رواية حكاية سمر ج2 الجزء العاشر
للكاتبة زينب ماجد
🌿🌿🌿
ﺍﻧﺘﻀﺮﺗﻪ ﺑﻜﺮ ﺍﻧﺘﻀﺮﺗﻪ .. ﻣﺎ ﺍﺟﻪ .. ﻃﻠﻌﺖ ﺭﻭﺣﻲ . ﻋﻔﺖ ﺍﻟﻤﻄﻌﻢ ﻭﻃﻠﻌﺖ .. ﺑﺎﻭﻋﺖ ﺍﻟﺴﻴﺎﺭﺍﺕ ﺗﻤﺸﻲ ..
ﻓﻌﻼ ﺍﻳﺴﺖ ﻣﻦ ﺍﻟﺤﻴﺎﺓ ﺑﻴﻮﻣﻬﺎ ﻭﺭﺩﺕ ﺍﺷﻤﺮ ﺭﻭﺣﻲ ﺑﺎﻟﺸﺎﺭﻉ ﺟﻮﻩ ﺍﻟﺴﻴﺎﺭﺍﺕ .. ﺩﺧﻠﺖ ﺍﻟﺸﺎﺭﻉ ﻭﺍﻟﺴﻴﺎﺭﺍﺕ ﺳﺮﻳﻌﻪ ﺩﺧﻠﺖ ﺑﻴﺌﺲ ..
ﻭﺍﺳﻢ ﺻﺮﺍﺥ ﻣﻦ ﻭﺭﺍﻱ ﺳﻤﺮﺭﺭﺭﺭﺭ ﻻﺍﺍﺍ ... ﺩﺭﺕ ﻭﺟﻬﻲ ﻋﻠﻴﻪ .. ﻭﻣﺎ ﺍﺣﺲ ﺍﻻ ﺳﻴﺎﺭﻩ ﻛﺒﺎﻝ ﻭﺟﻬﻲ ﻭﺩﻙ ﻫﻮﻭﻭﺭﻥ ﺣﻴﻴﻴﻞ .
ﺑﺤﺮﻛﻪ ﺳﺮﻳﻌﻪ .. ﺟﺮﻧﻲ ﺑﻜﺮ ﻣﻦ ﺍﻟﺴﻴﺎﺭﻩ .. ﺑﺲ ﺍﻟﺴﻴﺎﺭﻩ ﻗﺪﻳﻤﻪ .. ﻭﺍﻟﻤﻘﺪﻣﻪ ﻣﺎﻟﺘﻬﺎ ﻣﻜﺴﻮﺭﻩ .. ﻋﺪﺕ ﻋﻠﻰ ﺭﺟﻠﻲ .. ﻭﺟﺮﺣﺘﻬﺎ ..
ﺻﺮﺥ ﺷﺒﻴﺞ ﺗﺨﺒﻠﺘﻲ .. ﻟﺞ ﺑﺲ ﻛﻠﻴﻠﻲ ﺍﻧﺘﻲ ﻋﻘﻞ ﻣﺎ ﻋﻨﺪﺝ .. ﺷﻠﻮﻥ ﺗﺸﻤﺮﻳﻦ ﻧﻔﺴﺞ ﻫﻴﺞ ..
- ﺑﻘﻴﺖ ﺍﺑﺠﻲ ﻭﺍﺻﻴﺢ ﻭﺍﺩﻓﻊ ﺑﻴﻪ .. ﻣﻦ ﻭﺭﺍﻙ ﻣﻦ ﻭﺭﺍﻙ .. ﻣﺎ ﺍﺗﺤﻤﻞ ﺗﻌﻮﻓﻨﻲ ﺑﻜﺮ ﻻﺍﺍﺍ ﻭﻛﻌﺪﺕ ﻋﻠﺮﺻﻴﻒ ﺍﺑﺠﻲ ..
ﻧﺰﻝ ﺍﺑﻮ ﺍﻟﺴﻴﺎﺭﻩ .. ﻛﺎﻝ ﺧﻮﻳﻪ ﻭﺍﻟﻠﻪ ﺍﺳﻒ ﻣﻮ ﻗﺼﺪﻱ ﺍﺿﺮﺑﺞ ﺑﺲ ﻃﻠﻌﺘﻲ ﺑﻮﺟﻬﻲ ..
ﺑﻜﺮ ﻛﺎﻟﻪ ﻻ ﻫﺎﻫﻴﻪ ﺧﻮﻳﻪ ﺍﺗﻮﻛﻞ .. ﺍﻧﻲ ﺍﺑﺠﻲ .. ﻭﺍﻣﺴﺢ ﻋﻞ ﺟﺮﺡ ﺭﺟﻠﻲ .. ﻛﺺ ﻟﺤﻢ ﺭﺟﻠﻲ ﻛﺺ .. ﻭﺑﺲ ﺗﺠﺮﻱ ﺩﻡ ..
ﻛﺎﻝ ﺍﺑﻮ ﺍﻟﺴﻴﺎﺭﻩ ﻛﻮﻣﻲ ﺧﻮﻳﻪ ﺧﻞ ﺍﺧﺬﺝ ﻟﻠﺪﻛﺘﻮﺭ ﻭﺷﻜﺪ ﺗﻜﺎﻟﻴﻒ ﺟﺮﺣﺞ ﺍﻧﻪ ﺍﺩﻓﻌﻬﺎ ..
ﺑﻜﺮ .. ﺗﻮﻛﻞ ﺧﻮﻳﻪ ﺣﺎﺩﺙ ﻣﻮ ﻣﺘﻌﻤﺪ .. ﻫﺴﻪ ﺍﺧﺬﻫﺎ ﻟﻠﻤﺴﺘﺸﻔﻰ ﻭﻳﺪﺍﻭﻭﻫﺎ ..
- ﺧﻮﻳﻪ ﺍﺑﺮﻭﻧﻲ ﺍﻟﺬﻣﻪ ﻭﺍﻟﻠﻪ ﻣﻮﻗﺼﺪﻱ .. ﺧﻮﻳﻪ ﻣﺘﺄﺫﻳﻪ .. ﺷﻮ ﺗﺒﺠﻲ ..
- ﺭﻭﺡ ﻳﺎ ﺧﻮﻳﻪ ﺭﻭﺡ .. ﺍﻧﻲ ﺍﻭﺩﻳﻬﺎ ﻣﺒﺮﻱ ﺍﻟﺬﻣﻪ .. ﺩﺭﺕ ﻭﺟﻬﻲ ﻋﻠﻴﻬﺎ .. ﻛﻮﻣﻲ ﻟﺘﺒﺠﻴﻦ ﺑﺎﻟﺸﺎﺭﻉ .. ﺩﻧﻜﺖ ﻟﺮﺟﻠﻬﺎ ..
ﺗﺄﺫﻳﺞ ..
- ﻫﺰﻳﺖ ﺭﺍﺳﻲ ﺍﻱ .. ﻭﺍﻧﻲ ﺍﺑﺠﻲ ..
- ﻛﻮﻣﻲ ﺧﺒﻠﻪ ﻛﻮﻣﻲ .. ﺍﻻ ﺷﻮﻳﻪ ﺟﺎﻥ ﻣﺘﻲ .. ﻋﻮﺩ ﻫﻴﻪ ﺯﻳﻨﻴﻪ ﺗﻤﻮﺗﻴﻦ ﻧﻔﺴﺞ ..
- ﻛﻤﺖ ﻭﻣﺎ ﺣﺠﻴﺖ ﺷﻲ .. ﺍﺧﺬﻧﻲ ﻟﻠﺴﻴﺎﺭﻩ .. ﻛﺘﻠﻪ ﺑﻜﺮ ﻭﺍﻟﻠﻪ ﻣﺎ ﺟﺬﺑﺖ ﻋﻠﻴﻚ ﻗﺼﺪ ..
- ﺍﺳﻜﺘﻲ ﻻ ﺗﻔﺘﺤﻴﻦ ﺍﻟﻤﻮﺿﻮﻉ ..
- ﻟﻴﺶ ﻣﺘﺮﺩ ﻋﻠﻴﻪ ..
- ﻻﻧﺞ ﻣﻮ ﻣﻌﺘﺒﺮﺗﻨﻲ .. ﻓﻠﻴﺶ ﺍﺭﺩ .. ﺍﺻﻼ ﻣﺎ ﺍﻫﻤﺞ ..
- ﻟﻮ ﻣﺘﻬﻤﻨﻲ .. ﻣﺎ ﺟﺎﻥ ﺷﻤﺮﺕ ﻧﻔﺴﻲ ﻟﻠﻤﻮﺕ ﻋﻠﻤﻮﺩﻙ ..
- ﻫﺎﻱ ﻣﻮ ﺗﻀﺤﻴﻪ ﻫﺎﻱ ﺧﺒﺎﻝ .. ﺍﻧﺘﻲ ﺟﺎﻱ ﺗﻌﺎﻗﺒﻴﻨﻲ ﺑﺎﺫﻳﺔ ﻧﻔﺴﺞ ﻣﻮ ﺗﺼﺎﻟﺤﻴﻦ ﻭﺍﻃﻠﺒﻴﻦ ﺭﺿﺎﻱ ..
- ﺑﻜﺮ ﻻ ﺗﻌﺘﻘﺪ ﻏﻴﺮﻙ ﻳﺴﻜﻦ ﻛﻠﺒﻲ .. ﺑﻌﻴﻮﻧﻲ ﻣﺎ ﺍﺷﻮﻑ ﺍﺣﺪ ﻏﻴﺮﻙ .. ﻟﻮ ﺷﻤﺎ ﻳﻜﻮﻥ .. ﺷﺒﺮ ﻣﺎ ﻳﻌﻠﻰ ﻋﻠﻴﻚ ..
ﻭﺍﻧﻲ ﺭﺣﺖ ﻭﻳﻪ ﻛﻤﺎﻝ ﻣﻮ ﻋﻠﻤﻮﺩ ﺷﻲ .. ﺑﺲ ﻃﺎﻟﺒﻪ ﻭﻳﺎﻱ ﻣﺘﻮﺭﻃﻪ ﻭﻳﻪ ﻭﺍﺣﺪ ﻧﻜﺲ ﻭﻳﺒﺘﺰﻫﺎ ﻋﻠﻤﻮﺩ ﻳﺎﺧﺬ ﻧﺰﻭﺗﻪ ..
ﻟﻬﻴﺞ ﻃﻠﺒﺖ ﻣﺴﺎﻋﺪﺓ ﻛﻤﺎﻝ .. ﺑﺎﻋﺘﺒﺎﺭﻩ ﻧﻘﻴﺐ ﻭﺿﺎﺑﻂ ﺷﺮﻃﻪ .. ﻳﻜﺪﺭ ﻳﻌﺎﻟﺞ ﺍﻟﻤﻮﺿﻮﻉ ..
ﻗﺴﻢ ﺑﻠﻠﻪ ﻻ ﻓﺪ ﻳﻮﻡ ﺍﺗﻮﺍﺻﻠﺖ ﻭﻳﺎﻩ ﻭﻻ ﺍﺑﺪ ﺑﺲ ﻋﻠﻤﻮﺩ ﻫﺬﻱ ﺍﻟﺒﻨﻴﻪ .
....
ﻭﻟﻴﺶ ﻣﻜﻠﺘﻲ ﻣﻦ ﺍﻟﺒﺪﺍﻳﻪ ﻫﻴﺞ ﺍﻟﻤﻮﺿﻮﻉ ..
- ﺍﻧﺘﻪ ﻣﺎ ﺧﻠﻴﺘﻨﻲ ﺍﺣﺠﻲ ..
- ﺳﻤﺮ ﺍﻧﺘﻲ ﺟﺬﺑﺘﻲ ﻭﻛﻠﺘﻲ ﺍﻧﻲ ﺟﻨﺖ ﺑﺎﻟﻤﺪﺭﺳﻪ .. ﻭﺍﻧﻲ ﺳﺄﻟﺖ ﻋﻠﻴﺞ ﺍﻟﺤﺎﺭﺱ .. ﻛﺎﻝ ﺳﺖ ﺳﻤﺮ ﻃﻠﻌﺖ ﺍﺟﺎﺯﻩ ..
- ﻣﺎ ﺍﻋﺮﻑ ﻭﺍﻟﻠﻪ ﻣﻮ ﻗﺼﺪﻱ ﺍﺟﺬﺏ .. ﺑﺲ ﻣﺎ ﺭﺩﺕ ﺍﻛﻮﻝ ﺑﺴﺎﻟﻔﺔ ﺍﻟﺒﻨﻴﻪ ﻻ ﺍﻛﺜﺮ ..
ﺩﻧﺤﺠﻲ ﻭﺻﻠﻨﻪ ﻟﻠﻤﺸﺘﺸﻔﻰ .. ﺧﺎﺑﺮﺕ ﻣﺎﻣﺎ ..
- ﺳﻤﺮ ﺍﻧﺘﻲ ﻭﻳﻦ ﺍﺗﺄﺧﺮﺗﻲ
- ﻳﻮﻡ ﺻﺎﺭ ﻭﻳﺎﻳﻪ ﺣﺎﺩﺙ ﺻﻐﻴﺮ .. ﻭﻫﺴﻪ ﺍﻧﻲ ﺑﺎﻟﻤﺴﺘﺸﻔﻰ ..
- ﻳﺎﺍﺍﺍﺍ ﺷﻠﻮﻭﻭﻥ ..
- ﻣﺎ ﺍﻋﺮﻑ ﻭﺍﺣﺪ ﺟﺎﻱ ﻃﺎﻳﺮ ﻭﺍﻧﺸﻜﺖ ﺭﺟﻠﻲ ..
- ﺍﺣﻤﺪ ﻣﻮ ﻫﻨﺎ ﻭﻳﺠﻴﺞ .. ﺭﺍﺡ ﺍﺟﻴﺞ ﺍﻧﻲ .. ﺑﻴﺎ ﻣﺴﺘﺸﻔﻰ ..
- ﻣﺎﻛﻮ ﺩﺍﻋﻲ ﻳﻮﻡ ﻫﻮﻩ ﺑﺲ ﻳﻀﻤﺪﻭﻥ ﺍﻟﺠﺮﺡ ﻭﺍﺭﺟﻊ .. ﻣﺎ ﻋﻠﻴﻪ ﺷﻲ .. ﻧﺺ ﺳﺎﻋﻪ ﻭﺍﺟﻲ
- ﻣﺎﺷﻲ ﺑﺲ ﻋﻮﺩ ﻃﻤﻨﻴﻨﻲ ﺭﺍﺡ ﻳﻀﻞ ﺑﺎﻟﻲ ﻳﻤﺞ .. ﻭﻟﻮ ﺍﺟﻪ ﺍﺣﻤﺪ ﺍﺩﺯﻩ ﻋﻠﻴﺞ ..
- ﻻ ﻟﺪﺯﻳﻪ ﻭﺍﻟﻠﻪ ﻣﺎﺑﻴﻪ ﺷﻲ ﻛﺘﻠﺞ ﻧﺺ ﺳﺎﻋﻪ ﻭﺍﺟﻲ ﻻ ﻳﻨﺸﻐﻞ ﺑﺎﻟﺞ ..
- ﻳﻠﻪ ﻣﺘﺎﻧﻴﺘﺞ ..
- ﺳﺪﻳﺖ ﺍﻟﺨﻂ ﻣﻦ ﺍﻣﻲ ﻭﺑﺎﻭﻋﺖ ﻟﺒﻜﺮ .. ﻛﺎﻝ ﻭﺭﺑﺞ ﻣﺎ ﺗﻜﺒﺮﻳﻦ .. ﻟﻮ ﻳﺼﻴﺮ ﻋﻤﺮﺝ 100 ﺗﺒﻘﻴﻦ ﺛﻮﻟﻪ .. ﻟﺞ ﺑﺎﺑﺎ ﺛﻤﻨﻲ ﺗﺼﺮﻓﺎﺗﺞ ﻓﻜﺮﻱ ﻗﺒﻞ ﻣﺎ ﺗﺘﺼﺮﻓﻴﻦ ..
- ﻛﺘﻠﻪ ﺭﺍﺡ ﺗﻜﻌﺪ ﺗﻠﻮﻣﻨﻲ ﻭﺍﻧﺘﻪ ﺍﻟﺴﺒﺐ ..
- ﺿﺤﻚ .. ﻭﺍﻟﻠﻪ ﻣﺎ ﻳﻌﺠﺒﻨﻲ ﺑﻴﺞ ﻏﻴﺮ ﺛﻮﻟﺞ .. ﻟﻮ ﻣﻠﻮﺗﻪ ﻭﻣﻠﻌﺒﻪ ﺟﺎﻥ ﻣﺎ ﺣﺒﻴﺘﺞ . ﺑﺲ ﻣﻦ ﺍﻧﺘﻲ ﻭﺻﻐﻴﺮﻩ .. ﺛﻮﻟﻪ ..
- ﺗﺮﻩ ﺭﺯﻟﺖ ﻫﻮﺍﻱ ﻛﺎﻓﻲ
- ﻫﻬﻬﻬﻬﻪ ﺩﻣﺸﻲ ﺍﻣﺸﻲ ..
- ﻛﺼﻴﻨﻪ ﺑﺎﺹ .. ﻭﺩﺧﻠﺖ ﺿﻤﺪﻭﻟﻲ ﺍﻟﺠﺮﺡ .. ﻭﺧﻴﻄﻮﻭﻩ ﺑﺲ ﺍﻭﻭﻑ ﻣﺘﺖ ﻭﺟﻊ .. ﻭﺑﻜﺮ ﺑﺮﻩ ﻣﻮ ﻳﻤﻲ ..
ﻛﻤﻠﺖ ﻃﻠﻌﺖ .. ﻛﺎﻝ ﻫﺎﺍ .. ﻛﺘﻠﻪ ﻣﺘﺖ ﻭﺍﻟﻠﻪ .. ﻛﺎﻝ ﻋﻠﻤﻮﺩ ﺍﺗﻮﺑﻴﻦ .. ﻛﺘﻠﻪ ﻣﺎ ﻫﺎﻣﻚ ﻭﺟﻌﻲ .. ﻛﻞ ﻫﻤﻚ ﺍﺗﻮﺏ ..
ﺿﺤﻚ ﻭﺿﺮﺏ ﻋﻠﻰ ﻛﻔﻲ .. ﻟﺞ ﻭﺍﻟﻠﻪ ﺍﻻﻟﻢ ﺑﻴﻪ ﻣﻮ ﺑﻴﺞ ﺑﺲ ﻏﻴﺮ ﺍﺻﺒﺮ ﻋﻠﻴﺞ .. ﻗﺎﺑﻞ ﺍﺑﺠﻲ ﺑﻮﺟﻬﺞ
- ﻗﻨﻌﻨﻲ ﻗﻨﻌﻨﻲ ﺑﻬﻠﺴﻮﺍﻟﻒ .. ﻣﺸﻴﺖ ﺍﺧﺬ ﺍﻳﺪﻱ ﻭﺧﻼﻫﺎ ﺑﺄﻳﺪﻩ .. ﺑﺎﻭﻋﺘﻠﻪ ..
- ﺣﺎﺏ ﺍﺣﺲ ﺍﻧﺘﻲ ﻣﺮﺗﻲ .. ﺗﻌﺒﺖ ﻭﺍﻧﻲ ﺍﺷﻮﻓﺞ ﻛﺒﺎﻟﻲ ﻭﺍﻏﺎﺭ ﻭﺍﻧﻄﺤﻦ ﻛﻞ ﻳﻮﻡ ﺑﻐﻴﺮﺗﻲ ﻋﻠﻴﺞ ..
- ﺍﺑﺘﺴﻤﺖ .. ﺍﺧﺬﺕ ﺑﺎﻳﺪﻩ ﺣﻴﻞ .. ﻣﺎ ﺗﻌﺮﻑ ﺷﻜﺪ ﺣﺎﺑﻪ ﺍﺻﻴﺮ ﺍﻟﻚ .. ﺑﺲ ﺍﺷﻮﻭﻭﻥ .. ﻧﺤﺠﻲ ﻭﻧﻤﺸﻲ ..
ﻭﺻﻠﻨﻪ ﺍﻟﺴﻴﺎﺭﻩ ﺻﻌﺪﻧﻲ .. ﻭ ﺩﺍﺭ ﺻﻌﺪ .. ﻭﺭﺟﻊ ﻛﻤﺶ ﺍﻳﺪﻱ .. ﻭﻳﺒﺎﻭﻋﻠﻲ .. ﺗﺘﺰﻭﺟﻴﻨﻲ ..
- ﺍﺑﺘﺴﻤﺖ .. ﻫﻬﻬﻪ ﻭﺷﻠﻮﻭﻭﻥ .. ﺑﻜﺮ ﺍﺣﺴﻬﺎ ﺻﻌﺐ .. ﻣﺠﺮﺩ ﺗﻔﻜﻴﺮ ﺍﻧﺘﻪ ﺗﺨﻄﺒﻨﻲ ﻭﻛﺬﺍ ﺍﻧﺮﻋﺐ ..
ﻣﻨﻮ ﺭﺍﺡ ﻳﺘﻘﺒﻞ ..
- ﺍﻟﻲ ﺍﻟﻤﺴﻮﻳﻪ ﻣﻮ ﺣﺮﺍﻡ ﻭﺯﻭﺍﺟﻲ ﻣﻨﺞ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﻗﺎﺑﻞ ﺷﺮﺍﻳﺪ ﺍﻧﻲ ..
- ﺍﻋﺮﻑ ﻣﻮ ﺣﺮﺍﻡ .. ﺑﺲ ﺑﻤﺠﺘﻤﻌﻨﻪ ﻭﻋﺪ ﺍﻫﻠﻨﻪ ﺣﺮﺍﻡ .. ﻣﻨﻮ ﺭﺍﺡ ﻳﺘﻘﺒﻞ ..
- ﻣﻦ ﺧﺮﻩ ﺑﻴﻬﻢ ﻣﺎ ﻳﻬﻤﻮﻧﻲ ﺳﻤﺮ ﺍﻧﻲ ﺍﺭﻳﺪﺝ ﺍﻟﺞ ﻣﺎ ﺍﺭﻳﺪ ﻻ ﺍﻫﻞ ﻭﻻ ﻏﻴﺮﻫﻢ .. ﻭﺗﺎﻟﻲ ﻣﺘﺎﻟﻲ ﻛﻠﻬﻢ ﻳﺘﻘﺒﻠﻮﻥ
....
ﻫﻤﻪ ﺍﻟﻤﺸﻜﻠﻪ ﺷﻠﻮﻥ ﻳﺘﻘﺒﻠﻮﻥ .. ﺑﻜﺮ ﻓﻜﺮﺓ ﺍﻧﻬﺰﻡ ﻭﻳﺎﻙ ﻟﺘﻔﻜﺮ ﺑﻴﻬﺎ .. ﻟﻮ ﺍﻣﻮﺕ ﻣﺎ ﺍﺳﻮﻳﻬﺎ ﻭﺍﻋﻮﻑ ﺍﻫﻠﻲ ﻭﺭﺍﻱ ..
- ﻧﺘﺰﻭﺝ ﻫﺴﻪ ..
- ﺷﻨﻮﻭﻭﻭ ..
- ﺻﻜﻴﺖ ﻋﻠﻰ ﺍﻳﺪﻫﺎ ﺣﻴﻞ .. ﻧﺘﺰﻭﺝ ﻫﺴﻪ .. ﻭﺗﺒﻘﻰ ﻫﻴﺞ ﻋﻼﻗﺘﻨﻪ ﺑﺲ ﻟﻀﻤﻨﺞ ﺍﻟﻲ .. ﻭﻗﺖ ﺍﻟﻠﻲ ﺍﺗﻘﺪﻣﻠﺞ ﻭﺭﻓﻀﻮ ﻭﻣﺎ ﻗﺒﻠﻮ ..
ﻭﻗﺘﻬﺎ ﺍﻋﻠﻦ ﺯﻭﺍﺟﻨﺎ .. ﻭﺍﻛﻠﻬﻢ ﻫﻴﻪ ﻣﺮﺗﻲ ﻭﺍﻟﻠﻲ ﻳﻌﺠﺒﻪ ﻳﻌﺠﺒﻪ ﻭﺍﻟﻤﺎﻳﻌﺠﺒﻪ ﻳﺎ ﻛﺜﺮﻫﺎ ﺍﻟﺤﻴﻄﺎﻥ ..
- ﻳﻤﻪ ﻏﻴﺮ ﻳﻤﻮﺗﻮﻧﻪ ..
- ﻣﻨﻮ ﻳﻤﻮﺗﻨﻪ ﺷﺒﻴﺞ .. ﻟﻤﺎ ﺗﺼﻴﺮﻳﻦ ﻣﺮﺗﻲ ﺍﺧﻠﻲ ﻭﺍﺣﺪ ﻳﻤﺲ ﺷﻌﺮﻩ ﻣﻨﺞ ﻏﻴﺮ ﺍﺣﺮﻙ ﺍﻟﺨﻠﻔﻪ ﻭﻣﺤﻤﺪ ﺍﻫﺠﻢ ﺑﻴﻮﺗﻬﻢ ..
ﻭﻳﻨﺠﺒﺮﻭﻥ ﺑﻴﻨﻪ .. ﻻﻥ ﺯﻭﺍﺟﻨﻪ ﺭﺍﺡ ﻳﻜﻮﻥ ﻗﺎﻧﻮﻧﻲ .. ﻭﺍﺛﻨﻴﻨﻪ ﺑﺎﻟﻐﻴﻦ .. ﻭﺍﻟﻠﻲ ﻣﺴﻮﻳﻪ ﻣﻮ ﻏﻠﻂ
ﻭﻣﺮﺍﺡ ﺍﻟﺰﻣﺞ ﻭﻻ ﺍﺗﻘﺮﺑﻠﺞ ﻳﺸﻬﺪ ﺍﻟﻠﻪ ﻋﻠﻴﻪ ﻣﺎ ﻓﺪ ﻳﻮﻡ ﻓﻜﺮﺕ ﺑﻴﺞ ﺑﻨﺰﻭﻩ ﺣﺒﻲ ﺍﻟﺞ ﻓﻄﺮﻩ . ﻭﻫﻠﺰﻭﺍﺝ ﺑﺲ ﻋﻠﻤﻮﺩ ﺍﺿﻤﻨﺞ ﺍﻟﻲ ..
- ﻻ ﺑﻜﺮ ﺍﺧﺎﻑ ﻭﺍﻟﻠﻪ .. ﻣﺎ ﺍﻛﺪﺭ ..
- ﺳﻤﺮ ﻛﺎﻓﻲ ﺧﻮﻑ ﻟﺨﺎﻃﺮﻱ .. ﻟﺞ ﺑﺲ ﺍﺗﻘﻮﻱ ﺑﻴﻪ ﻭﻻ ﺗﺨﺎﻓﻴﻦ ..
- ﺑﻜﺮ ﺳﺒﻖ ﻭﻛﺘﻠﻲ ﺣﺒﻴﻨﻲ ﻭﻻ ﺗﺨﺎﻓﻴﻦ ﻭﺷﻔﺖ ﺷﺼﺎﺭ ..
- ﺳﻤﺮ ﻛﺘﻠﺞ ﻻ ﺗﺨﺎﻓﻴﻦ ﻭﺍﻧﺘﻲ ﺧﻔﺘﻲ ﻭﻣﺎ ﺧﻠﻴﺘﻴﻨﻲ ﺍﺣﻤﻴﺞ . ﻭﻟﺞ ﺧﻠﻴﺘﻴﻨﻲ ﺍﻛﺮﻩ ﺭﻭﺣﻲ ﺑﻮﻗﺘﻬﺎ ﻭﺍﻟﻠﻪ ..
ﺳﻮﻳﺘﻲ ﻓﺪ ﻭﺍﺣﺪ ﻋﺎﺟﺰ .. ﻻ ﺗﻘﺒﻠﻴﻦ ﺗﺤﺎﺭﺑﻴﻦ ﻭﻳﺎﻱ .. ﻋﻠﻤﻮﺩﻱ .. ﻭﻻ ﺍﻧﺘﻲ ﺗﺎﺭﻛﺘﻬﻢ ﻭﺭﺍﻳﺤﻪ ﻭﻳﺎﻱ .. ﺗﺴﺘﺴﻠﻤﻴﻦ ﺑﺴﺎﻉ ..
- ﺑﻜﺮ ﻣﺎ ﺍﻛﺪﺭ ﻫﺴﻪ .. ﻣﺎ ﺻﺎﺭ ﺍﺷﻬﺮ ﻣﻦ ﺍﻃﻠﻘﺖ ﻣﻦ ﻋﺎﺩﻝ ﻭﺍﺗﺰﻭﺝ .. ﻻ ﻻ ﺍﺟﻠﻬﺎ ﻭﻣﺎ ﺍﻛﺪﺭ ﺍﺗﺰﻭﺝ ﺑﺪﻭﻥ ﻋﻠﻢ ﺍﻫﻠﻲ ..
ﺍﺣﺲ ﻧﻔﺴﻲ ﺭﺧﻴﺼﻪ ..
- ﻳﺎ ﺭﺧﻴﺺ .. ﻟﺞ ﺍﻧﻲ ﻣﺸﺘﺮﻳﺞ ﻭﺍﻟﻠﻪ ﻭﺑﺲ ﺭﺍﻳﺪ ﺍﺿﻤﻨﺞ .. ﺍﻋﺰﻟﺞ ﺍﺑﻴﺖ ﻋﻨﻬﻢ ﻭﻋﻦ ﺍﻫﻠﻲ ﺧﺎﻑ ﻳﻀﺎﻳﻘﻮﺝ
ﻭﺍﺧﺬﺝ ﻭﺍﺟﻴﺒﺞ ﺑﻴﻈﻲ ﺧﺎﻑ ﻳﺘﻌﺮﺿﻮﻟﺞ .. ﻓﻲ ﺣﺎﻝ ﺍﻋﻠﻨﻪ ﺯﻭﺍﺟﻨﻪ .. ﻭﻭﻟﻠﻪ ﻣﺎ ﺍﺧﻠﻲ ﺟﻨﺲ ﻣﺨﻠﻮﻕ ﻳﺘﻘﺮﺑﻠﺞ ..
- ﺑﻜﺮ ﻭﺍﻟﺤﺠﻲ .. ﺗﻌﺮﻑ ﺍﻟﻨﺎﺱ ﺷﺮﺍﺡ ﻧﺤﺠﻲ ..
- ﺍﻟﻨﺎﺱ ﻣﺪﺍﻡ ﺑﺤﻠﻮﻛﻬﻢ ﺍﻟﺴﺎﻥ ﻣﻴﺴﻜﺘﻮﻥ .. ﻟﻮ ﺷﺘﺴﻮﻭﻥ ﺭﺍﺡ ﻳﺤﺠﻮﻥ ﻭﻳﺤﺠﻮﻥ ﻭﺗﺎﻟﻲ ﻏﺼﺐ ﻋﻦ ﺍﻟﻜﻞ ﻳﺘﻌﻮﺩﻭﻥ ﻫﻠﻮﺿﻊ .. ﻭﻳﻌﺘﺮﻓﻮﻥ ﺑﻴﻪ ﻭﻳﺴﻜﺘﻮﻥ ..
ﺳﻤﺮ ﻓﻜﺮﻱ ﺑﻴﻪ ﻣﻮ ﺑﺎﻟﻨﺎﺱ .. ﺍﻟﻴﺤﺠﻲ ﻛﺒﺎﻟﺞ ﺍﻓﻜﺴﻠﻪ ﻋﻴﻨﻪ ﻭﺍﻟﻠﻪ .. ﻭﺍﻟﻴﺤﺠﻲ ﻭﺭﺍﺝ ﺍﻋﺘﺒﺮﻱ ﻛﻠﺐ ﻳﻨﺒﺢ ..
- ﻫﺰﻳﺖ ﺭﺍﺳﻲ .. ﺑﻜﺮ ﻣﺎ ﺍﻛﺪﺭ ﻣﺎﻛﺪﺭ ﺍﺧﺎﻑ ﻣﻦ ﻫﻠﻔﻜﺮﻩ ﻭﺍﻟﻠﻪ ﺍﺧﺎﻑ ..
- ﺍﺧﺬﺕ ﻧﻔﺲ .. ﺑﺮﺍﺣﺘﺞ ﻣﺎ ﺍﻛﺪﺭ ﺍﺟﺒﺮﺝ ﻉ ﺷﻲ ..
- ﺑﻘﻴﺖ ﺍﻓﻜﺮ ﺑﻜﻼﻣﻪ .. ﻣﺎ ﺍﻋﺮﻑ ﺍﺑﺪ ﻣﺎ ﺗﺪﺧﻞ ﻋﻘﻠﻲ ﺍﺗﺰﻭﺝ ﺑﺪﻭﻥ ﻋﻠﻢ ﺍﻫﻠﻲ .. ﻟﻮ ﺍﻣﻮﻭﻭﺕ ﻣﺴﺘﺤﻴﻞ ..
ﻭﺻﻠﻨﻲ .. ﻟﻠﺸﺎﺭﻉ .. ﺑﺎﻭﻋﺘﻠﻪ ﻣﺜﻞ ﺍﻟﻤﻬﻤﻮﻡ .. ﻟﺰﻣﺖ ﺍﻳﺪﻩ .. ﻭﻋﺼﺮﺗﻬﺎ ﻟﺘﻀﻮﺝ ﺑﺲ ﻭﺍﻟﻠﻪ ﺻﻌﺐ ..
- ﻻ ﻭﻻ ﻳﻬﻤﺞ ﻋﺎﺩﻱ ﺍﻟﻠﻪ ﻳﺪﺑﺮﻫﺎ ..
- ﻣﺪﺍﻡ ﻧﺤﺐ ﺑﻌﺾ ﺑﻨﻴﻪ ﺻﺎﻓﻴﻪ ﺛﻖ ﺑﻠﻠﻪ ﻳﺠﻲ ﻳﻮﻡ ﻧﻨﺠﻤﻊ ﺑﻴﻪ ﺑﺎﻟﺤﻼﻝ ..
...
ﺍﺑﺘﺴﻤﺘﻠﻬﺎ ﺑﻴﺌﺲ ﻭﻛﺘﻠﻬﺎ ﺍﻧﺸﺎﻟﻠﻪ ..
- ﻧﺰﻟﺖ ﻣﻨﻪ .. ﻭﺗﻤﺸﻴﺖ ﻟﻠﺒﻴﺖ .. ﻃﺒﻴﺖ ﺍﻣﻲ ﻛﺎﻟﺖ ﻫﺎﺍﺍ ﺑﺎﻟﻲ ﻳﻤﺞ .. ﻛﺘﻠﻬﺎ ﺧﻴﻄﻮﻫﺎ .. ﺍﺣﻤﺪ ﺟﺎﻥ ﻭﺍﻛﻒ ﻋﻴﻮﻧﻪ ﺗﺮﺍﻗﺐ .. ﻣﺎ ﺣﺠﻪ ..
ﻛﺸﻔﺖ ﺍﻣﻲ ﺭﺟﻠﻲ .. ﻛﺘﻠﻬﺎ ﻋﻮﻓﻴﻬﺎ ﻣﻀﻤﺪﻩ .. ﻛﺎﻟﺖ ﺍﺧﺬﻱ ﺍﺟﺎﺯﻩ ﺑﺎﺟﺮ .. ﻛﺘﻠﻬﺎ ﺍﻧﺸﺎﻟﻠﻪ . ﺑﺲ ﺍﺭﻳﺪ ﺍﺭﺗﺎﺡ ..
ﻋﻔﺘﻬﻢ ﻭﻣﺸﻴﺖ ﻟﻐﺮﻓﺘﻲ .. ﻧﺠﻮﻯ ﻣﺎﻛﻮ .. ﺻﺤﺖ ﻣﺎﻣﺎ ﻭﻳﻦ ﻧﺠﻮﻯ ﻛﺎﻟﺖ ﺧﻄﻴﺒﻬﺎ ﻋﺎﺯﻣﻬﺎ ﻋﻠﻰ ﻏﺪﻩ ﻫﻮﻩ ﻭﻳﺎﻩ ﻣﻦ ﺍﻟﺠﺎﻣﻌﻪ ﻭﻃﻠﻌﻮ .. ﻛﺎﻟﺖ ﺍﺭﺟﻊ ﺍﻟﻌﺼﺮ ..
ﻛﺘﻠﻬﺎﺍ ﻫﺎﺍﺍ ﺍﻭﻙ .. ﺍﺧﺬﺕ ﻣﻮﺑﺎﻳﻠﻲ ﻭﺧﺎﺑﺮﺕ ﻧﺠﻮﻯ .. ﺍﻟﻮﻭﻭ
- ﻫﻠﻮ ﺳﻤﻮﺭﻩ ﻛﻮﻟﻲ .
- ﺍﻧﺘﻲ ﻭﻳﻦ ..
- ﺑﺎﻟﺴﻴﺎﺭﻩ ﺍﻧﻲ ﻭﻣﺎﺯﻥ ﺭﺍﻳﺤﻴﻦ ﻟﻠﻤﻄﻌﻢ ..
- ﺍﻛﻴﺪ ﻟﻠﻤﻄﻌﻢ ..
- ﺍﻱ ﻭﺍﻟﻠﻪ ﻟﻴﺶ ..
- ﻻ ﻫﻴﺞ ﺑﺲ ﺿﻞ ﺑﺎﻟﻲ ﻋﻠﻴﺞ .. ﻳﻠﻪ ﻣﻦ ﺗﺠﻴﻦ ﻋﻮﺩ ﻧﺤﺠﻲ ..
- ﺣﺠﻴﺘﻲ ﻭﻳﻪ ﺑﻜﺮ ..
- ﺍﻱ ﺑﻌﺪﻳﻦ ﺍﺣﺠﻴﻠﺞ .. ﺳﻠﻤﻴﻠﻲ ﻋﻠﻰ ﻣﺎﺯﻥ ..
- ﺍﻭﻙ .. ﻳﻮﺻﻞ .. ﺑﺎﻱ ..
- ﺷﻤﺮﺕ ﺍﻟﻤﻮﺑﺎﻳﻞ ﻋﻠﺴﺮﻳﺮ ﻭﺑﺪﻟﺖ .. ﻭﺭﺣﺖ ﺗﻮﺿﻴﺖ ﻭﺻﻠﻴﺖ ﻭﻧﻤﺖ .. ﻣﺎ ﻛﻌﺪﺕ ﻏﻴﺮ ﺍﻟﻌﺼﺮ ﻋﻠﻰ ﺻﻮﺕ ﻧﺠﻮﻯ ﻭﻫﻴﻪ ﺗﺪﺧﻞ ﺍﻟﻐﺮﻓﻪ ..
- ﻫﻠﻮ ﻧﻮﻧﻪ ﺍﺷﻮﻧﺞ .. ﺍﺣﺠﻲ ﻭﺍﻧﻲ ﺍﻣﻂ ﺑﺠﺴﻤﻲ ..
- ﻫﻼ ﻳﺮﻭﻭﻭﺣﻲ ﺻﺪﻭﻙ ﻣﺴﻮﻳﻪ ﺣﺎﺩﺙ .. ﻫﺴﻪ ﻣﺎﻣﺎ ﻛﺎﻟﺘﻠﻲ ..
- ﺍﻳﻲ ﺣﺎﺩﺙ ﺯﻋﻨﻮﻧﻲ ..
- ﺑﻠﻠﻪ ﺍﺷﻮﻭﻭ .. ﺳﻮﺩﻩ ﻋﻠﻴﻪ ﺍﺷﻮﻭﻭﻥ ..
- ﻫﻴﺞ ﺧﺒﺎﻝ ﻣﻨﻲ .. ﺿﺮﻳﺒﺔ ﺯﻋﻞ ﺍﻟﻌﻨﺪﻟﻴﺐ ﺍﻻﺳﻤﺮ ﻏﻴﺮ
- ﻫﻬﻬﻬﻪ ﻻ ﻭﺍﻟﻠﻪ ﺷﻨﻮ ﺑﻜﺮ ﺩﻋﻤﺞ ..
- ﻭﺛﻮﻝ ﺷﻨﻮ ﺑﻜﺮ ﻳﺪﻋﻤﻨﻲ .. ﻻ ﺑﺲ ﻛﺘﻠﻪ ﻳﺠﻲ ﻟﻠﻤﻄﻌﻢ ﻭﻟﻮ ﻣﺎ ﺍﺟﻪ .. ﺍﻛﺘﻞ ﺭﻭﺣﻲ .. ﻣﺎ ﺍﺟﻪ .. ﺗﺨﺒﻠﺖ ﻭﺷﻤﺮﺕ ﻧﻔﺴﻲ ﻛﻈﺎﻡ ﺍﻟﺴﻴﺎﺭﺍﺕ ..
- ﻋﺰﺯﻩ ﺑﻌﻴﻨﺞ ﺍﻧﺸﺎﻟﻠﻪ ﻟﻮ ﻣﻴﺘﻪ
- ﻋﺴﺎﻧﻲ ﺍﻣﻮﺕ .. ﻫﻴﻪ ﻫﺎﻱ ﻫﻢ ﻋﻴﺸﻪ ﻭﺍﻟﻠﻪ ﻟﻌﺒﺖ ﺭﻭﺣﻲ ﻣﻦ ﺣﻴﺎﺗﻲ .. ﺷﺴﻮﻱ ﻛﺎﻟﻮ ﻋﻴﺐ ﻣﻄﻠﻜﻪ ..
ﻻ ﺍﻛﺪﺭ ﺍﺗﺰﻭﺝ ﻭﻻ ﺍﻛﺪﺭ ﺍﺑﻘﻰ ﻋﻠﻰ ﻫﻠﻮﺿﻊ ﺑﺎﻟﻠﻪ ﻫﺎﻱ ﺣﻴﺎﺓ ..
- ﻭﺷﻠﻮﻥ ﺻﺎﻟﺤﺘﻲ ﺑﻜﺮ ..
- ﻫﻮﻩ ﺟﺮﻧﻲ ﻣﻦ ﺍﻟﺴﻴﺎﺭﺍﺕ .. ﻭﻛﺎﻡ ﻳﺮﺯﻝ ﻣﻦ ﺧﻮﻓﻪ ﻋﻠﻴﻪ ﻭﻧﺴﻰ ﺍﻟﺰﻋﻞ
- ﻳﻔﺪﻭﻩ ﻟﺞ ﻭﺍﻟﻠﻪ ﺍﺣﺐ ﺣﺐ ﻫﻠﺒﻜﺮ .. ﻳﺨﺒﻞ
- ﻋﻮﻓﻴﻨﻲ ﻣﻦ ﺑﻜﺮ .. ﻭﻳﻦ ﻃﻠﻌﺘﻲ ﺍﻧﺘﻲ ﻭ ﻣﺎﺯﻥ ..
- ﺭﺣﻨﻪ ﺍﺗﻐﺪﻳﻨﻪ .. ﻭﻃﻠﻌﻨﻪ ﻧﺪﻭﺭ ﺷﻘﻪ .. ﻻﻥ ﻣﺎﺯﻥ ﻣﺎ ﺣﺎﺏ ﻧﻌﻴﺶ ﻭﻳﻪ ﺍﻫﻠﻪ .. ﻳﺮﻳﺪ ﻧﻌﺰﻝ ﺑﺸﻘﻪ ..
- ﻭﺍﻟﻠﻪ ﺍﺣﺴﻨﻠﻜﻢ .. ﺑﺮﺍﺣﺘﻜﻢ ﺗﻌﻴﺸﻮﻥ ﺣﻴﺎﺗﻜﻢ .. ﻭﺛﻨﻴﻨﻜﻢ ﻃﻼﺏ ﺗﺘﺒﻬﺬﻟﻴﻦ ﻭﻳﻪ ﺍﻟﻌﻴﺎﻝ ..
- ﺍﻱ ﻫﻮﻩ ﻫﻢ ﻫﻴﺞ ﻛﺎﻝ ..
- ﺑﺲ ﻣﻨﻴﻠﻜﻢ ﻫﻮﻩ ﻃﺎﻟﺐ ﺣﺘﻰ ﻣﺎ ﻳﺸﺘﻐﻞ ..
- ﺍﺑﻮ ﻣﻠﻴﺎﻥ .. ﻋﻨﺪﻩ ﻋﻤﺎﺭﺍﺕ ﻣﺎﻝ ﺷﻘﻖ ﻛﻮﻣﻪ .. ﺑﺲ ﻫﻮﻩ ﻣﻴﺮﻳﺪ ﺑﻌﻤﺎﺭﺍﺕ ﺍﺑﻮﻩ .. ﻳﺮﻳﺪ ﺷﻘﻪ ﻗﺮﻳﺒﻪ ﻋﻠﻰ ﺍﻟﺠﺎﻣﻌﻪ .. ﻟﻬﻴﺞ ﺩﻧﺪﻭﺭ
. ...
ﻫﺎﺍﺍﺍ .. ﺍﻛﻮﻟﺞ ﻧﺠﻮﻯ .. ﺍﻛﻮ ﺷﻲ ﺣﺎﺑﻪ ﺍﺣﺬﺭﺝ ﻣﻨﻪ ﻛﺄﺧﺖ ﻣﻦ ﺧﻮﻓﻲ ﻋﻠﻴﺞ
- ﺷﻨﻮ .. ؟؟؟
- ﻧﺠﻮﻯ ﺍﺣﺬﺭﻱ ﺗﺨﺘﻠﻮﻥ ﺑﻮﺣﺪﻛﻢ ﻟﻤﻜﺎﻥ ﻭﻳﺎﻩ ..
- ﻻﺍﺍ ﺷﺒﻴﺞ ﻣﺎ ﻋﺪﻧﻪ ﻫﻴﺞ ﺳﻮﺍﻟﻒ ﻭﺍﻟﻠﻪ ..
- ﺍﻋﺮﻑ ﺑﺲ ﺍﻟﺸﻴﻄﺎﻥ ﺷﺎﻃﺮ ﻭﻣﺜﻞ ﻣﻴﻜﻮﻟﻮﻥ ﻛﻞ ﺍﺛﻨﻴﻦ ﺛﺎﻟﺜﻬﻢ ﺍﻟﺸﻴﻄﺎﻥ ..
ﺣﺎﻭﻟﻲ ﺍﻱ ﺷﻲ ﻟﺘﺴﻮﻭﻥ ﺑﻴﻨﺎﺗﻜﻢ ﺣﺘﻰ ﻟﻮ ﺧﻔﻴﻒ .. ﻭﺧﻠﻴﻪ ﻳﺘﻠﻬﻒ ﺍﻟﺞ ﻟﻠﻌﺮﺱ ..
ﺗﺮﻩ ﻫﻠﺸﻲ ﻣﺮﺍﺡ ﻳﻀﻮﺟﻪ ﻣﻨﺞ ﺻﺪﻛﻴﻨﻲ .. ﺑﻠﻌﻜﺲ ﺭﺍﺡ ﻳﺤﺘﺮﻣﺞ ﻭﺭﺍﺡ ﺗﻜﺒﺮﻳﻦ ﺑﻌﻴﻨﻪ .. ﻭﻳﺤﺴﺞ ﻓﺪ ﺷﻲ ﻏﺎﻟﻲ ﻣﻮ ﺭﺧﻴﺺ ﻭﻳﺎﺧﺬ ﺑﺮﺍﺣﺘﻪ ..
ﻟﻮ ﺷﻜﺪ ﻣﺎ ﻳﺤﺒﺞ .. ﻻ ﺗﺄﻣﻨﻴﻦ ﺍﻟﻪ ﻟﺤﺪ ﻣﺪﺧﻠﻮﻥ ﻏﺮﻓﺔ ﺯﻭﺍﺟﻜﻢ ..
- ﻻ ﻭﺍﻟﻠﻪ ﺍﻧﻲ ﻫﻢ ﻣﺎ ﺍﺣﺐ ﻫﻴﺞ ﺷﻲ .. ﺑﺲ ﻫﻮﻩ ﻣﺮﺍﺕ ﺑﺎﻟﻔﻮﻥ ﻳﺤﺠﻲ ﻛﻼﻡ
- ﺍﻱ ﺍﻧﺘﻲ ﻋﺎﺩ ﻟﺘﻤﻠﻠﻲ ﺑﺎﻟﻤﻮﺑﺎﻳﻞ ﺍﺣﺠﻲ ﺭﻭﻣﺎﻧﻴﺴﺎﺕ .. ﺑﺲ ﻣﻮ ﺗﺘﻌﺪﻳﻦ ﺍﻻﺑﺎﺣﻴﻪ .. ﻟﻮ ﺷﻔﺘﻲ ﺗﺠﺮﺀ ﻭﻛﺎﻡ ﻳﺤﺠﻲ ﺧﺎﺭﺝ ﻋﻦ ﺍﻟﻤﻌﻘﻮﻝ ..
ﻛﻮﻟﻴﻠﻪ ﺣﺒﻴﺒﻲ ﻳﺎﺭﻳﺖ ﻧﺄﺟﻞ ﻫﻴﺞ ﻣﻮﺍﺿﻴﻊ ﺑﻌﺪ ﺍﻟﺰﻭﺍﺝ ﻻﻥ ﺍﺧﺠﻞ ﺍﺳﻤﻌﻬﺎ .. ﺧﻠﻴﻪ ﻳﺤﺘﺮﻣﺞ ﻻ ﺗﺮﺧﺼﻴﻦ ﻧﻔﺴﺞ ﺍﺑﺪ ..
ﺗﺮﻩ ﺍﻟﺮﺟﺎﻝ ﻣﺎ ﻳﺘﺄﻣﻦ ﺍﺑﺒﺪ ﺍﻟﻴﻮﻡ ﻳﺤﺒﺞ ﺑﺎﺟﺮ ﺍﻟﻠﻪ ﻳﻌﻠﻢ .. ﻳﻤﻜﻦ ﻳﻐﻴﺮﻭﻩ ﻋﻠﻴﺞ .. ﻛﻮﻟﺸﻲ ﻳﺼﻴﺮ .. ﻫﻴﻪ ﺧﻄﺒﻪ ﻳﻌﻨﻲ ﻗﺎﺑﻠﻪ ﻟﻼﻧﻔﺼﺎﻝ ﺑﻀﺮﻑ ﻣﻦ ﺍﻟﻀﺮﻭﻑ ﻓﺎﻧﺘﻲ ﺍﺧﺬﻱ ﺣﺬﺭﺝ ..
- ﺍﻭﻙ ..
- ﺑﺴﺘﻬﺎ .. ﻭﺣﻀﻨﺘﻬﺎ .. ﻭﻛﺘﻠﻬﺎ ﺗﺮﻩ ﻭﺍﻟﻠﻪ ﺍﻛﻮﻟﺞ ﻫﻴﺞ ﻣﻦ ﺧﻮﻓﻲ ﻋﻠﻴﺞ .. ﺍﺧﺎﻑ ﻋﻠﻴﺞ ﻣﻦ ﺍﻟﻜﻠﻤﻪ ﻭﺍﻟﻠﻪ ..
- ﺍﺣﺒﺞ
- ﺍﻣﻮﺕ ﻋﻠﻴﺞ ﻛﻠﻴﺒﺎﺗﻲ .. ﻳﺎﻩ ﻣﺘﺖ ﺟﻮﻉ .. ﻛﻮﻣﻲ ﺻﺒﻴﻠﻲ ﺍﻛﻞ .. ﺑﻌﺘﺒﺎﺭﻧﻲ ﻣﺮﻳﻀﻪ 😌
- ﻫﻬﻬﻬﻪ ﺍﻭﻙ ﺍﺑﺪﻝ ﻭﺍﻛﻮﻡ ﺍﺻﺒﻠﺞ ..
- ﻻﺍﺍ ﺟﺬﺏ ﻗﺎﺑﻞ ﻣﻜﺮﻣﻪ .. ﻫﺴﻪ ﻧﻜﻮﻡ ﺳﻮﻩ .. ﻧﺰﻟﺖ .. ﻟﻜﻴﺖ ﻣﺎﻣﺎ ﻣﺴﻮﻳﻪ ﻛﺒﺔ ﺟﺮﻳﺶ .. ﻣﺎ ﺍﺣﺒﻬﺎ ﻣﺮﻛﻪ .. ﻃﻠﻌﺘﻬﺎ ﻭﻛﻠﻴﺘﻬﺎ ..
ﻛﻌﺪﺕ ﻋﻠﻤﻴﺰ ﺍﻛﻞ .. ﺟﺮ ﺍﻟﺨﺒﺰ ﻣﻦ ﻳﻤﻲ ﺍﺣﻤﺪ ﻭﺍﻛﻞ .. ﺍﺑﺘﺴﻤﺘﻠﻪ ﺑﺎﻟﻌﺎﻓﻴﻪ .. ﻣﺎ ﺣﺠﻪ ..
ﻣﻜﻠﻴﻪ 3 ﺍﻛﻞ 2 .. ﻭﺑﻘﺎﻟﻲ ﻭﺣﺪﻩ .. ﺷﻜﺪ ﻣﺎ ﻳﻘﺴﻲ ﻭﻳﺎﻳﻪ ﻭﻻ ﺍﻛﺪﺭ ﺍﻛﺮﻫﺎ ﻭﺍﺑﻘﻰ ﺍﺣﺒﻪ ..
ﺩﻳﺎﻛﻞ ﺩﻙ ﻣﻮﺑﺎﻳﻠﻪ .. ﻋﻠﻤﻴﺰ .. ﺑﺎﻭﻋﺖ .. ﻛﺎﺗﺐ .. ﺍﻟﻘﻠﺐ ﻛﻠﻪ .. ﻛﺘﻠﻪ ﺍﻳﻲ ﻋﻴﻨﻲ ﺍﻟﻘﻠﺐ ﻛﻠﻪ ﻳﺎﺑﻪ ..
ﺍﺑﺘﺴﻢ ﺍﺑﺘﺴﺎﻣﻪ ﺧﻔﻴﻴﻔﻪ ﻭﻛﺎﻡ .. ﺗﻜﻮﻝ ﺍﻟﻀﺤﻚ ﻋﻨﺪﻩ ﺑﻔﻠﻮﺱ ..
ﻣﺮﺕ ﺍﻻﻳﺎﻡ .. ﻭﺍﻧﻲ ﺍﻟﺘﻬﻴﺖ ﺑﺸﻐﻠﻲ .. ﺍﻣﺘﺤﺎﻧﺎﺕ ﻭﻭﻛﻔﻪ ﻭﻣﺮﺍﻗﺒﻪ ﻭﺗﺼﺤﻴﺢ .. ﺗﻌﺐ ﻫﺪ ﺣﻴﻠﻲ ..
ﻟﺤﺪ ﻣﺎ ﺧﻠﺼﻨﻪ ﺍﻣﺘﺤﺎﻧﺎﺕ .. ﻫﻢ ﻛﻤﺖ ﺍﺩﺍﻭﻡ ﺑﺲ ﺳﺎﻋﺘﻴﻦ ﻣﺠﺮﺩ ﺍﺭﻭﺡ ﺍﺻﺤﺢ ﺩﻓﺎﺗﺮ ﻭﺍﺭﺟﻊ .. ﺑﺲ ﺣﺎﺭﻩ ﻭﻛﻬﺮﺑﺎﺀ ﻣﺎﻛﻮ ..
ﻳﻄﻠﻊ ﺭﻭﺣﻲ ﻣﻦ ﺍﺩﻗﻖ ﺑﺎﺟﻮﺑﺔ ﺍﻟﻄﻼﺏ ﺍﻟﺨﻨﻔﺸﺎﺭﻳﻪ .. ﺍﺗﻌﺐ ﻭﺣﺎﺭﻩ ﻭﻫﻤﻪ ﻳﺠﺎﻭﺑﻮﻥ ﺍﺟﻮﺑﻪ ﻳﺤﺒﺮ ﺑﻴﻬﺎ ﺍﻧﺸﺘﺎﻳﻦ ..
ﻣﺮﺍﺕ ﻣﻦ ﺍﺩﻭﺥ ﺑﺎﻟﺠﻮﺍﺏ .. ﺑﻮﺩﻱ ﺍﺧﻠﻲ ﻋﻠﻴﻪ ﺍﻛﺲ ﻭﺍﻧﻄﻴﻪ ﺯﻳﺮﻭ .. ﺑﺲ ﺍﻛﻮﻝ ﺧﻄﻴﻪ .. ﺍﺗﺬﻛﺮ ﺷﻠﻮﻥ ﺟﺎﻧﻮ ﻳﻀﻠﻤﻮﻧﻲ ﺑﺎﻟﺘﺼﺤﻴﺢ ﻭﺍﻛﻌﺪ ﺍﺩﻗﻖ ﻋﻠﺘﺼﺤﻴﺢ ..
.. .
ﻫﻴﻪ ﻳﻠﻪ ﺣﺴﻴﺖ ﺑﻤﻌﺎﻧﺎﺕ ﺍﻟﻤﺪﺭﺱ . ﺍﻧﻮﺏ ﺣﺘﻰ ﺍﻟﻤﻲ ﺣﺎﺭ ﻭﻋﺰ ﺍﻟﺼﻴﻒ ﺍﻟﺠﻮ ﻛﻮﻟﺶ ﺣﺎﺭ ﻧﺴﻤﻄﺖ ﺳﻤﻂ ﻭﺍﻟﻠﻪ ..
ﻃﻠﻌﺖ ﺭﻭﺣﻲ ﻟﺤﺪ ﻣﺎ ﻋﻄﻠﺖ ﻭﻛﻌﺪﺕ .. ﻭﻛﻤﻨﻪ ﺑﺎﻟﺒﻴﺖ ﻧﺘﺤﻈﺮ ﻟﺰﻭﺍﺝ ﻧﺠﻮﻯ ﻭ ﻣﺎﺯﻥ .. ﺑﻘﻰ ﺍﺳﺒﻮﻉ ﻋﻠﻰ ﺯﻭﺍﺟﻬﻢ ..
ﻭﺍﺷﺘﻐﻞ ﻭﺣﺪﻱ ﺍﻣﻲ ﻣﻠﺘﻬﻴﻪ ﺍﺑﺎﺑﺎ ﻭﻧﺠﻮﻯ ﺍﺳﺘﺨﻄﻴﻬﺎ ﺗﺸﺘﻐﻞ .. ﻋﺮﻭﺱ ﻣﺎ ﺍﺭﻳﺪ ﺍﺩﻣﺮ ﺍﻳﺪﻫﺎ ﻭﺗﺨﺮﺏ ﺍﺿﺎﻓﻴﺮﻫﺎ .. ﻭﻧﻌﻮﻣﺔ ﺍﺩﻳﻬﺎ ﺑﺎﻟﺒﺘﻨﻀﻴﻒ ..
ﺑﺲ ﻫﻴﻪ ﺧﻄﻴﻪ ﻣﺘﺒﻘﻲ .. ﺷﻜﻮ ﻃﺒﺦ ﻫﻴﻪ ﺗﻄﺒﺦ .. ﺍﻧﻲ ﻻ ﺑﻘﻴﺖ ﻛﺎﻭﻧﺘﺮﺍﺕ ﻻ ﺳﻴﺮﺍﻣﻴﻚ .. ﻻ ﺣﺪﻳﺪ ﻣﺎﻝ ﺩﺭﺝ ..
ﻛﻠﻪ ﺟﻠﻒ . ﻣﻮ ﻋﻄﻠﻪ ﻏﻀﺐ .. ﺑﺲ ﻳﻬﻮﻥ ﻟﻌﻴﻮﻥ ﻧﻮﻧﻪ .. ﺩﺍ ﺍﻧﻀﻒ ﺑﺎﻟﺪﺭﺝ .. ﺍﻧﺪﻛﺖ ﺍﻟﺒﺎﺏ .. ﻃﻠﻌﺖ ﺍﻣﻲ ..
ﺟﺎﻥ ﺗﺼﺒﺢ ﻫﻠﻪ ﺑﻴﻜﻢ ﻫﻼ ﺗﻔﻀﻠﻮ .. ﺻﺤﺖ ﻋﻠﻰ ﻧﺠﻮﻯ ﺧﺐ ﻫﻴﻮﻭﻭ ﻣﻨﻮ .. ﻛﺎﻟﺖ ﻭﻟﺞ ﺑﻴﺖ ﺍﺭﻛﺎﻥ ..
ﻛﺘﻠﻬﺎ ﺑﻠﻠﻪ ﺷﺠﺎﺑﻪ .. ﺍﺷﺮﺭﺭﺭﺩ ﻟﻔﻮﻙ .. ﺍﺟﻴﺖ ﺍﺯﺣﻠﺞ ﻭﻟﺰﻣﺖ ﺑﺎﻟﻤﺤﺠﺮ .. ﻭﻛﻤﻠﺖ .. ﻻﺑﺴﻪ ﺗﺮﺍﻙ ﻭﺭﺍﻓﻌﻪ ﺍﻟﺒﺠﺎﻣﻪ ﻟﻔﻮﻙ ﺍﻟﺮﻛﺒﻪ ..
ﻭﺍﻟﻜﻔﺸﻪ ﻣﺎﻟﺘﻲ ﺗﻜﻮﻝ ﺷﻤﺲ .. ﻭﻛﻠﻲ ﺗﺎﻳﺖ ﻭﻣﻮﺍﺩ ﺗﻨﻀﻴﻒ ... ﻳﺎ ﺍﻟﻠﻪ ﺑﻠﻠﻪ ﻭﻗﺘﻬﻢ ﻳﺠﻮﻥ .. ﻣﻴﻌﺮﻓﻮﻥ ﻋﺪﻧﻪ ﺣﻤﻠﻪ ﺗﻨﻀﻴﻔﻴﻪ ..
ﺩﺧﻠﺖ ﻻﺣﻤﺎﻡ .. ﻏﺴﻠﺖ .. ﻭﺭﺣﺖ ﻏﻴﺮﺕ ﻣﻼﺑﺴﻲ ﻭﻟﺒﺴﺖ ﺣﺠﺎﺏ .. ﻭﻧﺰﻟﺖ .. ﻃﻠﻌﺖ ﺧﺎﻻﺗﻲ ﺍﺛﻨﻴﻦ ﺧﻮﺍﺕ ﻣﺎﻣﺎ ﻭﺑﻴﺒﻲ ﺍﻡ ﺍﺭﻛﺎﻥ ﻭﻣﺮﺕ ﺍﺭﻛﺎﻥ ﻭ ﺍﺭﻛﺎﻥ ﻭﻳﺎﻫﻢ ..
ﺳﻠﻤﺖ ﻭﻛﻤﻠﺖ ﻭﻛﻤﺖ .. ﻋﺼﺎﻳﺮ ﻭﻣﻲ ﻭﻣﺪﺩﺩ .. ﻳﺮﺑﻲ ﺗﻌﺒﺖ ﺍﻫﺊ ﺍﻫﺊ ﺍﻫﺊ ... ﻛﺎﻟﺖ ﺑﻴﺒﻲ ﺍﻡ ﺍﺭﻛﺎﻥ ..
ﻭﺍﻟﻠﻪ ﺍﺭﻛﺎﻥ ﻋﺪﻩ ﺷﻐﻞ ﺑﺎﻟﻌﺘﺒﻪ ﺍﻟﻜﺎﻇﻤﻴﻪ .. ﻭﻛﻨﺎﻟﻪ ﻧﺮﻳﺪ ﻧﺮﻭﺡ ﻭﻳﺎﻙ ﻻﻡ ﺍﺣﻤﺪ ﺯﻭﺍﺝ ﺑﺘﻬﺎ ﻗﺮﻳﺐ .. ﻭﺧﻮﺍﺗﺞ ﺭﺍﺩﻥ ﻳﺴﺎﻋﺪﻧﺞ ..
ﻭﺍﺭﻛﺎﻥ ﺟﺎﻱ ﻟﻬﻨﺎ 10 ﺍﻳﺎﻡ ﺷﻐﻞ .. ﻛﻠﻨﻪ ﺑﻌﺪ ﻣﻨﻮ ﻳﻮﺻﻠﻨﻪ ﻟﺒﻐﺪﺍﺩ ﻧﺠﻲ ﻭﻳﺎﻩ
ﻛﺎﻟﺘﻠﻬﻢ ﺍﻣﻲ ﺍﻱ ﻭﺍﻟﻠﻪ ﻫﻼ ﺑﻴﻜﻢ .. ﺑﺲ ﺟﻴﺘﻜﻢ ﻛﺎﻓﻲ . ﻣﻮ ﻋﻠﻤﺴﺎﻋﺪﻩ ..
ﻛﺎﻟﺘﻠﻬﺎ ﺧﺎﻟﻪ ﻻﺍ ﻭﺍﻟﻠﻪ ﻫﻴﻪ ﺷﻮﻛﺖ ﻭﺍﺣﺪ ﻳﻮﻛﻒ ﻻﺧﻮ ﻏﻴﺮ ﺑﻬﻴﺞ ﻣﻮﺍﻗﻒ .. ﻣﻦ ﻧﻜﻮﻝ ﻧﻜﻮﻓﻠﻚ ﺑﻌﺮﺳﻚ .. ﻫﻴﻪ ﻫﺎﻱ ﺍﻟﻤﺴﺎﻋﺪﻩ ﻭﻧﺠﻮﻯ ﺗﺴﺘﺎﻫﻞ ..
ﻛﻠﺖ ﺑﻜﻠﺒﻲ ﻫﻠﻪ ﻫﻠﻪ 10 ﺍﻳﺎﻡ ﻃﺎﺡ ﺣﻈﻲ ﻣﻦ ﻭﺭﻩ ﺍﻟﺸﻐﻞ 😐 ﺑﺲ ﺧﻄﻴﻪ ﻓﺸﻠﻨﻲ .. ﺑﻤﺠﺮﺩ ﻣﺎ ﻛﺎﻡ ﺍﺭﻛﺎﻥ ..
ﻛﺎﻣﻦ ﻭﻳﺎﻱ ﻋﻠﺒﻴﺖ .. ﻛﻞ ﻭﺣﺪﻩ ﻟﺰﻣﺘﻠﻬﺎ ﺷﻐﻠﻪ .. ﺣﺘﻰ ﻧﺠﻮﻯ ﻭﺍﻟﺼﺎﻟﻮﻥ ﻭﻫﺴﻮﺍﻟﻒ ﺗﻜﻔﻠﺘﻬﺎ ﺧﺎﻟﺘﻲ .. ﻭﺍﻻﻛﻞ ﺑﻴﺒﻲ ﻭﻫﻴﻪ ﻛﺎﻋﺪﻩ ﺗﺴﻮﻱ ﺍﻻﻛﻞ ﺑﺲ ﺗﻜﻮﻝ ﺣﻄﻦ ﻋﻠﻨﺎﺭ ..
ﺻﺪﻙ ﺷﺎﻟﻦ ﺍﻟﺸﻐﻞ ﻣﻦ ﺿﻬﺮﻱ .. ﺑﺲ ﻣﺮﺕ ﺍﺭﻛﺎﻥ ﻟﻼﻥ ﻣﺎ ﺗﺤﺠﻲ ﻭﺷﺎﻳﻠﻪ ﺧﺸﻤﻬﺎ .. ﻭﺗﺒﺎﻭﻋﻠﻲ ﺻﻔﺢ ..
ﻧﺪﺳﺖ ﺧﺎﻟﺘﻲ .. ﺍﻛﻮﻟﺞ ﺧﺎﻟﻪ .. ﻫﻴﻪ ﻣﻮ ﺗﻜﺮﻫﻨﻲ .. ﻣﻌﻘﻮﻟﻪ ﺣﺎﺑﻪ ﺗﺴﺎﻋﺪﻧﻲ ﻭﺗﻜﺎﺑﻠﻨﻲ 10 ﺓﻳﺎﻡ ﻭﺍﺟﺖ ﻭﻳﺎﻙ ..
- ﺧﺐ ﺍﺳﻜﺘﻲ .. ﻫﻴﻪ ﺩﺭﺕ ﺑﺎﺭﻛﺎﻥ ﻋﺪﻩ ﺷﻐﻞ ﺍﺑﻐﺪﺍﺩ ﻳﺒﻮﻭﻭﻩ ﺷﻴﻮﺕ .. ﺗﻜﻠﻪ ﺍﺭﻭﺡ ﻭﻳﺎﻙ ..
ﻳﻜﻠﻬﺎ ﻭﻟﺞ ﺍﻧﻲ ﺭﺍﻳﺢ ﺷﻐﻞ .. ﺗﻜﻠﻪ ﺍﻳﻴﻴﻲ ﻭﻣﻨﺎﻙ ﺗﺮﻭﺡ ﻳﻢ ﺳﻤﻴﺮﻩ ﻭﺗﺸﻮﻓﻬﻞ .. ﻭﺍﻧﻲ ﻫﻨﺎ ﻳﺎ ﻏﺎﻓﻠﻴﻦ ﺍﻟﻜﻢ ﺍﻟﻠﻪ ..
ﻣﺎ ﻗﺒﻞ ﻳﺎﺧﺬﻫﺎ ﻭﻛﻠﺒﺖ ﺍﻟﺪﻧﻴﺎ ﺑﺎﻟﺼﻴﺎﺡ ﻭﺍﻟﻌﻴﺎﻁ .. ﻭﺍﺩ ﻳﻮﺩﻳﻬﺎ ﻟﺒﻴﺖ ﺍﻫﻠﻬﺎ ﺯﻋﻼﻧﻪ .. ﺍﺧﺮ ﺷﻲ .. ﻛﺎﻟﺘﻠﻪ ﺑﻴﺒﻲ ..
ﻋﻤﻲ ﺍﺧﺬﻧﻪ ﻭﻳﺎﻙ .. ﻫﻢ ﻧﻮﻛﻒ ﻟﺮﺟﺎﺀ ﺑﻌﺮﺱ ﺑﺘﻬﺎ ﻭﻫﻢ ﻣﺮﺗﻚ ﺗﻄﻤﻦ ﻭﻣﺎ ﺗﺼﻴﺮ ﻣﺸﻜﻠﻪ ..
- ﺿﺤﻄﺖ ﻣﻦ ﻛﻞ ﻛﻠﺒﻲ .. ﺍﺩﺭﻱ ﺧﺎﻟﻪ ﺷﻌﻨﺪﻱ ﻭﻱ ﺍﺭﻛﺎﻥ ﻗﺎﺑﻞ .. ﻫﺎﻱ ﺷﺒﻴﻬﺎ ﻣﺨﺒﻠﻪ ..
- ﻳﺎ ﺧﺎﻟﻪ .. ﻫﻴﻪ ﻣﻦ ﻳﻮﻡ ﺍﻟﺪﺭﺕ ﺍﻧﺘﻲ ﺍﻃﻠﻘﺘﻲ ﻣﻦ ﺍﺭﻛﺎﻥ ﻏﻴﺮ ﺗﺴﻮﺩﻧﺖ ﻭﻳﻮﻣﻴﻪ ﻋﺮﻛﻪ ﻭﻳﺎﻩ ... ﺧﺒﻠﺘﻪ ﻭﺍﻟﻠﻪ ﺷﻴﺒﺖ ﺭﺍﺳﻪ ..
- ﻣﺸﻜﻠﻪ ﻫﺎﻱ .. ﺧﻄﻴﻪ .. ﺍﻛﻮﻝ ﻣﻦ ﺳﻠﻤﺖ ﻋﻠﻴﻪ .. ﺑﺲ ﺭﻅ ﺍﻟﺴﻼﻡ ﻭﻃﻠﻊ .. ﻃﻠﻊ ﺧﺎﻳﻒ ﻣﻦ ﻣﺸﺎﻛﻠﻬﺎ ..
- ﺍﻛﻠﺞ ﻟﻌﺒﺔ ﺑﺎﺣﻮﺍﻟﻪ ﻃﻮﺑﻪ .. ﻛﻨﺎﻟﻪ ﺍﺗﺰﻭﺝ ﻋﻠﻴﻬﺎ ﻣﻦ ﺻﺪﻙ ﻭﺍﻛﺴﺮ ﺧﺸﻤﻬﺎ .. ﻭﺍﻫﻠﻬﺖ ﺷﻴﻮﺥ ﻭﺍﺣﺪﻫﻢ ﻣﺘﻮﺯﺝ 3 ﻣﺎ ﻳﺤﺠﻮﻥ ﻭﻳﺎﻩ ..
ﻭﻳﻨﻜﺴﺮ ﺧﺸﻤﻬﺔ ...
- ﻻﺍﺍ ﺧﻄﻴﻪ ﺧﺎﻟﻪ ﻏﻴﺮ ﺗﻐﺎﺭ ﻋﻠﻴﻪ .. ﻛﻤﺖ ﺍﺗﺤﺎﺷﺎﻫﺎ .. ﻣﺎ ﺍﺣﺠﻲ ﻭﻳﺎﻫﺎ ﺑﺲ ﻭﻳﻪ ﺧﺎﻟﺘﻲ ..
ﻭﺍﺭﻛﺎﻥ ﺍﺑﺪ ﻣﺎ ﺍﺟﻪ 4 ﺍﻳﺎﻡ ﻭﻳﺒﺎﺕ ﺑﺎﻟﻌﺘﺒﻪ .. ﺍﺧﺮ ﺷﻲ ﺧﺎﺑﺮﻩ ﺑﺎﺑﺎ ﻛﺎﻟﻪ ﻻ ﻭﺍﻟﻠﻪ ﺍﺑﻮ ﺍﺣﻤﺪ ﺍﻟﺒﻴﺖ ﻛﻠﻪ ﻧﺴﻮﺍﻥ ﻭﻣﺎ ﺍﺭﻳﺪ ﺍﺿﺎﻳﻘﻬﻢ
ﻛﺎﻟﻪ ﺍﺑﻮﻱ ﺻﺪﻙ ﺟﺬﺏ ﺍﻟﺒﻴﺖ ﺷﻜﺒﺮﻩ ﻳﺎ ﺳﻴﺪ ﻧﺰﻋﻞ ﻋﻠﻴﻚ .. ﻛﺎﻟﻪ ﺍﻧﺸﺎﻟﻠﻪ ﺍﻟﻴﻮﻡ ﺍﺟﻴﻜﻢ ..
ﻟﻠﻴﻞ ﺍﻟﺴﺎﻋﻪ ..10 ﻛﻠﻬﺎ ﻧﺎﻣﺖ .. ﺑﺲ ﺍﻧﻲ ﻛﺎﻋﺪﻩ ﺍﺳﻮﻱ ﻋﺸﺎ ﻻﺣﻤﺪ ﻭﺩﻙ ﺍﻟﺒﺎﺏ .. ﺻﺎﺡ ﺍﺣﻤﺪ ﻳﻤﻜﻦ ﺳﻴﺪ ﺍﺭﻛﺎﻥ ﺍﺟﻪ ﺣﺠﺎﺑﺞ ..
ﺍﻟﺤﺠﺎﺏ ﺟﺎﻥ ﻋﻠﺒﺎﺏ .. ﺍﺧﺬﺗﻪ ﻭﺧﻠﻴﺘﻪ ﻋﻠﻰ ﺭﺍﺳﻲ .. ﻛﻌﺪﻩ ﺑﺎﻻﺳﺘﻘﺒﺎﻝ .. ﺻﺎﺡ ﺍﺣﻤﺪ ﺳﻤﺮ ﺟﻴﻠﻲ ﺍﻟﻌﺸﺎ ﻫﻨﺎ ﺧﻞ ﻳﺎﻛﻞ ﻭﻳﺎﻱ ﺳﻴﺪ ﺍﺭﻛﺎﻥ ..
ﻛﻠﺖ ﺍﻻﻛﻞ ﻭﺯﻳﺪﺕ ﻋﻠﻴﻪ .. ﻟﻜﻴﺖ ﺍﺣﻤﺪ ﻃﻠﻊ ﻭﻋﻠﻰ ﺍﺫﻧﻪ ﺍﻟﻤﻮﺑﺎﻳﻞ ﻳﺨﺎﺑﺮ .. ﻃﺒﻴﺖ ﺧﻠﻴﺖ ﺍﻻﻛﻞ ﻭﺳﻠﻤﺖ ﻋﻠﻴﻪ ﺍﺷﻮﻧﻚ ﺍﺭﻛﺎﻥ ..
ﻫﻠﻪ ﺳﻤﺮ ﺷﻠﻮﻧﺞ .. ﻫﻮﻩ ﻣﻦ ﻋﺎﺩﺗﻪ ﻳﺒﺎﻭﻉ ﺑﻮﺟﻬﻲ ﻳﺴﻠﻢ ﻭﺑﺴﺎﻉ ﻳﺪﻧﻚ .. ﻫﻬﻬﻬﻪ ﻳﻜﻮﻝ ﺍﻻﻧﺴﺎﻥ ﺍﻟﻪ ﻧﻀﺮﺗﻴﻦ ﺍﻻﻭﻟﻲ ﺍﻟﻪ ﻭﺍﻟﺜﺎﻧﻴﻪ ﻟﻠﺸﻴﻄﺎﻥ ..
ﻓﻴﺴﺘﺤﺮﻡ ﻳﺮﻛﺰ ﺑﻮﺟﻬﻲ .. ﻛﺘﻠﻪ ﺷﻌﺠﺐ ﺻﺎﺭ 4 ﺍﻳﺎﻡ ﺗﺒﺎﺕ ﺑﺎﻟﻌﺘﺒﻪ ﻫﻨﺎ ﻫﻢ ﺑﻴﺘﻚ ﻣﻮ ﻋﻴﺐ ﺍﺣﻨﻪ ﺍﻫﻞ ..
ﻛﺎﻝ ﻭﺍﻟﻠﻪ ﻣﺎ ﺭﺩﺕ ﺍﻛﻠﻔﻜﻢ .. ﻛﺘﻠﻪ ﺷﻠﻮﻧﻚ ﺷﺨﺒﺎﺭﻙ .. ﺍﺳﺘﺤﻴﺖ ﺍﻋﻮﻓﻪ ﻛﺎﻋﺪ ﻭﺣﺪﻩ ﺍﺑﻴﻦ ﻣﺎ ﻳﺠﻲ ﺍﺣﻤﺪ
ﻛﻌﺪ ﺧﻄﻴﻪ ﻫﻮﻩ ﻳﺴﻮﻟﻔﻠﻲ ﻋﻠﻰ ﺷﻐﻠﻪ ﻭﺑﻌﺜﺎﺕ ﻣﻦ ﺍﻟﺤﻮﺯﻩ ﺑﺎﻟﻨﺠﻒ ﻭﻫﻴﺞ ﺩﻧﺴﻮﻟﻒ ﻭﺍﻧﻲ ﻛﺎﻋﺪﻩ ﻛﺒﺎﻟﻪ ...
ﻃﺒﺖ ﻣﺮﺗﻪ ﻭﺷﺎﻓﺘﻨﻪ ﻛﺎﻋﺪﻳﻦ ﺳﻮﻩ ﻳﺒﻮﻭﻭﻭ ﻫﻬﻬﻪ ... ﻳﺘﺒﻊ
🌺🌺🌺🌺🌺
ﺗﻮﻗﻌﺎﺗﻜﻢ ﺷﺮﺍﺡ ﺗﺴﻮﻱ ﻫﻠﺨﺒﻠﻪ ... ﻣﺘﺎﺑﻌﻪ ﻣﻤﺘﻌﻪ
ﻏﻠﺴﻮ ﻟﻮ ﺍﻛﻮ ﺳﺤﻚ ﻣﺎ ﻟﺤﻜﺖ ﺍﺻﺤﺢ 😅
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق