رواية الجن و حبيبتي الممسوسة الجزء الرابع
للكاتبة
فردوس عبد اللطيف
⭐⭐
ﺃﻥ ﺃﺳﺎﻟﻴﺐ ﺍﻟﺠﻦ ﻓﻲ ﺍﻟﺘﻌﺎﻣﻞ ﻣﻊ ﺍﻟﺠﺴﺪ ﻭﺃﻋﻀﺎﺀﻩ ﺗﺨﺘﻠﻒ ﻣﻦ ﺟﻦ ﺇﻟﻰ ﺍﻵﺧﺮ، ﻭﻣﻦ ﻣﻬﻤﺔ ﺇﻟﻰ ﺍﻷﺧﺮﻯ، ﻓﻬﻨﺎﻙ ﺗﻮﺍﻓﻖ ﺑﻴﻦ ﺍﻟﻌﻀﻮ ﻭﺑﻴﻦ ﻭﻇﻴﻔﺘﻪ، ﻟﻜﻦ ﻋﻤﻞ ﺍﻟﺸﻴﻄﺎﻥ ﻻ ﻳﺘﻌﺎﺭﺽ ﻭﻃﺒﻴﻌﺔ ﻭﻇﺎﺋﻒ ﺃﻋﻀﺎﺀ ﺍﻟﺠﺴﺪ، ﻭﺇﻥ ﻛﺎﻥ ﻓﻲ ﻗﺪﺭﺗﻪ ﺗﻤﺰﻳﻖ ﺃﺣﺸﺎﺀ ﺃﻱ ﺇﻧﺴﺎﻥ، ﻟﻮﻻ ﺃﻥ ﻗﻴﺾ ﺍﻟﻠﻪ ﻟﻨﺎ ﺣﻔﻈﺔ ﻭﻛﻠﻬﻢ ﺑﻨﺎ ﻣﻨﺬ ﺃﻥ ﻛﻨﺎ ﺃﺟﻨﺔ ﻓﻲ ﺃﺭﺣﺎﻡ ﺃﻣﻬﺎﺗﻨﺎ، ﻗﺎﻝ ﺗﻌﺎﻟﻰ : ( ﻟَﻪُ ﻣُﻌَﻘِّﺒَﺎﺕٌ ﻣِّﻦ ﺑَﻴْﻦِ ﻳَﺪَﻳْﻪِ ﻭَﻣِﻦْ ﺧَﻠْﻔِﻪِ ﻳَﺤْﻔَﻈُﻮﻧَﻪُ ﻣِﻦْ ﺃَﻣْﺮِ ﺍﻟﻠّﻪِ ) [ ﺍﻟﺮﻋﺪ :
**************************
ﻓﻬﺪ ... ﺗﻤﺮ ﺑِﻨَﺎ ﻇﺮﻭﻑ ﻟﻢ ﻧﺨﻄﻂ ﻟﻬﺎ ﻭﻟَﻢ ﺗﻜﻦ ﻣﻦ ﺍﺧﺘﻴﺎﺭﺍﺗﻨﺎ ﻭﻟﻜﻦ ﻓﺮﺿﺖ ﻋﻠﻴﻨﺎ
ﺍﺑﻮ ﺍﺳﺮﺍﺀ ... ﻓﻬﺪ ﺗﻌﺎﻝ ﻟﻠﻤﺴﺘﺸﻔﻰ
ﻓﻬﺪ ﺭﻛﻀﺖ ﻭﻳﻪ ﺍﺑﻮﻱ ﻭﺍﺧﻮﺗﻲ ﻋﺒﺎﻟﻨﻪ ﺯﻭﺟﻪ ﻋﻤﻲ ﺍﻭ ﺍﺣﺪ ﻣﻦ ﺍﻟﻮﻟﺪ ﺑﻲ ﺷﻲ ﻟﻜﻦ ﻣﻦ ﻭﺻﻠﻨﺎ ﺷﻔﺖ ﺯﻭﺟﻪ ﻋﻤﻲ ﺗﻠﻄﻢ ﻭﺗﺼﺮﺥ ﻋﻤﻲ ﻛﺎﻋﺪ ﻋﻠﻰ ﺻﻔﺤﻪ ﻳﺒﺠﻲ ﺍﻟﻮﻟﺪ ﻛﻠﻬﻢ ﻣﻮﺟﻮﺩﻳﻦ ﻣﺎﻋﺪﺍ ﺍﺑﻦ ﻋﻤﻲ ﺍﻟﻜﺒﻴﺮ ﺭﺍﺡ ﻳﺴﻮﻱ ﺍﻷﻭﺭﺍﻕ
ﺍﺑﻮ ﻓﻬﺪ ... ﺍﻱ ﺍﻭﺭﺍﻕ ﻳﺴﻮﻳﻬﻪ ﻭﻣﻨﻮ ﻣﺎﺕ
ﺍﻡ ﺍﺳﺮﺍﺀ ... ﻭﻟﻚ ﻳﻤﻪ ﺍﺳﺮﺍﺀ ﺍﻧﻄﺘﻚ ﻋﻤﺮﻫﻪ ﻭﻟﻚ ﻣﺎﺗﺖ
ﻓﻬﺪ ... ﻟﻄﻤﺖ ﻋﻠﻰ ﺭﺍﺳﻲ ... ﺍﻟﺨﺒﺮ ﻧﺰﻝ ﻋﻠﻲ ﻣﺜﻞ ﺍﻟﺼﺎﻋﻘﻪ
ﻋﻴﻮﻧﻲ ﺗﻐﻮﺷﺖ ﻣﺎ ﺍﺷﻮﻑ ﺩﺧﺖ ﻟﺰﻣﺖ ﺍﻟﺤﺎﻳﻂ ﺗﺠﻴﺖ
ﻋﻤﻪ ﻛﻮﻟﻲ ﻏﻴﺮﻫﻪ ﺷﻨﻮ ﻣﺎﺗﺖ ﻭﺍﺷﻠﻮﻥ ﻣﺎﺗﺖ ؟
ﺍﻡ ﺍﺳﺮﺍﺀ ... ﻳﻤﻪ ﻃﺒﺨﺖ ﺍﻟﻐﺪﻩ ﻭﻧﻈﻔﺖ ﺍﻟﺒﻴﺖ ﻭﺍﺟﺘﻲ ﻛﻌﺪﺕ ﻳﻤﻨﻪ ﻭﻇﻠﺖ ﺗﻠﻄﻢ ﻭﺗﺒﺠﻲ
ﻓﻬﺪ ... ﻋﻤﻪ ﻛﻤﻠﻲ
ﺍﻡ ﺍﺳﺮﺍﺀ ... ﻭﻟﻚ ﻳﻤﻪ ﻛﻌﺪﺕ ﻋﺎﻟﻜﺮﺳﻲ ﻛﺒﺎﻟﻲ ... ﺍﺧﺬﺕ ﻧﻔﺲ ﻋﻤﻴﻖ ﻭﺗﺒﺠﻲ ﺑﺤﺮﻛﻪ
ﻓﻬﺪ ... ﻋﻤﻪ ﺍﺣﺠﻲ ﻣﻮ ﺷﻠﻌﺘﻲ ﻛﻠﺒﻲ
ﺍﻡ ﺍﺳﺮﺍﺀ ... ﻳﻤﻪ ﻭﻛﻌﺖ ﻣﻦ ﺍﻟﻜﺮﺳﻲ ﻭﺟﻬﻪ ﺻﺎﺭ ﺍﺯﺭﻙ ﻭﻃﻠﻊ ﻣﻦ ﺣﻠﻜﻬﺎ ﺳﺎﺋﻞ ﻭﺑﻘﺖ ﻋﻴﻮﻧﻬﺎ ﻣﻔﺘﻮﺣﻪ
ﺍﻧﻲ ﻋﺒﺎﻟﻲ ﻏﻤﻰ ﻋﻠﻴﻬﺎ ﺻﺮﺧﺖ ﻋﺎﻟﻮﻟﺪ ﻭﺟﺒﻨﺎﻫﺎ ﻟﻠﻤﺸﻔﻰ
ﻭﺍﻟﺪﻛﺘﻮﺭ ﻳﻜﻮﻝ ﻣﺎﺗﺖ ... ﻭﻟﻚ ﻳﻤﻪ ﻟﻴﺶ ﻣﺎﺗﺖ
ﻻ ﻣﺮﻳﻀﻪ ﻻ ﺑﻴﻬﻪ ﺷﻲ ﻳﻤﻪ ﺷﻨﻮ ﻣﺎﺗﺖ
ﻭﻛﻌﺖ ﻣﺮﺕ ﻋﻤﻲ ﻏﻤﻰ ﻋﻠﻴﻬﺎ ﺷﻠﻨﺎﻫﺎ ﻭﺩﻭﻫﻪ ﻟﻐﺮﻓﺔ ﺍﻻﻧﻌﺎﺵ ﻃﻠﻊ ﻋﺪﻫﻪ ﺍﺭﺗﻔﺎﻉ ﺑﺎﻟﻀﻐﻂ ﺧﻠﻮﻟﻬﻪ ﻣﻐﺬﻱ
ﻓﻬﺪ ... ﻫﺎ ﺑﺎﺑﺎ ﻭﻳﻦ ﺭﺍﻳﺤﻴﻦ
ﺍﺑﻮ ﻓﻬﺪ .. ﺍﺧﺬﻧﻪ ﺗﺼﺮﻳﺢ ﺍﻟﺪﻓﻦ ﺣﺎﻧﺮﻭﺡ ﻧﺪﻓﻦ ﺍﻟﻤﺮﺣﻮﻣﻪ
ﻓﻬﺪ ... ﻃﻔﺮﺕ ﺍﻟﺪﻣﻌﻪ ﻣﻦ ﻋﻴﻨﻲ ﻳﻌﻨﻲ ﺻﺎﺭﺕ ﺻﺪﻙ ﻟﻴﺶ ﻫﻴﺞ
ﻣﻌﻘﻮﻟﻪ ﺍﻧﻲ ﺍﻟﺴﺒﺐ
ﺳﺎﻣﺤﻴﻨﻲ ... ﺍﺳﺮﺍﺀ
ﺳﺎﻣﺤﻴﻨﻲ ﺍﺳﺮﺍﺀ
ﻣﺎﺭﺩﺕ ﺗﺘﺎﺫﻳﻦ ﺍﻧﺖ ﺭﺣﺘﻲ ﻭﻋﻔﺘﻴﻨﻲ ﻟﻠﻘﻬﺮ ﻣﻌﻘﻮﻟﻪ ﺧﺴﺮﺗﻲ ﺣﻴﺎﺗﺞ ﻭﺷﺒﺎﺑﺞ ﺑﺴﺒﺒﻲ
ﺭﺣﺖ ﻭﻳﺎﻫﻢ ﻭﺍﻧﻲ ﻣﻨﻬﺎﺭ ﺍﻋﺼﺎﺑﻲ ﻣﻨﻬﺎﺭﻩ ﻭﺍﺻﻴﺢ ﺳﺎﻣﺤﻴﻨﻲ ﺍﺳﺮﺍﺀ ﺃﺳﻒ ﺍﺳﺮﺍﺀ ﺳﺎﻣﺤﻴﻨﻲ
ﺍﻟﻜﻞ ﻣﻠﺘﻬﻴﻦ ﻛﻞ ﻭﺍﺣﺪ ﻳﺒﺠﻲ ﺑﺼﻔﺤﻪ ﻣﺤﺪ ﻳﻔﻬﻢ ﻛﻼﻣﻲ ﻭﻣﺤﺪ ﺍﻧﺘﺒﻬﻠﻲ ﺑﺲ ﻛﻨﺖ ﺍﺗﻤﻨﻰ ﺍﺣﺠﻴﻠﻬﻢ ﻭﺃﻧﻔﻪ ﻋﺎﻟﻲ ﺑﻜﻠﺒﻲ ﻭﺍﻛﻮﻟﻬﻢ ﺍﻟﺴﺒﺐ ﺍﻧﻲ ﺳﺎﻣﺤﻮﻧﻲ ﺳﺎﻣﺤﻮﻧﻲ ﻛﻠﻜﻢ ﻭﺍﻟﻠﻪ ﻋﺒﺎﻟﻲ ﺣﺎﻳﺒﻌﺪﺝ ﻋﻨﻲ ﺑﻐﻴﺮ ﻃﺮﻳﻘﺔ
ﺩﺧﻠﻮﻫﻪ ﺑﺎﻟﻘﺒﺮ ﻭﻋﻤﻲ ﻳﺒﺠﻲ ﻭﺍﻟﻜﻞ ﺗﺒﺠﻲ ﻭﺍﻧﻲ ﺍﺧﺬﺕ ﻣﻦ ﺍﻟﺘﺮﺍﺏ ﻭﺍﺧﻠﻲ ﻋﻠﻰ ﺭﺍﺳﻲ ﺍﺭﻳﺪ ﺍﺣﺠﻲ
ﺑﺎﻭﻋﺖ ﻭﺍﺷﻮﻑ ﺍﻟﺸﻴﺦ ﻛﺒﺎﻟﻲ ﻳﺒﺎﻭﻋﻠﻲ ﻭﻧﻈﺮﺗﻪ ﺗﺨﻮﻑ ﻭﻛﺄﻧﻪ ﻳﻜﻮﻟﻲ ﺍﺫﺍ ﺗﺤﺠﻲ ﺃﺧﻠﻴﻚ ﺗﻠﺤﻜﻬﺎ
ﺧﻔﺖ ﺃﺭﻋﺒﺖ ﺩﻣﻌﺘﻲ ﻭﻛﻔﺖ ﺑﺲ ﺧﺎﻳﻒ ﻻ ﻳﺎﺫﻱ ﺍﺣﺪ ﻣﻦ ﺍﻫﻠﻲ
ﺑﻘﺖ ﻋﻴﻨﻲ ﻋﻠﻴﺔ ﻟﺤﺪ ﻣﺎ ﺍﺧﺘﻔﻰ
ﺑﺲ ﺍﻧﻲ ﺟﻤﺪﺕ ﺑﻤﻜﺎﻧﻲ ﻛﻤﻠﻮ ﺍﻟﺪﻓﻦ ﻭﺻﻌﺪﻧﻪ ﺑﺎﻟﺴﻴﺎﺭﺍﺕ ﻭﺍﻧﻲ ﻣﺠﺮﺩ ﺟﺴﺪ ﺑﻼ ﺭﻭﺡ ﻭﻋﻴﻮﻧﻲ ﺟﺎﻣﺪﻩ ﺑﺲ ﺍﺑﺎﻭﻉ ﺑﻴﻬﻢ ﻣﺎ ﺍﺭﻳﺪ ﺍﻓﻜﺮ ﻭﻻ ﺍﺭﻳﺪ ﺍﺗﻘﺒﻞ ﺍﻟﻲ ﺻﺎﺭ ﻳﻌﻨﻲ ﻣﻌﻘﻮﻟﻪ ﺍﺳﺮﺍﺀ ﻣﺎﺗﺖ ﻭﺍﻟﺸﻴﺦ ﻫﻮ ﺍﻟﻲ ﻗﺘﻠﻬﺎ
ﺍﻱ ﺍﻱ ﻣﻮﺗﺘﻬﻪ ﻣﻮ ﻃﺒﻴﻌﻴﺔ ﻫﻲ ﻣﺎﺑﻴﻬﻪ ﺷﻲ ﺍﻧﻲ ﺍﻟﺴﺒﺐ
ﺑﺲ ﺍﺭﻳﺪ ﺃﻭﺻﻞ
ﺍﺑﻮ ﻓﻬﺪ ... ﺧﻠﻲ ﻧﺮﻭﺡ ﻟﺒﻴﺖ ﻋﻤﻜﻢ ﻧﺤﻈﺮ ﻟﻠﻔﺎﺗﺤﻪ ﺗﺮﻯ ﻫﻤﺎ ﺗﻌﺒﺎﻧﻴﻦ
ﻓﻬﺪ ... ﻳﺎﺑﻪ ﺍﻧﻲ ﺍﺭﻭﺡ ﻟﻠﺒﻴﺖ ﻻﻥ ﺗﻌﺒﺎﻥ ﻭﻣﺎ ﺍﻛﺪﺭ ﺍﺑﻘﻰ ﻭﻳﺎﻛﻢ
ﺍﺑﻮ ﻓﻬﺪ ... ﺍﺑﻨﻲ ﻻﺗﻨﻘﻬﺮ ﺍﻟﻠﻪ ﻳﻌﻮﺿﻚ ﻫﺬﺍ ﻳﻮﻣﻬﻪ ﺍﻋﺮﻑ ﺍﻧﺖ ﻣﻘﻬﻮﺭ ﻭﺃﺩﻋﻮ ﺭﺑﻲ ﻳﺼﺒﺮﻙ
ﺭﺟﻌﺖ ﻟﻠﺒﻴﺖ ﻭﺍﻧﻲ ﻣﻨﻬﺎﺭ ﺗﻤﺎﻣﺎ ﺭﺣﺖ ﻟﻐﺮﻓﺘﻲ ﻭﺳﺪﻳﺖ ﺍﻟﺒﺎﺏ ﻋﻠﻲ ﻭﺑﻘﻴﺖ ﺍﺑﺠﻲ ﻭﺍﺻﺮﺥ ﻃﻠﻌﺖ ﻛﻞ ﺍﻟﻘﻬﺮ ﺍﻟﻲ ﻛﺒﺪﺗﻪ ﺑﺪﺍﺧﻠﻲ
ﺍﺛﻨﺎﺀ ﻣﺎ ﺍﻧﻲ ﻛﺎﻋﺪ ﺍﺑﺠﻲ ﺣﺴﻴﺖ ﺑﺸﺨﺺ ﺣﻈﻨﻲ ﻭﺍﺳﻤﻊ ﻫﻤﺲ ﺑﺎﺫﻧﻲ ...
ﺍﻟﺸﻴﺦ ... ﺍﺳﻜﺖ ﻓﻬﺪ ﻫﻤﺎ ﺍﻟﺴﺒﺐ ﻫﻤﺎ ﻛﺘﻠﻮﻫﻪ ﺍﻧﺖ ﺑﻌﻴﺪ ﻋﻨﻬﻪ
ﻻ ﺗﺤﻤﻞ ﻧﻔﺴﻚ ﺍﻟﻤﺴﻮﺅﻟﻴﻪ
ﻓﻬﺪ .. ﻫﺎﻱ ﺍﻧﺖ ﻗﺘﻠﺘﻬﻪ
ﺍﻟﺸﻴﺦ .. ﻣﻮ ﻛﺘﻠﻲ ﺃﺗﺼﺮﻑ
ﻓﻬﺪ .. ﺗﺘﺼﺮﻑ ﺗﻤﻨﻌﻬﺎ ﺗﺨﻠﻴﻬﺎ ﺗﻜﺮﻫﻨﻲ ﻣﻮ ﻫﻴﺞ
ﺍﻟﺸﻴﺦ ... ﻫﻤﺎ ﺭﺍﺩﻭ ﻳﺠﺒﺮﻭﻙ
ﻓﻬﺪ ... ﺣﺘﻰ ﻟﻮ ﻫﺬﻩ ﺑﻨﺖ ﻋﻤﻲ ﻭﺑﻌﺰ ﺷﺒﺎﺑﻬﻪ ﺷﻨﻮ ﺫﻧﺒﻬﻪ
ﻣﺎﺟﺎﻭﺑﻨﻲ ﺍﺧﺘﻔﻰ
ﻓﻬﺪ ... ﺟﺎﻭﺑﻨﻲ ﻭﻳﻨﻚ ﺗﻌﺎﻝ ﻻﺗﻨﻬﺰﻡ ﻟﻴﺶ ﺗﻌﻮﻓﻨﻲ ﻭﺗﺮﻭﺡ ﺗﻌﺎﻝ
ﺑﻘﻴﺖ ﺫﻳﺞ ﺍﻟﻠﻴﻠﻪ ﺍﺣﻠﻢ ﻛﻮﺍﺑﻴﺲ
ﺷﻔﺖ ﺍﺳﺮﺍﺀ ﺗﺒﺎﻭﻉ ﻋﻠﻲ ﻣﻦ ﺑﻌﻴﺪ ﻭﻳﺠﻲ ﻗﻄﺎﺭ ﻭﺗﺼﻌﺪ ﺑﺎﻟﻘﻄﺎﺭ
ﻭﺗﺒﺎﻭﻋﻠﻲ ﻣﻦ ﺍﻟﺸﺒﺎﻙ ﻭﺍﻧﻲ ﺍﺭﻛﺾ ﻭﺭﺍﻫﺎ ﺍﺭﻳﺪ ﺍﻟﺤﻜﻬﺎ ﻣﺎ ﺍﻟﺤﻚ ﺍﺭﻛﺾ ﻭﺍﺭﻛﺾ ﻟﻜﻦ ﻣﺎﻛﻮ ﻓﺎﺋﺪﻩ
ﻓﺰﻳﺖ ﻋﻠﻰ ﺻﻮﺗﻲ ﻭﺍﻧﻲ ﺍﺻﻴﺢ ﺍﺳﺮﺍﺀ ﺍﺳﺮﺍﺀ ﺑﺲ ﻣﺎﺗﺴﻤﻊ
ﻛﻌﺪﺕ ﺷﻔﺖ ﺍﻫﻠﻲ ﺑﻌﺪﻫﻢ ﺑﻴﺖ ﻋﻤﻲ ﻭﺍﻧﻲ ﻭﺣﺪﻱ ﺑﺎﻟﺒﻴﺖ ﻭﺍﻟﺒﻴﺖ ﺍﻇﻠﻢ ﻭﺍﻟﻜﻬﺮﺑﺎﺀ ﻃﺎﻓﻴﺔ
ﻭﺍﻧﻲ ﻋﻄﺸﺎﻥ ﺍﺭﻳﺪ ﻣﺎﺀ
ﻛﻤﺖ ﺍﺭﻳﺪ ﺍﺭﻭﺡ ﻟﻠﻤﻄﺒﺦ ﻭﺍﺷﻮﻑ ﻛﺪﺍﻣﻲ ﻣﺜﻞ ﺍﻟﺸﻲ ﻳﻤﺸﻲ ﻓﺪ ﺷﻲ ﻃﺎﺋﺮ ﺍﺷﻠﻮﻥ ﺣﻤﺎﻣﻪ ﻃﺎﻳﺮﻩ ﺑﺲ ﻣﺎﺗﺒﻴﻦ ﻣﺎ ﺍﻋﺮﻑ ﻣﻦ ﺍﻟﻈﻠﻤﻪ ﻣﺎ ﺍﻋﺮﻑ ﻫﻮ ﻣﺨﺘﻔﻲ ﻭﺟﺎﻱ ﻳﺮﺍﻗﺒﻨﻲ
ﺍﺧﺬﺕ ﺟﻚ ﻣﺎﻱ ﻭﺭﺟﻌﺖ ﻟﻐﺮﻓﺘﻲ ﻭﺳﺪﻳﺖ ﺍﻟﺒﺎﺏ ﺑﻘﻴﺖ ﻛﺎﻋﺪ
ﺍﺟﻪ ﺍﺧﻮﻱ ﻋﻨﺪﻩ ﻣﻔﺘﺎﺡ ﺍﻟﺒﺎﺏ ﻭﺿﻮﻩ ﺍﻟﻤﻮﺑﺎﻳﻞ
ﺧﺎﻟﺪ ... ﻓﻬﺪ ﻭﻳﻨﻚ
ﻓﻬﺪ ... ﺍﻧﻲ ﻫﻨﺎ ﺑﻐﺮﻓﺘﻲ ﻭﺟﻪ ﺍﻟﻀﻮﻩ ﻋﻠﻲ ﺭﺣﺖ ﻳﻤﻪ ﺑﺎﻟﻬﻮﻝ
ﺍﺣﺠﻴﻠﻲ ﺷﺨﺒﺎﺭ ﺑﻴﺖ ﻋﻤﻲ
ﺧﺎﻟﺪ ... ﺷﺨﺒﺎﺭﻫﻢ ﺗﻌﺒﺎﻧﻴﻦ ﺍﻣﻬﻪ ﻛﻠﺴﻊ ﻳﻐﻤﻰ ﻋﻠﻴﻬﺎ ﻭﻋﻤﻲ ﻛﻠﺴﻊ ﻳﺒﺠﻲ .... ﺟﺒﺘﻠﻚ ﻋﺸﺎ ﺍﻛﻴﺪ ﻣﺎﻣﺎﻛﻞ
ﻓﻬﺪ ... ﺗﺪﺭﻱ ﻧﺴﻴﺖ ﻧﻔﺴﻲ ﻭﻧﺴﻴﺖ ﺍﻟﺠﻮﻉ ﺻﺢ ﺟﻮﻋﺎﻥ
ﻛﻌﺪﺕ ﺍﻛﻞ ﻭﺧﺎﻟﺪ ﺩﺧﻞ ﻳﺴﺒﺢ ﻭﺟﺘﻲ ﺧﻂ ﺍﻟﻤﻮﻟﺪ
ﺍﺟﻪ ﺧﺎﻟﺪ ﻳﻤﻲ ﻭﺍﺣﻨﺎ ﻛﺎﻋﺪﻳﻦ ﻧﺴﻮﻟﻒ ﻭﻧﺴﻤﻊ ﺻﻮﺕ ﻋﺒﺎﻟﻚ ﺻﻮﺕ ﺍﺳﺮﺍﺀ ﺍﻟﺼﻮﺕ ﻳﺠﻲ ﻣﻦ ﺍﻟﺒﻴﺘﻮﻧﻪ
ﻓﻬﺪ ... ﻓﻬﺪ ... ﻓﻬﺪ
ﺍﻧﻲ ﺟﻔﻠﺖ ﺑﺎﻭﻋﺖ ﻋﻠﻰ ﺍﺧﻮﻱ ﻧﻔﺲ ﺍﻟﺸﻲ ﺷﻔﺘﻪ ﻣﺮﻛﺰ ﻋﺎﻟﺼﻮﺕ
ﺧﺎﻟﺪ .. ﺍﻧﺖ ﺳﻤﻌﺖ ؟
ﻓﻬﺪ ... ﻳﻌﻨﻲ ﺍﻧﺖ ﻫﻢ ﺳﻤﻌﺖ ﺍﻧﻲ ﻣﻮﻏﻠﻄﺎﻥ
ﺧﺎﻟﺪ ... ﻫﺬﺍ ﺻﻮﺕ ﺍﺳﺮﺍﺀ ؟
ﻓﻬﺪ ... ﺍﻱ ﺻﻮﺗﻬﺎ
ﺧﺎﻟﺪ ... ﺣﺎ ﺍﺟﻴﺐ ﺍﻟﺴﻼﺡ ﻭﺗﺼﻌﺪ ﻧﺸﻮﻑ ﻣﻨﻮ
ﻓﻬﺪ ... ﺭﺍﺡ ﺍﺟﻴﺐ ﺳﺠﻴﻨﻪ ﻣﻦ ﺍﻟﻤﻄﺒﺦ ﻭﺍﻧﺖ ﺟﻴﺐ ﺭﺷﺎﺷﻪ
ﺷﺘﻌﺘﻘﺪ ﺍﻛﻮ ﺍﺣﺪ ﻓﻮﻙ
ﺧﺎﻟﺪ ... ﺧﻠﻲ ﻧﺼﻌﺪ ﺧﻮ ﻣﺎﻧﺒﻘﻰ ﻛﺎﻋﺪﻳﻦ ﻭﺧﺎﻳﻔﻴﻦ
ﻓﻬﺪ ... ﺻﻌﺪﻧﻪ ﻭﺍﺣﻨﺎ ﻣﺮﻛﺰﻳﻦ ﻋﻠﻰ ﻣﺼﺪﺭ ﺍﻟﺼﻮﺕ ﻻﻥ ﺻﺎﺭ ﻣﺘﻘﻄﻊ ... ﻓﻬﺪ ... ﻓﻬﺪ
ﺻﻌﺪﻧﻪ ﻟﻠﺒﻴﺘﻮﻧﻪ ﺑﺲ ﺷﻨﻮ ﺍﻟﺪﺭﺟﺎﺕ ﺻﺎﺭﺕ ﻋﺒﺎﻟﻚ ﻣﻴﺔ ﺩﺭﺟﻪ
ﻭﺻﻠﻨﻪ ﻟﻠﺒﻴﺘﻮﻧﻪ ﻓﺘﺤﻨﻪ ﺑﺎﺏ ﺍﻟﺴﻄﺢ ﻣﺎﻛﻮ ﺷﻲ
ﺭﺟﻌﻨﺎ ﻧﻨﺰﻝ ﻭﺍﻟﺼﻮﺕ ﻭﻛﻒ ﻟﻜﻦ ﻧﺴﻤﻊ ﻗﺮﻗﻌﻪ ﺑﺎﻟﺘﺎﻧﻜﻴﺎﺕ ﺑﺎﻟﺴﻄﺢ
ﻧﺰﻟﻨﺎ ﻋﺎﻟﺴﺮﻳﻊ ﻛﻌﺪﻧﻪ ﺑﺎﻟﻬﻮﻝ ﻭﻧﺴﻤﻊ ﺻﻮﺕ ﻗﺮﻗﻌﻪ ﻭﻣﺮﻩ ﻧﺴﻤﻊ ﺻﻮﺕ ﺍﺳﺮﺍﺀ ﺑﻘﻴﻨﺎ ﺫﻳﺞ ﺍﻟﻠﻴﻠﻪ ﻛﺎﻋﺪﻳﻦ ﻧﻨﺘﻈﺮ ﺷﻨﻮ ﻭﺭﻩ ﻫﺎﻟﻬﻮﺳﻪ ﺑﻌﺪﻫﻪ ﺟﻮﻱ ﺍﺧﻮﺗﻲ ﺍﺛﻨﻴﻦ ﺷﻮﻳﻪ ﺍﺣﻨﺎ ﺗﺸﺠﻌﻨﻪ ﻭﺍﻟﺼﻮﺕ ﻫﻢ ﺍﺧﺘﻔﻰ ﺑﺲ ﺍﻧﻲ ﺑﻘﻴﺖ ﺍﻓﻜﺮ ﺑﺎﻻﺣﺪﺍﺙ ﺗﻔﻜﻴﺮﻱ ﺷﺎﺭﺩ ﺣﺘﻰ ﻣﻦ ﻳﺤﺠﻮﻥ ﻭﻳﺎﻱ ﻣﺎ ﺍﺭﻛﺰ ﻭﻳﺎﻫﻢ ﺍﻫﻠﻲ ﻳﻌﺮﻓﻮﻥ ﺍﻧﻲ ﺣﺰﻳﻦ ﻋﻠﻰ ﺍﺳﺮﺍﺀ ﺑﺲ ﻣﻴﻌﺮﻓﻮﻥ ﻣﻨﻮ ﺳﺒﺐ ﺑﻤﻮﺗﺘﻬﻪ
ﻛﻤﻠﺖ ﺍﻟﻔﺎﺗﺤﻪ ﻭﻛﻠﻤﻦ ﺭﺟﻊ ﻟﺒﻴﺘﻪ ﺧﻴﻢ ﺍﻟﺤﺰﻥ ﺑﻴﺖ ﻋﻤﻲ
ﺣﺒﺴﺖ ﻧﻔﺴﻲ ﺑﺎﻟﺒﻴﺖ ﺣﺰﻳﻦ ﺍﺭﻳﺪ ﺍﻟﻬﻲ ﻧﻔﺴﻲ ﺑﺸﻲ
ﺍﺷﺘﺮﻛﺖ ﺑﻠﻌﺒﺔ ﺑﺎﻟﻨﺖ ﺍﺳﻤﻬﺎ ( ﻛﻼﺵ ﺍﻭﻑ ﻛﻼﻧﺰ )
ﻫﺬﻩ ﺍﻟﻠﻌﺒﻪ ﺍﺳﺘﺮﺍﺗﻴﺠﻴﺔ ﺑﻴﻬﺎ ﻗﻠﻌﺎﺕ ﻭﺟﻨﻮﺩ ﻭﺗﺪﻣﻴﺮ ﻳﻤﻜﻦ ﺍﺻﺐ ﻏﻀﺒﻲ ﻣﻦ ﺍﻟﻲ ﺟﺎﻱ ﻳﺼﻴﺮ ﺑﻬﺬﻩ ﺍﻟﻠﻌﺒﻪ
ﻓﻌﻼ ﺃﺣﻘﻖ ﺍﻧﺘﺼﺎﺭ ﺍﺛﻨﺎﺀ ﺍﻟﻤﻌﺎﺭﻙ ﻭﺑﻨﻔﺲ ﺍﻟﻮﻗﺖ ﻛﺎﻥ ﺍﻛﻮ ﺑﻨﺖ
ﺗﻠﻌﺐ ﻣﻌﻲ ﺑﻬﺬﻩ ﺍﻟﻠﻌﺒﻪ ﺣﺴﻴﺘﻬﻪ ﻗﺮﻳﺒﻪ ﻟﻨﻔﺴﻲ ﺣﺒﻴﺖ ﺍﺗﻌﺮﻑ ﻋﻠﻴﻬﺎ ﻭﺍﻗﺘﻞ ﻭﻗﺖ ﻓﺮﺍﻏﻲ
ﻣﺮﺍﺕ ﺍﻻﻧﺴﺎﻥ ﻣﻴﻜﺪﺭ ﻳﺒﻮﺡ ﺑﺎﻟﻠﻲ ﺑﺪﺍﺧﻠﻪ ﻷﻗﺮﺏ ﺍﻟﻨﺎﺱ ﺍﻟﻪ ﺍﺧﻮﺍﻧﻲ ﺧﻮﺍﺗﻲ ﺍﺻﺪﻗﺎﺋﻲ ﻟﻜﻦ ﺗﺠﺪ ﺷﺨﺺ ﺑﻌﻴﺪ ﻋﻨﻚ ﻣﺴﺎﻓﺎﺕ ﻭﻟﻜﻦ ﻫﻮ ﺩﺍﺧﻞ ﺑﺎﻋﻤﺎﻗﻚ
ﻓﻬﺪ ... ﻣﻤﻜﻦ ﻧﺘﻌﺮﻑ ﺍﻧﻲ ﻓﻬﺪ ﻣﻦ ﺍﻟﻌﺮﺍﻕ ﺍﻷﻧﺒﺎﺭ
ﻧﺠﻮﺩ ... ﺍﻧﻲ ﻧﺠﻮﺩ ﻣﻦ ﺍﻟﺴﻌﻮﺩﻳﻪ ﻣﻦ ﺍﻟﺮﻳﺎﺽ
ﺍﺷﻠﻮﻧﺞ ﻧﺠﻮﺩ ﺷﻜﺪ ﻣﻮﺍﻟﻴﺪﺝ
ﻧﺠﻮﺩ ... ﻣﻮﺍﻟﻴﺪﻱ 1992 ﻭﺍﻧﺖ ﻛﻢ ﻋﻤﺮﻙ
ﻓﻬﺪ ... ﻋﻤﺮﻱ 23 ﺳﻨﻪ ..... ﺍﻧﺖ ﻃﺎﻟﺒﻪ ؟
ﻧﺠﻮﺩ ... ﻧﻌﻢ ﺍﻧﻲ ﻃﺎﻟﺒﺔ ﻭﺍﻧﺖ ؟
ﻓﻬﺪ ... ﺗﺮﻛﺖ ﺍﻟﺪﺭﺍﺳﻪ ﺑﺴﺒﺐ ﻇﺮﻭﻑ
ﻧﺠﻮﺩ ... ﺍﻟﻠﻪ ﻳﺴﺎﻋﺪﻛﻢ ﺍﻧﺘﻮ ﺑﺎﻟﻌﺮﺍﻕ ﺣﻴﺎﺗﻜﻢ ﻛﻮﻟﻬﻪ ﺣﺮﻭﺏ
ﻓﻬﺪ .. ﺍﻟﺤﻤﺪ ﻟﻠﻪ ﺍﺣﺠﻴﻠﻲ ﻋﻦ ﻧﻔﺴﺞ ... ﺗﺪﺭﻳﻦ ﺍﺳﻤﺞ ﺣﻠﻮﻭﻭﻭ
ﻧﺠﻮﺩ ... ﺷﻜﺮﺍ ﻓﻬﺪ ﺍﻧﺖ ﺍﺣﺠﻴﻠﻲ ﻟﻴﺶ ﺣﺰﻳﻦ ﺑﺸﻨﻮ ﻣﺮﻳﺖ ﺧﻼﻙ ﺗﻜﺮﻩ ﺍﻟﺪﻧﻴﺎ ﻭﺍﺣﺴﻚ ﻋﺼﺒﻲ ﻣﻦ ﺗﻠﻌﺐ ﻭﻛﺄﻧﻚ ﺗﺮﻳﺪ ﺗﻘﺘﻞ ﻋﺪﻭ ﺑﺲ ﻣﺎﺗﻜﺪﺭ
ﻓﻬﺪ ... ﻓﻌﻼ ﻫﺬﻩ ﺣﻘﻴﻘﺔ ﺍﻛﻮ ﺷﻲ ﺑﺪﺍﺧﻠﻲ ﺍﺭﻳﺪ ﺍﻋﺮﻑ ﺷﻨﻮ ﻫﻮ ﻭﻟﻴﺶ ﺍﻧﻲ ﺑﺎﻟﺬﺍﺕ ﻭﻫﻮ ﺍﻟﻲ ﻳﺴﻴﺮﻧﻲ
ﻧﺠﻮﺩ ... ﺍﺣﺠﻴﻠﻲ ﻭﻳﻤﻜﻦ ﺍﺳﺎﻋﺪﻙ ﺑﺲ ﻣﻮ ﺍﻟﻴﻮﻡ ﻻﻥ ﻻﺯﻡ ﺍﻧﺎﻡ ﻭﺑﻜﺮﻩ ﻋﻨﺪﻱ ﺩﻭﺍﻡ ﻭﻻﺯﻡ ﺍﺻﺤﻰ ﻣﺒﺠﺮ
ﻓﻬﺪ ... ﻫﻬﻬﻪ ﺷﻨﻮ ( ﻣﺒﺠﺮ )
ﻧﺠﻮﺩ ... ﻳﻌﻨﻲ ﻣﻦ ﻭﻗﺖ ﻳﺎﻓﻬﺪ ﻟﻬﺠﺘﻨﻪ ﺍﻛﻴﺪ ﺑﻴﻬﺎ ﻛﻠﻤﺎﺕ ﻏﺮﻳﺒﻪ ﻋﻠﻴﻚ ﻭﺍﻧﺘﻮ ﻫﻢ ﻋﺪﻛﻢ ﻛﻠﻤﺎﺕ ﻏﺮﻳﺒﻪ ﻋﻠﻲ
ﻓﻬﺪ ... ﺍﻛﻴﺪ ﺑﺎﺟﺮ ﺑﻴﺶ ﺍﻟﺴﺎﻋﻪ ﺍﻧﺘﻈﺮﺝ
ﻧﺠﻮﺩ ... ﺍﻧﺘﻈﺮﻧﻲ ﺳﺎﻋﻪ ﺧﻤﺲ ﺍﻟﻌﺼﺮ
ﻓﻬﺪ ... ﺑﺎﻻﻧﺘﻈﺎﺭ
ﻧﺠﻮﺩ ... ﻣﻊ ﺍﻟﺴﻼﻣﻪ
ﻓﻬﺪ ... ﻣﻊ ﺍﻟﺴﻼﻣﻪ
ﻧﻤﺖ ﺫﻳﺞ ﺍﻟﻠﻴﻠﻪ ﻣﺮﺗﺎﺡ ﺣﺴﻴﺖ ﻛﻞ ﻫﻤﻲ ﺍﻧﺰﺍﺡ ﺍﺭﺗﺤﺖ ﻛﺎﻧﻲ ﺗﻜﻠﻤﺖ ﻣﻊ ﻧﻔﺴﻲ ﺍﻭﻧﺼﻔﻲ ﺍﻟﺜﺎﻧﻲ ﻻﻥ ﻛﻠﻤﺎ ﻛﺎﻧﺖ ﺗﺪﺧﻞ ﻣﻌﺎﻧﺎ ﻛﻨﺖ ﺍﻋﺮﻑ ﺗﺤﺮﻛﺎﺗﻬﺎ ﻭﻛﺎﻧﻲ ﺍﻋﺮﻑ ﺭﺩﻫﻪ ﻭﺧﻄﻮﺍﺗﻬﺎ ﺑﺎﻟﻠﻌﺒﻪ
ﺍﻛﻴﺪ ﺍﻛﻮ ﺣﻠﻘﺔ ﻭﺻﻞ ﺑﻴﻨﻲ ﻭﺑﻴﻨﻬﻪ ﻭﺍﻻ ﻣﻮ ﻣﻌﻘﻮﻟﻪ ﺑﻬﺎﻟﺴﻬﻮﻟﻪ ﻛﺪﺭﺕ ﺍﻋﺮﻑ ﺷﺨﺼﻴﺘﻬﺎ ﻭﺍﺭﺗﺎﺣﻴﺘﻠﻬﻪ
ﺍﻟﻴﻮﻡ ﺍﻟﺜﺎﻧﻲ ﻛﻌﺪﺕ ﻣﻦ ﺍﻟﻨﻮﻡ ﻛﻤﻠﺖ ﺃﻣﻮﺭﻱ ﻭﺭﺣﺖ ﻋﻠﻰ ﺍﻣﻲ ﺍﺫﺍ ﺗﺮﻳﺪ ﺍﺟﻴﺒﻠﻬﻪ ﺷﻲ ﻣﻦ ﺍﻟﺴﻮﻙ ﺣﺘﻰ ﺍﺗﻔﺮﻍ ﺍﻟﺴﺎﻋﻪ ﺧﻤﺴﻪ ﻭﺃﺗﻜﻠﻢ ﻣﻊ ﻧﺠﻮﺩ
ﺭﻛﻀﺖ ﻋﺎﻟﺴﻮﻙ ﻭﺟﺒﺘﻠﻬﻢ ﺍﻟﻤﺴﻮﺍﻙ
ﻓﻬﺪ ... ﻳﻮﻡ ﻛﻮﻟﻲ ﺷﺘﺮﺩﻭﻥ ﻻﻥ ﺑﻌﺪ ﻣﺎ ﺍﻃﻠﻊ ﻋﻨﺪﻱ ﺷﻐﻞ
ﺍﻡ ﻓﻬﺪ ... ﺧﻠﻲ ﻧﺸﻮﻑ ﻳﻤﻜﻦ ﺣﻠﻴﻤﻪ ﺗﺮﻳﺪ ﺷﻲ
ﻛﻤﻠﺖ ﻛﻞ ﻃﻠﺒﺎﺕ ﺍﻟﺒﻴﺖ ﻭﺩﺧﻠﺖ ﻟﻐﺮﻓﺘﻲ ﺍﻧﺘﻈﺮ ﻧﺠﻮﺩ ﺗﻔﺘﺢ ﺣﺘﻰ ﺍﺗﺮﺍﺳﻞ ﻭﻳﺎﻫﺎ
ﻋﻴﻨﻲ ﻋﺎﻟﺴﺎﻋﻪ ﻭﺍﻧﻲ ﺍﻧﺘﻈﺮ .... ﺍﻱ ﻓﺘﺤﺖ
ﻓﻬﺪ ... ﻫﻠﻮ
ﻧﺠﻮﺩ ... ﺍﻟﺴﻼﻡ ﻋﻠﻴﻜﻢ ﺍﺷﻠﻮﻧﻚ ﻓﻬﺪ
ﻓﻬﺪ ... ﻋﻠﻴﻜﻢ ﺍﻟﺴﻼﻡ ﻫﻼ ﺑﻴﺞ ﺍﻧﻲ ﺍﻟﺤﻤﺪ ﻟﻠﻪ ﺑﺨﻴﺮ ﺍﻧﺖ ﺍﺷﻠﻮﻧﺞ
ﻧﺠﻮﺩ ... ﺍﻧﻲ ﺑﺨﻴﺮ ﺍﻟﻴﻮﻡ ﺍﺭﻳﺪ ﻙ ﺗﺤﺠﻴﻠﻲ ﻋﻦ ﻧﻔﺴﻚ
ﻓﻬﺪ ... ﺭﺍﺡ ﺍﺣﺠﻴﻠﺞ ﻗﺼﺔ ﺣﻴﺎﺗﻲ ﻣﻦ ﺍﻟﻮﻻﺩﻩ ﻟﺤﺪ ﺍﻻﻥ ... ﺑﺲ ﺍﻧﺖ ﺗﻌﺮﻓﻴﻦ ﺗﻔﺴﺮﻳﻠﻲ ﺍﻟﻲ ﺟﺎﻱ ﻳﺼﻴﺮ ﻭﻳﺎﻱ ؟
ﻧﺠﻮﺩ ... ﺍﻛﻴﺪ ﺍﻛﺪﺭ ﺍﻓﻬﻤﻚ
ﻓﻬﺪ ... ﺣﺠﻴﺘﻠﻬﻪ ﻭﻛﻠﻤﺎ ﺍﺣﺠﻲ ﺍﺣﺴﻬﺎ ﺗﻌﺮﻑ ﻛﻞ ﻗﺼﺔ ﺣﻴﺎﺗﻲ ﻻﻥ ﻣﻦ ﺍﺣﺠﻲ ﻫﻲ ﺗﻜﻤﻞ ﺷﻲ ﻋﺠﻴﺐ ﻣﻨﻴﻦ ﺗﻌﺮﻑ ﻫﺬﻩ ﺍﻟﻤﻌﻠﻮﻣﺎﺕ
ﻧﺠﻮﺩ ... ﻓﻬﺪ ﺍﻧﻲ ﺍﻋﺮﻑ ﻋﻨﻚ ﻛﻠﺸﻲ ﻭﺍﻋﺮﻑ ﺑﺎﻻﺣﺪﺍﺙ ﺍﻟﻲ ﻣﺮﻳﺖ ﺑﻴﻬﻪ ﻭﺍﻛﻮ ﺍﺣﺪﺍﺙ ﻣﺎﺫﻛﺮﺗﻬﻪ ﺍﻟﻲ ﻭﺍﺣﺘﻔﻈﺖ ﺑﻴﻬﻪ ﻟﻨﻔﺴﻚ ﻟﻜﻦ ﺍﻧﻲ ﺍﻋﺮﻓﻬﺎ ﺍﺫﺍ ﺗﺮﻳﺪ ﺍﻛﻮﻟﻚ
ﻓﻬﺪ ... ﺍﻧﺖ ﺍﺷﻠﻮﻥ ﺗﻌﺮﻓﻴﻦ ﻣﻨﻮ ﻳﻜﻮﻟﺞ
ﻧﺠﻮﺩ ... ﺍﻋﺮﻑ ﻳﺎﻓﻬﺪ ﺍﻋﺮﻑ ﻭﺑﻌﺪ ﺍﻛﻮ ﺣﺎﺩﺛﺔ ﻣﺎ ﺫﻛﺮﺗﻬﻪ ﺗﺮﻳﺪ ﺍﺫﻛﺮﻙ ؟
ﻓﻬﺪ ﺑﺎﻟﻠﻪ ﻛﻮﻟﻲ
ﻧﺠﻮﺩ ... ﺗﺬﻛﺮ ﻣﻦ ﻛﻨﺖ ﺗﻤﺸﻲ ﺑﺎﻟﺸﺎﺭﻉ ﺭﺍﻳﺢ ﺗﺠﻴﺐ ﺩﻭﺍﺀ ﻻﻣﻚ
ﻭﺟﺎﻱ ﺗﻌﺒﺮ ﺍﻟﺸﺎﺭﻉ ﻭﺟﺘﻲ ﺳﻴﺎﺭﺓ ﺑﻲ ﺍﻡ ﺩﺑﻠﻴﻮ ﺳﺮﻳﻌﻪ ﻭﻛﺎﻧﺖ ﻣﺘﻮﺟﻬﻪ ﻋﻠﻴﻚ ﻭﺍﻧﺖ ﺟﻤﺪﺕ ﺑﻤﻜﺎﻧﻚ ﻭﻟﻜﻦ ﺍﻛﻮ ﺷﻲ ﻟﺰﻣﻚ ﻭﻭﻗﻒ ﺣﺮﻛﺘﻚ ﻭﻣﻨﻌﻚ ﺗﺘﺤﺮﻙ
ﻓﻬﺪ ... ﺭﺍﺡ ﺍﺣﺠﻴﻠﺞ ﻫﺬﻩ ﺍﻟﺤﺎﺩﺛﺔ ﺑﻴﻮﻣﻬﻪ ﻛﻨﺖ ﺟﺎﻱ ﺍﻋﺒﺮ ﺍﻟﺸﺎﺭﻉ ﺑﺎﻭﻋﺖ ﺍﻟﺸﺎﺭﻉ ﻓﺎﺭﻍ ﻣﺎﻛﻮ ﺳﻴﺎﺭﺍﺕ ﻭﺻﻠﺖ ﻭﺳﻂ ﺍﻟﺸﺎﺭﻉ ﻭﺍﺟﺘﻲ ﺳﻴﺎﺭﻩ ﺑﺲ ﺩﺭﺕ ﻭﺟﻬﻲ ﻭﺳﻤﻌﺖ ﺻﻮﺕ ﻫﻮﺭﻥ ﻗﻮﻱ ﺯﺭﻓﻬﻪ ﻻﺫﻧﻲ ﻭﺍﺫﺍ ﺳﻴﺎﺭﻩ ﺑﻲ ﺍﻡ ﺩﺑﻠﻴﻮ ﺳﺮﻋﺘﻬﻪ ﻣﻮ ﻃﺒﻴﻌﻴﺔ ﺟﻴﺖ ﺍﺭﺟﻊ ﺭﻛﺾ ﺣﺘﻰ ﻻ ﻳﺴﺤﻜﻨﻲ ﺣﺴﻴﺖ ﺑﺸﺊ ﻟﺰﻣﻨﻲ ﻭﺣﻀﻨﻲ ﺟﻤﺪﻧﻲ ﺑﻤﻜﺎﻧﻲ ﻣﺨﻼﻧﻲ ﺍﺗﺤﺮﻙ
ﺍﻣﺎ ﺍﻟﺴﻴﺎﺭﻩ ﺗﻮﺟﻬﺖ ﻧﺤﻮ ﺍﻟﻤﻜﺎﻥ ﺍﻟﻲ ﻛﻨﺖ ﺍﺭﻳﺪ ﺍﺭﻭﺡ ﻋﻠﻴﻪ
ﻻﻥ ﺍﻟﺴﺎﻳﻖ ﺗﺼﻮﺭ ﺍﻧﻲ ﺭﺍﺡ ﺍﻛﻤﻞ ﺧﻄﻮﺍﺗﻲ ﻭﺍﻋﺒﺮ ﻓﻬﻮ ﺍﺧﺘﺎﺭ ﻳﻌﺒﺮ ﻣﻦ ﺧﻠﻔﻲ ﻛﻠﻬﺎ ﻟﺤﻈﺎﺕ ﻟﻮ ﻣﺎ ﻫﺬﺍ ﺍﻟﺸﺊ ﺍﻟﺨﻔﻲ ﺍﻟﻲ ﺃﻣﺴﻜﻨﻲ ﻛﺎﻥ ﺍﻧﻲ ﺻﺮﺕ ﺗﺤﺖ ﺍﻟﺴﻴﺎﺭﻩ ﻭﻟﻜﻦ ﺍﻛﻮ ﺷﺊ ﻣﻨﻌﻨﻲ
ﺑﺲ ﺗﻌﺎﻟﻲ ﻧﺠﻮﺩ ﺍﻧﺖ ﻣﻨﻴﻦ ﻋﺮﻓﺘﻲ
ﻧﺠﻮﺩ ... ﻓﻬﺪ ﺍﻧﺖ ﺑﻴﻚ ﺟﻦ
ﻓﻬﺪ ... ﺷﻨﻮ ؟ ﺷﻨﻮ ﺑﻲ ﺟﻦ
ﻧﺠﻮﺩ ... ﻣﺜﻞ ﻣﺠﺎﻱ ﺍﻛﻮﻟﻚ ﺍﻛﻮ ﺟﻦ ﺟﺎﻱ ﻳﻼﺯﻣﻚ ﺑﻜﻞ ﺧﻄﻮﻩ ﻭﻳﻨﻘﺬﻙ ﺑﻤﻮﺍﻗﻒ ﻭﺟﺎﻱ ﻳﻌﺎﻗﺐ ﻛﻠﻤﻦ ﻳﺎﺫﻳﻚ ﺍﻧﺖ ﻣﺎ ﺳﺎﻟﺖ ﻧﻔﺴﻚ ﺷﻨﻮ ﻫﺎﻟﺼﺪﻑ ﺍﻟﻲ ﺟﺎﻱ ﺗﺤﺪﺙ ﺑﺤﻴﺎﺗﻚ ؟
ﻓﻬﺪ ... ﺻﺪﻙ ﺗﺤﺠﻴﻦ ﻧﺠﻮﺩ ﻭﺍﻧﺖ ﺍﺷﻠﻮﻥ ﻋﺮﻓﺘﻲ ؟
ﻟﻠﺤﻜﺎﻳﺔ ﺑﻘﻴﺔ
⭐⭐
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء