رواية خطوات نحو الجحيم ج2 الجزء الثامن
للكاتبة زينب ماجد
⭐⭐
ﻃﺐ ﻣﺎﻟﻚ ﻣﻦ ﺑﺮﻩ .. ﻓﺘﺤﺖ ﻋﻴﻮﻧﻲ ﺣﻴﻞ ..... ﺍﻧﺖ ﻣﻦ ﺷﻮﻛﺖ ﻃﻠﻌﺖ ..
- ﺻﺒﺎﺡ ﺍﻟﺨﻴﺮ ﺣﺒﻴﺒﺘﻲ ﺭﺣﺖ ﺍﺟﻴﺐ ﺭﻳﻮﻙ ..
- ﻣﻦ ﺷﻮﻛﺖ ﻫﺴﺘﻮﻙ ﻳﻤﻲ
- ﺷﻨﻮ ﻳﻤﺞ ﺷﺒﻴﺞ ﻟﺠﻴﻦ ﺻﺎﺭ ﻧﺺ ﺳﺎﻋﻪ ﻣﻦ ﻃﻠﻌﺖ ﻛﻠﺖ ﻣﺎ ﺍﻛﻌﺪﺝ ﺧﻄﻴﻪ ..
- ﻛﻤﺖ ﺍﺭﺟﻒ ... ﻭﺍﻟﺪﻣﻮﻉ ﻧﺰﻟﺖ ﻭﺣﺪﻫﺎ ﻣﻦ ﺍﻟﺨﻮﻑ ﺯﻳﻦ ﻫﺬﺍ ﻣﻨﻮ ﺍﻟﻠﻲ ﺟﺎﻥ ﻭﺍﻛﻒ ﻳﻤﻲ ﺑﺎﻟﻤﻄﺒﺦ ...
- ﻋﻘﺪ ﺣﺎﺟﺒﻪ ... ﻣﻨﻮ ؟ !
- ﻋﻔﺘﻪ ﻭﺭﻛﻀﺖ ﻟﻠﻤﻄﺒﺦ .. ﻓﺎﺭﻍ ... ﻣﺎﻟﻚ ﻭﺍﻟﻠﻪ ﻗﺒﻞ ﺷﻮﻳﻪ ﺟﻨﺖ ﺍﻧﺖ ﻭﺍﻛﻒ ﺍﻫﻨﺎ ... ﻟﺘﻜﻮﻝ ﻃﺎﻟﻊ ﺍﻧﻲ ﻣﺘﺄﻛﺪﻩ ﺷﻔﺘﻚ ﻫﻨﺎ ..
- ﺣﺒﻴﺒﺘﻲ ﺻﺪﻛﻴﻨﻲ ﻃﻠﻌﺖ ﻭﺍﻧﺘﻲ ﻧﺎﻳﻤﻪ
- ﺷﻨﻮﻭﻭ ﻃﻠﻌﺖ ﻭﺍﻟﻠﻪ ﺷﻔﺘﻚ ﻫﺴﻪ ﻫﻨﺎ ﻟﺘﺨﺒﻠﻨﻲ ..
- ﻟﺠﻴﻦ ﻳﻤﻜﻦ ﺗﻌﺒﺎﻧﻪ ﻧﻔﺴﻴﺘﺞ ﺣﺒﻴﺒﺘﻲ ﺭﻭﺣﻲ ﺍﺭﺗﺎﺣﻲ ..
- ﺍﻧﺖ ﻣﺘﺼﺪﻛﻨﻲ .. ﺍﻛﻠﻚ ﺷﻔﺘﻚ ﻫﻨﺎ ﺷﻔﺘﻚ ﻣﺘﺄﻛﺪﻩ
- ﺷﺼﺪﻙ ﻟﺠﻴﻦ .. ﺍﺻﺪﻙ ﺍﻧﻲ ﺟﻨﺖ ﻭﺍﻛﻒ ﻫﻨﺎ ﻗﺒﻞ ﺷﻮﻳﻪ ﺷﺒﻴﺞ .. ﺗﻌﺎﻟﻲ ﺣﻴﺎﺗﻲ ﺗﻌﺎﻟﻲ
- ﺗﻘﺮﺏ ﻣﻨﻲ ﺍﺧﺬﻧﻲ ﻟﺤﻈﻨﻪ .. ﻭﺍﺩﻳﻪ ﺑﺸﻌﺮﻱ ﺣﺎﻇﻦ ﺭﺍﺳﻲ .. ﺑﻌﺪﻧﻲ ... ﺍﺭﺗﺎﺣﻲ ﺣﻴﺎﺗﻲ ﻳﻤﻜﻦ ﺍﻟﺤﻤﻞ ﻣﺄﺛﺮ ﻋﻠﻴﺞ ﻟﻬﻴﺞ ﺗﺘﻐﻴﺮ ﻫﺮﻣﻮﻧﺎﺗﺞ ﻭﺗﺘﻌﺐ ﻧﻔﺴﻴﺘﺞ ..
ﺍﺭﺗﺎﺣﻲ ﺍﻭﻙ .. ﺑﺎﺱ ﻛﺼﺘﻲ .. ﺭﻭﺣﻲ ﻧﺎﻣﻲ ﺍﻧﻲ ﺍﻛﻞ ﻟﺘﺸﻴﻠﻴﻦ ﻫﻢ ..
- ﺍﺧﺬﺕ ﻧﻔﺲ .. ﻳﻤﻜﻦ ﺻﺪﻙ ﺍﺗﺤﻠﻢ ﻭﻟﻮ ﻣﺘﺄﻛﺪﻩ ﺟﻨﺖ ﺍﺷﻮﻑ ﻣﺎﻟﻚ . ﺑﺲ ﻣﺎﻋﺮﻑ ﺧﺎﻑ ﺻﺮﺕ ﺍﺗﺨﻴﻞ ﻣﻦ ﺍﻟﻀﻐﻮﻁ ﺍﻟﻨﻔﺴﻴﻪ ..
ﻣﻴﺤﺘﺎﺝ ﺣﺒﻴﺒﻲ .. ﻣﺎ ﺑﻴﻪ ﺷﻲ .. ﺣﻜﻮﻡ ﺍﺳﻮﻱ ﺭﻳﻮﻙ .. ﻧﺎﻛﻞ ﺳﻮﻳﻪ .. ﺍﺧﺬﺕ ﺍﻟﻌﻼﻛﻪ . ﻭﺭﺣﺖ ﺳﻮﻳﺖ ﺭﻳﻮﻙ .. ﺩﺍ ﻧﺎﻛﻞ .. ﺧﺎﺑﺮﺕ ﻣﺎﻣﺎ .. ﺭﺩﻳﺖ .. ﻫﻠﻮ ﻣﺎﻣﺎ
ﺍﻻﻡ -: ﻫﻠﻮ ﻣﺎﻣﺎﺗﻲ ﺷﻠﻮﻧﺞ
- ﺍﻟﺤﻤﺪﻟﻠﻪ
- ﺍﺭﻳﺪ ﺍﺟﻴﺞ ﺍﻟﻴﻮﻡ ﺍﺷﻮﻓﺞ ﺍﻧﺘﻲ ﻣﺘﻮﺍﺟﺪﻩ ﻟﻮ ﻋﻨﺪﺝ ﺷﻌﻞ
- ﻻ ﻻ ﻣﺘﻮﺍﺟﺪﻩ ﻣﺎ ﻋﻨﺪﻱ ﺷﻲ .. ﺍﺳﻔﻪ ﺻﺎﺭ ﺍﺳﺒﻮﻉ ﻣﻤﺎﺭﻩ ﻋﻠﻴﺞ .. ﺑﺲ ﻣﺸﻐﻮﻟﻪ ﺷﻮﻱ ﻭﺍﻟﻠﻪ ..
- ﻻ ﻋﺎﺩﻱ ﺣﻨﺠﻴﺞ ﺍﻧﻲ ﻭﺧﺎﻟﺘﺞ ﻓﺪ ﺷﻮﻳﻪ ..
- ﺍﻭﻙ ﻏﺪﺍﻛﻢ ﻳﻤﻲ .. ﻗﻔﻠﺘﻪ ﻣﻨﻬﺎ .. ﺑﺎﻭﻋﺖ ﻟﻤﺎﻟﻚ .. ﻗﺒﻞ ﻻ ﺍﺣﺠﻲ ﺳﺄﻟﻨﻲ ..
- ﺷﻨﻮ ﺣﺘﺠﻲ ﺍﻣﺞ
- ﺍﻱ ﻫﻲ ﻭﺧﺎﻟﺘﻲ ﺳﻌﺎﺩ
- ﺍﻫﺎﺍﺍ ﻫﻼ ﺑﻴﻬﺎ .. ﺍﻧﻲ ﺍﺗﺮﻛﻠﻜﻢ ﺍﻟﺒﻴﺖ ﺧﺎﻑ ﻳﺘﻀﺎﻳﻘﻮﻥ .. ﺗﺤﺘﺎﺟﻴﻦ ﺷﻲ ..
- ﻻ ﺣﺒﻴﺒﻲ ﺍﺧﺬ ﺭﺍﺣﺘﻚ .. ﺍﻧﻲ ﻣﺤﺘﺎﺟﻪ ﻛﻢ ﻏﺮﺽ ﺣﻨﺰﻝ ﻟﻠﻤﺎﺭﻛﺖ ﺍﺧﺬ ﺍﻟﻠﻲ ﺍﺭﻳﺪﻩ .. ﺍﻧﺖ ﺷﻮﻑ ﺷﻐﻠﻚ
- ﺑﺮﺍﺣﺘﺞ . ﺍﻧﻲ ﺭﺍﻳﺢ ..
- ﺗﻘﺮﺏ ﺑﺎﺱ ﺭﺍﺳﻲ ﻭﺍﻧﻲ ﺍﻛﻞ ﻭﻃﻠﻊ ... ﻛﻤﺖ ﺷﻠﺖ ﺍﻟﻤﻮﺍﻋﻴﻦ ﻧﻀﻔﺖ ﺍﻟﻤﻄﺒﺦ ﻭﻃﻠﻌﺖ ﻟﻠﻤﺎﺭﻛﺖ ﺍﻟﻠﻲ ﻳﺒﻌﺪ ﻋﻨﺎ ﻣﺴﺎﻓﻪ .. ﺍﺧﺬﺕ ﻣﻮﺍﺩ ﻟﻠﻐﺪﺍ .. ﻭﺭﺟﻌﺖ
⭐⭐
ﺩﺧﻠﺖ ﻟﻠﺒﻴﺖ .. ﺭﺣﺖ ﻟﻠﺤﻤﺎﻡ .. ﺳﺒﺤﺖ .. ﺩﺍ ﺍﻏﺴﻞ ﺟﻮ ﺍﻟﺪﻭﺵ .. ﺑﺎﻭﻋﺖ ﺍﻟﻤﺮﺍﻳﺎ .. ﻟﻔﺖ ﺍﻧﺘﺒﺎﻫﻲ ﺍﻟﻤﺮﺍﻳﻪ ﻋﺒﺎﺭﻩ ﻋﻦ ﺑﺨﺎﺭ ﻣﻤﺒﻴﻦ ﻣﻨﻬﺎ ﺷﻲ ..
ﻓﻐﺴﻠﺖ ﺭﺍﺳﻲ ﺑﺸﺎﻣﺒﻮ .. ﺑﻌﺪ ﻣﺎ ﻓﺘﺤﺖ ﻋﻴﻮﻧﻲ ﻣﻦ ﺍﻟﺸﺎﻣﺒﻮ .. ﺍﻟﻤﺮﺍﻳﺎ ﻋﻠﻴﻬﺎ ﺍﺛﺎﺭ ﺍﻳﺪ ﺟﺒﻴﺮﻩ .. ﻣﺮﺳﻮﻣﻪ ﺑﺎﻟﺒﺨﺎﺭ ..
ﻓﺘﺤﺖ ﻋﻴﻮﻧﻲ .. ﺳﺪﻳﺖ ﺍﻟﺪﻭﺵ ﻭ ﻃﻠﻌﺖ ﻣﻦ ﺍﻟﺸﺎﻭﺭ .. ﻭﺑﺎﻭﻋﺘﻬﺎ .. ﺍﺧﺘﻔﺖ .. ﻻ ﺍﻟﻪ ﺍﻻ ﺍﻟﻠﻪ .. ﺷﻨﻮ ﺍﻟﻘﺼﻪ ﺍﻧﻲ ﺩﺍ ﺍﺗﺨﻴﻞ ﻟﻮ ﺷﻠﻮﻥ ..
ﺍﺧﺬﺕ ﻧﻔﺲ ... ﻭﻟﺒﺴﺖ ﻭﻃﻠﻌﺖ .. ﺭﺣﺖ ﺣﻈﺮﺕ ﻧﻔﺴﻲ ﻭﺭﻓﻌﺖ ﺷﻌﺮﻱ ﻭﻟﻠﻤﻄﺒﺦ .. ﻛﻌﺪﺕ ﺍﺣﻈﺮ ﺑﺎﻟﻐﺪﺍ ..
ﺩﺍ ﺍﺻﻔﻂ ﺍﻟﺪﺟﺎﺝ ﻉ ﺍﻟﺘﺒﺴﻲ ﺑﺎﻟﻘﺎﻟﺐ ﻭﻣﺮﻛﺰﻩ .. ﻭﺍﻟﺒﻴﺖ ﻫﺪﻭﻭﻭﻭﻭﺀ ﺑﺲ ﺍﻧﻲ ﺑﻴﻪ .. ﺳﻤﻌﺖ ﺍﻟﺪﻭﺵ ﺍﺷﺘﻐﻞ ﺑﺎﻟﺤﻤﺎﻡ
ﻓﺰﻳﺖ .. ﺗﺮﻛﺖ ﺍﻟﺒﻴﺪﻱ .. ﻭﺭﺣﺖ ﻟﻠﺤﻤﺎﻡ ﻓﺘﺤﺘﻪ ﺍﻟﺪﻭﺵ ﻣﻴﺠﺮﻱ .. ﻃﻴﺐ ﺷﻠﻮﻥ ﺳﻤﻌﺘﻪ ﺷﻨﻮ ﻣﻌﻘﻮﻝ ﺩﺍ ﺍﺗﺨﻴﻞ .. ﻫﺎﻱ ﺍﻧﻲ ﺷﻜﺪ ﺗﻌﺒﺎﻧﻪ
ﺭﺟﻌﺖ ﻟﻠﻤﻄﺒﺦ .. ﻛﻤﻠﺖ ﺍﻟﻘﺎﻟﺐ .. ﺩﺍ ﺍﺩﺧﻠﻪ ﺍﻟﻔﺮﻥ .. ﺍﺷﻐﻞ ﺍﻟﻔﺮﻥ ﻣﻴﺸﺘﻐﻞ .. ﺍﺷﻐﻞ ﺑﺎﻟﺠﺪﺍﺣﻪ ﻭﻫﻲ ﺑﻴﻬﺎ ﻧﺎﺭ ﻣﻤﺨﻠﺺ ﻏﺎﺯﻫﺎ .. ﻣﺎﻛﻮ ..
ﻭﺍﻧﻲ ﻣﺴﺘﻤﺮﻩ ﺍﺷﻐﻞ ﺟﺎﻥ ﺍﻟﻄﺒﺎﺥ ﻳﻜﺐ ﺑﻮﺟﻬﻲ ﻭﺑﻨﺺ ﺍﻟﻨﺎﺭ ﺷﻔﺖ ﻭﺟﻪ . ﻣﺜﻞ ﻭﺟﻪ ﺍﻟﺠﺤﻴﻢ ﺍﻟﻠﻲ ﻃﺎﺑﻊ ﺑﺨﻴﺎﻟﻲ ﻣﻦ ﺍﻟﺮﻭﺍﻳﻪ ﺍﻟﻘﺪﻳﻤﻪ ﺍﻟﻤﺮﻋﺒﻪ ﺍﻟﻠﻲ ﻗﺮﻳﺘﻬﺎ ..
ﺻﺮﺧﺖ ﻋﺎﺍﺍﺍ ﻭﺍﻧﺸﻤﺮﺕ ﻭﺭﻯ .. ﻭﻱ ﺍﻟﺼﺮﺧﻪ ﺍﻧﺪﻛﺖ ﺟﺮﺱ ﺍﻟﺒﺎﺏ .. ﻻ ﺍﻟﻪ ﺍﻻ ﺍﻟﻠﻪ .. ﻛﻤﺖ ﻣﻦ ﻣﻜﺎﻧﻲ .. ﻟﻠﻄﺒﺎﺥ .. ﺷﻔﺖ ﺍﻟﻔﺮﻥ ﻣﺸﺘﻐﻞ ﻃﺒﻴﻌﻲ ..
ﻧﺼﻴﺖ ﺍﻟﻨﺎﺭ ﺍﻟﻔﻮﻙ .. ﻭﺳﺪﻳﺘﻪ .. ﻭﺭﻛﻀﺖ ﻟﻠﺒﺎﺏ .. ﻓﺘﺤﺘﻬﺎ .. ﻣﺎﻣﺎ ﻭﺧﺎﻟﻪ ﺳﻌﺎﺩ ﻭﺳﺎﺭﻩ .. ﻳﺎﺍﺍﺍﺍﺍﺍﻱ ﺣﻴﺎﺍﺍﺗﻲ ﺣﻈﻨﺘﻬﻢ ﺗﻼﺛﺘﻬﻢ ﺳﻮﻳﻪ ..
ﺗﻔﻀﻠﻮ ﺗﻔﻀﻠﻮ ﺷﻠﻮﻧﻜﻢ ..
ﺳﻌﺎﺩ -: ﺍﻟﺤﻤﺪﻟﻠﻪ ﻳﺨﺎﻟﻪ ﺍﻧﺘﻲ ﺷﻠﻮﻧﺞ
- ﻭﺍﻟﻠﻬﻲ ﺗﻤﺎﻡ
ﺍﻻﻡ -: ﻧﺴﺄﻝ ﻋﻠﻴﺞ ﺷﻠﻮﻧﺞ .. ﺻﺎﻳﺮﻳﻦ ﻧﺸﻮﻓﺞ ﺑﺲ ﺑﺎﻟﺘﻠﻔﺰﻳﻮﻥ ﻟﻴﺶ ﻫﻴﺞ
- ﺣﺮﺍﺍﺍﺍﺍﺍﻡ ﻣﺎﻣﺎ ﺑﺲ ﺍﺳﺒﻮﻉ ﻣﻤﺮﻳﺖ ﻋﻠﻴﺞ ..
- ﺍﻱ ﻭﺷﺘﻤﺮﻳﻦ ﺧﻤﺲ ﺩﻗﺎﻳﻖ ﻣﻜﻠﻔﻪ ﻧﻔﺴﺞ ..
- ﺍﻱ ﺷﺴﻮﻱ ﻳﺎ ﻣﺎﻣﺎ ﻏﻴﺮ ﺑﻴﺖ ﻭﺭﺟﺎﻝ .. ﺑﻌﺪ ﻣﻮ ﺑﻜﻴﻔﻲ ..
ﺣﻈﻨﺖ ﺧﺎﻟﺘﻲ ﺍﻱ ﺷﻠﻮﻧﻜﻢ
ﺳﺎﺭﻩ -: ﺷﻘﺘﻜﻢ ﺣﻠﻮﻩ ... ﻋﺎﺩ ﺭﺟﻠﺞ ﺣﻠﻮ ﻭﻳﺎﺝ ﻣﺜﻞ ﺍﻟﺸﻘﻪ ﻟﻮ ﻋﻜﺲ ﻭﺗﻐﻤﺰﻟﻲ
- ﻫﻬﻬﻬﻬﻬﻬﻬﻬﻪ ﺩﺗﺸﻮﻓﻴﻦ ﺑﻴﻬﺎ ﺍﻟﻤﻴﺰ ﺍﺳﻮﺩ ﺍﻟﺒﺮﺩﺍﺕ ﺭﺻﺎﺻﻲ ﻭﺍﺑﻴﺾ .. ﻳﻌﻨﻲ ﺣﻴﺎﺗﻨﺎ ﺑﻴﻦ ﺑﻴﻦ ﻣﺜﻠﻬﺎ ﻣﻠﻮﻧﻪ ﻳﻮﻡ ﺣﺐ ﻭ 10 ﻋﺮﺍﻳﻚ
ﺧﺎﻟﻪ -: ﻫﻬﻬﻬﻬﻬﻪ ﻫﻲ ﻫﺎﻱ ﺍﻟﺤﻴﺎﺓ ﺍﻟﺰﻭﺟﻴﻪ ﺧﺎﻟﻪ ﺑﺲ ﻛﻠﻴﻠﻲ ﻫﻮ ﺷﻠﻮﻧﻪ ﻭﻳﺎﺝ ... ﺻﺪﻙ ﻣﺠﺮﻡ ﻭﻣﺎ ﻳﺘﻔﺎﻫﻢ ..
- ﻻ ﻣﻮ ﻣﺎ ﻳﺘﻔﺎﻫﻢ ﺑﺎﻟﻌﻜﺲ .. ﺑﺲ ﺍﻃﺒﺎﻋﻪ ﺷﻮﻱ ﺻﻌﺒﻪ . ﻳﺤﺘﺎﺟﻠﻲ ﺗﺄﻗﻠﻢ ..
- ﻛﻠﻨﺎ ﻫﻴﺞ ﺑﺎﻟﺒﺪﺍﻳﻪ ﺧﺎﻟﻪ ﻧﺨﻠﺼﻬﺎ ﻋﺮﻙ ﻟﺤﺪ ﻣﺎ ﻧﺘﻔﺎﻫﻢ ﻭﻭﺍﺣﺪ . ﻳﺪﺭﺱ ﺍﻻﺥ ﻭﻳﺘﺄﻗﻠﻤﻮﻥ
ﺍﻻﻡ -: ﻳﺎ ﺳﻌﺎﺩ ﺷﻴﺘﺄﻗﻠﻤﻮﻥ .. ﻫﺬﺍ ﻣﺠﺮﻡ .. ﻣﺸﻔﺘﻲ ﺫﺍﻙ ﺍﻟﻴﻮﻡ ﺷﻠﻮﻥ ﺍﺟﺘﻨﻪ ﻣﺪﻣﻴﻬﺎ .. ﻭﺣﺘﻰ ﺍﻫﻠﻪ ﻣﺘﺒﺮﻳﻦ ﻣﻦ ﺍﻟﻠﻪ ﻋﻠﻴﻢ ﺷﻴﻄﻠﻊ
.
ﻻ ﻣﻮ ﺍﻟﻬﺪﺭﺟﻪ .. ﺧﻮﺵ ﻭﻟﺪ .. ﺑﺲ ﻣﺮﺍﺕ ﺗﻄﺒﻚ ﻋﻨﺪﻩ .. ﻭﺳﺒﺤﺎﻥ ﺍﻻﺛﻨﻴﻦ ﺍﻟﻠﻲ ﻣﻴﺨﺘﻠﻔﻮﻥ .. ﻭﻣﺜﻞ ﻣﻜﺎﻟﺖ ﺧﺎﻟﻪ ﻳﺤﺘﺎﺟﻠﻲ ﺍﺩﺭﺳﻪ ﻭﺍﺗﺄﻗﻠﻢ
ﺍﻻﻡ -: ﻫﻮ ﺷﻨﻮ ﺷﻐﻠﻪ ﺑﺎﻟﻀﺒﻂ .. ﺑﺲ ﺑﺎﻟﺨﻀﺮﺍﺀ
- ﺍﻱ ﺑﺎﻟﺨﻀﺮﺍﺀ ﻳﺸﺘﻐﻞ ﻣﻊ ﺍﻟﺴﻴﺎﺳﻴﻴﻦ ..
ﺧﺎﻟﻪ -: ﻟﺞ ﻋﻴﻨﻲ ﺩﺍﺩﻩ ﻫﻢ ﺫﻭﻟﻪ ﺍﻟﺴﻴﺎﺳﻴﻦ ﻛﻠﻬﻢ ﻣﺠﺮﻣﻴﻦ ﺣﺎﻟﻬﻢ ﺣﺎﻝ ﻣﺎﻟﻚ ..
- ﺑﺲ ﻣﺨﻠﺪ ﻛﺎﻝ ﻋﻨﻪ ﻗﺎﺗﻞ ...
ﺧﺎﻟﻪ -: ﺍﻭﻭﻭﻭﻩ ﻫﻢ ﺟﺎﺑﺖ ﺳﻴﺮﺓ ﻣﺨﻠﺪ ..
ﺳﺎﺭﻩ -: ﻻ ﻫﻠﻪ ﺑﺎﻟﻠﺰﻛﻪ ..
ﻟﺠﻴﻦ -: ﻫﻬﻬﻬﻬﻬﻬﻪ ﻻ ﺧﻄﻴﻪ ﻣﺨﻠﺪ ﻭﺍﻟﻠﻪ ﺣﺒﺎﺏ ﻟﺘﺤﺠﻮﻥ ﻋﻠﻴﻪ .. ﺑﺲ ﺍﻋﺼﺎﺑﻪ ﺷﻮﻱ ﻭﺍﻟﺴﺎﻧﻪ ..
ﺍﻻﻡ -: ﺍﻱ ﻫﻮ ﺍﻟﺴﺎﻧﻪ ﺍﻟﻌﻤﻪ ﻋﻠﻴﻪ .. ﻭﻛﻠﻤﺘﻪ ﺍﻟﻤﺸﻬﻮﺭﻩ ﺑﺖ ﺍﻟﻜﻠﺒﺒﺒﺒﺒﺒﺐ
ﻟﺠﻴﻦ - ﻫﻬﻬﻬﻬﻬﻬﻬﻬﻬﻬﻬﻬﻪ ﺍﻭﻭﻭﻩ ﺍﻟﻜﻼﺏ ﻣﺎﻟﺘﻪ ﻣﺎ ﻳﻨﻌﺪﻭﻥ ﻳﻤﺸﻲ ﻭﻳﺸﻤﺮ ﻛﻼﺏ .. ﻭﺍﻟﻠﻪ ﻣﺤﺪ . ﺳﺒﻨﻲ ﺑﻜﺪﻩ .. ﻣﻦ ﺍﻭﻝ ﻣﺎ ﺩﺧﻠﺖ ﺍﻟﺠﺎﻣﻌﻪ ﻭﻫﻮ ﻭﺭﺍﻱ
ﻟﻮ ﻃﻠﻌﺖ ﻭﻱ ﺯﻣﻼﺋﻲ ﺍﻭ ﺳﻔﺮﻩ ﺍﻭ ﻟﺒﺴﺖ ﺷﻲ ﺿﻴﻖ .. ﺑﺴﺮﻋﻪ ﺑﻨﺖ ﺍﻟﻜﻠﺐ ﺗﺘﺰﺣﻠﻜﻠﻲ ﻣﻦ ﺍﻟﺴﺎﻧﻪ ﻫﻬﻬﻬﻬﻬﻪ
ﺧﺎﻟﻪ -: ﺍﻭﻭﻭﻭﻱ ﺑﺮﻩ ﻣﻦ ﺍﻟﺴﺎﻧﻪ ﻣﺜﻞ ﺍﻟﺴﺎﻥ ﺍﻣﻪ ..
- ﺑﺲ ﺗﺪﺭﻭﻥ ﻣﺸﺘﺎﻗﺘﻠﻪ ﻭﺍﻟﻠﻪ .. ﺻﺪﻭﻙ ﻋﺼﺒﻲ ﻭﻳﻐﻠﻂ .. ﺑﺲ ﺍﻋﺘﺒﺮﻩ ﺍﺥ ﻭﺳﻨﺪ ﺍﻟﻴﻪ .. ﺍﻟﻠﻪ ﻣﺎ ﺍﻧﻄﺎﻧﻲ ﺍﺥ .. ﺑﺲ ﺍﻧﻄﺎﻧﻲ ﻣﺨﻠﺪ .... ﺑﺲ ﻫﻮ ﺟﺎﻥ ﻳﻄﻮﺧﻬﺎ ﺑﺎﻟﺮﺯﺍﻟﻪ ﻭﻧﺘﻌﺎﺭﻙ ..
ﺍﻻﻡ -: ﻫﻮ ﻫﺬﺍ ﺍﻟﻠﻲ ﺟﺎﻥ ﻳﻨﺮﻓﺰﻩ ﻣﻨﺞ .. ﻛﻠﻤﺔ ﺍﺧﻮﻳﻪ .. ﺟﺎﻥ ﻳﺮﻳﺪﺝ ﺍﻟﻪ ﻣﺎ ﻳﺮﺩ ﺧﻮﻩ .
- ﻣﻮ ﺑﺎﻟﻜﻴﻒ ﺍﻣﻲ .. ﻋﻤﺮﻱ ﻣﺎ ﺍﻧﻮﻟﺪﺗﻠﻲ ﻣﺸﺎﻋﺮ ﻭﻱ ﻣﺨﻠﺪ .. ﻭﻟﻼﻥ ﻣﺎ ﺍﺗﺤﺴﺮ ﻋﻴﺸﺘﻪ .. ﻣﺮﺍﺕ ﻣﻦ ﺗﻀﻴﻖ ﺑﻴﻪ ﺍﻟﺪﻧﻴﺎ ﻭﻱ ﻣﺎﻟﻚ ..
ﺍﺗﻤﻨﻰ ﻟﻮ ﻣﺎ ﻣﺘﺰﻭﺟﻪ ﻭﻋﺎﻳﺸﻪ ﺣﻴﺎﺗﻲ ﺑﺮﺍﺣﺔ ﺑﺎﻝ ﻣﺜﻞ ﻣﺎ ﺟﻨﺖ ﻋﻨﺪ ﺍﻫﻠﻲ ﺑﻼ ﺭﺟﻞ ﺑﻼ ﺩﻭﺧﺔ ﺭﺍﺱ ﺑﺲ ﺍﺑﺪ ﻣﺘﻤﻨﻴﻦ ﺍﻥ ﺍﺭﺟﻌﻠﻪ ﻟﻮ ﺑﺎﻗﻴﻪ ﻭﻣﻤﻄﻠﻜﻪ ﻣﻨﻪ ..
ﺻﺪﻗﺎ ﻣﺎ ﺍﺣﻤﻠﻪ ﺍﻱ ﻣﺸﺎﻋﺮ . ﺑﺲ ﻫﻮ ﺟﺎﻥ ﺻﻌﺐ ﻋﻠﻴﻪ ﻳﻔﻬﻢ ﻫﻠﺸﻲ ..
ﺳﺎﺭﻩ -: ﻟﺠﻴﻦ ﻋﻮﻓﻲ ﻣﺨﻠﺪ ﻭﻛﻮﻣﻲ ﺷﻮﻓﻴﻨﻲ ﺷﻘﺘﺞ .. ﺩﺍ ﺍﺷﻮﻓﻬﺎ ﻛﻠﻬﺎ .. ﻣﺘﺸﻮﻗﻪ ..
- ﺍﻧﺘﻲ ﻣﺸﺎﻳﻔﻪ ﺍﻟﺸﻘﻪ ﻣﻮﻭ ﻫﺎﻱ ﺍﻭﻝ ﺟﻴﻪ .. ﺧﺎﻟﻪ ﻭﻣﺎﻣﺎ ﺷﺎﻳﻔﻴﻨﻬﺎ ﻣﻦ ﺑﻌﺪ ﺟﻴﺘﻨﻪ ﻣﻦ ﺷﻬﺮ ﺍﻟﻌﺴﻞ
ﺳﺎﺭﻩ -: ﻻ ﻣﺸﺎﻳﻔﺘﻬﺎ .. ﻣﺪﺷﻮﻓﻴﻨﻲ ﺩﺍ ﺍﻟﻮﻑ ﺑﺮﺍﺳﻲ ..
- ﺗﻌﺎﻟﻲ ﺍﺧﺬﻟﺞ ﻟﻔﻪ ﻋﻠﻴﻬﺎ .. ﻣﺎﻣﺎ ﻭﺧﺎﻟﻪ ﺍﺧﺬﻭ ﺭﺍﺣﺘﻜﻢ ..
ﺍﻻﻡ -: ﺭﻭﺣﻮ ﺍﺣﻨﻪ ﺧﻞ ﻧﺸﻮﻑ ﺷﻨﻮ ﻫﻠﺮﻭﺍﺋﺢ ﺍﻟﻄﻴﺒﻪ ﺍﻟﻠﻲ ﺟﺎﻱ ﺗﺠﻲ ﻣﻦ ﺍﻟﻤﻄﺒﺦ .
- ﻫﻬﻬﻬﻬﻪ ﺭﻭﺣﻮ .. ﺗﻌﺎﻱ ﺳﺎﺭﻩ ... ﺍﺧﺬﺕ ﺳﺎﺭﻩ ﺷﻮﻓﺘﻬﺎ ﺍﻟﺤﻤﺎﻡ ﻭﺍﻟﻤﻤﺮ ﻭﺍﻟﻐﺮﻓﻪ ﻣﺎﻟﺘﻲ ﺑﻘﺖ ﺗﻔﺘﺢ ﺍﻟﻜﻨﺘﻮﺭ ﻭﺗﺘﻔﺤﺺ ﻭﺗﺒﺎﻭﻉ ﻟﺒﺴﻲ ..
ﺷﺎﻓﺖ ﺻﻮﺭﺗﻨﺎ ﺍﻧﻲ ﻭﻣﺎﻟﻚ .. ﻉ ﺍﻟﺤﺎﻳﻂ .. ﺻﺎﺣﺖ ﺍﻭﻭﻭ ﻣﺎﻱ ﻛﺎﺩ ﻛﻮﻟﺶ ﺣﻠﻮﻳﻦ .. ﺍﻭﻭﻭﻱ ﺗﺨﺒﻠﻮﻥ ﻛﻴﻴﻴﻮﺕ
- ﻫﻬﻬﻬﻪ ﺣﺒﻴﺒﺘﻲ .. ﺧﻞ ﺍﺷﻮﻓﺞ ﺍﻻﻟﺒﻮﻡ ﻣﺎﻝ ﺷﻬﺮ ﺍﻟﻌﺴﻞ . ﻳﺠﻨﻦ ..
- ﺑﻘﺖ ﺗﻜﻠﺐ ﺑﺎﻻﻟﺒﻮﻡ .. ﺑﺎﻭﻋﺖ ﺻﻮﺭﻩ .. ﺻﺎﺣﺖ ﻋﺰﺯﺯﺯﺯﺍ ﺣﺘﻰ ﺩﻳﺴﻜﻮ ﺩﺍﺧﻠﻴﻦ ..
.
- ﻟﺞ ﻣﺎﻟﻚ ﻣﺎﻛﻮ ﺣﻔﺮﻩ ﻣﺪﺧﻠﻨﻲ ﺑﻴﻬﺎ ﺑﺘﺮﻛﻴﺎ .. ﺗﻌﺎﻟﻲ ﺍﺷﻮﻓﺞ ﺻﻮﺭ ﺍﻟﺘﺪﺭﻳﺐ .. ﺟﺎﻥ ﻫﻨﺎﻙ ﻳﻮﻣﻴﻪ ﻳﺪﺭﺑﻨﻲ ..
ﺑﻘﻴﻨﻪ ﺍﻧﻲ ﻭﻳﺎﻫﺎ ﻧﺪﻭﺭ ﺍﻟﺼﻮﺭ .. ﻛﻤﻠﺘﻬﻢ .. ﺩﻧﻄﻠﻊ ﻧﺮﻭﺡ ﻳﻢ ﻣﺎﻣﺎ ﻭﺧﺎﻟﻪ . ﺍﻧﺪﻛﺖ ﺍﻟﺒﺎﺏ
ﺭﺣﺖ ﺍﻧﻲ ﻭﺳﺎﺭﻩ ﻭﺭﺍﻱ .. ﻓﺘﺤﺘﻪ .. ﺍﻳﻬﺎﺏ .. ﺍﻭﻝ ﻣﺸﺎﻓﻨﻲ ﺭﻓﻊ ﺣﺎﺟﺐ ﻭﻛﺎﻝ ﺷﻠﻮﻧﺞ .
- ﺷﺮﺍﺍﺍﺍﻳﺪ .. ﻃﻠﻌﺖ ﺳﺎﺭﻩ ﻭﻳﺎﻳﻪ .. ﺑﺎﻭﻋﻠﻬﺎ
ﺍﻳﻬﺎﺏ - ﺷﻨﻮ ﺍﻟﻜﻤﺮ ﻧﺎﺯﻝ ﻋﺪﻛﻢ ﺍﻟﻴﻮﻡ
- ﺳﺎﺭﻩ ﺧﻞ ﻧﺪﺧﻞ ... ﻟﺰﻡ ﺍﻟﺒﺎﺏ
ﺍﻳﻬﺎﺏ -: ﻋﻠﻰ ﻛﻴﻔﺞ ﺷﺒﻴﺞ . ﻣﺎﻟﻚ ﻭﻳﻦ ..
- ﻣﻤﻮﺟﻮﺩ .. ﻭﻟﻲ .. ﺑﺎﻭﻉ ﻟﺴﺎﺭﻩ ﻭﺿﺤﻜﻠﻬﺎ ﻭﻛﺎﻟﻠﻬﺎ ﻓﺮﺻﻪ ﺳﻌﻴﺪﻩ ﺍﻟﺘﻘﻴﻨﻪ ... ﺳﺎﺭﻩ ﺍﺑﺘﺴﻤﺖ .. ﻭﻛﺎﻟﺘﻠﻪ ﺷﻜﺮﺍ .
- ﺳﺪﻳﺖ ﺍﻟﺒﺎﺏ ﺑﻮﺟﻬﻪ .. ﻟﻴﺶ ﺗﻀﺤﻜﻴﻦ ﺑﻮﺟﻬﻪ ..
- ﺍﻱ ﻗﺎﺑﻞ ﺍﺑﺠﻲ ﺑﻮﺟﻬﻪ .. ﺷﻜﺘﻠﻪ .. ﺑﺲ ﺷﻜﺮﺍ
- ﻟﺞ ﻫﺬﺍ ﻓﺪ ﻭﺍﺣﺪ ﺳﺎﻗﻂ ..
- ﻋﻠﻰ ﺭﻭﺣﻪ ﺷﻌﻠﻴﻪ ﺑﻲ ..
- ﻳﺎ ﺧﻮﻓﻲ ﻳﻄﻠﻊ ﻣﺜﻞ ﺻﺪﻳﻘﻪ ﻭﺍﺩﻭﺭ ﻳﻠﻄﺸﻠﺞ
- ﺍﺫﺍ ﻣﺜﻞ ﻣﺎﻟﻚ .. ﻣﻮﺍﻓﻘﻴﻦ . ﻭﺗﻐﻤﺰﻟﻲ ..
- ﺷﺘﻮﺍﻓﻘﻴﻴﻴﻦ ﻫﻮ ﻣﺎﻟﻚ ﻳﻨﺠﺮﻉ ﺣﺘﻰ ﻫﺬﺍ ﻳﻨﺠﺮﻉ ..
- ﻳﻌﻨﻲ ﻣﺘﺤﺒﻲ ﻟﻤﺎﻟﻚ ؟ !
- ﺍﺍﺍﺍﺍﺍﺍﺍﻭﻭﻭﻭﻑ ﻫﺬﺍ ﺍﻟﺠﻮﺍﺏ ﺍﻟﻠﻲ ﻳﻌﺠﺰﻧﻲ .. ﻣﺘﻌﺮﻓﻴﻦ ﺷﻜﺪ ﻣﺘﺄﺫﻳﻪ ﻣﻨﻪ ﺑﺲ ﺍﻟﻠﻪ ﻳﻌﻠﻢ .
- ﻟﻌﺪ ﺷﻜﻮ ﺑﺎﻗﻴﻪ ﻭﻳﺎﻩ ..
- ﺍﻧﺘﻲ ﺳﺎﻣﻌﻪ ﻫﻴﺜﻢ ﻳﻮﺳﻒ ﻣﻦ ﻳﻜﻮﻝ ﺣﺒﻴﺖ ﻟﻮ ﺑﻠﻮﻩ ﺍﺑﺘﻠﻴﺖ ﻳﺎ ﺭﻳﺖ ﻋﻤﺮﻱ ﻣﺎ ﻫﻮﻳﺖ .. ﻓﻌﻼ ﺍﺗﻤﻨﻰ ﻣﺎ ﺣﺒﻴﺘﻪ ﻟﺞ ﺗﻮﺭﻃﺖ
- ﻟﻴﻴﻴﻴﺶ
- ﻫﺎﻱ ﺍﻟﻠﻴﺶ ﺻﻌﺐ ﺍﺷﺮﺣﻬﺎ ﺍﻓﻀﻞ ﺗﺒﻘﻰ ﺑﻴﻨﻲ ﻭﺑﻴﻦ ﺭﺑﻲ ﺍﺣﺴﻦ .. ﺍﻟﺸﻜﻮﻯ ﻟﻠﻪ .. ﻣﺎ ﺗﻨﻔﻊ ﻟﻮ ﺷﻜﻴﺖ ﻟﻐﻴﺮﻩ . ﺗﻌﺎﻟﻲ ﻧﺸﻮﻑ ﻣﺎﻣﺎ .
ﺍﺧﺬﺗﻬﺎ ﻭﺭﺣﻨﺎ ﻟﻠﻤﻄﺒﺦ .. ﻟﻜﻴﺖ ﻣﺎﻣﺎ ﺩﺗﻜﻠﻲ ﺳﻤﺞ . ﻭﺧﺎﻟﺘﻲ ﻣﻄﻠﻌﻪ ﺍﻟﺨﻀﺮﻭﺍﺕ ﺩﺗﺴﻮﻱ ﺯﻻﻃﻪ .
ﺷﺎﺭﻛﻨﺎﻫﻢ ﺍﻧﻲ ﻭﺳﺎﺭﻩ ﺑﺎﻟﺘﺤﻈﻴﺮ ﻭﺍﻟﺴﻮﺍﻟﻒ .. ﻣﺤﺎﻭﻟﺖ ﺍﺣﺠﻴﻠﻬﻢ ﻋﻦ ﻣﺎﻟﻚ ﻭﺷﻐﻠﻪ .. ﻣﺎ ﺍﻋﺮﻑ ..
ﻫﻮ ﻳﻌﺮﻓﻮﻥ ﺑﻲ ﻣﻮ ﺯﻳﻦ .. ﻭﻣﺨﻠﺪ ﺳﺎﺑﻘﺎ ﻛﺎﻟﻠﻬﻢ ﺍﻥ ﻫﻮ ﻗﺎﺗﻞ ﺳﻴﺎﺳﻲ ﺑﺲ ﻫﻠﺸﻲ ﻣﺎ ﺛﺒﺖ ﻋﺪﻫﻢ ..
ﻳﻌﻨﻲ ﻓﻘﻂ ﻳﻜﻮﻟﻮﻥ ﻋﻠﻴﻪ ﻣﺠﺮﻡ .. ﻣﻦ ﺧﻼﻝ ﺍﻓﻌﺎﻟﻪ ﻭﺗﺼﺮﻓﺎﺗﻪ ﻭﻳﺎﻫﻢ ﺍﻟﺘﻬﺪﻳﺪ ﻭﺍﻟﺴﻼﺡ ﻟﻤﺎ ﺳﺎﻓﺮﺕ ﻭﻱ ﻣﺨﻠﺪ ..
ﺑﺲ ﻣﻴﻌﺮﻓﻮﻥ ﺷﻐﻠﻪ ﺍﻻﺳﺎﺳﻲ ﺷﻨﻮ .. ﻣﺠﺮﻡ ﻭﺑﺲ .. ﺍﻭ ﻋﺼﺎﺑﺠﻲ ﺍﻭ ﺳﻴﺎﺳﻲ ﻣﻦ ﺫﻭﻝ ﻣﺎﻝ ﻫﺴﻪ ﺍﻟﺤﺮﺍﻣﻴﻪ .... ﻣﻴﻌﺮﻓﻮﻥ ﺣﻘﻴﻘﺘﻪ ﺑﺎﻟﻀﺒﻂ ..
ﻭﺍﻓﻘﻮﺍ ﻋﻠﻰ ﺯﻭﺍﺟﻲ ﻣﻨﻪ ﻏﺼﺐ ﺑﻌﺪ ﻣﺎ ﻫﻮ ﺍﺻﺮ ﻋﻠﻴﻪ ﻭﺍﻧﻲ ﺭﻓﻀﺖ ﻣﺨﻠﺪ ..
ﻳﻌﻨﻲ ﻟﻮ ﺑﻘﻴﺖ ﺑﻼ ﺯﻭﺍﺝ .. ﺍﻛﻴﺪ ﻣﺎﻟﻚ ﻣﺮﺍﺡ ﻳﺘﺮﻛﻨﻲ .. ﻓﺎﺑﻮﻳﻪ ﺍﺧﺘﺼﺮﻫﺎ ﻭﺍﻧﻄﺎﻧﻲ ﺍﻟﻪ . ﺍﺍﺍﺍﺍﺍﺍﺍﻩ ﻭﻫﺬﺍ ﺍﻛﺒﺮ ﺧﻄﺄ ﺳﻮﻳﺘﻪ ﺑﺤﻴﺎﺗﻲ ..
ﺍﻟﻤﻬﻢ .. ﺑﻘﻴﻨﻪ ﻧﺴﻮﻟﻒ ﺍﻧﻲ ﻭﺧﺎﻟﺘﻲ ﻭﺍﻣﻲ ﻭﺳﺎﺭﻩ ﻭﺻﺒﻴﻨﺎ ﻏﺪﺍ ﻭﺍﻛﻠﻨﺎ .. ﺳﺄﻟﺘﻨﻲ ﻣﺎﻣﺎ ﻉ ﺍﻟﻄﻔﻞ . ﻛﺘﻠﻬﺎ ﻣﺎ ﺍﻋﺮﻑ .. ﻣﺨﻠﻴﻨﻪ ﻳﻢ ﺍﻟﻠﻪ .. ﺣﺘﻰ ﻣﺎ ﺍﻟﻲ ﺧﻠﻚ ﺍﺭﺍﺟﻊ .. ﺑﺲ ﺩﺍ ﺍﺧﺬ ﻋﻼﺝ
.
ﺧﺎﻟﻪ -: ﺷﻠﻮﻥ ﻣﺨﻠﺼﻪ ﺍﻟﻮﻗﺖ ﻭﺣﺪﺝ ﺑﻬﺎﻟﺸﻘﻪ . ﻣﺘﻀﻮﺟﻴﻦ .. ﺣﺘﻰ ﻣﺎﻛﻮ ﻣﻨﻔﺲ .. ﺿﻴﻜﻪ .
- ﻣﻦ ﺣﺠﺖ ﻫﻴﺞ ﺍﺗﺬﻛﺮﺕ ﺍﻟﺸﻲ ﺍﻟﻐﺮﻳﺐ ﺍﻟﻠﻲ ﺩﻳﺼﻴﺮ .. ﻑ ﺣﺠﻴﺖ .... ﺍﻛﻮﻟﻜﻢ ﺻﺪﻭﻙ .. ﺍﺭﻳﺪ ﺍﺳﺌﻠﻜﻢ ..
ﺗﻌﺮﻓﻮﻥ ﺑﺎﻻﺣﻼﻡ .. ؟ !
ﺍﻻﻡ : ﻛﻮﻟﻲ ﺷﺘﺤﻠﻤﺘﻲ
- ﻣﺎﻣﺎ ﻣﻮ ﺑﺲ ﺍﺣﻼﻡ ﺩﺗﺼﻴﺮ ﻭﻳﺎﻳﻪ ﺷﻐﻼﺕ ﻋﺠﻴﺒﻪ .. ﻣﺘﺘﺼﺪﻙ .. ﺍﻭﻻ ﺣﻠﻢ ﺍﻭ ﻛﺎﺑﻮﺱ .. ﺍﻟﻤﻬﻢ .. ﻣﺜﻞ ﺭﺟﺎﻝ ﺿﺨﻢ ﻭﺷﻜﻠﻪ ﻳﻠﻌﺐ ﺍﻟﻨﻔﺲ ﻭﻣﺨﻴﻒ ﻭﻳﺠﻲ ﻳﻜﻠﻲ ﻣﺎ ﺍﺧﻠﻴﺞ ﺗﺮﺗﺎﺣﻴﻦ .
- ﺍﻻﻡ : ﻳﺎ ﺳﺘﺎﺭ .. ﺷﻨﻮ ﻫﺎﻱ ﻳﺪﺍﺩﻩ ﺍﺩﻭﺭ
- ﻣﻮ ﺑﺲ ﻫﺎﻱ ﻣﺎﻣﺎ .. ﻳﻌﻨﻲ ﺍﻟﻴﻮﻡ ﻛﻌﺪﺕ ﺷﻔﺖ ﻣﺎﻟﻚ ﻭﻭﺭﺍﻱ ﺑﺎﻟﺤﻤﺎﻡ ﻭﺑﺎﻟﻤﻄﺒﺦ .. ﺗﺎﻟﻲ ﺑﻨﻔﺲ ﺍﻟﻠﺤﻈﻪ ﻳﺪﺧﻞ ﻣﺎﻟﻚ ﻣﻦ ﺑﺮﻩ .
ﺳﺎﺭﻩ -: ﻳﻤﻤﻤﻤﻤﻤﻤﻪ ﻛﺎﻓﻲ ﻛﺎﻓﻲ ﻟﺠﻴﻦ ﺍﺧﺎﺍﺍﻑ
- ﻟﺞ ﺷﺘﻜﻮﻟﻴﻦ ﻋﻠﻴﻪ .. ﻣﻴﺘﻪ ﺭﻋﺐ
ﺧﺎﻟﻪ -: ﻟﺞ ﻋﻴﻨﻲ ﺧﺎﻑ ﺍﻟﺒﻴﺖ ﻣﺴﻜﻮﻥ
- ﺧﺎﻟﻪ ﻣﺴﻜﻮﻥ ﻭﻫﻠﺨﺮﺍﻓﺎﺕ ﺍﻧﻲ ﻣﺎ ﺍﺻﺪﻛﻬﺎ ..
- ﺧﺎﻟﻪ ﺍﻟﺠﻦ ﻣﺬﻛﻮﺭ ﺑﺎﻟﻘﺮﺍﻥ .. ﻣﻮ ﻛﺬﺏ ﻟﻮ ﺧﺮﺍﻓﻪ ..
- ﻧﻌﻢ ﺍﻧﻲ ﺍﻗﺮ ﺍﻥ ﻫﻮ ﻣﻮﺟﻮﺩ ﺑﺎﻟﻘﺮﺍﻥ .. ﻭﺍﻋﺮﻑ ﺍﻥ ﺍﻛﻮ ﻋﺎﻟﻢ ﺍﺧﺮ ﻋﺎﻟﻢ ﺍﻟﺠﻦ .. ﺑﺲ ﺧﻮﻣﺎ ﻳﻄﻠﻌﻮﻧﻪ ﻫﻢ ﺑﻌﺎﻟﻤﻬﻢ ﻭﺍﺣﻨﻪ ﺑﻌﺎﻟﻤﻪ .. ﻣﺎ ﺍﺛﻖ ﺑﻬﻴﺞ ﺷﻲ ..
- ﻣﺎﻣﺎ ﻣﻮﺟﻮﺩﻳﻦ ﻭﻳﺎﻧﻪ ﻳﺴﺘﻤﻌﻮﻥ ﻭﻳﺎﻛﻠﻮﻥ ﻭﻳﻤﺸﻮﻥ ﺑﺲ ﻣﻨﺸﻮﻓﻬﻢ .. ﺍﻻ ﺑﺤﺎﻻﺕ ﻏﺮﻳﺒﻪ ﻭﻧﺎﺩﺭﻩ .. ﻗﻞ ﺍﻭﺣﻲ ﺍﻟﻲ ﺍﻧﻪ ﺍﺳﺘﻤﻊ ﻧﻔﺮ ﻣﻦ ﺍﻟﺠﻦ ﻓﻘﺎﻟﻮﺍ ﺍﻧﺎ ﺳﻤﻌﻨﺎ ﻗﺮﺃﻧﺎ ﻋﺠﺒﺎ ...
ﻳﻌﻨﻲ ﺩﻟﻴﻞ ﻫﻢ ﻋﺎﻳﺸﻴﻦ ﻭﻳﺎﻧﻪ ﻭﻳﺴﺘﻤﻌﻮﻥ ﺍﻟﻨﻪ ..
ﻟﺠﻴﻦ - ﻻ ﻣﺎﻣﺎ ﺗﺤﺠﻴﻦ ﺻﺪﻭﻙ .. ﻻ ﻻ ﺍﺧﺎﻑ ﻭﺍﻟﻠﻪ ﺟﻦ ﺷﻨﻮ .. ﻣﺎﻛﻮ ﻫﻴﺞ ﺷﻲ ..
- ﻣﺎﻣﺎ ﺍﻧﺘﻲ ﺷﻐﻠﻲ ﻗﺮﺍﻥ ﺑﺎﻟﺒﻴﺖ ﻭﺍﻟﻠﻪ ﻛﺮﻳﻢ .. ﺍﻟﺒﻴﺖ ﺍﻟﻤﺎﻳﻨﺬﻛﺮ ﺑﻴﻪ ﻛﻼﻡ ﺍﻟﻠﻪ ﻳﺼﻴﺮ ﻣﻜﺎﻥ ﻟﻠﺸﻴﺎﻃﻴﻦ ..
ﻭﺍﺫﺍ ﺗﻜﺮﺭﺕ ﺍﻟﺤﺎﻟﻪ ﺗﻌﺎﻟﻴﻠﻲ ﻧﺮﻭﺡ ﻋﻠﻰ ﺑﻴﺖ ﺷﻴﺦ ﻣﻌﺮﻭﻑ ﻳﻜﺘﺒﻠﺞ ﺭﻗﻴﻪ .. ﻭﻧﺸﻮﻑ ﺍﺫﺍ ﺳﺤﺮ ﺍﻭ ﻣﺲ ﺟﻦ ﺍﻭ ﺷﻨﻮ .. ﺑﺲ ﺍﻧﺘﻲ ﺩﺍﻭﻣﻲ ﻗﺮﺍﺀﺓ ﺳﻮﺭﺓ ﺍﻟﺒﻘﺮﻩ ﻋﻼﺝ ﺷﺎﻓﻲ ﻣﻦ ﻫﻴﺞ ﺍﺷﻴﺎﺀ
- ﺍﻥ ﺷﺎﺀﺍﻟﻠﻪ .... ﻛﻤﻠﻨﺎ ﺍﻛﻞ ﻭﻏﺴﻠﻨﺎ ﺍﻟﻤﻮﺍﻋﻴﻦ . ﻭﺍﻣﻲ ﻭﺧﺎﻟﺘﻲ ﻣﺎ ﻛﻌﺪﻭ .. ﺭﻏﻢ ﺍﻟﺒﻴﺖ ﻧﻀﻴﻒ . ﺑﺲ ﻃﻠﻌﻦ ﺍﻟﻔﺮﺍﺷﺎﺕ ﻉ ﺍﻟﺒﻠﻜﻮﻥ ﻣﺎﻝ ﺍﻟﺸﻘﻪ .
ﻭﻣﺴﺤﻮ ﺍﻟﺒﻴﺖ ﻛﻠﻪ ﻭﻧﻀﻔﻮﻩ ﺑﺘﺎﻳﺖ ﻭﺩﻳﺘﻮﻝ .. ﺳﻮﻭﻩ ﻳﻠﻤﻊ .. ﻏﺮﻓﺘﻲ ﺗﺮﺗﻴﺐ .. ﻭﺗﻐﻴﻴﺮ ﻓﺮﺍﺷﻬﺎ ..
ﮔﻠﺒﻮ ﺍﻟﺒﻴﺖ ﻉ ﺍﻟﺒﻄﺎﻧﻪ ﻣﺎ ﻗﺒﻠﻮ ﺍﺷﺘﻐﻞ ﻭﻳﺎﻫﻢ .. ﺳﺎﺭﻩ ﺧﻠﻮﻫﺎ ﻋﻠﻤﻄﺒﺦ .. ﺍﻃﻠﻊ ﻏﺮﺍﺿﻪ ﻭﺗﻐﺴﻞ ﺍﻟﻄﺒﺎﺥ ﻫﻮ ﻭﺍﻟﻔﺮﻥ ﻣﺎﻟﺘﻪ ﺑﻤﺰﻳﻞ ﺩﻫﻮﻥ ..
ﺧﻄﻴﻪ ﻟﺒﺴﺖ ﻛﻔﻮﻑ ﻭﺗﺸﺘﻐﻞ .. ﻭﺍﻧﻲ ﻭﻛﻔﺖ ﺍﺳﻮﻳﻠﻬﻢ ﻛﺐ ﻛﻴﻚ ﻧﺘﻌﻠﻞ ﺑﻴﻪ .. ﻭﻣﺸﻐﻠﻴﻦ ﺍﻏﻨﻴﺔ ﺟﺮﻳﻤﻪ ﺍﻧﻲ ﻭﻳﺎﻫﺎ ﻭﻧﺸﺘﻐﻞ ﻭﻧﺘﻤﺎﻳﻞ ﻣﻨﺎ ﻭﻣﻨﺎ ﻫﻬﻬﻬﻪ
ﻛﻤﻠﺖ ﺍﻟﻜﻴﻚ ﻭﺍﻟﻌﺼﻴﺮ .. ﻃﻠﻌﺖ ﻟﻤﺎﻣﺎ ﻭﺧﺎﻟﻪ .. ﺷﻘﺖ ﺍﻟﺒﻴﺖ ﻳﻠﻤﻊ .. ﻭﺭﻳﺤﺔ ﺍﻟﺪﻳﺘﻮﻝ ﺗﻜﺺ .. ﻫﻬﻬﻬﻪ ﺭﻏﻢ ﺍﻧﻲ ﺍﻧﻀﻒ ﺑﺲ ﻣﻮ ﺑﻴﺪﻱ ﺑﻤﻤﺴﺤﻪ ﻣﺎ ﺍﻣﺴﺢ ﺑﻴﺪﻱ ﺍﺧﺎﻑ ﻋﻠﻴﻬﻢ .. ﻫﻬﻬﻬﻬﻬﻪ
.
ﺣﺘﻰ ﺍﻟﺒﺮﺩﺍﺕ ﻧﺰﻟﻨﻬﻦ .. ﻭﻣﺎ ﻋﻨﺪﻱ ﻏﻴﺮﻫﻦ ﺍﻋﻠﻚ .. ﻛﺎﻟﺖ ﻣﺎﻣﺎ ﻧﺮﺗﺎﺡ ﻭﻧﻨﺰﻝ ﻟﻠﺴﻮﻙ ﻧﺸﺘﺮﻱ ﻏﺮﺍﺽ ﺻﻴﻔﻴﻪ ﻟﻠﺒﻴﺖ
ﺷﻨﻮﻭﺑﻌﺪﺝ ﻣﺸﺘﻴﻪ ﺍﻟﺒﻴﺖ ﻳﺨﻨﻚ .. ﻛﺘﻠﻬﺎ ﺍﻥ ﺷﺎﺀﺍﻟﻠﻪ
ﻃﻠﻌﺖ ﺍﻟﻜﻴﻚ . ﻭﺻﺒﻴﺖ ﻋﺼﻴﺮ ﻭﻛﻌﺪﻧﺎ ﻧﺎﻛﻞ .. ﻟﺸﻮﻱ .. ﺑﺪﻟﺖ ﻭﻧﺰﻟﻨﻪ ﺍﻧﻲ ﻭﻳﺎﻫﻢ ﻟﻠﺴﻮﻙ .. ﺍﺷﺘﺮﻳﻨﺎ ﻏﺮﺍﺽ ﻟﻠﺒﻴﺖ ﻛﻮﻣﻪ . ﻭﺣﺘﻰ ﺯﻳﻨﻪ ﻭﻧﺸﺮﺍﺕ ﻭﻛﻠﻮﺏ ﺩﻳﺴﻜﻮ ﺍﻟﻮﺍﻥ ﻟﻐﺮﻓﺘﻲ ﺭﻭﻣﺎﻧﺲ ﻭﻛﺬﺍ ﻫﻬﻬﻊ
ﻭﺍﺧﺬﺕ ﻣﻼﺑﺲ ﺍﻟﻴﻪ ﻧﻔﻬﺎﺕ .. ﻻﻥ ﻣﻴﻨﺎﺳﺐ ﺍﻟﺘﻴﺸﻴﺮﺕ ﻭﺍﻟﻘﻤﻴﺺ ﺍﻟﻀﻴﻖ ﺑﻌﺪ .. ﺑﺪﺕ ﺑﻄﻨﻲ ﺗﺒﺮﺯ .. ﻛﺄﻧﻮ ﻋﻨﺪﻱ ﺑﺪﺍﻳﺔ ﻛﺮﺵ ﺻﻐﻴﺮ ..
ﺭﺟﻌﻮ ﻭﻳﺎﻳﻪ ﻟﻠﺒﻴﺖ ﺭﺗﺒﻮ ﻛﻮﻟﺸﻲ .. ﻭﺳﻠﻤﻮ ﻭﻃﻠﻌﻮ .. ﺭﺣﺖ ﺣﻈﺮﺕ ﻧﻔﺴﻲ ﻭﺭﺗﺒﺖ .. ﻭﺷﻐﻠﺖ ﺍﻟﻜﻠﻮﺏ ﺍﻟﺠﺪﻳﺪ ..
ﻳﺸﺘﻐﻞ ﺍﻟﻮﺍﻥ ﻳﻔﺘﺮ . ﺍﻭ ﻛﻞ ﻟﻮﻥ ﻭﺣﺪﻩ .. ﺍﻧﻲ ﺷﻐﻠﺖ ﺍﺣﻤﺮ .. ﻣﺎﺑﻴﻪ ﺍﺩﻭﺥ .. ﻋﻔﺘﻪ ﻭﺭﺣﺖ ﻧﻤﺖ
ﻧﺎﻳﻤﻪ .. ﻭﺍﺣﺲ ﺑﺼﺮﻳﺦ ﺑﻌﻴﺪ ﻋﻨﻲ .. ﻓﺘﺤﺖ ﻋﻴﻮﻧﻲ .. ﻟﻜﻴﺖ ﺍﻟﺤﺎﻳﻂ ﻣﺎﻝ ﻏﺮﻓﺘﻲ ﻛﻠﻪ ﺩﻡ .. ﻓﺘﺤﺖ ﻋﻴﻮﻧﻲ ﺣﻴﻞ ..
ﺍﻟﺪﻡ ﻳﺠﺮﻱ ﻣﻦ ﺍﻟﺴﻘﻒ .. ﻭ ﺍﻟﻀﻮﻩ ﺍﺣﻤﺮ ﻣﻮﻗﻒ ﻣﺮﻋﺐ .. ﺭﻛﻀﺖ ﻓﺘﺤﺖ ﺿﻮﻩ ﺍﺑﻴﺾ .. ﻣﺎﻛﻮ ﺷﻲ .. ﺍﻟﻐﺮﻓﻪ ﻧﻀﻴﻔﻪ ﻭﻣﺮﺗﺒﻪ ..
ﺷﻨﻮ ﻣﻌﻘﻮﻟﻪ ﺩﺍ ﺍﺗﺨﻴﻞ .. ﻻ ﻳﺎ ﺍﻟﻠﻪ .. ﻓﺘﺤﺖ ﺍﻟﺘﻠﻔﺰﻳﻮﻥ .. ﻭﺩﺭﺗﻬﺎ ﻗﻨﺎﺓ ﺍﻟﻤﺠﺪ .. ﺑﺲ ﻗﺮﺍﻥ
ﻭﺭﺟﻌﺖ ﻧﻤﺖ .. ﺍﺳﻤﻊ ﺑﺎﺏ ﺍﻟﺤﻤﺎﻡ ﻳﻀﺮﺏ ﺣﻴﻞ .. ﺻﺮﺍﺣﻪ ﻫﻨﺎ ﺭﺟﻔﻦ ﺭﺟﻠﻴﻪ ﻣﺎ ﻛﺪﺭﺕ ﺍﻃﻠﻊ .. ﻟﻔﻴﺖ ﺭﺍﺳﻲ ﺑﺎﻟﺒﻄﺎﻧﻴﻪ ﻭﺑﻘﻴﺖ ﺍﺳﺘﻤﻊ ﻟﻠﻘﺮﺍﻥ ..
ﻟﺤﺪ ﻣﺎ ﺍﻃﻤﻨﺖ ﻭﻧﻤﺖ .. ﺷﻮﻱ .. ﻭﺍﻧﻔﺘﺤﺖ ﺑﻄﺎﻧﻴﺘﻲ .. ﻛﻤﺰﺕ ﻋﻠﻰ ﺣﻴﻠﻲ .. ﻣﺎﻟﻚ ﻛﺒﺎﻟﻲ .. ﺻﺮﺧﺖ ﺑﺴﺮﻋﻪ
- ﺷﺮﺍﻳﺪ ﻣﻨﻲ .. ﻣﻨﻮ ﺍﻧﺘﻪ
- ﻫﺎﻱ ﺷﺒﻴﺞ ﻟﺠﻴﻦ .. ﺍﻧﻲ ﻣﺎﻟﻚ ﻣﻨﻮ ﻗﺎﺑﻞ ..
- ﻣﺎﻟﻚ .. ﺩﺍ ﺍﺷﻮﻑ ﺷﻐﻼﺕ ﻋﺠﻴﺒﻪ ﻏﺮﻳﺒﻪ ﺑﻬﺎﻟﺒﻴﺖ ..
- ﻣﺜﻞ ﺷﻨﻮ
- ﺳﻮﻟﻔﺘﻠﻪ ﻉ ﺍﻟﻨﺎﺭ ﻭﺍﻟﺤﻤﺎﻡ .. ﻭﺍﻟﺪﻡ .. ﺭﺩ
- ﻫﺎﻱ ﻋﻮﺩ ﺍﻧﺘﻲ ﺍﻟﻤﺜﻘﻔﻪ ﻭﺍﻟﺪﺍﺭﺳﻪ .. ﺗﺼﺪﻛﻴﻦ ﺍﻛﻮ ﺟﻦ ﻭﻫﻞ ﺧﺰﻋﺒﻼﺕ
- ﻣﺎﻟﻚ ﺑﺲ ﺍﻟﺠﻦ ﻣﺬﻛﻮﺭ ﺑﺎﻟﻘﺮﺍﻥ . ﻣﻤﻜﻦ ﺑﻴﺘﻨﺎ ﻣﺴﻜﻮﻥ .
- ﻳﻤﻌﻮﺩﻩ ﻗﺮﺃﻧﻴﺶ ﻣﺘﻨﺎﻣﻴﻦ ﺍﻧﺘﻲ
- ﺍﺳﺘﻐﻔﺮ ﺍﻟﻠﻪ ﺷﺒﻴﻚ ﻣﺎﻟﻚ ﻫﺬﺍ ﻛﺘﺎﺏ ﺍﻟﻠﻪ ..
- ﻫﻪ ﺍﻟﻠﻪ .. ﻫﻮ ﺷﻨﻮ ﺍﻟﻠﻪ .. ﻭﻣﻨﻮ .. ﺣﺒﻴﺒﺘﻲ ﻣﺎﻛﻮ ﻫﻴﺞ ﻓﻜﺮ .. ﺍﻟﻠﻪ ﺍﺧﺘﺮﺍﻉ ﺑﻨﻮ ﺍﻟﺒﺸﺮ ﻣﺎﻛﻮ ﺷﻲ ﺑﺎﻟﺤﻘﻴﻘﻪ ﺍﺳﻤﻪ ﺍﻟﻠﻪ ﻭﻫﺴﻮﺍﻟﻒ ﻧﺎﻣﻲ ..
- ﻳﺎﺍﺍﺍﺍﺍ ﻣﺎﻟﻚ ﺷﺒﻴﻚ ﺍﺳﺘﻐﻔﺮ ﺍﻟﻠﻪ ﺷﻨﻮ ﻗﺼﺘﻚ ..
- ﺣﺒﻴﺒﻲ ﺻﺪﻛﻴﻨﻲ .. ﺍﻧﺘﻲ ﻣﺜﻘﻔﻪ ﺍﺗﻤﻨﻰ ﺍﻏﻴﺮ ﻓﻜﺮﺓ ﺍﻟﺪﻳﻦ ﺍﻟﻌﻨﺪﺝ ﺗﺮﻩ ﻫﺬﻩ ﻛﻠﻬﺎ ﺍﻛﺎﺫﻳﺐ ﻻ ﺍﻛﻮ ﺩﻳﻦ ﻭﻻ ﺍﻛﻮ ﻛﺘﺐ ﻭﻻ ﺑﻄﻴﺦ .. ﺍﻟﻌﻠﻢ ﺍﺛﺒﺖ ﺍﻥ ﻛﻞ ﻫﺎﻱ ﺍﻛﺎﺫﻳﺐ ..
- ﻣﺎﻟﻚ ﺍﻧﺖ ﻣﻠﺤﺪ .. ؟ !
- ﺍﺧﺬﻥ ﻧﻔﺲ .. ﺍﻱ ﻣﻠﺤﺪ .. ﻭﺷﺒﻲ ﺍﻟﻤﻠﺤﺪ .. ﺍﺛﻘﻒ ﺍﻧﺴﺎﻥ ﻋﻠﻰ ﻭﺟﻪ ﺍﻟﻜﺮﻩ ﺍﻻﺭﺿﻴﻪ .. ﻋﻠﻰ ﺍﻻﻗﻞ ﻣﺎ ﻳﺼﺪﻙ ﺑﺨﺮﺍﻓﺎﺕ .
- ﺍﻧﺖ ﻗﺼﺪﻙ ﺍﻏﺒﻰ ﺍﻧﺴﺎﻥ ﻣﻮ ﺍﺛﻘﻒ .. ﺍﻟﻤﻠﺤﺪ ﻣﻨﻴﻠﻪ ﺛﻘﺎﻓﻪ ﻳﺎﺣﺒﻴﺒﻲ ﺷﺘﺤﺠﻲ ﺍﻧﺘﻪ ﻣﻦ ﻛﻞ ﻋﻘﻠﻚ ﻣﺎﻟﻚ ﺍﻧﺖ ﻣﻠﺤﺪ
.
ﺣﺒﻴﺒﻲ ﺍﻻﺧﺘﻼﻑ ﺑﺎﻟﺮﺃﻱ ﻻ ﻳﻔﺴﺪ ﻟﻠﻮﺩ ﻗﻀﻴﻪ .. ﻭﺍﻥ ﺍﺧﺘﻠﻔﻨﻪ ﺑﺎﻟﺪﻳﻦ ﻓﻬﺬﺍ ﻣﻮ ﻣﺎﻧﻊ .. ﺍﺗﺮﻛﺞ ﻣﻦ ﻫﺴﻮﺍﻟﻒ ﻣﺎ ﺍﺣﺒﻬﺎ ..
- ﻻﺍﺍﺍﺍﺍﺍ ﺍﻻ ﻣﺎﻧﻊ ﻭﻧﺺ .. ﻣﺎﻟﻚ ﺷﻨﻮ ﻣﻠﺤﺪ ... ﻣﻦ ﺷﻮﻛﺖ ﺍﻧﺖ ﺍﻟﺤﺪﺕ .
- ﻣﻦ ﺯﻣﺎﻥ ﺣﺒﻴﺒﺘﻲ .. ﻣﺎ ﺍﻋﺘﺮﻑ ﺑﺎﻻﻓﻜﺎﺭ ﺍﻟﺪﻳﻨﻴﻪ ... ﻛﻠﻬﺎ ﺧﺮﺍﻓﺎﺕ . ﺍﻻ ﺗﺜﻘﻴﻦ ﺍﻟﻤﺴﻴﺢ ﻳﻤﺸﻲ ﻉ ﺍﻟﻤﻲ ﻟﻮ ﻣﻮﺳﻰ ﻳﻔﻠﻖ ﺍﻟﺒﺤﺮ ﺑﺎﻟﻌﺼﻰ ﻣﺎﻟﺘﻪ ﻟﻮ ﻣﺤﻤﺪ ﻳﻌﺮﺝ ﻟﻠﺴﻤﺎﻭﺍﺕ ﻭﻳﻠﻒ ﺍﻟﺪﻧﻴﺎ ﺑﺪﻗﻴﻘﻪ ﻭﺭﺟﻊ ..
- ﻣﺎﻟﻚ ﻫﺬﺍ ﺍﻟﺮﺳﻮﻝ ﻣﺤﻤﺪ ﻣﻴﺼﺢ ﺍﻟﻜﻼﻡ ﻋﻨﻪ ﺑﻬﺎﻟﻄﺮﻳﻘﻪ ﺣﺮﺍﻡ ﻋﻠﻴﻚ ﻫﺬﺍ ﺍﺳﻤﻪ ﺍﻻﺳﺮﺍﺀ ﻭﺍﻟﻤﻌﺮﺍﺝ ..
ﺳﺒﺤﺎﻥ ﺍﻟﺬﻱ ﺍﺳﺮﻱ ﺑﻌﺒﺪﻩ ﻟﻴﻼ ﻣﻦ ﺍﻟﻤﺴﺠﺪ ﺍﻟﺤﺮﺍﻡ ﺍﻟﻰ ﺍﻟﻤﺴﺠﺪ ﺍﻻﻗﺼﺎ ﺍﻟﺬﻱ ﺑﺎﺭﻛﻨﺎ ﺣﻮﻟﻪ ﻟﻨﺮﻳﻪ ﻣﻦ ﺍﻳﺎﺗﻨﺎ ..
ﻳﻌﻨﻲ ﻣﻌﺠﺰﺓ ﺍﻟﺮﺳﻮﻝ ﻫﺬﻩ .. ﻭﻛﻠﻤﺔ ﺳﺒﺤﺎﻥ ﺗﻄﻠﻖ ﻟﻼﻣﺮ ﺍﻻﻋﺠﺎﺯﻱ ..
ﻭﻛﻞ ﺍﻻﻧﺒﻴﺎﺀ .. ﺍﻟﻬﻢ ﻣﻌﺠﺰﺍﺗﻬﻢ .. ﺣﺮﺍﻡ ﺗﻄﻌﻦ ﺑﻴﻬﻢ
ﺍﻫﻞ ﻣﺼﺮ ﻭﺍﻟﻔﺮﺍﻋﻨﻪ ﺗﺬﻛﺮ ﺣﺎﺩﺛﺔ ﺍﻻﻧﻔﻼﻕ ﺑﻜﺘﺒﻬﻢ ﻭﻏﺮﻕ ﻓﺮﻋﻮﻥ .. ﺍﻣﺎ ﺍﻟﻤﺴﻴﺢ ﻭﺣﺪﻩ ﻣﻌﺠﺰﻩ ﺑﺪﻭﻥ ﺍﺏ .. ﻭﻛﻼﻣﻪ ﺑﺎﻟﻤﻬﺪ
ﻑ ﻣﺎ ﺍﻗﺒﻞ ﺗﺤﺠﻲ ﻋﻠﻴﻬﻢ ﺑﻬﺎﻟﻄﺮﻳﻘﻪ ﻣﺎﻟﻚ
- ﺣﺒﻴﺒﺘﻲ ﺍﻧﺘﻲ ﺗﺼﺪﻛﻴﻦ ﺑﻬﻴﺞ ﺷﻲ .. ﺍﻱ ﺩﻳﻦ ﻫﺬﺍ .. ﺧﺎﺻﻪ ﺍﻻﺳﻼﻡ .. ﺩﻳﻦ ﻣﺘﻨﺎﻗﺾ ﻣﺎ ﻳﻤﺪ ﻟﻠﺼﺤﻪ ﺑﺸﻲﺀ
ﻣﺤﻤﺪ ﻣﺴﻤﻲ ﺩﻳﻨﻪ ﺍﻻﺳﻼﻡ ﺍﻱ ﻳﻌﻨﻲ ﺍﻟﺴﻼﻡ .. ﻭﻫﻮ ﻛﺘﺎﺑﻪ ﻛﻠﻪ ﻳﺄﻣﺮ ﺑﺎﻟﻘﺘﻞ ﻭﻟﻠﻤﻮﺕ ﺟﺎﻫﺪﻭ ﻭﻗﺎﺗﻠﻮ ﻭﺍﻗﺘﻠﻮ .. ﺍﻳﺎﺕ ﺍﻟﻘﺘﺎﻝ ﺑﺎﻟﻘﺮﺍﻥ ﺍﻛﺜﺮ ﻣﻦ ﺍﻳﺎﺕ ﺍﻟﺤﺐ ﻭﺍﻟﺴﻼﻡ .. ﻑ ﺑﻌﺪ . ﻭﻳﻨﻪ ﺍﻟﺴﻼﻡ ﺑﺎﻟﻤﻮﺿﻮﻉ
- ﺍﻟﻘﺮﺍﻥ ﻣﺎ ﺍﻣﺮ ﺑﺎﻟﻘﺘﻞ .. ﺍﻣﺮ ﺑﺎﻟﺠﻬﺎﺩ ..
- ﻭﺷﻨﻮ ﺍﻟﻔﺮﻕ .. ﺍﻟﺠﻬﺎﺩ ﻭﺍﻟﻘﺘﻞ ﻭﺟﻬﺎﻥ ﻟﻌﻤﻠﻪ ﻭﺍﺣﺪﻩ ..
- ﻻ ﺣﺒﻴﺒﻲ ﺍﻛﻮ ﻓﺮﻕ .. ﻭﻣﻦ ﻗﺘﻞ ﻧﻔﺴﺎ ﺑﻐﻴﺮ ﻧﻔﺲ ﺍﻭ ﻓﺴﺎﺩﺍ ﻓﻲ ﺍﻻﺭﺽ ﻛﺄﻧﻤﺎ ﻗﺘﻞ ﺍﻟﻨﺎﺱ ﺟﻤﻴﻌﺎ ... ﻭﻫﺬﺍ ﻧﻬﻲ ﻋﻦ ﺍﻟﻘﺘﻞ ﻭﺍﻟﻔﺴﺎﺩ
ﺍﻣﺎ ﺍﻟﺠﻬﺎﺩ .. ﻓﻬﻮ ﻟﻠﻲ ﻳﻘﺎﺗﻠﻮﻧﻚ ﻗﺎﺗﻠﻬﻢ .. ﻳﺼﺢ ﻭﺍﺣﺪ ﻳﺪﺧﻞ ﻟﺒﻴﺘﻚ ﺍﻭ ﻳﻬﺎﺟﻤﻚ ﻭﺍﻧﺖ ﺗﺴﻜﺖ ﻭﻣﺘﺤﺎﺭﺑﻪ .
ﻫﻨﺎ ﺗﻜﻮﻥ ﺍﻟﺪﻓﺎﻉ ﻋﻦ ﺍﻟﻨﻔﺲ ﺍﻭ ﺍﻟﻌﺮﺽ ﺍﻭ ﺍﻟﻤﺪﻳﻨﻪ ﺍﻭ ﺍﻟﻤﺎﻝ .. ﻳﺴﻤﻰ ﺟﻬﺎﺩ .. ﺍﺫﺍ ﻣﺎ ﺟﺎﻫﺪﺕ ﻑ ﺍﻧﺖ ﻣﻮ ﺍﻧﺴﺎﻥ ﻣﺴﺎﻟﻢ ﻻﺍ ﻭﺍﻧﻤﺎ ﺟﺒﺎﻥ ..
ﻭﺍﻻﺳﻼﻡ ﻣﻮ ﺩﻳﻦ ﺍﻟﺠﺒﻨﺎﺀ .. ﻟﻬﻴﺞ ﺍﻟﻠﻪ ﻛﺎﻝ ﻗﺎﺗﻠﻮ ﺍﻟﺬﻳﻦ ﻳﻌﺘﺪﻭﻥ ﻋﻠﻴﻜﻢ ﺑﻤﺜﻞ ﻣﺎ ﺍﻋﺘﺪﻭﺍ ..
- ﺣﺒﻴﺒﺘﻲ ﺍﻟﻜﻼﻡ ﻛﺜﻴﺮ ﺑﻬﻠﺨﺼﻮﺹ ﺍﺫﺍ ﺍﺭﻳﺪ ﺍﻗﻨﻌﺞ .. ﻣﺘﺄﻛﺪ ﺭﺍﺡ ﺗﺄﻟﺤﺪﻳﻦ ﻣﺜﻠﻲ ..
- ﻻ ﺣﺒﻴﺒﻲ ﻣﺎ ﺍﻟﺤﺪ .. ﻋﻨﺪﻱ ﻋﻘﻞ ﻭﺍﻓﻜﺮ ﺍﻥ ﺍﻟﻠﻪ ﺧﻠﻖ ﻛﻠﺸﻲ .. ﻭﻧﺤﺲ ﺑﻮﺟﻮﺩﻩ ﻋﻦ ﻃﺮﻳﻖ ﺍﻟﺤﻴﺎﺓ ﺍﻟﺸﻤﺲ ﻭﺍﻟﻘﻤﺮ ﻭﺍﻟﻠﻴﻞ ﻭﺍﻟﻨﻬﺎﺭ ﻛﻞ ﻫﺬﻩ ﺍﻳﺎﺕ ﺗﺪﻝ ﻋﻠﻰ ﻭﺟﻮﺩﻩ ..
- ﻛﻞ ﻫﺬﻩ ﻣﻦ ﺧﻠﻖ ﺍﻟﻄﺒﻴﻌﻪ ﻧﺘﻴﺠﺔ ﺍﻻﻧﻔﺠﺎﺭ ﺍﻟﻌﻈﻴﻢ .. ﻭﺍﻟﺼﺪﻓﻪ ﺍﻟﻜﻮﻧﻴﻪ
- ﺍﻫﺎﺍﺍﺍﺍ ﺍﻻﻧﻔﺠﺎﺭ ﺍﻟﻌﻈﻴﻢ . ﻫﺬﺍ ﻛﻞ ﻛﻼﻣﻜﻢ .. ﺗﻜﺬﺑﻮﻥ ﺍﻻﻧﺒﻴﺎﺀ ﻭﻛﺘﺒﻬﻢ ﻭﺗﻜﻮﻟﻮﻥ ﻭﻳﻦ ﺍﻛﻮ ﺩﻳﻦ ﻭﻭﻳﻦ ﺍﻛﻮ ﻣﻌﺠﺰﺍﺕ ..
ﺑﺲ ﺗﻌﺎﻝ ﺍﻧﺎﻗﺸﻚ ﺑﺎﻟﻌﻘﻞ .. ﺍﻧﺖ ﺗﻜﺬﺏ ﺍﻟﺮﺳﻮﻝ ﻣﺤﻤﺪ ﺍﻟﻠﻲ ﺻﺎﺭﻟﻪ 1400 ﺳﻨﻪ .. ﻭﺗﻜﻮﻝ ﻣﺎﻛﻮ ﻫﻴﺞ ﺷﻲ ﻧﺰﻝ ﻻﻥ ﻣﺎﺳﻤﻌﺖ ﺍﻟﺮﺳﻮﻝ ﻭﻣﺎ ﺷﻔﺘﻪ ﺑﻌﻴﻨﻚ ﻣﻦ ﻛﺎﻥ ﻳﺘﻠﻮ ﺍﻟﻘﺮﺍﻥ ﺍﻟﻤﻨﺰﻝ ﻟﻠﻤﺴﻠﻤﻴﻦ ﻣﻮﻭﻭﻭ ..
.
ﺗﻨﻜﺮ ﺍﻟﺮﺳﻮﻝ ﻭﻗﺮﺍﻧﻪ ﺍﻟﻌﻈﻴﻢ ﻻﻥ ﻣﺎ ﺷﻔﺘﻪ ﻭﻣﺎﻛﻮ ﺩﻟﻴﻞ ﻋﻠﻴﻪ .. ﻭﺗﺮﻭﺡ ﺗﺼﺪﻙ ﺍﻧﻔﺠﺎﺭ ﺻﺎﺭ ﻗﺒﻞ 14 ﻣﻠﻴﺎﺭ ﺳﻨﻪ ... ﺷﻔﺖ ﺍﻻﻧﻔﺠﺎﺭ .. ﺍﻛﻮ ﺩﻟﻴﻞ ﻋﻠﻤﻲ ﻋﻠﻰ ﻭﺟﻮﺩ ﺍﻻﻧﻔﺠﺎﺭ ..
ﻭﺍﺣﻨﻪ ﻧﻌﺮﻑ ﺍﻻﻧﻔﺠﺎﺭ ﺍﺫﺍ ﺻﺎﺭ ﻳﺨﺮﺑﻂ ﺍﻟﺪﻧﻴﺎ ﻣﻮ ﻳﻨﺠﻢ ﻋﻨﻪ ﻋﺎﻟﻢ ﺷﺪﻳﺪ ﺍﻟﺪﻗﻪ . ﺗﻀﻊ ﺍﻻﺭﺽ ﺑﻤﻜﺎﻥ ﻟﻮ ﺗﻘﺪﻣﺖ ﻟﻠﺸﻤﺲ ﺑﻤﻘﺪﺍﺭ ﺷﻌﺮﻩ ﻟﺤﺘﺮﻗﺖ ... ﻭﻟﻮ ﺭﺟﻌﺖ ﺑﻨﻔﺲ ﻟﻠﻤﻘﺪﺍﺭ .. ﻻﻧﺠﻤﺪﺕ ..
ﺍﻧﻄﻴﻨﻲ ﺩﻟﻴﻞ ﻋﻠﻰ ﻭﺟﻮﺩ ﺍﻻﻧﻔﺠﺎﺭ ..
- ﺣﺒﻴﺒﺘﻲ ﻫﺬﻩ ﻧﻀﺮﻳﺎﺕ ﻋﻠﻤﻴﻪ ﻣﻮ ﺑﻜﻴﻔﻲ ﻭﺑﻜﻴﻔﺞ . ﻋﻠﻤﺎﺀ ﻣﺨﺘﺼﻴﻦ .
- ﻻ ﺣﺒﻴﺒﻲ ﻋﻠﻤﺎﺀﻙ ﺫﻭﻝ ﺍﻏﺒﻴﺎﺀ .. ﻭﺍﻟﻨﻀﺮﻳﻪ ﻟﻼﻥ ﻣﺎ ﺍﺛﺒﺘﺖ ﻭﺟﻮﺩ ﺍﻻﻧﻔﺠﺎﺭ ﻓﻘﻂ ﻧﻀﺮﻳﻪ ﺟﺎﺭﻱ ﺍﻟﺒﺤﺚ ﺑﻴﻬﺎ ﻭﻣﺎ ﺭﺍﺡ ﻳﻠﻜﻮﻟﻬﺎ ﺻﺤﻪ ﻻﻥ ﻣﻤﻮﺟﻮﺩﻩ
- ﻻ ﺣﺒﻴﺒﺘﻲ ﻛﻠﺸﻲ ﻋﻨﺪﻫﻢ ﺑﺪﺭﺍﺳﻪ .. ﻣﻮ ﻋﺒﻄﻴﺎ .. ﺑﺲ ﺍﺳﺌﻠﺞ ﺳﺆﺍﻝ .. ﺍﻟﻠﻪ ﻭﻳﻨﻪ .. ﺍﺫﺍ ﻫﻮ ﺭﺣﻴﻢ ﻭﻣﻮﺟﻮﺩ .. ﻭﻳﻨﻪ
ﻟﻴﺶ ﻛﻞ ﻫﺬﻩ ﺍﻟﻔﻘﺮﻩ ﻭﺍﻟﻈﻠﻢ ﻭﺍﻟﻘﺘﻞ ﻭﺍﻟﺬﺑﺢ .. ﻫﻮ ﻣﻮ ﺭﺏ .. ﻣﻴﺪﺧﻞ ﻭﻳﻨﻬﻲ ﻛﻞ ﻫﺬﺍ ...
- ﺍﻟﻠﻪ ﺍﻧﺰﻝ ﻛﺘﺎﺏ ﻭﻛﺎﻝ ﺍﻋﻤﻠﻮ ﺑﻴﻪ ... ﺍﻣﺮ ﺑﺎﻟﻤﻌﺮﻭﻑ ﻭﻧﻬﻰ ﻋﻦ ﺍﻟﻘﺘﻞ .. ﺑﺲ ﺍﻟﻨﺎﺱ ﻫﻲ ﺍﻟﻠﻲ ﺍﻋﺮﺿﺖ ﻋﻦ ﺍﻟﻠﻪ .
ﻭﺍﻟﻠﻪ ﻟﻮ ﻳﺮﻳﺪ ﻳﺤﺎﺳﺐ ﻛﻞ ﺍﻧﺴﺎﻥ ﻣﺬﻧﺐ ﻣﺎ ﺗﺮﻙ ﻋﻠﻰ ﺍﻻﺭﺽ ﺍﺣﺪ .. ﺍﻗﺮﺏ ﻣﺜﺎﻝ ﺍﻧﺖ ... ﻣﻮ ﺗﻘﺘﻞ ﺑﺎﻟﻨﺎﺱ ﻭﺗﻌﻤﻞ ﺷﺮ .. ﻟﻴﺶ ﻣﻴﺎﺧﺬﻙ ..
ﻻﻥ ﺍﻧﺖ ﻭﻏﻴﺮﻙ ﻟﻮ ﻗﺘﻠﻜﻢ ﻛﻠﻜﻢ . ﻭﻛﻞ ﺍﻧﺴﺎﻥ ﻳﺬﻧﺐ .. ﺍﻧﺘﻬﺖ ﺍﻟﺒﺸﺮﻳﻪ ... ﺑﺲ ﺗﺎﻟﻴﺘﻚ ﺍﻟﻪ ﺗﺮﺟﻊ ﻭﻳﺤﺎﺳﺒﻚ ﻋﻠﻰ ﺍﻟﺠﺒﻴﺮﻩ ﻭﺍﻟﺼﻐﻴﺮﻩ .. ﻓﻬﻮ ﻟﻼﻥ ﺻﺒﻮﺭ ﻋﻠﻴﻚ ..
ﻭﺍﻋﻄﻴﻚ ﻣﺜﺎﻝ .. ﻣﺪﻳﺮ ﺍﻟﻤﺪﺭﺳﻪ ﻣﻦ ﻳﻘﺪﻡ ﺍﻟﻜﺘﺎﺏ ﻟﻠﻄﺎﻟﺐ ﻭﻳﻜﻠﻪ ﺍﻟﺘﺰﻡ ﺑﻲ ﻭﺍﻗﺮﻩ .. ﺗﺒﻘﻰ ﻳﻢ ﺍﻟﻄﺎﻟﺐ ﻳﻘﺮﻩ ﻑ ﻳﻘﺮﻩ ﺍﻟﻨﻔﺴﻪ .. ﻭﺍﻥ ﻣﺎ ﻗﺮﻩ ﻫﻮ ﺍﻟﺨﺴﺮﺍﻥ .. ﺗﺠﻲ ﻧﻬﺎﻳﺔ ﺍﻟﺴﻨﻪ ﻭﻳﺮﺳﺐ .. ﺻﺢ ..
ﻳﺼﻴﺮ ﺍﻟﻤﺪﻳﺮ ﻳﻔﺼﻞ ﻛﻞ ﻃﺎﻟﺐ ﻣﺎ ﻳﻘﺮﻩ ... ؟ !!! ﻳﺼﻴﺮ ﺍﻟﻤﺪﻳﺮ ﻳﻔﺼﻞ ﺍﻟﻄﺎﻟﺐ ﺍﻟﻠﻲ ﻳﺮﺳﺐ ﺑﺎﻻﻣﺘﺤﺎﻧﺎﺕ ﺍﻟﺸﻬﺮﻳﻪ ؟ !
ﻣﻴﺼﻴﺮ ﻭﺍﻧﻤﺎ ﺍﻟﻤﺪﻳﺮ ﻳﻨﺘﻈﺮ ﺍﺧﻴﺮ ﺍﻟﺴﻨﻪ ﺣﺘﻰ ﻳﺤﻜﻢ ﻋﻠﻴﻜﻢ ﺑﺎﻟﺮﺳﻮﺏ ﺍﻭ ﺍﻟﻨﺠﺎﺡ ﺣﺴﺐ ﻣﻮﺍﺿﺒﺘﻚ ..
ﻟﻮ ﻓﺼﻞ ﻛﻞ ﻭﺍﺣﺪ ﻣﻴﻘﺮﻩ ﻫﺎﻱ ﻫﻨﺎ ﻣﺮﺍﺡ ﻳﺘﺮﻙ ﻃﺎﻟﺐ ﺑﺎﻟﻤﺪﺭﺳﻪ .. ﻻﻥ ﺍﻟﻜﻞ ﺗﻔﺼﻞ .. ﻭﺍﻧﻤﺎ ﺍﻟﻤﺪﻳﺮ ﻳﻌﻄﻲ ﻓﺮﺻﻪ ﻟﻠﻄﺎﻟﺐ
ﺭﺳﺐ ﺑﺎﻟﻔﺼﻞ ﺍﻻﻭﻝ .. ﻳﻨﺘﻀﺮ ﻣﻨﻪ ﻳﺘﻌﺪﻝ ﺑﺎﻟﻨﺺ ﺍﻟﺴﻨﻪ ﺭﺳﺐ . ﻳﺘﺄﻣﻞ ﻳﺘﻌﺪﻝ ﺑﻨﺺ ﺍﻻﺧﺮ .. ﻭﺍﻟﻨﺘﻴﺠﻪ ﺍﺫﺍ ﻣﺎ ﺣﺴﻦ ﻣﻦ ﻭﺿﻌﻴﺘﻪ ﺭﺳﺐ ..
ﻣﻮ ﻛﻞ ﺍﻟﻄﻼﺏ ﺷﻄﺎﺭ ..
ﻭﻻ ﻛﻞ ﺍﻟﺒﺸﺮ ﻣﺆﻣﻨﻴﻦ .. ﻟﺬﻟﻚ ﺍﻟﻠﻪ ﺗﺎﺭﻛﻚ ﻟﻮﺣﺪﻙ ﺗﻌﻤﻞ .. ﻭﻳﻨﻄﻴﻚ ﻓﺮﺹ ﺑﺎﻟﺤﻴﺎﺓ ﻋﺴﻰ ﻭﻟﻌﻞ ﺗﻬﺪﻱ ﻓﻴﺘﻮﺏ ﻋﻠﻴﻚ .. ﻭﺗﺎﻟﻲ ﻳﻘﻮﻝ ﺛﻢ ﺍﻟﻴﻨﺎ ﻣﺮﺟﻌﻜﻢ ﻓﻨﻨﺒﺌﻜﻢ ﺑﻤﺎ ﻛﻨﺘﻢ ﺗﻌﻤﻠﻮﻥ ...
ﻭﻳﺤﺎﺳﺐ ﻭﺗﺸﻮﻑ ﻧﺘﺠﻴﺘﻚ ﻳﺎ ﺍﻣﺎ ﻟﻠﺠﻨﻪ ﺍﻭ ﺍﻟﻨﺎﺭ ..
ﻭﺍﺫﺍ ﻉ ﺍﻟﻔﻘﺮ .. ﻑ ﺍﻟﻠﻪ ﺣﻜﻴﻢ ﺍﻟﻤﻦ ﻳﻨﻄﻲ ﺭﺯﻗﻪ .. ﺍﻛﻮ ﻧﺎﺱ ﺍﺫﺍ ﺻﺎﺭ ﺑﺠﻴﺒﻬﺎ ﻓﻠﻮﺱ ﺗﺘﺮﻙ ﺍﻻﺧﻼﻕ ﻭﺍﻟﺪﻳﻦ ﻭﺗﺮﻭﺡ ﺗﺘﻌﺮﻯ ﻭﺗﻄﻐﻰ .
. ﻑ ﺍﻟﻠﻪ ﺭﺣﻤﻪ ﺍﻟﻬﻢ ﻣﺨﻠﻲ ﺍﻟﻔﻘﺮ ﺍﻻ ﺍﻟﻠﻪ ﻣﻮ ﻇﺎﻟﻢ ﺑﺲ ﻳﺤﺒﻬﻢ ﻭﻣﺎ ﻳﺮﻳﺪﻫﻢ ﻳﻈﻠﻤﻮﻥ ﺍﻧﻔﺴﻬﻢ ..
- ﺣﺒﻴﺒﺘﻲ .. ﺍﻧﻲ ﺍﻓﻀﻞ ﺍﻥ ﺍﻧﺎﻡ ﻭﻧﺘﺮﻙ ﻫﺬﺍ ﺍﻟﺤﺪﻳﺚ .. ﻻﻥ ﻻ ﺍﻧﺘﻲ ﺭﺍﺡ ﺗﻘﻨﻌﻴﻨﻲ ﻭﻻ ﺍﻧﻲ ﺭﺍﻳﺪ ﺍﻗﻨﻌﺞ .. ﻧﺎﻣﻲ .
- ﺗﺮﻛﻨﻲ ﻭﺩﺍﺭ ﻭﺟﻪ ﻧﺎﻡ ... ﻳﺎﺭﺑﻲ ﻋﻮﺩ ﺻﺪﻙ ﻫﺬﺍ ﻃﻠﻊ ﻣﻠﺤﺪ . ﻻ ﻳﺎ ﺍﻟﻠﻪ .. ﻣﺠﺮﻡ ﻭﺧﺎﻳﻦ ﻭﻣﻠﺤﺪ . ﻫﻢ ... ﺍﻧﻲ ﺷﻜﺪ ﺍﺭﻳﺪ ﺍﺗﺤﻤﻞ ﻣﻨﻪ ..
ﺑﺎﻭﻋﺘﻠﻪ ﺷﻔﺖ ﺍﻟﻮﺷﻢ ﺑﺄﻳﺪﻩ .. ﺑﺴﺮﻋﻪ ﻓﺴﺮﺗﻪ ﻭﻋﺮﻓﺖ ﻣﻌﻨﻰ @ ﻛﺎﺑﺘﻞ ﺍﻭﻝ ﺣﺮﻑ ﻣﻦ ﻛﻠﻤﺔ Atheist ... ﻣﻠﺤﺪ ﺑﺎﻻﻧﻜﻠﻴﺰﻱ ... ﻋﻼﻣﺔ ﺍﻟﻤﻠﺤﺪﻳﻦ ... ﺍﻣﺪﺍﻳﻪ ﺍﺗﺬﻛﺮ ﺍﻋﺮﻑ ﻫﻴﺞ ﻣﻌﻠﻮﻣﻪ ﺷﺒﻴﻪ ﻣﺨﻄﺮﺕ ﻋﻠﻰ ﺑﺎﻟﻲ
ﺯﻳﻦ ﻫﻮ ﺷﻠﻮﻥ ﺷﻮﻓﻨﻲ ﺟﻨﺴﻴﺘﻪ ﻣﺴﻠﻢ . ﺷﻠﻮﻥ ﻫﻴﺞ .. ﻣﺎﺍﺍﺍﺍﻟﻚ .. ﺍﻛﻌﺪ ﺟﺎﻭﺑﻨﻲ ... ﻧﻤﺘﺘﺘﺘﺖ .. ﺍﻛﻌﺪ .. ﻟﺘﺎﺍﺍﺍﻡ ﺟﺎﻭﺑﻨﻲ
- ﻫﺎﺍﺍﺍﺍﺍﺍﺍﺍﺍﺍ
- ﺍﻧﺖ ﺟﻨﺴﻴﺘﻚ ﻣﻮ ﻣﺴﻠﻢ .. ﺷﻠﻮﻥ ﻟﻌﺪ . ﻣﻠﺤﺪ ..
- ﺷﻌﻠﻴﻬﺎ ﺍﻟﺠﻨﺴﻴﻪ ﺑﻘﻨﺎﻋﺘﻲ ﻭﻓﻜﺮﻱ ... ﺍﻟﺠﻨﺴﻴﻪ ﺗﺤﻤﻞ ﺩﻳﺎﻧﺘﻲ ﻣﻦ ﻟﻤﺎ ﻭﻟﺪﺕ .. ﻣﺴﻠﻢ ..
- ﻟﻴﺶ ﻣﺎ ﻏﻴﺮﺗﻬﺎ ﻟﻌﺪ
- ﺷﻜﺘﺐ ﺑﻼ ﺩﻳﻦ ...
- ﺗﺤﺴﻪ ﻧﻘﺺ؟ !!! ﺍﺫﺍ ﻧﻘﺺ ﻟﻴﺶ ﺍﻟﺤﺪﺕ ﻭﺍﻧﺖ ﻣﺘﻜﺪﺭ ﺗﻌﺘﺮﻑ ﺑﺄﻟﺤﺎﺩﻙ ..
- ﻣﺎ ﻳﻔﻴﺪﻧﻲ ﺍﻻﻟﺤﺎﺩ .. ﺍﻧﻲ ﻋﻤﻠﻲ ﺳﻴﺎﺳﻲ ﻭﺑﺎﻟﻌﺮﺍﻕ .. ﻭﺷﻔﻠﻲ ﻛﻠﻪ ﺑﺎﻟﺪﻳﻦ .. ﺍﺫﺍ ﻣﺎ ﺗﺤﺠﻲ ﺑﺎﻟﺪﻳﻦ ﻣﺎ ﺗﺮﺑﺢ ..
ﻭﺣﺘﻰ ﺯﻭﺍﺝ ﺍﻟﻤﺘﻌﻪ ﻭﺍﻟﻤﺴﻴﺎﺭ ﻭﺍﻟﻌﺮﻓﻲ .. ﺍﻻﻟﺤﺎﺩ ﻣﺎﺑﻲ ﻫﻴﺞ ﺯﻭﺍﺝ ﻭﻻ ﺿﻮﺍﺑﻂ .. ﻓﻴﺨﺴﺮ ﺷﻐﻠﻲ .. ﻓﺘﺮﻛﺖ ﺟﻨﺴﻴﺘﻲ ﻣﺴﻠﻢ .. ﻭﻓﻜﺮﻱ ﺧﺎﺹ ﺑﻴﻪ ﻣﻮ ﺿﺮﻭﺭﻱ ﺍﺿﻬﺮﻩ ..
- ﻫﺎﺍﺍﺍﺍﺍ ﻳﻌﻨﻲ ﻗﺼﺪﻙ ﺍﻟﺪﻳﻦ ﻏﻄﺎﺀ ﻻﻓﻌﺎﻟﻚ .
- ﺑﺎﻟﻀﺒﻂ ..
- ﻫﺎﻱ ﺑﺲ ﻻ ﺍﻟﻠﻲ ﺑﺎﻟﺴﻴﺎﺳﻪ ﻭﺍﻟﺪﻭﻟﻪ ﺍﻟﻴﺪﻋﻮﻥ ﺍﻟﺪﻳﻦ . ﻣﻠﺤﺪﻳﻦ ﻣﺜﻠﻚ ﻭﻳﺮﺩﻭﻥ ﻳﺴﺘﻔﺎﺩﻭﻥ ..
- ﺷﻲ ﻭﺍﺭﺩ ... ﻋﺎﺩﻱ ﻳﺮﺩﻭﻥ ﻳﺴﺘﻔﺎﺩﻭﻥ ﺷﻴﺴﻮﻭﻥ ﻋﺎﻟﻢ ﺗﺮﻳﺪ ﺗﻌﻴﺶ ..
- ﻋﻴﺸﻮ ﻣﻨﻮ ﻻﺯﻣﻜﻢ ﻣﻮ ﺣﺘﻰ ﺧﺮﺑﺘﻮ ﺳﻤﻌﺔ ﺍﻻﺳﻼﻡ ﻭﺍﻟﻠﻪ .. ﺍﺷﺘﻐﻠﻮ ﺑﻌﻴﺪ ﻋﻦ ﺍﻟﺪﻳﻦ ..
- ﻫﻬﻬﻬﻬﻬﻬﻪ ﺍﻭﻙ ﺍﺩﻟﻠﻲ ﺑﺲ ﻧﺎﻣﻲ ..
- ﺍﻟﻠﻪ ﻳﻨﺘﻘﻢ ﻣﻨﻜﻢ ﻭﻟﻠﻪ ﺷﻮﻫﺘﻮ ﺳﻤﻌﺘﻨﻪ .. ﺗﻘﺘﻠﻮﻥ ﻭﺗﻜﻮﻟﻮﻥ ﻣﺴﻠﻤﻴﻦ ﺍﺣﻨﻪ ..
- ﻳﻨﺘﻘﻢ ﻣﻨﻴﻦ .. ﺷﻮ ﻣﺘﻌﺮﻓﻴﻦ ﺗﺤﺠﻴﻦ ..
- ﺍﻧﺖ ﺷﻌﻠﻴﻚ ﻣﻮ ﺗﻜﻮﻝ ﻣﺎﻛﻮ ﺍﻟﻠﻪ .. ﺩﻭﺭ ﻭﺟﻬﻚ ﺍﻧﻲ ﻭﺍﻟﻠﻪ ... ﺍﻧﺘﻪ ﻣﺘﻌﺮﻓﻪ ﺷﻜﻮ ﺧﺎﻳﻒ ﻣﻨﻪ ..
- ﻫﻬﻬﻬﻬﻪ ﻣﺨﺒﻠﻪ ....
- ﻳﺮﺑﻲ ﺷﺴﻮﻱ ﻫﺴﻪ .. ﺍﺩﻭﺭ ﻣﻠﺤﺪ ......
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء