رواية حكاية سمر ج2 الجزء الرابع
للكاتبة زينب ماجد
🌿🌿🌿🌿
ﺳﻤﺮ ،،ﻧﻤﺖ ﻟﻬﻨﺎﻙ ﻭﻣﺎ ﺍﺣﺲ ﺍﻻ ﻧﺠﻮﻯ ﺗﻜﻌﺪﻧﻲ ﺑﺨﻮﻑ .. ﻭﺗﺼﻴﺢ ﺳﻤﺮ ﺳﻤﺮ ﺍﻛﻌﺪﻱ ﺑﺴﺎﻉ ﺍﻛﻌﺪﻱ ..
ﻛﺘﻠﻬﺎ ﺷﺒﻴﺞ ﻫﺎ ﺷﻜﻮ ﺷﺼﺎﻳﺮ .. ﻛﺎﻟﺖ ﺟﺎﺑﻮ ﺑﺎﺑﺎ ﻫﺴﻪ ﻭﻧﻮﻣﻮ ﺑﺎﻟﺼﺎﻟﻪ ﻭﻃﻠﻌﺖ ﺍﺟﻴﺒﻠﻪ ﺷﺮﺷﻒ
ﻭﺍﺳﻤﻊ ﺍﺣﻤﺪ ﻳﺤﺠﻲ ﻭﻳﻪ ﻋﺎﺩﻝ ﻭﻳﻜﻠﻪ ﺍﻱ ﺍﻟﻴﻮﻡ ﺑﻠﻴﻞ ﺍﻛﺘﻠﻬﺎ ﻣﻮﺕ ﻭﻋﻮﺩ ﺍﻧﺘﻈﺮﻛﻢ ﺣﻈﺮ ﺳﻴﺎﺭﺓ ﺻﻼﺡ ﻧﺸﻤﺮﻫﺎ ؏ﺳﺪﻩ
ﻭﻧﻐﺴﻞ ﻋﺎﺭﻧﻪ ﻭﻻ ﻣﻦ ﺷﺎﻑ ﻭﻻ ﻣﻦ ﺩﺭﻩ ﺍﻟﻤﻬﻢ ﻧﺒﻴﺾ ﻭﺟﻬﻨﻪ ﺑﻴﻦ ﺍﻟﻌﺸﺎﻳﺮ ﻭﻧﻜﺘﻠﻬﺎ ..
ﺑﻘﻴﺖ ﺻﺎﻓﻦ .. ﺻﺮﺧﺖ ﺑﻴﻪ ﺳﻤﺮ ﺩﻛﻮﻣﻲ ﺷﺒﻴﺞ ..
- ﺷﺴﻮﻱ ﻧﺠﻮﻯ ﻭﻳﻦ ﺍﺭﻭﺡ ﺍﺧﺎﺍﺍﻑ .. ﺑﻘﻴﺖ ﺍﺑﺠﻲ ..
- ﻟﺞ ﻳﺎ ﺣﺒﻴﺒﺘﻲ ﻣﺎ ﻛﺪﺍﻣﻨﻪ ﻏﻴﺮ ﺣﻞ .. ﺧﺎﺑﺮﻱ ﺑﻜﺮ ﺧﻞ ﻳﺘﺼﺮﻑ .. ﻭﺧﺎﺑﺮﻱ ﻫﺎﻱ ﺍﻟﺘﻌﺮﻓﻴﻬﺎ ﺑﺎﻟﻤﻨﻈﻤﻪ .. ﺑﻠﻜﺖ ﻫﻢ ﺗﻜﺪﺭ ﺗﺘﺼﺮﻑ ﺑﻬﻠﻮﺿﻊ ..
- ﻭﻳﻦ ﻣﻮﺑﺎﻳﻠﻲ .. ﺑﻘﻴﺖ ﺍﺩﻭﺭ ..
- ﻫﺬﺍ ﻫﺬﺍ ..
- ﺍﻭﻭﻭﻑ ﻳﺎ ﺍﻟﻠﻪ ﻣﻄﻔﻲ .. ﻭﻳﻦ ﺍﻟﺸﺎﺣﻨﻪ ..
- ﺟﻮﻩ .. ﺭﺍﺡ ﺍﻧﺰﻝ ﺍﺟﻴﺒﻬﺎ ..
- ﻟﺤﻈﻪ ﺍﺟﻲ ﻭﻳﺎﺝ ﺍﺷﻮﻑ ﺍﻟﻮﺿﻊ .. ﻧﺰﻟﻨﻪ ﺛﻨﻴﻨﻪ .. ﺍﺧﺬﺕ ﺍﻟﺸﺎﺣﻨﻪ .. ﺷﻔﺖ ﺑﺎﺑﺎ ﺩﺗﻨﻮﻣﻪ ﻣﺎﻣﺎ ..
ﺍﺗﻘﺮﺑﺖ .. ﺍﻣﻲ ﻛﺎﻟﺖ ﺍﻃﻠﻌﻲ ﺳﻤﺮ .. ﻛﺘﻠﻬﺎ ﻣﺎﻣﺎ ﺑﺲ ﺍﺣﻈﻨﻪ ..
- ﺍﺑﻮﺝ ﺗﻌﺒﺎﻥ ﻳﻤﻪ ﺑﻌﺪﻳﻦ ﺍﻃﻠﻌﻲ ﻫﺴﻪ
- ﺑﺎﺑﺎ ﺣﺒﻴﺒﻲ .. ﻭﺍﻟﻠﻪ ﻣﺴﻮﻳﺖ ﺷﻲ .. ﺳﺎﻣﺤﻨﻲ ﻟﻮ ﺍﺫﻳﺘﻚ ﺑﺪﻭﻥ ﻗﺼﺪ .. ﺟﻨﺖ ﻣﺘﻮﻗﻌﻪ ﻣﻦ ﺍﺑﻮﻳﻪ ﺭﺩﺕ ﻓﻌﻞ ﻋﻨﻴﻔﻪ ﺿﺪﻱ ..
ﺑﺲ ﺍﻟﻌﺠﻴﺐ ﻓﺘﺤﻠﻲ ﺍﺩﻳﻪ .. ﻣﻦ ﺷﻔﺘﻪ ﻓﺎﺗﺤﻠﻲ ﺣﻈﻨﻪ ﺍﻭﻭﻑ ﻣﺜﻞ ﻭﺍﺣﺪ ﻣﺤﺘﺮﻙ ﻭﻳﺮﻳﺪ ﻳﺸﻤﺮ ﺭﻭﺣﻪ ﺑﻨﻬﺮ ﻭﻳﺮﺗﺎﺡ ..
ﺭﺗﻤﻴﺖ ﺑﺤﻈﻦ ﺑﺎﺑﺎ ﺍﺑﺠﻲ ﻭﻫﻮﻩ ﻳﺒﺠﻲ ﺧﻄﻴﻪ .. ﻭﻳﺤﺠﻲ ﻛﻼﻡ ﻛﻮﻩ ﻳﻨﻔﻬﻢ .. ﺑﺎﻭﻋﺘﻠﻪ ﻭﺍﻧﻲ ﺍﺑﺠﻲ ..
ﻳﻜﻮﻟﻲ ﺑﺎﺑﺎﺕ ﺩﻓﻌﺘﻲ ﺛﻤﻦ ﺍﻏﻼﻃﻲ .. ﻛﺘﻠﻪ ﻻ ﺑﺎﺑﺎ ﺍﻏﻼﻃﻲ ﺍﻧﻲ .. ﺍﻧﺘﻪ ﻣﻐﻠﻄﺖ ﻭﻳﺎﻱ ..
ﻛﺎﻝ ﻻﺍﺍ ﺟﻨﺖ ﺍﻋﺘﻘﺪ ﻫﻴﺞ ﺑﺲ ﺍﻟﻠﻪ ﺿﻮﻛﻨﻲ ﻧﻔﺲ ﺍﻟﻨﺎﺭ ﺍﻟﻀﻮﻛﺘﻬﺎ ﻟﺠﺪﺝ ﺍﺑﻮ ﺍﻣﺞ ..
ﻟﻤﺎ ﺟﻨﺘﻮ ﺗﺤﺠﻮﻥ ﻭﺗﺘﻌﺎﺭﻛﻮﻥ ﻭﺍﺗﺨﺮﺑﻄﺖ .. ﺷﻔﺖ ﺟﺪﺝ ﺳﻴﺪ ﺣﺴﻦ .. ﺍﻣﻲ ﻛﺎﻟﺘﻠﻪ ﺷﻔﺖ ﺍﺑﻮﻱ ..
ﻛﺎﻝ ﺍﻱ .. ﺟﺎﻱ ﻳﺘﺸﻤﺖ ﻳﻜﻮﻟﻲ ﻫﺎﺍﺍ ﻋﺒﺎﻟﻚ ﺣﻮﺑﺘﻲ ﻣﺎ ﺧﻄﺘﻚ .. ﻣﻦ ﻧﻬﺒﺖ ﺑﺘﻲ ﻣﻦ ﺑﻴﺘﻲ ﻭﻛﺴﺮﺕ ﻭﺟﻬﻲ ..
ﺍﻧﻪ ﺳﻴﺪ ﺍﺑﻦ ﺭﺳﻮﻝ ﺍﻟﻠﻪ .. ﻭﺍﻧﺘﻪ ﺟﻨﺖ ﻣﺘﺠﺒﺮ ﻋﻠﻴﻪ ﺑﺮﺗﺒﺘﻚ .. ﻭﺍﺧﺬﺕ ﺑﺘﻲ ﻣﻦ ﺑﻴﺘﻲ ﻭﻛﺴﺮﺕ ﻭﺟﻬﻲ ﻭﺟﺒﺮﺗﻨﻲ ﺍﺳﻜﺖ ..
ﺩﺍﺭ ﺍﻟﺰﻣﻦ ﺑﻴﻚ ﻭﺧﻼﻙ ﺍﻟﻠﻪ ﺑﻨﻔﺲ ﺍﻟﻮﺿﻊ ﺍﻟﺤﻄﻴﺘﻨﻲ ﺑﻴﻪ .. ﺑﺘﻚ ﺗﺸﺮﺩ ﻭﺗﻜﺴﺮ ﻭﺟﻬﻚ .. ﻭﺑﻌﺪ ﻭﺑﻌﺪ ..
ﺑﻘﻴﺖ ﺻﺎﻓﻨﻪ ﺑﻮﺟﻪ ﺍﺑﻮﻳﻪ .. ﻛﺘﻠﻬﺎ ﻣﺎﻣﺎ ﻟﻴﺶ ﺟﺪﻭ ﺷﺒﻴﻪ ..
- ﻣﻦ ﺍﺧﺬﻧﻲ ﺍﺑﻮﺝ ﻣﻦ ﺑﻴﺖ ﺍﻫﻠﻲ ﻭﺷﺮﺩﻧﻪ ﺳﻮﻩ ﺍﺑﻮﺝ ﺟﺎﻥ ﺿﺎﺑﻂ ﺑﺠﻴﺶ ﺍﻟﻌﺮﺍﻗﻲ ..
ﻭﺍﺑﻮﺝ ﻫﺪﺩ ﺍﺑﻮﻱ .. ﻟﻮ ﺗﻘﺮﺑﺖ ﻣﻦ ﺣﻴﺎﺗﻨﺎ .. ﺍﻭ ﺗﺤﺎﻭﻝ ﺗﺄﺫﻱ ﺭﺟﺎﺀ .. ﺭﺍﺡ ﺍﺗﻬﻤﻚ ﺍﻧﺘﻪ ﻋﻤﻴﻞ ﻟﻠﺨﻤﻴﻨﻲ ﺑﺬﺍﻙ ﺍﻟﻮﻛﺖ ﺟﺎﻧﺖ ﺍﻛﻮ ﺣﺮﺏ ﺑﻴﻦ ﺍﻟﻌﺮﺍﻕ ﻭﺍﻳﺮﺍﻥ
......
ﻭﺍﺑﻮﻱ ﺧﺎﻑ ﻋﻠﻰ ﺍﺧﻮﺗﻲ .. ﻣﻦ ﺍﺑﻮﺝ ﻭﺍﺗﺒﺮﻩ ﻣﻨﻲ .. ﺑﺲ ﻛﺘﻠﻪ ﺍﻟﻘﻬﺮ ﻣﻦ ﺑﻌﺪﻱ .. ﺍﻧﺠﻠﻂ ﺑﻌﺪ ﻣﺎ ﺍﻧﻬﺰﻣﺖ .. ﻭﻋﻠﻰ ﺍﺛﺮ ﺍﻟﺠﻠﻄﻪ ﻣﺎﺕ ..
ﻛﺘﻠﻬﺎ ﻳﻌﻨﻲ ﺑﺎﺑﺎ ﺻﺪﻭﻙ ﺟﺎﻥ ﻧﺎﻭﻱ ﻳﻨﻄﻲ ﺑﺨﻮﺍﻟﻲ .. ﻛﺎﻟﺖ ﻻ ﺑﺲ ﻫﻴﺞ ﺗﻬﺪﻳﺪ ﻫﺪﺩ ﺍﺑﻮﻱ ﻋﻠﻤﻮﺩ ﻻ ﻳﺘﻘﺮﺏ ﻣﻨﻲ ..
ﻻﻥ ﺍﺑﻮﻱ ﺍﻟﻠﻪ ﻳﺮﺣﻤﻪ ﺟﺎﻥ ﺭﺍﻓﺾ ﺍﻟﺰﻭﺍﺝ ﻣﻦ ﻏﻴﺮ ﺳﻴﺪ .. ﻳﺮﻳﺪﻧﻲ ﺑﺲ ﻟﻮﻟﺪ ﻋﻤﻲ .. ﻣﺎ ﻳﻘﺒﻞ ﻧﺘﺰﻭﺝ ﻏﺮﺑﻪ ..
ﻋﺪﻩ ﺍﻟﻌﻠﻮﻳﻪ ﻣﺎ ﺗﻄﻠﻊ ﻣﻦ ﻧﺴﻞ ﺍﻟﺴﺎﺩﻩ ﻭﺗﺘﺰﻭﺝ ﻏﺮﻳﺐ .. ﻭﺍﻧﻲ ﺣﺒﻴﺖ ﺍﺑﻮﺝ ﻭﻃﺎﻭﻋﺘﻪ ﻭﺻﺎﺭ ﺍﻟﻠﻲ ﺻﺎﺭ ..
ﺣﺠﻪ ﺍﺑﻮﻱ .. ﺟﻨﺖ ﺍﺣﺴﻬﺎ ﻫﻴﻨﻪ ﻭﺧﻠﺼﺖ .. ﺑﺲ ﻣﺎ ﺣﺴّﺒﺖ ﻟﻠﺪﻧﻴﺎ ﺩﻭﻻﺏ ﺗﻔﺮ ﺗﻔﺮ ﻭﺗﺮﺟﻌﻚ ﻟﻨﻔﺲ ﺍﻟﻤﻜﺎﻥ ﺍﻟﺨﻠﻴﺖ ﻏﻴﺮﻙ ﺑﻴﻪ ..
ﻭﻫﺎﻱ ﺍﻧﻲ ﺟﺎﻱ ﺍﺩﻓﻊ ﺛﻤﻦ ﺍﻏﻼﻃﻲ ﻭﻳﻪ ﺳﻴﺪ ﺣﺴﻦ .. ﻣﻦ ﻛﺴﺮﺕ ﻭﺟﻬﺎ ﻭﺍﺧﺬﺕ ﺑﻨﺘﻪ ﻏﺼﺐ ..
ﻛﺴﺮ ﻭﺟﻬﻲ ﺍﺑﻨﺘﻲ .. ﻧﺰﻟﺖ ﺩﻣﻮﻋﻪ ﻭﻫﻮﻩ ﻛﻮﻩ ﻳﺤﺠﻲ ﻭﻟﺴﺎﻧﻪ . ﺛﻜﻴﻞ .. ﻭﻳﺼﻴﺢ ﺭﺑﻲ ﺳﺎﻣﺤﻨﻲ ..
ﺣﻈﻨﺖ ﺑﺎﺑﺎ ﻭﺑﺠﻴﺖ .. ﻭﺑﻌﺪﻳﻦ .. ﺑﺎﻭﻋﺘﻠﻪ .. ﻭﻛﺘﻠﻪ ﺑﺎﺑﺎ ﻭﺍﻟﻠﻪ ﺷﻔﺖ ﺿﻴﻢ ﻭﻗﻬﺮ ﻣﺎ ﺍﻋﺘﻘﺪ ﺑﻨﻴﻪ ﺗﺘﺤﻤﻠﻪ ..
ﻭﺟﺎﻥ ﺑﺎﺳﺘﻄﺎﻋﺘﻲ ﺍﻧﻬﺰﻡ ﻭﻳﻪ ﺷﺨﺺ ﻭﺍﺭﺗﺎﺡ .. ﻭﺍﻛﺴﺮ ﻭﺟﻬﻚ ﻣﺜﻞ ﻣﺎ ﺳﻮﺕ ﻣﺎﻣﺎ .. ﺑﺲ ﻭﺍﻟﻠﻪ ﺑﺎﺑﺎ ﻣﺎ ﻛﺪﺭﺕ ﺍﻧﻄﻲ ﺑﻴﻚ ..
ﻛﻠﻤﺎ ﺍﻓﻜﺮ ﺑﻬﻼﺣﺘﻤﺎﻝ ﺍﻧﺘﻪ ﺗﺼﻴﺮ ﺑﻌﻴﻮﻧﻲ .. ﻭﺍﻟﻠﻪ ﺑﺎﺑﺎ ﻣﺎ ﻫﺎﻧﺖ ﻋﻠﻴﻪ ﺗﺮﺑﻴﺘﻚ ﻭﺣﻨﻴﺘﻚ ﻭﺩﻻﻟﻚ ﻣﻦ ﺟﻨﺖ ﺻﻐﻴﺮﻩ ..
ﻛﻞ ﺫﻭﻟﻪ ﻭﻛﻔﻮ ﺑﻌﻴﻮﻧﻲ ﻭﺧﻠﻮﻧﻲ ﺍﺗﺤﻤﻞ ﺍﻟﻤﺮ ﻓﻲ ﺳﺒﻴﻞ ﻣﺎ ﺍﻧﺰﻝ ﺭﺍﺳﻚ .. ﺑﺲ ﺑﺎﺑﺎ ﺍﻟﻠﻲ ﺻﺎﺭ ﻣﻮ ﻗﺼﺪﻱ ﻭﺍﻟﻠﻪ ﻣﻮ ﻗﺼﺪﻱ ﺍﻧﻬﺰﻡ ..
ﺍﺧﺘﻚ ﺿﺎﻟﻤﻪ .. ﻳﺎ ﺑﺎﺑﺎ ﺿﺎﻟﻤﻪ .. ﻭﺯﻭﺟﻲ ﺑﺎﻋﻨﻲ ﻻﺧﻮﻩ ﺑﻠﻴﻠﺔ ﻋﺮﺳﻲ
ﺍﻻﺏ .. ﺑﺎﻋﺞ ﺑﻴﻮﻡ ﻋﺮﺳﺞ ﺷﻨﻮ .. ﻳﺤﺠﻴﻬﺎ ﺑﺜﻘﻞ
ﺳﻤﺮ .. ﺑﺎﺑﺎ ﻋﺎﺩﻝ ﻳﻌﺮﻑ ﺍﻧﻲ ﻣﻐﻠﻄﺖ ﻭﻳﻪ ﺍﺣﺪ .. ﻭﻳﻌﺮﻑ ﺍﻧﻲ ﺷﻨﻮ .. ﻭﺭﻏﻢ ﻫﺬﺍ .. ﺑﻠﻴﻠﺔ ﻋﺮﺳﻲ ﺍﺗﻔﻖ ﻭﻳﻪ ﺑﻜﺮ ..
ﻳﻨﻄﻴﻪ 10 ﻣﻼﻳﻴﻦ ﻭﻳﺎﺧﺬﻧﻲ ﺑﻜﺮ ﻭﻳﺘﺤﻤﻞ ﻣﺴﺆﻟﻴﺘﻲ .. ﻭﺑﻠﻔﻌﻞ ﺍﺧﺬ ﺍﻟﻔﻠﻮﺱ ﻣﻦ ﻋﻨﺪﻩ ﻭﺍﺗﺰﻭﺝ ﺑﻴﻬﻦ ..
ﻭﺑﻌﺪ ﻣﺎ ﺍﺗﺰﻭﺝ ﺍﻧﻜﻠﺐ .. ﻭﻛﺎﻡ ﻳﺘﺄﻣﺮ ﻭﻳﺘﺤﻜﻢ ﻋﻠﻴﻪ .. ﺑﺎﺑﺎ ﻭﺍﻟﻠﻪ ﺣﺎﻭﻟﺖ ﺍﻛﻮﻧﻠﻪ ﺯﻭﺟﻪ ﻭﺩﻭﻡ ﺟﺎﻥ ﻳﺼﺪﻧﻲ ..
ﻣﺎ ﺍﺗﻘﺮﺑﻠﻲ ﺍﻻ ﻣﺎ ﺑﻌﺪ ﻣﺎ ﺟﺒﺮﺗﻪ ﻋﻤﺘﻲ ﻋﻠﻴﻪ .. ﻋﻠﻤﻮﺩ ﺗﺤﻘﻖ ﻫﺪﻑ ﺍﺑﺎﻟﻬﺎ .. ﻭﻣﻦ ﻟﻴﻠﺘﻬﺎ ﻣﺎﺳﺄﻝ ﻋﻨﻲ ﺍﺑﺪ ..
ﺑﺎﺑﺎ ﺷﻔﺖ ﻭﻳﺎﻫﻢ ﻗﺴﻮﻩ ﻭﺿﻠﻢ ﺍﺗﺤﺪﻯ ﺍﻧﺴﺎﻥ ﺷﺎﻑ ﺑﻜﺪﻱ .. ﺑﺎﺑﺎ ﻣﻦ ﺍﻧﻬﺰﻣﺖ ﻣﻮ ﺣﺘﻰ ﺍﻛﺴﺮ ﻭﺟﻬﻜﻢ ..
ﻻ ﻭﺍﻟﻠﻪ ﺑﺎﺑﺎ ﻣﺎ ﺟﺎﻥ ﻫﺬﺍ ﻗﺼﺪﻱ .. ﺑﺲ ﺍﻧﺘﻢ ﺍﻫﻠﻲ ﻭﺗﺒﺮﻳﺘﻮ ﻣﻨﻲ .. ﻭﻋﻔﺘﻮﻧﻲ ﻟﺮﺟﺎﻝ ﻻ ﻳﺮﻳﺪﻧﻲ ﻭﻻ ﻳﺘﻘﺮﺑﻠﻲ ..
ﻭﺑﺲ ﻳﻀﺮﺏ .. ﻭﻋﻴﺎﻝ ﺑﺲ ﺗﻬﻴﻦ ﻭﺗﺴﺘﺼﻐﺮ .. ﺑﻴﻮﻣﻬﺎ ﺑﺎﺑﺎ ﺧﺴﺮﺕ ﺣﺘﻰ ﻃﻔﻠﻲ ﺍﻟﻠﻲ ﺣﺴﻴﺘﻪ ﺍﻟﻲ ﺍﻣﻞ ﺑﺎﻟﺤﻴﺎﺓ ﺭﻏﻢ ﻛﺮﻫﻲ ﻻﺑﻮﻩ ..
ﺗﺄﻣﻠﺖ ﻳﺼﻴﺮ ﻋﻨﺪﻱ ﻃﻔﻞ ﺍﺗﺴﻠﻰ ﺑﻴﻪ ﻭﺍﻧﺴﻰ ﺍﺷﻴﺎﺀ ﻫﻮﺍﻳﻪ ﺍﺑﺎﻟﻲ .. ﻭﺑﻨﻴﺖ ﺑﻴﻪ ﺍﻣﻨﻴﺎﺕ .. ﺗﺎﻟﻲ ﺑﻠﻴﻠﻪ ﻭﻳﻮﻡ ﻳﻀﻴﻊ ﻣﻨﻲ ﺑﺪﻭﻥ ﺳﺒﺐ ..
ﺑﺎﺑﺎ ﻭﺍﻟﻠﻪ ﺑﻴﻮﻣﻬﺎ ﻛﺮﻫﺖ ﺭﻭﺣﻲ .. ﺣﺴﻴﺖ ﻣﺎ ﺍﻟﻲ ﻣﻜﺎﻥ ﺑﻬﻠﺪﻧﻴﺎ .. ﻭﺍﻟﻠﻪ ﺧﻮﻓﻲ ﻣﻦ ﺍﻟﻠﻪ ﺍﻟﻤﻨﻌﻨﻲ ﺍﻣﻮﺕ .. ﺍﻻ ﺟﺎﻥ ﺍﻧﺘﺤﺮﺕ ﻣﻦ ﺯﻣﺎﺍﻥ
.......
ﺍﺣﺠﻲ ﻭﻳﺎﻩ ﻭﺍﺑﺠﻲ .. ﻭﺍﺑﻮﻱ ﻣﺪﻧﻚ ﺭﺍﺳﻪ ﻭﺩﻣﻮﻋﻪ ﺗﺠﺮﻱ .. ﻣﺴﺤﺘﻠﻪ ﺩﻣﻮﻋﻪ .. ﻭﻛﺘﻠﻪ ﺑﺎﺑﺎ ﻛﻮﻟﺸﻲ ﻣﺎ ﺍﺭﻳﺪ ﺑﺲ ﺧﻠﻴﻨﻲ ﻳﻤﻚ ..
ﺧﻠﻴﺖ ﺭﺍﺳﻲ ﺑﺤﻈﻨﻪ .. ﺍﺣﺲ ﺭﻭﺣﻲ ﻃﻔﻠﻪ ﺻﺮﺕ ﻭﺍﺩﻭﺭ ﻋﻠﻰ ﺣﻨﺎﻧﻪ .. ﺍﺗﻘﺮﺑﺖ ﺍﻣﻲ ﻣﻦ ﻳﻤﻨﻪ ..
ﻭﺑﺎﺳﺖ ﺭﺍﺳﻲ .. ﻧﺠﻮﻯ ﺿﺤﻜﺖ .. ﻛﺎﻟﺘﻠﻬﺎ ﻣﺎﻣﺎ ﻏﺮﺕ ﺑﺲ ﺑﺎﺑﺎ ﺣﺎﻇﻦ ﺳﻤﺮ ﺗﻌﺎﻟﻲ ﺣﻈﻨﻴﻨﻲ .. ﺣﻈﻨﺘﻨﻪ ﺛﻨﻴﻨﻪ ﻭﺩﻣﻮﻋﻨﻪ ﺑﻌﻴﻮﻧﻪ ..
ﺑﻌﺪﻳﻦ ﻭﺧﺮﺕ .. ﻭﻛﻠﺖ ﺍﻟﺒﺎﺑﺎ .. ﻧﺠﻮﻯ ﺳﺎﻣﻌﻪ ﺍﺣﻤﺪ ﺩﻳﺘﻔﻖ ﻭﻳﻪ ﻋﺎﺩﻝ ﻳﺠﻮﻥ ﺍﻟﻴﻮﻡ ﺑﻠﻴﻞ ﻳﻘﺘﻠﻮﻧﻲ ﺑﺪﻭﻥ ﻋﻠﻢ ﻭﺍﺣﺪ ﻭﻳﺸﻤﺮﻭﻧﻲ ..
ﻛﺎﻟﺖ ﺍﻣﻲ ﺧﻴﻮﻟﻲ .. ﺍﻟﻴﻮﻡ ﻧﺎﻣﻦ ﻫﻨﺎ ﺑﻐﺮﻓﺘﻨﻪ .. ﻭﺍﻗﻔﻞ ﺍﻟﺒﺎﺏ ﻟﺒﺎﺟﺮ ﻧﺤﺠﻲ ﻭﻳﺎﻩ ﺍﻧﻲ ﻭﺍﺑﻮﺝ ..
ﺧﻄﻴﻪ ﻓﺮﺷﺘﻠﻨﻪ ﻳﻤﻬﻢ .. ﻭﺑﺎﺑﺎ ﺷﻠﻨﻪ ﻟﺴﺮﻳﺮﻩ ﻧﻮﻣﻨﺎﻩ .. ﻭﻧﻤﻨﻪ ﺍﻧﻲ ﻭﻧﺠﻮﻯ ﺑﻐﺮﻓﺔ ﻣﻤﺎ ﻭﺑﺎﺑﺎ ﻭﻻﺯﻣﻴﻦ ﺍﺩﻳﻦ ﺑﻌﺾ ﻭﻧﺒﺎﻭﻉ ﻟﻮﺟﻪ ﺑﻌﺾ ﻭﻧﺒﺘﺴﻢ ..
ﻫﻤﺴﺘﻠﻲ .. ﺻﺪﻙ ﻭﻟﺞ .. ﻣﺨﺎﺑﺮﺗﻲ ﺑﻜﺮ .. ﻛﺘﻠﻬﺎ ﺑﺎﺟﺮ ﺍﺧﺎﺑﺮﻩ ..
- ﻭﺝ ﺧﻄﻴﻪ ﻳﻀﻞ ﺍﻟﻠﻴﻞ ﻛﻠﻪ ﻣﺸﻐﻮﻝ ﺑﺎﻟﻪ ﻋﻠﻴﺞ ﻟﻮ ﻣﺎ ﺧﺎﺑﺮﺗﻲ ﻭﺟﻬﺎﺯﺝ ﻣﻐﻠﻖ ..
- ﺷﺴﻮﻱ ﺟﻬﺎﺯﻱ ﻃﺎﻓﻲ ﻭﻳﻦ ﺍﻟﻜﻪ ﻫﺴﻪ ﺍﻟﺸﺎﺣﻨﻪ ﻭﺍﺧﻠﻴﻬﺎ ﺑﺪﻛﻤﻪ ﻭﺍﺷﺤﻦ ﺍﻫﻠﻲ ﻧﺎﻳﻤﻴﻦ .. ﺍﻧﻲ ﺑﺎﺟﺮ ﺍﺧﺎﺑﺮﻩ ..
- ﺍﻧﺘﻲ ﺻﺪﻙ ﻣﺎ ﻋﺪﺝ ﺍﺣﺴﺎﺱ .. ﺍﻧﻲ ﻣﻦ ﻳﻤﻲ ﻣﻜﺴﻮﺭ ﺧﺎﻃﺮﻱ ﻋﻠﻰ ﺑﻜﺮ .. ﻭﺍﻧﺘﻲ ﻣﻤﻬﺘﻤﻪ ..
- ﻟﺞ ﺷﻠﻮﻥ ﻣﻤﻬﺘﻤﻪ .. ﻭﺍﻟﻠﻪ ﺍﺑﻮﺩﻱ ﺍﻛﻮﻡ ﻭﺍﺧﺎﺑﺮﻩ ﺑﺲ ﺻﻌﺐ ﺍﻓﺘﺢ ﻗﻔﻞ ﺍﻟﺒﺎﺏ ﻭﺍﺷﺤﻦ ﻭﺍﺧﺎﺑﺮ .. ﻻ ﻳﺠﻲ ﺍﺣﻤﺪ ..
ﻃﻠﻌﺖ ﺟﻬﺎﺯﻫﺎ ﻣﻦ ﺻﺪﺭﻫﺎ .. ﻭﻛﺎﻟﺖ ﻫﺎﺝ .. ﺩﺯﻳﻠﻪ ﺭﺳﺎﻟﻪ ﻭﻻ ﺗﺨﻠﻴﻪ ﺑﺎﻟﻪ ﻣﺸﻐﻮﻝ .. ﺿﺤﻜﺖ ..
- ﺣﺎﻓﻈﻪ ﺭﻗﻤﻪ ﻣـ ℳO ــﻮ
- ﺍﻱ ﺍﻱ .. ﻧﺤﺠﻲ ﻫﻤﺲ .. ﺍﺧﺬﺕ ﺟﻬﺎﺯﻫﺎ .. ﺩﻛﻴﺖ ﺭﻗﻤﻪ .. ﻭﺩﺯﻳﺖ ﺭﺳﺎﻟﻪ ..
💬 ﺑﻜﺮ ﺍﻧﻲ ﺳﻤﺮ .. ﻫﺬﺍ ﺟﻬﺎﺯ ﻧﺠﻮﻯ ﺍﻧﻲ ﻧﺎﻳﻤﻪ ﺑﻐﺮﻓﺔ ﻣﺎﻣﺎ ﻭﺑﺎﺑﺎ .. ﻟﺘﺨﺎﻑ ﻋﻠﻴﻪ .. ﺗﺼﺎﻟﺤﻨﻪ ﺍﻧﻲ ﻭﺑﺎﺑﺎ ﻭﺑﻌﺪ ﻣﺎﻛﻮ ﺧﻄﺮ ﻋﻠﻴﻪ 💬
ﺩﺯﻟﻴﺘﻬﺎ .. ﺛﻮﺍﻧﻲ ﻭﺟﺎﻭﺏ ﺑﺮﺳﺎﻟﻪ ..
💬 ﺍﺣﺘﺮﻛﻮ ﺍﻫﻠﺞ ﻟﺞ ﻣﺘﺖ ﺧﻮﻑ ﻋﻠﻴﺞ ﻭﺍﻟﻠﻪ .. ﻣﺎ ﻣﻄﻤﻦ ﻟﻌﺎﺩﻝ ﻭﺻﻼﺡ ﻭﺍﻛﻔﻴﻦ ﻭﺩﻳﺘﻔﻘﻮﻥ ﻋﻠﻰ ﺷﻲ .. ﻭﻳﺨﺎﺑﺮﻭﻥ ﺧﺎﻳﻒ ﻻ ﻣﺘﻔﻘﻴﻦ ﻭﻳﻪ ﺍﺣﻤﺪ ﻋﻠﻴﺞ ﻭﺍﺧﺎﺑﺮﺝ ﻭﻣﻐﻠﻖ ﻧﺸﻒ ﺩﻣﻲ ﻋﻠﻌﻤﻮﻡ ﺍﻧﻲ ﺍﺻﻼ ﺻﺎﻑ ﺳﻴﺎﺭﺗﻲ ﺑﻔﺮﻋﻜﻢ ﻛﻠﺖ ﺧﺎﻑ ﻳﺼﻴﺮ ﺷﻲ ﺍﺗﻼﺣﻚ 💬
ﺟﺎﻭﺑﺘﻪ 💬 ﺍﻣﻨﻴﻪ ﻭﺣﺪﻩ ﺍﺗﻤﻨﺎﻫﺎ ﻣﻦ ﺍﻟﻠﻪ ﻭﻫﻮﻩ ﺍﻧﺘﻪ 💬
💬 ﻟﺘﻌﺘﺒﺮﻳﻨﻲ ﺍﻣﻨﻴﻪ .. ﺍﻻﻣﻨﻴﺎﺕ ﺻﻌﺐ ﺗﺘﺤﻘﻖ .. ﺍﻋﺘﺒﺮﻳﻨﻲ ﺣﺎﺟﻪ .. ﻭﺍﻃﻠﺒﻴﻬﺎ ﻣﻦ ﺍﻟﻠﻪ 💬
ﺭﺩﺕ ﺍﺟﺎﻭﺑﻪ .. ﻫﻤﺴﺖ ﻧﺠﻮﻯ ﺧﺐ ﻫﻴﻮﻭﻭ ﺣﺘﺨﻠﺼﻴﻦ ﺍﻟﺮﺳﺎﻳﻞ ﻫﻴﻪ ﺑﺎﻗﻴﻪ ﺑﺲ 20 ﺭﺳﺎﻟﻪ ﻣﺠﺎﻧﻴﻪ .. ﺍﺭﻳﺪﻫﻢ ﻝ ﻣﺎﺯﻥ ..
ﺑﺎﻭﻋﺘﻠﻬﺎ ﻫﻴﺞ 😒 ﺍﻧﺠﺒﻲ ﺍﻧﺘﻲ ﻭﻣﺎﺯﻥ .. ﺩﺯﻳﺘﻠﻪ .. 💬 ﺑﻜﺮ ﻓﺮﺣﺎﻧﻪ ﻛﻮﻟﺶ ﻻﻥ ﺗﺼﺎﻟﺤﺖ ﻭﻳﻪ ﺑﺎﺑﺎ 💬
💬 ﻳﺎﺭﺏ ﺍﻧﺸﺎﻟﻠﻪ ﺩﻭﻡ ﺍﻟﻔﺮﺣﻪ ﻣﺎ ﺗﻔﺎﺭﻛﺞ 💬
💬 ﺑﻜﺮ 💬
💬 ﻋﻴﻮﻧﻪ ﻭﻛﻠﺒﻪ 💬
💬 ﻫﻬﻬﻪ ﺍﻟﻠﻪ ﻳﺤﻔﻈﻚ ﺍﻟﻴﻪ 💬
.... .
💬 ﺍﻟﻠﻪ ﻻ ﻳﺤﺮﻣﻨﻲ ﻣﻨﺞ .. ﺑﻮﺩﻱ ﺍﺳﻤﻊ ﺻﻮﺗﺞ ﻣﻤﻜﻦ 💬
💬 ﺻﻌﺐ ﺑﺎﺑﺎ ﻭﻣﺎﻣﺎ ﻧﺎﻳﻤﻴﻦ ﻳﻤﻨﻪ 💬
💬 ﺑﺲ ﺷﻮﻱ ﻋﻠﻤﻮﺩ ﻳﻄﻤﺌﻦ ﻛﻠﺒﻲ 💬
💬 ﺍﻭﻙ ﺧﺎﺑﺮ ﻻﻥ ﻫﺎﻱ ﺍﻟﺠﻠﻔﻪ ﻣﺎ ﻋﺪﻫﺎ ﺭﺻﻴﺪ 💬
ﺑﻤﺠﺮﺩ ﻣﺎ ﺩﺯﻳﺘﻬﺎ ﺍﺗﺼﻞ . ﻭﺭﺝ ﺍﻟﻤﻮﺑﺎﻳﻞ ﺑﻴﻨﺎﺗﻨﺎ .. ﺍﻟﺮﺟﻪ ﻗﻮﻳﻪ ﺣﺴﻴﺖ ﻛﻠﺒﻲ ﺭﺍﺡ ﻓﺘﺤﺖ ﺧﻂ ﺑﺴﺎﻉ ..
ﻫﻤﺴﺖ .. ﻭﻫﺎﻱ ﺳﻤﻌﺖ ﺻﻮﺗﻲ ﻳﻠﻪ ﺭﻭﺡ ﺍﻫﻠﻲ ﻧﺎﻳﻤﻴﻦ ..
- ﻣﺎ ﺍﺭﻭﺡ ﺣﺎﺏ ﺍﺑﻘﻰ ﻋﻠﺨﻂ ﺣﺘﻰ ﻟﻮ ﺑﺲ ﻟﺴﻤﻊ ﻧﻔﺲ ..
- ﻫﻤﺴﺖ ﻫﺬﺍ ﻣﻮﺑﺎﻳﻞ ﻧﺠﻮﻯ ﺧﺎﻑ ﺣﺒﻴﺒﻬﺎ ﻳﺘﺼﻞ ﻭﻳﻠﻜﺎﻩ ﻣﺸﻐﻮﻝ ﺧﻄﻴﻪ ..
ﻫﻤﺴﺘﻠﻲ ﻧﺠﻮﻯ ﻻ ﻋﺎﺩﻱ .. ﺩﺯﻳﺖ ﺭﺳﺎﻟﻪ ﻟﻤﺎﺯﻥ ﻭﻛﺘﻠﻪ ﺍﻟﻴﻮﻡ ﻣﺮﺍﺡ ﺍﺗﺼﻞ ﺑﻴﻚ ﻭﻫﻮﻩ ﻳﺘﻔﻬﻢ ..
ﺿﻤﻴﺖ ﺍﻟﺠﻬﺎﺯ ﺟﻮﻩ ﺍﻟﺒﻄﺎﻧﻴﻪ ﻭﻛﺘﻠﻬﺎ ﺍﺣﺮﻛﺞ ﻫﺴﻪ .. ﻭﺝ ﻣﻦ ﻳﺴﻤﻊ ﻫﻴﺞ ﺑﻌﺪ ﻳﻠﻄﺶ ﻭﻣﻴﺴﺪﻩ ..
ﻛﺎﻟﺖ ﺍﻳﻲ ﻫﺴﻪ ﺍﺣﺠﻲ ﻭﻳﺎﻩ ﻫﻤﺲ ﺷﻜﻮ .. ﻭﺍﺣﻨﻪ ﺟﻮﻩ ﺍﻟﺒﻄﺎﻧﻴﻪ ﻭﺍﺷﺨﻴﺮ ﺍﻣﻲ ﻭﺍﺻﻞ ﻻﻣﺮﻳﻜﺎ ..
ﺍﻧﻄﻴﺘﻬﺎ ﻏﻤﻪ ﺑﻮﺟﻬﺎ ﺗﺮﺱ . ﻭﺭﺟﻌﺖ ﺍﻻﺗﺼﺎﻝ ﻳﻢ ﺍﺫﻧﻲ .. ﻭﺑﻜﺮ ﻳﻀﺤﻚ ﻭﻳﻜﻮﻝ ﺳﻤﺴﻢ ﻭﻳﻦ ﺭﺣﺘﻲ ﺧﺒﻠﻪ ﺍﻧﺘﻲ ..
ﺟﺎﻭﺑﺘﻪ ﻫﺎ ﻫﺎ ﻣﻮﺟﻮﺩﻩ .. ﺑﺲ ﺗﺮﻩ ﻣﺎ ﺍﻛﺪﺭ ﺍﺣﺠﻲ ..
- ﻣﺎ ﺣﺎﺝ ﺗﺤﺠﻴﻦ ﺑﺲ ﺍﺳﺘﻤﻌﻴﻠﻲ ﻭﺍﻧﻲ ﺍﺣﺠﻲ ..
- ﺑﺸﺮﻁ ﺗﻐﻨﻴﻠﻲ
- ﻏﺎﻟﻲ ﻭﺍﻟﻄﻠﺐ ﺭﺧﻴﺺ .. ﺷﺘﺮﺩﻳﻦ ﺍﻏﻨﻲ ..
- ﺑﻜﻴﻔﻚ
- ﺍﻭﻙ ﺍﺳﻤﻌﻲ ﻟﻌﺪ .. ﺭﺍﺡ ﺍﻏﻨﻴﻠﺞ ﻣﻮﺍﻝ ﻋﺎﺩﻱ
- ﺍﻱ ﺍﻱ ﻋﺎﺩﻱ
- ﺍﺣﻢ ﺍﺣﻢ .. ﺍﻣﻞ ﻣﻨﻚ ﺍﺻﺪ ﻋﻨﻚ .. ﺟﺬﺏ ﻣﻦ ﻛﺎﺍﺍﺍﻝ ﺍﻋﻮﻭﻭﻓﻨﻚ ..
ﻟﻮ ﺣﻄﻮ ﺑﺪﺭﺑﻲ ﺍﻟﻨﺎﺍﺍﺍﺍﺭ ﺑﺪﻣﻊ ﻋﻴﻨﻲ ﻟﻄﻔﻴﻬﺔ ﻭﺍﺩﻙ ﺑﺎﺑﻚ ﻭﺍﺷﻮﻓﻚ ..
ﻭﺍﻫﺪّﻡ ﺣﺎﺟﺰ ﺍﻟﻤﺒﻨﻲ ﻭﺍﺣﻴﻠﺔ ﻋﻨﻚ ﻭﻋﻨﻲ .. ﻭﺣﺎﺟﻴﻚ ﻭﺗﺤﺎﺟﻴﻨﻲ ﻭﺍﺳﻤﻌﻨﻚ ..
ﺷﺘﺮﻳﺪ ﺍﺗﺼﻴﻴﻴﻴﻴﺮ ﻃﻴﺮ ﺍﻃّﻴﺮ .. ﺍﻃﻴﺮ ﻭﻳﺎﺍﺍﺍﻙ ﻭﻣﻦ ﺍﺗﺤﻂ ﺍﻟﺰﻣﻨﻚ ..
ﺷﺘﺮﻳﺪ ﺍﺗﺼﻴﺮ ﻧﺠﻢ ﺑﺴﻤﺎﺍﺍﺍﺍﻱ ﻫﻢ ﺗﻠﻤﻊ ﻭﺍﺷﻮﻓﻨﻚ ..
ﺷﺘﺮﻳﺪ ﺍﺗﺼﻴﺮ ﺳﻤﺞ ﺑﺎﻟﻤﺎﻱ .. ﻫﻢ ﺗﻄﻠﻊ ﻭﺍﺻﻴﺪﻧﻚ
ﺍﺗﺮﻳﺪ ﺍﺗﻤﻮﺕ . ﺍﻧﻪ ﺍﻣﻮﺕ ﻭﻳﺎﻙ ﻭﻛﺒﻞ ﻣﺎ ﺍﻣﻮﺕ ﺍﺻﻴﺤﻦ ﺣﻴﻴﻴﻴﻴﻴﻞ ﺍﺣﺒﻨﻚ ..
- ﻫﻬﻬﻬﻬﻪ ﻫﻠﻠﻪ ﻫﻠﻠﻪ ﻳﺒﺨﺖ ﺍﻟﻌﺪﻫﺎ ﻫﻴﺞ ﺻﻮﺕ ﻳﻐﻨﻴﻠﻬﺎ
- ﻫﻬﻬﻬﻬﻪ ﻳﻠﻪ ﺭﻭﺣﻲ ﻣﺎ ﺍﺭﻳﺪ ﺍﺿﻐﻂ ﻋﻠﻴﺞ ﺍﻛﺜﺮ ﺧﺎﻑ ﺍﻫﻠﺞ ﻳﺴﻤﻌﻮﻥ .. ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺳﻤﺮ ..
ﻭﺍﻱ ﺷﻲ ﺍﻱ ﺷﻲ ﻳﺼﻴﺮ ﺧﺎﺑﺮﻳﻨﻲ .. ﻻ ﺗﻌﻮﻓﻴﻨﻲ ..
- ﺍﻭﻙ ﺑﺲ ﺍﻧﺘﻪ ﺭﻭﺡ ﻻ ﺗﺒﻘﻰ ﻧﺎﻳﻢ ﺑﺴﻴﺎﺭﺗﻚ ﺑﺎﻟﻔﺮﻉ .. ﺭﻭﺡ ﻟﻠﺒﻴﺖ ..
- ﺍﻧﺸﺎﻟﻠﻪ .. ﺑﺎﺍﺍﻱ ..
- ﺑﺎﻱ .. ﺳﺪﻳﺘﻪ ﻣﻦ ﺑﻜﺮ . ﻟﻜﻴﺖ 4 ﺭﺳﺎﻳﻞ ﻣﻦ ﻣﺎﺯﻥ .. ﺍﺑﺎﻭﻉ ﻟﻨﺠﻮﻯ ﻏﻔﺖ .. ﻓﺘﺤﺖ ﺍﻟﺮﺳﺎﻳﻞ
......
ﻟﻜﻴﺘﻪ ﺩﺍﺯﻟﻬﺎ .. 💬 ﺷﻨﻮ ﻧﻮﻧﻪ ﻛﻠﺘﻴﻠﻲ ﻣﺎ ﺍﻛﺪﺭ ﺍﺗﺼﻞ ﺑﻴﻚ ﺍﻟﻴﻮﻡ ﻭﺍﺧﺎﺑﺮ ﺑﺲ ﺍﺳﻤﻊ ﺻﻮﺗﺞ ﻭﺍﻟﻜﺎﺝ ﻣﺸﻐﻮﻝ ﺷﻨﻮ ﻣﻌﻨﺎﻫﺎ 💬
ﻭﺭﺳﺎﻟﻪ ﺛﺎﻧﻴﻪ ﻛﺎﺗﺐ ﻫﺎﻱ ﺑﻌﺪﺝ ﻣﺸﻐﻮﻝ .. ﺍﻧﻮﺏ .. ﺍﻭﻙ ﻧﻮﻧﻪ ﻣﻊ ﺍﻻﺳﻒ .. ﻭﺭﺳﺎﻟﻪ ﻟﺦ ﻛﺎﺗﺐ .. ﺧﻮﺵ ﻫﻴﻨﻪ ﻋﺮﻓﺖ ﻗﺪﺭﻱ ﻋﻨﺪﺝ ﺷﻨﻮ
ﺩﺯﻳﺘﻠﻪ ﺍﺳﻔﻪ ﻣﺎﺯﻥ .. ﺍﻧﻲ ﺳﻤﺮ ﺍﺧﺖ ﻧﺠﻮﻯ ﻭﻣﻮﺑﺎﻳﻞ ﻧﺠﻮﻯ ﻋﻨﺪﻱ ﻭﻫﻴﻪ ﻫﻴﺎﺗﻬﺎ ﻧﺎﻳﻤﻪ ﻳﻤﻲ .. ﻭﺍﻧﻲ ﺟﻨﺖ ﺍﺣﺠﻲ ﺑﺎﻟﻤﻮﺑﺎﻳﻞ .. ﻟﺘﻀﻮﺝ ﻓﺪﻭﻩ ﺑﺎﺟﺮ ﺍﺧﻠﻴﻬﺎ ﺗﺨﺎﺑﺮ
ﺩﺯ ﻻﺍ ﻋﺎﺩﻱ ﺍﺳﻒ ﻋﺒﺎﻟﻲ ﻫﻴﻪ ﻭﻣﺘﺠﺎﻭﺑﻨﻲ ﺍﺧﺬﻱ ﺭﺍﺣﺘﺞ ...
ﻏﻠﻘﺖ ﺍﻟﺠﻬﺎﺯ ﺣﺎﻭﻟﺖ ﺍﻧﺎﻡ .. ﺑﻄﻨﻲ ﺍﻃﻠﻊ ﺍﺻﻮﺍﺕ ﻣﻦ ﻛﺪ ﺍﻟﺠﻮﻉ .. ﻋﻠﺮﻳﻮﻙ ﺍﻻﻛﻠﺘﻪ ﻭﻳﻪ ﻛﻤﺎﻝ ﻭﺑﺎﺟﻲ ﺍﺷﻮﺍﻕ ﻟﻼﻥ ﻣﻤﺎﻛﻠﻪ ..
ﺑﺲ ﺍﺧﺎﻑ ﺍﻃﻠﻊ ﺍﻛﻞ .. ﺍﻭﻭﻭﻑ ﻳﺎﺭﺑﻲ .. ﻫﺴﻪ ﻭﻛﺘﻬﺎ ﺍﺟﻮﻉ .. ﻻ ﺍﻧﻮﺏ ﺍﻃﻠﻊ ﻭﻳﻠﺰﻣﻨﻲ ﺍﺣﻤﺪ ﺷﻴﺨﻠﺼﻨﻲ .
ﻣﺎ ﻛﺪﺭﺕ ﻣﻦ ﺍﻟﺠﻮﻉ ﺍﻻ ﺍﻃﻠﻊ ﺍﺣﺲ ﺭﻭﺣﻲ ﺍﻧﺨﺮﻃﺖ ﻣﻦ ﺍﻟﺠﻮﻉ .. ﻃﻠﻌﺖ ﻋﻠﻜﻴﻴﻴﻒ .. ﻓﺘﺤﺖ ﺍﻟﺒﺎﺏ .
ﺍﻟﺒﻴﺖ ﻫﺎﺍﺍﺍﺩﺉ .. ﻣﺸﻴﺖ .. ﺳﻤﻌﺖ ﺻﻮﺕ ﻣﻦ ﻭﺭﺍﻱ .. ﺳﻤﺮ .. ﻛﻤﺰﺕ .. ﺷﻔﺘﻪ ﺍﺧﻮﻳﻪ ﻣﺤﻤﺪ ﺿﺤﻜﺖ ﻛﺘﻠﻪ ﻫﻠﻪ ﺣﺒﻴﺒﻲ ﺣﻤﻮﺩﻱ ﺍﺷﻮﻧﻚ ..
ﺍﺟﻪ ﺑﻮﺳﻨﻲ ﻭﺳﻠﻢ ﻋﻠﻴﻪ .. ﻛﺘﻠﻪ ﻭﻳﻦ ﺟﻨﺖ .. ﻛﺎﻝ ﺍﺩﺭﺱ ﻳﻢ ﺟﻤﺎﻋﺘﻲ . ﻛﺘﻠﻪ ﻓﺪﻭﻩ ﻟﻄﻮﻟﻚ ﻭﺍﻟﻠﻪ ﻣﺸﺘﺎﻗﺘﻠﻚ ..
ﺑﺎﻭﻋﺖ ﺍﻟﺴﺎﻋﻪ ..11 ﻛﺎﻝ ﻭﺍﻟﻠﻪ ﺿﻞ ﺑﺎﻟﻲ ﻋﻠﻴﺞ ﻣﻦ ﻛﺎﻟﻮ ﺷﺮﺩﺕ . ﻛﺘﻠﻪ ﺣﻤﻮﺩﻱ ﺷﺴﻮﻱ ﺗﻌﺒﺖ ﻭﺍﻟﻠﻪ ﺗﻌﺒﺖ ..
ﻛﺎﻝ ﻣﻌﻠﻴﺞ ﺑﻌﺎﺩﻝ ﺍﻟﺴﻜﻂ ﺑﻌﺪ ﻟﺘﺮﺣﻴﻦ .. ﺑﺴﺖ ﺧﺪﻩ .. ﻛﺘﻠﻪ ﻳﺎﺭﻳﺖ ﺍﻟﺒﻌﻴﺮ ﺍﺧﻮﻙ ﻣﺜﻠﻚ .. ﺟﺎﻥ ﺍﻧﻲ ﺑﺨﻴﺮ ..
ﻛﺎﻝ ﻣﻌﻠﻴﺞ ﺑﺎﺣﻤﺪ ﻫﺬﺍ ﺣﻤﺎﺭ . ﺿﺤﻜﺖ .. ﻭﺣﻈﻨﺘﻪ .. ﻣﺤﻤﺪ ﻋﻤﺮﻩ 12 ﺳﻨﻪ ﺍﺧﻮﻱ ﺍﻟﺼﻐﻴﺮ ﺑﺲ ﺣﻴﻞ ﺍﺣﺒﻪ ..
ﻣﻦ ﻫﻮﻩ ﻭﺍﺻﻐﻴﺮ ﺍﻧﻲ ﻭﻳﺎﻩ ﻭﺍﻋﻠﻤﻪ ﻭﻣﺘﺤﻤﻠﺘﻪ ﺍﻛﺜﺮ ﻣﻦ ﺍﻣﻲ .. ﻣﺮﺍﺕ ﺍﺣﺴﻪ ﺍﺑﻨﻲ ﻣﻮ ﺍﺧﻮﻱ ..
ﻛﺎﻝ ﺟﻮﻋﺎﻥ .. ﻛﺘﻠﻪ ﻭﺍﻟﻠﻪ ﺍﻧﻲ ﻫﻢ ﺟﻮﻋﺎﻧﻪ .. ﺗﻌﺎﻝ ﺩﻧﺴﻮﻱ ﺍﻛﻞ .. ﺭﺣﻨﻪ ﻟﻠﻤﻄﺒﺦ .. ﻛﺘﻠﻪ ﻣﺤﻤﺪ ﺍﺑﻘﻰ ﻳﻤﻲ ﺧﺎﻑ ﻳﺠﻲ ﺍﺣﻤﺪ ..
ﻛﺎﻝ ﻣﺎﺷﻲ .. ﻃﻠﻌﺖ ﻛﺒﻪ ﻣﻮﺻﻠﻴﻪ ﻣﻦ ﺍﻟﺜﻼﺟﻪ ﻭﻛﻠﻴﺘﻬﺎ ﻟﻠﺴﺮﻋﻪ ﻭﻛﻠﻴﺖ ﻃﻤﺎﻃﻪ .. ﺧﻠﻴﺘﻪ ﺩﻧﺎﻛﻞ .. ﻟﺸﻮﻱ ﻃﺐ .. ﺍﺣﻤﺪ ..
ﺍﻧﻲ ﻛﻤﺖ ﻣﻦ ﻣﻜﺎﻧﻲ ﺑﺴﺎﻉ ﻣﻦ ﺍﻟﺨﻮﻑ .. ﺍﺟﻪ ﺻﺮﺥ ﺳﺎﻗﻄﻪ ﻋﺒﺎﻟﺞ ﻣﺎ ﺍﻟﺰﻣﺞ .. ﻭﺍﺟﻪ ﻟﺰﻣﻨﻲ ﻣﻦ ﺷﻌﺮﻱ ﻭﻣﺤﻤﺪ ﻳﺤﻴﻞ ﺑﻴﻨﺎﺗﻨﻪ ..
ﻣﺤﻤﺪ .. ﺍﺣﻤﺪ ﺷﺒﻴﻚ ﻋﻮﻓﻬﺎﺍﺍ ..
ﺍﺣﻤﺪ .. ﻭﺧﺮﺕ ﺍﻧﺘﻪ ﺧﻞ ﺍﺭﺑﻴﻬﺎ .. ﻟﺞ ﺍﻧﺘﻲ ﻣﺎ ﺍﺭﺗﺎﺡ ﺍﺫﺍ ﻣﺎ ﺍﺩﻓﻨﺞ ﻭﺍﻟﻠﻪ . ﺣﻘﻴﻴﻴﺮﻩ ﻛﻠﺒﻪ
ﺳﻤﺮ .. ﺍﺣﻤﺪ ﺍﻟﻠﻪ ﻳﺨﻠﻴﻚ ﻋﻮﻓﻨﻲ ﻭﺍﻟﻠﻪ ﻣﺎ ﺳﻮﻳﺖ ﺷﻲ ﺍﺑﻮﺱ ﺍﻳﺪﻙ ﺍﺣﻤﺪ .. ﺍﺻﻴﺢ
ﻣﺤﻤﺪ .. ﺩﻭﻭﻭﻭﺧﺮ ﻣﻨﻬﺎ ﻫﻴﻪ ﺷﻨﻴﻪ ﺗﺎﻳﻬﺘﻠﻚ .. ﻭﺩﻓﻊ ﺍﺣﻤﺪ ﻣﻨﻲ ﺣﻴﻞ ﻭﻭﻛﻌﻪ ..
ﺍﺣﻤﺪ .. ﻟﻚ ﺳﻜﻂ ﺗﻮﻭﻭﻛﻌﻨﻲ .. ﺍﻟﻴﻮﻡ ﺍﺫﺑﺤﻜﻢ ﺛﻨﻴﻨﻜﻢ ﻭﺍﻟﻠﻪ ..
ﺳﻤﺮ .. ﺍﺣﻤﺪ ﺩﺍﺭ ﻭﺟﻬﺎ ﻟﻠﻜﺎﻭﻧﺘﺮ ﻳﺪﻭﺭ ﺳﺠﻴﻦ .. ﻭﻣﺤﻤﺪ ﺩﻓﻌﻨﻲ ﻟﻠﺒﺎﺏ ﻭﻳﻜﻠﻲ ﺷﺮﺩﻱ .
ﺧﻔﺖ ﻻ ﻳﺴﻮﻱ ﺑﻴﻪ ﺷﻲ .. ﺑﻘﻴﺖ ﻭﺍﻛﻔﻪ .. ﺍﺣﻤﺪ ﺍﺧﺬ ﺳﺠﻴﻦ ﻭﺩﺍﺭ ﻭﺟﻬﺎ ﻋﻠﻴﻪ ﺗﻌﺎﺍﺍﻱ ﺳﺎﻗﻄﻪ . ﻭﻣﺤﻤﺪ ﺭﻛﺾ ﻟﺰﻣﻪ ﻭﻳﺘﻌﺎﺭﻙ ﻭﻳﺎﻩ ..
.. .
ﺑﺲ ﺍﺻﻐﻴﺮ ﻣﺎ ﻳﻜﺪﺭﻟﻪ .. ﻃﻠﻌﺖ ﺍﻣﻲ ﻭﺑﻘﻴﺖ ﺗﺼﻴﺢ ﺍﻧﺘﻪ ﺷﺒﻴﻚ ﻣﺘﻜﻠﻲ ﻓﻮﻙ ﻇﻴﻤﻨﻪ ﺗﺰﻳﺪﻫﺎ ﻋﻠﻴﻨﻪ .
ﺍﺣﻤﺪ .. ﻫﺎﺍﻱ ﺑﺘﺞ ﺍﻻ ﺍﺫﺑﺤﻬﺎ ﻭﺍﻟﻠﻪ ﺗﺮﻳﺪ ﺗﻄﻠﻚ ﻭﺗﻨﺎﻡ ﺑﺮﻭﺳﻨﻪ . ﻫﻮﻩ ﺍﻧﺘﻮ ﻛﻮﻩ ﻣﺘﺤﻤﻠﻜﻢ ﻭﺍﻟﻠﻪ ﺍﺷﻤﺮﻛﻢ ﺑﺎﻟﺸﺎﺭﻉ ..
ﺍﻣﻲ .. ﻻ ﺧﻠﻒ ﺍﻟﻠﻪ ﻋﻠﻴﻚ ﺑﻌﺪﻩ ﺍﺑﻮﻙ ﻫﺴﻪ ﻭﻛﻊ ﻭﻣﻨﻴﺖ ﻋﻠﻴﻨﻪ ﺑﺼﺮﻓﻚ .. ﺷﺼﺮﻓﺖ ﻫﺎﺍ ﺷﺼﺮﻓﺖ ..
ﻛﻞ ﻫﻠﻤﻼﻳﻴﻦ ﺿﺎﻣﻴﻬﺎ ﻟﻠﻌﺎﺯﻩ ﻭﺧﻠﻴﺘﻬﺎ ﺑﻴﻦ ﺍﺩﻳﻚ ﺷﺘﺮﻳﺪ ﺑﻌﺪ .. ﻻﻥ ﺍﺷﺘﻐﻠﺖ ﺻﺎﺭ ﺍﺳﺒﻮﻉ ﻭﺗﺼﺮﻑ ﻋﻠﺒﻴﺖ ﻣﻨﻴﺖ ﻋﻠﻴﻨﻪ ..
ﺳﻤﺮ .. ﺷﻔﺖ ﺍﻟﺤﺠﻲ ﻏﻴﺮ ﺷﻜﻞ .. ﻳﻌﻨﻲ ﺍﻛﻮ ﻣﺸﺎﻛﻞ ﺑﺎﻟﺒﻴﺖ ﻏﻴﺮﻱ .. ﻭﺍﻟﻠﻲ ﻫﻴﻪ ﺍﻟﻤﺼﺮﻑ ﻭﻣﺴﺆﻟﻴﺔ ﺍﻟﺒﻴﺖ ﺻﺎﺭﺕ ﺍﺑﻴﺪ ﺍﺣﻤﺪ ﺑﻌﺪ ﻭﻛﻌﺖ ﺑﺎﺑﺎ …
ﺑﻘﻴﺖ ﻳﻢ ﺍﻟﺪﺭﺝ ﻭﺍﻛﻔﻪ .. ﻭﺍﺑﺎﻭﻋﻠﻬﻢ ﻭﺍﺣﻤﺪ ﻳﺼﺮﺥ ﻭﻳﻪ ﺍﻣﻲ .. ﻭﺍﻣﻲ ﺗﺼﻴﺢ ..
ﺍﺣﻤﺪ .. ﻭﺍﻟﻠﻪ ﻟﻮ ﺗﻌﻴﺶ ﺑﺎﻟﺸﺎﺭﻉ ﻫﺎﻱ ﺍﻟﺴﺎﻗﻄﻪ ﻣﺎ ﺍﺻﺮﻑ ﻋﻠﻴﻬﺎ ..
ﺳﻤﺮ .. ﺍﻧﺘﻪ ﻣﺴﺘﺜﻘﻞ ﻋﻴﺸﺘﻲ .. ﺍﺫﺍ ﻋﻠﻌﻴﺸﻪ ﺍﻃﻤﻦ ﻣﺎ ﺍﺧﻠﻴﻚ . ﺗﺼﺮﻑ ﻋﻠﻴﻪ ﻓﻠﺲ ﺍﺣﻤﺮ ﺑﺲ ﻛﻔﻨﻲ ﺷﺮﻙ ..
ﺍﻣﻲ .. ﻭﻙ ﻳﻤﻪ ﻛﺎﻓﻲ ﺗﻌﺒﻨﻪ ﻭﺍﻟﻠﻪ .. ﺗﺬﺑﺢ ﺍﺧﺘﻚ ﺷﺘﺴﺘﻔﺎﺩ ﻏﻴﺮ ﺗﻀﻴﻊ ﺷﺒﺎﺑﻚ ﻭﺗﻨﺴﺠﻦ ..
ﺍﺣﻤﺪ .. ﻻﺍﺍ ﻣﺎ ﺍﻧﺴﺠﻦ ﻫﺎﻱ ﺳﺎﻗﻄﻪ ﻭﻗﺘﻠﻬﺎ ﻳﺘﺴﻤﻪ ﻏﺴﻞ ﻋﺎﺭ .. ﻣﺎ ﺍﺗﺤﺎﺳﺐ ﻋﻠﻴﻪ
ﺍﻣﻲ .. ﻭﻙ ﻳﻤﻪ ﻳﺎ ﻏﺴﻞ ﻋﺎﺭ ﺍﺧﺘﻚ ﻣﺎ ﻏﻠﻄﺖ ﻭﻟﻮ ﻛﺘﻠﺘﻬﺎ ﺍﻟﻘﺎﻧﻮﻥ ﻳﺴﺠﻨﻚ ﻭﺍﺫﺍ ﺑﺤﺚ ﻭﻣﺎ ﻟﻜﺎﻫﺎ ﻏﻠﻄﺎﻥ ﺗﺨﻠﺺ ﻋﻤﺮﻙ ﺑﺎﻟﺴﺠﻦ ..
ﻻ ﺗﺨﻠﻲ ﻋﺎﺩﻝ ﻭﻏﻴﺮﻩ ﻳﻠﻌﺒﻮﻥ ﺑﻌﻘﻠﻚ .. ﺍﻋﻘﻞ ﻳﻤﻪ ﻣﺎﻟﻨﻪ ﻏﻴﺮﻙ ﻭﺍﻟﻠﻪ .
ﺍﺣﻤﺪ .. ﺍﻧﻲ ﻣﻠﻴﺖ ﻣﻨﻜﻢ ﻣﻠﻴﺖ ﺷﻨﻮ ﺍﺑﺘﻠﻴﺖ ﺻﺮﺕ ﺟﺒﻴﺮ ..
ﺳﻤﺮ .. ﺍﺫﺍ ﻋﻠﻤﺼﺮﻑ ﻭﻣﺴﺆﻟﻴﺔ ﺍﻟﺒﻴﺖ ﺍﺣﻤﺪ ﻭﺍﻟﻠﻪ ﺍﻭﻋﺪﻙ ﺍﺩﻭﺭ ﺗﻌﻴﻴﻦ ﻭﺍﺷﺘﻐﻞ ﻭﺍﻋﻴﻨﻚ ﺑﺎﻟﻤﺴﺆﻟﻴﻪ ﻭﺍﻟﻠﻪ ..
ﺷﻔﺘﻪ ﺑﺎﻭﻋﻠﻲ ﻭﺳﻜﺖ .. ﺍﻟﻀﺎﻫﺮ ﺍﻟﺤﻤﻞ ﺍﻟﺼﺎﻳﺮ ﻋﻠﻰ ﺿﻬﺮﻩ ﻣﺎ ﻣﺘﺤﻤﻠﻪ .. ﻣﻮ ﻛﺪﻫﺎ .. ﺩﺍﺭﻟﻲ ﻭﺟﻬﺎ ﻭﻛﺎﻝ ..
ﺑﺎﻋﻲ .. ﺧﻼﻝ ﺷﻬﺮ ﺍﺫﺍ ﻣﺎ ﻟﻜﻴﺘﻲ ﺗﻌﻴﻴﻦ ﻭﺗﻮﺿﻔﻔﺘﻲ ﻭﺧﻠﻴﺘﻲ ﺍﻟﺮﺍﺗﺐ ﺑﻴﺪﻱ ﻭﺍﻟﻠﻪ ﺍﺫﺑﺤﺞ ﺍﺫﺍ ﺍﻃﻠﻜﺘﻲ ﻭﺍﻛﻠﻬﻢ ﺷﻔﺘﻬﺎ ﻭﻳﻪ ﻭﺍﺣﺪ ..
ﺑﻘﻴﺖ ﺻﺎﻓﻨﻪ ﺑﻮﺟﻬﺎ .. ﻫﺬﺍ ﻣﻦ ﻛﻞ ﻋﻘﻠﻪ ﻳﺤﺠﻲ . ﺍﻛﻮ ﻫﻴﺞ ﺍﺥ ﻳﻌﺎﻣﻞ ﺍﺧﺘﻪ .. ﺑﺲ ﺷﺴﻮﻱ ﻻ ﺣﻮﻝ ﻭﻻ ﻗﻮﻩ ..
ﻛﺘﻠﻪ ﻭﺍﻟﻠﻪ ﺍﻭﻋﺪﻙ .. ﺍﺩﻭﺭ ﻋﻠﺸﻐﻞ ﺩﻭﺍﺭﻩ ﻭﺍﻧﻄﻴﻚ ﺍﻟﺮﺍﺗﺐ ﺗﺪﻟﻞ ﺑﺲ ﺍﺣﻤﺪ ﺍﻟﻠﻪ ﻳﺨﻠﻴﻚ ﻋﻮﻓﻨﻲ ﺍﻋﻴﺶ ﺗﻌﺒﺖ ﻣﻦ ﻋﺎﺩﻝ ﻭﺳﻮﺍﻟﻔﻪ ﺍﻟﻤﻜﺴﺮﻩ ..
ﻃﻠﻊ ﺍﻟﻤﻮﺑﺎﻳﻞ ﻣﻦ ﺟﻴﺒﻪ ﺧﻼﻩ ﻋﻠﻄﺎﻭﻟﻪ ﻭﺩﻧﻚ ﻭﺧﻠﻪ ﺍﺩﻳﻪ ﻋﻠﻰ ﺭﺍﺳﻪ .. ﺍﺗﻘﺮﺑﺖ ﻳﻤﻪ .. ﺍﻣﻲ ﻛﺎﻟﺖ ﻻ ﺗﺘﻘﺮﺑﻴﻦ ﻣﻨﻪ ﻋﻮﻓﻴﻪ ..
ﻛﺘﻠﻬﺎ ﺑﺲ ﺷﻮﻱ . ﺍﺗﻘﺮﺑﺖ .. ﻳﻤﻬﺎ .. ﻣﺪﻳﺖ ﺍﻳﺪﻱ ﻟﺸﻌﺮﻩ .. ﺩﻓﻌﻨﻲ ﻭﺻﺮﺥ ﻭﺧﺮﻱ ﻣﻨﻲ ﺗﻠﻌﺐ ﺭﻭﺣﻲ ﻣﻨﺞ ..
ﻛﺘﻠﻪ ﺍﺣﻤﺪ ﺍﻧﻲ ﺍﺧﺘﻚ ﻭﺍﻟﻠﻪ ﻣﻮ ﻋﺪﻭﺗﻚ .. ﻭﺍﻗﺴﻢ ﺑﺎﻟﻘﺮﺍﻥ ﺍﻟﻌﻈﻴﻢ ﻭﺟﻴﺒﻪ ﻭﺧﻠﻴﻪ ﻛﺪﺍﻣﻲ . ﺍﺫﺍ ﻓﺪ ﻳﻮﻡ ﻏﻠﻄﺖ ﻭﻳﻪ ﻭﺍﺣﺪ ﺍﻭ ﺳﻮﻳﺖ ﺣﺮﺍﻡ ..
ﻟﻚ ﺍﻧﺘﻪ ﺍﺧﻮﻳﻪ ﻭﺗﻌﺮﻑ ﺗﺮﺑﺎﺕ ﺍﻣﻲ ﻭﺍﺑﻮﻳﻪ ﺷﻠﻮﻥ ﻋﻠﻤﻮﻧﻪ .. ﺷﻠﻮﻥ ﺗﺸﻚ ﺑﻴﻪ ﺍﺳﻮﻱ ﺍﻟﻐﻠﻂ ..
ﺑﻘﻰ ﻣﺪﻧﻚ .. ﻭﻣﺎ ﺭﺩ .. ﻛﺘﻠﻪ ﻟﺘﻀﻮﺝ ﻭﺍﻟﻠﻪ ﺍﺫﺍ ﻋﻠﻤﺼﺮﻑ ﺍﻧﻲ ﺍﻋﻴﻨﻚ ﺑﻴﻪ ﻟﺘﺸﻴﻞ ﻫﻢ
.....
ﻛﺎﻝ ﻛﺪﺍﻣﺞ ﺷﻬﺮ ﻭﺍﻟﻠﻪ ﺍﺫﺍ ﻣﺘﻌﻴﻨﺘﻲ ﺍﺫﺑﺤﺞ ﻟﻮ ﺍﺭﺟﻌﺞ ﻟﻌﺎﺩﻝ ﻏﺼﺐ ﻭﻫﻮﻩ ﻳﺘﺼﺮﻑ ﻭﻳﺎﺝ .. ﺣﺠﻪ ﻭﻃﻠﻊ .. ﺑﺎﻭﻋﺖ ﻻﻣﻲ .. ﻛﺘﻠﻬﺎ ﺭﺍﺗﺐ ﺑﺎﺑﺎ ﻭﻳﻦ ﻟﻴﺶ ﺍﺣﻤﺪ ﻳﺸﺘﻐﻞ ..
ﻛﺎﻟﺖ ﺭﺍﺗﺐ ﺍﺑﻮﺝ ﺍﻧﻜﻄﻊ .. ﻭﺍﻟﻔﻠﻮﺱ ﺍﻟﻌﺪﻧﻪ ﺷﻤﺮﻧﺎﻫﺎ ﻋﻠﻰ ﻋﻼﺝ ﺍﺑﻮﺝ .. ﺟﺎﻥ ﻣﺸﻠﻮﻝ ﻫﺴﻪ ﺭﺣﻤﻪ ﻳﺤﺠﻲ ﻭﻳﻜﺪﺭ ﻳﺸﻴﻞ ﺍﻳﺪﻩ ﺧﻔﻴﻒ ..
ﺑﺲ ﻣﺎ ﺑﻘﺖ ﻋﺪﻧﻪ ﻓﻠﻮﺱ .. ﻋﺪﻧﻪ ﺑﻴﺖ ﻏﻴﺮ ﻫﺬﺍ ﻧﺮﻳﺪ ﻧﺄﺟﺮﻩ ﻭﺩﻛﻴﻨﻪ ﺑﻴﻪ ﻗﻄﻌﻪ ﻟﻼﻳﺠﺎﺭ ﺑﺲ ﻟﻼﻥ ﻣﺎﻛﻮ . ﻭﺍﺣﺪ ﺍﺟﺎﻧﻪ ﻋﻠﻰ ﺍﻳﺠﺎﺭﻩ ..
ﻛﺘﻠﻬﺎ ﺍﺫﺍ ﻋﻠﺒﻴﺖ .. ﺍﻧﻄﻴﻪ ﻟﺒﻜﺮ ﻳﺄﺟﺮﻩ ﻫﻮﻩ ﺩﻻﻝ ﻭﻳﺸﺘﻐﻞ ﺑﻬﻠﺸﻲ .. ﺑﺲ ﺭﺍﺗﺐ ﺑﺎﺑﺎ ﻟﻴﺶ ﻣﻄﻠﻊ ﻏﻴﺮ ﺗﻘﺎﻋﺪ ﻣﺎﻟﺘﻪ .
- ﻳﺎ ﺗﻘﺎﻋﺪ ﻣﺘﻜﻠﻴﻠﻲ .. ﺍﻧﺸﻠﺖ ﺭﺟﻠﻴﻨﻪ ﻣﻦ ﺍﻟﺮﻭﺣﻪ ﻭﺍﻟﺮﺟﻌﻪ ﻋﻠﻤﻌﺎﻣﻠﻪ ﻣﺎﻝ ﺍﻟﺘﻘﺎﻋﺪ .. ﺑﻌﺪ ﺧﺪﻣﻪ ﻛﻞ ﻫﻠﺴﻨﻴﻦ ﺑﺎﻟﺠﻴﺶ ﻳﻨﺸﻤﺮ ﻭﻣﺤﺪ ﺑﺤﺎﻟﻪ ﺣﺘﻰ ﺗﻘﺎﻋﺪ ﻣﺎﻛﻮ ..
ﻣﺤﺪ ﻳﻬﺘﻢ ﻭﻳﻤﺸﻲ ﺍﻻﻣﻮﺭ ﻛﻠﻬﺎ ﻓﺴﺎﺩ ﻭﺭﺷﺎﻭﻱ .. ﻭﺍﻧﻲ ﻣﺎ ﺿﻞ ﺗﺤﺖ ﺍﻳﺪﻱ ﻭﺍﻧﻄﻲ ﻋﻠﻤﻮﺩ ﻳﺨﻠﺼﻮﻟﻨﻪ ﺍﻟﻤﻌﺎﻣﻠﻪ ..
- ﺍﻟﻠﻪ ﻣﻮﺟﻮﺩ .. ﻫﺴﻪ ﺍﻟﺤﻤﺪﻟﻠﻪ ﺧﻠﺼﺖ ﻣﻦ ﻋﻘﺪﺕ ﺍﺣﻤﺪ ﺍﻟﺒﺎﻗﻲ ﺳﻬﻞ .. ﻧﺸﻮﻑ ﺷﻠﻮﻥ ﻧﺪﺑﺮﻫﺎ ..
ﺩﺭﺕ ﻭﺟﻬﻲ .. ﺷﻔﺖ ﻧﺠﻮﻯ ﻛﺒﺎﻟﻲ .. ﻛﺘﻠﻬﺎ ﻛﻌﺪﺗﻲ ..
- ﺻﺎﺭ ﺳﺎﻋﻪ ﻭﺍﻛﻔﻪ ﻳﻤﺞ ﻫﺴﻪ ﻳﻠﻪ ﺍﻧﺘﺒﻬﺘﻲ
- ﻫﻬﻪ ﻣﺎ ﺍﻧﺘﺒﻬﺖ ﻭﺍﻟﻠﻪ .. ﺍﺗﻘﺮﺑﺖ ﻻﺫﺍﻧﻬﺎ .. ﻭﻛﺘﻠﻬﺎ ﺗﺮﻩ ﺧﺎﺑﺮ ﻣﺎﺯﻥ ﻭﻟﻜﺎﻩ ﻣﺸﻐﻮﻝ ﻭﺯﻋﻞ .. ﺧﺎﺑﺮﻳﻪ ﺍﺫﺍ ﺗﻜﺪﺭﻳﻦ .. ﺍﻧﻲ ﻓﻬﻤﺘﻪ ﺍﻟﺠﻬﺎﺯ ﺑﻴﺪﻱ ..
ﻛﺎﻟﺖ ﺭﺍﺡ ﺍﺻﻌﺪ ﺍﻛﻤﻞ ﻧﻮﻣﺘﻲ ﻓﻮﻙ ﻭﺍﺧﺎﺑﺮﻩ .. ﻛﺘﻠﻬﺎ ﺑﻜﻴﻔﺞ .. ﺍﻣﻲ ﻃﺒﺖ ﺟﻮﻩ ﺗﻨﺎﻡ .. ﺑﺲ ﻣﺤﻤﺪ ﺑﻘﻰ ﻭﺍﻛﻒ ..
ﻛﺘﻠﻪ ﺭﻭﺡ ﻧﺎﻡ ﺣﺒﻴﺒﻲ ﻭﺭﺍﻙ ﻣﺪﺭﺳﻪ .. ﻛﺎﻝ ﺭﺍﻳﺢ .. ﺷﺮﺏ ﻣﻲ ﻭﺻﻌﺪ .. ﻟﻤﻴﺖ ﺍﻟﻤﻄﺒﺦ ﻣﻦ ﺍﻟﻬﻮﺳﻪ ..
ﻭﺩﺍ ﺍﻃﻔﻲ ﺍﻟﻀﻮﻩ .. ﺷﻔﺖ ﻣﻮﺑﺎﻳﻞ ﺍﺣﻤﺪ ﻋﻄﺎﻭﻟﻪ ﻳﺮﻥ .. ﺑﺎﻭﻋﺘﻪ ﻣﻜﺘﻮﺏ ﻋﺎﺩﻝ .. ﻓﺘﺤﺖ .. ﺧﻂ ..
ﻛﺎﻟﻪ ﻫﺎﺍﺍ ﺍﺣﻤﺪ ﻣﺘﺎﻧﻴﻚ .. ﻛﺘﻠﻪ ﺍﻧﺘﻪ ﻣﺘﺴﺘﺤﻲ .. ﻣﺘﺨﺠﻞ .. ﻟﻚ ﻋﻤﺮﻱ ﻛﻠﻪ ﻣﺸﺎﻳﻔﻪ ﻭﺍﺣﺪ ﻧﺎﻗﺺ ﺭﺟﻮﻟﻪ ﻣﺜﻠﻚ ..
ﻛﺎﻝ ﻭﻟﺞ ﺍﺫﺍ ﻣﺎ ﺍﺫﺑﺤﺞ ﻓﻼ ﺍﺗﺴﻤﻪ ﻋﺎﺩﻝ ..
- ﺧﺐ ﺩﺭﻭﺡ ﻟﻚ .. ﺷﻜﺪ ﻛﺮﻫﺘﻚ .. ﻻ ﺗﺤﺎﻭﻝ ﺗﻮﺻﻞ ﻳﻤﻨﻪ ﻭﻃﻼﻙ ﺍﻃﻠﻚ ﻏﺼﺒﺎ ﻋﻠﻴﻚ .. ﻛﺎﻝ ﺍﺭﻳﺪ ﺍﺷﻮﻑ ﺷﻠﻮﻥ ﺍﻃﻠﻜﺞ ﺍﻻ ﺍﺷﻠﻊ ﻛﻠﺒﺞ ..
ﻛﺘﻠﻪ ﻣﻮ ﺍﻛﻮﻟﻚ ﻣﻮ ﺭﺟﺎﻝ .. ﺻﺪﻙ ﺍﻧﺘﻪ ﻣﻮ ﻣﺎﻝ ﺍﺣﺘﺮﺍﻡ .. ﻭﺍﻃﻠﺐ ﻣﻨﻚ ﻃﻼﻙ ..
ﺑﻠﻠﻪ ﻫﻮﻩ ﺍﻧﺘﻪ ﺭﺟﺎﻝ ﻭﺍﻃﻠﻜﻨﻲ .. ﻻ ﺣﺒﻴﺒﻲ ﺍﻟﻤﺜﻠﻚ ﺍﻧﻲ ﺍﺧﻠﻌﻪ ﺍﺣﺴﻦ .. ﺣﺘﻰ ﺍﺫﺍ ﻣﻨﻬﺎﻧﻴﺖ ﻛﻔﺎﻳﻪ ﺍﻫﻴﻨﻚ ﺑﺎﻟﺰﺍﻳﺪ ..
ﺑﻘﻰ ﻳﻐﻠﻂ ﻭﻳﻔﺸﺮ .. ﻟﻌﺒﺖ ﺭﻭﺣﻲ ﻣﻦ ﻣﻦ ﺍﻟﻐﻠﻂ ﻣﺎﻟﺘﻪ ﻭﺳﺪﻳﺘﻪ ﺑﻮﺟﻬﺎ .. ﺭﻓﻌﺖ ﺭﺍﺳﻲ ﻟﻠﺴﻤﺎ .. ﻛﺘﻠﻪ ﻳﺎﺭﺏ ﻋﻮﻧﻚ ..
ﻋﻔﺖ ﺍﻟﻤﻮﺑﺎﻳﻞ ﻋﻠﻄﺎﻭﻟﻪ ﻭﺭﺣﺖ ﺍﻧﺎﻡ .. ﺩﺧﻠﺖ ﻏﺮﻓﺖ ﺑﺎﺑﺎ ﻭﻣﺎﻣﺎ .. ﻣﺎﻣﺎ ﻣﺨﻠﻴﻪ ﺭﺍﺳﻬﺎ ﻋﻠﻰ ﺻﺪﺭ ﺑﺎﺑﺎ ﻭﻧﺎﻳﻤﻪ ..
ﺿﺤﻜﺖ .. ﺷﻜﺪ ﻛﺒﺎﺭ ﺑﺲ ﻟﻠﻴﻮﻡ ﺍﺣﺴﻬﻢ ﻋﺸﺎﻙ .. ﺍﺳﺘﺤﻴﺖ ﺍﺑﻘﻰ ﻧﺎﻳﻤﻪ ﻳﻤﻬﻢ .. ﺍﺧﺬﺕ ﻣﻮﺑﺎﻳﻠﻲ .
ﻭﻃﻠﻌﺖ .. ﺟﺮﻳﺖ ﺍﻟﺸﺎﺣﻨﻪ ﻭﺻﻌﺪﺕ ﻓﻮﻙ .. ﺩﺧﻠﺖ ﻟﻜﻴﺖ ﻧﺠﻮﻯ ﺗﺤﺠﻲ .. ﻛﺘﻠﻬﺎ ﻫﺎﺍﺍ ﺍﻡ ﺍﻟﺤﺐ .. ﻏﻤﺰﺗﻠﻬﺎ ﺩﺗﺤﺠﻴﻦ ﻭﻳﻪ ﻣﺰﻣﺰ ..
......
ﻛﺎﻟﺖ ﻋﻴﻨﻲ ﺍﺳﻤﻪ ﻣﻴﺰﻭ .. ﻛﺘﻠﻬﺎ ﺑﻴﺒﺴﻲ ﺍﻃﻴﺐ .. ﻛﺎﻟﺖ ﺍﻟﺒﺒﺴﻲ ﻣﺨﻠﻴﺘﻪ ﺍﻟﺞ .. ﻛﺘﻠﻬﺎ ﻋﺒﺎﻟﺞ ﻗﺼﻔﺘﻴﻨﻲ ﻭﻋﻮﺩ ﺑﻜﺮ ﺍﺳﻤﺮ ..
ﻻ ﺣﺒﻴﺒﻲ ﺑﻜﺮ ﻳﺨﺒﻞ .. ﺑﺲ ﺳﻤﺎﺭﻩ ﻳﺠﻨﻦ ﺷﻨﻮ ﺍﺑﻴﺾ ﻭﻭﻳﻊ ﺭﺍﺡ ﻣﻮﺩﻳﻠﻪ .. ﻋﻠﻰ ﻛﻮﻟﺘﻬﻢ ﺍﻻﺑﻴﺾ ﻳﺘﻮﺳﺦ ﺳﺮﻳﻌﺎ 😝
ﻧﺠﻮﻯ،، ﻣﺎﺯﻥ ﻳﻜﻮﻝ .. ﻭﺍﻻﺳﻤﺮ ﻳﺠﻠﺢ .. ﻫﻬﻬﻬﻬﻬﻪ
- ﺍﺷﻮ ﺟﻴﺒﻲ ﺧﻞ ﺍﺣﺠﻲ ﻭﻳﺎﻩ .. ﺗﻌﺎﻝ ﻟﻚ ﻣﻨﻮ ﻫﺬﺍ ﺍﻟﻴﺠﻠﺢ ..
- ﺧﻞ ﻳﻔﻴﺪﺝ ﻟﻤﺼﺨﻢ ﻳﺎﺑﻪ ﻫﻬﻬﻬﻬﻬﻬﻪ
- ﺗﺮﻭﺣﻠﻪ ﻓﺪﻭﻩ ﺍﺑﻮ ﺣﻠﻚ ﺟﺎﻳﺐ ﺭﻭﺣﻚ ﻭﻳﺎﻫﺎ ﻋﻨﺪﻩ ﻟﻜﺰ ﺍﻧﺘﻪ ﺑﻜﺪﻩ ﺧﺨﺨﺨﺦ ..
- ﻫﻬﻬﻬﻬﻬﻬﻬﻪ ﻋﻤﻲ ﺍﻟﻠﻪ ﻳﺰﻳﺪﻩ ﺷﺮﺍﻳﺪ ﻣﻨﻪ .. ﺷﻠﻮﻧﺞ ﺧﻴﺘﻲ ..
- ﻫﻼ ﺑﻴﻚ ﻣﺎﺯﻥ ﺷﻠﻮﻧﻚ .. ﻃﺒﻌﺎ ﺍﺧﺘﻲ ﺍﻟﻌﻮﺑﻪ ﻛﻮﻟﺶ ﻫﻮﺍﻱ ﺗﺴﻮﻟﻔﻠﻲ ﺑﻴﻚ
- ﻫﻬﻬﻪ ﻭﻫﻴﻪ ﻛﻠﺶ ﻫﻮﺍﻱ ﺗﺒﺠﻲ ﻋﻠﻴﺞ ﻳﻤﻲ ..
- ﺑﺎﻭﻋﺖ ﻟﻨﺠﻮﻯ ﻭﻏﻤﺰﺗﻠﻬﺎ ﻫﺎﺍﺍ ﻫﺎﺍﺍ ﺗﺤﺒﻴﻨﻲ ﻭﺗﺒﺠﻴﻦ ﻋﻠﻴﻪ ..
- ﻳﺎﺍﺍﺍ ﻋﺎﺑﺘﻠﺞ ﻭﺍﻟﻠﻪ .. ﺍﺑﺠﻲ ﻋﻠﻴﺞ .. ﺍﺻﻼ ﻳﺠﺬﺏ ﻋﻠﻴﺞ ..
- ﻣﺎﺯﻥ ﺍﺳﻔﻪ ﺍﻧﻲ ﻣﻮ ﺣﺎﺭﻭﻛﻪ .. ﺑﺲ ﻧﺠﻮﻯ ﺗﻜﻮﻝ ﺍﻧﺘﻪ ﺟﺬﺍﺏ .. ﺗﻘﺒﻞ ﺣﺒﻴﺒﺘﻚ ﻫﻴﺞ ﺗﺤﺠﻲ ﻋﻠﻴﻚ ﻻ ﻣﻊ ﺍﻻﺳﻒ ﻧﺠﻮﻯ ﺧﺎﺏ ﺍﻻﻣﻞ ﺑﻴﺞ ..
- ﺩﻧﻄﻴﻨﻴﺎﻫﺎ ﺧﻞ ﺍﺭﺑﻴﻬﺎ ..
- ﺍﻱ ﻋﻔﻴﻪ ﻫﻴﺞ ﺍﺭﻳﺪﻙ ﺳﺒﻊ .. ﻫﺎﺝ ﺧﻠﻲ ﻳﺮﺑﻴﺞ .. ﺍﻧﻄﻴﺘﻪ ﺍﻟﻬﺎ ﺟﺎﻥ ﺗﻜﻠﻪ ﻳﺤﺒﻴﺒﻲ ﻓﺪﻭﻩ ﺍﺳﻤﻌﻲ ﻳﺼﺮﺥ ﻟﺞ ﺍﺣﺒﺒﺒﺞ .
- ﻛﺘﻠﻬﺎ ﻣﻊ ﺍﻻﺳﻒ ﻃﻠﻊ ﻣﻮ ﺳﺒﻊ .. ﻛﺎﻟﺖ ﺍﻧﺠﺒﻲ .. ﺻﺤﺖ ﺑﺎﻟﻤﻮﺑﺎﻳﻞ ﻳﻠﻪ ﺗﺼﺒﺤﻮﻭﻭﻭﻥ ﻋﺨﻴﺮ ..
ﺻﺎﺡ ﻫﻮﻩ ﺑﺲ ﻓﻜﻴﻨﻪ ﻭﺭﻭﺣﻲ .. ﻭﺍﺣﻨﻪ ﻧﺸﻮﻑ ﺍﻟﺨﻴﺮ .. ﻛﺘﻠﻪ ﻻ ﻳﺎ ﺍﺑﻦ ﺍﻻﻭﺍﺩﻡ .. ﺗﺘﻌﺎﻱ ﺟﻴﺒﻲ ﺍﻟﻤﻮﺑﺎﻳﻞ ..
ﺍﺧﺬﺗﻬﺎ ﻭﻛﺘﻠﻪ ﺑﻌﺪ ﻣﻤﻨﻮﻉ ﺗﺨﺎﺑﺮ ﺍﺧﺘﻲ ﺑﻮﺟﻮﺩﻱ ﻳﻠﻪ ﺑﺎﻱ ﻫﻬﻬﻬﻪ … ﻭﺳﺪﻳﺘﻪ .. ﻛﺎﻟﺖ ﻣﻨﻮ ﺳﻤﺤﻠﺞ ..
ﻛﺘﻠﻬﺎ ﺑﻜﻴﻔﻲ . 😝 .. ﻭﺭﺣﺖ ﻟﻠﺴﺮﻳﺮ ..
ﻧﺠﻮﻯ .. ﺍﻧﺘﻲ ﺣﺘﻨﺎﻣﻴﻦ ﻋﻠﺴﺮﻳﺮ ..
ﺳﻤﺮ .. ﺍﻱ 😌 ﺑﻤﺎ ﺍﻧﻮ ﺍﻧﻲ ﺭﺍﺡ ﺍﺳﺘﻘﺮ ﻫﻨﺎ ﻓﺘﻌﻠﻤﻲ ﻣﻨﺎ ﻭﺟﺎﻱ ﺍﻟﺴﺮﻳﺮ ﺍﻟﻲ ﺑﻨﺘﻲ .. ﺩﺑﺮﻱ ﺣﺎﻟﺞ ﺑﺎﻟﻜﺎﻉ ..
ﻧﺠﻮﻯ .. ﺍﻳﻮﻭﻭﻭ ﻫﺎﻱ ﺷﻐﻠﻪ ﺗﻔﻴﺪﺝ ﻭﺍﻟﻠﻪ ﻫﺬﺍ ﺳﺮﻳﺮ ﻣﻌﻠﻴﻪ 😭 ﻭﻧﺘﻌﺎﺭﻙ ﻋﻠﺴﺮﻳﺮ .. ﻫﻴﻪ ﺗﺪﻓﻊ ﻭﺍﻧﻲ ﺍﺩﻓﻊ ..
ﺟﺎﻥ ﺍﺣﻤﺪ ﻳﻀﺮﺏ ﻋﻠﺒﺎﺏ ﻭﻳﻜﻮﻝ ﺳﺎﻗﻄﺎﺕ ﺻﻮﺗﺠﻦ .. ﻭﻛﻌﻨﻪ ﺍﺛﻨﻴﻨﻪ ﻭﺍﻧﺨﻠﺴﻨﻪ ..😐 ﺑﺎﻭﻋﻨﻪ ﺍﻟﺒﻌﺾ ﻭﺍﻧﻔﺠﺮﻧﻪ ﺿﺤﻚ ..
ﺧﻠﻴﻨﻪ ﺍﻟﻤﺨﺪﻩ ﻭﻧﺎﻣﺖ ﻭﻳﺎﻳﻪ ﻋﻠﺴﺮﻳﺮ ﺳﻮﻩ .. ﺭﻏﻢ ﺣﺼﺮﻩ .. ﺑﺲ ﻳﻤﻜﻦ ﺍﺟﻤﻞ ﻟﻴﻠﻪ ﺑﻌﻤﺮﻱ .. ﺍﻧﺎﻡ ﻭﺍﻧﻲ ﻣﺎ ﺍﻓﻜﺮ ﺍﻛﻮ ﺧﻄﺮ ؏ ﺣﻴﺎﺗﻲ ..
ﻛﻌﺪﻧﻪ ﺍﻟﺼﺒﺢ .. ﺍﻟﺴﺎﻋﻪ ..11 ﻋﻠﻰ ﺻﻮﺕ ﺍﻣﻲ ﻭﻫﻴﻪ ﺗﺼﻴﺢ ﺻﺎﺭ ﺍﻟﻀﻬﺮ ﺩﻛﻌﺪﻥ ﻋﺎﺍﺩ ..
ﻳﺎﺍﺍﺭﺑﻲ ﺷﻜﺪ ﻣﺸﺘﺎﻗﻪ ﻟﻬﻴﺢ ﺍﺟﻮﺍﺀ .. ﺣﺘﻰ ﺻﻴﺎﺡ ﺍﻣﻲ ﺍﺣﺴﻪ ﻧﻌﻤﻪ ﻻﺯﻡ ﺍﺷﻜﺮ ﺍﻟﻠﻪ ﻋﻠﻴﻬﺎ ..
ﻛﻌﺪﻧﻪ ﺍﺛﻨﻴﻨﻪ .. ﻛﺎﻟﺖ ﺍﻣﻲ .. ﺭﺍﺡ ﻧﺮﻭﺡ ﻟﻠﻨﺠﻒ .. ﺍﻧﺰﻭﺭ ﺍﺑﻮﺝ .. ﻃﺎﻟﺒﺘﻬﺎ ﻣﻦ ﺍﻻﻣﺎﻡ ﻋﻠﻲ ﻳﻜﻮﻣﻪ ﻋﻠﻰ ﺣﻴﻠﻪ ﺗﺮﺣﻦ ﻭﻳﺎﻱ
.......
ﻛﺘﻠﻬﺎ ﻋﻠﻮﻭﻭﻭﻭﻭﺍ ﻭﺍﻟﻠﻪ ﻣﺎﻣﺎ ﻣﺸﺘﺎﻗﻪ ﺍﺯﻭﺭ ﻛﺎﻟﺖ ﻳﻠﻪ ﺭﺍﺡ ﻧﺮﻭﺡ ﺑﻌﺪ ﺍﻟﻀﻬﺮ ﺍﺣﻤﺪ ﻳﺎﺧﺬﻧﻪ ..
ﻛﺘﻠﻬﺎ ﻟﻴﺶ ﻣﻮ ﺩﻭﺍﻡ ﺑﺎﺟﺮ .. ﻛﺎﻟﺖ ﻻ ﺟﻤﻌﻪ ﺑﺎﺟﺮ ﻻ ﺍﺣﻤﺪ ﻭﻻ ﻧﺠﻮﻯ ﻭﻻ ﻣﺤﻤﺪ ﻋﺪﻫﻢ ﺩﻭﺍﻡ ﻟﻬﻴﺞ ﻛﻠﺖ ﻧﺰﻭﺭ .. ﻭﻫﻢ ﻧﺮﺗﺎﺡ ﻣﻦ ﺍﻟﻤﺸﺎﻛﻞ ﺍﻟﺼﺎﺭﺕ ..
ﻛﺘﻠﻬﺎ ﻟﻌﺪ ﺻﺪﻭﻙ ﻟﻴﺶ ﻣﻤﺪﺍﻭﻣﻪ ﻧﺠﻮﻯ ..
- ﻣﺎ ﺭﺣﺖ ﻋﻠﻤﻮﺩ ﺑﻘﻴﺖ ﻧﺎﻳﻤﻪ ﻳﻤﺞ
- ﻳﻤﻪ ﻓﺪﻭﻩ ﻻﺧﻴﺘﻲ ﻭﺣﻈﻨﺘﻬﺎ .. ﻳﻠﻪ ﻧﻜﻮﻡ ﻧﻜﻤﻞ ﺷﻐﻞ ﻻ ﺳﺖ ﺭﺟﺎﺀ ﺗﺨﺒﺼﻨﻪ ..
- ﻳﻠﻪ ..
- ﻛﻤﻨﻪ ﺍﻧﻲ ﻭﻧﺠﻮﻯ ﻧﻀﻔﻨﻪ ﺍﻟﺒﻴﺖ ﻛﻠﻪ ﻭﻛﻤﻠﻨﻪ ﺍﻻﻛﻞ ﻭﺳﺒﺤﻨﻪ ﻭﺑﺪﻟﻨﻪ ﻟﻞ 3 ﻃﻠﻊ ﺍﺣﻤﺪ .. ﻣﺎ ﻳﺤﺠﻲ ﻭﻳﺎﻱ ﻭﺷﺎﻳﻞ ﺧﺸﻤﻪ .. ﺷﺮﻳﺪ ﻣﻨﻪ ﺍﻟﻤﻬﻢ ﺟﺎﺯ ﻣﻨﻲ
ﺍﺧﺬ ﺍﺑﻮﻳﻪ ﻭﺻﻌﺪﻩ ﺑﺎﻟﺴﻴﺎﺭﻩ ﻭﺍﻧﻲ ﻭﻣﺎﻣﺎ ﻭﻧﺠﻮﻯ ﻟﻴﻮﺭﻩ ﻛﺎﻋﺪﻳﻦ .. ﻭﻣﺤﻤﺪ ﻛﻌﺪ ﺑﻜﺮﺳﻲ ﺻﻐﻴﺮ ﻭﺭﻩ ﺍﺗﻜﺴﺮ ﺧﻄﻴﻪ .. ﺑﺲ ﺗﻤﺪﺩ
ﻟﻞ 6 ﻭﻧﺺ ﻭﺻﻠﻨﻪ ﺍﻻﻣﺎﻡ .. ﺯﺭﻧﻪ ﻭﺩﻋﻴﻨﻪ ﻭﻛﻌﺪﻧﻪ ﻧﺘﻌﺸﻪ .. ﻟﻞ 9 ﺑﻠﻴﻞ ﺭﺣﻨﻪ ﻟﺒﻴﺖ ﺍﻫﻞ ﻣﺎﻣﺎ ..
ﺧﻄﻴﻪ ﻓﺮﺣﻮ ﺑﻴﻨﻪ .. ﺑﺲ ﺟﻨﻪ ﻣﻴﺘﻴﻦ ﺗﻌﺐ .. ﻛﻠﻨﻪ ﻧﻤﻨﻪ .. ﺛﺎﻧﻲ ﻳﻮﻡ .. ﻛﺎﻟﺖ ﻣﺎﻣﺎ ﺭﺍﺡ ﺍﺭﻭﺡ ﻟﺒﻴﺖ ﺧﺎﻟﺘﻲ ﺍﻡ ﺍﺭﻛﺎﻥ ﺗﺮﺣﻮﻥ ﻭﻳﺎﻱ ..
ﻣﻦ ﺳﻤﻌﺖ ﺑﻴﺖ ﺍﺭﻛﺎﻥ ﻧﻜﺰ ﺻﺎﺭ ﺑﻜﻠﺒﻲ .. ﺧﺎﻳﻔﻪ ﺍﺷﻮﻓﻪ ﺑﻌﺪ ﻛﻞ ﻫﻠﺴﻨﻴﻦ .. ﺑﻴﺎ ﻭﺟﻪ ﺍﻛﺎﺑﻠﻪ ..
ﻛﺘﻠﻬﺎ ﻣﺎﻣﺎ ﻣﺎ ﺍﺭﻳﺪ ﺍﺭﻭﺡ ﺧﻠﻴﻨﻲ ﺍﺑﻴﺖ ﺟﺪﻭ ﻫﻨﺎ ﺍﺣﺴﻦ .. ﻛﺎﻟﺖ ﺩﻛﻮﻣﻦ ﺭﻭﺣﻦ ﻋﻴﺐ ﺍﺻﻼ ﻫﻴﻪ ﻋﺰﻣﺘﻨﻪ .. ﻧﺠﻲ ﻟﻠﻨﺠﻒ ﻭﻣﻨﻤﺮ ﺑﻴﻬﻢ ﺯﺣﻤﻪ
ﻛﺘﻠﻬﺎ ﺍﻭﻭﻑ ﺣﺒﻜﺖ ﺍﻻ ﻛﻠﻨﺎ .. ﻛﺎﻟﺖ ﻧﺠﻮﻯ ﺩﻛﻮﻣﻲ ﺷﻨﻮ ﺧﺎﻳﻔﻪ ﺗﻮﺍﺟﻴﻪ .. ﺷﺒﻴﺞ ﺳﻤﺮ ﺧﻠﻴﺞ ﻗﻮﻳﻪ ..
ﻛﺘﻠﻬﺎ ﺷﺎﻳﻔﻪ ﺍﺧﺮ ﻣﺮﻩ ﺧﺎﺑﺮﻧﻲ ﺷﻠﻮﻥ ﻣﻨﻬﺎﺭ ﻭﻳﺒﺠﻲ ﺑﻠﻴﻠﺔ ﻋﺮﺳﻪ .. ﻭﻳﻜﻮﻟﻲ ﻣﺎ ﺗﺮﺗﺎﺣﻴﻦ ﺑﺤﻴﺎﺗﺞ ﻛﻠﻬﺎ ﻭﻛﻮﻟﻲ ﺳﻴﺪ ﺍﺭﻛﺎﻥ ﻛﺎﻝ .. ﻫﺎﻱ ﺣﻮﺑﺘﻲ ..
ﻭﺻﺪﻙ ﻣﻦ ﻳﻮﻡ ﺍﻟﻐﺪﺭﺗﻪ ﻭﻋﻔﺘﻪ ﻟﻠﻴﻮﻡ ﻭﺍﻟﻠﻪ ﻣﺎ ﺷﻔﺖ ﺭﺍﺣﻪ ..
ﻧﺠﻮﻯ،، ﺍﻫﻮﻭﻭ ﻫﺴﻪ ﺍﺑﻮﻱ ﺍﻻ ﻳﺘﺰﻭﺝ ﻋﻠﻮﻳﻪ .. ﻣﻮ ﻃﺎﺡ ﺣﻈﻨﻪ ﻣﻦ ﻛﺪ ﻣﺎ ﻳﺸﻮﺭﻭﻥ ﺑﻴﻨﻪ ﺑﻠﻠﻪ ﺷﻤﺴﺘﻔﺎﺩﻳﻦ
ﺳﻤﺮ .. ﺍﻱ ﺑﺎﻟﻠﻪ ﺻﺪﻭﻙ ﻃﺎﺡ ﺣﻈﻨﻪ ﻫﻬﻬﻬﻬﻪ .. ﺑﺠﻬﻪ ﺣﻮﺑﺔ ﺳﻴﺪ ﺣﺴﻦ ﺍﻟﻄﻴﺢ ﺣﻆ ﺍﺑﻮﻱ ﻭﺧﻼﻩ ﻣﺸﻠﻮﻝ ..
ﻭﺑﺠﻬﻪ ﺳﻴﺪ ﺍﺭﻛﺎﻥ ﺍﻟﺴﻮﺩ ﻭﺻﺨﻢ ﺣﻴﺎﺗﻲ ﺑﺤﻮﺑﺘﻪ .. ﺍﻟﻤﻔﺮﻭﺽ ﻳﻜﺘﺒﻮﻥ ﻋﻠﻰ ﺍﻟﺴﺎﺩﻩ ﺧﻄﺮ ﻣﻤﻨﻮﻉ ﺍﻻﻗﺘﺮﺍﺏ . ﺍﻟﻴﻘﺘﺮﺏ ﻳﻄﻴﺢ ﺣﻈﻪ ﻫﻬﻬﻬﻬﻪ
ﻧﺠﻮﻯ،، ﻫﻬﻬﻬﻬﻬﻬﻬﻪ
ﺍﻣﻲ .. ﺍﺥ ﻳﻠﻘﻬﺮ ﻭﻟﺠﻦ ﺑﻌﺪﺝ ﺗﺘﻀﺎﺣﻜﻦ ﺩﻛﻮﻭﻭﻭﻣﻦ ..
ﺳﻤﺮ .. ﻳﺎ ﺳﺘﺎﺭ ﻳﺎ ﺭﺑﻲ .. ﺗﻜﻮﻝ ﺭﻋﻴﺪ ﻣﻮ ﺻﻮﺕ .. ﻟﺒﺴﻨﻪ ﻭﻛﻤﻠﻨﻪ .. ﻭﺭﺣﻨﻪ ﻭﻳﺎﻫﺎ ..
ﻃﺒﻌﺎ ﻋﺎﺩﺓ ﻣﻦ ﻧﺠﻲ ﻟﻠﻨﺠﻒ ﻧﻠﺒﺲ ﻋﺒﺎﻳﻪ ﻣﻨﻄﻠﻊ ﺑﺎﻟﺒﻨﻄﺮﻭﻥ ﻻﻥ ﺧﻮﺍﻟﻲ ﻣﻴﻘﺒﻠﻮﻥ ﻋﺎﺩﺍﺗﻬﻢ ﻫﻴﺞ ﻣﺎ ﻋﺪﻫﻢ ﺑﻨﻴﻪ ﺗﻄﻠﻊ ﺳﺎﻓﺮﻩ ﺑﺪﻭﻥ ﻋﺒﺎﻩ ..
ﻭﺍﻧﻲ ﻳﻄﻴﺢ ﺣﻈﻲ ﻣﻨﻬﺎ .. ﺍﺣﺲ ﺷﺎﻳﻠﻪ ﺟﺒﻞ ﻓﻮﻙ ﺭﺍﺳﻲ ﻭﺍﻃﻮﻃﺢ ﺑﻴﻬﺎ ﻭﺍﺗﻌﺜﺮ .. ﻣﺎ ﺍﻋﺮﻑ ﺷﻠﻮﻥ ﺗﻠﺒﺲ ..
ﺍﻟﺰﻳﺎﺭﻩ ﻋﻨﺪﻱ ﺷﺪﻩ ﻣﻦ ﻭﺭﻩ ﺍﻟﻌﺒﺎﻳﻪ .. ﻟﺒﺴﻨﻪ ﻭﺭﺣﻨﻪ .. ﻣﺸﻴﻦ .. ﻭﺍﻧﻲ ﺷﺎﻳﻠﻪ ﺍﻟﻌﺒﺎﻳﻪ .. ﺧﺎﻑ ﺗﺪﻣﺮ ..
.. ..
ﺻﺎﺡ ﺧﺎﻟﻮ .. ﺧﺎﻟﻲ ﻧﺰﻟﻲ ﻋﺒﺎﺗﺞ ﻻ ﺗﺮﻓﻌﻴﻬﺎ .. ﻛﺘﻠﻪ ﺧﺎﻟﻮ ﺗﻮﻛﻊ ﺑﺎﻟﻄﻴﻦ ﻃﻮﻳﻠﻪ ﻋﻠﻴﻪ .. ﻛﺎﻝ ﺧﺎﻟﻮ ﺍﻟﻌﺒﺎﻳﻪ ﺍﻟﻤﺎ ﺗﻄّﻴﻦ ﻣﻌﻨﺎﻫﺎ ﻣﺎ ﻣﻠﺒﻮﺳﻪ ﻟﻠﺴﺘﺮ ..
- ﺧﺮﺭﺭﺏ ﻫﺎﻱ ﺷﻠﻮﻥ ﺑﻠﻮﻩ ﻳﺮﺑﻲ .. ﺍﻧﻮﺏ ﺍﺩﺧﻞ ﻟﺒﻴﺖ ﺍﺭﻛﺎﻥ ﻣﻄﻴﻨﻪ ﺷﻬﻠﺤﻆ .. ﺍﺑﺎﻭﻉ ﻟﻨﺠﻮﻯ ﻧﻔﺲ ﺣﺎﻟﻲ ﺗﺠﻴﺒﻬﺎ ﻣﻨﺎ ﻭﺗﺮﺩﻫﺎ ﻫﻨﺎ .. ﺿﻠﻴﻨﻪ ﻧﺒﺎﻭﻉ ﻟﺒﻌﺾ ﻭﻧﻀﺤﻚ ﻋﻠﻰ ﻧﻔﺴﻨﻪ
ﻭﺻﻠﻨﻪ .. ﺑﻌﺪ ﻣﺎ ﻫﻠﻜﻨﻪ .. ﻣﻮ ﺗﻜﻮﻝ ﻓﺮﻋﻴﻦ .. ﺷﻄﻮﻟﻬﻦ ﺻﺎﺭﻥ .. ﺩﻛﻴﻨﻪ ﺍﻟﺒﺎﺏ .. ﻓﺘﺤﺘﻪ ﺧﺎﻟﺘﻲ ﻳﺒﻮﻭﻭ ﺍﺧﺬﺗﻨﻪ ﺑﺤﻈﻨﻬﺎ ﺷﻜﺪ ﻣﺸﺘﺎﻗﻴﻠﻬﺎ ..
ﺧﺎﻟﺘﻲ ﺑﻨﺖ ﺧﺎﻟﺔ ﻣﺎﻣﺎ ﺗﺼﻴﺮ ﺍﺧﺖ ﺍﺭﻛﺎﻥ ﺍﻟﺠﺒﻴﺮﻩ .. ﺑﺲ ﺣﻴﻞ ﻧﺤﺒﻬﺎ ﺍﺳﺘﻘﺒﻠﺘﻨﻪ ﺑﻠﻬﻠﻪ ﻭﺭﺣﺒﺖ ﺑﻴﻨﻪ ..
ﻭﺑﻴﺒﻲ ﻫﻢ ﻓﺮﺣﺖ .. ﻛﻌﺪﻧﻪ ﻭﻫﻤﻪ ﻳﺴﻠﻤﻮﻥ .. ﺍﺟﺖ ﺑﻨﻴﻪ ﻣﺎ ﺷﺎﻳﻔﺘﻬﺎ . ﻗﺒﻞ .. ﻋﺮﻓﺘﻬﺎ ﻣﺮﺕ ﺍﺭﻛﺎﻥ .. ﺑﺲ ﻫﻠﻜﺪ ﺣﻠﻮﻩ ﺧﺮﺭﺭﺏ ..
ﺍﻟﻌﻴﻮﻥ ﺧﻀﺮ ﻭﺑﻴﻀﻪ ﺗﺠﻨﻦ .. ﻫﻤﺴﺖ ﻟﻨﺠﻮﻯ ﻫﺬﺍ ﺍﺭﻛﺎﻥ ﺷﺒﻴﻪ .. ﺻﺪﻙ ﻣﺨﺒﻞ ﺑﻠﻴﻠﺔ ﻋﺮﺳﻪ ﻳﺸﻮﻑ ﻫﻴﺞ ﻭﺟﻪ ﻭﻳﺒﺠﻲ ﻋﻠﻰ ﻭﺟﻬﻲ ﺍﻟﻤﺼﺨﻢ ..
ﺻﺪﻙ ﻟﻮ ﻛﺎﻟﻮ ﺍﻟﺤﺐ ﺍﻋﻤﻰ .. ﻛﺎﻟﺖ ﺩﻛﻮﻣﻲ ﺷﻮﻓﻴﻬﺎ ﺷﻠﻮﻥ ﺟﺎﻣﺪﻩ .. ﺍﻧﺘﻲ ﺻﺪﻙ ﺣﻨﻄﻴﻪ ﺑﺲ ﺩﻣﺞ ﺣﻠﻮ ﻭﺑﺲ ﻏﻤﺎﺯﺍﺗﺞ ﻛﺎﻓﻲ ..
ﻛﺘﻠﻬﺎ ﻳﻤﺎﺍﺍﻱ ﺑﻌﺪ ﺍﺧﺘﺞ ﺧﻮﺵ ﺭﻓﻊ ﻟﻠﻤﻌﻨﻮﻳﺎﺕ ﻳﻤﻪ ﻓﺪﻭﻩ .. ﺑﻌﺪ ﺍﻟﺴﻼﻡ ﻭﺍﻟﻜﻌﺪﻩ .. ﻛﻤﻨﻪ . ﻭﻳﻪ ﺍﻟﺒﻨﺎﺕ ﻟﻠﻤﻄﺒﺦ .
ﻭﻋﻔﻨﻪ ﺍﻟﺮﻳﺎﺟﻴﻞ ﺑﺎﻟﺼﺎﻟﻪ .. ﻭﻛﻔﻨﻪ .. ﺍﻧﻲ ﻻﺑﺴﻪ ﺑﻨﻄﺮﻭﻥ ﻭﻗﻤﻴﺺ .. ﺑﺲ ﻻﻓﻪ ﺍﻟﻌﺒﺎﻳﻪ ﻋﻠﻰ ﺧﺼﺮﻱ ..
ﻭﻣﺨﻠﻴﺘﻬﺎ ﻋﻠﻰ ﺍﺩﻳﻪ ﻭﻭﺍﻛﻔﻪ .. ﻛﺘﻠﻬﺎ ﺷﺴﻤﺞ .. ﻟﻤﺮﺕ ﺍﺭﻛﺎﻥ .. ﻛﺎﻟﺖ ﺍﺳﻤﻲ ﺯﻫﺮﺍﺀ .. ﻛﺘﻠﻬﺎ ﻫﻼ ﺑﻴﺞ ..
ﻛﺎﻟﺖ ﻭﺍﻧﺘﻲ .. ﻛﺘﻠﻬﺎ ﺳﻤﺮ .. ﺍﺷﻮ ﻫﺎﻱ ﺑﺲ ﺳﻤﻌﺖ ﺍﺳﻤﻲ .. ﺍﻧﺼﺮﻋﺖ ﻭﻛﺎﻟﺖ ﻫﻮﻩ ﺍﻧﺘﻲ ﺳﻤﺮ ..
ﻛﺘﻠﻬﺎ ﺳﺎﻣﻌﻪ ﺑﻴﻪ .. ﻋﺎﻓﺘﻨﻲ ﻭﻣﺸﺖ ﺑﺲ ﻣﺒﻴﻨﻪ ﻣﺎ ﺣﺒﺘﻨﻲ ﺿﺎﺟﺖ .. ﺑﺎﻭﻋﺖ ﻟـ ﻧﺠﻮﻯ ﻫﺎﻱ ﺷﺒﻴﻬﺎ .. ﺳﻮﺗﻠﻲ ﺣﺮﻛﻪ ﺑﺤﻮﺍﺟﺒﻬﺎ ﺷﻤﺪﺭﻳﻨﻲ ..
ﺩﻧﺤﺠﻲ ﻭﻃﺐ ﺍﺭﻛﺎﻥ .. ﻣﻦ ﺷﻔﺘﻪ ﺍﻟﻤﻐﺺ ﻟﺰﻡ ﺑﻄﻨﻲ ﻣﺎ ﺍﻋﺮﻑ ﻟﻴﺶ .. ﻣﺘﻐﻴﺮ ﺻﺎﻳﺮ ﺍﺳﻤﺮ .. ﻭﺿﻌﻔﺎﻥ ﻧﺺ ﻭﺟﻬﺎ ﻟﺤﻴﻪ ..
ﻣﺎ ﺍﻧﺘﺒﻬﻠﻲ .. ﻭﻫﻮﻩ ﻳﺤﻂ ﺍﻟﻤﺴﻮﺍﻙ ﺑﺎﻟﻤﻄﺒﺦ .. ﺣﺠﺖ ﺍﻣﻲ ﻭﺭﺍﻩ .. ﻛﺎﻟﺘﻪ ﺷﻠﻮﻧﻚ ﺳﻴﺪ ﺍﺭﻛﺎﻥ .. ﻭﺍﺣﻨﻪ ﻭﺍﻛﻔﺎﺕ ﻭﺭﻩ ﺍﻣﻲ ..
ﺩﺍﺭ ﻭﺟﻬﺎ .. ﻭﻛﺎﻝ ﻫﻼ ﺍﻡ ﺍﺣﻤﺪ .. ﺟﺎﻱ ﻳﺴﻠﻢ ﻭﺍﻧﺘﺒﻬﻠﻲ .. ﺿﻞ ﺻﺎﻓﻦ ﻭﻳﺘﻠﻌﺜﻢ ﺑﺴﻼﻡ ..
ﻛﺘﻠﻪ ﺷﻠﻮﻧﻚ ﺍﺭﻛﺎﻥ ﻭﺍﺑﺘﺴﻤﺖ .. ﻳﺘﺒﻊ
🌺🌺🌺🌺 👉
ﺍﻛﻮ ﻋﺒﺮﻩ ﺣﺎﺑﻪ ﺍﻭﺿﺤﻪ ﻭﺍﻧﻄﻴﻬﺎ ﺣﻘﻬﺎ ﺑﺎﻟﻘﺼﻪ ﻭﺍﺭﻛﺰ ﻋﻠﻴﻬﺎ .. ﻭﻫﻴﻪ ﺍﻻﻫﻞ ﻭﻫﺮﻭﺏ ﺍﻟﺒﻨﺖ ﻣﻊ ﺍﻟﺸﺎﺏ ..
ﺗﺮﻩ ﻳﺎ ﺟﻤﺎﻋﻪ .. ﺣﺘﻰ ﻟﻮ ﻛﺎﻧﺖ ﺍﻟﻤﺸﺎﻋﺮ ﺻﺎﺩﻗﻪ ﺑﻴﻨﻚ ﻭﺑﻴﻦ ﻣﻦ ﺗﺤﺐ .. ﻻ ﺗﻔﻀﻞ ﻫﻠﻤﺸﺎﻋﺮ ﻋﻠﻰ ﺍﻫﻠﻚ ..
ﺧﺎﺻﻪ ﺍﻟﺒﻨﺖ .. ﺭﺍﻋﻲ ﺳﻤﻌﺖ ﺍﺑﻮﺝ ﺍﻟﻠﻲ ﻫﻴﻪ ﺍﻣﺎﻧﻪ ﺑﻌﻨﻖ ﻛﻞ ﺑﻨﺖ .. ﻫﺬﺍ ﺍﻻﺏ ﺍﻟﺘﻌﺐ ﻭﺍﻟﻨﻜﺴﺮ ﻇﻬﺮﻩ ﻋﻠﻤﻮﺩ ﻳﺌﻤﻦ ﻟﻘﻤﺔ ﻋﻴﺸﺞ ..
ﻣﻮ ﻻﺯﻡ ﺗﻜﺴﺮﻳﻦ ﻭﺟﻪ ﻋﻠﻤﻮﺩ ﺷﺎﺏ .. ﺣﺘﻰ ﻟﻮ ﻛﺎﻥ ﻳﺤﺒﺞ ﻣﻦ ﺻﺪﻙ .. ﺗﺮﻩ ﺍﻟﺪﻧﻴﺎ ﺩﻭﺍﺭﻩ ﻭﺷﺘﺴﻮﻳﻦ ﺑﺎﻫﻠﺞ ﻳﺪﻭﺭ ﺍﻟﺰﻣﻦ ﻭﺍﻭﻻﺩﻛﻢ ﻳﺴﻮﻭﻩ ﺑﻴﻜﻢ ..
ﺣﺘﻰ ﺍﻟﺸﺒﺎﺏ .. ﺍﺗﺮﻛﻮﻧﻪ ﻣﻦ ﺍﻟﻠﻲ ﻣﺎ ﻋﺪﻫﻢ ﺿﻤﻴﺮ ﻭﻳﻠﻌﺒﻮﻥ ﻋﻠﻰ ﺑﻨﺎﺕ ﺍﻟﻌﻠﻢ .. ﻛﻼﻣﻲ ﻟﻠﺮﺍﻗﻴﻦ ﺑﻴﻬﻢ ..
ﻟﻤﺎ ﺗﺤﺐ ﺑﻨﺖ .. ﺧﻠﻲ ﺍﻫﻠﻬﺎ ﺑﻴﻦ ﻋﻴﻮﻧﻚ .. ﺗﺮﻩ ﺣﺒﻚ ﻭﺣﺪﻩ ﻣﻮ ﻛﺎﻓﻲ ﺍﻟﻬﺎ .. ﺍﺑﻮﻫﺎ ﺍﻟﺘﻌﺐ ﻭﺍﻟﺮﺑﻰ ﻣﻴﺼﻴﺮ ﺗﺨﻠﻲ ﺣﺒﻴﺒﺘﻚ ﺗﻮﻛﻒ ﺑﻮﺟﻬﻢ . ﻋﻠﻤﻮﺩﻙ ..
ﻳﺪﻭﺭ ﺍﻟﺰﻣﻦ ﻭﺗﺼﻴﺮ ﺑﻨﺘﻚ ﺗﻮﻛﻒ ﻛﺒﺎﻟﻚ ﻭﺗﻜﻠﻚ ﻫﺬﺍ ﻳﺤﺒﻨﻲ ﻭﻳﺮﻳﺪﻧﻲ ﺷﻨﻮ ﻣﻮﻗﻔﻚ .. ﺑﻬﺬﺍﻙ ﺍﻟﻮﻗﺖ ﻳﻜﻮﻥ ..
ﺗﻘﺒﻞ ﺑﻨﺘﻚ ﻫﻴﺞ ﺗﻨﻜﺮ ﺗﻌﺒﻚ ﻋﻠﻴﻬﺎ ﻭﺗﻀﺤﻲ ﺑﻴﻚ ﻋﻠﻤﻮﺩ ﺍﻟﻠﻲ ﺍﺗﺤﺒﻪ .. ﺍﻱ ﻧﻌﻢ ﻫﺬﺍ ﺍﻟﻠﻲ ﻳﺼﻴﺮ .. ﻟﻮ ﺧﻠﻴﺖ ﺣﺒﻴﺒﺘﻚ ﺿﺪ ﺍﻫﻠﻬﺎ
ﻻ ﺗﻜﻮﻝ / ﻱ ﺍﻧﻲ ﻣﻦ ﺍﻛﺒﺮ ﻭﻳﺼﻴﺮ ﻋﻨﺪﻱ ﺍﺑﻨﺎﺀ ﺭﺍﺡ ﺍﺗﻔﻬﻤﻬﻢ ﻭﺍﻛﻮﻥ ﺳﺒﻮﺭﺕ ﻻﺍﺍﺍﺍ ﺍﻧﺘﻮ ﻏﻠﻄﺎﻧﻴﻦ ..
ﻫﺬﺍ ﺍﻟﻜﻼﻡ ﺗﻜﻮﻟﻮ ﻫﺴﻪ ﻻﻥ ﺍﻧﺘﻮ ﺑﻤﺮﺣﻠﺔ ﺷﺒﺎﺏ .. ﺑﻌﺪ 20 ﺳﻨﻪ ﻣﻦ ﺗﻜﺒﺮﻱ ﻭﻋﻘﻠﻚ ﻳﻜﺒﺮ ﻭﺗﺼﻴﺮ ﺑﻌﻘﻞ ﺑﺎﻟﻎ ﻣﻮ ﺑﻌﻘﻞ ﺷﺎﺏ ﺭﺍﺡ ﺗﺘﻐﻴﺮ ﻫﺬﻱ ﺍﻟﻨﻀﺮﻳﺎﺕ
ﺗﻌﺮﻓﻮﻥ ﻟﻴﺶ .. ﻻﻥ ﺑﻬﺬﺍﻙ ﺍﻟﻮﻗﺖ .. ﺭﺍﺡ ﺗﻜﻮﻧﻮﻥ ﺭﺍﺷﺪﻳﻦ .. ﻭﺧﺎﺿﻌﻴﻦ ﻟﻌﺎﺩﺍﺕ ﻣﺠﺘﻤﻌﻨﻪ ﺍﻟﺸﺮﻗﻲ ..
ﻭﺧﺎﺻﻪ ﺍﻟﺒﻨﺖ .. ﺍﻟﻴﻮﻡ ﺍﻧﺘﻲ ﺷﺎﺑﻪ ﻭﺗﺤﺒﻴﻦ .. ﺑﺎﺟﺮ ﻟﻤﺎ ﺗﻜﻮﻧﻴﻦ ﺍﻡ ﺧﻮﻓﺞ ﻋﻠﻰ ﺑﻨﺘﺞ ﺭﺍﺡ ﺗﻐﻴﺮ ﻭﺟﻬﺔ ﻧﻈﺮﺝ ﺍﺗﺠﺎﻩ ﺍﻟﺸﻲ ﺍﻻﺳﻤﻪ ﺣﺐ ..
ﺍﻟﺤﺐ ﺭﺍﺡ ﺗﺸﻮﻓﻲ ﺷﻲ ﺧﻄﺮ ﺟﺪﺍ ﻋﻠﻰ ﺑﻨﺘﺞ .. ﺣﺘﻰ ﻟﻮ ﻛﺎﻥ ﺍﻟﻤﻘﺎﺑﻞ ﻳﺤﺐ ﻭﺻﺎﺩﻕ .. ﻟﻜﻦ ﺧﻮﻓﺞ ﻛﺄﻡ ﺭﺍﺡ ﻳﺨﻠﻴﺞ ﺣﺬﺭﻩ ﻭﺗﺘﻌﺎﻣﻠﻴﻦ ﻣﻌﺎﻫﺎ ﺑﻘﻮﻩ ﻟﻤﺼﻠﺤﺘﻬﺎ ﻣﻮ ﻛﺮﻩ ﺍﻟﻬﺎ ..
ﻓﺎﺫﺍ ﻛﻨﺘﻲ ﺗﺮﺩﻳﻦ ﺑﻨﺘﺞ ﺍﻃﻴﻌﺞ ﻓﻲ ﻣﺎ ﺑﻌﺪ .. ﻃﻴﻌﻲ ﺍﻫﻠﺞ .. ﻻ ﺗﺒﻴﻌﻴﻦ ﺍﺑﻮﺝ ﺍﻟﻠﻲ ﺍﺗﺤﻤﻞ ﺍﻟﺤﺮ ﻭﺍﻟﻤﻄﺮ ﻋﻠﻤﻮﺩ ﻳﺠﻴﺒﻠﺞ ﺍﻟﻠﻜﻤﻪ ..
ﻭﺗﻜﺴﺮﻳﻦ ﻭﺟﻪ ﻭﺗﻨﺰﻟﻴﻦ ﺭﺍﺳﻪ ﺑﻴﻦ ﺍﻗﺎﺭﺑﻪ ﻭﻋﺸﻴﺮﺗﻪ ﻋﻠﻤﻮﺩ ﻭﺍﺣﺪ ﺣﺒﻴﺘﻴﻪ .. ﺍﺗﺄﻛﺪﻱ ﺍﻟﻠﻪ ﻣﺮﺍﺡ ﻳﻬﻨﻴﺞ ﻭﻳﺴﻌﺪﺝ ﺑﺤﻴﺎﺗﺞ ..
ﻭﺍﺩﻭﺭ ﺍﻟﺪﻧﻴﺎ ﻭﺗﻮﻛﻌﻴﻦ ﺑﻤﻜﺎﻥ ﺍﺑﻮﺝ ﻭﻳﺘﺮﻛﺒﺞ ﺍﻟﻌﺎﺭ .. ﻣﺜﻞ ﻣﺎ ﺭﻛﺒﺘﻴﻪ ﻻﺑﻮﺝ ..
ﻟﺤﺪ ﻳﻜﻮﻝ ﻫﻮﻩ ﻫﻢ ﺍﻫﻠﻲ ﺷﻤﻘﺪﻣﻴﻠﻲ .. ﺑﺎﻋﻮ ﻓﻼﻥ ﻭﻋﻼﻥ ﻳﺴﺎﻓﺮ ﻭﻳﺮﻭﺡ ﻭﻣﻮﻝ ﻭﻳﻔﺘﺮ ﻭﺍﻧﻲ ﺣﺼﺮﻩ ﻋﻠﻴﻪ ﺍﻟﺤﺎﺟﻪ ..
ﺍﻧﺼﺤﻜﻢ ﻻ ﺗﺒﺎﻭﻋﻮﻥ ﻟﻴﻔﻮﻙ .. ﻭﺑﺎﻭﻉ ﻟﻠﻲ ﺍﻗﻞ ﻣﻨﻜﻢ ﻭﺍﺣﻤﺪﻭ ﺭﺑﻜﻢ ﻋﻠﻰ ﺍﻟﻨﻌﻤﻪ .. ﺍﻻﺏ ﻭﺍﻻﻡ ﺍﻟﻠﻲ ﻳﺘﻌﺒﻮﻥ ﻭﻳﻬﻠﻜﻮﻥ ﻧﻔﺴﻬﻢ
ﻋﻠﻤﻮﺩ ﻳﺴﺪﻭﻟﺞ ﺣﺎﺟﻪ .. ﺷﻜﺮﻱ ﺍﻟﻠﻪ ﻋﻠﻴﻬﻢ ﺗﺮﻩ ﻫﻤﻪ ﻣﻤﺤﺼﻠﻴﻦ ﻣﻨﻜﻢ ﺷﻲ .. ﻋﻄﺎﺀﻫﻢ ﺍﻟﻜﻢ ﺑﺪﻭﻥ ﻣﻘﺎﺑﻞ ..
ﻟﺘﻜﻮﻟﻴﻦ ﺍﻫﻠﻲ ﺷﻤﻘﺪﻣﻴﻠﻲ .. ﺍﻋﻜﺲ ﺍﻟﺴﺆﺍﻝ ﻭﻛﻮﻝ ﺍﻧﻲ ﺷﻤﻘﺪﻡ ﻻﻫﻠﻲ ﺍﻟﻠﻲ ﺗﻌﺒﻮ ﺳﻬﺮﻭ ﻭﻋﺎﻧﻮ ﻋﻠﻤﻮﺩ ﻳﺮﺑﻮﻧﻪ ..
ﻳﻜﻔﻴﻬﻢ ﻭﺻﻠﻮﻙ ﻟﻬﻞ ﻋﻤﺮ ﻭﻣﺎ ﺧﻠﻮﻙ ﺗﻤﺪ ﺍﻳﺪﻙ ﻟﻐﺮﻳﺐ ﻭﺗﻜﻮﻝ ﺍﻧﻄﻴﻨﻲ .. ﻫﺬﻱ ﻧﻌﻤﻪ ﻻﺯﻡ ﺗﺸﻜﺮﻭﻥ ﺭﺑﻜﻢ ﻋﻠﻴﻬﺎ ..
ﺍﻋﺘﻘﺪ ﻗﺮﻳﺘﻮ ﻗﺼﺔ ﺍﺛﺎﺭ ﻗﺒﻞ ﻓﺘﺮﻩ ﻟﻠﺴﺖ ﻓﻴﻨﻮﺱ .. ﺭﻏﻢ ﺍﻫﻠﻬﺎ ﺟﺎﻧﻮ ﻣﻮ ﺧﻮﺵ ﻧﺎﺱ .. ﻭﺍﺑﻮﻫﺎ ﻇﺎﻟﻢ ﻭﻳﺎﻫﺎ ﻭﺍﻣﻬﺎ ﻣﻮ ﺯﻳﻨﻪ ﺑﺘﻌﺎﻣﻠﻬﺎ ..
ﺑﺲ ﺷﻔﺘﻮ ﺷﻨﻮ ﺻﺎﺭﻭ ﺑﻴﻬﻢ ﻣﻦ ﺗﺮﻛﻮﻫﻢ ﻻﻗﺎﺭﺑﻬﻢ ﻭﻋﺎﺷﻮ ﺑﺪﻭﻥ ﺍﻫﻠﻬﻢ ﺷﺼﺎﺭ ﺑﻴﻬﻢ ..
ﺍﻻﻡ ﻭﺍﻻﺏ ﺧﻴﻤﻪ .. ﺷﻜﺪ ﻣﻴﻘﺴﻮﻥ ﻋﻠﻴﻚ ﻟﻤﺼﻠﺤﺘﻚ ﻋﻠﻤﻮﺩ ﻳﻤﺸﻮﻛﻢ ﻟﻠﻄﺮﻳﻖ ﺍﻟﺼﺤﻴﺢ ﺍﻟﻠﻲ ﺗﻌﺐ ﻋﻠﻴﻚ ﻭﻳﻘﺪﻣﻠﻚ ﻣﺼﺮﻑ ﻭﺍﻛﻞ ﻭﻣﺴﻜﻦ ﺑﻼﺵ ..
ﻭﻣﺎ ﻣﺤﺼﻞ ﻣﻨﻚ ﺷﻲ .. ﻫﺬﺍ ﻟﺘﻌﺘﻘﺪﻩ ﻳﻜﺮﻫﻚ .. ﻭﺍﻧﻤﺎ ﻗﺴﻮﺗﻪ ﻭﻳﺎﻙ ﺣﺐ ﻭﻋﻄﻒ ﻭﺧﻮﻑ ﻋﻠﻴﻚ ﻣﻦ ﻫﻠﻮﻗﺖ .. ﺧﺎﻑ ﻳﻀﻴﻌﻚ ..
ﺍﺧﺘﺼﺎﺭ ﻋﺒﺮﺗﻲ .. ﺭﺍﻋﻮ ﺍﻫﻠﻜﻢ ﻭﺧﺎﻓﻮ ﺍﻟﻠﻪ ﺑﻴﻬﻢ .. ﻻﻥ ﺍﻟﺪﻧﻴﺎ ﺩﻭﻻﺏ ﺗﻔﺮ ﻭﺗﺮﺟﻌﻠﻚ ..
ﺍﺳﻔﻪ ﻋﻸﻃﺎﻟﻪ ﺍﻋﺮﻑ ﺣﺠﻴﺖ ﻫﻮﺍﻳﻪ ﻫﻬﻬﻬﻪ .. ﺑﺲ ﺣﺒﻴﺖ ﺍﺭﻛﺰ ﻋﻠﻰ ﻫﺬﻩ ﺍﻟﻨﺼﻴﺤﻪ ..
ﻭﻳﻠﻪ ﺷﺎﺭﻛﻮﻧﻲ ﺑﺎﺭﺍﺋﻜﻢ ﻭﺗﻮﻗﻌﺎﺗﻜﻢ .. ﺑﺨﺮﻭﺝ ﺍﺭﻛﺎﻥ ﺑﺎﻟﻘﺼﻪ ﻣﺮﻩ ﺛﺎﻧﻴﻪ !!!.. ﻣﺘﺎﺑﻌﻪ ﻣﻤﺘﻌﻪ ﻟﻠﺠﻤﻴﻊ 😉
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق