رواية حكاية سمر ج2 الجزء الثاني عشر
للكاتبة زينب ماجد
🌿🌿🌿🌿
ﻭﺍﻛﻔﻪ ﺍﺿﺤﻚ ﻭﺍﺻﻔﻚ ﻭﻣﻨﺪﻣﺠﻪ ﺑﺎﻟﺠﻮ .. ﺟﺎﻥ ﺍﺳﻤﻊ ﺻﻮﺕ ﻣﻦ ﻭﺭﺍﻱ .. ﺑﺄﺫﻧﻲ ﻳﻬﻤﺲ
- ﺍﺣﺲ ﺍﻟﻔﺮﺡ ﺿﺤﻜﺎﺕ ﻣﺨﻠﻮﻗﻪ ﺑﺲ ﻟﺨﺪﻭﺩﺝ .. ﺍﻟﺘﻔﺘﺖ .. ﺧﻠﻴﺖ ﺍﺩﻳﻪ ﻋﻠﻰ ﺣﻠﻜﻲ ﻭﺿﺤﻜﺖ ﻫﻬﻬﻬﻬﻬﻪ ﺑﻜﺮ ﺷﺠﺎﺑﻚ ..
ﺍﺟﺖ ﻳﻤﻲ ﻧﺠﻮﻯ ﻏﻤﺰﺗﻠﻲ .. ﻛﺘﻠﻬﺎ ﺷﻨﻮ ﺍﻟﻘﺼﻪ .. ﻛﺎﻟﺖ ﻭﺍﻟﻠﻪ ﺷﻔﺘﺞ ﺣﺰﻳﻨﻪ ﻭﻣﺎﻣﺎ ﺭﺍﺣﺖ .. ﻛﻠﺖ ﻟﻤﺎﺯﻥ ﻳﺨﺎﺑﺮﻩ ﻳﻌﺰﻣﻪ ﺍﺫﺍ ﻳﻜﺪﺭ ﻳﺠﻲ ..
ﻣﺘﻮﻗﻌﺘﻪ ﻳﺠﻲ ﺑﻬﻠﺴﺮﻋﻪ . ..
ﺑﻜﺮ .. ﻫﻬﻬﻬﻪ ﻣﻮ ﺑﺎﻟﺤﻴﻒ ﺍﺟﻴﺖ ﻃﺎﻳﺮ ..
ﺳﻤﺮ .. ﻫﻬﻬﻪ ﻓﺮﺣﺖ ﺑﻴﻚ ﻫﻮﺍﻳﻪ ﻭﺍﻟﻠﻪ ﺍﺧﺬ ﺑﺄﻳﺪﻱ .. ﻧﺰﻟﺖ ﺍﻳﺪﻱ ﻣﻦ ﺍﻳﺪﻩ .. ﻛﺘﻠﻪ ﺧﺎﻻﺗﻲ ﻣﻮﺟﻮﺩﺍﺕ .. ﻋﻴﺐ ..
- ﺍﺣﺒﺞ ﻫﻮﺍﺍﺍﻱ ﻭﺍﻟﻠﻪ
- ﺍﻣﻮﻭﻭﺕ ﻋﻠﻴﻚ .. ﺍﺑﺎﻭﻋﻠﻪ ﻭﻣﺪﻣﻌﻪ ﻣﻦ ﺍﻟﻔﺮﺡ ﺑﻴﻪ . ﻳﺮﺏ ﺷﻜﺪ ﺍﺭﺗﺎﺡ ﻣﻦ ﺍﺷﻮﻓﻪ ﻛﺒﺎﻟﻲ .. ﺍﺣﺲ ﻛﻠﺒﻲ ﺑﺄﻣﺎﻥ ﻳﻤﻪ .
ﺍﻟﺸﺒﺎﺏ ﺗﺮﻛﺺ ﻭﺍﻟﺪﻧﻴﺎ ﻣﻠﺘﻤﻪ .. ﺧﺎﺑﺮﺕ ﻣﺎﻣﺎ .. ﺍﻟﺠﻮ ﻫﻮﺳﻪ ﻭﺻﻮﺕ .. ﻛﺘﻠﻬﺎ ﻫﺎﺍﺍ ﻣﺎﻣﺎ .. ﻛﺎﻟﺖ ﺳﻤﺮ ﺷﻨﻮ ﺑﻘﻴﺘﻲ ﻫﻨﺎﻙ .
- ﺍﻱ ﻏﻴﺮ ﺍﻧﺘﻲ ﻛﻠﺘﻴﻠﻲ ﺍﺑﻘﻲ ﻭﻳﻪ ﻧﺠﻮﻯ ﺍﻭﺻﻠﻬﺎ ﻟﻠﺸﻘﻪ ﻣﺎﻟﺘﻬﻢ ﻭﺍﺟﻲ ﺍﻧﻲ ﻭﺧﺎﻻﺗﻲ
- ﻳﻤﻪ ﻳﺎ ﺧﺎﻻﺗﺞ .. ﺫﻥ ﺧﺎﻻﺗﺞ ﺍﺟﻦ ..
- ﺷﻨﻮ ﺍﺟﻦ .. ﻟﻌﺪ ﻋﻔﺘﻮﻧﻲ ﻭﺣﺪﻱ .. ﺍﻧﻲ ﻣﻨﻮ ﻳﻮﺻﻠﻨﻲ ..
- ﻳﻤﻪ ﻣﺎ ﺗﺤﻤﻠﻦ ﺻﻮﺕ ﺍﻟﻐﻨﺎ ﻋﺎﻟﻲ ﻭﺷﺒﺎﺏ ﺗﺮﻛﺺ ﺗﻌﺮﻓﻴﻦ ﺧﺎﻻﺗﺞ ﻳﺴﺘﺤﺮﻣﻦ ﻣﻦ ﻫﻴﺞ ﺍﺟﻮﺍﺀ ﻭﺍﺟﻦ ﻟﻜﻴﺘﻬﻦ ﻛﺪﺍﻣﻲ ..
ﺍﺩﺯﻟﺞ ﺍﺣﻤﺪ ..
- ﺷﺪﺯﻳﻪ ﻳﻮﻭﻡ ﺭﺍﺡ ﻧﺰﻑ ﻧﺠﻮﻯ ﻭﻣﺎﺯﻥ ﻓﺪ ﺷﻮﻱ .. ﻳﻠﻪ ﻋﻮﺩ ﺍﺧﻠﻲ ﺑﻜﺮ ﻳﻮﺻﻠﻨﻲ ..
- ﺷﻨﻮ ﺑﻜﺮ ﺗﻌﺎﺍﺍﻱ ﻫﻨﺎ ﺷﺠﺎﺑﻪ ..
- ﺷﻤﺪﺭﻳﻨﻲ ﻋﺎﺯﻣﻪ ﻣﺎﺯﻥ ..
- ﺳﻤﺮ ﻻ ﺗﻠﻌﺒﻴﻦ ﻭﻳﺎﻱ ..
- ﻳﻮﻡ ﺷﻠﻌﺐ ﺗﺮﺩﻳﻦ ﺍﺩﺯﻳﻦ ﺍﺣﻤﺪ ﺩﺯﻳﻪ .. ﻗﺎﺑﻞ ﻭﻳﻪ ﻣﻨﻮ ﺟﺎﻳﻪ ﺍﺳﺘﻐﻔﺮ ﺍﻟﻠﻪ ﻏﺮﻳﺐ ﻫﻮﻩ ﻏﻴﺮ ﺍﺑﻦ ﻋﻤﺘﻲ ..
- ﺧﻞ ﺍﺷﻮﻑ ﺍﺣﻤﺪ ﻫﺴﻪ ﺍﺣﺎﺟﻴﻪ ﺍﻭﻛﻔﻲ ..
- ﺻﻌﺪﺕ ﻭﻫﻴﻪ ﻭﻳﺎﻱ ﻋﻼﺗﺼﺎﻝ .. ﺍﺟﻪ ﺑﻜﺮ .. ﺍﺷﺮﻟﻲ ﺑﻴﺪﻩ ﻫﺎﺍﺍ .. ﺍﺷﺮﺗﻠﻪ ﺍﻭﻛﻒ .. ﻛﺎﻟﺖ ﺍﺣﻤﺪ ﻣﺎﻣﻮﺟﻮﺩ ..
ﺍﺧﺎﺑﺮﻩ ﻭﺍﺭﺟﻌﻠﺞ ﺧﺒﺮ ..
- ﺍﻭﻙ ﻣﺘﺎﻧﻴﺘﺞ .. ﺳﺪﻳﺘﻪ ..
- ﺷﻨﻮ ﺍﻟﻘﺼﻪ
- ﺧﺎﻻﺗﻲ ﺭﺍﺟﻌﺎﺕ ﻭﻋﺎﻳﻔﺎﺗﻨﻲ ﻭﺣﺪﻱ ﻫﻨﺎ ..
- ﺍﻳﻴﻴﻴﻲ ﻫﻢ ﺯﻳﻦ
😒😒-
- ﺷﺒﻴﺞ ﻋﻨﺪﻱ ﺷﻐﻠﻪ ﺍﺭﻳﺪ ﺍﺷﻮﻓﻬﺎ ﺍﻟﺞ .
- ﺷﻨﻮ ﻫﻴﻪ ..
- ﻣﻦ ﻧﻜﻤﻞ ﺍﺧﺬﺝ ..
- ﻭﻳﻦ ..
- ﺷﻌﻠﻴﺞ ..
- ﻫﻬﻬﻪ ﻟﺘﺘﺄﻣﻞ ﻫﻮﺍﻱ ﺍﺣﺘﻤﺎﻝ ﻳﺠﻴﻨﻲ ﺍﺣﻤﺪ .. ﺧﺎﺑﺮﺕ ﺍﻣﻲ .. ﺭﺩﻳﺖ ﻫﺎﺍﺍﺍ ﻣﺎﻣﺎ
🌿
ﺍﻛﻮﻟﺞ ﺍﺣﻤﺪ ﺍﺧﺎﺑﺮﻩ ﻭﻣﻴﺠﺎﻭﺏ ﺧﺎﺑﺮﻳﻪ ..
- ﻫﺴﻪ ﺍﺧﺎﺑﺮﻩ .. ﺳﺪﻳﺘﻪ ﻣﻦ ﻣﺎﻣﺎ ﺧﺎﺑﺮﺕ ﺍﺣﻤﺪ ﻣﺎﻛﻮ .. ﺑﺎﻭﻋﺖ ﻟﺒﻜﺮ ﺑﻴﺌﺲ ..
- ﺷﻨﻮ ﻟﺘﻬﺘﻤﻴﻦ ﺍﻭﺻﻠﺞ ﻗﺎﺑﻞ ﺷﺤﻴﺼﻴﺮ
- ﻣﺎﺷﻲ . ﺧﻞ ﺍﺩﺧﻞ ﺍﺷﻮﻑ ﻧﺠﻮﻯ ..
- ﺩﺧﻠﻨﻪ ﺍﻧﻲ ﻭﺑﻜﺮ .. ﻣﺸﻐﻠﻴﻦ ﻋﺒﺎﻟﻲ ﺣﺒﻴﺒﻲ .. ﻭﻧﺠﻮﻯ ﻭﻣﺎﺯﻥ ﻳﻐﻨﻮﻥ ﻟﺒﻌﺾ ﻋﻠﺴﺘﻴﺞ .. ﺍﻧﻲ ﺍﺑﺎﻭﻋﻠﻬﺎ ﻭﻫﻴﻪ ﺗﻐﻨﻴﻠﻪ
ﻟﻴﻠﺔ ﺍﻻﻟﺒﺴﻠﻚ ﺍﻻﺑﻴﺾ ﻭﺍﺻﻴﺮ ﻣﻠﻜﻚ ﻭﺍﻟﺪﻧﻴﺎ ﺗﺸﻬﺪﺩ
ﺑﺎﻭﻋﺖ ﻟﺒﻜﺮ .. ﻭﺍﺧﺬﺕ ﻧﻔﺲ .. ﺷﻮﻛﺖ ﺍﻟﺒﺴﻠﻚ ﺍﻻﺑﻴﺾ ﻭﺍﺻﻴﺮ ﻣﻠﻜﻚ ﻭﺍﻟﺪﻧﻴﺎ ﺗﺸﻬﺪﻟﻨﻪ ...
- ﻟﺘﺨﺎﻓﻴﻦ .. ﻳﺠﻲ ﻫﻠﻴﻮﻡ ﺍﻧﺸﺎﻟﻠﻪ . ﻭﺭﺍﺡ ﻧﻜﻮﻥ ﺍﺳﻌﺪ ﺍﺛﻨﻴﻦ ﺑﻴﻮﻣﻬﺎ
- ﻫﻬﻪ ﺷﻮﻛﺖ ﺑﻜﺮ ﻣﻮ ﻣﺘﺤﻤﻠﻪ ﺑﻌﺪﻙ .. ﺑﻌﺪ .. ﺍﺭﻳﺪﻙ ﻳﻤﻲ .. ﺑﺪﻭﻧﻚ ﺍﺣﺲ ﺑﻨﻘﺺ .. ﻣﺎ ﺍﻛﻤﻞ ﺑﺪﻭﻧﻚ ..
- ﻳﻤﺮﺗﻲ ﻭﻳﺮﻭﺣﻲ ﺍﻧﺘﻲ .. ﻭﺍﻟﻠﻪ ﻗﺮﻳﺐ ﺑﺲ ﺍﻥ ﺷﺎﺀ ﺍﻟﻠﻪ
- ﺍﺧﺬ ﺍﻳﺪﻱ ﻭﻳﻌﺼﺮﻫﺎ ﻭﺍﻧﻲ ﺍﺑﺎﻭﻋﻠﻪ ﻣﺒﺘﺴﻢ .. ﺑﻌﺪ ﺍﻟﻤﻐﺮﺏ ﻧﻬﻴﻨﻪ ﺍﻟﺤﻔﻠﻪ .. ﻭﺯﻓﻴﻨﻪ ﻣﺎﺯﻥ ﻭ ﻧﺠﻮﻯ ﻟﺸﻘﺘﻬﻢ ..
ﺩﺧﻠﺘﻬﺎ ﺑﺄﻳﺪﻱ .. ﺑﻘﺖ ﺗﺒﺠﻲ .. ﻛﺘﻠﻬﺎ ﻋﺸﻨﻮ ﺗﺒﺠﻴﻦ ﻳﺮﻭﺣﻲ .. ﺗﻜﻮﻟﻲ ﺧﺎﻳﻔﻪ ..
- ﻣﻦ ﺷﻨﻮ ﺧﺎﻳﻔﻪ ﺣﺒﻴﺒﺘﻲ .. ﻣﺎﻛﻮ ﺷﻲ . ﻭﻫﺬﺍ ﺣﺐ ﺣﻴﺎﺗﺞ ﺍﻟﻜﻞ ﻋﻤﺮﺝ ﺗﺘﺤﻠﻤﻴﻦ ﺗﺼﻴﺮﻳﻦ ﺍﻟﻪ ﺍﻟﻴﻮﻡ ﺍﻧﺘﻮ ﺳﻮﻩ
ﻟﺘﺨﻠﻴﻦ ﺍﻟﺨﻮﻑ ﻋﻠﻰ ﺑﺎﻟﺞ .. ﺑﻮﺳﺘﻬﺎ ﻭﺣﻀﻨﺘﻬﺎ ﺍﺑﺠﻲ .. ﻣﺎ ﺗﺤﻤﻠﺖ ﺍﻋﻮﻓﻬﺎ .. ﺑﻜﺮ ﻫﻢ ﻃﺐ ﺳﻠﻢ ﻋﻠﻴﻬﺎ .. ﻭﺍﻧﻄﺎﻫﺎ ﻫﺪﻳﺔ ﻋﺮﺳﻬﺎ ﻭﺭﻗﻪ ﺑﻀﺮﻑ ..
ﻭﻃﻠﻌﻨﻪ .. ﺍﺧﺬﻧﻲ ﻟﻠﺴﻴﺎﺭﻩ .. ﺍﺑﺠﻲ .. ﻛﺎﻝ ﺍﻭﻭﻭﻑ ﻟﻮ ﻧﺘﺰﻭﺝ .. ﺍﺑﺘﺴﻤﺖ ..
ﻛﺘﻠﻪ ﺷﺘﺴﻮﻱ ..
- ﺷﺴﻮﻱ ﻳﻤﻜﻦ ﻳﻮﻛﻒ ﻛﻠﺒﻲ ﻭﺍﻣﻮﺕ ﻣﻦ ﺍﻟﻔﺮﺣﻪ ﻫﻬﻬﻬﻬﻬﻪ
- ﻳﺤﻈﻲ ﻫﻴﻪ ﺑﺲ ﻫﺎﻱ ﺍﻟﻨﺎﻗﺼﻪ ﻫﻬﻬﻬﻊ ﺷﻐﻞ ﺍﻏﻨﻴﺔ ﻧﺎﺫﺭ ﺍﺫﺍ ﺭﺩﻳﺘﻲ ﺑﺎﻟﺤﺐ ﻭﺍﻟﻲ ﺣﻨﻴﺘﻲ ﺍﺯﺭﻋﻠﺞ ﺍﻟﺴﺠﻪ ﻭﺭﺩ ﻣﻦ ﺑﻴﺘﺞ ﻟﺤﺪ ﺑﻴﺘﻲ ...
ﺍﺳﻤﻊ ﻭﺍﺿﺢ .. ﻛﺎﻝ ﺗﻌﺎﻱ ﺍﺷﻮﻓﺞ ﺷﻤﺴﻮﻳﻠﺞ ﻭﺷﻤﺤﻈﺮ .. ﻛﺘﻠﻪ ﺷﻨﻮ .. ﻭﻛﻔﻨﻪ ﺍﺑﺎﺏ ﺑﻴﺖ .. ﻭﻛﺎﻝ ﺍﻧﺰﻟﻲ .
ﻛﺘﻠﻪ ﻭﻳﻦ . ﻛﺎﻝ ﺍﻧﺰﻟﻲ ﻭﺍﻧﺘﻲ ﺗﻔﺘﻬﻤﻴﻦ .. ﻧﺰﻟﻨﻪ ﻓﺘﺢ ﻗﻔﻞ ﺍﻟﺒﻴﺖ ﻭﻛﺎﻝ ﻓﻮﺗﻲ .. ﻛﺘﻠﻪ ﺷﻨﻮ ﺍﻟﻘﺼﻪ ﺑﻜﺮ ..
ﻛﺎﻝ ﺧﺎﻳﻔﻪ ﻣﻨﻲ . ﻛﺘﻠﻪ ﻻ ﻣﻮ ﻫﻴﺞ ﺑﺲ .. ﻛﺎﻝ ﻛﻞ ﻋﻤﺮﻱ ﻣﻤﻔﻜﺮ ﺑﻴﺞ ﻏﻠﻂ .. ﻭﻻ ﺭﺍﺡ ﺍﻓﻜﺮ .. ﻟﺘﺨﺎﻓﻴﻦ ﺗﻌﺎﺍﺍﻱ ..
- ﺩﺧﻠﺖ ﺑﻴﺖ ﻭﺣﺪﻳﻘﻪ ﺻﻐﻴﺮﻩ ..
- ﻓﺘﺢ ﻗﻔﻞ ﺍﻟﺒﺎﺏ ﺍﻟﺜﺎﻧﻲ .. ﻭﺩﺧﻠﺖ ﺑﻴﺖ .. ﺧﺎﻟﻲ ﻣﻦ ﺍﻟﻐﺮﺍﺽ .. ﺩﺧﻠﺖ ﻣﺄﺛﺚ ﺍﺛﺎﺙ ﺑﺴﻴﻂ .. ﻟﻮﺣﺎﺕ .. ﺛﺮﻳﺎﺕ ..
ﻛﺘﻠﻪ ﺷﻨﻮ ﻫﺬﺍ ..
- ﺳﻤﺮ ﻫﺬﺍ ﺑﻴﺖ ﺍﺷﺘﺮﻳﺘﻪ ﺍﻟﻨﻪ .. ﻫﻨﺎ ﺭﺍﺡ ﻧﻘﻀﻲ ﺍﺟﻤﻞ ﺍﻳﺎﻡ ﺣﻴﺎﺗﻨﻪ .. ﺍﻧﻲ ﻧﻮﻳﺖ ﺍﺗﻘﺪﻣﻠﺞ .. ﻣﺎ ﺍﺗﺤﻤﻞ ﺑﻌﺪ .. ﺷﻬﺮ ﺳﻨﻪ .. ﻻ ﺍﻟﻨﺎﺱ ﺗﺘﻐﻴﺮ ﻭﻻ ﺍﻻﻫﻞ ﻳﺘﻐﻴﺮﻭﻥ ..
ﻭﺍﻧﻲ ﺟﺎﻱ ﺍﺷﺘﺎﻗﻠﺞ ﻫﻮﺍﻱ . ﺍﺗﻤﻨﺎﺝ ﻳﻤﻲ ﻛﻞ ﻳﻮﻡ .. ﺍﺭﻳﺪﺝ ﺳﻤﺮ .. ﺍﻧﺘﻲ ﻣﺮﺗﻲ ﺍﻟﻲ ﻭﺍﺭﻳﺪﺝ ﺣﻼﻟﻲ
- ﻭﻣﺤﺪ ﻳﺼﻴﺮﻟﻲ ﻏﻴﺮﻙ ﺣﻼﻟﻲ .. ﺣﻈﻨﺘﻪ ﻣﻦ ﺍﻟﻔﺮﺣﻪ .. ﺷﺎﻝ ﻭﺟﻬﻲ ﺑﺎﺻﺒﻌﻪ .. ﻭﺑﺎﺳﻨﻲ ﺑﻜﺼﺘﻲ
🌿
ﺍﺧﺬﺕ ﻧﻔﺲ .. ﻭﺍﺑﺎﻭﻉ ﻟﻌﻴﻮﻧﻬﺎ .. ﻳﺮﺑﻲ ﻭﺍﻟﻠﻪ ﺍﻋﺸﻘﺞ .. ﻟﺞ ﺍﺭﻳﺪﺝ ..
- ﻫﻬﻬﻪ ﺍﺣﺒﻚ .. ﺍﻣﻮﻭﻭﺕ ﻋﻠﻴﻚ ﻭﺍﻟﻠﻪ ﻭﺧﻠﻴﺖ ﺭﺍﺳﻲ ﺑﺤﻈﻨﻪ .. ﺍﺳﻤﻊ ﻟﺪﻛﺎﺕ ﻛﻠﺒﻪ .. ﺍﺗﻤﻨﻲ ﻳﻮﻛﻒ ﺍﻟﺰﻣﻦ ﻫﻨﺎ ..
ﺍﺗﻤﻨﻰ ﺍﻗﻀﻲ ﻛﻞ ﻋﻤﺮﻱ ﻭﺍﻧﻲ ﻫﻴﺞ .. ﻋﻄﺮﻩ ﺑﺎﻟﻨﺴﺒﻪ ﺍﻟﻴﻪ ﺳﺤﺮ ﻳﺎﺧﺬﻧﻲ ﻟﻐﻴﺮ ﻋﺎﻟﻢ .. ﻋﺎﻟﻢ ﻣﺎﺑﻴﻪ ﻏﻴﺮﻧﻪ ﻭﺣﺒﻨﻪ .
ﺍﺑﺘﻌﺪ ﻋﻨﻲ .. ﻭﺍﺧﺬ ﺍﺑﺄﻳﺪﻱ ﻭﻛﺎﻝ ﺗﻌﺎﻱ ﺍﺷﻮﻓﺞ ﺑﻘﻴﺖ ﺍﻟﺒﻴﺖ .. ﺍﻧﻲ ﻣﺎ ﺍﺛﺜﺘﻪ .. ﻛﻠﺖ ﻫﻮﻩ ﺑﻴﺘﻬﺎ . ﺗﺄﺛﺜﻪ ﺑﻤﺰﺍﺟﻬﺎ ..
ﺷﻨﻮ ﺍﻟﻤﻮﺩﻳﻞ ﺍﻟﺪﻳﺰﺍﻳﻦ ﺍﻟﻴﻌﺠﺒﺞ .. ﻛﻮﻟﻴﻠﻲ ﺑﻴﻪ ﻭﺍﻧﻲ ﺍﺛﺜﻪ .. ﻟﺤﺪ ﻣﻨﺨﻠﺼﻪ ﺍﺗﻘﺪﻣﻠﺞ ﻭﻧﺘﺰﻭﺝ ..
- ﺍﺣﺲ ﺍﻟﻔﺮﺣﻪ ﻣﻮ ﻭﺍﺳﻌﺘﻨﻲ ﻭﺍﻧﻲ ﺍﺷﻮﻓﻪ ﻭﺍﺑﺎﻭﻉ ﺍﻟﺒﻴﺖ .. ﺍﻟﻠﻲ ﻣﻤﻜﻦ ﻳﻠﻢ ﺣﺒﻨﻪ ﻓﺪ ﻳﻮﻡ ..
ﻛﺘﻠﻪ ﻳﻠﻪ ﺑﻜﺮ .. ﻣﺎ ﺍﻛﺪﺭ ﺍﺗﺄﺧﺮ ﺍﻛﺜﺮ .. ﻛﺎﻝ ﻳﻠﻪ .. ﻣﺸﻰ ﺧﻄﻴﻪ ﺑﺴﺎﻉ .. ﻭﺻﻠﺖ ﺍﻟﺒﻴﺖ .. ﺭﺩﺕ ﺍﻧﺰﻝ .. ﺍﻟﺘﻔﺘﺘﻠﻪ .. ﺍﺑﺘﺴﻤﻠﻲ ..
ﺑﺴﺘﻪ ﺑﺨﺪﻩ .. ﻭﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ .. ﻣﺎ ﺍﻋﺮﻑ ﺣﺴﻴﺖ ﻋﻴﻮﻧﻲ ﺑﻌﺪ ﻣﺘﺸﻮﻑ ﻋﻴﻮﻧﻪ ﻫﻴﺞ ... ﺍﺣﺴﺎﺱ ﺗﻤﻠﻜﻨﻲ ﻟﻠﺤﻈﻪ .. ﻣﺎ ﺍﻋﺮﻑ ﻟﻴﺶ
ﻭﻧﺰﻟﺖ ﻋﻠﺸﺎﺭﻉ .. ﻭﻫﻮﻩ ﻳﺒﺘﺴﻤﻠﻲ . .. ﻋﺪﻳﺖ ﺍﻟﻔﺮﻉ .. ﻭﺻﻠﺖ ﻟﻠﺒﺎﺏ ﻫﻮﻩ ﺑﻌﺪﻩ ﻭﺍﻛﻒ .. ﻟﻮﺣﻠﻲ ﺑﺄﻳﺪﻩ ﻭﺭﺍﺍﺡ ..
ﺩﺧﻠﺖ ﻟﻠﺒﻴﺖ .. ﺍﺗﻠﻜﺘﻨﻲ ﺍﻣﻲ .. ﻭﺻﻠﺞ ﺑﻜﺮ ﻣﻮ . ﻛﺘﻠﻬﺎ ﺍﻱ . ﻭﻳﻦ ﺟﻨﺘﻮ .. ﻭﻳﻦ ﻳﻌﻨﻲ ﻭﺻﻠﻨﻪ ﻧﺠﻮﻯ ﻟﺸﻘﺘﻬﺎ ..
- ﺳﻤﺮ ﻻ ﺗﻠﻌﺒﻴﻦ ﻭﻳﺎﻱ .. ﻛﻄﻌﻲ ﻋﻼﻗﺘﺞ ﺑﺒﻜﺮ ..
- ﻭﺍﻛﻔﻪ ﺑﺎﻟﺤﺪﻳﻘﻪ ﻭﺍﺣﺠﻲ ﻭﻳﺎﻫﺎ .. ﻛﺘﻠﻬﺎ ﻳﻮﻭﻭﻡ ﻣﻦ ﺟﻨﺘﻲ ﺗﺤﺒﻴﻦ ﺑﺎﺑﺎ ﻭﺗﺤﺴﻴﻦ ﺑﻴﻪ ﻣﺴﺘﺤﻴﻞ .. ﺑﻘﻴﺘﻲ ﺗﺤﺒﻴﻪ ﻟﻮ ﺑﻄﻠﺘﻲ ..
- ﺳﻤﺮﺭﺭﺭ
- ﻭﻟﻠﻪ ﻣﻮ ﻗﺼﺪﻱ ﺑﺸﻲ .. ﺑﺲ ﻣﺎﻣﺎ ﺍﻧﻲ ﺍﺣﺒﻪ ﻟﺒﻜﺮ ﻣﻮ ﺑﻴﺪﻱ .. ﻣﺎ ﺍﺗﺨﻴﻞ ﻧﻔﺴﻲ ﺍﻟﻐﻴﺮﻩ
ﺗﺪﺭﻳﻦ ﻣﺸﺘﺮﻳﻠﻲ ﺑﻴﺖ ﻭﻳﻜﻮﻟﻲ ﺍﺛﺜﻴﻪ ﺑﺎﻟﻠﻲ ﻳﻌﺠﺒﺞ ..
- ﺳﻤﺮ ﻳﻤﻪ ﺑﻜﺮ . ﻧﺎﺭ .. ﻭﺍﻟﻨﺎﺭ ﺗﺤﺮﻙ .. ﻻ ﺗﺤﺮﻛﻴﻦ ﺭﻭﺣﺞ ﺑﻌﻮﺍﻃﻔﺞ ﻭﺍﺩﻓﻨﻴﻬﺎ ﺗﺮﻩ ﻣﺎ ﺗﺼﻴﺮ ..
- ﻣﺎﻣﺎ ﺍﺭﻳﺪﻩ .. ﺍﺣﺒﻪ ﻭﺍﻟﻠﻪ ﺍﺗﻤﻨﻰ ﺗﻔﻬﻤﻴﻨﻲ .. ﻫﻮﻩ ﺟﺎﻥ ﻳﺮﻳﺪﻧﻲ ﻗﺒﻞ ﻋﺎﺩﻝ .. ﺑﺲ ﻋﺎﺩﻝ ﺧﻄﺒﻨﻲ ﻗﺒﻠﻪ ..
- ﻫﺬﺍ ﻣﻴﻐﻴﺮ ﺣﻘﻴﻘﺔ ﻫﻮﻩ ﺍﺧﻮ ﺯﻭﺟﺞ ..
- ﺍﻱ ﺯﻭﺝ ﻫﺬﺍ ﻣﺎﻣﺎ .. ﻋﺎﺩﻝ ﺑﻌﻤﺮﻩ ﻣﺎ ﻛﺎﻥ ﺯﻭﺝ .. ﻫﺬﺍ ﻛﺎﺑﻮﺱ ﻭﻛﻌﺪﺕ ﻣﻨﻪ ﻣﻮ ﺯﻭﺝ ..
- ﺍﺩﺧﻠﻲ ﻫﺴﻪ .. ﺧﺎﻻﺗﺞ ﻛﺎﻋﺪﺍﺕ ﺍﺩﺧﻠﻲ ﻳﻤﻪ ...
- ﺍﻛﻮﻟﺞ ﻣﺎﻣﺎ ﺑﺲ ﻻ ﺍﺭﻛﺎﻥ ﻫﻢ ﻫﻨﺎ .. ﻣﺎﺑﻴﻪ ﺍﻟﺒﺲ ﺣﺠﺎﺏ ﻭﺍﻟﻠﻪ .
- ﺑﺎﻻﺳﺘﻘﺒﺎﻝ ﺍﺭﻛﺎﻥ ﻣﻮ ﻫﻨﺎ .
- ﺍﻱ ﺯﻳﻦ .. ﺩﺧﻠﺖ ﻭﺣﺠﻴﺖ ﻟﻌﺪ ﺍﺣﻤﺪ ﻟﻴﺶ ﻣﺎ ﺍﺟﺎﻧﻲ ﻭﺻﻠﻨﻲ ..
- ﻣﺎ ﺍﺩﺭﻱ ﺷﺒﻴﻪ ﺭﺩﺕ ﺍﺣﺠﻲ ﻭﻳﺎﻩ .. ﺑﻌﺪﻧﻲ ﻣﺎ ﻓﺎﻛﻪ ﺣﻠﻜﻲ ﻛﺎﻝ ﻳﻤﻪ ﺍﺗﺮﻛﻴﻨﻲ ﻣﺎﺑﻴﻪ ﺣﻴﻞ ﺍﺭﻳﺪ ﺍﻧﺎﻡ ..
- ﺩﺧﻠﺖ ﺻﺤﺖ ﻫﻼﺍﺍﺍﺍﺍﺍﺍﺍﻭ .. ﺻﺎﺡ ﺑﺎﺑﺎ ﻫﺎﺍﺍ ﺳﻤﺮ ﺍﺧﺘﺞ ﺍﺷﻮﻧﻬﺎ ..
- ﻛﺘﻠﻪ ﺯﻳﻨﻪ ﺑﺎﺑﺎ ﺯﻳﻨﻪ .. ﻭﺍﺧﺬﺗﻠﻪ ﻣﻮﺑﺎﻳﻠﻲ ﺍﺷﻮﻓﻪ ﺻﻮﺭﻫﺎ .. ﺣﻴﻞ ﻣﻘﻬﻮﺭ ﻋﻠﻴﻬﺎ ﺑﻄﻠﻌﺘﻬﺎ .. ﻳﻜﻮﻝ ﺭﺍﺡ ﺍﻓﺘﻘﺪﻫﺎ ..
🌿
ﻛﻠﺖ ﺍﻟﺨﺎﻟﻪ .. ﻟﻌﺪ ﺍﺭﻛﺎﻥ ﻭﺣﺪﻩ ﺑﺎﻻﺳﺘﻘﺒﺎﻝ .. ﻛﺎﻝ ﻻ ﻧﺎﻳﻢ .. ﻛﺘﻠﻬﺎ ﺍﻱ ﺯﻳﻦ .. ﻻﻥ ﺍﺣﻤﺪ ﻓﻮﻙ .. ﻋﻔﺘﻬﻢ ﻭﺻﻌﺪﺕ ..
ﺟﺎﻱ ﺍﻓﻮﺕ .. ﺟﺎﻥ ﺍﺷﻮﻑ ﺍﺣﻤﺪ ﻳﺸﻤﺮ ﺍﻟﻤﻮﺑﺎﻳﻞ ﻓﻠﺸﻪ ﻭﻳﻐﻠﻂ . ﻭﻳﻔﺮﻙ ﺑﻮﺟﻬﺎ ..
ﻓﺘﺤﺖ ﺑﺎﺏ ﻏﺮﻓﺘﻪ .. ﺩﺧﻠﺖ ﺷﺒﻴﻚ ..
- ﻣﺎ ﺑﻴﻪ ﺷﻲ ﺍﻃﻠﻌﻲ ..
- ﻣﺘﺰﺍﻋﻞ ..
- ﻭﻳﻪ ﻣﻨﻮ ..
- ﻭﻳﻪ ﺍﻟﻠﻲ ﺗﺤﺒﻬﺎ .
- ﻻﺍﺍﺍ
- ﻟﻌﺪ ..
- ﺍﻫﻠﻬﺎ ﻛﻤﺸﻮﻫﺎ ﻭﻛﺘﻠﻮﻫﺎ ..
- ﻛﺘﻠﻮﻫﺎ ﻗﺘﻞ ﻟﻮ ﺷﻨﻮ ..
- ﻻﺍﺍ ﻫﻴﺞ ﺗﺄﺩﻳﺐ ..
- ﻣﺪﻳﺖ ﺍﻳﺪﻱ ﻋﻠﻰ ﺷﻌﺮﻩ .. ﻳﺮﻭﺣﻲ ﻭﺍﻧﺘﻪ ﻣﺘﺄﺫﻱ ﻋﻤﻮﺩﻫﺎ ..
- ﻭﺧﺮ ﺭﺍﺳﻪ ﻣﻨﻲ . ﻭﺩﻧﻚ ﻣﺨﻠﻲ ﺍﺩﻳﻪ ﻋﻠﻰ ﺭﺍﺳﻪ ..
- ﻛﺘﻠﻪ ﺗﺮﻳﺪ ﺍﺣﺠﻴﻠﻚ ﻭﻳﺎﻫﺎ . ﺑﺴﺎﻉ ﺑﺎﻭﻋﻠﻲ
- ﺷﻠﻮﻭﻥ ﺗﻜﺪﺭﻳﻦ ..
- ﺍﻱ ﺍﻛﺪﺭ .. ﺍﺫﺍ ﻋﻨﺪﻙ ﺭﻗﻢ ﺍﻣﻬﺎ ﺍﻧﻄﻴﻨﻴﺎﻩ ﺍﺧﺎﺑﺮﻫﺎ ﻭﺗﻄﻤﻦ ﻋﻠﻴﻬﺎ ..
- ﺍﻱ ﺍﻱ ﻳﻤﻜﻦ ﺣﺎﻓﻆ ﺭﻗﻢ ﺍﻣﻬﺎ .. ﻟﺤﻈﻪ ﻛﺎﻡ ﺑﺴﺮﻋﻪ ﻟﻢ ﺟﻬﺎﺯﻩ ﻭﺭﻛﺒﻪ ﻭﺷﻐﻠﻪ .. ﻭﻛﻌﺪ ﻳﺒﺤﺚ ﺑﺎﻻﺭﻗﺎﻡ .. ﻭﺍﻧﻲ ﺍﺑﺎﻭﻋﻠﻪ ﻭﺍﺑﺘﺴﻢ ..
- ﻫﺬﺍ .. ﺗﻜﺪﺭﻳﻦ ..
- ﺍﻱ ﺟﻴﺐ . ﺩﻛﻴﺖ ﺍﻟﺮﻗﻢ ﻭﺍﺗﺼﻞ ... ﺍﻧﻮﺏ ﺧﻠﻴﺖ ﺍﻳﺪﻱ ﻋﻞ ﺳﻤﺎﻋﻪ ﻭﻛﺘﻠﻪ ﻫﻴﻪ ﺷﺴﻤﻬﺎ ..
- ﻣﺮﻭﻩ
- ﺭﺟﻌﺖ ﺍﻟﺠﻬﺎﺯ .. ﺭﺩﺕ ﺍﻣﻬﺎ .. ﻛﺘﻠﻬﺎ ﺍﻟﻌﻔﻮ ﺧﺎﻟﻪ ﺍﻧﻲ ﺻﺪﻳﻘﺔ ﻣﺮﻭﻩ ﻭﺟﻬﺎﺯﻫﺎ ﻣﻐﻠﻖ .. ﺿﻞ ﺑﺎﻟﻲ ﻋﻠﻴﻬﺎ ..
ﺍﻛﺪﺭ ﺍﺣﺠﻲ ﻭﻳﺎﻫﺎ .. ﻛﺎﻟﺖ ﺍﻱ ﻫﺴﻪ ﺍﻛﻠﻬﺎ .. ﺷﻨﻮ ﺍﻛﻠﻬﺎ ﺷﺴﻤﺞ .. ﻛﺘﻠﻬﺎ ﺳﻤﺮ ﺍﺣﻤﺪ .. ﺭﺍﺣﺖ ﻟﻠﺒﻨﻴﻪ .. ﻛﺎﻟﺘﻠﻬﺎ ﻣﺮﻭﻩ ﺻﺪﻳﻘﺘﺞ .. ﻛﺎﻟﺖ ﻣﻨﻮ . .. ﺳﻤﺮ ﺍﺣﻤﺪ ..
ﺣﺠﻴﺖ ﻫﻠﻮ ﻣﺮﻭﻩ ..
- ﻫﻠﻮ ﺣﺒﻲ ..
- ﻟﺞ ﺿﻞ ﺑﺎﻟﻲ ﻋﻠﻴﺞ . . ﺣﺘﻰ ﺻﺪﻳﻘﺘﻨﻪ ﺍﻟﻲ ﺗﻌﺮﻓﻴﻬﺎ ﻣﻮﺗﺘﻨﻲ ﻋﻠﻴﺞ .. ﻛﺎﻟﺖ ﺍﻱ . ﻋﺮﻓﺖ ﺍﻣﻬﺎ ﻳﻤﻬﺎ ..
ﻛﺘﻠﻬﺎ ﺣﺒﻴﺒﺘﻲ ﻣﻦ ﺗﻔﺮﻏﻴﻦ ﺧﺎﺑﺮﻳﻨﻲ ﺍﻭ ﺧﺎﺑﺮﻱ ﺻﺪﻳﻘﺘﻨﻪ ﺗﺮﺍ ﺣﻴﻞ ﺿﻞ ﺑﺎﻟﻬﺎ ﻋﻠﻴﺞ ﺍﻧﻲ ﺳﻤﺮ ﺍﺍﺣﻤﻤﻤﻤﻤﻤﺪ ..
- ﻛﺎﻟﺖ ﺍﻱ ﺍﻱ ﻣﺎﺷﻲ ﺣﺒﻴﺒﺘﻲ ﺗﺴﻠﻤﻴﻦ .. ﺍﻧﻲ ﺯﻳﻨﻪ ﺑﺲ ﺟﻬﺎﺯﻱ ﺷﻮﻱ ﻋﻄﻞ ﻃﻤﻨﻴﻬﺎ ﻛﻮﻟﻴﻠﻬﺎ ﺍﻧﺸﺎﻟﻠﻪ ﺍﺷﻮﻓﻬﺎ ﺍﻻﺣﺪ
ﻛﺘﻠﻬﺎ ﻣﺎﺷﻲ .. ﺍﺣﺠﻲ ﻭﺍﻧﻲ ﻓﺎﺗﺤﻪ ﺳﺒﻴﻜﺮ . . ﻛﻤﻠﺖ ﺳﺪﻳﺘﻪ .. ﻛﺎﻝ ﺍﻟﺤﻤﺪﻟﻠﻪ ﻣﺪﺍﻡ ﺑﺨﻴﺮ ﺭﺩﺕ ﺍﻣﻮﺕ ﻋﺒﺎﻟﻲ ﺳﻮﻭ ﺑﻴﻬﺎ ﺷﻲ ..
- ﺗﺨﺎﻑ ﻋﻠﻴﻬﺎ ..
- ﺩﻧﻚ ﺭﺍﺳﻪ ﻭﻣﺎ ﺭﺩ ..
- ﺍﺣﻤﺪ ﺍﺫﺍ ﺭﺍﻳﺪﻫﺎ ﺍﺧﻄﺒﻬﺎ ﻟﻴﺶ ﺗﻀﻞ ﻫﻴﺞ ﺗﺨﻠﻴﻬﺎ ﺗﺘﺨﺘﻞ ﻭﺗﺨﺎﺑﺮﻙ ..
- ﺳﻤﺮ ﻣﺘﺸﻮﻓﻴﻦ ﻭﺿﻌﻨﻪ ﻛﻮﻩ ﻣﺪﺑﺮﻳﻦ ﺍﻟﻌﻴﺸﻪ ﻳﺎ ﺯﻭﺍﺝ
- ﺍﻟﺮﺯﻕ ﻣﻦ ﺍﻟﻠﻪ . ﺍﺫﺍ ﺗﺮﻳﺪ ﺍﺧﺬ ﻏﺮﻓﺘﻲ ﻭﺍﺗﺰﻭﺝ ﺑﻴﻬﺎ ﻭﺍﻟﻠﻪ ﺟﺪﻳﺪﻩ ..
- ﻫﻴﻪ ﺑﺲ ﻏﺮﻓﻪ .. ﻳﺮﺍﺩ ﻛﻮﻣﻪ .
- ﻣﺎ ﻋﻠﻴﻬﺎ ﺷﻲ .. ﺍﺧﻄﺒﻬﺎ ﻭﺷﻮﻛﺖ ﻣﻴﺼﻴﺮ ﻋﻨﺪﻙ ﺍﺗﺰﻭﺟﻬﺎ ﺳﻨﻪ ﺳﻨﻪ ﻭﻧﺺ ﻋﺎﺩﻱ .. ﺍﺑﺪﺍﻝ ﻣﺘﻀﻞ ﺣﺐ ﺑﺎﻟﺨﺘﻠﻪ ﺧﻠﻴﻪ ﺑﺎﻟﺤﻼﻝ
🌿
ﺑﻠﻜﺖ ﻳﻄﻠﻊ ﺭﺍﺗﺐ ﺑﺎﺑﺎ ﻫﻠﺸﻬﺮ ﻭﻧﻔﺘﻚ .. ﻭﻧﺮﺗﺎﺡ .. ﻫﺰ ﺭﺍﺳﻪ . ﻭﻣﺎ ﺣﺠﻪ .. ﻣﺪﻳﺖ ﺍﻳﺪﻱ ﻟﺸﻌﺮﻩ ﻭﻟﻌﺒﺖ ﺑﻴﻪ ..
ﻓﺪﻳﺖ ﺍﻟﻠﻲ ﻛﺎﺗﻠﻪ ﺍﻟﺤﺐ ﻳﺎﺑﻪ .. ﻋﺒﺎﻟﻲ ﺍﻧﺘﻪ ﻛﺮﻧﺪﺍﻳﺰﺭ ﺑﺲ ﻟﻠﻤﻌﺎﺭﻙ ﻏﻴﺮ ﻗﺎﺑﻞ ﻟﻠﺤﺐ ... ﺍﺑﺘﺴﻢ ..
ﻋﻔﺘﻪ ﻭﺭﺣﺖ ﻟﻠﻐﺮﻓﻪ .. ﻋﺪﻟﺖ ﺍﻟﻐﺮﻓﻪ ﻫﻮﺳﻪ ﻣﻦ ﺿﺠﺔ ﺍﻟﻌﺮﺱ .. ﺧﺎﺑﺮﺕ ﺑﻜﺮ ﺷﻮﻱ ﻭﻧﻤﺖ ..
ﻛﻌﺪﺕ ﺍﻟﺼﺒﺢ .. ﺧﺎﻻﺗﻲ ﻣﺒﺪﻻﺕ ﻭﻳﺮﺩﻥ ﻳﺮﻭﺣﻦ .. ﻛﺘﻠﻬﻢ ﻟﻴﻴﻴﻴﺶ ﻣﻮ ﻛﻠﺘﻮ 10 ﺍﻳﺎﻡ .. ﻛﺎﻟﺖ ﺧﺎﻟﺘﻲ .. ﺯﻫﺮﺍﺀ ﺗﻜﻮﻝ ﻣﺘﻮﺟﻌﻪ .
ﻛﺘﻠﻬﺎ ﺳﻬﻠﻪ ﺍﻥ ﺷﺎﺀ ﻟﻠﻪ ﺧﻴﺮ ... ﺳﻠﻤﺖ ﻋﻠﻰ ﺍﺭﻛﺎﻥ ﻭﻋﻠﻰ ﻣﺮﺗﻪ ﻛﻮﻩ ﺗﺮﺩ .. ﻭﺩﻋﻨﺎﻫﻢ ﻭﺭﺍﺣﻮ ..
ﺣﺠﺖ ﺍﻣﻲ .. ﻛﺎﻟﺖ ﺧﻄﺒﺘﺞ ﺧﺎﻟﺘﺞ ﻻﺭﻛﺎﻥ ﺑﺲ ﺭﻓﻀﺖ .. ﻛﺘﻠﻬﺎ ﺷﻌﺠﺐ ﻣﻮ ﻣﻦ ﻋﻮﺍﻳﺪﺝ ﺗﺮﻓﻀﻴﻦ ..
- ﻳﻤﻪ ﺍﻧﻲ ﺻﺪﻙ ﺍﺭﻳﺪﺝ ﺗﺘﺰﻭﺟﻴﻦ ﻭﺗﻨﺴﻌﺪﻱ ﺑﺲ ﻣﻮ ﺍﺷﻤﺮﺝ .. ﺑﻴﺖ ﺍﺭﻛﺎﻥ ﻋﺎﺩﺍﺗﻬﻢ ﻣﺎ ﺗﺘﺤﻤﻠﻴﻬﺎ ..
ﺷﻔﺘﻴﻬﺎ ﻣﺮﺕ ﺍﺭﻛﺎﻥ ﻣﺒﻮﺷﻪ .. ﺗﺼﻴﺮﻳﻦ ﻋﺪﻩ ﻫﻢ ﺗﺘﺒﻮﺷﻴﻦ .. ﻭﻋﺎﺩﺍﺗﻬﻢ ﻭﻗﻮﺍﻧﻴﻨﻬﻢ ﺍﻧﺘﻲ ﻣﺎ ﺗﻜﺪﺭﻳﻠﻬﺎ ..
ﻭﺷﻜﻮ ﺷﺎﻣﺮﺗﺞ ﺑﺎﻟﻨﺠﻒ .. ﻣﺎ ﺭﺍﻳﺪﺗﺞ .. ﻭﺍﻧﻮﺏ ﻣﺮﺗﻪ ﻣﺮﻩ ﻭﺍﻧﺘﻲ ﻓﻘﻴﺮﻩ ﻣﻮ ﺑﻜﺪﻫﺎ ﻫﺎﻱ ﺍﻟﺴﺎﻥ ﻣﺎ ﺗﻨﻜﺪﺭ ..
ﻛﺘﻠﻬﺎ ﻫﻢ ﺯﻳﻦ ﻓﻜﺮﺗﻲ ﺑﻴﻪ ﻫﻠﻤﺮﻩ .. ﻛﺎﻟﺖ ﺩﻧﺠﺒﻲ ﻗﺎﺑﻞ ﺍﻧﻲ ﻣﻔﻜﺮﻩ ﺑﺮﻭﺣﻲ . ﻫﺎﻱ ﺗﺰﻭﺟﺖ ﻧﺠﻮﻯ ﻗﺒﻀﺖ ﺷﻲ ﺍﻧﻲ .. ﻏﻴﺮ ﺍﺭﻳﺪ ﺳﻌﺎﺩﺗﺠﻦ ..
ﺑﺴﺖ ﺭﺍﺳﻬﺎ .. ﻭﻛﺘﻠﻬﺎ ﺍﻟﻠﻪ ﻳﺨﻠﻴﺞ ﺍﻟﻨﻪ ﻣﺎﻣﺎ .. ﻣﺮﺕ ﺍﻳﺎﻡ ﻭﺍﻧﻲ ﻣﻄﺎﻟﻌﻪ ﺍﻟﺒﺎﺏ ﻛﻠﻪ ﺑﺎﻟﺒﻴﺖ ..
ﻭﻧﺠﻮﻯ ﻭﺯﻭﺟﻬﺎ ﺑﺎﺭﺑﻴﻞ ﻃﺎﻟﻌﻴﻦ ﻳﺘﻮﻧﺴﻮﻥ . ﻭﺍﺣﻤﺪ ﻣﻦ ﺍﻟﺸﻐﻞ ﻟﻐﺮﻓﺘﻪ ﻣﻦ ﻏﺮﻓﺘﻪ ﻟﻠﺸﻐﻞ ﻣﺎ ﻳﺨﺘﻠﻂ ﻭﻳﺎﻧﻪ .
ﻭﺑﻜﺮ ﺑﺲ ﺍﺗﺼﺎﻻﺕ ﺑﻴﻨﺎﺗﻨﺎ . ﺑﺪﻳﺖ ﺩﻭﺍﻡ .. ﻭﻛﻤﺖ ﺍﺷﺘﻐﻞ .. ﻣﺎﺯﻥ ﻋﺮﺽ ﻋﻠﻴﻪ ﺧﻂ .. ﻛﺎﻝ ﺍﺑﻦ ﺧﺎﻟﺘﻲ ﻳﺮﻳﺪ ﺑﻨﺎﺕ ﻳﺸﺘﻐﻠﻠﻬﻢ ﺧﻂ ..
ﺷﻮﻓﻲ ﺑﺎﻟﻤﺪﺭﺳﻪ . ﻛﺘﻠﻪ ﺑﻌﻴﻨﻲ . ﺳﺄﻟﺖ ﺑﺎﻟﻤﺪﺭﺳﻪ ﻣﻨﻮ ﻳﺮﻳﺪ ﺧﻂ .. ﻃﻠﻌﺖ ﻃﺎﻟﺒﺘﻴﻦ ﻭﻣﺪﺭﺳﻪ ﻭﻳﺎﻱ ..
ﺧﺎﺑﺮﺕ ﻣﺎﺯﻥ .. ﻛﺘﻠﻪ ﺧﻞ ﻳﺒﻠﺶ ﻭﻳﺎﻧﻪ .. ﻛﺘﻠﻪ ﺑﻴﺶ ﺍﻟﺨﻂ .. ﻛﺎﻝ 75 ﺍﻟﻒ . ﻛﺘﻠﻪ ﺍﻱ ﻫﺎﻫﻴﻪ .. ﺧﻞ ﻳﺠﻲ ﻳﻮﻡ ﺍﻻﺣﺪ ..
ﺻﺒﺎﺡ ﻳﻮﻡ ﺍﻻﺣﺪ .. ﺩﻙ ﺍﻟﺨﻂ ﺑﺎﻟﺒﺎﺏ . ﺍﺟﻪ .. ﺻﻌﺪﺕ ﻭﺭﻩ .. ﻛﺎﻝ ﺳﺖ ﺳﻤﺮ .. ﻟﻮ ﺗﻜﻌﺪﻳﻦ ﻛﺪﺍﻡ .. ﻛﺘﻠﻪ ﻫﻴﺞ ﻣﺮﺗﺎﺣﻪ ..
ﺍﻧﻮﺏ ﺣﺠﻴﺖ ﻭﻳﺎﻩ .. ﺷﺎﻳﻔﺘﻚ ﺑﺲ ﻣﺎ ﺍﺗﺬﻛﺮ ﻭﻳﻦ ..
- ﺍﻧﻲ ﻋﻤﺎﺭ ﺍﺑﻦ ﺧﺎﻟﺔ ﻣﺎﺯﻥ ﻋﺮﻓﻨﻲ ﻋﻠﻴﺞ ﺑﺎﻟﻌﺮﺱ .
- ﺍﻫﺎﺍﺍﺍ ﺍﺗﺬﻛﺮﺗﻚ ﺍﻳﻴﻲ .. ﺍﺗﺸﺮﻓﻨﻪ
- ﺍﻟﻲ ﺍﻟﺸﺮﻑ ..
- ﻣﺎ ﺍﻃﻤﻨﺖ ﻭﻳﺎﻩ .. ﻛﻞ ﺷﻮﻱ ﻳﺒﺎﻭﻋﻠﻲ ﺑﺎﻟﻤﺮﺍﻳﺎ . ﻭﺻﻠﻨﻲ ﻟﻠﻤﺪﺭﺳﻪ .. ﺑﺎﻟﺮﺟﻌﻪ ﺍﻟﻄﺎﻟﺒﺎﺕ ﻭﺍﻟﻤﺪﺭﺳﺎﺕ ﻭﻳﺎﻱ ..
ﻫﻮﻩ ﻛﻌﺪﻫﻢ ﻭﺭﻩ .. ﻭﻳﻜﻠﻲ ﺗﻌﺎﻱ ﻛﻌﺪﻱ ﻛﺪﺍﻡ .. ﻣﺎ ﺍﺭﺗﺎﺣﻴﺖ ﻟﺘﺼﺮﻓﺎﺗﻪ ﺍﺑﺪ .. ﺍﻧﻮﺏ ﻳﻜﻮﻟﻲ ﺳﺖ ﺳﻤﺮ ﺍﻟﺴﻴﺪﻳﺎﺕ ﻛﻠﻬﺎ ﻳﻤﺞ ﺑﺎﻟﺠﻜﻤﺠﻪ ..
ﻃﻠﻌﻲ ﺍﻟﻠﻲ ﻳﻌﺠﺒﺞ ﻭﺧﻠﻴﻪ .. ﻓﺘﺤﺘﻬﺎ ﻛﻠﻬﺎ ﻛﺎﻇﻢ ﺍﻟﺴﺎﻫﺮ . ﻣﻮ ﻫﻠﻜﺪ ﺍﺣﺐ ﺍﻏﺎﻧﻴﻪ ﻛﻠﻬﺎ ﻓﺼﺤﻰ ..
ﺍﺧﺘﺎﺭﻳﺖ ﺍﻟﺒﻮﻡ ﺑﻴﻪ ﺍﻏﻨﻴﺔ ﺑﻐﺪﺍﺩ ﻻ ﺗﺘﺄﻟﻤﻲ .. ﻛﺎﻝ ﻣﺎ ﻟﻜﻴﺘﻲ ﻏﻴﺮﻫﺎ .. ﻛﺘﻠﻪ ﺑﺲ ﻫﺎﻱ ﺍﺣﺒﻬﺎ ﺍﻟﻪ ﻭﺍﻏﻨﻴﺔ ﻫﺎ ﺣﺒﻴﺒﻲ ﻣﺎﻛﻮ ﻣﻠﻜﻴﺘﻬﺎ ..
🌿
ﺿﺤﻚ .. ﻭﻛﺎﻝ ﺑﺎﺟﺮ ﺍﺷﺘﺮﻳﻬﺎ .. ﺍﻟﻤﺪﺭﺳﻪ ﺍﻟﻮﺭﺍﻱ ﻭﻛﻌﺖ ﻭﻳﺎﻩ ﺩﻙ ﺳﻮﺍﻟﻒ . ﻭﻫﻮﻩ ﺍﺑﺪ ﻣﻴﺤﺐ ﻳﺴﻮﻟﻒ ...
ﻟﺤﺪ ﻣﺎ ﻭﺻﻠﻨﻲ ﺭﺍﺳﻲ ﺻﺎﻳﺮ ﻫﻠﻜﺒﺮﻩ ﺑﻜﺪ ﻣﺎ ﺣﺠﻪ ... ﻛﺎﻡ ﻳﻮﻣﻴﻪ ﻳﺎﺧﺬﻧﻲ ﻭﻳﺠﻴﺒﻨﻲ ﺑﺎﻟﺨﻂ .. ﺑﺲ ﺍﺣﺲ ﺑﻨﻀﺮﺍﺗﻪ ﺑﻴﻬﺎ ﺷﻲ ..
ﻣﺮ ﺍﻛﺜﺮ ﻣﻦ 3 ﺍﺷﻬﺮ ﻭﻫﻮﻩ ﻳﺘﻘﺮﺑﻠﻠﻲ . ﻟﺤﺪ ﻣﺎ ﻓﺪ ﻳﻮﻡ ﻭﺻﻞ ﺍﻟﻜﻞ ﻭﺧﻼﻧﻲ ﺑﺎﻻﺧﻴﺮ ﻭﻫﻮﻩ ﺑﺎﻟﻌﺎﺩﻩ ﺍﻧﻲ ﺛﺎﻟﺚ ﻭﺣﺪﻩ ﻳﻮﺻﻠﻬﺎ . .
ﻛﺎﻝ ﺳﺖ ﺳﻤﺮ ﺍﺭﻳﺪ ﺍﺣﺠﻲ ﻭﻳﺎﺝ ﻣﻤﻜﻦ ..
- ﺍﻧﺘﻪ ﺩﺗﺤﺠﻲ ﺍﺻﻼ ﻛﻤﻞ ..
- ﺳﺖ ﺳﻤﺮ ﺍﻧﻲ ﻫﻮﺍﻱ ﺍﺣﺘﺮﻣﺞ ﻭﺍﻋﺰﺝ ﻭﺻﺎﺭ 3 ﺍﺷﻬﺮ ﺍﺭﺍﻗﺒﺞ ﻻ ﻋﻨﺪﺝ ﻏﻠﻂ ﻻ ﻓﺪ ﺷﻲ ﻣﻮ ﺯﻳﻦ ﻭﻣﺎﺯﻥ ﻳﻤﺪﺡ ﺑﻴﺞ ..
ﺍﺭﻳﺪ ﺍﺗﻘﺪﻣﻠﺞ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﺗﻘﺒﻠﻴﻦ ..
- ﺑﺎﻭﻉ ﻋﻤﺎﺭ . ﺍﻧﻴﻲ ...... ﻗﺎﻃﻌﻨﻲ ..
- ﻻﺍﺍ ﻣﺎ ﺍﺭﻳﺪ ﺟﻮﺍﺑﺞ ﻫﺴﻪ .. ﺍﻟﻴﻮﻡ ﺧﻤﻴﺲ .. ﺍﺭﻳﺪ ﺟﻮﺍﺑﺞ ﻟﻼﺣﺪ ﻭﺷﻨﻮ ﻳﻜﻮﻥ ﺍﻧﻲ ﺍﻗﺒﻞ ﺑﻴﻪ ..
- ﺭﺩﺕ ﺍﺣﺠﻲ .. ﻛﺎﻝ ﻓﻜﺮﻱ ﻟﺨﺎﻃﺮﻱ . ﺳﻜﺘﺖ .. ﺭﺟﻌﺖ ﻟﻠﺒﻴﺖ .. ﺿﺤﻜﺖ ﻭﺍﻟﻠﻪ ﻳﺎ ﺍﻟﻠﻪ ﺧﺮﺭﺭﺏ ﺷﻌﺪﻫﻢ ﻭﻳﺎﻱ ..
ﺧﺎﺑﺮﺕ ﺑﻜﺮ .. ﻛﺘﻠﻪ ﻫﻴﺞ ﻭﻫﻴﺞ ﻛﺎﻟﻲ ﻋﻤﺎﺭ .. ﺣﺠﻴﺘﻬﺎ ﺑﻀﺤﻚ .. ﺑﺲ ﻫﻮﻩ ﺗﺨﺒﻞ ..
ﻛﺎﻝ ﺑﻌﺪ ﻣﺎ ﺍﺗﺤﻤﻞ ﻣﻦ ﺑﺎﺟﺮ ﺍﻧﻲ ﺍﺟﻲ ﺍﺧﻄﺒﺞ .. ﻛﺘﻠﻪ ﻣﻮ ﻭﻛﺘﻬﺎ ﺑﻜﺮ .. ﻛﺎﻝ ﻻﺍﺍ ﺳﻤﺮ ﻫﻮﻩ ﻟﻴﻮﻡ ﺑﺎﺟﺮ ﻧﻔﺲ ﺍﻟﺸﻲ ..
ﻛﺎﻓﻲ ﺗﻤﻨﻌﻴﻨﻲ .. ﺧﻠﻴﻨﻪ ﻧﺨﻄﻲ ﻫﻠﺨﻄﻮﻩ ﻭﺷﻴﺼﻴﺮ ﺧﻞ ﻳﺼﻴﺮ ..
- ﺑﻜﻴﻔﻚ ﺑﻌﺪ .. ﺳﺪﻳﺘﻪ ﻣﻦ ﻋﻨﺪﻩ ﺑﻠﻴﻞ .. ﻭﻧﻤﺖ .. ﻛﻌﺪﺕ ﺍﻟﺼﺒﺢ ﺟﺎﻥ ﻳﻮﻡ ﺟﻤﻌﻪ .. ﻧﺰﻟﺖ ﺍﺳﻮﻱ ﺭﻳﻮﻙ ﺍﻟﻴﻪ ﻭﻻﻣﻲ ﻭﺍﺑﻮﻳﻪ ..
ﻫﺴﺘﻮﻧﻲ ﺧﻠﻴﺖ ﺍﻟﺼﻴﻨﻴﻪ ﺩﻧﺎﻛﻞ . ﻭﺍﻧﺪﻛﺖ ﺍﻟﺒﺎﺏ ﺣﻴﻞ ﻳﺎ ﺳﺘﺎﺍﺍﺍﺭ ﺷﻜﻮ .. ﻛﺎﻣﺖ ﺍﻣﻲ ﻓﺘﺤﺖ ﺍﻟﺒﺎﺏ .. ﻃﻠﻌﺖ ﻋﻤﺘﻲ ﺳﺎﻣﻴﻪ ﻭ ﻣﺮﺕ ﺑﻜﺮ ..
ﻧﻬﺎﻳﺔ ﺣﻤﻠﻬﺎ ﺍﻳﺎﻣﻬﺎ ﻻﺧﻴﺮﻩ ﻭﺑﻄﻨﻬﺎ ﻭﺍﺻﻠﻪ ﻟﺨﺸﻤﻬﺎ .. ﻃﺒﺖ ﻋﻤﺘﻲ ﺗﻬﻠﻬﻞ ﺑﻠﺒﻴﺖ ﻭﺗﺼﻴﺢ ﻓﺮﺣﺎﺍﺍﺍﻥ ﺧﻮﻭﻳﻪ ﺍﻟﺤﻜﻠﻲ ﻓﺮﺣﺎﺍﺍﺍﺍﺍﻥ ..
ﺍﻧﻲ ﻭﻛﻔﺖ ﺻﺎﻓﻨﻪ .. ﺍﺑﻮﻱ ﻛﺎﻟﻬﺎ ﺧﻴﺮ ﺍﻡ ﺑﻜﺮ ﺷﺒﻴﺞ ..
- ﻭﻙ ﺧﻮﻳﻪ ﺑﺘﻚ ﺗﺮﻳﺪ ﺗﻬﺠﻢ ﺑﻴﺘﻲ .. ﻭﻙ ﺧﻮﻳﻪ ﺗﺮﻳﺪ ﺗﻔﻀﺤﻨﻪ
ﻳﺨﻮﻳﻪ ﺻﺎﻳﺮﻩ ﺩﺍﻳﺮﻩ ﻣﺮﻩ ﺗﻄﻠﻚ ﻭ ﺗﺘﺰﻭﺝ ﺣﻤﺎﻫﺎ .. ﺳﻤﺮ ﺗﺮﻳﺪ ﺑﻜﺮ ﻓﺮﺣﺎﺍﺍﺍﻥ .. ﻣﺸﻴﺸﺘﻪ ﻋﻠﻴﻪ ﻣﻦ ﺍﻟﺼﺒﺢ
ﻳﻜﻮﻝ ﻟﻮ ﻫﻴﻪ ﻟﻮ ﺍﻛﻠﺐ ﺍﻟﺪﻧﻴﺎ ﻭﺍﺧﺬﻫﺎ .. ﻭﻙ ﺧﻮﻳﻪ ﻓﺮﺣﺎﻥ ﺍﻧﺘﻪ ﻗﺎﺑﻞ ﺑﺴﻮﺍﻳﺎﺕ ﺑﺘﻚ ﺍﺣﺠﻴﻴﻴﻲ ..
ﺍﻧﻲ ﻭﺍﻛﻔﻪ ﻭﺍﺑﻮﻱ ﻳﺼﺮﺥ ﺷﻨﻮ ﺳﻤﺮ ﺷﻨﻮ ﻫﻠﺤﺠﻲ .. ﺍﻣﻲ ﺗﺠﺮ ﺑﻴﻪ ﻭﺗﻜﻮﻟﻲ ﻃﺒﻲ ﺟﻮﻩ .. ﺟﺮﺗﻨﻲ ﻣﺮﺕ ﺑﻜﺮ ...
ﻭﻟﺰﻣﺘﻨﻲ .. ﺍﺣﻠﻔﺞ ﺑﻌﺰﻳﺰ ﻛﻠﺒﺞ .. ﺍﺣﻠﻔﺞ ﺑﻠﻠﻪ ﻻ ﺗﺎﺧﺬﻳﻦ ﺑﻜﺮ ﻣﻦ ﻋﺪﻧﻪ .. ﺟﺎﻳﻨﻪ ﻃﻔﻞ ﺣﺮﺍﻡ ﻋﻠﻴﺞ ﻭﺍﻟﻠﻪ ﻟﻮ ﺷﺎﻓﺞ ﺑﻌﺪ ﻣﺎ ﻳﻨﺘﺒﻬﻠﻨﻪ ﺍﻧﻲ ﻭﺍﺑﻨﻲ
ﺳﻤﺮ ﺍﺑﻮﺱ ﺍﻳﺪﺝ ﻋﻮﻓﻲ ﺑﻜﺮ .. ﺑﻘﻴﺖ ﺍﺟﺮ ﺑﺄﻳﺪﻱ ﻭﻫﻴﻪ ﺗﺘﻮﺳﻞ ﻭﺗﺒﻮﺱ ﺑﻴﺪﻱ ﻭﺍﻧﻲ ﻣﺼﺪﻭﻣﻪ . ﻭﺍﺑﺠﻲ ..
ﻋﻤﺘﻲ ﻣﺎ ﺧﻠﺖ ﺣﺠﻲ ﻭﻣﺎ ﺣﺠﺖ .. ﺛﻮﺍﻧﻲ ﻭﺩﺧﻞ ﺑﻜﺮ .. ﺟﺮ ﻣﺮﺗﻪ ﻭﺻﺮﺥ ﺑﻴﻬﺎ ﻟﻠﺴﻴﺎﺭﻩ ﺑﺴﺎﺍﺍﺍﻉ .. ﻭﻭﺧﺮ ﺍﻣﻪ
🌿
ﻭﻛﻌﺪ ﻛﺒﺎﻝ ﺍﺑﻮﻱ ﻭﻛﺎﻟﻪ .. ﺧﺎﻟﻲ ﺍﻧﻲ ﺭﺍﻳﺪ ﺳﻤﺮ ﻭﺍﺣﺒﻬﺎ ﻣﻦ ﻫﻴﻪ ﻋﻤﺮﻫﺎ 14 ﻭﺍﺗﻤﻨﺎﻫﺎ ..
ﺍﻧﺨﻄﺒﺖ ﻟﻌﺎﺩﻝ ﻭﺍﺗﺤﻤﻠﺖ ﻭﺩﺳﺖ ﻋﻠﻰ ﻛﻠﺒﻲ . ﻭﻣﺎ ﺧﺮﺑﺘﻬﺎ ﻛﻞ ﺿﻨﻲ ﺍﺧﻮﻱ ﻳﺤﺒﻬﺎ .. ﺑﺲ ﻣﻦ ﺳﻠﻤﻨﻴﺎﻫﺎ ﻟﻴﻠﺔ ﻋﺮﺳﻬﺎ ﻭﺗﺒﺮﻩ ﻣﻨﻬﺎ ..
ﻭﺍﺗﺤﻤﻠﺖ ﻣﺴﺆﻟﻴﺘﻬﺎ ﺑﺎﻟﻜﺎﻣﻞ . ﺣﺒﻴﺘﻬﺎ ﺍﻛﺜﺮ ﻭﻣﺎ ﻛﺪﺭﺕ ﺍﻣﻨﻊ ﺭﻭﺣﻲ .. ﻭﻫﻮﻩ ﻣﺎ ﻓﺪ ﻳﻮﻡ ﺍﻋﺘﺒﺮﻫﺎ ﻣﺮﻩ ﻭﻫﻴﻪ ﺷﺎﻫﺪﻩ .. ﻭﻣﺤﻤﺪ ﺧﺎﻟﻲ ﻣﺎ ﻟﻤﺴﺖ ﻣﻨﻬﺎ ﻃﺮﻑ ..
ﻛﻞ ﺣﺒﻲ ﺍﻟﻬﺎ ﺟﺎﻥ ﻣﺸﺎﻋﺮ .. ﻭﺍﻧﺘﻪ ﺗﻌﺮﻑ ﻳﻤﻜﻦ ﻣﺎﺭ ﺑﺸﺒﺎﺑﻚ ﺑﻬﻠﻤﺸﺎﻋﺮ ... ﺧﺎﻟﻲ ﺍﻧﻲ ﺟﺎﻱ ﺍﻃﻠﺒﻬﺎ ﻣﻨﻚ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ..
ﻻ ﻣﺴﻮﻱ ﻋﻴﺐ ﻭﻻ ﺣﺮﺍﻡ .. ﻟﻮ ﻋﺎﺩﻝ ﺟﺎﻥ ﻣﻌﺘﺒﺮﻫﺎ ﻣﺮﻩ ﻭ ﺯﻭﺟﻪ ﺍﻟﻪ ﺟﺎﻥ ﻭﺍﻟﻠﻪ ﻋﻴﻨﻲ ﻣﺎ ﺧﻠﻴﺘﻬﺎ ﻋﻠﻴﻬﺎ ﻭﻻ ﺍﺩﻧﻴﺖ ﻳﻤﻬﺎ ..
ﺑﺲ ﻛﺎﻓﻲ ﺻﺎﺭ 10 ﺍﺳﻨﻴﻦ ﺍﺿﻢ ﻫﻠﺤﺐ ﺑﻜﻠﺒﻲ ﻣﻮ ﻣﻦ ﺣﻖ ﺍﺣﺪ ﻳﻤﻨﻌﻨﻪ ..
ﺣﺠﻪ ﻭﻳﺎﻩ ﺍﺑﻮﻳﻪ .. ﻭﻛﺎﻟﻪ ﻛﻮﻡ ﺍﻃﻠﻊ ﺑﺮﻩ .. ﻛﺎﻟﻪ ﺧﺎﻟﻲ ﺍﻧﻲ ﺍﺣﺘﺮﻣﺖ ﻭﺍﺟﻴﺖ ﻣﻦ ﺍﻟﺒﺎﺏ ﻭﻣﺎ ﺗﻌﺪﻳﺘﻚ ..
ﺻﺮﺥ ﺑﻴﻪ ﺍﺑﻮﻱ ﻛﻮﻡ ﺍﻃﻠﻊ ﺑﺮﺍﺍﺍﺍ ﻛﻮﻭﻭﻡ .. ﻛﺎﻝ ﺑﻜﺮ ﻳﺼﻴﺮ ﺧﻴﺮ . ﺍﻟﻌﻠﻴﻪ ﺳﻮﻳﺘﻪ ﻓﻼ ﺗﻠﻮﻣﻨﻲ ﻟﻮ ﺳﻮﻳﺖ ﻛﻮﻟﺸﻲ ...
ﻭﻳﻜﻮﻟﻮﻥ ﺛﻠﺜﻴﻦ ﺍﻟﻮﻟﺪ ﻋﻠﺨﺎﻝ ﻭﻓﻬﻤﻚ ﻛﻔﺎﻳﻪ .. ﺣﺠﺎﻫﺎ ﻭﻛﺎﻡ .. ﺧﻠﻪ ﺍﺑﻮﻱ ﻳﺸﻴﻞ ﺭﻭﺣﻪ ﻭﻳﺮﻛﻌﻪ ﻭﻳﻐﻠﻂ ﻭﻳﺼﻴﺢ ..
ﻓﺎﺕ ﻣﻨﻲ ﺑﻜﺮ .. ﻛﺄﻧﻪ ﻳﻌﺎﺗﺒﻨﻲ ﻻﻥ ﻣﺎ ﻗﺒﻠﺖ ﺑﺎﻟﺰﻭﺍﺝ ﻣﻨﻪ ﻗﺒﻞ ﻻ ﻳﺘﻘﺪﻡ .. ﺍﻧﻲ ﺟﺎﻭﺑﺘﻪ ﺑﺲ ﺑﺪﻣﻮﻉ .. ﻋﺎﻓﻨﻲ ﻭﺟﺮ ﺍﻣﻪ ﺍﻟﻠﻲ ﺗﺼﻴﺢ ﻭﻃﻠﻊ ..
ﺍﺑﻮﻱ ﻛﺎﻡ ﻳﺼﻴﺢ ﻋﻠﻴﻪ ﻭﻳﻐﻠﻂ .. ﺍﻧﻲ ﻋﻔﺘﻬﻢ ﻭﺭﺣﺖ ﻟﻐﺮﻓﺘﻲ ..
ﺑﻘﻴﺖ ﺑﺲ ﺍﺑﺠﻲ .. ﺣﺘﻰ ﺧﻂ ﻣﺮﻓﻌﺖ ﻋﻠﻰ ﺑﻜﺮ .. ﺑﻘﻴﺖ ﺍﺗﺬﻛﺮ ﺷﻜﻞ ﻣﺮﺗﻪ ﻭﻫﻴﻪ ﺗﺘﻮﺳﻞ ﺑﻴﻪ ﻭﺑﻄﻨﻬﺎ ﻋﺎﻟﻴﻪ ..
ﻧﺰﻟﺖ ﺑﻠﻴﻞ .. ﺑﻌﺪ ﻣﺎ ﺍﻧﻬﺎﺭﻳﺖ ﺑﺎﻟﺒﺠﻲ .. ﺟﺎﻱ ﺍﻓﻮﺕ ﻭﺍﺳﻤﻊ ﺍﻣﻲ ﺗﺤﺎﺟﻲ ﺍﺑﻮﻱ .. ﺗﻜﻠﻪ ﺧﺎﻳﻔﻪ ﻣﻦ ﺳﻜﻮﺕ ﺳﻤﺮ ﻭﻫﺪﻭﺋﻬﺎ ﻳﺎ ﺧﻮﻓﻲ ﺍﻃﺎﻭﻋﻪ ﻭﺗﺮﻭﺡ ﻭﻳﺎﻩ ﻓﺮﺣﺎﻥ ﺷﻠﻮﻥ ﺑﻴﻨﻪ
ﺩﺧﻠﺖ ﻋﻠﻴﻬﺎ ﻭﺍﻟﺪﻣﻮﻉ ﺑﻌﻴﻨﻲ .. ﻭﻛﺘﻠﻬﻢ ﺑﺲ ﻟﺤﻈﻪ ﻓﻜﺮﻭ ﺑﻴﻪ ﻣﻮ ﺑﻐﻴﺮﻱ ﺑﺲ ﻟﺤﻈﻪ .. ﻣﻦ ﺟﻨﺘﻮ ﺑﻜﺪﻱ ﺣﻠﻠﺘﻮ ﻟﻨﻔﺴﻜﻢ ﺣﺒﻜﻢ ﺍﻟﻤﻤﻨﻮﻉ ..
ﻭﻫﺴﻪ ﺟﺎﻱ ﺗﻤﻨﻌﻮﻧﻲ ﻟﻴﻴﺶ ﺷﻨﻮ ﺳﻮﻳﺖ .. ﻻ ﺣﺮﺍﻡ ﻭﻻ ﺧﺎﻟﻔﺖ ﻗﺎﻧﻮﻥ .. ﻛﻞ ﺫﻧﺒﻲ ﺍﻧﻄﻴﺖ ﻛﻠﺒﻲ .. ﻓﺪﻭﻩ ﺍﻓﻬﻤﻮﻧﻲ ﻭﻟﻮ ﻣﺮﻩ ﻭﺍﻟﻠﻪ ﺍﻧﻲ ﺑﺘﻜﻢ ﻣﻮ ﻏﺮﻳﺒﻪ ﺍﻟﻠﻪ ﻋﻠﻴﻜﻢ ﻓﻜﺮﻭ ﺑﻴﻪ
ﻳﺎ ﻋﺎﻟﻢ ﻭﺍﻟﻠﻪ ﺍﻧﻲ ﺑﺸﺮ ﻭﺍﺣﺲ . ﻋﻮﻓﻮﻧﻲ ﺍﺧﺬ ﻧﺼﻴﺒﻲ ﻣﺜﻞ ﻣﺎ ﺍﺧﺬﺗﻮ ﻟﻴﺶ ﺗﺼﻴﺮﻭﻥ ﺍﻧﺎﻧﻴﻴﻦ ﻭﻳﺎﻱ ﺣﺮﺍﻡ ﻋﻠﻴﻜﻢ ﻭﺍﻟﻠﻪ ...
ﺍﻣﻲ ﻛﺎﻣﺖ ﺗﺒﺠﻲ ﻭﻫﻴﻪ ﺗﺸﻮﻓﻨﻲ ﻛﺎﻋﺪﻩ ﻛﺒﺎﻟﻬﻢ ﻋﻠﻰ ﺭﻛﺒﻲ ﻭﺍﺗﻮﺳﻞ ﺑﻴﻬﻢ .. ﺻﺎﺡ ﺑﺎﺑﺎ ﺗﻌﺎﻱ ﺳﻤﺮ .. ﻛﺘﻠﻪ ﺑﺎﺑﺎ ﻓﺪﻭﻩ ..
ﻛﺎﻝ ﺗﻌﺎﻱ ﺑﻨﺘﻲ ﺑﺲ ﺍﺣﺠﻲ ﻭﻳﺎﺝ ﻛﻠﻤﺘﻴﻦ ﺍﻟﻠﻪ ﺷﺎﻫﺪ ﻣﺎ ﺍﺫﻳﺞ .. ﺍﺗﻘﺮﺑﺖ ﻳﻤﻪ ﻭﻛﻌﺪﺕ .. ﻛﺎﻝ ﺑﺎﻋﻲ ﺑﻮﻳﻪ ..
ﺍﻧﻲ ﺍﺑﻮﺝ ﺍﻟﺘﻌﺒﺖ ﻭﺭﺑﻴﺖ ﻭﻫﺎﻱ ﺍﻣﺞ ﺍﻟﺴﻬﺮﺕ ﻭﺭﺑﺖ ﻭﺗﺤﻤﻠﺖ ﻋﻠﻤﻮﻛﻢ ﻫﻮﺍﻱ ..
ﻭﺍﻟﻠﻪ ﺑﻮﻳﻪ ﻣﻦ ﺍﺗﺰﻭﺟﻨﻪ ﺑﺪﻭﻥ ﺭﺿﺎ ﺍﻫﻠﻨﻪ ﻣﺎ ﺍﻧﺴﻌﺪﻧﻪ . ﻭﻫﺎﻱ ﺍﻣﺞ ﻭﺍﺳﺌﻠﻴﻬﺎ ﺷﻔﻨﻪ ﺍﻟﻮﻳﻞ ﺑﺤﻴﺎﺗﻨﻪ ﻭﻟﻠﻴﻮﻡ ﺟﺎﻱ ﻧﺪﻓﻊ ﺍﻟﺜﻤﻦ ﺑﻴﻜﻢ
ﺑﻮﻳﻪ ﻫﺎﻱ ﺷﻴﺒﺎﺗﻲ ﻭﺗﻌﺐ ﺳﻨﻴﻨﻲ ﻣﺨﻠﻴﻬﻦ ﺑﺄﺩﻳﺞ .. ﻳﺎ ﺑﻮﻳﻪ ﻟﻮ ﺍﻟﻠﻲ ﺑﻜﻠﺒﺞ ﺍﻋﺰ ﻣﻦ ﺷﻴﺒﺎﺗﻲ ﻭﺗﻌﺒﻲ ﻋﻠﻴﺞ ﺭﻭﺣﻲ ﺑﻮﻳﻪ ..
ﺑﺲ ﺛﻘﻲ ﺑﻠﻠﻪ ﻳﺎ ﺳﻤﺮ .. ﻭﺭﺍﺝ ﺭﺍﺡ ﻳﻨﺰﻝ ﺭﺍﺳﻲ ﻭﺍﻣﻮﺕ ﻣﺜﻞ ﻣﺎ ﻣﺎﺕ ﺟﺪﺝ ﻭﻫﺬﺍ ﺩﻳﻦ .. ﻳﺎ ﺳﻤﺮ ﻟﻮ ﻣﺘﺖ ﺍﻧﺘﻲ ﺍﻟﺴﺒﺐ ﺑﻤﻮﺗﻲ ﻭﻣﺎ ﻣﺒﺮﻳﻪ ﺍﻟﺬﻣﻪ ﻣﻨﺎ ﺍﻟﻴﻮﻡ ﺍﻟﺪﻳﻦ ..
ﺍﺫﺍ ﻫﻴﺒﺔ ﺍﺧﻮﺝ ﻭﺭﺍﺱ ﺍﺑﻮﺝ ﺗﺨﻠﻴﻪ ﺑﺎﻟﻄﻴﻦ ﻭﺗﺎﺧﺬﻱ ﺍﻟﺘﺮﺩﻳﻪ ﻭﺗﺮﺣﻴﻦ .. ﺭﻭﺣﻲ ﻋﺴﺎﺝ ﻻ ﺗﺸﻮﻓﻴﻦ ﺍﻟﺨﻴﺮ ﺑﻴﻪ
ﻭﺧﻠﻴﻨﻲ ﺍﻧﻲ ﺍﺣﻂ ﺭﺍﺳﻲ ﺑﺎﻟﻜﺎﻉ ﻭﺍﺷﻮﻑ ﻣﺜﻞ ﻣﺎ ﺷﺎﻑ ﺟﺪﺝ ﻭﺍﻣﻮﺕ .. ﻭﺍﻧﺘﻲ ﺍﻟﺴﺒﺐ .. ﻳﺤﺠﻲ ﻫﻴﺞ ﻭﺍﻧﻲ ﺩﻣﻮﻋﻲ ﺗﺠﺮﻱ ﺑﺤﺮﻛﻪ .. ﻭﺍﺑﺎﻭﻋﻠﻪ ﺑﺼﺪﻣﻪ
ﺧﻼﻧﻲ ﺑﻴﻦ ﻧﺎﺭﻳﻦ .. ﻻ ﺍﻛﺪﺭ ﺍﻋﻮﻓﻪ ﻭﺍﺧﺘﺎﺭ ﺑﻜﺮ ﻭﻻ ﺍﻛﺪﺭ ﺍﺧﺘﺎﺭ ﺍﺑﻮﻳﻪ ﻭﺍﺗﺮﻙ ﺑﻜﺮ .. ﺟﻮﺍﺑﻲ ﺑﺲ ﺩﻣﻮﻉ ﻋﻴﻨﻲ
ﻳﺮﺑﻲ ﺑﺎﻭﻉ ﻟﺤﺎﻟﻲ ﻛﺎﻓﻲ ﺗﻌﺒﺖ ﻭﺍﻟﻠﻪ ﺍﺭﻳﺪ ﺍﺭﺗﺎﺡ ﺗﻌﺒﺒﺒﻴﺒﺖ .. ﺩﺧﻠﺖ ﻟﻐﺮﻓﺘﻲ ﻃﺒﺖ ﺍﻣﻲ .. ﺍﺧﺬﺕ ﺍﺩﻳﻪ ﻭﺗﻜﻠﻲ ﻳﻤﻪ ﻭﺍﻟﻠﻪ ﺣﺎﺳﻪ ﺑﻴﺞ ..
ﺑﺲ ﺍﻟﻀﺮﻑ ﺻﻌﺐ ﻭﺣﺎﻟﺔ ﺍﺑﻮﺝ ﺻﻌﺒﻪ .. ﻳﻤﻪ ﻭﺍﻟﻠﻪ ﻟﻮ ﺻﺎﺭ ﺷﻲ ﻳﻤﻮﺕ ﻣﺎ ﻳﺘﺤﻤﻞ ﻭﺍﻟﻠﻪ ..
- ﻳﻮﻡ ﻟﻴﺶ ﺍﻧﻲ ﺍﻟﺪﺍﺋﻤﺎ ﺍﺿﺤﻲ ..
- ﻳﻤﻪ ﻫﺬﺍ ﺣﻜﻨﻪ ﻋﻠﻴﻜﻢ .. ﻻ ﺗﺼﻴﺮﻳﻦ ﻣﺜﻠﻲ ﻳﻮﻣﻴﻪ ﺍﻏﻢ ﻛﺼﺘﻲ ﻭﺍﻋﻴﺶ ﺍﻟﻨﺎﺭ ﻋﻠﻰ ﻣﻮﺗﺖ ﺍﺑﻮﻱ .
ﻳﻤﻪ ﺗﺄﻧﻴﺐ ﺍﻟﻀﻤﻴﺮ ﺻﻌﺐ ﻣﺎ ﺗﺘﺤﻤﻠﻴﻪ ﻳﻬﺪ ﺍﻟﺤﻴﻞ .. ﻭﺍﻟﻠﻪ ﻳﻴﻤﻪ ﺍﺭﻭﺡ ﻳﻢ ﻛﺒﺮ ﺍﺑﻮﻱ ﻭﺍﻛﻠﻪ ﺍﻃﻠﻚ ﻭﺍﻋﻮﻑ ﺟﻬﺎﻟﻲ ﻭﺑﻴﺘﻲ ﺑﺲ ﺍﺭﺟﻊ .
ﻭﺝ ﻳﻤﻪ ﺍﻻﺏ ﻣﺎﻛﻮ ﻣﺜﻠﻪ ﻣﺎ ﻳﺘﻌﻮﺽ .. ﺍﻟﺮﺟﺎﻝ ﻳﻤﻜﻦ ﺗﻠﻜﻴﻦ ﻏﻴﺮﻩ ﺑﺲ ﻟﻮ ﻣﺎﺕ ﺍﺑﻮﺝ ﻣﻨﻴﻦ ﺗﺠﻴﺒﻴﻦ ﺍﺏ . ﻭﺍﻟﻤﺼﻴﺒﻪ ﻟﻮ ﺟﺎﻥ ﻣﻮﺗﻪ ﺑﺴﺒﺒﺞ
ﻳﻮﻣﻴﻪ ﺗﻌﻴﺸﻴﻦ ﺍﻻﻩ ﻭﻳﻮﻣﻴﻪ ﺗﺘﻌﺬﺑﻴﻦ . ﺑﻤﻮﺗﻪ
- ﻳﻤﻪ ﺻﻌﺐ ﻭﺍﻟﻠﻪ ﺻﻌﺐ ﺍﻋﻮﻑ ﺑﻜﺮ ﻣﺎ ﺍﻛﺪﺭ ﺍﻣﻮﻭﻭﺕ ﻓﻬﻤﻴﻨﻲ ﺷﻠﻮﻥ ﺩﺑﺮﻳﻨﻲ ﻻ ﺍﻛﺪﺭ ﺍﻧﻄﻲ ﺑﺎﺑﻮﻱ ﻭﻻ ﺍﻛﺪﺭ ﺍﻧﻄﻲ ﺍﺑﻜﺮ
- ﺍﺧﺘﺎﺭﻱ ﺍﺑﻮﺝ ﻳﻤﻪ ﻭﺭﻓﻌﻲ ﺭﺍﺳﻪ ﻭﺍﻟﻠﻪ ﻭﺍﻟﺰﻣﻦ ﻛﻔﻴﻞ ﻳﻨﺴﻮﺝ ﺍﻟﺒﻜﻠﺒﺞ .
- ﺩﻧﻜﺖ ﺭﺍﺳﻲ ﺍﺑﺠﻲ ﺑﺤﺮﻛﻪ ﺑﺼﺮﺧﻪ ﻃﺎﻟﻌﻪ ﻣﻦ ﻛﻞ ﻛﻠﺒﻲ ﺑﻜﻞ ﻗﻬﺮﻱ ﻭﻋﺬﺍﺑﻲ ﻭﻟﺞ ﺍﺧﺨﺨﺦ ﻳﺎ ﺩﻧﻴﺎ ﻣﺘﺖ ﻛﺎﻓﻲ ﻭﺍﻟﻠﻪ ﻣﺘﺖ ﻛﺎﻓﻲ ﻣﻨﻲ ﺗﻌﺒﺖ
ﺑﻜﺮ ﻳﺘﺼﻠﻠﻠﻠﻞ ﺑﺲ ﺷﺠﺎﻭﺏ .. ﺷﺨﺘﺎﺭ ﺍﻟﻤﻮﺕ ﻟﻮ ﺍﻟﻨﺎﺭ ﺛﻨﻴﻨﻬﻢ ﻋﺬﺍﺏ ..
ﺑﻘﻴﺖ ﻳﻮﻣﻴﻦ ﻋﺎﻳﺸﻪ ﺑﺎﻟﻮﻳﻞ .. ﻻ ﺍﻛﻞ ﻻ ﺷﺮﺏ ﺍﺣﺲ ﺭﻭﺣﻲ ﺻﺮﺕ ﻣﻴﺘﻪ .. ﻧﺠﻮﻯ ﺗﺠﻴﻨﻲ ﺳﺎﻋﺎﺕ ﺗﺼﺒﺮ ﻋﻠﻴﻪ ﻭﺗﺮﻭﺡ ..
ﻣﺎ ﺩﺍﻭﻣﺖ ﻳﻮﻡ ﺍﻻﺣﺪ .. ﺑﻘﻴﺖ ﺑﺎﻟﺒﻴﺖ .. ﺑﻠﻴﻞ ﺧﺎﺑﺮﺕ ﻋﻤﺘﻲ ﻋﻠﻰ ﺍﻣﻲ .. ﺗﻜﻠﻬﺎ ﺑﺎﺭﻛﻴﻠﻲ ﺑﻜﺮ ﺻﺎﺭ ﻋﻨﺪﻩ ﻭﻟﺪ ﻣﺜﻞ ﺍﻟﻜﻤﺮ ..
ﺍﻧﻬﺎﺭﻳﺖ ﺻﺪﻙ .. ﺷﺄﻟﻜﺎﻩ ﻓﺮﺣﺎﻥ ﺑﺄﺑﻨﻪ ﻟﻮ ﻻ .. ﺑﻘﻴﺖ ﺍﺗﺬﻛﺮ ﻣﺮﺗﻪ ﻭﻫﻴﻪ ﺗﺘﻮﺳﻞ .. ﻭﺍﻧﻄﺤﻦ ﺑﺎﻟﺰﺍﻳﺪ
ﺩﺍﻭﻣﺖ ﻳﻮﻡ ﺍﻻﺛﻨﻴﻦ ﺑﺲ ﺷﻨﻮ ﺣﺎﻟﻲ .. ﺍﻧﻲ ﻭﺍﻟﻤﻴﺖ ﺳﻮﻩ .. ﻭﻛﻒ ﻛﺒﺎﻟﻲ ﻋﻤﺎﺭ .. ﻛﺎﻝ ﺳﺖ ﺳﻤﺮ .. ﻛﺘﻠﻪ ﻧﻌﻢ
ﺳﺖ ﺳﻤﺮ ﺍﺗﻔﻬﻢ ﻭﺿﻌﺞ .. ﺑﺲ ﺍﺭﻳﺪ ﺟﻮﺍﺏ .. ﻋﻘﺪﺕ ﺣﺎﺟﺒﻲ .. ﻛﺎﻝ ﺑﺨﺼﻮﺹ ﻃﻠﺐ ﺍﻳﺪﺝ ﻟﻠﺰﻭﺍﺝ .. ﺻﻔﻨﺖ ﺑﻮﺟﻬﺎ ..
ﻭﻛﺘﻠﻪ ﻣﻮﺍﻓﻘﻪ ....... ﻳﺘﺒﻊ
🌺🌺🌺🌺🌺
ﻳﻤﻜﻦ ﺍﺻﻌﺐ ﻣﻮﻗﻒ .. ﻣﻮﻗﻒ ﺳﻤﺮ . ﺭﺃﻳﻜﻢ ﻭﺗﻮﻗﻌﺎﺗﻜﻢ 😔
ﻣﺘﺎﺑﻌﻪ ﻣﻤﺘﻌﻪ ..
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق