رواية حكاية سمر ج2 الجزء الرابع عشر

رواية حكاية سمر ج2 الجزء الرابع عشر 

للكاتبة زينب ماجد 

🌿🌿🌿

ﺑﻜﺮ .. ﻭﻟﻜﻢ ﺩﺍﺭﻳﺘﻬﺎ ﺑﻤﺎﻱ ﻋﻴﻮﻧﻲ .. ﻭﻟﻜﻢ ﻛﺘﻠﺖ ﺍﺧﻮﻱ ﺍﺑﻦ ﺍﻣﻲ ﻭﺍﺑﻮﻱ ﻭﺧﻠﻴﺖ ﺩﻣﻪ ﺑﻄﻮﻟﻪ ﻻﻥ ﻳﺄﺫﻳﻬﺎ ﻭ ﺍﻟﻴﻮﻡ ﺗﺨﻮﻧﻴﻴﻴﻴﻴﻴﻴﻲ

ﺗﻌﺮﺱ ﻭﺗﺼﻴﺮ ﺑﺤﻈﻦ ﻏﻴﺮﻱ .. ﻭﺝ ﺳﻤﺮ ﺟﺮﺑﻲ ﺍﻃﻠﻌﻲ ﻭﻣﺤﻤﺪ ﻫﻨﺎ ﻭﺍﻛﻔﻠﺞ ﻃﻠﻘﻪ ﺑﺮﺍﺳﺞ ﺍﻣﻮﺗﺞ ﻭﺍﻣﻮﺕ ﺭﻭﺣﻲ ﻭﺭﺍﺝ ..

ﺳﻤﺮ .. ﺍﺳﻤﻌﻪ ﻳﺤﺠﻲ ﻭﻳﺼﻴﺢ ﻓﺮﻓﺢ ﻛﻠﺒﻲ ﻋﻠﻴﻪ .. ﺍﺥ ﺍﻟﻠﻪ ﻣﺸﺘﺎﻗﻪ ﺣﺘﻰ ﻟﺼﻮﺗﻪ ﻭﺍﻟﻠﻪ ﻣﺎ ﺍﻛﺪﺭ ﺍﻋﻮﻓﻪ ..

ﻳﻮﻭﻭﻡ ﻓﺪﻭﻩ ﻣﺎ ﺍﺭﻳﺪ ﺍﺗﺰﻭﺝ ﻋﻮﻓﻮﻧﻲ ﻣﺎ ﺍﺭﻳﺪ .. ﺍﻟﻠﻪ ﻳﺨﻠﻴﻜﻢ ﻋﻮﻓﻮﻧﻲ ..

- ﺍﺷﺸﺸﺶ ﺳﻜﺘﻲ ﻧﻔﺲ ﻭﺍﺣﺪ ﻣﺎ ﺍﺭﻳﺪ ﻻ ﺗﻔﻀﺤﻴﻨﻪ

- ﺷﻔﻀﺢ ﺍﻛﺜﺮ ﻣﻦ ﺍﻟﻠﻲ ﺩﺗﺴﻤﻌﻮﻩ ﺣﺮﺍﻡ ﻋﻠﻴﻜﻢ ﺷﺴﻮﻳﻨﻪ .. ﺩﺍ ﺍﺣﺠﻲ ﻭﺷﻔﺖ ﺍﺣﻤﺪ ﻻﺯﻡ ﺍﻟﺴﻼﺡ ﻭﻧﺎﺯﻝ ..

ﺭﻛﻀﺖ ﻛﺪﺍﻣﻪ ﻣﺎ ﺍﺧﻠﻴﻚ ﺗﻜﺘﻠﻪ ﻣﺎ ﺍﺧﻠﻴﻚ

- ﻭﺧﺮﻱ ﻟﺠﺠﺠﺠﺞ

- ﺩﻓﻌﻨﻲ ﻭﺷﻤﺮﻧﻲ ﻭﻳﺮﻳﺪ ﻳﻄﻠﻊ ﻟﺒﻜﺮ .. ﺍﺭﻳﺪ ﺍﻃﻠﻊ ﻭﺭﺍﻩ ﻟﺰﻣﺘﻨﻲ ﺍﻣﻲ ﻭﺧﺎﻻﺗﻲ

ﺭﺍﺡ ﻳﻜﺘﻠﻮﻭﻭﻭﻭﻩ ﺣﺮﺍﻡ ﻋﻠﻴﻜﻢ ﺣﺮﺍﻡ .. ﺍﻣﻲ ﺗﺼﻴﺢ ﻭﺍﺧﻼﺗﻲ ﻻﺯﻣﻴﻨﻲ ﻣﺎ ﺍﺭﻳﺪ ﺍﺗﺰﻭﺝ ﻋﻮﻓﻮﻧﻲ ﻣﺎ ﺍﺭﻳﻴﻴﻴﻴﺪ

ﻋﻤﺎﻣﻲ ﻻﺯﻣﻴﻦ ﺍﺣﻤﺪ ﻭﻣﻨﻌﻮﻩ ﻳﻄﻠﻊ .. ﻭﺑﻘﻮ ﻋﻤﺎﻣﻲ ﻳﺘﺼﺎﻳﺤﻮﻥ ﻭﻳﻪ ﺑﻜﺮ ﻭﻫﻮﻩ ﻳﺼﻴﺢ ﻭﻟﻜﻢ ﻣﺎ ﺍﻛﺘﻠﻬﺎ ﻭﺍﺭﻭﺡ ﻭﺍﻟﻠﻪ ﺑﺲ ﺧﻞ ﺗﻔﻬﻨﻲ ﻟﻴﺶ ﻫﻴﺞ ﺳﻮﺕ ﺑﻴﻪ ..

ﻛﻠﻤﺎﺗﻪ ﻣﺜﻞ ﺍﻟﻨﺎﺭ ﻋﻠﻰ ﻛﻠﺒﻲ .. ﺑﻘﻴﺖ ﺍﺑﺠﻲ ﺑﺤﺮﻛﻪ .. ﻭﺍﻟﻠﻪ ﻣﻮ ﺑﻴﺪﻱ ﻭﺍﻟﻠﻪ ﺍﻧﻲ ﺍﺩﻣﺮﺕ ﺍﻛﺜﺮ ﻣﻨﻪ .. ﻋﻮﻓﻮﻧﻲ ﻣﺎ ﺍﺭﻳﺪ ﺑﻌﺪ ﻣﺎ ﺍﺭﻳﺪ ..

ﻋﻤﺎﻣﻲ ﺩﺍﻳﺮﻳﻦ ﻋﻠﻰ ﺑﻜﺮ ﻻﺯﻣﻴﻪ ﻣﻦ ﻭﺭﻩ ﻭﻣﺎﺧﺬﻳﻦ ﺍﻟﺴﻼﺡ ﻣﻨﻪ .. ﻭﻣﺎﺧﺬﻳﻪ ﺑﺎﻟﺴﻴﺎﺭﻩ ..

ﻛﻌﺪﺕ ﺍﺑﺠﻲ ﺍﺗﻨﺪﻣﺖ ﻋﻞ ﺍﻟﺴﺎﻋﻪ ﺍﻟﺤﺒﻴﺘﻪ ﺑﻴﻬﺎ ﻭﺩﻣﺮﺗﻪ ﻭﺩﻣﺮﺕ ﻧﻔﺴﻲ .. ﺟﻨﺖ ﺍﻋﺮﻑ ﻫﺬﺍ ﺍﻟﺰﻭﺍﺝ ﻣﻴﺼﻴﺮ ﻭﻫﻴﺞ ﻣﻤﻨﻮﻉ ﻟﻴﺶ ﺟﺎﺯﻓﺖ ﻭﺣﺒﻴﺖ ..

ﻭﻳﻦ ﺟﺎﻥ ﻋﻘﻠﻲ ﻣﻦ ﺣﺒﻴﺘﻪ .. ﻟﻴﺶ ﻣﺎ ﻓﻜﺮﺕ .. ﻟﻴﺶ ﻣﺎ ﺍﺧﺬﺕ ﺑﻨﺼﻴﺤﺔ ﻣﻦ ﻛﺎﻟﺖ ﻻ ﺗﺸﻤﺮﻳﻦ ﺭﻭﺣﺞ ﺑﺎﻟﻨﺎﺭ ..

ﻭﺍﻧﻲ ﺷﻤﺮﺗﻬﺎ ﺑﻜﻞ ﻏﺒﺎﺀ ﻭﺣﺮﻛﺘﻪ ﻭﺣﺮﻛﺖ ﺭﻭﺣﻲ .. ﻳﺎ ﺍﻻﻩ ﻣﻮﺗﻨﻲ ﻣﺎ ﺟﺎﻱ ﺍﺗﺤﻤﻞ ..

ﺍﻧﻮﺏ ﺍﻟﻤﺸﻜﻠﻪ ﻛﻠﻬﺎ ﺩﺭﺕ ﺑﻬﻠﻌﻼﻗﻪ .. ﺑﺲ ﺑﻘﻮ ﺳﺎﻛﺘﻴﻦ .. ﻛﺎﻟﻮ ﺳﺘﺮﻭ ﻋﻠﺴﺎﻟﻔﻪ ﻭﻋﺪﻟﻮ ﻭﺟﻬﺎ ﻭﺧﻞ ﺗﺮﻭﺡ ﺑﺰﻓﺘﻬﺎ ..

ﻋﺪﻟﺖ ﻧﺠﻮﻯ ﻣﻜﻴﺎﺟﻲ .. ﻭﻛﻮﻩ ﺍﺩﺍﺭﻱ ﻋﻴﻮﻧﻲ ﻣﻦ ﺩﻣﻮﻋﻲ ﻭﺍﻣﺴﺢ .. ﺍﺟﻪ ﺍﺑﻮﻳﻪ ﻳﻤﻲ ﻛﻌﺪ ﻛﺪﺍﻣﻲ ..

ﺷﻤﺮﺕ ﻧﻔﺴﻲ ﺑﺤﻈﻨﻪ ﻗﺒﻞ ﻣﺎ ﻳﺤﺠﻲ .. ﺑﺎﺑﺎ ﺟﺎﻱ ﺍﻣﻮﻭﻭﺕ ﺑﺎﺑﺎ ﻛﻠﺒﻲ ﺍﺣﺴﻪ ﻧﺎﺭ ﺗﻌﺒﺖ ..

- ﺍﻋﺮﻑ ﺷﺠﺎﻱ ﺗﺤﺴﻴﻦ ﻭﻣﻘﺪﺭ ﺗﻀﺤﻴﺘﺞ .. ﺍﻧﻲ ﻫﻢ ﺟﻨﺖ ﺷﺎﺏ ﻭﻣﺎﺭ ﺑﻬﺎﻱ ﺍﻟﻤﺸﺎﻋﺮ

ﺑﺲ ﺑﺎﺑﺎﺗﻲ ﻛﺒﺮﻧﻪ ﻭﻋﺮﻓﻨﻪ ﺍﻟﺪﻧﻴﺎ ﻣﻮ ﺑﺲ ﺣﺐ .. ﻫﻮﺍﻱ ﺍﻛﻮ ﻋﻼﻗﺎﺕ ﺍﻫﻢ ﻣﻦ ﺍﻟﻤﺸﺎﻋﺮ ﻭﺍﻟﺤﺐ ..

ﺍﻧﺘﻮ ﻫﺴﻪ ﺷﺒﺎﺏ ﻭﻋﻘﻮﻟﻜﻢ ﻣﺤﺪﻭﺩﻩ ﺑﻬﺬﺍ ﺍﻟﺸﻲ .. ﺑﺲ ﻣﻦ ﺗﻜﺒﺮﻭﻥ ﺍﺩﺭﻛﻮﻥ ﺍﻟﺤﻴﺎﺓ ﺍﻛﺜﺮ

ﺍﻛﻮ ﺍﺷﻴﺎﺀ ﻣﻮ ﻻﺯﻡ ﻧﺘﺨﻄﺎﻫﺎ .. ﺑﺎﺑﺎ ﺍﺣﻨﻪ ﻣﻦ ﻧﻤﻨﻌﻜﻢ ﻣﻦ ﺍﺧﻄﺎﺋﻨﺎ ﻣﻮ ﻻﻥ ﺍﻧﺎﻧﻴﻴﻦ ﻭﻣﻨﺮﻳﺪﻟﻜﻦ ﺍﻟﺨﻴﺮ

🌿

ﺑﺲ ﻻﻥ ﻧﺤﺒﻜﻢ ﻭﻣﺎ ﻧﺮﻳﺪﻛﻢ ﺗﺘﺄﺫﻭﻥ ﻣﺜﻞ ﻣﺘﺄﺫﻳﻨﻪ .. ﺑﺎﺑﺎ ﺍﻟﻴﻤﺸﻲ ﻋﻜﺲ ﺍﻟﺴﻴﺮ ﻳﺘﻌﺐ .. ﻭﻣﺠﺘﻤﻌﻨﻪ ﺻﻌﺐ ﻣﺎ ﻧﻜﺪﺭ ﻧﻮﺍﺟﻬﻪ ..

ﻭﻣﺴﺘﺤﻴﻞ ﻧﻜﺪﺭ ﻧﻐﻴﺮﻩ .. ﺍﻧﺒﻴﺎﺀ ﺍﻟﻠﻪ ﻋﺠﺰﺕ ﻋﻦ ﺗﻐﻴﺮ ﺍﻟﻤﺠﺘﻤﻌﺎﺕ ﻭﻏﻀﺐ ﺍﻟﻠﻪ ﻋﻠﻴﻬﻢ ﻭﺩﻣﺮﻫﻬﻢ ..

ﻭﻫﺴﻪ ﻣﺠﺘﻤﻌﻨﻪ ﺑﺎﺑﺎ ﻫﻢ ﺗﻌﺐ ﻭﻣﺎ ﻳﻨﺼﻠﺢ ﺍﻻ ﻳﻄﻠﻊ ﺷﺨﺺ ﺣﺎﻛﻢ ﻣﺜﻞ ﻧﺒﻴﻨﺎ ﻣﺤﻤﺪ ﻳﻜﺪﺭ ﻳﻐﻴﺮ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻠﻲ ﺗﻮﺍﺭﺛﻨﺎﻫﺎ ..

ﺑﻨﺘﻲ ﺍﺻﺒﺮﻱ .. ﻭﺍﺩﻋﻲ ﻣﻦ ﺍﻟﻠﻪ ﻳﺎ ﺑﻮﻳﻪ ﻳﻮﻓﻘﺞ ﻭ ﻳﻮﻛﻒ ﻭﻳﺎﺝ .. ﺟﺎﻱ ﻳﺤﺠﻲ ﻭﺍﻧﻲ ﺍﺑﺠﻲ .. ﻛﺎﻟﻮ ﺍﺟﺖ ﺍﻟﺰﻓﻪ

ﺍﺣﺲ ﻭﻛﻒ ﻛﻠﺒﻲ .. ﻋﻤﻲ ﺍﻟﺜﺎﻧﻲ ﻛﺎﻝ ﻫﺬﺍ ﺑﻌﺪﻩ ﻣﻮﺟﻮﺩ ﺑﻜﺮ .. ﻛﺎﻟﻪ ﺍﻟﺜﺎﻧﻲ .. ﻣﺎ ﻳﺴﻮﻱ ﺷﻲ ﻻ ﺗﺨﺎﻑ ﺣﻠﻒ ﻣﺎ ﻳﺘﻘﺮﺏ ﻛﺎﻝ ﺑﺲ ﺍﺷﻮﻓﻬﺎ ..

ﻳﺤﺠﻮﻥ ﻫﻴﺞ ﻳﺮﺑﻲ ﺍﻧﻲ ﺷﻴﻀﻞ ﺑﻜﻠﺒﻲ .. ﺍﻛﺪﺭ ﺍﻃﻠﻊ ﻛﺪﺍﻣﻪ ﻭﺍﻣﺸﻲ ﻭﻳﻪ ﻏﻴﺮﻩ .. ﺍﺧﺨﺨﺦ ﺭﺑﻲ ﺍﺭﺣﻤﻨﻲ ..

ﻣﺴﺤﺖ ﺩﻣﻮﻋﻲ .. ﻭﺩﺧﻞ ﻋﻤﺎﺭ ﻭﻫﻤﻪ ﻳﺼﻴﺤﻮﻥ ﻫﺎﻱ ﺍﻟﺮﺍﺩﻫﺎ ﻭﻫﺎﻱ ﺍﻟﺘﻤﻨﺎﻫﺎ .. ﺑﺲ ﺍﻧﻲ ﻣﺎ ﺭﺍﻳﺪﺗﻪ ﻭﺍﻟﻠﻪ ..

ﻛﻌﺪ ﻳﻤﻲ .. ﺑﻘﻮ ﻳﺼﻔﻤﻮﻥ .. ﺍﻧﻲ ﻣﺪﻧﻜﻪ ﺍﺑﺪ ﻣﺎ ﺷﻠﺖ ﻋﻴﻨﻲ .. ﻫﻤﺲ ﺑﺄﺫﻧﻲ ﻫﺎ ﻳﺤﻠﻮﻩ ﺷﺒﻴﺞ .. ﻟﻴﺶ ﺗﺒﺠﻴﻦ ..

ﻛﺘﻠﻪ ﺩﺍ ﺍﺑﺠﻲ ﻋﻠﻰ ﺍﻣﻲ ﺭﺍﺡ ﺗﺒﻘﻰ ﻭﺣﺪﻩ .. ﻛﺎﻝ ﻭﺍﻟﻠﻪ ﺷﻮﻛﺖ ﻣﻴﻌﺠﺐ ﺗﻌﺎﻱ ﺍﻟﻬﻢ ﺑﺲ ﺑﻼﻫﺎ ﺩﻣﻮﻋﺞ ..

ﻫﺰﻳﺖ ﺭﺍﺳﻲ . ﺷﻮﻱ ﻭﻛﻮﻣﻮﻧﻪ .. ﺍﺣﺲ ﺭﺟﻠﻴﻪ ﻛﻮﻩ ﺷﺎﻳﻠﺘﻨﻲ .. ﻟﺰﻡ ﺍﻳﺪﻱ ﻋﻤﺎﺭ ﻭﻃﻠﻌﺖ .. ﻟﻜﻴﺖ ﺑﻜﺮ ﻭﺍﻛﻒ ﺑﻌﻴﺪ

ﻭﻓﺎﺗﺢ ﺑﺎﺏ ﺳﻴﺎﺭﺗﻪ ﻭﻣﻨﺘﺠﻲ ﻋﻠﻴﻬﺎ ﻭﻣﺨﻠﻲ ﺍﻳﺪﻩ ﻋﻠﻰ ﺭﺍﺳﻪ .. ﺍﻭﻭﻭﻑ ﺭﺑﻲ ﻛﻠﻪ ﻋﻤﺮﻱ ﻣﺎ ﺍﻧﺴﻰ ﻫﺎﻱ ﻭﻛﻔﺘﻪ ﻭﺍﻧﻜﺴﺮﻩ .

ﺍﺣﺲ ﺩﻣﺮﺗﻪ ﻭﺩﻣﺮﺕ ﺭﻭﺣﻲ ﺑﺲ ﻣﺎ ﺑﻴﺪﻱ ﺣﻴﻠﻪ .. ﻣﺎ ﺍﻛﺪﺭ ﺍﺳﻮﻱ ﻛﻮﻟﺸﻲ .. ﺻﻌﺪﺕ ﺍﻟﺴﻴﺎﺭﻩ ﻭﻋﻴﻮﻧﻲ ﺗﺮﺍﻗﺒﻪ ..

ﻛﺎﻣﺖ ﻋﻴﻮﻧﻪ ﺗﺠﺮﻱ ﻭﻫﻮﻩ ﻳﺒﺎﻭﻋﻠﻲ .. ﺍﺣﺲ ﺑﻴﻬﺎ ﻋﺘﺐ ﻫﻮﻭﻭﺍﻱ ﻭﻛﻮﻣﻪ ﺟﺮﻭﺡ .. ﺗﺸﺮﺣﻪ ﺑﺲ ﺩﻣﻮﻋﻨﻪ ..

ﺗﺤﺮﻛﺖ ﺍﻟﺴﻴﺎﺭﻩ ﻭﻣﺸﺖ ﻣﻦ ﻳﻤﻪ .. ﺑﻘﻴﺖ ﺍﺑﺎﻭﻋﻠﻪ ﻣﻦ ﺍﻟﻤﺮﺍﻳﺎ ﺍﻟﺠﺎﻧﺒﻴﻪ .. ﺧﻠﻪ ﺭﺍﺳﻪ ﻋﻠﺴﻴﺎﺭﻩ ﻭﻳﺪﻙ ﺑﺄﻳﺪﻩ ﻋﻠﻴﻬﺎ ﺣﻴﻞ

ﺍﻧﻬﺪ ﺣﻴﻠﻲ ﻭﺍﻟﻠﻪ .. ﺩﻧﻜﺖ ﺍﺑﺠﻲ ﺣﻴﻞ .. ﻭﻋﻤﺎﺭ ﻳﻜﻮﻟﻲ ﺷﺒﻴﺞ ﺳﻤﺮ ﻗﺎﺑﻞ ﺑﻌﻴﺪﻳﻦ ﺍﻫﻠﺞ ﻭﺍﻟﻠﻪ ﻭﻋﺪ ﺷﻮﻛﺖ ﻣﺘﺮﺩﻳﻦ ﺍﺟﻴﺒﺞ ﺍﻟﻬﻢ ..

ﺍﺣﺲ ﺍﻟﻌﺒﺮﻩ ﺧﻨﻜﺘﻨﻲ ﺍﺭﻳﺪ ﺍﺻﺮﺥ ﺍﻟﻮﺟﻊ ﺫﺑﺤﻨﻲ ﺍﺥ ﺍﻟﻠﻪ .. ﺍﺭﺣﻤﻨﻲ ﻭﺍﺧﺬﻧﻲ ﻳﻤﻚ ﻳﺎﺍﺍﺭﺏ ﺗﻌﺒﺖ ..

ﻣﺸﻮ ﻛﺎﻟﻮ ﺗﺼﻮﻳﺮ .. ﻛﺘﻠﻪ ﻋﻤﺎﺭ ﺑﺪﺍﻋﺘﻲ ﻣﺎ ﺍﻛﺪﺭ .. ﻛﺎﻝ ﺑﺲ ﻟﻘﻄﺎﺕ ﺷﻮﻱ ﻣﻮ ﻫﻮﺍﻱ .. ﻛﺘﻠﻪ ﺗﻌﺒﺎﻧﻪ ..

- ﺳﻤﺮ ﻣﻴﺼﻴﺮ ﻫﻴﺞ ﺑﺲ ﺷﻮﻱ ﺍﻋﺮﻑ ﻣﺘﻀﺎﻳﻘﻪ ﻋﻠﻰ ﻣﻮﺩ ﺍﻣﺞ ﺑﺲ ﻻﺯﻡ ﻧﺎﺧﺬ ﻛﻢ ﺻﻮﺭﻩ

- ﻭﺍﻓﻘﺖ ﺍﻧﺰﻝ .. ﻫﻮﻩ ﻧﺰﻝ ﻭﻓﺘﺢ ﺍﻟﺒﺎﺏ ﺍﻟﻴﻤﻲ ﺍﺧﺬ ﺍﻳﺪﻱ ﻭﻧﺰﻟﻨﻲ .. ﻭﻛﻔﺖ ﻋﻠﻤﺮﺍﻳﺎ ﻭﻛﻒ ﻋﻤﺎﺭ ﻭﺭﺍﻳﺎ .. ﻳﻌﺪﻝ ﺑﺎﻟﺮﺑﺎﻁ ﻣﺎﻝ ﺍﻟﻘﺎﻁ ﻣﺎﻟﺘﻪ ..

ﺑﺎﻭﻋﺖ ﺻﺎﺭﺕ ﻋﻴﻨﻲ ﺑﻌﻴﻨﻪ .. ﺍﺑﺘﺴﻤﻠﻲ ﻭﻏﻤﺰ .. ﺍﻫﻮﻭﻭ ﻳﺎﺭﺏ ﻭﺍﻟﻠﻪ ﻣﻮ ﻣﺘﺤﻤﻠﻪ .. ﻛﺎﻝ ﺷﺒﻴﺞ ﻓﺮﺩﻳﻬﺎ ﻋﺎﺩ

ﻛﺎﻝ ﺗﻌﺎﻱ ﺍﺿﺤﻜﺞ .. ﻗﺒﻞ ﻻ ﻳﺪﺧﻞ ﺍﻟﺠﻴﺶ ﻋﻠﻴﻨﻪ ﻫﻬﻬﻪ .. ﺍﻛﻮ ﻭﺣﺪﻩ ﻣﺜﻠﺞ ﺟﺎﻧﺖ ﺗﺒﺠﻲ ﻭﻣﺎ ﺗﻘﺒﻞ ﺗﺘﺰﻭﺝ .. ﻭﻭﻭ ﺑﻠﻴﻠﺔ ﻋﺮﺳﻬﺎ

🌿

ﺟﺎﻱ ﻳﺤﺠﻲ ﻭﺩﺧﻠﺖ ﺍﻡ ﺍﻟﺘﺼﻮﻳﺮ .. ﻛﺎﻝ ﺑﻌﺪﻳﻦ ﺍﻛﻤﻠﺞ ﺍﻟﻨﻜﺘﻪ ﻣﺎﻝ ﻣﺘﺰﻭﺟﻴﻦ ﺧﺨﺨﺨﺨﺦ .. ﺻﺪﻙ ﺿﺤﻜﺖ ﻋﻠﻰ ﺳﻮﺍﻟﻔﻪ ﻳﺎﺭﺑﻲ .. ﺍﺑﺘﺴﻤﺘﻠﻪ

ﺣﺎﻭﻁ ﺍﺩﻳﻪ ﻟﺨﺼﺮﻱ . ﻭﻛﺎﻝ ﺍﺩﺭﻱ ﺧﺪﻭﺩ ﻟﻮ ﺗﻔﺎﺡ .. ﺿﺠﺖ ﻭﺧﺮﺕ ﻣﻨﻪ .. ﺣﺠﺖ ﺍﻟﻤﺼﻮﺭﻩ .. ﻛﺎﻟﺖ ﺭﺟﻌﻲ ﺍﻟﻠﻘﻄﻪ ﺣﻠﻮﻩ ﺧﻞ ﺍﺧﺬﻫﺎ ﻭﺭﺟﻌﻲ ﻻﺑﺘﺴﺎﻣﺘﺞ ..

ﺟﺎﻥ ﻳﻜﻮﻝ ﺍﺥ ﺍﻟﻠﻪ ﺷﻜﺪ ﻣﺒﺨﺖ .. ﺭﺍﺡ ﺗﻄﻠﻊ ﺍﻟﺮﺻﻌﺎﺕ ﻣﺮﻩ ﻟﺦ .. ﻛﺘﻠﻪ ﻛﺎﻓﻲ ..

- ﺍﻧﻲ ﺷﻌﻠﻴﻪ ﻫﻴﻪ ﺍﻡ ﺍﻟﺘﺼﻮﻳﺮ ﺗﻜﻮﻟﺞ ﺍﺑﺘﺴﻤﻲ ..

- ﺍﺑﺘﺴﻤﺖ ﺍﺑﺘﺴﺎﻣﻪ ﻛﺬﺍﺑﻴﻪ ﻋﻠﻰ ﻛﺪ ﺍﻟﺘﺼﻮﻳﺮ .. ﻭﺑﻌﺪﻫﺎ ﺍﺧﺬ ﻛﻢ ﻟﻘﻄﻪ .. ﻭﻛﺘﻠﻪ ﻛﺎﻓﻲ ﻋﻤﺎﺭ ﺑﻌﺪ ﻣﺎ ﺍﺗﺤﻤﻞ ..

ﻛﺎﻝ ﻻ ﻫﺎﻫﻴﻪ ﻋﺎﺩﻱ .. ﺍﺧﺬﺕ ﻧﻔﺲ .. ﻭﺭﺟﻌﺖ ﺍﻟﻜﺐ ﻋﻠﻰ ﺭﺍﺳﻲ .. ﻭ ﺍﺧﺬ ﺍﻳﺪﻱ ﻭﻃﻠﻌﻨﻪ ﻣﻦ ﺍﻻﺳﺘﻮﺩﻳﻮ ..

ﻛﻠﻬﺎ ﻭﺍﻛﻔﻪ ﺑﺮﺍ .. ﻭﺍﻟﻤﻮﺳﻴﻘﻰ ﻣﺸﺘﻐﻠﻪ ﻭﺍﻟﺸﺎﺏ ﻓﺎﺗﺤﻴﻦ ﺳﻴﺎﺭﺍﺗﻬﻢ ﻭ ﻳﺮﻛﺼﻮﻭﻥ .. ﺻﻌﺪﻧﻪ .. ﻭﻣﺸﺖ ﺍﻟﺰﻓﻪ ﻟﻠﺒﻴﺖ ..

ﻭﺻﻠﻨﻪ .. ﻧﺰﻟﻨﻪ .. ﺫﺑﺤﻮ ﻳﻢ ﺭﺟﻠﻲ .. ﻭﻣﺸﻴﺖ ﻣﻦ ﺍﻟﺪﻡ .. ﻛﻌﺪﻭ .. ﻭﺍﻧﻲ ﺍﺣﺠﻲ ﺑﻜﻠﺒﻲ ﻣﻌﻘﻮﻟﻪ .. ﺧﻼﺍﺹ ﺑﻌﺪ ﻣﺎﻛﻮ ﺑﻜﺮ ﺑﺤﻴﺎﺗﻲ ..

ﺷﻠﻮﻥ ﺍﻛﺪﺭ ﺍﻋﻴﺶ .. ﻳﺎﺭﺑﻲ ﺷﺤﺎﻟﻪ ﻫﺴﻪ .. ﺍﻟﺒﻨﺎﺕ ﻳﺮﻛﺼﻮﻥ ﻭﺍﻧﻲ ﺍﺭﻳﺪ ﺍﺻﺮﺥ .. ﺑﺪﺍﺧﻠﻲ ﻧﺎﺭ ﺗﺤﺮﻙ ..

ﻛﻤﻠﻮ ﺍﻟﺮﻛﺺ ﻭﺍﻟﻌﺸﺎ .. ﻛﺎﻟﻮ ﺯﻓﻮ ﺍﻟﻌﺮﺳﺎﻥ ﻟﻐﺮﻓﺘﻬﻢ .. ﻟﺰﻣﺖ ﺍﻳﺪ ﻧﺠﻮﻯ ﺣﻴﻞ ﻭﻋﺼﺮﺗﻬﺎ ...

ﻛﺘﻠﻬﺎ ﺳﺎﻋﺪﻳﻨﻲ ﺭﺍﺡ ﺍﻧﻔﺠﺮ ﻣﺎ ﺍﻛﺪﺭ .. ﻛﺎﻟﺖ ﺯﻳﻨﺐ ﻻﺯﻡ ﺗﺘﺤﻤﻠﻴﻦ .. ﻫﺬﻱ ﺣﻴﺎﺗﺞ ﺍﻟﺠﺪﻳﺪﻩ ﺍﻧﺴﻲ ﺍﻟﻤﺎﺿﻲ ﻭﺍﻃﻮﻱ ﺻﻔﺤﺘﻪ ..

ﻭﺍﺑﺪﻱ ﺑﺤﻴﺎﺗﺞ ﺟﺪﻳﺪﻩ ﻭﻳﻪ ﺯﻭﺟﺞ .. ﺻﻌﺪﻭﻧﻪ ﻟﻠﻐﺮﻓﻪ .. ﺍﺣﺴﺎﺱ ﻣﺆﺫﻱ ﻣﻦ ﺗﺤﺲ ﺍﻧﺘﻪ ﻣﻠﻚ ﺷﺨﺺ ﺗﺤﺒﻪ ﺑﺲ ﻣﺠﺒﺔﺭ ﺗﺼﻴﺮ ﺍﻟﻐﻴﺮﻩ ..

ﺩﺧﻠﺖ ﻭﻛﻌﺪﺕ ﻋﻠﺴﺮﻳﺮ .. ﺩﺧﻞ ﻋﻤﺎﺭ .. ﻛﻤﺖ ﻋﻠﻰ ﺣﻴﻠﻲ ﻭﺗﺮﺍﺟﻌﺖ .. ﻛﺎﻝ ﺍﻫﺪﺋﻲ ﺷﺒﻴﺞ .. ﻛﺘﻠﻪ ﺍﺑﺘﻌﺪ

- ﺷﺒﻴﺞ ﺳﻤﺮ ﺍﻧﻲ ﺯﻭﺟﺞ

- ﺍﻛﻮﻭﻭﻭﻟﻚ ﺍﺑﺘﻌﺪ ..

- ﺍﻭﻙ .. ﺑﺲ ﺍﺑﺪﻝ ﻣﻼﺑﺴﻲ .. ﺑﺪﻝ ﻣﻼﺑﺴﻪ ﺍﻧﻲ ﺩﺭﺕ ﻭﺟﻬﻲ ﻣﻨﻪ .. ﻭﻃﻠﻊ .. ﺩﺧﻠﺖ ﺍﻣﻲ ﻭﺧﺎﻻﺗﻲ ﻭﻧﺠﻮﻯ ﻳﻮﺩﻋﻮﻧﻲ ..

ﻛﺘﻠﻬﺎ ﻳﻮﻡ ﻣﺎ ﻣﺘﺤﻤﻠﻪ ﻫﻨﺎ ﺭﺟﻌﻴﻨﻲ ﻭﻳﺎﺝ ﻓﺪﻭﻩ ..

- ﻫﺸﺸﺸﺶ ﻫﺬﺍ ﺑﻴﺘﺞ ﺑﻌﺪ ﺍﺳﻜﺘﻲ ﻭﻃﻤﻲ ﻛﻠﺒﺞ .. ﻭﺍﻧﺴﻲ ﻳﻤﻪ ﺍﻧﺴﻲ .. ﻫﺎﻱ ﺣﻴﺎﺗﺞ ﺍﻟﺠﺪﻳﺪﻩ ﺗﺄﻗﻠﻤﻲ

- ﻳﻮﻭﻭﻡ ﻣﺎ ﺟﺎﻱ ﺍﺗﺤﻤﻞ ﻭﺟﻮﺩﻩ ﻭﻳﺎﻱ ﺑﺎﻟﻐﺮﻓﻪ .

- ﺍﺷﺸﺸﺶ ﺷﻨﻮ ﻫﻠﺤﺠﻲ ﺍﻟﻤﺎﺻﺦ ﺳﻤﺮ ﻛﺎﻓﻲ ﻟﻌﺐ ﺟﻬﺎﻝ ﻭﻫﻠﺴﻮﺍﻟﻒ ﺑﻄﻠﻴﻬﺎ ﺭﺟﻠﺞ ﺍﻟﻪ ﺣﻖ ﻋﻠﻴﺞ ﻻ ﺗﻀﻠﻤﻲ ﺑﻤﺸﺎﻋﺮﺝ

- ﺍﺭﻳﺪ ﺍﺻﺮﺥ ﻭﺍﻛﻮﻟﻬﻢ ﺍﻧﻲ ﻣﻦ ﺣﻖ ﺷﺨﺺ ﻭﺍﺣﺪ ﻣﻮ ﺍﻛﺜﺮ .. ﺑﻘﺖ ﺑﺲ ﺩﻣﻮﻋﻲ ﺗﺠﺮﻱ ..

ﺑﻮﺳﺘﻨﻲ ﺍﻣﻲ ﻭﺻﺘﻤﻲ ﻭﺩﻋﻮﻧﻲ ﻭﻧﺠﻮﻯ ﺩﻣﻮﻋﻬﺎ ﻣﺎ ﻧﺸﻔﺖ ﻭﻳﺎﻱ .. ﻃﻠﻌﻮ .. ﺍﻧﻲ ﺑﺪﻟﺖ .. ﻭﻛﻌﺪﺕ ..

ﺩﺧﻞ ﻋﻤﺎﺭ .. ﺣﺎﻭﻟﺖ ﺍﻛﻮﻥ ﻫﺎﺩﺋﻪ ﺑﺲ ﺍﺩﻳﻪ ﺗﺮﺟﻒ .. ﻫﻮﻩ ﺍﻧﺘﺒﻪ ﻟﺮﺟﻔﺘﻲ .. ﻭﻛﻒ ﻳﻤﻲ ﻭﺍﻧﻲ ﻛﻌﺪﻩ ﻣﻨﺰﻟﻪ ﺭﺍﺳﻲ ..

ﺑﺎﺳﻨﻲ ﺑﺮﺍﺳﻲ .. ﻭﻛﺎﻝ ﺍﻫﺪﺋﻲ ﻻ ﺗﺘﻮﻗﻌﻴﻦ ﺍﺟﺒﺮﺝ ﻋﻠﻰ ﺷﻲ .. ﺍﻧﺘﻲ ﻣﺘﻜﺪﺭﻳﻦ .. ﺍﺫﺍ ﺗﻌﺒﺎﻧﻪ ﻋﺎﺩﻱ ﺍﺧﺬﻱ ﺭﺍﺣﺘﺞ ..

🌿

ﺍﻫﻢ ﺷﻲ ﻋﻨﺪﻱ ﺍﻧﺘﻲ .. ﺷﻮﻛﺖ ﻣﺘﻜﻮﻧﻴﻦ ﻣﺮﺗﺎﺣﻪ .. ﺍﻧﻲ ﺍﺭﺗﺎﺡ .. ﻛﺘﻠﻪ ﺷﻜﺮﺍ .. ﻛﻌﺪ ﻳﻤﻲ .. ﺍﺑﺘﻌﺪﺕ ..

ﺍﺧﺬ ﺍﻳﺪﻱ ﺍﻧﻲ ﺍﺑﺎﻭﻋﻠﻪ ﺑﺨﻮﻑ .. ﻛﺎﻝ ﺑﺲ ﻓﻬﻤﻴﻨﻲ ﺍﻣﺮﺝ ﺷﺒﻴﺞ .. ﺍﻧﻲ ﺻﺮﺕ ﺯﻭﺟﺞ ﻭﺳﻨﺪﺝ ﻭﻛﻞ ﺣﻴﺎﺗﺞ ..

ﺷﻨﻮ ﻳﺄﺫﻳﺞ ﻛﻮﻟﻴﻠﻲ ﺍﻧﻲ ﺍﻃﻴﺒﺞ .. ﻛﺘﻠﻪ ﺑﺲ ﺗﻌﺒﺎﻧﻪ .. ﻛﺎﻝ ﺗﻌﺎﻱ .. ﻛﺘﻠﻪ ﺍﺗﺮﻛﻨﻲ ﻫﺴﻪ ﺗﻌﺒﺎﻧﻪ ﻭﺍﻟﻠﻪ ..

- ﻣﺎ ﺍﺳﻮﻳﻠﺞ ﺷﻲ ﺷﺒﻴﺞ ﺧﺎﻳﻔﻪ ﺗﻌﺎﻟﻴﻴﻲ

- ﺗﻤﺪﺩ ﻭﺟﺮﻧﻲ ﻳﻤﻪ ﺧﻼﻧﻲ ﻋﻠﻰ ﺍﻳﺪﻫﺎ .. ﺍﺧﺘﻨﻜﺖ ﻣﺎ ﺍﻛﺪﺭ .. ﺑﻘﻴﺖ ﺍﺑﺠﻲ .. ﻫﻮﻩ ﻳﻤﺴﺢ ﻋﻠﻰ ﺷﻌﺮﻱ ..

- ﺍﺷﺸﺸﺶ ﻻ ﺗﺒﺠﻴﻦ ﺑﺲ ﺍﺭﺗﺎﺣﻲ .. ﻣﺎ ﺍﺭﻳﺪ ﺍﺑﺘﻌﺪ ﺭﻏﻢ ﺍﻋﺮﻑ ﻣﻀﺎﻳﻘﺞ .. ﺑﺲ ﺍﺭﻳﺪﺝ ﺗﺘﻌﻮﺩﻳﻦ ﻋﻠﻰ ﻗﺮﺑﻲ ..

- ﺻﺮﺕ ﺍﺑﺠﻲ ﺍﻛﺜﺮ ﻳﺮﺑﻲ ﻣﻮ ﻃﺎﻳﻘﻪ ﻫﻠﻮﺿﻊ ﺧﻠﺼﻨﻲ .. ﻫﻮﻩ ﺑﻘﻰ ﻳﻐﻨﻴﻠﻲ .. ﻭﻳﻤﺴﺢ ﻋﻠﻰ ﺷﻌﺮﻱ ..

- ﺑﻴﺪﻱ ﺍﻣﺸﻄﻠﻚ ﺣﺒﻴﺒﻲ ﻭﺍﻣﺴﺢ ﺩﻣﻮﻋﻚ ﺑﺄﺩﻳﻪ .. ﺍﺥ ﻣﻨﻚ ﻣﻦ ﺟﻤﺎﻟﻚ ﺣﺘﻰ ﺩﻣﻌﻚ ﺟﺎﺫﺑﻴﻪ .. ﺍﺩﻟﻞ ﻋﻠﻴﻪ ﺍﺩﻟﻞ ﺍﺩﻟﻞ ﻋﻠﻴﻪ ﻳﺎ ﻫﺒﺔ ﺭﺑﻲ ﻣﻦ ﺍﻟﺴﻤﺎ ﻭﺍﺟﻤﻞ ﻫﺪﻳﻪ .

- ﻳﻐﻨﻴﻠﻲ ﻭﺍﻧﻲ ﺍﺑﺠﻲ ﻭﺍﺗﺬﻛﺮ ﺑﻜﺮ ﻣﻦ ﺟﺎﻥ ﻳﻐﻨﻲ .. ﺷﺤﺠﻴﻠﻚ ﻣﻀﻴﻜﺎﺕ .. ﺧﻠﻜﻲ ﺍﻟﻠﻴﺎﻟﻲ .. ﻳﺎﺭﺏ ﺳﺎﻋﺪﻩ ﻳﻨﺴﺎﻧﻲ ﺩﺧﻴﻠﻚ ..

ﻋﻤﺎﺭ ﻳﻤﺴﺢ ﻋﻠﻰ ﺷﻌﺮﻱ ﻭﻳﻐﻨﻲ .. ﺭﻏﻢ ﺻﻮﺗﻪ ﺑﺸﻊ .. ﺑﺲ ﺣﺴﻴﺖ ﺑﺮﺍﺣﻪ .. ﻭﺑﺪﺕ ﻋﻴﻮﻧﻲ ﺗﻐﻤﺾ ﻭﺗﻔﺘﺢ ..

ﻟﺤﺪ ﻣﺎ ﻧﻤﺖ .. ﻓﺰﻳﺖ ﺑﻠﻴﻞ ﻛﻮﻟﺶ .. ﺍﻟﻐﺮﻓﻪ ﻣﻔﺘﻮﺡ ﺿﻮﺍﻫﺎ .. ﻭﻋﻤﺎﺭ ﻏﺎﻓﻲ ﻳﻤﻲ ﻋﻠﻰ ﻧﻔﺲ ﺍﻟﻮﺿﻊ ..

ﻭﺧﺮﺕ ﺍﻳﺪﻩ ﻣﻨﻲ .. ﻭﻭﺧﺮﺕ ﺍﻟﻐﻄﻰ .. ﻭﻛﻤﺖ .. ﺍﺑﺎﻭﻉ ﺍﻟﺴﺎﻋﻪ 4.. ﻭﻧﺺ ﺍﻟﺼﺒﺢ .. ﻣﻮﺑﺎﻳﻠﻲ ﻣﺎ ﺍﻋﺮﻑ ﻭﻳﻨﻪ

ﻣﻮﺑﺎﻳﻞ ﻋﻤﺎﺭ ﻋﻠﻤﻴﺰ .. ﺍﺧﺬﺗﻪ .. ﻭﺩﻛﻴﺖ ﺭﻗﻢ ﻧﺠﻮﻯ ﻭﺧﺎﺑﺮﺗﻬﺎ .. ﺍﻟﻮﻭﻭ

- ﺍﻟﻮﻭﻭ ﻫﻼ ﺣﺒﻴﺒﺘﻲ ﺷﻨﻮ ﺑﻌﺪﺝ ﻛﺎﻋﺪﻩ .. ﺍﻱ ﻋﻴﻨﻲ ﻋﺮﺳﺎﻥ

- ﻧﻮﻧﻪ ﻓﺪﻭﻩ ﻟﺘﺤﺎﺟﻴﻨﻲ ﻫﻴﺞ ﺍﻟﺒﻴﻪ ﻣﻜﻔﻴﻨﻲ ..

- ﻳﺎ ﺣﺒﻴﺒﺘﻲ ﻭﺍﻟﻠﻪ ﻛﻠﺖ ﺍﻏﻴﺮ ﺟﻮ ﻋﻠﻴﺞ .. ﻛﻮﻟﻲ

- ﻧﻮﻧﻪ ﻛﻮﻟﻴﻠﻲ ﺍﺧﺒﺎﺭﻩ ﺷﻨﻮ ﺗﺮﻯ ﻛﻠﺒﻲ ﻧﺎﺍﺍﺭ ..

- ﺳﻤﺮ ﺍﻧﺴﻲ ﺣﺒﻴﺒﺘﻲ ﻋﻮﻓﻴﻪ ﺍﻟﻠﻪ ﻳﻜﻮﻥ ﺑﻌﻮﻧﻪ ﻭﻳﻨﺴﻴﻪ ﻫﻮﻩ ﻫﻢ ..

- ﻳﻜﻮﻥ ﺑﻌﻮﻧﻪ !!! ﻟﻴﺶ ﺷﺼﺎﻳﺮ ﺑﻴﻪ ﻛﻮﻭﻟﻲ

- ﻫﺎﺍ ﺍﺍﺃ ﻣﺎ ﺑﻲ ﺷﻲ

- ﻧﺠﻮﻯ ﺍﺣﺠﻲ ﺍﻟﻠﻪ ﻋﻠﻴﺞ .. ﻛﻌﺪ ﻋﻤﺎﺭ ﻭﻳﺒﻮﺱ ﻭﻳﺒﻌﺪ ﺷﻌﺮﻱ ﻭﻳﺒﺔﺱ ﺑﻜﺘﻔﻲ .. ﻣﻦ ﻛﻤﺰﺗﻲ ﻣﻨﻪ .. ﺍﻧﺸﻤﺮ ﺍﻟﺠﻬﺎﺯ ﻣﻦ ﺍﻳﺪﻱ ﻭﺍﺗﻔﻠﺶ ..

ﺑﺎﻭﻋﻠﻲ .. ﺷﺒﻴﻴﻴﺞ ﺳﻤﺮ ﺭﺍﺡ ﺗﺨﺒﻠﻴﻨﻲ .. ﻛﻠﺘﻲ ﺗﻌﺒﺎﻧﻪ ﻭﻋﻔﺘﺞ ﺗﺮﺗﺎﺣﻴﻦ ﺷﻨﻮ ﻣﺠﺒﻮﺭﻩ ﻋﻠﻴﻪ ﺍﺣﺠﻲ ..

- ﻋﻤﺎﺭ ﻣﻮ ﻫﺴﻪ ..

- ﻫﺎﻱ ﻭﻳﻪ ﻣﻨﻮ ﺟﻨﺘﻲ ﺗﺤﺠﻴﻦ .. ﻭﺑﺎﻭﻉ ﻟﻠﻤﻮﺑﺎﻳﻞ ﻣﻔﻠﺶ .. ﺷﻨﻮ ﻫﻠﺘﺼﺮﻓﺎﺕ .. ﻭﻳﻪ ﻣﻨﻮ ﺟﻨﺘﻲ ﺗﺤﺠﻴﻦ ﺑﻠﻴﻠﺔ ﻋﺮﺳﺞ ..

- ﻭﻳﻪ ﻧﺠﻮﻯ .. ﻟﻴﺶ .. ﺗﺸﻚ ﺑﻴﻪ ﺣﻈﺮﺗﻚ ..

- ﺣﻈﺮﺗﻚ .. ﺷﺒﻴﺞ ﺳﻤﺮ .. ﺗﺮﻩ ﺑﺪﻳﺖ ﺍﻣﻞ .. ﺍﺭﻳﺪ ﺍﻓﺘﻬﻢ ﻭﺿﻌﺞ ﺷﻨﻮ .. ﻣﻮ ﺍﻭﻝ ﺯﻭﺍﺝ ﻫﺬﺍ ﻭﺗﺨﺎﻓﻴﻦ ﻭﺗﺘﻮﺗﺮﻳﻦ

ﻓﻠﻴﺶ ﻫﻴﺞ ﺗﻌﺎﻣﻠﻴﻨﻲ ﺍﺑﺮﻭﺩ .. ﺑﺸﻨﻮ ﻏﻠﻄﺖ ﻭﻳﺎﺝ ..

- ﻋﻤﺎﺭ ﺗﻌﺒﺖ ﺑﺰﻭﺍﺟﻲ ﺍﻻﻭﻝ .. ﻭﻣﺮﻳﺖ ﺑﻀﺮﻭﻑ ﺻﻌﺒﻪ ﺍﻟﻠﻪ ﻳﻌﻠﻢ ﺷﻨﻮ ﺟﺎﻣﺖ ﺿﺮﻭﻓﻲ .. ﺍﺣﺲ ﺫﺍﻙ ﺯﻭﺍﺟﻲ ﻛﺎﺑﻮﺱ

🌿

ﺍﻃﻠﻜﺖ ﻣﻨﻪ ﺑﺲ ﺑﻘﺖ ﺍﻻﻣﻬﻢ ﺑﺪﺍﺧﻠﻲ .. ﻋﻤﺎﺭ ﺗﻌﺒﺖ ﻭﻳﺎﻫﻢ ﻫﻮﻭﻭﺍﻱ .. ﻣﺠﺎﻱ ﺍﻧﺴﺎﻫﻢ .. ﻭﺑﻘﻴﺖ ﺍﺑﺠﻲ ..

- ﺍﺵ ﺍﺵ ﻛﺎﻓﻲ .. ﻟﺘﺒﺠﻴﻦ ..

- ﺍﻋﺮﻑ ﺟﺎﻱ ﺍﻋﺬﺑﻚ ﺑﺲ ﺗﺤﻤﻠﻨﻲ ﻓﺪﻭﻩ .. ﻫﻮﺍﻱ ﺍﺷﻴﺎﺀ ﺑﻜﻠﺒﻲ ﻋﺎﺟﺰﻩ ﺍﻛﻮﻟﻬﺎ ﺍﻟﻚ .. ﺑﺲ ﺗﻮﺟﻌﻨﻲ ..

- ﺑﺲ ﺍﺭﺗﺎﺣﻲ ﻭﺍﻟﻠﻪ ﻣﺎ ﺍﺭﻳﺪ ﺷﻲ .. ﻋﺎﺩﻱ ﺣﺘﻰ ﻟﻮ ﺍﺗﺎﻧﻲ ﺷﻬﺮ ﻣﻮ ﻓﺪ ﺷﻲ .. ﺍﻩ ﺷﻲ ﺗﺮﺗﺎﺣﻴﻦ ..

- ﺧﻠﻴﺖ ﺍﺩﻳﻪ ﻋﻠﻰ ﻭﺟﻬﻲ ﻭﺍﺑﺠﻲ .. ﺗﻘﺮﺏ ﻳﻤﻲ .. ﺍﺧﺬ ﺍﺩﻳﻪ ﻭﺑﻮﺳﻬﻢ .. ﻭﻛﺎﻝ ﺑﺲ ﻟﺘﺒﺠﻴﻦ ﺣﺒﻲ ﻛﻠﺒﻲ ﻳﺘﻜﻄﻊ ﻋﻠﻴﺞ ﻣﻦ ﺍﺷﻮﻓﺞ ﻫﻴﺞ ..

ﻭﺍﺧﺬﻧﻲ ﻟﺤﻈﻨﻪ .. ﺍﺑﺘﻌﺪﺕ ﻣﻨﻪ .. ﻛﺘﻠﻪ ﺍﺭﻳﺪ ﺍﺻﻠﻲ ..

- ﺑﻌﺪﻫﺎ ﺍﻟﺼﻼﺓ ﻣﺼﺎﻳﺮﻩ

- ﻭﻟﻮﻭ ﺍﺭﻳﺪ ﺍﺷﻜﻲ ﻟﺮﺑﻲ .. ﻭﺩﻳﻨﻲ ﻟﻠﺤﻤﺎﻡ ﺍﺭﻳﺪ ﺍﺗﻮﺿﻰ ..

- ﺗﻌﺎﻱ ﻛﻮﻣﻲ ..

- ﺳﺎﻋﺪﻧﻲ ﺍﻛﻮﻡ .. ﺩﺧﻠﺖ ﻻﺣﻤﺎﻡ ﻗﻔﻠﺖ ﺍﻟﺒﺎﺏ ﺑﺎﻭﻋﺖ ﻟﻮﺟﻬﻲ ﺑﺎﻟﻤﺮﺍﻳﺎ .. ﺍﻭﻑ ﻳﻤﺮﺍﻳﺘﻲ ﻛﻮﻟﻴﻠﻲ ﺷﺴﻮﻱ ﺗﻌﺒﺖ ..

ﻣﻮ ﻣﺘﺤﻤﻠﻪ ﻏﻴﺮ ﺑﻜﺮ ﺑﺤﻴﺎﺗﻲ .. ﺑﻘﻴﺖ ﺍﺑﺠﻲ ﺑﺤﺮﻛﻪ ﻭﺍﻧﻲ ﻻﺯﻣﻪ ﺍﻟﻤﻐﺴﻠﻪ ﻭﻣﺪﻧﻜﻪ .. ﻳﺎﺭﺑﻲ ﺳﺎﻋﺪﻧﻲ ..

ﻓﺘﺤﺖ ﺍﻟﺒﻮﺭﻱ .. ﻏﺴﻠﺖ ﻭﺟﻬﻲ ﺑﺎﻟﻤﻲ .. ﺍﺭﻳﺪ ﺑﺲ ﺍﻫﺪﺉ .. ﻧﺸﻔﺖ ﻭﺟﻬﻲ .. ﻭﺭﺟﻌﺖ ﺗﻮﺿﻴﺖ .. ﻭﻃﻠﻌﺖ ..

ﻟﻜﻴﺖ ﻋﻤﺎﺭ ﻣﻄﻠﻌﻠﻲ ﺍﻟﻤﺼﻼﻳﻪ .. ﺍﺧﺬﺕ ﺣﺠﺎﺏ ﻭﻟﺒﺴﺘﻪ .. ﻭﻛﻔﺖ ﺻﻠﻴﺖ ﺭﻛﻌﺘﻴﻦ .. ﻭﻛﻌﺪﺕ ﺍﻧﺎﺟﻲ ﺭﺑﻲ ﺑﺼﻮﺕ ﻣﺒﺤﻮﺡ ﻣﺎ ﺍﺭﻳﺪ ﻋﻤﺎﺭ ﻳﺴﻤﻊ

ﻳﺎﺭﺏ ﺳﺎﻋﺪﻧﻲ .. ﻃﻠﻌﻪ ﻣﻦ ﻛﻠﺒﻲ ﺩﺧﻴﻠﻚ .. ﻭﺳﺎﻋﺪﻩ ﻳﻨﺴﺎﻧﻲ .. ﺭﺑﻲ ﺩﺧﻴﻠﻚ .. ﻣﺜﻞ ﻣﺎ ﺯﺭﻋﺖ ﻫﻠﺤﺐ ﺑﻜﻠﺒﻨﻪ ﺍﺭﺟﻊ ﺷﻴﻠﻪ ﻭﺭﺟﻌﻨﻪ ﻏﺮﺑﻪ ..

ﺭﺑﻲ ﻭﻓﻘﻪ ﻭﺍﺳﻌﻪ ﻭﺧﻠﻴﻪ ﻳﻨﺴﺎﻧﻲ .. ﺭﺑﻲ ﻻ ﺗﻌﺬﺑﻪ ﺍﻛﺜﺮ ﺍﺗﻮﺳﻠﻚ .. ﺍﻧﻘﺬﻩ ﻣﻦ ﺫﻛﺮﻳﺎﺗﻲ ﻭﺍﻭﺟﺎﻋﻲ ﻭﺍﻧﻘﺬﻧﻲ ..

ﺭﺍﻓﻊ ﺭﺍﺳﻲ ﻭﺍﺩﻳﻪ ﻟﻠﺴﻤﺎ ﻭﺍﺑﺠﻲ .. ﻛﻤﻠﺖ .. ﺻﻠﻴﺖ ﺍﻟﺼﺒﺢ ﻭﻛﻤﺖ .. ﻟﻜﻴﺖ ﻋﻤﺎﺭ ﻏﺎﻓﻲ ..

ﻏﻄﻴﺘﻪ .. ﻭﺭﺟﻌﺖ ﻛﻌﺪﺕ ﻋﻠﻰ ﺍﻟﻄﺮﻑ ﺍﻟﺜﺎﻧﻲ ﻣﻦ ﺍﻟﺴﺮﻳﺮ .. ﺧﻠﻴﺖ ﺭﺍﺳﻲ ﻋﻠﻤﺨﺪﻩ ﻭﺍﺑﺎﻭﻉ ﻟﻌﻤﺎﺭ ﻭﺍﺑﺠﻲ ﺑﺼﻮﺕ ﻣﺨﻨﻮﻙ ..

ﻃﻔﺖ ﺍﻟﻜﻬﺮﺑﺎﺀ .. ﻃﻔﻰ ﺍﻟﻀﻮﻩ .. ﺻﺎﺭﺕ ﺍﻟﻐﺮﻓﻪ ﺿﻠﻤﻪ .. ﺑﻘﻴﺖ ﺍﺗﺬﻛﺮ ﺑﻜﺮ ﻭﺍﺭﺍﺟﻊ ﺫﻛﺮﻳﺎﺗﻲ ﻭﻳﺎﻩ ..

ﻟﻤﺎ ﺍﺗﺰﻭﺝ ﻭﻃﻠﻊ ﻳﺼﺮﺥ ﺑﻴﻮﻣﻬﺎ .. ﻟﻮ ﻣﻦ ﺟﺎﻥ ﻳﺸﻴﻠﻨﻲ ﻣﻦ ﺍﺩﻳﻦ ﻋﺎﺩﻝ ﻭﻳﺨﻠﻴﻨﻲ ﻭﺭﻩ ﺿﻬﺮﻩ ﻭﻳﻀﺮﺏ ﻋﺎﺩﻝ ..

ﻟﻮ ﻣﻦ ﻳﻐﻨﻴﻠﻲ ﺭﺩﺕ ﺍﻧﺴﺎﻙ ﻭﺍﺧﻠﺺ ﻣﻦ ﻛﻼﻡ ﺍﻟﻨﺎﺱ ﻭﺍﺗﺬﻛﺮ ﺩﻣﻮﻉ ﻋﻴﻮﻧﻪ .. ﺍﺑﺠﻲ ﻭﺍﻧﻲ ﺍﺗﺬﻛﺮ ﻣﺘﺖ ﻳﺮﺑﻲ ﻣﺠﺎﻱ ﺍﻧﺴﻰ ﺷﻠﻮﻥ ﺍﻋﻴﺶ ﻫﻴﺞ ..

ﺑﺠﻴﺖ ﻟﺤﺪ ﻣﺎ ﻧﻤﺖ .. ﻛﻌﺪﺕ ﺍﻟﺼﺒﺢ .. ﻋﻠﻰ ﺻﻮﺕ ﺍﻟﺒﺎﺏ .. ﻓﺰ ﻋﻤﺎﺭ .. ﻛﻌﺪﺕ .. ﺿﻞ ﻳﺒﺎﻭﻋﻠﻲ ..

ﻛﺘﻠﻪ ﺷﺒﻴﻚ .. ﻛﺎﻝ ﻻﺑﺴﻪ ﻛﻼﺑﻴﻪ ﺑﻠﻴﻠﺔ ﻋﺮﺳﺞ .. ﻣﻦ ﻳﺪﺧﻠﻮﻥ ﺷﻴﻜﻮﻟﻮﻥ .. ﻛﺘﻠﻪ ﻟﻴﺪﺧﻠﻮﻥ .. ﺍﻃﻠﻊ ﻭﻛﻠﻠﻬﻢ ﺟﺎﻱ ﺗﺒﺪﻝ .. ﺗﻜﻤﻞ ﻭﺩﺧﻠﻮﻟﻬﺎ

ﻫﺰ ﺭﺍﺳﻪ ﻭﻛﺎﻡ .. ﺍﻭﻝ ﻣﺎ ﻃﻠﻊ .. ﺭﺍﺩﺕ ﺗﻔﻮﺕ ﺍﺧﺘﻪ .. ﻛﺎﻟﻠﻬﺎ ﻫﺴﻪ ﺷﻴﻤﺎﺀ ﺩﻗﻴﻘﻪ ﺟﺎﻱ ﺗﺒﺪﻝ .. ﺧﺘﻜﻤﻞ ﻭﺩﺧﻠﻲ ..

ﻟﻤﻴﺖ ﺷﻌﺮﻱ .. ﻭﻓﺘﺤﺖ ﺍﻟﺒﺎﺏ .. ﺩﺧﻠﺖ ﺍﺧﺘﻪ ﺑﻮﺳﺘﻨﻲ .. ﻭﻛﺎﻟﺖ ﺍﻣﺞ ﺟﺎﺑﺖ ﺭﻳﻮﻙ ﺟﻮﻩ ﻳﻠﻪ ﻣﺘﺎﻧﻴﺘﺞ ..

ﻫﺰﻳﺖ ﺭﺍﺳﻲ .. ﻛﺎﻟﺖ ﺷﺒﻴﺞ ﺑﺎﺟﻴﻪ ﺷﻮ ﺍﻟﻌﻴﻮﻥ ﻣﻮﺭﻣﻪ .. ﻛﺘﻠﻬﺎ ﻻ ﺗﻌﺐ ﻋﺮﺱ ﺗﻌﺮﻓﻴﻦ ﻫﻮﺳﻪ ﺟﺎﻥ ﻭﺍﻧﻲ ﻣﺎ ﺍﺗﺤﻤﻞ ﺿﻞ ﺭﺍﺳﻲ ﻳﻮﺟﻌﻨﻲ ..

🌿

ﻧﺰﻟﺖ ﻭﻳﺎﻫﺎ ﻟﻤﺎﻣﺎ .. ﻟﻜﻴﺘﻬﺎ ﻫﻴﻪ ﻭﺑﺎﺑﺎ ﺑﻮﺳﺘﻬﻢ ﻭﻛﻌﺪﺕ .. ﺍﺑﻮﻳﻪ ﻳﺒﺎﻭﻉ ﻟﻌﻴﻮﻧﻲ ﻭﺻﺎﻓﻦ ﺑﻴﻬﻦ .. ﺣﻴﻞ ﻣﻮﺭﻣﺎﺕ ﻭﺍﻟﺠﻔﻦ ﺍﺣﻤﺮ ..

ﻭﻻﺯﻡ ﺍﻳﺪ ﺑﺄﻳﺪ ﻭﻳﻌﺼﺮ ﺑﻴﻬﺎ ﻭﻳﺒﺎﻭﻉ ﻷﻣﻲ ﻭﻳﻬﺰ ﺭﺍﺳﻪ ..

ﺣﺠﺖ ﺍﻣﻲ .. ﺷﻨﻮ ﻳﻤﻪ ﻟﻴﺶ ﻫﻴﺞ ﻋﻴﻮﻧﺞ ﻭﺍﺭﻣﻪ .. ﻳﻤﻰ ﺍﻧﺴﻲ ﻛﺎﻓﻲ .. ﻻ ﺗﻌﻠﻜﻴﻦ ﺭﻭﺣﺞ ﺑﺎﻟﻤﺎﺿﻲ ﺑﻌﺪ ﻫﺬﺍ ﺑﻴﻨﺞ ﻭﻫﺬﺍ ﺯﻭﺟﺞ ..

ﻛﺘﻠﻬﺎ ﻳﻮﻭﻡ ﻓﺪﻭﻩ .. ﺍﻟﺼﺮﺧﻪ ﻫﻨﺎ ﻭﺍﻛﻔﻪ .. ﺍﺑﻠﻌﻮﻣﻲ ﻋﻮﻓﻴﻨﻲ ﺑﻬﻤﻲ ﻭﻻ ﺗﺤﺠﻴﻦ ..

ﺑﺲ ﻛﻮﻟﻴﻠﻲ ﺷﻠﻮﻧﻪ ..

- ﺍﻧﺴﻴﻪ ﻳﻤﻪ ﻻ ﺗﻔﻜﺮﻳﻦ

- ﻋﻠﻴﺞ ﺗﺮﺍﺏ ﺟﺪﻭ ﺑﻜﺒﺮﻩ ﺍﺣﺠﻲ ﻓﺪﻭﻩ ..

- ﻻ ﺗﺤﻠﻔﻴﻨﻲ ﻫﻴﺞ ﻳﻤﻪ

- ﻋﻠﻴﺞ ﺑﺪﺍﻋﺔ ﺍﺑﻮﺝ ﻳﻤﻪ ﻛﻮﻟﻴﻠﻲ ﻓﺪﻭﻩ ﻛﻠﺒﻲ ﻋﻠﻴﻪ ﻧﺎﺭ

- ﺑﺎﻟﻤﺴﺘﺸﻔﻰ ..

- ﻛﺎﻟﺖ ﻫﻴﺞ ﺍﻧﻬﺪ ﺣﻴﻠﻲ .. ﺷﺒﻴﻪ ﺍﺣﺠﻲ ﻻ ﺗﻜﻮﻟﻴﻠﻲ ﺳﻮﻩ ﺑﺮﻭﺣﻪ ﺷﻲ ﻓﺪﻭﻩ ..

- ﻣﺎ ﺑﻴﻪ ﺷﻲ .. ﺑﺲ ﺳﻜﺮﺍﻥ ﻭﺷﺎﺭﺏ ﻫﻮﺍﻱ ﻭﺑﺎﻗﻲ ﻳﺼﺮﺥ ﻭﻳﺒﺠﻲ ﻭﻭﺍﻛﻊ ﺻﺎﻳﺮ ﻋﻨﺪﻩ ﺍﻧﻬﻴﺎﺭ ﻋﺼﺒﻲ ﻭﻫﺴﻪ ﻫﻮﻩ ﺑﺎﻟﻤﺴﺘﺸﻔﻰ ..

- ﺧﻠﻴﺖ ﺍﺩﻳﻪ ﻋﻠﻰ ﺭﺍﺳﻲ ﻭﻛﻤﺖ ﺍﺑﺠﻲ ﺑﺤﺮﻛﻪ .. ﻛﻠﻬﻢ ﺍﻧﺘﺒﻬﻮ .. ﺍﻻ ﺍﻧﺘﺒﻬﺖ ﻟﺮﻭﺣﻲ .. ﻓﻘﺪﺕ .. ﻛﺘﻠﻬﺎ ﺍﺭﻳﺪ ﺍﺷﻮﻓﻪ ..

ﻛﺎﻣﺖ ﺗﺨﺰﺭﻧﻲ .. ﻛﺎﻟﻮ ﺷﺒﻴﻬﺎ .. ﺍﻧﺘﺒﻬﺘﻠﻬﻢ .. ﻛﺎﻟﺖ ﺍﻣﻲ ﻻﺍﺍ ﺧﻄﻴﻪ ﺍﺑﻦ ﻋﻤﺘﻬﺎ ﻫﻴﻪ ﺣﻴﻞ ﻣﺘﻌﻠﻘﻪ ﺑﻴﻪ ﻭﺗﺤﺒﻪ ﺍﻟﺒﺎﺭﺣﻪ ﻧﺎﻗﻠﻴﻪ ﻟﻠﻤﺴﺘﺸﻔﻰ ..

- ﻛﺎﻟﻮ ﺷﺒﻴﻪ .. ﻛﺎﻟﺘﻬﻢ ﻣﺎ ﺑﻴﻪ ﺷﻲ .. ﺣﺎﺩﺙ ﻣﺎﻝ ﺳﻴﺎﺭﻩ ﻭﻣﺎ ﻣﺘﺄﺫﻱ ﺣﻴﻞ ﺣﺎﻟﺘﻪ ﻫﺴﻪ ﺍﺣﺴﻦ .. ﺑﺲ ﺳﻤﺮ ﺣﻴﻞ ﺗﺤﺘﺮﻣﻪ ﻭﻣﺘﻌﻠﻘﻪ ﺑﻴﻪ ..

ﺑﻘﺖ ﺗﺤﺠﻲ ﻭﻳﺎﻫﻢ ﻭﺍﻧﻲ ﻛﻠﺒﻲ ﻧﺎﺍﺍﺍﺭ ﻳﺮﺑﻲ ﺍﺭﺣﻤﻨﻲ ﺩﺧﻴﻠﻚ .. ﻛﺎﻋﺪ ﻳﺤﺠﻮﻥ ﻭﺍﺟﻮ ﻣﺎﺯﻥ ﻭﺍﻫﻠﻪ ﻭﻧﺠﻮﻯ ..

ﺳﻠﻤﺖ ﻋﻠﻴﻬﻢ ﻛﻮﻩ ﻭﺭﺣﺖ ﻟﻐﺮﻓﺘﻲ .. ﺧﻠﻴﺖ ﺍﺩﻳﻪ ﻋﻠﻰ ﺭﺍﺳﻲ ﻭﺍﺑﺠﻲ ﺣﻴﻞ ﺷﺴﻮﻳﺖ ﺑﻴﻪ ﻳﺎﺭﺑﻲ ﺩﻣﺮﺗﻪ ﺍﻟﻠﻪ ﻳﺎﺧﺬﻧﻲ ﺍﻭﻭﻭﻑ ﻛﻠﺒﻲ ..

ﺩﺧﻠﺖ ﻧﺠﻮﻯ ﻭﺍﻣﻲ .. ﻭﺳﺪﻭ ﺍﻟﺒﺎﺏ .. ﻛﺘﻠﻬﺎ ﻳﻮﻭﻭﻡ ﺟﺎﻱ ﺍﻣﻮﺕ ﻧﻘﺬﻳﻨﻲ . ﻛﺎﻟﺖ ﻭﺝ ﻛﺎﻓﻲ ﺍﻧﺴﻲ ﻛﺎﻓﻲ ﻻ ﺗﻔﻤﺮﻳﻦ ﺑﻴﻪ ﺧﻞ ﻳﻮﻟﻲ ..

ﻛﺘﻠﻬﺎ ﻣﻮ ﺑﻴﺪﻱ ﻳﻤﻪ ﻛﻮﻟﺸﻲ ﺑﻴﻪ ﻳﺮﻳﺪﻩ .. ﺍ ﺟﺎﻱ ﺍﺗﺤﻤﻞ ﻗﺮﺑﻲ ﻣﻦ ﻋﻤﺎﺭ ﻳﻤﻪ ﻣﺎ ﺍﺭﻳﺪ ﻏﻴﺮ ﺑﻜﺮ ..

- ﻭﺝ ﺍﺷﺸﺸﺸﺶ ﺷﻬﺮﺗﻴﻨﻪ ﺍﺷﺸﺸﺸﺶ ﻛﺎﻓﻲ ﻛﺘﻠﺞ ..

- ﺯﻳﻦ ﺧﻞ ﻧﺮﻭﺡ ﻧﺸﻮﻓﻪ ..

- ﻣﻤﻨﻮﻉ ..

- ﺍﻧﻲ ﺍﻛﻮﻝ ﺍﻟﻌﻤﺎﺭ .. ﻫﻤﻴﺖ ﺭﺩﺕ ﺍﻛﻮﻡ . ﻟﺰﻣﺘﻨﻲ ﻭﺿﺮﺑﺘﻨﻲ ﺭﺍﺷﻲ .. ﻭﻛﺎﻟﻦ ﺍﺻﺤﻲ ﻋﺎﺩ ﺍﺻﺤﻲ ﺍﻋﻘﻠﻲ ..

ﺍﻧﺴﻲ ﺷﻲ ﺍﺳﻤﻪ ﺑﻜﺮ ﺑﺤﻴﺎﺗﺞ .. ﻋﻤﺎﺭ ﻭﺑﺲ ﺯﻭﺟﺢ ﻭﻻﺯﻡ ﺑﺲ ﻫﻮﻩ ﻳﺸﻐﻞ ﺑﺎﻟﺞ ..

ﻛﻌﺪﺕ ﺍﺑﺠﻲ ﺣﻴﻞ .. ﻭﺍﻟﻤﺼﻴﺒﻪ ﻛﻤﺖ ﺍﺑﺠﻲ ﻭﺩﻣﻮﻋﻲ ﻧﺸﻔﺖ .. ﺑﺲ ﺍﺑﺠﻲ ﻣﺎﻛﻮ ﺩﻣﻮﻉ .. ﺍﺣﺲ ﺍﻟﺒﺠﻲ ﻳﺨﻨﻜﻨﻲ ﻻﻥ ﻣﺎﻛﻮ ﺩﻣﻮﻉ ..

ﺭﺑﻲ ﺍﺭﺣﻤﻨﻲ ﺩﺧﻴﻠﻚ ﻛﺎﻓﻲ .. ﺟﺎﻱ ﺍﺑﺠﻲ .. ﺩﺧﻞ ﻋﻤﺎﺭ .. ﻛﺎﻝ ﺍﺫﺍ ﺗﺮﺩﻳﻦ ﺗﺸﻮﻓﻴﻪ ﻭﺑﺎﻟﺞ ﻳﻢ ﺍﺑﻦ ﻋﻤﺘﺞ ﺍﻧﻲ ﺍﺧﺬﺝ ﺍﻟﻪ ﺑﺲ ﻻ ﺗﺒﺠﻴﻦ ..

ﺍﻣﻲ ﻛﺎﻣﺖ ﺗﻜﺮﺹ ﺑﻴﻪ ﻭﺗﻜﻠﻪ ﻻﺍ ﻳﻤﻪ .. ﻻ ﺗﺎﺧﺬﻫﺎ ﺍﺑﺪ .. ﻋﺮﻭﺱ ﻫﻴﻪ ﻭﺍﻟﻤﺴﺘﺸﻔﻴﺎﺕ ﻣﻮ ﺯﻳﻦ ﻋﻠﻴﻬﺎ ﺗﺼﻴﺮ ﻋﺪﻫﺎ ﺟﺒﺴﻪ ..

ﻣﺴﺤﺖ ﺩﻣﻮﻋﻲ . ﺩﺧﻠﺖ ﺍﻣﻪ . ﻛﺎﺑﺖ ﺧﺎﻟﻪ ﻛﻮﻟﻲ ﻳﺎ ﺍﻟﻠﻪ ﺍﻟﻮﻟﺪ ﻣﻨﻴﺖ ﺗﻜﻠﺞ ﺍﻣﺞ ﺯﻳﻦ .. ﻻ ﺗﺨﺮﺑﻴﻦ ﺻﺒﺎﺣﻴﺔ ﻋﺮﺳﺞ ﺑﺎﻟﺒﻮﺍﺟﻲ ..

ﻫﺰﻳﺖ ﺭﺍﺳﻲ . ﻋﻨﺎﺭ ﺣﺠﻪ ﻭﻱ ﺍﻣﻪ .. ﻛﺎﻟﻠﻬﺎ ﻳﻤﻪ ﺭﺍﺡ ﺍﺧﺬﻫﺎ ﻟﺴﻠﻴﻤﺎﻧﻴﻪ ﻫﺴﻪ .. ﺧﻞ ﺗﺮﺗﺎﺡ ﻭﺗﺒﺘﻌﺪ ﻣﻦ ﻫﻨﺎ ..

ﻛﺎﻟﺘﻠﻪ ﻣﻦ ﺣﻘﻜﻢ ﻳﻤﻪ ﺍﺧﺬ ﻣﺮﺗﻚ ﻭﺭﻭﺡ .. ﻛﺘﻠﻪ ﻣﺎﻛﻮ ﺩﺍﻋﻲ .. ﻛﺎﻝ ﻻ ﺍﻛﻮ ﺩﺍﻋﻲ ﻛﻮﻣﻲ ﻟﻤﻲ ﻣﻼﺑﺲ ﺍﻟﻴﻪ ﻭﺍﻟﺞ ﻭﺧﻞ ﻧﻤﺸﻲ ..

ﺑﺲ ﻛﺜﺮﻱ ﺗﺮﻩ ﺑﺎﺭﺩﻩ ﻫﻨﺎﻙ .. ﻛﺎﻣﺖ ﻧﺠﻮﻯ ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺖ ﻣﻼﺑﺴﻲ . ﻛﻤﺖ ﺳﺎﻋﺪﺗﻬﺎ ﻛﻮﻩ .. ﻛﺎﻟﺖ ﺳﻤﺮ ﺍﻓﺮﺩﻳﻬﺎ ﺧﻼﺍﺹ ..

ﻫﺰﻳﺖ ﺭﺍﺳﻲ .. ﺍﺧﺬﻧﻪ ﻣﻼﺑﺴﻨﻪ . ﻭﻛﻮﻟﺸﻲ ﻧﺤﺘﺎﺟﻪ .. ﻭﻃﻠﻌﺖ ﻭﻳﻪ ﻋﻤﺎﺭ .. ﺍﻟﻄﺮﻳﻖ ﻛﻠﻪ ﻧﺎﻳﻤﻪ .. ﻣﺎ ﻛﻌﺪﺕ ﻭﻻ ﺑﻴﻪ ﺣﻴﻞ ﺍﻛﻌﺪ ..

ﺍﺣﺲ ﺍﻟﺒﺠﻲ ﻫﺪ ﺣﻴﻠﻲ .. ﻭﺻﻞ ﻫﻮﻩ ﺍﺗﻔﻖ ﻭﻳﻪ ﻧﺎﺱ .. ﺍﻧﻮﺏ ﺍﺟﻪ .. ﻛﺘﻠﻪ ﺷﻨﻮ .. ﻛﺎﻝ ﺍﺳﺘﺄﺟﺮﺕ ﺷﻘﻪ ﺍﻟﻨﺎ ﻧﺮﺗﺎﺡ ..

ﺩﺧﻠﻨﻪ .. ﺍﻟﺸﻘﻪ ﺑﺎﺭﺩﻩ ﺣﻴﻞ .. ﻛﺎﻝ ﺷﻐﻠﻲ ﻣﺪﻓﺌﻪ .. ﺷﻐﻠﺘﻬﺎ .. ﻭﻫﻮﻩ ﻃﻠﻊ ..

ﺍﻟﺒﻴﺖ ﻣﻔﺮﻭﺵ ﻭﺣﻠﻮ .. ﺑﺲ ﺑﻌﺪﺕ ﺍﻟﺸﺮﺍﺷﻒ ﺍﻟﺒﻴﺾ ﻣﻦ ﺍﻻﺛﺎﺙ .. ﺣﺎﻭﻟﺖ ﺍﻧﻀﻒ ﺑﺲ ﻣﺎ ﺑﻴﻪ ﺣﻴﻞ

ﺭﺣﺖ ﻟﻠﻐﺮﻓﻪ .. ﺑﺲ ﻏﻴﺮﺕ ﺍﻟﺸﺮﺍﺷﻒ ﻭﻧﻤﺖ .. ﻣﺎ ﻛﻌﺪﺕ ﻏﻴﺮ ﻋﻠﻰ .. ﻭﺟﻮﺩ ﻫﻤﺎﺭ ﻳﻨﻲ .. ﻭﻳﺤﺎﻭﻝ ﻳﺘﻘﺮﺑﻠﻲ ..

ﺣﺎﻭﻟﺖ ﺍﺑﻌﺪﻩ .. ﺑﺲ ﺍﻟﻰ ﻣﺘﻰ .. ﺧﻠﻴﺘﻪ ﻳﺎﺧﺬ ﺣﻘﻪ ﻭﺍﻧﻲ ﻣﺜﻞ ﺍﻟﺠﺜﻪ ﻭﻳﺎﻩ .. ﻭﺍﺑﺠﻲ ﺑﺪﻭﻥ ﺻﻮﺕ ..

ﺭﺍﺡ ﻟﻠﺤﻤﺎﻡ .. ﻛﻤﺖ ﻟﻔﻴﺖ ﻧﻔﺴﻲ ﻭﻛﻤﺖ ﺍﺑﺠﻲ ﺑﺤﺮﻛﻪ ﻭﺍﻧﻲ ﻛﺎﻋﺪﻩ ﺑﻔﺮﺍﺷﻲ .. ﻟﺤﺪ ﻣﺎ ﺧﻮﻳﺖ . .

ﺣﺴﻴﺖ ﺑﻴﻪ ﻃﻠﻊ ﻣﻦ ﺍﻟﺤﻤﺎﻡ .. ﻧﻤﺖ ﺑﺴﺎﻉ ﻭﺧﻠﻴﺖ ﺍﻟﻐﻄﺎ ﻋﻠﻰ ﺭﺍﺳﻲ . ﺩﺧﻞ ﻫﻮﻩ ﺍﺟﻪ ﻳﻤﻲ ﺷﺎﻓﻨﻲ ﻧﺎﻳﻤﻪ .. ﺑﺎﺱ ﺭﺍﺳﻲ ﻃﻔﻰ ﺍﻟﻀﻮﻩ ﻭﻃﻠﻊ ..

ﻳﺮﺑﻲ ﺍﺭﻳﺪ ﺍﺗﺄﻗﻠﻢ ﻣﻮ ﻣﺘﺤﻤﻠﻪ ﺍﺑﺪ .. ﺑﺪﻟﺖ ﻣﻼﺑﺴﻲ .. ﻭﻃﻠﻌﺖ ﻻﺣﻤﺎﻡ .. ﺳﺒﺤﺖ .. ﻭﻃﻠﻌﺖ ﻳﻤﻪ ..

ﻟﻜﻴﺘﻪ ﻃﺎﺑﺦ ﺷﻮﺭﺑﺔ ﻋﺪﺱ .. ﻭﻳﻜﻮﻟﻲ ﺗﺮﻩ ﺑﺲ ﻫﺎﻱ ﺍﻋﺮﻑ ﺍﺳﻮﻳﻬﺎ .. ﺍﺑﺘﺴﻤﺖ .. ﻛﺘﻠﻪ ﺍﺭﺗﺎﺡ ﺍﻧﻲ ﺭﺍﺡ ﺍﺳﻮﻱ ..

ﺍﻟﻤﻄﺒﺦ ﺿﻴﻖ ﺣﻴﻞ ﻭﻫﻮ ﻳﻤﻲ .. ﺗﻀﺎﻳﻘﺖ ﺣﻴﻞ ﻣﻦ ﻭﺟﻮﺩﻩ .. ﻭﻫﻮﻩ ﻣﻬﻮﻭﺱ ﻛﺄﻱ ﺭﺟﻞ ﺑﺪﺍﻳﺔ ﻋﺮﺳﻪ ..

ﺣﺎﻭﻟﺖ ﻣﺎ ﺍﺗﺬﻣﺮ ﻣﻦ ﻟﻤﺴﺎﺗﻪ ﻭﻫﻮﻩ ﻳﻤﻲ .. ﻭﻛﻤﻠﺖ .. ﻛﺎﻋﺪ ﺍﺳﻮﻱ ﺯﻻﻃﻪ .. ﺑﻌﺪ ﺷﻌﺮﻱ ﻭﺑﺎﺳﻨﻲ .. ﻣﻦ ﻛﺪ ﻣﺎ ﻣﺰﺑﺮ ﺟﺴﻤﻲ ﻣﻨﻪ ..

ﺛﺮﻣﺖ ﺍﻳﺪﻱ ﻭﻳﻪ ﺍﻟﺰﻻﻃﻪ ﻭﻛﻤﺰﺕ ﺑﺴﺎﻉ .. ﺍﻟﺪﻡ ﻳﺠﺮﻱ ﻣﻦ ﺍﻳﺪﻱ .. ﻭﻫﻮﻩ ﻳﺼﻴﺢ ﻫﺎﻱ ﻟﻴﺶ ﻫﻴﺞ ..

ﺷﺴﻮﻳﺘﻲ .. ﻳﺎﺍﺍ ﺍﻟﻠﻪ .. ﻏﺴﻞ ﺍﻳﺪﻱ .. ﻭﺍﻧﻲ ﺍﺑﺠﻲ . . ﺑﻘﻰ ﻳﻌﻘﻢ .. ﻭﻳﻜﻮﻟﻲ ﻣﻦ ﺟﺮﺡ ﺍﺻﺒﻊ ﺗﺒﺠﻴﻦ .. ﻛﺘﻠﻪ ﻳﻮﺟﻌﻨﻲ ..

ﻭﻫﻮﻩ ﻛﻠﺒﻲ ﺍﻟﻴﻮﺟﻌﻨﻲ ﻣﻮ ﻟﻴﺪﻱ .. ﻟﺰﻡ ﺍﻧﻔﻲ ﻭﻋﺼﺮﻩ ﻭﻳﻜﻮﻟﻲ ﺍﻣﻮﻭﻭﺕ ﻋﻠﻴﺞ .. ﺍﺣﺴﺞ ﺷﻔﺎﻓﻪ ﺭﻗﻴﻘﻪ ..

ﻳﺮﺑﻲ ﺍﻧﻮﺏ ﻳﺸﻮﻓﻨﻲ ﺭﻗﻴﻘﻪ .. ﻫﺬﺍ ﺍﺷﺎﻑ ﺑﻴﻪ ﻭﻫﻴﺞ ﺣﺒﻨﻲ .. ﺧﺮﺭﺭﺏ ﺣﻈﻲ .. ﻛﻤﺖ ﻛﻤﻠﺖ ﺍﻻﻛﻞ ﻭﻫﻮﻩ ﻛﺎﻝ ﺑﻌﺪ ﻣﺎ ﺍﺗﻘﺮﺏ ﺍﺧﺎﻑ ﺗﻨﺠﺮﺣﻴﻦ ﻣﺮﻩ ﺛﺎﻧﻴﻪ ..

ﺭﺣﻤﻪ ﻫﻢ ﺯﻳﻦ ﺣﺲ .. ﻗﺮﺑﻪ ﻳﺠﺮﺣﻨﻲ .. ﻛﻤﻠﺖ ﺍﻟﻜﻞ ﻭﺍﺧﺬﺗﻪ ﻟﻠﺼﺎﻟﻪ ﺍﻛﻠﻨﻪ .. ﺍﻧﻮﺏ ﻛﺎﻝ ﺑﺪﻟﻲ ﺧﻞ ﺍﻓﺮﺝ ﺑﺴﻠﻴﻤﺎﻧﻴﻪ ﺷﻮﻱ ﺗﻐﻴﺮﻳﻦ ﺟﻮ ..

ﺍﺧﺬﻧﻲ ﺑﺎﻟﺸﻮﺍﺭﻉ ﻭﻟﻴﻞ ﻭﺑﺎﺭﺩﻩ .. ﺑﺲ ﺫﻛﺮﻳﺎﺕ ﺑﻜﺮ ﺑﺮﺍﺳﻲ . ﻭﺍﻧﻲ ﺍﻳﺎﻭﻉ ﺍﻟﻄﺮﻕ ﻭﺍﻻﺿﻮﻳﻪ ﻭﺻﻮﺗﻪ ﻳﺮﻥ ﺑﺄﺫﻧﻲ ..

ﻛﻤﻠﻨﻪ ﺭﺟﻌﻨﻪ ﻟﻠﺒﻴﺖ .. ﻋﻤﺎﺭ ﻧﺎﻡ .. ﻭﺍﻧﻲ ﺑﻘﻴﺖ ﻛﺎﻋﺪﻩ .. ﻃﻠﻌﺖ ﻣﻮﺑﺎﻳﻠﻲ .. ﻓﺘﺤﺘﻪ .. ﻛﻮﻣﻪ ﺭﺳﺎﺋﻞ ﻣﻦ ﺑﻜﺮ ..

ﺟﺎﻱ ﺍﻗﺮﻩ ﺑﻴﻬﻢ .. ﺍﺗﺼﻞ ﺑﻜﺮ ... ﻳﺘﺒﻊ

🌺🌺🌺🌺🌺🌺

ﻣﻦ ﺍﻟﺼﻌﺐ ﺗﺘﺮﻙ ﺷﺨﺺ ﻭﺗﺒﻘﻰ ﺫﻛﺮﻳﺎﺗﻪ ﺍﺩﻕ ﺑﻜﻠﺒﻚ ..

ﺍﻟﻠﻪ ﻳﻌﻴﻨﻬﺎ .. ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ

#زينب_ماجد

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤