رواية امقت اعرافهم لكنها حيتني الجزء الثاني
للكاتبة نور
🔸🔹🥇🔸🔹
ﻃﻠﻌﻮ ﺍﻟﻮﻟﺪ ﻳﻄﻠﻌﻮﻥ ﺍﻟﺴﻴﺎﺭﺍﺕ ﺧﺎﺭﺝ ﺍﻟﮕﺮﺍﺝ ﺣﺘﻪ ﺍﻟﺸﻴﺦ ﻳﺪﺧﻞ ﺿﻠﺖ ﻋﻴﻨﻲ ﻉ ﺍﻟﺒﺎﺏ ﺍﺷﻮﻑ ﻋﻤﻮ ﻭﺟﺪﻭﻭ ﻭﺷﻠﻮﻥ ﺑﺎﺑﺎ ﻳﺴﺘﻘﺒﻠﻬﻢ ﺍﺣﺲ ﻧﻔﺴﻲ ﺟﺎﻱ ﺍﺗﺎﺑﻊ ﻓﻠﻢ
ﻃﻠﻌﺖ ﻋﻤﺘﻲ ﺗﺘﺴﺘﻘﺒﻠﻬﻢ ﺍﺳﻤﻌﺖ ﺻﻮﺕ ﺷﺎﺏ ﻧﺒﺮﺓ ﺻﻮﺗﻪ ﺗﺨﺘﻠﻒ ﺍﺣﺴﻪ ﺟﺎﺩ ﺍﻭ ﻣﻌﺼﺐ ﻣﻦ ﺷﻲ
ﮔﻠﻬﺎ
.. ﻳﻤﻪ ﺍﻟﺠﻤﺎﻋﻪ ﻭﺻﻠﻮﻭ
.. ﺍﻱ ﻳﻤﻪ ﻭﺻﻠﻮﻭ ﺗﻔﻀﻞ ﻓﻮﺕ
ﺩﺧﻞ ﻫﻮﻩ ﻭﺍﻧﻲ ﺻﻔﻨﺖ ﻛﻞ ﻭﺑﺎﻟﻲ ﻋﻤﻲ ﺑﺲ ﻫﺬﺍ ﺷﺎﺏ ﺑﻌﺪﻩ ﻳﻄﻠﻊ ﻋﻤﺮﻩ ﺗﻼﺛﻴﻨﺎﺕ ﺗﻘﺮﻳﺒﺎ
ﺑﺸﺮﺗﻪ ﺣﻨﻄﻴﻪ ﻭﻣﺨﻠﻲ ﻟﺤﻴﻪ ﻣﺤﺪﺩﻫﺎ ﻭﺧﻔﻴﻔﻪ
ﻋﻴﻮﻧﻪ ﻧﻈﺮﺗﻬﻦ ﺣﺎﺩﻩ ﻃﻮﻳﻞ ﻭﻣﺘﻮﻧﻪ ﻋﺮﻳﻀﻪ ﻳﻌﻨﻲ ﺟﺴﻤﻪ ﻣﺮﺗﺐ ﺭﻏﻢ ﻫﻮﻩ ﻻﺑﺲ ﺯﻱ ﻋﺮﺑﻲ ﺑﺲ ﻛﻠﺶ ﺣﻠﻮﻭ
ﺿﻠﻴﺖ ﺍﻓﻜﺮ ﻣﻨﻮ ﻫﺬﺍ
ﺑﺪﺧﻠﺘﻪ ﻫﻮﻩ ﮔﺎﻝ ﺍﻟﺴﻼﻡ ﻋﻠﻴﻜﻢ ﻧﻮﺭﺗﻮ ﺍﻟﺒﻴﺖ ﺑﻴﺘﻜﻢ
ﺍﺑﻮﻳﻪ ﺗﻘﺪﻣﻠﻪ ﺭﺍﺩ ﻳﺒﻮﺳﻪ ﺑﺲ ﻫﻮﻩ ﻭﺧﺮ ﻋﻨﻪ ﺣﺴﻴﺘﻪ ﻣﻴﺮﻳﺪ ﻳﺒﺎﻭﺳﻪ ﺍﻭ ﻳﺴﻠﻢ ﻋﻠﻴﻪ
ﺷﮕﺪ ﻛﺮﻫﺘﻪ ﻣﺘﻜﺒﺮ ﺷﺪﻋﻮﻩ ﻫﺎﻟﺘﻜﺒﺮ ﻭﻣﻨﻮ ﻫﻮﻩ ﺍﺻﻼ
ﺍﺑﻮﻳﻪ ﻋﺎﻓﻪ ﻭﺭﺍﺡ ﺍﻟﺠﺪﻭﻭ ﻳﺘﻠﮕﺎﻩ ﺷﺎﻑ ﺍﻟﻮﻟﺪ ﺳﺎﻧﺪﻱ ﻭﺟﺎﻳﺒﻲ ﺍﻟﭽﺮﺑﺎﻳﺘﻪ ﺍﻟﻲ ﻫﻴﻪ ﺍﻡ ﻧﻔﺮ ﻣﺨﻠﻴﻬﺎ ﺍﻟﻪ ﺑﺎﻟﺼﺎﻟﻪ ﻭﻳﻤﻪ ﻃﺒﻠﻪ ﻋﻠﻴﻬﺎ ﺟﻬﺎﺯ ﺗﻨﻔﺲ ﺍﻋﺘﻘﺪ ﻋﻨﺪﻩ ﺭﺑﻮ ﺍﻭ ﺣﺎﻟﺔ ﺍﺧﺘﻨﺎﻕ ﺗﺼﻴﺮ
ﺍﺑﻮﻱ ﺧﻼﻫﻢ ﻳﮕﻌﺪﻭﻥ ﻭﺑﻮﺳﻪ ﻭﺷﺒﻊ ﺑﭽﻲ ﺍﻛﺜﺮ ﻣﻦ ﺑﺠﻴﻪ ﻭﻱ ﺑﻴﺒﻲ ﺑﺎﺱ ﺭﺍﺳﻪ ﻭﺍﺩﻳﻪ ﻭﻛﻞ ﺷﻮﻳﻪ ﻳﺸﻤﻪ ﻭﺟﺪﻭﻭ ﻫﻢ ﻣﺒﻴﻦ ﺍﺗﺄﺛﺮ
ﺑﻌﺪﻫﺎ ﺍﺣﻨﻪ ﺭﺣﻨﻪ ﻧﺴﻠﻢ ﻋﻠﻴﻪ ﻭﻋﻴﻨﻲ ﻛﻠﺴﺎﻉ ﺗﺮﻭﺡ ﺍﻟﻬﺬﺍ ﺍﻟﻲ ﺍﺳﻤﻪ ﻋﻠﻲ ﺷﮕﺪ ﺣﻘﺪﺕ ﻋﻠﻴﻪ ﻭﻉ ﺍﻟﻤﻮﻗﻒ ﺍﻟﺴﻮﺍﻩ ﺑﻮﺍﻟﺪﻱ ﺍﺷﻮﻓﻪ ﻣﺪﻧﮓ ﻳﺮﺍﺳﻞ ﻣﺎﺍﻋﺮﻑ ﺷﻴﺴﻮﻱ ﺑﺠﻬﺎﺯﻩ
ﻳﻌﻨﻲ ﺍﻟﻌﺎﻟﻢ ﻛﻠﻬﺎ ﺗﺒﭽﻲ ﻭﻫﻮﻩ ﻭﻻ ﻫﺎﻣﻪ ﻛﻞ ﻫﺬﺍ
ﺷﻨﻮﻭ ﻻﺑﺴﻠﻪ ﻋﮕﺎﻝ ﻳﻤﻦ ﻋﻠﻴﻨﻪ ﻭﺍﻟﻠﻪ ﻳﺎﺭﺑﻲ ﻛﻞ ﺷﻮﻳﻪ ﻋﻴﻮﻧﻲ ﺗﺮﻭﺡ ﻋﻠﻴﻪ ﻓﻀﻮﻝ ﺑﺪﺍﺧﻠﻲ ﻟﻴﺶ ﻫﻴﺞ ﻳﺘﺼﺮﻑ
ﻣﺮﺗﻜﻲ ﻭﻣﺴﺘﻨﺪ ﻉ ﺍﻟﻤﺨﺎﺩ ﻭﻣﺎﻫﻤﻪ ﺍﺣﺪ
ﺑﺎﺑﺎ ﻛﻞ ﺷﻮﻳﻪ ﺍﺷﻮﻓﻪ ﻳﺒﺎﻭﻋﻠﻪ ﺍﺧﺮ ﺷﻲ ﺣﺎﺟﺎﻩ ﺑﺎﺑﺎ
.. ﻋﻠﻲ ﺣﺒﻴﺒﻲ ﺑﻌﺪﻙ ﻣﺮﺍﻳﺪ ﺗﺸﻮﻓﻨﻲ
.. ﺭﻓﻊ ﺭﺍﺳﻪ ﻭﺑﻨﻈﺮﻩ ﺧﺎﻃﻔﻪ ﺑﺎﻭﻉ ﺍﻷﺑﻮﻳﻪ ﻭﺭﺟﻊ ﻳﺮﺍﺳﻞ ﻣﺎﺍﻋﺮﻑ ﻳﻠﻌﺐ ﻣﺎﺍﻋﺮﻑ ﺷﻨﻮ ﻣﺸﻜﻠﺘﻪ
ﺟﺎﻭﺏ ﺑﺎﺑﺎ ﮔﻠﻪ
.. ﻭﺷﻨﻮﻭ ﻳﻬﻤﻚ ﺍﻧﻲ ﻣﻮ ﻣﻬﻢ ﺍﻟﻤﻬﻢ ﺍﺑﻮﻱ ﻭﺍﻣﻲ ﺷﺎﻓﻮﻙ ﻛﻠﺶ ﻛﺎﻓﻲ ﻭﻣﺪﺍﻡ ﺍﻧﺖ ﺍﺑﻴﺘﻲ ﻭﺩﺍﻳﺲ ﺑﺴﺎﻃﻲ ﻋﻴﻦ ﺍﻟﻚ ﻓﺮﺍﺵ ﻭﻋﻴﻦ ﻏﻄﺎ ﻛﻠﺸﻲ ﻋﻨﺪﻱ ﻭﻻ ﺍﻗﺼﺮ ﺑﻮﺍﺟﺐ ﺍﻟﻀﻴﻮﻑ ﻟﺘﻌﺘﺒﺮﻧﻲ ﻣﻮﺟﻮﺩ ﺍﻧﺖ ﺑﻨﺺ ﺍﻫﻠﻚ ﻭﻧﺎﺳﻚ ﻭﺍﻟﻜﻞ ﺍﺷﻮﻓﻬﻢ ﻓﺮﺣﺎﻧﻴﻦ ﺑﻴﻚ ﻭﻧﺎﺳﻴﻦ ﺍﻟﻤﺎﺿﻲ
ﻣﻦ ﮔﺎﻝ ﺍﺧﺮ ﻛﻼﻡ ﺣﺴﻴﺘﻪ ﻧﻈﺮﻟﻬﻢ ﻧﻈﺮﺓ ﻟﻮﻡ ﻭﺍﻟﻜﻞ ﺍﻧﺤﺮﺝ ﻣﻦ ﻛﻼﻣﻪ ﺧﺎﺻﺘﺎ ﻋﻤﺘﻲ ﺍﻟﻲ ﺍﺳﺘﻘﺒﻠﺘﻨﻪ ﺑﺎﻟﺒﺪﺍﻳﻪ
ﺭﺟﻌﺖ ﺍﻓﻜﺮ ﺷﻨﻮ ﻫﺎﻟﺘﻜﺒﺮ ﻭﺷﻴﺤﺲ ﻫﺬﺍ ﺍﻟﺸﺨﺺ ﺑﻌﺪﻳﻦ ﻫﻮﻩ ﻫﺬﺍ ﻧﻔﺴﻪ ﺍﻟﺸﻴﺦ ﻋﻠﻲ
ﻭﺷﻨﻮ ﻳﻘﺮﺏ ﺍﻷﺑﻮﻳﻪ ﻣﻌﻘﻮﻟﻪ ﺍﺧﻮﻭ ﺯﻳﻦ ﺍﺧﻮﻭﺕ ﺑﺎﺑﺎ ﺍﻟﻜﺒﺎﺭ ﺷﻨﻮ ﻣﻮﻗﻌﻬﻢ ﻟﻴﺶ ﻫﺬﺍ ﺍﻟﺸﻴﺦ ﺑﻤﻜﺎﻥ ﺟﺪﻭﻭ ﻭﻟﻴﺶ ﻫﻤﻪ ﻫﻴﺞ ﻳﺤﺘﺮﻣﻮﻩ ﺯﺍﻳﺪ ﻋﻠﻰ ﺷﻨﻮﻭ
ﺷﻴﺨﻠﺺ ﻫﺎﻟﻴﻮﻣﻴﻦ ﻭﻧﺮﺟﻊ ﺍﺣﺲ ﻧﻔﺴﻲ ﺍﺧﺘﻨﮕﺖ
ﺑﺎﺑﺎ ﮔﻠﻪ ﻭﺍﻟﻠﻪ ﻭﺑﻴﻚ ﺍﻟﺨﻴﺮ ﻣﺴﺘﻘﺒﻠﻨﻪ ﺍﺑﻴﺘﻚ ﺑﺲ ﺍﻧﻲ ﺍﺑﺎﻟﻲ ﻫﺬﺍ ﺑﻴﺖ ﺍﺑﻮﻱ ﻭﺍﺟﻴﺖ ﻣﺎﺍﻋﺮﻑ ﻫﻮﻩ ﺑﻴﺘﻚ ﭼﺎﻥ ﻣﻤﺜﮕﻞ ﻋﻠﻴﻚ
ﺟﺎﻭﺑﻪ ﺍﻟﺸﺎﺏ
.. ﺑﻴﺘﻲ ﻫﻮﻩ ﺑﻴﺖ ﺍﺑﻮﻱ ﻭﻣﻔﺘﻮﺡ ﻟﻠﻜﻞ
ﻋﻤﺎﻧﻲ ﺣﺒﻮﻭ ﻳﻐﻴﺮﻭﻥ ﺍﻟﻤﻮﺿﻮﻉ ﺿﻠﻮ ﻳﺴﺄﻟﻮﻥ ﺑﻮﺍﻟﺪﻱ ﻋﻠﻴﻨﻪ ﻭﺷﻨﻮ ﻧﺪﺭﺱ ﻭﺍﻟﺸﻴﺦ ﻋﻠﻲ ﺟﺪﻭﻭ ﺍﺷﺮﻟﻪ ﻳﺠﻲ ﻳﻤﻪ
ﺭﺃﺳﺎ ﺗﺤﺰﻟﺖ ﻣﻼﻣﺤﻪ ﺍﻟﺠﺎﻣﺪﻩ ﻭﻧﻈﺮﺗﻪ ﺍﻟﺤﺎﺩﻩ ﺍﺑﺘﺴﻢ ﺍﻟﺠﺪﻭﻭ ﻭﻋﻴﻮﻧﻪ ﺑﻴﻬﻦ ﻧﻈﺮﺓ ﻋﻄﻒ
ﻧﺼﻪ ﺭﺍﺳﻪ ﻋﻠﻰ ﺟﺪﻭﻭ ﻭﺑﺎﺱ ﺭﺍﺳﻪ
.. ﺃﻣﺮ ﺑﻮﻳﻪ
ﺣﺎﭼﺎﻩ ﺟﺪﻭﻭ ﺑﺼﻮﺕ ﻧﺎﺻﻲ ﻭﺗﻌﺒﺎﻥ ﻣﺎﻓﻬﻤﻨﻪ ﺷﺮﺍﺩ ﻣﻨﻪ ﺑﺲ ﻫﻮﻩ ﺭﻓﻊ ﺭﺍﺳﻪ ﻭﮔﻠﻪ ﺗﺪﻟﻞ ﺑﻮﻳﻪ ﺍﻟﻲ ﺗﺮﻳﺪﻩ ﻳﺼﻴﺮ ﻟﺘﻬﺘﻢ ﺍﻧﻪ ﻟﻌﻴﻮﻧﻚ ﺍﺩﻭﺱ ﻋﻠﻰ ﮔﻠﺒﻲ ﻭﻣﺎﺍﻓﻜﺮ ﺑﺸﻲ ﺑﺲ ﺍﺭﻳﺪﻙ ﺭﺍﺿﻲ ﻭﻣﺮﺗﺎﺡ
ﺑﺎﺱ ﺭﺍﺳﻪ
ﻭﺩﺍﺭ ﻋﻠﻰ ﻋﻤﺘﻲ ﮔﻠﻬﺎ
.. ﻳﻤﻪ ﺍﻟﺒﻨﺎﺕ ﺍﺧﺬﻳﻬﻦ ﻳﺮﺗﺎﺣﻦ ﺩﺭﺑﻬﻢ ﻃﻮﻳﻞ ﻭﻫﺴﻪ ﺗﻌﺒﺎﻧﺎﺕ ﻭﺍﻟﻐﺪﻩ ﺍﻧﻲ ﻣﺤﻀﺮ ﻛﻠﺸﻲ ﻻﺗﻌﺒﻴﻦ ﺭﻭﺣﭻ ﻛﺎﻓﻲ ﺍﻣﻲ ﻭﺍﺑﻮﻱ ﻋﻠﻴﭻ ﻣﺪﺍﺭﺍﺗﻬﻢ ﺍﻷﻛﻞ ﺣﺠﺰﺗﻪ ﻣﻦ ﺍﻟﻤﻄﻌﻢ ﺳﺎﻋﻪ ﻭﻳﻮﺻﻞ ﺧﻠﻴﻬﻢ ﻳﺮﺗﺎﺣﻮﻥ ﺑﻴﻦ ﻣﺎﻳﺠﻬﺰ
🔹🔸🥇🔹🔸
ﺩﺍﺭ ﻭﺟﻬﻪ ﺍﻟﻌﻤﺎﻣﻲ ﻭﮔﺎﻟﻬﻢ ﺍﺭﺧﺼﻮﻧﻲ ﺗﻌﺒﺎﻥ ﺻﺎﺭ ﻳﻮﻣﻴﻦ ﻣﺎﻧﺎﻳﻢ ﺑﺎﻟﻤﺴﺘﺸﻔﻰ ﺍﻟﺒﻴﺖ ﺑﻴﺘﻜﻢ ﻭﺍﻧﻪ ﺍﻟﺨﻄﺎﺭ
ﺍﺭﻳﺢ ﺳﺎﻋﻪ ﻭﺍﺟﻲ
ﻋﻤﻲ ﺍﺑﻮ ﺍﺣﻤﺪ ﻣﺒﻴﻴﻦ ﺣﻴﻞ ﻳﺤﺘﺮﻣﻪ ﮔﻠﻪ ﺍﺧﺬ ﺭﺍﺣﺘﻚ ﻭﻟﻴﺪﻱ ﻻﺗﻬﺘﻢ ﺟﺎﻳﻴﻦ ﻧﺠﺮﺑﻚ ﺍﻟﻴﻮﻡ
ﺍﻧﻲ ﺩﻏﻴﺖ ﺍﻓﻴﺎﺀ ﻓﺰﺕ
ﺷﻜﻮﻭ ﻟﭻ ﻟﻴﺶ ﻫﻴﭻ ﺩﻏﻴﺘﻴﻨﻲ
.. ﻟﭻ ﺍﺣﻨﻪ ﻭﻳﻦ ﻭﺫﻭﻟﻪ ﺷﻨﻮ ﻭﻣﻨﻮﻭ ﺷﻨﻮ ﺍﺧﻮ ﺷﻨﻮ ﻭﻟﻴﺪﻱ ﺷﻨﻮ ﻫﻮﻩ ﺍﻟﭽﺒﻴﺮ ﻣﺎﻟﺘﻬﻢ ﻭﻫﻮﻩ ﺍﺻﻐﺮ ﻭﺍﺣﺪ ﺑﻴﻬﻢ
.. ﻋﻠﻴﺎﺀ ﺷﺒﻴﭻ ﻭﺍﻧﻲ ﺷﻤﻌﺮﻓﻨﻲ ﻏﻴﺮ ﮔﺎﻋﺪﻩ ﻭﻳﺎﭺ ﻣﺠﺎﻱ ﺍﺳﺘﻮﻋﺐ ﺍﻟﻲ ﻳﺼﻴﺮ ﺳﻜﺘﻲ ﻋﻴﺐ ﺑﻌﺪﻳﻦ ﻧﺤﭽﻲ
ﺑﻘﻴﺖ ﺑﻤﻜﺎﻧﻲ ﻭﺍﻧﻲ ﻧﺎﺭ ﺑﻴﻪ ﻣﺎﺍﺣﺐ ﺍﻋﻴﺶ ﺑﻬﻴﺞ ﺍﺟﻮﺍﺀ
ﻣﺜﻞ ﺍﻷﻃﺮﺵ ﺑﺎﻟﺰﻓﻪ
ﺿﻠﻴﺖ ﺍﺭﺍﻗﺐ ﺍﻟﺼﺎﻟﻪ ﻫﻤﻪ ﻳﺴﻤﻮ ﺩﻳﻮﺍﻥ
ﺗﺼﻤﻴﻤﻬﺎ ﻛﻠﺶ ﺣﻠﻮﻭ ﺍﻟﺤﺎﻳﻂ ﺍﻟﻲ ﻣﻘﺎﺑﻴﻠﻨﻪ ﻳﺼﻴﺮ ﻣﻦ ﻧﺪﺧﻞ ﻣﻌﻠﮓ ﺑﻲ ﺳﻴﻮﻑ ﺍﺛﻨﻴﻦ ﺫﻫﺒﻴﺎﺕ ﻭﺑﻴﻬﻦ ﺩﻧﺎﺩﻳﺶ ﻭﺑﺎﻟﻨﺺ ﺷﺠﺮﻩ ﻭﺑﺄﻭﺭﺍﻗﻬﺎ ﺍﺳﻤﺎﺀ ﻣﻜﺘﻮﺏ ﻋﻠﻴﻬﺎ ﺷﺠﺮﺓ ﺍﻟﻌﺸﻴﺮﻩ
ﺍﻷﺳﻤﺎﺀ ﺑﻌﻴﺪﻩ ﻣﺮﻛﺰﺕ ﺑﻴﻬﺎ
ﻭﺍﻛﻮ ﺻﻮﺭ ﺍﻟﺠﺪﻭﻭ ﻭﺍﻟﻬﺬﺍ ﺍﻟﻲ ﺍﺳﻤﻪ ﻋﻠﻲ ﻫﻢ ﻛﻠﺶ ﺣﻠﻮﺍﺕ ﻣﺒﻴﻴﻦ ﻋﻠﻴﻪ ﻛﺸﺎﺥ
ﺭﺟﻌﺖ ﺍﺗﻔﺤﺺ ﺍﻟﺤﻮﺍﻟﻴﻪ ﺷﺒﺎﺏ ﺍﺭﺑﻌﻪ ﻣﻮﺟﻮﺩﻳﻦ ﺑﺲ ﻣﺎﺭﻓﻌﻮ ﻧﻈﺮﻫﻢ ﺍﺑﺪ
ﻭﺍﺣﺪ ﺍﺳﻤﻪ ﻭﻟﻴﺪ ﻳﺠﻲ ﻋﻤﺮﻩ ﺧﻤﺴﻪ ﻭﻋﺸﺮﻳﻦ ﻫﻴﺞ ﺷﻲ ﻋﺮﻓﺘﻪ ﻫﺬﺍ ﺍﺑﻦ ﻋﻤﻮﻭ ﺧﺎﻟﺪ ﻭﺍﺣﻤﺪ ﻫﻢ ﻋﺮﻓﺘﻪ ﻭﻳﻄﻠﻊ ﻋﻤﺮﻩ ﺑﺎﻟﺘﻼﺛﻴﻨﺎﺕ ﻣﻦ ﻋﻤﺮ ﺷﻴﺨﻬﻢ
ﻭﺍﺛﻨﻴﻦ ﻫﻢ ﻋﺸﺮﻳﻨﺎﺕ ﺑﺲ ﻣﺒﻴﻨﻴﻦ ﻛﻠﻴﺎﺕ ﻣﺮﺍﺣﻞ ﺍﻭﻟﻰ ﻳﻌﻨﻲ ﺑﺄﻋﻤﺎﺭﻧﻪ ﺑﺲ ﻛﻠﺶ ﻣﺮﺗﺒﻴﻦ
ﻳﻌﻨﻲ ﻣﻮ ﺍﻟﻲ ﺍﺑﺎﻟﻲ ﻭﻟﺪ ﻣﺤﺎﻓﻀﺎﺕ ﻋﺒﺎﻟﻲ ﻳﺨﺘﻠﻔﻮﻥ ﺻﺢ ﻟﻬﺠﺘﻬﻢ ﺗﺨﺘﻠﻒ ﺑﺲ ﻣﻼﺑﺴﻬﻢ ﻭﺷﻜﻮﻟﻬﻢ ﻣﺮﺗﺒﻪ
ﺍﻟﺒﻨﺎﺕ ﻫﻢ
ﻻﺑﺴﻴﻦ ﮔﻠﺒﻴﺎﺕ ﺣﻠﻮﻩ ﺑﺲ ﺍﻟﻈﺎﻫﺮ ﻳﺤﺒﻦ ﺍﻟﺬﻫﺐ ﻷﻥ ﻻﺑﺴﺎﺕ ﻫﻮﺍﻱ ﺫﻫﺐ ﻭﺣﺪﻩ ﻣﻨﻬﻦ ﺳﻤﺮﻩ ﻃﻮﻳﻠﻪ ﻭﺟﺴﻤﻬﺎ ﺭﺷﻴﻖ ﻛﻠﺶ ﺣﻠﻮﻩ ﻣﻌﺎﻧﻴﻬﺎ ﺳﻤﻌﺖ ﻭﻟﻴﺪ ﮔﻠﻬﺎ ﺍﻧﺘﺼﺎﺭ
ﻭﺍﻟﺦ ﻣﻌﺮﻓﺖ ﺍﺳﻤﻬﺎ ﺑﻴﻀﻪ ﻋﻴﻮﻧﻬﺎ ﻋﺴﻠﻲ ﻭﻣﻼﻣﺤﻬﺎ ﺗﺨﺒﻞ ﻫﺬﻱ ﻣﻨﻮ ﻣﻌﺮﻓﺘﻬﺎ ﺗﻤﻨﻴﺖ ﺍﺗﻌﺮﻑ ﻋﻠﻴﻬﻦ
ﺷﻮﻳﻪ ﻭﺻﺎﺣﺘﻨﻪ ﻋﻤﺘﻲ ﺍﺧﺬﺗﻨﻪ ﻟﻠﺒﻴﺖ ﺟﻮﻩ
ﻣﻦ ﺍﻟﺒﺎﺏ ﺍﻟﺪﺍﺧﻠﻲ ﻟﻠﺼﺎﻟﻪ ﺩﺧﻠﺘﻨﻪ ﻟﻠﺒﻴﺖ
ﻣﺴﺎﺣﻪ ﺍﺣﻨﻪ ﻧﺴﻤﻴﻬﺎ ﺣﻮﻟﻲ ﻫﻤﻪ ﻳﺴﻤﻮﻫﺎ ﺻﺎﻟﻪ
ﺷﻔﺖ ﺍﻟﺪﺭﭺ ﻛﻠﺶ ﺣﻠﻮﻭ ﺷﻜﻠﻪ ﺣﻠﺰﻭﻧﻲ ﻭﺍﻟﻤﺤﺠﺮ ﻓﺪﺷﻲ ﺭﺍﻗﻲ ﺑﺪﺍﻳﺘﻪ ﺻﻘﺮ ﭼﺒﻴﺮ ﻧﻘﺸﻪ ﻋﺒﺎﻟﻚ ﺗﺤﻔﻴﻪ ﺑﺲ ﻫﻮﻩ ﻣﻦ ﻧﻔﺲ ﺍﻟﻤﺤﺠﺮ
ﻭﺛﺮﻳﺎﺕ ﻭﺍﻷﻭﻟﻦ ﺭﺍﻗﻴﻪ ﻛﻠﺶ ﺣﻠﻮﻩ ﺍﺑﺪ ﻣﻤﺘﻮﻗﻌﻪ ﻫﻤﻪ ﻫﻴﺞ ﻋﻴﺸﺘﻬﻢ ﺍﺷﻮ ﺩﺍﺋﻤﺎ ﺍﻟﻤﺤﺎﻓﻀﺎﺕ ﻳﺠﻲ ﺍﺑﺎﻟﻲ ﻫﻤﻪ ﺍﺭﻳﺎﻑ ﻭﻗﺮﻯ ﻭﻋﻴﺸﺘﻬﻢ ﺑﺴﻴﻄﻪ
ﺩﺧﻠﺘﻨﻪ ﺍﻟﻮﺣﺪﻩ ﻣﻦ ﺍﻟﻐﺮﻑ ﻭﮔﺎﻟﺖ ﺑﻌﺪ ﺭﻭﺣﻲ ﻳﺎﻋﻤﻪ ﻓﺪﻭﻩ ﺍﻟﻮﺟﻮﻫﺠﻦ ﻣﺎﺍﺻﺪﮒ ﺍﺷﻮﻓﭽﻦ ﮔﺒﺎﻟﻲ ﺍﺭﺗﺎﺣﻦ ﺑﻌﺪ ﻋﻤﺘﺠﻦ ﺍﻧﺘﻦ
ﺩﺍﺭﺕ ﺍﻷﻣﻲ ﺧﻴﻪ ﺍﺭﺗﺎﺣﻲ ﺍﻟﺒﻴﺖ ﺑﻴﺘﭻ ﺍﻧﺘﻲ ﺍﻡ ﺑﻨﻴﺎﺗﻨﻪ
ﮔﺎﻟﺖ ﺑﺪﻟﻮ ﻭﻏﺴﻠﻮ ﺍﻟﺤﻤﺎﻡ ﻣﻨﺎ ﺷﻮﻳﻪ ﺍﻋﻮﻓﭽﻦ ﻭﺍﭼﻴﺠﻦ ﺍﻋﺮﻓﭽﻦ ﻉ ﺍﻟﺒﻨﻴﺎﺕ ﻋﺮﻓﺘﻨﻲ ﺍﻧﻪ ﻋﻤﺘﭽﻦ ﻣﺮﻳﻢ ﺍﺧﺖ ﺍﺑﻮﭼﻦ ﻭﺑﻌﺪ ﺍﺛﻨﻴﻦ ﻋﺪﭼﻦ ﻏﻴﺮﻱ ﺳﻬﺎﻡ ﻭﺍﺑﺘﺴﺎﻡ ﺫﻧﻲ ﻣﺎﺧﺬﺍﺕ ﺑﺎﻟﺒﺼﺮﻩ ﻫﻢ ﺑﺎﭼﺮ ﻋﻠﻰ ﺟﻴﻪ ﻭﺗﺸﻮﻓﻨﻬﻦ ﺍﻧﻪ ﺍﻟﻮﺳﻄﺎﻧﻴﻪ ﺳﻬﺎﻡ ﺍﻛﺒﺮ ﻣﻨﻲ ﻭﺑﺴﻮﻣﻪ ﻫﻴﻪ ﺯﻏﻴﺮﺗﻨﻪ
ﻳﻮﻭ ﺍﺧﺬﺗﻨﻲ ﺍﻟﺴﻮﺍﻟﻒ ﻭﺳﻄﺮﺗﺠﻦ ﺍﺭﺗﺎﺣﻦ ﺑﻌﺪ ﮔﻠﺒﻲ ﺍﻧﺘﻦ ﻭﺍﺑﻮﭼﻦ
ﺍﺗﻲ ﻟﺒﺘﺴﻤﺖ ﻋﻠﻰ ﻛﻼﻣﻬﺎ ﻭﻃﺮﻳﻘﺘﻬﺎ ﺍﻟﻌﻔﻮﻳﻪ ﻭﻟﮕﻴﺖ ﺍﻓﻴﺎﺀ ﻫﻢ ﻣﺒﺘﺴﻤﻪ ﺑﺲ ﺍﻣﻲ ﻧﻈﺮﺗﻬﺎ ﺣﺎﺩﻩ ﻭﻣﺒﻴﻨﻪ ﻣﺨﻨﻮﮔﻪ ﻣﻮ ﺑﺲ ﻣﺘﻀﺎﻳﻘﻪ
ﺍﺣﺲ ﺍﺛﻨﻴﻦ ﻣﻤﺮﺗﺎﺣﻴﻦ ﺍﻣﻲ ﻭﻫﺬﺍ ﺍﻟﻲ ﺍﺳﻤﻪ ﻋﻠﻲ ﻣﺎﺍﻋﺮﻑ ﻟﻴﺶ ﺍﺣﺲ ﻫﻤﻪ ﺍﻟﻮﺣﻴﺪﻳﻦ ﺍﻟﻲ ﻣﺘﻀﺎﻳﻘﻴﻦ ﻣﻦ ﻫﺬﻱ ﺍﻟﻠﻤﻪ
ﺑﺪﻟﻨﻪ ﻭﺍﺭﺗﺎﺣﻴﻨﻪ ﻣﻼﺑﺴﻨﻪ ﺍﻟﻲ ﻣﺘﻌﻮﺩﻳﻦ ﻋﻠﻴﻬﺎ ﺗﺮﺍﻛﺎﺕ ﻟﻮ ﺩﺷﺎﻇﻴﺶ ﻗﺼﻴﺮﻩ
ﻭﺭﺑﻊ ﺭﺩﻥ ﻟﺒﺴﻨﻪ ﺗﺮﺍﻛﺎﺕ ﺍﺳﺘﺮ
ﺍﺟﺖ ﻋﻤﺘﻲ ﻣﺒﻴﻴﻦ ﻋﻠﻴﻬﺎ ﻣﻌﺠﺒﻬﺎ ﻣﻼﺑﺴﻨﻪ ﺑﺲ ﻣﺎﻋﻘﺒﺖ ﺣﺴﻴﺘﻬﺎ ﻣﺤﺮﺟﻪ ﻣﻨﻪ
ﮔﻌﺪﺕ ﻳﻤﻨﻪ ﻭﺻﺎﺣﺖ ﺍﻟﺒﻨﺎﺕ
.. ﮔﺎﻟﺖ ﻫﺎﻱ ﺍﻧﺘﺼﺎﺭ ﺑﻨﺘﻲ ﻭﻣﺎﺧﺬﻫﻪ ﺍﺣﻤﺪ ﺍﺑﻦ ﺍﺧﻮﻱ ﺍﺑﻦ ﺧﺎﻟﻬﺎ ﺍﻟﻴﻮﻡ ﺍﺟﺖ ﻣﻦ ﺍﻟﺼﺒﺢ ﻋﻠﻤﻮﺩﻛﻢ ﺑﻴﺘﻬﻢ ﻗﺮﻳﺐ ﻋﻠﻴﻨﻪ
ﻭﻫﺎﻱ ﺭﻳﻤﻪ ﺑﻨﺖ ﺍﺧﻮﻱ ﺧﺎﻟﺪ ﺍﺧﺖ ﻭﻟﻴﺪ ﻭﺭﺍﻓﻊ ﻭﻋﺪﻫﺎ ﺍﺧﺖ ﻭﺣﺪﻩ ﺍﺳﻤﻬﺎ ﻧﻮﺭﻩ ﻣﺎﺧﺬﻫﺎ ﺍﺑﻦ ﻋﻤﺘﻬﺎ ﺳﻬﺎﻡ
ﻣﺪﺭﻱ ﺑﻌﺪ ﺑﺎﺟﺮ ﺗﺠﻲ ﻭﻱ ﻋﻤﺘﻬﺎ ﻟﻮ ﻻ ﺣﺘﻪ ﺗﺘﻌﺮﻓﻦ ﻋﻠﻴﻬﺎ
ﻭﻫﺎﻱ ﺯﻳﻨﺐ ﺑﻨﺘﻲ ﺍﻟﺜﺎﻧﻴﻪ ﺑﻌﺪ ﻣﺎﻣﺘﺰﻭﺟﻪ ﻭﺗﺪﺭﺱ ﺧﺎﻣﺲ ﺍﻋﺪﺍﺩﻱ ﻭﻫﺎﻱ ﻓﺎﻃﻤﻪ ﺑﻨﺘﻲ ﺍﻟﺜﺎﻟﺜﻪ ﻫﻢ ﺗﺪﺭﺱ ﺭﺍﺑﻊ ﺍﻋﺪﺍﺩﻱ ﺍﺗﻲ ﺍﻡ ﺍﻟﺒﻨﺎﺕ ﺑﺲ ﻋﻨﺪﻱ ﻋﻠﻲ ﻳﺴﻮﻩ ﺍﻟﺒﻨﺎﺕ ﻭﺍﻟﻮﻟﺪ
ﭼﻨﺖ ﻛﻞ ﻣﺘﻌﺮﻓﻨﻲ ﻋﻠﻰ ﻭﺣﺪﻩ ﺍﺑﺘﺴﻢ ﻭﺍﻛﻠﻬﻦ ﻫﻠﻮﻭ ﻭﻫﻨﻪ ﻳﺎﻛﻠﻨﻲ ﻭﻳﺸﺮﺑﻨﻲ ﺑﺎﻟﺴﻼﻡ ﻣﺎﺍﻋﺮﻑ ﺍﺣﺴﻬﻦ ﻣﺘﻌﻮﺩﺍﺕ ﻭﻛﻞ ﺷﻮﻳﻪ ﻳﺒﻮﺳﻨﻲ ﺍﻧﻲ ﻭﺍﻓﻴﺎﺀ
ﺍﻣﻲ ﻣﻌﺰﻭﻟﻪ ﻋﺒﺎﻟﻚ ﻣﻮ ﻭﻳﺎﻧﻪ
ﺗﺠﺮﺃﺕ ﻭﺳﺄﻟﺘﻬﺎ ﻋﻤﻪ ﻳﻌﻨﻲ ﺍﻟﺸﻴﺦ ﻣﻮ ﺍﺑﻨﭻ
ﺭﺩﺕ ﺑﺄﺑﺘﺴﺎﻣﻪ ﻳﺎﺍﺍ ﻓﻠﻚ ﻃﺮﻧﻲ ﻣﺎﺗﻌﺮﻓﻨﻪ ﻫﺬﺍ
ﻏﻴﺮ ﺍﻟﺸﻴﺦ ﻋﻠﻲ ﺍﺑﻦ ﻋﻤﭽﻦ ﺍﻟﭽﺒﻴﺮ ﺑﺎﻭﻋﺖ ﺍﻷﻣﻲ ﻭﺣﺴﻴﺖ ﻧﻈﺮﺗﻬﺎ ﺗﻐﻴﺮﺕ ﻭﺣﺘﻪ ﻧﺒﺮﺓ ﺻﻮﺗﻬﺎ
ﮔﺎﻟﺖ ﻋﻤﺖ ﻋﻴﻨﻲ ﻫﺬﺍ ﻋﻠﻲ ﺍﺑﻦ ﺣﺴﻴﻦ ﺍﺑﻮ ﻋﺎﻓﻪ ﻭﻫﻮﻩ ﻃﻔﻞ
ﺍﻧﻲ ﺑﻌﻔﻮﻳﻪ ﺳﺄﻟﺘﻬﺎ ﻭﻳﻦ ﺭﺍﺡ
ﮔﺎﻟﺖ ﻣﺎﺕ ﻋﻤﻴﻪ ﻋﻴﻨﻲ ﻣﺎﺕ ﺍﻟﻠﻪ ﻳﺮﺣﻤﻪ
ﺍﻣﻲ ﮔﺎﻟﺖ ﻋﻠﻴﺎﺀ ﻛﺎﻓﻲ ﺍﺳﺌﻠﻪ ﺩﻭﺧﺘﻲ ﻋﻤﺘﭻ
ﻋﻤﺘﻲ ﻣﺴﺤﺖ ﺩﻣﻮﻋﻬﺎ ﻭﮔﺎﻟﺖ ﻻ ﺑﻌﺪ ﺭﻭﺣﻲ ﻫﻠﻴﻬﻦ ﺑﺮﺍﺣﺘﻬﻦ ﺑﺲ ﺍﻧﺘﻲ ﺍﻟﺤﻠﻮﻩ ﻣﺎﺍﻋﺮﻑ ﺍﮔﻮﻝ ﺍﺳﻤﭻ ﻋﺪﻝ ﺷﻮ ﻣﺎﺳﻤﻌﻨﻪ ﺣﺴﭻ ﻋﻤﻪ ﺍﺣﭽﻲ ﮔﻮﻟﻲ
ﺍﺑﺘﺴﻤﺖ ﺍﻓﻴﺎﺀ ﮔﻠﺘﻠﻬﺎ ﺍﺳﻤﻲ ﺍﻓﻴﺎﺀ ﻋﻤﻪ
ﻣﺎﺍﻋﺮﻑ ﺷﻨﻮ ﺍﺣﭽﻲ ﺑﻌﺪ ﻣﻤﺘﻌﻮﺩﻩ
ﺷﻮﻳﻪ ﻭﺳﻤﻌﺖ ﺻﻮﺕ
.. ﺃﺣﻢ ﺍﺣﻢ ﻳﻤﻪ ﻳﻤﻪ ﺍﻟﻐﺪﻩ ﺟﺎﻫﺰ ﺍﻟﻮﻟﺪ ﺟﺎﺑﻮﻩ
ﺟﻬﺰﻥ ﻏﺪﺍﭼﻦ ﻫﻢ ﻳﻠﻠﻪ
ﮔﺎﻟﺖ ﺍﻱ ﺻﺎﺭ ﻳﻤﻪ ﻣﻦ ﻋﻴﻮﻧﻲ
ﮔﺎﻟﺖ ﺍﻟﺒﻨﺎﺗﻬﺎ ﻭﻟﭽﻦ ﮔﻮﻣﻦ ﺑﺴﺎﻋﭽﻦ ﻧﺤﻀﺮ ﺍﻟﻐﺪﻩ
ﺭﺍﺣﻦ ﻫﻨﻪ ﻭﺍﻧﻲ ﮔﻤﺖ ﻭﻳﺎﻫﻦ ﺍﺣﺐ ﻫﻴﭻ ﺍﺟﻮﺍﺀ ﻣﻔﺘﻘﺪﺗﻬﺎ ﺧﻠﻴﺖ ﺷﺎﻝ ﻋﻠﻰ ﺭﺍﺳﻲ ﺷﻤﺮﺗﻪ ﺷﻤﺮ ﻭﻃﻠﻌﺖ
ﻟﻠﻤﻄﺒﺦ
ﻣﺒﻴﻴﻦ ﺑﻴﺘﻬﻢ ﺟﺪﻳﺪ ﻛﻠﺸﻲ ﺑﻲ ﻉ ﺍﻟﻤﻮﺩﻳﻞ
ﻭﺍﻟﻮﺍﻧﻪ ﻣﺮﺗﺒﻪ
ﺍﻧﺘﺼﺎﺭ ﮔﺎﻟﺖ ﺣﺒﻴﺒﻪ ﺗﻀﻠﻴﻦ ﺑﻬﺎﻱ ﻫﺪﻭﻣﭻ ﻭﻟﺪﻧﻪ ﺭﺍﻳﺤﻪ ﺭﺍﺩﻩ ﻭﺧﺎﻑ ﻣﺎﻳﺮﺿﻮﻥ
ﺍﻧﺤﺮﺟﺖ ﻣﻨﻬﺎ ﮔﺘﻠﻬﺎ ﻭﺍﻟﻠﻪ ﻫﻨﻪ ﺫﻧﻲ ﻣﻼﺑﺴﻨﻪ ﻣﮕﺪﺭﻧﻪ ﻧﺠﻴﺐ ﻏﻴﺮﻫﻢ ﻷﻥ ﻣﻠﺤﮕﻨﻪ ﻧﺸﺘﺮﻱ ﺷﻲ ﻳﻼﺋﻢ ﺑﻴﺌﺘﻜﻢ
ﺭﺩﺕ ﻋﻠﻴﻪ ﻣﺒﺘﺴﻤﻪ ﺑﻴﺌﺘﻨﻪ ﺷﻨﻬﻲ ﺩﺍﺩﻩ ﺟﺎﺍﺣﻨﻪ ﻫﻢ ﻛﻠﺸﻲ ﻧﻠﺒﺲ ﺑﺲ ﺍﻟﺰﻟﻤﻨﻪ ﻳﻌﻨﻲ ﺑﺒﻴﻮﺗﻨﻪ ﻧﺪﻟﻞ ﻫﻨﺎ ﺯﻟﻤﻨﻪ ﺣﺎﺭﻩ ﻣﺎﻳﺮﺿﻮﻥ ﺑﻬﻴﭻ
ﺷﻮﻳﻪ ﻭﺩﺧﻞ ﺷﺎﺏ ﻻﺑﺲ ﺍﺗﺮﺍﻙ ﻟﻮﻥ ﻧﻴﻠﻲ ﻭﺷﻌﺮﻩ ﻣﺒﻴﻴﻦ ﺑﻲ ﻋﻠﻮ ﺷﻮﻳﻪ ﺍﻧﻲ ﺑﻘﻴﺖ ﺍﺑﺎﻭﻋﻠﻪ ﻭﻫﻮﻩ ﺣﭽﻪ
.. ﻫﺎ ﻧﺼﻮﺭﻩ ﻛﻤﻠﺘﻦ ﻣﻦ ﺷﺎﻓﻨﻲ ﺭﺃﺳﺎ ﺭﺟﻊ ﻃﻠﻊ ﻭﺻﺎﺡ ﻧﺼﺮﻩ ﻧﺼﻮﺭﻩ ﺗﻌﺎﻟﻲ ﻫﻨﺎ ﺍﺭﻳﺪﭺ ﺑﺤﭽﺎﻳﻪ
ﻃﻠﻌﺘﻠﻪ ﺍﻧﺘﺼﺎﺭ
ﻭﺍﺳﻤﻌﻬﺎ ﺗﮕﻠﻪ ﺻﺎﺭ ﺧﻮﻳﻪ ﺻﺎﺭ ﻫﺴﻪ ﺍﻓﻬﻤﻬﺎ
ﻋﺮﻓﺖ ﺍﻟﻤﻮﺿﻮﻉ ﻋﻠﻴﻪ
ﮔﺎﻟﺘﻠﻲ ﺣﺒﻴﺒﻪ ﺭﻭﺣﻲ ﻳﻢ ﻋﻤﺘﻲ ﺍﺭﺗﺎﺣﻲ ﺍﻟﻮﻟﺪ ﻃﺎﺑﻴﻦ ﻃﺎﻟﻐﻴﻦ ﻭﻣﺎﻳﺮﺿﻴﻬﻢ ﻟﺒﺴﭻ ﻣﻮ ﻧﻘﺺ ﺑﻴﭻ ﻭﺍﻟﻠﻪ ﺑﺲ ﻫﻤﻪ ﻫﺬﺍ ﻃﺒﻌﻬﻢ
ﮔﺘﻠﻬﺎ ﺍﻧﻲ ﺍﺳﻔﻪ ﺍﺫﺍ ﺳﺒﺒﺖ ﺍﺣﺮﺍﺝ ﺑﺲ ﺍﺣﻨﻪ ﻣﺘﻌﻮﺩﻳﻦ ﻭﻣﻤﻄﻮﻟﻴﻦ ﻳﻤﻜﻢ ﻛﻠﻬﻦ ﻳﻮﻣﻴﻦ ﻭﺭﺍﻳﺤﻴﻦ ﻻﻧﺄﺛﺮ ﻋﻠﻴﻜﻢ ﻭﻻﺗﺄﺛﺮﻭﻥ ﻋﻠﻴﻨﻪ ﺍﻧﻲ ﺭﺍﻳﺤﻪ ﺑﺲ ﺣﺒﻴﺖ ﻟﻤﺘﭽﻦ ﻣﻮ ﺍﻛﺜﺮ
ﺍﻟﺪﻣﻌﻪ ﺻﺎﺭﺕ ﺑﻄﺎﺭﻑ ﻋﻴﻨﻲ ﺍﺣﭽﻲ ﻭﻱ ﻧﻔﺴﻲ ﺍﻧﻲ ﻟﻴﺶ ﺗﺄﺛﺮﺕ ﺍﺻﻼ ﺍﺑﺎﻟﻲ ﺣﻴﺎﺗﻬﻢ ﺑﻴﻬﺎ ﺗﻌﻘﻴﺪ ﺍﻛﺜﺮ ﻣﻦ ﻫﻴﭻ ﺷﻤﺘﻮﻗﻌﻪ ﻳﻌﻨﻲ
ﺩﺧﻠﺖ ﻳﻢ ﺍﻣﻲ ﻭﺍﻓﻴﺎﺀ ﻭﻭﺟﻬﻲ ﻣﮕﻠﻮﺏ
ﺍﺷﺮﻟﻲ ﺷﻜﻮﻭ ﮔﺘﻠﻬﻢ ﻣﺎﻛﻮﻭ
ﺷﻮﻳﻪ ﻭﺍﻧﺪﻣﺖ ﺑﺎﺑﻨﻪ ﺍﺟﺖ ﻓﺎﻃﻤﻪ ﮔﺎﻟﺖ ﻳﻤﻪ ﻋﻠﻲ ﻳﺮﻳﺪﭺ
ﻭﺑﺎﻭﻋﺘﻠﻲ ﻭﮐﺎﻟﺖ ﺫﻧﻲ ﺍﻟﺼﺎﻳﺎﺕ ﻣﺎﻻﺗﻲ ﻟﺒﺴﻨﻬﺎ ﻓﻮﮒ ﻣﻼﺑﺴﭽﻦ ﮔﺪ ﺍﻟﻐﺪﻩ ﻳﻤﻜﻦ ﻧﺘﻼﺑﺲ ﺍﺣﻨﻪ
ﺍﺣﺲ ﺑﺮﻭﺣﻲ ﺻﺮﺕ ﻧﺎﺭ ﻫﻮﻩ ﺷﻜﻮﻭ ﺍﻛﻴﺪ ﻫﻮﻩ ﺩﺯﻫﻦ
ﺍﻟﻨﻪ
ﮔﺘﻠﻬﺎ ﻣﺸﻜﻮﺭﻩ ﻣﺎﻧﻠﺒﺲ ﻫﻴﭻ ﻣﺮﺗﺎﺣﻴﻦ
ﮐﺎﻟﺖ ﻣﻮ ﻋﻤﻲ ﺍﺑﻮ ﺍﺣﻤﺪ ﺭﺍﺩﺟﻦ ﺗﮕﻌﺪﻥ ﻳﻤﻬﻢ ﻭﻋﻠﻲ ﮔﻠﻲ ﻭﺩﻳﻠﻬﻦ ﺷﻲ ﻳﻠﺒﺴﻨﻪ
ﺍﻣﻲ ﮐﺎﻟﺖ ﺍﺧﺬﻳﻬﻦ ﻭﺍﺳﻜﺘﻲ ﻭﺗﺸﻜﺮﺕ ﻣﻨﻬﺎ ﺧﺰﺭﺕ ﺍﻣﻲ ﻭﻓﺎﻃﻤﻪ ﻃﻠﻌﺖ ﮔﺎﻟﺘﻠﻲ
.. ﻭﻭﺟﻊ ﻟﺘﺨﺰﺭﻳﻨﻲ ﻫﻴﭻ ﺧﻠﻲ ﻫﺎﻟﻴﻮﻣﻴﻦ ﻳﺨﻠﺼﻦ ﻋﻠﻰ ﺧﻴﺮ
ﺻﺪﮒ ﺣﺎﻭﻟﻨﻪ ﻧﺨﻠﺺ ﻫﺎﻟﻴﻮﻣﻴﻦ ﮔﻮﻩ ﺳﻮﺍﻟﻒ ﺍﻟﺒﻨﺎﺕ ﺣﻠﻮﻩ
ﻭﺍﻟﻮﻟﺪ ﻋﺎﺩﻱ ﻣﺪﺭﻱ ﺷﻌﺠﺐ ﻣﻦ ﺗﻨﺠﻤﻊ ﺍﻟﻌﺎﺋﻠﻪ ﻛﻠﻬﻢ ﻳﺠﺘﻤﻌﻮﻥ ﺓﻳﻀﺤﻜﻮﻥ ﻭﻳﺸﺎﻗﻮﻥ ﺑﺲ ﺍﻧﻲ ﺷﻠﻮﻥ ﻳﺘﺼﺮﻓﻦ ﺑﻨﺎﺗﻬﻢ ﺍﺗﺼﺮﻑ ﺍﺧﺎﻑ ﺍﺟﻔﺺ ﻭﺍﻧﻲ ﺍﻋﺮﻑ ﻧﻔﺴﻲ ﺍﺟﺎﻣﻞ ﻭﺍﺧﺎﻑ ﻳﻨﺤﺴﺐ ﻋﻠﻴﻪ ﻧﻘﻄﻪ
ﻋﻠﻲ ﺟﺎﻣﺪ ﻭﻋﺒﺎﻟﻚ ﻋﺎﻳﺶ ﺑﺪﻧﻴﺎ ﻏﻴﺮ ﺩﻧﻴﺎﻧﻪ
ﮔﺎﻋﺪ ﻳﻢ ﺭﺍﺱ ﺟﺪﻱ ﻭﻫﻮﻩ ﺷﺮﺑﻪ ﺍﻟﺪﻭﻩ ﻭﻛﻞ ﺷﻮﻳﻪ ﻳﺒﻮﺱ ﺭﺍﺳﻪ
ﺟﺪﻭ ﺷﻜﻠﻪ ﺣﻠﻮﻭ ﻣﻦ ﺫﻭﻟﻲ ﺍﻟﺸﻴﺎﺏ ﺍﻟﻲ ﺗﺤﺴﻮﻫﻢ ﻣﻦ ﺍﻫﻞ ﺍﻟﻠﻪ ﻳﻌﻨﻲ ﻣﺤﺒﻮﺏ ﺷﻜﻠﻪ
ﻭﺑﻴﺒﻲ ﺷﻮﻳﻪ ﻣﺒﻴﻨﻪ ﻗﻮﻳﻪ ﻭﺗﺤﻜﻢ ﻭﺍﺗﻀﺢ ﻋﻨﺪﻱ ﻋﻠﻲ ﻣﻨﻄﻴﻬﺎ ﻗﻮﻩ ﺍﻛﺜﺮ ﻭﺷﺘﮕﻮﻝ ﻳﺘﻨﻔﺬ
ﺍﺣﺴﻬﺎ ﻣﻮ ﺑﺎﻟﻌﻪ ﺍﻣﻲ ﺍﺑﺪ ﺑﺲ ﺍﺣﻨﻪ ﻻ ﻛﻞ ﺷﻮﻳﻪ ﺗﺄﺷﺮﻟﻨﻪ ﻧﺮﻭﺡ ﻳﻤﻬﺎ ﻭﺗﺤﺐ ﺗﺴﻮﻟﻒ ﻭﻳﺎﻧﻪ
ﺛﺎﻧﻲ ﻳﻮﻡ ﺟﻬﺰﻧﻪ ﻧﻔﺴﻨﻪ ﻭﺍﻟﺒﻨﺎﺕ ﻣﺨﺒﻮﺻﺎﺕ ﻳﺤﻀﺮﻭﻥ
ﻷﻥ ﺟﺎﻳﺎﺕ ﻋﻤﺎﺗﻲ ﻭﺭﺟﻮﻟﺘﻬﻦ ﻭﻭﻟﺪﻫﻦ ﻣﻦ ﺍﻟﺒﺼﺮﻩ ﺍﻟﻲ ﻋﺮﻓﺘﻪ ﺟﺪﻭ ﻛﻠﻬﻢ ﻳﻌﺮﻓﻮﻥ ﺑﻲ ﻋﻨﺪﻩ ﺳﺮﻃﺎﻥ ﺍﻟﺮﺋﻪ ﻣﻦ ﺯﻣﺎﻥ ﺑﺲ ﻋﺴﻪ ﻭﺍﺻﻞ ﻟﻠﻌﻈﻢ ﻳﻌﻨﻲ ﻣﻨﺘﺸﺮ ﻭﮔﺎﻳﻠﻬﻢ ﻛﻢ ﺷﻬﺮ ﻭﻳﻤﻮﺕ ﻟﺬﻟﻚ ﻣﺴﻠﻢ ﺍﻣﻮﺭﻩ ﺍﻟﻌﻠﻲ ﻭﺿﻠﺖ ﺍﺑﺎﻟﻲ ﺍﻟﺤﻴﺮﻩ ﻟﻴﺶ ﻣﻮ ﺍﻟﻌﻤﺎﻣﻲ ﺷﻤﻌﻨﻪ ﻋﻠﻲ
🔸🔹🥇🔸🔹
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء