رواية حكاية سمر ج2 الجزء السادس عشر
للكاتبة زينب ماجد
🌿
ﺍﺳﺘﺎﺫ ﻋﻠﻲ ﺣﺮﻣﺘﻨﻲ ﺣﺘﻰ ﻧﻮﻣﺘﺔ ﺍﻟﻠﻴﻞ .. ﺑﺄﺳﺘﻄﺎﻋﺘﻲ ﺍﺩﻣﺮ ﺣﻴﺎﺗﻬﺎ ﻭﺍﺧﻠﻲ ﺯﻭﺟﻬﺎ ﻳﺘﺮﻛﻬﺎ ﻭﺍﺭﺟﻊ ﺍﺧﺬﻫﺎ ..
ﺑﺲ ﺍﺳﺘﺎﺫ ﻋﻠﻲ ﻣﺎ ﺍﻛﺪﺭ ﺍﺋﺬﻳﻬﺎ .. ﻟﻜﻢ ﺧﻠﺘﻨﻲ ﻋﺎﺟﺰ ﻟﺪﺭﺟﺔ ﺣﺘﻰ ﻋﻦ ﺍﺫﻳﺘﻬﺎ ﻭﺍﺳﺘﺮﺟﺎﻋﻬﺎ .. ﺍﺩﻣﺮﺕ ﺍﺳﺘﺎﺫ ﺍﺩﻣﺮﺕ
ﺍﻧﻲ ﺍﺳﻤﻊ ﺻﻮﺗﻪ ﻭﻫﻮﻩ ﻳﺤﺠﻲ ﺑﺤﺮﻛﻪ ﻭﺍﺑﺠﻲ ... ﺭﺟﻌﺖ ﺍﺗﺼﻠﺖ ﺑﺎﻟﺒﺮﻧﺎﻣﺞ ..
ﺍﻧﺘﻀﺮﺕ ﺷﻮﻱ ﻟﺤﺪ ﻣﺎ ﺣﻮﻟﻮﻧﻲ ﻟﻠﺠﻮ .. ﺍﻫﻼ ﺍﺳﺘﺎﺫ ﻋﻠﻲ
- ﺭﺟﻌﺘﻲ ﻭﻳﺎﻧﺎ ﺳﻤﺴﻢ
- ﺍﻣﻤﻢ
- ﺳﻤﻌﺘﻲ ﻛﻼﻡ ﻋﺎﺷﻖ ﺍﻋﺘﻘﺪ .. ﺣﺮﺍﻡ ﻗﻠﺒﻪ ﻣﻜﺴﻮﺭ
- ﺑﺠﻴﺖ .. ﺍﺳﺘﺎﺫ ﻋﻠﻲ ﺷﻴﻌﺘﻘﺪ ﺍﻧﻲ ﻣﺮﺗﺎﺣﻪ .. ﻟﻮ ﻓﺮﺣﺎﻧﻪ ..
ﻋﻼﻭﻱ ﺣﺒﻨﺎ ﻣﺴﺤﻴﻞ ﺟﺎﻥ ﻻﺯﻡ ﺍﻧﻄﻲ ﻗﺮﺍﺭ ﻭﺍﻧﻬﻲ ﺍﻟﻤﻮﺿﻮﻉ .. ﻻ ﺍﻧﻲ ﻭﻻ ﻫﻮﻩ ﻧﻜﺪﺭ ﻧﻮﻛﻒ ﻛﺪﺍﻡ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ..
ﺷﻨﻮ ﺑﻴﺪﻱ ﻭﺍﺳﻮﻱ ﺧﻴﻜﻮﻟﻲ .. ﺍﺗﺮﻙ ﺍﻫﻠﻲ ﻭﺍﻧﻬﺰﻡ .. ﻣﺎ ﺍﻛﺪﺭ ﺍﻛﺴﺮ ﺑﺄﻫﻠﻲ ﻭﻟﻮ ﻛﺴﺮﺕ ﺑﻴﻬﻢ ﺣﻨﺼﻴﺮ ﺛﻨﻴﻨﺎ ﻋﺎﺭ
ﻭﺍﺣﺪ ﻣﻦ ﻋﺪﻧﻪ ﺭﺍﺡ ﻳﺪﻓﻊ ﺣﻴﺎﺗﻪ ﺛﻤﻦ ﻟﻬﻠﺤﺐ .. ﺗﻌﺘﻘﺪ ﻟﻮ ﺟﺒﻨﺎ ﺍﻟﻌﺎﺭ ﻻﻫﻠﻨﻪ ﻳﺨﻠﻮﻧﻪ ﻋﺎﻳﺸﻴﻦ ..
ﻋﻼﻭﻱ ﻫﻮﻩ ﻟﻮ ﺻﺎﺭ ﺑﻲ ﺷﻲ ﺍﺟﻦ ﺍﻣﻮﻭﻭﺕ ﻭﺍﻟﻠﻪ ﺍﻣﻮﻭﻭﺕ .. ﺍﻧﻬﺎﺭﻳﺖ ﻋﻠﻰ ﺍﻟﻬﻮﺍﺀ ﻭﻛﻤﺖ ﺍﺑﺠﻲ .. ﻃﻠﻌﻮ ﺍﻏﻨﻴﺔ
ﺍﻧﻲ ﻣﻦ ﻛﻠﺒﻲ ﺑﻌﺪﺗﻚ ﺗﺪﺭﻱ ﻟﻴﺶ ﻣﻮ ﻻﻥ ﻧﺎﺳﻴﻚ ﻟﻮ ﻗﻞ ﺍﻟﻌﺸﻚ .. ﻛﻠﺒﻲ ﺑﻴﺘﻚ ﻭﺍﻧﺘﻪ ﻋﺎﻳﺶ ﺩﻭﻭﻭﻡ ﺑﻴﻪ ﻣﻦ ﺑﻌﺪﺗﻚ ﻣﻮ ﻻﻥ ﺣﺘﻰ ﺍﻓﺘﺮﻙ ..
ﺍﺣﺘﺮﻙ ﻛﻠﺒﻲ ﺯﻳﻦ ﻣﺎ ﺟﻨﺖ ﺍﻧﺘﻪ ﺑﻴﻪ .. ﻻﻥ ﻟﻮ ﺑﻴﻪ ﺟﻨﺖ ﻻﺍﺍﺍﺯﻡ ﺗﺤﺘﺮﻙ
.
ﺩﺍ ﺍﺳﺘﻤﻊ ﻭ ﺍﺑﺠﻲ ﻃﺐ ﻋﻤﺎﺭ .. ﺳﺪﻳﺖ ﺍﻟﺨﻂ .. ﻭﺣﻮﻟﺖ ﺭﺍﺩﻳﻮ .. ﻛﺎﻝ ﺷﺒﻴﺞ .. ﻛﺘﻠﻪ ﻻ ﻫﻴﺞ ﺩﺍ ﺍﺳﺘﻤﻊ ﺍﺫﺍﻋﻪ ﻭﻗﺼﺺ ﺗﺒﺠﻲ ﻟﻬﻴﺞ ﺗﺄﺛﺮﺕ ..
- ﻣﻮ ﻛﻠﺖ ﺭﺍﺡ ﺍﺗﺄﺧﺮ
- ﺍﻱ ﻏﻴﺮﺕ ﺭﺃﻳﻲ
- ﻋﻤﺎﺭ ﻭﻳﻦ ﺗﺮﻭﺡ ﺑﺎﻟﻴﻞ ﻣﻦ ﺗﻄﻠﻊ ..
- ﺷﻨﻮ ﺑﺪﺕ ﺍﻟﺘﺤﻘﻴﻘﺎﺕ ..
- ﻣﻮ ﻗﺼﺔ ﺍﺣﻘﻖ ﺑﺲ ﻣﻦ ﺣﻘﻲ ﺍﻋﺮﻑ ﻭﻳﻦ ﺗﺮﻭﺡ ﻭﺗﺠﻲ .. ﻻﻥ ﻣﺎ ﺍﻋﺘﻘﺪ ﺗﻄﻠﻊ ﺗﺸﺘﻐﻞ ﻓﻠﻮﺱ ﺟﻴﺒﻚ ﺗﻘﻞ ﻣﺘﺰﻳﺪ ﺑﻌﺪ ﺍﻟﻠﻴﻞ ﻭﺳﻴﺎﺭﻩ ﺍﻟﻴﻮﻡ ﻣﺎ ﻋﻨﺪﻙ
- ﺣﺘﻰ ﻓﻠﻮﺳﻲ ﻣﺮﺍﻗﺒﺘﻬﺎ
- ﺍﻭﻭﻭﻩ .. ﻳﺎﺑﻪ ﻣﻌﻠﻴﻪ ﻭﻳﻦ ﺗﺮﻭﺡ ﺭﻭﺡ ﺍﺳﻔﻴﻦ .. ﻛﻤﺖ ﻣﻨﻪ ﺑﻨﺮﻓﺰﻩ ﻭﻧﻤﺖ ﻋﻠﺴﺮﻳﺮ ﺗﻐﻄﻴﺖ ﻭﻧﻤﺖ ..
ﺷﺎﻝ ﺍﻟﻐﻄﺎ ﻭﺻﺮﺥ ﺍﻛﻮﻟﺞ ﺍﻧﺘﻲ ﻣﺘﺤﺴﻴﻦ ..
- ﺷﺒﻴﻚ
- ﻭﺝ ﻋﺮﻭﺱ ﻋﺮﻭﺱ ﺍﻧﺘﻲ ﺍﺗﻨﺎﻣﻴﻦ ﻳﻤﻲ ﺑﻜﻼﺑﻴﻪ
. ..
ﺷﺒﻴﻚ ﻋﻤﺎﺭ ﺗﺨﺒﻠﺖ ﺻﻮﺗﻚ ﻧﺼﻲ ..
- ﻭﺝ ﻣﻠﻴﺖ ﺗﻨﺎﻣﻴﻦ ﻣﺠﻮﺩﺭﻩ .. ﻛﺎﻓﻲ ﺍﺳﺘﺤﻲ ﻛﻮﻟﻲ ﻫﺬﺍ ﺭﺟﺎﻝ ﺧﻞ ﺍﺣﺲ ﺑﻴﻪ ﻭﺝ ﺑﺎﺭﺩﻩ ﺑﺎﺭﺩﻩ ﺗﻜﻮﻝ ﻣﻴﺖ ﻣﻮﺗﻴﻨﻲ
- ﻭﺷﺮﺍﻳﺪ ﻣﻨﻲ ﺍﺭﺗﺎﺡ ﻫﻴﺞ ..
- ﺷﺘﺮﺗﺎﺣﻴﻦ ﻭﺝ ﺍﻧﻲ ﺳﺎﻳﻖ ﺗﻜﺴﻲ ﺍﺷﻜﺎﻝ ﺍﻟﻮﺍﻥ ﺍﻟﺒﻨﺎﺕ ﺍﺷﻮﻑ ﻛﺒﺎﻟﻲ .. ﻭﺍﻟﻴﺘﻌﺮﻥ ﺑﺴﻴﺎﺭﺗﻲ ﻭﺍﻏﺾ ﻋﻨﻬﻦ ﻭﺍﺭﻳﺪ ﺍﻣﻠﻲ ﻋﻴﻨﻲ ﺑﻤﺮﺗﻲ ..
ﺍﺟﻲ ﺍﻟﻜﻪ ﻣﺮﺗﻲ ﻣﺠﻮﺩﺭﻩ ﻭﻧﺎﻳﻤﻪ .. ﻣﺎ ﺻﺎﺭ ﻋﻠﻰ ﻋﺮﺳﻨﻪ 15 ﻳﻮﻡ .. ﻓﻜﺮﺗﻲ ﺗﺘﺤﻀﺮﻳﻠﻲ ﻟﻴﻠﻪ ﻣﻦ ﺍﻟﻴﺎﻟﻲ ﻟﻮ ﺍﺗﻮﺳﻠﺞ ﺗﻮﺳﻞ ﻣﻮ ﭼﻦ ﺯﻭﺟﺘﻲ .. ﻟﻌﺒﺖ ﺭﻭﺣﻲ ﻣﻨﺞ ﺩﻛﻮﻣﻲ
- ﺑﻘﻰ ﻳﺤﺠﻲ ﻭﻳﺼﻴﺢ ﻭﻃﻠﻊ .. ﺍﻱ ﻭﺷﺴﻮﻳﻠﻪ ﻭﻓﻮﻛﺎﻫﺎ ﻫﻮﻩ ﺍﻟﻠﻲ ﻟﻌﺒﺖ ﺭﻭﺣﻪ ... ﻋﻔﺘﻪ ﻭﻧﻤﺖ .. ﺣﺴﻴﺖ ﺑﻴﻪ ﺍﺟﻪ ﺑﻠﻴﻞ ﺍﺧﺬ ﺑﻄﺎﻧﻴﻪ ﻭﻣﺨﺪﻩ ﻭﻧﺎﻡ ﺑﺎﻟﻜﺎﻉ ..
ﻣﺎ ﺣﺎﺟﻴﺘﻪ .. ﻏﻤﻀﺖ ﻋﻴﻨﻲ ﻭﺭﺟﻌﺖ ﻟﻨﻮﻣﺘﻲ ﻭﺍﺗﺬﻛﺮ ﺑﻜﺮ ﺷﻠﻮﻥ ﻳﺤﺠﻲ ﻭﻳﻜﺘﻠﻨﻲ ﺍﻟﻬﻢ . ﺗﺎﻟﻲ ﻳﺮﺑﻲ ﻣﻮ ﻧﺎﻭﻱ ﺗﻨﺴﻴﻨﻴﺎﻩ ... ﺟﺒﺮﺕ ﺭﻭﺣﻲ ﻋﻠﻨﻮﻡ ﻭﻧﻤﺖ
.. ﻛﻌﺪﺕ ﺍﻟﺼﺒﺢ .. ﺑﺪﻟﺖ ﻭﻛﻌﺪﺕ ﻋﻤﺎﺭ .. ﺷﻮ ﻫﺬﺍ ﺭﺟﻊ ﺍﻟﺒﻄﺎﻧﻴﻪ ﻋﻠﻰ ﻭﺟﻪ .. ﻭﺭﺟﻊ ﻧﺎﻡ ..
- ﻋﻤﺎﺭ ﺷﻨﻮ ﻣﺘﻮﺩﻳﻨﻲ ﻟﻠﻤﺪﺭﺳﻪ ..
- ﻣﺎ ﻋﻨﺪﻱ ﺳﻴﺎﺭﻩ ..
- ﻳﺤﺠﻲ ﻭﻫﻮﻩ ﺿﺎﻡ ﺭﺍﺳﻪ .. ﺟﻮﻩ .. ﺷﻠﺖ ﺍﻟﺒﻄﺎﻧﻴﻪ ﻣﻨﻪ .. ﻛﺘﻠﻪ ﻟﻴﺶ ﻣﺘﺤﺠﻲ ﻭﻳﺎﻳﻪ .. ﻭﻟﻴﺶ ﻧﺎﻳﻢ ﺑﺎﻟﻜﺎﻉ ..
- ﻋﺎﺟﺒﻨﻲ ..
- ﻧﺰﻋﺖ ﺍﻟﺠﺎﻛﻴﺖ ﻭﺍﻟﺤﺠﺎﺏ . ﻭﻓﺘﺤﺖ ﺑﻄﺎﻧﻴﺘﻪ ﻭﻧﻤﺖ ﻳﻤﻪ ..
- ﺷﺠﺎﻱ ﺗﺴﻮﻳﻦ ..
- ﻋﺎﺟﺒﻨﻲ .. ﺍﺗﻠﻔﻴﺖ ﻳﻤﻪ ﺑﺎﻟﺒﻄﺎﻧﻴﻪ ﻭﻧﻤﺖ .. ﻓﺮﺡ ﻫﻮﻩ ﻭﺣﻀﻨﻲ .. ﺑﻌﺪﻫﺎ ﺭﺣﺖ ﻻﺣﻤﺎﻡ ﺳﺒﺤﺖ ﻭﺑﺪﻟﺖ ..
ﻛﺎﻡ ﻫﻮﻩ ﺍﺑﺘﺴﻤﺘﻠﻪ .. ﻛﺘﻠﻪ ﺍﻟﺴﺎﻋﻪ 9 ﺍﺗﺄﺧﺮﺕ ﺗﻮﺩﻳﻨﻲ .. ﻛﺎﻝ ﺍﻱ ﺑﻌﻴﻨﻲ .. ﻛﻤﻠﻨﻪ ﻭﻧﺰﻟﻨﻪ . . ﺍﺧﺬﻧﻲ ﺑﺘﻜﺴﻲ ﻭﻭﺻﻠﻨﻲ ﻟﻠﻤﺪﺭﺳﻪ ..
ﺷﻠﺖ ﻓﻠﻮﺱ ﺍﻧﻄﻴﺘﻪ .. ﻛﺎﻝ ﻻ ﻋﻨﺪﻱ .. ﻛﺘﻠﻪ ﺍﻋﺮﻑ ﻋﻮﺩ ﺿﻤﻠﻴﺎﻫﺎ ﺑﺎﻟﺒﻴﺖ .. ﻭﺍﻋﺮﻑ ﺑﺠﻴﺒﻪ ﻣﺎ ﺑﻘﻰ ﻓﻠﻮﺱ ﻏﻴﺮ 10 ﺍﻻﻑ ..
ﻛﻤﻠﺖ ﺍﻟﺪﻭﺍﻡ ﻭﺭﺟﻌﺖ .. ﻋﻤﺎﺭ ﻣﻜﺎﺑﻠﻨﻲ ﻭﻛﺎﻋﺪ .. ﻭﺣﺎﺳﺐ ﻧﻔﺴﻪ ﺭﻭﻣﻴﻮ ﻳﻤﻮﺕ ﻋﻠﺮﻭﻣﺎﻧﺴﻴﺎﺕ ﻭﺍﻧﻲ ﻛﻮﻩ ﻣﺘﺤﻤﻠﻪ
ﺧﺎﺑﺮﻩ ﺑﺎﺑﺎ ﻛﺎﻟﻪ ﺑﺎﺟﺮ ﻋﺎﺯﻣﻚ ﺍﻧﺘﻪ ﻭﺍﻻﻫﻞ ﻳﻤﻲ ﻋﻠﻰ ﺍﻟﻐﺪﺍ .. ﻛﺎﻟﻪ ﺍﻧﺸﺎﻟﻠﻪ ﻋﻤﻲ ﺏ 11 ﺍﺣﻨﻪ ﻳﻤﻜﻢ ..
ﺧﻠﺺ ﺍﻟﻴﻮﻡ ﺯﻳﻦ ﻣﺎ ﺑﻴﻪ ﻣﻀﺎﻳﻘﺎﺕ .. ﺛﺎﻧﻲ ﻳﻮﻡ ﺟﺎﻥ ﺟﻤﻌﻪ ﻧﺰﻟﺖ ﺩﺯﻳﺖ ﺭﻳﻮﻙ ﻭﻛﻌﺪﺕ ﻋﻤﺎﺭ ﻭﺍﻟﺠﻬﺎﻝ ..
ﺑﺪﻟﺘﻬﻢ ﻭﻧﻀﻔﺘﻠﻬﻢ .. ﻛﺎﻝ ﻋﻤﺎﺭ .. ﺳﻤﺮ ﺍﻟﺠﻬﺎﻝ ﻳﺮﺣﻮﻥ ﻻﻣﻬﻢ ﻣﻮ ﻭﻳﺎﻧﻪ .. ﻛﺘﻠﻪ ﻣﺎﺷﻲ .. ﻟﺒﺴﺘﻬﻢ ﻣﻼﺑﺴﻬﻢ ..
ﻭﻛﻤﺖ ﻧﻀﻔﺖ ﺍﻟﺒﻴﺖ ﻭﻛﻤﻠﺖ .. ﻭﺻﻌﺪﺕ ﺑﺪﻟﺖ .. ﻭﻛﻤﻠﻨﻪ ﻭﺭﺣﻨﺎ ﺍﻧﻲ ﻭﻋﻤﺎﺭ ﻭﺍﻟﺤﺠﻴﻪ .. ﻟﺒﻴﺖ ﺍﻫﻠﻲ ..
ﻟﻜﻴﺖ ﻧﺠﻮﻯ ﻭﺭﺟﻠﻬﺎ ﻭﺍﻗﺎﺭﺑﻨﻪ ﻭﺣﺘﻰ ﻋﻤﻮ ﺧﻠﻴﻞ ﻭﻋﻤﻪ ﺳﺎﻣﻴﻪ ﻭﺭﻧﺎ .. ﺑﻮﺩﻱ ﻫﺴﻪ ﺍﻛﻮﻣﻠﻬﻢ ﺑﺎﻟﺤﺬﺍﺀ ﺍﺷﺤﺘﻬﻢ ..
ﻫﻤﻪ ﺳﺒﺐ ﺩﻣﺎﺭﻱ ﻭﻋﺬﺍﺑﻲ .. ﺑﻮﺳﺖ ﻣﺎﻣﺎ ﻭﺑﺎﺑﺎ ﻭﻛﻌﺪﺕ ﺍﺳﺎﻋﺪ ﺍﻣﻲ ﻭﺍﻃﺒﺦ ﻭﻳﺎﻫﺎ .. ﺻﺒﻴﻨﻪ ﺍﻟﻐﺪﺍ .. ﺍﻟﺮﻳﺎﺟﻴﻞ ﻭﺣﺪ ﻭﺍﻝ ﻧﺴﺎﺀ ﻭﺣﺪ ﺻﺒﻴﻨﺎﻟﻬﻢ
... .
ﻛﻤﻠﻮ ﺍﻛﻞ .. ﺍﻣﻲ ﻛﺎﻟﺖ ﺭﺍﺡ ﻧﺨﻄﺐ ﻻﺣﻤﺪ ﻛﺘﻠﻬﺎ ﻳﺎ ﺍﻟﻠﻪ ﺷﻮﻛﺖ .. ﻛﺎﻟﺖ ﻫﺎﻱ ﺍﻻﻳﺎﻡ ﻣﺪﺍﻡ ﻃﻠﻊ ﺭﺍﺗﺐ ﺍﺑﻮﺝ ﻭﻗﺒﺾ ﺧﻮﺵ ﻣﺒﻠﻎ ﺗﻌﻮﻳﺾ ..
ﺍﺭﻳﺪ ﺍﺯﻭﺝ ﺑﻴﻪ ﺍﺣﻤﺪ .. ﺍﺟﻪ ﺍﺣﻤﺪ .. ﻣﺎ ﻳﺤﺠﻲ ﻭﻳﺎﻱ ﻣﻴﺴﻠﻢ .. ﻛﺘﻠﻬﺎ ﻳﻮﻡ ﺷﺒﻴﻪ . ﻛﺎﻟﺖ ﺷﺎﻳﻞ ﻋﻠﻴﺞ ﻣﻦ ﻳﻮﻡ ﺍﻟﻌﺮﺱ
ﻭﺍﻟﻔﻀﻴﺤﻪ ﺍﻟﺴﻮﺍﻫﺎ ﺑﻜﺮ .. ﻭﺣﺘﻰ ﺩﻙ ﻗﻄﻌﻪ ﺍﺑﺎﺏ ﺍﻟﺒﻴﺖ ﻭﻳﺮﻳﺪ ﻧﻨﺘﻘﻞ ﻣﻦ ﺍﻟﺒﻴﺖ .. ﻳﻜﻮﻝ ﻧﺰﻟﺖ ﺭﺍﺳﻲ
ﻛﺘﻠﻬﺎ ﻫﻮﻩ ﺍﻧﻲ ﻛﻮﻟﺸﻲ ﺍﺳﻮﻳﻪ ﻳﻜﻮﻝ ﻧﺰﻟﺖ ﺭﺍﺳﻲ .. ﻟﻮ ﺻﺪﻙ ﺍﻧﺰﻝ ﺭﺍﺳﻪ ﺟﺎﻥ ﻣﺎ ﺣﺠﻪ .. ..
ﻋﻔﺘﻪ ﻣﺎ ﺭﺩﻳﺖ ﻋﻠﻴﻪ .. ﺧﻞ ﻳﺰﻋﻞ .. ﻛﻤﻠﻨﻪ ﺍﻟﻌﺰﻳﻤﻪ ﻭﻧﻀﻔﻨﻪ ﺍﻟﺒﻴﺖ .. ﺻﺎﺡ ﻋﻤﺎﺭ ﻫﺎﺍﺍﺍ ﺳﻤﺮ ﻫﻢ ﻳﻠﻪ ﻧﺮﻭﺡ
ﻛﺘﻠﻪ ﺍﻱ ﺑﺲ ﺍﻟﺒﺲ ﺣﺠﺎﺑﻲ .. ﻟﺰﻣﻪ ﻋﻤﻲ ﺍﻟﺠﺒﻴﺮ ﺳﻠﻴﻤﺎﻥ .. ﻛﺎﻟﻪ ﺳﻤﺮ ﺍﺣﺘﺎﺟﻬﺎ ﺍﻟﻴﻮﻡ ﺗﻜﺪﺭ ﺗﺒﻘﻴﻬﺎ ..
ﻛﺎﻟﻪ ﺍﻱ ﻋﺎﺩﻱ ﺑﻠﻴﻞ ﺍﺟﻴﻬﺎ .. ﻛﺎﻟﻪ ﻣﻤﻨﻮﻥ .. ﺍﺳﺘﻐﺮﺑﺖ ﻟﻴﺶ ﻋﻤﻲ ﺭﺍﺩﻧﻲ ﺍﺑﻘﻰ ..
ﻓﻀﻰ ﺍﻟﺒﻴﺖ ﻟﻞ 4 ﺍﻟﻌﺼﺮ .. ﺻﺎﺣﻠﻲ ﻋﻤﻲ ﻟﻼﺳﺘﻘﺒﺎﻝ .. ﺍﺟﻴﺘﻪ ﻫﺎ ﻋﻤﻮ ﻛﻮﻝ ..
- ﺗﻌﺎﻱ ﻛﻌﺪﻱ ﺑﻨﺘﻲ
- ﺍﺟﻴﺖ ﻭﻛﻌﺪﺕ ﻳﻤﻪ .. ﺟﺎﻧﻮ ﻣﺎﻣﺎ ﻭﺑﺎﺑﺎ ﻭﻣﺮﺕ ﻋﻤﻲ ﻭﻋﻤﻲ ﻛﺎﻋﺪﻳﻦ .. ﺣﺘﻰ ﻧﺠﻮﻯ ﺭﺍﺣﺖ ..
- ﻛﺎﻝ ﻋﻤﻲ .. ﺧﻠﻴﻞ ﺍﺑﻮ ﺑﻜﺮ ﺷﺎﻫﺮ ﺑﻴﺞ ﻭﺑﺴﻤﻌﺘﺞ .. ﻭﻳﻜﻮﻝ ﺑﺖ ﻓﺮﺣﺎﻥ ﻟﻌﺒﺖ ﺑﻮﻟﺪﻱ ﻟﻌﺐ .. ﺍﻃﻠﻜﺖ ﻣﻦ ﺍﻻﻭﻝ ﺑﻌﺪ ﻣﺎ ﺧﻠﺘﻪ ﻳﺤﺒﻬﺎ ﻭﺣﺒﺖ ﺍﻟﺜﺎﻧﻲ
ﻭﺧﻠﺖ ﻭﺍﺣﺪ ﻣﻴﺮﻳﺪ ﺍﻻﺥ ﻭﻫﺴﻪ ﻣﺠﻨﻨﻪ ﺍﻟﻮﻟﺪ ﻭﻣﺨﻠﻴﺘﻪ ﻫﺎﺝ ﻣﻦ ﺍﻟﺒﻴﺖ .. ﻣﻦ ﻭﺭﺍﻫﺎ ..
- ﻛﺘﻠﻪ ﻋﻤﻮ ﺍﻧﻲ ﺷﻌﻠﻴﻪ ..
- ﻋﻤﻮ ﺍﻧﺘﻲ ﺻﺤﻴﺢ ﺟﺎﻧﺖ ﻋﻨﺪﺝ ﻋﻼﻗﻪ ﺑﺄﺧﻮ ﺯﻭﺟﺞ
- ﻋﻤﻮ ﺍﻱ ﺯﻭﺝ ﻫﺬﺍ .. ﻋﺎﺩﻝ ﻣﺎ ﺟﺎﻥ ﺯﻭﺟﻲ .. ﻓﻘﻂ ﻋﻠﻮﺭﻕ .. ﺟﺎﻥ ﻳﻜﻮﻟﻲ ﺍﻧﺘﻲ ﻣﺜﻞ ﺍﺧﺘﻲ ..
- ﻋﺠﻞ ﺷﻠﻮﻥ ﺣﻤﻠﺘﻲ ﻣﻨﻪ ﻳﺎ ﺑﻮﻳﻪ ﺍﺫﺍ ﺯﻭﺍﺟﺞ ﺑﺲ ﻭﺭﻕ ..
- ﻋﻤﻮ ﺧﻞ ﺍﺣﺠﻴﻠﻜﻴﺎﻫﺎ ﻣﻦ ﺍﻟﺒﺪﺍﻳﻪ ﻭﺍﻓﻬﻤﻚ ..
ﻋﺎﺩﻝ ﺭﻓﻀﻨﻲ ﺑﻠﻴﻠﺔ ﻋﺮﺳﻲ .. ﻭﺑﺎﻋﻨﻲ ﻟﺒﻜﺮ ﺏ 10 ﻣﻼﻳﻴﻦ ..
- ﻳﻜﻮﻝ ﻟﻴﻠﺔ ﻋﺮﺳﻬﺎ ﺟﺎﻧﺖ ﻣﻮ ﺑﻨﻴﻪ ﻭﺳﺘﺮ ﻋﻠﻴﻬﺎ ﺍﺑﻨﻲ ﻫﺎﻱ ﺟﺰﺍﺗﻬﺎ ﻫﻴﺞ ﺗﺴﻮﻱ ﺑﻴﻨﻪ ﺳﻤﺮ
- ﻋﻤﻮ ﻫﻮﻩ ﻣﺎ ﺳﺘﺮ ﻋﻠﻴﻪ .. ﻭﺍﻧﻤﺎ ﺑﻜﺮ ﺭﺷﺎﻩ ﺑﻔﻠﻮﺱ ﻭﺧﻼﻩ ﻳﺴﻜﺖ
- ﺯﻳﻦ ﺑﻜﺮ ﻟﻴﺶ ﻳﺴﻮﻱ ﻫﻴﺞ ..
- ﺑﻜﺮ ﺟﺎﻥ ﻳﺤﺒﻨﻲ ﻣﻦ ﺍﻧﻲ ﻭﻃﻔﻠﻪ ﻫﻮﻩ ﻳﺤﺒﻨﻲ .. ﺑﺲ ﺗﻌﺮﻓﻪ ﻟﺒﻜﺮ ﺷﻜﺪ ﻛﺒﺮﻳﺎﺋﻲ
ﻣﻦ ﻋﺮﻑ ﻋﺎﺩﻝ ﺧﻄﺒﻨﻲ .. ﺳﻜﺖ ﻋﺒﺎﻟﻪ ﺟﺎﻧﺖ ﻋﻨﺪﻱ ﻋﻼﻗﻪ ﺑﻌﺎﺩﻝ ﻭﻋﺎﺩﻝ ﻳﺤﺒﻨﻲ .. ﺑﺲ ﻣﺎ ﺟﺎﻥ ﺷﻲ ﻳﺠﻤﻌﻨﻲ ﺑﻌﺎﺩﻝ ﺍﺑﺪ ..
ﻓﺒﻠﻴﻠﺔ ﻋﺮﺳﻲ ﺑﻜﺮ ﺳﺘﺮ ﻋﻠﻴﻪ ﻣﻮ ﻋﺎﺩﻝ .. ﻭﺍﻧﻲ ﻣﺎ ﺟﻨﺖ ﻏﻠﻄﺎﻧﻪ ﻭﻳﻦ ﺍﺣﺪ .. ﻓﻘﺪﺕ ﻋﺬﺭﻳﺘﻲ ﺑﺤﺎﺩﺙ ﺑﺪﻭﻥ ﻣﺎ ﺍﻋﺮﻑ ..
ﻭﺭﻏﻢ ﻫﺎﻱ ﻋﺎﺩﻝ ﺷﻬﺮ ﺑﻴﻪ ﻛﺪﺍﻡ ﻧﺴﺎﺑﺘﻪ ﺍﻫﻞ ﻣﺮﺗﻪ .. ﻭﺧﻠﻪ ﻣﺮﺗﻪ ﺗﻌﻴﺮﻧﻲ .. ﻭﻫﺠﺮﻧﻲ ﻣﻦ ﻟﻴﻠﺔ ﻋﺮﺳﻲ ﻣﺎ ﺍﺩﻧﺎﻟﻲ ﺍﺑﺪ ..
ﻭﺍﻟﻠﻪ ﻋﻤﻮ ﺍﻟﺮﺑﻊ ﺩﻳﻨﺎﺭ ﻣﺎ ﺟﻨﺖ ﺍﺷﻮﻓﻪ ﻣﻦ ﻋﺎﺩﻝ ﻛﻠﻪ ﺑﻜﺮ ﻳﻨﻄﻴﻨﻴﺎﻩ .. ﻭﺣﺘﻰ ﻣﺼﺎﺭﻳﻒ ﺍﻟﺠﺎﻣﻌﻪ ﻭﺗﻮﺻﻴﻠﻲ ﻛﻠﻪ ﺑﻜﺮ ..
. ..
ﻋﺎﺩﻝ ﺑﻨﻔﺴﻪ ﻛﺎﻝ ﻟﺒﻜﺮ .. ﺍﻧﻄﻴﻨﻲ ﺍﻟﻌﺸﺮ ﻣﻼﻳﻴﻦ ﻭﺍﺧﺬﻫﺎ ﻣﺎ ﺍﻟﻲ ﺍﻱ ﺣﻖ ﻋﻠﻴﻬﺎ
- ﻳﻌﻨﻲ ﻫﺬﺍ ﺳﻜﻂ ﺍﺻﻠﻲ ﺍﺫﺍ ﻫﻴﺞ ﻳﻨﻄﻲ ﻣﺮﺗﻪ ﻻﺧﻮ ﻭﺍﻟﺤﻠﻮ ﻳﺴﻮﻱ ﻧﻔﺴﻪ ﺷﺮﻳﻒ ﻭﻳﺘﻤﺴﻜﻦ ﻭﻳﺸﻬﺮ ﺑﻴﻨﻪ ..
- ﻋﻤﻮ ﻫﻮﻩ ﻫﺎﻱ ﻓﺮﺻﺘﻪ ﻟﻌﺎﺩﻝ ﻳﻨﺘﻘﻢ ﻣﻨﻲ ﻋﻠﻰ ﻃﻼﻛﻲ ..
- ﺯﻳﻦ ﻋﻤﻮ ﺧﻞ ﻧﺤﺠﻲ ﺟﺪﻳﺎﺕ ﺍﻛﻮ ﺟﺎﻧﺖ ﻋﻨﺪﺝ ﻋﻼﻗﻪ ﺍﺑﻜﺮ . . ﻋﻮﻓﻴﻨﻪ ﻣﻨﻪ ﻫﻮﻩ ﺍﺣﺠﻴﻠﻲ ﻋﻨﺞ ﺍﻧﺘﻲ ..
- ﺷﻮﻑ ﻋﻤﻮ .. ﻟﻮ ﻣﻮ ﺍﻧﻲ ﻟﻮ ﺍﻱ ﺑﻨﺖ ﺑﻤﻜﺎﻧﻲ ﺑﺎﻟﻌﺎﻟﻢ ﻭﺗﺸﻮﻑ ﺍﻻﻫﺘﻤﺎﻡ ﺍﻟﺸﻔﺘﻪ ﻣﻦ ﺑﻜﺮ ﺍﺗﺤﺒﻪ ..
ﻋﻤﻮ ﺍﻧﻲ ﺟﻨﺖ ﻭﺍﻛﻌﻪ ﺏ ﺑﺆﺭﺓ ﻧﺎﺭ .. ﻭﺑﻜﺮ ﺣﺒﻞ ﺍﻟﻨﺠﺎﺓ .. ﻻ ﺍﺏ ﻻ ﺍﻡ ﻻ ﺍﺥ ﻻ ﺯﻭﺝ .. ﻛﻠﻬﻢ ﺿﺪﻱ ﺑﺲ ﻫﺬﺍ ﺍﻟﺮﺟﻞ ﻭﻳﺎﻱ ..
ﺣﺎﻭﻟﺖ ﻣﺎ ﺍﻭﻛﻊ ﻭﺍﺣﺒﻪ ﻻﻥ ﺍﻋﺮﻑ ﻏﻠﻂ ﻟﻜﻦ ﻋﻤﻮ ﺍﻧﺠﺒﺮﺕ ﺑﻴﻪ ..
- ﻳﻌﻨﻲ ﺻﺤﻴﺢ ﺍﻃﻠﻜﺘﻲ ﻋﻠﻤﻮﺩﻩ
- ﻻ ﻣﻮ ﻋﻠﻤﻮﺩﻩ .. ﻟﻤﺎ ﻫﺮﺑﺖ ﻭﺍﻃﻠﻜﺖ ﺑﻜﺮ ﺟﺎﻥ ﻧﺎﻭﻱ ﻳﺴﺎﻓﺮ .. ﺍﻧﻲ ﺭﺩﺕ ﺍﺧﻠﺺ ﺑﺮﻭﺣﻲ ﻣﻦ ﻧﺎﺭﻫﻢ ..
ﺑﺎﻭﻉ ﻋﻠﻰ ﻻﺑﻮﻱ .. ﻛﺎﻟﻪ ﻭﺍﺣﻨﻪ ﻟﻴﺶ ﺳﺎﻛﺘﻴﻠﻬﻢ .. ﻭﻟﺪ ﺧﻠﻴﻞ ﻫﻢ ﺍﻟﻤﺎﺑﻴﻬﻢ ﺧﻴﺮ ..
ﻭﺍﺣﺪ ﻫﺎﺟﺮ ﻣﺮﺗﻪ ﻭﻣﻨﻄﻴﻬﺎ ﻻﺧﻮﻩ ﻭﺍﻟﺜﺎﻧﻲ ﻋﺎﺷﻜﻬﺎ .. ﻭﻟﺪﻳﺶ ﺫﻭﻟﻪ ﻭﻳﻌﻴﺮﻭﻧﻪ ﺍﺑﺘﻨﻪ .. ﺍﺣﻨﻪ ﺑﻨﺘﻨﻪ ﺭﻓﻌﺖ ﺭﺍﺳﻨﻪ ﻭﺭﻓﻀﺖ ﻋﺎﺭﻫﻢ ..
ﻭﺟﺎﻱ ﻫﺴﻪ ﻳﺮﻳﺪ ﻳﺮﻛﺒﻮﻥ ﻋﺎﺭﻫﻢ ﺑﺮﺍﺳﻨﻪ ﻛﻮﻩ ﺑﺲ ﺍﻧﻲ ﺍﻋﺮﻑ ﺷﻠﻮﻥ ﺍﺷﻬﺮ ﺑﻌﻮﻳﺪﻝ ﺍﻟﻜﻠﺐ ..
- ﻋﻤﻮ ﻭﺍﻟﻠﻪ ﺍﻧﻲ ﺣﺎﻭﻟﺖ ﺍﻗﺮﺑﻪ ﻣﻨﻲ ﻛﺰﻭﺝ ﻭﻫﻮﻩ ﺍﻟﺮﻓﻀﻨﻲ .. ﻛﻢ ﻣﺮﻩ ﺗﺤﻀﺮﺗﻠﻪ ﻭﻓﺸﻠﻨﻲ ﻭﻳﻜﻮﻟﻲ ﺍﻧﺘﻲ ﺍﺧﺘﻲ ﻭﻣﻦ ﻫﻠﺤﺠﻲ ﻣﺎﻟﺘﻪ ..
ﻭﺣﻤﻠﺖ ﻣﻨﻪ ﻣﻮ ﻻﻥ ﺭﺍﺩﻧﻲ ﻻﺍﺍ ﻻﻥ ﻋﻤﺘﻲ ﺗﻌﺎﺭﻛﺖ ﻭﻳﺎﻩ ﻭﺟﺒﺮﺗﻪ ﻋﻠﻴﻪ ﺑﻬﺬﻳﺞ ﺍﻟﻠﻴﻞ ..
ﻭﺍﻟﺪﻟﻴﻞ ﺍﻧﻲ ﻋﻨﺪﻩ ﺳﻨﺘﻴﻦ ﻣﺎ ﺣﺒﻠﺖ ... ﺑﺲ ﺑﻠﻴﻠﺔ ﺍﻟﻮﺻﻠﻨﻲ ﺣﻤﻠﺖ ﻣﻨﻪ .. ﻻﻥ ﺟﺎﻥ ﻫﺎﺟﺮﻧﻲ ..
- ﺻﺎﺭ ﻣﻌﻠﻮﻡ ﺍﺑﻨﻴﺘﻲ ﺻﺎﺭ ﻣﻌﻠﻮﻡ .. ﺭﺍﻳﺘﺞ ﺑﻴﻀﻪ ﻣﻦ ﺭﻓﻀﺘﻴﻬﻢ .. ﺫﻭﻟﻪ ﺧﻠﻴﻞ ﻭﻭﻟﺪﻩ ﻣﺼﻴﺒﻪ ..
ﻣﺎ ﺍﻋﺮﻑ ﺷﻠﻮﻥ ﻓﺮﺣﺎﻥ ﺍﻧﻄﺎﺝ ﻟﻌﺎﺩﻝ .. ﺍﺣﻨﻪ ﺍﻧﻄﻴﻨﻪ ﺍﺧﺘﻨﻪ ﻟﺨﻠﻴﻞ ﻣﻮﺗﻬﺎ ﺟﻮﻉ .. ﻟﺤﺪ ﻣﺎ ﺍﺣﻨﻪ ﺍﺧﻮﺗﻬﺎ ﻟﻤﻴﻨﺎﻟﻬﺎ ﻓﻠﺲ ﻋﻠﻰ ﻓﻠﺲ ..
ﻭﻫﺬﺍ ﺍﺑﻮﺝ ﻳﺸﻬﺪ .. ﺑﺬﺍﻙ ﺍﻟﻮﻛﺖ ﺍﻟﺠﺎﻥ ﺍﻟﻌﻮﺯ ﻛﺎﺗﻞ ﺍﻟﻌﺎﻟﻢ .. ﺷﺎﻝ 5 ﻣﻼﻳﻴﻦ ﻭﺍﻧﻄﺎﻫﺎ ﻟﺴﺎﻣﻴﻪ ﻓﻲ ﺳﺒﻴﻞ ﺗﻜﻌﺪ ﺍﺑﻴﺖ ﻭﺗﺴﺘﻘﺮ ﻫﻴﻪ ﻭ ﺟﻬﺎﻟﻬﺎ .. ﺟﺎﻧﻮ ﺻﻐﺎﺭ ..
ﻭﺍﺷﺘﺮﻳﻨﺎﻟﻬﺎ .. ﻭﺗﺎﻟﻲ ﺧﻠﻴﻞ ﻗﺸﻤﺮﻫﺎ ﻭﺳﺠﻞ ﺍﻟﺒﻴﺖ ﺑﺎﺳﻤﻪ ..
- ﺑﺲ ﻫﺴﻪ ﻫﻮﻩ ﺑﺄﺳﻢ ﺑﻜﺮ ..
- ﻫﺎﻱ ﻫﺴﻪ ﺳﻠﻤﻪ ﻟﺒﻜﺮ ﻋﻠﻤﻮﺩ ﻳﺴﺘﻔﺎﺩ ﺑﺮﺍﺳﻪ .. ﺍﻧﻲ ﺍﺣﺠﻴﻠﺞ ﻛﺒﻞ ﻣﻦ ﺟﺎﻧﻮ ﺻﻐﺎﺭ .. ﻧﻔﺲ ﻋﺎﺩﻝ ﻻ ﻳﺼﺮﻑ ﻋﻠﻴﻬﺎ ﻭﻻ ﺍﺑﺪ
ﻭﻣﻠﺘﻬﻲ ﺍﺑﻨﺎﺕ ﺍﻟﻠﻴﻞ ﻳﻮﻣﻴﻪ ﺟﺎﻳﺒﻠﻪ ﻭﺣﺪﻩ ﻭﻃﺎﺏ ﺳﻜﺮﺍﻥ ..
ﺣﺠﺖ ﺍﻣﻲ .. ﻟﻌﺪ ﺑﻜﺮ ﻋﻠﻴﻤﻦ ﻃﻠﻊ ﺷﺎﻳﻞ ﻣﺴﺆﻟﻴﻪ ﺍﻫﻠﻪ ﻭ ﺷﺎﻫﺮ ﺳﻴﻔﻪ ﻭﻛﺎﻟﺐ ﺍﻟﺪﻧﻴﺎ ..
ﺣﺠﻪ ﻋﻤﻲ .. ﻛﺎﻟﻬﺎ ﻏﻴﺮ ﻋﻠﻰ ﺧﺎﻟﻪ ﻓﺮﺣﺎﻥ .. ﻣﺎ ﻭﻛﻒ ﺑﻮﺟﻪ ﺍﺑﻮﻱ ﻭﺍﺗﺒﺮﻩ ﻣﻨﻪ ﻛﻠﻨﻪ ﻭﻛﻠﺐ ﺍﻟﺪﻧﻴﺎ ﻋﻠﻴﻨﻪ ﻫﻨﺎﻙ ﺑﺎﻟﺮﻣﺎﺩﻱ ﻋﻠﻤﻮﺩ ﻳﺎﺧﺬﺝ
.....
ﻭﺭﻏﻢ ﻣﺎ ﺍﺟﻪ ﻭﺟﺎﺑﺞ ﻟﻬﻨﺎ ﺑﺲ ﻣﺼﺮﻑ ﺍﺑﻮﻱ ﻭﺍﺧﻮﺗﻲ ﺟﺎﻥ ﻳﻮﺩﻳﻪ ﺍﻟﻨﻪ ﺧﻞ ﺷﻬﺮ ﻭﻳﺼﺮﻑ ﻋﻠﻴﻪ ﻭﻫﻞ ﻭﻟﺪ ﻃﺎﻟﻊ ﻋﻠﻴﻪ ..
ﺣﺠﻪ ﺑﺎﺑﺎ .. ﻟﻌﺪ ﻫﻮﻩ ﻣﺎ ﻛﺎﻟﻴﺎﻫﺎ .. ﺣﺠﺎﻫﺎ ﺑﻮﺟﻬﻲ ﺍﺑﻦ ﺍﻟﻜﻠﺐ .. ﺛﻠﺜﻴﻦ ﺍﻟﻮﻟﺪ ﻋﻠﺨﺎﻝ .. ﻳﻜﻠﻲ .. ﺣﺘﻰ ﻳﺎ ﺧﻮﻳﻪ ﺳﺤﺒﺖ ﺑﻮﺵ ﻣﻨﻪ ..
ﻛﻠﺖ ﻻ ﺻﺪﻙ ﻳﻄﻠﻊ ﻣﺜﻠﻲ ﻭﻳﻨﻬﺐ ﺑﺘﻲ .. ﻛﻌﺪﺕ ﻭﻱ ﺳﻤﺮ ﻭﺣﺎﺟﻴﺘﻬﺎ ﻭﻗﻨﻌﺘﻬﺎ ﺗﺸﻮﻑ ﻏﻴﺮﻩ ﻭﺳﺘﺮﺕ ﻋﺴﺎﻟﻔﻪ ..
- ﻭﻟﻮ ﻣﺎ ﻣﺘﺰﻭﺟﻪ ﺳﻤﺮ ﺟﺎﻥ ﻧﻬﺒﻬﺎ ﻭﺍﻟﻠﻪ ﺑﻠﻠﻪ
- ﻳﺤﺠﻮﻥ ﺑﻴﻪ ﻭﺍﻧﻲ ﺍﻧﻄﺤﻦ ﻋﻠﻴﻪ .. ﺍﻭﻑ ﺷﻴﺼﻴﺮ ﻟﻮ ﻗﺎﺑﻠﻴﻦ ﺑﻴﻪ .. ﺍﺩﺭﻱ ﻻ ﺣﺮﺍﻡ ﻭﻻ ﻏﻠﻂ ﺍﻟﻠﻪ ﺍﻛﺒﺮ ﻋﻠﻴﻜﻢ ..
ﺿﻴﻌﺘﻮ ﺣﻴﺎﺗﻲ ﻭﺣﻴﺎﺗﻪ ﺑﺲ ﻋﻠﻤﻮﺩ ﻫﺘﻘﺎﻟﻴﺪ ﻭﺍﻟﻌﻴﺐ ﺍﻭﻭﻑ ﺭﺑﻲ ﺻﺒﺮﻧﻲ ..
ﻟﻠﻤﻐﺮﺏ ﻋﻤﻮ ﺧﺎﺑﺮ ﺧﻠﻴﻞ ﻭﻛﺎﻟﻪ ﺍﺭﻳﺪ ﻋﺎﺩﻝ ﻭﻳﺎﻙ .. ﺍﺟﻪ ﻋﻤﻮ ﺧﻠﻴﻞ ﻭﺗﻌﺎﺭﻛﻮ ﻭﻳﺎﻩ ﻋﻤﻲ ﻭﺍﺑﻮﻳﻪ ..
ﻭﻛﺎﻟﻪ ﺍﻟﺰﻡ ﻭﻟﺪﻙ ﻣﺎ ﺗﺴﺘﺤﻲ .. ﺍﺑﻨﻚ ﻳﺸﻤﺮ ﻣﺮﺗﻪ ﻻﺧﻮ ﻭﺍﻟﺜﺎﻧﻲ ﻳﻌﺸﻚ .. ﺟﺎﻱ ﺗﺸﻤﺮ ﻋﺎﺭﻙ ﻋﻠﻰ ﺑﺘﻨﻪ
ﻭﺍﺣﻨﻪ ﺑﺘﻨﻪ ﺭﻓﻀﺖ ﻋﺎﺭﻛﻢ ﻭﺗﺰﻭﺟﺖ ﻭﺻﺎﻧﺖ ﻧﻔﺴﻬﺎ ﻣﻮ ﻣﺜﻞ ﻭﻟﺪﻙ ﺍﻟﺼﺎﻳﻌﻴﻦ ﺷﺮﺍﺑﻴﻦ ﺍﻟﻌﺮﻙ ..
ﺻﺎﺭﺕ ﻫﻮﺳﻪ .. ﺍﻧﻮﺏ ﺍﺩﺧﻞ ﺍﺣﻤﺪ ﺑﻴﻬﺎ ﻭﻛﺎﻡ ﻳﺘﻌﺎﺭﻙ ﻭﻳﻪ ﻋﺎﺩﻝ .. ﺍﻧﻮﺏ ﻟﺸﻮﻱ ﻫﺪﻭﻩ ﻭﺍﺧﺬﻭ ﻭﻋﺪ ..
ﻟﻮ ﺍﺳﻢ ﺳﻤﺮ ﻳﻨﺬﻛﺮ ﻋﻠﻰ ﺍﻟﺴﺎﻥ ﻭﺍﺣﺪ .. ﻣﺘﻠﻮﻣﻮﻥ ﺍﻻ ﻧﻔﺴﻜﻢ ﻭﺻﺪﻙ ﻧﺸﻬﺮ ﻭﻟﺪﻙ ﻭﻧﻜﻮﻝ ﻫﻴﺞ ﺳﻮﻭ ..
ﻫﺪﺕ ﺍﻻﻣﻮﺭ ﻭﺭﺍﺣﻮ .. ﻭﺍﺣﻤﺪ ﺷﺎﻓﻨﻲ ﻭﻳﻜﻮﻟﻲ ﺷﻮﻛﺖ ﺍﺧﻠﺺ ﻣﻦ ﻣﺼﺎﻳﺒﺞ .. ﺟﺮﻳﺖ ﻧﻔﺲ ﻭﻣﺎ ﺭﺩﻳﺖ ﻋﻠﻴﻪ ..
ﺑﻠﻴﻞ ﺍﻟﺴﺎﻋﻪ 10 ﺍﺟﻪ ﻋﻠﻴﻪ ﻋﻤﺎﺭ .. ﻭﺍﺧﺬﻧﻲ .. ﺭﺟﻌﺖ ﻟﻠﺒﻴﺖ ﺍﻭﻭﻑ ﻏﺮﻓﺘﻲ ﺷﻤﺴﻮﻳﻦ ﺑﻴﻬﺎ
ﻛﺘﻠﻪ ﺟﻬﺎﻟﻚ ﺷﻮﻛﺖ ﺍﺟﻮ ﻣﻮ ﺟﺎﻧﻮ ﻋﺪ ﺍﻣﻬﻢ
- ﻫﻴﻪ ﻫﺎﻱ ﺗﺘﺤﻤﻠﻬﻢ .. ﺳﺎﻋﻪ ﻭﺗﻜﻠﻬﻢ ﻳﻠﻪ ﺭﻭﺣﻮ ﻻﺑﻮﻛﻢ ..
- ﻳﻌﻨﻲ ﺑﺮﺑﻚ ﺑﻴﻪ ﺣﻴﻞ ﺍﻧﻀﻒ ﻫﺴﻪ .
- ﻋﻮﻓﻴﻬﺎ ﺑﺎﺟﺮ ﺍﻟﺼﺒﺢ ..
- ﻟﻤﻴﺖ ﺍﻟﻐﺮﺍﺽ ﺍﺷﻮﻥ ﻣﺎ ﺟﺎﻥ .. ﺍﺟﻴﺖ ﻋﻠﻰ ﻓﻠﻮﺳﻲ . ﻟﻜﻴﺖ ﻣﺄﺧﻮﺫﻛﻨﻬﺎ ..100 ﺍﺳﺘﻐﺮﺑﺖ .. ﻣﻨﻮ ﺷﺎﻳﻞ ﻣﻦ ﺭﺍﺗﺒﻲ ..
ﺯﻳﻦ ﺿﺎﻣﺘﻪ ﺟﻮﻩ ﺍﻟﻬﺪﻭﻡ ﺑﻌﻠﺒﻪ .. ﻣﻨﻮ ﻭﺻﻠﻠﻬﻢ .. ﺧﻞ ﺍﺳﺄﻝ ﻋﻤﺎﺭ ..
- ﻋﻤﺎﺭ ﻣﺎﺧﺬ ﻓﻠﻮﺱ ﻣﻦ ﻋﻨﺪﻱ ..
- ﻣﻨﻴﻦ ﻳﻌﻨﻲ ..
- ﻣﻦ ﻛﻨﺘﻮﺭﻱ ﺭﺍﺗﺒﻲ ﺿﺎﻣﺘﻪ ﺟﻮﻩ ﺍﻟﻤﻼﺑﺲ .. ﻭﻫﺴﻪ ﻧﺎﻗﺼﺎﺕ 100
- ﻻ ﻣﻤﺎﺧﺬ .. ﺍﺗﺄﻛﺪﻱ ﺯﻳﻦ ﺧﺎﻑ ﺳﺎﺣﺒﻪ ﻣﻨﻬﻦ ﻭﻣﺘﺪﺭﻳﻦ ..
- ﻻﺍﺍ ﻭﻫﻮﻩ ﺍﻧﻲ ﺭﺩﺕ ﺍﺗﻔﻘﺪﻫﻦ ﻻﻥ ﺷﻔﺖ ﺍﻟﻤﻼﺑﺲ ﺍﻟﻤﺼﻔﻄﺘﻬﺎ ﻓﻮﻙ ﺍﻟﻌﻠﺒﻪ ﻣﻜﻠﻮﺑﺎﺕ ﻭﻣﺒﻌﺜﺮﺍﺕ ..
- ﻣﺎ ﺍﻋﺮﻑ . ﺷﻮﻓﻲ ﺧﺎﻑ ﻭﺍﻛﻌﺎﺕ ﻫﻴﻪ ﺍﻟﻐﺮﻓﻪ ﻫﻮﺳﻪ ..
- ﺧﻞ ﺍﻧﻀﻒ ﺍﻟﻐﺮﻓﻪ ﻭﺍﺷﻮﻓﻬﻢ . ﺩﺍ ﺍﻣﺸﻲ ﺟﺮ ﺍﻳﺪﻱ ﻭﻳﻜﻮﻟﻲ ﻋﻮﻓﻴﻬﻢ ﺍﺭﻳﺪﺝ ﻳﻤﻲ ﻣﺸﺘﺎﻗﻠﺞ ..
ﺭﺣﺖ ﻳﻤﻪ . ﺑﺲ ﺍﺣﺲ ﻣﺎﻛﻮ ﺍﻱ ﻣﺸﺎﻋﺮ ﺍﺑﻴﺘﻨﻪ .. ﻫﻮﻩ ﻟﻬﻔﺘﻪ ﻗﻮﻳﻪ ﻋﻠﻴﻪ .. ﻭﺍﻧﻲ ﺍﺑﺪ ﻣﻴﺖ ..
ﻛﻤﺖ ﺣﺘﻰ ﺍﺿﻮﺝ ﻣﻨﻪ ﺍﺻﻼ ﻣﻦ ﻳﺮﻳﺪ ﻫﻴﺞ .. ﻣﺮﺍﺕ ﺍﺳﺄﻝ ﻧﻔﺴﻲ ﺍﻧﻲ ﻫﻴﺞ ﺑﻼ ﻣﺸﺎﻋﺮ ﻟﻮ ﻻﻥ ﻣﺎ ﺍﺣﺒﻪ ..
.....
ﻭﺍﺭﺟﻊ ﺍﺗﺨﺎﻳﻠﻪ ﺑﻜﺮ ﺍﻛﻮﻝ ﺍﻭﻑ ﻟﻮ ﺑﻜﺮ ﺟﺎﻥ ﻃﺮﺕ ﻓﺮﺡ ﻭﺍﺣﻴﺮ .. ﺍﺳﺘﻐﻔﺮ ﺍﻟﻠﻪ ﺷﺠﺎﻱ ﺍﻓﻜﺮ ﺍﻧﻲ .. ﻳﺮﺑﻲ ﺍﺑﻌﺪﻩ ﻣﻦ ﺗﻔﻜﻴﺮﻱ ﺍﺑﻌﺪﻩ ..
ﻧﻤﺖ .. ﻟﺜﺎﻧﻲ ﻳﻮﻡ ﺍﻟﺼﺒﺢ ﻛﻌﺪﺕ .. ﻧﺰﻟﺖ ﻟﻠﺠﻬﺎﻝ .. ﻟﻜﻴﺘﻬﻢ ﻛﺎﻋﺪﻳﻦ .. ﻏﻴﺮﺗﻠﻬﻢ ﻣﻼﺑﺴﻬﻢ .. ﺩﺍ ﺍﻟﻢ ﺍﻓﺮﺍﺷﺎﺗﻬﻢ ﻭﻟﻜﻴﺖ 100 ﺍﻟﻒ ﺟﻮﻩ ﻣﺨﺪﺓ ﻭﻟﻴﺪ ..
ﻛﺘﻠﻪ ﻭﻟﻴﺪ ﻫﺎﻱ ﺷﻨﻮ .. ﻛﺎﻝ ﻓﻠﻮﺱ ﻣﺎﻣﺎ .. ﻛﺘﻠﻪ ﻻ ﻣﺎﺧﺬﻫﻢ ﻣﻦ ﻓﻮﻙ .. ﻛﺎﻝ ﻻ ﻭﺍﻟﻠﻪ ﻓﻠﻮﺱ ﻣﺎﻣﺎ ﺍﺭﻳﺪ ﺍﻭﺩﻳﻬﺎ ﺍﻟﻬﺎ ..
ﻭﺿﻞ ﻳﺘﻌﺎﺭﻙ ﻭﻳﺎﻳﻪ ﻳﺮﻳﺪ ﺍﻝ 100 ﻛﺘﻠﻪ ﻳﻜﻌﺪ ﺍﺑﻮﻙ ﻭﺍﻧﻄﻴﻬﻤﻴﺎﻩ .. ﺍﺷﻮ ﻫﺬﺍ ﺭﺍﺡ ﻳﺒﺠﻲ ﻟﺒﻴﺒﻴﺘﻪ .. ﻭﺍﺟﺘﻨﻲ ﺗﺮﻛﺾ ﻭﺗﻬﺪﻩ ..
- ﺍﺗﻬﻤﻴﻦ ﺍﺑﻦ ﺍﺑﻨﻲ ﺑﻮﺍﺍﺍﻙ .. ﻭﻟﺞ ﺑﺖ ﺍﻟﻔﻜﺮ ﺗﺒﻮﻛﻴﻨﻪ
- ﻭﻫﻮﻩ ﻣﻨﻮ ﻣﺒﻮﻛﻪ .. ﻓﻠﻮﺱ ﻣﻦ ﻋﻨﺪﻱ ﻧﺎﻗﺼﻪ ﻓﻮﻙ .. ﻟﻜﻴﺘﻬﻢ ﺟﻮﻩ ﻣﺨﺪﺗﻪ .. ﺍﺷﻮ ﻫﺎﻱ ﺟﺮﻳﻨﻲ ﻣﻦ ﺷﻌﺮﻱ ﻭﻓﺮﻛﻲ ﺍﻳﺪﻱ ﻭﺍﺧﺬﻱ ﺍﻟﻔﻠﻮﺱ ..
ﻭﺗﺼﻴﺢ ﻭﺗﻐﻠﻂ ﺻﺤﺖ ﺍﻧﺘﻲ ﺷﻨﻮ ﻭﺗﻀﺮﺑﻴﻨﻲ .. ﻭﺍﻟﻔﻠﻮﺱ ﺍﻟﻲ .. ﺍﺫﺍ ﻣﺘﺮﺟﻌﻴﻬﻢ ﻣﻴﺼﻴﺮ ﺧﻴﺮ ..
ﻧﺰﻝ ﻋﻤﺎﺭ .. ﻛﺎﻝ ﺷﻜﻮ .. ﻛﺘﻠﻪ ﺍﻝ 100 ﻟﻜﻴﺘﻬﻢ ﺟﻮﻩ ﻣﺨﺪﺓ ﻭﻟﻴﺪ ﻭﻳﻜﻮﻟﻲ ﻣﺎﻝ ﺍﻣﻪ ..
ﻛﺎﻝ ﺍﻧﻲ ﺍﺷﻮﻑ ﺷﻐﻠﻲ ﻭﻳﺎﻩ ﻫﺬﺍ .. ﺻﺎﺡ ﻭﻟﻴﻴﺪ .. ﺻﺎﺣﺖ ﺑﻴﻪ ﺍﻣﻪ ﻭﺗﺼﺪﻙ ﻣﺮﺗﻚ ﻭﺗﺠﺬﺏ ﺍﺑﻨﻚ ..
ﻛﺎﻟﻠﻬﺎ ﻳﻤﻪ ﻭﻟﻴﺪ ﻣﺴﺘﻬﺘﺮ ﻭﻟﻌﺒﺖ ﺭﻭﺣﻲ ﻣﻨﻪ .. ﺑﻘﺖ ﺗﺘﻌﺎﺭﻙ ﻭﻳﺎﻩ .. ﻭﺗﻜﻠﻪ ﻣﺎﺑﻴﻚ ﺧﻴﺮ ﺗﻜﺘﻞ ﺍﺑﻨﻚ ﻋﻠﻤﻮﺩ ﻫﺎﻱ ..
ﻟﻌﺒﺖ ﺭﻭﺣﻲ ﻣﻨﻬﻢ .. ﻟﺰﻣﺖ ﻋﻤﺎﺭ ﻭﻛﺘﻠﻪ ﻋﻮﻓﻬﻢ ﻟﺨﺎﻃﺮ ﺍﻟﻠﻪ ﻣﺎ ﺍﺭﻳﺪ ﺍﻟﻔﻠﻮﺱ ﻣﺎ ﺍﺭﻳﺪﻫﻢ ﺑﺲ ﻓﻜﻮﻧﻲ ..
ﺍﺧﺬﺕ ﻋﻤﺎﺭ .. ﻭﺻﻌﺪﺕ ﻓﻮﻙ .. ﻛﺘﻠﻪ ﻋﻤﺎﺭ ﻭﻟﻴﺪ ﻻﺯﻡ ﺗﺄﺩﺑﻪ ..
- ﻫﺎﻱ ﺛﺎﻟﺚ ﻣﺮﻩ ﻳﺴﻮﻳﻬﺎ .. ﻛﻢ ﻣﺮﻩ ﻳﺴﺤﺐ ﻣﻨﻲ ﻭﻳﺎﺧﺬﻫﻢ ﻻﻣﻪ ..
- ﻳﻌﻨﻲ ﻫﻴﻪ ﺗﻮﺻﻴﻲ ..
- ﺍﻱ ﻫﻴﻪ ﻛﻠﺒﻪ .. ﺗﻌﻠﻤﻬﻢ ﻋﻠﻰ ﻛﻠﺸﻲ ﻣﺎﺑﻴﻪ ﺧﻴﺮ ﺑﻨﺖ ﺍﻟﺴﻜﻂ ..
- ﺍﺫﺍ ﻫﻴﺞ ﻟﻴﺶ ﺗﺨﻠﻴﻬﻢ ﻳﺮﺣﻮﻥ ﻳﻤﻬﺎ ﺍﻣﻨﻌﻬﻢ ..
- ﺗﻘﺒﻞ ﻏﻴﺮ ﺗﻜﻠﺐ ﺍﻟﺪﻧﻴﺎ ﺑﺎﻟﻤﺤﺎﻛﻢ ..
- ﺷﻔﺘﻬﺎ ﻫﻴﺞ .. ﺗﺤﺴﺒﺖ ﻋﻠﻴﻬﻢ .. ﻭﻋﻔﺘﻬﻢ ﻳﻢ ﺍﻟﻠﻪ .. ﻧﺰﻟﺖ ﻋﻠﺪﺭﺝ ﺩﺍ ﺍﺭﻳﺪ ﺍﻧﻀﻒ ..
ﺟﺎﻥ ﺍﺳﻤﻊ ﺍﻟﺤﺠﻴﻪ ﺗﺤﺠﻲ ﻭﻳﻪ ﻭﻟﻴﺪ ﻭﺗﻜﻠﻪ ﻋﻔﻴﻪ ﻫﻴﺞ ﺍﺭﺑﺪﻙ ﺗﺎﺧﺬ ﻓﻠﻮﺱ ﻣﻦ ﺍﺑﻮﻙ ﻭﺗﻨﻄﻴﻨﻴﺎﻫﻦ .. ﻋﻠﻤﻮﺩ ﺍﻧﻄﻴﻚ ﻣﻨﻬﺎ 5 ﺍﻻﻑ ..
ﻭﻫﻮﻩ ﻓﺮﺣﺎﻥ ﺍﻟﻄﻔﻞ ﺑﻠﻔﻠﻮﺱ ..
ﻃﻠﻊ .. ﺍﻧﻲ ﻭﻛﻔﺖ ﺍﺑﺎﻭﻋﻠﻬﺎ ﻣﻦ ﺍﻟﺸﺒﺎﻙ ﻣﻜﺴﻮﺭ ﺍﻟﺠﺎﻡ ﺷﻮﻱ .. ﺷﻔﺘﻬﺎ ﻭﻳﻦ ﺿﻤﺘﻬﻢ ..
ﻭﺻﻌﺪﺕ ﻟﻌﻤﺎﺭ .. ﻛﺘﻠﻪ ﺷﻜﺪ ﺍﺧﺬ ﻣﻨﻚ ﻭﻟﻴﺪ ﻗﺒﻞ ..
- ﺷﻜﻮ ﻟﻴﺶ ..
- ﺑﺲ ﻛﻮﻝ ..
- ﻣﺎ ﺍﻋﺮﻑ ﻳﻤﻜﻦ 300 ﺍﻟﻒ
- ﻫﺎﺍﺍﺍ ﺯﻳﻦ .. ﺗﺎﻧﻴﺖ ﻟﺜﺎﻧﻲ ﻳﻮﻡ .. ﺑﺪﻟﺖ ﻟﻠﻤﺪﺭﺳﻪ ﻭﻛﻤﻠﺖ ﺟﺎﻥ ﺑﻴﻮﻣﻬﺎ ﺍﻧﻲ ﺿﻬﺮﻱ ﺩﻭﺍﻣﻲ .. ﺩﺧﻠﺖ ﺍﻟﻐﺮﻓﻪ ﺍﻟﻀﻤﺖ ﺍﻟﻔﻠﻮﺱ ﺑﻴﻬﺎ ..
ﻏﺮﻓﻪ ﺑﺲ ﻟﻠﻐﺮﺍﺽ ﺩﻭﺍﺷﻚ ﻓﺮﺍﺷﺎﺕ ﻫﻴﺞ .. ﻫﻮﺳﻪ .. ﻭﻫﻴﻪ ﺿﺎﻣﻪ ﺍﻟﻔﻠﻮﺱ ﺟﻮﻩ ﺍﻟﻨﻀﺪﻩ ..
ﺑﺎﻭﻋﺖ ﻫﻴﻪ ﻛﺎﻋﺪﻩ ﺑﺎﻟﺼﺎﻟﻪ ﻋﺘﻠﻔﺰﻳﻮﻥ ﻭﺷﻴﻤﺎﺀ ﻳﻤﻬﺎ .. ﺷﻠﺖ ﺍﻟﻨﻀﺪﻩ ﻟﻜﻴﺘﻬﺎ ﻛﻠﻬﺎ ﻓﻠﻮﺱ ﻣﻠﻔﻮﻓﺎﺕ .. ﺍﺧﺬﺕ ﻣﻨﻬﻢ 400 ﺍﻟﻒ ﺧﻠﻴﺘﻬﺎ ﺑﺠﻨﻄﺘﻲ ﻭﻃﻠﻌﺖ ﻟﻠﻤﺪﺭﺳﻪ ..
ﺭﺣﺖ ﺩﺍﻭﻣﺖ ﺑﻴﻮﻣﻬﺎ ﺍﻧﻄﻮﻧﻲ ﺭﺍﺗﺒﻲ 600 ﺍﻟﻒ .. ﻃﺒﻜﺘﻬﻦ ﺳﻮﻳﺘﻬﺎ ﻣﻠﻴﻮﻥ ﻭﺧﺎﺑﺮﺕ ﻋﻤﺎﺭ ﻳﺠﻴﻨﻲ ..
ﺍﺟﻪ ﺍﺧﺬﻧﻲ ﺑﺘﻜﺴﻲ .. ﻛﺘﻠﻪ ﻫﺎﻙ ﻫﺬﺍ ﻣﻠﻴﻮﻥ ﺻﻠﺢ ﺳﻴﺎﺭﺗﻚ .. ﻛﺎﻝ ﻣﻨﻴﻦ ﺟﺒﺘﻲ .. ﻛﺘﻠﻪ ﺍﺳﺘﻠﻤﺖ ﺭﺍﺗﺐ ﻭﺍﻟﺒﻘﻴﻪ ﺍﺩﺍﻳﻨﺘﻬﺎ ﻣﻦ ﺯﻣﻴﻠﺘﻲ ﻣﺪﺭﺳﻪ ﻭﻳﺎﻱ
ﺧﻄﻴﻪ ﺑﺎﺱ ﺭﺍﺳﻲ ﻣﻦ ﺍﻟﻔﺮﺡ .. ﺭﺟﻌﻨﻲ ﻟﻠﺒﻴﺖ ﻭﻫﻮﻩ ﻃﻠﻊ .. ﺟﺮ ﺳﻴﺎﺭﺗﻪ ﻭﺑﻘﻰ ﻳﺼﻠﺢ ﺑﻴﻬﺎ 4 ﺍﻳﺎﻡ ﺭﺟﻌﻬﺎ ﺟﺪﻳﺪﻩ ﺟﺎﻡ ﻭﺻﺒﻎ ﻭﺗﻘﻨﻴﺎﺕ ﻛﻤﻠﺖ ..
ﻭﺍﻟﺤﺠﻴﻪ ﻣﺎ ﺍﻧﺘﺒﻬﺖ ﻟﻠﻔﻠﻮﺱ .. ﻭﺭﻩ ﻣﺎ ﺍﺷﺘﻐﻠﺖ ﺳﻴﺎﺭﺓ ﻋﻤﺎﺭ ﻭﺗﺼﻠﺤﺖ .. ﺩﺭﺕ ﺑﻌﺪ 6 ﺍﻳﺎﻡ ﻛﺒﺖ ﻋﻄﻴﺘﻬﺎ ﺑﺎﻟﺒﻴﺖ
ﻭﻟﻜﻦ ﺍﻟﺤﻜﻮﻭﻭﻭﻭﻭﻟﻲ .. ﻧﺰﻟﻨﻪ ﻧﺮﻛﺾ .. ﺍﻧﻲ ﻭﻋﻤﺎﺭ ﻛﺘﻠﻬﺎ ﻫﺎ ﺣﺠﻴﻪ .. ﻛﺎﻟﺖ ﺑﺎﻛﻮﻧﻲ ﻋﻤﺎﺭ ﻛﺎﻟﻠﻬﺎ ﺷﻜﺪ ﻳﻤﻪ ﺷﻮﻛﺖ ..
ﻛﺎﻟﺘﻠﻪ ﻣﺎ ﺍﺩﺭﻱ ﻓﻠﻮﺳﻲ ﻧﺎﻗﺼﻪ 400 ﺍﻟﻒ .. ﻋﻤﺎﺭ ﺻﺎﺡ ﻭﻟﻴﻴﻴﻴﺪ .. ﻭﻟﻴﺪ ﻗﻔﻞ ﺍﻟﺒﺎﺏ ﻣﻦ ﺍﻟﺨﻮﻑ ﻭﻳﺒﺠﻲ ﻭﻳﻜﻮﻝ ﺑﺎﺑﺎ ﻭﺍﻟﻠﻪ ﻣﺎ ﻣﺎﺧﺬ ..
ﻭﻋﻤﺎﺭ ﻻﺯﻡ ﺻﻮﻧﺪﻩ ﻭﻳﺪﻙ ﻋﻠﺒﺎﺏ .. ﻭﻛﻔﺖ ﺍﻟﺤﺠﻴﻪ ﺗﻜﻠﻪ ﻻ ﻻ ﻫﺎﻱ ﻣﺮﺗﻚ ﺑﺎﻛﺘﻨﻲ .. ﻛﺘﻠﻬﺎ ﺧﺎﻓﻲ ﺍﻟﻠﻪ ﺣﺠﻴﻪ ..
ﻟﻮ ﻣﺎ ﺍﻧﻲ ﻫﻢ ﺍﻧﻮﺧﺬﺕ ﻓﻠﻮﺳﻲ ﻗﺒﻞ ﻛﻢ ﻳﻮﻡ ﻭﻛﺘﻮﻟﻲ ﺍﺳﻜﺘﻲ ﻭﺳﻜﺘﺖ .. ﻋﻤﺎﺭ ﻛﺎﻟﻠﻬﺎ ﻻ ﺍﻋﺮﻓﻬﺎ ﻫﺎﻱ ﺍﻟﻜﻠﺒﻪ ﺗﻌﻠﻢ ﻭﻟﺪﻫﺎ ﻳﺒﻮﻛﻮﻥ ..
ﻭﻫﻴﻪ ﺗﺼﺮﺥ ﻻﺍﺍ ﻭﻟﻴﺪ ﻣﺎ ﺍﺧﺬﻫﻦ ﻫﻴﻪ ﺍﺧﺬﺗﻬﻦ ﻣﺮﺗﻚ .. ﺍﻧﻮﺏ ﻋﻤﺎﺭ ﻛﺎﻡ ﻳﺘﻌﺎﺭﻙ ﻭﻳﻪ ﺍﻣﻪ ..
ﻭﻫﻴﻪ ﺗﻜﻮﻟﻪ ﻭﻟﻚ ﺍﻧﺘﻪ ﻟﻴﺶ ﺍﻏﻢ ﻭﺍﻟﻠﻪ ﻣﻄﻴﺢ ﺻﺒﻐﻚ .. ﻭﻟﻚ ﺍﻛﻠﻚ ﻫﻴﻪ ﻣﺎﺧﺬﺗﻬﻦ .. ﻳﻜﻠﻬﺎ ﻫﺎﻱ ﺍﻟﻜﺪﺍﻣﺞ ﺍﻟﺘﺤﺠﻴﻦ ﻋﻠﻴﻬﺎ ﺷﺎﻟﺖ ﻣﻠﻴﻮﻥ ﺑﺪﻭﻥ ﺗﺮﺩﺩ ﻭﺍﻧﻄﺘﻨﻴﺎﻫﻦ ..
ﻣﻮ ﻣﺜﻠﺞ ﺗﻮﺳﻠﺖ ﺑﻴﺞ ﺗﻨﻄﻴﻨﻲ ﺍﺻﻠﺢ ﺳﻴﺎﺭﺗﻲ ﻣﺎ ﻗﺒﻠﺘﻲ .. ﻛﺎﻟﺘﻠﻪ ﻳﻞ ﺍﻏﻢ .. ﺑﺎﻛﺖ ﻓﻠﻮﺳﻴﻴﻴﻴﻴﻴﻲ ﻭﻧﻄﺘﻜﻴﺎﻫﻢ ..
ﻛﺘﻠﻪ ﻋﻤﺎﺭ ﺟﻴﺐ ﺍﻟﻘﺮﺍﻥ ﻭﺍﺣﻠﻔﻠﻚ .. ﻛﻞ ﻓﻠﺲ ﻣﻨﻬﺎ ﺍﻧﻲ ﻣﺎ ﻣﺎﺧﺬﻩ .. ﻭﻣﺴﺘﻌﺪﻩ ﺍﺣﻠﻒ .. ﻭﺍﺫﺍ ﺭﺍﺡ ﺗﺒﻘﻴﻦ ﺗﺘﻬﻤﻴﻨﻲ ﻓﺄﻟﻲ ﺍﻫﻞ ﻭﺍﻟﻲ ﻋﻤﺎﻡ ﻫﻤﻪ ﻳﺘﺼﺮﻓﻮﻥ ﻭﻳﺤﺠﻮﻥ ﻋﻨﻲ ..
ﻋﻤﺎﺭ ﺳﻤﻊ ﻫﻴﺞ ﻭﺗﺨﺒﻞ ﻛﺎﻡ ﻳﺘﻌﺎﺭﻙ ﻭﻱ ﺍﻣﻪ .. ﻭﻫﻴﻪ ﺗﺼﻴﺢ ﺑﺎﻛﺘﻨﻲ ﺍﻟﺰﺭﻛﻪ ﺑﺎﻛﺘﻨﻴﻴﻴﻴﻲ .. ﻋﺎﻓﻬﺎ ﻭﻃﻠﻊ .. ﺍﻧﻲ ﺩﻛﻴﺖ ﺍﻟﺒﺎﺏ ﻋﻠﻰ ﻭﻟﻴﺪ ..
ﻛﺘﻠﻪ ﺍﻓﺘﺢ ﺭﺍﺡ ﻳﺠﻲ ﺑﺎﺑﺎ .. ﻓﺘﺢ .. ﺩﺧﻠﺖ ﻭﺑﺴﺘﻪ .. ﻛﺘﻠﻪ ﺍﻧﻲ ﺍﻋﺮﻑ ﺑﻴﺒﻲ ﺗﻜﻮﻟﻚ ﺍﺧﺬ ﻣﻦ ﺑﺎﺑﺎ ﻣﻮﻭ . ﺳﻜﺖ ..
ﻛﺘﺒﻪ ﻟﻌﺪ ﻟﻴﺶ ﺗﻜﻮﻝ ﻣﺎﻣﺎ .. ﻛﺎﻝ ﻫﻴﻪ ﺗﻜﻠﻲ ﻛﻮﻝ ﻣﺎﻣﺎ ﻛﺘﻠﻪ ﻻﺍﺍ ﻋﻴﺐ ﺑﻌﺪ ﺍﺫﺍ ﻃﻠﺒﺖ ﺑﻴﺒﻲ ﻣﻨﻚ .. ﻛﻮﻟﻲ ﻭﺍﻧﻲ ﺍﺗﺼﺮﻑ ﻭﻳﺎﻫﺎ ﺍﻭﻙ ..
ﻭﺍﻟﻚ ﻣﻨﻲ ﻣﺼﺮﻑ ﺑﻌﺪ ﻳﻮﻣﻴﻪ ﺍﻟﻒ . ﻣﺎﺷﻲ .. ﺣﻈﻨﻲ ﻭﺑﻘﻰ ﻳﺒﺠﻲ ﺧﻮﻑ ﻇﻦ ﺍﺑﻮﻩ .. ﺣﻈﻨﺘﻪ ﻭﺑﻮﺳﺘﻪ .. ﻭﺧﻠﻴﺘﻪ ﺑﺤﻈﻨﻲ ..
ﻧﻮﻣﺘﻪ .. ﻭﺻﻌﺪﺕ .. ﺍﻟﺤﺠﻴﻪ ﺑﻴﻮﻣﻬﺎ ﻣﺎ ﺗﺤﻤﻠﺖ ﻣﻦ ﺍﻟﺼﺪﻣﻪ ﺑﻘﺖ ﺗﺤﺠﻲ ﺗﺤﺠﻲ ﻭﺗﺼﻴﺢ ﺑﺎﻛﺘﻨﻲ ﻟﺤﺪ ﻣﺎ ﺻﺎﻋﺪ ﻋﺪﻫﺎ ﺍﻟﺴﻜﺮ ﻭﻭﺍﻛﻌﻪ ..
ﺷﺎﻟﻬﺎ ﻋﻤﺎﺭ ﻭ ﺷﻴﻤﺎﺀ ﻟﻠﻤﺴﺘﺸﻔﻰ .. ﺣﺴﻴﺖ ﺑﺘﺄﻧﻴﺐ ﺍﻟﻀﻤﻴﺮ ﺧﻄﻴﻪ ﻣﻮﺗﺖ ﺍﻟﻤﺮﻩ .. ﺑﺲ ﺗﺴﺘﺎﻫﻞ ﻣﺤﺪ ﻛﺎﻟﻠﻬﺎ ﺗﻤﺪ ﺍﻳﺪﻫﺎ ﻋﻠﻰ ﻣﺎﻝ ﻏﻴﺮﻫﺎ
ﻭﻫﻴﻪ ﻓﻠﻮﺳﻬﺎ ﻣﺘﻠﺘﻠﻪ .. ﻟﺸﻮﻱ ﺟﺎﺑﻮﻫﺎ .. ﻧﺎﻳﻤﻪ ﻭﺗﺼﻴﺢ ﺍﺥ ﻓﻠﻮﺳﻲ ﻳﻤﻪ .. ﺑﺎﻛﺘﻨﻲ ﺳﻤﻴﺮﻩ ﺍﻟﺰﺭﻛﻪ ..
ﺍﻧﻲ ﺍﺿﺤﻚ ﺑﺪﺍﺧﻠﻲ ﻋﻤﺎﺭ ﺑﺎﻭﻋﻠﻲ ﺍﺑﺘﺴﻢ .. ﻛﺎﻝ ﺷﺒﻴﻬﺎ ﺍﻣﻲ .. ﻛﺘﻠﻪ ﺷﻤﺪﺭﻳﻨﻲ ..
ﻗﺒﻞ ﺍﻟﺰﻭﺍﺝ ﺳﻤﻮﺭﻩ ﻭﺳﻤﻮﺭﻩ ﻭﺷﺤﻼﺗﺞ ﻭﺍﺣﺒﺞ .. ﻭﺭﻩ ﺍﻟﺰﻭﺍﺝ ﺳﻤﻴﺮﻩ ﺍﻟﺰﺭﻛﻪ .. ﻫﻬﻬﻬﻪ ﻫﺬﺍ ﻫﻢ ﺣﻈﻲ ﺑﻘﻰ ﻳﻀﺤﻚ ﻫﻮﻩ ﻭ .. ﻳﺘﺒﻊ
🌺🌺🌺🌺🌺🌺
ﺍﺥ ﻣﻦ ﺍﻟﻌﺠﺎﻳﺰ ﻭﻻ ﻳﻜﻌﺪﻥ ﺭﺍﺣﻪ ﺍﻣﻬﺎﺕ ﻓﻠﻴﺲ ..
ﻫﻢ ﻋﺪﻛﻢ ﻣﻦ ﺍﻡ ﻋﻤﺎﺭ .. ﺍﻟﻠﻲ ﻗﺒﻞ ﺍﻟﺰﻭﺍﺝ ﺗﺒﻮﺱ 😚 ﻭﻭﺭﻩ ﺍﻟﺰﻭﺍﺝ ﺍﺧﺨﺦ ﺗﻔﻮ ﻭﺍﻟﺰﺭﻛﻪ ﻫﻬﻬﻬﻪ
ﻭﻫﺎﻱ ﺭﻓﻌﺖ ﺍﻟﺘﻮﺗﺮ ﺷﻮﻱ ﻭﺧﻔﻔﺖ ﺍﻟﺤﺰﻥ .. ﻭﺩﺍﺋﻤﺎ ﻣﻦ ﺍﺿﺤﻜﻢ ﺍﺣﻈﺮﻛﻢ ﻝ 😈 ﺗﺎﺑﻌﻮ ﻭﺷﺎﺭﻛﻮﻧﻲ ﺍﺭﺍﺋﻜﻢ
ﻣﺘﺎﺑﻌﻪ ﻣﻤﺘﻌﻪ ﻟﻠﺠﻤﻴﻊ
🌿🌿🌿🌿🌿🌿🌿🌿🌿
ﻣﺸﺖ ﺍﻻﻳﺎﻡ .. ﻭﻋﻤﺎﺭ ﺭﺟﻊ ﻳﺎﺧﺬﻧﻲ ﻭﻳﺠﻴﺒﻨﻲ ﺑﺨﻂ ﺑﺴﻴﺎﺭﺗﻪ .. ﻛﺎﻡ ﻳﺎﺧﺬ ﺑﺲ ﺍﻟﻄﺎﻟﺒﺎﺕ .. ﺑﺲ ﺳﺖ ﻧﺮﻣﻴﻦ ﻳﻜﻮﻟﻲ ﻣﺎ ﺍﺭﻭﺣﻠﻬﺎ ﺑﻌﺪﺩ ..
ﻃﺮﻳﻖ ﺑﻴﺘﻬﺎ ﺻﻌﺐ .. ﻧﺘﺄﺧﺮ ﻛﻞ ﻣﺮﻩ ﻣﻦ ﻭﺭﺍﻫﺎ .. ﺍﺳﺘﻐﺮﺑﺖ ﻟﻴﺶ ﻫﻴﺞ ﻳﺤﺠﻲ .. ﻋﺎﺗﺒﺘﻨﻲ ﻫﻴﻪ ﻟﻴﺶ ﻣﻴﺠﻲ ..
ﺷﻨﻮ ﺻﺎﺭ ﺯﻭﺟﺞ ﻭﻋﺰﺯﺗﻲ ﻋﻠﻴﻨﻪ .. ﻛﺘﻠﻬﺎ ﺷﻨﻮ ﻋﺰﺯﺗﻪ . ﻫﻮﻩ ﺧﻂ .. ﺑﺎﻟﻌﻜﺲ ﻟﻮ ﺍﺧﺬﺝ ﻧﺴﺘﻔﺎﺩ ﺑﻔﻠﻮﺳﺞ ..
ﺑﺲ ﻫﻮﻩ ﻳﻜﻮﻝ ﻧﺘﺄﺧﺮ .. ﺗﻔﺎﻫﻤﻲ ﻭﻳﺎﻩ ﻟﺪﺧﻠﻴﻨﻲ ﺑﺎﻟﻤﻮﺿﻮﻉ ..
ﺍﻧﻲ ﺍﺑﺪ ﻣﻮ ﻧﺒﻪ ﻭﻏﺒﻴﻪ .. ﻛﻞ ﻫﻼﺷﺎﺭﺍﺕ .. ﻭﺍﺑﺪ ﻣﺤﻄﻴﺖ ﺑﺎﻟﻲ ﻋﻠﻰ ﺷﻲ ..
ﻭﺻﻠﻨﻲ ﺍﻟﻴﻮﻡ ﻫﻮﻩ ﻟﻠﺪﻭﺍﻡ .. ﺩﺧﻠﺖ ﻟﻠﻤﺪﺭﺳﻪ .. ﻟﻌﺒﺖ ﻧﻔﺴﻲ .. ﻣﺎ ﺍﻋﺮﻑ ﻟﻴﺶ ..
ﺭﻏﻢ ﺍﻟﺪﻧﻴﺎ ﺑﺎﺭﺩﻩ .. ﺍﻛﻮ ﻭﺭﻭﺩ ﺑﺎﻟﻤﺪﺭﺳﻪ ﺯﻏﺎﺭ ﺑﺲ ﻋﻄﺮﻫﻢ ﺣﻴﻞ ﻓﻮﺍﺡ ﺑﺎﻟﻤﺪﺭﺳﻪ ..
ﻣﻦ ﺍﺷﺘﻤﻪ ﺭﻭﺣﻲ ﺗﻄﻠﻊ .. ﺍﺣﺲ ﺍﺭﻳﺪ ﺍﺫﺏ ﻣﻌﺪﺗﻲ ﻛﻠﻬﺎ .. ﺍﻟﻴﻮﻡ ﻻ ﻛﻤﺖ ﻓﻌﻼ ﺍﺗﻘﻴﺊ ﻣﻨﻬﻢ ..
ﺩﺍ ﺍﺩﺭﺱ .. ﺳﻤﻌﺖ ﺻﻮﺕ ﺍﻻﺫﺍﻥ .. ﺗﺬﻛﺮﺕ ﺍﻻﺫﺍﻥ .. ﻣﻊ ﺍﻻﺫﺍﻥ ﺍﺫﻛﺮﺕ ﻋﺎﺩﺗﻲ ﺍﻟﺸﻬﺮﻳﻪ .. ﺻﺎﺭ ﺷﻬﺮ ﻭﻧﺺ ﻣﺎﻛﻮ ..
ﻣﻌﻘﻮﻟﻪ ﺣﺎﻣﻞ .. ﻛﻤﻠﺖ ﺩﺭﻭﺳﻲ .. ﻭﻗﺒﻞ ﺍﻟﺪﺭﺱ ﺍﻻﺧﻴﺮ ﻃﻠﻌﺖ .. ﺟﺎﻥ ﺩﻧﻴﺎ ﺍﻟﻌﺼﺮ . ﻃﻠﻌﺖ ﻋﻠﺸﺎﺭﻉ ﺍﻟﻌﺎﻡ ﻣﺎﻝ ﺍﻟﻤﺪﺭﺳﻪ ..
ﺍﻛﻮ ﻣﺤﻼﺕ ﻭﻣﺨﺘﺒﺮﺍﺕ ﻫﻢ ﺍﻛﻮ .. ﺭﺣﺖ ﺳﻮﻳﺖ ﺗﺤﻠﻴﻞ ﺩﻡ .. ﻛﺎﻝ ﺭﺑﻊ ﺳﺎﻋﻪ .. ﻛﻌﺪﺕ ﺍﻧﺘﻀﺮ ..
ﺷﻮﻱ ﻭﺻﺎﺡ .. ﺳﻤﺮ ﻓﺮﺣﺎﻥ .. ﻛﻠﺖ ﻧﻌﻢ ﻭﻛﻤﺖ .. ﻛﺎﻝ ﺣﺎﻣﻞ ﻣﺒﺮﻭﻙ .. ﺳﻤﻌﺖ ﻫﻠﻜﻠﻤﻪ . ﺍﺣﺲ ﻃﺮﺕ ﻣﻦ ﺍﻟﻔﺮﺡ ..
ﺣﻴﻞ ﺍﺣﺐ ﺍﻻﻃﻔﺎﻝ ﻭﺍﺗﻤﻨﻰ ﻳﻜﻮﻥ ﻋﻨﺪﻱ ﻫﻴﺞ ﻃﻔﻞ ﻣﺜﻞ ﺍﻟﻌﺎﺑﻴﻪ ﺍﺩﺍﺭﻳﻪ .. ﻟﻠﺤﻈﻪ ﺍﺗﺬﻛﺮﺕ ﺑﻜﺮ ..
ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ . ﺍﻭﻑ ﺟﻨﺖ ﺍﺗﻤﻨﻰ ﺍﻛﻮﻥ ﺍﺣﻤﻞ ﻃﻔﻞ ﺍﻟﻪ .. ﺑﺲ ﺍﻟﻠﻪ ﻣﻜﺎﺗﺒﻠﻲ ﻗﺴﻤﻪ ﻭﻳﺎﻩ ..
ﻳﻠﻪ ﺍﻟﺤﻤﺪﻟﻠﻪ ﺍﻟﻤﻬﻢ ﺣﻴﺼﻴﺮ ﻋﻨﺪﻱ ﻃﻔﻞ .. ﺍﺧﺬﺕ ﺍﻟﻨﺘﻴﺠﻪ .. ﻭﺭﺣﺖ ﺧﺎﺑﺮﺕ ﻋﻤﺎﺭ .. ﻛﺎﻝ ﺭﺍﺡ ﺍﻭﺻﻞ .. ﻛﺘﻠﻪ ﺍﻭﻙ ﺷﻮﻱ ﻭﻧﻄﻠﻊ ..
ﻣﻜﺘﻠﻪ ﺍﻧﻲ ﺑﺎﻟﻤﺨﺘﺒﺮ ﺭﺩﺕ ﺍﻓﺎﺟﺌﻪ .. ﺭﺣﺖ ﻟﻠﻤﺪﺭﺳﻪ .. ﻟﻜﻴﺖ ﻋﻤﺎﺭ ﺻﺎﻑ ﺍﻟﺨﻂ .. ﻭﻛﺎﻋﺪ ﻭﺭﻩ ﺍﻟﺴﺘﻴﺮﻥ ﻳﺨﺎﺑﺮ ..
ﺭﺩﺕ ﺍﻛﻤﺰﻩ .. ﺑﺲ ﺳﻤﻌﺘﻪ ﻳﺤﺠﻲ ..
ﻛﻠﺖ ﺧﻞ ﻳﻜﻤﻞ ﺍﺗﺼﺎﻟﻪ ﻭﺍﻛﻤﺰﻩ .. ﺑﻘﻴﺖ ﻭﺍﻛﻔﻪ .. ﻳﻜﻮﻟﻬﺎ ﻻ ﺗﻠﺰﻛﻴﻦ ﻋﺎﺩ ﻧﺮﻣﻴﻦ .. ﺍﻧﺴﻲ ﺍﻧﻲ ﻣﺘﺰﻭﺝ ﻫﺴﻪ .. ﺍﻱ ﺍﻱ ﺍﻋﺘﺒﺮﻳﻬﺎ ﻧﺰﻭﻩ ..
ﻣﺎ ﺍﻛﺪﺭ ﺳﻤﺮ ﻛﺎﻣﺖ ﺗﺸﻚ ﺑﻄﻠﻌﺎﺗﻲ ﺑﻠﻴﻞ ﻣﺎ ﺍﻛﺪﺭ ﺍﺟﻴﺞ ﺍﺑﺘﻌﺪﻱ ﻣﻨﻲ .. ﺑﻘﻴﺖ ﻣﺼﺪﻭﻣﻪ .. ﺿﻤﻴﺖ ﺍﻟﺘﺤﻠﻴﻞ ﺑﺠﻴﺐ ﺍﻟﺒﻨﻄﺮﻭﻥ ..
ﻭﺗﺮﺍﺟﻌﺖ .. ﻣﺎ ﺣﺎﺟﻴﺘﻪ .. ﻣﺎ ﺍﻋﺮﻑ .. ﻣﺎﻛﻮ ﻣﺸﺎﻋﺮ ﻣﺎ ﺍﺣﺲ ﺿﺎﻳﺠﻪ ﻋﻠﻴﻪ .. ﻻﻥ ﻣﺎ ﺍﺣﺒﻪ ﻣﺎ ﺍﻣﻠﻜﻠﻪ ﻣﺸﺎﻋﺮ ﻏﻴﺮﻩ ﻭﺍﻏﺎﺭ ﻋﻠﻴﻪ ..
ﺑﺲ ﺍﺣﺲ ﺗﻔﺸﻠﺖ .. ﻻﻥ ﺍﺟﻴﺖ ﺍﻓﺎﺟﺌﻪ ﺑﺤﻤﻠﻲ .. ﻳﻠﻪ ﻳﻤﻜﻦ ﺣﺘﻰ ﺑﻬﺎﻱ ﻣﻤﻘﺴﻮﻣﻠﻲ ﺍﻓﺮﺡ .. ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ ..
ﻭﻛﺘﻠﻪ ﺣﺒﻴﺐ ﺍﻣﻚ ﺍﻧﺘﻪ .. ﺍﻧﺘﻪ ﻓﺮﺣﺘﻲ ﺍﻟﻲ ﻭﺑﺲ ﻣﺎ ﺍﺗﺸﺎﺭﻛﻚ ﻭﻳﻪ ﺍﺣﺪ .. ﺳﻮﻳﺖ ﺭﻭﺣﻲ ﺟﺎﻳﻪ ﻋﻠﻴﻪ ﻭﻃﻠﻌﺖ ﺻﻮﺕ ﺑﺎﻟﺤﺬﺍﺀ ﺍﻧﺘﺒﻪ ﺑﺴﺎﻉ
🌿
ﻏﻠﻖ ﺍﻟﺠﻬﺎﺯ ﻭﻛﺎﻝ ﻫﻠﻮ ﺣﺒﻴﺒﺘﻲ .. ﻛﺘﻠﻪ ﻫﻠﻮ ﻋﻤﺎﺭ .. ﻳﻠﻪ ﻧﺮﻭﺡ .. ﻛﺎﻝ ﺑﺲ ﺧﻞ ﻳﺠﻮﻥ ﺍﻟﻄﺎﻟﺒﺎﺕ ..
ﻛﻌﺪﺕ ﻳﻤﻪ .. ﺍﺣﺲ ﺍﻟﻌﺮﻙ ﻳﻨﺰﻝ ﻣﻦ ﻛﺼﺘﻪ ﻭﻳﻤﺴﺢ ﺑﺎﺭﺗﺒﺎﻙ . ﻭﻳﺤﺎﻭﻝ ﻳﺨﻔﻲ ﺍﺭﺗﺒﺎﻛﻪ .. ﺧﺎﻳﻒ ﺧﺎﻑ ﺳﻤﻌﺖ ﺷﻲ ..
ﻛﺘﻠﻪ ﺷﺒﻴﻚ ﻋﻤﺎﺭ ..
- ﻣﺎ ﺑﻴﻪ ﺷﻲ ﺣﺒﻲ ..
- ﺍﻱ ﺯﻳﻦ .. ﺩﺭﺕ ﻭﺟﻬﻲ .. ﺷﻐﻞ ﺍﺣﺒﻴﻨﻲ ﺑﻼ ﻋﻘﺪﻱ .. ﺑﺎﻭﻋﺖ ﻫﻪ .. ﻋﻮﺩ ﻫﻢ ﺍﻟﻜﻪ ﻣﺜﻞ ﺑﻜﺮ ﺍﺣﺪ ﻳﻮﻓﻴﻠﻲ ﻭﻳﻐﻨﻴﻠﻲ ﻣﻦ ﻛﻞ ﻛﻠﺒﻪ ﻣﻮ ﺑﺲ ﻛﻠﻤﺎﺕ ..
ﺍﻭﻑ ﻳﺎ ﺑﻜﺮ .. ﺑﻘﻴﺖ ﺑﻜﻠﺒﻲ ﺍﻣﻨﻴﻪ ﺍﺗﺤﺴﺮ ﻋﻠﻴﻬﺎ ﻛﻞ ﻳﻮﻡ .. ﻻ ﻛﺎﺩﺭﻩ ﺍﺻﻴﺮ ﺍﻟﻚ ﻭﻻ ﻛﺎﺩﺭﻩ ﺍﻧﺴﺎﻙ
ﺍﺟﻮﻱ ﺍﻟﺒﻨﺎﺕ .. ﻛﺘﻠﻪ ﻋﻤﺎﺭ ﺍﻧﺘﻀﺮ ﻧﺮﻣﻴﻦ ﺧﻄﻴﻪ .. ﻛﺎﻝ ﺍﺗﺮﻛﻴﻬﺎ ﺳﻤﺮ .. ﻛﺘﻠﻪ ﻟﻴﺶ ﺍﻛﻮ ﺷﻲ .. ﺍﺭﺗﺒﻚ . ﻻﺍﺍ ﻳﻌﻨﻲ ﺷﻜﻮ ﻣﺜﻼ
ﺑﺲ ﻧﺘﺄﺧﺮ ..
- ﺍﻱ ﺷﻌﻠﻴﻨﻪ .. ﺭﺍﺡ ﻧﺮﺟﻊ ﻧﺎﻛﻞ ﻭﻧﺎﻡ .. ﺷﻌﺪﻧﻪ ﻗﺎﺑﻞ .. ﺧﻞ ﻧﻨﺘﻀﺮﻫﺎ .. ﻃﻠﻌﺖ ﺻﺤﺘﻠﻬﺎ .. ﺍﺭﻳﺪ ﺍﺷﻮﻑ ﺭﺩﺕ ﻓﻌﻠﻬﻢ ﻛﺪﺍﻣﻲ ﺷﻨﻮ ..
ﺣﺎﺑﻪ ﺍﺗﺴﻠﻰ ﻋﻠﻴﻬﻢ ﻭﺍﻟﻠﻪ .. ﺍﻛﺴﺮ ﻣﻠﻞ .. ﺍﺟﺖ ﻫﻴﻪ ﻛﻌﺪﺕ .. ﻛﺎﻟﺖ ﻫﻼ ﻋﻤﻮﺭﻱ ﺷﻠﻮﻧﻚ ..
- ﻫﻮﻩ ﺣﺎﺟﺎﻫﺎ ﻣﻦ ﻭﺭﻩ ﺧﺸﻤﻪ ﻫﻼﺍ ..
- ﺷﻨﻮ ﺍﺷﻮ ﻣﺘﺎﺧﺬﻧﻲ ﻫﻠﻴﻮﻣﻴﻦ ..
- ﻃﺮﻳﻘﺞ ﻳﺘﻌﺐ .. ﻳﺎﺭﻳﺖ ﺗﺸﻮﻓﻴﻠﺞ ﺧﻂ ﻻﺥ ..
- ﻫﺎﺍﺍﺍ ﺍﻱ ﻳﺼﻴﺮ ﺧﻴﺮ . ﺍﺷﻮﻑ ﻟﻴﺶ ﻻ ..
- ﺣﺠﻴﺖ ﻭﻳﺎﻩ .. ﻋﻤﺎﺭ ..
- ﻫﺎ ﺣﺒﻲ
- ﻣﺸﺘﻬﻴﻪ ﺍﻳﺴﻜﺮﻳﻢ ..
- ﺑﺎﺭﺩﻩ ﺍﻟﺪﻧﻴﺎ ﺣﺒﻴﺒﺘﻲ .. ﺑﻼﻋﻴﻤﺞ ﺗﻠﺘﻬﺐ ..
- ﻣﺎ ﻋﻨﺪﻱ ﻟﻮﺯﺗﻴﻦ ﺷﺎﻳﻠﺘﻬﻢ ﻣﻦ ﺍﻧﻲ ﻭﺻﻐﻴﺮﻩ ..
- ﺍﺩﻟﻠﻲ ﺣﺒﻴﺒﺘﻲ ﺑﻌﻴﻮﻧﻲ .. ﻫﺴﻪ ﺍﺷﻤﺮ ﺍﻟﺨﻂ ﻭﺍﺧﺬﺝ ﻟﻠﻔﻘﻤﻪ ..
- ﻫﻴﻪ ﻛﺎﻣﺖ ﺗﻔﻮﺭ ﻭﺗﺰﻓﺮ .. ﺍﻧﻮﺏ ﻃﻠﻌﺖ ﺟﻜﺎﻳﺮ ﺗﺸﺮﺏ ﻋﺰﺯﺯﺍ ﻫﺎﻱ ﺍﺩﺧﻦ ﺍﻭﻭﻱ ..
ﺑﺲ ﺍﺑﺪ ﻣﻤﻬﺘﻤﻪ ﺍﻭ ﺿﺎﻳﺠﻪ ﻻﻥ ﻋﻨﺪﻩ ﻋﻼﻗﻪ ﺑﻴﻬﺎ .. ﺟﻦ ﺻﺪﻳﻖ ﻭﻋﺮﻓﺖ ﺑﻴﻪ ﻣﻜﺒﻞ ﺍﺑﺪ ﻣﻮ ﺟﻦ ﺯﻭﺟﻲ ..
ﺑﻠﻠﻪ ﺍﻧﻲ ﻣﺸﺎﻋﺮﻱ ﻣﻌﻮﻗﻪ ﻭﻣﺎ ﻋﻨﺪﻱ ﺍﺣﺴﺎﺱ ﻟﻮ ﺍﻧﻲ ﻣﺎ ﺍﺣﺒﻪ .. ﺍﺫﺍ ﺍﺭﻳﺪ ﺍﺧﺘﺒﺮ ﺍﺣﺴﺎﺳﻲ .. ﺍﻗﻴﺲ ﺍﺑﻜﺮ ..
ﻟﻮ ﺷﻔﺖ ﺑﻜﺮ ﻫﻴﺞ ﻳﺨﺎﺑﺮ ﻭﺣﺪﻩ ﻭﻋﺮﻓﺖ ﺑﻴﻪ ﻳﻘﻀﻲ ﻟﻴﺎﻟﻲ ﻭﻳﺎﻫﺎ .. ﺷﻴﺼﻴﺮ ﺑﻴﻪ .. ﺍﺗﺨﻴﻠﺖ ﺍﻟﻤﻮﻗﻒ ﺍﺧﺘﻨﻜﺖ ..
ﻳﻤﻪ ﺍﻣﻮﻭﻭﺕ ﻗﻬﺮ ﻏﻴﺮ .. ﺍﻱ ﻻ ﺍﻟﺤﻤﺪﻟﻠﻪ ﻃﻠﻊ ﻋﻨﺪﻱ ﺍﺣﺴﺎﺱ ﻣﻮ ﻣﻌﻮﻗﻪ .. ﺍﺣﺠﻲ ﻭﻱ ﺭﻭﺣﻲ ﺍﻧﻮﺏ ﺿﺤﻜﺖ .
ﻳﺎﺭﺑﻲ ﻭﺍﻟﻠﻪ ﺳﻮﺍﻟﻔﻲ ﺑﺎﻳﺨﻪ .. ﺑﻠﻪ ﺍﻛﻮ ﻫﻴﺞ ﻭﺣﺪﻩ ﺧﺎﻳﻨﻬﺎ ﺭﺟﻠﻬﺎ ﺗﻔﻜﺮ ﺑﻬﺸﻜﻞ .. ﻻﺯﻡ ﻫﺴﻪ ﺍﻛﻠﺒﻬﺎ ﻣﻨﺎﺣﻪ ﻣﺜﻞ ﺑﺎﻗﻲ ﺍﻟﻨﺴﻮﺍﻥ ﻏﻴﺮ ..
ﻭﺻﻞ ﺍﻟﺒﻨﺎﺕ .. ﻭﻃﻠﻊ ﺑﻴﻨﻪ ﻟﻠﻜﺮﺍﺩﻩ .. ﻧﺰﻟﻠﻨﻪ ﺍﻳﺴﻜﺮﻳﻢ . . ﻭﻋﻤﺎﺭ ﺭﺍﺡ ﺟﺎﺏ ﻃﺎﺳﺔ ﻟﺒﻠﺒﻲ ﻣﺪﺭﻱ ﻣﻨﻴﻦ ﻭﺍﺟﻪ ﻛﺎﺑﻠﻨﻲ ﻭﻳﺎﻛﻞ ..
ﺍﺑﺎﻭﻋﻠﻪ .. ﻭﺟﻪ ﻣﺎ ﻳﻮﺣﻲ ﺍﻧﻪ ﺧﺎﺋﻦ ﺍﻟﻴﺸﻮﻓﻪ ﻳﻜﻮﻝ ﺧﻮﺵ ﻭﻟﺪ .. ﺑﺲ ﻫﻮﻩ ﻟﻴﺶ ﺧﺎﻥ .. ﺷﻨﻮ ﺷﺎﻑ ﺑﻨﺮﻣﻴﻦ .
ﻛﺘﻠﻪ ﻃﻴﺐ .. ﺍﺧﺬ ﺑﺎﻟﺨﺎﺷﻮﻛﻪ .. ﻭﻳﻜﻮﻟﻲ ﺿﻮﻛﻲ .. ﻛﺘﻠﻪ ﺩﺍ ﺍﻛﻞ ﻣﻮﻃﻪ .. ﺑﺲ ﺍﺷﻮ ﺗﺸﻬﻲ ﺍﺷﻮﻭﻭ .. ﺍﻛﻠﺘﻬﺎ ﻋﺠﺒﺘﻨﻲ ﺍﻟﺤﻤﻮﺿﻪ ﺍﻟﺒﻴﻬﺎ
🌿🌿🌿
ﻛﺘﻠﻪ ﺟﻴﺒﻠﻲ ﻣﺜﻠﻬﺎ .. ﻛﺮﺻﻨﻲ ﻣﻦ ﺍﻧﻔﻲ ﻭﻳﻜﻮﻟﻲ ﻣﻮ ﻳﺪﻟﻞ ﺍﻟﺤﻠﻮ .. ﻛﻠﺖ ﻫﺎﻱ ﺻﺪﻙ ﻟﻮ ﻛﺎﻟﻮ ﺯﻭﺟﺞ ﻟﻮ ﺩﻟﻠﺞ ﻫﻮﺍﻱ .. ﻛﻮﻟﻲ ﻭﺭﺍﻩ ﻣﺼﻴﺒﻪ ﻭﻳﺮﻳﺪ ﻳﻄﻤﻄﻤﻬﺎ ..
ﺭﺍﺡ ﺟﺎﺑﻠﻲ ﻭﻛﻌﺪﺕ ﺍﻛﻞ .. ﻛﻤﻠﺖ .. ﻛﺎﻝ ﻫﺎﺍ ﻧﻜﻮﻡ .. ﻛﺘﻠﻪ ﺍﻱ .. ﻛﻤﺖ ﺍﺧﺬﻧﻲ ﻣﻦ ﺧﺼﺮﻱ ﻭﻳﻤﺸﻲ ..
ﺻﺤﺖ ﻫﻴﻴﻴﻮ ﻣﻨﺎ ﻧﺎﺱ ﺍﺣﻨﻪ ﺑﺎﻟﻌﺮﺍﻕ ﺍﻟﻌﻀﻴﻢ .. ﻭﺧﺮ ﺍﻳﺪﻙ .. ﻛﺎﻝ ﻣﺮﺗﻲ ﺷﻌﻠﻴﻬﻢ .. ﻭﺻﻠﺖ ﺍﻟﺴﻴﺎﺭﻩ ﻭﺭﻛﺒﺖ ..
ﻣﺸﻴﻨﻪ ﺻﺎﺭ ﺍﻟﻤﻐﺮﺏ ﻭﺍﻟﺪﻧﻴﺎ ﻛﺎﻣﺖ ﺗﻘﻄﺮ ﻭﺍﻟﺠﻮ ﻣﻐﻴﻢ ﻭﺷﻮﺍﺭﻉ ﺍﻟﻜﺮﺍﺩﻩ .. ﺍﻭﻭﻭﻑ ﻋﺸﻖ ﺑﺲ ﻣﺎ ﻛﻨﺖ ﺍﺑﺎﻭﻉ ﻧﻌﺴﻴﺖ ﺣﻴﻞ ﻭﻧﻤﺖ ..
ﻧﺎﻳﻤﻪ ﻭﺍﺳﻤﻊ ﺻﻮﺕ ﺑﻜﺮ .. ﺍﻭﻱ ﻓﺪﻭﻩ ﺷﻜﺪ ﺍﺣﺐ ﺍﻟﻨﻮﻡ ﻻﻥ ﺍﺷﻮﻓﻪ ﺑﻴﻪ .. ﻳﺮﺑﻲ ﻫﺎﻱ ﺣﻠﻢ ﻟﻮ ﺣﻘﻴﻘﻪ ﺻﻮﺗﻪ ..
ﻓﺘﺤﺖ ﻋﻴﻮﻧﻲ . ﻟﻜﻴﺖ ﻋﻤﺎﺭ ﻭﺍﻛﻒ ﻭﺑﻜﺮ ﻭﺍﻛﻒ ﻳﻤﻪ .. ﻭﺑﻜﺮ ﻳﻜﻠﻪ ﻻ ﺗﻜﻌﺪﻫﺎ ﺷﻴﻠﻬﺎ .. ﻭﻋﻤﺎﺭ ﻳﻜﻠﻪ ﻻ ﺍﻻﻫﻞ ﻣﻨﺎ ﺷﺸﻴﻠﻬﺎ ..
ﺑﻜﺮ ﻳﻜﻠﻪ ﺗﺮﻳﺪ ﺍﺷﻴﻠﻬﺎ ﺍﻧﻲ .. ﺑﻬﻼﺛﻨﺎﺀ ﻓﺘﺤﺖ ﻋﻴﻮﻧﻲ ﺛﻨﻴﻨﻬﻢ ﻭﺍﻛﻔﻴﻦ .. ﺑﻜﺮ ﺷﺠﺎﺑﻪ .. ﻛﻌﺪﺕ ﺍﻧﺘﻪ ﺷﺠﺎﺑﻚ ..
- ﻟﺘﺨﺎﻓﻴﻦ ﺳﻤﺴﻮﻣﻪ ﺻﺮﺕ ﺟﺎﺭﺝ ﺍﻱ ﺷﻲ ﺗﺤﺘﺎﺟﻴﻪ ﺩﻛﻴﻠﻲ ﻭﻳﻐﻤﺰﻟﻲ ..
- ﺍﺑﺎﻭﻉ ﻫﺬﺍ ﻋﻮﺩ ﺻﺪﻭﻙ ﻳﺤﺠﻲ .. ﻛﺘﻠﻪ ﻳﻌﻨﻲ ﻧﻀﺎﻝ ﺟﻮﻩ ..
- ﺍﻱ ..
- ﻣﺸﻴﺖ ﻣﻨﻬﻢ .. ﺻﺎﺡ ﻋﻤﺎﺭ ﻭﻳﻦ .. ﻛﺘﻠﻪ ﺑﺲ ﺍﺳﻠﻢ ﻋﻠﺒﻨﻴﻪ ﻭﺍﺑﺎﺭﻛﻠﻬﺎ ﻋﻴﺐ . . ﺻﺎﺡ ﺑﻜﺮ ﻋﻠﻰ ﻋﻤﺎﺭ ﺗﻌﺎﻝ ﺗﻔﻀﻞ ..
ﺩﺧﻠﺖ ﻫﻮﺳﻪ ﺍﻟﺒﻴﺖ ﻫﺴﺘﻮﻫﻢ ﻣﻨﺘﻘﻠﻴﻦ .. ﻟﻜﻴﺖ ﻣﺼﻄﻔﻰ ﺑﺎﻟﻜﺎﻉ ﻳﺒﺠﻲ ﻭﻧﻀﺎﻝ ﻣﺎﻛﻮ ..
ﻳﺮﻭﺣﻲ ﻳﺮﻭﺣﻲ ﻟﺘﺒﺠﻲ ﺍﺭﻭﺡ ﻓﺪﻭﻩ ﻟﻬﺠﻤﺎﻝ .. ﺍﺧﺬﺗﻪ ﻭﺧﻠﻴﺘﻪ ﻋﻠﻰ ﻛﻠﺒﻲ ﻭﺷﻤﻴﺘﻪ ﺍﻭﻭﻭﻑ ﻳﺮﻳﺤﺘﻪ ..
ﺟﺮﻋﻪ ﻣﻨﺸﻄﻪ .. ﺍﺟﺖ ﻧﻀﺎﻝ .. ﺳﻠﻤﺖ ﻋﻠﻴﻬﺎ .. ﻛﺘﻠﻬﺎ ﻟﻴﺶ ﻳﺒﺠﻲ ﺻﻮﻓﻲ ﺑﺎﻟﻜﺎﻉ ﻣﻮ ﺣﺮﺍﻡ ﻫﻴﺞ ﻭﺭﺩﻩ ﺗﺒﺠﻲ .
ﻛﺎﻟﺖ ﺑﻮﻣﻪ ﺑﺲ ﻳﺒﺠﻲ ﻭﺍﻧﻲ ﺍﻟﺸﻐﻞ ﻓﻮﻙ ﺭﺍﺳﻲ ..
- ﻻﺍﺍﺍ ﻣﺎ ﺍﺳﻤﺤﻠﺞ ﺗﻜﻮﻟﻴﻦ ﻋﻠﻴﻪ ﻫﺸﻜﻞ .. ﻟﺞ ﺩﺑﺎﻋﻲ ﺍﻟﺤﻠﻚ .. ﺳﺒﺤﺎﻥ ﺍﻟﻠﻪ ﻧﻔﺲ ﺣﻠﻚ ﺍﺑﻮﻩ ﺷﻔﺎﻳﻒ ﻧﺎﻋﻤﻪ ﻭﺻﻐﻴﺮ ..
ﺣﺠﻴﺖ ﻫﻴﺞ .. ﻋﻤﺎﺭ ﺻﺎﺭ ﻛﺒﺎﻟﻲ .. ﻭﺑﻜﺮ ﻣﺒﺘﺴﻢ .. ﺫﻭﻟﻪ ﺷﻮﻛﺖ ﻃﺒﻮ .. ﻣﻮ ﻋﻔﺘﻬﻢ ﺑﺎﻟﻜﺮﺍﺝ .. ﻋﻤﺎﺭ ﺗﻀﺎﻳﻖ ..
ﺩﺭﺕ ﻋﻠﻰ ﺑﻜﺮ .. ﺷﺎﻳﻒ ﺍﻟﻒ ﺧﻴﺮ ﻋﻠﺒﻴﺖ ..
- ﻳﺒﺎﺭﻙ ﺑﻴﺞ ﻋﻴﻮﻧﻲ ﺑﻔﻀﻠﺞ ..
- ﻏﻠﺴﺖ ﻣﻨﻪ ... ﺍﺍﺍﺍ ﺍﻳﺠﺎﺭ ﻟﻮ ﻣﻠﻚ ..
- ﻻ ﺍﺟﺮﺗﻪ ﻣﺎ ﺷﺘﺮﻳﺘﻪ ..
- ﺑﺎﻭﻉ ﺍﺑﻨﻚ ﻛﺼﺘﻪ ﺣﻠﻮﻩ ﻋﻠﻴﻚ . ﺍﺗﺤﺴﻨﺖ ﺣﺎﻟﺘﻚ ﻭﻳﻪ ﻋﺎﺋﻠﺘﻚ ﻋﻠﻰ ﺟﻴﺘﻪ ﻭﺍﺳﺘﻘﺮﻳﺘﻮ ﺍﺑﻴﺖ .
- ﻓﻜﺮ ﺍﺑﻦ ﻓﻜﺮ .
- ﻟﻴﺶ ﻫﺸﻜﻞ .. ﻫﺎﻱ ﺷﺒﻴﻜﻢ ﻭﻳﺎﻩ .. ﻟﻴﺶ ﻫﻴﺞ ﻭﻱ ﺻﻮﻭﻭﻓﻲ ﻟﻴﺶ .. ﺍﻧﻮﺏ ﻣﻦ ﺍﻋﺒﺲ ﺑﻮﺟﻪ ﻭﺍﺳﻮﻱ ﺭﻭﺣﻲ ﺍﺑﺠﻲ ﻫﻮﻩ ﻫﻢ ﻳﺒﺠﻲ ..
ﻛﺘﻠﻬﺎ ﻧﻀﺎﻝ ﺍﺧﺬﻩ ﻳﻤﻲ .. ﻛﺎﻟﺖ ﻫﺎﺍﺍ ﻳﺘﻌﺒﺞ .. ﻛﺘﻠﻬﺎ ﻟﻮ ﻛﻞ ﺗﻌﺐ ﻫﻴﺞ .. ﺟﺎﻥ ﺍﻧﻲ ﺑﺨﻴﺮ .. ﻛﺎﻟﺖ ﻋﻠﻮﺍﺍﺍ ﺍﺧﺬﻳﻪ ﺍﺧﻠﺺ ﻣﻨﻪ ..
ﻣﻦ ﻛﺎﻟﺖ ﻫﻴﺞ ﻃﺮﺕ ﻓﺮﺡ .. ﺍﻟﻴﻮﻡ ﻧﺴﺨﻪ ﻣﻦ ﺭﻭﺣﻲ .. ﺑﻴﻦ ﺍﺩﻳﻪ . ﺍﺧﺬﺗﻪ ﻭﻛﺘﻠﻬﺎ ﺑﺲ ﺍﻧﻄﻴﻨﻲ ﺣﺎﺟﻴﺎﺗﻪ ﻭﺟﻨﻄﺘﻪ ...
..
ﺍﺧﺬﺗﻬﻢ ﻭﺭﺣﺖ ﻟﻠﺒﻴﺖ .. ﺻﺢ ﺑﻜﺮ ﺍﻧﺘﻘﻞ ﻳﻤﻲ ﻋﻠﻤﻮﺩ ﻳﻀﺎﻳﻘﻨﻲ .. ﺑﺲ ﻭﺟﻮﺩﻩ ﻳﻤﻲ ﻭﻳﺒﻌﺪ ﻋﻨﻲ ﺧﻄﻮﺍﺕ ..
ﻳﺸﻌﺮﻧﻲ ﺑﺎﻟﺮﺍﺣﻪ .. ﺍﺧﺬﺕ ﺻﻮﻓﻲ ﻭﺭﺣﺖ ﻟﻠﺒﻴﺖ .. ﺩﺧﻠﺖ ﻋﻤﺘﻲ ﻭﺷﻴﻤﺎﺀ ﻛﺎﻋﺪﺍﺕ ﺑﺎﻟﺼﺎﻟﻪ ﻛﻠﻌﺎﺩﻩ ..
ﺳﻠﻤﺖ ﻋﻠﻴﻬﻢ .. ﻛﺎﻟﺖ ﺷﻴﻤﺎ ﻣﻨﻮ ﻫﺬﺍ .. ﻛﺘﻠﻬﺎ ﺍﺑﻦ ﺍﺑﻦ ﻋﻤﺘﻲ .. ﻛﺎﻟﺖ ﺭﺣﻤﻪ .. ﺩﺩﺭﺍﺭﻱ ﻭﻟﺪ ﺭﺟﻠﺞ ﻭﺑﻌﺪﻳﻦ ﺑﺎﻭﻋﻲ ﻻﺑﻦ ﺍﺑﻦ ﻋﻤﺘﺞ ..
ﻣﻬﺘﻤﻴﺖ .. ﺍﺧﺬﺕ ﻣﺼﻄﻔﻰ ﻭﺻﻌﺪﺕ .. ﻏﻴﺮﺗﻠﻪ ﻭﺑﻮﻃﺮﺗﻪ ﻭﻟﺒﺴﺘﻪ .. ﻭﺧﻠﻴﺘﻪ ﺍﺑﻴﻦ ﺍﺩﻳﻪ .. ﻭﺍﺣﺎﺟﻴﻪ ..
ﻳﻜﻮﻟﻮﻥ ﺍﻟﻤﺮﻩ ﺍﺑﺪﺍﻳﺔ ﺣﻤﻠﻬﺎ ﻟﻮ ﺑﺎﻭﻋﺖ ﺑﻮﺟﻪ ﺗﺤﺒﻪ .. ﻳﻄﻠﻊ ﺍﻟﺒﻄﻨﻬﺎ ﻋﻠﻴﻪ .. ﺻﻮﻓﺎﻳﺘﻲ ﺍﺭﻳﺪ ﺍﻟﺒﺪﺍﺧﻠﻲ ﻳﺸﺒﻬﻚ ..
ﺑﻠﻜﺖ ﻳﻌﻮﺿﻨﻲ ﻋﻦ ﺍﺑﻮﻙ . ﺍﺣﺎﺟﻴﻪ ﻭﺍﺑﻮﺳﻪ ﻭﺍﺷﻤﻪ ﻭﺍﺭﻛﺼﻪ .. ﻟﺤﺪ ﻣﺘﻌﺐ .. ﻛﺎﻡ ﻳﺒﺠﻲ ﻛﻤﻄﺘﻪ ﻭﺳﻮﻳﺘﻠﻪ ﻣﻤﻪ ﻭﻛﻌﺪﺕ ﺍﺭﺿﻌﻪ ..
ﻧﺰﻟﺖ ﺩﻣﻮﻋﻲ ﻭﺍﻧﻲ ﺍﺑﺎﻭﻋﻠﻪ .. ﺷﻴﺼﻴﺮ ﻟﻮ ﺍﻧﺘﻪ ﻣﻨﻲ .. ﺗﻤﻨﻴﺖ ﺑﺲ ﺷﻲ ﻳﺮﺑﻄﻨﻲ ﺑﺄﺑﻮﻙ ﻭﺑﻌﺪﻫﺎ ﻳﺮﻭﺡ ..
ﻋﻼﻗﻞ ﺍﻋﻴﺶ ﻋﻠﻰ ﺭﻳﺤﺘﻪ .. ﻳﺎ ﺻﻮﻓﻲ ﺗﻌﺒﺖ ﻭﺍﻧﻲ ﺍﺗﻤﻨﺎﻩ .. ﻭﻋﺠﺰﺕ ﺍﻧﺴﺎﻩ .. ﺑﺠﺎﻫﻚ ﺍﻧﺘﻪ ﻃﻔﻞ ﻭﺭﺿﻴﻊ ﺍﺭﻳﺪ ﺍﻟﻠﻪ ﻳﺸﻴﻞ ﺣﺐ ﺑﻜﺮ ﻣﻦ ﻛﻠﺒﻲ .. ﻭﻳﺨﻠﻴﻪ ﺑﺄﺑﻨﻲ ﺍﻟﺒﻄﻨﻲ ..
ﻣﺎ ﺍﺭﻳﺪ ﺍﺗﻌﻠﻖ ﺑﻐﻴﺮ ﺍﺑﻨﻲ .. ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ .. ﻣﺎﻣﺎ ﺍﺗﻤﻨﺎﻙ .. ﺗﻄﻠﻊ ﺗﺸﺒﻪ ﺻﻮﻓﻲ ﻭﺍﺭﺗﺎﺡ ﺑﺸﻮﻓﺘﻚ ﻳﻮﻣﻴﻪ ..
ﺩﺍ ﺍﺣﺠﻲ ﻃﺐ ﻋﻤﺎﺭ ﺷﻤﺮ ﺍﻟﺴﻮﻳﺞ ﻋﻠﻤﻴﺰ ﻭﺗﻤﺪﺩ ﻋﻠﺴﺮﻳﺮ .. ﻋﻔﺘﻪ ﻣﻨﺘﺒﻬﺘﻠﻪ .. ﻛﻤﻠﺖ ﺍﻟﻤﻤﻪ ﺷﺮﺑﻬﺎ ﻛﻠﻬﺎ ..
ﺧﻠﻴﺘﻪ ﻋﻠﻰ ﻣﺘﻨﻲ ﺍﺩﻙ ﻋﻠﻰ ﺿﻬﺮﻩ ﺧﻔﻴﻒ ﻋﻠﻤﻮﺩ ﻳﺒﺘﻠﻊ ﺍﻟﺤﻠﻴﺐ ﻭﻳﺪﺧﻞ ﻣﻌﺪﺗﻪ .. ﻣﺜﻞ ﻣﻴﻜﻮﻟﻮﻥ ﺗﺮﻳﻌﻴﻪ ..
ﻧﺎﻡ .. ﺧﻠﻴﺘﻪ ﺑﻴﻦ ﺍﺩﻳﻪ ﻭﺍﺑﻮﺱ ﺑﺨﺪﻩ ﺷﻜﺪ ﻧﺎﻋﻢ .. ﺷﻜﺪ ﻓﺮﺣﺖ ﺑﻴﻪ .. ﺷﻠﺘﻪ .. ﻓﺮﺷﺘﻠﻪ ﺑﻄﺎﻧﻴﻪ ﻭﺩﺛﺮﺗﻪ ﻭﻋﺰﻟﺘﻪ ..
ﻭﻧﺰﻟﺖ .. ﺳﻮﻳﺖ ﻋﺸﺎ ﻭﻋﺸﻴﺖ ﺟﻬﺎﻝ ﻋﻤﺎﺭ .. ﺍﻧﻮﺏ ﻛﻌﺪﺕ ﺍﻗﺮﻱ ﻭﻟﻴﺪ .. ﻛﻤﻠﺖ .. ﻧﻀﻔﺖ ﺍﻟﺒﻴﺖ
ﺍﻧﺪﻛﺖ ﺍﻟﺒﺎﺏ .. ﻓﺘﺤﺘﻬﺎ ﺑﻜﺮ .. ﻳﺎ ﺭﺏ ﺍﺫﺍ ﻛﻞ ﻳﻮﻡ ﺍﻓﺘﺢ ﻭﺍﻟﻜﻪ ﻭﺟﻬﻪ ﻫﻴﺞ ﻛﺒﺎﻟﻲ .. ﻗﺎﺑﻠﻪ ﺷﺘﺴﻮﻱ ﺑﻴﻪ ﺳﻮﻱ ..
ﻛﺘﻠﻪ ﻫﻼ ﺑﻜﺮ .. ﻛﺎﻝ ﻫﻼ ﺳﻤﺮ .. ﺍﺷﻮﻓﺞ ﻓﺮﺣﺎﻧﻪ . ﻛﺘﻠﻪ ﺍﻟﺤﻤﺪﻟﻠﻪ .. ﺍﻧﺘﻪ ﻫﻢ ﺍﺷﻮﻓﻚ ﻣﺮﺗﺎﺡ ..
- ﺍﻱ ﻣﻨﻮ ﺍﻟﻴﺴﻮﻩ ﻧﺘﻌﺐ ﻋﻠﻤﻮﺩﻩ ﺍﺟﻤﻊ ﻋﺎﺋﻠﺘﻲ ﻭﺍﻧﺴﻌﺪ ﻭﻳﺎﻫﻢ ﺍﺣﺴﻦ ﻣﻦ ﺍﻟﺪﻭﺍﺭﻩ ﻭﺭﻩ ﻧﺎﺱ ﻣﺘﺴﻮﻩ ..
- ﺍﺷﻮﻑ ﺫﻭﻟﻪ ﺍﻟﻤﻴﺴﻮﻭﻥ .. ﻣﻜﺪﺭ ﻛﻠﺒﻚ ﻳﺨﻠﻴﻚ ﺑﻌﻴﺪ ﻋﻨﻬﻢ ﻭﻛﺎﺑﻠﺘﻬﻢ ..
- ﻛﺎﺑﻠﺘﻬﻢ ﺣﺘﻰ ﺍﺳﻤﻤﻬﻢ ﺑﻌﻴﺸﺘﻬﻢ ﻣﺜﻞ ﻣﺎ ﺳﻤﻤﻮﻧﻲ .. ﺍﺟﻪ ﺩﻭﺭﻫﻢ ..
- ﺍﺧﺬﺕ ﻧﻔﺲ ﻭﺣﺠﻴﺖ ﺑﺪﺍﺧﻠﻲ .. ﻳﺎﺑﻜﺮ ﺣﺘﻰ ﺍﻟﺴﻢ ﻣﻦ ﺍﻳﺪﻙ ﻋﻜﻠﺒﻲ ﺍﺣﻠﻰ ﻣﻦ ﺍﻟﻌﺴﻞ ﺑﺲ ﺿﻞ ﻛﺎﺑﻠﻨﻲ ﻫﻴﺞ ﻛﻮﻟﺸﻲ ﻣﺎ ﺍﺭﻳﺪ ﻣﻦ ﺍﻟﻠﻪ ..
ﺑﺲ ﺍﺷﻮﻑ ﻭﺟﻬﻚ ﻭﻳﺮﺗﺎﺡ ﻛﻠﺒﻲ ﺑﻴﻚ ﻭﻳﻄﻤﺌﻦ ....
- ﺍﻟﺼﻔﻨﻪ ﻣﻮ ﺍﻟﺞ ﻫﻨﺎﺍﺍﺍﺍﺍ
- ﻫﺎﺍﺍﺍ .. ﺍﻱ ﺷﺘﺮﻳﺪ ..
- ﻣﺼﻄﻔﻰ
- ﺍﻱ ﻫﺴﻪ .. ﺻﻌﺪﺕ .. ﻟﻜﻴﺘﻪ ﻛﺎﻋﺪ ﻭﻳﺒﺎﻭﻉ ﺑﻌﻴﻮﻧﻪ .. ﺑﻮﺳﺘﻪ ﻭﺣﻀﻨﺘﻪ ﺣﻴﻞ ﻭﻧﺰﻟﺘﻪ .. ﺑﺴﺘﻪ ﻭﺍﻧﻄﻴﺘﻪ ﺍﻟﻪ
...
ﺑﻘﻰ ﻳﺸﻢ ﺑﺮﻛﺒﺘﻪ ﻭﻳﺒﻮﺱ .. ﻛﺘﻠﻪ ﺍﻟﺪﻧﻴﺎ ﺑﺎﺭﺩﻩ ﻟﻔﻪ ﻟﻴﺘﻤﺮﺽ ..
- ﻟﺘﺼﻴﺮﻳﻦ ﻟﻮﻛﻴﻪ ﻣﻌﻠﻴﺞ ..
- ﺳﻜﺘﺖ ﻋﻨﻪ ... ﺍﺧﺬﻩ ﻭﺭﺍﺡ ﻟﻠﺒﻴﺖ .. ﻛﺒﺎﻝ ﺑﻴﺘﻨﻪ ﺑﺎﻟﻀﺒﻂ .. ﻭﺍﻧﻲ ﺍﺑﺎﻭﻋﻠﻪ ﺷﻠﻮﻥ ﺩﺧﻞ ﺑﻴﺘﻪ ﻫﻮﻩ ﻭﺍﺑﻨﻪ ..
ﺍﺧﺬﺕ ﻧﻔﺲ .. ﺍﻟﻠﻪ ﻳﺴﻌﺪﻩ ﻭﻳﻮﻓﻘﻪ ﺑﺠﺎﻩ ﺍﻟﻨﺒﻲ ..
- ﺩﺧﻠﺖ ﻟﻠﺒﻴﺖ ﻗﻔﻠﺖ ﺍﻟﺒﺎﺏ ﻭﺻﻌﺪﺕ .. ﻋﻤﺎﺭ ﻧﺎﻳﻢ .. ﻏﻄﻴﺘﻪ ﻭﻧﻤﺖ .. ﻟﺜﺎﻧﻲ ﻳﻮﻡ ﻧﻔﺲ ﺍﻟﻌﺎﺩﻩ ﻣﻦ ﺗﻨﻀﻴﻒ ﻭ ﻭﺍﻫﺘﻤﺎﻡ ﺑﺎﻟﺒﻴﺖ ﻭﺍﺭﻭﺡ ﻟﻠﻤﺪﺭﺳﻪ ﺍﻟﻀﻬﺮ ..
ﺩﺧﻠﺖ ﺍﻟﻤﺪﺭﺳﻪ .. ﺩﺭﺳﺖ .. ﻛﻤﻠﺖ .. ﺟﺎﻱ ﺍﻃﻠﻊ .. ﻭﻛﻔﺘﻨﻲ ﻧﺮﻣﻴﻦ .. ﺳﻤﺮ ﺍﻭﻛﻔﻲ ..
- ﻧﻌﻢ ..
- ﺍﺭﻳﺪ ﺍﻛﻮﻟﺞ ﺷﻲ
- ﺍﻱ ﺗﻔﻀﻠﻲ ..
- ﺍﻧﻲ ﺣﺎﻣﻞ ..
- ﺍﻱ ﺑﺎﻟﻌﺎﻓﻴﻪ .. ﺷﻨﻮ ﻣﻦ ﺷﻮﻛﺖ ﺗﺰﻭﺟﺘﻲ ..
- ﻣﺘﺰﻭﺟﻪ ﻣﺴﻴﺎﺭ ﻣﻦ ﻋﻤﺎﺭ
- ﺷﻨﻮﻭﻭﻭ .. ﻣﻦ ﺷﻮﻛﺖ ﻫﺬﺍ ﺍﻟﺤﺠﻲ
- ﻣﻦ ﻗﺒﻞ ﺍﻟﺰﻭﺍﺝ .. ﻭﺗﺮﻛﻨﻲ ﻟﻤﺎ ﻗﺒﻠﺘﻲ ﺗﺘﺰﻭﺟﻴﻪ ﻭﺭﺟﻌﻠﻲ ﻗﺒﻞ ﻓﺘﺮﻩ ﻭﻛﺎﻡ ﺑﺠﻴﻨﻲ ﺑﻴﻦ ﻟﻴﻠﻪ ﻭﻟﻴﻠﻪ ..
- ﻭﺍﻟﻤﻄﻠﻮﺏ ﻣﻨﻲ ﺷﻨﻮﻭ
- ﺗﺒﺘﻌﺪﻳﻦ ﻋﻨﻪ .. ﻭﺍﻃﻠﺒﻴﻦ ﺍﻟﻄﻼﻕ .. ﻻﻥ ﺻﺮﺍﺣﻪ ﻭﺟﻮﺩﺝ ﺑﺤﻴﺎﺗﻪ ﺯﺍﻳﺪ .. ﻭﺣﺘﻰ ﺑﻌﺪ ﺯﻭﺍﺟﺞ ﺩﻳﺠﻴﻨﻲ ﻋﺸﻨﻮ ﻣﺠﻠﺒﻪ ﺑﻴﻪ ﺍﻧﺘﻲ ..
- ﺑﻘﻴﺖ ﺻﺎﻓﻨﻪ ﺑﻮﺟﻬﺎ .. ﻣﻴﺸﺮﻓﻨﻲ ﺍﺭﺩ ﻋﻠﻴﻬﺎ .. ﺗﺮﻛﺘﻬﺎ ﺑﺪﻭﻥ ﺟﻮﺍﺏ ﻭﻣﺸﻴﺖ .. ﺷﻔﺖ ﺳﻴﺎﺭﺓ ﻋﻤﺎﺭ ﻣﻮﺟﻮﺩﻩ .
ﺩﺭﺕ ﻭﺟﻬﻲ ﻭﻃﻠﻌﺖ ﻋﻠﺸﺎﺭﻉ .. ﺍﺟﻪ ﻭﺭﺍﻱ ﻳﺮﻛﺾ .. ﺍﺧﺬ ﺍﻳﺪﻱ .. ﻭﻳﻴﻦ ﻣﻮ ﻣﻮﻛﻒ ﺍﻟﺴﻴﺎﺭﻩ ﻃﺮﻃﻮﺭ ﺭﺍﻳﺤﻪ ﻭﻋﺎﻳﻔﺘﻨﻲ ..
ﺟﺮﻳﺖ ﺍﻳﺪﻱ ﻣﻨﻪ ﺣﻴﻞ . ﻭﺧﺰﺭﺕ ﺑﻮﺟﻬﺎ .. ﻭﻛﺘﻠﻪ ﺣﺴﺎﺑﻚ ﺑﺎﻟﺒﻴﺖ ﺍﺳﺘﺎﺫ ﻋﻤﺎﺍﺭ .. ﻭﺧﺮﺕ ﻣﻨﻪ .. ﺍﺧﺬﺕ ﺗﻜﺴﻲ ﻭﺭﺟﻌﺖ ﻟﻠﺒﻴﺖ ..
ﻟﻜﻴﺖ ﺑﻜﺮ ﺍﺑﺎﺏ ﺑﻴﺘﻪ .. ﻳﺮﺵ ﻭﻳﻐﺴﻞ ﺑﺎﺑﻪ .. ﺻﺎﺡ ﺷﺒﻴﺞ ..
- ﻣﺎ ﺑﻴﻪ ﺷﻲ .. ﻋﻔﺘﻪ ﻭﻣﺸﻴﺖ ﻭﺍﻧﻲ ﺍﻛﻮﻝ ﺣﺴﺎﻓﻪ ﻭﺍﻟﻒ ﻭﺳﻔﻪ ﺑﺪﻟﺖ ﻫﻠﺬﻫﺐ ﺑﻬﻞ ﺗﻨﻚ .. ﺍﻟﻠﻪ ﻻ ﻳﻨﻄﻴﻜﻢ ﺍﻫﻠﻲ
ﻣﻦ ﺣﺮﻣﺘﻮﻧﻲ ﻣﻦ ﺣﺐ ﺣﻴﺎﺗﻲ ﻭﺧﻠﻴﺘﻮﻧﻲ ﺍﻭﺍﻓﻖ ﻋﻠﻰ ﻫﺬﺍ .. ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﺣﻴﻞ .. ﺻﺎﺣﺖ ﻋﻤﺘﻲ ﻫﺎﺍ .
ﻣﺎ ﺭﺩﻳﺖ ﻭﻻ ﺳﻠﻤﺖ ﻟﻠﻐﺮﻓﻪ ﻛﺒﻞ .. ﺑﻘﻴﺖ ﺍﻣﺸﻲ ﺑﺎﻟﻐﺮﻓﻪ ﺑﻨﺮﻓﺰﻩ .. ﻧﺺ ﺳﺎﻋﻪ ﻳﻠﻪ ﺩﺧﻞ ﻋﻤﺎﺭ ..
ﺻﺎﺡ ﺷﺒﻴﺞ ﺗﺨﺒﻠﺘﻲ ﺍﻧﺘﻲ ﺷﺒﻴﺞ ..
- ﺿﺮﺑﺘﻪ ﻋﻠﻰ ﺻﺪﺭﻩ .. ﺍﻱ ﺗﺨﺒﻠﺖ ﺗﺨﺒﻠﺖ . .. ﺣﻈﺮﺗﻚ ﺍﺫﺍ ﻣﺮﺍﻳﺪﻧﻲ ﺷﻜﻮ ﺗﺘﺰﻭﺝ ﻏﻴﺮﻱ ..
- ﺍﻧﻲ ﻣﺘﺰﻭﺝ .. ﻣﻤﺘﺰﻭﺝ
- ﻟﻚ ﺗﺠﺬﺏ .. ﺍﻟﺴﺎﻗﻄﻪ ﻣﺎﻟﺘﻚ ﺣﺎﻣﻞ ﻣﻨﻚ ..
- ﺟﺬﺍﺑﻪ ﻫﺎﻱ ..
- ﻳﻌﻨﻲ ﻋﺮﻓﺖ ﺍﻗﺼﺪ ﻣﻨﻮﻭﻭ ﻭﺗﻜﻮﻝ ﺟﺬﺍﺑﻪ .
- ﺍﻱ ﺟﺬﺍﺑﻪ ﻻﻥ ﻛﻞ ﺍﻟﺰﻳﻦ ﺍﻋﺮﻑ ﻧﻔﺴﻲ ﻣﺎ ﺍﺩﻧﻴﺘﻠﻬﺎ ..
- ﻭﻟﻚ ﺳﻤﻌﺘﻚ ﺑﺄﺫﻧﻲ ﺗﻜﻠﻬﺎ ﺍﻋﺘﺒﺮﻳﻬﺎ ﻧﺰﻭﻩ ..
- ﺑﺲ ﻣﺎﺧﺬ ﺍﺣﺘﻴﺎﻃﻲ ﻭﺍﻟﻠﻪ ﻣﻮ ﺣﺎﻣﻞ ﺟﺬﺍﺑﻪ ..
- ﻭﺷﻴﻔﺮﺭﺭﺭﺭﺭﻕ .. ﻳﻌﻨﻲ ﻣﺘﻘﺮﺑﻠﻬﺎ .. ﻳﻌﻨﻲ ﻣﺘﺰﻭﺟﻬﺎ ..
- ﻗﺒﻞ ﺍﻟﺰﻭﺍﺝ ﺑﻴﺞ ﺍﺗﺰﻭﺟﺘﻬﺎ ﻣﻮ ﻫﺴﻪ .. ﻭﺍﺗﺰﻭﺟﺘﻬﺎ ﻟﻠﻮﻧﺴﻪ ﻣﻮ ﺯﻭﺍﺝ ﻣﺤﺘﺮﻡ ..
- ﻟﻚ ﺍﻧﺘﻪ ﺷﻨﻮ ﻣﻦ ﺑﺸﺮ ﻛﻮﻟﻲ .. ﺗﻨﻜﺮ ﺍﻧﺘﻪ ﻣﻤﺘﻘﺮﺑﻠﻬﺎ ﻭﺍﻧﻲ ﻋﻠﻰ ﺫﻣﺘﻚ ..
- ﺍﻱ ﻣﺘﻘﺮﺑﻠﻬﺎ ﻭﺷﺘﺮﺩﻳﻴﻦ .. ﻣﻮ ﺯﻳﻦ ﻭﺍﺣﺪ ﻣﺜﻠﻲ ﻣﺘﺤﻤﻠﺞ ﺍﻧﺘﻲ ﺷﺎﻳﻔﻪ ﺭﻭﺣﺞ ..
ﺍﻛﺒﺮ ﻭﺍﺣﺪ ﻣﻴﺘﺤﻤﻠﺞ .. ﻟﺞ ﻣﻦ ﻳﻮﻡ ﺍﻻﺧﺬﺗﺞ .. ﺗﺤﻀﺮﺗﻴﻠﻲ ﻓﺪ ﻳﻮﻡ .. ﻟﺒﺴﺘﻲ ..
- ﻟﻚ ﺍﺩﻭﺱ ﻋﻠﻰ ﻧﻔﺴﻲ ﻭﻣﺎ ﺍﻣﻨﻌﻚ ﻭﺗﻜﻮﻟﻲ ﺗﺘﺤﻀﺮﻳﻠﻲ .. ﺷﻮﻛﺖ ﻟﺤﻜﺖ ﺍﺗﻌﻮﺩ ﻋﻠﻴﻚ ﻭﺍﻟﺒﺴﻠﻚ ...
ﻫﺬﺍ ﺍﻧﺘﻀﺎﺭﻙ .. ﺍﻟﻲ .. ﻫﺬﺍ ﺗﺤﻤﻠﻚ .. ﻟﻚ ﺍﻧﺘﻪ ﺷﻨﻮ ﻣﻦ ﺑﺸﺮ ..
- ﻣﻦ ﻭﺭﺍﺝ ﺻﺮﺕ ﻫﻴﺞ .. ﺍﻧﻲ ﺭﺟﺎﻝ ﺍﺭﻳﺪ ﺣﻘﻲ ﻭﺍﻧﺘﻲ ﺑﺎﺍﺍﺍﺭﺩﻩ ﻣﺜﻞ ﺍﻟﺜﻠﺞ .. ﺷﺘﺮﺩﻳﻦ ﺍﺳﻮﻳﻠﺞ ﻣﺜﻼ
- ﻫﻬﻪ ﺍﻧﺘﻪ ﺭﺟﺎﻝ .. ﻟﻚ ﺍﻟﺮﺟﺎﻝ ﺍﻟﻴﺘﺤﻤﻞ ﻣﺮﺗﻪ ﺑﺰﻳﻨﻬﺎ ﻭﺑﺸﻴﻨﻬﺎ ﻭﻳﺴﻨﺪﻫﺎ ﻭﻳﺴﺎﻋﺪﻫﺎ ﺗﺘﺨﻄﻰ ﻭﺍﻗﻌﻬﺎ ..
ﺍﻣﺎ ﺍﻟﺬﻛﺮ ﻣﺜﻠﻚ .. ﻳﺴﻮﻱ ﻣﺜﻞ ﻣﺎ ﺳﻮﻳﺖ ﺍﻧﺘﻪ ﺗﻤﺎﻣﺎ .. ﺣﺠﻴﺖ ﻫﻴﺞ .. ﺿﺮﺑﻨﻲ ﺭﺍﺷﺪﻱ .. ﺍﺣﺲ ﺍﺫﻧﻲ ﺻﻔﺮﺕ ..
ﺑﺎﻭﻋﺘﻠﻪ ﻭﺩﻣﻮﻋﻲ .. ﺗﻨﺰﻝ .. ﺗﻔﻠﺖ ﺑﺎﻟﻜﺎﻉ .. ﻭﻛﺘﻠﻪ ﺗﺤﻠﻢ ﺍﺑﺎﻭﻉ ﻟﺸﻜﻮﻟﻚ ﺑﻌﺪ ..
- ﺩﺭﻭﻭﻭﺣﻲ ﺩﺭﺏ ﺍﻟﺴﺪ ﻻ ﺭﺩ ﻋﺴﺎﺍﻩ ..
- ﺍﻟﺘﻔﺘﺖ ﻋﻠﻴﻪ .. ﺍﺑﺎﻭﻋﻠﻪ ﺑﺤﺮﻛﻪ ﻣﺎ ﻳﺴﺘﺎﻫﻞ ﺍﺭﺩ .. ﺍﺧﺬﺕ ﺟﻨﻄﺘﻲ .. ﻭﻃﻠﻌﺖ ﺍﺑﺠﻲ ﺑﺤﺮﻛﻪ .. ﻃﻠﻌﺖ ﺍﻟﺒﻴﺖ ﻭﺿﺮﺑﺖ ﺍﻟﺒﺎﺏ
ﻭﺍﻣﺸﻲ ﻭﺍﺭﻛﺾ ﺑﺎﻟﻔﺮﻉ .. ﻭﺍﻣﺴﺢ ﺑﺪﻣﻮﻋﻲ .. ﺻﺎﺩﻓﺖ ﺑﻜﺮ .. ﺷﺎﻳﻞ ﻋﻼﻟﻴﻚ . ﻣﺴﻮﺍﻙ ﺑﻴﺪﻩ ...
ﺣﺴﺎﻓﻪ ﺧﺴﺮﺕ ﻭﺍﺣﺪ ﻣﺜﻠﻪ .. ﻋﻠﻰ ﻫﻴﺞ ﺣﺜﺎﻟﻪ .. ﺷﻔﺘﻪ ﻭﺩﺭﺕ ﻭﺟﻬﻲ ﻭﺍﻣﺸﻲ ﺣﻴﻞ ﻭﺍﺑﺠﻲ ﻭﺍﺷﻬﻚ ..
ﺷﻤﺮ ﺍﻟﻤﺴﻮﺍﻙ .. ﻭﺭﻛﺾ ﻭﺭﺍﻱ ﻟﺤﻈﻪ ﻟﺤﻈﻪ ﺗﻌﺎﺍﺍﻱ .. ﺷﺒﻴﺞ ...
ﺍﻣﺸﻲ ﻣﺎ ﺍﺭﻳﺪﻩ ﻳﺸﻮﻓﻨﻲ ﺑﻬﻠﺤﺎﻟﻪ .. ﺟﺮ ﺍﻳﺪﻱ ﻭﺩﺍﺭﻧﻲ ﺍﻟﻪ .. ﺍﺑﺘﻌﺪ ﻭﺧﺮ ﻣﻨﻲ ﻟﺨﺎﻃﺮ ﺍﻟﻠﻪ ..
- ﻫﺬﺍ ﺍﻟﺮﺍﺷﺪﻱ ﻫﻮﻩ ﺿﺮﺑﺞ ﻣﻮﻭﻭ
- ﻋﻮﻓﻨﻲ ﺍﻛﻮﻟﻚ ﻋﻮﻑ ﺍﻳﺪﻳﻴﻲ
- ﺍﺍﻻ ﺍﺻﻠﺦ ﺍﻫﻠﻪ ﺍﺑﻦ ﺍﻟﻜﻠﺐ ..
- ﺗﺮﻙ ﺍﻳﺪﻱ .. ﻭﺭﺍﺩ ﻳﺮﻳﺪ ﻳﺮﻛﺾ ﺑﺤﺮﻛﻪ .. ﻟﺰﻣﺘﻪ ﻣﻦ ﻣﻼﺑﺴﻪ .. ﻟﺘﻮﺻﺦ ﺍﻳﺪﻙ ﺑﻴﻪ .. ﺍﺗﺮﻛﻪ ..
- ﺩﻭﺧﺮﺭﺭﻱ ﻣﻨﻲ ﺧﻞ ﺍﺷﻮﻓﻪ ﺍﻟﺰﻟﻢ ﺷﺘﺠﻴﺐ ..
- ﺑﻜﺮ ﻛﺎﺍﺍﺍﻓﻲ ﻟﺨﺎﻃﺮ ﺍﻟﻠﻪ ﻣﻨﺎﻗﺼﺘﻚ ﺍﻧﻲ ﻣﻨﺎﻗﺼﺘﻚ .. ﺭﻭﺡ ﻟﻌﺎﺋﻠﺘﻚ ﻭﺍﺗﺮﻛﺘﻲ .. ﻋﻔﺘﻪ ﻭﺩﺭﺕ ﻭﺟﻬﻲ ﺍﺑﺠﻲ ﻭﺍﻣﺸﻲ ..
ﺭﻛﺾ ﻭﺭﺍﻱ .. ﺗﻌﺎﺍﺍﻱ ﺑﺲ ﻓﻤﻬﻴﻨﻲ ﺷﺴﻮﻩ ﺑﻴﺞ ﻣﺎ ﺍﺳﻜﺘﻠﻪ ﻭﻣﺤﻤﺪ .. ﺯﻟﻤﻪ ﻫﻮﻩ ﺧﻞ ﻳﺘﻘﻮﻩ ﻋﻠﻴﻨﻪ ﻣﻮ ﻋﻠﻰ ﻧﺴﻮﺍﻧﻪ ..
- ﺍﺑﺘﻌﺪﺩﺩﺩﺩ ..
- ﻟﺞ ﻟﺘﺒﺠﻴﻴﻴﻦ ﺑﺲ ﺗﻌﺎﺍﻱ ..
- ﺍﺭﻳﺪ ﺍﺭﻭﺡ ﻻﻫﻠﻲ ﻭﺧﺮﺭﺭ
- ﺗﺮﺣﻴﻦ ﻭﺣﺪﺝ .. ﺍﻛﺴﺮ ﺭﺟﻠﺞ .. ﺍﻧﻲ ﺍﺧﺬﺝ ..
- ﺑﻜﺮ ﻋﻮﻓﻨﻲ ﻋﻮﻓﻨﻲ .. ﻭﺍﻟﻠﻪ ﻣﻨﺎﻗﺼﺘﻚ
- ﻣﺎ ﺍﻋﻮﻑ ﻣﺎ ﺍﻋﻮﻭﻭﻭﻭﻑ ﺍﻓﺘﻬﻤﻲ ﻋﺎﺍﺍﺩ ..
- ﺟﺮ ﺍﻳﺪﻱ .. ﻭﻛﺎﻝ ﺗﻌﺎﻱ ﺍﻟﺴﻴﺎﺭﺗﻲ ﺑﺲ ﺍﺟﻴﺐ ﺍﻟﺴﻮﻳﺞ ..
- ﻣﺎ ﺍﺩﺧﻞ ﺑﻴﺘﻚ ﻭﺍﻧﻲ ﻫﻴﺞ ﺣﺎﻟﺘﻲ .. ﻣﺎ ﺍﺭﻳﺪ ﺍﺣﺪ ﻳﺘﺸﻤﺖ ﺑﻴﻪ ..
- ﻣﻨﻮ ﻳﺘﺸﻤﺖ ﺍﻛﺺ ﺍﻟﺴﺎﻧﻪ ﻭﺍﻟﻠﻪ .. ﺩﻳﺤﺠﻲ ﻭﻃﻠﻊ ﻋﻤﺎﺭ .. ﺩﺍﺭﻟﻪ ﺑﻜﺮ ﺑﺤﺮﻛﻪ .. ﻭﻛﺎﻝ ﻭﻟﻚ ﻧﺎﺭ ﺑﻜﻠﺒﻲ ﺍﻟﻠﻪ ﺟﺎﺑﻚ .. ﺩﺗﻌﺎﺍﺍﻝ ﺍﺑﻦ ﺍﻟﺴﻜﻂ ﺗﻤﺪ ﺍﻳﺪﻙ ﻋﻠﻴﻬﺎ .. ﻳﺘﺒﻊ
🌺🌺🌺🌺🌺
ﺭﺩﺗﻮ ﺑﻜﺮ .. ﺍﺧﺬﻭ ﺧﺒﺎﻝ ﺑﻜﺮ ﻫﻬﻬﻪ .. ﺗﻮﻗﻌﺎﺗﻜﻢ .. ﺷﺎﺭﻛﻮﻧﻲ
ﻣﺘﺎﺑﻌﻪ ﻣﻤﺘﻌﻪ ﻟﻠﺠﻤﻴﻊ
....
ﺩﻳﺤﺠﻲ ﻭﻳﺎﻱ ﺑﻜﺮ .. ﻃﻠﻊ ﻋﻤﺎﺭ .. ﺍﻧﺪﺍﺭ ﻋﻠﻴﻪ ﺑﻜﺮ ﺑﺤﺮﻛﻪ .. ﻭﻟﻚ ﻧﺎﺭ ﺑﻜﻠﺒﻲ ﺍﻟﻠﻪ ﺟﺎﺑﺒﻚ ..
ﺩﺗﻌﺎﺍﺍﻝ ﺍﺑﻦ ﺍﻟﺴﻜﻂ ﺗﻤﺪ ﺍﻳﺪﻙ ﻋﻠﻴﻬﺎ .. ﻭﺭﻛﺾ ﻟﻌﻤﺎﺭ ﺿﺮﺑﻪ ﺑﻮﻛﺲ ﻭﺟﺮﻩ ﻣﻦ ﻣﻼﺑﺴﻪ ﺗﻼﺯﻣﻮ ﺛﻨﻴﻨﻬﻢ ..
ﻭﺍﻧﻲ ﺍﺩﻓﻊ ﺑﻴﻨﻬﻢ .. ﺍﺟﺮ ﺑﻜﺮ ﻛﻮﻩ .. ﺩﻓﻌﻮﻧﻲ .. ﻟﻚ ﺑﻜﺮ ﻋﻮﻓﻪ ﻟﺨﺎﻃﺮ ﺍﻟﻠﻪ .. ﻭﺧﺮ ﻣﻨﻪ .. ﺍﺻﻴﺢ ﻣﺤﺪ ﺑﻴﻬﻢ ﻳﺮﺩ ..
ﻭﻳﺘﻀﺎﺭﺑﻮﻥ ﺑﻘﻮﻩ .. ﺧﻔﺖ ﺍﺗﻘﺮﺏ ﻣﻨﻬﻢ ﺍﻛﺜﺮ ﻳﻀﺮﺑﻮﻧﻲ ﻭﻳﺄﺫﻭﻥ ﻃﻔﻠﻲ .. ﺍﺑﺘﻌﺪ ﻭﻟﺰﻣﺖ ﺭﺍﺳﻲ ﻭﺻﺤﺖ ﺑﻜﻜﺮ ..
ﻭﺳﻮﻳﺖ ﺭﻭﺣﻲ ﺩﺧﺖ ﻭﻭﻛﻌﺪ .. ﺍﺟﻪ ﺑﻜﺮ ﻳﺮﻛﺾ .. ﻭﻋﻨﺎﺭ ﻳﻨﻔﺾ ﺍﺩﻳﻪ ﻭﻳﺒﺎﻭﻋﻠﻲ .. ﻛﻮﻣﻨﻲ ﺑﻜﺮ ..
- ﺳﻤﺮﺭﺭ ﺷﺒﻴﺞ ﺍﺣﺠﻲ ..
- ﻳﻀﺮﺏ ﻋﻠﻰ ﺧﺪﻱ ﺑﻘﻮﻩ .. ﻛﺘﻠﻪ ﺩﺧﺖ ﺭﺍﺳﻲ .. ﺳﺎﻋﺪﻧﻲ ﺍﻛﻮﻭﻭﻡ .. ﻛﻮﻣﻨﻲ ﻭﺧﻠﻪ ﺍﻳﺪﻱ ﻋﻠﻰ ﺟﺘﻔﻪ ﻭﻳﺮﻳﺪ ﻳﺪﺧﻠﻨﻲ ﻟﺒﻴﺘﻪ ..
ﻛﺘﻠﻪ ﻣﺎ ﺍﺭﻳﺪ ﻣﺎ ﺍﺭﻳﺪ .. ﺟﻴﺐ ﺳﻮﻳﺞ ﺳﻴﺎﺭﺗﻚ .. ﻫﻨﺎ ﺍﻧﺘﻀﺮﻙ ..
- ﺍﻧﺘﻀﺮﻱ ﻫﻨﺎ ﻟﺘﺘﺤﺮﻛﻴﻦ ﺛﻮﺍﻧﻲ ﻭﺍﺟﻴﺒﻪ ..
- ﺭﺍﺡ .. ﺍﻧﺘﺠﻴﺖ ﻋﻠﻰ ﺳﻴﺎﺭﺗﻪ ﻭﻭﻛﻔﺖ .. ﻟﻌﺒﺖ ﺭﻭﺣﻲ .. ﺍﺣﺲ ﺑﻌﺪ ﻣﺎ ﺍﺗﻨﻔﺲ ..
ﺍﺟﻪ ﻳﻤﻲ ﻋﻤﺎﺭ .. ﺳﻤﺮ ﻻ ﺗﺘﺨﺒﻠﻴﻦ ﺍﺭﺟﻌﻲ ﻭﺍﻟﻠﻪ ﻣﺎ ﻋﻨﺪﻱ ﺷﻲ ﻭﻳﺎﻫﺎ ..
- ﺭﻓﻌﺖ ﺭﺍﺳﻲ ﺍﻟﻪ ﺑﺤﺮﻛﻪ .. ﺍﺑﺘﻌﺪ ﺍﺑﺘﻌﺪ ﻟﺘﺨﻠﻴﻨﻲ ﺍﺑﺘﻠﻲ ﺑﻴﻚ .. ﻣﺎ ﻋﻨﺪﻩ ﺷﻲ ﺑﺲ ﺣﺎﻣﻞ ﻣﻨﻚ ..
ﺩﺍ ﺍﺣﺠﻲ ﻭﻟﻌﺒﺖ ﻧﻔﺴﻲ ﻓﺪ ﻣﺮﻩ ﻛﻤﺖ ﺍﺗﻘﻴﺊ .. ﺍﺭﻳﺪ ﺍﺧﺬ ﻧﻔﺲ .. ﻭﻋﻤﺎﺭ ﻳﻜﻮﻟﻲ ﺷﺒﻴﺞ ﺳﻤﺮ ..
ﻭﺍﻧﻲ ﺍﺿﺮﺏ ﺑﻴﻪ ﻭﺍﺑﻌﺪ ﻭﻛﻮﻩ ﺍﺗﻨﻔﺲ ﺍﺣﺲ ﻋﻴﻮﻧﻲ ﺗﻄﻠﻊ ﻣﻦ ﺍﺗﻘﻴﺊ .. ﺍﺟﻪ ﺑﻜﺮ ﺷﺎﻑ ﻋﻤﺎﺭ ﻻﺯﻣﻨﻲ ﻭﻳﺤﺠﻲ ﻭﻳﺎﻱ ..
ﺗﻼﺯﻡ ﻭﻳﺎﻩ ﻭﺍﻟﻚ ﻋﻴﻦ ﺗﺤﺠﻲ ﻭﻳﺎﻫﺎ .. ﺍﻧﻮﺏ ﺑﺎﻭﻋﻠﻲ ﺍﺗﻘﻴﺊ ﻋﺎﻑ ﻭﻳﻜﻮﻟﻲ ﺷﺒﻴﺞ ﺳﻤﺮ .. ﺑﺲ ﺗﻌﺎﻱ ﺍﺷﺮﺑﻲ ﻣﻲ ..
ﺟﺮﻧﻲ ﻟﻠﻜﺮﺍﺝ ﻣﺎﻟﺘﻪ .. ﺟﺮ ﺍﻟﺼﻮﻧﺪﻩ .. ﺗﻤﻀﻤﻀﺖ ﺑﺎﻟﻤﻲ ﻭﻏﺴﻠﺖ ﻭﺟﻬﻲ .. ﻛﺘﻠﻪ ﺍﺭﻳﺪ ﺍﺭﻭﺡ ﻻﻫﻠﻲ ..
- ﻟﻴﺶ ﻫﺸﻜﻞ ﺗﺘﻘﻴﺌﻴﻦ ﺷﻨﻮ ﺿﺎﺭﺑﺞ ﻋﻠﻰ ﺭﺍﺳﺞ ..
- ﻻﺍﺍ ﻻﻥ ﺟﻮﻋﺎﻧﻪ .. ﻣﻌﺪﺗﻲ ﻣﻜﺎﻋﺪ ﺗﺘﺤﻤﻞ ﻓﺘﻘﻴﺌﺖ ..
- ﺍﻱ ﺩﺗﻌﺎﻱ ﺍﺩﺧﻠﻲ ﺟﻮﻩ ﺧﻞ ﺍﻛﻠﻲ ..
- ﻃﻠﻌﺖ ﺗﻀﺎﻝ .. ﻫﺎ ﺳﻤﺮ ﺷﺒﻴﺞ .. ﻛﺎﻟﻠﻬﺎ ﺑﻜﺮ ﻣﺘﻌﺎﺭﻛﻪ ﻫﻴﻪ ﻭﺯﻭﺟﻬﺎ ﻭﻃﺎﻟﻌﻪ ﻣﻨﻪ .. ﺻﺮﺧﺖ ﺑﺲ ﻻ ﺗﻄﻠﻜﻴﻦ ..
ﺣﺠﺖ ﻫﻴﺞ ﺩﺭﺕ ﻭﺟﻬﻲ .. ﻫﻮﻩ ﻛﺎﻡ ﻳﺼﻴﺢ ﻫﻠﻴﻬﺎ ﻭﻛﺎﻟﻠﻬﺎ ﻃﺒﻲ ﺟﻮﻩ ﻭﻗﻔﻠﻲ ﺍﻟﺒﺎﺏ ﺭﺍﻳﺢ ﺍﻭﺻﻠﻬﺎ ﻟﺒﻴﺖ ﺧﺎﻟﻲ ..
ﻃﻠﻌﺖ .. ﺩﺍﺱ ﻫﻮﻩ ﻣﻦ ﻳﻤﻪ ﺍﻟﺴﻮﻳﺞ .. ﺍﻧﻔﺘﺢ ﺑﺎﺍﺏ ﺍﻟﺴﻴﺎﺭﻩ .. ﻓﺘﺤﺘﻪ ﻭﺻﻌﺪﺕ .. ﻭﺍﺟﻪ ﺻﻌﺪ ﻫﻮﻩ .
ﻋﻤﺎﺭ ﺩﺧﻞ ﺟﻮﻩ .. ﻣﺎ ﺷﻔﺘﻪ .. ﻣﺸﻰ ﺑﻜﺮ .. ﺍﻭﻝ ﺷﻲ ﺍﻟﺘﻢ ﺍﻟﺴﻜﻮﺕ .. ﻭﺑﻌﺪﻳﻦ ﻛﺎﻝ ﺷﺒﻴﻪ ﻭﻳﺎﺝ ﻫﺬﺍ ﺍﻟﻜﻠﺐ ..
- ﺳﻜﺘﺖ ﻣﺮﺩﻳﺖ ﻋﻨﻪ .. ﺑﺲ ﺩﻣﻮﻋﻲ ﺑﻌﻴﻨﻲ .. ﻭﺍﺑﺎﻭﻉ ﻟﻠﺸﺎﺭﻉ .. ﺗﻮﻗﻒ .. ﺩﺭﺗﻠﻪ ﻭﺟﻬﻲ ﻟﻴﺶ ﻭﻛﻔﺖ ..
- ﻧﺰﻟﻲ ﺍﻭﻛﻠﺞ
.....
ﻣﺎ ﺍﺭﻳﺪ .. ﺍﺻﻌﺪ ..
- ﻣﺎ ﺭﺩ ﻋﻠﻴﻪ .. ﻧﺰﻝ ﻭﺍﺟﻪ ﻓﺘﺢ ﺑﺎﺏ ﺍﻟﺴﻴﺎﺭﻩ ﻭﺟﺮ ﺍﻳﺪﻱ .. ﻭﻧﺰﻟﻨﻲ ﻭﺳﺪ ﺍﻟﺒﺎﺏ ..
- ﺑﻜﺮ ﺧﻠﻴﻨﻲ ﺍﺭﻭﺡ ﻻﻫﻠﻲ ﻓﺪﻭﻩ ﺩﺍﻳﺨﻪ ..
- ﺑﺲ ﺗﻌﺎﻱ ﺍﻛﻠﻲ ﻭﺍﺭﺗﺎﺣﻲ ﻭﺭﻭﺣﻲ ..
- ﺍﺧﺬﻧﻲ ﻭﺩﺧﻠﻨﻪ ﻟﻠﻤﻄﻌﻢ ﺩﺍﻓﻲ .. ﻭﺍﻧﻲ ﺩﺍﻳﺨﻪ .. ﺧﻠﻴﺖ ﺭﺍﺍﺳﻲ ﻋﻄﺎﻭﻟﻪ ﻭﺳﻜﺮﺕ ﺍﺩﻳﻪ ..
ﺍﺟﻪ ﺍﻟﻌﺎﻣﻞ ﻣﺎﻝ ﺍﻟﻤﻄﻌﻢ .. ﻛﺎﻝ ﺷﻄﻠﺒﻮﻥ .. ﺑﻜﺮ ﺑﺎﻭﻋﻠﻲ .. ﻛﺘﻠﻪ ﺍﻱ ﺷﻲ .. ﺍﺻﻼ ﻣﻤﺸﺘﻬﻴﻪ ..
- ﻛﺎﻟﻪ ﻛﺺ ﻟﺤﻢ .. ﺭﺍﺡ ﺍﻟﻌﺎﻣﻞ .. ﻛﺎﻝ ﺷﻨﻮ ﺑﻴﺞ ﺳﻤﺮ .. ﻟﻴﺶ ﻫﻴﺞ ﻳﻀﺮﺑﺞ ﻋﻤﺎﺭ ..
- ﺑﺎﻭﻋﺘﻠﻪ .. ﺻﻔﻨﺖ ﺑﻮﺟﻬﺎ ﻧﺰﻟﺖ ﺩﻣﻮﻋﻲ .. ﺩﺭﺕ ﻭﺟﻬﻲ ﻭﻣﺴﺤﺖ ﺩﻣﻌﺘﻲ ..
- ﻣﺄﺫﻳﺞ ..
- ﻫﺰﻳﺖ ﺭﺍﺳﻲ .. ﻻ ﺍﻧﺘﻪ ﺍﻟﻠﻲ ﺩﺗﺄﺫﻳﻨﻲ ..
- ﺍﺩﺭﻱ ﺟﺎﻱ ﺍﺗﺼﺮﻑ ﺗﺼﺮﻓﺎﺕ ﻣﻮ ﻣﻌﻘﻮﻟﻪ .. ﺑﺲ ﺳﻤﺮ ﺗﻌﺮﻓﻴﻦ ﺷﻨﻮ ﺟﻨﻴﺖ .. ﻟﺞ ﻣﻦ ﻳﻮﻡ ﺍﻟﺮﺣﺘﻲ ﻋﻘﻞ ﻣﺎ ﺿﻞ ﺑﺮﺍﺳﻲ ﻭﺍﻓﻜﺮ ..
- ﻣﻤﺘﺄﺫﻳﻪ ﻣﻦ ﺗﺼﺮﻓﺎﺗﻚ .. ﺍﺑﺪ .. ﺑﺲ ﻣﺘﺄﺫﻳﻪ ﻣﻦ ﺣﺒﻚ .. ﺑﻜﺮ ﻣﺠﺎﻱ ﺍﻧﺴﻰ ﺗﻌﺒﺖ .. ﻋﻤﺎﺭ ﺩﻳﺨﻮﻧﻲ ﻻﻥ ﻣﺎ ﺍﻃﺪﺭ ﺍﻧﻄﻴﻪ ﺣﻘﻪ ﺍﻟﺰﻭﺟﻲ ﻭﺍﺳﻌﺪﻩ ..
ﻣﻦ ﻳﺘﻘﺮﺏ ﻳﻤﻲ .. ﺍﻛﺮﻩ ﺭﻭﺣﻲ .. ﺍﺣﺲ ﻧﻔﺴﻲ ﺧﺎﻳﻨﻪ .. ﻟﺪﺭﺟﻪ ﺍﺭﻳﺪ ﺍﺣﺮﻙ ﺭﻭﺣﻲ .. ﺑﻜﺮ ﻣﺎ ﺍﺣﺐ ﻭﻣﻜﺎﻋﺪ ﺍﺗﺄﻗﻠﻢ ﻭﻳﺎﻩ ﺗﻌﺒﺖ ﺍﻃﻠﻊ ﻣﻦ ﻋﻘﻠﻲ ﺍﻃﻠﻊ ..
ﺩﻧﻜﺖ ﺭﺍﺳﻲ ﻭﺧﻠﻴﺖ ﺍﺩﻳﻪ ﻋﻞ ﻭﺟﻬﻲ .. ﻭﻛﻤﺖ ﺍﺑﺠﻲ ..
- ﻟﻴﺶ ﺍﺗﺰﻭﺟﺘﻲ ﻟﻌﺪ .. ﺍﺫﺍ ﻣﺘﺮﺩﻳﻪ .. ﻟﻴﺶ ﺩﻣﺮﺗﻴﻨﻲ ﻭﺩﻣﺮﺗﻲ ﺭﻭﺣﺞ ..
- ﻣﺠﺎﻥ ﻛﺪﺍﻣﻲ ﺧﻴﺎﺭ ﺣﺘﻰ ﺍﻧﺴﺎﻙ .. ﺍﻓﺘﻜﺮﺕ ﻟﻮ ﺍﺗﺰﻭﺟﺖ ﻭﺍﻧﺸﻐﻠﺖ ﺍﺑﻴﺖ ﻭﺭﺟﺎﻝ ﻭﺍﻃﻔﺎﻝ ﺍﻧﺴﺎﻙ ﻭﺍﺑﻌﺪﻙ ﻣﻦ ﺣﻴﺎﺗﻲ ..
ﺑﺲ ﺻﻌﺐ ﺻﻌﺐ .. ﺟﺎﻱ ﺍﺗﻌﺬﺏ ﺑﻜﺮ .. ﻣﺠﺎﻱ ﺍﻧﺴﻰ ..
- ﻟﺞ ﻟﺸﻮﻛﺖ ﺗﻀﻠﻴﻦ ﻫﻴﺞ ﺛﻮﻟﻪ ﻭﻣﺘﻔﻜﺮﻳﻦ .. ﻟﺞ ﺍﻟﻒ ﻣﺮﻩ ﻛﺎﻳﻠﺞ .. ﻳﺎ ﺳﻤﺮ ﻣﻦ ﺗﺮﺩﻳﻦ ﺗﻘﺮﺭﻳﻦ ﻓﻜﺮﻱ .. ﻻ ﺗﺘﺴﺮﻋﻴﻦ .. ﺍﺩﺭﺳﻲ ﻗﺮﺍﺭﺝ ..
ﻭﺍﻓﻘﺘﻲ ﺑﺎﻟﺒﺪﺍﻳﻪ ﻋﻠﻰ ﻋﺎﺩﻝ .. ﻭﻏﻠﻄﺘﻲ ﻭﻣﺎ ﻓﺎﺗﺤﺘﻴﻪ ﺑﻤﻮﺿﻮﻋﺞ .. ﻭﺧﻠﻴﺘﻴﻪ ﻳﻨﺼﺪﻡ ﺑﻴﺞ .. ﺓﻳﻌﺘﻘﺪﺝ ﻭﺣﺪﻩ ﻣﻮ ﺯﻳﻨﻪ ..
ﺭﺟﻌﺘﻲ ﻫﺴﻪ ﻧﻔﺲ ﺍﻟﻐﻠﻂ .. ﺗﻜﺮﺭﻱ .. ﺗﻨﻘﺬﻳﻦ ﻧﻔﺴﺞ ﻣﻨﻲ ﻭﺗﺸﻤﺮﻳﻬﺎ ﺑﻨﺎﺭ ﺍﻗﻮﻯ ﻣﻦ ﻧﺎﺭﻱ ..
ﺳﻤﺮ ﻛﺘﻠﺞ ﺑﺲ ﺍﺻﺒﺮﻱ ﻭﻳﺎﻱ .. ﺳﻤﺮ ﻃﺎﻭﻋﻴﻨﻲ .. ﺗﺎﻟﻲ ﺗﻐﻠﻘﻴﻦ ﺟﻬﺎﺯﺝ ﻭﺍﻟﻜﺎﺝ ﺍﺑﺪﻟﺔ ﺍﻟﻌﺮﺱ ﻟﻴﺶ ﻫﻴﺞ ..
- ﺑﻜﺮ ﻟﺘﺰﻳﺪﻫﺎ ﻋﻠﻴﻪ .. ﺑﻨﻔﺴﻲ ﻣﺘﻨﺪﻣﻪ ﻭﺍﻟﻮﺟﻊ ﻭﺍﻟﻘﻬﺮ ﺫﺍﺑﺤﻨﻲ ﻣﺎ ﻣﺘﺤﻤﻠﻪ ﺍﺭﻳﺪ ﺍﻣﻮﻭﻭﺕ
ﺍﺧﺬ ﺍﺩﻳﻪ .. ﻭﻛﺎﻝ ﺍﺷﺸﺶ .. ﺍﻫﺪﻱ ﻛﻠﺸﻲ ﺍﻟﻪ ﺣﻞ .. ﺑﺲ ﺍﻫﺪﻱ .. ﺗﻠﻤﺲ ﺍﺩﻳﻪ .. ﺑﺮﺩﺍﻧﻪ .
- ﻫﺰﻳﺖ ﺭﺍﺳﻲ ﻻ .. ﺑﺲ ﺍﻃﺮﺍﻓﻲ ﺑﺎﺭﺩﺍﺕ ..
- ﺗﺮﺩﻳﻦ ﺳﺘﺮﺗﻲ ..
- ﻻﺍﺍ ﺩﻓﻴﺎﻧﻪ .. ﺩﻧﺤﺠﻲ ﻭﻧﺰﻟﻮ ﺍﻻﻛﻞ .. ﺑﺎﻭﻋﺖ .. ﻛﺎﻝ ﺍﻛﻠﻲ ﻟﺘﻬﺘﻤﻴﻦ .. ﻛﻮﻟﺸﻲ ﻣﺤﻠﻮﻝ ﺍﻧﺸﺎﻟﻠﻪ ..
- ﺑﺪﻳﺖ ﺍﻛﻞ ﺷﻔﺘﻪ ﻳﻀﺤﻚ ﻭﻳﺒﺎﻭﻋﻠﻲ .. ﺷﺒﻴﻚ ﻟﻴﺶ ﺗﻀﺤﻚ ..
- ﺍﺿﺤﻚ ﻋﻠﻰ ﺭﻭﺣﻲ .. ﺍﻟﺒﺎﺭﺣﻪ ﺑﻠﻴﻞ ﺣﺎﺭﻙ ﺭﻭﺣﻲ ﺑﺎﻳﻞ ﻭﺍﺷﺮﺏ ﺟﻜﺎﻳﺮ ﻭﺍﺣﺮﻙ ﺑﻜﻠﺒﻲ .. ﻭﺍﻓﻜﺮ ﺷﻠﻮﻥ ﺍﺣﺮﻙ ﺩﻣﺞ ﻣﺜﻞ ﻣﺎ ﺣﺮﻛﺘﻴﻨﻲ
...
ﻭﻫﺴﻪ ﻛﺎﻋﺪ ﺍﻭﺍﺳﻴﺞ . ﻭﻣﻜﺴﻮﺭ ﺧﺎﻃﺮﻱ ﻋﻠﻴﺞ .. ﻭﺣﺎﻳﺮ ﺑﻴﺞ .. ﺩﺧﺖ ﺑﻴﺞ ﺳﻤﺮ ﺩﺧﺖ ..
- ﻫﻬﻪ ﺟﻨﺖ ﺗﻐﻨﻴﻠﻲ ﺭﺩﺕ ﺍﻧﺴﺎﻙ ﻭﺍﺧﻠﺺ ﻣﻦ ﻛﻼﻡ ﺍﻟﻨﺎﺱ .. ﻫﺴﻪ ﻛﻞ ﻭﻛﺖ ﺍﻏﻨﻲ ﺑﻴﻬﺎ ﻭﺍﺫﻛﺮﻙ .. ﺧﺎﺻﻪ ﻟﻤﺎ ﻳﻜﻮﻝ ﺭﺩﺕ ﺍﻧﺴﺎﻙ ﻭﺧﺎﻧﺘﻨﻲ ﺍﻟﻤﺸﺎﻋﺮ ..
- ﻫﻬﻬﻬﻪ ﺩﻛﻴﺖ ﻋﻠﻄﺎﻭﻟﻪ ﺧﻔﻴﻔﻲ ﺑﺎﺻﺎﺑﻌﻲ ﻭﺍﺑﺎﻭﻋﻠﻬﺎ .. ﻭﻏﻨﻴﺖ .. ﺑﻌﺪﻧﻲ ﺍﺷﺘﺎﻛﻠﻚ ﻟﻜﻨﻨﻨﻨﻦ ﺍﻛﺎﺍﺍﺍﺍﺑﺮ ﺭﺩﺕ ﺍﻧﺴﺎﺍﺍﺍﻙ ﻭﺧﺎﻧﺘﻨﻲ ﺍﻟﻤﺸﺎﻋﺮ ..
ﻏﺼﺒﺎ ﻋﻠﻲ ﺭﻭﺣﻲ ﺟﺎﺑﺘﻨﻲ ﻋﻠﻴﻚ .. ﻣﺎ ﺍﺣﺲ ﺍﻻ ﺍﻧﺎ ﻣﺎ ﺑﻴﻦ ﺍﺩﻳﻚ .. ﻛﺘﻠﻚ ﻧﺴﻴﺘﻚ ﻳﺎﺍﺍﺍﺍﺍﺍ ﺗﺮﻯ ﻧﺴﻴﻴﻴﻴﺖ
ﻧﺴﻴﺖ ﺍﺳﻤﻲ ﻭﺑﻘﻰ ﺍﺳﻤﻚ ﻋﻠﻰ ﺑﺎﺍﺍﺍﻟﻲ ..
ﻫﻬﻬﻬﻬﻬﻪ ﺍﻭﻭﻑ ﻳﻮﻣﻴﻪ ﺍﻛﻌﺪ ﺍﻋﺰﻑ ﻭﺍﻏﻨﻲ .. ﻭﺍﻃﻠﻊ ﻗﻬﺮﻱ ﺑﺎﻟﻌﻮﺩ .. ﻋﻠﻰ ﻳﻮﻡ ﺍﺣﺮﻛﻪ ﻣﻦ ﻭﺭﺍﺝ ..
- ﻫﻬﻬﻬﻬﻬﻪ ﻻﺍﺍ ﺑﺪﺍﻋﺘﻲ .. ﺍﺗﺬﻛﺮﻧﻲ ﺑﻴﻪ . .
- ﻫﻬﻪ ﺍﺗﺬﻛﺮ .. ﻟﻴﺶ ﻫﻮﻩ ﺍﻧﻲ ﻧﺎﺳﻲ ..
- ﺻﺎﺭ ﻻﺯﻡ ﺍﻧﺮﻭﺡ ﻳﻠﻪ .. ﻭﻣﺸﻜﻮﺭ ﻋﻠﻰ ﺍﻟﻌﺸﺎ ..
- ﺩﺗﺤﺴﺴﻴﻨﻲ ﻏﺮﻳﺐ ﺑﺄﺳﻠﻮﺑﺞ ﻫﺬﺍ
- ﻟﻴﺶ ..
- ﻭﻻ ﺷﻲ .. ﻳﻠﻪ ..
- ﻋﺎﺩﻝ ﺷﻠﻮﻧﻪ ..
- ﻟﻴﺶ ﺗﺴﺄﻟﻴﻦ ﻋﻠﻴﻪ .
- ﻣﻮ ﻓﺪ ﺷﻲ .. ﺑﺲ ﻫﻴﺞ .. ﺫﺍﻙ ﺍﻟﻴﻮﻡ ﺳﻤﻌﺘﻪ ﺷﻠﻮﻥ ﻳﺤﺠﻲ ﻋﻠﻴﻪ ﻛﺒﺎﻝ ﻫﻤﺎﻣﻲ .. ﻳﺎ ﺣﺴﺎﻓﻪ ﺑﺲ .. ﺟﺎﻥ ﺻﺪﻳﻖ ﻭﺍﻗﺮﺏ ﺍﻟﻴﻪ ﻣﻦ ﺭﻭﺣﻲ ﻫﻴﺞ ﻳﺴﻮﻱ ..
- ﺯﻳﻦ ﻋﺎﻳﺶ .. ﻭﻣﺮﺗﻪ ﻣﻮﺟﻮﺩﻩ .. ﺗﻮﺿﻒ ﺳﻜﺮﺗﻴﺮ .. ﻭﻛﺎﻫﺪ ﻳﺸﺘﻐﻞ ..
- ﻟﻴﺶ ﻃﻠﻌﺖ ﻣﻦ ﺍﻫﻠﻚ ..
- ﺗﻌﺎﺭﻛﺖ ﻭﻱ ﺍﻣﻲ ..
- ﻋﻠﻤﻮﺩ ﺫﺍﻙ ﺍﻟﻴﻮﻡ ..
- ﻳﻠﻪ ﻛﻮﻣﻲ ..
- ﻛﻤﺘﻪ .. ﻭﻣﺸﻴﺖ ﻭﻳﺎﻩ .. ﻭﺩﺍﻧﻲ ﻟﻠﺴﻴﺎﺭﻩ ﻭﻫﻮﻩ ﻣﺸﻐﻞ ﻋﻠﻤﻴﻨﻲ ﺷﻠﻮﻧﻮﺍﻧﺴﻰ ﻓﻬﻤﻴﻨﻲ ﺷﻠﻮﻥ ﺍﻧﺴﻰ ..
ﺑﺲ ﺻﻮﺕ ﺍﻟﺘﺴﺠﻴﻞ ﺑﺎﻟﺴﻴﺎﺭﻩ .. ﺧﻔﺖ ﻳﺼﻴﺮ ﻋﻨﺪﻩ ﺍﻣﻞ ﺑﻴﻪ .. ﻭﻳﺮﺟﻊ ﻳﺘﺄﻣﻞ ..
ﺑﻜﺮ
- ﻧﻌﻢ ..
- ﺍﻧﻲ ﺣﺎﻣﻞ .. ﻭﺑﺎﻭﻋﺘﻠﻪ .. ﺍﺑﺘﺴﻢ ﺍﺑﺘﺴﺎﻣﻪ ﺑﻴﻦ ﺍﻟﺤﺰﻥ ﻭﺍﻟﻀﺤﻚ .. ﻭﻋﻘﺪ ﺍﻟﺤﻮﺍﺟﺐ ..
- ﺷﺎﻳﻔﻪ ﺍﻟﻒ ﺧﻴﺮ .. ﺗﻜﻮﻣﻴﻦ ﺑﺴﻼﻣﻪ ..
- ﺍﻧﺘﻪ ﺍﻭﻝ ﻭﺍﺣﺪ ﺗﻌﺮﻑ ﺑﻬﻠﺨﺒﺮ ..
- ﻫﻬﻪ ﺿﺤﻚ ﻭﻫﺰ ﺭﺍﺳﻪ ﻭﺩﻧﻚ .. ﻣﻦ ﻓﻜﺮ ﺣﻈﻲ ..
- ﻭﺻﻠﻨﻪ ﺍﻟﺒﻴﺖ .. ﻧﺰﻟﺖ ﻣﻨﻪ .. ﻭﻟﻮﺣﺘﻠﻪ ﺑﺄﻳﺪﻱ .. ﺍﺧﺬ ﻧﻔﺲ ﻗﻮﻱ ﻭﺍﺑﺘﺴﻢ ..
ﻣﺸﻴﺖ ﻟﻠﺒﻴﺖ ﻭﺭﺍﺡ .. ﺩﻛﻴﺖ ﺍﻟﺒﺎﺏ .. ﻃﻠﻌﺖ ﺍﻣﻲ .. ﻫﻼ ﺳﻤﺮ ..
- ﻫﻼ ﻣﺎﻣﺎ ..
- ﺷﺒﻴﺞ ..
- ﺑﻴﻪ ﺿﻴﻢ ﻭﺻﻴﺤﺎﻥ ﺣﻆ ﺷﺒﻴﻪ ﻗﺎﺑﻞ ..
- ﺷﻜﻮ ﺷﺼﺎﻳﺮ ..
- ﻋﻨﺎﺭ ﻃﻠﻊ ﻣﺘﺰﻭﺝ ﻋﻠﻴﻪ ..
- ﻳﺎﺍﺍﺍﺍ ﻣﻮ ﻣﻄﻠﻚ .. ﺷﻨﻮ ﻳﻌﻨﻲ ﻣﻤﻄﻠﻜﻬﺎ ..
- ﻻﺍﺍﺍ ﻣﺪﺭﺳﻪ ﻭﻳﺎﻳﻪ ﻣﺘﺰﻭﺟﻬﺎ ﻣﺴﻴﺎﺭ ﻭﻳﺮﻭﺣﻠﻬﺎ ﻛﻞ ﻳﻮﻡ ﻭﺍﻧﻲ ﻋﻠﻰ ﺫﻣﺘﻪ ..
- ﻟﻴﺶ ..
.....
ﺷﻤﺪﺭﻳﻨﻲ ﺭﻭﺣﻲ ﺳﺌﻠﻴﻪ ﻟﻠﺨﺴﻴﺲ ﻟﻴﺶ .. ﻋﻮﻓﻴﻨﻲ ﺍﺭﺗﺎﺡ ﺭﺣﻤﻪ ﺍﻟﺮﺑﺞ .. ﺭﺍﺳﻲ ﺻﺎﻳﺮ ﻃﺒﻞ ..
ﻋﻔﺘﻬﺎ ﺳﻠﻤﺖ ﻋﻠﻰ ﺑﺎﺑﺎ .. ﻛﺎﻝ ﺷﻜﻮ .. ﻛﺘﻠﻪ ﻣﺎﻣﺎ .. ﺗﻜﻮﻟﻚ ﺷﻜﻮ ﻭﻋﻔﺘﻪ ﻭﺻﻌﺪﺕ ..
ﻓﺘﺤﺖ ﻏﺮﻓﺘﻲ ﺍﻟﻘﺪﻳﻤﻪ .. ﻣﻨﻀﻔﺘﻬﺎ ﻣﺎﻣﺎ ﻭﺳﺎﺩﺗﻬﺎ .. ﻭﻣﺼﻠﺤﻪ ﺍﻟﻐﺮﻓﻪ ﻭﺍﻟﻤﺮﺍﻳﺎ .. ﺷﻤﺮﺕ ﻧﻔﺴﻲ ﻋﻠﺴﺮﻳﺮ ﻭﻧﻤﺖ ..
ﻫﻬﻪ ﺗﻴﺘﻲ ﺗﻴﺘﻲ ﻣﺜﻞ ﻣﺎ ﺭﺣﺘﻲ ﺟﻴﺘﻲ ﻳﺎ ﺳﻤﺮ .. ﻣﻴﻼﻡ ﺑﻴﻪ ﺑﻜﺮ ﻣﻦ ﻳﻜﻮﻟﻲ ﺛﻮﻟﻪ .. ﺷﺒﻴﻪ ﻭﺍﻓﻘﺖ ﻋﻠﻴﻪ .. ﺍﻫﻤﺪﺍﻧﻲ ..
ﺷﻮﻛﺖ ﻓﻜﺮﺕ ﻋﻠﻤﻮﺩ ﺍﻓﻜﺮ ﺍﻟﻴﻮﻡ .. ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ . ﻫﻬﻪ ﻳﻜﻔﻲ ﺍﺧﺬﺕ ﻣﻨﻬﻢ ﺑﻴﺒﻲ .. ﻭﻟﻌﺎﺑﻴﻪ ﺗﺼﻴﺮ ﺍﻟﻴﻪ ﺍﺗﻮﻧﺲ ﺑﻴﻬﺎ ..
ﺍﻭﻭﻭﻑ ﻫﻴﺞ ﻭﻳﺼﻴﺮ ﻋﻨﺪﻱ ﻃﻔﻞ ﻏﻴﺮ ﺍﻣﻮﺕ ﻣﻦ ﺍﻟﻔﺮﺡ ﺑﻴﻪ ..
ﺑﻘﻴﺖ ﺍﻳﺪﻱ ﻋﻠﻰ ﺑﻄﻨﻲ ﻭﻧﻤﺖ .. ﻟﻠﻴﻞ ﻛﻮﻟﺶ .. ﻛﻌﺪﺕ ﻧﺰﻟﺖ .. ﻟﻜﻴﺖ ﻣﺎﻣﺎ ﻭﺑﺎﺑﺎ ﻭﻣﺤﻤﺪ ﻛﺎﻋﺪﻳﻦ ﻋﻠﺼﻮﺑﻪ ﻭﻳﺒﺎﻭﻋﻮﻥ ﺗﻠﻔﺰﻳﻮﻥ ..
ﻛﺎﻝ ﺍﺑﻮﻱ ﺗﻌﺎﻱ ﺳﻤﺮ ﻓﻬﻤﻴﻨﻲ ﺷﺼﺎﻳﺮ .. ﻛﺘﻠﻪ ﻣﺎ ﻓﻬﻤﺘﻚ ﺍﻣﻲ .
- ﺷﻨﻮ ﻳﻌﻨﻲ ﻃﻠﻊ ﻣﺘﺰﻭﺝ ..
- ﺍﻱ ﻣﺴﻴﺎﺭ ..
- ﻭﻣﻦ ﺷﻮﻛﺖ ..
- ﻣﻦ ﻗﺒﻞ ﺯﻭﺍﺟﻲ ﻭﻟﻠﻴﻮﻡ .. ﻭﺍﻟﺒﻨﻴﻪ ﺣﺎﻣﻞ .. ﺍﺣﻤﺪ ﺩﺧﻞ .
- ﻫﺎﺍﺍﺍ ﺷﻮ ﻫﻨﺎ ﺷﻌﺪﺝ ..
- ﺣﺠﻪ ﺍﺑﻮﻱ .. ﻃﻠﻊ ﺍﻟﺨﺴﻴﺲ ﻣﺘﺰﻭﺝ ..
- ﺍﻱ ﻭﺷﻨﻮ ﺍﻟﺮﺟﺎﻝ ﻣﺤﻠﻠﻪ 4 ﻣﻨﻮ ﺍﻧﺘﻲ ﻭﺗﻌﺘﺮﺿﻴﻦ ..
- ﻣﺤﻠﻠﻪ ﺑﺎﻟﻌﺎﻓﻴﻪ ﻋﻠﻴﻪ .. ﻻﺯﻣﺘﻪ ﺍﻧﻲ ﻣﺎﻧﻌﺘﻪ .. ﺑﺲ ﻣﺎ ﺍﻗﺒﻞ ﻓﻜﺮﺓ ﻳﺠﻴﺐ ﻏﻴﺮﻱ ..
- ﻫﺎﻱ ﺍﻟﻌﻴﺎﺭﻩ ﺑﻄﻠﻴﻬﺎ .. ﺳﻨﺘﻴﻦ ﻛﺎﻋﺪﻩ ﻭﻳﻪ ﻋﺎﺩﻝ ﻭﺗﺘﻤﻨﻴﻪ .. ﻭﻫﻮﻩ ﺍﺗﺰﻭﺝ ﻋﻠﻴﺞ ﻭﺭﻩ ﺍﻟﺰﻭﺍﺝ ﻣﻮ ﻗﺒﻠﻪ . ﻭﻣﺎ ﺣﺠﻴﺘﻲ .. ﻫﺴﻪ ﻫﻨﺎ ﺗﺘﻜﺒﺮﻳﻦ ﻭﺗﺸﻮﻓﻴﻦ ﺭﻭﺣﺞ ﻋﻠﻰ ﻋﻤﺎﺭ ..
- ﻋﺎﺩﻝ ﻣﺎ ﺟﻨﺖ ﺣﺎﺳﺒﺘﻪ ﺭﺟﺎﻝ ﺑﺤﻴﺎﺗﻲ ﻣﺎ ﺭﺍﻳﺪﺗﻪ .. ﻭﺑﻤﺠﺮﺩ ﻣﺎ ﺻﺎﺭﻟﻲ ﺭﺟﺎﻝ ﻣﺘﺤﻤﻠﺘﻪ ﻭﺗﺮﻛﺘﻪ ..
ﻭﻋﻠﻌﻤﻮﻡ ﻣﺎ ﺍﻗﺒﻞ ﺑﻌﺪ .. ﻋﺸﻨﻮ ﻫﺎﻳﻨﻪ ﻧﻔﺴﻲ ﻳﻤﻪ .. ﺷﻨﺎﻗﺼﺘﻲ ﺍﺷﻮ ﺍﻧﻲ ﺍﻻﺻﺮﻑ ﻣﻮ ﻫﻮﻩ ﻳﺼﺮﻑ ﻋﻠﻴﻪ ..
- ﺍﻛﻴﺪ ﻣﻦ ﻫﺬﺍ ﺍﻟﺴﺎﻧﺞ ﺷﺎﻑ ﻏﻴﺮﺝ ..
- ﺍﻛﻠﻚ ﺍﻧﺘﻪ ﺍﺧﻮﻱ ﻟﻮ ﺍﺧﻮﻭﻭ ﺷﺒﻴﻚ ..
- ﺍﻛﻠﺞ ﺳﻤﺮ ﺩﺭﻭﺑﺞ ﺑﻄﻠﻴﻬﺎ .. ﺍﺫﺍ ﺍﺑﺎﻟﺞ ﺫﻳﺞ ﺍﻟﺴﺎﻟﻔﻪ ﻭﻣﺴﻮﻳﻪ ﻣﺸﻜﻠﻪ ﻋﻠﻤﻮﺩ ﺗﻄﻠﻜﻴﻦ .. ﻓﺤﺴﺒﻲ ﺣﺴﺎﺑﺞ ﺍﺩﻓﻨﺞ ﻭﻣﺎ ﺍﺧﻠﻲ ﺍﻟﺒﺎﻟﺞ ﻳﺼﻴﺮ ﻭﺍﻟﻠﻪ ..
- ﺍﺣﻤﺪ ﻟﺘﺤﺠﻲ ﻫﻴﺞ ﻭﻳﺎﻱ .. ﺑﺎﺑﺎ ﻣﺘﺮﺩ ﺷﻮﻭﻭ ﺳﺎﻛﺖ .. ﻟﻮ ﺭﺍﻳﺪﻩ ﺍﻟﺒﺎﻟﻲ ﻣﺎ ﺍﺣﺮﻙ ﺭﻭﺣﻲ ﻭﻳﻪ ﻋﻤﺎﺭ ﻭﺍﻭﺍﻓﻖ ﻋﻠﻴﻪ .. ﺍﺧﺎﺻﺮ ﻃﺮﻳﻘﻲ ﻭﺍﺧﺘﺎﺭ ﻣﻦ ﺍﻟﺒﺪﺍﻳﻪ
- ﺍﺣﻤﺪ ﻋﻮﻑ ﺍﺧﺘﻚ ﺧﻠﻴﻬﺎ ﺗﺮﺗﺎﺡ ﻭﻧﺸﻮﻑ ﺷﻨﻮ ﺍﻟﺤﻞ ..
- ﺍﻟﻠﻪ ﺟﺎﺑﺞ ﺿﻠﻲ .. ﺍﺻﻼﻥ ﺧﻄﺒﺘﻲ ﺍﻟﺠﻤﻌﻪ ﻭﺍﻣﻲ ﻣﺤﺘﺎﺟﻪ ﻭﺣﺪﻩ ﺗﻌﺎﻭﻧﻬﺎ .. ﺿﻠﻲ ﻭﻱ ﺍﻣﻲ ﺳﺎﻋﺪﻳﻬﺎ ..
- ﺗﺴﺘﺎﻫﻞ ﺣﻈﺮﺗﻚ ..
- ﺷﻠﻮﻭﻭﻥ ﻭﻟﺞ ..
- ﺍﻛﻮﻝ ﺍﺩﻟﻞ ﺑﻌﻴﻨﻲ ..
- ﻋﺒﺎﻟﻲ .. ﻛﻮﻣﻲ ﺳﻮﻳﻠﻲ ﻋﺸﺎ ﻣﺪﺍﺍﻡ ﺍﺟﻴﺘﻲ ..
- ﺷﻜﺪ ﺍﻧﺎﻧﻲ ﻟﺨﺎﻃﺮ ﺍﻟﻠﻪ .. ﻛﻤﺖ ﺳﻮﻳﺘﻠﻪ ﺍﻛﻞ .. ﻭﻛﻠﺖ ﻟﻤﺤﻤﺪ ﻳﺎﺧﺬﻩ ﺍﻟﻪ
.....
ﻛﻤﻠﺖ ﺻﻌﺪﺕ ﻟﻠﻐﺮﻓﻪ .. ﻧﻤﺖ .. ﺛﺎﻧﻲ ﻳﻮﻡ ﺩﺍﻭﻣﺖ .. ﻋﻤﺎﺭ ﻳﺒﺎﻭﻋﻠﻲ ﻭﻣﺎ ﺍﺑﺎﻭﻋﻠﻪ ﻭﻻ ﺣﺤﺴﺘﻪ ﺍﻧﻮ ﺷﻔﺘﻪ ..
ﺩﺧﻠﺖ .. ﺷﻔﺖ ﺳﺖ ﻧﺮﻣﻴﻦ .. ﻋﺪﻳﺘﻬﺎ .. ﺻﺎﺣﺖ ﺳﻤﺮﺭ .. ﺩﺭﺕ ﻭﺟﻬﻲ ..
- ﺷﺼﺎﺭ ﺑﻴﻨﺞ ﻭﺑﻴﻦ ﻋﻤﺎﺭ
- ﺧﺎﺑﺮﻳﻪ ﻭﺧﻞ ﻳﺴﻮﻟﻔﻠﺞ .. ﺣﺠﻴﺖ ﻭﺩﺭﺕ ﻭﺟﻬﻲ
- ﺍﻟﻤﻬﻢ ﻃﻠﻌﺘﻲ ﻣﻦ ﺣﻴﺎﺗﻪ ﺍﻟﺒﺎﻗﻲ ﺳﻬﻞ ..
- ﺑﺎﻟﻌﺎﻓﻴﻪ ﻋﻠﻴﺞ ..
ﺭﺣﺖ ﺩﺭﺳﺖ ﻛﻤﻠﺖ ﺍﻟﺪﻭﺍﻡ ﺍﺧﺬﺕ ﺍﺟﺎﺯﻩ ﻟﺒﺎﺟﺮ ﺧﻤﻴﺲ ﺍﺳﺎﻋﺪ ﺍﻣﻲ .. ﻭ ﻃﻠﻌﺖ .. ﻋﻤﺎﺭ ﺻﺎﺭ ﻛﺒﺎﻟﻲ .. ﺳﻤﺮ ﺑﺲ ﺍﺣﺠﻲ ﻭﻳﺎﺝ ..
- ﻣﺎ ﻋﻨﺪﻱ ﻛﻠﻤﻪ ﻭﻳﺎﻙ .. ﻋﻨﺪﻙ ﺫﺭﺓ ﻛﺮﺍﻣﻪ ﺭﻭﺡ ﻟﻠﻤﺤﻜﻤﻪ ﻭﻃﻠﻘﻨﻲ ..
- ﺳﻤﺮ ﻋﺎﻳﻔﻬﺎ ﻭﺍﻟﻠﻪ ﻣﺎ ﻣﺒﺎﻭﻋﻠﻬﺎ ﻭﻫﻴﻪ ﺑﺎﻳﻌﻪ ﺭﻭﺣﻬﺎ ﻭﺷﺎﻣﺮﺗﻬﺎ ﻋﻠﻴﻪ .. ﻭﺝ ﻭﺍﻟﻠﻪ ﺟﺬﺍﺑﻪ ﻣﻮ ﺣﺎﻣﻞ ﺑﺲ ﺗﺮﻳﺪ ﺗﺒﻌﺪﺝ ..
- ﺩﺭﺗﻠﻪ ﻭﺟﻬﻲ .. ﻋﻤﺎﺭ ﻟﻮ ﻋﻨﺪﻙ ﺍﺣﺴﺎﺱ .. ﺍﺗﺮﻛﻨﻲ ﻭ ﺍﺑﺘﻌﺪ .. ﺩﺍ ﺍﺩﻭﺭ ﻭﺟﻬﻲ .. ﻟﻜﻴﺖ ﺑﻜﺮ ﻣﻜﺘﻒ ﺍﺩﻳﻪ ﻭﻭﺍﻛﻒ ..
- ﺷﺮﺍﻳﺪ ﻣﻨﻬﺎ
- ﻭﺍﻧﺘﻪ ﺷﻌﻠﻴﻚ .. ﺯﻭﺟﺘﻲ ﻭﺟﺎﻱ ﺍﺗﻔﺎﻫﻢ ﻭﻳﺎﻫﺎ ﺍﻧﺘﻪ ﺷﻜﻮ ..
- ﻻ ﺗﺨﻠﻴﻨﻲ ﺍﺷﻮﻩ ﻭﺟﻬﻚ .. ﺍﺑﺘﻌﺪ ..
- ﺑﻜﺮ ﻋﻮﻓﻪ .. ﺩﺭﺕ ﻭﺟﻬﻲ .. ﻫﺬﺍ ﻋﻮﺩ ﺟﺎﻱ ﻳﺎﺧﺬﻧﻲ ..
- ﺻﻌﺪﻱ ..
- ﺍﺭﻭﺡ ﻭﺣﺪﻱ
- ﻛﻠﺖ ﺻﻌﺪﻱ ..
- ﺻﻌﺪﺕ .. ﻟﻒ ﻫﻮﻩ ﻭﺿﻌﺪ ﺑﻌﺼﺒﻴﻪ .. ﺑﻜﺮ ﻟﺨﺎﻃﺮ ﺍﻟﻠﻪ ﺷﺪﺳﻮﻱ ..
- ﺷﺴﻮﻳﺖ ..
- ﺗﺎﺧﺬﻧﻲ ﻛﺪﺍﻡ ﻋﻨﺎﺭ ﻭﺗﺘﻌﺎﺭﻙ ﻭﻳﺎﻩ .. ﻛﺎﻝ ﻻﻫﻠﻲ ﻋﻠﻴﻚ ﻫﺴﻪ ﻣﻴﻜﻮﻟﻮﻥ ﻣﺘﻔﻘﻪ ﻭﻳﺎﻙ ﻋﻠﻤﻮﺩ ﺍﻃﻠﻚ ..
- ﺍﻱ ﻭﻳﻜﻠﻬﻢ .. ﻣﻮ ﺯﻳﻦ ﺻﺎﺑﺮ ﻭﻣﺨﻠﻲ ﻋﻘﻞ ﺑﺮﺍﺳﻲ ﻭﻣﺎ ﻧﺎﻫﺒﺞ ﻣﻨﻪ ..
- ﺗﻨﻬﺒﻨﻲ ﻣﻦ ﻣﻨﻮ ..
- ﻣﻦ ﺭﺟﻠﺞ ﻭﺍﻟﻠﻪ ﺍﺧﺬﺝ .. ﻭﻏﺼﺒﺎ ﻋﻠﻴﺞ ﻭﻋﻠﺨﻠﻔﺞ ﺗﻄﻠﻜﻴﻦ .. ﺑﺲ ﺍﻋﺮﻑ ﺍﺥ ﻣﻨﺞ ﻭﺍﻟﻠﻪ ﺍﻧﺘﻲ ﻣﺎﻝ ﺣﺮﻙ ..
- ﻭﺍﻫﻠﻲ ﺑﻜﺮ .. ﻭﺍﻟﻨﺎﺱ .. ﺍﻧﺘﻪ ﺷﻨﻮ ﺗﺨﺒﻠﺖ ..
- ﺍﻫﻠﻲ ﺍﻫﻠﻲ ﺍﻫﻠﻲ .. ﻣﻦ ﻧﻌﺎﻝ ﻓﻮﻙ ﺭﺍﺳﺞ ﻭﺭﺍﺱ ﺍﻫﻠﺞ .. ﺷﺤﺼﻠﺖ ﻣﻨﻜﻢ ﻏﻴﺮ ﻃﻴﺤﺎﻥ ﺍﻟﺤﻆ ..
- ﺑﺎﻭﻋﺘﻠﻪ . ﻭﺍﺑﺘﺴﻤﺖ .. ﺍﻧﺘﻪ ﺷﺒﻴﻚ . ﺍﺑﺘﺴﻢ
- ﺧﺒﻠﺘﻴﻨﻲ ﻭﻣﺤﻤﺪ ﺧﺒﻠﺘﻴﻨﻲ .. ﻫﺴﻪ ﻏﻴﺮ ﺍﻃﻠﻌﺞ ﻣﻦ ﺭﺍﺳﻲ .. ﺍﺩﺭﻱ ﻗﻠﺔ ﻧﺴﻮﺍﻥ ﻛﺎﺗﻞ ﺭﻭﺣﻲ ﻋﻠﻴﺞ ..
- ﻣﺘﻜﻮﻝ ﻟﺮﻭﺣﻚ .. ﺍﻳﺶ ﺟﺎﻱ ﺗﺤﺠﻴﻠﻲ .. ﻭﺗﺘﻌﺎﺭﻙ ﻭﻳﻪ ﻋﻤﺎﺭ ..
- ﺑﻠﻠﻪ ﻣﺎ ﺗﻜﺮﻣﻴﻨﻲ ﺑﺴﻜﻮﺗﺞ .. ﻟﻌﺒﺘﻲ ﻧﻔﺴﻲ ..
- ﻫﻬﻬﻲ .. ﻫﺰﻳﺖ ﺍﻳﺪﻱ .. ﺍﻧﺘﻪ ﺿﺎﺭﺑﺎﺕ ﻋﻨﺪﻙ .. ﺻﻮﻓﻲ ﺷﻠﻮﻧﻪ ..
- ﺧﺮﻩ ﺑﻠﺸﺖ ﺻﻮﻓﻲ .. ﻣﻮ ﻃﻔﻞ ﺍﻟﻠﻴﻞ ﻛﻠﻪ ﻳﺒﺠﻲ .. ﺍﻧﻮﺏ ﻫﺎﻱ ﺗﻜﺴﺮ ﺧﺎﻃﺮﻱ ﺗﻜﻮﻡ ﺗﺒﺠﻲ ﻭﻳﺎﻩ ..
- ﺳﻮﻭﻭﺩﻩ ﻋﻠﻴﻪ .. ﻣﻄﻠﻌﻴﻦ ﺭﻭﺣﻪ ..
- ﺍﻛﻠﻬﺎ ﻣﺴﻬﺮﻧﻪ ﺍﻟﻠﻴﻞ ﻛﻠﻪ ﺗﻜﻠﻲ ﻣﻄﻠﻌﻴﻦ ﺭﻭﺣﻪ ..
- ﺍﻱ ﻃﻔﻞ ﺷﻴﻔﺘﻬﻢ .. ﻳﺮﻳﺪ ﻳﻠﻌﺐ ﻓﺪﻳﺘﻪ ﻳﺒﻮﻭﻭ ﺍﻧﻄﻮﻧﻴﺎﻩ ..
- ﺗﺮﺩﻳﻪ .. ﺑﺎﻭﻋﺘﻠﻬﺎ ﻭﺍﺑﺘﺴﻤﺖ ..
.. . .
ﺍﻭﻭﻭﻑ ﺷﻔﺎﻳﺘﻠﻲ ﻟﻮ ﻫﻮﻩ ﺍﺑﻨﻲ .. ﺟﺎﻥ ﻫﺴﻪ ﺍﻧﻲ ﺍﺳﻌﺪ ﻭﺣﺪﻩ ..
- ﺟﺎﻥ ﻣﺎﻛﻮ ﺭﺟﺎﻝ ﺑﻜﺪ ﻟﻮ ﻫﻮﻩ ﻣﻨﺞ .. ﺍﻛﺎﺑﻠﻜﻢ ﻭﺍﻛﻌﺪ .. ﺍﻻ ﺍﻟﺪﻳﺎ ﻭﺍﻫﻠﻬﺎ ﺍﻧﺴﺎﻫﺎ ﻭﺍﻟﻠﻪ
- ﺍﺳﻜﺖ ﻟﺘﺤﺠﻲ ﻫﻴﺞ .. ﺍﺣﺲ ﻳﻌﺬﺑﻨﻲ ﻣﻦ ﻳﻜﻮﻝ ﻫﻴﺞ ..
- ﻭﺻﻠﻨﻲ ﻟﻠﻔﺮﻉ .. ﺑﻜﺮ ﺑﺪﺍﻋﺘﻲ ﻋﻠﻴﻚ .. ﻻ ﺗﺠﻲ ﺑﻌﺪ ﺍﺑﺪ ﻭﻻ ﺗﺘﺼﻞ .. ﻣﺎ ﻧﺎﻗﺼﻨﻲ ﻣﺸﺎﻛﻞ .. ﻫﺰ ﺭﺍﺳﻪ ﻭﻣﺸﺎ ..
ﺩﺧﻠﺖ ﻟﻠﺒﻴﺖ .. ﻛﺘﻠﻬﺎ ﻫﺎ ﻳﻮﻡ ﺷﻠﻮﻧﺞ .. ﻣﺪﻳﺖ ﺭﺍﺳﻲ ﺷﻤﺴﻮﻳﻪ .. ﻛﺎﻟﺖ ﺣﺎﻣﺾ ﺷﻠﻐﻢ .. ﺳﻤﻌﺖ ﺍﻻﺳﻢ ﻟﻌﺒﺖ ﻧﻔﺴﻲ ..
ﺑﺴﺎﻉ ﺭﺣﺖ ﻻﺣﻤﺎﻡ ﺍﺳﺘﻔﺮﻏﺖ .. ﻛﺎﻟﺖ ﺷﺒﻴﺞ .. ﻛﺘﻠﻬﺎ ﻻﻥ ﺟﻮﻋﺎﻧﻪ .. ﻣﻦ ﺍﺟﻮﻉ ﺍﺳﺘﻔﺮﻍ .
- ﺣﺎﻣﻞ ..
- ﻻﺍﺍ ﻣﻨﻴﻦ ﺫﺍﻙ ﺍﻟﻴﻮﻡ ﻏﺴﻠﺖ ..
- ﻻﺍﺍ ﺣﺎﻣﻞ .. ﻣﺜﻞ ﻧﺴﺎﻭﺗﻲ .. ﺟﻨﺖ ﺑﻴﻜﻢ ﻣﻦ ﺍﺟﻮﻉ ﺍﺳﺘﻔﺮﻍ .. ﺍﺧﺬﻳﻠﺞ ﺍﺳﺒﻮﻋﻴﻦ ﻭﺭﺍﺟﻌﻲ ..
- ﺍﻧﺸﺎﻟﻠﻪ .. ﺍﺭﻭﺡ ﺍﺑﺪﻝ ﻭﺍﻧﺰﻝ .. ﻛﻤﻠﺖ ﻭﻧﺰﻟﺖ ﻳﻤﻬﺎ .. ﻛﺘﻠﻬﺎ ﻣﻨﻮ ﺟﺎﻳﺐ ﻣﻼﺑﺴﻲ ..
- ﺭﺟﻠﺞ ﺟﺎﺏ ﺟﻨﻄﻪ .. ﻛﺎﻝ ﻫﺎﻱ ﻣﻼﺑﺲ ﺳﻤﺮ .. ﻟﻌﺪ ﺍﻧﺘﻲ ﻏﻴﺮ ﺗﺠﻴﺒﻴﻦ ﻣﻼﺑﺴﺞ .. ﺍﻛﻮ ﺯﻋﻼﻧﻪ ﺗﺠﻲ ﺑﺪﻭﻥ ﻣﻼﺑﺴﻬﺎ ..
- ﻫﻮﻩ ﺿﻞ ﻋﻘﻞ ﻋﻨﺪﻱ ﻭﺍﺟﻴﺐ ﻣﻼﺑﺲ . ﺍﻟﻜﻠﺐ ﻓﻮﻙ ﺷﻴﻨﻪ ﻛﻮﺍﺕ ﻋﻴﻨﻪ ﻭﻳﻀﺮﺏ .. ﺑﺲ ﺣﻞ ﻣﺎ ﻗﺼﺮ ﻭﻳﺎﺍﺍﻩ ﺑﺒﺒﺒﺐ .. ﺍﺟﻴﺖ ﺍﺣﺠﻲ ﻭﺳﻜﺘﺖ ..
- ﻣﻨﻮ ﺍﻟﻤﺎﻗﺼﺮ ﻭﻳﺎﻩ ..
- ﻭﺍﺣﺪ ﻣﻜﺴﺮ ﺳﻴﺎﺭﺗﻪ ﻭﺧﻼ ﻃﺮﻳﻘﻪ ﻣﺎ ﻳﻨﺪﻟﻪ .. ﺳﻄﺮﻩ ﺳﻄﺮ ..
- ﺑﻜﺮ ..
- ﻻﺍﺍ ... ﻟﻴﺶ ﺗﻜﻮﻟﻴﻦ ﺑﻜﺮ
- ﻫﻴﺞ ﺧﻤﻨﺖ .. ﺩﻳﺮﻱ ﺑﺎﻟﺞ ﺗﺘﺼﻠﻴﻦ ﺑﻴﻪ ﺍﻭ ﺗﺮﺩﻳﻦ ﻋﻠﻴﻪ .. ﻣﺪﺍﻡ ﺯﻋﻠﺘﻲ .. ﺭﺍﺡ ﻳﻜﻮﻡ ﻳﺤﻮﻡ ﻋﻠﻴﺞ ..
- ﺍﻥ ﺷﺎﺀ ﺍﻟﻠﻪ .. ﺍﺧﺬﺕ ﻧﻔﺲ .. ﻛﻤﺖ ﺳﻮﻳﺖ ﻃﻤﺎﻃﻪ ﺗﻜﻼﻩ ﺩﺳﻤﻪ ﻭﺧﻠﻴﺘﻬﺎ ﺗﻠﺠﻊ .. ﻭﺳﻮﻳﺖ ﺟﺎﻱ ..
ﻛﺎﻟﺖ ﻣﻮ ﻣﺴﻮﻳﻪ ﻏﺪﺍ ﺷﻜﻮ ﺗﻜﻠﻴﻦ ﻃﻤﺎﻃﻪ .. ﻛﺘﻠﻬﺎ ﺍﺷﺘﻬﻴﺘﻬﺎ .. ﺣﺎﻣﻀﻪ ﻣﺎﻟﺤﻪ ﻃﻴﺒﻪ .. ﻳﻢ ﻳﻢ
ﻛﻌﺪﺕ ﺍﻛﻠﺖ ﺍﻧﻲ ﻭﻳﺎﻫﺎ .. ﺍﻧﻮﺏ ﻛﻨﺖ ﻭﻳﺎﻫﺎ .. ﺻﻔﻴﻨﻪ ﺍﻟﻜﺎﻭﻧﺘﺮ ﻏﺴﻠﻨﺎﻩ .. ﺍﻟﺴﻴﺮﺍﻣﻴﻚ ..
ﺍﻟﺼﺎﻟﻪ ﺳﻌﻔﻨﺎﻫﺎ ﻭﻃﻠﻌﻨﻪ ﺍﻟﻘﻨﻔﺎﺕ .. ﺑﺲ ﺍﻧﻲ ﺍﺻﻴﺢ ﻣﺤﻤﺪ ﻳﺪﻓﻊ .. ﻣﺎ ﺍﺩﻓﻊ ﺍﻧﻲ .. ﺍﺧﺎﻑ ﻋﻞ ﺑﻴﺒﻲ ﻣﺎﻝ ﺍﻧﻲ 😆
ﻛﻤﻠﻨﻪ ﻓﺮﺷﻨﻪ .. ﺍﻟﺼﺎﻟﻪ .. ﺩﺧﻞ ﺍﺑﻮﻱ .. ﺻﺎﺡ ﺳﻤﺮﺭ .. ﻛﺘﻠﻪ ﻫﺎﺍﺍ ﺑﺎﺑﺎ .. ﻛﺎﻝ ﺑﻜﺮ ﺻﺢ ﻣﺎﺧﺬ ﺑﻴﺖ ﻳﻤﻜﻢ ..
- ﺍﻱ
- ﻭﺷﻌﻨﺪﻩ
- ﺷﻤﺪﺭﻳﻨﻲ .. ﺭﻭﺡ ﺍﺳﺌﻠﻪ ..
- ﻫﻢ ﻳﺤﺎﺟﻴﺞ ..
- ﺍﻱ ﻣﺮﺍﺕ ﻳﺠﻴﺐ ﻣﺮﺗﻪ ﻭﺍﺑﻨﻪ ﻭﻳﺠﻴﻨﻪ ..
- ﺷﺮﺍﻳﺪ ﻫﺬﺍ .. ﺳﻤﺮﺭﺭﺭ ﺑﻜﺮ ﺍﻟﻪ ﺍﻳﺪ ﺑﺴﺎﻟﻔﺔ ﺯﻋﻠﺘﺞ ..
- ﻻﺍﺍ ﺷﻌﻠﻴﻪ ﺑﻜﺮ ﻗﺎﺑﻞ ﻫﻮﻩ ﺯﻭﺝ ﻋﻤﺎﺭ ..
- ﺍﺣﺬﺭﻱ .. ﺗﺘﻘﺮﺑﻴﻦ ﻣﻨﻪ ..
- ﻣﻨﻴﻦ ﻋﺮﻓﺖ ..
- ﻣﺎ ﺍﻟﺞ ﻋﻼﻗﻪ ..
- ﻫﺎﺍﺍ .. ﻋﻔﺘﻪ ﻭﺭﺣﺖ ﺻﻌﺪﺕ ﻓﻮﻙ ﺗﻤﺪﺩﺕ ﺑﻘﻴﺖ ﺍﻓﻜﺮ ﺷﻮﻱ .. ﻭ ﻧﻤﺖ ..
ﻛﻌﺪﺕ ﺑﻠﻴﻞ .. ﻋﻠﻰ ﺻﻮﺕ ﺍﺣﻤﺪﻅ .. ﻛﻮﻣﻲ ﺳﻮﻳﻠﻲ ﺍﻛﻞ ..
ﻛﻤﺖ . ﻧﺰﻟﺖ ﺳﻮﻳﺘﻠﻪ ﺍﻛﻞ .. ﻭﺧﻠﻴﺘﻪ ﻛﺎﻋﺪ ﻳﻢ ﺍﻣﻲ ﻭﺍﺑﻮﻱ ..
ﻭﻳﺤﺎﺟﻴﻬﻢ ﻋﻠﺨﻄﺒﻪ .. ﻛﺘﻠﻪ ﻫﻴﻪ ﻧﻔﺴﻬﺎ ﺍﻟﺒﻨﻴﻪ ﻣﺮﻭﻩ ..
ﻛﺎﻝ ﺑﺎﺑﺎ ﺗﻌﺮﻓﻴﻬﺎ .. ﺧﺰﺭﻧﻲ ﺍﺣﻤﺪ .. ﻛﺘﻠﻪ ﻻﺍﺍ ﻣﻨﻴﻦ ﺍﻋﺮﻓﻬﺎ .. ﺑﺲ ﻏﻴﺮ ﺍﺣﻤﺪ ﻳﺤﺒﻬﺎ ..
- ﺩﺍﺭ ﻭﺟﻪ ﻻﺣﻤﺪ .. ﻳﻌﻨﻲ ﻋﻨﺪﻙ ﻋﻼﻗﻪ ﺑﻴﻬﺎ ..
- ﻻ ﻳﺎﺑﻪ ﻳﺎ ﻋﻼﻗﻪ .. ﻛﺘﻠﻚ .. ﻫﻴﺞ ﺻﺪﻳﻘﻲ ﻋﺮﻓﻨﻲ ﻋﻠﻰ ﺍﻫﻠﻬﺎ ﻭﺧﻄﺒﺘﻬﺎ ..
- ﻫﺬﺍ ﺷﺒﻴﻪ .. ﻋﻮﺩ ﻟﻴﺶ ﻣﻜﺎﻳﻠﻠﻬﻢ ﻳﺤﺒﻬﺎ .. ﺷﻌﻠﻴﻪ ﺑﻲ ..
ﺛﺎﻧﻲ ﻳﻮﻡ .. ﺍﺟﺖ ﻧﺠﻮﻯ ﻣﻦ ﺍﻟﺼﺒﺢ .. ﺧﺒﺼﺖ ﺍﻟﺒﻴﺖ ﺑﺨﺒﺎﻟﻬﺎ ﻭﺣﺠﻴﻬﺎ .. ﺗﻜﻮﻟﻲ ﺿﺎﻣﺘﻠﺞ ﻛﻮﺍﻧﻲ ﺳﻮﺍﻟﻒ .. ﻫﻬﻬﻪ ﻓﺪﻭﻩ ﺷﻜﺪ ﻣﺸﺘﺎﻗﺘﻠﻬﺎ
ﺑﻘﻴﻨﻪ ﺍﻧﻀﻒ ﺍﻧﻲ ﻭﻳﺎﻫﺎ .. ﻛﺘﻠﻬﺎ ﻣﺎﻛﻮ ﻃﻔﻞ ﻟﺴﻪ .. ﻛﺎﻟﺖ ﻻ ﻳﻤﻌﻮﺩﻩ .. ﻧﺨﻠﺺ ﺍﻟﺠﺎﻣﻌﻪ ﻭﺍﻟﻤﺎﺟﺴﺘﻴﺮ .. ﻳﻠﻪ ﺍﻓﻜﺮ ﺑﻄﻔﻞ ..
ﺷﻜﻮ ﻃﺎﻳﺮ ﺍﻟﻄﻔﻞ .. ﺍﻟﺤﻚ ﺍﺷﺒﻊ ﺿﻴﻢ .. ﻛﺘﻠﻬﺎ ﻋﺎﺍﺍﺑﺖ .. ﻫﻮ ﺍﻛﻮ ﺍﺣﻠﻰ ﻣﻦ ﺍﻻﻃﻔﺎﻝ .. ﻟﻮ ﺗﺸﻮﻓﻴﻦ ﺍﺑﻦ ﺑﻜﺮ ﻳﻤﻪ ﻳﻤﻪ ﻛﺘﻠﺖ ﺭﻭﺣﻲ ﻋﻠﻴﻪ ..
ﻟﺞ ﻫﻠﻜﺪﻭﺗﻪ ﻳﺨﺒﻞ ..
- ﺑﺮﺑﺞ ﺻﺪﻙ ﺑﻜﺮ ﻣﻜﺎﺑﻠﺞ ﻭﻛﺎﻋﺪ ..
- ﻫﻬﻬﻪ ﺍﻱ ..
- ﻳﻤﻪ ﻳﻤﻪ ﺷﻜﺪ ﺍﺣﺒﻪ .. ﻭﺝ ﻫﺬﺍ ﺑﻜﺮ ﻣﺎﻥ .. ﻣﺎﻛﻮ ﺷﻲ ﻳﺼﻌﺐ ﺑﻌﻴﻨﻪ .. ﻗﺎﺑﻞ ﻣﺜﻠﺞ ﺍﻫﻤﺪﺍﺝ ﻳﻠﺠﺒﺎﻧﻪ ..
ﻟﺞ ﺳﻜﺘﻲ .. ﻭﺍﻟﻠﻪ ﻋﺴﺎﻫﺎ ﺳﺎﻋﺔ ﺍﻟﺴﻮﺩﻩ ﺍﻟﺸﻔﺘﻬﻢ ﺑﻴﻬﺎ ﻣﻮ ﺑﺸﺮ .. ﺍﻱ ﻫﻤﻪ ﻣﻮ ﻛﺮﺍﻳﺐ ﺭﺟﻠﺞ ﻣﺎ ﺗﻌﺮﻓﻴﻬﻢ ..
- ﺷﻌﺮﻑ ﻣﻨﻬﻢ .. ﺍﻣﻪ ﺍﺧﺖ ﻋﻤﺘﻲ .. ﺍﻛﻴﺪ ﻣﺮﺍﺡ ﺗﻜﻠﻲ ﻣﻮ ﺯﻳﻨﻪ .. ﻭﻋﻤﺎﺭ ﺍﺷﻮﻓﻪ ﺧﻮﺵ ﻭﻟﺪ .. ﺷﻤﺪﺭﻳﻨﻲ ﺑﻌﺪ ﺑﺴﻮﺍﻟﻔﻪ ..
- ﻳﻠﻪ ﻗﺴﻤﺘﻲ ﺷﺴﻮﻱ .. ﻛﻤﻨﻪ ﻛﻤﻠﻨﻪ ﺗﻨﻀﻴﻒ ﺍﻟﻠﺒﻴﺖ .. ﻟﻠﻌﺼﺮ ﺍﺟﻦ ﺧﺎﻻﺗﻲ .. ﻫﻢ ﻛﻌﺪﻩ ﻭﺳﻮﺍﻟﻒ ..
ﻟﻴﻮﻡ ﺍﻟﺨﻄﺒﻪ ﺍﺗﺠﻤﻌﺖ ﺍﻟﺪﻧﻴﺎ ﻛﻠﻬﺎ ﺍﺭﻛﺎﻥ ﻭﻣﺮﺗﻪ .. ﻭﻋﻤﺘﻲ ﺭﻭﻳﺪﻩ ﻭﺳﺎﻣﻴﻪ ﻭﺭﻧﺎ ﺣﺘﻰ ﺍﺑﺮﺍﻫﻴﻢ ﻭﻛﻞ ﻭﻟﺪ ﻋﻤﺘﻲ ..
ﺑﺲ ﺑﻜﺮ ﻭﻋﺎﺩﻝ ﻣﺠﺎﻳﻴﻦ . ﺭﺣﺖ ﺍﻧﻲ ﻭﻧﺠﻮﻯ ﺻﺎﻟﻮﻥ .. ﻟﺒﺴﺖ ﻓﺴﺘﺎﻥ ﺧﻤﺮﻱ ﻭﺗﺼﻤﻴﻢ ﺑﺴﻴﻂ .. ﻭ ﺷﺴﻮﺭﻧﻪ ﺍﻟﺸﻌﺮ ..
ﻭﻧﺰﻟﻨﻪ ﺭﺩﺡ .. ﺷﻌﺮ ﺧﺼﺮ ﻫﺰ ﻟﻌﺒﻨﻪ ﻟﻌﺐ ﺍﻧﻲ ﻭﻧﺠﻮﻯ .. ﺧﻄﺒﺔ ﺍﺧﻮﻧﻪ .. ﺧﺨﺨﺦ .. ﻭﻫﺬﺍ ﻟﻌﺒﻨﻪ ﻭﻻ ﺗﻜﻮﻝ ﺍﺳﺘﻬﺘﺎﺭ ..
ﻭﻧﺮﻛﺺ ﺍﻧﻲ ﻭﻳﺎﻫﺎ ﺑﺎﻟﻨﺺ .. ﺑﻌﺪﻳﻦ ﺍﺗﺬﻛﺮﺕ ﺣﺎﻣﻞ .. ﻛﻌﺪﺕ ﺑﻌﺪ ﻣﺎ ﺭﻛﺼﺖ .. ﻛﻌﺪﺕ ﻳﻢ ﺗﻤﻲ .. ﺭﻧﺎ ﻛﺎﻟﺖ ﺷﻠﻮﻧﻪ ﺭﺟﻠﺞ ﺍﻟﺠﺪﻳﺪ ..
ﻛﺘﻠﻬﺎ ﺯﻳﻦ .. ﻛﺎﻟﺖ ﺣﻠﻮ .. ﻛﺘﻠﻬﺎ ﻳﺸﺒﻪ ﻣﻠﺤﻢ ﺯﻳﻦ ﺑﺲ ﻣﺎ ﻋﻨﺪﻩ ﻏﻤﺎﺯﺍﺕ .. ﻏﻤﺎﺯﺍﺗﻪ ﺍﻧﻲ ﻣﺎﺧﺬﺗﻪ ﺧﺨﺨﺨﺦ ..
ﻛﺘﻠﻬﺎ ﻭﺍﻧﺘﻲ ﻣﺎ ﺍﺗﺰﻭﺟﺘﻲ .. ﺷﻨﻮ ﻣﺎﻛﻮ .. ﻛﺎﻟﺖ ﻗﺎﺑﻞ ﺯﺭﻛﻪ ﺍﻧﻲ ﻭﺣﻈﻲ ﻛﺎﻋﺪ ﻭﺍﻟﻒ ﻭﺍﺣﺪ ﻳﺘﻜﺎﺗﻞ ﻋﻠﻴﻪ ﻭﻳﺴﻜﺮ ﻋﻠﻤﻮﺩﻱ ..
ﺿﺤﻜﺖ .. ﻋﻮﺩ ﺗﻘﺼﺪﻧﻲ ... ﺳﺄﻟﺘﻨﻲ ﻋﻤﺘﻲ .. ﻟﻌﺪ ﻋﻴﺎﻟﺞ ﻭﻳﻦ ﺭﺟﻠﺞ ﻭﻳﻨﻪ .. ﻛﺘﻠﻬﺎ ﻋﻤﺘﻲ ﻣﺮﻳﻀﻪ ﻭﻣﻠﺘﻬﻲ ﺑﻴﻬﺎ ..
- ﻧﺪﺳﺘﻨﻲ ﺍﻡ ﻣﺎﺯﻥ .. ﻛﺎﻟﺖ ﺧﺎﻟﻪ ﺷﺼﺎﻳﺮ .. ﻛﺘﻠﻬﺎ ﺑﻌﺪﻳﻦ ﺍﺣﺠﻴﻠﺞ .. ﺍﺟﻪ ﺍﺑﺮﺍﻫﻴﻢ .. ﻛﺎﻝ ﻳﻠﻪ ﺍﺗﺤﻈﺮﻭ ﺭﺍﺡ ﻧﺮﻭﻭﺡ ..
ﻛﺘﻠﻪ ﺍﺑﺮﺍﻫﻴﻢ ﺍﺑﺮﺍﻫﻴﻢ . .. ﺻﺎﺡ ﻫﺎﺍﺍ .. ﻛﺘﻠﻪ ﺑﺮﺑﻚ .. ﺻﺪﻙ ﺍﻧﻲ ﺯﺭﻛﻪ .. ﺿﺤﻚ .. ﻛﺎﻝ ﻫﺬﺍ ﻳﺎ ﺍﺣﻮﻝ ﻳﻜﻮﻟﺞ ﻫﻴﺞ ﻛﺘﻠﻪ ﺍﻭﻭﻭﻭ ﻳﺎ ﻛﺜﺮﻫﻢ ﺍﻟﺤﻮﻻﻥ ..
ﺿﺤﻚ ﻭﻛﺎﻝ ﻭﻟﺞ ﻏﻴﺮ ﺑﺲ ﺭﺻﻌﺎﺗﺞ ﺗﻜﺘﻞ ﺍﻟﺰﻟﻤﻪ ﻭﺗﻮﻛﻌﻪ ﺑﻤﻜﺎﻧﻪ ﺷﺘﺤﺠﻴﻦ ﺍﻧﺘﻲ ..
ﺿﺤﻜﺖ ﺿﺤﻜﻪ ﻃﻮﻳﻠﻪ .. ﻻﻥ ﺍﻋﺮﻑ ﺭﻧﺎ ﻣﺨﻠﻴﻪ ﻋﻴﻨﻬﺎ ﻋﻠﻰ ﺍﺑﺮﺍﻫﻴﻢ ﻭﻫﻮﻩ ﻣﺘﺰﻭﺝ .. ﺧﻠﻴﺘﻪ ﻳﻐﺎﺯﻟﻨﻲ ﻋﻠﻤﻮﺩ ﺍﻓﺸﻠﻬﺎ ... ﻳﺘﺒﻊ
🌺🌺🌺🌺🌺🌺
ﺍﻋﺬﺭﻭﻧﻲ ﻣﺎ ﻟﺤﻜﺖ ﺍﺻﺤﺢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق