رواية حكاية سمر ج2 الجزء السادس
للكاتبة زينب ماجد
🌿🌿
ﺑﻜﺮ .. ﺳﻤﺮ ﻫﺴﻪ ﺍﻧﻲ ﻳﻢ ﺍﻟﺘﺎﻧﻜﻲ ﻭﻓﺎﺗﺢ ﻻﻳﺖ ﻭﺍﺑﺎﻭﻉ .. ﺍﻛﻮ ﺟﻮﻩ ﻫﻴﺞ ﻣﺜﻞ ﺍﻟﻘﻤﺎﺵ ﺍﻻﺳﻮﺩ ﻣﺎ ﺍﺩﺭﻱ ﻋﻼﻛﻪ .. ﻫﻮﻩ ﻫﺬﺍ ﺍﻟﺘﻘﺼﺪﻳﻪ ..
ﺳﻤﺮ .. ﺑﺎﻭﻋﺖ ﻻﻣﻲ .. ﻛﺎﻟﺖ ﻫﺎﺍﺍ .. ﻛﺘﻠﻬﺎ ﻟﻜﻪ ﻫﻴﺞ ﺷﻲ .. ﻳﻌﻨﻲ ﻣﻌﻘﻮﻟﻪ ﺣﻴﺎﺗﻲ ﻛﻠﻬﺎ ﺳﺤﺮ .. ﺑﻜﺮ ﺗﻜﺪﺭ ﺍﻃﻠﻌﻪ ﻭﺗﺸﻮﻑ ﺷﻨﻮ ﺑﻴﻬﺎ ..
ﺍﻻﻡ .. ﻻ ﻻ ﻻ .. ﻟﻴﻄﻠﻌﻪ .. ﺍﺗﺮﻛﻴﻪ ..
ﺳﻤﺮ .. ﺷﻠﻮﻥ ﻣﺎﻣﺎ ﻏﻴﺮ ﺳﺤﺮ ﻭﺍﻃﻠﻌﻪ ﻭﻧﺒﻄﻠﻪ ..
ﺑﻜﺮ،، ﻭﺝ ﺳﻤﺮ ﻳﻤﻌﻮﺩﻩ .. ﺷﻠﻘﺼﻪ .. ﻓﻬﻤﻴﻨﻲ ..
ﺍﻻﻡ .. ﻻ ﺍﻃﻠﻌﻴﻪ .. ﻛﻮﻟﻴﻠﻪ ﺷﻜﺮﺍ ﻭﻋﻮﻓﻴﻪ ﺍﻧﻲ ﺍﺗﺼﺮﻑ ..
ﺳﻤﺮ .. ﺷﺘﺴﻮﻳﻦ ﻳﻌﻨﻲ ..
ﺑﻜﺮ .. ﻟﺞ ﺳﻤﺮﺭﺭﺭﺭ ﺷﻨﻮ ﺍﻟﻤﻮﺿﻮﻉ ﺍﻃﻠﻌﻪ ..
ﺳﻤﺮ .. ﻻ ﺑﻜﺮ ﺍﺗﺮﻛﻪ ..
ﺑﻜﺮ .. ﻟﺞ ﻣﺒﻴﻨﻪ ﻭﺻﺎﺧﻪ .. ﺧﻞ ﺍﻛﻮﻝ ﻻﻣﻲ ﺍﻧﻈﻒ ﺍﻟﺘﺎﻧﻜﻲ ﻻ ﻧﺘﻤﺮﺽ ..
ﺳﻤﺮ .. ﺑﻜﺮ ﻫﺬﺍ ﺳﺤﺮ ﻣﻮ ﻭﺻﺎﺧﻪ ..
ﺑﻜﺮ .. ﺷﻨﻮﻭﻭ ﺷﻠﺞ ﺑﻬﺴﺎﻟﻔﻪ ﺳﻤﺴﻢ .. ﺑﺮﺑﺞ ﻣﺼﻌﺪﺗﻨﻲ ﺑﻬﻠﻤﻐﺮﺑﻴﻪ ﻭﻣﺨﻠﻲ ﺭﺍﺳﻲ ﺑﺎﻟﺘﺎﻧﻜﻲ ﻭﺗﻜﻠﻴﻠﻲ ﺳﺤﺮ ..
ﻓﻌﻼ ﺍﻟﻨﺴﻮﺍﻥ ﻋﻘﻠﺠﻦ ﻓﺼﻤﻪ .. ﻭﺍﻧﻲ ﻋﺒﺎﻟﻲ ﻓﺪ ﺷﻲ ﻭﺍﺟﻴﺖ ﺍﺭﻛﺾ ﺍﺻﻌﺪ ﻭﺍﺩﻭﺭ ..
ﺳﻤﺮ .. ﺑﻜﺮ ﺍﻧﻲ ﻫﻢ ﻣﻤﺼﺪﻛﻪ . ﺑﺲ ﻣﻦ ﺍﺭﺟﻊ ﻟﻠﺒﻴﺖ ﺍﺧﺎﺑﺮﻙ ﻭﺍﻓﻬﻤﻚ ﻋﻠﺘﻤﺎﻡ .. ﻫﺴﻪ ﺍﺭﻭﺡ ﺑﺎﻱ ..
ﺑﻜﺮ .. ﭐפﮔـﻴﮧ ﺑﺎﻱ .. ﺍﻧﺘﻀﺮ ﺍﺗﺼﺎﻝ ﺻﻐﻴﺮ ﻣﻨﺞ ﺑﻠﻴﻞ ﻫﺎﺍﺍ ..
ﺳﻤﺮ .. ﺍﻧﺸﺎﻟﻠﻪ .. ﻗﻔﻠﺘﻪ .. ﺑﺎﻭﻋﺖ ﻻﻣﻲ .. ﻛﺘﻠﻬﺎ ﻟﻴﺶ ﻣﺨﻠﻴﺘﻴﻨﻪ ﻧﻄﻠﻌﻪ ..
ﺍﻻﻡ .. ﻟﻮ ﻃﻠﻌﻨﺎﻩ .. ﺗﺨﻠﻲ ﻏﻴﺮﻩ .. ﺍﺣﺘﻤﺎﻝ .. ﻟﺘﺰﻡ ﺍﺧﻠﻲ ﻋﻤﺘﺞ ﺗﺘﺼﺮﻑ ..
ﺳﻤﺮ .. ﺷﺘﺨﻠﻲ ﻏﻴﺮﻩ ﻳﻮﻡ ﺍﻧﻲ ﺍﺻﻼ ﺑﻌﺪ ﻣﺎ ﺍﻟﻲ ﺭﺟﻌﻪ ﻟﻌﺎﺩﻝ ﺧﻞ ﺗﺎﺧﺬﻩ ﺑﺎﻟﻌﺎﻓﻴﻪ ﻫﺴﻪ ﻫﻮﻩ ﻋﺎﺩ ﺍﺷﻮﻧﻪ ..
ﺍﻻﻡ .. ﻣﻌﻠﻴﺞ ﺍﻧﻲ ﺍﺗﺼﺮﻑ .. ﻳﻠﻪ ﺗﻌﺎﻱ ﻧﺪﺧﻞ ﻋﻴﺐ ﻣﻦ ﺍﻫﻠﻲ ﻧﺒﻘﻰ ﻛﺎﻋﺪﺍﺕ ﺑﺎﻟﺤﺪﻳﻘﻪ ..
ﺳﻤﺮ .. ﻳﻠﻪ .. ﺩﺧﻠﺖ ﻭﺍﻧﻲ ﺍﻓﻜﺮ ﺑﻬﻠﺴﺤﺮ ﺷﻨﻮ ﻳﺮﺑﻲ ﻣﻌﻘﻮﻟﻪ ﻋﻮﺩ ﺣﻨﻴﻦ ﻣﺴﻮﻳﺘﻠﻲ ﺳﺤﺮ ..
ﻭﺍﻟﻪ ﺍﺗﻮﻗﻊ ﻛﻮﻟﺸﻲ ﻣﻨﻬﺎ .. ﻫﻴﻪ ﺍﻟﺘﻨﺎﻡ ﻭﻳﻪ ﺭﺟﺎﻝ ﻏﺮﻳﺐ ﻭﻳﺎﺧﺬ ﻋﺬﺭﻳﺘﻬﺎ ﻗﺒﻞ ﺍﻟﺰﻭﺍﺝ ﻋﻠﻤﻮﺩ ﺗﻮﺭﻃﻪ .. ﺗﺨﺎﻑ ﺍﻟﻠﻪ ..
ﻭﻳﻦ ﻣﺎﻛﻮ ﻭﺻﺨﻪ .. ﻫﺎﺩﻣﻪ ﺣﻴﺎﺗﻲ ﻳﺎﻟﻠﻪ .. ﺳﻤﻌﺖ ﺻﻮﺕ ﺍﻻﺫﺍﻥ .. ﺍﺗﺬﻛﺮﺕ ﺧﺎﻟﺘﻲ ﻣﻦ ﺗﻜﻮﻟﻲ ﺍﻟﺴﺤﺮ ﻣﺴﻴﻄﺮ ﻋﻠﻴﺞ .. ﻻﻥ ﻗﻠﻴﻠﺔ ﺍﻳﻤﺎﻥ ..
ﻛﻤﺖ ﺗﻮﺿﻴﺖ ﻭﺻﻠﻴﺖ .. ﻭﺭﺍﻫﺎ ﻛﻤﺖ ﻭﻳﻪ ﻧﺴﻮﺍﻥ ﺧﻮﺍﻟﻲ ﺍﻧﻲ ﻭﻧﺠﻮﻯ ﻧﺴﻮﻱ ﻋﺸﺎ ..
ﻭﻧﻀﻔﻨﻪ ﺍﻟﺒﻴﺖ ﻭﻛﻌﺪﻧﻪ ﻧﺴﻮﻟﻒ .. ﺧﻮﺍﻟﻲ ﺻﺪﻭﻙ ﺷﻮﻱ ﻋﺪﻫﻢ ﺗﻌﻘﻴﺪ ﻭﻳﺨﻨﻜﻮﻥ .. ﻣﻴﺨﻠﻮﻥ ﺍﻟﻤﺮﻩ ﺗﻮﺻﻞ ﺑﺎﺏ ﺍﻟﺒﻴﺖ ..
ﻭﺣﺘﻰ ﻣﻦ ﻧﻄﻠﻊ ﺑﺎﻟﻜﺮﺍﺝ ﻧﻠﺒﺲ ﺣﺠﺎﺏ .. ﻭﻃﻠﻌﻪ ﻣﻤﻨﻮﻋﻪ ﺍﺑﺒﺪ .. ﺑﺲ ﺣﻴﻞ ﻛﻠﺒﻬﻢ ﻃﻴﺐ ﻭﺟﻤﻌﺘﻬﻢ ﺗﺨﺒﻞ ..
ﻣﺎ ﻋﺪﻫﻢ ﻏﻴﺒﻪ ﻭﻧﻤﻴﻤﻪ ﻭﺣﺠﻲ ﻭﺳﻮﺍﻟﻒ .. ﻛﻌﺪﺍﺗﻬﻢ ﺿﺤﻚ ﻭﺷﻘﻪ ﻭﻃﻴﺒﻴﻦ ﺣﻴﻞ ﺍﺣﺒﻬﻢ
🌿
ﺑﺲ ﻧﺴﻮﺍﻧﻬﻢ ﻫﻮﺍﻱ ﻳﺎﺧﺬﻥ ﻏﻴﺒﻪ .. ﻣﻦ ﻳﻨﺠﻤﻌﻦ . ﻭﻛﺎﻟﻦ ﺷﻔﺘﻲ ﻫﻠﻲ ﺷﺴﻮﺕ .. ﺷﻔﺘﻲ ﻫﺎﻱ ﺯﻋﻼﻧﻪ ﻭﻫﺎﻱ ﻣﻄﻠﻜﻪ ..
ﻣﺎ ﻳﺒﻘﻦ ﻭﺍﺧﺪ ﻣﻴﻜﺼﻨﻪ ﻭﻳﺤﺠﻦ ﺑﻴﻪ .. ﺍﻧﻲ ﺍﺑﺪ ﻣﺎ ﺍﺣﺐ ﺍﺩﺧﻞ ﺑﺤﻴﺎﺓ ﺍﻟﻨﺎﺱ .. ﻭﺍﺿﻮﺝ ﺍﻛﻌﺪ ﺑﻬﻴﺞ ﻛﻌﺪﺍﺕ ..
ﺑﺲ ﺍﻟﺼﺮﺍﺣﻪ ﺣﺘﻰ ﻏﻴﺒﺘﻬﻦ ﻭﺳﻮﺍﻟﻔﻬﻦ ﻭﻧﺴﻪ .. ﺧﺨﺨﺦ ﻛﺎﻋﺪﻳﻦ ﻟﻠﻴﻞ .. ﻣﺨﻠﻴﻪ ﺍﻟﺠﻬﺎﺯ ﺍﻟﻤﻮﺑﺎﻳﻞ ﺑﺠﺴﻤﻲ ..
ﻛﺎﻋﺪﻩ ﻭﻳﺎﻫﻢ .. ﻭﺭﺝ ﺍﻟﺠﻬﺎﺯ ﺍﺗﺼﺎﻝ ... ﻳﻤﻪ ﻛﻤﺰﺕ .. ﻛﺎﻟﻦ ﺷﺒﻴﺞ .. ﻛﺘﻠﻬﻢ ﻫﺎﺍ ﺍﺍﺍﺍﺍ ﺍﺭﻳﺪ ﺍﺭﻭﺡ ﻟﻠﺤﻤﺎﻡ ..
ﻛﻤﺖ ﺭﻛﻀﺖ .. ﻟﻜﻴﺘﻪ ﺑﻜﺮ .. ﺟﺎﻱ ﺍﺟﺎﻭﺏ ﺿﺮﺑﻨﻲ ﺧﺎﻟﻮ ﻛﺎﻇﻢ ﻋﻠﻰ ﺿﻬﺮﻱ .. ﻫﺎﺍ ﻭﻟﺞ ﺳﻤّﻴﺮﻩ ﺷﺠﺎﻱ ﺗﺴﻮﻳﻦ ﻫﻨﺎ ..
ﺍﺍﺍﺍ ﺧﺎﻟﻮ ﺻﺪﻳﻘﺘﻲ ﺧﺎﺑﺮﺗﻨﻲ ﻭﺍﺟﻴﺖ ﺍﺟﺎﻭﺑﻬﺎ ﻻﻥ ﺟﻮﻩ ﺣﺠﻲ ﻭﻋﻴﺐ ﻣﻨﻬﺎ ﺗﺴﻤﻊ ..
- ﻫﺎﺍﺍ ﺟﺎ ﺍﺧﺬﻱ ﺭﺍﺣﺘﺞ ﺧﺎﻟﻮﻭ ..
- ﺭﺍﺡ .. ﺩﺍ ﺍﺭﺩ ﻋﻼﺗﺼﺎﻝ .. ﺍﻧﻘﻄﻊ .. ﺩﺯﻳﺖ ﺭﺳﺎﻟﻪ ﻟﺒﻜﺮ .. ﻛﺘﻠﻪ ﺍﻧﻲ ﺍﺭﻣﺸﻠﻚ ﺑﻠﻴﻞ ﻣﻦ ﺍﻛﻮﻥ ﻭﺣﺪﻱ ﭐפﮔـﻴﮧ
ﺭﺟﻌﻠﻲ .. ﭐפﮔـﻴﮧ ﺍﻧﺘﻀﺮﺝ ﻟﻌﺪ .. ﺳﺪﻳﺖ ﺍﻟﻤﻮﺑﺎﻳﻞ .. ﻭﺭﺣﺖ ﻳﻤﻬﻢ .. ﻟﻠﻴﻞ .. ﻓﺮﺷﻮﻟﻨﻪ ﻛﻠﻨﻪ ﺑﻐﺮﻓﻪ ﻭﺣﺪﻩ ﻭﻳﻪ ﺍﻣﻲ ﻭﺍﺑﻮﻳﻪ ..😐
ﺑﺎﻭﻋﺖ ﻟﻨﺠﻮﻱ ﺗﺒﺎﻭﻉ ﻫﻴﺞ 😦 ﻭﺍﻧﻲ ﺍﺑﺎﻭﻋﻠﻬﺎ ﻫﻴﺞ ..😢 ﻛﺎﻟﺘﻠﻲ ﺷﻠﻮﻥ ﺍﺭﻳﺪ ﺍﺧﺎﺑﺮ ﻣﻴﺰﻭ .. ﻛﺘﻠﻬﺎ ﻭﺍﻧﻲ ﺍﺭﻳﺪ ﺍﺧﺎﺑﺮ ﺑﻜﺮ ﺍﺷﻮﻭﻭﻥ ..
ﺻﺎﺣﺖ ﺍﻣﻲ ﺷﺒﻴﺠﻦ ﺗﻌﺎﻟﻦ ﻧﺎﻣﻦ ﺑﺎﺟﺮ ﺑﺎﻟﺴﺘﻪ ﺍﻟﺼﺒﺢ ﻃﺎﻟﻌﻴﻦ ﻟﺒﻴﺘﻨﻪ .. ﻛﺘﻠﻬﺎ ﺍﻱ ﻳﻮﻡ ﺟﺎﻳﻪ .. ﻭﻧﺠﻮﻯ ﺗﻜﺮﺹ ﺑﻴﺪﻱ ﻭﺗﻜﻮﻝ ﺍﺭﻳﺪ ﺍﺧﺎﺑﺮ ..
ﺟﺮﻳﺘﻬﺎ ﻟﻠﻔﺮﺍﺵ .. ﻭﻧﻤﻨﻪ .. ﻭﺍﺗﻘﺮﺑﺖ ﻳﻤﻬﺎ ﻭﻫﻤﺴﺖ .. ﺑﺲ ﺧﻴﻨﺎﻣﻮﻥ ﺍﻧﻲ ﻭﻳﺎﺝ ﻧﻄﻠﻊ ﺑﺎﻟﺤﺪﻳﻘﻪ ﺍﻟﻮﺭﻩ ﺍﻟﺒﻴﺖ ﻭﻧﻜﻌﺪ ﻧﺴﻮﻟﻒ ..
ﻛﺎﻟﺖ ﻣﺎﺷﻲ .. ﻛﺘﻠﻬﺎ ﻫﻮﻩ ﻣﺎﺯﻥ ﺷﻮﻛﺖ ﻳﺘﻘﺪﻣﻠﺞ .. ﻛﺎﻟﺖ ﻋﺴﺎﺱ ﻗﺒﻞ ﺷﻬﺮﻳﻦ ﻭﺍﺟﻠﻨﻬﺎ ﻋﻠﻤﻮﺩ ﺳﺎﻟﻔﺔ ﺑﺎﺑﺎ ﻭﺍﻟﺠﻠﻄﻪ ﻣﺎﻟﺘﻪ ..
ﻛﺘﻠﻬﺎ ﺍﻱ ﺯﻳﻦ ﺑﺎﻟﻌﻄﻠﻪ ﺧﻞ ﻳﺠﻲ ﻳﺨﻄﺐ ﻭﻳﺘﻤﻢ ﻋﻠﻰ ﺧﻴﺮ ﺍﻧﺸﺎﻟﻠﻪ ..
- ﺍﻭﻭﻭﻑ ﻳﺴﻤﺮ ﻫﻴﺞ ﻭﺍﻛﻮﻥ ﻳﻤﻪ ﻭﺍﻃﻠﻊ ﻣﻦ ﻋﻘﺪﺕ ﺍﺣﻤﺪ ﻭﺍﻟﻠﻪ ﻣﺘﺖ ..
- ﺍﻧﺸﺎﻟﻠﻪ ﺣﺒﻴﺒﻲ .. ﺍﻧﻲ ﺍﺳﺘﻠﻢ ﺩﻭﺭ ﺍﺣﻤﺪ ﺍﺑﺪﺍﻟﺞ ﻫﻬﻬﻪ
- ﻻ ﺍﺳﻢ ﺍﻟﻠﻪ .. ﺑﻠﻜﺖ ﺗﻄﻠﻜﻴﻦ ﻭﺗﺘﺰﻭﺟﻴﻦ ﺍﻟﻠﻲ ﺗﺮﺗﺎﺣﻴﻦ ﻭﻳﺎﻩ ﻭﺗﺨﻠﺼﻴﻦ ..
- ﻭﺍﻟﻠﻪ ﻳﺎ ﻧﻮﻧﻪ .. ﻏﻴﺮ ﺑﻜﺮ ﻣﺎ ﻳﺤﻠﻰ ﺑﻌﻴﻨﻲ ﺭﺟﺎﻝ .. ﺑﺲ ﺷﺴﻮﻱ ﻋﻠﻰ ﻛﻮﻟﺘﻪ ﺍﻟﻴﻪ .. ﻳﻜﻮﻟﻲ ﺍﺣﺒﻚ ﺟﺪﺍ ﻭﺍﻋﻠﻢ ﺍﻥ ﺍﻟﻄﺮﻳﻖ ﺍﻟﻰ ﺍﻟﻤﺴﺘﺤﻴﻞ ﻃﻮﻳﻞ ..
- ﺍﻟﻠﻪ ﻳﺴﺎﻋﺪﻩ ﺧﻄﻴﻪ ﻫﻮﻩ ﺷﻜﺪ ﻳﺤﺒﺞ .. ﺑﺲ ﺳﻤﺮ ﻣﻦ ﺷﻮﻛﺖ ﺣﺒﺞ ﻳﻌﻨﻲ ﻣﻦ ﺩﺧﻠﺘﻲ ﺑﻴﺘﻬﻢ ﻟﻮ ﺷﻮﻛﺖ ..
ﺗﺘﺬﻛﺮﻳﻪ ﺟﺎﻥ ﻋﻘﺪﻩ ﻭﻣﺘﻜﺒﺮ ﻭﺷﺎﻳﻒ ﻧﻔﺴﻪ ﺍﻟﻜﻠﻤﻪ ﻳﻤﻦ ﺑﻴﻬﺎ ﻋﻠﺒﺸﺮ ﻣﻦ ﻳﺤﺠﻲ ﻭﻳﺎﻩ .
- ﺍﻱ ﺟﻨﺖ ﺍﻋﺘﻘﺪﻩ ﻋﻘﺪﻩ ﻧﻔﺴﻴﻪ ﻭﻣﺘﻜﺒﺮ .. ﺑﺲ ﺟﺎﻥ ﻇﺎﻡ ﻛﻞ ﻫﺒﺤﺐ ﺑﻜﻠﻤﻪ .. ﻭﻳﺨﺠﻞ ﻳﻌﺘﺮﻑ ﺑﻴﻬﺎ ..
- ﺑﻜﺮ ﻣﻮ ﺧﺠﻮﻝ .. ﺍﺻﻼ ﺻﻠﻒ ﺑﻠﺴﺎﻧﻪ .
- ﻣﻮ ﻗﺼﺔ ﺧﺠﻞ .. ﻭﺍﻧﻤﺎ ﺧﺠﻠﻪ ﻛﺒﺮﻳﺎﺀ .. ﻭﺗﺘﺬﻛﺮﻳﻦ ﻋﺎﺩﻝ ﻣﻦ ﺟﺎﻥ ﻳﻐﺎﺯﻟﻨﻲ ﻛﺪﺍﻣﻪ .. ﻭﻧﺘﺸﺎﻗﻪ ﻭﻫﻮﻩ ﻳﺘﻀﺎﻳﻖ
🌿
ﻫﻮﻩ ﺟﺎﻥ ﻳﻌﺘﻘﺪ ﻋﺎﺩﻝ ﻫﻢ ﻳﺤﺒﻨﻲ .. ﻭﻣﻦ ﺗﻘﺪﻣﻠﻲ ﻋﺎﺩﻝ .. ﺳﻜﺖ .. ﺑﺲ ﻣﻦ ﺑﺎﻋﻨﻲ ﺍﻟﻪ ﺍﻟﺨﺴﻴﺲ .. ﺍﻧﺸﻤﺮﺕ ﺑﺄﻳﺪﻩ ﺑﻌﺪ ﺍﻧﺠﺒﺮ ﻳﺤﺒﻨﻲ ﻭﻳﺴﺘﻤﺮ ﺑﺤﺒﻲ ..
ﻭﺍﻧﻲ ﻧﺠﺒﺮﺕ ﺍﺣﺒﻪ ..
- ﺯﻳﻦ ﺳﻤﺮ ﺍﻧﺘﻲ ﺗﺤﺒﻴﻪ ﺑﻜﺪ ﻣﺎ ﻫﻮﻩ ﻳﺤﺒﺞ ..
- ﺍﻋﺸﻘﻪ ﻣﻮ ﺑﺲ ﺍﺣﺒﻪ .. ﺑﺲ ﺍﺑﻘﻰ ﺧﺎﻳﻔﻪ ﺑﺤﺒﻪ .. ﺍﻋﺮﻑ ﻫﻮﻩ ﻳﻜﺪﺭ ﻳﻮﺍﺟﻪ ﻭﻳﺤﺎﺭﺏ ﺑﺤﺒﻲ ..
ﺑﺲ ﺍﻋﺮﻑ ﻣﺮﺍﺡ ﻳﻜﺪﺭ ﻳﻮﺍﺟﻪ ﺍﻟﻤﺠﺘﻤﻊ ﻭﻳﺘﻐﻠﺐ ﻋﻠﻴﻬﻢ .. ﺍﻻ ﻧﻜﺴﺮ ﺍﻟﻌﺎﺩﺍﺕ ﻭﻧﺼﻴﺮ ﻟﺒﻌﺾ ..
ﻭﺑﻬﻠﺤﺎﻟﻪ ﻻﺯﻡ ﺍﺗﺒﺮﻩ ﻣﻦ ﺍﻣﻲ ﻭﺍﻫﻠﻲ ﻭﻳﺘﺒﺮﻭﻥ ﻣﻨﻲ .. ﻭﻳﻤﻜﻦ ﻳﺮﺟﻌﻮﻥ ﻳﻬﺪﺭﻭﻥ ﺩﻣﻲ ..
- ﺳﻤﺮ ﺍﺫﺍ ﺍﻃﻠﻘﺘﻲ ﺑﻌﺪ ﺷﻌﻠﻴﻬﻢ ..
- ﻣﺎ ﺗﺮﻫﻢ ﻧﻮﻧﻪ .. ﺻﻌﺐ ﺍﺗﺰﻭﺝ ﺍﺧﻮ ﻃﻠﻴﻘﻲ .. ﻣﻨﻮ ﻳﺘﻘﺒﻠﻬﺎ .. ﻟﻬﻴﺞ ﺧﺎﻳﻔﻪ ﻣﻦ ﺣﺒﻪ .
- ﻭﺍﻟﻠﻪ ﻳﺎ ﺳﻤﺮ ﺍﻧﺘﻲ ﺟﺒﺎﻧﻪ ..
- ﺑﺎﻭﻋﺘﻠﻬﺎ .. ﻭﻛﺘﻠﻬﺎ ﻣﻮ ﺑﻴﺪﻱ ﺍﺧﺎﻑ .. ﺑﺲ ﻟﻮ ﺍﻃﻠﻘﺖ ﻻ ﺧﻼﺹ ﻟﻮ ﺍﻋﺮﻑ ﺍﻫﺪ ﺍﻟﺪﻧﻴﺎ ﻣﺎ ﺍﻛﺪﺭ ﺍﻋﻮﻓﻪ ﺑﻌﺪ ..
- ﺗﺘﺰﻭﺟﻴﻪ ..
- ﻃﺒﻌﺎ .. ﻳﺠﻲ ﻳﺨﻄﺒﻨﻲ ﻣﻦ ﺍﻫﻠﻲ .. ﻭﻛﺪﺍﻡ ﺍﻟﻨﺎﺱ ﻟﻮ ﺍﻟﻨﻠﺲ ﺭﻓﻀﺖ ﺗﺠﻤﻌﻨﻪ ﺫﺍﻙ ﺍﻟﻮﻗﺖ .. ﺍﻛﺴﺮ ﺑﺎﻟﻨﺎﺱ ﻭﺑﺎﻟﻌﺎﺩﺍﺕ ﻭﺍﺧﺬﻩ ﻭﺍﺗﺰﻭﺟﻪ ..
ﻭﺗﺎﻟﻲ ﺍﻫﻠﻲ ﻳﻘﺒﻠﻮﻥ .. ﻣﺜﻞ ﻣﺘﻘﺒﻠﻮ ﺑﻴﺖ ﺟﺪﻱ ﺑﺰﻭﺍﺝ ﺍﻣﻲ .. ﻭﺧﺎﺻﻪ ﺑﻜﺮ ﻣﺴﺆﻝ ﻋﻦ ﺑﻴﺖ ﺍﻫﻠﻪ ﻭﻳﺘﻠﻮﻛﻮﻟﻪ ..
ﻣﺘﺄﻛﺪﻩ ﻳﻌﺎﺭﺿﻮﻥ ﺍﻭﻝ ﺑﺪﺍﻳﻪ ،، ﻭﺑﻌﺪﻳﻦ ﻳﺴﺘﺴﻠﻤﻮﻥ .. ﺩﻧﺤﺠﻲ ﻭﺭﺝ ﻣﻮﺑﺎﻳﻞ ﻧﻮﻧﻪ ..
- ﻭﺝ . ﻣﻴﺰﻭ ﺩﻳﺨﺎﺑﺮ ﺍﺷﻮﻭﻥ ..
- ﺷﻠﺖ ﺭﺍﺳﻲ . ﺍﻣﻲ ﻭﺍﺑﻮﻳﻪ ﻧﺎﻳﻤﻴﻦ .. ﻛﺘﻠﻬﺎ ﻋﻠﻰ ﻛﻴﻔﺞ ﻛﻮﻣﻲ .. ﻛﻤﻨﻪ ﻋﻠﻰ ﻛﻴﻴﻴﻴﻒ ﻣﺜﻞ ﺍﻟﺤﺮﺍﻣﻴﻪ ..
ﻭﻃﻠﻌﻨﻪ ﻣﻦ ﺍﻟﺒﻴﺖ ﺭﺣﻨﻪ ﻟﻠﺤﺪﻳﻘﻪ ﺍﻟﺨﺎﺭﺟﻴﻪ ﺍﻟﻮﺭﻩ ﺍﻟﺒﻴﺖ .. ﺍﻟﺠﻮ ﺟﺎﻥ ﺣﻴﻞ ﺣﻠﻮ ﺍﻟﺸﻬﺮ ﺍﻟﺨﺎﻣﺲ ..
ﻛﻌﺪﺕ ﻧﻮﻧﻪ ﺗﺨﺎﺑﺮ ﻣﺎﺯﻥ ﻭﺍﻧﻲ ﺧﺎﺑﺮﺕ ﻟﺒﻜﺮ .. ﺳﺪﻩ ﺑﻮﺟﻌﻲ ﻭﺭﺟﻊ ﺧﺎﺑﺮﻧﻲ ﻻﻥ ﻳﻌﺮﻑ ﺣﺪﻳﻘﻪ ﻭﻣﺎ ﻋﻨﺪﻱ ﻓﻠﻮﺱ ﺧﺨﺨﺦ
ﺑﻜﺮ .. ﺍﻟﻮﻭ
ﺳﻤﺮ .. ﻫﻼ ﺑﻜﺮ
- ﻫﻼ ﺳﻤﺴﻢ ﺷﻮ ﺗﺄﺧﺮﺗﻲ ..
- ﻣﻮ ﺗﺎﻧﻴﻨﺎﻫﻢ ﻳﻨﺎﻣﻮﻥ ﻭﻧﺎﺧﺎﺑﺮ ..
- ﻣﻨﻮ ﺍﻟﻠﻲ ﻧﺨﺎﺑﺮ .. ﻗﺼﺪﺝ ﻧﺠﻮﻯ
- ﺍﻱ ﺗﺨﺎﺑﺮ ﺣﺒﻴﺒﻬﺎ ..
- ﻳﺤﺒﻬﺎ ﻣﺘﺄﻛﺪﻩ ﻣﻨﻪ ﻟﻮ ﻫﻴﺞ ..
- ﻻ ﻧﺎﻭﻱ ﻳﺘﻘﺪﻣﻠﻬﺎ ﺑﺲ ﺗﺄﺟﻠﺖ ﻟﻠﻌﻄﻠﻪ ..
- ﻫﺎﺍ ﻋﻠﺨﻴﺮ ﺍﻧﺸﺎﻟﻠﻪ .. ﺍﻛﻮﻭﻝ ﺷﻨﻮ ﺳﺎﻟﻔﺔ ﺍﻟﺘﺎﻧﻜﻲ ﻭﺍﻟﺴﺤﺮ
- ﻭﺍﻟﻠﻪ ﻳﺎ ﺑﻜﺮ ﺳﺎﻟﻔﻪ ﺗﺤﻴﺮ ﺍﻟﻌﻘﻞ .. ﻣﺎ ﺍﻋﺮﻑ ﺷﻠﻮﻥ ﺍﺻﺪﻙ ﺣﺘﻰ ﺍﺧﻠﻴﻚ ﺗﺼﺪﻙ ﻟﻼﻥ ﻣﺼﺪﻭﻣﻪ ..
- ﺷﻨﻮ ﺍﻟﻘﺼﻪ ﺳﻮﻟﻔﻴﻠﻲ ..
- ﻋﻨﺪﻱ ﺧﺎﻟﻪ ﺗﻘﺮﻩ ﺍﻟﺠﺒﻴﻦ .. ﻭﺗﺸﻮﻑ ﺍﺷﻴﺎﺀ ﻭﺗﻜﻮﻝ ﻫﺬﺍ ﻧﻮﺭ .. ﺳﻮﻟﻔﺘﻠﻲ ﺷﻐﻼﺕ ﻭﺍﻧﻄﺘﻨﻲ ﻣﻮﺍﺻﻔﺎﺕ ﻭﻛﻔﺖ ﻋﻘﻠﻲ ..
- ﺷﺴﻮﻟﻔﺘﻠﺞ
- ﻛﺎﻟﺖ ﺍﻛﻮ ﺑﻨﻴﻪ ﻋﺪﻫﺎ ﺷﺎﻣﻪ ﺑﺨﺪﻫﺎ .. ﻭﺑﻴﻨﺞ ﻭﺑﻴﻨﻬﺎ ﺭﺟﺎﻝ ﻭﻣﺴﻮﻳﺘﻠﺞ ﺳﺤﺮ . ﻭﻫﻴﻪ ﻋﺎﻣﻴﻪ ﻋﺎﺩﻝ ﻋﻨﻲ
🌿
ﺍﺵ ﺍﺵ ﺍﺵ ﺳﻤﺮ ﻻ ﺗﺤﺠﻲ ﻣﺎ ﺣﺎﺏ ﺍﺳﻤﻊ .
- ﻟﻴﺶ .. ؟؟
- ﻻﻥ ﺑﻜﻞ ﺑﺴﺎﻃﻪ ﻣﺎ ﺍﻣﻦ ﺑﻬﻠﺸﻐﻼﺕ ﺍﻟﺘﺎﻓﻬﺎ .. ﻭﻋﺎﺩﻝ ﻋﻤﺮﻩ ﻣﺎ ﺣﺒﺞ .. ﺟﺎﻥ ﻳﺤﺐ ﺣﻨﻴﻦ ..
- ﺑﺲ ﺗﻜﻮﻝ ﻫﻴﻪ ﺣﻨﻴﻦ ﻣﺴﻮﻳﺘﻠﻪ ﺳﺤﺮ
- ﻫﺎﻱ ﺷﺒﻴﺞ .. ﻣﺜﻘﻔﻪ ﻭﺩﺍﺭﺳﻪ ﺗﺄﻣﻨﻴﻦ ﺑﻬﺸﻐﻼﺕ ﺍﻟﺘﺎﻓﻬﺎ ..
- ﻭﺍﻟﻠﻪ ﻳﺎ ﺑﻜﺮ ﺛﺎ ﺍﻋﺮﻑ ﻋﻠﻌﻤﻮﻡ ﻣﺨﺴﺮﺍﻧﻴﻦ ﺷﻲ .. ﺍﻃﻠﻊ ﺍﻟﻜﺎﻟﻮﻟﻲ ﻋﻠﻲ .. ﻭﺍﺳﻮﻱ ﺍﻟﻮﺻﻮﻧﻲ ﺑﻴﻪ ..
ﺍﻟﻔﺎﺩﻧﻲ ﺧﻴﺮ ﻋﻠﻰ ﺧﻴﺮ ﻭﺍﻟﻤﺎﻓﺎﺩﻧﻲ ﻋﺎﺩﻱ ..
- ﺷﻮﻛﺖ ﺗﺮﺟﻌﻮﻥ ..
- ﺑﺎﺟﺮ ﺍﻟﺼﺐ .… ﺩﺍ ﺍﺣﺠﻲ ﻭ ﻟﻤﺤﺖ ﺍﺣﻤﺪ ﻣﻦ ﺑﻌﻴﺪ .. ﻗﻄﻌﺖ ﺍﻻﺗﺼﺎﻝ ﺑﺴﺮﻋﻪ ﻭﺧﻠﻴﺖ ﺍﻟﻤﻮﺑﺎﻳﻞ ﺟﻮﻩ ﺭﺟﻠﻲ ..
ﻭﻧﺪﺳﺖ ﻧﺠﻮﻯ ﺣﻴﻞ .. ﻫﻢ ﺧﻠﺖ ﻣﻮﺑﺎﻳﻠﻬﺎ ﺟﻮﻩ ﺭﺟﻠﻬﺎ ﺑﺴﺎﻉ .. ﺍﺣﻤﺪ ﺩﺍﺭ ﻭﺟﻬﺎ ﻟﻠﺠﻬﻪ ﺍﻟﺜﺎﻧﻴﻪ ﻭﻣﺎ ﺑﺎﻭﻋﻠﻨﻪ .
ﻛﺘﻠﻬﺎ ﻛﻮﻣﻲ ﺧﻞ ﻧﺪﺧﻞ ﻻ ﻧﻨﻜﺘﻞ .. ﻛﻤﻨﻪ ﻋﻠﻰ ﻛﻴﻒ .. ﻟﺒﺪﻧﻪ ﻭﺭﻩ ﺍﻟﺸﺠﺮﻩ ﻧﺴﻤﻌﻪ ..
ﻳﻜﻮﻝ ﺣﻴﺎﺗﻲ ﺷﺒﻴﺞ ﺑﺲ ﻻ ﺗﺰﻋﻠﻴﻦ .. ﻭﺍﻟﻠﻪ ﺟﻨﺖ ﻧﺎﻳﻢ ﻭﻣﺎ ﺷﻔﺖ ﺍﻻﺗﺼﺎﻝ .. ﺑﺎﻭﻋﺖ ﻟﻨﺠﻮﻯ ﻭﻫﺰﻳﺖ ﺍﻳﺪﻱ ..
ﺧﻠﻴﻨﻪ ﻳﺒﺘﻌﺪ ﺷﻮﻱ ..
ﻭﺗﺮﺍﻛﻀﻨﻪ ﻟﻠﺒﻴﺖ .. ﻛﺘﻠﻬﺎ ﺷﻔﺘﻲ ﺍﻟﺸﻔﻴﻪ .. ﻛﺎﻟﺖ ﺍﻱ ﺳﻤﻌﺘﻪ ..
ﻛﺘﻠﻬﺎ ﺧﻞ ﺍﻧﺎﻡ ﺑﺎﺟﺮ ﻭﺭﺍﻧﻪ ﻃﺮﻳﻖ .. ﻭﻣﻦ ﻧﺮﺟﻊ ﺍﻣﻲ ﺗﺘﻮﻻﻧﻪ ﺑﺸﻐﻞ ﺍﻟﻔﻠﺒﻴﻨﻴﺎﺕ ... ﻭﻧﻜﻌﺪ ﻧﺠﻠﻒ ﺑﺪﻭﻥ ﺭﺣﻤﻪ ..
ﺿﺤﻜﺖ .. ﻛﺎﻟﺖ ﻳﻠﻪ .. ﺭﺣﺖ ﻟﻠﻔﺮﺍﺵ .. ﺍﻭﻭﻭﻑ ﻫﻢ ﻫﻴﺞ ﻭﺍﻃﻠﻖ ﻭﺍﺗﺰﻭﺝ ﺑﻜﺮ ﻭﺍﻋﻴﺶ ﻣﺮﺗﺎﺣﻪ ..
ﺑﺲ ﻋﻮﺩ ﻳﺎﺭﺑﻲ ﺗﺮﻫﻢ .. ﺍﺗﺬﻛﺮﺕ ﺍﺭﻛﺎﻥ .. ﻭﺷﻠﻮﻥ ﻳﻌﺎﻣﻞ ﺯﻭﺟﺘﻪ .. ﻭﻫﻴﻪ ﺍﻟﻠﻪ ﻣﺎ ﻳﺠﺮﻋﻬﺎ .. ﻳﺸﻴﻞ ﺍﻟﻄﺮﺷﻲ ﺍﻟﻜﺒﺎﻟﻪ
ﻭﻳﺤﻄﻪ ﺍﻟﻬﺎ ﻻﻥ ﺗﺘﻨﺴﻪ .. ﺧﺮﺏ ﺣﻈﻲ ﺍﻱ ﻭﺍﻟﻠﻪ . ﻫﺴﻪ ﺍﻧﻲ ﻻ ﺣﻈﻴﺖ ﺑﺮﻛﺎﻥ ﻭﻻ ﺍﺑﻜﺮ .. ﺭﺣﺖ ﻟﻌﺎﺩﻝ ..
ﺷﺠﺎﺑﻨﻲ ﻋﻠﻴﻪ .. ﺷﺨﻼﻧﻲ ﺍﻭﺍﻓﻖ .. ﻳﺮﺑﻲ ﻭﺍﻟﻠﻪ ﻏﺒﻴﻪ ﺍﻧﻲ ﺷﻠﻮﻥ ﺍﺿﻞ ﺑﻬﻠﻐﺒﺎﺀ ..
ﺍﻧﺸﺎﻟﻠﻪ ﺍﺗﺰﻭﺝ ﺑﻜﺮ ﻭﺍﻋﻴﺶ ﺳﻌﻴﺪﻩ ﻭﻳﺎﻩ .. ﻭﺍﻧﺴﻰ ﻛﻞ ﻫﺘﻔﻜﻴﺮ ﺑﻮﺟﻮﺩﻩ .. ﺑﺲ ﻭﻋﺎﺋﻠﺘﻪ . ﺍﻧﻲ ﻫﻢ ﻧﺴﻴﺖ ﻧﻀﺎﻝ ..
ﺧﻄﻴﻪ ﺷﻠﻮﻥ ﺍﺧﺬ ﺑﻜﺮ ﻭﻫﻴﻪ ﺣﺎﻣﻞ .. ﻳﻌﻨﻲ ﻭﺣﺘﻰ ﻟﻮ ﺣﺎﻣﻞ .. ﺣﺘﻰ ﻟﻮ ﻋﺎﻳﻔﻪ ﺑﻜﺮ ﺟﺎﻥ ﻫﻮﻩ ﺳﺎﻓﺮ ..
ﺍﻗﺒﻞ ﺑﻴﻪ ﻭﻋﻮﺩ ﺍﻧﻲ ﺍﺣﻨﻨﻪ ﻋﻠﻰ ﺍﺑﻨﻪ .. ﻛﺎﻓﻲ ﺗﻔﻜﻴﺮ ﺳﻤﺮ ﻧﺎﻣﻲ .. ﺍﻱ ﺍﻧﺎﻡ ﺍﺣﺴﻦ 😴😴😴
ﻛﻌﺪﻧﻪ ﻭﻳﻪ ﺻﻼﺓ ﺍﻟﻔﺠﺮ ﻛﻮﻩ ﺍﻓﺘﺢ ﻋﻴﻨﻲ ﻣﺸﺒﻌﺎﻧﻪ ﻧﻮﻡ .. ﺻﻠﻴﻨﻪ ﻭﻃﻠﻌﻨﻪ ﻟﻠﺒﻴﺖ .. ﻭﺻﻠﻨﻪ ﻣﺘﻜﺴﺮﻳﻦ ..
ﻛﺎﻟﺖ ﺍﻣﻲ .. ﻳﻮﻭﻭﻱ ﺍﻟﺒﻴﺖ ﻛﻠﻪ ﺗﺮﺍﺏ . ﻛﺘﻠﻬﺎ ﻳﻤﻤﻤﻤﻤﻨﻪ ﻓﺪﻭﺗﺞ ﺍﻟﻌﺮﺍﻕ ﻣﻦ ﺍﻟﺸﻤﺎﻝ ﻟﻠﺠﻨﻮﺏ ﺍﺟﻠﺢ ﺍﻣﻠﺢ ﻛﻠﻪ ﺗﺮﺍﺏ ..
ﺗﻌﺒﺎﻧﻴﻦ ﻣﺎﺑﻴﻨﻪ ﺣﻴﻞ ﺍﻧﻀﻒ ﺑﺲ ﺍﻧﺎﻡ ﻓﺪﻭﻩ ..😢 ﺍﺑﺘﺴﻤﺖ .. ﻭﻛﺎﻟﺖ ﻋﺎﺑﺖ ﺑﺠﻴﺘﻲ ﺑﻮﺟﻪ ﺑﺴﺎﻉ .. ﺭﻭﺣﻦ ﻧﺎﻣﻦ ..
ﺏ 12 ﺍﻛﻌﺪﺟﻦ ﻫﺎﺍ .. ﻛﺘﻠﻬﺎ ﻣﺎﺷﻲ .. ﺗﺮﺍﻛﻀﻨﺎ ﺍﻧﻲ ﻭﻧﺠﻮﻯ .. ﺍﺧﺬﺕ ﻛﻴﻤﻮﻧﻪ ﻭﺑﺠﺎﻣﻪ ﻣﻨﻬﺎ ﻟﺒﺴﺖ ﻭﻛﺒﻞ ﺍﻧﺒﻄﺤﺖ ﺑﺎﻟﻜﺎﻉ ﻭﻧﻤﺖ
🌿
ﻣﺎ ﻛﻌﺪﺕ ﺍﻻ ﻋﻠﻰ ﺻﻮﺕ ﺍﻣﻲ .. ﻛﺎﻟﺖ ﻳﻠﻪ ﻛﻮﻣﻦ ﻛﺎﻓﻲ ﻧﻮﻡ ﺍﻟﺴﺎﻋﻪ ..3 ﻓﺘﺤﺖ ﻋﻴﻨﻲ .. ﻛﻮﻩ ﺍﻟﻀﻮﻩ ﺑﻴﻬﺎ ..
ﺷﻔﺘﻬﺎ ﻛﺎﻋﺪﻩ ﻛﺒﺎﻟﻲ .. ﺿﺤﻜﺖ .. ﺍﺭﺗﻤﻴﺖ ﺑﺤﻈﻨﻬﺎ ﻭﺑﺴﺖ ﺧﺪﻫﺎ .. ﻛﺘﻠﻬﺎ ﺧﺮﻩ ﺑﺎﻟﻌﻴﺎﻝ ﻻ ﺍﺑﻮ ﺍﻟﺮﺟﺎﻝ .. ﻭﺍﻟﻠﻪ ﻣﺎﻣﺎ ﺷﻮﻓﺘﺞ ﻫﻴﺞ ﻛﻞ ﻳﻮﻡ ﺗﺴﻮﻩ ﺍﻟﺪﻧﻴﺎ ..
ﺿﺤﻜﺖ .. ﻛﺎﻟﺖ ﺍﻟﻠﻪ ﻳﺨﻠﻴﺞ ﺑﻨﻴﺘﻲ .. ﺑﺲ ﻛﻮﻣﻲ ﺍﺭﻳﺪ ﺍﺣﺠﻲ ﻭﻳﺎﺝ .. ﻛﺘﻠﻬﺎ ﻛﻤﺖ .. ﻛﺎﻟﺖ ﺑﺪﻟﻲ ﺍﻟﻜﻴﻤﻮﻧﻪ ﻻ ﻳﺠﻲ ﺍﺣﻤﺪ ﻭﻳﺸﻮﻓﺞ ﻫﻴﺞ ﻳﺘﺴﻮﺩﻥ ..
ﻛﺘﻠﻬﺎ ﻏﻴﺮ ﺑﻐﺮﻓﺘﻨﻪ ﻳﺎ ﺍﻣﻲ .. ﻛﺎﻟﺖ ﻫﺴﻪ ﻋﻮﻓﻴﻨﻪ .. ﺭﺍﺡ ﺍﺧﺎﺑﺮ ﻋﻤﺘﺞ ﺳﺎﻣﻴﻪ ..
- ﺍﻭﻭ ﻻ ﻫﻠﻪ ﻭﻻ ﻣﺮﺣﺒﺎ ﺑﻮﺟﻪ ﺍﻟﻔﻜﺮ ..
- ﻋﻴﺐ ﺍﺳﺘﺤﻲ .. ﻣﻴﺼﻴﺮ ﺗﺤﺠﻴﻦ ﻫﻴﺞ ..
- ﻳﻤﻪ ﺷﺎﻳﻔﻪ ﺍﺷﻮﻓﺘﻨﻲ ﻣﻦ ﺍﻳﺎﻡ ﺳﻮﺩﻩ . ﺑﺲ ﺍﻟﻠﻪ ﻳﻌﻠﻢ ﺑﻴﻬﺎ ..
- ﻫﺴﻪ ﻋﻮﻓﻴﻨﻪ ﻣﻦ ﻫﺴﻮﺍﻟﻒ ﻳﺎ ﻳﻤﻪ .. ﺍﺭﻳﺪ ﺍﺧﺎﺑﺮﻫﺎ ﻋﻠﻰ ﻣﻮﺿﻮﻉ ﺍﻟﺴﺤﺮ ..
- ﻳﻮﻡ ﻫﺴﻪ ﺗﺒﻠﻴﻨﻲ ﺑﻴﻪ ﺍﻧﻲ ﻭﺗﻜﻮﻝ ﻫﻴﻪ ﻣﺨﻠﻴﺘﻪ ﻭﺗﻔﺮﻫﺎ ﻋﻠﻴﻪ ..
- ﻻﺍﺍ ﺍﻛﻌﺪﻫﺎ ﻛﺒﺎﻝ ﺍﺑﻮﺝ ﻫﻴﻪ ﺗﺨﺠﻞ ﺗﻨﻄﻲ ﺑﻴﻨﻪ ﻛﺪﺍﻣﻪ .. ﻭﺍﺳﻮﻟﻒ ﻭﻳﺎﻫﺎ ﻋﻠﻰ ﻛﻞ ﺍﻟﻜﺎﻟﻮﻩ ﺍﻟﻨﻪ ..
ﻭﻋﻤﺘﺞ ﺗﺄﻣﻦ ﺑﻬﻴﺞ ﺳﻮﺍﻟﻒ .. ﻭﺗﺤﺒﻬﻦ ﻭﺩﻭﻡ ﺗﺤﺠﻲ ﺑﻴﻬﻦ .. ﺑﺲ ﺍﻻﻣﺎﻧﻪ ﻟﻠﻪ ﻣﺎ ﺗﺘﻌﺎﻣﻞ ﺑﻴﻪ ..
- ﺑﻜﻴﻔﺞ ﻳﻮﻡ .. ﻃﻠﻌﺖ ﺍﻟﻤﻮﺑﺎﻳﻞ ﻣﻦ ﺟﻴﺒﻬﺎ .. ﺩﻭﺭﺕ ﺍﺳﻤﻬﺎ ﻭﺧﺎﺑﺮﺕ .. ﺍﻟﻮ ﻫﺎ ﺍﻡ ﺑﻜﺮ ﺍﺷﻠﻮﻥ ﺧﻴﻪ .. ﻭﺳﻮﻟﻔﺖ ﻭﻳﺎﻫﺎ ..
ﻭﺳﺪﺗﻪ .. ﻛﺘﻠﻬﺎ ﻫﺎﺍ .. ﻛﺎﻟﺖ ﻛﻮﻣﻦ ﺑﺴﺎﻉ ﺭﺍﺡ ﺗﺠﻲ ﻫﺴﻪ .. ﺧﻞ ﻧﻤﺴﺢ ﺍﻟﺒﻴﺖ .. ﻛﺘﻠﻬﺎ ﻳﻠﻪ .
ﻃﻠﻌﺖ ﻓﺎﻧﻴﻠﻪ ﻃﻮﻳﻠﻪ ﻟﺒﺴﺘﻬﺎ ﻭﻧﺰﻟﺖ .. ﺍﻧﻲ ﺧﻠﻴﺖ ﺳﻄﻞ ﻭﻣﺴﺤﺖ ﺍﻟﺒﻴﺖ .. ﻭﻧﻮﻧﻪ ﺭﺍﺣﺖ ﻟﻠﻤﻄﺒﺦ ..
ﻭﺍﻣﻲ ﺧﺒﻄﺖ ﻛﻴﻜﻪ ﻭﺧﻠﺘﻬﺎ ﺑﺎﻟﻔﺮﻥ .. ﺍﻧﻮﺏ ﺭﻛﻀﺖ ﺳﺒﺤﺖ ﻭﺧﻠﻴﺖ ﻣﻜﻴﺎﺝ ﻳﺨﺒﻞ ☺ ﻋﻠﻤﻮﺩ ﺍﺑﻴﻨﻠﻬﺎ ﺗﺮﻩ ﻣﻦ ﻓﺎﺭﻛﺖ ﻭﺟﻬﺞ ﺍﻟﻮﺻﺦ ﻛﻞ ﺍﻟﺨﻴﺮ ﻟﻔﺎﻧﻲ 😝
ﻋﻄﺮﺕ ﻭﻧﺰﻟﺖ .. ﻭﻛﻌﺪﺕ ﻳﻢ ﺑﺎﺑﺎ ﺍﻓﺮﺟﻠﻪ ﺭﺟﻠﻴﻪ .. ﺩﻛﺖ ﻋﻤﺘﻲ ﺍﻟﺒﺎﺏ .. ﻓﺘﺤﺘﻬﺎ ﺍﻣﻲ .. ﻭﺩﺧﻠﺖ ﻻﺑﻮﻱ ﺗﺴﻠﻢ ﻭﺗﺒﻮﺱ ﺭﺍﺳﻪ .
ﺑﺎﻭﻋﺘﻠﻲ ﻭﺗﻜﻠﻲ ﻫﺎ ﻭﻟﺞ ﺳﻤﻴﺮﻩ ﺟﻨﺞ ﻓﺮﺣﺎﻧﻪ ﺑﺰﻋﻠﺘﺞ .. ﻛﺘﻠﻬﺎ ﻣﻮ ﺯﻋﻞ ﻋﻤﻪ ﻣﻮ ﺯﻋﻞ ﺧﻼﺹ ﺑﻌﺪ ﻃﻼﻕ ﻓﺪ ﻣﺮﻩ .
ﻫﻤﺴﺘﻠﻲ .. ﺗﺤﻠﻤﻴﻦ ﺍﺧﻠﻴﺞ ﺗﻄﻠﻜﻴﻦ ﻣﻦ ﻋﺎﺩﻝ ﻭﺗﻨﻔﺮﺩﻳﻦ ﺑﺎﻟﺜﺎﻧﻲ .. ﻭﻛﻌﺪﺕ .. ﻛﺎﻟﺘﻠﻪ ﺷﻠﻮﻧﻚ ﻓﺮﺣﺎﻥ ﺧﺮﻳﺖ ﻭﺍﻟﻠﻪ ﻣﺸﺘﺎﻗﺘﻠﻚ ..
ﺑﻘﻴﺖ ﺍﺑﺎﻭﻋﻠﻬﺎ .. ﺍﻱ ﻣﻮ ﻫﻮﻩ ﺑﻜﻴﻔﺞ .. ﻋﻔﺘﻬﺎ ﻭﻃﻠﻌﺖ .. ﺻﺎﺣﺖ ﺍﻣﻲ .. ﺧﻠﻦ ﺍﻟﻜﻴﻚ ﻟﻌﻤﺘﺞ ﻭﺟﻴﺒﻦ ﺑﺒﺴﻲ ..
ﻛﺎﻟﺘﻼ ﻻ ﻭﺍﻟﻠﻪ ﻣﺎ ﺍﺷﺘﻬﻲ .. ﻣﺴﺪﻭﺩﻩ ﻧﻔﺴﻲ .. ﻛﺎﻟﺘﻠﻬﺎ ﻫﺴﻪ ﺗﺸﻮﻓﻴﻪ ﻭﻳﻌﺠﺒﺞ ﻭﺗﺎﻛﻠﻴﻦ .. ﺣﻄﻴﺖ ﺍﻟﻜﻴﻚ ﺑﻤﺎﻋﻮﻥ ﻭﻛﻼﺹ ﻭﻗﻮﻃﻴﺔ ﺑﺒﺴﻲ ..
ﺧﻠﻴﺘﻬﺎ ﻛﺒﺎﻟﻬﺎ ﻭﺑﺪﻱ ﺍﺷﻴﻠﻪ ﻭﺍﺭﻛﻌﻪ ﺑﻮﺟﻬﺎ .. ﺑﺲ ﺳﻮﻳﺖ ﻧﻔﺴﻲ ﻋﻮﺩ ﻣﺤﺘﺮﻣﻪ ﻣﺆﺩﺑﻪ ☺
ﺧﻠﻴﺘﻪ ﻛﺪﺍﻣﻬﺎ ﻭﺷﻔﻄﺖ 3 ﻛﺼﺎﺕ ﻛﻴﻚ ﻋﻮﺩ ﻣﺎ ﺍﺷﺘﻬﻲ ﺧﺮﺏ ﺑﻬﺒﻞ ﺍﻟﻴﻠﻌﺐ ﻃﻨﺐ ﺷﻜﺪ ﻳﻬﻤﺒﻞ ..
ﻛﻌﺪﺕ ﺍﻧﻲ ﻭﺳﻮﻟﻔﺘﻠﻬﺎ ﻋﻠﺴﺤﺮ ﻭﺷﻠﻮﻥ ﻛﺎﻟﻠﻨﻪ ﺍﻟﺴﻴﺪ ﺑﺎﻟﺘﺎﻧﻲ ﻭﻭﺭﻩ ﺍﻟﻜﻨﺘﻮﺭ ﻭﺣﺘﻰ ﻃﻔﻠﻬﺎ ﺍﻟﻮﻛﻊ ﻭﺍﻟﺸﺮﺩﻩ ﺍﻟﺸﺮﺩﺗﻬﺎ ﺳﻤﺮ ﻣﻦ ﻭﺭﻩ ﺍﻟﺴﺤﺮ ..
🌿🌿
ﻭﺯﻭﺩﺕ ﻋﻠﻴﻬﺎ ﺍﻣﻲ ﺑﻬﺎﺭﺍﺕ .. ﻭﻛﺎﻟﺘﻠﻬﺎ ﻳﻤﻜﻦ ﺣﺘﻰ ﻣﻦ ﻭﺭﺍﻫﺎ ﺧﺮﺑﺖ ﺑﻴﻦ ﺭﻧﺎ ﻭﺭﺟﻠﻬﺎ ﻭﻫﻴﺞ ﻣﺎ ﻣﻨﺴﻌﺪﻩ ﻣﻦ ﻭﺭﻩ ﺣﻨﻴﻦ ..
ﻋﻤﺘﻲ ﺣﻤﺖ ﻭﻛﺎﻣﺖ ﺗﺴﺐ ﻭﺗﻐﻠﻂ ﻋﻠﻰ ﺣﻨﻴﻦ . ﻛﺎﻟﺖ ﺭﺍﺡ ﺍﺭﻭﺡ ﻫﺴﻪ ﻭﺍﺷﻮﻑ ﺍﺫﺍ ﺻﺪﻙ .. ﺍﺷﺤﺘﻬﺎ ﻟﺒﻴﺖ ﺍﻟﺨﻠﻔﻬﺎ ﺑﻨﻌﺎﻝ .
ﺭﺍﺣﺖ ﻋﻤﺘﻲ .. ﻭﻛﺎﻟﺖ ﺍﺧﺎﺑﺮﻛﻢ .. ﺑﻘﻴﻨﻪ ﻛﺎﻋﺪﻳﻦ ﻳﻢ ﺑﺎﺑﺎ ﻧﺎﻛﻞ ﻛﻴﻚ ﻭﻧﺸﺮﺏ ﺑﺒﺴﻲ .. ﺍﻧﻮﺏ ﻛﻠﺖ ﺧﻞ ﺍﺷﻮﻑ ﺑﻜﺮ ﺍﺫﺍ ﺑﺎﻟﺒﻴﺖ ..
ﺍﺷﻮﻑ ﻋﻤﺘﻲ ﺷﺴﻮﺕ .. ﺻﻌﺬﺕ ﻓﻮﻙ ﺭﻣﺸﺖ ﻟﺒﻜﺮ ﺧﺎﺑﺮ .. ﻛﺘﻠﻪ ﺍﻧﺘﻪ ﻭﻳﻦ .. ﻛﺎﻝ ﺍﻧﻲ ﺑﺎﻟﻤﺤﻞ .. ﻛﺘﻠﻪ ﺗﻜﺪﺭ ﺗﺮﻭﺡ ﻟﻠﺒﻴﺖ ..
ﻛﺎﻝ ﺷﻜﻮ .. ﻛﺘﻠﻪ ﻫﻴﺞ ﻛﻠﻨﻪ ﻟﻌﻤﺘﻲ ﻋﻠﺴﺤﺮ ﻭﺩﻟﻴﻨﻬﺎ ﺍﻟﻤﻜﺎﻥ ﺍﻟﻜﺎﺍﻟﻮﻟﻨﻪ ﺑﻴﻪ ﺍﻟﺴﺎﺩﻩ .. ﺭﻭﺡ ﺷﻮﻑ ﺻﺪﻙ ﺍﻛﻮ ﻭﺭﻩ ﺍﻟﻜﻨﺘﻮﺭ ..
- ﺳﻤﺮ ﻣﺎ ﺗﺒﻄﻠﺒﻦ ﻣﻦ ﺳﻮﺍﻟﻔﺞ ..
- ﺑﻜﺮﺭﺭ ﻓﺪﻭﻩ ﻓﺪﻭﻩ ﻟﺨﺎﻃﺮﻱ ..
- ﺍﻱ ﺩﻳﻦ ﻟﻌﺪ ﺭﺍﺡ ﺍﺭﻭﺡ ﻭﻣﻦ ﺍﻭﺻﻞ ﻟﻠﺒﻴﺖ ﻟﺸﻮﻑ ﻭﺍﺧﺎﺑﺮﺝ ..
- ﻻﺍﺍﺍﺍ .. ﺧﻠﻴﻚ ﻭﻳﺎﻳﻪ ﺗﺴﻮﻟﻒ ﻭﻣﻦ ﺗﻮﺻﻞ ﺍﻟﺒﻴﺖ .. ﺧﻠﻲ ﻫﻴﺘﻔﻮﻥ ﺑﺎﻟﺠﻬﺎﺯ ﻭﺧﻠﻴﻪ ﺑﺎﺫﻧﻚ ﻭﺳﻤﻌﺘﻲ ﺷﻴﺤﺠﻮﻥ . ﻭﺍﻧﺘﻪ ﺍﻭﻛﻒ ﻭﻳﺎﻫﻢ ..
- ﻫﻬﻬﻬﻬﻪ ﺷﻬﻠﻔﻀﻮﻝ
- ﺳﻮﻱ ﺍﻻﻛﻮﻟﻚ ﻋﻠﻴﻪ ﺑﻠﻴﻴﻴﻴﻴﺰ
- ﻳﺎﺑﻪ ﺷﻠﻮﻥ ﺍﻣﻮﺕ ؏ ﺧﺒﺎﻟﺞ .. ﺍﺩﻟﻠﻲ ﻫﺴﻪ ﺍﺭﻭﺡ ..
- ﻋﻔﻴﻪ .. ﺑﻘﻴﻨﻪ ﻧﺴﻮﻟﻒ ﺍﻧﻲ ﻭﻳﺎﻩ . ﻟﺤﺪ ﻣﺎ ﻭﺻﻞ ﻟﻠﺒﻴﺖ ..
ﻭﺻﻞ ﻟﻠﺒﻴﺖ .. ﻛﺎﻝ ﺭﺍﺡ ﺍﺿﻢ ﺍﻟﺠﻬﺎﺯ .. ﻭﻛﺄﻧﻮ ﻣﺪﺍ ﺍﺗﺼﻞ .. ﻛﺘﻠﻪ ﭐפﮔـﻴﮧ .. ﺩﺧﻞ ..
ﻋﻤﺘﻲ ﺗﺤﺠﻲ ﺍﻡ ﺍﻟﺴﺤﻮﺭﻩ ﻫﺎﺟﻤﻪ ﺑﻴﺘﻲ .. ﺑﻨﺖ ﺍﻝ * **** ﺻﺎﺣﺖ ﺍﻟﻠﻪ ﺟﺎﺑﻚ ﺑﻜﺮ ﺫﺍﻙ ﺍﻟﺪﺛﻮ ﺻﺎﻑ ﻭﻳﻪ ﻣﺮﻳﺘﻪ ..
ﻛﺎﻟﻠﻬﺎ ﺷﻜﻮ ﻳﻤﻪ .. ﻛﺎﻟﺖ ﺗﻌﺎﻝ ﺍﺩﻓﻊ ﻭﻳﺎﻱ ﺍﻟﻜﻨﺘﻮﺭ .. ﻭﻟﻚ ﺍﺭﻭﺡ ﻟﻠﺘﺎﻧﻜﻲ ﻭﺍﻟﻜﻪ ﺑﻴﻪ ﺳﺤﻮﺭﻩ ﻣﺮﺿﺘﻨﻪ ﻫﺠﻤﺖ ﺑﻴﺖ ﺑﻨﺖ ﺍﻟﻜﻼﺏ ﺑﻨﺖ ﺍﻝ *******
ﺣﻨﻴﻦ ﺗﺒﺠﻲ ﻭﺗﻜﻠﻬﺎ ﻋﻤﻪ ﻭﺍﻟﻠﻪ ﻣﻮ ﺍﻧﻲ . ﻭﻋﺎﺩﻝ ﻳﺼﻴﺢ ﺳﻤﺮ ﺍﻟﺴﺎﻗﻄﻪ ﺗﺸﻤﺮ ﺳﺤﻮﺭﺗﻬﺎ ﻭﺗﺠﻴﻦ ﺗﺸﻤﺮﻳﻬﺎ ﺑﺮﺍﺱ ﻫﻠﻤﺴﻜﻴﻨﻪ .. ﻃﺒﻌﺎ ﺑﺖ ﺍﺧﻮﺝ ..
ﻛﺎﻟﺘﻠﻪ ﺍﻧﺠﺐ ﻳﻞ ﻣﺎﺑﻴﻚ ﺧﻴﺮ .. ﺍﻫﻤﻤﻤﺪﺍﻙ ﻳﻠﺪﺛﻮ .. ﺳﻤﺮ ﺻﺢ ﺳﻮﺍﻟﻔﻬﺎ ﻣﻜﺴﺮﻩ ﺑﺲ ﺍﻋﺮﻓﻬﺎ ﻣﺎ ﺗﻌﺮﻑ ﺑﺎﻟﺴﺤﻮﺭﻩ ﻭﻫﺸﻐﻼﺕ ..
ﺑﺖ ﺍﺧﻮﻱ ﻣﺜﻘﻔﻪ ﻭﺩﺍﺭﺳﻪ ﻣﺜﻞ ﻣﺮﺗﻚ ﺍﻟﻤﻠﻔﻴﻬﺎ ﻣﻦ ﺍﻟﺸﻮﺍﺭﻉ ﺍﻟﺨﺎﻳﺴﻪ .. ﺭﻭﺡ ﺷﻮﻑ ﺑﻴﺖ ﺍﻫﻠﻬﺎ ﺍﻛﻌﺪ ﻫﺪﻭﻣﻨﻪ ﺗﺼﻴﺮ ﺑﻴﻀﻪ ﻣﻦ ﺍﻟﻮﺻﺦ .
ﻣﻠﺘﻬﻴﺎﺕ ﺑﺎﻟﺴﺤﻮﺭﻩ ﻫﻴﻪ ﻭﺍﻣﻬﺎ ﻭﺿﺎﻻﺕ ﻳﺒﻮﻛﻦ ﺭﺟﻮﻟﻪ ﺍﻣﻬﺎﺕ ﺍﻟﺮﺟﻮﻟﻪ ... ﺍﻧﻲ ﺍﺳﻤﻊ ﻭﺧﺮﺑﺎﻧﻪ ﺿﺤﻚ ﻭﻓﺎﺗﺤﻪ ﺳﺒﻴﻜﺮ ﻭﺍﻧﻮﻧﻪ ﻳﻤﻲ ﺗﻀﺤﻚ ..
ﺩﺧﻠﺖ ﺍﻣﻲ .. ﻛﺎﻟﺖ ﻫﺎﺍ . ﻛﺘﻠﻬﺎ ﺍﺷﺸﺶ ﺗﻌﺎﻱ ﺍﺳﻤﻌﻲ .. ﻛﺎﻟﺖ ﻟﻴﺶ ﺗﺨﺎﺑﺮﻳﻦ ﺑﻜﺮ .. ﻛﺘﻠﻬﺎ ﺩﺳﻤﻌﻲ ﻫﺴﻪ ..
ﺻﺎﺡ ﺑﻴﻬﺎ ﺑﻜﺮ .. ﻳﻤﻪ ﺗﺮﻩ ﻣﺎ ﺍﻟﻲ ﺧﻠﻚ ﻟﻬﺴﻮﺍﻟﻒ ﺍﻟﺘﻌﺒﺎﻧﻪ .. ﺗﻌﺎﻱ ﺧﻞ ﺍﺟﺮ ﺍﻟﻜﻨﺘﻮﺭ ﻭﻋﻮﻓﻴﻨﻪ ﻣﻦ ﺫﻭﻝ ..
ﺭﺍﺡ ﺑﻜﺮ ﻭﻋﻤﺘﻲ ﺑﺲ ﺗﺼﻴﺢ ﻭﺗﺮﺯﻝ .. ﺟﺮﺕ ﺍﻟﻜﻨﺘﻮﺭ ﻭﺍﻧﻲ ﺑﺲ ﺍﻟﭽﻜﭽﻜﻪ ﻣﺎﻝ ﺍﻟﻬﻴﺘﻔﻮﻥ ﺍﺳﻤﻊ ..
ﻟﺤﺪ ﻧﺎ ﺻﺮﺧﺖ ﻋﻤﺘﻲ .. ﻳﻤﺎﺍﺍﺍﺍﺍﺍﺍﺍﻱ ﻭﻟﻜﻢ ﺗﺎﺭﺳﻪ ﺍﻟﺒﻴﺖ ﺳﺤﻮﺭﻩ .. ﻭﺭﺍﺣﺖ ﻫﺪﺕ ﻋﻠﻰ ﺣﻨﻴﻦ ﺗﻜﺘﻠﻬﺎ ﻭﺗﻄﺮﺩﻫﺎ ﺑﺮﻩ .
🌿
ﻭﺑﻜﺮ ﻳﺼﻴﺦ ﻭﺭﻧﺎ ﻭﻋﺎﺩﻝ . ﻭﻳﺒﻮﻭﻭ ﻫﻮﺳﻪ .. ﻭﺍﺣﻨﻪ ﻧﺴﻤﻊ ﻭﻧﻀﺤﻚ ﻭﺍﻣﻲ ﺗﻬﺰ ﺑﻴﺪﻫﺎ .. ﻭﺗﻜﻮﻝ ﺍﺩﺭﻱ ﻏﺎﺑﻪ ..
ﻛﺘﻠﻬﺎ ﺍﻱ ﻟﻌﺪ ﺷﻌﺒﺎﻟﺞ ﺷﻔﺖ ﺍﻟﻤﺮ ﻋﺪﻫﻢ ﻭﺍﻟﻠﻪ .. ﻛﺎﻟﺖ ﺩﺳﺪﻱ ﺳﺪﻱ ﻟﻌﺒﺎﻥ ﻧﻔﺲ ﻫﻤﺰﻳﻦ ﺧﻠﺼﺘﻲ ﻣﻨﻬﻢ ..
ﻭﺑﺎﻟﺞ ﺗﻔﻜﺮﻳﻦ ﺍﺑﻜﺮ .. ﺗﻄﻠﻜﻴﻦ .. ﻭﺍﺩﻭﺭﻳﻦ ﺷﻐﻞ ﻭﺷﻮﻛﺖ ﻣﺎ ﺗﺠﻲ ﻗﺴﻤﺘﺞ ﺗﻤﺸﻴﻦ .. ﻛﻞ ﻋﻼﻗﻪ ﺍﺳﻤﻊ ﺑﻴﺞ ﻣﺴﻮﻳﻪ ﺍﺫﺑﺤﺞ ..
- ﻫﺴﻪ ﺑﺲ ﺧﻞ ﺍﻃﻠﻚ ﻭﺍﻓﺘﻚ .. ﻏﻴﺮ ﺍﺭﻛﺺ ﻫﺠﻊ ﻭﺍﻟﻠﻪ ..
- ﺩﻋﻮﻓﻦ . ﻫﺴﻮﺍﻟﻒ . ﻭﻛﻮﻣﻦ ﺳﻮﻥ ﻋﺸﺎ ..
- ﻣﺎﺷﻲ .. ﻣﺮ ﺍﺳﺒﻮﻉ ﻭﺍﻧﻲ ﺑﻘﻤﺔ ﺍﻟﺮﺍﺣﻪ .. ﺍﺣﻤﺪ ﻣﺎ ﻳﺒﺎﻭﻉ ﺑﻮﺟﻬﻲ . ﻭﻳﺮﺯﻝ ﻣﺮﺍﺕ ﻭﻣﺎ ﺍﻫﺘﻤﻠﻪ ..
ﺑﺲ ﺍﻧﻲ ﻋﻠﻤﻮﺩ ﺍﻛﺴﺐ ﺭﺿﺎﻩ ﻭﺍﺭﺗﺎﺡ .. ﺍﻏﺴﻞ ﺍﻫﺪﻭﻣﻪ ﻭﺍﻋﻄﺮﻫﻦ ﺍﻧﻀﻒ ﻏﺮﻓﺘﻪ .. ﺍﺣﻈﺮ ﻋﺸﺎﻩ ..
ﻛﻮﻟﺸﻲ ﻳﺮﻳﺪ ﻣﺄﻣﻨﺘﻪ ﺍﻟﻪ .. ﻭﺷﻜﺪ ﻣﻴﺮﺯﻝ ﺍﻛﻮﻟﻪ ﺗﻤﻮﻥ ﺣﺒﻴﺒﻲ ﺍﻧﺘﻪ ﺍﺧﻮﻳﻪ ﺍﻟﺠﺒﻴﺮ .. ﻳﺒﻘﻰ ﻳﺮﺯﻝ ﺭﻳﺮﻭﺡ ..
ﺷﺴﻮﻱ ﻣﺜﻞ ﻣﻴﻜﻮﻟﻮﻥ ﻟﻮ ﺣﺎﺟﺘﻚ ﻳﻢ ﭼﻠﺐ ﻛﻮﻟﻪ ﺣﺠﻲ ﭼﻠﻮﺏ .. ﻣﺎ ﻋﺘﺪﻱ ﺣﻞ ﻟﻠﺮﺍﺣﻪ ﻏﻴﺮ ﺍﻛﺴﺐ ﺍﺣﻤﺪ ..
ﻻﻥ ﺍﺑﻮﻳﻪ ﻣﺮﻳﺾ .. ﺧﺎﺑﺮﺕ ﺑﺎﺟﻲ ﺍﺷﻮﺍﻕ ﻭﺍﺗﻔﻘﺖ ﻭﻳﺎﻫﺎ ﻋﻠﻄﻼﻕ ﻭﻛﺎﻟﺖ ﺭﺍﺡ ﺍﺭﻓﻌﻠﺞ ﺩﻋﻮﻩ .. ﻭﺍﺧﻠﻲ ﻣﺤﺎﻣﻴﺘﻲ ﺗﻘﻮﻡ ﺑﻴﻬﺎ ..
ﺷﻜﺮﺗﻬﺎ .. ﺍﺟﺖ ﻫﻴﻪ ﻭﻧﺴﺮﻳﻦ ﻟﻠﺒﻴﺖ ﻳﺸﻮﻓﻮﻧﻲ ﻣﺮﺗﻴﻦ .. ﻧﺴﺒﻴﺎ ﺣﻴﺎﺗﻲ ﺍﺭﺗﺎﺣﺖ ..
ﺣﺎﺟﻴﺖ ﺑﺎﺟﻲ ﻟﺸﻮﺍﻕ ﻋﻠﻰ ﺷﻐﻞ ﺑﻠﻜﺖ ﺍﺩﻭﺭﻟﻲ . ﻛﺎﻟﺖ ﺍﻛﺘﻬﺎ ﻣﺪﻳﺮﺓ ﺛﺎﻧﻮﻳﻪ ﺭﺍﺡ ﺍﺣﺠﻴﻠﺞ ﻭﻳﺎﻫﺎ ﺑﻠﻜﺖ ﺗﺘﻮﺳﻄﻠﺞ ﻭﺗﻌﻴﻨﺞ ﺑﺎﻟﻤﺪﺭﺳﻪ ﻣﺪﺭّﺳﻪ ..
ﻛﺘﻠﻬﺎ ﻋﻠﻮﺍﺍﺍﺍ ﺍﻛﻮﻧﻠﺞ ﻣﻤﻨﻮﻧﻪ ..
ﻓﺪ ﻣﺮﻩ ﺍﻟﺴﺎﻋﻪ 12 ﺍﻟﻀﻬﺮ ﺍﻧﺪﻛﺖ ﺍﻟﺒﺎﺏ . ﻣﺎﻣﺎ ﺟﺎﻧﺖ ﺑﺎﻟﺤﻤﺎﻡ ﻃﻠﻌﺖ ﺍﻧﻲ . ﺍﻛﻮ ﺭﺟﺎﻝ .
ﻛﺎﻝ ﺍﻧﻲ ﻣﺒﻠﻎ ﻣﻦ ﻣﺤﻜﻤﺔ ﺍﻟﻜﺮﺝ ﻛﺘﻠﻪ ﺗﻔﻀﻞ .. ﻛﺎﻝ ﺗﻔﻀﻠﻲ ﻫﺬﻱ ﻭﺭﻗﻪ ﻃﻼﻕ ﺳﻤﺮ ﻓﺮﺣﺎﻥ ..
ﺻﻔﻨﺖ ﺑﻮﺟﻬﺎ .. ﻛﺎﻝ ﻣﻮﺟﻮﺩﻩ ﻫﻴﻪ .. ﺧﻞ ﺗﻮﻗﻌﻠﻲ .. ﻛﺘﻠﻪ ﺍﻧﻲ .. ﻛﺎﻝ ﻫﺎﺍﺍ ﻭﻗﻌﻴﻠﻲ ﺧﻮﻳﻪ ﺧﻞ ﺍﺭﻭﺡ .
ﻭﻗﻌﺘﻠﻪ .. ﻭﺍﺧﺬﺕ ﺍﻟﻮﺭﻗﻪ .. ﻋﺎﺩﻝ ﻣﻄﻠﻜﻨﻲ ﺍﺻﻼ ﻗﺒﻞ ﻻ ﺍﺭﻓﻊ ﺍﻟﺪﻋﻮﻩ .. ﻣﻌﻘﻮﻟﻪ . ﺟﺮﻳﺖ ﺍﻟﻤﻮﺑﺎﻳﻞ ﻣﻦ ﺟﻴﺒﻲ ..
ﻭﺧﺎﺑﺮﺕ ﺑﻜﺮ ..
- ﺍﻟﻮﻭﻭ
- ﺑﻜﺮ ﺍﺣﺰﺭ ﺷﻨﻮ ﺑﻴﺪﻱ
- ﺷﻨﻮ ؟؟
- ﺑﻜﺮ ﻭﺭﻗﺔ ﻃﻼﻛﻲ ﻣﻦ ﻋﺎﺩﻝ ﺑﻴﺪﻱ
- ﺵ ﺷﻦ ﺷﻨﻮ ﻻ ﻻ ﻟﺤﻈﻪ .. ﺷﻨﻮ ﻛﻠﺘﻲ ..
- ﻫﻬﻬﻪ ﺍﻧﻲ ﺍﻃﻠﻜﺖ ﺑﻜﺮ
- ﻫﻬﻬﻪ ﻫﻬﻬﻬﻬﻬﻬﻬﻬﻬﻪ ﻫﻬﻬﻬﻪ ﻳﺎﺍﺍﺍﺍﺍ ﺭﺏ . ﺷﻠﻮﻥ ﻭﺷﻮﻛﺖ ﺻﺎﺭ ﻫﻴﺞ ..
- ﻣﺎ ﺍﻋﺮﻑ ﻫﺴﻪ ﺍﻧﺪﻛﺖ ﺍﻟﺒﺎﺏ ﻭﺍﻧﻄﻮﻧﻲ ﺍﻟﻮﺭﻗﻪ ﻳﺮﺑﻲ ﻭﺍﻟﻠﻪ ﻓﺮﺣﺎﻥ ﺗﻜﻮﻝ ﺳﺠﻦ ﻭﺍﻧﻄﻮﻧﻲ ﺍﻓﺮﺍﺝ
- ﻋﻠﺨﻴﺮ ﺳﻤﺴﻮﻣﻪ ﻳﺎﺭﺏ ﺍﺷﻮﻓﻴﻦ ﺍﻟﺴﻌﺎﺩﻩ ﻭﻛﻞ ﺧﻴﺮ ..
- ﻣﺎ ﺍﺭﻳﺪﻫﺎ ﻭﻳﻪ ﻏﻴﺮﻙ ..
- ﻫﻬﻬﻬﻪ ﻭﻻ ﺍﻧﻲ ..
- ﻳﻤﻜﻦ ﺍﻧﻲ ﺍﺳﻌﺪ ﻭﺣﺪﻩ ﺑﻄﻼﻗﻬﺎ .. ﺷﻔﺖ ﻣﺎﻣﺎ ﻃﻠﻌﺖ . ﻏﻠﻘﺖ ﺍﻟﺠﻬﺎﺯ ﻭﺑﺎﻭﻋﺘﻠﻬﺎ ..
🌿
ﻣﻨﻮ ﺩﻙ ﺍﻟﺒﺎﺏ ..
- ﻣﺒﻠﻎ ﺍﻧﻄﺎﻧﻲ ﻭﺭﻗﺔ ﻃﻼﻗﻲ ..
- ﺍﺧﺬﺕ ﺍﻟﻮﺭﻗﻪ ﻭﺿﺤﻜﺖ .. ﻭﻛﺎﻟﺖ ﺍﻧﺸﺎﻟﻠﻪ ﺗﻠﻜﻴﻦ ﺍﻻﺣﺴﻦ ﻣﻨﻪ .. ﺑﺲ ﺷﻨﻮ ﻻ ﻏﺎﻳﺐ ﻭﻻ ﺍﺑﺪ .. ﻫﻴﺞ ﺣﺎﻑ ..
- ﻣﺎﻣﺎ ﺑﺲ ﺧﻴﻔﻜﻨﻲ ﻭﺍﻧﻲ ﺍﺭﺗﺎﺡ ﻻ ﺍﺭﻳﺪ ﻓﻠﻮﺱ ﻭﻻ ﺍﺑﺪ ..
ﺳﺎﻋﻪ ﻭﺩﺧﻠﺖ ﻧﻮﻧﻪ ﻣﻦ ﺍﻟﺪﻭﺍﻡ .. ﺗﻠﻜﻴﺘﻬﺎ ﺍﺭﻛﺾ ﻭﺍﺣﻈﻨﻬﺎ ﻭﺍﻛﻮﻟﻬﺎ ﺍﻃﻠﻜﺖ ﺍﻃﻠﻜﺖ ﺍﻃﻠﻜﺖ ﻫﻠﻪ ﻫﻠﻪ .
- ﻻ ﺑﺮﺑﺞ ﺻﺪﻭﻭﻭﻙ .. ﺍﻳﻴﻴﻴﻴﻲ ﻭﺍﺧﻴﺮﺍ …
- ﻟﺞ ﺗﻌﺎﻱ ﻧﺮﻛﺺ ﺍﻧﻲ ﻧﺬﺭﺕ ﺍﺭﻛﺺ ﻫﺠﻊ ﺑﺲ ﺍﻃﻠﻚ
- ﻫﻬﻬﻬﻬﻬﻬﻬﻬﻬﻬﻬﻬﻪ
- ﺟﻴﺒﻴﻨﻪ ﺳﺠﻴﻨﻪ ﻫﻬﻬﻬﻬﻬﻪ ﺭﺣﺖ ﻟﻠﻤﻄﺒﺦ ﺟﺒﺖ ﺳﺠﺎﺟﻴﻦ ﻭﻛﻤﺖ ﺍﺩﻙ ﻟﻮﺣﺪﻱ ﻭﺍﺭﻛﺺ .. ﺍﻟﻮﺟﻦ ﺍﻟﻮﺟﻦ ﻳﻤﺎ ﻳﺎ ﻳﺎ ﻳﻤﻪ ﻭﻳﻬﻮﺍﻱ ﺍﻟﻮﻭﻭﻭﺝ ﺍﻧﻲ ﻫﻬﻬﻬﻬﻬﻬﻬﻬﻪ
- ﺭﺑﻲ ﻳﺪﻳﻢ ﺍﻟﻀﺤﻜﻪ ﺳﻤﻮﺭﻩ ﻓﺮﺣﺎﻧﻪ ﺑﻀﺤﻜﺘﺞ ﻭﺍﻟﻠﻪ .
- ﺣﻈﻨﺘﻬﺎ ﻭﻛﻠﺖ ﺍﻟﺤﻤﺪﻟﻠﻪ .. ﻣﺮ ﺍﻟﻴﻮﻡ ﻭﺳﻮﻳﻨﻪ ﻛﻴﻚ ﻭﻋﺼﻴﺮ ﻭﺍﺣﺘﻔﻠﻨﻪ ﺍﻧﻲ ﻭﺍﺧﺘﻲ ﻭﻧﺨﺎﺑﺮ ﻣﺎﺯﻥ ﻭﻧﻀﺤﻚ ..
ﺛﺎﻧﻲ ﻳﻮﻡ .. ﻭﻛﻔﺖ ﺳﻴﺎﺭﻩ ﺣﻤﻞ ﺑﺎﻟﺒﺎﺏ . ﺍﻧﺪﻛﺖ .. ﻃﻠﻌﺖ ﺍﻣﻲ . ﺍﺛﺎﺭﻱ ﺑﻜﺮ ﻣﺎﺧﺬ ﻏﺮﻓﺘﻲ ﺍﻟﻘﺪﻳﻤﻪ ﺍﻻﺷﺘﺮﺍﻫﺎ ﺍﻟﻲ ..
ﻭﻛﻞ ﻣﻼﺑﺴﻲ ﻭﻏﺮﺍﺿﻲ .. ﻓﺮﺣﺖ ﺑﻴﻬﻢ .. ﻓﺮﻏﻨﻪ ﻏﺮﻓﺔ ﻧﻮﻧﻪ ﻭﻃﻠﻌﻨﻪ ﺍﻟﺴﺮﻳﺮ ﺍﺑﻮ ﺍﻟﻨﻔﺮ ﻭﺍﻟﻜﻨﺘﻮﺭ ﺍﻟﺼﻐﻴﺮ
ﻭﻧﻀﻔﻨﻪ ﺍﻟﻐﺮﻓﻪ ﻭﺩﺯﻳﻨﻪ ﻋﻠﻰ ﻧﺠﺎﺭ ﻧﺼﺒﻠﻨﻪ ﺍﻟﻐﺮﻓﻪ . ﻭﻛﻤﻨﻪ ﺍﻧﺎﻡ ﺑﻴﻬﺎ ﺍﻧﻲ ﻭﻧﻮﻣﻪ ﻛﻮﻟﺶ ﻣﺮﻳﺤﻪ ﻭﺗﺨﺒﻞ ﺻﺎﺭﺕ ..
ﺍﺣﺲ ﻓﻌﻼ ﺟﻨﺖ ﻣﺴﺤﻮﺭﻩ ﻭﺍﺭﺗﺎﺣﻴﺖ .. ﻭﺭﻩ ﺍﻳﺎﻡ .. ﺧﺎﺑﺮﺕ ﺑﺎﺟﻲ ﺍﺷﻮﺍﻕ ﻭﻛﺎﻟﺖ ﺣﺎﺟﻴﺖ ﺍﺧﺘﻲ ﻋﻠﻴﺞ ﻭﻛﺎﻟﺖ ﺧﻞ ﺗﺠﻲ ﻣﺤﺘﺎﺟﻪ ﻣﺪﺭﺳﺔ ﺍﻧﻜﻠﻴﺰﻱ ..
ﻓﺮﺣﺖ ﺣﻴﻴﻴﻞ ﺑﺎﻟﺨﺒﺮ .. ﺭﺣﺖ ﺭﺍﺟﻌﺖ ﻭﻗﺪﻣﺖ ﺍﻭﺭﺍﻗﻲ .. ﻛﺎﻟﻮ ﺍﻻﺣﺪ ﺍﻟﺠﺎﻱ ﺗﻌﺎﻱ ﺩﺍﻭﻣﻲ ..
ﺣﺠﻴﺖ ﻭﻳﻪ ﺍﺣﻤﺪ ﻭﻛﺘﻠﻪ ﻫﻴﺞ ﻭﻫﻴﺞ .. ﻛﺎﻝ ﺑﺸﺮﻁ ﻧﺺ ﺍﻟﺮﺍﺗﺐ ﺍﻟﻲ .. ﻛﺘﻠﻪ ﺍﻱ ﻋﺎﺩﻱ ﻫﻮﻩ ﺍﻧﻲ ﺍﺷﺘﻐﻠﺖ ﻋﻠﻤﻮﺩ ﺍﻋﻴﻨﻚ ..
ﺍﺧﺬ ﻧﺺ ﺍﻟﺮﺍﺗﺐ ﻓﺪﻭﻩ ﺍﻟﻚ .. ﺳﻜﺖ . ﻣﺎ ﺣﺠﻪ .. ﺭﺣﺖ ﻻﻣﻲ .. ﻛﺘﻠﻬﺎ ﻳﻮﻡ ﺍﺭﻳﺪ ﺍﺭﻭﺡ ﻟﻠﺴﻮﻙ ﺍﺷﺘﺮﻱ ﻣﻼﺑﺲ ..
ﺧﻮ ﻣﺎ ﺍﺩﺍﻭﻡ ﺑﻤﻼﺑﺴﻲ ﺍﻟﻘﺪﻳﻤﻪ .. ﻣﺪﺭﺳﺔ ﺍﻧﻜﻠﻴﺰﻱ ﻭﻫﻠﻠﻪ ﻫﻠﻠﻪ ﻭﻣﻼﺑﺴﻲ ﻣﺤﻠﻮﻩ
- ﻳﻤﻪ ﻣﺎ ﺗﺸﻮﻓﻴﻦ ﺣﺎﻟﺘﻨﻪ ﺑﺎﻟﻜﻮﻩ ﻳﺎ ﺳﻮﻙ .. ﺩﺑﺮﻱ ﺣﺎﻟﺞ ﺑﻴﻬﻦ ﻭﻋﺮﺍﺗﺐ ﺍﻻﻭﻝ ﻋﻮﺩ ﺍﺷﺘﺮﻱ ..
- ﻛﺘﻠﻬﺎ ﻳﻮﻡ ﻫﺴﻪ ﺍﻧﻲ ﺻﺎﺭ ﺷﻬﺮ ﻛﺎﻋﺪﻩ ﻋﻨﺎ ﻣﺎ ﻃﻠﺒﺖ ﻣﻨﻜﺔ ﺍﻟﺮﺑﻊ . ﻋﺎﺩ ﺑﺲ 100 ﺍﺭﻭﺡ ﺍﺷﺘﺮﻱ ﺣﺠﺎﺑﺎﺕ ﺍﺣﺬﻳﻪ .
ﺷﻨﻮ ﺍﺣﺬﻳﺘﻲ ﻗﺪﻳﻤﻪ ﻭﺍﻟﻠﻪ . ﺣﺘﻰ ﻣﻜﻴﺎﺝ ﻣﺤﺘﺎﺟﻪ ﻛﻮﻣﻪ ..
- ﺷﺴﻮﻳﻠﺞ ﻗﺎﺑﻞ ﻋﺪﻱ ﻭﻣﺎ ﺍﻧﻄﻴﺞ .. ﺳﻤﺮ ﻳﻤﻪ ﺍﻗﻨﻌﻲ ﺑﺎﻟﻌﻨﺪﺝ ﻭﻻ ﺗﺘﺒﻄﺮﻳﻦ ..
- ﻳﻮﻭﻡ ﺷﺘﺒﻄﺮ ﻟﺨﺎﻃﺮ ﺍﻟﻠﻪ .. ﻣﻮ ﺣﺘﻰ ﺭﻭﺣﻲ ﻟﻌﺒﺖ .. ﺻﺎﺭ ﺷﻬﺮ ﻫﻨﺎ ﻛﺎﻋﺪﻩ ﺗﻜﻮﻝ ﺑﻨﻜﻼﺩﻳﺸﻴﻪ ﺍﺷﺘﻐﻞ ﻟﻴﻞ ﻧﻬﺎﺭ ﻭﺭﺑﻊ ﻧﺴﺘﻠﻪ ﻣﺎ ﺍﺩﺯﻭﻟﻲ ﻋﻮﺩ ﻟﻴﺶ ..
- ﺍﻛﻮﻡ ﻣﻨﺞ ﺍﻧﺘﻲ ﻫﻮﺍﻱ ﺗﻠﻐﻴﻦ ..
- ﻛﺎﻣﺖ .. ﻧﺰﻟﺖ ﺩﻣﻮﻋﻲ .. ﺷﺒﻴﻪ ﺣﻈﻲ ﻋﻮﺩ ﻫﻢ ﻣﻮﻝ ﺍﻟﺒﻨﺎﺕ ﺍﻟﺒﺲ ﻭﺍﺗﻨﻬﻰ ﺍﻭﻭﻑ ﺭﺑﻲ .. ﺍﺟﺖ ﻧﻮﻧﻪ
🌿
ﺳﻤﺮ ﻟﺘﻀﻮﺟﻴﻦ ﻭﺍﻟﻠﻪ ﺍﺣﻨﻪ ﻧﺘﻼﺑﺲ ﻭﻣﻼﺑﺴﻲ ﺟﺪﻳﺪﻩ ﺷﺘﺮﺩﻳﻦ ﺍﺧﺬﻱ ﻗﺎﺑﻞ ﺑﻴﻨﺎﺗﻨﺎ ﻓﺮﻕ ﺍﺣﻨﻪ ..
ﻫﺰﺑﺖ ﺭﺍﺳﻲ ﻭﺍﻧﻲ ﺍﺑﺠﻲ .. ﺍﺗﺼﻞ ﺑﻜﺮ ﺭﻓﻌﺘﻪ .. ﻛﺎﻝ ﺍﻟﻮﻭ ..
- ﺍﻟﻮﻭﻭﺍﺕ ﻳﺎ ﺳﻤﺴﻢ .. ﺷﻠﻮﻧﺞ ..
- ﺯﻳﻨﻪ
- ﻻ ﻭﺍﻟﻠﻪ ﻣﻮ ﺯﻳﻨﻪ ﺷﺒﻴﺞ .. ﺻﻮﺗﺞ ﻣﺎ ﻳﻌﺠﺐ .
- ﺭﺣﺖ ﺭﺍﺟﻌﺖ ﻋﻠﺘﻌﻴﻴﻦ ﺍﻟﻜﺎﻟﺘﻠﻲ ﻋﻠﻴﻪ ﺑﺎﺟﻲ ﺍﺷﻮﺍﻕ ..
- ﺍﻱ ﻭﺷﻨﻮ ﻣﺎ ﻗﺒﻠﻮﺝ ..
- ﻻ ﻣﻮ ﻣﺎ ﻗﺒﻠﻮﻧﻲ ﻗﺒﻠﻮﻧﻲ ﺑﺲ
- ﺑﺲ ﺷﻨﻮ ..
- ﺣﺠﻴﺖ ﺑﻜﻠﺒﻲ ﺍﺫﺍ ﺍﻛﻠﻪ ﻣﺘﺎﺟﻪ ﻓﻠﻮﺱ ﺭﺍﺡ ﻳﻜﻮﻟﻲ ﺍﻧﻲ ﺍﻭﺩﻳﻠﺞ .. ﻋﻴﺐ ﻣﺎ ﺍﺭﻳﺪ ﻣﻨﻪ ..
ﻛﺘﻠﻪ ﻻﺍ ﺑﺲ ﺗﻌﺮﻑ ﺍﺣﻤﺪ . ﺷﺮﻁ ﻧﺺ ﺍﻟﺮﺍﺗﺐ ﺍﻟﻪ ﻭﺑﻘﻰ ﻳﺤﺠﻲ ﻭﻳﻐﻠﻂ ﻭﻛﻼﻡ ﺯﺍﻳﺪ ﻛﻠﻌﺎﺩﻩ ..
- ﻭﻣﻦ ﻫﺎﻱ ﺿﺎﻳﺠﻪ .. ﺳﻤﺮ ﺗﺮﺩﻳﻦ ﻓﻠﻮﺱ ﺍﻭﺩﻳﻠﺞ ﻣﺎ ﻋﻨﺪﻱ ﻣﺎﻧﻊ ﺷﻜﺪ ﻳﺎﺧﺬ ﻣﻨﺞ ﺍﺣﻤﺪ ﺍﻧﻲ ﺍﻧﻄﻴﺠﻴﺎﻫﻦ ﺑﺲ ﻟﺘﻀﻮﺟﻴﻦ ..
- ﻻﺍﺍ ﻋﺎﺩﻱ ﻭﺍﻟﻠﻪ ﺧﻞ ﻳﺎﺧﺬ ﺍﻟﺮﺍﺗﺐ 600 ﺍﻟﻪ 300 ﻭﺍﻟﻲ 300 ﻛﻮﻟﺶ ﻛﺎﻓﻲ ﻋﻠﻴﻪ ..
ﺑﺲ ﻻﻥ ﺍﻧﻄﻴﻪ ﻭﻣﻮ ﺑﻌﻴﻨﻪ ﻟﻬﻴﺞ ﻣﺘﻀﺎﻳﻘﻪ ..
ﺑﻜﺮ .. ﺳﻬﻠﻪ ﻟﺘﻀﻮﺟﺒﻦ ﻧﻔﺴﺞ ؏ ﻛﻮﻟﺸﻲ ﺧﻠﻴﺞ ﻗﻮﻳﻪ ..
- ﺍﻧﺸﺎﻟﻠﻪ ﺍﺻﻴﺮ ﻗﻮﻳﻪ ﻳﻠﻪ ﺍﺭﻭﺡ ﺑﺎﻱ
- ﺳﻤﺮﺭ
- ﻫﺎﺍ
- ﺍﻗﺴﻢ ﺑﻠﻠﻪ ﻣﻮ ﻫﺬﺍ ﺍﻟﻤﻀﻮﺟﺞ .. ﺍﻧﺘﻲ ﻣﻮ ﻣﺎﺩﻳﻪ ﻭﻣﺘﻬﻤﺞ ﺍﻟﻔﻠﻮﺱ ﺍﺣﺠﻴﻠﻲ ﺷﻨﻮ ﻣﻀﻮﺟﺞ
- ﻋﻮﺩ ﻟﻴﺶ ﺑﺲ ﺍﻧﺘﻪ ﺗﻔﺘﻬﻤﻨﻲ ﻭﺗﺤﺲ ﺑﻴﻪ . . ﺑﺠﻴﺖ
- ﺳﺒﻖ ﻭﻛﺘﻠﺞ ﺍﻧﺘﻲ ﺑﻨﻴﺘﻲ . ﺣﺒﺞ ﺻﺎﺭ ﺑﻜﻠﺒﻲ 8 ﺍﺳﻨﻴﻦ ﺍﻛﻮ ﺍﻡ ﻣﺎ ﺗﻌﺮﻑ ﺍﺑﻨﻬﺎ ﺷﻴﺤﺲ ..
- ﻛﺘﻠﻪ ﺍﻱ ﺍﻣﻲ ..
- ﺍﻏﺎﺍﺍﺭ
- ﺷﻨﻮﻭ
- ﺍﻏﺎﺭ ﺗﻜﻮﻟﻴﻦ ﺍﻣﻲ .. ﺍﻧﻲ ﺍﻣﺞ ﺍﻧﻲ ﺍﺑﻮﺝ ﺍﻧﻲ ﺍﺧﻮﺝ ﺍﻧﻲ ﺳﻨﺪﺝ ﺷﺘﺮﻳﺪﻳﻦ ﺍﻛﻮﻧﻠﺞ .. ﻣﺎ ﺍﻗﺒﻞ ﻏﻴﺮﻱ ﻳﺼﻴﺮ ﺑﺤﻴﺎﺗﺞ ﻧﺒﺮ ﻭﺍﻥ
- ﻫﻬﻬﻬﻬﻬﻬﻬﻬﻬﻪ ﻳﻮﻝ ﻓﺪﻳﺖ ﺍﻣﻲ ﻭ ﺍﺑﻮﻳﻪ ﻭﺍﺧﻮﻳﻪ ﻭﺳﻨﺪﻱ ﻭﻛﻞ ﺣﻴﺎﺗﻲ ..
- ﻭﻓﺪﻳﺖ ﺍﻟﻀﺤﻜﻪ ﺍﻧﻲ .. ﻫﺴﻪ ﺍﺭﺗﺎﺣﻴﺖ ﻣﻦ ﺳﻤﻌﺘﻬﺎ
- ﻫﻬﻬﻬﻬﻪ ﺑﻜﺮ ﺍﻧﺘﻪ ﻛﻮﻟﺸﻲ ﺣﻠﻮ ﺑﺤﻴﺎﺗﻲ .. ﺍﻟﻴﻮﻡ ﺍﻟﻠﻲ ﻣﺎ ﺗﻜﻮﻥ ﺑﻴﻪ ﻣﺎ ﺍﺣﺴﺒﻪ ﻣﻦ ﺣﻴﺎﺗﻲ ..
ﺷﺴﻮﻳﺖ ﻓﻴﻨﻲ ﻳﺎ ﺍﺧﻲ ﺷﻐﻠﺖ ﻟﻲ ﺑﺎﻟﻲ . ﻭﻋﻘﻠﻲ ﻭﻛﻠﺒﻲ .. ﻣﺮﺍﺕ ﺍﺣﺲ ﺭﻭﺣﻲ ﺛﻮﻟﻪ ﻣﻦ ﻛﺪ ﻣﺎ ﺍﺻﻔﻦ ﺑﻴﻚ ﻭﺍﺷﺘﺎﻕ ﻟﻤﻼﻣﺤﻚ ..
- ﻫﺎﻧﺖ ﻭﺭﺑﺞ ﻫﺎﻧﺖ .. ﺍﻧﺸﺎﻟﻠﻪ ﻓﺪ ﻛﻢ ﺷﻬﺮ ﺍﺧﻄﺐ ﻭﺍﻋﻠﻦ ﺍﺑﺤﺮﺏ ﺍﻣﺎ ﺍﻥ ﺍﻓﻮﺯ ﺑﻚ ﺣﺒﻴﺒﺘﺎً ﺍﻭ ﺍﻣﻮﺕ ﺑﺤﺒﻚ ﻗﺘﻴﻼ ..
- ﻫﻬﻬﻬﻬﻪ ﺍﺳﻢ ﺍﻟﻠﻪ ﻋﻠﻴﻚ ﻣﻦ ﺍﻟﻘﺘﻞ .. ﺍﻣﻮﺕ ﻟﻮ ﺻﺎﺭ ﺑﻴﻚ ﺷﻲ ﻭﺍﻟﻠﻪ .. ﺍﺟﻦ ..
- ﺍﻟﻠﻪ ﻳﺨﻠﻴﺞ ﺍﻟﻴﻪ .. ﻳﻠﻪ ﺭﺍﺡ ﺍﺭﻭﺡ ﻟﻠﺒﻴﺖ ﻣﻦ ﺍﻭﺻﻞ ﺍﺧﺎﺑﺮﺝ .. ﺍﻟﻤﻬﻢ ﺿﺤﻜﺘﻲ ..
- ﻓﺪﻳﺖ ﻛﻠﺒﻚ .. ﺑﺎﻱ .. ﺳﺪﻳﺘﻪ ﻣﻦ ﻋﻨﺪﻩ ﻭﺍﻧﻲ ﺍﺗﺼﻞ .. ﺑﺎﻭﻋﺖ ﻟﻨﻮﻧﻪ ﻣﺘﻤﺪﺩﻩ ﻳﻤﻲ .. ﻭﻫﻴﻪ ﺗﺒﺎﻭﻋﻠﻲ ..
- ﺑﻤﻜﺎﻟﻤﻪ ﻭﺣﺪﻩ ﺣﻮﻝ ﺩﻣﻮﻉ ﺿﺤﻜﺎﺕ ﻣﺮﺳﻮﻣﻪ ﻋﻠﻐﻤﺎﺯﺍﺕ ..
- ﺿﺤﻜﺖ .. ﻛﺘﻠﻬﺎ ﻋﺠﻴﺐ ﻫﻠﺒﻜﺮ ..
- ﻫﺬﺍ ﻣﻮ ﺑﻜﺮ ﻫﺬﺍ ﺳﺤﺮ .. ﺳﺎﺣﺮ ﺑﺤﻴﺚ ﻗﺎﺩﺭ ﺑﻠﺤﻈﻪ ﻳﺤﻮﻝ ﺩﻣﻮﻋﺞ ﺿﺤﻚ ..
- ﺍﻟﻠﻪ ﻳﻜﺘﺒﻪ ﻣﻦ ﻧﺼﻴﺒﻲ .. ﺩﺍ ﺍﺣﺠﻲ .. ﺍﺟﺘﻬﺎ ﺭﺳﺎﻟﻪ .. ﻫﻴﻪ ﻛﺘﻠﻬﺎ ﺷﻜﻮ .. ﻛﺎﻟﺖ ﻻ ﻣﺎﻛﻮ ﺷﻲ ﻣﺎﺯﻥ ﺭﺍﺡ ﺍﺭﻭﺡ ﺍﺧﺎﺑﺮﻩ .
ﻛﺘﻠﻬﺎ ﻭﻟﻴﺶ ﺑﺮﻩ ﻻ ﺍﺣﺪ ﻳﺴﻤﻌﺞ .. ﻛﺎﻝ ﻣﺎ ﺍﻃﻮﻝ .. ﻋﺠﻴﺐ ﺷﻨﻮ ﺍﺷﺘﺸﺮﻓﺖ ﺭﻭﻣﺎ ..
ﺍﻟﻠﻴﻞ ﻛﻠﻪ ﺗﺤﺠﻲ ﻭﻳﻪ ﻣﺎﺯﻥ ﺑﺮﺍﺳﻲ .. ﻫﺴﻪ ﺧﺠﻠﺖ .. ﻋﻔﺘﻬﺎ ﻭﻧﺰﻟﺖ .. ﻭﺑﻘﻴﺖ ﺍﺑﺎﻭﻉ ﻣﺴﻠﺴﻼﺕ ..
ﻟﻠﻴﻞ ﺍﻟﺴﺎﻋﻪ 1 ﻧﻌﺴﺖ ﺭﺩﺕ ﺍﻧﺎﻡ ﻃﻔﻴﺖ ﺍﻟﻀﻮﻩ ﻣﺎﻝ ﺍﻟﻐﺮﻓﻪ .. ﺧﺎﺑﺮ ﺑﻜﺮ .. ﻛﺎﻝ ﺳﻤﺮ ﺍﻧﻲ ﺟﻮﻩ ..
ﻛﺘﻠﻪ ﺷﻨﻮﻭﻭ ..
- ﻧﺰﻟﻲ
- ﺻﻔﺮﺕ ﻣﻦ ﺍﻟﺨﻮﻑ ﻻ ﺍﻧﻮﺏ ﺍﺣﻤﺪ ﻣﻮﺟﻮﺩ .. ﻛﻤﺰﺕ ﻣﻦ ﻣﻜﺎﻧﻲ ﺍﻫﺮﻭﻝ ..
ﺭﺣﺖ ﻟﻐﺮﻓﺔ ﺍﺣﻤﺪ .. ﻟﻜﻴﺘﻪ ﻧﻄﻔﻲ ﻭﻧﺎﻳﻢ .. ﻧﺰﻟﺖ ﻻﻫﻠﻲ ﻓﺘﺤﺖ ﺍﻟﺒﺎﺏ ﻣﺎﻣﺎ ﻭﺑﺎﺑﺎ ﻧﺎﻳﻤﻴﻦ ..
ﺿﺤﻜﺖ .. ﻭﺍﺧﻴﺮﺍ ﺭﺍﺡ ﺍﺷﻮﻓﻪ ﻳﺎﺭﺏ ﻭﺍﻟﻠﻪ ﻣﺸﺘﺎﻗﺘﻠﻪ ..
ﻓﺘﺤﺖ ﺍﻻﺑﻮﺍﺏ .. ﻭﺭﺣﺖ ﺍﺭﻛﺾ .. ﺍﺭﻳﺪ ﺍﺷﻮﻓﻪ .. ﻓﺤﺖ ﺍﻟﺒﺎﺏ ﺍﻟﺨﺎﺭﺟﻲ .. ﻛﺎﻋﺪ ﺑﺴﻴﺎﺭﺗﻪ ﻣﺒﺘﺴﻢ ..
ﻭﻣﺸﻐﻞ ﺍﻏﻨﻴﺔ ﺍﻟﻒ ﺣﺎﺀ ﺑﺎﺀ ﻛﺎﻑ ﺍﺣﻠﻰ ﻛﻠﻤﻪ ﺑﺎﻟﺸﻔﺎﻑ ﺍﺣﺒﻚ ﺧﻞ ﻳﺪﺭﻭﻥ ﻣﺎ ﺩﺍﻡ ﺍﺣﺒﻚ ﻣﺎ ﺍﺧﺎﻑ ..
ﺿﺤﻜﺖ ﻭﺍﻧﻲ ﻭﺍﻛﻔﻪ ﺑﺎﻟﺒﺎﺏ .. ﺍﺷﺮﻟﻲ ﻟﻠﻜﺎﻉ .. ﻟﻜﻴﺖ ﺿﺮﻑ ﻭﻋﻠﻴﻪ ﻃﺎﺑﻮﻛﻪ .. ﺷﻠﺖ ﺍﻟﻄﺎﺑﻮﻛﻪ ﺍﺧﺬﺕ ﺍﺑﻀﺮﻑ ..
ﻟﻜﻴﺘﻪ ﺑﻴﻪ $500 .. ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﻓﺘﺤﺖ ﻋﻴﻮﻧﻲ ﺣﻴﻞ ﻭﺍﺿﺤﻚ ﻭﺍﺑﺎﻭﻋﻠﻪ ﻫﻬﻬﻪ … ﻳﺘﺒﻊ
🌺🌺🌺🌺🌺
ﮔﻮﻟﻮﻟﻬﺎ ﮔﻠﺒﻲ ﺍﻟﺴﺒﻊ
ﻳﺮﺟﻒ ﺭﺟﻒ ﻳﻢ ﻃﻮﻟﻬﺎ ✨️♥
ﻫﻬﻬﻬﻬﻪ ﻳﻤﻜﻦ ﻫﺬﺍ ﺍﻛﺜﺮ جزء ﻣﺮﻳﺢ ﺑﻘﺼﺔ ﺳﻤﺮ .. ﻭﺍﻋﺘﻘﺪ ﺣﻠﻴﺖ ﺍﻟﺸﺪ ﺍﻟﻨﻔﺴﻲ ﺍﻟﻌﺪﻛﻢ ﻣﻦ ﻭﺭﻩ ﺍﻟﻘﺼﻪ ..
ﺷﺘﺘﻮﻗﻌﻮﻥ .. ﺍﻛﻮ ﺍﻣﻞ ﻟﺰﻭﺍﺝ ﺑﻜﺮ ﻭﺳﻤﺮ ﻟﻮ ﻻ ..
ﺻﺮﺍﻉ ﺑﻴﻦ ﺍﻟﺤﺐ ﻭﺍﻟﻌﺎﺩﺍﺕ ﻓـ ﻣﻦ ﺍﻟﻤﻨﺘﺼﺮ ﻳﺎ ﺗﺮﻯ 😉
ﺷﺎﺭﻛﻮﻧﻲ ﺗﻮﻗﻌﺎﺗﻜﻢ ﻭﺍﺭﺍﺋﻜﻢ .. ﻣﺘﺎﺑﻌﻪ ﻣﻤﺘﻌﻪ ..
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق