رواية امقت اعرافهم لكنها حيتني الجزء الثالث
للكاتبة نور
🔹🔸🥇🔹🔸
ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺑﺪﺕ ﺍﻟﺤﺮﻛﻪ ﺑﺎﻟﺒﻴﺖ ﺣﺎﻭﻟﻮ ﻣﻴﺼﺤﻮﻧﻪ ﺑﺲ ﺍﻧﻲ ﻭﺃﻓﻴﺎﺀ ﻭﺍﻣﻲ ﮔﻌﺪﻧﻪ ﻭﺍﺻﻼ ﺍﻟﻠﻴﻞ ﻛﻠﻪ ﻣﻨﺎﻳﻤﻴﻦ ﻷﻥ ﻣﻜﺎﻧﻪ ﻣﺘﻐﻴﻴﺮ ﻭﺍﺻﻼ ﺍﻷﺟﻮﺍﺀ ﺩﻟﻬﺎ ﻏﺮﻳﺒﻪ ﻋﻠﻴﻨﻪ
ﺗﺮﻳﮕﻨﻪ ﻭﺟﻬﺰﻭ ﻛﻠﺸﻲ ﻣﺎﺍﻋﺮﻑ ﻟﻴﺶ ﺷﮕﺪ ﻣﻤﺴﺘﻐﺮﺑﻪ ﺍﻷﺟﻮﺍﺀ ﻭﺍﺣﺲ ﻧﻔﺴﻲ ﺑﺪﻭﺍﻣﻪ ﺑﺲ ﭼﻨﺖ ﺍﻛﻞ ﺑﺮﺍﺣﻪ ﻳﻤﻬﻢ ﻳﻌﻨﻲ ﻣﺎﺍﺣﺲ ﻧﻔﺴﻲ ﻏﺮﻳﺒﻪ ﻋﻨﻬﻢ ﭼﻨﺖ ﺍﻛﻞ ﺑﺪﻭﻥ ﻣﺎﺍﺗﻘﻴﺪ ﻭﺍﻛﻠﻬﻢ ﻋﺠﺒﻨﻲ ﺭﻏﻢ ﻛﻠﻪ ﺩﺳﻢ
ﺭﻳﻮﮔﻨﻪ ﭼﺎﻥ ﻛﺎﻫﻲ ﻭﮔﻴﻤﺮ ﻭﺷﺎﻭﻳﻦ ﻣﺸﻮﻳﺎﺕ ﻭﻳﺎﻩ ﻫﻢ ﺍﻧﻲ ﻋﺠﺒﻨﻲ ﺍﻟﻜﺎﻫﻲ ﻭﺍﻟﮕﻴﻤﺮ ﺍﻛﻠﺖ ﻣﻨﻪ ﻭﻃﻌﻤﻪ ﭼﺎﻥ ﻳﺨﺘﻠﻒ ﺑﺎﻟﻨﺴﺒﻪ ﺍﻟﻲ ﺍﻟﮕﻴﻤﺮ ﺍﻟﻴﻤﻨﻪ ﻋﺒﺎﻟﻚ ﻣﺎﺑﻲ ﻃﻌﻢ ﺍﺷﻮ ﻫﺬﺍ ﻳﺨﺘﻠﻒ
ﻛﻤﻠﻨﻪ ﺭﻳﻮﮒ ﻭﺑﺪﻳﺖ ﻭﻳﺎﻫﻦ ﺍﺣﻈﺮ ﻭﺍﻓﻴﺎﺀ ﻫﻢ ﺣﺎﻭﻟﺖ ﺗﺴﺎﻋﺪﻫﻢ ﻫﺎﻟﻤﺮﻩ ﺍﻟﻮﻟﺪ ﻣﻞ ﺷﻮﻳﻪ ﻳﻄﺒﻮﻥ ﻭﻳﻄﻠﻌﻮﻥ ﻳﺠﻴﺒﻮﻥ ﺍﻏﺮﺍﺽ ﻟﻠﻤﻄﺒﺦ ﻭﻳﺒﺪﻟﻮﻥ ﺍﻟﻘﻨﺎﻧﻲ ﭼﺎﻥ ﺷﻐﻞ ﻭﻫﻮﺳﻪ ﻋﺒﺎﻟﻚ ﻋﺪﻫﻢ ﻋﺮﺱ ﺍﻭ ﻓﺪ ﻣﻨﺎﺳﺒﻪ ﺍﻛﻞ ﻫﻮﺍﻱ ﻭﻟﺤﻢ ﺟﺎﻳﺒﻴﻦ ﻭﻣﺠﻬﺰﻳﻦ ﻛﻠﺸﻲ
ﺍﺷﻮﻑ ﺍﻟﻮﻟﺪ ﺣﺒﻮ ﻳﺎﺧﺬﻭﻥ ﻭﻳﻨﻄﻮﻥ ﻭﻳﺎﻧﻪ ﺑﺎﻟﻜﻼﻡ ﺑﺲ ﺑﺤﺪﻭﺩ ﻭﺍﻛﺜﺮ ﺷﻲ ﻭﻱ ﺍﻓﻴﺎﺀ ﻳﺴﺄﻟﻮﻧﻬﺎ ﻉ ﺍﻟﺪﺭﺍﺳﻪ ﻭﻫﻴﺞ ﺷﻲ ﻭﺍﻧﻲ ﻫﻢ ﭼﻨﺖ ﺍﺷﺎﺭﻙ ﻭﻳﺎﻫﻢ
ﺍﻟﻀﺤﻰ ﻭﺩﺧﻠﻦ ﻋﻤﺎﺗﻲ ﻭﻭﻟﺪﻫﻦ ﻭﻭﻳﺎﻫﻢ ﺑﻨﺎﺕ
ﻭﺭﻳﺎﺟﻴﻞ ﻭﺻﺎﺭﺕ ﻫﻮﺳﻪ
ﺑﺲ ﻣﻦ ﺍﺟﻦ ﻋﻤﺎﺗﻲ ﺍﺟﻪ ﻭﻟﻴﺪ ﺑﻠﻎ ﺭﻳﻢ ﮔﻠﻬﺎ ﻋﻠﻲ ﻳﮕﻮﻝ ﻟﺤﺪ ﺗﻮﺻﻞ ﻣﻦ ﺍﻟﺒﻨﺎﺕ ﻫﻨﺎ
ﺍﻟﻲ ﻋﺮﻓﺘﻪ ﻳﻤﻜﻦ ﻳﻘﺼﺪﻧﻪ ﻷﻥ ﻫﻨﻪ ﻳﻌﺮﻓﻦ ﺷﻮﻛﺖ ﻳﺪﺧﻠﻦ ﺍﻭ ﻻ ﻳﻤﻜﻦ ﻷﻥ ﺭﻳﺎﺟﻴﻞ ﻋﻤﺎﺗﻲ ﻭﺍﻭﻻﺩﻫﻦ ﻳﻌﺎﺑﺮﻭﻥ ﻏﺮﺑﻪ ﺑﺎﻟﻨﺴﺒﻪ ﺍﻟﻬﻢ
ﺭﻏﻢ ﻣﭽﻨﺖ ﺍﺭﻳﺪ ﺍﺩﺧﻞ ﺍﺻﻼ ﺑﺲ ﺗﺼﺮﻓﺎﺗﻬﻢ ﺿﻮﺟﺘﻨﻲ ﻳﻌﻨﻲ ﻫﻤﻪ ﻣﺘﺨﻠﻔﻴﻦ ﻣﺜﻞ ﻣﺘﻮﻗﻌﺘﻬﻢ ﺑﺲ ﺍﻟﻔﺮﻕ ﻳﻘﺒﻠﻮﻥ ﻋﻠﻰ ﻧﻔﺴﻬﻢ ﻭﻣﻴﻘﺒﻠﻮﻩ ﻋﻠﻰ ﻏﻴﺮﻫﻢ
ﺿﺠﺖ ﻛﻠﺶ ﺍﺣﻨﻪ ﺟﺎﻳﻴﻬﻢ ﺧﻄﺎﺭ ﻋﻠﻰ ﺷﻨﻮ ﻫﺎﻟﺘﻌﻘﻴﺪ
ﺷﻮﻳﻪ ﻭﻋﻤﺎﺗﻲ
ﻓﺎﺗﻦ
ﻣﻦ ﮔﻤﻨﻪ ﻧﺴﻠﻢ ﻭﺣﺪﻩ ﻣﻨﻬﻢ ﺑﺎﻭﻋﺖ ﺍﻷﻣﻲ ﻭﮔﺎﻟﺘﻠﻬﺎ
.. ﻋﻔﻴﻪ ﺻﻼﻓﻪ ﺭﺟﻠﺞ ﻋﺘﺒﺖ ﺑﺎﺑﻨﻪ ﺑﻌﺪ ﻛﻞ ﺫﺍﻙ ﺍﻟﺼﺎﺭ ﺻﺪﮒ ﻟﻮ ﮔﺎﻟﻮ ﺍﻟﻲ ﺍﺳﺘﺤﻮﻭ ﻣﺎﺗﻮ ﻫﻴﻪ ﺍﻟﻲ ﺗﻔﺮ ﻋﻘﻞ ﺭﺟﺎﻝ ﺗﺴﺘﺤﻲ ﻣﻦ ﻋﻤﺎﻳﻠﻬﺎ
ﺍﺣﻨﻪ ﺍﻧﺼﺪﻣﻨﻪ ﻭﻋﻤﺘﺲ ﻣﺮﻳﻢ ﮔﺎﻟﺘﻬﺎ
ﻳﺎﺍ ﺷﻤﺎﻟﭻ ﺩﺍﺩﻩ ﺷﺠﺎﺝ ﻣﺎﺗﻌﺮﻓﻴﻦ ﺗﺴﻜﺘﻴﻦ ﺍﻟﺨﺎﻃﺮ ﻳﺎﺳﺮ ﻭﺑﻨﻴﺎﺗﻪ
ﺟﺎﻭﺑﺘﻬﺎ ﻭﻫﻴﻪ ﻋﻴﻮﻧﻬﺎ ﻧﺎﺭ ﻳﺎﺳﺮ ﺍﻟﻤﺎﺧﻠﻪ ﺧﺎﻃﺮ ﻟﺘﺮﺍﺏ ﺍﺧﻮﻭ ﻭﺩﻣﻪ ﻛﻞ ﺧﺎﻃﺮ ﻣﺎ ﺍﻟﻪ ﻳﻤﻲ ﻛﻤﺘﻮﻭ ﺍﺩﻭﺭﻭﻥ ﺧﻮﺍﻃﺮ ﻭﻳﺎﻫﻢ ﻻ ﻭﭼﻤﺎﻟﻪ ﺍﺑﻴﺖ ﺍﺑﻨﻪ ﺍﻟﻲ ﺟﺎﺏ ﻋﻤﺮﻩ ﻳﺘﺤﺴﺮ ﻉ ﺍﻟﺼﺎﺭ ﺷﻠﻮﻥ ﺗﻀﻐﻄﻮﻥ ﻋﻠﻲ ﻭﺗﺨﻠﻮﻧﻪ ﻳﺴﺘﻘﺒﻠﻬﻢ ﻭﻫﻮﻩ ﻛﺎﺭﻫﻢ ﺍﻧﻲ ﻟﻮ ﺍﺩﺭﻱ ﺑﻴﻬﻢ ﻫﻨﺎ ﻭﺭﻭﺡ ﺍﻟﻐﺎﻟﻲ ﻓﻼ ﺍﻭﺻﻞ ﻟﻮ ﺍﺑﻮﻱ ﺟﻨﺎﺯﺗﻪ ﻣﻤﺪﻭﺩﻩ ﻣﻮ ﺑﺲ ﻣﺮﻳﺾ
ﺍﻧﻲ ﻭﺍﻓﻴﺎﺀ ﻋﻴﻮﻧﻪ ﮔﺎﻣﺖ ﺗﻄﻔﺮ ﺩﻣﻮﻉ ﺷﻨﻮ ﺍﻟﻲ ﻳﺼﻴﺮ ﻭﻟﻴﺶ ﻫﺎﻷﻫﺎﻧﻪ ﻭﺍﻣﻲ ﻫﻢ ﮔﺎﻣﺖ ﺗﺮﻋﺶ ﻭﺣﺴﻴﺖ ﺍﻋﺼﺎﺑﻬﺎ ﺗﻠﻔﺖ ﮔﺎﻟﺖ ﺍﻟﻌﻤﺎﺗﻲ
.. ﺳﻜﺘﺖ ﺍﻟﺠﻦ ﻣﻮ ﺧﻮﻑ ﻣﻨﭽﻦ ﺣﺸﻴﻤﻪ ﺍﻷﺧﻮﺟﻦ ﺍﻟﻤﺎﺣﺎﺷﻤﺎﺗﻪ ﺍﻣﺸﻲ ﻋﻠﻴﺎﺀ ﺻﻴﺤﻲ ﺍﺑﻮﭺ ﺧﻞ ﻧﻄﻠﻊ ﻣﺎﺍﻟﻨﻪ ﺿﻠﻪ ﻫﻨﺎ ﺑﻌﺪ
ﺍﻧﻲ ﻫﻢ ﻣﻦ ﻗﻬﺮﻱ ﺭﺣﺖ ﻭﺍﻧﻲ ﺍﺷﻬﮓ ﺑﺎﻟﺒﭽﻲ ﻭﺩﺧﻠﺖ ﻋﻠﻴﻬﻢ ﺑﻈﻮﻥ ﻣﻘﺪﻣﺎﺕ ﻭﻧﺴﻴﺖ ﺗﺤﺬﻳﺮ ﻋﻠﻲ ﻭﻻﺯﻡ ﻧﺎﺍﺩﺧﻞ ﻭﺍﺻﻼ ﻣﻴﻬﻤﻨﻲ
ﺩﺧﻠﺖ ﺍﺷﻬﮓ ﻛﺘﻠﻪ ﺑﺎﺑﺎ ﺗﻌﺎﻝ ﻧﺮﻭﺡ
.. ﺧﻴﺮ ﺑﺎﺑﺎ ﺷﺼﺎﻳﺮ ﺷﺒﻴﭻ ﻟﻴﺶ ﺗﺒﭽﻴﻦ
.. ﺑﭽﻴﺖ ﻭﻃﻠﻌﺖ ﺍﻟﻌﺒﺮﻩ ﺍﻟﻲ ﺑﺼﺪﺭﻱ ﻣﻤﺘﺨﻴﻠﻪ ﻧﺼﻴﺮ ﺑﻬﻴﭻ ﻣﻮﻗﻒ ﮔﺘﻠﻪ ﺑﺴﺮﻋﻪ ﺑﺎﺑﺎ ﻣﺎﻣﺎ ﺗﮕﻮﻝ ﻫﺴﻪ ﻧﺮﻭﺡ
ﻭﺿﻠﻴﺖ ﺍﺑﺎﻭﻋﻠﻬﻢ ﺑﺤﻘﺪ ﻋﻠﻲ ﮔﺎﻝ ﺷﻜﻮﻭ ﺷﺼﺎﺭ
ﺍﺑﻮﻳﻪ ﺍﺟﻪ ﻭﻳﺎﻱ ﻳﻔﺘﻬﻢ ﻣﻨﻲ ﻭﻋﻠﻲ ﻫﻢ ﻟﺤﮕﻨﻪ ﻭﻛﻠﻬﻢ ﺍﻟﻮﻟﺪ ﺍﺟﻮ ﺑﻌﺪﻩ ﻭﺍﺻﻼ ﺍﻷﺻﻮﺍﺕ ﻋﻠﺖ ﻭﻋﻤﺘﻲ ﺍﻧﻬﺪﺕ ﺗﺤﭽﻲ ﺣﭽﻲ ﻣﻔﻬﻤﻨﺎﻩ ﻭﻻ ﺍﺳﺘﻮﻋﺒﻨﺎﻩ
ﺍﺑﻮﻳﻪ ﻣﻦ ﺷﺎﻑ ﺍﻣﻲ ﻭﺣﺎﻟﺘﻬﺎ ﻭﺍﻓﻴﺎﺀ ﻭﺷﺎﻑ ﻋﻤﺘﻲ ﺷﻠﻮﻥ ﺗﺤﭽﻲ ﺭﺃﺳﺎ ﮔﺎﻝ ﻳﻠﻠﻪ ﺑﺎﺑﺎ ﻧﺮﻭﺡ ﺍﺑﻮﻳﻪ ﻭﺍﻣﻲ ﺷﻔﻨﺎﻫﻢ ﺑﻌﺪ ﻣﻴﺤﺘﺎﺝ ﻧﻄﻮﻝ
ﺑﻴﺒﻲ ﺻﺎﺣﺖ ﻋﻠﻰ ﺑﺘﻬﺎ ﺭﺍﺩﺗﻬﺎ ﺗﺴﻜﺖ ﺑﺲ ﺍﺑﺪ ﻣﺎﺳﻜﺘﺖ ﺍﻟﺤﺪ ﻣﺎﺻﺎﺣﻬﺎ ﻋﻠﻲ
.. ﻋﻤﻪ ﻛﺎﻓﻲ ﺷﻨﻬﻲ ﺍﻟﺴﺎﻟﻔﻪ ﻃﺮﺍﻃﻴﺮ ﺍﺣﻨﻪ ﺍﺑﻴﻨﭽﻦ ﺷﻨﻬﻲ ﺍﻟﺤﭽﻲ ﺍﻟﺴﻤﻌﺘﻪ ﺗﻮﭺ ﻃﺒﻴﺘﻲ ﮔﻌﺪﻱ ﺍﺭﺗﺎﺣﻲ ﺍﻧﻲ ﻣﺨﻠﻲ ﺧﺎﻃﺮ ﺍﻷﺑﺔﻱ ﻭﺍﻣﻲ ﺗﺠﻴﻦ ﺍﻧﺘﻲ ﺗﺨﺮﺑﻴﻦ ﻛﻠﺸﻲ ﻣﻨﻮ ﺍﻧﻄﺎﺡ ﺍﻟﺤﻖ ﺗﺤﭽﻴﻦ ﺑﺪﺍﻟﻲ ﺗﻤﻨﻴﻦ ﺍﻟﺤﭽﻲ ﻃﺎﻟﻊ ﻣﻦ ﻏﻴﺮﺝ ﭼﺎ ﻋﺮﻓﺖ ﺷﻠﻮﻥ ﺍﺗﺼﺮﻑ ﺳﺪﻭ ﺍﻟﻤﻮﺿﻮﻉ ﻭﺑﻌﺪ ﻣﺎﺍﺭﻳﺪ ﺍﺣﺪ ﻳﻔﺘﺤﻪ
🔸🔹🥇🔸🔹
ﺩﺍﺭ ﻋﻠﻰ ﺍﺑﻮﻱ ﻭﺍﺣﺴﻪ ﮔﻮﻩ ﻳﻨﻄﻘﻬﺎ ﮔﻠﻪ
.. ﻋﻤﻲ ﺍﻧﺖ ﺟﺎﻱ ﺍﻟﺨﺎﻃﺮ ﺍﺑﻮﻱ ﻣﺎﻟﻚ ﻋﻼﻗﻪ ﺑﻐﻴﺮﻩ ﺭﺍﺿﻲ ﺯﻋﻼﻥ ﺭﻳﺢ ﺍﺑﻮﻙ ﻭﺍﺭﺗﺎﺡ
ﺍﺑﻮﻳﻪ ﻣﺎﻋﺠﺒﻪ ﺭﺩ ﻋﻠﻲ ﻳﻤﻜﻦ ﺗﻮﻗﻊ ﻣﻨﻪ ﺍﻛﺜﺮ
.. ﮔﻠﻪ ﺍﺟﻴﺖ ﺍﺷﻮﻓﻪ ﻭﺷﻔﺘﻪ ﻫﺬﺍ ﻫﻮﻭ ﺍﻧﻲ ﻣﺎﺍﺟﻴﺖ ﺣﺘﻪ ﺑﻨﺎﺗﻲ ﻭﺍﻣﻬﻦ ﻳﻨﻬﺎﻧﻦ ﺍﺑﻴﺘﻚ ﻣﺎﻗﺼﺮﺕ ﻭﻳﺎﻧﻪ ﻋﺴﺎﻙ ﺳﺎﻟﻢ ﺷﻴﺨﻨﻪ ﮔﺎﻝ ﺍﺧﺮ ﺣﭽﺎﻳﻪ ﺑﺲ ﺣﺴﻴﺖ ﺑﻴﻬﺎ ﻏﻴﺮ ﻗﺼﺪ
ﺣﺎﭼﺎﻧﻪ ﺍﺑﻮﻳﻪ ﺑﺼﻴﻐﺔ ﺍﻣﺮ ﺑﺴﺮﻋﻪ ﻳﻠﻠﻪ ﺧﻞ ﻧﻄﻠﻊ
ﺣﻀﺮﻧﻪ ﺍﻏﺮﺍﺿﻨﻪ ﻭﺑﺪﻟﻨﻪ ﻭﻃﻠﻌﻨﻪ ﻭﺍﺣﻨﻪ ﺷﺎﺑﻌﻴﻦ ﺑﭽﻲ ﻭﺍﻟﺒﻴﺖ ﺍﻧﺨﺒﺺ ﺍﻟﻮﻟﺪ ﻳﺤﭽﻮﻥ ﻳﻬﺪﻭﻥ ﺑﺄﺑﻮﻱ ﺑﺲ ﻣﺎﻗﺒﻞ ﻭﻋﻤﺘﻲ ﮔﻌﺪﺕ ﻭﻻ ﻛﺄﻧﻮ ﺻﺎﻳﺮﻩ ﻣﺼﻴﺒﻪ ﻣﻦ ﻭﺭﺍﻫﺎ ﻣﻌﻘﻮﻟﻪ ﻋﻤﺘﻲ ﻣﺮﻳﻢ ﺍﺧﺘﻬﺎ
ﺍﺷﻮ ﻳﺨﺘﻠﻔﻦ ﺑﻄﺒﻌﻬﻦ
ﻃﻠﻌﻨﻪ ﻭﻋﻤﺎﻣﻲ ﺻﺎﺣﻮ ﻋﻠﻰ ﺍﺑﻮﻱ ﻣﺎﻗﺒﻞ ﺭﺍﺩ ﻳﺄﺟﺮ ﺳﻴﺎﺭﻩ ﻋﻠﻲ ﺻﺎﺡ
.. ﺭﺍﻓﻊ ﻭﺻﻞ ﻋﻤﻚ ﻭﻋﺎﻳﻠﺘﻪ
ﺍﺑﻮﻳﻪ ﺭﻓﺾ ﻳﻮﺻﻠﻪ ﺑﺲ ﺍﻟﻮﻟﺪ ﺍﺻﺮ ﻳﺮﻭﺡ ﻳﺰﺗﻨﻪ ﺑﻨﻔﺴﻪ
ﻭﺍﺧﺮ ﺷﻲ ﺍﺑﻮﻳﻪ ﻗﺒﻞ ﻃﻮﻝ ﺍﻟﻄﺮﻳﻖ ﻳﻬﺪﻱ ﺑﻴﻨﻪ ﻭﺍﻛﻨﻪ ﻧﺒﭽﻲ ﻭﺍﻣﻲ ﺷﺒﻌﺖ ﺑﭽﻲ
ﻭﺍﺣﻨﻪ ﻧﺰﻳﺪ ﻣﻦ ﻧﺸﻮﻓﻬﺎ
ﻛﻞ ﺷﻮﻳﻪ ﺍﺑﺎﻭﻉ ﺍﺷﻮﻑ ﺭﺍﻓﻊ ﻣﺸﺎﻝ ﻋﻴﻨﻪ ﻣﻨﻪ ﻣﺎﺍﻋﺮﻑ ﻧﻈﺮﺍﺗﻪ ﺷﻨﻮ ﺑﺲ ﻳﻤﻜﻦ ﻋﻄﻒ ﺍﻭ ﺍﻋﺠﺎﺏ ﻣﺎﺍﻋﺮﻑ ﺷﻮ ﺑﺎﻟﺒﻴﺖ ﻣﺪﻧﮕﻴﻦ ﺭﻭﺳﻬﻢ ﺷﺠﺎﻩ ﺑﺎﻟﺴﻴﺎﺭﻩ
ﻭﺻﻠﻨﻪ ﺍﻟﺒﻴﺘﻨﻪ ﺭﻏﻢ ﺍﻟﻀﻮﺟﻪ ﺍﻟﺒﻴﻨﻪ ﺑﺲ ﺣﺴﻴﻨﻪ ﺑﺮﺍﺣﻪ ﻋﺒﺎﻟﻚ ﭼﻨﻪ ﺑﺪﻧﻴﺎ ﺛﺎﻧﻴﻪ
ﺑﺲ ﻭﺻﻠﻨﻪ ﻧﻤﻨﻪ ﻋﺒﺎﻟﻚ ﺻﺎﺭ ﻋﻤﺮ ﻣﻨﺎﻳﻤﻴﻦ
ﺭﺍﻓﻊ ﺭﺟﻊ ﺑﺴﺎﻋﺘﻪ
ﺍﻛﻮ ﻫﻮﺍﻱ ﺍﻣﻮﺭ ﻭﻛﻼﻡ ﻧﺮﻳﺪ ﻧﺴﺘﻔﻬﻢ ﻣﻦ ﺍﻫﻠﻲ ﻋﻨﻪ ﺑﺲ ﺍﺟﻠﻨﺎﻩ ﻣﻦ ﺍﻟﺘﻌﺐ
ﮔﻌﺪﻧﻪ ﺑﻴﻮﻣﻬﺎ ﺍﻟﻤﻐﺮﺏ ﺣﺒﻴﻨﻪ ﻧﺴﺄﻝ ﻣﺎﻣﺎ ﻣﺎﺍﻧﻄﺖ ﺟﻮﺍﺏ ﻭﺍﺑﻮﻱ ﮔﺎﻝ ﻛﻞ ﺍﻟﺸﻔﺘﻮﻩ ﻭﺍﻟﻲ ﺍﺳﻤﻌﺘﻮ ﺗﻨﺴﻮﻩ ﺧﻠﺺ ﻣﺎﺍﺭﻳﺪ ﺍﻱ ﻣﻮﺿﻮﻉ ﻳﻨﻔﺘﺢ ﺑﻬﺎﻟﺨﺼﻮﺹ
ﮔﻠﺖ ﺍﻷﻓﻴﺎﺀ ﻧﺄﺟﻞ ﺍﻟﻤﻮﺿﻮﻉ ﻟﻤﻦ ﻳﻬﺪﺋﻮﻥ
ﺭﺟﻌﺖ ﺣﻴﺎﺗﻨﻪ ﻃﺒﻴﻌﻴﻪ ﻭﺛﺎﻧﻲ ﻳﻮﻡ ﺭﺣﻨﻪ ﻟﻠﺪﻭﺍﻡ
ﺑﻌﺪ ﺍﺳﺒﻮﻉ ﺍﺟﻪ ﻋﻤﻲ ﺧﺎﻟﺪ ﻭﻋﻤﻮ ﺍﺑﻮ ﺍﺑﻮ ﺍﺣﻤﺪ ﻭﻭﻟﺪﻫﻢ ﻳﻌﺘﺬﺭﻭﻥ ﻣﻦ ﺑﺎﺑﺎ ﻭﻓﻬﻤﻮﻩ ﺍﻧﻮ ﺟﺪﻱ ﺭﺍﻳﺪ ﻳﺸﻮﻓﻪ ﺣﺘﻪ ﻟﻮ ﺑﺲ ﻫﻮﻩ ﺏﺀﻱ ﻭﻗﺖ ﻳﺴﻤﺤﻠﻪ
ﻃﻠﻌﻨﻪ ﺳﻠﻤﻨﻪ ﻭﺭﺟﻌﻨﻪ ﺍﻟﻐﺮﻓﻨﻪ ﻣﻮ ﺫﺍﻙ ﺍﻟﺤﻤﺎﺱ ﻛﺮﻫﻨﺎﻫﻢ ﻭﺍﺣﻨﻪ ﻣﻮ ﻋﺎﺭﻓﻴﻬﻢ ﺻﺎﺭ ﻫﻮﺍﻱ ﺑﺲ ﺣﺴﻴﻨﻪ ﺑﺄﻫﺎﻧﻪ ﻭﺍﺣﻨﻪ ﺍﺑﻴﺘﻬﻢ ﻭﺑﺎﻟﺠﺬﺏ ﻣﺤﺪ ﺍﺩﺧﻞ ﻣﻨﻬﻢ ﻭﺭﺿﺎﻧﻪ ﺟﻨﻪ ﻣﺘﻮﻗﻌﻴﻦ ﻣﻨﻬﻢ ﻳﻮﮔﻔﻮﻥ ﻭﻱ ﺑﺎﺑﺎ ﺑﺲ ﺍﻟﻲ ﺻﺎﺭ ﺍﺑﺪ ﻣﺤﺒﻴﻨﺎﻩ
ﺿﻠﻴﺖ ﺍﺩﺍﻭﻡ ﻭﺭﺟﻌﺖ ﺍﻟﻨﻔﺲ ﺍﻷﺟﻮﺍﺀ
ﻣﺮﺕ ﺍﺷﻬﺮ ﻋﻠﻰ ﺍﻟﻲ ﺻﺎﺭ ﻭﺍﺗﻌﺮﻓﺖ ﻋﻠﻰ ﻭﻟﺪ ﻣﻦ ﻧﻔﺲ ﺍﻟﮕﺮﻭﺏ ﺑﺲ ﻫﻮﻩ ﺣﺐ ﻳﺼﺎﺭﺣﻨﻲ ﺍﻧﻮ ﻫﻮﻩ ﻣﻌﺠﺐ ﻣﺎﺍﻧﻄﻴﺘﻪ ﻣﺠﺎﻝ ﺍﺧﺎﻑ ﺍﺧﻄﻲ ﻫﻴﺞ ﺧﻄﻮﻩ ﺧﺎﺻﺘﺎ ﺍﻛﺜﺮ ﺍﻟﺸﺒﺎﺏ ﺍﻟﻲ ﺑﺎﻟﻜﻠﻴﻪ ﻳﺨﺒﻮﻥ ﻳﺘﻮﻧﺴﻮﻥ ﻭﺑﺲ ﻭﻫﻮﺍﻱ ﻣﻦ ﺍﻟﺒﻨﺎﺕ ﻫﻢ ﻣﺜﻠﻬﻢ ﻳﮕﻠﻚ ﻧﺠﺮﺏ ﺻﺎﺭﺕ ﺻﺎﺭﺕ ﻣﺼﺎﺭﺕ ﻣﻮ ﺧﺴﺮﺍﻧﻴﻦ ﺷﻲ
ﺑﺲ ﺍﻧﻲ ﻻ ﭼﻨﺖ ﺍﺣﺐ ﺍﺟﺮﺏ ﺍﻟﺤﺐ ﻭﺍﺧﺎﻑ ﺑﻨﻔﺲ ﺍﻟﻮﻗﺖ ﺍﺧﺎﻑ ﺍﻧﺼﺪﻡ ﺍﻭ ﺑﺎﺑﺎ ﻳﺮﻓﺾ ﺍﻭ ﺍﻟﺸﺨﺺ ﻳﻜﻮﻥ ﻣﻮ ﻣﻨﺎﺳﺐ
ﺑﻘﻪ ﻋﻼﺀ ﻳﻠﺢ ﻳﻮﺳﻂ ﺍﻟﺒﻨﺎﺕ ﻭﻳﺒﻴﻴﻦ ﺍﻧﻮ ﻫﻮﻩ ﻧﻴﺘﻪ ﺷﺮﻳﻔﻪ ﻭﺭﺍﻳﺪﻧﻲ ﺻﺪﮒ
ﻭﺍﻧﻲ ﺍﻟﺼﺮﺍﺣﻪ ﺣﺒﻴﺖ ﻫﺬﺍ ﺍﻟﺸﻌﻮﺭ ﺣﺒﻴﺖ ﻧﻈﺮﺍﺗﻪ ﺍﻟﻲ
ﻭﺍﻟﻤﺤﺎﻭﻻﺕ ﺍﻟﻲ ﻳﺤﺎﻭﻟﻬﺎ ﻭﻳﺎﻱ
ﺑﺲ ﺑﻘﻴﺖ ﻣﺼﺮﻩ ﻋﻠﻰ ﻗﺮﺍﺭﻱ ﺍﻧﻮ ﻣﺎﺍﺳﺘﺴﻠﻢ ﺍﻟﻤﺸﺎﻋﺮﻱ ﺑﻬﺎﻟﺴﻬﻮﻟﻪ ﺍﻟﺒﻨﺎﺕ ﺣﺎﻭﻟﻦ ﻳﻐﻴﺮﻥ ﺭﺃﻳﻲ ﺑﺲ ﭼﻨﺖ ﺍﻧﻲ ﻣﺼﺮﻩ ﻭﺛﺎﺑﺘﻪ ﻋﻠﻰ ﻗﺮﺍﺭﻱ
ﺍﻓﻴﺎﺀ ﺻﻠﺮ ﻓﺘﺮﻩ ﺍﺣﺴﻬﺎ ﺿﺎﻣﻪ ﻋﻨﻪ ﺷﻲ ﻭﺩﺍﺋﻤﺎ ﺟﻬﺎﺯﻫﺎ ﺑﻴﺪﻫﺎ ﻭﺗﺮﺍﺳﻞ ﻗﺒﻞ ﻓﻮﻧﻬﺎ ﻣﻔﺘﻮﺡ ﻫﺴﻪ ﻣﺨﻠﻴﺘﻠﻪ ﺭﻣﺰ
ﺿﻠﻴﺖ ﺍﺭﺍﻗﺒﻬﺎ
ﻟﻮ ﺍﻋﺮﻑ ﻭﻱ ﻣﻨﻮ ﺗﺤﭽﻲ
ﺑﻴﻮﻡ ﺣﺴﻴﺘﻬﺎ ﺟﺎﻱ ﺗﺮﺍﺱ ﺍﺟﻴﺖ ﺍﻓﺘﻬﻢ ﻣﻨﻬﺎ
.. ﺍﻓﻴﺎﺀ ﺣﺒﻴﺒﺘﻲ ﭼﻨﺞ ﺿﺎﻣﻪ ﻋﻨﻲ ﺷﻲ ﻭﻳﺎﻣﻦ ﺍﻧﺘﻲ ﺗﺤﭽﻴﻦ ﻟﻴﺶ ﻫﻴﺞ ﻣﻌﺰﻭﻟﻪ ﻭﻓﻮﻧﺞ ﺑﻴﺪﺝ
.. ﻫﺎ ﻻ ﻣﺎﺍﺣﺠﻲ ﻭﻱ ﺍﺣﺪ ﺻﺪﻳﻘﺎﺗﻲ
🔹🔸🥇🔹🔸
ﻟﭻ ﺍﻧﻲ ﺍﺧﺘﭻ ﺍﻋﺮﻓﭻ ﻛﻠﺶ ﺯﻳﻦ ﺍﻟﻠﻪ ﻋﻠﻴﺞ ﺍﻛﻮ ﺷﺨﺺ ﺍﺑﺎﻟﺞ ﺗﺤﭽﻴﻦ ﻭﻳﺎﻩ
.. ﻻ ﻟﻴﺶ ﻫﻴﭻ ﺗﻔﻜﺮﻳﻦ
.. ﺗﺼﺮﻓﺎﺗﭻ ﻫﻴﭻ ﺗﮕﻮﻝ
.. ﺍﮔﻠﺞ ﻭﻣﺘﺤﭽﻴﻦ ﺍﻷﺣﺪ
.. ﮔﻮﻟﻲ ﺍﻛﻴﺪ ﺑﻴﻨﻲ ﻭﺑﻴﻨﺞ
.. ﺟﺎﻱ ﺍﺣﭽﻲ ﻭﻱ ﺭﺍﻓﻊ ﺍﺑﻦ ﻋﻤﻮﻭ ﺧﺎﻟﺪ ﺻﺎﺭ ﻓﺘﺮﻩ ﻭﺍﺣﻨﻪ ﻧﺘﻮﺍﺻﻞ ﻭﻣﺮﺍﺕ ﺣﺘﻪ ﻭﻱ ﺍﻟﺒﻨﺎﺕ ﺍﺣﭽﻲ
.. ﻋﺰﻩ ﻋﺰﻩ ﺿﺮﺑﺖ ﻭﺟﻬﻲ ﻟﭻ ﺷﻮﺩﺍﭺ ﺍﻟﻬﻢ ﻳﻤﻌﺰﺍﻳﻪ ﺧﻠﻲ ﻳﻮﻟﻮﻥ ﻣﻮ ﻛﺎﻓﻲ ﺍﻟﻲ ﺻﺎﺭ ﺑﺴﺒﺒﻬﻢ ﻭﺷﻠﻮﻥ ﺍﻣﻲ ﺍﻧﻬﺎﻧﺖ ﻟﻴﺶ ﺗﺘﻮﺍﺻﻠﻴﻦ ﻭﻳﺎﻫﻢ ﻗﺒﻞ ﻋﺒﺎﻟﻲ ﺍﻭﺍﺩﻡ ﺑﺲ ﻫﻤﻪ ﻫﻤﺞ ﻭﺑﻴﺘﻬﻢ ﻭﺍﺛﺎﺛﻬﻢ ﻭﺳﻴﺎﺭﺍﺗﻬﻢ ﻣﺘﻐﻄﻲ ﻋﻠﻰ ﻋﻘﻮﻟﻬﻢ ﻭﺗﻔﻜﻴﺮﻫﻢ ﺍﻟﻲ ﺻﺎﺭ ﻛﻠﻪ ﻣﻮ ﺷﻮﻳﻪ ﺧﻠﻴﻨﻪ ﻣﺒﺘﻌﺪﻳﻦ ﻋﻨﻬﻢ
.. ﻟﺞ ﺻﺪﺍﻗﻪ ﻣﻮ ﺍﻛﺜﺮ ﺍﻋﺘﺒﺮﻩ ﺍﺥ ﺍﻟﻲ
.. ﻣﺎﻛﻮ ﺻﺪﺍﻗﻪ ﺣﺎﻭﻟﻲ ﺗﺒﺘﻌﺪﻳﻦ ﻟﻴﺮﻭﺡ ﺑﺎﺑﺎ ﻳﻌﺮﻑ ﻭﺗﻌﺮﻓﻴﻦ ﺷﻴﺼﻴﺮ ﺑﻌﺪﻫﺎ
ﻭﺍﺫﺍ ﻣﺎﻣﺎ ﻋﺮﻓﺖ ﺍﻋﺘﺒﺮﻱ ﻓﻠﻤﭻ ﺍﺣﺘﺮﮒ
.. ﺍﺫﺍ ﺍﻧﺘﻲ ﻣﮕﻠﺘﻴﻠﻬﻢ ﻣﻨﻴﻦ ﻳﻌﺮﻓﻮﻥ
.. ﻣﻦ ﺗﺼﺮﻓﺎﺗﭻ ﺍﻧﻲ ﺷﻠﻮﻥ ﻋﺮﻓﺖ ﻣﺒﻴﻨﻪ ﻣﺘﻮﺗﺮﻩ ﻭﻋﻨﺪﺝ ﺷﻲ ﻣﻀﻤﻮﻡ
ﻭﺍﻟﻠﻪ ﻣﺎﻛﻮ ﺑﻴﻨﻪ ﺷﻲ ﻣﺠﺮﺩ ﺻﺪﺍﻗﻪ ﻭﺗﻌﺎﺭﻑ ﻣﻮ ﺍﻛﺜﺮ
.. ﺍﻧﻲ ﺣﺬﺭﺗﺞ ﺍﻧﺘﻲ ﻛﻴﻔﭻ ﺑﻌﺪ
ﺑﺪﺍﺧﻠﻲ ﺍﻋﺮﻑ ﺍﻓﻴﺎﺀ ﻣﻮ ﺻﻐﻴﺮﻩ ﻭﺭﺍﻛﺰﻩ ﺑﺘﻔﻜﻴﺮﻫﺎ ﺑﺲ ﻣﺎﺍﻋﺮﻑ ﻟﻴﺶ ﻣﺤﺒﻴﺖ ﻗﺮﺑﻬﻢ ﺍﻟﻨﻪ ﺍﺣﺲ ﻭﺭﺍﻫﻢ ﻭﺟﻊ ﺭﺍﺱ ﺣﺬﺭﺗﻬﺎ ﻭﺑﻌﺪ ﻫﻴﻪ ﺗﺘﺼﺮﻑ
ﺑﺎﺑﺎ ﺑﻘﻪ ﻋﻠﻰ ﺗﻮﺍﺻﻞ ﻭﻳﺎﻫﻢ ﻭﻳﻮﻣﻴﻪ ﻳﺘﺼﻞ ﻋﻠﻰ ﻋﻤﻮ ﻳﺤﺎﺟﻲ ﺑﻴﺒﻲ ﺯﻳﺴﻤﻊ ﺍﺧﺒﺎﺭ ﺟﺪﻭﻭ
ﺃﻣﻲ ﺑﻌﺪ ﺍﻟﻲ ﺻﺎﺭ ﺿﻠﺖ ﻛﻞ ﺷﻮﻳﻪ ﺗﺬﻛﺮ ﺑﺎﺑﺎ ﺑﺄﻫﻠﻪ ﻭﺷﺴﻮﻭ ﻫﻮﺍﻱ ﻟﺤﺖ ﺑﺎﻟﻤﻮﺿﻮﻉ ﻭﭼﻦ ﺻﺪﺭﻩ ﺑﺪﻩ ﻳﻨﻔﺬ
ﻭﭼﺎﻥ ﻛﻞ ﻣﺘﮕﻠﻪ ﻉ ﺍﻟﻤﻮﺿﻮﻉ ﻳﮕﻠﻬﺎ ﻣﻬﻤﺎ ﻳﺴﻮﻭﻥ ﺣﻘﻬﻢ
ﻛﻞ ﻫﺬﺍ ﻭﺍﺣﻨﻪ ﻣﻮ ﻣﻦ ﺣﻘﻨﻪ ﻧﺴﺄﻝ ﭼﺎﻧﻮ ﻳﺘﺼﺮﻓﻮﻥ ﻭﻳﺎﻧﻪ ﻉ ﺍﺳﺎﺱ ﺍﺣﻨﻪ ﺍﻃﻔﺎﻝ ﻣﻮ ﺑﻨﺎﺕ ﻛﺒﺎﺭ ﻭﻭﺍﺟﺐ ﻋﻠﻴﻬﻢ ﻳﻔﻬﻤﻮﻧﻪ ﻛﻠﺸﻲ
ﻛﻞ ﻣﺎﺯﺍﺩﺕ ﺍﻟﻤﺸﺎﻛﻞ ﺑﻴﻦ ﻣﺎﻣﺎ ﻭﺑﺎﺑﺎ ﻳﺰﺩﺍﺩ ﺍﻟﺤﻘﺪ ﺍﻟﻲ ﺑﮕﻠﺒﻲ ﻋﻠﻴﻬﻢ
ﺩﻭﺍﻣﻲ ﻣﺮﺗﺎﺣﻪ ﺑﻲ ﻭﻳﺖ ﺍﺗﻘﺒﻞ ﻋﻼﺀ ﺷﻮﻳﻪ ﺷﻮﻳﻪ ﺻﺪﺍﻗﻪ ﺑﻌﺪﻫﺎ ﺍﻃﻮﺭﺕ ﺗﻠﻴﻔﻮﻧﺎﺕ ﺣﻴﺎﺗﻲ ﺻﺎﺭﺕ ﺍﺳﻌﺪ ﻣﻦ ﻗﺒﻞ ﺑﻬﻮﺍﻱ ﺣﻠﻮﻭ ﻟﻤﺎ ﺗﺸﻮﻑ ﺷﺨﺺ ﻳﺸﻮﻓﻚ ﻣﻬﻢ ﺑﺎﻟﻨﺴﺒﻪ ﺍﻟﻪ ﻣﺮﻛﺰ ﺑﺄﺩﻕ ﺗﻔﺎﺻﻴﻠﻚ
ﻫﭽﻲ ﭼﺎﻥ ﻋﻼﺀ ﻳﻌﺎﻣﻠﻨﻲ
ﻓﺪ ﻳﻮﻡ ﺍﺗﺼﻞ ﺑﻴﻪ ﺑﻌﺪ ﻣﺴﺘﻤﺮﺕ ﻋﻼﻗﺘﻨﻪ ﺧﻤﺲ ﺍﺷﻬﺮ ﭼﺎﻧﺖ ﻋﻄﻠﻪ ﻭﺍﻧﻲ ﺭﺣﺖ ﻣﺮﺣﻠﻪ ﺛﺎﻧﻴﻪ ﻃﺒﻌﺎ ﻫﻮﻩ ﻣﺮﺣﻠﻪ ﺛﺎﻟﺜﻪ ﻭﺭﺍﺡ ﻟﻠﺮﺍﺑﻌﻪ ﻳﻌﻨﻲ ﻣﻮ ﺑﻨﻔﺲ ﺍﻟﺪﻓﻌﻪ ﺑﺲ ﺑﻨﻔﺲ ﺍﻟﻘﺴﻢ
.. ﺃﻟﻮﻭ
.. ﻫﻼ ﻳﺮﻭﺣﻲ ﺷﻠﻮﻥ ﺍﻟﻜﺒﺪ
.. ﺍﺑﺘﺴﻤﺖ ﻭﺍﺗﻲ ﻃﺎﻳﺮﻩ ﻣﻦ ﺍﻟﻔﺮﺡ .. ﺍﻛﻴﺪ ﺑﺨﻴﺮ ﺑﻌﺪ ﻣﺴﻤﻌﺖ ﺻﻮﺗﻚ
.. ﺃﻭﻳﻠﻲ ﺃﻭﻳﻠﻲ ﺍﻧﻲ ﻣﻮ ﺑﺨﻴﺮ ﻭﺑﻌﺪ ﻣﮕﺪﺭ ﺍﺗﺤﻤﻞ
.. ﺷﻨﻮﻭ ﻗﺼﺪﻙ
.. ﺣﺒﻴﺒﻲ ﺍﻟﻘﺼﺪ ﻭﺍﺿﺢ ﺭﺍﻳﺪ ﺍﺧﻄﺒﭻ ﺭﺳﻤﻲ ﻣﻦ ﺍﻫﻠﭻ ﺣﺘﻪ ﻧﻄﻠﻊ ﻧﺤﭽﻲ ﺑﺮﺍﺣﺘﻨﻪ ﺍﻧﻲ ﺍﻛﻤﻞ ﺭﺍﺑﻊ ﻭﺍﺗﺨﺮﺝ ﻭﻧﺘﺰﻭﺝ ﻭﺍﻛﻴﺪ ﺍﺧﻠﻴﻂ ﺗﻜﻤﻠﻴﻦ ﺗﻌﺮﻓﻴﻦ ﺣﺎﻟﺘﻲ ﺍﻟﻤﺎﺩﻳﻪ ﺯﻳﻨﻪ ﻣﺎﻛﻮ ﺷﻲ ﻳﻌﻴﻘﻨﻪ
.. ﺍﻟﻔﺮﺣﻪ ﺍﻟﻲ ﺣﺎﺳﻪ ﺑﻴﻬﺎ ﻣﺎﺍﻧﻄﻴﻬﺎ ﺍﻷﺣﺪ ﻳﺎﺭﺑﻲ ﺍﻧﻲ ﺑﺤﻠﻢ ﻟﻮ ﻋﻠﻢ
ﺟﺎﻭﺑﺘﻪ ﺣﺒﻴﺒﻲ ﺻﺪﮒ ﺗﺤﭽﻲ
.. ﺍﻛﻴﺪ ﻳﺎﺭﻭﺡ ﺣﺒﻴﺒﭻ ﺷﻮﻓﻴﻠﻲ ﺍﻫﻠﭻ ﺷﻮﻛﺖ ﻳﻨﺎﺳﺒﻬﻢ ﻧﺠﻴﻬﻢ ﺍﻧﻲ ﻭﺍﻫﻠﻲ
.. ﺍﺟﺲ ﻧﺒﺾ ﻣﺎﻣﺎ ﻭﺍﺷﻮﻑ
ﻧﺰﻟﺖ ﺣﭽﻴﺖ ﺍﻟﻤﺎﻣﺎ ﺍﻛﻮ ﻭﻟﺪ ﺭﺍﻳﺪ ﻳﺘﻘﺪﻣﻠﻲ ﺧﻮﺵ ﻭﻟﺪ ﻭﺍﻫﻠﻪ ﻣﻌﺮﻭﻓﻴﻦ ﻭﺣﭽﻴﺘﻠﻬﺎ ﺍﻟﺘﻔﺎﺻﻴﻞ ﺑﺲ ﻣﮕﺘﻠﻬﺎ ﻋﻼﻗﻪ ﻋﻨﺪﻱ ﻭﻳﺎﻩ ﮔﺘﻠﻬﺎ ﻋﻦ ﻃﺮﻳﻖ ﺻﺪﻳﻘﺘﻲ
ﮔﺎﻟﺖ ﺍﻟﻴﻮﻡ ﺍﺑﻮﭺ ﺍﻧﻄﺎﻧﻲ ﺧﺒﺮ ﺑﺎﭼﺮ ﺭﺍﻳﺢ ﺍﻷﻫﻠﻪ ﻳﺸﻮﻓﻬﻢ ﮔﺎﻟﺘﻬﺎ ﺑﺄﺳﺘﻬﺰﺍﺀ ﻋﻮﺩ ﻣﻦ ﻳﺠﻲ ﺍﮔﻠﻪ ﻭﺍﻟﻠﻪ ﻛﺮﻳﻢ
ﮔﻠﺖ ﺑﮕﻠﺒﻲ ﺍﻣﻲ ﻋﻠﻰ ﺍﺑﻮﻳﻪ ﻣﻘﺎﺑﻠﻪ ﻟﻮ ﺗﺪﺭﻱ ﺑﺄﻓﻴﺎﺀ ﺷﺘﺴﻮﻱ
ﺛﺎﻧﻲ ﻳﻮﻡ ﺭﺍﺡ ﺑﺎﺑﺎ ﻟﻠﻨﺎﺻﺮﻳﻪ ﻳﺸﻮﻑ ﺍﻫﻠﻪ
ﺍﻟﻌﺼﺮ ﺍﻣﻲ ﺍﺗﺼﻠﺖ ﺑﻲ ﮔﻠﻬﺎ ﺍﺑﺎﺕ ﻭﻃﻠﺐ ﻳﺤﺎﭼﻴﻨﻪ
ﺛﺎﻧﻲ ﻳﻮﻡ ﮔﻌﺪﻧﻪ ﻣﺜﻞ ﻛﻞ ﻳﻮﻡ ﻧﻔﺲ ﺍﻟﺮﻭﺗﻴﻦ ﺍﻟﻴﻮﻣﻲ
ﺻﺎﺭﺕ ﺳﺎﻋﻪ ﺍﺛﻨﻌﺶ ﻭﻧﺺ ﺍﻟﻀﻬﺮ ﺍﻣﻲ ﮔﺎﻟﺖ ﺍﺑﻮﭼﻦ ﻋﻠﻰ ﺟﻴﻪ ﺧﻔﻦ ﺍﻳﺪﺟﻦ ﻣﻦ ﻳﺠﻲ ﺗﻌﺒﺎﻥ ﺧﻮ ﻣﺎﺗﻨﻀﻔﻦ ﺑﺪﺧﻠﺘﻪ
ﻃﺒﻴﻌﺔ ﺍﻣﻲ ﺗﺤﭽﻲ ﻭﺗﻮﺟﻪ ﺣﺘﻪ ﻟﻮ ﺍﺣﻨﻪ ﺟﻠﻲ ﻧﺸﺘﻐﻞ ﻭﻧﺴﻮﻱ ﺍﻟﺸﻐﻠﻪ ﺍﻟﻲ ﺗﻮﺻﻲ ﻋﻠﻴﻬﺎ ﻗﺒﻞ ﻟﺘﺤﭽﻴﻬﺎ ﺑﺲ ﻫﻴﻪ ﺍﻻ ﺗﻨﻄﻲ ﺗﻮﺟﻴﻬﺎﺕ ﺗﺤﺴﺴﻨﻪ ﺍﺣﻨﻪ ﺑﺪﻭﻥ ﺗﻮﺟﻴﻬﺎﺗﻬﺎ ﻣﻨﻔﻬﻢ ﺍﺿﻮﺝ ﻣﻦ ﻫﺬﻱ ﺍﻟﻄﺮﻳﻘﻪ ﻣﻦ ﺍﺗﻲ ﺍﻳﺪﻱ ﺑﺸﻲ ﻭﻳﺠﻲ ﻭﺍﺣﺪ ﻳﻮﺻﻴﻨﻲ ﺳﻮﻱ ﻫﻴﭻ
ﺧﻠﺼﻨﻪ ﻭﻣﺮﺕ ﺳﺎﻋﻪ ﺳﺎﻋﺘﻴﻦ ﺗﻼﺛﻪ ﺍﻟﺤﺪ ﺳﺎﻋﻪ ﺛﻨﺘﻴﻦ ﻭﻧﺺ ﺍﻟﻀﻬﺮ ﺍﺗﺼﻠﻨﻪ ﻟﻤﺎ ﻣﻠﻴﻨﻪ ﻣﺎﻛﻮ ﺭﺩ
ﺷﻮﻳﻪ ﻭﺍﺻﻮﺍﺕ ﻋﻠﺖ ﺑﺸﺎﺭﻋﻨﻪ ﻭﺳﻴﺎﺭﺍﺕ ﻫﻮﺳﻪ
ﺑﻌﺪ ﺟﺎﻱ ﻧﺴﻤﻊ ﻭﺍﻧﺪﮔﺖ ﺍﻟﺒﺎﺏ ﺣﺴﻴﻨﻪ ﺑﺮﻋﺐ ﺑﺲ ﺍﻣﻲ ﻃﻠﻌﺖ
ﺷﺎﻓﺖ ﻋﻤﺎﻣﻲ ﻭﻭﻟﺪﻫﻢ ﻭﺳﻴﺎﺭﺍﺕ ﻛﻠﺶ ﻫﻮﺍﻱ
ﺍﻣﻲ ﻣﻦ ﺧﻮﻓﻬﺎ ﺻﺎﺟﺖ ﺷﻜﻮ ﺷﺠﺎﺑﻜﻢ ﻋﻠﻴﻪ
ﻫﻮﺳﻪ ﺑﻬﻮﺳﻪ ﻣﺎﻓﻬﻤﻨﻪ ﺷﻲ ﻭﺍﺣﺲ ﺭﻭﺣﻲ ﺑﺪﻳﻼﺏ ﻫﻮﻩ
ﺍﻟﻲ ﻋﺮﻓﻨﺎﻩ ﻭﺍﻟﺪﻱ ﻣﺎﺕ ﺑﻄﺮﻳﻖ ﺍﻟﺮﺟﻌﻪ
ﺍﻟﺴﻴﺎﺭﻩ ﺍﻟﺠﺎﻱ ﺑﻴﻬﺎ ﻣﺴﻮﻳﻪ ﺣﺎﺩﺙ ﻭﻫﻤﻪ ﻗﺮﻳﺐ ﺍﻟﺒﻴﺖ ﺟﺪﻭﻭ ﻳﻌﻨﻲ ﺑﻌﺪ ﻣﻤﺒﺘﻌﺪﻳﻦ ﺑﺴﺮﻋﻪ ﻋﺎﺭﻓﻴﻦ
ﺃﻣﻲ ﮔﻠﺒﺖ ﺍﻟﻤﻨﻄﻘﻪ ﺻﻴﺎﺡ ﻭﺳﺄﻟﺘﻬﻢ ﻭﻳﻨﻪ ﻫﻮﻩ ﮔﻠﻮﻟﻬﺎ ﻭﻳﺎﻩ ﺧﺎﻟﺪ ﻭﻋﻠﻲ ﻳﻜﻤﻠﻮﻥ ﺍﺟﺮﺍﺋﺎﺕ ﻭﻳﺠﻴﺒﻮﻩ ﺗﺸﻮﻓﻮﻩ ﻭﻳﺎﺭﻳﺖ ﻟﻮ ﺗﺤﻀﺮﻭﻥ ﺍﺭﻭﺍﺣﻜﻢ ﺗﺮﺣﻮﻥ ﻭﻳﺎﻧﻪ ﺑﻠﺤﻀﺘﻬﺎ ﺍﻣﻲ ﺭﻓﻀﺖ ﻭﺍﺣﻨﻪ ﻫﻢ ﻭﺍﺻﻼ ﻣﻤﺴﺘﻮﻋﺒﻴﻦ ﺍﻟﺼﺎﺭ ﻭﻻ ﻣﺼﺪﮔﻴﻦ
ﺍﺧﺘﺼﺮ ﻛﻤﻴﺔ ﺍﻷﻟﻢ ﻷﻥ ﻛﻞ ﺍﻟﻌﺮﺍﻗﻴﻴﻦ ﺷﺎﻳﻔﻴﻦ ﺷﻨﻮﻭ ﻳﻌﻨﻲ ﻓﻘﺪ ﺍﻷﺣﺒﺎﺏ ﻭﻓﻘﺪﺍﻥ ﺍﻟﺨﻴﻤﻪ ﻭﻋﺎﻣﻮﺩ ﺍﻟﺒﻴﺖ ﺍﻟﻲ ﺗﺤﺲ ﺣﻴﺎﺗﻚ ﻭﺍﺳﺘﻘﺮﺍﺭﻫﺎ ﻣﺮﺗﻜﺰ ﻋﻠﻴﻪ ﺑﻀﻴﺎﻋﻪ ﻳﻀﻴﻊ ﻛﻠﺸﻲ
ﺻﺢ ﻣﺮﺣﻨﻪ ﻭﻳﺎﻫﻢ ﺑﺲ ﻣﺘﺮﻛﻮﻧﻪ ﺍﻟﻲ ﺍﻋﺮﻓﻨﺎﻩ ﻫﻤﻪ ﻫﻢ ﻣﺴﻮﻳﻦ ﻫﻨﺎﻙ
ﺑﻘﻪ ﻭﻳﺎﻧﻪ ﺷﻜﻢ ﻭﺍﺣﺪ ﻣﻦ ﺍﻟﻮﻟﺪ ﻳﺪﻳﺮﻭﻥ ﺍﻟﻌﺰﻩ ﻳﻤﻨﻪ
ﺳﻮﺩﻩ ﻋﻠﻴﻪ ﺍﺑﻮﻳﻪ ﺣﺘﻪ ﺑﻌﺰﺍﻩ ﻏﻴﺮ ﺷﻜﻞ ﺍﻫﻠﻪ ﺑﺠﻬﻪ ﻭﺍﺣﻨﻪ ﺑﺠﻬﻪ
ﺧﻠﺼﺖ ﺍﻳﺎﻡ ﺍﻟﻔﺎﺗﺤﻪ ﻭﺍﺟﻮﻭ ﻋﻤﺎﻧﻲ ﺣﺎﭼﻮ ﺍﻣﻲ ﻧﻨﺘﻘﻞ ﻳﻤﻬﻢ ﻭﺑﻴﺖ ﻭﺣﺪﻧﻪ ﻭﻣﺤﺪ ﻳﺘﻌﺮﺽ ﺍﻟﻨﻪ ﺑﺲ ﺍﻣﻲ ﺭﻓﻀﺖ ﻭﺍﺣﻨﻪ ﻫﻢ ﻣﻨﮕﺪﺭ ﻧﺮﻭﺡ ﺣﺴﻴﻨﺎﻫﻢ ﻫﻤﻪ ﺍﻟﺴﺒﺐ ﻭﺍﻣﻲ ﻛﻞ ﺷﻮﻳﻪ ﺗﻔﻬﻤﻨﻪ ﺑﺴﺒﺒﻬﻢ ﻣﺎﺕ ﻭﺗﮕﻮﻝ ﻟﻮ ﻳﺮﺟﻊ ﺑﻴﻪ ﺍﻟﺰﻣﻦ ﻣﺎﺍﺧﻠﻲ ﻳﺮﻭﺡ ﻭﻳﺮﺟﻊ ﻋﻼﻗﺘﻪ ﺑﺄﻫﻠﻪ
ﺑﻘﻴﻨﻪ ﻭﺣﺪﻧﻪ ﻋﺎﻳﺸﻴﻦ ﻭﺭﻩ ﻓﺘﺮﻩ ﻃﻮﻳﻠﻪ ﻳﻠﻠﻪ ﺣﺴﻴﻨﻪ ﻭﺍﺳﺘﻮﻋﺒﻨﻪ ﺍﻷﺣﻨﻪ ﺑﻲ ﺑﺪﻳﻨﻪ ﻧﻘﻠﻞ ﻣﺼﺮﻑ ﻷﻥ ﺍﻟﺮﺍﺗﺐ ﻳﺘﺤﻮﻝ ﺗﻘﺎﻋﺪ ﻭﻣﻴﻜﻔﻲ ﻭﺍﺣﻨﻪ ﻣﺎﻋﺪﻧﻪ ﻭﺍﺭﺩ ﻏﻴﺮﻩ
ﻋﻼﺀ ﺑﻘﺖ ﻋﻼﻗﺘﻲ ﻭﻳﺎﻩ ﻭﺯﺍﺩ ﺍﻫﺘﻤﺎﻣﻪ ﺍﻛﺜﺮ ﻭﻃﻠﺐ ﻳﺠﻲ ﻳﺨﻄﺒﻨﻲ ﻣﻦ ﺍﻣﻲ
ﺍﻣﻲ ﮔﺎﻟﺖ ﺗﻄﻠﻊ ﺍﻟﺴﻨﻪ ﻭﻳﺼﻴﺮ ﺧﻴﺮ
ﺍﻓﻴﺎﺀ ﺑﻘﺖ ﺗﺘﻮﺍﺻﻞ ﻭﻱ ﺭﺍﻓﻊ
ﻭﻫﻤﻪ ﻫﻢ ﻋﻤﺎﻣﻲ ﻣﻘﺼﺮﻭﻭ ﻣﺼﺮﻓﻨﻪ ﻳﻮﺻﻠﻨﻪ ﻟﻠﺒﻴﺖ ﻳﺠﻲ ﺧﺎﻟﺪ ﺍﻭ ﺍﺣﻤﺪ ﺍﻭ ﻭﻟﻴﺪ ﻭﻣﺮﺍﺕ ﺭﺍﻓﻊ ﻟﻮ ﻋﺒﺎﺱ
ﻳﺠﻮﻥ ﻣﺨﺼﻮﺹ ﺣﺘﻪ ﻳﻮﺻﻠﻮﻥ ﻣﺼﺮﻑ ﻭﻳﺸﻮﻓﻮﻥ ﺍﺣﺘﻴﺎﺟﺘﻨﻪ ﺑﺲ ﻋﻤﺎﺗﻲ ﺍﺑﺪ ﻣﺎﻛﻮ ﺗﻮﺍﺻﻞ ﺑﻴﻨﻪ ﻭﺣﺰ ﺑﺨﺎﻃﺮﻱ ﻫﺎﻟﺸﻲ ﻭﺻﻞ ﺍﺧﻮﻫﻦ ﻳﻤﻮﺕ ﻭﻫﻨﻪ ﻣﺎﻋﺒﺮﻧﻪ
ﻣﺮﺕ ﺍﻟﺴﻨﻪ ﻭﺻﺎﺭ ﻋﻼﺀ ﺍﻟﻲ ﻛﻠﺸﻲ ﺻﺎﺭ ﻫﻮﻩ ﺍﻷﻣﺎﻥ ﻭﻣﺼﺪﺭ ﺍﻟﺤﻨﺎﻥ ﺑﺎﻟﻨﺴﺒﻪ ﺍﻟﻲ ﭼﻨﺖ ﺍﻋﻮﺽ ﺑﻲ ﻓﻘﺪﺍﻥ ﻭﺍﻟﺪﻱ ﻭﺣﻨﻴﺘﻪ ﻭﻛﻼﻣﻪ ﺍﻟﺤﻠﻮ ﻳﺠﺒﺮﻧﻲ ﺍﺣﺒﻪ ﻭﺍﺷﻮﻓﻪ ﻫﻮﻩ ﻛﻠﺸﻲ ﺑﺎﻟﻨﺴﺒﻪ ﺍﻟﻲ
ﭼﻨﺖ ﺍﮔﻠﻪ ﻫﻢ ﻳﺠﻲ ﻳﻮﻡ ﺗﺘﺮﻛﻨﻲ ﻳﮕﻠﻲ ﻣﺴﺘﺤﻴﻞ ﻟﭻ ﺍﺣﻨﻪ ﻧﺨﻠﻘﻨﻪ ﺍﻟﺒﻌﺾ ﺍﺣﻨﻪ ﺣﺘﻪ ﺍﺳﻤﺎﺋﻨﻪ ﺑﻴﻬﺎ ﺷﺒﻪ ﻭﻋﺒﺎﻟﻚ ﻣﺨﺘﺎﺭﻳﻬﺎ ﺍﻟﻨﻪ ﻋﻼﺀ ﻭﻋﻠﻴﺎﺀ ﻭﻳﻀﻞ ﻳﺘﻐﺰﻝ ﺑﻴﻪ ﻭﻳﺴﻤﻌﻨﻲ ﺍﺣﻠﻰ ﺍﻟﻜﻼﻡ
ﺧﻠﺼﺖ ﺍﻟﺴﻨﻪ ﻭﮔﺎﻝ ﺑﻌﺪ ﻣﺎﺑﻴﻬﺎ ﻣﺠﺎﻝ ﻭﻫﺎﻟﻤﺮﻩ ﺷﻮﻓﻮ ﺍﻋﻤﺎﻣﺞ ﺍﺧﻄﺐ ﻣﻨﻬﻢ ﻫﻴﭻ ﺍﻷﺻﻮﻝ
🔸🔹🥇🔸🔹
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء