رواية امقت اعرافهم لكنها حيتني الجزء الرابع
للكاتبة نور
🔹🔸🥇🔹🔸
ﺭﺟﻌﺖ ﺍﻷﻣﻲ ﻭﮔﺘﻠﻬﺎ ﺍﻟﻜﻼﻡ ﺍﻟﻲ ﺑﻠﻐﻨﻲ ﺑﻲ ﻋﻼﺀ ﺑﻌﺪ ﺍﻟﺴﻨﻪ ﻭﺩﺍﺭﺕ ﻻﺯﻡ ﺗﻮﺍﻓﻖ ﻉ ﺍﻟﺨﻄﻮﺑﻪ ﻭﮔﺘﻠﻬﺎ ﻳﮕﻮﻝ ﺑﻠﻐﻮ ﻋﻤﺎﻣﭻ ﻭﺍﻟﻮﻟﺪ ﺻﺎﺭ ﺍﻛﺜﺮ ﻣﻦ ﺳﻨﻪ ﻫﻮﻩ ﺭﺍﻳﺪ ﻳﺘﻘﺪﻡ ﺑﺲ ﺍﻟﻲ ﺻﺎﺭ ﺍﺧﺮﻧﻪ
ﻃﺒﻌﺎ ﺍﻣﻲ ﻓﻬﻤﺖ ﺍﻧﻮ ﺍﻛﻴﺪ ﺍﻛﻮ ﺗﻮﺍﺻﻞ ﺑﻴﻨﻪ
ﺟﺎﻭﺑﺘﻨﻲ ﺃﻣﻲ
.. ﻣﺎﻛﻮ ﺩﺍﻋﻲ ﻋﻤﺎﻣﭻ ﻳﻌﺮﻓﻮﻥ ﻭﻻ ﺍﻟﻬﻢ ﺳﻠﻄﻪ ﻋﻠﻴﺠﻦ ﺣﺘﻪ ﻧﺎﺧﺬ ﻣﻮﺍﻓﻘﺘﻬﻢ ﺍﻟﻮﻟﺪ ﺧﻞ ﻳﺘﻘﺪﻡ ﻭﻳﺼﻴﺮ ﺧﻴﺮ
.. ﻣﺎﻣﺎ ﺷﻠﻮﻥ ﻳﻌﻨﻲ ﻏﻴﺮ ﻫﻴﻪ ﻫﺬﻱ ﺍﻷﺻﻮﻝ ﻣﻦ ﻳﺠﻮﻥ ﺭﻳﺎﺟﻴﻞ ﻣﻨﻮﻭ ﻳﮕﻌﺪﻟﻬﻢ
.. ﻣﻌﻠﻴﭻ ﺍﻧﻲ ﺍﺗﺼﺮﻑ ﺭﺟﻮﻟﺔ ﺧﺎﻟﺘﭻ ﻭﻭﻟﺪﻫﻦ ﻭﺻﻴﺤﻲ ﺍﺧﺘﭻ ﺍﻓﻴﺎﺀ ﻗﺮﺭﺕ ﺍﻧﻄﻴﻬﺎ ﺍﻷﺑﻦ ﺧﺎﻟﺘﭻ
.. ﻣﺎﻣﺎ ﺍﻭﮔﻔﻲ ﺍﻭﮔﻔﻲ ﺗﻨﻄﻴﻦ ﻣﻨﻮ ﺍﻟﻤﻨﻮ ﻫﻮﻩ ﻣﻨﻮ ﺍﺑﻦ ﺧﺎﻟﺘﻲ ﻭﻭﻳﻦ ﻧﻌﺮﻓﻪ ﻭﻣﻨﻮ ﻳﮕﻮﻝ ﺍﻓﻴﺎﺀ ﺗﻮﺍﻓﻖ
.. ﻣﻌﻠﻴﭻ ﺍﻧﺘﻲ ﺗﻮﺍﻓﻖ ﺍﺭﻳﺪ ﺍﺭﺗﺎﺡ ﻣﻦ ﻫﻤﻜﻢ ﺍﺑﻮﻛﻢ ﻋﺎﻓﻜﻢ ﻋﻠﻴﻪ ﻭﺍﻧﻲ ﻟﻴﻞ ﻭﻧﻬﺎﺭ ﺍﻓﻜﺮ ﻭﻳﻦ ﺗﺮﺣﻮﻥ ﻭﺷﻨﻮ ﻣﺼﻴﺮﻛﻢ ﻟﭻ ﺍﺧﺎﻑ ﻋﻠﻴﺠﻦ ﺍﺧﺎﻑ ﺍﻫﻞ ﺍﺑﻮﺝ ﻳﺨﻠﻮﻛﻢ ﺑﺮﺍﺳﻬﻢ ﻭﺗﺎﻟﻲ ﺍﻧﺤﺮﻡ ﻣﻨﺠﻦ ﺑﻌﺪ ﻫﺬﺍ ﺍﻟﻌﻤﺮ
.. ﻣﺎﻣﺎ ﻟﺘﻔﻜﺮﻳﻦ ﻭﺧﻠﻲ ﻛﻠﺸﻲ ﻋﻠﻰ ﺍﻟﻠﻪ ﻟﻌﺪ ﻳﺼﻴﺮ ﺗﻨﻄﻴﻦ ﺍﻓﻴﺎﺀ ﻫﻴﺞ ﺑﺪﻭﻥ ﻣﺘﺎﺧﺬﻳﻦ ﻣﻮﺍﻓﻘﺘﻬﺎ ﻭﺗﻜﻮﻥ ﻣﻘﺘﻨﻌﻪ ﺑﺰﻭﺍﺟﻬﺎ ﺷﻠﻮﻥ ﻳﺼﻴﺮ ﻫﻴﭻ ﺑﻌﺪﻳﻦ ﺍﻧﺘﻲ ﻣﻮﺟﻮﺩﻩ ﻭﺭﺑﻲ ﻳﺨﻠﻴﺞ ﺍﻟﻨﻪ ﻣﺤﺪ ﻳﮕﺪﺭ ﻳﺤﺮﻣﻨﻪ ﻣﻨﭻ ﻭﻻ ﻳﺤﺮﻣﭻ ﻣﻨﻪ
.. ﺍﻧﻲ ﻣﺪﺍﻳﻤﺘﻠﻜﻢ ﻭﺍﺭﻳﺪ ﺍﺯﻭﺟﻜﻢ ﻭﺍﻃﻠﻊ ﺍﻟﺴﻮﺭﻳﺎ ﺍﻟﺤﮓ ﺧﻮﺍﻟﭻ ﻭﺍﻣﻲ ﻭﺍﺑﻮﻳﻪ ﺍﻟﻌﻤﺮ ﻣﺎﺿﻞ ﺑﻲ ﻭﺍﺭﻳﺪ ﺍﺷﻮﻓﻬﻢ ﺗﻌﺒﺖ ﻭﺍﻧﻲ ﺳﻨﻴﻦ ﺍﺗﺬﻛﺮ ﻣﻼﻣﺤﻬﻢ ﻭﺍﺗﺨﻴﻞ ﻧﻔﺴﻲ ﺑﻌﺪ ﻣﺎﺍﺷﻮﻓﻬﻢ
. ﻣﺎﻣﺎ ﻣﻨﻮ ﺧﻮﺍﻟﻲ ﻣﻨﻮ ﺍﻣﺞ ﻣﻨﻮ ﺍﺑﻮﭺ ﺍﻧﺘﻲ ﺷﺠﺎﻱ ﺗﺤﭽﻴﻦ ﻣﻮ ﮔﻠﺘﻲ ﻣﻘﻄﻮﻋﻪ ﻣﻦ ﺷﺠﺮﻩ ﻣﻮ ﮔﻠﺘﻲ ﻣﻌﻨﺪﻱ ﺍﺣﺪ
.. ﮔﻠﺖ ﺑﺴﺒﺐ ﺍﺑﻮﭺ ﺍﺑﻮﭺ ﻣﺎﻧﻌﻨﻲ ﻋﻨﻬﻢ ﻭﻫﺬﺍ ﺍﻟﺨﺎﻳﻔﻪ ﻣﻨﻪ ﺧﺎﻳﻔﻪ ﻳﻄﻠﻌﻮﻥ ﻗﻬﺮﻫﻢ ﺑﻴﻜﻢ
.. ﻣﻨﻮ ﻫﻤﻪ
.. ﻋﻤﺎﻣﻜﻢ ﻋﺪﻫﻢ ﺛﺎﺭ ﻭﻱ ﺧﻮﺍﻟﻜﻢ ﻭﺍﺧﺎﻑ ﺍﻧﺘﻮ ﺗﺘﺄﺫﻭﻥ
ﺑﻌﺪ ﺍﻟﻲ ﺳﻤﻌﺘﻪ ﻣﻦ ﺍﻣﻲ ﺍﺣﺲ ﻋﻘﻠﻲ ﻭﮔﻒ ﺍﺭﻳﺪ ﺍﺳﺘﻮﻋﺐ ﺷﻨﻮ ﻫﺎﻟﺪﻭﺍﻣﻪ ﺍﻟﻲ ﺍﺣﻨﻪ ﺑﻴﻬﺎ ﺷﻨﻮ ﻫﺎﻷﺳﺮﺍﺭ ﺍﻟﻲ ﺿﺎﻣﻴﻬﺎ ﺛﺎﺭ ﻭﻱ ﻣﻨﻮﻭ ﻭﺍﻧﺘﻮ ﺷﻨﻮ ﺷﻠﻮﻥ ﺗﺨﻔﻮﻥ ﻛﻞ ﻫﺎﻟﺸﻲ ﻋﻨﻪ
ﺑﭽﻴﺖ ﻭﺭﺩﺕ ﺍﻓﻬﻢ ﻣﻦ ﺍﻣﻲ ﻭﺻﺤﺖ ﺍﻓﻴﺎﺀ ﻭﺍﺟﺖ ﻣﺤﺘﺎﺭﻩ ﻣﺜﻠﻲ ﻭﺍﻛﺜﺮ ﻋﺒﺎﻟﻚ ﺍﻟﺨﺒﺮ ﺻﻌﻘﻬﻪ
ﻣﻦ ﮔﺎﻟﺘﻠﻬﺎ ﻣﺎﺍﺭﻳﺪ ﻋﻤﺎﻣﻜﻢ ﻳﻠﮕﻮﻟﻜﻢ ﺍﺛﺮ ﺍﺭﻳﺪ ﺍﺯﻭﺟﻜﻢ ﻭﺍﻧﻲ ﺍﻃﻠﻊ ﻳﻢ ﺍﻫﻠﻲ ﻭﺍﻧﺘﻦ ﺗﺮﺗﺎﺣﻦ ﻭﻱ ﺍﺯﻭﺍﺟﻦ ﻭﺍﻧﻲ ﺣﺎﭼﻴﺖ ﺍﺧﺘﻲ ﻭﺍﺑﻨﻬﺎ
ﻫﻨﺎ ﺍﻓﻴﺎﺀ ﺍﻧﻬﺎﺭﺕ ﻃﻮﻝ ﻋﻤﺮﻫﺎ ﻫﺎﺩﺋﻪ ﺍﺑﺪ ﻣﺸﺎﻳﻔﺘﻬﺎ ﺑﻬﺎﻟﺤﺎﻝ ﺑﺪﺕ ﺗﻀﺮﺏ ﻭﺟﻬﻪ ﻭﺗﺼﻴﺢ
.. ﻣﻮ ﻣﻦ ﺣﻘﺞ ﺗﻘﺮﺭﻳﻦ ﻣﺼﻴﺮﻱ ﻣﺮﺍﻳﺪﻩ ﺍﺗﺰﻭﺝ ﺍﻧﻲ ﻭﺍﺫﺍ ﺭﺩﺕ ﺍﺗﺰﻭﺝ ﺍﻷﺭﻳﺪﻩ ﺍﻧﻲ ﻣﻮ ﻣﺴﺘﻌﺪﻩ ﺍﺩﻓﻊ ﺛﻤﻦ ﺍﻏﻼﻃﻜﻢ ﺍﻧﺘﻲ ﻭﺍﺑﻮﻳﻪ ﺍﻟﻈﺎﻫﺮ ﺍﺳﺮﺍﺭﻛﻢ ﻫﻮﺍﻱ ﻃﻠﻌﻴﻬﺎ ﻓﺪﻣﺮﻩ ﺧﻞ ﻧﻔﻬﻢ
.. ﺍﻣﻲ ﺑﺪﺕ ﺗﺼﻴﺢ ﻭﺍﻷﺻﻮﺍﺕ ﻋﻠﺖ ﺷﻮﻳﻪ ﻭﺗﺨﺮﺑﻄﺖ ﺍﻣﻲ ﺣﺎﻭﻟﺖ ﺍﺧﻠﻴﻬﺎ ﺗﺮﺗﺎﺡ ﻣﻘﺒﻠﺖ ﺗﺮﻭﺡ ﻟﻠﻄﺒﻴﺐ ﻋﻔﺘﻬﺎ ﺗﻨﺎﻡ ﻭﻃﻠﻌﺖ ﻳﻢ ﺍﻓﻴﺎﺀ
ﻟﮕﻴﺘﻬﺎ ﺗﺒﭽﻲ ﺣﺎﻭﻟﺖ ﺍﻓﻬﻤﻬﺎ ﺍﻟﺨﺎﻃﺮ ﺍﻣﻲ ﺗﻮﺍﻓﻖ ﮔﺎﻟﺖ ﻣﺴﺘﺤﻴﻞ
ﺑﺲ ﻭﺭﻩ ﺷﻜﻢ ﺳﺎﻋﻪ ﺍﺟﺖ ﺍﻣﻲ ﻭﻫﻴﻪ ﺍﻗﻮﻩ ﻣﻦ ﺍﻷﻭﻝ ﻣﻨﻴﻦ ﺍﺟﺘﻬﺎ ﺍﻟﻘﻮﻩ ﻣﺎﺍﻋﺮﻑ ﺑﺤﻴﺎﺓ ﻭﺍﻟﺪﻱ ﻣﭽﺎﻧﺖ ﻫﻴﭻ
ﮔﺎﻟﺖ .
.. ﺷﻮﻓﻦ ﻭﻟﭽﻦ ﻣﻮ ﺍﻧﺘﻦ ﺍﻟﻲ ﺗﻤﺸﻦ ﻛﻼﻣﭽﻦ ﻋﻠﻴﻪ ﺍﻟﻲ ﮔﻠﺘﻪ ﻳﺼﻴﺮ ﻭﻫﺬﺍ ﺍﻷﺳﺒﻮﻉ ﺍﺛﻨﻴﻨﭽﻦ ﻛﻞ ﻭﺣﺪﻩ ﻣﻨﭽﻦ ﺍﺑﻴﺖ ﺭﺟﻠﻬﺎ ﻓﺎﻫﻤﺎﺕ
ﺍﻧﻲ ﻣﻦ ﺑﺎﭼﺮ ﺍﺟﻬﺰ ﺍﻣﻮﺭ ﺍﻟﺴﻔﺮ ﻭﺍﻧﺘﻦ ﺑﻌﺪﻱ ﺣﻴﺮﻥ ﺑﺄﺭﻭﺍﺣﭽﻦ ﻣﻮ ﻣﺴﺘﻌﺪﻩ ﺍﮔﻀﻲ ﻋﻤﺮﻱ ﺍﻟﺒﺎﻗﻲ ﺑﻌﻴﺪﻩ ﻋﻦ ﺍﻫﻠﻲ ﻭﺍﺧﻮﺗﻲ
🔸🔹🥇🔸🔹
ﺍﺛﻨﻴﻨﻪ ﺿﻠﻴﻨﻪ ﻧﺒﭽﻲ ﻣﻤﺘﻮﻗﻌﻴﻦ ﻫﻴﺞ ﻳﺼﻴﺮ ﺍﻣﻲ ﺷﻘﻠﺐ ﺣﺎﻟﻬﺎ
ﺭﺟﻌﺖ ﺣﺎﭼﺘﻨﻲ ﮔﺎﻟﺖ ﺍﻧﻄﻴﻨﻲ ﺭﻗﻢ ﺍﻟﻮﻟﺪ ﺍﻧﻲ ﺍﺗﻔﺎﻫﻢ ﻭﻳﺎﻩ ﻭﺻﺪﻙ ﺍﻧﻄﻴﺘﻪ
ﺷﻮﻳﻪ ﻭﺧﺎﺑﺮﻧﻲ ﻓﺮﺣﺎﻥ
.. ﺍﻟﻮﻭ
.. ﻛﻞ ﺍﻟﻬﻼ ﺑﺎﻟﺤﻠﻮﻭ .. ﻟﭻ ﻫﺎﻱ ﺷﻨﻮﻭ ﺭﺍﺡ ﺍﻣﻮﺕ ﻣﻦ ﺍﻟﻔﺮﺡ ﺍﻧﻲ
.. ﻳﺎﺭﺏ ﺩﻭﻡ ﻓﺮﺣﺎﻥ ﺍﺳﻢ ﺍﻟﻠﻪ ﻋﻠﻴﻚ ﻟﻴﺶ ﺷﻜﻮﻭ
.. ﺍﻛﻮ ﺍﺣﻠﻰ ﻣﻦ ﻫﻴﭻ ﺍﻣﺞ ﻃﻠﺒﺖ ﻣﻨﻲ ﺍﻟﺨﻤﻴﺲ ﺍﻟﻴﺠﻲ ﺍﻟﺰﻭﺍﺝ ﻭﻣﻦ ﻫﺴﻪ ﺭﺍﺡ ﺍﺑﺪﻱ ﺍﺟﻬﺰ ﮔﺎﻟﺖ ﺍﻧﻲ ﻋﻨﺪﻱ ﺿﺮﻭﻑ ﻭﺍﻧﻲ ﻫﺬﺍ ﺍﻟﺮﺍﻳﺪﻩ ﺑﺲ ﻣﺘﻮﻗﻊ ﻣﺘﻘﺒﻞ ﺗﺮﻳﺪﺝ ﺗﻜﻤﻠﻴﻦ
.. ﻳﻌﻨﻲ ﻫﻴﻪ ﮔﻠﺘﻠﻚ ﺍﺳﺒﻮﻉ ﻭﻳﻦ ﺍﻟﺤﮓ ﺍﻧﻲ
.. ﻛﻠﺸﻲ ﻣﻮﺟﻮﺩ ﺗﻠﺤﮕﻴﻦ ﻭﺍﻟﻨﻮﺍﻗﺺ ﺗﺸﺘﺮﻳﻬﺎ ﺑﻌﺪ ﺍﻟﺰﻭﺍﺝ ﻋﺎﺩﻱ ﺍﻫﻢ ﺷﻲ ﻧﻨﺠﻤﻊ ﺑﻐﺮﻓﻪ ﻭﺣﺪﻩ
ﺷﮕﺪ ﻣﺤﺴﻴﺘﻪ ﻓﺮﺣﺎﻥ ﭼﻨﺖ ﺑﻠﻴﻪ ﺷﻌﻮﺭ ﺍﺣﺲ ﺍﻣﻲ ﺧﺬﻟﺘﻨﻲ ﻣﻮ ﺑﻬﺬﻱ ﺍﻟﻄﺮﻳﻘﻪ ﺟﻨﺖ ﻣﺘﻤﻨﻴﻪ ﺍﻟﺰﻭﺍﺝ ﻭﻻ ﻣﺘﻮﻗﻌﺘﻬﺎ ﺗﺘﺨﻠﻪ ﻋﻨﻪ ﻭﺗﻌﺮﻓﻠﻬﺎ ﺍﻫﻞ ﺗﺎﻟﻲ ﻭﻛﺖ
ﻣﺎﺍﻋﺮﻑ ﻟﻴﺶ ﭼﻨﺖ ﻣﻮ ﻣﺮﺗﺎﺣﻪ
ﺻﺎﺭ ﺍﻟﻠﻴﻞ ﻭﺍﺟﺖ ﺧﺎﻟﺘﻲ ﻭﺍﺑﻨﻬﺎ
ﻭﺍﺗﻔﺎﺟﺌﻨﻪ ﺑﺠﻴﺘﻬﻢ ﻭﺷﻮﻳﻪ ﻭﺩﺧﻞ ﻭﺭﺍﻫﻢ ﺭﻳﺎﺟﻴﻞ ﺍﺛﻨﻴﻦ ﻭﺍﻣﻲ ﺻﺎﺣﺖ ﺍﻓﻴﺎﺀ ﮔﺎﻟﺘﻠﻬﺎ ﺗﻌﺎﻟﻲ ﻋﻘﺪﻱ
ﺻﺪﻣﻪ ﻭﺭﻩ ﺻﺪﻣﻪ
ﺭﺩﺕ ﺍﻓﻴﺎﺀ ﺗﺮﻓﺾ ﻣﺘﻮﻗﻌﺘﻬﺎ ﺗﺒﻠﻎ ﺍﻟﻮﻟﺪ ﺑﺲ ﻣﺎﺭﻓﻀﺖ ﻭﺍﺳﺘﺴﻠﻤﺖ ﻭﺍﺟﺖ ﺳﻠﻤﺖ ﻋﻠﻰ ﺧﺎﻟﺘﻲ ﻭﺍﻧﺘﻈﺮﺕ ﺍﻟﺸﻴﺦ ﻳﺮﺩﺩ ﻭﻫﻴﻪ ﺑﺪﺕ ﺗﺮﺩﺩ ﻭﺭﺍﻩ
ﺍﺷﻮﻑ ﺍﻣﻲ ﺍﺭﺗﺎﺣﺖ ﻭﺧﺎﻟﺘﻲ ﺍﻟﻲ ﻣﺸﺎﻳﻔﺘﻬﺎ ﻗﻠﻴﻞ ﻛﻠﺶ ﺟﺎﻧﻮ ﻳﺘﻮﺍﺻﻠﻮﻥ ﺑﺎﻟﺘﻠﻴﻔﻮﻥ ﻫﻢ ﻓﺮﺣﺎﻧﻪ
ﺍﻧﻲ ﻛﻞ ﺗﻔﻜﻴﺮﻱ ﺷﻐﻴﻴﺮ ﺍﻓﻴﺎﺀ ﻭﺧﻼﻫﺎ ﺗﺴﺘﺴﻠﻢ
ﻭﺻﻞ ﺍﻟﺸﻴﺦ ﺍﻟﻜﻠﻤﺔ
.. ﻗﻮﻟﻲ ﻧﻌﻢ ﻭﺍﻧﺘﻲ ﻭﻛﻴﻠﻲ
ﺟﺎﻭﺑﺘﻪ ﺍﻓﻴﺎﺀ
.. ﻻ ﻣﻤﻮﺍﻓﻘﻪ
ﺭﺟﻊ ﺍﻟﺸﻴﺦ ﻳﺮﻳﺪ ﻳﺘﺄﻛﺪ ﻋﺎﺩ ﺍﻟﻜﻠﻤﻪ ﻭﻫﻴﻪ ﻋﺎﺩﺕ ﻧﻔﺲ ﺍﻟﺠﻮﺍﺏ
ﺑﻌﺪﻫﺎ ﺍﻟﺸﻴﺦ ﺑﺪﻩ ﻳﺤﭽﻲ ﺑﺎﻟﺤﻼﻝ ﻭﺍﻟﺤﺮﺍﻡ ﻭﺍﻷﺟﺒﺎﺭ ﻭﺍﻧﻄﻪ ﺍﻷﻣﻲ ﻭﺍﻟﻮﻟﺪ ﻭﺍﻫﻠﻪ ﻣﺤﺎﺿﺮﻩ ﻳﻌﻨﻲ ﭼﺎﻧﺖ ﺭﺯﺍﻟﻪ ﺑﻨﺰﺍﻛﻪ ﻣﺜﻞ ﻣﻴﮕﻮﻟﻮﻥ ﻭﻃﻠﻊ ﻭﺭﺍﻩ ﺭﺃﺳﺎ ﻃﻠﻌﻮ ﺍﻟﻮﻟﺪ ﻭﺧﺎﻟﺘﻲ ﻭﺍﺛﻨﻴﻦ ﻭﻳﺎﻫﻢ ﻳﻤﻜﻦ ﺍﺑﻮ ﻭﺷﺨﺺ ﻭﻳﺎﻫﻢ
ﺍﻣﻲ ﺑﺪﺕ ﺗﻐﻠﻂ ﻭﺗﺼﻴﺢ ﻭﺿﺮﺑﺖ ﺍﻓﻴﺎﺀ ﺑﻜﻠﺸﻲ ﻗﺮﻳﺐ ﻋﻠﻴﻬﺎ
ﺟﺎﻭﺑﺘﻬﺎ ﺍﻓﻴﺎﺀ ﺍﺑﺮﻭﺩ ﺿﺮﺑﻲ ﺻﻴﺤﻲ ﺷﺘﺮﻇﻴﻦ ﺗﺴﻮﻳﻦ ﺳﻮﻱ ﺯﻭﺍﺝ ﺍﺫﺍ ﻣﻮ ﻋﻠﻰ ﻛﻴﻔﻲ ﻣﺮﺍﺡ ﺍﺗﺰﻭﺡ ﻭﺧﻠﻲ ﻳﻜﻮﻥ ﻋﻨﺪﺝ ﻋﻠﻢ ﺍﻧﻲ ﺍﺣﺐ ﺭﺍﻓﻊ ﺍﺑﻦ ﻋﻤﻮﻭ ﻭﺑﻠﻐﺘﻪ ﺑﺎﻟﺼﺎﺭ ﻭﺑﺎﭼﺮ ﻫﻤﻪ ﺟﺎﻳﻴﻦ ﻭﻏﻴﺮﻩ ﻣﺴﺘﺤﻴﻞ ﺍﺗﺰﻭﺝ ﺧﻠﻲ ﻫﺎﻟﺸﻲ ﺍﺑﺎﻟﭻ
ﺍﻣﻲ ﮔﻠﺘﻠﻬﺎ ﺗﺤﻠﻤﻴﻦ ﺗﺤﻠﻤﻴﻦ ﺗﺰﻭﺟﻴﻦ ﻣﻦ ﻋﻤﺎﻣﭻ ﻭﺧﻞ ﻳﺠﻮﻥ ﻭﺍﻧﻲ ﺍﻋﺮﻑ ﺷﻠﻮﻥ ﺍﺗﺼﺮﻑ
ﺍﻧﻲ ﺑﻴﻦ ﻫﺬﻱ ﺍﻷﺟﻮﺍﺀ ﻛﻠﻬﺎ ﻣﺼﺪﻭﻣﻪ ﻭﻣﻤﺼﺪﮔﻪ ﺷﺠﺎﻱ ﻳﺼﻴﺮ
ﺛﺎﻧﻲ ﻳﻮﻡ ﺍﺟﻪ ﻋﻤﻲ ﺧﺎﻟﺪ ﻭﺭﺍﻓﻊ ﻭﻭﻟﻴﺪ ﻭﺍﺣﻤﺪ ﺍﺑﻦ ﻋﻤﻮ ﺍﺑﻮ ﺍﺣﻤﺪ
ﺩﺧﻠﻮ ﻭﺳﻠﻤﻮﻭ ﻭﺳﺌﻠﻮﻭ ﺑﺄﺣﺘﺮﺍﻡ ﻭﻋﻤﻮ ﺧﺎﻟﺪ ﮔﻠﻬﺎ ﺍﻷﻣﻲ
.. ﺍﻡ ﺍﻓﻴﺎﺀ ﺍﻧﻲ ﺟﺎﻱ ﻋﻨﺎﻱ ﺍﺧﻄﺐ ﺑﻨﺘﻲ ﺍﻷﺑﻨﻲ ﺑﻨﺖ ﺍﺧﻮﻱ ﺑﻨﺘﻲ ﻭﺍﺑﻦ ﻋﻤﻬﺎ ﺍﻭﻟﻰ ﺑﻴﻬﺎ ﻭﺍﻟﻌﺮﻓﺘﻪ ﻫﻮﻩ ﺭﺍﻳﺪﻫﺎ ﻭﻫﻴﻪ ﻫﻢ ﻣﻘﺘﻨﻌﻪ ﺑﻲ ﻭﺭﺍﻳﺪﺗﻪ ﻭﺳﻌﻤﺖ ﺟﺎﻳﻴﻨﻬﺎ ﺧﻄﺎﺑﻪ
ﻭﺍﻧﺘﻲ ﻣﻮﺍﻓﻘﻪ ﻭﺍﻟﺒﻨﻴﻪ ﻣﻘﺎﺑﻠﻪ ﻳﻌﻨﻲ ﻫﻤﻪ ﻫﺎﻭﻳﻦ ﺑﻌﺾ ﺍﻧﻲ ﺍﻟﻴﻮﻡ ﺍﺟﻴﺖ ﺍﻧﻄﻴﺞ ﻋﻠﻢ ﻭﻏﻴﺮ ﻳﻮﻡ ﻧﺠﻲ ﻧﻌﻘﺪ ﻭﻧﺴﻮﻱ ﺍﻷﺻﻮﻝ ﻷﻥ ﺍﻟﺸﻴﺦ ﻋﻠﻲ ﻣﺴﺎﻓﺮ ﻣﻦ ﻳﺠﻲ ﻛﻠﺸﻲ ﻳﻜﻤﻞ ﻭﺑﺘﻨﻪ ﻧﺤﻄﻬﺎ ﺑﻌﻴﻮﻧﻪ
ﭼﺎﻧﺖ ﺍﻓﻴﺎﺀ ﻓﺮﺣﺎﻧﻪ ﻧﺘﺴﻤﻊ ﺍﻟﻬﻢ ﻣﻦ ﺍﻟﺒﺎﺏ ﺍﻟﺪﺍﺧﻠﻲ ﻟﻠﺼﺎﻟﻪ
ﺟﻮﺍﺏ ﺍﻣﻲ ﭼﺎﻥ ﻛﻞ ﻣﺮﻩ ﻣﺎﺍﻟﻜﻢ ﻳﻤﻲ ﻭﻟﻮ ﻳﺒﻘﻪ ﺍﺑﻨﻚ ﺍﺧﺮ ﻭﺍﺣﺪ ﺑﺎﻟﺪﻧﻴﺎ ﻣﺎﺍﻧﻄﻲ ﺍﻓﻴﺎﺀ ﻭﻟﻴﺸﻮﻑ ﺍﺿﻔﺮﻫﺎ
ﻋﻤﻲ ﻋﺼﺐ ﻭﮔﻠﻬﺎ ﻣﻮ ﺑﻜﻴﻔﭻ ﺑﻨﺎﺗﻨﻪ ﺍﺣﻨﻪ ﺍﻭﻟﻰ ﺑﻴﻬﻦ
ﺟﺎﻭﺑﺘﻪ ﺍﻟﻌﻠﻤﻚ ﻋﻠﻴﺎﺀ ﺍﻧﺨﻄﺒﺖ ﻭﺍﻧﻄﻴﺘﻬﺎ ﻭﺍﻟﺨﻤﻴﺲ ﺍﻟﺠﺎﻱ ﻋﺮﺳﻬﺎ ﻭﺍﻓﻴﺎﺀ ﻣﺘﺼﻴﺮ ﺍﻟﻜﻢ
ﺍﻟﻮﻟﺪ ﺣﭽﻮﻭ ﻭﺻﺎﺭﺕ ﻫﻮﺳﻪ
.. ﻋﻤﻲ ﮔﻠﻬﺎ ﻣﻨﻬﻴﺎﺕ ﺍﺛﻨﻴﻨﻬﻦ ﻭﺍﻟﻴﺎﺧﺬﻫﻦ ﺑﻴﻨﻪ ﻭﺑﻴﻨﻬﻢ ﺍﻟﺪﻡ ﻭﺑﻠﻐﻲ ﻧﺴﻴﺒﭻ ﻫﻮﻩ ﻣﻨﻬﻲ ﻭﺍﻛﻴﺪ ﺍﺣﻨﻪ ﻧﻌﺮﻓﻪ ﻭﻧﻮﺻﻠﻪ
ﺣﭽﺎﻫﻦ ﺑﻌﺼﺒﻴﻪ ﻭﻃﻠﻊ ﻭﺍﻧﻲ ﺿﻠﻴﺖ ﺍﻟﻄﻢ ﺍﻧﻲ ﺷﻨﻮ ﻋﻼﻗﺘﻲ ﺍﻣﻲ ﻟﻴﺶ ﻫﻴﺞ ﺗﺘﺼﺮﻑ ﻭﻫﻤﻪ ﺷﻨﻮﻭ ﻫﺎﻟﺠﻬﻞ ﺍﻟﻲ ﻫﻤﻪ ﺑﻲ
ﺍﻓﻴﺎﺀ ﮔﺎﻟﺖ ﺍﻷﻣﻲ ﺻﺪﮔﻲ ﻣﺎﺍﺑﻘﺎﻟﺞ ﺑﺎﻟﺒﻴﺖ ﻭﺍﺫﺍ ﺣﺎﻭﻟﺘﻲ ﻭﺯﻭﺟﺘﻴﻨﻲ ﺻﺪﮒ ﺍﻓﻀﺤﭻ ﻭﺍﻓﻀﺢ ﻧﻔﺴﻲ ﻭﺍﻛﺘﻞ ﺭﻭﺣﻲ ﻭﺍﺧﻠﻲ ﺫﻧﺒﻲ ﺑﺮﮔﺒﺘﺞ
ﺍﻣﻲ ﻣﺎﺭﺩﺕ ﻋﻠﻴﻨﻪ
ﻣﻦ ﻫﺪﺋﺖ ﺍﻣﻲ ﻭﺍﻓﻴﺎﺀ ﺭﺍﺣﺖ ﺍﻟﻐﺮﻓﺘﻬﺎ ﺳﺄﻟﺘﻬﺎ ﻣﺎﻣﺎ ﺍﻧﻲ ﺷﻨﻮ ﻭﺿﻌﻲ
.. ﮔﺎﻟﺖ ﻣﻴﮕﺪﺭﻭﻥ ﻳﺴﻮﻭﻥ ﻛﻠﺸﻲ ﺍﻧﺘﻲ ﺗﺘﺰﻭﺟﻴﻦ ﻭﺧﻞ ﻳﻀﺮﺑﻮﻥ ﺭﻭﺳﻬﻢ ﺑﺎﻟﺤﺎﻳﻂ ﺍﺫﺍ ﺍﻟﻬﻢ ﺣﻜﻢ ﺑﻤﻨﺎﻃﻘﻬﻢ ﻫﻨﺎ ﻣﻴﮕﺪﺭﻭﻥ ﻳﺴﻮﻭﻥ ﻛﻠﺸﻲ
ﺑﻘﻴﻨﻪ ﺍﺗﻲ ﻭﻋﻼﺀ ﻋﻠﻰ ﺍﺗﺼﺎﻝ ﻭﻓﻬﻤﺘﻪ ﺍﻟﺼﺎﺭ ﮔﺎﻝ ﺷﻨﻮ ﻧﺎﻫﻴﻦ ﺷﻨﻮ ﻋﻤﺎﻡ ﻣﻮ ﺑﻜﻴﻔﻬﻢ ﻭﻣﻦ ﺑﺎﺟﺮ ﻧﻌﻘﺪ ﻣﺤﻜﻤﻪ ﻭﻛﻠﺸﻲ ﻧﻨﻬﻲ
ﮔﺘﻠﻪ ﻳﻌﻨﻲ ﺗﻮﮔﻒ ﺑﻮﺟﻬﻢ
ﺟﺎﻭﺑﻨﻲ ﺍﻭﮔﻒ ﺑﻮﺟﻪ ﺍﻟﺪﻧﻴﺎ ﻛﻠﻬﺎ ﻭﺍﻧﺘﻲ ﺍﻟﻲ ﻭﻣﺎﺻﻴﺮﻳﻦ ﺍﻟﻐﻴﺮﻱ
ﺍﺭﺗﺎﺣﻴﺖ ﻭﺑﻌﺪ ﻣﺎﻫﻤﻨﻲ ﺗﻬﺪﻳﺪ ﺍﻋﻤﺎﻣﻲ
ﻭﺻﺪﮒ ﺛﺎﻧﻲ ﻳﻮﻡ ﻋﻘﺪﺕ ﻭﭼﻨﺖ ﻃﺎﻳﺮﻩ ﻣﻦ ﺍﻟﻔﺮﺡ ﻭﺭﻩ ﺍﻟﻀﻬﺮ ﻉ ﺍﺳﺎﺱ ﻧﻄﻠﻊ ﺍﺟﻬﺰ ﻧﻔﺴﻲ ﺧﺎﺑﺮﻧﻲ ﻋﻼﺀ ﺿﺎﻳﺞ ﺑﺲ ﮔﺎﻝ ﻟﺘﻬﺘﻤﻴﻦ ﺍﻛﻮ ﺷﺒﺎﺏ ﺍﺛﻨﻴﻦ ﻣﻦ ﻋﻤﺎﻣﭻ ﺍﺟﻮ ﺑﻠﻐﻮﻧﻪ ﺍﻧﺘﻲ ﻣﻨﻬﻴﻪ
.. ﺍﻱ ﻭﺷﻨﻮ ﻳﻌﻨﻲ
.. ﻣﺎﻛﻮ ﺷﻲ ﺑﺲ ﺧﺒﻴﺖ ﺍﺑﻠﻐﺞ
.. ﻋﻼﺀ ﺍﻧﻲ ﺧﺎﻳﻔﻪ ﺧﺎﻑ ﺗﺼﻴﺮ ﻣﺸﺎﻛﻞ
.. ﻛﻠﺸﻲ ﻣﻴﺼﻴﺮ ﺑﻴﺎﺯﻣﻦ ﺍﺣﻨﻪ ﺧﻴﻮﻟﻮﻥ
.. ﻳﻌﻨﻲ ﺍﻧﺖ ﺗﺘﺤﻤﻞ ﺍﻟﻲ ﻳﺼﻴﺮ
.. ﻣﻴﺼﻴﺮ ﺷﻲ ﻟﺘﺨﺎﻓﻴﻦ
.. ﻣﻮ ﺳﻤﻌﺖ ﻋﻤﻮ ﮔﺎﻝ ﺑﻴﻨﻪ ﻭﺑﻴﻨﻬﻢ ﺍﻟﺪﻡ ﺍﺫﺍ ﺍﺧﺬﻫﺎ
.. ﻓﺎﺭﻏﻴﻦ ﻫﻤﺞ ﺭﻋﺎﻉ ﻳﺤﻜﻤﻮﻥ ﺍﻟﺠﺎﻫﻠﻴﻦ ﺍﻟﻤﺜﻠﻬﻢ ﻭﻫﻤﻪ ﺍﻟﻲ ﻣﻜﺒﺮﻳﻦ ﺭﻭﺳﻬﻢ ﻣﻴﮕﺪﺭﻭﻥ ﻳﺴﻮﻭﻥ ﺷﻲ ﻭﺣﺘﻪ ﻟﻮ ﺳﻮﻭ ﺍﻧﻲ ﻭﻳﺎﺝ ﻣﺎﺍﺗﺮﻛﺞ ﺍﻧﺘﻲ ﺍﻟﻲ ﻭﻣﺘﺼﻴﺮﻳﻦ ﺍﻟﻐﻴﺮﻱ
ﻛﻼﻣﻪ ﺭﻳﺤﻨﻲ ﺑﺲ ﺑﻘﻴﺖ ﻋﻠﻰ ﻧﻔﺲ ﺍﻟﺨﻮﻑ ﻭﺍﻟﻘﻠﻖ ﻭﺣﻀﺮﺕ ﻧﻔﺴﻲ ﺑﺲ ﻛﻠﺸﻲ ﺷﻲ ﻗﻠﻴﻞ ﻛﻠﺖ ﻣﻦ ﻳﺨﻠﺺ ﺍﻟﻌﺮﺱ ﺍﺟﻬﺰ ﺍﻟﺒﺎﻗﻲ
ﺻﺎﺭ ﻳﻮﻡ ﺍﻟﺤﻨﻪ ﻭﻣﺴﻮﻳﺖ ﺣﻨﻪ ﺧﻔﻨﻪ ﻋﻤﺎﻧﻲ ﻣﺮﺍﻗﺒﻴﻨﻪ ﻭﺧﻠﻴﻨﻪ ﻛﻠﺸﻲ ﻳﻤﺮ ﺑﻬﺪﻭﺀ
ﻭﺍﻟﻌﺮﺱ ﻫﻢ ﺍﺗﻔﻘﻨﻪ ﻣﻨﺴﻮﻱ ﻧﺮﻭﺡ ﺍﻟﻔﻨﺪﻕ ﺍﻫﺎﻑ ﻳﺤﺴﻮﻥ ﻋﻠﻴﻨﻪ
ﺍﻣﻲ ﺍﺧﺬﺕ ﻣﻦ ﺍﻓﻴﺎﺀ ﺟﻬﺎﺯﻫﺎ ﻭﺿﻠﺖ ﺍﻓﻴﺎﺀ ﻣﻤﻬﺘﻤﻪ ﻻﺑﻴﻪ ﻭﻻ ﺑﺄﻣﻲ ﻭﻻﭼﻨﻬﺎ ﻋﺎﻳﺸﻪ ﻭﻳﺎﻧﻪ ﺍﻧﻌﺰﻟﺖ ﺑﻐﺮﻓﺘﻬﺎ ﻭﻣﺘﻄﻠﻊ ﭼﻨﺖ ﺿﺎﻳﺠﻪ ﻋﻠﻴﻬﺎ ﻭﺑﺎﻟﻲ ﻳﻤﻬﺎ ﻭﺍﻋﺮﻑ ﺍﻣﻲ ﺗﺨﻄﻂ ﺍﻟﺸﻲ
ﺛﺎﻧﻲ ﻳﻮﻡ ﺍﻟﺼﺒﺢ ﺟﻬﺰﺕ ﻧﻔﺴﻲ ﺍﺭﻭﺡ ﻟﻠﺼﺎﻟﻮﻥ ﻭﻣﻦ ﺍﻟﺼﺎﻟﻮﻥ ﻧﺮﻭﺡ ﻟﻠﻔﻨﺪﻕ ﺟﻨﻪ ﺣﺎﺟﺰﻳﻦ ﺗﻠﺚ ﺍﻳﺎﻡ ﺣﺘﻪ ﻣﻴﺒﻴﻴﻦ ﺍﺑﻴﺘﻬﻢ ﺷﻲ ﻷﻥ ﻋﻤﺎﻣﻲ ﻣﻨﺪﻟﻴﻪ
ﺑﻴﻮﻡ ﺍﻟﻌﺮﺱ ﺍﺟﺘﻨﻲ ﺍﻟﺸﻬﺮﻳﻪ ﺭﻏﻢ ﻣﭽﺎﻥ ﻣﻮﻋﺪﻫﺎ ﺑﺲ ﻳﻤﻜﻦ ﻣﻦ ﺍﻟﻘﻠﻖ ﻭﺍﻟﺨﻮﻑ ﺍﻟﻲ ﺍﻧﻲ ﺑﻲ
ﻛﻤﻠﺖ ﺗﺠﻬﻴﺰ ﺍﻟﺼﺎﻟﻮﻥ ﻭﻣﻞ ﻓﺮﺣﻪ ﻣﺎﻛﻮ ﺑﻴﺘﻨﻪ ﻛﺌﺎﺑﻪ ﻭﺍﺧﺘﻲ ﺑﺎﻟﻲ ﻳﻤﻬﺎ ﻭﺍﻷﺳﺮﺍﺭ ﺍﻟﻲ ﻣﻠﺤﮕﺖ ﺍﻋﺮﻓﻬﺎ ﻛﻠﻬﺎ ﺍﺑﺎﻟﻲ ﻭﺍﺻﻌﺒﻬﻦ ﺳﻔﺮ ﺍﻣﻲ ﻭﻗﺮﺍﺭﻫﺎ ﺍﻟﻤﻔﺎﺟﺄ
ﺍﺟﻪ ﻋﻼﺀ ﭼﺎﻥ ﻓﺮﺣﺎﻥ ﻛﻠﺶ ﺍﺧﺬﻧﻲ ﻣﻦ ﺍﻟﺼﺎﻟﻮﻥ ﻭﺭﺣﻨﻪ ﺍﺧﺬﻧﻪ ﺻﻮﺭ ﻭﺭﺣﻨﻪ ﻟﻠﻔﻨﺪﻕ
ﭼﻨﺖ ﻣﺤﺮﺟﻪ ﻛﻠﺶ ﺷﻠﻮﻥ ﺭﺍﺡ ﺍﺑﻠﻐﻪ ﺍﻧﻮ ﺍﻧﻲ ﻣﻌﺬﻭﺭﻩ
ﺩﺧﻠﻨﻪ ﻟﻠﻔﻨﺪﻕ ﻭﻫﻮﻩ ﻛﻞ ﺷﻮﻳﻪ ﺑﺎﻳﺴﻨﻲ ﻭﻳﮕﻠﻲ ﻭﺍﺧﻴﺮﺍ ﺻﺮﺗﻲ ﺍﻟﻲ ﻭﺍﺷﻮﻑ ﻋﻤﺎﻣﭻ ﺷﻴﺴﻮﻭﻥ ﻭﻣﻨﻮ ﻳﻤﻨﻌﻨﻲ ﻋﻨﭻ
ﺩﺧﻞ ﻟﻠﺤﻤﺎﻡ ﻏﺴﻞ ﻭﻃﻠﻊ ﻭﺍﻧﻲ ﻫﻢ ﺭﺣﺖ ﻏﺴﻠﺖ ﻭﺑﺪﻟﺖ ﺭﺣﻨﻪ ﻧﺘﻌﺸﻪ ﺑﺲ ﭼﻨﺖ ﺍﺑﺪ ﻣﻤﺸﺘﻬﻴﻪ ﺍﻛﻞ ﺍﻟﺨﻮﻑ ﺫﺍﺑﺤﻨﻲ ﺍﻋﺮﻑ ﻋﻤﺎﻣﻲ ﻣﻴﻌﺪﻭﻫﺎ ﺳﻼﻣﺎﺕ ﻭﺧﺎﻳﻔﻪ ﻋﻠﻰ ﺍﻣﻲ ﻭﺍﺧﺘﻲ ﻭﻣﺤﺮﺟﻪ ﻣﻦ ﻋﻼﺀ ﻭﻭﺿﻌﻲ ﻭﻳﺎﻩ
ﻣﻦ ﺧﻠﺼﻨﻪ ﻋﺸﻪ ﺣﻀﻨﻲ ﻗﻮﻱ
.. ﺣﺒﻴﺒﺘﻲ ﻟﻴﺶ ﺍﺣﺴﭻ ﻣﻮ ﻣﺮﺗﺎﺣﻪ
.. ﺧﺎﻳﻔﻪ
.. ﻣﻦ ﺷﻨﻮ ﺗﺨﺎﻓﻴﻦ ﺍﻧﻲ ﻳﻤﭻ ﻣﻨﻮ ﻳﮕﺪﺭ ﻳﺎﺧﺬﺝ ﺑﻌﺪ
.. ﻣﺎﺍﻋﺮﻑ ﺑﺎﻟﻲ ﻳﻢ ﺍﻣﻲ
.. ﻟﺘﻔﻜﺮﻳﻦ ﺑﻜﻠﺸﻲ ﻓﻜﺮﻱ ﺑﺎﻟﻤﺴﻜﻴﻦ ﺍﻟﺮﺍﻳﺪﭺ ﻭﺍﻧﺘﻲ ﺣﻼﻟﻪ ﺍﺑﺘﺴﻤﻠﻲ
.. ﻋﻼﺀ ﻭﺍﻟﻠﻪ ﺧﺠﻼﻧﻪ ﻣﻨﻚ ﺑﺲ ﻣﻮ ﺑﻴﺪﻱ ﺍﻧﻲ ﻣﻌﺬﻭﺭﻩ
.. ﺣﺴﻴﺘﻪ ﺿﺎﺝ ﺑﺲ ﻣﺎﺣﺠﻪ ﺷﻲ ﮔﺎﻝ ﻋﺎﺩﻱ ﻣﺼﺎﺭ ﺷﻲ ﺑﺲ ﻟﻮ ﮔﺎﻳﻠﺘﻠﻲ
.. ﺍﺳﺘﺤﻴﺖ ﺍﮔﻠﻚ ﻭﺍﺻﻼ ﺻﺎﺭﺕ ﻓﺠﺄﻩ
.. ﻋﺎﺩﻱ ﺣﺒﻴﺒﻲ ﻟﺘﻬﺘﻤﻴﻦ ﺗﻌﺎﻟﻲ ﺑﺤﻀﻨﻲ ﻭﺍﻧﺴﻲ ﻛﻠﺸﻲ
ﺑﻘﻴﻨﻪ ﺗﻠﺚ ﺍﻳﺎﻡ ﺑﺎﻟﻔﻨﺪﻕ ﭼﺎﻧﺖ ﺍﺣﻠﻰ ﺍﻳﺎﻡ ﺑﺎﻟﻨﺴﺒﻪ ﺍﻟﻲ ﺭﻏﻢ ﺍﻟﺨﻮﻑ ﺍﻟﺒﻴﻪ ﺑﺲ ﭼﻨﺖ ﻓﺮﺣﺎﻧﻪ ﺣﺒﻴﺒﻲ ﺻﺎﺭ ﺍﻟﻲ ﻭﻛﻠﺸﻲ ﺧﻠﻴﺘﻪ ﻋﻠﻰ ﺭﺑﻲ ﻭﻫﻮﻩ ﻳﺘﻜﻔﻞ ﺍﻣﺮﻱ
🔹🔸🥇🔹🔸
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء