﻲ ﻳﺤﺮﺟﻨﻲ ﺳﺆﺍﻟﻬﻢ ﺑﺲ ﺍﺗﺼﻨﻊ ﺍﻟﻘﻮﻩ ﻭﺍﺟﺎﻭﺑﻬﻢ ﻭﺍﻟﻲ ﺍﺣﺴﻬﺎ ﺗﺤﺠﻲ ﺑﺎﺳﺘﻬﺰﺍﺀ ﺍﺭﺩﻫﻪ ﺑﻜﻼﻡ ﻗﻮﻭﻱ ﺍﺧﻠﻴﻬﺎ ﺗﻨﺴﻰ ﻋﺪﻫﺎ ﻟﺴﺎﻥ . ﺻﺢ ﺍﻧﻪ ﻣﺎﺭﺍﺿﻴﻪ ﻋﻦ ﺍﻣﻲ ﻭﺳﻮﺍﻟﻔﻬﺎ ﻭﺍﺣﺠﻲ ﻋﻠﻴﻬﺎ ﻛﺪﺍﻣﻬﺎ ﺑﺲ ﻛﺪﺍﻡ ﺍﻟﻨﺎﺱ ﻣﺎﺍﻧﻄﻲ ﺑﻴﻬﺎ ﺍﺑﺪ .
ﺧﻠﺼﺖ ﺍﻟﺤﻔﻠﺔ ﺭﺟﻌﺖ ﻟﻠﺒﻴﺖ ﺻﻔﺎ ﻭﺍﺑﻮﻱ ﻣﻮﺟﻮﺩﻳﻦ .
ﺩﺧﻠﺖ ﻟﻠﻐﺮﻓﺔ ﺷﻔﺖ ﺻﻔﺎ ﮔﺎﻟﺒﻪ ﺍﻟﺨﻠﻘﻪ
ﻭﺗﺄﻓﺄﻑ
ﻭﻛﻔﺖ ﻋﻠﻰ ﻣﻴﺰ ﺍﻟﻤﺮﺍﻳﻪ ﺟﺎﻱ ﺍﻧﺰﻉ ﺍﻟﺘﺮﺍﺟﻲ
ﻛﺘﻠﻬﺎ ﺭﻗﻴﻪ ﻭﻳﻦ
: ﻇﻠﺖ ﻫﻨﺎﻙ ﻳﻢ ﺑﻴﺒﻴﺘﻲ .
: ﻭﺍﻧﺖ ﺷﺒﻴﺞ ﺑﻮﺯﺝ ﺷﺒﺮ . ؟
: ﻭﺍﻟﻠﻪ ﻛﺮﻫﺖ ﺍﻟﺪﻧﻴﺎ ﻛﻠﻬﺎ ﻭﺍﺣﺪ ﺣﺮﺍﻡ ﻳﻤﺎﺭﺱ ﺣﺮﻳﺘﻪ ﻫﺴﻪ ﺷﻤﺴﻮﻳﻪ ﺍﻧﻪ .
: ﻻﺗﺼﻴﺤﻴﻦ ﻭﺍﺣﺠﻲ ﻋﺪﻝ ﺷﺒﻴﺞ ﻣﻨﻮ ﻭﻳﺎﺝ؟
ﺍﺑﻮﻱ ﺻﻴﺢ ﻋﻠﻴﺞ ﻉ ﺍﻟﻤﻜﻴﺎﺝ؟
: ﻻﺍﻉ ﺧﻠﻴﻨﻲ ﺍﻧﺎﻡ ﻭﺳﻜﺘﻲ ﻋﻨﻲ
.
ﺗﻤﺪﺩﺕ ﻉ ﺍﻟﺠﺮﺑﺎﻳﻪ ﻭﻏﻄﺖ ﺭﻭﺣﻬﺎ ﻭﻫﻲ ﺗﺒﺠﻲ .
ﺭﺣﺖ ﺗﻘﺮﺑﺖ ﻣﻨﻬﺎ
ﻭﺧﺮﺕ ﺍﻟﺒﻄﺎﻧﻴﻪ ﺭﺑﺘﺖ ﻋﻠﻰ ﺷﻌﺮﻫﺎ ﻛﺘﻠﻬﺎ ﻛﻮﻟﻲ ﺷﺒﻴﺞ ﻭﺍﻟﻠﻪ ﻣﺎﺍﺫﻳﺞ ﺑﻜﻼﻣﻲ ﺑﺲ ﺍﺷﻜﻴﻠﻲ ﻣﺎﺍﻛﺪﺭ ﺍﺷﻮﻓﺞ ﻫﻴﺞ .
ﻛﺎﻣﺖ ﻭﺷﻤﺮﺕ ﻧﻔﺴﻬﺎ ﻋﻠﻴﻪ ﺣﻀﻨﺘﻬﺎ ﻭﺗﺒﺠﻲ
ﺷﺒﻴﺞ ﺷﺪﻋﻮﻩ ﻳﻤﻌﻮﺩﻩ ﻣﻮ ﻫﻴﺞ ﻋﻠﻰ ﻛﻴﻔﺞ ﻭﻳﻪ ﺭﻭﺣﺞ .
: ﻣﺎﺍﺩﺭﻱ ﺑﺲ ﺍﺣﺲ ﻛﺮﻫﺖ ﺍﺳﻼﻡ ﺧﺎﻧﻜﻨﻲ ﺍﻧﻪ ﺍﺭﻳﺪ ﺍﻋﻴﺶ ﺑﺤﺮﻳﻪ ﻭﺍﻟﻠﻪ ﻣﺎﻳﻨﺠﺮﻉ
ﺑﺲ ﺑﺪﺍﺧﻠﻲ ﺍﻛﻮ ﺷﻲ ﺍﻟﻪ ﻳﻨﺒﺾ ﺑﺤﺒﻪ ﻣﺎﺍﺩﺭﻱ ﺍﺣﺘﺎﺭﻳﺖ .
: ﺻﻔﺎ ﻣﻮ ﻛﻞ ﺷﻲ ﻧﺮﻳﺪﻩ ﻻﺯﻡ ﻳﺼﻴﺮ .
: ﻣﻮ ﻭﻛﺘﻬﺎ ﻣﻮﺍﻋﻀﺞ ﺳﻤﻴﻪ .
: ﺍﻧﺖ ﻋﻘﻠﻴﻬﺎ ﻳﻌﻨﻲ ﺗﺮﻳﺪﻱ ﻭﻻﺯﻡ ﺗﻤﺸﻲ ﺑﻜﻴﻔﺞ ﻫﻢ ﻣﺎﻳﺼﻴﺮ ،ﺍﻧﺖ ﺗﻌﺮﻓﻴﻦ ﺍﻣﻨﺎ ﺷﻨﻮ ﻻﺯﻡ ﻧﺘﺠﻨﺐ ﻛﻞ ﺷﻲ ﻳﺴﻴﺊ ﺍﻟﻨﺎ ﻭﺑﺎﻟﻨﺴﺒﻪ ﻻﺳﻼﻡ ﻻﺗﺨﻠﻴﻨﻪ ﻳﻨﻈﺮﻟﺞ ﻏﻴﺮ ﻧﻈﺮﻩ .
: ﻣﺎﻳﻬﻤﻨﻲ ﺷﻨﻮ ﻳﻔﻜﺮ ﻭﻣﺎﻳﻬﻤﻨﻲ ﺍﺑﺮﺭﻟﻪ ﻭﺍﺛﺒﺖ ﺍﻟﻪ ﺷﻨﻮ ﺍﻧﻪ؟
ﺍﻟﻲ ﺍﺭﻳﺪﻩ ﺍﻟﻠﺒﺲ ﺑﺮﺍﺣﺘﻲ ﻭﺍﻋﻴﺶ ﺣﻴﺎﺗﻲ ﻭﻃﺰ ﺑﺎﻟﻤﺠﺘﻤﻊ ﺷﻤﺴﻮﻳﻪ ﻫﺴﻪ ﺍﻧﻪ ﻗﺎﺑﻞ ﺑﻼ ﻣﻼﺑﺲ ﻃﺎﻟﻌﻪ ﺍﺷﻮ ﺣﺠﺎﺑﻲ ﻋﻠﻰ ﺭﺍﺳﻲ ﻭﻟﺒﺴﻲ ﻣﺤﺘﺸﻢ .
: ﻋﻮﻓﻴﻨﻪ ﻣﻦ ﺍﻟﻤﺠﺘﻤﻊ ﺍﻧﻪ ﻣﻦ ﺍﺍﻟﺒﺪﺍﻳﻪ ﻛﺘﻠﺞ ﻫﺬﻩ ﺍﻟﻌﻼﻗﻪ ﺧﻄﺄ ﻛﺘﻠﺞ ﻟﻮ ﻣﺎ ﻛﺘﻠﺞ؟ !
: ﻛﻠﺘﻴﻠﻲ .
: ﻟﻌﺪ ﺷﻜﻮ ﺍﺳﺘﻤﺮﻳﺘﻲ ﻭﻳﺎ ﻛﻞ ﻫﺎﻟﺴﻨﻴﻦ ﻟﻴﺶ ﺍﻧﻄﻴﺘﻲ ﺍﻣﻞ .
: ﻣﺎ ﺟﻨﺖ ﺍﻋﺮﻑ ﺭﺍﺡ ﺗﻮﺻﻞ ﺍﻟﻤﻮﺍﺻﻴﻞ ﺍﻟﻬﺎﻟﺤﺎﻝ .
: ﺑﺎﻋﻲ ﺷﻐﻠﺔ ﺗﻔﻴﺪﺝ ﺍﺫﺍ ﺗﺤﺒﻴﻨﻪ ﺗﺘﻐﻴﺮﻳﻦ ﻣﻦ ﺍﺟﻠﻪ
: ﻣﺎﺍﺭﻳﺪ ﺍﺗﻐﻴﺮ
ﻭﺧﺮﺕ ﻣﻦ ﺣﻀﻨﻬﺎ ﻣﺴﺤﺖ ﺩﻣﻮﻋﻲ،
ﻣﺎﻛﺘﻴﻠﻲ ﺍﻧﺖ ﺷﻮﻥ ﺟﻴﺘﻲ ﻭﺣﺪﺝ ﺑﺎﻟﻈﻼﻡ .
: ﺭﺿﻮﺍﻥ ﻭﺻﻠﻨﻲ .
: ﻣﻤﻢ ﺣﻠﻮﻭﻭﻭ ﺧﻮﺵ ﺗﻮﺻﻴﻠﺔ .
: ﻧﺠﺒﻲ ﻫﻮ ﺍﺟﻪ ﻭﺻﻠﻨﻲ ﻣﺎﺟﺒﺮﺗﻪ ﻭﻻ ﻛﺘﻠﻪ ﺗﻌﺎﻝ .
: ﺍﻱ ﻫﺎﻻﻳﺎﻡ ﺗﻮﺻﻴﻼﺕ ﻭﻣﺮﺍﺳﻼﺕ ﻣﺘﻄﻮﺭﻳﻴﻦ .
: ﺭﺍﺳﻠﺘﻪ ﻻﻥ ﺍﻣﻪ ﻣﺤﻤﻠﺘﻨﻲ ﺫﻧﺐ ﻃﻠﻌﺘﻪ ﻣﻦ ﺑﻴﺘﻬﻢ ﻭﺭﺩﺕ ﺍﺑﻠﻐﻪ ﻫﺎﻟﺸﻲ .
: ﺷﻌﻠﻴﻪ ﺍﻛﻮﻡ ﺍﺣﻀﺮ ﻣﻼﺑﺴﻲ ﺍﻟﺒﺎﺟﺮ .
ﺳﻤﻴﻪ .
ﻛﺎﻣﺖ ﺻﻔﺎ ﺭﺟﻌﺖ ﻛﻤﻠﺖ ﺗﻐﻴﻴﺮ ﻣﻼﺑﺴﻲ ﻏﺴﻠﺖ ﻭﻧﻀﻒ ﺍﺳﻨﺎﻧﻲ ﻭﺭﺟﻌﺖ ﺗﻤﺪﺩﺕ ﻣﻐﻄﻴﻪ ﺭﺍﺳﻲ ﺑﺲ ﻋﻴﻮﻧﻲ ﻣﻔﺘﻮﺣﻪ ﻭﺍﻓﻜﺮ ﺑﻜﻞ ﺍﻟﻲ ﺻﺎﺭ ﺑﻬﺎﻟﻤﻐﺮﺑﻴﻪ ﺍﻟﻲ ﺭﺣﻨﻪ ﺑﻴﻬﺎ ﻟﺒﻴﺖ ﻋﻤﻲ .
ﺗﺬﻛﺮﺕ ﺍﻣﺎﻥ ، ﺑﻜﻞ ﻟﻘﺎﺀ ﻳﺰﻳﺪ ﺍﻋﺠﺎﺑﻲ ﺑﻲ ﺟﺬﺑﻨﻲ ﻛﻠﺶ
ﻋﻠﻰ ﺑﺎﻟﻲ ﻛﻼﻡ ﺭﺿﻮﺍﻥ ﻣﻦ ﮔﻠﻲ ﺍﻧﻪ ﺳﺒﺐ ﻃﺒﺮﺓ ﺣﺎﺟﺒﻪ ﻳﺎﺷﺮﻳﺮ ﻳﺎﺭﺿﻮﺍﻥ ﺑﺲ ﻫﻢ ﺯﻳﻦ ﺳﻮﺍﻫﺎ ﺍﻟﻪ ﻻﻥ ﺯﺍﻳﺪﺗﻪ ﺣﻼ ﻭﺳﺎﻣﻪ ﻭﺭﺟﻮﻟﺔ .
ﺍﺑﺘﺴﻤﺖ ﺭﺿﻮﺍﻥ ﮔﻠﻲ ﻳﺤﺠﻴﻠﻲ ﻛﻞ ﺷﻲ ﻛﺘﻠﻨﻲ ﺍﻟﻔﻀﻮﻝ ﺑﺲ ﺗﻌﺒﺎﻧﻪ ﻭﻧﻌﺴﺎﻧﻪ ﺻﻮﺕ ﺍﻟﺪﻱ ﺟﻲ ﺳﻄﺮﻧﻲ ﻭﺩﻭﺧﻨﻲ ﺧﻠﻲ ﺍﻧﺎﻡ .
ﺍﻟﺼﺒﺢ ﺩﺍﻭﻣﻨﻪ
ﻣﻦ ﺭﺟﻌﻨﻪ ﺣﺘﻰ ﻣﺎﺍﺭﺗﺎﺣﻴﻨﻪ ﺷﻔﺖ ﺻﻔﺎ ﺗﻨﺘﻈﺮﻧﻲ ﻛﺒﻞ ﺭﺣﻨﻪ ﻟﺒﻴﺖ ﻋﻤﻲ .
ﻫﻮﺳﻪ ﻭﻛﻮﻣﻪ ﻧﺎﺱ ﺑﺎﻗﻴﻴﻦ ﻳﻤﻬﻢ ﻉ ﺍﻟﻐﺪﺍ
ﻣﺨﻠﺼﻴﻴﻦ ﻏﺪﺍ ﻭﺟﺎﻱ ﻳﻌﺰﻟﻮﻥ
ﻋﻤﻪ ﺯﻳﻨﺐ ﺻﺒﺖ ﺍﻟﻨﺎ ﻏﺪﺍ ﻭﻳﺎﻫﺎ ﻫﻲ ﻣﺎ ﻣﺘﻐﺪﻳﻪ
ﺍﻛﻞ ﺍﻟﻤﻨﺎﺳﺒﺎﺕ ﻳﺼﻴﺮ ﻃﻴﺐ ﻛﻠﺶ
ﺗﻐﺪﻳﻨﻪ ﻭﻛﻤﻨﻪ ﻭﻳﺎﻫﻢ ﻧﻌﺰﻝ ﺭﺍﺡ ﻳﺠﻮﻭﻥ ﺍﻟﻤﻌﺎﺯﻳﻢ .
ﺑﺎﻟﻤﻄﺒﺦ ﺟﺎﻱ ﻧﻨﻀﻒ ﺍﻟﻜﺎﻭﻧﺘﺮ ﺍﻧﺎ ﻭﺻﻔﺎ
ﺍﻟﻤﻄﺒﺦ ﺟﺒﻴﺮ ﻛﻠﺶ ﺣﺎﺭ ﻭﺑﺎﺭﺩ
ﺍﺷﻮﺍﻕ ﻛﺎﻋﺪﻩ ﻉ ﺍﻟﻜﺮﺳﻲ ﻭﻣﺨﻠﻴﻪ ﺭﺟﻞ ﻋﻠﻰ ﺭﺟﻞ
.
.
ﺍﺷﻮﺍﻕ : ﻭﺍﻟﻠﻪ ﻳﺎﺯﻳﻨﺐ ﻗﺼﺮﺗﻮﺍ ﻟﻮ ﻣﺴﻮﻳﻦ ﺍﻟﻌﺮﺱ ﺑﺎﻟﻘﺎﻋﻪ ﺍﺣﺴﻦ ﺷﻬﺎﻟﻬﻮﻭﺳﻪ !
ﺯﻳﻨﺐ : ﻭﺍﻟﻠﻪ ﻳﺎ ﺧﻴﺘﻲ ﻫﺬﻱ ﺗﺮﺗﻴﺒﺎﺕ ﺍﺧﻮﺝ ﻫﻮ ﺭﺍﺩ ﻫﻴﺞ ﻭﺍﻻ ﺍﻟﻘﺎﻋﻪ ﻣﺎﺗﻐﻠﻰ ﻋﻠﻴﻨﻪ ﺑﺲ ﻫﻮ ﻣﺎﻋﺠﺒﻪ .
ﺍﻣﻞ : ﻭﺍﻟﻠﻪ ﻳﺎﻋﻤﻪ ﺣﺘﻰ ﻟﻮ ﻧﺴﻮﻱ ﺍﻟﻌﺮﺱ ﺑﺎﻟﻘﺎﻋﻪ ﺍﻭﻝ ﻭﺗﺎﻟﻲ ﺭﺍﺡ ﻧﺴﻮﻱ ﻏﺪﺍ ﺍﻟﺼﺒﺢ ﻭﺗﺼﻴﺮ ﻫﻮﺳﻪ .
ﺍﺷﻮﺍﻕ : ﺍﻱ ﺍﻥ ﺷﺎﺀﺍﻟﻠﻪ ﺍﻧﻲ ﻭﻟﺪﻱ ﺑﺎﻟﻘﺎﻋﻪ ﻭﺣﺘﻰ ﺑﻨﺎﺗﻲ .
... ﺻﻔﺎ ﺩﻏﺘﻨﻲ ﻭﻫﻤﺴﺖ ﺑﺄﺫﻧﻲ ﻫﻴﻴﻴﻪ ﻳﻌﻨﻲ ﻋﺮﺳﺞ ﺭﺍﺡ ﻳﺼﻴﺮ ﺑﺎﻟﻘﺎﻋﻪ ﺍﻟﻠﻪ ﺷﻜﺪ ﺣﻠﻮ .
ﺑﺎﻭﻋﺘﻠﻬﺎ ﻭﺧﺰﺭﺗﻬﺎ ﻫﻤﺴﺖ ﻻﺗﺴﻤﻌﺞ ﻭﺛﻮﻝ .
ﺍﻣﻞ : ﺍﻭﻭﻭ ﻫﺴﻪ ﻭﺭﻩ ﺍﻟﻌﺮﺱ ﺭﺍﺡ ﻳﻄﻴﺢ ﺣﻈﻨﺎ ﺑﺘﻨﻀﻴﻒ ﺍﻟﺒﻴﺖ ﻭﺍﻟﺒﻴﺖ ﺟﺒﻴﺮ ﻛﻠﺶ،
ﺍﻣﻴﺮ : ﺍﻟﺒﺮﻛﺔ ﺑﺮﻗﻴﻪ ﺧﻮﺵ ﺗﻨﻀﻒ ﺧﻠﻮ ﻛﻞ ﺷﻲ ﻋﻠﻴﻬﺎ ﻭﺍﻟﻠﻪ ﻣﺎﺧﺬﻫﻪ ﺍﻟﻮﺍﻫﺲ ﺑﺎﻟﺘﻨﻀﻴﻒ ﻣﺎﺑﻘﻰ ﻣﻜﺎﻥ ﻣﺎﻧﻀﻔﺘﻪ ﺣﺘﻰ ﺍﻟﻨﻀﻴﻒ .
ﺳﻤﻴﻪ : ﺷﻜﺪ ﺿﻮﺟﻨﻲ ﻛﻼﻣﻪ ﺑﺎﻭﻋﺘﻠﻪ ﻛﺘﻠﻪ ﺍﻧﺖ ﺷﺘﺴﻮﻱ ﻫﻨﺎ ﺑﻴﻦ ﺍﻟﻨﺴﻮﺍﻥ .
ﺭﺩ ﻋﻠﻴﻪ ﻫﺎ ﺳﻤﻴﻪ ﺍﻟﻨﻔﺴﻴﻪ ﺷﺒﻴﺞ ﻛﺎﻋﺪ ﻋﻠﻰ ﻛﻠﺒﺞ؟
: ﺍﺳﻢ ﺍﻟﻠﻪ ﻋﻠﻰ ﻛﻠﺒﻲ ﻣﻨﻚ ﻳﺎﺍﻣﻴﺮ ﻳﺎﺍﺣﻘﻴﺮ .
ﺩﺧﻞ ﻋﻤﻲ ﻭﻛﺎﻧﻪ ﺳﻤﻊ ﻛﻞ ﺷﻲ ﻛﺎﻝ ﻫﺎ ﺷﻮ ﻳﺘﻨﺎﮔﺮﻭﻥ ﺍﻟﻤﻬﻨﺪﺳﻴﻴﻦ ﺧﻮﺵ ﺻﻨﻒ .
ﺍﺑﺎﻭﻉ ﻻﺷﻮﺍﻕ ﺗﺒﺎﻭﻋﻠﻲ ﺑﻨﻈﺮﺍﺕ ﺗﻜﺒﺮ
ﺻﺪﻳﺘﻬﻪ ﺑﻨﻈﺮﺍﺕ ﻗﻮﻳﻪ ﻭﺷﻤﻮﺥ
ﻛﺘﻠﻪ ﻣﺎﻛﻮ ﺷﻲ ﻋﻤﻮ .
ﺻﺎﺭ ﻭﻗﺖ ﻧﺒﺪﻝ
ﻟﺒﺴﺖ ﻓﺴﺘﺎﻥ ﺳﻤﺎﺋﻲ ﺑﻲ ﻭﺭﺩﺍﺕ ﺫﻫﺒﻴﻪ ﻃﻮﻳﻞ ﻭﻓﻀﻔﺎﺽ ﻣﻦ ﺟﻮﻩ
ﺍﻟﻜﻌﺐ ﺫﻫﺒﻲ ﺑﻠﻮﻥ ﺍﻟﻮﺭﺩﺍﺕ .
ﺻﻔﺎ .. ﻓﺴﺘﺎﻥ ﺑﻴﻨﺼﻞ ﺫﻫﺒﻲ .
ﻭﺗﻘﺎﻟﻴﺪ ﺍﻻﻋﺮﺍﺱ ﺍﻟﻌﺮﺍﻗﻴﻪ ﻧﻔﺴﻬﺎ
ﻳﺮﺣﻮﻥ ﻋﻠﻰ ﺍﻟﻌﺮﻭﺳﻪ ﻳﺎﺧﺬﻭﻫﺎ
ﺑﻌﺪ ﺍﻟﻌﺸﺎ ﺯﻓﻮﻫﻢ ﻟﻠﻔﻨﺪﻕ .
ﺻﺎﺣﺖ ﻋﻠﻴﻨﻪ ﺍﻣﻞ ﻛﺎﻟﺖ ﺗﻌﺎﻟﻦ ﺑﺴﻴﺎﺭﺗﻨﻪ ﻣﺆﻳﺪ ﻳﻜﻮﻝ
ﻣﺆﻳﺪ ﺍﺑﻦ ﻋﻤﻲ ﺳﻠﻴﻤﺎﻥ ﺍﻟﺠﺒﻴﺮ ﻭﺍﻣﻞ ﻣﺮﺗﻪ ﻋﺪﻫﻢ ﺑﻨﻴﻪ ﻭﻭﻟﺪ .
ﻣﺎﻋﺮﻑ ﺣﺴﻴﺖ ﻣﻦ ﺧﻼﻝ ﻧﺒﺮﺗﻬﺎ ﺍﻛﻮ ﺍﻥ ﺑﺎﻟﻤﻮﺿﻮﻉ .
ﺳﻴﺎﺭﺗﻪ ﺳﺘﺎﺭﻛﺲ .
ﺻﻌﺪﻧﻪ ﺍﻧﻪ ﻭﺻﻔﺎ ﻭﺭﻗﻴﻪ ﻭﺍﻣﻞ ﻭﺟﻬﺎﻟﻬﻪ
ﺍﺷﺮﺗﻠﻲ ﺍﻣﻞ ﻛﻠﺘﻠﻲ ﻛﻌﺪﻱ ﻫﻨﺎ ﺑﺼﻒ ﺍﻟﺠﺎﻣﻪ ﻭﺭﻩ ﻣﻜﺎﻥ ﺍﻟﺴﺎﻳﻖ
ﻛﻌﺪﺕ ﻭﻫﻲ ﻛﻌﺪﺕ ﻳﻤﻲ .
ﺍﺳﺘﻐﺮﺑﺖ ﻟﻴﺶ ﻣﺎﻛﻌﺪﺕ ﻳﻢ ﻣﺆﻳﺪ .
ﺛﻮﺍﻧﻲ ﻭﺻﻌﺪ ﺭﺿﻮﺍﻥ !
ﺍﺳﺘﻐﺮﺑﺖ ﻟﻴﺶ ﻣﺎﺻﻌﺪ ﺑﺴﻴﺎﺭﺗﻪ؟
ﺍﻭﻝ ﻣﺎﺩﺧﻞ ﻟﻠﺴﻴﺎﺭﻩ ﺑﺎﻭﻋﻠﻲ
ﻭﺩﻧﻚ ﺷﻜﻞ ﺗﻠﻴﻔﻮﻥ
ﺗﺤﺮﻛﺖ ﺍﻟﺴﻴﺎﺭﻩ ﻭﺍﺷﺘﻐﻠﺖ ﺍﻏﻨﻴﺔ
ﺍﺻﻌﺐ ﺣﺐ ﻟﻢ ﺗﻼﻗﻲ ﺍﻟﻲ ﺍﻧﺖ ﺗﺤﺒﻮ ﻣﺒﻴﺤﺒﻜﺶ .
ﻭﻟﻪ ﺗﺤﺲ ﻣﻬﻤﺎ ﻋﻴﻮﻧﻚ ﺗﻨﻄﻖ ﻗﻠﺒﻮ ﻣﺒﻴﺤﺴﻜﺶ
ﺗﺒﺪﺃ ﺗﻀﻌﻒ ﻳﻤﻜﻦ ﻳﻌﻄﻒ
ﺗﺒﺪﺍ ﺗﻮﻫﻢ ﻳﺒﺪﺍ ﻳﺨﻄﻒ ﻓﺠﺎﻩ ﺗﺤﺲ ﺍﻥ ﺍﻟﻲ ﺍﻧﺖ ﻭﻗﻌﺖ ﺑﺤﺒﻪ ﻣﻴﺴﺘﻬﻠﻜﺶ .
ﻋﺮﻓﺖ ﻳﺮﺩﻭﻧﻲ ﺍﺳﻤﻊ ﻫﺎﻻﻏﻨﻴﻪ ﻏﺼﺐ .
ﻭﺻﻠﻨﻲ ﺍﺣﺴﺎﺳﻪ ﻋﻦ ﻃﺮﻳﻖ ﺳﻤﺎﻋﻲ ﻟﻼﻏﻨﻴﻪ
ﺻﻌﺒﻪ ﻳﺤﺒﻨﻲ ﻭﻣﺎﺍﺣﺒﻪ ﺑﺎﺧﺘﺼﺎﺭ ﺻﻌﺐ ﺍﻟﺤﺐ ﻣﻦ ﻃﺮﻑ ﻭﺍﺣﺪ ﺣﺴﻴﺖ ﺑﻲ .
ﻭﻣﺎﺍﻛﺪﺭ ﺍﺳﻜﺖ ﻻﻥ ﺍﺫﺍ ﺍﺳﻜﺖ ﺣﻴﻜﻮﻝ ﺍﺳﺘﺴﻠﻤﺖ .
ﻣﺪﻳﺖ ﺭﺍﺳﻲ : ﻛﺘﻠﻬﻢ ﻫﻲ ﻫﺎﻱ ﻫﻢ ﺍﻏﻨﻴﻪ ﻣﺨﻠﻴﻨﻬﻪ ﺍﻟﻨﺎ ﺍﺩﺭﻱ ﻫﻮ ﻋﺮﺱ ﻟﻮ ﻓﺎﺗﺤﻪ ﺷﻬﺎﻟﻜﺂﺑﻪ .
ﺑﺎﻭﻋﻠﻲ ﺭﺿﻮﺍﻥ ﺑﻘﻮﻩ ﻭﺑﻌﻴﻮﻧﻪ ﻧﻈﺮﺍﺕ ﻧﻄﻘﺖ ﻛﻠﻤﺎﺕ ﺍﻻﻏﻨﻴﻪ ﻛﻠﻬﺎ ﻭﺯﺍﺩﺕ ﻋﻠﻴﻬﺎ ﺟﻤﻠﺔ ﺍﻧﺖ ﺑﻼ ﺍﺣﺴﺎﺱ ﺳﻤﻴﻪ
.
ﺍﺳﺘﻤﺮﻳﺖ ﺍﻧﻈﺮ ﺍﻟﻪ ﺑﻨﻈﺮﺍﺕ ﻛﻠﻬﺎ ﻗﻮﻩ ﻭﺍﺻﺮﺍﺭ ﻭﺭﻓﺾ !
ﺍﺟﺎﻧﻲ ﺻﻮﺕ ﻣﻦ ﻣﺆﻳﺪ ﻳﻜﻮﻝ ﻻﺯﻡ ﺍﻻﻏﻨﻴﻪ ﻣﺴﺘﭻ
ﻗﺒﻞ ﻟﻴﻜﻤﻞ ﻣﺆﻳﺪ ﺭﺿﻮﺍﻥ ﻃﺨﻪ ﻋﻠﻰ ﺯﻧﺪﻩ ﺣﺘﻰ ﻳﺴﻜﺖ .
ﺭﺿﻮﺍﻥ ﻣﻨﺘﺠﻲ ﻛﻠﻪ ﻭﻣﺒﻴﻦ ﻋﻠﻰ ﻫﻴﺌﺘﻪ ﺍﻟﻴﺄﺱ .
ﺷﻐﻞ ﻏﻴﺮ ﺍﻏﻨﻴﻪ ..
ﻭﺻﻠﻨﻪ ﻟﻠﻔﻨﺪﻕ ﺯﻓﻴﻨﻪ ﺍﻟﻌﺮﺳﺎﻥ
ﻭﺑﻄﺮﻳﻖ ﺍﻟﺮﺟﻌﻪ ﺭﺿﻮﺍﻥ ﻣﺎﺻﻌﺪ ﻭﻳﺎﻧﻪ
ﺭﺍﻗﺒﺘﻪ ﺭﺍﺡ ﻟﺴﻴﺎﺭﺗﻪ ﺍﻟﻲ ﺟﺎﻥ ﻳﺴﻮﻕ ﺑﻴﻬﺎ ﺍﻣﻴﺮ .
ﻧﺰﻟﻨﻪ ﻣﺆﻳﺪ ﻳﻢ ﺑﻴﺘﻨﻪ ﺣﺴﺐ ﺭﻏﺒﺘﻨﻪ .
ﺩﺧﻠﻨﻪ ﻟﻠﺒﻴﺖ
ﺗﺒﺎﻭﻋﻠﻲ ﺻﻔﺎ ﻭﺑﻌﻴﻮﻧﻬﻪ ﺣﺠﻲ .
ﺭﻓﻌﺖ ﺣﺎﺟﺒﻲ ﻛﺘﻠﻬﺎ ﺍﺩﺭﻱ ﺷﻨﻮ ﺗﺮﺩﻳﻦ ﺗﻜﻮﻟﻴﻦ .
: ﺍﻻﻏﻨﻴﻪ ﺗﺠﻨﻦ ﻛﻠﻬﺎ ﺍﺣﺴﺎﺱ ﺑﺲ ﺷﻨﺴﻮﻱ ﻟﻠﻤﺎﻋﺪﻫﻢ ﺍﺣﺴﺎﺱ ﻫﻬﻬﺎ .
: ﻫﻲ ﺍﻧﺖ ﻋﻨﺪﺝ ﺍﺣﺴﺎﺱ ﺑﺸﻨﻮ ﻓﺎﺩﺝ ... ﻋﺎﺑﺖ .
ﺑﺪﻟﻨﻪ ﻭﺭﺗﺒﻨﻪ ﺍﻟﺒﻴﺖ
ﺍﻟﺤﻠﻮ ﺍﺑﻮﻳﻪ ﻳﻐﺴﻞ ﻣﻼﺑﺴﻪ ﺑﻨﻔﺴﻪ
ﺑﺲ ﺻﻔﺎ ﺿﺮﺑﺘﻬﻢ ﺍﻭﺗﻲ .
ﺭﺣﺖ ﻟﻠﻔﺮﺍﺵ ﺗﻤﺪﺩﺕ
ﺍﺧﺬﺕ ﺗﻠﻴﻔﻮﻧﻲ
ﺷﻔﺖ ﻣﺴﺞ ﻣﻦ ﺭﺿﻮﺍﻥ
ﻓﺘﺤﺘﻪ
ﺍﺳﻒ ﺳﻤﻴﻪ ﺧﺎﻑ ﺳﺒﺒﺘﻠﺞ ﺍﺣﺮﺍﺝ .
ﺗﺤﺴﺮﺕ ﺩﺯﻳﺘﻠﻪ : ﺍﻧﺖ ﺟﺎﻱ ﺍﺗﻌﺐ ﻧﻔﺴﻚ ﻣﺎ ﺟﺎﻱ ﺍﺗﻌﺒﻨﻲ
: ﺗﺪﺭﻳﻦ ﻫﻲ ﺍﻟﻜﻢ ﻳﻮﻡ ﺍﻟﻲ ﺷﻔﺘﺞ ﺑﻴﻬﺎ ﺍﺳﺘﻨﺰﻓﺖ ﻫﻮﺍﻱ ﻣﻦ ﻣﺸﺎﻋﺮﻱ .
ﺑﺲ ﺑﻘﻴﺖ ﻓﺎﺗﺤﺔ ﺍﻟﻤﺤﺎﺩﺛﺔ .
ﺍﺑﺎﻭﻉ ﻋﻠﻰ ﻣﺴﺠﺎﺗﻪ
ﻛﺘﺐ : ﻛﻞ ﻣﺮﻩ ﺍﻗﺮﺭ ﺍﻋﻮﻑ ﺣﺒﺞ ﺍﺭﺟﻊ ﺍﺣﺒﺞ ﺍﻛﺜﺮ .
ﻫﻢ ﻣﺎﺟﺎﻭﺑﺘﻪ ﺧﺎﻳﻔﻪ ﻻﺍﺟﺎﻭﺑﻪ ﻭﺍﺟﺮﺣﻪ ﻣﺎﻋﻨﺪﻱ ﻏﻴﺮﻫﺎ .
ﺳﻜﺘﺖ ﻭﻫﻮ ﻫﻢ .
ﺷﻔﺖ ﻧﺸﻂ ﻣﻨﺬ ﺩﻗﻴﻘﺔ ﻋﺮﻓﺖ ﺳﺪﻩ .
ﻧﻤﺖ .
ﻳﻮﻡ ﺛﺎﻧﻲ ﻭﺍﻟﻤﺼﺎﺩﻑ ﺟﻤﻌﻪ .
ﻣﻌﺰﻭﻣﻴﻦ ﻋﻠﻰ ﻏﺪﺍ
ﺑﻴﺖ ﻋﻤﻲ
ﺑﺪﻟﻨﻪ ﻭﺭﺣﻨﻪ
ﺟﺎﺑﻮﺍ ﺍﻟﻌﺮﺳﺎﻥ ﻣﻦ ﺍﻟﻔﻨﺪﻕ
ﺍﺳﺘﻘﺒﻠﻮﻫﻢ ﺑﺎﻟﻬﻼﻫﻞ ﻭﺍﻟﺠﻜﻠﻴﺖ
ﻣﻦ ﻧﺰﻝ ﻭﻋﺪ ﻣﻦ ﻳﻢ ﺍﻳﻨﺎﺱ
ﺻﻌﺪﻧﺎ ﻓﻮﻙ ﺑﺎﺭﻛﻨﺎﻟﻬﺎ
ﻛﻌﺪﺕ ﺻﻔﺎ ﺗﻤﻜﻴﺠﻬﺎ
ﻭﻫﻲ ﺧﺒﺮﺓ ﺑﺎﻟﻤﻜﻴﺎﺝ
ﺍﻳﻨﺎﺱ ﻣﻮ ﻫﺎﻟﻜﺪ
ﺧﻠﻴﺘﻬﻦ ﻭﻧﺰﻟﺖ
ﺟﺎﻱ ﺍﻧﺰﻝ ﻣﻦ ﺍﻟﺪﺭﺝ ﺷﻔﺖ ﺭﺿﻮﺍﻥ ﻭﺭﺟﻮﺍﻥ ﻭﺍﻛﻔﻴﻦ ﻳﻢ ﺑﺎﺏ ﺍﻟﺼﺎﻟﻪ ﺟﺎﻱ ﻳﺴﻮﻟﻔﻮﻥ .
ﺭﺟﻮﺍﻥ ﻇﻬﺮﻫﺎ ﻋﻠﻴﻪ ﺭﺿﻮﺍﻥ ﻣﻘﺎﺑﻴﻠﻲ .
ﺭﺿﻮﺍﻥ ﻣﻦ ﺷﺎﻓﻨﻲ ﺍﻧﺰﻝ
ﺷﺮﺩ ﺑﻨﻈﺮﺍﺗﻪ ﻋﻠﻴﻪ ﻭﺗﺮﻛﻬﺎ ﺗﺴﻮﻟﻒ .
ﺣﺴﺖ ﺑﻲ ﺭﺟﻮﺍﻥ ﺍﻧﺪﺍﺭﺕ ﻋﻠﻴﻪ ﻭﻇﻠﺖ ﺗﺒﺎﻭﻋﻠﻲ ﺑﺤﻘﺪ
ﺑﺎﻭﻋﺘﻠﻬﺎ ﻭﺭﻓﻌﺖ ﺣﻮﺍﺟﺒﻲ ﺣﺮﻛﺖ ﺭﺍﺳﻲ ﺑﻤﻌﻨﻰ ﺷﻜﻮ؟ ؟
ﺩﺍﺭﺕ ﻭﺟﻬﻪ ﻭﻣﻌﺎﺟﺒﻬﻪ ﻋﻮﺩ
ﺩﺧﻠﺖ ﻟﻠﻤﻄﺒﺦ ﺑﻘﻴﺖ ﺷﻮﻳﻪ ﻭﺩﺧﻞ ﺍﻣﻴﺮ ﻻﺯﻡ ﺭﻗﻴﻪ ﺩﻓﻌﻬﺎ ﻋﻠﻴﻪ
ﻛﺎﻝ ﻫﺎﺝ ﺍﺧﺬﻱ ﻫﻲ ﺍﺧﺘﺞ ﺍﻟﻤﺴﻮﺩﻧﻪ ﻓﺸﻠﺘﻨﻪ .
ﺍﻧﻪ ﻣﺜﻞ ﺷﻲ ﻭﺍﻧﻔﺠﺮ ﺑﻴﻪ ﻧﺴﻴﺖ ﺍﻧﻪ ﺍﺑﻴﺘﻬﻢ ﻭﻧﺴﻴﺖ ﻛﻞ ﺍﻟﻤﻮﺟﻮﺩﻳﻦ ﺑﺎﻟﻤﻄﺒﺦ .
ﺑﺼﻴﺎﺡ ﮔﺘﻠﻪ ﺍﺣﺘﺮﻡ ﻧﻔﺴﻚ ﺷﻨﻮ ﻣﺴﻮﺩﻧﻪ .
: ﺟﺎﻭﺑﻨﻲ ﺑﺼﻴﺎﺡ ﺍﻱ ﻣﺴﻮﺩﻧﻪ ﻣﺎﺧﺬﻫﺎ ﺍﻟﻮﺍﻫﺲ ﺑﺎﻟﺘﻨﻀﻴﻒ،ﻭﻏﺮﮔﺖ ﻣﻨﺎﺿﻞ ﺍﺑﻦ ﺧﺎﻟﻲ ﺑﺎﻟﻤﺎﻱ .
: ﻳﻤﻜﻦ ﻣﺎﺗﺪﺭﻱ ﻣﺎﺷﺎﻓﺘﻪ ﻭﺑﺎﻟﻐﻠﻂ ﺷﻤﺮﺕ ﺍﻟﻤﺎﻱ ﻋﻠﻴﻪ .
: ﻭﺍﻟﻠﻪ ﺍﻟﻲ ﺍﻋﺮﻓﻪ ﻫﻲ ﺧﺮﺳﻪ ﻣﻮ ﻋﻤﻴﻪ ﺑﺲ ﺍﻇﺎﻫﺮ ﻃﻠﻌﺖ ﻓﺎﻗﺪﻩ ﺍﻟﺤﻮﺍﺱ ﻛﻠﻬﺎ .
: ﻭﺍﻟﻠﻪ ﺍﻧﺖ ﺍﻟﻲ ﺑﻼ ﺍﺣﺴﺎﺱ .
.
ﺷﺒﻴﺞ ﻋﻠﻰ ﻛﻴﻔﺞ ﻋﻴﻨﻲ ﺍﻧﻪ ﻣﺎﺟﺎﻱ ﺍﺣﺠﻲ ﻋﻠﻴﺞ ﻭﻫﻲ ﺍﺻﻼ ﻣﺎﺗﺴﻤﻊ ﻭﻻﺗﺪﺭﻱ ﺟﺎﻱ ﺍﺣﺠﻲ ﻋﻠﻴﻬﺎ ﺷﺤﺎﺭﮒ ﺩﻣﺞ ﺍﻧﺖ .
: ﺷﻨﻮ ﻣﺎﻳﺤﺘﺮﮒ ﺩﻣﻲ ﻣﻮ ﺍﺧﺘﻲ ﺑﺲ ﺍﻧﺖ ﻭﺍﻟﻠﻪ ﻣﺎﻋﻨﺪﻙ ﺍﺣﺘﺮﺍﻡ ﻟﻠﻤﺸﺎﻋﺮ ﺍﺑﺪ .
: ﺍﺳﻜﺘﻴﻦ ﻻ ﺍﻛﻔﺨﺞ ﻛﻔﺨﻪ ﺍﻧﺴﻴﺞ ﺣﺘﻰ ﺍﺳﻤﺞ .
ﻣﺎﺍﺩﺭﻱ ﻣﻨﻴﻦ ﻃﻠﻊ ﺭﺿﻮﺍﻥ ﻭﺳﺤﺒﻪ ﮔﻠﻪ ﻋﻴﺐ ﺍﻣﻴﺮ ﺷﻨﻮ ﻫﺎﻟﺤﺠﻲ ﻳﻠﻠﻪ ﺍﻣﺸﻲ ﻣﻨﺎﻧﻪ .
ﺻﺤﺖ ﻋﻠﻴﻪ ﮔﺘﻠﻪ ﻋﻠﻴﻤﻦ ﺗﻮﺧﺮﻩ ﺧﻠﻲ ﻳﻜﻔﺨﻨﻲ ﺣﺘﻰ ﺍﺷﻮﻓﻪ ﺍﻻﻣﻬﺎﺕ ﺷﺠﺎﺑﺖ .
ﺍﻣﻴﺮ : ﻫﻪ ﺿﺤﻜﺘﻴﻨﻲ ﺍﻻﻣﻬﺎﺕ ﻣﻮﻭ؟ ؟
ﻋﺮﻓﺘﻪ ﻳﻘﺼﺪ ﻋﻠﻰ ﺍﻣﻲ
ﻛﺘﻠﻪ ﻳﺎ ﻓﺎﺷﻞ ﻳﺎ ﺟﺒﺎﻥ
ﻇﻞ ﻳﺼﻴﺢ ﺩﺧﻞ ﺍﺑﻮﻱ ﻭﻋﻤﻲ ﻭﺯﻳﻨﺐ ﻭﺗﺪﺧﻠﻮﺍ
ﺑﺎﻭﻋﺖ ﺷﻔﺖ ﺍﻣﺎﻥ ﻳﺒﺎﻭﻋﻠﻲ ﻣﺘﻌﺠﺐ
ﺣﺠﻴﺖ ﺑﺪﺍﺧﻠﻲ ﻳﺎﺍ ﻫﺬﺍ ﻳﺒﺎﻭﻋﻠﻲ ﻭﺍﻧﻲ ﻣﺘﺨﻠﻴﻪ ﻋﻦ ﺍﻧﻮﺛﺘﻲ ﻭﺟﺎﻱ ﺍﺗﻌﺎﺭﻙ .
ﻳﻠﻠﻪ ﺧﻠﻲ ﻳﻌﺮﻑ ﺑﻨﺖ ﺧﺎﻟﻪ ﻭﺧﺒﺎﻻﺗﻬﺎ ﺧﺎﻑ ﻣﺎﺷﺎﻳﻒ ﺧﺒﺎﻻﺕ ﺑﺲ ﺑﻨﻮﺗﺎﺕ ﻛﻴﻮﺕ .
ﻣﻦ ﺩﺧﻞ ﺍﺑﻮﻱ ﻭﺍﻧﻪ ﺍﺭﻳﺪ ﺍﻃﻠﻊ ﺍﺷﻮﺍﻕ ﺧﻠﺖ ﺍﻳﺪﻫﺎ ﻋﻠﻰ ﻛﺘﻒ ﺍﺑﻮﻱ ﻛﻠﺘﻠﻪ ﺑﺴﺨﺮﻳﻪ : ﻋﺎﺷﺖ ﺍﻳﺪﻙ ﺧﻮﻳﻪ ﻋﻠﻰ ﻫﺎﻟﺘﺮﺑﻴﻪ
ﺭﺟﻌﺖ ﺑﺎﻭﻋﺘﻠﻬﺎ ﻛﺘﻠﻪ ﻭﺍﻟﻠﻪ ﻳﺎﺩﻛﺘﻮﺭﺓ ﺍﻧﻪ ﻣﺠﺎﻭﺑﺘﺞ ﻣﻦ ﻗﺒﻞ ﻋﻠﻰ ﻫﺎﻟﻤﻮﺿﻮﻉ
ﻗﺼﺪﻱ ﻣﻦ ﻛﺘﻠﻬﺎ ﺧﻠﻲ ﺍﻟﺘﺮﺑﻴﻪ ﻟﺒﻨﺎﺗﺞ .
ﺍﻣﺎﻥ ﺟﺎﻥ ﻭﺍﻛﻒ ﺑﺒﺎﺏ ﺍﻟﻤﻄﺒﺦ ﺍﻟﻲ ﻳﻄﻠﻊ ﻉ ﺍﻟﺤﺪﻳﻘﻪ
ﺳﺤﺒﺖ ﺭﻗﻴﻪ ﻭﻳﺎﻳﻪ ﺑﺎﻭﻋﺘﻠﻪ ﺑﻨﻈﺮﺓ ﺍﻧﺘﺼﺎﺭ ﻭﻃﻠﻌﺖ
ﺿﺮﺑﺖ ﻛﻼﻡ ﺍﻟﻜﻞ ﻋﺮﺽ ﺍﻟﺤﺎﻳﻂ
ﻣﺠﻨﺖ ﻣﻨﺘﺒﻬﻪ ﺷﻨﻮ ﻳﺤﺠﻮﻥ ﻭﻻ ﺷﻨﻮ ﺭﺍﺡ ﻳﺎﺧﺬﻭﻥ ﻋﻠﻴﻪ ﻧﻈﺮﺓ .
ﺍﻟﻌﺠﺒﻨﻲ ﺍﺑﻮﻱ ﻣﺎﺭﺯﻟﻨﻲ ﻛﺪﺍﻣﻬﻢ .
ﺷﻔﺖ ﺻﻔﺎ ﻛﺒﺎﻟﻲ ﻛﺘﻠﻬﺎ ﻫﺎﺝ ﺭﻗﻴﻪ ﻛﻠﻴﻠﻬﻪ ﻻ ﺗﺮﻭﺡ ﻳﻢ ﺍﻟﺰﻟﻢ ﻣﻨﺎﻙ .
ﺻﻌﺪﺕ ﻓﻮﻙ ﻟﻐﺮﻓﺔ ﺍﻣﻞ ﺧﻠﻴﺖ ﺭﻗﻴﺔ ﻳﻤﻲ ﺣﺒﺴﺘﻬﺎ
ﻭﻛﻠﻤﺎ ﻣﺎﺗﺮﻳﺪ ﺗﻄﻠﻊ ﺍﺧﺰﺭﻫﺎ ﻭﻣﺎﺍﺧﻠﻴﻬﻪ .
ﺍﻣﻞ : ﻭﻟﺞ ﺭﻗﻴﻪ ﺷﺎﻣﺮﻩ ﺍﻟﻤﻲ ﺍﻟﻮﺻﺦ ﻣﺎﻝ ﺍﻟﻤﺴﺢ ﻋﻠﻰ ﻣﻨﺎﺿﻞ ﻭﻫﻮ ﺷﻠﻮﻥ ﻛﺎﺷﺦ ﺧﻄﻴﻪ .
ﺳﻤﻴﻪ : ﻫﻬﻬﻪ ﻭﻫﺬﺍ ﻭﻳﻦ ﻳﻨﺎﺿﻞ ﺷﻬﺎﻻﺳﻢ؟ ؟
ﺍﻣﻞ : ﻫﻬﻬﻬﻪ ﻣﺎﻳﻨﺎﻇﻞ ﺑﻤﻜﺎﻥ ﻣﻮﺿﻒ ﺑﺎﻟﻨﻔﻂ .
ﺍﺟﺖ ﺻﻔﺎ ﺳﺎﻟﺖ ﺭﻗﻴﻪ ﻉ ﺍﻟﺤﺎﺩﺙ .
ﻛﺎﻟﺖ ﺍﻟﻬﺎ ﻫﺬﺍ ﺍﻟﻮﻟﺪ ﻳﺒﺎﻭﻋﻠﻲ ﻣﻦ ﻳﻮﻡ ﺍﻟﺤﻨﻪ ﺍﻟﺼﺒﺢ ﻟﺤﺪ ﺍﻟﻴﻮﻡ ﻃﻠﻌﺖ ﺍﺫﺏ ﺍﻟﻤﺎﻱ ﺍﻟﻲ ﻣﺴﺤﺖ ﺑﻲ ﺍﻟﺪﺭﺝ ﻭﻫﻮ ﺻﺎﺭ ﻛﺪﺍﻣﻲ ﺧﻮﻓﻨﻲ ﺑﻨﻈﺮﺍﺗﻪ ﺳﺒﺤﺘﻪ ﺑﺎﻟﻤﺎﻱ ﺍﻟﻮﺻﺦ .
ﺳﻤﻴﻪ : ﺣﻞ ﻳﺴﺘﺎﻫﻞ ﺷﻜﻮ ﻋﻴﻨﻪ ﺯﺍﻳﻐﻪ ﻭﻳﺒﺼﺒﺺ .
ﺍﻣﻞ : ﻭﻟﺞ ﻫﻮ ﻫﻢ ﺳﺄﻟﻨﻲ ﻋﻠﻴﻬﺎ ﻛﻠﻲ ﻣﻨﻮ ﻫﻲ ﻭﺷﺒﻴﻬﻪ؟
ﺣﺠﻴﺘﻠﻪ ﻋﻨﻬﺎ ﻣﻨﺎﺿﻞ ﻣﺘﺰﻭﺝ ﻭﻋﻨﺪﻩ ﺍﻃﻔﺎﻝ ﺍﺛﻨﻴﻦ ﺯﻭﺟﺘﻪ ﺯﻋﻼﻧﻪ ﺻﺎﺭﻟﻬﺎ 4 ﺍﺷﻬﺮ ﻭﺣﺎﺭﻣﺘﻪ ﺣﺘﻰ ﻣﻦ ﺍﻃﻔﺎﻟﻪ ﻣﺎﺗﻘﺒﻞ ﻳﺸﻮﻓﻬﻢ ﻛﻠﻤﺎ ﻳﺮﻭﺡ ﻳﻄﺮﺩﻭﻧﻪ .
ﺳﻤﻴﻪ : ﻳﺎ ﻟﻴﺶ ﻫﻴﺞ ﺗﺴﻮﻱ؟
: ﺷﺮﻃﻬﺎ ﺗﻜﻌﺪ ﻳﻢ ﺍﻫﻠﻬﺎ ﻣﺎﺗﺮﻳﺪ ﺍﻫﻠﻪ ﻭﻫﻮ ﻫﺎﻟﻮﺍﺣﺪ ﻋﻨﺪ ﺍﻣﻪ ﻫﻮ ﻭﺍﺧﺘﻪ ﻭﺍﺑﻮ ﺷﻬﻴﺪ ﻭﻣﺎﻳﻘﺒﻞ ﻳﻌﻮﻑ ﺍﻣﻪ ﻭﺍﺧﺘﻪ ﺍﺭﻣﻠﻪ .
ﻭﻫﺴﻪ ﺻﺎﺭﺕ ﻣﺤﺎﻛﻢ ﺑﻴﻨﺎﺗﻬﻢ ﻭﺭﺍﺡ ﻳﻄﻠﻜﻮﻥ .
: ﻳﺘﻄﻠﻜﻮﻥ ﻭﻋﺪﻫﻢ ﺍﺛﻨﻴﻦ ﺍﻃﻔﺎﻝ ﺷﻨﻮ ﺫﻧﺒﻬﻢ ﺧﻄﻴﺔ .
: ﻭﻟﺞ ﻫﻮ ﻳﺤﺒﻬﺎ ﻭﻣﺪﻟﻠﻬﺎ ﺩﻻﻝ ﺍﻣﻪ ﻣﺎﻳﻌﺠﺒﻬﺎ ﺍﻟﻌﺠﺐ ﻧﻀﻴﻔﻪ ﺑﺸﻜﻞ ﻳﻌﻨﻲ ﻭﻫﻮﺍﺳﻴﻪ ﺑﺎﻟﺘﻨﻀﻴﻒ ﻭﺫﻳﺞ ﺍﺳﻢ ﻋﻠﻴﻬﺎ ﺗﻜﻌﺪ ﺳﺎﻋﻪ .12
ﺻﺎﺭﺕ ﻣﺸﺎﻛﻞ ﻋﺰﻟﻬﺎ ﻭﺣﺪﻫﻪ ﻓﻮﻙ ﺑﺲ ﻫﻢ ﻣﺎﺗﻄﺒﺦ ﻭﻻﺗﺴﻮﻱ ﺷﻲ ﻭﻫﻮ ﻳﺎﻛﻞ ﻭﻳﺎ ﺍﻫﻠﻪ ﻫﻮ ﻭﺟﻬﺎﻟﻪ
ﺑﻌﺪﻫﺎ ﺭﺍﺣﺖ ﻻﻫﻠﻬﺎ ﺯﻳﺎﺭﺓ ﺍﻋﺘﻴﺎﺩﻳﻪ ﻭﻣﺎﻗﺒﻠﺖ ﺗﺮﺟﻊ ﻛﻠﺘﻠﻪ ﺗﺮﻳﺪﻧﻲ ﺗﻌﺎﻝ ﻳﻤﻲ ﻫﻨﺎ ﻣﺎﺍﺭﺟﻊ ﻳﻢ ﺍﻫﻠﻚ .
ﺳﻤﻴﻪ : ﻣﺎﺍﺭﺗﺎﺣﻴﺖ ﺍﻟﻪ ﻣﻨﺎﺿﻞ ﻫﺬﺍ ﻳﺴﺎﻝ ﻋﻠﻰ ﺭﻗﻴﻪ ﺧﺎﻑ ﻋﻨﺪﻩ ﻏﺎﻳﻪ
ﺍﻟﺪﻧﻴﺎ ﻣﺎﺗﻨﺤﺰﺭ ﻭﺍﻟﻨﺎﺱ،ﺻﺎﻳﺮﻩ ﻭﺣﻮﺵ .
ﻭﻛﺖ ﺍﻟﻐﺪﺍ ﻃﻠﻌﺖ ﺗﻐﺪﻳﻨﻪ ﻭﺍﻟﻌﺼﺮ ﺭﺟﻌﻨﻪ
ﻃﻮﻝ 3 ﺍﻳﺎﻡ ﺍﻟﺤﻨﻪ ﻭﺍﻟﻌﺮﺱ ﻭﺍﻟﺼﺒﺤﻴﻪ
ﻣﺸﻔﺖ ﺍﻣﺎﻥ ﻳﺨﺘﻠﻂ ﻭﻱ ﺍﺣﺪ
ﻭﺻﻠﻨﻲ ﺍﺣﺴﺎﺳﻪ ﺑﻐﺮﺍﺑﻪ ﻳﻤﻜﻦ ﻳﺤﺲ ﻧﻔﺴﻪ ﻏﺮﻳﺐ ﻻﻥ ﻫﻮﺍﻱ ﺻﺎﺭﻟﻪ ﺑﻌﻴﺪ ﻭﻣﻦ ﺗﺮﻙ ﺭﺿﻮﺍﻥ ﺍﻟﺒﻴﺖ ﻳﻠﻠﻪ ﺭﺟﻊ .
ﻣﺮﺕ ﻛﻢ ﻳﻮﻡ ﻭﺍﺣﻨﻪ ﺑﺎﻟﻐﺮﻓﻪ ﺍﺟﺘﻲ ﺭﻗﻴﻪ ﺗﻨﻔﺴﻬﺎ ﺳﺮﻳﻊ ﻭﻣﺘﻮﺗﺮﻩ
ﺳﺎﻟﺘﻬﺎ ﺻﻔﺎ ﺷﺒﻴﺞ
ﻛﺎﻟﺖ ﺟﻨﺖ ﺍﻧﻀﻒ ﺍﻟﻄﺎﺭﻣﻪ ﻭﺍﻟﻲ ﻳﻢ ﺍﻟﺒﺎﺏ ﺭﺷﻴﺘﻪ
ﻭﺷﺎﻳﻔﻪ ﻣﻨﺎﺿﻞ .
ﺳﻤﻴﻪ : ﺻﻔﺎ ﺳﺄﻟﻴﻬﺎ ﺷﻨﻮ ﺳﻮﺍ ﻣﻦ ﺷﺎﻓﻬﺎ ﻭﺷﻨﻮ ﻫﻲ ﺳﻮﺕ؟
ﺻﻔﺎ : ﺗﻜﻮﻝ ﺿﺎﺣﻚ ﺍﻟﻬﺎ ﻭﻫﻲ ﻫﻢ ﺿﺤﻜﺘﻠﻪ .
: ﻳﺒﻮﻭﻭﻭ ﻭﻟﺞ ﺻﻔﺎ ﻛﻠﻴﻠﻬﻪ ﻫﺬﺍ ﺍﻟﺸﻲ ﻋﻴﺐ ﻭﺑﻌﺪ ﻻﺗﻄﻠﻊ ﻭﻻ ﺗﻨﺴﺊ ﺗﺨﻠﻲ ﺍﻟﺤﺠﺎﺏ ﻋﻠﻰ ﺭﺍﺳﻬﺎ .
ﺧﻔﺖ ﻋﻠﻰ ﺭﻗﻴﻪ ﻫﺬﺍ ﺷﻌﻨﺪﻩ ﺟﺎﻱ
ﻗﺒﻞ ﻻﺍﻃﻠﻊ ﻟﻠﺠﺎﻣﻌﻪ ﻣﻴﺔ ﻣﺮﻩ ﺍﻭﺻﻲ ﺑﻴﺒﻴﺘﻲ ﻭﺍﻛﻮﻝ ﺍﻟﺼﻔﺎ ﺗﻮﺻﻲ ﺭﻗﻴﻪ ﻣﺎﺗﻄﻠﻊ
ﻭﻋﻠﻰ ﻣﺎ ﺍﺍﺭﺟﻊ ﻛﻠﺒﻲ ﻧﺎﺭ ﻋﻠﻴﻬﺎ .
ﺑﻴﻮﻡ ﺟﺎﻥ ﺟﻤﻌﻪ
ﻛﺎﻋﺪﻳﻦ ﺍﻟﻌﺼﺮ ﺑﺎﻟﻬﻮﻝ
ﺳﻮﺗﻨﻪ ﺻﻔﺎ ﻧﺴﻜﺎﻓﻴﻴﻪ ﻭﻛﺎﻋﺪﻳﻦ ﻧﺸﺮﺏ
ﺩﺧﻠﺖ ﻋﻠﻴﻨﻪ ﻋﻤﻪ ﺯﻳﻨﺐ
ﺳﻤﻴﻪ : ﻳﻤﻤﻪ ﻋﻤﻪ ﺧﺮﻋﺘﻴﻨﻪ ﻻﺍﺣﻢ ﻭﻻﺩﺳﺘﻮﺭ
ﺯﻳﻨﺐ : ﻭﻟﺞ ﺑﺎﺑﻜﻢ ﺧﺮﻃﻴﻴﻲ ﺑﺲ ﻭﺍﺣﺪ ﻳﻜﻠﻪ ﻫﻴﺞ ﺑﺼﺒﻌﻪ ﻳﻨﻔﺘﺢ
ﺳﻠﻤﺖ ﻋﻠﻰ ﺑﻴﺒﻴﺘﻲ ﻭﻛﻌﺪﺕ ﺗﺸﺮﺏ ﻭﻳﺎﻧﻪ ﻧﺴﻜﺎﻓﻴﻪ
ﺳﺎﻟﺖ ﻋﻠﻰ ﺍﺑﻮﻱ ﮔﻠﻨﺎﻟﻬﻪ ﻃﺎﻟﻊ
ﻛﺎﻟﺖ ﺗﺪﺭﻭﻥ ﻋﻠﻴﻤﻦ ﺟﺎﻳﻴﻪ ﺍﻧﻪ
ﺳﻤﻴﻪ : ﺍﻧﺖ ﺩﺍﺋﻤﺎ ﺗﺠﻴﻴﻦ ﻋﻤﻪ ﻓﺪﻳﺘﺞ ﺩﺍﺋﻤﺎ ﺗﻮﻃﻮﻃﻴﻦ ﻋﻠﻴﻨﻪ
ﺯﻳﻨﺐ : ﺍﻱ ﺍﻭﻃﻮﻁ ﻣﻮ ﺍﻧﻪ ﻭﻃﻮﺍﻁ ﻻ ﻣﺎﺣﺰﺭﺗﻲ ﺍﻡ ﻟﺴﺎﻥ ﺍﻧﻪ ﺟﺎﻳﻪ ﻭﺟﺎﻳﺒﻪ ﻭﻳﺎﻱ ﻋﺮﻳﺲ ﻟﻮﺣﺪﻩ ﻣﻨﺠﻦ .
ﺳﻤﻴﻪ : ﻳﺎﺳﺘﺎﺭ .
ﺯﻳﻨﺐ : ﻭﻟﺞ ﺷﺒﻴﺞ ﺍﻛﻮ ﻭﺍﺣﺪ ﻳﻜﻮﻝ ﻫﻴﺞ ﻋﻠﻤﻮﺩ ﻋﺮﻳﺲ .
: ﻣﺎﻳﺼﻴﺮ ﻧﺬﻛﺮ ﺍﻟﻠﻪ .
ﺻﻔﺎ : ﺍﻟﻤﻦ ﺍﻟﻌﺮﻳﺲ ﻋﻤﻪ
ﺑﻴﺒﻲ : ﺍﻱ ﺻﺪﻙ ﺍﻡ ﻣﺆﻳﺪ ﺍﻟﻤﻦ ﺻﻠﻮﺍﺕ .
ﺯﻳﻨﺐ . ﺣﻀﻨﺖ ﺭﻗﻴﻪ ﻣﻦ ﺍﻛﺘﺎﻓﻬﺎ ﻭﻛﺎﻟﺖ .. ﻟﺮﻗﺮﻕ ﺍﻟﺤﻠﻮﻩ ﺍﺟﺎﻫﻪ ﺷﻮﻥ ﻋﺮﻳﺲ ﻭﺭﺩﻩ ﻣﺜﻠﻬﺎ .
ﺳﻤﻴﻪ : ﻛﻠﻨﺎ ﺗﻔﺎﺟﺌﻨﺎ ﺑﺲ ﺍﻧﻪ ﻗﻠﺒﻲ ﻧﻐﺰﻧﻲ ﻋﺮﻓﺘﻪ ﺍﺑﻦ ﺍﺧﻮﻫﺎ .
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق