رواية حكاية سمر ج2 الجزء الخامس
للكاتبة زينب ماجد
🌿🌿🌿
ﺩﻧﺤﺠﻲ ﻭﻃﺐ ﺍﺭﻛﺎﻥ .. ﻣﻦ ﺷﻔﺘﻪ ﺍﻟﻤﻐﺺ ﻟﺰﻡ ﺑﻄﻨﻲ ﻣﺎ ﺍﻋﺮﻑ ﻟﻴﺶ .. ﻣﺘﻐﻴﺮ ﺻﺎﻳﺮ ﺍﺳﻤﺮ .. ﻭﺿﻌﻔﺎﻥ ﻧﺺ ﻭﺟﻬﺎ ﻟﺤﻴﻪ ..
ﻣﺎ ﺍﻧﺘﺒﻬﻠﻲ .. ﻭﻫﻮﻩ ﻳﺤﻂ ﺍﻟﻤﺴﻮﺍﻙ ﺑﺎﻟﻤﻄﺒﺦ .. ﺣﺠﺖ ﺍﻣﻲ ﻭﺭﺍﻩ .. ﻛﺎﻟﺘﻪ ﺷﻠﻮﻧﻚ ﺳﻴﺪ ﺍﺭﻛﺎﻥ .. ﻭﺍﺣﻨﻪ ﻭﺍﻛﻔﺎﺕ ﻭﺭﻩ ﺍﻣﻲ ..
ﺩﺍﺭ ﻭﺟﻬﺎ .. ﻭﻛﺎﻝ ﻫﻼ ﺍﻡ ﺍﺣﻤﺪ .. ﺟﺎﻱ ﻳﺴﻠﻢ ﻭﺍﻧﺘﺒﻬﻠﻲ .. ﺿﻞ ﺻﺎﻓﻦ ﻭﻳﺘﻠﻌﺜﻢ ﺑﺴﻼﻡ ..
ﻛﺘﻠﻪ ﺷﻠﻮﻧﻚ ﺍﺭﻛﺎﻥ ﻭﺍﺑﺘﺴﻤﺖ .. ﺑﻘﻰ ﻳﺒﺎﻭﻉ ﺑﻮﺟﻬﻲ ﺍﻧﻮﺏ ﺩﻧﻚ .. ﻫﻼ ﺧﻮﻳﻪ ﺳﻤﺮ ﻫﻼ ﺑﻴﺞ .. ﻭﻃﻠﻊ ..
ﺩﺧﻠﺖ ﻣﺮﺗﻪ .. ﺗﺒﺎﻭﻋﻠﻲ ﺑﺎﺳﺘﺤﻘﺎﺭ .. ﻳﺎ ﺍﻟﻠﻪ ﺷﺒﻴﻬﺎ .. ﻻﺯﻡ ﻫﻮﻩ ﺣﺎﺟﻴﻠﻬﺎ ﻋﻨﻲ .. ﻫﻤﺴﺘﻠﻲ ﻧﺠﻮﻯ ﺩﻱ ﺍﻟﺒﻨﺖ ﻣﺶ ﻣﺮﺗﺤﺎﻟﻬﺎ ﺧﺎﺍﺍﻟﺺ
ﺟﺎﻭﺑﺘﻬﺎ ﻭﻻ ﺍﻧﺎ ﻳﺨﺘﻲ .. ﺩﻱ ﻣﺒﺤﻠﺌﻪ ﻓﻴﻨﻲ .. ﺑﺘﺆﻝ ﺳﺎﺭﺋﻪ ﮔﻮﺯﻫﺎ .. ﻫﻬﻬﻬﻬﻪ .. ﺍﻣﻲ ﺩﺍﺭﺕ ﻭﺟﻬﺎ
- ﻫﺎﺍﺍ ﻳﻤﻪ ﺷﻮ ﻛﻠﺒﺘﻨﻬﺎ ﻣﺼﺮﻱ ..
- ﺷﻮ ﺑﻨﻌﻤﻞ ﻫﻴﻚ ﺍﻟﻈﺮﻭﻑ ﺑﺘﻄﻠﺐ ﻳﻤﺎﺍﺍ
- ﺍﻛﻮﻝ ﭼﻨﺞ ﺧﺒﻄﺘﻲ ﺳﻮﺭﻱ ﻭﻟﺒﻨﺎﻧﻲ ..
- ﻋﺎﺩﻱ ﻳﺨﺘﻲ ﺩﻩ ﺍﻟﻌﺮﺏ ﺍﺧﻮﻩ .. ﻣﺶ ﻓﺎﺭﺋﻪ ..
- ﺍﻛﻠﺞ ﻣﺎ ﺗﻨﺠﺒﻴﻦ
- ﺧﻴﻪ ﻫﻮﻩ ﺍﺣﻨﻪ ﻭﺟﻮﻩ ﻟﺒﻨﺎﻧﻲ ﻭﻣﺼﺮﻱ .. ﻧﺮﺟﻊ ﻋﺮﺍﻗﻲ ﺷﺤﻼﺗﻨﻪ ﻫﻬﻬﻪ .. ﺣﺠﺖ ﺍﻣﻲ
- ﺍﺑﺪﺍﻝ ﻣﺎ ﺑﺎﻗﻴﺎﺕ ﺗﺘﻤﻀﺤﻜﻦ ﻛﻮﻣﻦ ﺳﺎﻋﺪﻥ ﺑﻨﺎﺗﻬﻢ ﻋﻴﺐ ..
- ﺍﻱ ﻳﻮﻡ ﺍﺩﻟﻠﻲ .. ﺷﻠﺖ ﺍﻟﻌﺒﺎﻳﻪ ﻣﻦ ﺧﺼﺮﻱ .. ﺻﻔﻄﺘﻬﺎ ﻭﺧﻠﻴﺘﻬﺎ ؏ﺟﻨﺐ ..
ﻭﻭﻛﻔﺖ ﻋﻞ ﺳﻨﻚ .. ﺍﻛﻮ ﻣﻮﺍﻋﻴﻦ ﻫﻮﺳﻪ ﻻﻥ ﺩﻳﻄﺒﺨﻮﻥ .. ﻛﻤﺖ ﺍﻏﺴﻞ ﺑﻴﻬﻢ .. ﺧﺎﻟﺘﻲ ﻣﺎ ﻗﺒﻠﺖ ..
ﻛﺘﻠﻬﺎ ﺧﺎﻟﻪ ﺷﻨﻮ ﺣﺎﺳﺒﺘﻨﻲ ﻏﺮﻳﺒﻪ .. ﻛﺎﻟﺖ ﻻ ﻭﺍﻟﻠﻪ ﻳﺨﺎﻟﻪ ﺑﻨﻴﺎﺗﻲ .. ﻛﺘﻠﻬﺎ ﻋﻮﻓﻴﻨﻪ ﻧﺎﺧﺬ ﺭﺍﺣﺘﻨﻪ ﺍﺑﻴﺘﺞ ﺍﺫﺍ ﺑﻨﻴﺎﺗﺞ .. ﻭﺑﻮﺳﺘﻬﺎ ..
ﻛﺎﻟﺘﻠﻲ ﺧﺴﺮﺗﺞ ﻭﺍﻟﻠﻪ .. ﺟﻨﺖ ﺭﺍﻳﺪﺗﺞ .. ﺑﺲ ﺍﻟﺪﻧﻴﺎ ﺍﺧﺦ .. ﺑﺎﻭﻋﺖ ﻟﻤﺮﺕ ﺍﺭﻛﺎﻥ ﺿﺎﺟﺖ .. ﻛﺘﻠﻬﺎ ﻳﺎ ﺧﺎﻟﻪ ﺷﺨﺴﺮﺗﻴﻨﻲ ..
ﺍﺷﻮ ﻣﺮﺕ ﺍﺭﻛﺎﻥ ﺗﻜﻮﻝ ﻟﻠﻜﻤﺮ ﻏﻴﺐ ﻭﺍﻧﻲ ﺑﻤﻜﺎﻧﻚ .. ﺷﺤﻼﺗﻬﺎ .. ﺿﺤﻜﺖ ﻫﻴﻪ ﻭﻛﺎﻟﺖ ﺧﻮﺵ ﻣﺠﺎﻣﻠﻪ ..
ﻛﺘﻠﻬﺎ ﻻ ﻫﻮﻩ ﺍﻟﻴﺸﻮﻓﺞ ﻳﺠﺎﻣﻞ .. ﻭﺍﻟﻠﻪ ﺣﻠﻮﻩ ﺑﺲ ﻋﻴﻮﻧﺞ ﻛﺎﻓﻲ ﺗﻮﻛﻊ ﺍﻛﺒﺮ ﺭﺟﺎﻝ ﻫﻬﻬﻪ ..
ﻣﺎ ﺿﺤﻜﺖ .. ﻋﻔﺘﻬﺎ ﺍﻧﻲ ﻫﻢ ﺻﻮﺟﻲ ﺍﻣﺪﺡ ﺑﻴﻬﺎ .. ﺑﻮﻣﻪ ..🙌 ﻭﻛﻔﺖ ﺍﻏﺴﻞ ﻭ ﻧﺠﻮﻯ ﻛﻌﺪﺕ ﺗﺜﺮﻡ ﻭﻳﻪ ﺧﺎﻟﻪ ..
ﺯﻫﺮﺍﺀ .. ﺍﻛﻠﺞ ﺧﻴﻪ ﻟﺒﺴﻲ ﻋﺒﺎﺗﺞ ﺍﺭﻛﺎﻥ ﻟﻮ ﺍﺟﻪ ﻭﺷﺎﻑ ﻫﻴﺞ ﻭﺿﻊ ﻳﺘﻀﺎﻳﻖ .. ﻫﻮﻩ . ﻣﺎ ﻳﺤﺐ ﺍﻟﻤﺮﻩ ﺍﻟﻤﺎ ﻣﺴﺘﻮﺭﻩ ..
ﺳﻤﺮ .. ﺿﺠﺖ ﻣﻦ ﻛﺎﻟﺖ ﻫﻴﺞ .. ﻛﺘﻠﻬﺎ ﺷﻨﻮ ﻗﺼﺪﺝ ﻣﺎ ﻣﺴﺘﻮﺭﻩ .. ﺷﺎﻳﻔﺘﻨﻲ ﻻﺑﺴﻪ ﻣﺪﻟﻊ .. ﻻﺑﺴﻪ ﺿﻴﻖ .
ﻣﻼﺑﺴﻲ ﻋﺎﺩﻳﻪ .. ﻭﺑﻐﺪﺍﺩ ﻣﺘﻌﻮﺩﻩ ﺍﻣﺸﻲ ﻫﻴﺞ .. ﻭﻟﺘﺤﺴﺴﻴﻨﻲ ﺍﻥ ﺍﺭﻛﺎﻥ ﻏﺮﻳﺐ ﺗﺮﻩ ﻋﺸﺮﺓ ﻋﻤﺮ ﺍﻧﻲ ﻭﻳﺎﻩ ﻭﻳﻌﺮﻓﻨﻲ ﻋﺪﻝ
ﻭﻣﺘﺄﻛﺪﻩ ﻣﺘﻀﺎﻳﻖ ﻣﻨﻲ .. ﻓﻠﺘﺨﻠﻴﻦ ﺑﻠﺒﺴﻲ ﻭﺗﺼﺮﻓﻲ ﺭﺟﺎﺀﺍ ..
ﺍﻣﻲ ﺻﺎﺣﺖ ﺳﻤﺮ .. ﺩﺭﺗﻠﻬﺎ ﺧﺰﺭﺗﻨﻲ .. ﺩﺭﺕ ﻟﻠﺒﻮﺭﻱ ﻏﺴﻠﺖ ﺍﺩﻳﻪ .. ﻭﻋﻔﺘﻬﻢ ﻭﻃﻠﻌﺖ ﻟﻠﺼﺎﻟﻪ
🌿🌿🌿
ﺍﺟﺖ ﺍﻣﻲ ﻭﺭﺍﻱ ..
- ﺍﻧﺘﻲ ﻣﺎ ﺗﺴﺘﺤﻴﻦ ﻭﻳﻦ ﻣﺎ ﺗﺮﺣﻴﻦ ﻣﺼﺎﻳﺒﺞ ﻭﺭﺍﺝ ..
- ﻣﺎﻣﺎ ﺷﺒﻴﺞ ﻣﺪﺍ ﺗﺴﻤﻌﻴﻦ ﺍﻟﺴﻢ ﺍﻟﺘﺸﻤﺮﻩ ﻋﺸﺘﻮ ﺍﺣﻨﻪ ﺧﻄﺎﺭ .. ﻣﺤﺘﺮﻣﺖ ﻭﺟﻮﺩﻧﻪ ﻛﺨﻄﺎﺭ ﺗﻜﻮﻝ ﺑﺎﻳﻜﻪ ﺭﺟﻠﻬﺎ ..
- ﺍﻛﻠﻲ ﺗﺒﻦ ﻻ ﺍﻃﻴﺢ ﺣﻈﺞ ﻛﻠﻤﻪ ﻭﺣﺪﻩ ﻣﻨﺞ ﻣﺎ ﺍﺳﻤﻊ ..
- ﻣﺎﻣﺎ ﻣﻮ ﻃﻔﻠﻪ ﺍﻧﻲ ﻭﺗﺮﺯﻟﻴﻨﻲ .. ﻋﻴﺐ ..
- ﻻ ﺗﺨﻠﻴﻦ ﺍﺿﺮﺑﺞ ﻫﻨﺎ ﻭﺍﻓﺸﻠﺞ ﻛﺪﺍﻣﻬﻢ ﻭﺍﻟﻠﻪ .. ﺍﺣﺘﺮﻣﻲ ﻧﻔﺴﺞ ..
- ﺍﻣﻲ ﺷﺒﻴﺞ ﻫﻮﻩ ﺍﻧﻲ ﺍﻟﻠﻲ ﻗﻠﻠﺖ ﺍﺣﺘﺮﺍﻡ !!.. ﺩﺗﻜﻮﻟﻲ ﺍﻧﺘﻲ ﻣﻮ ﻣﺴﺘﻮﺭﻩ ﻭﺗﺸﻤﺮ ﻛﻼﻡ ﺍﻛﺒﺮ ﻣﻨﻬﺎ ﺍﻧﺘﻲ ﻟﻴﺶ ﺿﺪﻱ ..
ﺍﺟﺖ ﻧﺠﻮﻯ ﻛﺎﻟﺘﻠﻬﺎ ﻣﺎﻣﺎ ﺷﺒﻴﺞ ﻫﻴﻪ ﺫﻳﺞ ﻣﺘﻨﻄﺎﻕ .. ﻛﺎﻟﺖ ﻙ *** ﺍﺏ ﻣﺎ ﺍﻛﺪﺭﻟﺠﻦ ﺍﻟﻠﻪ ﻳﺎﺧﺬﺝ ﻭﺍﺧﻠﺺ .. ﻭﻣﺸﺖ
ﺩﺭﺕ ﻭﺟﻬﻲ ﻟﻨﺠﻮﻯ .. ﻫﺎﻱ ﺷﺒﻴﻬﺎ ..
- ﺳﻤﻮﺭﻩ ﺣﺒﻴﺒﻲ ﻟﺘﺘﻀﺎﻳﻘﻴﻦ ﻫﺎﻱ ﺍﻣﻲ ﻣﻦ ﻳﻮﻡ ﻳﻮﻣﻬﺎ ﻫﺬﺍ ﺍﺳﻠﻮﺑﻬﺎ ..
- ﺑﺲ ﺍﻧﻲ ﻣﺎ ﻏﻠﻄﺖ .. ﻭﻛﺒﺮﺕ ﻣﺎ ﻳﺤﻘﻠﻬﺎ ﺗﺮﺯﻟﻨﻲ ﺑﻬﺸﻜﻞ ﺍﺑﻴﺖ ﻧﺎﺱ ﺍﺣﻨﻪ ﺑﻴﻪ ﺧﻄﺎﺭ .. ﺑﻘﺖ ﺗﻨﺰﻝ ﺩﻣﻮﻋﻲ ﺑﺪﻭﻥ ﺍﺭﺩﺗﻲ ..
ﻭﺍﻣﺴﺢ ﻭﺍﻋﺪﻝ ﺑﻴﻬﺎ .. ﻋﻠﻤﻮﺩ ﻻ ﻳﺴﻴﻞ ﺍﻟﻜﺤﻞ ﻭﻳﺒﻴﻦ ﺑﻌﻴﻮﻧﻲ ﺍﻟﺒﺠﻲ .. ﺑﻘﻴﺖ ﻧﺠﻮﻯ ﺗﻬﺪﻱ ﺑﻴﻪ ..
ﺭﺣﺖ ﻟﻤﺎﻣﺎ ﺑﺎﻟﻤﻄﺒﺦ ﻳﻤﻬﻢ .. ﻣﺎﻣﺎ ﻣﺎ ﺍﺑﻘﻰ ﺍﺭﻳﺪ ﺍﺭﺟﻊ ﻟﺒﻴﺖ ﺟﺪﻭ ..
- ﻧﻜﻤﻞ ﻏﺪﺍ ﻭﻧﺮﺟﻊ ..
- ﻣﺎ ﺍﺭﻳﺪ ﻭﺻﻠﻴﻨﻲ ﻭﺍﺭﺟﻌﻲ .. ﺩﺍ ﺍﺣﺠﻲ ﻃﺐ ﺍﺭﻛﺎﻥ .. ﻭﺍﻧﻲ ﺍﺩﺍﺭﻱ ﺑﻌﻴﻮﻧﻲ ﻭﺍﻣﺴﺢ
ﺍﺭﻛﺎﻥ .. ﺷﺒﻴﺞ ﺳﻤﺮ ..
- ﺗﻜﺪﺭ ﺗﻮﺻﻠﻨﻲ ﻟﺒﻴﺖ ﺟﺪﻭ ..
- ﻟﻴﺶ ﻣﻦ ﺷﻨﻮ ﻣﺘﻀﺎﻳﻘﻪ ﻫﻨﺎ ..
- ﺟﺎﻭﺑﺖ ﻣﺮﺗﻪ .. ﺣﺴﺎﺳﻪ ﺧﻄﻴﻪ ﺑﺲ ﻛﺘﻠﻬﺎ ﺧﻴﻪ ﻟﺒﺴﻲ ﻋﺒﺎﻳﻪ ﺍﺭﻛﺎﻥ ﻣﺎ ﻳﻘﺒﻞ ﻣﺮﻩ ﻫﻴﺞ ﺗﻤﺸﻲ ﻣﻔﺮﻋﻪ ﺑﺎﻟﺒﻴﺖ ﺷﻮ ﻫﻴﻪ ﻛﺒﺖ ..
- ﺩﺭﺕ ﻭﺟﻬﻲ ﻻﻣﻲ .. ﻛﻮﻣﻲ ﺩﺍ ﺍﻛﻮﻟﺞ ﺍﺭﻳﺪ ﺍﺭﻭﺡ ﻟﺒﻴﺖ ﺟﺪﻭ ..
ﺍﺭﻛﺎﻥ .. ﺳﻤﺮ ﻻ ﺗﺘﻀﺎﻳﻘﻦ ﻣﻨﻬﺎ ﺗﺮﻩ ﻫﻴﻪ ﻫﺎﻱ ﺍﻟﺴﺎﻧﻬﺎ ﻧﻜﺲ ﻣﺘﺒﺮﻱ ﻣﻨﻬﺎ ..
- ﺑﻘﺖ . ﺗﺼﻴﺢ ﻫﻴﻪ .. ﺑﺎﻭﻉ ﻻﺭﻛﺎﻥ ﻭﻛﺘﻠﻪ ﻻ ﻋﺸﻨﻮ ﺍﺗﻀﺎﻳﻖ .. ﺑﺲ ﻣﻮ ﺣﻠﻮ ﺗﻜﻮﻟﻲ ﻣﻼﺑﺴﺞ ﻣﻮ ﻣﺴﺘﻮﺭﻩ .. ﺍﻧﻲ ﻣﻮ ﺑﻨﺖ ﺷﻮﺍﺭﻉ ﻭﺗﻨﺒﻬﻨﻲ ﻋﻠﻰ ﻣﻼﺑﺴﻲ ..
ﻣﻦ ﻳﻮﻡ ﻳﻮﻣﻲ ﻣﻼﺑﺴﻲ ﻫﻴﺞ .. ﻭﻣﺤﺪ ﺍﺷﺘﻜﻰ ﻣﻨﻬﺎ .. ﻻﻥ ﻣﺎ ﺍﻟﺒﺲ ﻓﺎﺿﺢ ﻭﻣﺤﺘﺮﻣﻪ ﻧﻔﺴﻲ ..
ﻓﻠﻬﻴﺞ ﻣﺎ ﺍﺣﺐ ﺍﺑﻘﻰ ﺑﻤﻜﺎﻥ ﻣﺎ ﻳﺤﺘﺮﻣﻨﻲ .. ﻭﻳﺸﻮﻑ ﻟﺒﺴﻲ ﻣﺎ ﻣﺴﺘﻮﺭ ..
ﺧﺎﻟﻪ .. ﻳﺎ ﻳﻤﻪ ﺳﻤﺮ ﻓﺪﻭﻩ ﺍﺭﻭﺡ ﻟﻌﻴﻮﻥ ﺗﺘﻀﺎﻳﻘﻴﻦ ﻣﻦ ﻫﺎﻱ .. ﻭﺝ ﻫﻴﻪ ﻫﺎﻱ ﻣﺼﻴﺒﻪ .. ﻣﺎ ﻋﺎﻳﻔﻪ ﺍﺣﺪ ﺑﺤﺎﻟﻪ ﻛﻠﻬﺎ ﺣﺎﺟﻴﻪ ﻋﻠﻴﻬﺎ ..
ﻭﺍﺣﻨﻪ ﻧﻌﺮﻓﺞ ﺷﻨﻮ ﻭﻣﺤﺘﺮﻣﻪ .. ﻟﻴﺶ ﻛﺘﻠﺞ ﺧﺴﺮﺗﺞ ..
ﺯﻫﺮﺍﺀ .. ﺍﻛﻠﺞ ﺍﻧﺘﻲ ﺗﻌﺎﻱ ﺍﻫﻨﺎ ﻛﻞ ﺷﻮﻱ ﻭﺗﻜﻠﻴﻠﻬﺎ ﺧﺴﺮﺗﺞ ﻋﻮﺩ ﺷﻨﻲ ﻣﻌﻨﺎﻫﺎ .. ﺍﻧﻪ ﺧﺴﺎﺭﻩ ﻋﻠﻴﻜﻢ ..
ﺑﺖ ﺍﺷﻴﻮﺥ ﺍﻧﻪ ﻫﺎﻱ ﻭﺷﻜﻮﻟﻬﺎ ﻣﺎ ﺗﻠﺤﻚ ﺿﻔﺮﻱ .. ﺟﻨﻬﺎ ﻣﺮﺕ ﺑﺒﺎﻱ ﻣﺴﻠﻮﻋﻪ ﻭﺣﺎﺳﺒﻴﻬﺎ ﺑﺮﺍﺳﻲ ﻣﺮﻩ ..
ﺍﺭﻛﺎﻥ .. ﻟﺞ ﻫﻴﻴﻲ .. ﺍﻧﻈﺒﻲ ﻭﺛﻤﻨﻲ ﺍﺣﺠﺎﻳﺘﺞ ﺍﺣﺘﺮﻣﻲ ﻧﻔﺴﺞ ﺍﻟﺒﻨﻴﻪ ﺧﻄﺎﺭ ﻳﺎ ﺑﻨﺖ ﺍﻻﺻﻮﻝ .. ﻻ ﺍﻧﻌﻞ ﺳﺎﺳﺞ ﻭﻋﻠﻲ
🌿🌿
ﻻ ﻟﺤﻈﻪ ﺍﺭﻛﺎﻥ .. ﺑﺎﻭﻋﻴﻠﻲ ﺣﺒﻴﺒﻲ .. ﺍﻧﻲ ﻗﺎﺭﻧﺖ ﺭﻭﺣﻲ ﺑﻴﺞ .. ﺍﺩﻧﻴﺖ ﻳﻤﺞ ..
ﺗﺮﻩ ﻋﻴﺐ ﻫﻠﻄﺮﻳﻘﻪ .. ﺍﻥ ﻛﻨﺘﻲ ﺷﺎﻳﻠﻪ ﻋﻠﻴﻪ .. ﻓﺎﻧﻲ ﻫﻨﺎ ﺿﻴﻔﻪ .. ﻭﺍﻻﺻﻮﻝ ﺗﻜﻮﻝ ﺍﺣﺘﺮﻡ ﺍﻟﻀﻴﻒ ﺣﺘﻰ ﻟﻮ ﺟﻨﺖ ﻣﺎ ﻃﺎﻳﻘﻪ ..
ﺑﺲ ﺍﻟﻈﺎﻫﺮ .. ﺍﻟﻜﺘﺎﺏ ﻣﻔﻬﻮﻡ ﻣﻦ ﻋﻨﻮﺍﻧﻪ ﺷﻨﻮ ..
ﺯﻫﺮﺍﺀ . ﺧﺐ ﺩﻛﻮﻣﻲ .. ﺍﻧﻲ ﻭﺍﺻﻠﻪ ﺑﻴﻪ ﻟﻬﻨﺎ ﻣﻨﺞ .. ﻣﻮ ﻣﺘﺤﻤﻠﻪ ﺟﻬﺮﺗﺞ ﺍﺷﻮﻓﻬﺎ ﺍﻟﺰﺭﻛﻪ .
- ﺑﻘﻰ ﺍﺭﻛﺎﻥ ﻭﺧﺎﻟﻪ ﻳﺘﻌﺎﺭﻛﻮﻥ ﻭﻳﺎﻫﺎ .. ﻭﻫﻴﻪ ﺍﻟﺴﺎﻥ .. ﺗﻼﺳﻦ ﻭﺗﺮﺍﺩﺩ ﻭﺻﻮﺗﻬﺎ ﺷﻌﻠﻮﻩ .. ﻛﺘﻠﻬﺎ ﻫﻮﻩ ﺣﻈﻲ ﻭﻳﺎﻣﻦ ﻛﻌﺪ ﺣﺘﻰ ﻳﻜﻌﺪ ﻭﻳﺎﺝ ..
ﻋﻔﺘﻬﺎ ﻭﻣﺸﻴﺖ .. ﺟﺮﻳﺖ ﺍﻟﻌﺒﺎﻳﻪ . ﻭﺭﺩﺕ ﺍﻃﻠﻊ .. ﻟﺰﻣﺘﻨﻲ ﺧﺎﻟﺘﻲ ﻭﺗﺒﻮﺱ ﺑﻴﻪ ﻭﺗﻜﻠﻲ ﻟﺨﺎﻃﺮﻱ ﻓﺪﻭﻩ ﻻ ﺗﺮﺣﻴﻦ ..
ﻛﻠﻬﻢ ﻛﺎﻣﻮ ﻳﻠﺰﻣﻮﻥ ﻭﻳﺤﻠﻔﻮﻥ ﻭﻳﺮﺟﻌﻮﻥ ﺑﻴﻪ .. ﺍﺳﺘﺤﻴﺖ ﺍﻃﻠﻊ ﻣﻨﻬﻢ .. ﻛﺘﻠﻬﻢ ﻻ ﻫﺎﻱ ﺧﻼﺹ ﻭﺍﻟﻠﻪ ﺭﺍﺡ ﺍﻛﻌﺪ ..
ﺷﻤﺮﺕ ﺍﻟﻌﺒﺎﻳﻪ ﻭﺭﺣﺖ ﻛﻌﺪﺕ ﺑﺎﻟﺼﺎﻟﻪ . ﻳﻢ ﺧﺎﻟﻮ .. ﻛﺎﻝ ﺧﺎﻟﻮ ﻻ ﺗﺘﻘﺎﺭﺷﻴﻦ ﻭﻳﺎﻫﺎ ﻫﺎﻱ .. ﺗﺮﻩ ﺍﻟﺴﺎﻧﻬﺎ ﻛﻠﻬﺎ ﺗﻌﺮﻑ ﺑﻴﻪ ..
ﺍﻟﻠﻪ ﻳﺴﺎﻋﺪ ﺳﻴﺪ ﺍﺭﻛﺎﻥ ﺷﻠﻮﻥ ﻣﺘﺤﻤﻠﻬﺎ .. ﺑﺲ ﻫﻮﻩ ﻃﻴﺐ ﻣﺎ ﻳﺤﺐ ﻳﻜﺴﺮ ﺍﺑﻨﺖ ﺍﻟﻌﺎﻟﻢ ﻭﻳﻄﻠﻜﻬﺎ ﻣﺘﺤﻤﻠﻬﺎ ﻭﻳﻜﻮﻝ ﺍﻟﻤﺆﻣﻦ ﻣﺒﺘﻠﻰ ..
ﻛﺘﻠﻪ ﺧﺎﻟﻮ ﻫﻮﻩ ﻣﺎ ﺻﺎﺭﻟﻪ 5 ﺍﺷﻬﺮ ﻣﻦ ﺗﺰﻭﺟﻬﺎ ..
- ﺧﺎﻟﻮ ﺷﺎﻳﻔﻪ ﺑﻬﻠـ 5 ﺍﺷﻬﺮ ﺷﺴﻮﺕ .. 3 ﺯﻋﻼﺕ ﺯﻋﻠﺖ .. ﻭﺷﻴﻮﺥ . ﻭﻋﺸﺎﻳﺮ ﻛﻠﺒﺘﻬﺎ ﻛﻼﺏ ..
ﻋﻠﻰ ﺧﻮﺍﺕ ﺍﺭﻛﺎﻥ .. ﺗﺘﻌﺎﺭﻙ ﻭﻳﺎﻫﻦ ..
- ﻭﺍﺭﻛﺎﻥ ﺷﻠﻮﻧﻪ ﻭﻳﺎﻫﺎ ..
- ﻣﺎ ﺗﻌﺮﻓﻴﻦ ﺳﻴﺪ ﺍﺭﻛﺎﻥ .. ﻻ ﻳﺤﺐ ﻳﻀﺮﺏ ﻣﺮﻩ ﻭﻻ ﻳﺤﺐ ﻳﺎﺫﻳﻬﺎ ﻓﻘﻂ ﻳﻬﺠﺮﻫﺎﺍ ..
ﻭﻳﻜﻮﻝ ﺍﻟﻤﺮﺃﻩ ﻣﻴﺼﻴﺮ ﺗﻨﻀﺮﺏ ﺍﻻﺳﻼﻡ ﻣﺤﺮﻡ ﺿﺮﺏ ﺍﻟﻤﺮﺃﻩ .. ﻋﻘﺎﺑﻬﺎ ﻓﻘﻂ ﺍﻟﻬﺠﺮ ﺍﻟﺰﻭﺟﻲ
ﻭﻫﻮﻩ ﻫﺎﺟﺮﻫﺎ ﻣﻦ ﺍﻟﺴﺎﻧﻬﺎ ﻭﻣﺸﺎﻛﻠﻬﺎ .. ﻭﺍﻫﻠﻬﺎ ﺷﻴﻮﺥ ﻭﻫﻮﻩ ﻳﺤﺘﺮﻣﻬﻢ ﻭﻳﺤﺘﺮﻣﻮﻧﻪ ﻳﻜﻮﻝ ﺍﺭﻭﺡ ﺍﺗﻔﺎﺷﻞ ﻭﻳﺎﻫﻢ ﻋﻠﻤﻮﺩ ﻣﺮﻩ .. ﻭﺳﺎﻛﺖ ﻣﻨﻬﺎ ..
ﻛﺘﻠﻪ ﻫﺬﺍ ﻫﻢ ﺣﻈﻪ ﺧﻄﻴﻪ .. ﺍﺧﺬﺕ ﻣﻮﺑﺎﻳﻠﻲ ﻣﻦ ﺟﻴﺒﻲ .. ﻃﺎﻓﻲ ﺷﺤﻦ .. ﺻﺎﺭﻟﻪ ﻳﻮﻣﻴﻦ ..
ﻛﻠﺖ ﺑﻜﻠﺒﻲ ﻫﺴﻪ ﺍﻟﻜﻪ ﺑﻜﺮ ﺧﺎﺑﺺ ﺍﻻﻣﻪ .. ﺩﺭﺕ ﻭﺟﻬﻲ ﻟﺴﻨﺎﻥ ﺍﺧﻮ ﺍﺭﻛﺎﻥ .. ﻛﺘﻠﻪ ﺳﻨﺎﻥ ﺷﺎﺣﻨﺔ ﺍﺑﺮﻩ ﻋﻨﺪﻙ
- ﺍﻱ ﻫﺎﻱ ﻣﺸﻜﻠﻪ ﺑﺎﻟﺪﻛﻤﻪ ﺟﻴﺒﻲ ..
- ﻟﺤﻈﻪ ﺑﺲ ﺍﻓﺘﺤﻪ .. ﻓﺘﺤﺘﻪ .. ﻭﺧﻼﻩ ﻋﻠﺸﺤﻦ .. ﺍﺟﻪ ﺍﺭﻛﺎﻥ ﻛﻌﺪ ﻛﺒﺎﻟﻲ .. ﺑﺎﻭﻋﻠﻲ ﻭﺩﺍﺭ ﻭﺟﻬﺎ ..
ﻭﺧﺎﻟﺘﻲ ﻫﻢ ﻛﻌﺪﺕ ﻭﺑﻴﺒﻲ .. ﺍﻧﻮﺏ ﺍﺟﻮ ﺧﻮﺍﺗﻪ ﺍﻟﻤﺘﺰﻭﺟﺎﺕ .. ﻭﺻﺎﺭﻭ ﻫﻮﺳﻪ ﺑﺎﻟﺼﺎﻟﻪ ﻛﻠﻬﺎ ﺗﺴﻮﻟﻒ ..
ﺻﺒﻮ ﺍﻟﻐﺪﺍ ﻭﻛﻌﺪﻧﻪ ﻧﺎﻛﻞ ﻭﺿﺤﻚ ﻭﺳﻮﺍﻟﻒ . ﻭﻧﺠﻮﻯ ﻳﻤﻲ ﺍﻟﻌﺮﻓﺘﻪ ﻣﺮﺕ ﺍﺭﻛﺎﻥ ﺣﺎﻣﻞ ﻭﻳﺨﻠﻮﻥ ﺍﻟﻄﺮﺷﻲ ﻛﺒﺎﻟﻬﺎ
ﺩﻧﺎﻛﻞ ﺩﺍﺭ ﻭﺟﻬﺎ ﺍﺭﻛﺎﻥ .. ﺻﺎﺡ ﻫﺬﺍ ﺟﻬﺎﺯ ﺻﺎﺭ ﺳﺎﻋﻪ ﻳﺮﺝ ﺍﻟﻤﻦ ..
ﺷﺎﻝ ﺍﻟﻔﻮﻥ .. ﻛﺘﻠﻪ ﻫﺬﺍ ﻣﻮﺑﺎﻳﻠﻲ .. ﻛﺎﻝ ﺻﻤﺎﻡ ﺍﻻﻣﺎﻥ .. ﺧﺠﻠﺖ ﻟﻤﺎ ﻛﺎﻝ ﺍﻻﺳﻢ ﻛﺪﺍﻣﻬﻢ ..
ﻛﺘﻠﻪ ﺍﻱ ﺻﺪﻳﻘﺘﻲ . ﺍﺧﺬﺕ ﺍﻟﻔﻮﻥ ﻭﻃﻠﻌﺖ ﺑﺮﺍ .. ﺭﺩﻳﺖ ﺍﻟﻮﻭ ..
- ﺍﻟﻮﻭﻭ ﻫﻼ ﺳﻤﺮ .. ﻭﺍﺧﻴﺮﺍ ﻳﻌﻨﻲ ..
🌿🌿
ﻫﻼ ﺑﻜﺮ .. ﺍﺳﻔﻪ ﻣﺨﺎﺑﺮﺕ ﻻﻥ ﺍﺣﻨﻪ ﻣﻮ ﺑﻠﺒﻴﺖ ..
- ﺍﺩﺭﻱ ﺍﻟﺒﺎﺭﺣﻪ ﺧﺎﺑﺮﺕ ﻧﺠﻮﻯ ﻭﻛﺎﻟﺘﻠﻲ ﺍﻧﺘﻮ ﺑﺎﻟﻨﺠﻒ ..
- ﺍﻱ .. ﺑﺲ ﺳﻌﺠﺐ ﺷﻮ ﻣﺎ ﻛﺎﻟﺘﻠﻲ ﺍﻧﺘﻪ ﺧﺎﺑﺮﺕ ..
- ﻫﺴﻪ ﻋﻮﻓﻴﻨﻲ ﻣﻦ ﻫﺎﻱ .. ﺟﻬﺎﺯﺝ ﻟﻴﺶ ﻣﻐﻠﻖ .. ﺍﺣﺘﺮﻙ ﺟﺪﻱ ﻭﺍﻧﻲ ﺍﺩﻙ ﺻﺎﺭ ﻳﻮﻣﻴﻦ ..
- ﺟﺎﻥ ﻃﺎﻓﻲ ﻭﺍﻟﺒﺎﺭﺣﻪ ﺑﺎﻻﻣﺎﻡ ﻧﺴﻴﺖ ﺍﺷﺤﻨﻪ ﻭﺍﺟﻴﻨﻪ ﺗﻌﺒﺎﻧﻴﻦ ﻫﺴﻪ ﺍﺗﺬﻛﺮﺗﻪ .. ﻟﻴﺶ ﺍﻛﻮ ﺷﻲ ﺗﺮﻳﺪ ﺷﻲ ..
- ﻻﺍ ﺷﺮﻳﺪ ﻗﺎﺑﻞ .. ﺑﺲ ﺭﺩﺕ ﺍﻋﺮﻑ ﺍﻧﺘﻲ ﺑﺨﻴﺮ ﻭﻫﺎﻫﻴﻪ .. ﺗﺼﺎﻟﺤﺘﻲ ﻭﻳﻪ ﺍﺣﻤﺪ ..
- ﻣﻮ ﺍﺗﺼﺎﻟﺤﻨﻪ ﻭﺍﻧﻤﺎ ﺷﺮﻁ ﻋﻠﻴﻪ ﺍﺫﺍ ﻣﺎ ﺍﺷﺘﻐﻞ ﻳﺮﺟﻌﻨﻲ ﻭﻳﻨﻄﻴﻨﻲ ﻟﻌﺎﺩﻝ ﺧﻼﻝ ﺷﻬﺮ .. ﺍﻧﺸﺎﻟﻠﻪ ﺍﻟﻜﻪ ﺷﻐﻞ ﺑﻬﻠﻮﻛﺖ ..
- ﺳﻬﻠﻪ .. ﺑﺲ ﺭﻓﻌﻲ ﺩﻋﻮﺓ ﻃﻼﻕ ﺑﺴﺮﻋﻪ .. ﻭﺍﻧﻲ ﺍﻧﻄﻲ ﺷﻜﺪ ﻣﺘﺮﺩﻳﻦ ﻋﻠﻤﻮﺩ ﺍﻟﻤﻌﺎﻣﻠﻪ ﺗﻤﺸﻲ ﺑﺎﺳﺮﻉ ﻭﻗﺖ ..
ﺑﺲ ﺧﻠﺼﻴﻨﻲ ﻣﻦ ﻫﻠﺰﻭﺍﺝ .. ﺭﺣﻤﻪ ﻻﻫﻠﺞ ..
- ﺍﻧﺸﺎﻟﻠﻪ ﺑﺲ ﺍﺭﺟﻊ .. ﺍﻛﻮﻭﻭﻝ ﺑﻜﺮ ..
- ﻛﻮﻟﻲ ..
- ﺳﺎﻋﺪﻧﻲ ﺍﻟﻜﻪ ﺷﻐﻞ .. ﺍﺫﺍ ﺗﻌﺮﻑ ﻧﺎﺱ ﻳﻌﻴﻨﻮﻧﻲ .. ﺧﺮﻳﺠﺔ ﺍﺩﺍﺏ ﺍﻧﻜﻠﺶ ..
- ﺍﻧﺸﺎﻟﻠﻪ .. ﺍﺩﻭﺭ .. ﺍﻧﺘﻲ ﻭﻳﻦ ..
- ﺍﻧﻲ ﺍﺑﻴﺖ ﺍﻡ ﺍﺭﻛﺎﻥ ..
- ﻭﺍﻟﻠﻬﻴﻴﻴﻲ !!.. ﻭﺷﻌﻨﺪﺝ ﻫﻨﺎﻙ ﺳﻤﺮ
- ﺍﺟﻴﺖ ﻭﻳﻪ ﺍﻣﻲ ﻭﻧﺠﻮﻯ ﻭﺧﺎﻟﻮ ﺍﻣﻴﺮ ..
- ﺍﺭﻛﺎﻥ ﻣﻮﺟﻮﺩ ..
- ﻟﻴﺶ ﺷﻴﺨﺼﻚ ..
- ﻫﺎﺍ ﺍﻱ ﺻﺢ ﻣﻴﺨﺼﻨﻲ ..
- ﻫﻬﻬﻬﻪ .. ﺍﻱ ﻫﻨﺎ .. ﻭﺧﻄﻴﻪ ﻣﺒﺘﻠﻲ ﻣﺮﺗﻪ ﺷﺎﻟﻌﻪ ﻛﻠﺒﻪ ﻣﺎ ﺗﻨﻜﺪﺭ ..
- ﻭﺍﻧﺘﻲ ﺷﻌﻠﻴﺞ ﺑﻤﺮﺗﻪ .. ﺳﻤﺮ ﻋﻮﺩ ﺷﻨﻮ ﻣﻌﻨﺎﻫﺎ ﻫﻠﻜﻼﻡ ..
- ﺷﺒﻴﻚ ﺑﻜﺮ ..
- ﺍﻧﻲ ﺷﺒﻴﻪ ﻟﻮ ﺍﻧﺘﻲ ..
- ﺩﺍ ﺍﺣﺠﻲ .. ﺷﻔﺖ ﺍﺭﻛﺎﻥ .. ﻭﺭﺍﻱ .. ﺑﺎﻭﻋﺘﻠﻪ .. ﺩﺍﺭ ﻭﺟﻬﺎ ﻭﺩﻧﻚ ﻟﻠﻤﻐﺴﻠﻪ ﻳﻐﺴﻞ ..
- ﻛﺘﻠﻪ ﺑﻌﺪﻳﻦ ﺍﺣﺠﻲ ﻭﻳﺎﻙ ..
- ﻫﺎﺍﺍ ﻫﻴﺞ ﺻﺎﺭﺕ ﺳﻤﺮ ..
- ﻟﺘﻠﺢ ﻛﺘﻠﻚ ﺑﻌﺪﻳﻦ ﺍﺣﺠﻲ ﻭﻳﺎﻙ ..
- ﺍﻟﺢ !!!.. ﻫﺎﺍﺍﺍ . ﺍﺳﻒ ﻭﺍﻟﻠﻪ .. ﺍﻟﻀﺎﻫﺮ ﺿﺎﻳﻘﺘﺞ . ﻗﻔﻞ ﺍﻟﺠﻬﺎﺯ ﺑﺴﺮﻋﻪ ..
- ﺍﻫﻮﻭ ﺍﻧﻮﺏ ﺑﻜﺮ ﻋﻠﻴﻪ ﻳﺎ ﺍﻟﻠﻪ ﻭﻛﺄﻧﻮ ﻧﺎﻗﺼﻨﻲ .. ﺩﺧﻠﺖ ﻟﻠﺒﻴﺖ ﻣﻦ ﺑﺎﺏ ﺍﻟﻤﻄﺒﺦ .. ﺭﺣﺖ ﺍﺷﺮﺏ ﻣﻲ .. ﺩﺧﻞ ﺍﺭﻛﺎﻥ ..
- ﺻﻤﺎﻡ ﺍﻻﻣﺎﻥ .. ﺑﻜﺮ ﺻﺎﺭ ..
- ﺩﺭﺗﻠﻪ .. ﻛﺘﻠﻪ ﺷﻨﻮﻭﻭ
- ﻛﺎﻝ ﻻ ﻫﻴﺞ ﻭﻻ ﻳﻬﻤﺞ ..
- ﺑﻘﻴﺖ ﺍﺑﺎﻭﻉ ﺑﻮﺟﻬﺎ
- ﺣﺘﻰ ﺑﺮﺍﺋﺔ ﻋﻴﻮﻧﺞ ﺭﺍﺣﺖ ﻟﻴﺶ ﺳﻤﺮ ..
- ﻫﻴﻪ ﺑﻘﺖ ﻋﻴﻮﻥ ﺣﺘﻰ ﺗﺒﻘﻰ ﺑﺮﺍﺋﻪ .. ﺍﺭﻛﺎﻥ ﺍﻟﻠﻪ ﻭﺣﺪﻩ ﻳﻌﻠﻢ ﺍﻧﻲ ﺷﻨﻮ ﺷﻔﺖ ..
- ﻛﺘﻠﺞ ﻣﺮﺍﺡ ﺗﺮﺗﺎﺣﻴﻦ .. ﻭﻻ ﺭﺍﺡ ﺗﺮﺗﺎﺣﻴﻦ ..
- ﻟﻴﺶ ﻫﻠﺤﻘﺪ ﺍﺭﻛﺎﻥ .. ﺍﻟﻠﻲ ﺍﻋﺮﻓﻪ ﻛﻠﺒﻚ ﺍﺑﻴﺾ .. ﻟﻴﺶ ﺑﺲ ﻭﻳﺎﻱ ﺣﻘﺪﺕ
🌿🌿
ﺍﺍﻟﻤﺸﻜﻠﻪ ﻟﻤﺎ ﺗﻌﻴﺶ 4 ﺍﺳﻨﻴﻦ ﻭﺍﻛﻮ ﺷﺨﺺ ﺑﺪﺍﺧﻠﻚ ﻳﻌﻨﻴﻠﻚ ﻛﻮﻟﺸﻲ ﺣﻠﻮ ﺑﺎﻟﺪﻧﻴﺎ .. ﻟﺪﺭﺟﺔ ﺍﺗﻐﺎﺿﻰ ﻋﻦ ﺍﻟﺸﺮﻉ ﻭﺍﺳﺘﻤﻊ ﻟﺼﻮﺗﻪ ﻭﺍﺗﻜﻠﻢ ﻭﻳﺎﻩ ..
ﻭﺍﻗﻨﻊ ﺭﺑﻲ .. ﻭﺍﻛﻠﻪ ﺭﺍﺡ ﺗﺼﻴﺮ ﻣﺮﺗﻲ ﻭﺣﻼﻟﻲ ﺍﻏﻔﺮﻟﻲ ..
ﺷﺨﺺ ﻫﻮﻩ ﻛﻮﻟﺸﻲ ﺑﺎﻟﻨﺴﺒﻪ ﺍﻟﻚ .. ﺑﺤﻴﺚ ﻃﺮﻳﻖ ﺍﻟﻨﺠﻒ ﺑﻐﺪﺍﺩ ﻣﺎ ﻳﻮﻛﻒ ﺑﻌﻴﻨﻪ ﻟﻮ ﻳﺸﺘﺎﻕ .. ﺑﺜﺎﻧﻴﻪ ﻳﻘﺮﺭ ﻭﻳﺮﻭﺡ ﻳﺸﻮﻑ ﻟﻮ ﻣﻼﻩ ﺍﻟﺸﻮﻙ
ﻭﻓﺠﺄﻩ ﻫﺬﺍ ﺍﻻﻧﺴﺎﻥ ﺍﻟﻴﻌﻨﻴﻠﻚ ﻛﻠﺸﻲ ﻳﺒﻴﻊ ﺑﺪﻭﻥ ﺳﺒﺐ ﺍﻭ ﺣﺘﻰ ﺫﻧﺐ ﻃﻠﻊ ﻣﻨﻚ .. ﺻﻌﺐ ﺗﻨﺴﻰ ﺧﻴﺎﻧﺘﻪ .. ﻭﺍﻟﺤﺐ ﺍﻟﺒﺪﺍﺧﻠﻚ ﻳﺘﺤﻮﻝ ﺣﻘﺪ ﻛﺎﺳﺮ ..
- ﺑﺲ ﺍﻋﺘﻘﺪ ﺑﺮﺭﺗﻠﻚ ﺳﺒﺐ ﺗﺮﻛﻲ ﺍﻟﻚ ..
- ﺍﺑﺪ ﻣﻮ ﻣﻘﻨﻊ .. ﺍﻧﺘﻲ ﺗﻌﺮﻓﻴﻨﻲ ﺍﻧﺴﺎﻥ ﻣﺘﻔﻬﻢ ﻭﺷﺎﺭﻳﺞ ..
- ﻻ ﻣﺎ ﺍﻋﺮﻑ . ﺍﻟﻠﻲ ﺍﻋﺮﻓﻪ ﺍﻧﺘﻪ ﻋﻨﺪﻙ ﺗﻌﻘﻴﺪ ﺩﻳﻨﻲ ﻣﺎ ﺍﻟﻪ ﻣﺜﻴﻞ ..
- ﺍﻧﺘﻲ ﺑﻌﻴﻨﺞ ﺍﻟﺪﻳﻦ ﺗﻌﻘﻴﺪ .. ﺍﻧﻲ ﻣﺘﺪﻳﻦ ﻭﺍﻋﺮﻑ ﺍﻟﻠﻪ ﺍﻛﻴﺪ ﺭﺍﺡ ﺍﺻﺪﻕ ﺑﻨﺖ ﺍﻋﺘﺒﺮﻫﺎ ﻛﻠﺸﻲ ﺑﺎﻟﻨﺴﺒﻪ ﺍﻟﻲ .. ﻭﺍﻛﻴﺪ ﺭﺍﺡ ﺍﺗﻔﺎﻫﻢ ..
ﺑﺲ ﻣﺸﻜﻠﺘﺞ ﺍﻧﺎﻧﻴﻪ ﺳﻤﺮ .. ﻛﻞ ﻫﻤﺞ ﻧﻔﺴﺞ .. ﺷﻠﻮﻥ ﺗﻨﻘﺬﻳﻦ ﻧﻔﺴﺞ ﻣﻦ ﻣﺨﺎﻃﺮﺝ .. ﺗﺨﻠﻴﻦ ﺍﻟﺮﺟﻞ ﻳﺘﻌﻠﻖ ﺑﻴﺞ ﻭﻳﻨﻮﻟﻊ ..
ﻭﺍﺗﺮﻛﻴﻨﻪ ﻭﻣﺪﻭﺭﻳﻦ ﻭﺟﻬﺞ ﻭﺭﺍﺝ ..
- ﺗﺨﻠﻴﻦ ﺍﻟﺮﺟﻞ !!.. ﺩﺗﺤﺴﺴﻨﻲ ﺍﻧﻮ ﺧﺎﻳﻨﻪ ﺟﻴﺶ .. ﺍﺭﻛﺎﻥ ﻣﺎ ﺧﻨﺖ ﺑﺲ ﺍﻧﻲ ﺍﻋﺘﺮﻑ ﻏﺒﻴﻪ ﻭﻗﺮﺍﺭﺗﻲ ﻓﺎﺷﻠﻪ .. ﺷﺴﻮﻱ ﻣﺎ ﺍﻋﺮﻑ ﺍﺧﺘﺎﺭ ﻭﻫﺬﺍ ﻫﻢ ﺣﻈﻲ
- ﻫﺰ ﺭﺍﺳﻪ .. ﻫﺬﺍ ﻣﻮ ﺗﺒﺮﻳﺮ ﺷﻤﺮ ﻣﻮ ﺗﺒﺮﻳﺮ ﻋﻠﺴﻮﻳﺘﻴﻪ ..
- ﺍﺭﻛﺎﻥ ﺍﻧﺴﻰ ﺍﻟﺮﺍﺡ ﻭﻋﻠﻴﻚ ﺑﻌﺎﺋﻠﺘﻚ .. ﻭﺑﻌﺪﻳﻦ ﻣﺮﺗﻚ ﻟﻴﺶ ﻫﻴﺞ ﺗﻜﺮﻫﻨﻲ ﺍﻛﻴﺪ ﺍﻧﺘﻪ ﺣﺎﺟﻴﻠﻬﺎ ..
- ﺷﺘﻌﺮﻓﻴﻨﻲ ﺍﻧﻲ ﺍﺣﺠﻲ .. ﺑﺲ ﺧﻮﺍﺗﻲ ﺣﺎﺟﻴﺎﺗﻠﻬﺎ ﻛﻠﺸﻲ ﻋﻠﻴﺞ ﻭﻋﻠﻴﻪ ..
- ﺩﻧﺤﺠﻲ .. ﺩﺧﻞ ﺳﻨﺎﻥ .. ﺩﺭﺕ ﻭﺟﻬﻲ ﻟﻠﺜﻼﺟﻪ . ﻭﺍﺭﻛﺎﻥ ﺭﺍﺡ ﻟﻠﺼﺎﻟﻪ ..
- ﺷﺮﺑﺖ ﻣﻲ .. ﻭﺭﺣﺖ ﻟﻠﺼﺎﻟﻪ .. ﻫﻤﻪ ﻟﻤﻮ ﺍﻟﺴﻔﺮﻩ ﺍﻧﻮﺏ ﺳﻮﻭ ﺟﺎﻱ .. ﻭﻛﻌﺪﻧﻪ ﻧﺸﺮﺏ ..
ﺧﺎﻟﻮ ﺗﻤﺪﺩ ﻭﻧﺎﻡ .. ﺍﺭﻛﺎﻥ ﻣﺘﻤﺪﺩ ﻻﺯﻡ ﺟﻬﺎﺯ ﺍﻟﺘﻠﻔﺰﻳﻮﻥ ﻭﻳﺒﺎﻭﻉ .. ﻭﺍﻟﺒﺎﻗﻴﻦ ﺭﺍﺣﻮ ..
ﻛﻌﺪﻧﻪ ﺑﺲ ﺍﻧﻲ ﻭﺧﺎﻟﺘﻲ ﻭﺑﻴﺒﻲ ﻭﻣﺮﺕ ﺍﺭﻛﺎﻥ ﻭﺍﻣﻲ ﻭﻧﺠﻮﻯ .. ﻧﺸﺮﺏ ﺟﺎﻱ .. ﺍﻣﻲ ﻛﺎﻟﺖ ﻟﺨﺎﻟﺘﻲ ﺧﻴﻪ ﺍﻣﻴﺮﻩ ﻣﺎ ﺗﺸﻮﻓﻴﻦ ﺣﻆ ﺳﻤﺮ ..
ﻫﻠﺒﻨﻴﻪ ﻣﺎ ﻣﻜﺘﻮﺏ ﻋﻠﻴﻬﺎ ﺗﺮﺗﺎﺡ .. ﻛﺎﻟﺘﻠﻬﺎ ﺍﻧﻲ ﺻﺎﺭ ﺳﺎﻋﻪ ﺍﺷﻮﻑ ﻭﺳﺎﻛﺘﻪ .. ﻣﻨﺘﻀﺮﻩ ﺍﻛﻌﺪ ﻭﻳﺎﻫﺎ ﻭﺍﺣﺠﻲ ..
ﻛﺘﻠﻬﺎ ﺷﻨﻮﻭ .. ﺍﻻﻋﺮﻓﻪ ﺧﺎﻟﺘﻲ ﺗﺒﺎﻭﻉ ﺑﺠﺒﻴﻦ ﺍﻻﻧﺴﺎﻥ ﻭﺗﻜﻠﻪ ﻫﻴﺞ ﻭﻫﻴﺞ ﺍﻧﺘﻪ ﻭﻫﻴﺞ ﺻﺎﻳﺮ ﺑﻴﻚ ..
ﻣﺮﺍﺕ ﺍﺣﺴﻪ ﺩﺟﻞ ﻭﻣﺮﺍﺕ ﺍﺣﺴﻪ ﺻﺪﻭﻙ .. ﺑﺲ ﻫﻴﻪ ﺗﻜﻮﻝ ﻫﺬﺍ ﻧﻮﺭ ﻣﻦ ﺍﻻﻣﺎﻡ ﺍﻟﻌﺒﺎﺱ .. ﻛﺘﻠﻬﺎ ﻧﻮﺭﻳﻨﻲ ﺧﺎﻟﻪ ﺻﺪﻭﻙ ﻭﺷﻮﻓﻴﻠﻲ ﺟﺒﻴﻨﻲ ..
ﺑﺎﻭﻋﺖ ﺑﻮﺟﻬﻲ ﻭﺣﺠﺖ ﻳﺎ ﺧﺎﻟﻪ ﺍﻟﺴﺤﺮ ﻻﻋﺐ ﺑﺎﺣﻮﺍﻟﺞ ﻟﻌﺐ .. ﻛﺘﻠﻬﺎ ﺍﻫﻮﻭﻭ ﺧﺎﻟﻪ ﻣﻦ ﻫﺴﻪ ﺑﺪﻳﺘﻴﻬﺎ ﺑﺴﺤﺮ ..
ﻛﺎﻟﺖ ﺳﻤﺮ ﺍﺫﺍ ﺭﺍﺡ ﺗﺴﺘﻬﺎﻧﻴﻦ ﺍﺳﻜﺖ .. ﻛﺘﻠﻬﺎ ﻻ ﻭﺍﻟﻠﻪ ﺍﺣﺠﻲ ﻭﻣﺮﺍﺡ ﺍﻛﻮﻝ .. ﻛﺎﻟﺖ ﺍﻟﻤﺴﻮﻳﺘﻠﺞ ﺍﻟﺴﺤﺮ ﻣﺮﻩ ﺑﻮﺟﻬﺎ ﺷﺎﻣﻪ ﻣﺜﻞ ﺍﻟﺤﺒﺎﻳﻪ ..
🌿🌿
ﻭﺳﻮﺗﻪ ﺍﻟﺞ ﻣﻦ ﻗﺒﻞ ﻣﺎ ﺗﺘﺰﻭﺟﻴﻦ .. ﻛﺘﻠﻬﺎ ﻣﻨﻮ ﻳﻌﻨﻲ .. ﻛﺎﻟﺖ ﺑﻨﻴﻪ ﺑﻴﻨﺞ ﻭﺑﻴﻨﻬﺎ ﺭﺟﺎﻝ .. ﻛﺎﻟﺖ ﺍﻧﺘﻲ ﻋﺎﻳﺸﻪ ﻭﻳﺎﻫﺎ ..
ﺍﺗﺬﻛﺮﺕ ﺣﻨﻴﻦ ﻣﺮﺕ ﻋﺎﺩﻝ ﺻﺪﻙ ﺑﺨﺪﻫﺎ ﺷﺎﻣﻪ ﻣﺜﻞ ﺍﻟﺤﺒﺎﻳﻪ .. ﻛﺘﻠﻬﺎ ﺍﻱ ﺿﺮﺗﻲ ﻫﻴﺞ ﻣﻮﺍﺻﻔﺎﺗﻬﺎ ..
ﻛﺎﻟﺖ ﺭﺟﻠﺞ ﺍﺳﻤﻪ ﻋﺎﺩﻝ ﻣﻮﻭ .. ﻛﺘﻠﻬﺎ ﺍﻱ .. ﻛﺎﻟﺖ ﺟﺎﻳﺞ ﻣﺮﻩ ﻭﺣﺎﻇﻨﺘﻪ ﻗﺒﻞ ﺍﻟﺰﻭﺍﺝ .. ﻋﻘﺪﺕ ﺣﺎﺟﺒﻲ ..
ﺍﻧﻮﺏ ﺍﺳﺘﺤﻲ ﺍﺟﺎﻭﺏ ﻭﺍﺭﻛﺎﻥ ﻛﺎﻋﺪ ﻭﺍﻣﻲ .. ﻛﺘﻠﻬﺎ ﺍﻱ ﺍﺟﺎﻧﻲ ﻗﺒﻞ ﺍﻟﺰﻭﺍﺝ ﺻﺢ .. ﻛﺎﻟﺖ ﺍﻱ ﻭﺻﺎﺭﺓ ﻣﻘﺎﺭﺑﻪ ﺑﻴﻨﻜﻢ ..
ﻭﺍﻳﺪﺝ ﻣﺘﻼﻣﺴﻪ ﺑﻘﻤﻴﺼﻪ .. ﻭﻫﻴﻪ ﺍﺧﺬﺕ ﺧﻴﻮﻁ ﻣﻦ ﻗﻤﻴﺼﻪ ﻭﺳﻮﺗﻠﺞ ﺍﻟﺴﺤﺮ ﻋﻠﻴﻬﺎ .. ﺑﻘﻴﺖ ﺻﺎﻓﻨﻪ .. ﻣﺴﺘﺤﻴﻞ ﺍﺻﺪﻙ ﺍﻛﻮ ﻫﻴﺞ ﺷﻲ ..
ﺑﺲ ﺍﻟﺘﺤﺠﻲ ﺻﺢ .. ﺍﺗﺬﻛﺮ ﺻﺎﺭﺕ ﻣﻘﺎﺭﺑﻪ ﻭﻛﺬﺍ ﺑﻴﻨﻲ ﻭﺑﻴﻦ ﻋﺎﺩﻝ ﻗﺒﻞ ﺍﻟﺰﻭﺍﺝ .. ﻛﺎﻟﺖ ﻫﻮﻩ ﻣﺎ ﺟﺎﻥ ﻋﻨﺪﻩ ﺍﻋﺘﺮﺍﺽ ﺑﺰﻭﺍﺟﻪ ﻣﻨﺞ ..
ﺑﺲ ﻫﻴﻪ ﻋﻤﺘﻪ ﺑﺎﻟﺴﺤﺮ ﻣﺎﻟﺘﻬﺎ .. ﻛﺘﻠﻬﺎ ﺷﻠﻮﻥ ﻳﻌﻨﻲ .. ﻛﺎﻟﺖ ﻋﺎﺩﻝ ﺟﺎﻥ ﺭﺍﻏﺐ ﺑﻴﺞ ﻣﻦ ﻟﻤﺎ ﺟﻨﺘﻲ ﺑﻨﻴﻪ ﻭﺗﻤﺸﻴﻦ ﻛﺪﺍﻣﻪ ..
ﻳﺒﺎﻭﻋﻠﺞ ﻭﻳﻐﺎﺯﻟﺞ ﻭﺍﻟﻪ ﻧﻔﺲ ﺑﻴﺞ .. ﺍﺭﻛﺎﻥ ﺩﺍﻳﺮ ﻭﺟﻬﺎ ﻛﺄﻥ ﻣﻴﺴﻤﻊ .. ﺑﺲ ﺭﻏﻢ ﻫﻴﺞ ﻛﺎﻡ ﻭﻃﻠﻊ ..
ﻛﺘﻠﻬﺎ ﺟﺎﻥ ﻳﻐﺎﺯﻟﻨﻲ ﺑﺲ ﻫﻴﺞ ﺷﻘﻪ .. ﻛﺎﻟﺖ ﻻﺍﺍ ﺟﺎﻥ ﺭﺍﻏﺐ ﺑﻴﺞ ﺑﺲ ﻳﻜﻠﺞ ﺷﻘﻪ .. ﻭﺍﻟﺪﻟﻴﻞ ﻣﺎ ﻋﺎﺭﺽ ﻣﻦ ﺧﻄﺒﻮﺝ ﺍﻟﻪ ..
ﺑﺲ ﺑﻌﺪﻫﺎ ﻣﺎ ﺣﺠﻮ ﻋﻠﻴﺞ ﻭﺧﻄﺒﻮ ﻭﺳﻤﻌﺖ ﻫﻴﻪ ﺍﻟﺒﻨﻴﻪ ﺑﺪﺕ ﺷﻐﻠﻬﺎ ﻋﻠﻴﺞ .. ﻭﺳﻮﺗﻠﻪ ﻛﺮﻩ ﻭ ﻋﻤﻰ ﻋﻠﻤﻮﺩ ﻟﻴﺮﻳﺪﺝ ..
ﻭﺧﺎﺻﻪ ﺍﺧﻴﻮﻁ ﺍﻟﻘﻤﻴﺺ ﺍﻟﻌﻠﻴﻬﺎ ﻟﻤﺴﺔ ﺍﻳﺪﺝ ﺍﺷﺘﻐﻠﺖ ﺑﻴﻬﻦ ﻭﺧﻠﺘﻬﻦ ﺑﺠﻴﺒﻪ ﻭﺍﻧﺸﻤﺮ ﺑﻐﺮﻓﺘﻜﻢ ﻭﺻﺎﺭ ﻟﺪﺭﺟﺔ ﻋﺎﺩﻝ ﻣﺎ ﻳﺤﺐ ﻳﺸﻮﻓﺞ ﻛﺪﺍﻣﻪ ..
ﻛﻞ ﻣﺸﺎﻋﺮ ﺑﻜﻠﺐ ﻋﺎﺩﻝ ﺍﻟﺞ ﻣﻮﺗﺘﻬﺎ ﺑﺎﻟﺴﺤﺮ .. ﻟﺪﺭﺟﺔ ﻛﺎﻡ ﻳﺤﺴﺞ ﺍﺧﺘﻪ ﻭﺍﻗﻞ ﻣﻦ ﺍﺧﺘﻪ ﻋﻤﺖ ﻋﻴﻨﻪ ﻋﻨﺞ .. ﺣﺘﻰ ﻏﻴﺮﺗﻪ ﻣﻮﺗﺘﻬﺎ
ﻛﺘﻠﻬﺎ ﺻﺢ ﺑﻮﻛﺘﻬﺎ ﺍﺳﺘﻐﺮﺑﺖ ﻫﺬﺍ ﺍﻟﺘﺼﺮﻑ ﻣﻨﻪ ..
ﺑﻘﺖ ﺗﺒﺎﻭﻉ ﻭﺟﻬﻲ .. ﻛﺎﻟﺖ ﺑﻴﻨﻜﻢ ﻃﻼﻙ .. ﻛﺘﻠﻬﺎ ﺍﻱ ﺍﺭﻳﺪ ﺍﻃﻠﻚ .. ﻛﺎﻟﺖ ﻛﻞ ﻫﺬﺍ ﺑﺴﺒﺒﻬﺎ ﺍﻟﺼﺎﺭ ﻭﺣﺘﻰ ﺣﺎﻟﺘﺞ ﺍﻟﻨﻔﺴﻴﻪ ﻣﻦ ﻭﺭﺍﻫﺎ ..
ﺍﻟﺪﺭﺟﺔ ﻣﺮﺍﺕ ﺗﺤﺴﻴﻦ ﺭﻭﺣﺞ ﺭﺍﺡ ﺗﻨﺠﻨﻴﻦ .. ﻭﺗﺼﺮﺧﻴﻦ ﻭﺗﺒﺠﻴﻦ .. ﻫﺰﻳﺖ ﺭﺍﺳﻲ ﺍﻱ .. ﻛﺎﻟﺖ ﺣﺘﻰ ﻣﺨﺴﺮﺗﺞ ﻃﻔﻞ ﺑﺎﻋﻤﺎﻟﻬﺎ ..
ﻛﺘﻠﻬﺎ ﻟﺤﻈﻪ ﻟﺤﻈﻪ ﺷﻨﻮ ﻃﻔﻞ .. ﻳﻌﻨﻲ ﻫﻴﻪ ﺳﺒﺐ .. ﻛﺎﻟﺖ ﺍﻱ . ﺑﻴﻮﻣﻬﺎ ﺧﻠﺘﻠﺞ ﺍﻟﺴﺤﺮ ﻭﺷﺮﺑﺘﺠﻴﺎﻩ .. ﺍﺗﺬﻛﺮﻱ ﺍﺧﺬﺗﻲ ﺷﻲ ﻣﻨﻬﺎ ﻭﺷﺮﺑﺘﻲ ..
ﻛﺘﻠﻬﺎ ﻣﺎ ﺍﺗﺬﻛﺮ .. ﺩﻧﻜﺖ ﺍﺭﻳﺪ ﺍﺗﺬﻛﺮ ﻗﺒﻞ ﻟﺤﻈﺎﺕ ﻟﻤﺎ ﺍﺟﻬﻈﺖ ﺷﺠﻨﺖ ﺍﺳﻮﻱ .. ﺍﻳﻴﻴﻲ ﺍﻱ ﺻﺢ ﺍﻧﺘﻄﺘﻨﻲ ﺑﺒﺴﻲ ..
ﻣﺎ ﺍﻋﺮﻑ ﺑﻮﻗﺘﻬﺎ ﻟﻴﺶ ﺍﺧﺬﺗﻪ ﻣﻨﻬﺎ .. ﺑﺲ ﻫﻴﻪ ﺍﻧﻄﺘﻨﻴﺎﻩ ﻭﺷﺮﺑﺘﻪ ﻭﺻﺢ ﻭﺭﻩ ﻧﺺ ﺳﺎﻋﻪ ﻧﺰﻓﺖ ﻭﺍﺟﻬﻀﺖ ..
ﻛﺎﻟﺖ ﻣﻮ ﺑﺲ ﺍﺟﻬﻀﺘﻲ .. ﻫﺬﺍ ﺟﺎﻥ ﺍﻗﻮﻯ ﺳﺤﺮ ﺑﺤﻴﺚ ﻣﺎ ﺧﻠﺘﺞ ﺑﻠﺒﻴﺖ .. ﻫﺠﺠﺘﺞ ﻣﻨﻬﻢ .. ﻭﻣﻦ ﻫﺬﺍﻙ ﺍﻟﻴﻮﻡ ﺑﻌﻤﺮﺝ ﻣﺮﺍﺡ ﺍﺩﻭﺳﻴﻦ ﻋﺘﺒﺖ ﺑﺎﺑﻬﻢ ﻭﺍﺩﺧﻠﻴﻦ ..
ﺧﻠﺼﺖ ﻣﻨﺞ ﺑﻌﺪ .. ﺑﻘﻴﺖ ﺻﺎﻓﻨﻪ ﻭﺍﺿﺤﻚ ﺑﺎﺳﺘﻐﺒﺎﺀ ﺷﻨﻮ ﻣﻌﻘﻮﻟﻪ ﺣﻨﻴﻦ ﺍﻣﺸﻴﻪ ﺣﻴﺎﺗﻲ ﺑﺴﺤﺮ ﻣﻮ ﻣﻌﻘﻮﻝ ..
ﻛﺎﻟﺖ ﺍﻛﻮ ﻭﺍﺣﺪ ﺍﺑﻴﺖ ﻋﻴﺎﻟﺞ ﻏﻴﺮ ﺭﺟﻠﺞ ﺭﺍﻳﺪﺝ .. ﻭﻫﻴﻪ ﻫﻢ ﺳﻮﺗﻠﻪ ﻣﺤﺒﻪ ﺑﻴﻨﺞ ﻭﺑﻴﻨﻪ ﻋﻠﻤﻮﺩ ﺗﺨﻠﺺ ﻣﻨﺞ ﻭﻣﺘﺘﻘﺮﺑﻴﻦ ﻟﺮﺟﻠﻬﺎ
🌿🌿
ﺿﺤﻜﺖ .. ﻛﺎﻟﺖ ﺻﺪﻛﻲ ﺑﻨﺘﻲ .. ﻭﺍﻟﻠﻪ ﺟﺎﻱ ﺍﺷﻮﻓﻪ ﺍﻟﻮﻟﺪ ﻛﺒﺎﻟﻲ ﺿﻌﻴﻒ ﻭﻃﻮﻳﻞ .. ﻛﺘﻠﻬﺎ ﺑﻜﺮ .. ﻛﺎﻟﺖ ﺍﺗﺬﻛﺮﻱ ﺍﻭﻝ ﻣﺸﺎﻋﺮ ﺍﻧﻮﻟﺪﺕ ﺑﻴﺞ ﺍﺗﺠﺎﻫﻪ ﺷﻮﻛﺖ ..
ﻛﺘﻠﻬﺎ ﻣﺎ ﺍﻋﺮﻑ .. ﻛﺎﻟﺖ ﻻ ﺍﺗﺬﻛﺮﻱ .. ﻣﻮ ﺑﻌﺪ ﺯﻭﺍﺝ ﺭﺟﻠﺞ .. ﻛﺘﻠﻬﺎ ﺍﻱ .. ﻛﺎﻟﺖ ﺳﻮﺗﻠﺞ ﻋﻘﺪ ﻣﺤﺒﻪ ﺑﻴﻨﺞ ﻭﺑﻴﻨﻪ
ﻋﻠﻤﻮﺩ ﺍﻭﻝ ﺷﻲ ﺗﻮﺭﻃﺞ ﺑﺤﻤﺎﺝ ﻭﺗﺨﻠﻴﺞ ﺗﺘﺨﺎﻳﻠﻴﻪ ﺭﺟﻞ ﺝ ﻭﺛﺎﻧﻲ ﺷﻲ ﺗﺨﻠﺺ ﻣﻨﺞ ﻭﺗﺒﻌﺪﺝ ﻋﻦ ﺭﺟﻠﺞ ..
ﺍﺗﺬﻛﺮﺕ ﺍﻟﺤﻠﻢ ﺍﻟﺸﻔﺘﻪ ﺑﻴﻪ ﺫﻳﺞ ﺍﻟﻠﻴﻠﻪ .. ﻟﻤﺎ ﺷﻔﺖ ﺗﻘﺮﺑﻠﻲ .. ﺷﺎﻟﺴﺎﻟﻔﻪ ﻳﺮﺑﻲ ﺣﺘﻰ ﺍﻟﺤﻠﻢ ﺳﺤﺮ ﻣﻮ ﻣﻌﻘﻮﻝ
ﻛﺎﻟﺖ ﻭﺍﻟﺴﺤﺮ ﺍﺛﺮ ﺑﺤﻴﺎﺗﺞ ﻻﻥ ﺍﻧﺘﻲ ﻗﻠﻴﻠﺔ ﺍﻳﻤﺎﻥ .. ﻛﺎﻟﺘﻬﺎ ﺑﺎﻟﻌﻜﺲ ﺍﻳﻤﺎﻧﻲ ﺑﺎﻟﻠﻪ ﻗﻮﻱ .. ﻛﺎﻟﺖ ﻻ ﺗﺴﺘﻬﻮﻧﻴﻦ ﺑﺎﻭﻗﺎﺕ ﺍﻟﺼﻼﺓ
ﻭﻣﺘﻬﺘﻤﻴﻦ ﻟﻮ ﺍﺫﻥ ﺍﻟﻤﺆﺫﻥ .. ﻋﺎﺩﻱ ﺍﻃﺒﻜﻴﻦ ﺻﻼﺓ ﻣﺎﻝ ﻳﻮﻡ ﻛﺎﻣﻞ ﻭﻣﺮﺍﺕ ﺗﻨﺴﻴﻬﺎ .. ﻭﺧﺎﺻﻪ ﺻﻼﺓ ﺍﻟﺼﺒﺢ .. ﻳﺪﺭﻛﺞ ﺍﻟﻔﺠﺮ ﺍﺣﻴﺎﻧﺎ ﻭﺗﻨﺎﻣﻴﻦ ﻭﻣﺘﺘﺬﻛﺮﻱ ﺍﻟﺼﻼﺓ ..
ﻟﻬﻴﺞ ﺍﻟﺴﺤﺮ ﺳﻴﻄﺮ ﻋﻠﻰ ﺣﻴﺎﺗﺞ .. ﻛﺘﻠﻬﺎ ﻭﺷﻠﻮﻥ ﺍﺧﻠﺺ ﺧﺎﻟﻪ .. ﻛﺎﻟﺖ ﺭﻭﺣﻲ ﻟﺴﻴﺪ ﻳﺒﻄﻞ ﺳﺤﺮﻫﺎ .. ﻳﺴﻮﻳﻠﺞ ﺗﺒﻄﻴﻠﻪ ..
ﻛﺘﻠﻬﺎ ﺧﺎﻟﻪ ﺭﻏﻢ ﺍﻟﺤﺠﻴﺘﻴﻪ ﺻﺢ .. ﺑﺲ ﻟﻼﻥ ﻣﻤﺄﻣﻨﻪ ﺑﺸﻲ ﺍﺳﻤﻪ ﺳﺤﺮ ﻭﻛﺬﺍ .. ﻛﺎﻟﺖ ﺧﺎﻟﻪ ﺍﻟﻤﺎﻳﺄﻣﻦ ﻣﻦ ﻓﻜﺮ ﺣﻈﻪ ..
ﻟﻼﺳﻒ ﺍﻟﻤﻜﺎﺑﺮ ﺍﻧﺘﺮﺳﺖ ﺷﺒﺎﺏ ﻭﻣﻮﺕ ﻣﻦ ﻭﺭﻩ ﺍﻟﺴﺤﺮ ﺍﻟﻴﺸﺮﺑﻨﻪ ﺍﻟﻨﺴﻮﺍﻥ ﻟﻬﺰﻟﻢ .. ﻭﻣﺎ ﻳﺘﺤﻤﻞ ﻭﺍﻟﻴﻤﻮﺕ ﻓﺠﺄﻩ ..
ﻭﺍﻟﻴﺬﺑﻞ ﺷﻮﻱ ﺷﻮﻱ ﻭﻳﻤﻮﺕ .. ﻭﺍﻟﻴﻨﻬﺠﻢ ﺣﻴﺎﺗﻪ .. ﺑﺲ ﺍﻟﻨﺎﺱ ﻣﺎ ﺗﺄﻣﻦ ﺍﻛﻮ ﺳﺤﺮ .. ﺗﻌﺘﺒﺮﻫﺎ ﻗﻀﺎﺀ ﻭﻗﺪﺭ ..
ﻭﻫﻮﻩ ﻣﻜﺘﻮﺏ ﺑﻘﺪﺭﻫﻢ ﺭﺍﺡ ﻳﻨﺴﺤﺮﻭﻥ ﻭﻫﻴﺞ ﻳﺼﻴﺮ ﺑﻴﻬﻢ .. ﻛﺘﻠﻬﺎ ﺧﺎﻟﻪ ﺯﻳﻦ ﺑﺎﻋﻲ ﺑﻌﺪ ﺷﻮ ﻛﻞ ﺍﻟﺤﺠﻴﺘﻴﻪ ﺍﺳﻮﺩ ﻣﺎ ﺧﻠﻴﺘﻲ ﺑﺤﻴﺎﺗﻲ ﺍﻣﻞ ..
ﻛﺎﻟﺖ ﺧﺎﻟﻪ ﺍﻧﺘﻲ ﺍﺗﻌﺒﻴﻦ ﺑﺤﻴﺎﺗﺞ ﻭﻣﺎ ﺗﺤﺼﻠﻴﻦ ﺍﻟﻠﻲ ﺗﺮﺩﻳﻪ ﺑﺴﻬﻮﻟﻪ .. ﻭ ﻃﺮﻳﻘﺞ ﻛﻠﻪ ﺷﻮﻙ .. ﺑﺲ ﺍﻛﻮ ﺍﻟﺞ ﺑﺎﺏ ﻣﻔﺘﻮﺡ ﺍﻧﺸﺎﻟﻠﻪ ﺍﻛﻮ ﻓﺮﺝ ..
ﻛﺘﻠﻬﺎ ﻋﻠﻮﻭﻭﺍ ﺍﻧﺸﺎﻟﻠﻪ ﻭﺍﻟﻠﻪ ﺧﺎﻟﻪ ﺗﻌﺒﺖ .. ﺍﻧﻮﺏ ﻛﺎﻟﺘﻠﻬﺎ ﻧﺠﻮﻯ ﺧﺎﻟﻪ ﻭﺍﻧﻲ .. ﻛﺎﻟﺘﻠﻬﺎ ﺍﻧﺘﻲ ﻋﻜﺲ ﺍﺧﺘﺞ ..
ﻃﺮﻳﻘﺞ ﺻﺎﻓﻲ ﻭﻳﺨﺒﻞ ﻭﺣﻴﺎﺗﺞ ﺣﻠﻮﻩ ﻭﺯﻭﺍﺟﺞ ﻗﺮﻳﺐ ﻭﺗﻨﺴﻌﺪﻳﻦ .. ﺿﺤﻜﺖ ﺍﻟﻨﺠﻮﻯ ﻛﺘﻠﻬﺎ ﻫﻢ ﺯﻳﻦ ﺑﻴﻨﻪ ﻭﺣﺪﻩ ﺗﺮﺗﺎﺡ ..
ﺧﺎﺑﺮ ﺑﺎﺑﺎ ﻋﻠﻰ ﻣﺎﻣﺎ .. ﻛﺎﻟﺖ ﺍﻣﻲ ﻳﻠﻪ ﺧﻞ ﻧﻜﻮﻡ ﻧﺮﻭﺡ .. ﻛﺘﻠﻬﺎ ﻳﻠﻪ .. ﺭﺣﺖ ﻋﺪﻟﺖ ﺣﺠﺎﺑﻲ ﻭﻛﻤﺖ ﺍﻧﻲ ﻭﻣﺎﻣﺎ ..
ﻛﻌﺪﻧﻪ ﺧﺎﻟﻮ ﻭﻛﻤﻨﻪ .. ﺭﺣﻨﻪ ﻟﺒﻴﺖ ﺟﺪﻭ .. ﺍﺭﻛﺎﻥ ﺍﺧﺬﻧﻪ ﺑﺴﻴﺎﺭﺗﻪ .. ﺑﺲ ﻣﺎ ﺷﺎﻝ ﻋﻴﻨﻪ ﺑﻮﺟﻬﻲ ..
ﺻﺮﺍﺣﻪ ﻣﺎ ﺟﺎﻥ ﺍﺑﺎﻟﻲ .. ﻭﻻ ﻛﺄﻥ ﻓﺪ ﻳﻮﻡ ﺟﺎﻧﺖ ﺑﻴﻨﺎﺗﻨﻪ ﻣﺸﺎﻋﺮ .. ﻛﻞ ﺗﻔﻜﻴﺮﻱ ﺟﺎﻥ ﺑﻜﺮ .. ﻗﻔﻠﻪ ﻭﻫﻮﻩ ﻣﺘﻀﺎﻳﻖ ..
ﺍﺭﻳﺪ ﺍﻭﺻﻞ ﻭﺍﺗﺼﻞ ﺑﻴﻪ .. ﻧﺰﻟﻨﻪ .. ﺻﺎﺡ ﺍﺭﻛﺎﻥ ﻭﺭﺍﻱ .. ﺳﻤﺮ .. ﺩﺭﺕ . ﻭﺟﻬﻲ .. ﺍﻣﻲ ﻛﺎﻟﺖ ﺷﻜﻮ .. ﻛﺘﻠﻬﺎ ﺩﺍ ﺍﺷﻮﻓﻪ ﺷﻴﺮﻳﺪ ..
ﺗﻘﺮﺑﺖ ﻳﻤﻪ .. ﻛﺎﻝ ﻧﺎﻭﻳﻪ ﺗﻄﻠﻜﻴﻦ .. ﻛﺘﻠﻪ ﺍﻱ ﻟﻴﺶ .. ﻛﺎﻝ ﺑﺲ ﺭﺩﺕ ﺍﻋﺮﻑ .. ﻛﺘﻠﻪ ﻣﻦ ﺍﺭﺟﻊ ﺭﺍﺡ ﺍﺭﻓﻊ ﺩﻋﻮﺓ ﻃﻼﻙ ..
ﻛﺎﻝ ﺟﻴﺪ .. ﻛﺘﻠﻪ ﺗﺮﻳﺪ ﺷﻲ .. ﻛﺎﻝ ﻻﺍ ﺭﻭﺣﻲ ﻃﺒﻲ .. ﻋﻔﺘﻪ ﻭﺭﺣﺖ ﻟﻠﺤﺪﻳﻘﻪ ﻣﺎﻝ ﺑﻴﺖ ﺟﺪﻭ .. ﻭﺭﻩ ﺍﻟﺒﻴﺖ ﺻﺎﻳﺮﻩ ..
🌿🌿
ﺧﻠﻴﺖ ﻋﺒﺎﺗﻲ ﻋﻞ ﺷﺠﺮﻩ ﻭﻣﺸﻴﺖ ﺍﺧﺎﺑﺮ ﺑﻜﺮ . ﻣﻴﺮﺩ .. ﺧﺎﺑﺮﺕ 4 ﻣﺮﺍﺕ ﻣﺎ ﺭﺩ .. ﻋﺮﻓﺖ ﺗﻀﺎﻳﻖ ..
ﺩﺯﻳﺘﻠﻪ .. ﻣﻮ ﻗﺼﺪﻱ ﺍﺿﺎﻳﻘﻚ ﻭﺍﻟﻠﻪ ﺑﺲ ﺟﺎﻧﻮ ﻭﺭﺍﻳﻪ ﻧﺎﺱ ﻭﺍﺿﻄﺮﻳﺖ ﺍﻧﻬﻲ ﺍﻻﺗﺼﺎﻝ ﻭﻳﺎﻙ ..
ﻣﺎ ﺭﺩ .. ﻋﻔﺘﻪ ﻭﺩﺧﻠﺖ .. ﻃﻠﻌﺖ ﺭﺣﺖ ﻟﻠﺒﻴﺖ .. ﻟﻜﻴﺖ ﻣﺎﻣﺎ ﻭﺍﻛﻔﻪ ﻭﺑﻴﺒﻲ ﻭﺍﺑﻮﻳﻪ ﻛﺎﻋﺪ ..
ﻭﺍﻣﻲ ﺗﺴﻮﻟﻔﻠﻬﻢ ﻋﻠﻰ ﺍﻟﺴﺤﺮ ﻭﺍﻟﻜﻼﻡ ﺍﻟﻜﺎﻟﺘﻪ ﺧﺎﻟﺘﻲ .. ﺍﺭﻛﺎﻥ ﻭﺍﻛﻒ .. ﻛﺎﻝ ﺍﻛﻮ ﺳﻴﺪ ﺍﻋﺮﻓﻪ ﺧﻠﻮﻕ ﻭ ﺍﺛﻖ ﺑﻴﻪ ﺗﺮﺩﻭﻥ ﺍﺧﺬﻛﻢ ﺍﻟﻪ .
ﻛﺎﻟﺘﻠﻪ ﻣﺎﻣﺎ ﻋﻠﻮﺍﺍ ﺑﻠﻜﺖ ﺗﺮﺗﺎﺡ ﻫﻠﺴﻤﺮ ﻣﺎ ﻃﻠﻌﺖ ﻋﻠﻴﻬﺎ ﻋﻴﺸﻪ .. ﻣﺎ ﺷﺎﻓﺖ ﻏﻴﺮ ﺍﻟﻘﻬﺮ ..
ﻛﺎﻝ ﻛﻮﻣﻮ ﺍﺧﺬﻛﻢ ﻣﺪﺍﻡ ﺑﻌﺪ ﻭﻗﺖ .. ﻋﻠﻤﻮﺩ ﻧﺠﻲ ﻗﺒﻞ ﺍﻟﺼﻼﺓ ﺍﻟﻤﻐﺮﺏ .. ﻛﺎﻟﺖ ﺍﻣﻲ ﺗﺮﺣﻴﻦ . ﻛﺘﻠﻬﺎ ﻳﻠﻪ ..
ﺭﺟﻌﺖ ﻟﺒﺴﺖ ﺍﻟﻌﺒﺎﻳﻪ .. ﻭﻃﻠﻌﺖ ﻭﻳﻪ ﻣﺎﻣﺎ ﻭﺍﺭﻛﺎﻥ .. ﻭﺻﻠﻨﻪ ﻟﺒﻴﺖ ﺳﻴﺪ .. ﺍﺳﺘﻘﺒﻠﻮﻧﻪ ﺑﺤﺮﺍﺭﻩ ﻳﻌﺮﻑ ﻭﻳﻌﺰ ﺍﺭﻛﺎﻥ ﻫﻮﺍﻳﻪ ﻣﺒﻴﻦ ..
ﻛﺎﻟﻪ ﺍﺭﻛﺎﻥ ﻫﺎﻱ ﻗﺮﻳﺒﺘﻲ .. ﻣﺎﻣﺮﺗﺎﺣﻪ ﺑﺤﻴﺎﺗﻬﺎ ﻭﻛﺎﻟﻮﻟﻬﺎ ﺳﺤﺮ ﻭﻣﺎ ﻋﺮﻑ ﺷﻨﻮ .. ﻭﺍﻧﻪ ﺍﺧﺎﻑ ﻋﻠﻴﻬﺎ ﻣﻦ ﺍﻟﺪﺟﺎﻟﻴﻦ ﻭﺍﺛﻖ ﺑﻴﻚ ..
ﻛﺎﻟﻪ ﺍﻱ ﺗﺪﻟﻞ ﺳﻴﺪ ﺍﺭﻛﺎﻥ ﺑﺎﻭﻋﻠﻲ ﻭﻛﺎﻝ ﺗﻌﺎﻱ ﺑﻮﻳﻪ ﻛﻌﺪﻱ ﻫﻨﺎ .. ﺧﻠﻪ ﺍﻳﺪﻩ ﻋﻠﻰ ﺭﺍﺳﻲ ﻭﺑﻘﻰ ﻳﺮﺗﻞ ﻗﺮﺍﻥ .. ﻭﻣﻐﻤﺾ ..
ﺍﺑﺘﻌﺪ .. ﻛﺎﻝ ﺑﻨﺘﻲ ﻫﺴﻪ ﻳﻠﻪ ﺍﻧﺘﺒﻬﺘﻲ ﻟﻠﺴﺤﺮ .. ﻛﺘﻠﻪ ﻟﻴﺶ ﻋﻤﻮ .. ﻛﺎﻝ ﺑﻨﺘﻲ ﺣﺘﻰ ﻋﻠﻰ ﺑﻨﻴﺘﺞ ﺍﻟﺠﺴﺪﻳﻪ ﻣﺄﺛﺮ ..
ﻣﻮ ﺑﺲ ﻧﻔﺴﻴﺘﺞ ﻭﺣﻴﺎﺗﺞ .. ﻛﺎﻝ ﺗﺼﻴﺮ ﻋﻨﺪﺝ ﺿﻌﻒ .. ﻭﺗﺤﺴﻴﻦ ﻧﻔﺴﺞ ﺻﺮﺗﻲ ﻋﻤﻴﻪ ﻭﻣﺘﺸﻮﻓﻴﻦ ﻭﺍﺩﻭﺧﻴﻦ ..
ﻋﻨﺪﺝ ﻫﻴﺞ ﺍﻋﺮﺍﺽ ﻛﺘﻠﻪ ﺩﺍﺋﻤﺎ .. ﻛﺎﻝ ﺑﻨﺘﻲ ﻫﺎﻱ ﻣﻦ ﻛﺪ ﻣﺎ ﻣﺸﺮﺑﻴﺞ ﺳﺤﺮ ﻭﺍﻟﻌﻴﺎﺫ ﺑﻠﻠﻪ ..
ﺑﻘﻰ ﻳﻘﺮﻩ ﻋﻠﻰ ﺭﺍﺳﻲ .. ﺍﻧﻮﺏ ﻭﺧﺮ .. ﻛﺎﻝ ﺍﻛﻮ ﻗﻤﻴﺺ ﺗﻠﻜﻴﻪ ﺑﻴﻦ ﺍﻟﺤﺎﻳﻂ ﻭﺍﻟﻜﻨﺘﻮﺭ ﻣﺎﻝ ﻏﺮﻓﺘﺞ .. ﻫﺬﺍ ﺳﺤﺮ .. ﻃﻠﻌﻴﻪ .. ﻭﺷﻤﺮﻱ ﻋﻠﻴﻪ ﺷﻲ ﻧﻜﺲ
ﻭﺳﺤﺮ ﺛﺎﻧﻲ .. ﺗﻠﻜﻴﻪ ﺑﻘﻤﺎﺵ ﻣﻠﻔﻮﻑ ﻭﺑﺎﻟﺘﺎﻧﻜﻲ ﻣﺎﻝ ﺍﻟﻤﻲ ﻣﺎﻟﺘﻜﻢ .. ﺿﻠﻴﺖ ﺻﺎﻓﻨﻪ ﻋﻮﺩ ﻫﺬﺍ ﻳﺤﺠﻲ ﺻﺪﻭﻙ ..
ﺍﻧﻄﺎﻧﻲ ﺑﺨﻮﺭ ﻭﻃﻠﺴﻢ ﺍﻟﺒﺴﻪ ﻭﺷﻐﻼﺕ ﺍﺧﻠﻴﻬﻦ ﺑﺎﻟﻤﻲ ﻭﺍﺳﺒﺢ .. ﺻﺮﺍﺣﻪ ﺍﺳﺘﻬﺰﺃﺕ ﺑﺎﻟﻤﻮﺿﻮﻉ ..
ﺑﺎﻭﻉ ﻻﻣﻲ ﻭﻛﺎﻟﻠﻬﺎ .. ﺑﻨﺘﺞ ﻣﺎ ﻋﺪﻫﺎ ﺍﻳﻤﺎﻥ .. ﺍﻧﺘﻲ ﺟﺒﺮﻳﻬﺎ ﻭﻫﺬﺍ ﺍﻟﺒﺨﻮﺭ ﻳﻮﻣﻴﻪ ﻗﺒﻞ ﺍﺫﺍﻥ ﺍﻟﻤﻐﺮﺏ ﺏ 5 ﺩﻗﺎﻳﻖ ..
ﻋﻠﻰ ﻣﺪﺍﺭ 10 ﺍﻳﺎﻡ .. ﻭﻃﻠﻌﻮ ﺍﻟﻜﺘﻠﻜﻢ ﻋﻠﻴﻬﺎ . ﻭﺍﻧﺸﺎﻟﻠﻪ ﺗﺮﺗﺎﺡ .. ﺗﺮﻩ ﻣﺴﻮﺍﻟﻬﺎ ﺳﺤﺮ ﻓﺮﻕ ﻭﻻ ﺗﺮﺣﻢ ..
ﻭﻣﺨﻠﻲ ﺍﻟﻜﻞ ﻧﺎﻓﺮﻳﻦ ﻣﻨﻬﺎ ﻭﻣﻴﺮﻳﺪﻫﺎ .. ﻛﺘﻠﻪ ﺑﺲ ﺍﻧﻲ ﻣﻤﻮﺟﻮﺩﻩ ﺑﻌﺪ ﺑﻬﺬﺍﻙ ﺍﻟﺒﻴﺖ ﺷﻠﻮﻥ ﺭﺍﺡ ﺍﻛﺪﺭ ﺍﻃﻠﻌﻬﻢ ..
ﻛﺎﻝ ﺍﺣﺴﻦ ﺷﻲ ﻃﻠﻌﺘﻲ .. ﺧﻠﺼﺘﻲ ﻣﻦ ﺍﻟﺴﺤﺮ ﺍﻟﻲ ﻣﺤﺎﻭﻁ ﺣﻴﺎﺗﺞ .. ﺗﺮﺗﺎﺣﻴﻦ ﺍﻓﻀﻞ .. ﺑﺲ ﻣﻴﻔﻚ ﻣﻨﺞ ﺍﻻ ﺗﺒﻄﻠﻴﻪ ..
ﻃﻠﻌﻨﻪ ﻣﻨﻪ ﻭﺍﻧﻲ ﺍﻓﻜﺮ ﺑﻜﻼﻣﻪ .. ﺳﺎﻋﻪ ﺍﻛﻮﻝ ﺧﺮﺍﻓﻪ . ﻭﺳﺎﻋﻪ ﺍﺻﻔﻦ ﻭﺍﺗﺬﻛﺮ ﻋﺎﺩﻝ ﺷﻠﻮﻥ ﻟﻤﺎ ﺑﻮﺳﻨﻲ ﻛﺪﺍﻡ ﺣﻨﻴﻦ ..
ﻭﺣﺴﻴﺖ ﺑﺎﺣﺴﺎﺱ ﻭﻳﺎﻩ .. ﻭﻃﻠﻌﺖ ﺣﻨﻴﻦ ﺯﻋﻼﻧﻪ .. ﻭﺷﻠﻮﻥ ﻗﺮﺭﺕ ﺍﺣﺎﻭﻝ ﻭﻳﺎﻩ ﻛﺰﻭﺝ .. ﻭﺭﻓﺾ ﻭﻳﻜﻮﻟﻲ ﺍﺧﺘﻲ ﻭﻫﻮﻩ ﺍﻟﺒﺎﺳﻨﻲ ﺑﻨﻔﺴﻪ
🌿🌿
ﻭﺣﺘﻰ ﺑﻴﻮﻣﻬﺎ ﻣﻦ ﺧﺎﺑﺮﺕ ﻋﻠﻴﻪ ﺣﻨﻴﻦ .. ﻛﻤﺰ ﻛﻠﺒﻪ ﻭﺭﺍﺡ ﻳﺮﻓﺮﻑ ﻳﺮﺩ ﻋﻠﻴﻬﺎ ﺭﻏﻢ ﻫﻤﻪ ﺟﺎﻧﻮ ﺯﻋﻼﻧﻴﻦ ..
ﻣﻌﻘﻮﻟﻪ ﻫﻠﻜﻼﻡ ﺻﺤﻴﺢ .. ﻣﻌﻘﻮﻟﻪ ﺍﻧﻲ ﻣﺴﺤﻮﺭﻩ .
ﻳﺮﺑﻲ ﺷﻠﻮﻥ ﺍﺻﺪﻙ .. ﻭﻳﻦ ﺍﻛﻮ ﻋﻘﻞ ﻳﺼﺪﻕ ﻫﻠﺸﻲ .. ﺣﻴﺎﺗﻲ ﺍﻣﺸﻴﺘﻬﺎ ﺣﻨﻴﻦ .. ﻻ ﻣﺎ ﺍﻋﺘﻘﺪ ..
ﻛﻠﺖ ﺍﻛﻮ ﺷﻲ ﻭﺍﺣﺪ ﻳﺨﻠﻴﻨﻲ ﺍﺻﺪﻙ .. ﺍﺧﺎﺑﺮ ﺑﻜﺮ ﻭﺍﻛﻮﻟﻪ ﺷﻮﻑ ﺍﻟﺘﺎﻧﻜﻲ ﻣﺎﻝ ﺑﻴﺘﻜﻢ ..
ﺻﺢ ﺑﻴﻪ ﻗﻤﺎﺵ ﻣﻠﻔﻮﻑ ﻭﻣﺸﻤﻮﺭ .. ﻃﻠﻌﺖ ﻣﻮﺑﺎﻳﻠﻲ .. ﻭﺩﺯﻳﺖ ﻟﺒﻜﺮ ﺧﺎﺑﺮﻧﻲ ﺿﺮﻭﺭﻱ ﻣﺤﺘﺎﺟﺘﻚ ﻓﺪﻭﻩ .
ﺩﺯﻳﺖ ﺍﺭﺳﺎﻝ .. ﺻﻒ ﺍﺭﻛﺎﻥ ﺍﻟﺴﻴﺎﺭﻩ ﺑﺎﻟﺒﺎﺏ .. ﻧﺰﻟﺖ .. ﻛﺘﻠﻪ ﺍﺷﻜﺮﻙ ﺍﺭﻛﺎﻥ ﺗﻌﺒﻨﺎﻙ .. ﻛﺎﻝ ﻻﺍ ﺗﻌﺒﺞ ﺭﺍﺣﻪ ..
ﻛﺘﻠﻪ ﺍﺑﺮﻳﻨﻲ ﺍﻟﺬﻣﻪ .. ﻋﻠﺴﻮﻳﺘﻪ ﻭﻳﺎﻙ . ﻭﺍﻟﻠﻪ ﻣﻮ ﺑﻘﺼﺪ ﺗﺮﻛﺘﻚ .. ﺟﺎﻥ ﻏﺒﺎﺀ ﺍﻻ ﺭﺟﻞ ﻣﺜﻠﻚ ﺍﻧﻲ ﺍﻟﻠﻲ ﺧﺴﺮﺗﻪ ﻣﻮ ﺍﻧﺘﻲ ﺍﻟﻠﻲ ﺧﺴﺮﺗﻨﻲ ..
ﺍﺑﺘﺴﻢ . ﻭﻛﺎﻝ ﻻ ﻫﺎﻫﻴﻪ ﻣﺒﺮﻳﻪ ﺍﻟﺬﻣﻪ ﺭﻭﺣﻲ .. ﺣﺠﺎﻫﺎ ﺍﺗﺼﻞ ﺑﻜﺮ .. ﻫﻮﻩ ﺩﺍﺭ ﻭﺟﻬﺎ ﻭﺻﻌﺪ ﺳﻴﺎﺭﺗﻪ .. ﺍﻣﻲ ﺩﺧﻠﺖ ﺟﻮﻩ ..
ﺍﻧﻲ ﺭﺣﺖ ﻟﻠﺤﺪﻳﻘﻪ .. ﻓﺘﺤﺖ ﺧﻂ ﺍﻟﻮﻭ ﻫﺎﺍ ﺑﻜﺮ ..
ﺑﻜﺮ .. ﺧﻴﺮ ﺷﻜﻮ ﺍﺣﻤﺪ ﺍﺫﺍﺝ ..
ﺳﻤﺮ .. ﻻ ﻣﺎ ﺍﺫﺍﻧﻲ .. ﻟﻴﺶ ..
ﺑﻜﺮ .. ﻣﻮ ﻛﻠﺘﻲ ﻣﺤﺘﺎﺟﺘﻚ ﺿﺮﻭﺭﻱ ﺧﻔﺖ ﺑﻴﺞ ﺷﻲ ..
ﺳﻤﺮ .. ﻭﻣﺎ ﺗﺮﺩ ﻋﻠﻴﻪ ﺍﻻ ﺍﺧﺎﺑﺮﻙ ﺿﺮﻭﺭﻱ ..
ﺑﻜﺮ .. ﻻ ﻋﻠﻤﻮﺩﻳﺶ ﺍﺧﺎﺑﺮ ﻭﺍﺭﺩ ﺍﺫﺍ ﻃﻠﻌﺖ ﻟﺰﻛﻪ ﻭﺍﻟﺢ ..
ﺳﻤﺮ .. ﻣﻨﻮ ﻛﺎﻟﻚ ﻟﺰﻛﻪ .. ؟ ﻛﺘﻠﻚ ﻫﻴﺞ ﻻ ﺍﺭﻛﺎﻥ ﺟﺎﻥ ﻭﺭﺍﻱ ..
ﺑﻜﺮ .. ﺍﺧﺬ ﻧﻔﺲ .. ﻭﻛﺎﻝ ﻋﻠﻤﻮﻡ ﺷﺮﺍﻳﺪﻩ ..
ﺳﻤﺮ .. ﺍﻧﺘﻪ ﺑﺎﻟﺒﻴﺖ ..
ﺑﻜﺮ .. ﺑﺮﺍﺱ ﺍﻟﻔﺮﻉ ﻟﻴﺶ ..
ﺳﻤﺮ .. ﺑﻜﺮ ﺍﻃﻠﺐ ﻣﻨﻚ ﻃﻠﺐ ..
ﺑﻜﺮ .. ﺩﻛﻮﻟﻲ .
ﺳﻤﺮ .. ﺍﺻﻌﺪ ﻟﻠﺘﺎﻧﻜﻲ ﻣﺎﻝ ﺑﻴﺘﻜﻢ .. ﻭﺑﺎﻭﻉ ﺑﻴﻪ ﺯﻳﻦ .. ﺷﻮﻑ ﺍﻛﻮ ﺑﻴﻪ ﻗﻤﺎﺵ ﻣﻠﻔﻮﻑ ﻭﻣﺸﻤﻮﺭ ..
ﺑﻜﺮ .. ﺷﻨﻮ ﺍﻟﻘﺼﻪ ﺷﻜﻮ ..
ﺳﻤﺮ .. ﻫﺴﻪ ﺍﻧﺘﻪ ﺑﺲ ﺭﻭﺡ ﺷﻮﻑ ﻭﻛﻮﻟﻲ ﻓﺪﻭﻩ .. ﻭﺑﻌﺪﻳﻦ ﺍﻓﻬﻤﻚ
ﺑﻜﺮ .. ﭐפﮔـﻴﮧ ﺍﺭﻭﺡ ﻫﺴﻪ ﺩﻗﺎﻳﻖ ﺍﺷﻮﻑ ﻭﺍﺧﺎﺑﺮﺝ ..
ﺳﻤﺮ .. ﭐפﮔـﻴﮧ ﺭﺍﺡ ﺍﺗﺎﻧﻴﻚ .. ﺍﺟﺖ ﺍﻣﻲ .. ﻛﺎﻟﺖ ﻭﻳﺎﻣﻦ ﺟﺎﻱ ﺗﺤﺠﻲ ..
ﻛﺘﻠﻬﺎ ﻭﻳﻪ ﺑﻜﺮ .. ﻛﺎﻟﺖ ﺳﻤﺮ ﻣﺎ ﺗﺒﺘﻲ .. ﻛﺘﻠﻬﺎ ﻳﻮﻭﻡ ﻣﻮ ﻋﻠﻤﻮﺩ ﺷﻲ .. ﺑﺲ ﻛﺘﻠﻪ ﺍﺗﺤﻘﻘﻠﻲ ﻣﻦ ﺍﻟﺘﺎﻧﻜﻲ ﻣﺎﻝ ﺑﻴﺘﻬﻢ ﺻﺪﻙ ﺑﻴﻪ ﻗﻤﺎﺵ ﻣﻠﻔﻮﻑ ..
- ﺍﻱ ﻭﺷﻜﺎﻝ ..
- ﻣﺎ ﺍﻋﺮﻑ ﻣﺘﺎﻧﻴﺘﻪ ﻛﺎﻝ ﺭﺍﺡ ﺍﺭﻭﺡ ﺍﺷﻮﻑ ﻭﺍﺭﺟﻊ ﺍﺧﺎﺑﺮﺝ ..
- ﻭﺍﻟﻠﻪ ﻳﺎﻳﻤﻪ ﺣﻴﺎﺗﺞ ﺍﻟﺴﻮﺩﻩ ﺻﺪﻙ ﻣﺎﻝ ﻭﺍﺣﺪ ﺳﺎﺣﺮﺝ .. ﺍﻻ ﻣﻮ ﻣﻌﻘﻮﻟﻪ ﻋﺎﺩﻝ ﻳﻌﺘﺒﺮﺝ ﺍﺧﺖ ﺣﺘﻰ ﻟﻮ ﺗﺤﺠﻴﻬﺎ ﻟﻄﻔﻞ ﻫﻢ ﻳﻀﺤﻚ ﻋﻠﻴﻜﻢ ..
ﺗﺬﻛﺮﻳﻨﻪ ﺷﻠﻮﻥ ﺟﺎﻥ ﻳﻐﺎﺯﻝ ﺑﻴﺞ .. ﻭﺑﻜﺮ ﻳﺮﺯﻝ ﺑﻴﻪ .. ﻛﺘﻠﻬﺎ ﻭﺍﻟﻠﻪ ﻳﺎ ﻳﻤﻪ ﻣﺎ ﺍﺩﺭﻱ . ﺍﻧﻲ ﻫﻢ ﺩﺧﺖ ..
ﺧﻞ ﺍﻧﺘﻀﺮ ﺑﻜﺮ ﺷﻴﻜﻮﻝ .. ﺑﻘﻴﻨﻪ . ﻧﺴﻮﻟﻒ .. ﺧﺎﺑﺮ ﺑﻜﺮ .. ﻛﺘﻠﻪ ﻫﺎﺍﺍﺍ ..
ﺑﻜﺮ .. ﺳﻤﺮ ﻫﺴﻪ ﺍﻧﻲ ﻳﻢ ﺍﻟﺘﺎﻧﻜﻲ ﻭﻓﺎﺗﺢ ﻻﻳﺖ ﻭﺍﺑﺎﻭﻉ .. ﺍﻛﻮ ﺟﻮﻩ ﻫﻴﺞ ﻣﺜﻞ ﺍﻟﻘﻤﺎﺵ ﺍﻻﺳﻮﺩ ﻣﺎ ﺍﺩﺭﻱ ﻋﻼﻛﻪ .. ﻫﻮﻩ ﻫﺬﺍ ﺍﻟﺘﻘﺼﺪﻳﻪ .. ﻳﺘﺒـــــﻊ
🌺🌺🌺🌺🌺
ﺑﻠﻪ ﻳﻼﻣﻮﻥ ﺍﻟﺸﺒﺎﺏ ﻣﻦ ﻳﻐﻨﻮﻥ ﻓﻠﻚ ﻃﺮ ﺍﻡ ﺍﻟﺴﺤﻮﺭﻩ ﺧﺨﺨﺨﺦ .. ﺗﻌﺪﻡ ﺣﻴﺎﺓ ﺑﻨﻴﻪ ﻋﻠﻤﻮﺩ ﺗﻌﻴﺶ ﺳﻌﻴﺪﻩ ﺍﻟﻠﻪ ﺍﻛﺒﺮ .. ﺍﻟﻠﻪ ﻻ ﻳﻨﻄﻲ ﻛﻞ ﻗﻠﻴﻠﺔ ﺿﻤﻴﺮ ﺗﻬﺪﻡ ﺣﻴﺎﺓ ﻧﺎﺱ ﻟﻤﺼﻠﺤﺘﻬﺎ ..
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻭﺗﻘﻴﻴﻢ للتطبيق ﻻﻥ ﺟﺪﻳﺪ ﻭﻣﺤﺘﺎﺟﻪ ﺍﻗﻮﻳﻪ .. ﻓـ ﺑﻠﻴﺰ ﺍﻧﻄﻮﻩ 5 ﻧﺠﻮﻡ ﻋﻠﺘﻘﻴﻴﻢ ﺍﺑﺪﺍﻳﺔ ﺍﻟﺼﻔﺤﻪ ..
ﻣﺘﺎﺑﻌﻪ ﻣﻤﺘﻌﻪ ﻟﻠﺠﻤﻴﻊ .. ❤
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق