رواية امقت اعرافهم لكنها حيتني الجزء الخامس
للكاتبة نور
🔸🔹🥇🔸🔹
ﺛﺎﻟﺚ ﻳﻮﻡ ﺍﻣﻨﺖ ﻣﺎﻛﻮ ﺷﻲ ﺻﺎﻳﺮ ﻷﻥ ﻋﻼﺀ ﻋﻠﻰ ﺗﻮﺍﺻﻞ ﻭﻱ ﺍﻫﻠﻪ ﻭﺑﻠﻐﻮﻭ ﻣﺎﻛﻮ ﺷﻲ ﻭﻣﺤﺪ ﻭﺻﻠﻬﻢ ﻭﺍﻧﻲ ﻫﻢ ﺍﺗﺼﻠﺖ ﻋﻠﻰ ﺍﻣﻲ ﮔﺎﻟﺖ ﺍﺣﻨﻪ ﺍﺑﻴﺖ ﺧﺎﻟﭻ ﺑﻤﻨﻄﻘﺔ ﺍﻟﺒﻴﺎﻉ ﻣﻴﮕﺪﺭﻭﻥ ﻳﻮﺻﻠﻮﻥ ﺍﻟﻨﻪ ﻣﻴﻨﺪﻟﻮﻧﻪ
ﻃﻠﻌﻨﻪ ﻣﻦ ﺍﻟﻔﻨﺪﻕ ﻭﺗﻮﺟﻬﻨﻪ ﺍﻟﺒﻴﺖ ﻋﻴﺎﻟﻲ ﭼﻨﺖ ﻣﺘﺨﻮﻓﻪ ﻋﺮﻭﺱ ﻭﺃﻭﻝ ﺩﺧﻠﺘﻲ ﻣﺮﺗﺒﻜﻪ ﻭﺧﺠﻼﻧﻪ ﺍﺣﺲ ﻧﻔﺴﻲ ﻏﺮﻳﺒﻪ ﺑﻐﻴﺮ ﻋﺎﻟﻢ ﻭﺍﻛﻮ ﺷﻲ ﻗﺎﻟﻘﻨﻲ ﻣﺎﺍﻋﺮﻑ ﺍﺣﺲ ﻧﻔﺴﻲ ﻣﻮ ﻣﺮﺗﺎﺣﻪ
ﻛﻞ ﺷﻮﻳﻪ ﺍﻗﺮﻩ ﺃﻳﺎﺕ ﺗﻬﺪﻳﻨﻲ ﻭﺻﻠﻨﻪ ﺍﻟﺒﺪﺍﻳﺔ ﺍﻟﺸﺎﺭﻉ ﺍﻧﺮﻳﺪ ﻧﺪﺧﻞ ﺍﺗﺼﻞ ﺍﺧﻮ ﻋﻼﺀ
ﺭﺩ ﻋﻠﻲ ﮔﻠﻪ ﺍﻧﻲ ﻗﺮﻳﺐ ﻋﻠﻴﻜﻢ ﻭﺻﻠﺖ
.. ﻋﻼﺀ ﺍﺭﺟﻊ ﻟﺘﻮﺻﻞ ﺑﻴﺘﻨﻪ ﻫﺴﻪ ﺩﻳﺮ ﺑﺎﻟﻚ
.. ﻟﻚ ﺷﻜﻮﻭ ﺷﺼﺎﻳﺮ
.. ﻋﻤﺎﻡ ﺯﻭﺟﺘﻚ ﺍﺟﻮﻭ ﻭﮔﻠﺒﻮ ﺍﻟﺪﻧﻴﺎ ﺷﺎﺭﻋﻨﻪ ﻫﺴﻪ ﻛﻠﻪ ﺳﻴﺎﺭﺍﺕ ﻭﺑﺄﺳﻠﺤﺘﻬﻢ ﻭﻣﻤﻬﺘﻤﻴﻦ ﻻ ﺍﻟﺪﻭﻟﻪ ﻭﻻ ﺍﻟﺸﺮﻃﻪ ﻳﮕﻮﻟﻮﻥ ﻣﻨﺘﺤﺮﻙ ﺍﺫﺍ ﻣﻮ ﺑﺘﻨﻪ ﻭﻳﺎﻧﻪ
.. ﺷﻠﻮﻥ ﻳﻌﻨﻲ ﻣﻴﺘﺤﺮﻛﻮﻥ ﻭﻳﻦ ﺍﺭﻭﺡ ﺍﻧﻲ ﻫﺴﻪ
.. ﻣﺎﺍﻋﺮﻑ ﺍﻱ ﻣﻜﺎﻥ ﻋﻠﻤﺎ ﺍﻧﺸﻮﻓﻠﻨﻪ ﺣﻞ
.. ﻋﻼﺀ ﺷﻜﻮﻭ ﺷﻨﻮ ﺻﺎﻳﺮ ﺧﻮﻓﺘﻨﻲ
.. ﻣﺎﺍﻋﺮﻑ ﺑﺲ ﺍﻟﻈﺎﻫﺮ ﻋﻤﺎﻣﺞ ﻣﻴﺮﺩﻭﻧﻬﺎ ﺗﻌﺪﻱ ﻋﻠﻰ ﺧﻴﺮ ﻭﻫﺴﻪ ﻫﻤﻪ ﺍﺑﻴﺖ ﺍﻫﻠﻲ ﻭﺑﺴﻴﺎﺭﺍﺗﻬﻢ ﻭﺍﺳﻠﺤﺘﻬﻢ ﻭﻣﻮ ﻫﺎﻣﻬﻢ ﺍﺣﺪ
.. ﻳﻌﻨﻲ ﺷﻨﻮﻭ ﺷﺮﺍﺡ ﻳﺴﻮﻭﻥ
. ﻣﺎﺍﻋﺮﻑ
.. ﻋﻼﺀ ﻟﺘﺨﻠﻴﻬﻢ ﻳﺎﺧﺬﻭﻧﻲ ﻋﻔﻴﻪ ﻟﺘﺘﺮﻛﻨﻲ ﻧﺮﻭﺡ ﺍﻷﻱ ﻣﻜﺎﻥ
.. ﻣﻤﺘﻮﻗﻌﻬﻢ ﻫﻴﭻ ﻣﺎﻛﻮ ﻧﺎﺱ ﺗﻔﻜﺮ ﺑﻬﺎﻟﺘﻔﻜﻴﺮ ﺍﻟﻬﺴﻪ ﺷﻠﻮﻥ ﻳﻌﻨﻲ ﻭﻳﻦ ﺍﺭﻭﺡ ﺑﻴﺞ ﻭﺍﺣﻨﻪ ﻛﻠﺸﻲ ﻣﻤﺤﻀﺮﻳﻦ
ﺧﻞ ﻧﺮﻭﺡ ﺍﻷﻫﻠﺞ ﺑﻴﻦ ﻣﺎﺍﺗﺼﻞ ﺑﺄﻫﻠﻲ ﻭﻧﺤﻀﺮ ﻧﻔﺴﻨﻪ ﻭﻧﻄﻠﻊ ﻟﻠﺸﻤﺎﻝ ﻓﺘﺮﻩ ﺑﻴﻦ ﻣﺘﺤﻠﻬﺎ ﺍﻟﻜﺒﺎﺭ
. ﺍﻟﻠﻪ ﻛﺮﻳﻢ ..
ﺍﻟﺨﻮﻑ ﺳﻴﻄﺮ ﻋﻠﻴﻪ ﻭﻓﻜﺮﻱ ﺗﻌﺐ ﺯﻳﻦ ﺍﺗﺼﻞ ﺑﺄﻣﻲ ﺗﻨﻄﻴﻨﻪ ﻋﻨﻮﺍﻥ ﺑﻴﺖ ﺧﺎﻟﻮﻭ ﻟﻮ ﺍﺭﻭﺡ ﺍﻟﺒﻴﺘﻨﻪ ﺻﺎﺭ ﻓﺘﺮﻩ ﺗﺎﺭﻛﻲ ﺍﻛﻴﺪ ﺍﺑﺎﻟﻬﻢ ﺗﺮﻛﻨﻪ ﺍﻟﺒﻴﺖ ﮔﻠﺖ ﺍﻟﻌﻼﺀ ﻧﺮﻭﺡ ﺍﻟﺒﻴﺖ ﺍﻫﻠﻲ ﺍﻓﻀﻞ ﺍﻛﻴﺪ ﻋﺮﻓﻮ ﺍﺣﻨﻪ ﺗﺎﺭﻛﻴﻦ ﺍﻟﺒﻴﺖ ﻭﻫﻮﻩ ﻫﻢ ﻣﻌﺎﺭﺽ ﺍﻗﺘﻨﻊ ﺑﻜﻼﻣﻲ
ﻭﺻﻠﻨﻪ ﺍﻟﺒﻴﺘﻨﻪ ﻭﺩﺧﻠﺖ ﺟﻮﻩ ﺍﻟﻤﺸﻜﻠﻪ ﻣﻔﺘﺎﺡ ﺍﻟﺒﻴﺖ ﻣﻮ ﻋﻨﺪﻱ ﻣﻨﻴﻦ ﺍﺟﻴﺒﻪ ﺍﻟﺒﺎﺏ ﺑﻲ ﻣﻦ ﻓﻮﮒ ﺳﻨﺴﻠﻪ ﻭﻣﻘﻔﻮﻟﻪ ﺑﻘﻔﻞ ﭼﺒﻴﺮ ﺳﻴﺎﺭﺓ ﻋﻼﺀ ﺑﻴﻬﺎ ﻋﺪﻩ ﺭﺍﺡ ﺟﺎﺏ ﻣﻨﻬﺎ ﻛﻢ ﺣﺎﺟﻪ ﻛﺴﺮ ﺍﻟﻘﻔﻞ ﺍﻟﺨﺎﺭﺟﻲ ﺩﺧﻠﻨﻪ ﺟﻮﻩ
ﺍﺣﺲ ﺍﻟﺮﺍﻳﺢ ﻭﺍﻟﺠﺎﻱ ﻳﺘﻔﺮﺝ ﻋﻠﻴﻨﻪ ﻭﻣﺴﺘﻐﺮﺏ ﻭﺿﻌﻨﻪ ﻫﺬﻱ ﺑﺪﺍﻳﺘﻬﺎ ﺷﻨﻮ ﺗﺮﺩﻭﻥ ﻣﻨﻪ ﻟﻴﺶ ﻫﻴﭻ ﻳﺘﻌﺎﻣﻠﻮﻥ ﻭﻳﺎﻧﻪ ﻳﻘﺒﻠﻮﻫﺎ ﻋﻠﻰ ﺑﻨﺎﺗﻬﻢ ﭼﻨﺖ ﺍﻓﻜﺮ ﻭﺩﻣﻮﻋﻲ ﺑﺪﺕ ﺗﻨﺰﻝ
ﺍﻟﻤﺸﻜﻠﻪ ﻣﻦ ﺍﻭﻝ ﻣﻮﻗﻒ ﺣﺴﻴﺖ ﺍﻟﻤﻠﻞ ﺳﻴﻄﺮ ﻋﻠﻰ ﻋﻼﺀ ﻭﺣﺴﻴﺘﻪ ﻣﺘﻮﺭﻁ ﺭﻏﻢ ﻣﺸﺎﻑ ﺩﻣﻮﻋﻲ ﻣﻮﺍﺳﺎﻧﻲ ﻭﻻ ﺍﻧﻄﺎﻧﻲ ﺍﻣﺎﻥ ﺣﺘﻪ ﺑﻨﻈﺮﺍﺗﻪ ﻣﻮ ﺑﺲ ﺑﺎﻟﻜﻼﻡ ﭼﻨﺖ ﺍﺭﻳﺪ ﻣﻨﻪ ﺣﭽﺎﻳﻪ ﻭﺣﺪﻩ ﻳﮕﻠﻲ ﺍﻧﻲ ﻭﻳﺎﭺ ﻭﻟﺘﻔﻜﺮﻳﻦ
ﺩﺧﻠﺖ ﺟﻮﻩ ﻭﺍﻧﻲ ﺍﻓﻜﺮ ﻣﻌﻘﻮﻟﻪ ﺍﺳﺘﻌﺠﻠﺖ ﻣﻌﻘﻮﻟﻪ ﺍﻣﻲ ﻭﺭﻃﺘﻨﻲ ﻣﻌﻘﻮﻟﻪ ﻋﻼﺀ ﻳﺘﺨﻠﻪ ﻋﻨﻲ ﺑﺲ ﻫﻮﻩ ﮔﺎﻝ ﻣﺮﺍﺡ ﺍﺗﺮﻛﭻ ﺍﻛﻴﺪ ﻣﻴﺘﺮﻛﻨﻲ ﺑﺲ ﻫﻮﻩ ﺿﺎﻳﺞ ﻭﺧﺎﻳﻒ ﻋﻠﻰ ﺍﻫﻠﻪ ﺣﻘﻪ ﻭﺍﺻﻼ ﺍﻧﻲ ﻫﻢ ﻣﺸﺎﻑ ﻣﻨﻲ ﺷﻲ ﻳﻤﻜﻦ ﺗﺄﺛﺮ ﻋﻠﻰ ﻧﻔﺴﻴﺘﻪ
ﭼﻨﺖ ﺍﺷﻮﻓﻪ ﻣﺘﻮﺗﺮ
ﻋﻼﺀ ﺃﺳﻤﺮ ﻃﻮﻟﻪ ١٧٠ﺗﻘﺮﻳﺒﺎ ﻣﻼﻣﺤﻪ ﺣﻠﻮﻩ ﺑﺲ ﻣﺎﺑﻲ ﺷﻲ ﻣﻤﻴﺰ ﻏﻴﺮ ﻃﻠﺘﻪ ﻭﺗﻨﺴﻴﻘﻪ ﺍﻟﻤﻼﺑﺴﻪ ﻭﺗﺴﺮﻳﺤﺎﺕ ﺷﻌﺮﻩ ﻳﻌﻨﻲ ﻳﺤﺐ ﻳﻬﺘﻢ ﺑﻤﻈﻬﺮﻩ ﺍﻟﺨﺎﺭﺟﻲ ﻭﻳﺒﻴﻴﻦ ﻛﻠﺶ ﺣﻠﻮ ﻭﻧﺎﺯﻙ ﻭﻳﻬﺘﻢ ﺑﺎﻟﻠﺒﺲ ﻭﺍﻟﻤﺎﺭﻛﺎﺕ ﺍﻟﺴﺎﻋﺎﺕ ﻭﺍﻷﺣﺬﻳﻪ ﻭﺣﺘﻪ ﺍﻟﺴﻴﺎﺭﺍﺕ ﻳﺤﺐ ﻛﻞ ﻓﺘﺮﻩ ﻳﻐﻴﺮ ﻧﻮﻉ
ﺻﻔﻨﺖ ﻋﻠﻴﻪ ﻭﺍﻧﻲ ﺍﻓﻜﺮ ﻭﺭﻩ ﻫﺬﻱ ﺍﻟﻜﺸﺨﻪ ﻭﺍﻟﻤﻈﻬﺮ ﺍﻛﻮ ﺳﻨﺪ ﺍﺣﺘﻤﻲ ﻋﻠﻲ ﺍﮔﺪﺭ ﺍﺋﻤﻦ ﻋﻠﻰ ﺣﻴﺎﺗﻲ ﻭﻣﺴﺘﻘﺒﻠﻲ ﻭﻳﺎﻩ ﺭﺍﺡ ﻳﺤﻤﻴﻨﻲ
ﺍﻟﺠﻮﺍﺏ ﺍﻟﻲ ﺍﺣﺒﻪ ﺍﻧﻄﻲ ﺍﻟﻨﻔﺴﻲ ﻭﺍﺣﺎﻭﻝ ﺍﻗﺘﻨﻊ ﺑﻲ ﺍﻛﻴﺪ ﻛﻠﻪ ﺭﺟﻮﻟﻪ ﻭﺭﺍﺡ ﻳﺤﻤﻴﻨﻲ ﻭﻳﻌﻮﺿﻨﻲ ﻋﻦ ﻫﺬﻱ ﺍﻷﻳﺎﻡ ﺍﻟﻲ ﺍﻟﺨﻮﻑ ﻣﻠﻪ ﻗﻠﺒﻲ ﺑﻴﻬﺎ
ﺍﻛﻴﺪ ﻣﺮﺍﺡ ﻳﺘﺮﻛﻨﻲ ﻭﺭﺍﺡ ﻳﺘﺤﺪﻩ ﺍﻟﻌﺎﻟﻢ ﻛﻠﻪ ﻭﻳﻮﮔﻒ ﺑﻮﺟﻬﻢ ﻭﻳﮕﻠﻬﻢ ﻫﺬﻱ ﺯﻭﺟﺘﻲ ﻣﻮ ﻣﻦ ﺣﻖ ﺍﻱ ﻭﺍﺣﺪ ﻳﻄﺎﻟﺐ ﺑﻴﻬﺎ ﻭﻣﻮ ﺳﻠﻌﻪ ﻫﻴﻪ ﻭﺍﻧﺘﻮ ﺑﻜﻴﻔﻜﻢ ﺗﺘﺼﺮﻓﻮﻥ ﺑﻴﻬﺎ
ﻃﻠﻌﺖ ﻣﻦ ﺍﻓﻜﺎﺭﻱ ﻫﺬﻱ ﻛﻠﻬﺎ ﻋﻠﻰ ﺻﻮﺗﻪ
🔹🔸🥇🔹🔸
ﻋﻠﻴﺎﺀ
.. ﮔﻮﻝ ﺣﺒﻴﺒﻲ
.. ﺷﻨﻮ ﺍﻟﺤﻞ ﺑﺮﺃﻳﺞ
.. ﻣﺎﺍﻋﺮﻑ ﺍﻟﺤﻞ ﺷﻨﻮ ﻛﻞ ﺍﻟﻲ ﺍﻋﺮﻓﻪ ﻳﮕﺪﺭﻭﻥ ﻳﻔﺮﻗﻮﻧﻪ ﺻﺢ ﻣﻮﻭ
.. ﺍﻛﻴﺪ ﻣﻴﮕﺪﺭﻭﻥ ﺍﺣﺎﻭﻝ ﻧﻄﻠﻊ ﻣﻦ ﺑﺎﭼﺮ ﻭﻟﻤﺎ ﺗﻨﺤﻞ ﺍﻟﻤﺸﻜﻠﻪ ﺑﺎﻟﺘﺮﺍﺿﻲ ﻳﻠﻠﻪ ﻧﺮﺟﻊ
.. ﻳﻌﻨﻲ ﻣﺮﺍﺡ ﺗﺘﺮﻛﻨﻲ
.. ﻻ
ﻭﻱ ﺟﻮﺍﺑﻪ ﻭﺑﻌﺪﻩ ﻣﻤﻜﻤﻞ ﻛﻼﻡ ﺣﺴﻴﻨﻪ ﺑﺸﺨﻄﺔ ﺍﻟﺴﻴﺎﺭﺍﺕ ﻭﺍﻷﺻﻮﺍﺕ ﺍﺣﺴﻬﺎ ﺍﺧﺘﺮﻗﺖ ﺍﺫﻧﻲ ﻳﻤﻜﻦ ﻣﻦ ﺧﻮﻓﻲ ﺣﺴﻴﺖ ﺑﻴﻬﺎ ﻣﻮ ﻃﺒﻴﻌﻴﻪ
ﻭﻱ ﻭﮔﻔﺔ ﺍﻟﺴﻴﺎﺭﺍﺕ ﺻﺎﺭ ﺍﻛﻮ ﺻﻮﺕ ﺭﻣﻲ ﻭﺍﺻﻮﺍﺗﻬﻢ ﻋﻠﺖ
.. ﺍﻃﻠﻊ ﻣﻦ ﺍﻟﺒﻴﺖ ﻧﻌﺮﻑ ﺑﻴﻜﻢ ﺍﻧﺘﻮﻭ ﻫﻨﺎ
ﭼﻨﺖ ﺍﺑﺎﻭﻉ ﺍﻟﻌﻼﺀ ﺷﺮﺍﺡ ﻧﺴﻮﻱ
ﺑﺪﻭﻥ ﻣﺎﺍﺳﺌﻠﻪ ﺷﻔﺖ ﺍﻟﻴﺌﺲ ﺑﻌﻴﻮﻧﻪ
ﺑﻘﻴﻨﻪ ﻋﻠﻰ ﻭﮔﻔﺘﻨﻪ ﺍﻧﺪﻓﻌﺖ ﺍﻟﺒﺎﺏ ﺷﻔﺖ ﺭﺍﻓﻊ ﺍﺑﻦ ﻋﻤﻮ ﺍﺟﻪ ﺷﺎﻓﻨﻲ ﺍﺑﭽﻲ ﺑﺴﺮﻋﻪ ﺩﺍﺭ ﻋﻴﻮﻧﻪ ﻋﻨﻲ ﻭﺟﻪ ﻛﻼﻣﻪ ﺍﻟﻌﻼﺀ
.. ﺍﻱ ﻳﺎﻋﺮﻳﺲ ﺍﻛﻮ ﻭﺍﺣﺪ ﻳﺎﺧﺬﻟﻪ ﻣﺮﻩ ﺑﺪﻭﻥ ﺭﺿﺎ ﺍﻫﻠﻬﺎ ﻭﭼﻤﺎﻟﻪ ﺍﺣﻨﻪ ﻧﺎﻫﻴﻦ ﺗﺠﻲ ﺍﻧﺖ ﺍﺑﻮ ﮔﺬﻳﻠﻪ ﺗﻜﺴﺮ ﻧﻬﻮﺗﻨﻪ ﻣﺎﺗﻌﺮﻑ ﺍﻟﺴﻮﻳﺘﻪ ﻳﺴﻤﻮﻧﻪ ﻟﻌﺐ ﺑﺎﻟﻨﺎﺭ ﻭﺍﺣﻨﻪ ﺍﻟﻨﺎﺭ ﻭﺍﻧﺖ ﺍﻟﻌﺒﺖ ﺑﻴﻨﻪ ﺗﺘﺤﻤﻞ ﺍﻟﻴﺠﺮﺍﻟﻚ ﻟﻮ ﻻ ﺧﻞ ﺍﻧﺸﻮﻑ
ﺷﻔﺖ ﻋﻼﺀ ﻣﺠﺎﻭﺑﻪ ﺍﺑﺪ ﻭﺍﻟﺨﻮﻑ ﺑﺎﻥ ﻋﻠﻴﻪ
ﺗﺮﺟﻴﺘﻪ ﺍﻧﻲ ﺭﺍﻓﻊ ﻓﺪﻭﻩ ﺍﺭﻭﺣﻠﻚ ﻟﺘﺴﻮﻟﻪ ﺷﻲ ﻭﺍﻟﻠﻪ ﻣﻮ ﺫﻧﺒﻪ ﺍﻣﻲ ﻫﻴﻪ ﺍﻟﮕﺎﻟﺖ ﻋﻤﺎﻣﻬﺎ ﻣﺎﺍﻟﻬﻢ ﺣﻖ ﻣﻮ ﻫﻮﻩ
.. ﻟﺘﺨﺎﻓﻴﻦ ﺑﻨﺖ ﺍﻟﻌﻢ ﻣﺎﻧﺴﻮﻳﻠﻪ ﺷﻲ ﺍﻫﻠﻪ ﻣﺘﺎﻧﻴﻨﻪ ﺑﺎﻟﺒﺎﺏ
ﺩﺍﺭ ﻋﻠﻲ ﺑﺼﻮﺕ ﻋﺎﻟﻲ ﺻﺎﺡ ﻳﻠﻠﻪ ﮔﻮﻭﻭﻡ ﺍﺗﺤﺮﻙ ﮔﺒﻞ ﻻ ﺍﻏﻴﺮ ﺭﺃﻳﻲ
ﺷﻔﺖ ﻋﻼﺀ ﮔﺎﻡ ﻳﺮﻳﺪ ﻳﻄﻠﻊ ﺻﺤﺖ ﻋﻠﻴﻪ
.. ﻋﻼﺀ ﻭﻳﻦ ﻭﺍﻧﻲ ﻭﻳﻦ ﻋﺎﻳﻔﻨﻲ
.. ﻋﻠﻴﺎﺀ ﺭﻭﺣﻲ ﻭﻳﺎﻫﻢ ﻫﺴﻪ ﺍﻭﻋﺪﭺ ﻣﺮﺍﺡ ﺍﺗﺮﻛﭻ ﺭﺍﺡ ﺍﺳﻮﻱ ﺍﻷﺻﻮﻝ ﻭﺍﺟﻲ ﺍﻃﻠﺒﭻ ﻣﻨﻬﻢ ﻣﻦ ﺟﺪﻳﺪ
.. ﻻ ﻋﻔﻴﻪ ﻟﺘﺘﺮﻛﻨﻲ ﻋﻼﺀ ﻋﻼﺀ . ﺻﺤﺖ ﺑﺼﻮﺕ ﻣﺨﻨﻮﮒ
ﺭﺍﻓﻊ ﮔﻠﻲ ﻋﻠﻴﺎﺀ ﻟﺘﺨﺎﻓﻴﻦ ﻣﺎﻋﺪﻧﻪ ﺷﻲ ﻭﻳﺎﺝ ﺑﺲ ﻻﺯﻡ ﻫﻴﺞ ﻧﺴﻮﻱ ﻣﻮ ﺳﻬﻠﻪ ﻳﺘﺮﻛﻮﻧﻪ ﻭﺍﺣﻨﻪ ﻧﺎﻫﻴﻦ ﺑﺎﻟﺠﺬﺏ ﭼﺎﻥ ﺩﺯ ﺍﻫﻠﻪ ﻋﻤﺎﻣﻪ ﻳﻘﻨﻮﻋﻨﻪ ﻳﻄﻠﺒﻮﻧﺞ ﺭﺳﻤﻲ ﻛﻞ ﺍﻟﺼﺎﺭ ﺑﺴﺒﺐ ﺍﻣﺞ ﺍﻧﻲ ﺭﺍﻳﺪﺝ ﺗﺘﺼﻠﻴﻦ ﺑﻴﻬﺎ ﺗﻀﻐﻄﻴﻦ ﻋﻠﻴﻬﺎ ﺣﺘﻪ ﺍﻋﺮﻑ ﺍﻓﻴﺎﺀ ﻭﻳﻦ ﻟﺘﺮﻭﺡ ﺗﺠﺒﺮﻫﺎ
.. ﺃﻧﺖ ﻣﺘﺨﺎﻑ ﺍﻟﻠﻪ ﺍﺑﻴﺶ ﻃﺎﻟﺒﻨﻲ ﺷﻨﻮ ﺗﺮﺩﻭﻥ ﻣﻨﻪ ﺑﺴﺒﺒﻜﻢ ﺍﺑﻮﻳﻪ ﻓﻘﺪﻧﺎﻩ ﻣﻦ ﻳﻮﻡ ﺍﻟﻲ ﺷﻔﻨﺎﻛﻢ ﻭﻋﺮﻓﻨﺎﻛﻢ ﻣﺸﻔﻨﻪ ﺍﻟﺨﻴﺮ ﺍﺧﺘﻲ ﻏﺒﻴﻪ ﻭﺛﻮﻟﻪ ﺍﺷﺎﻓﺖ ﺑﻮﺍﺣﺪ ﻫﻤﺠﻲ ﻣﺜﻠﻚ ﻭﺣﺒﺘﻪ
.. ﺣﺎﺷﻤﭻ ﺍﻟﺨﺎﻃﺮ ﺍﺳﻢ ﻋﻤﻲ ﻭﺍﻻ ﭼﺎﻥ ﺍﻋﺮﻓﺖ ﺍﺗﺼﺮﻑ ﻭﻳﺎﭺ ﺭﺟﻠﺞ ﻻﺯﻡ ﻳﺘﺤﺸﻢ ﻭﻳﻤﺸﻲ ﻳﻠﻠﻪ ﺗﺮﺟﻌﻴﻦ ﻭﻳﺎﻩ ﻫﺎﻱ ﺍﻋﺮﺍﻓﻨﻪ ﺍﺣﻨﻪ ﻣﻮ ﻃﺮﺍﻃﻴﺮ ﻭﻻ ﺑﺲ ﺣﭽﻲ ﻣﻦ ﻧﻬﻴﻨﻪ ﻭﺣﺬﺭﻧﺎﻫﻢ ﻭﺗﺮﻛﻮﻭ ﺗﺤﺬﻳﺮﺍﺗﻨﻪ ﺷﻌﺒﺎﻟﻬﻢ ﺭﺍﺡ ﻧﺴﻜﺖ ﻫﺴﻪ ﺑﺴﺮﻋﻪ ﻓﻀﻴﻨﻲ ﻋﻨﻮﺍﻥ ﺍﻓﻴﺎﺀ ﺣﺼﻠﻲ ﺍﻟﻲ ﻻ ﺍﻏﻴﻴﺮ ﺭﺃﻳﻲ ﻭﺍﺧﺬﺝ ﺍﻧﺘﻲ ﻭﺣﺒﻴﺐ ﺍﻟﮕﻠﺐ ﺳﻮﻩ ﺗﺮﻩ ﺗﺮﻛﺘﻪ ﻟﻌﻴﻮﻧﭻ ﻭﺍﻟﻠﻪ ﭼﻲ ﺷﻔﺖ ﺍﻟﺨﻮﻑ ﺑﻴﻬﻦ ﻋﺮﻓﺘﭻ ﺧﺎﻳﻔﻪ ﻋﻠﻲ ﻭﺍﻟﻠﻪ ﻫﻮﻩ ﺍﻟﻤﻔﺮﻭﺽ ﻳﺘﺤﺎﺳﺐ ﻏﻴﺮ ﺣﺴﺎﺏ
.. ﺗﻌﺮﻑ ﺷﻲ ﺍﻛﺮﻫﻜﻢ ﻭﺍﻛﺮﻩ ﻋﺎﺩﺍﺗﻜﻢ ﻭﺗﻘﺎﻟﻲ
ﻛﻢ ﻭﻟﻮ ﺗﻤﻮﺕ ﻣﺘﻔﺮﻗﻨﻲ ﻣﻦ ﺭﺟﻠﻲ ﻓﻬﻤﺖ
.. ﺗﻜﺮﻫﻴﻨﻪ ﻫﺬﺍ ﺷﻲ ﻳﺨﺼﭻ ﺍﻟﻤﺤﺒﻪ ﻣﻮ ﺍﺟﺒﺎﺭﻱ ﻛﺮﻫﻴﻨﻪ ﻣﺘﺄﺛﺮﻳﻦ ﻋﻠﻴﻨﻪ ﺷﻲ ﻭﻻ ﺭﺍﺡ ﻧﺄﺛﺮ ﻋﻠﻴﭻ ﺑﺲ ﺭﺟﻠﺞ ﺍﺣﻨﻪ ﻣﺮﺍﻳﺪﻳﻦ ﻧﻔﺮﻗﻜﻢ ﮔﺮﺻﺔ ﺍﺫﻥ ﺍﻟﻪ ﻭﺍﻷﻫﻠﻪ ﻣﻮ ﺍﻛﺜﺮ ﭼﺎﻥ ﺑﻴﺪﻧﻪ ﻧﺴﻮﻱ ﺍﻷﻛﺜﺮ ﺑﺲ ﻫﺬﺍ ﻫﻢ ﻣﺎﻳﺮﺿﻴﻨﻪ ﺍﻟﺠﺒﺮﻧﻪ ﻧﺴﻮﻱ ﻫﻴﺞ ﺍﻣﺞ ﻭﻳﻦ ﺭﺍﺣﺖ ﻫﻴﻪ ﻭﺍﺧﺘﺞ ﺟﺎﻭﺑﻲ
.. ﻣﺎﺍﻋﺮﻑ ﻛﻞ ﺍﻷﻋﺮﻓﻪ ﻫﻤﻪ ﺍﺑﻴﺖ ﻭﺍﺣﺪ ﻣﻦ ﺧﻮﺍﻟﻲ
.. ﻭﺍﻟﻠﻪ ﻭﺍﻟﻨﻌﻢ ﻣﻦ ﺧﻮﺍﻟﭻ ﺷﻠﻮﻥ ﻧﺤﺒﻬﻢ ﺍﺣﻨﻪ ﻭﻣﺎﺧﺬﻩ ﺑﺘﻨﻪ ﻳﻤﻬﻢ ﻭﻳﻦ ﺻﺎﻳﺮﻳﻦ
🔸🔹🥇🔸🔹
ﻣﺎﺍﻋﺮﻑ
.. ﺍﺗﺼﻠﻲ ﺑﻴﻬﺎ ﺑﺴﺮﻋﻪ
ﺍﺗﺼﻠﺖ ﺑﺄﻣﻲ ﻭﻣﺎﺑﻴﻨﺖ ﺷﻲ ﺧﻔﺖ ﻣﻦ ﻧﻈﺮﺍﺕ ﻋﻴﻮﻧﻪ ﺍﺣﺴﻪ ﻣﺴﺘﻘﺘﻞ ﺣﺘﻪ ﻳﻌﺮﻑ ﻣﻜﺎﻥ ﺍﻓﻴﺎﺀ
ﺍﺧﺬﺕ ﻣﻦ ﺍﻣﻲ ﺍﻟﻌﻨﻮﺍﻥ ﺑﺤﺠﺔ ﻧﺮﻭﺡ ﻳﻤﻬﻢ ﻷﻥ ﻋﻤﺎﻣﻲ ﻣﻴﻨﺪﻟﻮﻫﻢ
ﺑﺴﺮﻋﻪ ﺍﺧﺬﻧﻲ ﺑﻴﺪﻩ ﻭﻃﻠﻊ ﺍﺷﻮﻑ ﺍﻟﺸﺎﺭﻉ ﻛﻠﻪ ﺳﻴﺎﺭﺍﺕ ﻭﺷﺒﺎﺏ ﻣﺴﻠﺤﻴﻦ ﺯﻳﻦ ﻣﻌﻘﻮﻟﻪ ﻣﺎﻛﻮ ﺳﻴﻄﺮﺍﺕ
ﺍﺧﺬﻧﻲ ﻃﺎﻳﺮ ﺑﺴﻴﺎﺭﺗﻪ ﻭﺻﻠﻨﻪ ﺍﻟﻌﻨﻮﺍﻥ ﻧﺰﻝ ﻫﻮﻩ ﺑﻴﺪﻩ ﺍﻓﻴﺎﺀ ﺑﺲ ﭼﺎﻧﺖ ﻓﺮﺣﺎﻧﻪ ﻣﺘﻌﺮﻑ ﺑﻴﻪ ﺍﻧﻲ ﻣﻮﺟﻮﺩﻩ ﺻﻌﺪﺕ ﺑﺎﻟﺴﻴﺎﺭﻩ ﺍﻧﺘﺒﻬﺖ ﺍﻟﻲ ﻭﺍﺗﻔﺎﺟﺌﺖ
ﺿﻠﺖ ﻋﻴﻮﻧﻪ ﻉ ﺍﻟﺠﺎﻡ ﻧﺸﻮﻑ ﺍﻣﻲ ﺗﺮﻛﺾ ﻣﻨﺎ ﻭﻣﻨﺎ ﻭﺍﺣﻨﻪ ﻋﻠﻰ ﺭﻛﻀﻬﺎ ﺷﺒﻌﻨﻪ ﺑﭽﻲ ﺣﺴﻴﻨﻪ ﺑﺤﻴﺮﺗﻬﺎ ﺣﺎﻭﻟﺖ ﺗﺤﻤﻴﻨﻪ ﻣﻨﻬﻢ ﺑﺲ ﻣﮕﺪﺭﺕ ﻭﺍﺣﻨﻪ ﻫﻢ ﻣﺴﺎﻋﺪﻧﺎﻫﺎ ﻋﻠﻪ ﺻﻮﺕ ﺑﭽﻴﻨﻪ ﻭﻃﻠﻌﺖ ﺍﻟﺴﻴﺎﺭﺍﺕ ﺑﻴﻨﻪ ﺧﺎﺭﺝ ﺑﻐﺪﺍﺩ ﺣﺴﻴﺖ ﺑﺄﺣﺴﺎﺱ ﺍﻷﺳﻴﺮﻩ ﺍﻟﺬﻟﻴﻠﻪ
ﺗﻠﻄﺮﻳﻖ ﻛﻠﻪ ﺭﺍﻓﻊ ﻳﺴﺌﻞ ﺍﻓﻴﺎﺀ ﺧﻮ ﻣﺴﻮﺗﻠﺞ ﺷﻲ ﺧﻮ ﻣﻌﻘﺪﺗﻲ ﺑﻴﺖ ﺧﺎﻟﺞ ﻣﻨﻮ ﺑﻲ ﭼﺎﻣﺖ ﻣﺘﺤﺎﭼﻲ ﺑﺲ ﺑﺎﻷﺷﺎﺭﻩ
ﻋﺮﻓﻨﻪ ﻣﺼﻴﺮﻧﻪ ﺻﺎﺭ ﺑﺄﻳﺪﻫﻢ ﻭﺍﺣﻨﻪ ﺍﻧﺘﻬﻴﻨﻪ ﻛﻞ ﺣﺮﻳﻪ ﻣﺎﺍﻟﻨﻪ ﻳﻤﻜﻦ ﻣﻮﻗﻒ ﺍﻓﻴﺎﺀ ﺍﻓﻀﻞ ﻣﻨﻲ ﻫﻴﻪ ﻏﻴﺮ ﻫﻴﻪ ﺣﺒﻴﺒﻬﺎ ﺳﻮﻩ ﻛﻞ ﻫﺬﺍ ﻋﻠﻤﻮﺩﻫﺎ ﻭﺍﻧﻲ ﺷﻨﻮ ﺍﻧﻲ ﺳﺒﻴﻪ ﺣﺎﻟﻲ ﺣﺎﻝ ﺑﺎﻗﻲ ﺍﻟﺴﺒﺎﻳﺎ ﺑﺲ ﺿﺤﻴﺔ ﺍﻷﻋﺮﺍﻑ
ﻭﺻﻠﻨﻪ ﺍﻟﻤﻐﺮﺏ
ﺗﻘﺮﻳﺒﺎ ﻧﺰﻟﻨﻪ ﻟﻠﺒﻴﺖ ﺍﻟﻲ ﺍﺟﻴﻨﺎﻩ ﻗﺒﻞ ﺑﺲ ﺍﺟﻴﻨﻪ ﻭﻳﺎﻧﻪ ﻣﺎﻣﺎ ﻭﺑﺎﺑﺎ ﺍﺟﻴﻨﻪ ﻓﺮﺣﺎﻧﻴﻦ ﺣﺘﻪ ﻧﺘﻌﺮﻑ ﻋﻠﻰ ﺍﻫﻠﻨﻪ ﻫﺴﻪ ﻻ ﻛﻠﺸﻲ ﻳﺨﺘﻠﻒ
ﺍﻧﻲ ﺣﻘﺪﺕ ﻉ ﺍﻟﻜﻞ ﺍﺣﺲ ﺍﻛﺮﻩ ﺣﺘﻪ ﻫﻮﺍﻫﻢ ﻭﺩﻱ ﻣﺎﺍﺷﻤﻪ ﻭﻻ ﺍﺗﻨﻔﺲ ﻣﻨﻪ
ﺍﺳﺘﻘﺒﻠﺘﻨﻪ ﻋﻤﺘﻲ ﻭﺍﺣﻨﻪ ﻋﻴﻮﻧﻪ ﺣﻤﺮ ﻣﻦ ﺍﻟﺒﭽﻲ ﺍﻟﻮﻟﺪ ﻧﺰﻟﻮﻧﻪ ﻭﻃﻠﻌﻮﻭ ﻣﺎﺩﺧﻠﻮ ﺍﺻﻼ ﻭﻋﻤﺘﻲ ﺿﻠﺖ ﺗﺴﺄﻝ ﻭﺍﺣﻨﻪ ﻣﺎﻟﻨﻪ ﺧﻠﮓ ﻧﺠﺎﻭﺏ
ﮔﺘﻠﻬﺎ ﺍﺭﻳﺪ ﺍﺭﺗﺎﺡ ﺑﺲ ﺭﺍﺩﺗﻨﻪ ﻧﺪﺧﻞ ﻳﻢ ﺑﻴﺒﻲ ﻭﺟﺪﻭﻭ ﻧﺸﻮﻓﻬﻢ ﺑﺲ ﺍﻧﻲ ﺣﺘﻪ ﻫﻤﻪ ﻛﺎﺭﻫﺘﻬﻢ ﻛﺎﺭﻫﺎ ﻛﻠﺸﻲ ﻳﺮﺑﻄﻨﻲ ﺑﻴﻬﻢ ﺣﺘﻪ ﺑﺎﺑﺎ ﻛﺮﻫﺘﻪ ﺑﺬﺍﻙ ﺍﻟﻴﻮﻡ
ﺍﺣﺴﺎﺳﻲ ﺻﻌﺐ ﺻﻌﺐ ﺍﺗﺮﺟﻤﻪ
ﺩﺧﻠﻨﻪ ﺟﻮﻩ ﻭﺩﺧﻠﺖ ﻋﻤﺘﻲ ﺗﻬﺪﻱ ﻋﻠﻴﻨﻪ ﻭﻣﺒﻴﻨﻪ ﻣﻘﻬﻮﺭﻩ
ﮔﺎﻟﺖ ﺍﻧﻲ ﺍﻟﻬﻢ ﻛﻴﻔﻬﻢ ﻳﺘﺼﺮﻓﻮﻥ ﺧﻞ ﻳﺠﻲ ﻋﻠﻲ ﻭﺍﻧﻲ ﺍﻋﺮﻓﻪ ﺷﻠﻮﻥ ﻳﺘﺼﺮﻑ ﻭﻳﺎﻫﻢ
ﺳﻮﺩﻩ ﻋﻠﻴﻪ ﻋﻤﻪ ﺍﻧﺘﻲ ﻋﺮﻭﺱ ﻭﺍﻟﺒﭽﻲ ﻣﺎﻳﺼﻠﺢ ﻻﺗﺨﺎﻓﻴﻦ ﻳﺠﻲ ﺍﻟﺸﻴﺦ ﻭﻛﻠﺸﻲ ﻳﺘﻌﺪﻝ ﻫﻮﻩ ﻣﺎﻳﻘﺒﻞ ﻋﻠﻴﻬﻢ ﻻﺗﺰﻋﻠﻦ ﺑﺲ ﺍﻟﻐﻠﻂ ﺑﺄﻣﺠﻦ ﺷﻠﻮﻥ ﺗﺘﺼﺮﻑ ﻣﻦ ﺭﺍﺳﻬﺎ ﻭﺗﻮﺻﻴﻠﻬﻢ ﻭﺗﮕﻠﻬﻢ ﻛﺴﺮﺕ ﺣﭽﻴﻜﻢ ﻭﺧﺸﻮﻣﻜﻢ ﻭﺍﻟﻲ ﺭﺩﺗﻪ ﺳﻮﻳﺘﻪ ﻳﺎﻋﻤﻪ ﺷﺒﺎﺑﻨﻪ ﺩﻣﻬﻢ ﺣﺎﺭ ﺷﻠﻮﻥ ﻫﻴﭻ ﺗﻌﻴﺮﻫﻢ
ﭼﻨﺖ ﻣﻮ ﻣﺮﻛﺰﻩ ﺑﺎﻟﻲ ﺗﮕﻮﻟﻪ ﺑﺲ ﺳﻤﻌﺘﻪ ﻭﺍﺑﺠﻲ ﻣﺠﺎﻭﺑﺖ ﺷﻲ ﻭﺍﻓﻴﺎﺀ ﭼﻨﻬﺎ ﻓﺮﺣﺎﻧﻪ ﺑﺎﻟﺴﻮﺍﻩ ﺍﻟﻬﺎ ﺭﺍﻓﻊ
ﻃﺘﻠﻬﻢ ﺍﺭﻳﺪ ﺍﻧﺎﻡ
ﺍﻧﺎﻡ ﻭﺑﺲ
ﻏﻄﺘﻨﻲ ﻋﻤﺘﻲ ﻭﺍﻧﻲ ﺟﺴﻤﻲ ﻳﻨﻔﺾ ﺍﺣﺲ ﺍﻟﺮﺟﻔﻪ ﻭﺍﻟﺨﻮﻓﻪ ﻫﺴﻪ ﻃﻠﻌﺖ ﺑﻴﻪ ﻭﺣﺴﻴﺖ ﺑﻴﻬﺎ
ﻧﻤﺖ ﻣﺎﺍﻋﺮﻑ ﺷﮕﺪ ﺑﺲ ﮔﻌﺪﺕ ﻋﻠﻰ ﺍﺻﻮﺍﺕ ﻋﺎﻟﻴﻪ ﻭﻋﺮﻙ ﺑﺪﺍﺧﻞ ﺍﻟﺒﻴﺖ
ﺑﺪﺍﺧﻠﻲ ﻓﺮﺣﺖ ﺍﻱ ﻳﺎﺭﺑﻲ ﺑﻌﺪ ﻭﺑﻌﺪ ﻫﺬﻱ ﺣﻮﺑﺘﻲ ﻭﺍﻧﻲ ﻋﺮﻭﺱ ﺩﺍﺋﻤﺎ ﺍﺳﻤﻊ ﻳﮕﻠﻮﻥ ﺍﻟﻤﻈﻠﻮﻡ ﺍﻟﻪ ﺣﻮﺑﻪ ﻭﻫﻤﻪ ﻇﻠﻤﻮﻧﻲ
ﻓﺘﺤﺖ ﺍﻟﺒﺎﺏ ﺍﺭﻳﺪ ﺍﻋﺮﻑ ﺷﻜﻮﻭ ﺍﺳﻤﻊ ﺣﭽﻴﻬﻢ ﺻﻮﺕ ﭼﺎﻥ ﻭﺍﺿﺢ ﺑﺨﺸﻮﻧﻪ ﻳﺘﻜﻠﻢ ﻭﺍﻟﻜﻞ ﻳﺴﻤﻊ ﺍﻟﻪ ﻭﻣﻦ ﻳﺴﻜﺖ ﻳﺒﺪﻭﻥ ﺍﻛﺜﺮ ﻣﻦ ﻭﺍﺣﺪ ﻳﺘﺤﭽﻮﻥ ﻭﻳﺮﺟﻊ ﻳﺼﻴﺢ ﺑﻴﻬﻢ
ﺍﺭﻳﺪ ﺍﻋﺮﻑ ﻣﻨﻮ ﻫﺬﺍ ﻭﺷﻨﻮ ﺍﻟﺨﻼﻫﻢ ﻫﻴﺞ ﻳﺘﻌﺎﺭﻛﻮﻥ
ﺗﻘﺪﻣﺖ ﺍﻛﺜﺮ ﺣﺒﻴﺖ ﺍﺳﻤﻊ
.. ﻭﻟﻚ ﺍﻧﺖ ﺷﻨﻬﻲ ﺻﺎﻳﺮ ﭼﺒﻴﺮ ﺍﻫﻠﻚ ﻭﺗﺘﺼﺮﻑ ﻣﻦ ﻛﻴﻔﻚ ﻣﺎﺣﺸﻤﺖ ﺟﺪﻱ ﻣﺎﺣﺸﻤﺖ ﻋﻤﻚ ﺍﺑﻮﻙ ﻭﻻ ﺣﺸﻤﺘﻨﻲ ﺍﺣﺘﺮﺍﻣﻜﻢ ﻭﻳﻨﻪ ﻭﻟﻚ ﻭﻣﺤﻤﺪ ﺳﻮﺍﻳﺘﻚ ﻣﺎﻳﻨﺴﻜﺖ ﻋﻠﻴﻬﺎ ﻭﻟﻮ ﻭﺍﺣﺪ ﻏﻴﺮ ﺭﺻﺎﺻﻪ ﺗﺤﻄﻬﺎ ﺑﺮﻛﺒﻚ ﻭﺍﺳﮕﻄﻚ ﻳﺎﺳﮕﻂ
ﻭﻟﻚ ﺗﺎﺧﺬ ﻋﺮﻭﺱ ﻣﻦ ﺯﻟﻤﺘﻬﺎ ﻭﻟﻚ ﺍﻏﺒﺮ ﺑﻨﺖ ﻋﻤﻚ ﺷﻠﻮﻥ ﻫﻴﭻ ﺗﻌﺎﻣﻠﻬﺎ ﻳﺎﻫﻮ ﺍﻟﺴﻮﻩ ﺳﻮﺍﻳﺘﻚ ﻋﻢ ﺍﻟﻚ ﺍﺑﻮﻭ
ﻭﻟﻚ ﺍﻧﻪ ﺍﻓﺘﺮ ﺍﺑﺨﺘﻲ ﻭﺑﺨﺖ ﺍﻫﻠﻲ ﻭﺍﺣﻞ ﻃﻼﻳﺐ ﺍﻟﻌﺎﻟﻢ ﻭﺍﻧﻪ ﺑﺪﻱ ﺍﻓﻚ ﻧﺴﻮﺍﻥ ﻣﻦ ﺍﻟﻨﻬﻮﻩ ﺗﺠﻲ ﺍﻧﺖ ﺗﻌﻴﺪ ﺳﻮﺍﻟﻒ ﺍﻟﻨﺤﭽﻲ ﻋﻠﻴﻬﻢ ﻭﺍﻃﺒﻘﻬﻦ ﻭﻣﻮ ﺑﺲ ﻫﺎﻱ ﺗﺮﻳﺪ ﺗﻮﺭﻁ ﻭﻟﺪ ﺍﻟﻌﺎﻟﻢ ﻣﺎﺧﺬﻫﻢ ﻫﻤﻪ ﻭﺍﺳﻠﺤﺘﻬﻢ ﺗﻜﺘﻠﻮﻭ ﺑﺎﻟﺪﺭﺏ ﺻﺎﺭ ﻋﻠﻴﻬﻢ ﺷﻲ ﺍﺧﺬﺗﻬﻢ ﺍﻟﺤﻜﻮﻣﻪ ﻳﺎﻫﻮ ﺍﻟﻬﻢ ﻭﺷﺘﮕﻞ ﺍﻷﻫﻠﻢ ﻭﻟﻚ ﺭﺍﻓﻊ ﺍﻧﺖ ﻏﻠﻄﺖ ﻭﻣﺎﺧﺬﺗﻠﻚ ﺷﻮﺭ ﻻ ﻣﻨﻲ ﻭﻻ ﻣﻦ ﻋﻤﻚ ﻭﺍﺑﻮﻙ ﺍﺧﻮﺍﻧﻚ ﻭﻳﻨﻬﻢ ﻭﻳﻦ ﭼﺎﻧﻮ ﻋﻨﻚ
.. ﺷﻴﺦ ﺍﻧﻲ ﺍﻟﺴﻮﻳﺘﻪ ﻣﺠﺒﻮﺭ ﻋﻠﻲ ﺍﻧﻪ ﺭﺍﻳﺪ ﺑﺖ ﻋﻤﻲ ﻭﻫﻴﻪ ﺭﺍﻳﺪﺗﻨﻲ ﻭﺍﻣﻬﺎ ﺟﺒﺮﺗﻬﻪ ﺗﺘﺰﻭﺝ ﻏﻴﺮﻱ ﻭﻫﻴﻪ ﺑﻨﻴﻪ ﻭﺭﻓﻀﺖ ﻭﺳﻮﺕ ﺍﻟﺨﺎﻃﺮﻱ ﺍﻟﻤﻮ ﻛﻞ ﻭﺣﺪﻩ ﺗﺴﻮﻱ ﺷﻠﻮﺕ ﺍﻧﻪ ﺍﺗﺨﻠﻪ ﻋﻨﻬﺎ ﻣﺎﺍﻟﻲ ﻏﻴﺮ ﻫﺬﺍ ﺍﻟﺤﻞ
.. ﻭﺍﺧﺘﻬﺎ ﺷﻨﻬﻲ ﻋﺬﺭﻙ ﻣﻦ ﺟﺒﺘﻬﺎ
.. ﺍﺧﺘﻬﺎ ﺻﻮﺝ ﺍﻣﻬﺎ ﻭﺭﺟﻠﻬﺎ ﻟﻮ ﻳﻌﺮﻓﻮﻥ ﺍﻷﺻﻮﻝ ﭼﺎﻥ ﻣﺤﺪ ﺗﻌﺮﺿﻠﻬﻢ ﺍﺑﻮﻱ ﻧﻬﻪ ﻭﻫﻤﻪ ﻛﺴﺮﻭﻭ ﻧﻬﻮﺗﻪ ﻭﻭﺩﺗﻠﻨﻪ ﺣﭽﺎﻳﻪ ﻭﻋﺎﺭ ﻭﺗﺘﺤﺪﺍﻧﻪ ﺭﺩﺕ ﺍﺷﻮﻓﻬﺎ ﺍﻷﻣﻬﺎﺕ ﺷﺘﺠﻴﺐ ﻭﺷﻠﻮﻥ ﺗﻌﺮﻓﻨﻪ ﺍﻟﺴﻨﻴﻦ ﺍﻟﺴﻜﺘﻨﻪ ﺑﻴﻬﺎ ﻋﻦ ﺣﻘﻨﻪ ﻣﻮ ﺧﻮﻑ ﺳﻜﺘﻨﻪ ﻷﻥ ﻣﺤﺘﺮﻣﻴﻨﻚ ﺍﻧﺖ ﺻﺎﺣﺐ ﺍﻟﺤﻖ ﺑﺜﺎﺭﻙ ﻭﺍﻧﺖ ﺍﻟﻲ ﺗﻘﺮﺭﻩ
.. ﺳﺎﻟﻔﺔ ﺍﻟﺜﺎﺭ ﻣﺎﻟﻚ ﺩﺧﻞ ﺑﻴﻬﺎ ﺍﻟﻲ ﺻﺎﺭ ﺻﺎﺭ ﻭﺻﻠﻮ ﺧﺒﺮ ﺍﻷﻫﻞ ﺍﻟﻮﻟﺪ ﻳﺠﻮﻥ ﻳﻤﺸﻮﻥ ﺣﺴﺐ ﺍﻷﺻﻮﻝ ﻭﻳﺎﺧﺬﻭﻥ ﻣﺮﺗﻬﻢ
ﻭﻳﺮﺍﺩ ﺍﺟﻤﻌﻜﻢ ﻭﻧﺴﻮﻟﻒ ﻭﺍﺧﻠﻲ ﺣﺪ ﺍﻟﻜﻢ ﻭﺍﻟﻲ ﻭﺍﻟﻜﻞ ﻓﺮﺩ ﺑﺎﻟﻌﺸﻴﺮﻩ ﻣﺎﻛﻮ ﻫﻴﭻ ﻛﻞ ﻭﺍﺣﺪ ﻳﺘﺼﺮﻑ ﻣﻦ ﻛﻴﻔﻪ ﻏﺒﺘﻠﻲ ﻓﺘﺮﻩ ﻗﻠﻴﻠﻪ ﻭﻟﻮ ﻣﺎﺍﻣﻲ ﻣﺨﺎﺑﺮﺗﻨﻲ ﻣﺎﺍﺩﺭﻱ ﺑﺎﻟﺼﺎﺭ ﺍﻟﻌﺘﺐ ﻣﻮ ﻋﻠﻴﻜﻢ ﺍﻟﻌﺘﺐ ﻋﻠﻰ ﺍﺧﻮﺗﻲ ﺍﻟﻜﺒﺎﺭ ﻭﻟﻴﺪ ﻭﺍﺣﻤﺪ ﺍﻟﻤﻔﺮﻭﺽ ﻫﻤﻪ ﻳﺘﺼﺮﻓﻮﻥ ﺑﺪﻝ ﻋﻨﻲ ﻟﻮ ﻳﺒﻠﻐﻮﻧﻲ
ﻭﻋﻤﺎﻣﻲ ﻫﻢ ﺍﻟﻬﻢ ﺍﻳﺪ ﺑﻴﻬﺎ ﺍﻋﺮﻓﻬﻢ ﺍﻧﻲ
ﺍﺳﻤﻊ ﺣﭽﻴﻬﻢ ﻭﺍﺭﺗﺎﺡ ﺑﺎﻟﻲ ﺍﻛﻮ ﻣﻦ ﻳﻔﻜﺮ ﺑﻴﻨﻪ ﺑﻌﺪﻧﻲ ﻭﺍﮔﻔﻪ ﻭﺍﺟﺖ ﻋﻤﺘﻲ ﮔﺎﻟﺖ ﻻﺗﺨﺎﻓﻴﻦ ﻋﻤﻪ ﻋﻠﻲ ﻭﺻﻞ ﻭﻣﺎﺭﺿﻪ ﻋﻠﻴﻬﻢ ﺍﻧﺘﻲ ﺗﺮﺟﻌﻴﻦ ﺑﺲ ﺍﺭﺗﺎﺣﻲ
ﺷﻮﻳﻪ ﺍﺭﺗﺎﺡ ﺑﺎﻟﻲ ﻭﻧﻤﺖ ﻭﺍﻧﻲ ﻣﺮﺗﺎﺣﻪ ﻉ ﺍﺳﺎﺱ ﺍﻟﻴﻮﻡ ﻋﻼﺀ ﻳﺠﻴﻨﻲ ﻓﺪﻭﻩ ﺍﻟﻌﻤﺮﻩ ﺷﮕﺪ ﺍﺷﺘﺎﻗﻴﺘﻠﻪ ﻣﺎﭼﻨﻪ ﻳﻮﻡ
ﻳﺎﺭﺏ ﻳﺤﻔﻈﻪ ﺍﻟﻲ
ﺻﺎﺭ ﺍﻟﻀﻬﺮ ﻭﺍﺟﻦ ﺍﻟﺒﻨﺎﺕ ﭼﻨﺖ ﻣﺮﺗﺎﺣﻪ ﻭﺣﭽﻴﺖ ﻭﻳﺎﻫﻦ ﻭﺿﺤﻜﻨﻪ ﻳﻌﻨﻲ ﺟﺎﻣﻠﺘﻬﻦ ﺍﻓﻴﺎﺀ ﭼﻨﺖ ﺿﺎﻳﺠﻪ ﻣﻨﻬﺎ ﻣﻬﺘﻤﺘﻠﻲ ﭼﺎﻧﺖ ﻓﺮﺣﺎﻧﻪ ﺑﻨﻔﺴﻬﺎ ﻣﮕﺎﻟﺖ ﺍﺧﺘﻲ ﺷﻨﻮ ﺫﻧﺒﻬﺎ
ﺗﻐﺪﻭ ﻭﻛﻤﻠﻮﻭ ﻭﺑﺎﻟﺪﻳﻮﺍﻥ ﻧﺴﻤﻊ ﻋﻠﺖ ﺍﻷﺻﻮﺍﺕ ﻭﺻﺎﺭﺕ ﻫﻮﺳﻪ
ﻋﻤﺘﻲ ﻭﺍﻟﺒﻨﺎﺕ ﻛﻠﻬﻦ ﻳﺼﻴﺤﻦ ﺷﻜﻮﻭ ﺷﻜﻮﻭ
ﺍﺟﻮ ﺍﻟﻮﻟﺪ ﻭﻣﺎﻓﻬﻤﺖ ﻣﻨﻬﻢ ﺷﻲ ﻳﺘﻮﺷﻮﺷﻮﻥ ﻭﻱ ﻋﻤﺘﻲ ﻭﻋﻴﻨﻬﻢ ﻋﻠﻴﻪ
ﻭﺭﻩ ﺳﺎﻋﻪ ﺗﻘﺮﻳﺒﺎ ﺭﺣﺖ ﻟﻠﻐﺮﻓﻪ
ﺗﻮﻧﻲ ﺗﻤﺪﺩﺕ ﻭﺍﻧﺪﮔﺖ ﺍﻟﺒﺎﺏ ﺣﻴﻞ ﻭﻱ ﻣﺎﻋﺪﻟﺖ ﻧﻔﺴﻲ ﺩﺧﻞ ﻋﻠﻲ ﺍﺗﺬﻛﺮ ﺷﻜﻠﻪ ﻣﻤﺘﻐﻴﺮ ﺑﻲ ﺷﻲ
.. ﻣﺘﮕﻠﻴﻠﻲ ﻫﺬﺍ ﺍﻟﺴﮕﻂ ﻭﻳﻦ ﻟﮕﻴﺘﻲ ﻭﺻﺮﺗﻴﻠﻪ ﻣﺮﻩ
ﺯﻟﻢ ﺑﻐﺪﺍﺩ ﻛﻠﻬﺎ ﻋﻔﺘﻴﻬﺎ ﻭﻣﺎﺍﺧﺬﺗﻲ ﻏﻴﺮ ﻫﺎﻟﺤﺮﻣﻪ ﻳﺼﻴﺮ ﺭﺟﺎﻝ ﻋﻠﻴﭻ
🔹🔸🥇🔹🔸
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء