رواية حكاية سمر ج1 الجزء العاشر
للكاتبة زينب ماجد
🌿🌿🌿🌿
ﺳﻤﺮ .. ﻛﺘﻠﻪ ﻣﻨﻮ ﺗﻌﺮﻓﻪ ﺍﻟﻠﻲ ﺍﺗﺰﻭﺝ ﺣﺒﻴﺒﺘﻚ ..
ﺿﺤﻚ ﻭﻛﺎﻝ ﻫﻬﻬﻪ ﺍﺧﻮﻱ .. ﺑﻘﻴﺖ ﻣﺼﺪﻭﻣﻪ ﻣﻨﻮ ﺍﺧﻮﻩ .. ﻣﺎ ﺍﺣﺲ ﺍﻻ ﺍﻟﺒﺎﺏ ﻧﻔﺘﺤﺖ . ﻗﻔﻠﺖ ﺍﻟﺨﻂ ..
ﺩﺧﻞ ﻋﺎﺩﻝ .. ﻛﺎﻝ ﺳﻤﺮ .. ﺍﻧﻲ ﻣﻮ ﻳﻤﻪ .. ﺻﺎﺡ ﺍﺣﺠﻲ ﻭﻳﺎﺝ .. ﻟﺞ ﻫﻴﻴﻴﻲ ﺷﻠﺖ ﺭﺍﺳﻲ .. ﻫﺎﺍ ﻛﺎﻝ ﺷﺒﻴﺞ ﻣﺜﻞ ﺍﻟﺜﻮﻟﻪ .. ﺻﺎﺭ ﺳﺎﻋﻪ ﺍﺣﺠﻲ ..
ﻛﺘﻠﻪ ﺷﻨﻮ .. ﻛﺎﻝ ﺍﺭﻳﺪ ﻋﺸﺎ ﺑﺴﺎﻉ .. ﻛﺘﻠﻪ ﺍﻱ .. ﻛﻤﺖ ﻣﻦ ﻳﻤﻪ .. ﻭﻛﻔﺖ ﺑﺎﻟﻤﻄﺒﺦ ﻭﺍﻧﻲ ﺍﻓﻜﺮ ﺑﻜﻼﻡ ﺑﻜﺮ ..
ﻛﻤﺖ ﺍﺟﻤﻊ ﻣﻮﺍﻗﻔﻪ .. ﻭﺍﺗﺬﻛﺮ ﻟﻤﺎ ﺟﻨﺖ ﺍﺷﻮﻓﻪ ﻳﺒﺎﻭﻋﻠﻲ ﻭﻳﻪ ﺍﺭﻛﺎﻥ .. ﻭﻟﻤﺎ ﺟﺎﻥ ﻳﻐﺎﺭ ﻋﻠﻴﻪ ﻣﻦ ﻋﺎﺩﻝ ﻟﻤﺎ ﺟﻨﻪ ﻣﻤﺨﻄﻮﺑﻴﻦ ﻭﻳﻌﺼﺐ ..
ﻭﻣﻦ ﺗﺰﻭﺟﺖ ﻭﺷﻠﻮﻥ ﻣﺎ ﺣﻈﺮ ﺍﻟﻌﺮﺱ ﻭﺷﻠﻮﻥ ﺣﻤﺎﻧﻲ ﻣﻨﻬﻢ ﻛﻠﻬﻢ ﺣﺘﻰ ﺍﺑﻮﻳﻪ .. ﻣﻌﻘﻮﻟﻪ ﺑﻜﺮ ﻳﻘﺼﺪﻧﻲ ..
ﻻ ﻣﺴﺘﺤﻴﻴﻴﻞ ﻣﺎ ﺍﻋﺘﻘﺪ ﺑﻜﺮ ﻓﺪ ﻳﻮﻡ ﻳﺤﺐ ﻫﻪ ﻭﻳﺤﺒﻨﻲ ﺍﻧﻲ .. ﺑﺲ ﻫﻮﻩ ﻛﺎﻝ ﺍﺗﺰﻭﺟﺖ ﺍﺧﻮﻱ .. ﻭﻫﻮﻩ ﻋﻨﺪﻩ ﺑﺲ ﻋﺎﺩﻝ ﻭﺧﺎﻟﺪ ..
ﺍﻭﻭﻭﻑ ﻣﻦ ﺷﻮﻛﺖ ﻫﻴﺞ ﻭﻟﻴﺶ ﻣﺎ ﺍﻧﺘﺒﻬﺖ .. ﺍﺷﺘﻐﻞ ﻭﺍﻧﻲ ﺑﺪﻭﺍﻣﺔ ﺗﻔﻜﻴﺮﻱ .. ﺍﻧﺪﺍﺭﻳﺖ ﻣﺎ ﺍﺣﺲ ﺍﻻ ﺍﻧﻀﺮﺑﺖ ﺑﺸﺨﺺ ..
ﻣﻦ ﺻﺪﻙ ﻛﻤﺰﺕ ﻭﺭﺍﺣﺖ ﺭﻭﺣﻲ ﻭﻭﻛﻌﺖ ﺳﻠﺔ ﺍﻟﺨﻴﺎﺭ ﻣﻨﻲ ﻭﺧﻠﻴﺖ ﺍﻳﺪﻱ ﻋﻠﻰ ﻛﻠﺒﻲ .. ﻭﺍﻧﻲ ﺍﺑﺎﻭﻉ ﻟﺒﻜﺮ .. ﻛﺎﻝ ﺷﺒﻴﺞ ..
ﺑﻘﻴﺖ ﺻﺎﻓﻨﻪ ﻋﻠﻴﻪ .. ﻭﻧﻔﺴﻲ ﺍﺣﺴﻪ ﺍﺧﺘﻨﻚ .. ﺍﻧﻮﺏ ﻧﺰﻟﺖ ﺭﺍﺳﻲ .. ﻭﻛﺘﻠﻪ ﻣﺎﻛﻮ ﺷﻲ ﻭﻟﻤﻴﺖ ﺍﻟﺨﻴﺎﺭ ..
ﻛﺎﻝ ﺳﻤﺮ .. ﻟﺘﺸﻐﻠﻴﻦ ﺑﺎﻟﻚ ﺑﺸﻲ .. ﺍﻧﺴﻲ ﻛﻮﻟﺸﻲ .. ﺭﻓﻌﺘﻠﻪ ﻋﻴﻨﻲ ﻛﺘﻠﻪ ﺷﻨﺴﻰ .. ﻛﺎﻝ ﺍﻟﻠﻲ ﺳﻤﻌﺘﻴﻪ ..
ﻛﺘﻠﻪ ﺑﻜﺮ ﻣﻦ ﺷﻮﻛﺖ ﻫﺬﺍ ﺍﻟﺤﺠﻲ .. ﻛﺎﻝ ﻳﺎ ﺣﺠﻲ .. ﻛﺘﻠﻪ ﺍﻟﻠﻲ ﺍﺗﺤﺒﻬﺎ ﻭﺗﻘﺼﺪﻫﺎ .. ﺍﻧﻲ ﺻﺢ ..
ﻧﺰﻝ ﺭﺍﺳﻪ ﻭﻫﺰ ﺍﻱ .. ﻛﺘﻠﻪ ﻣﻦ ﺷﻮﻛﺖ .. ﻛﺎﻝ ﻣﻦ ﺟﻨﺘﻲ ﺻﻒ ﺍﻭﻝ ﻣﺘﻮﺳﻂ .. ﺣﺒﻴﺘﺞ .. ﻛﺎﻝ ﺍﻧﻲ ﺟﻨﺖ ﻫﻢ ﺯﻏﻴﺮ ..
ﺑﺲ ﺍﻧﺘﻲ ﺣﺐ ﻣﺮﺍﻫﻘﺘﻲ ﻭﺑﻘﻴﺖ ﻣﺤﺘﻔﻆ ﺑﻬﻠﺤﺐ ﻟﺤﺪ ﻛﺒﺮﻱ .. ﻭﻣﺎ ﻛﺪﺭﺕ ﻓﺪ ﻳﻮﻡ ﺍﻋﺒﺮ ﻋﻨﻪ ..
ﻛﺘﻠﻪ ﺑﻜﺮ ﻣﻮ ﻣﺘﺤﻤﻠﻪ ﺍﻟﻠﻲ ﺗﻜﻮﻟﻪ .. ﻛﺎﻝ ﻭﺩﺍﻋﺘﺞ ﺑﺲ ﻫﺬﺍ .. ﻭﻟﺘﺨﺎﻓﻴﻦ ﻭﺍﻟﻠﻪ ﻣﻄﺎﻟﺐ ﺷﻲ ﺑﺲ ﺳﻌﺎﺩﺗﺞ .. ﻣﺴﺘﻌﺪ ﺍﺿﻞ ﻃﻮﻝ ﻋﻤﺮﻱ ﻫﻴﺞ ﻣﺎ ﻋﻨﺪﻱ ﺍﻱ ﺍﺷﻜﺎﻝ ..
ﻛﺘﻠﻪ ﺍﻧﻲ ﻣﺮﺕ ﺍﺧﻮﻙ ﺑﻜﺮ .. ﻛﺎﻝ ﺍﻧﺘﻲ ﻣﻮ ﻫﻴﺞ .. ﻭﻻ ﺭﺍﺡ ﺗﺼﻴﺮﻳﻦ ﻫﻴﺞ .. ﻛﺘﻠﻪ ﻟﻴﺶ ﺭﺍﺡ ﺗﺨﺮﺏ ﺻﻮﺭﺗﻲ ﻭﺗﺤﺎﻭﻝ ﻣﺎ ﺍﻧﺴﻌﺪ ﻭﻳﻪ ﻋﺎﺩﻝ ..
ﻛﺎﻝ ﻟﻮ ﺍﻋﺮﻑ ﻋﺎﺩﻝ ﻳﺴﻌﺪﺝ .. ﺟﺎﻥ ﺳﻌﻴﺖ ﺑﺎﺻﻼﺣﻜﻢ ﻭﺍﻟﻠﻪ ﺑﺲ ﺍﻧﺘﻲ ﻣﻮ ﺍﺑﺎﻟﻪ .. ﻛﺘﻠﻪ ﺍﺑﻌﺪ ﻣﻨﻲ ﻭﺍﻧﻲ ﺍﺩﺧﻞ ﺑﺎﻟﻪ ..
ﻛﺎﻝ ﻭﻻ ﺭﺍﺡ ﺍﺩﺧﻠﻴﻦ ﺳﻤﺮ ﺍﻓﻬﻤﻴﻨﻲ .. ﻋﺎﺩﻝ ﻳﺤﺐ ﻏﻴﺮﺝ ﻭﻧﺎﻭﻱ ﻳﺘﺰﻭﺝ .. ﻭﻛﻔﺖ ﺻﻔﻨﺖ ﺑﻮﺟﻬﺎ ..
ﺍﻧﻮﺏ ﺍﺑﺘﺴﻤﺖ .. ﻛﺘﻠﻪ ﻳﺘﺰﻭﺝ ﻭﻫﻮﻩ ﻳﺒﻴﻊ ﻣﻮﺑﺎﻳﻠﻲ ﺣﺘﻰ ﻳﺸﺘﺮﻱ ﺍﻟﺸﺮﺏ ﻣﺎﻟﺘﻪ .. ﺍﺳﻜﺖ ﺑﻜﺮ ﻟﺨﺎﻃﺮ ﺍﻟﻠﻪ ﻋﺎﺩﻝ ﻣﻴﻤﻠﻚ ﺍﻟﺮﺑﻊ .. ﻫﻬﻪ ﻳﺮﻭﺡ ﻳﺘﺰﻭﺝ ..
ﻛﺎﻝ ﺍﻟﻔﻠﻮﺱ ﻣﺘﻮﻛﻒ ﺑﻌﻴﻨﻪ ﻭﺭﺍﺡ ﻳﺎﺧﺬﻫﺎ ﻣﻨﻲ 10 ﻣﻼﻳﻴﻦ .. ﺩﺭﺗﻠﻪ ﺑﻌﺼﺒﻴﻪ ﻭﻟﻴﺶ ﺗﺴﺎﻋﺪﻩ ﻳﺘﺰﻭﺝ ﻋﻠﻴﻪ
.
ﻛﺎﻝ ﻭﺍﻟﻠﻪ ﻣﺴﺎﻋﺪﺗﻪ .. ﺑﺲ ﺟﺎﻥ ﻻﺯﻡ ﺍﺳﻮﻱ ﻫﻴﺞ ﻭﺍﻻ ﺭﺍﺩ ﻳﻨﻄﻴﺞ ﻻﺑﻮﺝ ﻭﻳﺘﺒﺮﻩ ﻣﻨﺞ .. ﻭﺗﻨﺬﺑﺤﻴﻦ ..
ﻭﻛﻔﺖ ﻛﺒﺎﻟﻪ .. ﻛﺘﻠﻪ ﻳﻌﻨﻲ ﺍﺷﺘﺮﻳﺖ ﺳﺘﺮﻱ ﻣﻦ ﻋﺎﺩﻝ .. ﻧﺰﻝ ﺭﺍﺳﻪ .. ﻛﺘﻠﻪ ﻫﻠﻜﺪ ﺍﻧﻲ ﺭﺧﻴﺼﻪ ..
ﻛﺎﻝ ﻻ ﻃﺒﻌﺎ ﺍﻧﺘﻲ ﺍﺷﻮﻑ ﻣﻦ ﻋﺎﺩﻝ ﺑﻨﻔﺴﻪ .. ﺍﻧﻮﺏ ﻟﺰﻣﻨﻲ ﻣﻦ ﺍﺩﻳﻪ ﻭﻛﺎﻝ ﻟﻴﺶ ﺗﻬﺘﻤﻴﻦ ﻟﻬﻞ ﺍﻣﻮﺭ .. ﺍﻧﺴﻲ ﻭﻣﺴﺘﻌﺪ ﺍﻋﻮﺿﺞ ﺑﺎﻟﻠﻲ ﺗﺮﺩﻳﻦ ..
ﻭﺧﺮﺕ ﺍﺩﻳﻪ ﻭﻛﺘﻠﻪ ﺍﻟﻠﻲ ﺍﺭﻳﺪﻩ ﻣﺎ ﺍﺷﻮﻓﻚ ﻛﺪﺍﻣﻲ ﻭﻻ ﺍﺭﻳﺪ ﺍﻟﻤﺤﻚ .. ﻛﺎﻝ ﺍﺧﺎﻑ ﻋﻠﻴﺞ ﻳﺄﺫﻭﺝ ..
ﻛﺘﻠﻪ ﻫﺬﺍ ﻣﻮ ﺷﻐﻠﻚ .. ﺍﻓﺘﻬﻤﺖ .. ﺧﻠﻴﺖ ﺍﻻﻛﻞ ﺑﺎﻟﺼﻴﻨﻴﻪ ﻭﻣﺸﻴﺖ .. ﺩﺧﻠﺖ ﺍﻟﻌﺎﺩﻝ ﻟﻜﻴﺘﻪ ﻳﺸﺮﺏ .. ﺧﻠﻴﺖ ﺍﻻﻛﻞ ..
ﻭﺍﻧﺪﺍﺭﻳﺖ ﻟﻠﺴﺮﻳﺮ ﻧﻤﺖ .. ﻭﻏﻄﻴﺖ ﺭﺍﺳﻲ .. ﻭﺍﻧﻲ ﺍﻓﻜﺮ ﺑﻜﻼﻡ ﺑﻜﺮ .. ﻣﻮ ﻣﻌﻘﻮﻝ ﺍﺑﺪ ﻣﻮ ﻣﻌﻘﻮﻝ ..
ﻭﺍﻧﻲ ﺍﻟﻠﻲ ﺟﻨﺖ ﺣﺎﺳﺒﺘﻪ ﺍﺥ ﻭﺿﻠﻊ .. ﻃﻠﻊ ﻋﻴﻨﻪ ﻧﻜﺴﻪ .. ﻭﻳﺤﻤﻴﻨﻲ ﺣﺘﻰ ﺍﺻﻴﺮ ﺍﻟﻪ .. ﺑﻘﻰ ﺍﻟﻜﻼﻡ ﻳﺮﻭﺡ ﻭﻳﺠﻲ ﺍﺑﺎﻟﻲ ..
ﻭﻣﻜﺪﺭﺕ ﺍﻧﺎﻡ ﺍﺑﺪ .. ﺷﻠﺖ ﺭﺍﺳﻲ .. ﻟﻜﻴﺖ ﻋﺎﺩﻝ ﻏﺎﻓﻲ ﺑﻤﻜﺎﻧﻪ ﻭﻣﻤﺎﻛﻞ .. ﻛﻤﺖ ﺷﻠﺖ ﺍﻻﻛﻞ ﺿﻤﻴﺘﻪ ﻭﻧﻀﻔﺖ ﺍﻟﻤﻴﺰ ..
ﻭﻏﻄﻴﺖ ﻋﺎﺩﻝ ﻭﺍﺑﺎﻭﻋﻠﻪ .. ﻣﻌﻘﻮﻟﻪ ﺑﺎﻋﻨﻲ ﻟﺒﻜﺮ ﺏ 10 ﻣﻠﻴﻮﻥ .. ﻣﻌﻘﻮﻟﻪ ﻳﺮﻳﺪ ﻳﺘﺰﻭﺝ ﻋﻠﻴﻪ .. ﻧﺰﻟﺖ ﺩﻣﻮﻋﻲ ﺑﻬﺪﻭﺀ ..
ﺑﻘﻴﺖ ﻛﺎﻋﺪﻩ ﻭﺻﺎﻓﻨﻪ ﻋﻠﻰ ﻋﺎﺩﻝ ﻭﻫﻮﻩ ﻧﺎﻳﻢ .. ﻟﺤﺪ ﻣﺼﺎﺭ ﺍﻟﺼﺒﺢ ﻭﺍﻧﻲ ﻣﻨﺎﻳﻤﻪ ..
ﻣﺜﻞ ﻛﻞ ﻳﻮﻡ . ﻛﻤﺖ ﺗﻨﻀﻴﻒ ﻭﺷﻐﻞ ﻭﺗﻌﺐ ﻭﺧﻄﺎﺭ . ﻭﻭﻭﻭﻭ ﻭﺣﻴﺎﺓ ﻣﺘﺨﻠﺺ .. ﺑﻜﺮ ﻣﺎ ﺷﻔﺘﻪ ﻃﻮﻝ ﺍﻟﻴﻮﻡ ..
ﻭﺍﺟﻪ ﻭﻣﺎ ﺍﻧﺘﺒﻬﺘﻠﻪ ﻭﻻ ﺟﻨﻪ ﻣﻮﺟﻮﺩ .. ﺑﻘﻴﺖ ﺍﺗﻬﺮﺏ ﻣﻨﻪ ﻛﻞ ﻳﻮﻡ .. ﻭﺍﺣﺎﻭﻝ ﻣﺎ ﺍﻗﺼﺮ ﺑﺸﻐﻠﻲ ﻭﺍﺳﻤﻊ ﺍﻟﺤﺠﻲ ﻭﺍﻃﻠﻌﻪ ..
ﻣﺮ ﺷﻬﺮ ﻭﺍﺣﻨﻪ ﻋﻠﻰ ﻧﻔﺲ ﺍﻟﺤﺎﻟﻪ .. ﺍﻫﻠﻲ ﺍﺻﻼ ﻣﺤﺎﻭﻟﻮ ﻳﺘﺼﻠﻮﻥ ﺑﻴﻪ ﻭﻻ ﺣﺘﻰ ﺍﻣﻲ .. ﻛﻠﻬﻢ ﺯﻋﻼﻧﻴﻦ ﻋﻠﻴﻪ ..
ﻭﺑﻜﺮ ﻣﻦ ﺫﻳﺞ ﺍﻟﻠﻴﻠﻪ ﻣﺎ ﺣﺠﻴﺖ ﻭﻳﺎﻩ ﺣﺮﻑ .. ﻭﻫﻮﻩ ﻣﺴﺘﻤﺮ ﺑﺤﻤﺎﻳﺘﻲ ﺷﺤﺪﻩ ﺍﻟﻴﻮﻛﻒ ﺑﻌﻴﻨﻲ ..
ﺑﺲ ﻣﻮ ﻣﺴﺘﺤﻤﻠﻪ ﺣﺘﻰ ﺩﻓﺎﻋﻪ ﻣﺎ ﺍﻋﺮﻑ ﻟﻴﺶ .. ﻟﺤﺪ ﻣﺎ ﻣﺮﻩ ﺟﻨﺖ ﺟﺎﻱ ﺍﻏﺴﻞ ﻣﻮﺍﻋﻴﻦ .. ﺳﻤﻌﺖ ﻋﻤﻮ ﺧﻠﻴﻞ ﺻﺎﺡ ﺭﻧﺎﻭﻱ ﺑﺎﺑﺎ ﻓﺪ ﺳﺘﻜﺎﻥ ﺟﺎﻱ ..
ﻛﺎﻟﺘﻠﻪ ﺗﺄﻣﺮ ﺣﺒﻴﺒﻲ .. ﻭﺍﺟﺖ ﻳﻤﻲ .. ﻟﺰﻣﺘﻨﻲ ﻣﻦ ﺛﻮﺑﻲ ﺑﺘﻌﺠﺮﻑ ﻭﻛﺎﻟﺖ ﺳﻮﻱ ﺟﺎﻱ .. ﻛﺘﻠﻬﺎ ﺍﻟﻤﻮﺍﻋﻴﻦ ﺑﻴﺪﻱ ﻣﺘﺸﻮﻓﻴﻨﻲ ..
ﻛﺎﻟﺖ ﺗﺴﻮﻳﻦ ﻭﻛﻠﻤﻪ ﺯﺍﻳﺪﻩ ﻣﺎ ﺍﺭﻳﺪ ﻣﻔﻬﻮﻡ .. ﻣﺎ ﺭﺩﻳﺖ .. ﻭﻣﺎ ﺳﻮﻳﺖ .. ﻟﺸﻮﻱ ﺻﺎﺡ ﻋﻤﻮ ﺧﻠﻴﻞ ﺭﻧﺎ ﻭﻳﻦ ﺍﻟﺠﺎﻱ ..
ﺍﺟﺘﻨﻲ ﺗﺮﻛﺾ ﻛﺎﻟﺖ ﻣﻮ ﻛﺘﻠﺞ ﺳﻮﻱ ﺍﻟﺠﺎﻱ .. ﻛﺘﻠﻬﺎ ﻭﻣﺘﺴﻮﻳﻪ ﺍﻧﺘﻲ ﻣﻮ ﻛﺘﻠﺞ ﺟﺎﻱ ﺍﻏﺴﻞ ﻣﻮﺍﻋﻴﻦ ..
ﺿﺮﺑﺘﻨﻲ ﺭﺍﺷﺪﻱ ﻭﻟﺰﻣﺘﻨﻲ ﻣﻦ ﺷﻌﺮﻱ ﻭﺗﻐﻠﻂ ﻋﻠﻴﻪ ﻭﺗﺴﺒﻨﻲ .. ﺷﺒﻴﺞ ﺭﻧﺎ ﺩﻭﺧﺮﺭﺭﺭﺭﻱ ﺍﺣﺎﻭﻝ ﺍﻭﺧﺮﻫﺎ ﻣﻦ ﺷﻌﺮﻱ ﻭﻫﻴﻪ ﺗﻐﻠﻂ ﺑﻨﺖ ﺍﻟﺠﺎﻳﻔﻪ
ﻭﺍﻣﺞ ﻫﻴﺞ ﻭﺍﻣﺞ ﻫﻴﺞ .. ﺩﻓﻌﺘﻬﺎ ﺣﻴﻞ ﻭﻭﻛﻌﺘﻬﺎ ﺑﺎﻟﻜﺎﻉ ﻭﻛﺘﻠﻬﺎ ﺍﻣﻲ ﺍﺷﺮﻑ ﻣﻨﺞ ﻭﻣﻦ ﺍﻣﺜﺎﻟﺞ .. ﺧﻞ ﺍﺷﻮﻓﺞ ﺗﺠﻴﺒﻴﻦ ﺳﻴﺮﺗﻬﺎ ﻭﺍﻟﻠﻪ ﺍﻣﻮﺗﺞ ..
ﻛﺎﻟﺖ ﺗﺴﻮﻳﻦ ﻫﻴﺞ .. ﻋﺎﻓﺘﻨﻲ ﻭﺭﻛﺾ ﺗﺒﺠﻲ ﺍﻟﻌﺎﺩﻝ .. ﻛﺎﻟﻬﺎ ﺷﻜﻮ ﻛﺎﻟﺘﻠﻪ ﺳﻤﺮ ﻣﻠﺨﺘﻨﻲ ﻭﺳﺒﺘﻨﻲ ﻭﺗﻐﻠﻂ ﻋﻠﻰ ﺍﻣﻲ
.
ﺍﻧﻲ ﻭﻛﻔﺖ ﻋﻠﺴﻨﻚ ﺭﺟﻌﺖ ﺍﻏﺴﻞ ﻭﻣﺎ ﺍﺣﺲ ﻋﺎﺩﻝ ﺍﻻ ﺟﺮﻧﻲ ﻣﻦ ﺷﻌﺮﻱ ﻟﻠﻜﺎﻉ .. ﺿﺮﺑﻨﻲ .. ﻛﺘﻠﻪ ﻫﺎﻱ ﺷﺒﻴﻚ ﻭﺍﻟﻠﻪ ﻣﺎ ﺣﺎﺟﻴﺘﻬﺎ ﺷﻲ .. .
ﺟﺮﻧﻲ ﺳﺤﻞ ﻣﻦ ﺷﻌﺮﻱ ﻟﻠﻄﺮﻣﻪ ﻭﺩﻓﺮﺍﺕ ﺑﺠﺴﻤﻲ ﻭﻳﻔﺸﺮ ﻭﻳﻐﻠﻂ ﻭﺍﻧﻲ ﺑﺲ ﺍﺑﺠﻲ ﻭﺍﺩﺍﻓﻊ ﻋﻦ ﻧﻔﺴﻲ .. ﻭﻣﺨﻠﻴﻪ ﺍﺩﻳﻪ ﻋﻠﻰ ﺭﺍﺳﻲ
ﺩﻓﺮﻧﻲ ﺩﻓﺮﻩ ﻧﻮﻣﻨﻲ ﻟﻠﻜﺎﻉ . ﺍﻧﻮﺏ ﺩﺍﺱ ﺑﻜﻞ ﻗﻮﺗﻪ ﻋﻠﻰ ﺳﺎﻋﺪ ﺍﻳﺪﻱ .. ﺣﺴﻴﺖ ﺭﻭﺣﻲ ﻃﻠﻌﺖ ﻣﻦ ﺍﻻﻟﻢ ..
ﻛﻤﺖ ﺍﺻﺮﺥ ﺑﻼ ﻭﻋﻲ .. ﻭﺻﻮﺗﻲ ﺻﺪﻭﻙ ﻋﻠﻰ ﺑﺎﻟﺼﻴﺎﺡ .. ﺍﺟﻪ ﺍﺑﻮﻩ ﻫﻢ ﻛﺎﻡ ﻳﻀﺮﺏ ﻭﺍﻣﻪ ﺗﻐﻠﻂ .. ﻭﺍﻟﻠﻪ ﺷﻔﺖ ﺍﻟﻤﻮﺕ ﺑﻴﻦ ﺍﺩﻳﻬﻢ ﻭﻫﻤﻪ ﻳﺘﻨﺎﻭﺑﻮﻥ ﻋﻠﻰ ﻗﺘﻠﻲ ..
ﻟﺤﺪ ﻣﺎ ﺍﺟﻪ ﺑﻜﺮ .. ﻭﺻﺮﺥ ﺑﻴﻬﻢ .. ﻛﻼﺍﺍﺏ ﺳﻜﻂ .. ﻭﺷﺎﻟﻨﻲ ﻭﺩﻓﻌﻨﻲ ﻭﺭﻩ ﺿﻬﺮﻩ .. ﻭﻛﺎﻡ ﻳﻐﻠﻂ ﻭﻳﺴﺐ ﻭﻳﺮﺯﻝ ﺣﺘﻰ ﺍﻣﻪ ﻭﺍﺑﻮﻩ ..
ﺍﻧﻮﺏ ﺍﺟﺎﻩ ﻋﺎﺩﻝ ﻳﺘﻀﺎﺭﺏ ﻭﻳﺎﻩ ﻭﻳﻜﻠﻪ ﻣﻌﻠﻴﻚ ﺍﻧﺘﻪ ﺑﺴﻤﺮ ﻟﻮ ﺍﻣﻮﺗﻬﺎ ﻣﺎ ﺗﺪﺧﻞ ﻣﺮﺗﻲ .. ﺑﻜﺮ ﻣﺜﻞ ﺍﻟﺤﺠﻪ ﺭﺍﺩﻫﺎ ﻭﺍﻧﻬﺪ ﻋﻠﻰ ﻋﺎﺩﻝ ﺑﻮﻛﺴﻴﺎﺕ ﻭﺩﻓﺮﺍﺕ
ﻋﻠﻰ ﻋﻴﻨﻪ ﻋﻠﻰ ﻭﺟﻬﺎ .. ﺍﻧﻲ ﻓﻘﺪﺕ ﻣﻦ ﺍﻻﻟﻢ ﺑﺲ ﺍﺑﺠﻲ ﻭﺍﺻﺮﺥ .. ﻭﺍﻫﻠﻪ ﻳﺤﺎﻭﻟﻮﻥ ﻳﺸﻴﻠﻮﻥ ﺑﻜﺮ ﻣﻦ ﻓﻮﻙ ﻋﺎﺩﻝ ﻣﺎﻛﻮ ..
ﻧﻬﻰ ﻟﺤﺪ ﻣﺎ ﺗﺨﺮﺑﻂ .. ﺍﻣﻪ ﻓﻘﺪﺕ ﻛﺎﻟﺘﻠﻪ ﺗﻤﻮﺕ ﺍﺧﻮﻙ ﻋﻠﻤﻮﺩ ﻫﺎﻱ ﺍﻟﺴﺎﻗﻄﻪ .. ﻛﺎﻟﻠﻬﺎ ﻣﺎﻛﻮ ﻏﻴﺮﻛﻢ ﺳﻜﻂ ﻭﻧﻌﻠﻠﻠﻞ ..
ﺟﺮ ﺍﻳﺪﻱ ﻭﻣﺸﺎ ﺑﺲ ﻣﺘﺖ ﻣﻦ ﺟﺮﻫﺎ ﻛﻤﺖ ﺍﺻﺮﺥ ﺑﺎﻟﺰﺍﻳﺪ .. ﺩﺍﺭ ﻭﺟﻬﺎ .. ﻛﺎﻝ ﺍﻳﺪﺝ ﺗﺄﺫﻳﺞ .. ﺍﻧﻲ ﻳﺎ ﻣﺄﺫﻳﺘﻨﻲ ﺭﻭﺣﻲ ﻓﺮﻓﺤﺖ ﻣﻦ ﺍﻻﻟﻢ ..
ﺟﺮ ﻋﺒﺎﻳﻪ ﺍﻣﻪ ﻋﻠﺪﺭﺝ ﻭﻛﺎﻝ ﺍﻣﺸﻲ .. ﻟﺰﻣﺘﻪ ﺍﻣﻪ .. ﻛﺎﻟﺘﻠﻪ ﻋﺎﺩﻝ ﻣﺎ ﻳﺼﺤﻰ ﻛﻮﻡ ﺷﻮﻓﻪ ﺧﺎﻑ ﻣﺎﺕ ﻛﺎﻟﻠﻬﺎ ﻋﺴﺎﻩ ﻭﻭﺧﺮ ﺍﻣﻪ ..
ﻭﺍﺧﺬﻧﻲ ﻭﺻﻌﺪﻧﻲ ﺑﺎﻟﺴﻴﺎﺭﻩ .. ﺍﻧﻲ ﻣﻮ ﻭﺍﻋﻴﻪ ﻋﻠﻰ ﺷﻲ ﻣﻦ ﺍﻻﻟﻢ .. ﺷﻠﻮﻥ ﺍﺧﺬﻧﻲ ﺷﻠﻮﻥ ﻭﺻﻠﺖ ﻟﻠﻤﺴﺘﺸﻔﻰ ﻛﻮﻟﺸﻲ ﻣﺎ ﺷﻔﺖ ﻣﻦ ﺷﺪﺓ ﺍﻻﻟﻢ ..
ﺩﺧﻠﻮﻧﻲ .. ﻛﺎﻟﻮﻟﻪ ﻋﺪﻫﺎ ﻛﺴﺮ ﺑﺎﻟﺴﺎﻋﺪ .. ﻻﺯﻡ ﻧﻜﺒﺴﻬﺎ ﻓﻮﺭﺍ . ﺍﻭﻭﻑ ﻛﺒﺴﻮﻟﻴﺎﺍ ﻟﻮ ﺣﺴﻴﺖ ﺭﻭﺣﻲ ﻃﻠﻌﺖ .
ﻭﺑﻜﺮ ﻻﺯﻡ ﻭﺟﻬﻲ ﻭﻳﻜﻮﻟﻲ ﻫﺎﻧﺖ ﺳﻤﺮ ﺍﺗﺤﻤﻠﻲ ﺷﻮﻱ ﺑﺲ ﺷﻮﻱ . ﻭﺍﻧﻲ ﺍﺿﺮﺏ ﺑﺮﺟﻠﻲ ﻣﻦ ﺍﻟﻢ ..
ﻛﻤﻠﺖ .. ﺍﺧﺬﻧﻲ ﻭﻣﺸﺎﻧﻲ ﻟﻠﺴﻴﺎﺭﻩ .. ﺍﺣﺲ ﺗﺨﺪﺭﺕ .. ﻛﻌﺪﺕ .. ﺍﺗﺤﺮﻙ .. ﺑﻌﺪ ﻣﺎ ﺣﺴﻴﺖ ﻋﻠﺪﻧﻴﺎ ﻧﻤﺖ .. ﻟﻴﻮﻳﻴﻴﻦ ﻛﻌﺪﺕ ..
ﻟﻜﻴﺘﻪ ﻣﻄﻔﻲ ﺍﻟﺴﻴﺎﺭﻩ ﻭﻏﺎﻓﻲ .. ﺍﺑﺎﻭﻉ ﺍﻳﺪﻱ ﺷﺎﺩﻳﻬﺎ ﺑﺮﻛﺒﺘﻲ .. ﻭﺑﻴﻬﺎ ﺍﻟﻢ ﻳﻜﺘﻞ .. ﻣﺪﻳﺖ ﺍﻳﺪﻱ ﻋﻠﻰ ﺭﺟﻠﻪ ..
ﻓﺰ .. ﻛﺎﻝ ﻫﺎﺍ ﺷﻠﻮﻥ ﺻﺮﺗﻲ .. ﻛﺘﻠﻪ ﻟﻴﺶ ﻣﺒﻘﻴﻨﻪ ﻫﻨﺎ .. ﺭﺟﻌﻨﻪ ﻟﻠﺒﻴﺖ .. ﻛﺎﻝ ﺷﻔﺘﺞ ﻧﻤﺘﻲ ﻭﻣﺎ ﺭﺩﺕ ﺍﺻﺤﻴﺞ ﺧﻔﺖ ﺗﻜﻌﺪﻳﻦ ..
ﻛﻠﺖ ﻣﻦ ﺗﻜﻌﺪ ﺍﻭﺩﻳﻬﺎ ﻟﻠﺒﻴﺖ .. ﻛﺘﻠﻪ ﺭﺟﻌﻨﻲ .. ﻛﺎﻝ ﻣﺎﺷﻲ .. ﻣﺸﻴﻨﺎ ﻟﻠﺒﻴﺖ .. ﻭﺻﻠﺖ .. ﻛﺎﻝ ﺭﺍﺡ ﺍﺩﺧﻠﺞ ﻏﺮﻓﺘﻲ .. ﻭﺍﻧﻲ ﺍﻧﺎﻡ ﺑﺼﺎﻟﻪ ..
ﺩﺧﻠﻨﻲ ﻟﻐﺮﻓﺘﻪ .. ﻛﺎﻝ ﻟﺘﺸﻐﻠﻴﻦ ﺍﻟﻤﻜﻴﻒ .. ﺗﺮﻯ ﻣﻮﺯﻳﻦ ﻋﻠﻴﺞ .. ﺍﻟﺒﺮﺩ ﻳﻜﻮﻡ ﻳﺼﻞ ﻋﻠﻌﻈﻢ .. ﻫﺰﻳﺘﻠﻪ ﺍﻱ ..
ﺟﺎﺏ ﺍﻟﻌﻼﺝ ﻭﺍﻟﻤﺴﻜﻦ ﺍﻟﻢ .. ﻛﺎﻝ ﺍﺷﺮﺑﻲ ﻋﻠﻤﻮﺩ ﺗﻨﺎﻣﻴﻦ ﻭﻣﺘﺤﺴﻴﻦ ﺑﺸﻲ ..
ﺍﺧﺬﺕ ﺍﻟﻌﻼﺝ ﻭﻧﻤﺖ .. ﻛﻌﺪﺕ ﺍﻟﻌﺼﺮ .. ﻋﻠﻰ ﺻﻮﺕ ﺑﻜﺮ ﻭﻫﻮﻩ ﻳﻄﻠﻊ ﻣﻼﺑﺲ ﻣﻦ ﺍﻟﻜﻨﺘﻮﺭ ..
ﻛﺘﻠﻪ ﻭﻳﻦ ﻋﺎﺩﻝ .. ﻛﺎﻝ ﺑﺠﻬﻨﻢ ﺍﻧﺸﺎﻟﻠﻪ ﺷﺘﺮﺩﻳﻦ ﻣﻨﻪ .. ﻛﺘﻠﻪ ﺷﻠﻮﻧﻪ .. ﻛﺎﻝ ﻣﺜﻞ ﺍﻟﺤﺼﺎﻥ ﺫﺍﻙ ﺟﺎﻱ ﻳﺎﻛﻞ ..
....
ﻛﻤﺖ ﻣﻦ ﻋﻨﺪﻩ .. ﻛﺎﻝ ﺳﻤﺮ ﻻ ﺍﻃﻠﻌﻴﻦ .. ﻛﻜﺘﻠﻪ ﺍﺷﻜﺮﻙ ﺑﻜﺮ ﺟﺪ ﻣﺎ ﻗﺼﺮﺕ .. ﻭﺣﻤﻴﺘﻨﻲ ﻭﻭﻛﻔﺘﻠﻲ ﻭﻛﻔﻪ ﺍﻻﺥ ﻣﻴﻮﻛﻔﻬﺎ ..
ﻛﺎﻝ ﺳﻤﺮ .. ﺍﺭﺟﻌﻲ .. ﺍﺑﺘﺴﻤﺖ ﻭﻃﻠﻌﺖ .. ﺭﺣﺖ ﻟﻠﻐﺮﻓﻪ .. ﺩﺧﻠﺖ ﺷﻔﺖ ﻭﺟﻪ ﻋﺎﺩﻝ ﺧﻔﺖ .. ﻣﺴﻮﻱ ﺧﺮﺍﻳﻂ ..
ﻭﺟﻪ ﺻﺎﻳﺮ ﺑﻨﻔﺴﺠﻲ ﻣﻦ ﻛﺪ ﺍﻟﻀﺮﺏ .. ﺍﺗﻘﺮﺑﺖ ﻳﻤﻪ .. ﻛﺎﻝ ﻣﺎ ﺍﺭﻳﺪ ﺍﺷﻮﻑ ﻭﺟﻬﺞ ﻭﻟﻲ ﻣﻨﻲ ..
ﻛﺘﻠﻪ ﺍﻧﻄﻴﻨﻲ ﺫﻧﺒﻲ ﺷﻨﻮ ﻭﺗﻌﺎﻣﻠﻨﻲ ﻫﻴﺞ .. ﻛﺎﻝ ﻣﺎ ﺍﺭﻳﺪﺝ ﻛﻮﻩ ﻫﻴﻪ ﻛﻮﻩ ﻣﺎ ﺍﺣﺒﺞ .. ﻭﺧﺮﻱ ﻣﻨﻲ ﻻ ﺗﺨﻠﻴﻨﻲ ﺍﻛﺴﺮ ﺍﻳﺪﺝ ﺍﻟﺜﺎﻧﻴﻪ ﻭﺍﻟﻠﻪ ..
ﺍﺑﺘﻌﺪﺕ ﻣﻨﻪ ﻭﺭﺣﺖ ﻟﻠﺴﺮﻳﺮ .. ﺳﻤﻌﺖ ﻋﻤﺘﻲ ﺗﺘﺼﺎﻳﺦ ﻭﻳﻪ ﺑﻜﺮ .. ﺗﻜﻠﻪ ﺍﺭﻳﺪ ﻓﻠﻮﺱ ﺍﺗﺴﻮﻙ .. ﻛﺎﻟﻠﻬﺎ ﻣﺎﻛﻮ ﻭﻣﻦ ﺍﻟﻴﻮﻡ ﻭﺭﺍﻳﺢ ..
ﻓﻠﺲ ﺍﺣﻤﺮ ﻣﺎ ﺍﻟﻜﻢ ﻳﻤﻲ .. ﻛﺎﻟﺘﻠﻪ ﺷﻠﻮﻭﻥ ﻧﻤﻮﺕ ﻣﻦ ﺍﻟﺠﻮﻉ .. ﻛﺎﻟﻠﻬﺎ ﻭﻳﻀﺮﺑﻜﻢ ﻭﺟﻊ .. ﺷﻠﻲ ﺍﻧﻲ ﺑﻴﻜﻢ .. ﻛﺎﻟﺘﻠﻪ ﺍﻣﻚ ﺍﻧﻲ ﺧﺎﻑ ﺍﻟﻠﻪ ﺑﻜﺮ ..
ﻛﺎﻟﻠﻠﻬﺎ ﻣﻦ ﺗﻨﺎﻭﺑﺘﻮ ﺍﻟﺒﺎﺭﺣﻪ ﻋﻠﻰ ﻫﻠﻤﺴﻜﻴﻨﻪ ﻣﺎ ﺧﻔﺘﻲ ﺍﻟﻠﻪ .. ﻣﻮ ﺑﻨﺖ ﺍﺧﻮﺝ ﻫﺎﻱ .. ﺑﺴﺎﻉ ﻧﺴﻴﺘﻲ ﺍﻟﺪﻡ ﺍﻟﺒﻴﻨﻜﻢ .. ﺷﺴﻮﺕ ..
ﻛﺎﻟﺘﻠﻪ ﻭﻋﻠﻤﻮﺩ ﺳﻤﺮ ﺍﻧﺘﻪ ﻏﺎﺿﺐ ﻋﻠﻴﻨﻪ .. ﻣﺎ ﺣﺠﻪ ﻭﻳﺎﻫﺎ ﻭﺭﺍﺡ .. ﺍﻧﻲ ﻧﺎﻳﻤﻪ ﻋﻠﺴﺮﻳﺮ ﻭﺍﺳﺘﻤﻌﻠﻬﻢ ﻭﺍﻟﻐﺮﻓﻪ ﺻﻨﻄﻪ ..
ﺑﺲ ﻋﺎﺩﻝ ﻳﻠﻌﺐ ﺑﺘﻠﻴﻔﻮﻧﻪ .. ﺩﺧﻠﺖ ﻋﻤﺘﻲ ﻋﻠﻰ ﻋﺎﺩﻝ ﻣﺎ ﺗﺪﺭﻱ ﺍﻧﻲ ﻫﻨﺎ ﺑﺎﻟﻐﺮﻓﻪ .. ﻻﻥ ﻧﺎﻳﻤﻪ ﻭﺍﻟﺪﻭﺷﻚ ﺳﺒﺮﻧﻚ ﻭﻣﺘﻐﻄﻴﻪ ﻏﺎﻳﺼﻪ ﺟﻮﻩ ﻣﻤﺒﻴﻨﻪ ..
ﻃﺒﺖ ﻭ ﻛﺎﻟﺖ ﺍﻟﻠﻪ ﻻ ﻳﻨﻄﻴﻬﺎ ﺍﻧﺸﺎﻟﻠﻪ ﻓﺮﺕ ﺭﺍﺳﻪ ﻋﻠﻴﻨﻪ ..
ﺍﻟﻠﻪ ﻳﻔﺮﻫﺎ ﻛﻮﻥ .. ﻛﺎﻟﻠﻬﺎ ﻋﺎﺩﻝ ﺷﻜﻮ .. ﻛﺎﻟﺘﻠﻪ ﺍﺭﻳﺪ ﻓﻠﻮﺱ ﻛﺎﻟﻠﻬﺎ ﻭﺍﻧﻲ ﻣﻨﻴﻠﻲ .. ﻣﺘﺸﻮﻓﻴﻨﻲ ﻛﺎﻋﺪ .. ﺭﺑﻊ ﻣﺎ ﻋﻨﺪﻱ ..
ﻛﺎﻟﺘﻠﻪ ﺷﻠﻮﻥ ﺑﻠﻪ ﺑﺲ ﻣﺴﻤﻴﻜﻢ ﻋﻠﻴﻪ ﻭﻟﺪ .. ﻭﻟﻜﻢ ﺍﻟﺒﻴﺖ ﻓﺎﺭﻍ ﺍﺭﻳﺪ ﻣﺴﻮﺍﻙ ﺗﺤﺠﻮﻥ ﺻﺪﻙ ..
ﻛﺎﻟﻠﻬﺎ ﻳﻤﻪ ﻭﺍﻟﻠﻪ ﻣﺎﻋﻨﺪﻱ ﺷﺴﻮﻱ .. ﻗﺎﺑﻞ ﻟﻜﻴﺖ ﺗﻌﻴﻴﻦ ﻭﻣﺎ ﺗﻌﻴﻨﺖ .. ﻛﺎﻟﺖ ﺷﺪﻋﻲ ﻋﻠﻴﺞ ﺳﻤﺮ ﻋﺴﺎﺝ ﺑﺴﺮﻃﺎﻥ ﺍﻧﺸﺎﻟﻠﻪ ..
ﻛﺎﻟﻬﺎ ﻳﻤﻪ ﻻ ﺗﺼﻴﺤﻴﻦ ﻋﻠﻰ ﺭﺍﺳﻲ ﺗﺮﺩﻳﻦ ﺳﻤﺮ ﺫﻳﻴﻴﺞ ﻧﺎﻳﻤﻪ ﻭﺭﻭﺣﻲ ﺍﺣﺠﻲ ﻭﻳﺎﻫﺎ ﻻ ﺍﺩﻭﺧﻴﻨﻲ ..
ﺍﺟﺖ ﻋﻠﻴﻪ ﺍﻧﻲ ﺳﻮﻳﺖ ﻧﻔﺴﻲ ﻧﺎﻳﻤﻪ .. ﺷﺎﻟﺖ ﺍﻟﻐﻄﺎ ﻭﺿﺮﺑﺘﻨﻲ ﻋﻠﻰ ﺍﻳﺪﻱ ﺍﻟﻤﻜﺴﻮﺭﻩ .. ﻭﻛﺎﻟﺖ ﻛﻮﻣﻲ ﻳﻠﻤﺴﻌﺪﻩ ﻛﻮﻣﻲ ..
ﺻﺤﺖ ﻣﻦ ﺍﻻﻟﻢ ﺍﺧﺨﺦ ﻭﻛﻤﺰﺕ .. ﻛﺘﻠﻬﺎ ﻫﺎ ﻋﻤﻪ .. ﻛﺎﻟﺖ ﻣﻦ ﻋﻤﻪ ﺍﻟﻌﻤﺎﺝ ﻭﻣﻮﺕ ﺍﻟﻔﺎﺝ ﻭﺍﺧﻠﺺ . ﻣﻨﺞ ..
ﻧﺎﻳﻤﻪ ﻭﻫﺎﺟﻤﻪ ﺍﻟﺒﻴﺖ ﻓﻮﻙ ﺭﺍﺳﻲ .. ﻛﺘﻠﻬﺎ ﺷﺴﻮﻳﺖ .. ﻛﺎﻟﺖ ﻻﺍ ﻣﻤﺴﻮﻳﻪ ﺑﺲ ﻻﻋﺒﻪ ﺑﻌﻘﻞ ﻫﻼﻏﺒﺮ ﻋﻠﻴﻪ .
ﻛﺘﻠﻬﺎ ﻭﺍﻟﻠﻪ ﻻ ﺣﺎﺟﻴﻪ ﻭﻳﻪ ﺍﺣﺪ ﻭﻻ ﻣﺘﻘﺮﺑﻪ ﻳﻢ ﺍﺣﺪ .. ﻋﻤﻪ ﺍﻟﻠﻪ ﻳﺨﻠﻴﺞ ﺧﻠﺼﻴﻨﻲ ﺑﺲ ﺍﻟﻢ ﺍﻳﺪﻱ ﻛﺎﻓﻲ ﻋﻠﻴﻪ ..
ﻛﺎﻟﺖ ﻛﻮﻣﻲ ﺑﻨﺖ ﺍﻟﺠﺎﻳﻔﻪ ﻛﻮﻣﻲ .. ﺗﺮﺣﻴﻦ ﺑﺴﺎﻉ ﻋﻠﻰ ﻫﺬﺍ ﺍﻟﻨﺬﻝ ﺍﺑﻨﻲ .. ﺗﻘﻨﻌﻴﻪ ﻳﻨﻄﻴﻨﻲ ﻓﻠﻮﺱ ﺍﺗﺴﻮﻙ ..
ﻛﺘﻠﻬﺎ ﻭﺍﻧﻲ ﺷﻠﻮﻥ ﺍﻗﻨﻌﻪ .. ﻭﻣﻨﻮ ﺍﻧﻲ ﻭﻳﺎﺧﺬ ﻣﻨﻲ ﺑﻜﺮ ﻭﻳﻘﺘﻨﻊ .. ﻛﺎﻟﺖ ﻻ ﺗﺘﻤﺴﻜﻨﻴﻦ ..
ﺍﻣﺞ ﺍﻟﺒﺎﻛﺖ ﻓﺮﺣﺎﻥ ﻭﺷﺮﺩﺕ ﺑﻴﻪ ﻟﺒﻐﺪﺍﺩ ﻟﻮ ﻏﻴﺮﻫﺎ .. ﺑﺘﻬﺎ ﻧﻔﺲ ﺍﻟﻄﻴﻨﻪ .. ﻛﺘﻠﻬﺎ .. ﻋﻤﻪ ﺷﻨﻮ ﻫﻠﺤﺠﻲ ﻗﺎﺑﻞ ﺷﻌﻨﺪﻱ ﻭﻳﻪ ﺑﻜﺮ ﺍﻧﻲ
......
ﺣﺮﺍﻡ ﻋﻠﻴﺞ ﻫﻠﻜﻼﻡ .. ﺻﺎﺡ ﻋﺎﺩﻝ ﺑﺪﻭﻥ ﻟﻐﻮﻩ ﺭﻭﺣﻲ ﺍﻃﻠﺒﻲ ﻣﻦ ﺑﻜﺮ ﻣﺴﻮﺍﻙ ﻭﺑﻼ ﻣﺎ ﺗﺮﺍﺩﺩﻳﻦ ﻻ ﺍﺳﺤﻠﺞ ﻭﻣﺤﻤﺪ ..
ﻛﻤﺖ ﻭﺑﻜﻠﺒﻲ ﺍﻛﻠﻪ ﻣﻦ ﺷﺎﻟﻚ ﻣﺤﻤﺪ ﺍﻧﺸﺎﻟﻠﻪ .. ﺭﺟﺎﻝ ﺑﻼ ﻏﻴﺮﻩ ﻳﺒﻴﻊ ﻣﺮﺗﻪ ﻋﻠﻤﻮﺩ ﺍﻟﻔﻠﻮﺱ ..
ﺭﺣﺖ ﻟﻐﺮﻓﺔ ﺑﻜﺮ ﺩﻛﻴﺖ ﺍﻟﺒﺎﺏ .. ﻓﺘﺤﻬﺎ ﺑﻜﺮ .. ﻭﻃﺐ .. ﺩﺧﻠﺖ ﺍﻟﻐﺮﻓﺘﻪ .. ﻛﺎﻋﺪ ﻳﺸﺘﻐﻞ ﻋﻠﻜﻮﻣﺒﻴﻮﺗﺮ ..
ﻛﺘﻠﻪ ﺑﻜﺮ ﻣﺴﻮﺍﻙ ﻣﺎ ﻋﺪﻧﻪ ﻳﺎﺭﻳﺖ ﺗﻨﻄﻲ ﻟﻌﻤﺘﻲ ﺗﺘﺴﻮﻙ ..
ﺷﺎﻝ ﺭﺍﺳﻪ .. ﻭﺑﺎﻭﻋﻠﻲ ﺑﺠﻤﻮﺩ .. ﻭﺍﻧﺘﻲ ﺷﻜﻮ .. ﻣﻮ ﺍﻳﺪﺝ ﻣﻜﺴﻮﺭﻩ .. ﻛﺘﻠﻪ ﺍﻱ ﻣﻜﺴﻮﺭﻩ ﺧﻮ ﻣﺎ ﻧﺎﻛﻞ .. ﺍﻟﺜﻼﺟﻪ ﻓﺎﺭﻏﻪ ..
ﺭﺟﻊ ﻳﻜﺘﺐ ﻋﻠﻜﻴﺒﻮﺭﺩ ﻭﻳﺤﺠﻲ .. ﻛﺎﻝ ﻫﺎﻱ ﺳﻮﺍﻟﻒ ﺍﻣﻲ ﻣﻮﻭﻭ .. ﻛﺘﻠﻪ ﺑﻜﺮ ﺍﻟﻠﻪ ﻳﺨﻠﻴﻚ ﺗﻌﺒﺖ ﻭﺍﻟﻠﻪ ﻣﺎ ﺑﻌﺪ ﺑﻴﻪ ﺣﻴﻞ ..
ﻓﻜﻮ ﻋﻨﻲ .. ﺿﺮﺏ ﻋﻠﻜﻴﺒﻮﺭﺩ .. ﻭﻛﺎﻝ ﺳﻤﺮ ﺷﺒﻴﺞ .. ﻣﻌﻠﻴﺞ ﺑﻴﻬﻢ .. ﻛﺘﻠﺞ ﻧﺎﻣﻲ ﻭﻟﺘﻬﺘﻤﻴﻠﻬﻢ ..
ﻛﺘﻠﻪ ﺷﻨﺎﻡ .. ﻟﺨﺎﻃﺮ ﺍﻟﻠﻪ .. ﻋﻤﺘﻲ ﻭﻋﺎﺩﻝ ﻣﺤﻤﻠﻴﻨﻲ ﺫﻧﺒﻚ .. ﻛﺎﻝ ﺍﻱ ﺫﻧﺐ .. ﻛﺘﻠﻪ ﻳﺼﻴﺤﻮﻥ ﻣﻦ ﻭﺭﺍﺝ ﻣﺎ ﻳﻨﻄﻲ ﻣﺼﺮﻑ ..
ﺍﻟﻜﺮﺳﻲ ﻣﺎﻟﺘﻪ ﺩﻭﺍﺭ .. ﺩﺍﺭ ﺍﻟﻲ ﺑﺴﺮﻋﻪ ﻭﺑﺎﻭﻋﻠﻲ .. ﻛﺎﻝ ﻣﺎﻟﺞ ﺷﻐﻞ ﺑﻴﻬﻢ .. ﻭﺍﻟﻴﺄﺫﻳﺞ ﺑﺲ ﺍﻧﻄﻴﻨﻲ ﺍﺳﻤﻪ ..
ﻛﺘﻠﻪ ﺑﻜﺮ ﻻ ﺍﻧﻄﻴﻚ ﻭﻻ ﺗﻨﻄﻴﻨﻲ .. ﻓﺪﻭﻩ ﺍﻟﻌﻴﻨﻚ ﺧﻠﺼﻨﻲ ﻭﺍﺗﺴﻮﻙ .. ﻫﺰ ﺭﺍﺳﻪ ﻭﻛﺎﻝ ﺍﻧﺸﺎﻟﻠﻪ .. ﺑﺲ ﺍﺭﺗﺎﺣﻲ ..
ﻛﻤﺖ .. ﻛﺎﻝ ﻭﻳﻦ ﺧﻠﻴﺞ ﻛﺎﻋﺪﻩ .. ﻛﺘﻠﻪ ﺭﺍﺳﻲ ﻃﺒﻞ ﺍﺭﻳﺪ ﺍﺭﻭﺡ ﺍﺗﻤﺪﺩ .. ﻛﺎﻝ ﺍﺧﺬﻱ ﻋﻼﺟﺞ ﻣﻮ ﺗﻨﺴﻴﻦ .. ﻛﺘﻠﻪ ﻣﺎﺷﻲ ﻭﻃﻠﻌﺖ ..
ﻻﻛﻴﺖ ﻋﻤﺘﻲ .. ﻛﺎﻟﺖ ﻫﺎﺍﺍ .. ﻛﺘﻠﻬﺎ ﻳﻜﻮﻝ ﻫﺴﻪ ﺭﺍﺡ ﺍﺗﺴﻮﻙ .. ﻭﻣﺸﻴﺖ .. ﺻﺎﺣﺖ .. ﺷﻮﻭﻑ ﺑﻴﺪﻫﺎ ﺗﻜﻠﺒﻪ ﻭﺑﻴﺪﻫﺎ ﺗﺮﺟﻌﻪ ..
ﻭﻟﺪﻱ ﻭﺻﺎﺭﻭ ﺧﺮﻙ ﺑﻴﺪ ﺑﺖ ﺭﺟﺎﺀ .. ﺩﺧﻠﺖ ﻟﻠﻐﺮﻓﻪ .. ﻋﺎﺩﻝ ﻛﺎﻝ ﻫﺎﺍ .. ﻛﺘﻠﻬﺎ ﺷﻬﺎﺍﺍ .. ﻛﺎﻝ ﻫﺴﻪ ﺍﺗﺴﻮﻙ ..
ﺿﺤﻚ ﻭﺩﺍﺭ ﻭﺟﻬﺎ .. ﻛﺘﻠﻪ ﺍﻧﺘﻪ ﻣﻮ ﻫﺎﻣﻚ ﺍﻣﺮﻱ .. ﺣﺮﻙ ﺣﺎﺟﺒﻪ ﻭﻛﺎﻝ ﺑﺎﻟﻤﺮﻩ .. ﻛﺘﻠﻪ ﻟﻴﺶ .. ﻛﺎﻝ ﻣﺎ ﺍﺣﺒﺞ ﻭﻣﺎ ﺍﺭﻳﺪﺝ ﻳﺎﺭﻳﺖ ﺗﻔﺘﻬﻤﻴﻦ ﻫﻠﺸﻲ ..
ﻭﻛﺘﻠﻪ ﻋﺸﻨﻮ ﻣﺒﻘﻴﻨﻲ ﻫﻨﺎ .. ﻛﺎﻝ ﺷﻌﻠﻴﻪ ﺍﻧﻲ ﺍﺗﻔﻘﺖ ﻭﻳﻪ ﺑﻜﺮ ﻟﻮ ﺳﺘﺮﺕ ﻋﻠﻴﺞ ﻭﻣﺎ ﺍﻧﻄﻴﺘﺞ ﻻﺑﻮﺝ ﻳﺬﺑﺤﺞ ﻳﻨﻄﻴﻨﻲ 10 ﻣﻼﻳﻴﻦ ﺍﺗﺰﻭﺝ ﺑﻴﻬﻦ ﺣﻨﻴﻦ ..
ﻛﺘﻠﻪ ﺑﺴﺲ .. ﻛﺎﻝ ﺍﻱ .. ﻛﺘﻠﻪ ﻣﺎ ﺍﺭﻳﺪ ﺗﺴﺘﺮﻧﻲ ﻭﻻ ﺍﺭﻳﺪ ﺍﺑﻘﻰ ﻋﻨﺪﻙ .. ﻛﺎﻝ ﻋﺴﺎﺝ ﺍﻧﺸﺎﻟﻠﻪ ﺷﻨﻮ ﻣﻴﺖ ﻋﻠﻴﺞ ..
ﺩﺭﺗﻠﻪ ﻭﺟﻬﻲ ﺑﻴﺌﺲ .. ﻭﺭﺟﻌﺖ ﻃﻠﻌﺖ ﺟﻨﻄﻪ ﻟﻤﻴﺖ ﻣﻼﺑﺴﻲ ﺑﻴﻬﺎ ﻭﻛﺘﻠﻪ ﺍﺭﻳﺪ ﺍﺭﻭﺡ ﻻﻫﻠﻲ .. ﻛﺎﻝ ﻋﺴﺎﺝ ﻻ ﺗﺮﺟﻌﻴﻦ ﺷﺴﻮﻳﻠﺞ ..
ﻛﺘﻠﻪ ﻛﻮﻡ ﻭﺩﻳﻨﻲ .. ﻛﺎﻝ ﻳﻠﻪ ﺍﻣﺸﻲ .. ﺩﻧﻄﻠﻊ .. ﻃﻠﻊ ﺑﻜﺮ ﻛﺎﻝ ﻫﺎ ﻭﻳﻦ .. ﻛﺘﻠﻪ ﺍﺫﺍ ﺭﺟﻠﻲ ﻣﻴﺮﻳﺪﻧﻲ ﺷﻌﻨﺪﻱ ﻫﻨﺎ ..
ﺍﺭﻭﺡ ﻻﻫﻠﻲ ﺍﺣﺴﻨﻠﻲ .. ﺩﺍﺭ ﻭﺟﻬﺎ ﺍﻟﻌﺎﺩﻝ .. ﻛﺎﻟﻪ ﺍﻧﻲ ﺷﺘﻔﻘﺖ ﻭﻳﺎﻙ .. ﻛﺎﻟﻪ ﺷﺴﻮﻳﻠﻬﺎ ﺍﺟﻠﺐ ﺑﺮﺟﻠﻴﻬﺎ ﻣﺎ ﺗﺮﻳﺪ ﺗﺒﻘﻰ .. ﺧﺘﺮﻭﺡ
ﻛﺎﻟﻪ ﻋﻮﻓﻬﺎ ﺍﻧﻲ ﺍﻭﺩﻳﻬﺎ .. ﻛﺎﻟﻪ ﺧﻔﺘﺎ ﻭﺭﺍﺣﻪ .. ﻋﺎﻓﻨﻪ ﻭﻣﺸﺎ .. ﻛﺎﻝ ﺳﻤﺮ ﺷﺒﻴﺞ ﻛﻮﻟﻲ ﻳﺎ ﺍﻟﻠﻪ ﻭﺍﺭﺟﻌﻲ ..
ﻛﺘﻠﻪ ﺑﻜﺮ ﻭﺩﻳﻨﻲ ﻟﺨﺎﻃﺮ ﺍﻟﻠﻪ .. ﻛﺎﻝ ﺳﻤﺮ ﻳﺄﺫﻭﺝ .. ﻛﺘﻠﻪ ﻟﻴﺶ ﺍﻧﻲ ﻫﻨﺎ ﻣﻤﺘﺄﺫﻳﻪ .. ﻣﺘﺸﻮﻑ ﺣﺎﻟﺘﻲ ﺷﻠﻮﻧﻬﺎ .. ﻭﺟﻬﻲ ﻣﻮﺭﻡ ..
.. .. ..
ﺍﻳﺪﻱ ﻣﻜﺴﻮﺭﻩ ﺭﺟﻠﻲ ﺗﺄﺫﻳﻨﻲ .. ﻳﻌﻨﻲ ﺷﻴﺴﻮﻥ ﺑﻴﻪ ﺍﻛﺜﺮ .. ﻛﺎﻝ ﻭﺍﻟﻠﻪ ﻳﺰﻳﺪﻭﻫﺎ ﻋﻠﻴﺞ .. ﺍﺑﻘﻲ ﺍﺗﺤﻤﻠﻲ ﻭﺍﻟﻠﻪ ﻣﺎ ﺍﺧﻠﻲ ﺍﺣﺪ ﻳﻤﺴﺞ ..
ﺟﺎﻥ ﺗﻄﻠﻊ ﺍﻣﻪ ﺗﻜﻠﻪ ﻭﺩﻫﺎ ﻭﺩﻫﺎ .. ﺧﻠﻨﺨﻠﺺ ﻋﺴﺎ ﺩﺭﺏ ﺍﻟﺴﺪ ﻻ ﺭﺩ ﺍﻧﺸﺎﻟﻠﻪ .. ﻛﺘﻠﻪ ﺑﻜﺮ ﺍﻣﺸﻲ ﻓﺪﻭﻩ ..
ﻃﻠﻌﻨﻪ ﺟﺎﻥ ﺗﺼﻴﺢ ﻭﺭﺍﻩ ﺑﻜﺮ .. ﻻ ﺗﻨﺴﺎ ﺗﺘﺴﻮﻙ ﻟﻠﻌﺸﺎ ﺗﺮﻩ ﻣﺎ ﻋﺪﻧﻪ ﺷﻲ .. ﻣﺎ ﺭﺩ ﻋﻠﻴﻬﺎ ﻭﻃﻠﻊ ﺭﻛﺐ ﺍﻟﺴﻴﺎﺭﻩ ﻭﻣﺸﻰ ..
ﺩﺍﺭ ﻭﺟﻬﻪ ﻋﻠﻴﻪ .. ﻛﺎﻝ ﻟﻴﺶ ﺗﺘﺨﺒﻠﻴﻦ ﻭﺍﻟﻠﻪ ﻣﻴﺮﺣﻤﻮﺝ .. ﻛﺘﻠﻪ ﺑﻜﺮ ﻳﻀﺮﺑﻮﻧﻲ ﻭﻳﺄﺫﻭﻧﻲ ﻳﻮﻡ ﻳﻮﻣﻴﻦ ﻭﺗﺎﻟﻲ ﻳﺴﻜﺘﻮﻥ ..
ﺍﻧﻲ ﻣﺎ ﻏﻠﻄﺖ ﻭﻻ ﺟﺮﻣﺖ .. ﺍﺫﺍ ﺟﺮﻣﺖ ﺑﺸﻲ ﻓﺠﺮﻣﺖ ﺑﺤﻖ ﻧﻔﺴﻲ ﻣﻮ ﺑﺤﻖ ﺍﺣﺪ .. ﻛﺎﻝ ﻣﺮﺍﺡ ﻳﻔﺘﻬﻤﻮﻥ ﻫﺬﺍ ﺍﻟﻜﻼﻡ ﺳﻤﺮ ..
ﻭﺻﻠﻨﻪ ﻟﻠﺒﻴﺖ .. ﻛﺎﻝ ﻣﺎﻛﻮ ﻣﻨﺞ ﺍﻣﻞ .. ﺑﺎﻭﻋﺘﻠﻪ ﻛﺘﻠﻪ ﺑﻜﺮ ﺗﻌﺒﺖ .. ﻛﺎﻝ ﺍﻋﺮﻑ ﺑﺲ ﻭﺍﻟﻠﻪ ﺍﺯﻣﻪ ﻭﺗﻌﺪﻱ ..
ﺍﻧﻲ ﺍﻋﺮﻑ ﺷﻠﻮﻥ ﺍﺧﻠﻴﻬﻢ ﻳﻠﺰﻣﻮﻥ ﺣﺪﻭﺩﻫﻢ ﻭﻳﺎﺝ .. ﻛﺘﻠﻪ ﻣﺸﻜﻮﺭ ﻭﻣﺘﻘﺼﺮ .. ﺍﺻﻼ ﺧﺠﻼﻧﻪ ﻣﻨﻚ ﺑﻜﺪ ﻣﺎ ﺳﺒﺒﺘﻠﻚ ﺍﺫﻳﻪ ﻣﻦ ﻭﺭﺍﻱ ..
ﻛﺎﻝ ﻳﺎ ﺍﺫﻳﻪ ﺳﻤﺮ ﺗﺤﺠﻴﻦ ﺻﺪﻙ .. ﺟﺎﻥ ﻣﺨﻠﻲ ﺍﻳﺪﻩ ﻋﻠﻜﻴﺮ ﻣﺎﻝ ﺍﻟﺴﻴﺎﺭﻩ .. ﺧﻠﻴﺖ ﺍﻳﺪﻱ ﻓﻮﻙ ﺍﻳﺪﻩ ﻭﻃﺒﻄﺒﺖ ﻋﻠﻴﻬﺎ ..
ﻛﺘﻠﻪ ﻫﻴﻪ ﺭﻭﺡ ﻭﺣﺪﻩ .. ﺍﺫﺍ ﻳﺮﺩﻭﻫﺎ ﺧﻞ ﻳﺎﺧﺬﻭﻫﺎ .. ﻭﺍﺑﺘﺴﻤﺖ ﺑﻮﺟﻬﺎ .. ﺟﺎﻱ ﺍﻧﺰﻝ ﻟﺰﻡ ﺍﻳﺪﻱ ﻛﺎﻝ ﺧﺎﺑﺮﻳﻨﻲ ﻛﻞ ﺷﻮﻱ ﻃﻤﻨﻴﻨﻲ
ﻻ ﺗﺨﻠﻴﻨﻲ ﺑﺎﻟﻨﺎﺭ .. ﺍﺑﺘﺴﻤﺖ ﻭﻛﺘﻠﻪ ﺍﻧﺸﺎﻟﻠﻪ .. ﻧﺰﻟﺖ ﻭﺳﺪﻳﺖ ﺍﻟﺒﺎﺏ ﻫﻮﻩ ﺗﺤﺮﻙ ﻭﻣﺸﻰ .. ﺭﺣﺖ ﺩﻛﻴﺖ ﺑﺎﺏ ﺍﻟﻜﺮﺍﺝ ﻣﺎﻟﺘﻨﻪ ..
ﻃﻠﻌﺖ ﻣﺎﻣﺎ .. ﻣﻦ ﺷﺎﻓﺘﻨﻲ ﻛﺎﻟﺖ ﺷﻌﻨﺪﺝ ﺟﺎﻳﻪ .. ﻧﺰﻟﺖ ﺩﻣﻮﻋﻲ ﺑﺲ ﺷﻔﺘﻬﺎ .. ﻋﺎﻓﺘﻨﻲ ﻭﻃﺒﺖ ﺟﻮﻩ ..
ﺩﺧﻠﺖ ﻭﺭﺍﻫﺎ .. ﻓﺎﺗﺖ ﻣﻨﻲ ﺍﺧﺘﻲ ﻧﺠﻮﻯ ﺻﺮﺧﺖ ﻓﺮﺡ ﻭﻛﻤﺰﺕ ﺣﻈﻨﺘﻨﻲ ﺣﻈﻨﺘﻬﺎ ﺣﻴﻞ ﺟﻦ ﺻﺎﺭ ﺳﻨﻴﻦ ﻣﺸﺎﻳﻔﺘﻬﺎ ..
ﺍﻧﻮﺏ ﺍﺟﻮ ﺍﺧﻮﺍﻧﻲ ﺍﻟﺼﻐﺎﺭ ﻫﻢ ﺣﻈﻨﻮﻧﻲ ﻭﻳﺒﻮﺳﻮﻥ ﺑﻴﻪ .. ﻛﻠﺖ ﺍﻟﻨﺠﻮﻯ ﺑﺎﺑﺎ ﻭﻳﻦ .. ﻛﺎﻟﺖ ﺑﻌﺪ ﺑﺎﻟﺸﻐﻞ .. ﻛﺘﻠﻬﺎ ﺧﻔﺮ .. ﻛﺎﻟﺖ ﻣﺎ ﺍﻋﺮﻑ ..
ﻛﺘﻠﻬﺎ ﻭﺍﺣﻤﺪ .. ﻛﺎﻟﺖ ﻃﻠﻊ ﻗﺒﻞ ﺷﻮﻱ .. ﺑﺎﻭﻋﺖ ﺍﻟﺪﻧﻴﺎ ﻣﻐﺮﺏ ﻭﺍﻻﺫﺍﻥ ﻳﺄﺫﻥ .. ﻭﺍﻧﻲ ﺍﺑﻴﺖ ﺍﻫﻠﻲ .. ﻫﻴﺞ ﺷﻌﻮﺭ ﻣﺮﻳﺢ .. ﺗﺼﺎﺣﺒﻪ ﺍﻻﺑﺘﺴﺎﻣﻪ ..
ﺩﺧﻠﺖ ﻟﻤﺎﻣﺎ ﻟﻠﻤﻄﺒﺦ .. ﻟﻜﻴﺖ ﻋﻴﻮﻧﻬﺎ ﺣﻤﺮ ﻭﺗﻤﺴﺢ ﺑﻴﻬﻦ .. ﻛﺘﻠﻬﺎ ﻣﺎﻣﺎ .. ﻛﺎﻟﺖ ﺍﺷﺸﺶ ﻻ ﺍﻧﻪ ﺍﻣﺞ ﻭﻻ ﺍﻋﺮﻓﺞ ..
ﻛﺘﻠﻬﺎ ﺷﺴﻮﻳﺖ .. ﻭﺍﻟﻠﻪ ﻣﺴﻮﻳﺖ ﺷﻲ .. ﻭﺩﻣﻮﻋﻲ ﻧﺰﻟﺖ .. ﻛﺎﻟﺖ ﺍﺳﺲ ﻛﻠﺒﻪ ﻛﻞ ﻫﻠﻌﻤﺎﻳﻞ ﻭﺗﻜﻮﻟﻴﻦ ﻣﻤﺴﻮﻳﻪ ﺷﻲ ..
ﺻﺨﻤﺘﻲ ﻭﺟﻮﻫﻨﺎ ﺍﻟﻠﻪ ﻻ ﻳﻨﻄﻴﺞ .. ﻛﺘﻠﻬﺎ ﻣﻮ ﺫﻧﺒﻲ ﻳﻮﻡ ﺫﻧﺒﺞ ﺍﻧﺘﻲ .. ﺩﺍﺭﺕ ﻭﺟﻬﺎ ﺑﻌﺼﺒﻴﻪ ﻭﻛﺎﻟﺖ ﺍﻟﺞ ﻋﻴﻦ ﺍﺗﻬﻤﻴﻨﻲ ..
ﻛﺘﻠﻬﺎ ﺍﻱ ﻳﻮﻡ ﺍﻧﺘﻲ ﺍﻱ .. ﻛﻠﻪ ﻣﻨﺞ ﺍﻧﺘﻲ ﺍﻟﻠﻲ ﺧﻠﻴﺘﻴﻨﻲ ﺍﻣﺸﻲ ﺑﻬﻠﻄﺮﻳﻖ .. ﺑﻘﺴﺎﻭﺗﺞ ﻭﻳﺎﻳﻪ .. ﻛﻞ ﻣﺎ ﺍﺟﻴﺞ ﺍﺳﺌﻠﺞ ﻛﻠﺘﻴﻠﻲ ﻋﻴﺐ ..
ﻛﻠﻤﺎ ﺳﻮﻳﺖ ﺷﻲ ﻭﻛﻠﺘﻴﻠﻲ ﻋﻴﺐ ﻋﻴﺐ ﻋﻴﺐ .. ﻫﺎﻱ ﺍﻟﻌﻴﺐ ﻣﺎﻟﺘﺞ ﻫﻴﻪ ﺍﻟﺪﻣﺮﺗﻨﻲ .. ﺍﻧﺘﻲ ﺍﻟﻠﻲ ﺧﻠﻴﺘﻴﻨﻲ ﺍﺳﺌﻞ ﻏﻴﺮﺝ ﻟﻴﺶ ﻋﻴﺐ ..
ﺍﻧﺘﻲ ﺍﻟﻠﻲ ﺗﺮﻛﺘﻲ ﺍﻟﻨﺎﺱ ﻭﺍﺻﺪﻗﺎﺀ ﺍﻟﺴﻮﺀ ﻫﻤﻪ ﺍﻟﻴﻌﻠﻤﻮﻧﻲ .. ﻣﺎ ﻟﺰﻣﺘﻴﻨﻲ ﻣﺮﻩ ﻭﺣﺬﺭﺗﻴﻨﻲ ﺍﻟﻌﺐ ﺑﺠﺴﻤﻲ ..
ﻣﺎ ﻛﻠﺘﻴﻠﻲ ﻓﺪ ﻳﻮﻡ ﻣﺎﻣﺎ ﺳﻤﺮ .. ﺍﻛﻮ ﺍﻣﺎﻛﻦ ﺑﺠﺴﻤﺞ ﻣﻮ ﻣﻤﻜﻦ ﺗﺘﻘﺮﺑﻴﻠﻬﺎ .. ﻣﺎ ﻋﻠﻤﺘﻴﻨﻲ ﻫﻠﺸﻲ ﻣﻤﻜﻦ ﻳﺨﺴﺮﻧﻲ ﺣﻴﺎﺗﻲ ..
ﻛﻠﻤﺎ ﺟﻨﺖ ﺍﺣﺠﻲ ﻭﺿﺮﺑﺘﻴﻨﻲ ﻭﻛﻠﺘﻴﻠﻲ ﻋﻴﺐ ﻋﻴﺐ ﻋﻴﺐ .. ﻭﻻ ﻣﺮﻩ ﻛﻠﺘﻴﻠﻲ ﺣﺮﺍﻡ .. ﻭﻻ ﻣﺮﻩ ﻓﻜﺮﺗﻲ ﺗﺰﺭﻋﻴﻦ ﺧﻮﻑ ﺍﻟﻠﻪ ﺑﺪﺍﺧﻠﻲ ..
ﻛﻞ ﻫﻤﺞ ﺟﺎﻥ ﺧﻮﻑ ﺍﻟﻨﺎﺱ ﻭﺍﻟﻌﻴﺐ .. ﻣﺎﻣﺎ ﺍﻟﻨﺎﺱ ﻣﺎ ﻣﻮﺟﻮﺩﻩ ﺑﺨﻠﻮﺍﺗﻨﺎ .. ﻳﻌﻨﻲ ﺍﻟﻌﻴﺐ ﻣﻤﻜﻦ ﻧﺴﻮﻳﻪ ﺑﺨﻠﻮﺗﻨﻪ ﻟﻮ ﺟﻨﻪ ﺟﺎﻫﻠﻴﻪ ﺷﻨﻮ ..
ﺑﺲ ﺍﻟﻠﻪ ﺍﻟﻠﻪ ﻣﻮﺟﻮﺩ ﺑﻜﻞ ﻣﻜﺎﻥ .. ﻓﻘﻂ ﻟﻮ ﻛﺎﻳﻠﺘﻠﻲ ﺣﺮﺍﺍﺍﺍﻡ .. ﺍﻟﻠﻪ ﻣﻴﻘﺒﻞ ﺗﺴﻮﻳﻴﻦ ﻫﻴﺞ ﺍﻟﻠﻪ ﻣﻴﻘﺒﻞ ﺗﻜﻮﻟﻴﻦ ﻫﻴﺞ .. ﻭﺗﺸﺮﺣﻴﻠﻲ ﻋﻦ ﻋﻘﺎﺑﻪ ﺑﻨﺎﺭ ﺟﻬﻨﻢ ..
ﺟﺎﻥ ﺧﻔﺖ ﻭﺍﻧﻲ ﻃﻔﻠﻪ .. ﺟﺎﻥ ﺧﻔﺖ ﺍﻏﻠﻂ ﺍﺧﺎﻑ ﺍﻟﻠﻪ ﻳﻌﺎﻗﺒﻨﻲ ﺑﺎﻟﻨﺎﺭ .. ﺟﺎﻥ ﺧﻠﻴﺖ ﺍﻟﻠﻪ ﺑﻴﻦ ﻋﻴﻮﻧﻲ ﺑﻜﻞ ﻣﻜﺎﻥ ﺣﺘﻰ ﺑﻴﻨﻲ ﻭﺑﻴﻦ ﻧﻔﺴﻲ ..
ﺑﺲ ﺍﻧﺘﻲ ﺟﺎﻥ ﻫﺎﻣﺞ ﺍﻟﻨﺎﺱ ﻣﻮ ﺍﻟﻠﻪ .. ﻭﺍﻧﻲ ﺩﻓﻌﺖ ﺛﻤﻦ ﺍﻏﻼﻃﺞ ﻳﻮﻡ .. ﺍﻧﻲ ﺩﻓﻌﺖ ﻭﻏﺎﻟﻲ ﻭﺍﻟﻠﻪ ﻏﺎﻟﻲ ﺍﻟﺜﻤﻦ .. ﻛﻌﺪﺕ ﻋﻠﻰ ﺭﻛﺒﻲ ﺍﺑﺠﻲ ﻭﻣﺨﻠﻴﻪ ﺍﺩﻳﻪ ﻋﻠﻰ ﻭﺟﻬﻲ ..
ﺍﺗﻘﺮﺑﺖ ﻣﻨﻲ ﺍﻣﻲ .. ﻭﺗﺒﺠﻲ ﻭﻳﺎﻱ ﻭﺍﺧﺬﺗﻨﻲ ﺍﻟﺤﻈﻨﻬﺎ .. ﻛﺎﻟﺖ ﻳﻤﻪ ﻭﺍﻟﻠﻪ ﻗﺴﺎﻭﺗﻲ ﻋﻠﻴﻜﻢ ﺟﺎﻥ ﻗﺼﺪﻱ ﺍﺣﻤﻴﻜﻢ .. ﻳﻤﻪ ﺍﻧﺘﻮ ﺍﻋﺰ ﻣﻦ ﺭﻭﺣﻲ ..
ﻭﺍﻟﻠﻪ ﻳﻴﻤﻪ ﺍﻟﻠﻴﻞ ﻣﻨﺎﻳﻤﺘﻪ ﻣﻦ ﻭﺭﺍﺝ ﻭﻳﻮﻣﻴﻪ ﺍﻓﻜﺮ ﺷﺼﺎﺭ ﺑﻴﺞ ﻭﺷﺴﻮﻭ ﺑﻴﺞ .. ﻭﺍﺩﻋﻲ ﺍﻟﻠﻪ ﻭﺭﺳﻮﻟﻪ ﻳﻮﻛﻔﻮﻥ ﻭﻳﺎﺝ ..
ﺧﻠﻴﺖ ﺭﺍﺳﻲ ﺑﺤﻈﻨﻬﺎ ﻭﺍﺑﺠﻲ ﻭﺍﻛﻮﻟﻬﺎ ﻣﺎﻣﺎ ﺗﻌﺒﺖ ﻣﻨﻬﻢ ﻣﺎ ﺍﺭﻳﺪ ﺍﺭﺟﻊ ﻭﺍﻟﻠﻪ ﺗﻌﺒﺖ .. ﺑﻘﺖ ﺗﺒﻮﺱ ﺑﺮﺍﺳﻲ ﻭﺗﺸﻢ ﺑﻴﻪ ﻭﺗﺒﺠﻲ ﻭﺗﻜﻠﻲ ﺷﺒﻴﺪﻱ ﻋﻠﻴﺞ ﻳﻤﻪ
ﻛﺎﻋﺪﻩ ﺑﺤﻈﻨﻬﺎ ﺍﻣﺎ ﺍﺣﺲ ﺍﺟﺘﻨﻲ ﺩﻓﺮﻩ ﻋﻠﻰ ﺿﻬﺮﻱ ﻭﻛﻌﺘﻨﻲ ﻟﻠﻜﺎﻉ .. ﺑﺎﻭﻋﺖ ﺷﻔﺘﻪ ﺑﺎﺑﺎ ..
ﺑﻘﻴﺖ ﺍﺯﺣﻒ ﻟﻴﻮﺭﻩ ﻣﻦ ﺍﻟﺨﻮﻑ .. ﻻﺑﺲ ﻣﻼﺑﺴﻪ ﺍﻟﻌﺴﻜﺮﻳﻪ .. ﺟﺮ ﺍﺳﻼﺣﻪ ﻭﺳﺪﺩﻩ ﻋﻠﻴﻪ ﻭﻛﺎﻝ ﻫﺎﻱ ﺍﻟﻨﻜﺴﻪ ﺍﻻ ﺍﻏﺴﻞ ﻋﺎﺭﻱ ﺑﺪﻣﻬﺎ .. ﻳﺘﺒﻊ
🌺🌺🌺🌺🌺
ﺍﻭﻭﻑ ﻣﻨﻴﻦ ﺗﻠﻜﺎﻫﺎ .. ﺗﺮﻭﺡ ﻫﻨﺎﻙ ﻋﻴﺸﻪ ﻣﺮﻩ .. ﺗﺠﻲ ﻻﻫﻠﻬﺎ ﺍﻣﺮ ﻭﺍﻣﺮ .. ﺍﻭﻭﻑ ﺍﻧﻲ ﺍﻛﺘﺐ ﻭﺍﺷﺒﻊ ﻗﻬﺮ ﻋﻠﻰ ﻳﻮﻡ ﺍﻧﺠﻠﻂ ﻣﻦ ﻗﺼﺼﻲ😢
ﺷﺎﺭﻛﻮﻧﻲ ﺗﻮﻗﻌﺎﺗﻜﻢ .. ﻣﺘﺎﺑﻌﻪ ﺷﻴﻘﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق