رواية حكاية سمر ج2 الجزء الثالث
للكاتبة زينب ماجد
🌿🌿🌿
ﺳﻤﺮ،، ﺑﻜﺮ ﻭﻟﻮ ﺣﺎﻭﻟﻮ ﻳﻘﺘﻠﻮﻧﻲ ..
ﺑﻜﺮ،، ﻟﻮ ﻛﺎﻥ ﻫﺬﺍ ﻗﺮﺍﺭﻫﻢ . ﻣﺎ ﻋﻨﺪﻱ ﻏﻴﺮ ﺣﻞ ﺍﺧﺬﺝ ﻭﺍﺷﺮﺩ ﻟﺤﺪﻭﺩ ﺗﺮﻛﻴﺎ ..
ﻭﻫﻨﺎﻙ ﺍﺗﻔﻖ ﻭﻳﻪ ﻧﺎﺱ ﺍﻃﻠﻌﻨﻪ ﺗﻬﺮﻳﺐ .. ﻣﺎ ﻛﺪﺍﻣﻨﻪ ﻏﻴﺮ ﺣﻞ ..
ﺳﻤﺮ،، ﻳﺎ ﺭﺏ ﺩﺧﻴﻠﻚ ﺑﻠﻄﻔﻚ ﻭﺭﺣﻤﺘﻚ .. ﺍﺷﻤﻠﻨﻲ ..
ﺑﻜﺮ،، ﻟﺘﺨﺎﻓﻴﻦ ﺳﻤﺮ ﺑﺲ ﻗﻮﻱ ﻧﻔﺴﺞ ﻭﻻ ﺗﺨﻀﻌﻴﻦ ﻣﺤﺪ ﻳﻜﺪﺭ ﻳﺪﻧﺎﻟﺞ .. ﺑﺲ ﻟﻮ ﺷﺎﻓﻮﺝ ﺿﻌﻴﻔﻪ ﻳﺎﻛﻠﻮﺝ ..
ﺳﻤﺮ،، ﺍﺗﻮﻛﻠﺖ ﻋﻠﻰ ﺍﻟﻠﻪ ﻭﻫﻮﻩ ﺣﺴﺒﻲ ﻣﺎ ﺍﻛﺪﺭ ﺍﺗﺤﻜﻢ ﺑﻜﻮﻟﺸﻲ ﻫﻮﻩ ﻳﺘﻜﻔﻠﻨﻲ ..
ﺑﻜﺮ،، ﻭﺍﻟﻨﻌﻢ ﺑﻠﻠﻪ ﻣﻴﺨﻴﺐ ﺍﻟﻠﻲ ﻳﺘﻮﻛﻞ ﻋﻠﻴﻪ ..
ﺳﻤﺮ،، ﻳﻠﻪ ﺍﺭﻭﺡ ﻣﻊ ﺍﻟﺴﻼﻣﻪ ..
ﺑﻜﺮ،، ﺍﻟﻠﻪ ﻭﻳﺎﺝ ﻭﻟﺘﺨﺎﻓﻴﻦ ﻭﺍﻱ ﺷﻲ ﻳﺼﻴﺮ ﺧﺎﺑﺮﻳﻨﻲ ﭐפﮔـﻴﮧ .. ﻣﻮ ﺗﻨﺴﻴﻦ
ﺳﻤﺮ،، ﺍﻧﺸﺎﻟﻠﻪ .. ﺑﺎﺍﺍﻱ .. ﺳﺪﻳﺖ ﺍﻟﻤﻮﺑﺎﻳﻞ .. ﻳﺮﺑﻲ ﺷﻠﻮﻥ ﻣﺸﻜﻠﻪ .. ﺷﻠﻮﻥ ﻟﻮ ﺍﻫﻠﻲ ﻣﺎ ﺗﻘﺒﻠﻮﻧﻲ ﻭﺍﻋﺘﺒﺮﻭﻧﻲ ﻋﺎﺭ ..
ﻳﺮﺑﻲ ﺭﺩﺕ ﺍﻋﻴﺶ ﺑﻌﻴﺪﻩ ﻋﻨﻬﻢ ﻭﻫﻢ ﺭﺍﺡ ﺍﺭﺟﻌﻠﻬﻢ .. ﻋﻠﻴﻚ ﻳﺎﺭﺑﻲ .. ﺧﻠﻴﺖ ﺭﺍﺳﻲ ﻋﻠﻤﺨﺪﻩ ..
ﻓﻜﺮﻩ ﺗﺎﺧﺬﻧﻲ ﻭﻓﻜﺮﻩ ﺗﺠﻴﺒﻨﻲ .. ﻟﺤﺪ ﻣﻨﻤﺖ .. ﻛﻌﺪﺕ ﺍﻟﺼﺒﺢ .. ﺑﺎﻭﻋﺖ ﺍﻟﺴﺎﻋﻪ ..7
ﻟﺒﺴﺖ ﺣﺠﺎﺑﻲ ﻭﻧﺰﻟﺖ .. ﺍﻣﺸﻲ ﺑﺎﻟﺒﻴﺖ .. ﺍﻟﺒﻴﺖ ﻫﺎﺩﺋﻪ .. ﺑﺲ ﺻﻮﺕ ﻗﺮﺍﺋﻪ ﻳﺠﻲ ﻣﻦ ﺍﻟﺼﺎﻟﻪ .
ﺩﺧﻠﺖ ﻟﻜﻴﺖ ﻛﻤﺎﻝ ﻻﺯﻡ ﻛﺘﺎﺏ ﻭﺩﻳﻘﺮﻩ .. ﺗﻘﺮﺑﺖ ﻛﺘﻠﻪ ﺻﺒﺎﺡ ﺍﻟﺨﻴﺮ ..
ﻛﻤﺎﻝ .. ﺻﺪﻕ ﺍﻟﻠﻪ ﺍﻟﻌﻈﻴﻢ .. ﺭﻓﻌﺖ ﺭﺍﺳﻲ .. ﺻﺒﺎﺡ ﺍﻟﻨﻮﺭ ..
ﺳﻤﺮ .. ﻋﻘﺪﺕ ﺣﺎﺟﺒﻲ ﻣﻦ ﺻﺪّﻕ .. ﻛﺘﻠﻪ ﺗﻘﺮﻩ ﻗﺮﺍﻥ؟؟
ﻛﻤﺎﻝ .. ﺍﻱ ﻟﻴﺶ ﻭﻳﻦ ﺍﻟﻤﺸﻜﻠﻪ .
ﺳﻤﺮ .. ﺍﻓﺘﻜﺮﺗﻚ ﻣﺴﻴﺤﻲ
ﻛﻤﺎﻝ .. ﻫﻬﻬﻪ ﻻﺍﺍ ﺍﻟﻮﺍﻟﺪﻩ ﻭﻧﺴﺮﻳﻦ ﻣﺴﻴﺢ .. ﺍﺻﻠﻲ ﻣﺴﻠﻢ ﻭﺍﻟﺪﻱ ﻣﻦ ﻋﺸﻴﺮﺓ ﺑﻨﻲ ﺍﺳﺪ ..
ﺳﻤﺮ .. ﺍﺑﺘﺴﻤﺖ .. ﺣﻠﻮﻭ .. ﺍﺳﻔﻪ ﻗﺎﻃﻌﺖ ﺗﺮﺗﻴﻠﻚ ..
ﻛﻤﺎﻝ .. ﻻ ﻋﺎﺩﻱ ﺩﺍ ﺍﺭﺗﻞ ﺑﻴﻦ ﻣﻴﺠﻲ ﺍﻟﺴﺎﻳﻖ ﻣﺎﻟﺘﻲ ..
ﺳﻤﺮ .. ﻟﻴﺶ ﺑﺎﺟﻲ ﻟﻼﻥ ﻣﻜﻌﺪﺕ ..
ﻛﻤﺎﻝ .. ﺗﺮﻭﺡ ﺏ 9 ﻭﺗﺎﺧﺬﺝ ﻭﻳﺎﻫﺎ ﺣﺘﻌﺮﺿﺞ ؏ﻟﺠﻨﻪ ﻳﺸﻮﻓﻮﻥ ﻭﺿﻌﺞ ﻋﻠﻤﻮﺩ ﻳﺴﺎﻋﺪﻭﺝ ..
ﺳﻤﺮ .. ﻣﻤﻨﻮﻧﻪ ﻣﻨﻚ ﻭﻣﻦ ﺑﺎﺟﻲ ﻫﻮﺍﻳﻪ .. ﻋﻠﻰ ﻣﺴﺎﻋﺪﺗﻜﻢ ..
ﻛﻤﺎﻝ .. ﻻ ﻋﺎﺩﻱ ﻫﺬﺍ ﻭﺍﺟﺐ ﺍﻧﺴﺎﻧﻲ ..
ﺳﻤﺮ .. ﺍﺑﺘﺴﻤﺖ .. ﺭﺣﺖ ﻟﻠﻤﻄﺒﺦ .. ﻟﻜﻴﺖ ﺟﺎﻱ ﻋﻠﻰ ﻧﺎﺭ ﻫﺎﺩﺋﻪ .. ﻃﻔﻴﺘﻪ ..
ﺩﺭﺕ ﻛﻤﺎﻝ ﻭﺭﺍﻱ .. ﻛﺎﻝ ﺍﺫﺍ ﻛﻤﻞ ﺗﻜﺪﺭﻳﻦ ﺗﺼﺒﻴﻠﻲ ﺍﺳﺘﻜﺎﻥ .. ﻭﻟﻮ ﺍﺗﻌﺒﺞ ..
ﻛﺘﻠﻪ ﻻ ﻭﻟﻮﻭﻭ .. ﺛﻮﺍﻧﻲ .. ﺻﺒﻴﺘﻠﻪ .. ﺟﺎﻱ ﻭﺧﻠﻴﺘﻪ ﺍﻟﻪ ﻋﻠﻤﻴﺰ .. ﻃﻠﻌﺖ ﺟﺒﻦ ﻣﻦ ﺍﻟﺜﻼﺟﻪ ..
ﻗﺼﺼﺖ ﻣﻨﻪ ﺑﻤﺎﻋﻮﻥ ﻭﺧﻠﻴﺘﻪ ﻛﺪﺍﻣﻪ . ﺍﺑﺘﺴﻢ ﻭﻛﺎﻝ ﺷﻜﺮﺍ
...
ﻋﻔﺘﻪ ﻭﻃﻠﻌﺖ ﻳﺎﻛﻞ ﺑﺮﺍﺣﺘﻪ .. ﻛﻌﺪﺕ ﺑﺎﺟﻲ .. ﺻﺎﺭﺕ ﺑﻮﺟﻬﻲ .
ﺍﺷﻮﺍﻕ .. ﻫﺎ ﺳﻤﺮ ﺻﺒﺎﺡ ﺍﻟﺨﻴﺮ ..
ﺳﻤﺮ .. ﺻﺒﺎﺡ ﺍﻻﻧﻮﺍﺭ ﺑﺎﺟﻲ ..
ﺍﺷﻮﺍﻕ .. ﻻﺯﻡ ﻧﺒﺪﻝ ﻭﺗﺮﺣﻴﻦ ﻭﻳﺎﻳﻪ ﻟﻠـ ﻟﺠﻨﻪ ﺍﻋﺮﺽ ﺣﺎﻟﺘﺞ .. ﺍﻟﻬﻢ .. ﺍﻧﻲ ﻛﺘﻠﻬﻢ ﻋﻠﻴﺞ ﺑﺲ ﻻﺯﻡ ﻳﺴﻤﻌﻮﻥ ﻣﻨﺞ
ﺳﻤﺮ .. ﺍﻱ ﻧﻄﺎﻧﻲ ﻓﻜﺮﻩ ﻛﻤﺎﻝ ﻋﻦ ﺍﻟﻤﻮﺿﻮﻉ . ﺩﺍﺭﺕ ﻭﺟﻬﻬﺎ ﻟﻜﻤﺎﻝ ﻭﻛﺎﻟﺘﻠﻪ ..
ﺍﺷﻮﺍﻕ .. ﻛﻤﺎﻝ ﺍﻧﺘﻪ ﻫﻢ ﺍﺭﻳﺪ ﺣﻈﻮﺭﻙ ﻭﻳﺎﻧﻪ ﻣﻦ ﻧﻮﺩﻱ ﺳﻤﺮ ﻻﻫﻠﻬﺎ ..
ﻛﻤﺎﻝ .. ﻟﻴﺶ ﺑﺸﻨﻮ ﻳﻔﺮﻕ ﻭﺟﻮﺩﻱ ..
ﺍﺷﻮﺍﻕ .. ﻧﻘﻴﺐ ﻭﺍﻟﻚ ﺭﺗﺒﺘﻚ ﻭﻫﻴﺒﺘﻚ .. ﻛﻠﻤﻪ ﺣﺎﺩﻩ ﻣﻨﻚ ﺗﻬﺪﻳﺪ .. ﺗﻨﻄﻲ ﻋﺪﻫﻢ ﺭﺩﺕ ﻓﻌﻞ
ﻛﻤﺎﻝ .. ﺍﻱ ﻋﺎﺩﻱ ﻣﺎﻛﻮ ﺍﺷﻜﺎﻝ .. ﺧﺎﺑﺮﻳﻨﻲ ﻭﺍﻧﻲ ﺍﺳﺘﺄﺫﻥ ﻭﺍﺟﻴﻜﻢ .. ﺍﻫﺎﺍﺍﺍ ﺍﺟﻪ ﻋﻼﺀ ﺍﻟﺴﺎﻳﻖ ﻳﻠﻪ ﺍﻧﻲ ﺍﺗﻮﻛﻞ
ﺍﺷﻮﺍﻕ،، ﻣﻮﻓﻖ .. ﺍﻟﺮﺏ ﻳﺤﺮﺳﻚ .. ﻃﻠﻊ .. ﺍﻧﺪﺍﺭﻳﺖ ﻟﺴﻤﺮ .. ﻳﻠﻪ ﺑﻨﺘﻲ ﺧﻞ ﻧﺘﺮﻳﻚ ﻋﻠﻤﻮﺩ ﻫﻢ ﻳﻠﻪ ﻧﺒﺪﻝ ﻭﻧﺮﻭﺡ ﭐפﮔـﻴﮧ
ﺳﻤﺮ .. ﺍﻧﺸﺎﻟﻠﻪ .. ﺭﺍﺩﺕ ﺗﻜﻮﻡ . ﺗﺴﻮﻱ ﺭﻳﻮﻙ .. ﻛﺘﻠﻬﺎ ﺑﺎﺟﻲ ﺍﻧﻲ ﺍﺳﻮﻱ ..
ﺍﺷﻮﺍﻕ .. ﻻ ﺣﺒﻴﺒﺘﻲ ﺍﻧﺘﻲ ﺗﻌﺒﺎﻧﻪ ﻣﺎ ﺍﺭﻳﺪ ﺍﺗﻌﺒﺞ ..
ﺳﻤﺮ .. ﺍﻧﺘﻲ ﻣﻮ ﺗﻌﺘﺒﺮﻳﻨﻲ ﺑﻨﺘﺞ .. ﻭﺗﻜﻮﻟﻴﻠﻲ ﺍﻟﺒﻴﺖ ﺑﻴﺘﺞ .. ﺧﻠﻴﻨﻲ ﺍﺧﺬ ﺭﺍﺣﺘﻲ ﺍﺑﻴﺘﻲ ﻫﻬﻬﻬﻪ ..
ﺍﺷﻮﺍﻕ .. ﺍﻱ ﻭﺍﻟﻠﻪ ﺑﻴﺘﺞ ﻭﺍﺣﻨﻪ ﺧﻄﺎﺭ .. ﻓﺪﻭﻩ ﻟﻜﻠﺒﺞ ﺑﻨﻴﺘﻲ ..
ﺳﻤﺮ .. ﻛﻤﺖ ﻃﻜﻴﺖ ﺑﻴﻀﺘﻴﻦ ﻋﻴﻦ .. ﻭﺣﻤﻴﺖ ﺍﻟﺠﺎﻱ ﻭﺣﻈﺮﺕ ﺍﻟﻄﺎﻭﻟﻪ ﻛﻌﺪﻧﻪ ﺗﺮﻳﻜﻨﻪ .. ﻛﻤﻠﻨﻪ ..
ﺻﻌﺪﺕ .. ﺗﻼﻛﺖ ﻧﺴﺮﻳﻦ ﺑﻮﺟﻬﻲ .. ﺻﺒﺎﺡ ﺍﻟﺨﻴﺮ .. ﻛﺘﻠﻬﺎ ﺻﺒﺎﺡ ﺍﻟﻨﻮﺭ ..
ﻧﺴﺮﻳﻦ .. ﻫﺎﺍﺍ ﻭﻳﻦ ..
ﺳﻤﺮ .. ﺭﺍﺡ ﺍﺑﺪﻝ ﻭﺍﺭﻭﺡ ﻭﻳﻪ ﺑﺎﺟﻲ ﻋﻠﻤﻮﺩ ﻣﻮﺿﻮﻋﻲ ..
ﻧﺴﺮﻳﻦ .. ﺍﻫﺎﺍ ﻣﻮﻓﻘﻪ .. ﺗﻌﺎﻱ ﺩﺍ ﺍﻧﻄﻴﺞ ﻣﻼﺑﺲ ﻣﻨﻲ ..
ﺳﻤﺮ .. ﻻ ﻋﺎﺩﻱ ﺍﻟﺒﺲ ﻣﺎﻝ ﺍﻟﺒﺎﺭﺣﻪ ..
ﻧﺴﺮﻳﻦ .. ﺗﻌﺎﻱ ﻳﺎ ﻋﻴﻨﻲ ﻗﺎﺑﻞ ﺷﻤﻨﻄﻴﺘﺞ ﻫﻴﻪ ﻣﻼﺑﺲ ..
ﺳﻤﺮ .. ﻳﺴﻠﻤﻮ .. ﺭﺣﺖ ﻭﻳﺎﻫﺎ ﺍﺧﺘﺎﺭﻳﺖ .. ﺑﻨﻄﺮﻭﻥ ﺍﺑﻴﺾ ﻭﺳﺘﺮﻩ ﺻﻔﺮﻩ ﻭﺑﺪﻱ ﺍﺳﻮﺩ .. ﻭﺍﻟﺠﻨﻄﻪ ﻭﻳﺎﻫﻢ ..
ﺍﺧﺬﺗﻬﻢ ﻭﺭﺣﺖ ﺑﺪﻟﺖ .. ﻛﻤﻠﺖ ﻧﺰﻟﺖ ﻟﺒﺎﺟﻲ .. ﻫﻴﻪ ﺟﺎﻧﺖ ﻓﻮﻙ ﺗﺒﺪﻝ .. ﻛﻤﻠﺖ ﻧﺰﻟﺖ ..
ﻃﻠﻌﻨﻪ ﺑﺴﻴﺎﺭﺗﻬﺎ ﻭﺭﺣﻨﻪ .. ﻭﺻﻠﻨﻪ ﻋﺮﻓﺘﻨﻲ ﻋﻠﻰ ﺛﻨﻴﻦ ﺭﻳﺎﺟﻴﻞ ﻭﺑﻘﻮ ﻳﺤﺠﻮﻥ ﻭﻳﺎﻳﻪ ﻭﻳﺴﺄﻟﻮﻧﻲ ﻭﺍﻧﻲ ﺍﺟﺎﻭﺏ ..
ﻭﺳﻮﻟﻔﺘﻠﻬﻢ ﻗﺼﺘﻲ ﺑﻤﺎ ﺟﺮﺕ .. ﺑﺲ ﻣﺠﺒﺖ ﻃﺎﺭﻱ ﺑﻜﺮ ﻭﻣﺸﺎﻋﺮﻩ .. ﻓﻘﻂ ﻣﻌﺎﻧﺎﺗﻲ ﻣﻊ ﻋﺎﺩﻝ ﻭﺍﺣﻤﺪ ..
ﺗﻌﺎﻃﻔﻮ ﻭﻳﺎﻳﻪ .. ﻭﺑﻘﻮ ﻳﺤﺠﻮﻥ ﻭﻳﺎﻳﻪ .. ﻭﻳﺪﻋﻤﻮﻧﻲ ﻭﻳﻘﻮﻭﻧﻲ .. ﺧﺎﺑﺮﺕ ﺑﺎﺟﻲ ﻋﻠﻰ ﻛﻤﺎﻝ ..
ﻛﺎﻟﻠﻬﺎ ﻧﺺ ﺳﺎﻋﻪ ﻭﺍﻧﻲ ﻳﻤﻜﻢ .. ﺍﻧﻲ ﺑﻬﻠﻤﺪﻩ .. ﻃﻠﻌﺖ ﺧﺎﺑﺮﺕ ﺑﻜﺮ .. ﻭﺧﺒﺮﺗﻪ ﺑﺎﻟﻠﻲ ﺻﺎﺭ .. ﻛﺎﻝ ﺗﻤﺎﻡ ..
ﺍﺟﻪ ﻛﻤﺎﻝ .. ﺭﺣﻨﻪ ﺍﻧﻲ ﻭﺑﺎﺟﻲ ﻭﺭﺟﺎﻝ ﺍﺳﻤﻪ ﻣﺆﻳﺪ ﻋﻀﻮ ﺑﻤﻨﻈﻤﺔ ﺣﻘﻮﻕ ﺍﻻﻧﺴﺎﻥ .. ﺑﺴﻴﺎﺭﻩ .
ﻭﻛﻤﺎﻝ ﻭﺍﻟﺴﺎﻳﻖ ﻭﺍﻟﺤﻤﺎﻳﻪ ﻣﺎﻟﺘﻪ ﺑﺴﻴﺎﺭﻩ ﺛﺎﻧﻴﻪ
. ....
ﻭﺻﻠﺖ ﺑﻴﺖ .. ﺍﻫﻠﻲ .. ﻻ ﺍﺭﺩﻳﺎ ﺟﺴﻤﻲ ﺻﺎﺭ ﻳﺮﺟﻒ .. ﻭﺍﻟﻤﻐﺺ ﻟﺰﻡ ﺑﻄﻨﻲ .. ﺧﻠﻴﺖ ﺍﻳﺪﻱ ﻋﻠﻰ ﻛﻠﺒﻲ ..
ﻟﺰﻣﺘﻨﻲ ﺑﺎﺟﻲ .. ﻛﺎﻟﺖ ﻻ ﺗﺨﺎﻓﻴﻦ .. ﻭﺍﺟﻬﻲ ﺑﻘﻮﻩ .. ﻭﺭﻓﻌﻲ ﺻﻮﺗﺞ ﻭﺳﻤﻌﻴﻬﻢ .. ﻭﻭﻗﻔﻲ ﻇﻠﻤﻬﻢ ..
ﺗﺮﻩ ﺍﻟﻈﻠﻢ ﻳﺤﻴﻰ ﺑﺎﻟﺴﻜﻮﺕ .. ﻫﺰﻳﺖ ﺭﺍﺳﻲ ﺍﻱ ..
ﻛﻤﺎﻝ .. ﺷﺤﺪﻫﻢ ﻳﻠﺰﻣﻮﻫﺎ ﺍﺯﻳﻦ ﺷﻮﺍﺭﺑﻬﻢ ﻭﺍﻟﻠﻪ ..
ﺳﻤﺮ .. ﺍﺑﺘﺴﻤﺖ .. ﺑﺨﻮﻑ ﻭﺑﻘﻠﻖ .. ﺩﻛﺖ ﺑﺎﺟﻲ ﺍﻟﺒﺎﺏ ..
ﺍﻧﻲ ﻭﺍﻛﻔﻪ ﺑﺴﺪﻫﺎ .. ﻓﺘﺤﺖ ﺍﻣﻲ ﺍﻟﺒﺎﺏ .. ﺷﺎﻓﺘﻨﻲ ﺻﺮﺧﺖ ﻭﻓﺘﺤﺖ ﺍﺩﻳﻬﺎ ﺳﻤﺮ ﻳﻤﻪ ﺑﻨﻴﺘﻲ ..
ﺭﻛﻀﺖ ﻟﺤﻈﻨﻬﺎ .. ﻣﺎﻣﺎ ﺣﺒﻴﺒﺘﻲ ﻭﺍﺑﺠﻲ .. ﻭﺗﻜﻠﻲ ﻭﺝ ﻳﻤﻪ ﻣﺎ ﺧﻠﻴﻨﻪ ﻻ ﻣﺴﺘﺸﻔﻴﺎﺕ ﻻ ﻣﺮﺍﻛﺰ ﺗﻌﺘﺐ ﻋﻠﻴﻨﻪ ﻭﻳﻦ ﺭﺣﺘﻲ ﻳﻤﻪ ..
ﺳﻠﻤﺖ ﻋﻠﻴﻬﺎ ﺑﺎﺟﻲ .. ﻭﺧﺮﺕ ﺍﻣﻲ ﻭﺭﺩﺕ ﺍﻟﺴﻼﻡ ..
ﺍﺷﻮﺍﻕ .. ﻧﺤﺠﻲ ﻋﻠﺒﺎﺏ ﻟﻮ ﻧﻔﻮﺕ ..
ﺍﻣﻲ .. ﻻ ﺍﺳﺘﻐﻔﺮ ﺍﻟﻠﻪ ﺗﻔﻀﻠﻮ ..
ﺳﻤﺮ .. ﺩﻧﻔﻮﺕ .. ﻭﻃﻠﻊ ﺍﺣﻤﺪ .. ﻭﺻﺮﺥ ﺑﻮﺟﻬﻲ . ﺳﺎﻗﻄﻪ ﺍﺟﻴﺘﻲ .. ﺍﻟﻪ ﺍﺫﺑﺤﺞ ﺍﻟﻴﻮﻡ ﻛﻠﺒﻪ ..
ﻭﻫﺪ ﻋﻠﻴﻪ ﺭﺍﺩ ﻳﻀﺮﺑﻨﻲ .. ﻭﻛﻒ ﻛﻤﺎﻝ ..
ﻛﻤﺎﻝ .. ﻫﻮﺏ ﻫﻮﻭﺏ ﺗﺎﻳﻬﺘﻠﻚ ﻭﺗﻬﺪ ﻋﻠﻴﻬﺎ ..
ﺍﺣﻤﺪ .. ﺩﻓﻌﺘﻪ ﻗﻮﻱ .. ﻭﺍﻧﺘﻪ ﻣﻨﻮ ﻭﺩﺍﺧﻞ ﺑﻴﺘﻲ .. ﺍﻃﻠﻊ ﺑﺮﺍ ﻳﻠﻪ ﺑﺮﺍﺍ ..
ﻛﻤﺎﻝ . ﺍﺣﺘﺮﺍﻡ ﻧﻔﺴﻚ ﻟﻚ .. ﻃﻠﻊ ﺍﻟﺒﺎﺝ ﻣﺎﻟﺘﻪ ﻛﺪﺍﻣﻚ ﻧﻘﻴﺐ ﻛﻤﺎﻝ ﺍﻣﺮ ﻓﻮﺝ .. ﻛﻠﻤﻪ ﺯﺍﻳﺪﻩ ﺍﺷﻤﺮﻙ ﺳﺠﻦ ﺳﻨﻪ ﻣﺎ ﺗﻄﻠﻊ ..
ﺍﺣﻤﺪ .. ﺧﺎﺏ ﺩﺭﻭﻭﻭﺡ ﻳﺬﺑﻨﻲ ﺳﺠﻦ ﺍﻃﻠﻊ ﻣﻦ ﺑﻴﺘﻲ ﺍﻃﻠﻊ .. ﻭﻫﺎﻱ ﺣﺴﺎﺑﻬﺎ ﻳﻤﻲ ..
ﺳﻤﺮ،، ﺭﺍﺩ ﻳﻬﺪ ﻋﻠﻴﻪ،، ﻟﺰﻣﻪ ﻛﻤﺎﻝ ﺑﻮﻛﺴﻴﺎﺕ ﻭﺗﻌﺎﺭﻙ ﻫﻮﻩ ﻭﺍﺣﻤﺪ .. ﺩﺧﻠﻮ ﺍﻟﺤﻤﺎﻳﻪ ﻣﺎﻝ ﻛﻤﺎﻝ ﺧﺬﻭﻩ ..
ﺷﺎﻟﻮ ﺍﺣﻤﺪ ﻭﻫﻮﻩ ﻳﺼﻴﺢ ﺳﻤﺮ ﻭﺍﻟﻠﻪ ﺍﺫﺑﺤﺞ .. ﺳﻤﺮ ﺍﺷﺮﺏ ﻣﻦ ﺩﻣﺞ .. ﻭﻟﺞ ﺍﻧﻲ ﻋﺎﺭ ﻟﻮ ﻣﺎ ﻃﻤﻴﺘﺞ ..
ﺑﻘﺖ ﺩﻣﻮﻋﻲ .. ﺗﺠﺮﻱ .. ﺍﻣﻲ ﻣﻦ ﺷﺎﻟﻮ ﺍﺣﻤﺪ ﻭﺍﺧﺬﻭﻩ .. ﺑﻘﺖ ﺗﺼﺮﺥ ﺍﺑﻨﻲ ﻋﻮﻓﻮ ﺍﺑﻨﻲ ..
ﻭﺗﺘﻌﺎﺭﻙ ﻭﻳﺎﻫﻢ ﺷﺮﺍﻳﺪﻳﻦ ﻣﻦ ﻋﺪﻧﻪ ﺍﻧﺘﻮ ﺍﻣﺸﻮ ﻣﺎﻟﻜﻢ ﺷﻐﻞ ﺑﺴﻤﺮ ﺍﺣﻨﻪ ﻧﺤﻞ ﻣﺸﺎﻛﻠﻨﻪ ﺍﻣﺸﻮﻭﻭ ﻋﻮﻓﻮ ﺍﺑﻨﻲ ..
ﺍﺷﻮﺍﻕ .. ﺍﻡ ﺳﻤﺮ ﻋﻴﻨﻲ .. ﺍﺣﻨﻪ ﻣﻮ ﻧﺎﻭﻳﻦ ﻧﻌﺘﻘﻞ ﺍﺑﻨﺞ ﻭﻻ ﺟﺎﻱ ﻧﻬﺪﺩﻛﻢ ..
ﺍﺣﻨﻪ ﻣﻦ ﻣﻨﻈﻤﺔ ﺣﻘﻮﻕ ﺍﻻﻧﺴﺎﻥ .. ﻭﺍﻟﻤﻨﻈﻤﻪ ﺍﺗﺒﻨﺖ ﻗﻀﻴﺔ ﺳﻤﺮ ..
ﺳﻤﺮ ﻟﻮ ﺗﻌﺮﺿﺖ ﻟﻠﻀﺮﺏ ﺍﻭ ﺗﺄﺫﺓ ﺭﺍﺡ ﻳﻌﺎﻗﺐ ﻛﻞ ﺷﺨﺺ ﻳﺄﺫﻳﻬﺎ ﺑﺎﻟﻘﺎﻧﻮﻥ .. ﻭﻫﺬﺍ ﺍﻟﻨﻘﻴﺐ ﻛﻤﺎﻝ ﻭﺍﻻﺳﺘﺎﺫ ﻣﺆﻳﺪ ﺷﺎﻫﺪﻳﻦ ﻋﻠﻰ ﺗﻬﺠﻢ . ﺍﺧﻮﻫﺎ ﻭﻣﺤﺎﻭﻟﺖ ﻗﺘﻠﻬﺎ ﻛﺪﺍﻣﻨﻪ ..
ﺍﻣﻲ .. ﺷﺘﺮﺩﻭﻥ ﺍﻧﻄﻴﻜﻢ ﺑﺲ ﻋﻮﻓﻮ ﺍﺑﻨﻲ .. ﻭﻟﺞ ﺳﻤﺮ ﻧﺎﻭﻳﻪ ﺗﻬﺠﻤﻴﻦ ﺑﻴﺘﻲ .. ﺍﺣﺠﻴﻴﻴﻲ ..
ﺳﻤﺮ .. ﺑﺎﺟﻲ ﻓﺪﻭﻩ ﻋﻮﻓﻮﻩ ﺍﻋﺮﻑ ﺍﻧﻲ ﺭﺍﺡ ﺍﻧﻜﺘﻞ .. ﻣﺎ ﺍﺭﻳﺪ ﺍﻭﺭﻃﻜﻢ ..
ﺍﺷﻮﺍﻕ .. ﺳﻤﺮ ﺗﻬﺪﻱ ﻭﻗﻮﻱ ﻧﻔﺴﺞ .. ﺍﻟﺘﻔﺘﺖ ﻟﻜﻤﺎﻝ .. ﻛﺘﻠﻪ ﺍﺗﺮﻛﻪ .. ﻭﻫﺪﺩﻩ ﻟﻮ ﺳﻮﻩ ﺷﻲ ﺗﺎﺧﺬﻭﻩ ..
ﺭﺍﺡ ﻛﻤﺎﻝ ﺷﻮﻱ ﻭﺍﺟﻪ ﺟﺎﻳﺒﻪ ﻭﺍﻟﺤﻤﺎﻳﻪ ﻭﺭﺍﻩ .. ﻭﺍﺣﻤﺪ ﺑﺪﻩ ﻳﺎﻛﻠﻨﻲ ﻭﻫﻮﻩ ﻭﺍﻛﻒ ..
.....
ﺩﺧﻠﻮ ﺟﻮﻩ ﻛﻌﺪﻭ ﺑﺎﻟﺼﺎﻟﻪ .. ﺑﺎﺑﺎ ﺟﺎﻥ ﻧﺎﻳﻢ ﺟﻮﻩ .. ﻣﻦ ﺳﺎﻣﻊ ﺑﺎﻟﺼﻴﺎﺡ .. ﻣﺨﻠﻲ ﻧﺠﻮﻯ ﺗﺸﻴﻠﻪ ﻋﻠﻰ ﻛﺮﺳﻲ ﻣﺘﺤﺮﻙ ..
ﻭﺍﺟﻪ .. ﺷﺎﻓﻨﻲ ﺩﺍﺭ ﻭﺟﻬﺎ ﻣﻨﻲ .. ﻭﻳﺤﺠﻲ ﻭﻱ ﺍﻣﻲ ﻭﺍﻟﺴﺎﻧﻪ ﺛﻜﻴﻞ ﺷﻔﺘﻪ ﺑﻬﻠﻮﺿﻊ ﺍﻧﻬﺎﺭﻳﺖ ..
ﻛﻤﺖ ﺍﺑﺠﻲ .. ﺍﺟﺖ ﻧﺠﻮﻯ ﺣﻈﻨﺘﻨﻲ ﺣﻴﻞ ﻭﺗﺒﺠﻲ ﻭﺗﻜﻮﻟﻲ ﺳﻤﻮﺭﻩ ﻭﺍﻟﻠﻪ ﺧﻔﺖ ﺻﺎﻳﺮ ﻋﻠﻴﺞ ﺷﻲ ..
ﻭﺍﻟﻠﻪ ﺭﺩﺕ ﺍﺟﻦ ﺑﻐﻴﺎﺑﺞ .. ﻋﺒﺎﻟﻲ ﺍﻧﺘﺤﺮﺗﻲ . ﺑﻮﺳﺘﻬﺎ ﻭﻛﺘﻠﻬﺎ ﺍﻟﻠﻪ ﻣﻮﺟﻮﺩ ﻣﺎ ﺗﺎﺭﻛﻨﻲ ..
ﺩﻧﺤﺠﻲ ﻭﻃﺐ ﻋﺎﺩﻝ ﻟﺰﻣﻨﻲ ﻣﻦ ﺭﺍﺳﻲ .. ﻭﺿﺮﺑﻨﻲ ﺑﻮﻛﺲ ﻋﻠﻰ ﺣﻠﻜﻲ ﺿﻞ ﻳﺠﺮﻱ ﺩﻡ ﻭﻫﻢ ﻓﻮﻛﺎﻱ
ﻭﻳﺼﺮﺥ ﺳﺎﻗﻄﻪ ﺑﻨﺖ ﺍﻟﻜﻠﺐ ﺗﺮﺩﻳﻦ ﺗﻔﻈﺤﻴﻨﻲ ﺗﺸﺮﺩﻥ ﻣﻦ ﺑﻴﺘﻲ .. ﺗﺮﺩﻳﻦ ﺗﺠﻴﺒﻴﻠﻲ ﺍﻟﻌﺮ .. ﻭﻟﺞ ﺍﺣﻨﻪ ﻋﺎﺭ ﺍﺫﺍ ﻣﺎ ﻛﺘﻠﻨﺎﺝ .. ﺑﻘﺖ ﻧﺠﻮﻯ ﻭﺍﻣﻲ ﻳﺪﻓﻌﻮﻧﻲ ﺑﻴﻪ ﻭﺍﻧﻲ ﺍﺻﺮﺥ ﻭﻫﻮﻩ ﻳﻀﺮﺏ
ﻟﺤﺪ ﻣﺎ ﻟﺰﻣﻪ ﻛﻤﺎﻝ ﻭﺩﻓﻊ ﻟﻠﺤﺎﻳﻂ ﻭﺟﺮﺗﻨﻲ ﺑﺎﺟﻲ ﺍﺷﻮﺍﻕ ﻭﺭﺍﻫﺎ ﻭﺍﻧﻲ ﺍﺑﺠﻲ ﻭﺍﻣﺴﺢ ﺍﻟﺪﻡ ﻣﻦ ﺣﻠﻜﻲ
ﻭﺍﺻﻴﺢ .. ﺍﻟﻠﻪ ﻻ ﻳﻨﻄﻴﻚ ﻳﺎ ﻛﻠﺐ ﻳﺎ ﺣﻘﻴﺮ .. ﻣﺎ ﻛﻔﺎﻛﻢ ﺍﺧﺬﺗﻮ ﺣﺘﻰ ﻃﻔﻠﻲ ﺍﻟﺒﻄﻨﻲ .. ﺷﺎﺭﻳﺪ ﻣﻨﻲ ﺑﻌﺪ ﺷﺮﺍﻳﺪ ﻫﻴﻪ ﺑﺲ ﺭﻭﺣﻲ ﺑﻘﺖ ﺍﺧﺬﻭﻫﺎ ﻭﺧﻠﺼﻮﻧﻲ ..
ﺍﻧﻲ ﺍﺻﻴﺢ ﻭﻫﻮﻩ ﻳﺼﻴﺢ ﻭﻳﻐﻠﻂ ﻭﻳﻜﻮﻝ ﺍﺷﺮﺏ ﻣﻦ ﺩﻣﺞ ﻭﺍﻟﻠﻪ ﻭﻻﺯﻣﻪ ﺍﺑﻮﻩ ﻭﺍﺑﻦ ﻋﻤﻪ ﺻﻼﺡ ..
ﻛﻤﺎﻝ .. ﻟﻚ ﺍﻧﺘﻪ ﺻﺎﻳﺮ ﺭﺟﺎﻝ ﻭﺗﺘﻘﻮﻩ ﻋﻠﻰ ﻣﺮﻩ .. ﺗﻔﻮﻭ 💦 ﻋﻠﻤﺮﺍﺟﻞ ﺍﻟﻠﻲ ﺗﺴﺘﻘﻮﻱ ﻋﻠﻨﺴﻮﺍﻥ ..
ﻋﺎﺩﻝ .. ﺍﻧﺘﻪ ﻣﻨﻮ ﻭﺍﺩﺍﻓﻌﻠﻬﺎ ﺍﺑﻦ ﺍﻟﻜﻠﺐ .. ﺻﺎﺣﺒﻬﺎ .. ﺍﻛﻴﺪ ﻻﻋﺒﻪ ﻭﻳﺎﻙ ﺍﻝ ****** .. ﻭﺟﺎﻱ ﺍﺩﺍﻓﻌﻠﻬﺎ .. ﻭﺑﻘﻰ ﻳﺘﻀﺎﺭﺏ ﻭﻳﻪ ﻛﻤﺎﻝ
ﺳﻤﺮ .. ﻋﺎﺩﻝ ﻳﺼﻴﺢ ﻭﻛﻤﺎﻝ ﻳﺼﻴﺢ ﻭﻳﺒﻮﻭ ﺍﻟﻬﻮﺳﻪ ﻣﺎ ﺗﻌﺮﻑ ﻣﻨﻴﻦ ﻭﺍﺣﻤﺪ ﻻﺯﻣﻴﻨﻪ ﺍﻟﺤﻤﺎﻳﻪ ﺑﺎﻟﺼﺎﻟﻪ ..
ﻳﺎﻓﻀﻴﺤﺘﺞ ﻳﺎ ﺳﻤﺮ ﻣﻨﻴﻦ ﻣﺎ ﺍﺧﻠﻴﻬﺎ ﺳﻮﺩﻩ ﻣﺼﺨﻤﻪ ..
ﻭﻫﻤﻪ ﻳﺘﻌﺎﺭﻛﻮﻥ .. ﺍﺩﺧﻞ ﺍﻻﺳﺘﺎﺫ ﻣﺆﻳﺪ ..
ﻣﺆﻳﺪ .. ﺗﺮﻩ ﻫﺬﻱ ﻣﻮ ﺣﺎﻟﻪ .. ﺷﻨﻮ ﻫﻠﺘﻬﺠﻢ ﻋﻠﻰ ﻫﻠﺒﻨﺖ ﺍﻟﻤﺴﺘﻀﻌﻔﻪ ..
ﻓﻌﻼ ﻃﻠﻌﺖ ﻣﻀﻄﻬﺪﻩ ﻣﻦ ﻗﺒﻞ ﺍﻗﺮﺏ ﺍﻟﻨﺎﺱ ﺍﻟﻬﺎ .. ﺑﺎﻓﻌﺎﻟﻜﻢ . ﻫﺎﻱ ﻋﺒﺎﻟﻜﻢ ﻣﺎ ﺗﺘﺤﺎﺳﺒﻮﻥ ..
ﻫﺬﻩ ﺍﻧﺴﺎﻥ ﻭﺍﺫﻳﺘﻬﺎ ﺭﺍﺡ ﻳﻌﺎﻗﺒﻜﻢ ﻋﻠﻴﻬﺎﺭﺍﻟﻘﺎﻧﻮﻥ ﻭﺍﻧﻲ ﻭﺍﻟﻨﻘﻴﺐ ﻭﺍﺍﻻﺳﺘﺎﺫﻩ ﺍﺷﻮﺍﻕ ﻧﺸﻬﺪ ﻋﻠﻰ ﺍﻟﻀﺮﺏ ﻭﺍﻟﺘﻬﺠﻢ ﺍﻟﻠﻲ ﺗﻌﺮﺿﺘﻠﻪ ﺍﻟﺒﻨﺖ ﺳﻤﺮ ..
ﺧﻠﻴﻞ .. ﻗﺎﻧﻮﻧﻴﺶ ﻫﺬﺍ ﻳﺎﺑﻪ .. ﺍﻟﻘﺎﻧﻮﻥ ﻣﺎ ﺍﻟﻪ ﺩﺧﻞ ﺑﻴﻨﻪ .. ﺑﺘﻨﻪ ﺷﺮﺩﺕ ﻣﻦ ﺑﻴﺘﻨﻪ ﻭﻧﺮﻳﺪ ﻧﺮﺑﻴﻬﺎ ..
ﺍﺣﻨﻪ ﻧﺎﺱ ﻭﻟﺪ ﻋﺸﺎﻳﺮ .. ﺷﻨﻮ ﺗﺎﻟﻴﺘﻨﻪ ﻧﺴﻮﺍﻧﻪ ﺗﺸﺮﺩ ﻣﻦ ﺑﻴﻮﺗﻨﻪ .. ﻭﻣﺎ ﻧﺪﺭﻱ ﻭﻳﻦ ﺗﻬﺮﻡ ﻭﺗﻠﻌﺐ .. ﻭﻣﻦ ﻧﺮﻳﺪ ﻧﺤﺎﺳﺒﻬﺎ ﻳﻮﻛﻔﻠﻨﻪ ﺍﻟﻘﺎﻧﻮﻥ ..
ﻣﺆﻳﺪ .. ﺗﺤﺎﺳﺐ ﺑﻨﺖ ﻣﺎ ﻏﻠﻄﺖ .. ﻣﻴﺠﻮﺯﻟﻚ ﻭﻻ ﻳﺠﻮﺯ ﻻﻱ ﻋﺸﻴﺮﻩ ﻛﺎﻧﺖ .. ﻟﻮ ﻣﺎﺳﻜﻬﺎ ﺑﻔﻌﻞ ﺣﺮﺍﻡ ﺟﺎﻥ ﺍﻟﻘﺎﻧﻮﻥ ﺍﻋﻄﺎﻛﻢ ﺍﻟﺤﻖ . .
ﺑﺲ ﺍﻟﺒﻨﺖ ﻋﺪﻫﺎ ﺷﻬﻮﺩ ﺍﻥ ﻫﻲ ﻛﺎﻧﺖ ﻣﺮﻳﻀﻪ ﻭﺗﺘﻌﺎﻟﺞ ﻭﻣﻜﺎﻧﺖ ﺑﻐﻴﺮ ﻭﺿﻊ ..
ﻭﺍﻟﻨﻘﻴﺐ ﻛﻤﺎﻝ ﻳﺸﻬﺪ ﻫﻮﻩ ﻭﺣﻤﺎﻳﺘﻪ ﻭﺍﻓﺮﺍﺩ ﺳﻴﻄﺮﺓ ﺍﻻﺳﻜﺎﻥ ﺍﻥ ﺳﻤﺮ ﺟﺎﻧﺖ ﻃﺎﻟﻌﻪ ﻓﺠﺮ ﺍﻟﺴﺎﻋﻪ 4 ﻭﻋﺸﺮﻩ ﺗﺤﺪﻳﺪﺍ
...
ﻭﺟﺎﻧﺖ ﺑﺤﺎﻟﻪ ﻳﺮﺛﻰ ﺧﺎﺭﺟﻪ ﻣﻦ ﻋﻤﻠﻴﻪ ﺟﺮﺍﺣﻴﻪ ﺑﻴﻮﻣﻬﺎ ﻭﺍﻏﻤﻰ ﻋﻠﻴﻬﺎ .. ﻭﺗﻢ ﻧﻘﻠﻬﺎ ﻟﻠﻤﺴﺘﺸﻔﻰ ﻭﻣﻌﺎﻟﺠﺘﻬﺎ
ﻭﺍﻛﻮ ﺗﻘﺎﺭﻳﺮ ﻣﺸﺘﺸﻔﻰ ﻭﻛﻼﻡ ﺩﻛﺘﻮﺭ ﻳﺜﺒﺖ ﻫﺬﺍ ﺍﻟﺸﻲ ﻭﺍﻥ ﻫﻲ ﻛﺎﻧﺖ ﺗﻌﺎﻟﺞ ﻣﺎ ﻛﺎﻧﺖ ﺑﻐﻴﺮ ﻣﻜﺎﻥ ..
ﻓﺎﻱ ﻋﺸﻴﺮﻩ ﻭﺍﻱ ﺗﻘﺎﻟﻴﺪ ﺗﺤﻜﻢ ﻋﻠﻰ ﺑﻨﺖ ﺑﺎﻟﻘﺘﻞ ﻭﻫﻴﻪ ﻣﺎ ﺍﺫﻧﺒﺖ .. ﺍﺣﻨﻪ ﻣﻮ ﺑﻐﺎﺑﻪ ﻭﺍﻟﻘﺎﻧﻮﻥ ﻭﻣﻨﻈﻤﺎﺕ ﺣﻘﻮﻕ ﺍﻻﻧﺴﺎﻥ ﻭﺟﺪﺕ ..
ﻟﻨﺼﺮﺓ ﻫﻜﺬﺍ ﺍﻧﺎﺱ ﻣﻀﻄﻬﺪﻳﻦ .. ﻭﺍﻛﻮﻟﻬﺎ ﻛﺪﺍﻣﻜﻢ .. ﺳﻤﺮ ﺑﺎﻟﻐﻪ ﻭﻗﻀﻴﺘﻬﺎ ﺍﻧﺮﻓﻌﺖ ﻭﺍﻧﻲ ﻭﺍﻟﺴﺖ ﺍﺷﻮﺍﻕ ﻭﺍﻟﻨﻘﻴﺐ ﻛﻤﺎﻝ
ﺷﺎﻫﺪﻳﻦ ﻋﻠﻰ ﺗﻌﺮﺿﻜﻢ ﺍﻟﻬﺎ ﻭﺿﺮﺑﻜﻢ ﻭﺍﺭﺍﻗﺖ ﺩﻣﻬﺎ .. ﻭﻗﺎﺩﺭﻳﻦ ﻫﺴﻪ ﻧﺎﺧﺬ ﺯﻭﺟﻬﺎ ﻭﺍﺧﻮﻫﺎ ﻭﻧﺤﻜﻤﻬﻢ ..
ﺑﺲ ﺍﺣﻨﻪ ﻣﺎ ﻧﺮﻳﺪ ﻧﻌﻘﺪ ﺍﻻﻣﺮ .. ﻭﺧﺎﻃﺐ ﺑﺎﻟﺘﻲ ﻫﻲ ﺍﺣﺴﻦ .. ﺭﺍﺡ ﻧﺠﻲ ﺑﺎﻟﺤﺴﻨﻰ .. ﻟﻮ ﺷﻔﻨﻪ ﺍﻟﺤﺴﻨﻰ ﻣﺎ ﻓﺎﺩﺕ .. ﺫﺍﻙ ﺍﻟﻮﻗﺖ ﺭﺍﺡ ﻧﺘﺼﺮﻑ ﻗﺎﻧﻮﻧﻴﺎ ﺿﺪﻛﻢ ..
ﺳﻤﺮ .. ﺑﻘﻮ ﻳﺠﺎﺩﻟﻮﻥ ﻭﻳﺤﺠﻮﻥ ﻭﻋﺎﺩﻝ ﻳﺤﺠﺲ ﻭﻳﻔﺸﺮ ﺑﺼﻔﺤﻪ ﻭﻛﻤﺎﻝ ﻳﺮﺩ ﻋﻠﻴﻪ ﻭﻋﻤﻮ ﺧﻠﻴﻞ ﻳﺤﺠﻲ ﻭﺍﻻﺳﺘﺎﺫ ﻣﺆﻳﺪ ﻳﺮﺩﻩ ..
ﻭﺍﺻﻮﺍﺗﻬﻢ ﺿﺨﻤﻪ ﺗﻌﺎﻟﺖ ﺑﺎﻟﺒﻴﺖ .. ﺑﻬﻼﺛﻨﺎﺀ ﺍﺑﻮﻱ ﻳﺤﺎﻭﻝ ﻳﺤﺠﻲ ﺑﺲ ﺻﻮﺗﻪ ﻛﻮﻩ ﻳﻄﻠﻊ ..
ﻣﺎ ﺗﺤﻤﻞ ﻭﺗﺨﺮﺑﻂ .. ﺿﺠﻮ ﺑﻴﻪ .. ﻭﺍﺧﺬﻩ ﺍﺣﻤﺪ ﻭﺧﻼﻩ ﺑﺎﻟﺴﻴﺎﺭﻩ ﻭﺭﻛﺾ ﺑﻴﻪ ﻭﺍﻣﻲ ﺗﻠﻄﻢ ﻋﻠﻰ ﺧﺪﻫﺎ ﻭﺗﺪﻋﻲ ﻋﻠﻴﻪ
ﻋﺰﺍ ﺍﻟﻌﺰﺍﺝ ﺳﻤﺮ .. ﺭﺍﺡ ﺗﺬﺑﺤﻴﻦ ﺍﺑﻮﺝ .. ﺭﺍﺡ ﺗﻤﻮﺗﻴﻪ ﻣﻦ ﻭﺭﻩ ﻣﺼﺎﻳﺒﺞ .. ﺑﻘﺖ ﺑﺎﺟﻲ ﺍﺷﻮﺍﻕ ﺗﻬﺪﻱ ﺑﻴﻬﺎ ﻭﺗﺤﺠﻲ ﻭﻳﺎﻫﺎ ..
ﻭﺍﻧﻲ ﻭﻧﺠﻮﻯ ﻭﺍﻛﻔﺎﺕ ﻳﻢ ﺍﻟﺪﺭﺝ ﻭﻧﺒﺠﻲ .. ﺍﻧﻮﺏ ﺩﺧﻞ ﺍﺳﺘﺎﺫ ﻣﺆﻳﺪ ﻭﻋﻤﻮ ﺧﻠﻴﻞ ﻭﻋﺎﺩﻝ ﻭﺍﺑﻦ ﻋﻤﻪ ﺻﺎﺣﻮﻧﻲ ..
ﺍﺟﻴﺖ ﻛﻌﺪﺕ ﺑﺎﻟﺼﺎﻟﻪ ﺣﺠﻪ ﻭﺑﺎﻳﻪ ﺍﺳﺘﺎﺫ ﻣﺆﻳﺪ .. ﻛﺎﻝ ﺑﻨﺘﻲ ﻫﺎﻱ ﺍﺣﻨﻪ ﻫﻨﺎ ﻛﺎﻋﺪﻳﻦ ﻟﻨﺤﻞ ﻣﻮﺿﻮﻋﺞ ..
ﺷﻨﻮ ﺍﻟﻠﻲ ﺗﺮﺩﻳﻪ .. ﻛﺘﻠﻬﻢ ﻣﺎ ﺍﺭﻳﺪ ﺷﻲ ﻏﻴﺮ ﻃﻼﻗﻲ ﻣﻦ ﻋﺎﺩﻝ ..
ﺻﺮﺥ ﻋﺎﺩﻝ .. ﻭﺍﻟﻴﻜﻮﻝ ﺍﻧﻲ ﻣﻴﺖ ﻋﻠﻰ ﺷﻜﻮﻟﺞ ﺑﻨﺖ ﺍﻟﻜﻠﺐ .. ﻭﻟﺞ ﺍﻧﺘﻲ ﺧﻠﺞ ﻛﺢ .. ﺷﻤﺮﻭﺝ ﻋﻠﻰ ﻛﻠﺒﻲ ﻭﺧﻠﻮﻧﻲ ﺍﺳﺘﺮ ﻋﻠﻴﺞ ..
ﻛﺎﻋﺪﻩ ﺑﻨﺺ ﺑﻴﺘﻲ ﻭﺗﻌﺸﻚ ﺍﺧﻮﻱ ﺷﺎﻳﻔﻴﻦ ﻫﻴﺞ ﺳﺎﻣﻌﻴﻦ ﺑﻴﻬﺎ ﻗﺒﻞ ﻣﺮﻩ ﺗﻌﺸﻚ ﺍﺧﻮ ﺭﺟﻠﻬﺎ ..
ﻭﻟﺞ ﻣﻮ ﺯﻳﻦ ﺍﻧﻲ ﺻﺎﺑﺮ ﻋﻠﻰ ﺧﻴﺎﺳﺎﺗﺞ .. ﻟﻮ ﻣﺎ ﺍﻣﻲ ﻣﻦ ﺯﻣﺎﺍﺍﻥ ﺍﻧﻲ ﺷﺎﻣﺮﺝ ﻭﺧﻞ ﻳﻜﻮﻥ ﺑﻌﻠﻤﺞ ﻳﺤﻘﻠﻲ ﺍﺧﻠﻲ ﻃﻠﻘﻪ ﺑﺮﺍﺳﺞ ﻭﺍﻛﺘﻠﺞ ..
ﻣﺆﻳﺪ .. ﻟﺤﻈﻪ ﻟﺤﻈﻪ ﻻ ﺗﺎﺧﺬﻧﻪ ﺑﺼﻴﺎﺣﻚ ﺍﺑﻨﻲ .. ﺗﺘﻬﻢ ﺯﻭﺟﺘﻚ ﺑﻌﻼﻗﻪ ﻏﻴﺮ ﺷﺮﻋﻴﻪ ﻣﻊ ﺍﺧﻮﻙ .. ﻫﺬﻩ ﺗﻬﻤﻪ ﺧﻄﻴﺮﻩ .. ﻋﻨﺪﻙ ﺩﻟﻴﻞ ﻳﺜﺒﺖ ﻫﻠﺸﻲ ..
ﻋﺎﺩﻝ .. ﻛﻠﻬﺎ ﺗﺪﺭﻱ ﺍﻟﺴﺎﻗﻂ ﺍﻟﻤﺎﺧﺬ ﺩﻭﺭ ﺍﻟﻌﺎﺷﻖ ﺍﻟﻮﻟﻬﺎﻥ ﺷﻨﻮ ﻣﺸﺎﻋﺮﻩ ﺍﺗﺠﺎﻫﺎ ..
ﺳﻤﺮ .. ﺍﺫﺍ ﺗﻌﺮﻑ ﺑﻤﺸﺎﻋﺮﻩ ﻭﺑﻜﺮ ﻋﻨﺪﻩ ﻫﻴﺞ ﻣﺸﺎﻋﺮ ﻭﺍﻧﺘﻪ ﺗﺪﺭﻱ ﺑﻴﻬﺎ ﻭﺳﺎﻛﺖ ﺍﺫﻥ ﺍﻧﺘﻪ ﻣﻮ ﺭﺟﺎﻝ ﻭﻓﺪ ﻭﺍﺣﺪ ﻣﻜﺮﻥ
ﻭﻗﺎﺑﻞ ﺗﺨﻠﻴﻨﻲ ﻋﻠﻰ ﺫﻣﺘﻚ ﻭﺍﻧﺘﻪ ﺗﻌﺮﻑ ﻣﺮﺗﻚ ﻋﺪﻫﺎ ﻋﻼﻗﻪ ﻭﻳﻪ ﺍﺧﻮﻙ .. ﻛﺎﻡ ﻳﻐﻠﻂ ﻭﻳﻔﺸﺮ ﺑﺼﻴﺎﺡ ..
ﻛﻌﺪﻭﻩ . ﻛﺎﻟﻮ ﺳﻤﺮ ﺍﻛﻮ ﻫﻴﺞ ﺷﻲ ﺑﻴﻨﺞ ﻭﺑﻴﻦ ﺍﺧﻮﻩ ﺗﻮﺟﺪ ﻫﻜﺬﺍ ﻋﻼﻗﻪ ..
ﻛﺘﻠﻬﻢ ﺍﺑﺪﺍ .. ﺑﻜﺮ ﺭﺟﻞ ﻭﻛﻔﻠﻲ ﻭﻛﻔﺔ ﺍﺥ .. ﻭﻫﺬﺍ ﺍﻟﻜﺪﺍﻣﻚ ﺍﻟﻴﻜﻮﻝ ﺳﺘﺮﺕ ﻋﻠﻴﻬﺎ .. ﻣﺎ ﺳﺘﺮ ﻋﻠﻴﻪ .
.
ﻭﺍﻧﻤﺎ ﺗﻔﺎﻭﺽ ﻭﻳﻪ ﺍﺧﻮﻩ ﻋﻠﻴﻪ ﻭﺑﺎﻋﻨﻲ ﺍﻟﻪ ﺏ 10 ﻣﻼﻳﻴﻦ .. ﺍﻛﻮ ﺭﺟﺎﻝ ﻳﺒﻴﻊ ﻣﺮﺗﻪ ﻻﺧﻮﻩ ﺑﻔﻠﻮﺱ ..
ﻋﺎﺩﻝ .. ﻭﻟﺞ ﺑﻨﺖ ﺍﻟﻜﻠﺐ ﺍﻧﻲ ﺑﺎﻳﻌﺞ ﺑﻨﺖ *****
ﺳﻤﺮ .. ﺍﻱ ﺑﻌﺘﻨﻲ ﻭﺍﻟﻜﻞ ﻳﺸﻬﺪ . ﻭﺭﻩ ﺯﻭﺍﺟﻚ ﺍﻧﺘﻪ ﺍﻟﻤﺼﺮﻑ ﺗﺎﺧﺬﻩ ﻣﻦ ﺑﻜﺮ ﻭﻣﺎ ﻋﻨﺪﻙ ﺍﻱ ﻭﺿﻴﻔﻪ ﻣﻨﻴﻦ ﺟﺒﺖ ﻓﻠﻮﺱ ﺍﻟﻤﻬﺮ ﻭﺍﻟﺰﻭﺍﺝ ﻟﻤﺎ ﺍﺗﺰﻭﺟﺖ ..
ﺟﻴﺒﻮ ﺑﻜﺮ ﻭﻫﻮﻩ ﻳﺸﻬﺪ ﺍﺧﺬ ﻣﻦ ﻋﻨﺪﻩ 10 ﻣﻼﻳﻴﻦ ﻓﻲ ﺳﺒﻴﻞ ﻣﺎ ﻳﻨﻄﻴﻨﻲ ﻻﺧﻮﻱ ﻭﻳﺬﺑﺤﻨﻲ ﻭﻳﺴﺘﺮ ﻋﻠﻴﻪ .. ﻭﺍﻧﻲ ﺍﺻﻼ ﻻﻏﻠﻄﺎﻧﻪ ﻭﻱ ﺍﺣﺪ ﻭﻻ ﺍﺑﺪ . ﻭﻫﻮﻩ ﻛﻮﻟﺶ ﺯﻳﻦ ﻳﻌﺮﻑ ﻫﻠﺸﻲ .
ﻭﻛﺎﻝ ﻟﺒﻜﺮ ﺍﻧﻄﻴﻨﻲ ﺍﻟﻔﻠﻮﺱ ﻭﺍﻧﺘﻪ ﺷﻴﻞ ﻣﺴﺆﻟﻴﺘﻬﺎ .. ﻭﻋﺸﺖ ﻋﻤﺮﻱ ﻛﻠﻪ ﻋﻠﻰ ﺑﻜﺮ ﺍﻟﺮﺑﻊ ﺩﻳﻨﺎﺭ ﺍﺧﺬﻩ ﻣﻦ ﺑﻜﺮ ..
ﻣﺎ ﻛﻠﻒ ﻧﻔﺴﻪ ﻓﺪ ﻳﻮﻡ ﻭﺻﺮﻑ ﻋﻠﻴﻪ .. ﺣﺘﻰ ﺗﻮﺻﻴﻠﺔ ﺍﻟﺠﺎﻣﻌﻪ ﺟﺎﻥ ﺑﻜﺮ ﻣﺘﻮﻟﻴﻬﺎ ﻳﺎﺧﺬﻧﻲ ﻭﻳﺠﻴﺒﻨﻲ ..
ﻭﻳﻦ ﺟﺎﻧﺖ ﻏﻴﺮﺗﻚ ﻣﻦ ﻫﻮﻩ ﺷﺎﻳﻞ ﻣﺴﺆﻟﻴﺘﻲ ﻭﻣﺘﻮﻟﻲ ﺣﻤﺎﻳﺘﻲ ﻭﺩﺭﺍﺳﺘﻲ .. ﻳﺎ ﺭﺟﻞ ﻳﺎ ﻣﺤﺘﺮﻡ ﻫﺴﻪ ﺟﺎﻱ ﺍﻃﻠﻊ ﺑﻜﺮ ﻣﻮ ﺯﻳﻦ ﻭﻋﻴﻨﻪ ﻧﻜﺴﻪ .. ﺍﻟﻌﺎﻳﺶ ﻛﻞ ﻋﻤﺮﻙ ﺑﺨﻴﺮﻩ
ﻋﺎﺩﻝ .. ﺭﺟﺎﻝ ﻭ ﻏﺼﺒﺎ ﻋﻠﻴﺞ ﻛﺢ … ﺍﻧﻲ ﺟﻨﺖ ﻣﺄﻣﻦ ﺑﻴﻜﻢ ﺗﺎﻟﻴﺘﻜﻢ ﺗﺴﺎﻓﺮﻭﻥ ﻻﻟﻤﺎﻧﻴﺎ ﺍﻟﻠﻪ ﻳﻌﻠﻢ ﺷﺼﺎﺭ ﺑﻴﻨﻜﻢ ﻫﻨﺎﻙ ..
ﻭﺍﺟﺖ ﻣﻨﺎﻙ ﻛﺒﻞ ﻃﻠﺒﺖ ﻃﻼﻙ .. ﻭﻟﻤﺎ ﺍﺣﻤﺪ ﻣﺎ ﻗﺒﻞ ﻭﻛﺴﺮ ﺭﺍﺳﺞ ﻭﺭﺍﺩ ﻳﻜﺘﻠﺞ ..
ﺑﻜﺮ ﺍﻟﻜﻠﺐ ﻛﻌﺪ ﻳﺘﻮﺳﻠﻲ ﻋﻠﻤﻮﺩ ﺍﺭﺟﻌﺞ ﻋﻠﻰ ﺫﻣﺘﻲ ﻭﻣﺎ ﺍﻧﻄﻴﺞ ﻻﺣﻤﺪ ﻳﻜﺘﻠﺞ ..
ﺳﻤﺮ .. ﻟﻚ ﻋﻴﺐ ﺍﺳﺘﺤﻲ ﻭﺍﺣﻔﻆ ﻣﻲ ﻭﺟﻬﻚ ﻫﺬﺍ ﺍﻟﻜﻼﻡ ﻳﻘﻠﻞ ﻣﻨﻚ ﻣﻴﺮﻓﻌﻚ ﺗﺘﻬﻤﻨﻲ ﻫﺴﻪ ﻋﻨﺪﻱ ﻋﻼﻗﻪ ﻭﻳﻪ ﺍﺧﻮﻙ .. ﻭﺍﻧﺘﻪ ﻣﺒﻘﻴﻨﻲ ﺍﺑﻴﺘﻚ ﻭﻣﻤﻄﻠﻜﻨﻲ ..
.. ﻟﻤﺎ ﺟﻨﻪ ﺑﺎﻟﻤﺎﻧﻴﺎ ﺭﺣﻨﻪ ﻋﻼﺝ ﻟﻌﻴﻮﻧﻪ ﻭﺍﻟﻜﻞ ﻳﺸﻬﺪ ﺑﻬﻠﺸﻲ .. ﻭﺍﺑﺮﺍﻫﻴﻢ ﺟﺎﻥ ﻭﻳﺎﻧﻪ ﻣﺴﺎﻓﺮ ..
ﺟﻴﺒﻪ ﻭﺧﻞ ﻳﺸﻬﺪ ﺷﻨﻮ ﺟﻨﻪ ﻧﺴﻮﻱ ﺑﺎﻟﻤﺎﻧﻴﺎ .. ﻭﻟﻤﺎ ﻃﻠﺒﺖ ﺍﻟﻄﻼﻙ ﻣﻦ . ﻭﺭﻩ ﻛﻼﻣﻜﻢ ﻋﻠﻴﻪ ..
ﺭﺣﺖ ﻭﻳﺎﻩ ﺍﺳﺎﻋﺪﻩ ﺑﺼﻔﺘﻪ ﺍﺥ .. ﺍﺷﻜﺎﻝ ﻭﺍﻟﻮﺍﻥ ﺍﻟﺤﺠﻲ ﺷﻤﺮﺗﻮ ﻋﻠﻴﻪ .. ﻭﻃﻠﻌﺘﻮﻧﻲ ﺳﺎﻗﻄﻪ ..
ﻭﻗﺮﺭﺕ ﺍﺗﺮﻛﻢ ﻋﺸﻨﻮ ﺑﺎﻗﻴﻪ ﻭﻳﺎﻙ ﻣﺘﻜﻠﻲ ﺍﻧﺘﻪ ﻫﻢ ﺭﺟﺎﻝ ﻭﺍﺑﻘﻰ ﻭﻳﺎﻙ ﺑﺲ ﻏﻴﺮ ﺿﻴﻢ ﺍﻫﻠﻲ ﺷﺎﻣﺮﻧﻲ ﻋﻠﻴﻚ ..
ﻣﺆﻳﺪ .. ﺍﺑﻨﻲ ﻋﻴﺐ ﺗﺘﻬﻢ ﺯﻭﺧﺞ ﺑﺎﺧﻮﻙ ﻭﺍﻧﺘﻪ ﻣﺎ ﻋﻨﺪﻙ ﺩﻟﻴﻞ ﻋﻠﻴﻬﻢ .. ﺍﻟﻠﻲ ﻓﻬﻤﻨﺎﻩ ﻣﻦ ﺍﻟﻜﻼﻡ .. ﺍﺧﻮﻙ ﺟﺎﻥ ﻣﺘﻜﻔﻞ ﻣﺮﺗﻚ ..
ﻭﺷﺎﻳﻞ ﻣﺴﺆﻟﻴﺘﻚ .. ﻭﺍﻧﺘﻪ ﺍﻟﻠﻲ ﺍﻧﻄﻴﺘﻪ ﻭﺳﻤﺤﺘﻠﻪ ﻳﺘﻜﻔﻞ ﻣﺮﺗﻚ .. ﻭﻣﺪﺍﻡ ﺍﻧﺘﻪ ﺣﻤﻠﺖ ﺍﺧﻮﻙ ﺣﻤﺎﻳﺘﻬﺎ ﻭﻣﺴﺆﻟﻴﺘﻬﺎ ..
ﻋﻴﺐ ﺗﺠﻲ ﺗﺘﻬﻤﻪ ﺑﻬﻴﺞ ﺗﻬﻤﻪ ﻭﺗﻜﻮﻝ ﻋﻠﻴﻪ ﻋﻨﺪﻩ ﻋﻼﻗﻪ ﻭﻳﺎﻫﺎ ..
ﻋﺎﺩﻝ .. ﺷﺘﻬﻢ ﻭﻟﻜﻢ ﺍﻧﺘﻢ ﺗﻔﻬﻤﻮﻥ ﻟﻮ ﻻ .. ﻳﺎﺑﻪ ﺍﺣﺠﻲ ﻟﺨﺎﻃﺮ ﺍﻟﻠﻪ .. ﻣﺎ ﺟﺎﻥ ﺍﻟﻠﻴﻞ ﻛﻠﻪ ﻳﺒﺠﻲ ﻭﻳﺼﺮﺥ ﺑﺎﺳﻤﻬﺎ ﻭﻫﻮﻩ ﺳﻜﺮﺍﻥ
ﻣﺎ ﺭﻓﺾ ﻳﺘﻘﺮﺏ ﺍﻟﻤﺮﺗﻪ ﻋﺮﻭﺱ ﻋﻠﻤﻮﺩ ﺳﻤﺮ . ﻣﺎ ﻗﺮﺭ ﻳﺘﺮﻙ ﻣﺮﺗﻪ ﻭﻳﺴﺎﻓﺮ ﺑﺲ ﻻﻥ ﺳﻤﺮ ﺣﺒﻠﺖ ﻣﻨﻲ ..
ﻭﻟﻜﻢ ﻛﻞ ﻫﺬﺍ ﺑﺎﻟﻌﻪ ﻭﺳﺎﻛﺖ ﻣﻦ ﻭﺭﻩ ﺍﻣﻲ ﺍﻟﻴﻮﻣﻴﻪ ﺗﺤﺠﻲ ﺑﺮﺍﺳﻲ ﻭﺗﻜﻠﻲ ﺍﺳﻜﺖ ..
ﻛﻠﻪ ﻣﻦ ﻭﺭﻩ ﺍﻣﻲ ﻋﻠﻤﻮﺩ ﺍﻟﻤﺼﺮﻑ ﻭﺍﻟﻔﻠﻮﺱ ﺍﻟﻴﻨﻄﻴﻬﺎﻳﻪ ﺑﻜﺮ ﺧﻠﺘﻨﻲ ﺍﺭﺿﻰ ﺍﺳﻤﻊ ﺍﺧﻮﻱ ﻳﺼﻴﺢ ﺑﺎﺳﻢ ﻣﺮﺗﻲ ﻭﺍﺳﻜﺖ
...
ﻣﺆﻳﺪ .. ﻫﺬﻩ ﺍﺗﻬﺎﻣﺎﺕ ﺧﻄﻴﺮﻩ ﺍﺑﻨﻲ .. ﺍﻧﻄﻴﻨﻪ ﺩﻟﻴﻞ ﻣﻠﻤﻮﺱ ﻳﺆﻛﺪ ﺍﻥ ﺍﻛﻮ ﻋﻼﻗﻪ ﻏﻴﺮ ﺷﺮﻋﻴﻪ ﺑﻴﻦ ﺳﻤﺮ ﻭﺍﺧﻮﻙ ..
ﺍﻧﻄﻴﻨﻪ ﺷﺎﻫﺪ ﻭﺍﺣﺪ ﻋﻠﻰ ﻛﻼﻣﻚ ..
ﻋﺎﺩﻝ .. ﺑﻮﻳﻪ ﺍﺣﺠﻲ ﺷﺒﻴﻚ ﺳﺎﻛﺖ .. ﻣﻮ ﺍﻧﺘﻪ ﺍﻟﻴﻮﻣﻴﻪ ﺗﺠﺮ ﺑﻜﺮ ﻣﻦ ﺍﻟﻜﺮﺍﺝ ﻭﻫﻮﻩ ﻻﺯﻡ ﺍﻟﻌﻮﺩ ﻭﻳﻐﻨﻴﻠﻬﺎ ﻭﻳﺼﻴﺢ ﺑﺴﻤﻬﺎ .. ﻭﺗﻜﻠﻪ ﻓﻀﺤﺘﻨﻪ
ﺧﻠﻴﻞ .. ﻋﺎﺩﻝ ﺗﺠﺎﻭﺯﺕ ﺣﺪﻙ .. ﻋﻴﺐ ﺑﻜﺮ ﺍﺧﻮﻙ ﺍﻟﺠﺒﻴﺮ ﻭﻣﺎ ﻳﺴﻮﻱ ﺍﻟﻜﻠﺘﻪ .. ﺑﻜﺮ ﺍﺑﻨﻲ ﻭﺍﻋﺮﻓﻪ ﺫﻫﺐ ﻣﺎ ﻳﻄﻠﻊ ﻣﻨﻪ ﺍﻟﺸﻴﻦ .
ﺳﻤﺮ .. ﻓﺮﺣﺖ ﺑﺪﺍﺧﻠﻲ ﻣﻦ ﻋﻤﻮ ﺧﻠﻴﻞ ﻣﺎ ﺍﻧﻄﻪ ﺍﺑﻜﺮ .. ﻭﺍﻧﻲ ﺍﻋﺮﻑ ﺧﻠﻴﻞ ﻛﻮﻟﺶ ﺯﻳﻦ ﻳﺪﺭﻱ ﺑﻤﺸﺎﻋﺮ ﺑﻜﺮ .. ﺑﺲ ﻣﺎ ﺍﻧﻄﻪ ﺑﻴﻪ .
ﻻﻥ ﺑﻜﺮ ﻫﻮﻩ ﺍﻟﻜﻞ ﺑﻠﻜﻞ ﺍﻟﻬﻢ ﻭﻟﻮ ﺍﻋﺘﺮﻑ ﻋﻠﻴﻪ ﺭﺍﺡ ﻳﺨﺴﺮﻩ .. ﻭﺧﻠﻴﻞ ﺣﻴﻞ ﻳﺤﺘﺮﻡ ﺑﻜﺮ ﻭﻣﺎ ﻳﻨﻄﻲ ﺑﻴﻪ ﺣﺘﻰ ﻟﻮ ﺳﻮﻩ ﺍﻟﻐﻠﻂ ..
ﺳﻤﺮ .. ﺷﻔﺘﻮ .. ﺍﺑﻮﻩ ﺑﻨﻔﺴﻪ ﺩﻳﻜﺬﺑﻪ ﻭﻟﺴﻪ ﻳﺘﻬﻤﻨﻲ .. ﻫﻴﺞ ﺭﺟﻞ ﻣﻦ ﺣﻘﻲ ﺍﻃﻠﺐ ﺍﻟﻄﻼﻕ ﻣﻨﻪ . ﻻﻥ ﻣﺎ ﺷﻔﺖ ﻣﻨﻪ ﻏﻴﺮ ﺍﻻﺫﻳﻪ ﻭﺍﻟﻘﻬﺮ ..
ﻣﻦ ﺣﻘﻲ ﺍﻋﻴﺶ ﺑﺮﺍﺣﻪ .. ﻻ ﻏﻠﻄﺖ ﻭﻻ ﺍﺭﺗﻜﺒﺖ ﺣﺮﺍﻡ .. ﻭﺩﺍ ﺍﺗﻌﺎﻗﺐ ﺑﺪﻭﻥ ﻣﻴﻄﻠﻊ ﻣﻨﻲ ﻏﻠﻂ ..
ﻫﻤﻪ ﻳﺘﻬﻤﻮﻧﻲ ﺑﻜﻼﻡ ﻭﻳﺼﺪﻛﻮﻥ ﻧﻔﺴﻬﻢ .. ﻋﺎﺩﻝ ﻛﺎﻡ ﻳﺸﻴﻞ ﺭﻭﺣﻪ ﻭﻳﺮﻛﻌﻬﺎ ﻭﻳﺘﺤﻠﻔﻠﻲ ﻭﻳﺼﻴﺢ ﻭﻋﺎﻓﻨﻪ ﻭﻃﻠﻊ ..
ﻭﺧﻠﻴﻞ ﻣﺨﻨﺰ ﻋﻠﻴﻪ ﺷﻠﻮﻥ ﻫﻴﺞ ﺣﺠﻴﺖ .. ﻃﻠﻌﻮ ﻛﻠﻬﻢ ﺑﺎﻭﻋﺘﻠﻲ ﺑﺎﺟﻲ ﺍﺷﻮﺍﻕ ﻭﻛﺎﻟﺖ ﺍﻟﺘﻠﻴﻔﻮﻥ ﻳﻤﺞ ﺍﻱ ﺷﻲ ﻳﺼﻴﺮ ﻭﻳﺎﺝ ﺧﺒﺮﻳﻨﻪ ..
ﻛﺘﻠﻬﺎ ﺍﻧﺸﺎﻟﻠﻪ .. ﻛﺎﻟﺖ ﺍﺣﻨﻪ ﺍﺧﺬﻧﻪ ﺗﻌﻬﺪ ﻟﻮ ﺗﻌﺮﺿﻮﻟﺞ ﺑﻌﺪ ﻧﺘﺼﺮﻑ ﻗﺎﻧﻮﻧﻴﺎ ﻭﻧﺤﻜﻤﻬﻢ ..
ﻃﻠﻌﻮﻭ .. ﺍﺟﺖ ﺍﻣﻲ .. ﻛﺎﻟﺖ ﺍﻟﻠﻪ ﻳﺎﺧﺬﺝ ﻭﻟﺞ ﻓﻀﺤﺘﻴﻨﻪ ﻭﻟﺞ ﻣﻲ ﻣﺎ ﺧﻠﻴﺘﻲ ﺑﻮﺟﻮﻫﻨﻪ ﻣﻲ ﻧﺰﻟﺘﻲ ﺭﻭﺳﻨﻪ .. ﺍﻧﺘﻲ ﻣﺎ ﺗﺴﺘﺤﻴﻦ ..
- ﺷﺴﻮﻳﺖ ﻳﻤﻪ . ﻫﺎﻱ ﻓﻮﻙ ﻣﺎ ﺗﺼﻴﺮﻳﻦ ﻭﻳﺎﻳﻪ ﻭﺗﻨﺼﺮﻳﻨﻲ .. ﺗﺼﻴﺮﻳﻦ ﺿﺪﻱ .. ﺷﺴﻮﻳﺖ ..
- ﺍﻻ ﻛﻮﻟﻲ ﺷﻨﻮ ﺍﻟﻤﺎ ﺳﻮﻳﺘﻴﻪ .. ﻭﻟﺞ ﻳﻤﻌﺰﺍﻳﻪ ﺍﻛﻮ ﻭﺣﺪﻩ ﺗﺴﻮﻱ ﺳﻮﺍﻳﺘﺞ .. ﺗﺸﺮﺩﻳﻦ ﻣﻦ ﺑﻴﺖ ﺭﺟﻠﺞ .
- ﻳﻤﻪ ﺷﺮﺩﺕ ﻣﻦ ﺑﻴﺖ ﺭﺟﻠﻲ ﻣﻦ ﺿﻠﻤﻬﻢ .. ﻣﺎ ﺷﺮﺩﺕ ﻭﻳﻪ ﺻﺎﺣﺒﻲ ﻟﻐﻴﺮ ﻣﺤﺎﻓﻈﻪ ﻭﻛﺴﺮﺕ ﻭﺟﻮﻩ ﺍﻫﻠﻲ ..
ﺣﺠﻴﺖ ﻫﻴﺞ .. ﺿﺮﺑﺘﻨﻲ ﺭﺍﺷﺪﻱ ﺣﻴﻞ ..
- ﻭﺝ ﺳﻤﺮ ﺗﻌﻴﺮﻳﻨﻲ .. ﻭﻟﺞ ﺑﺖ ﺑﻄﻨﻲ ﺗﺤﺠﻴﻦ ﻭﻳﺎﻱ ﻫﻴﺞ .. ﺍﻧﻌﻞ ﺍﻟﺴﺎﻋﻪ ﺍﻟﺠﺒﺘﺞ ﺑﻴﻬﺎ ﺣﻘﻴﺮﻩ
- ﻳﻤﻪ ﻛﺎﻓﻲ ﻟﺨﺎﻃﺮ ﺍﻟﻠﻪ ﻛﺎﻓﻲ .. ﻣﻠﻴﺖ ﺗﻌﺒﺖ ﻣﻠﻴﻴﻴﻴﻴﺖ .. ﺗﺤﻠﻠﻮﻥ ﺍﻟﻨﻔﺴﻜﻢ ﻭﺗﺤﺮﻣﻮﻥ ﻋﻠﻴﻪ .
ﺍﻧﻄﻮﻧﻲ ﺫﻧﺒﻲ ﺷﺴﻮﻭﻭﻭﻳﺖ .. ﺍﻛﺪﺭ ﺍﺳﻮﻱ ﺍﻟﺴﻮﻳﺘﻴﻪ ﺍﻧﺘﻲ .. ﻭﺍﺷﺮﺩ ﻭﻳﻪ ﺍﻟﻠﻲ ﺍﺭﻳﺪﻩ ﻭﺍﻋﻮﻓﻜﻢ ﻭﺭﺍﻱ ﻭﻣﺎ ﺍﻫﺘﻢ ﻟﺴﻤﻌﺘﻜﻢ
ﻭﺍﻋﻴﺶ ﺍﺟﻤﻞ ﺣﻴﺎﺓ ﺑﻌﻴﺪﻩ ﻋﻨﻜﻢ ﻭﻋﻦ ﻇﻠﻤﻜﻢ .. ﺍﻛﺪﺭ ﺑﺎﺳﺘﻄﺎﻋﺘﻲ ﻛﻮﻟﺸﻲ ﺍﺳﻮﻱ ﻭﻣﺎ ﺳﻮﻳﺖ ..
ﻟﻴﺶ ﺟﺎﻱ ﺍﺗﻌﺎﻗﺐ .. ﻳﻌﻨﻲ ﺗﺠﺒﺮﻭﻧﻲ ﻋﻠﺤﺮﺍﻡ ﻛﻮﻩ .. ﻳﻤﻪ ﺣﺮﺍﻡ ﻋﻠﻴﻜﻢ ﻭﺍﻟﻠﻪ .. ﺗﻌﺒﺖ ﻭﺍﻟﻠﻪ ﺗﻌﺒﺖ ..
ﻻ ﺭﻭﺡ ﻭﻻ ﺟﺴﺪ ﺿﻞ ﻋﻨﺪﻱ .. ﺣﻴﻞ ﻣﺎ ﺿﻞ ﺑﻴﻪ ﻣﻦ ﺍﻟﻘﻬﺮ ﻭﺍﻟﻠﻪ .. ﺩﻛﺎﺍﺍﺍﻓﻲ .. ﻋﻔﺘﻬﺎ ﻭﺻﻌﺪﺕ ﺍﺑﺠﻲ ..
..
ﺍﺟﺖ ﻳﻤﻲ ﻧﺠﻮﻩ ﺗﺒﺠﻲ ﻭﺗﻤﺴﺢ ﺑﺪﻣﻮﻋﻲ .. ﻛﺘﻠﻬﺎ ﻧﺠﻮﻯ ﺷﺴﻮﻱ ﻣﻠﻴﺖ .. ﻭﻟﺞ ﺑﻜﺮ ﻳﻨﺘﻈﺮ ﺍﻟﻜﻠﻤﻪ ﻣﻨﻲ ..
ﻋﻠﻤﻮﺩ ﺍﺭﻭﺡ ﻭﻳﺎﻩ ﻭﻧﻌﻴﺶ ﺣﻴﺎﺗﻨﻪ .. ﻭﺭﺍﻓﻀﻪ ﻭﺳﺎﻛﺘﻪ ﻭﻣﺘﺤﻤﻠﻪ .. ﻋﻠﻤﻮﺩ ﻻ ﺍﺍﺟﻴﺒﻠﻬﻢ ﺍﻟﻌﺎﺭ ﻭﺗﺎﻟﻲ ﺍﻃﻠﻊ ﻣﻮ ﺯﻳﻨﻪ ..
ﻧﺠﻮﻯ .. ﺑﻜﺮ ﻳﻌﺮﻑ ﺑﻴﺞ .. ﺍﻧﺘﻲ ﻭﻳﻦ ﺟﻨﺘﻲ ..
ﺳﻤﺮ .. ﻣﺴﺤﺖ ﺩﻣﻮﻋﻲ .. ﻛﺘﻠﻬﺎ ﺍﻱ ..
ﻧﺠﻮﻯ .. ﻭﺝ ﺷﻠﻮﻥ ﻋﺮﻑ ﻫﻮﻩ ﺍﻻﺟﺎﻧﻪ ﻣﺘﺨﺒﻞ ﻭﻛﺎﻝ ﺳﻤﺮ ﻣﺎﻛﻮ ..
- ﺷﻮﻛﺖ ﺍﺟﺎﻛﻢ …
- ﻗﺒﻞ ﻳﻮﻣﻴﻦ ﻣﻦ ﺍﻟﺼﺒﺢ ﺟﺎﻥ ﺣﻴﻞ ﻣﻘﻬﻮﺭ ﻭﻳﺪﻭﺭ ﻋﻠﻴﺞ ..
- ﺍﻱ ﺧﺎﺑﺮﺗﻪ ﺑﻴﻮﻣﻬﺎ ﺑﻠﻴﻞ ﻭﻛﺘﻠﻪ ﻭﺩﻟﻴﺘﻪ ﻋﻠﻴﻪ ..
- ﻭﻣﺎ ﻛﺎﻟﻠﻨﻪ ﻭﺍﺣﻨﻪ ﻣﻴﺘﻴﻦ ﺍﻧﺪﻭﺭ ﻋﻠﻴﺞ ..
- ﺷﻴﻜﻠﻜﻢ .. ﺑﻴﻮﻣﻬﺎ ﺩﺧﻠﺖ ﻣﺴﺘﺸﻔﻰ .. ﻭﺣﺎﺭﻭ ﺑﻴﻪ
- ﺻﺪﻭﻙ ﺍﺗﺬﻛﺮﺕ ﺷﻠﻮﻥ ﻭﻛﻊ ﻃﻔﻠﺞ ﺍﺗﺨﺒﻠﺖ ﻣﻦ ﺳﻤﻌﺖ ﺣﺎﻣﻞ ﻭﺍﺟﻬﻀﺘﻲ ﺷﻠﻮﻭﻥ ﻋﺎﺩﻝ ﻣﻮ ﻣﻴﺘﻘﺮﺑﻠﺞ .
- ﻟﺞ ﺍﻟﻜﻠﺐ ﺗﻘﺮﺑﻠﻲ ﺑﻠﻴﻠﻪ ﻭﻃﺒﻌﺎ ﺑﺘﺨﻄﻴﻂ ﻭﺟﺒﺮ ﻣﻦ ﻋﻤﺘﻲ ﺳﺎﻣﻴﻪ .. ﻋﻠﻤﻮﺩ ﺗﺠﺒﺮ ﺑﻜﺮ ﻳﺄﻳﺲ ﻣﻨﻲ ﻭﻳﺎﺧﺬ ﻣﺮﺗﻪ ..
- ﻭﺍﺧﺬﻫﺎ ..
- ﻻﺍ ﺑﺲ ﺳﻜﺮ ﻛﻮﻟﺶ ﻟﺤﺪ ﺍﻟﺜﻤﺎﻟﻪ ﺑﻴﻮﻣﻬﺎ ﻟﻤﺎ ﻋﺮﻑ ﻋﺎﺩﻝ ﻣﺘﻘﺮﺏ ﻣﻨﻲ .. ﻭﻫﻤﻪ ﺍﺳﺘﻐﻠﻮ ﺍﻟﻮﺿﻊ ﻭﺧﻠﻮﻩ ﻳﺪﺧﻞ ﻋﻠﻰ ﻣﺮﺗﻪ ..
- ﺧﻄﻴﻪ ﻭﺍﻟﻠﻪ ﻳﻜﺴﺮ ﺧﺎﻃﺮﻱ ﻟﻮ ﺗﺸﻮﻓﻴﻪ ﺷﻠﻮﻥ ﺍﺟﺎﻧﻪ ﻫﻨﺎ ﻭﺍﻟﺪﻣﻮﻉ ﺗﻠﻤﻊ ﺑﻌﻴﻮﻧﻪ ﻭﻫﻮﻩ ﻳﺼﻴﺢ ﺭﺍﺡ ﺍﺗﺨﺒﻞ ﻭﻳﻦ ﺍﻟﻜﺎﻫﺎ ..
- ﺍﺑﺘﺴﻤﺖ .. ﻣﺴﺤﺖ ﺩﻣﻮﻋﻲ .. ﺫﻛﺮﺗﻴﻨﻲ ﺑﻴﻪ .. ﺧﻞ ﺍﺧﺎﺑﺮﻩ ﺍﻧﻄﻴﻪ ﺧﺒﺮ ﻫﺴﻪ ﺗﻠﻜﻴﻦ ﺑﻜﻠﺒﻪ ﺍﻟﻨﺎﺭ ..
ﺧﺎﺑﺮﺗﻪ .. ﺭﺩ .. ﺍﻟﻮ ﻫﺎﺍﺍ ﺑﻜﺮ ..
- ﻭﺝ ﻳﻤﻌﻮﺩﻩ ﻣﺘﺖ ﻭﻳﻦ ﺻﺮﺗﻲ .. ﺷﺼﺎﺭ ﻓﻬﻤﻴﻨﻲ ..
ﺳﻮﻟﻔﺘﻠﻪ ﺍﻟﺼﺎﺭ ﻛﻠﻪ ..
- ﻋﺎﺩﻝ ﻭﺍﺣﻤﺪ ﻣﺮﺍﺡ ﻳﻌﻮﻓﻮﺝ ﺳﻤﺮ .. ﺭﺍﺡ ﻳﺘﻔﻘﻮﻥ ﻭﻳﻘﺘﻠﻮﺝ ﺣﻈﺮﻱ ﺷﻐﻼﺗﺞ ﺧﻞ ﺍﺟﻲ ﺍﺧﺬﺝ ..
- ﻣﻴﺴﻮﻭﻥ ﺷﻲ ﺑﻜﺮ ﺍﻻﺳﺘﺎﺫ ﻣﺆﻳﺪ ﺧﻮﺵ ﺣﺠﻪ ﻭﻳﺎﻫﻢ ﻭﺑﺎﺟﻲ ﻭﻛﻤﺎﻝ ﻣﺎ ﺍﻋﺘﻘﺪ ﻳﺴﻮﻭﻥ ﺷﻲ ..
- ﻭﺝ ﺍﻧﺘﻲ ﺗﻀﻠﻴﻦ ﻏﺒﻴﻪ .. ﻭﻳﻦ ﺍﻛﻮ ﻗﺎﻧﻮﻥ ﺑﺎﻟﻌﺮﺍﻕ ﻭﻳﺤﻤﻴﺞ ﻣﻦ ﺍﻟﻌﺸﺎﻳﺮ ﺭﺍﺡ ﻳﻤﻮﺗﻮﺝ ﻭﻳﻜﻮﻟﻮﻥ ﺍﻧﺘﺤﺮﺕ ﻟﻮ ﺍﺧﺘﻔﺖ ..
- ﺑﻜﺮ ﻭﺍﻟﻠﻪ ﻣﺎ ﺍﺗﻮﻗﻊ ﻫﻠﺸﻲ .. ﻛﺎﻓﻲ ﻋﻮﻓﻬﺎ ﻋﻠﻰ ﺍﻟﻠﻪ ..
- ﻧﺠﻮﻯ ﻳﻤﺞ
- ﺍﻱ
- ﺍﻧﻄﻴﻨﻴﺎﻫﺎ
- ﻫﺎﻙ .. ﺍﺧﺬﺗﻪ ﻧﺠﻮﻯ ﻛﺎﻟﺘﻠﻪ ﻫﺎ ﺑﻜﺮ ..
- ﻧﺠﻮﻯ ﻓﺘﺤﻲ ﻋﻴﻮﻧﺞ ﻭﺍﺫﺍﻧﺎﺗﺞ ﺯﻳﻦ ﻭﺍﺗﺴﻤﻌﻲ ﺑﺎﻧﺤﺎﺀ ﺍﻟﺒﻴﺖ ﻋﻠﻰ ﻛﻞ ﻛﻠﻤﻪ ﻳﻜﻮﻟﻮﻫﺎ ..
ﺗﺮﻩ ﻣﺮﺍﺡ ﻳﺴﻜﺘﻮﻥ ﺍﻋﺮﻓﻬﻢ .. ﺭﺍﺡ ﻳﺤﺎﻭﻟﻮﻥ ﻳﺴﻮﻥ ﺑﻴﻬﺎ ﺷﻲ . ﻟﻮ ﺣﺴﻴﺘﻲ ﺑﺨﻄﺮ ﺧﺎﺑﺮﻳﻨﻲ ﻓﻮﺭﺍ ..
- ﺍﻭﻙ ﻣﺎﺷﻲ
- ﻧﺠﻮﻯ ﻣﺎ ﺍﻭﺻﻴﺞ ﺣﻴﺎﺗﻬﺎ ﻣﺘﻮﻗﻔﻪ ﻋﻠﻴﺞ .. ﻟﻮ ﻣﺎ ﺩﺭﺗﻲ ﺑﺎﻟﺞ ﻋﺪﻝ ﻣﻤﻜﻦ ﻳﻜﺘﻠﻮﻫﺎ ﻭﻳﺎﺧﺬﻭﻫﺎ ﻭﺍﺣﻨﻪ ﻣﺎ ﻧﺪﺭﻱ
- ﻻ ﻫﺎﻫﻴﻪ ﻭﺍﻟﻠﻪ ﺭﺍﺡ ﺍﻧﺰﻝ ﻭﺍﺑﻘﻰ ﻣﺮﺍﻗﺒﻪ ..
- ﺍﻱ ﻓﺪﻭﻩ ﻋﻔﻴﻪ ﻣﺎ ﺍﻭﺻﻴﺞ .. ﺍﻧﻄﻴﻨﻲ ﺳﻤﺮ ..
- ﺍﻟﻮﻭ ﻫﺎﺍ ﺑﻜﺮ ..
- ﺳﻤﺮ ﻛﻞ ﺳﺎﻋﻪ ﺗﺮﺍﺳﻠﻴﻨﻲ .. ﻣﻮ ﺿﺮﻭﺭﻱ ﺗﺘﺼﻠﻴﻦ .. ﺣﺘﻰ ﻟﻮ ﻣﺴﺞ ﻭﻃﻤﻨﻴﻨﻲ ﺍﻧﺘﻲ ﺑﺨﻴﺮ ﭐפﮔـﻴﮧ ..
- ﭐפﮔـﻴﮧ
- ﻳﻠﻪ ﺑﺎﻱ .. ﺭﺍﺡ ﻳﻀﻞ ﺑﺎﻟﻲ ﻳﻤﺞ ﻫﺎﺍﺍ ﻣﻮ ﺗﻨﺴﻴﻦ ﻛﻞ ﺳﺎﻋﻪ ﻃﻤﻨﻴﻨﻲ ﻟﺘﺨﻠﻴﻨﻲ ﺑﺎﻟﻨﺎﺭ ..
- ﺍﻓﺘﻬﻤﺖ .. ﻣﻊ ﺍﻟﺴﻼﻣﻪ . ﻭﺝ ﻫﺬﺍ ﻫﻮﺍﺍﻱ ﻣﺘﺄﺛﺮ ﺑﻮﺍﺩﻱ ﺍﻟﺬﺋﺎﺏ .. ﺩﺍ ﺍﺣﺴﻪ ﻣﺮﺍﺩ ﻋﻠﻤﺪﺍﺭ ﻭﻳﺨﻄﻂ ﻭﻳﻮﺻﻲ ﻫﻬﻬﻬﻪ
- ﻣﺎ ﺧﺴﺮﺍﻧﻴﻦ ﺷﻲ ﻫﻮﻩ ﺍﻋﻠﻢ ﺑﻴﻬﻢ ﻭﻳﻌﺮﻓﻬﻢ .. ﻧﺮﺍﻗﺐ ﻭﻧﺸﻮﻑ ..
- ﻻ ﻳﻤﻌﻮﺩﻩ ﺍﻟﻘﺎﻧﻮﻥ ﻭﻛﻒ ﻭﻳﺎﻳﻪ ﺑﻌﺪ ﻣﻴﻜﺪﺭﻭﻥ ﻳﺤﺠﻮﻥ ﻛﻠﻤﻪ .. ﺷﻔﺘﻴﻬﻢ ﻋﺎﺩﻝ ﻭﺍﺣﻤﺪ ﺷﻠﻮﻥ ﺳﻜﺘﻮ ﻭﻃﻠﻌﻮ ﻣﺎ ﻛﺪﺭﻭ ﻳﻮﺍﺟﻬﻮﻫﻢ .. ﻳﺨﺎﻓﻮﻥ ﺑﻌﺪ ﻻ ﻳﺪﺧﻠﻮﻥ ﺍﻟﺴﺠﻦ
- ﺍﻧﺸﺎﻟﻠﻪ ﺗﻜﺪﺭﻳﻦ ﺗﺎﺧﺬﻳﻦ ﺧﻘﺞ ..
- ﺍﺧﺬﺕ ﻧﻔﺲ ﺍﻧﺸﺎﻟﻠﻪ .. ﺗﻤﺪﺩﺕ .. ﻭﻛﺘﻠﻬﺎ ﺍﺫﺍ ﺍﺟﻪ ﺑﺎﺑﺎ ﻛﻮﻟﻴﻠﻲ ﺭﺍﺡ ﺍﻧﺎﻡ .. ﻛﺎﻟﺖ ﻣﺎﺷﻲ ..
ﻧﻤﺖ ﻟﻬﻨﺎﻙ ﻭﻣﺎ ﺍﺣﺲ ﺍﻻ ﻧﺠﻮﻯ ﺗﻜﻌﺪﻧﻲ ﺑﺨﻮﻑ .. ﻭﺗﺼﻴﺢ ﺳﻤﺮ ﺳﻤﺮ ﺍﻛﻌﺪﻱ ﺑﺴﺎﻉ ﺍﻛﻌﺪﻱ ..
ﻛﺘﻠﻬﺎ ﺷﺒﻴﺞ ﻫﺎ ﺷﻜﻮ ﺷﺼﺎﻳﺮ .. ﻛﺎﻟﺖ ﺟﺎﺑﻮ ﺑﺎﺑﺎ ﻫﺴﻪ ﻭﻧﻮﻣﻮ ﺑﺎﻟﺼﺎﻟﻪ ﻭﻃﻠﻌﺖ ﺍﺟﻴﺒﻠﻪ ﺷﺮﺷﻒ
ﻭﺍﺳﻤﻊ ﺍﺣﻤﺪ ﻳﺤﺠﻲ ﻭﻳﻪ ﻋﺎﺩﻝ ﻭﻳﻜﻠﻪ ﺍﻱ ﺍﻟﻴﻮﻡ ﺑﻠﻴﻞ ﺍﻛﺘﻠﻬﺎ ﻣﻮﺕ ﻭﻋﻮﺩ ﺍﻧﺘﻈﺮﻛﻢ ﺣﻈﺮ ﺳﻴﺎﺭﺓ ﺻﻼﺡ ﻧﺸﻤﺮﻫﺎ ؏ﺳﺪﻩ
ﻭﻧﻐﺴﻞ ﻋﺎﺭﻧﻪ ﻭﻻ ﻣﻦ ﺷﺎﻑ ﻭﻻ ﻣﻦ ﺩﺭﻩ ﺍﻟﻤﻬﻢ ﻧﺒﻴﺾ ﻭﺟﻬﻨﻪ ﺑﻴﻦ ﺍﻟﻌﺸﺎﻳﺮ ﻭﻧﻜﺘﻠﻬﺎ .. ﻳﺘﺒــــــﻊ
🌺🌺🌺🌺
ﻟﻤﺎ ﺍﻟﻌﻴﺐ ﻳﺘﻐﻠﺐ ﻋﻠﻰ ﺣﺮﺍﻡ .. ﻣﻮ ﻏﺮﻳﺐ ﻫﻴﺞ ﻇﻠﻢ ﻳﺼﻴﺮ .. ﻟﻴﻤﺘﻰ ﺗﺒﻘﻰ ﺍﻟﻌﺸﺎﻳﺮ ﺗﺤﻜﻤﻨﻪ ﻭﻗﺎﻧﻮﻧﻪ ﻋﺎﺟﺰ ﻋﻦ ﺍﻧﺼﺎﻑ ﻣﻈﻠﻮﻣﻨﻪ ..
ﺍﻟﻌﻮﻥ ﻣﻦ ﺍﻟﻠﻪ ﻟﻜﻞ ﻣﻈﻠﻮﻡ .. ﺍﻟﻠﻪ ﻳﻨﺼﺮﻩ ﻋﻠﻰ ﺍﻟﻈﺎﻟﻢ
ﺷﺎﺭﻛﻮﻧﻲ ﺗﻮﻗﻌﺎﺗﻜﻢ ﻭﺍﺭﺍﺋﻜﻢ .. ﻣﺘﺎﺑﻌﻪ ﺷﻴﻘﻪ
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق