رواية الجن و حبيبتي الممسوسة الجزء السادس
للكاتبة
فردوس عبد اللطيف
⭐
ﺍﻟﺸﻴﺎﻃﻴﻦ ﻣﻦ ﺍﻟﺠﻦ، ﻭﻫﻢ ﺍﻟﻤﺘﻤﺮﺩﻭﻥ ﻣﻨﻬﻢ ﻭﺃﺷﺮﺍﺭﻫﻢ، ﻛﻤﺎ ﺃﻥ ﺷﻴﺎﻃﻴﻦ ﺍﻹﻧﺲ ﻫﻢ ﻣﺘﻤﺮﺩﻭ ﺍﻹﻧﺲ ﻭﺃﺷﺮﺍﺭﻫﻢ، ﻓﺎﻟﺠﻦ ﻭﺍﻹﻧﺲ ﻣﻨﻬﻢ ﺷﻴﺎﻃﻴﻦ، ﻭﻫﻢ ﻣﺘﻤﺮﺩﻭﻫﻢ ﻭﺃﺷﺮﺍﺭﻫﻢ ﻣﻦ ﺍﻟﻜﻔﺮﺓ ﻭﺍﻟﻔﺴﻘﺔ، ﻭﻓﻴﻬﻢ ﺍﻟﻤﺴﻠﻤﻮﻥ ﻣﻦ ﺍﻷﺧﻴﺎﺭ ﺍﻟﻄﻴﺒﻴﻦ، ﻛﻤﺎ ﻓﻲ ﺍﻹﻧﺲ ﺍﻷﺧﻴﺎﺭ ﺍﻟﻄﻴﺒﻮﻥ، ﻗﺎﻝ ﺗﻌﺎﻟﻰ : ﻭَﻛَﺬَﻟِﻚَ ﺟَﻌَﻠْﻨَﺎ ﻟِﻜُﻞِّ ﻧَﺒِﻲٍّ ﻋَﺪُﻭًّﺍ ﺷَﻴَﺎﻃِﻴﻦَ ﺍﻟْﺈِﻧْﺲِ ﻭَﺍﻟْﺠِﻦِّ ﻳُﻮﺣِﻲ ﺑَﻌْﻀُﻬُﻢْ ﺇِﻟَﻰ ﺑَﻌْﺾٍ ﺯُﺧْﺮُﻑَ ﺍﻟْﻘَﻮْﻝِ ﻏُﺮُﻭﺭًﺍ ﻭَﻟَﻮْ ﺷَﺎﺀَ ﺭَﺑُّﻚَ ﻣَﺎ ﻓَﻌَﻠُﻮﻩُ ﻓَﺬَﺭْﻫُﻢْ ﻭَﻣَﺎ ﻳَﻔْﺘَﺮُﻭﻥَ [ ﺍﻷﻧﻌﺎﻡ : 112 ] .
ﻭﺍﻟﺸﻴﻄﺎﻥ ﻫﻮ ﺃﺑﻮ ﺍﻟﺠﻦ ﻋﻨﺪ ﺟﻤﻊ ﻣﻦ ﺃﻫﻞ ﺍﻟﻌﻠﻢ، ﻭﻫﻮ ﺍﻟﺬﻱ ﻋﺼﻰ ﺭﺑﻪ ﻭﺍﺳﺘﻜﺒﺮ ﻋﻦ ﺍﻟﺴﺠﻮﺩ ﻵﺩﻡ، ﻓﻄﺮﺩﻩ ﺍﻟﻠﻪ ﻭﺃﺑﻌﺪﻩ . ﻭﻗﺎﻝ ﺁﺧﺮﻭﻥ ﻣﻦ ﺃﻫﻞ ﺍﻟﻌﻠﻢ : ﺇﻥ ﺍﻟﺸﻴﻄﺎﻥ ﻣﻦ ﻃﺎﺋﻔﺔ ﻣﻦ ﺍﻟﻤﻼﺋﻜﺔ ﻳﻘﺎﻝ ﻟﻬﻢ ﺍﻟﺠﻦ، ﺍﺳﺘﻜﺒﺮ ﻋﻦ ﺍﻟﺴﺠﻮﺩ ﻓﻄﺮﺩﻩ ﺍﻟﻠﻪ ﻭﺃﺑﻌﺪﻩ، ﻭﺻﺎﺭ ﻗﺎﺋﺪﺍ ﻟﻜﻞ ﺷﺮ، ﻭﻛﻞ ﺧﺒﻴﺚ، ﻭﻛﻞ ﻛﺎﻓﺮ ﻭﻇﺎﻟﻢ .
ﻭﻛﻞ ﺇﻧﺴﺎﻥ ﻣﻌﻪ ﺷﻴﻄﺎﻥ ﻭﻣﻌﻪ ﻣﻠﻚ ﻛﻤﺎ ﻗﺎﻝ ﺍﻟﻨﺒﻲ ﷺ : ﻣﺎ ﻣﻨﻜﻢ ﻣﻦ ﺃﺣﺪ ﺇﻻ ﻭﻣﻌﻪ ﻗﺮﻳﻨﻪ ﻣﻦ ﺍﻟﺠﻦ ﻭﻗﺮﻳﻨﻪ ﻣﻦ ﺍﻟﻤﻼﺋﻜﺔ
*****************************
ﻋﻠﻴﻨﺎ ﺍﻥ ﻻ ﻧﺘﺠﺎﻫﻞ ﻭﺟﻮﺩﻫﻢ ﻓﻲ ﺣﻴﺎﺗﻨﺎ ﻭﻭﺍﺟﺐ ﻋﻠﻴﻨﺎ ﺗﻌﻠﻴﻢ ﺍﺑﻨﺎﺀﻧﺎ ﺍﻟﺤﺬﺭ ﻓﻲ ﺗﺼﺮﻓﺎﺗﻬﻢ ﻛﻲ ﻻﻳﻜﻮﻥ ﻓﺮﻳﺴﺔ ﺳﻬﻠﻪ
ﻓﻬﺪ ... ﺣﻴﺎﺗﻨﺎ ﻓﻲ ﺑﻐﺪﺍﺩ ﺗﻐﻴﺮﺕ ﻭﺿﻊ ﻣﺨﺮﺑﻂ ﻣﺘﻘﻴﺪﻳﻦ ﺑﺘﺼﺮﻓﺎﺗﻨﺎ ﺑﺲ ﺑﺤﻜﻢ ﻭﻇﻌﻨﺎ ﻻﺯﻡ ﻣﻦ ﻧﻜﻌﺪ ﻋﻠﻰ ﺳﻔﺮﻩ ﺍﻻﻛﻞ ﻧﻜﻌﺪ ﺳﻮﻳﻪ ﺍﻟﺒﻨﺎﺕ ﻭﺍﻟﻮﻟﺪ ﺍﺣﻨﺎ ﻭﺑﻴﺖ ﻋﻤﻲ ﺑﺤﻜﻢ ﺿﻴﻖ ﺍﻟﻤﻜﺎﻥ ﺑﻴﻨﻤﺎ ﻣﻦ ﻛﻨﺎ ﻋﺎﻳﺸﻴﻦ ﻓﻲ ﺑﻴﻮﺗﻨﺎ ﻛﺎﻥ ﺍﻟﻮﺿﻊ ﻣﺨﺘﻠﻒ
ﺑﻨﺖ ﻋﻤﻲ ﺍﺳﻤﻬﺎ ﺳﻨﺎﺀ ﻋﻤﺮﻫﺎ ﻣﻦ ﻣﻮﺍﻟﻴﺪ 1985 ﺍﻛﺒﺮ ﻣﻨﻲ
ﻗﺒﻞ ﻛﺎﻥ ﻣﺘﻠﺒﺴﻬﻪ ﺟﻦ ﻭﺍﻫﻠﻬﻪ ﻭﺩﻭﻫﻪ ﻟﻠﺸﻴﺦ ﻭﻃﻠﻌﻪ
ﺳﻨﺎﺀ ﻻﺣﻈﺘﻬﻪ ﺗﺘﻬﺮﺏ ﻣﻨﻲ ﺣﺘﻰ ﻣﻦ ﺍﺣﺎﻭﻝ ﺍﻛﻠﻤﻬﻪ ﻣﺎﺗﺮﺩ ﺍﻻ ﻋﻠﻰ ﻛﺪ ﺍﻟﺴﻮﺍﻝ
ﻓﻬﺪ ... ﺳﻨﺎﺀ ﺍﻧﻲ ﺍﺑﻦ ﻋﻤﺞ ﻭﺍﺧﻮ ﺝ ﻟﻴﺶ ﺣﺰﻳﻨﻪ ﺍﺣﺠﻴﻠﻲ
ﺳﻨﺎﺀ ... ﻫﻮ ﻭﻇﻌﻨﻪ ﻣﺎﻝ ﻧﻜﻮﻥ ﺳﻌﺪﺍﺀ ﻭﻓﺮﺣﺎﻧﻴﻦ ﻭﻧﻀﺤﻚ
ﻓﻬﺪ ... ﻋﺎﻓﺘﻨﻲ ﻭﺩﺧﻠﺖ ﺑﺎﻟﻐﺮﻓﻪ
ﺑﻘﻴﺖ ﺍﺗﺴﺎﺀﻝ ﺑﻴﻨﻲ ﻭﺑﻴﻦ ﻧﻔﺴﻲ ﻟﻴﺶ ﺗﺘﺼﺮﻑ ﻭﻳﺎﻱ ﻫﻴﺞ
ﻧﺠﻮﺩ ... ﺍﻟﻮﻭﻭ ﻣﺴﺎﺀﻭﻭﻭﻭً
ﻓﻬﺪ ... ﻫﻼ ﺑﺎﻟﺤﺐ ﺍﺷﻠﻮﻧﺞ ﻣﺴﺎﺀ ﺍﻟﻮﺭﺩ ﻭﺍﻟﻌﺴﻞ
ﻧﺠﻮﺩ ... ﺍﺷﻔﻴﻚ ﻓﻬﺪ ﺣﺰﻳﻦ ﻣﺒﻴﻦ ﻋﻠﻴﻚ ﻣﻦ ﺻﻮﺗﻚ
ﻓﻬﺪ ... ﻟﻌﺪ ﺍﺫﺍ ﺍﻓﺘﺤﻠﺞ ﻛﺎﻡ ﺣﺎﺗﺸﻮﻓﻴﻦ ﺍﻟﺤﺰﻥ ﻋﻠﻰ ﺍﺻﻮﻟﻪ
ﻧﺠﻮﺩ ... ﺧﻠﻴﻚ ﻣﺘﻔﺎﺋﻞ ﺣﺒﻴﺒﻲ
ﻓﻬﺪ ... ﻫﻮ ﺍﻧﻲ ﻣﺘﻔﺎﺋﻞ ﺑﺴﺒﺐ ﻭﺟﻮﺩﺝ ﺑﺤﻴﺎﺗﻲ ﻻﻥ ﺍﻧﺖ ﺍﺣﻠﻰ ﺷﻲ ﺑﺤﻴﺎﺗﻲ ﺍﻧﺖ ﺍﻟﻬﻮﻯ ﻭﺍﻧﺖ ﺍﻟﻌﻤﺮ
ﻧﺠﻮﺩ ... ﺍﻟﻠﻪ ﺍﻟﻠﻪ ﺍﻟﻴﻮﻡ ﺷﻌﺮ
ﻓﻬﺪ ... ﺷﺤﺠﻴﻠﺞ ﻧﺠﻮﺩ ﺍﻛﻮ ﻣﻮﺿﻮﻉ ﺷﺎﻏﻞ ﺗﻔﻜﻴﺮﻱ ﻭﺟﺎﻱ ﺍﻓﻜﺮ ﺑﻲ ﻫﺴﻪ ﺍﻧﺖ ﺭﻭﺣﻲ ﻭﺑﻌﺪﻳﻦ ﺍﻛﻠﻤﺞ
ﻧﺠﻮﺩ ... ﺍﻋﺮﻑ ﺑﻴﻚ ﻣﻦ ﺗﻜﻮﻥ ﻣﺸﻐﻮﻝ ﺍﺭﻭﺡ ﺍﺩﺭﺱ ﻋﻠﻤﺎ ﺗﻜﻤﻞ ﻣﺒﺎﺣﺜﺎﺗﻚ
ﺻﻌﺪﺕ ﺑﺎﻟﺴﻄﺢ ﻻﻥ ﺍﻻﻫﻞ ﻛﻠﻬﻢ ﺩﺍﺧﻞ ﺍﻟﺒﻴﺖ ... ﻃﺮﻳﻘﺔ ﺍﺳﺘﺪﻋﺎﺀ ﻣﺎﺭﺩ ... ( ﺍﺧﻠﻲ ﺍﻳﺪﻱ ﺑﻄﺮﻳﻘﺔ ﺍﻟﺘﺎﻣﻞ ﻭﺍﺳﺘﺪﻋﻲ ﺑﺪﺍﺧﻠﻲ ﻭﺍﺭﺩﺩ ﺍﺳﻤﻪ ﺍﻇﻬﺮ ... ﺍﻇﻬﺮ ) ﻭﻫﻮ ﻳﻈﻬﺮ ﺑﺸﻜﻞ ﺍﻟﺸﻴﺦ ﺍﻟﻲ ﻳﺠﻴﻨﻲ ﺑﺎﻟﺤﻠﻢ
ﻓﻬﺪ .... ﻣﺎﺭﺩ ... ﻣﺎﺭﺩ ﺍﻇﻬﺮ ﻋﻨﺪﻱ ﺳﻮﺍﻝ ؟
ﻣﺎﺭﺩ ... ﻧﻌﻢ ﻳﺎﻓﻬﺪ ﺃﺳﺌﻞ
ﻓﻬﺪ ... ﻋﻨﺪﻱ ﺑﻨﺖ ﻋﻤﻲ ﺳﻨﺎﺀ ﺗﺘﺠﻨﺒﻨﻲ ﻭﻣﻦ ﺍﻛﻮﻥ ﻣﻮﺟﻮﺩ ﺗﻨﻬﺰﻡ ﻣﻨﻲ ﻭﺗﺮﻭﺡ ﻟﻐﻴﺮ ﻣﻜﺎﻥ ﺍﺭﻳﺪ ﺍﻋﺮﻑ ﻟﻴﺶ ﺗﻜﺮﻫﻨﻲ ﻟﻴﺶ ﺗﻀﻮﺝ ﻣﻨﻲ ؟
ﻣﺎﺭﺩ ... ﺳﻨﺎﺀ ﻣﺘﻠﺒﺴﻬﻪ ﺟﻦ
ﻓﻬﺪ ... ﺑﺲ ﻭﺩﻭﻫﻪ ﻟﻠﺸﻴﺦ ﻭﻃﻠﻌﻮﺍ
ﻣﺎﺭﺩ ... ﻫﻬﻬﻪ .. ﺍﻋﺮﻑ ﻃﻠﻌﻮﺍ ﻭﺭﺟﻊ ﻭﺭﺟﻌﻮ ﻃﻠﻌﻮﺍ ﻭﺭﺟﻊ
ﻭﺍﻟﻲ ﺑﻴﻬﻪ ﺷﻴﻄﺎﻥ ﻭﻟﻴﺲ ﺟﻦ ﺍﻟﻲ ﺑﻴﻬﻪ ﻳﺨﺎﻑ ﻣﻨﻲ ﻻﻥ ﺍﻧﻲ ﺍﻗﻮﻯ ﻣﻨﻪ ﻭﻟﻬﺬﺍ ﻫﻲ ﺗﺘﻬﺮﺏ ﻣﻨﻚ ﻻﻥ ﻳﺎﻣﺮﻫﻪ ﺗﺒﺘﻌﺪ ﻋﻨﻚ
ﻓﻬﺪ ... ﺍﻟﺤﻘﻴﻘﻴﺔ ﺍﻧﻘﻬﺮﺕ ﻋﻠﻰ ﺑﻨﺖ ﻋﻤﻲ
ﺍﺭﻳﺪ ﺍﺷﻮﻓﺔ ﺍﺷﻠﻮﻥ ﺷﻜﻠﻪ ﻭﺍﺷﻠﻮﻥ ﻳﺘﺼﺮﻑ ﺑﻴﻬﻪ
ﻣﺎﺭﺩ ﺧﻼﻧﻲ ﺍﺷﻮﻑ ﺍﻟﺠﻨﻲ ﺍﻟﻲ ﺩﺍﺧﻞ ﺑﺠﺴﻢ ﺳﻨﺎﺀ ﻭﺍﺷﻠﻮﻥ ﻫﻲ ﻭﻇﻌﻬﻪ ﻳﺘﺄﺯﻡ ﻣﻦ ﻳﻜﻮﻥ ﺑﺪﺍﺧﻠﻬﻪ ﺧﺼﻮﺻﺎ ﻳﻮﻡ ﺍﻟﺨﻤﻴﺲ ﻣﻦ ﺻﻼﺓ ﺍﻟﻌﺼﺮ ﻟﺤﺪ ﺍﻟﻌﺸﺎﺀ ﺗﺴﻮﺀ ﺣﺎﻟﺘﻬﻪ ﻻﻥ ﺑﻬﺬﺍ ﺍﻟﻮﻗﺖ ﻫﻮ ﻳﺘﺤﻜﻢ ﺑﻴﻬﻪ ﻭﻳﺼﻌﺪ ﺑﺮﺍﺳﻬﻪ ﻭﺳﻨﺎﺀ ﺗﻔﻘﺪ ﺍﻟﺴﻴﻄﺮﻩ ﻋﻠﻰ ﻧﻔﺴﻬﻪ
ﻛﺪﺭﺕ ﺍﺷﻮﻑ ﺗﺤﺮﻛﺎﺗﻪ ﺑﺪﺍﺧﻠﻬﻪ
ﺗﺎﺫﻳﺖ ﺍﻧﻘﻬﺮﺕ ﻋﻠﻴﻬﺎ ﺍﻧﺪﻣﺮ ﺷﺒﺎﺑﻬﻪ ﻭﺣﻴﺎﺗﻬﻪ ﺑﺴﺒﺒﻪ
ﺑﻌﺪ ﻣﺎﺭﺍﺡ ﻣﺎﺭﺩ ﺧﻼﻧﻲ ﻣﺴﻴﻄﺮ ﻭﺍﻛﺪﺭ ﺍﺷﻮﻑ ﻛﻞ ﺗﺤﺮﻛﺎﺕ ﺍﻟﺸﻴﻄﺎﻥ ﺑﺪﺍﺧﻠﻬﻪ ...
ﺻﻌﺐ ﻋﻠﻴﻚ ﺗﺸﻮﻑ ﺍﺣﺪ ﺃﻗﺎﺭﺑﻚ ﻳﻮﺻﻞ ﻟﻬﻴﺞ ﻣﺮﺣﻠﻪ ﻭﺍﻧﺖ ﻣﺘﻜﺪﺭ ﺗﺤﺠﻲ ﺷﺤﺠﻲ ﺷﺎﻛﻮﻝ
ﻓﻬﺪ ... ﻧﺠﻮﺩ ﺗﻌﺒﺖ ﻭﺍﻟﻠﻪ ﺗﻌﺒﺖ ﺧﻄﻴﺔ ﺳﻨﺎﺀ ﺟﺎﻱ ﺍﺷﻮﻓﻬﻪ ﻭﺍﺗﺎﺫﻯ
ﻧﺠﻮﺩ ... ﺣﺒﻴﺒﻲ ﺣﺎﻭﻝ ﺗﺴﺎﻋﺪﻫﻪ ﻗﺪﺭ ﺍﻣﻜﺎﻧﻴﺘﻚ
ﻓﻬﺪ ... ﺣﺒﻴﺒﻲ ﻣﺸﺘﺎﻗﻠﺞ ﺷﻮﻛﺖ ﻧﺘﺸﺎﻭﻑ
ﻧﺠﻮﺩ ... ﻻﺗﺴﺘﻌﺠﻞ ﺧﻠﻴﻬﺎ ﻫﺴﻪ
ﻓﻬﺪ ... ﺍﻭﻭﻭﻑ ﻟﻮ ﺑﺲ ﺗﺠﻴﻦ ﻛﺒﺎﻟﻲ ﺍﻋﻮﻑ ﻛﻮﻟﺸﻲ ﻭﺃﺭﻳﺪ ﺍﺑﻘﻰ ﻛﺒﺎﻟﺞ ﻭﻣﺎ ﺍﻋﻮﻓﺞ
ﻧﺠﻮﺩ ... ﻓﻬﺪ ﺻﻴﺮ ﻋﺎﻗﻞ ﺍﻟﺤﻴﻦ ﺍﻧﺖ ﻣﺸﻐﻮﻝ ﺑﻤﺸﻜﻠﺔ ﺑﻨﺖ ﻋﻤﻚ
ﻭﺍﻧﻲ ﻋﻨﺪﻱ ﺍﻣﺘﺤﺎﻧﺎﺕ
ﻓﻬﺪ ... ﺭﻭﺣﻲ ﺩﺭﺳﻲ ﺧﻠﻲ ﺍﺭﻭﺡ
ﺑﻌﺪ ﺍﺳﺒﻮﻉ ﻣﻦ ﻣﻼﺣﻈﺘﻲ ﻟﺴﻨﺎﺀ ﻭﺗﺄﺛﻴﺮ ﺍﻟﺠﻦ ﺍﻟﻲ ﺩﺍﺧﻞ ﺑﺠﺴﻤﻬﻪ ﺍﺳﺘﺪﻋﻴﺖ ﻣﺎﺭﺩ
ﻣﺎﺭﺩ ... ﻧﻌﻢ ﻳﺎﻓﻬﺪ
ﻓﻬﺪ ... ﺃﺭﻳﺪﻙ ﺗﺮﺍﻭﻳﻨﻲ ﺍﺷﻠﻮﻥ ﺩﺧﻞ ﺍﻟﺸﻴﻄﺎﻥ ﺑﺒﻨﺖ ﻋﻤﻲ
ﻣﺎﺭﺩ ... ﺭﺍﺡ ﺍﺭﺟﻊ ﺑﻴﻚ ﺑﺎﻟﻮﻗﺖ ﺍﻟﻲ ﺩﺧﻞ ﺑﺠﺴﻤﻬﻪ ﻭﺍﻧﺖ ﺭﺍﺡ ﺗﻜﻮﻥ ﻣﻌﺎﻫﻢ
ﻓﻬﺪ ... ﺗﻤﺎﻡ
ﺍﺧﺬﻧﻲ ﻟﺒﻴﺖ ﻋﻤﻲ ﺍﻟﻘﺪﻳﻢ ... ﻫﻮ ﻣﻦ ﺍﻟﻨﻮﻉ ﺍﻟﻄﺎﺋﺮ ﻳﺨﻠﻴﻨﻲ ﻋﻠﻰ ﻇﻬﺮﻩ ﻭﻳﻄﻴﺮ ﺑﻲ
ﺧﻼﻧﻲ ﺍﺷﻮﻑ ﻟﺤﻈﺎﺕ ﺍﻟﺤﺎﺩﺛﺔ
ﺍﻟﻮﻗﺖ ﺍﻟﻤﻐﺮﺏ
ﺍﺑﻮ ﺳﻨﺎﺀ ... ﻛﻮﻣﻲ ﻭﻟﺞ ﺳﻨﺎﺀ ﻟﻴﺶ ﻣﻜﺎﺑﻠﻪ ﺍﻟﺘﻠﻔﺰﻳﻮﻥ ﺭﻭﺣﻲ ﺳﺎﻋﺪﻱ ﺍﻣﺞ ﺑﺎﻟﺨﺒﺰ
ﺳﻨﺎﺀ ... ﺑﻮﻳﺔ ﻣﻮ ﻣﻦ ﺍﻟﺼﺒﺢ ﻟﺤﺪ ﻫﺴﻪ ﻭﺍﻧﻲ ﺍﺷﺘﻐﻞ ﺷﻜﻮ ﺑﻴﻬﻪ ﺍﺫﺍ ﻛﻌﺪﺕ ﺍﺑﺎﻭﻉ ﻋﻠﻰ ﺍﻟﻤﺴﻠﺴﻞ ﻣﺘﺎﺑﻌﺘﻪ
ﺍﺑﻮ ﺳﻨﺎﺀ .. ﻭﻟﺞ ﻳﺎﻣﺴﻠﺴﻞ ﻟﺴﺎﻧﺞ ﺷﻄﻮﻟﻪ ﺑﺎﺟﺮ ﺍﺑﻦ ﺍﻟﻜﻠﺐ ﺗﺨﺪﻣﻲ ﺑﺮﺟﻠﻴﺞ ﻭﺍﻳﺪﻳﺞ ﺍﺫﺍ ﺗﺰﻭﺟﺘﻲ
ﺳﻨﺎﺀ ... ﻳﺎﺑﻪ ﺑﺲ ﺧﻠﻴﻨﻲ ﺍﻛﻤﻞ ﺍﻟﻤﺴﻠﺴﻞ ﻫﺬﻩ ﺍﻟﺤﻠﻘﺔ ﺍﻻﺧﻴﺮﻩ
ﺍﺑﻮ ﺳﻨﺎﺀ ... ﻃﻔﻰ ﺍﻟﺘﻠﻔﺰﻳﻮﻥ
ﻭﺳﻨﺎﺀ ﻛﺎﻣﺖ ﻭﻇﻠﺖ ﺗﻜﻔﺮ ﺑﺎﻟﻠﻪ ﻭﺩﺧﻠﺖ ﻟﻠﺤﻤﺎﻡ ﻭﻃﻠﻌﺖ ﻭﺍﻟﻜﻔﺮ ﺑﻠﺴﺎﻧﻬﻪ ﻭﺷﺎﻳﻠﻪ ﺑﺎﻳﺪﻫﻪ ﻣﺎﻱ ﺣﺎﺭ ( ﻓﺎﻳﺮ ) ﻓﺘﺤﺖ ﺑﺎﺏ ﺍﻟﺒﻴﺖ
ﻭﻫﻲ ﺗﻜﻔﺮ ﻭﻛﺒﺖ ﺍﻟﻤﺎﻱ ﺍﻟﺤﺎﺭ ﻋﺎﻻﺭﺽ ﻭﺍﻟﺸﻴﻄﺎﻥ 👿 ﻛﺎﻥ ﻧﺎﻳﻢ ﻳﻢ ﺍﻟﺒﺎﺏ ﻭﺍﻟﻤﺎﻱ ﺍﻟﺤﺎﺭ ﺻﺎﺭ ﻋﻠﻴﺔ ... ﻓﺰ ﻣﻦ ﻧﻮﻣﺘﻪ ﻭﻛﺎﻡ ﻭﺩﺧﻞ ﺑﺠﺴﻤﻬﻪ ️☠ ﺑﻜﻞ ﻗﻮﺗﻪ ﺟﺴﻤﻬﻪ ﺍﻫﺘﺰ ﺑﺲ ﻫﻲ ﻣﺎ ﻓﻬﻤﺖ ﺑﻮﻗﺘﻬﻪ ... ﺍﻟﻤﻨﻈﺮ ﻛﺎﻥ ﻣﺮﻋﺐ ﺍﺷﺮﺗﻠﻪ ﻟﻤﺎﺭﺩ ﺧﻠﻲ ﻧﺮﺟﻊ
ﻭﺭﺟﻌﺖ ﻟﻤﻜﺎﻧﻲ
ﻓﻬﺪ ... ﻛﻠﻲ ﻣﺎﺭﺩ ﻫﺬﺍ ﻣﻦ ﻧﻮﻉ ﺍﻟﺸﻴﻄﺎﻥ ﻟﻴﺶ ﻣﺎﻃﻠﻊ ﻣﻦ ﺟﺴﻤﻬﺎ
ﻣﺎﺭﺩ ... ﻟﻮ ﻳﺠﻴﺒﻮﻥ ﻛﻞ ﺍﻟﺴﺎﺩﻩ ﺑﺎﻟﻌﺎﻟﻢ ﻳﻘﺮﻭﻥ ﻋﻠﻴﻬﺎ ﻣﺎﻳﻄﻠﻊ
ﻓﻬﺪ ... ﻭﺍﻟﺤﻞ ﻣﺎﻛﻮ ﻃﺮﻳﻘﺔ ﻧﺴﺎﻋﺪﻫﻪ ؟
ﻣﺎﺭﺩ .. ﻃﺮﻳﻘﺔ ﻭﺣﺪﻩ ﻣﻤﻜﻦ ﻫﻲ ﺗﺴﻮﻳﻬﻪ ﺑﻬﺎﻟﺤﺎﻟﻪ ﻳﻄﻠﻊ
ﻓﻬﺪ ... ﺍﺣﺠﻴﻠﻲ ﺷﻤﻨﺘﻈﺮ
ﻣﺎﺭﺩ .. ﻻﺯﻡ ﺳﻨﺎﺀ ﺑﻮﻗﺖ ﺍﻻﺫﺍﻥ ﺗﺼﻌﺪ ﻟﻤﻜﺎﻥ ﻋﺎﻟﻲ ﻭﺗﺄﺫﻥ ﺍﻻﺫﺍﻥ ﻛﺎﻣﻞ ﺑﻌﻠﻮ ﺻﻮﺗﻬﻪ ﻭﺗﻜﺮﺭﻫﻪ ﺑﻜﻞ ﻭﻗﺖ ﺍﺫﺍﻥ ﻭﻟﻤﺪﻩ ﺛﻼﺛﺔ ﺍﻳﺎﻡ ... ﻓﻲ ﻫﺬﻩ ﺍﻟﺤﺎﻟﻪ ﻳﻄﻠﻊ ﻣﻦ ﺟﺴﻤﻬﻪ ﻭﺗﺘﺨﻠﺺ ﻣﻨﻪ
.... ﻭﺻﻠﺖ ﻟﻠﺒﻴﺖ ﻭﺍﻧﻲ ﺗﻌﺒﺎﻥ ﺟﺴﻤﻲ ﻛﻮﻟﻪ ﻳﻮﺟﻌﻨﻲ ﻣﻘﻬﻮﺭ ﺣﺰﻳﻦ ﺭﺣﺖ ﺍﺭﻳﺪ ﺍﻧﺎﻡ ﻣﺎ ﺍﻛﺪﺭ ﺑﻘﻴﺖ ﺍﻓﻜﺮ ﺑﻴﻨﻲ ﻭﺑﻴﻦ ﻧﻔﺴﻲ ﺍﺫﺍ ﺍﺣﺠﻲ ﻭﺍﻛﻮﻝ ﻻﻫﻠﻲ ﺍﻭ ﻻﻫﻠﻬﻪ ﺍﻭ ﺍﺣﺠﻲ ﻟﺴﻨﺎﺀ ...
ﺭﺍﺡ ﻳﺴﺎﻟﻮﻧﻲ ﻭﺍﻧﺖ ﻣﻨﻴﻦ ﺟﺒﺖ ﻫﺎﻟﻤﻌﻠﻮﻣﺎﺕ ﻭﺭﺍﺡ ﻳﺤﻘﻘﻮﻥ ﻭﻳﺎﻱ ... ﺑﻘﻴﺖ ﺍﻓﻜﺮ ﻭﺃﻓﻜﺮ ﻟﺤﺪ ﻣﺎ ﻭﺻﻠﺖ ﻟﻨﺘﻴﺠﻪ ﺍﻥ ﻻﺯﻡ ﺍﺣﺘﻔﻆ ﻟﻠﻤﻌﻠﻮﻣﻪ ﺑﺪﺍﺧﻠﻲ ﻭﻣﺎ ﺍﺗﻜﻠﻢ ﺣﺘﻰ ﻻ ﺍﻋﺮﺽ ﻧﻔﺴﻲ ﻟﺘﺴﺎﺅﻻﺕ ﺍﻻﻫﻞ ... ﻟﺤﺪ ﻣﺎﻧﻤﺖ
ﺍﻟﻴﻮﻡ ﺍﻟﺜﺎﻧﻲ ﺷﻔﺘﻬﺎ ﻭﻫﻲ ﻣﻦ ﺷﺎﻓﺘﻨﻲ ﺍﻧﻬﺰﻣﺖ ﻭﺧﺘﻠﺖ ﺑﺎﻟﻤﻄﺒﺦ ﻳﻤﻜﻦ ﺍﺫﺍ ﺃﻛﻠﻤﻬﺎ ﺣﺎﺗﺘﻌﺎﺭﻙ ﻭﻳﺎﻱ ﻭﺍﺣﺘﻤﺎﻝ ﻣﺎﺗﺼﺪﻛﻨﻲ ﺧﻠﻴﻨﻲ ﺳﺎﻛﺖ ﺍﺣﺴﻨﻠﻲ
ﻃﻠﻌﺖ ﺍﻓﺘﺮ ﻋﺎﻟﻤﻄﺎﻋﻢ ﻋﺎﻟﻜﻮﻓﻲ ﺷﻮﺏ ﺍﺩﻭﺭ ﻋﻠﻰ ﺷﻐﻞ ﺑﺲ ﺣﺘﻰ ﺍﻃﻠﻊ ﻣﺼﺮﻓﻲ ﻣﻴﺼﻴﺮ ﺍﺑﻘﻰ ﻋﺎﻟﻪ ﻋﻠﻰ ﺍﺑﻮﻱ
ﺣﺼﻠﺖ ﺷﻐﻞ ﺑﻜﻮﻓﻲ ﺷﻮﺏ ﺻﺤﻴﺢ ﺑﻌﻴﺪ ﺑﺲ ﻻﺯﻡ ﺍﺷﺘﻐﻞ ﺣﺘﻰ ﺍﻟﺮﺍﺗﺐ ﻗﻠﻴﻞ ﺍﻟﺪﻭﺍﻡ ﻣﻦ ﺍﻝ 9 ﺍﻟﺼﺒﺢ ﻟﻐﺎﻳﺔ 11 ﺑﺎﻟﻠﻴﻞ ﻭﺑﺎﻟﻴﻮﻡ 25 ﺍﻟﻒ .. ﻣﻀﻄﺮ ﺍﻗﺒﻞ ﺍﻱ ﻋﻤﻞ ﻭﺍﻱ ﺭﺍﺗﺐ ﻭﺍﻱ ﺩﻭﺍﻡ ﻻﻥ ﻭﻇﻌﻨﻪ ﻣﻴﺴﻤﺤﻠﻲ ﺍﺧﺘﺎﺭ ...
ﺩﺍﻭﻣﺖ ﺑﺎﻟﻜﻮﻓﻲ ﺷﻮﺏ ﺍﻟﻌﻤﻞ ﺷﺎﻕ ﻣﺎﺑﻴﻦ ﺗﻨﻈﻴﻒ ﻭﺗﻘﺪﻳﻢ ﻭﺧﺪﻣﻪ ﺍﻟﺰﺑﺎﺋﻦ ﻣﺎﻛﻮ ﻣﺠﺎﻝ ﺍﺭﺗﺎﺡ ﺍﻻ ﺑﻌﺾ ﺍﻷﻭﻗﺎﺕ ﻳﺼﻴﺮ ﻋﻨﺪﻱ ﻓﺮﺍﻍ ﺍﻓﺘﺢ ﺍﻟﻨﺖ ﻭﺃﺗﻜﻠﻢ ﻣﻊ ﺣﺒﻴﺒﺘﻲ ﻧﺠﻮﺩ ﻻﻥ ﻛﻼﻣﻲ ﻣﻌﺎﻫﺎ ﻫﻮ ﺍﻟﻲ ﻳﺨﻔﻒ ﻋﻨﻲ ﻛﻞ ﻫﺬﺍ ﺍﻟﺘﻌﺐ ﻭﻛﻞ ﻫﺬﻩ ﺍﻟﻤﺸﻘﺔ
ﺩﺍﻭﻣﺖ ﺑﺎﻟﻜﻮﻓﻲ ﺷﻮﺏ ﻭﺍﺷﺘﻐﻞ ﺑﻜﻞ ﻭﺍﻫﺲ ... ﺍﻟﻌﻤﻞ ﺷﺎﻕ ﻟﻜﻦ ﻫﻜﺬﺍ ﻫﻲ ﺍﻟﺤﻴﺎﺓ ﻻﺗﻌﻄﻴﻨﺎ ﻛﻞ ﻣﺎﻧﺮﻳﺪ ﺍﻭ ﻛﻞ ﻣﺎﻧﺤﻠﻢ ﺑﻪ ﺍﻫﻢ ﺷﻲ ﺍﻥ ﺍﻻﻧﺴﺎﻥ ﻳﻘﻨﻊ ﺑﻌﻤﻠﻪ ﻭﻳﺆﺩﻱ ﻭﺍﺟﺒﺎﺗﻪ ﺑﺎﺧﻼﺹ
ﻣﻦ ﺍﺑﺎﻭﻉ ﻋﺎﻟﺸﺒﺎﺏ ﻳﺠﻮﻥ ﻳﻜﻌﺪﻭﻥ ﻭﻳﺸﺮﺑﻮﻥ ﺍﻟﻨﺮﻛﻴﻠﻪ ﻭﻳﻘﻀﻮﻥ ﻭﻗﺘﻬﻢ ﺿﺤﻚ ﻭﺿﻴﺎﻉ ﻟﻠﻮﻗﺖ ﻭﺍﺳﻤﻊ ﺃﺣﺎﺩﻳﺜﻬﻢ ﺑﻌﻀﻬﺎ ﺗﺎﻓﻪ ﻭﺑﻌﻀﻬﺎ ﻟﺘﻤﺸﻴﺔ ﺍﻟﻮﻗﺖ ﻭﻛﺎﻧﻪ ﻣﺎﻋﺪﻫﻢ ﻣﻬﺎﻡ ﻭﻭﺍﺟﺒﺎﺕ ﻳﺄﺩﻭﻧﻬﺎ ﺑﺤﻴﺎﺗﻬﻢ ﻏﻴﺮ ﺗﻀﻴﻴﻊ ﺍﻟﻮﻗﺖ ﻭﺃﻧﻬﻢ ﺧﻠﻘﻮﺍ ﻹﺳﻌﺎﺩ ﺍﻫﻠﻬﻢ ﺑﻮﺟﻮﺩﻫﻢ
ﻻ ﻳﺎ ﺍﺧﻲ ﺍﻧﺖ ﺧﻠﻘﺖ ﻟﺘﺆﺩﻱ ﺭﺳﺎﻟﻪ ﻭﻋﻠﻴﻚ ﻭﺍﺟﺒﺎﺕ ﻣﺜﻠﻤﺎ ﻟﻚ ﺣﻘﻮﻕ ﻭﻟﻜﻦ ﻟﻴﺲ ﻣﻦ ﺣﻘﻲ ﺍﺗﻜﻠﻢ ﻭﺃﻋﻄﻲ ﻧﺼﻴﺤﻪ ﻷﻧﻲ ﺗﺬﻛﺮﺕ ﻭﻇﻌﻲ ﻋﻨﺪﻣﺎ ﻛﻨﺖ ﺍﻗﻀﻲ ﻭﻗﺘﻲ ﺑﻬﻜﺬﺍ ﺍﻣﻮﺭ ... ﻻﺷﺊ ﻳﺪﻭﻡ
ﺑﺎﺧﺘﻼﻃﻲ ﺑﺎﻟﺸﺒﺎﺏ ﺻﺮﺕ ﺍﻋﺮﻑ ﻣﻦ ﺧﻼﻝ ﻭﺟﻮﺩ ﻣﺎﺭﺩ ﺑﺤﻴﺎﺗﻲ ﺍﻓﻬﻢ ﻛﻞ ﺷﺨﺺ ﻭﺗﻔﻜﻴﺮﻩ ﻣﻦ ﺧﻼﻝ ﻧﻈﺮﻩ ﻭﺣﺪﻩ ﺻﺎﺭ ﻋﻨﺪﻱ ﻓﺮﺍﺳﻪ ﻣﺎﻧﻜﻮﻝ ﻋﻠﻢ ﺍﻟﻐﻴﺐ ﻭﺇﻧﻤﺎ ﺍﻓﻬﻢ ﻣﺎﻳﻔﻜﺮ ﺑﻲ ﺍﻟﺸﺨﺺ ﺍﻟﻤﻘﺎﺑﻞ ﻭﺍﻋﺮﻑ ﺷﺨﺼﻴﻪ ﺫﻟﻚ ﺍﻟﺸﺨﺺ ﻭﻣﺮﺍﺣﻞ ﺣﻴﺎﺗﻪ ﻛﻞ ﻫﺬﺍ ﺑﻤﺴﺎﻋﺪﻩ ﻣﺎﺭﺩ
ﺑﻬﺬﻩ ﺍﻟﻤﻮﻫﺒﺔ ﻛﺪﺭﺕ ﺍﺗﻌﺎﻣﻞ ﻣﻊ ﺍﻟﻤﻘﺎﺑﻞ ﺑﻜﻞ ﺣﺬﺭ ﻻﻥ ﺍﻋﺮﻑ ﺍﻟﻤﻘﺎﺑﻴﻠﻲ ﻋﻠﻰ ﺷﻨﻮ ﻧﺎﻭﻱ
ﻳﻮﻡ ﺍﻻﺭﺑﻌﺎﺀ ﻛﻨﺖ ﺗﻌﺒﺎﻥ ﻭﻣﺎ ﻃﻠﻌﺖ ﻟﻠﺸﻐﻞ
ﺍﺑﻮ ﻓﻬﺪ ... ﺍﺑﻨﻲ ﺷﻮﻑ ﺍﻟﺴﻴﺎﺭﻩ ﻣﺎ ﺍﻋﺮﻑ ﺍﺷﺒﻴﻬﺎ ﺃﺭﻳﺪﻙ ﺗﺠﻴﻜﻬﺎ
ﻓﻬﺪ ... ﺻﺎﺭ ﻳﺎﺑﻪ
ﻓﺘﺤﺖ ﺍﻟﺒﻨﻴﺪ ﻃﻠﻌﺖ ﻛﻬﺮﺑﺎﺋﻴﺎﺕ ﺑﻴﻬﺎ ﻋﻄﻞ ﺳﺤﺒﺖ ﺳﻴﺎﺭ ﻛﻬﺮﺑﺎﺋﻲ ﻣﻦ ﻧﻘﻄﻪ ﺍﻟﻜﻬﺮﺑﺎﺀ ﻗﺒﻞ ﻣﺎ ﺃﻭﺻﻠﻪ ﺑﺎﻟﻜﻬﺮﺑﺎﺀ ﻟﻜﻦ ﻣﺎ ﻓﺘﺤﺘﻪ
ﺍﻟﺘﻮﺻﻴﻞ ﺧﻠﻴﺘﻪ ﻃﺎﻓﻲ ﻟﺤﺪ ﻣﺎ ﺍﻛﻤﻞ ﺍﻟﺘﺼﻠﻴﺢ
ﻭﺍﻧﻲ ﺟﺎﻱ ﺍﺷﺘﻐﻞ ﻭﺍﻧﻲ ﻣﺪﺧﻞ ﺭﺍﺳﻲ ﺑﺎﻟﻤﻜﻴﻨﻪ ﻭﻣﻨﻄﻲ ﻇﻬﺮﻱ ﻟﻨﻘﻄﻪ ﺍﻟﻜﻬﺮﺑﺎﺀ
ﺍﻏﻤﻰ ﻋﻠﻴﻪ ﻭﺃﺛﻨﺎﺀ ﺍﻹﻏﻤﺎﺀ ﺷﻔﺖ ﺍﺧﻮﻱ ﺍﻟﺼﻐﻴﺮ ﻳﺪﺧﻞ ﺍﻟﺒﻠﻚ ﺑﺎﻟﻜﻬﺮﺑﺎﺀ ...
ﻭﺻﺤﺖ ﻋﻠﻴﻪ ﺑﺼﻮﺕ ﻋﺎﻟﻲ ﺧﺎﻟﺪ ﺻﺤﻴﺖ ﻣﻦ ﺍﻹﻏﻤﺎﺀ ﻭﺍﺷﻮﻑ ﺍﺧﻮﻱ ﻻﺯﻡ ﺍﻟﺒﻠﻚ ﻭﻳﺮﻳﺪ ﻳﻔﻮﺗﻪ ﺑﻨﻘﻄﻪ ﺍﻟﻜﻬﺮﺑﺎﺀ
ﺍﻟﻲ ﺻﺎﺡ ﻋﻠﻴﻪ ﻣﻮ ﺍﻧﻲ ﻭﺇﻧﻤﺎ ﻣﺎﺭﺩ ﺑﺲ ﻣﻦ ﺧﻼﻝ ﺟﺴﻤﻲ
ﺍﺧﻮﻱ ﻣﻦ ﻗﻮﺓ ﺍﻟﺼﻮﺕ ﺗﺮﻙ ﺍﻟﻮﺍﻳﺮ
ﺧﺎﻟﺪ ... ﺍﺷﺒﻴﻚ ؟
ﻓﻬﺪ .. ﺷﺪﺍﺗﺴﻮﻱ
ﺧﺎﻟﺪ .. ﻋﺒﺎﻟﻲ ﺗﺮﻳﺪ ﻛﻬﺮﺑﺎﺀ ﻛﻠﺖ ﺍﺳﺎﻋﺪﻙ
ﻓﻬﺪ ... ﺗﺪﺭﻱ ﻟﻮ ﻣﻔﻮﺗﻪ ﺑﺎﻟﻜﻬﺮﺑﺎﺀ ﻛﺎﻥ ﻣﺘﺖ ﻻﻥ ﻛﺎﻥ ﺑﺎﻳﺪﻱ ﺑﺲ ﺭﺑﻚ ﺳﺘﺮ ... ﺍﻟﺤﻤﺪ ﻟﻠﻪ
ﻛﻤﻠﺖ ﺗﺼﻠﻴﺢ ﻛﻬﺮﺑﺎﺋﻴﺎﺕ ﺍﻟﺴﻴﺎﺭﻩ ﻭﺷﻐﻠﺘﻬﻪ ﻟﻠﻮﺍﻟﺪ ﺑﺲ ﺷﻨﻮ ﺍﻛﻠﺖ ﺭﺟﻔﻪ ﻭﺧﻮﻑ ﻭﻫﺒﻄﺔ
ﺩﺧﻠﺖ ﻟﻠﺒﻴﺖ ﻭﻣﺎﺭﺩ ﺧﻼﻧﻲ ﺍﻓﻜﺮ ﺍﻥ ﻧﺠﻮﺩ ﻣﺮﻳﻀﺔ ﺍﻧﻘﺒﺾ ﻛﻠﺒﻲ ﺍﺣﺘﺮﺕ ﺩﺧﻠﺖ ﺟﻮﻩ ﺍﺷﻮ ﺍﻟﺒﻴﺖ ﻫﻮﺳﻪ ﺣﺘﻰ ﺧﺼﻮﺻﻴﺔ ﻣﺎﻛﻮ ﺑﺲ ﺍﺭﻳﺪ ﺍﺗﻮﺍﺻﻞ ﻭﻳﺎﻫﺎ
ﻣﺎﺭﺩ ﻛﺎﻥ ﺭﺍﺿﻲ ﻋﻦ ﺣﺒﻲ ﻟﻨﺠﻮﺩ ﻭﻳﺸﺠﻌﻨﻲ ﻋﻠﻰ ﻋﻼﻗﺘﻨﺎ
ﻓﻬﺪ ... ﺍﻟﻮ ﻧﺠﻮﺩ ﻭﻳﻨﺞ ﺟﺎﻭﺑﻴﻨﻲ ﺣﺒﻴﺒﺘﻲ
ﻧﺠﻮﺩ .. ﻫﻼ ﻭﻏﻼ ﺍﺷﻠﻮﻧﻚ ﻳﺎﻝ ﻏﺎﻟﻲ
ﻓﻬﺪ ... ﺍﻟﺤﻤﺪ ﻟﻠﻪ ﺑﺨﻴﺮ ﺍﻧﺖ ﺍﺷﻠﻮﻧﺞ ؟
ﻧﺠﻮﺩ .. ﺍﻧﻲ ﺗﻌﺒﺎﻧﻪ ﻋﻨﺪﻱ ﺍﻓﻼﻭﻧﺰﻩ ﻗﻮﻳﻪ ﻭﺟﺴﻤﻲ ﻛﻮﻟﻪ ﻳﻮﺟﻌﻨﻲ
ﻓﻬﺪ ... ﺣﺒﻴﺒﻲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﺍﺧﺬﻱ ﻋﻼﺝ
ﻧﺠﻮﺩ ... ﺍﻥ ﺷﺎﺀ ﺍﻟﻠﻪ
ﻓﻬﺪ ... ﺍﻛﻮﻟﺞ ﺍﻧﻲ ﻣﺸﺘﺎﻕ ﺷﻮﻛﺖ ﻧﻠﺘﻘﻲ ؟ ﻣﻮ ﺧﻠﺺ ﻛﻠﺒﻲ
ﻧﺠﻮﺩ ... ﺷﻮﻑ ﻳﺎﻓﻬﺪ ﺍﻧﻲ ﻛﺘﻠﻚ ﻣﻤﻜﻦ ﺍﺭﻭﺍﺣﻨﺎ ﺗﻠﺘﻘﻲ ﺑﻤﺴﺎﻋﺪﻩ ﺍﻟﺠﻨﻲ ﺍﻟﻲ ﻋﻨﺪﻱ ﻭﻋﻨﺪﻙ ﺍﻧﺖ ﺍﻃﻠﺐ ﻣﻨﻪ ﻭﺷﻮﻑ ﺷﻴﻜﻮﻟﻚ ﺍﻧﺖ ﻧﻔﺬ ﻭﺍﻧﻲ ﻫﻢ ﺭﺍﺡ ﺍﻃﻠﺐ ﻣﻦ ﺍﻟﺠﻨﻲ ﻣﺎﻟﺘﻲ
ﻓﻬﺪ ... ﻓﻌﻼ ﻃﻠﺒﺖ ﻣﻨﻪ ﻳﺨﻠﻴﻨﻲ ﺍﻟﺘﻘﻲ ﺑﻨﺠﻮﺩ
ﻧﺠﻮﺩ ... ﻓﻬﺪ ﺍﻟﻴﻮﻡ ﺭﺍﺡ ﻧﻠﺘﻘﻲ ﺍﻧﻲ ﻭﻳﺎﻙ ﻭﺍﻧﺖ ﺷﻮﻑ ﻣﺎﺭﺩ ﺷﻴﻜﻮﻟﻚ ﺍﻧﺖ ﻭﺍﻓﻖ ﺣﺘﻰ ﻧﻠﺘﻘﻲ
ﻓﻬﺪ ... ﺍﻧﺖ ﺗﺤﺠﻴﻦ ﺻﺪﻙ ﺣﺒﻴﺒﺘﻲ ﺍﻟﻴﻮﻡ ﺍﺷﻮﻓﺞ ﻭﺍﻟﺘﻘﻲ ﺑﻴﺞ
ﻧﺠﻮﺩ ... ﺗﺮﻯ ﺍﻧﻲ ﻗﺎﺭﻳﺔ ﻛﺘﺐ ﻛﺜﻴﺮﻩ ﻋﻦ ﺍﻟﺠﻦ ﻭﺍﻋﺮﻑ ﻣﻤﻜﻦ ﻳﺨﻠﻮﻧﻪ ﻧﻠﺘﻘﻲ ﻭﺍﻟﻲ ﻋﻨﺪﻱ ﻛﺎﻝ ﺍﻟﻴﻮﻡ ﺣﺎﻳﺨﻠﻮﻧﻪ ﻧﻠﺘﻘﻲ
ﻓﻬﺪ ... ﺗﻤﺎﻡ ﺍﻧﻲ ﺗﺤﺖ ﺍﻣﺮﺝ ﺣﻴﺎﺗﻮﻭﻭﻭﻭ
****************************
ﻣﺎﺭﺩ ... ﺍﻟﻴﻮﻡ ﺃﺭﻳﺪﻙ ﺗﻨﺎﻡ ﺳﺎﻋﻪ ﺏ ( 1 ) ﺑﺎﻟﻠﻴﻞ
ﻓﻬﺪ .. ﺑﺪﻭﻥ ﻣﺎ ﺃﻧﺎﻗﺸﻪ ﻭﺍﻓﻘﺖ ﻭﻧﻔﺬﺕ
ﺗﻌﺸﻴﻨﺎ ﻭﻛﻤﻠﻨﺎ ﺭﺣﺖ ﻟﻠﻐﺮﻓﺔ ﺍﺭﻳﺪ ﺍﻧﺎﻡ ﺻﻌﺐ ﻣﺎ ﺍﻛﺪﺭ
ﻛﻤﺖ ﻓﺘﺤﺖ ﺍﻟﺜﻼﺟﻪ ... ﺍﻱ ﺷﻔﺖ ﻟﺒﻦ ﺷﺮﺑﺖ ﻛﻼﺹ ﻟﺒﻦ .. ﺍﻧﻲ ﻣﻦ ﺍﻟﻨﻮﻉ ﺍﻟﻲ ﺑﺲ ﺍﺷﺮﺏ ﺍﻟﻠﺒﻦ ﺍﻧﺎﻡ ﺣﺘﻰ ﻟﻮ ﻫﻮﺳﻪ ﻭﺍﻟﺠﻮ ﺍﻟﻲ ﺣﻮﻟﻴﻨﻲ ﻣﻮ ﻣﺎﻝ ﻧﻮﻡ ﺑﺲ ﻫﺬﻩ ﻃﺒﻴﻌﺘﻲ
ﻧﻤﺖ ﻭﺑﻌﺪﻫﻪ ...
ﺷﻔﺖ ﻧﻔﺴﻲ ﺑﺤﺪﻳﻘﺔ ﺣﻠﻮﻩ ﻛﻮﻟﻬﻪ ﺧﻀﺎﺭ
ﺍﻟﻠﻪ ﻫﺬﻳﺞ ﻧﺠﻮﺩ ﺟﺎﻳﺔ ﻋﻠﻲ ﺗﺘﻤﺸﻰ ﻛﻠﺒﻲ ﻓﺮﻓﺢ ﻣﻦ ﺷﻔﺘﻬﺎ ﺷﻨﻮ ﻫﺎﻟﻄﻮﻝ ﺷﻨﻮ ﻫﺎﻻﻧﺎﻗﺔ ﻓﺪﻭﻩ ﻟﻄﻮﻟﺞ
ﻧﺠﻮﺩ ... ﺍﻟﺠﻨﻲ ﺍﻟﻲ ﻋﻨﺪﻱ ﻛﻠﻲ ﺍﻟﻴﻮﻡ ﻧﺎﻣﻲ ﺳﺎﻋﻪ ﺏ ( 1 ) ﺑﺎﻟﻠﻴﻞ
ﻭﻧﻔﺬﺕ ﺍﻟﻲ ﻛﺎﻟﻪ ﻻﻥ ﺍﻋﺮﻑ ﺣﺎﻳﻮﺩﻳﻨﻲ ﺍﻟﺘﻘﻲ ﺑﻔﻬﺪ ﻭﻛﺎﻧﺖ ﻫﺬﻩ ﺍﻣﻨﻴﺘﻲ ... ﺑﻌﺪ ﻣﺎﻧﻤﺖ ﺣﺴﻴﺖ ﺍﻧﻲ ﺑﺤﺪﻳﻘﺔ ﺣﻠﻮﻩ ﺗﻤﺸﻴﺖ ﺍﺩﻭﺭ ﻋﻠﻰ ﺍﺣﺪ ﺑﻴﻬﺎ ﻭﺍﻧﻲ ﻛﻞ ﻫﺪﻓﻲ ﻭﺍﻣﻨﻴﺘﻲ ﺍﻟﺘﻘﻲ ﺑﻔﻬﺪ
ﻭﺍﻧﻲ ﺍﻣﺸﻲ ﺷﻔﺖ ﺣﺒﻴﺒﻲ ﻭﺍﻛﻒ ﻭﻣﺒﺘﺴﻢ ... ﺍﻱ ﻫﺬﺍ ﻫﻮ ﺣﻴﺎﺗﻲ ﻫﺬﺍ ﻫﻮ ﺣﺒﻴﺒﻲ ﻭﺃﺧﻴﺮﺍ ﻧﻠﺘﻘﻲ
ﻳﺎﺭﺏ ﺍﺫﺍ ﺣﻠﻢ ﺧﻠﻴﻨﻲ ﻧﺎﻳﻤﻪ ﻣﺎ ﺍﺭﻳﺪ ﺍﺻﺤﻰ ﻣﻨﻪ
ﻧﺠﻮﺩ .. ﻭﺃﺧﻴﺮﺍ ﺍﻟﺘﻘﻴﻨﻪ
ﻓﻬﺪ .. ﻣﻦ ﺷﻔﺖ ﻧﺠﻮﺩ ﻧﺴﻴﺖ ﻛﻮﻟﺸﻲ ﻭﺣﻈﻨﺘﻬﻪ ﻭﺑﺴﺘﻬﺎ ... ﻣﻌﻘﻮﻟﻪ ﺍﻧﺖ ﻛﺒﺎﻟﻲ ﻭﺑﻴﻦ ﺍﻳﺪﻱ .. ﻻ ﻻ ﻣﺎ ﺍﺻﺪﻙ
ﻧﺠﻮﺩ .. ﻣﻮ ﻛﺘﻠﻚ ﺣﺎﻳﺠﻲ ﻳﻮﻡ ﻭﻧﻠﺘﻘﻲ
ﻓﻬﺪ .. ﻧﺠﻮﺩ ﺧﻠﻲ ﻧﺒﻘﻰ ﻫﻨﺎ ﺑﻌﺎﻟﻤﻨﻪ ﻫﺬﺍ ﻣﺎ ﻧﺮﻳﺪ ﻧﺮﺟﻊ ﻟﺤﻴﺎﺗﻨﺎ
ﻧﺠﻮﺩ .. ﻓﻬﺪ ﻫﺬﻩ ﺍﻟﻠﺤﻈﺎﺕ ﺍﻟﺤﻠﻮﻩ ﺧﻠﻲ ﻧﻌﻴﺸﻬﺎ ﺑﺪﻗﺘﻬﻪ ﻭﻻﺗﻔﻜﺮ ﺑﻜﺮﻩ ﺷﺮﺍﺡ ﻳﺼﻴﺮ
ﻓﻬﺪ ... ﻧﺠﻮﺩ ﺍﻧﻄﻴﻨﻲ ﺍﻳﺪﺝ ﺍﺭﻳﺪ ﺍﻟﺰﻣﻬﻪ ... ﻟﺰﻣﺖ ﺍﻳﺪﻫﻪ ﻧﺎﻋﻤﻪ ﻣﺜﻞ ﺍﻟﺤﺮﻳﺮ ﺑﺴﺖ ﺍﻳﺪﻫﻪ ... ﺍﻟﻠﻪ ﻛﻠﺒﻲ ﺣﺎﻳﻮﻛﻒ ﻣﻦ ﺍﻟﺤﺐ
ﻟﺞ ﺍﻧﻲ ﺍﺣﺒﺞ ﻭﺍﻣﻮﺕ ﻋﻠﻴﺞ ﻭﺍﺣﻨﺎ ﻻﺯﻡ ﻧﺘﺰﻭﺝ
ﻧﺠﻮﺩ ... ﻓﻬﺪ ﺍﻧﻲ ﻫﻢ ﺍﺣﺒﻚ ﻭﺍﻣﻮﺕ ﻋﻠﻴﻚ ﺑﺲ ﺍﻧﺖ ﺗﻌﺮﻑ ﻗﺎﻧﻮﻥ ﺩﻭﻟﺘﻨﺎ
ﻓﻬﺪ ... ﻻﺯﻡ ﺍﻛﻮ ﻃﺮﻳﻘﺔ ﻧﻜﺪﺭ ﺑﻴﻬﻪ ﻧﻜﻮﻥ ﻟﺒﻌﺾ
ﻧﺠﻮﺩ ... ﻧﻔﻜﺮ ﻭﻻﺯﻡ ﻧﻠﻜﻲ ﺣﻞ ... ﻫﺎﻱ ﺍﺷﺒﻴﻚ ﺻﺎﻓﻦ ﺑﻮﺟﻬﻲ ﻭﻣﺒﺘﺴﻢ
ﻓﻬﺪ .. ﺗﺪﺭﻳﻦ ﻟﻤﺎ ﺍﻻﻧﺴﺎﻥ ﻳﺸﻮﻑ ﺍﻟﻘﻤﺮ ﻭﻳﺒﻘﻰ ﻳﺒﺎﻭﻉ ﻋﻠﻴﻪ ﻭﻛﺎﻧﻪ ﺷﺎﻳﻔﺔ ﻷﻭﻝ ﻣﺮﻩ ﻭﺗﻠﻜﻲ ﻣﺮﺍﺕ ﻛﺪﺍﻣﻪ ﻭﻣﻴﺸﻮﻓﻪ
ﺍﻧﻲ ﻫﺴﻪ ﺷﺎﻳﻒ ﺍﻟﻘﻤﺮ ﻷﻭﻝ ﻣﺮﻩ ﺑﺤﻴﺎﺗﻲ
ﺷﻌﺮﺝ ﺣﻠﻮ ﺳﺮﺡ ﺍﺭﻳﺪ ﺃﻟﺰﻣﻪ
ﻛﺎﻣﺖ ﻣﻦ ﻳﻤﻲ ﺗﺮﻛﺾ ﻭﺗﻀﺤﻚ ﻣﺜﻞ ﺍﻟﻤﻼﻙ
ﺭﻛﻀﺖ ﻭﺭﺍﻫﺎ ﻭﺑﻘﻴﻨﺎ ﻧﻀﺤﻚ ﻟﺤﺪ ﻣﺎ ﻟﺰﻣﺘﻬﻪ ﻭﺣﻈﻨﺘﻬﻪ
ﻓﻬﺪ .. ﺍﻧﺖ ﻋﺸﻘﻲ ﻭﻏﺮﺍﻣﻲ ﻧﺠﻮﺩ ﺍﺣﻨﺎ ﻻﺯﻡ ﻧﻜﻮﻥ ﻟﺒﻌﺾ
ﻧﺠﻮﺩ ... ﺗﺪﺭﻱ ﻓﻬﺪ ﺍﻟﻴﻮﻡ ﺍﺳﻌﺪ ﻳﻮﻡ ﺑﺤﻴﺎﺗﻲ ﻭﺍﺣﻠﻰ ﺣﻠﻢ ﺑﻌﻤﺮﻱ
ﺍﻟﺤﻠﻢ ﺍﻟﻲ ﻳﺤﻘﻘﻠﻚ ﺃﻣﻨﻴﺘﻚ ﻣﺎ ﺍﺭﻳﺪ ﺍﺻﺤﻰ ﻣﻨﻪ
ﺑﻘﻴﻨﺎ ﻧﺴﻮﻟﻒ ﻭﻧﺴﻮﻟﻒ ﻣﺮﻩ ﻧﻜﻌﺪ ﻭﻣﺮﻩ ﻧﻤﺸﻲ ﻣﺎﺣﺴﻴﻨﺎ ﺑﺎﻟﻮﻗﺖ ﻣﺮ ﻋﻠﻴﻨﺎ ﻛﺎﻧﺖ ﺍﺳﻌﺪ ﻟﺤﻈﺎﺕ ﺑﺤﻴﺎﺗﻲ ﻳﻮﻡ ﻟﻘﺎﺋﻲ ﺑﻨﺠﻮﺩ
ﻣﺎﺭﺩ ... ﻓﻬﺪ ﺧﻠﺺ ﺍﻟﻮﻗﺖ ﻻﺯﻡ ﺗﻮﺩﻉ ﻧﺠﻮﺩ
ﻓﻬﺪ ... ﺣﺒﻴﺒﺘﻲ
ﻧﺠﻮﺩ .. ﺍﻋﺮﻑ ﻓﻬﺪ ﺣﺘﻰ ﺍﻟﻲ ﻋﻨﺪﻱ ﻛﺎﻟﻬﻪ ﻣﺎﻧﻜﻮﻝ ﻭﺩﺍﻋﺎ
ﻓﻬﺪ .. ﻧﻜﻮﻝ ﺍﻟﻰ ﺍﻟﻠﻘﺎﺀ
ﺭﺟﻌﺖ ﻟﻤﻜﺎﻧﻲ ﻭﺍﻧﻲ ﺍﺳﻌﺪ ﺍﻧﺴﺎﻥ ﺑﺎﻟﺪﻧﻴﺎ ﻧﺴﻴﺖ ﻛﻞ ﻫﻤﻮﻣﻲ ﻭﻛﻞ ﻣﺸﺎﻛﻠﻲ ﻟﻘﺎﺋﻲ ﻣﻊ ﻧﺠﻮﺩ ﻛﺎﻥ ﺷﻲ ﻣﺴﺘﺤﻴﻞ
ﺍﻟﻴﻮﻡ ﺍﻟﺜﺎﻧﻲ
ﻓﻬﺪ ... ﺍﻟﻮ ﻫﻠﻮ ﻧﺠﻮﺩ ﺣﺒﻴﺒﺘﻲ
ﻧﺠﻮﺩ ... ﻫﻠﻮ ﺍﺷﻠﻮﻧﻚ
ﻓﻬﺪ ... ﺍﻟﺒﺎﺭﺣﻪ ﺣﻠﻤﺖ ﺑﻴﺞ ﺍﺧﺬﻧﻲ ﻣﺎﺭﺩ ﻭﺍﻟﺘﻘﻴﺖ ﺑﻴﺞ
ﻧﺠﻮﺩ ... ﺍﻋﺮﻑ ﺍﻧﻲ ﻫﻢ ﻛﻨﺖ ﻣﻌﺎﻙ ﺍﻟﺒﺎﺭﺣﻪ ﻛﻮﻟﻲ ﺷﻜﻨﺖ ﻻﺑﺴﻪ ؟
ﻓﻬﺪ .. ﻛﻨﺘﻲ ﻻﺑﺴﻪ ﻓﺴﺘﺎﻥ ﻭﺭﺩﻱ ﻓﺎﺗﺢ ﻭﺷﻌﺮﺝ ﻣﻔﺘﻮﺡ ﺍﺳﻮﺩ ﻭﻃﻮﻳﻞ
ﻧﺠﻮﺩ .. ﻭﺍﻧﺖ ﻛﻨﺖ ﻻﺑﺲ ﻗﻤﻴﺺ ﺍﺑﻴﺾ ﻭﺑﻨﻄﺮﻭﻥ ﺍﺳﻮﺩ
ﻓﻬﺪ ... ﺻﺤﻴﺢ ﻳﻌﻨﻲ ﻓﻌﻼ ﺍﺭﻭﺍﺣﻨﺎ ﺍﻟﺘﻘﺖ ﺗﺬﻛﺮﻳﻦ ﻣﻦ ﺣﻈﻨﺘﺞ
ﻧﺠﻮﺩ ... ﻭﻣﻦ ﺑﺴﺖ ﺍﻳﺪﻱ ﻛﻠﺸﻲ ﺍﺗﺬﻛﺮ
ﻟﻠﺤﻜﺎﻳﻪ ﺑﻘﻴﺔ
....
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء