رواية خطوات نحو الجحيم ج2 الجزء العاشر
للكاتبة زينب ماجد
⭐
ﻗﻔﻠﺔ ﺍﻟﺨﻂ ﺑﻮﺟﻪ ﻣﺎﻟﻚ .. ﻭﺑﺎﻭﻋﺖ ﻟﻠﺒﻨﺎﺕ ..
ﺍﻻﺀ -: ﺍﺗﺮﻛﻲ ﺧﻠﻲ ﻳﺤﺲ ﺑﻴﺞ ﻭﺑﻌﺪﻳﻦ ﺍﺷﺮﻃﻲ ﻋﻠﻴﻪ ..
ﻟﺠﻴﻦ -: ﺍﺧﺎﻑ ﻳﺄﺫﻱ ﺍﻫﻠﺞ ..
ﺍﻻﺀ -: ﺍﺫﺍ ﺣﺎﻭﻝ ﻳﺄﺫﻳﻬﻢ .. ﺍﺑﻮﻱ ﻳﺪﺧﻞ ﻭﻳﮕﻠﻪ ﻋﻨﺪﻱ .. ﻳﻠﻪ ﺧﻞ ﺍﻧﺎﻡ ..
ﺭﺣﺖ ﻳﻤﻬﻢ ﻧﻤﺖ ﻭﻳﺎﻫﻢ ﻋﻠﻰ ﺍﻟﻔﺮﺍﺵ ﻭﺍﻓﻜﺮ ﺑﻤﺎﻟﻚ .. ﺍﺩﻭﺭ ﻏﻠﻘﺖ ﺍﻟﺠﻬﺎﺯ ﺑﻮﺟﻬﻪ ﺷﺮﺍﺡ ﻳﺴﻮﻱ ..
ﺑﻘﻴﺖ ﺍﺑﺎﻭﻉ ﺍﻟﻔﻠﻢ ﻭﻣﺘﻤﺪﺩﻩ ﻭﺑﺎﻟﻲ ﺑﻐﻴﺮ ﻣﻜﺎﻥ ﻟﺤﺪ ﻣﺎ ﻏﻔﻴﺖ ﺑﺼﻌﻮﺑﻪ ﻻﻥ ﺍﻟﻤﻜﺎﻥ ﻏﺮﻳﺐ .. ﻣﺎ ﺍﻋﺮﻑ ﻳﻤﻜﻦ ﺗﻌﻮﺩﺕ ﻋﻠﻰ ﻣﺎﻟﻚ ..
ﻛﻌﺪﺕ ﺍﻟﺼﺒﺢ ﺍﻟﺒﻨﺎﺕ ﻣﺎﻛﻮ .. ﻧﺰﻟﺖ ﻛﺎﻋﺪﻳﻦ ﻛﻠﻬﻢ ﺑﺎﻟﻤﻄﺒﺦ ﻓﺎﺭﺷﻴﻦ ﻭﺧﺎﻟﻴﻦ ﺻﻴﻨﻴﺔ ﺍﻟﺮﻳﻮﻙ .. ﻭﻣﻠﺘﻤﻴﻦ
- ﺻﺒﺎﺡ ﺍﻟﺨﻴﺮ
- ﺭﺩﻭ ﻛﻠﻬﻢ ﺻﺒﺎﺡ ﺍﻟﻨﻮﺭ ..
ﻓﺎﻃﻤﻪ : ﺗﻌﺎﻱ ﺗﺮﻳﻜﻲ ﻳﻤﻪ
- ﺑﺲ ﺍﻏﺴﻞ
- ﺍﻱ ﺍﻻﺀ ﻛﻮﻣﻲ ﻣﺎﻣﺎ ﻭﻳﺎﻫﺎ ﺩﻟﻴﻬﺎ ﺍﻟﺤﻤﺎﻡ ..
- ﻻ ﺧﻠﻴﻬﺎ ﻛﺎﻋﺪﻩ ﺗﺎﻛﻞ ﺧﻄﻴﻪ ﺑﺲ ﻛﻮﻟﻴﻠﻲ ﺑﺄﻱ ﺍﺗﺠﺄﻩ ..
- ﻧﻬﺎﻳﺔ ﺍﻟﻤﻤﺮ ﻋﻠﻰ ﺍﻳﺪﺝ ﺍﻟﻴﺴﺮﻯ ..
- ﺍﻫﺎﺍﺍ .. ﺭﺣﺖ ﻟﻠﺤﻤﺎﻡ .. ﻏﺴﻠﺖ ﻭﺭﺟﻌﺖ ﻳﻤﻬﻢ .. ﻛﻌﺪﺕ .. ﻛﺎﻡ ﻋﻤﻮ ﻗﻴﺲ ﻛﺎﻝ ﺍﻧﻲ ﺍﺭﻭﺡ ﻣﺤﺘﺎﺟﻴﻦ ﺷﻲ ..
ﺭﺩﻭ ﻋﻠﻴﻪ ﻻ ﺑﺎﻟﺴﻼﻣﻪ ..
- ﻳﻼ ﺍﻭﺩﻋﻨﺎﻛﻢ
- ﺍﻧﻄﺘﻨﻲ ﺭﺳﻞ ﺻﻤﻮﻧﻪ ﺣﺎﺭﻩ ﻭﺍﻻﺀ ﺻﺒﺘﻠﻲ ﺟﺎﻱ ..
ﻓﺎﻃﻤﻪ : ﻳﻤﻪ ﻻ ﺗﺘﻘﻴﺪﻳﻦ ﺍﺣﺴﺒﻲ ﺑﻴﺘﺞ ﻭﺍﺣﻨﻪ ﺍﻫﻠﺞ ﺍﺧﺬﻱ ﺭﺍﺣﺘﺞ . ﻭﺍﻧﻲ ﺣﺠﻴﺖ ﻭﻱ ﻋﻤﺞ ﻭﻓﻬﻤﺘﻪ ﻋﻠﻴﺞ
- ﻣﺎ ﺍﻋﺮﻑ ﺷﻠﻮﻥ ﺍﺷﻜﺮﺝ ﺧﺎﻟﻪ
- ﻻ ﻋﺎﺩ ﺷﺴﻮﻳﻨﻪ ﺍﻧﺘﻲ ﻫﻢ ﺑﻨﻴﺘﻲ ﺻﺪﻙ ﻣﺎﻟﻚ ﻣﺎ ﻳﺸﻮﻓﻨﻲ ﻭﻻ ﻳﻄﻴﻘﻨﻲ .. ﺑﺲ ﺍﻧﻲ ﺍﻟﻠﻪ ﺷﺎﻫﺪ ﺍﺣﺒﻪ ﻣﺎ ﻋﻨﺪﻱ ﺷﻲ ﻭﻳﺎﻩ ﻭﺍﺗﻤﻨﺎﻟﻪ ﺍﻟﻬﺪﺍﻳﻪ .
- ﺍﻧﺘﻲ ﻣﺮﺕ ﺍﺑﻮﻩ ﻣﻮﻭ
- ﺍﻱ
- ﺯﻳﻦ ﺍﻣﻪ ﺍﺧﻮﺗﻪ ﻭﻳﻦ ..
- ﻣﺎﺗﻮ ﻣﻦ ﺯﻣﺎﻥ ..
- ﺷﻠﻮﻥ ﻣﺎﺗﻮ
- ﻣﺎ ﺣﺎﺟﻴﻠﺞ ﻫﻮ ؟
- ﻛﻞ ﻣﺎ ﺍﺣﺠﻲ ﻭﻳﺎﻩ ﺍﻟﻤﻮﺿﻮﻉ ﻳﺘﻀﺎﻳﻖ ﺣﻴﻞ ﻭﻳﻜﻮﻡ .. ﻓﺨﻔﺖ ﺍﺫﻛﺮﻩ ﺑﺸﻲ ﺟﺎﺭﺣﻪ .. ﻟﻬﻴﺞ ﺳﻜﺘﺖ ﻋﻨﻪ
- ﺷﻮﻓﻲ ﺑﻨﺘﻲ ﻣﺎﻟﻚ ﺟﺎﻥ ﻭﺭﺩﻩ ﻭﻭﻟﺪ ﺩﺭﻩ ﻣﺎﻝ ﺍﻟﻠﻪ . ﺧﻠﻮﻕ ﻭﻃﻴﺐ ﺑﺲ ﻭﻓﺎﺓ ﺍﻣﻪ ﻭﺍﺧﻮﻩ ﻫﻲ ﺍﻻﺛﺮﺕ ﻋﻠﻴﻪ .
- ﺷﻠﻮﻥ
- ﺍﺧﺘﻪ ﺍﻣﻴﺮﻩ ﺍﻟﺠﺒﻴﺮﻩ ﻣﺎ ﻋﻨﺪﻩ ﻏﻴﺮﻫﺎ ﻻ ﺍﺥ ﻭﻻ ﺍﺧﺖ .. ﻭﻫﻲ ﺷﻠﻮﻥ ﺍﻣﻴﺮﻩ .. ﺻﺪﻙ ﺍﻣﻴﺮﻩ ﻣﻦ ﺍﻟﺤﺴﻦ ﻭﺍﻟﺠﻤﺎﻝ ﺍﻟﺸﺎﻳﻠﺘﻪ
ﺍﻟﻌﻴﻮﻥ ﻧﺮﺟﺴﻴﺎﺕ .. ﻭﺍﻟﻨﺎﺍﺍﻋﻢ ﻭﻟﻮﻧﻪ ﺑﻨﻲ ﻓﺎﺗﺢ ﻭﺗﺴﻮﻱ ﻧﮕﺮﻭ ﻭﺑﻴﻀﻪ ﻭﺗﺎﺭﺳﻪ ﺷﻮﻳﻪ .. ﺟﺎﻥ ﻣﻮﺩﻳﻞ ﺍﻟﺒﻨﻴﻪ ﺣﻼﺗﻪ ﺑﺠﺴﻢ ﻣﻠﻴﺎﻥ
....
ﺍﻟﻀﻌﻴﻔﻪ ﻫﺴﻪ ﺍﺟﻪ ﻣﻮﺩﻳﻠﻬﺎ ﺟﻨﻪ ﻧﺴﻤﻴﻬﺎ ﺍﻟﻤﻌﺼﻌﺼﻪ . ﺑﺲ ﺍﻣﻴﺮﻩ ﻣﻠﻴﺎﻧﻪ .. ﻭﺍﻟﺜﻮﺏ ﻛﻠﻪ ﺟﻮﻩ ﺍﻟﺮﻛﺒﻪ ﻣﺎﻝ ﺭﺟﻠﻬﺎ ﻭﻋﻈﻠﺔ ﺭﺟﻠﻬﺎ ﺑﻴﻀﻪ ﺗﺠﻨﻦ
- ﺍﻧﺘﻲ ﺗﻘﺮﺑﻴﻠﻬﻢ
- ﺍﻱ ﺍﻧﻲ ﺍﺻﻴﺮ ﺑﻨﺖ ﻋﻢ ﺍﺑﻮ ﺍﻣﻴﺮﻩ ... ﺗﺰﻭﺟﻨﻪ ﺑﻌﺪ ﻭﻓﺎﺓ ﺍﻟﻤﺮﺣﻮﻣﻪ ﺍﻡ ﺍﻣﻴﺮﻩ .. ﻭﺻﺎﺭ ﻋﻨﺪﻱ ﺑﺲ ﻫﻼﺛﻨﻴﻦ ﺑﻨﺎﺕ ﺍﻻﺀ ﻭ ﺭﺳﻞ
- ﺍﻟﻠﻪ ﻳﺤﻔﻈﻠﺠﻴﺎﻫﻢ ﻳﺎﺭﺏ ... ﺍﻱ ﻛﻤﻠﻲ ﻋﻠﻰ ﺍﻣﻴﺮﻩ ..
- ﺍﻣﻴﺮﻩ ﺟﺎﻧﺖ ﻣﺬﻳﻌﻪ ﺑﺘﻠﻔﺰﻳﻮﻥ ﻭﺣﻠﻮﻩ ﻭﺍﻟﺨﻮﺍﻃﻴﺐ ﻃﻮﺍﺑﻴﺮ ﻟﺤﺪ ﻣﺎ ﺧﻄﺒﺖ ﻟﻮﺍﺣﺪ ﺍﺳﻤﻪ ﻏﺴﺎﻥ ...
ﺟﺎﻥ ﻣﺎﻟﻚ ﺭﻭﺣﻪ ﻣﻦ ﺍﻟﺪﻧﻴﺎ ﺍﻣﻴﺮﻩ . ﻣﻮ ﺑﺲ ﺍﺧﺖ ﻫﻲ .. ﻳﻌﺘﺒﺮﻩ ﺍﺧﺖ ﻭﺻﺪﻳﻘﻪ ﻭﺍﻡ ﻛﻞ ﺍﺳﺮﺍﺭﻩ ﻳﻤﻬﺎ .
ﻟﺤﺪ ﻣﺎ ﺍﺟﻪ ﺫﺍﻙ ﺍﻟﻴﻮﻡ ﺍﻟﻠﻲ ﺩﻋﻮﻫﺎ ﻋﻠﻰ ﺣﻔﻠﻪ ﻣﻦ ﺣﻔﻼﺕ ﺍﺑﻦ ﺍﻟﺮﻳﺲ .. ﮔﺒﻞ ..
ﺭﺍﺣﺖ ﻫﻲ ﻭﺻﺪﻳﻘﺎﺗﻬﺎ ﻭﻭﺍﺻﺪﻗﺎﺀﻫﺎ ﻟﻠﺤﻔﻞ .. ﺑﺲ ﻫﻨﺎﻙ ﻭﺍﺣﺪ ﻣﻦ ﺍﻟﻠﻲ ﻳﺸﺘﻐﻠﻮﻥ ﺑﺎﻟﺤﻜﻮﻣﻪ ﻃﺎﻟﺒﻬﺎ . ﻫﻲ ﺭﺍﻓﻀﺘﻪ ﻻﻥ ﺟﺎﻧﺖ ﻣﺨﻄﻮﺑﻪ ..
ﻣﻦ ﺭﺍﻓﻀﺘﻪ ﺑﺎﻗﻲ ﻣﻬﺪﺩﻫﺎ ﻟﻮ ﺗﺠﻲ ﻭﻳﺎﻩ ﻟﻮ ﻳﺸﻤﺮﻟﻬﺎ ﺗﻬﻤﻪ ﻋﻤﻴﻠﻪ ﺍﻭ ﺍﻱ ﺷﻲ ﻳﺴﺠﻨﻮﻫﺎ ﻭﻳﻘﺘﻠﻮﻫﺎ
ﻣﺎ ﻗﺎﺑﻠﻪ ﺗﺮﻭﺡ ﻭﻳﺎﻩ .. ﻓﺪﺍﺯ ﺟﻤﺎﻋﻪ ﻣﻌﺘﻘﻠﻴﻬﺎ .. ﻋﻠﻰ ﺍﺑﻮ ﻋﻠﻴﻬﺎ ﺗﻬﻤﻪ .. ﻣﻦ ﺭﺍﻳﺤﻪ ﻫﻨﺎﻙ ﻣﺎﺧﺬﻫﺎ .. ﻭﺑﻌﺪﻫﺎ ﺗﺎﺭﻛﻬﺎ ﺑﺲ ﻣﻌﺬﺑﻴﻬﺎ ﻫﻮﺍﻱ ﻭﻣﻬﺪﺩﻳﻬﺎ ﺍﺫﺍ ﺗﺤﺠﻲ ﺗﻨﻘﺘﻞ ..
- ﺯﻳﻦ ﻭﻋﻤﻮ ﺷﻨﻮ ﺟﺎﻥ ﻳﺸﺘﻐﻞ ﻫﻮ ﻣﻮ ﺑﺎﻟﺪﻭﻟﻪ ..
- ﻻ ﻣﺎ ﺟﺎﻥ ﺑﺎﻟﺪﻭﻟﻪ ﻭﺭﻩ ﺍﻟﺴﻘﻮﻁ ﺍﻧﻈﻢ ﻟﺤﺰﺏ ﻭﺻﻌﺪ ﻭﻳﺎﻫﻢ ..
- ﺍﻱ ﻛﻤﻠﻲ
- ﺑﺲ ﻫﻢ ﺟﺎﻧﻮ ﻳﺪﻭﺭﻭﻥ ﻋﻠﻴﻬﺎ ﺑﺲ ﻣﺎ ﻳﻌﺮﻓﻮﻥ ﻭﻳﻦ ﻣﻌﺘﻘﻠﻴﻬﺎ ..
ﺧﻄﻴﺒﻬﺎ ﻓﺎﺳﺦ ﺍﻟﺨﻄﺒﻪ ﺑﻤﺠﺮﺩ ﻣﺎ ﻋﺎﺭﻑ ﺑﺄﻣﺮ ﺍﻋﺘﻘﺎﻟﻬﺎ ﺧﺎﻑ ﻳﺘﻮﺭﻁ ﻣﻦ ﻭﺭﺍﻫﺎ ..
ﻣﻦ ﺭﺟﻌﺖ ﻭﺣﺠﺖ ﻻﻫﻠﻬﺎ ﻋﻠﻰ ﺍﻟﻠﻲ ﺳﻮﻭﻩ ﺑﻴﻬﺎ ﻭﺍﻟﺘﻌﺬﻳﺐ ﺍﻟﻠﻲ ﺑﺠﺴﻤﻬﺎ .. ﻣﺎ ﻳﻜﺪﺭﻭﻥ ﻳﺸﺘﻜﻮﻥ .. ﻻﻥ ﺍﻟﻠﻲ ﻃﻠﺒﻬﺎ ﺑﺎﻟﺤﻜﻮﻣﻪ ﺗﻨﻜﺘﻞ .. ﻑ
ﻗﺮﺭﻭ ﺑﻴﻮﻣﻬﺎ ﻳﻄﻠﺒﻮﻥ ﺍﺫﻥ ﻣﻘﺎﺑﻠﻪ ﻭﻱ ﺍﻟﺮﻳﺲ ﺣﺘﻰ ﻳﺸﺘﻜﻮﻥ ﻳﻤﻪ ﻻﻥ ﻣﺤﺪ ﻳﺤﻞ ﻣﺸﻜﻠﺘﻬﺎ ﻭﻻ ﺍﺣﺪ ﻳﻜﺪﺭ ﻳﻮﻛﻒ ﺑﻮﺟﻪ ﺍﻟﺤﻜﻮﻣﻪ ﻏﻴﺮ ﺍﻟﺮﻳﺲ
.. ﺟﺎﻥ ﺍﻟﺮﻳﺲ ﻳﺤﺪﺩ ﻳﻮﻡ ﻳﻠﺘﻘﻲ ﻭﻱ ﺍﻟﺸﻌﺐ ﻳﺸﻮﻑ ﻣﺘﻄﻠﺒﺎﺗﻬﻢ .. ﻭﺍﺫﺍ ﺍﻣﺮ ﺑﺸﻲ .. ﻟﻮ ﺷﺨﺺ ﻣﺤﻜﻮﻡ ﻋﻠﻴﻪ ﺑﺎﻻﻋﺪﺍﻡ ﻳﻄﻠﻊ ﻓﻮﺭﺍ ﻋﺴﻰ ﻟﻮ ﺍﻟﺤﺒﻞ ﻋﻠﻰ ﺭﻛﺒﺘﻪ ﻳﺘﻨﻔﺬ ﺍﻻﻣﺮ ﻓﻮﺭﺍ ..
ﻫﺬﺍ ﺍﻟﺤﺠﻲ ﻣﺎﻟﻚ ﻣﻴﻌﺮﻑ ﺑﻲ .. ﺟﺎﻥ ﺍﻗﺴﺎﻡ ﺩﺍﺧﻠﻴﻪ ﺑﺎﻟﻜﻠﻴﻪ .. ﻣﻦ ﺭﺍﺟﻊ ﻭﺣﺎﺟﻴﻠﻪ .. ﺻﺎﻳﺮ ﻧﺎﺭ ﻭﺧﺎﺑﺺ ﺍﻟﺪﻧﻴﺎ ﻭﻣﻜﻌﺪﻫﺎ .. ﻭﻣﻦ ﻋﺼﺒﻴﺘﻪ ﻛﺎﺗﻞ ﺍﻣﻴﺮﻩ ﻭﺭﺍﻳﺪ ﻳﺬﺑﺤﻬﺎ ..
ﺑﺲ ﺑﻌﺪﻳﻦ ﺗﺪﺧﻞ ﻣﻦ ﺍﻣﻪ ﻭﺍﺑﻮﻩ .. ﻋﺎﻳﻔﻬﺎ ﻟﻤﺎ ﻛﺎﻳﻠﻪ ﺍﺑﻮﻩ ﻻﺯﻡ ﻧﺎﺧﺬ ﺣﻘﻬﺎ ﻭﻧﺸﺘﻜﻲ ﺩﻣﺮﻭ ﺣﻴﺎﺗﻬﺎ .. ﺑﺬﺍﻙ ﺍﻟﻴﻮﻡ ﻣﺎﻟﻚ ﻃﺎﻟﻊ ﻣﻦ ﺍﻟﺒﻴﺖ ﻏﻀﺒﺎﻥ ﻭﻣﺎ ﺭﺍﺟﻊ
ﺑﻴﻮﻣﻬﺎ .. ﺍﻟﻜﻼﺏ ﺻﺎﻳﺮ ﻋﺪﻫﻢ ﻋﻠﻢ ﺍﻥ ﺍﻣﻴﺮﻩ ﻭﺍﻫﻠﻬﺎ ﻗﺪﻣﻮ ﻃﻠﺐ ﻟﻠﺮﻳﺲ ﺑﺎﻟﻤﻘﺎﺑﻠﻪ .. ﻭﺍﺫﺍ ﻭﺻﻠﺖ ﻟﻠﺮﻳﺲ ﻣﺎ ﻳﺮﺣﻢ ..
ﻃﺎﺑﻴﻦ ﻋﻠﻴﻬﻢ ﺑﻠﻴﻞ ﻛﺎﺗﻠﻴﻦ ﺍﻣﻴﺮﻩ ﻭﺍﻣﻬﺎ ﻭﺍﺑﻮﻫﺎ ..
ﻧﺎﻗﻠﻴﻬﻢ ﺍﻟﺠﻴﺮﺍﻥ ﺑﺎﻻﺳﻌﺎﻑ ﺑﺲ ﺍﺑﻮﻩ ﻧﺎﺟﻲ ﻣﻦ ﺍﻻﻃﻼﻕ ﻭﺍﻣﻴﺮﻩ ﻭﺍﻣﻬﺎ ﻣﺘﻮﻓﻴﺎﺕ .... ﺧﺎﺑﺮﻭ ﻋﻠﻰ ﺍﻻﻗﺴﺎﻡ ﻭﻃﻠﺒﻮ ﻣﺎﻟﻚ ..... ﻣﺎﻟﻚ ﻭﻛﺎﻟﻮﻟﻪ ﺍﻫﻠﻚ ﻫﻴﺞ ﻭﻫﻴﺞ
....
ﺟﺎﻱ ﺭﻛﺾ ﻣﺘﺨﺒﻞ .. ﺍﻣﻪ ﻭﺍﺧﺘﻪ ﺑﻨﻔﺲ ﺍﻟﻴﻮﻡ .. ﻣﺸﻜﻚ ﺍﻫﺪﻭﻣﻪ ﻭﻳﺒﺠﻲ ﻋﻠﻴﻬﻢ ﻟﺤﺪ ﻣﺎ ﻭﺍﻋﻲ ﻋﻠﻰ ﻧﻔﺴﻪ ﺍﻟﻨﺎﺭ ﻛﺎﻳﻤﻪ ﺗﺸﺐ ﻣﻨﻪ ﻳﺮﻳﺪ ﻳﺮﻭﺡ ﻳﺘﻜﺎﺗﻞ ﻭﻳﻪ ﺍﻟﻠﻲ ﻛﺘﻠﻬﻢ ..
- ﻳﻌﺮﻓﻮﻧﻪ ﺍﻟﻠﻲ ﺍﻋﺘﻘﻠﻬﺎ ﺍﻭ ﺍﻟﻘﺘﻠﻬﺎ
- ﺍﻱ ﻳﻌﺮﻓﻮﻧﻪ .. ﺑﺲ ﻣﺎ ﻳﺘﺤﺎﺟﻪ ﻻﻥ ﺟﺎﻥ ﺍﻟﻪ ﻣﻨﺼﺐ ﺑﺎﻟﺤﻜﻮﻣﻪ ..
- ﺍﻫﺎﺍ ﺧﻄﻴﻪ
- ﺍﻱ ﻣﺎﺧﺬ ﺳﻼﺡ ﻭﺭﺍﻳﺪ ﻳﻬﺪ ﻋﻠﻰ ﺍﻟﺮﺟﺎﻝ ﺫﺍﻙ ﺍﻟﻜﺘﻞ ﺍﺧﺘﻪ .. ﺑﺲ ﻋﻤﺎﻣﻪ ﻣﺪﺧﻠﻴﻦ ﻭﻻﺯﻣﻲ ﻭﺣﺎﺑﺴﻲ ..
ﺑﺎﻗﻲ ﻣﺜﻞ ﺍﻟﻤﺨﺒﻞ ﻳﺪﻙ ﻭﻳﻨﻮﺡ ﻭﻳﻜﻠﻬﻢ ﺍﺧﺬ ﺷﺮﻓﻲ ﻭﻛﺘﻞ ﺍﻣﻲ ﻭﺗﺮﺩﻭﻥ ﺍﺳﻜﺖ ... ﻋﻤﺎﻣﻪ ﻣﺘﻜﺎﻭﻣﻴﻦ ﻋﻠﻴﻪ ﻣﺎ ﺧﺎﻟﻴﻪ ﻳﺮﻭﺡ ﻳﺘﻌﺎﺭﻙ ﻭﻳﺎﻫﻢ ..
ﺷﻴﺘﻌﺎﺭﻙ ﻫﻢ ﺫﻭﻝ ﻳﺘﻘﺎﺭﺷﻮﻥ ﻏﻴﺮ ﻳﺪﻓﻨﻮﻫﻢ ﺑﺒﻴﻮﺗﻬﻢ ... ﺑﻬﺬﻳﺞ ﺍﻟﻔﺘﺮﻩ ﺗﺮﻙ ﺩﺭﺍﺳﺘﻪ ﻭﺻﺎﺭ ﻣﺜﻞ ﺍﻟﻤﺨﺒﻞ ..
ﻻﻥ ﺍﺧﺮ ﺫﻛﺮﻯ ﺟﺎﻧﺖ ﺍﻟﻪ ﻭﻱ ﺍﺧﺘﻪ ﻭﻫﻮ ﻳﻀﺮﺑﻬﺎ .. ﻭﻫﻮ ﻳﻌﺘﺒﺮﻫﺎ ﺻﺪﻳﻘﺘﻪ ﻭ ﻛﻠﺸﻲ ﺑﺎﻟﺪﻧﻴﺎ .. ﻣﺘﺨﺒﻞ ﻣﻦ ﻭﺭﺍﻫﻢ ﻟﺪﺭﺟﺔ ﺭﺍﻳﺪﻳﻦ ﻳﺪﺧﻠﻮﻧﻪ ﻣﺼﺢ
ﻣﻦ ﺑﻌﺪ ﻣﺎ ﻣﻨﻌﻮﻩ ﻳﺮﻭﺡ ﻳﻌﺘﺪﻱ ﻋﻠﻴﻬﻢ .. ﻭﻻ ﻗﺎﺑﻠﻴﻦ ﻳﺮﻓﻌﻮﻥ ﺩﻋﻮﻩ ﻣﻦ ﺍﻟﺨﻮﻑ ﺍﺧﻮﺓ ﺍﺑﻮ ﺍﻣﻴﺮﻩ ﻣﺎ ﻗﺎﺑﻠﻴﻦ ..
ﻛﺎﻟﻮ ﻫﻨﻪ ﻣﺎﺗﻦ ﻭﺍﻟﻜﺎﺗﻠﻬﻦ ﻳﻢ ﺍﻟﻠﻪ ﻳﺘﺤﺎﺳﺐ ﻭﻫﺴﻪ ﺍﺫﺍ ﻧﺮﻓﻊ ﺩﻋﻮﻩ ﻧﻨﻜﺘﻞ ﻛﻞ ﺍﺣﻨﻪ ﻓﺴﻜﺘﻮ ..
ﻭﻣﺎﻟﻚ ﻏﺼﺒﻪ ﺍﺑﻮﻩ ﻭ ﻃﻠﻌﻪ ﻟﻼﺭﺩﻥ ﻳﻌﻴﺶ ﻫﻨﺎﻙ .. ﺑﺲ ﻋﺎﺵ ﻓﺘﺮﺓ ﺍﻛﺘﺌﺎﺏ ﻭﺣﺎﻟﻪ ﻧﻔﺴﻴﻪ ﻓﻀﻴﻌﻪ ..
ﻟﺤﺪ ﻣﺎ ﺳﻘﻄﺖ ﺍﻟﺪﻭﻟﻪ ﻭﺩﺧﻠﻮ ﺍﻻﻣﺮﻳﻜﺎﻥ .. ﻭﺭﻩ ﺷﻬﺮ ﻭﺍﺣﺪ ﻫﻮ ﺍﺟﻪ ﻣﺘﺤﺰﻡ ﻳﺮﻳﺪ ﻳﻨﺘﻘﻢ .. ﺟﺎﻥ ﻣﺼﺎﺩﻕ ﻭﺍﺣﺪ ﺍﺳﻤﻪ ﺍﻳﻬﺎﺏ .. ﻫﻢ ﻋﺮﺍﻗﻲ
- ﺍﻋﺮﻑ ﺻﺪﻳﻘﻪ ﺍﻟﺨﺴﻴﺲ
- ﻫﻮ ﻫﺬﺍ ﺳﺎﺱ ﺍﻟﺒﻼ .. ﺍﻱ .. ﻣﻦ ﺭﺍﺟﻌﻴﻦ ﻭﺗﺎﻩ ﺍﻟﺒﻠﺪ ﻭﺳﻘﻂ ﺍﻟﻘﺎﻧﻮﻥ .. ﺭﺍﺟﻊ ﻣﺎﻟﻚ ﻭﺍﻳﻬﺎﺏ ﻣﺪﻭﺭﻳﻦ ﻋﻠﻰ ﺍﻟﺮﺟﺎﻝ ﺍﻟﻠﻲ ﺍﻋﺘﺪﻯ ﻋﻠﻰ ﺍﻣﻴﺮﻩ ..
ﻭﻻﻛﻴﻨﻪ .. ﺷﻤﺴﻮﻳﻦ .. ﻣﺼﻮﺑﻪ ﺍﻟﺮﺟﺎﻝ ﺑﺮﺟﻠﻪ ﻭ ﻣﻐﺘﺼﺐ ﻣﺮﺗﻪ ﻭﺑﻨﺘﻪ ﻫﻮ ﻭﺍﻳﻬﺎﺏ ﮔﺒﺎﻝ ﻋﻴﻨﻪ ... ﻭﻃﺎﻟﻌﻴﻦ ...
ﻣﻨﻬﺎ ﻭﺑﺪﺍ ﺑﺎﻟﻄﺮﻳﻖ ﺍﻻﻋﻮﺝ .. ﺻﺎﺭ ﺷﻐﻠﻪ ﺑﺎﻟﺴﻴﺎﺳﻪ ﻭﺗﺼﻔﻴﺎﺕ ﺣﺰﺑﻴﻪ .. ﺑﻘﻰ ﻭﻳﺎﻫﻢ ..
ﺟﺎﻥ ﺣﺮﺏ ﻫﻮ ﻭﺍﺑﻮﻩ ﻻﻥ ﺍﺑﻮﻩ ﺑﻌﺪ ﺍﻟﺴﻘﻮﻁ ﻫﻢ ﺍﻧﻈﻢ ﻟﺤﺰﺏ ﻭﺍﺭﺗﻔﻊ ﻭﻳﺎﻫﻢ ﻭﻣﺎﻟﻚ ﺗﺸﻮﻳﻪ ﺍﻟﺴﻤﻌﺘﻪ ﻗﺎﺗﻞ ...
ﺣﺎﻭﻝ ﻳﻨﺼﺤﻪ ﺷﻜﺪ ﺍﺑﻨﻲ ﺗﻮﺏ ﺍﺗﺮﻙ ﻫﻠﺴﻮﺍﻟﻒ .. ﻣﺎﻟﻚ ﻣﺎ ﺭﺩ .. ﺍﺧﺬﺗﻪ ﺍﻟﻌﺰ ﺑﻬﺬﺍ ﺍﻟﺸﻐﻞ ﻓﻠﻮﺱ ﻭﻋﺰ ﻭﺷﺤﺪﻩ ﺍﻟﻴﻮﻛﻔﻠﻚ ..
ﺍﺗﺒﺮﻯ ﻣﻦ ﺍﺑﻮﻩ .. ﻛﺎﻡ ﻋﻤﺞ ﻛﻠﻤﺎ ﻳﺮﻭﺣﻠﻪ ﻣﺎﻟﻚ ﻳﻄﺮﺩﻩ .. ﻳﺮﻳﺪ ﻳﻬﺪﻱ ﻣﺎﻟﻚ ﻣﺎ ﻳﺮﺩ .. ﻭﺑﻘﻰ ﻳﺸﺘﻐﻞ ﻭﻳﺎﻫﻢ ..
- ﺯﻳﻦ ﻭﺍﻟﺤﺎﺩﻩ .. ﺷﻮﻛﺖ ﺍﻟﺤﺪ
- ﺍﻟﺤﺎﺩﻩ ﻣﻦ ﺟﺎﻥ ﺑﺎﻻﺭﺩﻥ ﻭﻱ ﺍﻳﻬﺎﺏ .. ﺑﺎﻗﻴﻦ ﻳﺪﺭﺳﻮﻥ ﻫﺬﺍ ﺍﻟﻔﻜﺮ .. ﻟﺤﺪ ﻣﺎ ﺧﺮﺝ ﻋﻦ ﺍﻟﺪﻳﻦ
ﺑﺲ ﻣﺎ ﺻﺎﺭﻟﻨﻪ ﻫﻮﺍﻱ ﻣﻦ ﻋﺮﻓﻨﺎ ﺍﻗﻞ ﺍﻟﺴﻨﻪ ﻳﻼ ﺍﻋﺘﺮﻑ ﺑﺎﻟﺤﺎﺩﻩ .. ﺑﺲ ﺭﻏﻢ ﻫﺎﻱ ﻋﻤﺞ ﻣﺎ ﻋﺎﻳﻔﻪ ﻳﺮﺍﻗﺒﻪ ﻭﻳﺪﻋﻴﻠﻪ ﺩﻭﻭﻡ ﺍﻟﻠﻪ ﻳﻬﺪﻱ ﺗﻌﺮﻓﻴﻦ ﺑﺲ ﻫﺬﺍ ﺍﻟﻮﻟﺪ ..
ﻭﺍﻧﻲ ﺣﺎﻭﻟﺖ ﺍﺟﻴﺒﻠﻪ ﺍﻟﻮﻟﺪ ﻣﺎ ﺻﺎﺭ ﺑﻘﻰ ﺑﺲ ﻣﺎﻟﻚ .. ﻓﺒﻘﻰ ﻳﺮﺍﻗﺐ ﻣﺎﻟﻚ ﻭﻛﻞ ﺗﺤﺮﻛﺎﺗﻪ ﻭﺑﻴﻦ ﻓﺘﺮﻩ ﻭﻓﺘﺮﻩ ﻳﺮﻭﺡ ﻳﺤﺠﻲ ﻭﻳﺎﻩ ﻋﺴﻰ ﻭﻟﻌﻞ ﻳﺘﻮﺏ
....
ﺷﻴﺘﻮﺑﻪ ﻣﺎﻟﻚ ﺑﻨﺺ ﻣﺴﺘﻨﻘﻊ ﺍﻻﺟﺮﺍﻡ .. ﺻﻌﺐ ﻳﻬﺘﺪﻱ ..
- ﻻ ﻣﺘﺄﻣﻠﻴﻦ ﺧﻴﺮ .. ﺍﺣﻨﻪ ﻣﻦ ﺣﺒﺞ ﻛﻠﻨﻪ ﻳﺎ ﺍﻟﻠﻪ ﻭﻋﺮﻓﻨﻪ ﺭﺍﺡ ﻳﺘﻌﻠﻖ ﺑﻴﺞ .. ﻻ ﺍﻧﺘﻲ ﻭﺍﺧﺘﻪ ﺑﻴﻜﻢ ﺻﻔﺎﺕ ﻣﺸﺘﺮﻛﻪ ..
- ﻳﻌﻨﻲ ﺷﻠﻮﻥ
- ﺍﻟﺤﻨﺎﻥ ﺍﻟﻔﻘﺪﻩ ﻣﻦ ﺍﻣﻪ ﻭﺍﺧﺘﻪ ﻭﺩﻑﺀ ﺍﻟﻌﺎﺋﻠﻪ ﺟﺎﻱ ﻳﺪﻭﺭﻩ ﺑﻴﺞ . ﻣﻦ ﻳﺸﻮﻓﺞ ﻳﺘﺬﻛﺮ ﺑﻴﺞ ﺍﺧﺘﻪ ... ﻭﻫﻢ ﻣﺬﻳﻌﻪ ﻣﺜﻠﻬﺎ ..
ﺣﺘﻰ ﺍﻧﺘﻲ ﻭﻳﺎﻫﺎ ﺑﻴﻜﻢ ﺷﺒﻪ ﺑﻨﺒﺮﺓ ﺍﻟﺼﻮﺕ ..
- ﻣﻦ ﻫﺎﻱ ﺣﺐ ﺻﻮﺗﻲ ﺑﺎﻻﺫﺍﻋﻪ ﻭﺩﻭﺭ ﻋﻠﻴﻪ ﺧﺎﻑ ﻋﻠﻤﻮﺩ ﻻﻥ ﺍﺷﺒﻪ ﺻﻮﺕ ﺍﺧﺘﻪ
- ﺍﻱ ﻫﻮ ﻣﺒﻴﻦ ﻟﻜﻰ ﺑﻴﺞ ﺍﻟﻌﺎﺋﻠﻪ ﺍﻟﻔﻘﺪﻫﺎ ﺑﻴﻦ ﻟﻴﻠﻪ ﻭﻳﻮﻡ .. ﻑ ﻣﺎ ﻳﻘﺒﻞ ﻳﺘﺮﻛﺞ ..
- ﻛﺴﺮ ﺧﺎﻃﺮﻱ ﺧﻄﻴﻪ ﻫﻬﻬﻬﻬﻬﻪ ..
- ﺍﻧﺘﻲ ﻫﻢ ﺗﺤﺒﻲ
- ﺟﻨﺖ ﺍﻋﺸﻘﻪ .. ﻭﺧﺴﺮﺕ ﺍﻫﻠﻲ ﻛﻠﻬﻢ ﻋﻠﻰ ﻣﻮﺩﻩ ﻭﻟﻠﻴﻮﻡ ﺍﻛﺬﺏ ﻟﻮ ﻛﻠﺖ ﺍﻛﺮﻫﻪ .. ﺑﺲ ﻭﺍﻗﻌﻪ ﻏﻴﺮ ﺍﻟﻠﻲ ﺟﻨﺖ ﺍﺣﻠﻢ ﺑﻲ .. ﺭﺟﻞ ﻣﺨﻴﻒ ﻭﻃﺒﺎﻋﻪ ﺻﻌﺒﻪ ﺍﺿﺎﻓﻪ ﺍﻟﻰ ﺍﻟﺤﺎﺩﻩ .
- ﺷﻮﻓﻲ ﻣﻮﺑﺎﻳﻠﺞ ﺧﺎﻑ ﻣﺨﺎﺑﺮﺝ .
- ﺧﻞ ﺍﺻﻌﺪ ﺍﺷﻮﻓﻪ ﺻﺪﻙ ... ﺭﻛﻀﺖ ﻟﻠﻐﺮﻓﻪ ﺑﺎﻭﻋﺖ ﻣﻮﺑﺎﻳﻠﻲ ﻣﺨﺎﺑﺮ 36 ﻣﺮﻩ .... ﺧﺎﺑﺮﺗﻪ .. ﺑﺴﺎﻉ ﺭﺩ ..
- ﺍﻟﻮﻭﻭﻭﻭ ﻭﻳﻴﻴﻴﻴﻨﺞ ﻭﻳﻦ ﺍﻧﺘﻲ ﺍﺣﺠﻴﻴﻴﻴﻲ
- ﺣﺒﻴﺒﻲ ﺻﻌﺐ ﺍﺭﺟﻌﻠﻚ ﺑﻌﺪ ﻭﺍﻟﻠﻪ ﺍﻧﺴﺎﻧﻲ
- ﺍﺫﺑﺤﺞ ﻭﻣﺎ ﺍﺗﺮﻛﺞ ﻫﺴﻪ ﺗﺮﺟﻌﻴﻦ ..
- ﻣﺎﻟﻚ ﺍﺭﺟﻊ ﺑﺸﺮﻁ ..
- ﺗﺘﺸﺮﻃﻴﻦ ﻋﻠﻴﻪ ﻟﺠﻴﻴﻴﻴﻦ
- ﻣﺎﻟﻚ ﺗﺘﺮﻙ ﺷﻐﻠﻚ ﻭﺗﺮﺟﻊ ﻟﻼﺳﻼﻡ ﻭﺗﺘﺮﻙ ﺍﻟﺤﺎﺩﻙ ..
- ﺍﻧﺘﻲ ﺷﻌﻠﻴﺞ ﺑﻔﻜﺮﻱ ﻭﻋﻘﻠﻴﺘﻲ .. ﻟﺠﻴﻦ ﺍﻧﻲ ﺭﺍﺡ ﺍﺟﻦ ﺍﻧﺘﻲ ﻭﻳﻴﻴﻴﻴﻴﻦ
- ﻣﺎ ﺍﺭﺟﻌﻠﻚ ﻭﺍﻟﻠﻪ ﺍﺫﺍ ﻣﺎ ﺗﻜﻮﻟﻲ ﻣﻮﺍﻓﻖ
- ﻛﺘﻠﺞ ﺻﻌﺐ ﺍﺗﺮﻙ ﺍﻟﺸﻐﻞ ﻟﺠﻴﻦ
- ﻭﺍﻻﺳﻼﻡ ..
- ﻟﺠﻴﻦ ﺍﻧﻲ ﻣﺮﻳﺾ ﻟﺘﺮﻛﻴﻨﻲ
- ﺣﺒﻴﺒﻲ ﻣﻮ ﻣﺮﻳﺾ ﻭﺍﻧﻤﺎ ﺍﻟﺒﻴﺖ ﻣﺎﻟﺘﻚ ﻣﺴﻜﻮﻥ .. ﻭﺍﻟﺠﺜﻪ ﺍﻟﻠﻲ ﺟﻮﻩ ﺍﻟﺒﺎﻧﻴﻮ ﻫﻲ ﺍﻟﻠﻲ ﻣﺄﺫﻳﺘﻚ ..
- ﺍﻧﺘﻲ ﺷﻤﺪﺭﻳﺞ
- ﺳﻤﻌﺖ ﻛﻞ ﺣﺠﻴﻚ ﻭﻳﻪ ﺍﻳﻬﺎﺏ ..
- ﻟﺠﻴﻦ ﻣﻌﻠﻴﺞ ﺑﻜﻞ ﻫﺬﺍ ﺍﺭﺟﻌﻴﻠﻲ
- ﻣﺎﻟﻚ ﺍﻧﺖ ﺍﺭﺟﻌﻠﻲ ﻣﻨﻬﻢ .. ﺍﻧﻲ ﺣﺎﻣﻞ ﺍﺑﺄﺑﻨﻚ ... ﺣﺮﺍﻡ ﻋﻠﻴﻚ ﺧﻠﻲ ﻧﻌﻴﺶ ﻣﻊ ﺑﻌﺾ ﺑﺴﻌﺎﺩﻩ ﻭﺍﺗﺮﻙ ﻫﺬﺍ ﺍﻟﺸﻐﻞ ..
- ﺍﻧﺘﻲ ﻭﻳﻨﺞ
- ﻣﺎ ﺍﺩﻟﻴﻚ ﺍﻻ ﺗﻜﻮﻝ ﺍﻟﺸﻬﺎﺩﻩ .
- ﺍﻭﻙ ﻣﺎﺷﻲ ﺑﺴﻴﻄﻪ ... ﻗﻔﻞ ﺍﻟﺨﻂ ﺑﻮﺟﻬﻲ .. ﻣﺪﺍﻡ ﻣﺎ ﺍﺷﻬﺪ .. ﻣﺎ ﺍﺭﻳﺪﻩ . ﺧﺎﺑﺮﺕ ﻣﺎﻣﺎ ﻛﺎﻟﺘﻠﻲ ﺍﺟﻪ ﻫﻨﺎ ﻣﺜﻞ ﺍﻟﻤﺨﺒﻞ ﺣﻠﻔﺘﻠﻪ ﻣﺎ ﺍﻋﺮﻑ ﻭﻳﻨﻬﺎ ﻭﻻ ﺣﺎﺟﻴﺘﻠﻲ ﺑﻌﺪ ﻣﺎ ﺍﻳﺲ ﻃﻠﻊ ﻣﻦ ﻋﺪﻧﺎ ﻳﻬﺪﺩ
ﺳﺪﻳﺖ ﺍﻟﺨﻂ ﻣﻦ ﻣﺎﻣﺎ ﻭﻧﺰﻟﺖ ﻭﻳﻪ ﺍﻫﻠﻪ .. ﻧﺎﺱ ﻣﺤﺒﻮﺑﻴﻦ .. ﺑﺴﺎﻉ ﺗﻌﺎﻳﺸﺖ ﻭﻳﺎﻫﻢ ..
ﺑﻘﻴﺖ ﻟﻠﻴﻞ ﺟﻮﻩ ﻭﻳﺎﻫﻢ ... ﺭﺳﻞ ﺍﻧﻄﺘﻨﻲ ﻏﺮﻓﺘﻬﺎ ﺍﻟﻘﺪﻳﻤﻪ ﻧﻀﻔﻨﺎﻫﺎ ﺳﻮﻩ ﻭﻛﻌﺪﺕ ﺑﻴﻬﺎ .. ﻭﻧﻤﺖ ﺍﺭﺗﺎﺡ ﺷﻮﻳﻪ
...
ﺣﺴﻴﺖ ﺍﻟﺒﺎﺏ ﺍﻧﻔﺘﺤﺖ ... ﻓﺰﻳﺖ .. ﻣﺎﻟﻚ ﻛﺒﺎﻟﻲ .. ﻛﻤﺰﺕ ﻋﻠﻰ ﺣﻴﻠﻲ .. ﻣﺎ ﺣﺠﻴﺖ ﻭﻻ ﻛﻠﻤﻪ ﻣﻦ ﺍﻟﺨﻮﻑ
- ﻋﺒﺎﻟﺞ ﺗﻨﻬﺰﻣﻴﻦ ﻣﻨﻲ
- ﻣﺎﻟﻚ ﺍﺑﺘﻌﺪ .. ﺍﻧﻲ ﻣﺎ ﺍﺭﻳﺪﻙ .. ﺍﻓﺘﻬﻢ ﺣﺮﺍﻡ ﻋﻠﻴﻚ .. ﺗﻘﺮﺏ ﺍﻟﻴﻪ ﻭﻟﺰﻣﻤﻨﻲ ﺣﻴﻞ ﻣﻦ ﺯﻧﻮﺩﻱ ..
- ﺍﺷﻬﺪ ﺍﻥ ﻻ ﺍﻟﻪ ﺍﻻ ﺍﻟﻠﻪ ﻭﺍﺷﻬﺪ ﺍﻥ ﻣﺤﻤﺪ ﺭﺳﻮﻝ ﺍﻟﻠﻪ ... ﺍﺣﺒﺞ ﻟﺠﻴﻦ ﻻ ﺍﺗﺮﻛﻴﻨﻲ
- ﺑﻘﻴﺖ ﻣﺘﺼﻨﻤﻪ ﺍﻟﺪﺍ ﺍﺳﻤﻌﻪ ﺣﻘﻴﻘﻪ .. ﻟﻮ ﺣﻠﻢ .. ﺣﻈﻨﻲ ﻭﺍﻧﻲ ﻣﺜﻞ ﺍﻟﺼﻨﻢ .. ﻟﺤﻈﻪ ﺍﺭﺟﻊ ﻋﻴﺪ ﺩﺍ ﺍﺳﺘﻮﻋﺐ
- ﻫﻬﻬﻬﻪ ﻟﺞ ﺍﺣﺒﺞ ﻭﻣﺴﺘﻌﺪ ﺍﺗﺨﻠﻰ ﻋﻦ ﺍﻟﺪﻧﻴﺎ ﻛﻠﻬﺎ ﻣﻮ ﺑﺲ ﺍﻻﻟﺤﺎﺩ ﻋﻠﻰ ﻣﻮﺩﺝ .. ﺍﻧﺘﻲ ﺍﻣﻲ ﺍﻧﺘﻲ ﺍﻫﻠﻲ ﻣﺎ ﺍﻛﺪﺭ ﺍﺑﺘﻌﺪ ﻋﻨﺞ ..
- ﺭﻓﻌﺖ ﺍﺩﻳﻪ ﻟﺮﺍﺳﻪ ﻭﺣﻈﻨﺘﻪ ﺣﻴﻞ ... ﻭﺭﺟﻌﺖ .. ﻭﺷﻐﻠﻚ ..
- ﺟﻨﺖ ﺍﺣﺠﻲ ﺍﻧﻲ ﻭﺍﻟﻮﺍﻟﺪ ﺑﻬﺬﺍ ﺍﻟﻤﻮﺿﻮﻉ .. ﺭﺍﺡ ﺍﻧﺴﺤﺐ ﻣﻨﻬﻢ ﺗﺪﺭﻳﺠﻴﺎ .. ﻭﻧﺮﻭﺡ ﺍﻧﻲ ﻭﻳﺎﺝ ﻭﺍﺑﻨﺎ ﻟﻐﻴﺮ ﻣﻜﺎﻥ ﻳﻮﺳﻌﻨﺎ .
- ﻫﻬﻬﻬﻬﻬﻬﻪ ﺍﺣﺒﻚ ... ﺣﻈﻨﺘﻪ .... ﻏﻤﺮﺕ ﺭﺍﺳﻲ ﺑﺼﺪﺭﻩ ﺣﻴﻴﻴﻞ .. ﻓﻌﻼ ﺣﺴﻴﺘﻪ ﻳﺤﺒﻨﻲ ﻭﺍﻧﻲ ﻣﻮ ﺑﺲ ﺍﺣﺒﻪ ﺍﻣﻮﺕ ﻋﻠﻴﻪ ..
- ﻟﺠﻴﻦ ﺍﻧﻲ ﺍﻧﺠﻦ ﺍﺫﺍ ﺗﺒﺘﻌﺪﻳﻦ ﻋﻨﻲ ...
- ﻻ ﻣﺮﺍﺡ ﺍﺑﺘﻌﺪ ﻭﻋﺪ ﻫﻬﻬﻬﻬﻬﻬﻬﻪ .. ﺣﺒﻴﺒﻲ
- ﺭﻓﻊ ﺣﻨﺠﻲ .. ﻣﺸﺘﺎﻗﻠﺞ
- ﺍﺑﺘﺴﻤﺖ .. ﺗﻘﺮﺏ ﺑﺎﺳﻨﻲ ... ﻭﺷﺎﻟﻨﻲ ﺑﺄﺛﻨﻴﻦ ﺍﺩﻳﻪ .... ﻫﻬﻬﻬﻬﻪ ﻣﺎﻟﻚ ﺭﺍﺡ ﺍﻭﻭﻭﻛﻊ ..
ﺭﺟﻌﻨﻲ ﻟﻠﺴﺮﻳﺮ ... ﺍﻣﻮﺕ ﻋﻠﻴﺞ ... ﻫﻬﻬﻬﻬﻬﻬﻬﻪ ........
ﻏﺎﻓﻲ ﻫﻮ .. ﻭﺍﻧﻲ ﻋﻠﻰ ﺍﻳﺪﻩ ... ﻣﺪﻳﺖ ﺍﻳﺪﻱ ﺍﻟﻌﺐ ﺑﺤﻮﺍﺟﺒﻪ .. ﻓﺘﺢ ﺗﻚ ﻋﻴﻦ ﺑﻨﻌﺎﺱ ..
ﻣﺎﻟﻚ
- ﻫﻤﻤﻢ
- ﺍﻟﺮﺟﺎﻝ ﺍﻟﺠﻮﻩ ﺍﻟﺒﺎﻧﻴﻮ ﻟﺨﺎﻃﺮﻱ ﻃﻠﻌﻪ ﺍﺩﻓﻨﻪ
- ﻟﺘﺸﻐﻠﻴﻦ ﺑﺎﻟﺞ ﺑﻬﻴﺞ ﺍﻣﻮﺭ .. ﺍﺗﺮﻛﻴﻬﺎ ..
- ﺯﻳﻦ ﻟﻴﺶ ﻗﺘﻠﺘﻪ ..
- ﻟﺠﻴﻦ ﺗﻜﺪﺭﻳﻦ ﺗﻨﺰﻟﻴﻦ ﺗﺴﻮﻳﻠﻲ ﻋﺸﺎ .. ﺟﻮﻋﺎﻥ .. ﻣﻤﺎﻛﻞ ﺻﺎﺭ ﻳﻮﻣﻴﻦ ﻣﻦ ﻭﺭﺍﺝ ..
- ﺍﻱ ﺍﺩﻟﻞ .. ﺑﺲ ﺍﻭﻛﻒ ﻟﺤﻈﻪ ﺷﻌﺮﻓﻚ ﺍﻧﻲ ﻫﻨﺎ ﻋﻨﺪ ﺍﻫﻠﻚ
- ﺳﻤﻌﺖ ﺻﻮﺕ ﺍﻻﺀ ﺗﺼﻴﺢ ﺭﺳﻞ ﻭﺍﻧﺘﻲ ﺗﺤﺠﻴﻦ ﻭﻳﺎﻱ ﻓﻌﺮﻓﺖ ﺍﻧﺘﻲ ﻭﻳﻦ .. ﻑ ﺭﺣﺖ ﻟﻮﺍﻟﺪﻱ ﺑﻘﻰ ﻳﺤﺠﻲ ﻭﻳﺎﻱ ﻭﻋﻠﻰ ﻣﺘﻄﻠﺒﺎﺗﺞ ..
ﻛﺘﻠﻪ ﺍﻧﻲ ﻣﻮﺍﻓﻖ ﺍﺳﻮﻱ ﺍﻟﻠﻲ ﺗﺮﻳﺪﻩ ﻟﺠﻴﻦ ﻭﺍﺭﻳﺪ ﺍﺧﺬﻩ ﻭﻧﻄﻠﻊ ﺑﺮﻩ ..
- ﺗﺼﺎﻟﺤﺖ ﺍﻧﺖ ﻭﻳﺎﻩ ﻟﻮ ﻻ
- ﻻ ﺑﺲ ﺣﺠﻴﺖ ﻭﻳﺎﻩ ﻋﻠﻴﺞ .. ﻛﺎﻝ ﺍﺻﻌﺪ ﻫﻲ ﻓﻮﻙ ﺑﻐﺮﻓﺔ ﺭﺳﻞ .. ﺩﻟﺘﻨﻲ ﺭﺳﻞ ﻉ ﺍﻟﻐﺮﻓﻪ ﻭﺍﺟﻴﺘﺞ
- ﻣﺎﻟﻚ ﻣﺎ ﺍﺭﺟﻊ ﻟﻠﺸﻘﻪ
- ﻋﻠﻰ ﻣﺎ ﺍﺗﺮﻙ ﺷﻐﻠﻲ ﻭﻧﺴﺎﻓﺮ ﻟﺠﻴﻦ ﻣﺎ ﺍﻛﺪﺭ
- ﺍﺑﻮﻙ ﻣﺎ ﻳﻘﺒﻞ ﻧﺒﻘﻰ ﻫﻨﺎ
- ﺍﻧﻲ ﻣﺎ ﺍﺭﻳﺪ ﺍﻛﺎﺑﻠﻬﻢ
- ﺗﺮﻩ ﻳﺤﺒﻮﻙ ﻭﺍﻟﻠﻪ ..
- ﺍﺧﺬ ﻧﻔﺲ .. ﻛﻮﻣﻲ ﺳﻮﻱ ﻋﺸﺎ ..
- ﻣﺎﻟﻚ ﻓﺪﻭﻩ ﺍﻟﺸﻘﻪ ﻣﺎ ﺍﺭﺟﻌﻠﻬﺎ ﻭﺍﻟﻠﻪ ﺍﺧﺎﻑ .. ﺭﻭﺡ ﺍﻟﻀﺎﺑﻂ ﺑﺎﻟﺸﻘﻪ ﻭﺍﻟﻠﻪ ..
- ﻳﺎ ﺭﻭﺡ ﺍﻧﺘﻲ ﻣﺘﺴﻜﺘﻴﻦ
....
ﻭﺍﻟﻠﻪ ﻣﺠﻨﺖ ﺍﺅﻣﻦ ﺑﻬﻼﺷﻴﺎﺀ ﻣﺜﻠﻚ .. ﺑﺲ ﺷﻔﺘﻬﺎ ﺑﻌﻴﻨﻲ ﺣﻘﻴﻘﻪ ﻭﺑﻌﺪﻳﻦ ﺗﻌﺎﻝ ﺍﻧﺖ ﺷﻠﻮﻥ ﺩﺍﻓﻨﻪ ﺟﻮﻩ ﺍﻟﺒﺎﻧﻴﻮ ..
- ﻣﺎ ﺭﺩ ..
- ﻭﺍﻧﻲ ﺍﻛﻮﻝ ﺍﻟﺒﺎﻧﻴﻮ ﻟﻴﺶ ﻋﺎﻟﻲ ﺗﻨﻔﺮﺝ ﺭﺟﻠﻲ ﻟﻤﺎ ﺍﻋﺒﺮﻩ .. ﻃﻠﻊ ﺿﺎﻣﻠﻚ ﺑﺸﺮ ﺑﻲ
- ﺭﺍﺡ ﺗﺴﻮﻳﻦ ﻋﺸﺎ ﻟﻮ ﺷﻠﻮﻥ ﻛﻠﺖ ﺟﻮﻋﺎﻥ
- ﺗﺮﻛﺘﻪ ﻭﺭﺣﺖ ﻟﻠﺒﻨﺎﺕ ﺍﺧﺬﺕ ﺭﺳﻞ . ﻧﺰﻟﺖ ﻭﻳﺎﻳﻪ ﻟﻠﻤﻄﺒﺦ ﺳﻮﻳﺘﻠﻪ ﺍﻛﻞ .. ﺩﺍ ﺍﺳﻮﻱ ﺍﻛﻞ .. ﺷﻔﺖ ﻟﻴﻤﻮﻥ .. ﺫﺑﺖ ﻋﻠﻴﻪ ..
ﻛﺸﺮﺕ ﻭﻛﻌﺪﺕ ﺍﻛﻞ .. ﻣﺎ ﺗﺤﻤﻠﺖ ﺣﻤﻮﺿﺘﻪ .. ﻻﻥ ﺍﺻﻼ ﻣﻌﺪﺗﻲ ﺑﻴﻬﺎ ﺣﻤﻮﺿﻪ ﻣﻦ ﺍﻟﺤﻤﻞ .. ﺑﺲ ﺍﺷﺘﻬﻴﺖ ﺩﻭﻟﻤﻪ ﺣﻠﻮﻩ ﻭﺍﻋﺼﺮ ﻋﻠﻴﻬﺎ ﻟﻴﻤﻮﻥ ..
ﺑﺎﻭﻋﺖ ﻟﺮﺳﻞ ﻳﻤﻲ ﻭﺍﻧﻲ ﺍﺳﻮﻱ ﺍﻛﻞ .. ﻟﺞ ﺭﺳﻮﻟﻪ ﺷﻜﺪ ﻣﺸﺘﻬﻴﻪ ﺩﻭﻟﻤﻪ ﺣﻠﻮﻩ ﻭﺍﻋﺼﺮ ﻋﻠﻴﻬﺎ ﻟﻴﻤﻮﻥ ..
- ﺩﻭﻟﻤﻪ ﺣﻠﻮﻩ ﺍﺷﻠﻮﻥ
- ﻣﻀﺎﻳﻜﺘﻬﺎ ﺑﺲ ﺗﺨﻴﻠﺘﻬﺎ ..
- ﻟﻴﻜﻮﻥ ﺩﺗﺘﻨﺴﻴﻦ
- ﺷﻌﺮﻓﻨﻲ ﺧﻠﺼﺖ 3 ﺍﺷﻬﻮﺭ ﻧﺎﺳﻴﻪ ﻛﻠﺸﻲ ﺍﺳﻤﻪ ﻧﺴﺎﻭﻩ .. ﺑﺲ ﻫﺴﻪ ﻣﺪﺭﻱ ﺍﺷﻠﻮﻥ ﺍﺷﺘﻬﻴﺖ ..
- ﻫﻬﻬﻬﻬﻪ ﺍﻧﻲ ﺍﻛﻮﻝ ﻟﻤﺎﻣﺎ ﺑﺎﺟﺮ ﺗﺴﻮﻳﻠﺞ
- ﻻ ﻋﻴﺐ ﺧﻄﻴﻪ ﻣﺎ ﺍﺭﻳﺪ ..
- ﻻ ﺷﻜﻮ ﻳﻤﻌﻮﺩﻩ ﺍﺻﻼ ﺣﺎﻣﻞ ﺗﺤﺼﻞ ﺍﺟﺮ ﺍﺫﺍ ﺳﻮﺗﻠﺞ ﺍﻟﺘﺸﺘﻬﻴﻲ ..
- ﻣﺸﻜﻮﺭﻩ .. ﻛﻤﻠﺖ ﺍﻻﻛﻞ ﻭﺻﻌﺪﺕ .. ﻭﺧﻠﻴﺖ ﺍﻻﻛﻞ ﻟﻤﺎﻟﻚ .. ﻣﺎ ﺍﺷﺘﻬﻴﺖ ﺍﻛﻞ ﻭﻳﺎﻩ ﺑﻜﺪ ﻣﺎ ﺍﺷﺘﻬﻴﺖ ﺍﻟﺪﻭﻟﻤﻪ ..
- ﺷﻮ ﺻﺎﻓﻨﻪ
- ﻣﺸﺘﻬﻴﻪ ﺩﻭﻟﻤﻪ ..
- ﻫﻬﻬﻬﻬﻬﻪ .. ﺗﻨﺴﻴﺘﻲ
- ﻣﺎ ﺍﻋﺮﻑ ﺿﺎﻟﻪ ﺍﺑﺎﻟﻲ ..
- ﻛﻮﻣﻲ ..
- ﻭﻳﻦ
- ﺑﺪﻟﻲ ﻭﻣﻌﻠﻴﺞ
- ﻛﻤﺖ ﺑﺴﺮﻋﻪ ﺭﻛﻀﺖ ﺳﺒﺤﺖ ﻭ ﻟﺒﺴﺖ ﻭﺍﺟﻴﺘﻪ ... ﻧﺰﻝ ﻛﺒﺎﻟﻲ ﻣﺸﻴﺖ ﻭﺭﺍﻩ ... ﻣﺎﻟﻚ ﻻﺯﻡ ﻧﻜﻮﻝ ﻻﻫﻠﻚ ﺍﺣﻨﻪ ﻃﺎﻟﻌﻴﻦ
- ﺍﻣﺸﻲ ﻣﻌﻠﻴﺞ ..
- ﺭﻛﺒﺖ ﺍﻟﺴﻴﺎﺭﻩ ﻭﻳﺎﻩ .. ﺍﻟﺴﺎﻋﻪ ..11 ﻃﻠﻊ ﻟﻠﻤﻨﺼﻮﺭ .. ﺩﺧﻠﻨﻲ ﻣﻄﻌﻢ .. ﺣﺘﻰ ﻣﺎ ﻛﺎﻥ ﺍﻛﻮ ﻧﺎﺱ ﻫﻮﺍﻳﻪ
ﺟﺎﻧﺖ ﺍﻟﻜﺮﺍﺳﻲ ﻣﺜﻞ ﺍﻟﺘﺨﻢ .. ﻟﻠﺤﺎﻳﻂ .. ﻭﺻﺎﻳﺮ ﺑﺰﺍﻭﻳﻪ ﻭ ﺗﻬﻮﻳﺎﺕ ﻣﻦ ﻓﻮﻙ ﻳﻨﺰﻝ ﻫﻮﺍ ﺑﺎﺭﺩ .. ﻛﻌﺪ ﻣﺎﻟﻚ ﻳﻤﻲ .. ﻭﻟﻒ ﺍﻳﺪﻩ ﻋﻠﻰ ﻣﺘﻨﻲ ..
ﺍﺟﻪ ﺍﻟﻨﺎﺩﻝ .. ﻛﺎﻟﻪ ﺍﺭﻳﺪ ﺩﻭﻟﻤﻪ ﺣﻠﻮﻩ ﻭﻟﻴﻤﻮﻥ .
- ﻛﺎﻟﻪ ﻋﺪﻧﺎ ﺑﺲ ﺩﻭﻟﻤﻪ ﺣﺎﻣﻀﻪ
- ﺑﺎﻭﻋﻠﻲ .. ﻛﺘﻠﻪ ﻣﺎﺷﻲ ﺑﺲ ﻛﻮﻥ ﻟﻴﻤﻮﻥ ﻭﻳﺎﻩ ... ﺭﺍﺡ ﺍﻟﻨﺎﺩﻝ .. ﻣﺪ ﺍﻳﺪﻩ ﻋﻠﻰ ﺑﻄﻨﻲ .. ﺷﻮ ﻣﺪﺗﺒﻴﻦ ..
- ﺑﻌﺪﻫﺎ ﺻﻐﻴﺮﻩ ...
- ﺷﻮﻛﺖ ﺗﻜﺒﺮ ..
- ﻫﻮ ﻣﻨﺎ ﻭﻫﻴﺞ
- ﻟﻴﺶ ﻫﻴﺞ ﺗﺒﺘﻌﺪﻳﻦ ﻋﻨﻲ ﻣﻮ ﺗﻌﺮﻓﻴﻦ ﻣﺎ ﺍﻋﻴﺶ ﺑﺪﻭﻧﺞ ..
- ﻫﻬﻬﻬﻬﻪ .. ﺑﻌﺪ ﻣﺎ ﺍﺑﺘﻌﺪ .. ﺑﻘﻴﻨﻪ ﻧﺴﻮﻟﻒ .. ﺟﺎﺑﻮ ﻣﺎﻋﻮﻥ ﻭﺍﺣﺪ ﺩﻭﻟﻤﻪ .. ﺩﺭﺕ ﻭﺟﻬﻲ ﻟﻤﺎﻟﻚ .. ﻭﺍﻧﺖ ﻣﺘﺎﻛﻞ
....
ﻣﻮ ﺍﻛﻠﺖ ﺑﺎﻟﺒﻴﺖ .. ﺍﻛﻠﻲ ﺍﻧﺘﻲ ..
- ﻋﺼﺮﺕ ﻟﻴﻤﻮﻥ ﻉ ﺍﻟﺪﻭﻟﻤﻪ ﻭﻛﻤﺖ ﺍﻛﻞ ﺣﺎﻣﻀﻪ ﺣﻴﻴﻴﻴﻞ .. ﺍﻛﻞ ﻭﺍﻛﻮﻝ ﻫﻤﻤﻤﻤﻢ ... ﺍﻟﻠﻪ ﻭﻫﻮ ﻳﻀﺤﻚ ..
- ﺑﺎﻟﻠﻪ ﺍﺷﻮ ﺷﻬﻴﺘﻴﻨﻲ ... ﻣﺪ ﺍﺧﺬ ﻭﺣﺪﻩ ﻭﺍﻛﻠﻬﺎ ... ﻳﻠﻌﻦ ﻏﻴﺮﺗﺞ ﺗﻤﻮﺕ ﺣﺎﻣﻀﻪ ..
- ﻫﻬﻬﻬﻬﻬﻪ ﻛﻤﻠﺖ ﺍﻟﻤﺎﻋﻮﻥ ﻛﻠﻪ .. ﻭﻃﻠﺒﻠﻲ ﻋﺼﻴﺮ ﺑﻄﻴﺦ .. ﺣﺘﻰ ﺗﻌﺎﺩﻝ ﺍﻟﺤﻤﻮﺿﻪ ﺑﻤﻌﺪﺗﻲ .. ﺷﺒﻌﺖ ﻭﻛﻤﻨﺎ
- ﺭﺟﻌﻨﺎ ﻛﺒﻞ .. ﺑﺪﻟﻨﺎ ﻭﻧﻤﻨﺎ ﻋﻠﻰ ﺳﺮﻳﺮ ﻧﻔﺮ .. ﻭﻫﻮ ﻳﺒﻌﺪ ﺑﺨﺼﻼﺕ ﺷﻌﺮﻱ ﻭﻳﺸﺘﻢ ﺑﻮﺟﻬﻲ .. ﻟﺤﺪ ﻣﺎ ﺩﺧﻠﺖ ﺑﻨﻮﻣﻪ ﻣﺎ ﻛﻌﺪﺕ ﻣﻨﻬﺎ ﻏﻴﺮ ﺍﻟﺼﺒﺢ
ﻣﺎﻟﻚ ﻣﻤﻮﺟﻮﺩ .. ﻛﻤﺖ ﻋﻠﻰ ﺣﻴﻠﻲ .. ﻧﺰﻟﺖ ﺟﻮﻩ .. ﺧﺎﻟﻪ ﻓﺎﻃﻤﻪ ﻭﺍﻟﺒﻨﺎﺕ ﺩﻳﺴﻮﻭﻥ ﺩﻭﻟﻤﻪ .. ﻭﺣﺠﺖ ﺭﺳﻞ ﻣﻮ ﺍﺷﺘﻬﻴﺘﻲ ﺍﻟﺪﻭﻟﻤﻪ
.. ﺿﺤﻜﺖ ﻟﺞ ﻻ ﺭﺣﺖ ﺍﻛﻠﺖ ﺍﻟﺒﺎﺭﺣﻪ ..
- ﻭﻳﻦ ﺑﺎﻟﺤﻠﻢ ..
- ﻻ ﻣﺎﻟﻚ ﺍﺧﺬﻧﻲ ﻟﻤﻄﻌﻢ ﺑﻠﻴﻞ .. ﺑﺲ ﺣﺎﻣﻈﻪ ﻣﻮ ﺣﻠﻮﻩ ..
ﻓﺎﻃﻤﻪ -: ﻫﺎﻱ ﺍﻧﻲ ﺳﻮﻳﺘﻬﺎ ﺣﻠﻮﻩ ﺍﺩﻟﻠﻲ
- ﺍﺑﺘﺴﻤﺘﻠﻬﺎ ﻣﺸﻜﻮﺭﻩ .. ﻭﻛﻌﺪﺕ ﺍﺳﺎﻋﺪﻫﻢ ﺑﺎﻟﻠﻒ ..
ﻣﻀﺖ 5 ﺷﻬﻮﺭ .. ﻭﺍﻧﻲ ﺍﺑﻴﺖ ﺍﻫﻞ ﻣﺎﻟﻚ .. ﻣﺎ ﻗﺒﻠﺖ ﻧﺮﺟﻊ ﻟﻠﺸﻘﻪ .. ﺍﺿﻄﺮ ﻳﺒﻴﻌﻬﺎ ﻭﻳﺤﻮﻝ ﻓﻠﻮﺳﻬﺎ ﻟﻠﺒﻨﻚ .. ﻟﺤﺪ ﻣﺎ ﺍﺟﻴﺐ ﻭﻧﺴﺎﻓﺮ .. ﺍﻟﻘﻨﺎﺓ ﺗﺮﻛﺘﻬﺎ ﺑﺴﺒﺐ ﺍﻟﺤﻤﻞ
ﺑﺎﻟﺸﻬﺮ ﺍﻝ 8 ﻣﻦ ﺍﻟﺤﻤﻞ .. ﺍﻫﻠﻲ ﻗﺮﺭﻭ ﻳﺴﺎﻓﺮﻭﻥ ﻣﺎﻣﺎ ﻭﺑﺎﺑﺎ ﻃﻠﺒﻮ ﻟﺠﻮﺀ ﻟﻠﺴﻮﻳﺪ ﻭﺑﻴﺖ ﻋﻤﻮ ﻫﻨﺎﻙ ﺳﺤﺒﻮﻫﻢ ..
ﻓﺨﺎﺑﺮﺗﻨﻲ ﻣﺎﻣﺎ ﺍﺫﺍ ﺍﺳﺎﻓﺮ ﻭﻳﺎﻫﻢ ﺍﻧﻲ ﻭﻣﺎﻟﻚ ﻳﺴﺤﺒﻮﻧﻪ ﻫﻢ .. ﻣﺎﻟﻚ ﺭﻓﺾ .. ﻓﺮﺣﺖ ﺍﻭﺩﻋﻬﻢ .. ﻫﻠﻜﺪ ﺑﺠﻴﺖ ﻋﻠﻴﻬﻢ
ﻛﻞ ﻫﺎﻱ ﻭﺑﺎﺑﺎ ﻣﺎ ﺳﻠﻢ ﻋﻠﻴﻪ ﻟﻠﻴﻮﻡ ﻏﻀﺒﺎﻥ ﻋﻠﻴﻪ .. ﺣﻈﻨﺖ ﻣﺎﻣﺎ ﺍﺑﺠﻲ ﺑﻘﺖ ﺗﻮﺻﻴﻨﻲ ﻋﻠﻰ ﻧﻔﺴﻲ ﻭﻻ ﺍﻟﻄﻔﻞ ﺍﻟﻠﻲ ﺍﺑﻄﻨﻲ ﻭﻛﺎﻟﺖ ﺍﺗﻮﺍﺻﻞ ﻭﻳﺎﺝ ﻋﻠﻰ ﺍﻟﺴﻜﺎﻳﺐ .. ﻭﺩﻋﻮﻧﻲ ﻭﺭﺍﺣﻮ ..
ﺑﺲ ﺍﻧﺘﻬﻴﺖ ﻣﻦ ﺭﺍﺣﻮ .. ﺣﺴﻴﺖ ﺭﻭﺣﻲ ﺑﻘﻴﺖ ﻭﺣﻴﺪﻩ ﻫﺘﺎ ﻣﺤﺪ ﺍﻟﻲ .. ﺻﺢ ﺑﺎﺑﺎ ﻣﺘﺒﺮﻱ ﺑﺲ ﺍﺳﻤﻬﻢ ﺍﻫﻞ ﺍﻟﻲ ﺍﺑﻐﺪﺍﺩ .. ﺩﺧﻠﺖ ﺑﺤﺎﻟﻪ ﻧﻔﺴﻴﻪ ﺑﻌﺪﻫﻢ
ﻻ ﻃﻠﻌﺖ ﻭﻻ ﻣﺸﻴﺖ ﺑﺲ ﺑﻐﺮﻓﺘﻲ ﻭﺍﺗﺬﻛﺮﻫﻢ ﻭﺍﺑﺠﻲ .. ﻣﺎﻟﻚ ﻳﺤﺎﻭﻝ ﻳﻐﻄﻲ ﻋﻠﻰ ﻏﻴﺎﺑﻬﻢ ﻳﺮﻳﺪ ﻳﻄﻠﻌﻨﻲ ﻣﺎ ﺍﻗﺒﻞ .
ﺑﺲ ﺍﻟﻢ ﺍﻟﺤﻤﻞ ﺗﻌﺒﻨﻲ .. ﺑﺲ ﻛﺎﻋﺪﻩ ﻭﺍﺑﺠﻲ . ﺍﺟﻪ ﻣﺎﻟﻚ ﻧﺎﻡ ﻋﻠﻰ ﺍﻟﺴﺮﻳﺮ ﻭﺣﻈﻦ ﺑﻄﻨﻲ ﻭﺧﻠﻪ ﺭﺍﺳﻪ ﻋﻠﻴﻬﺎ .
ﺗﺤﺮﻙ ﺍﻟﻄﻔﻞ ﺣﻴﻞ .. ﻭﺣﺮﻛﺘﻪ ﻭﺍﺿﺤﻪ .. ﺑﻄﻨﻲ ﺗﺘﻌﻘﺞ ﻣﻦ ﺗﺘﺤﺮﻙ ..
- ﺑﺎﻋﻲ ﺑﺎﻋﻲ ﺑﺎﻋﻲ ﺷﻠﻮﻥ ﺣﺴﺖ ﺑﺄﺑﻮﻫﺎ ﻭﺗﺤﺮﻛﺖ ﺑﻮﻳﻪ ﻓﺪﻭﻩ ﺍﺭﻭﺡ ﻟﺮﺟﻠﻬﺎ .. ﻳﺒﻮﺱ ﺍﺑﻄﻨﻲ ﺣﻴﻞ ﻭﻫﻲ ﺗﻀﺮﺏ ﺍﻟﻤﻜﺎﻥ ﺍﻟﻠﻲ ﻳﺒﻮﺱ ﺑﻴﻪ
...
ﻭﺑﺎﻗﻴﻦ ﻫﻮ ﻳﺒﻮﺱ ﻭﻫﻲ ﺗﻀﺮﺏ ﻭﺍﻧﻲ ﻭﺍﻛﻌﻪ ﺑﻴﻨﻬﻢ ﺑﺲ ﺍﻻﻻﻡ ﻣﺤﺼﻠﻪ .. ﺷﺮﺍﺡ ﺗﺴﻤﻴﻬﺎ ﻣﺎﻟﻚ
- ﺑﻴﻼ
- ﺍﻣﻤﻤﻢ ﺷﻨﻮ ﻭﻳﻦ ﻛﺎﻋﺪﻳﻦ .. ﺳﻤﻴﻬﺎ ﺧﺪﻳﺠﻪ .
- ﻻﺍﺍ ﻣﻮ ﺧﺪﻳﺠﻪ .. ﺍﻧﻲ ﺍﺭﻳﺪ ﺍﺳﻤﻴﻬﺎ ﺑﻴﻠﺴﺎﻥ ﻧﻮﻉ ﻣﻦ ﺍﻧﻮﺍﻉ ﺍﻟﺰﻫﻮﺭ .. ﻭ ﺩﻟﻌﻬﺎ ﺑﻴﻼ .
- ﻫﻬﻬﻬﻬﻬﻪ
- ﺣﻠﻮ ﻣﻮﻭ
- ﺍﻱ ﺣﻠﻮ ..
ﺍﻭﻝ ﺍﻳﺎﻡ ﺩﺧﻮﻟﻲ ﻟﺸﻬﺮ ﺍﻟﺘﺎﺳﻊ .. ﺻﺎﺭﺕ ﻋﻨﺪﻱ ﺑﻠﻴﻞ ﺍﻻﻡ ﺍﻟﻮﻻﺩﻩ .. ﻣﺎﻟﻚ ﻣﺎ ﻛﺎﻥ ﻣﻮﺟﻮﺩ .. ﻛﺎﻝ ﻋﻨﺪﻱ ﺷﻐﻞ ﻭﻣﺴﺎﻓﺮ ﺟﺎﻥ ﺑﻮﻗﺘﻬﺎ ..
ﻛﻌﺪﺕ ﺍﺻﺒﺮ ﻉ ﺍﻻﻟﻢ ﻟﺤﺪ ﻣﺎ ﻳﺼﻴﺮ ﺍﻟﻮﺟﻊ ﻛﻞ 5 ﺩﻗﺎﻳﻖ ﺣﺘﻰ ﺍﻋﺮﻑ ﻫﺬﺍ ﺍﻟﻢ ﺍﻟﻄﻠﻮﮒ
ﺑﺪﺍﻳﺔ ﺍﻟﻠﻴﻞ ﻛﻞ ﺭﺑﻊ ﺳﺎﻋﻪ ﻳﺠﻲ ﺍﻟﻮﺟﻊ .. ﺑﻌﺪﻳﻦ ﻛﻞ 10 ﺩﻗﺎﻳﻖ .. ﻧﺰﻟﺖ ﺷﺮﺑﺖ ﺟﺎﻱ ﺩﺍﺭﺳﻴﻦ ﻭﻫﻴﻞ ﻭﺍﻻﻟﻢ ﺫﺍﺑﺤﻨﻲ ﻛﻮﻩ ﺍﻭﻛﻒ ..
ﺍﺧﺎﺑﺮ ﻋﻠﻰ ﻣﺎﻟﻚ ﻣﻴﺮﺩ ﺣﺘﻰ ﻟﻮ ﻣﺴﺎﻓﺮ ﺑﺲ ﺍﺣﺴﻪ ﺑﺲ ﻫﻮ ﺍﻟﻴﻪ ﻫﻨﺎ ﺍﺣﺘﺎﺟﻪ ﻭﻳﺎﻱ ﺑﺎﻟﻮﻻﺩﻩ ..
ﻟﺤﺪ ﻣﺎ ﻭﺻﻠﺖ ﻛﻠﺶ ... ﻛﻤﺖ ﺍﺻﺮﺥ ﺍﺍﺍﺍﺍﺍﺍﺥ ﺍﻟﺤﻜﻮﻭﻭﻭﻟﻲ .. ﻧﺰﻝ ﻋﻤﻲ ﻭﻋﻤﺘﻲ ﺑﺴﺮﻋﻪ . ﻭﺍﻟﺒﻨﺎﺕ ..
ﺍﺧﺬﻧﻲ ﻋﻤﻮ ﻗﻴﺲ ﺑﺎﻟﺴﻴﺎﺭﻩ ﺑﺴﺮﻋﻪ ﻟﻠﻤﺴﺘﺸﻔﻰ .. ﻭﻋﻤﺘﻲ ﺗﮕﻮﺩﻧﻲ ﻟﺼﺎﻟﺔ ﺍﻟﻮﻻﺩﻩ .. ﻭﺻﻠﺖ ﻟﻐﺮﻓﺔ ﺍﻟﻮﻻﺩﻩ ﺍﻧﻲ ﺍﻟﻄﻔﻞ ﻋﻨﺪﻱ ﻭﺍﺻﻞ ..
ﺍﻟﺪﻛﺘﻮﺭﻩ ﺗﻜﻮﻟﻲ ﺍﺻﻌﺪﻱ .. ﻛﺘﻠﻬﺎ ﺑﺲ ﺍﺻﻌﺪ ﻳﻮﻛﻊ ﺍﻟﻄﻔﻞ .. ﻭﺍﺗﻠﻮﻯ ﻣﻦ ﺍﻻﻟﻢ .. ﻭﻗﺎﺑﻀﻪ ﺭﺟﻠﻴﻪ ..
ﺳﺎﻋﺪﺗﻨﻲ ﺍﺻﻌﺪ ﻛﻮﻩ .. ﺍﻭﻝ ﻣﺎ ﻧﻤﺖ . ﻃﻠﻊ ﺍﻟﻄﻔﻞ ﻣﻦ ﻋﻨﺪﻱ ﺻﺮﺧﺖ ﺑﻜﻞ ﺻﻮﺗﻲ ﻭﺝ ﻣﺎﻣﺎﺍﺍﺍﺍﺍﺍﺍﺍﺍﺍﺍﺍ ... ﺗﻤﻨﻴﺘﻬﺎ ﻭﻳﺎﻱ ﺑﻬﺎﻱ ﺍﻟﻠﺤﻈﺎﺕ ﺑﺲ ﻣﺎﻛﻮ ﺑﻘﻴﺖ ﺍﺑﺠﻲ ﻋﻠﻴﻬﺎ ...
ﺑﺲ ﺍﻧﻲ ﺑﺼﺎﻟﺔ ﺍﻟﻮﻻﺩﻩ ﺟﻨﺖ ..
ﺟﻴﺒﺘﻨﻲ ﺑﺴﺮﻋﻪ .. ﻭﺧﻠﺖ ﺍﻟﻄﻔﻠﻪ ﻋﻠﻰ ﺑﻄﻨﻲ .. ﺍﺭﻳﺪ ﺍﺑﺎﻭﻋﻠﻬﺎ ﺍﺣﺲ ﻫﻠﻜﺖ ﻣﻦ ﺍﻟﻮﺟﻊ ﻣﺎﺑﻴﻪ ﺍﺧﺬﻭ ﺍﻟﻄﻔﻠﻪ ﻭﻧﻀﻔﻮﻧﻲ ﻭﻃﻠﻌﻮﻧﻲ .. ﻟﻠﻐﺮﻓﻪ .
ﺍﺟﻪ ﻋﻤﻮ ﻗﻴﺲ ﻳﺼﻴﺢ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ... ﻭﻋﻤﺘﻲ ﻓﺎﻃﻤﻪ ﺑﻴﺪﻫﺎ ﺍﻟﻄﻔﻠﻪ .. ﻛﺎﻟﺖ ﺷﺘﺴﻤﻴﻬﺎ .. ﻛﺘﻠﻬﺎ ﺑﻴﻠﺴﺎﻥ ..
ﺍﺧﺬﻫﺎ ﻋﻤﻮ ﻛﺒﺮ ﺑﺄﺫﻧﻬﺎ .. ﻭﺭﺩﺩ ﺍﺳﻤﻬﺎ ﻋﻠﻰ ﻣﺴﺎﻣﻌﻬﺎ .. ﻭﺍﻧﻄﺎﻫﺎ ﻟﻌﻤﻪ ﻓﺎﻃﻤﻪ ..
ﻓﺎﻃﻤﻪ -: ﺗﺮﺿﻌﻴﻬﺎ ﻳﻤﻪ ﺧﻄﻴﻪ ﺟﻮﻋﺎﻧﻪ
- ﻛﻌﺪﺗﻨﻲ ﻛﻮﻩ ﺍﺭﺿﻊ ﺑﻴﻬﺎ .. ﻟﺤﺪ ﻣﺎ ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻟﻜﻴﺖ ﺍﻟﺒﻨﺎﺕ ﻣﺤﻈﺮﺍﺗﻠﻲ ﻓﺮﺍﺷﻲ ﻭﻓﺮﺍﺵ ﺍﻟﻄﻔﻞ ﺟﻮﻩ ﺑﺎﻟﺼﺎﻟﻪ
ﺟﺎﺑﻮﻟﻬﺎ ﺣﻠﻴﺐ ﻭﻣﻤﻪ .. ﻭﺧﻄﻴﻪ ﺩﺍﺭﻭ ﺍﻟﻄﻔﻠﻪ ﺍﺑﺪ ﻣﻜﻌﺪﻧﻲ ﺍﻭ ﻛﻠﻠﻲ ﻛﻌﺪﻱ ﺭﺿﻌﻴﻬﺎ ﻣﻦ ﺍﻛﻌﺪ ﺍﻧﻲ ﺍﻃﻠﺒﻬﺎ ﻭﺍﺭﺿﻌﻬﺎ
3 ﺍﻳﺎﻡ ﻋﻠﻰ ﺍﻟﻮﻻﺩﻩ ﻭ ﻣﺎﻟﻚ ﻣﺎ ﺍﺟﻪ .. ﻣﺒﺎﻳﻠﻪ ﻣﻐﻠﻖ ... ﻭﻟﻼﻥ ﻣﺎ ﺧﺎﺑﺮﻧﻪ ﻣﻦ ﺭﻗﻢ ﺩﻭﻟﻲ ﺣﺘﻰ ﻧﺤﻔﻈﻪ ..
ﺑﺲ ﻣﺎﻣﺎ ﺧﺎﺑﺮﺗﻨﻲ ﻭﻓﺘﺤﻮﺯﻭﻳﺎﻳﻪ ﻛﺎﻣﻴﺮﺍ ﺷﻮﻓﺘﻬﻢ ﺍﻟﻄﻔﻠﻪ ﻣﺎﻣﺎ ﺑﻘﺖ ﺗﺼﻠﻲ ﻋﻠﻰ ﺍﻟﻨﺒﻲ .. ﺍﻟﻄﻔﻠﻪ ﺑﺲ ﻋﻴﻮﻧﻬﺎ ﺍﻟﻴﻪ ﻣﻠﻮﻧﻪ ﺍﻟﺒﺎﻗﻲ ﻛﻠﻪ ﻟﻤﺎﻟﻚ ..
ﺍﻟﺤﻮﺍﺟﺐ ﺍﻟﻌﻴﻮﻥ ﺍﻟﺤﻨﻚ ﺣﺘﻰ ﺩﻭﺭﺓ ﺍﻟﺮﺍﺱ ﻛﻠﻬﺎ ﻋﻠﻰ ﺍﺑﻮﻫﺎ .. ﺍﻣﻲ ﺗﻜﻮﻝ ﻛﺪ ﻣﺎ ﺗﺼﻔﻨﻴﻦ ﺑﻤﺎﻟﻚ ﻃﻠﻌﺖ ﻧﺴﺨﻪ ﻣﻨﻪ . ﺭﺣﻤﻪ ﺑﺲ ﺍﻟﻌﻴﻮﻥ ﺍﺧﺬﺗﻬﻦ ﻣﻨﺞ . ﻫﻬﻬﻬﻬﻪ
3 ﺍﻳﺎﻡ ﻋﻠﻰ ﻭﻻﺩﺗﻲ ﺑﻠﻴﻞ ﺩﺍ ﺍﺭﺿﻊ ﺑﻴﻼ .... ﺭﻥ ﻣﻮﺑﺎﻳﻠﻲ ﺭﺳﺎﻟﻪ ..
ﺷﻔﺘﻬﺎ ﺭﺳﺎﻟﻪ ﻣﺼﻮﺭﻩ .... ﻓﺘﺤﺖ ﺍﻟﺮﺳﺎﻟﻪ ﻭ ﺍﺷﻮﻑ ﻧﺎﺩﻳﻪ ﻭﻣﺎﻟﻚ ﻧﺎﻳﻢ ﺑﺴﺮﻳﺮﻫﺎ ... ﺍﻧﻲ ﺷﻔﺘﻬﺎ ﻟﻮ ﻛﻤﺖ ﺍﻟﻄﻢ ..
ﺍﺣﺘﺮﻙ ﺩﻣﻲ ... ﺍﺗﺼﻠﺖ ﺑﺴﺮﻋﻪ .. ﻣﻐﻠﻖ ... ﺑﻘﻴﺖ ﺍﻟﻮﺏ ﻻ ﺍﻧﺪﻝ ﻣﻜﺎﻧﻬﻢ ﻭﻻ ﺍﺧﺎﺑﺮ ﻭﺗﺮﺩ ﺩﺯﺕ ﺍﻟﺼﻮﺭﻩ ﻭﻗﻔﻠﺖ ﺍﻟﻤﻮﺑﺎﻳﻞ ﻭﺧﻠﺘﻨﻲ ﺑﺎﻟﻒ ﻳﺎ ﻭﻳﻞ ﻭﺍﺑﺠﻲ ......... ﻳﺘﺒﻊ
☆☆☆☆☆☆☆☆
ﺣﺸﺎﻛﻢ ﺫﻳﻞ ﺍﻟﻜﻠﺐ ﻳﺒﻘﻰ ﺍﻋﻮﺝ ﻣﺎ ﻳﻨﻌﺪﻝ ...😑
ﻣﺘﺎﺑﻌﻪ ﻣﻤﺘﻌﻪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء