رواية حكاية سمر ج2 الجزء السابع
للكاتبة زينب ماجد
🌿🌿🌿🌿🌿🌿
ﺳﻤﺮ .. ﺍﺑﺎﻭﻋﻠﻪ ﻣﺒﺘﺴﻢ ﻭﻳﺄﺷﺮﻟﻲ ﻟﻠﻜﺎﻉ .. ﺩﻧﻜﺖ ﻟﻜﻴﺖ ﺿﺮﻑ ﻋﻠﻴﻪ ﻃﺎﺑﻮﻛﻪ .. ﺷﻠﺖ ﺍﻟﻄﺎﺑﻮﻛﻪ ﻭﺍﺧﺬﺕ ﺍﻟﻀﺮﻑ ..
ﻓﺘﺤﺘﻪ .. ﻟﻜﻴﺖ $500 ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﻓﺘﺤﺖ ﻋﻴﻮﻧﻲ ﺣﻴﻞ ﻭﺍﺑﺎﻭﻋﻠﻪ ﻭﺍﺿﺤﻚ ...
ﻫﻮﻩ ﻳﺒﺎﻭﻉ ﻭﻳﻀﺤﻚ .. ﺍﺷﺮﺗﻠﻪ ﺗﻌﺎﻝ .. ﻛﺎﻝ ﻃﺒﻲ ﺑﻌﺪﻳﻦ ﺍﺷﻮﻓﺞ .. ﻻ ﻳﻄﻠﻊ ﻭﺍﺣﺪ ﻭﺗﺼﻴﺮﻟﺞ ﺳﺎﻟﻔﻪ ..
ﺿﺤﻜﺖ .. ﺳﻮﺍﻟﻲ ﺑﻴﺒﺎﻱ .. ﻟﻮﺣﺘﻠﻪ ﺑﺎﻳﺪﻱ ﺑﻴﺒﺎﻱ .. ﻭﺭﺍﺡ . ﻳﺒﻮﻭﻭ ﺷﻜﺪ ﺍﻋﺸﻘﻪ .. ﺑﺲ ﻣﻨﻴﻦ ﻋﺮﻑ ﺍﻧﻲ ﻣﺤﺘﺎﺟﻪ ﻓﻠﻮﺱ .. ؟؟
ﺍﻛﻮ ﻏﻴﺮﻫﺎ ﻧﺠﻴﻮﻩ .. ﺍﻧﻲ ﺍﻟﺞ .. ﺻﻌﺪﺕ .. ﻟﻜﻴﺘﻬﺎ ﻣﻄﻔﻴﻪ ﺍﻟﺘﻴﺒﻼﻡ ﻣﺎﻟﺘﻬﺎ ﻭﺗﺮﻳﺪ ﺗﻨﺎﻡ ..
ﺩﻓﺮﺗﻬﺎ ﺍﻛﻌﺪﻱ ﻟﺞ ﺍﻛﻌﺪﻱ .. ﺑﻜﺮ ﺷﻌﺮﻓﻪ ﺍﻧﻲ ﻣﺤﺘﺎﺟﻪ ﻓﻠﻮﺱ ..
- ﺍﻧﻲ ﻛﺘﻠﻪ ..
- ﻟﺞ ﻋﻴﺐ ﺍﺳﺘﺤﻲ ﺍﻃﻠﺐ ﻣﻨﻪ ..
- ﻣﺎ ﻗﺒﻞ ﺿﻞ ﻳﻠﺢ ﻭﻳﺤﻠﻒ ﺍﻻ ﺗﻜﻮﻟﻴﻠﻲ ﺳﻤﺮ ﺷﺒﻴﻬﺎ ﺿﺎﻳﺠﻪ .. ﺟﺬﺑﺖ ﻋﻠﻴﻪ .. ﻛﺎﻝ ﻻ ﺗﺠﺬﺑﻴﻦ ﻭﻛﻮﻟﻲ ﺍﻟﺼﺪﻙ .. ﻓﻜﺘﻠﻪ ﻋﻠﻤﻮﺩ ﻣﻼﺑﺲ ﻟﻠﺪﻭﺍﻡ ..
- ﺧﻄﻴﻪ ﺟﺎﻳﺒﻲ ﺧﻤﺴﻤﻴﺔ ﺩﻭﻻﺭ ..
- ﻻﺍﺍ ﺻﺪﻭﻙ ﺷﻮﻛﺖ ..
- ﻫﺴﻪ
- ﻋﺰﺯﺯﻩ ﺍﺟﻪ ﻫﺴﻪ ﺑﺮﺑﺞ ..
- ﺍﻱ ﻭﺍﻟﻠﻪ ﺗﻔﺎﺟﺌﺖ ﺑﺲ ﺣﻴﻞ ﻓﺮﺣﺖ ﺑﻴﻪ .. ﻳﺒﻮﻭﻭ ﻣﻮ ﺟﻦ ﺷﻔﺖ ﻭﺟﻬﺎ ﺟﻦ ﺩﺧﻠﺖ ﺍﻟﺠﻨﻪ ..
ﻭﻛﻤﺖ ﻓﺘﺤﺖ ﺍﻟﻀﻮﻩ ﻭﺍﻣﺸﻂ ﺷﻌﺮﻱ ﻭﺍﻏﻨﻲ .. ﻳﺎ ﺳﻼﻡ ﻳﺎ ﺳﻼﻡ ﺍﺩﻱ ﺍﻳﻪ ﺣﻠﻮ ﺍﻟﻐﺮﺍﻡ ..
- ﻳﺎﺍﺍﺍﻩ ﺍﻟﻴﻜﻮﻝ ﺍﻭﻝ ﺣﺐ ﺑﺤﻴﺎﺗﺞ ..
- ﺩﺭﺕ ﻭﺟﻬﻲ ﻋﻠﻴﻬﺎ .. ﻭﻛﺘﻠﻬﺎ ﻟﺞ ﺍﻱ ﻭﺍﻟﻠﻪ ﺟﻨﻪ ﺍﻭﻝ ﺣﺐ ﺑﺤﻴﺎﺗﻲ ..
ﺻﺢ ﺟﻨﺖ ﺍﺣﺐ ﺍﺭﻛﺎﻥ .. ﺑﺲ ﻣﺎ ﺍﺣﺲ ﺑﻬﺬﺍ ﺍﻻﺣﺴﺎﺱ ﺍﻟﻠﻲ ﺩﺍ ﺍﺣﺴﻪ ﻭﻳﻪ ﺑﻜﺮ ..
ﻣﻦ ﺍﺷﻮﻓﻪ ﻫﻴﺞ ﻛﻠﺒﻲ ﻳﻜﻮﻡ ﻣﻦ ﻣﻜﺎﻧﻪ .. ﻳﻀﻞ ﻳﺮﺟﻒ ﻓﺮﺡ ﻭﺣﺐ .. ﺍﺟﻤﻞ ﻟﺤﻈﺎﺕ ﻋﻤﺮﻱ ﻫﻴﻪ ﺍﻟﺤﻈﺎﺕ ﺍﻟﻠﻲ ﺍﺣﺠﻲ ﺑﻴﻬﺎ ﻭﻳﺎﻩ ﻭﺍﺳﻤﻊ ﺻﻮﺗﻪ ..
ﺑﺤﻴﺚ ﻭﺻﻠﺖ ﻟﻤﺮﺣﻠﻪ ﺑﻤﺠﺮﺩ ﻣﺎ ﺍﺳﺪ ﺍﻟﺨﻂ ﻣﻨﻪ ﺍﺷﺘﺎﻗﻠﻪ .. ﻭﺍﻻﺣﺒﻪ ﺍﻛﺜﺮ .. ﺍﻥ ﻫﻮﻩ ﻳﺤﺲ ﺍﻛﺜﺮ ﻣﻦ ﻫﺬﺍ ﺍﻻﺣﺴﺎﺱ ﺍﺗﺠﺎﻫﻲ ..
ﺑﻜﺮ ﺍﻟﺠﺎﻣﺪ ﻗﺎﺳﻲ ﺍﻟﻤﺸﺎﻋﺮ .. ﻣﺜﻞ ﺍﻟﻄﻔﻞ ﺑﻴﺪﻱ .. ﻭﻣﺜﻞ ﺍﻻﺏ ﺣﻨﻴﺘﻪ ﻋﻠﻴﻪ .. ﻭﻣﺜﻞ ﺍﻻﻡ ﺍﻫﺘﻤﺎﻣﻪ ﻭﺍﺣﺴﺎﺳﻪ ﺑﻴﻪ ..
ﺍﺭﻛﺎﻥ ﻣﺎ ﺟﻨﺖ ﺍﺣﺲ ﻭﻳﺎﻩ ﻫﻴﺞ .. ﺻﺢ ﺍﺭﻛﺎﻥ ﺍﻭﻝ ﺣﺐ .. ﺑﺲ ﻣﺎ ﺟﺎﻥ ﻳﺮﺟﻒ ﻛﻠﺒﻲ ﻳﻤﻪ ..
ﻣﺎ ﺣﺴﻴﺖ ﺑﺎﻫﺘﻤﺎﻣﻪ ﻭﺣﺒﻪ ﻣﺜﻞ ﺍﻫﺘﻤﺎﻡ ﺑﻜﺮ ﻭﻣﺸﺎﻋﺮﻩ .. ﻟﺞ ﻧﺠﻮﻯ ﺷﺎﻳﻔﻪ ﻣﻦ ﺍﺗﺰﻭﺝ ﻭﺍﻧﻲ ﺣﻤﻠﺖ ..
ﻟﺞ ﺻﺪﻭﻙ ﺣﺴﻴﺘﻪ ﺗﺤﻄﻢ .. ﻟﻮ ﺑﺲ ﺗﺴﻤﻌﻴﻪ ﻭﻫﻮﻩ ﻳﻐﻨﻲ ﺷﺤﺠﻴﻠﻚ ﻣﻀﻴﻜﺎﺕ ﺧﻠﻜﻲ ﺍﻟﻠﻴﺎﻟﻲ ..
ﻟﺞ ﻣﻦ ﻳﺤﺠﻴﻬﺎ ﺻﻮﺕ ﺍﻟﺸﺠﻦ ﻭﺍﻟﻌﺬﻭﺑﻪ .. ﺑﺼﻮﺕ ﺳﻜﺮﺍﻥ ﺣﺰﻳﻦ ﻭﻳﺒﺠﻲ ..
ﻟﻮ ﺑﺲ ﺗﺸﻮﻓﻴﻪ ﺷﻠﻮﻥ ﻟﻤﺎ ﺟﺎﻥ ﻳﻐﻨﻴﻠﻲ ﻭﻳﻌﺰﻑ ﻭﻋﻴﻮﻧﻪ ﺗﺼﻴﺮ ﺗﻠﻤﻊ ﻭﺗﻨﻤﻠﻲ ﺍﺩﻣﻮﻉ ﺑﺲ ﻳﺒﺎﻭﻋﻠﻲ
🌿
ﺩﻓﻊ ﻓﻠﻮﺱ ﻭﺭﺍﺩ ﻳﺴﺎﻓﺮ ﻭﻣﻦ ﻋﺮﻑ ﺑﻴﻪ ﻣﺨﺘﻔﻴﻪ ﻧﺴﻰ ﻛﻮﻟﺸﻲ ﻭﺑﺲ ﺍﻧﻲ ﺑﻘﻴﺖ ﺍﺑﺎﻟﻪ .. ﻛﻮﻟﻴﻠﻲ ﻭﻳﻦ ﺍﻟﻜﻪ ﻫﻴﺞ ﺭﺟﺎﻝ ﻳﺤﺒﻨﻲ ﻭﻳﻀﺤﻴﻠﻲ ﻣﺜﻠﻪ .
- ﻳﺎﺭﺏ ﺗﻨﺠﻤﻌﻮﻥ .. ﺑﺲ ﺳﻤﺮ ﻭﺍﻟﻠﻪ ﺍﺷﻮﻓﻬﺎ ﻣﺴﺘﺤﻴﻞ ﺍﻻ ﺗﻬﺮﺑﻮﻥ ﻳﻠﻪ .
ﻋﻮﺩ ﻣﺎﻝ ﺑﺎﺑﺎ ﻭﻣﺎﻣﺎ ﻭﺍﺣﻤﺪ ﻳﻮﺍﻓﻘﻮﻥ ﻟﻮ ﺍﻫﻠﻪ ﻳﻮﺍﻓﻘﻮﻥ .. ﺍﺣﺴﻬﺎ ﻣﺴﺘﺤﻴﻠﻪ ..
- ﻭﺍﻟﻠﻪ ﻣﺎ ﺍﻋﺮﻑ .. ﻫﻮﻩ ﻳﺨﻄﺒﻨﻲ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﻟﻮ ﻣﺎ ﻗﺒﻠﻮ ﺷﺴﻮﻳﻠﻬﻢ ﺑﻌﺪ .
ﺑﺮﻳﺖ ﺫﻣﺘﻲ ﻣﻦ ﺍﻫﻠﻲ .. ﻫﻢ ﻻﺯﻡ ﻳﺸﻮﻓﻮﻥ ﻣﺸﺎﻋﺮﻱ ﻳﺤﺴﻮﻥ ﺑﻴﻪ ﻣﻮ ﺑﺲ ﺍﻧﻲ ﺍﻓﻜﺮ ﺑﻴﻬﻢ ..
ﻟﻮ ﻣﺎ ﻗﺒﻠﻮ .. ﺍﺧﺬ ﺟﻮﺍﺯﻱ ﻭﻣﺴﺘﻤﺴﻜﺎﺗﻲ ﻭﺍﻋﻮﻓﻠﻬﻢ ﺍﻟﺠﻤﻞ ﺑﻤﺎ ﺣﻤﻞ ﻭﺍﺭﻭﺡ ﻭﻳﺎﻩ ..
ﺿﻔﺮﺕ ﺷﻌﺮﻱ .. ﻭﻣﺸﻴﺖ ﻃﻔﻴﺖ ﺍﻟﻀﻮﻩ ﻭﻧﻤﻨﻪ .. ﺛﺎﻧﻲ ﻳﻮﻡ .. ﻛﻌﺪﺕ ﻭﻳﻪ ﻧﺠﻮﻯ ﻭﻫﻴﻪ ﺗﺒﺪﻝ ﺗﺮﻳﺪ ﺗﺮﻭﺡ ﻟﻠﺪﻭﺍﻡ ..
- ﺳﻤﺮ ﻣﻮ ﺗﺮﺣﻴﻦ ﻟﻠﺴﻮﻙ ﻓﺪﻭﻩ ﻧﺮﻭﺡ ﺳﻮﻩ ﻣﺎﺷﻲ ..
- ﻣﺎﺷﻲ ﺑﺲ ﺗﻌﺎﻱ ﺍﻛﻮﻟﺞ ﺷﺎﻛﻮﻝ ﻟﻤﺎﻣﺎ ﻟﻮ ﺳﺌﻠﺘﻨﻲ ﻣﻨﻴﻦ ﺍﻟﻔﻠﻮﺱ ..
- ﺻﺪﻭﻙ ﻭﺍﻟﻠﻪ ﺷﺘﻜﻮﻟﻴﻠﻬﺎ ..
- ﺗﺨﺒﺰﻧﻲ ﺧﺒﺰ ﻟﻮ ﻛﺘﻠﻬﺎ ﺑﻜﺮ ﺍﻧﻄﺎﻧﻲ ﻓﻠﻮﺱ ..
- ﺍﻛﻮﻝ ﺧﺎﺑﺮﻱ ﺻﺪﻳﻘﺘﺞ ﻫﺎﻱ ﺍﻟﻤﺴﻴﺤﻴﻪ .
- ﻣﺮﺕ ﻛﻤﺎﻝ ..
- ﻫﻮﻩ ﻛﻤﺎﻝ ﺍﺳﻤﻪ ..
- ﺍﻱ
- ﺑﺲ ﻭﺍﻟﻠﻪ ﻳﺨﺒﻞ ﻭﻫﻴﺒﻪ ﺟﻨﻪ ﺗﻴﻢ ﺣﺴﻦ 😍
😬- ﻫﺴﻪ ﺩﻛﻮﻟﻲ ﺷﺎﻛﻮﻝ ﻟﻤﺮﺕ ﻛﻤﺎﻝ ..
- ﺷﺒﻴﺞ ﺧﺎﺑﺮﻳﻬﺎ ﻭﻛﻮﻟﻴﻠﻬﺎ ﺧﻞ ﺗﺠﻲ ﻭﻣﻦ ﺗﺠﻲ ﺗﺸﻮﻓﺞ ﻛﻮﻟﻲ ﺍﻻﻣﻲ ﺍﺩﺍﻳﻨﺖ ﻣﻨﻬﺎ ﻭﻣﻦ ﺍﺳﺘﻠﻢ ﺭﺍﺗﺐ ﺍﺭﺟﻌﻠﻬﻴﺎﻩ .
- ﺧﻮﺵ ﻓﻜﺮﻩ .. ﺧﻞ ﺍﺧﺎﺑﺮﻩ .. ﻭﻟﻮ ﻫﻴﻪ ﺗﻜﻌﺪ ﺏ 11 ﻋﻮﺩ ﺍﻧﻲ ﺍﺧﺎﺑﺮ ﺑﺎﺟﻲ ﺗﻜﻌﺪﻫﺎ ..
- ﻳﻠﻪ ﺑﺎﻱ ﺍﻧﻲ ﺍﺭﻭﺡ . ﺍﻣﻮﻭﺍﺡ 👄
- ﺍﻣﻮﻭﻭﺍﺡ ..👄 ﻃﻠﻌﺖ ﻧﻮﻧﻪ ﻧﺰﻟﺖ ﺳﻮﻳﺖ ﺭﻳﻮﻙ ﻻﺣﻤﺪ .. ﻭﺧﻠﻴﺘﻪ ﻋﻄﺎﻭﻟﻪ .. ﺍﺟﻪ ﺍﻛﻞ ﻭﻛﺎﻡ ﻻ ﺣﻤﺪﺍ ﻭﻻ ﺷﻜﻮﺭﺍ .
ﺍﻧﻮﺏ ﺭﺟﻌﺖ ﻧﻤﺖ ﺳﺎﻋﻪ ﻭﻛﻌﺪﺕ .. ﻧﺰﻟﺖ ﺷﻐﻠﺖ ﻗﺮﺍﻥ ﺑﺼﺎﻟﻪ .. ﻣﺎﻣﺎ ﺟﺎﻧﺖ ﻛﺎﻋﺪﻩ ﺗﻮﻛﻞ ﺍﺑﺎﺑﺎ
ﺭﺣﺖ ﻳﻤﻬﻢ ﺑﺴﺖ ﺭﺍﺱ ﺑﺎﺑﺎ .. ﻭﺻﺒﺤﺖ ﻋﻠﻰ ﺍﻣﻲ .. ﻛﺎﻟﺖ ﺳﻮﻳﻠﻨﻪ ﺭﻳﻮﻙ ﺍﻧﻲ ﻭﻳﺎﺝ ﺧﻞ ﻧﺘﺮﻳﻚ ..
ﻛﺘﻠﻬﺎ ﻣﺎﺷﻲ .. ﻛﻤﺖ ﺍﺳﻮﻱ ﺍﻟﺮﻳﻮﻙ .. ﻭﺩﺯﻳﺖ ﺭﺳﺎﻟﻪ ﺍﻟﻨﺴﺮﻳﻦ .. ﻣﻦ ﺗﻜﻌﺪﻳﻦ ﺧﺎﺑﺮﻳﻨﻲ .
ﺧﺎﺑﺮﺗﻨﻲ ﺑﺴﺎﻉ ﺧﻄﻴﻪ .. ﻛﺘﻠﻬﺎ ﻧﺴﺮﻳﻦ ﺍﺷﻮﻧﺞ ..
- ﺑﺨﻴﺮ ﺍﻟﺤﻤﺪ ﻟﻠﻪ ﺣﺒﻴﺒﻲ ﺷﺨﺒﺎﺭﺝ ..
- ﻭﺍﻟﻠﻪ ﺗﻤﺎﻡ .. ﺍﻻﻫﻞ ﺍﺷﻮﻧﻬﻢ ﻛﻤﺎﻝ ..
- ﻭﺍﻟﻠﻬﻲ ﺯﻳﻨﻴﻦ .. ﻋﻮﺩ ﺍﻟﻴﻮﻡ ﺍﺭﻳﺪ ﺍﺟﻴﺞ ﺍﻣﺮ ﻋﻠﻴﺞ ﻋﻨﺪﻱ ﻣﻮﺿﻮﻉ ﻭﻳﺎﺝ .
- ﻭﺍﻧﻲ ﻫﻢ ﺧﺎﺑﺮﺗﺞ . ﻋﻠﻤﻮﺩ ﺗﺠﻴﻦ ﻫﻬﻬﻬﻪ
- ﻟﻴﺶ ﺍﻛﻮ ﺷﻲ ..
- ﻻ ﻭﺍﻟﻠﻪ ﻫﻴﺞ ﻣﺸﺘﺎﻗﺘﻠﺞ ﻭﺗﺪﺭﻳﻦ ﺍﻟﻄﻠﻌﻪ ﻣﻤﻨﻮﻋﻪ ﻋﻨﻲ ..
- ﻫﺎﺍﺍ .. ﺍﻱ ﻧﺸﺎﻟﻠﻪ ﻭﺭﻩ ﺍﻟﻐﺪﺍ ﻛﻤﺎﻝ ﻳﻮﺻﻠﻨﻲ ﻟﺒﺎﺑﻜﻢ ﻭﺍﺷﻮﻓﺞ ..
- ﻫﻼ ﺑﻴﺞ ﻳﺮﻭﺣﻲ .. ﺳﺪﻳﺘﻪ ﻣﻨﻬﺎ .. ﻛﺎﻟﺖ ﻣﺎﻣﺎ ﻭﻳﻪ ﻣﻨﻮ ﺗﺤﺠﻲ .. ﻛﺘﻠﻬﺎ ﻭﻳﻪ ﻧﺴﺮﻳﻦ .. ﺣﺘﺠﻴﻨﻪ ﺍﻟﻴﻮﻡ ﺍﻟﻀﻬﺮ ﻭﺭﻩ ﺍﻟﻐﺪﺍ
🌿
ﻫﻼ ﺑﻴﻬﺎ ..
- ﻳﻠﻪ ﺗﻌﺎﻱ ﻧﺘﺮﻳﻚ ﻛﻤﻠﺖ .. ﺗﺮﻳﻜﻨﻪ ﺍﻧﻲ ﻭﻣﺎﻣﺎ .. ﻭﻛﻤﺖ ﻧﻀﻔﺖ ﻭﻛﻤﻠﺖ ﺍﻟﻐﺪﺍ ﻭﺳﺒﺤﺖ .. ﺍﺟﻪ ﺍﺣﻤﺪ ﺻﺒﻴﺘﻠﻪ ﺍﻟﻐﺪﺍ ﻭﺍﺧﺬﺕ ﻫﺪﻭﻣﻪ ﻏﺴﻞ ﻭﻛﻮﻱ ..
ﻭﻫﻮﻩ ﻣﺎ ﻓﻚ ﻭﺟﻪ ﻋﻠﻴﻪ .. ﺩﻭﻡ ﻣﻌﺒﺲ .. ﺩﺍ ﺍﺭﻳﺪ ﺍﺷﻮﻑ ﺍﻟﻴﺘﺰﻭﺟﻬﺎ ﻫﻢ ﻫﻴﺞ ﻳﺘﻌﺎﻣﻞ ﻭﻳﺎﻫﺎ ﻟﻮ ﻳﺼﻴﺮﻟﻬﺎ ﺣﻈﻴﻨﻪ ..
ﺳﻮﻳﺖ ﺷﻜﺮﻟﻤﻪ ﻋﻠﺴﺮﻋﻪ .. ﻋﻴﺐ ﺗﺠﻲ ﺍﻟﺒﻨﻴﻪ ﻭﻛﻮﻟﺸﻲ ﻣﺎ ﻋﻨﺪﻱ ﺍﻗﺪﻣﻠﻬﺎ .. ﺑﺲ ﺑﺒﺴﻲ ﺍﺳﺘﺤﻲ .. ﻓﺴﻮﻳﺖ ﺑﺄﻳﺪﻱ ﻭﻃﻠﻌﺖ ﻃﻴﺒﻪ ..
ﻓﺪﻳﺘﻪ ﻟﻤﺤﻤﺪ ﺍﻛﻞ 5 ﻫﻬﻬﻬﻪ .. ﻭﻣﺎﻣﺎ ﺗﺼﻴﺢ ﻋﻠﻴﻪ .. ﺗﻜﻠﻪ ﺑﻄﻨﻚ ﺣﺘﺼﻴﺮ ﻣﻲ .. ﻛﺎﻓﻲ ..
ﻛﺘﻠﻬﺎ . ﻣﺎﻣﺎ ﺷﺎﺏ ﻣﺮﺍﻫﻖ .. ﻳﺮﻳﺪ ﺍﻛﻞ ﺷﺘﺮﺩﻳﻦ ﻣﻨﻪ ﺧﻞ ﻳﺎﻛﻞ .. ﻭﺣﻈﻨﺘﻪ ﻭﺑﻮﺳﺘﻪ ..
ﻟﻞ 4 ﺍﻧﺪﻛﺖ ﺍﻟﺒﺎﺏ ﻭﺍﺟﺖ ﻧﺴﺮﻳﻦ .. ﺍﺳﺘﻘﺒﻠﻨﺎﻫﺎ ﺍﻧﻲ ﻭﻣﺎﻣﺎ ﻭﻧﺠﻮﻯ ﻛﻌﺪﻩ ﻭﺳﻮﺍﻟﻒ ﻭﺿﺤﻚ ..
ﻟﺸﻮﻱ ﻛﺎﻣﺖ ﻣﺎﻣﺎ ﻟﺒﺎﺑﺎ ﺻﺎﺣﻬﺎ .. ﻛﺎﻟﺖ ﻧﺴﺮﻳﻦ ﺳﻤﺮ ﺍﺭﻳﺪﺝ ﺑﻤﻮﺿﻮﻉ ..
- ﺗﻔﻀﻠﻲ ..
- ﺳﻤﺮ ﺍﻧﻲ ﺍﺣﺒﺞ ﻭﺍﺛﻖ ﺑﻴﺞ ﻭﺑﺎﺟﻲ ﻫﻢ ﺗﻤﻮﺕ ﻋﻠﻴﺞ ﻭﺟﺎﻳﻪ ﺍﻃﻠﺐ ﻣﻨﺞ ﻃﻠﺐ ..
- ﺗﻔﻀﻠﻲ ﺑﻌﻴﻨﻲ ..
- ﺍﻧﻲ ﺭﺣﺖ ﻟﻠﺪﻛﺎﺗﺮﻩ ﻭﻋﺎﻟﺠﺖ ﻫﻮﺍﻱ ﻣﻮﺿﻮﻉ ﺍﻟﻌﻘﻢ ﻋﻨﺪﻱ ﻭﺗﺎﻟﻲ ﻃﻠﻌﺖ ﻋﻘﻴﻤﻪ ﻓﺪ ﻣﺮﻩ .
ﻭﻛﻤﺎﻝ ﺗﻀﺎﻳﻖ .. ﺑﺲ ﻣﺎ ﺣﺴﺴﻨﻲ ﺍﻋﺮﻑ ﻫﻮﻩ ﺑﻨﻔﺴﻪ ﻃﻔﻞ .. ﻭﻳﺨﺠﻞ ﻳﻄﺎﻟﺐ ﻟﻮ ﻳﻜﻮﻝ ﺍﺭﻳﺪ ﻃﻔﻞ ..
ﺷﻜﺪ ﻣﻴﺤﺒﻨﻲ ﺑﺲ ﺍﻋﺮﻑ ﻣﺘﻀﺎﻳﻖ ﻣﻦ ﺷﻐﻠﺔ ﺍﻟﻌﻘﻢ ﻭﻳﺮﻳﺪ ﻃﻔﻞ .. ﻭﺍﻭﺿﺤﻠﻲ ﺑﺼﻮﺭﻩ ﻏﻴﺮ ﻣﺒﺎﺷﺮﻩ ﺍﻥ ﻋﺎﺩﻱ ﻳﺘﺰﻭﺝ ﻭﻳﺠﻴﺐ ﻃﻔﻞ ﺛﺎﻧﻲ ﻭﻧﺒﻘﻰ ﺑﻨﻔﺲ ﺣﺒﻨﻪ .
- ﻭﺍﻟﻤﻄﻠﻮﺏ ﻣﻨﻲ ﺷﻨﻮ .. ﺑﺸﻨﻮ ﺍﻛﺪﺭ ﺍﺳﺎﻋﺪﻛﻢ ..
- ﺗﺘﺰﻭﺟﻴﻦ ﻛﻤﺎﻝ ..
- ﺻﻔﻨﺖ ﺑﻮﺟﻬﺎ ﻭﺿﺤﻜﺖ .. ﺗﺤﺠﻴﻦ ﺻﺪﻭﻙ ﻧﺴﺮﻳﻦ ..
- ﺳﻤﺮ ﻣﺎ ﻋﻨﺪﻱ ﻏﻴﺮﺝ ﻭﺍﻟﻠﻪ ﺍﺧﺎﻑ ﻳﺘﺰﻭﺝ ﻭﺣﺪﻩ ﻭﺗﻐﻴﺮﻩ ﻋﻠﻴﻪ ﻭﺍﻧﻲ ﺍﺣﺒﻪ ﻫﻮﺍﻳﻪ .
ﻭﺍﻧﺘﻲ ﻃﻴﺒﻪ ﻭﺍﻋﺮﻓﺞ ﻭﺍﻋﺮﻑ ﺍﺧﻼﻗﺞ .. ﺭﺍﺡ ﻧﺘﻮﺍﻟﻢ .
- ﺍﻭﻝ ﺷﻲ ﺍﻧﻲ ﻟﻼﻥ ﻣﻜﻤﻠﺔ ﻋﺪﺓ ﺍﻟﻄﻼﻕ ﻣﺎﻝ ﻋﺎﺩﻝ .. ﺑﻘﺎﻟﻲ ﺷﻬﺮ ﻭﺍﺗﻢ ..
- ﻧﻨﺘﻀﺮﺝ ﻋﺎﺩﻱ ..
- ﺍﺳﻤﻌﻴﻨﻲ .. ﺛﺎﻧﻲ ﺷﻲ .. ﺍﻧﻲ ﻣﺴﺘﺤﻴﻞ ﺍﺗﺸﺎﺭﻙ ﺑﺮﺟﺎﻝ ﻣﻊ ﻣﺮﻩ ﺛﺎﻧﻴﻪ ..
- ﺑﺲ ﻋﺎﺩﻝ ﻫﻢ ﺟﺎﻥ ﻣﺘﺰﻭﺝ
- ﻭﻋﺎﺩﻝ ﻣﺠﻨﺖ ﺍﻋﺘﺒﺮﻩ ﺯﻭﺝ .. ﺑﻴﻮﻡ ﺯﻭﺍﺟﻪ ﺟﻨﺖ ﺍﺑﺠﻲ ﻋﻠﻰ ﺑﻜﺮ ﻣﻮ ﻋﻠﻴﻪ .. ﻭﺷﻐﻠﻪ ﻟﺦ .. ﺷﻠﻮﻥ ﺍﺗﺰﻭﺝ ﻭﺍﻧﻲ ﺍﺭﻳﺪ ﺑﻜﺮ ..
ﻣﺎ ﺍﻛﺪﺭ .. ﻏﻴﺮ ﺑﻜﺮ ﻳﺼﻴﺮﻟﻲ ﺭﺟﺎﻝ .. ﻣﺎ ﺍﺗﺤﻤﻞ ﻫﻠﻔﻜﺮﻩ ..
- ﺑﺲ ﺑﻜﺮ ﻫﻢ ﻣﺘﺰﻭﺝ ..
- ﻣﺘﺰﻭﺝ ﺑﺲ ﻛﻠﺒﻪ ﻳﻤﻲ .. ﻭﺯﻭﺍﺟﻪ ﻣﺠﺒﺮ ﻋﻠﻴﻪ .. ﻭﺑﻴﻪ ﻭﺑﻼﻳﺎﻱ ﻫﻮﻩ ﻧﺎﻭﻱ ﻳﻄﻠﻘﻬﺎ .. ﺑﺲ ﺍﻧﻲ ﻛﺘﻠﻪ ﺣﺮﺍﻡ ﺍﺑﻨﻚ ..
ﻭﻛﺎﻝ ﺑﺲ ﺗﺠﻴﺐ ﻧﻨﻔﺼﻞ .. ﻭﻫﻴﻪ ﺑﻜﻴﻔﻬﺎ ﺗﺮﻳﺪ ﺍﺑﻨﻬﺎ ﻭﺍﻣﻨﻠﻪ ﻣﺼﺮﻓﻪ .. ﺍﻭ ﺗﻜﻮﻝ ﺍﺭﻳﺪ ﺍﻋﻴﺶ ﺣﻴﺎﺗﻲ ﻭﺍﺧﺬ ﺍﺑﻨﻲ ..
- ﺳﻤﺮ ﻋﺎﺩ ﺑﺲ ﺍﺗﺰﻭﺟﻲ ﻓﺘﺮﻩ ﻭﺍﻃﻠﻘﻲ ﻣﻨﻪ ﻋﻠﻜﺪ ﺣﻤﻞ ﺍﻟﻄﻔﻞ ﻭﺍﻧﻄﻴﻨﻴﺎﻩ ﻓﺪﻭﻩ
- ﺑﻘﻴﺖ ﺻﺎﻓﻨﻪ ﺑﻴﻬﺎ .. ﺑﻠﻠﻪ ﺷﻜﻮﻟﻠﻬﺎ .. ﻛﺘﻠﻬﺎ ﻧﺴﺮﻳﻦ ﺍﺣﺒﺞ ﻭﺍﻟﻠﻪ ﺑﺲ ﺍﻟﻠﻲ ﺍﻃﻠﺒﻴﻪ ﻣﻮ ﻣﻌﻘﻮﻝ ..
🌿
ﺍﺗﺰﻭﺝ ﻭﺍﺧﻠﻒ ﻭﺍﻃﻠﻖ ﻻ ﻭﺍﻧﻄﻲ ﺍﺑﻨﻲ ﺷﻠﻮﻥ ﺗﺮﻫﻢ .. ﻭﺑﻌﺪﻳﻦ ﺍﺭﻭﺡ ﺍﺗﺰﻭﺝ ﻓﺘﺮﻩ ﻭﺍﻃﻠﻖ ﻭﻳﻨﺤﺴﺒﻮﻥ ﻋﻠﻰ ﺭﺍﺳﻲ ﻣﺘﺰﻭﺟﻪ . ﺛﻨﻴﻦ
ﻭﻫﻤﻪ ﻣﺤﺪ ﺑﻴﻬﻢ ﺻﺎﻳﺮﻟﻲ ﺯﻭﺝ .. ﻧﺴﺮﻳﻦ ﺍﺣﺒﺞ ﺑﺲ ﺩﺗﻀﻠﻤﻴﻨﻲ ﺑﻬﻴﺞ ﻃﻠﺐ ..
- ﺑﻘﺖ ﺗﺒﺠﻲ ﻭﺗﻜﻮﻝ ﻣﻠﻴﺖ ﻭﺍﻟﻠﻪ ﺍﺭﻳﺪ ﻃﻔﻞ ﻭﺍﻟﻠﻪ ﻣﺎ ﻗﺎﺳﻤﻠﻲ ﻭﻣﺎ ﺍﻛﺪﺭ ﺍﺧﻠﻴﻪ ﻳﺘﺰﻭﺝ ﺑﺮﺍﺣﺘﻪ ..
ﺧﺎﻑ ﻳﺎﺧﺬﻭﻩ ﻣﻨﻲ .. ﺑﻘﻴﺖ ﺍﻫﺪﻱ ﺑﻴﻬﺎ ﻭﺍﻛﻮﻟﻬﺎ ﺍﻟﻠﻪ ﻣﻮﺟﻮﺩ ﻭﻟﺘﺨﺎﻓﻴﻦ ﻭﻛﻤﺎﻝ ﺧﻮﺵ ﺭﺟﺎﻝ ﻣﺎ ﻣﻌﻘﻮﻟﻪ ﻳﻌﻮﻓﺞ ..
ﻛﺘﻠﻬﺎ ﺗﺒﻨﻮ ﻃﻔﻞ .. ﻛﺎﻟﺖ ﺗﻌﺘﻘﺪﻳﻦ ﻛﻤﺎﻝ ﻳﻘﺒﻞ .. ﻛﺘﻠﻬﺎ ﺍﻛﻮ ﺍﻃﻔﺎﻝ ﺑﺎﻟﻤﻴﺘﻢ ﻋﻤﺮﻫﻢ ﺍﻳﺎﻡ .. ﺭﻭﺣﻲ ﻭﺍﺧﺬﻱ
ﻛﺎﻟﺖ ﻓﻜﺮﺕ ﺑﻴﻬﺎ ﺑﺲ ﺧﺎﻑ ﻣﻴﻘﺒﻞ ﻳﺮﻳﺪ ﻣﻦ ﺻﻠﺒﻪ .. ﻛﺘﻠﻬﺎ ﺩﺷﻮﻓﻲ .. ﻭﺍﺫﺍ ﻫﺎﻱ ﻛﻮﻟﻴﻠﻲ ﺍﻧﻲ ﺍﺣﺠﻲ ﻭﻳﺎﻩ ﻭﻧﻘﻨﻌﻪ ﺳﻮﻩ ..
ﺧﻄﻴﻪ ﻫﺪﺕ ﻭﺷﻮﻱ ﻭﺭﺍﺣﺖ .. ﻛﻠﺖ ﻟﻤﺎﻣﺎ ﻫﻴﺞ ﻭﻫﻴﺞ ﻛﺎﻟﺘﻠﻲ ﻭﺭﺍﺍﻳﺪﺗﻨﻲ ﻟﻜﻤﺎﻝ .. ﻛﺎﻟﺖ ﻭﻟﻴﺶ ﻣﺎ ﻭﺍﻓﻘﺘﻲ ..
ﺭﺟﺎﻝ ﻳﺨﺒﻞ ﻭﺟﻴﺒﻪ ﻣﻠﻴﺎﻥ ﻭﻫﻴﺒﻪ ﻭﺗﺼﻴﺮﻳﻦ ﺍﻧﺘﻲ ﺍﻻﻭﻝ ﻭﺍﻷﺧﻴﺮ ﺑﺲ ﺗﺨﻠﻔﻴﻦ ﻣﻨﻪ ..
- ﻫﺎﺍﺍﺍ ﻣﺎﻣﺎ ﺷﺒﻴﺞ .. ﺑﻌﺪﻧﻲ ﻋﺪﻩ ﻣﻤﺨﻠﺼﻪ ﻭﺗﻜﻮﻟﻴﻠﻲ ﻭﺍﻓﻘﻲ . ﻭﺑﻌﺪﻳﻦ ﺍﻧﻲ ﺍﻱ ﺯﻭﺍﺝ ﻣﺎ ﺍﺭﻳﺪ
- ﻭﺷﺘﺮﻳﺪﻳﻦ ﻳﻤﻪ .. ﺗﺨﺰﻳﻨﻪ ﻭﻳﻪ ﺫﺍﻙ ..
- ﻻ ﺫﺍﻙ ﻭﻻ ﻫﺬﺍ ﻛﻞ ﺯﻭﺍﺝ ﻣﺎ ﺍﺭﻳﺪ .. ﻭﺧﻠﺺ ﻭﺑﻌﺪﻳﻦ ﺍﺭﻳﺪ ﺍﺭﻭﺡ ﻟﻠﺴﻮﻙ ﻫﺴﻪ ﻳﻠﻪ ﻛﻮﻣﻲ ..
- ﺍﻫﻮﻭﻭ ﻣﺎ ﺧﻠﺼﻨﻪ ﻣﻦ ﺍﻟﺴﻮﻙ ﻛﺘﻠﺞ ﻣﺎ ﻋﻨﺪﻱ ..
- ﻣﺠﺎﻱ ﺍﻛﻮﻟﺞ ﺍﻧﻄﻴﻨﻲ .. ﻋﻨﺪﻱ ﺑﺲ ﺍﺭﻳﺪ ﺍﺭﻭﺡ ﻟﻠﺴﻮﻙ ..
- ﻣﻨﻴﻦ ﺟﺒﺘﻲ ﻭﻟﺞ .
- ﺍﺩﺍﻳﻨﺖ ﻣﻦ ﻧﺴﺮﻳﻦ .. ﻭﻋﻠﺮﺍﺗﺐ ﺍﻧﻄﻴﻬﺎ ..
- ﺍﻱ ﻭﺑﻌﺪﻳﻦ ﻭﺭﻩ ﺍﻟﺰﻭﺍﺝ ﺗﻌﻴﺮﺝ ﺗﻜﻠﺞ ﻣﻮ ﺟﻨﺖ ﺍﺩﺍﻳﻨﺞ ..
- ﻳﺎ ﺯﻭﺍﺝ ﻳﻮﻭﻭﻡ ﺭﺣﻤﻪ ﻻﻟﻠﻪ ﺷﺒﻴﻴﻴﺞ ..
- ﻣﺎ ﺍﻛﺪﺭ ﺍﺭﻭﺡ ﻟﻠﺴﻮﻙ ﺍﺑﻮﺝ ﻣﺤﺪ ﺍﻟﻪ ﻫﻨﺎ ..
- ﻣﺎ ﻋﻠﻴﻪ ﺷﻲ .. ﺧﻠﻲ ﻧﺠﻮﻯ ﻳﻤﻪ
- ﻣﺎ ﺗﻜﺪﺭﻟﻪ ﺍﺑﻮﺝ ﺛﻘﻴﻞ ﻟﻮ ﺭﺍﺩ ﺣﺎﺟﻪ ﺗﻜﺪﺭ ﺗﺸﻴﻠﻪ ﻭﺗﻮﺩﻳﻪ ﻟﻠﺤﻤﺎﻡ ﻭﻫﻮﻩ ﺑﻄﻨﻪ ﻣﺘﺄﺫﺍﻳﻪ ﺍﻟﻴﻮﻡ ﻭﻣﺼﺨﻦ ﻭﺣﺎﻟﻪ ﺍﻟﻴﻮﻡ ﻣﻌﺎﺟﺒﻨﻲ ..
ﻣﺎ ﺍﻛﺪﺭ ﺍﻋﻮﻓﻪ .. ﺍﺧﺬﻱ ﻣﺤﻤﺪ ﻭﺭﻭﺣﻲ ﻭﻳﺎﻩ ﺷﻌﻠﻴﺞ ﻗﺎﺑﻞ ..
- ﺑﻌﺪ ﺍﺣﺴﻦ .. ﺧﻞ ﺍﺷﻮﻑ ﻣﺤﻤﺪ .. ﻟﺒﺴﺖ ﻣﻼﺑﺴﻲ .. ﻭﻋﺪﻟﺖ ﻧﻔﺴﻲ .. ﻧﺠﻮﻯ ﻛﺎﻟﺖ ﻭﻳﺎﺝ .. ﻛﺘﻠﻬﺎ ﻛﻮﻣﻲ .. ﺑﺪﻟﺖ
ﻭﻃﻠﻌﻨﻪ ﻟﺴﺎﺣﻪ .. ﻟﻜﻴﺖ ﻣﺤﻤﺪ ﻭﺍﻛﻒ .. ﻛﺘﻠﻪ ﺗﻌﺎﻝ ﺭﻭﺡ ﻭﻳﺎﻱ ﻟﺴﻮﻙ .. ﻛﺎﻝ ﻣﺎﺷﻲ ﺍﻣﺸﻦ ..
ﺩﺧﻠﻨﻪ ﺍﻟﺴﻮﻙ ﻭﺳﻮﻳﻨﻪ ﻫﺠﻮﻡ ﻛﺎﺳﺢ .. ﺷﻜﻮ ﻣﻼﺑﺲ ﻣﻜﻴﺎﺝ ﺳﺎﻋﺎﺕ ﺍﻛﺴﺴﻮﺍﺭﺕ .. ﻣﺎ ﺑﻘﻴﻨﻪ ﺷﻲ ﻣﺸﺘﺮﻳﻨﺎﻩ ..
ﻭﺭﺟﻌﻨﻪ .. ﺍﺣﻤﺪ ﻛﺎﻟﺐ ﺍﻟﺪﻧﻴﺎ ﺑﺎﻟﺼﻴﺎﺡ ﺷﻠﻮﻥ ﺍﺭﻭﺡ ﻭﻳﻪ ﻣﺤﻤﺪ .. ﺍﻭﻝ ﻣﺎ ﺩﺧﻠﺖ ﺿﺮﺑﻨﻲ ﺭﺍﺷﺪﻱ ﻛﺘﻠﻪ ﺍﻧﺘﻪ ﺟﻨﺖ ﻧﺎﻳﻢ ﺟﺎﻥ ﺍﺧﺬﺗﻨﻪ
ﻛﺎﻝ ﺍﻧﺘﻲ ﻣﻄﻠﻜﻪ ﻭﺍﻃﻠﻌﻴﻦ ﻭﺣﺪﺝ ﻭﻳﻪ ﻭﻟﺪ ﺻﻐﻴﺮ . ﺷﻨﻮ ﻣﺎ ﻛﻔﺎﺝ ﺍﻟﻌﺎﺭ ﺍﻻﺟﺎﻧﻪ ﻣﻨﺞ ﺳﺎﻗﻄﻪ ﺗﺮﺩﻳﻦ ﺗﺼﺨﻤﻴﻦ ﻭﺟﻮﻫﻨﻪ .
🌿
ﻭﻛﺎﻡ ﻋﻠﻴﻪ ﺿﺮﺑﻨﻲ ﻭﺍﻧﻲ ﺍﺻﻴﺢ ﻭ ﺍﺑﺠﻲ ﻭﺍﺗﻮﺳﻞ ﺟﻮﻩ ﺍﻳﺪﻩ ﻭﺍﻣﻲ ﻭﻧﺠﻮﻯ ﻭﻣﺤﻤﺪ ﻳﺒﻌﺪﻭﻥ ﺑﻴﻪ ..
ﺍﻧﻮﺏ ﻟﺰﻡ ﻧﺠﻮﻯ ﻭ ﻫﻢ ﻧﻬﺎﻫﺎ ﻛﺘﻞ .. ﻭﻳﺼﻴﺢ ﺍﻻ ﺃﺩﺑﺠﻦ .. ﻟﺰﻣﺘﻪ ﺍﻣﻲ ﻭﺩﻓﻌﺘﻪ ﻭﺑﻘﺖ ﺗﺼﻴﺢ ﻭﺗﻐﻠﻂ ﺍﻟﻠﻪ ﻻ ﻳﻨﻄﻴﻚ
ﻭﻟﻚ ﺧﻮﺍﺗﻚ ﺫﻥ ﺍﻧﺘﻪ ﺍﺧﻮ ﻟﻮ ﻋﺪﻭ .. ﻭﻟﻚ ﻓﺮﺣﺎﺍﺍﻥ ﻛﻮﻡ ﻓﺮﺣﺎﻥ ﺷﻮﻑ ﺍﻟﺬﻳﺎﺑﻪ ﺍﻟﻤﺨﻠﻔﻬﺎ ..
ﻭﺍﺑﻮﻳﻪ ﻳﺼﻴﺢ ﻛﻮﻩ .. ﻭﺍﺣﻤﺪ ﻳﻌﻴﻂ ﻭﻳﻐﻠﻂ ﻭﺻﻮﺗﻪ ﺷﻌﻠﻮﻩ ﻭﻳﺼﻴﺢ ﻙ *** ﺍﺏ ﺍﻻ ﺍﺫﺑﺤﻬﻦ ﻭﺍﻟﻠﻪ ..
ﺍﻧﻲ ﺍﺳﺘﻐﻠﻴﺖ ﺻﻴﺎﺣﻪ ﻭﻱ ﺍﻣﻲ ﺟﺮﻳﺖ ﻧﺠﻮﻯ ﻛﻮﻩ .. ﺑﺲ ﺗﺒﺠﻲ ﻭﺗﺼﻴﺢ ﺍﺭﻳﺪ ﺍﻣﻮﻭﻭﺕ ﻭﻻ ﻫﻠﻌﻴﺸﻪ ..
ﺍﺧﺬﺗﻬﺎ ﻟﻠﻐﺮﻓﻪ ﻭﻗﻔﻠﺖ ﺍﻟﺒﺎﺏ .. ﺑﻘﺖ ﺗﻌﻴﻂ ﻭﺗﺼﻴﺢ ﻣﺎ ﺍﺭﻳﺪ ﻋﻴﺸﺘﻬﻢ ﻭﺍﻟﻠﻪ ﻣﺎ ﺍﺭﻳﺪﻫﻢ .. ﻭﻟﺞ ﺷﺴﻮﻳﺖ ﻭﻳﻀﺮﺑﻨﻲ ﻓﻬﻤﻴﻨﻲ ..
ﺷﻐﻠﻄﺖ .. ﻛﻠﻤﺎ ﺿﺎﺝ ﻭﺍﺟﻪ ﻓﺮﻍ ﻫﻤﻪ ﺑﻀﺮﺑﻪ ﻋﻠﻴﻪ .. ﺷﻨﻮ ﺧﺪﺍﻣﺘﻪ ﺍﻧﻲ .. ﺍﻻ ﺻﺪﻙ ﺍﻧﻬﺰﻡ ﻭﻳﻪ ﻣﺎﺯﻥ ﻭﺍﻛﺴﺮ ﻭﺟﻮﻫﻢ ..
ﻫﻮﻩ ﺳﻤﻊ ﻛﻠﻤﺘﻬﺎ ﻫﺎﻱ … ﺗﺨﺒﻞ ﻛﺎﻝ ﺍﻟﻴﻮﻡ ﺷﻴﺨﻠﺼﻬﺎ ﻣﺘﻲ ﻭﺍﻟﻠﻪ ﺍﻟﻴﻮﻡ ﺍﺫﺑﺤﻬﺎ .. ﻭﺍﻧﻲ ﺍﺑﺠﻲ ﻭﻭﺍﻛﻔﻪ ﻭﺭﻩ ﺍﻟﺒﺎﺏ ﻭﺍﻛﻮﻟﻬﺎ ..
ﺳﻮﺩﻩ ﺑﻮﺟﻬﺞ ﻧﺠﻮﻯ ﻭﻟﺞ ﺍﺣﻨﻪ ﻧﺎﻗﺼﻴﻦ .. ﻣﺎ ﻛﺎﻓﻲ ﻫﻠﻀﻴﻢ ﺣﺠﻴﺘﻲ ﻫﻠﺤﺠﺎﻳﻪ ﻭﺑﻠﻴﺘﻴﻨﻪ ..
ﻫﻮﻩ ﻳﻀﺮﺏ ﺑﺎﻟﺒﺎﺏ ﻭﻳﺪﻓﻊ .. ﻭﺍﻧﻲ ﻗﺎﻓﻠﺘﻪ ﻭﺭﺍﻛﻔﻪ ﻭﺭﺍﻩ .. ﺣﺎﻭﻝ ﻳﻜﺴﺮﻩ ﺑﺲ ﺍﻟﺒﺎﺏ ﺻﺎﺝ ﻛﻮﻟﺶ ﻗﻮﻱ ﻣﺎ ﺍﻧﻜﺴﺮ ﺍﻟﺤﻤﺪﻟﻠﻪ
ﻟﺤﺪ ﻣﺎ ﻧﺰﻝ ﻳﻢ ﺍﺑﻮﻱ .. ﻭﺍﺳﻤﻌﻪ ﻳﻜﻮﻟﻪ ﻫﺎﻱ ﺍﻟﺜﺎﻧﻴﻪ ﺗﻜﻮﻝ ﺍﺭﻳﺪ ﺍﻧﻬﺰﻡ ﻭﻳﻪ ﻭﺍﺣﺪ ﺍﺳﻤﻪ ﻣﺎﺯﻥ ..
ﻭﻟﻚ ﻳﺎﺑﻪ ﺑﻨﺎﺗﻚ ﻙ *** ﺍﺏ ﺧﻠﻴﻨﻲ ﺍﺭﺑﻴﻬﻢ .. ﺍﺟﺖ ﺍﻣﻲ .. ﺩﻛﺖ ﺍﻟﺒﺎﺏ ﻓﺘﺤﺘﻪ ﻃﺒﺖ ﻭﻗﻔﻠﺖ ﺍﻟﺒﺎﺏ ..
ﺑﻘﺖ ﺗﺤﺠﻲ ﻭﺗﺮﺯﻝ ﻭﺗﻀﺮﺏ ﺑﻨﺠﻮﻯ ﻭﺭﺍﺩﺕ ﺗﻠﻴﻔﻮﻧﻬﺎ ﻭﺗﻠﻴﻔﻮﻧﻲ .. ﻛﺎﻟﺖ ﻣﻤﻨﻮﻉ ﺑﻌﺪ ﺗﻠﻴﻔﻮﻧﺎﺕ ﻋﺪﺟﻦ ..
ﺑﻘﻴﻨﻪ ﻣﺼﻔﺼﻔﺎﺕ ﺑﻮﺟﻪ ﺑﻌﺾ .. ﺷﻠﻮﻥ ﻟﻮ ﺍﻧﻄﻴﺘﻬﺎ ﻭﺧﺎﺑﺮ ﺑﻜﺮ ﻭﺟﺎﻭﺏ ﺍﺣﻤﺪ ﻳﺬﺑﺤﻨﻲ ﻭﺍﻟﻠﻪ ..
ﺍﺧﺬﺕ ﻣﻮﺑﺎﻳﻼﺗﻨﻪ ﻭﺣﺘﻰ ﻣﺎ ﺧﻠﺘﻨﻪ ﻧﺪﺯ ﺭﺳﺎﻟﻪ .. ﻳﺮﺑﻲ ﺷﻠﻮﻥ ﻭﺍﻟﻠﻪ ﻟﻮ ﺧﺎﺑﺮ ﺑﻜﺮ .. ﺍﻧﻮﺏ ﺍﻧﻲ ﻛﺎﺗﺒﻪ ﻋﻠﻴﻪ ﺻﻤﺎﻡ ﺍﻻﻣﺎﻥ ..
ﻭﺭﺳﺎﻳﻞ ﻛﻮﻣﻪ .. ﺑﺲ ﺑﻴﻪ ﺭﻣﺰ .. ﻭﺍﻟﺮﻣﺰ ﻧﻬﺎﻳﺔ ﺭﻗﻢ ﺑﻜﺮ .. ﺑﺲ ﺧﺎﻑ ﻳﻄﻠﺒﻮﻥ ﺍﻓﺘﺤﻪ ﻭﻫﻨﺎ ﺍﻟﻤﺼﻴﺒﻪ ..
ﺑﻘﻴﻨﻪ ﻛﺎﻋﺪﺍﺕ ﻋﻠﻰ ﻧﺎﺭ ﺍﻧﻲ ﻭ ﻧﺠﻮﻯ ﻭﻫﻴﻪ ﺗﺒﺠﻲ .. ﻭﺍﻧﻲ ﻛﻮﻩ ﺍﻗﻮﻱ ﺑﻨﻔﺴﻲ ﻭﺍﻫﺪﻱ ﺑﻴﻬﺎ ..
ﻫﺪﻩ ﺍﻟﺒﻴﺖ ﻭﻛﺘﻠﻬﺎ ﻣﺎﻣﺎ ﻻ ﺗﻔﺘﺤﻴﻦ ﺍﻟﻤﻮﺑﺎﻳﻼﺕ ﺍﺑﺪ ..
- ﺍﻧﻲ ﻗﻔﻠﺘﻬﻦ ﻭﺍﻧﻄﻴﺘﻬﻦ ﻻﺑﻮﺝ ..
- ﻳﻮﻡ ﺳﻮﻳﻠﻪ ﺍﻋﺎﺩﺓ ﺗﺼﻨﻴﻊ .. ﻋﻠﻤﻮﺩ ﻳﻨﻤﺤﻲ ﻛﻮﻟﺸﻲ
- ﻭﻟﺠﻦ ﺷﻤﻌﺰﻳﺎﺕ ﻭﺷﻤﺼﺨﻤﺎﺕ ﻭﻫﻴﺞ ﺧﺎﻳﻔﺎﺕ ﺍﺣﺠﻠﻲ ..
- ﻳﻮﻡ ﻣﺎﻛﻮ ﺷﻲ . ﺑﺲ ﻧﺠﻮﻯ ﻋﺪﻫﺎ ﻋﻼﻗﻪ ﺑﺸﺎﺏ ﺑﺎﻟﺠﺎﻣﻌﻪ ﻭﺭﺍﺡ ﻳﺘﻘﺪﻣﻠﻬﺎ ﺑﺲ ﺗﺨﻠﺺ ﻫﻠﻤﺮﺣﻠﻪ ..
- ﻣﻨﻴﻦ ﻫﺬﺍ ﺑﻘﺖ ﻧﺠﻮﻯ ﺗﺤﺠﻲ ﻭﻳﺎﻫﺎ .. ﺍﻣﻲ ﻣﻦ ﻋﺮﻓﺖ ﺑﻴﻪ ﻫﻴﺞ ﻭﻳﺤﺒﻬﺎ ﻭﻳﺮﻳﺪ ﻳﺘﺰﻭﺟﻬﺎ .. ﻛﺎﻟﺘﻠﻬﺎ ﻣﺎﺷﻲ ﻧﻨﺘﻀﺮ ..
ﺑﺲ ﻣﻤﻨﻮﻉ ﺗﺘﻮﺍﺻﻠﻴﻦ ﻭﻳﺎﻩ ﺍﺑﺪ .. ﺍﻧﻮﺏ ﺩﺍﺭﺕ ﻭﺟﻬﺎ ﻋﻠﻴﻪ .. ﺍﻧﺪﺍﺭﺕ ﻋﻠﻴﻪ ﻭﺍﻧﺘﻲ ﺷﻤﺼﺨﻤﻪ .. ﺑﻘﻴﺖ ﺍﺑﺎﻭﻉ ﻟﻮﺟﻬﺎ ﻭﺍﺑﺘﺴﻢ ..
🌿
ﻳﻌﻨﻲ ﺷﻤﺼﺨﻤﻪ .. ﺑﺲ ﺍﻛﻮ ﻛﻼﻡ ﺑﻤﻮﺑﺎﻳﻠﻲ ﻣﻮ ﻻﺯﻡ ﻳﺸﻮﻓﻪ ﺍﺣﻤﺪ ..
- ﻣﺎﻛﻮ ﺷﻲ ﺛﺎﻧﻲ ..
- ﺍﻛﻮ ﺑﺲ ﻣﺴﺤﻲ ﺍﺣﺴﻦ
- ﺳﻤﺮ ﺷﻨﻮ ﺳﺎﻟﻔﺘﺞ ﺍﻧﺘﻲ ﻓﻬﻤﻴﻨﻲ ..
- ﻳﻮﻡ ﺗﻔﺘﻬﻤﻴﻦ ﺳﺎﻟﻔﺘﻲ ﺑﺎﻟﻮﻗﺖ ﺍﻟﻤﻨﺎﺳﺐ ..
- ﺑﻜﺮ ﻣﻮﻭ ..
- ﺳﻜﺘﺖ ﻭﺍﺧﺬﺕ ﻧﻔﺲ
- ﻛﺎﻟﺖ ﻣﺮﺍﺡ ﺗﺒﻄﻠﻴﻦ . ﻭﻟﺞ ﺍﻻ ﺗﺠﻴﺒﻴﻠﻨﻪ ﻣﺼﻴﺒﻪ ﻭﺗﻤﻮﺗﻴﻨﻪ ..
- ﻭﺍﻟﻠﻪ ﻣﺤﺪ ﺍﻣﻮﺗﻨﻪ ﻏﻴﺮﻛﻢ .. ﻳﻮﻭﻭﻭﻭﻡ ﺧﻠﻲ ﺍﺑﺎﻟﺞ ﺍﻟﺸﺨﺺ ﺍﻟﻠﻲ ﺑﺪﺍﺧﻠﻲ ﻣﺎ ﺍﻋﻮﻓﻪ ..
ﻭﻻ ﺭﺍﺡ ﺍﻋﻮﻓﻪ .. ﻭﻟﻮ ﻣﻘﺒﻠﺘﻮ ﺑﻴﻪ ﻭﺍﻟﻠﻪ ﻣﻦ ﺻﺪﻙ ﺍﺗﻤﺮﺩ ﻭﻛﻮﻟﺸﻲ ﺍﺳﻮﻱ .. ﻭﺗﻌﺮﻓﻴﻨﻪ ﻫﻮﻩ ﻣﺎ ﻋﺪﻩ ﺷﻲ ﻳﺨﺎﻑ ﻣﻨﻪ . ﻭﻻ ﺍﻧﻲ ..
ﻓﺨﻠﻴﺞ ﺳﺎﻛﺘﻪ ﺍﻓﻀﻞ ..
- ﺍﻧﺘﻲ ﺟﺎﻱ ﺍﺗﻬﺪﺩﻳﻦ ..
- ﻻ ﺍﻫﺪﺩ ﻭﻻ ﺍﺑﺪ .. ﻭﺍﻟﻤﻮﺿﻮﻉ ﻣﻮ ﻭﻗﺘﻪ ﻻ ﺗﺴﻮﻳﻠﻨﻪ ﺳﺎﻟﻔﻪ ﻫﻴﻪ .. ﺑﺲ ﺍﻗﻔﻠﻲ ﺍﻻﺟﻬﺰﻩ ﻭﻫﺬﺍ ﻫﻮﻩ ﺑﻌﺪﻳﻦ ﻧﺘﻔﺎﻫﻢ ﻋﻠﻰ ﻏﻴﺮ ﺍﻣﻮﺭ ..
- ﺍﻟﻠﻪ ﻻ ﻳﻨﻄﻴﺞ ﺭﺍﺡ ﺗﺠﻠﻄﻨﻪ ﺑﻤﺸﺎﻛﻠﺠﻦ .. ﺍﻫﻤﺪﻩ ﺑﻄﻨﻲ ﺍﻟﻨﻜﻠﺘﺠﻦ .. ﺗﻔﻠﺖ ﻋﻠﻴﻨﻪ ﻭﻃﻠﻌﺖ ..
- ﻣﺎ ﺭﺩﻳﻨﻪ ﻋﻠﻴﻪ .. ﺑﺲ ﻧﺰﻟﻨﻪ ﺭﻭﺳﻨﻪ .. ﺳﺪﻳﺖ ﺍﻟﺒﺎﺏ ﻭﺭﺍﻫﺎ ..
- ﻭﺝ ﺷﻠﻮﻥ ﻟﻮ ﺍﺣﻤﺪ ﻓﺘﺢ ﺍﻟﻤﻮﺑﺎﻳﻞ ﻭﺩﻙ ﻣﺎﺯﻥ ..
- ﻫﺴﻪ ﻣﺎﺯﻥ ﻟﻮ ﺑﻜﺮ ﻳﺒﻮﻭﻭ ﻏﻴﺮ ﻧﻨﺬﺑﺢ ﻭﺍﻟﻠﻪ .. ﺧﻨﺸﻮﻑ ﺷﻠﻮﻥ ﻧﺪﺑﺮﻫﺎ ..
ﻟﻞ 1 ﺑﻠﻴﻞ .. ﻃﻠﻌﺖ .. ﻛﻠﻬﺎ ﻧﺎﻳﻤﻪ .. ﺍﺣﻤﺪ ﻣﻄﻔﻲ ﺿﻮﻩ ﻏﺮﻓﺘﻪ .. ﻧﺰﻟﺖ ﻋﻠﻰ ﻛﻴﻴﻴﻒ .. ﻓﺘﺤﺖ ﺑﺎﺏ ﻏﺮﻓﺔ ﻣﺎﻣﺎ ﻭﺑﺎﺑﺎ ﻧﺎﻳﻤﻴﻦ ..
ﺑﺎﻭﻋﺖ ﺟﻬﺎﺯ ﺑﺎﺑﺎ ﻋﻠﺸﺤﻦ .. ﺭﺣﺖ ﻃﻔﻴﺖ ﺿﻮﻩ ﺍﻟﻤﻤﺮ ﻋﻠﻤﻮﺩ ﻟﻮ ﻣﺪﻳﺖ ﻭﺍﺧﺬﺗﻪ ﺿﻠﻤﻪ ﻣﺤﺪ ﻳﺸﻮﻓﻨﻲ ..
ﺍﺧﺬﺗﻪ ﻭﺧﺎﺑﺮﺕ ﺑﻜﺮ ﻭﻓﻬﻤﺘﻪ ﻋﻠﻰ ﺍﻟﺴﺎﻟﻔﻪ .. ﻛﺎﻝ ﺑﺲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ .. ﻛﺎﺭﺗﻮﻧﺔ ﺟﻬﺎﺯﺝ ﻋﻨﺪﻱ ..
ﺭﺍﺡ ﺍﺭﻭﺡ ﺍﻭﺩﻳﻪ ﻟﻠﺸﺮﻛﻪ ﺍﻧﻄﻴﻬﻢ ﺭﻣﺰ ﺍﻟﺘﺼﻨﻴﻊ ﻣﺎﻟﺘﻪ ﻋﻠﻤﻮﺩ ﻳﺘﻌﻄﻞ ﻭﻧﺨﻠﺺ ..
- ﻓﺪﻳﺖ ﻣﺮﺍﺩ ﻋﻠﻤﺪﺍﺭ ﻋﻠﺘﻔﻜﻴﺮ ﺍﻟﺠﻬﻨﻤﻲ ﻫﻬﻬﻪ … ﻳﻠﻪ ﺑﺎﻱ ﺧﻞ ﺍﻭﺩﻳﻪ ﻟﻨﺠﻮﻯ ﺗﺨﺎﺑﺮ ﻣﺎﺯﻥ ..
- ﻫﻬﻬﻬﻪ ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﺳﻤﺮ .. ﻭﺍﻧﻲ ﺍﺣﺎﻭﻝ ﺷﻠﻮﻥ ﺍﻭﺻﻠﺞ ﺟﻬﺎﺯ ﺛﺎﻧﻲ ﻭﺿﻤﻴﻪ . ﻭﺗﻮﺍﺻﻠﻮ ﺑﻴﻪ ..
- ﺍﻧﺸﺎﻟﻠﻪ ﺑﺎﻱ .. ﻗﻔﻠﺘﻪ ﻭﻛﻌﺪﺕ ﻧﺠﻮﻯ ﺧﻄﻴﻪ ﺗﻌﺒﺖ ﻣﻦ ﺍﻟﺒﺠﻲ ﻟﺤﺪ ﻣﺎ ﻧﺎﻣﺖ .. ﺍﺣﺲ ﺍﻧﻲ ﺍﻗﻮﻯ ﻣﻨﻬﺎ ﻻﻥ ﺗﻌﻠﻤﺖ ﻋﻠﻘﻬﺮ ..
ﻭﺻﺎﺭ ﻋﻨﺪﻱ ﻣﻨﺎﻋﻪ ﻣﺎ ﺍﻫﺘﻢ ﻫﻮﺍﻱ ﻣﻦ ﻛﺪ ﻣﺎ ﺷﻔﺖ .. ﻛﻌﺪﺗﻬﺎ ﺑﺴﺎﻋﻪ ﻭﻛﺘﻠﻬﺎ ﺧﺎﺑﺮﻱ ﻣﺎﺯﻥ ﺑﺴﺎﻉ ..
ﻛﻤﺰﺕ ﺍﺧﺬﺕ ﺍﻟﻤﻮﺑﺎﻳﻞ ﻭﺑﻘﺖ ﺗﺤﺠﻲ ﺑﻴﻪ .. ﻟﺸﻮﻱ ﺟﺎﺑﺘﻪ . . ﺍﺟﺖ ﺍﻣﻲ .. ﻛﺎﻟﺖ ﺍﺑﻮﺝ ﺷﺎﻑ ﻃﻮﻝ ﻭﺣﺪﻩ ﻣﻨﺠﻦ ﻃﺒﺖ ﻟﻠﻐﺮﻓﻪ .
ﻭﻛﺎﻝ ﺻﻌﺪﻱ ﺷﻮﻓﻴﻬﻦ .. ﻛﺘﻠﻬﺎ ﻣﺤﺪ ﻣﻦ ﻋﺪﻧﻪ ﻧﺰﻟﺖ ..
- ﺳﻤﺮ ﻻ ﺗﻠﻌﺒﻴﻦ ﻭﻳﺎﻱ ..
- ﺗﺮﺩﺩﺕ ﺍﻧﻄﻴﻬﺎ ﺍﻟﻤﻮﺑﺎﻳﻞ ﻣﺎ ﺍﻋﺮﻑ ﻟﻴﺶ .. ﺑﺲ ﻏﻠﻄﺖ . ﻛﺘﻠﻬﺎ ﻳﻮﻡ ﻣﻮ ﺍﺣﻨﻪ ﺷﺒﻴﺞ ﻧﺠﻮﻱ ﺟﺎﻧﺖ ﻧﺎﻳﻤﻪ
🌿
ﻃﻠﻌﺖ .. ﻛﺎﻟﺖ ﻟﻴﺶ ﻣﻨﻄﻴﺘﻴﻬﺎ ﺍﻟﻤﻮﺑﺎﻳﻞ ﻛﺘﻠﻬﺎ ﺧﻔﺖ ﻣﻦ ﺧﺮﺏ ﺑﺤﻈﻲ ﻫﺴﻪ ﺷﻴﺮﺟﻌﻪ ..
ﺳﻤﻌﺖ ﺍﺣﻤﺪ ﻛﻌﺪ ﻭﻳﻜﻮﻝ ﻟﻤﺎﻣﺎ ﺷﻜﻮ .. ﻛﺎﻟﺘﻠﻪ ﻫﻴﺞ .. ﻣﺘﺖ ﺧﻮﻑ ﻣﻦ ﻛﻌﺪ ﺍﺣﻤﺪ ﻫﺬﺍ ﺫﻳﺐ ﺭﺍﺡ ﻳﻌﺮﻑ ﺑﺸﻐﻠﺔ ﺍﻟﻤﻮﺑﺎﻳﻞ ..
ﺑﺲ ﻧﺰﻝ .. ﺭﺍﺩ ﻳﺸﻮﻑ ﺍﺑﻮﻳﻪ .. ﺍﻧﻲ ﺭﻛﻀﺖ ﻟﻐﺮﻓﺔ ﻣﺤﻤﺪ .. ﺟﺎﻥ ﻧﺎﻳﻢ ﺧﻄﻴﻪ ﻓﺰﺯﺗﻪ ﻭﻛﺘﻠﻪ ﻋﻤﻮﺩﻱ ﻟﻮ ﺳﺄﻟﻮ ﻋﻠﻰ ﻣﻮﺑﺎﻳﻞ ﺑﺎﺑﺎ
ﻛﻠﻬﻢ ﺍﺧﺬﺗﻪ ﺍﻟﻌﺐ ﺑﻴﻪ .. ﻛﺎﻝ ﻣﺎﺷﻲ ﻣﺎﺷﻲ .. ﻭﻫﻮﻩ ﻣﻨﻌﺲ .. ﺍﻭﻝ ﻣﺎ ﻃﺒﻴﺖ ﻟﻠﻐﺮﻓﻪ .. ﺳﻤﻌﺖ ﺻﺮﺍﺥ ﺍﺣﻤﺪ ﻣﻦ ﺟﻮﻩ ..
ﻣﻮﺑﺎﻳﻞ ﺍﺑﻮﻭﻭﻭﻭﻭﻭﻱ ﻭﻳﻴﻴﻴﻴﻴﻦ .. ﺑﺎﻭﻋﺘﻠﻲ ﻧﺠﻮﻯ ﺑﺨﻮﻑ .. ﻛﺘﻠﻬﺎ ﻋﺪ ﻣﺤﻤﺪ ﻟﺘﺨﺎﻓﻴﻦ ..
ﻃﻔﻴﻨﻪ ﻭﺭﻗﻠﻨﻪ ﺍﻟﺒﺎﺏ .. ﻭﺍﺣﻤﺪ ﻛﺎﻡ ﻳﺪﻙ ﻭﻳﻐﻠﻂ ﻭﺻﻴﺎﺣﻪ ﻣﻠﻰ ﺍﻟﺒﻴﺖ .. ﻭﻳﺼﻴﺢ ﻭﻟﺠﻦ ﺳﺎﻗﻄﺎﺕ ..
ﻳﻠﻮﻣﻮﻧﻲ ﻣﻦ ﺍﻛﻮﻝ ﻣﺎ ﺗﺼﻴﺮﻟﻬﻦ ﺟﺎﺭﻩ ﺍﻻ ﻧﺬﺑﺤﻦ .. ﻧﺠﻮﻯ ﺗﺒﺠﻲ ﻭﺍﻧﻲ ﺍﺩﻋﻲ ﻭﺭﻩ ﺍﻟﺒﺎﺏ ﻭﺍﻟﺨﻮﻑ ﻣﺎﻛﻞ ﻛﻠﺒﻲ ..
ﻃﻠﻊ ﻣﺤﻤﺪ .. ﻛﺎﻟﻪ ﺷﺒﻴﻚ ﺍﺣﻤﺪ ﺍﻟﺪﻧﻴﺎ ﻟﻴﻞ ﻣﻨﺎ ﺍﻟﺠﻴﺮﺍﻥ ﻣﻜﺎﻓﻲ ﺻﻴﺎﺡ ﻭﺍﻟﻠﻪ ﻓﻀﺤﺘﻮﻧﻪ ..
ﻛﺎﻟﻪ ﻭﻟﻚ ﺧﻮﺍﺗﻚ ﺳﺎﻗﻄﺎﺕ .. ﺍﺫﺍ ﻣﻄﻠﻌﻦ ﻣﻮﺑﺎﻳﻞ ﺍﺑﻮﻱ ﺍﻛﺴﺮ ﺍﻟﺒﺎﺏ ﻭﺍﻓﻠﺶ ﺍﻟﻐﺮﻓﻪ ﻭﺍﻃﻠﻌﻪ .
ﻛﺎﻟﻪ ﺍﻧﺘﻪ ﺷﺒﻴﻚ ﻛﻠﺸﻲ ﻳﺼﻴﺮ ﺧﻠﻴﺘﻪ ﺑﺮﺍﺳﻬﻦ .. ﺍﻧﻲ ﺍﺧﺬﺕ ﻣﻮﺑﺎﻳﻞ ﺍﺑﻮﻱ ﺍﻟﻌﺐ ﺑﻴﻪ .. ﻫﺎﻙ ﻋﻠﻤﻮﺩ ﻫﺎﻱ ﻓﻀﺤﺘﻨﻪ ﺑﻠﻴﻞ ..
ﻓﺸﻞ ﻭﺭﺍﺡ ﻧﺰﻝ .. ﻓﺘﺤﺖ ﺍﻟﺒﺎﺏ ﺑﻮﺳﺖ ﻣﺤﻤﺪ .. ﻃﺐ ﻫﻮﻩ ﻛﺎﻝ ﺳﻤﺮ ﺻﺪﻙ ﺯﻏﻴﺮ ﺍﻧﻲ ﺑﺲ ﻣﺎ ﺍﻗﺒﻞ ﺗﺴﻮﻥ ﺷﻲ ﻏﻠﻂ ..
ﺍﻧﻲ ﺍﺣﺒﺞ ﻻ ﺗﻔﺸﻠﻴﻨﻪ ﺑﺎﻟﻤﻨﻄﻘﻪ .. ﻛﺘﻠﻪ ﺷﺒﻴﻚ ﺣﻤﻮﺩﻱ ﻣﺘﺜﻖ ﺑﻴﻪ ﺍﻧﻲ ﺳﻤﺮ .. ﻭﻣﻮ ﻋﻠﻤﻮﺩ ﺷﻲ ..
ﺍﻧﺘﻪ ﻣﺘﻔﻬﻢ ﻭﺭﺍﺡ ﺍﺣﺠﻴﻠﻚ .. ﻧﺠﻮﻯ ﻭﺳﻮﻟﻔﺘﻠﻪ ﻋﻠﻰ ﺣﺐ ﻣﺎﺯﻥ ﻭﻧﺠﻮﻯ ﻭﺍﻥ ﺭﺍﺡ ﻳﺠﻲ ﻳﺘﻘﺪﻡ .. ﻭﻻﻥ ﻣﺮﺍﻫﻖ ﻭﻣﻬﺘﻢ ﻭﻣﺘﻔﻬﻢ ﺳﻮﺍﻟﻒ ﺍﻟﺤﺐ .
ﻛﺎﻝ ﻋﻠﻮﺍﺍ ﺍﻓﺮﺡ ﻟﻮ ﺍﺗﺰﻭﺟﺖ ﻭﻓﺮﺣﺖ .. ﺑﻮﺳﺘﻪ ﻭﻛﺘﻠﻪ ﻓﺪﻭﻩ ﻟﻌﻴﻨﻚ ﺣﺒﻴﺒﻲ ﺍﺣﺴﻦ ﻣﻦ ﺫﺍﻙ ﺍﻟﻬﻤﺠﻲ ..
ﺭﺍﺩ ﻳﻄﻠﻊ ﻃﺒﺖ ﺍﻣﻲ .. ﻛﺎﻟﺖ ﻣﺘﻔﻘﻪ ﻭﻳﻪ ﺍﺣﻤﺪ ﻭﺍﻟﻤﻮﺑﺎﻳﻞ ﺍﻧﺘﻲ ﻣﺎﺧﺬﺗﻪ . . ﻛﺘﻠﻬﺎ ﻣﺎ ﺳﻮﻳﺖ ﺷﻲ ..
ﺑﺲ ﺍﻧﻄﻴﺖ ﺧﺒﺮ ﻻ ﺗﺤﺪ ﻳﺨﺎﺑﺮ .. ﻛﺎﻟﺖ ﻣﻮ ﺑﻨﺎﺕ ﻓﻠﻚ ﻣﺎ ﺗﻨﻜﺪﺭﻥ ﻭﻟﺠﻦ ﺷﻮﻱ ﺛﺒﺘﻦ ﺷﻮﻱ ..
ﺭﺯﻟﺖ ﻛﻠﻌﺎﺩﻩ ﻭﻃﻠﻌﺖ .. ﺍﺻﻼ ﺻﺎﺭﺕ ﻋﺪﻧﻪ ﻣﻨﺎﻋﻪ ﺿﺪ ﺍﻟﻐﻠﻂ ﻣﻨﻬﺘﻢ ﻣﻦ ﻛﺪ ﻣﺎ ﻧﺘﺮﺯﻝ .. ﺳﺪﻳﻨﻪ ﺍﻟﻀﻮﻩ ﻭﻧﻤﻨﻪ ..
ﻛﺎﻟﺖ ﺳﻤﺮ ﺍﺷﻮﻥ ﻭﺟﺎﻣﻌﺘﻲ .. ﻛﺘﻠﻬﺎ ﺍﺻﺒﺮﻱ ﺗﻬﺪﻯ ﺍﻻﻣﻮﺭ ﻛﻢ ﻳﻮﻡ ﻭﺷﻮﻑ ﻭﻳﻦ ﺗﻮﺻﻞ .. ﺣﺘﻰ ﻟﻮ ﺗﺘﻐﻴﺒﻴﻦ ﻛﻢ ﻳﻮﻡ ..
ﺍﻧﻲ ﻣﻦ ﺍﺩﺍﻭﻡ ﺍﺭﻭﺡ ﺍﻃﻠﺒﻠﺞ ﺍﺟﺎﺯﻩ .. ﻃﻤﻨﺘﻬﺎ ﺷﻮﻱ ﻭﻧﺎﻣﺖ .. ﻭﺍﻧﻲ ﻫﻢ ﻧﻤﺖ .. ﺛﺎﻧﻲ ﻳﻮﻡ .. ﻛﻬﺪﻧﻪ ﻛﻠﻌﺎﺩﻩ ﺗﻨﻀﻴﻒ ﻭﺷﻐﻞ ..
ﻟﻠﻀﻬﺮ ﺍﺟﻪ ﺍﺣﻤﺪ ﻛﺎﻝ ﻓﺘﺤﻴﻠﻲ ﻣﻮﺑﺎﻳﻠﺞ .. ﻭﻛﻒ ﻛﻠﺒﻲ ﻣﻦ ﺍﻟﺨﻮﻑ .. ﺑﺲ ﺳﻮﻳﺖ ﻧﻔﺴﻲ ﻣﺎ ﻋﻨﺪﻱ ﺍﻱ ﺧﻮﻑ ﻭﻣﻤﻬﺘﻤﻪ ..
ﺟﺮﻳﺖ ﺍﻟﻤﻮﺑﺎﻳﻞ .. ﻓﺘﺤﺘﻪ .. ﺷﺎﺷﻪ ﺑﻴﻀﻪ .. ﻣﺤﺘﺮﻙ .. ﻛﺎﻝ ﺷﺒﻴﻪ .. ﻛﺘﻠﻪ ﻫﻮﻩ ﻳﺸﻜﻞ ﻣﺎ ﻳﺸﺘﻐﻞ .
ﻭﺑﻜﻠﺒﻲ ﺍﻛﻮﻝ ﻓﺪﻭﻩ ﺍﻟﻜﻠﺐ ﺑﻜﺮ ﺳﻮﺍﻫﺎ ﺟﺎﻥ ﺍﺩﻋﺒﻠﺖ ﺑﺎﻟﻤﺸﻤﺶ ﻟﻮﻻ ﻋﻘﻠﻪ ﺍﻟﻤﺪﺑﺮ ..
ﺿﻞ ﻳﻀﺮﺏ ﺑﻴﻪ ﻳﺮﻳﺪ ﻳﻔﺘﺤﻪ .. ﻣﺎ ﺍﻧﻔﺘﺢ .. ﻛﺘﻠﻪ ﺍﺣﻤﺪ ﻭﻏﻼﺗﻚ ﻣﺎ ﻋﻨﺪﻱ ﺷﻲ .. ﺍﻧﻲ ﻣﺎ ﻋﻮﻧﺖ ﺍﺧﻠﺺ ﻣﻦ ﺷﻲ ﻟﺴﻤﻪ ﺯﻭﺍﺝ ..
ﺍﺭﺟﻊ ﺍﺳﻮﻱ ﻫﻴﺞ .. ﺍﻧﻲ ﺑﺲ ﺍﺭﻳﺪ ﺍﺭﺗﺎﺡ .. ﻭﺑﺎﺟﺮ ﺍﺩﺍﻭﻡ ﻭﻣﺎ ﻋﻨﺪﻱ ﺷﻲ ﻭﺍﻟﻠﻪ ﺍﺭﻭﺡ ﻭﺍﺟﻲ ﺑﻄﺮﻳﻘﻲ .
ﻣﺎ ﺭﺩ ﻋﻠﻴﻪ .. ﺑﺲ ﻛﺎﻝ ﺻﻴﺤﻲ ﻟﺬﻳﺞ ﺍﻟﺴﺎﻗﻄﻪ .. ﺧﻞ ﺗﻔﺘﺤﻠﻲ ﺟﻬﺎﺯﻫﺎ .. ﺑﻘﻴﺖ ﻭﺍﻛﻔﻪ .. ﺻﺎﺡ ﺟﺎﻱ ﺍﺣﺠﻲ ﻭﻳﺎﺝ ﺻﻴﺤﻴﻬﺎ ..
ﺻﺤﺘﻬﺎ ﻭﺍﻧﻲ ﻳﻦ ﺧﺎﻳﻔﻪ ﺍﻛﺜﺮ ﻣﻨﻬﺎ ﺍﺟﺖ .. ﻛﺎﻟﺘﻠﻪ ﻣﺎ ﺍﻓﺘﺤﻪ .. ﻟﺰﻣﻬﺎ ﻣﻦ ﺷﻌﺮﻫﺎ ﻧﺮﻳﺪ ﻧﻔﺮﻏﻬﺎ ﻣﻨﻪ ﻣﺎﻛﻮ ﺍﻟﻰ ﺍﻥ ﺗﺨﺮﺑﻄﺖ ﻣﻦ ﺍﻟﻀﺮﺏ ﻭﻭﻛﻌﺖ ﺑﻴﺪﻩ ..
ﺑﻘﻴﺖ ﺍﺻﺮﺥ ﻭﺍﺑﺠﻲ ﻭﺍﺻﻴﺢ ﻭﺝ ﻧﺠﻮﻯ ﻛﻮﻭﻭﻭﻣﻲ ﻧﺠﻮﻯ .. ﻟﻚ ﺍﺣﻤﺪ ﺗﻌﺎﻝ ﺷﻴﻠﻬﺎ ﻟﻠﻤﺴﺘﺸﻔﻰ ﺍﺣﻤﺪ ..
ﻳﻜﻮﻝ ﻭﻣﺤﻤﺪ ﻣﺎ ﺍﺧﺬﻫﺎ ﺍﻻ ﺗﻤﻮﺕ ﻫﺎﻱ ﺍﻟﺴﺎﻗﻄﻪ .. ﺍﻣﻲ ﻓﺮﻓﺤﺖ ﻭﺗﺼﻴﺢ ﻭﻟﻜﻦ ﺑﺘﻲ ﻣﺎﺗﺖ ﺍﻟﺤﻜﻮﻭﻭﻭﻟﻲ .. ﻳﺘﺒﻊ
🌺🌺🌺🌺🌺
ﺍﻟﺒﺸﺮ ﻣﻦ ﻳﺘﺄﺫﻯ ﻳﺼﻴﺢ ﺍﺥ .. ﺑﺲ ﺍﻟﻌﻨﺪﻩ ﻫﻴﺞ ﺍﺥ ﺷﻴﺼﻴﺢ .. ﺍﻟﻠﻪ ﻳﻠﻌﻦ ﻛﻞ ﺍﺧﻮ ﻣﺎ ﻳﺴﻨﺪ ﺍﺧﺘﻪ ..
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .. ﻣﺘﺎﺑﻌﻪ ﺷﻴﻘﻪ ..
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق