رواية امقت اعرافهم لكنها حيتني الجزء الأول
للكاتبة نور
🔸🔹🥇🔸🔹
ﻣﺜﻞ ﻛﻞ ﻳﻮﻡ ﺟﻤﻌﻪ ﻣﺠﺘﻤﻌﻴﻦ ﻉ ﺍﻟﺮﻳﻮﮒ ﺍﻟﻲ ﻳﻜﻮﻥ ﻃﻌﻤﻪ ﻏﻴﺮ ﻷﻥ ﻭﺍﻟﺪﻱ ﻫﻮﻩ ﺍﻟﻲ ﻳﺤﻀﺮﻩ ﺑﻨﻔﺴﻪ ﺑﺲ ﺑﺬﺍﻙ ﺍﻟﻴﻮﻡ ﺍﻟﻤﻄﺒﺦ ﺗﻜﻮﻥ ﺣﺎﻟﺘﻪ ﻳﺮﺛﻰ ﻟﻬﺎ ﻋﺒﺎﻟﻚ ﻣﻔﺠﻮﺭﻩ ﺑﻲ ﻋﺒﻮﻩ
ﻋﺎﺋﻠﺘﻨﻪ ﺻﻐﻴﺮﻩ ﺍﻧﻲ ﻭﺍﺧﺘﻲ ﺃﻓﻴﺎﺀ ﻭﺍﺑﻮﻳﻪ ﻭﺍﻣﻲ
ﻃﺒﻌﺎ ﻭﺍﻟﺪﻱ ﻣﻮﺿﻒ ﺣﻜﻮﻣﻲ ﺗﺎﺑﻊ ﺍﻟﻮﺯﺍﺭﺓ ﺍﻟﻜﻬﺮﺑﺎﺀ ﺷﻐﻠﻪ ﺑﻲ ﺧﻄﻮﺭﻩ ﻷﻥ ﻫﻮﻩ ﺍﻟﻲ ﻳﺴﻮﻱ ﺻﻴﺎﻧﺔ ﺍﻟﻤﺤﻮﻻﺕ ﺍﻟﺮﺋﻴﺴﻴﻪ ﺑﺲ ﻫﻮﻩ ﺩﺍﺋﻤﺎ ﻳﮕﻮﻝ ﺍﻧﻲ ﺍﺧﺬ ﺣﺬﺭﻱ ﻭﺭﺑﻲ ﻫﻮﻩ ﺍﻟﺤﺎﻓﻆ
ﺍﻣﻲ ﺭﺑﺖ ﺑﻴﺖ ﺍﻟﻲ ﺍﻋﺮﻓﻪ ﻫﻴﻪ ﻭﻭﺍﻟﺪﻱ ﻣﺘﺰﻭﺟﻴﻦ ﻋﻦ ﺣﺐ ﺑﺲ ﺷﻠﻮﻥ ﺍﻟﺘﻘﻮﻭ ﻣﻨﻌﺮﻑ ﻷﻥ ﻣﻴﺤﺒﻮﻥ ﻧﻔﺘﺢ ﻫﻴﭻ ﻣﻮﺿﻮﻉ ﻭﻳﺎﻫﻢ
ﺑﻌﺪﻧﻪ ﺷﮕﺪ ﺭﺍﺟﻌﺖ ﻣﺎﺻﺎﺭ ﺍﻃﻔﺎﻝ ﻭﭼﺎﻧﺖ ﻣﺘﺨﻮﻓﻪ ﻣﻦ ﺯﻭﺍﺝ ﺑﺎﺑﺎ ﺑﺲ ﻫﻮﻩ ﻛﻞ ﻣﺮﻩ ﻳﻄﻤﻨﻬﺎ ﺍﻧﻲ ﻣﺮﺍﻳﺪ ﺯﻭﺍﺝ ﻭﻻ ﺍﻃﻔﺎﻝ ﻫﺎﻟﻮﺭﺩﺍﻳﺘﻴﻦ ﻳﻜﻔﻨﻲ
ﻋﻼﻗﺔ ﺑﺎﺑﺎ ﻭﻱ ﺍﻫﻠﻪ ﻣﻘﻄﻮﻋﻪ ﺍﺑﺪ ﻣﺎﻛﻮ ﺗﻮﺍﺻﻞ ﺑﻴﻨﻬﻢ ﻭﻣﺎﺍﻋﺮﻑ ﺷﻨﻮ ﺍﻟﺴﺒﺐ
ﺑﺬﺍﻙ ﺍﻟﻴﻮﻡ ﺍﻟﻲ ﻫﻮﻩ ﻳﻮﻡ ﺟﻤﻌﻪ ﺍﻧﺪﮔﺖ ﺑﺎﺑﻨﻪ ﻭﺍﺣﻨﻪ ﺗﻮﻧﻪ ﺑﺪﻳﻨﻪ ﻧﺴﻤﻲ ﻉ ﺍﻷﻛﻞ ﺻﺢ ﺍﻟﻮﻗﺖ ﻣﺘﺎﺧﺮ ﺗﻘﺮﻳﺒﺎ ﺩﻋﺶ ﻭﻧﺺ ﺍﻟﻀﺤﻰ ﺑﺲ ﻷﻥ ﻳﻮﻡ ﺟﻤﻌﻪ ﭼﻨﻪ ﻣﺘﺄﺧﺮﻳﻦ ﺑﺎﻟﻨﻮﻣﻪ ﻋﻠﻰ ﺭﺍﺣﺘﻨﻪ
ﻃﻠﻊ ﺑﺎﺑﺎ ﻳﺸﻮﻑ ﻣﻨﻮ ﺷﻮﻳﻪ ﻭﺍﺟﻪ ﻣﺨﺒﻮﺹ
ﻓﺘﺢ ﺍﻟﺨﻄﺎﺭ ﻭﮔﻞ ﺍﻷﻣﻲ ﺣﻀﺮﻱ ﺍﻷﻛﻞ ﺍﺧﻮﺗﻲ ﺟﺎﻳﻴﻦ ﻳﺸﻮﻓﻮﻧﻲ
ﺍﻣﻲ ﺗﻔﺎﺟﺄﺕ ﻭﺍﺣﻨﻪ ﻣﻮ ﺍﻗﻞ ﻣﻨﻬﺎ ﺑﺎﻧﺖ ﻋﻠﻰ ﻭﺟﻮﻫﻨﻪ ﺍﻟﺼﺪﻣﻪ ﺍﺧﻮﺍﻧﻪ ﺷﻨﻮﻭ ﻭﺷﺠﺎﺑﻬﻢ ﺑﻌﺪ ﻛﻞ ﻫﺬﺍ ﺍﻟﻌﻤﺮ
ﺍﻧﺨﺒﺼﻨﻪ ﻭﺑﺪﻳﻨﻪ ﻧﺴﺎﻋﺪ ﺍﻣﻲ ﻭﻛﻞ ﻭﺣﺪﻩ ﻣﻨﻪ ﺗﻔﺴﺮ ﻋﻠﻰ ﻛﻴﻔﻬﺎ
ﺷﻮﻳﻪ ﻭﺍﺟﻪ ﺍﺑﻮﻱ ﮔﺎﻝ ﺣﻀﺮﻭﻭ ﻧﻔﺴﻜﻢ ﺑﺎﭼﺮ ﻧﺮﻭﺡ ﺍﻷﻫﻠﻲ ﺍﺑﻮﻱ ﺣﺎﻟﺘﻪ ﺧﻄﺮﻩ ﻭﻳﺮﻳﺪ ﻳﺸﻮﻓﻨﻲ
ﺍﻣﻲ ﮔﻠﺘﻠﻪ ﻭﺍﺣﻨﻪ ﺷﻜﻮﻭ ﺍﻧﺖ ﺭﻭﺡ ﺷﻮﻓﻬﻢ ﻭﻋﻤﻲ ﺷﻌﺠﺐ ﺭﺍﺩﻙ ﻣﻮ ﻣﻘﺎﻃﻌﻚ ﻫﻮﻩ
ﺟﺎﻭﺑﻬﺎ ﺣﻀﺮﻭ ﻧﻔﺴﻜﻢ ﺑﺪﻭﻥ ﻧﻘﺎﺵ ﺍﻟﻮﺍﻟﺪ ﺣﺎﻟﺘﻪ ﺧﻄﺮﻩ ﻭﻳﺮﻳﺪ ﻳﺸﻮﻓﻨﻲ ﻭﻳﺸﻮﻑ ﺍﻟﺒﻨﺎﺕ ﻭﺍﺧﺎﻑ ﺍﺭﻓﺾ ﻭﻳﺎﻛﻠﻨﻲ ﺍﻟﻨﺪﻡ ﺗﺎﻟﻲ ﺗﻌﺮﻓﻴﻦ ﻛﻠﺶ ﺯﻳﻦ ﺍﻧﻲ ﺻﺎﺭ ﺳﻨﻴﻦ ﺍﺭﻳﺪﻩ ﻳﺮﺿﺎ ﻋﻨﻲ
ﺳﻜﺘﺖ ﺍﻣﻲ ﺑﺲ ﺣﺴﻴﺘﻬﺎ ﻣﺘﻮﺗﺮﻩ
ﺭﺩﺕ ﺍﺳﺄﻟﻬﺎ ﻟﻴﺶ ﻣﺘﻘﺎﻃﻌﻴﻦ ﻭﻛﻞ ﻫﺎﻟﻔﺘﺮﻩ ﺍﺣﻨﻪ ﻋﺪﻧﻪ ﺟﺪ ﻭﻣﺸﺎﻳﻔﻲ ﻭﻻﻫﻮﻩ ﺷﺎﻳﻔﻨﻪ ﻟﻴﺶ ﻣﻦ ﻧﺴﺄﻝ ﻳﮕﻮﻟﻮﻥ ﺣﺎﻟﻨﻪ ﺣﺎﻝ ﻫﻮﺍﻱ ﻧﺎﺱ ﻣﺎﻋﺪﻫﻢ ﺍﺣﺪ ﻣﻘﻄﻮﻋﻴﻦ ﻣﻦ ﺷﺠﺮﻩ ﻭﺍﻫﻠﻨﻪ ﺍﻟﻠﻪ ﻳﺮﺣﻤﻬﻢ ﻫﺬﺍ ﭼﺎﻥ ﺟﻮﺍﺏ ﺍﻟﻮﺍﻟﺪ
ﺍﻣﺎ ﺍﻣﻲ ﭼﺎﻧﺖ ﺗﺘﻮﺍﺻﻞ ﺑﺲ ﻭﻱ ﺧﺎﻟﻪ ﻭﺣﺪﻩ ﻣﻦ ﺧﺎﻻﺗﻲ ﻭﺍﻋﺮﻑ ﻋﻼﻗﺘﻬﺎ ﻣﻮ ﺷﻲ ﻭﻱ ﺍﻟﺒﻘﻴﻪ ﻭﺧﻮﺍﻝ ﺍﺻﻼ ﻣﺎﻋﻨﺪﻱ
ﻫﺬﺍ ﺍﻟﻲ ﺍﻋﺮﻓﻪ
ﻭﺍﻧﻲ ﺍﻓﻜﺮ ﻗﻄﻊ ﺍﻓﻜﺎﺭﻱ ﺻﻮﺕ ﺍﻓﻴﺎﺀ
.. ﻣﺎﻣﺎ ﻋﻤﺎﻣﻲ ﻣﻨﻮﻭ ﺑﻴﺖ ﺟﺪﻭﻭ ﺷﻨﻮ ﺗﻌﺮﻓﻴﻦ ﺷﻜﻢ ﺳﻨﻪ ﻋﻤﺮﻱ ﺍﻣﻲ ﻣﺮﺣﻠﻪ ﺛﺎﻧﻴﻪ ﻛﻠﻴﻪ ﺍﻧﻲ ﻳﻌﻨﻲ ١٩ﺳﻨﻪ ﻭﻫﻤﻪ ﻭﻳﻦ ﻋﻨﻜﻢ ﻭﺍﻧﺘﻮ ﻟﻴﺶ ﻣﺘﺤﭽﻮﻥ ﻓﻬﻤﻴﻨﻪ ﺷﻨﻮ ﺍﻟﻘﻀﻴﻪ
ﺟﺎﻭﺑﺘﻬﺎ ﺍﻣﻲ ﻭﻫﻴﻪ ﻣﺘﻮﺗﺮﻩ
.. ﺑﻼ ﺍﺳﺌﻠﻪ ﻫﺴﻪ ﺍﻧﻲ ﻭﻳﻦ ﻭﺍﻧﺘﻮﻭ ﻭﻳﻦ ﺍﻧﻲ ﺍﻋﺮﻑ ﺷﺬﻛﺮﻫﻢ ﺑﺄﺑﻮﻛﻢ ﻭﻣﻦ ﻭﻳﻦ ﺍﻧﺪﻟﻮﻧﻪ ﺻﺪﮒ ﺟﺬﺏ ﺷﺠﺎﺑﻬﻢ ﻋﻠﻴﻨﻪ
.. ﻣﺎﻣﺎ ﺍﻧﺘﻮ ﻟﻴﺶ ﻣﻘﻄﻮﻋﻴﻦ ﻋﻨﻬﻢ
ﺣﺴﻴﺘﻬﺎ ﺗﺮﺩﺩﺕ ﻭﺟﺎﻭﺑﺘﻨﻲ
.. ﻣﭽﺎﻧﻮ ﺭﺍﻳﺪﻳﻦ ﺯﻭﺍﺟﻨﻪ ﻭﺍﺑﻮﺝ ﺭﺍﺩﻧﻲ ﻭﺍﺻﺮ ﻳﺘﺰﻭﺝ ﻭﻣﻦ ﺫﺍﻙ ﺍﻟﻴﻮﻡ ﺟﺪﺝ ﻏﻀﺐ ﻋﻠﻴﻪ ﻭﻃﺮﺩﻩ ﻻﻥ ﺭﺍﻳﺪﻟﻪ ﺑﻨﺖ ﻋﻤﻪ
.. ﻳﻌﻨﻲ ﻛﻞ ﻫﺬﺍ ﺟﻲ ﺍﺑﻮﻳﻪ ﺭﻓﺾ ﻳﺘﺰﻭﺝ ﺑﺖ ﻋﻤﻪ
.. ﺍﻱ ﻣﺎﻣﺎ ﻷﻥ ﻣﻘﺒﻞ ﻳﺘﺰﻭﺝ ﻋﻠﻰ ﻣﺮﺍﻣﻬﻢ
.. ﻋﻮﺫﻩ ﺷﮕﺪ ﺍﻛﺮﻫﺘﻬﻢ ﻫﻴﭻ ﻋﺎﻟﻢ ﺷﻠﻮﻥ ﺑﺎﺑﺎ ﻳﻘﺒﻞ ﻧﺮﻭﺣﻠﻬﻢ ﺷﻠﻮﻥ ﻳﺨﻠﻴﻨﻪ ﻧﺸﻮﻓﻬﻢ
.. ﺍﻧﻲ ﺍﻋﺮﻑ ﺷﺬﻛﺮﻫﻢ ﺑﻴﻨﻪ ﺻﺎﺭ ﺳﻨﻴﻦ ﻣﺮﺗﺎﺣﻴﻦ
ﺍﺣﺲ ﮔﻠﺒﻲ ﺍﻧﻘﺒﺾ ﺷﻠﻮﻥ ﻋﺎﻟﻢ ﻫﺬﻱ ﺷﻠﻮﻥ ﻧﺮﻭﺣﻠﻬﻢ ﺍﻟﻲ ﺍﻋﺮﻓﻪ ﻫﻤﻪ ﻣﺤﺎﻓﻀﺎﺕ ﺍﻫﻞ ﻭﺍﻟﺪﻱ ﺑﺎﻟﻨﺎﺻﺮﻳﻪ ﻭﺍﺣﻨﻪ ﺳﺎﻛﻨﻴﻦ ﺑﻐﺪﺍﺩ ﻋﻤﺮﻱ ﻭﺣﻴﺎﺗﻲ ﻣﺸﺎﻳﻔﻪ ﺍﻟﻨﺎﺻﺮﻳﻪ ﻭﻻ ﺍﻋﺮﻑ ﺷﻨﻮ ﻃﺒﻴﻌﺘﻬﻢ ﻭﺷﻠﻮﻥ ﻋﺎﻳﺸﻴﻦ
ﺑﺲ ﻣﻦ ﻛﻼﻡ ﺍﻣﻲ ﻋﻨﻬﻢ ﺍﺧﺬﺕ ﻓﻜﺮﻩ ﺍﻧﻮ ﻫﻤﻪ ﺗﻔﻜﻴﺮﻫﻢ ﻣﺤﺪﻭﺩ ﻭﻗﺒﻠﻲ
ﻳﻌﻨﻲ ﺍﻛﻮ ﺑﺸﺮ ﺗﻘﺎﻃﻊ ﻭﻟﺪ ﺍﻟﻬﻢ ﺳﻨﻴﻦ ﻷﻥ ﻣﺘﺰﻭﺝ ﺑﺎﺧﺘﻴﺎﺭﻩ ﻳﺎﺭﺑﻲ ﺍﻥ ﺷﺎﺀﺍﻟﻠﻪ ﻣﻨﻄﻮﻝ ﻋﺪﻫﻢ ﻭﻫﺬﻱ ﺍﻟﻔﺘﺮﻩ ﻧﺤﺴﺒﻬﺎ ﺧﻄﺎﺭ ﺍﻭ ﺗﺠﺮﺑﻪ ﺍﺗﺤﺪﻩ ﺑﻴﻬﺎ ﻧﻔﺴﻲ
🔹🔸🥇🔹🔸
ﺍﻧﻲ ﺍﺳﻤﻲ ﻋﻠﻴﺎﺀ ﺍﻟﺴﻨﻪ ﺍﻧﻘﺒﻠﺖ ﻛﻠﻴﻪ ﺗﺮﺑﻴﻪ ﻣﺮﺣﻠﻪ ﺃﻭﻟﻰ ﻭﺍﺧﺘﻲ ﺍﻓﻴﺎﺀ ﺗﺪﺭﺱ ﻛﻠﻴﺔ ﻫﻨﺪﺳﻪ ﻣﺮﺣﻠﻪ ﺛﺎﻧﻴﻪ
ﺣﻴﺎﺗﻨﻪ ﺣﻠﻮﻩ ﻣﺴﺘﻘﺮﻩ ﺑﺲ ﻫﻮﺍﻱ ﺷﻐﻼﺕ ﺗﻨﻘﺼﻨﻪ ﻳﻨﻘﺼﻨﻪ ﺍﺧﻮﻩ ﭼﻨﺖ ﺍﺗﻤﻨﻰ ﻳﺼﻴﺮ ﻋﻨﺪﻱ ﺍﺥ
ﻭﻳﻨﻘﺼﻨﻲ ﺍﻟﺠﻮﻭ ﺍﻟﺤﻠﻮﻭ ﻭﺍﻟﻠﻤﻪ ﺍﻟﻲ ﺗﻜﻮﻥ ﺑﻴﻦ ﺍﻷﻗﺎﺭﺏ ﺻﺪﻳﻘﺎﺗﻲ ﻳﺤﭽﻮﻟﻲ ﻋﻦ ﺍﺟﻮﺍﺋﻬﻢ ﻭﺍﻧﻲ ﺍﺣﻦ ﻭﺍﻓﺘﻘﺪ ﺍﻷﺣﺴﺎﺱ ﺍﻟﻲ ﻫﻤﻪ ﺣﺎﺳﻲ
ﻓﭽﻨﺖ ﻛﻠﺶ ﺍﺣﺐ ﺍﻷﺧﺘﻼﻁ ﻭﺍﻟﻤﺠﺎﻣﻠﻪ ﻭﺣﻴﻞ ﺣﺒﻴﺖ ﺟﻮﻭ ﺍﻟﻜﻠﻴﻪ ﻭﺍﻟﮕﺮﻭﺑﺎﺕ ﺑﺲ ﻣﺤﺘﺮﻣﻪ ﻧﻔﺴﻲ ﺻﺢ ﺍﺿﺤﻚ ﻭﺍﺗﺸﺎﻗﻪ ﺑﺲ ﺑﺤﺪﻭﺩ
ﻳﻌﻨﻲ ﺍﻧﻲ ﻃﺒﻴﻌﺘﻲ ﺍﺟﺎﻣﻞ ﻭﺧﺎﺻﺘﺎ ﺍﻓﺘﻘﺮ ﺍﻟﻬﺬﻱ ﺍﻷﺟﻮﺍﺀ ﺑﺲ ﺍﻋﺮﻑ ﺷﻠﻮﻥ ﺍﺣﻤﻲ ﻧﻔﺴﻲ ﻭﺍﻋﺮﻑ ﻧﻈﺮﺓ ﺍﻷﺷﺨﺎﺹ ﻳﻌﻨﻲ ﻋﻨﺪﻱ ﺣﺪﺱ ﺗﻘﺮﻳﺒﺎ ﺍﻟﻲ ﺍﺷﻮﻓﻪ ﻋﻨﺪﻩ ﺷﻲ ﺭﺃﺳﺎ ﺍﺻﺪﻩ ﻭﻣﺎﺍﻧﻄﻲ ﻣﺠﺎﻝ
ﺑﺎﻟﻴﻮﻡ ﺍﻟﻲ ﺍﺟﻮ ﺑﻲ ﻋﻤﺎﻣﻲ ﺍﻣﻲ ﻣﺘﻮﺗﺮﻩ ﻛﻠﺶ ﻭﻣﺘﺘﺤﺎﺟﻪ ﺣﻀﺮﻧﻪ ﺍﻏﺮﺍﺿﻨﻪ ﮔﺎﻟﺖ ﺍﺧﺬﻭﻭ ﺷﻲ ﻗﻠﻴﻞ ﻷﻥ ﻣﺮﺍﺡ ﺍﻧﻄﻮﻝ
ﺻﺎﺭ ﻋﻨﺪﻱ ﻓﻀﻮﻝ ﺍﺷﻮﻑ ﻋﻤﺎﻣﻲ ﻃﺒﻌﺎ ﻟﻮ ﻣﺎﺍﻟﻜﻼﻡ ﺍﻟﻲ ﮔﺎﻟﺘﻪ ﺍﻣﻲ ﻭﺣﺴﻴﺘﻬﻢ ﻧﺎﺱ ﻣﺘﺨﻠﻔﻴﻦ ﭼﺎﻥ ﺍﺧﺬﺗﻬﻢ ﺑﺎﻷﺣﻀﺎﻥ ﻷﻥ ﺣﻠﻮﻭ ﺑﻌﺪ ﺳﻨﻴﻦ ﻳﻄﻠﻌﻮﻟﻲ ﺍﻫﻞ ﻭﺍﻧﻲ ﺿﺎﻟﻪ ﺑﺤﺴﺮﺗﻬﻢ ﺭﺟﻌﺖ ﺣﭽﻴﺖ ﻭﻱ ﻧﻔﺴﻲ ﺍﻧﻲ ﻟﻴﺶ ﻣﺘﺤﻤﺴﻪ ﻫﻮﻩ ﺍﻛﻮ ﺑﺸﺮ ﻳﻘﺎﻃﻊ ﺍﺧﻮ ﻛﻞ ﻫﺎﻟﺴﻨﻲ
ﺣﺎﭼﻴﺖ ﺍﻓﻴﺎﺀ
.. ﻓﻴﻔﻲ ﻟﭻ ﺍﻧﻲ ﺍﻣﻮﺕ ﺑﺪﻭﻧﭻ ﺑﺮﺑﭻ ﻫﻢ ﻳﺠﻲ ﻳﻮﻡ ﻭﺍﺗﺮﻛﻴﻨﻲ ﺳﻨﻴﻦ ﻃﻮﻳﻠﻪ ﻟﭻ ﺷﻨﻮ ﻣﻦ ﺑﺸﺮ ﺍﻫﻞ ﺑﺎﺑﺎ ﺷﻠﻮﻥ ﻳﻘﺎﻃﻌﻮﻧﻪ ﻛﻞ ﻫﺬﻱ ﺍﻟﻔﺘﺮﻩ
.. ﻻ ﺣﺒﻴﺒﺘﻲ ﺍﻧﻲ ﺍﮔﺪﺭ ﻣﻦ ﺩﻭﻧﭻ ﻭﺍﻟﻠﻪ ﺍﻧﻲ ﻫﻢ ﻣﺤﺘﺎﺭﻩ ﻣﺎﺍﻋﺮﻑ ﺷﻨﻮ ﺍﻟﻲ ﻳﺨﻠﻴﻬﻢ ﻫﻴﭻ ﻳﺴﻮﻭﻥ
.. ﻣﻮ ﻧﺎﻣﺎ ﮔﻠﺘﻠﺞ ﻷﻥ ﻣﺘﺰﻭﺟﻬﺎ ﺑﺪﻭﻥ ﺭﺿﺎﻫﻢ
.. ﻣﻮ ﻣﻌﻘﻮﻟﻪ ﺍﺣﺲ ﺍﻛﻮ ﻏﻴﺮ ﺷﻲ ﻳﻌﻨﻲ ﺍﺫﺍ ﺻﺢ ﻣﻤﻮﺍﻓﻘﻴﻦ ﻳﺰﻋﻠﻮﻥ ﺳﻨﻪ ﺳﻨﺘﻴﻴﻦ ﻣﻮ ﺍﻛﺜﺮ
.. ﻭﺍﻟﻠﻪ ﻣﺎﺍﻋﺮﻑ ﻗﺎﻳﻞ ﻣﺎﻣﺎ ﺗﻜﺬﺏ
.. ﻻ ﺣﺎﺷﺎﻫﺎ ﺑﺲ ﻣﺎﺍﻋﺮﻑ ﺍﺣﺴﻪ ﻣﻮ ﺳﺒﺐ ﻋﻮﻓﻴﻨﻪ ﻣﻨﻬﻢ ﺑﺲ ﻗﻠﺒﻲ ﻣﻤﺮﺗﺎﺡ ﺍﻟﺮﻭﺣﺘﻨﻪ
.. ﻳﻤﻌﻮﺩﻩ ﻛﻠﻬﺎ ﻳﻮﻣﻴﻦ ﻭﻧﺮﺟﻊ ﻧﺨﻠﺼﻬﻢ ﺷﻠﻮﻥ ﻣﻜﺎﻥ ﺍﻛﻴﺪ ﻣﻨﺎﻃﻘﻬﻢ ﺭﻳﻔﻴﻪ ﺷﻠﻮﻥ ﺭﺍﺡ ﻧﺘﺤﻤﻞ ﻫﺎﻟﻴﻮﻣﻴﻦ
.. ﻭﺍﻟﻠﻪ ﻣﺎﺍﻋﺮﻑ ﺑﺲ ﻣﻤﺒﻴﻦ ﻋﻠﻴﻬﻢ ﻣﻦ ﺍﻟﺮﻳﻒ ﺷﻔﺘﻲ ﻋﻤﺎﻣﻲ ﻣﺒﻴﻨﻴﻦ ﻭﻟﺪ ﻣﺪﻳﻨﻪ
.. ﻋﺰﻩ ﻭﻳﻦ ﺷﻔﺘﻴﻬﻢ ﺍﻟﻔﻀﻮﻝ ﺩﻣﺮﻧﻲ ﻭﺍﺗﻲ ﻣﺸﺎﻳﻔﺘﻬﻢ
.. ﻣﻦ ﺍﻟﺸﺒﺎﻙ ﺷﻔﺘﻬﻢ ﭼﺎﻧﻮ ﻃﺎﻟﻌﻴﻦ ﻳﻐﺴﻠﻮﻥ
.. ﺑﺮﺑﭻ ﺷﮕﺪ ﺍﻋﻤﺎﺭﻫﻢ
.. ﺗﻘﺮﻳﺒﺎ ﻣﻮﺍﻟﻴﺪ ﺳﺘﻴﻨﺎﺕ ﻫﻴﭻ ﺷﻲ
.. ﺃﻭﻭﻭﻑ ﻏﻴﺮ ﺗﻜﻠﻴﻠﻲ ﺍﺷﻮﻓﻬﻢ ﻭﻳﺎﭺ
.. ﺷﻤﻌﺮﻓﻨﻲ ﺍﻧﻲ ﺻﺪﻓﻪ ﺻﺎﺭﺕ ﭼﻨﺖ ﺍﻏﺴﻞ ﻣﻮﺍﻋﻴﻦ ﻉ ﺍﻟﺴﻨﻚ ﻭﺷﻔﺘﻬﻢ ﻣﻦ ﺍﻟﺸﺒﺎﻙ
ﻭﺭﻩ ﺷﻮﻳﻪ ﺍﺑﻮﻳﻪ ﮔﺎﻝ ﺳﻠﻤﻮﻭ ﻋﻠﻰ ﻋﻤﺎﻣﻜﻢ
ﺭﺣﻨﻪ ﻭﺣﺪﻩ ﺗﺪﻓﻊ ﺍﻟﺜﺎﻧﻴﻪ ﺣﺘﻪ ﺗﻜﻮﻥ ﻫﻴﻪ ﺑﺎﻟﻤﻘﺪﻣﻪ
ﺍﻧﻲ ﻃﺒﻴﻌﺘﻲ ﺷﻮﻳﻪ ﺃﺟﺮﺃ ﻣﻦ ﺍﻓﻴﺎﺀ
ﺭﺣﺖ ﺍﻧﻲ ﺳﻠﻤﺖ ﻭﭼﻨﺖ ﻣﺮﻛﺰﻩ ﺣﺘﻪ ﺍﺷﻮﻑ ﻣﻼﻣﺤﻬﻢ ﺑﻴﻬﻢ ﺷﺒﻪ ﺍﻟﺒﺎﺑﺎ ﻟﻮ ﻻ
.. ﺃﻟﺴﻼﻡ ﻋﻠﻴﻜﻢ
.. ﻭﻋﻠﻴﻜﻢ ﺍﻟﺴﻼﻡ ﻳﺎﻫﻼ ﺑﺤﺒﺎﻳﺒﻲ ﺗﻌﺎﻟﻦ ﺑﻮﻳﻪ ﺗﻌﺎﻟﻦ ﺍﻧﻲ ﻋﻤﭽﻦ ﺍﺑﻮ ﺍﺣﻤﺪ ﻭﻫﺬﺍ ﻋﻤﭽﻦ ﺧﺎﻟﺪ ﺍﺑﻮ ﻭﻟﻴﺪ
ﺭﺣﻨﻪ ﺑﻮﺳﻨﺎﻫﻢ ﻭﮔﻌﺪﻧﻪ ﺑﺲ ﻛﻠﺶ ﻣﺴﺘﺤﻴﺎﺕ
ﻛﻞ ﺷﻮﻳﻪ ﺍﺗﺼﻲ ﺭﺍﺳﻲ ﻭﺍﺭﺟﻊ ﺍﺑﺎﻭﻉ ﻋﻠﻴﻬﻢ
ﻋﻤﻮ ﺍﺑﻮ ﺍﺣﻤﺪ ﺍﺳﻤﺮ ﻋﻠﻰ ﺣﻤﺎﺭ ﻃﻮﻳﻞ ﻭﺷﻜﻠﻪ ﺷﺨﺼﻴﻪ ﻻﺑﺲ ﺑﻨﻄﺮﻭﻥ ﻭﻗﻤﻴﺺ ﻳﻌﻨﻲ ﺻﺪﮒ ﻋﺎﻳﺸﻴﻦ ﺑﺎﻟﻤﺪﻳﻨﻪ ﺍﻟﻲ ﺍﻋﺮﻓﻪ ﺍﻫﻞ ﺍﻟﺮﻳﻒ ﻣﻴﻠﺒﺴﻮﻥ ﻫﻴﭻ
ﻭﻋﻤﻮ ﺧﺎﻟﺪ ﺍﺑﻮ ﺃﺑﻴﺾ ﻋﻨﺪﻩ ﻟﺤﻴﻪ ﺧﻔﻴﻔﻪ ﻭﻻﺑﺲ ﻗﺎﻁ ﺭﺳﻤﻲ ﺗﻘﺮﻳﺒﺎ ﻣﻮﺍﻟﻴﺪﻩ ﺗﺠﻲ ﻧﻬﺎﻳﺔ ﺍﻟﺴﺘﻴﻨﺎﺕ ﺑﻲ ﺷﺒﻪ ﻫﻮﺍﻱ ﻣﻦ ﻭﺍﻟﺪﻱ ﺑﺲ ﻭﺍﻟﺪﻱ ﺑﻴﺎﺿﻪ ﻋﻠﻰ ﺣﻤﺎﺭ ﻣﺎﺍﻋﺮﻑ ﻫﻤﻪ ﺑﺸﺮﺗﻬﻢ ﺍﻟﺸﻤﺲ ﻣﻐﻴﺮﺗﻬﺎ ﻟﻮ ﻫﻤﻪ ﻳﺨﺘﻠﻔﻮﻥ ﻋﻦ ﺍﺑﻮﻳﻪ
ﻋﻤﻮ ﺍﺑﻮ ﺍﺣﻤﺪ ﮔﺎﻝ ﺑﺎﭼﺮ ﻧﺎﺧﺬﻛﻢ ﺗﺘﻌﺮﻓﻮﻥ ﻋﻠﻰ ﺍﻫﻠﻜﻢ ﺟﺪﻛﻢ ﺭﺍﻳﺪ ﻳﺸﻮﻓﻜﻢ ﻭﺍﺣﻨﻪ ﻣﻦ ﺯﻣﺎﻥ ﻣﺘﻠﻬﻔﻴﻦ ﺍﻟﺸﻮﻓﺘﻜﻢ ﺣﺴﻴﺘﻪ ﻳﺮﻳﺪ ﻳﺤﭽﻲ ﺑﺲ ﻭﺍﻟﺪﻱ ﻗﺎﻃﻌﻪ ﻣﺘﻌﻤﺪ ﺣﺐ ﻳﻐﻴﺮ ﺍﻟﻤﻮﺿﻮﻉ ﻣﺎﺍﻋﺮﻑ ﺍﺣﺲ ﺍﻛﻮ ﺷﻲ ﻧﺎﻗﺺ ﺑﻜﻼﻣﻪ
🔸🔹🥇🔸🔹
ﺳﺄﻟﻪ ﻭﺍﻟﺪﻱ ﻋﻦ ﺍﻣﻪ ﻭﺷﻠﻮﻥ ﺻﺤﺘﻬﺎ ﺍﻭﻝ ﻣﺮﻩ ﺍﺑﻮﻳﻪ ﻳﺠﻴﺐ ﺳﻴﺮﺓ ﺍﻣﻪ
ﻋﻤﻮ ﮔﻠﻪ ﺯﻳﻨﻪ ﺍﻟﺤﻤﺪﻟﻠﻪ ﻭﺑﻌﺪ ﻣﺤﭽﻪ ﺷﻲ ﺗﻮﻗﻌﺖ ﻳﻜﻠﻪ ﺗﺮﻳﺪ ﺗﺸﻮﻓﻚ ﻣﺸﺘﺎﻗﺘﻠﻚ ﻫﻴﭻ ﺷﻲ ﻳﻌﻨﻲ ﺑﺲ ﻣﮕﺎﻝ ﺷﻲ
ﺷﻨﻮ ﻫﺎﻷﻫﻞ ﻳﺎﺭﺑﻲ ﺍﻟﺤﻤﺪﻟﻠﻪ ﺍﻫﻠﻨﻪ ﻧﺎﺱ ﻳﺨﺎﻓﻮﻥ ﺍﻟﻠﻪ ﺑﻴﻨﻪ
ﺍﻟﺘﻬﻴﻨﻪ ﺑﻴﻮﻣﻬﺎ ﺑﻴﻦ ﺍﻓﻜﺎﺭﻧﻪ ﺍﻟﻲ ﺗﻮﺩﻱ ﻭﺗﺠﻴﺐ ﻭﺑﻴﻦ ﺗﺤﻀﻴﺮﺍﺕ ﺍﻟﻐﺪﻩ ﻭﺍﻟﻌﺸﻪ ﻭﺍﻟﻀﻴﺎﻓﻪ ﺍﺷﻮﻑ ﺑﺎﺑﺎ ﻓﺮﺣﺎﻥ ﺑﺠﻤﻌﺘﻬﻢ ﺯﻳﻦ ﻟﻴﺶ ﻣﺤﺎﻭﻝ ﻭﻳﺎﻫﻢ ﻗﺒﻞ
ﻭﺍﺷﻮﻑ ﺍﻣﻲ ﻋﻜﺲ ﺑﺎﺑﺎ ﻣﺘﻮﺗﺮﻩ ﻭﺿﺎﻳﺠﻪ ﻛﻠﺶ ﺍﺣﺴﻬﺎ ﻣﻮ ﻃﺒﻴﻌﻴﻪ ﺍﺑﺪ
ﺛﺎﻧﻲ ﻳﻮﻡ ﺭﺣﻨﻪ ﺑﺴﻴﺎﺭﺓ ﻋﻤﻮﻭ ﺍﺑﻮ ﺍﺣﻤﺪ ﻭﻋﻤﻮ ﺧﺎﻟﺪ ﺭﺟﻊ ﺑﺴﻴﺎﺭﺗﻪ ﻭﺣﺪﻩ ﻷﻥ ﺍﺑﻮﻳﻪ ﺣﺐ ﻳﺒﻘﻪ ﻭﻳﺎﻧﻪ
ﺑﺲ ﻛﻞ ﺷﻮﻳﻪ ﻧﺸﻮﻑ ﺳﻴﺎﺭﺗﻪ ﻗﺮﻳﺒﻪ ﺍﻟﻨﻪ ﻳﻌﻨﻲ ﻳﻤﺸﻲ ﻧﻔﺲ ﺍﻟﻤﺴﺘﻮﻯ
ﺍﻟﻄﺮﻳﻖ ﻃﺔﻳﻞ ﻭﻛﻞ ﺷﻮﻳﻪ ﻧﺴﺄﻝ ﺑﺎﺑﺎ ﺷﮕﺪ ﺑﻌﺪ ﻭﻧﻮﺻﻞ ﻳﮕﻠﻲ ﻣﺎﺿﻞ ﺷﻲ
ﻭﻧﺒﻘﻪ ﻧﻤﺸﻲ ﻓﺘﺮﻩ ﻃﻮﻳﻠﻪ ﺍﻟﻲ ﻋﺮﻓﻨﺎﻩ ﻫﻤﻪ ﻣﻮ ﺑﻤﺮﻛﺰ ﺫﻱ ﻗﺎﺭ ﻫﻤﻪ ﺑﺎﺣﺪ ﺍﻷﻗﻀﻴﻪ ﻭﺍﻟﻨﻮﺍﺣﻲ
ﺍﻧﻲ ﻣﺎﺍﻋﺮﻑ ﻃﺒﻴﻌﺔ ﺍﻻﻗﻀﻴﻪ ﻣﺎﻟﺘﻬﻢ ﺑﺲ ﺭﺃﺳﺎ ﻓﻜﺮﺕ ﻫﻤﻪ ﺑﻘﺮﻯ ﻭﺍﺭﻳﺎﻑ ﺍﻭﻳﻠﻲ ﺷﺮﺍﺡ ﻳﻔﻀﻬﺎ
ﺷﻮﻛﺖ ﺍﺭﺟﻊ ﺍﻟﻤﺪﻳﻨﺘﻲ ﺣﺘﻪ ﺻﺪﻳﻘﺘﻲ ﻋﻼ ﻣﺎﺑﻠﻐﺘﻬﺎ ﺑﺎﻟﻲ ﺻﺎﺭ ﻭﻻﺗﻌﺮﻑ ﺑﻴﻪ ﻣﺴﺎﻓﺮﻩ ﻋﻼ ﺭﻓﻴﻘﺔ ﺩﺭﺑﻲ ﻣﻦ ﺍﻷﺑﺘﺪﺍﺋﻴﻪ ﻟﻠﻤﺘﻮﺳﻄﻪ ﻭﺍﻋﺪﺍﺩﻳﻪ ﻭﺍﺧﺮ ﺷﻲ ﺩﺧﻠﻨﻪ ﺟﺎﻣﻌﻪ ﺳﻮﻩ ﻋﺒﺎﻟﻚ ﺍﻧﻲ ﻭﻳﺎﻫﺎ ﺗﻮﺃﻡ ﻭﺍﻟﻠﻪ ﻟﻮ ﺗﺪﺭﻱ ﺍﻧﻲ ﻭﻳﻦ ﺟﺎﻳﻪ ﻭﻋﻤﺎﻣﻲ ﺍﻟﻲ ﻃﻠﻌﻮﻟﻲ ﺗﺎﻟﻲ ﻭﻛﺖ
ﻭﺻﻠﻨﻪ ﺑﻌﺪ ﻣﺤﺴﻴﺖ ﻧﻔﺴﻲ ﺗﻜﺴﺮﺕ ﻣﻦ ﺍﻟﻄﺮﻳﻖ
ﻭﺍﻟﺪﻱ ﻣﺘﺤﻤﺲ ﻛﻠﺶ
ﻭﺍﺣﻨﻪ ﺍﺣﺴﺎﺳﻨﻪ ﻣﺨﺮﺑﻂ ﺩﺍﺧﻠﻴﻦ ﺍﻟﻤﻜﺎﻥ ﻣﺠﻬﻮﻝ ﻭﺍﻟﻨﺎﺱ ﻣﺠﻬﻮﻟﻴﻦ ﻣﻨﻌﺮﻑ ﺷﻨﻮ ﻭﺷﻠﻮﻥ ﻧﺘﺼﺮﻑ
ﺭﻛﺰﺕ ﻉ ﺍﻟﻤﻨﻄﻘﻪ ﺯﻳﻨﻪ ﺑﻴﻮﺗﻬﻢ ﺣﻠﻮﻩ ﻭﺑﻨﻴﺎﻥ ﺟﺪﻳﺪ ﻣﻮ ﻣﺜﻞ ﻣﻤﺘﻮﻗﻌﻪ ﻫﻤﻪ ﺳﺎﻛﻨﻴﻦ ﺑﻤﺪﻳﻨﺔ ﻣﻮ ﺑﺮﻳﻒ
ﺑﻴﺖ ﺟﺪﻭﻭ ﺟﺒﻴﺮ ﺗﻘﺮﻳﺒﺎ ﺳﺘﻤﻴﺔ ﻣﺘﺮ ﻣﺒﻴﻴﻦ ﻳﻨﻴﺎﻥ ﺟﺪﻳﺪ ﻭﺍﺟﻬﺔ ﺍﻟﺒﻴﺖ ﺣﺠﺮ ﻭﻣﺼﻤﻤﻴﻬﺎ ﺗﺼﻤﻴﻢ ﺣﻠﻮﻭ
ﺍﻟﺒﺎﺏ ﺳﻼﻳﺖ ﺑﺲ ﻫﻮﺍﻱ ﺷﺒﺎﺏ ﻭﺍﮔﻔﻴﻦ ﻳﻢ ﺍﻟﺒﺎﺏ ﻻﻛﻮﻭ ﺑﺎﺑﺎ ﻭﻋﻤﺎﻣﻲ ﺑﻮﺳﻮﻫﻢ ﻭﺍﻟﺒﻴﺖ ﺑﻲ ﺧﻤﺲ ﻧﺴﻮﺍﻥ ﻛﻠﻬﻢ ﺑﺎﻟﻄﺮﻣﻪ ﺑﻴﻬﻢ ﺑﻌﻤﺮ ﺍﻣﻲ ﻭﺑﻴﻬﻢ ﺍﺛﻨﻴﻦ ﺷﺎﺑﺎﺕ ﺍﻛﺒﺮ ﻣﻨﻪ ﻭﺣﺪﻩ ﺍﺻﻐﺮ
ﺟﻨﻪ ﻣﺘﺤﻴﺮﻳﻦ ﺳﻠﻤﻨﻪ ﻭﺍﺣﻨﻪ ﻣﻨﻌﺮﻑ ﻧﺘﺼﺮﻑ ﺑﺲ ﻫﻨﻪ ﻣﺴﺘﻐﺮﺑﺎﺕ ﻟﺒﺴﻨﻪ ﭼﻨﻪ ﻻﺑﺴﻴﻦ ﻣﺎﻧﺘﻮﺍﺕ ﻭﺍﻟﺪﻱ ﻃﻠﺐ ﻣﻨﻪ ﻣﻨﻠﺒﺲ ﺑﻨﺎﻃﻴﺮ ﻭﻻ ﺗﻨﻮﺭﺍﺕ ﻭﻗﻤﺼﺎﻥ ﺍﺣﻨﻪ ﻫﻴﭻ ﻧﻠﺒﺲ ﺍﻛﺜﺮ ﺷﻲ ﺑﺲ ﻫﻮﻩ ﻳﻤﻜﻦ ﻳﻌﺮﻑ ﻃﺒﻴﻌﺔ ﺍﻫﻠﻪ
ﻳﻌﻨﻲ ﺍﺣﻨﻪ ﻫﻴﭻ ﻟﺒﺴﻨﻪ ﻭﺑﻴﻴﻨﻪ ﻧﺸﺎﺯ
ﺍﻣﻲ ﻻﺑﺴﻪ ﺟﺒﻪ ﻫﻢ ﺑﺲ ﺍﺣﺲ ﻣﺴﺘﻐﺮﺑﻴﻨﻪ ﻋﺒﺎﻟﻚ ﺩﺍﺧﻠﻴﻬﻢ ﻻﺑﺴﻴﻦ ﺧﻠﻊ ﺟﺎﻧﻦ ﻣﻠﻬﻮﻓﺎﺕ ﻳﺸﻮﻓﻨﻪ ﺑﺲ ﺍﺗﻌﺎﻣﻠﻦ ﻭﻱ ﺍﻣﻲ ﺍﺑﺮﻭﺩ ﻭﺍﻣﻲ ﻋﺒﺎﻟﻚ ﺍﺗﻌﺎﻟﺖ ﻋﻠﻴﻬﻢ ﺍﻭ ﻣﺤﺎﺑﺘﻬﻢ ﻣﺎﺍﻋﺮﻑ ﺑﺲ ﺍﺣﻨﻪ ﻻ ﺣﺴﻴﻨﺎﻫﻢ ﻓﺮﺣﺎﻧﻴﻦ ﺑﺸﻮﻓﺘﻨﻪ ﺩﺧﻠﺘﻨﻪ ﻣﺮﻳﻪ ﭼﺒﻴﺮﻩ ﺑﺲ ﺣﻠﻮﻩ ﺑﻴﻀﻪ ﻭﻣﻼﻣﺤﻬﺎ ﻛﻠﺶ ﺣﻠﻮﻭﻩ ﻭﻫﺎﺩﺋﻪ ﮔﺎﻟﺖ ﺗﻌﺎﻟﻮ ﻋﻤﻪ ﻓﻮﺗﻮ ﺣﺒﻮﺑﺘﺠﻦ ﺗﺸﻮﻓﺠﻦ
ﺭﺣﻨﻪ ﻭﺭﺍﻫﺎ ﺷﻔﻨﻪ ﻣﺮﻳﻪ ﻣﻮ ﻛﻠﺶ ﭼﺒﻴﺮﻩ ﺑﺎﻟﻌﻤﺮ ﻭﺟﻬﻪ ﺑﻲ ﺩﮔﺎﺕ ﺯﺭﮒ ﻋﻠﻰ ﺣﻮﺍﺟﺒﻬﺎ ﺷﻠﻮﻥ ﺍﻟﺘﺎﺗﻮ ﻫﺴﻪ ﺑﺲ ﻟﻮﻧﻪ ﺍﺯﺭﮒ ﻭﺑﺤﻨﭽﻬﺎ ﻧﻘﺸﻪ ﻫﻢ ﺑﺲ ﭼﺎﻧﺖ ﻣﻘﻌﺪﻩ ﻳﻌﻨﻲ ﻋﻠﻰ ﻛﺮﺳﻲ ﮔﺎﻋﺪﻩ ﺗﻔﺎﺟﺄﺕ ﻷﻥ ﺍﻟﻲ ﺑﻌﻤﺮﻫﺎ ﺑﻌﺪﻫﻢ ﻧﺸﻄﻴﻦ ﻣﻤﺒﻴﻦ ﭼﺒﻴﺮﻩ ﻛﻠﺶ
ﺩﻣﻌﺖ ﻋﻴﻮﻧﻬﺎ ﻣﻦ ﺷﺎﻓﺘﻨﻪ ﺣﻀﻨﺘﻨﻲ ﺍﻧﻲ ﻭﺍﻓﻴﺎﺀ ﻭﺿﻠﺖ ﺗﻤﺴﺢ ﺑﺪﻣﻮﻋﻬﺎ
ﻭﺿﻠﺖ ﺗﻨﻌﻪ ﺑﺼﻮﺕ ﺣﺰﻳﻦ
ﺳﺎﻋﺔ ﺍﻟﺴﻮﺩﻩ ﺍﻟﺒﻴﻬﺎ ﺗﻨﺴﻴﺖ
ﻭﺗﺤﺖ ﺍﻟﻀﻠﻊ ﻳﺎﻟﻮﻟﺪ ﺭﻓﻴﺖ
ﻫﻨﺎ ﻳﻴﺎﺳﺮ ﻫﻨﺎ ﻳﻴﻤﻪ
ﻋﺮﻓﺘﻬﺎ ﺗﻘﺼﺪ ﺑﺎﺑﺎ
ﮔﺎﻟﺘﻠﻬﺎ ﺍﻟﻤﺮﻳﻪ ﺍﻟﻲ ﻓﻮﺗﺘﻨﻪ ﻳﻤﻪ ﻭﻛﺖ ﻧﻌﺎﻭﻳﺞ ﻫﺴﻪ
ﻣﻮ ﺍﺟﻮﻭ ﺑﺎﻟﺴﻼﻣﻪ ﻭﺭﺍﺡ ﺗﺸﻮﻓﻲ ﺷﺘﺮﺩﻳﻦ ﺑﻌﺪ ﻋﻮﻓﻲ ﺍﻟﺮﺍﺡ ﻳﻮﻟﻲ ﺍﻧﺘﻮ ﻣﺤﺘﺎﺟﻲ ﻭﻫﻮﻩ ﻣﺤﺘﺎﺟﻜﻢ ﻣﻮ ﻛﺎﻓﻲ ﺑﻨﺎﺗﻪ ﻛﺒﺮﻥ ﻭﻫﻨﻪ ﺑﻐﺮﺑﻪ
ﺍﻧﻲ ﻋﻴﻦ ﻋﻠﻴﻬﻢ ﻭﻋﻴﻦ ﻋﻠﻰ ﺍﻣﻲ ﺍﺣﺴﻬﺎ ﺷﻮﻳﻪ ﻭﺗﻨﻔﺠﺮ
ﻭﺍﻧﻲ ﻭﺍﻓﻴﺎﺀ ﺍﻃﺮﺵ ﺑﺎﻟﺰﻓﻪ
ﺷﻮﻳﻪ ﻭﺳﻤﻌﻨﻪ ﺍﺻﻮﺍﺗﻬﻢ ﺩﺧﻠﻮﻭ ﺷﺒﺎﺏ ﺍﻛﻮ ﻭﻋﻤﺎﻣﻲ
ﻫﻢ ﻭﻳﺎﻫﻢ
ﻣﻦ ﺩﺧﻞ ﺍﺑﻮﻳﻪ ﺿﻞ ﻳﺸﻬﮓ ﻣﻦ ﺷﺎﻑ ﺑﻴﺒﻲ
ﺑﭽﻪ ﺑﺼﻮﺕ ﻋﺎﻟﻲ ﻭﻋﻤﺮﻱ ﻭﺣﻴﺎﺗﻲ ﻣﺸﺎﻳﻔﻪ ﺑﺎﺑﺎ ﺑﻬﺎﻟﺸﻜﻞ ﻭﻫﻴﻪ ﻫﻢ ﺿﻠﺖ ﺗﺒﺠﻲ ﻭﺑﭽﻴﺘﻬﺎ ﻣﺘﻘﻄﻌﻪ ﻣﻦ ﮔﺪ ﻣﺎﺷﻬﮕﺖ ﻭﺭﺩﺕ ﺍﻟﻜﻠﻤﺎﺕ ﺍﻟﮕﺎﻟﺘﻬﻦ ﺍﻭﻝ ﻣﺎﺩﺧﻠﻨﻪ ﻭﺯﺍﺩﺕ ﻋﻠﻴﻬﻦ ﺑﺼﻮﺕ ﺣﻨﻴﻦ ﻛﻠﺶ ﺍﻭﻝ ﻣﺮﻩ ﻳﺄﺛﺮ ﺑﻴﻪ ﻟﻜﻴﺖ ﻧﻔﺴﻲ ﺍﺑﺠﻲ ﺍﻧﻲ ﻭﺍﻓﻴﺎﺀ ﻭﻛﻞ ﺍﻟﻤﻮﺟﻮﺩﻳﻦ ﺣﺘﻪ ﺍﻣﻲ
ﻭﺍﻟﻮﻟﺪ ﻫﻢ
ﺿﻠﺖ ﺗﺮﺩﺩ
ﺭﺑﻴﺘﻜﻢ ﺑﺪﻣﻮﻉ ﺍﻟﻌﻴﻮﻥ
ﻭﻣﺎﺣﺴﺒﺖ ﺑﻴﻮﻡ ﺗﺮﺣﻮﻥ
ﻭﺿﻠﺖ ﺗﻌﺎﺗﺐ ﻭﻫﻴﻪ ﺗﺸﻬﮓ
ﻟﻴﺶ ﻫﻴﭻ ﻭﻟﻚ ﻳﻤﻪ ﺷﻠﻮﻥ ﻫﻨﺖ ﻋﻠﻴﻚ ﻛﻞ ﻫﺎﻱ ﺍﻟﺴﻨﻴﻦ
ﻭﻟﻚ ﻣﺎﺣﻨﻴﺖ ﺍﻷﻣﻚ ﻫﺬﺍ ﺍﻟﻐﺬﺍﻙ ﻣﺎﺻﺦ ﺍﺷﺮﺕ ﻋﻠﻰ ﺻﺪﺭﻫﺎ ﻭﺍﺑﻮﻳﻪ ﮔﻌﺪ ﻣﻘﺎﺑﻴﻠﻬﺎ ﻭﻫﻴﻪ ﻉ ﺍﻟﻜﺮﺳﻲ ﻭﺩﻧﮓ ﻳﺒﻮﺱ ﺭﺟﻠﻴﻬﺎ
ﻳﺎﺭﺑﻲ ﺷﻨﻮ ﺍﻧﻲ ﻭﻳﻦ ﻭﺷﻨﻮ ﺍﻟﻲ ﺟﺎﻱ ﻳﺼﻴﺮ
ﺷﻮﻳﻪ ﻭﺳﻤﻌﻨﻪ ﺻﻮﺕ ﻫﻮﺭﻥ ﻗﻮﻱ
ﻋﻤﻲ ﺍﺑﻮ ﺧﺎﻟﺪ ﺻﺎﺡ ﺍﻟﻮﺍﺣﺪ ﻣﻦ ﺍﻟﺸﺒﺎﺏ
ﺃﻣﺠﺪ ﺑﺴﺮﻋﻪ ﺍﻃﻠﻊ ﻋﻔﻨﻪ ﺳﻴﺎﺭﺍﺗﻨﻪ ﺑﺎﻟﮕﺮﺍﺝ ﻃﻠﻌﻬﻦ ﺍﻛﻴﺪ ﺍﻟﺸﻴﺦ ﻭﺻﻞ ﻭﻳﺮﻳﺪ ﻳﺪﺧﻞ ﻭﻣﺎﻛﻮ ﻣﺠﺎﻝ
ﺍﺟﻪ ﺃﺑﺎﻟﻲ ﺍﻛﻴﺪ ﻫﺬﺍ ﻋﻤﻲ ﺍﻟﭽﺒﻴﺮ ﻳﻌﻨﻲ ﻫﻮﻩ ﺍﻟﺸﻴﺦ ﻣﻄﻠﻊ ﺟﺪﻭ ﻣﻦ ﺍﻟﻤﺴﺘﺸﻔﻰ
ﺍﻣﺠﺪ ﺍﺧﺬ ﺳﻮﻳﭻ ﺍﻟﺴﻴﺎﺭﻩ ﻭﺷﻤﺮ ﺍﻟﺜﺎﻧﻲ ﻋﻠﻰ ﺛﺎﻧﻲ ﻭﮔﻠﻪ ﻭﻟﻴﺪ ﺗﻌﺎﻝ ﻭﺭﺍﻱ ﻃﻠﻊ ﺳﻴﺎﺭﺓ ﻋﻤﻲ ﻫﺴﻪ ﻋﻠﻲ ﺻﺎﻳﺮ ﻧﺎﺭ ﺍﻛﻴﺪ
ﻣﺎﻫﻤﻨﻲ ﺍﻟﻤﻮﺿﻮﻉ ﺷﻨﻮ ﻋﻠﻲ ﺷﻨﻮ ﺷﻴﺦ
ﺑﻴﺒﻲ ﻣﻦ ﻋﺮﻓﺖ ﺟﺪﻭﻭ ﻭﺻﻞ ﺳﻜﺘﺖ ﻭﻫﻤﻪ ﻫﻢ ﻛﻠﻮﻟﻬﺎ ﺍﻟﻮﺍﻟﺪ ﺗﻌﺒﺎﻥ ﺍﻛﻴﺪ ﻟﺘﺰﻳﺪﻭﻫﺎ ﻋﻠﻴﻪ
🔹🔸🥇🔹🔸
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء