رواية حكاية سمر ج1 الجزء الحادي عشر
للكاتبة زينب ماجد
🌿🌿🌿🌿🌿
ﺳﻤﺮ .. ﺩﺍ ﺍﺑﺠﻲ ﺑﺤﻈﻦ ﻣﺎﻣﺎ ﻣﺎ ﺍﺣﺲ ﺍﻻ ﺭﺟﻞ ﺩﻓﺮﺗﻨﻲ ﻟﻠﻜﺎﻉ .. ﺍﻟﺘﻔﺘﺖ ﺷﻔﺘﻪ ﺑﺎﺑﺎ ..
ﻛﻤﺖ ﺍﺯﺣﻒ ﻟﻴﻮﺭﻩ ﻣﻦ ﺍﻟﺨﻮﻑ .. ﻭﺍﻛﻒ ﺑﻤﻼﺑﺴﻪ ﺍﻟﻌﺴﻜﺮﻳﻪ ﻭﺍﻟﻐﻈﺐ ﻳﺘﻄﺎﻳﺮ ﻣﻦ ﻋﻴﻮﻧﻪ ﺟﺮ ﻣﺴﺪﺳﻪ ﻭﺳﺪﺩﻩ ﺑﻮﺟﻬﻲ ..
ﻟﺒﺪﺕ ﻭﺭﻩ ﻣﺎﻣﺎ ﻭﻫﻮﻩ ﻳﺼﻴﺢ ﻭﺧﺮﻱ ﻣﻨﻬﺎ ﺍﻏﺴﻞ ﻋﺎﺭﻱ ﺑﺪﻣﻬﺎ .. ﻭﺍﻣﻲ ﺻﺎﺭﺕ ﻛﺒﺎﻟﻪ ﻭﺗﺠﺮ ﺑﻴﻪ
ﻭﺗﻜﻠﻪ .. ﺍﺑﻮ ﺍﺣﻤﺪ ﺍﺳﺘﻬﺪﻱ ﺑﺎﻟﺮﺣﻤﻦ .. ﺍﻟﺒﻨﻴﻪ ﻣﺎ ﻏﻠﻄﺖ ﻭﻫﻮﻩ ﻳﺼﻴﺢ ﻭﺧﺮﺭﺭﺭﻱ .. ﻛﺎﻟﺘﻠﻪ ﺍﻣﻲ ﺩﺧﻴﻠﻚ ﻓﺪﻭﻩ ﻭﺍﻟﻠﻪ ﺟﺎﻳﻪ ﺧﻄﺎﺭ ﻣﺎ ﻣﻄﻠﻜﻪ ..
ﻛﺎﻟﻠﻬﺎ ﻃﻠﻌﻴﻬﺎ ﻣﻦ ﺑﻴﺘﻲ ﻛﺎﻟﺘﻠﻪ ﺍﻱ ﻫﺴﻪ ﻫﺴﻪ ﺑﺲ ﺍﻫﺪﺀ .. ﻛﺎﻟﻠﻬﺎ ﺷﻬﺪﺀ ﻭﻟﺞ ﻫﺎﻱ ﻧﺰﻟﺖ ﺭﺍﺳﻲ ..
ﻭﻟﺞ ﻫﺎﻱ ﻃﻴﻨﺖ ﺷﻴﺒﺎﺗﻲ .. ﺗﺎﻟﻲ ﻋﻤﺮﻱ ﺧﻠﻴﻞ ﻳﺴﻤﻌﻨﻲ ﺣﺠﻲ ﺳﻢ ﻣﻦ ﻭﺭﺍﻫﺎ .. ﻭﻟﺞ ﺗﺎﻟﻴﺘﻬﻢ ﻫﻤﻪ ﻣﺴﻮﻳﻦ ﻋﻠﻴﻪ ﺍﻟﻔﻀﻞ ﻻﻥ ﺳﺎﺗﺮﻳﻦ ﺑﻨﺘﻲ ..
ﻭﻟﺞ ﺧﻠﻴﻨﻲ ﺍﺫﺑﺤﻬﺎ ﻭﺍﺧﻠﺺ ﻣﻦ ﻋﺎﺭﻫﺎ ﻭﺧﺮﺭﺭﻱ .. ﺍﻣﻲ ﻟﺰﻣﺘﻪ ﺑﺜﻨﻴﻦ ﺍﺩﻳﻬﺎ .. ﻭﺍﻧﻲ ﺍﺑﺠﻲ .. ﻭﺍﺧﻮﺍﻧﻲ ﺍﻻﺻﻐﺎﺭ ﻣﻠﺘﻤﻴﻦ ﻋﻠﻴﻪ ..
ﻛﺘﻠﻪ ﺑﺎﺑﺎ ﻭﺍﻟﻠﻪ ﻣﻐﻠﻄﺖ ﻭﻳﻪ ﺍﺣﺪ ﻭﺍﻟﻠﻪ .. ﺻﺮﺥ ﻣﺎ ﺍﺭﻳﺪ ﺍﺳﻤﻊ ﺻﻮﺗﺞ ﻃﻠﻌﻲ ﺑﺮﺍ .. ﻛﺘﻠﻪ ﺑﺎﺑﺎ ﻣﺎ ﺍﺭﻳﺪﻫﻢ ﺣﺮﺍﻡ ﻋﻠﻴﻜﻢ .. ﻣﻮﺗﻮﻧﻲ ﻭﺧﻠﺼﻮﻧﻲ ..
ﻛﻠﺖ ﻫﻴﺞ .. ﻭﻣﺎ ﺍﺣﺲ ﺍﻻ ﺍﺧﻮﻳﻪ ﺍﺣﻤﺪ .. ﻓﻮﻙ ﺭﺍﺳﻲ ﻭﺟﺮﻧﻲ ﻣﻦ ﺷﻌﺮﻱ .. ﻛﺎﻝ ﺳﺎﻗﻄﻪ ﺣﺴﺎﺑﺞ ﻭﻳﺎﻱ ..
ﻟﺰﻣﻨﻲ ﺩﻓﺮﺍﺕ ﻋﻠﻰ ﺍﻳﺪﻱ ﻭﻋﻠﻰ ﺟﺴﻤﻲ ﻣﺘﺖ ﻣﻦ ﺍﻟﻮﺟﻊ ﻭﺍﺻﺮﺥ .. ﻭﺍﻣﻲ ﺗﺠﺮ ﺑﻴﻪ .. ﻭﻳﻠﺰﻣﻨﻲ ﺍﺑﻮﻳﻪ ﺑﻮﻛﺴﺎﺕ ..
ﻭﺗﺎﺧﺬﻧﻲ ﻣﻦ ﺍﺑﻮﻳﻪ .. ﺍﻟﺘﻤﻮ ﻋﻠﻴﻪ ﺛﻨﻴﻨﻬﻢ .. ﺍﻣﻲ ﻓﻘﺪﺕ ﺿﻠﺖ ﺗﺼﺮﺥ ﺑﻜﻞ ﻗﻮﺗﻬﺎ ﻭﺗﺠﺮ ﺑﻴﻪ .. ﻟﺤﺪ ﻣﺎ ﺩﺧﻠﺘﻨﻲ ﺑﺎﻟﻐﺮﻓﻪ ﻭﻗﻔﻠﺖ ﻋﻠﻴﻪ ..
ﻭﺑﻘﺖ ﺗﺒﺠﻲ ﻭﺗﺤﺠﻲ ﺣﺮﺍﻡ ﻋﻠﻴﻜﻢ ﺑﻨﺘﻲ ﻣﺎ ﻏﻠﻄﺖ ﺍﻟﻠﻪ ﻻ ﻳﻨﻄﻴﻜﻢ ﺍﻧﺸﺎﻟﻠﻪ ﺑﺠﺎﻩ ﺍﻟﻨﺒﻲ ﻳﻄﻠﻊ ﺣﻮﺑﺘﻬﺎ ﺑﻴﻜﻢ .. ﻳﺎ ﺿﻼﺍﺍﺍﺍﺍﺍﺍﺍﺍﺍﻡ ..
ﻛﺎﻟﻠﻬﺎ ﺍﺣﻤﺪ ﻃﻠﻌﻴﻬﺎ ﻃﻠﻌﻴﻬﺎ ﺧﻞ ﺍﺧﻠﺺ ﻣﻨﻬﺎ ﻃﻠﻌﻴﻬﺎ .. ﻛﺎﻟﺘﻪ ﺍﻣﺸﻲ ﻭﺧﺮ ﻣﻨﻲ ﺍﻧﻌﻞ ﺍﺑﻮﻙ ﻻﺑﻮ ﺍﻫﻠﻚ ..
ﺑﻨﺘﻲ ﻭﺍﻟﻠﻪ ﻣﺎ ﺍﻧﻄﻴﻬﺎ . ﻛﺎﻟﻠﻬﺎ ﺍﺑﻮﻱ ﻣﺎ ﺍﺭﻳﺪﻫﺎ ﻫﻨﺎ .. ﺍﺫﺍ ﻃﻠﻜﻮﻫﺎ ﺍﺫﺑﺤﻬﺎ .. ﻛﺎﻟﺘﻠﻪ ﻭﻟﻜﻢ ﻭﺍﻟﻠﻪ ﺍﺟﺖ ﺧﻄﺎﺭ ﻣﺎ ﺍﻃﻠﻜﺖ ﺍﻟﻠﻪ ﺍﺍﺍﺍﺍﺍﺍﺍﺍﺍﺍﺍﺍﺍﻛﺒﺮ ﻋﻠﻰ ﺭﺍﺳﻜﻢ ..
ﺑﻘﻮ ﻳﺘﺼﺎﻳﺤﻮﻥ ﺍﻣﻲ ﻭﺍﺑﻮﻳﻪ ﻭﺍﺣﻤﺪ .. ﻭﺍﻧﻲ ﻭﺍﻛﻌﻪ ﺑﺎﻟﻜﺎﻉ ﻭﺍﻟﻐﺮﻓﻪ ﺿﻠﻤﻪ ﻭ ﺑﺲ ﺍﺑﺠﻲ .. ﻭﺍﻟﻢ ﺧﺪﺭ ﺟﺴﻤﻲ ﻣﻦ ﻛﻞ ﻣﻜﺎﻥ
ﺑﻘﻴﺖ ﺍﺑﺠﻲ ﺳﺎﻋﺎﺕ ﻭﻛﻞ ﺳﺎﻉ ﺍﺣﻤﺪ ﻳﻀﺮﺏ ﺍﻟﺒﺎﺏ ﻭﻳﻜﻠﻬﺎ ﻃﻠﻌﻴﻬﺎ ﻣﺎ ﺍﺭﻳﺪﻫﺎ ﺑﺎﻟﺒﻴﺖ ..
ﻟﺤﺪ ﺑﻠﻴﻞ ﻛﻮﻟﺶ .. ﻫﺪﺀ ﺍﻟﺒﻴﺖ .. ﻭﺑﻘﻴﺖ ﺑﻴﻦ ﺍﻟﻐﺎﻓﻴﻪ ﻭﺑﻴﻦ ﺍﻭﻥ ﻣﻦ ﺍﻻﻟﻢ .. ﺩﺧﻠﺖ ﺍﻣﻲ .. ﻛﺎﻟﺖ ﺍﻛﻌﺪﻱ ..
ﻛﺘﻠﻬﺎ ﻣﺎﻣﺎ ﺍﻳﺪﻱ ﻣﻮﺗﺘﻨﻲ ﻣﻦ ﺍﻟﻮﺟﻊ .. ﻛﺎﻟﺖ ﻋﻮﻓﻴﻨﻲ ﻣﻦ ﺍﻟﻮﺟﻊ ﻫﺴﻪ .. ﻛﻮﻟﻴﻠﻲ ﺟﻴﺘﺞ ﺷﻨﻮ .. ﻛﺘﻠﻬﺎ ﻳﻤﻪ ﻋﺎﺩﻝ ﻣﻴﺮﻳﺪﻧﻲ ..
ﻛﺎﻟﺖ ﺍﺭﺟﻌﻲ ﺍﻟﻬﻢ .. ﺍﺣﻤﺪ ﻣﺨﺒﻞ ﻣﺎ ﻳﺮﺿﺎ ﺗﻄﻠﻜﻴﻦ ﻳﺬﺑﺤﻮﺝ ﻭﺍﻟﻠﻪ .. ﻛﺘﻠﻬﺎ ﻭﻳﻦ ﺍﺭﻭﺡ .. ﻛﺎﻟﺖ ﺍﺗﺤﻤﻠﻲ ﻋﺪﻫﻢ ﺷﺘﺴﻮﻳﻦ
🌿🌿🌿🌿
ﺍﻟﻠﻪ ﻣﻮﺟﻮﺩ ﻳﺸﻮﻑ ﻭﻳﺴﻤﻊ ﻣﺎﻳﻌﻮﻓﺞ ﻭﺣﺪﺝ .. ﻭﺍﻧﻪ ﻧﺎﺧﻴﻪ ﺍﺑﻮ ﺍﻟﻔﻀﻞ ﺍﻟﻌﺒﺎﺱ ﺍﻟﻴﻮﻛﻔﻠﺞ ﻭﻳﻜﻔﻠﺞ ﻭﻣﺎ ﻳﺨﻠﻲ ﺍﺣﺪ ﻳﺠﻴﺴﺞ ..
ﻛﺎﻟﺖ ﻣﻨﻮ ﺟﺎﺑﺞ .. ﻛﺘﻠﻬﺎ ﺑﻜﺮ .. ﻛﺎﻟﺖ ﺧﺎﺑﺮﻱ ﺧﻞ ﻳﺠﻴﺞ ﻛﺘﻠﻬﺎ ﻣﺎﻣﺎ ﻣﺎ ﺍﺭﺭﻳﺪ ﺍﺭﺟﻌﻠﻬﻢ ﺧﻠﻴﻨﻲ ﻫﻨﺎ ﺍﻟﻠﻪ ﻳﺨﻠﻴﺞ .. ﻛﺎﻟﺖ ﻭﺝ ﻳﻤﻪ ﻭﺍﻟﻠﻪ ﻳﺬﺑﺤﻮﺝ ﺍﺭﺟﻌﻲ .
ﻭﻛﻔﺘﻬﻢ ﻫﺴﻪ .. ﻣﻨﻮ ﻛﺎﻝ ﺑﺎﺟﺮ ﺍﻛﺪﺭﻟﻬﻢ .. ﻭﺛﻨﻴﻨﻬﻢ ﺻﺎﻓﻴﻦ ﻋﻠﻴﺞ ﺍﺑﻮﺝ ﻭﺍﺧﻮﺝ .. ﻣﺘﻜﺪﺭﻳﻠﻬﻢ ..
ﺭﺍﺡ ﺟﺎﺑﺖ ﺟﻨﻄﺘﻲ ﻭﺧﻠﺘﻬﺎ ﻳﻤﻲ .. ﻭﻛﺎﻟﺖ ﺧﺎﺑﺮﻱ .. ﻭﻋﺎﻓﺘﻨﻲ ﻭﻃﻠﻌﺖ .. ﺻﺪﻭﻙ ﺑﺠﻴﺖ ﺑﺤﺮڪﻪ ﺍﺣﺲ ﺭﻭﺣﻲ ﻳﺘﻴﻤﻪ ﻭﻣﺎ ﺍﻟﻲ ﺍﺣﺪ ..
ﺭﻏﻢ ﻭﺟﻮﺩ ﺍﻫﻠﻲ ﺍﺣﺲ ﺑﻮﺣﺪﻩ .. ﻣﺪﻳﺖ ﺍﻳﺪﻱ ﺑﺼﻌﻮﺑﻪ ﻃﻠﻌﺖ ﻣﻮﺑﺎﻳﻠﻲ ﻣﻦ ﺟﻨﻄﺘﻲ .. ﻟﻜﻴﺖ ﺑﻜﺮ ﻣﺨﺎﺑﺮ 13 ﻣﺮﻩ .. ﺯﺍﺩ ﺍﻟﺒﺠﻲ ﻋﻨﺪﻱ ..
ﻛﻤﺖ ﺍﺑﺠﻲ ﺑﺼﻮﺕ .. ﺍﺗﺼﻞ ﻭﺍﻧﻲ ﺍﺑﺠﻲ .. ﻛﺘﻤﺖ ﺍﻟﺒﺠﻲ ﻭﺭﺩﻳﺖ .. ﺍﻟﻮﻭﻭ .. ﻛﺎﻝ ﺍﻟﻮ ﻫﺎ ﺳﻤﺮ ﻛﻮﻥ ﺍﺣﺪ ﺍﺫﺍﺝ ..
ﻛﺎﻝ ﻫﻴﺞ ﺍﻧﻔﺠﺮﺕ ﺍﺑﺠﻲ ﺑﻬﻴﺴﺘﺮﻳﺎ .. ﺿﻞ ﻳﺼﻴﺢ ﺷﺒﻴﺞ ﺳﻤﺮ ﺑﺲ ﻓﻬﻤﻴﻨﻲ ﺿﺮﺑﻮﺝ ﺑﺲ ﺍﺣﺠﻲ ﻳﻤﻌﻮﺩﻩ ﺧﺮﺏ ﻻ ﺗﻜﻔﺮﻳﻨﻲ ﺑﺲ ﻟﺘﺒﺠﻴﻦ ﻭﻛﻮﻟﻴﻠﻲ ..
ﻣﺎ ﺣﺠﻴﺖ ﺑﺲ ﺑﻘﻴﺖ ﺍﺑﺠﻲ . ﻛﺎﻝ ﺩﻗﺎﻳﻖ ﻭﺍﻧﻲ ﻳﻤﺞ .. ﺳﺪ ﺍﻟﺨﻂ .. ﺩﻧﻜﺖ ﺑﺲ ﺍﺑﺠﻲ ﻭﻳﻦ ﺻﺮﺕ ﻟﻴﺶ ﻫﻴﺞ ﻭﺍﻟﻠﻪ ﻣﺎ ﺳﻮﻳﺖ ﺷﻲ ..
ﻋﻘﺎﺑﻲ ﺍﻛﺒﺮ ﻣﻦ ﺫﻧﺒﻲ ﻭﺍﻟﻠﻪ .. ﺣﺮﺍﻡ ﻋﻠﻴﻜﻢ ﺗﻌﺒﺖ ﻭﺍﻟﻠﻪ ﺗﻌﺒﺖ .. ﻣﺴﺘﻤﺮﻩ ﺑﺎﻟﺒﺠﻲ ﻭﺍﻋﺎﺗﺐ ﻭﻳﻪ ﻧﻔﺴﻲ .. ﻭﺳﻤﻌﺖ ﺍﻟﺒﺎﺏ ﺍﻧﺪﻛﺖ .. ﺳﻤﻌﺖ ﺻﻮﺕ ﺑﻜﺮ ﻭﻳﻪ ﺍﺣﻤﺪ .. ﺩﺧﻞ ..
ﻛﺎﻟﻪ ﻭﻳﻨﻬﺎ .. ﺍﺣﻤﺪ .. ﻛﺎﻟﻪ ﺑﻜﺮ ﺍﺫﺍ ﻋﺎﺩﻝ ﻣﻴﺮﻳﺪﻫﺎ ﺍﺣﻨﻪ ﻧﺘﺼﺮﻑ .. ﻛﺎﻟﻪ ﺗﺨﺴﻲ ﺍﻧﺘﻪ ﻭﻋﺎﺩﻝ ﺍﻛﺴﺮ ﺭﻭﺳﻜﻢ ﻭﺍﻟﻠﻪ .. ﻭﻳﻨﻬﺎﺍﺍﺍ ..
ﻛﺎﻟﻬﺎ ﺫﻳﺞ ﺍﻟﻜﻠﺒﻪ ﺑﺎﻟﻐﺮﻓﻪ ﺍﺧﺬﻫﺎ ﻭﺍﻃﻠﻊ ﻭﻣﺎ ﻧﺮﻳﺪ ﻧﺸﻮﻑ ﻭﺟﻬﺎ .. ﻭﻟﻮ ﺷﻔﺘﻬﺎ ﻣﺮﻩ ﻟﺦ ﻭﺍﻟﻠﻪ ﺍﺫﺑﺤﻬﺎ .. ﻛﺎﻟﻪ ﺍﻱ ﻣﻮ ﺯﻟﻤﻪ ﺣﻈﺮﺗﻚ ..
ﻣﺪ ﺍﻳﺪﻙ ﻋﻠﻴﻬﺎ ﻛﺒﺎﻟﻲ ﻭﺷﻮﻑ ﺷﺴﻮﻱ ﺑﻴﻚ .. ﻭﻛﻒ ﺍﺣﻤﺪ ﻛﺎﻟﻪ ﺷﺘﺴﻮﻱ .. ﺟﺮﻩ ﺍﺑﻮﻳﻪ .. ﻭﻛﺎﻟﻪ ﺍﺣﻤﺪ ﺍﺗﺮﻛﻪ ﺧﻞ ﻳﺎﺧﺬﻫﺎ ﻭﻧﺨﻠﺺ
ﻭﺩﻓﻊ ﺍﻟﺒﺎﺏ ﺑﻜﺮ .. ﻭﺩﺧﻞ .. ﺷﻐﻞ ﺍﻟﻀﻮﻩ .. ﺍﻧﻲ ﻣﺘﻤﺪﺩﻩ ﻭﺍﻟﺪﻣﻮﻉ ﻣﺎﻟﻴﻪ ﻭﺟﻬﻲ . ﻭﺍﻻﻟﻢ ﺫﺍﺑﺤﻨﻲ ..
ﺭﻛﻀﻠﻲ .. ﺍﺧﺬﻧﻲ ﺑﻴﻦ ﺍﺩﻳﻪ .. ﻭﻛﺎﻝ ﻛﺘﻠﺞ ﻳﺎ ﺳﻤﺮ ﻻ ﺗﺮﺣﻴﻦ ﺍﻭﻭﻭﻑ ﻣﻨﺞ .. ﺷﺎﻟﻨﻲ ﺧﻠﻪ ﺍﻳﺪﻱ ﻋﻠﻰ ﻛﺘﻔﻪ .. ﻭﺑﻘﻰ ﻳﻤﺸﻲ ﺑﻴﻪ ..
ﻭﻛﻒ ﺍﺑﻮﻱ .. ﻭﻛﺎﻟﻪ ﺷﻮﻑ ﺑﻜﺮ .. ﻟﻮ ﺧﺬﺗﻬﺎ ﻣﺎﻟﻬﺎ ﺭﺟﻌﻪ ﻫﻨﺎ .. ﻭﺍﺫﺍ ﻋﺎﺩﻝ ﻣﺎﻳﺮﻳﺪﻫﺎ .. ﺗﻨﻄﻮﻧﻴﺎﻫﺎ ﺍﻧﻲ ﺍﺗﺼﺮﻑ ﻭﻳﺎﻫﺎ ..
ﻛﺎﻟﻪ ﻃﻴﺮﻭ ﺍﻧﺘﻮ ﻭﻋﺎﺩﻝ .. ﻭﻣﺸﻰ .. ﺻﻌﺪﻧﻲ ﺑﺎﻟﺴﻴﺎﺭﻩ ﻭﺻﻠﻨﻲ ﻟﻠﺒﻴﺖ .. ﺩﺧﻠﻨﺎ ﺍﻟﺒﻴﺖ ﻫﺎﺩﻱ ﻛﻠﻬﺎ ﻧﺎﻳﻤﻪ ..
ﺩﺧﻠﻨﻲ ﻟﻐﺮﻓﺘﻪ .. ﻛﺼﺘﻲ ﺟﺎﻣﺪ ﺍﻟﺪﻡ ﺑﻴﻬﺎ .. ﻛﺎﻡ ﺟﺎﺏ ﻗﻄﻦ ﻭﺩﻳﺘﻮﻝ ﻭﻳﻌﻘﻤﻠﻲ ﺟﺮﻭﺣﻲ .. ﺑﻘﻴﺖ ﺍﺑﺎﻭﻉ ﺑﻮﺟﻬﺎ ﻭﻫﻮﻩ ﻳﻌﻘﻤﻨﻲ ..
ﻧﺰﻟﺖ ﺩﻣﻮﻋﻲ ﻭﺍﻧﻲ ﺍﺑﺎﻭﻋﻠﻪ .. ﻛﺎﻝ ﻛﺎﻓﻲ ﻻ ﺗﺒﺠﻴﻦ ﻭﺍﻟﻠﻪ ﺗﺄﺫﻳﻨﻲ ﺩﻣﻮﻋﺞ .. ﻛﺘﻠﻪ ﻟﻴﺶ ﺑﺲ ﺍﻧﺘﻪ ﻣﻬﺘﻤﻠﻲ ..
ﻛﺎﻝ ﻟﺞ ﻭﺍﻟﻠﻪ ﺍﻧﺘﻲ ﺭﻭﺣﻲ ﺷﺘﺤﺠﻴﻦ .. ﻭﺍﺧﺬ ﺭﺍﺳﻲ ﻟﺤﻀﻨﻪ .. ﻛﺘﻠﻪ ﺑﻜﺮ ﻣﺎ ﺍﻟﻲ ﻏﻴﺮﻙ ﻳﺤﻤﻴﻨﻲ ..
ﺑﻘﻰ ﻳﻤﺴﺢ ﻋﻠﻰ ﺭﺍﺳﻲ .. ﺍﻧﺘﻲ ﺑﺲ ﺍﺭﺗﺎﺣﻲ ﻭﻫﺬﺍ ﻫﻮ ﻣﺎ ﺍﺭﻳﺪ ﺍﻛﺜﺮ .. ﺑﺲ ﻟﺘﺒﺠﻴﻦ ﻛﺎﻓﻲ .. ﻭﺍﻟﻠﻪ ﻣﻴﻠﻮﻛﻠﺞ ﺍﻟﺪﻣﻊ
🌿🌿🌿🌿🌿
ﺷﺎﻝ ﺭﺍﺳﻲ ﻣﻦ ﺣﻈﻨﻪ ﻭﻟﺰﻣﻨﻲ ﺑﺜﻨﻴﻦ ﺍﺩﻳﻪ .. ﻭﻳﻜﻮﻟﻲ ﻭﺍﻟﻠﻪ ﺍﻋﻴﺸﺞ ﺍﺳﻌﺪ ﻭﺣﺪﻩ ﺑﺲ ﺍﺗﻘﻮﻱ ﻭﺳﺎﻧﺪﻳﻨﻲ .. ﻭﻻ ﺗﺴﻤﺤﻴﻦ ﻭﺍﺣﺪ ﻳﻀﻌﻔﺞ ..
ﻫﺰﻳﺖ ﺭﺍﺳﻲ ﻭﺩﻣﻮﻋﻲ ﺗﺠﺮﻱ .. ﺣﻈﻨﻲ ﺑﺜﻨﻴﻦ ﺍﺩﻳﻪ ﺑﻘﻮﻩ ..
ﺣﻈﻦ ﺣﺮﺍﻡ ﺻﺢ .. ﺑﺲ ﻫﻨﺎ ﻓﻘﻂ ﺍﺣﺲ ﺍﻟﺮﺍﺣﻪ ﺍﻟﻮﺣﻴﺪﻩ ﻣﻦ ﻫﻠﻌﺎﻟﻢ .. ﻓﻘﻂ ﻫﻨﺎ ﺍﺣﺲ ﺑﺄﻣﺎﻥ .. ﻭﻣﻮ ﻣﻤﻜﻦ ﺍﺗﺄﺫﻩ ..
ﻓﻘﻂ ﻫﻨﺎ ﺍﻛﺪﺭ ﺍﻧﺎﻡ ﻭﺍﻧﻲ ﻣﺘﺄﻛﺪﻩ .. ﻣﺤﺪ ﻳﻠﺰﻣﻨﻲ ﻭﻻ ﻳﺪﻓﺮﻧﻲ ﻭﻻ ﺍﺣﺪ ﻳﻀﺮﺑﻨﻲ .. ﺍﻋﺮﻑ ﻫﻠﻤﻜﺎﻥ ﻫﻮﻩ ﻣﻼﺫﻱ ﺍﻷﻣﻦ ..
ﺑﻘﻴﺖ ﺳﻤﻊ ﺩﻛﺎﺕ ﻛﻠﺒﻪ ﻭﻫﻮﻩ ﻧﻔﺴﻪ ﻳﺼﻌﺪ ﻭﻳﻨﺰﻝ .. ﻭﺍﻧﻲ ﺧﺪﺭﺍﻧﻪ ﺑﺄﻭﺟﺎﻋﻲ .. ﻟﺤﺪ ﻣﺎ ﻏﻔﻴﺖ .. ﺣﺴﻴﺘﻪ ﻧﺰﻟﻨﻲ ﻭﻧﻮﻣﻨﻲ ﻋﻠﺴﺮﻳﺮ .. ﻭﻃﻠﻊ ﻫﻮﻩ ..
ﺑﻘﻴﺖ ﻧﺎﻳﻤﻪ ﻣﺎﺑﻴﻪ ﺍﺗﺤﺮﻙ ﺑﻨﺪﺕ .. ﻟﻠﺼﺒﺢ .. ﻛﻌﺪﺕ .. ﺑﺎﻭﻋﺖ ﺍﻟﺴﺎﻋﻪ 6 ﻛﻮﻩ ﻛﻤﺖ ﻣﻦ ﺍﻟﻔﺮﺍﺵ .. ﻃﻠﻌﺖ ﻟﻜﻴﺖ ﺑﻜﺮ ﻧﺎﻳﻢ ﻋﻠﺘﺨﻢ ﺑﺎﻟﺼﺎﻟﻪ ..
ﻣﺎ ﺍﻋﺮﻑ ﺑﻤﺠﺮﺩ ﻣﺎ ﺻﻔﻨﺖ ﺑﻮﺟﻬﻪ ﺍﺟﺘﻨﻲ ﺍﺑﺘﺴﺎﻣﻪ ﻋﻔﻮﻳﻪ .. ﻣﺸﻴﺖ ﺑﺎﻟﺒﻴﺖ .. ﻓﺘﺤﺖ ﻏﺮﻓﺔ ﻋﺎﺩﻝ .. ﻟﻜﻴﺖ ﺍﻟﻤﻮﺑﺎﻳﻞ ﻋﻠﻰ ﺍﺫﻧﻪ ﻭﻧﺎﻳﻢ ..
ﺍﺧﺬﺕ ﺍﻟﻤﻮﺑﺎﻳﻞ .. ﺑﺎﻭﻋﺖ ﺍﻟﺮﻗﻢ ﻗﻠﺒﻲ .. ﻭﻟﺴﻪ ﺍﻟﺨﻂ ﻣﻔﺘﻮﺡ .. ﻛﺤﻴﺖ ﺍﺣﻤﻢ .. ﺟﺎﻥ ﺗﻜﻮﻝ ﻫﺎ ﺣﺒﻲ ﺍﺳﻢ ﺍﻟﻠﻪ ..
ﻛﺘﻠﻬﺎ ﻣﻨﻮ ﺍﻧﺘﻲ .. ﻛﺎﻟﺖ ﻭﺍﻧﺘﻲ ﻣﻨﻮ .. ﻛﺘﻠﻬﺎ ﺍﻧﻲ ﻣﺮﺕ ﻋﺎﺩﻝ .. ﺟﺎﻥ ﺗﻀﺤﻚ ﻭﺗﻜﻮﻝ ﻳﺎﺍﺍﺍﺍ ﻗﺼﺪﺝ ﺧﺪﺍﻣﺘﻪ .. ﻛﺘﻠﻬﺎ ﺧﺪﻣﺔ ﺍﻟﺰﻭﺝ ﺷﺮﻑ ..
ﻟﻜﻦ ﺍﻟﻠﻲ ﺗﺨﺎﺑﺮ ﺭﺟﺎﻝ ﻣﺘﺰﻭﺝ ﻟﻠﺼﺒﺢ .. ﺷﺘﺴﻤﻴﻬﺎ .. ﻛﺎﻟﺖ ﺍﺷﺮﻑ ﻣﻨﺞ .. ﻫﻬﻪ ﻻﻋﺒﻪ ﺷﺎﻃﻲ ﺑﺎﻃﻲ ﻭﺗﺠﻲ ﺗﺒﻴﻊ ﺷﺮﻑ ﺑﺮﺍﺳﻲ ..
ﻛﺘﻠﻬﺎ ﺗﺪﺭﻳﻦ ﺍﻧﺘﻲ ﺗﻠﻮﻛﻴﻦ ﺍﻟﻌﺎﺩﻝ ﻳﺎ ﺳﺒﺤﺎﻥ ﺍﻟﻠﻪ ﺍﻟﻄﻴﻮﺭ ﻋﻠﻰ ﺍﺷﻜﺎﻟﻬﺎ ﺗﻘﻊ .. ﻧﻔﺲ ﺍﻟﺰﻣﺮﻩ .. ﻭﻗﻔﻠﺖ ﺍﻟﺨﻂ ..
ﺑﺎﻭﻋﺘﻪ ﻧﺎﻳﻢ ﻭﻻ ﺣﺎﺱ ﺑﺎﻟﺪﻧﻴﺎ .. ﻭﺭﻳﺤﺔ ﺍﻟﺸﺮﺏ ﻣﺨﻴﺴﻪ ﺍﻟﻐﺮﻓﻪ .. ﻋﻔﺖ ﺍﻟﺠﻬﺎﺯ .. ﻭﻃﻠﻌﺖ .. ﺟﺎﻥ ﺗﻄﻠﻊ ﻋﻤﺘﻲ ﺑﻮﺟﻬﻲ ..
ﻛﺎﻟﺖ ﺷﺠﺎﺑﺞ .. ﻛﺘﻠﻬﺎ ﺑﻜﺮ .. ﻛﺎﻟﺖ ﻭﺷﻌﺪﺝ ﺍﺟﻴﺘﻲ .. ﻣﺎ ﺭﺩﻳﺖ .. ﻏﻤﺘﻨﻲ ﻭﻣﺸﺖ .. ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ..
ﻣﺸﺖ ﺟﺎﻥ ﺗﻜﻮﻝ .. ﻭﺍﻟﻠﻪ ﺣﻠﻮ .. ﻧﺎﻳﻤﻪ ﺑﻐﺮﻓﺔ ﺑﻜﺮ .. ﻭﺷﺎﻣﺮﻩ ﺍﻟﻮﻟﺪ ﻫﻨﺎ ﻣﺘﻜﺴﺮ ﻋﻠﺘﺨﻢ .. ﺑﻜﺮ ﺻﺤﻰ ﻋﻠﻰ ﻛﻼﻣﻬﺎ ..
ﻛﺎﻟﻠﻬﺎ ﻳﻤﻪ ﻭﺍﻧﺘﻲ ﺷﻜﻮ .. ﻳﺤﺠﻲ ﻭﻛﻮﻩ ﻣﻔﺘﺢ ﻋﻴﻨﻪ .. ﻛﺎﻟﺘﻠﻪ ﻳﻄﺒﻚ ﻣﺮﺽ .. ﻭﻣﺸﺖ .. ﻫﻮ ﻳﺒﺎﻭﻋﻠﻲ ﺑﺘﻚ ﻋﻴﻦ ﻛﻮﻩ ﺻﺎﺣﻲ ..
ﺍﺑﺘﺴﻤﺖ .. ﺍﺑﺘﺴﻢ .. ﻭﻣﺪ ﺟﺴﻤﻪ ﻭﻛﺎﻝ ﻋﻔﻴﻪ ﻫﻴﺞ ﺍﺭﻳﺪﺝ .. ﺍﺑﺘﺴﺎﻣﺘﺞ ﻣﺘﻔﺎﺭﻙ ﻏﻤﺎﺯﺍﺗﺞ ﺿﺤﻜﺖ ﻫﻬﻬﻬﻪ
ﺍﺟﻪ ﻳﻤﻲ .. ﻛﺎﻝ ﺿﻮﺟﺘﺞ ﺍﻣﻲ .. ﻫﺰﻳﺖ ﺭﺍﺳﻲ ﻭﻛﺘﻠﻪ ﺍﺑﺪﺍ .. ﺿﺮﺑﻨﻲ ﻋﻠﻰ ﺧﺪﻱ ﺧﻔﻴﻒ ﻭﻣﺸﺎ ﻳﺒﺘﺴﻢ ..
ﺻﺎﺣﺖ ﺍﻣﻪ .. ﺗﻌﺎﻱ ﺳﻮﻳﻠﻨﻪ ﺭﻳﻮﻭﻭﻙ ﻳﻠﻤﺴﻌﺪﻩ .. ﺭﺣﺖ ﻭﻛﻔﺖ ﺍﺳﻮﻱ ﺭﻳﻮﻙ ﺑﺼﻌﻮﺑﻪ .. ﺑﺘﻚ ﺍﻳﺪ ﺍﺷﺘﻐﻞ ﻛﻮﻩ .. ﺍﺟﻪ ﻋﻤﻮ ﺧﻠﻴﻞ ﻛﺎﻝ ﻫﺎﻱ ﺷﺠﺎﺑﻬﺎ ..
ﻛﺎﻟﺘﻠﻪ ﻋﻤﺘﻲ ﺑﻜﺮ ﺍﻛﻮ ﻏﻴﺮﻩ .. ﺩﻛﻌﺪ ﺍﻛﻌﺪ ﺧﻞ ﺍﺣﺠﻲ ﻭﻳﺎﻙ .. ﻛﺎﻟﻠﻬﺎ ﺷﻜﻮ ..
ﻛﺎﻟﺘﻠﻪ ﺍﻟﻴﻮﻡ ﻋﻴﺎﻝ ﺭﻧﺎ ﺭﺍﺡ ﻳﺠﻮﻥ ﻳﺘﻔﻘﻮﻥ ﻭﻳﺎﻧﻪ ﻋﻠﻌﺮﺱ .. ﻛﺎﻟﻬﺎ ﻳﺎ ﺍﻟﻠﻪ ﺑﻴﻬﺎ ﺍﻟﺨﻴﺮ ..
ﻛﺎﻟﺘﻠﻪ ﻳﺎ ﺧﻴﺮ ﻭﺍﺑﻨﻚ ﻗﺎﻓﻞ ﻣﺎﻳﻄﻠﻊ ﺍﻟﺮﺑﻊ ﻭﻳﻨﻄﻴﻨﻴﺎﻩ .. ﻛﺎﻟﻠﻬﺎ ﺍﻧﻲ ﺍﺧﺬ ﻣﻨﻪ .. ﺍﺟﻪ ﺑﻜﺮ ﻃﺐ ﻛﺎﻝ ﺻﺒﺎﺡ ﺍﻟﺨﻴﺮ ﻛﺎﻟﻪ ﺍﺑﻮﻩ ﺍﻟﻠﻪ ﺟﺎﺑﻚ ..
🌿🌿🌿🌿🌿🌿
ﻛﺎﻟﻪ ﺧﻴﺮ .. ﻛﺎﻟﻪ ﺭﺍﻳﺪ ﻓﻠﻮﺱ .. ﻫﺰ ﺭﺍﺳﻪ ﺑﻜﺮ ﻭﻛﺎﻟﻪ ﺍﻧﺸﺎﻟﻠﻪ .. ﻛﺎﻟﻪ ﻣﻮ ﺍﻧﺸﺎﻟﻠﻪ .. ﻋﺮﺱ ﺍﺧﺘﻚ ﺭﺍﺡ ﻳﺘﻔﻘﻮﻥ ﻋﻠﻴﻪ ﺍﻟﻴﻮﻡ ﻭﻧﺮﻳﺪ ﻧﺠﻬﺰﻫﺎ ..
ﻛﺎﻟﻬﺎ ﻋﺎﺩ ﺗﺴﺘﺎﻫﻞ ﺭﻧﺎ .. ﻛﺎﻟﺘﻠﻪ ﺍﻣﻚ .. ﺍﻧﺘﻪ ﺷﺒﻴﻚ ﻣﺘﺨﺒﻞ ﻫﻠﻴﺎﻡ ﺍﺧﺘﻚ ﺷﻠﻮﻥ ﻣﺘﺴﺘﺎﻫﻞ .. ﻛﺎﻟﻠﻬﺎ ﻭﺍﻧﻲ ﺷﻜﻠﺖ ﻛﻠﺖ ﺗﺴﺘﺎﻫﻞ .. ﺍﻧﻲ ﻣﻦ ﻳﻤﻲ ﺍﺑﺘﺴﻤﺖ ..
ﻫﻮﻩ ﺑﺎﻭﻋﻠﻲ ﻭﺍﺑﺘﺴﻢ .. ﺧﻠﻴﺖ ﺍﻟﺮﻳﻮﻙ ﻛﺪﺍﻣﻬﻢ .. ﻭﺍﻟﺒﻴﺾ ﻭﻃﻤﺎﻃﻪ ﻛﺒﺎﻝ ﺑﻜﺮ .. ﺍﻛﻠﺘﻪ ﺍﻟﻤﻔﻀﻠﻪ ﻫﺬﻱ ..
ﻛﺎﻝ ﻛﻌﺪﻱ .. ﻛﺘﻠﻪ ﺍﻱ ﻫﺴﻪ .. ﺭﺣﺖ ﺟﺒﺖ ﺍﻟﺠﺎﻱ ﻭﺍﺟﻴﺖ ﻛﻌﺪﺕ .. ﺍﺟﺖ ﺭﻧﺎ ﻛﻌﺪﺕ .. ﻛﺎﻣﻮ ﻳﺘﺮﻳﻜﻮﻥ ..
ﻛﺎﻝ ﻋﻤﻮ ﺧﻠﻴﻞ ﺭﺟﻠﺞ ﻣﺎ ﻳﻜﻌﺪ .. ﺍﻧﻲ ﻣﺪﻧﻜﻪ ﺍﻛﻞ .. ﻛﺎﻝ ﻫﻴﻮﻭﻭ .. ﺭﻓﻌﺖ ﺭﺍﺳﻲ ﺍﻧﻲ .. ﻛﺎﻝ ﻻ ﺍﻣﻲ .. ﺭﺟﻠﺞ ﻟﻴﺶ ﻣﻤﻜﻌﺪﺗﻪ ..
ﻛﺘﻠﻪ ﻣﺎ ﺍﻋﺮﻑ .. ﺧﺎﻑ ﻣﻴﻜﻌﺪ .. ﻛﺎﻝ ﺑﻜﺮ .. ﻫﺴﻪ ﺷﻠﻚ ﺑﻌﺎﺩﻝ ﻳﺎﺑﻪ .. ﺷﻨﻮ ﻳﻮﻣﻴﻪ ﻳﻜﻌﺪ ﻣﻦ ﺍﻟﺼﺒﺢ .. ﺭﺩﺕ ﺍﻛﻮﻡ ﻛﺎﻝ ﺑﻜﺮ ﺍﻛﻌﺪ ﻫﻮﻩ ﺍﻟﺘﻨﺒﻞ ﻫﺬﺍ ﻣﺎﻛﻮ ﻣﻨﻪ ﻓﺎﻳﺪﻩ
ﻏﻴﺮ ﺷﺮﺏ ﻭﻧﻮﻡ ﻭﺍﺳﺘﻬﺘﺎﺭ .. ﻛﺎﻟﻪ ﻋﻤﻮ ﻣﻦ ﺍﻳﺪﻫﺎ .. ﻫﻴﻪ ﺍﻟﻤﺮﻩ ﺍﻟﺘﺨﻠﻲ ﺍﻟﺮﺟﺎﻝ ﻳﺴﺘﻌﺪﻝ ﻭﻳﺼﺤﻪ ﻋﻠﺰﻣﺎﻧﻪ ﺑﺲ ﻫﺎﻱ ﻣﺎﺑﻴﻬﺎ ﺧﻴﺮ ..
ﻛﺎﻟﻪ ﺍﻟﺨﻴﺮ ﻋﺎﻳﻔﺘﻪ ﻻﺑﻨﻚ ﻳﺎﺑﻪ .. ﻛﻤﻞ ﺭﻳﻮﻙ ﻣﺎﺑﻴﻨﻪ ﺣﻴﻞ ﻣﺸﺎﻛﻞ ﻣﻦ ﻭﺭﻩ ﻫﻠﺴﻜﻂ .. ﻛﺎﻟﺘﻠﻪ ﺍﻣﻪ ﺍﻧﺘﻪ ﺷﺒﻴﻚ ﻭﻳﻪ ﺍﺧﻮﺗﻚ ﺗﻜﻮﻝ ﻋﺪﻭﺍﻧﻚ ..
ﻛﺎﻟﻠﻬﺎ ﺍﻫﻮﻭﻭﻭ ﺭﺍﺡ ﻳﺪﻛﻮﻥ ﺍﻟﻴﺘﻴﻤﻪ ﺑﺮﺍﺳﻲ .. ﺍﻛﻮﻡ ﺍﺷﺮﻓﻠﻲ .. ﻛﺎﻟﺘﻠﻪ ﺗﻌﺎﻝ ﺗﻌﺎﻝ ﻻ ﺗﺸﺮﺩ .. ﻧﻄﻴﻨﻲ ﻓﻠﻮﺱ ..
ﻛﺎﻟﻠﻬﺎ ﻣﺎ ﻋﻨﺪﻱ .. ﻋﻤﻮ ﺧﻠﻴﻞ .. ﻛﺎﻟﻪ ﺷﻨﻮ ﻣﺎ ﻋﻨﺪﻙ ﺗﻌﺎﻝ ﻫﻨﺎ .. ﻋﺮﺱ ﺍﺧﺘﻚ ﻗﺮﺏ ﻭﻧﺮﻳﺪ ﻓﻠﻮﺱ ﻣﻨﻴﻦ ﺍﺟﻴﺐ ﺍﺟﺪﻱ ﺧﻮﻣﺎ ﺍﺟﺪﻱ ..
ﻛﺎﻟﻪ ﻣﺎ ﺍﻋﺮﻑ ﻣﺎ ﻋﻨﺪﻱ .. ﻛﻞ ﺍﻟﺒﺠﻴﺒﻲ ﺷﻤﺮﺗﻪ ﻋﻠﻤﺸﺮﻭﻉ ﺍﻟﺠﺪﻳﺪ .. ﺍﻣﻪ ﺑﺎﻭﻋﺘﻠﻲ ﺑﺤﻘﺪ .. ﻭﺩﺍﺭﺗﻠﻪ .. ﻛﺎﻟﺘﻠﻪ ﺑﻜﺮ ﺗﻨﻄﻲ ﻟﻮ ﻣﺎ ﻳﺼﻴﺮ ﺧﻴﺮ ..
ﻛﺎﻟﻠﻬﺎ ﻣﺎ ﺍﻧﻄﻲ .. ﻭﺍﺭﻳﺪ ﺍﺷﻮﻑ ﺷﻴﺼﻴﺮ .. ﻛﺎﻟﺘﻠﻪ ﺯﻳﻦ .. ﻃﻠﻊ ﺑﻜﺮ .. ﺍﺟﺖ ﻋﻠﻴﻪ .. ﻛﺎﻟﺖ ﻭﻳﻦ ﺫﻫﺒﺞ .. ﻛﺘﻠﻬﺎ ﻣﺎ ﺍﻋﺮﻑ ﺑﺎﻟﻐﺮﻓﻪ ..
ﺭﺍﺣﺖ ﻟﻠﻐﺮﻓﻪ .. ﻛﻌﺪ ﻋﺎﺩﻝ ﻛﺎﻟﻠﻬﺎ ﺷﻜﻮ ﻳﻤﻪ .. ﻛﺎﻟﺘﻠﻪ ﻭﻳﻦ ﺫﻫﺐ ﺳﻤﺮ .. ﻛﺎﻟﻠﻬﺎ ﺷﺘﺮﺩﻳﻦ ﺑﻴﻪ .. ﻛﺎﻟﺘﻠﻪ ﺍﺭﻳﺪﻩ ..
ﻛﺎﻟﻠﻬﺎ ﺑﻌﺘﻪ .. ﻛﺎﻟﺘﻠﻪ ﺷﻠﻮﻭﻭﻭﻥ .. ﻛﺎﻟﻠﻬﺎ ﺍﻱ ﻣﺎ ﻋﻨﺪﻱ ﻣﺼﺮﻑ .. ﻭﺑﻌﺘﻪ ﺻﺎﺭ ﺍﺳﺒﻮﻉ .. . ﺍﻧﻲ ﺍﺑﺎﻭﻉ ﻳﺮﺑﻲ ﺍﺿﺤﻚ ﻟﻮ ﺍﻛﻮﻝ ﻫﻠﻮ .. ﺍﺳﺘﻐﻔﺮ ﺍﻟﻠﻪ ﻫﺰﻳﺖ ﺭﺍﺳﻲ ﻭﻣﺸﻴﺖ ..
ﻋﻔﺘﻬﺎ ﺗﺼﻴﺢ ﻭﺗﻐﻠﻂ ﻋﻠﻴﻪ ﻭﻋﻠﻰ ﺑﻜﺮ .. ﻭﺭﺣﺖ ﻛﻤﻠﺖ ﺷﻐﻠﻲ ﻭﻫﻤﻪ ﻣﺨﺒﻮﺻﻴﻦ ﺳﺎﻋﻪ ﺗﻔﻜﺮ ﺑﺎﻟﻤﺴﻮﺍﻙ .. ﺳﺎﻋﻪ ﺑﺎﻟﻔﻠﻮﺱ ﺍﻟﻠﻲ ﺗﺮﻳﺪﻫﺎ ﻟﻌﺮﺱ ﺭﻧﺎ ..
ﻟﺸﻮﻱ ﺩﺧﻞ ﺑﻜﺮ ﻭﺟﺎﻳﺐ ﻣﺴﻮﺍﻙ ﺍﺷﻜﺎﻝ ﺍﻟﻮﺍﻥ .. ﺩﺧﻞ ﻣﻦ ﺑﺎﺏ ﺍﻟﻤﻄﺒﺦ ﻭﻫﻤﻪ ﺟﻮﻩ ﻣﻴﺪﺭﻭﻥ ﺑﻌﺪﻫﻢ ﻳﺪﺭﺩﻣﻮﻥ .. ﻫﺰ ﺍﻳﺪﻩ ﻭﻏﻤﺰ ﻭﺍﺷﺮ ﻋﻠﻴﻬﻢ ..
ﻛﺘﻠﻪ ﺑﻌﺪﻫﻢ ﺩﻳﻄﺎﺑﺨﻮﻥ ﻋﻠﻨﺎﺭ .. ﺿﺤﻚ ﻭﻏﻤﺰ ﻭﻛﺎﻝ ﺍﻱ ﺍﺩﻓﻲ ﻋﻠﻴﻬﻢ ﻟﻌﺪ .. ﺿﺤﻜﺖ ﻭﻛﺘﻠﻪ ﻫﻮﻩ ﻫﻢ ﻫﻴﺞ .. ﺻﺎﺡ ﻳﻤﻤﻤﻤﻤﻪ ..
ﻛﺎﻟﺘﻠﻪ ﻭﻏﻤﻪ .. ﻛﺎﻟﻠﻬﺎ ﺷﻜﺮﺍ .. ﻫﺎﻱ ﺍﻟﻤﺴﻮﺍﻙ ﺟﺒﺘﻪ .. ﻭﺍﻟﻐﺪﺍ ﻣﺎﻝ ﺍﻟﻨﺎﺱ ﻻ ﺍﻃﺒﺨﻮﻩ .. ﺍﻧﻲ ﻭﺻﻴﺖ ﻋﻠﻰ ﺍﻛﻞ ﻣﻦ ﺑﺮﺍ ..
ﻛﺎﻟﺘﻠﻪ ﻓﻠﻮﺱ ﺍﻻﻛﻞ ﻣﻦ ﺑﺮﺍ ﺍﻧﻄﻴﻨﻴﺎﻫﻦ .. ﻣﺎ ﺍﺭﻳﺪ ﺍﺣﻨﻪ ﻧﻄﺒﺦ .. ﺟﺎﻥ ﻳﺄﺷﺮ ﻋﻠﻴﻪ .. ﻭﻳﻜﻠﻬﺎ ﻗﺼﺪﺝ ﻫﺎﻱ ﺍﻟﺘﻄﺒﺦ ﻭﺍﻧﺘﻲ ﻭﺑﻨﺘﺞ ﻛﻌﺪﻥ ﻭﺳﻮﻟﻔﻦ ..
ﻛﺎﻟﻠﻬﺎ ﺗﺸﻮﻓﻴﻬﺎ ﺑﻨﺺ ﺍﻳﺪ ﻭﺩﺗﺸﺘﻐﻞ .. ﻛﻮﻣﻦ ﻭﻳﺎﻫﺎ .. ﻛﺎﻟﺘﻠﻪ ﺍﻟﻠﻪ ﺍﺍﺍﺍﺍﺍﺍﺍﺍﺍﺍﺍﺍﺍﻛﺒﺮ ﺍﻧﺘﻪ ﻣﺎ ﻫﺎﻣﻚ ﻏﻴﺮ ﺳﻤﺮ ..
ﺭﺟﻠﻬﺎ ﻣﺎ ﻣﻬﺘﻤﻠﻬﺎ ﺑﻜﺪﻙ .. ﺣﺮﻙ ﺣﺎﺟﺒﻪ ﺑﺘﻜﺒﺮ ﻭﻃﻠﻊ .. ﺿﻠﺖ ﺗﺼﻴﺢ ﻭﻟﻚ ﺑﻜﺮ ﻳﺎﺍﺍ ﺷﻠﻮﻥ ﺑﻴﻪ ﻫﺬﺍ ﺑﻜﺮﺭﺭﺭ ﺗﻌﺎﻝ ﻫﻨﺎ ..
ﻭﻻ ﺍﻫﺘﻢ ﻃﻠﻊ ﻭﻻ ﺩﺍﺭ ﻭﺟﻬﻪ ﻭﺍﻟﻠﻪ ﺩﻭﻩ ﻭﻳﺎﻫﻢ .. ﻫﻬﻬﻬﻪ .. ﻛﺎﻟﺖ ﻣﺮﺗﺎﺣﻪ ﺳﺖ ﺳﻤﺮ ﻋﻠﻰ ﻫﻠﻮﺿﻌﻴﻪ ﻣﻮﻭ .. ﻛﺘﻠﻬﺎ ﺍﻧﻲ ﺷﻌﻠﻴﻪ ﻋﻤﻪ ..
ﺩﺗﺸﻮﻓﻴﻨﻲ ﻛﺪﺍﻣﺞ ﻻ ﺣﻮﻝ ﻭﻻ ﻗﻮﻩ .. ﺭﺟﻠﻲ ﻭﺑﺎﻳﻌﻨﻲ ﻭﻣﻴﺮﻳﺪﻧﻲ ﺷﺒﻴﺪﻱ .. ﻛﺎﻟﺖ ﻫﻬﻮ ﻫﻬﻮ ﺗﻤﺴﻜﻨﻲ ﺑﺖ ﺭﺟﺎﺀ ﺗﻤﺴﻜﻨﻲ ..
ﻟﺸﻮﻱ ﺍﺟﻮ ﻋﻴﺎﻝ ﺭﻧﺎ .. ﺍﻧﻲ ﻣﻄﻠﻌﺖ ﺑﻘﻴﺖ ﺑﺎﻟﻤﻄﺒﺦ ﺑﺼﻌﻮﺑﻪ ﺍﺷﺘﻐﻞ ﺑﺘﻚ ﺍﻳﺪ … ﻫﻤﺰﻳﻦ ﺍﻟﻴﺴﺮﻩ ﻣﻜﺴﻮﺭﻩ ﻣﻮ ﺍﻟﻴﻤﻨﻪ ﺟﺎﻥ ﺷﺒﻌﺖ ﺿﻴﻢ ..
ﺩﺍ ﺍﺷﺘﻐﻞ ﻃﺐ ﻋﺎﺩﻝ .. ﻛﺎﻝ ﺷﻮﻛﺖ ﺍﺟﻴﺘﻲ ﻛﺘﻠﻪ ﺍﻟﺒﺎﺭﺣﻪ .. ﺿﺤﻚ .. ﻭﺍﺷﺮ ﻋﻠﻰ ﻭﺟﻬﻲ .. ﻛﺎﻝ ﻻﺯﻡ ﺍﺳﺘﻠﻤﻮﺝ ..
ﻛﺘﻠﻪ ﺗﻔﺮﺡ .. ﺑﺎﻭﻋﻠﻲ ﻛﺎﻝ ﻻ ﻭﺍﻟﻠﻪ ﺑﺲ ﻣﻌﻠﻴﻪ ﺑﻴﺞ .. ﺍﻧﻲ ﻣﺎ ﺭﺍﻳﺪﺝ ﺳﻤﺮ ﺍﻓﺘﻬﻤﻲ .. ﻛﺘﻠﻪ ﻭﺍﻧﻲ ﻃﺎﻟﺒﻪ ﻣﻨﻚ ﺷﻲ ..
ﻛﺎﻝ ﺗﺮﺩﻳﻦ ﺗﺮﻳﺤﻴﻨﻲ ﻭﺍﺭﻳﺤﺞ .. ﻛﺘﻠﻪ ﺍﻱ .. ﻛﺎﻝ ﻗﻨﻌﻲ ﺑﻜﺮ ﻳﻨﻄﻴﻨﻲ ﺍﻟﻔﻠﻮﺱ ﺑﺎﺳﺮﻉ ﻭﻗﺖ ﺍﺗﺰﻭﺝ ﻭﺍﻟﻠﻪ ﺑﻌﺪ ﻻ ﺍﺟﻲ ﻳﻤﺞ ﻭﻻ ﺍﻣﺴﺞ ﻭﻻ ﺍﻟﻲ ﺷﻐﻞ ﺑﻴﺞ ..
ﻛﺘﻠﻪ ﻭﺍﻧﻲ ﺷﻌﻨﺪﻱ ﻭﻳﻪ ﺑﻜﺮ ﻭﺍﻗﻨﻌﻪ ﻟﻴﺶ ﺗﺤﺴﺴﻮﻧﻲ ﺍﻧﻲ ﺍﻟﻲ ﺳﻠﻄﻪ ﻋﻠﻰ ﺑﻜﺮ .. ﺍﺧﻮﻙ ﻭﺗﻌﺮﻓﻪ ﻣﻴﺎﺧﺬ ﻣﻦ ﺍﺣﺪ ..
ﻛﺎﻝ ﻣﻮ ﺍﺧﻮﻱ ﻭﺍﻋﺮﻓﻪ ﻣﺎ ﻳﺮﺩﻟﺞ ﻃﻠﺐ ..
ﺭﺩﺕ ﺍﺷﻮﻑ ﻋﺎﺩﻝ ﻋﻨﺪﻩ ﺧﺒﺮ ﺑﻤﺸﺎﻋﺮ ﺑﻜﺮ ﻟﻮ ﻫﻴﺞ ﻳﺤﺠﻲ .. ﻛﺘﻠﻪ ﻭﻟﻴﺶ ﺑﻜﺮ ﻣﻴﺮﺩﻟﻲ ﻃﻠﺐ ﺷﻌﻨﺪﻩ ﻭﻳﺎﻱ ..
ﻛﺎﻝ ﺑﻜﺮ ﺻﺢ ﺟﺎﻣﺪ ﻭﻣﺘﻜﺒﺮ ﺑﺲ ﻛﻠﺒﻪ ﻃﻴﺐ ﻣﺎ ﻳﻘﺒﻞ ﺑﺎﻟﻀﻠﻢ .. ﻭﺍﻧﺘﻲ ﻳﺤﺴﺞ ﻣﻈﻠﻮﻣﻪ ﻭﻣﺘﻌﺎﻃﻒ ﻭﻳﺎﺝ .. ﻓﺎﻱ ﺷﻲ ﻃﻠﺒﻴﻪ ﻳﻨﻔﺬﻩ ..
ﺑﻜﻠﺒﻲ ﻛﻠﺖ ﻛﺮﺕ ﻋﻴﻨﻲ ﻋﻠﻰ ﻫﻴﺞ ﺭﺟﺎﻝ .. ﺍﺧﻮﻩ ﺷﺎﻫﺮ ﺳﻴﻔﻪ ﻭﻳﻘﺎﺗﻞ ﺑﺤﺒﻲ ﻋﻠﻨﺎً .. ﻭﻫﺬﺍ ﻭﻻ ﺣﺎﺱ ﺑﺸﻲ ﻳﺴﻤﻴﻬﺎ ﺗﻌﺎﻃﻒ ﺧﺮﺏ ﺑﺤﻈﻲ ﻋﻠﻰ ﻫﻴﺞ . ﻗﺴﻤﻪ ﻣﺎ ﺑﻴﻬﺎ ﺧﻴﺮ
ﻛﺎﻝ ﻫﺎﺍ .. ﺗﻘﻨﻌﻴﻦ ﺑﻜﺮ ﺑﺴﺎﻟﻔﻪ .. ﺍﺗﻘﺮﺑﺖ ﻟﻌﺎﺩﻝ .. ﻛﺘﻠﻪ ﺗﻜﺮﻫﻨﻲ .. ﻛﺎﻝ ﻻ .. ﻭﻭﻋﺪ ﻟﻮ ﻗﻨﻌﺘﻲ ﺑﻜﺮ ﺑﺰﻭﺍﺟﻲ ..
ﺍﺭﺟﻊ ﻭﻳﺎﺝ ﻋﺎﺩﻝ ﺍﻟﻘﺪﻳﻢ .. ﻭﺍﺣﺴﺒﺞ ﺍﺧﺘﻲ ﻣﻦ ﺟﺪﻳﺪ .. ﻭﺍﻧﺴﻰ ﻛﻮﻟﺸﻲ ﺻﺎﺭ ﺑﻴﻨﻪ .. ﺻﻔﻨﺖ ﺑﻌﻴﻮﻧﻪ ﻛﺘﻠﻪ ﺍﺧﺘﻚ ..
ﻛﺎﻝ ﺍﻱ .. ﻣﺎ ﻋﻨﺪﻱ ﻏﻴﺮ ﻫﻠﻤﺸﺎﻋﺮ ﺍﻧﻄﻴﺠﻴﺎﻫﺎ .. ﺿﺤﻜﺖ ﺑﺎﺳﺘﻬﺰﺍﺀ .. ﻭﻫﺰﻳﺖ ﺭﺍﺳﻲ .. ﻛﺘﻠﻪ ﺍﻧﺸﺎﻟﻠﻪ ..
ﺩﺧﻞ ﺑﻜﺮ .. ﻛﺎﻝ ﻫﺎﺍ .. ﺩﺍﺭ ﻋﺎﺩﻝ ﻭﺟﻬﻪ ﺍﻟﻲ ﻭﻛﺎﻝ ﻣﺎﻛﻮ ﺷﻲ .. ﻛﺘﻠﻪ ﻻ ﺍﻛﻮ ﺷﻲ .. ﻭﻛﻒ ﻋﺎﺩﻝ ..
ﺑﻜﺮ ﺩﺍﺭ ﻭﺟﻬﺎ .. ﻛﺎﻝ ﺷﻜﻮ .. ﻛﺘﻠﻪ ﻳﻜﻮﻝ ﻋﺎﺩﻝ ﻗﻨﻌﻲ ﺑﻜﺮ ﻳﺰﻭﺟﻨﻲ ﻭﺍﻧﻲ ﺍﺭﺟﻊ ﺍﻋﺘﺒﺮﺝ ﺍﺧﺘﻲ ﻭﺍﻧﺴﻰ ﻛﻮﻟﺸﻲ ﺑﻴﻨﺎﺗﻨﺎ ..
ﺍﺑﺘﺴﻢ ﺑﻜﺮ .. ﻭﻛﺎﻟﻪ ﻣﻮﺍﻓﻖ ﺑﺸﺮﻁ .. ﻋﺎﺩﻝ ﻛﺎﻟﻪ ﻭﻫﻮﻩ ﻛﺎﻟﻪ ﺳﻤﺮ ﺗﺸﻴﻞ ﺍﻳﺪﻙ ﻋﻨﻬﺎ .. ﻳﻌﻨﻲ ﺗﺤﺖ ﻭﺻﺎﻳﺘﻲ ﻣﺎ ﺍﻟﻚ ﺍﻱ ﺳﻠﻄﻪ ﻋﻠﻴﻬﺎ ..
ﻋﺎﺩﻝ ﺳﻮﻩ ﺣﺮﻛﻪ ﺑﺤﻠﻜﻪ ﻭﻛﺎﻝ ﻣﻴﻬﻤﻨﻲ ﺍﻟﻤﻬﻢ ﺍﺗﺰﻭﺝ .. ﻛﺎﻟﻪ ﺍﺑﺸﺮ .. ﺑﺎﻗﺮﺏ ﻭﻗﺖ ﺍﻧﺸﺎﻟﻠﻪ .. ﺍﺟﺖ ﺍﻣﻪ ﻛﺎﻟﺘﻠﻪ
ﻳﻌﻨﻲ ﻋﻨﺪﻙ ﻓﻠﻮﺱ ﺗﺰﻭﺝ ﻋﺎﺩﻝ ﺑﺲ ﻣﺎ ﻋﻨﺪﻙ ﺗﻨﻄﻴﻨﻲ ﺍﺟﻬﺰ ﺍﺧﺘﻚ .. ﻛﺎﻝ ﺍﻭﻭﻭﻭ ﺍﺟﺖ ﺍﻣﻲ ﻭﻫﻼﻫﻴﻠﻬﺎ ﺍﻃﻔﺮ ﺍﺣﺴﻦ ..
ﺿﺤﻜﻨﻪ ﺍﻧﻲ ﻭﻋﺎﺩﻝ .. ﻭﺑﻜﺮ ﺷﺮﺩ ﻟﻠﺸﺎﺭﻉ ﻭﻋﻤﺘﻲ ﺗﺼﻴﺢ …
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق