رواية حكاية سمر ج2 الجزء الثالث عشر
للكاتبة زينب ماجد
🌿🌿🌿🌿
ﺳﺖ ﺳﻤﺮ ﺍﺗﻔﻬﻢ ﻭﺿﻌﺞ .. ﺑﺲ ﺍﺭﻳﺪ ﺟﻮﺍﺏ .. ﻋﻘﺪﺕ ﺣﺎﺟﺒﻲ .. ﻛﺎﻝ ﺑﺨﺼﻮﺹ ﻃﻠﺐ ﺍﻳﺪﺝ ﻟﻠﺰﻭﺍﺝ .. ﺻﻔﻨﺖ ﺑﻮﺟﻬﺎ ..
ﻭﻛﺘﻠﻪ ﻣﻮﺍﻓﻘﻪ .. ﺑﺲ ﺑﺸﺮﻁ ..
- ﺍﻣﺮﻱ ﺳﺖ ﺳﻤﺮ
- ﻭﺍﻓﻘﺖ ﻋﻠﻰ ﺍﻟﺰﻭﺍﺝ ﻣﻀﻄﺮﻩ ﺧﻞ ﻳﻜﻮﻥ ﺑﻌﻠﻤﻚ .. ﻻﻥ ﻋﻨﺪﻱ ﺿﺮﻭﻑ ﺑﺎﻟﺒﻴﺖ ﻛﻮﻟﺶ ﻣﺘﻌﺒﺘﻨﻲ ..
ﻭﺣﺎﺑﻪ ﺍﺗﺰﻭﺝ ﻭﺍﺧﻠﺺ .. ﻭﻳﺎﺭﻳﺖ ﺗﻜﺪﺭ ﺗﻜﻮﻥ ﺍﻟﺮﺟﻞ ﺍﻻﻛﺪﺭ ﺍﺳﺘﻨﺪ ﻋﻠﻴﻪ .. ﻭﺗﻌﻴﻨﻲ ﺑﺤﻴﺎﺗﻲ ..
- ﺍﻧﺸﺎﻟﻠﻪ ﺍﺷﻴﻠﺞ ﺑﻌﻴﻮﻧﻲ ﻭﺍﻟﻠﻪ .. ﺷﻨﻮ ﺍﻟﺸﺮﻁ ..
- ﻧﺘﺰﻭﺝ ﺧﻼﻝ ﺍﺳﺒﻮﻋﻴﻦ .. ﻳﺘﻢ ﻛﻮﻟﺸﻲ
- ﺍﻱ ﻋﺎﺩﻱ ﺍﻧﻲ ﻣﺠﻬﺰ ﻛﻮﻟﺸﻲ .. ﻻﻥ ﺍﺻﻼ ﻣﻘﺮﺭ ﺍﺗﺰﻭﺝ ﻣﻦ ﺯﻣﺎﻥ .. ﻣﺎ ﻋﻨﺪﻱ ﺍﺷﻜﺎﻝ ﻧﺘﺰﻭﺝ ﻭﻛﺖ ﻣﺘﺮﺩﻳﻦ ..
- ﻫﺰﻳﺖ ﺭﺍﺳﻲ ﻣﻨﻪ ﻭﻣﺸﻴﺖ ﺩﺧﻠﺖ ﻟﻠﻤﺪﺭﺳﻪ ﺍﺭﻳﺪ ﺍﺗﻨﻔﺲ ﻣﺎ ﺍﻛﺪﺭ .. ﺍﺣﺲ ﺍﻛﻮ ﻧﺎﺭ ﺗﺴﻌﺮ ﺟﻮﺍﻱ ..
ﻣﻌﻘﻮﻟﻪ ﺍﻧﻲ ﺍﻛﺪﺭ ﺍﻋﻮﻓﻪ ﻟﺒﻜﺮ .. ﻳﺮﺑﻲ ﺍﺧﺨﺨﺨﺦ ﻭﺍﻟﻠﻪ ﻣﺎ ﺍﻛﺪﺭ ﻟﻴﺶ ﻫﻴﺞ .. ﺭﺑﻲ ﺍﻣﺘﺤﺎﻧﻚ ﺻﻌﺐ ..
ﺩﺧﻠﺖ ﻟﻠﻤﺪﺭﺳﻪ .. ﺍﺩﺭﺱ ﻛﻮﻩ ﻭﺍﻭﻛﻒ ﻋﻠﻰ ﺣﻴﻠﻲ .. ﻛﻞ ﺷﻮﻱ ﺍﻟﻄﺎﻟﺒﺎﺕ ﻳﻜﻮﻟﻮﻥ ﺳﺖ ﻋﻴﺪﻱ ﻣﺎ ﻓﺘﻬﻤﻨﻪ ..
ﺍﺧﺬﺕ ﻧﻔﺲ ﻭﺍﻋﺘﺬﺭﺕ ﻣﻨﻬﻢ .. ﻛﺘﻠﻬﻢ ﻉ ﺑﺎﺟﺮ ﺍﺷﺮﺡ ﺍﻟﻤﻮﺿﻮﻉ .. ﺭﺍﺟﻌﻮ ﺍﻟﻤﻮﺿﻮﻉ ﺍﻟﺴﺎﺑﻖ ﺍﻟﻴﻮﻡ .. ﻭﺍﻋﺘﺬﺭﺕ ﻭﻃﻠﻌﺖ ﺑﺎﻟﺴﺎﺣﻪ .
ﺍﺟﺖ ﻳﻤﻲ ﺍﻟﻤﺪﺭﺳﻪ ﺍﻟﻠﻲ ﻭﻳﺎﻱ ﺑﺎﻟﺨﻂ .. ﺳﺖ ﻧﺮﻣﻴﻦ .. ﺷﺒﻴﺞ .. ﻛﺘﻠﻬﺎ ﻻﺍﺍ ﺷﻮﻱ ﺩﺍﻳﺨﻪ .. ﻛﺎﻟﺖ ﺷﺮﺍﺩ ﻣﻨﺞ ﻋﻤﺎﺭ ﺍﺑﻮ ﺍﻟﺨﻂ ..
- ﺷﺮﺍﺩ ..
- ﺷﻔﺘﻪ ﺻﺎﺡ ﻭﺭﺍﺝ ..
- ﻫﺎﺍﺍﺍ ﺗﻘﺪﻡ ﻟﺨﻄﺒﺘﻲ ﻭﺭﺍﺩ ﺍﻳﺪﻱ ﻟﻠﺰﻭﺍﺝ
- ﺍﻱ
- ﺷﻨﻮ ﺍﻱ ﻭﺍﻓﻘﺖ ..
- ﻫﺎﺍﺍ ﺍﻱ ﺑﺎﺍﻟﻌﺎﻓﻴﻪ ﻋﻠﻴﻜﻢ .. ﺍﻧﺘﻲ ﺧﻮﺵ ﺑﻨﻴﻪ ﻭﻋﻤﺎﺭ ﻭﺭﺩﻩ ﻣﺎﻝ ﺍﻟﻠﻪ .. ﺍﻟﻠﻪ ﻳﻮﻓﻘﻜﻢ ..
- ﺷﻜﺮﺍ ﺣﺒﻴﺒﺘﻲ .. ﺳﺖ ﻧﺮﻣﻴﻦ ﻫﻢ ﻣﻄﻠﻘﻪ .. ﻗﺒﻞ 3 ﺍﺳﻨﻴﻦ .. ﻛﺘﻠﻬﺎ ﻳﻮﻡ ﺍﻻﻟﺞ ﺍﻧﺸﺎﻟﻠﻪ ﻭﻧﻔﺮﺡ ﺑﻴﺞ ..
- ﺗﺴﻠﻤﻴﻦ ﺣﺒﻴﺒﺘﻲ ﻳﺎﺭﻳﺖ ﻣﻠﻴﺖ ﻣﻦ ﺑﻴﺖ ﺍﻫﻠﻲ .. ﻭﺍﻟﻠﻪ ﻭﺗﻌﺮﻓﻴﻦ ﻭﺿﻊ ﺍﻟﻤﻄﻠﻘﻪ ﺑﻤﺠﺘﻤﻌﻨﻪ ﺷﻠﻮﻧﻬﺎ ..
- ﺍﻟﻠﻪ ﻣﻮﺟﻮﺩ .. ﻳﺴﻌﺪﺝ ﻳﺎﺭﺏ .. ﻛﻤﺖ ﻣﻦ ﻳﻤﻬﺎ ﺍﻧﻲ ﻛﻠﺒﻲ ﺧﻠﺼﺎﻥ ﺍﻭﺍﺳﻴﻬﺎ ﻟﻮ ﺍﻭﺍﺳﻲ ﺭﻭﺣﻲ ..
ﺩﺧﻠﺖ ﻟﻠﻤﻤﺮﺍﺕ ﻣﺎﻝ ﺍﻟﺼﻔﻮﻑ .. ﺷﻔﺖ ﺍﻣﻨﻪ ﺑﻮﺟﻬﻲ . ﺻﺎﺭﺕ ﺻﻒ ﺳﺎﺩﺱ ﻋﻠﻤﻲ .. ﻣﻮ ﻃﺎﻟﺒﻪ ﻋﻨﺪﻱ ..
ﻛﺘﻠﻬﺎ ﻫﺎﺍﺍ ﺍﻣﻮﻧﻪ ﺷﻠﻮﻧﺞ ..
- ﺯﻳﻨﻪ ﺳﺖ ﺑﻔﻀﻠﺞ ..
- ﺑﻔﻀﻞ ﺍﻟﻠﻪ ﺣﺒﻴﺒﺘﻲ .. ﺷﻨﻮ ﻭﺿﻌﺞ ..
- ﺑﺨﻴﺮ ..
- ﺷﺼﺎﺭ ﻣﺼﺎﺭ .. ﺍﻟﻨﻘﻴﺐ ﻛﻤﺎﻝ ﻫﻢ ﻳﺘﻮﺍﺻﻞ ﻭﻳﺎﺝ ..
- ﺍﻱ ﺭﺍﺡ ﻳﺘﻘﺪﻡ ﻟﺨﻄﺒﺘﻲ ﻭﻧﺘﺰﻭﺝ ﺑﺲ ﺍﺧﻠﺺ ﺍﻟﺴﺎﺩﺱ ..
- ﺍﻟﻠﻪ ﻳﺴﻌﺪﻛﻢ .. ﺑﺲ ﻫﺎﺍﺍ ﺍﻣﻨﻪ .. ﻧﺴﺮﻳﻦ ﺍﻣﻨﻪ ﺑﺮﻛﺒﺘﺞ ..
ﺷﻐﻠﺔ ﺗﺎﺧﺬﻳﻦ ﻛﻤﺎﻝ ﻟﺠﺎﻧﺒﺞ ﻭﺗﻠﻌﺒﻴﻦ ﻭﻳﺎﻫﺎ ﻟﻌﺒﺔ ﺷﺮﺍﻳﺞ
🌿🌿
ﻭﺍﻟﻠﻪ ﻣﺜﻞ ﻣﺎ ﺩﺧﻠﺘﺞ ﺑﺮﺍﺱ ﻛﻤﺎﻝ ﻭﻋﺮﻓﺘﺞ ﻋﻠﻴﻪ .. ﺍﺗﻔﻖ ﻭﻳﻪ ﻧﺴﺮﻳﻦ ﻭﺍﻧﻄﻠﻌﺞ ﻣﻦ ﺣﻴﺎﺗﻪ .. ﻓﺪﻳﺮﻱ ﺑﺎﻟﺞ ﺑﻨﻴﺘﻲ ..
- ﻻﺍ ﺳﺖ ﻭﺍﻟﻠﻪ ﺍﻧﻲ ﺣﺘﻰ ﺯﻭﺟﺘﻪ ﺍﺣﺒﻬﺎ .. ﻣﺎ ﻋﺪﻧﻪ ﺷﻲ .
- ﺍﻧﻲ ﺩﺍ ﺍﺣﺬﺭﺝ ﻟﻤﺼﻠﺤﺘﺞ .. ﻻ ﺗﻌﺘﺒﺮﻳﻬﺎ ﺷﻲ ﺛﺎﻧﻲ .. ﻣﺜﻞ ﻣﺎ ﺍﻧﺘﻲ ﻋﺰﻳﺰﻩ ﻋﻠﻴﻪ .. ﻧﺴﺮﻳﻦ ﻫﻢ ﺻﺪﻳﻘﺘﻲ ﻭﺍﺣﺒﻬﺎ ﻭﻣﺎ ﺍﻧﻄﻲ ﺑﻴﻬﺎ ..
- ﺍﻧﺸﺎﻟﻠﻪ ﺳﺖ ..
- ﻳﻠﻪ ﺣﺒﻴﺒﺘﻲ ﺭﺟﻌﻲ ﻟﺼﻔﺞ .. ﻋﻔﺘﻬﺎ ﻭﻣﺸﻴﺖ .. ﻛﻤﻠﻨﻪ ﺍﻟﻴﻮﻡ ﻃﻠﻌﻨﻪ ﻟﻜﻴﺖ ﻋﻤﺎﺭ . ﻭﺍﻛﻔﻠﻨﻪ ﺑﺎﻟﺨﻂ .. ﻭﺑﻜﺮ ﻭﺍﻛﻒ ﺑﻌﻴﺪ ﻋﻨﻪ ..
ﺍﺷﺮﻟﻲ ﺑﻌﻴﻮﻧﻪ .. ﺍﺧﺬﺕ ﻧﻔﺲ .. ﻭﺍﺣﺲ ﺍﻟﻌﺒﺮﻩ ﺧﻨﻜﺘﻨﻲ .. ﻋﻠﻰ ﺷﻨﻮ ﺍﺭﻭﺣﻠﻪ .. ﺍﻧﻄﻲ ﺍﻣﻞ ﺑﻴﻪ ﻭﻫﻮﻩ ﻛﻞ ﺍﻣﻞ ﻣﺎﻛﻮ ﺑﺤﻴﺎﺗﻨﻪ ..
ﺭﻛﺒﺖ ﺑﺎﻟﺴﻴﺎﺭﻩ ﻭﻳﻪ ﻋﻤﺎﺭ ﻭﺗﺤﺮﻙ ﻣﺸﻰ . ﻭﺑﻜﺮ ﻳﺒﺎﻭﻋﻠﻲ ﺑﺄﺳﺘﻐﺮﺍﺏ .. ﺍﺣﺲ ﻧﻀﺮﺍﺗﻪ ﺗﻜﺘﻠﻨﻲ ﻳﺮﺑﻲ ﺷﻠﻮﻥ ﺭﺍﺡ ﺍﻋﻮﻓﻪ ..
ﻋﻤﺎﺭ ﻣﺸﻐﻞ ﺗﻐﻤﺾ ﻋﻴﻮﻧﻲ ﺷﻮﻛﺖ ﻭﺍﺭﺗﺎﺡ ﻣﻨﻚ ﻣﻦ ﻋﺬﺍﺑﻚ ﻣﻦ ﻋﺬﺍﺏ ﺍﻟﻠﻴﻞ ﻭﺍﻟﺘﻔﻜﻴﺮ ﺑﻴﻚ ..
ﺍﺣﺲ ﻣﻮ ﺍﻻﻏﻨﻴﻪ ﺗﻐﻨﻲ . ﺍﺣﺲ ﺑﻜﺮ ﻳﺤﺎﺟﻴﻨﻲ ﺑﻴﻬﺎ ..
ﺗﻐﻤﺾ ﻋﻴﻮﻧﻚ ﺗﺮﻳﺪ ﺑﺪﻭﻧﻲ . ﺯﻳﻦ ﻭﺍﻧﻲ .. ﺍﻧﻲ ﺷﻠﻮﻥ ﺍﻏﻤﺾ ﻋﻴﻮﻧﻲ ..
ﻭﺑﻜﻞ ﻣﻜﺎﻥ ﺍﺑﻴﺘﻲ ﺍﻟﻚ ﺑﻴﻪ ﺫﻛﺮﻳﺎﺕ . ﺷﻤﺎ ﺭﺩﺕ ﺍﻧﺴﺎﻙ ﻣﻴﺨﻠﻮﻧﻲ ..
ﺍﻧﻄﻴﺖ ﺿﻬﺮﻱ ﺍﻟﻚ .. ﻣﺮﻩ ﻭﺭﺩﺕ ﺍﺭﻭﺡ ﻭﺣﺒﻚ ﻭﺍﻟﺸﻮﻙ ﺍﻟﻚ ﺭﺩﻭﻧﻲ ..
ﻭﻣﺮﻩ ﺭﺩﺕ ﺍﺣﻠﻢ ﺣﺒﻴﺒﻲ ﺍﻧﻲ ﺑﺴﻮﺍﻙ .. ﻃﻴﻮﻓﻚ ﺑﻌﺰ ﺍﻟﺤﻠﻢ ﻟﺤﻜﻮﻧﻲ ..
ﻭﻳﺎﻣﺎ ﻛﺘﻠﻚ .. ﺍﻧﻲ ﺍﺣﺒﻚ . ﻭﻟﻮ ﺍﻛﻮ ﺑﺎﻟﺪﻧﻴﺎ ﺣﺐ ﺍﻛﺒﺮ ﺍﺣﺒﻚ ..
ﻭﻳﺎﻣﺎ ﺟﻨﺖ ﺍﺗﻤﻨﻰ ﺍﻣﻮﻭﺕ ﺣﺘﻰ ﺍﻋﻴﺶ ﺑﺪﻧﻴﺔ ﺣﺒﻚ ..
ﺍﺳﺘﻤﻊ .. ﻭﺩﻣﻮﻋﻲ .. ﺗﺠﺮﻱ ﺑﺪﻭﻥ ﻭﻋﻲ .. ﻣﺎ ﺍﺣﺲ ﺍﻻ ﻋﻤﺎﺭ ﻛﺎﻝ .. ﺳﺖ ﺳﻤﺮ ..
ﺍﻧﺘﺒﻬﺖ .. ﻭﻣﺴﺤﺖ ﺩﻣﻮﻋﻲ .. ﻭﻛﺘﻠﻪ ﻧﻌﻢ ..
- ﺧﻴﺮ ﺑﻴﺞ ﺷﻲ ..
- ﻻﺍﺍ ﻣﺠﺮﺩ ﺿﻴﻖ ﺑﺼﺪﻱ . ﺳﺒﻖ ﻭﻛﺘﻠﻚ ﺿﺮﻭﻑ ﻋﻨﺪﻱ ..
- ﺍﻧﺸﺎﻟﻠﻪ ﺧﻴﺮ . ﻻ ﺗﻀﻮﺟﻴﻦ ﻛﻠﺸﻲ ﺳﻬﻞ ﻳﻢ ﺭﺑﺞ .. ﺍﻧﻲ ﺍﻟﻴﻮﻡ ﺍﺩﺯ ﺍﻣﻲ ﻋﻠﻴﻜﻢ ..
- ﻫﺰﻳﺖ ﺭﺍﺳﻲ ﻭﺻﻠﺖ ﻟﻠﺒﻴﺖ .. ﺩﺧﻠﺖ ﻟﻜﻴﺖ ﺍﻣﻲ ﻛﺪﺍﻣﻲ ..
- ﻫﺎﺍ ﺍﻟﻠﻪ ﻳﺴﺎﻋﺪﺝ ..
- ﻣﺘﻜﻠﻴﻠﻲ ﺷﻮﻛﺖ ﻳﺴﺎﻋﺪﻧﻲ ﻟﺨﺎﻃﺮ ﺍﻟﻠﻪ ﻳﻤﻪ ﺗﻌﺒﺖ .. ﻭﻧﻔﺠﺮﺕ ﺑﺎﻟﺒﺠﻲ ..
ﻛﻌﺪﺗﻨﻲ ﻋﻠﻜﺮﺳﻲ .. ﻭﻫﻴﻪ ﺗﻜﻮﻟﻲ ﻛﻮﻟﻲ ﻳﺎ ﺍﻟﻠﻪ ﺑﻨﻴﺘﻲ .. ﺑﻘﻴﺖ ﻣﺪﻧﻜﻪ ﻭ ﺍﺑﺠﻲ .. ﻭﻫﻴﻪ ﺗﻤﺴﺢ ﻋﻠﻰ ﺭﺍﺳﻲ .. ﺭﻓﻌﺖ ﻋﻴﻨﻲ ﺍﻟﻬﺎ .. ﻛﺘﻠﻬﺎ ﻋﻤﺎﺭ ﺍﺑﻦ ﺧﺎﻟﺔ ﻣﺎﺯﻥ ..
- ﺷﺒﻴﻪ ..
- ﻃﻠﺐ ﺍﻳﺪﻱ ﻟﻠﺰﻭﺍﺝ ..
- ﺍﻱ ﻭﺷﻜﻠﺘﻲ
- ﻭﺍﻓﻘﺖ .. ﻭﺩﻧﻜﺖ ﺍﺑﺠﻲ ..
- ﺍﺣﺴﻦ ﻗﺮﺍﺭ ﻳﻤﻪ .. ﻫﻢ ﺗﻨﺴﻴﻦ ﺍﻟﺒﻜﻠﺒﺞ ﻭﻳﺎﻩ .. ﻭﻫﻢ ﺗﺨﻠﻴﻦ ﺍﺑﻦ ﻋﻤﺘﺞ ﻳﺄﻳﺲ ﻣﻨﻪ ﻭﻳﺸﻮﻑ ﻋﺎﺋﻠﺘﻪ .. ﻭﺍﻧﺘﻲ ﺗﺸﻮﻓﻴﻦ ﺣﻴﺎﺗﺞ ..
ﻫﺰﻳﺖ ﺭﺍﺳﻲ .. ﺷﻠﺖ ﺟﻨﻄﺘﻲ ﻭﻛﻤﺖ .. ﻛﻠﺖ ﺍﻟﻴﻮﻡ ﺭﺍﺡ ﺗﺠﻴﻨﻪ ﺍﻣﻪ ﺍﻟﻌﺼﺮ .
ﺣﺠﻴﺖ ﻭﺻﻌﺪﺕ .. ﺩﺧﻠﺖ ﺍﻟﻐﺮﻓﻪ ﻭﻣﺮﺕ ﺍﺑﺎﻟﻲ .. ﺍﻟﻜﻠﻤﺎﺕ .. ﺑﻜﻞ ﻣﻜﺎﻥ ﺍﺑﻴﺘﻲ ﺍﻟﻚ ﺑﻴﻪ ﺫﻛﺮﻳﺎﺕ ﺷﻤﺎ ﺭﺩﺕ ﺍﻧﺴﺎﻙ ﻣﻴﺨﻠﻮﻧﻲ
🌿🌿
ﺍﺑﺎﻭﻉ ﻟﻠﻐﺮﻓﻪ .. ﻫﻨﺎ ﻫﻴﺞ ﺣﺠﻴﺖ ﻭﻳﺎﻩ .. ﺍﻫﻨﺎ ﻫﻴﺞ ﻛﻠﺘﻠﻪ .. ﻫﻨﺎ ﻛﺎﻝ ﺍﺣﺒﺞ .. ﻫﻨﺎ ﻛﺘﻠﻪ ﻣﺎ ﺍﻋﻴﺶ ﺑﺪﻭﻧﻚ ..
ﺑﻘﻮ ﺑﺲ ﺍﻟﻬﻨﺎ ﻭﻫﻮﻩ ﻣﺎﻛﻮ .. ﻳﺮﺑﻲ ﻟﻴﺶ ﻭﺍﻟﻠﻪ ﺍﺣﺒﻪ ﻣﺎ ﺍﻛﺪﺭ ﺍﻋﻴﺶ ﺑﺪﻭﻧﻪ ﺍﺭﺣﻤﻨﻲ ﻭﺍﺧﺬ ﺍﻣﺎﻧﺘﻚ ﺍﺗﺨﺒﻞ ﻟﻮ ﻏﻴﺮﻩ ﻳﺼﻴﺮ ﺑﻤﻜﺎﻧﻪ ..
ﺑﺪﻭﻥ ﻣﺎ ﺍﺑﺪﻝ .. ﻧﻤﺖ ﻋﻠﺴﺮﻳﺮ .. ﺍﺑﺠﻲ ﺍﺑﺠﻲ .. ﻟﺤﺪ ﻣﺎ ﻧﻤﺖ .. ﺍﻟﻌﺼﺮ ﻛﻌﺪﺕ ﻋﻠﻰ ﺻﻮﺕ ﻧﺠﻮﻯ .. ﺍﺟﺖ ﻓﺘﺤﺖ ﺍﻟﻀﻮﻩ ﻭﻛﻌﺪﺗﻨﻲ ..
ﺑﻮﺳﺘﻨﻲ ﺍﻧﻲ ﺍﻱ ﻛﻼﻡ ﻣﺎ ﺣﺠﻴﺖ . ﻛﺎﻟﺖ ﺳﻤﺮ ﺻﺪﻙ ﻭﺍﻓﻘﺘﻲ ﻋﻠﻰ ﻋﻤﺎﺭ .. ﻫﺰﻳﺖ ﺭﺍﺳﻲ ..
- ﺯﻳﻦ ﻭﺑﻜﺮ .. ﺳﻤﺮ ﻳﻤﻮﺕ ﻭﺍﻟﻠﻪ ..
- ﺍﺧﺬﺕ ﺍﻟﻨﻔﺲ .. ﻧﺠﻮﻯ ﺍﻧﺘﻲ ﻛﻮﻟﻴﻠﻲ ﺷﻨﻮ ﺍﻟﺤﻞ .. ﺍﺑﻘﻰ ﻣﺘﻌﻠﻜﻪ ﺑﺨﻴﻂ ﺍﻣﻞ ﻣﻦ ﻭﻫﻢ ..
ﺍﻗﻀﻲ ﺣﻴﺎﺗﻲ ﻭﻳﺎﻩ ﺑﺤﺐ ﺗﺤﺖ ﺳﺘﺮ ﺍﻟﻠﻴﻞ .. ﻭﺍﻧﻲ ﺍﺩﺭﻱ ﻣﺎ ﺭﺍﺡ ﻳﻄﻠﻊ ﻋﻠﻴﻨﻪ ﺍﻟﻨﻬﺎﺭ ..
ﻻ ﻣﺠﺘﻤﻌﻨﻪ ﻳﺘﻐﻴﺮ ﻭﻻ ﻋﻘﻮﻝ ﺍﻫﻠﻨﻪ ﺗﺘﺒﺪﻝ .. ﻟﻮ ﺍﺿﻞ 100 ﺳﻨﻪ ﺍﺑﻘﻰ ﻃﻠﻴﻘﺔ ﻋﺎﺩﻝ ﺍﺧﻮ ﺑﻜﺮ . ﻣﺘﺘﻐﻴﺮ ﻫﺎﻱ ﺍﻟﺤﻘﻴﻘﻪ
ﻭﻧﻀﻞ ﻧﻮﻫﻢ ﺑﻨﻔﺴﻨﻪ .. ﺑﻜﻠﻤﺔ ﺑﻠﻜﺖ ﻳﺠﻲ ﻳﻮﻡ ﻳﺘﻘﺒﻠﻮﻥ ﺣﺒﻨﻪ . ﻭﺍﺣﻨﻪ ﻧﻌﺮﻑ ﻛﻞ ﺍﻟﺰﻳﻦ ﻣﺎ ﻳﺠﻲ ﻫﺬﺍ ﺍﻟﻴﻮﻡ
ﺍﻟﺤﻞ ﺍﻟﻮﺣﻴﺪ ﻛﺪﺍﻣﻨﻪ .. ﺍﺗﺰﻭﺝ ﺑﻜﺮ ﺑﺎﻟﺴﺮ ﻭﺍﺧﻠﻲ ﺍﻫﻠﻲ ﺍﻣﺎﻡ ﺍﻻﻣﺮ ﺍﻟﻮﺍﻗﻊ .. ﻭﻣﺴﺘﺤﻴﻞ ﺍﻛﺪﺭ ﺍﺳﻮﻱ ﻫﻴﺞ ﺷﻲ ﺑﺎﺑﻮﻳﻪ ..
ﻭﻫﻮﻩ ﺷﻜﻞ ﻋﻠﻴﻪ ﺍﻟﺬﻣﻪ ﻣﻨﺎ ﺍﻟﻴﻮﻡ ﺍﻟﺪﻳﻦ . ﺍﺧﺎﻑ ﺍﺧﺘﺎﺭ ﺑﻜﺮ ﻭﻳﻮﻛﻒ ﻛﻠﺐ ﺍﺑﻮﻳﻪ ﻭﻳﻤﻮﺕ ﺑﺴﺒﺒﻲ ..
ﻧﺠﻮﻯ ﺭﺍﺡ ﺍﻣﻮﻭﻭﺕ ﺷﺴﻮﻱ . ﻛﻮﻟﻴﻠﻲ .. ﻻ ﺍﻛﺪﺭ ﺍﻧﻄﻲ ﺍﺑﻜﺮ ﻭﻻ ﺍﻛﺪﺭ ﺍﻧﻄﻲ ﺑﺎﺑﻮﻳﻪ ﺗﻌﺒﺖ ﻭﺍﻟﻠﻪ ..
ﻃﺒﺖ ﺍﻣﻲ ﻋﻠﻴﻨﻪ .. ﻛﺎﻟﺖ ﻭﺝ ﻳﻴﻤﻪ ﻛﺎﻓﻲ ﻭﺍﻟﻠﻪ ﻣﺮﺩﺗﻲ ﻛﻠﺒﻲ ﻋﻴﻮﻧﺞ ﺭﺍﺣﺖ ..
- ﻳﻤﻪ ﻟﻴﺶ ﻣﺎ ﺗﺨﻠﻮﻫﺎ ﺗﺘﺰﻭﺝ ﺗﺮﻩ ﻭﺍﻟﻠﻪ ﻣﻮ ﺣﺮﺍﻡ ﺍﻧﺼﻔﻮﻫﺎ ﻭﺍﻭﻛﻔﻮ ﻭﻳﺎﻫﺎ ﻣﺮﻩ .. ﺣﺮﺍﻡ ﻫﻴﺞ ﺣﺎﻟﺘﻬﺎ .
- ﻳﻤﻪ ﺑﻴﺪﻱ ﺍﻧﻲ .. ﻫﺬﺍ ﻋﺎﺭ ﺷﻴﻜﻮﻟﻮﻥ ﻋﻠﻴﻨﻪ ﻟﻮ ﻗﺒﻠﻨﻪ ﺑﻬﻠﺰﻭﺍﺝ .. ﺻﻌﺐ ﻳﻤﻪ .. ﻧﺎﺳﻨﻪ ﻣﺎ ﺗﺮﺣﻢ ..
ﺧﻠﻴﻬﺎ ﻫﻴﺞ .. ﺗﺘﺰﻭﺝ .. ﻫﻮﻩ ﻫﻢ ﻳﻮﻡ ﻳﻮﻣﻴﻦ ﻳﻄﺮﺑﻚ ﺗﺎﻟﻴﺘﻪ ﻣﺮﺟﻌﻪ ﻟﻌﺎﺋﻠﺘﻪ .. ﺧﻄﻴﻪ ﺻﺎﺭ ﻋﻨﺪﻩ ﻭﻟﺪ ﺧﻞ ﻳﺸﻮﻑ ﺍﺑﻨﻪ ..
- ﺍﺧﺬﺕ ﻧﻔﺲ .. ﺍﻱ ﺧﻠﻴﻪ ﻳﺸﻮﻑ ﺍﺑﻨﻪ .. ﺑﺎﻟﻌﺎﻓﻴﻪ .. ﺑﺎﻭﻋﺖ ﻻﻣﻲ ﻭﻛﺘﻠﻬﺎ ﺍﻣﺪﺍﻧﻲ ﺑﻴﻮﻡ ﺍﻟﻨﺼﺤﺘﻴﻨﻲ ﻣﻨﻪ ﻭﺗﺠﺎﻫﻠﺖ ﻧﺼﻴﺤﺘﺞ ..
ﻛﺘﻴﻠﻲ ﻳﺎ ﺳﻤﺮ ﻫﺎﻱ ﻧﺎﺭ ﻻ ﺗﺸﻤﺮﻳﻦ ﺭﻭﺣﺞ ﺑﻴﻬﺎ .. ﻭﻋﺎﻧﺪﺕ ﻭﺣﺒﻴﺘﻪ ﻭﺣﺮﻛﺖ ﺭﻭﺣﻲ ﺑﻨﺎﺭﻩ ..
ﺷﺠﺎﻧﻲ ﻭﻃﺎﻭﻋﺖ ﻛﻠﺒﻲ ﺷﺠﺎﻧﻲ .. ﺑﻘﻴﺖ ﺍﺿﺮﺏ ﻋﻠﻰ ﻭﺟﻬﻲ .. ﻭﺍﻣﻲ ﻭﻧﺠﻮﻯ ﻳﻠﺰﻣﻮﻧﻲ ﻭﻳﻬﺪﻭﻥ ﺑﻴﻪ ..
- ﻳﻴﻤﻪ ﺍﻧﻲ ﻣﻦ ﺍﻧﺼﺤﺠﻦ ﻗﺎﺑﻞ ﺍﻛﺮﻫﺠﻦ .. ﻫﺎﻱ ﻣﻦ ﻛﺘﻴﻠﻲ ﻧﺠﻮﻯ ﺗﺤﺐ ﻣﺎﺯﻥ ﻭﻛﻔﺖ ﺑﻮﺟﻬﺎ . ﻻ .. ﻟﻴﺶ ﻻﻥ ﻣﺎ ﺣﺴﻴﺖ ﺑﻴﻪ ﻏﻠﻂ . ﻭﺣﺴﻴﺘﻬﺎ ﺗﺮﺗﺎﺡ ﻭﻳﺎﻩ .. ﻟﻬﻴﺞ ﺳﺎﻧﺪﺗﻬﺎ .
ﺑﺲ ﺍﻧﺘﻲ ﻣﻨﻌﺘﺞ ﻳﻴﻤﻪ ﻣﻦ ﺧﻮﻓﻲ ﻋﻠﻴﺞ ﻭﺍﻟﻠﻪ . ﺧﻔﺖ ﺍﺷﻮﻓﺞ ﺑﻬﻠﻮﺿﻊ ﻫﺬﺍ ﻛﺪﺍﻣﻲ ﺗﺘﻤﺤﺮﻛﻴﻦ ﻭﻣﺎ ﺑﻴﺪﻱ ﻋﻠﻴﺞ ﺷﻲ ...
ﻋﺒﺎﻟﺞ ﺳﻬﻠﻪ ﻋﻠﻴﻪ .. ﻣﻦ ﺍﺷﻮﻑ ﺩﻣﻮﻋﺞ ﺗﺠﺮﻱ ﻛﺒﺎﻟﻲ ﻭﺍﻟﻠﻪ ﻳﻴﻤﻪ ﺗﻴﺰﺍﺏ ﻋﻠﻰ ﻛﻠﺒﻲ ﺩﻣﻮﻋﺞ ﺑﺲ ﺷﺴﻮﻱ .
🌿🌿
ﺍﻟﻀﺮﻑ ﺍﻟﻲ ﺍﺣﻨﻪ ﺑﻴﻪ ﺻﻌﺐ .. ﻭﻣﺎ ﻧﻜﺪﺭ ﻧﻤﺸﻲ ﻭﻳﺎﺝ ﻋﻠﺨﻄﺄ ..
- ﺩﻧﺤﺠﻲ ﻭﻃﺐ ﻣﺤﻤﺪ .. ﺻﺎﺡ ﻳﻤﻪ ﻧﺴﻮﺍﻥ ﺍﺟﻦ ﺑﺎﻟﺒﺎﺏ ﻳﻜﻮﻟﻦ ﻛﻮﻝ ﻻﻣﻚ ﺍﻧﻲ ﺍﻡ ﻋﻤﺎﺭ .
- ﻳﺎﺍﺍﺍ ﻭﻟﺞ ﻭﺍﻟﻠﻪ ﻧﺴﻴﺖ .. ﻛﻮﻣﻲ ﻳﻤﻪ ﻧﺠﻮﻯ ﻭﻳﺎﻱ ﺑﺴﺎﻉ .. ﺣﻈﺮﻱ ﻋﺼﺎﻳﺮ ..
ﻧﺰﻟﺖ ﺍﻣﻲ ﻭﻛﺎﻣﺖ .. ﺿﺮﺑﺖ ﻋﻠﻰ ﺭﺟﻠﻲ ﻧﺠﻮﻯ ﻛﻮﻣﻲ ﻛﻮﻣﻲ ﻏﺴﻠﻲ ﻭﺟﻬﺞ .. ﺧﺎﻑ ﻳﺮﺩﻥ ﻳﺸﻮﻓﻨﺞ .
- ﺍﻱ ﻗﺎﺑﻞ ﻣﺸﺎﻳﻔﻴﻨﻲ .. ﻣﺎ ﺍﻟﻲ ﺧﻠﻚ ..
- ﺩﻛﻮﻭﻭﻭﻭﻭﻣﻲ ﻟﺨﺎﻃﺮﻱ ..
- ﻛﻤﺖ ﻭﻳﺎﻫﺎ ﻧﺰﻟﺖ .. ﻏﺴﻠﺖ ﻭﺟﻬﻲ ﺑﺼﺎﺑﻮﻥ ﻭﻧﺸﻔﺖ ﺑﺨﺎﻭﻟﻲ ..
- ﻋﻴﻨﻲ ﺳﻤﺮ ﺍﻡ ﻛﺤﻴﻠﻪ .. ﺍﻟﻨﻌﺮﻓﻪ ﺣﺘﻰ ﻣﻦ ﺗﻨﺎﻣﻴﻦ ﺗﺘﻜﺤﻠﻴﻦ .. ﻟﻴﺶ ﻋﻴﻮﻧﺞ ﺑﻴﺾ ..
- ﻣﺎ ﺍﻟﻲ ﺧﻠﻚ ﻭﺍﻟﻠﻪ ﻋﻮﻓﻴﻨﻲ .
- ﻟﺞ ﻋﻴﻮﻧﺞ ﺣﻤﺮ ﻣﻮﺭﻣﺎﺕ ﺑﺲ ﻛﺤﻞ ﺧﻔﻴﻒ ﺍﻣﺤﻲ ﺍﺛﺎﺭ ﺍﻟﺒﺠﻲ ..
- ﻣﺎ ﺍﺭﻳﺪ ﺍﻣﺤﻲ ﺷﻲ ﻋﻮﻓﻴﻨﻲ .. ﻋﻔﺘﻬﺎ ﻭﺟﺎﻱ ﺍﻣﺸﻲ .. ﻛﺎﻟﺖ ﺗﻌﺎﻱ ﻗﺪﻣﻲ ﺍﻟﻌﺼﻴﺮ ..
- ﻧﺠﻮﻯ ﻓﺪﻭﻩ ﻟﻌﻴﻨﺞ ﺗﺮﻛﻴﻨﻲ ﻛﻮﻩ ﻣﺘﺤﻤﻠﻪ ﺭﻭﺣﻲ .. ﻻ ﺗﺨﻠﻴﻨﻲ ﺍﺻﺮﺥ ﻭﺍﻃﻠﻊ ﺍﻟﻘﻬﺮ ﺍﻟﺒﻜﻠﺒﻲ ..
- ﻣﺎﺷﻲ ﺣﺒﻴﺒﺘﻲ ﻓﻮﺗﻲ ﻭﺍﻧﻲ ﺭﺍﺡ ﺍﺟﻴﺐ ﺍﻟﻌﺼﻴﺮ ..
- ﻋﻔﺘﻬﺎ ﻭﻣﺸﻴﺖ ﻟﻠﺼﺎﻟﻪ .. ﺳﻠﻤﺖ ﻭﻛﻌﺪﺕ .. ﻛﺎﻟﺖ ﺍﻟﻤﺮﻩ ﺷﺒﻴﻬﻦ ﻋﻴﻮﻧﺞ ..
- ﺟﺎﻭﺑﺘﻬﺎ ﺍﻣﻲ .. ﺳﻬﺮ ﻭﻗﻠﺔ ﻧﻮﻡ .. ﺗﻌﺮﻓﻴﻦ ﺷﺒﺎﺏ ﻫﻠﻮﻛﺖ ﻳﻤﻮﺗﻮﻥ ﻋﻠﺴﻬﺮ .. ﺗﻀﻞ ﺧﻄﻴﻪ ﺍﻟﻠﻴﻞ ﻛﻠﻪ ﺗﺼﺤﺢ ﺩﻓﺎﺗﺮ ﻋﻴﻮﻧﻬﺎ ﺭﺍﺣﺖ ﻣﻮ ﺗﺪﺭﻳﺲ ﻏﻀﺐ ..
- ﻛﺎﻟﺖ ﺍﻣﻪ . ﺍﻱ ﺍﻟﻠﻪ ﻳﺴﺎﻋﺪﻩ .. ﺑﺎﻋﻲ ﺍﻡ ﺍﺣﻤﺪ ﺍﺑﻨﻲ ﺭﺟﺎﻝ ﻣﻄﻠﻚ .. ﻭﻋﻨﺪﻩ 3 ﺟﻬﺎﻝ .. 2 ﻭﻟﺪ ﻭﺑﻨﻴﻪ ..
ﻭﺍﻣﻬﻢ ﺷﺎﻣﺮﺗﻬﻢ ﻋﻠﻴﻨﻪ ﻣﺘﺮﻳﺪﻫﻢ .. ﺧﺎﻑ ﺗﻜﻮﻟﻮﻥ ﻣﺎ ﻛﻨﺎﻟﻜﻢ ..
ﺣﺠﺖ ﺍﻣﻲ - ﺧﻴﻪ ﻣﺎ ﻋﺪﻧﻪ ﺍﺷﻜﺎﻝ ﻣﻄﻠﻚ ﻣﺮﻣﻞ ﻫﻴﻪ ﻗﺴﻤﻪ . ﺑﺲ ﺟﻬﺎﻝ .. ﺳﻤﺮ ﻣﺎ ﺗﺘﺤﻤﻞ ﻻﻥ ﻫﻴﻪ ﻣﺪﺭﺳﻪ ﻭﻣﺎ ﻧﺎﻭﻳﻪ ﺗﺘﺮﻙ ﺷﻐﻠﻬﺎ ﻭﺗﻜﺎﺑﻞ ﺟﻬﺎﻝ ﺭﺟﻠﻬﺎ ..
ﺍﺣﺠﻴﻬﺎ ﺣﺘﻰ ﺍﻛﻮﻥ ﺻﺮﻳﺤﻪ ﻭﻳﺎﺝ ..
- ﻻ ﺧﻴﻪ ﺍﻧﻪ ﻣﺎ ﻛﻠﺖ ﺍﺩﺍﺭﻳﻬﻢ .. ﺍﺣﻨﻪ ﻧﺪﺍﺭﻳﻬﻢ .. ﻋﻠﻴﻨﻪ .. ﻭﺷﻐﻠﻬﺎ ﻋﻤﺎﺭ ﻣﺎ ﻋﻨﺪﻩ ﺍﺷﻜﺎﻝ ﺑﻴﻪ .. ﻣﺎ ﺑﻴﻬﺎ ﺷﻲ ﻳﺘﺴﺎﻋﺪﻭﻥ ﻋﻠﻌﻴﺸﻪ ..
ﺍﻧﻮﺏ ﻛﺎﻟﺘﻠﻬﺎ ﺍﻣﻲ .. ﺷﻮﻓﻲ ﺧﻴﻪ ﺍﺣﻨﻪ ﻣﻮ ﻣﻦ ﻋﻮﺍﻳﺪﻧﻪ ﻧﺸﺮﻁ ﻭﻧﺨﻠﻲ ﺷﺮﻭﻁ .. ﺑﺲ ﻧﺮﻳﺪ ﻛﻠﻤﻪ ﺍﺫﺍ ﺗﺰﻭﺟﺖ ﺳﻤﺮ ﺍﺑﻨﻜﻢ ..
ﻣﺎﻛﻮ ﺭﺟﻌﻪ ﻟﻤﺮﺗﻪ ﺍﻻﻭﻟﻰ .. ﻣﻮ ﻣﻦ ﺗﺘﺰﻭﺝ .. ﺳﻤﺮ ﻭﻳﺠﺒﺮﻫﺎ ﺗﻬﺘﻢ ﺑﺎﻃﻔﺎﻟﻪ .. ﻭﻣﻦ ﺗﻘﺼﺮ ﻭﻳﺎﻫﻢ ﻳﻜﻮﻟﻬﺎ ﺍﺭﺟﻊ ﺍﻻﻭﻟﻰ ..
- ﻳﺎﺍﺍﺍﺍ ﺧﻴﻪ ﺷﻨﻬﻞ ﺣﺠﻲ .. ﻫﻮﻩ ﻣﻮ ﻃﺎﻳﻖ ﻣﺮﺗﻪ ﺍﻻﻭﻟﻰ . ﻓﺪ ﻭﺣﺪﻩ ﺭﻋﻨﻪ ﻣﺮﻋﺒﻠﻪ ﺷﺠﺎﺑﻬﺎ ﻋﻠﻰ ﺳﺖ ﺳﻤﺮ ..
- ﺧﻴﻪ ﺍﻧﻲ ﻣﻦ ﺍﺣﺠﻲ ﺣﺘﻰ ﻣﺎ ﻧﺨﻔﻲ ﺷﻲ ﻗﺒﻞ ﺍﻟﺰﻭﺍﺝ ﺍﻻ ﻫﻴﻪ ﻭﺍﻟﻠﻪ ﺍﺷﻜﺎﻝ ﺍﻟﻮﺍﻥ ﺗﻘﺪﻣﻮﻟﻬﺎ .. ﻧﻘﻴﺐ ﺗﻮﺳﻞ ﺑﻴﻬﺎ ﻭﻣﺎ ﻗﺒﻠﺖ . ﻭﻏﻴﺮﻩ ﻭﻏﻴﺮﻩ ﺑﺲ ﺍﺣﻨﻪ ﻻﻥ ﻧﻌﺮﻓﻜﻢ ..
ﻭﻧﻌﺮﻑ ﺑﻴﺖ ﺍﺑﻮ ﻣﺎﺯﻥ ﻭﻋﻠﻰ ﻣﻌﺮﻓﺘﻬﻢ ﻭ ﺳﻤﻌﺘﻬﻢ ﺍﻟﻄﻴﺒﻪ ﺍﺣﻨﻪ ﻧﻮﺍﻓﻖ ﻋﻠﻴﻜﻢ ..
- ﻳﺎ ﺑﻌﺪ ﻛﻠﺒﻲ ﻳﺎ ﺧﻴﻪ ﻋﺴﺎﺝ ﺳﺎﻟﻤﻪ .. ﻧﺨﻠﻴﻬﺎ ﺑﻌﻴﻮﻧﻪ ﺍﻧﺸﺎﻟﻠﻪ .. ﺑﺎﺟﺮ ﻳﺠﻮﻥ ﺍﻟﺮﻳﺎﺟﻴﻞ ﻭﻳﺘﻔﻘﻮﻥ ﻭﻳﻌﻘﺪﻭﻟﻬﻢ .. ﻻﻥ ﻋﻤﺎﺭ ﻣﺴﺘﻌﺠﻞ ﻋﻠﻌﺮﺱ ﻣﺪﺭﻱ ﺷﺒﻴﻪ
🌿🌿
ﻛﻞ ﺍﻟﻬﻼ ﺑﻴﻜﻢ ﺧﻴﻪ ..
- ﻃﻠﻌﻮ .. ﻭﺍﻣﻲ ﻛﺎﻟﺖ .. ﺍﻧﺘﻲ ﺭﺍﺿﻴﻪ ﺑﻌﻤﺎﺭ .. ﺑﺎﻭﻋﺘﻠﻬﺎ ﺑﻴﺌﺲ ﻭﻣﺎ ﺟﺎﻭﺑﺖ .. ﻃﺒﻄﺒﺖ ﻋﻠﻰ ﻛﺘﻔﻲ ﻭﻛﺎﻟﺖ ﺍﻧﺸﺎﻟﻠﻪ ﻳﺎﺭﺏ ﻳﻜﺘﺐ ﺍﻟﻠﻲ ﺑﻴﻪ ﺍﻟﺨﻴﺮ ..
ﺻﻌﺪﺕ ﻟﻐﺮﻓﺘﻲ .. ﺑﻌﺪ ﻣﺎ ﺭﺍﺣﺖ ﻧﺠﻮﻯ .. ﺩﺧﻠﺖ ﺍﺣﺲ ﻫﻤﻮﻡ ﺍﻟﺪﻧﻴﺎ ﺷﺎﻳﻠﺘﻬﺎ ﻓﻮﻙ ﺭﺍﺳﻲ .. ﺍﺧﺬﺕ ﺍﻟﻔﻮﻥ ..
ﻟﻜﻴﺖ ﺑﻜﺮ ﺩﺍﺯ 3 ﺭﺳﺎﻳﻞ ﻭﺍﺗﺴﺎﺏ .. ﺳﻤﺮ ﺷﺒﻴﺞ .. ﻋﻴﻮﻧﺞ ﻟﻴﺶ ﻫﻴﺞ ﻳﺎﺋﺴﻪ .. ﺳﻤﺮ ﺑﺎﻟﻲ ﻳﻤﺞ ﺷﺒﻴﺞ ﺟﺎﻭﺑﻴﻨﻲ ﺍﺭﻳﺪ ﺍﺳﻤﻊ ﺻﻮﺗﺞ .. ﺳﻤﺮ ﺷﻨﻮ ﺍﻟﻘﺼﻪ ﺍﻛﻮ ﺷﻲ ﺻﺎﺭ ﻭﺭﺍﻱ ﺍﺣﺠﻴﻠﻲ ﻟﻴﺶ ﻣﺎ ﺗﺠﺎﻭﺑﻴﻦ
ﺧﻠﻴﺖ ﺍﻳﺪﻱ ﺣﻠﻜﻲ ﻭﻛﻤﺖ ﺍﺑﺠﻲ ﻓﺴﺨﺖ ﺍﻟﻤﻮﺑﺎﻳﻞ ﻭﻃﻠﻌﺖ ﺍﻟﺴﻴﻤﻜﺎﺭﺕ ﻣﻨﻪ .. ﻭﺍﻟﺒﻄﺎﺭﻳﻪ ﻭﺷﻤﺮﺗﻬﻢ
.. ﺛﺎﻧﻲ ﻳﻮﻡ ﺭﺣﺖ ﻟﻠﻤﺪﺭﺳﻪ ﺍﺧﺬﺕ ﺍﺟﺎﺯﻩ 3 ﺍﺳﺎﺑﻴﻊ ﻭﺩﻓﻌﺖ ﻧﺺ ﺭﺍﺗﺒﻲ ..
ﺍﺟﻴﺖ ﻻﻣﻲ .. ﻛﺘﻠﻬﺎ ﻳﻮﻭﻭﻡ .. ﺧﺎﺑﺮﻱ ﻋﻤﺘﻲ ﺳﺎﻣﻴﻪ ﻭﻛﻮﻟﻴﻠﻬﺎ ﺳﻤﺮ ﺭﺍﺡ ﺗﺘﺰﻭﺝ ﻫﺎﻱ ﺍﻻﻳﺎﻡ ..
ﺍﻱ ﺧﺒﺮ ﻣﺎ ﺍﺭﻳﺪ ﻳﻮﺻﻠﻮﻥ ﻟﺒﻜﺮ .. ﺍﻋﺮﻓﻪ ﻟﻮ ﻋﺮﻑ ﻳﻬﺠﻢ ﺍﻟﺪﻧﻴﺎ ﻓﻮﻙ ﺭﻭﺳﻨﻪ ﻭﻳﺎﺧﺬﻧﻲ ﻏﺼﺐ ﻭﺗﺼﻴﺮ ﺩﻡ ..
ﻭﻫﻮﻩ ﻣﺎ ﻋﺪﻩ ﺷﻲ ﻳﺨﺎﻑ ﻋﻠﻴﻪ . ﺑﺲ ﺍﻧﻲ ﺍﺧﺎﻑ ﻋﻠﻰ ﺍﺑﻮﻳﻪ .. ﺧﻞ ﻳﻤﺮ ﻫﻠﻌﺮﺱ ﺍﻻﺳﻮﺩ ﺑﺪﻭﻥ ﻣﺸﺎﻛﻞ ..
ﺗﺮﻩ ﺍﺫﺍ ﺩﺭﻩ ﻭﺍﺟﻪ ﺑﻜﺮ ﻭﻛﺎﻝ ﺗﻌﺎﻱ .. ﻻ ﺗﻀﻤﻨﻮﻧﻲ .. ﻳﻤﻜﻦ ﻳﻨﻔﺠﺮ ﻛﻠﺒﻲ ﻭﺍﻃﺎﻭﻋﻪ ﻭﺍﻣﺸﻲ ﺧﻠﻮﻧﻲ ﺻﺎﺑﺮﻩ ﻭﺳﺎﻛﺘﻪ .. ﻭﺑﺎﻟﻌﺘﻪ ﻛﻮﻩ
ﻛﻠﻴﻠﻬﺎ ﻟﺤﺪ ﻳﻮﺻﻠﻪ ﺧﺒﺮ .. ﻛﺎﻟﺖ ﺍﻣﻲ .. ﻫﺎﻫﻴﻪ ﺍﻧﻲ ﺍﺧﺎﺑﺮﻫﺎ .. ﺭﺣﺖ ﺻﻌﺪﺕ ﻟﻐﺮﻓﺘﻲ ﺧﻠﺼﺘﻬﺎ ﺑﻮﺍﺟﻲ ..
ﻟﺤﺪ ﺍﻟﻠﻴﻞ ﻛﺎﻟﻮ ﺍﺟﻮ ﺍﻫﻞ ﻋﻤﺎﺭ ﻭﻋﻤﺎﺭ ﻭﻳﺎﻫﻢ .. ﻭﺍﻟﻠﻪ ﻟﻮ ﻛﺎﻳﻠﻴﻦ ﺍﺟﻰ ﻋﺰﺭﺍﺋﻴﻞ ﻳﻘﺒﺾ ﺑﺮﻭﺣﺞ .. ﺍﻓﺮﺡ ﺑﻜﺪ ﺍﻟﺪﻧﻴﺎ ﻭﻻ ﺟﻴﺔ ﻋﻤﺎﺭ ..
ﺑﻘﻴﺖ ﺍﺑﺠﻲ ﺑﺤﺮﻛﻪ .. ﺷﻠﻮﻥ ﺍﻛﺪﺭ ﺍﺗﺮﻙ ﺑﻜﺮ ﻣﺎ ﺍﻛﺪﺭ ﻳﺮﺑﻲ ﻣﺎ ﺍﻛﺪﺭ .. ﺍﻧﻲ ﻳﻨﻌﻘﺪ ﻗﺮﺍﻧﻲ ﻋﻠﻰ ﻏﻴﺮﻩ .. ﻭﺍﺻﻴﺮ ﺣﻼﻝ ﻟﻐﻴﺮ ﺑﻜﺮ ..
ﻳﺮﺑﻲ ﻣﻮﺗﻨﻲ ﻫﺴﻪ ﻓﺪﻭﻩ ﺍﺧﺬ ﺭﻭﺣﻲ ... ﺍﺟﺖ ﺍﻣﻲ .. ﻛﺎﻟﺖ ﻳﺮﺩﻭﺝ ﺟﻮﻩ .. ﻟﺒﺴﺖ ﺣﺠﺎﺏ ﻭﻧﺰﻟﺖ ...
ﻭﻧﺰﻟﺖ ﻣﺜﻞ ﺍﻟﺠﺜﻪ ﺍﻟﻬﺎﻣﺪﻩ ﺗﻤﺸﻲ ﺑﻴﻪ ﺍﻣﻲ .. ﻛﺎﻟﺖ ﺍﻛﻌﺪﻱ ﺑﻬﺎﻱ ﺍﻟﻐﺮﻓﻪ .. ﺭﺍﺡ ﻳﺠﻮﻥ ﻳﻌﻘﺪﻭﻟﻜﻢ ..
ﻃﺐ ﻋﻤﺎﺭ ﻭﺍﺑﻮﻱ ﻭﺍﺣﻤﺪ ﻭﺍﻟﺸﻴﺦ .. ﻭﻛﻌﺪﻭ ﻛﺒﺎﻟﻲ . ﻭﺍﻧﻲ ﺧﻠﺖ ﺣﺠﺎﺏ ﺟﺒﻴﺮ ﻋﻠﻰ ﺭﺍﺳﻲ ﻭﻧﺰﻟﺘﻪ ﻋﻠﻰ ﻭﺟﻬﻲ ..
ﻭﺩﻣﻮﻋﻲ ﺗﺠﺮﻱ .. ﺻﺎﺡ ﺍﻟﺸﻴﺦ .. ﻫﻞ ﺗﻘﺒﻠﺒﻦ ﺍﻟﺰﻭﺍﺝ ﻣﻦ ﻋﻤﺎﺭ ﺍﺑﻦ ﻛﺎﻇﻢ .. ﻏﻤﻀﺖ ﻋﻴﻮﻧﻲ ﻭﺩﻣﻮﻋﻲ ﺗﺠﺮﻱ ..
ﻛﺎﻝ ﺑﻨﺘﻲ ﺗﺴﻤﻌﻴﻨﻲ .. ﻭﻋﺎﺩ .. ﻫﻞ ﺗﻘﺒﻠﻴﻦ .. ﻛﻠﺖ ﻧﻌﻢ ﺍﻗﺒﻞ .. ﻭﺍﺣﺲ ﺭﻭﺣﻲ ﺍﺧﺘﻨﻜﺖ ﻳﺮﺑﻲ ﻫﻮﺍﻙ .. ﺍﺭﻳﺪ ﺍﺷﺘﻢ ﺍﻟﻬﻮﻯ ..
ﻣﺎ ﺍﻛﺪﺭ .. ﻛﻤﻞ ﺍﻟﺸﻴﺦ .. ﺍﺣﺲ ﺭﺍﺩ ﻳﻐﻤﻰ ﻋﻠﻴﻪ .. ﻣﺘﺖ ﺿﻠﻴﺖ ﺍﻣﺴﺢ ﻋﻠﻰ ﺭﻛﺒﺘﻲ .. ﺑﺲ ﺍﺭﻳﺪ ﺍﻟﻬﻮﻯ ..
ﻛﻤﻞ ﺍﻟﺸﻴﺦ ﻃﻠﻊ .. ﻋﻤﺎﺭ ﺷﺎﻝ ﺍﻟﺤﺠﺎﺏ ﻣﻨﻲ . ﻭﺧﺮﺕ ﺍﻳﺪﻩ ﻭﻛﻤﺖ ﺑﺴﺎﻉ ﻟﻠﻤﻄﺒﺦ ﺍﺷﻬﻚ .. ﺍﺥ ﻳﺎ ﻛﻠﺒﻲ ﻭﻟﻜﻢ ﺍﺭﺣﻤﻮﻧﻲ ﺗﻌﺒﺖ ﺍﺭﺣﻤﻮﻭﻭﻭﻧﻲ ﻳﺎﻋﺎﺍﺍﺍﺍﻟﻢ ..
ﺳﺄﻝ ﺷﺒﻴﻬﺎ .. ﻛﺎﻟﺘﻠﻪ ﺍﻣﻲ .. ﺗﺨﺠﻞ .. ﺑﻌﺪﻫﺎﺍ ﻣﺎ ﻣﺘﻌﻮﺩﻩ .. ﻋﻔﺘﻬﻢ ﻭﺻﻌﺪﺕ .. ﻟﻔﻮﻙ ﺍﺑﺎﻭﻉ ﻟﻠﻐﺮﻓﻪ ﺍﺥ ﻳﺎ ﻧﺎﺭ ﻛﻠﺒﻲ ..
ﺷﻴﺼﻴﺮ ﺑﻴﻪ ﻟﻮ ﻳﺴﻤﻊ .. ﻫﺬﺍ ﺍﻟﺠﻨﺖ ﻋﺎﻳﺸﻪ ﺑﺨﻴﺮﻩ ﺍﻟﻴﻮﻡ ﻃﻌﻨﺘﻪ ﻭﺻﺮﺕ ﻟﻐﻴﺮﻩ .. ﻛﻤﺖ ﺍﺩﻙ ﻋﻠﻰ ﺭﺍﺳﻲ ﻭﺍﺻﺮﺥ ..
🌿🌿
ﻗﻔﻠﺖ ﺍﻟﺒﺎﺏ ﻋﻠﻴﻪ .. ﻭﻭﺍﺻﺮﺥ ﺑﻜﻞ ﻋﻠﻮ ﺻﻮﺗﻲ ﺍﺭﺣﻤﻨﻲ ﻳﺎﺍﺍﺍﺍﺍﺍﺍﺍﺍﺍﺍ ﺍﻟﻠﻪ ﺍﺭﺣﻤﻨﻴﻴﻴﻴﻴﻴﻲ .. ﺍﺑﺎﻭﻉ ﻟﻼﺧﺸﺎﺏ ﻫﻮﻩ ﺍﻟﺠﺎﺑﻬﺎ ﻻﻥ ﻋﺠﺒﻨﻲ ﺍﻟﺘﺼﻤﻴﻢ ..
ﻭﻟﻜﻢ ﻫﺬﺍ ﺍﻟﺠﺎﻥ ﻳﺤﺮﻙ ﺭﻭﺣﻪ ﻋﻠﻤﻮﺩ ﻳﺴﻌﺪﻧﻲ ﺍﻟﻴﻮﻡ ﺣﺮﻛﺘﻪ .. ﺍﺷﺘﺮﺍﻟﻲ ﻏﺮﻓﻪ ﻋﻠﻤﻮﺩ ﻻ ﺍﻧﻘﻬﺮ ﻋﻠﻰ ﻋﺎﺩﻝ ..
ﻭﻟﻜﻢ ﻛﻞ ﻋﻤﺮﻩ ﻭﺍﻛﻔﻠﻲ ﺳﻴﻒ .. ﻭﺍﻧﻲ ﺷﻠﺖ ﺍﻟﺴﻴﻒ ﻭﺧﻠﻴﺘﻪ ﺑﻜﻠﺒﻪ ﺍﻟﻠﻪ ﻳﺎﺧﺬﻳﻴﻴﻴﻴﻴﻲ .. ﺷﻠﺖ ﺍﻝ ﺍﻟﻜﺮﺳﻲ ﻣﺎﻝ ﻣﻴﺰ ﺗﻮﺍﻟﻴﺖ ..
ﻭﻛﺴﺮﺕ ﺑﻴﻪ ﺍﻟﻤﺮﺍﻳﺎ .. ﻭﺍﺻﺮﺥ ﺍﺭﻳﻴﻴﻴﻴﻴﻴﻴﺪ ﺍﻣﻮﻭﻭﺕ ﻳﺎ ﺍﻟﻠﻪ ﻣﻮﺗﻨﻴﻴﻴﻴﻴﻴﻴﻲ ﻛﻤﺖ ﻋﻠﻜﺰﺍﺯ ﻭﺍﻟﻤﻜﻴﺎﺝ ﻋﻠﻤﻴﺰ ﺷﻤﺮﺕ ﺑﺄﻳﺪ ﻭﺣﺪﻩ ..
ﺍﺩﻳﻪ ﻛﻠﻬﺎ ﺗﺠﺮﺣﺖ .. ﺍﻃﻠﻌﻮﻭﻭﻭ ﻣﻦ ﺣﻴﺎﺗﻲ ﺍﻃﻠﻌﻮﻭﻭﻭ ﻳﻠﻌﻨﻜﻦ ﻭﻳﻠﻌﻦ ﻣﺠﺘﻤﻌﻜﻢ ﺩﻣﺮﺗﻮﻧﻴﻴﻴﻴﻴﻴﻴﻴﻴﻴﻲ ..
ﺍﺻﺮﺥ ﻭﺍﺣﻤﺪ ﻭﺍﻣﻲ ﻳﺪﻛﻮﻥ ﺑﺎﻟﺒﺎﺏ .. ﻃﻠﻌﺖ ﺍﻟﻤﻼﺑﺲ .. ﻫﺎﻱ ﺟﺒﺘﻬﺎ ﻣﻦ ﻓﻠﻮﺳﻪ . ﻭﺍﺷﻚ ﺑﺎﻟﻤﻤﻼﺑﺲ ﺑﺤﺮﻛﻪ
ﻭﺍﺿﺮﺏ ﻋﻠﻤﺮﺍﻳﺎ ﻣﺎﻝ ﺍﻟﻜﻨﺘﻮﺭ ﺍﺩﻳﻪ ﺻﺎﺭﺕ ﻛﻠﻬﺎ ﺩﻡ ﺗﻨﺰﻑ .. ﻛﺴﺮ ﺍﻟﺒﺎﺏ ﺍﺣﻤﺪ ﻭﺩﺧﻞ .. ﺍﻧﺘﻲ ﺷﺒﻴﺞ ﺗﺨﺒﻠﺘﻲ ..
ﻟﺰﻣﺘﻪ ﻣﻦ ﻗﻤﻴﺼﻪ .. ﻛﺘﻠﻪ ﺍﻧﺘﻪ ﻛﻞ ﻋﻤﺮﻙ ﺗﺮﻳﺪ ﺗﻜﺘﻠﻨﻲ ﻭﺗﻜﻮﻝ ﺍﺫﺑﺤﺞ .. ﺍﺑﻮﺱ ﺍﻳﺪﻙ ﺍﺫﺑﺤﻨﻲ ﺍﺣﻤﺪ ﻓﺪﻭﻩ ﺍﺭﺣﻤﻨﻲ ﻭﻣﻮﺗﻨﻲ ..
ﺍﺧﺬﻧﻲ ﻟﺤﻈﻨﻪ ﻭﻳﻜﻠﻲ ﺑﺲ ﻛﺎﺍﺍﻓﻲ ﻭﺝ ﻛﺎﻓﻲ . ﻭﺍﻧﻲ ﺍﺿﺮﺏ ﺑﻴﻪ ﻭﺍﻛﻮﻟﻪ ﻣﻮﺗﻨﻲ ﺍﻟﻠﻪ ﻋﻠﻴﻚ ﻣﻮﺗﻨﻲ .. ﺟﺎﺍﺍﺍﺍﺍﻱ ﺍﻣﻮﻭﻭﺕ ﺍﺭﺣﻤﻨﻲ ..
ﺑﻘﻴﺖ ﺍﺿﺮﺏ ﻋﻠﻰ ﺻﺪﺭﻩ ﻭﺍﺻﺮﺥ .. ﻟﺤﺪ ﻣﺎ ﻭﻛﻌﺖ ﺑﻴﺪﻩ ﻭﻣﺎ ﺣﺴﻴﺖ ﻋﻠﻰ ﺷﻲ .. ﻏﻴﺮ ﺍﻧﻲ ﺑﺎﻟﻤﺴﺘﺸﻔﻰ .. ﻣﻌﻠﻜﻴﻠﻲ ﻣﻐﺬﻱ ...
ﻣﺎ ﺑﻮﺩﻱ ﺍﻛﻌﺪ ﺍﺭﻳﺪ ﺍﻣﻮﻭﻭﺕ .. ﺟﺎﻱ ﺍﺟﺮ ﺍﻟﻜﺎﻧﻮﻧﻪ ﻣﻦ ﺍﻳﺪﻱ ﻟﺰﻣﺘﻨﻲ ﺍﻣﻲ .. ﻛﺎﻟﺖ ﺣﺮﺍﻡ ﻋﻠﻴﺞ ﻛﺎﻓﻲ .. ﻛﺘﻠﻬﺎ ﺍﺭﻳﺪ ﺍﻣﻮﻭﺕ ..
ﻛﺎﻟﺖ ﻛﻠﻨﻪ ﻧﻤﻮﺕ ﺑﻴﻮﻣﻨﻪ .. ﻫﺬﺍ ﺍﺧﺘﺒﺎﺭ ﻣﻦ ﺍﻟﻠﻪ ﻟﺼﺒﺮﻧﻪ .. ﺻﺮﺧﺖ ﻣﺎ ﺍﺭﻳﺪ ﺻﺒﺮ ﻭﻻ ﺍﺭﻳﺪ ﺩﻳﻦ ﻭﻻ ﺍﺭﻳﺪ ﻛﻮﻟﺸﻲ ﻋﻮﻓﻮﻧﻲ ﺑﺤﺎﻟﻲ ﺩﻣﺮﺗﻮﻧﻲ ..
ﻛﻤﺖ ﺍﺻﺮﺥ ﻭﺍﺑﺠﻲ .. ﺍﺟﻮ ﺍﻟﻤﻤﺮﺿﺎﺕ ﺍﻧﻄﻮﻧﻲ ﻣﻬﺪﺉ .. ﺑﻘﻴﺖ ﺍﺑﺠﻲ ﻋﻠﺴﺎﻛﺖ ﻣﺎ ﻧﻤﺖ .. ﺻﺎﻳﺮ ﻋﻨﺪﻱ ﺿﻌﻒ ﻋﺎﻡ ﻻﻥ ﺻﺎﺭ ﺍﻳﺎﻡ ﻻ ﺍﻛﻞ ﻭﻻ ﺍﺷﺮﺏ ..
ﻭﻧﺰﻓﺖ ﺩﻡ .. ﻟﻬﻴﺞ ﻭﻛﻌﺖ .. ﻛﻤﻠﻮ ﺍﻟﻤﻐﺬﻱ . ﺳﺎﻋﺪﻧﻲ ﺍﺣﻤﺪ ﻭﺷﺎﻟﻨﻲ ﻟﻠﺒﻴﺖ .. ﺧﻼﻧﻲ ﺑﻐﺮﻓﺘﻪ ﻧﺎﻳﻤﻪ .. ﻻﻥ ﻏﺮﻓﺘﻲ ﻛﻠﻬﺎ ﺩﻡ ﻭﻛﺰﺍﺯ ..
ﻟﺰﻣﺖ ﺍﻳﺪﻩ .. ﻛﺘﻠﻪ ﺟﺎﻱ ﺍﻣﻮﺕ ﺍﺣﻤﺪ ﻭﺑﺠﻴﺖ ..
- ﺳﻤﺮ ﺍﻧﺘﻲ ﻗﻮﻳﻪ ﺍﺗﺤﻤﻠﻲ ..
- ﺍﻱ ﻗﻮﻩ ﻫﺎﻱ ﺍﺣﻤﺪ ﻓﻌﻼ ﺣﺎﺑﻪ ﺍﻣﻮﺕ ..
- ﻣﺤﺪ ﻳﻤﻮﺕ ﻭﺭﻩ ﺍﺣﺪ ﺍﺯﻣﻪ ﻭﺗﻌﺪﻱ ﺍﻟﻤﻬﻢ ﺭﻓﻌﻲ ﺭﺍﺱ ﺍﺑﻮﻱ .. ﺗﻌﺐ ﻋﻠﻴﻨﻪ ﻫﻮﺍﻱ ﻳﺴﺘﺎﻫﻞ ﺗﻀﺤﻴﺘﺞ ..
ﻟﻮ ﻣﺨﺘﺎﺭﻩ ﻛﻠﺒﺞ ﺟﺎﻥ ﻫﺴﻪ ﺟﻨﺎﺯﺓ ﺍﺑﻮﻱ ﺑﺎﻟﺒﻴﺖ ﻭﺍﻧﺘﻲ ﺗﺨﻴﻠﻲ ﻣﻨﻮ ﺍﺻﻌﺐ ..
- ﺷﻴﺼﻴﺮ ﻟﻮ ﻗﺒﻠﻮ .. ﺟﺎﻱ ﺍﺣﺠﻲ ﻛﺎﻝ ﺍﺷﺸﺸﺸﺶ ﻻ ﺗﺤﺠﻴﻦ ﻫﻴﺞ ﺣﺠﻲ ﻛﺒﺎﻟﻲ ﺍﺣﺘﺮﻣﻲ
ﻭﺛﻘﻲ ﺑﻠﻠﻪ ﻟﻮ ﻣﺨﺎﻟﻔﻪ ﺍﺑﻮﻱ ﻭﻃﺎﻟﻌﻪ ﻭﺗﺎﺭﻛﺘﻨﻪ ﻭﺭﺍﺝ .. ﻻ ﻭﻣﺤﻤﺪ ﻟﻮ ﺗﺮﺣﻴﻦ ﻟﻠﺼﻴﻦ ﺍﺟﻴﺒﺞ ﻭﺍﺫﺑﺤﺞ ﺍﻧﺘﻲ ﻭﺍﻟﻮﻳﺎﺝ ..
ﻋﺒﺎﻟﺞ ﺍﻧﻲ ﻣﺜﻞ ﺧﻮﺍﻟﻲ ﺍﻃﻢ ﺍﻟﻌﺎﺭ ﻭﺍﺳﻜﺖ .. ﻻ ﻭﺍﻟﻠﻪ ﺍﻏﺴﻠﻪ ﺑﺄﻳﺪﻱ ﻭﻣﺎ ﻳﺮﻓﻠﻲ ﺟﻔﻦ .. ﻓﺎﺣﺘﺮﻣﻲ ﻣﻘﺎﻣﻨﻪ ﻭﺧﻠﻴﻨﻪ ﺑﻌﻴﻮﻧﺞ .. ﺍﺗﺤﻤﻠﻲ .
🌿🌿
ﺩﻧﻜﺖ ﺭﺍﺳﻲ ﺍﺑﺠﻲ ﺑﺤﺮﻛﻪ .. ﻣﺮ ﺍﺳﺒﻮﻉ ﻭﺍﻧﻲ ﻧﻔﺲ ﺣﺎﻟﺘﻲ ﺑﺲ ﺍﺑﺠﻲ .. ﻣﺎ ﻫﺪﺉ ﺑﺎﻟﻲ .. ﻭﺑﻜﺮ ﻳﺘﺼﻞ ﺑﻨﺠﻮﻯ ..
ﺗﻜﻮﻟﻪ ﻣﺎ ﺑﻴﻬﺎ ﺷﻲ .. ﺑﺲ ﺗﺮﻳﺪ ﺗﺒﻌﺪ ﺷﻮﻳﻪ ﻭﻣﻮﺑﺎﻳﻠﻬﺎ ﻋﺎﻓﺘﻪ .. ﻻﻥ ﺍﺣﻤﺪ ﻭﺍﺑﻮﻳﻪ ﺍﺗﺤﻠﻔﻮﻟﻬﺎ .. ﺑﺲ ﺗﺼﻴﺮ ﺯﻳﻨﻪ ﺗﺨﺎﺑﺮﻙ ..
ﻫﻮﻩ ﻳﻜﻠﻬﺎ ﻛﻠﺒﻲ ﻣﺎ ﻣﻄﻤﻦ ﻣﻮ ﻣﻦ ﻋﺎﺩﺕ ﺳﻤﺮ ﻳﻤﺮ ﺍﺳﺒﻮﻉ ﻭﻧﺺ ﺑﻬﻴﺞ ﺿﺮﻑ ﻭﻣﺎ ﺗﺨﺎﺑﺮﻧﻲ ﺍﻃﻤﻨﻲ ..
ﻛﺎﻟﺘﻠﻪ ﻟﺘﺨﺎﻑ ﺑﺲ ﺗﺼﻴﺮ ﺯﻳﻨﻪ ﺗﺨﺎﺑﺮﻙ ﻫﺴﻪ ﺍﻟﻮﺿﻊ ﻣﺘﻜﻬﺮﺏ ﻣﻦ ﻭﺭﻩ ﺍﻣﻚ ﻭﻣﺮﺗﻚ ﺍﺑﻮﻱ ﺣﻴﻞ ﻣﺘﻀﺎﻳﻖ ﻣﻨﻬﺎ ..
ﻛﺎﻳﻠﻠﻬﺎ ﻛﻮﻥ ﺍﺣﺪ ﺍﺫﺍﻫﺎ .. ﻛﺎﻳﻠﺘﻠﻪ ﻻﺍﺍ .. ﺍﻧﻲ ﺍﺳﻤﻌﻬﺎ ﻫﻴﺞ ﺗﺤﺠﻲ ﻭﺍﺗﺨﺒﻞ ﺑﺎﻟﺰﺍﻳﺪ .. ﺷﻴﺼﻴﺮ ﺑﻲ ﻟﻮ ﻋﺮﻑ ﻋﻘﺪ ﻋﻠﻴﻪ ﺭﺟﺎﻝ ﺛﺎﻧﻲ .. ﺍﻟﻠﻪ ﻳﻌﻴﻦ ﻛﻠﺒﻪ ﻭﻛﻠﺒﻲ ..
ﺍﺟﻪ ﻋﻤﺎﺭ ﻭﻛﺎﻝ ﻻﻣﻲ ﺑﺲ ﺍﺭﻳﺪ ﺍﺣﺠﻲ ﻭﻳﻪ ﺳﻤﺮ ﺷﻲ ﻗﺒﻞ ﺍﻟﺰﻭﺍﺝ .. ﺑﻌﺪ ﺟﺒﺮ ﻣﻦ ﺍﻣﻲ ﻭﺍﺣﻤﺪ ﻗﺒﻠﺖ ﺍﻛﻌﺪ ﻭﻳﺎﻩ ..
ﻛﻌﺪ ﻛﺒﺎﻟﻲ ﻭﻛﺎﻝ ﺷﺒﻴﺞ ﺳﻤﺮ ﺷﻮ ﺗﻌﺒﺎﻧﻪ .. ﻛﺘﻠﻪ ﻻ ﻣﺮﻳﻀﻪ ﻣﺎ ﺍﻟﻲ ﺧﻠﻚ ..
- ﺷﺒﻴﻬﺎ ﺍﺩﻳﺞ ..
- ﺍﻧﺠﺮﺣﺖ ..
- ﺳﻤﺮ ﺍﺭﻳﺪ ﺍﺣﺠﻲ ﻭﻳﺎﺝ ﺷﻲ ﻗﺒﻞ ﻣﻨﺪﺧﻞ ﺑﺎﻟﺰﻭﺍﺝ
- ﻛﻮﻭﻝ
- ﺳﻤﺮ ﻳﻤﻜﻦ ﻋﺮﻓﺘﻲ ﺍﻧﻲ ﻋﻨﺪﻱ 3 ﻃﻔﺎﻝ ..
- ﻫﺰﻳﺖ ﺭﺍﺳﻲ ﺍﻱ
- ﺍﺑﻨﻲ ﺍﻟﺠﺒﻴﺮ ﻋﺒﺪﻟﻠﻪ ﺧﺒﻞ
- ﻳﻌﻨﻲ ﺷﻨﻮ
- ﻳﻌﻨﻲ ﻣﺠﻨﻮﻥ
- ﺑﺲ
- ﺍﻳﻴﻲ ﻣﺠﻨﻮﻥ ﻳﻌﻨﻲ ﻓﺎﻗﺪ ﻋﻘﻠﻪ ﺭﺳﻤﻲ .. ﻭﻣﻦ ﺟﺒﻨﺎﻩ ﻫﻮﻩ ﻫﻴﺞ ﻣﻮ ﻋﺎﻗﻞ ..
- ﺧﻮﻣﺎ ﺗﺮﻳﺪﻧﻲ ﺍﻋﺘﻨﻲ ﺑﻴﻪ
- ﻻﺍﺍﻝ ﻣﻮ ﻫﻴﺞ ﺍﺑﺪ .. ﺑﺲ ﺭﺩﺕ ﺍﻧﻄﻴﺞ ﻋﻠﻢ ﺑﻬﻠﺸﻲ ﺧﺎﻑ ﺗﺸﻮﻓﻴﻪ ﻭﺗﻜﻮﻟﻴﻦ ﻟﻴﺶ ﻣﻜﺘﻠﻲ ﺑﻴﻪ ..
- ﺯﻳﻦ ﺍﻣﻪ ﻟﻴﺶ ﺍﻃﻠﻜﺖ ﻭﻋﺎﻓﺖ ﺍﺑﻨﻬﺎ ﺍﻟﻤﺠﻨﻮﻥ
- ﻫﺒﻪ ﺑﻤﺠﺮﺩ ﻣﺎ ﻗﺪﻣﺖ ﻋﻠﻰ ﻭﺿﻴﻔﻪ ﻭﻛﺎﻟﻮ ﻗﺒﻠﻮﻫﺎ .. ﺷﻤﺮﺕ ﺍﻻﻃﻔﺎﻝ ﻋﻠﻴﻪ ﻭﻛﺎﻟﺖ ﺟﻬﺎﻟﻚ ﺍﻧﺘﻪ ﺗﺤﻤﻠﻬﻢ ﺍﺭﻳﺪ ﺍﺷﻮﻑ ﻧﻔﺴﻲ ..
ﻋﺒﺎﻟﻬﺎ ﻣﻦ ﺗﻮﺿﻔﺖ ﺭﺍﺡ ﺍﻛﻌﺪ ﻭﺍﺧﻠﻴﻬﺎ ﺗﺼﺮﻑ ﻋﻠﻴﻪ ﻭﻋﻠﻰ ﺍﻃﻔﺎﻟﻲ .. ﻻﻥ ﺑﻮﻛﺘﻬﺎ ﺟﻨﺖ ﻣﺘﺨﺮﺝ ﺟﺪﻳﺪ .. ﻟﻬﻴﺞ ﻋﺎﻓﺘﻨﻲ
- ﻭﻫﺴﻪ
- ﻣﺎﻛﻮ ﻫﺴﻪ ﺍﻧﻲ ﻟﻌﺒﺖ ﻧﻔﺴﻲ ﻣﻨﻬﺎ .. ﻛﺎﻟﻮﻟﻲ ﺭﺟﻌﻬﺎ ﻻﻥ ﺑﻌﺪ ﺍﻃﻠﻜﺖ ﺳﺒﺤﺎﻥ ﺍﻟﻠﻪ ﻃﻠﻌﺖ ﻣﻌﺎﻣﻠﺔ ﺍﻟﺘﻌﺒﻴﻦ ﻣﺰﻭﺭﻩ ﻭﻣﺎ ﺍﻧﻘﺒﻠﺖ ﻭﻟﻠﻴﻮﻡ ﻫﻴﻪ ﺑﺪﻭﻥ ﺗﻌﻴﻴﻦ
ﻫﻮﺍﻱ ﻧﺎﺱ ﺍﺩﺧﻠﺖ ﻭﺭﺍﺩﺕ ﺗﺼﻠﺢ ﺑﻴﻨﻪ .. ﺑﺲ ﺍﻧﻲ ﺟﺰﺕ ﺭﻭﺣﻲ ﻣﻨﻬﺎ
- ﻋﻤﺎﺭ ﺧﻞ ﺍﻛﻮﻥ ﺻﺮﻳﺤﻪ ﻭﻳﺎﻙ .. ﺍﻧﻲ ﺗﺮﺑﻴﺔ ﺍﻃﻔﺎﻝ ﻣﺎ ﺍﺗﺤﻤﻞ .. ﻭﺷﻐﻠﻲ ﻣﺎ ﺍﻋﻮﻓﻪ .. ﺗﻘﺒﻞ ﺑﻮﺿﻌﻲ؟؟
- ﺳﺖ ﺳﻤﺮ ﺍﻧﻲ ﺍﺗﻘﺪﻣﺘﻠﺞ ﻭﺍﻧﺘﻲ ﻣﺪﺭﺳﻪ ﻳﻌﻨﻲ ﻃﺒﻌﺎ ﻗﺎﺑﻞ
- ﻳﺎﺭﻳﺖ ﺗﻜﻮﻝ ﺳﻤﺮ .. ﺗﺒﻄﻞ ﻛﻠﻤﺔ ﺳﺖ
- ﻫﻬﻬﻪ ﺍﺩﻟﻠﻲ ﻳﺠﺮﺍﻟﺞ ﻳﺎﺑﻪ ﺑﺲ ﺧﻞ ﺍﺷﻮﻑ ﺿﺤﻜﻪ ﺷﻨﻮ ﺟﻨﺖ ﻣﻨﺠﻦ ﺑﺮﺻﻌﺎﺗﺞ ﻣﻦ ﺗﻀﺤﻜﻴﻦ ﺷﻮ ﺍﻧﻲ ﺍﺧﺬﺗﺞ ﻭﺿﺤﻜﺘﺞ ﺭﺍﺣﺖ ﺷﻮﻓﻴﻨﻴﺎﻫﺎ ..
ﺗﺮﻩ ﺍﻧﺘﻲ ﺣﻼﻟﻲ ﻫﺴﻪ .. ﻣﻦ ﻛﺎﻝ ﻫﺎﻱ ﺍﻟﻜﻠﻤﻪ .. ﺑﻮﺩﻱ ﺍﻛﻮﻡ ﺍﻛﺘﻠﻪ ﻭﺍﺻﺮﺥ ﺍﻧﻲ ﻣﻮ ﺣﻼﻟﻚ .. ﺑﺲ ﺍﻟﻮﺍﻗﻊ ﻫﻮﻩ ﺍﻟﻤﺼﺒﺮﻧﻲ ..
ﻛﻤﺖ ﻣﻦ ﻳﻤﻪ ﻭﻛﺘﻠﻪ ﺗﻠﺤﻚ ﺗﺸﻮﻑ ﺿﺤﻜﺘﻲ .. ﻋﻨﺪﻙ ﺷﻲ ﺑﻌﺪ ﻋﻤﺎﺭ ﻻﻥ ﺗﻌﺒﺎﻧﻪ ﻭﺍﺭﻳﺪ ﺍﻧﺎﻡ
- ﻻﺍﺍ ﺍﺧﺬﻱ ﺭﺍﺣﺘﺞ ..
- ﺍﺷﻮﻓﻚ ﺑﺨﻴﺮ .. ﻋﻔﺘﻪ ﻭﻃﻠﻌﺖ .. ﻳﺎﺭﺑﻲ ﺍﺧﺘﻨﻚ ﻣﻨﻪ ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻩ ﺷﻮﺭﻃﺖ ﻧﻔﺴﻲ ﺑﺸﻐﻠﻪ ﺍﻧﻲ ﻣﻮ ﻛﺪﻫﺎ .
ﻣﺮﺕ ﺍﻻﻳﺎﻡ ﺑﻴﻦ ﺍﻟﺤﺰﻥ ﻭﺍﻟﺒﺠﻲ .. ﻣﺎ ﻗﺒﻠﺖ ﻳﺴﻮﻥ ﺣﻔﻠﻪ ﺍﻭ ﻋﺮﺱ ﺿﺨﻢ .. ﻋﻠﻰ ﻛﺪ ﺍﻟﺰﻓﻪ ..
ﺭﺣﺖ ﻟﻠﺼﺎﻟﻮﻥ ﺟﻦ ﺩﻳﺤﻈﺮﻭﻧﻲ ﻟﻤﻮﺗﻲ ﻣﻮ ﻟﻌﺮﺳﻲ ﺍﻡ ﺍﻟﺼﺎﻟﻮﻥ ﺗﺨﻠﻲ ﻣﻜﻴﺎﺝ ﻭﺩﻣﻮﻋﻲ ﻳﺠﺮﻥ .. ﻭﻛﻞ ﺳﺎﻉ ﺗﺘﺬﻣﺮ ﻭﺗﺼﻴﺢ ﻭﺗﻜﻮﻝ ﻣﻴﺼﻴﺮ ﻫﻴﺞ
ﺣﺎﺟﻮﻫﺎ ﺍﺭﻳﺪ ﺍﻛﻤﻞ .. ﻛﻮﻩ ﺻﺒﺮﺕ ﻛﻤﻠﺖ ﺍﻟﻤﻜﻴﺎﺝ .. ﻭﺍﻟﺒﺪﻟﻪ .. ﺣﺘﻰ ﻣﺎ ﺑﺎﻭﻋﺖ ﻟﺮﻭﺣﻲ ﻭﺷﻔﺖ ﻧﻔﺴﻲ ﺣﻠﻮﻩ ﻟﻮ ﻻ ..
ﺍﺣﺲ ﻻﺑﺴﻪ ﻛﻔﻦ ﻛﻮ ﺑﺪﻟﺔ ﻋﺮﺱ ﺑﻴﻀﻪ .. ﺍﺟﻪ ﺍﺣﻤﺪ ﺍﺧﺬﻧﻲ ﺍﻣﻲ ﻭﻧﺠﻮﻯ ﻟﻠﺒﻴﺖ .. ﺧﺎﻻﺗﻲ ﺟﺎﻧﻦ ﻣﻮﺟﻮﺩﺍﺕ ..
ﻭﻋﻤﺎﺗﻲ ﻭﺍﻟﻴﻜﺘﻠﻨﻲ ﺑﻜﻞ ﻋﻴﻦ ﺻﻠﻔﻪ ﻋﻤﺘﻲ ﺳﺎﻣﻴﻪ ﻭﺭﻧﺎ ﻭﺍﻛﻔﺎﺕ ﺑﺎﻟﻌﺮﺱ .. ﺍﺣﺲ ﻳﺘﺸﻤﺘﻮﻥ ﺑﺪﻣﻮﻋﻲ ..
ﻛﺎﻋﺪﻩ ﺑﻴﺌﺲ ﻭﺍﺟﺖ ﻧﺠﻮﻯ ﺗﻀﺮﺏ ﻋﻠﻰ ﺧﺪﻫﺎ .. ﻛﺘﻠﻬﺎ ﺷﻜﻮ .. ﻛﺎﻟﺖ ﺷﻜﻮﻟﺞ ﺳﻤﺮ ﺑﺲ ﻻ ﺗﺼﻴﺮ ﻣﺼﻴﺒﻪ ..
ﻛﺘﻠﻬﺎ ﺷﻜﻮ ﻛﻮﻟﻲ .. ﻛﺎﻟﺖ ﺑﻜﺮ ﻣﺨﺎﺑﺮ ﻋﻠﻴﻪ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﻭﻣﺮﺍﺩﻩ ﻋﻠﻴﻪ ﺭﺍﺟﻊ ﻣﺨﺎﺑﺮ ﻣﺎﺯﻥ .. ﻭﻣﺎﺯﻥ ﻋﺒﺎﻟﻪ ﺍﻧﺘﻮ ﺍﻧﻔﺼﻠﺘﻮ ﻭﺳﺎﺋﻠﻪ ﻋﻠﻴﺞ ﺑﻜﺮ
ﻭﻛﺎﻳﻠﻪ ﺷﻨﻮ ﻣﺘﺪﺭﻱ ﺍﻟﻴﻮﻡ ﻋﺮﺱ ﺳﻤﺮ .. ﺑﻜﺮ ﻣﺎ ﻣﺼﺪﻛﻪ ﻳﻜﻠﻪ ﻻ ﺳﻤﺮ ﻣﺎ ﺗﻌﻮﻓﻨﻲ ﺍﻋﺮﻓﻬﺎ ﺍﻧﺘﻪ ﻓﺎﻫﻢ ﻏﻠﻂ .. ﻭﻣﺘﺨﺒﻞ ﻭﻗﺎﻓﻠﻪ ﺑﻮﺟﻪ ﻣﺎﺯﻥ ..
ﻛﺘﻠﻬﺎ ﻣﺼﻴﺒﻪ ﻳﺎ ﺍﻟﻠﻪ ﺑﺲ ﻻ ﻳﺠﻲ ﻭﻳﻪ ﺟﻴﺔ ﺍﻟﺰﻓﻪ .. ﺣﺎﺟﻲ ﺍﻣﻲ ﻛﻮﻟﻲ ﻻﺣﻤﺪ .. ﺭﺍﺡ ﻳﺘﺨﺒﻞ ﺍﻋﺮﻓﻪ ..
ﺑﻌﺪﻧﻲ ﺟﺎﻱ ﺍﺣﺠﻲ ﻭﻳﻪ ﻧﺠﻮﻯ ﻭﺍﺳﻤﻊ ﺻﻮﺕ ﺍﻟﺮﻣﻲ ﺣﺮﻙ ﺍﻟﺠﻮ
- ﻭﻟﺞ ﺳﻤﺮﺭﺭﺭﺭﺭﺭﺭ ﺗﻌﻮﻓﻴﻨﻲ ﺳﻤﺮﺭﺭﺭﺭﺭﺭﺭ ﺍﻟﻴﻮﻡ ﺍﺣﺮﻙ ﺍﻟﺪﻧﻴﺎ ﻋﻠﻴﺞ ﻭﺍﻟﻠﻪ ﺳﻤﺮﺭﺭﺭﺭﺭﺭ
ﻭﻟﺞ ﻃﻔﻞ ﺍﻧﻪ ﻋﻨﺪﺝ ﺍﻧﻲ ﺗﻠﻌﺒﻴﻦ ﺑﻜﻠﺒﻲ ﻭﺗﺸﻤﺮﻳﻨﻲ .. ﻭﻟﺞ ﺗﺘﺰﻭﺟﻴﻦ ﻏﻴﺮﻱ ﺳﻤﺮﺭﺭﺭﺭ
- ﻃﻠﻌﻮﻟﻪ ﻋﻤﺎﻣﻲ ﻛﻠﻬﻢ ﻳﺼﻴﺤﻮﻥ ﻋﻠﻴﻪ .. ﺑﺲ ﺧﺎﻓﻮ ﻳﺘﻘﺮﺑﻮﻟﻪ ﺣﺎﻟﺘﻪ ﻣﺘﻬﺴﺘﺮﻩ ﻭﺳﻼﺡ ﺑﻴﺪﻩ ﻣﻮﺟﻪ ﻋﻠﻴﻬﻢ
ﻭﻳﺼﻴﺢ ﻃﻠﻌﻮﻭﻭﻭﻭﻭﻫﺎ ﺍﻟﻴﻪ ﻃﻠﻌﻮﻭﻭﻭﻭﻫﺎ .. ﻭﻣﺤﻤﺪ ﺍﺳﻮﻱ ﺩﻡ ﻣﻮ ﻋﺮﺱ ﻃﻠﻌﻮﻫﺎﺍﺍﺍﺍﺍ
ﺣﺠﻮ ﻭﻳﺎﻩ ﻋﻤﺎﻣﻲ .. ﺍﻫﺪﺉ ﻻ ﺗﺘﺨﺒﻞ ﺧﻠﻲ ﺍﻟﺒﻨﻴﻪ ﺗﺮﻭﺡ ﻟﺤﺎﻝ ﺳﺒﻴﻠﻬﺎ ..
- ﻭﻟﻜﻢ ﻳﺎ ﺳﺒﻴﻞ ﻫﺬﺍﺍﺍﺍﺍﺍﺍﺍﺍ .. ﻭﻟﻜﻢ ﺩﺍﺭﻳﺘﻬﺎ ﺑﻤﺎﻱ ﻋﻴﻮﻧﻲ .. ﻭﻟﻜﻢ ﻛﺘﻠﺖ ﺍﺧﻮﻱ ﺍﺑﻦ ﺍﻣﻲ ﻭﺍﺑﻮﻱ ﻭﺧﻠﻴﺖ ﺩﻣﻪ ﺑﻄﻮﻟﻪ ﻻﻥ ﻳﺄﺫﻳﻬﺎ ﻭ ﺍﻟﻴﻮﻡ ﺗﺨﻮﻧﻴﻴﻴﻴﻴﻴﻴﻲ
ﺗﻌﺮﺱ ﻭﺗﺼﻴﺮ ﺑﺤﻈﻦ ﻏﻴﺮﻱ .. ﻭﺝ ﺳﻤﺮ ﺟﺮﺑﻲ ﺍﻃﻠﻌﻲ ﻭﻣﺤﻤﺪ ﻫﻨﺎ ﻭﺍﻛﻔﻠﺞ ﻃﻠﻘﻪ ﺑﺮﺍﺳﺞ ﺍﻣﻮﺗﺞ ﻭﺍﻣﻮﺕ ﺭﻭﺣﻲ ﻭﺭﺍﺝ ....... ﻳﺘﺒﻊ
🌺🌺🌺🌺🌺
ﻣﻮ ﻋﻠﻰ ﻛﻴﻔﻚ ﺣﺒﻴﺒﻲ .. ﺗﺒﺘﻌﺪ ﻭﺗﺨﻮﻥ ﻭﻋﺪﻙ 👎😔
ﻭﺍﻟﻠﻪ ﻟﻮ ﺣﺒﻴﺖ ﻏﻴﺮﻱ .. ﺍﻛﺘﻠﻚ ﻭﺍﻣﻮﺕ ﺑﻌﺪﻙ 💔🔪
ﺍﻭﻑ ﺷﻜﺪ ﺑﺠﻴﺖ ﻭﺍﻧﻲ ﺍﻛﺘﺐ .. ﺍﻟﻠﻪ ﻳﻌﻴﻨﻬﻢ ﺛﻨﻴﻨﻬﻢ ﺻﺢ ﺣﺒﻬﻢ ﻏﻠﻂ .. ﺑﺲ ﺛﻤﻦ ﻏﻠﻄﻬﻢ ﻏﺎﻟﻲ ﺟﺪﺍ ..
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﺷﻴﻘﻪ ..
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق