رواية حكاية سمر ج1 الجزء الثاني عشر
للكاتبة زينب ماجد
🌿🌿🌿🌿🌿
ﺳﻤﺮ .. ﺑﻘﻴﺖ ﺍﻋﺰﻝ ﺍﻟﻤﺴﻮﺍﻙ .. ﻭﻋﻤﺘﻲ ﺗﺪﺧﻞ ﺗﺤﺠﻲ ﺗﻄﻠﻊ ﺗﺤﺠﻲ .. ﺍﻧﻮﺏ ﺍﺟﺖ ﺭﻧﺎ ﻛﺎﻟﺖ ﻋﻤﺘﻲ ﺗﺴﺄﻝ ﻋﻠﻴﺞ ﺗﻜﻮﻝ ﺟﻨﺘﻜﻢ ﺍﻟﺠﺪﻳﺪﻩ ﻭﻳﻦ .
ﻛﺘﻠﻬﺎ ﻫﺴﻪ ﺍﺭﻭﺡ ﺍﺳﻠﻢ .. ﺩﺍ ﺍﻣﺸﻲ ﻟﺰﻣﺘﻨﻲ ﻣﻦ ﺍﻳﺪﻱ ﻛﺎﻟﺖ ﺑﺎﻋﻴﻠﻲ ﺯﻳﻦ .. ﺩﻳﺮﺑﺎﻟﺞ ﺩﻛﻮﻟﻴﻦ ﺍﻳﺪﺝ ﺷﺒﻴﻬﺎ ..
ﻳﺴﺄﻟﻮﺝ ﻛﻮﻟﻴﻠﻬﻢ ﺍﺗﺰﺣﻠﻜﺖ ﻭﺍﻧﻜﺴﺮﺕ ﺍﻳﺪﻱ .. ﻛﺘﻠﻬﺎ ﻭﺍﻟﻮﺭﻡ ﺑﻮﺟﻬﻲ ﻭﺍﻟﺠﺮﻭﺡ ﺍﻟﺒﻜﺼﺘﻲ ..
ﻛﺎﻟﺖ ﻛﻮﻟﻴﻠﻬﻢ ﺍﺗﺰﺣﻠﻜﺖ ﻣﻦ ﺍﻟﺪﺭﺝ ﺷﻴﺮﺍﺩﻟﻬﺎﺍ .. ﻟﻮ ﺑﺲ ﺗﺤﺒﻴﻦ ﺗﺸﻬﺮﻳﻦ ﺑﻴﻨﻪ . ﻭﺍﻃﻠﻌﻴﻦ ﻣﺴﻜﻴﻨﻪ .. ﻛﺘﻠﻬﺎ ﻣﺎﺷﻲ ﺩﻋﻮﻓﻲ ﺍﻳﺪﻱ .. ﺟﺮﻳﺖ ﺍﻳﺪﻱ ﻭﺭﺣﺖ ﺳﻠﻤﺖ ..
ﻛﻠﻬﻦ ﻛﺎﻣﻦ ﻳﺴﻠﻤﻦ .. ﺩﺍﺭﻥ ﻭﺟﻬﻦ ﻟﻌﻤﺘﻲ ﻭﻛﺎﻟﻠﻬﺎ ﻳﺎ ﺧﻴﻪ ﺷﻤﺒﻘﻴﻦ ﺑﺎﻟﺒﻨﻴﻪ ﻣﻜﺴﺮﻳﻬﺎ ﺗﻜﺴﺮ .. ﺩﺍ ﺍﺣﺠﻲ ﻋﻤﺘﻲ ﻛﺎﻟﺖ ﻳﺎﺍ ﻫﻴﻪ ﻣﺎ ﺗﻜﻌﺪ ﺭﺍﺣﻪ .
ﺗﺠﻲ ﻣﻨﺎ ﻭﺗﺮﻭﺡ ﻣﻨﺎ ﻋﻤﻪ ﺍﺛﺒﺘﻴﻠﺞ ﺑﻤﻜﺎﻥ ﻣﺎﻛﻮ .. ﻟﺤﺪ ﻣﺎ ﺗﺰﺣﻠﻜﺖ ﻭﻭﻛﻌﺖ ﻣﻦ ﺍﻟﺪﺭﺝ ﻭﻛﻮﻩ ﺗﻼﺣﻜﻨﺎﻟﻬﺎ ..
ﻭﻫﺎﻱ ﺻﺎﺭﻟﻬﺎ 3 ﺍﻳﺎﻡ .. ﺍﻟﻤﻲ ﺍﺣﻨﻪ ﻧﺸﺮﺑﻬﻴﺎ .. ﻓﺘﺤﺖ ﻋﻴﻨﻲ ﻫﻴﺞ ..😨 ﻭﻟﻠﻪ ﺧﻮﺵ ﻃﻠﻊ ﺣﺘﻰ ﺍﻟﻤﻲ ﻳﺠﻴﺒﻮﻟﻴﺎﻩ ..
ﻛﺎﻟﺖ ﻋﻤﺔ ﺭﻧﺎ ﻭﻳﻦ ﺟﻨﺘﻲ ﺻﺎﺭﻟﻨﻪ ﻛﻮﻣﻪ ﻛﺎﻋﺪﻳﻦ .. ﺳﺌﻠﻨﻪ ﻋﻠﻴﺞ ﻛﻨﺎﻟﻬﻢ ﺟﻨﺘﻜﻢ ﻭﻳﻦ .. ﺭﺩﺕ ﺍﻛﻮﻟﻬﺎ ﺟﻨﺖ ﺑﺎﻟﻤﻄﺒﺦ ..
ﺟﺎﻥ ﺭﻧﺎ .. ﺗﻜﻮﻟﻬﺎ ﻳﺎ ﻋﻴﻨﻲ ﻣﺘﻜﻮﻡ ﻣﻦ ﺍﻟﻔﺮﺍﺵ ﺍﺑﺪ ﻧﺨﺎﻑ ﻋﻠﻴﻬﺎ .. ﻛﺎﻟﺘﻠﻬﻢ ﻋﻤﺘﻬﺎ ﻭﺍﻟﻠﻪ ﻋﻤﻲ ﻣﺪﻟﻠﻪ ..
ﺟﺎﻥ ﺗﻜﻮﻟﻬﺎ ﺍﻱ ﻟﻌﺪ ﺷﻠﻮﻥ .. ﻫﻴﻪ ﺍﻟﺠﻨﻪ ﺍﻟﺘﺪﺧﻞ ﺍﻟﺒﻴﺘﻨﻪ ﺗﺼﻴﺮ ﻭﺣﺪﻩ ﻣﻦ ﻋﺪﻧﻪ .. ﻣﺎ ﻧﻌﺘﺒﺮﻫﺎ ﺟﻨﻪ ﻧﻌﺘﺒﺮﻫﺎ ﺑﺘﻨﻪ ﻭﺍﺧﺖ ﺍﻟﻴﻪ ..
ﺍﺑﺎﻭﻉ ﻟﻠﻐﺮﻓﻪ ﺍﻟﺤﻤﺪﻟﻠﻪ ﻣﺎ ﺗﻔﻠﺸﺖ ﻣﻦ ﺍﻟﺠﺬﺏ .. ﻣﻌﻘﻮﻟﻪ ﺍﻧﻲ ﺍﺧﺘﻬﺎ ﻃﻠﻌﺖ ﻭﺍﻟﻠﻪ ﻋﻤﻲ ﺳﻤﺮ ﻣﺪﻟﻠﻪ ..
ﺑﻘﻴﺖ ﺑﺲ ﺍﺑﺎﻭﻉ ﻳﺴﺄﻟﻮﻧﻲ ﻭﻫﻤﻪ ﻳﺠﺎﻭﺑﻮﻥ ﺍﺑﺪﺍﻟﻲ .. ﺍﻧﻮﺏ ﺍﺟﻪ ﺑﻜﺮ .. ﻃﺐ ﺳﻠﻢ ﻭﺻﺎﺡ ﻳﻤﻪ ﺍﻻﻛﻞ ﺟﺒﺘﻪ ﻛﺎﻟﺘﻠﻪ ﺍﻱ ..
ﺭﺩﺕ ﺍﻛﻮﻡ ﻭﻳﻪ ﻋﻤﺘﻲ ﻟﻠﻤﻄﺒﺦ .. ﺟﺎﻥ ﺭﻧﺎ ﺗﻠﺰﻣﻨﻲ ﻭﺗﻜﻮﻝ ﻟﺞ ﺳﻤﻮﺭﻩ ﺣﺒﻴﺒﺘﻲ ﺍﻛﻮﻋﺪﻱ .. ﺍﻧﺘﻲ ﻣﻨﺎ ﺍﻳﺪﺝ ﺗﺄﺫﻳﺞ ﻭﻳﻦ ﺭﺍﻳﺤﻪ ..
ﺑﻘﻴﺖ ﻓﺎﺗﺤﻪ ﺣﻠﻜﻲ .. ﺷﻠﻮﻥ ﺗﻤﺜﻞ .. ﺍﻧﻮﺏ ﺳﻤﻮﺭﻩ ﻭﺍﻛﻮﻋﺪﻱ ﻣﻮ ﺍﻛﻌﺪﻱ ﻃﻜﺖ ﺍﻟﺜﻘﺎﻓﻪ ﻓﺠﺄﻩ ﺧﺮﺏ ﺑﻬﺒﻞ
ﻛﻌﺪﺕ .. ﺟﺎﻥ ﺷﻮﻳﻪ ﻭﻳﺼﻴﺢ ﻋﻠﻴﻪ ﺑﻜﺮ .. ﺍﺟﻴﺖ ﻳﻤﻪ .. ﻛﺎﻝ ﻫﺎ .. ﻛﺘﻠﻪ ﻫﺎﺍ .. ﻛﺎﻝ ﺷﻮ ﻛﺎﻋﺪﻩ ﻳﻤﻬﻢ .. ﻛﺘﻠﻪ ﺍﺳﻜﺖ ﻏﻴﺮ ﻃﻠﻌﺖ ﻣﺪﻟﻠﻪ ..
ﻛﺎﻝ ﺷﻨﻮ .. ﺍﺟﺖ ﻋﻤﺘﻲ .. ﻭﻫﻮ ﻳﻜﻮﻝ ﺷﻨﻮ ﻣﺪﻟﻠﻪ .. ﻟﺰﻣﺖ ﺍﻳﺪﻩ ﻭﺿﻜﻴﺖ ﻋﻠﻴﻬﺎ .. ﺍﻭﺣﻴﺘﻠﻪ ﺍﻧﻮ ﺑﻌﺪﻳﻦ .. ﺳﻜﺖ ﻫﻮﻩ ﻓﻬﻢ ..
ﻛﺎﻟﻠﻬﺎ ﻳﻤﻪ ﻫﺎﻱ ﺟﺒﺖ ﻏﺪﺍﻫﻢ ﻛﺎﻣﻞ ﺣﺘﻰ ﺍﻟﻄﺮﺷﻲ .. ﺑﺲ ﺳﻮﻭ ﺯﻻﻃﻪ .. ﻛﺎﻟﺖ ﺍﻱ ﺳﻤﺮ ﻛﻌﺪﻱ ﺳﻮﻱ ﺍﻟﺰﻻﻃﻪ ..
ﻛﺘﻠﻬﺎ ﻋﻤﻪ ﺍﻳﺪ ﻭﺣﺪﻩ ﻋﻨﺪﻱ ﻣﺎ ﺍﻛﺪﺭ ﻭﺍﻟﻠﻪ .. ﻛﺎﻟﺖ ﻫﺴﻪ ﺍﻳﺪ ﻭﺣﺪﻩ ﺻﺎﺭﺕ .. ﺍﻟﺼﺒﺢ ﺑﻴﻤﻦ ﺛﺮﻣﺘﻲ ﺍﻟﻄﻤﺎﻃﻪ ﻟﻠﺒﻴﺾ ﻳﻌﻴﺎﺭﻩ .. ﻛﺘﻠﻬﺎ ﺑﺎﻟﻤﺜﺮﺍﻣﻪ ﻭﺍﻟﻠﻪ ..
ﺿﺮﺏ ﻋﻠﻰ ﺿﻬﺮﻱ ﺑﻜﺮ ﻭﻏﻤﺰﻟﻲ ﺍﻃﻠﻊ .. ﻃﻠﻌﺖ .. ﻛﺎﻝ ﻋﻮﻓﻴﻬﺎ .. ﻻ ﺍﺩﺧﻠﻴﻦ ﺍﻟﻤﻄﺒﺦ ﺭﻭﺣﻲ ﺍﺭﺗﺎﺣﻲ ..
ﻛﺘﻠﻪ ﻫﻮﻩ ﻫﻢ ﻫﻴﺞ ﺍﻳﺪﻱ ﺍﺫﺗﻨﻲ ﺣﻴﻞ ﻭﺟﺴﻤﻲ ﻳﻮﺟﻌﻨﻲ .. ﺟﺎﻱ ﺍﺭﻭﺡ ﻛﺎﻝ ﺻﺪﻙ ﺗﻌﺎﻱ ﺷﻜﻮ ﻣﺴﺎﻋﻪ ﺭﺩﺗﻲ ﺗﺤﺠﻴﻦ .. ﻛﺘﻠﻪ ﺍﺳﻜﺖ ﻳﻤﻌﻮﺩ ﺭﺍﺩ ﻳﻄﻴﺢ ﺍﻟﺒﻴﺖ ﻣﻦ ﺍﻟﺠﺬﺏ ﺍﻻ ﺷﻮﻳﻪ
🌿🌿🌿
ﺿﺤﻚ ﻛﺎﻝ ﺷﻜﻮ .. ﻛﺘﻠﻪ ﻏﻴﺮ ﻫﻴﺞ ﻭﻫﻴﺞ ﻳﻜﻮﻟﻦ .. ﻭﻟﻚ ﺗﺎﻟﻴﺘﻬﺎ ﻃﻠﻌﺖ ﻣﺪﻟﻠﻪ .. ﻛﺎﻝ ﺍﻱ ﻭﻳﻦ ﺍﻛﻮ ﻓﺎﻳﺨﻪ ﻣﺜﻠﺞ ﻫﻬﻪ .. ﺩﺭﻭﺡ ﺍﺭﺗﺎﺣﻲ ﻟﻌﺪ ﺍﺫﺍ ﻫﻴﺞ ﻣﺪﻟﻠﻪ . ﺿﺤﻜﺖ ﻭﻣﺸﻴﺖ
ﺩﺍ ﺍﺭﻭﺡ ﻟﺰﻣﻨﻲ ﻣﻦ ﺍﻳﺪﻱ .. ﻭﻫﻤﺲ ﻭﺍﻟﻠﻪ ﻓﺮﺣﺎﻥ ﻻﻥ ﺩﺍ ﺍﺷﻮﻑ ﺍﻟﻀﺤﻜﻪ ﺑﻌﻴﻮﻧﺞ .. ﺣﺠﻪ ﻫﻴﺞ ﻭﻣﺸﺎ ﺑﺴﺮﻋﻪ ..
ﺑﻘﻴﺖ ﻭﺍﻛﻔﻪ ﺻﺎﻓﻨﻪ ﻣﺘﺠﻤﺪﻩ .. ﻫﻮﻩ ﻃﻠﻊ ﺧﺎﺭﺝ ﺍﻟﺒﻴﺖ .. ﺍﺣﺲ ﻛﺰﺑﺮ ﺟﺴﻤﻲ ﻣﻦ ﻫﻤﺲ ﺑﺄﺫﻧﻲ ..
ﺭﺣﺖ ﻟﻠﻐﺮﻓﻪ .. ﻋﺎﺩﻝ ﺩﻳﺒﺪﻝ .. ﻣﺎ ﺣﺠﻴﺖ ﻛﻌﺪﺕ ﻭﻛﻼﻣﻪ ﻳﺮﻥ ﺑﺄﺫﻧﻲ .. ﻣﺄﺛﺮ ﺑﻴﻪ ﻛﻼﻣﻪ ﺑﻜﺪ ﻣﺎ ﺑﺤﺔ ﺻﻮﺗﻪ ﻭﺍﻟﻬﻤﺲ ﺑﻘﻰ ﺑﺬﻫﻨﻲ ..
ﺻﺎﺡ ﻋﺎﺩﻝ ﺳﻤﺮ .. ﺍﻧﺘﺒﻬﺖ .. ﻫﺎﺍﺍ .. ﻛﺎﻝ ﻛﻮﻣﻲ ﺍﻛﻮﻳﻠﻲ ﻫﺬﺍ ﺍﻟﻘﻤﻴﺺ .. ﻛﺘﻠﻪ ﺍﻱ ﻛﻤﺖ .. ﻃﻠﻌﺖ ﺍﻻﻭﺗﻲ .. ﻭﺍﺧﺬﺕ ﺑﻄﻞ ﻣﻲ ﻭﺧﻠﻴﺖ ﻟﻼﻭﺗﻲ ..
ﻭﻣﺪﻳﺖ ﺍﻟﺒﻄﺎﻧﻴﻪ ﻭﻛﻌﺪﺕ ﺍﻛﻮﻱ ﺑﺼﻌﻮﺑﻪ ﻣﻦ ﻭﺭﻩ ﺍﻳﺪﻱ ﻭﺍﺣﺮﻙ ﺑﺎﻳﺪﻱ ﺍﻟﻤﺼﺒﻮﺑﻪ ﺷﻮﻱ .. ﺍﻋﺪﻝ ﺑﻴﻬﺎ ﺑﺎﻃﺮﺍﻑ ﺍﺻﺎﺑﻌﻲ ..
ﻻﻥ ﻫﻮﺍ ﺍﻟﺠﺒﺲ ﻣﺴﻮﻳﻠﻴﺎﻩ ﻟﺤﺪ ﺭﻟﻜﻒ .. ﺑﺲ ﺛﻜﻴﻠﻪ ﺣﻴﻞ ﺗﺄﺫﻱ ﻣﻦ ﺍﺷﻴﻠﻬﺎ .. .. ﻛﻤﻠﺘﻪ ﻛﻮﻱ ﺍﻧﻄﻴﺘﻬﻴﺎ .. ﺷﻔﺖ ﻋﺎﺩﻝ ﻣﺘﺄﻧﻖ ﻭﺳﺎﻋﻪ ﻳﻌﺪﻝ ﺑﺘﺴﺮﻳﺤﺔ ﺷﻌﺮﻩ ..
ﻛﺘﻠﻪ ﻋﺎﺩﻝ ﻭﻳﻦ ﺭﺍﻳﺢ .. ﻛﺎﻝ ﺍﺷﻮﻑ ﺣﻨﻴﻦ .. ﻛﺘﻠﻪ ﻫﻴﻪ ﻭﻳﻦ .. ﻛﺎﻝ ﺭﺍﺡ ﺍﺧﺬﻫﺎ ﻣﻦ ﺑﻴﺘﻬﺎ .. ﺑﺤﺠﺔ ﺭﺍﻳﺤﻪ ﻟﺼﺪﻳﻘﺘﻬﺎ ..
ﻛﺘﻠﻪ ﻭﻳﻦ ﺗﺎﺧﺬﻫﺎ .. ﻋﻨﺪﻙ ﺳﻴﺎﺭﻩ .. ﻛﺎﻝ ﻻ ﻃﻠﺒﺖ ﺳﻴﺎﺭﺓ ﺑﻜﺮ .. ﺭﺍﺡ ﺍﺧﺬﻫﺎ ﻣﻨﻪ .. ﺍﻟﻤﻐﺮﺏ ﺍﺭﺟﻌﻪ ﺍﻟﻪ ..
ﻛﺘﻠﻪ ﻭﻳﻦ ﺣﺘﺮﺣﻮﻥ .. ﺟﺎﻥ ﻳﻐﻤﺰﻟﻲ .. ﻭﻳﻜﻮﻟﻲ ﻭﻳﻦ ﻣﺎ ﺍﻟﻠﻪ ﻗﺎﺳﻢ .. ﻛﺘﻠﻪ ﺍﺫﺍ ﻫﻴﻪ ﺑﻨﻴﻪ ﺣﺎﻓﻆ ﻋﻠﻴﻬﺎ ..
ﻭﻛﻒ ﻛﺎﻝ ﺑﺎﻋﻲ .. ﺍﻧﻲ ﺍﺣﺐ ﺣﻨﻴﻦ ﺑﺲ ﺭﺍﺡ ﺍﻛﻮﻟﺞ ﺷﻐﻠﻪ ﺑﻴﻨﺎﺗﻨﺎ ﺳﺮ .. ﻛﺘﻠﻪ ﺷﻨﻮ .. ﻛﺎﻝ ﺍﻧﻲ ﺍﺧﺬﺕ ﻋﺬﺭﻳﺘﻬﺎ ﻗﺒﻞ ﻓﺘﺮﻩ ..
ﻓﺘﺤﺖ ﻋﻴﻨﻲ .. ﻛﺘﻠﻪ ﻟﻴﺶ ﻛﺎﻝ ﻣﺮﻩ ﻃﻠﻌﻨﻪ ﺳﻮﻩ ﻭﺑﺴﺘﻬﺎ ﻭﻓﺘﺖ ﺯﺍﻳﺪ ﺑﺎﻟﺠﻮ ﻭﺻﺎﺭ ﻛﻮﻟﺸﻲ ﺑﺴﺮﻋﻪ ﺑﺪﻭﻥ ﻣﻨﺤﺲ ..
ﻛﺘﻠﻪ ﻫﺎﻱ ﻗﺒﻞ ﻟﺘﺘﺰﻭﺟﻨﻲ ﻟﻮ ﺑﻌﺪ .. ﻛﺎﻝ ﺑﻌﺪ ﺍﻟﺨﻄﺒﻪ .. ﻛﺘﻠﻪ ﻭﻟﻴﺶ ﻣﺘﺮﺍﺟﻌﺖ ﻋﻦ ﺧﻄﺒﺘﻲ .. ﻛﺎﻝ ﺣﺎﺟﻴﺖ ﺍﻣﻲ ﻭﻣﻘﺒﻠﺖ .. ﺑﺲ ﻣﻜﻠﺘﻠﻬﺎ ﺍﻧﻲ ﻫﻴﺞ ﻣﺴﻮﻱ ﻭﻳﻪ ﺣﻨﻴﻦ ..
ﻛﺘﻠﻪ ﻋﺎﺩﻝ ﺩﺗﻐﻠﻂ .. ﻛﺎﻝ ﻭﺍﻟﻠﻪ ﺍﺣﺒﻬﺎ ﺷﺒﻴﺞ .. ﻛﺘﻠﻪ ﻭﺍﻥ ﻳﻜﻦ .. ﺍﻟﻠﻲ ﺩﺗﺴﻮﻱ ﺣﺮﺍﻡ .. ﻭﻋﻤﺮ ﺍﻟﺤﺮﺍﻡ ﻣﻴﺪﻭﻡ ﻻﺣﺪ ﻓﺪ ﻳﻮﻡ ﻳﻮﻛﻌﻚ ..
ﻛﺎﻝ ﺭﺍﺡ ﺍﺧﺬﻫﺎ ﺑﺎﻟﺤﻼﻝ ﺍﻧﺸﺎﻟﻠﻪ .. ﺍﺑﺘﺴﻤﺖ .. ﻛﺘﻠﻪ ﺩﺍ ﺍﺷﻮﻑ ﺍﻟﻔﺮﺣﻪ ﺑﻌﻴﻮﻧﻚ ﻭﺍﻧﺘﻪ ﺗﺤﺠﻲ .. ﺿﺤﻚ ﻛﺎﻝ ﺍﻱ ﺍﺣﺒﻬﺎ ..
ﺍﺑﺴﻤﺘﻠﻪ ﻭﻛﺘﻠﻪ ﺍﻟﻠﻪ ﻳﻮﻓﻘﻚ .. ﺟﺎﻥ ﻳﺤﻈﻨﻲ .. ﻭﻳﻜﻮﻟﻲ ﺳﻤﺮ ﺗﺼﻴﺮﻳﻦ ﺻﺪﻳﻘﺘﻲ .. ﺿﺤﻜﺖ ﺑﺼﻮﺕ ﻋﺎﻟﻲ .. ﻛﺘﻠﻪ ﻭﻫﻮﻩ ﻫﻴﺞ .. ﻭﻏﻤﺰﺗﻠﻪ ..
ﺍﺧﺬ ﺍﻟﻘﻤﻴﺺ ﻭﻟﺒﺴﻪ ﻭﻃﻠﻊ ﻓﺮﺣﺎﻥ .. ﺍﺧﺬﺕ ﻧﻔﺲ ﻋﻤﻴﻴﻴﻖ ﻭﺯﻓﺮﺕ .. ﻫﻪ ﺷﻠﻮﻥ ﺩﻧﻴﺎ .. ﺍﻟـ ﺍﻟﻴﻪ ﻣﻮ ﺍﻟﻲ .. ﻭﺍﻟﻤﻮ ﺍﻟﻴﻪ .. ﺍﻟﻲ ..
ﺑﻘﻴﺖ ﺍﻓﺘﺮ ﺑﺎﻟﻐﺮﻓﻪ ﻭﺍﻋﺰﻝ .. ﺻﺎﺣﻮ ﻋﻠﻰ ﻏﺪﻩ ﺭﺣﺖ ﺗﻐﺪﻳﺖ .. ﻛﻤﻠﺖ .. ﺭﺩﺕ ﺍﺩﺧﻞ ﻟﻐﺮﻓﺘﻲ .. ﺻﺎﺡ ﺑﻜﺮ ﺳﻤﺮ ..
ﺩﺭﺗﻠﻪ ﻫﺎﺍ .. ﻛﺎﻝ ﺭﺍﺡ ﺍﻧﺎﻡ ﻟﻞ 6 ﺍﻟﻌﺼﺮ ﻛﻌﺪﻳﻨﻲ ﻣﻤﻜﻦ .. ﻛﺘﻠﻪ ﺑﻌﻴﻨﻲ .. ﺭﺍﺡ ﻧﺎﻡ .. ﺍﻧﻲ ﻏﻔﻴﺖ ﻟﻠﻌﺼﺮ ﻛﻌﺪﺕ ﺍﻟﺴﺎﻋﻪ ﺏ 5 ﻭﻧﺺ ..
ﺩﺧﻠﺖ ﺍﻟﺤﻤﺎﻡ .. ﻭﻏﺴﻠﺖ ﺑﺼﻌﻮﺑﻪ ﻻﻥ ﺑﺄﻳﺪ ﻭﺣﺪﻩ ﻭﺍﺧﺎﻑ ﺗﻮﺻﻞ ﻟﻠﻜﺒﺲ ﻣﻲ .. ﻛﻤﻠﺖ ﻭﻣﺸﻄﺖ ﺑﺲ ﺷﻌﺮﻱ ﻣﺎ ﻛﺪﺭﺕ ﺍﻟﻤﻪ .. ﺑﺲ ﺧﻠﻴﺖ ﻃﻮﻙ
🌿🌿
ﺷﻔﺘﻬﺎ ﺍﻟﺴﺎﻋﻪ 6 ﺍﻻ ﺧﻤﺴﻪ .. ﺭﺣﺖ ﻟﻐﺮﻓﺔ ﺑﻜﺮ .. ﺩﻛﻴﺘﻬﺎ ﻣﺎﻛﻮ .. ﻓﺘﺤﺖ ﺍﻟﺒﺎﺏ .. ﻧﺎﻳﻢ ﻭﺍﻟﻐﺮﻓﻪ ﺛﻠﻠﻠﻠﻠﺞ ﻭﺿﻠﻤﻪ .. ﻣﻨﺰﻝ ﺍﻟﺒﺮﺩﺍﺕ ..
ﺍﺗﻘﺮﺑﺖ ﻣﻨﻪ .. ﺩﻧﻜﺖ ﻋﻠﻴﻪ ﺍﺻﺤﻴﻪ ﺑﻜﺮ ﺑﻜﺮ .. ﻭﻫﻮﻩ ﻳﺼﻴﺢ ﻫﻤﻤﻢ .. ﻛﺘﻠﻪ ﻣﻮ ﻛﺘﻠﻲ ﺍﻛﻌﺪﻙ ﺏ ..6
ﺷﺎﻝ ﺭﺍﺳﻪ ﻭﺑﺎﻭﻋﻠﻲ ﺑﺘﻚ ﻋﻴﻦ ﻭﺍﻟﻨﻌﺎﺱ ﺑﻌﻴﻮﻥ .. ﻭﺩﺍﺭ ﺟﺴﻤﻪ ﻭﻏﻄﺎ ﻧﻔﺴﻪ .. ﻭﻛﺎﻝ ﺑﺲ ﺧﻤﺲ ﺩﻗﺎﻳﻖ .. ﺿﺤﻜﺖ ..
ﻋﻔﺘﻪ ﻭﻛﻤﺖ ﺍﻓﺘﺮ ﺑﺎﻟﻐﺮﻓﻪ ﻣﺎﻟﺘﻪ .. ﺑﻴﻬﺎ ﻋﻄﺮ ﺑﻜﺮ ﺑﺲ ﺷﻠﻮﻥ ﻋﻄﺮ ﻳﺠﻨﻦ .. ﻣﺎ ﺍﻋﺮﻑ ﻋﻄﺮﻩ ﻫﻮﻩ ﻣﻤﻴﺰ ﺷﻮﻛﺖ ﻣﺘﺠﻴﻪ ﻣﻌﻄﺮ ..
ﺣﺘﻰ ﻣﻦ ﺍﻟﺰﻡ ﺍﻳﺪﻩ .. ﺗﺘﻌﻄﺮ ﺍﻳﺪﻱ ﺑﻌﻄﺮ ﺍﻳﺪﻩ .. ﻛﻌﺪ ﻫﻮﻩ .. ﺑﺎﻭﻋﺘﻠﻪ ﻳﻔﺮﻙ ﺑﻮﺟﻬﺎ .. ﻭﻳﻤﺪ ﺑﺠﺴﻤﻪ ..
ﻛﺎﻝ ﻭﻟﻮ ﺍﺗﻌﺒﺞ ﻓﺘﺤﻲ ﺍﻟﻀﻮﻩ ﻭﻃﻠﻌﻴﻠﻲ ﻣﻼﺑﺲ ﻋﻠﻤﺎ ﺍﺳﺒﺢ .. ﻛﺘﻠﻪ ﻳﺎ ﻣﻼﺑﺲ ﺗﺮﻳﺪﻫﺎ .. ﻛﺎﻝ ﺑﺎﻟﻠﻲ ﻳﻌﺠﺒﺞ ..
ﻛﺘﻠﻪ ﺍﻭﻙ .. ﺭﺍﺡ ﻫﻮﻩ ﻟﻠﺤﻤﺎﻡ .. ﻓﺘﺤﺖ ﻛﻨﺘﻮﺭﻩ .. ﺍﻟﻠﻪ ﺍﺭﺗﺐ ﻣﻦ ﺣﻴﺎﺗﻲ .. ﺷﻠﻮﻥ ﻣﺮﺗﺐ ﻏﺮﺍﺿﻪ .. ﻭﻃﺒﻌﺎ ﺑﻨﻔﺴﻪ ﻳﺮﺗﺐ ﻣﻴﻜﻮﻝ ﻻﺣﺪ ﻧﻀﻔﻠﻲ ﻟﻮ ﺗﻌﺎﻝ ﺳﻮﻳﻠﻲ ﺣﺎﺟﻪ ﺍﺑﺪﺍ ..
ﻃﻠﻌﺘﻠﻪ ﻗﻤﻴﺺ ﺍﺳﻮﺩ ﻭﺍﺣﻤﺮ ﻣﻘﻔﻞ ﻧﺎﺯﻙ .. ﻭﻃﻠﻌﺘﻠﻪ ﺑﻨﻄﺮﻭﻥ ﺑﻴﺞ .. ﻭﺳﺎﻋﻪ ﻓﻀﻴﻪ .. ﻭﻧﻀﺎﺭﺕ ﺑﺎﻃﺎﺭ ﺍﺑﻴﺾ ..
ﻃﻠﻊ ﻫﻮﺍ ﻻﺑﺲ ﺍﻟﺒﻴﺠﺎﻣﻪ ﻭﺍﻟﻔﺎﻧﻴﻠﻪ ﻭﺍﻟﺨﺎﻭﻟﻲ ﻓﻮﻙ ﺭﺍﺳﻪ .. ﻛﺎﻝ ﺳﻤﺮ .. ﺑﺲ ﻣﺤﻔﻈﺘﻲ ﺑﺎﻟﺤﻤﺎﻡ ﺟﻴﺒﻴﻬﺎ .. ﻛﺘﻠﻪ ﺍﻱ ..
ﺭﺣﺖ ﺍﺧﺬﺕ ﺍﻟﻤﺤﻔﻈﻪ ﻭ ﺍﺑﺎﻭﻉ ﺷﻠﻮﻥ ﺣﻤﺎﻡ .. ﺍﻟﻴﺸﻮﻑ ﻏﺮﻓﺘﻪ ﻭﺣﻤﺎﻣﻪ ﻳﻜﻮﻝ ﻛﺎﻋﺪ ﺑﻐﻴﺮ ﺑﻴﺖ ﻣﻮ ﺍﺑﻴﺖ ﻋﻤﺘﻲ ﻻﻥ ﺍﺑﺪﺍ ﻣﻮ ﻫﻴﺞ ﺗﺼﻤﻴﻤﻪ ..
ﺍﺟﻪ ﻭﺭﺍﻱ ﻫﻮﻩ ﻭﻓﺘﺢ ﺍﻟﺤﻤﺎﻡ .. ﻛﺎﻝ ﻫﺎﺍ .. ﻛﺘﻠﻪ ﺍﻱ ﻫﺎﻱ .. ﺍﺑﺘﺴﻢ .. ﻛﺘﻠﻪ ﺗﺪﺭﻱ ﺍﺣﻠﻰ ﺷﻲ ﺍﺑﻴﺘﻜﻢ ﻏﺮﻓﺘﻚ ..
ﻣﺸﺎ ﻟﻠﻐﺮﻓﻪ ﻭﺻﺎﺡ ﻛﺪﺍﻣﺞ .. ﻛﺘﻠﻪ ﻻ ﺟﺪﻳﺎﺕ .. ﺧﻮ ﻏﺮﻓﺔ ﺍﺧﺸﺎﺑﻚ ﻭﻳﻠﻲ ﺍﻟﻠﻪ ﺗﻔﻠﺞ .. ﺿﺤﻚ ﻛﺎﻝ ﻣﺎ ﺗﻐﻠﻰ ﻋﻠﻴﺞ ..
ﻛﺘﻠﻪ ﺗﺴﻠﻢ .. ﺗﺘﻬﻨﻰ ﺑﻴﻬﺎ .. ﻛﺎﻝ ﻳﻠﻪ ﻣﻊ ﺍﻟﺴﻼﻣﻪ .. ﺍﺧﺬﻱ ﺭﺍﺣﺘﺞ .. ﻛﺘﻠﻪ ﺑﻜﺮ ﺑﻜﺮ .. ﺩﺍﺭ ﻫﺎﺍ .. ﻛﺘﻠﻪ ﺍﺟﻴﺖ ﺍﺣﺎﺟﻴﻚ ﻋﻠﻰ ﺷﻐﻠﻪ ..
ﻛﺎﻝ ﻭﻫﻲ .. ﻛﺘﻠﻪ ﺟﺎﻣﻌﺘﻲ ﺑﻌﺪ 10 ﺍﻳﺎﻡ .. ﻛﺎﻝ ﺷﺒﻴﻬﺎ .. ﻛﺘﻠﻪ ﻳﻌﻨﻲ ﺍﺟﻴﺖ ﺍﺣﺠﻲ ﻭﻳﻪ ﻋﺎﺩﻝ .. ﺑﺲ ﻣﻦ ﺷﻔﺖ ﺍﻟﻴﻮﻡ ﻛﺘﻠﻪ ﻣﺎ ﺍﻟﻚ ﺷﻐﻞ ﺑﺴﻤﺮ ﻛﻠﺖ ﺍﺣﺎﺟﻴﻚ ..
ﻛﺎﻝ ﺍﻱ ﻋﻠﻰ ﺑﺎﻟﻲ .. ﻛﺘﻠﻪ ﻳﻌﻨﻲ ﺍﺩﺍﻭﻡ .. ﻛﺎﻝ ﻃﺒﻌﺎ .. ﺟﺎﻣﻌﺘﺞ ﻫﺎﻱ ﻣﺎﻝ ﺑﻐﺪﺍﺩ ﻏﻴﺮ .. ﻛﺘﻠﻪ ﺍﻳﻲ ﻫﻴﻪ ..
ﻛﺎﻝ ﺳﻬﻠﻪ ﺍﻧﻲ ﺍﺧﺬﺝ ﻭﺍﻭﺩﻳﺞ ﻟﺘﺸﻐﻠﻴﻦ ﺑﺎﻟﺞ .. ﻛﺘﻠﻪ ﻣﺎﺷﻲ ﺷﻜﺮﺍ .. ﻃﻠﻊ .. ﺭﺣﺖ ﺍﻟﻐﺮﻓﺘﻲ ﻭﺟﺎﻥ ﺍﺷﻮﻑ ﺭﻧﺎ ﻭﻋﻤﺘﻲ ﺳﺎﻣﻴﻪ ﺑﻐﺮﻓﺘﻲ ..
ﻓﺎﺗﺤﺎﺕ ﻛﻨﺘﻮﺭﻱ ﻭﻳﺨﺘﺎﺭﻥ .. ﻭﻳﻄﻠﻌﻦ ﺑﻜﻴﻔﻬﻦ .. ﻛﻠﺖ ﻫﺎ ﻋﻤﻪ ﺗﺤﺘﺎﺟﻴﻦ ﺷﻲ .. ﻛﺎﻟﺖ ﺍﻱ .. ﻧﻴﺸﺎﻧﺞ ﺭﺍﺡ ﺍﺧﺬﻩ ﻟﺮﻧﺎ ..
ﻛﺘﻠﻬﺎ ﻟﻴﺶ .. ﻛﺎﻟﺖ ﻛﻠﻤﻪ ﻭﺣﺪﻩ ﺍﺷﻚ ﺭﺍﺳﺞ .. ﻣﺜﻞ ﻣﺎ ﻓﺮﻳﺘﻲ ﺭﺍﺱ ﺑﻜﺮ ﻋﻠﻴﻨﻪ ﺍﺧﺬ ﻏﺮﺍﺿﺞ ﻛﻠﻬﺎ .. ﻭﻛﻔﺖ ﺍﺑﺎﻭﻋﻠﻬﻢ ..
ﺷﻜﻮ ﺷﻲ ﺍﻟﻴﻪ ﺟﺪﻳﺪ ﺍﺧﺬﻭ ﻣﻼﺑﺲ ﻃﻠﻌﻪ ﻛﻼﺑﻴﺎﺕ .. ﻣﻜﻴﺎﺝ ﺻﺒﻎ ﺍﺿﺎﻓﺮ ﺷﺴﻮﺍﺭ ﺯﻳﻮﺕ ﺣﺘﻰ ﺍﻟﻤﻼﺑﺲ ﺍﻟﺪﺍﺧﻠﻴﻪ ﺍﻟﻤﻤﺴﺘﺨﺪﻣﺘﻬﻢ .. ﺍﺧﺬﻭﻫﻢ ..
ﺻﺮﺍﺣﻪ ﻭﻛﻔﺖ ﺍﻟﺪﻣﻌﻪ ﺑﻨﺺ ﻋﻴﻨﻲ ﻭﺍﻟﻌﺒﺮﻩ ﺧﻨﻜﺘﻨﻲ ﺷﻜﺪ ﺣﺴﻴﺖ ﺑﻀﻌﻒ ﺑﻠﺤﻈﺘﻬﺎ .. ﻓﻌﻼ ﺗﻤﻨﻴﺖ ﺑﻜﺮ ﻣﻮﺟﻮﺩ ﻭﺍﺭﻭﺡ ﻭﺍﺷﺘﻜﻲ ﻭﻳﺠﻲ ﻳﻮﻛﻔﻬﻢ ..
🌿🌿
ﺑﺲ ﺑﻌﺪ ﺍﺧﺬﻭ ﻭﺍﺫﺍ ﺍﺣﺠﻲ ﺍﺑﺘﻠﻲ .. ﺍﺧﺬﻭ ﻛﻮﻟﺸﻲ ﻭﻃﻠﻌﻦ .. ﻓﺘﺤﺖ ﺍﻟﻜﻨﺘﻮﺭ ﺷﺒﻪ ﻓﺮﻍ .. ﻣﻦ ﻏﺮﺍﺿﻲ ..
ﻣﺎ ﺣﺠﻴﺖ ﺷﻲ ﺑﺲ ﻛﻠﺖ ﻋﺴﺎﻫﺎ ﻻ ﺗﺘﻬﻨﺎ ﺑﻴﻬﻢ .. ﻭﻋﺒﺮﺗﻲ ﻫﺎﻱ ﺗﻄﻠﻊ ﺣﻮﺑﺘﻬﺎ .. ﻭﺑﻘﻴﺖ ﺍﺭﺩ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﻴﻬﻢ ﻭﺍﺑﺠﻲ
ﺍﻟﻲ ﻋﺮﻓﺘﻪ ﻋﺮﺳﻬﺎ ﺑﻌﺪ ﺍﺳﺒﻮﻉ .. ﻟﻠﻴﻞ ﺍﺟﺖ ﺍﻣﻴﺮﻩ ﺑﻨﺖ ﻋﻤﺘﻲ ﻫﻴﻪ ﻭﺟﻬﺎﻟﻬﺎ ﺍﻧﻮﺏ ﺍﻟﺒﻨﺎﺕ ﻛﻠﻬﻢ ﺍﺟﻮ ﺻﺎﺭﺕ ﻫﻮﺳﻪ ..
ﺍﺟﻦ ﻗﺒﻞ ﺍﻟﻌﺮﺱ ﺑﺎﺳﺒﻮﻉ ﻋﻠﻤﻮﺩ ﻳﺤﻈﺮﻥ ﻭﻳﻪ ﺭﻧﺎ ﺑﻌﺘﺒﺎﺭﻫﺎ ﺍﺧﺘﻬﻦ ﺍﻟﺼﻐﻴﺮﻩ .. ﺍﻧﻲ ﻭﻛﻔﺖ ﻋﻠﻄﺒﺎﺥ .. ﺍﻛﻠﻲ ﻧﻮﺍﺷﻒ ..
ﺍﺟﻪ ﺑﻜﺮ .. ﻛﺎﻝ ﺍﻟﻠﻪ ﻳﺴﺎﻋﺪﻫﻢ .. ﻛﺘﻠﻪ ﻫﻠﻪ .. ﺩﺍﺭ ﻭﺟﻬﺎ ﺷﺒﻴﺞ .. ﻛﺘﻠﻪ ﻣﺎ ﺑﻴﻪ ﺷﻲ .. ﻛﺎﻝ ﺳﻤﺮ .. ﺍﻟﻌﺼﺮ ﻋﻔﺖ ﻋﻴﻮﻧﺞ ﺗﻮﺭﺩ ..
ﻫﺴﻪ ﺷﺒﻴﺞ .. ﻧﺰﻟﺖ ﺩﻣﻮﻋﻲ ﻏﺼﺐ ﻋﻨﻲ ﻭﻛﺘﻠﻪ ﻣﺎﻛﻮ ﺷﻲ ﻭﺍﺣﺎﻭﻝ ﺍﺧﻔﻲ ﺩﻣﻮﻋﻲ ﺑﺲ ﻣﻮ ﺑﻴﺪﻱ ﺗﻨﺰﻝ ﻭﺣﺪﻫﺎ ﺑﺤﺮﻛﻪ ..
ﻟﺰﻡ ﺍﻳﺪﻱ ﻛﺎﻝ ﺷﺒﻴﺞ .. ﺩﺧﻠﺖ ﺍﻣﻴﺮﻩ .. ﺻﺎﺣﺖ ﻋﻠﻰ ﺑﻜﺮ ﺷﻠﻮﻧﻚ ﺧﻮﻳﻪ .. ﺩﺍﺭﻟﻬﺎ ﻫﻼﺍﺍﺍ ﺍﻣﻴﺮﻩ ﻫﺎﻱ ﺷﻮﻛﺖ ﺍﺟﻴﺘﻮﻭ ﻭﺳﻠﻢ ..
ﺑﻘﺖ ﺍﻣﻴﺮﻩ ﻭﺍﻛﻔﻪ .. ﻭﺍﻧﻲ ﺍﻣﺴﺢ ﻭﺍﻧﺸﻒ ﺑﺪﻣﻮﻋﻲ .. ﻭﺍﻛﻠﻲ .. ﻭﺑﻜﺮ ﻣﺸﺎﻝ ﻋﻴﻨﻪ ﻣﻨﻲ ﻭﻣﺎ ﻛﺪﺭ ﻳﺴﻜﺖ .. ﻛﺎﻝ ﺍﻣﻴﺮﻩ ﺷﺒﻴﻬﺎ ﺳﻤﺮ ..
ﻛﺎﻟﺘﻠﻪ ﻭﺍﻟﻠﻪ ﻣﺎ ﺍﻋﺮﻑ .. ﺷﺒﻴﺞ .. ﻛﺘﻠﻬﺎ ﻻ ﺍﻳﺪﻱ ﺗﺄﺫﻳﻨﻲ ﺣﻴﻞ .. ﺍﻟﻌﻀﻢ ﺩﻳﺼﻞ ﻋﻠﻴﻪ .. ﻛﺎﻟﺖ ﺍﻣﺸﻲ ﺭﻭﺣﻲ ﺍﻧﻲ ﺍﻛﻠﻲ ..
ﻣﺸﻴﺖ ﻟﻠﻐﺮﻓﻪ .. ﺩﺧﻞ ﺑﻜﺮ ﻭﺭﺍﻱ .. ﻛﺎﻝ ﺷﻜﻮ .. ﺍﺣﺠﻲ ﺑﺪﻭﻥ ﻟﻒ . ﻭﺩﻭﺍﺭﻥ .. ﻛﻤﺖ ﻓﺘﺤﺖ ﻛﻨﺘﻮﻱ ﻭﻛﺘﻠﻪ ﺷﻮﻑ ﺑﺲ ﺷﻮﻑ ﻭﻳﻦ ﻭﺻﻠﺖ ﺣﺎﻟﺘﻲ ..
ﻭﺍﻧﻔﺠﺮﺕ ﺍﺑﺠﻲ .. ﻭﺍﻣﺴﺢ ﺑﺪﻣﻮﻋﻲ .. ﻛﺎﻝ ﺑﺲ ﺍﻫﺪﻱ ﻭﻓﻬﻤﻴﻨﻲ ﺷﻜﻮ ﺷﻨﻮ ﺻﺎﻳﺮ ..
ﻛﺘﻠﻪ ﺭﻧﺎ ﻭﻋﻤﺘﻲ ﺳﺎﻣﻴﻪ ﺍﺧﺬﻭ ﻛﻮﻟﺸﻲ ﻣﻨﻲ ﻻﻥ ﺍﻧﺘﻪ ﻣﻨﻄﻴﺘﻬﻢ ﻓﻠﻮﺱ ﻳﺠﻬﺰﻭﻥ ﺭﻧﺎ .. ﺟﻬﺰﺗﻬﺎ ﺑﺠﻬﺎﺯﻱ ..
ﺩﺍﺭ ﻭﺟﻬﺎ ﺭﺍﺩ ﻳﻄﻠﻊ ﺑﻐﻀﺐ .. ﻟﺰﻣﺖ ﺍﻳﺪﻩ ﻭﻛﺘﻠﻪ ﺍﻟﻠﻪ ﻋﻠﻴﻚ ﺍﺳﻜﺖ .. ﺍﻧﻲ ﺑﺲ ﺭﺩﺕ ﺍﺣﺠﻲ ﻻﻥ ﺍﻟﻬﻢ ﺍﻛﻞ ﻛﻠﺒﻲ ﻭﻣﺎﺑﻴﻪ ﺣﻴﻞ ﺑﻌﺪ ..
ﻛﺎﻝ ﻭﺧﺮﻱ ﺍﻧﻲ ﺍﺗﺼﺮﻑ ﻭﻳﺎﻫﻢ .. ﻛﺘﻠﻪ ﻋﻮﻓﻬﻢ ﺑﻜﺮ ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﻣﺎ ﺍﻟﻲ ﺧﻠﻚ .. ﻛﺎﻝ ﺑﺴﻴﻄﻪ ..
ﺑﺪﻟﻲ ﻭﺍﺧﺬﻱ ﻛﻢ ﻏﺮﺽ ﻭ ﺍﻣﺸﻲ ﻭﻳﺎﻱ .. ﻛﺘﻠﻪ ﻭﻳﻦ .. ﻛﺎﻝ ﺍﺑﻘﻴﻠﺞ ﻛﻢ ﻳﻮﻡ ﻳﻢ ﺑﻴﺖ ﻋﻤﻪ ﺭﻭﻳﺪﻩ .. ﺍﺭﺗﺎﺣﻲ ﻫﻨﺎﻙ ..
ﻫﻨﺎ ﻋﺮﺱ ﻭﻫﻮﺳﻪ ﻭﺭﺍﺡ ﻳﺄﺫﻭﺝ ﺑﺸﻐﻞ ﻭﺍﻧﺘﻲ ﺗﻌﺒﺎﻧﻪ ﻭ ﺗﻚ ﺍﻳﺪ ..
ﻛﺘﻠﻪ ﻟﺤﻈﻪ ﺍﻟﻢ ﻏﺮﺍﺿﻲ .. ﻟﻤﻴﺖ ﻛﻢ ﺣﺎﺟﻪ ﺧﻠﻴﺘﻬﺎ ﺑﺠﻨﻄﻪ ﻭﻃﻠﻌﺖ .. ﺻﺎﺣﺖ ﻋﻤﺘﻲ ﻫﺎ ﻭﻳﻦ ﻣﺎﺧﺬﻫﺎ .. ﻛﺎﻟﻠﻬﺎ ﺗﻌﺒﺎﻧﻪ ﺍﻳﺪﻫﺎ ﻭﻋﻤﺘﻲ ﺭﻭﻳﺪﻩ ﺍﻟﻴﻮﻡ ﻛﺎﻟﺖ ﺟﻴﺒﻠﻴﺎﻫﺎ ..
ﻛﺎﻟﺖ ﺍﺧﺬﻫﺎ .. ﻃﻠﻌﻨﻪ ﻭﻣﺸﻴﻨﻪ ﻟﻌﻤﻪ ﺭﻭﻳﺪﻩ ﺗﺼﻴﺮ ﺍﺧﺖ ﺍﺑﻮﻳﻪ ﻫﻢ ﺑﺲ ﺍﺣﺒﻬﺎ ﺍﻛﺜﺮ ﻣﻦ ﻋﻤﻪ ﺳﺎﻣﻴﻪ ﻻﻥ ﻃﻴﺒﻪ ..
ﺩﺧﻠﺖ ﺍﺳﺘﻘﺒﻠﺘﻨﻲ ﻭﺑﻜﺮ ﺳﻮﻟﻔﻠﻬﺎ ﻋﻠﻲ ﺍﻣﻪ .. ﻛﺎﻟﺘﻠﻪ ﻫﺎﻱ ﺳﺎﻣﻴﻪ ﺗﺨﺒﻠﺖ ﺷﺒﻴﻬﺎ ﻏﻴﺮ ﺑﺖ ﺍﺧﻮﻧﻪ ﻫﺎﻱ ﺍﺣﻨﻪ ﺳﺘﺮﻫﺎ ﻭﻏﻄﺎﻫﺎ ..
ﻛﺎﻟﻠﻬﺎ ﺍﻣﻲ ﺑﻌﺪ .. ﻛﺎﻟﺘﻠﻪ ﻋﻮﻓﻬﺎ ﻫﻨﺎ ﻭﻳﻪ ﺍﻟﺒﻨﺎﺕ ﺗﺮﺗﺎﺡ ..
ﻃﻠﻊ ﻭﻳﻮﺻﻲ ﻋﻤﺘﻲ ﻋﻠﻴﻬﺎ .. ﻳﻜﻮﻟﻬﺎ ﻋﻤﻬﺎﻧﻄﻴﻬﺎ ﻋﻼﺟﻬﺎ ﻣﻦ ﺗﻨﺎﻡ ﻻﻥ ﺍﻟﻌﻈﻢ ﻳﻜﻮﻡ ﻳﺼﻞ ﻋﻠﻴﻬﺎ .. ﺑﻘﺖ ﺗﻀﺤﻚ ﻫﻴﻪ .. ﻛﺎﻟﺘﻠﻪ ﻻ ﺗﺸﻐﻞ ﺑﺎﻟﻚ ﺭﻭﺡ
🌿🌿
ﺑﻘﻴﺖ ﺍﺑﻴﺖ ﻋﻤﻪ ﺳﺎﻣﻴﻪ .. ﻫﻴﻪ ﺍﺭﻣﻠﻪ ﻭﻋﺪﻫﺎ 3 ﺑﻨﺎﺕ ﻭ 2 ﻭﻟﺪ ﻛﺒﺎﺭ ﻭﻟﺪﻫﺎ ﻣﺘﺰﻭﺟﻴﻦ ..
ﻛﻌﺪﺕ ﻋﺪﻫﻢ ﺑﺲ ﻓﻌﻼ ﺍﺭﺗﺎﺣﻴﺖ .. ﺟﻨﺎﻳﻨﻬﺎ ﺩﺭﻩ ﻣﺎﻝ ﺍﻟﻠﻪ ﺷﻠﻮﻥ ﺑﻨﺎﺕ ﻭﺣﺘﻰ ﺑﻨﺎﺗﻬﺎ .. ﺍﻧﻲ ﺍﻋﺮﻓﻬﻢ ﺑﺲ ﻣﻤﺘﺨﺎﻟﻄﻪ ﻭﻳﺎﻫﻢ ﻗﺒﻞ ..
ﻻﻥ ﺑﺲ ﻋﻤﻪ ﺳﺎﻣﻴﻪ ﻭﻭﻟﺪﻫﺎ ﻣﺨﺘﻠﻄﻴﻦ ﻭﻳﺎﻫﻢ ﻣﻦ ﺍﻫﻞ ﺑﺎﺑﺎ ﺍﻟﺒﺎﻗﻴﻦ ﻣﺎ ﻳﺮﺩﻭﻥ ﺍﻣﻲ ﻻﻥ ﺍﺗﺰﻭﺟﻬﺎ ﺑﺎﺑﺎ ﻏﺼﺐ ﻋﻨﻬﻢ .. ﺑﺲ ﻳﺤﺒﻮﻧﻪ ﻟﺤﺐ ﺍﺑﻮﻳﻪ ..
ﺑﻘﻴﺖ ﻟﺤﺪ ﻗﺒﻞ ﻳﻮﻡ ﺍﻟﺤﻨﻪ ﻣﺎﻝ ﺭﻧﺎ .. ﺍﺟﻴﺖ ﻭﻳﻪ ﻋﻤﻪ ﺭﻭﻳﺪﻩ ﺍﻟﺼﺒﺢ ﻟﺒﻴﺖ ﻋﻤﻪ ﺳﺎﻣﻴﻪ .. ﺭﺩﺕ ﺍﺩﺧﻞ ﻟﻐﺮﻓﺘﻲ .. ﻋﺎﺩﻝ ﻛﺎﻝ ﺑﻌﺪ ﻣﺎ ﺍﻟﺞ ﻣﻜﺎﻥ ﺑﻐﺮﻓﺘﻲ ..
ﺭﺍﺡ ﺍﺗﺰﻭﺝ ﺑﻬﺎﻱ ﺍﻟﻐﺮﻓﻪ .. ﺍﻧﺘﻲ ﺭﻭﺣﻲ ﺑﻐﺮﻓﺔ ﺭﻧﺎ ﻣﺎ ﺍﻟﺞ ﻧﻮﻣﻪ ﺑﻐﺮﻓﺘﻲ .. ﻛﺘﻠﻪ ﻫﺎﻱ ﺷﺒﻴﻚ ﻋﺎﺩﻝ ﻟﻴﺶ ﻫﻴﺞ ﺗﺘﺼﺮﻑ ﻭﻳﺎﻳﻪ ..
ﻛﺎﻝ ﺍﻃﻠﻌﻲ ﺳﻤﺮ ﻻ ﺍﺩﻭﺧﻴﻨﻲ .. ﻫﺎﻱ ﻣﻮ ﻏﺮﻓﺘﺞ ﻣﻨﺎ ﻭﺟﺎﻱ .. ﻭﻏﺮﺍﺿﺞ ﺷﻤﺮﺗﻬﺎ ﺑﻐﺮﻓﺔ ﺭﻧﺎ .. ﺣﺤﺘﺰﻭﺝ ﺍﻧﺘﻲ ﺍﻛﻌﺪﻱ ﻫﻨﺎﻙ
ﻛﺘﻠﻪ ﻋﺎﺩﻝ ﺷﺒﻴﻚ .. ﻭﻳﺎﻳﻪ ﻟﻴﺶ ﻫﻴﺞ .. ﺍﺩﻣﻮﻋﻲ ﺗﺠﻤﺪﺕ ﺑﻌﻴﻨﻲ ﻭﺍﻧﻲ ﺍﺑﺎﻭﻉ ﻛﻮﻟﺸﻲ ﺍﻟﻲ ﺑﺎﻟﻐﺮﻓﻪ ﻣﻄﻠﻌﻴﻪ ..
ﺑﻜﺮ ﺻﺎﺡ ﺳﻤﺮﺭﺭ ﺍﺗﺮﻛﻲ ﻋﺎﺩﻝ ﻭﺍﺩﺧﻠﻲ ﻟﻐﺮﻓﺔ ﺭﻧﺎ ﺻﺎﺭﺕ ﺍﻟﺞ .. ﻃﻠﻌﺖ ﺍﺑﺎﻭﻉ ﻟﺒﻜﺮ ﺍﺷﺮﻟﻲ ﺑﺤﺎﺟﺒﻪ ﻟﻐﺮﻓﺔ ﺭﻧﺎ .. ﻭﻣﻜﺘﻒ ﺍﺩﻳﻪ ..
ﺍﺑﺎﻭﻉ ﻟـ ﺭﻧﺎ ﺑﺪﻫﺎ ﺗﺎﻛﻠﻨﻲ ﺑﻌﻴﻮﻧﻬﺎ ﻣﻦ ﺍﻟﻐﻀﺐ ﺫﻭﻟﻪ ﺷﺒﻴﻬﻢ ..
ﺷﺴﻮﻳﺘﻠﻬﻢ .. ﺍﺧﺬﺕ ﺟﻨﻄﺘﻲ ﻭﺩﺧﻠﺖ ﻏﺮﻓﺔ ﺭﻧﺎ ﺿﺤﻜﺖ ﻫﻬﻬﻬﻬﻬﻪ ﻣﺜﻞ ﺍﻟﻮﺍﺣﺪ ﻣﺤﺘﺮﻙ ﻭﺷﻤﺮﻭ ﻋﻠﻴﻪ ﺳﻄﻞ ﻣﻲ .. ﺑﻘﻴﺖ ﺍﺿﺤﻚ ﻭﻣﺨﻠﻴﻪ ﺍﻳﺪﻱ ﻋﻠﻰ ﺣﻠﻜﻲ
ﻭﻃﻠﻌﺖ ﺍﻟﺒﻜﺮ ﻭﻫﻮﻩ ﻳﺒﺘﺴﻢ .. ﻛﺘﻠﻪ ﺳﻮﻳﺘﻬﺎ ..
ﻛﺎﻝ ﺑﺎﻟﻌﺎﻓﻴﻪ .. ﻏﺮﻓﺘﺞ ﺍﻟﺠﺪﻳﺪﻩ ﺑﺎﻟﻀﺒﻂ ﻣﺜﻞ ﺍﻟﺪﻳﺰﺍﻳﻦ ﻣﺎﻝ ﻏﺮﻓﺘﻲ ﺍﻳﻄﺎﻟﻲ ﻣﺜﻞ ﻣﺘﺤﺒﻴﻦ .. ﻣﺎ ﺍﻋﺮﻑ ﻣﻦ ﺍﻟﻔﺮﺣﻪ ﺣﻤﻴﺖ ﻭ ﺍﺧﺬﺗﻪ ﺑﺤﻈﻨﻲ ﻭﺣﻈﻨﺘﻪ ﻭﺍﺿﺤﻚ ﻭﺍﻟﺪﻣﻮﻉ ﺑﻌﻴﻨﻲ ..
ﺩﺧﻠﺖ ﻓﻌﻼ ﻧﻔﺲ ﺍﻟﺪﻳﺰﺍﻳﻦ . ﺍﺧﺘﻼﻑ ﻗﻠﻴﻞ ﺑﺎﻟﻤﻮﺩﻳﻞ ﻣﺎﻝ ﺍﻟﻐﺮﻓﻪ .. ﺑﺲ ﻧﻔﺲ ﺍﻟﺘﺼﻤﻴﻢ .. ﻓﺘﺤﺖ ﺍﻟﻜﻨﺘﻮﺭ ..
ﻣﺸﺘﺮﻳﻠﻲ ﻣﻼﺑﺲ ﺟﺪﻳﺪﻩ ﻭﻣﺨﻠﻴﻬﻢ ﺑﺎﻟﻜﻨﺘﻮﺭ . ﺩﺭﺗﻠﻪ ﻭﻫﻮﻩ ﻣﻨﺘﺠﻲ ﻋﻠﺒﺎﺏ ﻭﻣﻜﺘﻒ ﺍﺩﻳﻪ ﻭﻣﺒﺘﺴﻢ .. ﺍﺗﻘﺮﺏ ﻳﻤﻲ ..
ﻛﺎﻝ ﺑﺎﻋﻲ ﺍﻟﻤﻼﺑﺲ ﻋﻠﺬﻭﻗﻲ .. ﺍﺫﺍ ﻣﻌﺠﺒﻮﺝ ﻋﺎﺩﻱ ﺍﺭﺟﻌﻬﻢ ﻭﺗﺮﺣﻴﻦ ﻭﻳﺎﻳﻪ ﺗﺨﺘﺎﺭﻳﻦ ﺍﻟﻠﻲ ﻳﻌﺠﺒﺞ ..
ﻛﺘﻠﻪ ﺑﻜﺮ ﻣﺎ ﺍﻋﺮﻑ ﺷﺤﺠﻲ ﻭﺷﻠﻮﻥ ﺍﺷﻜﺮﻙ ﻭﺍﻟﻠﻪ ﺍﻟﻜﻼﻡ ﺩﻳﻀﻴﻊ ﻣﻦ ﺍﻟﺴﺎﻧﻲ ﻣﻦ ﺍﻟﺼﺪﻣﻪ ﺑﺲ ﺻﺪﻭﻙ ﺷﻜﺮﺍ ﻫﻬﻬﻪ ..
ﺿﺤﻚ ﻫﻬﻬﻪ ﻭﺍﺗﻘﺮﺏ ﻭ ﻫﻤﺲ ﺑﺄﺫﻧﻲ ﻓﺮﺣﺘﺞ ﻫﺎﻱ ﺍﻟﻠﻲ ﺑﻌﻴﻮﻧﺞ ﻛﺎﻓﻴﺘﻨﻲ ﻭﻣﻄﻴﺮﺗﻨﻲ ﺑﻬﻮﺍﻫﺎ ..
ﺍﺑﺘﻌﺪﺕ ﻣﻨﻪ .. ﻭﺍﻧﻲ ﺍﺣﺎﻭﻝ ﺍﺧﻔﻲ ﺍﻻﺑﺘﺴﺎﻣﻪ ﺑﺲ ﻓﻌﻼ ﻓﺮﺣﺖ ﻣﻦ ﻛﻞ ﻛﻠﺒﻲ .. ﺻﺪﻗﺎ ﺍﻭﻝ ﻣﺮﻩ ﺑﺤﻴﺎﺗﻲ ﺍﺣﺲ ﺍﻧﺴﺎﻥ ﻣﻬﺘﻤﻠﻲ ﻭﻳﺪﻭﺭ ﺳﻌﺎﺩﺗﻲ ﺭﻏﻢ ﺍﺫﻳﺔ ﺍﻟﻜﻞ ..
ﺑﻘﻴﺖ ﺳﺎﻋﺎﺕ ﺑﺎﻟﻐﺮﻓﻪ ﺍﻧﻈﻤﻬﺎ .. ﻃﻠﻌﺖ ﺭﻧﺎ ﺑﺪﻫﺎ ﺗﺎﻛﻠﻨﻲ .. ﺍﻟﻠﻲ ﻋﺮﻓﺘﻪ ﻣﻦ ﻃﻠﻌﺖ ﻣﻦ ﺍﻟﺒﻴﺖ ﺑﻜﺮ ﻣﺘﻌﺎﺭﻙ ﻭﻳﺎﻫﻢ .. ﻋﻠﺴﻮﻭﻩ ﻭﻳﺎﻳﻪ ﻭﺷﻠﻮﻥ ﺍﺧﺬﻭ ﻣﻼﺑﺴﻲ
ﻭﻣﺘﺤﺎﺟﻲ ﻭﻳﻪ ﺭﻧﺎ ﻭﻣﺘﻌﺎﺭﻛﻴﻦ .. ﻭﻛﺎﻳﻠﻠﻬﺎ ﻣﺪﺍﻡ ﻫﻴﺞ .. ﺷﻜﻮ ﺍﻟﺞ ﺑﺎﻟﻐﺮﻓﻪ ﺍﻃﻠﻌﻴﻪ ﺍﻧﺘﻲ ﻫﻨﺎ ﺧﻄﺎﺭ ﻭﻏﺮﻓﺘﺞ ﺍﻟﺴﻤﺮ .. ﻭﺷﺎﻣﺮ ﻏﺮﺍﺿﻬﺎ ﺑﺮﺍ ..
🌿🌿🌿
ﻣﺘﻌﺎﺭﻛﻪ ﻭﻳﺎﻩ ﺍﻣﻪ .. ﻛﺎﻳﻠﺘﻠﻪ ﺍﻧﺘﻪ ﻣﺎ ﺗﺴﺘﺤﻲ ﺗﺸﻤﺮ ﻏﺮﺍﺽ ﺍﺧﺘﻚ ﻋﻠﻤﻮﺩ ﺳﻤﺮ .. ﻛﺎﻟﻠﻬﺎ ﺟﺎﻥ ﺍﺳﺘﺤﻴﺘﻲ ﺍﻧﺘﻲ ﻟﻤﺎ ﺍﺧﺬﺗﻲ ﻏﺮﺍﺽ ﺍﻟﺒﻨﻴﻪ ﻣﻦ ﻏﺮﻓﺘﻬﺎ ..
ﻭﻣﺘﻌﺎﺭﻛﻴﻦ ﻭﺻﺎﻳﺮﻩ ﻋﺮﻛﻪ ﺟﺒﻴﺮﻩ ﻭﺑﻜﺮ ﺗﺎﺭﻙ ﺍﻟﺒﻴﺖ ﻭﻃﺎﻟﻊ ﻭﻛﺎﻳﻠﻠﻬﻢ ﺑﻌﺪ ﻣﺎ ﺍﻟﻲ ﻋﻴﺸﻪ ﻭﻳﺎﻛﻢ ..
ﻭﺑﺎﻗﻲ ﻳﻮﻣﻴﻦ ﻭﺭﺍﺟﻌﻴﻦ ﻣﺮﺍﺿﻴﻪ ﻭﻛﺎﻳﻠﻴﻠﻪ ﺑﻌﺪ ﻣﺎ ﺍﻟﻨﻪ ﺷﻐﻞ ﻭﻳﻪ ﺳﻤﺮ ﺑﺲ ﺍﺭﺟﻊ .. ﻃﺒﻌﺎ ﻣﻮ ﻋﻠﻤﻮﺩﻩ ﻋﻠﻤﻮﺩ ﺟﻴﺒﻪ .. ﻻﻥ ﺑﺪﻭﻧﻪ ﻣﺴﺘﺤﻴﻞ ﻛﻮﻟﺸﻲ ﻣﺎ ﻋﺪﻫﻢ
ﻋﺎﺩﻝ ﻋﺎﻃﻞ ﻋﻦ ﺍﻟﻌﻤﻞ ﻭﻋﻤﻮ ﺧﻠﻴﻞ ﻛﺬﺍﻟﻚ ﺣﺘﻰ ﺭﺍﺗﺐ ﺗﻘﺎﻋﺪﻱ ﺍﻭ ﺍﻱ ﻣﺎ ﻋﻨﺪﻩ ﺣﺘﻰ ﺭﻋﺎﻳﻪ .. ﻛﻞ ﺷﻲ ﺑﺤﻴﺎﺗﻬﻢ ﻣﺮﺗﻜﺰ ﻋﻠﻰ ﺑﻜﺮ ..
ﻓﺮﺍﺟﻊ ﻭﻃﻠﻊ ﻏﺮﻓﺔ ﺭﻧﺎ ﻭﻣﻨﻈﻢ ﺍﻟﻐﺮﻓﻪ .. ﺑﺪﻭﻥ ﺣﻤﺎﻡ ﻃﺒﻌﺎ ﻻﻥ ﻏﺮﻓﺔ ﺭﻧﺎ ﺍﺯﻏﺮ ﻣﻦ ﻏﺮﻓﺔ ﺑﻜﺮ ..
ﻭﻣﺴﻮﻱ ﻛﻞ ﻫﺸﻐﻼﺕ ﻭﻫﻤﻪ ﻣﻴﻜﺪﺭﻭﻥ ﻳﺤﺠﻮﻥ .. ﻭﺍﻟﻌﺠﻴﺐ ﺍﻟﻠﻲ ﻛﺎﺗﻠﻨﻲ ﻣﺎ ﻓﺪ ﻳﻮﻡ ﺳﺄﻟﻮ ﺑﻜﺮ ﻟﻴﺶ ﻫﻴﺞ ﻳﻌﺎﻣﻠﻨﻲ .. ﻭﻣﻬﺘﻢ ﺑﻴﻪ ﺑﻬﺸﻜﻞ
ﺍﻟﺤﺐ ﺍﻟﺒﻌﻴﻮﻧﻪ ﺍﻟﻲ .. ﺍﺣﺲ ﺍﻟﻌﺎﻟﻢ ﻛﻠﻬﺎ ﺗﻌﺮﻓﻪ ﻣﻦ ﻧﻀﺮﻩ ﺑﺲ ﻟﻴﺶ ﻫﻤﻪ ﻟﻼﻥ ﻣﻌﺮﻓﻮﻭ ﻭﻣﺎ ﺣﺠﻮ ﻣﺎ ﺍﻋﺮﻑ ..
ﻛﻤﻠﺖ ﺍﻟﻌﺸﺎ ﻭﻳﺎﻫﻢ ﻭﺍﻧﻲ ﺍﺣﺲ ﻧﻔﺴﻲ ﻃﺎﻳﺮﻩ ﻓﺮﺡ .. ﻟﺸﻮﻱ .. ﺍﺟﻪ ﻋﺎﺩﻝ .. ﻛﺎﻝ ﺳﻤﺮ ﻛﻮﻣﻲ .. ﻛﺘﻠﻪ ﻭﻳﻦ ..
ﻛﺎﻝ ﻧﻔﺘﺢ ﺍﻟﻜﺒﺲ ﻣﺎﻝ ﺍﻳﺪﺝ ﻋﻨﺪ ﺍﻟﺪﻛﺘﻮﺭ .. ﻛﺘﻠﻪ ﻣﺎﺷﻲ .. ﺭﺣﺖ ﺑﺪﻟﺖ .. ﻭﻃﻠﻌﺖ .. ﺑﻜﺮ ﻳﺴﻮﻕ ﻭﻋﺎﺩﻝ ﻭﻳﺎﻧﻪ ..
ﻓﺘﺢ ﻋﺎﺩﻝ ﺍﻟﻤﻮﺿﻮﻉ ﻋﻠﻰ ﺯﻭﺍﺟﻪ ﺷﻮﻛﺖ .. ﻛﺎﻟﻪ ﺑﻜﺮ ﻫﺴﻪ ﻣﺎ ﻋﻨﺪﻱ ﺟﻮﻩ ﺍﻳﺪﻱ ﻓﻠﻮﺱ .. ﺍﻟﻠﻲ ﻋﻨﺪﻱ ﺷﻤﺮﺗﻪ ﻋﻠﻰ ﻏﺮﻓﺔ ﺳﻤﺮ ..
ﻛﺎﻝ ﻋﺎﺩﻝ .. ﻭﺷﻮﻛﺖ ﻟﻌﺪ .. ﻛﺎﻟﻪ ﺍﻧﺘﻀﺮ ﻓﺪ ﺷﻬﺮ ﺷﻬﺮﻳﻦ .. ﻛﺎﻟﻪ ﺑﻜﺮ ﻫﺎﻱ ﻣﻮ ﺣﺎﻟﻪ .. ﻛﺎﻟﻪ ﺑﺎﻭﻋﻠﻲ ﻋﺎﺩﻝ ..
ﺍﻧﻲ ﻣﺎ ﺍﺭﻳﺪ ﺍﻛﺴﺮ ﺑﻴﻚ ﻻﻥ ﺍﻧﺘﻪ ﺍﺧﻮﻳﻪ .. ﻭﻣﺎ ﺍﺭﻳﺪ ﺍﺣﻤﻠﻚ ﻣﻨﻴﻪ .. ﺍﻧﺘﻪ ﺗﺮﻳﺪ ﺗﺘﺰﻭﺝ ﺍﻟﺜﺎﻧﻴﻪ .. ﻋﻨﺪﻙ ﻭﺿﻴﻔﻪ ﺗﻌﻴﻴﻦ ..
ﺍﻓﺮﺽ ﺍﻧﻄﻴﺘﻚ ﺍﻝ 10 ﻣﻼﻳﻴﻦ ﻭﺗﺰﻭﺟﺖ ﻭﺗﺎﻟﻲ .. ﻫﻢ ﺍﺻﺮﻑ ﻋﻠﻴﻚ ﻭﻋﻠﻰ ﻣﺮﺗﻚ .. ﻛﺎﻟﻪ ﺟﺎﻱ ﺗﻌﻴﺮﻧﻲ .. ﻛﺎﻟﻪ ﻭﺍﻟﻠﻪ ﻣﺎ ﺍﻋﻴﺮﻙ ..
ﺑﺲ ﻳﺎ ﺍﺧﻲ ﺍﻋﻘﻠﻬﺎ .. ﺍﺗﺰﻭﺟﺖ ﺍﻻﻭﻟﻰ ﻭﺍﻧﻲ ﺍﺗﻜﻔﻠﺘﻬﺎ ﺍﻟﺜﺎﻧﻴﻪ ﺷﻠﻮﻭﻥ .. ﻳﻌﻨﻲ ﺍﻧﻲ ﺍﻟﻤﻦ ﺍﺻﻴﺮ ﺍﻟﻚ ﻟﻠﺒﻴﺖ ﻻﻣﻲ ﻻﺑﻮ ﻟﺨﻮﺍﺗﻲ .. ﺍﻟﻤﻦ ﻓﻬﻤﻨﻲ ..
ﻳﺎ ﺍﺧﻲ ﻋﻴﻦ ﻧﻔﺴﻚ ﻋﺎﻭﻧﻲ .. ﻛﺎﻟﻪ ﻭﺍﻧﻲ ﻟﻜﻴﺖ ﻭﺿﻴﻔﻪ ﻭﻣﺎ ﺗﻌﻴﻨﺖ .. ﻛﺎﻟﻪ ﺗﻌﺎﻝ ﻫﻨﺎ ﻳﻮﻝ .. ﻭﻳﻦ ﺗﻠﻜﻪ ﺍﻟﻮﺿﻴﻔﻪ ﻭﺍﻧﺘﻪ ﻣﺼﻔﻂ ﺑﻔﺮﻓﺘﻚ ﻭﻣﺴﻄﻮﻝ ﺑﻬﻠﺴﻢ ﺍﻟﺘﺸﺮﺑﻪ ..
ﺷﻨﻮ ﻳﺠﻮﻥ ﻟﺒﻴﺘﻚ ﻭﻳﻜﻠﻮﻟﻚ ﻋﺎﺩﻝ ﺗﺘﻮﺿﻒ ﻟﻮ ﻻ .. ﺍﻃﻠﻊ ﺩﻭﺭ .. ﺣﺘﻰ ﻟﻮ ﻣﻮ ﻭﺿﻴﻔﻪ .. ﺍﻱ ﺷﻲ ﺍﺷﺘﻐﻞ .. ﻛﺎﻟﻪ ﻣﺎ ﺍﻋﺮﻑ .. ﻛﺎﻟﻪ ﻋﻴﺐ ﻋﺮﺟﺎﻝ ﻳﻜﻮﻝ ﻣﺎ ﺍﻋﺮﻑ ..
ﺍﻃﻠﻊ ﻭﺍﻟﻜﻪ ﻭﺿﻴﻔﻪ .. ﻭﺍﺣﺮﻙ ﺷﺎﺭﺏ ﺍﺑﻮﻱ ﻟﻮ ﻣﺎ ﺯﻭﺟﺘﻚ ﻣﻦ ﺛﺎﻧﻲ ﻳﻮﻡ .. ﻛﺎﻟﻪ ﻳﻌﻨﻲ ﻫﺎﻱ ﻭﻛﻔﺘﻬﺎ ﻋﻠﻮﺿﻴﻔﻪ ..
ﻛﺎﻟﻪ ﺍﻱ .. ﻛﺎﻟﻪ ﺧﻮﺵ ﻳﻌﻨﻲ ﻟﻮ ﻟﻜﻴﺖ ﺷﻐﻞ ﺧﻼﻝ ﺍﻳﺎﻡ ﺗﻨﻄﻴﻨﻲ ﺍﻝ 10 ﻣﻼﻳﻴﻦ ﻛﺎﻟﻪ ﻭﺍﻟﻠﻪ ﻟﻮ ﺍﻋﺮﻑ ﺍﺩﺍﻳﻨﻬﻢ ﻭﻣﺤﻤﺪ ﺍﻧﻄﻴﻜﻴﺎﻫﻬﻢ ..
ﻛﺎﻟﻪ ﺧﻮﺵ .. ﺍﻧﻲ ﻛﺎﻋﺪﻩ ﻭﺭﻩ ﻭﺑﺲ ﺍﺳﺘﻤﻊ .. ﺩﺧﻠﻨﻪ ﻟﻠﺪﻛﺘﻮﺭ ﻳﺮﻳﺪ ﻳﻄﻠﻊ .. ﺳﻠﻢ ﻋﻠﻴﻪ ﺑﻜﺮ ﻭﻛﺎﻟﻪ ﺑﺲ ﺍﻓﺘﺤﻠﻬﺎ ﺍﻟﺠﺒﺲ ﻣﺎﻝ ﺍﻳﺪﻫﺎ ﻭﺷﻮﻓﻬﺎ ﻭﻟﻮ ﺍﻧﺰﺣﻤﻚ ..
ﻛﺎﻝ ﻻ ﻳﻠﻪ ﺗﻌﺎﻝ … ﺩﺧﻠﺖ ﻓﺘﺢ ﺍﻟﺼﺐ ﻣﺎﻝ ﺍﻳﺪﻱ .. ﺟﻨﺖ ﺧﺎﻳﻔﻪ ﺣﻴﻞ .. ﻭﻋﺎﺩﻝ ﻭﺑﻜﺮ ﺛﻨﻴﻨﻬﻢ ﻳﺒﺎﻭﻋﻠﻲ ..
ﻭﻋﺎﺩﻝ ﺍﻟﺨﺒﻞ ﻳﺴﻮﻱ ﻭﻭﻭﻭ ﺭﺍﺡ ﻳﻜﺼﻮﻫﺎ ﻭﺗﺼﻴﺮﻳﻦ ﻋﻮﻭﻭﺑﻪ .. ﻛﺘﻠﻪ ﻋﺎﺩﻝ ﺍﺳﻜﺖ ﻫﻮﻩ ﺍﻧﻲ ﻫﻴﺞ ﻫﻴﺞ ﻣﻴﺘﻪ ﺧﻮﻑ ..
ﻭﻳﻜﻮﻝ ﺧﻄﻴﻪ ﺭﺍﺡ ﻳﻜﺼﻬﺎ ﺍﻟﺪﻛﺘﻮﺭ ﻭﻣﺎ ﻳﺪﺭﻱ ﻳﺒﻮﻭﻭﻱ .. ﺑﻜﺮ ﺩﺍﺭﻟﻪ ﻭﺟﻬﺎ .. ﻛﺎﻟﻪ ﺷﺒﻴﻚ ﻛﺎﻓﻲ .. ﻛﺎﻟﻪ ﺍﻧﺘﻪ ﺷﻌﻠﻴﻚ ﺍﻟﻌﻘﺪﻩ ﺩﻭﺭ ﻭﺟﻬﻚ ..
ﺑﻘﻴﺖ ﺍﺑﺎﻭﻉ ﻟﻌﺎﺩﻝ ﻭﺍﺿﺤﻚ .. ﻓﺘﺢ ﺍﻟﺠﺒﺲ ﺯﻳﻦ ﻣﺎ ﺣﺴﻴﺖ ﺑﺎﻟﻢ ﻗﻮﻱ .. ﺑﺲ ﻣﻦ ﺣﺮﻙ ﺍﻳﺪﻱ ﺑﻌﺪ ﺑﻴﻬﺎ ﺍﻟﻢ ﺻﺮﺧﺖ ..
ﻛﺎﻝ ﻫﺎ ﺗﺄﺫﻳﺞ .. ﻛﺘﻠﻪ ﺍﻱ ﺩﻛﺘﻮﺭ .. ﻛﺎﻝ ﺭﺍﺡ ﻧﻠﻔﻬﺎ ﻭﻻﺯﻡ ﻓﺘﺮﻩ ﺗﺒﻘﻴﻦ ﻣﻌﻠﻜﺘﻬﺎ ﺑﺮﻛﺒﺘﺞ ﻻ ﺗﺤﺮﻛﻴﻬﺎ ..
ﺑﻜﺮ ﻛﺎﻟﻪ ﻳﺎ ﻣﺎ ﺗﺤﺮﻛﻬﺎ .. ﻏﻴﺮ ﺗﻜﻮﻝ ﺍﻳﺪ ﻛﺮﻧﺪﺍﻳﺰﺭ ﺗﺠﻴﺒﻬﺎ ﻣﻨﻬﺎ ﻭﺗﻮﺩﻳﻬﺎ ﻫﻨﺎ .. ﻛﺎﻝ ﻻ ﻣﻤﻨﻮﻉ ﺍﻟﺤﺮﻛﻪ ﻋﻠﻴﻬﺎ .. ﻟﺤﺘﻰ ﺗﺸﻔﻰ ..
ﻟﻔﻬﺎ ﺍﻟﺪﻛﺘﻮﺭ .. ﻭﺩﻓﻊ ﺑﻜﺮ ﺍﻟﺤﺴﺎﺏ ﻭﻃﻠﻌﻨﻪ ..
ﺭﺟﻌﺖ ﻟﻠﺒﻴﺖ .. ﺩﺧﻠﺖ ﺍﻟﻐﺮﻓﻪ .. ﻭﺍﻧﻲ ﺍﺑﺘﺴﻢ ﻳﺎﺍﺍﻱ ﻫﺎﻱ ﻏﺮﻓﺘﻲ ﻭﺍﻟﻠﻪ ﺣﻠﻮﻩ ﻣﺎﻝ ﺍﺣﻈﻨﻬﺎ .. ﻭﺣﻈﻨﺖ ﺑﺎﺏ ﺍﻟﻜﻨﺘﻮﺭ ..
ﻧﻤﺖ ﻣﺮﺗﺎﺣﻪ ﺍﻟﺤﻤﺪﻟﻠﻪ .. ﺻﺎﺭ ﺛﺎﻧﻲ ﻳﻮﻡ ﺍﻟﺤﻨﻪ .. ﺍﻧﻲ ﺑﺲ ﻻﻓﻪ ﺍﻳﺪﻱ ﻭﻧﺰﻟﺘﻬﺎ .. ﺑﻴﻬﺎ ﺍﻟﻢ ﺧﻔﻴﻒ .. ﺑﺲ ﻋﺎﺩﻱ ..
ﻟﺒﺴﺖ ﻭﺗﻤﻜﻴﺠﺖ .. ﺍﺟﻮ ﺍﻫﻞ ﺍﻟﻌﺮﻳﺲ .. ﻭﺑﻘﻮ ﻳﺼﻔﻜﻮﻥ ﻭﻳﻬﻠﻬﻠﻮﻥ .. ﻭﺍﻧﻲ ﺍﺑﺎﻭﻉ .. ﺣﻨﻮ ﺍﻟﻌﺮﺳﺎﻥ .. ﺍﻧﻮﺏ ﺭﺍﺩﻭ ﻳﻜﺼﻮﻥ ﺍﻟﻜﻴﻚ ..
ﻛﺎﻟﺖ ﻋﻤﺘﻲ ﺳﻤﺮ ﺳﺠﻴﻨﻪ ﺟﺒﻴﺮﻩ ﻣﻦ ﺍﻟﻤﻄﺒﺦ .. ﻫﺎﻱ ﺻﻐﻴﺮﻩ .. ﺭﺣﺖ ﺟﺒﺖ ﺳﺠﻴﻦ ﻭﺍﺟﻴﺖ ..
ﻭﻛﻔﺖ ﻛﺪﺍﻡ ﺍﻟﻌﺮﺳﺎﻥ .. ﻛﺼﺼﻮ ﺍﻟﻜﻴﻚ .. ﺟﺎﻥ ﻳﺒﺎﻭﻋﻠﻲ ﺍﻟﻌﺮﻳﺲ .. ﻛﺎﻝ ﺍﻧﺘﻲ ﺷﺎﻳﻔﺞ ﺑﺲ ﻣﺎ ﺍﻋﺮﻑ ﻭﻳﻦ ..
ﻛﺘﻠﻪ ﻣﺎ ﺍﻋﺮﻑ ﻣﺸﺎﻳﻔﺘﻚ .. ﺭﻧﺎ ﺧﺎﺯﺭﺗﻨﻲ ﻭﺍﻧﻲ ﺍﺣﺠﻲ ﻭﻳﻪ ﺍﺣﻤﺪ ﻋﺮﻳﺴﻬﺎ .. ﺗﻜﻮﻝ ﺭﺍﺡ ﺍﺑﻮﻛﻪ ﻛﺎﻝ ﺍﻧﺘﻲ ﻣﻮ ﺑﺠﺎﻣﻌﺔ ﺑﻐﺪﺍﺩ ..
ﻛﺘﻠﻪ ﺍﻱ .. ﻛﺎﻝ ﻋﺮﻓﺘﺞ ﺷﺎﻳﻔﺞ ﻫﻨﺎﻙ .. ﻛﺘﻠﻪ ﺍﺫﻥ ﺯﻣﻴﻠﻲ .. ﺿﺤﻚ ﻛﺎﻝ ﺍﺗﺸﺮﻑ .. ﻗﺴﻢ ﺷﻨﻮ ﺍﻧﺘﻲ ..
ﻛﺘﻠﻪ ﺍﺩﺍﺏ ﺍﻧﻜﻠﺶ .. ﻛﺎﻝ ﺍﻧﻲ ﻫﻢ ﺍﺩﺍﺏ ﺑﺲ ﺗﺎﺭﻳﺦ .. ﻛﺘﻠﻪ ﻣﻮﻓﻖ .. ﻣﺪ ﺍﻳﺪﻩ .. ﻭﻳﺒﺎﻭﻋﻠﻲ .. ﻋﺰﺍ ﻫﺬﺍ ﻛﺪﺍﻡ ﺍﻟﻨﺎﺱ ﻳﺴﻠﻢ ..
ﺳﻠﻤﺖ ﻋﻠﻴﻪ ﻭﺍﺑﺘﺴﻤﺖ .. ﺍﻧﻮﺏ ﺑﺎﻭﻋﺖ ﺍﻟﺮﻧﺎ ﺧﺎﺯﺭﺗﻨﻲ ﺑﻨﻀﺮﻩ ﺗﺨﻮﻑ .. ﺭﺟﻌﺖ ﻟﻴﻮﺭﻩ ﻭﺑﻌﺪ ﻣﺎ ﺩﺧﻠﺖ ﺍﻟﺼﺎﻟﻪ ﺍﺑﺪ ..
ﺧﻠﺼﺖ ﺍﻟﺤﻨﻪ ﻭﻃﺸﺖ ﺍﻟﻨﺎﺱ .. ﺟﻨﻪ ﻛﺎﻋﺪﻳﻦ ﻛﻠﻨﻪ ﺑﺎﻟﺼﺎﻟﻪ .. ﻭﺑﻜﺮ ﻭﻋﺎﺩﻝ ﻭﻋﻤﻮ ﺧﻠﻴﻞ ﻫﻢ ..
ﻭﺍﺟﺘﻨﻲ ﺭﻧﺎ ﺗﺮﻛﺾ ﻭﺗﺼﻴﺢ ﺍﻡ ﺍﻟﺮﺟﻮﻭﻭﻭﻟﻪ .. ﺷﻌﺪﺝ ﻭﻳﻪ ﺍﺣﻤﺪ ﻭﻣﻨﻴﻦ ﻳﻌﺮﻓﺞ ﺍﺩﺏ ﺳﺰﺯﺯﺯ ..
ﺍﺟﺘﻨﻲ ﺣﺎﻣﻴﻪ ﺗﺮﻳﺪ ﺗﻀﺮﺑﻨﻲ .. ﺻﺎﺡ ﺑﻴﻬﺎ ﺑﻜﺮ .. ﻭﻛﻒ ﻛﺪﺍﻣﻬﺎ ﻛﺎﻟﻬﺎ ﺷﻜﻮ .. ﻛﺎﻟﺘﻠﻪ ﻫﺎﻱ ﺍﻟﺴﺎﻗﻄﻪ ﻃﻠﻌﺖ ﻋﺪﻫﺎ ﻋﻼﻗﻪ ﺳﺎﺑﻘﻪ ﺑﺨﻄﻴﺒﻲ .. ﻳﺘﺒﻊ
🌺🌺🌺🌺🌺
ﻫﺴﻪ ﻏﻴﺮ ﺗﻜﻌﺪ ﻭﺟﻪ ﺍﻟﻄﺎﻭﻩ .. ﻫﻬﻪ ﻫﻢ ﻋﺪﻛﻢ ﻫﻴﺞ ﻧﻤﺎﺫﺝ ﻣﺜﻞ ﺭﻧﺎ .. ﻳﺴﻮﻱ ﺍﻟﺤﺒﺎﻳﻪ ﻛﺒﺎﻳﻪ ..
ﻭ ﺧﺎﺻﻪ ﺳﺎﻟﻔﺔ ﺍﻝ ﻭﻭﻭ ﺍﻛﻌﻮﻭﺩ ﻭ ﺍﻟﺼﺒﻮﻭﺡ .. ﺧﺨﺨﺦ ﺗﺪﻣﻴﺮ ﻣﺎ ﺍﻟﺰﻣﻬﻢ ﺑﺴﻼﺡ 🔫 ﻛﺎﺗﻴﻮﺷﻲ ..
ﻳﺎ ﺟﻤﺎﻋﻪ ﺗﺮﻩ ﻫﻴﻪ ﺻﺒﺢ ﻭﻋﺎﺩﻱ ﺗﺨﻠﻴﻬﺎ ﺿﻢ ﺗﺼﻴﺮ ﺻﺒُﺢ ﻣﺎﻛﻮ ﺩﺍﻋﻲ ﺗﺴﻮﻭﻫﺎ ﺻﺒﻮﺡ ..✮ ﻫٍْـَِ 😜 ـٌَِْﻊٍَ ✮..
ﺣﻨﻜﺘﻞ ﺍﻋﺮﻑ 😁😁😁
ﺷﺎﺭﻛﻮﻧﻲ ﺍﺭﺍﺋﻜﻢ .. ﻭ ﺗﻮﻗﻌﺎﺗﻜﻢ ..
ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق