رواية لم تكن خطيئتنا ج1 الجزء الثامن
للكاتبة نور ناصر
.
.
ﺍﻳﻮﺏ " ﺑﺤﺰﻡ :" - ﺗﻌﺎﻱ ﺳﻤﻴﻪ .. ﺍﻋﺘﺬﺭﻱ ﻣﻦ ﻋﻤﺘﺞ
ﻭﺑﻮﺳﻴﻬﺎ ﻋﻠﻰ ﺭﺍﺳﻬﺎ ﻭﺍﺫﺍ ﻣﺎﺳﻮﻳﺘﻴﻬﺎ ﺗﺸﻮﻓﻴﻦ ﺷﻲ ﻋﻤﺮﺝ ﻣﺎﺷﺎﻳﻔﺘﻪ ﺗﻨﺴﻴﻦ ﺍﻟﺪﻭﺍﻡ ﺑﻌﺪ ﻭﺗﻜﻌﺪﻳﻦ ﻫﻨﺎ ﻭﺗﺴﻜﺘﻴﻦ .
ﺑﺎﻭﻋﺖ ﻻﺷﻮﺍﻕ ﺑﺤﻘﺪ ﺑﻌﺪ ﻣﺎﺍﺟﺎﻧﻲ ﺻﻮﺗﻬﺎ ﻣﺨﻠﻴﻪ ﺭﺟﻞ ﻋﻠﻰ ﺭﺟﻞ ﻭﻛﺎﻋﺪﻩ ﺑﺘﻜﺒﺮ .
ﺻﺎﺣﺖ : ﻣﺎﺍﺭﻳﺪﻫﺎ ﺗﻌﺘﺬﺭ ﻣﻨﻲ ﺑﺲ ﺍﺭﻳﺪﻙ ﺗﺄﺩﺑﻬﺎ
ﻫﻲ ﺻﻠﻔﺔ ﻭﻣﺎﺍﻟﻬﺎ ﺭﺩﺍﺩ ﻭﺍﻟﻠﻪ ﻳﺎﺍﻳﻮﺏ ﺍﺫﺍ ﻣﺎﺗﺨﻠﻴﻠﻬﺎ ﺣﺪ ﺗﺴﻮﻱ ﻣﻜﺴﻮﺭﺓ ﻭﺗﻔﺸﻠﻚ ﺍﺣﺮﻣﻬﺎ ﻣﻦ ﺍﻟﺪﻭﺍﻡ ﻭﺍﺧﺬ ﻣﻨﻬﺎ ﺍﻟﺘﻠﻴﻔﻮﻥ .
ﺍﺭﻳﺪ ﺍﺣﺠﻲ ﻭﺍﺭﺩﻫﺎ ﺑﺲ ﻣﺎﻟﺤﻜﺖ
ﺃﻣﺎﻥ ﺗﺤﺮﻙ ﻣﻦ ﻣﻜﺎﻧﻪ ﻭﺭﺍﺡ ﺍﻟﻬﺎ ﮔﺎﻝ
ﺍﻧﺖ ﻣﺎﻋﻠﻴﺞ ﻳﺎ ﺃﻣﻲ ﺍﺏ ﻭﺑﻨﺘﻪ ﻳﻌﺎﻗﺒﻬﺎ ﻣﻴﻌﺎﻗﺒﻬﺎ ﻣﻌﻠﻴﺞ
ﻭﮔﻮﻣﻲ ﻭﻳﺎﻳﻪ ﺩﻧﺮﻭﺡ ﻟﻠﺒﻴﺖ .
ﺃﺷﻮﺍﻕ -: ﺍﻱ ﺍﺭﻭﺡ ﻭﺷﻌﻨﺪﻱ ﺑﺎﻗﻴﺔ ﻫﻨﺎ .
ﺳﻤﻴﻪ ﺑﻌﺪ ﻣﺎﻧﻄﻖ ﺍﻟﺼﻨﻢ ﻋﻠﻰ ﺑﺎﻟﻪ ﻳﺪﺍﻓﻌﻠﻲ ﻣﺎﻳﺪﺭﻱ ﺑﻴﻪ ﻣﺎﺍﺣﺘﺎﺝ ﺍﻧﻪ ﺍﺩﺍﻓﻊ ﻟﻨﻔﺴﻲ ﺑﻨﻔﺴﻲ
ﮔﺘﻠﻬﺎ : - ﻟﻴﺶ ﺻﻠﻔﻪ ﻻﻥ ﺭﺩﺕ ﺍﻣﻲ ﺗﺤﻀﺮ ﺣﻔﻠﺔ ﺍﺧﺘﻲ ﻣﺎﻟﻬﺎ ﺣﻖ ﺭﻗﻴﻪ ﺗﺸﻮﻑ ﺍﻣﻬﺎ ﺑﺎﻟﺤﻔﻠﺔ ﻟﻮ ﻻﻥ ﺩﺍﺋﻤﺎ ﺍﺩﺍﻓﻊ ﻋﻦ ﻧﻔﺴﻲ .
ﺳﻠﻴﻤﺎﻥ -: ﻭﻟﺞ ﺍﻧﺖ ﺷﻨﻮ ﺍﺣﺘﺮﻣﻲ ﺷﻮﻳﻪ ﻛﺎﻓﻲ ﺗﺮﺍﺩﺩﻳﻦ ﺍﻋﺘﺬﺭﻱ ﻭﺍﻧﺖ ﺳﺎﻛﺘﻪ .
ﺑﻘﻠﺒﻲ ﺣﺠﻴﺖ ﺷﻮﻥ ﺍﻋﺘﺬﺭ ﻭﺍﻧﻪ ﺳﺎﻛﺘﻪ ﻫﻢ ﻳﻌﺮﻑ ﻳﺤﺸﺶ ﺍﻟﺪﻛﺘﺎﺗﻮﺭ ﺍﻟﻜﺒﻴﺮ
ﮔﺘﻠﻪ -: ﺷﺒﻲ ﻛﻼﻣﻲ ﻋﻤﻮ ﺍﻧﻪ ﻣﺎﺟﺎﻱ ﺍﺗﺠﺎﻭﺯ ﻭﻣﺎﺍﻋﺘﺬﺭ ﻻﻥ ﺍﻧﻪ ﻣﺎﻏﻠﻄﺖ ﻫﻲ ﺿﺮﺑﺘﻨﻲ ﺭﺍﺷﺪﻱ ﺑﺪﻭﻥ ﺳﺒﺐ .
: ﺍﺷﻮﺍﻕ : - ﺑﺪﻭﻥ ﺳﺒﺐ ﻭﻟﺞ ﺟﺬﺍﺑﻪ ﻣﻮ ﻟﺴﺎﻧﺞ ﺷﻄﻮﻟﻪ ﻭﻳﺎ ﺭﺿﻮﺍﻥ ﺭﺟﺎﻝ ﺷﻜﺒﺮﻩ ﻣﺸﻮﺭﺏ ﻭﺍﻧﺖ ﺗﺼﻴﺤﻴﻦ ﺑﻮﺟﻬﻪ ﻣﺎﺗﺴﺘﺤﻴﻦ .
-: ﺍﻧﻪ ﺍﻋﺘﺮﻑ ﻣﺎﻇﻞ ﺑﺮﺍﺳﻲ ﻋﻘﻞ ﺳﻤﻌﺘﻬﻦ ﻳﮕﻮﻭﻟﻦ ﺭﺍﺡ ﻳﺘﺰﻭﺟﻬﺎ ﺣﺘﻰ ﻳﻜﺴﺮ ﺧﺸﻢ ﻣﺮﺗﻪ ﻭﻳﺮﺟﻌﻬﺎ ﺭﺣﺖ ﺍﺭﻛﺾ ﺍﺭﻳﺪ ﺍﺣﺪ ﻳﺼﻴﺢ ﻻﺑﻮﻱ ﺷﻔﺖ ﺭﺿﻮﺍﻥ ﺍﮔﻠﻪ ﺻﻴﺢ ﻻﺑﻮﻱ ﺻﺎﻓﻦ ﺑﻮﺟﻬﻲ .
ﺳﻠﻴﻤﺎﻥ -: ﺍﻳﻮﺏ ﻫﺎﻱ ﺑﻨﺘﻚ ﻟﻮ ﻋﻨﺪﻱ ﻭﺍﻟﻠﻪ ﻟﻌﻠﮕﻬﺎ ﻭﺍﺷﻨﻘﻬﺎ .
ﺍﺷﻮﺍﻕ : - ﺑﻨﺖ ﺍﻣﺎﻟﻴﺪ ﺑﻌﺪ ﻣﺎﻋﻠﻴﻬﺎ ﻋﺘﺐ .
ﺍﻳﻮﺏ " ﺑﺼﻴﺎﺡ " : - ﻛﺎﻓﻲ ﺳﻤﻴﻪ ﺍﻋﺘﺬﺭﻱ ﻟﻌﻤﺞ ﻭﻟﻌﻤﺘﺞ
ﻭﻭﻟﻲ ﻣﻨﺎ .
-: ﺑﺎﻭﻋﺖ ﻟﻌﻤﻲ ﮔﺘﻠﻪ ﻣﻴﺨﺎﻟﻒ ﺍﻧﻪ ﻗﺎﺑﻠﻪ ﺍﻧﺸﻨﻖ ﻭﻻﺍﺷﻮﻑ ﺧﻮﺍﺗﻲ ﻳﻨﻈﻠﻤﻮﻥ
ﺑﺎﻭﻋﺖ ﻷﺑﻮﻱ ﺣﺠﻴﺖ : ﺍﺳﻔﻪ ﻳﺎﺍﺑﻪ ﺍﻧﻪ ﻣﺎﺍﺧﻀﻊ ﻷﻛﺒﺮ ﻇﺎﻟﻢ .
ﻣﻦ ﻣﻜﺎﻧﻪ ﮔﺎﻡ ﻋﻤﻲ ﺳﻠﻴﻤﺎﻥ ﺑﺄﻳﺪﻩ ﺍﻟﺴﺒﺤﻪ
ﺭﻓﻌﻬﺎ ﺑﻮﺟﻬﻲ ﻳﺮﻳﺪ ﻳﻀﺮﺑﻨﻲ ﻭﻫﻮ ﻳﺼﻴﺢ
ﻇﺎﻟﻢ ﺷﻨﻮ ﻭﻟﺞ ﻃﺎﻳﺤﺔ ﺍﻟﺤﻆ ﺍﻧﺖ ﺻﺪﻙ ﻣﺎﻝ ﻛﺘﻞ .
ﺑﻘﻴﺖ ﻭﺍﻛﻔﻪ ﺑﻤﻜﺎﻧﻲ ﻭﺍﻧﺘﻈﺮﻩ ﻳﻀﺮﺑﻨﻲ ﻳﻤﻜﻦ ﻫﻨﺎ ﻟﺴﺎﻧﻲ ﻣﺎﺭﺍﺡ ﻳﺸﻔﻌﻠﻲ .
ﺻﺎﺭ ﺍﻣﺎﻥ ﺑﻴﻨﻲ ﻭﺑﻴﻨﻪ
ﻭﻣﻨﻌﻪ ﻣﻦ ﺿﺮﺑﻲ
ﺣﺠﻴﺖ ﻣﻦ ﻭﺭﻩ ﺃﻣﺎﻥ
ﮔﺘﻠﻪ ﻋﻤﻮ ﺍﻱ ﺍﻧﺘﻢ ﻇﻼﻡ ﻇﻠﻤﺘﻮﺍ ﺍﺧﺘﻲ ﺭﻗﻴﻪ ﻭﺯﻭﺟﺘﻮﻫﺎ ﻻﺑﻦ ﺍﺧﻮ ﻣﺮﺗﻚ ﻇﻠﻢ ﻇﻠﻢ .
ﺍﻧﺪﺍﺭ ﻋﻠﻴﻪ ﺍﻣﺎﻥ ﮔﺎﻝ ﺍﻧﺖ ﻟﻴﺶ ﻣﺎﺗﺴﻜﺘﻴﻦ ﻭﺭﻭﺣﻲ ﻣﻨﺎ ﻳﻠﻠﻪ .
ﻭﺍﻧﻪ ﺑﺎﻭﻋﺘﻠﻪ ﺑﺜﺒﺎﺕ ﺣﺴﻴﺖ ﺭﺍﺩ ﻳﻜﺴﺮ ﻧﻈﺮﺍﺗﻲ ﻭﻳﺨﺠﻠﻨﻲ ﺣﺘﺊ ﻣﺎﺍﺣﺠﻲ ﺑﺲ ﺍﻧﻲ ﻣﺎﺳﻜﺘﺖ ﻭﻻ ﻛﺴﺮﺕ ﻧﻈﺮﺗﻲ ﺟﺎﻭﺑﺘﻪ ﻭﻋﻴﻮﻧﻲ ﺑﻌﻴﻮﻧﻪ : ﻣﺎﺍﺳﻜﺖ ﻋﻠﻰ ﻇﻠﻢ ﺍﺧﺘﻲ
ﺍﺑﺘﺴﻢ ﺑﺎﺳﺘﻬﺰﺍﺀ
ﺑﻌﺪﻧﻲ ﻣﺎﻣﻜﻤﻠﻪ ﺃﺷﺮ ﻟﺨﻮﺍﺗﻪ ﻛﺎﻝ ﺍﺧﺬﻭﻫﺎ ﻣﻨﺎ
ﺍﺟﻨﻲ ﻭﻣﺒﻴﻦ ﻣﺎﻳﺮﻓﻀﻠﻪ ﻃﻠﺐ .
ﻃﻠﻌﺖ ﻣﻦ ﺍﻟﻬﻮﻝ ﻭﺧﺮﺕ ﺍﻳﺪﻳﻬﻢ ﻣﻨﻲ
ﻭﺩﺧﻠﺖ ﻟﻠﻐﺮﻓﺔ
.
ﺑﻘﻴﺖ ﻫﻨﺎﻙ ﺑﺎﻟﻲ ﻭﻓﻜﺮﻱ ﻛﻠﻪ ﻳﻢ ﺭﻗﻴﺔ ﻭﺍﺑﺠﻲ ﺍﺣﺲ ﺑﻀﻌﻒ ﺍﺣﺲ ﻣﺸﻠﻮﻟﺔ ﻣﻘﻴﺪﺓ ﻻﺍﻗﻮﻯ ﻋﻠﻰ ﻓﻌﻞ ﺍﻱ ﺷﻲ ﻳﻨﻘﺬ ﺍﺧﺘﻲ .
ﺻﺎﺭﺕ ﺳﺎﻋﻪ 7
ﺍﺳﻤﻊ ﺻﻮﺕ ﺑﺮﻩ ﺑﺲ ﺍﻧﻪ ﻭﺣﺪﻱ ﻣﺤﺪ ﺩﺧﻞ ﻋﻠﻴﻪ ﺑﻌﺪ
ﺩﮒ ﺗﻠﻴﻔﻮﻧﻲ ﺧﺬﻳﺘﻪ ﺑﺎﻭﻋﺖ ﻟﻠﺸﺎﺷﺔ ﺷﻔﺖ ﺭﻗﻢ ﺍﻣﻲ
ﻣﺴﺤﺖ ﺩﻣﻮﻋﻲ ﺑﻘﻮﺓ ﻣﻦ ﺧﺪﻱ ﻭﺍﻧﻪ ﺻﺎﻛﻪ ﻋﻠﻰ ﺍﺳﻨﺎﻧﻲ ﺍﺭﻳﺪ ﺍﻗﻮﻱ ﻧﻔﺴﻲ ﺣﺘﻰ ﺍﺣﺠﻲ ﻭﻳﺎﻫﺎ ﻣﺎﺍﺭﻳﺪ ﺍﻳﺎً ﻛﺎﻥ ﻳﺤﺲ ﺑﻀﻌﻔﻲ .
ﺟﺎﻭﺑﺘﻬﺎ
ﻫﻼ ﻣﺎﻣﺎ
ﻫﺎﺍ ﺳﻤﻴﻪ ﺧﻠﺼﺖ ﺍﻟﺤﻔﻠﺔ
ﺍﻱ ﺧﻠﺼﺖ
ﻣﺎﻛﺼﻴﺘﻲ ﺻﻮﺭ ﻻﺧﺘﺞ ﺍﺷﻮﻓﻬﺎ
ﻻ ﻭﺍﻟﻠﻪ ﺑﺲ ﺻﻔﺎ ﻣﻦ ﺗﺠﻲ ﺍﺧﻠﻴﻬﺎ ﺗﺪﺯﻟﺞ .
ﻟﻌﺪ ﻭﻳﻨﻬﺎ ﺻﻔﺎ ﻫﺴﻪ؟
ﺭﺍﺣﺖ ﻭﻳﺎﻫﻢ ﻟﻼﺳﺘﻮﺩﻳﻮ ﻳﺼﻮﺭﻭﻥ .
ﻭﺍﻧﺖ ﺷﻌﺠﺐ ﻣﺎﺭﺣﺘﻲ .
ﻣﺎﺭﺣﺖ ﺑﻘﻴﺖ ﻫﻨﺎ .
ﻣﻨﻮ ﺭﺍﺡ ﻭﻳﺎﻫﺎ
ﻣﺮﺓ ﺳﻠﻴﻤﺎﻥ ﻭﺍﺧﺘﻪ ﻭﺍﻣﻪ ﻭﺻﻔﺎ ﻭﻳﺎﻫﻢ .
ﻣﻦ ﺗﺠﻲ ﻻﺗﻨﺴﻴﻦ ﺗﺪﺯﻳﻠﻲ ﺻﻮﺭﻫﺎ ﺍﺷﻮﻓﻬﺎ .
ﺍﻥ ﺷﺎﺀﺍﻟﻠﻪ
ﺳﺪﻳﺘﻪ ﻣﻨﻬﺎ
ﺑﺪﻟﺖ ﻣﻼﺑﺴﻲ ﻭﺑﻘﻴﺖ ﺑﺎﻟﻐﺮﻓﺔ
ﻭﺭﻩ ﺩﻗﺎﻳﻖ ﺍﻧﺪﻓﺮﺕ ﺍﻟﺒﺎﺏ ﻛﻤﺖ ﻣﻜﺎﻧﻲ ﻣﻦ ﻋﻠﻰ ﺍﻟﺴﺮﻳﺮ ﺑﻔﺰﻉ !
ﺷﻔﺘﻪ ﺍﺑﻮﻱ
ﺻﺎﺡ : - ﻭﻟﺞ ﻫﻴﺞ ﺗﻔﺸﻠﻴﻨﻲ ﻛﺪﺍﻡ ﺍﺧﺘﻲ ﻭﺍﺧﻮﻱ ﻟﺴﺎﻧﺞ ﺷﻄﻮﻟﻪ ﻭﻛﻠﻬﺎ ﺗﻜﻮﻝ ﻣﺎﻋﺮﻑ ﻳﺮﺑﻲ ﺑﻨﺎﺗﻪ .
-: ﺍﺧﺘﻚ ﻭﺍﺧﻮﻙ ! ! ﻳﺎﺑﻪ ﺍﻧﻪ ﺑﻨﺘﻚ ﺍﺧﺘﻚ ﺗﻀﺮﺑﻨﻲ ﻭﺗﻄﺮﺩ ﺍﻣﻲ ﻟﻴﺸﺶ ﻭﺍﻧﺖ ﺳﺎﻛﺖ .
-: ﻣﻦ ﺗﻔﻔﻔﻒ ﻋﻠﻴﺞ ﻭﻋﻠﻰ ﺍﻣﺞ
ﺗﻘﺮﺏ ﻳﻤﻲ ﺭﺍﻓﻊ ﺍﻳﺪﻩ ﻭﻳﺼﻴﺢ ﺑﺎﻱ ﻟﺤﻈﺔ ﺍﺗﻮﻗﻊ ﻳﻀﺮﺑﻨﻲ .
-: ﺍﻧﻪ ﻣﻮ ﻛﺘﻠﻚ ﺭﺍﺡ ﺗﺠﻲ ﺍﻣﻲ ﺟﺎﻥ ﺭﻓﻀﺖ ﺟﺎﻥ ﺣﺠﻴﺖ
ﻳﺎﺑﻪ ﺍﻟﺨﺎﻃﺮ ﺭﻗﻴﺔ ﻣﻮ ﺍﻟﺨﺎﻃﺮﻫﺎ ﻫﻴﻪ ﻋﻠﻰ ﺍﻻﻗﻞ ﺧﻄﻴﻪ
-: ﺗﺎﻛﻠﻴﻴﻴﻦ ﺗﺒﻦ ﻭﻳﻦ ﺗﻠﻴﻔﻮﻧﺞ ﻭﺩﻭﺍﻡ ﺑﻌﺪ ﻣﺎﻛﻮ .
-: ﻳﻌﻨﻲ ﺍﺧﺬﺕ ﻛﻼﻡ ﺍﺧﺘﻚ ﻫﺎﻙ ﻫﺬﺍ ﺗﻠﻴﻔﻮﻧﻲ ﻭﻣﺎﻋﻨﺪﻱ ﺑﻲ ﺷﻲ ﻭﺍﺫﺍ ﺷﻔﺖ ﺑﻲ ﺷﻲ ﻣﻮﺯﻳﻦ ﻫﺎﻱ ﺍﻧﻪ ﻳﻤﻚ ﻭﺍﻧﻪ ﺍﻛﻠﻚ ﺍﻛﺘﻠﻨﻲ ﺣﺪ ﺍﻟﻤﻮﻭﺕ .
-: ﻃﺎﺡ ﺣﻈﺞ ﻃﻮﻝ ﻋﻤﺮﺝ ﻣﻔﺸﻠﺘﻨﻲ ﺍﻛﺜﺮ ﻭﺣﺪﻩ ﻣﻦ ﺧﻮﺍﺗﺞ ﺍﻧﺖ ﻣﺘﻌﺒﺘﻨﻲ
ﺧﻠﻲ ﻳﻜﻮﻥ ﻋﻨﺪﺝ ﻋﻠﻢ ﺩﻭﺍﻡ ﺑﻌﺪ ﻣﺎﻛﻮ ﻭﺍﻱ ﻭﺍﺣﺪ ﻳﺠﻲ
ﻳﺨﻄﺒﺞ ﺍﻟﻪ ﺍﺯﻭﺟﺠﻴﺎ .
ﺍﺧﺬ ﺍﻟﺘﻠﻴﻔﻮﻥ ﻭﻃﻠﻊ .
ﺣﻠﻢ ﺍﺑﻠﻴﺲ ﺑﺎﻟﺠﻨﻪ ﺍﺗﺰﻭﺝ ﺍﻱ ﻭﺍﺣﺪ ﺑﻌﺪﻩ ﻣﺎﺟﺎﺑﺘﻪ ﺍﻣﻪ ﺍﻟﻲ ﻳﺘﺰﻭﺟﻨﻲ ﻏﺼﺐ ﺍﻟﻪ ﺍﺫﺑﺤﻪ ﺑﺎﻟﺴﭽﻴﻦ .
ﻋﺎﺩ ﻓﺪ ﻣﻨﺪﻟﻪ ﺍﻟﺘﻠﻴﻔﻮﻥ ﺍﺧﺬﻩ ﻭﺷﻨﻮ ﻳﻌﻨﻲ .
ﺩﺧﻠﺖ ﺑﻴﺒﻴﺘﻲ .
ﺑﺎﻭﻋﺘﻠﻬﺎ ﺩﺭﺕ ﻭﺟﻬﻲ ﮔﻠﺖ ﺍﻭﻭﻭ ﻃﺒﺖ ﺍﻟﺴﻠﻌﻪ .
ﺑﻴﺒﻲ : ﻭﻟﺞ ﻣﻮ ﻋﻴﺐ ﺍﻟﺴﻮﻳﺘﻲ ﻛﺪﺍﻡ ﻋﻤﺞ ﻭﻋﻤﺘﺞ ﺧﻠﻲ ﻋﻨﺪﺝ ﺣﻴﺎ ﺷﻮﻳﻪ ﺷﻴﮕﻮﻟﻮﻥ ﻋﻠﻴﺞ ﻫﺴﻪ ؟ !
: ﺣﺠﺖ ﺣﻨﺎﻥ ﺍﻟﻔﺘﻼﻭﻱ ﻭﺍﻟﻠﻪ ﻳﺎﺯﻛﻴﻪ ﻫﻢ ﻣﻦ ﻳﻮﻡ ﻳﻮﻣﻬﻢ ﮔﺎﻳﻠﻴﻦ ﻋﻨﻲ ﻛﻞ ﺷﻲ ﻭﺑﻌﺪﻳﻦ ﺍﻧﻪ ﺷﺴﻮﻳﺖ ﺷﺎﺩﺓ ﺍﻟﻮﺻﻠﻪ ﻭﻫﺎﺯﻩ ﻛﺪﺍﻣﻬﻢ ﺧﻮ ﻣﺎﻫﺎﺯﻩ ﻛﺪﺍﻣﻬﻢ .
: ﺍﺣﺴﻦ ﺑﻄﻠﻮﺝ ﻣﻦ ﺍﻟﺪﻭﺍﻡ .
: ﺧﻠﻲ ﻳﺒﻄﻠﻮﻧﻲ ﺍﻟﻤﻬﻢ ﻭﻛﻔﺖ ﺑﻮﺟﻪ ﻇﻠﻤﻬﻢ
ﻭﻻ ﺍﺻﻴﺮ ﺷﻴﻄﺎﻥ ﺍﺧﺮﺱ .
ﻫﺰﺕ ﺍﻳﺪﻫﺎ ﻏﻤﺘﻨﻲ ﻭﻃﻠﻌﺖ
ﮔﺘﻠﻬﺎ ﺍﺷﻜﺮﻧﺞ ﺑﻴﺒﻲ .
ﺑﻘﻴﺖ ﺑﺎﻟﻐﺮﻓﻪ ﻟﺤﺪ ﻣﺎﺍ ﺍﺟﻦ ﺻﻔﺎ ﻭﺭﻗﻴﺔ
ﺍﺑﺎﻭﻋﻠﻬﺎ ﺑﻘﻬﺮ ﻧﺰﻋﺖ ﺍﻟﺒﺪﻟﻪ ﻭﻟﺒﺴﺖ ﺩﺷﺪﺍﺷﺔ ﻭﺷﻜﻠﺘﻬﺎ ﻭﺭﺍﺣﺖ ﺗﻌﺰﻝ ﺍﻟﺒﻴﺖ .
ﺣﻀﻨﺖ ﺭﺟﻠﻴﻪ ﻭﺑﻌﺪ ﻣﺎﻋﻨﺪﻱ ﺩﻣﻊ ﺍﺑﺠﻲ ﻋﻠﻴﻬﺎﺍ .
ﺍﺟﺖ ﻳﻤﻲ ﺻﻔﺎ
: ﺷﻨﻮ ﺍﻻﺧﺒﺎﺭ ﺳﻤﻴﻪ ﺧﻮ ﻣﺎﺣﺠﻮﺍ ﻋﻠﻴﺞ؟
-: ﺧﺬﻭﺍ ﺗﻠﻴﻔﻮﻧﻲ ﻭﺑﻄﻠﻮﻧﻲ ﻣﻦ ﺍﻟﺪﻭﺍﻡ
.
ﻳﺎﺻﺨﺎﻡ ﺻﺪﻙ ﺗﺤﺠﻴﻦ؟ !
-: ﻋﺪﻟﺖ ﻛﻌﺪﺗﻲ ﮔﺘﻠﻬﺎ ﻋﻮﻓﺞ ﻣﻨﻲ ﺷﻠﻮﻧﻪ ﻫﺬﺍ ﻣﻨﺎﺿﻞ ﻣﺪﺭﻱ ﻣﻜﺎﻓﺢ ﻣﻜﺎﻓﺢ ﺍﻟﺤﺸﺮﺍﺕ .
-: ﻫﻬﻬﻪ ﺣﺘﻰ ﻭﺍﻧﺖ ﺿﺎﻳﺠﻪ ﺗﺤﺸﺸﻴﻦ
-: ﺷﺴﻮﻱ ﺍﻭﻧﺲ ﻧﻔﺴﻲ ﺍﺣﺸﺶ ﻭﺍﻟﻠﻪ ﻛﺮﻳﻢ .
-: ﺗﺮﻩ ﻣﻨﺎﺿﻞ ﺣﻠﻴﻮ ﺍﺳﻤﺮﺍﻧﻲ ﻃﻮﻳﻞ ﻛﻞ ﺷﻲ ﺑﻲ ﻃﻮﻳﻞ .
-: ﻋﺎﺑﺘﻠﻪ
-: ﺷﺒﻊ ﺭﻗﻴﻪ ﺑﻮﺱ ﻫﻬﻬﻬﻪ ﺩﺍﺧﻞ ﺣﺎﻣﻲ .
-: ﻻﻳﺎﺍﺩﺏ ﺳﺰ ﻳﺎﻃﺎﻳﺢ ﺍﻟﺤﻆ ﺷﻌﺪﻩ ﻳﺒﻮﺳﻬﺎ .
-: ﺍﻱ ﻣﻦ ﻟﺒﺴﻬﺎ ﺍﻟﺤﻠﻘﻪ ﻭﺍﻟﮕﻼﺩﻩ ﺑﺲ ﻛﻞ ﻣﻜﺎﻥ ﻳﺒﻮﺳﻬﺎ
-: ﺍﻳﺎ ﺣﻘﻴﺮ ﻣﻤﺮﺗﺎﺣﻪ ﺍﻟﻪ ﻣﺎﻛﺘﻠﺞ ﺷﻨﻮ ﺳﻤﻌﺖ ﺍﻟﻨﺴﻮﺍﻥ ﻳﻜﻮﻟﻦ .
-: ﺷﻜﺎﻟﻦ ﻭﻟﺞ .
-: ﻭﺍﻟﻠﻪ ﺳﻤﻌﺖ ﺑﻬﻲ ﺍﺫﻧﻲ ﻳﻜﻮﻟﻦ ﻳﺮﻳﺪ ﻳﻜﺴﺮ ﺧﺸﻢ ﻣﺮﺗﻪ ﺑﻬﻲ ﺍﻟﺨﻄﻮﺑﻪ ﻻﻥ ﻣﻌﺎﻧﺪﺓ ﻣﺎﺗﺮﺿﻪ ﺗﺮﺟﻊ .
-: ﺍﻧﺖ ﻟﻴﺶ ﺗﺼﺪﮔﻴﻦ ﺣﺠﻲ ﺍﻟﻨﺴﻮﺍﻥ .
-: ﺍﻧﻪ ﻣﺎﻣﺼﺪﮔﺘﻬﻦ ﻣﺼﺪﮔﻪ ﺍﺣﺴﺎﺳﻲ ﺍﻧﻄﻴﻨﻲ ﺗﻠﻴﻔﻮﻧﺞ ﺍﻛﻠﻢ ﺯﻳﻨﺐ .
-: ﻫﺎﺝ .
ﺧﺎﺑﺮﺗﻬﺎ ﻭﺣﺠﻴﺘﻠﻬﺎ ﻛﻠﺘﻠﻲ ﺍﻧﺘﻢ ﻃﻮﻝ ﻋﻤﺮﻛﻢ ﻣﺜﻞ ﺑﻨﺎﺗﻲ ﻭﺍﻧﻪ ﺿﺎﻣﻨﺘﻪ ﻣﻨﺎﺿﻞ ﻻﺗﺨﺎﻓﻴﻦ ﻋﻠﻰ ﺭﻗﻴﺔ .
ﺳﺪﻳﺘﻪ ﻣﻨﻬﺎ ﺑﺲ ﺑﻌﺪﻧﻲ ﻣﺎﻣﻄﻤﺌﻨﻪ .
ﻃﻠﻌﻨﺎ ﻣﻦ ﺍﻟﻐﺮﻓﻪ ﻭﺭﺣﻨﻪ ﻟﻠﻬﻮﻝ
ﺑﺲ ﺑﻴﺒﻴﺘﻲ ﻛﺎﻋﺪﺓ ﻭﺣﺪﻩ ﺗﺘﻔﺮﺝ ﻋﻠﻰ ﺍﻟﺘﻠﻔﺰﻳﻮﻥ
ﻣﺨﻠﻴﻪ ﻣﻘﻴﺪﺓ ﺍﻳﺪ ﺑﺎﻳﺪ ﻓﻮﻃﺘﻬﺎ ﺍﻟﺴﻮﺩﻩ ﻭﺩﺷﺪﺍﺷﺘﻬﺎ ﺍﻟﻨﻴﻠﻴﻪ ﺍﻟﻤﻌﺘﺎﺩﺓ .
ﺍﻟﻬﻮﻝ ﻣﮕﻠﻮﺏ ﻓﻮﻙ ﻭﺟﻮﻩ
ﻃﺸﺎﺭ ﺍﻟﻮﺭﺩ ﻭﺧﻄﻮﻁ ﺍﻟﺠﻜﻠﻴﺖ ﻭﺍﻏﻠﻔﺔ ﺍﻟﻌﺼﻴﺮ ﺑﻜﻞ ﻣﻜﺎﻥ
ﺭﻗﻴﻪ ﺟﺎﻱ ﺗﻨﻀﻒ ﺍﻟﺪﻳﻮﺍﻧﻴﻪ .
ﻭﻛﻞ ﺷﻮﻳﻪ ﺍﻃﻜﻬﺎ ﺻﻔﻨﻪ ﻭﻫﻲ ﻻﺯﻣﻪ ﺍﻟﻤﺎﺳﺤﻪ ﺷﻜﻠﻬﺎ ﻳﻀﺤﻚ .
ﺑﺎﻭﻋﺖ ﻟﻠﻄﺒﻠﺔ ﺍﻟﻜﻴﻜﻪ ﻣﺄﻛﻮﻭﻟﺔ ﻛﻠﻬﺎ ﻣﺎﻣﺒﻘﻴﺎﺕ ﺷﺊ ﻣﺒﻘﻴﺎﺕ ﺑﺲ،ﺣﺮﻑ ﺍﻟﻤﻴﻢ ﻣﻦ ﺍﺳﻢ ﻣﻨﺎﺿﻞ ﺍﻣﺎ ﺑﺎﻗﻲ ﺍﻻﺣﺮﻑ ﻣﺎﻛﻠﻴﻬﺎ ﻛﻠﻬﺎ ﻭﺍﻟﻠﻪ ﻣﻦ ﻗﻬﺮﻱ ﺍﺟﻴﺖ ﺍﻏﻢ ﺣﺮﻑ ﺍﺳﻤﻪ ﺑﺲ ﺍﺳﺘﻐﻔﺮﺕ ﺭﺑﻲ ﺣﺮﺍﻡ
ﺻﻔﺎ -: ﻫﺎﻱ ﺷﻨﻮ ﻳﻌﻨﻲ ﺣﺘﻰ ﻗﻄﻌﺔ ﻛﻴﻚ ﻣﺎﺧﻠﻴﺘﻮﻟﻨﻪ .
ﺳﻤﻴﻪ : - ﻫﺬﺍ ﺍﻛﻴﺪ ﻋﻤﺞ ﺳﻠﻴﻤﺎﻥ ﺍﻛﻠﻬﺎ ﻛﻠﻬﺎ ﺍﺩﺭﻱ ﺑﻲ ﺍﺑﻮ ﺑﻠﻌﺔ .
ﺑﻴﺒﻲ : - ﻭﺷﺒﻲ ﺳﻠﻴﻤﺎﻥ ﻣﺎﺷﺎﻳﻒ ﺍﻛﻞ ﻭﻳﺎﺍﻛﻞ ﺍﻟﻜﻴﻜﺔ ﻛﻠﻬﺎ .
ﺳﻤﻴﻪ : - ﻫﺎﺍﺍﺍ ﺯﻛﻴﺔ ﺍﻋﺘﺮﻓﻲ ﻛﻀﻴﺘﺞ ﺍﻛﻴﺪ ﺍﻧﺖ ﺍﻛﻠﺘﻴﻬﺎ ﺍﻋﺘﺮﻓﻲ ﻻﺗﺴﺘﺤﻴﻦ ﺍﻋﺘﺮﻓﻲ ﻟﻮﻭﻭﻭ ﺍﮔﻠﺞ ﮔﻮﻭﻣﻲ ﺧﻠﻲ ﺍﻗﻴﺴﻠﺞ ﺍﻟﺴﻜﺮ ﺍﺫﺍ ﺻﺎﻋﺪ ﻣﻌﻨﺎﻫﻪ ﺍﻧﺖ ﺍﻟﻲ ﺍﻛﻠﺘﻴﻬﺎ .
-: ﻭﻫﻢ ﺗﺼﻨﻔﻴﻦ ﻟﻮ ﻏﻴﺮﺝ ﻭﺣﺪﻩ ﺟﺎﻥ ﮔﻀﺘﻬﺎ ﺍﺑﺎﭼﻲ .
-: ﺷﺘﺮﺩﻳﻦ ﻣﻨﻲ ﺣﺘﻰ ﺍﻟﻀﺤﻚ ﻭﺍﻟﺘﺤﺸﻴﺶ ﻫﻢ ﺗﺮﺩﻭﻥ ﺗﺤﺮﻣﻮﻧﻲ ﻣﻨﻪ ﺍﻟﻤﻬﻢ ﻣﺎﻋﻠﻴﻪ ﺍﻧﻪ ﺍﺭﻳﺪ ﻛﻴﻜﺔ ﻫﺴﻪ ﺗﺠﻴﺒﻮﻟﻲ ﻛﻴﻜﺔ .
ﺍﺑﺎﻭﻉ ﻟﺼﻔﺎ ﺟﺎﻧﺖ ﺗﺮﺍﺳﻞ ﺑﺘﻠﻴﻔﻮﻧﻬﺎ
ﻏﻤﺰﺗﻠﻲ ﻭﺍﺷﺮﺗﻠﻲ ﻓﻬﻤﺖ ﺗﺮﻳﺪ ﺍﺭﻭﺡ ﻭﺭﺍﻫﺎ
ﺩﺧﻠﻨﻪ ﻟﻠﻤﻤﺮ
-: ﻫﺬﺍ ﺭﺿﻮﺍﻥ ﻳﺮﻳﺪ ﻳﺤﺠﻲ ﻭﻳﺎﺝ .
ﺧﻤﺸﺖ ﺍﻟﺘﻠﻴﻔﻮﻥ ﻣﻨﻬﺎ ﮔﺘﻠﻬﺎ ﺟﻴﺒﻲ ﺍﻟﻠﻪ ﺟﺎﺑﻪ ﻫﺬﺍ
ﺧﻠﻲ ﺍﻓﺸﺶ ﺧﻠﮕﻲ ﺑﻲ .
ﺩﺧﻠﺖ ﻟﻠﻐﺮﻓﻪ ﻛﻌﺪﺕ ﻋﻠﻰ ﺍﻟﺴﺮﻳﺮ ﻭﺻﻔﺎ ﺑﺼﻔﻲ .
.
ﻛﺘﺒﺖ : - ﻫﺎﺍ ﺭﺿﻮﺍﻥ ﺍﻓﻨﺪﻱ ﺍﺭﺗﺎﺣﻴﻴﺖ ﻫﺴﻪ ﺍﺭﺗﺎﺣﻴﺖ ﻣﻦ ﺍﻧﻀﺮﺑﺖ ﺑﺴﺒﺒﻚ ﻭﺗﺮﺯﻟﺖ ﺑﺴﺒﺒﻚ ﻫﻤﻴﻦ ﺑﺎﻉ ﺩﻳﺮ ﺑﺎﻟﻚ ﻣﺮﻩ ﺛﺎﻧﻴﻪ ﺗﮕﻮﻟﻲ ﺍﺭﻳﺪﺝ ﻭﻣﻦ ﻫﺎﻟﺴﻮﺍﻟﻒ ﺍﻟﺘﻌﺒﺎﻧﻪ ﺗﺮﻩ ﻭﺍﻟﻠﻪ ﺍﺳﻤﻌﻚ ﺣﭽﻲ ﻳﺠﺮﺣﻚ ﻭﻳﺄﺫﻳﻚ .
-: ﻭﺑﻌﺪ ﺷﺴﻤﻊ ﺍﻛﺜﺮ ﻣﻦ ﺍﻟﻲ ﺳﻤﻌﺘﻪ ﺳﻤﻴﻪ ﻟﻴﺶ ﺗﺨﻠﻴﻨﻲ ﺍﻧﺪﻡ ﻻﻥ ﺣﺒﻴﺘﺞ .
-: ﻳﺎﺭﻳﺖ ﺗﻨﺪﻡ ﻭﺗﻔﻜﻨﻲ .
-: ﻳﻌﻨﻲ ﺻﻮﺟﻲ ﻻﻥ ﺷﻔﺘﺞ ﺑﻬﻴﺞ ﺣﺎﻟﻪ ﻭﺭﺩﺕ ﺍﺳﺎﻋﺪﺝ ﺑﻨﻔﺴﻲ ﻻﻥ ﺧﺎﻟﻲ ﻣﺸﻐﻮﻭﻝ .
-: ﻟﻴﺶ ﻣﺎﺣﺎﻭﻟﺖ ﺗﺪﺍﻓﻌﻠﻲ ﺍﻭ ﺗﻮﮔﻔﻬﺎ ﻉ ﺍﻻﻗﻞ ﻟﻮ ﺗﺸﻔﻴﺖ ﻣﻦ ﺿﺮﺑﺘﻨﻲ ﭼﻴﻒ ﺭﻓﻀﺘﻚ .
-: ﺷﻬﺎﻻﺳﻠﻮﺏ ﻫﺬﺍ ﺳﻤﻴﻪ ﻣﺎﺗﻌﺮﻓﻴﻦ ﺗﺤﺠﻴﻦ ﺣﺠﻲ ﺑﻲ ﺧﻴﺮ ﺍﻧﻪ ﺍﺗﺸﻔﻰ ﺑﻀﺮﺑﺞ ﻻ ﺍﻧﺖ ﺻﺪﮒ ﺯﻭﺩﺗﻴﻬﺎ ﺗﺮﻩ ﺍﻟﻲ ﺻﺎﺭ ﻛﻠﻪ ﺑﺴﺮﻋﻪ ﻭﺍﻧﺖ ﻣﻦ ﻃﻠﻌﺘﻲ ﺣﺎﺟﻴﺘﻬﺎ ﻭﻫﺴﻪ ﺟﺎﻱ ﺗﺘﺼﻞ ﺑﻴﻪ ﺣﺘﻰ ﻣﺎﺟﺎﻱ ﺍﺟﺎﻭﺑﻬﺎ .
-: ﺍﻟﻤﻬﻢ ﺍﺧﻮﻙ ﺃﻣﺎﻥ ﻣﺎﻗﺼﺮ ﻫﻮﺍﻱ ﻭﮔﻔﻠﻲ ﺍﻟﻴﻮﻡ .
-: ﻣﻮ ﺃﺧﻮﻭﻱ ﻭﺛﺎﻧﻴﺎ ﺷﻨﻮ ﻋﺠﺒﺞ؟ ؟
-: ﻋﺠﺒﻨﻲ ﺗﺼﺮﻓﻪ ﻭﮔﻒ ﺑﻮﺟﻪ ﻋﻤﻲ ﺍﻟﺮﺍﺩ ﻳﻀﺮﺑﻨﻲ ﻏﻴﺮ ﻫﻴﺞ ﻻ ﻭﺍﻧﺘﻢ ﻋﺎﺋﻠﺔ ﺃﺷﻮﺍﻕ ﻛﻠﻜﻢ ﻣﺎﺗﻬﻤﻮﻧﻲ .
-: ﺳﻤﻴﻪ ﺍﺑﺘﻌﺪﻱ ﻋﻦ ﺃﻣﺎﻥ ﺧﺎﻑ ﻳﻌﺮﻑ ﺍﻧﻪ ﺍﺣﺒﺞ ﻭﻳﻨﺘﻘﻢ ﻣﻨﻲ ﻭﻳﻜﺴﺮ ﻗﻠﺒﺞ ﻭﺍﻟﻠﻪ ﺧﺎﻳﻒ ﻋﻠﻴﺞ .
-: ﺑﻌﺪﻩ ﻣﺎﺟﺎﺑﺘﻪ ﺍﻣﻪ ﺍﻟﻴﻜﺴﺮ ﻗﻠﺒﻲ ﻭﺍﻟﻠﻪ ﻣﻮ ﺍﺑﻦ ﺍﺷﻮﺍﻕ ﺍﻟﻴﻜﺴﺮﻧﻲ ﻭﺑﻌﺪﻳﻦ ﺍﻧﺖ ﻭﺍﻟﻠﻪ ﺧﺎﺑﺼﻨﻲ ﻣﺎﺗﻜﻠﻲ ﺷﺴﺎﻟﻔﻪ . ﻛﻞ ﻣﺮﻩ ﺗﻜﻠﻲ ﺍﻧﺘﻘﺎﻡ ﻭﺍﻧﺘﻘﺎﻡ . ؟ !
-: ﺑﺎﻋﻲ ﻣﻦ ﭼﻨﻪ ﺻﻐﺎﺭ ﺍﻧﻪ ﻭﺃﻣﺎﻥ ﻭﺍﺣﺪ ﻣﺎﻳﻄﻴﻖ ﺍﻟﺜﺎﻧﻲ ﺑﺤﻜﻢ ﺍﻧﻪ ﻳﺘﻴﻢ ﺍﻻﻡ ﻭﻫﻢ ﻣﺘﻮﻟﻴﻴﻦ ﻣﺴﺆﺅﻟﻴﺘﻲ
ﺟﺎﻧﻮﺍ ﻳﺨﺎﻓﻮﻥ ﻋﻠﻴﻪ ﻫﻮﺍﻳﻪ ﺍﻣﺎ ﺍﻣﺎﻥ ﺟﺎﻧﻮﺍ ﻧﺎﻃﻴﻨﻪ ﻣﻄﻠﻖ ﺍﻟﺤﺮﻳﻪ ﻳﺴﻮﻕ ﻭﻫﻮ ﻋﻤﺮﻩ ﺻﻐﻴﺮ .
ﻭﻳﻄﻠﻊ ﻭﻳﺪﺧﻞ ﺑﺮﺍﺣﺘﻪ
ﺗﻮﻟﺪﺕ ﺑﺪﺍﺧﻠﻲ ﺍﻟﻐﻴﺮﺓ ﻣﻨﻪ ﻭﻫﻲ ﺍﻟﻐﻴﺮﻩ ﺳﺒﺒﺖ ﺷﺠﺎﺭﺍﺕ ﻫﻮﺍﻳﻪ ﻧﺘﻀﺎﺭﺏ ﻟﺤﺪ ﻣﺎ ﻭﺍﺣﺪﻧﺎ ﻳﺪﻣﻢ ﺍﻟﺜﺎﻧﻲ
ﻗﺮﺭﻭﺍ ﻳﺪﺯﻭﻥ ﺍﻣﺎﻥ ﻳﻢ ﺑﻴﺖ ﻋﻤﻲ ﻭﻳﺤﺘﻔﻈﻮﻥ ﺑﻴﻪ
ﻭﻣﻦ ﺫﺍﻙ ﺍﻟﻴﻮﻡ ﺍﻟﻬﺬﺍ ﺍﻟﻴﻮﻡ ﻟﺴﺎﻧﻲ ﻣﺎﺍﺟﻪ ﻋﻠﻰ ﻟﺴﺎﻧﻪ ﻫﻮ ﺣﺲ ﺑﺎﻟﻈﻠﻢ ﻭﺍﻧﻪ ﺑﺎﻟﻨﺪﻡ ﺟﺎﻥ ﻣﺘﻌﻠﻖ ﺑﺎﺧﻮﺍﺗﻪ ﻫﻮﺍﻱ ﻭﻳﺤﺒﻬﻦ ﺣﻨﻴﻦ ﻋﻠﻴﻬﻦ ﻭﻫﻨﻪ ﻫﻢ ﻳﺤﺒﻨﻪ ﻭﺍﻧﺎ ﺻﺮﺕ ﺍﻟﺴﺒﺐ ﺑﻔﺮﺍﻗﻬﻢ .
ﺑﺎﻟﻌﻄﻠﻪ ﺟﻨﻪ ﻧﺮﻭﺡ ﻳﻤﻬﻢ ﺟﺎﻧﺖ ﺍﻛﻮ ﺑﻨﻴﻪ ﺣﺒﻴﺘﻬﺎ ﻭﺻﺮﻧﺎ ﺍﺻﺪﻗﺎﺀ ﻭﻧﺤﺠﻲ ﻭﺗﺤﻮﻟﺖ ﺍﻟﺼﺪﺍﻗﺔ ﺍﻟﻰ ﺣﺐ ﺍﻳﺎﻡ ﺍﺳﺎﺑﻴﻊ ﻭﺍﺷﻬﺮ
ﺑﺎﻟﺼﺪﻓﺔ ﺍﻛﺘﺸﻔﺖ ﻫﻴﻪ ﻧﻔﺴﻬﺎ ﺍﻟﻲ ﺟﺎﻥ ﻳﺤﺒﻬﺎ ﺍﻣﺎﻥ ﻗﺒﻠﻲ ﺑﺎﺧﺘﺼﺎﺭ ﺍﻟﺒﻨﺖ ﻛﺎﻧﺖ ﻟﻌﻮﺏ ﺗﻠﻌﺐ ﻋﻠﻰ ﺍﻟﺤﺒﻠﻴﻦ
ﻣﺴﻮﻳﻪ ﻋﻼﻗﻪ ﻭﻳﺎﻧﺎ ﺍﺣﻨﺎ ﺍﻻﺛﻨﻴﻦ ﻭﺑﺄﻥ ﻭﺍﺣﺪ ﻫﺎﻟﺸﻲ ﺯﺍﺩ ﺍﻟﻔﺠﻮﻩ ﺑﻴﻨﺎ ﻭﺭﺟﻌﻨﺎ ﺗﻌﺎﺭﻛﻨﺎ ﻫﻮ ﺍﺗﻬﻤﻨﻲ ﺑﺎﻥ ﺍﻧﻲ ﺍﺧﺬﺕ ﺣﺒﻴﺒﺘﻪ ﺑﺲ ﺍﻟﻠﻪ ﺷﺎﻫﺪ ﻣﺠﻨﺖ ﺍﻋﺮﻑ ﻣﻦ ﻭﻳﻦ ﺍﻋﺮﻑ ﻫﺎﻱ ﺣﺒﻴﺒﺘﻪ ﻭﻫﻮ ﻣﺎﻳﺤﺠﻲ ﻭﻳﺎﻱ ﻭﻫﺬﻩ ﻛﻞ ﺍﻟﻘﺼﻪ .
ﺳﻤﻴﻪ : - ﺣﺠﻴﺖ ﺑﻘﻠﺒﻲ ﺍﺛﻨﻴﻨﻜﻢ ﻃﺎﻳﺤﻴﻦ ﺣﻆ ﻣﺎﻟﮕﻴﺘﻮ ﺍﻟﻪ ﻧﻔﺲ ﺍﻟﺒﻨﺖ ﺗﺤﺒﻮﻫﺎ .
ﻣﺎﺍﺍﻫﺘﻤﻴﺖ ﺍﻟﻜﻼﻣﻪ ﻭﻻ ﻣﻔﻜﺮﺓ ﺍﺳﻮﻱ ﺍﻱ ﻋﻼﻗﺔ ﻭﻳﺎ ﺍﻣﺎﻥ .
ﺧﺘﻤﺘﻬﺎ ﻭﻳﺎ
ﺍﻧﻄﻴﺖ ﺍﻟﺘﻠﻴﻔﻮﻥ ﻟﺼﻔﺎ .
ﺻﻔﺎ : - ﻭﻟﺞ ﻫﺎﺍﺍﻱ ﺷﺴﻮﻳﺘﻲ ﺑﻲ ﻣﺮﻋﺪﺗﻴﻴﻴﻲ ﻫﻬﻬﻪ ﺧﻄﻴﻪ .
-: ﺍﺣﺴﻦ ﺣﺘﻰ ﻻﻳﺘﺄﻣﻞ ﻣﻨﻲ ﺷﻲ .
-: ﻫﻬﻬﻬﻪ ﻟﻴﺶ ﺗﺮﻩ ﺧﻮﺵ ﻭﻟﻴﺪ .
-: ﺍﻭﻭﻱ ﻭﻟﺞ ﻣﺎﺷﻔﺘﻲ ﺍﻣﻪ ﺷﻮﻥ ﺍﺗﺪﺍﻓﻌﻠﻪ
ﺍﻧﻪ ﺍﺫﺍ ﺍﺭﻳﺪ ﺍﺯﻭﺝ ﻭﺍﺣﺪ ﺍﺭﻳﺪ ﺍﺷﺎﻗﺔ ﻭﻳﺎ ﺍﺿﺮﺑﻪ ﺍﺷﮓ ﻓﺎﻧﻴﻠﺘﻪ ﻋﻠﻴﻪ ﺍﻋﻀﻪ ﺍﻛﺴﺮ ﺧﺸﻤﻪ ﺍﻃﮕﻪ ﺑﺴﭽﻴﻦ
ﺍﻧﻮﺏ ﺗﺠﻴﻨﻲ ﺍﺷﻮﺍﻕ ﻭﺍﺑﻨﻬﺎ ﺍﻟﻜﻴﻮﺕ ﻭﻣﺎﺗﺨﻠﻴﻨﻲ ﺍﻛﺘﻠﻪ ﻻ ﻋﻴﻨﻲ ﻻﺍﺍﺍﺍﺍ
.
ﻫﻬﻬﻬﻬﻬﺎﻱ ﺧﻮﺵ ﺭﻭﻣﺎﻧﺴﻴﺔ ﺍﻧﺖ ِ
ﺑﺨﺠﻞ ﻣﺼﻄﻨﻊ : - ﻻ ﺷﻤﺪﺭﻳﺞ ﺟﻮﺯ ﻫﻢ ﻧﺘﺮﻭﻣﻨﺲ ﺍﻧﻪ ﻭﻳﺎ .
-: ﻫﻬﻬﻬﻬﺎﻱ ﻫﻮ ﺷﺒﻘﻰ ﺑﻲ ﺣﺘﻰ ﻳﺘﺮﻭﻣﻨﺲ ﻭﻳﺎﺝ
ﻫﺴﻪ ﺷﻠﻮﻥ ﻭﻳﺎ ﺍﻟﺪﻭﺍﻡ ﺭﺍﺡ ﺗﺴﺘﺴﻠﻤﻴﻦ .
-: ﻫﻬﻬﻬﻪ ﻣﻨﻮ ﻳﺴﺘﺴﻠﻢ ﺍﻧﻪ ﺍﺳﻜﺘﻲ ﺟﺎﻱ ﺍﻓﻜﺮ ﺑﻔﻜﺮﺓ ﺧﻨﻔﺸﺎﺭﻳﺔ ﻭﺍﻧﻪ ﺍﻋﻠﻤﻬﻢ ﺟﺎ ﺍﻟﻠﻪ ﺍﻟﻤﻦ ﺍﻧﻄﺎﻧﻪ ﻛﻴﺪ ﻧﮕﺎﺑﻠﻪ ﻭﻧﮕﻌﺪ .
ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﺓ ﺍﺭﻳﺪ ﺍﻧﺎﻡ
ﺍﺟﻪ ﻋﻠﻰ ﺑﺎﻟﻲ ﺍﻣﺎﻥ
ﺗﻤﻨﻴﺖ ﻫﺬﺍ ﺍﻟﻤﻮﻗﻒ ﻣﻮ ﻛﺪﺍﻣﻪ
ﺑﻘﻴﺖ ﻣﺘﺴﺎﺋﻠﺔ ﺷﻨﻮ ﺳﺮ ﺍﺑﺘﺴﺎﻣﺘﻪ
ﻗﺒﻮﻝ ﺑﺘﺼﺮﻓﻲ ﻟﻮ ﺣﺴﺒﻨﻲ ﻣﺜﻞ ﺍﻣﻲ ﻭﻣﺜﻞ ﻧﻈﺮﺓ ﺍﻟﻨﺎﺱ ﺍﻟﻬﺎ .
ﻧﻤﺖ ﻭﺍﻟﺤﺴﺮﺓ ﺍﻛﻠﺖ ﻗﻠﺒﻲ ﻋﻠﻰ ﺍﺧﺘﻲ ﻭﻋﻠﻰ ﻧﻔﺴﻲ ﻭﺩﻭﺍﻣﻲ .
ﻳﻮﻡ ﺛﺎﻧﻲ ﺍﻟﺴﺒﺖ ﻭﺍﻟﺒﻌﺪﻩ ﺍﻻﺣﺪ
ﻻﺯﻡ ﺍﺷﻮﻓﻠﻲ ﻃﺮﻳﻘﺔ ﺍﺧﻠﻲ ﺍﺑﻮﻱ ﻳﻘﺒﻞ ﺍﺩﺍﻭﻡ .
ﺍﺑﺎﻭﻉ ﻟﺮﻗﻴﺔ ﺗﻤﺸﻲ ﻭﺗﺘﺼﻔﻦ
ﺣﺎﺟﻴﺖ ﺻﻔﺎ ﻭﻟﺞ ﺑﺎﻭﻋﻴﻠﻬﺎ ﺗﻤﺸﻲ ﻭﺗﺘﺼﻔﻦ ﻳﻤﻜﻦ ﺗﻔﻜﺮ ﺑﺎﻟﺒﻮﺳﺔ .
ﻫﻬﻬﻬﻬﺎﻱ ﻳﺒﻼﺝ .
: ﺍﻧﻪ ﺩﺍﺧﻠﻪ ﺑﺎﻟﻐﺮﻓﻪ ﺍﺫﺍ ﺍﺟﻪ ﺍﺑﻮﻱ ﮔﻠﻴﻠﻲ .
: ﺷﺘﺮﺩﻳﻦ ﻣﻨﻪ
: ﻣﺎﻋﻠﻴﺞ ﺳﻮﻱ ﺍﻟﻲ ﺍﮔﻠﺞ ﻋﻠﻴﻪ ...
ﺭﺣﺖ ﻟﻠﻐﺮﻓﻪ
ﻇﻠﻴﺖ ﺍﺩﺭﺱ ﻓﺮﺻﺔ ﻻﻥ ﺍﻟﻔﻮﻥ ﻣﻮﻳﻤﻲ ﻳﻠﻬﻴﻨﻲ
ﺳﻤﻌﺖ ﺻﻮﺕ ﺍﺑﻮﻱ ﺷﻤﺮﺕ ﺍﻟﻤﻠﺰﻣﺔ
ﺻﺎﺭﺕ ﺻﻔﺎ ﻣﻘﺎﺑﻴﻠﻲ ﮔﺮﺻﺘﻬﺎ
: ﻭﻟﺞ ﻟﻴﺶ ﻣﺎﻛﻠﺘﻴﻠﻲ .
: ﺍﻭﻭﻱ ﻭﻭﺟﻊ ﻭﻟﺞ ﺗﻮﻩ ﺍﺟﻪ .
ﺭﺣﺘﻠﻪ ﻟﻠﻬﻮﻝ
ﻫﻢ ﺯﻳﻦ ﺑﻴﺒﻴﺘﻲ ﻣﺎﻛﻮ ﻓﺮﺻﺔ ﺍﺣﺠﻲ ﺑﺮﺍﺣﺘﻲ .
ﺑﺎﻭﻋﺘﻠﻪ
ﮔﺘﻠﻪ ﻳﺎﺑﻪ ﺍﺭﻳﺪ ﺍﺩﺍﻭﻡ ﺑﺎﺟﺮ .
: ﺳﻜﺘﻲ ﮔﺘﻠﺞ ﻣﺎﻛﻮ ﺩﻭﺍﻡ ﺑﻌﺪ ﻣﺪﺍﻡ ﻓﺸﻠﺘﻴﻨﻲ ﮔﺪﺍﻡ ﻋﻤﺞ ﻭﻋﻤﺘﺞ .
: ﻭﺍﻟﻠﻪ ﻳﺎﺑﻪ ﺍﻧﻪ ﺑﻨﺘﻚ ﻣﻮ ﺑﻨﺖ ﺍﻟﺠﻴﺮﺍﻥ ﻭﺍﻟﻠﻪ ﻣﺎﻳﻔﻴﺪﻧﻮﻙ ﻻﺗﺤﺮﻣﻨﻲ ﻣﻦ ﺩﻭﺍﻣﻲ ﺍﻧﻪ ﻋﻨﺪﻱ ﻃﻤﻮﺡ ﺍﺭﻳﺪ ﺍﻛﻤﻞ ﺩﺭﺍﺳﺘﻲ ﺍﺗﻌﻴﻦ ﺍﻭ ﺍﺷﺘﻐﻞ ﺍﺳﺎﻋﺪﻙ ﻧﺸﺘﺮﻱ ﺑﻴﺖ
ﺟﺮﺑﺖ ﺷﻲ ﻣﺮﺓ ﺗﺪﻋﻮﻫﻢ ﺗﻜﻮﻟﻠﻬﻢ ﺍﺗﻨﺎﺯﻟﻮﻟﻲ ﻋﻦ ﺣﺼﺼﻜﻢ ﺑﻬﺬﺍ ﺍﻟﺒﻴﺖ ﺍﺷﻮ ﻫﻢ ﻣﻮ ﻗﺎﺻﺮﻳﻦ ﻛﻞ ﻭﺍﺣﺪ ﻭﻋﻨﺪﻩ ﺧﻴﺮ ﻣﻦ ﺍﻟﻠﻪ .
ﺑﺎﻭﻋﻠﻲ ﻭﺳﻜﺖ ﻭﺩﻧﮓ ﻉ ﺍﻻﻛﻞ ﻭﻇﻞ ﻳﺎﻛﻞ .
ﻛﻤﻠﺖ ﻛﻼﻣﻲ : ﻳﺎﺑﻪ ﺍﻧﺖ ﺍﻟﺴﻴﺎﺭﻩ ﻣﺎﺗﺠﻴﺐ ﺷﻲ ﻋﻔﻴﻪ ﺍﻧﻪ ﺍﺭﻳﺪ ﺍﺳﺎﻋﺪﻙ ﻻ ﺍﺭﻳﺪ ﺯﻭﺍﺝ ﻭﻻ ﺣﺘﻰ ﺍﻟﺘﻠﻴﻔﻮﻥ ﻫﻢ ﻣﺎﺍﺭﻳﺪﻩ ﺑﺲ ﻻﺗﺨﻠﻴﻬﻢ ﻳﺄﺛﺮﻭﻥ ﻋﻠﻴﻚ ﻭﻳﺨﻠﻮﻙ ﺗﺄﺫﻳﻨﺎ .
ﺑﺎﻭﻋﻠﻲ ﺑﻨﻈﺮﺓ ﺣﺎﺩﻩ ﻭﻫﻮ ﻳﺎﻛﻞ
ﮔﺎﻝ ﺭﻭﺣﻲ ﻣﻨﺎﻧﻪ ﺳﻤﻴﻪ ﻫﺴﻪ ﻻﺗﻨﻐﺼﻴﻦ ﻋﻠﻴﻪ .
ﻋﻔﺘﻪ ﻭﺭﺣﺖ ﺑﺲ ﺍﻋﺮﻑ ﻛﻼﻣﻲ ﺍﺛﺮ ﻋﻠﻴﻪ
ﻣﺎﺍﺳﺘﺴﻠﻤﺖ ﺭﺣﺖ ﺍﻗﺮﺍ ﮔﻠﺖ ﺑﺎﻟﻠﻴﻞ ﺍﺭﺟﻊ ﻫﻢ ﺍﺣﺠﻲ ﻭﻳﺎ .
ﻟﻠﻴﻞ ﻫﻮ ﺻﺎﺣﻨﻲ
ﺗﻔﺎﺟﺄﺕ ﺑﻴﺪﻩ ﺗﻠﻴﻔﻮﻧﻲ
ﺧﻼﻩ ﻉ ﺍﻟﻄﺒﻠﺔ ﮔﺎﻝ ﺍﺧﺬﻱ ﻭﺑﺎﺟﺮ ﺩﺍﻭﻣﻲ ﻓﺮﺣﺖ ﻛﻠﺶ
ﺍﺧﺬﺗﻪ ﺟﺮﻳﺖ ﺍﻳﺪﻩ ﺑﺴﺘﻬﺎ ﻣﻦ ﺍﻟﻔﺮﺣﻪ ﻣﺴﺢ ﻋﻠﻰ ﺭﺍﺳﻲ ﺑﺤﻨﻴﺔ .
ﻃﻠﻌﺖ ﻣﻦ ﺍﻟﻬﻮﻝ ﻭﺻﻠﺖ ﻟﻠﻤﻤﺮ
ﺍﺳﻤﻊ ﺑﻴﺒﻲ ﺗﮕﻠﻪ ﻫﺎﺍﺍ ﻳﻤﻪ ﺷﺼﺎﻳﺮﺭ؟
ﺃﻳﻮﺏ : - ﻳﻤﻪ ﺭﺣﺖ ﻋﻠﻰ ﺳﻠﻴﻤﺎﻥ ﺍﺧﻮﻱ ﻃﻠﺒﺖ ﻣﻨﻪ ﻳﺘﻨﺎﺯﻟﻮﻥ ﻋﻦ ﺣﺼﺼﻬﻢ ﺑﻬﺬﺍ ﺍﻟﺒﻴﺖ ﺍﻟﻲ ﻭﻛﺘﻠﻪ ﺍﺭﻳﺪ ﺍﺗﺰﻭﺝ ﺍﻧﺘﻢ ﻋﺪﻛﻢ ﺧﻴﺮ ﻣﻦ ﺍﻟﻠﻪ ﻭﺍﻧﻪ ﻣﺎﻋﻨﺪﻱ ﺑﻴﺖ ﻣﻠﻚ
ﻓﺎﺟﺌﻨﻲ ﺭﺩﻩ ﻳﮕﻠﻲ ﺍﻧﺖ ﺷﻨﻮ ﻋﻨﺪﻙ ﺑﻄﺮﻙ ﻫﺎﻟﺒﻨﺎﺕ ﺍﻟﻪ ﺍﺣﻨﻪ ﻋﺪﻧﻪ ﻭﻟﺪ ﻭﻧﺮﻳﺪ ﻧﺄﻣﻦ ﻣﺴﺘﻘﺒﻠﻬﻢ ﺍﺫﺍ ﺗﺮﻳﺪ ﻧﻨﻄﻴﻚ ﻗﻄﻌﺔ ﺍﺭﺽ ﻭﺍﻧﺖ ﺍﺑﻨﻴﻬﺎ .
ﺷﻔﺘﻲ ﻳﻤﻪ ﻳﻌﻨﻲ ﻫﻢ ﺧﻴﺮ ﻣﻦ ﺍﻟﻠﻪ ﻋﺪﻫﻢ ﺑﻴﻮﺕ ﻣﻮ ﺑﻴﺖ ﻭﺍﺣﺪ ﻣﺎﻳﻘﺒﻠﻮﻥ ﻳﺘﻨﺎﺯﻟﻮﻥ ﻋﻦ ﺣﺼﺼﻬﻢ ﺍﻟﻲ .
ﺍﻡ ﺍﻳﻮﺏ : - ﻳﻤﻪ ﻣﻴﺨﺎﻟﻒ ﺍﺧﺬ ﻗﻄﻌﺔ ﺍﻻﺭﺽ ﺷﺒﻴﻬﺎ .
-: ﺍﻧﺖ ﺷﺎﻳﻔﻪ ﺳﺎﻣﻌﻪ ﺍﻟﺒﻨﻴﺎﻥ ﺷﮕﺪ ﻳﻜﻠﻒ ﺍﻟﻤﻬﻢ ﺧﻠﻴﻬﺎ ﻳﻢ ﺭﺑﺞ ﺍﻧﻪ ﺍﺭﻭﺡ ﺍﻧﺎﻡ .
ﺳﻤﻴﻪ : - ﻟﻌﺪ ﺷﻌﺒﺎﻟﻚ ﻫﺬﻭﻝ ﻫﻤﺎ ﺍﺧﻮﺗﻚ
ﻫﺰﻳﺖ ﺍﻳﺪﻱ .
ﻳﻮﻡ ﺛﺎﻧﻲ ﻛﻌﺪﺕ ﻣﻦ ﺍﻟﺼﺒﺢ ﻭﻛﺎﻧﻪ ﺍﻟﻴﻮﻡ ﺍﻭﻝ ﻳﻮﻡ ﺭﺍﺡ ﺍﺩﺍﻭﻡ
ﻟﺒﺴﺖ ﻗﻤﻴﺺ ﺍﺑﻴﺾ ﻭﺑﻲ ﻧﻘﺸﺔ ﻧﻴﻠﻲ ﻧﺎﻋﻤﺔ ﻭﻣﺘﺒﺎﻋﺪﺓ
ﺗﻨﻮﺭﻩ ﻛﻠﺶ ﻛﻤﺮ ﻋﺮﻳﺾ ﻭﺩﺧﻠﺖ ﺍﻟﻘﻤﻴﺺ ﺑﻴﻬﺎ
ﻋﺪﻟﺖ ﻭﺟﻬﻲ ﻓﺎﻭﻧﺪﻳﺸﻦ ﻣﺴﻜﺮﻩ ﻭﺣﻤﺮﺓ ﺧﻔﻴﻔﻪ .
ﺩﺍﻭﻣﺖ ...
ﮔﺎﻋﺪﻳﻦ ﺑﺎﻟﻜﻠﻴﺔ ﺍﻧﻪ ﻭﺻﺪﻳﻘﺎﺗﻲ
ﺗﻌﺪﺍ ﻭﺍﺣﺪ ﮔﺘﻠﻬﺎ ﺑﺎﻋﻲ ﺍﻳﺜﺎﺭ ﻫﺬﺍ ﻛﺒﻞ ﻛﻢ ﻳﻮﻡ ﺗﻌﺎﺭﻛﺖ ﻭﻳﺎ ﺑﻜﺮﻭﺏ ﺍﻟﻜﻠﻴﺔ ﻉ ﺍﻟﻔﻴﺲ
-: ﻫﻬﻬﻬﺎﻱ ﺷﻔﺘﺞ ﺳﺤﻠﺘﻲ ﺳﺤﻞ ﻭﺍﻟﻠﻪ .
-: ﺍﻛﻠﺞ ﺍﺭﻳﺪ ﺗﻐﻴﺮﻳﻦ ﺍﺳﻤﻲ ﻋﻔﻴﻪ ﻛﻠﻤﺎ ﺍﺭﻳﺪ ﺍﻏﻴﺮﻩ ﻣﺎﺟﺎﻱ ﻳﺼﻴﺮ ﻭﺍﻧﻪ ﺩﺍﺋﻤﺎ ﺍﺗﻌﺎﺭﻙ ﻭﻳﺎ ﺍﻟﻮﻟﺪ ﺑﺎﻟﺘﻌﻠﻴﻘﺎﺕ ﻭﺍﻛﻴﺪ ﻣﻔﻀﻮﺡ ﺍﻣﺮﻱ ﻭﺍﺳﻤﻲ ﺑﺎﻟﻔﻴﺲ ﺳﻤﻴﺔ ﺃﻳﻮﺏ ﺧﺎﻑ ﺍﺗﻌﺮﺽ ﻟﻼﻏﺘﻴﺎﻝ .
-: ﻫﻬﻬﻬﻬﺎﻱ ﺳﺎﺣﻠﺘﻬﻢ ﺳﺤﻞ ﺍﻱ ﺗﺪﻟﻠﻠﻴﻦ ﺍﻟﻴﻮﻡ ﺩﺯﻳﻠﻲ ﺣﺴﺎﺑﺞ ﻭﺍﻏﻴﺮﻩ .
-: ﺍﻱ ﺍﺟﺖ ﺯﻳﻨﻪ ﺷﮕﺪ ﺍﺿﻮﺝ ﻣﻨﻬﺎﺍﺍ .
-: ﺳﻜﺘﻲ ﻻﺗﺴﻤﻌﺞ .
-: ﺧﻞ ﺗﺴﻤﻊ .
ﺯﻳﻨﻪ : - ﻫﻼﻭﻭﻭ ﺑﻨﻮﺗﺎﺕ .
ﺳﻤﻴﻪ : - ﺑﺪﺍ ﺍﻟﺘﻨﻌﻮﻭﺹ .
ﺯﻳﻨﻪ : - ﺳﻤﻴﻪ ﮔﻠﺘﻲ ﺷﻲ .
-: ﺍﻱ ﻋﻦ ﺍﻟﺘﻨﻌﻮﺹ ﻻ ﻃﮓ ﺩﻛﻤﺔ ﺍﻟﻘﻤﻴﺺ .
ﻛﻌﺪﺕ ﺍﻧﺰﻋﺠﺖ ﻋﺪﻟﺖ ﻧﻔﺴﻬﺎ ﻭﺍﻟﺒﻨﺎﺕ ﻳﻀﺤﻜﻦ ﻻﻥ ﻫﻲ ﺗﺎﺭﺳﻪ ﻳﻌﻨﻲ ﻭﺯﻧﻬﺎ ﺯﺍﻳﺪ ﺷﻮﻳﻪ ﺍﺑﺎﻭﻉ ﻟﻠﻘﻤﻴﺺ ﮔﻮﻩ ﻣﺴﺪﻭﺩﺍﺕ ﺍﻟﺪﮔﻢ .
ﺧﻠﺺ ﺍﻟﺪﻭﺍﻡ ﻃﻠﻌﺖ ﻳﻢ ﺑﺎﺏ ﺍﻟﻜﻠﻴﺔ ﺍﻧﺘﻈﺮ ﺍﻟﺴﺎﻳﻖ
ﻳﺠﻲ ﺍﻣﺸﻲ ﻭﺣﺪﻱ ﺑﻜﻞ ﺍﻧﻔﻪ ﻭﻭﺟﻬﻲ ﻣﺎﻳﮕﺼﻪ ﺍﻟﺴﻴﻒ ﻋﻠﻰ ﮔﻮﻟﺘﻬﻢ .
ﺑﻘﻴﺖ ﺩﻗﺎﻳﻖ ﺍﻟﺠﻮ ﺣﻠﻮ ﻭﻣﻐﻴﻢ ﻣﻦ ﺍﻟﺼﺒﺢ ﺑﻲ ﺑﺮﻭﺩﺓ ﻭﻧﺴﻤﺎﺕ ﻫﻮﺍ ﻋﻠﻴﻠﺔ .
ﺗﻨﻔﺴﺖ ﺣﺴﻴﺖ ﺑﻨﻈﺮﺍﺕ ﺍﺣﺪ ﻗﻮﻳﺔ ﻋﻠﻴﻪ
ﺍﻟﻠﺘﻔﺘﺖ ﺃﻣﺎﺍﺍﻥ
ﻭﺍﻛﻒ ﺑﺼﻒ ﺍﻣﻴﺮ ﻭﻭﻳﺎﻳﻪ ﻧﻔﺲ ﺍﻟﻜﻠﻴﺔ ﻏﻴﺮ ﻗﺴﻢ
ﻭﻭﺍﺣﺪ ﺛﺎﻟﺚ ﻭﻳﺎﻫﻢ ﻭﻳﺴﻮﻟﻔﻮﻥ ﺑﺲ ﺍﻣﺎﻥ ﻧﻈﺮﺍﺗﻪ ﻋﻠﻴﻪ .
ﺑﻠﺤﻈﺔ ﺍﻳﺪﻱ ﺭﺟﻔﺖ ﻭﻛﻠﺸﻲ ﻭﮔﻊ ﻣﻨﻬﺎ ﻋﻠﻰ ﺍﻻﺭﺽ
ﺑﻌﺪﺕ ﻧﻈﺮﺍﺗﻲ ﻣﻨﻪ ﻧﺰﻟﺖ ﻋﻠﻰ ﺍﻻﺭﺽ ﻣﺰﻋﻮﺟﻪ ﻭﻣﺴﺘﺎﺋﻪ ﺭﺍﺣﺖ ﺍﻟﻬﻴﺒﻪ ﻭﺍﻻﻧﻔﻪ ﺗﺒﺨﺮﺕ ﻭﺍﻟﺴﻴﻒ ﺍﻧﻜﺴﺮ
ﻫﻲ ﻋﻮﺩ ﺍﻧﻪ ﺍﻟﺜﮕﻴﻠﻪ ﺧﺮﺏ ﺣﻈﻲ .
ﻟﻤﻠﻤﺖ ﺍﻏﺮﺍﺿﻲ ﻣﻦ ﺍﻟﮕﺎﻉ
ﻭﺍﻧﻪ ﺍﻟﻢ ﺻﺎﺭﺕ ﺧﻄﻮﺍﺕ ﻗﺮﻳﺒﻪ ﻋﻠﻴﻪ ﺷﺨﺺ ﻭﮔﻒ ﻳﻤﻲ ﻋﻠﻴﺖ ﻧﻔﺴﻲ ﺷﻔﺘﻪ ﺍﻣﺎﻥ ﻭﺍﮔﻒ ﻳﻤﻲ ﻳﺒﺎﻭﻋﻠﻲ ﺍﺭﺗﺒﻜﺖ
ﻧﻮﺏ ﺳﻠﻢ ﻋﻠﻴﻪ ﺗﻮﺗﺮﺕ
...
.
ﺍﻭﻭﻭﻑ ﺷﺒﻴﻪ ﻣﻦ ﺍﺷﻮﻓﻚ ﺃﺫﻭﻭﺏ
ﺣﺎﻭﻟﺖ ﺃﺧﻔﻲ ﺗﻮﺗﺮﻱ
ﻭﺍﻋﺘﻘﺪ ﻧﺠﺤﺖ ﺑﺎﺧﻔﺎﺋﻪ
ﻭﺍﻛﻒ ﮔﺒﺎﻟﻲ ﻳﺒﺎﻭﻋﻠﻲ ﺑﻨﻈﺮﺍﺗﻪ ﺍﻟﻤﻌﺘﺎﺩﺓ ﺍﻟﻲ ﺩﺍﺋﻤﺎ ﺍﻛﻮﻥ ﻋﺎﺟﺰﺓ ﻋﻦ ﺗﻔﺴﻴﺮﻫﺎ .
ﺃﺗﻤﻨﻰ ﺍﺧﻠﻲ ﺍﻳﺪﻱ ﺩﺍﺧﻞ ﻗﻠﺒﻲ ﻭﺍﻫﺪﺃ ﻧﺒﻀﺎﺗﻪ ﺍﻟﻤﺘﺴﺎﺭﻋﻪ ﻭﺍﻟﻬﺎﺋﺠﺔ
ﺧﻔﺖ ﻻﻳﺤﺲ ﻋﻠﻰ ﻗﻠﺒﻲ ﻭﻫﻮ ﻣﻨﺘﻔﺾ ﺑﺸﻮﻓﺘﻪ .
ﺃﻣﺎﻥ : ﺷﻠﻮﻧﺞ ﺑﻨﺖ ﺧﺎﻟﻲ؟
ﺳﻤﻴﺔ " ﻧﻈﺮﺓ ﻋﻠﻴﻪ ﻭﻧﻈﺮﺓ ﻋﻠﻰ ﻏﻴﺮ ﻣﻜﺎﻥ ﻋﺒﺜﺎً ﺍﺣﺘﺎﺭﻳﺖ ﺍﺳﻴﻄﺮ ﻋﻠﻰ ﻗﻠﺒﻲ ﺍﻟﻬﺎﺋﺞ ﺑﻨﺒﻀﺎﺗﻪ ﻟﻮ ﻋﻠﻰ ﻧﻈﺮﺍﺕ ﻋﻴﻮﻧﻲ ﺍﻟﻲ ﻣﺎﻻﮔﻴﺔ ﺍﻟﻬﺎ ﻣﻮﻃﻦ ﻫﻮ ﻭﺍﮔﻒ ﺑﻜﻞ ﺛﺒﺎﺕ ﻭﺍﻧﺎ ﺍﻟﻬﻴﺌﺔ ﺛﺎﺑﺘﻪ ﻟﻜﻦ ﺩﺍﺧﻠﻲ ﻣﻬﺘﺰ :" ﮔﺘﻠﻪ ﺑﺨﻴﺮ ﺍﺑﻦ ﻋﻤﺘﻲ .
ﺑﻘﻠﺒﻲ : ﻭﻟﻮ ﻣﺎﺍﺗﺸﺮﻑ ﺑﻴﻬﺎ ﻋﻤﻪ !
ﺃﻣﺎﻥ : ﺍﻣﻢ ﺩﺗﻨﺘﻈﺮﻳﻦ ﺃﺣﺪ .
ﺳﻤﻴﻪ " ﺑﻘﻠﺒﻲ " ﺍﻭﻭﻱ ﻋﻴﻨﻲ ﻳﺘﺒﻐﺪﺩ ﻫﺴﻪ ﺷﮕﻠﻪ ﺟﺎﻱ ﺍﻧﺘﻈﺮ ﺣﺒﻴﺒﻲ ﺍﺷﻮﻑ ﺭﺩﺓ ﻓﻌﻠﻪ ﻻ ﻋﻴﺐ ﻣﻮ ﺍﻟﻬﺎﻟﺪﺭﺟﺔ .
: ﺧﻠﺼﺖ ﺍﺭﻳﺪ ﺍﺭﺟﻊ ﻟﻠﺒﻴﺖ .
: ﻭﺷﻮﻥ ﺗﺮﺟﻌﻴﻦ ﺍﺫﺍ ﺗﺮﺩﻳﻦ ﺍﻭﺻﻠﺞ ﻟﻠﺒﻴﺖ .
: ﺑﻘﻠﺒﻲ ﮔﻠﺖ ﺷﻌﻨﺪﻩ ﺍﺑﻮ ﺍﻟﺨﻂ ﻣﺎﻝ ﺍﻧﻲ
ﺑﻠﺴﺎﻧﻲ ﮔﺘﻠﻪ : ﻻ ﺍﻧﻪ ﻣﺄﺟﺮﺓ ﺧﻂ ﺑﺲ ﺍﻟﻴﻮﻡ ﺗﺄﺧﺮ ﺷﻮﻳﻪ ﻛﻞ ﻳﻮﻣﻴﻪ ﺍﻃﻠﻊ ﺍﺷﻮﻓﻪ ﻳﻨﺘﻈﺮﻧﻲ .
ﺑﻬﺎﻟﻠﺤﻈﺔ ﺍﺟﻪ ﺃﻣﻴﺮ : ﻫﺎﺍ ﺳﻤﻴﻪ ﻣﻮ ﮔﺎﻟﻮ ﺑﻄﻠﻮﺝ ﻣﻦ ﺍﻟﺪﻭﺍﻡ ﺷﻮ ﺟﺎﻱ ﺗﺪﺍﻭﻣﻴﻦ .
: ﺷﻤﺎﺗﺘﻚ ﻣﺮﺟﻮﻋﻪ ﻋﻠﻴﻚ ﻣﺎﻋﺎﺵ ﺍﻟﻲ ﻳﺒﻄﻠﻨﻲ ﻣﻦ ﺍﻟﺪﻭﺍﻡ .
: ﻫﻮ ﻣﻨﻮ ﺍﻟﻤﺸﻤﺖ ﺷﻜﺪ ﻧﻔﺴﻴﻪ
ﺍﻣﻴﺮ ﺿﺮﺏ ﺍﻳﺪﻩ ﻋﻠﻰ ﻛﺘﻒ ﺃﻣﺎﻥ ﺑﺸﻘﺔ ﻭﮔﺎﻝ ﻫﻬﻪ ﻭﻧﻮﺏ ﺗﺪﻋﻲ ﻋﻠﻰ ﺃﺑﻮﻫﺎ .
ﺍﻣﺎﻥ ﺍﺑﺘﺴﻢ ﺍﺑﺘﺴﺎﻣﺔ ﻣﺠﺎﻣﻠﺔ
ﺭﺩﻳﺖ : ﻻ ﻣﺎﺍﺩﻋﻲ ﻋﻠﻰ ﺍ ﺍﺑﻮﻱ ﻻﻥ ﻣﺴﺘﺤﻴﻞ ﺍﻟﺪﻡ ﻳﺼﻴﺮ ﻣﺎﻱ ﺍﻛﻮ ﻏﻴﺮﻩ ﻳﺤﺎﻭﻟﻮﻥ ﻳﺄﺫﻭﻧﻲ ﻭﺑﺄﻛﺜﺮ ﻣﻦ ﻃﺮﻳﻘﺔ .
ﺃﻣﺎﻥ ﺍﺑﺘﺴﻢ ﺍﺑﺘﺴﺎﻣﺔ ﻣﺘﻜﻠﻔﺔ ﻭﺭﻓﻊ ﺗﻚ ﺣﺎﺟﺐ
ﺑﺎﻭﻋﺘﻠﻪ ﺗﺬﻛﺮﺕ ﺍﺑﺘﺴﺎﻣﺘﻪ ﺑﺬﺍﻙ ﺍﻟﻴﻮﻡ ﺣﺴﻴﺘﻬﺎ ﺍﺑﺘﺴﺎﻣﺔ ﺧﺒﻴﺜﺔ ﮔﺘﻠﻪ .
: ﺑﻌﺼﺒﻴﻪ ... ﺍﻛﻮﻭ ﻛﻼﻡ ﻳﻌﺠﺐ ﺍﻟﻨﺎﺱ ﺗﻀﺤﻚ ﻋﻠﻴﻪ ﺍﻛﻮﻭ ﻛﻼﻡ ﻣﻴﻌﺠﺐ ﺍﻟﻨﺎﺱ ﻫﻢ ﺗﻀﺤﻚ
ﺍﻧﺖ ﻟﻴﺶ ﻫﺴﻪ ﺟﺎﻱ ﺗﻀﺤﻚ ؟
ﺍﻣﺎﻥ " ﺑﺠﺪﻳﺔ ﻭﻋﺼﺒﻴﺔ " : ﻻﻥ ﻣﺎﻋﺠﺒﻨﻲ .
ﺳﻤﻴﺔ ﺑﻘﻠﺒﻲ : ﻻﻳﻌﺠﺒﻚ ﻭﻳﻄﺒﻚ ﻃﻮﺏ ﻫﻪ .
ﮔﺘﻠﻪ ﺍﻧﻪ ﻣﺎﻳﻬﻤﻨﻲ ﺳﻮﺍﺀ ﺍﻋﺠﺐ ﺍﻟﻨﺎﺱ ﺍﻭ ﻻ ﺍﻧﻪ ﺍﺗﺼﺮﻑ ﻋﻠﻰ ﻃﺒﻴﻌﺘﻲ .
ﺑﺎﻭﻋﻠﻲ ﻭﺗﺤﺴﺮ
ﺑﺎﻭﻋﺘﻠﻲ ﻭﻧﻔﺴﻲ ﺑﺪﺍ ﻳﺼﻌﺪ ﺑﻘﻮﺓ !
ﺍﺗﻤﻨﻰ ﺍﻋﺮﻑ ﺳﺮ ﺣﺴﺮﺗﻪ .
ﺍﻣﻴﺮ : ﻳﻠﻠﻪ ﺗﺄﺧﺮﻧﺎ
ﺃﻣﺎﻥ ﺑﻬﺪﻭﺀ : ﺗﺠﻴﻦ ﻧﻮﺻﻠﺞ ﻭﻳﺎﻧﺎ ﺧﺎﻑ ﻫﺬﺍ ﺍﺑﻮ ﺍﻟﺨﻂ ﻳﺘﺄﺧﺮ ﻭﻣﺒﻴﻨﺔ ﺭﺍﺡ ﺗﻤﻄﺮ .
ﺳﻤﻴﺔ ﺑﺰﻋﻞ : ﻻ ﻣﺎﻳﻬﻢ ﺍﻧﺘﻈﺮ ﺷﻌﻨﺪﻱ .
ﻭﺩﺭﺕ ﻭﺟﻬﻲ ﻋﻠﻰ ﻏﻴﺮ ﻣﻜﺎﻥ .
ﻫﻢ ﺭﺍﺣﻮﺍ ﻭﺍﻧﻪ ﺍﻟﻠﺘﻔﺘﺖ ﻋﻠﻴﻬﻢ ﻭﻫﻢ ﻳﻤﺸﻮﻥ ﻭﻧﻈﺮﺍﺗﻲ ﻋﻠﻰ ﺃﻣﺎﻥ .
ﻓﺰﺯﻧﻲ ﺻﻮﺕ ﻫﻮﺭﻥ ﺳﻴﺎﺭﺓ ﺍﺑﻮ ﺍﻟﺨﻂ
ﻭﺻﻌﺪﺕ ﻭﻳﺎ ..
ﺭﺟﻌﺖ ﻟﻠﺒﻴﺖ ﺑﺪﺧﻠﺘﻲ ﻟﻠﻬﻮﻝ ﺷﻔﺖ ﺑﻴﺒﻴﺘﻲ ﻭﺭﻗﻴﻪ ﻛﺎﻋﺪﺍﺕ ﻭﺍﻟﺼﻮﺑﺔ ﻣﺸﺘﻐﻠﺔ
ﺳﻼﻡ ﺷﻠﻮﻧﻜﻢ ﺍﻟﻴﻮﻡ ﺑﺎﺭﺩﺓ
ﮔﻌﺪﺕ ﻳﻤﻬﻢ ﺧﻠﻴﺖ ﻛﺘﺒﻲ ﻋﻠﻰ ﺍﻟﻘﻨﻔﺔ
.
ﺑﻴﺒﻲ : ﺍﻱ ﺍﻟﻴﻮﻡ ﺑﺪﺕ ﺍﻟﭽﻠﺔ ( ﻋﺪﺓ ﺍﻳﺎﻡ ﺑﺎﺭﺩﺓ ﺣﻴﻴﻞ ) !
ﺳﻤﻴﺔ : ﺍﻧﺖ ﺷﻤﺪﺭﻳﺞ ﺑﻴﺒﻲ ﺗﺪﺭﻳﻦ ﺍﻟﻴﻮﻡ ﺷﮕﺪ ﺑﺎﻟﺸﻬﺮ . ؟ !
ﺑﻴﺒﻲ : ﺍﻧﻠﺼﻤﻲ ﺍﻧﻠﺼﻤﻲ ﺷﺒﻴﻪ ﻣﺎﻋﺮﻑ ﻣﺴﻮﻳﻪ ﺭﻭﺣﺞ ﻓﻬﻴﻤﺔ .
ﺭﻗﻴﺔ ﺗﺄﺷﺮ ﻭﺗﻀﺤﻚ ﺑﻔﺮﺡ
ﺿﺤﻜﺖ ﺍﻟﻬﺎ ﺑﺲ ﻣﺎﺍﻋﺮﻑ ﺷﻨﻮ ﺗﺤﺠﻲ
ﺑﻴﺒﻲ ﺷﺒﻴﻬﻪ ﺭﻗﻴﺔ ﺻﺎﻳﺮ ﺷﻲ؟
: ﺍﻇﻦ ﺗﮕﻠﺞ ﺍﻟﻴﻮﻡ ﺍﺟﻪ ﺍﺑﻮ ﺳﺮﻯ
: ﺍﺑﻮ ﺳﺮﻯ ﻣﻨﻮ ﻫﺬﺍ ﺑﻌﺪ؟
: ﺧﻄﻴﺒﻬﺎ ﻧﺴﻴﺖ ﺍﺳﻤﻪ ﺷﻴﮕﻠﻮﻟﻪ
ﺧﻠﺖ ﺍﻳﺪﻫﺎ ﻋﻠﻰ ﺣﻨﻜﻬﺎ ﺗﻔﻜﺮ .
: ﻫﺎﺍ ﻋﺸﺘﻮﻭ ﺍﺑﻮ ﺳﺮﻯ ﻣﻜﺎﻓﺢ ﻭﺷﻌﻨﺪﻩ ﺟﺎﻱ .
: ﮔﺎﻝ ﻷﺑﻮﺝ ﺑﺎﺟﺮ ﻳﺎﺧﺬﻫﺎ ﻳﻌﻘﺪﻭﻥ ﻣﺤﻜﻤﺔ .
: ﻭﺷﺪﻋﻮﻩ ﻣﺴﺘﻌﺠﻞ .
: ﻣﺮﺗﻪ ﻭﺑﻜﻴﻔﻪ ﺷﻌﻠﻴﺞ ﺍﻧﺖ .
: ﺗﻐﺪﻳﺘﻮﺍ؟
: ﺍﻱ ﺗﻐﺪﻳﻨﻪ
: ﺻﻔﺎ ﺍﺟﺖ؟
: ﺍﻱ ﻃﺒﺖ ﺣﺘﻰ ﻣﺎﺳﻠﻤﺖ ﻣﻄﻨﮕﺮﻩ ﺑﻮﺯﻫﺎ ﻭﺍﺻﻞ ﺷﺒﺮ .
: ﻳﻮﻭﻭ؟ ﻳﻠﻠﻪ ﺧﻠﻲ ﺍﺭﻭﺡ ﺍﺷﻮﻓﻬﺎ .
ﺍﺧﺬﺕ ﺟﻨﻄﺘﻲ ﻭﺩﺧﻠﺖ ﻟﻠﻐﺮﻓﻪ
ﺳﻤﻌﺖ ﺍﻧﻔﺎﺳﻬﺎ ﻣﻦ ﺟﻮﻩ ﺍﻟﺒﻄﺎﻧﻴﻪ ﻣﺒﻴﻨﺔ ﺟﺎﻱ ﺗﺒﺠﻲ
ﻛﺘﺮﺕ ﺍﻏﺮﺍﺿﻲ ﻋﻠﻰ ﺍﻟﻤﻴﺰ
ﻭﺭﺣﺖ ﻳﻤﻬﺎ ﻋﻠﻰ ﺍﻟﺴﺮﻳﺮ ﺭﻓﻌﺖ ﺍﻟﺒﻄﺎﻧﻴﻪ ﻭﺻﺤﺖ ﺑﻴﻬﺎ ﺷﺒﻴﻴﻴﻴﺞ؟ !
ﺑﺎﻭﻋﺘﻠﻬﺎ ﻭﺟﻬﻪ ﺍﺣﻤﺮﺭ ﻭﺍﻟﻜﺤﻞ ﺳﺎﻳﺢ ﺟﻮﻩ ﻋﻴﻨﻬﺎ ﻣﻦ ﺍﻟﺒﺠﻲ .
ﺻﻔﺎ ... ﻭﺧﺮﻱ ﻋﻨﻲ ﺳﻤﻴﻪ ﺍﺭﻳﺪ ﺍﺑﻘﻰ ﻭﺣﺪﻱ .
: ﻻ ﻣﺎﺗﺒﻘﻴﻦ ﻭﺣﺪﺝ ﮔﻮﻟﻲ ﺷﺒﻴﺞ ﻭﺷﻤﺴﻮﻳﺔ ﻣﻦ ﻣﺼﻴﺒﻪ؟
: ﺍﻧﺠﺒﻲ ﺷﮕﺎﻟﻮﻟﺞ ﻋﻨﻲ ﺍﻡ ﻣﺼﺎﻳﺐ
ﺟﺮﺕ ﺍﻟﺒﻄﺎﻧﻴﻪ ﻭﻭﺭﺟﻌﺖ ﺗﻐﻄﺖ ﻣﺮﺓ ﺛﺎﻧﻴﺔ .
ﻭﺷﻬﻘﺎﺗﻬﺎ ﻣﺴﻤﻮﻋﺔ .
ﺭﺣﺖ ﻋﻠﻰ ﺳﺮﻳﺮﻱ ﻛﻌﺪﺕ ﻭﺍﻧﺤﻨﻴﺖ ﺍﻧﺰﻉ ﺟﻮﺍﺭﻳﺒﻲ
ﺗﻜﻠﻤﺖ ﺑﺎﻧﺰﻋﺎﺝ ﻭﺍﻧﻪ ﺍﺳﻠﺖ ﺍﻟﺠﻮﺭﺍﺏ ﻣﻦ ﺭﺟﻠﻴﺔ
ﺭﺍﺡ ﺍﻣﻬﻠﺞ ﻣﺪﺓ ﻧﺺ ﺳﺎﻋﺔ ﺑﺲ ﺻﻔﺎ ﺧﺎﻧﻢ
ﺍﺑﺪﻝ ﻭﺍﻏﺴﻞ ﻭﺍﺗﻐﺪﻯ ﻣﻦ ﺍﺭﺟﻊ ﻟﻠﻐﺮﻓﺔ ﺗﺤﺠﻴﻦ ﻛﻞ ﺷﻲ ﻣﻔﻬﻮﻡ .
ﻣﺎﺭﺩﺕ ﻫﻲ ﻭﺍﻧﻪ ﺭﺣﺖ ﻟﻠﻤﻄﺒﺦ ﻛﺸﻔﺖ ﺍﻟﺠﺪﻭﺭﺓ
ﻣﺴﻮﻭﻳﻦ ﻣﺮﻛﺔ ﺷﻠﻐﻢ ﻃﻴﺒﻪ ﺑﺎﻟﺒﺮﺩ
ﺳﺨﻨﺘﻪ ﻭﺻﺒﻴﺘﻪ ﺃﻛﻠﺖ
ﻓﺘﺤﺖ ﺍﻟﺜﻼﺟﺔ ﺍﺧﺬﺕ ﺑﻄﻞ ﻣﺎﻱ ﺑﺎﺭﺩ
ﺭﺟﻌﺖ ﻟﻠﻐﺮﻓﻪ .
ﺭﻓﻌﺖ ﻋﻨﻬﺎ ﺍﻟﺒﻄﺎﻧﻴﻪ ﻛﺎﻋﺪﻩ ﺑﺲ ﻣﺎﺟﺎﻱ ﺗﺒﺠﻲ
ﻗﺮﺑﺖ ﻣﻨﻬﺎ ﺍﻟﺒﻄﻞ
ﮔﺘﻠﻬﺎ ﻟﺰﻣﻲ .
ﺷﺒﻴﺞ ﺗﺨﺒﻠﺘﻲ
ﮔﺘﻠﺞ ﻟﺰﻣﻲ
ﺑﺲ ﻟﺰﻣﺘﻪ ﺭﻓﻌﺘﻪ ﻟﻴﻔﻮﻙ
ﻫﺎﺍ ﺷﻔﺘﻲ ﺷﻠﻮﻥ ﺑﺎﺭﺩ ﻫﺴﻪ ﻛﻠﻪ ﺍﺻﺒﻪ ﻋﻠﻴﺞ ﺍﺫﺍ ﻣﺎﺗﺤﺠﻴﻦ ﺷﺒﻴﺞ .
ﺗﺤﺮﻛﺖ ﻣﻦ ﻣﻜﺎﻧﻬﺎ ﺗﺒﺎﻭﻋﻠﻲ ﻭﺑﻌﻴﻮﻧﻬﺎ ﺩﻣﻮﻉ ﻣﺘﻜﺪﺳﻪ
ﮔﻌﺪﻱ ﺍﺣﺠﻴﻠﺞ .
ﺧﻠﻴﺖ ﺍﻟﺒﻄﻞ ﻋﻠﻰ ﺟﻬﺔ ﻭﮔﻌﺪﺕ ﻳﻤﻬﺎ .
ﺍﺣﺠﻲ ﺍﺳﻤﻌﺞ ﺍﻟﻌﺎﺷﻘﺔ ﺍﻟﻮﻟﻬﺎﻧﻪ .
: ﺍﻟﻴﻮﻡ ﺷﻔﺖ ﻫﺠﺮﺍﻥ ﺑﺎﻟﻜﻠﻴﺔ ﻭﻇﻠﻴﻨﻪ ﻧﺤﺠﻲ ﻭﻣﺜﻞ ﻛﻞ ﻣﺮﺓ ﺗﺤﺠﻴﻠﻲ ﻋﻦ ﺍﺳﻼﻡ ﻭﺍﻋﺠﺎﺑﻬﺎ ﺑﻲ ﺗﮕﻮﻝ ﺭﺍﺳﻠﺘﻪ ﻗﺒﻞ ﻛﻢ ﻳﻮﻡ ﻭﺣﺎﺟﻴﻴﻦ .
: ﺍﻱ ﻭﺷﻨﻮ ﺣﺎﺟﻴﻦ؟ ﻳﻌﻨﻲ ﻣﻌﺘﺮﻓﺘﻠﺔ ﺑﺤﺒﻬﺎ ﻟﻮ ﺷﻨﻮ؟
: ﻻ ﺗﮕﻮﻝ ﺣﺠﻲ ﻋﺎﺩﻱ .
: ﻭﺍﻧﺖ ﺷﺒﻴﺞ ﻳﻌﻨﻲ ﺻﺪﻙ ﻋﺎﺩﻱ .
: ﻻ ﻣﻮ ﻋﺎﺩﻱ ﺑﺎﻟﻨﺴﺒﺔ ﺍﻟﻲ ﻫﻮ ﻳﺤﺒﻨﻲ ﻭﻫﻲ ﺗﺤﺒﻪ ﺍﻧﻪ ﺻﺎﻳﺮﺓ ﺑﻨﺼﻬﻢ ﻻﺯﻡ ﺍﺧﺼﻤﻬﺎ ﻭﻳﺎ ﺍﻛﻠﻪ ﻛﻞ ﺷﻲ ﻳﻨﺘﻬﻲ ﺑﻴﻨﺎ ﻭﺍﺣﻨﺎ ﻣﺎﻣﺘﻮﺍﻟﻤﻴﻦ .
: ﺑﺲ ﻫﻴﺞ؟
: ﺷﺘﻘﺼﺪﻳﻦ ﻳﻌﻨﻲ؟
: ﺧﺎﻑ ﺍﻛﻮ ﻭﺍﺣﺪ ﻏﻴﺮﻩ؟
: ﻣﺎﻛﻮ ﻫﻴﺞ ﺷﻲ ﺑﺲ ﺻﺪﻙ ﺗﻌﺒﺖ ﻣﻨﻪ ﻛﻠﺶ ﻣﺄﺫﻳﻨﻲ ﺻﺎﺭﻟﻪ ﺷﻜﻢ ﻳﻮﻡ ﻳﺴﻤﻌﻨﻲ ﻛﻼﻡ ﻳﺴﻤﻢ ﺍﻟﺒﺪﻥ ﻭﺳﺎﻛﺘﻪ ﺍﻟﻪ .
: ﺷﻴﺤﺠﻲ ﺑﻠﻠﻪ
.
ﻳﻘﺎﺭﻧﻲ ﻭﻱ ﺃﻣﻲ ﻛﻞ ﻋﺮﻛﺔ ﻭﺍﻟﺜﺎﻧﻴﻪ ﻳﺤﺠﻲ ﻋﻠﻴﻪ ﻭﻳﮕﻠﻲ ﺗﺮﺩﻳﻦ ﺗﺼﻴﺮﻳﻦ ﻧﺴﺨﺔ ﻣﻦ ﺍﻣﺞ ﺍﻧﻪ ﻳﻌﺠﺒﻨﻲ ﺍﻫﺘﻢ ﺑﻨﻔﺴﻲ ﻭﺍﻟﻠﺒﺲ ﻣﺜﻠﻤﺎ ﺍﺭﻳﺪ ﻣﻮ ﻗﺼﺪﻱ ﺍﺟﺬﺏ ﻧﻈﺮ ﺍﺣﺪ ﺑﺲ ﻫﺎﻟﺸﻲ ﻳﻌﺠﺒﻨﻲ ﻭﺑﺲ .
: ﺍﻧﺖ ﻧﺎﻃﻴﺘﻪ ﻣﺠﺎﻝ ﺍﻛﺜﺮ ﻣﻦ ﺍﻟﻼﺯﻡ ﺍﻭﻻ ﻣﺨﻠﻴﺘﻪ ﻳﺤﺠﻲ ﺑﻜﻴﻔﻪ ﻋﻠﻴﺞ ﻭﺛﺎﻧﻴﺎ ﺑﺘﺼﺮﻓﺎﺗﺞ ﻟﺒﺴﺞ ﻭﻣﻜﻴﺎﺟﺞ ﺍﻻﻭﻓﺮ ﻫﺬﺍ ﻛﻠﻪ ﻳﻨﻄﻲ ﺣﺠﺔ ﻳﺤﺠﻲ ﻋﻠﻴﺞ ﻭﻫﺠﺮﺍﻥ ﻣﻮ ﻓﺪ ﻣﺸﻜﻠﺔ .
: ﻻ ﻫﺠﺮﺍﻥ ﺑﺤﺪ ﺫﺍﺗﻬﺎ ﻣﺸﻜﻠﺔ ﻫﺬﺍ ﺍﻟﻤﻮﺿﻮﻉ ﻳﺄﺭﻗﻨﻲ ﻣﺎﻛﻮ ﻳﻮﻡ ﺣﺠﻴﺖ ﻭﻳﺎ ﻣﺎﺍﺟﺖ ﻋﻠﻰ ﺑﺎﻟﻲ ﻫﺠﺮﺍﻥ ﻭﺍﻋﺠﺎﺑﻬﺎ ﺑﻲ .
ﺳﻤﻴﻪ " ﺑﻘﻠﺒﻲ " ﺍﻭﻭﻑ ﻛﻮﻥ ﻫﺴﻪ ﺍﻓﺮ ﺭﺍﺱ ﺻﻔﺎ ﻓﺮ ﻭﺍﺧﻠﻴﻬﺎ ﺗﮕﻮﻝ ﻻﺳﻼﻡ ﻳﺨﻄﺒﻬﺎ ﻭﺍﻧﺘﻘﻢ ﻣﻦ ﺍﺷﻮﺍﻕ ﻭﺑﻨﺎﺗﻬﺎ ﻣﺜﻠﻤﺎ ﺩﻓﻌﺖ ﺍﺑﻮﻱ ﻋﻠﻰ ﻋﻤﻲ ﺑﺲ ﻣﺎﺍﺩﺧﻞ ﺧﻮﺍﺗﻲ ﺑﺎﻧﺘﻘﺎﻣﻲ ﻭﺍﻋﺮﻑ ﺻﻔﺎ ﻭﺍﺳﻼﻡ ﻣﺎﻣﻨﺎﺳﺒﻴﻦ ﺍﻟﺒﻌﺾ ﻭﺍﺫﺍ ﺗﺰﻭﺟﻮﺍ ﺭﺍﺡ ﻳﺼﻴﺮ ﻋﺪﻫﻢ ﻫﻮﺍﻱ ﻣﺸﺎﻛﻞ .
ﮔﺘﻠﻬﺎ ﮔﻮﻣﻲ ﺗﻐﺪﻱ ﻭﺧﻠﻴﻬﺎ ﻋﻠﻰ ﺍﻟﻠﻪ ﺑﺲ ﺍﻟﻜﺎﺗﺒﻪ ﻳﺼﻴﺮ .
ﻋﻔﺘﻬﺎ ﻭﺭﺣﺖ ﺗﻤﺪﺩﺕ ﻗﺮﻳﺖ ﺷﻮﻳﻪ ﺍﻧﻄﻴﺖ ﺣﺴﺎﺏ ﺍﻟﻔﻴﺲ ﻻﻳﺜﺎﺭ ﺗﻐﻴﺮﻟﻲ ﺍﺳﻤﻲ .
ﺗﻤﺪﺩﺕ ﺻﻔﺢ ﻭﺟﻬﻲ ﻋﻠﻰ ﺍﻟﺤﺎﻳﻂ
ﻏﻤﻀﺖ ﻭﺍﻧﺮﺳﻤﺖ ﺻﻮﺭﺓ ﺃﻣﺎﻥ ﻋﻠﻰ ﺍﺟﻔﺎﻧﻲ
ﻭﺻﺎﺭ ﻛﻼﻣﻪ ﻣﺴﻤﻮﻉ ﺑﺄﺫﻧﻲ
ﺑﺲ ﻟﻴﺶ ﻫﻴﺞ ﻳﻀﺤﻚ ﻣﺎﺍﺗﺤﻤﻠﻪ ﻣﺮﻩ ﺛﺎﻧﻴﻪ ﺍﺫﺍ ﺿﺤﻚ ﺍﻟﻪ ﺍﺭﺯﻟﻪ ﺭﺯﺍﻟﺔ ﺍﻟﻤﺎﺻﺎﻳﺮﻩ .
ﻏﻔﻴﺖ ﮔﻌﺪﺕ ﺍﻟﻐﺮﻓﻪ ﻇﻠﻤﻪ ﺻﺎﻳﺮ ﺍﻟﻤﻐﺮﺏ ﺍﺭﻳﺪ ﺍﻋﺮﻑ ﺭﻭﺣﻲ ﻣﻨﻮ ﻣﺎﺍﺩﺭﻱ ﻣﺮﺕ ﺩﻗﺎﻳﻖ ﻳﻠﻠﻪ
ﻣﺰﻋﺠﻪ ﻫﺎﻟﻨﻮﻣﻪ ﺍﻟﻤﻔﺮﻭﺽ ﺍﻧﺎﻡ ﻧﺺ ﺳﺎﻋﻪ ﺍﺷﻮ ﺟﺮﻳﺘﻬﺎ ﻓﺪ ﻧﻮﺏ ﻟﻠﻤﻐﺮﺏ .
ﻣﺪﻳﺖ ﺍﻳﺪﻱ ﺍﺧﺬﺕ ﺗﻠﻴﻔﻮﻧﻲ ﻋﻠﻰ ﺍﻟﺪﻭﻻﺏ ﺍﻟﻲ ﺑﺼﻒ ﺍﻟﺴﺮﻳﺮ .
ﺷﻔﺖ ﻣﺴﺠﺎﺕ ﻣﻦ ﺻﺪﻳﻘﺘﻲ
ﻭﻟﺞ ﺳﻤﻴﻪ ﺍﻻﺳﻢ ﻣﺎﺻﺎﺭ ﺳﻮﻳﺘﻪ ﺑﺎﻻﻧﮕﻠﻴﺰﻱ .
ﺩﺯﻳﺖ ﺍﻟﻬﺎ ﻫﺬﺍ ﻣﺜﻞ ﻭﺍﺣﺪ ﻻﺑﺪ ﻭﺭﻩ ﺍﻟﺒﺮﺩﺓ ﻭﺍﻟﺒﺮﺩﺓ ﻗﺼﻴﺮﺓ ﻭﺭﺟﻠﻴﻨﻪ ﻃﺎﻟﻌﺎﺕ ﻣﻨﻬﺎ ﻳﻌﻨﻲ ﻣﺎﺳﻮﻳﺘﻲ ﺷﻲ ﺑﺘﻐﻴﻴﺮﺝ ﻟﻬﺎﻻﺳﻢ ﻏﻴﺮﺗﻲ ﻣﻦ ﺍﻟﻌﺮﺑﻲ ﻟﻼﻧﮕﻠﻴﺰﻱ .
ﻋﻔﺖ ﺍﻟﺘﻠﻴﻔﻮﻥ ﻭﺭﺣﺖ ﺗﻮﺿﻴﺖ ﻭﺻﻠﻴﺖ
ﻛﻌﺪﺕ ﺻﻔﺎ
ﺗﻌﺸﻴﻨﻪ .
ﻭﺭﺟﻌﺖ ﻟﻠﻐﺮﻓﻪ ﺍﺗﺼﻔﺤﺖ ﻓﻴﺲ ﺷﻮﻳﻪ
ﻣﺆﻳﺪ ﺍﺑﻦ ﻋﻤﻲ ﻣﻨﺰﻝ ﻣﻨﺸﻮﺭ ﻋﻠﻰ ﺍﻟﺰﻭﺟﺔ ﺍﻟﺜﺎﻧﻴﺔ
ﺳﻮﻳﺖ ﺗﺎﻙ ﻟﺰﻭﺟﺘﻪ ﺃﻣﻞ ﻭﻋﻠﮕﻨﺎﻫﺎ ﺑﺎﻟﺘﻌﻠﻴﻘﺎﺕ
ﺿﺤﻚ ﻭﺗﺤﺸﻴﺶ ﻋﻔﺘﻬﺎ ﮔﺎﺑﻪ ﺑﻴﻨﺎﺗﻬﻢ ﺧﻠﻴﺖ ﺍﻟﺘﻠﻴﻔﻮﻥ ﺑﺼﻔﻲ ﻭﮔﻌﺪﺕ ﺍﻗﺮﺍ .
ﻗﺮﻳﺖ ﻟﺤﺪ ﺍﻟﻤﻠﻞ ﺗﻌﺒﺖ ﻭﺍﻟﻠﻪ ﺻﻌﺒﻪ ﺣﻴﻴﻞ .
ﺻﻔﺎ ﻣﻘﺎﺑﻴﻠﻲ ﺳﺎﻋﺔ ﺗﺒﺮﺩ ﺍﻇﺎﻓﺮﻫﺎ ﺳﺎﻋﻪ ﺗﺒﺪﻝ ﻭﺗﺴﻮﻱ ﻋﺮﺽ ﺍﺯﻳﺎﺀ ﺳﺎﻋﻪ ﺗﺸﻐﻞ ﺍﻏﻨﻴﺔ ﻭﺗﺮﮔﺺ ﺳﺎﻋﻪ ﺗﮕﻌﺪ ﺗﺒﺠﻲ ﺍﺭﻳﺪ ﻏﺮﻓﺔ ﻭﺣﺪﻱ ﻛﺄﺑﺘﻨﻲ ﻫﺎﻟﺒﻨﻴﻪ .
ﺭﺟﻌﺖ ﻟﺘﻠﻴﻔﻮﻧﻲ ﺳﺤﺒﺘﻪ ﻣﻦ ﻋﻠﻰ ﺍﻟﻤﻴﺰ
ﺷﻔﺖ ﺟﺎﻳﻴﻦ ﺍﺷﻌﺎﺭ ﻃﻠﺐ ﻣﺮﺍﺳﻠﺔ
ﻓﺘﺤﺘﻪ ﻭﺍﻧﺼﺪﻣﺖ ﺃﻣﺎﺍﺍﺍﺍﺍﻥ ﻳﺮﻳﺪ ﻳﺘﻮﺍﺻﻞ ﻭﻳﺎﻱ !
ﺑﻘﻴﺖ ﻻﺯﻣﺔ ﺍﻟﺘﻠﻴﻔﻮﻥ ﺑﺄﻳﺪﻱ ﻏﻤﻀﺖ ﻋﻴﻮﻧﻲ ﺟﺮﻳﺖ ﻧﻔﺲ ﺑﻘﻮﺓ ﺻﻮﺕ ﺑﺪﺍﺧﻠﻲ ﻳﮕﻮﻟﻲ ﻻﺗﻀﻌﻔﻴﻦ ﻭﺗﺮﺩﻳﻦ ﻋﻠﻴﻪ ﺍﻧﺖ ﻣﻌﺠﺒﺔ ﺑﻲ ﻭﺍﺫﺍ ﺗﻘﺮﺑﺘﻲ ﻣﻨﻪ ﺍﻛﺜﺮ ﻳﺘﺤﻮﻝ ﺍﻻﻋﺠﺎﺏ ﺍﻟﻰ ﺣﺐ ﻭﺗﺘﺄﺫﻳﻴﻴﻦ .
ﺻﻮﺕ ﺛﺎﻧﻲ ﻳﮕﻠﻲ ﻻ ﻣﻨﻮ ﻳﮕﻮﻝ ﺭﺍﺡ ﺗﺤﺒﻲ ﻣﻮ ﻳﻤﻜﻦ ﻣﻴﻌﺠﺒﺞ ﺍﻟﻲ ﻋﺠﺒﺞ ﺑﻲ ﺷﻜﻠﻪ ﻣﻨﻮ ﻳﮕﻮﻝ ﺗﻌﺠﺒﺞ ﺷﺨﺼﻴﺘﻪ ! ؟
ﺑﺪﺃ ﺻﺮﺍﻉ ﻋﻘﻴﻢ ﺑﻴﻦ ﻋﻘﻠﻲ ﻭﻗﻠﺒﻲ
ﻓﻜﺮﺕ ﺑﻜﻼﻡ ﺭﺿﻮﺍﻥ
ﺑﺲ ﻛﻼﻣﻪ ﻣﺎﻳﻬﻤﻨﻲ ﻻﻥ ﻣﺎﻳﻜﺪﺭ ﻳﻠﻌﺐ ﻋﻠﻴﻪ ﺍﻧﻪ ﺍﻣﻪ ﻣﺎﮔﺪﺭﺗﻠﻲ ﺑﻌﺪ ﻫﻮ !
ﻓﺰﺯﺗﻨﻲ ﺻﻔﺎ ﺷﺒﻴﺞ ﺻﺎﻓﻨﻪ
ﺟﺮﺕ ﺍﻟﺘﻠﻴﻔﻮﻥ ﻣﻦ ﻋﻨﺪﻱ ﻭﻱ ﻣﻨﻮ ﺗﺤﺠﻴﻦ؟
.
ﻣﺎﻋﻠﻴﺞ ﺟﻴﺒﻲ ﺍﻟﺘﻠﻴﻔﻮﻥ ﺧﻤﺸﺘﻪ ﻣﻨﻬﺎ .
ﻇﻠﺖ ﺗﺒﺎﻭﻋﻠﻲ
ﻣﺎﺍﺻﺪﻙ ﺑﺲ ﻻ ﺍﻟﻲ ﺍﺑﺎﻟﻲ
ﻭﺷﻨﻮ ﺍﺑﺎﻟﺞ ﺑﻠﻠﻪ ﺧﺎﻧﻢ ؟
ﺧﺎﻑ ﺗﺤﺒﻴﻦ ﻭﻟﺞ
ﺍﺳﻢ ﺍﻟﻠﻪ ﻋﻠﻴﻪ .
ﺍﺷﺎﻗﺔ ﻫﻬﻪ ﻣﻨﻴﻠﺞ ﻣﺸﺎﻋﺮ ﺣﺘﻰ ﺗﺤﺒﻴﻦ .
ﺟﻤﻠﺘﻬﺎ ﺃﺫﺗﻨﻲ ﻣﺎﻣﻌﻘﻮﻟﺔ ﻣﺎﻋﻨﺪﻱ ﻣﺸﺎﻋﺮ ﺍﻧﻪ ﻫﻢ ﺍﻧﺴﺎﻥ ﻛﺘﻠﻪ ﻣﻦ ﺍﻻﺣﺎﺳﻴﺲ
ﺍﻣﺎﻥ ﻋﺠﺒﻨﻲ ﻭﻣﺎﻋﺠﺒﻨﻲ ﻏﻴﺮﻩ ﻳﺎﺭﺑﻲ ﺷﺴﻮﻱ
ﻟﻴﺶ ﺍﻟﻪ ﻫﻮ
ﺍﻋﺮﻑ ﻣﺎﻳﺤﻖ ﺍﻟﻨﺎ ﻧﺮﺗﺒﻂ ﺣﺘﻰ ﻟﻮ ﻧﺤﺐ ﺑﻌﺾ
ﺣﺘﻰ ﻟﻮ ﺗﻬﺒﻂ ﺍﻟﺴﻤﺎ ﻭﺗﺮﺗﻔﻊ ﺍﻻﺭﺽ ﻣﺎﺭﺍﺡ ﻧﺮﺗﺒﻂ .
ﻣﻦ ﺟﻬﺔ ﺭﺿﻮﺍﻥ ﻭﻣﻦ ﺟﻬﻪ ﺍﺷﻮﺍﻕ ﻭﻣﻦ ﺟﻬﻪ ﺍﻣﻲ ﻭﺳﻤﻌﺘﻬﺎ ﺷﺴﻮﻱ؟
ﺭﺣﺖ ﻋﻠﻰ ﺍﻟﻤﺴﻨﺠﺮ ﻓﺘﺤﺖ ﻃﻠﺒﺎﺕ ﺍﻟﻤﺮﺍﺳﻠﻪ
ﺷﻔﺘﻪ ﻛﺎﺗﺒﻠﻲ ﺷﺎﻣﻴﻪ؟ ؟ ﻭﻋﻼﻣﺎﺕ ﺍﺳﺘﻔﻬﺎﻡ ﻫﻮﺍﻳﻪ
ﺷﻴﻘﺼﺪ
ﺩﺳﺖ ﻋﻠﻰ ﻣﻮﺍﻓﻘﺔ
ﺍﻣﺎﻥ ﻣﺜﻞ ﺳﻔﻴﻨﺔ ﻣﺜﻘﻮﺑﻪ ﻭﺧﺎﻃﺮﺕ ﺑﺎﻻﺑﺤﺎﺭ ﻭﻳﺎﻫﺎ ﻭﺍﻋﺮﻑ ﻧﺘﻴﺠﺘﻬﺎ ﺷﻨﻮ ﺍﻛﻴﺪ ﺍﻟﻐﺮﺭﺭﻕ !
ﺗﻨﻔﺴﺖ ﺷﻮﻳﻪ ﻭﺻﻔﺎ ﺗﺒﺎﻭﻋﻠﻲ ﺍﻛﻴﺪ ﻣﺒﻴﻦ ﻋﻠﻴﻪ ﺍﻟﺘﻮﺗﺮ
ﻭﺩﺧﻠﺖ ﺭﻗﻴﻪ
ﺑﺎﻭﻋﺖ ﺍﻟﻬﺎﺍ ﺍﻧﻘﻬﺮﺕ ﺧﻄﻴﻪ ﺍﻟﻤﺨﻄﻮﺑﺎﺕ ﻏﻴﺮﻫﺎ ﻋﺪﻫﻦ ﺗﻠﻴﻔﻮﻧﺎﺕ ﻭﻳﺨﺎﺑﺮﻥ ﻫﻲ ﻣﺎﺗﻜﺪﺭ .
ﺭﺟﻌﺖ ﻋﻴﻨﻲ ﻋﻠﻰ ﺍﻟﺘﻠﻴﻔﻮﻥ ﺑﻌﺪ ﻣﺎﺍﻟﻠﺘﻬﺖ ﺻﻔﺎ ﻭﻳﺎ ﺭﻗﻴﺔ ﺑﻠﻜﻲ ﺗﺨﻠﺼﻨﻲ ﻣﻦ ﻧﻈﺮﺍﺗﻬﺎ .
ﻛﺘﺒﺖ ﻷﻣﺎﻥ ﻣﺘﻮﻫﻢ ﺍﺣﻨﺎ ﻣﺎﻧﺒﻴﻊ ﺷﺎﻣﻴﺔ ﻋﻠﻰ ﺍﻳﺪﻙ ﺍﻟﻴﺴﺮﻯ ﮔﺪﺍﻡ ﻳﺒﻴﻌﻮﻥ .
ﺷﺎﻑ ﺍﻟﺮﺳﺎﻟﻪ ﻭﻇﻞ ﻳﻜﺘﺐ
ﺍﺣﺲ ﻗﻠﺒﻲ ﻭﺟﻌﻨﻲ ﺣﻴﻴﻞ ﺭﺍﺡ ﻳﺒﻴﻦ ﻋﻠﻴﻪ
ﺗﻐﻄﻴﺖ ﺑﺎﻟﺒﻄﺎﻧﻴﻪ ﻭﺍﻧﺘﻈﺮﻩ ﻳﻜﺘﺐ
ﻭﺍﺧﻴﺮﺍ ﻭﺻﻞ ﺍﻟﻤﺴﺞ ﻣﺎﻟﺘﻪ .
ﻏﻤﻀﺖ ﻋﻴﻮﻧﻲ
ﺑﻠﻌﺖ ﺭﻳﻖ ﻓﺘﺤﺘﻬﺎ ﻭﺑﺎﻭﻋﺖ ﻋﻠﻰ ﺍﻻﺣﺮﻑ ﺍﻟﻲ ﻛﺘﺒﻬﺎ
: ﻫﻬﻪ ﺍﻧﺖ ﺍﺳﻤﺞ ﺷﺎﻣﻴﺔ ﻟﻮ ﺳﻤﻴﺔ؟ !
ﺿﺤﻜﺖ ﻣﺎﺍﺩﺭﻱ ﺷﻴﻘﺼﺪ ﺑﺎﻟﺸﺎﻣﻴﺔ
ﺩﺯﻳﺘﻠﻪ ﺷﭽﻠﺒﺖ؟
: ﻣﻮ ﺟﺎﻥ ﺍﺳﻤﺞ ﺑﺎﻟﻌﺮﺑﻲ ﺳﻤﻴﺔ ﺃﻳﻮﺏ ﺍﺷﻮ ﻫﺴﻪ ﺷﺎﻣﻴﺔ ﻭﺑﺎﻻﻧﮕﻠﻴﺰﻱ؟
: ﻏﻴﺮﺗﻪ ﻟﻼﻧﮕﻠﻴﺰﻱ .
: ﺗﻐﻴﻴﺮﻱ ﺗﻜﺘﺒﻴﻦ ﺷﺎﻣﻴﻪ ﺷﻮﻥ ﻃﻠﻌﺘﻲ ﻫﻨﺪﺳﺔ .
ﺑﺎﻭﻋﺖ ﻟﻼﺳﻢ ﺍﻳﺜﺎﺭ ﻣﻦ ﻣﻐﻴﺮﻩ ﺍﻻﺳﻢ ﻛﺎﺗﺒﺘﻪ ﻫﻴﺞ
ﻋﺰﺍﺍﺍ "Sumya" ﺻﺪﻙ ﺗﻨﻘﺮﻱ ﺷﻤﻴﺔ ﻫﻬﻬﻪ ﻳﺒﻼﺝ ﻳﺎﺍﻳﺜﺎﺭ ﺭﺩﺗﻬﺎ ﺗﻐﻴﺮﻩ ﺣﺘﻰ ﻻﺍﺣﺪ ﻳﻌﺮﻓﻨﻲ .
ﺍﻧﻮﺏ ﻫﺬﺍ ﻳﻘﺼﻔﻨﻲ ... !!
ﺩﺯﻳﺘﻠﻪ ﻣﻮ ﺍﻧﻪ ﻏﻴﺮﺗﻪ ﺻﺪﻳﻘﺘﻲ .
: ﻭﻟﻴﺶ ﻣﻮ ﺍﻧﺖ ﺍﻟﻲ ﻏﻴﺮﺗﻲ ﻣﺎﻳﺼﻌﺐ ﻋﻠﻴﺞ ؟
ﺷﻮﻥ ﻟﻄﺸﺔ ﻟﻄﺶ ﻉ ﺍﻻﺳﻢ .
ﺩﺯﻳﺘﻠﻪ ﺍﻱ ﻣﺎﻳﺼﻌﺐ ﻋﻠﻴﻪ ﻭﺷﮕﺎﻟﻮﻟﻚ ﻋﻨﻲ؟
: ﻣﺎ ﮔﻠﻮﻟﻲ ﺷﻔﺖ ﺑﻌﻴﻨﻲ .
: ﺍﻟﻲ ﺍﻧﺖ ﺷﻔﺘﻪ ﻫﺬﺍ ﻗﻄﺮﺓ ﻣﻦ ﺑﺤﺮ .
: ﻭﺍﺿﺢ ﻳﻼ ﺭﻭﺣﻲ ﺗﻐﻄﻲ ﻭﻧﺎﻣﻲ ﺗﺼﺒﺤﻴﻦ ﻋﻠﻰ ﺧﻴﺮ .
: ﺍﺗﻐﻄﻰ ﻭﺍﻧﺎﻡ ؟؟ ﻟﻴﺶ ﻣﻨﻮ ﮔﻠﻚ ﺍﻧﺎﻡ ﻣﻜﺸﻔﺔ .
: ﻣﺘﻌﺠﺮﻓﺔ .
: ﺍﺫﺍ ﺍﻧﺎ ﻣﺘﻌﺠﺮﻓﺔ ﺍﻧﺖ ﺷﻨﻮﻭﻭ؟
ﺑﻘﻴﺖ ﺍﻧﺘﻈﺮ ﺭﺩﻩ ﻣﺎﺭﺩ ﻋﻠﻴﻪ
ﻻﺯﻣﻪ ﺍﻟﺘﻠﻴﻔﻮﻥ ﻭﺍﺑﺎﻭﻉ ﺑﺎﻟﺸﺎﺷﻪ ﻋﻠﻰ ﺍﻟﻤﺤﺎﺩﺛﺔ
ﻧﺸﻂ ﻭﻣﺎﺍﺍﻳﺮﺩ .
ﻟﺰﻣﺖ ﺍﻟﺘﻠﻴﻔﻮﻥ ﻭﺷﻤﺮﺗﻪ ﺷﮕﺪ ﻣﺴﺘﻔﺰ .
ﺍﻧﻪ ﺍﻟﺞ ﻳﺎﺍﻳﺜﺎﺭ ﻓﺸﻠﺘﻴﻨﻲ ﺍﻧﻪ ﺍﺗﻔﺸﻞ ﻭﺍﻃﻠﻊ ﻛﻠﺸﻲ ﻣﺎﻛﻮ ﺭﺍﺣﺖ ﺍﻟﻬﻴﺒﺔ
.
ﺻﻔﺎ ..
ﻣﻦ ﻋﺮﺱ ﻭﻋﺪ ﺍﺑﻦ ﻋﻤﻲ ﻭﺍﻧﺎ ﻭﺍﺳﻼﻡ ﻣﺸﺎﻛﻞ
ﺍﻏﻠﺐ ﺍﻻﻭﻗﺎﺕ
ﻳﺮﺍﺳﻠﻨﻲ ﻭﻣﺎﺍﺭﺩ ﻋﻠﻴﻪ ﺍﻻ ﻣﺎﻧﺪﺭ ﻭﺑﺲ ﻋﺮﻛﻪ ﻭﻛﻼﻡ ﻳﺴﻢ ﺍﻟﺒﺪﻥ ﻭﺗﻬﺪﻳﺪ ﻭﺍﺧﺬﺝ ﻏﺼﺐ ﻋﻨﺞ ﺍﻧﻬﻲ ﻋﻠﻴﺞ ﻭﺍﻛﻮﻝ ﻻﺑﻮﺝ ﻋﻠﻰ ﻟﺒﺴﺞ ﻭﻣﻜﻴﺎﺝ ﻭﺗﺎﺧﻴﺮﺝ ﺑﺎﻟﻜﻠﻴﺔ ﻭﻣﺮﺍﺕ ﺍﻧﺰﻝ ﻟﻠﺴﻮﻙ ﻭﻳﺎ ﺻﺪﻳﻘﺎﺗﻲ ﻭﻣﺎﺍﻧﺰﻝ ﻭﻳﺎ ﺍﻟﺨﻂ
ﻣﻦ ﺍﺭﺟﻊ ﻣﻦ ﺍﻟﻜﻠﻴﺔ ﻳﻮﮔﻔﻠﻲ ﺑﺎﻟﺒﺎﺏ ﻳﺮﺯﻟﻨﻲ ﺍﻋﻮﻓﻪ ﻭﺍﺩﺧﻞ .
ﺗﻌﺒﺖ ﻣﻨﻪ ﻣﻦ ﻫﺴﻪ ﻫﻴﺞ ﺣﺎﻛﻤﻨﻲ ﻣﻦ ﻧﺘﺰﻭﺝ ﺷﻠﻮﻥ
ﺑﺎﻻﺿﺎﻓﺔ ﺍﻟﻰ ﻫﺠﺮﺍﻥ ﻭﺣﺒﻬﺎ ﺍﻟﻪ ﻛﻞ ﻫﺬﺍ ﻭﺿﻊ ﺑﻴﻨﻪ ﺣﻮﺍﺟﺰ ﻛﺒﻴﺮﺓ ﻭﻣﺎﻧﺴﻰ ﺍﻣﻲ ﻭﺳﻤﻌﺘﻬﺎ ﺍﺑﺪ ﻣﺎﺭﺍﺡ ﺍﺭﺗﺎﺡ ﻭﻳﺎ .
ﺑﺲ ﺍﻛﻮ ﺷﻲ ﺑﺪﺍﺧﻠﻲ ﻳﺮﻳﺪﻩ ﻭﻳﻨﺒﺾ ﺍﻟﻪ .
ﻳﻮﻡ ﺛﺎﻧﻲ ﺟﻨﺖ ﺿﺎﻳﺠﺔ ﻛﻠﺶ ﺧﺎﺑﺮﺕ ﺍﻣﻲ ﺍﻧﻄﺘﻨﻲ ﻋﻨﻮﺍﻥ ﺍﻟﺼﺎﻟﻮﻥ ﻣﺎﻟﺘﻬﺎ .
ﻣﻦ ﻃﻠﻌﺖ ﻣﻦ ﺍﻟﻜﻠﻴﺔ ﺣﺎﺟﻴﺖ ﻓﺮﺍﺱ ﮔﺘﻠﻪ ﻭﺩﻳﻨﻲ ﻟﻬﺬﺍ ﺍﻟﻌﻨﻮﺍﻥ
ﺑﻨﻈﺮﺍﺗﻪ
ﺍﻟﺨﺠﻮﻟﺔ ﺍﻟﻲ ﻣﻠﻴﺎﻧﻪ ﺣﺐ ﮔﺎﻝ ﺗﺪﻟﻠﻴﻦ .
ﺑﻌﺪﺕ ﻋﻨﻪ ﻣﻨﻘﺮﻓﺔ ﻣﻦ ﻧﻈﺮﺍﺗﻪ ﻛﻠﺶ ﻛﺮﻫﺖ ﺍﻟﺤﺐ ﻣﻦ ﻭﺭﻩ ﺍﺳﻼﻡ .
ﻧﺰﻟﻨﻲ ﻳﻢ ﺻﺎﻟﻮﻥ ﺍﻣﻲ
ﮔﻠﻲ ﺗﺤﺒﻴﻦ ﺍﺟﻲ ﻋﻠﻴﺞ؟
ﻻ ﺗﺴﻠﻢ ﺍﻣﻲ ﺗﻮﺻﻠﻨﻲ
ﺣﺘﻰ ﻳﻜﻮﻥ ﻋﻨﺪﻩ ﻋﻠﻢ ﺍﻧﻪ ﻣﺎﺭﺍﻳﺤﻪ ﻟﻤﻜﺎﻥ ﻏﺮﻳﺐ ﻭﺍﻧﻤﺎ ﺍﻣﻲ ﻫﻨﺎﻧﻪ .
ﺩﺧﻠﺖ ﻟﻠﺼﺎﻟﻮﻥ ﺷﻔﺖ ﺍﻣﻲ
ﺣﻀﻨﺘﻬﺎ ﺑﻮﺳﺘﻨﻲ
ﻻﺑﺴﻪ ﺑﺪﻱ ﺍﺳﻮﺩ ﻭﺑﻨﻄﺮﻭﻥ ﺍﺣﻤﺮ .
ﺷﻌﺮﻫﺎ ﻟﻮﻧﻪ ﺍﺣﻤﺮ ﺑﺎﺭﻣﺘﻪ
ﻣﻜﻴﺎﺝ ﻭﺫﻫﺐ ﻣﻐﺮﮔﻬﺎ ﻋﻠﻰ ﺣﺒﺎﻳﺔ ﻭﻧﺺ ﻭﺍﻻﻛﺜﺮ ﻣﻦ ﻫﺬﺍ ﺣﺮﻳﺘﻬﺎ ﺣﺴﺪﺗﻬﺎ ﻋﻠﻰ ﺍﻟﺤﺮﻳﺔ ﺍﻟﻲ ﻫﻲ ﺑﻴﻬﺎ ﻭﻧﺴﻴﺖ ﻛﻞ ﺷﻲ !
ﺳﻠﻤﺖ ﻋﻠﻰ ﺻﺪﻳﻘﺘﻬﺎ ﺳﻌﺎﺩ
ﺳﻌﺎﺩ . ﻭﻫﻲ ﺗﺘﺄﻣﻞ ﺻﻔﺎ ﻣﻦ ﻓﻮﮒ ﻟﺠﻮﻩ . ﺍﻣﺎﻟﻴﺪ ﻫﻲ ﺑﻨﺘﺞ ﻟﺞ ﺗﺨﺒﻞ ﻳﺎﻋﻴﻨﻲ ﺷﺤﻼﺗﻬﺎ .
ﺻﻔﺎ .. ﻓﺪﻭﻩ ﻟﻌﻤﺮﺝ ﺧﺎﻟﻪ ﺗﺴﻠﻤﻴﻦ ..
ﻧﺰﻋﺖ ﺍﻟﺸﺎﻝ ﻛﻌﺪﺕ ﻋﻠﻰ ﺍﻟﻜﺮﺳﻲ .
ﻧﻀﻔﺘﻠﻲ ﻭﺟﻬﻲ ﻭﺭﺗﺒﺖ ﺣﻮﺍﺟﺒﻲ .
ﺃﻣﺎﻟﻴﺪ .. ﻟﻴﺶ ﻣﺎﺍﺩﮔﻠﺞ ﺗﺎﺗﻮ ﻟﺤﻮﺍﺟﺒﺞ .
ﺻﻔﺎ . . ﻻ ﻣﺎﺍﺭﻳﺪ ﺧﺎﻑ ﺍﺑﻮﻱ ﻳﻨﺘﺒﻪ ﺍﻧﻪ ﻣﻦ ﺍﺭﻭﺡ ﻟﻠﻜﻠﻴﻪ ﺍﺧﻄﻬﻦ ﻭﺍﺧﻠﻲ ﻣﺴﻜﺮﺓ ﺣﻮﺍﺟﺐ ﻳﺼﻴﺮﻥ ﻳﺨﺒﻠﻦ .
ﺳﻌﺎﺩ .. ﻣﻦ ﺗﺘﺰﻭﺟﻴﻦ ﺍﻥ ﺷﺎﺀﺍﻟﻠﻪ ﺗﻌﺎﻱ ﺍﻧﻪ ﺍﺩﮔﻬﻦ ﺍﻟﺞ ﺍﻧﻪ ﺍﺷﻄﺮ ﻣﻦ ﺍﻣﺞ .
ﺻﻔﺎ .. ﺍﻥ ﺷﺎﺀﺍﻟﻠﻪ
ﺃﻣﺎﻟﻴﺪ .. ﺍﻱ ﺻﺢ ﻫﻲ ﺍﺷﻄﺮ ﻣﻨﻲ .
ﺻﻔﺎ .. ﺭﻥ ﺗﻠﻴﻔﻮﻧﻲ ﺭﻗﻢ ﺳﻤﻴﻪ ﺍﻭﻭﻭ ﻫﺴﻪ ﺗﻨﻄﻴﻨﻲ ﻣﺤﺎﺿﺮﺓ ﺷﻄﻮﻟﻬﺎ ﻻﻥ ﺗﺄﺧﺮﺕ
ﺧﺎﻑ ﻣﺎﺍﺟﺎﻭﺑﻬﺎ ﻳﺰﻳﺪ ﻗﻠﻘﻬﺎ .
ﺍﺧﺬﺕ ﺗﻠﻴﻔﻮﻧﻲ ﻭﺭﺣﺖ ﻟﻠﺤﻤﺎﻡ ﺟﺎﻭﺑﺘﻬﺎ
ﻫﺎﺍ ﺳﻤﻴﻪ ﻗﺒﻞ ﻻ ﺗﻨﻄﻴﻨﻲ ﻣﺤﺎﺿﺮﺗﺞ ﺍﺣﺐ ﺍﮔﻠﺞ ﺍﻧﻪ ﻳﻢ ﺍﻣﻲ ﺑﺎﻟﺼﺎﻟﻮﻥ ﻓﺪ ﺷﻮﻳﻪ ﺍﺟﻲ
ﺳﻤﻌﺘﻬﺎ ﺻﺎﺣﺖ ﻃﺎﻳﺤﺔ ﺍﻟﺤﻆ
ﺳﺪﻳﺘﻪ ﺑﻮﺟﻬﺎ
ﺗﻨﻔﺴﺖ ﺍﻟﺼﻌﺪﺍﺀ ﻣﻠﻴﻴﻴﺖ ﻭﻳﻦ ﻣﺎﺍﺭﻭﺡ ﺣﻜﻮﻣﺔ .
ﺭﺟﻌﺖ ﻳﻢ ﺍﻣﻲ ﺳﺄﻟﺘﻨﻲ ﻫﺎﺍ ﺣﺒﻴﺒﺔ ﻣﻨﻮ ﺧﺎﺑﺮﺝ ﻭﺗﻐﻤﺰﻟﻲ
ﺟﺎﻭﺑﺘﻬﺎ .. ﻫﺎﻱ ﺳﻤﻴﻪ ﻣﺎﻣﺎ ﻻﻳﺮﻭﺡ ﺑﺎﻟﺞ ﺑﻌﻴﺪ .
ﺍﻣﺎﻟﻴﺪ .. ﻓﺪﻳﺘﻬﺎ ﺷﻨﻮ ﺗﺮﻳﺪ؟
... ﺗﺴﺄﻝ ﻋﻨﻲ ﻻﻥ ﺗﺎﺧﺮﺕ .
... ﻓﺪﻳﺘﻬﺎ ﺍﻟﻤﺎﺧﺬﻩ ﻣﻜﺎﻧﻲ
... ﻋﻠﻮﺍﻩ ﻋﻠﻴﺞ ﻣﺎﻣﺎ .
ﺍﻧﻪ ﺗﺄﺧﺮﺕ ﻻﺯﻡ ﺍﺭﻭﺡ ﺻﺪﮒ ﺍﻧﺖ ﻣﻮ ﮔﻠﺘﻲ ﺧﺎﻟﻲ ﻳﺤﺎﺟﻲ ﺍﺑﻮﻱ ﻳﺨﻠﻴﻨﻪ ﻧﺸﻮﻑ ﺑﻌﺾ .
: ﺟﺎ ﻏﻴﺮ ﻣﺎﻗﺒﻞ ﻭﮔﺎﻝ ﻣﺎﺍﺭﻳﺪ ﻣﺸﺎﻛﻞ ﺧﺎﺻﺔ ﺑﻌﺪ ﺍﻟﻲ ﺻﺎﺭ ﺑﺤﻔﻠﺔ ﺭﻗﻴﺔ .
ﺑﺼﻔﺎ ﺑﺰﻋﻞ .. ﺍﻫﺎﺍﺍ
: ﺣﻀﻨﺘﻬﺎ ﻭﺑﺎﺳﺘﻬﺎ ﻭﺑﺎﻋﺪﺕ ﺷﻌﺮﻫﺎ .. ﻻﺗﺰﻋﻠﻴﻦ ﺣﺒﻴﺒﺔ ﺍﻟﻪ ﻧﻠﮕﻲ ﺣﻞ ﻧﺘﻮﺍﺻﻞ ﻋﻠﻰ ﻃﻮﻭﻝ .
ﺳﻌﺎﺩ .. ﻭﺭﺛﺖ ﺟﻜﺎﺭﻩ ﻭﺣﻄﺖ ﺭﺟﻞ ﻋﻠﻰ ﺭﺟﻞ
ﻳﻤﻌﻮﺩﻩ ﺍﺧﺬﻳﻬﻦ ﻭﺷﻠﻌﻲ ﺑﻴﻬﻦ ﺷﺒﻴﺞ ﺍﻧﺖ ﺧﻄﻴﻪ ﻣﺒﻴﻨﻪ ﺍﻟﺒﻨﻴﻪ ﺫﺑﻼﻧﻪ ﻭﺷﺼﺎﻳﺮ ﺑﻴﻬﺎ ﻳﻤﻜﻦ ﺷﺎﺑﻌﻪ ﻇﻴﻢ ﻋﻨﺪ ﺍﺑﻮﻫﺎ .
ﺍﻣﺎﻟﻴﺪ .. ﺍﻱ ﺍﺧﺬﻫﻦ ﻟﻴﺶ ﻻ ﻭﺍﻟﻠﻪ ﺃﻃﻠﻊ ﺑﻴﻬﻦ ﻟﻠﺨﺎﺭﺝ .
ﺻﻔﺎ .. ﻣﺎﻣﺎ ﺗﺄﺧﺮﺕ ﻻﺯﻡ ﺍﺭﻭﺡ ﺗﻮﺻﻠﻴﻨﻲ .
ﺍﻣﺎﻟﻴﺪ .. ﻫﺴﻪ ﺍﺧﺎﺑﺮ ﻣﺮﻭﺍﻥ ﺍﺑﻦ ﺧﺎﻟﺞ ﺍﺧﻠﻲ ﻳﻮﺻﻠﺞ .
ﺳﻌﺎﺩ .. ﺗﻌﺎﻱ ﺍﻣﻜﻴﺠﺞ ﺍﺳﻮﻳﺞ ﻋﺮﻭﺱ ﻗﺒﻞ ﻻﺗﻄﻠﻌﻴﻦ
ﺻﻔﺎ .. ﻣﻜﻴﺠﺘﻨﻲ ﻛﻠﺶ ﺣﻠﻮ ﺷﻐﻠﻬﺎ ﻃﻠﻌﺖ ﻣﻦ ﻳﻤﻬﻢ ﺻﻌﺪﺕ ﻭﻱ ﻣﺮﻭﺍﻥ ﻭﺻﻠﻨﻲ ﻟﻠﺒﻴﺖ ﺻﺎﻳﺮ ﺍﻟﻤﻐﺮﺏ ﻧﺰﻟﻨﻲ ﺳﻠﻤﺖ ﻋﻠﻴﻪ ﻭﺭﺍﺡ .
ﺍﺭﻳﺪ ﺍﺩﺧﻞ ﻟﺒﻴﺘﻨﻪ ﺗﻔﺎﺟﺄﺕ ﺑﺼﻮﺕ ﺍﺳﻼﻡ
: ﻫﺬﺍ ﻣﻨﻮ ﻭﻟﺞ ﺍﻟﺼﺎﻋﺪﺓ ﺑﺼﻔﻪ ﻭﻫﻢ ﺟﺎﻳﻪ ﺍﻟﻤﻐﺮﺏ ﻭﺷﻬﺎﻟﻤﻜﻴﺎﺝ ﺷﻬﺎﻟﻠﺒﺲ ﺍﻧﺖ ﻣﺎﺗﺴﺘﺤﻴﻦ ! ؟
: ﺍﻧﺖ ﻣﺎﻋﻠﻴﻚ ﺍﻓﺘﻬﻤﺖ ﻭﻭﻟﻲ ﻣﻦ ﻭﺟﻬﻲ ﺧﻠﻴﻨﻲ ﺍﺩﺧﻞ .
: ﻣﻨﻮﻭﻭ ﻳﻮﻟﻲ ﺍﺩﺑﺴﺰ ﺍﻧﻪ ﺍﻋﻠﻤﺞ ﺗﻌﺎﺍﺍﺍﺍﻱ .
ﺳﺤﺒﻨﻲ ﻣﻦ ﺍﻳﺪﻱ ﺑﻌﻨﻒ ﻓﺘﺢ ﺑﺎﺏ ﺑﻴﺘﻬﻢ ﻭﺩﺧﻠﻨﻲ .
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق