رواية حكاية سمر ج2 الجزء الحادي عشر
للكاتبة زينب ماجد
🌿🌿🌿🌿🌿
ﻛﻌﺪ ﺍﺭﻛﺎﻥ ﺧﻄﻴﻪ ﻭ ﻫﻮﻩ ﻳﺴﻮﻟﻔﻠﻲ ﻋﻠﻰ ﺷﻐﻠﻪ ﻭﺑﻌﺜﺎﺕ ﻣﻦ ﺍﻟﺤﻮﺯﻩ ﺑﺎﻟﻨﺠﻒ ﻭﻫﻴﺞ ﺩﻧﺴﻮﻟﻒ ﻭﺍﻧﻲ ﻛﺎﻋﺪﻩ ﻛﺒﺎﻟﻪ ...
ﻃﺒﺖ ﻣﺮﺗﻪ ﻭﺷﺎﻓﺘﻨﻪ ﻛﺎﻋﺪﻳﻦ ﺳﻮﻩ ﻳﺒﻮﻭﻭﻭ ﻫﻬﻬﻪ . ﺷﺮﺍﺡ ﻳﺨﻠﺼﻨﻪ .. ﺗﺨﺼﺮﺕ ﻛﺒﺎﻟﻨﻪ ﻭﻛﺎﻟﺖ ﻫﺎﺍﺍﺍ ﺷﺠﺎﻱ ﺗﺤﺠﻮﻥ ..
ﻫﻮﻩ ﻭﻻ ﻛﺄﻧﻮ ﻃﺒﺖ ﺍﺑﺪ ﻣﻨﺘﺒﻬﻠﻬﺎ ﻭﻛﻤﻞ ﺳﺎﻟﻔﺘﻪ .. ﺍﻧﻲ ﺍﺑﺘﺴﻤﺘﻠﻬﺎ ﻭﺩﺭﺕ ﻭﺟﻬﻲ ﻋﻠﻴﻪ ﻭﻫﻮﻩ ﻳﺴﻮﻟﻒ .. ﺑﺎﻭﻋﺘﻠﻲ ..
ﻭﻛﺎﻟﺖ ﺍﻛﻠﺞ ﺍﻧﺘﻲ ﻣﺎ ﺗﺴﺘﺤﻴﻦ .. ﺩﺍﺭﻟﻬﺎ ﻫﻮﻩ ﺧﺰﺭﻫﺎ ﺧﺰﺭﻩ .. ﺧﻼﻫﺎ ﺗﻄﻠﻊ ﻣﻦ ﺍﻟﻐﺮﻓﻪ ﻛﻠﻬﺎ .. ﻃﺐ ﺍﺣﻤﺪ
ﺍﻧﻲ ﻛﻤﺖ .. ﻭﻛﻌﺪﻭ ﻳﺎﻛﻠﻮﻥ .. ﺭﺣﺖ ﻟﻠﻤﻄﺒﺦ ﻟﻜﻴﺖ ﺍﻣﻲ ﻛﺎﻋﺪﻩ ﻳﻢ ﻣﺮﺕ ﺍﺭﻛﺎﻥ ﻭﻫﻴﻪ ﺗﺒﺠﻲ ..
ﺷﺎﻓﺘﻨﻲ .. ﺗﻜﻮﻟﻲ ﻋﻮﺩ ﺍﻧﺘﻲ ﺷﻨﻲ ﺍﻃﻠﻘﺘﻲ ﺣﺘﻰ ﺗﺮﺟﻌﻴﻠﻪ ﺗﺤﻠﻤﻴﻦ ﺗﺸﻮﻓﻴﻦ ﺍﺿﻔﺮﻩ
- ﺣﺘﻰ ﺿﻔﺮﻩ ﻣﺎ ﺍﺭﻳﺪﻩ ﺷﺴﻮﻱ ﺑﻴﻪ ﺧﻠﻲ ﺍﻟﺞ .. ﺻﺎﺣﺖ ﺍﻣﻲ ﺳﻤﺮﺭﺭ
ﻋﻔﺘﻬﻢ ﻭﺭﺣﺖ ﻟﻐﺮﻓﺘﻲ .. ﻧﺠﻮﻯ ﺗﺤﺠﻲ ﺑﺎﻟﻔﻮﻥ ﻭﻳﻪ ﻣﺎﺯﻥ .. ﺍﺧﺬﺕ ﺍﻟﺠﻬﺎﺯ ﻣﻨﻬﺎ .. ﻭﺣﺠﻴﺖ ﻭﻳﻪ ﻣﺎﺯﻥ
- ﺍﻛﻮﻟﻚ ﺍﺷﻮ ﺍﻧﺘﻪ ﺯﻭﺩﺗﻬﺎ .. ﻳﻌﻨﻲ ﺑﺲ ﻫﻠﻴﻮﻣﻴﻦ ﻫﻴﻪ ﻭﻳﺎﻳﻪ ﻭﺍﻧﺘﻪ ﺳﺎﻛﻦ ﺍﺫﻧﻬﺎ ﺍﺑﺎﺗﺼﺎﻻﺗﻚ ..
- ﻫﻬﻬﻊ ﺍﻱ ﺷﺴﻮﻱ ﻏﻴﺮ ﺍﺷﺘﺎﻗﻠﻬﺎ ..
- ﺍﻱ ﺍﺑﻘﻰ ﺍﺷﺘﺎﻕ ﺍﺣﺴﻦ ﻳﻠﻪ ﺑﺎﻱ .. ﻭﺳﺪﻳﺘﻪ
- ﻫﻬﻬﻬﻬﻬﻬﻬﻪ ﻟﻴﺶ ﺳﺪﻳﺘﻴﻪ
- ﺍﺧﺘﺞ ﺍﻟﺠﺒﻴﺮﻩ ﺑﻜﻴﻔﻲ 😝..
- ﺳﻤﻮﺭﻩ ﻣﺎ ﺍﻋﺮﻑ ﺷﻠﻮﻥ ﺣﻔﺎﺭﻛﺞ ..
- ﺑﺎﻉ ﺍﻟﻌﻴﺎﺭﻩ ﺻﺎﺭﻟﻬﺎ ﺳﺎﻋﻪ ﺗﺎﺭﻛﺘﻨﻲ ﻭﻻﻃﺸﻪ ﺑﻴﻪ ﻭﻫﺴﻪ ﺟﺎﻱ ﺗﺘﻠﻮﻛﻠﻲ .. ﻛﻮﻟﻲ ﺍﻧﻲ ﺷﻠﻮﻥ ﺭﺍﺡ ﺍﻓﺎﺭﻛﺞ .. ﺍﻧﺘﻲ ﺗﻜﺎﺑﻠﻴﻦ ﻣﺎﺯﻥ ﺍﻧﻲ ﺍﻛﺎﺑﻞ ﻣﻨﻮ
- ﺗﻜﺎﺑﻠﻴﻦ ﺑﻜﺮ 😉
- ﺍﺧﺬﺕ ﻧﻔﺲ .. ﺑﻜﺮ ﺍﻭﻭﻭﻑ ﺑﻜﺮ .. ﺍﺣﺴﻪ ﺍﻗﺮﺏ ﺍﻟﻴﻪ ﻣﻦ ﺩﻣﻲ .. ﻭﺍﺑﻌﺪ ﻋﻠﻴﻪ ﻣﻦ ﺣﻠﻤﻲ ..
ﻧﺠﻮﻯ ﻣﺎ ﺍﻋﺮﻑ ﺳﺎﻟﻔﺘﻲ ﻭﻳﻪ ﺑﻜﺮ ﺷﻠﻮﻥ ﺣﺘﺼﻴﺮ ..
ﻫﻮﻩ ﻳﺮﻳﺪ ﻧﺘﺰﻭﺝ ﺑﺎﻟﺴﺮ ﻭﺍﻧﻲ ﻣﺎ ﺍﻗﺘﻨﻊ ﺑﻬﺴﺎﻟﻔﻪ .. ﻣﺎ ﺍﺣﺴﻬﺎ ﺗﻠﻴﻖ ﺑﻴﻪ ﻭﺍﺳﻮﻱ ﻫﻴﺞ ﺑﺎﻫﻠﻲ ﻭﺍﺣﻄﻬﻢ ﺑﻬﻠﻤﻮﻗﻒ .
- ﻟﺤﻀﻪ ﺷﻨﻮ ﻃﻠﺒﺞ ﻟﻠﺰﻭﺍﺝ
- ﺍﻱ
- ﻭﻟﻴﺶ ﻣﻴﺘﻘﺪﻡ ﻻﺑﻮﻳﻪ ﻭﻳﺨﻄﺒﺞ
- ﺑﻌﺪ ﻭﻛﺖ ﻃﻼﻛﻲ ﻣﻦ ﻋﺎﺩﻝ ﻣﺼﺎﺭ ﻫﻮﺍﻱ ﻣﺎ ﺍﻛﺪﺭ ﺍﺧﻠﻴﻪ ﻳﺘﻘﺪﻡ .. ﻫﺴﻪ ﺍﻟﺤﺠﺎﻳﻪ ﺗﻠﻄﺶ ﺑﻴﻪ . ﻭﻳﻜﻮﻟﻮﻥ ﺍﻃﻠﻜﺖ ﻣﻦ ﺭﺟﻠﻬﺎ ﻋﻠﻤﻮﺩ ﺗﺎﺧﺬ ﺍﺧﻮﻩ . .
- ﺯﻳﻦ ﺷﻨﻮ ﺯﻭﺍﺝ ﺑﺎﻟﺴﺮ ﻟﻴﺶ ﺑﺎﻟﺴﺮ ﻃﻠﺒﻪ ..
- ﻳﻜﻮﻝ ﺍﺗﺰﻭﺟﺞ ﺷﺮﻋﺎ ﻭﻗﺎﻧﻮﻧﺎ ﻫﺴﻪ ﻭﺍﺿﻤﻨﺞ ﺍﻟﻴﻪ . ﻭﻣﻦ ﺍﺗﻘﺪﻣﻠﺞ ﺍﺫﺍ ﻗﺒﻠﻮ ﺧﻴﺮ ﻋﻠﻰ ﺧﻴﺮ ﻭﺍﺫﺍ ﺭﻓﻀﻮ ﻣﺎ ﺑﻴﺪﻫﻢ ﺷﻲ ﻳﺴﻮﻭﻥ ﺍﺣﻨﻪ ﻣﺘﺰﻭﺟﻴﻦ ﻭﺑﺎﻟﻐﻴﻦ
ﻣﻴﺤﻖ ﻻﺣﺪ ﻳﻌﺎﺭﺿﻨﻪ .. ﺷﺮﻋﺎ ﻭﻗﺎﻧﻮﻧﺎ ﺍﺣﻨﻪ ﻣﻤﺨﺎﻟﻔﻴﻦ ﻓﻘﻂ ﻧﺨﻠﻴﻬﻢ ﺍﻣﺎﻡ ﺍﻻﻣﺮ ﺍﻟﻮﺍﻗﻊ .
- ﺯﻳﻦ ﻭﻟﻴﺶ ﻣﺘﻮﺍﻓﻘﻴﻦ
. .....
ﻧﺠﻮﻯ ﺻﻌﺐ .. ﺑﺎﺑﺎ ﺑﺲ ﻫﻴﺞ ﺷﻚ ﺍﻛﻮ ﻋﻼﻗﻪ ﻋﻨﺪﻱ ﺑﺒﻜﺮ ﻣﺎ ﺗﺤﻤﻞ ﻭﺍﻧﺠﻠﻂ .. ﺍﺭﻭﺡ ﺍﺗﺰﻭﺝ ﺑﺎﻟﺴﺮ ﻭﻳﻌﺮﻑ ﻫﻮﻩ ﻳﻤﻮﺕ ﻭﺍﻟﻠﻪ ..
ﺗﻌﺘﻘﺪﻳﻦ ﺍﻛﺪﺭ ﺍﻋﻴﺶ ﻣﺮﺗﺎﺣﻪ ﻭﺍﺑﻮﻳﻪ ﻳﻤﻮﺕ ﺑﺴﺒﺒﻲ ﻏﻴﺮ ﺍﻣﻮﺕ ﻭﺭﺍﻩ .. ﻟﺞ ﻧﻮﻧﻪ ﺍﺣﺒﻪ ﻟﺒﺎﺑﺎ ﻣﺎ ﺍﻛﺪﺭ ﺍﻛﺴﺮ ﺿﻬﺮﻩ ﻫﻴﺞ ..
ﻣﺎ ﺍﻛﺪﺭ ﺍﺻﻴﺮ ﺍﻧﺎﻧﻴﻪ ﻭﺍﻓﻜﺮ ﺑﺮﺍﺣﺘﻲ ﻭﺍﻧﺴﻰ ﻭﺿﻊ ﺍﺑﻮﻳﻪ .. ﻭﺷﺮﺍﺡ ﺗﺤﺠﻲ ﺍﻟﻨﺎﺱ ﻋﻠﻴﻪ ﻟﻮ ﻋﺮﻓﻮ ﺍﻧﻲ ﻣﺘﺰﻭﺟﻪ ﺑﺎﻟﺴﺮ ..
ﻫﺰﻳﺖ ﺭﺍﺳﻲ .. ﻣﺴﺘﺤﻴﻞ ﻣﺴﺘﺤﻴﻞ ﺍﺳﻮﻱ ﻫﻴﺞ ﺑﺄﺑﻮﻳﻪ .. ﻟﺞ ﻫﻮﻩ ﻏﻴﺮ ﻋﻦ ﺍﻣﻲ .. ﺗﺘﺬﻛﺮﻳﻦ ﺷﻠﻮﻥ ﺟﺎﻥ ﺣﻨﻴﻦ ﻭﻳﺎﻧﻪ ﻭﺷﻜﺪ ﻳﺪﻟﻠﻨﻪ ﻭﺍﺣﻨﻪ ﺍﺻﻐﺎﺭ ﻭﺍﺑﺪ ﻣﺎ ﻓﺪ ﻳﻮﻡ ﻣﺪ ﺍﻳﺪﻩ ﻋﻠﻴﻨﻪ ﻭﺍﺣﻨﻪ ﺍﺻﻐﺎﺭ
ﻭﻳﺤﻴﺮ ﺷﻴﺠﻴﺒﻠﻪ ﻭﺷﻴﺮﺿﻴﻨﻪ . ﺑﺎﺣﺴﻦ ﺍﻻﻛﻞ ﻭﺍﻟﻤﻼﺑﺲ .. ﻫﺴﻪ ﻟﻤﺎ ﻛﺒﺮﺕ ﺑﻔﻀﻠﻪ ﺍﻛﻮﻟﻪ ﺍﻧﻲ ﺍﺣﺐ ﻭﺍﺣﺪ ﻭﻏﺼﺒﺎ ﻋﻠﻴﻚ ﺗﻘﺒﻞ ﻭﺍﻛﺴﺮ ﻛﻠﺒﻪ ﻋﻠﻤﻮﺩ ﻛﻠﺒﻲ ﻣﺎ ﺍﺣﺴﻬﺎ ﺭﺍﻫﻤﻪ ﺣﺘﻰ ﺍﻟﻠﻪ ﻣﺎ ﻳﺒﺎﺭﻙ ﺑﺰﻭﺍﺟﻨﻪ
ﻭﻣﻦ ﺻﻔﺤﻪ ﺍﻛﻮﻝ ﺑﻜﺮ ﺷﻠﻮﻭﻥ ﻣﺎ ﺍﻛﺪﺭ ﺍﻋﻴﺶ ﺑﺪﻭﻧﻪ .. ﻭﺍﻣﻲ ﺷﻮﻓﺖ ﻋﻴﻨﺞ .. ﻣﻨﻮ ﺍﻟﺠﺎﻱ ﺗﻌﺮﺿﻨﻲ ﻛﺒﺎﻟﻪ ﻭﻃﻠﻌﻨﻲ ﺍﺳﻠﻢ ﻋﻠﻤﻮﺩ ﻳﺘﻘﺪﻣﻮﻟﻲ ﻭﺍﺗﺰﻭﺝ ﻭﺍﻧﻲ ﻣﺎ ﺻﺎﺭ ﺍﺷﻬﺮ ﻣﻦ ﺍﻃﻠﻘﺖ ..
ﺣﻴﺮﻩ ﻭﺍﻟﻠﻪ ﺣﻴﺮﻩ ..
- ﻳﺤﺒﻴﺒﺘﻲ ﻟﺘﻬﻤﻴﻦ ﺍﻟﻠﻪ ﻣﻮﺟﻮﺩ .. ﺍﻟﻠﻪ ﻣﺎ ﻳﺤﻴﺮ ﻋﺒﺪﻩ ﺑﺲ ﻛﺎﺗﺒﻠﻪ ﻗﺪﺭ ﻭﺍﻧﺸﺎﻟﻠﻪ ﻗﺪﺭﺝ ﻟﺒﻜﺮ ﻭﺗﺮﺗﺎﺣﻮﻥ ..
- ﺑﻮﺳﺘﻬﺎ .. ﻭﻛﺘﻠﻬﺎ ﻳﻠﻪ ﻧﺎﻣﻲ ﻣﻮ ﺯﻳﻦ ﻋﻠﻰ ﻭﺟﻬﺞ ﺍﻟﺴﻬﺮ ﺍﻧﺘﻲ ﻋﺮﻭﺱ ﻻ ﻳﺮﻭﺡ ﻳﺼﻴﺮ ﺳﻮﺍﺩ ﺟﻮﻩ ﻋﻴﻮﻧﺞ ..
ﻧﻤﻨﻪ ﻭ ﻛﻌﺪﺕ ﺛﺎﻧﻲ ﻳﻮﻡ .. ﺭﺣﺖ ﻟﻠﻤﺪﺭﺳﻪ ﺍﻟﺼﺒﺢ ﺟﺒﺖ ﺭﺍﺗﺒﻲ ﻭﺍﺟﻴﺖ .. ﺻﻌﺪﺕ ﺍﻧﻄﻴﺖ ﻧﺼﻪ ﻻﺣﻤﺪ .. ﺟﺎﻥ ﻛﺎﻋﺪ ..
ﻛﺘﻠﻪ ﺷﻨﻮ ﻣﺎ ﺗﻄﻠﻊ ﻟﻠﺸﻐﻞ ﺍﻟﻴﻮﻡ .. ﻛﺎﻝ ﻣﺎﺑﻴﻪ ﺣﻴﻞ .. ﻛﺘﻠﻪ ﺍﺭﻳﺪ ﺍﺭﻭﺡ ﻟﻠﺴﻮﻙ ..
ﻋﻘﺪ ﺣﺎﺟﺒﻪ ﻭﻛﺎﻝ ﺷﻌﺪﺝ ﺑﺎﻟﺴﻮﻙ ..
- ﺍﻱ ﻳﺎ ﺣﻤﻮﺩﻱ ﺷﻌﻨﺪﻱ ﻗﺎﺑﻞ ﻏﻴﺮ ﺑﺎﺟﺮ ﺣﻨﺔ ﺍﺧﺘﻲ ﻻﺯﻡ ﺍﺗﺤﻈﺮ ..
- ﺍﺧﺬﻱ ﻭﺣﺪﻩ ﻣﻦ ﺧﺎﻻﺗﻲ ﻭﺭﻭﺣﻲ .. ﻭﺍﺣﺴﺒﻠﺞ ﺳﺎﻋﺘﻴﻦ ﺍﻧﺘﻲ ﻫﻨﺎ .. ﻣﺎﻛﻮ ﺍﺻﻠﺦ ﺟﻠﺪﺝ
- ﺷﻨﻮ ﺳﺎﻋﺘﻴﻦ ﻣﺎ ﺍﻟﺤﻚ ..
- ﻟﻌﺪ ﻻ ﺗﺮﺣﻴﻦ ..
- ﺍﺧﺬﺕ ﻧﻔﺲ ﻭﻛﺘﻠﻪ ﻣﺎﺷﻲ .. ﻃﻠﻌﺖ ﻣﻨﻪ .. ﺭﻭﺣﻲ ﻃﺎﻟﻌﻪ ﺍﺿﻮﺝ ﺑﺘﺤﻜﻤﻪ ﺑﺤﻴﺎﺗﻲ ﻫﺸﻜﻞ ﻭﻫﻮﻩ ﻳﺎﺧﺬ ﻧﺺ ﺭﺍﺗﺒﻲ ﻭﻣﺎﻥ ﻋﻠﻴﻪ ﺑﻌﻴﺸﺎﻱ ﺑﻴﺖ ﺍﻫﻠﻲ
.. ﺍﺑﻮﻳﻪ ﻣﺎ ﻳﺤﺎﺳﺒﻨﻲ ﺑﻜﺪﻩ ..
ﺍﻋﺮﻑ ﺳﺎﻋﺘﻴﻦ ﻣﺎ ﺗﻜﻔﻲ ﻟﻠﺴﻮﻙ .. ﻭﻫﺬﺍ ﻣﺪﺍﻡ ﻛﺎﻝ ﺍﺣﺴﺒﻠﺞ ﻳﻌﻨﻲ ﺻﺪﻙ ﻳﺤﺴﺒﻠﻲ ﺍﺭﻭﺡ ﻟﺒﺎﺑﺎ ﺍﻛﻮﻟﻪ ﺍﺣﺴﻦ ..
ﺻﺢ ﻳﺴﻤﺤﻠﻲ ﺑﺲ ﺍﻋﺮﻓﻪ ﻣﻦ ﻳﺤﺠﻲ ﺍﺣﻤﺪ ﻳﻜﻮﻟﻪ ﻋﻔﻴﻪ ﻑ ﺧﻞ ﺍﻛﻮﻝ ﻻﺑﻮﻳﻪ ﻋﻠﻤﻮﺩ ﻣﻦ ﻳﺤﺠﻲ ﺍﻛﻠﻪ ﻛﻠﺖ ﻟﺒﺎﺑﺎ ﻭﺍﺷﻤﺮﻫﺎ ﺑﺮﺍﺳﻪ ﺍﺑﻮﻳﻪ ﻭﺍﻃﻠﻊ ﻣﻨﻬﺎ ..
ﺭﺣﺖ ﻻﺑﻮﻳﻪ .. ﺑﺎﺑﺎ ﺍﺭﻳﺪ ﺍﺭﻭﺡ ﻟﻠﺴﻮﻙ ..
- ﺭﻭﺣﻲ ﺑﻨﺘﻲ ..
- ﺑﺲ ﺑﺎﺑﺎ ﺍﺣﻤﺪ ﻳﻜﻮﻟﻲ ﺳﺎﻋﺘﻴﻦ . ﺍﺫﺍ ﺿﻞ ﻳﺤﺠﻲ ﻣﻮ ﺗﻜﻮﻟﻪ ﻋﻔﻴﻪ ﺗﺪﺭﻱ ﺍﺣﻨﺔ ﺑﻨﺎﺕ ﻭﺍﺣﺘﺎﺝ ﻣﻮﺍﺩ ﺍﻟﺤﻨﻪ ﻭﺗﺤﻈﻴﺮﺍﺕ ﺍﻟﻴﻪ ﻛﻮﻭﻭﻣﻪ
- ﺭﻭﺣﻲ ﺑﻨﺘﻲ ﺍﻧﻲ ﺍﺣﺠﻲ ﻭﻳﺎﻩ ..
- ﺑﺴﺖ ﺭﺍﺳﻪ ﻭﻃﻠﻌﺖ .. ﻛﻠﺖ ﻻﻣﻲ ﺭﺍﺡ ﺍﺭﻭﺡ ﻭﺍﺧﺬ ﺧﺎﻟﻪ
.. .
ﻛﺎﻟﺖ ﻣﻮ ﻫﺴﻪ ﺧﻞ ﺗﺼﻴﺮ ﺏ 5 ﻭﺭﻭﺣﻦ ﻫﺴﻪ ﺿﻬﺮ .. ﺗﺎﻧﻴﺖ ﻟﺤﺪ ﻣﺼﺎﺭ ﺍﻟﻮﻗﺖ ﺻﻌﺪﺕ ﺳﺒﺤﺖ ﻭﺣﻈﺮﺕ ﺭﻭﺣﻲ .. ﺩﺍ ﺍﻃﻠﻊ .. ﺻﻒ ﺳﻴﺎﺭﺗﻪ ﺍﺭﻛﺎﻥ ..
ﻛﺎﻝ ﻭﻳﻦ .. ﻛﻨﺎﻟﻪ ﻟﻠﺴﻮﻙ .. ﻛﺎﻝ ﺍﻣﺸﻮ ﺍﻭﺩﻳﻜﻢ .. ﺻﻌﺪﻧﻪ ﻭﻳﺎﻩ .. ﻧﺰﻟﻨﻪ ﻳﻢ ﺍﻟﺴﻮﻙ ﻭﺷﺎﻓﻪ ﺍﺯﺩﺣﺎﻡ ..
ﻛﺎﻝ ﻫﺎﻱ ﻭﺣﺪﺟﻦ ﺭﺍﺡ ﺍﺩﺧﻠﻦ .. ﻛﺘﻠﻪ ﺍﻱ .. ﻛﺎﻝ ﺗﺎﻧﻮ ﺍﺻﻒ ﺍﻟﺴﻴﺎﺭﻩ ﻭﺍﺟﻲ .. ﺷﻮﻓﻮﻫﺎ ﻛﻠﻬﺎ ﺯﻟﻢ ﻭﻧﺴﻮﺍﻥ ﺻﺎﻳﺮﻩ ﻣﻠﺤﻤﻪ ﻣﻮ ﺯﻳﻦ ﺍﺩﺧﻠﻦ ﻭﺣﺪﺟﻦ ﺯﺣﻤﻪ ..
ﺑﻘﻴﻨﻪ ﻭﺍﻛﻔﺎﺕ ﺗﺎﻧﻴﻨﺎﻩ ﺻﻒ ﺳﻴﺎﺭﺗﻪ ﻭﺍﺟﻪ .. ﻛﺎﻝ ﻳﻠﻪ .. ﻛﺘﻠﻪ ﻟﻮ ﺗﺪﺭﻱ ﺯﻫﻮﺭﻩ ﺍﻧﺘﻪ ﻭﻳﺎﻧﻪ ﺧﺨﺨﺦ .. ﺍﺑﺘﺴﻢ .. ﺣﺠﺖ ﺧﺎﻟﺘﻲ ..
- ﻳﺒﻮﻭﻭﻭ ﻏﻴﺮ ﺗﺨﺒﺼﻨﻪ ﻭﺗﺼﻔﻄﻠﻨﻪ ﺍﻟﻌﻜﻞ ﻭﺗﻜﻠﻬﻢ ﻳﺮﻳﺪ ﻳﺘﺰﻭﺝ ﻋﻠﻲ ..
ﺍﺭﻛﺎﻥ .. ﻋﻠﻰ ﻛﺪ ﻋﻘﻠﻬﺎ ﻫﻠﺰﻫﺮﺍﺀ ﻋﻮﻓﻮﻫﺎ ﺍﻧﻲ ﺻﺎﺑﺮ ﺍﺭﻳﺪ ﺍﺷﻮﻑ ﻭﻳﻦ ﺗﺎﻟﻴﻬﺎ .. ﻫﻬﻪ
ﺧﺎﻟﺘﻲ .. ﺻﺪﻙ ﺍﺭﻛﺎﻥ ﻟﻴﺶ ﻣﺎ ﺗﺨﻠﻴﻨﻲ ﺍﺧﻄﺒﻠﻚ ..
ﺍﺭﻛﺎﻥ .. ﺍﺑﺎﻟﻲ ﺑﺲ ﻣﻮ ﻫﺴﻪ .. ﻣﻦ ﺍﺭﻳﺪ ﺍﻛﻠﻜﻢ
- ﺣﺠﻪ ﻭﻳﺒﺎﻭﻋﻠﻲ .. ﺍﻫﻮﻭﻭﻭ ﻫﺬﺍ ﺑﺲ ﻻ ﻳﻔﻜﺮ ﻳﺘﻘﺪﻣﻠﻲ .. ﻏﻠﺴﺖ ﻭﻛﺄﻧﻲ ﻣﺎ ﺳﻤﻌﺖ .. ﺩﺧﻠﺖ ﻟﻠﻤﺤﻞ ﺩﻭﺭﺕ ﻣﻼﺑﺲ ..
ﻣﻼﺑﺲ ﺳﻬﺮﻩ ﻭﺣﻔﻼﺕ ﻛﻠﻬﺎ ﻣﺪﻟﻌﻪ .. ﺍﺭﻛﺎﻥ ﻛﺎﻝ ﺳﻤﺮ ﻋﻮﺩ ﺗﺤﺠﻴﻦ ﺻﺪﻙ ﺗﻠﺒﺴﻴﻦ ﻫﻴﺞ ﺩﻣﺸﻲ ﻳﺎﺑﻪ ﺍﺧﺬﻳﻠﺞ ﺑﻨﻄﺮﻭﻥ ﻭﻗﻤﻴﺺ ﻣﺴﺘﻮﺭﺍﺕ ..
- ﻳﻤﻌﻮﺩ ﻫﻴﻪ ﺣﻨﻪ ﺑﻨﺎﺗﻴﻪ ﻣﺎﻛﻮ ﺭﺟﺎﻝ .. ﻭﺣﻨﺔ ﺍﺧﺘﻲ .. ﺍﺭﻛﺎﻥ ﻓﺪﻩ ﺭﻭﺡ ﻫﻨﺎﻙ ﺍﺳﺘﺤﻲ ﺍﺧﺘﺎﺭ ﻛﺪﺍﻣﻚ ﺗﺸﻠﻊ ﻛﻠﺒﻲ
- ﻫﻬﻪ ﻣﺎ ﺗﺒﻄﻠﻴﻦ ﺳﻮﺍﻟﻔﺞ ﺍﻧﺘﻲ .. ﺩﻭﻡ ﻣﺨﺒﻠﻪ
- ﺩﻭﺭﺕ ﺩﻭﺭﺕ ﻣﺎ ﻋﺠﺒﻨﻲ ﻓﺴﺘﺎﻥ .. ﺫﻭﻗﻲ ﺻﻌﺐ ﺑﺎﻻﺧﺘﻴﺎﺭ .. ﻣﺎ ﺍﺣﺐ ﺍﻻﻟﻮﺍﻥ ﺍﻟﻔﺎﻗﻌﻪ .. ﺍﺭﻳﺪ ﻟﻮﻥ ﻣﺎﻝ ﺣﻔﻼﺕ
ﺩﺭﻧﻪ ﻭﻟﻔﻴﻨﻪ ﺍﺷﺘﺮﻳﻨﻪ ﻣﻜﻴﺎﺝ ﻭﻣﻮﺍﺩ ﺍﻟﺤﻨﻪ ﻭﺍﻛﺴﺴﻮﺍﺭﺍﺕ ﻭﺍﺷﻜﺎﻝ ﺍﻟﻮﺍﻥ ﻭﺍﻟﻔﺴﺘﺎﻥ ﻣﺎ ﻟﻜﻴﺖ ﺍﻟﻴﻌﺠﺒﻨﻲ ..
ﺍﺧﻴﺮ ﺷﻲ ﻟﻜﻴﺖ ﻓﺴﺘﺎﻥ ﻳﻔﻠﺞ ﺍﺟﻴﺖ ﺍﺗﻤﺪﺩ ﻭﺍﻧﺎﻡ ﻳﻤﻪ .. ﻣﻦ ﺍﻟﺠﻤﺎﻝ .. ﻛﻠﺖ ﻟﻮ ﻫﺬﺍ ﻟﻮ ﻣﺎ ﺍﺧﺬ ..
ﻛﻠﺖ ﻟﺼﺎﺣﺐ ﺍﻟﻤﺤﻞ ﺑﻴﺶ ... ﻋﺒﺎﻟﻲ ﻳﻜﻮﻟﻲ 100.. 150 .. ﺟﺎﻥ ﻳﻜﻮﻟﻲ 300 ﺍﻟﻒ 😐 ﻭﺍﻧﻲ ﺍﻟﺒﻘﺖ ﻋﻨﺪﻱ ﺑﺲ 200 ﻛﻞ ﺭﺍﺗﺒﻲ ..
ﻛﺘﻠﻬﺎ ﺧﺎﻟﻪ ﺍﻣﺸﻲ ﻣﺎ ﻣﻘﺴﻮﻣﻠﻲ .. ﻃﻠﻌﻨﻪ ﻭﺍﻧﻲ ﻋﻴﻨﻲ ﻋﻠﻴﻪ ﺑﻮﺩﻱ ﺍﺑﺠﻲ ﺟﻦ ﻣﻔﺎﺭﻛﺘﻠﻲ ﻋﺰﻳﺰ ﺩﺧﻞ ﻛﻠﺒﻲ ﺑﺴﺎﻉ 😢 ﺍﺭﻳﻴﻴﻴﻴﻴﻴﺪﻩ ..😭
ﻛﺎﻟﺖ ﺧﺎﻟﻪ .. ﺳﻤﻮﺭﻩ ﺍﺫﺍ ﻋﺎﺟﺒﺞ ﺍﻧﻲ ﺍﺩﺍﻳﻨﺞ ﻭﻋﻮﺩ ﻋﻠﻰ ﺭﺍﺣﺘﺞ ﺭﺟﻌﻴﻪ ..
ﻛﺘﻠﻬﺎ ﻫﺎﺍﺍﺍ ﻭﺍﻟﻠﻪ ﺧﺎﻟﻪ ﺭﻭﺣﻲ ﺗﺸﻜﻠﺖ ﺑﻴﻪ ﺑﺲ ﺷﺴﻮﻱ ﻣﺎ ﺍﺭﻳﺪ ﺍﺗﻜﻠﻒ ﻣﺎ ﻋﻨﺪﻱ ﺍﻭﻓﻲ 😢
ﺍﺭﻛﺎﻥ .. ﺷﻨﻮ ﻭﻳﻨﻪ .. ﻛﺘﻠﻪ ﺫﺍﻙ .. ﻓﺘﺢ ﻋﻴﻮﻧﻪ ﻭﺝ ﻫﺬﺍ ﺗﺸﺘﺮﻳﻪ 😰 .. ﻛﺘﻠﻪ ﻻﺍﺍﺍ ﻣﺎ ﺍﺷﺘﺮﻱ ﺩﻣﺸﻲ ﻳﻤﻌﻮﺩ ﻣﺎ ﻣﻘﺴﻮﻡ ..
ﻻﺍﺍ ﺍﺗﺸﺎﻗﻪ ﻭﻳﺎﺝ ﻭﺍﻟﻠﻪ ﻋﺎﺩﻱ ﺍﺷﺘﺮﻱ ..
- ﺑﺎﻉ ﻫﺬﺍ ﻳﻜﻮﻟﻲ ﻋﺎﺩﻱ ﺍﺷﺘﺮﻱ ﺩﻣﺸﻲ ﻻ ﺍﺟﺮﻡ ﺑﻴﻚ .. ﻫﻮﻩ ﻋﺪﻱ ﻭﻣﺎ ﺍﺷﺘﺮﻳﺖ .. ﺷﺴﻮﻱ ﻣﺎ ﻋﻨﺪﻱ ﺍﺑﻦ ﺧﺎﻟﻪ ﻛﺮﻳﻢ ﺍﻗﻄﻪ ﻭﺍﺷﺘﺮﻱ ﺍﻟﻔﺴﺘﺎﻥ 😶 ﻫﻬﻬﻬﻪ
- ﻫﻬﻬﻬﻬﻪ ﺍﻣﺸﻲ ﺍﻧﻲ ﺍﺷﺘﺮﻳﻠﺠﻴﺎﻩ
- ﻻﺍﺍ ﺟﺬﺏ ﻭﺍﻟﻠﻪ ﺩﺍ ﺍﺗﺸﺎﻗﻪ ﻭﻳﺎﻙ .. ﺧﻄﻴﻪ ﻋﺎﻓﻨﻲ ﻭﺭﺍﺡ ﻟﻠﻤﺤﻞ ﺻﺪﻙ ﺧﺠﻠﺖ ﻟﻤﺎ ﺍﺷﺘﺮﺍﻩ ﺑﺲ ﻫﻠﻜﺪ ﻓﺮﺣﺖ ﺍﺟﻴﺖ ﺍﺭﻛﺺ ﺑﻨﺺ ﺍﻟﺴﻮﻙ 😍😍😍
. . . .. .. .
ﺍﺧﺬﺗﻪ ﻫﻮﻩ ﻭ ﺍﻛﺴﺴﻮﺍﺭﺍﺗﻪ ﻫﺪﻳﻪ ﻣﺠﺎﻧﻴﻪ ﻭﻋﻘﺪ ﻛﺮﺳﺘﺎﻝ ﻭﻳﺎﻩ .. ﻭﺭﺣﻨﻪ ﻟﻠﺒﻴﺖ ﺷﺎﻓﺘﻪ ﺍﻣﻲ ﻛﺎﻣﺖ ﺗﺴﻮﻱ ﻫﻴﺞ 😱😱 ﻛﺘﻠﻬﺎ ﺍﺷﺘﺮﻳﺘﻪ ﺑﻌﺪ ﻣﺎ ﻳﺘﺮﺟﻊ 😝
ﺍﻟﺤﻤﺪﻟﻠﻪ ﻋﺪﺕ .. ﻭﺍﺣﻤﺪ ﺑﺎﻗﻲ ﻳﺤﺠﻲ ﻭﺭﺍﻧﻪ ﻭﻣﺘﺤﻠﻒ ﺑﻴﻪ ﺷﻠﻮﻥ ﺗﺄﺧﺮﺕ .. ﺑﺲ ﻣﻦ ﺷﺎﻑ ﺍﺭﻛﺎﻥ ﻣﺎﺧﺬﻧﻪ .. ﺳﻜﺖ .
ﺍﻣﺎ ﻣﺮﺗﻪ .. ﺍﻧﻲ ﻋﻔﺘﻬﺎ ﻭﺻﻌﺪﺕ ﻣﺎ ﺍﺩﺭﻱ ﻋﻨﻬﺎ .. ﻭﺍﺭﻛﺎﻥ ﻣﺎ ﺩﺍﺭ ﻭﺟﻬﻪ ﻋﻠﻴﻬﺎ .. ﻳﻤﻜﻦ ﺯﻋﻼﻧﻴﻦ ﻻﻥ ﺍﺑﺪ ﻣﻴﺤﺠﻲ ﻭﻳﺎﻫﺎ .. ﺑﺲ ﻫﻴﻪ ﻋﺎﺩﻱ ﻛﺎﻣﺖ ﺗﺤﺠﻲ .
ﺣﻠﻔﺖ ﺧﺎﻟﺘﻲ ﻣﺘﻜﻮﻟﻬﺎ ﺍﺭﻛﺎﻥ ﺳﺎﻋﺪﻧﻲ ﺑﻤﺸﺘﺮﺍﺕ ﺍﻟﻔﺴﺘﺎﻥ ﺗﻬﺠﻢ ﺑﻴﺘﻪ ﻭﺍﻟﻠﻪ ..
ﻛﻤﻠﻨﻪ ﺍﻟﻠﻴﻠﻪ ﻋﻠﻰ ﺧﻴﺮ .. ﻭﺍﺧﻴﺮﺍ ﺻﺎﺭ ﻳﻮﻡ ﺍﻟﺤﻨﻪ .. ﺑﺲ ﺑﻴﻦ ﺍﻟﻔﺮﺡ ﻭﺍﻟﺤﺰﻥ .. ﻓﺮﺣﺎﻧﻪ ﻻﻥ ﺣﻨﺔ ﺍﺧﺘﻲ ﻭﺍﺧﺬﺕ ﺍﻟﻠﻲ ﺗﺤﺒﻪ ﺑﺲ ﺣﺰﻧﺎﻧﻪ ﻉ ﻓﺮﺍﻛﻬﺎ ..
ﻛﻌﺪﺕ ﺍﻟﺼﺒﺢ .. ﺗﺮﻳﻜﻨﺎ ﻭﺭﺣﺖ ﻭﻳﻪ ﻧﺠﻮﻯ ﻟﻠﺼﺎﻟﻮﻥ .. ﻓﺴﺘﺎﻧﻲ ﺟﺎﻥ ﺍﺳﻮﺩ ﺟﻠﺪ ﺑﺪﻭﻥ ﺭﺩﻥ ﻣﻦ ﻓﻮﻙ ﺣﺘﻰ ﺧﻴﻂ ﻣﺎﻛﻮ ﻣﻜﺸﻮﻑ
ﻓﺴﺘﺎﻥ ﻫﺮﻩ ﺍﻭ ﻗﻄﻪ ﻳﺴﻤﻮﻩ ﺍﺳﻮﺩ ﺟﻠﺪ ﻗﺼﻴﺮ ﻭﻣﻜﺸﻮﻑ ﺍﻟﻀﻬﺮ .. ﻭﻟﺒﺴﺖ ﻭﻳﺎﻩ ﺟﺎﺭﻭﺏ ﺣﻴﺎﻛﻪ ﻭﻃﻮﻙ ﻣﺜﻞ ﺍﺫﺍﻧﺎﺕ ﺍﻟﻘﻄﻪ ﻭﺳﺮﺣﺖ ﺷﻌﺮﻱ ﻭﺷﻠﺘﻪ ..
ﻭﺍﻟﻤﻜﻴﺎﺝ ﺍﺳﻮﺩ ﺍﻟﻌﻴﻮﻥ ﻭﺍﻟﺤﻤﺮﻩ ﺣﻤﺮﻩ ﻣﺴﻮﺩﻩ .. ﺻﺮﺕ ﺍﺧﺒﻞ .. 😅 ﻟﺒﺴﺖ ﻋﺒﺎﻳﻪ ﻟﻔﻴﺖ ﻧﻔﺴﻲ ﻭﺭﺟﻌﻨﻪ ﻟﻠﺒﻴﺖ
ﺩﺧﻠﻨﻪ ﻟﻠﺤﻨﻪ ﻣﺴﻮﻳﻬﺎ ﺑﺎﻟﺼﺎﻟﻪ .. ﻛﻞ ﺭﺟﺎﻝ ﺷﺎﻣﺮﻳﻨﻪ ﺑﺮﺍ ﺍﻟﺒﻴﺖ ﺣﺘﻰ ﺍﺑﻮﻳﻪ ﻃﺎﺭﺩﻳﻨﻪ ﻟﺒﻴﺖ ﻋﻤﻮ .. ﺍﻟﺒﻴﺖ ﺻﺎﻳﺮ ﺑﺲ ﻧﺴﻮﺍﻥ ...
ﺩﺧﻠﺖ ﻭﻟﻜﻴﺖ ﺍﻟﺠﻤﺎﻋﻪ ﻛﻠﻬﺎ ﻣﻠﺘﻤﻪ .. ﺍﻟﺪﻧﻴﺎ ﻣﻜﻠﻮﺏ ﻋﻤﺘﻲ ﺍﻡ ﺑﻜﺮ ﻭ ﺭﻧﺎ ﻣﻮﺟﻮﺩﺍﺕ .. ﻛﻴﻔﺖ ﻛﻠﺖ ﺧﻞ ﻳﺸﻮﻓﻮﻧﻲ ﻓﺮﺣﺎﻧﻪ ﻣﻦ ﺧﻠﺼﺖ ﻣﻨﻬﻢ .. ﻭﺑﺎﺣﺴﻦ ﺣﺎﻝ
ﺍﻣﺸﻲ ﻭﺍﺗﻤﺎﻳﻞ ﻛﺪﺍﻣﻬﻦ ﻭﺭﻧﺎ ﺗﺒﺎﻭﻋﻠﻲ ﺻﻔﺢ .. ﺭﺣﺖ ﺷﻐﻠﺖ ﺩﻱ ﺟﻲ .. ﺍﻏﻨﻴﺔ ﻫﻴﺪﻱ ﻫﻴﺪﻱ ..
ﻛﻮﻣﺖ ﻧﺠﻮﻯ ﻭﻛﻤﻨﻪ ﻧﺮﻛﺺ ﺍﻧﻲ ﻭﻳﺎﻫﺎ ﻭﺩﻭﻛﻠﻲ ﻳﺎ ﺳﻴﻤﻮ ﺩﻭﻛﻠﻲ ﻋﻞ ﻣﺠﻮﺱ ﺩﻛﻠﻲ ﻭﻭﻛﻌﻨﻪ ﺭﺩﺡ ﺍﻧﻲ ﻭﺍﻟﺒﻨﺎﺕ
.. ﻛﺎﻣﺖ ﺭﻧﺎ ﻭﻳﺎﻧﻪ ﺗﺮﻛﺺ ﻭﺗﻜﻮﻟﻲ ﻟﻴﺶ ﻣﺴﻠﻤﺘﻲ ﻋﻴﻨﻲ ..
ﻛﺘﻠﻬﺎ ﺍﻭﻭﻭ ﺳﻮﺭﻱ ﻣﻨﺘﺒﻬﺘﻠﺞ ﻭﺭﺑﻲ ﺷﻔﺖ ﺑﺲ ﻋﻤﻪ ﺭﻭﻳﺪﻩ ﻭﺳﻠﻤﺖ ﻋﻠﻴﻬﺎ .. ﻭﺑﻜﻠﺒﻲ ﺍﻛﻠﻬﺎ ﺍﻫﻤﺪﺍﺝ ﺣﺘﻰ ﺻﻮﺗﺞ ﻣﻮ ﻃﺎﺑﻘﻪ ﺍﺳﻤﻌﻪ ﻳﺬﻛﺮﻧﻲ ﺑﺎﻳﺎﻡ ﺍﻟﻀﻴﻢ 👐
ﺑﺒﺲ ﺿﺎﻳﻘﺘﻨﻲ ﺷﺮﻛﺺ ﺗﺮﻛﺺ ﻣﺜﻠﻲ ﻭﻋﻮﺩ ﺷﻮﻓﻲ ﺍﻧﻲ ﺍﺣﺴﻦ ﻣﻨﺞ ﺍﺭﻛﺺ ﺧﺮﺭﺭﺏ ﻫﺰﻳﺖ ﺧﺼﺮ ﻭﻳﻪ ﺍﻟﺒﻨﺎﺕ ﻫﺰﺕ ﻭﺗﺒﺎﻭﻋﻠﻲ ﻻ ﻫﺎﻱ ﺗﺨﺒﻠﺖ ﺭﺳﻤﻲ ﺣﺴﻴﺘﻬﺎ ﺗﺘﺴﺎﺑﻖ ﻭﻳﺎﻳﻪ ﺿﺠﺖ ﻭﻋﻔﺘﻬﻢ ﻭﻛﻌﺪﺕ
ﺑﻘﻦ ﺑﻨﺎﺕ ﻛﻮﻣﻪ ﻳﺮﻛﺼﻮﻥ .. ﻛﻌﺪﺕ ﻋﻠﻜﺮﺳﻲ .. ﺟﺎﻥ ﻋﻤﺘﻲ ﺳﺎﻣﻴﻪ ﺗﻜﻠﻲ .. ﺷﻠﻮﻧﺞ ﺳﻤﺮ .. ﻛﻤﺖ ﺍﺳﻠﻢ ﻋﻠﻴﻬﺎ .. ﻭﺑﻮﺩﻱ ﺍﺩﻓﺮﻫﺎ ﻣﻦ ﻛﺪ ﻣﻮ ﻃﺎﻳﻘﺘﻬﺎ ..
ﻛﺎﻟﺖ ﺷﻨﻮ ﺣﺎﻟﻴﻠﺞ ﺍﻟﺠﻮ ﺑﻌﺪ ﺍﻟﻄﻼﻙ .. ﻛﺘﻠﻬﺎ ﻃﺒﻌﺎ ﺭﺟﻌﺖ ﻟﺪﻻﻟﻲ ﺍﺑﻴﺖ ﺑﺎﺑﺎ .. ﺣﺠﺖ ﺍﻣﻲ .. ﻛﺎﻟﺘﻠﻬﺎ ﻭﺍﻟﻠﻪ ﻛﻮﻣﻪ ﻳﺠﻮﻥ ﻋﻠﻴﻬﺎ ﺧﻄﺎﺑﻪ ﺑﺲ ﻣﺎ ﺗﻘﺒﻞ ..
ﻛﺎﻟﺖ ﺭﻧﺎ ﻭﻫﻴﻪ ﺗﻜﻌﺪ ﺍﻱ ﻛﺎﻟﻮﻫﺎ ﺣﻆ ﺍﻟﺰﺭﻛﻪ ﻛﺎﻋﺪ .. ﺭﺩﺗﻬﺎ ﺍﻣﻲ .. ﺳﻤﺮ ﺯﺭﻛﻪ ﺍﺷﻮ ﺟﻨﻬﺎ ﻛﻤﺮ ﺑﺎﻋﻴﻬﺎ ..
ﻛﺎﻟﺘﻠﻬﺎ ﻏﻴﺮ ﺟﺎﻳﺒﻪ ﻭﻣﺨﻠﻴﻪ ﻣﻜﻴﺎﺝ ﻣﻜﻮﻣﺘﻬﻢ ﺑﺎﻋﻲ ﻋﻴﻮﻧﻬﺎ ﺗﻜﻮﻝ ﺑﺎﻧﺪﺍ .... ﻋﻤﺘﻲ ﻛﺎﻟﺖ ﻫﻴﻪ ﺳﻤﺮ ﻣﻦ ﻳﻮﻡ ﻳﻮﻣﻬﺎ ﺍﻟﻤﻜﻴﺎﺝ ﻣﻴﻔﺎﺭﻙ ﻭﺟﻬﺎ
.... ....
ﺍﻫﻮﻭﻭ ﺭﺟﻌﺖ ﺍﻟﻬﻢ ﻭﻟﺤﺠﻴﻬﻢ .. ﺍﻛﻮﻭﻡ ﺍﺣﺴﻦ ﻟﻲ .. ﻛﻤﺖ ﻛﻤﻠﺖ ﺭﻛﺺ ﻭﻱ ﺍﻟﺒﻨﺎﺕ .. ﺷﻮﻱ ﻛﺎﻟﻮ ﺍﺟﻮ ﺍﻫﻞ ﺍﻟﻌﺮﻳﺲ ..
ﺭﻛﻀﺖ ﻟﺒﺴﺖ ﺑﻨﻄﺮﻭﻥ ﺍﺳﻮﺩ ﻭﺟﺎﻛﻴﺖ ﻭﻟﺒﺴﺖ ﺣﺠﺎﺏ ﺍﺳﺘﺸﺮﻓﻨﻪ ﻫﻬﻬﻬﻬﻬﻪ .. ﻃﺒﻴﺖ ﻟﻜﻴﺖ ﻣﺎﺯﻥ ﻛﺎﻋﺪ ﻳﻢ ﻧﺠﻮﻯ ﻓﺮﺣﺖ ﺣﻴﻞ ﺑﻴﻬﻢ ..
ﻟﺤﺪ ﻣﺎ ﺩﻣﻌﺖ ﻋﻴﻮﻧﻲ ﻭﺍﻧﻲ ﺍﺷﻮﻑ ﻓﺮﺣﺘﻬﺎ ﺑﻴﻪ ﻭﻫﻮﻩ ﻳﺨﻠﻲ ﺍﻟﺤﻨﻪ ﺑﻴﺪﻫﺎ .. ﻭﻳﻮﻛﻠﻮﻥ ﺑﻌﺾ ﺑﺎﻟﻜﻴﻚ ..
ﻳﺮﺑﻲ ﺷﻠﻮﻥ ﺭﺍﺡ ﺍﻓﺎﺭﻛﻬﺎ .. ﺷﺎﻓﻨﻲ ﻣﺎﺯﻥ . ﺻﺎﺣﻠﻲ .. ﻭﻛﻔﺖ ﺑﻴﻨﻬﻢ ﻭﻛﻠﺘﻬﻢ ﻛﻴﻚ ﻭﻭﻛﻠﻮﻧﻲ ﻭﺍﺧﺬﺕ ﻭﻳﺎﻫﻢ ﺻﻮﺭ
ﻟﺰﻣﺘﻨﻲ ﻣﺮﻩ .. ﻛﺎﻟﺖ ﻳﻤﻪ ﻣﺎ ﺗﻘﺒﻠﻴﻦ ﺑﻌﻤﺎﺭ ﻭﺍﻟﻠﻪ ﺧﻮﺵ ﻭﻟﺪ ﻭﺩﺭﻩ .. ﻛﺘﻠﻬﺎ ﺧﺎﻟﻪ ﺷﺎﻳﻠﻪ ﻓﻜﺮﺓ ﺍﻟﺰﻭﺍﺝ ﻫﺴﻪ ﻣﻮ ﺍﺑﺎﻟﻲ ﻣﺼﺎﺭ ﻫﻮﺍﻱ ﻣﻦ ﺍﻃﻠﻜﺖ ﺍﺭﻳﺪ ﺍﺭﺗﺎﺡ ..
ﻛﺎﻟﺖ ﻣﺘﻌﺒﻴﺞ ﺟﺎﻧﻮ .. ﻛﺘﻠﻬﺎ ﺍﻟﻠﻪ ﻣﻮﺟﻮﺩ ﻭﻧﺠﺎﻧﻲ ﻭﻭﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ .. ﻛﺎﻟﺖ ﻓﺪﻭﻩ ﻳﻤﻪ ﺍﺭﻳﺪﺝ ﻟﻮﻟﻴﺪﻱ .. ﺍﺑﺘﺴﻤﺖ .. ﺳﻤﻌﺖ ﻣﺎﻣﺎ ﺗﺼﻴﺢ ﻭﺭﺣﺖ .
ﺳﺎﻋﻪ ﻭﻃﻠﻊ ﻣﺎﺯﻥ ﻻﻥ ﺣﻨﺘﻪ ﻭﻳﻪ ﺍﻟﺸﺒﺎﺏ ﺍﺑﻴﺖ ﺍﻫﻠﻪ .. ﺑﺲ ﺍﻫﻠﻪ ﺍﻟﻨﺴﻮﺍﻥ ﺑﻘﻮ ﻭﻳﺎﻧﻪ ﻣﻜﻤﻠﻴﻦ ﺍﻟﺤﻔﻠﻪ
.. ﺭﺟﻌﺖ ﺑﺪﻟﺖ ﻭﻛﻔﺖ ﺍﻧﻲ ﻭﻧﺠﻮﻱ ﻧﺮﻛﺺ ﻭﻫﻴﻪ ﺗﻜﻮﻟﻲ ﺳﻤﺮ ﻣﺘﺘﻮﻗﻌﻴﻦ ﺷﻜﺪ ﻓﺮﺣﺎﻧﻪ ..
ﺍﺑﺘﺴﻤﺖ .. ﺑﺲ ﺩﻣﻮﻋﻲ ﺍﺗﺠﻤﻌﺖ .. ﻛﺎﻟﺖ ﻳﻌﻤﺮﻱ ﻭﺍﻟﻠﻪ ﻣﻮ ﻗﺼﺪﻱ ﺍﺿﺎﻳﻘﺞ .. ﻛﺘﻠﻬﺎ ﻋﻮﺑﻪ ﺍﻧﺘﻲ ﺗﻀﺎﻳﻘﻴﻨﻲ ﺑﺲ ﻓﺮﺍﻛﺞ ﺻﻌﺐ ..
ﺍﻟﻐﺮﻓﻪ ﺗﺎﻛﻠﻨﻲ ﺑﻮﺣﺸﺘﻬﺎ ﺑﺪﻭﻧﺞ . ﺣﻈﻨﺘﻨﻲ ﻭﺑﻘﺖ ﺗﺒﺠﻲ . ﻛﺘﻠﻬﺎ ﻫﺎ ﻫﺎ ﻫﺴﻪ ﺗﻜﻮﻟﻴﻦ ﻓﺮﺣﺎﻧﻪ ﻟﺘﻀﻮﺟﻴﻦ ﻧﻔﺴﺞ ﻋﻤﻮﺩﻱ .. ﻣﻌﻠﻴﺞ ﺑﻴﻪ ..
ﻛﻤﻠﻨﻪ ﺍﻟﺤﻔﻠﻪ .. ﻭﺑﺪﻟﺖ ﻭﻛﻤﻨﻪ ﻋﻠﺒﻴﺖ ﻏﺴﻞ .. ﺍﺣﺲ ﺍﻧﺘﻬﻴﺖ .. ﺣﻴﻠﻲ ﻧﻬﺪ ﺻﻌﺪﺕ ﺏ 11 ﻫﻠﻜﺎﻧﻪ ﻣﻦ ﺍﻟﺘﻌﺐ ﻭﻛﻔﻪ ﻣﻦ ﺍﻟﺼﺒﺢ ﻭﺭﻛﺺ ﻭﺻﻮﺕ ﺍﻟﺪﻳﺠﻲ ﻭﻫﻮﺳﻪ ﻣﺘﺖ
ﺩﺍ ﺍﻧﺎﻡ .. ﻛﻠﺖ ﺧﻞ ﺍﺧﺎﺑﺮ ﺑﻜﺮ . ﺍﺳﻤﻊ ﺻﻮﺗﻪ ﻗﺒﻞ ﻣﺎ ﺍﻧﺎﻡ .. ﺟﺮﻳﺖ ﺍﻟﻤﻮﺑﺎﻳﻞ ﻭﻟﻜﻴﺖ 34 ﻣﻜﺎﻟﻤﻪ ﻣﻦ ﺑﻜﺮ .
ﻛﻤﺰﺕ ﻣﻦ ﻣﻜﺎﻧﻲ . ﺍﺳﻢ ﺍﻟﻠﻪ ﺷﺼﺎﻳﺮ ﻭﻳﺎﻩ ﻭﻫﻴﺞ ﻣﺨﺎﺑﺮ .. ﺧﺎﺑﺮﺗﻪ ﺑﺴﺎﻉ ﺭﺩ ..
- ﺳﻤﺮ ﺷﻨﻮ ﻫﻞ ﻣﻬﺰﻟﻪ
- ﻟﺤﻈﻪ ﺑﻜﺮ ﻟﺘﺼﻴﺢ ﺷﻜﻮ ..
- ﺷﻠﻮﻥ ﺗﻘﺒﻠﻴﻦ ﻳﺼﻮﺭﻭﺝ ﻭﺍﻧﺘﻲ ﺑﺎﻟﺤﻨﻪ ﺗﺤﺠﻴﻦ ﺻﺪﺩﺩﺩﺩﺩﺩﺩﻙ ..
- ﺑﺲ ﻟﺘﺼﻴﺢ .. ﻣﺤﺪ ﺻﻮﺭ ﻭﺍﻟﻠﻪ ﻛﻠﺖ ﻻﻣﻲ ﻣﺎ ﺗﺨﻠﻲ ﺍﺣﺪ ﻳﺼﻮﺭ
- ﻟﺞ ﻫﺎﻱ ﺑﻤﻮﺑﺎﻳﻞ ﺍﻣﻲ .. ﻭﺍﻛﻔﻪ ﺗﺮﻛﺼﻴﻦ ﻭﻣﺼﻮﺭﺗﺞ ﻭﺗﺸﻮﻓﻪ ﻟﻌﺎﺩﻝ ﺗﻜﻠﻪ ﺷﻮﻑ ﺷﺼﺎﺭﺕ ﻭﺭﺍﻙ ﻳﻞ ﺍﻏﻢ ..
- ﺑﻜﺮ ﻭﺍﻟﻠﻪ ﻣﺎ ﺧﻠﻴﺖ ﺍﺣﺪ ﻳﺼﻮﺭ .. ﻫﺎﻱ ﻋﻤﺘﻲ ﺷﻠﻮﻥ ﺻﻮﺭﺕ .. ﺻﻮﺭﻧﻪ ﺑﺲ ﺑﻜﺎﻣﻴﺮﺓ ﺍﻟﻌﺮﺱ ﺍﻟﺨﺎﺹ ﺑﻨﺠﻮﻯ ..
- ﻭﺑﻌﺪﻳﻦ ﺗﻌﺎﺍﺍﻱ ﺻﺪﻙ ﺍﺭﻛﺎﻥ ﺧﺎﻃﺒﺞ ..
- ﻣﻨﻴﻠﻚ ﻫﻠﺤﺠﻲ ﻣﺨﻄﺒﻨﻲ ..
- ﺳﻤﺮ ﻟﺘﺠﻨﻨﻴﻨﻲ .. ﺧﺎﻟﺘﺞ ﻛﺎﻳﻠﻪ ﻻﻣﻲ ﻧﺮﻳﺪﻫﺎ ﻻﺭﻛﺎﻥ ..
- ﻣﺎ ﻋﻨﺪﻱ ﻋﻠﻢ ﺑﻬﻠﻤﻮﺿﻮﻉ ..
- ﻣﺸﺘﺮﻳﻠﺞ ﺍﻟﻔﺴﺘﺎﻥ ﻫﻮﻩ ﻣﻮﻭﻭﻭ ..
- ﺍﻫﻮﻭﻭ ﺑﻜﺮ ﻭﺍﻟﻠﻪ ﺗﻌﺒﺎﻧﻪ ﻭﺣﻴﻠﻲ ﻣﺎﺑﻴﻪ .. ﺣﺘﻰ ﻣﺎﺑﻴﻪ ﺍﺑﺮﺭ ﻣﻬﺪﻭﺩﻩ ﻣﻦ ﺍﻟﺘﻌﺐ ﻓﺪﻭﻩ ﻏﻴﺮ ﻣﺮﻩ ﻭﺍﻓﻬﻢ
.. ....
ﺍﻧﺘﻲ ﺍﻟﺞ ﺧﻠﻚ ﻭﺣﻴﻞ ﻟﻠﻜﻞ ﻣﻦ ﺗﻮﺻﻠﻴﻦ ﻳﻤﻲ ﻣﺎ ﺑﻴﺞ ﺣﻴﻞ ﻣﻮﻭ . ﺍﻭﻙ ﺭﻭﺣﻲ
- ﻟﺤﻈﻪ ﻟﺤﻈﻪ .. ﺑﻜﺮ ﻟﺘﺴﺪﻩ ﺑﺲ ﻛﻮﻟﻲ ﺷﻨﻮ ﺍﻟﺘﺮﻳﺪﻩ ..
- ﺍﺭﻳﺪﺝ ﺍﻧﺘﻲ ﺑﺲ ﻣﺎ ﺍﺭﻳﺪ ﺗﻬﺘﻤﻴﻦ ﺑﻐﻴﺮﻱ ﻟﺞ ﻣﻮﺗﻴﻨﻴﻴﻴﻴﻴﻲ ..
- ﻣﻬﺘﻤﻪ ﺑﻤﻨﻮ ﺑﻜﺮ ﺍﻟﻠﻪ ﻳﺸﻬﺪ ﺑﻌﻴﻮﻧﻲ ﻣﺎ ﺍﺷﻮﻑ ﻏﻴﺮﻙ ﻻ ﺍﺭﻛﺎﻥ ﻭﻻ ﻋﺸﺮﻩ ﻣﻨﻪ
ﻟﺘﻜﻌﺪ ﺗﻌﺪﺩﻟﻲ ﻧﺎﺱ ﻣﻤﺎﺧﺬﻳﻦ ﺟﺰﺀ ﻣﻦ ﺗﻔﻜﻴﺮﻱ ..
- ﺗﺮﺩﻳﻦ ﺗﻘﻨﻌﻴﻨﻲ ﺑﺲ ﺍﻧﻲ ﺷﺎﻏﻞ ﺗﻔﻜﻴﺮﺝ .. ﺳﻤﺮ ﻫﻴﻪ ﻣﺎﻝ ﻛﻼﻭﺍﺕ .. ﻳﻮﻡ ﻛﺎﻣﻞ ﻣﺎ ﺭﻓﻌﺘﻲ ﺧﻂ ﻭﺣﺎﺟﻴﺘﻴﻨﻲ ﻭﺍﻧﻲ ﻛﻞ ﻓﻜﺮﻱ ﺑﻴﺞ ﻭﺍﻧﺘﻲ ﻣﻮ ﻳﻤﻲ ..
- ﺑﻜﺮ ﺗﻘﺘﻨﻊ ﺍﻭ ﻣﺘﻘﺘﻨﻊ .. ﺑﺮﺍﺣﺘﻚ .. ﻫﺬﺍ ﺍﻟﻌﻨﺪﻱ ﻭﺩﺍ ﺍﻛﻮﻟﻪ ﺍﻟﻚ .. ﻧﻤﺖ ﻋﻠﻤﺨﺪﻩ .. ﻭﻫﻮﻩ ﻳﺰﻓﺮﻩ . ﺍﺑﺘﺴﻤﺖ ﻭﻛﻠﺖ ﺷﻠﻮﻥ ﻋﺼﺒﻴﻪ ﺗﺨﺒﻠﻨﻲ ..
ﻣﺎ ﺣﺠﻪ .. ﻳﻤﻪ ﻣﻦ ﻳﺰﻋﻞ ﻳﻘﻔﻞ .. ﻣﺎ ﺭﺩ .. ﺑﻜﺮﺭﺭﺭﺭ
- ﻫﻤﻤﻤﻢ ..
- ﺗﻌﺒﺎﻧﻪ
- ﺣﻘﺞ ﻣﻦ ﺍﻟﺮﻛﺺ ﻋﻴﻨﻲ .. ﺫﺍﺑﻪ ﻟﺤﻢ ﺑﺎﻟﻔﻴﺪﻳﻮ ..
- ﻫﻬﻬﻬﻬﻪ ﻣﻮ ﻋﻴﺐ ﺗﺸﻮﻓﻪ .. ﻣﺘﺨﺠﻞ ..
- ﻣﺎ ﺷﻔﺘﻪ ﺑﺲ ﺳﻤﻌﺖ ﺍﻣﻲ ﺗﺤﺠﻲ ﻭﻳﻪ ﻋﺎﺩﻝ ﻭﺗﻜﻠﻪ ﺗﻌﺎﻝ ﺷﻮﻑ ﺳﻤﺮ ﺷﻠﻮﻥ ﺗﺮﻛﺺ ﺟﺮﻳﺘﻪ ﻣﻦ ﺍﻳﺪﻫﺎ ..
ﻟﻤﺤﺘﺞ ﺑﺎﻟﻔﻴﺪﻳﻮ ﺗﺮﻛﺼﻴﻦ .. ﻣﺴﺤﺘﻪ ﺑﺪﻭﻥ ﻣﺎ ﺍﺷﻮﻓﻪ .. ﻭﻛﺘﻠﻬﺎ ﻣﺤﺮﻡ ﻋﻠﻴﻬﺎ ﺑﻌﺪ ﻣﺘﺴﺘﺤﻴﻦ ﺗﺸﻮﻓﻴﻬﺎ
- ﺍﻣﻮﺕ ﻋﻠﻴﻚ ..
- ﺟﺬﺍﺑﻪ ﻭﺍﻛﺒﺮ ﺣﻴﺎﻟﻪ
- ﺗﺪﺭﻱ ﻛﻞ ﺍﻻﺣﺘﺎﺟﻪ ﻫﺴﻪ ﺷﻨﻮ ..
- ﺷﻨﻮ .. ؟؟؟
- ﺍﺧﻠﻲ ﺭﺍﺳﻲ ﻋﻠﻰ ﻛﺘﻔﻚ ﻭﺍﻧﺴﻰ ﺍﻟﻌﺎﻟﻢ ﻭﺍﺭﺗﺎﺡ
- ﺍﺟﻴﺞ ..
- ﻭﻳﻴﻴﻴﻦ .. 😱
- ﻟﻠﺒﻴﺖ
- ﻋﻠﻤﻮﺩ ﻳﺜﺮﻣﻮﻧﻪ .
- ﺟﺒﺎﻧﻪ ..
- ﺍﻛﻮﻝ ﺳﺆﺍﻝ ﺑﺮﻭﺡ ﺍﻫﻠﻚ .. ﺍﻧﺘﻪ ﻋﻘﻠﻚ ﻋﺎﻳﺶ ﺑﺎﻟﻌﺮﺍﻕ ﻟﻮ ﻭﻳﻦ .. ﺗﻔﻜﻴﺮﻙ ﻣﻮ ﻋﺮﺍﻗﻲ ﺍﺑﺪ
- ﻫﻬﻬﻬﻬﻬﻪ ﺩﺭﻭﺣﻲ ﻳﺎﺑﻪ ﺭﻭﺣﻲ ﺍﺭﺗﺎﺣﻲ .. ﻭﻫﺎﺍﺍﺍ ﺍﺣﺴﺎﺑﺞ ﺑﻌﺪﻳﻦ ..
- ﺍﻣﻮﻭﺕ ﻋﻠﻰ ﺍﺣﺴﺎﺑﻚ ﻫﻬﻬﻬﻪ ﺑﺎﺍﺍﻱ
- ﺍﻡ ﻟﺴﺎﻥ ﺻﺎﻳﺮﻩ ﺍﻭﻳﻠﻲ ﻣﻨﺞ ﺍﺧﺨﺦ
- ﺭﺍﺡ ﺍﻧﺎﻡ ..
- ﻧﺎﻣﻲ ﻣﻨﻮ ﻻﺯﻣﺞ ..
- ﻣﺘﻘﻔﻞ ﺧﻂ ..
- ﻣﺎ ﻋﺎﺟﺒﻨﻲ
- ﺭﺻﻴﺪﻙ ﺣﺮﺍﻣﺎﺕ ..
- ﺍﻡ ﻓﻠﻴﺲ ﻣﺎ ﻣﺎﺧﺬ ﻣﻦ ﺭﺍﺗﺒﺞ
- ﻫﻬﻬﻬﻬﻪ ﻳﺎ ﺭﺍﺗﺐ ﻏﻴﺮ ﻛﻮﻥ ﺍﺷﻮﻓﻪ ﻟﺮﺑﻊ ﺍﻟﺸﻬﺮ ﻣﻴﺒﻘﻰ
- ﻣﺎ ﺑﻴﺞ ﺣﻆ ﻏﻴﻴﺮ
- ﻭﺷﺴﻮﻱ .. ﻣﺎ ﺍﻟﺤﻚ ..
- ﺩﺭﻭﺣﻲ ﻧﺎﻣﻲ ﻳﺎﺑﻪ ﺻﻮﺗﺞ ﻛﻮﻩ ﻳﻄﻠﻊ ..
- ﺗﻌﺒﺎﻧﻪ
- ﺍﻓﺘﻬﻤﺖ ﻭﺍﻟﻠﻪ ..
- ﻋﺎﺍﺑﺖ
- ﻫﻬﻬﻬﻪ ﺑﺎﻱ
- ﺑﺎﻳﺎﺕ . ﻗﻔﻠﺖ ﺍﻟﺨﻂ .. ﻭﺑﺎﻭﻋﺖ ﻟﺮﻗﻤﻪ .. ﻳﺎﺭﺑﻲ ﺣﺘﻰ ﺭﻗﻤﻪ ﺍﻋﺸﻘﻪ ..
ﻧﻤﺖ ﺛﺎﻧﻲ ﻳﻮﻡ ﺍﻟﺴﺎﻋﻪ ﺏ 7 ﺳﺒﻌﻪ ﻛﻌﺪﺕ .. ﻛﺘﻠﻬﺎ ﻣﺎﻣﺎ ﺷﻨﻮ ﻋﻤﺘﻲ ﻣﺼﻮﺭﺗﻨﻲ ﻭﺍﻧﻲ ﺍﺭﻛﺺ ..
ﻛﺎﻟﺖ ﻻﺍﺍ ﻳﻤﻜﻦ ﺭﻧﺎ .. ﺷﻜﻴﺖ ﺑﻴﻬﺎ .. ﻭﻛﺘﻠﻬﺎ ﺧﺎﻟﻪ ﻻ ﺗﺼﻮﺭﻳﻦ .. ﻛﺎﻟﺖ ﻻ ﺟﺎﻱ ﺍﺻﻮﺭ ﻧﻔﺴﻲ ..
ﻭﺍﻧﺘﻲ ﺷﻤﺪﺭﻳﺞ ﻣﺼﻮﺭﻳﺞ .. ﻏﻠﺴﺖ ﺳﻮﻳﺖ ﺭﻭﺣﻲ ﻣﺎ ﺳﻤﻌﺖ .. ﻭﺭﺣﺖ ﻟﻠﺤﻤﺎﻡ ﺭﻛﺾ ..
ﺍﻧﻮﺏ ﺗﺮﻳﻜﻨﻪ .. ﻭﻛﻤﻠﻨﻪ ﻭﺭﺣﺖ ﻭﻳﻪ ﻧﺠﻮﻯ ﻟﻠﺼﺎﻟﻮﻥ .. ﻟﺒﺴﺖ ﻓﺴﺘﺎﻥ ﻋﻨﺪﻱ ﻭﺭﺩﻱ ﺑﺪﺍﻳﺘﻪ ﻛﺮﺳﺘﺎﻝ ﻭﺍﻟﺒﺎﻗﻲ ﺗﻮﺭ ..
ﺣﻠﻮﻭ ﻭﺍﺳﻊ ﻭﻣﺴﺘﻮﺭ ﻻﻥ ﺯﻭﺍﺟﻬﻢ ﺑﻘﺎﻋﻪ ﻭﻣﺨﺘﻠﻂ .. ﻣﺎ ﺍﻛﺪﺭ ﺍﻟﺒﺲ ﺑﺮﺍﺣﺘﻲ .. ﻧﺠﻮﻯ ﻃﻠﻌﺖ ﺗﺠﻨﻦ .. ﻋﻴﻮﻧﻲ ﻣﻮﻛﻔﻦ ﻣﻦ ﺍﻟﺒﺠﻲ ﻋﻠﻴﻬﺎ ..
ﺑﺲ ﻣﺎ ﺑﻴﻨﻠﻬﺎ .. ﺑﺲ ﻭﺍﺿﺢ ﺑﻌﻴﻮﻧﻲ .. ﺻﺎﺭﻥ ﺣﻤﺮ .. ﺑﺲ ﺍﻛﻮﻟﻬﺎ ﻣﻦ ﺍﻟﻌﺪﺳﺎﺕ ﻣﻮﺍﻟﻤﻦ ﻋﻴﻮﻧﻲ ..
ﺍﺟﻴﻨﻪ ﻟﻠﺒﻴﺖ ﻭﺻﻔﻜﻨﻪ ﻭﺿﺤﻜﻨﻪ .. ﻭﻛﻠﺘﻬﺎ ﺷﻮﻱ ﺧﺎﻑ ﺗﺠﻮﻉ ﻭﻫﻴﻪ ﻋﺮﻭﺱ ﺗﺴﺘﺤﻲ .. ﻭﻛﻠﺘﻬﺎ ﺷﻮﻱ ﺷﻮﻱ ﻋﻠﻤﻮﺩ ﻟﺘﺨﺮﺏ ﺣﻤﺮﺗﻬﺎ ..
ﻟﻠﺴﺎﻋﻪ 3 ﺍﺟﺖ ﺍﻟﺰﻓﻪ .. ﺍﺧﺬﻭﻟﻨﻪ ﺳﻴﺎﺭﻩ ﺍﻧﻲ ﻭﺍﻣﻲ ﻭﺧﺎﻻﺗﻲ ﻭﺑﻴﺒﻲ ﻭﻣﺮﺕ ﺍﺭﻛﺎﻥ ﺑﻘﺖ ﺑﺎﻟﺒﻴﺖ ﺣﺎﻣﻞ ﻣﺘﻜﺪﺭ ..
ﺍﺧﺬﻭﻧﻪ ﻟﻠﺘﺼﻮﻳﺮ ﺻﻮﺭﻧﻪ ﻭﻳﺎﻫﻢ ﺷﻮﻱ .. ﻭﺍﺳﺎﻋﺪ ﺑﻨﺠﻮﻯ ﺑﻮﺿﻌﻴﺎﺕ ﺍﻟﺘﺼﻮﻳﺮ ﻛﻤﻠﻨﻪ ﻃﻠﻌﻨﻪ ..
ﻭﻻ ﻛﺄﻧﻲ ﻣﺘﺰﻭﺟﻪ ﻗﺒﻞ ﻛﻞ ﻫﻠﺨﻄﻮﺍﺕ ﻭﺍﻟﺸﻐﻼﺕ ﻣﺴﻮﻟﻴﺎﻫﺎ ﺑﻌﺮﺳﻲ ﻣﻦ ﻋﺎﺩﻝ .. ﻋﺮﺱ ﺍﺳﻮﺩ ﺻﺎﺭ ﻋﻠﻴﻪ ..
ﻭﺍﺻﻼ ﺑﻌﻤﺮﻱ ﻭﻳﺎﻩ ﻣﺎ ﺣﺴﻴﺖ ﺍﻧﻲ ﻣﺘﺰﻭﺟﻪ .. ﻻﻥ ﺍﻟﺰﻭﺝ ﻳﺪﺍﺭﻱ ﻣﺮﺗﻪ ﻳﺼﺮﻑ ﻋﻠﻴﻬﺎ ﻳﻐﺎﺭ ﻋﻠﻴﻬﺎ .. ﻫﻮﻩ ﻛﻞ ﻫﺎﻱ ﻣﺎ ﺳﻮﺍﻫﺎ ﻭﻳﺎﻱ ...
ﺗﻮﺻﻴﻠﺔ ﺟﺎﻣﻌﻪ ﺟﺎﻥ ﻳﺘﻌﺎﺟﺰ ﻳﺎﺧﺬﻧﻲ ﻳﻜﻌﺪ ﺑﻜﺮ ﻣﻦ ﺍﻟﺼﺒﺢ ﻛﻞ ﻳﻮﻡ ﻳﺎﺧﺬﻱ .. ﻛﻞ ﻫﻠﺬﻛﺮﻳﺎﺕ ﻣﺮﺕ ﻭﺍﻧﻲ ﺑﺰﻓﺔ ﻋﺮﺱ ﻧﺠﻮﻯ ..
ﻣﻮ ﺍﺣﺴﺪﻫﺎ ﺑﺲ ﺍﻛﻮﻝ ﺷﺒﻴﻪ ﺣﻈﻲ ﻣﻮ ﻣﺜﻞ ﺍﻟﺒﻨﺎﺕ .. ﻣﺎﻛﻮ ﻓﺮﺣﻪ ﺍﻟﻲ ﻛﻤﻠﺖ .. ﻻﺯﻡ ﻳﻄﻠﻊ ﺷﺨﺺ ﺑﺤﻴﺎﺗﻲ ﻳﻨﻐﺺ ﻋﻠﻴﻪ
ﻭﺻﻠﻨﻪ ﻟﻠﻘﺎﻋﻪ .. ﺍﻟﺪﻧﻴﺎ ﻣﻜﻠﻮﺑﻪ . ﺟﻤﺎﻋﺔ ﻣﺎﺯﻥ ﻭﺍﻗﺮﺑﺎﺀﻩ .. ﻭﺩﻱ ﺟﻲ ﻭﻫﻮﺳﻪ ﻫﻮﺳﻪ ﺍﻟﺸﺒﺎﺏ ﻫﻮﺳﺘﻬﻢ ﻣﻮ ﻣﺜﻞ ﺍﻟﺒﻨﺎﺕ
ﻋﻴﺎﻃﻬﻢ ﻫﺎﻟﻲ ﻭﺻﻮﺗﻬﻢ ﺧﺸﻦ ﻳﺪﻭﺥ .. ﺍﻣﻲ ﻣﺎ ﺗﺤﻤﻠﺖ . ﺷﻮﻳﻪ ﻭﺗﺨﺮﺑﻄﺖ .. ﺭﺟﻌﻮﻫﺎ ﻫﻴﻪ ﻭﺑﻴﺒﻲ ﺑﺴﻴﺎﺭﻩ .. ﻛﺎﻟﺖ ﺍﻣﻲ ﺍﺑﻘﻲ ﻭﻳﻪ ﻧﺠﻮﻯ ﻟﺘﻌﻮﻓﻴﻬﺎ .. ﺧﺎﻻﺗﺞ ﻳﻤﺞ ﺭﺍ ﻳﺒﻘﻦ
ﻛﺘﻠﻬﺎ ﺭﻭﺣﻲ ﻫﺎﻫﻴﻪ
ﻭﻛﻔﺖ ﺍﺧﺮ ﺍﻟﺤﻔﻠﻪ ﻭﺍﺻﻔﻚ ﺑﻤﻜﺎﻧﻲ . ﻻﻥ ﺑﻨﺎﺕ ﻧﺰﻟﻦ ﻳﺮﻛﺼﻦ ﻭﺷﺒﺎﺏ .. ﻭﻫﻮﺳﻪ .. ﺑﺲ ﻧﺠﻮﻯ ﻛﻞ ﺷﻮﻱ .. ﻭﺻﺎﺣﺘﻠﻲ ﻭﺍﺭﻭﺣﻠﻬﺎ ..
ﻭﻛﻔﺖ ﻳﻤﻬﺎ .. ﻣﺮﻩ ﻣﻦ ﺍﻫﻞ ﺍﻟﻌﺮﻳﺲ . ﻛﺎﻟﺖ ﺍﻟﻴﺸﻮﻓﺞ ﺍﻟﺒﺎﺭﺣﻪ ﻣﻴﻜﻮﻝ ﺍﻟﻴﻮﻡ ﻫﺎﻱ ﺍﻧﺘﻲ . ﺷﻨﻮ ﺻﻔﻜﻲ ﺍﺭﻛﺼﻲ ..
ﻛﺘﻠﻬﺎ ﻫﻨﺎﻙ ﺑﻴﺘﻲ ﻭﺍﻟﻌﺐ ﺑﻴﻪ . ﻣﺎ ﺍﻛﺪﺭ ﺍﺭﻛﺺ ﻛﺪﺍﻡ ﺍﻟﻨﺎﺱ ﺍﺳﺘﺤﻲ .. ﺑﺲ ﻋﻮﺩ ﻳﻔﻚ ﻣﻨﻲ ﻣﺎﺯﻥ ..
ﻣﺸﻐﻠﻴﻦ ﺷﻌﺮ ﺷﻌﺮ ﻭﻳﻬﺰ ﺟﺘﻒ ﻭﻳﻜﻮﻟﻲ ﻫﺰﻱ ﺳﻤﺮﻣﺮ ﻫﺰﻱ ﻫﻬﻬﻬﻪ .. ﺑﺲ ﺍﻧﻲ ﺍﺻﻔﻚ ﻣﺎ ﻫﺰﻳﺖ .. ﻛﻠﻬﺎ ﺷﺒﺎﺏ ﻟﻮ ﺍﻣﻮﻭﻭﺕ .
ﻟﺸﻮﻱ ﺍﺟﻪ ﻭﻟﺪ ﻋﺮﻓﻨﻲ ﻋﻠﻴﻪ ﻣﺎﺯﻥ .. ﻛﺎﻝ ﻫﺬﺍ ﺍﺑﻦ ﺧﺎﻟﺘﻲ ﻋﻤﺎﺭ .. ﺍﺑﺘﺴﻤﺘﻠﻪ .. ﻣﺎ ﺍﻋﺮﻓﻪ ﻋﺸﻨﻮ ﻳﻌﺮﻓﻨﻲ ﺑﻴﻪ .
ﻭﺍﻛﻔﻪ ﺍﺿﺤﻚ ﻭﺍﺻﻔﻚ ﻭﻣﻨﺪﻣﺠﻪ ﺑﺎﻟﺠﻮ .. ﺟﺎﻥ ﺍﺳﻤﻊ ﺻﻮﺕ ﻣﻦ ﻭﺭﺍﻱ .. ﺑﺄﺫﻧﻲ ﻳﻬﻤﺲ
- ﺍﺣﺲ ﺍﻟﻔﺮﺡ ﺿﺤﻜﺎﺕ ﻣﺨﻠﻮﻗﻪ ﺑﺲ ﻟﺨﺪﻭﺩﺝ .. ﺍﻟﺘﻔﺘﺖ ﻫﻬﻬﻬﻬﻪ .... ﻳﺘﺒﻊ
🌺🌺🌺🌺🌺🌺
ﺗﺘﻮﻗﻌﻮﻥ ﻣﻨﻮ ﺍﻟﺪﻳﻐﺎﺯﻝ ﺑﺄﺫﻧﻬﺎ .. ﻫﻬﻬﻬﻬﻪ ﻓﺮﺣﺘﻜﻢ ﺍﻟﻴﻮﻡ ﺑﻌﺮﺱ .. ﺣﻈﺮﻭﻟﻲ ﺩﻣﻮﻋﻜﻢ للجزء الجايﺍﻟﺠﺎﻱ 😉
ﻣﺘﺎﺑﻌﻪ ﻣﻤﺘﻌﻪ ...
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق