رواية الجن و حبيبتي الممسوسة الجزء الخامس
للكاتبة
فردوس عبد اللطيف
⭐
ﻣﺎ ﻳﻔﻌﻠﻪ ﺑﻌﺾ ﺍﻟﻨﺎﺱ ﺍﻟﺠﻬﻼﺀ ﺍﻟﺒﺴﻄﺎﺀ ﻓﻲ ﺃﻭﻻﺩﻫﻢ ﺍﻟﺼﻐﺎﺭ ﺣﻴﺚ ﻳﺨﻮﻓﻮﻧﻬﻢ ﻭﻳﺮﻫﺒﻮﻧﻬﻢ ﺑﺄﺷﻴﺎﺀ ﺟﺎﺀﻙ ﻛﺬﺍ ﺟﺎﺀﻙ ﻛﺬﺍ ﻓﻴﺒﻘﻰ ﺍﻟﺼﺒﻲ ﺧﺎﺋﻔﺎً ﻭﻳﺒﻘﻰ ﻫﺬﺍ ﺍﻟﺨﻮﻑ ﻭﺍﻟﺬﻋﺮ ﻓﻲ ﻗﻠﺒﻪ ﻭﻳﻨﻄﺒﻊ ﻓﻲ ﻗﻠﺒﻪ ﻭﻳﻜﻮﻥ ﺩﺍﺋﻤﺎً ﻓﻲ ﺫﻋﺮ ﻭﺧﻮﻑ ﻭﻗﻠﻖ ﻭﻫﺬﺍ ﺗﻜﻮﻥ ﺟﻨﺎﻳﺔ ﻣﻦ ﺍﻷﺏ ﻋﻠﻰ ﺍﺑﻨﻪ ﻭﻣﻦ ﺍﻷﻡ ﻋﻠﻰ ﺍﺑﻨﻬﺎ ﻭﺑﻨﺘﻬﺎ ﺑﻞ ﻣﻦ ﺍﻟﺴﻔﻬﺎﺀ ﻣﻦ ﻗﻴﻞ ﻟﻨﺎ ﺇﻧﻪ ﺇﺫﺍ ﺃﺧﻄﺄ ﺍﻟﺼﺒﻲ ﺣﺒﺴﻪ ﻓﻲ ﺍﻟﺤﺠﺮﺓ ﻭﺣﺪﻩ ﻭﺃﻏﻠﻖ ﻋﻠﻴﻪ ﺍﻟﺒﺎﺏ ﻭﺻﺎﺭ ﺍﻟﺼﺒﻲ ﻳﺼﺮﺥ ﻭﻳﺼﻴﺢ ﻭﻟﻜﻦ ﻻ ﻳﺮﺣﻤﻪ ﻭﻻ ﻳﻔﺘﺢ ﻟﻪ ﺍﻟﺒﺎﺏ ﻭﻫﺬﺍ ﻣﻦ ﺃﺳﺒﺎﺏ ﺗﺴﻠﻂ ﺍﻟﺠﻦ ﻋﻠﻴﻪ ﻛﻤﺎ ﻧﻄﻖ ﺑﺬﻟﻚ ﺑﻌﺾ ﺍﻟﺠﻦ ﻓﻲ ﺍﻟﻤﺼﺮﻭﻋﻴﻦ ﻭﻗﺎﻝ ﺇﻧﻪ ﺩﺧﻞ ﻓﻴﻪ ﺣﻴﻦ ﺃﻏﻠﻖ ﻋﻠﻴﻪ ﺃﺑﻮﻩ ﺍﻟﺒﺎﺏ ﻭﺟﻌﻞ ﻳﺼﻴﺢ ﻭﻳﺼﺮﺥ ﻓﺘﻠﺒﺲ ﺑﻪ ﺍﻟﺠﻨﻲ ﺇﺫﺍً ﻳﺠﺐ ﺃﻥ ﻧﺤﺬﺭ ﺍﻷﺳﺒﺎﺏ ﺍﻟﺘﻲ ﺗﻜﻮﻥ ﺳﺒﺒﺎً ﻟﻬﺬﻩ ﺍﻟﻔﺎﺟﻌﺔ ﺍﻟﺘﻲ ﺍﺳﺘﻮﻟﺖ ﻋﻠﻰ ﻛﺜﻴﺮ ﻣﻦ ﺍﻟﻨﺎﺱ
*************************
ﻧﺠﻮﺩ ... ﻓﻬﺪ ﺍﺣﻨﺎ ﺷﻜﺪ ﺻﺎﺭﻟﻨﻪ ﻧﻌﺮﻑ ﺑﻌﺾ ﺻﺤﻴﺢ ﻧﺘﻜﻠﻢ ﻣﻊ ﺍﻟﻤﺠﻤﻮﻋﻪ ﺍﻟﻲ ﻳﻠﻌﺒﻮﻥ ﻣﻌﺎﻧﺎ ﻟﻜﻦ ﺍﺣﻨﺎ ﻛﻨﺎ ﻣﺨﺘﻠﻔﻴﻦ ﻋﻨﻬﻢ ﻭﻓﺎﻫﻤﻴﻦ ﺑﻌﺾ ... ﻭﺍﻟﻴﻮﻡ ﻻﺯﻡ ﺍﺣﺠﻴﻠﻚ ﻋﻨﻲ ﻣﺜﻞ ﻣﺎ ﺍﻧﺖ ﻓﺘﺤﺖ ﻛﻠﺒﻚ ﻭﺣﺠﻴﺘﻠﻲ
ﻓﻬﺪ ... ﻧﺠﻮﺩ ﺍﻧﺖ ﻗﺮﻳﺒﻪ ﻋﻠﻰ ﻛﻠﺒﻲ ﺻﺮﺗﻲ ﺍﻫﻢ ﺷﺨﺺ ﺑﺤﻴﺎﺗﻲ
ﻧﺠﻮﺩ ... ﺍﺳﻤﻌﻨﻲ ﻓﻬﺪ ﻟﻼﺧﺮ
ﺍﻧﻲ ﺑﻲ ﺟﻦ ﻣﻦ ﻋﻤﺮﻱ 11 ﺳﻨﻪ ﺩﺧﻞ ﺑﺠﺴﻤﻲ
ﻓﻬﺪ ... ﻭﺍﺷﻠﻮﻥ ﺩﺧﻞ ﻟﺠﺴﻤﺞ ﺍﻧﻲ ﻣﺎ ﻋﺒﺎﻟﻲ ﻳﺪﺧﻞ ﺑﺠﺴﻢ ﺍﻻﻃﻔﺎﻝ
ﻧﺠﻮﺩ ... ﺑﺎﻟﻌﻜﺲ ﺍﺳﻬﻞ ﺷﻲ ﻋﻨﺪﻩ ﺟﺴﻢ ﺍﻟﻄﻔﻞ ﻳﻜﺪﺭ ﻳﺪﺧﻞ ﺑﺠﺴﻤﻪ ﻭﺍﻥ ﻛﺎﻥ ﺑﺮﺣﻢ ﺃﻣﻪ ... ﺍﻧﻲ ﻗﺮﻳﺖ ﻛﺘﺐ ﻛﺜﻴﺮﻩ ﻭﻋﺮﻓﺖ ﻭﻓﻬﻤﺖ ﻛﻠﺸﻲ ﻏﺮﻳﺐ ﺟﺎﻱ ﻳﺤﺪﺙ ﺑﺤﻴﺎﺗﻲ
ﻓﻬﺪ ... ﻓﻬﻤﻴﻨﻲ ﺍﻟﻠﻪ ﻳﺨﻠﻴﺞ
ﻧﺠﻮﺩ ... ﺍﻧﺖ ﻓﻬﺪ ﻣﻦ ﻳﻮﻡ ﺟﻴﺖ ﻟﻠﺪﻧﻴﺎ ﺍﻟﺠﻦ ﺗﻠﺒﺲ ﺑﺠﺴﻤﻚ
ﻓﻬﺪ ... ﺍﻭﻝ ﺷﻲ ﺍﺣﺠﻴﻠﻲ ﻋﻨﺞ
ﻧﺠﻮﺩ ... ﻛﻨﺖ ﺻﻐﻴﺮﻩ ﻋﻤﺮﻱ 10 ﺳﻨﻮﺍﺕ ﺍﺧﺬﺕ ﻗﻄﺔ ﺻﻐﻴﺮﻩ ﻭﺭﺑﻴﺘﻬﻪ ﻋﻨﺪﻱ ... ﻛﻨﺖ ﺍﻫﺘﻢ ﺑﻴﻬﻪ ﻣﻦ ﺻﺎﺭ ﻋﻤﺮﻱ 11 ﺳﻨﻪ
ﻛﻨﺖ ﺍﻟﻌﺐ ﻣﻌﺎﻫﺎ ﺍﻟﻮﻗﺖ ﻛﺎﻥ ﺍﻟﻤﻐﺮﺏ ﻭﻣﺎ ﺍﺷﻮﻑ ﺍﻻ ﻫﺠﻤﺖ ﻋﻠﻲ ﻭﺿﺮﺑﺘﻨﻲ ﻋﻠﻰ ﻭﺟﻬﻲ ﻭﺍﺧﺘﻔﺖ ﺑﻮﻗﺘﻬﺎ ﺩﺧﻞ ﺍﻟﺠﻨﻲ ﺑﺠﺴﻤﻲ ... ﻣﻦ ﺫﻳﺞ ﺍﻟﻠﺤﻈﻪ ﺑﺪﻳﺖ ﺍﺣﺲ ﺍﻛﻮ ﻗﻮﻩ ﺗﺴﻴﻄﺮ ﻋﻠﻲ ﺗﺠﺒﺮﻧﻲ ﻋﻠﻰ ﺑﻌﺾ ﺍﻟﺘﺼﺮﻓﺎﺕ ﻭﺗﻤﻨﻌﻨﻲ ﻋﻦ ﺑﻌﻀﻬﺎ
ﺣﻴﺎﺗﻲ ﻣﻮ ﻣﻠﻜﻲ ... ﺍﻧﺖ ﻣﺜﻠﻲ ﻓﻬﺪ ﺍﻧﺖ ﻣﺘﻠﺒﺲ
ﻓﻬﺪ ... ﺯﻳﻦ ﺍﺷﻠﻮﻥ ﺍﺗﺎﻛﺪ ﺍﻛﻮ ﺟﻨﻲ ﺑﺪﺍﺧﻞ ﺟﺴﻤﻲ ؟
ﺍﺭﻳﺪ ﺍﺷﻮﻓﺔ ﻣﻦ ﺣﻘﻲ
ﻧﺠﻮﺩ ... ﺭﺍﺡ ﺍﻋﻠﻤﻚ ﻋﻠﻰ ﻃﺮﻳﻘﺔ ﺗﺴﻮﻳﻬﻪ ﻭﻫﻮ ﻳﻄﻠﻌﻠﻚ ﻭﻣﻤﻜﻦ ﻳﺤﺠﻲ ﻣﻌﺎﻙ
ﺍﻭﻝ ﺷﻲ ﺧﻠﻲ ﻳﺜﻖ ﺑﻴﻚ ... ﺧﻠﻲ ﻳﺤﺲ ﺍﻧﺖ ﺗﺮﻳﺪﻩ ﻭﻣﺤﺘﺎﺟﻪ
ﻭﻣﺮﺍﺡ ﺗﺴﺘﻐﻨﻲ ﻋﻨﻪ
ﻓﻬﺪ ... ﺍﺷﻠﻮﻥ ﺷﺴﻮﻱ ؟
ﻧﺠﻮﺩ .... ﺍﻧﺘﺒﻪ ﻓﻬﺪ ﻻﺗﺤﺎﻭﻝ ﺗﺸﻮﻓﺔ
ﻣﺮﺍﺡ ﺗﻜﺪﺭ ... ﺍﻧﺖ ﺍﺣﺠﻲ ﻭﻳﺎﻩ ﻭﺍﺫﺍ ﻃﻠﺐ ﻳﻄﻠﻌﻠﻚ ﺍﺭﻓﺾ
ﻓﻬﺪ ... ﺍﻭﻙ
ﺑﻘﻴﺖ ﺍﺣﺴﺐ ﺧﻄﻮﺍﺗﻲ ﻭﻛﻞ ﻣﺎﻳﺪﻭﺭ ﺣﻮﻟﻲ ﻭﺃﺣﺎﻭﻝ ﺍﻧﺘﺒﻪ ﻋﻠﻰ ﻛﻠﺸﻲ ﻣﻮ ﻃﺒﻴﻌﻲ ﻳﺤﺼﻞ ﺣﻮﻟﻴﻨﻲ
ﺩﺍﺋﻤﺎ ﻣﻦ ﺍﻛﻮﻥ ﻭﺣﺪﻱ ﻳﺤﺎﻭﻝ ﻳﻨﺒﻬﻨﻲ ﺑﻮﺟﻮﺩﻩ ﺍﻧﻲ ﻛﺎﻋﺪ ﺑﻐﺮﻓﺘﻲ ﻳﻨﺪﻙ ﺑﺎﺏ ﺍﻟﻐﺮﻓﺔ ﺍﻓﺘﺢ ﺍﻟﺒﺎﺏ ﻣﺎﻛﻮ ﺍﺣﺪ
ﻟﻮ ﺍﻟﺸﺒﺎﻙ ﻳﻨﺪﻙ ... ﺧﺼﻮﺻﺎ ﻣﻦ ﺍﻧﺎﻡ ﻭﺑﻌﺪﻧﻲ ﻣﻐﺎﻓﻲ ﺍﺳﻤﻊ ﺻﻮﺕ ﻗﺮﻗﻌﻪ ﺑﻜﻴﺲ ﺍﻭ ﺑﺎﻟﻜﻨﺘﻮﺭ ... ﺑﺲ ﺍﻧﻲ ﺻﺮﺕ ﻣﺎ ﺍﺧﺎﻑ ﻣﻨﻪ ﻻﻥ ﻋﺮﻓﺖ ﻫﻮ ﻣﻼﺯﻣﻨﻲ ﻋﻠﻰ ﻃﻮﻝ ﺑﺲ ﺍﺭﻳﺪ ﺍﺣﺠﻲ ﻣﻌﺎﻩ ﺍﺭﻳﺪ ﺍﺗﻌﺮﻑ ﻋﻠﻴﻪ ﺍﺭﻳﺪ ﺍﻓﻬﻢ ﺷﻴﺮﻳﺪ ﻣﻨﻲ
ﻣﺮ ﺍﺳﺒﻮﻉ ﻋﻠﻰ ﻛﻼﻣﻲ ﻣﻊ ﻧﺠﻮﺩ ﺑﺲ ﺍﺭﻳﺪ ﻓﺮﺻﻪ ﻻﻥ ﺍﻟﺒﻴﺖ ﻫﻮﺳﻪ ﻧﺴﻮﺍﻥ ﺍﺛﻨﻴﻦ ﻭﺇﺧﻮﺍﻥ ﻭﺧﻮﺍﺕ
ﺍﻟﺴﺎﻋﻪ ﺏ ﺍﻟﻮﺣﺪﻩ ﺑﺎﻟﻠﻴﻞ ﺍﻫﻠﻲ ﻛﻠﻬﻢ ﻧﺎﻳﻤﻴﻦ ...
ﻓﻬﺪ ... ﻫﺎﻱ ﺧﻮﺵ ﻓﺮﺻﺔ ... ﺻﻌﺪﺕ ﺑﺎﻟﺴﻄﺢ ﻓﺮﺷﺖ ﻓﺮﺍﺵ
ﻭﻛﻌﺪﺕ ﻛﻌﺪﻩ ﺧﺎﺻﺔ ﻣﺜﻠﻤﺎ ﻣﺎ ﻋﻠﻤﺘﻨﻲ ﻧﺠﻮﺩ ﻭﺣﺮﻛﻪ ﺍﻳﺪﻱ ﻭﻫﺬﻩ ﺍﻟﺠﻠﺴﻪ ﻳﺴﻤﻮﻫﻪ ﺗﺤﻀﻴﺮ ﺟﻦ
ﺑﺲ ﻣﺎﺷﻌﻠﺖ ﺑﺨﻮﺭ ﺍﻭ ﺍﻱ ﺷﻲ ﻻﻥ ﻫﻲ ﻛﺎﻟﺖ ﺃﺷﻌﻞ ﺑﺨﻮﺭ ﺟﺎﻭﻱ ﺑﺲ ﻣﺠﺎﻥ ﻋﻨﺪﻱ ﻭﻛﺎﻧﺖ ﻛﺘﺠﺮﺑﺔ
ﺻﺮﺕ ﺍﺣﺠﻲ ﺑﺪﺍﺧﻠﻲ ( ﺍﻃﻠﻊ ... ﺍﺭﻳﺪ ﺍﺳﻤﻊ ﺻﻮﺗﻚ .. ﺍﺭﻳﺪ ﺍﺣﺠﻲ ﻭﻳﺎﻙ ... ﺍﻋﺮﻑ ﺍﻧﺖ ﺑﺪﺍﺧﻠﻲ .. ﺍﻧﻄﻴﻨﻲ ﺍﻱ ﺍﺷﺎﺭﻩ )
ﻋﺪﺕ 15 ﺩﻗﻴﻘﺔ ﻭﺍﻧﻲ ﺃﻛﺮﺭ ﻫﺬﺍ ﺍﻟﻜﻼﻡ
ﺑﺪﻳﺖ ﺍﺣﺲ ﺍﺣﺴﺎﺱ ﻏﺮﻳﺐ ﺟﺴﻤﻲ ﺍﺣﺴﻪ ﻛﻮﻟﻪ ﻳﺘﺤﺮﻙ ﻭﻛﺎﻧﻲ ﺩﺍ ﺃﻏﻮﺹ ﻓﻲ ﺃﻋﻤﺎﻗﻲ ﻭﺍﻣﺸﻲ ﺑﺪﺍﺧﻞ ﺟﺴﻤﻲ ﻭﺍﺳﻤﻊ ﺍﺻﻮﺍﺕ ﻣﻦ ﻛﻞ ﺍﻟﺠﻬﺎﺕ
ﻓﻬﺪ ... ﻭﻳﻨﻚ ﻓﺠﺄ ﺳﻜﺖ
ﻭﻳﻨﻚ ... ﺍﻧﻄﻴﻨﻲ ﺍﺷﺎﺭﻩ
ﺳﻤﻌﺖ ﺻﻮﺗﻪ ﺑﻌﻴﺪ ( ﺍﻧﻲ ﻫﻨﺎ )
ﻫﺰﻧﻲ ﺻﻮﺗﻪ ﻗﺒﻞ ﻛﺎﻥ ﻋﻨﺪﻱ ﺷﻚ ﻭﻟﻜﻦ ﺍﻻﻥ ﺻﺎﺭ ﻳﻘﻴﻦ
ﻛﻼﻡ ﻧﺠﻮﺩ ﺻﺤﻴﺢ ﻫﺬﺍ ﺟﻨﻲ ﻭﺑﺪﺍﺧﻞ ﺟﺴﻤﻲ ﻭﺟﺎﻱ ﻳﺠﺎﻭﺑﻨﻲ
ﻫﺴﻪ ﺷﺎﻛﻮﻟﻪ ؟ ﻣﻌﻠﻲ ﺑﻜﻼﻡ ﻧﺠﻮﺩ ﺧﻠﻲ ﺍﻃﻠﺐ ﻣﻨﻪ ﺍﺷﻮﻓﺔ
ﻓﻬﺪ ... ﺍﺭﻳﺪ ﺍﺷﻮﻓﻚ
ﻣﺠﺎﻭﺑﻨﻲ .....
ﻓﻬﺪ ... ﻣﻨﻮ ﺍﻧﺖ ﻭﻳﻦ ﺳﺎﻛﻦ ؟ ﺻﺪﻙ ﺳﺎﻛﻦ ﺑﺠﺴﻤﻲ ؟
ﻭﺷﺘﺮﻳﺪ ﻣﻨﻲ ؟ ﻭﺷﻜﺪ ﺻﺎﺭﻟﻚ ﻭﻳﺎﻱ ﺍﺭﻳﺪ ﺗﺠﺎﻭﺑﻨﻲ ﻋﻠﻰ ﺍﺳﺌﻠﺔ ﻛﺜﻴﺮﻩ
ﺍﻟﺠﻨﻲ ... ﺗﺮﻳﺪ ﺗﺸﻮﻓﻨﻲ ؟
ﻓﻬﺪ ... ﺍﻱ ﺍﺭﻳﺪ ﺍﺷﻮﻓﻚ ﺣﺘﻰ ﺍﺻﺪﻙ ﺍﻟﻲ ﺟﺎﻱ ﻳﺼﻴﺮ
ﺍﻟﺠﻨﻲ ... ﻣﺎﺗﺨﺎﻑ ؟
ﻓﻬﺪ .... ﻻ ﻣﺎ ﺍﺧﺎﻑ ...
ﺍﻟﺠﻨﻲ ... ﺍﻧﻲ ﻛﺪﺍﻣﻚ
ﻓﺘﺤﺖ ﻋﻴﻮﻧﻲ ﺍﺩﻭﺭ ﻣﺎﻛﻮ ﺑﺲ ﻇﻼﻡ ﻳﻤﺸﻲ ﻋﻠﻲ ﻟﺤﺪ ﺑﻌﺪ ﻣﺎ ﺍﺷﻮﻑ ﺷﻲ ....
ﻓﺠﺄ ﻓﺘﺢ ﺿﻮﺀ ﻭﺍﻧﻲ ﺑﻐﺎﺑﻪ ﻛﺒﻴﺮﻩ ﺑﺲ ﺍﻷﺷﺠﺎﺭ ﻣﺤﺮﻭﻗﺔ ﺑﺲ ﺣﻄﺐ ﻭﺍﻧﻲ ﻭﺍﻛﻒ ﺍﻓﺘﺢ ﻭﺃﻏﻤﺾ ﻋﻴﻮﻧﻲ ﺍﺭﻳﺪ ﺍﺭﻛﺰ ﻭﺍﺷﻮﻓﻪ
ﺍﻭﻝ ﻣﺮﻩ ﺷﻜﻠﻪ ﻧﻔﺲ ﺍﻟﺸﻴﺦ ﺍﻟﻲ ﻳﻈﻬﺮﻟﻲ ﺑﺎﻟﺤﻠﻢ ﻭﺍﺧﺘﻔﻰ ﻓﺠﺄ
ﺑﻌﺪ ﺷﻮﻳﺔ ﺷﻔﺖ ﻛﻠﺐ ﺍﺳﻮﺩ ﻭﻋﻴﻮﻧﻪ ﺗﻠﻤﻊ ﺑﺎﻟﻈﻠﻤﺔ
ﻣﺸﻴﺖ ﻭﻣﺸﻴﺖ ﺍﺭﻳﺪ ﺍﺷﻮﻑ ﺍﺣﺪ ﺑﺸﺮ ﺍﻧﺲ ﺟﻦ ﻣﺎﻛﻮ ﺍﺣﺪ ﺍﻣﺸﻲ ﻭﺣﺪﻱ ...
ﺑﺎﻭﻋﺖ ﻭﺍﺷﻮﻑ ﺍﻟﺸﻴﺦ ﺍﺟﺎﻧﻲ ﻧﻔﺴﻪ ﻳﻤﺸﻲ ﻣﺘﻮﺟﻪ ﻋﻠﻲ
ﺍﻗﺘﺮﺏ ﻋﻠﻲ ﻭﺍﻗﺘﺮﺏ ﺍﻟﺸﻴﺦ ﺍﻟﻤﺴﺎﻓﺔ ﺍﻟﻲ ﺑﻴﻨﻲ ﻭﺑﻴﻨﻪ 40 ﻣﺘﺮ
ﺍﺧﺘﻔﻰ ﻭﺭﺍﺀ ﺷﺠﺮﻩ
ﻓﻬﺪ ... ﺗﻌﺎﻝ ﺷﻴﺦ ﺍﺭﻳﺪ ﺍﺷﻮﻓﻚ
ﺍﻟﺠﻨﻲ ... ﻫﺬﺍ ﻣﻮ ﺍﻧﻲ ﻣﻮ ﻫﺬﻩ ﺻﻮﺭﺗﻲ ﺍﻟﺤﻘﻴﻘﻴﺔ ﺑﺲ ﻇﻬﺮﺗﻠﻚ ﺑﻬﺎﻟﺸﻜﻞ ﺣﺘﻰ ﺍﺷﻮﻓﻚ ﺗﺨﺎﻑ ﻟﻮ ﻻ
ﻓﻬﺪ ... ﺍﻧﺖ ﻣﻦ ﺳﻨﻴﻦ ﺑﺪﺍﺧﻠﻲ ﻭﺣﻤﻴﺘﻨﻲ ﺍﻛﺜﺮ ﻣﻦ ﻣﺮﻩ ﻭﻣﺎﻣﺴﻮﻳﻠﻲ ﺷﻲ ﻳﺎﺫﻳﻨﻲ ...
ﺑﺲ ﺍﺭﻳﺪ ﺍﺷﻮﻓﻚ ﺟﺎﻭﺑﻨﻲ
ﺍﻟﺠﻨﻲ ... ﺗﺮﻳﺪ ﺗﺸﻮﻓﻨﻲ ﻋﻠﻰ ﺣﻘﻴﻘﻴﺘﻲ ﻭﺑﺸﻜﻠﻲ ﺍﻟﺤﻘﻴﻘﻲ ؟
ﻟﻮ ﻋﻦ ﻃﺮﻳﻖ ﺷﺨﺺ ﺍﺧﺮ ( ﻳﻌﻨﻲ ﺍﻇﻬﺮﻟﻚ ﺑﺸﻜﻞ ﺷﺨﺺ ﺍﺧﺮ )
ﻓﻬﺪ ... ﺍﺭﻳﺪ ﺍﺷﻮﻓﻚ ﺑﺸﻜﻠﻚ ﺍﻟﺤﻘﻴﻘﻲ
ﺻﺎﺭ ﺻﻤﺖ ﻭﻫﺪﻭﺀ ﻭﺍﻧﻲ ﺑﻐﺎﺑﺔ ﻇﻠﻤﻪ ﻭﺣﺘﻰ ﺃﺷﺠﺎﺭ ﻣﺎﻛﻮ ﻣﺠﺮﺩ ﺣﻄﺎﻡ ... ﺑﻌﺪ ﺩﻗﺎﻳﻖ ﻣﻦ ﺍﻟﺼﻤﺖ ﺗﺤﻮﻟﺖ ﺍﻟﻐﺎﺑﺔ ﺍﻟﻰ ﻇﻼﻡ ﻭﻧﻤﺪﺕ ﺍﻳﺪ ﻏﻄﺖ ﻋﻴﻮﻧﻲ ﺑﺸﺊ
ﻭﺭﻩ ﺷﻮﻳﻪ ﺭﻓﻊ ﺍﻟﻐﻄﺎﺀ ﻋﻦ ﻋﻴﻮﻧﻲ
ﻓﺘﺤﺖ ﻋﻴﻨﻲ ﻭﺍﺷﻮﻑ ﻧﻔﺴﻲ ﺑﻤﻘﺒﺮﺓ ﻛﺒﻴﺮﻩ ﻭﺍﻟﻘﺒﻮﺭ ﻧﻔﺲ ﺍﻟﺸﻜﻞ ﻛﻮﻟﻬﻪ ﺑﺲ ﻗﺒﺮ ﻭﺍﺣﺪ ﻳﺨﺘﻠﻒ ﻗﺒﺮ ﻛﺒﻴﺮ
ﺻﺪﻙ ﺍﻟﻤﻨﻈﺮ ﻣﺨﻴﻒ ﺣﺴﻴﺖ ﺑﺨﻮﻑ ﻟﻜﻦ ﻣﺎ ﺍﺭﻳﺪﻩ ﻳﺸﻌﺮ ﺑﺨﻮﻓﻲ ﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ﺍﺣﺲ ﺍﻟﻨﺒﺾ ﻳﻄﺦ ﺑﺎﻟﻘﻔﺺ ﺍﻟﺼﺪﺭﻱ ﻭﻛﺎﻧﻪ ﻳﺮﻳﺪ ﻳﻄﻠﻊ ﻣﻦ ﺩﺍﺧﻞ ﺟﺴﻤﻲ ﻋﻴﻮﻧﻲ ﻏﻮﺷﺖ ﺑﺲ ﺍﺭﻳﺪ ﺍﺭﻛﺰ ﺣﺘﻰ ﺍﺷﻮﻓﻪ ﻛﻞ ﻫﺎﻟﺘﻌﺐ ﻭﻣﺎ ﺍﺷﻮﻓﻪ
ﺍﻻﺭﺽ ﺻﺎﺭﺕ ﺗﻬﺘﺰ ﻣﻦ ﺗﺤﺘﻲ
ﺍﻟﺠﻨﻲ ... ﺍﻃﻠﻊ ؟
ﻓﻬﺪ ... ﺍﻱ ﺍﻃﻠﻊ ﺍﺭﻳﺪ ﺍﺷﻮﻓﻚ ....
ﺗﺤﻮﻝ ﺍﻟﻤﻜﺎﻥ ﻟﺼﻤﺖ ﻛﻠﺸﻲ ﺳﻜﺖ ﺣﺘﻰ ﻧﺒﺾ ﻛﻠﺒﻲ ﻣﺠﺎﻱ ﺍﺳﻤﻌﻪ ﻣﺜﻞ ﻗﺒﻞ ﺷﻮﻳﻪ ﻭﻛﺎﻧﻲ ﺍﻧﺘﻈﺮ ﻣﻔﺎﺟﺄﺓ
ﺛﻮﺍﻧﻲ ﻭﺣﺴﻴﺖ ﺑﺰﻟﺰﺍﻝ ﻣﻦ ﺗﺤﺘﻲ ﺍﻻﺭﺽ ﺗﻬﺘﺰ ... ﺑﺲ ﺍﻧﻲ ﻋﻴﻨﻲ ﻋﺎﻟﻘﺒﺮ ﺍﻟﻜﺒﻴﺮ ﺍﻛﻴﺪ ﺑﻲ ﺳﺮ
ﻓﻌﻼ ﺍﻧﻔﺘﺢ ﺍﻟﻘﺒﺮ ﻭﺍﺭﺗﻔﻌﺖ ﺍﻻﺭﺽ ﻭﻃﻠﻊ ﻣﻨﻪ ....
ﻳﺎ ﺍﻟﻠﻪ ﺷﻨﻮ ﻫﺬﺍ ﺑﻮﻗﺘﻬﻪ ﻛﻠﺸﻲ ﺑﻲ ﺗﺤﻮﻝ ﺣﺠﺮ ﺟﻤﺪﺕ ﻛﻞ ﻣﺸﺎﻋﺮﻱ ﻭﺃﺣﺎﺳﻴﺴﻲ ﺟﺴﻤﻲ ﺻﺎﺭ ﻣﺜﻞ ﺍﻟﺨﺸﺒﻪ
ﺃﻭﺻﺎﻓﻪ ﺣﺠﻤﻪ ﻛﺒﻴﺮ ﺟﺪﺍ ﺭﺍﺳﺔ ﻣﺜﻞ ﺭﺍﺱ ﺍﻟﺜﻮﺭ ﻋﻨﺪﻩ ﻗﺮﻭﻥ
ﻭﻋﻨﺪﻩ ﺍﺟﻨﺤﻪ ﺿﺨﻤﻪ ﻭﺷﺎﻳﻞ ﺑﺎﻳﺪﻩ ﻣﻨﺠﻞ ﻃﻮﻳﻞ ... ﺭﺟﻠﻴﺔ ﻣﺜﻞ ﺭﺟﻠﻴﻦ ﺧﻔﺎﺵ ... ﺟﻠﺪ ﺟﺴﻤﻪ ﻣﺜﻞ ﺟﻠﺪ ﺗﻤﺴﺎﺡ ﻭﺩﺍﺧﻠﻪ ﻋﺒﺎﺭﻩ ﻋﻦ ﻧﺎﺭ ﺗﻄﻠﻊ ﻣﻦ ﺑﻴﻦ ﺍﻟﺤﺮﺍﺷﻒ .. ﻭﻋﻴﻮﻧﻪ ﻋﺒﺎﺭﻩ ﻋﻦ ﻛﺮﺍﺕ ﻧﺎﺭ ﻣﺸﺘﻌﻠﻪ .... )
ﻭﻛﻒ ﻛﺪﺍﻣﻲ ﻭﺍﻧﻲ ﻋﺒﺎﺭﻩ ﻋﻦ ﺻﺨﺮﻩ ﺟﺎﻣﺪﻩ
ﺍﻟﺠﻨﻲ ... ﻫﺬﺍ ﺍﻧﻲ ﻳﺎﻓﻬﺪ ﺷﻔﺘﻨﻲ
ﻓﻬﺪ ... ﻳﻲ ﻳﻲ ﺍﻱ
ﺍﻟﺠﻨﻲ ... ﺍﻧﺖ ﺧﺎﻳﻒ ﻣﻨﻲ ؟
ﻓﻬﺪ ... ﻻ
ﺍﺭﺗﻔﻊ ﻓﻮﻙ ﺭﺍﺳﻲ ﻳﻔﺘﺮ ﻳﻠﻒ ﺩﺍﺋﺮﻩ ﻓﻮﻛﻲ ﻭﻋﻴﻮﻧﻪ ﺑﻌﻴﻮﻧﻲ ﻭﺍﻧﻲ ﻣﺮﻛﺰ ﻋﻠﻴﻪ ﺧﺎﻳﻒ ﻣﻨﻪ ﻭﺃﺭﻳﺪ ﺍﺷﻮﻓﺔ ﺷﺮﺍﺡ ﻳﺴﻮﻱ
ﺭﺟﻊ ﺻﺎﺭ ﻛﺪﺍﻣﻲ ﺗﺬﻛﺮ ﻓﻬﺪ ﻣﻦ ﻫﺠﻢ ﻋﻠﻴﻚ ﺍﻟﻜﻠﺐ
ﻓﻬﺪ .. ﺑﺲ ﺷﻔﺖ ﺍﻟﻜﻠﺐ ﻫﺠﻢ ﻓﻘﺪﺕ ﻣﺎﺣﺴﻴﺖ ﺑﺎﻟﺪﻧﻴﺎ
ﺍﻟﺠﻨﻲ .. ﺍﻟﻮﻗﺖ ﺍﻟﻲ ﻫﺠﻢ ﺑﻲ ﺍﻟﻜﻠﺐ ﻋﻠﻴﻚ ﺍﻧﻲ ﺗﺤﺮﺭﺕ ﻣﻦ ﺟﺴﻤﻚ ﻭﻭﺍﺟﻬﺘﻪ ﻭﻗﺘﻠﺘﻪ ﻭﺍﻟﺪﻟﻴﻞ ﺍﻟﺪﻡ ﺍﻟﻲ ﻟﻜﻴﺘﻪ ﻋﻠﻰ ﻭﺟﻬﻚ
ﻭﺑﻌﺪﻫﻪ ﺃﺧﻔﻴﺖ ﺟﺜﺔ ﺍﻟﻜﻠﺐ ﺣﺘﻰ ﻻ ﻳﺒﻠﻮﻙ ﺑﻘﺘﻠﻪ
ﻓﻬﺪ ... ﺍﻱ ﺍﻫﻠﻪ ﺩﻭﺭﻭ ﻋﻠﻴﻪ ﻣﺎ ﻟﻜﻮ
ﺍﻟﺠﻨﻲ ... ﺍﻧﻲ ﻛﻨﺖ ﺃﺣﻤﻴﻚ ﻭﻛﻨﺖ ﻛﺎﻟﻈﻞ ﺧﻠﻔﻚ
ﺍﻟﺠﻨﻲ ... ﺗﺮﻳﺪﻧﻲ ﺑﺤﻴﺎﺗﻚ ﻟﻮ ﺃﺗﺮﻛﻚ ﻭﺍﺭﻭﺡ
ﻓﻬﺪ ... ﺃﺭﻳﺪﻙ ﺗﺒﻘﻰ ﺑﺤﻴﺎﺗﻲ
ﺍﻟﺠﻨﻲ ... ﻣﺘﺨﺎﻑ ﻣﻨﻲ ؟
ﻓﻬﺪ ... ﻻ ﻣﺎﺧﺎﻳﻒ
ﺍﻟﺠﻨﻲ ... ﺍﻧﺖ ﻣﺮﺗﺎﺡ ﺑﻮﺟﻮﺩﻱ ﺑﺤﻴﺎﺗﻚ ؟
ﻓﻬﺪ ... ﻣﺮﺗﺎﺡ ﺑﻮﺟﻮﺩﻙ
ﺍﻟﺠﻨﻲ ... ﺗﺪﺭﻱ ﻓﻬﺪ ﺍﻧﻲ ﻣﻌﺎﻙ ﻣﻦ ﻳﻮﻡ ﻭﻻﺩﺗﻚ ﺗﺴﺨﺮﺕ ﻟﻚ ﺣﻤﺎﻳﺔ ﻟﻠﺮﻭﺡ ﺍﻟﻲ ﺑﺪﺍﺧﻠﻚ
ﻓﻬﺪ .. ﻟﻴﺶ
ﺍﻟﺠﻨﻲ ... ﻻﻥ ﺍﻟﺮﻭﺡ ﺍﻟﻲ ﺑﺪﺍﺧﻠﻚ ﻣﻦ ﻋﺎﻟﻤﻨﺎ ﻭﺍﻧﻲ ﻭﺍﺟﺒﻲ ﺍﺑﻘﻰ ﻭﻳﺎﻙ
ﻓﻬﺪ ... ﺍﻧﺖ ﻣﻦ ﺍﻱ ﺑﻠﺪ ؟
ﺍﻟﺠﻨﻲ ... ﻣﻦ ﺭﻭﺳﻴﺎ
ﻓﻬﺪ .. ﺷﻨﻮ ﺍﺳﻤﻚ ... ﺍﺣﺠﻴﻠﻲ ﻋﻦ ﻧﻔﺴﻚ
ﺍﻟﺠﻨﻲ ... ﺍﺳﻤﻲ ﻣﺎﺭﺩ ... ﻣﻦ ﺍﻟﻨﻮﻉ ﺍﻟﻄﺎﺋﺮ ﺍﻃﻴﺮ ﻭﻣﺴﻴﻄﺮ ﺑﻌﺎﻟﻤﻲ ﻭﺍﻛﺒﺮ ﺳﺎﺣﺮ ﻣﻴﻜﺪﺭ ﻋﻠﻲ ......... ( ﺩﻳﺎﻧﺘﻲ ﻣﺴﻴﺤﻲ )
ﻓﻬﺪ ... ﺍﻧﺖ ﻣﻤﻜﻦ ﺗﺴﺎﻋﺪﻧﻲ ﺑﻮﺟﻮﺩﻙ ﺑﺤﻴﺎﺗﻲ
ﻣﺎﺭﺩ ... ﻧﻌﻢ ﺍﻧﻲ ﻣﺴﺨﺮ ﻟﺤﻤﺎﻳﺘﻚ ﻣﻦ ﻛﻞ ﺷﻲ ﻳﻀﺮﻙ
ﻓﻬﺪ ... ﺍﺑﻘﻰ ﻭﻳﺎﻱ ﻭﺃﺭﻳﺪﻙ ﺑﺤﻴﺎﺗﻲ
ﻣﺎﺭﺩ ... ﻏﻤﺾ ﻋﻴﻮﻧﻚ ﻓﻬﺪ
ﻏﻤﻀﺖ .... ﻣﺎﺣﺴﻴﺖ ﺍﻟﻪ ﻫﻮﺍﺀ ﻗﻮﻱ ﺩﺧﻞ ﻟﺼﺪﺭﻱ ... ﻣﻦ ﻗﻮﻩ ﺩﺧﻮﻟﻪ ﺭﺟﻌﺖ ﻟﻌﺎﻟﻤﻲ ... ﺭﺟﻌﺖ ﻟﻠﺴﻄﺢ ﺑﺲ ﺑﻌﻴﺪ ﻋﻦ ﺍﻟﻤﻜﺎﻥ ﺍﻟﻲ ﻛﻨﺖ ﻛﺎﻋﺪ ﻋﻠﻴﻪ ﺗﻘﺮﻳﺒﺎ 3 ﺃﻣﺘﺎﺭ
ﻛﻌﺪﺕ ﺑﺎﻻﺭﺽ ﻭﺍﻧﻲ ﻛﻨﺖ ﺑﻌﺎﻟﻢ ﺛﺎﻧﻲ ﻳﻌﻨﻲ ﻛﻞ ﻫﺬﺍ ﻛﺎﻥ ﺣﻘﻴﻘﺔ
ﺯﺣﻔﺖ ﻭﻟﺰﻣﺖ ﺍﻟﻘﻄﻌﻪ ﺍﻟﻲ ﻛﻨﺖ ﻛﺎﻋﺪ ﻋﻠﻴﻬﻪ ﺗﻤﺪﺩﺕ ﺷﻮﻳﻪ ﺑﺲ ﺍﺭﻳﺪ ﺍﺭﺗﺎﺡ ﻣﻦ ﻫﺬﻩ ﺍﻟﺮﺣﻠﻪ ﺍﻟﺸﺎﻗﺔ ﺍﺧﺬﺕ ﻧﻔﺲ ﻋﻤﻴﻖ ﺗﻠﻤﺴﺖ ﺟﺴﻤﻲ ﻣﺎﺑﻲ ﺷﻲ ﺍﻟﺤﻤﺪ ﻟﻠﻪ ﺑﻌﺪﻧﻲ ﻋﺎﻳﺶ ﻫﺬﺍ ﻣﻮ ﺣﻠﻢ ﻫﺬﻩ ﺣﻘﻴﻘﺔ ... ﺧﻠﻲ ﺍﻧﺰﻝ ﺍﺣﺠﻲ ﻭﻳﻪ ﻧﺠﻮﺩ
ﻧﺰﻟﺖ ﻟﻐﺮﻓﺘﻲ ﻭﻓﺘﺤﺖ ﺍﻟﻨﺖ ﻭﺭﺍﺳﻠﺖ ﻧﺠﻮﺩ
ﻓﻬﺪ ... ﻫﻠﻮ
ﻧﺠﻮﺩ ... ﻫﻼ ﻭﺍﻟﻠﻪ ... ﻭﻳﻨﻚ ﺍﻟﻴﻮﻡ
ﻓﻬﺪ ... ﻛﻨﺖ ﺑﺮﺣﻠﻪ
ﻧﺠﻮﺩ ﺍﺣﺠﻴﻠﻲ ﺑﺎﻟﺘﻔﺼﻴﻞ ﺑﺲ ﻟﻴﺶ ﻣﺎ ﺳﻤﻌﺖ ﻛﻼﻣﻲ ؟
ﻓﻬﺪ ... ﺷﻔﺘﻪ ﻧﺠﻮﺩ ﺷﻔﺘﻪ
ﻧﺠﻮﺩ ... ﻭﺷﺼﺎﺭ ﺑﻴﻚ ؟
ﻓﻬﺪ .. ﺷﺤﺠﻴﻠﺞ ﻣﻐﺎﻣﺮﺍﺕ ﺍﻟﺴﻨﺪﺑﺎﺩ ﺭﺣﻠﻪ ﻣﻊ ﺻﺪﻳﻘﻲ ﻣﺎﺭﺩ
ﻧﺠﻮﺩ ... ﺗﺪﺭﻱ ﻓﻬﺪ ﺧﻔﺖ ﻋﻠﻴﻚ ﻭﺍﻧﺖ ﺑﺎﻟﻤﻘﺒﺮﻩ
ﻓﻬﺪ .. ﻛﺎﻥ ﻻﺯﻡ ﺍﺗﻮﺍﺟﻪ ﻭﻳﺎﻩ
ﻧﺠﻮﺩ .. ﺷﻜﻮﻟﻚ ﻫﻮ ﻣﻴﻄﻠﻊ ﻣﻨﻚ ﻟﻮ ﺷﻤﺎﺗﺴﻮﻱ ﻭﺍﻛﻴﺪ ﻳﺒﻘﻰ ﺑﺠﺴﻤﻚ ﺧﻠﻲ ﻳﺒﻘﻰ ﺑﻤﻮﺍﻓﻘﺘﻚ ﺍﻓﻀﻞ ﻣﻦ ﺍﻧﻚ ﺗﺮﻓﻀﻪ ﺣﺘﻰ ﻻ ﻳﺎﺫﻳﻚ ...
ﻓﻬﺪ ... ﺗﻌﺘﻘﺪﻳﻦ ﺍﺫﺍ ﺍﺭﻓﻀﺔ ﻳﺎﺫﻳﻨﻲ ﺑﺲ ﺍﻧﺖ ﻛﻠﺘﻲ ﻻ ﺩﻛﻮﻟﻪ ﺍﺷﻮﻓﻚ
ﻭﺍﻧﻲ ﺷﻔﺘﻪ ﻭﻣﺼﺎﺭ ﺷﻲ
ﻧﺠﻮﺩ .. ﻗﺎﺑﻞ ﻗﺼﺪﻱ ﺍﺃﺫﻳﻚ ﻟﻴﺶ ﺗﺴﺊ ﺍﻟﻈﻦ ﺑﻲ
ﻓﻬﺪ .. ﺍﻧﺖ ﻟﻴﺶ ﺗﻔﺴﺮﻳﻦ ﻛﻼﻣﻲ ﺿﺪﺝ
ﻧﺠﻮﺩ .. ﻭﻫﺴﻪ ﻃﻠﻌﺖ ﺍﻧﻲ ﻣﻮ ﺧﻮﺵ ﻃﻴﺐ ﻳﺎﻓﻬﺪ
ﺯﻋﻠﺖ ﻧﺠﻮﺩ ﻭﻏﻠّﻘﺖ ﺍﻟﻨﺖ ﻭﺣﻈﺮﺗﻨﻲ
ﺍﻧﻲ ﻫﻢ ﺯﻋﻠﺖ ﻋﻠﻴﻬﺎ ﻭﻛﻠﺖ ﺑﻌﺪ ﻣﺎ ﺍﺣﺠﻲ ﻭﻳﺎﻫﺎ
ﺑﻌﺪﻳﻦ ﻓﺘﺤﺖ ﺍﻟﺤﻈﺮ
ﻧﺠﻮﺩ ... ﻓﻬﺪ ﺍﻟﺠﻨﻲ ﺍﻟﻲ ﻋﻨﺪﻱ ﺍﺟﺎﻙ ﻣﺰﻋﻮﺝ ﻭﺭﺍﺡ ﻳﺎﺫﻳﻚ
ﺍﻧﺘﺒﻬﺖ ﻟﻤﺎﺭﺩ ﻭﻛﻒ ﻳﺤﻤﻴﻨﻲ ﻭﺍﺟﻪ ﺍﻟﺠﻨﻲ ﺍﻟﺘﺎﺑﻊ ﻟﻨﺠﻮﺩ ﻭﺿﺮﺑﻪ ﺿﺮﺑﺔ ﻗﻮﻳﺔ ﻋﻠﻰ ﺻﻔﺤﺘﻪ ... ﺍﻟﻀﺮﺑﺔ ﻗﻮﻳﺔ ﻣﻦ ﻗﻮﺗﻬﺎ ﻭﻛﻌﺖ ﺑﺎﻻﺭﺽ
ﻛﻤﺖ ﻋﻠﻰ ﺣﻴﻠﻲ ﻋﺮﻓﺖ ﺣﺎﻳﺘﻌﺎﺭﻛﻮﻥ ﻭﻣﻦ ﻳﺘﻌﺎﺭﻛﻮﻥ ﺍﺣﻨﺎ ﻧﺘﺎﺫﻯ ﺍﻧﻲ ﻭﻳﺎﻫﺎ
ﻓﻬﺪ ﻧﺠﻮﺩ ... ﺍﺳﺘﺪﻋﻲ ﺍﻟﺠﻨﻲ ﻣﺎﻟﺘﺞ
ﻧﺠﻮﺩ .. ﻭﺍﻧﺖ ﻭﻛﻒ ﺍﻟﺠﻨﻲ ﺍﻟﻲ ﻋﻨﺪﻙ ﻭﺍﻧﻲ ﺭﺍﺡ ﺍﺳﺘﺪﻋﻲ
ﻓﻬﺪ ... ﻧﺠﻮﺩ ﺍﻧﻲ ﺍﺣﺒﺞ ﻭﻣﺎ ﺍﻛﺪﺭ ﺍﺳﺘﻐﻨﻲ ﻋﻨﺞ
ﻧﺠﻮﺩ ... ﻓﻬﺪ ﺍﻧﺖ ﺍﻻﻧﺴﺎﻥ ﺍﻟﻮﺣﻴﺪ ﺍﻟﻲ ﺩﺧﻞ ﺑﻜﻠﺒﻲ ﻭﺑﺼﺮﺍﺣﺔ ﺣﺘﻰ ﺍﻟﺠﻨﻲ ﺍﻟﻲ ﺑﺠﺴﻤﻲ ﻣﻮﺍﻓﻖ ﻋﻠﻴﻚ
ﻓﻬﺪ ... ﺣﺘﻰ ﻣﺎﺭﺩ ﺷﺠﻌﻨﻲ ﻋﻠﻰ ﺣﺒﻨﺎ ﻭﺭﺍﺿﻲ ﻋﻨﺞ ﺑﺲ ﺍﻛﻮﻟﺞ ﺑﻌﺪ ﻣﻦ ﻧﺘﺰﺍﻋﻞ ﻻﻧﺪﺧﻠﻬﻢ ﺑﻴﻨﺎ ﺧﻠﻲ ﺯﻋﻠﻨﻪ ﺍﺣﻨﺎ ﻧﺤﻠﻪ
ﻧﺠﻮﺩ ... ﺻﺤﻴﺢ ﺣﺒﻲ ﻻﻥ ﻣﻦ ﻳﺘﻌﺎﺭﻛﻮﻥ ﺍﺣﻨﺎ ﺭﺍﺡ ﻧﺘﺎﺫﻯ
ﺑﻬﺎﻟﻔﺘﺮﻩ ﺩﺧﻠﻮ ﺍﻟﺪﻭﺍﻋﺶ ﻟﻠﺮﻣﺎﺩﻱ
ﺍﺑﻮ ﻓﻬﺪ ... ﻭﻳﻨﻜﻢ ﺍﻟﻨﺎﺱ ﻛﻠﻬﻢ ﻃﻠﻌﻮ ﺣﻈﺮﻭ ﻧﻔﺴﻜﻢ ﻧﻄﻠﻊ ﻟﺒﻐﺪﺍﺩ
ﻓﻬﺪ ... ﻟﻤﻠﻤﻨﻪ ﻓﺮﺵ ﻭﺷﻐﻼﺕ ﺑﺴﻴﻄﻪ ﻭﻻﺯﻡ ﻧﺘﺮﻙ ﺑﻴﻮﺗﻨﺎ ﻟﻠﺪﻭﺍﻋﺶ ﺍﻭ ﻧﺒﻘﻰ ﺗﺤﺖ ﺗﺼﺮﻓﻬﻢ ﻭﻳﺘﺤﻜﻤﻮﻥ ﺑﻴﻨﺎ ﻛﻤﺎ ﻳﺸﺎﺅﻭﻥ
ﻓﻬﺪ ... ﻛﻠﻲ ﻣﺎﺭﺩ ﺍﺑﻘﻰ ﺑﺎﻟﺮﻣﺎﺩﻱ ﺍﺣﻤﻲ ﺑﻴﺘﻲ ﻟﻮ ﺍﻃﻠﻊ ﻣﻊ ﺍﻫﻠﻲ
ﻣﺎ ﺭﺩ .. ﺍﻃﻠﻊ ﻣﻊ ﺍﻫﻠﻚ ﻭﻻ ﺗﺒﻘﻰ ﻫﻨﺎ ﻻﻥ ﺍﺫﺍ ﺗﺒﻘﻰ ﺑﻌﺪﻳﻦ ﺻﻌﺐ ﺗﻄﻠﻊ ﻭﺍﻟﺒﻘﺎﺀ ﺧﻄﺄ
ﻃﺎﻭﻋﺖ ﺍﻫﻠﻲ ﻭﺗﻮﺟﻬﻨﺎ ﻟﺒﻐﺪﺍﺩ ﻣﻊ ﺑﻴﺖ ﻋﻤﻲ ﻳﻮﻡ ﺻﻌﺐ ﻧﺘﺮﻙ ﺑﻴﺘﻨﺎ ﻭﺍﺭﺿﻨﺎ ﻭﺍﻟﻰ ﺍﻟﻤﺼﻴﺮ ﺍﻟﻤﺠﻬﻮﻝ
ﺍﺳﺘﺄﺟﺮﻧﺎ ﺑﻴﺖ ﺑﺤﻲ ﺍﻟﺠﻬﺎﺩ ﻣﻨﻄﻘﺔ ﺣﻲ ﺍﻟﺤﺴﻴﻦ
ﻛﻨﺎ ﻋﺎﺋﻠﺘﻴﻦ ﺑﻴﺖ ﻭﺍﺣﺪ ﺍﺣﻨﺎ ﻭﺑﻴﺖ ﻋﻤﻲ ... ﺑﻬﻴﺞ ﻇﺮﻭﻑ ﺍﻻﻧﺴﺎﻥ ﻻﺯﻡ ﻳﺘﻜﺎﺗﻒ ﻣﻊ ﺍﻫﻠﻪ ﻭﻧﺎﺳﻪ ﻭﻳﺤﺎﺭﺏ ﻣﻦ ﺍﺟﻞ ﺍﻟﺒﻘﺎﺀ
ﺻﺤﻴﺢ ﺻﻌﺒﻪ ﻋﻠﻴﻨﺎ ﻟﻜﻦ ﻫﻜﺬﺍ ﻫﻮ ﺍﻟﻌﺮﺍﻕ ﻭﻫﻜﺬﺍ ﻫﻮ ﺣﺎﻝ ﺍﻏﻠﺐ ﺍﻟﻌﺮﺍﻗﻴﻴﻦ
ﻓﻲ ﺑﻐﺪﺍﺩ ﺍﻟﺤﻴﺎﺓ ﺻﻌﺒﺔ ﻭﻻﺯﻡ ﻛﻮﻟﻨﺎ ﻧﺸﺘﻐﻞ ﻛﻲ ﻧﻮﻓﺮ ﻟﻘﻤﻪ ﺍﻟﻌﻴﺶ ﻭﺑﺪﻳﺖ ﺍﺑﺤﺚ ﻋﻦ ﻋﻤﻞ ﺍﻧﻲ ﻭﺍﺧﻮﺗﻲ ﻻﺯﻡ ﻧﺸﺘﻐﻞ ﻛﻲ ﻧﺴﺎﻋﺪ ﺍﻟﻮﺍﻟﺪ ﺑﺘﻮﻓﻴﺮ ﺍﻳﺠﺎﺭ ﺍﻟﺒﻴﺖ ﻭﻟﻘﻤﻪ ﺍﻟﻌﻴﺶ
ﻓﻬﺪ ... ﻧﺠﻮﺩ ﺣﺒﻴﺒﺘﻲ ﺣﻴﺎﺗﻲ ﺗﻐﻴﺮﺕ ﻭﺻﺮﺕ ﻗﻠﻴﻞ ﺍﻓﺘﺢ ﺍﻟﻨﺖ ﺍﺷﺘﺎﻗﻴﺘﻠﺞ
ﻧﺠﻮﺩ ... ﺍﻟﻠﻪ ﻳﻌﻴﻨﻚ ﺣﺒﻴﺒﻲ ﺍﻧﻲ ﻣﻘﺪﺭﻩ ﻫﺬﺍ ﺍﻟﺸﻲ ﻭﻟﻮ ﺍﺣﺲ ﺑﻮﺣﺸﻪ ﺑﺪﻭﻧﻚ ﻻﻥ ﺗﻌﻮﺩﺕ ﻋﻠﻴﻚ ﻭﺻﺮﺕ ﺍﻧﺖ ﺭﻭﺣﻲ
ﻓﻬﺪ ... ﺣﺒﻴﺒﺘﻲ ﺍﺗﻤﻨﻰ ﺍﺟﻲ ﺍﺷﻮﻓﺞ ﺍﻟﻤﺴﺎﻓﺎﺕ ﺍﻟﻲ ﺑﻴﻨﺎ ﺑﻌﻴﺪﻩ ﺍﺷﻠﻮﻥ ﺑﻴﻨﺎ ﻫﻢ ﻳﺠﻲ ﻳﻮﻡ ﻭﻧﻠﺘﻘﻲ
ﻧﺠﻮﺩ ... ﻻﺗﻴﺄﺱ ﻓﻬﺪ ﺍﻛﻴﺪ ﺣﺎﻳﺠﻲ ﻳﻮﻡ ﻭﻧﻠﺘﻘﻲ
ﻓﻬﺪ ... ﺍﺷﻠﻮﻥ ﻧﺠﻮﺩ
ﻧﺠﻮﺩ .. ﺑﻌﺪﻳﻦ ﺍﺣﺠﻴﻠﻚ ﺧﻠﻲ ﻳﻨﺎﻣﻮﻥ ﺍﻟﻴﻮﻡ ﻛﺎﻓﻲ ﻟﺤﺪ ﻫﻨﺎ ﺗﺼﺒﺤﻮﻥ ﻋﻠﻰ ﺧﻴﺮ
ﻓﻬﺪ ... ﺗﺼﺒﺤﻴﻦ ﻋﻠﻰ ﺧﻴﺮ ﺣﺒﻴﺒﺘﻲ
ﻟﻠﺤﻜﺎﻳﺔ ﺑﻘﻴﺔ
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء