رواية نهوة حارث الجزء الخامس عشر
للكاتبة زينب ماجد
🔹🔸🥇🔹🔸
ﺣﺎﺭﺙ .. ﻋﻤﻲ ﻭﺍﻟﻠﻪ ﺻﻌﺒﻪ ﻛﻠﺶ ﺻﻌﺒﻪ .. ﺍﻧﻪ ﻳﻮﻣﻴﻦ ﻣﺎ ﺗﺤﻤﻠﺖ ﻭﻟﺤﻜﺘﻬﺎ ﻻﺭﺑﻴﻞ ﺍﺻﺒﺮ ﺳﻨﺘﻴﻦ ﺷﻠﻮﻭﻭﻥ ..
ﻳﺎﺳﻴﻦ .. ﻋﻤﻮ ﻭﺍﻟﻠﻪ ﻣﻔﺘﻬﻢ ﺷﻌﻮﺭﻙ ﺑﺲ ﺍﻧﺘﻪ ﻫﻢ ﺍﻋﻘﻠﻬﺎ ﻣﻮ ﺣﺮﻳﻤﻪ ﻛﻠﻴﺔ ﻃﺐ ﺍﺳﻨﺎﻥ ﻭﻣﺎ ﺗﻜﻤﻞ ﻳﺎ ﻋﻤﻮ ﺿﻠﻢ ..
ﺣﺎﺭﺙ .. ﺯﻳﻦ ﺧﻠﻬﺎ ﺗﻜﻤﻞ ﺑﺎﻟﻨﺎﺻﺮﻳﻪ ﻳﻤﻲ ﻣﺎ ﻋﻨﺪﻱ ﺍﺷﻜﺎﻝ ﺍﻧﻪ ﺍﻋﻴﻨﻠﻬﺎ ﺳﺎﻳﻖ ﻣﻨﻪ ﻭﺑﻴﻨﺎ ﻳﺠﻴﺒﻬﺎ ﻭﻳﻮﺩﻳﻬﺎ ..
ﻳﺎﺳﻴﻦ .. ﻋﻤﻮ ﺩﺭﺍﺳﺔ ﺍﻟﻄﺐ ﻣﻮ ﺳﻬﻠﻪ ﻭﻳﺤﺘﺎﺟﻠﻬﺎ ﺟﻬﺪ ﻭﻣﺜﺎﺑﺮﻩ ﻭﻳﻦ ﺭﺍﺡ ﺗﻜﺪﺭ ﺭﻓﻞ ﺗﻠﻜﻰ ﺍﻟﻮﻗﺖ ﻟﻠﺪﺭﺍﺳﻪ
ﺑﻴﻦ ﺍﻫﻠﻚ ﻭﻣﺘﻄﻠﺒﺎﺗﻚ ﻛﺰﻭﺝ ﺍﺿﺎﻓﻰ ﺍﻟﻰ ﺍﻟﻤﻮﻟﻮﺩ ﺍﻟﻠﻲ ﺍﺑﻄﻨﻬﺎ .. ﻫﺬﺍ ﻛﻠﻪ ﻳﺤﺘﺎﺟﻠﻪ ﻭﻗﺖ .. ﻭﺍﻫﻨﺎ ﻧﺴﺎﻋﺪﻫﺎ ﺍﺣﻨﻪ ..
ﻭﺍﻧﺘﻪ ﺍﺫﺍ ﺗﺤﺒﻬﺎ ﻣﻦ ﺻﺪﻙ ﺗﺴﺎﻧﺪﻫﺎ ﺗﻜﺒﺮ ﻭﺗﻌﻠﻰ ﻭﻫﺬﺍ ﻓﺨﺮ ﺍﻟﻨﻪ ﻛﻠﻨﻪ ﺑﻨﺘﻨﺎ ﺩﻛﺘﻮﺭﻩ ﻭﺗﺪﺭﺱ ﺑﺄﺩﺏ ﻭﺍﺧﻼﻕ
ﺣﺎﺭﺙ .. ﻭﺍﻟﻠﻪ ﻳﺎ ﻋﻤﻲ ﻣﺎ ﺍﻛﺪﺭ ﺍﻧﻄﻴﻚ ﺟﻮﺍﺏ . ﺍﻧﻪ ﻋﻮﺩ ﺟﺎﻳﻚ ﺍﺣﺎﺟﻴﻚ ﺑﺮﺟﻌﺘﻬﺎ ﻃﻠﻌﺘﻠﻲ ﺑﻬﺸﻐﻠﻪ ﻣﻨﻴﻦ ﻣﺎ ﺍﺩﺭﻱ
ﻳﺎﺳﻴﻦ .. ﺍﺗﺮﻛﻚ ﺗﻔﻜﺮ ﺑﺎﻻﻣﺮ ﺑﺘﻤﻌﻦ .. ﺍﺧﺬ ﺭﺍﺣﺘﻚ ..
ﺣﺎﺭﺙ .. ﻛﻤﺖ ﺭﺣﺖ ﻟﻐﺮﻓﺔ ﺭﻓﻞ ﺟﺎﻧﺖ ﻛﺎﻋﺪﻩ ﻋﺤﺎﺳﻮﺏ .. ﻛﺘﻠﻬﺎ ﺭﻓﻞ ﺍﻧﺘﻲ ﺭﺍﺿﻴﻪ ﺑﺎﻟﻠﻲ ﻛﺎﻟﻪ ﺍﺑﻮﺝ
ﻛﺎﻟﺖ ﺷﻜﺎﻝ ﺑﺎﺑﺎ .. ﻛﺘﻠﻬﺎ ﻋﻠﺪﺭﺍﺳﻪ ﻭﺍﻋﻮﻓﺞ ﺳﻨﺘﻴﻦ .. ﻛﺎﻟﺖ ﺣﺎﺭﺙ ﻫﺪﺍ ﺍﺣﺴﻦ ﺣﻞ ﻻﺯﻡ ﺍﻛﻤﻞ ﺩﺭﺍﺳﺘﻲ .
ﻛﺘﻠﻬﺎ ﻭﺍﻧﻪ .. ﻛﺎﻟﺖ ﺣﺒﻴﺒﻲ ﻛﻞ ﻳﻮﻡ ﺟﻤﻌﻪ ﻭﺳﺒﺖ ﺗﻌﺎﻝ ﺑﺎﺕ ﻳﻤﻲ .. ﻭﺍﺫﺍ ﻋﻠﻰ ﺑﺎﻗﻲ ﺍﻻﺳﺒﻮﻉ .. ﻓﺎﺷﺘﺮﻱ ﻣﺜﻞ ﻫﺬﺍ ﺍﻟﺤﺎﺳﻮﺏ
ﻭﺣﻤﻞ ﺍﻟﺴﻜﺎﻳﺐ ﻭﻧﺘﻜﻠﻢ ﻓﺪﻳﻮ ﺍﻧﻲ ﻭﻳﺎﻙ ﻳﻮﻣﻴﻪ ﻭﻧﺸﻮﻑ ﺑﻌﺾ .. ﻛﺘﻠﻬﺎ ﻭﺍﻧﻪ ﺍﺿﻞ ﺍﺷﻮﻓﺞ ﺑﺲ ﺑﺎﻟﻔﻴﺪﻳﻮ ..
ﺭﻓﻞ .. ﺑﺎﻉ ﺣﺒﻴﺒﻲ ﻳﻌﻨﻲ ﺍﻧﻲ ﺟﻨﺖ ﻣﺴﺘﻌﺪﻩ ﺍﻋﻴﺶ ﻭﻳﺎﻙ ﻭﺍﺗﺤﻤﻞ ﻋﺎﺩﺍﺗﻜﻢ ﻭﺑﻴﺌﺘﻜﻢ ﻭﻟﻮﻻ ﺍﻟﻤﺸﻜﻠﻪ ﺟﺎﻥ ﻣﻄﻠﻌﺖ .. ﻭﻻﺯﻟﺖ ﻣﺴﺘﻌﺪ ﺍﺗﺤﻤﻞ ﻟﺨﺎﻃﺮ ﻭﻟﻌﻴﻮﻧﻚ
ﺑﺲ ﺣﺒﻴﺒﻲ ﺍﻧﻲ ﺍﻃﻠﺐ ﻣﻨﻚ ﺑﺲ ﻫﻠﺴﻨﺘﻴﻦ ﺑﺴﺴﺲ .. ﻛﺘﻠﻬﺎ ﺗﻌﺘﻘﺪﻳﻬﺎ ﻗﻠﻴﻠﻪ ﻛﺎﻟﺖ ﻻ ﺑﺲ ﺣﻼﺓ ﺍﻟﺤﺐ ﺑﺎﻻﺷﺘﻴﺎﻕ ﺣﻴﺎﺗﻲ
ﺗﻌﺮﻑ ﻧﻬﺎﻳﺔ ﺍﻻﺳﺒﻮﻉ ﻣﻦ ﺗﺠﻴﻨﻲ ﻭﻣﺸﺘﺎﻗﻴﻦ ﺍﻟﺒﻌﺾ ﻭﻧﺘﻌﺎﻧﻖ ﺑﻠﻬﻔﻪ .. ﻣﺎﻛﻮ ﺍﺟﻤﻞ ﻣﻦ ﻫﻴﺞ ﺍﺣﺴﺎﺱ .. ﻭﺍﻟﻠﻪ ﺣﺘﻰ ﺍﺟﻤﻞ ﻣﻦ ﺍﻧﻮ ﻛﺎﻋﺪﻩ ﺍﺑﻴﺘﻚ
ﻭﺷﻜﺎﻟﺖ ﻓﺎﻃﻤﻪ ﻭﺷﺤﺠﺖ ﺍﻣﻚ .. ﺧﻤﻴﺲ ﻭﺟﻤﻌﻪ ﻧﻌﺘﺒﺮﻫﺎ ﺍﺳﺘﺮﺍﺣﻪ ﻟﻤﺸﺎﻋﺮﻧﻪ ﻧﺘﻴﻪ ﺑﻴﻬﺎ ﺑﺎﺣﺴﺎﺳﻨﻪ ﺑﺤﺒﻨﻪ ..
ﺣﺒﻴﺒﻲ ﺍﻟﻠﻪ ﻳﺨﻠﻴﻚ ﻭﺍﻓﻖ ﻭﺍﻟﻠﻪ ﻣﺴﺘﻘﺒﻠﻲ ﺑﻴﻦ ﺍﺩﻳﻚ ﻭﺍﻧﻲ ﺍﺣﺒﻚ ﻣﺎ ﺍﻛﺪﺭ ﺍﻋﻮﻓﻚ .. ﺣﺒﻴﺒﻴﻴﻴﻴﻴﻲ ﻭﻧﻤﺖ ﺑﻴﻦ ﺍﺩﻳﻪ ﻭﺧﻠﻴﺖ ﺭﺍﺳﻲ ﺑﺤﻈﻨﻪ ﺑﺪﻟﻊ ﻭﺍﺗﻮﺳﻠﻪ ﺣﺮﻭﺛﺘﻲ ﺣﻴﺎﺗﻲ ﻓﺪﻭﻭﻭﻭﻭﻩ
ﺣﺎﺭﺙ .. ﻓﻲ ﺣﺎﻝ ﻣﺎ ﻗﺒﻠﺖ ﺷﺮﺍﺡ ﺗﺴﻮﻳﻦ ..
ﺭﻓﻞ .. ﻻ ﺗﻀﻄﺮﻧﻲ ﻟﻬﻴﺞ ﻣﻮﻗﻒ
ﺣﺎﺭﺙ .. ﺟﺎﻭﺑﻲ ..
ﺭﻓﻞ .. ﻟﻮ ﻛﺘﻠﻚ ﻋﻮﻑ ﺍﻫﻠﻚ ﻭﻣﺮﺗﻚ ﻭﺟﻬﺎﻝ ﻭﺗﻌﺎﻝ ﻫﻨﺎ ﺷﺤﺘﻜﻮﻝ
🔸🔹🥇🔸🔹
ﺣﺎﺭﺙ .. ﺳﺌﻠﺘﺞ ﺟﺎﻭﺑﻲ .. ﻻ ﺗﺠﺎﻭﺑﻴﻨﻲ ﺑﺴﺆﺍﻝ
ﺭﻓﻞ .. ﻻ ﺑﺲ ﻛﻮﻟﻲ ﺗﺘﺮﻙ ﻛﻞ ﺍﻫﻠﻚ ﻭﻧﺎﺳﻚ ﻋﻠﻤﻮﺩﻱ .. ﺭﺍﺡ ﺗﻜﻮﻝ ﻻ ﻣﺎ ﺍﻛﺪﺭ .. ﺣﺒﻴﺒﻲ ﺍﻧﻲ ﺗﺮﻛﺖ ﻛﻮﻟﺸﻲ ﺍﻫﻠﻲ ﻭﻋﺎﺩﺍﺗﻲ ﻭﺗﻘﺎﻟﻴﺪﻱ ﻭﺭﺣﺖ ﻭﻳﺎﻙ ﻟﻠﻨﺎﺻﺮﻳﻪ
ﺑﺲ ﺩﺭﺍﺳﺘﻲ ﺩﺍ ﺍﻛﻮﻟﻚ ﺳﺎﻣﺤﻨﻲ ﺑﻴﻬﺎ .. ﻭﺍﺫﺍ ﻣﻮ ﻧﺎﻭﻱ ﺗﺨﻠﻴﻨﻲ ﺍﺩﺭﺱ ﻓﻤﻌﻨﺎﻫﺎ ﺍﻧﺘﻪ ﻣﺘﺤﺒﻨﻲ .. ﺍﻭ ﺣﺒﻚ ﺍﻧﺎﻧﻲ ..
ﺍﻟﺤﺐ ﻋﻄﺎﺀ ﻭﺗﻀﺤﻴﻪ ﻣﺘﺒﺎﺩﻟﻪ ﻣﻦ ﺍﻟﻄﺮﻓﻴﻦ ﻣﻴﺼﻴﺮ ﺑﺲ ﺍﻧﻲ ﺍﻟﻠﻲ ﺍﺿﺤﻴﻠﻚ ﻭﺍﻧﺘﻪ ﻣﺘﺘﻨﺎﺯﻝ ﺷﻮﻳﻪ ﺍﻟﻤﺴﺘﻘﺒﻠﻲ ..
ﺣﺎﺭﺙ .. ﻳﻌﻨﻲ ﻣﺴﺘﻘﺒﻠﺞ ﺍﻋﺰ ﻣﻨﻲ ..
ﺭﻓﻞ .. ﻣﺎﻛﻮ ﺷﻲ ﺍﻋﺰ ﻣﻨﻚ ﺍﻧﺘﻪ ﺍﻏﻠﻰ ﻣﺎ ﺍﻣﻠﻚ .. ﻋﻴﻮﻧﻲ ﺗﺮﺧﺼﻠﻚ .. ﺑﺲ ﺣﺒﻴﺒﻲ ﺩﻛﺘﻮﺭﻩ ﺗﻌﺮﻑ ﺷﻨﻮ ﻳﻌﻨﻲ
ﻳﻌﻨﻲ ﺣﻴﺎﺓ ﻏﻴﺮ ﻣﺴﺘﻘﺒﻞ ﻏﻴﺮ .. ﺍﻃﻔﺎﻟﻨﻪ ﻳﻜﻮﻧﻮﻥ ﻣﺜﻘﻔﻴﻦ ﻭﺍﻋﻴﻴﻦ .. ﺣﻠﻮ ﺍﻻﻧﺴﺎﻥ ﻳﺘﻘﺪﻡ ﻭﻳﺼﻨﻊ ﻧﻔﺴﻪ ﻭﻳﻔﻴﺪ ﺑﺎﻟﻤﺠﺘﻤﻊ
ﺣﺎﺭﺙ .. ﻋﻮﺩ ﺍﻛﺪﺭ ﻟﻠﺴﺎﻧﺞ ﻻ ﻭﺍﻟﻠﻪ ﻣﺎ ﺍﻛﺪﺭ
ﺭﻓﻞ .. ﺣﺮﻭﻭﻭﻭﻭﺛﺘﻲ ﺣﺒﻴﺒﻴﻴﻴﻴﻴﻴﻴﻲ ﻫﻬﻬﻬﻬﻌﻌﻊ ﺣﻈﻨﺘﻪ ﻣﻦ ﺍﻟﻔﺮﺣﻪ ﻭﺑﻮﺳﺘﻪ ﻭﻭﻭ 💏
ﺑﺪﻝ ﻭﻛﻤﻞ ﻛﺎﻝ ﻳﻠﻪ ﺍﻧﻪ ﺭﺍﻳﺢ .. ﻛﺘﻠﻪ ﺍﺑﻘﻰ ﺍﻟﻴﻮﻡ .. ﻛﺎﻝ ﻻ ﻣﻴﺼﻴﺮ ﺍﺧﺬﺕ ﺍﺟﺎﺯﻩ 3 ﺍﻳﺎﻡ ﻭﻫﺎﻱ ﺧﻠﺼﺖ .. ﻻﺯﻡ ﺑﺎﺟﺮ ﺍﺩﺍﻭﻡ
ﻛﺘﻠﻪ ﭐפﮔـﻴﮧ ﺑﺮﺍﺣﺘﻚ .. ﻻ ﺗﻨﺴﻰ ﺍﺷﺘﺮﻱ ﺣﺎﺳﻮﺏ ﻭﺣﻤﻞ ﺍﻟﺴﻜﺎﻳﺐ ﺣﺘﻰ ﻧﺤﺠﻲ ﺳﻮﺍ ﭐפﮔـﻴﮧ ﻛﺎﻝ ﺍﻧﺸﺎﻟﻠﻪ ..
ﺑﺲ ﻫﺎ ﻋﻠﻴﺞ ﺍﻟﻌﺒﺎﺱ ﺍﺩﺧﻠﻴﻦ ﺍﻟﻜﻠﻴﻪ ﺯﻣﻼﺀ ﺷﺒﺎﺏ ﻣﻤﻨﻮﻉ .. ﻭﻟﺒﺲ ﺿﻴﻚ ﻫﻢ ﻣﻤﻨﻮﻉ ﻭﻳﺎﺭﻳﺖ ﺗﻠﺒﺴﻴﻦ ﺟﺒﻪ ﻭﺗﺮﺣﻴﻦ ﻭﺑﻼﻫﺎ ﺍﻟﺴﻔﻮﺭ
ﻛﺘﻠﻪ ﻻ ﺍﻧﺸﺎﻟﻠﻪ ﻭﺍﻟﻠﻪ ﺍﻟﺒﺲ ﻣﻼﺑﺲ ﺗﺮﺿﻰ ﻋﻨﻬﺎ ﻭ ﺗﺪﻟﻞ ﻣﺎﻛﻮ ﺯﻣﻼﺀ .. ﻛﺎﻝ ﻣﺎ ﺍﻭﺻﻴﺞ ﺑﻌﺪ .. ﻭﺍﻧﻪ ﺍﺧﺎﺑﺮﺝ ﻛﻞ ﻳﻮﻡ ﻭﺍﺗﻮﺍﺻﻞ ﻭﻳﺎﺝ .. ﻛﺘﻠﻪ ﺑﻌﻴﻨﻲ
ﻃﻠﻊ ﺗﻠﻜﺎﻩ ﺑﺎﺑﺎ ﻛﺎﻝ ﻫﺎ ﻋﻤﻮ ﻭﻳﻦ .. ﻛﺎﻟﻪ ﻻ ﻋﻤﻲ ﻫﺎﻫﻴﻪ ﻻﺯﻡ ﺍﺭﻭﺡ ﺧﻠﺼﺖ ﺍﺟﺎﺯﺗﻲ .. ﻛﺎﻝ ﺑﻜﻴﻔﻚ ﻋﻤﻮ ﺍﻟﻠﻪ ﻋﻠﻴﻚ ﺍﻟﺒﻴﺖ ﺑﻴﺖ ﻋﻤﻚ .. ﻭﺍﻧﻲ ﺑﻤﺜﺎﺑﺔ ﺍﺑﻮﻙ
ﻭﻫﺎﻱ ﻏﺮﻓﺘﻜﻢ ﻭﻫﺎﻱ ﻣﺮﺗﻚ ﺷﻮﻛﺖ ﻣﺎ ﻳﻌﺠﺒﻚ ﺗﻌﺎﻝ ﻭﺍﺧﺬ ﺭﺍﺣﺘﻚ ﻭﻳﻪ ﻣﺮﺗﻚ ﻻ ﺗﺘﻘﻴﺪ ﺑﻴﻨﻪ .. ﻛﺎﻟﻪ ﻻ ﻋﻤﻲ ﺍﻧﺘﻮ ﺍﻫﻠﻲ ﺍﻧﻪ ﻣﺎ ﺍﺳﺘﺤﻲ ﻣﻨﻜﻢ
ﻳﻠﻪ ﻣﻊ ﺍﻟﺴﻼﻣﻪ .. ﻃﻠﻌﺖ ﺍﻧﻲ ﻭﻣﺎﻣﺎ ﻭﺑﺎﺑﺎ ﻭﻳﺎﻩ ﻟﻠﺒﺎﺏ .. ﻭﺻﻠﻪ ﺑﺎﺑﺎ ﻟﻠﺒﺎﺏ ﻭﺳﻠﻢ ﻋﻠﻴﻪ ﻭﻣﺎﻣﺎ ﻫﻢ ﺳﻠﻤﺖ ..
ﻛﺎﻝ ﺑﺎﺑﺎ ﻻﻣﻲ .. ﺍﻣﻞ ﻓﻮﺗﻲ ﺧﻞ ﻳﻮﺩﻉ ﻣﺮﺗﻪ .. ﺩﺧﻠﻮ ﺟﻮﻩ .. ﻛﺎﻝ ﺭﺍﺡ ﺍﺷﺘﺎﻗﻠﺞ .. ﻛﺘﻠﻪ ﻭﺍﻟﻠﻪ ﺍﻧﻲ ﺍﻟﻠﻲ ﺭﺍﺡ ﺍﺷﺘﺎﻗﻠﻚ
ﻧﺰﻋﺖ ﻣﻦ ﺻﺪﺭﻱ ﺟﻮﺷﻦ .. ﻭﻛﺘﻠﻪ ﻫﺬﺍ ﺍﻟﺒﺴﻪ ﻫﻢ ﻳﺤﻤﻴﻚ ﻭﻫﻢ ﺫﻛﺮﻩ ﻣﻨﻲ .. ﺍﺧﺬﻩ ﻟﺒﺴﻪ ﻭﺑﺎﺳﻨﻲ ﺑﻜﺼﺘﻲ ﻭﻃﻠﻊ ..
ﺑﻘﻴﺖ ﺍﻟﻮﺣﻠﻪ ﻋﻠﺒﺎﺏ ﺑﺄﻳﺪﻱ ﺍﺷﺮﻟﻲ ﻃﺒﻲ ﺟﻮﻩ .. ﺿﺤﻜﺖ .. ﻭﻃﺒﻴﺖ .. ﺩﺧﻠﺖ ﻟﻠﺒﻴﺖ ﺍﺣﺲ ﻫﻴﺞ ﺭﺍﺡ ﺍﻟﻔﺮﺣﻪ ﻣﺎﻟﺘﻲ ﺷﻜﺪ ﺍﺭﺗﺎﺡ ﺑﻮﺟﻮﺩﻩ
ﺑﺎﻭﻋﺘﻠﻲ ﻣﺎﻣﺎ ﻛﺎﻟﺖ ﻫﺎﺍﺍ ﺍﻓﺘﻘﺪﺗﻴﻪ .. ﺍﺑﺘﺴﻤﺖ .. ﻛﺎﻟﺖ ﺷﻜﺪ ﻳﺤﺒﺞ ﻭﻳﺪﻭﺱ ﻋﻠﻰ ﻛﻠﺒﻪ ﻭﻳﻜﺎﺑﺮ .. ﺗﻮﻗﻌﺘﻪ ﻣﺮﺍﺡ ﻳﻘﺒﻞ ﺑﻄﻠﺐ ﺍﺑﻮﺝ
ﺑﺲ ﻗﺒﻞ ﻭﺷﻜﺪ ﺑﻴﻦ ﺍﻟﺤﺰﻥ ﻭﺍﻟﺤﻴﺮﻩ ﺑﻌﻴﻮﻧﻪ .. ﻛﺘﻠﻬﺎ ﺍﻱ ﺧﻄﻴﻪ ﺩﻳﻀﺤﻲ ﻭﻳﺘﺤﻤﻞ ﻋﻠﻤﻮﺩﻱ .. ﻛﺎﻟﺖ ﺩﻳﺮﻱ ﺑﺎﻟﺞ ﻋﻠﻴﻪ ﻭﻻ ﺗﺨﺴﺮﻱ ﺑﺘﺼﺮﻑ ﻣﻮ ﺯﻳﻦ
🔹🔸🥇🔹🔸
ﻣﺜﻞ ﺣﺎﺭﺙ ﺑﻬﻠﻮﻛﺖ ﺟﻮﻫﺮﻩ ﻭﻳﻦ ﺗﻠﻜﻴﻦ ﻫﻴﺞ ﺭﺟﺎﻝ ﻳﺪﻭﺱ ﻋﻠﻰ ﺍﻋﺼﺎﺑﻪ ﻭﻳﺘﺤﻤﻞ ﻓﻲ ﺳﺒﻴﻞ ﺯﻭﺟﺘﻪ
ﺷﺒﺎﺏ ﻫﻠﻮﻛﺖ ﻛﻠﻬﻢ ﻣﻨﺮﻓﺰﻳﻦ ﻭﻣﺎ ﻣﺘﺤﻤﻠﻴﻦ ﺍﻧﻔﻮﺳﻬﻢ .. ﻛﺘﻠﻬﺎ ﻋﺠﻴﺐ ﻫﻠﺤﺎﺭﺙ ﻣﺎ ﺍﻋﺮﻑ ﺷﻠﻮﻥ ﻳﺤﺒﻨﻲ ﺑﻬﻠﺸﻜﻞ .. ﻛﺎﻟﺖ ﺍﻟﻠﻪ ﻳﺤﻔﻈﻪ ..
ﺭﺣﺖ ﻟﻐﺮﻓﺘﻲ .. ﻟﻜﻴﺖ ﻓﺎﻧﻴﻠﺘﻪ ﺍﻟﺪﺍﺧﻠﻴﻪ ﻋﻠﻰ ﺳﺮﻳﺮﻱ .. ﺍﺑﺘﺴﻤﺖ ﺍﺧﺬﺗﻬﺎ ﻭﺷﻤﻴﺘﻬﺎ .. ﺟﺎﻥ ﻻﺑﺴﻬﺎ ﻭﻧﺎﺯﻋﻬﺎ ﻭﻭﻣﻐﺴﻮﻟﻪ ..
ﺭﻳﺤﺔ ﺟﺴﻤﻪ ﻃﺎﺑﻌﻪ ﺑﻴﻬﺎ .. ﺿﻤﻴﺘﻬﺎ ﺑﺨﺎﻧﺘﻲ ﻭﻛﻞ ﺷﻮﻱ ﺍﻃﻠﻌﻬﺎ ﺍﺷﺘﻤﻬﺎ ﻭﺍﺿﺤﻚ ..
ﺍﻣﻨﻠﻲ ﺑﺎﺑﺎ ﺍﺳﺘﻤﺎﺭﺗﻲ ﺑﺎﻟﻜﻠﻴﻪ ﻭﺭﺗﺒﻠﻲ ﺍﻻﻣﻮﺭ ﻭﺭﺟﻌﺖ ﺍﺩﺍﻭﻡ .. ﻭﺳﻴﺮﺍﺝ ﺍﺑﻦ ﺧﺎﻟﻮ ﻭﻳﺎﻳﻪ .. ﻳﺎﺧﺬﻧﻲ ﻭﻳﺠﻴﺒﻨﻲ ﺑﺲ ﺣﺎﺭﺙ ﺷﻜﺪ ﻳﻀﻮﺝ ﻣﻨﻪ ﻫﻬﻬﻪ
ﻳﻜﻮﻝ ﻋﻠﻴﻪ ﺧﻔﻴﻒ ﻣﺎ ﻳﻌﺠﺒﻨﻲ ﻳﻀﺤﻚ ﻭﻳﺴﻮﻟﻒ ﻫﻮﺍﻱ .. ﻫﻬﻬﻬﻪ ﺍﻣﻮﺕ ﻋﻠﻰ ﻏﻴﺮﺗﻪ ﻭﺷﻜﻠﻪ ﻳﺨﺮﺏ ﺿﺤﻚ ﻣﻦ ﻳﻐﺎﺭ
ﻣﺮﺍﺕ ﻳﺴﻮﻳﻠﻲ ﻛﺒﺴﻪ ﺑﺎﻟﻜﻠﻴﻪ ﺑﺪﻭﻥ ﻣﺎ ﺍﺩﺭﻱ ﻋﻠﻤﻮﺩ ﻳﺸﻮﻑ ﻭﻳﺎﻣﻦ ﺍﻛﻌﺪ ﻭﻳﺎﻣﻦ ﺍﺣﺠﻲ . ﺑﺲ ﻣﻦ ﻳﻠﻜﺎﻧﻲ ﻭﻳﻪ ﺯﻣﻴﻼﺗﻲ ﻭﻣﻼﺑﺴﻲ ﻣﺤﺘﺸﻤﻪ ﻳﺴﻜﺖ ..
ﺣﺘﻰ ﺯﻣﻴﻼﺗﻲ ﺗﻌﺮﻓﻮ ﻋﻠﻴﻪ .. ﺍﻟﺤﻘﻴﺮﺍﺕ ﺑﺲ ﻳﺪﻭﺭ ﻭﺟﻬﻪ ﻳﻐﺎﺯﻟﻨﻪ ﻛﺪﺍﻣﻲ ﻭﻳﺤﺮﻛﻦ ﻛﻠﺒﻲ .. ﻳﻜﻮﻟﻦ ﻣﺒﻴﻦ ﻋﻠﻴﻪ ﺿﺎﺑﻂ ﻣﻦ ﺍﻟﻮﻛﻔﻪ ﻭﺍﻟﺤﺪﻩ ﻣﺎﻟﺘﻪ
ﻭﺍﻟﺜﺎﻧﻴﻪ ﺗﻜﻮﻟﻲ ﻫﻨﻴﺎﻟﺞ ﻫﺬﺍ ﻳﺤﺒﺞ .. ﻭﻟﺞ ﺍﻧﻄﻴﻨﻴﺎﻩ ﺑﺲ ﻳﻮﻡ .. ﻭﺍﻧﻲ ﺍﻏﺎﺭ ﺍﻛﻮﻟﻬﻢ ﺍﻧﺠﺒﻦ ﺣﻘﻴﺮﺍﺕ .. ﻭﻫﻮﻩ ﻳﺠﻲ ﻳﺤﺠﻲ ﻭﻳﺎﻫﻦ ﻭﻳﻀﺤﻚ ﻭﻳﺸﺎﻗﻲ
ﻭﻳﻄﻠﻌﻦ ﻭﻳﺎﻧﻪ ﺍﻟﻤﻠﻴﻘﺎﺕ 😒 ﻳﻌﺰﻣﻬﻦ ﻋﻠﻰ ﻏﺪﻩ ﻭﻳﺴﻮﻟﻔﻦ ﻭﻳﻀﺤﻜﻦ ﻭﻳﺎﻩ .. ﻳﻜﻮﻟﻦ ﻭﻟﺞ ﻣﺎ ﺟﻨﻪ ﻧﺤﺐ ﺍﻟﺸﺮﻭﻙ ﻧﺴﻤﻴﻬﻢ ﻣﻌﺪﺍﻥ
ﻻ ﻻ ﻏﻴﺮﻧﻪ ﺭﺃﻳﻨﻪ ﻧﻄﺎﻟﺐ ﺑﺸﺎﺏ ﺷﺮﻭﻛﻲ ﺧﺮﺑﺖ ﺿﺤﻚ .. ﻛﺘﻠﻬﺎ ﻭﻟﺞ ﻋﻴﺸﺘﻬﻢ ﻣﺎ ﺗﻨﺤﻤﻞ ﻻ ﺗﺘﻮﺭﻃﻮﻥ .. ﻭﻏﻴﺮﺗﻬﻢ ﻋﺬﺍﺏ
ﻛﺎﻟﻦ ﻫﻮﻩ ﺍﺣﻨﻪ ﻟﻜﻴﻨﺎﻩ ﻭﺗﻌﺎﻓﻴﻨﻪ ﺑﺲ ﺧﻞ ﻳﺠﻲ .. ﺑﺲ ﻛﻮﻥ ﻫﻴﺞ ﻣﺜﻞ ﺣﺎﺭﺙ ﺷﺨﺼﻴﻪ ﻭﺿﺎﺑﻂ ﻭﻛﺬﺍ ..
ﻛﺘﻠﻬﻦ ﺭﺍﺡ ﺗﺎﻛﻠﻦ ﺯﻭﺟﻲ ﺑﻌﻴﻮﻧﺠﻦ ﺍﺩﺑﺴﺰﻳﺎﺕ .. ﻣﺎ ﺍﻃﻮﻟﻬﺎ ﻋﻠﻴﻜﻢ ﺍﻟﻜﻠﻴﻪ ﻛﻠﻬﺎ ﻛﺎﻣﺖ ﺗﻌﺮﻑ ﺍﻧﻲ ﺯﻭﺟﻲ ﺿﺎﺑﻂ ﻭﺷﺤﺪﻩ ﺍﻟﻴﻮﻛﻒ ﻭﻳﺎﻱ
ﻣﺨﻠﻲ ﻣﺮﺍﻗﺒﻴﻦ ﺳﺮﻳﻴﻦ ﻛﺘﻠﻪ ﺍﺩﺭﻱ ﺻﺪﺍﻡ ﺣﺴﻴﻦ .. ﻳﻜﻠﻲ ﺗﺮﺩﻳﻦ ﺗﻤﺸﻴﻦ ﺍﻟﻤﺎﻱ ﻣﻦ ﺟﻮﺍﻱ .. ﺑﺲ ﺍﻧﻲ ﻣﺴﺘﻤﺘﻌﻪ ﺑﺎﻋﺘﻨﺎﺀﻩ ﻣﻤﺘﻀﺎﻳﻘﻪ ﻣﻦ ﺗﺼﺮﻓﻪ
ﻫﻮﻩ ﻳﺠﻴﻨﻲ ﻛﻞ ﻳﻮﻡ ﺧﻤﻴﺲ ﻭﻳﺮﺟﻊ ﻳﻮﻡ ﺍﻟﺴﺒﺖ ﺍﻟﻌﺼﺮ .. ﻣﺮﺍﺕ ﻧﺒﻘﻰ ﺍﺑﻐﺮﻓﺘﻨﺎ ﺍﺑﻴﺖ ﺍﻫﻠﻲ .. ﻭﻣﺮﺍﺕ ﻳﺄﺟﺮ ﻓﻨﺪﻕ ﻋﻠﻤﻮﺩ ﻳﺎﺧﺬ ﺭﺍﺣﺘﻪ ﻭﻣﻴﺘﻘﻴﺪ ﺑﺄﻫﻠﻲ
ﻭﺍﻫﻠﻲ ﻋﺎﺩﻱ ﻋﺪﻫﻢ ﻋﺎﻳﻔﻴﻨﻪ ﻋﻠﻰ ﺭﺍﺣﺘﻨﻪ ﺍﺑﺪ ﻣﻴﺤﺎﺳﺒﻮﻧﻪ .. ﻃﺒﻌﺎ ﺣﻠﻠﺖ ﻭﺍﻟﺒﻄﻨﻲ ﺑﻨﺖ ﻭﻫﻮﻩ ﻣﻘﺮﺭ ﻳﺴﻤﻴﻬﺎ ﺭﻗﻴﻪ ..
ﻛﻞ ﻳﻮﻡ ﻧﺘﺨﺎﺑﺮ ﺍﻧﻲ ﻭﻳﺎﻩ ﺳﺎﻋﻪ ﻋﻠﺴﻜﺎﻳﺐ .. ﺍﻭ ﺍﺗﺼﺎﻝ ﻋﻠﺨﻂ .. ﻛﻮﻩ ﺍﺣﺎﻭﻝ ﺍﻧﻈﻢ ﻭﻗﺘﻲ ﺑﻴﻦ ﺩﺭﺍﺳﺘﻲ ﻭﻣﺤﺎﻇﺮﺍﺗﻲ
ﻭﻣﺨﺎﺑﺮﺍﺗﻪ ﺍﻟﻠﻲ ﻛﻞ ﺳﺎﻋﻪ ﻳﺨﺎﺑﺮﻩ ﻫﺎ ﺷﻠﻮﻧﺞ ﻭﻳﺎﺧﺬﻟﻪ ﺭﺑﻊ ﺳﺎﻋﻪ .. ﻭﺍﻧﻲ ﺍﺧﺬﻟﻲ ﺻﻔﻨﺔ ﺳﺎﻋﻪ ﻭﺭﻩ ﻛﻞ ﺍﺗﺼﺎﻝ ﻣﻨﻪ ﻫﻬﻬﻪ ﻫﻮﺍﻳﻪ ﺷﺎﻏﻞ ﺑﺎﻟﻲ
ﺍﻫﻠﻲ ﺍﻧﺘﻘﻠﻮ ﺑﻴﺘﻬﻢ ﻣﻦ ﺍﻟﺪﻭﺭﻩ ﻟﻠﻜﺮﺍﺩﻩ .. ﻭﺍﺧﻮﺍﻧﻲ ﺛﻨﻴﻨﻬﻢ ﺳﺎﻓﺮﻭ ﻭﺍﺣﺪ ﻻﻣﺮﻳﻜﺎ ﻭﺍﻟﺜﺎﻧﻲ ﻻﻟﻤﺎﻧﻴﺎ ﻳﺪﺭﺳﻮﻥ .
🔸🔹🥇🔸🔹
ﺑﺲ ﺍﻧﻲ ﻭﺑﺎﺑﺎ ﻭﻣﺎﻣﺎ ﺑﺎﻗﻴﻦ ﺑﺎﻟﺒﻴﺖ ﻭﺗﻌﺒﺖ ﺣﻴﻴﻴﻴﻞ ﻣﻦ ﺗﻌﺐ ﺍﻟﺪﺭﺍﺳﻪ ﻭﺗﻌﺐ ﺍﻟﺤﻤﻞ ﻭﺍﻧﻲ ﺑﺎﻟﺸﻬﺮ ﺍﻟﺴﺎﺑﻊ ﻛﻮﻩ ﻣﺘﺤﻤﻠﻪ
ﺑﺲ ﺍﺣﺎﻭﻝ ﻣﺎ ﺍﻛﻮﻥ ﺧﺎﻣﻠﻪ .. ﺍﻣﺸﻲ ﻳﻮﻣﻴﻪ ﺍﻟﺼﺒﺢ ﺭﺑﻊ ﺳﺎﻋﻪ .. ﻭﻣﻦ ﺍﺭﺟﻊ ﻣﻦ ﺍﻟﺪﻭﺍﻡ ﺍﺗﺮﺱ ﺍﻟﺒﺎﻧﻴﻮ ﻣﻲ ﺩﺍﻓﻲ ﻭﻧﺎﻡ ﺑﻴﻪ
ﻟﺤﺘﻰ ﺟﺴﻤﻲ ﻳﺮﺗﺎﺡ ﻭﻳﺨﻒ ﺍﻟﻀﻐﻂ ﻋﻠﻴﻪ ﻭﺗﺮﺗﺨﻲ ﺍﻋﺼﺎﺑﻲ ﺍﻟﻤﺸﺪﻭﺩﻩ ﻣﻦ ﻭﺭﻩ ﺗﻌﺐ ﺍﻟﺤﻤﻞ ..
ﻓﺪ ﻳﻮﻡ ﻛﺎﻋﺪﻩ ﺍﻗﺮﻩ .. ﺧﺎﺑﺮ ﺭﻗﻢ ﻏﺮﻳﺐ .. ﺍﻧﻲ ﻣﻮﺑﺎﻳﻠﻲ ﻏﻴﺮﺗﻪ .. ﻟﺬﻟﻚ ﻛﻞ ﺍﻻﺭﻗﺎﻡ ﺿﺎﻋﺖ ﻣﻨﻪ ..
ﺭﻓﻌﺖ ﺍﻟﺨﻂ .. ﻛﻠﺖ ﺍﻟﻮﻭﻭ .. ﻛﺎﻟﺖ ﺍﻛﻮﻝ ﺍﻟﻠﻪ ﻻ ﻳﻨﻄﻴﺞ ﻗﻠﻴﻠﻪ ﺑﺤﻘﺞ ﺍﻛﻮﻝ ﺍﻟﻠﻪ ﻳﺎﺧﺬﺝ ﺑﺲ ﺍﻟﻠﻪ ﻣﺎ ﻳﺎﺧﺬ ﺍﻟﻌﺎﻫﺎﺕ ..
ﻛﺘﻠﻬﺎ ﻟﺤﻈﻪ ﻟﺤﻈﻪ ﻣﻨﻮ ﺍﻧﺘﻲ ﻭﺷﻠﻮﻥ ﺗﺴﻤﺤﻴﻦ ﻟﻨﻔﺴﺞ ﺗﺘﻬﺠﻤﻴﻦ ﺑﻬﺸﻜﻞ ﺍﻟﻬﻤﺠﻲ .. ﻛﺎﻟﺖ ﺍﻧﻪ ﻫﻤﺠﻴﻪ ﻳﻠﺴﺎﻗﻄﻪ ..
ﻛﺘﻠﻬﺎ ﻣﺮﺍﺡ ﺍﺭﺩﺝ ﻻﻥ ﻛﻞ ﺍﻧﺎﺀ ﻳﻨﻈﺢ ﺑﻤﺎ ﻓﻴﻪ .. ﺑﺲ ﻛﻮﻟﻴﻠﻲ ﻣﻨﻮ .. ﻛﺎﻟﺖ ﺷﻨﻮ ﺗﺘﻌﺎﻳﺮﻳﻦ ﻋﻮﺩ ﻣﺎﺗﻌﺮﻓﻴﻨﻲ ..
ﻛﺘﻠﻬﺎ ﻭﻻ ﺻﻐﺮﺍ ﻣﺎ ﺍﻋﺮﻓﺞ .. ﻛﺎﻟﺖ ﺍﻧﻪ ﻓﺎﻃﻤﻪ .. ﻛﺘﻠﻬﺎ ﺧﻴﺮ ﻓﺎﻃﻤﻪ ﺷﻜﻮ ﻫﺎﺩﻩ ﻋﻠﻴﻪ ..
ﻛﺎﻟﺖ ﺑﻮﺍﻛﺖ ﺍﻟﺰﻟﻢ ﻻ ﺍﻧﺘﻲ ﺍﻟﻴﻤﻲ ﻭﻣﺮﺗﺎﺣﻪ ﻣﻨﺞ ﻭﻻ ﺍﻧﺘﻲ ﺍﻟﻤﻜﻠﻮﻋﻪ ﻭﺧﻠﺼﺎﻧﻪ ﻣﻨﺞ ﺷﻠﻮﻥ ﺑﻴﺞ
ﺍﺧﺬﺕ ﻧﻔﺲ ﻭﺯﻓﺮﺕ .. ﻛﺘﻠﻬﺎ ﻭﺍﻟﻤﻄﻠﻮﺏ ﺷﺮﺍﻳﺪﻩ .. ﻛﺎﻟﺖ ﻋﻮﻓﻲ ﺣﺎﺭﺙ ﺍﺑﻌﺪﻱ ﻋﻨﻪ ..
ﻛﺘﻠﻬﺎ ﻣﻮ ﻋﻔﺘﻠﺠﻴﺎﻩ ﺻﺎﺭ 4 ﺍﺷﻬﺮ ﺑﺲ ﺍﻟﺞ ﺷﺮﺍﻳﺪﻩ ﺑﻌﺪ .. ﻛﺎﻟﺖ ﻳﺎ ﺑﺲ ﺍﻟﻲ
ﺍﻟﻌﻄﻞ ﻣﺎﻟﺘﻪ ﻳﺨﻠﺼﻬﺎ ﻳﻤﺞ ﻭﺍﻟﺠﻴﺎﺕ ﻳﺨﻠﺼﻬﺎ ﻣﺨﺎﺑﺮ ﻭﻳﺎﺝ ﺑﻐﺮﻓﺘﺞ ﻭﺻﺎﻙ ﺍﻟﺒﺎﺏ .. ﺍﻧﺘﻲ ﻣﺒﻘﻴﺘﻠﻲ ﺷﻲ ﻣﻨﻪ ﺍﻟﻠﻪ ﻻ ﻳﻨﻄﻴﺞ ﻛﻮﻥ ..
ﻛﺘﻠﻬﺎ ﻟﻴﺶ ﺍﻧﻲ ﺑﺲ ﺑﻠﻴﻞ ﻣﻦ ﺍﺧﺎﺑﺮﻩ ﺍﻃﻮﻝ ﻭﻳﺎﻩ ﺑﺎﻗﻲ ﺍﻟﻮﻗﺖ ﻣﻤﺎﺧﺬﻩ ﻣﻨﻪ ﻫﻮﺍﻳﻪ .. ﻛﺎﻟﺖ ﻳﺎ ﻣﺎ ﻣﺎﺧﺬﻩ .. ﻋﻤﻲ ﺭﺟﻌﻲ ﺧﻠﺼﻴﻨﻪ ﺍﺭﺟﻌﻲ ..
ﻗﺎﺑﻠﻪ ﺗﺮﺟﻌﻴﻦ ﻭﺍﻟﻠﻪ ﻋﻞ ﺍﻗﻞ ﺍﺷﻮﻓﻪ ﻛﺒﺎﻟﻲ ﻭﺑﻴﻦ ﻟﻴﻠﻴﻪ ﻭﻟﻴﻠﻪ ﻳﻠﻔﻲ ﻳﻤﻲ .. ﺿﺤﻜﺖ .. ﻫﻬﻬﻬﻬﻪ ﻻ ﻭﺍﻟﻠﻪ ﺻﺪﻭﻙ ﺧﺎﻑ ﻣﺴﻮﻳﺘﻠﻲ ﻓﻀﻞ ﻗﺎﺑﻠﻪ ﺗﺮﺟﻌﻴﻦ ..
ﺷﻨﻮ ﻣﺘﺎﻧﻴﻪ ﺍﻻﻣﺮ ﻣﻨﺞ .. ﻛﺎﻟﺖ ﺍﻟﻠﻪ ﺑﻌﺪ ﺷﻴﺴﻮﻱ ﺑﻴﺞ ﻣﻦ ﺣﻘﺎﺭﺗﺞ ﺣﺒﻠﺞ ﺑﺒﻨﻴﻪ .. ﻛﺘﻠﻬﺎ ﺍﺳﺘﻐﻔﺮ ﺍﻟﻠﻪ ﻭﺷﺒﻴﻬﺎ ﺍﻟﺒﻨﻴﻪ
ﻛﺎﻟﺖ ﺣﺎﺭﺙ ﻳﺮﻳﺪ ﺍﻟﻮﻟﺪ ﺍﻟﻴﺸﻴﻠﻮﻥ ﺍﺳﻤﻪ ﻣﺎ ﻳﺮﻳﺪ ﻛﻼﻳﻊ .. ﻛﺘﻠﻬﺎ ﺍﻟﺒﺮﻛﻪ ﺑﺼﻮﻓﻲ ﻭﺭﺿﺎﻭﻱ ﺍﻧﺸﺎﻟﻠﻪ ﻳﺸﻴﻠﻮﻥ ﺍﺳﻤﻪ
ﻣﻮ ﺿﺮﻭﺭﻱ 10 ﻭﻟﺪ .. ﺍﻟﺨﻴﺮﻩ ﻣﻮ ﺑﺎﻟﻜﺜﺮﻩ ﺑﺎﻟﺘﺮﺑﻴﻪ ﺍﻟﺤﻠﻮﻩ .. ﻛﺎﻟﺖ ﺿﻠﻲ ﻗﻨﻌﻲ ﻧﻔﺴﺞ ﺑﻬﻠﻜﻼﻡ ﻣﻦ ﺣﺮﻛﺔ ﻛﻠﺒﺞ ﺗﻮﺍﺳﻴﻦ ﻧﻔﺴﺞ ﺑﻬﻞ ﭼﻠﻤﺎﺕ ..
ﻛﺘﻠﻬﺎ ﺍﻭﻙ .. ﺍﻭﺍﺳﻲ ﻧﻔﺴﻲ ﻭﺍﻟﻤﻄﻠﻮﺏ .. ﻛﺎﻟﺖ ﺍﻧﻪ ﺍﺣﺴﻦ ﻣﻨﺞ ﻫﻢ ﺣﺎﻣﻞ ﻫﺴﻪ ﻭﺍﺑﻄﻨﻲ ﻭﻟﺪ .. ﻛﺘﻠﻬﺎ ﺑﺎﻟﻌﺎﻓﻴﻪ ﻋﻠﻴﺞ .. ﻳﺠﻲ ﺑﺎﻟﺴﻼﻣﻪ ﺍﻧﺸﺎﻟﻠﻪ
ﻛﺎﻟﺖ ﺍﻟﻐﻴﺮﻩ ﻛﺘﻠﺘﺞ ﻣﻮ .. ﺿﺤﻜﺖ ﺿﺤﻜﻪ ﻃﻮﻳﻠﻪ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﻟﺞ ﻓﻄﻮﻡ ﺷﺒﻴﺞ ﻫﻮﻩ ﺍﻧﻲ ﺍﻟﻤﺨﺎﺑﺮﻩ ﻣﻦ ﺍﻟﻐﻴﺮﻩ ﻟﻮ ﺍﻧﺘﻲ
ﻛﺎﻟﺖ ﻋﻮﻓﻲ ﺣﺎﺭﺙ ﺣﺮﺍﻡ ﻋﻠﻴﺞ ﺍﻧﻪ ﻭﺟﻬﺎﻟﻪ ﻫﻢ ﺍﻟﻪ ﺣﻖ ﻋﻠﻴﻪ .. ﺑﺎﺟﺮ ﻫﻢ ﻳﺼﻴﺮ ﻋﺪﺝ ﺟﻬﺎﻝ ﻭﻳﻬﻤﻠﺞ ﻣﺜﻞ ﻣﺎ ﻫﺎﻣﻠﻨﻪ ..
ﻛﺘﻠﻬﺎ ﺍﺑﻌﻴﻨﻲ ﺍﺩﻟﻠﻲ ﺑﻌﺪ ﻋﻨﺪﺝ ﺍﻭﺍﻣﺮ ﺛﺎﻧﻴﻪ .. ﻛﺎﻟﺖ ﺍﻟﻠﻪ ﻳﻤﻮﺗﺞ ﺍﻧﺸﺎﻟﻠﻪ ﺍﻧﺘﻲ ﻭﺍﻟﻜﻠﻴﻌﻪ ﺍﻟﺒﻄﻨﺞ .. ﻛﺘﻠﻬﺎ ﺷﻜﺮﺍ .. ﻳﻠﻪ ﺑﺎﻱ ..
🔹🔸🥇🔹🔸
ﺳﺪﻳﺘﻪ ﻣﻨﻬﺎ .. ﺧﺎﺑﺮﺕ ﺣﺎﺭﺙ
ﺭﻓﻞ .. ﺍﻟﻮﻭﻭ
ﺣﺎﺭﺙ .. ﺍﻟﻮﺍﺍﺍﺕ ﺣﺒﻴﺒﻲ ﺷﻠﻮﻧﺞ
ﺭﻓﻞ .. ﻫﻼ ﻳﻌﻤﺮﻱ … ﺷﻠﻮﻧﻚ
ﺣﺎﺭﺙ .. ﺍﻟﺤﻤﺪﻟﻠﻪ ﺗﺤﺖ ﺭﺣﻤﺘﻪ
ﺭﻓﻞ .. ﺍﻧﺸﺎﻟﻠﻪ ﻳﺎﺭﺏ ﺑﺨﻴﺮ .. ﺍﺣﺰﺭ ﻣﻨﻮ ﺧﺎﺑﺮﻧﻲ ﻗﺒﻞ ﺷﻮﻱ
ﺣﺎﺭﺙ .. ﻣﻨﻬﻮ ﺍﻟﺰﺭﻗﺎﻭﻱ ..
ﺭﻓﻞ .. ﻫﻬﻬﻬﻬﻬﻪ ﺍﻧﺘﻪ ﻫﻮﺍﻱ ﻣﻨﺪﻣﺞ ﺑﺸﻐﻠﻚ ﻟــ NO ـﺎ ﻣﻮ ﺍﻟﺰﺭﻗﺎﻭﻱ
ﺣﺎﺭﺙ .. ﭼﺎ ﻣﻨﻬﻮ
ﺭﻓﻞ .. ﻓﺎﻃﻤﻪ ..
ﺣﺎﺭﺙ .. ﺷﺒﻴﻬﺎ ﻻﻃﻤﻪ
ﺭﻓﻞ .. ﻫﻬﻬﻬﻪ ﺗﻜﻮﻟﻲ ﻗﺎﺑﻠﻪ ﺗﺮﺟﻌﻴﻦ ﺭﺟﻌﻲ ﺧﻠﺼﻴﻨﻲ ..
ﺣﺎﺭﺙ .. ﻫﻬﻬﻬﻬﻪ ﻻﺯﻡ ﺍﺷﺘﺎﻗﺘﻠﺞ
ﺭﻓﻞ .. ﻫﻬﻬﻬﻪ ﻓﺎﻃﻤﻪ ﺗﺸﺘﺎﻗﻠﻲ ﻣﺴﺘﺤﻴﻴﻴﻴﻴﻞ .. ﺗﻮﻡ ﻋﻤﺮﻩ ﻣﺎ ﻳﺤﺐ ﺟﻴﺮﻱ ..
ﺣﺎﺭﺙ .. ﻫﻬﻬﻬﻪ ﺟﺎ ﺷﺒﻴﻬﺎ ﺷﺘﺮﻳﺪ
ﺭﻓﻞ .. ﺗﺸﺘﻜﻲ ﻣﻨﻚ ﺗﻜﻮﻝ ﻫﺎﻣﻠﻨﻲ ﺍﻧﻲ ﻭﺍﻻﻃﻔﺎﻝ ﻭﻣﻴﻨﺎﻡ ﻳﻤﻲ ﻛﻠﻪ ﺑﻐﺮﻓﺘﺞ ﻭﺳﺎﺩ ﺍﻟﺒﺎﺏ .. ﺣﺎﺭﺙ ﺗﺮﻩ ﺧﻄﻴﻪ ﺍﻧﻄﻴﻬﺎ ﻣﻦ ﻭﻗﺘﻚ ﺷﻮﻱ ﻃﻠﻌﻬﻢ
ﻓﻮﺕ ﺍﺟﺎﺯﺓ ﺍﻻﺳﺒﻮﻉ ﻻ ﺗﺠﻲ ﻃﻠﻌﻬﻢ ﻭﻧﺴﻬﻢ .. ﺗﺮﻩ ﻫﻤﻪ ﻫﻢ ﺍﻟﻬﻢ ﺣﻖ ﻋﻠﻴﻚ .. ﻃﻴﺐ ﻟﻴﺶ ﻣﺘﺮﻭﺡ ﻳﻤﻬﺎ ﺑﻠﻴﻞ ﻟﻴﺶ ﻣﺘﺘﻘﺮﺑﻠﻬﺎ
ﺣﺎﺭﺙ .. ﺧﺎﻳﺐ ﺩﺧﻞ ﺍﻃﻴﺮ .. ﻓﻮﻛﺎﻫﺎ ﺗﺸﺘﻜﻲ . ﺑﺖ ﺣﺴﻨﻪ ..
ﺭﻓﻞ .. ﻟﻴﺶ ﺷﻜﻮ
ﺣﺎﺭﺙ .. ﻭﻟﺞ ﻋﻠﺖ ﻛﻠﺒﻲ .. ﺍﺟﻲ ﻣﻦ ﺍﻟﺪﻭﺍﻡ ﺍﻟﻀﻬﺮ .. ﺍﻏﻔﺎﻟﻲ ﺳﺎﻋﻪ ﻭﺍﻃﻠﻊ ﺷﻮﻳﻪ ﺍﻟﻒ ﺍﻟﺴﻠﻒ ﻭﺍﺷﻮﻑ ﺷﻜﻮ ﻣﺎﻛﻮ ﻭﺍﺭﺟﻊ
ﻭﺍﻟﻠﻪ ﻣﺎ ﺍﻃﻮﻝ ﻭﻳﻪ ﺍﻟﻤﻐﺮﺏ ﺍﺭﺟﻊ .. ﻏﻴﺮ ﻛﻮﻥ ﺍﺭﺗﺎﺡ .. ﺍﻛﻌﺪ ﺑﺎﻟﻐﺮﻓﻪ .. ﺍﺧﻠﺼﻬﺎ ﺻﻴﺎﺡ ﻣﻦ ﻭﺭﻩ ﺍﻟﺠﻬﺎﻝ .. ﺍﻛﻌﺪ ﺑﻮﻳﻪ ﻭﺍﺳﻜﺖ ﻭﻟﻚ
ﻭﻫﻴﻪ ﺗﺴﻮﻱ ﻋﺸﺎ ﻭﺗﻨﻀﻒ ﺑﺎﻟﺒﻴﺖ ﻭﻫﻤﻪ ﻭﻫﻮﺳﺘﻬﻢ ﻭﻋﺮﻛﻬﻢ ﻓﻮﻙ ﺭﺍﺳﻲ .. ﻭﺍﻧﻪ ﺭﺍﺳﻲ ﻣﻔﺠﻮﺭ ﻣﻦ ﺍﻟﺪﻭﺍﻡ ..
ﺭﻓﻞ .. ﻗﺎﺑﻞ ﺍﻟﻌﺸﺎ ﺍﻟﻠﻴﻞ ﻛﻠﻪ ﺧﻠﺼﺖ ﺍﻟﻌﺸﺎ ﻧﻮﻣﻮ ﺍﻟﺠﻬﺎﻝ ﻭﺷﻮﻓﻮ ﻧﻔﺴﻜﻢ ﻭﻻ ﺗﻘﺼﺮ ﻭﻳﺎﻫﺎ ﻻ ﺗﺨﻠﻴﻬﺎ ﺗﺸﻜﻲ ﻳﻤﻌﻮﺩ
ﺣﺎﺭﺙ .. ﻭﻟﺞ ﻳﺎ ﺗﻨﻮﻡ ﺍﻟﺠﻬﺎﻝ ﻣﺎ ﺗﻌﻮﻥ ﺍﻃﻜﻄﻚ ﺍﻟﻌﺸﺎ
ﺷﻠﻮﻥ ﻣﺎ ﺟﺎﻥ ﻭﺗﻨﻀﻒ ﻋﻠﻤﻮﺩ ﺗﺴﻮﻱ ﺟﺎﻱ ﻭﻛﻌﻚ ﻭﺍﻛﻞ ﻭﺗﻜﻌﺪ ﻭﻳﻪ ﺧﻮﺍﺗﻲ
ﺭﻓﻞ .. ﻭﻫﻮﻩ ﺍﻟﺠﺎﻱ ﻭﺍﻟﻜﻌﻚ ﺍﻻ ﺑﻠﻴﻞ ﺣﺘﻰ ﺛﻜﻴﻞ ﻋﻠﻤﻌﺪﻩ ﻭﻳﺴﻮﻱ ﻭﺯﻥ ﺯﺍﺋﺪ
ﺣﺎﺭﺙ .. ﺧﺎﺏ ﺑﺎﻉ ﻫﺎﻱ ﺗﻜﻮﻝ ﻭﺯﻥ ﺯﺍﻳﺪ ﺍﻟﻠﻪ ﻭﻛﻴﻠﺞ ﻭﺣﺪﺗﻬﻦ ﻣﻦ ﻭﺭﻩ ﺍﻻﻛﻞ ﺻﺎﺭﺕ ﺟﻨﻬﺎ ﻓﻴﻞ ﻭﻣﻜﺎﺑﻼﺕ ﺍﻟﻤﺴﻠﺴﻞ ﺷﺤﺪﻙ ﺗﺤﺠﻲ ..
ﺭﻓﻞ .. ﻫﻬﻬﻬﻪ ﻳﺎ ﻣﺴﻠﺴﻞ ﻫﺬﺍ
ﺣﺎﺭﺙ .. ﻭﻟﺞ ﺟﺎ ﻏﻴﺮ ﻃﺮﻛﺎﻋﻪ ﺳﻮﺩﻩ ﻟﻔﺘﻪ
ﺭﻓﻞ .. ﻫﻬﻬﻬﻬﻬﻬﻬﻬﻬﻪ ﻟﻴﺶ ﺷﻜﻮ ..
ﺣﺎﺭﺙ .. ﻭﻟﺞ ﻫﺎﻱ ﺍﻟﻤﻮﺩﻳﻞ ﺍﻟﺠﺪﻳﺪ ﻣﺎﻝ ﻣﺴﻠﺴﻞ ﺗﺮﻛﻲ ﺍﺳﻤﻪ ﻣﻬﻨﺪ ﻭﻧﻮﺭ ﻣﻮ ﻣﺴﻠﺴﻞ ﻓﻠﻚ ﺍﺳﻮﺩ .. ﻛﻠﻪ ﻣﺤﺎﻇﻦ ﻭﻣﺸﺎﺑﻚ
ﻭﻫﺎﻱ ﺍﻟﻨﺴﻮﺍﻥ ﻓﺎﻛﻪ ﻋﻴﻮﻧﻬﻦ ﻭﺣﻠﻮﻛﺘﻬﻦ ﻋﻠﻴﻪ ﻟﻮ ﺗﺼﻴﺢ ﻣﻨﺎ ﺍﻟﺒﺎﺟﺮ ﻣﺤﺪ ﻳﻜﻠﻚ ﻫﺎ ﻟﺤﺪ ﻣﺎ ﻳﺼﻴﺮ ﺍﻋﻼﻥ
ﺭﻓﻞ .. ﻫﻬﻬﻬﻬﻬﻬﻬﻪ ﻗﺼﺪﻙ ﺍﻟﻤﺴﻠﺴﻞ ﺍﻟﺘﺮﻛﻲ ﺍﻟﺠﺪﻳﺪ ﻧﻮﺭ ..
ﺣﺎﺭﺙ .. ﺍﻱ ﻭﻟﺞ ﻣﻮ ﻣﺴﻠﺴﻞ ﻓﻠﻚ ﻣﻌﺒﻪ ﺑﺘﻨﻚ .. ﻃﻠﻊ ﻋﻴﻮﻥ ﺍﻟﻨﺴﻮﺍﻥ .. ﻭﻟﺞ ﺍﻧﻪ ﺧﻮﺍﺗﻲ ﺍﻟﺠﺎﻧﻦ ﻳﺴﺘﺤﻦ ﻳﺠﻴﺒﻦ ﻃﺎﺭﻱ ﻭﺍﺣﺪ ﻛﺪﺍﻣﻲ
ﻫﺴﻪ ﺍﺣﺎﺟﻴﻬﻦ ﺍﻛﻠﻬﻦ ﺩﻋﻮﻓﻨﻪ ﻟﻬﻠﻤﺴﻠﺴﻞ ﺍﻟﻐﻀﺐ ﺭﺍﺡ ﻳﻌﻤﻴﺠﻦ .. ﻳﻜﻠﻠﻲ ﺍﻳﻴﻲ ﻳﺎ ﺣﺎﺭﺙ ﺷﻤﺎﻟﻚ ﺧﻠﻴﻨﻪ ﻧﺸﻮﻑ ﺍﻟﻠﻪ ﺷﺨﺎﻟﻖ ﻫﻮﻩ ﻣﻬﻨﺪ ﻭﺟﻪ ﻟﻮ ﺟﻨﻪ ﺍﻟﻌﺎﻓﻴﻪ
ﺭﻓﻞ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﺎﻱ ﻫﻢ ﺑﺎﻟﻜﻠﻴﻪ ﺿﺎﺟﺎﺕ ﺑﻴﻪ ﻳﻜﻮﻟﻮﻥ ﺍﻟﺒﻄﻞ ﺣﻠﻮ ﻛﻮﻟﺶ
ﺣﺎﺭﺙ .. ﺧﺎﻳﺒﻪ ﻣﻨﻴﻠﻪ ﺟﻨﻪ ﻗﻮﻃﻴﺔ ﻣﻴﺮﻧﺪﻩ ﺍﻡ ﺍﻟﺮﺑﻊ ﺍﺑﺮﺹ ﺷﺤﺎﻟﻪ .. ﺑﺲ ﻫﺎﻱ ﺍﻟﻨﺴﻮﺍﻥ ﺗﻬﻴﻠﻜﺖ ..
ﻭﺍﻟﻠﻪ ﻭﻛﺖ ﺻﺎﺭﺕ ﺍﻟﻨﺴﻮﺍﻥ ﺗﺘﻐﺰﻝ ﺑﺰﻟﻢ ﺑﻠﻌﺒﺎﺱ ﺧﺮﺑﺖ .. ﺍﻧﺘﻲ ﻫﻢ ﺍﺗﺎﺑﻌﻴﻨﻪ ..
ﺭﻓﻞ .. ﻻ ﻭﺍﻟﻠﻪ ﻣﻤﺘﺎﺑﻌﺘﻪ .. ﻛﻮﻩ ﺩﺍ ﺍﻟﻜﻪ ﺍﻟﻮﻗﺖ .. ﺍﻟﺪﺭﺍﺳﻪ ﻣﺎﺧﺬﻩ ﻛﻞ ﻭﻗﺘﻲ .. ﻣﺎ ﺍﻋﻮﻥ ﺑﺲ ﺍﺭﺗﺎﺡ ﻭﺍﻧﺎﻣﻠﻲ ﺳﺎﻋﻪ ﻣﻦ ﺍﺧﻠﺺ ﺩﺭﺍﺳﻪ ..
ﺑﺲ ﺻﺎﺭ ﻋﻨﺪﻱ ﻓﻀﻮﻝ ﺍﺷﻮﻓﻪ ..
ﺣﺎﺭﺙ .. ﻻ ﺗﺸﻮﻓﻴﻨﻪ ﻧﺼﻴﺤﻪ .. ﻻ ﺗﺼﻴﺮﻳﻦ ﻣﺜﻠﻬﻦ ﻭﺗﻨﻌﺪﻳﻦ
ﺭﻓﻞ .. ﻫﻬﻬﻬﻪ ﻻ ﻟﺘﺨﺎﻑ .. ﺍﻱ ﻣﻬﻨﺪ ﻳﺨﻠﺺ ﺑﺎﻟﻌﺸﺮﻩ .. ﺑﻌﺪ ﺷﻜﻮ ..
ﺣﺎﺭﺙ .. ﺟﺎ ﻫﻴﻪ ﻟﻮ ﺑﺲ ﻋﻠﻰ ﻣﻬﻨﺪ ﺟﺎ ﺧﻮﺵ .. ﻭﻟﺞ ﻭﻫﺎﻱ ﺍﻟﻔﺮﻭﺥ ﺍﻟﻤﺼﻴﺒﻪ .. ﺍﺻﻴﺢ ﻭﺍﺳﺘﺮﻳﺢ ﻭﻟﻜﻢ ﺑﺎﺑﺎ ﺍﻧﻄﻮﻧﻲ ﺍﻟﺘﻠﻔﺰﻳﻮﻥ ﺷﻮﻳﻪ ﺍﺷﻮﻑ ﺍﺧﺒﺎﺭ ..
ﻣﺎﻛﻮ ﻏﻴﺮ ﺳﺒﻴﺴﺘﻮﻥ ﻭ mbc3 ﻣﺎ ﻧﺸﻐﻞ ﺑﺎﻟﺘﻠﻔﺰﻳﻮﻥ ﻭﻛﺎﺭﺗﻮﻥ ﻳﺠﺮ ﻛﺎﺭﺗﻮﻥ .. ﺗﺨﻠﺺ ﺍﻣﻬﻢ ﺍﻟﻤﺴﻠﺴﻞ ﺑﺪﺍ ﺍﻟﻘﻨﺎﺹ ﺑﺎﻟﻌﺸﺮﻩ ﺍﻧﻮﺏ ﻓﻠﻚ ﺣﻠﻘﺘﻴﻦ ﺣﻠﻘﺘﻴﻦ ﻣﻮ ﺣﻠﻘﻪ ﻭﺣﺪﻩ ﻭﺗﻔﻆ
ﺭﻓﻞ .. ﻫﻬﻬﻪ ﺍﻧﻮﺏ ﺍﻟﻘﻨﺎﺹ ﺷﻨﻮ
ﺣﺎﺭﺙ .. ﻛﺎﺭﺗﻮﻥ ﻏﻴﺮ .. ﻭﻟﺞ ﺍﻛﻠﻬﺎ ﻳﺎ ﻣﺮﻩ ﻭﺭﺍﻱ ﺩﻭﺍﻡ ﻧﻮﻣﻴﻬﻢ .. ﻛﺎﻟﺖ ﺧﻞ ﻳﺨﻠﺼﻮﻥ ﻛﺎﺭﺗﻮﻧﻬﻢ .. ﻭﺍﻻ ﺏ 11 ﻳﻠﻪ ﻳﺨﻠﺺ
ﻭﺗﻄﻠﻊ ﺭﻭﺣﻲ .. ﺍﺷﺮﺩ ﻣﻨﻬﻢ ﺑﻐﺮﻓﺘﺞ ﺍﻋﺎﻳﻦ ﺍﺧﺒﺎﺭ ﺑﺮﺍﺣﺘﻲ ﺍﺧﺎﺑﺮﺝ .. ﺍﺷﺮﺏ ﺟﺎﻱ ﺍﻏﻔﻪ ﻻ ﺍﻛﻌﺪ ﻭﻟﻚ ﻭﻻ ﺍﺳﻜﺖ ﻭﻟﻚ …
ﺭﻓﻞ .. ﻫﻬﻬﻬﻬﻬﻪ .. ﺧﻠﺼﻮ ﺍﻟﻜﺎﺭﺗﻮﻥ ﺷﻠﻮﻥ ﻣﻴﻨﺎﻣﻮﻥ ..
ﺣﺎﺭﺙ .. ﻭﻟﺞ ﻳﺎ ﻳﻨﺎﻣﻮﻥ .. ﻭﻟﺞ ﻳﻨﻜﺴﺮ ﺧﺎﻃﺮﻱ ﻋﻠﻴﻬﺎ ﻭﺍﻛﻮﻝ ﺍﺟﻲ ﻳﻤﻬﺎ ﺍﻧﺎﻡ .. ﺍﻟﻠﻪ ﻭﻛﻴﻠﺞ ﻭﺭﻩ ﺍﻟﻜﺎﺭﺗﻮﻥ ﻳﺎﺧﺬﻭﻟﻬﻢ ﺳﺎﻋﻪ
ﻳﺘﻨﺎﻗﺸﻮﻥ ﺷﻜﺎﻝ ﻛﻮﺭﺑﻴﻜﺎ ﻭﺷﺴﻮﻩ ڪﻮﻥ .. ﻭﻫﻴﻪ ﺍﺗﺼﻴﻴﻴﻴﻴﻴﺢ ﻧﺎﻣﻮﻭﻭﻭﻭﻭﻭ ﺭﺍﺡ ﺗﺠﻴﻜﻢ ﺍﻟﺴﻌﻠﻮﻩ .. ﻭﻋﻠﻲ ﺍﻧﻪ ﺍﺧﺎﻑ ﻭﺍﻧﺎﻡ ﻭﻫﻤﻪ ﺑﻌﺪﻫﻢ
ﺭﻓﻞ .. ﻫﻬﻬﻬﻬﻬﻬﻬﻪ ﺳﻌﻠﻮﻩ ﻭﻛﻮﻥ ﻭﻛﻮﺭﺑﻴﻜﺎ ﺣﺎﺭﺙ ﺫﻭﻝ ﻣﺴﻮﻳﻚ ﻓﻠﻢ ﻫﻨﺪﻱ ..
ﺣﺎﺭﺙ .. ﻭﻗﺎﺑﻠﻪ ﺑﺖ ﺣﺴﻨﻪ ﺗﺮﻭﺡ ﺗﺨﺎﺑﺮ ﻭﺗﺸﻜﻲ ﻣﻨﻲ .. ﻭﻟﺞ ﻭﻋﻠﻲ ﻛﻮﻩ ﺍﺷﻮﻑ ﺍﻟﻨﻮﻡ ﻭﺍﻧﻲ ﻭﺭﺍﻱ ﻏﺒﺸﻪ ﻻﺯﻡ ﺏ 12 ﺍﻧﻪ ﻧﺎﻳﻢ
ﻭﺍﻃﻮﻝ ﺧﻠﻜﻲ ﻭﻳﺎﻫﺎ ﻟﻞ 1 ﻛﻮﻩ ﻳﻠﻪ .. ﻣﺮﺍﺕ ﻻ ﻭﺍﻟﻠﻪ ﺍﻋﻮﻓﻬﻢ ﻭﺍﻫﺞ ﺍﺭﻭﺡ ﺍﻧﺎﻡ ﺑﻐﺮﻓﺘﺞ .. ﻻﻥ ﻭﺭﺍﻱ ﺩﻭﺍﻡ ﻭﻫﻴﻪ ﺗﺼﻴﺢ ﻋﻠﻴﻬﻢ ﻭﻫﻤﻪ ﻣﻴﻨﺎﻣﻮﻥ ..
ﻭﺍﻧﻪ ﻻﺯﻡ ﺍﻛﻮﻡ ﺍﻟﺼﺒﺢ ﺍﻟﺴﺎﻋﻪ ﺳﺒﻌﻪ ﺷﺎﺑﻊ ﻧﻮﻡ ﻭﻣﺼﺤﺼﺢ .. ﺷﻐﻠﻲ ﻳﺮﺍﺩﻟﻪ ﺗﺮﻛﻴﺰ ﻭﺣﻴﻞ .. ﻫﺎﻱ ﻭﻳﻦ ﺍﻟﻜﺎﻫﺎ ﻭﻳﻪ ﻓﺎﻃﻤﻪ ﻭﻓﺮﻭﺧﻬﺎ ..
ﺭﻓﻞ .. ﻫﻬﻬﻬﻬﻬﻪ ﺍﻃﻔﺎﻟﻚ ﺫﻭﻝ ﺣﺒﻴﺒﻲ ﺷﺘﺴﻮﻱ ﺍﺗﺤﻤﻠﻬﻢ ﻋﺎﺋﻠﺘﻚ ﺑﻌﺪ
ﺣﺎﺭﺙ .. ﻭﻟﺞ ﺟﺎ ﺍﻧﻪ ﺣﺎﺟﻲ ﻛﺎﻳﻞ ﺑﺲ ﻏﻴﺮ ﻫﺎﻱ ﺑﺖ ﻣﺸﻌﻮﻝ ﺍﻟﺼﻔﺤﻪ ﺗﺮﻭﺡ ﺗﺸﻜﻲ ﻣﻦ ﻭﺭﺍﻱ ﻭﺗﺨﻠﻴﻨﻲ ﺍﻃﻠﻊ ﻣﻦ ﻃﻮﺭﻱ ﻭﺍﻋﻮﻑ ﺧﻴﻮﺭﻳﺘﻲ
🔸🔹🥇🔸🔹
ﺭﻓﻞ .. ﺻﺪﻭﻙ ﺣﺎﺭﺙ .. ﻓﺎﻃﻤﻪ ﺣﺎﻣﻞ
ﺣﺎﺭﺙ .. ﺍﻱ
ﺭﻓﻞ .. ﺍﺷﻮ ﻣﻜﺎﻳﻞ ﺣﺎﻣﻞ ﻭﺣﺘﻰ ﻋﺎﺭﻓﻴﻪ ﻭﻟﺪ ﻣﻮ
ﺣﺎﺭﺙ .. ﻣﻨﻮ ﻛﺎﻝ ﻭﻟﺪ .. ﺑﻌﺪﻫﺎ ﺍﺻﻼ ﻣﺎ ﺭﺍﻳﺢ ﻟﻠﺪﻛﺘﻮﺭ .. ﺑﺎﻟﺪﻡ ﺍﺧﺬﺗﻬﺎ ﻃﻠﻌﺖ ﺍﻟﻨﺘﻴﺠﻪ ﺣﺎﻣﻞ
ﺭﻓﻞ .. ﻟﻌﺪ ﻟﻴﺶ ﻣﻜﻠﺘﻠﻲ ﻓﺎﻃﻤﻪ ﺣﺎﻣﻞ ..
ﺣﺎﺭﺙ .. ﻣﺎ ﺍﻋﺮﻑ ﻣﺎ ﺧﻄﺮ ﻋﻠﻰ ﺑﺎﻟﻲ ..
ﺭﻓﻞ .. ﺣﺒﻴﺒﻲ ﺻﺪﻭﻙ ﺍﻧﺘﻪ ﻣﺘﺤﺐ ﺍﻟﺒﻨﻴﻪ .. ﻭﺗﺮﻳﺪ ﺑﺲ ﻭﻟﺪ
ﺣﺎﺭﺙ .. ﺍﻛﻠﺞ ﺷﺎﺭﺑﻪ ﺷﻲ ﺍﻟﻴﻮﻡ ﺷﺒﻴﺞ .. ﺷﻨﻲ ﻫﻠﺴﺆﺍﻝ .. ﻳﺮﺯﻕ ﻣﻦ ﻳﺸﺎﺀ ﺍﻻﻧﺎﺙ ﻭﻳﺮﺯﻕ ﻣﻦ ﻳﺸﺎﺀ ﺍﻟﺬﻛﻮﺭ .. ﺑﻌﺪ ﻋﻠﻴﺶ ﺿﺎﻳﺞ ﺍﻧﻪ .. ﻭﺷﺒﻴﻬﺎ ﺍﻟﺒﻨﻴﻪ .. ﻫﻴﺞ ﻭﺗﻄﻠﻊ ﻣﺜﻠﺞ ﺣﻠﻮﻩ ﻭﻓﺎﻫﻤﻪ ..
ﻳﻌﻤﻲ ﺍﺑﻘﻰ ﻟﻴﻞ ﻭﻧﻬﺎﺭ ﺍﺻﻠﻲ ﻭﺍﺳﺠﺪ ﺣﻤﺪ ..
ﺭﻓﻞ .. ﻫﻬﻬﻬﻪ ﺍﺧﺨﺦ
ﺣﺎﺭﺙ .. ﻫﺎ ﺷﺒﻴﺞ ..
ﺭﻓﻞ .. ﻟﻚ ﻫﺎﻱ ﺑﻨﺘﻚ ﻣﻦ ﻫﺴﻪ ﺗﻠﻌﺐ ﺑﻴﻪ ﻣﻼﻛﻤﻪ ..
ﺣﺎﺭﺙ .. ﻻ ﻫﺎﻱ ﻣﻮ ﺗﻠﻌﺐ ﻣﻼﻛﻤﻪ .. ﻫﺎﻱ ﻣﺜﻞ ﺍﻣﻬﺎ ﺗﺤﻮﺱ ﻣﺎ ﺗﺤﺐ ﺗﻨﺤﺒﺲ .. ﺗﺮﻳﺪ ﺗﻄﻠﻊ
ﺭﻓﻞ .. ﻫﻬﻬﻬﻬﻪ .. ﺷﻮﻛﺖ ﺍﻟﺨﻤﻴﺲ ..
ﺣﺎﺭﺙ .. ﻫﻬﻬﻪ ﺑﻌﺪ ﻳﻮﻣﻴﻦ ..
ﺭﻓﻞ .. ﻳﻌﻨﻲ ﺑﻌﺪ ﻳﻮﻣﻴﻦ ﺍﺷﻮﻓﻚ ﻭﺍﻧﺎﻡ ﺑﺤﻈﻨﻚ …
ﺣﺎﺭﺙ .. ﺍﻧﺸﺎﻟﻠﻪ ..
ﺭﻓﻞ .. ﺍﻣﻮﻭﻭﺕ ﻋﻠﻴﻚ ..
ﺣﺎﺭﺙ .. ﺍﻭﻭﻭﻑ ﺭﺍﺡ ﺗﻬﺪﻳﻦ ﺣﻴﻠﻲ ﺣﺘﻲ ﺑﺎﻟﻤﻮﺑﺎﻳﻞ
ﺭﻓﻞ .. ﻫﻬﻬﻬﻬﻬﻪ ﻻ ﻻ ﻭﺍﻟﻠﻪ ﺑﺲ ﺍﺣﺒﻚ
ﺣﺎﺭﺙ .. ﻣﻮ ﺑﻜﺪﻱ .. ﻋﺸﻜﻲ ﺍﻟﺞ ﺑﻜﺪ ﺭﺣﻤﺔ ﺍﻟﻠﻪ ﻣﺎﻟﻬﺎ ﺣﺪ ﻭﻣﺎ ﺗﻨﻮﺻﻒ
ﺭﻓﻞ .. ﺍﻭﻭﻭﻑ ﻳﻬﻨﻴﺎﻟﻲ
ﺣﺎﺭﺙ .. ﻭﺍﻟﻠﻪ ﺍﻧﻪ ﺍﻟﻬﻨﻴﺎﻟﻲ ﺑﻴﺞ .. ﺑﻨﻴﻪ ﻭﺍﻋﻴﻪ ﻭﻣﺜﻘﻔﻪ .. ﻣﻦ ﺍﺷﻜﻴﻠﻬﺎ ﺗﺴﻤﻌﻨﻲ .. ﻭﻣﻦ ﺍﺳﺘﺸﻴﺮﻫﺎ ﺗﻨﺼﺤﻨﻲ .. ﻭﻣﻦ ﺍﺣﺘﺎﺟﻬﺎ ﺗﺤﺘﻮﻳﻨﻲ .. ﻭﻣﻦ ﺍﺗﻌﺐ ﺗﺮﻳﺤﻨﻲ ..
ﺷﺮﻳﺪ ﺍﻛﺜﺮ ﻣﻦ ﻫﻴﺞ ..
ﺭﻓﻞ .. ﺍﻣﻤﻢ ﺷﻮﻗﺘﻨﻲ ﻣﻦ ﻫﺴﻪ ﺍﺭﻳﺪﻙ ﺷﻠﻮﻭﻭﻥ
ﺣﺎﺭﺙ .. ﻫﻬﻬﻬﻬﻪ ﺍﺗﺨﻴﻠﻲ ﺍﻧﺘﻲ ﺑﺤﻈﻨﻲ ..
ﺭﻓﻞ .. ﺍﻭﻙ ﺍﺗﺨﻴﻠﺖ .. ﺑﺲ ﻟﺤﻈﻪ ﻟﺤﻈﻪ .. ﺍﻧﺘﻪ ﻭﻳﻦ ..
ﺣﺎﺭﺙ .. ﺑﻐﺮﻓﺘﺞ ..
ﺭﻓﻞ .. ﺍﻱ ﺯﻳﻦ .. ﺷﻨﻮ ﺭﺃﻳﻚ ﺗﺮﻭﺡ ﻳﻢ ﻓﺎﻃﻤﻪ ﺗﺘﺨﻴﻞ ﻣﻮ ﺍﺣﺴﻦ ﻫﻬﻬﻪ
ﺣﺎﺭﺙ .. ﺍﻭﻭﻭ ﻋﻮﺫﻩ ﺍﺳﻤﻌﻲ ﺑﺮﻭﺡ ﺍﻫﻠﺞ ..
ﺭﻓﻞ .. ﺻﺎﺭ ﺳﺎﻋﻪ ﺍﺳﻤﻊ ﺍﻟﻬﻮﺳﻪ .. ﻭﺍﻥ ﻳﻜﻦ ﺣﺒﻴﺒﻲ ﺭﻭﺡ .. ﺍﻧﺘﻪ ﺍﺑﻮﻫﻢ ﻭﺍﻃﻔﺎﻟﻚ ﻳﺤﺒﻮﻙ ﻭﻳﻬﺎﺑﻮﻙ ..
ﺑﺼﻮﺕ ﺧﺸﻦ ﺻﻴﺢ ﻋﻠﻴﻬﻢ ﻭﻃﻔﻲ ﺍﻟﻜﺎﺭﺗﻮﻥ ﻭﺧﻞ ﻳﻨﺎﻣﻮﻥ ..
ﺣﺎﺭﺙ .. ﺍﻧﺘﻲ ﺷﻨﻲ ﻣﺎ ﺗﻐﺎﺭﻳﻦ ﻋﻠﻲ .. ﻣﺎ ﻋﺪﺝ ﺫﺭﺓ ﻏﻴﺮﻩ .. ﺍﻛﻮ ﻣﺮﻩ ﺗﻜﻞ ﻟﺮﺟﻠﻬﺎ ﺭﻭﺡ ﻟﺜﺎﻧﻴﻪ ..
🔹🔸🥇🔹🔸
ﺭﻓﻞ .. ﺣﺒﻴﺒﻲ .. ﺍﻧﻲ ﻣﺎ ﺍﺷﻐﻞ ﻧﻔﺴﻲ ﺑﻬﻠﺴﻮﺍﻟﻒ .. ﺩﺍﺋﻤﺎ ﺍﺣﺐ ﺍﺗﻌﺎﻟﻰ ﻋﻨﻬﺎ .. ﻣﻮ ﻋﺪﻡ ﺍﺣﺴﺎﺱ ﻟﻜﻦ ﺛﻘﻪ ﺑﺎﻟﻨﻔﺲ
ﺍﻋﺮﻑ ﻗﻴﻤﺘﻲ ﻋﻨﺪﻙ ﺷﻨﻮ .. ﻳﻜﻔﻲ ﻣﻦ ﺍﻣﺮ ﻣﻨﻚ ﻋﻴﻨﻚ ﻣﺎ ﺗﻨﺰﻝ ﻣﻦ ﻋﻠﻴﻪ ..
ﻭﻓﺎﻃﻤﻪ ﺭﻏﻢ ﺗﻬﺠﻤﻬﺎ ﻋﻠﻴﻪ ﻭﻣﺸﺎﻛﻠﻬﺎ .. ﻟﻜﻦ ﺍﺣﺴﻬﺎ ﻣﻀﻠﻮﻣﻪ .. ﺍﻟﺰﻣﻦ ﻭﺍﻟﻌﺎﺩﺍﺕ ﻫﻴﻪ ﺍﻟﻠﻲ ﺣﻜﻤﺘﻬﺎ ﺗﺼﻴﺮ ﺑﻬﺸﻜﻞ ..
ﻟﻤﺎ ﺍﻫﻠﻬﺎ ﻣﺪﺧﻠﻮﻫﺎ ﺗﺘﻌﻠﻢ ﻭﻣﺨﻠﻮﻫﺎ ﺗﺨﺘﻠﻂ ﺑﺎﻟﻨﺎﺱ ﻋﻠﻤﻮﺩ ﺗﺘﻌﻠﻢ ﻟﺒﺎﻗﺔ ﺍﻻﺳﻠﻮﺏ ﻭﺍﻟﺘﺼﺮﻑ .. ﺍﻭ ﺣﺘﻰ ﺍﻻﻋﺘﻨﺎﺀ ﺑﻨﻔﺴﻬﺎ
ﻓﺎﻃﻤﻪ ﻃﻴﻨﻪ ﻗﺪﻳﻤﻪ .. ﻣﺜﻞ ﺍﻣﻬﺎﺗﻨﻪ ﻗﺒﻞ ﻛﻞ ﻫﻤﻬﻦ ﺧﺪﻣﺔ ﺍﻻﻃﻔﺎﻝ ﻭﺍﻟﻌﻴﺎﻝ ﻭﺍﻟﺮﺟﺎﻝ .. ﺍﻫﻠﻬﻢ ﻣﺎ ﻋﻠﻤﻮﻫﻢ ﺷﻠﻮﻥ ﻳﺒﻨﻮﻥ ﺫﺍﺗﻬﻢ
ﺍﻭ ﻳﺒﻨﻮﻥ ﺍﻟﻬﺎ ﺷﺨﺼﻴﻪ ﻭﻛﻴﺎﻥ . ﺍﻟﻌﺮﻑ ﺍﻟﻌﺸﺎﺋﺮﻱ ﻇﺎﻟﻢ . ﻳﻨﺼﻒ ﺍﻟﺮﺟﻞ ﻭﻳﻌﻄﻴﻪ ﻛﺎﻣﻞ ﺍﻟﺤﻖ .. ﻟﻜﻦ ﻳﺤﺪ ﻣﻦ ﺍﻟﻤﺮﺃﻩ ﻭﻫﺬﺍ ﻣﻮ ﺍﻧﺼﺎﻑ
ﻟﺬﻟﻚ ﻣﺎ ﺍﻏﺎﺭ ﻻﻥ ﺍﻋﺮﻑ ﻗﺪﺭﻱ ﻣﺴﺘﻮﺍﻱ ﺷﻨﻮ .. ﻣﻮ ﺗﻜﺒﺮ ﻟﻜﻦ ﺗﻨﺰﻩ ﻋﻦ ﺍﻻﺷﻴﺎﺀ ﺍﻟﻠﻲ ﻣﺘﻠﻴﻖ ﺑﻴﻪ ..
ﻣﺜﻞ ﺗﺴﺘﺨﺪﻡ ﺍﺳﺎﻟﻴﺐ ﺭﺧﻴﺼﻪ ﻟﺤﺘﻰ ﺗﺴﺤﺒﻚ .. ﺑﻴﻨﻤﺎ ﺍﻧﻲ ﺍﻋﺮﻑ ﻣﺎ ﺍﺣﺘﺎﺝ ﻟﻬﺬﻱ ﺍﻻﺳﺎﻟﻴﺐ ﺣﺘﻰ ﺍﺧﻠﻴﻚ ﺗﻨﺒﻬﻠﻲ ..
ﺗﺘﻬﺠﻢ ﻭﺗﻀﺮﺏ ﻭﺗﻐﻠﻂ .. ﻭﺍﻧﻲ ﻫﺬﻱ ﺍﻻﺷﻴﺎﺀ ﻛﻠﻬﺎ ﻣﺎ ﺍﺳﻮﻳﻬﺎ .. ﺍﺣﺐ ﺍﺣﺘﺮﻡ ﺍﻻﺧﺮﻳﻦ ﻭﺍﻋﻄﻴﻬﻢ ﺣﻘﻬﻢ .. ﻭﺍﻧﻲ ﺟﻨﺖ ﻣﺤﺘﺮﻣﻪ ﺣﻘﻬﺎ .. ﺑﺲ ﻫﻴﻪ .. ﺍﻟﻠﻪ ﻳﺴﺎﻣﺤﻬﺎ ..
ﺣﺎﺭﺙ .. ﻣﻮ ﺍﻛﻮﻟﺞ .. ﺍﺣﺒﺞ .. ﺍﺻﻼ ﻫﺬﺍ ﺍﻟﻠﻲ ﺍﺣﺒﻨﻪ ﺑﻴﺞ
ﺭﻓﻞ .. ﻻ ﺍﻧﺘﻪ ﻣﺎ ﺗﺤﺐ ﺑﻴﻪ ﺷﻲ ﻣﻌﻴﻦ .. ﺍﻧﺘﻪ ﺣﺒﻴﺘﻨﻲ ﺑﻜﻮﻟﺸﻲ . ﺣﺒﻴﺘﻨﻲ ﺑﻜﻞ ﺍﻏﻼﻃﻲ .. ﺣﺒﻴﺘﻨﻲ ﻣﻦ ﺫﻳﺞ ﺍﻟﻠﻴﻠﻪ ﺍﻟﻠﻲ ﻛﻌﺪﺕ ﺑﻴﻬﺎ ﻋﻠﻲ ﺿﻬﺮﻱ ﻭﻋﺒﺎﻟﻚ ﺣﺮﺍﻣﻲ
ﺣﺎﺭﺙ . ﻫﻬﻬﻪ ﺍﻟﻠﻪ ﺷﻠﻮﻥ ﻟﻴﻠﻪ ..
ﺭﻓﻞ .. ﻳﺎ ﺷﻠﻮﻥ ﻟﻴﻠﻪ ﻏﻴﺮ ﻛﺴﺮﺕ ﺿﻬﺮﻱ ﺍﻻ ﺷﻮﻳﻪ .. ﻣﺎ ﺍﻋﺮﻑ ﻣﻨﻮ ﻣﺠﺬﺏ ﻋﻠﻴﻚ ﻭﻛﺎﻳﻠﻚ ﺍﻧﺘﻪ ﺧﻔﻴﻒ ..
ﺣﺎﺭﺙ .. ﻫﻬﻬﻬﻬﻪ ﺗﺬﻛﺮﻳﻦ ﺍﻳﺎﻡ ﺍﻟﺴﻘﻮﻁ ﻭﺍﻟﺤﻤﺎﻡ ﺍﻟﻜﻠﺴﺎﻉ ﻧﺎﺯﻟﻪ ..
ﺭﻓﻞ .. ﺍﻱ ﻣﻠﻴﻖ ﺟﻨﺖ ﺗﻘﻠﺪ ﻋﻠﻴﻪ ﻭﺗﺼﻨﻒ .. ﺧﻮ ﻟﻤﺎ ﺯﻟﻐﺖ ﺍﻟﺒﻘﺮﻩ ﺗﺼﻨﻴﻒ
ﺣﺎﺭﺙ .. ﻫﻬﻬﻬﻬﻬﻬﻬﻬﻪ ﻣﻦ ﺗﻜﻤﻠﻴﻦ ﻭﺗﺠﻴﺒﻴﻦ ﺑﺴﻼﻣﻪ ﺍﺧﺬﺝ .. ﻟﻠﻌﺮﺏ ﺍﻧﺸﺎﻟﻠﻪ
ﺭﻓﻞ .. ﺍﻧﺸﺎﻟﻠﻪ ﻳﻠﻪ ﺣﺒﻴﺒﻲ ﺍﻧﻄﻴﻨﻲ ﺍﻟﻤﻮﺍﺍﺍﺡ ﻣﺎﺗﻲ ﺧﻞ ﺍﺭﻭﺡ
ﺣﺎﺭﺙ .. ﻣﻮﻭﻭﻭﺍﺡ 💋
ﺭﻓﻞ .. ﻣﻮﻭﻭﻭﺍﺡ ..💋 ﺑﺎﻱ .. ﺍﺣﺒﻚ .. ﺳﺪﻳﺖ ﺍﻟﺨﻂ .. ﻣﻨﻪ ﻭﺭﺣﺖ ﻛﻤﻠﺖ ﺩﺭﺍﺳﺘﻲ .. ﻣﺮﺕ ﺷﻬﺮﻳﻦ ﻭﺍﻧﻲ ﻋﻠﻰ ﻧﻔﺲ ﺍﻟﻮﺿﻊ
ﻭﺗﻌﺐ ﺍﻟﺪﺭﺍﺳﻪ ﻭﺍﻻﻣﺘﺤﺎﻧﺎﺕ ﺩﻙ ﻭﺍﻟﺤﻤﻞ ﺑﺸﻬﺮ ﺍﻟﺘﺎﺳﻊ .. ﺑﻄﻨﻲ ﺍﻟﻠﻲ ﻛﻮﻟﺶ ﺿﺎﻳﻘﺘﻨﻲ .. ﻓﺪ ﻳﻮﻡ ﺟﻨﺖ ﺩﺍ ﺍﺩﺭﺱ ﻭﺍﻟﻮﺟﻊ ﺯﺍﺩ ﻋﻨﺪﻱ ..
ﺧﺎﺑﺮﻧﻲ ﺣﺎﺭﺙ .. ﻣﺎ ﻛﺘﻠﻪ ﻣﻮﺟﻮﻋﻪ ﻻﻥ ﻗﺒﻞ ﻳﻮﻣﻴﻦ ﺟﺎﻥ ﻳﻤﻲ . ﺑﻘﻴﺖ ﺍﺩﺭﺱ ﻭﺍﺗﻮﺟﻊ .. ﺍﺟﺖ ﻣﺎﻣﺎ ﻛﺎﻟﺖ ﻫﺎ ﻭﺟﻬﺞ ﻣﻐﺒﺮ ﺍﻟﻴﻮﻡ ﻣﻮﺟﻮﻋﻪ
ﺍﻭﻣﺌﺘﻠﻬﺎ ﺍﻱ .. ﻛﺎﻟﺖ ﻛﻮﻣﻲ ﺧﻞ ﻧﺮﻭﺡ ﻟﻠﻤﺴﺘﺸﻔﻰ .. ﻛﻤﺖ ﺑﺪﻟﺖ ﻭﺍﺧﺬﺕ ﺟﻨﻄﺔ ﺍﻟﻄﻔﻞ .. ﺩﺧﻠﻨﻪ ﺍﻟﻤﺴﺘﺸﻔﻰ ﻓﺤﺼﺘﻨﻲ ﻛﺎﻟﺖ ﺍﻱ ﻋﻨﺪﺝ ﻭﻻﺩﻩ
ﺍﺗﻤﺸﻲ ﺳﺎﻋﺎﺕ ﻭﺗﻌﺎﻟﻲ .. ﺭﺣﺖ ﺍﻧﻲ ﻭﻣﺎﻣﺎ ﺍﻓﺘﺮﻳﻨﺎ ﺑﺸﻮﺍﺭﻉ ﺍﻟﻜﺮﺍﺩﻩ .. ﻛﺎﻟﺖ ﻣﺎﻣﺎ ﺧﺎﺑﺮﻱ ﺣﺎﺭﺙ ﺧﻞ ﻳﺠﻲ
🔸🔹🥇🔸🔹
ﻛﺘﻠﻬﺎ ﺩﻧﻴﺎ ﻟﻴﻞ ﻭﻳﻦ ﻳﺠﻲ . ﻫﺴﻪ ﺧﻄﻴﻪ ﻣﻦ ﺍﻟﻨﺎﺻﺮﻳﻪ ﻟﻬﻨﺎ ﺍﺧﺎﻑ ﻋﻠﻴﻪ ﻣﻦ ﺍﻟﻄﺮﻳﻖ .. ﻛﺎﻟﺖ ﺑﻜﻴﻔﺞ
ﺭﺟﻌﻨﺎ ﻟﻠﻤﺴﺘﺸﻔﻰ ﻛﻞ ﺷﻮﻱ ﺗﻜﻮﻟﻲ ﺍﻟﺪﻛﺘﻮﺭ ﺑﻌﺪﺝ ﻟﺤﺪ ﺍﻟﺴﺎﻋﻪ ﺍﻝ 9 ﺍﻟﺼﺒﺢ ﻳﻠﻪ ﺟﺒﺖ .. ﻫﻠﻜﺖ ﻣﻦ ﺍﻟﺘﻌﺐ ﺑﺎﻭﻋﺖ ﺍﻟﻄﻔﻞ ﻭﻧﻤﺖ ﺑﻌﺪ ﻣﺎ ﺍﺩﺭﻱ ﺑﺎﻟﺪﻧﻴﺎ
ﻛﻌﺪﺕ .. ﺍﻣﻲ ﻋﻠﻰ ﺭﺍﺳﻲ ﻭﺍﺑﻮﻳﻪ .. ﺍﻧﻄﺘﻨﻲ ﻣﺎﻣﺎ ﺍﻟﻄﻔﻠﻪ ﺍﺭﺿﻌﻬﺎ .. ﺩﺧﻞ ﺣﺎﺭﺙ .. ﺍﻭﻑ ﺑﻮﻳﻪ ﻣﺮﺗﻲ ﺍﻟﺤﻠﻮﻩ ﺧﻠﻔﺖ ..
ﺍﺑﺘﺴﻤﺖ .. ﺑﺎﺱ ﺭﺍﺳﻲ ﻭﻛﺎﻝ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺣﺒﻴﺒﻲ ﻛﺘﻠﻪ ﺍﻟﻠﻪ ﻳﺴﻠﻤﻚ ﺣﻴﺎﺗﻲ .. ﺍﺧﺬ ﺍﻟﻄﻔﻠﻪ ﻛﺎﻝ ﺻﺪﻗﻪ ﻟﻠﻪ ﺷﻨﻮ ﻫﻠﺨﻠﻘﻪ ﺍﻟﺤﻠﻮﻩ
ﺑﺎﺳﻬﺎ ﻭﻛﺎﻡ ﻳﺄﺫﻥ ﺑﺄﺫﺍﻧﻬﺎ ﻭﻋﻴﻮﻧﻪ ﻋﻠﻴﻪ .. ﻭﺍﻧﻲ ﻛﻮﻩ ﺍﺑﺘﺴﻢ ﻣﻦ ﺍﻟﺘﻌﺐ .. ﻛﺎﻝ ﺍﺳﻤﻴﻬﺎ ﺭﻗﻴﻪ .. ﻛﺎﻝ ﺍﺑﻮﻳﻪ ﻧﻌﻢ ﺍﻻﺧﺘﻴﺎﺭ ﺳﻼﻡ ﺍﻟﻠﻪ ﻋﻠﻰ ﺭﻗﻴﻪ ..
ﻟﺸﻮﻱ ﻛﺎﻟﻮ ﺍﻻﻡ ﻭﺍﻟﻄﻔﻠﻪ ﺑﺨﻴﺮ ﺗﻜﺪﺭﻭﻥ ﺍﻃﻠﻌﻮﻫﻢ
ﺍﺧﺬﻧﻪ ﺣﺎﺭﺙ ﺑﺴﻴﺎﺭﺗﻪ ﺍﻧﻲ ﻭﺍﻣﻲ ﻭﺍﻟﻄﻔﻠﻪ ﻭﺭﺟﻌﻨﻪ ﻟﻠﺒﻴﺖ .. ﺩﺧﻠﻨﻪ ﺍﻟﺒﻴﺖ ﻛﺎﻝ ﺍﻧﻄﻮﻧﻲ ﺑﺘﻲ ﺍﻧﻄﻮﻧﻴﺎﻫﺎ ..
ﺍﺧﺬﻫﺎ ﻭﻳﻠﻌﺐ ﻭﻳﻀﺤﻚ ﻭﻳﻨﺎﻏﻴﻬﺎ ﻭﻫﻴﻪ ﻧﺎﻳﻤﻪ ﻛﺎﻟﺘﻠﻪ ﻣﺎﻣﺎ .. ﺧﺎﻟﻪ ﺗﺮﻩ ﻫﺬﻱ ﻃﻔﻞ ﺍﻧﻔﺎﺱ .. ﻛﺎﻟﻬﺎ ﺑﺖ ﺭﻓﻞ ﻛﻠﺸﻲ ﺗﻔﺘﻬﻢ ﻋﻮﻓﻮﻧﻲ ﻭﻳﺎﻫﺎ ..
ﺿﺤﻜﺖ .. ﺍﻧﻲ ﺗﻤﺪﺩﺕ ﺑﺴﺮﻳﺮﻱ .. ﻭﻫﻮﻩ ﻳﻠﻌﺒﻬﺎ ﻭﻳﻨﺎﻏﻴﻬﺎ .. ﻛﺎﻝ ﻟﻴﺶ ﻣﺎ ﺧﺎﺑﺮﺗﻴﻨﻲ ﺑﻠﻴﻞ ﻣﻦ ﻛﺎﻟﻮﻟﺞ ﻋﻨﺪﺝ ﻭﻻﺩﻩ
ﻛﺘﻠﻪ ﺧﻔﺖ ﻋﻠﻴﻚ ﻣﻦ ﺍﻟﻄﺮﻳﻖ .. ﺿﺤﻚ .. ﻛﺎﻝ ﺳﻴﺎﺭﻩ ﻛﻮﺳﺘﺮ ﻣﺴﻠﺒﻴﻬﺎ ﻭ ﻛﺎﺗﻠﻴﻦ ﺭﻛﺎﺑﻬﺎ ﻋﻠﻄﺮﻳﻖ ﺍﻟﻨﺎﺻﺮﻳﻪ ﺑﻠﻴﻞ ..
ﻛﺘﻠﻪ ﺗﺤﺠﻲ ﺻﺪﻭﻙ .. ﻛﺎﻝ ﻭﺍﻟﻠﻪ .. ﻛﺘﻠﻪ ﺑﺎﻭﻉ ﻛﻠﺒﻲ ﺣﺲ ﻭﻣﺨﺎﺑﺮﺗﻚ ﺟﺎﻥ ﺭﺣﺖ ﺑﻴﻬﺎ .. ﺿﺤﻚ ﻛﺎﻝ ﻛﻠﺐ ﻭﺍﻟﺪﻩ ..
ﺧﻄﻴﻪ ﺿﻞ ﻳﻤﻲ ﻳﻮﻣﻴﻦ ﻭﺍﺟﻮ ﺑﻴﺖ ﻋﻤﺎﻣﻲ ﺣﺘﻰ ﺍﻡ ﺣﺎﺭﺙ ﻭﻓﺎﻃﻤﻪ ﻭﺧﻮﺍﺗﻪ ﻛﻠﻬﻢ ﺑﺎﺭﻛﻮﻟﻲ ﻋﻄﻔﻠﻪ ﻭﺳﻮﻭﻟﻬﺎ ﻣﻮﻟﺪ ﻭﺍﺣﺘﻔﺎﻝ ﺑﺎﺑﺎ ﺳﻮﺍﻟﻬﺎ ..
ﻓﺎﻃﻤﻪ .. ﺗﺒﺎﻭﻉ ﺑﺘﻚ ﻋﻴﻦ .. ﻣﺎ ﻫﺘﻤﻴﺘﻠﻬﺎ ﺑﻌﺪﻳﻦ ﻋﺮﻓﺖ ﺣﺎﻣﻞ ﺑﺘﻮﻡ ﻭﻟﺪ .. ﻛﺘﻠﻬﺎ ﻣﺒﺮﻭﻙ ﺍﻧﺸﺎﻟﻠﻪ .. ﺣﺎﺭﺙ ﻛﺎﻝ ﻳﺎ ﻣﺒﺮﻭﻙ ﺍﻧﻬﺠﻢ ﺑﻴﺘﻲ
ﻃﻔﻠﻪ ﻣﻨﺎ ﻭﺛﻨﻴﻦ ﻣﻨﺎ ﺍﻫﺞ ﻭﺍﺷﺮﺩ ﺑﺎﻟﺠﻮﻝ .. ﺿﺤﻜﻮ .. ﺑﻘﻮ ﻳﻤﻨﻪ ﻧﺺ ﻳﻮﻡ ﻭﺭﺍﺣﻮ ﺣﺘﻰ ﺣﺎﺭﺙ ﺭﺟﻊ ﻭﻳﺎﻫﻢ
ﺍﻧﻲ ﻣﻦ ﺑﻌﺪ 5 ﺍﻳﺎﻡ ﻣﻦ ﺍﻟﻮﻻﺩﻩ ﺑﺪﻳﺖ ﺍﻟﻘﺮﺍﻳﻪ ﻻﻥ ﺍﻣﺘﺤﺎﻧﺎﺗﻲ ﻋﻼﺑﻮﺍﺏ .. ﺍﻟﻄﻔﻠﻪ ﻛﻮﻟﻪ ﻳﻢ ﻣﺎﻣﺎ ﺑﺲ ﺑﺎﻟﻨﻮﻡ ﻳﻤﻲ ..
ﻭﺍﺫﺍ ﻣﺎﻣﺎ ﺣﺴﺖ ﺍﻟﻄﻔﻠﻪ ﺷﻠﻌﺖ ﻛﻠﺒﻲ ﻭﻣﺘﻨﺎﻡ .. ﺗﺠﻲ ﺗﺎﺧﺬﻫﺎ ﻭﺗﻜﻮﻟﻲ ﻧﺎﻣﻲ ﻭﺭﺍﺡ ﻗﺮﺍﻳﻪ ..
ﺑﺪﺕ ﺍﻻﻣﺘﺤﺎﻧﺎﺕ .. ﻭﻛﻤﺖ ﺍﻣﺘﺤﻦ .. ﺣﺎﺭﺙ ﻣﻨﻌﺘﻪ ﻣﺎ ﻳﺠﻲ ﻭﻗﺖ ﺍﻻﻣﺘﺤﺎﻧﺎﺕ .. ﻭﻻ ﺍﺗﺼﻞ ﺑﻴﻪ ﻣﻜﺎﻟﻤﻪ ﻃﻮﻳﻠﻪ ﻋﻠﻰ ﻛﺪ ﺍﻟﺴﻼﻡ ﺣﺘﻰ ﻣﺎ ﺍﻧﺸﻐﻞ ﺑﻴﻪ
ﻛﻮﻩ ﺑﺎﻟﻒ ﻳﺎ ﺍﻟﻠﻪ ﺧﻠﺼﺖ ﺍﻣﺘﺤﺎﻧﺎﺕ .. ﻭﻋﻤﺮ ﺭﻗﻴﻪ ﺻﺎﺭ ﺷﻬﺮﻳﻦ ﻭﻧﺺ ﺻﺎﺭﺕ ﺗﺨﺒﻞ .. ﻭﻣﺎﻣﺎ ﺗﺤﻴﺮ ﺷﺘﺠﻴﺐ ﻭﺗﻠﺒﺲ ..
ﺣﺘﻰ ﺗﺮﺍﺟﻲ ﺯﺭﻓﺖ ﺍﺫﺍﻧﺎﺗﻬﺎ ﻭﺧﻠﺘﻠﻬﺎ ﺫﻫﺐ ﻭﺍﻟﺒﻮﻧﺪﺍﺕ ﻭﺍﻟﻄﻮﻛﺎﺕ ﻣﺘﻮﻛﻊ ﻣﻦ ﺭﺍﺳﻬﺎ .. ﻛﻞ ﺍﻟﻴﺸﻮﻓﻬﺎ .. ﻳﺎﺧﺬﻫﺎ ﻭﻳﺒﻮﺱ ﺑﻴﻬﺎ ﻋﻠﺒﺎﻟﻚ ﻟﻌﺎﺑﻪ ﻣﺪﺑﺪﺑﻪ ﻭﺑﻴﻀﻪ
ﺗﺎﺧﺬﻫﺎ ﻭﻳﺎﻫﺎ ﻟﻠﻤﺪﺭﺳﻪ .. ﺍﻟﻤﺪﺭﺳﺎﺕ ﻣﻴﺘﺎﺕ ﻋﻠﻴﻬﺎ ﻭﻛﻞ ﻳﻮﻡ ﺟﺎﻳﺒﺎﺗﻠﻬﺎ ﻫﺪﻳﻪ ﺷﻜﻞ ..
ﻣﻦ ﺧﻠﺼﺖ ﺍﻣﺘﺤﺎﻧﺎﺕ ﻛﺎﻝ ﺑﺎﺑﺎ ﺑﻤﺎ ﺍﻧﻮ ﺗﻌﺒﺘﻲ ﻭﺫﺑﻴﺘﻲ ﺟﻬﺪ ﻗﻮﻱ ﻭﺧﻠﺼﺘﻲ ﻭﻳﻦ ﺣﺎﺑﻪ ﺗﺮﺣﻴﻦ ﺑﺎﻟﻌﻄﻠﻪ .. ﻛﻮﻟﻲ ﻟﻴﺎ ﺩﻭﻟﻪ ﻋﺎﺟﺒﺘﺞ ..
🔹🔸🥇🔹🔸
ﻛﺘﻠﻪ ﻟﻠﻨﺎﺻﺮﻳﻪ .. ﻛﺎﻝ ﺷﻠﻮﻥ .. ﺿﺤﻚ ﺑﺎﺑﺎﺗﻲ ﻫﺬﻱ ﺍﻧﺘﻲ ﻟﻮ ﻏﻴﺮﺝ .. ﻣﻮ ﺍﻧﺘﻲ ﻧﻔﺴﺞ ﺍﻟﻠﻲ ﺗﺘﺨﺒﻠﻴﻦ ﻣﻦ ﺍﻫﻠﻲ ﻫﻨﺎﻙ ..
ﻛﺎﻟﺘﻠﻪ ﺍﻣﻲ ﻻ ﺍﺷﻐﻠﻪ ﺍﺧﺘﻠﻔﺖ ﺻﺎﺭ ﺍﻟﻜﻠﺐ ﻫﻨﺎﻙ .. ﺍﻛﻴﺪ ﺗﺮﻭﺡ ﻫﻨﺎﻙ .. ﻛﺎﻝ ﺣﻘﻬﺎ ﻋﻤﻲ ﺣﺎﺭﺙ ﻳﻌﺒﺪﻫﺎ ﻋﺒﺎﺩﻩ ..
ﻳﻠﻪ ﺑﺎﺟﺮ ﻣﻦ ﺍﻟﺼﺒﺢ ﺣﻈﺮﻭ ﺍﻣﻮﺭﻛﻢ ﻧﻄﻠﻊ ﻟﻠﻨﺎﺻﺮﻳﻪ .. ﻓﺮﺣﺖ ﺣﻴﻴﻴﻴﻞ .. ﺭﺣﺖ ﺣﻈﺮﺕ ﻏﺮﺍﺿﻲ ﻭﻏﺮﺍﺽ ﺑﻨﺘﻲ ..
ﺧﺎﺑﺮﻧﻲ ﺣﺎﺭﺙ .. ﻛﺎﻝ ﺧﻠﺼﺘﻲ ﺍﻣﺘﺤﺎﻧﺎﺕ ﻛﺘﻠﻪ ﻻ ﺑﻌﺪ .. ﻛﺎﻝ ﻣﺎﺷﻲ .. ﻣﺎ ﻛﺘﻠﻪ ﺑﺎﺟﺮ ﺣﻨﺠﻴﻜﻢ ..
ﺛﺎﻧﻲ ﻳﻮﻡ ﻛﻌﺪﺕ ﻣﻦ 4 ﺍﻟﺼﺒﺢ .. ﺳﺒﺤﺖ ﻭﺷﺴﻮﺭﺕ ﺷﻌﺮﻱ .. ﻭﺻﺒﻐﺖ ﺍﺿﺎﻓﻴﺮ ﺭﺟﻠﻴﻪ ﻭﺍﺩﻳﻪ ﻭﻣﻜﻴﺠﺖ ﻭﻋﺪﺳﺎﺕ ﺗﻜﻮﻝ ﺭﺍﻳﺤﻪ ﻋﺮﺱ ..
ﻃﻠﻌﻨﻪ .. ﻭﺻﻠﻨﻪ ﻟﺒﻴﺖ ﻋﻤﻲ ﺷﺎﻛﺮ .. ﻛﺘﻠﻪ ﺑﺎﺑﺎ ﺍﻧﻲ ﺍﺭﻳﺪ ﺍﺭﻭﺡ ﻟﺒﻴﺖ ﺣﺎﺭﺙ .. ﻛﺎﻝ ﻣﻨﺘﻐﺪﻩ ﻭﻧﺮﻭﺣﻠﻬﻢ ﺿﺠﺖ ﺑﺲ ﺍﺳﺘﺤﻴﺖ ﺍﻛﻮﻝ . ﻛﺎﻝ ﺟﺎﺳﻢ ﺗﺮﺩﻳﻦ ﺍﻭﺩﻳﺞ ﺿﺤﻜﺖ ..
ﻛﺎﻝ ﻛﻮﻣﻲ . ﺻﻌﺪﺕ ﻭﻳﻪ ﺟﺎﺳﻢ .. ﻭﺻﻠﻨﻪ ﻟﻠﺒﻴﺖ .. ﺳﻠﻤﺖ ﻋﻠﻴﻬﻢ .. ﺑﻘﻮ ﺻﺎﻓﻨﻴﻦ ﺷﺠﺎﺑﻬﺎ .. ﺩﺧﻠﺖ ﺟﻮﻩ ..
ﻟﻜﻴﺖ ﺭﺳﺎﻟﻪ ﻫﻢ ﺳﻠﻤﺖ ﻋﻠﻴﻬﺎ ﻛﺘﻠﻬﺎ ﺣﺎﺭﺙ ﻭﻳﻦ .. ﻛﺎﻟﺖ ﻗﺒﻞ ﺷﻮﻳﻪ ﺍﺟﻪ ﻣﻦ ﺍﻟﺪﻭﺍﻡ ﺑﻐﺮﻓﺔ ﻓﺎﻃﻤﻪ ﻧﺎﻳﻢ .. ﻛﺘﻠﻬﺎ ﻭﻓﺎﻃﻤﻪ ﻭﻳﻦ .. ﻛﺎﻟﺖ ﻓﻮﻙ ﺟﺎﻱ ﺗﺨﺒﺰ ..
ﻛﺘﻠﻬﺎ ﺍﻭﻙ .. ﺗﺴﻠﻠﺖ ﻟﻠﻐﺮﻓﻪ .. ﻟﻜﻴﺘﻪ ﻧﺎﻳﻢ .. ﻭﺍﻟﺠﻬﺎﻝ ﻳﻠﻌﺒﻮﻥ ﻳﻤﻪ ﻭﺻﻮﺕ ﻗﻮﻱ .. ﺧﻄﻴﻪ ﻧﺎﻳﻢ ﻋﻠﻰ ﺑﻄﻨﻪ ﻭﻣﺨﻠﻲ ﺍﻟﻤﺨﺪﻩ ﻓﻮﻙ ﺭﺍﺳﻪ ﻣﻦ ﺍﻟﺼﻮﺕ ..
ﺗﻘﺮﺑﺖ ﻣﻦ ﺍﻟﺴﺮﻳﺮ .. ﻛﺮﻓﺼﺖ ﻋﻠﻰ ﺭﺟﻠﻴﻪ .. ﻭﺧﻠﻴﺖ ﺭﻗﺎﻭﻱ ﺑﺤﻈﻨﻲ .. ﻭﺷﻠﺖ ﺍﻟﻤﺨﺪﻩ ﻣﻦ ﺭﺍﺳﻬﺎ ..
ﺟﺎﻥ ﻳﺼﺮﺥ .. ﺑﻮﻳﻪ ﺍﻟﺨﺎﻃﺮ ﺍﻟﻠﻪ ﺧﻠﻮﻧﻲ ﺍﻧﺎﺍﺍﺍﺍﺍﻡ . ﺳﺎﻋﻪ ﺑﺲ ﺳﺎﻋﻪ .. ﺳﻮﻳﺖ ﺭﻭﺣﻲ ﻃﻔﻠﻪ ﻭﻋﻮﺩ ﺻﻮﺕ ﺭﻗﻴﻪ ﺍﻟﺘﺤﺠﻲ .. ﻭﻛﺘﻠﻪ ﺑﺎﺑﺎ ﺑﺚ ﺍﻧﻲ ﻣﺜﺘﺎﻗﺘﻠﻚ ..
ﺷﺎﻝ ﺭﺍﺳﻪ ﺑﺴﺮﻋﻪ .. ﻭﺑﺎﻭﻋﻠﻲ ﻭﻛﻤﺰ ﻣﻦ ﻧﻮﻣﺘﻪ .. ﻛﺎﻝ ﻻ ﺑﺮﺑﺞ .. ﺷﺠﺎﺑﺞ .. ﺿﺤﻜﺖ .. ﻛﺎﻡ ﻋﻠﻰ ﺣﻴﻠﻪ ﺍﺧﺬ ﺍﻟﻄﻔﻠﻪ ﻣﻦ ﺍﻳﺪﻱ ﻭﺣﻈﻨﻲ ﻭﺑﻮﺳﻨﻲ ..
ﻛﺎﻝ ﺷﺠﺎﺑﺞ .. ﻛﺘﻠﻪ ﺑﺎﺑﺎ ﺟﺎﺑﻨﻪ .. ﻛﺎﻝ ﺗﻌﺎﻟﻲ ﻟﻐﺮﻓﺘﻨﻪ ﻧﺤﺠﻲ .. ﻓﺘﺤﻨﻪ ﺍﻟﺒﺎﺏ .. ﺻﺎﺭﺕ ﺑﻮﺟﻬﻨﻪ ﻓﺎﻃﻤﻪ ..
ﻛﺎﻟﺖ ﻻ ﻫﻠﻪ ﻭﻻ ﻣﺮﺣﺒﺎ ﺷﺠﺎﺑﺞ .. ﺻﺎﺡ ﺑﻴﻬﺎ ﻓﺎﺍﺍﺍﺍﺍﺍﻃﻤﻪ .. ﻛﺎﻟﺘﻠﻪ ﺷﻨﻮ ﻣﺎ ﻧﺨﻠﺺ ﻣﻨﻬﺎ ﻫﻴﻪ ﻭﺑﺘﻬﺎ ..
ﻛﺎﻟﻬﺎ ﺍﻧﺠﺒﻲ ﻟﺞ ﻫﺬﻱ ﺑﺘﻲ ﻣﻮ ﺑﺘﻬﺎ ﺍﻛﺺ ﺍﻟﺴﺎﻧﺞ ﻟﻮ ﺣﺠﻴﺘﻲ .. ﻭﻫﻢ ﻋﻠﻴﻬﺎ .. ﻟﺰﻣﺘﻪ .. ﻛﺘﻠﻪ ﻣﻴﺤﺘﺎﺝ ﺣﺒﻴﺒﻲ ﻋﻮﻓﻬﺎ ﺷﺘﺮﻳﺪ ﺗﺤﺠﻲ ﺧﻞ ﺗﺤﺠﻲ
ﺍﻟﻠﻪ ﺍﻧﻄﺎﻧﻲ ﺛﻨﻴﻦ ﺍﺫﺍﻧﺎﺕ ﺍﺳﻤﻊ ﻣﻨﺎ ﻭﺍﺷﻤﺮ ﻣﻨﺎ .. ﻛﺎﻟﺖ ﻣﻮ ﻣﺎﻛﻮ ﺍﺣﺴﺎﺱ .. ﻣﻄﻲ ﻣﺎﻝ ﺭﺯﺍﻳﻞ .. ﺿﺤﻜﺖ ..
ﻛﺘﻠﻬﺎ ﻣﻮ ﻫﻴﺞ .. ﺑﺲ ﻛﻠﻤﻦ ﻳﻤﺜﻞ ﺍﺧﻼﻗﻪ .. ﻭﺍﻧﻲ ﺍﺧﻼﻗﻲ ﻣﺎ ﺗﺴﻤﺤﻠﻲ ﺍﺭﺩ .. ﻻﻥ ﻳﻨﺰﻝ ﻣﻦ ﻣﺴﺘﻮﺍﻳﻪ ..
ﻭﻣﺸﻴﺖ ﻟﻠﻐﺮﻓﻪ .. ﻛﺎﻣﺖ ﺗﺴﺐ ﻭﺗﻐﻠﻂ .. ﻛﺎﻡ ﻳﺼﻴﺢ ﻫﻮﻩ .. ﺟﺮﻳﺖ ﺍﻳﺪﻩ ﻭﺩﺧﻠﺘﻪ ﻟﻠﻐﺮﻓﻪ .. ﻛﺘﻠﻪ ﻫﺴﻪ ﺍﺫﺍ ﺍﻧﻲ ﻣﻤﻬﺘﻤﻪ ﻟﺤﺠﻴﻬﺎ ﺍﻧﺘﻪ ﺷﻜﻮ ﺗﻬﺘﻢ
ﻛﺎﻝ ﻭﻟﺞ ﺍﺩﻭﺱ ﺑﺎﻟﻤﺼﺎﺭﻳﻦ .. ﺍﺩﻋﻲ ﻋﻠﻴﺞ ﺍﻧﺘﻲ ﻭﺑﻨﺘﻲ .. ﻛﺘﻠﻪ ﻭﺍﻟﻠﻪ ﻳﻌﺮﻑ ﻟﻤﻦ ﻳﺴﺘﺠﻴﺐ ﻟﺘﺨﺎﻑ ..
ﻛﻌﺪﺗﻪ ﻋﻠﺴﺮﻳﺮ ﺍﻳﺪﻩ ﺗﺮﺟﻒ ﻣﻦ ﺍﻟﻌﺼﺒﻴﻪ .. ﺷﻤﺮﺕ ﺭﻗﺎﻭﻱ ﻋﻠﺴﺮﻳﺮ ﻭﺍﺧﺬﺕ ﺍﻳﺪﻩ ﺑﺴﺘﻬﺎ .. ﻛﺘﻠﻪ ﺍﻟﺤﻠﻮ ﺷﺒﻴﻪ ﺿﺎﻳﺞ
🔸🔹🥇🔸🔹
ﺍﺑﺘﺴﻢ .. ﺿﺤﻜﺖ .. ﻭﻛﻌﺪﺕ ﻋﻠﻰ ﺭﺟﻠﻪ .. ﻛﺘﻠﻪ ﻣﺸﺘﺎﻗﺘﻠﻚ .. ﻛﺎﻝ ﻭﻋﻠﻲ ﻣﻮ ﺑﻜﺪﻱ .. ﺧﻠﺼﻲ ﻫﻠﺪﺭﺍﺳﻪ ﻫﺎﻱ ﺍﺭﻳﺪﺝ ﻳﻤﻲ ..
ﻛﺘﻠﻪ ﺧﻠﺼﺖ ﺍﻣﺘﺤﺎﻧﺎﺕ ﻭﺍﻟﻌﻄﻠﻪ ﻛﻮﻟﻬﺎ ﺭﺍﺡ ﺍﺧﻠﺼﻬﺎ ﺑﺤﻈﻨﻚ .. ﻛﺎﻝ ﻣﺘﻜﻔﻲ .. ﻛﺘﻠﻪ ﻟﺘﺼﻴﺮ ﻃﻤﺎﻉ .. ﺿﺤﻚ ..
ﻫﻮﻩ ﺟﺎﻥ ﻣﺮﺟﻊ ﺍﺩﻳﻪ ﻟﻠﺴﺮﻳﺮ ﻣﻨﺘﺠﻲ ﻋﻠﻴﻬﻦ .. ﻭﺍﻧﻲ ﻛﺎﻋﺪﻩ ﻋﻠﻰ ﺭﺟﻠﻪ ﺍﺗﺤﺮﻙ .. ﻭﻟﻒ ﺍﺩﻳﻪ ﻋﻠﻰ ﺧﺼﺮﻱ ..
ﻛﺎﻝ ﻣﻤﺼﺪﻙ ﺍﻧﺘﻲ ﺑﻐﺮﻓﺘﺞ ﺭﺟﻌﺘﻴﻠﻲ .. ﻟﺞ ﻭﺍﻟﻠﻪ ﻧﻮﺭﺗﻲ ﺍﻟﺒﻴﺖ .. ﺿﺤﻜﺖ ﺑﺼﻮﺕ ﺑﻴﻪ ﺩﻟﻊ .. ﻭﻟﻠﻔﻴﺖ ﺍﺩﻳﻪ ﻋﻠﻰ ﺭﻛﺒﺘﻪ ..
ﻛﺘﻠﻪ ﻟﻚ ﻭﺍﻟﻠﻪ ﺍﺣﺒﻚ .. ﻭﺑﻮﺳﺘﻪ ﻭﻭﻭ 💏
ﻛﺎﻡ .. ﻛﺎﻝ ﻟﺞ ﻫﺎﻱ ﺭﻗﺎﻭﻱ ﺷﻮ ﻣﺎﺑﻴﻬﺎ ﺻﻮﺕ ﺑﺲ ﻧﺎﻳﻤﻪ ﺷﺒﻴﻬﺎ .. ﻛﺘﻠﻪ ﻫﻴﻪ ﻫﺎﺩﺋﻪ ﻣﻮ ﺑﺠﺎﻳﻪ .. ﻛﺎﻝ ﺭﺣﻤﻪ ﺍﻭﻝ ﻃﻔﻞ ﻋﺪﻧﻪ ﻫﻴﺞ
ﺿﺤﻜﺖ .. ﻧﺎﻡ ﻳﻢ ﺭﻗﻴﻪ ﻛﺎﻡ ﻳﺒﻮﺳﻬﺎ ﻭﻳﻌﺼﺮ ﺑﺨﺸﻤﻬﺎ ﻭﻳﻜﻮﻟﻬﺎ ﺷﻨﻮ ﻫﻠﻔﺴﺘﻘﻪ .. ﺍﻟﻰ ﺍﻥ ﻛﻌﺪﺕ ﻭﺑﻘﺖ ﺗﺒﺠﻲ ..
ﻛﺘﻠﻪ ﺍﺭﺗﺎﺣﻴﺖ ﺿﺎﻳﻘﺘﻬﺎ .. ﻛﺎﻝ .. ﻫﻮﻩ ﺍﻧﻪ ﺍﺭﻳﺪﻫﺎ ﺗﻜﻌﺪ ﺟﻴﺒﻴﻬﺎ .. ﺍﺧﺬﻫﺎ ﺑﺤﻈﻨﻪ ﻭﺍﻧﻲ ﻃﻠﻌﺖ ﺍﻟﺤﻠﻴﺐ ﻭﺍﻟﻤﻲ … ﺳﻮﺗﻠﻬﺎ ﻣﻤﻪ
ﻛﺎﻝ ﻭﻟﺞ ﻫﺎﻱ ﻧﻄﺖ .. ﻛﺘﻠﻪ ﺟﺎﻋﺖ ﻫﺎﻙ ﺭﺿﻌﻬﺎ .. ﻛﺎﻝ ﻫﻠﻪ ﻫﻠﻪ ﺍﻟﺴﻠﻄﺎﻧﻪ ﺍﻧﻪ ﺍﺭﺿﻌﻬﺎ .. ﺑﻌﺪ ﺗﺮﺩﻳﻦ ﺍﻏﻴﺮﻟﺞ ﺣﻔﺎﻇﺘﺞ .. ﺭﻗﺎﻭﻱ ﺧﺎﻧﻢ
ﺿﺤﻜﺖ .. ﻭﺳﻤﻌﻨﻪ .. ﺍﻟﺒﺎﺏ ﺍﺧﺎﺭﺟﻲ ﺍﻧﺪﻛﺖ ﺍﺟﻮ ﺍﻫﻠﻲ ﻭﺑﻴﺖ ﻋﻤﻲ .. ﻛﺎﻝ ﻃﻠﻌﻴﻠﻲ ﻗﻤﻴﺺ ﻣﻦ ﻳﻤﺞ ..
ﻃﻠﻌﺘﻠﻪ .. ﻟﻜﻴﺖ ﻛﻠﺒﻴﺎﺗﻲ ﺍﻟﻘﺪﻳﻤﺎﺕ ﻛﻮﻟﻬﻦ ﻋﻠﻰ ﺻﻔﻄﺘﻬﻦ .. ﺿﺤﻜﺖ .. ﺍﻧﻄﻴﺘﻪ ﺍﻟﻘﻤﻴﺺ ﻭﺟﺮﻳﺖ ﻛﻠﺒﻴﻪ .. ﻟﺒﺴﺘﻬﺎ ..
ﻛﺎﻝ ﻫﺎ ﺭﺟﻌﺘﻲ ﺗﻠﺒﺴﻴﻦ ﻛﻠﺒﻴﻪ .. ﻛﺘﻠﻪ ﻏﻴﺮ ﺍﺻﻴﺮ ﻭﺣﺪﻩ ﻣﻨﻜﻢ .. ﺿﺤﻚ .. ﻛﺎﻝ ﺍﺣﻠﻰ ﻭﺣﺪﻩ .. ﺷﻠﺖ ﺭﻗﺎﻭﻱ ﻭﻃﻠﻌﻨﻪ ﺍﺛﻨﻴﻨﻪ ..
ﺳﻠﻢ ﻋﻠﻰ ﺍﺑﻮﻳﻪ . ﻋﻠﻰ ﺍﻣﻲ .. ﻭﻛﻌﺪﻭ ﺻﺎﺭﺕ ﻫﻮﺳﻪ .. ﻋﻤﺎﻣﻲ ﻛﻠﻬﺎ ﺍﺟﺖ .. ﻫﻤﻪ ﻋﻤﺎﻣﻲ ﻛﻠﻬﻢ ﻓﺮﻉ ﻭﺍﺣﺪ ..
ﻛﻞ ﺑﻴﺖ ﻳﺒﻌﺪ ﻋﻦ ﺑﻴﺖ ﻣﺴﺎﻓﻪ .. ﺑﺲ ﺑﻔﺮﻉ ﻭﺍﺣﺪ .. ﺍﻟﺘﻤﻮ ﻛﻠﻬﻢ ..
ﻛﻤﺖ ﻭﻳﻪ ﺍﻟﺒﻨﺎﺕ ﺣﻈﺮﻧﻪ ﺍﻛﻞ .. ﻭﺍﻧﻲ ﺳﻮﻳﺖ ﺑﻘﻼﻭﻩ ﺑﺄﻳﺪﻱ ﺑﺼﻴﻨﻴﻪ ﻣﺎﻝ ﻓﺮﻥ ﺩﺯﻳﺖ ﺳﺠﺎﺩ ﻳﺠﻴﺒﻠﻲ ﺍﻟﻤﻮﺍﺩ ﻭﺳﻮﻳﺘﻬﺎ .. ﻭﻛﻤﻠﺘﻬﺎ ﻭﺑﻌﺪ ﺍﻟﻌﺸﺎ ﻧﺰﻟﺘﻬﺎ ﺍﻟﻬﻢ ..
ﻛﻠﻬﺎ ﻛﺎﻣﺖ ﺗﺎﻛﻞ ﻭﺗﻤﺪﺡ .. ﻋﻤﻲ ﻛﺎﻝ ﻭﺍﻟﻠﻪ ﺑﺖ ﺑﻐﺪﺍﺩ ﺗﻌﺮﻑ ﺗﻄﺒﺦ .. ﻭﻟﺞ ﻋﻤﻲ ﻋﺒﺎﻟﻨﻪ ﺍﻧﺘﻲ ﺷﺎﻃﺮﻩ ﺑﺲ ﺑﺎﻝ ﺍﻭﻭﻭﻱ .. ﻛﻠﻬﺎ ﺿﺤﻜﺖ
ﻛﺘﻠﻪ ﻋﻤﻮ ﺍﺣﻨﻪ ﺑﻨﺎﺕ ﺑﻐﺪﺍﺩ ﺻﺪﻙ ﺩﻟﻮﻋﺎﺕ ﺑﺲ ﻧﻌﺠﺒﻚ ﺑﺄﻟﻜﻠﻨﻪ ﻣﺮﺗﺐ ﻭﻋﻼﺗﻜﻴﺖ .. ﺟﺎﻥ ﺣﺎﺭﺙ ﻳﻐﻤﺰﻟﻲ ﻭﻳﻜﻮﻝ ﻣﻮ ﺑﺲ ﺍﻻﻛﻞ ..
ﺑﻜﻠﺸﻲ ﻋﻼﺗﻜﻴﺖ ..😉 ﻛﻠﻬﻢ ﺿﺤﻜﻮ ﺍﻧﻲ ﻧﺰﻟﺖ ﺭﺍﺳﻲ ﺧﺠﻞ ﻭﺍﺿﺤﻚ ﻋﺎﺑﺖ ﻭﻻ ﻳﺴﺘﺤﻲ 😶 ﻫﻬﻬﻪ …
ﺍﻧﻮﺏ ﺣﺠﻪ ﻋﻤﻲ ﻛﺎﻝ ﺑﺲ ﺑﻨﻴﺘﻲ ﺍﻧﻪ ﻣﺎ ﻗﺎﺑﻞ ﺍﺗﺮﻛﻴﻦ ﺭﺟﻠﺞ ﻭﺗﻀﻠﻴﻦ ﻋﺪ ﺍﻫﻠﺞ ﻋﻠﻤﻮﺩ ﺍﻟﺪﺭﺍﺳﻪ . ﺍﻟﻤﺮﻩ ﻣﻦ ﺍﺗﺰﻭﺟﺖ .. ﻫﺎﻱ ﺑﻌﺪ ﻣﺎ ﺍﻟﻬﺎ ﻏﻴﺮ ﺑﻴﺘﻬﺎ ﻭﺯﻭﺟﻬﺎ ..
ﺷﺘﺤﺼﻠﻴﻦ ﻣﻦ ﺍﻟﺪﺭﺍﺳﻪ .. ﻛﺘﻠﻪ ﻻ ﻋﻤﻮ .. ﺍﻟﻤﺮﻩ .. ﻣﻮ ﻓﻘﻂ ﺍﻟﻪ ﻟﺨﺪﻣﺔ ﺍﻟﺰﻭﺝ ﻭﺍﻻﻃﻔﺎﻝ ﻧﻌﻢ ﻫﺬﻱ ﺻﻔﻪ ﻣﻦ ﺻﻔﺎﺕ ﺣﺴﻦ ﺍﻟﺘﺒﻌﻞ ﻟﻜﻦ ﻣﻮ ﻭﺍﺟﺐ ﻋﻠﻤﺮﺃﻩ ﺧﺪﻣﺔ ﺍﻟﺮﺟﻞ ﻭﺍﻻﻃﻔﺎﻝ
ﺍﻟﻠﻪ ﺳﺎﻭﺍ ﺑﻴﻦ ﺍﻟﺮﺟﻞ ﻭﺍﻟﻤﺮﺃﻩ ﻭﺍﻧﻄﺎﻧﻪ ﺣﻘﻨﻪ ﺑﻤﻤﺎﺭﺳﺔ ﻫﻮﺍﻳﺎﺗﻨﺎ .. ﻣﺜﻼ ﺍﻧﻲ .. ﻟﻮ ﻛﻤﻠﺖ ﺍﻟﺴﻨﻪ ﺍﻟﺠﺎﻳﻪ .. ﺣﺼﻴﺮ ﺩﻛﺘﻮﺭﻩ ..
🔹🔸🥇🔹🔸
ﺭﺍﺡ ﺍﻓﻴﺪ ﻣﺠﺘﻤﻊ ﻭﻟﻮ ﻛﻞ ﺑﻨﺖ ﻣﺜﻠﻲ ﻛﻤﻠﺖ ﻭﻣﺎ ﻛﺎﻥ ﻫﻤﻪ ﻓﻘﻂ ﺍﻟﺮﺟﻞ ﺟﺎﻥ ﻧﻬﻀﻨﻪ ﺑﺎﻟﺒﻠﺪ ﻭﻏﻴﺮﻧﻪ ﻫﻮﺍﻳﻪ ﻋﺎﺩﺍﺕ ..
ﻭﻧﻐﻴﺮ ﻣﻦ ﻧﻀﺮﻳﺔ ﺍﻟﻤﺠﺘﻤﻊ ﻋﻠﻰ ﺍﻥ ﺍﻟﻤﺮﺃﻩ ﻓﻘﻂ ﻟﺨﺪﻣﺔ ﻋﺎﺋﻠﺘﻬﺎ .. ﺍﻧﺘﻪ ﺍﻟﻠﻲ ﺍﻃﻠﺒﻪ ﻣﻨﻲ ﺍﺗﺮﻙ ﻭﺍﻛﻌﺪ .. ﺍﻧﻲ ﺍﻋﺘﺒﺮﻩ ﺿﻌﻒ ..
ﻣﺎ ﺍﻗﺒﻞ ﺍﺻﻴﺮ ﻫﻠﻜﺪ ﺿﻌﻴﻔﻪ ﺍﻋﺘﻤﺪ ﺑﺤﺎﺟﺘﻲ ﻛﻠﻪ ﻋﻠﺮﺟﻞ .. ﻣﻮ ﺍﻧﺘﻘﺎﺹ ﻣﻦ ﺍﻟﻤﺮﺃﻩ ﺍﻟﻐﻴﺮ ﻋﺎﻣﻠﻪ .. ﻟﻜﻦ ﺍﻟﻠﻪ ﻛﺎﻝ ﺍﻟﻤﺆﻣﻦ ﺍﻟﻘﻮﻱ ﺧﻴﺮ ﻣﻦ ﺍﻟﻤﺆﻣﻦ ﺍﻟﻀﻌﻴﻒ ﻭﻓﻲ ﻛﻞً ﺧﻴﺮ ..
ﻭﺍﻧﻲ ﺍﻋﺘﺒﺮ ﺍﻟﺸﻬﺎﺩﻩ ﻭﺍﻟﻮﺻﻮﻝ ﻟﻠﻄﻤﻮﺡ ﻗﻮﻩ ﻭﺩﺍ ﺍﻧﺠﺰ ﻃﻤﻮﺣﻲ .. ﻛﺎﻝ ﺍﻟﻠﻪ ﻳﻮﻓﻘﺞ ﻋﻤﻮ ﺑﺲ ﺍﻧﻪ ﻋﻠﻤﻮﺩ ﺣﺎﺭﺙ ﻣﺘﻌﺬﺏ ﺑﻔﺮﻛﺎﺝ ..
ﻛﺘﻠﻪ ﻫﺎﻧﺖ .. ﺣﻼﻭﺓ ﺍﻟﻔﺮﺍﻕ .. ﺑﺸﻮﻕ ﺍﻟﻠﻘﺎﺀ .. ﺧﻠﻴﻪ ﻳﺸﺘﺎﻗﻠﻲ ﻣﻦ ﺍﻛﺎﺑﻠﻪ 24 ﺳﺎﻋﻪ ﻫﻢ ﻳﺼﻴﺮ ﻳﻤﻞ ﻣﻨﻲ .. ﺧﻠﻴﻨﻪ ﻫﻴﺞ ﻋﺰﻳﺰﻩ ﻭﺍﻧﻲ ﺑﻌﻴﺪﻩ ..
ﺿﺤﻚ ﺣﺎﺭﺙ .. ﻛﺎﻝ ﻻ ﺍﻧﺸﺎﻟﻠﻪ ﺗﺨﻠﺺ ﻫﻠﺴﻨﻪ ﻭﺍﺗﺨﻠﺺ ﺑﻌﺪ ﻣﺎﻟﻬﺎ ﺭﻭﺣﻪ ﻫﻨﺎ .. ﻛﺘﻠﻪ ﺍﻧﻲ ﺍﻟﻠﻲ ﻣﺎ ﺍﻗﺒﻞ ﺍﺭﻭﺡ ﻣﻦ ﻳﻤﻚ ﻟﻮ ﻛﻤﻠﺖ .. ﺍﻛﻮ ﺍﺣﻠﻰ ﻣﻦ ﻗﺮﺑﻚ ﺣﺮﻭﺛﺘﻲ .
ﺣﺠﺖ ﻣﺮﺕ ﻋﻤﻲ ﺳﻠﻤﺎﻥ .. ﻛﺎﻟﺖ ﻭﺍﺣﻨﻪ ﺍﻧﻜﻮﻝ ﻫﻠﻮﻟﺪ ﺷﺒﻴﻪ ﻣﺘﺴﻮﺩﻥ ﻋﻠﻰ ﻫﻠﺒﻐﺪﺍﺩﻳﻪ ﺷﻮ ﺑﻨﺎﺗﻨﻪ ﺍﺣﻠﻰ ﻣﻨﻬﺎ .. ﺍﺛﺎﺭﻱ ﺟﺎﺭﺗﻪ ﺑﻬﻠﺤﺠﻲ ﺍﻟﻤﻌﺴﻞ ..
ﺟﺎﻭﺑﺘﻬﺎ ﺍﻣﻲ .. ﻛﺎﻟﺘﻠﻬﺎ ﺍﻟﻤﺮﻩ ﺍﻟﺰﻳﻨﻪ ﺗﻜﺴﺐ ﺯﻭﺟﻬﺎ ﺑﺎﻟﺴﺎﻧﻬﺎ ﻭﺗﺼﺮﻓﺎﺗﻬﺎ ﻣﻮ ﺗﺬﻟﻪ ﺑﺠﻤﺎﻟﻬﺎ ..
ﺧﻠﻴﺘﻬﻢ ﻳﺤﺠﻮﻥ ﻭﻛﻤﺖ .. ﻣﺴﺤﺖ ﻏﺮﻓﺘﻲ ﻭﻋﻄﺮﺗﻬﺎ .. ﻭﺳﺒﺤﺖ ﻭﻣﻜﻴﺠﺖ .. ﻭﻧﺜﺮﺕ ﺷﻌﺮﻱ .. ﺻﺎﺣﺖ ﻋﻠﻴﻪ ﺍﻣﻲ ..
ﻃﻠﻌﺘﻠﻬﺎ .. ﺿﺤﻜﺖ ﻻﻥ ﺷﺎﻓﺘﻨﻲ ﻣﺒﺪﻟﻪ .. ﻛﺎﻟﺖ ﻣﺎﻣﺎﺗﻲ ﺍﺣﻨﻪ ﺣﻨﺮﻭﺡ ﻟﺒﻴﺖ ﻋﻤﺞ ﺷﺎﻛﺮ ﺍﻧﺒﺎﺕ ﻫﻨﺎﻙ ﺭﺍﺡ ﺍﺧﺬ ﺭﻗﻴﻪ ﻭﻳﺎﻳﻪ ..
ﻛﺘﻠﻬﺎ ﻟﻴﺶ ﺑﻘﻴﻬﺎ ﻳﻤﻲ .. ﻛﺎﻟﺖ ﻻ ﺍﺧﺬﻭ ﺭﺍﺣﺘﻜﻢ ﺍﻟﻴﻮﻡ ﺍﻧﻲ ﺗﻌﻮﺩﺕ ﻋﻠﻪ ﺭﻗﻮﺷﻪ ﻳﻤﻲ .. ﻛﺘﻠﻬﺎ ﺑﻜﻴﻔﺞ ..
ﺩﺍﺭﺕ ﻣﺎﻣﺎ ﻭﺷﻔﺖ ﻓﺎﻃﻤﻪ ﻭﺭﺍﻫﺎ ﻭﺍﻛﻔﻪ ﻋﻠﻤﻐﺴﻠﻪ ﻭﺗﺒﺎﻭﻋﻠﻨﻪ ﺑﺎﻟﻤﺮﺍﻳﺎ ﻭﺗﺘﺼﻨﺖ .. ﺍﺑﺘﺴﻤﺖ ﺑﻮﺟﻬﺎ .. ﺷﻮ ﻫﺎﻱ ﺩﺍﺭﺕ ﻭﺟﻬﺎ ﻭﻃﺒﺖ ﻟﻠﻐﺮﻓﻪ
ﻭﺭﻛﻌﺖ ﺍﻟﺒﺎﺏ ﺣﺴﻴﺘﻪ ﺍﻧﻜﺴﺮ .. ﺍﺟﻪ ﺣﺎﺭﺙ . ﺻﺎﺡ ﻫﺎﻱ ﺷﻜﻮ .. ﻟﻴﺶ ﻫﻴﺞ ﺍﻧﺴﺪ ﺍﻟﺒﺎﺏ .. ﻛﺘﻠﻪ ﺟﻬﺎﻝ ﺣﺒﻴﺒﻲ ﺟﻬﺎﻝ ﺗﻌﺎﻝ ..
ﺷﺎﻓﻨﻲ .. ﻛﺎﻝ ﺍﻳﻪ ﻳﺎ ﺍﺷﻄﻪ ﻳﺎ ﺍﻳﻴﻴﻪ ﺍﻟﺌﻤﺮ ﺩﻩ 😉 ﺿﺤﻜﺖ .. ﺩﺧﻞ .. ﻛﺘﻠﻪ ﻫﻼﺷﻄﻪ ﺍﻟﻚ ﻭﺣﺪ .. ﻛﺎﻝ ﻟﻴﺶ ﺍﻗﺒﻞ ﺗﺼﻴﺮ ﻟﻐﻴﺮﻱ ﻏﻴﺮ ﺍﻛﻄﻌﻬﺎ .. ﺿﺤﻜﺖ ..
ﺑﻮﺳﺘﻪ ﺩﺍ ﺍﺑﻮﺳﻪ .. ﺟﺎﻥ ﺗﺼﺮﺥ .. ﻓﺎﻃﻤﻪ . ﺩﻓﻌﻨﻲ .. ﻭﻛﺎﻡ .. ﻛﻤﺖ ﻭﺭﺍﻩ .. ﻃﻠﻌﻨﻪ .. ﺟﺎﻥ ﻛﺎﻟﺖ ﺍﻣﻪ ﻳﻤﻜﻦ ﻋﺪﻫﺎ ﻭﻻﺩﻩ ﺗﺼﺮﺥ ﻣﻦ ﺍﻟﻮﺟﻊ
ﻃﺐ ﺣﺎﺭﺙ ﻳﻤﻬﺎ ﻫﻴﻪ ﺗﺒﺠﻲ .. ﻟﺰﻡ ﺧﺪﻫﺎ ﻭﻛﺎﻡ ﻳﻤﺴﺢ ﺑﺪﻣﻮﻋﻬﺎ .. ﻭﻳﻜﻮﻟﻬﺎ ﺣﺒﻴﺒﻲ ﺑﺲ ﻟﺘﺒﺠﻲ .. ﺟﺎﻱ ﺗﺘﻮﺟﻌﻴﻦ .. ﻛﺎﻟﺘﻠﻪ ﺍﻱ .. ﻭﺷﻤﺮﺕ ﺭﺍﺳﻬﺎ ﺑﺤﻈﻨﻪ ﻭﺗﺒﺎﻭﻋﻠﻲ ..
ﻋﺮﻓﺘﻬﺎ ﻣﺎ ﻋﺪﻫﺎ ﻭﻻﺩﻩ ﻭﻫﺬﻱ ﻏﻴﺮﻩ .. ﻛﺎﻟﻬﺎ ﻳﻠﻪ ﻛﻮﻣﻲ ﺧﻞ ﺍﻭﺩﻳﺞ .. ﻛﺎﻣﺖ ﻭﻳﺎﻩ ﻭﺻﺎﺡ ﻳﻤﻪ ﻋﺒﺎﺗﺞ ﺑﺴﺮﻋﻪ ..
ﺍﺧﺬﻭﻫﺎ ﻭﻣﺸﻮ .. ﺩﺭﺕ ﻭﺟﻬﻲ ﻟﺮﺳﺎﻟﻪ .. ﻛﺘﻠﻬﺎ ﻫﻴﻪ ﺑﻴﺎ ﺷﻬﺮ .. ﻛﺎﻟﺖ ﺑﺪﺍﻳﺔ ﺍﻟﺜﺎﻣﻦ .. ﻛﺘﻠﻬﺎ ﻫﺎﺍﺍ .. ﺩﺧﻠﺖ ﻣﺼﻄﻔﻰ ﻭﻣﺮﺗﻀﻰ ﻳﺘﻌﺎﺭﻛﻮﻥ ..
ﻛﻠﺖ ﻫﺎﺍﺍ ﻫﺎﺍ .. ﺗﻌﺎﻟﻮ .. ﺑﻘﻰ ﻭﺍﺣﺪ ﻳﺸﻜﻲ ﻋﻠﺜﺎﻧﻲ .. ﻛﻠﺖ ﺍﺷﺸﺸﺶ .. ﻛﻮﻣﻮ ﻳﻠﻪ ﺗﻌﺎﻟﻮ ﻧﺎﻣﻮ ﻳﻤﻲ ..
ﺩﺧﻠﻮ ﺑﺎﻟﻐﺮﻓﻪ .. ﺑﺲ ﻳﺤﺠﻮﻥ .. ﻛﺘﻠﻬﻢ ﺍﻟﻲ ﻳﻨﺎﻡ ﺍﻟﺼﺒﺢ ﺍﻧﻄﻴﻪ ﺧﻤﺴﻤﻴﻪ ﻣﻮ ﺭﺑﻊ .. ﻣﻨﻮ ﻳﻨﺎﻡ .. ﻛﻠﻬﺎ ﻛﺎﻟﺖ ﺍﻧﻲ ﺍﻧﻲ .. ﻭﺗﺴﺎﺑﻘﻮ ﻋﻠﻨﻮﻡ ﻭﻧﺎﻣﻮ ..
ﻏﻄﻴﺘﻬﻢ ﻭﺑﻮﺳﺘﻬﻢ .. ﻭﺗﻤﺪﺩﺕ ﻳﻤﻬﻢ ﻣﺎ ﺍﺟﺎﻧﻲ ﻧﻮﻡ .. ﺧﺎﺑﺮﺕ ﺍﻣﻲ .. ﻛﺎﻟﺖ ﻫﺎﺍ ﺷﻨﻮ ﻛﺎﻋﺪﻳﻦ .. ﻛﺘﻠﻬﺎ ﺍﺧﺬﺗﻲ ﺭﻗﻴﻪ ﻣﻨﻲ ﺍﺟﻮ ﺍﺛﻨﻴﻦ ﺍﺑﺪﺍﻟﻬﺎ ﻫﻬﻬﻬﻪ
ﻛﺎﻟﺖ ﺷﻜﻮ ﻛﺘﻠﻬﺎ ﻓﺎﻃﻤﻪ ﻋﺪﻫﺎ ﻭﻻﺩﻩ .. ﻛﺎﻟﺖ ﺧﻄﻴﻪ ﻭﺟﻬﺎ ﺗﻌﺒﺎﻥ ﺣﻴﻞ .. ﻛﺘﻠﻬﺎ ﺗﻮﻡ ﺑﻌﺪ ﻣﻮ ﺳﻬﻠﻴﻦ ﺍﻛﻴﺪ ﺗﻌﺐ ﻭﺍﻃﻔﺎﻝ ﻭﻋﻴﺎﻝ ﺷﺘﺮﺩﻳﻬﺎ ﺗﺼﻴﺮ ..
ﻛﺎﻟﺖ ﺍﻟﻠﻪ ﻳﺴﻬﻠﻠﻬﺎ ﻭﻳﻜﻮﻣﻬﺎ ﺑﺴﻼﻣﻪ .. ﻛﺘﻠﻬﺎ ﺍﻧﺸﺎﻟﻠﻪ .. ﺳﺪﻳﺘﻪ ﻣﻨﻬﺎ ﺧﺎﺑﺮﺕ ﺣﺎﺭﺙ ﻣﻴﺮﺩ .. ﻋﻔﺘﻪ ﻭ ﻧﻤﺖ ..
ﺛﺎﻧﻲ ﻳﻮﻡ ﻛﻌﺪﺕ ﺍﻟﺼﺒﺢ .. ﻃﻠﻌﺖ ﻟﻜﻴﺖ .. ﻟﻜﻴﺖ ﺭﺳﺎﻟﻪ .. ﻛﺘﻠﻬﺎ ﻫﺎ ﺟﺎﺑﺖ .. ﻛﺎﻟﺖ ﻻ ﻳﺎ ﺟﺎﺑﺖ ﻛﻮﻟﺸﻲ ﻣﺎﺑﻴﻬﺎ ﺗﻘﻠﺼﺎﺕ ..
ﻛﺘﻠﻬﺎ ﻭﻫﺴﻪ ﻭﻳﻨﻬﺎ .. ﻛﺎﻟﺖ ﻧﺎﻳﻤﻪ ﻫﻴﻪ ﻭﺣﺎﺭﺙ ﺑﺎﻟﻐﺮﻓﻪ .. ﺿﻠﺖ ﺗﺒﺠﻲ ﺗﻜﻮﻝ ﻭﺍﻟﻠﻪ ﺍﺗﻮﺟﻊ ﻭﺗﻠﺰﻡ ﺑﺤﺎﺭﺙ ﺗﻜﻠﻪ ﻻ ﺗﺮﻭﺡ ﻣﻨﻲ ﻻ ﺍﺟﻴﺐ ﻭﺍﻧﺘﻪ ﻣﻮ ﻳﻤﻲ ﻭﻧﺎﻡ ﻳﻤﻬﺎ ..
ﺿﺤﻜﺖ ﻫﻬﻬﻪ ﺍﺑﺪ ﻣﺘﺼﻴﺮﻟﻬﺎ ﺟﺎﺭﻩ .. ﺣﺠﺖ ﺍﻡ ﺣﺎﺭﺙ ﻣﻦ ﻭﺭﺍﻱ ﻣﻨﻮ ﻫﺎﻱ ﺍﻟﻤﺎﺗﺼﻴﺮﻟﻬﺎ ﺟﺎﺭﻩ .. ﻳﺘﺒﻊ
🌺🌺🌺🌺
ﺷﺎﺭﻛﻮﻧﻲ ﺍﺭﺍﺋﻜﻢ ﻭﺗﻮﻗﻌﺎﺗﻜﻢ .
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء