رواية حكاية سمر ج2 الجزء الخامس عشر
للكاتبة زينب ماجد
🌿
ﻛﻤﻠﻨﻪ ﺭﺟﻌﻨﻪ ﻟﻠﺒﻴﺖ .. ﻋﻤﺎﺭ ﻧﺎﻡ .. ﻭﺍﻧﻲ ﺑﻘﻴﺖ ﻛﺎﻋﺪﻩ .. ﻃﻠﻌﺖ ﻣﻮﺑﺎﻳﻠﻲ .. ﻓﺘﺤﺘﻪ .. ﻛﻮﻣﻪ ﺭﺳﺎﺋﻞ ﻣﻦ ﺑﻜﺮ ..
ﺟﺎﻱ ﺍﻗﺮﻩ ﺑﻴﻬﻢ .. ﺍﺗﺼﻞ ﺑﻜﺮ ... ﻭﺍﻟﺠﻬﺎﺯ ﺻﻮﺗﻪ ﻋﺎﻟﻲ ﺍﺭﻳﺪ ﺍﻗﻔﻠﻪ ﻣﺎﻛﻮ ..
ﻛﻌﺪ ﻋﻤﺎﺭ .. ﺍﻧﻄﻴﺘﻪ ﺻﺎﻣﺖ .. ﻛﺎﻝ ﻣﻨﻮ .. ﻛﺘﻠﻪ ﻣﺎﻣﺎ ..
- ﺍﻱ ﺭﺩﻱ
- ﻻﺍﺍ ﻋﺎﺩﻱ ﺑﺎﺟﺮ ﺍﻛﻠﻤﻬﺎ .. ﺍﺣﺠﻲ ﻭﻛﻠﺒﻲ ﻳﺮﺟﻒ .. ﺍﻭﻑ ﺷﺴﻮﻳﺖ ﺑﻨﻔﺴﻲ .. ﻃﻠﻌﺖ ﺭﻗﻤﻪ ﻭﺧﻠﻴﺘﻪ ﺑﻼﺋﺤﺔ ﺍﻟﺮﻓﺾ ..
ﺣﺘﻰ ﺷﻮﻛﺖ ﻣﻴﺘﺼﻞ ﻳﻠﻜﺎﻧﻲ ﻣﻐﻠﻖ .. ﺧﻞ ﻳﺄﻳﺲ ﻣﻨﻲ ﻭﻳﺸﻮﻑ ﺣﻴﺎﺗﻪ .. ﻛﺎﻓﻲ ﺍﻋﺬﺑﻪ ﻭﺍﻋﺬﺏ ﺭﻭﺣﻲ ﺧﻼﺹ ﺗﺰﻭﺟﺖ ﻻﺯﻡ ﺍﻛﻄﻊ ﻛﻞ ﺍﻣﻞ ﺑﻴﻪ ..
ﻭﺍﺟﺒﺮ ﻧﻔﺴﻲ ﻋﻠﻰ ﻧﺴﻴﺎﻧﻪ .. ﺑﺲ ﺷﻠﻮﻥ ﺍﻧﺴﻰ ﻳﺎﺭﺑﻲ .. ﻣﺠﺮﺩ ﻓﻜﺮﺓ ﺍﻧﻮ ﺍﻧﻲ ﺍﻧﺴﻰ ﺑﻜﺮ ﺗﺬﻛﺮﻧﻲ ﺑﻜﻞ ﻟﺤﻈﺎﺗﻪ ﻭﻳﺎﻱ ﻭﺍﺗﻌﺬﺏ ..
ﻃﻠﻌﺖ ﺑﺮﻩ .. ﺍﺧﺬﺕ ﺭﺳﺎﻳﻠﻪ ﻭﺍﻗﺮﻩ ﺑﻴﻬﻢ .. ﺳﻤﺮ ﺑﺲ ﻛﻮﻟﻴﻠﻲ ﻟﻴﺶ ﻫﻴﺞ ﺳﻮﻳﺘﻲ ﻣﻮ ﻛﻠﺘﻴﻠﻲ ﻣﺎ ﺍﻋﻮﻓﻚ ﻭﻣﺎ ﺍﺗﺨﻴﻞ ﺭﻭﺣﻲ ﻭﻳﻪ ﻏﻴﺮﻙ ..
ﻭﻟﺞ ﺗﻜﻮﻟﻴﻠﻲ ﺷﻮﻛﺖ ﺍﻟﺒﺴﻠﻚ ﺍﻻﺑﻴﺾ ﻭﺗﺎﻟﻲ ﺗﻠﺒﺴﻲ ﻟﻐﻴﺮﻱ ﻟﻴﺶ ﺑﺲ ﺟﺎﻭﺑﻴﻨﻲ ﻟﻴﺶ .
ﺍﺭﻳﺪ ﺍﻗﺮﻩ ﺩﻣﻮﻋﻲ ﻳﻤﻨﻌﻨﻲ ﻣﻦ ﺍﻟﺸﻮﻑ .. ﺷﻜﺪﺭ ﺍﺟﺎﻭﺏ .. ﻓﺘﺤﺖ ﺍﻟﺮﻓﺾ ﻭﺩﺯﻳﺘﻠﻪ ﺭﺳﺎﻟﻪ ..
ﺍﻧﺴﺎﻧﻲ .. ﺍﻋﺘﺒﺮﻧﻲ ﺧﺎﻳﻨﻪ ﻭﺍﻧﺴﺎﻧﻲ ﺩﺧﻴﻠﻚ ﻭﺍﺑﺘﻌﺪ ﺍﻟﻠﻪ ﻳﻮﻓﻘﻚ .. ﺩﺯﻳﺘﻪ ﻭﺭﺟﻌﺘﻪ ﺑﻘﺎﺋﻤﺔ ﺍﻟﺮﻓﺾ ..
ﺷﻤﺮﺕ ﺍﻟﻤﻮﺑﺎﻳﻞ ﻭﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻲ ﻭﺍﺩﻳﻪ ﻓﻮﻙ ﺭﺍﺳﻲ ﻭﺍﺑﺠﻲ ﺣﻴﻞ ﺍﻟﻬﻲ ﻓﺪﻭﻩ ﺧﻠﻴﻨﻲ ﺍﻧﺴﺎﻩ .. ﺗﻌﺒﺖ ﻻ ﺍﻛﺪﺭ ﺍﺻﻴﺮ ﺍﻟﻪ ﻭﻻ ﺍﻛﺪﺭ ﺍﻧﺴﺎﻩ
ﺩﺍ ﺍﺑﺠﻲ ﺍﺟﻪ ﻳﻤﻲ ﻋﻤﺎﺭ .. ﻣﺴﺤﺖ ﺩﻣﻮﻋﻲ ﻭﺍﻧﻲ ﻣﺪﻧﻜﻪ .. ﻭﺭﻓﻌﺖ ﺭﺍﺳﻲ ﻫﺎﺍﺍ .. ﻛﺎﻝ ﺷﺒﻴﺞ ﺗﺒﺠﻴﻦ ..
ﻛﺘﻠﻪ ﻻﺍ ﻫﻴﺞ ﺭﺍﺳﻲ ﻳﻮﺟﻌﻨﻲ .. ﻛﺎﻝ ﺗﻌﺎﻱ .. ﻛﺘﻠﻪ ﻋﻤﺎﺭ ﻣﻮ ﻭﻗﺘﻬﺎ ﺭﺍﺳﻲ ﺻﺎﺩﻋﻨﻲ ..
- ﺍﻱ ﺩﺗﻌﺎﻱ ﻫﺴﻪ ﺍﻧﻲ ﺷﻤﺴﻮﻳﻠﺞ ﻗﺎﺑﻞ
- ﺍﺧﺬ ﺍﻳﺪﻱ ﻭﺭﺣﻨﻪ ﻟﻐﺮﻓﺔ ﺍﻟﻨﻮﻡ .. ﻛﻌﺪ ﻫﻮﻩ ﻛﺎﻝ ﻛﻌﺪﻱ .. ﻛﻌﺪﺕ ﻋﻠﻰ ﻃﺎﺭﻑ ﺍﻟﺴﺮﻳﺮ ..
ﺍﺧﺬ ﺭﺍﺳﻲ ﻭﺧﻼﻩ ﻋﻠﻰ ﺭﺟﻠﻪ .. ﻭﺑﻘﻰ ﻳﺪﻟﻚ ﺷﻌﺮﻱ ﻭﺭﺍﺳﻲ .. ﻛﺎﻝ ﺟﺎﻱ ﺗﺮﺗﺎﺣﻴﻦ ﻫﻴﺞ ﻫﺰﻳﺖ ﺭﺍﺳﻲ ﺍﻱ ..
ﻓﻌﻼ ﺍﺣﺲ ﺭﺍﺳﻲ ﺍﺭﺗﺎﺡ ﻭﻫﻮﻩ ﻳﺪﻟﻚ .. ﻟﺤﻀﺎﺕ ﻭﻏﻔﻴﺖ .. ﻣﺎ ﻓﺰﻳﺖ ﺍﻻ ﻋﻠﻰ ﺗﺤﺮﻛﻪ ﻫﻮﻩ .. ﺷﺎﻝ ﺭﺍﺳﻲ ﻣﻦ ﺭﺟﻠﻪ ﻭﺗﻤﺪﺩ
ﻛﻌﺪﺕ .. ﻛﺎﻝ ﺗﻌﺎﻱ ﺭﺟﻌﻲ .. ﺍﺧﺬﺕ ﻣﺨﺪﻩ ﻭﻧﻤﺖ ﻭﺧﻠﻴﺖ ﺭﺍﺳﻲ ﻋﻠﻴﻬﺎ ﻭﻧﻤﺖ .. ﻛﺎﻝ ﺟﺎﻱ ﺍﺿﺎﻳﻘﺞ ﺍﻧﻲ ..
- ﻫﺰﻳﺖ ﺭﺍﺳﻲ ﺑﻌﻴﻮﻥ ﻧﺎﻋﺴﻪ ﻭﻛﺘﻠﻪ ﻻﺍﺍ .. ﺍﺧﺬ ﺍﻳﺪﻱ ﺧﻼﻫﺎ ﺟﻮﻩ ﺧﺪﻩ ﻭﻧﺎﻡ .. ﺷﻮﻱ ﻭﻭﺧﺮﺗﻬﺎ ﻣﻨﻪ ..
ﻣﺎ ﺣﺲ ﻋﻠﻴﻪ .. ﻧﺎﻡ .. ﺩﺭﺕ ﻭﺟﻬﻲ ﻣﻨﻪ ﻭﻧﻤﺖ .. ﻣﻦ ﺍﻧﺎﻡ ﻓﻘﻂ ﺍﺗﺨﻴﻞ ﺑﻜﺮ ﻭﻳﺎﻱ ﻭﺍﻥ ﻛﻞ ﻫﺬﺍ ﻣﺎ ﺻﺎﺭ ..
ﻛﻤﺖ ﻫﻮﺍﻱ ﺍﻟﺘﺠﺊ ﻟﻠﻨﻮﻡ .. ﻻﻥ ﺍﺷﻮﻑ ﻧﻔﺴﻲ ﺑﺎﻟﺤﻠﻢ ﻭﻱ ﺑﻜﺮ .. ﺑﺲ ﻣﻦ ﺍﻛﻌﺪ ﻭﺍﻟﻜﻰ ﻋﻤﺎﺭ ﺍﺗﻀﺎﻳﻖ ﺣﻴﻞ
🌿
ﺍﺣﺎﻭﻝ ﺍﻧﺴﻰ .. ﺑﺲ ﻣﺎ ﺍﻛﺪﺭ .. ﻣﺎ ﺍﺭﻳﺪ ﺍﻧﺎﻡ ﻋﻠﻤﻮﺩ ﻣﺎ ﺍﺷﻮﻑ ﺑﻜﺮ .. ﻭﻻ ﺍﺭﻳﺪ ﺍﻛﻌﺪ ﻭﺍﺷﻮﻑ ﻭﺍﻗﻌﻲ .. ﺻﺮﺕ ﺑﻤﻮﻗﻒ ﻛﺮﻫﺖ ﺭﻭﺣﻲ ..
ﺧﻠﺺ ﺍﻻﺳﺒﻮﻉ ﻭﺍﻧﻲ ﻣﻄﺎﻟﻌﻪ ﺍﺑﺪ ﻣﻦ ﺍﻟﺒﻴﺖ ﻋﻤﺎﺭ ﻣﺮﺍﺕ ﻳﺤﺠﻲ ﻳﻜﻮﻝ ﻟﻌﺪ ﻋﻠﻴﻤﻦ ﻛﻠﻔﺖ ﻧﻔﺴﻲ ﻭﺍﺟﻴﺖ ﻫﻨﺎ ﻟﺴﻠﻴﻤﺎﻧﻴﻪ ﻧﺸﻢ ﻫﻮﺍ ..
ﺗﺎﻟﻲ ﻣﺨﻠﺼﺘﻬﺎ ﻧﻮﻡ .. ﻃﻠﻌﻨﻪ ﺑﺲ ﻟﻼﻟﻌﺎﺏ .. ﺍﺧﺬﺕ ﺑﺮﺩ .. ﻭﺭﺟﻌﺖ ﺗﻤﺮﺿﺖ ﺍﻭ ﻣﺮﺿﺖ ﻧﻔﺴﻲ ﻋﻠﻤﻮﺩ ﺑﺲ ﺍﻧﺎﻡ ﻭﺍﺑﻌﺪ ﻋﻤﺎﺭ ﻣﻨﻲ ..
ﻓﻬﻮﻩ ﺍﺗﺠﻨﺐ ﻣﻀﺎﻳﻘﺘﻲ ﻻﻥ ﻣﺮﻳﻀﻪ .. ﺑﺲ ﻣﺎ ﺍﻧﻜﺮ ﺧﻄﻴﻪ ﺿﻞ ﺑﺲ ﻳﺪﺍﺭﻱ ﺑﻴﻪ .. ﻟﻜﻦ ﺍﻟﻤﺸﻜﻠﻪ ﻛﻠﺒﻲ ﺷﻠﻮﻭﻥ ..
ﺍﺣﺲ ﻣﻘﻔﻮﻭﻭﻝ ﺍﺑﺪ ﻣﺎﺑﻴﻪ ﻣﺠﺎﻝ ﻭﻣﻔﺘﺎﺣﻪ ﺑﻴﺪ ﺑﻜﺮ .. ﺷﻠﻮﻥ ﺍﺧﻠﺺ ﻧﻔﺴﻲ ﻣﻦ ﻫﻴﺞ ﺣﻴﺎﺓ .. ﺍﺣﺲ ﺩﺍﺧﻠﻲ ﺳﺠﻦ ﻣﺎ ﺍﻋﺮﻑ ﺷﻠﻮﻥ ﺍﻃﻠﻊ ﻣﻨﻪ
ﻛﻤﻠﻨﻪ ﺍﻻﺳﺒﻮﻉ ﺭﺟﻌﻨﻪ ﻟﻠﺒﻴﺖ ..
ﻭﻫﻨﺎ ﺑﺪﻳﺖ ﺍﺗﻌﺮﻑ ﻋﻠﻰ ﻋﺎﻟﻤﻲ ﺍﻟﺠﺪﻳﺪ ﺍﻟﻠﻲ ﺷﻤﺮﺕ ﻧﻔﺴﻲ ﺑﻴﻪ ..
ﺍﻭﻝ ﻣﺎ ﻓﺘﺤﻨﻪ ﺍﻟﺒﺎﺏ ﻭﺩﺧﻠﺖ .. ﻭﻣﺎ ﺍﺣﺲ ﺍﻻ ﻣﻜﻨﺎﺳﻪ ﺍﻧﻀﺮﺑﺖ ﺑﻮﺟﻬﻲ .. ﺧﻠﻴﺘﻲ ﺍﻳﺪﻱ ﻭﺍﺗﺬﻣﺮﺕ ..
ﺑﺎﻭﻋﺖ .. ﺟﻬﺎﻝ ﺛﻨﻴﻦ ﻭﻟﺪ ﻳﺨﻮﻑ ﻭﻳﺮﻛﺾ ﻭﺭﻩ ﺍﻟﺜﺎﻧﻲ .. ﺑﺎﻭﻋﺖ ﻟﻌﻤﺎﺭ ﻛﺘﻠﻪ ﻣﻨﻮ ﺫﻭﻟﻪ ..
- ﺍﻃﻔﺎﻟﻲ ... ﻋﺒﻮﺩﻱ .. ﻭﻟﻮﺩﻱ ﺗﻌﺎﻟﻮ ﺑﺎﺑﺎ
- ﺍﺟﻮ ﻳﻤﻪ ﺑﻮﺳﻬﻢ ﻭﻛﺎﻟﻠﻬﻢ ﻫﺎﻱ ﻣﺎﻣﺎ ﺟﺪﻳﺪﻩ ﺍﺳﻤﻬﺎ ﺳﻤﺮ ..
- ﺍﺑﺘﺴﻤﺘﻠﻬﻢ .. ﻭﻟﻴﺪ ﺳﻠﻢ .. ﻭﺍﻟﺜﺎﻧﻲ ﺩﻧﻜﺖ ﺍﺑﻮﺳﻪ ﺿﺮﺑﻨﻲ ﻛﻠﻪ ﺑﺮﺍﺳﻪ ﻋﻠﻰ ﺍﻧﻔﻲ ﻭﺷﺮﺩ .. ﺣﻴﻞ ﺗﻮﺟﻌﺖ ..
- ﺳﻤﺮ ﺍﻧﻲ ﻛﺘﻠﺞ ﻋﻨﺪﻱ ﻃﻔﻞ ﻣﺠﻨﻮﻥ ..
- ﻫﺰﻳﺖ ﺭﺍﺳﻲ ﻭﺍﻧﻲ ﻣﺨﻠﻴﻪ ﺍﻳﺪﻱ ﻋﻠﻰ ﺍﻧﻔﻲ .. ﺍﻟﻠﻲ ﺍﻛﺘﺸﻔﺘﻪ ﻫﻮﻩ ﻣﻮ ﺑﺲ ﻣﺠﻨﻮﻥ ﻫﻮﻩ ﻣﻨﻐﻮﻟﻲ
ﻭﺍﻟﻤﻨﺎﻏﻠﻪ ﺩﺭﺟﺎﺕ .. ﺍﻛﻮ ﺑﻴﻬﻢ ﺍﻟﻔﺎﻫﻢ ﻭﺍﻟﻌﺎﻗﻞ ﻟﻜﻦ ﻳﺒﻘﻰ ﻋﻨﺪﻩ ﺗﺼﺮﻑ ﻃﻔﻮﻟﻲ .. ﻭﺍﻛﻮ ﻻ ﻣﺜﻞ ﺍﻟﻤﺠﺎﻧﻴﻦ ..
ﻋﺒﺪ ﺍﻟﻠﻪ ﻣﻨﻐﻮﻟﻲ ﻣﺠﻨﻮﻥ .. ﺩﺧﻠﺖ .. ﺳﻠﻤﺖ ﻋﻠﻰ ﺍﻣﻪ .. ﺣﺠﻴﻪ ﺑﻌﻤﺮ ﺍﻝ 65 ﺳﻨﻪ .. ﻭ ﺍﺧﻮ ﻋﻤﺎﺭ ﻣﺴﻠﻢ .. ﻃﺎﻟﺐ ﺍﻋﺪﺍﺩﻱ ..
ﻭﺍﺧﺘﻪ ﺍﺭﻣﻠﻪ ﻭﻋﺪﻫﺎ 3 ﺍﻃﻔﺎﻝ 2 ﺑﻨﺎﺕ ﻭﻭﻟﺪ .. ﻭﺍﻟﺒﻘﻴﻪ ﻣﺘﺰﻭﺟﺎﺕ ﺑﺲ ﺑﻨﻔﺲ ﺍﻟﻔﺮﻉ .. ﻭﺍﻛﻮ ﺍﺥ ﺍﻛﺒﺮ ﻣﻦ ﻋﻤﺎﺭ ﻋﺎﺯﻝ ﺍﺑﻴﺖ ﺑﻌﻴﺪ ﻋﻨﻪ ﺍﺳﻤﻪ ﺣﻤﺰﻩ ..
ﺳﻠﻤﺖ ﻭﻛﻌﺪﺕ .. ﺍﻣﻪ ﺑﺴﺮﻋﻪ ﻧﺒﺘﻨﻲ ..
- ﻳﻤﻪ ﺳﻤﺮ ﺑﻌﺪ ﻫﻮﻩ ﺍﻟﺒﻴﺖ ﺑﻴﺘﺞ ﻭﺍﻧﺘﻲ ﻃﻠﻌﺘﻲ ﺍﻟﺴﺒﻌﻪ ..
- ﺍﻱ
- ﺷﻨﻮ ﺍﻱ
- ﻛﻤﻠﻲ ﺣﺠﻴﺞ ﺩﺍ ﺍﺳﺘﻤﻌﻠﺞ
- ﻻ ﻫﻮﻩ ﺟﺎﻱ ﺍﻛﻠﺞ ﺍﻟﺒﻴﺖ ﺑﻴﺘﺞ ﺻﺎﺭ ﺑﻌﺪ ﺣﺎﻭﻟﻲ ﺗﺴﺎﻭﻳﻦ ﺑﻴﻦ ﺍﻟﺒﻴﺖ ﻭﺍﻟﺪﻭﺍﻡ ..
- ﻫﺎﺍﺍ .. ﻋﺮﻓﺖ ﺗﻘﺼﺪ ﺍﻟﺸﻐﻞ .. ﻛﺎﻟﻠﻬﺎ ﻋﻤﺎﺭ ﻳﻮﻡ ﻫﺴﻪ ﺧﻞ ﺗﺮﺗﺎﺡ ﻣﻦ ﺍﻟﺴﻔﺮ ﻃﺮﻳﻖ ﺳﻠﻴﻤﺎﻧﻴﻪ ﻳﺘﻌﺐ ﻭﺑﺎﺟﺮ ﺗﺒﻠﺶ ﻭﻳﺎﻛﻢ ..
- ﺍﻧﺘﻪ ﺍﻃﻠﻊ ﻣﻨﻬﺎ ﻋﻴﺐ .. ﻻ ﺗﺪﺧﻞ ﺑﺴﻮﺍﻟﻒ ﺍﻟﻨﺴﻮﺍﻥ ..
- ﻋﺮﻓﺖ ﻫﺎﻱ ﺳﺎﻣﻴﻪ ﻧﺒﺮ ﺗﻮ ﻫﻨﺎ ﻋﻨﺪﻱ .. ﺍﻟﻠﻪ ﻻ ﻳﻨﻄﻴﺞ ﺳﺎﻣﻴﻪ ﺣﺘﻰ ﻫﻨﺎ ﻟﻜﻴﺖ ﺷﺒﻴﻬﺘﺞ ..
- ﺻﻌﺪﺕ ﻣﻦ ﻳﻤﻬﻢ .. ﻟﻤﻴﺖ ﻏﺮﺍﺿﻲ ﻭﻧﻀﻔﺖ ﻏﺮﻓﺘﻲ ﻭﺍﻧﻲ ﺗﺎﻳﻪ ﺑﻮﺿﻌﻲ ﻭﺍﻓﻜﺮ ﺍﺑﻜﺮ ﻭﺷﺼﺎﻳﺮ ﺑﻴﻪ ﻫﺴﻪ ..
ﻻﺯﻡ ﺍﺧﺎﺑﺮ ﻧﺠﻮﻯ ﺗﺸﻮﻓﻠﻲ ﺍﺧﺒﺎﺭﻩ .. ﺍﺟﻴﺖ ﺍﺧﺎﺑﺮ .. ﻭﺗﺮﻛﺖ ﺍﻟﻤﻮﺑﺎﻳﻞ ﻻﺍﺍ ﻻﺯﻡ ﺍﻧﺴﺎﻩ
🌿
ﺩﺍ ﺍﻓﻜﺮ .. ﺩﺧﻠﺖ ﺷﻴﻤﺎﺀ .. ﺍﻛﻠﺞ ﺳﻤﻮﺭﻩ ﻣﺎ ﺗﻜﻮﻣﻴﻦ ﻭﻳﺎﻱ
- ﻭﻳﻦ
- ﻧﻐﺴﻞ ﺍﻟﻔﺮﺵ ﻣﺎﻝ ﺍﻟﻌﺮﺱ ﻟﺤﺪ ﻫﺴﻪ ﻣﺎ ﻏﺎﺳﻠﺘﻬﻦ .. ﺑﺲ ﺍﻧﻲ ﺑﺎﻟﺒﻴﺖ ﻭﺗﻌﺮﻓﻴﻦ ﺍﻟﻮﺍﻟﺪﻩ ﺟﺒﻴﺮﻩ
- ﺍﻱ ﺑﻌﻴﻨﻲ ﻫﺴﻪ ﺍﻧﺰﻝ
- ﺍﻱ ﻓﺪﻭﻩ ﺍﻟﻌﻴﻨﺞ ﺣﺒﻴﺒﺘﻲ
- ﻟﻤﻴﺖ ﺍﻟﻐﺮﻓﻪ ﺑﺴﺎﻉ ﻭﻋﻄﺮﺗﻬﺎ ﻭﻃﻠﻌﺖ .. ﻧﺰﻟﺖ ﻟﻜﻴﺘﻬﺎ ﻣﻄﻠﻌﻪ 5 ﺯﻭﺍﻟﻲ ﻭﺣﺪﻩ ﻓﻮﻙ ﺍﻟﺦ ﻭﻣﻨﻜﻌﺘﻬﻦ .. ﻭﺷﺎﻣﺮﻩ ﺗﺎﻳﺪ ..
ﺑﺎﻭﻋﺘﻠﻬﻦ .. ﺍﺟﻴﺖ ﺍﻏﺺ .. ﺍﻟﺪﻧﻴﺎ ﺑﺎﺭﺩﻩ ﺗﺠﻤﺪ ﻣﻮ ﻣﺎﻝ ﺍﻏﺴﻞ ﻫﻴﺞ .. ﻭﺣﺘﻰ ﺟﺎﺭﻩ ﻣﻲ ﻣﻦ ﺍﻟﻤﺎﻃﻮﺭ ﺑﺎﺭﺩ ﻳﺠﺮﺵ ﺣﺘﻰ ﻣﻮ ﺩﺍﻓﻲ ..
ﺑﺲ ﺳﻜﺘﺖ ﻋﻴﺐ ﺍﺣﺠﻲ .. ﺷﻤﺮﺗﻠﻲ ﺍﻟﻔﺮﭼﻪ ﻭﻛﻌﺪﺕ ﺍﻏﺴﻞ .. ﺍﺑﺎﻭﻉ ﺷﻴﻤﺎﺀ ﻣﺎﻛﻮ .. ﺑﺲ ﺍﻧﻲ ﺍﻏﺴﻞ ..
ﺻﺤﺖ ﻋﻠﻴﻬﺎ ﺟﺎﻥ ﺗﻜﻠﻲ ﻳﺎﺍﺍ ﻓﺪﻭﻩ ﺍﻟﻜﻠﺒﺞ ﺍﻣﻲ ﺻﺎﺣﺘﻨﻲ ﺍﻟﺤﺠﻴﻪ ﻣﺎ ﺗﻘﺒﻞ ﺗﻜﻌﺪ ﻭﺣﺪﻫﺎ ﺍﻻ ﺍﻛﺎﺑﻠﻬﺎ ﻛﻤﻠﻴﻬﻦ ﻭﺣﺪﺝ ﻭﻟﻮ ﺍﺗﻌﺒﺞ ..
ﺑﻘﻴﺖ ﺻﺎﻓﻨﻪ .. ﻫﺰﻳﺖ ﺭﺍﺳﻲ .. ﻭﻏﺴﻠﺖ ﻏﺴﻠﺖ ﻟﺤﺪ ﻣﺎ ﺣﺴﻴﺖ ﺣﻴﻠﻲ ﺍﻧﻬﺪ ﻭﺍﺩﻳﻪ ﻣﺎ ﺍﺣﺲ ﺑﻴﻬﻦ ﻣﻦ ﺍﻟﺒﺮﺩ ..
ﻭﻫﺬﺍ ﻋﺒﻮﺩﻱ ﺗﻌﺒﻨﻲ ﻛﻞ ﺷﻮﻱ ﻳﺸﻤﺮ ﺗﺎﻳﺪ ﻭﺍﻏﺴﻞ ﻭﺭﺍﻩ .. ﻛﻤﻠﺖ ﻟﻤﻴﺘﻬﻦ ﻭﻏﺴﻠﺖ ﺍﻟﻄﺮﻣﻪ ﻭﺻﻌﺪﺕ ..
ﺍﺧﺬﺕ ﻣﻼﺑﺲ ﻭﺭﺣﺖ ﺳﺒﺤﺖ .. ﻛﻞ ﺷﻮﻱ ﻳﻨﺰﻝ ﺍﻟﻤﻲ ﺍﻟﺒﺎﺭﺩ ﻋﻠﻴﻪ ﻭﺍﺳﺘﺤﻲ ﺍﺻﻴﺢ .. ﻟﻌﺒﺖ ﻧﻔﺴﻲ . ﺍﺛﺎﺭﻱ ﺟﻨﺖ ﻋﺎﻳﺸﻪ ﺑﺨﻴﺮ ﻭﺍﻧﻲ ﻣﺎ ﺍﺩﺭﻱ
ﻛﻤﻠﺖ ﻛﻮﻩ ﻭﻃﻠﻌﺖ .. ﻟﻜﻴﺖ ﺻﻮﺑﻪ ﺑﺎﻟﻤﻤﺮ .. ﺍﺧﺬﺗﻬﺎ ﻭﺷﻐﻠﺘﻬﺎ ﺑﺎﻟﻐﺮﻓﻪ .. ﻭﻛﻌﺪﺕ ﺍﺩﻓﻪ ﻋﻠﻴﻬﺎ ..
ﺷﻮﻱ ﻭﻣﺎ ﺍﺣﺲ ﺍﻻ ﺻﻴﺎﺡ ﻛﺎﺏ ﺑﺎﻟﺒﻴﺖ .. ﻃﻠﻌﺖ ﻣﺴﻠﻢ ﻳﺼﻴﺢ ﻭﺧﺎﺑﺺ ﺍﻟﺪﻧﻴﺎ .. ﺍﻟﻌﺮﻓﺘﻪ ﻳﺤﺠﻲ ﺍﻟﺼﻮﺑﻪ ﻣﺎﻛﻮ ..
ﻛﺘﻠﻪ ﺍﻋﺘﺬﺭ ﺍﻧﻲ ﺍﺧﺬﺗﻬﺎ .. ﺑﺎﻭﻋﻠﻲ ﻭﻛﺎﻝ ﺍﻛﻮﻡ ﺍﺩﻓﺮﺝ .. ﻣﻨﻮ ﻛﺎﻟﺞ ﺗﺎﺧﺬﻳﻬﺎ ﻣﻤﻨﻮﻉ ﺗﻮﺻﻠﻴﻦ ﻟﻐﺮﺍﺿﻲ ﺑﻨﺖ ﺍﻟﻜﻠﺐ ..
ﺑﻠﻌﺘﻬﺎ ﻭﺳﻜﺘﺖ .. ﻃﻠﻌﺖ ﺍﻟﺼﻮﺑﻪ ﺍﻟﻪ .. ﺟﺎﻥ ﻳﺸﻴﻠﻬﺎ ﻭﻳﻜﺴﺮﻫﺎ .. ﻭﻳﻜﻮﻟﻲ ﻣﺪﺍﻡ ﺷﻐﻠﺘﻴﻬﺎ ﺍﻧﻄﻴﻨﻲ ﻓﻠﻮﺳﻬﺎ ..
ﻛﺘﻠﻪ ﻟﻴﺶ ﻛﺴﺮﺗﻬﺎ .. ﻳﻜﻮﻟﻲ ﺍﺷﺘﺮﻳﺘﻬﺎ ﺏ 150 ﺍﻟﻒ ﻭﺍﻧﺘﻲ ﺗﺸﻐﻠﻴﻬﺎ ﻳﻠﻪ ﺍﻧﻄﻴﻨﻲ 150 ﺍﻟﻒ ..
ﺑﻠﻪ ﻫﺬﺍ ﺷﺤﺠﻲ ﻭﻳﺎﻩ .. ﻟﺰﻣﻨﻲ ﻣﻦ ﻣﻼﺑﺴﻲ ﺭﺍﺩ ﻳﻀﺮﺑﻨﻲ ﻟﺰﻣﺘﻪ ﺍﻣﻪ ﻛﺎﻟﺘﻠﻪ ﺍﻟﻤﺮﻩ ﻋﺮﻭﺱ ﻋﻠﻜﻴﻔﻚ ﺷﻮﻳﻪ ..
ﻭﺻﺎﺣﺖ ﺑﻴﻪ ﻃﺒﻲ ﺟﻮﻩ .. ﺩﺧﻠﺖ ﻭﺳﺪﻳﺖ ﺍﻟﺒﺎﺏ .. ﻭﻓﻘﻂ ﺍﺗﺬﻛﺮ ﺷﻠﻮﻥ ﺑﻜﺮ ﻣﻦ ﺟﺎﻥ ﻋﺎﺩﻝ ﻳﻀﺮﺑﻨﻲ ﻭﻳﺸﻴﻠﻨﻲ ﻣﻦ ﺍﺩﻳﻪ ﻭﻳﺨﻠﻴﻨﻲ ﻭﺭﻩ ﺿﻬﺮﻩ ..
ﻭﻳﺪﺍﻓﻌﻠﻲ .. ﻛﻌﺪﺕ ﺍﺑﺠﻲ ﺑﺤﺮﻛﻪ ﻋﻠﻴﻪ .. ﺍﺥ ﻳﺎ ﻛﻠﺒﻲ ﺭﺑﻲ ﻣﻮﺗﻨﻲ ﻭﺭﻳﺤﻨﻲ ﺩﺧﻴﻠﻚ ﺗﻌﺒﺖ ﻫﺎﻱ ﻫﻢ ﻋﻴﺸﻪ ..
ﺟﺎﻱ ﺍﺑﺠﻲ ﻭﺩﺧﻞ ﻋﻤﺎﺭ .. ﻛﺎﻝ ﺷﺒﻴﺞ .. ﻛﺘﻠﻪ ﻣﺎﻛﻮ ﺷﻲ ﺑﺲ ﺍﺧﺬﺕ ﺍﻟﺼﻮﺑﻪ ﺍﺩﻓﻴﺖ ﻋﻠﻴﻬﺎ ﻣﺴﻠﻢ ﻫﻴﺞ ﻭﻫﻴﺞ ﺳﻮﻩ ..
ﻛﺎﻝ ﻫﺬﺍ ﻧﺤﺲ ﺑﺤﺎﺟﺘﻪ ﻻ ﺗﺘﻘﺮﺑﻴﻦ ﻳﻤﻪ . ﻛﺘﻠﻪ ﺷﻤﺪﺭﻳﻨﻲ ﻋﺒﺎﻟﻲ ﻣﺜﻞ ﺑﻴﺖ ﺍﻫﻠﻲ ﻛﻞ ﺣﺎﺟﻪ ﺑﺎﻟﺒﻴﺖ ﻣﺘﺎﺣﻪ ﻟﻠﺠﻤﻴﻊ ..
ﺩﻧﺤﺠﻲ ﻭﺟﺎﻥ ﺗﺪﺧﻞ ﺷﻴﻤﺎﺀ ﺳﻤﺮ ﻛﻮﻣﻲ ﺳﺎﻋﺪﻳﻨﻲ ﺑﺎﻟﻌﺸﺎ ﻭﻃﻠﻌﺖ ﺑﻘﻴﺖ ﺻﺎﻓﻨﻪ ..
ﻛﺘﻠﻪ ﺍﻛﻮﻟﻚ .. ﺍﻫﻠﻚ ﻣﺎ ﻋﺪﻫﻢ ﺷﻲ ﺍﺳﻤﻪ ﺩﻙ ﺍﻟﺒﺎﺏ ﻗﺒﻞ ﺍﻟﺪﺧﻮﻝ
🌿
ﺷﺒﻴﻬﺎ ﻳﺎ ﺳﻤﺮ ﻗﺎﺑﻞ ﻭﻳﻦ ﺩﺍﺧﻠﻪ ﻏﻴﺮ ﻏﺮﻓﺔ ﺍﺧﻮﻫﺎ
- ﺑﺲ ﺍﺣﻨﻪ ﻣﺘﺰﻭﺟﻴﻦ ﻭﺍﻟﻨﻪ ﺧﺼﻮﺻﻴﺘﻬﺎ .. ﻭﺣﺎﻟﻴﺎ ﻋﺮﺳﺎﻥ ﻳﻌﻨﻲ ﻣﻤﻜﻦ ﺗﺪﺧﻞ ﻋﻠﻴﻨﻪ ﺑﻮﺿﻊ ﻣﻮ ﻻﺋﻖ
- ﻳﺎ ﻻﺋﻖ ﺳﻤﺮ ﺑﺮﻭﺡ ﺍﻫﻠﺞ ﻋﻮﻓﻲ ﻛﻼﻡ ﺍﻟﻤﺪﺭﺳﻴﻦ ﻫﺬﺍ ﻫﻮﻩ ﺍﻧﻲ ﺷﺎﻳﻒ ﻣﻨﺞ ﻭﺿﻊ ﻣﻮ ﻻﺋﻖ ﻋﻠﻤﻮﺩ ﺗﺪﺧﻞ ﺍﺧﺘﻲ ﻭﺗﺸﻮﻑ
- ﻫﺬﺍ ﻣﻮ ﻋﺬﺭ .. ﻭﺑﻌﺪﻳﻦ ﺷﺘﻘﺼﺪ ﺍﻧﺘﻪ ﺍﺷﺎﻳﻒ ﻣﻨﻲ .. ﺷﺘﺮﻳﺪ ﻣﺜﻼ .. ﺍﻟﻌﻠﻴﺎ ﺩﺍ ﺍﺳﻮﻳﻪ
- ﻫﺎﺍﺍ ﺍﻧﻌﻢ ﺍﻟﻠﻪ ﻟﻌﺪ ﺍﺫﺍ ﻫﻴﺞ ..
- ﻋﺎﻓﻨﻲ ﻭﻛﺎﻡ .. ﻫﺬﺍ ﺷﺒﻴﻪ .. ﻫﻮﻩ ﺑﺲ ﻧﺎﻗﺼﻬﺎ ﺍﻧﺘﻪ .. ﻭﺗﻜﻤﻞ ﻋﻠﻴﻪ ..
ﻛﻤﺖ ﻧﺰﻟﺖ ﻟﻠﻤﻄﺒﺦ .. ﻟﻜﻴﺖ ﻋﻤﺎﺭ ﻃﺐ ﻛﺒﺎﻟﻲ .. ﻛﺎﻟﺖ ﻫﺬﺍ ﻋﺠﻴﻦ ﻣﺎﻝ ﻛﺒﺎﺏ ﺳﻮﻳﺘﻪ ﻛﻠﻴﻪ ..
ﻛﻌﺪﺕ ﺍﻛﻠﻲ .. ﻭﻋﻤﺎﺭ ﻳﺎﺧﺬ ﻭﻣﺴﻠﻢ ﻳﺎﺧﺬ .. ﺗﻀﺎﻳﻘﺖ .. ﺑﺲ ﺿﺤﻜﺖ .. ﺍﺗﺬﻛﺮﺕ ﻟﻤﺎ ﺟﻨﺖ ﺍﻛﻠﻲ ﻭﺑﻜﺮ ﻭﻋﺎﺩﻝ ﻳﺎﺧﺬﻭﻥ ﻭﻳﺤﺮﻛﻮﻥ ﻛﻠﺒﻲ ..
ﺍﺥ ﺍﻟﻠﻪ ﺻﺮﺕ ﺍﺗﺤﺴﺮ ﺣﺘﻰ ﻋﻠﻰ ﺫﻳﺞ ﺍﻻﻳﺎﻡ .. ﺍﻣﺪﻩ ﺣﻈﻲ ﺍﻱ ﻭﺍﻟﻠﻪ .. ﻛﻤﻠﺖ .. ﻛﺎﻟﺖ ﺍﻟﺤﺠﻴﻪ ﺑﺲ ﻫﺬﺍ ﺍﻟﻜﻠﻔﺘﻲ ﻧﻔﺴﺞ ﺑﻴﻪ ﻳﺎ ﻋﺮﻭﺱ
ﻛﺘﻠﻬﺎ ﻫﻮﻩ ﺍﻟﻌﺠﻴﻦ ﻛﻠﻪ ﺳﻮﻳﺘﻪ ﻭﻛﻠﻴﺖ ﻭﻳﺎﻩ ﻃﻤﺎﻃﻪ ﺷﺴﻮﻱ ﺍﻛﺜﺮ ﻣﺎﻛﻮ ﺷﻲ ﺑﺜﻼﺟﻪ ..
- ﻳﻌﻨﻲ ﻗﺼﺪﺝ ﺍﺣﻨﻪ ﻓﻜﻮﺭ
- ﻻ ﻣﻮ ﻫﻴﺞ ﺧﺎﻟﻪ ﺑﺴﺴﺲ ---
- ﻫﻮﻩ ﺷﻨﻮ ﺑﺲ ﺗﻜﻮﻟﻴﻦ ﺛﻼﺟﺘﻜﻢ ﻓﺎﺭﻏﻪ
- ﻳﻌﻨﻲ ﻛﻠﻤﻦ ﺛﻼﺟﺘﻪ ﻓﺎﺭﻏﻪ ﻓﻜﺮ .. ﺍﻟﻤﻮﺟﻮﺩ ﺳﻮﻳﺘﻪ ﺷﺄﻛﺪﺭ ﺍﺳﻮﻱ ﺍﻛﺜﺮ ..
ﺧﻠﻴﺖ ﺍﻟﺼﻴﻨﻴﻪ ﺑﺎﻟﻜﺎﻉ ﻭﺻﻌﺪﺕ .. ﺍﺟﻪ ﻋﻤﺎﺭ .. ﻛﺎﻝ ﻟﻴﺶ ﺗﺤﺠﻴﻦ ﻫﻴﺞ ﻭﻳﻪ ﺍﻣﻲ .. ﻛﺘﻠﻪ ﺍﻧﺘﻪ ﻭﻳﺎﻱ ﻟﻮ ﺿﺪﻱ
- ﺍﻧﻲ ﻭﻳﺎﺝ ﺑﺲ ﻣﻴﺼﻴﺮ ﺗﺤﺠﻴﻦ ﻫﻴﺞ ﻭﻳﺎﻫﺎ ﻫﻴﻪ ﺣﺠﻴﻪ ﺟﺒﻴﺮﻩ ﺍﺣﺘﺮﻣﻲ
- ﺩﺭﺕ ﻭﺟﻬﻲ ﻣﻨﻪ ﺑﻨﺮﻓﺰﻩ ﻭﺍﺗﻐﻄﻴﺖ ﻭﻧﻤﺖ .. ﺣﺎﻭﻝ ﻳﺘﻘﺮﺏ ﻳﻤﻲ .. ﻣﺘﻨﻌﺖ ﻟﻌﺒﺖ ﺭﻭﺣﻲ ﻣﻨﻬﻢ ﻛﻠﻬﻢ ..
ﻛﻌﺪﺕ ﺍﻟﺼﺒﺢ .. ﻛﻌﺪﺗﻪ .. ﻫﻮﻩ ﻛﺎﻟﺐ ﻭﺟﻪ .. ﺷﻠﻮﻥ ﻣﻨﻌﺘﻪ .. ﻣﻬﺘﻤﻴﺘﻠﻪ .. ﻛﻤﺖ ﺑﺪﻟﺖ .. ﻛﺘﻠﻪ ﺗﻜﻮﻡ ﺗﻮﺻﻠﻨﻲ ﻟﻮ ﻻ ..
ﻛﺎﻡ ﻳﺒﺪﻝ ﺑﺪﻭﻥ ﻣﻴﺤﺠﻲ ﻭﻳﺎﻱ .. ﺍﻧﻲ ﻋﻔﺘﻪ ﻭﻧﺰﻟﺖ .. ﺟﺎﻥ ﺍﻟﺤﺠﻴﻪ ﺗﻜﻮﻟﻲ ﻏﺴﻠﻲ ﻣﻮﺍﻋﻴﻦ ﺍﻟﻌﺸﺎ ﻗﺒﻞ ﻻ ﺍﻃﻠﻌﻴﻦ ﻟﻠﺪﻭﺍﻡ ..
ﺑﻘﻴﺖ ﺻﺎﻓﻨﻪ ﻫﺎﻱ ﻣﺎ ﻏﺎﺳﻠﻴﻬﻦ ﻣﻦ ﺍﻟﺒﺎﺭﺣﻪ ﻣﺘﺎﻧﻴﻨﻲ .. ﻛﺘﻠﻬﺎ ﻣﺒﺪﻟﻪ ﻛﺎﻣﻞ ﺧﻠﻴﻬﻦ ﻣﻦ ﺍﺭﺟﻊ ..
ﻛﺎﻟﺖ ﺷﻨﻮ ﻣﺘﻌﻠﻤﻪ ﺍﺑﻴﺖ ﺍﺑﻮﺝ ﻋﻠﺨﻴﺴﻪ ﺗﺨﻠﻴﻦ ﺍﻟﻤﻮﺍﻋﻴﻦ ﻭﺗﻨﺎﻣﻴﻦ ..
- ﻭﺍﻟﻠﻬﻲ ﻣﺎﻣﺎ ﻣﻌﻠﻤﺘﻨﻪ ﺍﻟﻠﻲ ﻳﺎﻛﻞ ﻭﻣﻴﻐﺴﻞ ﻣﻮﺍﻋﻴﻨﻪ ﻓﻬﺬﺍ ﻓﻌﻼ ﻭﺻﺦ .. ﺣﺠﻴﺘﻬﺎ ﻭﻃﻠﻌﺖ ..
ﻃﻠﻊ ﻋﻤﺎﺭ ﻭﺭﺍﻱ .. ﻋﺎﻗﺪ ﺣﻮﺍﺟﺒﻪ ﻭﻣﻌﺎﺟﺒﻪ ﺍﻟﻮﺿﻊ .. ﻋﻔﺘﻪ ﻣﻬﺘﻤﻴﺖ .. ﺻﻌﺪﺕ .. ﺍﺧﺬﻧﻪ ﺳﺖ ﻧﺮﻣﻴﻦ ﻭﺍﻟﻄﺎﻟﺒﺎﺕ ﻭﻭﺻﻠﻨﻪ ﻟﻠﻤﺪﺭﺳﻪ ..
ﻧﺰﻟﻮ .. ﻛﺎﻝ ﻳﻠﻪ ﻧﺰﻟﻲ .. ﻛﺘﻠﻪ ﻣﻦ ﺷﻨﻮ ﻣﺘﻀﺎﻳﻖ .. ﻛﺎﻝ ﻣﺎﻛﻮ ﺷﻲ .. ﻛﺘﻠﻪ ﻋﻤﺎﺭ ﺍﻧﺘﻪ ﻛﻠﺖ ﺭﺍﺡ ﺍﺗﺤﻤﻠﺞ ..
- ﻭﺍﺫﺍ ﻛﻠﺖ ﺍﺗﺤﻤﻞ ﺍﻃﻴﺤﻴﻦ ﺣﻈﻲ
- ﺣﺸﺎﻙ .. ﺍﺳﻔﻪ .. ﺍﻭﻋﺪﻙ ﺍﺗﻐﻴﺮ ﺑﺲ ﺳﺎﻋﺪﻧﻲ .. ﺍﺑﺘﺴﻢ ﻭﻣﺪ ﺑﺎﺳﻨﻲ ﺑﺨﺪﻱ ﻭﻛﺎﻝ ﻫﺎﻱ ﻭﻻ ﻳﻬﻤﺞ ﻳﻠﻪ ﺭﻭﺣﻲ ﻣﻮﻓﻘﻪ
🌿
ﻣﻦ ﺑﺎﺳﻨﻲ .. ﻭﻭﺧﺮ ﺍﻟﻠﻲ ﺗﻔﺎﺟﺌﺖ ﺑﻴﻪ ﺑﻜﺮ ﻛﺒﺎﻟﻨﻪ .. ﺑﻘﻴﺖ ﺻﺎﻓﻨﻪ ﺣﺘﻰ ﻣﺎ ﺳﻤﻌﺖ ﻋﻤﺎﺭ ﺷﻜﺎﻝ . ﺑﻘﻴﺖ ﻣﺼﺪﻭﻣﻪ ﻭﺍﺑﺎﻭﻋﻠﻪ
ﺍﻧﺘﺒﻬﺖ ﻋﻠﻰ ﻋﻤﺎﺭ ﻭﻫﻮﻩ ﻳﺼﻴﺢ ﻳﻠﻪ ﺍﻧﺰﻟﻲ ﺧﻞ ﺍﺭﻭﺡ ﺷﺒﻴﺞ ..
ﺍﻧﺘﺒﻬﺖ .. ﻭﻧﺰﻟﺖ .. ﻭﺩﻣﻮﻋﻲ ﺍﺗﺠﻤﻌﺖ ﺑﻌﻴﻨﻲ .. ﻟﻒ ﻋﻤﺎﺭ ﻭﺭﺍﺡ .. ﺷﻔﺖ ﺑﻜﺮ ﻣﺘﺠﻪ ﺍﻟﻴﻪ . ﺍﺳﺮﻋﺖ ﺭﺩﺕ ﺍﺩﺧﻞ ﺍﻟﻤﺪﺭﺳﻪ
ﺟﺎﻥ ﻳﻠﺰﻣﻨﻲ ﻣﻦ ﺯﻧﺪﻱ ﺣﻴﻞ ﻭﻳﺠﺮﻧﻲ .. ﻛﺘﻠﻪ ﺭﺟﺎﺀﺍ ﺑﻜﺮ ﺍﺗﺄﺧﺮﺕ ﻻﺯﻡ ﺍﺩﺧﻞ .. ﻟﺰﻣﻨﻲ ﻣﻦ ﻭﺟﻬﻲ ﺣﻴﻞ ﻭﻣﺨﻠﻲ ﻋﻴﻮﻧﻪ ﺑﻌﻴﻮﻧﻲ ..
ﻭﺍﺣﺲ ﻧﺎﺭ ﻳﻄﻠﻊ ﻣﻨﻬﻦ ﻣﻦ ﻛﺪ ﻋﺼﺒﻴﺘﻪ ..
- ﻋﺒﺎﻟﺞ ﺍﺧﻠﻴﺞ ﺗﺘﻬﻨﻴﻦ ﻭﻣﺤﻤﺪ ﺍﻫﺠﻢ ﺣﻴﺎﺗﺞ ﻫﺠﻢ .. ﻭﺍﺧﻠﻲ ﻫﺬﺍ ﺍﻟﻨﻌﺎﻝ ﺍﻻﺳﻤﻪ ﺭﺟﻠﺞ ﻳﺪﻣﺮﺝ ﺗﺪﻣﻴﺮ ﺑﺲ ﺍﺻﺒﺮﻱ ..
ﻭﺷﻮﻓﻲ ﺍﻧﺘﻘﺎﻣﻲ ﻣﻨﺞ ﺷﻠﻮﻥ ﺭﺍﺡ ﻳﺼﻴﺮ .. ﺍﻻ ﻛﻞ ﻛﺴﺮﻩ ﺑﻜﻠﺒﻲ ﺍﺧﻠﻴﻬﺎ ﺗﻬﺪﻡ ﺣﻴﺎﺗﺞ .. ﻭﻣﺎ ﺍﺭﺗﺎﺡ ﺍﻻ ﻟﺸﻮﻓﺞ ﺍﻧﺘﻲ ﻭﺍﻟﻜﺎﻉ ﺳﻮﺍ
ﻭﺍﺧﻠﻴﺞ ﺗﺘﻮﺳﻠﻴﻠﻲ ﺍﻧﻘﺬﺝ .. ﻭﻣﺮﺍﺡ ﺍﻧﻘﺬﺝ ﺳﻤﺮ ..
- ﺍﺣﺴﻦ ﻳﺎﺭﻳﺖ ﺗﺴﻮﻱ ﻫﻴﺞ ﺍﺗﺮﺟﺎﻙ .. ﺧﻠﻴﻨﻲ ﺍﻛﺮﻫﻚ .. ﻭﺍﻟﻠﻪ ﻣﺤﺘﺎﺟﻪ ﺗﻜﺮﻫﻨﻲ ﺑﻴﻚ .. ﻳﺎﺭﻳﺖ ﺗﺴﻮﻱ ﻫﻴﺞ ﻳﻜﻮﻥ ﺍﻓﻀﻞ ..
ﻭﺧﺮﺕ ﺍﻳﺪﻩ .. ﻭﺑﻌﺪﺗﻪ ﻭﻣﺸﻴﺖ .. ﺩﻣﻮﻋﻲ ﺍﺣﺴﻬﺎ ﻣﺜﻞ ﺍﻟﻨﺎﺭ ﺗﺠﺮﻱ ﻋﻠﻰ ﺧﺪﻱ .. ﻣﺴﺤﺘﻬﺎ ﺑﺤﺮﻛﻪ .. ﻭﺩﺧﻠﺖ ﺍﻟﻤﺪﺭﺳﻪ
ﺍﻟﻤﺪﺭﺳﻪ ﺟﺎﻧﺖ ﻫﻮﺳﻪ .. ﻣﺎ ﺍﻋﺮﻑ ﺷﻨﻮ ﺻﺎﻳﺮ .. ﺍﻟﺒﻨﺎﺕ ﺑﺮﺍ .. ﺩﺧﻠﺖ ﻟﻼﺩﺍﺭﻩ .. ﺳﺄﻟﺖ ﺍﻟﻤﺪﺭﺳﺎﺕ ﺷﻨﻮ ﺻﺎﻳﺮ
ﻛﺎﻟﻮ ﺍﺟﻪ ﺍﻣﺮ ﻣﻦ ﺍﻟﺘﺮﺑﻴﻪ ﺍﻟﻤﺪﺭﺳﻪ ﺗﻨﻘﺴﻢ ﺍﻻﻋﺪﺍﺩﻱ ﻋﻦ ﺍﻟﻤﺘﻮﺳﻂ .. ﻭﻳﺼﻴﺮ ﺻﺒﺤﻲ ﻭﺿﻬﺮﻱ ﺍﻟﺪﻭﺍﻡ ..
ﻛﺘﻠﻬﺎ ﺍﻳﻴﻴﻲ ﻭﻧﺪﺍﻭﻡ ﺿﻬﺮﻱ ﻭﺻﺒﺤﻲ .. ﻛﺎﻟﺖ ﻻ ﻛﻞ ﻣﺪﺭﺳﻪ ﺍﻟﻬﺎ ﻣﺪﺭﺳﻴﻬﺎ .. ﺑﺲ ﻳﻌﻨﻲ ﺻﺎﺭ ﺍﻟﺪﻭﺍﻡ 3 ﺍﻳﺎﻡ ﺿﻬﺮﻱ ﻭﻳﻮﻣﻴﻦ ﺻﺒﺤﻲ ..
ﻛﺘﻠﻬﺎ ﺍﺣﺴﻦ ﻳﻤﻌﻮﺩﻩ ﻣﺘﻨﺎ ﻣﻦ ﻛﻌﺪﺕ ﺍﻟﺼﺒﺢ .. ﺭﺣﺖ ﺷﻔﺖ ﺍﻋﺎﺩﻱ ﺍﻧﻲ ﻭﻳﻦ .. ﻟﻜﻴﺖ ﺍﺳﻤﻲ ﺷﺎﻣﺮﻳﻪ ﻋﻠﻤﺘﻮﺳﻂ ..
ﺑﻌﺪ ﺍﺳﻬﻞ ﺍﺧﻠﺺ .. ﻛﻤﻠﺖ ﻳﻮﻣﻲ ﻭﻳﻪ ﺍﻟﻤﺪﺭﺳﺎﺕ ﺑﺎﻟﻐﺮﻓﻪ ﻣﺎﻝ ﺍﻟﻤﺪﺭﺳﻴﻦ ﺍﻟﺪﺭﻭﺱ ﻛﺎﻧﺖ ﺷﺎﻏﺮ ..
ﺷﻮﻱ ﻭﺍﺟﺖ ﺍﻟﻤﺪﻳﺮﻩ .. ﻛﺎﻟﺖ ﺳﺖ ﺳﻤﺮ ﺍﺗﺤﻮﻝ ﺍﻋﺪﺍﺩﺝ ﻋﻠﻰ ﺍﻻﻋﺪﺍﺩﻱ .. ﻃﻼﺏ ﺍﻟﺨﺎﻣﺲ ﺍﺩﺑﻲ ﻃﺎﻟﺒﻮ ﺑﻴﺞ ..
ﺍﺑﺘﺴﻤﺖ .. ﻭﻛﺘﻠﻬﺎ ﻣﺎﺷﻲ .. ﺭﺣﺖ ﻟﻠﺨﺎﻣﺲ ﺍﺩﺑﻲ ﺷﻜﺮﺗﻬﻢ .. ﻛﺎﻟﻮ ﺳﺖ ﺍﺣﻨﻪ ﻧﺮﺗﺎﺡ ﻭﻳﺎﺝ ﻧﺤﺴﺞ ﺻﺪﻳﻘﺘﻨﻪ ..
ﺑﻘﻴﺖ ﺍﻟﻮﻗﺖ ﻛﻠﻪ ﺍﺳﻮﻟﻒ ﻭﻳﺎﻫﻢ ﻭﺍﺳﺘﻤﻊ ﻟﻤﺸﺎﻛﻠﻬﻢ ﺍﺣﺪ ﻣﺎ ﺩﻙ ﺍﻟﺠﺮﺱ .. ﻃﻠﻌﻨﻪ .. ﺍﺧﺬﺕ ﺟﻨﻄﻲ ﻭﺭﺣﺖ ﻟﻜﻴﺖ ﻋﻤﺎﺭ ﺑﺎﻟﺒﺎﺏ ..
ﺑﺲ ﻣﺘﻀﺎﻳﻖ ﻛﺘﻠﻪ ﺷﺒﻴﻚ .. ﻛﺎﻝ ﻻ ﻫﻴﺞ ﻣﺎﻛﻮ ﺷﻲ .. ﺍﺧﺬ ﺍﻳﺪﻱ .. ﺷﺒﻜﻬﺎ ﺑﺄﻳﺪﻩ ﻭﻣﺸﻴﻨﻪ .. ﻛﻌﺪﻧﻲ ﺑﺎﻟﺴﻴﺎﺭﻩ ﻭﺳﺪ ﺍﻟﺒﺎﺏ ﻭﺩﺍﺭ ﺻﻌﺪ
ﺣﺴﻴﺖ ﺍﻛﻮ ﺷﻲ ﻏﺮﻳﺐ .. ﻛﻞ ﻣﺮﻩ ﺍﻟﺴﺖ ﻧﺮﻣﻴﻦ ﻭﻋﻤﺎﺭ ﻫﻮﺍﻱ ﻳﺤﺠﻮﻥ ﻭﻳﺘﺸﺎﻗﻮﻥ ﻭﻳﻄﻠﻌﻮﻥ ﺍﻏﺎﻧﻲ ﻭﻳﻐﻨﻮﻥ ﺑﺲ ﻫﻠﻤﺮﻩ ﺍﺑﺒﺒﺪ ﺻﻨﻄﻪ ﺍﻟﺴﻴﺎﺭﻩ
ﻛﻠﺖ ﻳﻤﻜﻦ ﺗﻌﺒﺎﻧﻴﻦ .. ﺩﺳﺖ ﺍﺷﻐﻞ ﺍﻟﻤﺴﺠﻞ .. ﻣﻴﺸﺘﻐﻞ ﻓﻜﻌﺪﺕ ﺍﺩﻭﺭ ﻋﺴﻴﺪﻳﺎﺕ ﻓﻜﻠﺖ ﺑﻜﺮ ﻭﻳﻦ ﺍﻟﺴﻴﺪﻳﺎﺕ
- ﻣﻨﻮ ﺑﻜﺮ
- ﺍﻧﻲ ﻛﻠﺖ ﺑﻜﺮ
- ﺍﻱ
- ﻗﺼﺪﻱ ﻋﻤﺎﺭ .. ﻫﺴﻪ ﻛﻮﻟﻲ ﻭﻳﻦ ﺍﻟﺴﻴﺪﻳﺎﺕ .. ﻃﻠﻌﻬﻢ ﻭﻛﺎﻝ ﻣﻜﺘﻴﻠﻲ ﻣﻨﻮ ﺑﻜﺮ
🌿
ﺍﺑﻦ ﻋﻤﺘﻲ ﻣﺘﻌﻮﺩﻩ ﺍﺻﻌﺪ ﻭﻳﺎﻩ ﻭﻳﻮﺩﻳﻨﻲ ﺟﺎﻥ ﻓﺪﻭﻡ ﺍﻃﻠﻊ ﺗﺴﺠﻴﻼﺕ ﺑﺴﻴﺎﺭﺗﻪ ﻟﻬﻴﺞ ﺍﺗﻐﺎﻟﻄﺖ ﺑﺄﺳﻤﻪ
- ﻟﻴﺶ ﻃﻠﻴﻘﺞ ﻣﻮ ﺍﺑﻦ ﻋﻤﺘﺞ
- ﺍﻱ ﻋﺎﺩﻝ ﻫﻢ ﺍﺑﻦ ﻋﻤﺘﻲ ﻟﻴﺶ
- ﺑﻜﺮ ﺷﻴﻌﻮﺩﻟﻪ
- ﺍﺧﻮﻩ .. ﻛﻠﺖ ﺍﺧﻮﻩ ﻭﺩﺍﺭﻟﻲ ﻭﺟﻪ ﻋﻠﻴﻪ ﻭﻋﺎﻗﺪ ﺣﺎﺟﺒﻪ ..
- ﻳﻌﻨﻲ ﻋﺎﺩﻱ ﻋﻼﻗﺘﻜﻢ ﺑﻘﺖ ﺑﻌﺪ ﻣﻄﻠﻘﺘﻲ ﻣﻦ ﺍﺧﻮﻩ
- ﻫﻮﻩ ﺍﺑﻦ ﻋﻤﺘﻲ .. ﻭﺍﻧﻲ ﻣﺘﻌﻠﻘﻪ ﺑﻴﻪ ﺣﻴﻞ .. ﻣﺎﻟﻪ ﺷﻐﻞ ﺑﻄﻼﻛﻲ ﻣﻦ ﺍﺧﻮﻩ .. ﺍﺧﻮﻩ ﺟﺎﻥ ﻣﻮ ﺯﻳﻦ ﺑﺲ ﺑﻜﺮ ﻏﻴﺮ
- ﻳﻌﻨﻲ ﺷﻠﻮﻥ ﻏﻴﺮ
- ﻓﻲ ﻏﻴﺮ ﻭﻗﺖ ﺍﺣﺠﻴﻠﻚ ﻋﻨﻪ ﻣﻮ ﻫﺴﻪ .. ﺳﺪﻳﺖ ﺍﻟﻤﻮﺿﻮﻉ .. ﻻﻥ ﺍﺣﺲ ﺍﻻﺑﺘﺴﺎﻣﻪ ﺷﻜﺖ ﺣﻠﻜﻲ ﻭﺍﻧﻲ ﺍﺗﻜﻠﻢ ﺍﺑﻜﺮ
ﻭﻋﻤﺎﺭ ﺍﻧﺘﺒﻪ ﻭﻛﺎﻡ ﻳﺴﺄﻝ ﺍﻛﺜﺮ ﻟﻬﻴﺞ ﺳﺪﻳﺖ ﺍﻟﻤﻮﺿﻮﻉ ﺑﺴﺮﻋﻪ ﻭﻛﺘﻠﻪ ﺑﻌﺪﻳﻦ ﺍﻛﻮﻟﻚ
ﻭﺻﻠﺖ ﻟﻠﺒﻴﺖ .. ﺩﺧﻠﺖ .. ﻟﻜﻴﺖ ﺍﻟﻤﻄﺒﺦ ﻛﺎﻳﻢ ﻛﺎﻋﺪ ﻭﺷﻴﻤﺎﺀ ﻛﺎﻋﺪﻩ ﻭﻳﻪ ﺍﻟﺤﺠﻴﻪ ﺑﺎﻟﻐﺮﻓﻪ ..
ﺳﻠﻤﺖ ﻭﺻﻌﺪﺕ .. ﻋﻤﺎﺭ ﺑﺪﻝ ﻭﺗﻤﺪﺩ .. ﺭﺩﺕ ﺍﻧﺰﻝ .. ﻛﺎﻝ ﻭﻳﻦ .. ﻛﺘﻠﻪ ﻣﺸﻔﺖ ﺍﻟﻤﻄﺒﺦ ﺷﻠﻮﻧﻪ ..
ﻛﺎﻝ ﺍﻧﻌﻞ ﺍﺑﻮ ﺍﻟﻤﻄﺒﺦ ﺗﺘﻌﺎﻱ ﻳﻤﻲ ﻳﻤﻌﻮﺩﻩ .. ﻭﻏﻠﺴﻲ ﻟﻮ ﺩﻙ ﺍﻟﺒﺎﺏ . ﺍﺑﺘﺴﻤﺖ .. ﻭﺗﻤﺪﺩﺕ ﻳﻤﻪ ..
ﻛﺎﻝ ﺳﻤﺮ ﺍﺣﺲ ﻫﺬﺍ ﺍﻭﻝ ﺯﻭﺍﺝ ﺍﻟﺞ .. ﻛﺘﻠﻪ ﻟﻴﺶ .. ﻛﺎﻝ ﺍﻛﻮ ﻣﺮﻩ ﺗﻨﺎﻡ ﻳﻢ ﺯﻭﺟﻬﺎ ﺑﻜﻼﺑﻴﻪ ﺷﺒﻴﺞ ..
- ﺗﻌﺒﺎﻧﻪ ﻣﺎﺑﻴﻪ ﺣﻴﻞ ﺍﺑﺪﻝ ﻋﻤﺎﺭ .. ﻭﺩﺭﺕ ﻭﺟﻬﻲ ﻣﻨﻪ ﻭﺭﺩﺕ ﺍﻧﺎﻡ .. ﺷﻔﺘﻪ ﻛﺎﻡ ﻣﻦ ﻣﻜﺎﻧﻪ ﻛﻌﺪ ﻭﻳﺸﺮﺏ ﺟﻜﺎﻳﺮ ..
ﺑﺎﻭﻋﺘﻠﻪ .. ﻳﺎﺭﺑﻲ ﻟﻴﺶ ﻣﺎ ﺍﻟﻲ ﺧﻠﻜﻪ .. ﺑﺲ ﻭﺍﻟﻠﻪ ﺗﻌﺒﺎﻧﻪ ﻭﻣﺎ ﺍﻟﻲ ﺧﻠﻚ ﻫﻴﺞ ﺳﻮﺍﻟﻒ ﻭﻫﻮﻩ ﻭﺍﺣﺪ ﻣﻬﻮﻭﺱ .
ﺣﺎﻭﻟﺖ ﺍﺣﺎﺟﻴﻪ ﻭﺍﺭﺿﻴﻪ .. ﺻﻌﺒﺖ ﻋﻠﻴﻪ ﻣﺎ ﻛﺪﺭﺕ ﺍﺣﺎﺟﻴﻪ .. ﺍﺣﺲ ﺍﻧﻲ ﺧﺎﻳﻨﻪ ﻟﻮ ﺣﺎﻭﻟﺖ ﺍﺗﻘﺮﺏ ﻳﻢ ﻋﻤﺎﺭ
ﺍﺣﺴﺎﺱ ﻛﻮﻟﺶ ﻳﻌﺬﺑﻨﻲ .. ﺣﻜﻤﺖ ﻋﻠﻰ ﻧﻔﺴﻲ ﺑﺎﻟﻌﺬﺍﺏ ﺑﻬﺬﺍ ﺍﻟﺰﻭﺍﺝ .. ﻻ ﺍﻧﻲ ﺍﻟﺒﻜﺮ ﻭﻻ ﺍﻧﻲ ﻟﻌﻤﺎﺭ ..
ﻋﻘﻠﻲ ﻭﻛﻠﺒﻲ ﻳﻢ ﺑﻜﺮ .. ﻭﺟﺴﺪﻱ ﻫﻨﺎ .. ﺑﺲ ﺣﺘﻰ ﺟﺴﺪﻱ .. ﺭﺍﻓﻀﻪ ﻓﻜﺮﺓ ﺍﻥ ﺍﺗﻴﺤﻪ ﻟﺰﻭﺟﻲ .. ﺍﺣﺴﺎﺱ ﺟﺪﺍ ﺻﻌﺐ ..
ﺩﺭﺕ ﻭﺟﻬﻲ ﻣﻨﻪ ﺍﺑﺠﻲ ﻋﻠﻰ ﺣﺎﻟﻲ ﻟﻴﺶ ﻫﻴﺞ ﺟﺎﻱ ﺍﺳﻮﻱ ﺑﻨﻔﺴﻲ .. ﺩﻛﺖ ﺍﻟﺒﺎﺏ ﺷﻴﻤﺎﺀ ﺻﺎﺡ ﻋﻤﺎﺭ ﻫﺎﺍﺍ ..
ﻛﺎﻟﺘﻠﻪ ﺳﻤﺮ ﻭﻳﻨﻬﺎ ﺑﺘﻲ ﺗﺒﺠﻲ ﻭﺍﻟﺒﻴﺖ ﻫﻮﺳﻪ ﺧﻞ ﺗﻜﻮﻡ ﺗﺴﺎﻋﺪﻧﻲ ﺍﺫﺍ ﺗﻜﺪﺭ ..
ﻛﺎﻟﻠﻬﺎ ﻧﺎﻳﻤﻪ ﻫﺴﻪ ﺭﻭﺣﻲ ﺑﻌﺪﻳﻦ .. ﻛﻌﺪﺕ .. ﺩﺍﺭ ﻭﺟﻬﻪ ﻋﻠﻴﻪ ﺍﺫﺍ ﺗﺮﺩﻳﻦ ﺗﻨﺰﻟﻴﻦ ﻧﺰﻟﻲ
- ﺑﺪﻭﻥ ﻣﺎ ﺍﺣﺠﻲ ﻭﻳﺎﻩ .. ﺧﻠﻴﺖ ﺭﺍﺳﻲ ﻋﻠﻰ ﺭﺟﻠﻪ ﻭﻧﻤﺖ ﻭﺍﻣﺴﺢ ﺍﻟﺪﻣﻮﻉ ﻣﻦ ﻋﻴﻨﻲ .. ﺳﻠﻤﺘﻪ ﺭﻭﺣﻲ ﺑﺲ ﻣﻮ ﻣﺮﺗﺎﺣﻪ ﻛﺮﻫﺖ ﺭﻭﺣﻲ ﻳﺎ ﺍﻟﻠﻪ ﺷﺴﻮﻱ ..
ﺑﺪﻱ ﺍﻟﺰﻡ ﺟﺴﻤﻲ ﺍﺣﺮﻛﻪ .. ﺍﺣﺲ ﺭﻭﺣﻲ ﺧﺎﻳﻨﻪ .. ﻳﺎﺭﺏ ﺍﻧﻘﺬﻧﻲ ﻣﻦ ﻫﺬﺍ ﺍﻻﺣﺴﺎﺱ .. ﻃﻠﻌﺖ ﺍﻟﻌﺼﺮ ﻟﻠﺤﻤﺎﻡ ..
ﺳﺒﺤﺖ ﻭﻛﻤﻠﺖ ﺟﺎﻱ ﺍﺩﺧﻞ ﻟﻠﻐﺮﻓﻪ ﺻﺎﺣﺖ ﺍﻟﺤﺠﻴﻪ .. ﻛﺘﻠﻬﺎ ﺩﻗﺎﻳﻖ ﺑﺲ ﺍﻣﺸﻂ ﻭﺍﻧﺰﻝ .. ﻛﺎﻟﺖ ﻋﻮﻓﻲ ﺍﻟﺘﻤﺸﻴﻂ ﺍﻧﺰﻟﻲ ..
ﻧﺰﻟﺖ ﻭﺍﻟﺨﺎﻭﻟﻲ ﻋﻠﻰ ﺭﺍﺳﻲ .. ﻛﺎﻟﺖ ﺷﻮﻛﺖ ﻧﺎﻭﻳﻪ ﺗﺒﺪﻳﻦ ﺷﻐﻞ ﺑﺎﻋﻲ ﺍﻟﺒﻴﺖ ﺧﺎﺱ ﻣﻦ ﺳﺎﻋﺔ ﺍﻟﺴﻠﻤﺘﻪ ﺍﻟﺞ
🌿
ﻫﺴﻪ ﺍﻧﻀﻒ ..
- ﻣﻮ ﻫﺴﻪ ﺍﺑﺪﻱ ﻓﻮﺭﺍ .. ﻭﺍﻭﻝ ﺷﻲ ﺍﺑﺪﻱ ﻣﻦ ﺟﻬﺎﻝ ﻋﻤﺎﺭ ﺗﺮﺍﻫﻢ ﺷﻠﻌﻮ ﻛﻠﺒﻲ ..
- ﺷﺴﻮﻳﻠﻬﻢ ..
- ﺳﺒﺤﻴﻬﻢ ..
- ﺍﻥ ﺷﺎﺀ ﺍﻟﻠﻪ .. ﻛﻤﺖ ﺍﺧﺬﺕ ﻭﻟﻴﺪ ﺳﺒﺤﺘﻪ ﻳﺘﻔﻞ ﻭﻳﻐﻠﻂ ﻭﻳﻜﻮﻝ ﺍﻧﺘﻲ ﻣﻮ ﺍﻣﻲ ﺍﻧﺘﻲ ﻧﻌﺎﻟﻲ ..
ﻣﺎ ﺍﻫﺘﻤﻴﺖ ﻏﺴﻠﺘﻪ ﻭﻃﻠﻌﺖ . . ﻏﺴﻠﺖ ﺍﻟﺒﻨﻴﻪ .. ﺟﺎﻧﺖ ﺍﺣﺴﻦ ﻣﻨﻬﻢ .. ﺷﻮﻱ ﻫﺎﺩﺋﻪ .. ﺍﻧﻮﺏ ﺍﺟﻪ ﺩﻭﺭ ﻋﺒﺪﺍﻟﻠﻪ
ﻟﻜﻴﺘﻪ ﻣﺨﻠﺺ ﺣﺎﺟﺘﻪ ﺑﻬﺪﻭﻣﻪ .. ﻭﺟﺒﻴﺮ ﻋﻤﺮﻩ 12 ﺳﻨﻪ .. ﺑﻤﺠﺮﺩ ﻣﺎ ﺷﻔﺘﻪ ﻣﺘﺤﻤﻠﺖ .. ﻛﻤﺖ ﺍﺫﺏ ﻣﻦ ﺭﺍﺳﻲ ..
ﻭﻃﻠﻌﺖ ﺭﻭﺣﻲ ﻟﻌﺒﺖ .. ﻛﺘﻠﻬﺎ ﺣﺠﻴﻪ ﻋﺒﺪﻟﻠﻪ ﻣﺎ ﺍﻛﺪﺭﻟﻪ .. ﻛﺎﻟﺖ ﻟﻌﺪ ﺍﻧﻲ ﺍﻻﻛﺪﺭﻟﻪ ﻣﺎﺑﻴﻪ ﺣﻴﻞ ﺍﻏﺴﻠﻪ ﻏﺴﻠﻴﻠﻪ ..
- ﻣﺴﺘﺤﻴﻞ ﺣﺘﻰ ﺣﺮﺍﻡ ﺧﺎﻟﻪ ﺑﺎﻟﻎ ﻣﺎ ﺍﻛﺪﺭ ﺗﻠﻌﺐ ﺭﻭﺣﻲ .. ﻛﺎﻣﺖ ﺗﺤﺠﻲ .. ﻟﻮ ﻣﻮ ﺗﺤﺠﻲ ﻟﻮ ﺗﺤﺮﻙ ﺭﻭﺣﻬﺎ ﻣﺎ ﺍﻟﻲ ﺷﻐﻞ ﺑﻴﻪ ..
ﻛﻤﻠﺖ ﺗﻨﻀﻴﻒ ﺍﻟﺒﻴﺖ .. ﻛﺎﻟﺖ ﺷﻴﻤﺎﺀ ﺷﻨﻮ ﺍﻟﻴﻮﻡ ﻣﺎ ﻧﺘﻌﺸﻪ .. ﻛﺘﻠﻬﺎ ﺍﻧﻲ ﺳﻮﻳﺖ ﻟﻔﻪ ﻭﺍﻛﻠﺖ ﺑﻘﻴﺘﻲ ﺍﻧﺘﻲ ﻭﺍﻟﺠﻬﺎﻝ ﺷﻮﻓﻲ ﺷﺘﺴﻮﻭﻥ ﻭﺍﻛﻠﻲ
ﻛﺎﻟﺖ ﻳﺎﺍﺍ ﺧﻴﻪ ﻋﻠﻰ ﺑﺨﺘﺞ ﺍﻧﻲ ﺍﺑﻨﻲ ﻳﺒﺠﻲ .. ﻛﺘﻠﻬﺎ ﻭﺍﻧﻲ ﺗﻌﺒﺖ ﺭﺟﻠﻴﻪ ﻭﻛﻌﺖ ﺍﺭﻳﺪ ﺍﻧﺎﻡ ..
ﻛﺎﻟﺖ ﺍﻟﻌﺼﺮ ﻛﻠﻪ ﻧﺎﻳﻤﻪ .. ﻛﺘﻠﻬﺎ ﻣﺎ ﻧﻤﺖ ﺑﻘﻴﺖ ﻭﻳﻪ ﻋﻤﺎﺭ .. ﻛﺎﻟﺖ ﺷﻨﻮ ﺭﺍﺡ ﺗﻜﻀﻴﻬﺎ ﻭﻳﻪ ﻋﻤﺎﺭ ﻭﻫﻠﺤﺠﺞ ..
ﻣﺮﺩﻳﺖ ﻋﻠﻴﻬﺎ .. ﻭﻣﺸﻴﺖ .. ﺍﺟﻪ ﻋﻤﺎﺭ ﺑﺎﻟﻴﻞ ﻛﺎﻝ ﻟﻴﺶ ﺍﻣﻲ ﺗﻜﻠﺞ ﻧﻀﻔﻲ ﺍﻟﺒﻴﺖ ﻭﻣﺘﻨﻀﻔﻴﻦ .. ﻋﺎﻳﻔﻪ ﺑﺲ ﺷﻴﻤﺎﺀ
ﻣﺒﺘﻠﻴﻪ ﺑﺠﻬﺎﻟﻲ ﻭﺑﺠﻬﺎﻟﻬﺎ ﻭﺑﺎﻟﺒﻴﺖ .. ﻛﺘﻠﻪ ﻳﺎ ﺟﻬﺎﻝ ﺫﻭﻟﻪ ﻋﻤﺎﺭ ﻟﺘﻠﻌﺐ ﻭﻳﺎﻱ ﻫﺎﻱ ﺍﻟﺪﺭﻭﺏ .. ﻳﺤﺠﻮﻥ ﺑﺮﺍﺳﻚ ﻣﻴﺤﺠﻮﻥ ﺗﺮﻩ ﻣﺘﻬﻤﻨﻲ ..
ﺭﺍﺣﺖ ﺭﺟﻠﻴﻪ ﻣﻦ ﻃﻠﻌﺖ ﻟﺤﺪ ﺍﻻﻥ ﻏﺴﻠﺖ ﺟﻬﺎﻟﻚ ﻭﺍﻟﺒﻴﺖ ﻭﻧﻀﻔﺖ ﺷﺘﺮﻳﺪ ﺑﻌﺪ ﺍﻛﺜﺮ ﻫﺎ ..
- ﻟﻴﺶ ﺗﺼﻴﺤﻴﻦ
- ﻻﻧﻚ ﺟﺎﻱ ﻭﺗﻜﻠﻲ ﺍﻧﺘﻲ ﻛﻮﻟﺸﻲ ﻣﻤﺴﻮﻳﻪ ﺑﻌﺪ ﻛﻞ ﻫﺘﻌﺐ .. ﻣﻦ ﻫﺴﻪ ﺍﻛﻮﻟﻚ ﻋﺒﺪﻟﻠﻪ ﻣﺎ ﺍﻟﻲ ﺷﻐﻞ ﺑﻴﻪ .
- ﻭﻣﻨﻮ ﻛﺎﻳﻠﺞ ﻋﻠﻰ ﻋﺒﺪﻟﻠﻪ ..
- ﺍﻟﺤﺠﻴﻪ ﺗﻜﻮﻟﻲ ﻏﺴﻠﻴﻪ .. ﻋﻤﺎﺭ ﻟﻌﺒﺖ ﻧﻔﺴﻲ ﺗﻌﺮﻑ ﺷﻨﻮ ﻟﻌﺒﺖ ﻧﻔﺴﻲ ..
- ﺣﺮﺍﻡ ﻋﻠﻴﺞ ﺗﻜﻮﻟﻴﻦ ﻋﻠﻴﻪ ﻫﻴﺞ ﻫﺬﺍ ﻣﺮﻳﺾ ﺍﺗﻜﺴﺒﻴﻦ ﺑﻴﻪ ﺍﺟﺮ ﻟﻮ ﺩﺍﺭﻳﺘﻴﻪ ..
- ﺍﻛﻮﻟﻚ ﺭﺍﺳﻲ ﻣﻨﻔﺠﺮ ﺭﺣﻤﻪ ﻻﻫﻠﻚ .. ﺍﻻﺟﺮ ﺧﻠﻴﻪ ﺍﻟﻜﻢ .. ﻣﻦ ﺍﻟﺒﺪﺍﻳﻪ ﻛﺘﻠﻚ ﻋﺒﺪﻟﻠﻪ ﻣﺎ ﺍﻟﻲ ﺷﻐﻞ ﺑﻴﻪ ..
ﺣﺠﻴﺖ ﻫﻴﺞ ﺍﺗﻀﺎﻳﻖ ﻭﻃﻠﻊ ﺍﻱ ﻭﻃﻠﻌﺘﻬﻢ .. ﺷﻠﻮﻥ ﺑﺸﺮ ﻭﻫﺰﻳﺖ ﺍﻳﺪﻱ ..
ﺍﺧﺬﺕ ﺍﻟﺮﻳﻤﻮﺕ .. ﻭﻛﻌﺪﺕ ﻋﻠﺘﻠﻔﺰﻳﻮﻥ .. ﺷﻮﻱ ﻭﺍﺟﺖ ﻧﻮﺭ ﺑﻨﺖ ﻋﻤﺎﺭ ﻛﺎﻟﺖ ﺑﺎﺑﺎ ﻳﺮﻳﺪﺝ ..
ﻧﺰﻟﺖ .. ﻛﺎﻝ ﺳﻮﻳﻠﻲ ﻋﺸﺎ .. ﻛﺘﻠﻪ ﺍﻱ .. ﻛﻤﺖ ﺍﺭﻳﺪ ﺍﺳﻮﻱ ﺷﻲ ﺍﻟﺜﻼﺟﻪ ﺑﻴﻬﺎ ﺑﺲ ﻓﺠﻞ .. ﻭﺧﺒﺰ ..
ﻃﻠﻌﺖ ﻓﻠﻮﺱ ﻭﺻﺤﺖ ﻋﻠﻰ ﻭﺍﺣﺪ ﻣﻦ ﺍﻟﺠﻬﺎﻝ ﺩﺯﻳﺖ ﺑﻴﺪﻩ ﻛﺒﻪ ﻭﻟﺤﻢ ﻣﺜﺮﻭﻡ ﺳﻮﻳﺘﻠﻪ ﺍﻛﻞ .. ﻭﺻﻌﺪﺗﻪ ﻓﻮﻙ ..
ﺻﺎﺣﺖ ﺷﻴﻤﺎﺀ ﺳﻤﺮ ﺟﻴﺒﻲ ﺍﻻﻛﻞ ﻫﻨﺎ ﻳﻜﻮﻝ ﻋﻤﺎﺭ .. ﺑﺎﻭﻋﺘﻠﻬﺎ ﻣﻦ ﻓﻮﻙ .. ﻛﺘﻠﻬﺎ ﺍﻱ ﺍﻧﺸﺎﻟﻠﻪ ﺑﺲ ﺻﻴﺤﻲ ﺟﻬﺎﺯﻩ ﻳﺮﻥ
🌿
ﺷﻨﻮ .
- ﺑﺲ ﺻﻴﺤﻲ .. ﺑﺴﺎﻉ ﻛﺘﻠﻬﺎ ﻫﻴﺞ ﻋﻠﻤﻮﺩ ﻳﺠﻲ ﻋﻤﺎﺭ ﻭﻳﺼﻌﺪ .. ﻛﻠﺒﻪ ﺗﻜﺘﻞ ﺍﻟﻮﺍﺣﺪ ﻭﻫﻴﻪ ﺗﻀﺤﻚ ﻣﻠﻌﺒﻪ ..
ﻭﺍﻧﻲ ﻛﻠﺒﻲ ﺗﻌﻠﻢ ﻋﻠﻰ ﻫﻴﺞ ﺑﺸﺮ ﻭﻋﺮﻓﺖ ﺷﻤﺮﺗﻬﻢ ﻓﻜﻤﺖ ﺍﻋﺮﻑ ﺷﻠﻮﻥ ﺍﺟﺎﺭﻳﻬﻢ .. ﻣﻮ ﻣﺎﻝ ﺍﺳﻜﺖ ﺑﻌﺪ ﻛﺎﻓﻲ ﺻﻤﻴﻨﻪ ﺣﻠﻮﻛﻨﻪ ﻫﻮﺍﻱ ﺷﺤﺼﻠﻨﻪ ..
ﺻﻌﺪ ﻋﻤﺎﺭ .. ﻛﺎﻝ ﺷﺒﻴﺞ ﻛﻠﺖ ﺟﻴﺒﻲ ﺍﻻﻛﻞ ﺟﻮﻩ ﻳﻢ ﺍﻣﻲ .. ﻛﺘﻠﻪ ﻫﻤﻪ ﺍﺗﻌﺸﻮ . ﻭﺍﻧﻲ ﺍﺷﺘﺮﻳﺘﻠﻚ ﻋﺸﺎ ﻭﺳﻮﻳﺘﻪ ﺍﻟﻚ ..
ﻭﺍﺭﻳﺪ ﺍﻛﻞ ﻭﻳﺎﻙ ﺟﻮﻋﺎﻧﻪ ﻭﻫﻨﺎﻙ ﺟﻮﻩ ﺍﺳﺘﺤﻲ ﺍﻛﻞ .. ﺍﺑﺘﺴﻢ ﻭﻛﺮﺹ ﺧﺪﻱ .. ﻭﻛﻌﺪ ﻳﺎﻛﻞ ﻭﻧﺒﺎﻭﻉ ﺗﻠﻔﺰﻳﻮﻥ .. ﻛﻤﻠﻨﻪ .. ﻭ ﺳﻮﻳﺖ 3 ﻟﻔﺎﺕ ﻭﻧﺰﻟﺖ
ﺧﻠﻴﺖ ﺍﻟﺼﻴﻨﻴﻪ ﻋﻠﺴﻨﻚ ﻭﺍﻧﻄﻴﺖ ﻟﺠﻬﺎﻝ ﻋﻤﺎﺭ ﺍﻛﻞ ﺧﺎﻑ ﻳﻜﻮﻟﻮﻥ ﻧﻮﻣﺘﻬﻢ ﺟﻮﻋﺎﻧﻴﻦ .. ﻭﺧﻄﻴﻪ ﺍﺳﺘﺨﻄﻴﻬﻢ ..
ﺻﺢ ﺍﺳﻠﻮﺑﻬﻢ ﻭﻳﺎﻱ ﺯﻓﺮ .. ﺑﺲ ﻣﻮ ﺻﻮﺟﻬﻢ ﻫﻢ ﺍﻃﻔﺎﻝ ﻫﻴﺞ ﺍﺗﻌﻠﻤﻮ ﻣﻦ ﺍﻟﻜﺒﺎﺭ ..
ﻛﺎﻋﺪ ﺍﻏﺴﻞ ﻣﻮﺍﻋﻴﻦ .. ﻃﺒﺖ ﺷﻴﻤﺎﺀ ﻳﺎ ﺧﻴﻪ ﺷﻨﻮ ﺗﺨﺎﻓﻴﻦ ﻧﺎﻛﻞ ﻭﻳﺎﻛﻢ ..
- ﻻ ﻳﻤﻌﻮﺩﻩ ﻋﺸﻨﻮ ﺍﺧﺎﻑ .. ﺑﺲ ﻋﻤﺎﺭ ﻣﻦ ﺻﻌﺪﺗﻪ ﺭﺩﺗﻪ ﻳﺠﺎﻭﺏ ﻋﻼﺗﺼﺎﻝ ﺻﺪﻳﻘﻪ ﻳﺨﺎﺑﺮ ﻣﻦ ﻛﻤﻞ ﻣﺎ ﻗﺒﻞ ﻳﻨﺰﻝ ﻛﺎﻝ ﻣﺎ ﺑﻴﻪ ﺣﻴﻞ ..
ﻗﺎﺑﻞ ﻧﻤﻮﻧﻪ ﻫﻮﻩ ﺍﻛﻞ ..
- ﻫﺴﻪ ﺍﺣﻨﻪ ﻋﻮﻓﻴﻨﻪ ﻳﻄﺒﻨﻪ ﻣﺮﺽ ﺑﺲ ﺫﻭﻟﻪ ﺍﻟﻤﺴﺎﻛﻴﻦ ﻭﻟﺪ ﻋﻨﺎﺭ ﺣﺮﺍﻡ ﻋﻠﻴﺞ ﺟﺎﻥ ﺻﺤﺘﻴﻠﻬﻢ ﻳﺎﻛﻠﻮﻥ ﻭﻳﺎﺝ ﺷﺒﻴﺞ ﺗﻜﻄﻌﻴﻦ ﻭﻳﺎﻫﻢ
- ﻳﺎﺍﺍ ﺍﺷﻮﻭﻥ ﺣﺒﻴﺒﺘﻲ .. ﺍﻛﻞ ﻭﺍﻋﻮﻓﻬﻢ .. ﻻﺍﺍﺍ ﺳﻮﻳﺘﻠﻬﻢ ﻟﻔﺎﺕ ﻭﺷﺒﻌﻮ ﻳﻤﻌﻮﺩﻩ ﺫﻭﻟﻪ ﻣﺜﻞ ﻭﻟﻴﺪﺍﺗﻲ ﻣﻴﺤﺘﺎﺝ ﺗﻮﺻﻴﻨﻲ ﻋﻠﻴﻬﻢ ..
- ﺿﺤﻜﺖ ﺿﺤﻜﻪ ﺟﺬﺍﺑﻴﻪ ﺑﻮﺟﻬﻲ ﻭﺭﺍﺣﺖ ﻳﻢ ﺍﻣﻬﺎ .. ﺩﺭﻭﺣﻲ ﻣﻠﻴﺖ ﺑﺲ ﻣﻦ ﺍﻣﺜﺎﻟﺞ ﺍﺧﻠﺺ ﻣﻦ ﺭﻧﺎ ﺍﻃﻠﻌﻴﻠﻲ ﺍﻧﺘﻲ ..
ﻛﻤﻠﺖ ﻭ ﻭﺻﻌﺪﺕ ﺣﻈﺮﺕ ﻣﻼﺑﺴﻲ ﻭﻣﻼﺑﺲ ﻋﻤﺎﺭ ﻭﻧﻤﺖ .. ﺑﺎﻭﻋﺖ ﻋﻤﺎﺭ ﻏﺎﻓﻲ .. ﺍﻟﺤﻤﺪﻟﻠﻪ ﻣﺎ ﺑﻴﻪ ﺣﻴﻠﻪ ﻭﺍﻟﻠﻪ ﺗﻠﻌﺐ ﺭﻭﺣﻲ ﻣﻦ ﻳﺠﻲ ﻳﻤﻲ ..
ﺑﻮﺩﻱ ﺍﺿﺮﺑﻪ ﺑﺲ ﻛﻮﻩ ﺍﺻﺒﺮ ﺭﻭﺣﻲ .. ﺧﻠﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﺍﺟﻪ ﻭﺟﻪ ﺑﻜﺮ ﻛﺒﺎﻟﻲ ﻟﻤﺎ ﻟﺰﻡ ﻭﺟﻪ ﺍﻟﻴﻮﻡ ﻭﻋﺼﺒﻴﺘﻪ ﻭﻭﻛﻔﺘﻪ
ﺻﺢ ﻛﻼﻣﻪ ﺟﺎﻥ ﻳﺤﺎﻭﻝ ﻳﺠﺮﺣﻨﻲ ﺑﻴﻪ . ﺑﺲ ﺍﺣﺲ ﻛﻠﺒﻲ ﺍﺭﺗﺎﺡ ﺑﺸﻮﻓﺘﻪ .. ﺍﺣﺲ ﻫﻮﻩ ﻣﺜﻞ ﺍﻟﻤﺨﺪﺭﺍﺕ ﻟﻜﻠﺒﻲ
ﺍﺫﺍ ﻛﻠﺒﻲ ﻣﻴﺸﻮﻓﻪ ﻛﺒﺎﻟﻪ ﻳﺘﻌﺬﺏ .. ﺯﻳﻦ ﺷﻠﻮﻥ ﺭﺍﺡ ﺍﻋﻴﺶ .. ﺍﻓﺮﺡ ﻟﻤﺎ ﺍﺷﻮﻓﻪ .. ﻭﺍﻧﻲ ﺍﻻﺯﻡ ﺍﻃﻠﻌﻪ ﻣﻦ ﺑﺎﻟﻲ ﻭﺍﻧﺴﺎﻩ ..
ﺍﻭﻑ ﻳﺎﺭﺑﻲ ﺳﺎﻋﺪﻧﻲ ﺍﻧﺴﺎﺍﺍﻩ ﺩﺧﻴﻠﻚ .. ﺣﺎﻭﻟﺖ ﺍﺟﺒﺮ ﺭﻭﺣﻲ ﻋﻠﻨﻮﻡ ﺑﺲ ﻫﻢ ﺑﺎﺣﻼﻣﻲ ﺍﻟﻜﺎﻩ ..
ﻛﻌﺪﺕ ﺍﻟﺼﺒﺢ ﻋﻠﻰ ﻋﻤﺎﺭ ﻭﻫﻮﻩ ﻳﺤﺎﻭﻝ ﺑﺲ ﻛﻤﺰﺕ ﻣﻨﻪ ﺑﺤﺠﺔ ﺍﺗﺄﺧﺮﺕ ..
ﻛﺎﻝ ﺑﻌﺪ ﻭﻛﺖ ﺍﻟﺴﺎﻋﻪ ﺳﺘﻪ .. ﻛﺘﻠﻪ ﺑﺎﻟﻨﺴﺒﻪ ﺍﻟﻚ .. ﻭﺭﺍﻱ ﺳﺒﺢ ﻭﺗﻨﺸﻴﻒ ﺷﻌﺮ ﻭﻣﻜﻴﺎﺝ ﻭﺗﺒﺪﻳﻞ ﻭﻭﻭﻭ ﻭﺭﺣﺖ ﻣﻦ ﻳﻤﻪ ﻟﻠﺤﻤﺎﻡ
ﻛﻤﻠﺖ ﻟﻜﻴﺘﻪ ﻫﻮﻩ ﺭﺍﺟﻊ ﻧﺎﻳﻢ .. ﻛﻤﻠﺖ ﺭﻭﺣﻲ ﻣﻜﻴﺎﺝ ﻭﺗﺒﺪﻳﻞ ﺧﻠﺼﺖ .. ﻛﻌﺪﺗﻪ ﻋﻤﺎﺭ ﻛﻮﻭﻭﻡ .. ﻛﺎﻝ ﺍﻱ ﻛﺎﻳﻢ ..
ﺍﻧﻲ ﻭﻛﻔﺖ ﻋﻠﻤﺮﺍﻳﺎ ﺍﻟﺒﺲ ﺍﻛﺴﺴﻮﺍﺭﺍﺗﻲ . ﻭﺍﺣﻈﺮ ﺟﻨﻄﺘﻲ ﻫﻮﻩ ﺭﺍﺡ ﻏﺴﻞ ﻭﺟﻬﻪ .. ﻛﺘﻠﻪ ﻫﺎﻱ ﻣﻼﺑﺴﻚ ﺑﺪﻝ ﻭﻧﺰﻟﻨﻪ ..
ﻛﺘﻠﻪ ﺗﺮﻳﺪ ﺭﻳﻮﻙ . ﻛﺎﻝ ﻻ ﺍﻣﺸﻲ ﺍﻧﻲ ﺍﺷﺘﺮﻳﻠﺞ ﻣﻦ ﺑﺮﻩ ﺑﻌﺪ ﻣﺎ ﺍﻟﺤﻚ ﻻﺯﻡ ﺍﻓﺘﺮ ﻋﻠﻴﻬﻢ ﺍﺧﺬﻫﻢ ..
ﻃﻠﻌﻨﻪ ﺍﺧﺬﻧﻪ ﻟﻔﺎﺕ ﺑﻴﺾ ﻭﭼﺎﻱ ﻣﻦ ﺍﻟﻜﺸﻚ ﻭﺭﺣﻨﻪ ﺟﻤﻌﻨﻪ ﺍﻟﺒﻘﻴﻪ ﻭﻭﺻﻠﻨﻪ ﻟﻠﻤﺪﺭﺳﻪ .. ﻧﺰﻟﺖ ﻟﻠﺤﻤﺎﻣﺎﺕ ﻛﺒﻞ ﻏﺴﻠﺖ ﻭﺭﺣﺖ ﻟﻼﺩﺍﺭﻩ ..
ﺷﻔﺖ ﺟﺪﻭﻟﻲ .. ﻭﺭﺣﺖ ﻟﻠﺼﻒ .. ﻛﻤﻠﺖ ﻳﻮﻣﻲ ﺑﺎﻟﺘﺪﺭﻳﺲ .. ﺑﺲ ﺳﺖ ﻧﺮﻣﻴﻦ ﺍﺑﺪ ﻣﺘﺤﺠﻲ ﻭﻳﺎﻱ ﻭﺷﺎﻳﻠﻪ ﻋﻠﻴﻪ .. ﺷﺒﻴﻬﺎ ..
ﻣﻬﺘﻤﻴﺖ .. ﻋﻔﺘﻬﺎ ﻭﻣﺸﻴﺖ .. ﺻﺎﺭ ﺍﻟﻀﻬﺮ ﻃﻠﻌﻨﻪ .. ﻋﻤﺎﺭ ﻭﻧﺮﻣﻴﻦ ﻫﻢ ﻣﻴﺘﺤﺎﺟﻮﻥ ﺟﺎﻧﻮ ﻳﺼﺮﻋﻮﻧﻲ ﺑﺴﻮﺍﻟﻒ ..
ﻭﺻﻠﺖ ﻟﻠﺒﻴﺖ .. ﺩﺧﻠﺖ .. ﺍﺗﻠﻜﺎﻧﻲ ﻭﻟﻴﺪ .. ﺳﻤﺮ ﺳﻤﺮ ﻫﺬﺍ ﻛﺮﺍﻳﺒﻜﻢ ﻋﺪﻧﻪ ..
- ﻣﻨﻮ؟؟؟؟؟
- ﻫﻼ ﺳﻤﺴﻢ ﺷﻠﻮﻧﺞ ﻭﺍﺑﺘﺴﻢ .... ﻳﺘﺒﻊ
🌺🌺🌺🌺🌺🌺
ﺍﻟﻤﻨﺤﻮﺱ ﻣﻨﺤﻮﺱ ﺣﺘﻰ ﻟﻮ ﺣﻄﻮ ﻓﻮﻙ ﺭﺍﺳﻪ ﻓﺎﻧﻮﺱ
ﻫﻬﻬﻬﻪ ﻫﺬﻱ ﺍﻟﺒﻨﺖ ﻣﻨﺤﻮﺳﻪ ﻭﺍﻻﺳﺘﺎﺫﺍ ﺭﺍﺡ ﻳﻜﻤﻠﻬﺎ ﻋﻠﻴﻬﺎ ..
ﺗﺘﻮﻗﻌﻮﻥ ﺷﻨﻮ ﻣﻤﻜﻦ ﻳﻜﻮﻥ ﺍﻧﺘﻘﺎﻡ ﺑﻜﺮ .. ﻭﻟﻴﺶ ﻳﻨﺘﻘﻢ .. ﺍﻟﻴﺤﺐ ﻳﻜﺪﺭ ﻳﺄﺫﻱ ﻣﺤﺒﻮﺑﻪ ﻣﻌﻘﻮﻝ !!!!!
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﻣﻤﺘﻌﻪ
#
.
.
.
.
.
#
ﺍﻭﻝ ﻣﺪﺧﻠﺖ ﺍﻟﺒﻴﺖ .. ﻭﻟﻴﺪ ﺍﺟﺎﻧﻲ ﻳﺮﻛﺾ .. ﺳﻤﺮ ﺳﻤﺮ ﻫﺬﺍ ﻛﺮﺍﻳﺒﻜﻢ ﻋﺪﻧﻪ
- ﺷﻨﻮ
- ﻫﻼ ﺳﻤﺴﻢ ﺷﻠﻮﻧﺞ ﻭﺍﺑﺘﺴﻢ ..
- ﺍﻧﺼﺪﻣﺖ ﺷﻔﺖ ﺑﻜﺮ ﻛﺒﺎﻟﻲ .. ﻭﺍﺑﺘﺴﺎﻣﺘﻪ ﺍﺷﻮﻑ ﺑﻴﻬﺎ ﺣﻘﺎﺭﻩ .. ﺑﺲ ﺣﺘﻰ ﺍﻟﺤﻘﺎﺭﻩ .. ﺣﺎﺑﺘﻬﺎ ﻣﻨﻪ ..
ﺍﺑﺘﺴﻤﺖ ﺍﺑﺘﺴﺎﻣﻪ ﻋﺮﻳﻀﻪ ﻭﺭﺣﺖ ﺳﻠﻤﺖ ﻋﻠﻴﻪ .. ﺩﺍ ﺍﺳﻠﻢ ﻫﻤﺲ ﺑﺄﺫﻧﻲ .. ﺗﺸﻮﻓﻴﻦ ﺍﻟﺨﻴﺮ ﻳﺎﺍﺍ ﺳﻤﺮ
ﺍﺑﺘﻌﺪﺕ ﻭﺍﺑﺘﺴﻤﺘﻠﻪ .. ﺍﺣﺲ ﻛﻠﺒﻲ ﻃﺎﻳﺮ ﻭﻫﻮﻩ ﻛﺒﺎﻟﻲ .. ﺩﺭﺕ ﻭﺟﻬﻲ ﻭﺷﻔﺖ ﻧﻀﺎﻝ ﻣﻮﺟﻮﺩﻩ ..
ﺍﻧﺼﺪﻣﺖ ﺍﻛﺜﺮ ﺑﺲ ﺳﻠﻤﺖ ﻋﻠﻴﻬﺎ ﻭﺍﺧﺬﺕ ﺍﻟﻄﻔﻞ ﻣﻦ ﺑﻴﻦ ﺍﺩﻳﻬﺎ .. ﺍﺑﺎﻭﻋﻠﻪ ﻳﺎﺍﺍﺍ ﺍﻟﻠﻪ ..
ﺑﻜﺮ ﻭﻧﺎﻳﻢ .. ﻧﻔﺲ ﺍﻟﺴﻤﺎﺭ ﻭﺍﻟﻤﻼﻣﺢ .. ﺣﻄﻴﺘﻪ ﻋﻠﻰ ﻛﻠﺒﻲ ﻭﺷﻤﻴﺖ ﺍﻓﻴﺶ ﻳﺎﺭﻳﺤﺖ ﺍﺑﻮﻙ ..
ﺗﻤﻨﻴﺖ ﻟﻮ ﺑﺲ ﻋﻨﺪﻱ ﻃﻔﻞ ﻣﻨﻪ ﻭﺷﺎﻳﻞ ﺭﻳﺤﺘﻪ ﻭﻣﻼﻣﺤﻪ ﺟﺎﻥ ﻫﺴﻪ ﺍﻧﻲ ﺑﺨﻴﺮ ..
ﻛﺘﻠﻬﺎ ﺑﺎﻟﻌﺎﻓﻴﻪ ﻳﺘﺮﺑﻰ ﺑﻌﺰﻛﻢ ..
- ﺗﺴﻠﻤﻴﻦ ﺍﻧﺸﺎﻟﻠﻪ ﻳﻮﻡ ﺍﻻﻟﺞ ..
- ﻋﻤﺎﺭ ﺳﻠﻢ ﻋﻠﻰ ﺑﻜﺮ ﻭﻛﻌﺪﻭ ﺑﺎﻻﺳﺘﻘﺒﺎﻝ .. ﺍﻧﻲ ﺻﻌﺪﺕ ﻓﻮﻙ ﺑﺴﺎﻉ ﺑﺪﻟﺖ ﻭﻧﺰﻟﺖ ..
ﻟﻜﻴﺖ ﻧﻀﺎﻝ ﻛﺎﻋﺪﻩ ﺑﺎﻟﻤﻄﺒﺦ ﻭﺷﻴﻤﺎ ﺗﻄﺒﺦ .. ﻛﺘﻠﻬﺎ ﺷﻴﻤﺎﺀ ﺷﺴﻮﻱ .. ﻛﺎﻟﺖ ﻛﻠﺒﻲ ﺍﻟﺘﻤﻦ ﻭﺳﻮﻱ ﺯﻻﻃﻪ ..
ﻭﻛﻔﺖ ﺍﺛﺮﻡ ﺯﻻﻃﻪ .. ﻫﻤﺴﺖ ﺷﻴﻤﺎﺀ ﺑﺄﺫﻧﻲ ﺑﺲ ﺻﻌﺪﻱ ﺟﻬﺎﻝ ﻋﻤﺎﺭ ﻓﻮﻙ ﺗﺮﻩ ﻳﺸﻬﺮﻭﻧﻪ ﺍﺫﺍ ﻛﻌﺪﻭ ﻭﻳﺎﻧﻪ ﻋﻼﻛﻞ ..
- ﺧﻄﻴﻪ ﺧﻞ ﻳﺎﻛﻠﻮﻥ ﻗﺎﺑﻞ ﺑﻜﺮ ﻏﺮﻳﺐ
- ﻻﺍﺍ ﻳﻤﻌﻮﺩﻩ ﻳﻔﻀﺤﻮﻧﻪ ﺫﻭﻟﻪ ﻣﺸﺎﻳﻔﻴﻦ .. ﻣﺘﻌﺮﻓﻴﻬﻢ ﺻﻌﺪﻳﻬﻢ ﻭﺍﺣﻨﻪ ﻧﺨﻠﻴﻠﻬﻢ ﺍﻛﻞ ..
- ﺻﻔﻨﺖ ﻭﻳﻦ ﺍﺻﻌﺪﻫﻢ ﺑﻐﺮﻓﺘﻲ .. ﻳﻠﻪ ﻓﺪﻭﻩ ﺷﻴﺴﻮﻭﻥ ﺑﻴﻬﺎ ﻗﺎﺑﻞ .. ﺍﺧﺬﺗﻬﻢ ﻭﺻﻌﺪﺗﻬﻢ .. ﺑﺲ ﻋﺒﺪﻟﻠﻪ ﻗﻔﻠﻮ ﻋﻠﻴﻪ ﺍﻟﻐﺮﻓﻪ ﺍﻟﺠﻮﻩ ..
ﻫﻤﻪ ﻣﺘﻌﻮﺩﻳﻦ ﺍﻱ ﺧﻄﺎﺭ ﻳﺴﺠﻨﻮﻩ ﻻﻥ ﻣﺆﺫﻱ ﻭﻣﻴﻔﺘﻬﻢ ﻭﻳﺴﻮﻱ ﺣﺎﺟﺘﻪ ﻛﺪﺍﻡ ﺍﻟﻨﺎﺱ ﺧﻄﻴﻪ ..
ﺍﺷﺘﻐﻞ ﻭﻋﻴﻨﻲ ﻋﻠﻰ ﺍﺑﻦ ﺑﻜﺮ ﻭﺍﺑﺘﺴﻢ .. ﻭﺟﻪ ﺍﺑﻮﻩ ﻓﺪ ﻣﺮﻩ .. ﻛﺘﻠﻬﺎ ﺷﺴﻤﻴﺘﻮ .. ﻛﺎﻟﺖ ﺍﻣﻲ ﺳﻤﺘﻪ ﻣﺼﻄﻔﻰ ..
- ﺍﻣﺞ ﻟﻴﺶ ﻟﻌﺪ ﺑﻜﺮ ﻟﻴﺶ ﻣﺴﻤﺎﻩ
- ﻣﺎ ﺟﺎﻥ ﺣﺎﻇﺮ ﺑﺎﻟﻮﻻﺩﻩ
- ﻟﻴﺶ
- ﻟﻠﻴﻮﻡ ﻫﻮﻩ ﻣﺸﺎﻳﻠﻪ .. ﻏﻴﺮ ﻣﺮﻩ ﺑﺎﺳﻪ ﻭﺑﻌﺪ ﻣﺘﻘﺮﺑﻠﻪ
- ﺧﻄﻴﻪ ﻟﻴﺶ ﻫﻴﺞ ﺑﻜﺮ ﻭﻳﺎﻩ
- ﻫﻮﻩ ﻣﺎ ﻳﺠﻴﻨﻪ ﺍﺑﺪ ﻛﻠﻪ ﻳﺒﺎﺕ ﺑﺮﻩ
- ﻭﻳﻦ ﻳﺒﺎﺕ
- ﻳﻜﻮﻝ ﺑﺎﻟﻤﺤﻞ ﺍﻭ ﺑﺎﻟﺴﻴﺎﺭﻩ
- ﻟﻴﺶ ﻭﺍﻟﺒﻴﺖ
- ﻫﻮﻩ ﻣﻦ ﻳﻮﻡ ﺍﻝ ﺗﻌﺮﻓﻴﻦ ﻣﺎ ﺍﻛﺪﺭ ﺍﺣﺠﻲ ﻫﻮﻩ ﻣﻦ ﻳﻤﻬﺎ ﺗﻌﺎﺭﻙ ﻭﻳﻪ ﺍﺑﻮﻩ ﻭﻳﻪ ﺍﻣﻪ ﻭﻃﻠﻊ ﺑﻌﺪ ﻣﺎ ﺭﺟﻊ ﺍﻻ ﺍﻟﻴﻮﻡ ﺗﻔﺎﺟﺌﺖ ﺍﺟﺎﻧﻪ ﻭﻛﺎﻝ ﺑﺪﻟﻲ ﺍﻧﺘﻲ ﻭﻣﺼﻄﻔﻰ ﺧﻞ ﺍﺧﺬﻛﻢ
🌿
ﻫﺰﻳﺖ ﺭﺍﺳﻲ ﻭﺩﻧﻜﺖ .. ﻣﺮﺗﻪ ﻓﻘﻴﺮﻩ ﻓﺪ ﻣﺮﻩ ﻣﺘﺴﺘﺎﻫﻞ ﻫﻴﺞ ﺗﻌﺎﻣﻞ ﻣﻨﻪ .. ﻣﻮ ﺫﻧﺒﻬﺎ ..
ﻫﻬﻪ ﺍﻟﻮﻡ ﺑﻴﻪ ﻭﺍﻧﻲ ﺍﻟﻠﻲ ﻣﻮ ﻛﺎﺩﺭﻩ ﺍﺗﻘﺒﻞ ﻋﻤﺎﺭ .. ﺍﺥ ﻣﻦ ﻧﺎﺭ ﻛﻠﻮﺑﻨﻪ ﺷﻮﻛﺖ ﺗﻄﻔﻰ ﻭﻧﺘﺄﻗﻠﻢ .. ﻳﻤﻚ ﻳﺎﺭﺏ ..
ﻛﻤﻠﻨﻪ ﻭ ﺷﻠﻨﻪ ﺍﻻﻛﻞ ﻟﻼﺳﺘﻘﺒﺎﻝ .. ﺩﻧﻜﺖ ﺍﺟﺮ ﺍﻟﺴﻔﺮﻩ ﺍﻋﺪﻟﻬﺎ ﻭﺍﻋﺪﻝ ﺑﺎﻟﻤﻮﺍﻋﻴﻦ .. ﺷﻠﺖ ﺭﺍﺳﻲ ﻋﻴﻨﻲ ﺻﺪﺕ ﺍﺑﻜﺮ ﻛﺪﺍﻣﻲ
ﺑﺲ ﺍﺧﺘﻠﺴﺖ ﻣﻦ ﻧﻀﺮﺗﻪ .. ﻣﺪﻧﻚ ﻭﻋﻴﻮﻧﻪ ﺭﺍﻓﻌﻬﺎ ﻋﻠﻴﻪ ﻭﻣﺨﻨﺰ .. ﺩﺭﺕ ﻭﺟﻬﻲ ﻋﻤﺎﺭ ﻭﺭﺍﻱ .. ﺍﺑﺘﺴﻤﺖ ..
ﺍﺗﺬﻛﺮﺕ ﻫﻮﻩ ﻳﺘﺨﺒﻞ ﺍﺩﻧﻚ ﻭ ﻭﺍﺣﺪ ﻭﺭﺍﻱ ﺩﻭﻡ ﻳﻜﻮﻟﻲ ﺍﻛﻌﺪﻱ ﻭﺳﻮﻱ ﺍﻟﺘﺮﺩﻳﻪ ﻻ ﺍﺩﻧﻜﻴﻦ ﻭﻧﺎﺱ ﻭﺭﺍﺝ ..
ﺍﺑﺘﻌﺪﺕ .. ﺭﺣﺖ ﺟﺒﺖ ﺍﻟﻠﺒﻦ ﻣﻦ ﺍﻟﻤﻄﺒﺦ ﻭﺍﺟﻴﺖ .. ﻛﻌﺪﺕ ﻫﻮﻩ ﻛﺒﺎﻟﻲ ﻛﺎﻋﺪ ﻭﻋﻴﻮﻧﻪ ﻣﺎ ﺷﺎﻟﻬﺎ ..
- ﺷﻠﻮﻧﺞ ﺳﻤﺴﻢ ﻣﺮﺗﺎﺣﻪ ﻫﻨﺎ
- ﺍﺑﺘﺴﻤﺘﻠﻪ ﺍﻱ ﺍﻟﺤﻤﺪﻟﻠﻪ ﻋﻤﻮﺭﻱ ﻭﺭﺩﻩ .. ﺣﺠﻴﺖ ﻫﻴﺞ ﻫﻮﻩ ﺍﺑﺘﺴﻢ ﻭﻳﺼﻚ ﻋﻠﻰ ﺍﺩﻳﻪ ﺣﻴﻞ .. ﺗﻨﺪﻣﺖ ﻛﻠﺖ ﻫﻴﺞ ﺍﻣﺪﺍﻧﻲ ﺩﻭﻡ ﺍﺣﺠﻲ ﺑﺪﻭﻥ ﻣﺎ ﺍﻓﻜﺮ
- ﺗﺘﺬﻛﺮﻳﻦ ﺍﻳﺎﻣﻨﻪ ﺳﻤﺴﻢ
- ﻛﺎﻝ ﻫﻴﺞ ﺷﺮﻛﺖ ﺑﺎﻟﺒﻦ ﺍﺭﻳﺪ ﺍﺗﻨﻔﺲ ﺍﺧﺘﻨﻜﺖ .. ﻫﺬﺍ ﻳﺮﻳﺪ ﻳﻔﻀﺤﻨﻲ ..
ﻫﻤﻪ ﻣﻨﺘﺒﻬﻮ ﻟﺤﺠﻴﻪ ﺍﻟﺘﻬﻮ ﺑﺸﺮﻛﺘﻲ .. ﺍﺑﺎﻭﻋﻠﻪ ﻳﻀﺤﻚ ﺑﻤﻜﺮ ﻭﻣﻨﺰﻝ ﻋﻴﻨﻪ ..
ﺑﺎﻭﻋﻠﻬﻢ .. ﻛﺎﻝ ﺍﺧﺬﺗﻬﺎ ﻭﻳﺎﻱ ﻻﻟﻤﺎﻧﻲ ﻓﺪ ﻳﻮﻡ ﺗﺘﺬﻛﺮﻳﻦ ﺷﺴﻮﻳﻨﻪ ﻫﻨﺎﻙ ..
- ﻛﻤﺖ ﺍﺑﺘﺴﻢ ﻭﺍﻟﻌﺮﻙ ﻳﻨﺰﻝ .. ﺩﺍﺭ ﻋﻠﻴﻪ ﻋﻤﺎﺭ ﻣﺴﺎﻓﺮﻩ ﻭﻳﺎﻩ ﻻﻟﻤﺎﻧﻴﺎ ﺷﻮ ﻣﻜﺎﻳﻠﺘﻠﻲ
- ﺩﺍ ﺍﺭﻳﺪ ﺍﺣﺠﻲ .. ﺣﺠﻪ ﺑﻜﺮ
- ﻭﻭﻭﻭ ﻟﻮ ﺗﺮﻳﺪ ﺗﺤﺠﻴﻠﻚ ﻋﻨﻲ ﻳﺮﺍﺩﻟﻬﺎ ﻋﻤﺮ ﻭﻣﺘﺨﻠﺺ
- ﺑﺎﻭﻋﺖ ﻟﻌﻤﺎﺭ ﻭﻛﺘﻠﻪ ﺑﻜﺮ ﺍﻏﻠﻰ ﺍﺥ ﺍﻟﻲ ﺑﺎﻟﺪﻧﻴﺎ ﻟﻮ ﺍﻋﺪ ﺍﻓﻀﺎﻟﻪ ﻣﻨﺎ ﻟﺒﺎﺟﺮ ﻣﺎ ﺍﺧﻠﺺ .. ﻭﺑﺎﻭﻋﺘﻠﻪ ﻛﺎﻣﺖ ﺗﺠﺪﺡ ﻧﺎﺭ ﻋﻴﻮﻧﻪ .. ﻻﻥ ﻛﻠﺖ ﺍﺥ ..
- ﻛﺎﻝ ﺍﻱ ﺍﻏﻠﻰ ﺷﺨﺺ ﻋﻠﻰ ﻛﻠﺒﺞ ﻟﺪﺭﺟﺔ ﻋﻔﺘﻲ ﺍﺧﻮﻱ ﻋﻠﻰ ﻣﻮﺩﻱ ..
- ﻟﺰﻣﺖ ﻛﻠﺒﻲ ﻫﺬﺍ ﺷﺠﺎﻱ ﻳﺤﺠﻲ
- ﺷﻠﻮﻥ ﻳﻌﻨﻲ ﻋﺎﻓﺖ ﺍﺧﻮﻙ ﻋﻠﻰ ﻣﻮﺩﻙ
- ﻳﺒﺎﻭﻋﻠﻲ ﻭﻫﻮﻩ ﻣﺒﺘﺴﻢ ﺑﺤﻘﺎﺭﻩ ﺍﻧﻮﺏ ﺩﺍﺭ ﻟﻌﻤﺎﺭ ﻭﻛﺎﻟﻪ ﻫﺎﻱ ﻣﻦ ﻧﻀﺮﺑﺖ ﻋﻴﻨﻲ ﻭﺍﺣﺘﺎﺟﻴﺖ ﻭﺍﺣﺪ ﻳﺴﺎﻓﺮ ﻭﻳﺎﻱ ﻭﻫﻴﻪ ﻣﺎ ﻗﺒﻠﺖ ﺍﺣﺪ ﻏﻴﺮﻫﺎ ﻳﺪﺍﺭﻳﻨﻲ
ﺗﻌﺎﺭﻛﺖ ﻭﻳﻪ ﺭﺟﻠﻬﺎ ﺍﻻ ﺗﺴﺎﻓﺮ ﻭﻳﺎﻱ ﻭﺗﻌﺎﻟﺠﻨﻲ ﻭﻣﻨﻬﺎ ﺍﺧﻮﻱ ﺯﻋﻞ ﻋﻠﻴﻬﺎ ﻭﻋﺎﻓﺘﻪ ﺯﻋﻼﻥ ﻭﺳﺎﻓﺮﺕ ﻭﻳﺎﻱ ..
- ﻋﻤﺎﺭ ﺳﻜﺖ ﻣﺎ ﺭﺩ ﺑﺲ ﺿﺎﺝ ﻣﻦ ﻛﻼﻣﻪ .. ﺑﺮﺭﺕ ﻛﺘﻠﻪ ﻻﻥ ﺑﻮﻗﺘﻬﺎ ﺍﻧﺘﻪ ﻋﻴﻮﻧﻚ ﻋﻤﺖ ﻭﺧﻔﺖ ﻳﺼﻴﺮ ﺑﻴﻚ ﺷﻲ ..
- ﺍﻱ ﺑﺲ ﺟﻨﺘﻲ ﺩﻭﻡ ﺗﻔﻀﻠﻴﻨﻲ ﻋﻠﻰ ﻋﺎﺩﻝ ﻟﻬﻴﺞ ﺿﺎﺝ ﻣﻨﺞ ﻭﻫﺠﺮﺝ .. ﻫﻬﻬﻪ ﻳﻐﺎﺭ ..
ﻋﻤﺎﺭ ﻛﺎﻡ .. ﻛﺎﻟﻪ ﻣﻦ ﺭﺧﺼﺘﻚ ﺑﺲ ﺍﺳﻮﻱ ﺍﺗﺼﺎﻝ
ﺑﻜﺮ .. ﻻﺍﺍ ﺧﻮﻳﻪ ﺍﺧﺬ ﺭﺍﺣﺘﻚ ..
- ﻛﻤﺖ ﺍﺧﺰﺭ ﺑﻮﺟﻬﻪ ﻻﻥ ﺻﺪﻙ ﻧﺎﻭﻱ ﻳﻔﻀﺤﻨﻲ .. ﻭﻫﻮﻩ ﻳﻀﺤﻚ ﺑﺤﻘﺎﺭﻩ .. ﺍﻧﻮﺏ ﺩﺍﺭ ﻭﺟﻪ ﻟﻨﻀﺎﻝ ﻭﻛﺎﻟﻠﻬﺎ
- ﻳﻠﻪ ﺣﺒﻴﺒﺘﻲ ﺻﺎﺭ ﻻﺯﻡ ﻧﺮﻭﺡ ..
- ﻳﺘﻌﻤﺪ ﻳﻜﻮﻟﻬﺎ ﺣﺒﻴﺒﺘﻲ ﺑﺪﺍﺧﻠﻲ .. ﺍﻱ ﻭﻳﻜﻠﻠﻬﺎ ﺍﻧﻲ ﺷﻌﻠﻴﻪ .. ﺑﺲ ﻟﻴﺶ ﻣﺤﺘﺮﻙ ﺩﻣﻲ ﻭﺍﺣﺲ ﻟﺠﻤﻪ ﺑﻜﻠﺒﻲ ﻣﻦ ﻳﻜﻮﻟﻠﻬﺎ ﺣﺒﻴﺒﺘﻲ ﺷﻌﻠﻴﻪ ﻣﻮ ﻻﺯﻡ ﺍﻫﺘﻢ ﺳﻤﺮ ﺍﺻﺤﻲ
🌿
ﻛﺎﻣﺖ ﻫﻴﻪ ﺗﻠﻢ ﺑﻐﺮﺍﺽ ﺍﻟﻄﻔﻞ .. ﺍﺑﺪ ﻣﺘﺮﺩ ﻋﻠﻰ ﺍﻓﻌﺎﻟﻪ ﺷﻠﻮﻥ ﻋﺪﻫﺎ ﻫﻴﺞ ﺑﺮﻭﺩ ..
ﻛﺘﻠﻬﺎ ﺍﻧﻄﻴﻨﻲ ﺻﻮﻓﻲ ﻭﻟﻤﻲ ﺑﺮﺍﺣﺘﺞ .. ﺍﺧﺬﺗﻪ ﺍﺑﻮﺱ ﺑﺨﺪﻩ .. ﺍﺗﻘﺮﺏ ﻳﻤﻲ ﺑﻜﺮ ﺑﺤﺠﺔ ﻳﺎﺧﺬ ﺍﻟﻄﻔﻞ ﻭﻳﻬﻤﺲ ﻟﺞ ﻭﺍﻟﻠﻪ ﻫﺎﻱ ﺑﺲ ﺍﻟﺒﺪﺍﻳﻪ ..
ﻣﺎ ﺭﺩﻳﺖ ﻭﺑﻘﻴﺖ ﻋﻴﻮﻧﻲ ﻋﻠﻄﻔﻞ ﺍﺧﺬﻩ ﻣﻦ ﺍﻳﺪﻱ ﻭﺑﻘﻰ ﻳﺒﻮﺱ ﺑﻴﻪ ﻭﻳﻜﻮﻟﻪ ﻳﺮﺣﻮﻟﻚ ﻓﺪﻭﻩ ﺑﺎﺑﺎﺗﻲ ..
- ﺍﺣﺲ ﻛﻠﺒﻲ ﺭﺍﺡ ﻳﻨﻔﺠﺮ ﺻﺢ ﻣﻮ ﻣﻦ ﺣﻘﻲ ﺑﺲ ﻏﻴﺮ ﺍﻗﺘﻨﻊ .. ﻛﻠﺒﻲ ﻳﺮﻳﺪﻩ ..
ﻃﻠﻌﻮ ﻣﻦ ﺍﻟﻐﺮﻓﻪ .. ﻋﻤﺎﺭ ﻛﺎﻟﻪ ﻭﻳﻦ ﺑﻜﺮ ﻋﻴﺐ ﺗﻄﻠﻊ ﻫﻴﺞ ﺍﺷﺮﺏ ﺟﺎﻱ ..
- ﻣﻮ ﺷﺮّﺍﺏ ﺟﺎﻱ .. ﻣﺘﻘﺼﺮ ﻭﻣﺸﻜﻮﺭ ﻋﻠﻀﻴﺎﻓﻪ ﺍﺟﻴﺖ ﺑﺲ ﺍﺷﻮﻑ ﻭﺍﺑﺎﺭﻙ ﻟﺴﻤﺴﻢ ﻭﺍﻣﺸﻲ ..
ﺍﺟﺖ ﻧﻀﺎﻝ ﺍﻧﻄﺘﻨﻲ 25 ﺍﻟﻒ .. ﻛﺘﻠﻬﺎ ﻳﻤﻌﻮﺩﻩ ﺑﺲ ﺟﻴﺘﻜﻢ ﻛﺎﻓﻲ .. ﻛﺎﻟﺖ ﻻﺍ ﻣﻴﺼﻴﺮ ﻭﺷﺎﻳﻔﻪ ﺍﻟﻒ ﺧﻴﺮ ..
ﻭﻫﻮﻩ ﻳﻜﻮﻟﻲ ﺳﻤﺴﻢ ﺍﺧﺬﻳﻬﺎ ﺗﻔﻴﺪﺝ ﻣﻨﺎ ﻭﻫﻴﺞ ﺻﺪﻛﻴﻨﻲ .. ﻣﻔﺘﻬﻤﺖ ﺷﻨﻮ ﻗﺼﺪﻩ .. ﺑﺲ ﺳﻜﺘﺖ ﻭﻛﺘﻠﻪ ﻣﺸﻜﻮﺭ ﺧﻮﻳﻪ ﻳﺤﻔﻀﻚ ﺍﻟﻠﻪ ..
ﻫﻮﻩ ﻳﺴﻠﻢ ﻋﻠﻰ ﻋﻤﺎﺭ ﻭﻳﺨﺰﺭ ﺷﻠﻮﻥ ﺍﻛﻮﻟﻪ ﺧﻮﻳﻪ .. ﻃﻠﻊ ﻭﻛﺎﻝ ﺳﻤﻮﺭﻩ ﻋﻮﺩ ﺧﺎﺑﺮﻳﻨﻲ ﻣﻮ ﺗﻨﺴﻴﻨﻲ ﻭﻳﻐﻤﺰﻟﻲ ﻛﺪﺍﻡ ﻋﻤﺎﺭ ..
ﺻﻌﺪﻭ ﺑﺴﻴﺎﺭﺗﻬﻢ ﻭﺭﺍﺣﻮ .. ﻃﺐ ﻋﻤﺎﺭ ﻋﻴﻮﻧﻪ ﻧﺎﺭ .. ﺑﺲ ﻣﺎ ﺣﺠﻪ ﻭﺻﻌﺪ ﺑﺴﺮﻋﻪ ..
ﺟﺎﻱ ﺍﺻﻌﺪ ﺻﺎﺣﺖ ﻋﻠﻴﻪ ﺍﻟﺤﺠﻴﻪ ﺍﻧﻄﻴﻨﻲ 25 ﺍﻟﻒ .. ﻛﺘﻠﻬﺎ ﻟﻴﺶ .. ﻛﺎﻟﺖ ﺳﻮﻳﺖ ﺳﻤﺞ ﺏ 12 ﺍﻟﻒ ﻭﻟﺒﻦ ﻭﻣﺴﻮﺍﻙ ﺍﻧﻄﻴﻨﻲ ..
ﻛﻞ ﺍﻟﻌﻨﺪﻱ ﺭﺍﺗﺐ ﺭﻋﺎﻳﻪ ﺍﺟﺘﻤﺎﻋﻴﻪ ﺍﺻﺮﻓﻪ ﻋﻠﻰ ﻛﺮﺍﻳﺒﺞ ﺍﻧﻲ .. ﺷﻠﺖ ﺍﻟﻔﻠﻮﺱ ﺍﻟﻨﻄﺎﻧﻴﺎﻫﺔ ﺑﻜﺮ ﻭﺍﻧﻄﻴﺘﻬﺎ ﺍﻟﻬﺎ ..
ﻭﻫﻴﻪ ﺗﺎﺧﺬ ﻛﻮﻣﻪ ﺭﻭﺍﺗﺐ .. ﺭﺍﺗﺐ ﺭﺟﻠﻬﺎ ﻣﺎﻝ ﺷﻬﻴﺪ ﺑﺤﺮﺏ ﺍﻳﺮﺍﻥ ﻭﺑﺘﻬﺎ ﺍﺭﻣﻠﻪ ﻭﺭﺍﺗﺐ ﻋﺒﺪﻟﻠﻪ ﻣﺎﻝ ﻣﻌﺎﻗﻴﻦ ﻭﺭﺍﺗﺐ ﺍﻟﻬﺎ ﻫﻴﻪ ﻣﺎﻝ ﺭﻋﺎﻳﻪ ﺍﺟﺘﻤﺎﻋﻴﻪ
ﻭﻛﻞ ﻫﺎﻱ ﻭﺗﺒﺠﻲ ﺑﻮﺟﻪ ﺍﻟﻠﻪ ﺑﻮﻣﻪ .. ﻋﻔﺘﻬﺎ ﻭﺻﻌﺪﺕ .. ﻟﻜﻴﺖ ﻋﻤﺎﺭ ﻻﻑ ﺭﺍﺳﻪ ﻭﻧﺎﻳﻢ . ﺻﺤﺖ ﻋﻤﺎﺭ ﻛﺎﻋﺪ .. ﻣﺎ ﺭﺩ ..
ﻋﻔﺘﻪ .. ﻭﻣﺸﻴﺖ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻧﻤﺖ .. ﻫﻮﻩ ﻛﺎﻡ ﻣﻦ ﻣﻜﺎﻧﻪ ﻭﺭﺍﺩ ﻳﻄﻠﻊ .. ﻋﻤﺎﺍﺍﺭ ﻭﻳﻦ
- ﺷﻌﻠﻴﺞ
- ﻟﺤﻈﻪ ﺍﺣﺠﻲ ﻭﻳﺎﻙ
- ﺷﺮﺍﻳﺪﻩ ..
- ﺍﻛﺪﺭ ﺍﺷﺮﺣﻠﻚ ﻭﺿﻌﻲ ﻧﺰﻝ ﺭﺍﺳﻪ ﻭﻛﻌﺪ ﻋﻠﺴﺮﻳﺮ
- ﻭﻫﺎﻱ ﻛﻌﺪﺕ ﺳﻤﻌﻴﻨﻲ
- ﺷﺮﺣﺘﻠﻪ ﺷﻠﻮﻥ ﻏﻠﻄﺖ ﺑﻤﺮﺍﻫﻘﺘﻲ ﻭﺷﻠﻮﻥ ﻋﺎﺩﻝ ﺭﻓﻀﻨﻲ ﺑﻠﻴﻠﺔ ﺍﻟﻌﺮﺱ ..
- ﻛﻞ ﺭﺟﺎﻝ ﺑﻮﺿﻊ ﻋﺎﺩﻝ ﺟﺎﻥ ﺭﻓﻀﺞ .. ﺣﻘﻪ
- ﻟﻴﺶ ﺍﻛﻮﻟﻚ ﺑﻜﺮ ﻏﻴﺮ ﺍﻟﻜﻞ .. ﺑﻜﺮ ﺻﺪﻛﻨﻲ ﻭﺣﻤﺎﻧﻲ ﻣﻨﻬﻢ .. ﻭﺗﻮﻟﻰ ﻣﺴﺆﻭﻟﻴﺘﻲ ﻋﻦ ﻋﺎﺩﻝ ﻭﻋﺎﺩﻝ ﺗﺰﻭﺝ ﻋﻠﻴﻪ ﻭﺍﺷﻜﺎﻝ ﺍﻟﻮﺍﻥ ﺍﻟﻌﺬﺍﺏ ﺷﻮﻓﻨﻲ
ﺑﺲ ﺑﻜﺮ ﺟﺎﻥ ﻳﺤﻤﻴﻨﻲ ﻣﻨﻪ .. ﻋﺎﺩﻝ ﺟﺎﻥ ﺍﻟﻲ ﺯﻭﺝ ﻋﻠﻰ ﻭﺭﻕ ﻭﺑﺲ ﺍﺑﺪ ﻣﺎ ﻳﺮﺑﻄﻨﻲ ﺑﻴﻪ ﺍﻱ ﺷﻲ ..
ﻓﻤﻦ ﺍﻧﻀﺮﺑﺖ ﻋﻴﻦ ﺑﻜﺮ ﺷﻔﺘﻪ ﻳﺴﺘﺎﻫﻞ ﺍﺭﻭﺡ ﻭﻳﺎﻫﺎ ﻭﺍﻋﻴﻨﻪ ﻭﺍﺭﺩﻟﻪ ﺟﺰﺀ ﻣﻦ ﺍﻓﻀﺎﻟﻪ ﻋﻠﻴﻪ .. ﺑﻜﺮ ﻣﺜﻞ ﺍﺧﻮﻳﻪ ﺑﺲ ﻫﻮﺍﻱ ﺍﻟﻪ ﺍﻓﻀﺎﻝ ﻋﻠﻴﻪ ..
ﻭﺍﺫﺍ ﺍﻧﻲ ﺍﻟﻴﻮﻡ ﻋﺎﻳﺸﻪ ﻭﺍﺷﺘﻢ ﺍﻟﻬﻮﻯ ﻓﺒﻔﻀﻠﻪ ﻫﻮﻩ ﻻﻥ ﺣﻤﺎﻧﻲ ﺣﺘﻰ ﻣﻦ ﺍﻫﻠﻲ ..
ﻋﻤﺎﺭ ﺑﻜﺮ ﻣﺘﻌﺎﻳﺸﻪ ﻭﻳﺎﻩ ﻣﻦ ﺍﻧﻲ ﻭﺻﻐﻴﺮﻩ .. ﺟﺎﻥ ﻋﻤﺮﻱ 5 ﺍﺳﻨﻴﻦ ﻭﻋﻤﺘﻲ ﺟﺎﻧﺖ ﺗﺰﻋﻞ ﻣﻦ ﺭﺟﻠﻬﺎ ﻭﺗﻀﻞ ﺍﺑﻴﺖ ﺑﺎﺑﺎ ﺍﺷﻬﺮ ﻭﻫﻤﻪ ﻭﻳﺎﻫﺎ
🌿
ﻭﺟﺎﻧﻮ ﻳﺪﺧﻠﻮﻧﻪ ﺍﻟﺤﻤﺎﻡ ﻭﺍﺣﻨﻪ ﺍﺻﻐﺎﺭ ﻭﻳﺮﺩﻭﻩ ﻋﻠﻴﻨﻪ ﻭﻧﺴﺒﺢ ﺳﻮﻩ ﻭﻧﻠﻌﺐ .. ﺩﺍ ﺍﺣﺠﻲ ﻭﺍﺗﺬﻛﺮﺕ ﻫﻠﻤﻮﻗﻒ ﻭﻛﺘﻠﻪ ﻣﺮﻩ ﻣﻦ ﺍﻟﻤﺮﺍﺕ
ﻋﺎﺩﻝ ﻛﺮﺻﻨﻲ ﻭﺍﻧﻲ ﺍﺳﺒﺢ .. ﻭﺑﻘﻴﺖ ﺍﺑﺠﻲ .. ﺑﻜﺮ ﻟﺰﻡ ﻋﺎﺩﻝ ﻭﻛﺘﻠﻪ . ﺟﺎﻥ ﺑﻮﻗﺘﻬﺎ ﻋﻤﺮﻩ 10 ﺍﺳﻨﻴﻦ ..
ﻫﻬﻪ ﻣﻦ ﻫﻮﻩ ﺻﻐﻴﺮ ﻭﻳﺤﻤﻴﻨﻲ .. ﺑﺲ ﻫﻮﻩ ﺍﻟﻴﺸﻮﻓﻪ ﻳﻜﻮﻝ ﻣﻜﺮﻭﻩ ﻭﺍﺑﺪ ﻣﺎ ﻳﻨﺤﺐ ﺑﺲ ﻟﻮ ﺗﺘﻌﺮﻑ ﻋﻠﻴﻪ ﻋﻤﺎﺭ ﻭﺍﻟﻠﻪ ﺗﺤﺒﻪ ..
ﺍﻟﺘﻔﺘﺖ ﻋﻠﻰ ﻋﻤﺎﺭ ﻳﺒﺎﻭﻋﻠﻲ ..
- ﺯﻳﻦ ﻣﻤﻜﻦ ﺍﻋﺮﻑ ﻟﻴﺶ ﺑﺲ ﻣﻦ ﺗﺤﺠﻴﻦ ﺑﻴﻪ ﺗﻀﺤﻜﻴﻦ ﻭﺑﺎﻗﻲ ﺍﻟﻮﻗﺖ ﻛﺎﻟﺒﻪ ﻭﺟﻬﺞ ﻋﻠﻴﻪ ..
- ﻏﻴﺮﺕ ﻣﻼﻣﺤﻲ ﻭﺣﺎﻭﻟﺖ ﺍﺧﻔﻲ ﺍﻻﺭﺗﺒﺎﻙ .. ﻫﺎﻱ ﺷﺒﻴﻚ ﻋﻤﺎﺭ ﻛﺘﻠﻚ ﺭﻓﻴﻖ ﻃﻔﻮﻟﻪ .. ﺍﻛﻴﺪ ﻣﻦ ﺍﺗﺬﻛﺮ ﻃﻔﻮﻟﺘﻨﻪ ﺍﺿﺤﻚ
ﻣﺎ ﻗﺒﻞ ﺑﺎﻟﻜﻼﻡ .. ﺍﻭﻑ ﻳﺎ ﺑﻜﺮ ﺻﺪﻙ ﺭﺍﺡ ﻳﺨﺮﺏ ﺣﻴﺎﺗﻲ ﺑﺎﻓﻌﺎﻟﻪ .. ﻓﺘﺤﺖ ﺍﻳﺪ ﻋﻤﺎﺭ ﻭﻧﻤﺖ ﻋﻠﻴﻪ ﻫﻮﻩ ﺍﺳﺘﻐﺮﺏ ﺍﻟﺘﺼﺮﻑ ..
ﻭﺍﻧﻲ ﻧﻔﺴﻲ ﺍﺳﺘﻐﺮﺑﺖ .. ﺑﺲ ﻣﺎ ﻛﺪﺍﻣﻲ ﺣﻞ ﺛﺎﻧﻲ ﺍﺧﻠﻴﻪ ﻳﻨﺴﻰ ﺳﺎﻟﻔﺔ ﺑﻜﺮ .. ﻛﻤﻞ ﻭﻧﺎﻡ ..
ﻧﺰﻟﺖ ﺩﻣﻮﻋﻲ .. ﺍﻛﺮﻩ ﺭﻭﺣﻲ ﻣﻦ ﻳﺠﻲ ﻳﻤﻲ ﺍﺣﺲ ﺭﻭﺣﻲ ﻭﺻﺨﻪ ﺧﺎﻳﻨﻪ .. ﺑﻮﺩﻱ ﺍﺣﺮﻙ ﻧﻔﺴﻲ ..
ﺭﺣﺖ ﺳﺒﺤﺖ ﻭﻛﻤﺖ ﺍﺑﺠﻲ ﺟﻮﻩ ﺍﻟﻤﻲ .. ﺑﻜﺮ ﻋﻮﻓﻨﻲ ﺍﺭﺗﺎﺡ ﺗﻌﺒﺖ ﻟﺨﺎﻃﺮ ﺍﻟﻠﻪ ﺗﻌﺒﺖ .. ﻛﻤﻠﺖ ﺭﺟﻌﺖ ﻟﻠﻐﺮﻓﻪ ﺍﺑﺎﻭﻉ ﻣﻜﻴﺎﺟﻲ ﻛﻠﻪ ﻣﻜﺴﺮ ﻭﻣﺸﻤﻮﺭ ﺑﺰﺑﺎﻟﻪ
ﺍﻭﻑ ﻫﺎﻱ ﺍﻛﻴﺪ ﺟﻬﺎﻟﻪ .. ﻃﻠﻌﺘﻬﺎ ﻣﻦ ﺍﻟﺰﺑﻞ .. ﻭﺭﺟﻌﺖ ﺷﻤﺮﺗﻬﻢ ﺑﺎﻟﻠﻪ ﻫﺎﻱ ﺷﺴﻮﻱ .. ﻣﻜﺴﺮﻳﻦ ﻣﻜﻴﺎﺟﻲ ﻛﻠﻪ ..
ﺭﺩﺕ ﺍﻣﺸﻂ .. ﺍﺗﻘﺮﺏ ﻋﻤﺎﺭ ﻭﻳﻜﻮﻟﻲ ﺍﻧﻲ ﺍﻣﺸﻄﻠﺞ .. ﻛﺘﻠﻪ ﻻﺍ ﻳﺘﻌﺒﻚ .. ﻛﺎﻝ ﺍﻧﻄﻴﻨﻲ .. ﺑﻘﻰ ﻳﻤﺸﻄﻠﻲ ﻳﻤﺸﻄﻠﻲ ﺍﻧﻮﺏ
ﺍﻗﺘﺮﺏ .. ﺑﻌﺪﺗﻪ .. ﻛﺘﻠﻪ ﻋﻤﺎﺭ ﺟﻬﺎﻟﻚ ﻛﺎﺳﺮﻳﻦ ﻣﻜﻴﺎﺝ ..
- ﺷﺒﻴﺞ ﻳﺎ ﻣﻜﻴﺎﺝ ﺗﻌﺎﻱ
- ﺩﺍ ﺍﻛﻮﻟﻚ ﻛﺴﺮﻭ ﻣﻜﻴﺎﺟﻲ
- ﻭﺷﻨﻮ ﻓﺎﻳﺪﺓ ﺍﻟﻤﻜﻴﺎﺝ ﻭﺍﻧﺘﻲ ﺗﻜﺮﻫﻴﻦ ﻗﺮﺑﻲ
- ﻋﻤﺎﺭ ﺷﺒﻴﻚ .. ﻣﺘﻤﻞ ﻛﺎﻓﻲ ﻟﻌﺒﺖ ﻧﻔﺴﻲ ﻣﻨﻚ
- ﻟﻌﺒﺖ ﻧﻔﺴﺞ .. ﻟﺞ ﻣﺼﺎﺭﻟﻨﻪ 15 ﻳﻮﻡ ﻣﻦ ﺗﺰﻭﺟﻨﻪ .. ﺷﺄﻣﻞ
- ﻋﻤﺎﺭ ﺍﺭﻳﺪ ﺍﺭﻭﺡ ﻟﻠﺴﻮﻙ .
- ﺳﻤﺮ ﺍﻧﺘﻲ ﻣﺎ ﻫﺎﻣﺞ ﻏﻴﺮ ﻣﻜﻴﺎﺟﺞ ﻭﺍﻟﺴﻮﻙ . . ﺯﻭﺟﺞ ﺍﻧﻲ ﻟﻴﺶ ﻫﻴﺞ ﺗﺘﻌﺎﻣﻠﻴﻦ ﻭﻳﺎﻱ
- ﻋﻤﺎﺭ ﺍﻻﻛﺪﺭ ﻋﻠﻴﻪ ﺩﺍ ﺍﺳﻮﻱ ﻻ ﺗﺤﻤﻠﻨﻲ ﺍﻛﺜﺮ ﻣﻦ ﻃﺎﻗﺘﻲ .. ﺍﻟﻴﺴﻤﻌﻚ ﻳﻜﻮﻝ ﺣﺎﺭﻣﺘﻚ ..
- ﻫﺎﺍﺍ ﻫﻴﺞ .. ﺧﻮﻭﺵ .. ﻋﺎﻓﻨﻲ ﻭﻃﻠﻊ .. ﺍﻭﻝ ﻣﺎ ﻃﻠﻊ ﺧﺎﺑﺮﺕ ﺍﻣﻲ .. ﻛﺘﻠﻬﺎ ﻫﺎﺍﺍ ﻳﻮﻡ
- ﺷﺒﻴﺞ ﺗﻠﻬﺜﻴﻦ
- ﻳﻮﻡ ﻣﻠﻴﺖ ﻭﺍﻟﻠﻪ
- ﺷﻜﻮ ﻳﺎ ﺳﺘﺎﺭ
- ﻳﻮﻭﻭﻡ ﻣﻜﺎﻋﺪ ﺍﺗﺤﻤﻞ ﺍﺻﻴﺮ ﺍﻟﻪ ﺯﻭﺟﻪ ﺑﻔﺮﺍﺷﻪ ﻣﺎ ﺍﺗﺤﻤﻠﻪ ﻣﺎ ﺍﻃﻴﻖ ﺍﻛﺮﻫﺎ ..
- ﺳﻤﺮ ﻳﻤﻪ ﻏﻴﺮ ﺯﻭﺟﺞ
- ﺍﻓﺘﻬﻢ ﻳﻮﻭﻡ ﺑﺲ ﻋﻤﺎﺭ ﻣﺎ ﺍﻋﺮﻑ ﺷﺒﻲ ﻣﻮ ﻃﺒﻴﻌﻲ
- ﻏﻴﺮ ﻋﺮﻳﺲ ﻳﺎﻳﻤﻪ ﺍﺗﺤﻤﻠﻲ
- ﻳﻮﻡ ﺟﺎﻱ ﺗﻠﻌﺐ ﺭﻭﺣﻲ ﻣﻨﻪ
- ﻋﻴﺐ ﻫﻴﺞ ﺣﺠﻲ .. ﺍﺗﺤﻤﻠﻲ ﺣﺮﺍﻡ ﻋﻠﻴﺞ ﺗﻤﻨﻌﻴﻪ .. ﺍﻛﻠﺞ
🌿
ﻛﻮﻟﻲ
- ﺍﺑﺸﺮﺝ ﻃﻠﻊ ﺭﺍﺗﺐ ﺍﺑﻮﺝ
- ﻳﺮﺍﺩﻟﻬﺎ ﺫﺑﻴﺤﻪ ﻭﻫﻠﻬﻮﻟﻪ
- ﻫﻬﻬﻬﻪ ﻫﻮﻩ ﻫﻢ ﺭﺍﺡ ﻧﺬﺑﺢ ﻭﺧﺎﺑﺮﺕ ﺍﻋﺰﻣﺞ ﺍﻧﺘﻲ ﻭﻋﻤﺎﺭ
- ﺍﻧﺸﺎﻟﻠﻪ ﺷﻮﻛﺖ
- ﺍﻟﺠﻤﻌﻪ
- ﺍﻧﺸﺎﻟﻠﻪ .. ﻳﻠﻪ ﺑﺎﻱ .. ﺳﺪﻳﺘﻪ ﻣﻦ ﺍﻣﻲ ﻭﻧﺰﻟﺖ ﻧﻀﻔﺖ ﻭﻛﻤﻠﺖ ﺍﻻﻛﻞ ﻭﺣﻄﻴﺘﻪ ﺍﻟﻬﻦ ﻭﺳﻮﻳﺖ ﻟﻔﻪ ﻭﺻﻌﺪﺕ ..
ﺧﻠﺼﺘﻬﺎ ﺗﻠﻔﺰﻳﻮﻥ ﻟﺤﺪ ﻣﺎ ﻧﻤﺖ .. ﺍﺟﻪ ﻋﻤﺎﺭ ﺳﻮﻳﺖ ﺭﻭﺣﻲ ﻧﺎﻳﻤﻪ ..
ﻫﻮﻩ ﻣﺎ ﻛﺎﻝ ﻧﺎﻡ ﺑﺴﺎﻉ .. ﻛﻌﺪﺕ ﺍﻟﺼﺒﺢ .. ﻣﺎ ﻣﻜﻴﺠﺖ .. ﺑﺲ ﺑﺪﻟﺖ ﻣﻼﺑﺲ ﻭﺧﻠﻴﺖ ﻛﺤﻞ .. ﻛﻌﺪﺕ ﻋﻤﺎﺭ
ﻛﻌﺪ ﻣﻦ ﻭﺭﻩ ﺧﺸﻤﻪ .. ﻧﺰﻟﺖ ﻗﺒﻠﻪ ﺳﻮﻳﺖ ﺭﻳﻮﻙ .. ﻣﺸﻴﺖ ﻟﻠﺠﻬﺎﻝ .. ﻛﻌﺪﺕ ﻭﻟﻴﺪ ﻭﺑﺪﻟﺘﻠﻪ .. ﻋﺎﻳﻔﺘﻪ ﺷﻴﻤﺎﺀ ﻭﻧﺎﻳﻤﻪ ..
ﺍﻧﻄﻴﺘﻪ ﻟﻔﻪ ﻃﻠﻊ ﻭﺭﺟﻊ .. ﻛﺎﻝ ﺑﺎﺑﺎ ﺑﺎﺑﺎ ﺗﻌﺎﻝ ﺷﻮﻑ ﺳﻴﺎﺭﺗﻚ .. ﻃﻠﻌﻨﻪ ﺛﻨﻴﻨﻪ ﻧﺮﻛﺾ ..
ﻟﻜﻴﻨﺎﻫﺎ ﻣﻔﻠﺸﻪ ﺗﻔﻠﺶ ﺻﺮﺥ ﻋﻤﺎﺭ ﻫﺎﻱ ﺷﻜﺴﺮﻫﺎ ﻫﻴﺞ .. ﺩﺧﻴﻠﻚ ﺍﻟﻠﻪ ﺷﻠﻮﻥ ﻣﺼﻴﺒﻪ .. ﺑﻘﻰ ﻳﻔﺘﺮ ﻋﻠﻴﻬﺎ ﻭﻳﺒﺎﻭﻉ ﻭﻳﻤﺴﺢ ﻋﻠﻰ ﻭﺟﻬﻪ .
ﻣﺰﻟﻐﻪ ﻣﻦ ﻛﻞ ﻣﻜﺎﻥ .. ﺻﺎﺡ ﻋﻤﺎﺭ ﺑﺎﻉ ﻭﻟﺪ ﺍﻟﻜﻠﺐ ﻛﺎﺗﺒﻴﻦ ﻋﻠﻴﻬﺎ ﺳﻤﺴﻢ ..
- ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻋﺮﻓﺘﻪ ﺑﻜﺮ .. ﺑﺲ ﻫﻢ ﺯﻳﻦ ﻋﻤﺎﺭ ﻣﺎ ﺍﻧﺘﺒﻪ ﻟﻜﻠﻤﺔ ﺑﻜﺮ ﻭﻫﻮﻩ ﻳﻜﻮﻟﻲ ﺳﻤﺴﻢ ..
ﺑﻘﻰ ﺩﺍﻳﺦ ﺧﻄﻴﻪ .. ﻛﺘﻠﻪ ﻫﺴﻪ ﺷﻠﻮﻭﻥ .. ﺻﺎﺡ ﻣﺘﺸﻮﻓﻴﻬﺎ ﻣﺘﻜﺴﺮﻩ ﻛﺒﺎﻟﺞ .. ﺩﻳﺤﺠﻲ ﻭﻣﺮ ﺑﻜﺮ ﻭﺻﺎﺡ ﻟﻪ ﻟﻪ ﻫﺎﻱ ﺷﻨﻮ ﺷﺼﺎﻳﺮ
ﺩﺍﺭ ﻋﻠﻴﻪ ﻋﻤﺎﺭ ﻭﺳﻠﻢ .. ﻭﻛﺎﻟﻪ ﺷﺘﺴﻮﻱ ﻫﻨﺎ .. ﻛﺎﻟﻪ ﻣﻮ ﺍﺷﺘﺮﻳﺖ ﻫﺬﺍ ﺍﻟﺒﻴﺖ ﺍﻟﻜﺒﺎﻟﻜﻢ ﻭﺟﺎﻱ ﺍﺗﻔﻖ ﻭﻳﻪ ﺻﺎﺣﺒﻪ ﺍﻧﺸﺎﻟﻠﻪ ﺭﺍﺡ ﻧﺼﻴﺮ ﺟﻴﺮﺍﻥ ..
ﺑﺎﻭﻋﺖ ﻫﺬﺍ ﻣﻦ ﻛﻞ ﻋﻘﻠﻪ ﻳﺤﺠﻲ ..
ﺑﻜﺮ . ﺳﻬﻠﻪ ﻟﺘﻬﻢ ﺧﻮﻳﻪ ﺍﻧﻲ ﺍﻋﺎﻭﻧﻚ ﻭﺍﺫﺍ ﺗﺮﻳﺪ ﺍﺷﻐﻠﻚ ﻭﻳﺎﻱ ..
ﻋﻤﺎﺭ .. ﺷﺘﺸﻐﻠﻨﻲ ﺧﻮﻳﻪ ﺍﻧﻲ ﻏﻴﺮ ﺍﻟﺴﻴﺎﺭﻩ ﻣﺎ ﺍﻓﺘﻬﻢ
ﺑﻜﺮ .. ﺳﻬﻠﻪ ﺳﻬﻠﻪ ﻭﺍﺫﺍ ﻋﻠﻰ ﻣﺮﺗﻚ ﺍﻧﻲ ﺍﻭﺩﻳﻬﺎ ﻭﺍﺟﻴﺒﻬﺎ ..
- ﺑﺎﻭﻋﻠﻲ ﻋﻤﺎﺭ ﻭﻛﺎﻝ ﺧﻠﻲ ﺍﺑﻦ ﻋﻤﺘﺞ ﻳﻮﺻﻠﺞ ﺧﻞ ﺍﺷﻮﻑ ﻫﺎﻱ ﺷﻠﻮﻥ ﺍﺻﻠﺤﻬﺎ ﺍﻟﻴﻮﻡ .. ﺍﻧﻮﺏ ﺣﺘﻰ ﺍﻣﺒﻨﺠﺮﻳﻬﺎ ﻭﻟﺪ ﺍﻟﻜﻠﺐ ..
ﺑﻜﺮ .. ﻳﻠﻪ ﺳﻤﻮﺭﻩ ﺍﻣﺸﻲ ﻭﻳﺎﻱ
- ﺍﺥ ﺑﺪﻱ ﺍﻟﺰﻣﻪ ﺍﺫﺑﺤﻪ .. ﻛﺘﻠﻪ ﻻﺍ ﻣﺎ ﺍﺭﻳﺪ ﺍﺗﻌﺒﻚ ﺑﻜﺮ ﺍﻧﻲ ﺍﺭﻭﺡ .. ﺟﺎﻱ ﺍﺣﺠﻲ ﻭﺟﺮ ﺍﻳﺪﻱ ﺑﻘﻮﻩ ﻭﻋﺼﺮﻫﺎ ﻭﻳﻜﻮﻟﻲ ﺻﻌﺪﻱ ﻋﻴﻨﻲ
ﻫﺴﻪ ﻣﺘﻜﺒﺮﻩ ﻋﻠﻴﻪ ﻭﺗﺴﺘﺤﻴﻦ ﺗﺼﻌﺪﻳﻦ ﻭﻳﺎﻱ .. ﻣﻨﻮ ﺟﺎﻥ ﺍﻟﺴﺎﻳﻖ ﻣﺎﻟﺘﺞ ﻏﻴﺮﻱ ..
ﺍﺑﺎﻭﻉ ﻟﻌﻤﺎﺭ .. ﻛﺎﻝ ﺩﺭﻭﺣﻲ ﻭﻳﺎﻩ ﻫﺴﻪ ﻭﺍﻧﻲ ﺍﺧﺎﺑﺮ ﺍﻟﺒﻘﻴﻪ ﺍﺑﻠﻐﻬﻢ ﺑﻌﻄﻞ ﺍﻟﺴﻴﺎﺭﻩ ..
ﺻﻌﺪﺕ ﻭﻳﻪ ﺑﻜﺮ ﻭﺑﺪﻱ ﺍﺷﻴﻞ ﺍﻟﺠﻨﻄﻪ ﻭﺍﻛﺴﺮﻫﺎ ﻓﻮﻙ ﺭﺍﺳﻪ .. ﺧﻞ ﻳﺴﻮﻱ ﺑﻴﻪ ﺷﻤﺎ ﻳﺴﻮﻱ ﻟﻴﺶ ﻳﻮﺻﻞ ﻟﻌﻤﺎﺭ ﻫﺬﺍ ﺭﺯﻗﻪ ..
ﻣﺸﻰ .. ﻭﺍﻧﻲ ﺳﺎﻛﺘﻪ ﻭﻫﻮﻩ ﺳﺎﻛﺖ . ﻃﻠﻌﻨﻪ ﺍﻟﻤﻨﻄﻘﻪ ﻣﺎﻟﺘﻨﻪ ﻛﺘﻠﻪ ﻭﻛﻒ .. ﻛﺎﻝ ﺍﻭﺻﻠﺞ ﻭﻳﻀﺤﻚ ﺑﺤﻘﺎﺭﻩ ..
ﺿﺮﺑﺘﻪ ﺣﻴﻞ ﻋﻠﻰ ﺻﺪﺭﻩ . ﻛﺘﻠﻚ ﻭﻛﻒ .. ﺩﺍﺱ ﺣﻴﻞ ﻭﻛﺎﻡ ﻳﺴﻮﻕ ﺳﺮﻳﻴﻴﻴﻴﻊ .. ﻛﻤﺖ ﺍﺻﻴﺢ ﺍﻭﻭﻭﻭﻭﻛﻒ ﺑﻜﺮﺭﺭﺭﺭ ﺍﺧﺎﺍﺍﻑ ﺍﻭﻭﻭﻭﻛﻒ ﺍﻛﻮﻭﻭﻟﻚ .
🌿
ﻭﻫﻮﻩ ﻳﺴﻮﻕ ﻭﻻ ﻳﻬﻤﻪ ﻭﺻﺎﻙ ﻋﻠﻰ ﺍﺳﻨﺎﻧﻪ .. ﻭﺍﻧﻲ ﺍﺿﺮﺏ ﺑﺠﻨﻄﺘﻲ ﻋﻠﻴﻪ .. ﻭﻛﻒ ﻓﺠﺄﻩ .. ﺍﻧﻀﺮﺏ ﺭﺍﺳﻲ ﺑﺎﻟﺴﻴﺎﺭﻩ ..
ﺍﺟﻪ ﺭﺍﺳﻲ ﺑﺎﻟﺘﺘﻜﻴﻒ .. ﺍﻧﺠﺮﺣﺖ ﻛﺼﺘﻲ ﻭﻛﺎﻣﺖ ﺗﺠﺮﻱ ﺩﻡ .. ﻛﻤﺖ ﺍﺑﺠﻲ ﺣﻴﻞ ﻧﺰﻟﺖ ﻣﻦ ﺳﻴﺎﺭﺗﻪ ﺍﺑﺠﻲ ..
ﺳﺪﻳﺖ ﺑﺎﺏ ﺍﻟﺴﻴﺎﺭﻩ ﺣﻴﻞ ﻭﻛﻤﺖ ﺍﻣﺸﻲ .. ﺻﺎﺡ ﻭﺭﺍﻱ ﺗﻌﺎﺍﺍﻱ .. ﻣﺎ ﺭﺩﻳﺖ ..
- ﺩﺍ ﺍﻛﻮﻟﺞ ﺗﻌﺎﺍﺍﺍﻱ ..
- ﺟﺮ ﺍﻳﺪﻱ .. ﻭﻳﻪ ﻣﺎ ﺩﺭﺕ ﺿﺮﺑﺘﻪ ﺭﺍﺷﺪﻱ .. ﻟﺰﻣﻨﻲ ﻣﻦ ﻭﺟﻬﻲ ﻭﺩﻓﻌﻨﻲ ﻟﻠﺴﻴﺎﺭﻩ ..
- ﺍﻧﺘﻲ ﺷﻨﻮ ﺗﺮﺩﻳﻦ ﺗﺬﻟﻴﻨﻲ
- ﻳﺤﺠﻲ ﻭﻳﻌﺼﺮ ﺑﻮﺟﻬﻲ .. ﻭﺧﺎﻧﻜﻨﻲ .. ﺿﺮﺑﺘﻪ ﺣﻴﻞ ﻋﻠﻰ ﺻﺪﺭﻩ ﻭﺩﻓﻌﺘﻪ
ﻛﺎﺍﺍﺍﻓﻲ ﻣﻠﻴﺖ ﻛﺎﻓﻲ ﺍﻃﻠﻊ ﻣﻦ ﺣﻴﺎﺗﻲ ﺍﻃﻠﻊ ﺍﺭﻳﺪ ﺍﻋﻴﺶ ﻣﺘﺖ .. ﺍﺑﺘﻠﻴﺖ ﺣﺒﻴﺘﻚ .. ﻛﺘﻠﻚ ﻣﺎ ﺍﺭﻳﺪ ﺍﺣﺒﻚ ﺍﺧﺎﺍﺍﺍﻑ
ﺟﺒﺮﺗﻨﻲ ﻋﻠﻴﻚ ﻭﻭﺭﻃﺘﻨﻲ .. ﻻ ﻛﺎﺩﺭﻩ ﺍﻧﺴﻰ ﻭﻻ ﻛﺎﺩﺭﻩ ﺍﺭﺗﺎﺡ .. ﺗﻌﺒﺖ ﺍﻃﻠﻊ ﻣﻦ ﺣﻴﺎﺗﻲ ﺍﻃﻠﻊ .. ﻭﺩﻧﻜﺖ ﺍﺑﺠﻲ
- ﺑﻌﺪﻳﺶ ﺍﻃﻠﻊ ﺑﻌﺪﻳﺶ ﺑﻌﺪ ﻣﺎ ﺩﻣﺮﺗﻴﻨﻲ .. ﻟﺞ ﺑﺲ ﻓﻬﻤﻴﻨﻲ ﻟﻴﺶ ﺧﻨﺘﻴﻨﻲ ﺑﺲ ﺟﺎﻭﺑﻲ
- ﺿﺮﺗﻪ ﻋﻠﻰ ﺻﺪﺭﻩ ﻣﺎ ﺍﺟﺎﻭﺏ ﻭﻣﺎ ﺍﺭﻳﺪﻙ . ﻭﺍﺑﺘﻌﺪ ﻣﻨﻲ ﺍﻛﻮﻟﻚ ﺍﺑﺘﻌﺪ ﺍﻃﻠﻊ ﻣﻦ ﺭﺍﺳﻲ .. ﺣﺒﻚ ﺍﻟﺨﻠﻴﺘﻪ ﺑﻜﻠﺒﻲ ﺍﺧﺬﻩ ﺟﺎﻱ ﺍﻣﻮﻭﻭﻭﻭﻭﻭﻭﺕ ﺑﺴﺒﺒﻚ ﺟﺎﺍﺍﻱ ﺍﻣﻮﻭﻭﺕ
- ﻟﺞ ﻟﻌﺪ ﺍﻧﻲ ﺍﻟﻌﺎﻳﺶ .. ﻭﻟﺞ ﻣﺎ ﺍﻛﺪﺭ ﺍﺗﻨﻔﺲ ﻭﺍﻧﺘﻲ ﻣﺎﻛﻮ ﻭﻟﺞ ﺗﺨﻮﻧﻴﻨﻲ ﺑﻜﻠﺐ ﺑﺎﺭﺩ ﻟﻴﻴﻴﻴﻴﻴﺶ ﺑﺲ ﺟﺎﻭﺑﻴﻨﻲ ﻟﻴﻴﻴﻴﺶ ..
ﻣﻌﻘﻮﻟﻪ ﻣﺎ ﺣﺒﻴﺘﻴﻨﻲ ﻭﻛﻞ ﺣﺠﻴﺞ ﻭﻛﻼﻣﺞ ﺫﺍﻙ ﺟﺬﺏ .. ﻟﺞ ﺍﺳﺘﺨﺪﻣﺘﻴﻨﻲ ﻭﻗﺖ ﺍﻟﺤﺎﺟﻪ ﻭﺷﻤﺮﺗﻴﻨﻲ . ﻛﻤﺖ ﺍﺣﺲ ﺑﺮﻭﺣﻲ ﺭﺧﻴﺺ ﻣﻦ ﻭﺭﺍﺍﺍﺍﺍﺝ
ﺑﺲ ﻓﻬﻤﻴﻨﻲ ﻟﻴﻴﻴﻴﻴﻴﺶ ..
- ﻣﻔﻜﺮﻧﻲ ﺍﻧﻲ ﻣﺮﺗﺎﺣﻪ ..
- ﺍﺫﺍ ﻣﻤﺮﺗﺎﺣﻪ ﻟﻴﺶ ﺍﺧﺘﺎﺭﻳﺘﻲ ﻏﻴﺮﻱ ﻭﺍﻧﻲ ﻭﻋﺪﺗﺞ ﺍﺧﺬﺝ ﻣﻦ ﻋﻴﻮﻧﻬﻢ ﻭﻛﺘﻠﺞ ﺑﺲ ﻃﺎﻭﻋﻴﻨﻲ
- ﺍﻧﻲ ﺣﺮﻛﺖ ﺭﻭﺣﻲ ﺑﻴﻮﻡ ﺍﻟﺮﺿﻴﺖ ﺑﻐﻴﺮﻙ .. ﺧﻠﻴﺖ ﻛﻠﺒﻲ ﻭﻋﻘﻠﻲ ﻳﻤﻚ ﻭﺳﻠﻤﺖ ﺟﺴﻤﻲ ﺍﻟﻐﻴﺮﻙ .. ﺗﺘﻮﻗﻊ ﺑﻬﺸﻜﻞ ﺍﺭﺗﺎﺡ
ﺑﻜﺮ ﺍﺑﺘﻌﺪ ﻣﻨﻲ ﻭﻣﻦ ﻋﻤﺎﺭ ﺍﺑﻮﺱ ﺍﻳﺪﻙ ..
- ﺗﺨﺎﻓﻴﻦ ﻋﻠﻴﻪ ﻣﻨﻲ
- ﺍﺑﺘﻌﺪ ﻭﺑﺲ . ﺷﻠﺖ ﺟﻨﻄﺘﻲ ﻣﻦ ﺍﻟﻜﺎﻉ ﻭﻣﺸﻴﺖ .. ﻋﺒﺮﺕ ﺍﻟﺸﺎﺭﻉ .. ﻭﺍﺑﺎﻭﻋﻠﻪ ﻳﻤﺴﺢ ﺩﻣﻮﻋﻪ ﻭﻳﻀﺮﺏ ﺑﺘﺎﻳﺮ ﺳﻴﺎﺭﺗﻪ ﺑﺤﺮﻛﻪ ..
ﺭﻛﺒﺖ ﻭﺩﻣﻮﻋﻲ ﺗﺠﺮﻱ .. ﺭﺣﺖ ﻟﻠﻤﺪﺭﺳﻪ ﻛﻮﻩ ﺍﺩﺭﺱ ﻧﺺ ﺍﻟﺪﺭﻭﺱ ﺍﻋﺘﺬﺭﺕ ﻋﻨﻬﺎ .. ﻭﻃﻠﻌﺖ ﻟﻠﺒﻴﺖ ..
ﺩﺧﻠﺖ ﻭﻣﺎ ﺍﺣﺲ ﺍﻻ ﺩﻓﺮﻩ ﻋﻠﻰ ﺿﻬﺮﻱ .. ﻋﺒﺪﻟﻠﻪ ﺩﻓﺮﻧﻲ .. ﻛﻤﺖ ﻣﻨﻪ .. ﻫﻢ ﺿﺮﺑﻨﻲ .. ﻛﺘﻠﻪ ﺭﺍﺡ ﺍﺿﺮﺑﻚ ﻭﺍﻟﻠﻪ
ﻃﻠﻌﺖ ﺍﻟﺤﺠﻴﻪ ﺗﻀﺮﺑﻴﻦ ﻣﻨﻮ ﺍﻧﺘﻲ .. ﻛﺘﻠﻬﺎ ﺩﺍ ﺍﻫﺪﺩﻩ ﻣﺎ ﺿﺮﺑﺘﻪ .. ﻛﺎﻟﺖ ﺷﺤﺪﺝ ﺗﺘﻘﺮﺑﻴﻠﻪ ﺍﺣﺮﻙ ﺍﻫﻠﺞ ..
ﺩﺭﺗﻠﻬﺎ .. ﺍﻫﻠﻲ ﺷﻌﻠﻴﻬﻢ .. ﻛﺎﻟﺖ ﻗﺎﺑﻞ ﺻﺪﻙ ﺣﺮﻛﺘﻬﻢ ﺑﺲ ﻟﻮ ﺿﺮﺑﺘﻲ ﺻﺪﻙ ﺍﺣﺮﻛﻬﻢ .. ﻫﺰﻳﺖ ﺍﻳﺪﻱ ﻭﺻﻌﺪﺕ ..
ﺍﻟﻐﺮﻓﻪ ﻣﻜﻠﻮﺑﻪ ﻓﻮﻙ ﺟﻮﻩ ﻳﺎﺍﺍﺍﺍﺍ ﺍﻟﻠﻪ ﻛﻌﺪﺕ ﺍﺻﻔﻂ .. ﻧﺺ ﻣﻼﺑﺴﻲ ﻣﻜﺼﺼﻴﻬﺎ ﺑﺎﻟﻤﻘﺺ ..
ﻟﻤﻴﺘﻬﻢ ﻭﻛﻌﺪﺕ .. ﺍﺑﺠﻲ ﺍﺑﺠﻲ ﻟﺤﺪ ﻣﺎ ﺗﻌﺒﺖ ﻭﻧﻤﺖ .. ﻛﻌﺪﺕ ﻋﻠﻰ ﺻﻮﺕ ﺩﺧﻮﻝ ﻋﻤﺎﺭ
🌿
ﺷﺒﻴﻬﺎ ﻛﺼﺘﺞ
- ﺍﻧﻀﺮﺑﺖ ﺑﺎﻟﺒﺎﺏ ﻣﺎ ﺍﺩﺭﻱ .. ﺷﺼﺎﺭ ﻋﻠﺴﻴﺎﺭﻩ ..
- ﻳﺮﺍﺩﻟﻬﺎ ﻣﻠﻴﻮﻥ ﺗﺼﻠﻴﺢ ﺑﻠﻠﻪ ﻛﻮﻟﻴﻠﻲ ﻣﻨﻴﻦ ﺍﺟﻴﺐ ..
- ﻻ ﺗﺸﻴﻞ ﻫﻢ ﺗﺪﺑﺮ ﺍﻧﺸﺎﻟﻠﻪ ﻫﺰ ﺭﺍﺳﻪ ﻭﻧﺎﻡ .. ﻛﺘﻠﻪ ﺟﻮﻋﺎﻥ ﻛﺎﻝ ﻻ ﺑﺲ ﺩﺍﻳﺦ .. ﻭﺍﻗﺘﺮﺏ ﺟﺮ ﺍﻳﺪﻱ ﻭﻧﺎﻡ ﻋﻠﻴﻬﺎ ..
ﺟﺮﻳﺖ ﻧﻔﺲ .. ﻭﻛﻤﺖ ﻭﺧﻠﻴﺖ ﺭﺍﺳﻪ ﻋﻠﻰ ﺭﺟﻠﻴﻪ ﻭﺍﺩﻟﻜﻠﻪ ﻭﺍﻟﻌﺐ ﺑﺸﻌﺮﻩ ﻏﻔﻰ ﻭﻧﺎﻡ ..
ﻭﺧﺮﺕ ﻭﺧﻠﻴﺘﻪ ﻋﻠﻤﺨﺪﻩ ﺟﺎﻱ ﺍﻛﻮﻡ ﺟﺮﻧﻲ ﻟﻴﻤﻪ .. ﻣﺎ ﻣﻨﻌﺘﻪ ﻓﻮﻙ ﺗﻌﺒﻪ ﺍﻧﻲ ﺍﺯﻳﺪﻫﺎ ﻋﻠﻴﻪ ..
ﺧﻠﻴﺘﻪ ﻳﻨﺎﻡ . ﻭ ﻛﻤﺖ ﻟﻠﺤﻤﺎﻡ ﺳﺒﺤﺖ ﻭ ﺭﺣﺖ ﻟﻠﺒﻴﺖ ﺍﻧﻀﻒ ﻭﺍﺑﺎﻟﻲ ﺑﻜﺮ ﻭﻛﻠﻤﺎﺗﻪ ﻭﺻﻴﺎﺣﻪ ﻳﺮﻥ ﺑﺄﺫﻧﻲ ﻟﺴﻪ ..
ﻛﻞ ﺷﻮﻱ ﺩﻣﻮﻋﻲ ﺗﺠﺮﻱ ﻭﺍﻣﺴﺤﻬﺎ ﺧﻠﺼﺖ ﺷﻐﻞ ﺭﺣﺖ ﻟﻠﺠﻬﺎﻝ ﺑﺲ ﻭﻟﻴﺪ ﻣﺪﺭﺳﻪ ﻧﻮﺭ ﻋﻤﺮﻫﺎ 5 ﺳﻨﻮﺍﺕ ﻭﻋﺒﺪﻟﻠﻪ ﻣﺎ ﻣﺪﺧﻠﻴﻪ ﻣﺪﺭﺳﻪ ..
ﻛﻌﺪﺕ ﺍﻗﺮﻱ ﺑﻮﻟﻴﺪ ﻳﻜﻮﻟﻲ ﺍﻧﺘﻲ ﻃﻠﻌﺘﻲ ﺧﻮﺵ ﺑﻨﻴﻪ .. ﺿﺤﻜﺖ .. ﻛﺘﻠﻪ ﻟﻴﺶ ﺷﻜﺎﻟﻮﻟﻚ ﻋﻠﻴﻪ ..
ﻛﺎﻝ ﻣﺎﻣﺎ ﺗﻜﻮﻝ ﻋﻠﻴﺞ ﺍﻧﺘﻲ ﺷﺮﻳﺮﻩ ﻭﺗﻜﺘﻠﻴﻨﻪ ﻭﺗﺸﺰﺑﻴﻦ ﺩﻣﻨﻪ .. ﺑﺴﺘﻪ ﺑﺮﺍﺳﻪ .. ﻛﺘﻠﻪ ﺍﻛﻮ ﺍﻡ ﺗﻀﺮﺏ ﺍﻃﻔﺎﻟﻬﺎ ..
ﺍﻧﻲ ﻣﺎ ﺍﺿﺮﺑﻜﻢ ﻭﻻ ﺍﻋﻮﻓﻜﻢ .. ﺑﺎﻭﻋﻠﻲ ﻳﻌﻨﻲ ﻣﺘﻌﻮﻓﻴﻨﻪ ﻣﺜﻞ ﻣﺎﻣﺎ .. ﻫﺰﻳﺖ ﺭﺍﺳﻲ ﻻ ﻭﺍﺑﺘﺴﻤﺖ ﻭﺣﻀﻨﺘﻪ ..
ﻭﻟﻴﺪ ﺻﻒ ﺛﺎﻧﻲ ﺍﺑﺘﺪﺍﺋﻲ ﺑﺲ ﻣﺴﺘﻮﺍﻩ ﺿﻌﻴﻒ .. ﻛﻤﺖ ﺍﻗﺮﻱ ﺑﻴﻪ ﻳﻔﺘﻬﻢ ﺑﺴﺎﻉ .. ﺍﺛﺎﺭﻱ ﻣﺤﺪ ﻳﻘﺮﻳﻪ ﻭﻳﺘﺎﺑﻌﻪ ..
ﻛﺘﻠﻪ ﺑﺎﻭﻉ ﻟﻮ ﺟﺒﺘﻠﻲ ﺍﻟﺸﻬﺎﺩﻩ ﻛﻠﻬﺎ 10 ﺍﻟﻚ ﻣﻨﻲ ﺍﺣﻠﻰ ﻃﻴﺎﺭﻩ ﺍﻃﻴﺮ ﺑﺎﻟﺠﻮ ﻛﺎﻝ ﻭﺍﻟﻠﻪ ﻛﺘﻠﻪ ﻭﺍﻟﻠﻪ ..
ﺧﻄﻴﻪ ﻟﺰﻡ ﺍﻟﻘﺮٲﻩ ﻭﺣﻔﻆ ﺍﻻﻧﺸﻮﺩﻩ ﺑﺴﺎﻉ ﻭﺍﻟﺮﻳﺎﺿﻴﺎﺕ ﻛﻤﻞ ﻭﺍﺟﺒﻪ ﻭﺍﻟﻌﻠﻮﻡ ﻗﺮﺍﻩ ﺍﺧﺘﺒﺮﺗﻪ ﻛﻮﻟﺸﻲ ﺣﺎﻓﻆ ﻛﺘﻠﻪ ﻋﻔﻴﻪ ..
ﺷﻠﺖ ﺍﻟﻒ ﻭﻛﺘﻠﻪ ﻫﺎﻱ ﻫﺪﻳﻪ ﺯﻏﻴﺮﻩ ﻭﻣﻦ ﺗﻨﺠﺢ ﺍﺟﻴﺒﻠﻚ ﺍﻟﻄﻴﺎﺭﻩ ..
ﺷﻠﺖ ﺭﺍﺳﻲ ﻋﻤﺎﺭ ﻳﺒﺎﻭﻋﻠﻨﻪ ﻭﻳﻀﺤﻚ .. ﺍﺑﺘﺴﻤﺘﻠﻪ ﺍﺟﻪ ﺑﺎﺱ ﺭﺍﺳﻲ .. ﻛﺎﻝ ﺍﻟﻠﻪ ﻳﺤﻔﻈﺞ ﺍﻓﺮﺡ ﻣﻦ ﺍﺷﻮﻓﺞ ﻫﻴﺞ ﺗﻬﺘﻤﻴﻦ ﺑﻴﻬﻢ
ﺧﻄﻴﻪ ﺍﻧﻀﻠﻤﻮ .. ﻛﺘﻠﻪ ﺍﻧﻲ ﻧﻮﺭ ﻭﻭﻟﻴﺪ ﺍﺧﻠﻴﻬﻢ ﺑﻌﻴﻮﻧﻲ ﺑﺲ ﻋﺒﺪﻟﻠﻪ ﺍﺧﺎﻑ ﻣﻨﻪ ..
- ﺻﺢ ﻋﺒﺪﻟﻠﻪ ﺻﻌﺐ ﺑﺲ ﻣﻌﻠﻴﺞ ﺑﻴﻪ ﺑﺲ ﺩﺍﺭﻳﻪ ﺑﺎﻻﻛﻞ ﻭﻏﺴﻞ ﻣﻼﺑﺴﻪ
- ﺷﺮﺍﺡ ﺗﺴﻮﻱ ﻋﻠﻰ ﺍﻟﺴﻴﺎﺭﻩ
- ﻣﺎ ﺍﻋﺮﻑ ﺍﺷﻮ ﺑﻜﺮ ﻳﻜﻮﻟﻲ ﺍﻧﻲ ﺍﺩﺍﻳﻨﻚ
- ﺷﻴﺪﺍﻳﻨﻚ ﻻ ﻻ ﻻ ﺍﺑﺪ ﻻ ﺗﺎﺧﺬ ﻣﻨﻪ ﺍﻧﻲ ﺍﺩﺍﻳﻨﻠﻚ ﻭﺍﺳﺪﺩﻫﻢ ﻋﻠﻰ ﻛﻴﻔﻲ
- ﻣﻨﻴﻦ
- ﻣﻦ ﻋﻤﺘﻲ ﺭﻭﻳﺪﻩ ﻣﻌﻠﻴﻚ ﺍﻧﻲ ﺍﺧﺬ ﻣﻨﻬﺎ ﻭﺍﻭﺻﻠﻠﻬﺎ ﻛﻞ ﺷﻬﺮ 200 ﺍﻟﻒ
- ﻣﺸﻜﻮﺭﻩ
- ﻛﻤﺖ ﻣﻦ ﻳﻤﻬﻢ ﻛﺎﻝ ﻋﻤﺎﺭ ﺍﻧﻲ ﻃﺎﻟﻊ ﻭﻳﺠﻮﺯ ﺍﺗﺄﺧﺮ ﻻ ﺗﻨﺘﻀﺮﻳﻨﻲ ﻧﺎﻣﻲ
ﻛﻠﺖ ﺑﻜﻠﺒﻲ ﻋﺴﺎﺱ ﻳﻮﻣﻴﻪ ﺍﻧﺘﻀﺮ ﻋﻔﺘﻪ ﻭﺻﻌﺪﺕ ..
ﺑﺎﻭﻋﺖ ﺗﻠﻔﺰﻳﻮﻥ .. ﺷﻮﻱ ﻭﺩﻙ ﺟﻬﺎﺯﻱ ..
ﺭﻗﻢ ﺩﻭﻟﻲ .. ﺭﺩﻳﺖ ﺟﺎﻥ ﻳﻜﻮﻝ ﺍﻟﻮﻭﻭ ﺍﻧﻲ ﻋﻠﻲ ﻣﻬﺪﻱ ﻣﻦ ﺑﺮﻧﺎﻣﺞ ﻋﻠﻲ ﻋﻠﻰ ﻣﻮﺩﻙ ﻣﻦ ﺍﺫﺍﻋﺔ ﺳﻮﻣﺮ ﺍﻑ ﺍﻡ
ﺑﻘﻴﺖ ﻣﺼﺪﻭﻣﻪ ﻫﺬﺍ ﺍﻟﺒﺮﻧﺎﻣﺞ ﺍﺫﺍﻋﻲ ﺟﻨﺖ ﺍﺗﺎﺑﻌﻪ ﻭﻱ ﺑﻜﺮ ﻣﻦ ﻳﺨﺎﺑﺮﻫﻢ ﻭﻳﻐﻨﻴﻠﻲ ﺑﺎﻟﻌﻮﺩ ﻋﻠﻰ ﺍﻟﻬﻮﻯ ﻭﻳﻬﺪﻳﻬﺎ ﺍﻟﻴﻪ ..
ﻛﺘﻠﻪ ﺍﻫﻼ ﺍﺳﺘﺎﺫ ﻋﻠﻲ .. ﻛﺎﻝ ﺳﻤﺴﻢ ﺣﻈﺮﺗﺞ ﻣﻮﻭ ﻛﺘﻠﻪ ﺍﻱ .. ﻃﺒﻌﺎ ﺟﻨﻪ ﻧﺘﻮﺍﺻﻞ ﻭﻳﺎﻫﻢ ﺑﺄﺳﻤﺎﺀ ﻣﺴﺘﻌﺎﺭﻩ ﺍﻧﻲ ﺟﺎﻥ ﺍﺳﻤﻲ ﺳﻤﺴﻢ
ﻭﺑﻜﺮ ﻋﺎﺷﻖ ﻧﺠﻤﻪ .. ﻻ ﻳﻌﺘﺒﺮﻧﻲ ﻧﺠﻤﻪ ﺑﺤﻴﺎﺗﻪ ﺩﻭﻡ ﺍﻟﻤﻊ ﺑﻌﻴﻮﻧﻪ ﺑﺲ ﺻﻌﺐ ﻳﻮﺻﻠﻲ ..
- ﺳﻤﺴﻢ ﻋﺪﻧﻪ ﻭﻳﺎﺝ ﻋﺘﺎﺏ ﻣﻦ ﻣﺤﺐ
- ﺍﺧﺬﺕ ﻧﻔﺲ ﺍﺳﺘﺎﺫ ﻋﻠﻲ ﺍﻟﻌﺘﺎﺏ ﻣﻴﻔﻴﺪ ﺍﻟﺼﺎﺭ ﺻﺎﺭ
- ﻟﻴﺶ ﻛﺴﺮﺗﻲ ﻛﻠﺒﻪ
- ﻫﻪ ﻣﻜﺴﺮﺕ ﻛﻠﺒﻪ ﺑﻞ ﻛﺴﺮﺕ ﻧﻔﺴﻲ
- ﺷﻨﻮ ﺍﻟﺴﺒﺐ
- ﺿﺮﻭﻑ ﺍﻗﻮﻯ ﻣﻨﻲ ﻭﻣﻨﻪ
- ﺑﺲ ﺍﻟﺤﺐ ﺍﻗﻮﻯ ﻣﻦ ﺍﻟﻀﺮﻭﻑ ﺟﺎﻥ ﺍﻟﻤﻔﺮﻭﺽ ﺍﺗﻀﺤﻴﻦ
- ﺍﺿﺤﻲ ﺑﻤﻨﻮ ﺍﺑﻮﻱ ﻭﺳﻤﻌﺘﻪ ﻻ ﺍﺳﺘﺎﺫ ﻋﻠﻲ ... ﺍﻛﻮ ﺍﺷﻴﺎﺀ ﺍﻫﻢ ﻣﻦ ﺍﻟﺤﺐ .. ﺻﺢ ﻧﻨﻜﺴﺮ ﺑﺲ ﻻﺯﻡ . ﻧﺘﺤﻤﻞ ﻻﺟﻠﻬﻢ
- ﺳﻤﺴﻢ ﻋﺎﺷﻖ ﻧﺠﻤﻪ ﺍﻟﺘﺠﺊ ﻟﺒﺮﻧﺎﻣﺞ ﻋﻠﻲ ﻋﻠﻰ ﻣﻮﺩﻙ ﺑﺲ ﻳﺮﻳﺪ ﻣﻨﺞ ﺗﺒﺮﻳﺮ ﻟﻴﺶ ﺳﻮﻳﺘﻲ ﻫﻴﺞ
- ﻷﻥ ﺑﻜﻞ ﺑﺴﺎﻃﻪ ﺣﺒﻨﻪ ﻣﻤﻨﻮﻉ ﺑﺎﻟﻌﺮﺍﻕ ﻭﻟﺤﺘﻰ ﺍﻗﻄﻊ ﺳﻨﻴﻦ ﺍﻟﻌﺬﺍﺏ ﺑﻴﻨﻲ ﻭﺑﻴﻨﻪ ﻓﻀﻠﺖ ﻛﻞ ﺷﺨﺺ ﻳﺸﻮﻑ ﺳﺒﻴﻠﻪ ﺍﻓﻀﻞ
- ﺳﻤﺴﻢ ﻋﺎﺷﻖ ﻧﺠﻤﻪ ﻳﻬﺪﻳﻠﺞ ﻫﺎﻱ ﺍﻻﻏﻨﻴﻪ ﺍﻫﺪﺍﺀ ﻣﻨﻪ ﻭﻣﻦ ﺑﺮﻧﺎﻣﺞ ﻋﻠﻲ .. ﻋﻠﻰ .. ﻣﻮﺩﻙ ..
ﺍﺳﺘﻤﻌﺖ .. ﺍﺷﺘﻐﻠﺖ ﺍﻻﻏﻨﻴﻪ ﺷﻮ ﻛﺪﺭﺗﻲ ﻋﻠﻰ ﻓﺮﺍﻛﻲ ﺷﻮ ﻛﺪﺭﺗﻲ ﻭﺍﺑﺪ ﻣﺎ ﺗﻌﺒﺘﻲ ﻧﻔﺴﺞ ﻣﺎ ﺳﺌﻠﺘﻲ ..
ﻧﺰﻟﺖ ﺭﺍﺳﻲ ﻭﻛﻤﺖ ﺍﺑﺠﻲ ﺣﻴﻞ ﻭﺑﺤﺮﻛﻪ .. ﻻ ﺍﺳﺘﺎﺫ ﻋﻠﻲ ﻻﺍﺍﺍﺍﺍ .. ﻧﻬﻴﺖ ﺍﻻﺗﺼﺎﺍﻝ .. ﻭﺭﻛﻀﺖ ﺟﺒﺖ ﺍﻟﻬﻴﺘﻔﻮﻥ ﻭﺷﻐﻠﺘﻪ
ﻭﺑﺤﺜﺖ ﺍﻻﺫﺍﻋﻪ ... ﻛﻤﻠﻮ ﺍﻻﻏﻨﻴﻪ .. ﻭﻛﺎﻝ ﺳﻤﺴﻢ ﺍﻧﻘﻄﻊ ﺍﺗﺼﺎﻟﻬﺎ .. ﺍﺗﺼﻠﻮ ﺷﺨﺼﻴﻦ ..
ﺍﻧﻮﺏ ﺍﺗﺼﻞ ﺑﻜﺮ .. ﻛﺎﻟﻪ ﻋﻠﻲ ﺍﻫﻼ ﻋﺎﺷﻖ ﻧﺠﻤﻪ ..
ﻳﻤﻜﻦ ﺳﻤﻌﺖ ﺭﺩ ﻣﺤﺒﻮﺑﺘﻚ ﻋﻠﻴﻚ .. ﻛﺎﻟﻪ ﺟﻮﺍﺑﻬﺎ ﻣﻮ ﻣﺒﺮﺭ ﺍﺳﺘﺎﺫ ﻋﻠﻲ ﺩﻣﺮﺗﻨﻲ ..
ﺟﺎﻥ ﺗﻜﺪﺭ ﺗﺨﺒﺮﻧﻲ ﺗﻜﻮﻟﻲ ﻣﻮ ﺍﻟﻜﺎﻫﺎ ﻻﺑﺴﻪ ﺑﺪﻟﺔ ﻋﺮﺱ ﻭﻳﻪ ﺯﻭﺟﻬﺎ .. ﻟﻴﺶ .. ﺷﻠﻮﻥ .. ﺷﻨﻮ ﺍﻟﺴﺒﺐ ﻛﻞ ﻫﺎﻱ ﻣﺎ ﺟﺎﻭﺑﺘﻨﻲ ..
ﺍﺳﺘﺎﺫ ﻋﻠﻲ ﺣﺮﻣﺘﻨﻲ ﺣﺘﻰ ﻧﻮﻣﺘﺔ ﺍﻟﻠﻴﻞ .. ﺑﺄﺳﺘﻄﺎﻋﺘﻲ ﺍﺩﻣﺮ ﺣﻴﺎﺗﻬﺎ ﻭﺍﺧﻠﻲ ﺯﻭﺟﻬﺎ ﻳﺘﺮﻛﻬﺎ ﻭﺍﺭﺟﻊ ﺍﺧﺬﻫﺎ ..
ﺑﺲ ﺍﺳﺘﺎﺫ ﻋﻠﻲ ﻣﺎ ﺍﻛﺪﺭ ﺍﺋﺬﻳﻬﺎ .. ﻟﻜﻢ ﺧﻠﺘﻨﻲ ﻋﺎﺟﺰ ﻟﺪﺭﺟﺔ ﺣﺘﻰ ﻋﻦ ﺍﺫﻳﺘﻬﺎ ﻭﺍﺳﺘﺮﺟﺎﻋﻬﺎ .. ﺍﺩﻣﺮﺕ ﺍﺳﺘﺎﺫ ﺍﺩﻣﺮﺕ
ﺍﻧﻲ ﺍﺳﻤﻊ ﺻﻮﺕ ﻭﻫﻮﻩ ﻳﺤﺠﻲ ﺑﺤﺮﻛﻪ ﻭﺍﺑﺠﻲ ... ﻳﺘﺒﻊ
🌺🌺🌺🌺🌺
ﺍﻭﻭﻑ ﻣﻦ ﺍﻟﺤﺐ ﻭﻋﺬﺍﺑﻮﻭﻭ .. ﺍﻟﻤﺸﻜﻠﻪ ﻻ ﻫﻲ ﻣﺮﺗﺎﺣﻪ ﻭﻻ ﻫﻮﻩ ﻣﺮﺗﺎﺡ .. ﺑﺲ ﻃﺒﻌﺎ ﻣﺎﻛﻮ ﺷﻲ ﻳﺒﻘﻰ ﻋﻠﻰ ﺣﺎﻟﻪ
ﻻﺑﺪ ﻭﻳﺠﻲ ﻳﻮﻡ ﻭﻳﺘﻐﻴﺮ ﻛﻮﻟﺸﻲ ...
.. ﻭﻛﻢ ﻋﺎﺷﻖ ﺟﺎﻥ ﻣﺘﺎﺑﻊ ﻟﺒﺮﻧﺎﻣﺞ ﻋﻠﻲ ﻋﻠﻰ ﻣﻮﺩﻙ ..
ﺍﻭﻭﻑ ﺷﻜﺪ ﻋﺎﻟﺞ ﻛﻠﻮﺏ ﻭﻛﺴﺮ ﻛﻠﻮﺏ ..
ﺍﺟﻤﻞ ﺗﺤﻴﻪ ﻟﻼﻋﻼﻣﻲ ﺍﻟﻤﺒﺪﻉ ﻋﻠﻲ ﻣﻬﺪﻱ
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق