رواية خطوات نحو الجحيم ج2 الجزء التاسع
للكاتبة زينب ماجد
⭐
ﻟﺠﻴﻦ -: ﺟﺪﺍ ﺗﻀﺎﻳﻘﺖ ﻣﻦ ﻛﺎﻝ ﺍﻥ ﻫﻮ ﻣﻠﺤﺪ .. ﺯﻳﻦ ﻭﻃﻔﻠﻲ ﻳﺎ ﺭﺑﻲ ﺷﻠﻮﻥ ﻫﻢ ﻳﺘﺒﻊ ﺗﻔﻜﻴﺮ ﺍﺑﻮﻩ ؟ ﻭﻳﺘﺄﺛﺮﻭﻥ ﺑﺄﺑﻮﻫﻢ ﻭﻳﻄﻠﻌﻮﻥ ﻣﻠﺤﺪﻳﻦ
ﻻ ﻳﺎﺭﺑﻲ ﻣﻦ ﻭﻳﻦ ﻃﻠﻌﻠﻲ ﺑﺴﺎﻟﻔﺔ ﺍﻻﻟﺤﺎﺩ .. ﺻﺪﻙ ﻋﻘﻞ ﻣﺎﻛﻮ ﻫﺴﻪ ﺍﻟﻠﻪ ﻭﻛﻮﻧﻪ ﻫﻠﻜﺒﺮﻩ ﻣﻮﺟﻮﺩ ﻋﻘﻮﻟﻜﻢ ﺗﺒﻦ ﻭﺗﻨﻜﺮﻩ .. ﻭﺍﻟﻠﻪ ﻋﻠﻢ ..
ﺍﻱ ﻋﻠﻢ ﻫﺬﺍ ﺍﻟﻠﻲ ﻳﻨﻜﺮ ﻭﺟﻮﺩ ﺍﻟﺨﺎﻟﻖ ﺑﻮﺟﻮﺩ ﺍﻟﻤﺨﻠﻮﻕ .. ﺍﻛﻮ ﺷﻲ ﻳﻨﺨﻠﻖ ﻣﻦ ﺍﻟﻌﺪﻡ .. ﺍﻱ ﻋﺎﺩﻱ ﻋﺪﻫﻢ ﻛﺮﺓ ﺍﻟﻘﺪﻡ ﺍﻟﻬﺎ ﺻﺎﻧﻊ ﻭ ﺍﻟﻜﺮﻩ ﺍﻻﺭﺿﻴﻪ ﺍﻧﺼﻨﻌﺖ ﻭﺣﺪﻫﺎ ﻫﺎﻱ ﻋﻘﻮﻟﻬﻢ ..
ﺑﻘﻴﺖ ﺑﺪﻭﺍﻣﺔ ﺗﻔﻜﻴﺮ ﻟﺤﺪ ﻣﺎ ﻧﻌﺴﺖ ﻭﺭﺟﻌﺖ ﻧﻤﺖ ..
ﺍﻧﻔﺘﺢ ﺍﻟﺒﺎﺏ ... ﺷﻠﺖ ﺭﺍﺳﻲ .. ﻓﺰﻳﺖ .. ﺭﺟﺎﻝ ﺍﺳﺘﻐﻔﺮ ﻣﺎ ﺍﻋﺮﻑ ﺷﻜﻠﻪ ﺷﻨﻮ .. ﻣﻘﺮﻑ ﻭﻣﺜﻞ ﺍﻟﻤﺤﺘﺮﻙ ﺍﻭ ﻣﻌﻔﻦ ..
ﺑﻘﻴﺖ ﻣﺘﺠﻤﺪﻩ ﺑﻤﻜﺎﻧﻲ .. ﺍﺗﻠﻤﺲ ﺑﻤﺎﻟﻚ ﺍﺭﻳﺪﻩ ﻳﻜﻌﺪ . ﻭﻛﻒ ﻳﺒﺎﻭﻋﻠﻲ ﻭﻳﻨﻔﺦ ﺑﺲ ﺻﻮﺕ ﺍﻝ ﻫﻤﻤﻤﻤﻤﻤﻤﻤﻤﻤﻢ ﻳﻄﻠﻊ ﻣﻨﻪ ..
ﻣﻨﻮ ﺍﻧﺖ .. ﺷﻠﻮﻥ ﺗﺪﺧﻞ ﺑﻴﺘﻨﺎ .. ﺍﻃﻠﻊ
- ﻣﺎ ﺗﺮﺗﺎﺣﻴﻴﻴﻴﻴﻦ ..
- ﺷﺴﻮﻳﺘﻠﻚ .. ﻭﺍﻟﻠﻪ ﻣﻤﺴﻮﻳﺘﻠﻚ ﺷﻲ .. ﺗﻘﺮﺏ ﻣﻦ ﻣﺎﻟﻚ .. ﻭﻳﺼﻴﺢ ﻫﻤﻤﻤﻤﻢ ﻫﻤﻤﻤﻤﻤﻤﻢ .. ﻭﻳﺨﻨﺰ ﻋﻠﻴﻪ ..
ﺭﺍﺩ ﻳﻤﺪ ﺍﻳﺪﻩ ﻋﻠﻰ ﻣﺎﻟﻚ .. ﻛﺄﻥ ﺟﺮﻳﺖ ﻣﺎﻟﻚ ﻣﻨﻪ .. ﻭﻛﻤﺖ ﺍﻗﺮﻯ ﻗﺮﺍﻥ ﻋﻠﻴﻪ ... ﻛﺎﻡ ﻳﺼﺮﺥ . ﻭﻳﻔﺮ ﺑﺴﺮﻋﻪ ﻗﻮﻳﻪ ﺑﺎﻟﻐﺮﻓﻪ ﻭﺑﺲ ﺻﻮﺕ ﺍﻟﺼﻴﺎﺡ ﻣﺎﻟﺘﻪ ﻣﺮﻋﺐ ..
- ﻻ ﺗﺄﺫﻱ ﻓﺪﻭﻩ .. ﻻ ﺗﺄﺫﻱ .. ﻳﺼﺮﺥ ﻭﻳﻔﺮ ﻋﻠﻴﻪ .. ﺗﻘﺮﺏ ﻣﻨﻲ ﺣﻴﻞ ﻭﺻﺮﺥ ﺑﻮﺟﻬﻲ .. ﺍﺑﺘﻌﺪﺕ ﻣﻦ ﻣﺎﻟﻚ ﻭﺣﻄﻴﺖ ﺍﺩﻳﻪ ﻋﻠﻰ ﺭﺍﺳﻲ ﻭﻛﻤﺖ ﺍﺻﺮﺥ ..
ﻛﺄﻥ ﺳﺤﺐ ﻣﺎﻟﻚ ﻣﻦ ﻳﻤﻲ ﺑﺴﺮﻋﻪ .. ﻭﻛﻌﺪ ﻳﺨﻨﻚ ﺑﻴﻪ ﻣﻦ ﺭﻛﺒﺘﻪ .. ﻣﺎﻟﻚ ﻣﺜﻞ ﺍﻟﻤﻴﺖ ﺑﺄﻳﺪﻩ ﺑﺲ ﺻﺎﺭ ﺍﺯﺭﻙ ﺣﻴﻴﻴﻞ
ﺻﺮﺧﺖ ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ .. ﺳﻼﻡ ﻗﻮﻻ ﻣﻦ ﺭﺏ ﺭﺣﻴﻢ .. ﺍﺑﺘﻌﺪ ﺑﺴﺮﻋﻪ .. ﻭﺭﻛﻀﺖ ﻟﻤﺎﻟﻚ .. ﻛﺄﻧﻪ ﻛﺎﻥ ﻣﻴﺖ ..
ﻛﻤﺖ ﺍﺻﺮﺥ ﺣﻴﻞ ﻭﺍﺿﺮﺏ ﺍﻛﻌﺪ ﺑﻲ ..... ﻛﻌﺪﻧﻲ ﻣﺎﻟﻚ .. ﻟﺠﻴﻦ ﻛﻮﻣﻲ ﻛﻮﻣﻲ . ﻛﺎﺑﻮﺱ ﺍﺻﺤﻲ ﺣﺒﻴﺒﻲ .. ﻓﺰﻳﺖ .. ﺍﺑﺎﻭﻋﻠﻪ ﻛﻮﻟﺸﻲ ﻣﺎ ﺑﻲ ..
ﻣﺎﻟﻚ ﻣﻨﻮ ﻫﺬﺍ ﺍﻟﺮﺟﺎﻝ ﺍﻟﻴﺨﻨﻜﻚ ..
- ﺩﺗﺘﺤﻠﻤﻴﻦ ﺣﻴﺎﺗﻲ ﻫﺎﺝ ﺍﺧﺬﻱ ﺷﺮﺑﻲ ﻣﻲ .. ﺷﺮﺑﻨﻲ ﻣﻲ .. ﺍﺑﺎﻭﻉ ﻟﻠﻤﻜﺎﻥ ﻛﻠﻪ ﻫﺎﺩﺉ ﻳﺎ ﺭﺏ ﻣﻌﻘﻮﻟﻪ ﻛﻞ ﻫﺬﻩ ﺍﺣﻼﻡ ﻭﻛﻮﺍﺑﻴﺲ ﻃﻴﺐ ﻟﻴﻴﻴﺶ ..
ﻛﻤﺖ ﻣﻦ ﻣﻜﺎﻧﻲ .. ﻭﺭﺣﺖ ﻏﺴﻠﺖ ﻭﺟﻬﻲ .. ﺍﺟﻪ ﻭﺭﺍﻳﻪ ﻣﺎﻟﻚ .. ﻣﺎﻟﻚ ﺷﻨﻮ ﺍﻟﻠﻲ ﺩﻳﺼﻴﺮ ﺗﻌﺒﺖ ﻭﺍﻟﻠﻪ .. ﻣﺪﺍ ﺍﺭﺗﺎﺡ ﺍﻛﻮ ﺷﻲ ﻏﺮﻳﺐ
- ﺍﻟﺒﺎﻧﻴﻮ
- ﺷﻨﻮ ؟
- ﺍﻟﺒﺎﻧﻴﻮ
- ﻣﻔﺘﻬﻤﺖ ﺗﺮﻳﺪ ﺗﺴﺒﺢ .. ﻓﺎﺕ ﻣﻦ ﻳﻤﻲ ﻭﺭﺍﺡ ﻟﻠﺤﻤﺎﻡ .. ﻋﻔﺘﻪ ﻭﻃﻠﻌﺖ .. ﺭﺣﺖ ﻟﻠﻐﺮﻓﻪ .. ﻟﻜﻴﺖ ﻣﺎﻟﻚ ﻣﺘﻤﺪﺩ ﻉ ﺍﻟﺴﺮﻳﺮ ..
ﺟﻤﺪ ﺩﻣﻲ ﺑﺠﺴﻤﻲ .. ﻣﺎﻟﻚ ﻣﻮ ﻓﺘﺖ ﻟﻠﺤﻤﺎﻡ ..
- ﻳﺎ ﺣﻤﺎﻡ
- ﺍﻧﺖ ﺟﺘﺖ ﻫﻨﺎﻙ ﺑﺎﻟﺤﻤﺎﻡ
.
ﻳﺎ ﺣﻤﺎﻡ ﻟﺠﻴﻦ ﺩﻧﺎﻣﻲ ﺗﺮﻩ ﻣﻮ ﻟﻴﻠﻪ ﻛﻞ ﺷﻮﻱ ﻛﺎﻋﺪﻩ ﺗﺼﺮﺧﻴﻦ ﺗﻌﺒﺎﺍﺍﻥ ..
- ﻣﺎﻟﻚ ﻭﺍﻟﻠﻪ ﺍﻧﺖ ﺟﻨﺖ ﻳﻤﻲ ﺑﺎﻟﺤﻤﺎﻡ ﻭﻓﺘﺖ ﺗﺴﺒﺢ
- ﻟﺞ ﺻﺎﺭ ﺑﻌﻘﻠﺞ ﺷﻲ .. ﻫﻴﺎﻧﻲ ﻣﺎ ﻃﻠﻌﺖ ﻣﻦ ﺍﻟﻐﺮﻓﻪ ﻭﻻ ﻋﺪﻳﺘﻬﺎ ﺑﺲ ﻧﺎﻣﻲ ..
- ﺯﻳﻦ ﻣﻨﻮ ﻫﺬﺍﺍﺍﺍﺍﺍ
- ﻋﻘﻠﺞ ﺍﻟﺒﺎﻃﻦ .. ﺑﺴﺒﺐ ﺣﺎﻟﺘﺞ ﺍﻟﻨﻔﺴﻴﻪ ﻳﺎ ﻟﺠﻴﻦ
- ﻻ ﻣﺴﺘﺤﻴﻞ ﻣﺎﻟﻚ ﺍﻧﻲ ﻣﺘﺄﻛﺪﻩ ﺷﻔﺘﻪ ﺣﺘﻰ ﺣﺠﻪ ﻭﻳﺎﻱ ﻭﻛﺎﻝ ﺍﻟﺒﺎﻧﻴﻮ
- ﺷﻨﻮ ﺍﻟﺒﺎﻧﻴﻮ
- ﻣﺎ ﺍﻋﺮﻑ .. ﺍﻧﻲ ﺩﺍ ﺍﺳﺄﻝ ﺷﻨﻮ ﺍﻟﺒﺎﻧﻴﻮ ..
- ﺗﻌﺎﻟﻲ ﻧﺎﻣﻲ ﺣﺒﻴﺒﺘﻲ ﺍﺗﺮﻛﺞ ﻣﻦ ﻫﻠﺘﻔﻜﻴﺮ ﺗﺮﻩ ﺩﺗﺄﺫﻳﻦ ﻧﻔﺴﺞ ... ﺗﻌﺎﻟﻴﻠﻲ ..
- ﺗﻘﺮﺑﺖ ﻳﻤﻪ .. ﻓﺘﺤﻠﻲ ﺍﺩﻳﻪ .. ﻭﺣﻈﻨﻲ .. ﺧﻠﻴﺖ ﺭﺍﺳﻲ ﺑﺤﻈﻨﻪ ﻭﻧﻤﺖ ﻭﺍﻧﻲ ﺍﺣﺎﻭﻝ ﻣﺎ ﺍﺷﻮﻑ ﻭﻻ ﺍﺳﻤﻊ ﻭﺍﺭﺩﺩ ﻗﺮﺍﻥ ﻭﺍﻟﺨﻮﻑ ﻣﺎﻛﻞ ﻛﻠﺒﻲ ﺷﻨﻮ ﺍﻟﻠﻲ ﺩﻳﺼﻴﺮ ..
ﻧﻤﺖ ﻭﺑﺎﻟﺤﻠﻢ ﺻﻮﺕ ﻳﺘﺮﺩﺩ ﺍﻟﺒﺎﻧﻴﻮﻭ . ﺍﻟﺒﺎﻧﻴﻮﻭﻭ
ﻗﻔﻠﺖ ﺍﺫﺍﻧﺎﺗﻲ ﻭﻛﻤﺖ ﺍﺑﺠﻲ ﻭﻣﺎ ﺭﻓﻌﺖ ﺭﺍﺳﻲ ﺍﺑﺪ .. ﻛﻌﺪﺕ .. ﻣﻴﺘﻪ ﺣﺮ .. ﺗﻠﻤﺴﺖ ﻣﺎﻟﻚ ﺻﺎﻳﺮ ﻧﺎﺭ .. ﻭﻋﺮﻛﺎﻥ ..
ﻛﻌﺪﺕ ﻋﻠﻰ ﺣﻴﻠﻲ .. ﺧﻠﻴﺖ ﺍﻳﺪﻱ ﻋﻠﻰ ﻛﺼﺘﻪ .. ﻛﻠﺶ ﻣﺴﺨﻦ .. ﺻﺎﺡ ﻟﺠﻴﻦ ﺍﻋﻈﺎﻣﻲ ﺫﺑﺤﺘﻨﻲ ﺗﻮﺟﻌﻨﻲ ..
- ﻣﺴﺨﻦ ﺍﻧﺘﻪ .. ﻛﻮﻡ ﻏﺴﻞ ﺧﻞ ﺗﻨﺰﻝ ﺣﺮﺍﺭﺗﻚ ..
- ﻣﺎﺑﻴﻪ ﺍﻛﻮﻡ ﺑﺲ ﺍﺑﻘﻲ ﻳﻤﻲ ﻣﺘﺄﺫﻱ ..
- ﺍﻧﺖ ﻛﻨﺖ ﺷﺎﺭﺏ ﺍﻟﺒﺎﺭﺣﻪ
- ﻣﺎ ﺷﺮﺑﺖ ﻫﻮﺍﻱ ..
- ﻣﺎﻟﻚ ﻭﺗﺎﻟﻲ ﻫﺬﻩ ﻗﻴﻮﺩ ﻧﻔﺴﻚ ﺷﻮﻛﺖ ﺗﺘﺨﻠﺺ ﻣﻨﻬﻢ ..
- ﻟﺠﻴﻦ ﺍﻛﻠﺞ ﻣﺘﺄﺫﻱ ﻣﻮ ﻭﻗﺖ ﻫﻠﻜﻼﻡ ..
- ﺷﺎﻝ ﺭﺍﺳﻪ ﺧﻼﻩ ﻋﻠﻰ ﺭﺟﻠﻲ ..
- ﻟﻌﺒﻲ ﺑﺸﻌﺮﻱ
- ﻫﻴﺞ ﻣﺤﻄﻴﺐ ﺧﻞ ﺍﻛﻮﻡ ﺍﺟﻴﺒﻠﻚ ﻋﻼﺝ .. ﻭﺧﺮﺗﻪ ﻭﺭﺣﺖ ﺟﺒﺘﻠﻪ ﻋﻼﺝ ﻭﺟﺒﺖ ﻣﻲ ﻭﺍﺟﻴﺖ .. ﻟﻜﻴﺘﻪ ﻣﻨﺘﺠﻲ ﻋﻠﻰ ﺍﻟﺠﺮﺑﺎﻳﻪ ﻭﺟﺎﻱ ﻳﺪﺧﻦ ..
ﻣﻮ ﻭﻛﺘﻬﺎ ﻋﻴﻨﻲ .. ﻫﺎﻙ ﺍﺧﺬ ﺍﺷﺮﺏ ﻋﻼﺟﻚ .. ﺍﺧﺬﺕ ﻣﻦ ﺍﻟﺠﻜﺎﺭﻩ ﻭﺍﻧﻄﻴﺘﻪ ﺍﻟﺤﺒﻮﺏ .. ﻃﻔﻴﺖ ﺍﻟﺠﻜﺎﺭﻩ ﻭﺍﻧﻄﻴﺘﻪ ﻣﻲ ..
- ﺗﻌﺎﻟﻲ ﻳﻤﻲ ﻻ ﺗﻌﻮﻓﻴﻨﻲ
- ﻣﺎ ﺭﺍﻳﺤﻪ ﻭﺍﻟﻠﻪ ﻣﺮﺍﻳﺤﻪ . ﻳﻤﻚ .. ﻛﻌﺪﺕ ﻳﻤﻪ ﻭﻛﻤﺖ ﺍﺩﻟﻜﻠﻪ ﺭﺍﺳﻪ .. ﻭﻫﻮ ﻳﻮﻥ ﻣﻦ ﺍﻟﻮﺟﻊ ..
ﻟﺤﺪ ﻣﺎ ﻏﻔﻰ ﻓﻮﻙ ﺍﻟﺴﺎﻋﻪ .. ﺭﺣﺖ ﺗﺮﻳﻜﺖ .. ﻭﺳﻮﻳﺘﻠﻪ ﺷﻮﺭﺑﺔ ﻋﺪﺱ ... ﻛﻤﺒﺘﻬﺎ ﻭﺍﺧﺬﺗﻬﺎ ﻳﻤﻪ .. ﻛﻌﺪﺗﻪ ﺍﺭﻳﺪﻩ ﻳﺎﻛﻞ ﻣﺎ ﻳﻘﺒﻞ ﻣﺘﺄﻟﻢ .
- ﻃﻴﺐ ﻛﻮﻡ ﺧﻞ ﻧﺮﻭﺡ ﺩﻛﺘﻮﺭ ..
- ﻣﺎ ﺍﻛﺪﺭ ..
- ﺍﺧﺬﺕ ﺍﻟﻤﻮﺑﺎﻳﻞ ﻭﺣﺠﺰﺗﻠﻪ ﻋﻨﺪ ﺍﻟﺪﻛﺘﻮﺭ ﺍﻟﻌﺼﺮ ﻭﺭﺟﻌﺖ ﺍﻧﻄﻴﺘﻪ ﺩﻭﻯ ﺧﺎﻓﺾ ﺣﺮﺍﺭﻩ .. ﻟﻠﻌﺼﺮ ﻛﻮﻣﺘﻪ ﻛﻮﻩ ﻟﻠﺤﻤﺎﻡ ﻏﺴﻠﺘﻠﻪ ﻭﻫﻮ ﻳﺘﻤﻄﻰ ﻣﻨﺎ ﻭﻣﻨﺎ ﺍﺩﻭﺭ ﺷﺜﻜﻠﻪ ﻛﻞ ﺣﻴﻠﻲ ﻭﻣﺎ ﺍﻛﺪﺭ ﺍﺟﺮﻩ ..
ﻏﺴﻠﺘﻠﻪ .. ﻭﺟﺒﺘﻠﻪ ﺍﻟﻤﻼﺑﺲ .. ﻭﺑﺪﻟﺘﻠﻪ ﺟﻬﺰﺗﻪ .. ﻭﻛﺘﻠﻪ ﻛﻮﻡ ﻧﺮﻭﺡ ﻟﻠﻄﺒﻴﺐ ..
- ﻣﺎ ﺍﻛﺪﺭ ﺟﺴﻤﻲ ﻣﻮﺗﻨﻲ ﻣﺎ ﺑﻴﻪ ﺍﻣﺸﻲ
.
ﻻ ﺗﻤﺸﻲ ﺍﻧﻲ ﺍﺳﻮﻕ ﺣﺠﺰﺗﻚ
- ﺍﻛﻠﺞ ﻣﺎ ﺑﻴﻪ ﺣﻴﻞ ﻋﻮﺩ ﻭﺣﺪﻱ ﺍﻃﻴﺐ ﻣﺎ ﻣﺘﻌﻮﺩ ﺍﺭﻭﺡ ﺩﻛﺘﻮﺭ ﻟﺠﻴﻦ ﺍﺗﺮﻛﻴﻨﻲ
- ﺩﻛﻮﻡ ﻳﺎ ﻋﻴﻨﻲ ﺩﻛﻮﻡ .. ﺟﺮﻳﺖ ﺍﻭﻭﻭﻭﻱ ﺷﺜﻜﻠﻚ ﻳﺎﻋﻴﻨﻲ ﻛﻄﻌﺖ ﻧﻔﺴﻲ ﺩﻛﻮﻭﻭﻭﻭﻭﻭﻡ ..
- ﻛﺎﻡ ﻟﺒﺲ ﺣﺬﺍﺀ ﻭﻧﺰﻝ ﻭﻳﺎﻱ ﻟﻠﺴﻴﺎﺭﻩ .. ﺍﺧﺬﺗﻪ ﻟﻠﻄﺒﻴﺐ ﺍﺑﺮ ﻭﻋﻼﺝ .. ﻭﺭﺟﻌﺘﻪ . ﻧﻔﺲ ﺍﻟﺤﺎﻟﻪ ...
3 ﺍﻳﺎﻡ ﻣﺎ ﻃﺎﻟﻊ ﺍﻟﺒﺎﺏ ﺑﺲ ﺳﺨﻮﻧﻪ ﻫﺪﺕ ﺣﻴﻠﻪ .. ﻭﺍﻟﻜﻮﺍﺑﻴﺲ ﻣﻤﻔﺎﺭﻛﺘﻨﻲ ﻛﻞ ﺷﻮﻱ ﺷﻜﻞ ﺗﺨﺒﻠﺖ ﻣﻮ ﺑﻴﺖ .. ﻓﻌﻼ ﻛﻤﺖ ﺍﺣﺲ ﺑﻴﻪ ﻣﺴﻜﻮﻥ .
ﺑﻌﺪ ﺍﻟﻴﻮﻡ ﺍﻟﺮﺍﺑﻊ .. ﺭﺣﺖ ﻟﻠﻘﻨﺎﺓ ﻛﺎﻥ ﻻﺯﻡ ﺍﺟﻤﻊ ﺍﻟﻤﻌﻠﻮﻣﺎﺕ ﻭﺍﻛﻤﻞ ﺍﻟﺘﻘﺎﺭﻳﺮ ﻭﺿﻴﻒ ﺍﻟﺤﻠﻘﻪ .. ﻭﻛﺎﻥ ﻣﻮﺿﻮﻋﻲ ﺍﻻﻟﺤﺎﺩ .. ﻻﻥ ﺣﺒﻴﺖ ﺍﺳﻠﻂ ﺍﻟﻀﻮﺀ ﻋﻠﻴﻪ ﺣﺘﻰ ﻧﺤﺬﺭ ﻣﻨﻪ ﻭﺍﻧﺎﻗﺸﻪ ﻭﻧﺮﺩﻋﻪ .
ﻋﻔﺖ ﻣﺎﻟﻚ ﺑﺎﻟﺒﻴﺖ ﻭﺭﺣﺖ ﻟﻠﻘﻨﺎﺓ .. ﻛﻤﻠﺖ ﺷﻐﻠﻲ ﻭﺭﺟﻌﺖ ﻋﻠﻰ ﻧﻔﺲ ﺍﻟﻨﻮﻣﻪ ﻣﺎ ﻣﺘﺤﺮﻙ .. ﺍﻧﻄﻴﺘﻪ ﺍﻟﻌﻼﺝ ﻭﻧﻔﺴﻪ .
ﻭﺟﻬﻪ ﺷﺤﺐ .. ﺟﻮﻩ ﻋﻴﻮﻧﻪ ﺻﺎﺭ ﺣﻴﻞ ﺳﻮﺩ .. ﺍﻟﺠﺴﻢ ﻧﺤﻞ .. ﻣﻮ ﺑﻨﻔﺲ ﺍﻟﺠﺘﺎﻑ .. ﻳﺮﺑﻲ ﺷﺴﻮﻳﻠﻪ ﺍﺩﻭﺭ ﻳﺸﻜﻲ ﻣﻦ ﻋﻈﺎﻣﻪ ﻣﻮﺗﺘﻪ .. ﺍﻟﻠﻴﻞ ﻛﻠﻪ ﻳﻮﻥ ..
ﺑﻘﻴﺖ ﺳﻬﺮﺍﻧﻪ ﻭﻳﺎﻩ ﻟﺤﺪ ﻣﺎ ﻧﻤﺖ ﻋﻠﻰ ﻛﻌﺪﺗﻲ ﻭﻫﻮ ﺑﺤﻈﻨﻲ .. ﺷﻔﺖ ﺭﻭﺡ ﻣﺎﻟﻚ ﻃﻠﻌﺖ .. ﻳﻤﻪ ﺷﻨﻮ ﻫﺎﻱ ﻛﺄﻧﻪ ﻫﻮﻯ
ﻛﻤﺖ ﻣﻦ ﺟﺴﻤﻪ .. ﻣﺸﺖ ﺭﻭﺣﻪ ﻣﺸﻴﺖ ﻭﺭﺍﻩ .. ﺭﺍﺡ ﻟﻠﺤﻤﺎﻡ ﻭﻧﺎﻡ ﺑﺎﻟﺒﺎﻧﻴﻮ ﻭﺍﺧﺘﻔﻰ .. ﻳﺎ ﺳﺘﺎﺭ ﻳﺎﺭﺑﻲ ﺷﺪﻳﺼﻴﺮ ..
ﺍﻟﺘﻔﺘﺖ ﻭﺍﻟﻜﻰ ﺍﻟﻮﺟﻪ ﺍﻟﻤﻌﻔﻦ ﻛﺪﺍﻣﻲ .. ﺻﺮﺧﺖ ﻭﺻﻤﻴﺖ ﻋﻴﻮﻧﻲ ﺍﺍﺍﺍﺍﺍﺍﺍﺍﻩ .. ﺭﺟﻌﺖ ﺑﺎﻭﻋﺘﻪ ﻣﺎﻛﻮ .. ﺍﺩﻭﺭ ﻣﻨﺎ ﻣﻨﺎ ﻣﺨﺘﻔﻲ ..
ﺩﺍ ﺍﻣﺸﻲ .. ﺍﻧﺘﺒﻬﺖ ﻟﻠﺒﺎﻧﻴﻮ ﻧﺎﻳﻢ ﺑﻴﻪ ﺍﺣﺪ .. ﺑﺎﻭﻋﺘﻪ ﻫﺬﺍ ﺍﻟﺮﺟﺎﻝ ﺍﻟﻤﻌﻔﻦ ﻧﻔﺴﻪ .. ﺭﻛﻀﺖ ﺣﻴﻞ ﻣﻦ ﺍﻟﺨﻮﻑ .. ﻭﺟﻦ ﺍﻋﺜﺮ ﻭ ﺍﻭﻛﻊ .. ﻭﻳﺠﺮﻧﻲ ﺳﺤﻞ ﻳﻨﻮﻣﻨﻲ ﺟﻮﻩ ﺍﻟﺒﺎﻧﻴﻮ ﺍﺭﻳﺪ ﺍﺻﺮﺥ ﺍﺭﻳﺪ ﺍﺣﺠﻲ
ﺍﺧﺘﻨﻜﺖ ﺑﺎﻟﺤﻠﻢ ﻟﺤﺪ ﻣﺎ ﻓﺰﻳﺖ .. ﻻ ﺍﻟﻪ ﺍﻻ ﺍﻟﻠﻪ .. ﺳﻼﻡ ﻗﻮﻻ ﻣﻦ ﺭﺏ ﺭﺣﻴﻢ .. ﺍﻟﻠﻬﻲ ﺩﺧﻴﻠﻚ ﺷﻨﻮ ﻫﺎﻱ ﻭﺍﻟﻠﻪ ﺗﻌﺒﺖ ..
ﺷﻨﻮ ﺍﻟﻠﻲ ﺑﺎﻟﺒﺎﻧﻴﻮ . ﻟﻴﺶ ﻳﺠﺮﻧﻲ ﺍﻟﻪ .. ﺷﻐﻠﺖ ﺗﻠﻔﺰﻳﻮﻥ ﺧﻠﻴﺘﻪ ﻋﻠﻰ ﺍﻟﻘﺮﺍﻥ ﻭﺭﺟﻌﺖ ﺍﻓﻜﺮ ﻭﻣﻴﺘﻪ ﺭﻋﺐ ﻳﺎ ﺍﻟﻠﻪ ﺷﻨﻮ ﻫﺎﻱ ﺷﺪﺍ ﻳﺼﻴﺮ ﺑﻴﻪ ..
ﻣﺎﻟﻚ -: ﻟﺠﻴﻴﻴﻦ ﻣﻲ
- ﺍﻱ .. ﺍﺧﺬﺕ ﻣﻲ .. ﻭﺍﻧﻄﻴﺘﻪ ﺍﺍﻟﻪ .. ﺑﻘﻴﺖ ﺍﻓﻜﺮ ﻟﺤﺪ ﻣﺎ ﺭﺟﻌﺖ ﻧﻤﺖ .. ﺷﻔﺖ ﺭﺅﻳﺎ ﻣﺜﻞ ﺍﻧﺴﺎﻥ ﻭﺍﻧﺪﻓﻦ ﺟﻮﻩ ﺍﻟﺒﺎﻧﻴﻮ ﻭﻫﺬﺍ ﺍﻻﻧﺴﺎﻥ .. ﻣﻌﻔﻦ .. ﻫﻮ ﻧﻔﺴﻪ ﺍﻟﻠﻲ ﺍﺷﻮﻓﻪ ..
ﺑﺲ ﻣﺎ ﺗﺄﺫﻳﺖ ﺑﻬﺬﺍ ﺍﻟﺤﻠﻢ ﻣﺜﻞ ﺍﻟﻔﻠﻢ ﺍﻟﻠﻲ ﺍﻧﻌﺮﺽ ﻛﺪﺍﻣﻲ .. ﻓﺰﻳﺖ ﻣﻨﻪ .. ﺍﻟﻘﺮﺍﻥ ﻣﺸﺘﻐﻞ ﺩﺧﻴﻠﻚ ﺍﻟﻠﻬﻲ ﻣﻌﻘﻮﻟﻪ ﺍﻛﻮ ﺍﻧﺴﺎﻥ ﺟﻮﻩ ﺍﻟﺒﺎﻧﻴﻮ
ﺷﻨﻮ ﺍﻟﻠﻲ ﺩﻳﺼﻴﺮ .. ﺑﺎﻭﻋﺖ ﺍﻟﻤﺎﻟﻚ ﻳﺘﻜﻠﺐ .. ﻟﺰﻣﺖ ﻛﺼﺘﻪ ﺑﻌﺪﻩ ﻣﺴﺨﻦ .. ﻣﺎﻟﻚ ..
- ﻧﻌﻢ ..
- ﺷﻮﻛﺖ ﺑﻨﻴﺖ ﺍﻟﺒﺎﻧﻴﻮ
- ﻗﺒﻞ ﺯﻭﺍﺟﻨﺎ ﺑﺸﻬﺮ
- ﻳﻌﻨﻲ ﻟﻤﺎ ﻛﻨﺖ ﺑﺎﻟﻤﻮﺻﻞ
- ﺗﻘﺮﻳﺒﺎ ﺍﻱ .. ﻟﻴﺶ
- ﻣﺎﻟﻚ ﺩﺍ ﺍﺷﻮﻑ ﺑﺎﻟﺤﻠﻢ ﺍﻧﺴﺎﻥ ﺟﻮﻩ ﺍﻟﺒﺎﻧﻴﻮ ﻣﺪﻓﻮﻥ .. ﻛﻤﺰ ﻣﻦ ﻣﻜﺎﻧﻪ .. ﺷﻨﻮ ﺍﻧﺴﺎﻥ .. ﺍﺍﺍ ﺑﺎﻧﻴﻮ ﺷﻨﻮ ﺷﺒﻴﻴﻴﻴﺞ
.
ﺷﺒﻴﻚ .. ﺩﺍ ﺍﻛﻮﻝ ﺑﺎﻟﺤﻠﻢ .. ﻣﺎ ﺍﻋﺮﻑ ﻫﺬﺍ ﺍﻟﻜﺎﺑﻮﺱ ﻋﺬﺑﻨﻲ .. ﺧﻠﻴﻨﻪ ﻧﻨﺘﻘﻞ ﻣﻦ ﻫﺎﻱ ﺍﻟﺸﻘﻪ
- ﻻ ﻟﺤﻈﻪ ﺷﻨﻮ ﺍﻟﻠﻲ ﺷﻔﺘﻲ ﺑﺎﻟﺒﺎﻧﻴﻮ ..
- ﻣﺎ ﺍﻋﺮﻑ ﺳﺎﻋﻪ ﺭﺟﺎﻝ ﻳﻨﺎﻡ ﺑﻲ .. ﺳﺎﻋﻪ ﻳﺴﺤﺒﻨﻲ ﻳﻨﻮﻣﻨﻲ ﺑﻲ ﻣﺪﺍ ﺍﻓﺘﻬﻢ ..
- ﻣﺎﻛﻮ .. ﻣﺎﻛﻮ ﺷﻲ ﺣﺒﻴﺒﺘﻲ ﻧﺎﻣﻲ ﻧﺎﻣﻲ .. ﺍﻭ ﺍﻛﻠﺞ ﺭﻭﺣﻲ ﺳﻮﻳﻠﻲ ﻛﻼﺹ ﺟﺎﻱ ﺍﺭﻳﺪ ﺍﺷﺮﺏ ﺟﻜﺎﺭﻩ ..
- ﺭﺣﺖ ﺳﻮﻳﺘﻠﻪ ﻭﺍﺟﻴﺖ ﺍﻧﻄﻴﺘﻪ ﺍﻟﺠﺎﻱ ﻭﺣﺠﻴﺖ .. ﻣﺎﻟﻚ ﺑﺎﺟﺮ ﺍﻟﺤﻠﻘﻪ ﻣﻮﺿﻮﻋﻬﺎ ﺍﻻﻟﺤﺎﺩ ﻳﺎﺭﻳﺖ ﺗﻨﺘﺒﻪ ﻟﻠﺤﻠﻘﻪ ..
- ﻫﻬﻬﻬﻬﻬﻪ ﻭﻫﺎﻱ ﺍﻧﺘﻲ ﺳﻮﻳﺘﻲ ﺣﻠﻘﻪ ﺑﺲ ﺣﺘﻰ ﺗﻬﺪﻳﻨﻲ ﺑﺮﺃﻳﺞ
- ﻣﻮ ﺑﻜﻴﻔﻚ ﻣﺎﻟﻚ ﻣﺘﺒﻘﻰ ﻣﻠﺤﺪ ﻏﺼﺐ ﺗﺮﺟﻊ ﻣﺴﻠﻢ ﺗﺮﻩ ﻣﺎ ﺍﻛﺪﺭ ﺍﻋﻴﺶ ﻭﻳﺎﻙ ﻋﻠﻰ ﻫﻠﻮﺿﻊ ...
- ﻣﻀﺎﺭﺝ ﺑﺸﻲ .. ﻣﻮ ﺑﻘﺮﺍﻧﺞ ﺗﻜﻮﻟﻮﻥ ﻻ ﺍﻛﺮﺍﻩ ﻓﻲ ﺍﻟﺪﻳﻦ
- ﻫﺎﺍﺍﺍﻩ ﺣﺎﻓﻆ ﺍﻟﻘﺮﺍﻥ
- ﺍﻱ ﺣﺎﻓﻆ ﻣﻨﻪ ﻫﻮﺍﻱ ﻻ ﺗﻨﺴﻴﻦ ﺟﻨﺖ ﻣﺴﻠﻢ ..
- ﻟﻌﺪ ﻟﻴﺶ ﺍﻟﺤﺪﺕ .
- ﻗﻨﺎﻋﻪ ..
- ﺑﺲ ﺣﺮﺍﻡ ..
- ﻣﺎ ﺍﺣﺐ ﺍﺗﻘﻴﺪ ﺑﻔﻜﺮ ﺍﻟﺤﻼﻝ ﻭﺍﻟﺤﺮﺍﻡ .
- ﺍﻧﺖ ﺗﺨﻠﻴﺖ ﻋﻦ ﺍﻻﺳﻼﻡ ﻻﻥ ﻳﺮﻓﺾ ﺷﻐﻠﻚ .. ﻭﻫﻮ ﺍﻻﺟﺮﺍﻡ .. ﺑﺲ ﺍﻻﻟﺤﺎﺩ ﻳﻌﻄﻴﻚ ﺍﻟﺤﺮﻳﻪ ﺑﻜﻠﺸﻲ ﺣﺘﻰ ﺍﻟﻘﺘﻞ ﻣﺎﻛﻮ ﺭﺍﺩﻉ ..
- ﻣﺎ ﺭﺩ ﺑﻘﻰ ﻳﺸﺮﺏ ﺑﺠﻜﺎﺭﺗﻪ .. ﺗﺮﻛﺘﻪ ﻭﻛﻤﺖ .. ﻛﺎﻧﺖ ﺍﻟﺴﺎﻋﻪ 7 ﻭﻧﺺ .. ﺭﺗﺒﺖ ﺍﻟﺒﻴﺖ ﻭﺳﻮﻳﺖ ﺍﻛﻞ ﻟﻤﺎﻟﻚ ..
ﺟﺎﻥ ﻻﺑﺲ ﻭﺟﺎﻱ .. ﺑﺎﻭﻋﺘﻠﻪ ﻫﺎﺍﺍ ﺻﺮﺕ ﺯﻳﻦ ..
- ﻻ ﺑﻌﺪﻧﻲ ﻣﺘﺄﺫﻱ ﺑﺲ ﻻﺯﻡ ﺍﻃﻠﻊ ﻋﻨﺪﻱ ﺷﻐﻞ ..
- ﺩﺗﻌﺎﻝ ﺗﺮﻳﻚ ﺣﺘﻰ ﻧﻄﻠﻊ ﺳﻮﻯ .. ﻛﻌﺪﻧﻪ ﺍﻛﻠﻨﻪ ﻭﻃﻠﻊ ﻫﻮ ﻗﺒﻠﻲ ﺍﻧﻲ ﺑﺪﻟﺖ ﻋﻠﻰ ﺭﺍﺣﺘﻲ ﻭﻃﻠﻌﺖ ..
ﻭﺻﻠﺖ ﻟﻠﻘﻨﺎﺓ ﺭﺣﺒﺖ ﺑﻀﻴﻔﺔ ﺍﻟﺒﺮﻧﺎﻣﺞ ﺍﻟﻴﻮﻡ ﻭﻛﻌﺪﺕ ﺍﺗﻌﺮﻑ ﻋﻠﻴﻪ ﻭﺗﻨﺎﻗﺸﻨﺎ ﺑﺎﻟﻤﻮﺿﻮﻉ ﻗﺒﻞ ﺍﻟﺪﺧﻮﻝ ﻉ ﺍﻟﺠﻮ .
ﺻﺎﺭ ﻭﻗﺖ ﺍﻟﺒﺮﻧﺎﻣﺞ .. ﺍﻧﻄﻠﻘﺖ ﺑﺎﻟﺠﻮ .. ﻭﺣﺠﻴﺖ
ﻟﺠﻴﻦ -: ﺍﻟﺴﻼﻡ ﻋﻠﻴﻜﻢ ﺍﻋﺰﺍﺋﻲ ﺍﻟﻤﺸﺎﻫﺪﻳﻦ .. ﻃﺒﺘﻢ ﻭﻃﺎﺑﺖ ﺍﻭﻗﺎﺗﻜﻢ ﺑﻜﻞ ﺧﻴﺮ ..
ﺍﻟﻴﻮﻡ ﻧﺮﻳﺪ ﺍﻥ ﻧﻨﺎﻗﺶ ﻣﻮﺿﻮﻉ .. ﻳﻜﺎﺩ ﻳﻨﺘﺸﺮ ﻙ ﺍﻟﻔﺎﻳﺮﻭﺱ ﺍﻟﻤﻌﺪﻱ ﺑﻴﻦ ﺍﻟﻨﺎﺱ ﻭﺑﺎﻻﺧﺺ ﺍﻟﺸﺒﺎﺏ ﻭﺍﻟﻤﺮﺍﻫﻘﻴﻦ ..
ﺷﻨﻮ ﺍﻻﻟﺤﺎﺩ .. ﻭﻟﻴﺶ ﺍﻟﺤﺪﻭ .. ﻭﺷﻨﻮ ﺍﻟﺤﺠﺞ ﺍﻟﻠﻲ ﻧﻜﺪﺭ ﻧﻮﺍﺟﻪ ﺑﻴﻬﺎ ﺍﻟﻤﻠﺤﺪ .. ﻭﻛﻴﻒ ﻧﻌﻄﻲ ﺍﻟﻮﻗﺎﻳﻪ ﻣﻦ ﻫﺬﺍ ﺍﻟﻔﺎﻳﺮﻭﺱ ..
ﻣﻌﺎﻧﺎ ﺿﻴﻔﺔ ﺍﻟﺤﻠﻘﻪ ﺍﻟﺪﻛﺘﺔﺭﻩ ﻓﻲ ﺍﻟﻌﻠﻮﻡ ﺍﻻﺳﻼﻣﻴﻪ ﺯﻳﻨﻪ ﺍﻟﻌﺎﻣﺮ .. ﺍﻫﻼ ﻭﺳﻬﻼ ﺑﻴﺞ ﺳﺖ ﺯﻳﻨﻪ ..
- ﺍﻫﻼ ﻭﺳﻬﻼ ﺑﻴﺞ ﺳﺖ ﻟﺠﻴﻦ ..
- ﺩﻛﺘﻮﺭﻩ ﺍﻟﻴﻮﻡ ﻧﺸﻮﻑ ﺍﻧﺘﺸﺎﺭ ﻭﺍﺳﻊ ﻟﻔﻜﺮ ﺍﻷﻟﺤﺎﺩ ﺍﻟﻤﻌﺮﻭﻑ ﺑﺎﻟﻌﺮﺍﻕ ﺍﻟﻔﻜﺮ ﺍﻟﺸﻴﻮﻋﻲ .. ﺑﺮﺃﻳﺞ ﺷﻨﻮ ﺍﻟﺴﺒﺐ ..
- ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ .. ﻧﻌﻢ ﺍﻧﺘﺸﺮ ﻓﻜﺮ ﺍﻻﻟﺤﺎﺩ ﻓﻲ ﺍﻻﻭﻧﻪ ﺍﻻﺧﻴﺮ ﻭﺍﻟﺴﺒﺐ ﻫﻮ ﻛﺜﺮﺓ ﺍﻟﺤﺮﻭﺏ ﻭﺍﻟﻄﺎﺋﻔﻴﻪ
.
ﺍﻛﺜﺮ ﺍﻟﺤﺮﻭﺏ ﺍﻟﻠﻲ ﺗﺼﻴﺮ ﺍﻟﻴﻮﻡ . ﻫﻲ ﺣﺮﻭﺏ ﺍﺩﻳﺎﻥ .. ﻳﻬﻮﺩﻱ ﺿﺪ ﻣﺴﻠﻢ .. ﻣﺴﻠﻢ ﺿﺪ ﻣﺴﻴﺤﻲ ﻣﺴﻴﺤﻲ ﺿﺪ ﻳﻬﻮﺩﻱ ﻭﺍﻟﻌﻜﺲ ﺻﺤﻴﺢ ..
ﻛﻞ ﺩﻳﻦ ﺗﻨﺎﻗﺸﻪ .. ﻳﻜﻮﻥ ﺟﻮﺍﺑﻪ ﺍﺣﻨﻪ ﺑﺎﻟﺠﻨﻪ ﻭﻏﻴﺮﻧﺎ ﺑﺎﻟﻨﺎﺭ .. ﻭﻫﺬﺍ ﺍﻟﻔﻜﺮ ﺧﺎﻃﺊ ﺟﺪﺍ .. ﻭﺍﻟﺪﻟﻴﻞ ﺍﻻﻳﻪ
( ﺍﻟﺪﻳﻦ ﻛﻠﻪ ﻟﻠﻪ ) ﻳﻌﻨﻲ ﺍﻥ ﻛﻨﺖ ﻳﻬﻮﺩﻱ ﻭﺍﻥ ﻛﻨﺖ ﻣﺴﻴﺤﻲ ﺍﻭ ﻣﺴﻠﻢ . ﻑ ﺍﻟﻠﻪ ﺭﺑﻚ .. ﻟﻮ ﻛﺎﻥ ﺑﻴﺘﻲ ﺑﻤﻜﺎﻥ ﻭﻛﺪﺍﻣﻲ 3 ﺍﻓﺮﻉ .. ﺍﻭﺻﻞ ﺍﻟﻪ ..
ﻛﻞ ﺍﻻﻓﺮﻉ ﺗﻮﺻﻠﻨﻲ ﺍﺑﻴﺘﻲ . ﻭﻫﺬﺍ ﺣﺎﻝ ﺍﻻﺩﻳﺎﻥ .. ﺍﻟﻜﻞ ﻧﻬﺎﻳﺘﻬﺎ ﺗﻌﺒﺪ ﺍﻟﻠﻪ ﻑ ﻟﻐﺔ ﺍﻟﻄﺎﺋﻔﻪ ﻣﺮﻓﻮﺿﻪ ..
ﻟﻬﺬﺍ ﺍﻻﻧﺴﺎﻥ ﺍﻟﻌﻠﻤﻲ .. ﺭﺍﺡ ﻳﺮﻓﺾ ﺍﺩﻋﺎﺀ ﻛﻞ ﺩﻳﻦ ﺑﺄﻥ ﺍﻟﺠﻨﻪ ﺍﻟﻪ .. ﻭﺑﺘﺎﻟﻲ ﻳﻜﻮﻝ ﻣﺎﻛﻮ ﺩﻳﻦ .. ﻭﻫﺬﺍ ﺧﻄﺄ ﺍﻟﻠﻪ ﻣﺎ ﻓﺮﻕ ﺑﻴﻦ ﺍﻻﻧﺒﻴﺎﺀ ﺍﻭ ﺭﺳﺎﻟﺘﻬﻢ .. ﻭﺫﻛﺮ ﺗﻌﺎﻟﻰ ( ﻗﻞ ﻻ ﻧﻔﺮﻕ ﺑﻴﻦ ﺍﺣﺪ ﻣﻦ ﺭﺳﻠﻪ )
ﻫﺬﺍ ﺟﺎﻧﺐ .. ﺍﻟﺠﺎﻧﺐ ﺍﻻﺧﺮ ﻭﻫﻮ ﺍﻟﺘﻜﻔﻴﺮ .. ﺑﻘﻮﻝ ﺍﻟﺴﻜﻴﺮ ﺑﺎﻟﻨﺎﺭ ﺍﻟﺰﺍﻧﻲ ﺑﺎﻟﻨﺎﺭ ﺍﻟﻴﺴﻤﻊ ﻏﻨﺎﺀ ﺑﺎﻟﻨﺎﺭ ﺍﻟﻤﺎ ﺗﻠﺒﺲ ﺣﺠﺎﺏ ﻭﻛﻞ ﻫﺬﻭﻝ ﻳﻨﻌﺘﻮﻫﻢ ﺏ ﻓﺎﺳﻘﻴﻦ ..
ﻟﻤﺎ ﻳﺠﻲ ﺍﻻﻧﺴﺎﻥ ﺍﻟﻌﻠﻤﻲ .. ﻳﻘﻮﻝ ﺍﻟﺴﻜﻴﺮ ﺍﻭ ﺍﻟﺰﺍﻧﻴﻪ ﺍﻭ ﺍﻟﻴﺴﻤﻊ ﻏﻨﺎﺀ ﻟﻴﺶ ﺑﺎﻟﻨﺎﺭ ﻫﻮ ﻣﺎ ﺍﺫﻯ ﺍﺣﺪ ﺍﺫﻯ ﻧﻔﺴﻪ ﻣﻦ ﺍﻟﻈﻠﻢ ﺍﻥ ﺍﻟﻠﻪ ﻳﺮﻣﻴﻪ ﺑﺎﻟﻨﺎﺭ ﻭﻳﺒﻘﻰ ﻋﺎﻳﺶ ﺑﺎﻟﻨﺎﺭ ..
ﺍﻟﻠﻪ ﺟﻌﻞ ﺍﻟﺤﺮﺍﻡ . ﻋﻘﻮﺑﻪ ﺣﺘﻰ ﺍﻻﻧﺴﺎﻥ ﻻ ﻳﺨﻄﺊ .. ﺍﻟﻠﻪ ﻓﺮﺽ ﺑﺎﻟﻘﺮﺍﻥ ﺍﻟﺤﻼﻝ ﻭﺍﻟﺤﺮﺍﻡ ﻛﻘﺎﻧﻮﻥ ﻭﻋﻘﻮﺑﺎﺕ ..
ﻭﺍﻟﺰﻧﻰ ﻭﺍﻟﺴﻜﺮ ﻭﺳﻤﻊ ﺍﻟﻄﺮﺏ ﺟﻌﻞ ﻋﻠﻴﻬﻢ ﻋﻘﻮﺑﺎﺕ ﻻﺛﺎﺭﻫﺎ ﺍﻟﺴﻠﺒﻴﻪ ﻋﻠﻰ ﺍﻻﻧﺴﺎﻥ .
ﻣﺜﻞ ﺍﻟﻘﺎﻧﻮﻥ ﺍﻟﺒﺸﺮﻱ ﺍﻟﻴﻮﻡ .. ﻳﻤﻨﻊ ﺗﻌﺎﻃﻲ ﺍﻟﻤﺨﺪﺭﺍﺕ .. ﻃﻴﺐ ﺍﻟﻴﺘﻌﺎﻃﻰ ﻣﺄﺫﻱ ﺍﺣﺪ ﻟﻮ ﺩﻳﺄﺫﻱ ﻧﻔﺴﻪ ... ﻟﻬﻴﺞ ﺍﻟﻘﺎﻧﻮﻥ ﺍﻳﻀﺎ ﻣﻨﻊ ﺍﺫﻳﺔ ﺍﻟﻨﻔﺲ ﻭﻓﺮﺽ ﻋﻘﻮﺑﺎﺕ ﻋﻠﻰ ﺍﻟﻤﺘﻌﺎﻃﻲ ﺣﺘﻰ ﻣﺎ ﻳﺆﺫﻱ ﻧﻔﺴﻪ ..
ﻭﻛﺬﻟﻚ ﺳﺎﺋﺮ ﺍﻟﻌﻘﻮﺑﺎﺕ ﻟﻮ ﺍﻻﻧﺴﺎﻥ ﺳﺮﻕ ﺍﻭ ﺍﺭﺗﺸﻰ ﺍﻭ ﺗﻌﺪﻯ ﺍﻟﻘﺎﻧﻮﻥ .. ﻳﺤﻜﻢ ﻋﻠﻴﻪ ﺑﺎﻟﺴﺠﻦ ... ﺗﺨﻠﺺ ﻓﺘﺮﺓ ﻋﻘﻮﺑﺘﻪ ﻭﻳﺨﺮﺝ .. ﺍﻻ ﺍﻟﻘﺘﻞ .. ﻟﻤﺎ ﺗﻘﺘﻞ ﻫﻨﺎ ﺗﻌﺪﻡ ﻭﻻ ﻋﻘﻮﺑﻪ ﻭﻗﺘﻴﻪ ﻟﻪ ..
ﻭﻛﺬﻟﻚ ﺍﻟﻠﻪ .. ﻟﻤﺎ ﺗﻌﺼﻲ ﺑﺎﺣﺪ ﻫﺬﻩ ﺍﻟﻤﻌﺎﺻﻲ .. ﺭﺍﺡ ﻳﻔﺮﺽ ﻋﻠﻴﻚ ﻋﻘﻮﺑﻪ .. ﺗﺨﻠﺺ ﺍﻟﻌﻘﻮﺑﻪ ﻭ ﺗﺪﺧﻞ ﺍﻟﺠﻨﻪ .. ﺍﻻ ﺍﻟﺸﺮﻙ ﺍﻟﻠﻪ ﻣﺎ ﻳﺴﺎﻣﺢ ﻋﻠﻴﻪ ..
ﻭﺍﻟﺪﻟﻴﻞ .. ﺍﻥ ﺍﻟﻠﻪ ﻻ ﻳﻐﻔﺮ ﺍﻥ ﻳﺸﺮﻙ ﺑﻪ ﻭﻳﻐﻔﺮ ﻣﺎ ﺩﻭﻥ ﺫﻟﻚ .. ﻳﻌﻨﻲ ﺍﻟﻤﺴﺄﻟﻪ ﻣﺴﺄﻟﺔ ﻋﻘﻮﺑﺎﺕ ﻻ ﺍﻛﺜﺮ ﻭﻛﻞ ﺍﻧﺴﺎﻥ ﻭﻋﻘﻮﺑﺘﻪ .
ﻭﺍﻟﺪﻳﻦ ﻫﻮ ﺍﺳﺎﺱ ﺍﻟﻘﺎﻧﻮﻥ . ﺳﺎﺑﻘﺎ ﻣﺎ ﻛﺎﻥ ﻗﺎﻧﻮﻥ . ﻑ ﺍﻟﻠﻪ ﻓﺮﺽ ﺍﻟﻘﺎﻧﻮﻥ ﻣﻦ ﺧﻼﻝ ﺍﻟﻜﺘﺐ ﺍﻟﺴﻤﺎﻭﻳﻪ ..
ﻟﺠﻴﻦ -: ﺩﻛﺘﻮﺭﻩ ﺍﻟﻴﻮﻡ ﻟﻮ ﺗﺤﺎﺟﺞ ﺍﻟﻤﻠﺤﺪ ﺭﺍﺡ ﻳﻜﻮﻝ ﺍﻟﺪﻳﻦ ﻛﺬﺏ ﻭﻻ ﻭﺟﻮﺩ ﻟﻠﻪ .. ﻭﺍﻟﻌﺎﻟﻢ ﺻﻨﻊ ﻋﺒﺮ ﺍﻧﻔﺠﺎﺭ ﻋﻈﻴﻢ . ﻭﺍﻥ ﺍﻟﻌﺎﻟﻢ ﻳﺴﺮﻱ ﺣﺴﺐ ﺻﺪﻓﻪ ﻛﻮﻧﻴﻪ ..
- ﺍﻧﻈﺮﻳﻠﻲ ﻋﺰﻳﺰﺗﻲ .. ﺍﻭﻝ ﺷﻲ ﺍﻧﺎﻗﺸﺞ . ﺑﺘﻜﺬﻳﺐ ﺍﻟﺪﻳﻦ .
ﺍﻟﺪﻟﻴﻞ ﻋﻠﻰ ﻭﺟﻮﺩ ﺍﻟﻠﻪ ﻭﺻﺪﻕ ﺍﻟﺪﻳﻦ ﻫﻲ ﺍﻟﻜﺘﺐ ﺍﻟﺴﻤﺎﻭﻳﻪ ﺍﻟﻤﻨﺰﻟﻪ .. ﻭﺑﻤﺎ ﺍﻥ ﺍﺣﻨﻪ ﻣﻔﻜﺮﻳﻦ ﺍﺳﻼﻣﻴﻴﻦ ﻓﻨﺤﺎﺟﺞ ﺑﺎﻟﻘﺮﺍﻥ ..
ﻛﻠﻨﺎ ﻧﻌﺮﻑ ﺍﻥ ﺍﻟﻨﺒﻲ ﻣﺤﻤﺪ ﺹ ﻫﻮ ﺭﺟﻞ ﺑﺴﻴﻂ ﻋﺮﻑ ﺑﻴﻦ ﺍﻫﻠﻪ ﺭﺍﻋﻲ ﻟﻠﻐﻨﻢ ﻻ ﻳﻘﺮﺃ ﻭﻻ ﻳﻜﺘﺐ ﻟﻜﻦ ﻋﺮﻑ ﺑﺼﺪﻗﻪ ﻭﺍﻣﺎﻧﺘﻪ ..
.
ﺍﻟﻤﻌﺠﺰﻩ ﻛﻴﻒ ﻟﺮﺟﻞ ﺑﺴﻴﻂ ﺍﻥ ﻳﺄﺗﻲ ﺑﻜﺘﺎﺏ ﻳﻌﺠﺰ ﻋﻨﻪ ﻋﻠﻤﺎﺀ ﺍﻟﻌﺎﻟﻢ ﺍﺟﻤﻊ .. ﺣﺘﻰ ﻟﻮ ﻛﺎﻥ ﻳﻘﺮﺃ ﻭﻳﻜﺘﺐ ﻑ ﺍﻟﻘﺮﺍﻥ ﻳﺘﻌﺪﻯ ﺍﻟﻌﻠﻢ ﺍﻻﻧﺴﺎﻧﻲ ﺍﻟﺒﺴﻴﻂ ..
ﺑﻘﻮﻟﻪ ﺗﻌﺎﻟﻰ ( ﻭﺍﻟﺴﻤﺎﺀ ﺑﻨﻴﻨﺎﻫﺎ ﺑﺄﻳﺪ ﻭﺍﻧﺎ ﻟﻤﻮﺳﻌﻮﻥ )
ﻭﺍﻟﻌﻠﻢ ﺍﻟﺤﺪﻳﺚ ﺍﺛﺒﺖ ﺍﻟﻴﻮﻡ ﺍﻥ ﺍﻟﺴﻤﺎﺀ ﻓﻲ ﺗﻮﺳﻊ .. ﻛﻞ 100 ﻋﺎﻡ ﺗﺘﻮﺳﻊ ﻛﺬﺍ ﻧﺴﺒﻪ . ﻓﻬﻞ ﺍﻟﺮﺳﻮﻝ ﻗﺎﺩﺭ ﻋﻠﻰ ﻗﻴﺎﺱ ﻣﻘﺪﺍﺭ ﺍﻟﺴﻤﺎﺀ ﻫﻞ ﻳﻤﻠﻚ ﺗﻠﻴﺴﻜﻮﺏ ﺍﻡ ﺍﻻﺕ ﺗﺼﻮﻳﺮ ﻓﻠﻜﻴﻪ .. ؟
ﻛﻴﻒ ﻟﺮﺟﻞ ﻳﻌﻴﺶ ﻓﻲ ﺯﻣﻦ ﺳﺎﺩ ﻓﻴﻪ ﺍﻟﺠﻬﻞ ﺑﺎﻟﺤﺼﻮﻝ ﻋﻠﻰ ﻫﻜﺬﺍ ﻣﻌﻠﻮﻣﻪ .. ﺍﻟﻴﺲ ﺍﻟﺬﻱ ﺧﻠﻖ ﺍﻟﺴﻤﺎﺀ ﻫﻮ ﻣﻦ ﺍﺧﺒﺮ ﺭﺳﻮﻟﻪ ؟ !
ﻗﺎﻝ ﺗﻌﺎﻟﻰ ( ﻭﺟﻌﻠﻨﺎ ﺍﻟﺴﻤﺎﺀ ﺳﻘﻔﺎ ﻣﺤﻔﻮﻇﺎ )
ﻭﻋﺼﺮﻧﺎ ﺍﻟﺤﺪﻳﺚ ﺍﺛﺒﺖ ﻫﺬﺍ ﺑﺎﻟﻐﻼﻑ ﺍﻟﺠﻮﻱ .. ﺍﻟﻠﻲ ﺗﺤﻔﻆ ﺍﻻﺭﺽ ﻣﻦ ﺍﻟﻨﻴﺎﺯﻙ ﻭﻣﻦ ﺍﺷﻌﺔ ﺍﻟﺸﻤﺲ ﺍﻟﻀﺎﺭﻩ
ﻓﻤﻦ ﻭﻳﻦ ﻟﻠﺮﺳﻮﻝ ﺍﻥ ﻳﻌﺮﻑ ﺑﻬﺬﻩ ﺍﻟﻤﻌﻠﻮﻣﻪ ؟ !
ﻗﺎﻝ ﺗﻌﺎﻟﻰ ( ﻭﺍﻟﻘﻰ ﻓﻲ ﺍﻻﺭﺽ ﺭﻭﺍﺳﻲ ﺍﻥ ﺗﻤﻴﺪ ﺑﻜﻢ )
ﻭﺍﺛﺒﺖ ﺍﻟﻌﺎﻟﻢ ﺍﻟﺒﺎﻳﻠﻮﺟﻲ ﺍﻥ ﻟﻮﻻ ﺍﻟﺠﺒﺎﻝ ﻟﻨﺸﻘﺖ ﺍﻻﺭﺽ ﺍﻟﻰ ﺍﻭﺻﺎﻝ .. ﻭﻟﻜﺎﻧﺖ ﻛﻮﺍﺭﺙ ﺑﺰﻻﺯﻝ ﻛﺒﻴﺮﻩ
ﻓﻬﻞ ﻛﺎﻥ ﺍﻟﺮﺳﻮﻝ ﻋﺎﻟﻢ ﺑﺎﻳﻠﻮﺟﻲ ﺣﺘﻰ ﻳﻌﻠﻢ ﺑﻬﺬﻩ ﺍﻟﻌﻠﻮﻣﻪ .. ﻓﻲ ﺯﻣﻦ ﺳﺎﺩ ﻓﻴﻪ ﺍﻟﺠﻬﻞ
ﻗﺎﻝ ﺗﻌﺎﻟﻰ ( ﻣﺮﺝ ﺍﻟﺒﺤﺮﻳﻦ ﻳﻠﺘﻘﻴﺎﻥ ﺑﻴﻨﻬﻤﺎ ﺑﺮﺯﺥ ﻻ ﻳﺒﻐﻴﺎﻥ )
ﻭﺍﺛﺒﺘﻮ ﻫﺬﺍ ﺍﻟﺒﺤﺮ ﺍﻟﻴﻮﻡ ﻓﻤﻦ ﺍﺧﺒﺮ ﻣﺤﻤﺪ ﺑﻬﺬﻩ ﺍﻟﻤﻌﻠﻮﻣﻪ ﻗﺒﻞ 1400 ﺳﻨﻪ ﺍﻟﻴﺲ ﺍﻟﺨﺎﻟﻖ ﻫﻮ ﺍﻟﻌﺎﻟﻢ ﺑﻤﺎ ﺧﻠﻖ ﻓﺎﺧﺒﺮ ﻫﺬﻩ ﺍﻟﻤﻌﻠﻮﻣﺎﺕ ﺍﻟﻤﺴﺘﺤﻴﻠﻪ ﻟﻨﺒﻴﻪ ﺍﻟﻜﺮﻳﻢ
ﻭﻛﺜﻴﻴﻴﻴﺮ ﻣﻦ ﺍﻻﻋﺠﺰﺍﺕ ﻓﻲ ﺍﻟﻘﺮﺍﻥ ﻓﻴﻬﺎ ﺍﻟﻠﻲ ﺍﻛﺘﺸﻔﻬﺎ ﺍﻟﻌﻠﻢ ﺍﻟﻴﻮﻡ ﻭﻓﻴﻬﺎ ﺍﻟﻠﻲ ﻟﻼﻥ ﻣﺎ ﻣﻜﺘﺸﻔﻪ ..
ﻧﺄﺗﻲ ﻋﻠﻰ ﺗﻨﻈﻴﻢ ﺍﻟﻜﻮﺍﻛﺐ ﻭﺍﻟﺸﻤﺲ ﻭﺍﻟﻘﻤﺮ ﻭﺍﻟﻠﻴﻞ ﻭﺍﻟﻨﻬﺎﺭ . ﺗﺴﺄﻟﻪ ﻛﻴﻒ ﺗﻀﻬﺮ ﺍﻟﺸﻤﺲ ﻳﻮﻣﻴﺎ
ﻳﻘﻮﻟﻚ ﺻﺪﻓﻪ .. ﻓﻬﻞ ﻣﻦ ﺍﻟﻤﻤﻜﻦ ﺍﻥ ﺍﻟﻌﻘﻞ ﻳﺼﺪﻕ ﺍﻟﺸﻤﺲ ﻳﻮﻣﻴﺎ ﺗﻀﻬﺮ ﺻﺪﻓﻪ ؟ !
ﻣﻔﻬﻮﻡ ﺍﻟﺼﺪﻓﻪ ﺍﻧﻲ ﺍﻟﺘﻘﻴﻚ ﻓﻲ ﻳﻮﻡ ﻣﻦ ﺍﻻﻳﺎﻡ ﺑﻤﻜﺎﻥ ﻟﻜﻦ ﻋﻠﻰ ﻣﺪﺍﺭ ﺳﻨﻪ ﻟﻮ ﻳﻮﻣﻴﻪ ﺍﻟﺘﻘﻴﻚ ﺑﻬﺬﺍ ﺍﻟﻤﻜﺎﻥ .. ﻓﻬﺬﺍ ﻣﻮﻋﺪ ﻣﻨﻈﻢ ﻟﻪ ﻭﻟﻴﺲ ﻟﻘﺎﺀ ﺑﺎﻟﺼﺪﻓﻪ ..
ﺍﻥ ﺍﻟﺸﻤﺲ ﻳﻮﻣﻴﺎ ﺗﺨﺮﺝ ﺑﻮﻗﺖ ﻣﻀﺒﻮﻁ ﻭﻣﻦ ﺟﻬﻪ ﻣﻌﻴﻨﻪ ﻏﻴﺮ ﻗﺎﺑﻠﻪ ﻟﻠﺘﻐﻴﻴﺮ ﻋﻠﻰ ﻣﺪﺍﺭ 14 ﻣﻠﻴﺎﺭ ﺳﻨﻪ ﻻﺑﺪ ﺍﻛﻮ ﻣﻨﻈﻢ ﻟﺨﺮﻭﺟﻬﺎ ..
ﻟﻮ ﺳﺄﻟﺖ ﺍﻟﻤﻠﺤﺪ .. ﺍﻥ ﻳﺎ ﻓﻼﻥ ﺍﻟﻴﻮﻡ ﻟﻮ ﻓﺘﺤﺖ ﺷﺮﻛﻪ ﻭﺧﻠﻴﺖ ﺑﻴﻬﺎ ﻣﻮﺿﻔﻴﻦ ﻭﻋﻤﺎﻝ ﻭﻣﺎ ﺧﻠﻴﺖ ﻋﻠﻴﻬﻢ ﻣﺪﻳﺮ ..
ﻫﻞ ﺗﻨﺠﺢ ﺍﻟﺸﺮﻛﻪ ؟ ! ﻫﻞ ﺗﺼﺢ .. ﺭﺍﺡ ﻳﻜﻮﻟﻚ ﻻ ﻻﺯﻡ ﺍﻛﻮ ﻣﺪﻳﺮ ﻳﻨﻈﻤﻬﻢ ﻭﻳﺤﺎﺳﺒﻬﻢ .. ﻭﺍﻻ ﺗﻔﺸﻞ
ﻃﻴﺐ ﺷﺮﻛﻪ ﺻﻐﻴﺮﻩ ﻣﺎ ﺗﻨﺠﺢ ﺍﻻ ﺑﻤﺪﻳﺮ ﻛﻴﻒ ﻟﻠﻜﻮﻥ ﺍﻟﻌﻈﻴﻢ ﺍﻥ ﻳﺴﻴﺮ ﺑﻼ ﻣﻨﻈﻢ .. ؟ !
ﺍﻟﻴﻮﻡ ﻟﻮ ﺟﺒﺖ ﺍﻟﻪ ﺗﻠﻔﺰﻳﻮﻥ ﻣﺜﻼ .. ﻭﺗﻜﻮﻝ ﻟﻠﻤﻠﺤﺪ ﺍﻥ ﻫﺬﺍ ﺍﻟﺘﻠﻔﺰﻳﻮﻥ ﻫﻮ ﺍﻧﺼﻨﻊ ﻭﺣﺪﻩ .. ﻭﻫﻮ ﻧﻈﻢ ﺍﻟﺼﻮﺕ ﻭﺍﻟﺼﻮﺭﻩ ﻭﺍﻟﺸﺎﺷﻪ ﺑﺪﻭﻥ ﺻﺎﻧﻊ ﺍ .. ﻧﻮﺟﺪ ﻭﺣﺪﻩ .
ﻣﺮﺍﺡ ﻳﺼﺪﻕ .. ﺭﺍﺡ ﻳﻜﻮﻟﻚ ﻣﺴﺘﺤﻴﻞ ﻻﺑﺪ ﺍﻥ ﺍﻟﻬﺎ ﺻﺎﻧﻊ ﻣﺎﻓﻲ ﺷﻲ ﻳﺄﺗﻲ ﻣﻦ ﺍﻟﻌﺪﻡ .. ﻓﻜﻴﻒ ﺑﺎﻟﻜﻮﻥ ﺍﻟﻌﻈﻴﻢ
.
ﻫﻞ ﻳﺼﺪﻕ ﺍﻥ ﺍﻟﺘﻠﻔﺰﻳﻮﻥ ﻻﺑﺪ ﺍﻟﻪ ﺻﺎﻧﻊ ﻭﺍﻟﻜﻮﻥ ﻫﺬﺍ ﺧﻠﻖ ﻣﻦ ﺩﻭﻥ ﺧﺎﻟﻖ .. ﻫﻞ ﺍﻟﻌﻘﻞ ﻳﺼﺪﻕ ﻫﺬﺍ ؟ !
ﻧﺠﻲ ﻋﻠﻰ ﺍﻻﻧﻔﺠﺎﺭ ﺍﻟﻌﻈﻴﻢ ﺣﺴﺐ ﻧﻈﺮﻳﺔ ﺍﻟﻌﺎﻟﻢ ﺩﺍﺭﻭﻥ . ﺍﻥ ﺍﻻﺭﺽ ﻭﺍﻟﻜﻮﺍﻛﺐ ﻭﺍﻟﻌﺎﻟﻢ ﻧﺸﺊ ﻣﻦ ﺧﻼﻝ ﺍﻧﻔﺠﺎﺭ ﺣﺪﺙ ﻗﺒﻞ ﺍﻛﺜﺮ ﻣﻦ 14 ﻣﻠﻴﺎﺭ ﺳﻨﻪ ..
ﺧﻞ ﻧﺠﻲ ﻣﻌﺎﻫﻢ ﻭﻧﻜﻮﻝ ﺍﻭﻙ ﺍﻧﻔﺠﺎﺭ .. ﺍﻟﺴﺆﺍﻝ ﻫﻞ ﻳﺤﺪﺙ ﺍﻧﻔﺠﺎﺭ ﻣﻦ ﺍﻟﻌﺪﻡ ؟ ! ﻻﺑﺪ ﻓﻲ ﺍﺷﻴﺎﺀ ﻗﺒﻞ ﺍﻻﻧﻔﺠﺎﺭ ﻧﺠﻤﺖ ﻋﻦ ﻫﺬﺍ ﺍﻻﻧﻔﺠﺎﺭ ﻣﻮ ..
ﺷﻨﻮ ﺍﻟﻠﻲ ﻛﺎﻥ ﻗﺒﻞ ﺍﻻﻧﻔﺠﺎﺭ ؟ ! ﺭﺍﺡ ﻳﻜﻮﻟﻮﻥ ﻣﺎ ﻧﻌﻠﻢ . ﻣﻦ ﺍﻭﺟﺪ ﺍﻟﺬﺭﻩ ﻻ ﻧﻌﻠﻢ .. ﻭﻻ ﺭﺍﺡ ﻳﻌﻠﻤﻮﻥ .. ﻻﻥ ﺍﻟﺠﻮﺍﺏ ﻓﻘﻂ ﻋﻨﺪ ﺍﻟﻠﻪ .. ﻫﻮ ﻣﻦ ﺧﻠﻖ ﺍﻟﺬﺭﻩ
ﻭﻫﻨﺎ ﺭﺍﺡ ﺗﺨﻠﺺ ﺣﺠﺠﻬﻢ ﻑ ﺍﺧﺮ ﺷﻲ ﻳﺤﺎﺟﺠﻚ ﺑﻴﻪ .. ﻫﻮ ﺍﻧﻄﻴﻨﻲ ﺩﻟﻴﻞ ﻣﻠﻤﻮﺱ ﻋﻠﻰ ﻭﺟﻮﺩ ﺍﻟﻠﻪ ..
ﻭﻫﺬﺍ ﺷﻲ ﻻ ﻳﻤﻜﻦ ﺍﺛﺒﺎﺗﻪ .. ﺍﻟﺮﺏ ﺗﺸﻌﺮ ﺑﻴﻪ ﻟﻜﻦ ﻣﺘﺸﻮﻓﻪ .. ﻣﺜﺎﻝ ﺍﻻﻟﻢ .. ﻫﻞ ﻳﻮﺟﺪ ﻋﻠﻢ .. ﺷﺨﺺ ﺍﻻﻟﻢ ﺍﻭ ﻣﺴﻜﻪ ﺍﻭ ﺭﺃﻩ .. ؟
ﺍﻻﻟﻢ ﻗﻮﻩ ﺧﻔﻴﻪ ﺗﺠﺒﺮ ﺍﻻﻧﺴﺎﻥ ﺑﺎﻻﻋﺘﺮﺍﻑ ﺑﻪ ﻣﻦ ﺧﻼﻝ ﺍﻟﺸﻌﻮﺭ ﻓﻴﻪ .. ﻟﻜﻦ ﻻ ﻳﻮﺟﺪ ﺭﺅﻳﻪ ﻣﺠﺴﻤﻪ ﻟﻪ ﺍﺑﺪﺍ ﺍﺛﺒﺘﻪ ﺍﻟﻌﻠﻢ ﻋﻦ ﻃﺮﻳﻖ ﺍﻟﺸﻌﻮﺭ ..
ﻭﻛﺬﻟﻚ ﺍﻟﻠﻪ ﻫﻮ ﻗﻮﻩ ﺧﻔﻴﻪ ﺗﻨﺠﺒﺮ ﻋﻠﻰ ﺍﻻﻋﺘﺮﺍﻑ ﻓﻴﻪ ﻣﻦ ﺧﻼﻝ ﺍﻟﺘﻨﻈﻴﻢ ﺍﻟﺪﻗﻴﻖ ﺍﻟﻜﻮﻧﻲ ﻭﺍﻟﻤﻌﺠﺰﺍﺕ ﻭﺍﻟﻔﻄﺮﻩ ﺍﻟﺘﻲ ﻓﻄﺮ ﺍﻟﻨﺎﺱ ﻋﻠﻴﻬﺎ ..
- ﺍﺣﺴﻨﺘﻲ .. ﺍﺍ ﺳﺖ ﺯﻳﻨﻪ ﻛﻴﻒ ﻧﺤﺼﻦ ﻋﻮﺍﺋﻠﻨﻪ ﻣﻦ ﻫﺬﻩ ﺍﻻﻓﻜﺎﺭ ؟ ﻭﻣﺎ ﺍﻟﻄﺮﻳﻘﻪ
- ﻣﻦ ﺧﻼﻝ ﺍﻟﺮﺟﻮﻉ ﺍﻟﻰ ﺍﻟﻠﻪ .. ﻭﺍﻟﺘﺮﺑﻴﻪ ﺍﻻﺳﻼﻣﻴﻪ ﺍﻟﺼﺤﻴﺤﻪ ... ﻟﻼﺳﻒ ﺍﻟﻨﺎﺱ ﺗﻌﺘﺮﻑ ﺑﺎﻟﻌﻴﺐ ﻭﻻ ﺗﻌﺘﺮﻑ ﺑﺎﻟﺤﻼﻝ ﻭﺍﻟﺤﺮﺍﻡ ﻫﺬﺍ ﺧﻄﺄ ﻓﺎﺩﺡ ..
ﻻﺯﻡ ﻧﺮﺑﻲ ﺍﻃﻔﺎﻟﻨﺎ ﻣﻦ ﻫﻢ ﻭﺻﻐﺎﺭ .. ﻋﻠﻰ ﺗﻌﺎﻟﻴﻢ ﺍﻟﻠﻪ .. ﻟﻮ ﺍﺧﻄﺄ ﺍﻟﻄﻔﻞ .. ﻻ ﻳﺼﺢ ﺍﻥ ﺗﻨﺎﺩﻳﻪ ﺑﻌﻴﻴﺐ ..
ﻻﻥ ﺍﻟﻌﻴﺐ ﻫﻮ ﺧﻮﻑ ﺍﻟﻨﺎﺱ ﻭﺍﻟﺤﺮﺍﻡ ﺧﻮﻑ ﺍﻟﻠﻪ .. ﻭﺍﻟﻠﻪ ﻳﺬﻛﺮ ﻫﺬﺍ ﺍﻟﺸﻲ ﺑﺎﻟﻘﺮﺍﻥ .. ﺑﻘﻮﻟﻪ ( ﻭﺗﺨﺸﻰ ﺍﻟﻨﺎﺱ ﻭﺍﻟﻠﻪ ﺍﺣﻖ ﺍﻥ ﺗﺨﺸﺎﻩ )
ﻻﺯﻡ ﻣﻦ ﺍﻟﺼﻐﺮ ﺗﻮﺛﻖ ﺍﻟﻌﻼﻗﻪ ﻣﺎ ﺑﻴﻦ ﺍﻟﻄﻔﻞ ﻭ ﻭﺭﺑﻪ . ﻻﺯﻡ ﺗﻜﻮﻟﻪ ﻟﻮ ﻣﺎ ﻛﺬﺑﺖ ﺍﻟﻠﻪ ﺭﺍﺡ ﻳﻌﻄﻴﻚ ﺑﻴﺖ ﻛﺒﻴﺮ ﺍﻟﻚ ﺍﻟﻌﺎﺏ ﻛﺜﻴﺮﻩ ﻟﻮ ﺳﺎﻋﺪﺕ ﻓﻘﻴﺮ ﻛﺬﺍ ﻳﻌﻄﻴﻚ ..
ﺍﻱ ﻳﻌﻨﻲ ﺭﺳﻢ ﺻﻮﺭﻩ ﺟﻤﻴﻠﻪ ﻟﻠﻪ ﺑﻌﻘﻞ ﺍﻟﻄﻔﻞ .. ﻟﺤﺘﻰ ﻳﺤﺐ ﺭﺑﻪ ... ﻭﺍﻟﺤﺐ ﺍﻭﻝ ﺑﺪﺍﻳﺎﺕ ﺍﻻﻳﻤﺎﻥ ..
ﻟﻮ ﺍﺧﻄﺄ ﺍﻟﻄﻔﻞ ﺧﺒﺮﻩ ﺍﻥ ﻫﺬﻩ ﺍﻟﻔﻌﻞ ﺣﺮﺍﻡ ﻭﺍﻟﻠﻪ ﺣﻴﺰﻋﻞ ﻋﻠﻴﻚ ﻟﻮ ﻓﻌﻠﺖ ﻫﻴﺞ ﺷﻲ .. ﻟﻜﻦ ﻟﻮ ﻗﻠﺖ ﻋﻴﺐ ﻫﺬﺍ ﻣﺼﻴﺒﻪ
ﻳﺎ ﺍﻣﻬﺎﺕ ﻳﺎ ﺧﻮﺍﺕ ﺍﺑﺘﻌﺪﻭﺍ ﻋﻦ ﻛﻠﻤﺔ ﺍﻟﻌﻴﺐ .. ﻃﺒﻌﺎ ﺍﺧﺎﻃﺐ ﺍﻟﻤﺮﺃﻩ ﻻﻥ ﻫﻲ ﺳﺒﺐ ﺗﺮﺑﻴﺔ ﺍﻟﻄﻔﻞ .
ﺍﺑﻦ ﻧﻮﺡ ﻃﻠﻊ ﻋﺎﺻﻲ ﺑﺎﻟﺮﻏﻢ ﺍﺑﻮﻩ ﻧﺒﻲ ﻟﻜﻦ ﻻﻥ ﺍﻣﻪ ﻛﺎﻧﺖ ﻛﺎﻓﺮﻩ ﻓﺘﺒﻊ ﺗﺮﺑﻴﺔ ﺍﻣﻪ ..
ﺍﻣﺎ ﺍﻟﻤﺴﻴﺢ ﻓﻜﺎﻥ ﺭﺟﻞ ﻋﻈﻴﻢ .. ﻻﻥ ﻭﺍﻟﺪﺗﻪ ﻛﺎﻧﺖ ﺍﻣﺮﺃﺓ ﻋﻈﻴﻤﻪ .
ﻑ ﺍﻻﻡ ﻫﻲ ﺍﻻﺳﺎﺱ .. ﻟﻤﺎ ﺗﻘﻮﻟﻴﻦ ﻟﺒﻨﺘﺞ ﺍﻭ ﺍﺑﻨﺞ ﻋﻴﺐ .. ﻫﻨﺎ ﺍﻧﺘﻲ ﺩﻛﻮﻟﻴﻠﻪ ﻣﺎﻣﺎ ﺍﻧﺖ ﺍﺳﺮﻕ ﻭ ﺍﺯﻧﻲ ﻭﺳﻮﻱ ﻛﻮﻟﺸﻲ ﻳﻌﺠﺒﻚ ﺑﺲ ﻣﻮ ﻛﺪﺍﻡ ﺍﻟﻨﺎﺱ ﻻﻥ ﻋﻴﺐ ..
ﻻﻥ ﺍﻟﻨﺎﺱ ﻻ ﺗﻮﺟﺪ ﺑﺨﻠﻮﺓ ﺍﻟﺸﺎﺏ .. ﻓﻴﻤﻜﻨﻪ ﻣﻤﺎﺭﺳﺔ ﺍﻟﺮﺫﻳﻠﻪ ﺑﺎﻟﺨﻔﺎﺀ .. ﻟﻜﻦ ﻟﻮ ﻛﻠﺘﻴﻠﻪ ﺣﺮﺍﻡ .. ﻫﻨﺎ ﺭﺍﺡ ﻳﻔﻜﺮ ﺍﻥ ﺍﻟﻠﻪ ﻳﺸﻮﻓﻪ ﻭﺭﺍﺡ ﻳﺘﻌﻮﺩ ﻣﻦ ﻫﻮ ﻭﺻﻐﻴﺮ ﻳﺨﺎﻑ ﺍﻟﻠﻪ .
.
ﻓﻴﻜﺒﺮ ﻋﻠﻰ ﺍﻻﻳﻤﺎﻥ ... ﻭﻣﻦ ﺷﺐ ﻋﻠﻰ ﺷﻲ ﺷﺎﺏ ﻋﻠﻴﻪ
ﻭﻻ ﻳﻤﻜﻦ ﻟﻠﻤﻠﺤﺪﻳﻦ ﻫﺰ ﺍﻳﻤﺎﻧﻪ ﻻﻧﻪ ﻣﺪﻋﻮﻡ ﺑﻔﻜﺮ ﺻﺤﻴﺢ ﻣﻨﺬ ﺍﻟﺼﻐﺮ ..
ﻟﺠﻴﻦ -: ﺍﺣﺴﻨﺘﻲ ﺍﺳﺘﺎﺫﻩ ﺷﺎﻛﺮﻩ ﻭﺟﻮﺩﺝ ﻣﻌﺎﻧﺎ ﺍﻟﻴﻮﻡ .......
ﻧﻬﻴﺖ ﺍﻟﺒﺮﻧﺎﻣﺞ ﺑﻌﺪ ﺍﻟﻤﻨﺎﻗﺸﺎﺕ ﻭﺍﻟﺘﻘﺎﺭﻳﺮ ﻭﺭﺃﻱ ﺍﻟﺸﺎﺭﻉ ﺑﻬﺬﺍ ﺍﻟﻤﻮﺿﻮﻉ ﻭﺗﺤﻠﻴﻞ ﻛﻞ ﺍﻧﺴﺎﻥ ﺣﻮﻝ ﻫﺬﺍ ﺍﻟﻤﻮﺿﻮﻉ ﻟﻼﻃﻠﻊ ﻋﻠﻰ ﻣﺪﻯ ﺳﻌﺔ ﻓﻜﺮ ﺍﻟﻤﻮﺍﻃﻦ ﺍﻟﻌﺮﺍﻗﻲ .
ﻛﻤﻠﺖ ﺍﻟﺒﺮﻧﺎﻣﺞ ﻭﺭﺟﻌﺖ ﻟﻠﺒﻴﺖ .. ﺩﺍ ﺍﺭﻳﺪ ﺍﻓﺘﺢ ﺍﻟﺸﻘﻪ ﺍﻧﻔﺘﺤﺖ .. ﻋﺮﻓﺖ ﻣﺎﻟﻚ ﺟﻮﻩ .. ﻃﺒﻴﺖ .. ﺩﺍ ﺍﺭﻳﺪ ﺍﺳﺪ ﺍﻟﺒﺎﺏ ﺷﻤﻌﺖ ﺻﻮﺗﻪ ﻫﻮ ﻭﺍﻳﻬﺎﺏ ﺑﺎﻟﺼﺎﻟﻪ ﻳﺤﺠﻮﻥ ..
ﺍﻳﻬﺎﺏ -: ﻭﻫﻲ ﻣﻨﻴﻦ ﻋﺮﻓﺖ ﺑﺴﺎﻟﻔﺔ ﺍﻟﻠﻮﺍﺀ ﺍﻟﻠﻲ ﺟﻮﻩ ﺍﻟﺒﺎﻧﻴﻮ
ﻣﺎﻟﻚ -: ﻣﺎ ﺍﻋﺮﻑ ﻫﺬﺍ ﺍﻟﻠﻲ ﻣﺤﺘﺎﺍﺭ ﺑﻲ .. ﺩﻛﻮﻝ ﺣﻠﻢ ﺑﺲ ﻣﺪﺍ ﺍﺻﺪﻙ ﺣﻠﻢ .. ﺍﻛﻴﺪ ﺗﻌﺮﻑ ﺷﻲ ..
- ﻫﻲ ﺍﻃﻠﻌﺖ ﻋﻠﻰ ﺍﻻﻭﺭﺍﻕ ﺍﻟﻠﻲ ﺑﺎﻟﺨﺰﻧﻪ ﻫﻤﻮ
- ﺍﻱ ﻧﺎﺩﻳﻪ ﺍﻟﻜﻠﺒﻪ ﻣﺪﻟﺘﻬﺎ ﺍﻛﻴﺪ ﺍﻃﻠﻌﺖ ﻋﻠﻰ ﺍﻻﻭﺭﺍﻕ . ﺑﺲ ﺷﻐﻠﺔ ﻣﻌﺮﻓﺔ ﺍﻥ ﺍﺣﻨﻪ ﺩﻓﻨﺎﻩ ﺑﺎﻟﺒﺎﻧﻴﻮ ﻣﺎ ﻣﻮﺟﻮﺩﻩ ﺑﺎﻻﻭﺭﺍﻕ .
ﺑﺲ ﺍﻧﻲ ﻭﺍﻧﺘﻪ ﻧﻌﺮﻑ ﻫﺬﺍ ﺍﻟﺸﻲ ..
ﻟﺠﻴﻦ -: ﺑﻘﻴﺖ ﻣﺘﺼﻨﻤﻪ ﺑﻤﻜﺎﻧﻲ ﻭﺍﻧﻲ ﺍﺳﻤﻊ
ﺍﻳﻬﺎﺏ -: ﺯﻳﻦ ﺍﻗﺘﻠﻬﺎ
ﻣﺎﻟﻚ -: ﺗﺤﺠﻲ ﺻﺪﻙ ﺍﻧﺖ ﻣﺎ ﺍﻛﺪﺭ
- ﻣﺎﻟﻚ ﺷﻨﻮ ﻗﺼﺘﻚ .. ﻫﺬﺍ ﻣﻮ ﺍﺗﻔﺎﻗﻨﺎ ﻛﻞ ﺑﻨﻴﻪ ﻧﺎﺧﺬﻩ ﻉ ﺍﻟﺤﺐ .. ﻧﺰﺣﻠﻜﻬﺎ ﻟﻄﺮﻳﻘﻨﻪ .. ﺍﻧﻄﻴﻬﺎ ﻟﺠﻤﺎﻋﺘﻨﺎ ﺧﻞ ﻳﺘﺼﺮﻓﻮﻥ ﻭﻳﺎﻩ ﻭﺗﺼﻴﺮ ﺣﺎﻟﻬﺎ ﺣﺎﻝ ﺍﻟﺒﻨﺎﺕ .
ﻣﺎ ﺷﺒﻌﺖ ﻣﻨﻬﺎ ﺻﺎﺭ 3 ﺍﺷﻬﺮ ﻣﺘﺰﻭﺟﻴﻦ .
ﻣﺎﻟﻚ -: ﺍﻳﻬﺎﺏ ﻣﺎ ﺍﻛﺪﺭ ﺍﺣﺒﻬﺎ ﻣﻮ ﺑﻴﺪﻱ .. ﻭﺻﺮﺍﺣﻪ ﺭﺍﻳﺪ ﺍﺧﻠﺺ ﻣﻦ ﻛﻞ ﻫﺸﻐﻞ . ﺍﺭﻳﺪ ﺍﻋﻴﺶ ﺣﻴﺎﺗﻲ ﻭﻳﺎﻫﺎ ﺑﺮﺍﺣﻪ
- ﺍﻛﻠﻚ ﻫﺎﻱ ﺳﺤﺮﺗﻚ ﻟﻮ ﺷﻠﻮﻥ ﺗﻌﺮﻑ ﻃﺮﻳﻘﻨﺎ ﻣﺎ ﺑﻲ ﺭﺟﻌﻪ ﺗﻨﺴﺤﺐ ﺷﻨﻮ ﺗﻨﻘﺘﻞ ﻓﻮﺭﺍ ﻓﻜﺮ ﻋﺪﻝ ﻣﺎﻟﻚ
- ﺍﻋﺮﻑ ﺍﻋﺮﻑ .. ﻫﻮ ﻫﺬﺍ ﺍﻟﺸﺎﻏﻠﻨﻲ ﺍﺣﺲ ﻧﻔﺴﻲ ﺩﺧﻠﺖ ﺑﺒﺮﻛﺔ ﺭﻣﻞ ﻣﺘﺤﺮﻙ ﻭﻏﻄﺴﺖ ﻻ ﻛﺎﺩﺭ ﺍﻃﻠﻊ ﻭﻻ ﻛﺎﺩﺭ ﺍﺑﻘﻰ .
- ﻭﺍﻧﺖ ﺷﻨﻮ ﺍﻟﻤﻀﺎﻳﻘﻚ ﻣﻦ ﺷﻐﻠﻨﺎ ﺍﻟﺪﻧﻴﺎ ﻛﻠﻬﺎ ﺟﻮ ﺍﻳﺪﻧﺎ
- ﺍﻳﻬﺎﺏ ﻋﻤﺮﻱ ﺭﺍﺡ ﻳﺪﺧﻞ ﺍﻝ 40 ﻭﺍﻧﻲ ﻣﺎ ﻣﺴﺘﻘﺮ .. ﺍﻣﻠﻚ ﻛﻠﺸﻲ ﺑﺲ ﻣﺎ ﺍﻣﻠﻚ ﺭﺍﺣﺔ ﺍﻟﺒﺎﻝ .. ﻭﺷﻐﻠﻪ ﺛﺎﻧﻴﻪ ﻟﺠﻴﻦ ﺣﺎﻣﻞ
- ﺍﻧﺖ ﻣﺨﺒﻞ ﺷﻨﻮ ﺣﺎﻣﻞ ﻣﺎﻟﻚ .. ﻣﺎ ﻧﺰﻟﺖ ﺍﻟﻄﻔﻞ .
- ﻣﺎ ﻗﺒﻠﺖ .. ﻭﺑﻴﻨﻲ ﻭﺑﻴﻚ ﺑﻨﻔﺴﻲ ﺍﻛﻮﻥ ﻋﺎﺋﻠﻪ ﻭﺍﺑﺘﻌﺪ ﻣﻦ ﻛﻞ ﻫﺬﺍ ﻣﻠﻴﺖ ﻣﻦ ﻫﻠﻮﺳﻂ ﻫﺬﺍ ﻣﺎﻛﻮ ﺭﺍﺣﻪ ﺍﻳﻬﺎﺏ ﻣﺎﻛﻮ ﺭﺍﺣﻪ .
ﺍﻟﻄﻔﻞ ﻣﺎ ﻭﻛﻊ .. ﺍﻓﻜﺮ ﺍﺧﺬ ﻟﺠﻴﻦ ﻭﺍﺷﺮﺩ ﺑﻴﻬﻢ ﺑﻌﻴﺪ ﻋﻦ ﺍﻟﻌﺮﺍﻕ .
- ﺍﻧﺖ ﺗﺨﺒﻠﺖ .
- ﻻ ﻣﺎ ﺗﺨﺒﻠﺖ ﺑﺲ ﻣﻮ ﺑﻴﺪﻱ ﺍﻳﻬﺎﺏ ﺍﻓﻬﻤﻨﻲ ﻟﺠﻴﻦ ﻣﺎ ﺍﻛﺪﺭ ﺍﺫﻳﻬﺎ ﻭﻻ ﺍﻛﺪﺭ ﺍﻧﻄﻴﻬﺎ ﻟﺘﻮﻓﻴﻖ ﻭﺍﺷﻤﺮﻫﺎ ﺣﺎﻟﻬﺎ ﺣﺎﻝ ﺍﻟﺒﻨﺎﺕ ..
ﺍﻧﻲ ﻋﺎﻳﺶ ﺑﺄﺯﻣﻪ ﻧﻔﺴﻴﻪ .. ﻣﺎ ﺍﻋﺮﻑ ﺷﻠﻮﻥ ﺍﺧﺬﻫﻢ ﻭﺍﻧﻬﺰﻡ .. ﺳﺎﻣﻲ ﻣﺎ ﺭﺍﺡ ﻳﺘﺮﻛﻨﺎ ﺑﺤﺎﻟﻨﻪ ..
- ﺍﻛﻮﻝ ﺍﺗﺮﻙ ﻣﻨﻚ ﻫﻠﺘﻔﻜﻴﺮ ﻭﺧﻠﻒ ﻣﻨﻬﺎ ﺍﻟﻄﻔﻞ ﻭﻧﺎﺧﺬﻩ ﻧﺴﺘﻔﻴﺪ ﺑﻲ ﻭﻫﻲ ﺍﺷﻤﺮﻫﺎ ﻣﻨﻚ ﻟﺬﺍﻙ ﺍﻟﻮﻗﺖ ﺍﻧﺖ ﺷﺎﺑﻊ ﻣﻨﻬﺎ ﻭﻃﺎﻟﻌﻪ ﻣﻦ ﺧﺸﻤﻚ
......
ﻟﻮ ﻣﺎﻟﻚ ﺍﻟﻘﺪﻳﻢ ﺟﺎﻥ ﻛﺘﻠﻚ ﺍﻱ ﻭﻫﻮ ﻫﻴﺞ .. ﺍﻳﻬﺎﺏ ﺍﻓﺘﻬﻢ ﺷﻐﻠﻪ ﺍﻧﻲ ﺣﺎﺏ ﺍﻛﻮﻥ ﻋﺎﺋﻠﻪ ﺑﻌﻴﺪﻩ ﻋﻦ ﻫﺎﻱ ﺍﻻﻋﻤﺎﻝ ﺍﺭﻳﺪ ﺍﺭﺗﺎﺡ ﻣﻠﻴﻴﻴﻴﺖ ﺣﺮﻙ ﺍﻋﺼﺎﺏ ﻭﻗﺘﻞ ﻭﺩﻣﺎﺭ ﻧﻔﺴﻲ ﺍﻟﻰ ﻣﺘﻰ ..
ﻣﺎ ﺍﺭﻳﺪ ﺍﻓﻠﻮﺱ ﻭﻻ ﻣﻨﺎﺻﺐ ﺍﺭﻳﺪ ﺭﺍﺣﺘﻲ ﺍﺭﻳﺪ ﻋﺎﺋﻠﻪ ﺑﻴﺖ ﺯﻭﺟﻪ ﺗﺤﺘﻮﻳﻨﻲ ﻃﻔﻞ ﻳﻠﻌﺐ ﺑﻴﻦ ﺍﺩﻳﻪ .. ﻣﺤﺘﺎﺝ ﺍﻋﻴﺶ ﻫﻴﺞ ﺍﺟﻮﺍﺀ ﻻﻥ ﻣﻠﻴﻴﺖ ..
ﻗﺘﻠﻨﺎ ﺑﻌﻨﺎ ﻫﺮﺑﻨﺎ ﻭﺑﻌﺪﻳﻦ .. ﻓﻠﻮﺱ ﻭﻣﻨﺼﺐ ﻭﻣﻘﺎﻣﺎﺕ ﻭﻫﻴﺒﻪ ﺷﻔﺎﻳﺪﻫﻢ ﻭﺍﻧﻲ ﻓﺎﻗﺪ ﺭﺍﺣﺘﻲ .
- ﻣﺎﻟﻚ ﻫﺎﻱ ﻏﺎﺳﻠﻪ ﻋﻘﻠﻚ ..
- ﻫﻬﻬﻪ ﺍﻧﻲ ﻫﻢ ﺍﻛﻮﻝ ﻫﻴﺞ ﺑﺲ ﻣﻮ ﺑﻴﺪﻱ ﺍﺣﺒﻬﺎ ﻫﻲ ﻻ ﻧﺎﺩﻳﻪ ﻭﻻ ﺭﺟﺎﺀ ﻭﻻ ﻗﺒﺲ ﻭﻻ ﻏﻴﺮﻫﺎ ﻭﻻ ﻏﻴﺮﻫﺎ
ﻫﺬﻩ ﻟﺠﻴﻦ ﺍﻟﻠﻲ ﺧﻠﺘﻨﻲ ﺍﺩﻭﺭ ﻭﺭﺍﻫﺎ ﺷﻬﻮﻭﻭﺭ .. ﻭﺑﻠﺤﻈﺔ ﺿﻌﻒ ﻣﻨﻬﺎ ﺧﻠﺘﻨﻲ ﺍﺫﻭﺏ ﺑﻴﻬﺎ ...
- ﻳﻌﻨﻲ ﺑﺎﻟﺤﺼﻴﻠﻪ ﺍﻟﻤﻠﻚ ﺻﺎﺩﻭﻩ
- ﻫﻪ ﺑﺎﻟﻀﺒﻂ .. ﺍﻟﻐﺰﺍﻟﻪ ﻏﻮﺕ ﺍﻻﺳﺪ ﻭﻭﻛﻌﺘﻪ ﺗﺼﺪﻙ ﺑﻬﻴﺞ ﺷﻲ ..
- ﻻ ﻣﺎ ﺍﺻﺪﻙ ﺍﻻ ﺑﺤﺎﻟﺔ ﺍﻥ ﺍﻻﺳﺪ ﻛﺎﻥ ﻏﺒﻲ ﺣﺸﺎﻙ ..
- ﺍﺑﻦ ****** ﺑﻘﻴﺖ ﺑﻴﻬﺎ ﺣﺸﺎﻙ .. ﺍﻧﺖ ﻛﻮﻝ ﺍﻻﺳﺪ ﻋﺸﻚ ... ﻭﻛﻊ ﺧﻮﺵ ﻭﻛﻌﻪ ..
- ﻭﻫﻴﺞ ﺍﻟﺤﺐ ﻏﺒﻲ ﻳﺨﻠﻴﻚ ﺗﺘﺮﻙ ﺷﻐﻠﻚ ﻭﻣﻜﺎﻧﺘﻚ ﻭﺍﻟﺪﻧﻴﺎ ﻋﻠﻤﻮﺩ ﻣﺮﻩ ﻣﺎ ﺗﺴﻮﻯ ﺑﺴﻮﻙ ﺍﻟﻨﺴﻮﺍﻥ ﻓﻠﺴﻴﻦ ..
- ﻣﻮ ﻓﻘﻂ ﻣﺮﻩ ﻫﻲ .. ﻟﺠﻴﻦ ﺭﺍﺣﺘﻲ ﻣﻦ ﺍﺩﺧﻞ ﻏﺮﻓﺘﻬﺎ ﺍﻧﺴﻰ ﺍﻟﻌﺎﻟﻢ .. ﻭﺍﺑﻘﻰ ﻫﺎﻳﻢ ﺑﻴﻬﺎ ..
ﻟﺠﻴﻦ -: ﺳﻤﻌﺖ ﺣﺪﻳﺜﻬﻢ .. ﺭﻏﻢ ﺣﺠﻰ ﻭﻳﺎﻩ ﻋﻨﻲ ﺯﻳﻦ . ﺑﺲ ﺷﻜﺪ ﺧﻔﺖ ﻣﻨﻬﻢ .. ﻃﻠﻊ ﺷﻐﻠﻬﻢ ﺯﺑﺎﻟﻪ ﺍﻛﺜﺮ ﻣﻤﺎ ﺍﺗﻮﻗﻊ
ﻭﺷﻨﻮ ﻗﺼﺔ ﺍﻟﻠﻮﺍﺀ ﺍﻟﻘﺎﺗﻠﻲ ﻭﺩﺍﻓﻨﻲ ﺑﺎﻟﺒﺎﻧﻴﻮ ... ﺍﺥ ﻳﺎﺭﺏ .. ﺧﻠﺼﻨﻲ ﺩﺧﻴﻠﻚ . ﻣﺎ ﺍﻛﺪﺭ ﺍﻋﻴﺶ .. ﻻﺯﻡ ﺍﻧﻬﺰﻡ ﻣﻨﻪ .
ﺗﻤﺸﻴﺖ ﻋﻞ ﺍﻃﺮﺍﻑ ﺍﺻﺎﺑﻴﻌﻲ ﻓﺘﺤﺖ ﺍﻟﺒﺎﺏ ﻭﺳﺪﻳﺘﻪ ﺣﻴﻞ .. ﻗﻄﻌﻮ ﺣﺪﻳﺜﻬﻢ .. ﺗﻤﺸﻴﺖ ﻓﺘﺖ ﻣﻨﻬﻢ .. ﺑﺎﻭﻋﺘﻠﻬﻢ ﻣﺎ ﺣﺠﻴﺖ . ﻋﻔﺘﻬﻢ ﻭﺭﺣﺖ ﻟﻠﻐﺮﻓﻪ ..
ﺍﺑﺪﻝ .. ﺳﻤﻌﺖ ﺍﻳﻬﺎﺏ ﻃﻠﻊ ﻭﺳﺪ ﺍﻟﺒﺎﺏ ﻣﺎﻟﻚ ﻃﺐ ﺍﻟﻲ ﻟﻠﻐﺮﻓﻪ .. ﺩﺭﺗﻠﻪ ﻭﺟﻬﻲ .. ﺩﺍ ﺍﻣﺴﺢ ﻣﻜﻴﺎﺟﻲ ..
- ﺍﺧﺬﻱ ﺭﺍﺣﺘﺞ .. ﻛﻌﺪ ﻉ ﺍﻟﺴﺮﻳﺮ .. ﻟﺒﺴﺖ ﺩﺷﺪﺍﺷﻪ ﻗﺼﻴﺮﻩ .. ﻭﺭﺣﺖ ﻳﻤﻪ .. ﻟﺰﻣﺖ ﮔﺼﺘﻪ .. ﺑﻌﺪﻙ ﻣﺼﺨﻦ .
- ﺍﺗﺄﺫﻯ ﻭﺍﺻﺨﻦ ﻣﻦ ﺗﺒﺘﻌﺪﻳﻦ ﻋﻨﻲ . ﺗﻌﺎﻱ ﻳﻤﻲ ..
- ﺟﺮﻧﻲ ﻣﻦ ﺍﻳﺪﻱ ﺍﻟﺤﻈﻨﻪ . ﺧﻠﻴﺖ ﺭﺍﺳﻲ ﻋﻠﻴﻪ ﻭﻫﻮ ﻳﻤﺴﺢ ﻋﻠﻰ ﺷﻌﺮﻱ .. ﺑﻘﻴﺖ ﺍﻓﻜﺮ ﺑﺎﻟﻠﻲ ﺟﺎﻧﻮ ﻳﺤﺠﻮﻩ .. ﺍﺑﺪ ﻭﻻ ﺑﻄﻠﺖ ﺗﻔﻜﻴﺮ ﺍﺟﻴﺒﻬﺎ ﻣﻨﺎ ﻭﺍﻭﺩﻳﻬﺎ ﻣﻨﺎ
ﺷﻠﻮﻥ ﺍﻫﺮﺏ ﻣﻨﻪ ﻭ ﻫﻮ ﻣﺜﻞ ﺍﻟﻄﻔﻞ ﺍﻟﻤﺘﻌﻠﻖ ﺑﻴﻪ .. ﻟﻮ ﺗﺮﻛﺘﻪ ﻭﺭﺣﺖ ﻻﻫﻠﻲ ﺭﺍﺡ ﻳﺮﺟﻊ ﻟﻐﻀﺒﻪ ﻭﺗﻬﺪﻳﺪﻩ .
ﻣﺎ ﻛﺪﺍﻣﻲ ﻏﻴﺮ ﺑﺲ ﺍﺳﺎﻓﺮ ﻭﺣﺪﻱ ﺑﺪﻭﻥ ﻋﻠﻢ ﺍﻫﻠﻲ .. ﺑﻘﻴﺖ ﺳﺎﻛﺘﻪ ﻟﺤﺪ ﻣﺎ ﻧﺎﻡ .. ﻛﻌﺪﺕ ﻓﺘﺤﺖ ﺍﻟﺠﻨﻄﻪ ﻣﺎﻟﺘﻲ ﻭﺍﺧﺬﺕ ﻏﺮﺍﺿﻲ ﻭﻓﻠﻮﺳﻲ ..
ﻭﺍﺧﺬﺕ ﻣﻼﺑﺲ ﺍﻟﻴﻪ .. ﺑﺪﻟﺖ ﺑﺎﻟﺼﺎﻟﻪ .. ﻭﺩﺍ ﺍﻃﻠﻊ ﻟﻠﻤﻤﺮ .. ﺍﻟﺮﺟﻞ ﻭﺍﻛﻒ ﻛﺪﺍﻣﻲ ﻓﺰﻳﺖ ﻳﻤﻪ .. ﺑﺲ ﻣﺨﻨﺰﺭ ﻋﻠﻴﻪ ..
ﺭﺩﺕ ﺍﺻﺮﺥ .. ﺑﺲ ﻟﻮ ﺻﺮﺧﺖ ﻳﻜﻌﺪ ﻣﺎﻟﻚ .. ﻏﻤﻀﺖ ﻋﻴﻮﻧﻲ ﻭﺑﺪﻳﺖ ﺍﺭﺗﻞ ﺍﻟﻤﻌﻮﺫﺍﺕ ﻭﺍﻟﻌﺮﻙ ﻳﺠﺮﻱ ﻣﻦ ﺟﺴﻤﻲ ﻛﺪ ﺍﻟﺨﻮﻑ ..
....
ﺍﻟﻬﻲ ﺩﺧﻴﻠﻚ ﺍﺭﺣﻤﻨﻲ ﻓﺪﻭﻩ ﻳﺎﺭﺏ ﺍﺳﻨﺪﻧﻲ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﻻ ﻭﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ ..
ﻓﺘﺤﺖ ﻋﻴﻮﻧﻲ ﺍﻟﺮﺟﻞ ﻣﺎﻛﻮ .. ﺩﺍ ﺍﺭﻳﺪ ﺍﻃﻠﻊ ﺳﻤﻌﺖ ﺻﺮﺍﺥ ﺑﺎﻟﺤﻤﺎﻡ ﻣﺨﻴﻴﻴﻴﻒ ﺟﺪﺍ ﻭﺍﻟﺒﺎﺏ ﺗﻀﺮﺭﺭﺭﺏ ..
ﺷﺮﺩﺕ ﺑﺴﺮﻋﻪ ﺣﺘﻰ ﻣﺎ ﻗﻔﻠﺖ ﺍﻟﺒﺎﺏ .. ﺍﺧﺬﺕ ﺍﻟﺠﻨﻄﻪ .. ﻭﺭﻛﻀﺖ ﻋﻠﻰ ﺍﻟﺪﺭﺝ ﻭﺍﺭﺗﻞ ﻗﺮﺍﻥ ﻣﻦ ﺍﻟﺨﻮﻑ ..
ﺍﺳﻮﻕ ﻭﺍﻣﺸﻲ .. ﻳﺮﺑﻲ ﻭﻳﻦ ﺍﺭﻭﺡ .. ﺍﻟﺴﺎﻋﻪ 9 ﺑﻠﻴﻞ ﻛﺎﻧﺖ .. ﺧﺎﺑﺮﺕ ﺍﻣﻲ .. ﻛﺘﻠﻬﺎ ﻣﺎﻣﺎ ﺍﺧﺬﻳﻠﻲ ﻣﻦ ﺑﺎﺑﺎ ﻋﻨﻮﺍﻥ ﺍﻫﻞ ﻣﺎﻟﻚ ..
ﻛﺎﻟﺖ ﻟﻴﺶ ﻛﺘﻠﻬﺎ ﺍﻧﻲ ﺍﻓﻬﻤﺞ ﺑﻌﺪﻳﻦ .. ﻗﻔﻠﺘﻪ .. ﺷﻮﻱ ﻭﺧﺎﺑﺮﺕ ﺍﻧﻄﺘﻨﻲ ﺍﻟﻌﻨﻮﺍﻥ .. ﻣﺎﻣﺎ ﻣﺎﻟﻚ ﺍﺫﺍ ﻣﺮ ﻋﻠﻴﻜﻢ ﻻ ﺗﻜﻮﻟﻴﻠﻪ ﺧﺎﺑﺮﺗﻨﻲ ﻭﺳﻮﻱ ﻧﻔﺴﺞ ﺧﺎﻳﻔﻪ ﻋﻠﻴﻪ ﻭﺑﻴﻨﻠﻪ ﻗﻠﻘﻜﻢ ..
ﺍﻻﻡ -: ﻟﺠﻴﻦ ﻣﺎﻣﺎ ﺻﺎﻳﺮ ﺷﻲ ..
ﻟﺠﻴﻦ -: ﺍﻣﻲ ﻫﺴﻪ ﺍﻻﻓﻀﻞ ﻣﺘﻌﺮﻓﻴﻦ ﺷﻲ .. ﺍﻧﻲ ﻣﻦ ﺍﺋﻤﻦ ﺍﺗﺼﻞ ﺑﻴﺞ ﻭﺍﻓﻬﻤﺞ .. ﻳﻼ ﺑﺎﻱ ..
ﺍﺧﺬﺕ ﻋﻨﻮﺍﻥ ﺍﻫﻠﻪ .. ﺍﻃﻠﺐ ﺍﻟﻤﺴﺎﻋﺪﻩ ﻣﻨﻬﻢ ﺑﺎﻟﻬﺮﻭﺏ ﻋﺴﻰ ﻭﻟﻌﻞ ﻳﺴﺎﻋﺪﻭﻧﻲ ﺑﺘﺎﻟﻲ ﺍﻟﻠﻲ ﺍﺑﻄﻨﻲ ﺣﻔﻴﺪﻫﻢ ﻭﺍﻟﻈﺎﻟﻤﻨﻲ ﺍﺑﻨﻬﻢ ﻭﻳﻦ ﺍﺭﻭﺡ ..
ﺑﺲ ﺍﺩﺧﻞ ﺍﻫﻠﻲ ﻳﻨﻘﺘﻠﻮﻥ .. ﺍﻫﻠﻪ ﻣﺎ ﻳﻜﺪﺭ ﻳﻌﺘﺪﻱ ﻋﻠﻴﻬﻢ .. ﻭﺍﻟﻤﺸﻜﻠﻪ ﺷﻠﻮﻥ ﻟﻮ ﻣﺎ ﺗﻘﺒﻠﻮﻧﻲ ... ﻣﺠﺒﻮﺭﻩ ﻭﺍﻛﻊ ﻋﻨﺪﻫﻢ ﻭﺍﺗﻮﺳﻠﻠﻬﻢ ..
ﺍﻟﻠﻬﻲ ﻋﻠﻴﻚ ﺗﻮﻛﻠﺖ ﻓﺄﻛﻠﻨﻲ ..
ﺭﺣﺖ ﺑﺴﻴﺎﺭﺗﻲ ﻟﺒﻴﺘﻬﻢ ... ﺑﻴﺘﻬﻢ ﺑﻴﻪ ﺣﺮﺱ .. ﺍﻭﻝ ﻣﺎ ﺭﺩﺕ ﺍﺩﻙ ﺍﻟﺒﺎﺏ ﻧﺰﻝ ﺣﺎﺭﺱ ﻣﻦ ﺍﻟﺴﻴﺎﺭﻩ ﻭﻛﺎﻝ ﺗﻔﻀﻠﻲ ..
ﺑﻴﺖ ﻗﻴﺲ ﺟﺎﺑﺮ
- ﻧﻌﻢ ﺗﻔﻀﻠﻲ ﻣﻨﻮ ..
- ﺍﺭﻳﺪ ﺍﺣﺠﻲ ﻭﻳﺎﻩ ﺑﻤﻮﺿﻮﻉ ..
- ﻣﻨﻴﻦ ﺍﻧﺘﻲ .
- ﺍﺧﻲ ﺍﻟﻠﻪ ﻳﺨﻠﻴﻚ ﺑﺲ ﻛﻮﻟﻪ ﺍﺟﻴﻦ ﺷﺎﻛﺮ ﺗﺮﻳﺪ ﺗﺤﺠﻲ ﻭﻳﺎﻙ .. ﻭﺍﻟﻠﻪ ﻣﺎ ﻋﻨﺪﻱ ﺷﻲ .. ﻣﺸﻰ ﻣﻦ ﻋﻨﺪﻱ ﻭﺩﺍﺱ ﺩﻛﻤﻪ ﻉ ﺍﻟﺠﺮﺱ ...
ﻧﻄﻖ ﺍﻟﺠﻬﺎﺯ ﻣﻨﻮﻭﻭ .... ﺳﻴﺪﻱ ﻫﺎﻱ ﺑﻨﻴﻪ ﺗﻜﻮﻝ ﺍﻧﻲ ﺷﻨﻮ ﺍﺳﻤﺞ
- ﻟﺠﻴﻦ ﺷﺎﻛﺮ ..
- ﺗﻘﺮﺑﻲ ﺧﻞ ﻳﺸﻮﻓﺞ .. ﺍﺗﻘﺮﺑﺖ ﻟﻠﻌﺪﺳﻪ ..
- ﺍﺳﺌﻠﻬﺎ ﺷﺮﺍﻳﺪﻩ ..
- ﻋﻤﻮ ﺍﻟﻠﻪ ﻳﺨﻠﻴﻚ ﺑﺲ ﻛﻠﻤﺘﻴﻦ ﺍﺣﺠﻲ ﻭﻳﺎﻙ ﻣﻮ ﺍﻛﺜﺮ ..
- ﺧﻠﻴﻬﺎ ﺗﻔﻮﺕ ﻟﻠﻜﺮﺍﺝ .
- ﺍﺩﺧﻠﻲ
- ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ .. ﻃﻠﻊ ﺭﺟﺎﻝ ﻣﻦ ﺍﻟﺒﻴﺖ .. ﺑﻴﺖ ﻛﻮﻟﺶ ﺟﺒﻴﺮ ﻭﺗﺼﻤﻴﻤﻪ ﺍﺣﺘﺮﺍﻓﻲ ﻭﻛﻠﻪ ﺍﺿﻮﻳﻪ ..
ﻗﻴﺲ -: ﺗﻔﻀﻠﻲ
- ﻋﻤﻮ ﺍﻧﻲ
- ﺍﻻﻋﻼﻣﻴﻪ ﻟﺠﻴﻦ ﺯﻭﺟﺔ ﻣﺎﻟﻚ .. ﺍﻋﺮﻓﺞ
- ﺑﺎﻟﻀﺒﻂ .
- ﺷﺮﺍﻳﺪﻩ ..
- ﻋﻤﻮ ﺍﻧﻲ ﺣﺎﻣﻞ ﻭﻣﺎﻟﻚ ﺷﻐﻠﻪ ﻇﻌﺎﺭﻩ ﻭﺯﻭﺍﺝ ﻏﻴﺮ ﻗﺎﻧﻮﻧﻲ ﻭﺣﻴﺎﺗﻲ ﻭﻳﺎﻩ ﺟﺤﻴﻢ ﻃﻠﺒﺖ ﺍﻟﻄﻼﻕ ﻭﻣﺎ ﻳﻨﻄﻴﻨﻲ .. ﻓﺪﻭﻩ ﺑﺲ ﺍﻣﻨﻠﻲ ﺧﺮﻭﺟﻲ ﻣﻦ ﺍﻟﻌﺮﺍﻕ .
- ﺍﻧﻲ ﻣﺎ ﺍﻟﻲ ﺩﺧﻞ ﺑﻤﺎﻟﻚ ..
- ﺑﺲ ﺍﻟﻠﻲ ﺍﺑﻄﻨﻲ ﺣﻔﻴﺪﻛﻢ ﺳﻮﺍﺀ ﺭﻓﻀﺘﻮ ﺍﻭ ﻗﺒﻠﺘﻮ .. ﺣﺮﺍﻡ ﻭﺍﻟﻠﻪ ﺍﻧﻲ ﻭﻃﻔﻠﻲ ﻧﺮﻭﺡ ﺿﺤﻴﺔ ﺍﺟﺮﺍﻡ ﻣﺎﻟﻚ
.....
ﻋﻤﻮ ﺍﻧﻘﺬﻧﻲ ﺍﻟﻠﻪ ﻳﺨﻠﻴﻚ ﻓﺪﻭﻩ ﺍﺭﺣﻤﻨﻲ ﺍﻧﻲ ﻭﺍﺑﻨﻲ ﻻ ﺗﺘﺮﻛﻨﻪ .. ﺩﺍ ﺍﺣﺠﻲ ﻃﻠﻌﺖ ﻣﺮﻩ
- ﺍﻣﺸﻲ ﻣﻨﺎ ﺍﻧﻲ ﻣﺘﺒﺮﻱ ﻣﻦ ﻣﺎﻟﻚ ﻭﻻ ﺍﺭﻳﺪ ﺍﺗﻮﺭﻁ ﺑﻲ ﻋﺴﺎﻩ ﺑﺎﻟﻄﺎﻟﺢ .. ﻫﺬﺍ ﻣﻮ ﺍﺑﻨﻲ
- ﺍﺑﻮ ﺍﻣﻴﺮﻩ ﺳﻤﻲ ﺑﺴﻢ ﺍﻟﻠﻪ ﺍﻟﺒﻨﻴﻪ ﺣﺎﻣﻞ ﻭﺟﺎﻳﻪ ﺩﺧﻴﻠﻪ ﻣﻦ ﺍﻋﻤﺎﻝ ﺍﺑﻨﻚ .. ﻭﺍﻟﺒﻄﻨﻬﺎ ﻣﻦ ﺩﻣﻚ ﺧﻞ ﻧﻔﻬﻢ ﻣﻨﻬﺎ .
ﺗﻌﺎﻱ ﺑﻨﻴﺘﻲ ﺗﻌﺎﻱ
- ﻓﺎﻃﻤﻪ ﻻ ﺗﻮﺭﻃﻴﻨﻪ ﻭﻱ ﻣﺎﻟﻚ ﺧﻞ ﺗﺮﻭﺡ
- ﻫﺴﻪ ﺷﻨﺘﻮﺭﻁ ﺍﻟﺒﻨﻴﻪ ﻣﺘﻮﺭﻃﻪ ﺩﺗﻌﺎﻱ ﻳﺎ ﺑﻨﺘﻲ ﺍﻫﻼ ﻭﺳﻬﻼ ﻓﻮﺗﻲ
- ﻓﺎﻃﻤﻪ
- ﻫﺎﻱ ﺷﻨﻮ ﻳﺎ ﺍﺑﻮ ﺍﻣﻴﺮﻩ .. ﻛﻮﻝ ﻳﺎ ﺍﻟﻠﻪ ﻭﺧﻞ ﻧﺴﺘﻮﻋﺐ ﺍﻟﻤﻮﺿﻮﻉ ﻋﻠﻰ ﻛﻴﻔﻨﺎ
- ﺍﺧﺬﺗﻨﻲ ﺍﻟﺤﺠﻴﻪ ﻭﺩﺧﻠﺘﻨﻲ ﻟﻠﺒﻴﺖ .. ﺍﻛﻮ ﺍﺭﺗﺒﺎﻙ ﻭﺧﻮﻑ .. ﺑﺲ ﺿﺒﻄﺖ ﻧﻔﺴﻲ ﻭﻛﻌﺪﺕ
ﻧﺰﻟﻦ 2 ﺑﻨﺎﺕ ﺷﺎﺑﺎﺕ ﺑﻌﻤﺮ ﺍﻗﻞ ﻣﺎ ﺍﻋﺮﻑ .. ﻋﺮﻓﻨﻲ ﺑﺴﺮﻋﻪ ﻭﺍﺟﻦ ﺳﻠﻤﻦ ﻋﻠﻴﻪ ..
ﺭﺳﻞ -: ﻳﻤﻪ ﺑﺎﻟﺤﻘﻴﻘﻪ ﺍﺣﻠﻰ ﻭﺍﻧﻲ ﺑﺎﻟﺘﻠﻔﺰﻳﻮﻥ ﻭﺍﻛﻮﻝ ﺷﺪﻋﻮﻩ ﻫﻠﻜﺪ ﺣﻠﻮﻩ . ﺣﻘﻪ ﺍﻟﺨﺒﻞ ﻣﻦ ﺍﻧﺠﻦ ﺑﻴﺞ
- ﺍﺑﺘﺴﻤﺖ ﺍﻟﻬﺎ ﺣﺒﻴﺒﺘﻲ ﻣﻦ ﺫﻭﻗﺞ
ﺍﻻﺀ -: ﻭﺍﻟﻠﻪ ﻣﺘﺎﺑﻌﻴﻦ ﺍﻟﺒﺮﻧﺎﻣﺞ ﻛﻞ ﺍﺳﺒﻮﻉ ﺣﺘﻰ ﺍﻟﻴﻮﻡ ﻟﻤﺎ ﺟﺎﻥ ﺍﻟﻤﻮﺿﻮﻉ ﻋﻠﻰ ﺍﻻﻟﺤﺎﺩ ﻛﻠﻨﺎ ﺗﺎﺑﻌﻨﺎ ﺣﺘﻰ ﺑﺎﺑﺎ ..
- ﺍﺷﻜﺮﻛﻢ ﺷﺮﻑ ﺍﻟﻴﻪ .
ﻓﺎﻃﻤﻪ -: ﺑﻨﺎﺗﻲ ﺍﺧﺬﻥ ﺍﻟﺒﻨﻴﻪ ﻭﺧﻠﻮﻫﺎ ﺗﺮﺗﺎﺡ ﻭﺍﻟﺼﺒﺎﺡ ﺭﺑﺎﺡ
ﻗﻴﺲ -: ﻓﺎﻃﻤﻪ ﺷﺘﺮﺗﺎﺡ . ﻫﺴﻪ ﻳﺠﻴﻨﻪ ﺍﻟﻤﺨﺒﻞ ﻭﻧﺒﺘﻠﺶ ﺑﻲ .. ﻣﺎ ﺍﺭﻳﺪ ﺍﺗﺼﺎﺩﻡ ﻭﻳﺎﻩ ﻭﺍﻧﻲ ﻛﻮﻩ ﺻﺎﺑﺮ ﻋﻠﻰ ﺍﻓﻌﺎﻟﻪ ..
- ﺍﻭﻭﻭﻭﻱ ﺷﺒﻠﻴﺘﻨﻪ ﻳﺎ ﺭﺟﺎﻝ .. ﺍﻟﺒﻨﻴﻪ ﺷﺎﺭﺩﻩ ﻣﻦ ﺍﺑﻨﻚ ﺍﻟﻚ ﻭﺍﻧﺖ ﺗﺮﻓﻀﻬﺎ ﻭﻳﻦ ﺗﺮﻭﺡ ﻣﺘﻜﻠﻲ ﺣﺮﺍﻡ ﻣﺎ ﻳﺼﻴﺮ ﻫﻴﺞ ﺍﻟﺒﻄﻨﻬﺎ ﺣﻔﻴﺪﻙ ..
- ﺑﻘﻴﺖ ﺍﺑﺎﻭﻋﻠﻪ ﻳﻘﺒﻠﻨﻲ ﺑﺎﻟﺒﻴﺖ ﺑﺲ ﺍﻟﺤﺠﻴﻪ ﺍﺧﺬﺗﻪ ﺣﺎﺻﻞ ﻓﺎﺻﻞ ﻛﻠﻤﺎ ﻳﺮﻳﺪ ﻳﺤﺠﻲ ﺗﻘﺎﻃﻌﻪ ﻭﺗﻬﺪﻱ .. ﺍﻟﻰ ﺍﻥ ﻛﺎﻝ ﺍﻧﻄﻴﻨﻲ ﺳﻮﻳﺞ ﺳﻴﺎﺭﺗﺞ ﺧﻞ ﻧﺪﺧﻠﻬﺎ ﻟﻠﻜﺮﺍﺝ .
ﺍﻧﻄﻴﺘﻪ . ﻭﺻﻌﺪﺕ ﻭﻱ ﺍﻟﺒﻨﺎﺕ ﺻﻌﺪﻭ ﺍﻟﺠﻨﻄﻪ ﻭﺭﺍﻳﻪ .. ﻛﻌﺪﻭ ﻳﺴﻮﻟﻔﻮﻥ ﻭﻳﺎﻳﻪ .. ﻭﺍﻧﻲ ﺑﺎﻟﻲ ﻣﺸﻐﻮﻝ ﻭﻣﺮﺗﺒﻜﻪ ﻣﻦ ﺍﻟﻮﺿﻊ .
ﺩﺧﻠﺖ ﺍﻟﺤﺠﻴﻪ .. ﻛﻌﺪﺕ ﻭﻳﺎﻧﺎ ﻉ ﺍﻟﺴﺮﻳﺮ ..
- ﻧﻌﺴﺎﻧﻪ ﺑﻨﻴﺘﻲ ﺗﺮﺗﺎﺣﻴﻦ ﻟﻮ ﻧﺴﻮﻟﻒ ﺍﺣﻨﻪ ﻧﺴﻮﺍﻥ ﺑﻴﻨﺎﺗﻨﺎ
- ﻻ ﺧﺎﻟﻪ ﻣﻨﻌﺴﺎﻧﻪ ﺳﻮﻟﻔﻲ
- ﺍﻧﻲ ﺍﺭﻳﺪﺝ ﺍﻧﺘﻲ ﺗﺴﻮﻟﻔﻴﻦ ﺷﻠﻮﻥ ﺗﻌﺮﻓﺘﻲ ﻋﻠﻰ ﻣﺎﻟﻚ .. ﺑﻌﺪﻧﻲ ﺍﺭﻳﺪ ﺍﺣﺠﻲ ﺩﺧﻞ ﻋﻤﻮ ﻗﻴﺲ ..
ﻃﺒﻄﺒﺖ ﻋﻠﻰ ﺍﻳﺪﻱ .. ﺣﺠﻪ ﻫﻮ ﻭﻱ ﺑﻨﺎﺗﻪ ﻛﺎﻟﻠﻬﺎ ﺑﺎﺑﺎﺗﻲ ﺳﻮﻳﻠﻲ ﻣﺠﺎﻝ ﺍﻛﻌﺪ .. ﻛﺎﻣﻦ ﻫﻨﻪ ﻣﻦ ﺍﻟﺴﺮﻳﺮ ﺍﻟﻜﺒﺎﻟﻨﻪ ﻭﻫﻮ ﻛﻌﺪ ..
ﻭﻛﻌﺪﺕ ﻭﺣﺪﻩ ﻳﻤﻪ .. ﻭﺍﻟﺤﺠﻴﻪ ﻭﺍﻟﺜﺎﻧﻴﻪ ﻳﻤﻲ .. ﺳﻮﻟﻔﺘﻠﻬﻢ ﻣﻦ ﺍﻭﻝ ﻣﺎ ﺗﻌﺮﺿﻠﻲ ﻣﺎﻟﻚ ﻟﺤﺪ ﺣﺠﻴﻪ ﺍﻟﻴﻮﻡ ﻭﻳﻪ ﺍﻳﻬﺎﺏ ..
ﻓﺎﻃﻤﻪ -: ﻳﻤﻪ ﻳﻌﻨﻲ ﺍﻧﺘﻲ ﺗﺤﺴﻲ ﺻﺪﻙ ﻳﺤﺒﺞ .
- ﺍﻱ ﻳﺤﺒﻨﻲ ﺑﺲ ﺧﺎﻟﻪ ﺣﻴﺎﺗﻪ ﻭﺷﻐﻠﻪ ﻭﺍﻋﺘﻘﺎﺩﻩ ﺻﻌﺐ ﺍﺗﻘﺒﻠﻪ ... ﻣﺎ ﺍﻛﺪﺭ ﺍﻋﻴﺶ ﻭﻳﺎﻩ .. ﺑﺎﺟﺮ ﻳﺼﻴﺮ ﻋﻨﺪﻱ ﻃﻔﻞ ﻭﺍﺑﻮﻩ ﻫﺬﺍ ﻭﺿﻌﻪ ﺷﻴﻄﻠﻊ ﺍﺑﻨﻲ ..
- ﺯﻳﻦ ﺗﻌﺘﻘﺪﻳﻦ ﻳﻜﺪﺭ ﻳﻬﺘﺪﻱ ﻟﻮ ﺟﺒﺮﺗﻲ
- ﻳﻌﻨﻲ ﺷﻠﻮﻥ
- ﻳﻌﻨﻲ ﻣﻦ ﻳﺨﺎﺑﺮﺝ ﺗﺮﺩﻳﻦ ﻭﺗﻜﻠﻴﻠﻪ ﻣﺎ ﺍﺭﺟﻌﻠﻚ ﺍﻻ ﺍﺗﻮﺏ ﻭﺗﺘﺮﻙ ﺷﻐﻠﻚ .
ﺍﻟﺘﺤﺴﻦ ﺣﺎﻟﻪ ﺧﻴﺮ ﻋﻠﻰ ﺧﻴﺮ ﻭﺍﻟﻤﺎ ﺗﺤﺴﻦ ﺍﺣﻨﻪ ﻧﺄﻣﻠﺞ ﺧﺮﻭﺟﺞ ﻣﻦ ﺍﻟﻌﺮﺍﻕ ﻭﺍﻧﻲ ﺍﻭﺩﻳﺞ ﺍﻻﺳﺘﺮﺍﻟﻴﺎ ﻫﻨﺎﻙ ﻳﻢ ﺑﻴﻦ ﺍﺧﺘﻲ ..
- ﻭﺍﻟﻠﻪ ﺧﺎﻟﻪ ﺍﺗﻤﻨﺎﻩ ﻳﺘﻮﺏ ﻭﻳﻬﺘﺪﻱ ﻣﻦ ﺍﻟﺤﺎﺩﻩ ﻭﺍﺟﺮﺍﻣﻪ .. ﺑﺲ ....
- ﻻ ﺑﺲ ﻭﻻ ﺍﺑﺪ ﻣﺪﺍﻡ ﻳﺤﺒﺞ ﻳﺘﻐﻴﺮ ﻣﻮ ﺍﺑﻮ ﺍﻣﻴﺮﻩ
- ﺍﻥ ﺷﺎﺀﺍﻟﻠﻪ ﺍﺣﻨﻪ ﺷﻨﺘﻤﻨﺎ .. ﻭﻣﺪﺍﻣﻪ ﻳﺘﻤﻨﻰ ﺍﻟﻌﺎﺋﻠﻪ ﻭﻣﻞ ﻣﻦ ﺷﻐﻠﻪ ﺣﺴﺐ ﻛﻼﻣﻬﺎ . ﻑ ﺍﻧﻲ ﻣﺘﺄﻛﺪ ﻳﺘﻮﺏ ..
ﻭﺍﺫﺍ ﻳﺮﻳﺪ ﻳﺘﻮﺏ ﻭﻳﺘﺮﻙ ﺷﻐﻠﻪ ﺍﻧﻲ ﺍﺳﻨﺪﻩ ﻭﻣﺎ ﺍﺧﻠﻲ ﻭﺍﺣﺪ ﻳﺘﻌﺮﺿﻠﻪ .. ﻭﺍﻣﻨﻪ ﺍﺑﻴﺘﻲ ﻟﺤﺪ ﻣﺎ ﻳﺸﻮﻑ ﺍﻟﺤﻞ ﺷﻠﻮﻥ ﻳﻬﺮﺏ ..
ﻭﺍﺫﺍ ﻣﺎ ﻗﺒﻞ ﻳﺘﺮﻙ . ﺍﻧﻲ ﺍﻃﻠﻌﺞ ﻭﺣﺪﺝ .. ﻭﺍﻣﻦ ﻋﻠﻴﺞ
- ﺍﺷﻜﺮﻛﻢ ﺟﺪﺍ ﻣﺎ ﺍﻋﺮﻑ ﻛﻴﻒ ﺍﻋﺒﺮﻟﻜﻢ ﻋﻦ ﺍﻣﺘﻨﺎﻧﻲ ﻟﻜﻦ ﺍﺳﻌﺪﺗﻮﻧﻲ ﻭﺍﻟﻠﻪ ﺑﻜﻼﻣﻜﻢ .. .
ﻓﺎﻃﻤﻪ -: ﻻ ﻳﻤﺎﻣﺎ ﺍﺣﻨﻪ ﺍﻟﻠﻲ ﺍﻧﺴﻌﺪﻧﺎ ﺑﻜﻼﻣﺞ ﻭﻋﺮﻓﻨﻪ ﻣﺎﻟﻚ ﺑﻲ ﺍﻣﻞ ﺑﻌﺪ ﻣﺎ ﺍﻳﺴﻨﻪ ﻣﻨﻪ
ﻭﻫﺴﻪ ﺍﺭﺗﺎﺣﻲ .. ﻳﻼ ﺑﻨﺎﺗﻲ ﺳﺎﻋﺪﻥ ﻣﺮﺕ ﺍﺧﺔﺟﻦ ﻭﻋﺰﻟﻠﻬﺎ ﻓﺮﺍﺵ ﺧﻞ ﺗﺮﺗﺎﺡ .
ﻭﺍﻧﺘﻪ ﺍﺑﻮ ﺍﻣﻴﺮﻩ ﺍﻣﺸﻲ ﻧﺤﺠﻲ ﻫﻨﺎﻙ ﺍﻧﻲ ﻭﻳﺎﻙ .. ﺧﻞ ﺍﻟﺒﻨﺎﺕ ﻳﺮﺗﺎﺣﻦ
ﺗﺮﻛﻮﻧﻲ ﻭﻃﻠﻌﻮ .. ﺑﻘﻮ ﺍﻟﺒﻨﺎﺕ ﻛﺎﻋﺪﺍﺕ ﻳﻤﻲ ﻭﺣﺪﻩ ﻏﻴﺮﺗﻠﻲ ﻓﺮﺍﺵ ﺳﺮﻳﺮ ﻭﻛﺎﻟﺖ ﺍﻧﺘﻲ ﻧﺎﻣﻲ ﻋﻠﻰ ﻓﺮﺍﺷﻲ ..
- ﻻ ﺣﺒﻴﺒﺘﻲ ﻋﺎﺩﻱ ﺍﻓﺮﺵ ﺑﺎﻟﻜﺎﻉ ﺍﻧﺎﻡ ﺍﺧﺬﻱ ﺭﺍﺣﺘﺞ ﻣﺎ ﺍﺭﻳﺪ ﺍﺿﺎﻳﻘﻜﻢ
- ﻣﻮ ﻋﻴﺐ ﺍﻧﺘﻲ ﻣﺜﻞ ﺍﺧﺘﻨﻪ ﻭﻣﻨﻘﺒﻞ ﺍﺧﺘﻨﺎ ﺗﻨﺎﻡ ﺑﺎﻟﻜﺎﻉ ﻭﺍﺣﻨﻪ ﻉ ﺍﻟﺴﺮﻳﺮ ..
- ﻃﻴﺐ ﺟﻤﻌﻮ ﺍﻟﺴﺮﻳﺮﻳﻦ ﻭﺧﻞ ﺍﻧﺎﻡ ﺳﻮﻳﻪ ﺍﺫﺍ ﺍﻧﻲ ﺍﺧﺘﻜﻢ ..
- ﻣﺎﺷﻲ ﻫﻬﻬﻬﻬﻬﻬﻪ ...
ﺧﻄﻴﻪ ﺷﺎﻟﻮ ﺍﻟﻤﻴﺰ ﺍﻟﺒﻨﺺ ﻭﺟﻤﻌﻮ ﺍﻟﺴﺮﻳﺮﻳﻦ ﻭﻭﺣﺪﻩ ﺷﻐﻠﺖ DVD ﻭﺍﻟﺜﺎﻧﻴﻪ ﺭﺍﺣﺖ ﺳﻮﺗﻠﻨﺎ ﺷﺎﻣﻴﻪ ﻭﻛﻬﻮﻩ .
ﺍﺑﺪ ﻣﺤﺴﺴﻨﻲ ﺍﻧﻮ ﺍﻧﻲ ﻏﺮﻳﺒﻪ .. ﻳﺼﻴﺤﻮﻥ ﻟﺠﻴﻦ ﻭ ﻟﺠﻴﻦ ﻛﺄﻧﻬﻢ ﻳﻌﺮﻓﻮﻧﻲ ﻣﻦ ﺯﻣﺎﻥ .. ﻭﺍﻧﻲ ﻳﺎ ﺩﻭﺏ ﺍﻓﺮﻕ ﺍﻻﺀ ﻣﻦ ﺭﺳﻞ
ﺻﺎﺣﺖ ﺍﻻﺀ .. ﻓﻠﻢ ﺭﻋﺐ ﺗﺮﺩﻥ ﻟﻮ ﺭﻭﻣﺎﻧﺲ ..
ﻟﺠﻴﻦ -: ﻻ ﻓﺪﻭﻩ ﻣﻮ ﺭﻋﺐ ..
- ﻟﻌﺪ ﺭﻭﻣﺎﻧﺴﻲ
ﺭﺳﻞ -: ﻟﺞ ﻻﺍﺍﺍﺍﺍﺍﺍ ﺭﻭﻣﺎﻧﺲ ﻧﻀﻞ ﻧﺤﻈﻦ ﺍﻟﺤﺎﻳﻂ ﻃﻠﻌﻴﻨﻪ ﺷﻲ ﺍﻛﺸﻦ ﺣﺮﺏ ﺩﻡ
ﺍﻻﺀ -: ﺍﻭﻭﻭﻭﻉ ﺩﻡ ﺷﻨﻮ ﻣﺎ ﺍﺣﺐ ﻫﻴﺞ ﺍﻓﻼﻡ ﺭﺍﺡ ﺍﻃﻠﻊ ﺗﺎﻳﺘﻨﻚ
ﺭﺳﻞ -: ﺷﺎﻳﻔﻲ ﺍﻟﻒ ﻣﺮﻩ ﺩﺭﻭﻭﻭﺣﻲ
ﻟﺠﻴﻦ -: ﻻ ﺣﻠﻮ ﺗﺎﻳﺘﻚ ﺻﺢ ﺷﺎﻳﻔﻲ ﺑﺲ ﻣﻴﻨﻤﻞ .. ﺛﻨﻴﻨﻬﻢ ﻛﺎﻟﻮ ﺍﻭﻙ ﺷﻐﻠﻦ ﺍﻟﻔﻴﻠﻢ . ﻃﻠﻌﺖ ﺍﻻﻏﻨﻴﻪ ﻣﺎﻟﺘﻪ
ﻭﻛﻔﻦ ﺍﺛﻨﻴﻨﻬﻦ ﻋﻠﻰ ﻃﺮﻑ ﺍﻟﺴﺮﻳﺮ ﻣﺜﻞ ﺣﺮﻛﺔ ﺟﺎﻙ ﻭ ﺭﻭﺯ ﻭﻳﻐﻨﻦ ﺍﻻﻏﻨﻴﻪ ﻫﻬﻬﻬﻬﻬﻬﻬﻬﻬﻬﻪ
ﺑﻘﻴﻨﻪ ﺍﻧﺒﺎﻭﻉ .. ﺍﻟﺘﻔﺘﺘﻠﻲ ﺍﻻﺀ .. ﺍﻛﻮ ﺻﻮﺕ ﺩﺍ ﺍﺳﻤﻊ ﻣﻮﺑﺎﻳﻞ ﻳﺮﻥ .
- ﻟﺤﻈﻪ ﻳﻤﻜﻦ ﺟﻬﺎﺯﻱ .. ﻛﻤﺖ ﻣﻦ ﻋﺪﻫﻦ ﻭﺭﺣﺖ ﻓﺘﺤﺖ ﺍﻟﺠﻨﻄﻪ ﻣﺎﻟﻚ ﻳﺘﺼﻞ .. ﺑﺎﻭﻋﺘﻠﻬﻦ .. ﻛﺎﻟﻦ ﺭﺩﻱ ﻣﺜﻞ ﻣﺎ ﻋﻠﻤﺘﺞ ﻣﺎﻣﺎ ..
ﺭﺩﻳﺖ ﺍﻟﻮﻭﻭﻭ ..
ﻣﺎﻟﻚ -: ﻭﻳﻦ ﺍﻧﺘﻲ ﺍﻟﺴﺎﻋﻪ 2 ﻭﻳﻦ ﺻﺮﺗﻲ ﺍﻫﻠﺞ ﻣﺎ ﻳﻌﺮﻓﻮﻥ ﺑﻴﺞ ﻭﻳﻦ . ﺍﺣﺠﻲ ﻭﻳﻦ ﺍﻧﺘﻲ
- ﻣﺎﻟﻚ ﺍﻧﻲ ﺑﻤﻜﺎﻥ ﺑﻌﻴﺪﻩ ﻋﻨﻚ .. ﺍﺫﺍ ﺗﺤﺒﻨﻲ ﺻﺪﻙ ﺍﺗﺮﻛﻨﻲ ﺍﻋﻴﺶ ﻣﺴﺘﺤﻴﻞ ﺍﺭﺟﻌﻠﻚ ﺑﻌﺪ ..
- ﺍﻧﻌﻞ ﺍﻟﺨﻠﻔﻮﺝ ﺍﺣﺮﻛﻬﻢ ﺣﺮﻙ ﺗﺮﺟﻌﻴﻦ ﻫﺴﻪ ﻻ ﺗﺨﻠﻴﻨﻲ ﺍﺷﻮﻓﺞ ﺍﻟﻮﺟﻪ ﺍﻟﺜﺎﻧﻲ ﺍﺩﻭﺭﺝ ﺑﻜﻞ ﻣﻜﺎﻥ ﻭﻣﺤﺪ ﻳﺨﻠﺼﺞ ﻣﻨﻲ .. ﺣﻘﻴﻴﻴﻴﻴﻴﻴﻴﺮﻩ
ﻗﻔﻠﺔ ﺍﻟﺨﻂ ﺑﻮﺟﻬﻪ ........
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء