رواية نهوة حارث الجزء السادس عشر | النهاية

رواية نهوة حارث الجزء السادس عشر | النهاية

للكاتبة زينب ماجد 

🔸🔹🥇🔸🔹

ﺭﻓﻞ .. ﻫﻬﻬﻪ ﺓ ﺍﺑﺪ ﻣﺘﺼﻴﺮﻟﻬﺎ ﺟﺎﺭﻩ .. ﺟﺎﻥ ﺍﻡ ﺣﺎﺭﺙ ﺗﺼﻴﺢ ﻣﻦ ﻭﺭﺍﻱ ﻣﻨﻬﻲ ﻫﺎﻱ ﺍﻟﻤﺎﺗﺼﻴﺮﻟﻬﺎ ﺟﺎﺭﻩ ..

ﻛﺘﻠﻬﺎ ﻫﻼ ﻣﺎﻣﺎ ﺻﺒﺎﺡ ﺍﻟﺨﻴﺮ .. ﻛﺎﻟﺖ ﺍﻟﺨﻴﺮ ﻻ ﻳﺼﺒﺢ ﻋﻠﻴﺞ ﺍﻧﺸﺎﻟﻠﻪ .. ﻛﺘﻠﻬﺎ .. ﻟﻴﺶ ﻛﺎﻟﺖ ﻣﺎ ﺗﺴﺘﺤﻴﻦ ﻭﺟﺎﻳﻪ ﺗﺘﻤﺎﻳﻌﻴﻦ ﻫﻨﺎ ..

ﻟﻮ ﺑﻴﺞ ﺧﻴﺮ ﻣﺎ ﺗﺤﺠﻴﻦ ﻋﻠﻰ ﻓﺎﻃﻤﻪ ﻭﺗﻜﻮﻟﻴﻦ ﻋﻠﻴﻬﺎ ﻣﺎ ﺗﺼﻴﺮﻟﻬﺎ ﺟﺎﺭﻩ .. ﺟﺎﻥ ﻛﻌﺪﺗﻲ ﻫﻨﺎ ﺗﺨﺪﻣﻴﻦ ﺭﺟﻠﺞ .. ﺗﻜﺮﻣﻴﻦ ﺍﻫﻠﻪ .. ﺑﺲ ﺍﻧﺘﻢ ﻧﺎﺱ ﻣﺎ ﻋﺪﻛﻢ ﺣﻴﺎ

ﻛﺘﻠﻬﺎ .. ﺣﺎﺭﺙ ﻗﺎﺑﻞ ﺑﺎﻟﻮﺿﻊ .. ﻭﺩﺍ ﺍﺩﺭﺱ ﺑﻌﻠﻤﻪ ﻣﺎ ﺧﺎﻟﻔﺘﻪ ﻭﻃﻠﻌﺖ ﻋﻦ ﻃﻮﻋﻪ .. ﻛﺎﻟﺖ ﻣﻮ ﻫﺬﻩ ﺳﻮﺩﻧﺘﻲ ﺭﺍﺳﻪ ﻭﺧﻠﻴﺘﻴﻪ ﻣﺤﺒﺲ ﺑﻴﺪﺝ ﺑﺴﺤﻮﺭﺗﺞ ..

ﻛﺘﻠﻬﺎ ﺍﻧﻮﻭﻭﺏ ﺳﺤﻮﺭﻩ .. ﻫﻬﻬﻪ ﺍﻟﻠﻪ ﻳﺴﺎﻣﺤﺞ .. ﻛﺎﻟﺖ ﺍﻟﻠﻪ ﻳﺎﺧﺬﺝ ﻛﻮﻥ .. ﻛﺘﻠﻬﺎ ﻳﺎﺧﺬﻧﺎ ﺟﻤﻴﻌﺎ ﻋﺎﺟﻼ ﺍﻡ ﺍﺟﻼ ..

ﻛﺎﻟﺖ ﻳﺎﺍﺍﺍﻉ ﺗﺪﻋﻴﻦ ﻋﻠﻲ .. ﻛﺘﻠﻬﺎ ﻻ ﻣﺎﻣﺎ ﺣﺸﺎﺝ .. ﺑﺲ ﺗﺮﻩ ﻛﻮﻟﻨﻪ ﺗﺎﻟﻴﺘﻨﻪ ﺍﻧﻤﻮﺕ .. ﻳﻌﻨﻲ ﺍﻛﻴﺪ ﻓﺪ ﻳﻮﻡ ﺍﻟﻠﻪ ﻳﺎﺧﺬﻧﻲ ﻭﻳﺎﺧﺬ ﺍﻟﺠﻤﻴﻊ ..

ﻛﺎﻟﺖ ﺍﻟﺴﺎﻧﺞ ﻣﺎﻝ ﻛﺢ .. ﻣﻮ ﺻﻮﺟﺞ ﺻﻮﺝ ﺍﻟﺒﻐﻞ ﺍﻟﻨﺎﻳﻢ ﺟﻮﻩ ﻋﺎﻳﻔﺞ ﻋﻠﻰ ﺣﻞ ﺷﻌﺮﺝ .. ﻣﺎ ﺭﺩﻳﺘﻬﺎ .. ﻋﻔﺘﻬﺎ ﻭﺩﺍ ﺍﻣﺸﻲ ﻟﻠﻐﺮﻓﻪ ﻃﻠﻊ ﺣﺎﺭﺙ

ﺍﺑﺘﺴﻤﺖ .. ﻛﺘﻠﻪ ﺻﺒﺎﺡ ﺍﻟﺨﻴﺮ .. ﻛﺎﻝ ﺻﺒﺎﺡ ﺍﻻﻧﻮﺍﺭ .. ﻛﺘﻠﻪ ﺭﺍﺡ ﺍﺑﺪﻝ ﻋﻠﻤﻮﺩ ﻧﺮﻭﺡ ﻛﺎﻝ ﻭﻳﻦ ﻛﺘﻠﻪ ﺭﻗﻴﻪ ﻳﻢ ﻣﺎﻣﺎ .. ﻛﺎﻝ ﺍﺑﻘﻲ ﺍﻧﻪ ﺍﺟﻴﺒﻬﺎ ..

ﻛﺘﻠﻪ ﺑﻜﻴﻔﻚ .. ﺭﺍﺡ ﺟﺎﺏ ﺭﻗﻴﻪ ﻭﺍﻫﻠﻲ ﻭﺍﺟﻪ .. ﻛﺎﻝ ﺗﻤﺸﻴﻦ ﻟﻠﻌﺮﺏ .. ﻛﺘﻠﻪ ﻭﻓﺎﻃﻤﻪ .. ﻛﺎﻝ ﻣﺎ ﻋﺪﻫﺎ ﻭﻻﺩﻩ .. ﺍﻟﺪﻛﺘﻮﺭﻩ ﻛﺎﻟﺘﻠﻬﺎ .. ﺷﺒﻴﺞ ﻣﺎﻣﺎ ﻭﻳﻨﺞ ﻭﻳﻦ ﺍﻟﻮﻻﺩﻩ

ﻛﺘﻠﻪ ﻟﻌﺪ ﺍﻟﺒﺎﺭﺣﻪ ﺷﺒﻴﻬﺎ .. ﻛﺎﻝ ﺩﻟﻊ ﻧﺴﻮﺍﻥ ﻭﻏﻴﺮﻩ .. ﻛﺘﻠﻪ ﺯﻳﻦ ﻋﺮﻓﺖ .. ﻛﺎﻝ ﺍﻧﻪ ﺍﻋﺮﻓﻬﺎ ﺑﺲ ﺳﺎﻳﺮﺗﻬﺎ ﺧﻄﻴﻪ ﺣﺎﻣﻞ ﻭﺗﻮﻡ ﺛﻜﻴﻞ ﻋﻠﻴﻬﺎ

ﻣﺎ ﺍﺭﻳﺪ ﺍﺻﻴﺮ ﻭﺟﻊ ﻓﻮﻙ ﻭﺟﻌﻬﺎ .. ﺍﺑﺘﺴﻤﺖ .. ﻛﺘﻠﻪ ﺍﻭﻙ ﺍﺑﺪﻝ ﻭﺍﺟﻲ .. ﻛﺎﻝ ﺷﺘﺒﺪﻟﻴﻦ ﺭﺍﻳﺤﻴﻦ ﻋﺮﺱ ﻫﻲ ﻟﻠﻌﺮﺏ ..

ﻛﺘﻠﻪ ﺍﻱ ﻋﺎﺩ ﺍﺑﺪﻝ ﻣﻼﺑﺲ ﺣﻠﻮﻩ ﻭﻓﻮﻛﺎﻫﺎ ﻋﺒﺎﻳﻪ ﺧﻮ ﻣﺎ ﻫﻴﺞ .. ﻛﺎﻝ ﻳﻠﻪ ﺍﻡ ﺍﻟﺴﺎﻥ ﺍﻣﺸﻲ .. ﺑﺪﻟﺖ ﻭﻟﺒﺴﺖ ﺍﻟﻌﺒﺎﻳﻪ ..

ﻃﻠﻌﺖ ﻓﺎﻃﻤﻪ ﻛﺎﻟﺖ ﺟﺎﻱ ﺍﺗﻮﺟﻊ ﺣﺎﺭﺙ ﻭﻳﻦ ﺭﺍﻳﺢ .. ﻛﺎﻟﻠﻬﺎ ﺟﺎ ﺍﻧﻪ ﺷﺴﻮﻱ ﺍﻟﺪﻛﺘﻮﺭﻩ ﺗﻜﻠﺞ ﻫﺎ ﺗﻘﻠﺼﺎﺕ ..

ﻛﺘﻠﻬﺎ ﺍﻟﻮﺟﻊ ﻭﻳﻦ ﺻﺎﻳﺮ .. ﻛﺎﻟﺖ ﺑﺼﻔﺎﺣﻲ .. ﻭﺿﻬﺮﻱ .. ﻛﺘﻠﻬﺎ ﻳﻌﻨﻲ ﻣﻮ ﺍﺳﻔﻞ ﺍﻟﺮﺣﻢ .. ﺳﻜﺘﺖ .. ﻛﺘﻠﻪ ﺣﺎﺭﺙ ﻋﻮﻑ ﺍﻟﻌﺮﺏ ﺧﻞ ﻧﺎﺧﺬﻫﺎ ﻟﻠﺪﻛﺘﻮﺭ

ﻛﺎﻝ ﻟﻴﺶ .. ﻛﺘﻠﻪ ﻭﺟﻬﺎ ﺍﺻﻔﺮ ﻓﺪ ﻣﺮﻩ ﺍﻟﻴﻮﻡ ﺍﻣﺸﻲ .. ﻛﺎﻟﺖ ﺭﺳﺎﻟﻪ ﻭﻫﻴﻪ ﺍﻟﺘﻄﻠﻚ ﺗﻮﺟﻬﺎ ﺍﺻﻔﺎﺣﻬﺎ ﻭﺿﻬﺮﻫﺎ .. ﻛﺘﻠﻬﺎ ﻣﻌﻨﺎﻫﺎ ﺍﺷﺎﺭﻩ ﻻﻟﻢ ﺍﺧﺮ ..

ﻛﺘﻠﻬﺎ ﺩﻃﺒﻲ ﺑﺪﻟﻲ ﺧﻞ ﻧﺎﺧﺬﺝ .. ﻃﺒﺖ ﻟﺒﺴﺖ ﻋﺒﺎﻳﺘﻬﺎ ﺧﻠﻴﺖ ﺭﻗﻴﻪ ﻳﻢ ﻣﺎﻣﺎ ﻭﺭﺣﺖ ﻭﻳﺎﻫﺎ ﻭﺍﻣﻪ ﻫﻢ ﺭﺍﺣﺖ ..

ﺩﺧﻠﻨﻬﺎ ﻟﻠﺪﻛﺘﻮﺭﻩ .. ﻓﺤﺼﺘﻬﺎ ﻛﺎﻟﺖ ﻛﻮﻣﻮ ﻭﺩﻭﻫﺎ ﻋﻤﻠﻴﻪ ﻓﻮﺭﺍ .. ﻛﺘﻠﻬﺎ ﺷﻨﻮ ﺍﻟﻤﻮﺿﻮﻉ ﺩﻛﺘﻮﺭﻩ .. ﻛﺎﻟﺖ ﺍﻟﻄﻔﻞ ﺍﻻﻭﻝ ﻻﻑ ﺍﻟﻤﺴﺮ ﻋﻠﻄﻔﻞ ﺍﻟﺜﺎﻧﻲ ..

ﻭﻭﺿﻌﻬﻢ ﺛﻨﻴﻨﻬﻢ ﺑﺨﻄﺮ .. ﻛﺘﻠﻬﺎ ﻣﻴﺼﻴﺮ ﺗﻮﻟﻴﺪ ﺻﻨﺎﻋﻲ .. ﻛﺎﻟﺖ ﻻ ﻣﺎ ﻋﺪﻫﺎ ﺍﻱ ﻭﻻﺩﻩ ﻭﻣﻮ ﻣﻮﻋﺪ ﻭﻻﺩﺗﻬﺎ ﺍﻃﻼﻗﺎ ..

🔹🔸🥇🔹🔸

ﻛﺘﺒﺘﻠﻨﻪ ﻋﻤﻠﻴﻪ ﻭﺭﺣﻨﺎ ﺩﺧﻠﻨﺎﻫﺎ ﻟﻠﻤﺴﺘﺸﻔﻰ ﻭﺍﻧﻄﻴﻨﻪ ﺗﻘﺮﻳﺮﻫﺎ ﻟﻠﻄﺒﺎﺀ ﻛﺎﻟﻮ ﺟﻬﺰﻭﻫﺎ ﻟﻠﻌﻤﻠﻴﻪ ﻓﻮﺭﺍ ..

ﻭﺍﻧﻲ ﻭﺣﺎﺭﺙ ﺭﺣﻨﻪ ﻧﺠﻬﺰ ﻃﺒﻠﺔ ﺍﻟﻌﻤﻠﻴﻪ .. ﺣﺎﺭﺙ ﺭﺍﺡ ﻟﻠﺪﻡ ﻭﺍﻧﻲ ﺭﺣﺖ ﺍﺳﻮﻱ ﺍﻟﻄﺒﻠﻪ .. ﻛﻤﻠﺘﻬﺎ .. ﻛﺎﻝ ﺗﻮﻗﻴﻊ ﺍﻟﺰﻭﺝ .. ﻛﺘﻠﻪ ﻫﺴﻪ ﻳﺠﻲ ..

ﺍﺟﻪ ﺣﺎﺭﺙ . ﻭﺟﺎﻳﺐ ﺍﻟﺪﻡ ﻭﻭﻭﻗﻊ ﻟﺸﻮﻱ ﺍﺟﺖ ﺍﻣﻪ ﻭﺍﻫﻞ ﻓﺎﻃﻤﻪ .. ﺳﺎﻋﻪ ﻭﻃﻠﻌﻮﻫﺎ ﻣﻦ ﺍﻟﻌﻤﻠﻴﺎﺕ ﻭﺍﻟﻄﻔﻠﻴﻦ ﺑﺎﻟﺨﺪﺝ

ﺭﺣﻨﻪ ﺍﻧﻲ ﻭﻳﺎﻩ ﻧﺸﻮﻑ ﺍﻻﻃﻔﺎﻝ ﻳﺨﺒﻠﻮﻥ ﺛﻨﻴﻨﻬﻢ .. ﺷﻜﺮﺍﻥ ﻋﻠﻰ ﺍﻣﻬﻢ .. ﺳﻤﺎﻫﻢ ﺍﺣﻤﺪ ﻭ ﻣﺤﻤﺪ ..

ﻣﻦ ﺑﻌﺪﻫﺎ ﺭﺟﻌﺖ ﻟﻠﺒﻴﺖ 3 ﺍﻳﺎﻡ ﻭﺟﺎﺑﻮﻫﺎ ﻫﻴﻪ ﻭﺍﻻﻃﻔﺎﻝ .. ﺍﻫﻠﻲ ﺭﺍﺣﻮ ﻭﺭﻗﻴﻪ ﺑﻘﺖ ﻋﻨﺪﻱ ..

ﺩﺍﺭﻳﺘﻬﺎ ﺑﺎﻟﻌﻤﻠﻴﻪ .. ﻭﺍﻻﻃﻔﺎﻝ ﺍﺧﺬ ﻣﻨﻬﺎ ﻭﺍﺣﺪ ﺑﻠﻴﻞ ﺍﻧﻮﻣﻪ ﻳﻤﻲ .. ﻻﻥ ﻳﺒﺠﻮﻥ ﻟﻠﺼﺒﺢ ﻭﺗﺒﻘﻰ ﺗﺒﺠﻲ ﻣﻦ ﻭﺭﺍﻫﻢ ﺗﻌﺐ ﺍﻟﻌﻤﻠﻴﻪ ﻭﺗﻌﺐ ﺍﻻﻃﻔﺎﻝ ﻓﺨﻄﻴﻪ ﺷﻠﺖ ﻋﻨﻬﺎ ..

ﻗﻀﻴﺖ ﻳﻤﻬﻢ ﺷﻬﺮﻳﻦ ﻭﺭﺟﻌﺖ ﻻﻫﻠﻲ .. ﻭﺭﺟﻌﺖ ﻟﺪﺭﺍﺳﺘﻲ ﻭﺭﺟﻊ ﺣﺎﺭﺙ ﻛﻞ ﺧﻤﻴﺲ ﻭﺟﻤﻌﻪ ﻭﺍﻟﺴﺒﺖ ﻳﺮﻭﺡ ﻣﻨﻲ ..

ﻭﺭﻗﻴﻪ ﻳﻢ ﻣﺎﻣﺎ .. ﻛﻤﻠﺖ ﺍﻟﺴﻨﻪ ﻛﻮﻩ ﻭﺍﺧﺬﺕ ﺍﻟﺸﻬﺎﺩﻩ ﺑﺘﻘﻴﻴﻢ ﻋﺎﻟﻲ ﺟﺪﺍ .. ﺑﺎﺑﺎ ﺳﻮﺍﻟﻲ ﺍﺣﺘﻔﺎﻝ ﻭﻋﺰﻡ ﺧﻮﺍﻟﻪ ﻭﺧﻮﺍﻟﻲ ﻛﻮﻟﻬﻢ

ﺍﻧﻮﺏ ﺍﺟﻪ ﺣﺎﺭﺙ ﺧﻄﻴﻪ ﺑﺎﺱ ﺭﺍﺳﻲ ﻭﻛﺎﻝ ﺍﻓﺘﺨﺮ ﺑﻴﺞ .. ﻭﺍﺧﺬﻧﻲ ﺍﻧﻲ ﻭﺭﻗﻴﻪ ﺍﻡ ﺍﻟﺴﺎﻥ .. ﺻﺎﺭ ﻋﻤﺮﻫﺎ ﺳﻨﻪ ﺑﺲ ﺍﺩﺭﺩﻡ ﻫﻮﺍﻳﻪ ﻫﻬﻬﻬﻪ

ﻭﺣﺎﺭﺙ ﻳﺼﻴﺢ ﻣﺜﻞ ﺍﻣﻬﺎ ﺍﻟﻤﻠﻴﻘﻪ .. ﺗﻌﻠﻤﺖ ﺍﻟﻠﻐﻮﻩ ﻣﻦ ﺍﻟﻤﺪﺭﺳﻪ ﻣﻦ ﻣﺎﻣﺎ ﺗﺎﺧﺬﻫﺎ ﻭﻳﺎﻫﺎ ﻭﻛﻞ ﺍﻟﻴﺠﻲ ﻳﺤﺠﻲ ﻭﻳﺎﻫﺎ ﻭﻃﻠﻌﻮ ﺍﻟﺴﺎﻧﻬﺎ

ﻣﺎ ﻣﻔﻬﻮﻡ ﻣﻦ ﻛﻼﻣﻬﺎ ﻏﻴﺮ ﺑﺎﺑﺎ ﻭ ﻧﻨﻪ ﻳﻌﻨﻲ ﻣﺎﻣﺎ .. ﺍﻟﺤﻘﻴﺮﻩ ﺭﻏﻢ ﻣﺎ ﺣﺎﺭﺙ ﻳﺠﻲ ﺑﺲ ﻳﻮﻣﻴﻦ .. ﺑﺲ ﺗﺨﺒﻠﻪ ﺑﻬﻠﻴﻮﻣﻴﻦ ﺑﻠﻌﺒﺎﺗﻬﺎ

ﺍﺩﺯﻟﻪ ﺑﻮﺳﻪ ﺑﻠﻬﻮﺍ ﻟﻮ ﺗﺼﻔﻚ ﻭﺗﺮﻛﺼﻠﻪ ﻭﺗﻤﻴﻞ ﺑﺮﺍﺳﻬﺎ ﻭﺗﺤﺎﺟﻴﻬﺎ ﻭﻫﻮﻩ ﻣﺘﺨﺒﻞ ﻋﻠﻴﻬﺎ .. ﻳﻜﻮﻟﻲ ﺻﺪﻙ ﺍﻣﻮﺕ ﻋﻠﻰ ﻭﻟﺪﻱ ﺑﺲ ﻫﺎﻱ ﺍﻟﻌﺮﻣﻪ ﺗﺨﺘﻠﻒ ﻋﺪﻱ ﻏﻴﺮ ﺭﻭﺣﻲ ﻣﻦ ﺍﻟﺪﻧﻴﻪ ﻫﻴﻪ ..

ﻭﻫﻴﻪ ﺍﻟﻜﻠﺒﻪ ﻟﻮ ﻫﺴﻪ ﻛﺎﻋﺪﻩ ﻣﻦ ﺍﻟﻨﻮﻡ ﻭﻳﺠﻲ ﺣﺎﺭﺙ ﻳﻜﻮﻟﻬﺎ ﺗﻌﺎﻟﻲ ﺑﺎﺑﺎ ﻧﺎﻣﻲ .. ﻭﻳﺨﻠﻴﻬﺎ ﻋﻠﻰ ﺻﺪﺭﻩ ﻭﻳﻤﺴﺢ ﺑﺸﻌﺮﻫﺎ ﺑﺴﺎﻉ ﺗﻨﺎﻡ

ﻭﻫﻮﻩ ﻳﺘﺨﺒﻞ ﻋﻠﻴﻬﺎ ﻣﻦ ﺗﻨﺎﻡ ﻋﻠﻰ ﺻﺪﺭﻩ ﻳﺒﻘﻰ ﺑﺲ ﻳﺒﻮﺱ ﺑﻴﻬﺎ ﻭﻳﻜﻮﻟﻲ ﻟﺞ ﺑﺎﻋﻲ .. ﻭﺍﻛﻠﻪ ﻭﺍﻟﻠﻪ ﺍﺷﻮﻓﻬﺎ ﻟﻬﻠﺤﻘﻴﺮﻩ .. ﻳﻜﻮﻟﻲ ﺗﻐﺎﺭﻳﻦ ..

ﻛﺘﻠﻪ ﺍﻱ .. ﻳﻜﻠﻲ ﻳﺤﻈﻲ ﻣﻦ ﻣﺮﺗﻲ ﻣﺘﻐﺎﺭﻳﻦ ﻣﻦ ﻫﺎﻱ ﺗﻐﺎﺭﻳﻦ .. ﺍﻛﻠﻪ ﻣﻮ ﻫﺎﻱ ﺍﻋﺮﻑ ﺍﺧﺬﺕ ﻣﻜﺎﻥ ﺍﻛﺒﺮ ﻣﻨﻲ ﺑﻜﻠﺒﻚ ﻳﻀﻞ ﻳﻀﺤﻚ ﺑﺼﻮﺕ ﻋﺎﻟﻲ ..

ﺍﺧﺬﻧﻪ ﻭﺭﺟﻌﻨﻪ ﻟﻠﻨﺎﺻﺮﻳﻪ .. ﻭﻋﻤﺎﻣﻲ ﺫﺑﺤﻮﻟﻲ ﺧﺮﻓﺎﻥ ﺛﻨﻴﻦ ﻻﻥ ﺻﺮﺕ ﺩﻛﺘﻮﺭﻩ ﻭﺳﻮﻭ ﺣﻔﻠﻪ ﺍﺣﺘﻔﺎﻝ ﺑﻴﻪ .. ﺍﺟﻮ ﻋﻤﺎﻣﻲ ﻭﻛﺎﻟﻮﻟﻲ ﻋﻤﻲ ﺍﺣﻨﻪ ﻧﻔﺘﺨﺮ ﺑﻴﺞ ﺑﺘﻨﺎ ﺩﻛﺘﻮﺭﻩ

ﻛﺘﻠﻪ ﻫﺎﺍﺍﺍ ﻋﻤﻮ .. ﻭﻳﻨﻪ ﺣﺠﻴﻚ ﺫﺍﻙ ﻣﻦ ﺟﻨﺖ ﺗﻜﻮﻟﻲ ﺑﻄﻠﻲ .. ﻛﺎﻝ ﻻ ﺑﻮﻳﻪ ﺍﻧﺘﻲ ﺳﺒﺎﻋﻴﻪ ﺟﺎﻫﺪﺗﻲ ﻭﻭﺻﻠﺘﻲ .. ﻭﺍﺣﻨﻪ ﻧﻔﺘﺨﺮ ﺑﻬﻴﺞ ﻣﺮﻩ ﻗﻮﻳﻪ ..

ﻛﺘﻠﻪ ﻻ ﻋﻤﻮ ﺍﻧﺘﻮ ﺍﻫﻞ ﺍﻟﻌﺸﺎﺋﺮ ﻣﺘﺨﻠﻮﻥ ﺍﻟﺒﻨﻴﻪ ﺗﻜﻤﻞ ﻭﺗﺒﻘﻮﻥ ﺗﺤﺠﻮﻥ ﻋﻠﻴﻬﺎ ﺑﺲ ﻟﻤﺎ ﺗﺼﺮ ﺍﻟﺒﻨﻴﻪ ﻭﺗﻮﺻﻞ .. ﺗﻔﺘﺨﺮﻭﻥ ﺑﻴﻬﺎ ..

ﻣﻦ ﺭﺟﻌﺖ ﺻﺎﺭ ﺣﺎﺭﺙ ﻭﻋﻤﻮ ﺷﺎﻛﺮ ﻳﺘﻮﺳﻄﻮﻟﻲ ﻋﻠﻤﻮﺩ ﻳﻮﺿﻔﻮﻧﻲ ﺑﻔﺪ ﻣﺴﺘﺸﻔﻰ ﺍﻭ ﻣﺼﺘﻮﺻﻒ ﺑﺎﻟﻨﺎﺻﺮﻳﻪ ﻗﺮﻳﺐ ﻋﻠﻴﻬﻢ

🔸🔹🥇🔸🔹

ﻭﻓﻌﻼ ﻋﻤﻮ ﻛﺪﺭ ﻳﺨﻠﻴﻦ ﺍﺷﺘﻐﻞ ﺑﻤﺼﺘﻮﺻﻒ ﻣﺘﻜﺎﻣﻞ ﻳﺼﻴﺮ ﻗﺮﻳﺐ ﻋﻦ ﺑﻴﺖ ﺣﺎﺭﺙ .. ﻛﻤﺖ ﺍﺩﺍﻭﻡ ﻳﻮﻣﻴﻪ .. ﻭﺑﻨﺘﻲ ﺧﻠﻴﺘﻬﺎ ﺑﺎﻟﺤﻈﺎﻧﻪ ..

ﻃﺒﻌﺎ ﻫﺎﻱ ﺑﻌﺪ ﺗﻮﺍﺳﻴﻞ ﻭﺍﻳﺎﻡ ﺍﺣﺠﻲ ﻭﻳﻪ ﺣﺎﺭﺙ ﻣﻴﻘﺒﻞ ﻳﺨﻠﻴﻬﺎ ﺑﺎﻟﺤﻈﺎﻧﻪ .. ﻻﻥ ﻳﻜﻮﻝ ﻳﻨﻄﻮﻥ ﻟﻼﻃﻔﺎﻝ ﻣﻨﻮﻡ ﻗﻮﻱ ﻭﻳﻤﺮﺿﻬﻢ ..

ﻳﻜﻮﻟﻲ ﻋﻮﻓﻴﻬﺎ ﻳﻢ ﻓﺎﻃﻤﻪ ﻭﺧﻮﺍﺗﻲ .. ﻛﺘﻠﻪ ﻣﺎ ﺍﺗﺮﻙ ﺑﻨﺘﻲ ﻳﻢ ﺍﺣﺪ ﻭﺍﺻﻴﺮ ﺛﻘﻴﻠﻪ ﻋﻠﻴﻬﻢ ﻭﺑﺎﺟﺮ ﻋﻜﺒﻪ ﻳﻌﻴﺮﻭﻧﻲ .. ﺍﻭﻝ ﺑﺪﺍﻳﻪ ﻋﺎﻧﺪ ﺑﺲ ﺑﻌﺪﻳﻦ ﻛﺪﺭﺕ ﺍﻗﻨﻌﻪ

ﻭﻛﻤﻨﻪ ﻧﺪﻭﺭ ﻋﻠﻰ ﺣﻈﺎﻧﻪ ﻭﻓﻌﻼ ﻟﻜﻴﻨﻪ ﺣﻈﺎﻧﻪ ﻭﺭﻭﺿﻪ .. ﺯﻳﻨﻪ ﻭﺍﻫﺘﻤﺎﻡ ﻛﻮﻟﺶ ﺣﻠﻮ ﺑﺲ ﻏﺎﻟﻴﻪ .. ﻋﺎﺩﻱ ﺧﻠﻴﺘﻬﺎ ﺑﻴﻬﺎ ..

ﻭﺟﺮﺑﺘﻬﻢ ﻭﺧﻠﻴﺘﻬﺎ ﺷﻬﺮ ﺑﻴﻬﺎ ﻭﺷﻔﺖ ﺍﻫﺘﻤﺎﻣﻬﻢ ﺯﻳﻦ ﻭﺭﻗﻴﻪ ﺗﺠﻴﻨﻲ ﻧﻈﻴﻔﻪ ﻭﻫﺎﺩﺋﻪ ﻭﻣﻌﻠﻤﻴﻬﺎ ﻋﻠﻌﺐ ﺑﺎﻻﻟﻌﺎﺏ ﻭﺗﺴﻜﺖ ..

ﺍﺧﺬﺗﻬﺎ ﻣﻦ ﺑﻌﺪ ﺍﻟﺸﻬﺮ ﺳﻮﻳﺘﻠﻬﺎ ﺗﺤﻠﻴﻞ ﺧﺎﻑ ﻳﻨﻄﻮﻫﺎ ﺷﻲ ﺍﻟﺤﻤﺪﻟﻠﻪ ﺗﺤﻠﻴﻠﻬﺎ ﻧﻈﻴﻒ ﻓﺴﺘﻤﺮﻳﺖ ﻭﻗﻨﻊ ﺣﺎﺭﺙ ..

ﺻﺎﺭ ﺍﻟﻜﻞ ﻳﻔﺘﺨﺮ ﺑﻴﻪ ﺗﻐﻴﺮﺕ ﺣﻴﺎﺗﻲ ﺗﻐﻴﺮﺕ ﻧﻈﺮﺓ ﺍﻟﻨﺎﺱ ﺍﻟﻴﻪ .. ﺟﺎﻥ ﺍﻟﻴﺸﻮﻓﻨﻲ .. ﻳﺴﺘﻬﺰﺀ ﺑﻴﻪ ﻻﻧﻲ ﻣﻮ ﻣﻨﻬﻢ ..

ﻫﺴﻪ ﺻﺎﺭ ﺍﻟﻜﻞ ﻳﻀﺤﻜﻠﻲ ﻭﻳﺮﺣﺐ ﺑﻴﻪ ﻟﻤﺎ ﺍﻓﻮﺕ ﻣﻨﻬﻢ ﻭﻳﻜﻮﻟﻮﻥ ﻫﻼ ﺑﺎﻟﺪﻛﺘﻮﺭﻩ .. ﺣﺘﻰ ﻋﻤﺘﻲ ﺍﻟﻠﻲ ﺟﺎﻧﺖ ﺗﺤﺠﻲ ﻋﻠﻴﻪ

ﻛﺎﻣﺖ ﺗﻔﺘﺨﺮ ﻭﺗﺤﺠﻲ ﺑﻴﻦ ﺍﻟﻨﺴﻮﺍﻥ ﻭﺗﻜﻮﻝ ﺟﻨﺘﻲ ﺩﻛﺘﻮﺭﻩ .. ﺑﺲ ﻃﺒﻌﺎ ﻣﺎ ﺗﺨﻠﻰ ﻣﻦ ﺍﻟﻤﺸﺎﻛﻞ ..

ﻣﻦ ﺗﻮﺿﻔﺖ ﺍﻫﻠﻪ ﺿﺎﺟﻮ .. ﻳﻜﻮﻟﻮﻥ ﺷﻨﻮ ﻛﺎﻋﺪﻳﻦ ﺑﻔﻨﺪﻕ .. ﺗﺠﻲ ﺗﺎﻛﻞ ﻭﺗﺸﺮﺏ ﻭﺗﻨﺎﻡ .. ﺑﺮﻏﻢ ﺍﻧﻲ ﺍﺳﻮﻱ ﺍﻟﻌﺸﺎ ﻭﺍﻧﻈﻒ ﺑﻠﻴﻞ ﺑﺲ ﻣﻴﻘﺒﻠﻮﻥ

ﺍﺧﺮ ﺷﻲ ﻋﺰﻟﺖ ﺍﻛﻠﻲ ﻋﻨﻬﻢ .. ﻛﻤﺖ ﺍﺳﻮﻱ ﺍﻛﻞ ﺑﺲ ﺍﻟﻲ .. ﻭﺍﻟﺜﻼﺟﻪ ﺑﻐﺮﻓﺘﻲ .. ﻭﺣﺎﺭﺙ ﺑﻴﻮﻡ ﺍﻟﻲ ﺍﺳﻮﻱ ﻏﺪﺍ ﻭﺍﻛﻞ ﻣﻤﻴﺰ ﺍﻟﻪ ..

ﻭﺑﻴﻮﻡ ﺍﻟﻔﺎﻃﻤﻪ ﻳﺎﻛﻞ ﻭﻳﺎﻫﻢ .. ﻭﺍﻧﻲ ﺑﻴﻮﻡ ﺍﻟﻮﺣﺪﻱ ﺍﻗﻀﻲ ﻧﻔﺴﻲ ﺑﻠﻔﻪ .. ﻭﺑﻨﺘﻲ ﺍﺳﻮﻳﻠﻬﺎ ﺷﻮﺭﺑﺔ ﺣﻠﻴﺐ ﺍﻭ ﻃﻤﺎﻃﻪ ﻭﻫﻠﺸﻐﻼﺕ ﺍﻟﺨﻔﻴﻔﻪ ..

ﺑﺲ ﺑﻴﻮﻡ ﺍﻟﺤﺎﺭﺙ ﻳﻤﻲ .. ﻻ ﺍﺳﻮﻱ ﺍﻟﻐﺪﺍ ﻣﻦ ﺍﻟﻠﻴﻞ ﻭﺍﺿﻤﻪ ﺑﺜﻼﺟﻪ .. ﺷﻨﻮ ﻳﺤﺐ ﻭﻣﺮﺍﺕ ﺍﺷﺘﺮﻱ ﻛﺘﺐ ﻭﺍﺳﻮﻱ ﺍﻛﻼﺕ ﺟﺪﻳﺪﻩ ..

ﻳﻌﻨﻲ ﺑﻴﻮﻡ ﻫﻮﻩ ﻳﻤﻲ .. ﺍﻛﻠﻪ ﻣﺨﺘﻠﻒ ﻣﺎ ﺍﺳﻮﻳﻠﻪ ﺍﻛﻠﻪ ﺗﻘﻠﻴﺪﻱ ﻭﺍﻋﺘﻨﻲ ﺑﺎﻟﻤﻘﺒﻼﺕ ﻭﺣﺘﻰ ﺣﻠﻮﻳﺎﺕ ﺍﺳﻮﻱ ..

ﻓﺎﻃﻤﻪ ﻛﺎﻣﺖ ﺗﻐﺎﺭ ﻛﻮﻟﺶ ﻭﺍﻃﻠﻌﻠﻲ ﻣﺸﺎﻛﻞ ﻣﻦ ﺟﻮﻩ ﺍﻟﻜﺎﻉ .. ﻭﺑﺲ ﺍﻃﻠﻊ ﺍﻟﻄﻔﻠﻪ ﻳﻤﻬﻢ .. ﺗﺨﻠﻲ ﺍﻻﻃﻔﺎﻝ ﺗﻜﺘﻞ ﺭﻗﻴﻪ ..

ﻛﺘﻠﻬﺎ ﻟﻴﺶ ﻣﻮ ﺻﻐﻴﺮﻩ .. ﻛﺎﻟﺖ ﺍﺧﻮﺍﻥ ﻣﻌﻠﻴﺞ ﺍﻧﺘﻲ .. ﻛﺘﻠﻬﺎ ﺍﺧﻮﺍﻥ ﺍﻣﻨﺎ ﺑﻠﻠﻪ ﺑﺲ ﺻﻴﺤﻲ ﺑﻴﻬﻢ .. ﺗﻜﻠﻲ ﻫﻴﻪ ﺑﺘﺞ ﻭﻛﺤﻪ ..

ﻛﺘﻠﻬﺎ ﺑﻨﺘﻲ ﻭﻛﺤﻪ ﻣﻨﻴﻠﻬﺎ .. ﻃﻔﻠﻪ ﺷﺘﻔﺘﻬﻢ .. ﺗﻜﻠﻲ ﻻ ﺗﺪﺧﻠﻴﻦ ﺑﻴﻨﻬﻢ ﺍﻃﻔﺎﻝ .. ﻛﺘﻠﻬﺎ ﺍﻃﻔﺎﻝ ﻣﻴﻨﺼﺎﺡ ﺑﻴﻬﻢ ..

ﺑﻌﺪﻳﻦ ﺍﺗﺮﻛﻬﺎ ﻻﻥ ﺍﻋﺮﻑ ﺍﻟﺤﺠﻲ ﻭﻳﺎﻫﺎ ﺿﺎﻳﻊ ﻭﺑﻼ ﻓﺎﻳﺪﻩ ﺑﺲ ﺗﺤﺐ ﺗﺤﺮﻙ ﺑﻜﻠﺒﻲ .. ﻓﺎﻋﻮﻑ ﺍﻟﺤﺠﻲ ﻋﻠﻰ ﺍﻳﺪ ﺣﺎﺭﺙ ﻫﻮﻩ ﻳﻮﺻﻲ ﻭﻟﺪﻩ ﻋﻠﻴﻬﻢ

ﻭﻳﻌﻠﻢ ﻣﺼﻄﻔﻰ ﻫﺬﻱ ﺍﺧﺘﻚ ﻻﺯﻡ ﺗﺤﻤﻴﻬﺎ ﻭﺍﻧﺘﻪ ﺍﻟﺮﺟﺎﻝ ﻭﺍﻟﺮﺟﺎﻝ ﻣﻴﺨﻠﻲ ﺍﺧﺘﻪ ﻭﺍﺣﺪ ﻳﻀﺮﺑﻬﺎ .. ﺷﻮﻑ ﺍﻧﻲ ﺷﻠﻮﻥ ﻣﺎ ﺍﺧﻠﻲ ﻭﺍﺣﺪ ﻳﻀﺮﺏ ﺧﻮﺍﺗﻲ ..

ﻭﻣﺼﻄﻔﻰ ﺯﻏﻴﺮ ﻭﺣﻴﻞ ﻳﺴﻤﻊ ﻻﺑﻮﻩ ﻭﻳﻘﻠﺪﻩ ﻓﻜﺎﻡ ﻳﺎﺧﺬ ﻣﻨﻪ ﻭﺻﺎﺭ ﺷﺤﺪﻩ ﺍﻟﻴﻮﺻﻞ ﺭﻗﻴﻪ .. ﻳﻜﻮﻟﻬﻢ ﻫﺬﻱ ﺍﺧﺘﻲ

🔹🔸🥇🔹🔸

ﻭﺍﻣﻪ ﻛﻠﺴﺎﻉ ﻭﺗﻀﺮﺑﻪ .. ﺣﺎﺭﺙ ﻛﺎﻟﻬﺎ ﻣﺮﻩ ﻟﺦ ﻟﻮ ﺷﻔﺘﺞ ﻣﺪﻳﺘﻲ ﺍﻳﺪﺝ ﻋﻠﻰ ﻣﺼﻄﻔﻰ ﺍﺻﻠﺦ ﺟﻠﺪﺝ ﻛﺒﺮ ﻻﺯﻡ ﺗﻨﻄﻴﻪ ﺷﺨﺼﻴﺘﻪ ﻻ ﺗﻀﺮﺑﻴﻪ ﻛﺪﺍﻡ ﺍﻟﻨﺎﺱ ﻭﺗﺨﻨﺜﻴﻪ ..

ﻛﺴﺒﺖ ﺍﺑﻨﻬﺎ ﻣﺼﻄﻔﻰ ﺍﺷﺘﺮﻳﻠﻪ ﻣﻼﺑﺲ ﻭﺣﻠﻮﻳﺎﺕ ﻛﺎﻡ ﻳﻤﻮﺕ ﻋﻠﻴﻪ .. ﻭﺩﺍﺋﻤﺎ ﻳﺠﻲ ﻳﻤﻲ ﻳﺤﺠﻲ ﻭﻳﺎﻳﻪ ﺻﺢ ﻃﻔﻞ

ﺑﺲ ﺍﺣﺒﻪ ﻭﺍﺳﺘﻔﺎﺩ ﻣﻨﻪ ﺍﺣﺘﺎﺝ ﻟﻼﻛﻞ ﺍﻟﻴﺸﺘﺮﻳﻠﻲ ﺍﻟﻠﻲ ﻳﺮﻭﺡ ﺑﺲ ﻫﻮﻩ ﻳﺘﺼﺨﺮﻟﻲ ﺍﻟﺒﺎﻗﻴﻦ ﻣﺤﺪ ﻳﺮﺩ ﻋﻠﻴﻪ ..

ﻣﺮﻩ ﺩﺍ ﺍﻣﺸﻲ ﻟﻠﻐﺮﻓﻪ ﺟﺎﻥ ﺍﺳﻤﻊ ﻫﻨﺎﺀ ﺗﺤﺠﻲ ﻭﻳﻪ ﻓﺎﻃﻤﻪ ﻭﺗﻜﻠﻬﺎ ﺷﺒﻴﺞ ﺧﻠﻔﻲ ﻭﺟﻴﺒﻲ ﻭﺧﻠﻲ ﺑﺤﻈﻦ ﺣﺎﺭﺙ ﺗﻜﺒﺮﻳﻦ ﺑﻌﻴﻨﻪ

ﺍﻧﺘﻲ ﺧﻠﻔﺘﺞ ﻛﻠﻬﺎ ﻭﻟﺪ ﻣﻮ ﻣﺜﻠﻬﺎ .. ﺗﻜﻠﻬﺎ ﻻ ﺍﻧﻮﺏ ﻳﻄﻠﻜﻨﻲ ﻭﻳﺎﺧﺬﻫﻢ ﻣﻨﻲ ﻭﺍﻣﻮﺕ .. ﺗﻜﻠﻬﺎ ﻳﺎ ﻭﻟﺞ ﻫﺬﺍ ﺍﻟﺤﺠﻲ ﻣﻦ ﺟﺎﻧﻮ ﺑﺲ ﻣﺮﺗﻀﻰ ﻭﻣﺼﻄﻔﻰ

ﺟﺎﻧﺖ ﺫﻳﺞ ﺍﻟﺤﻴﻪ ﺗﻌﺘﻨﻲ ﺑﻴﻬﻢ .. ﻭﻟﺞ ﻫﺴﻪ ﻟﻮ ﺯﻋﻠﺘﻲ ﻳﺸﻤﺮﻫﻢ ﻭﺭﺍﺝ ﻣﻦ ﺍﻟﺪﻭﺧﻪ ﻣﺎ ﻳﺘﺤﻤﻠﻬﻢ ﻋﻨﺪﻩ ﺩﻭﺍﻡ .. ﻛﺎﻟﺘﻠﻬﺎ ﻫﺎﻱ ﺗﺎﺧﺬﻫﻢ ﻭﺗﻌﺘﻨﻲ ﺑﻴﻬﻢ ﻣﻦ ﺣﻘﺎﺭﺗﻬﺎ ﺗﺴﻮﻳﻬﺎ

ﺗﻜﻠﻬﺎ ﻫﺎﻱ ﺧﻞ ﺗﻬﺘﻢ ﺍﺑﺘﻬﺎ ﺍﻭﻝ ﻋﻠﻤﻮﺩ ﺗﻘﺒﻞ ﺗﺘﻮﺭﻁ ﺏ 4 ﻭﻟﺪ ﺍﻟﻠﻪ ﻣﺎ ﻳﺠﺮﻋﻬﻢ ﻣﻦ ﺍﻟﻮﻛﺎﺣﻪ .. ﻫﻴﻪ ﺑﺘﻬﺎ ﻭﺷﺎﻣﺮﺗﻬﺎ ﺑﺎﻟﺤﻈﺎﻧﻪ ..

ﺟﻴﺒﻲ ﻭﺧﻠﻔﻴﻠﻪ ﺗﺮﻩ ﻫﺎﻱ ﺳﻨﻪ ﺳﻨﺘﻴﻦ .. ﺗﻜﻠﻪ ﻃﻠﻜﻬﺎ ﻻ ﺗﺸﻮﻓﻴﻬﺎ ﻫﺴﻪ ﺣﺒﺎﺑﻪ ﺗﺮﻩ ﻫﺎﻱ ﻣﺜﻞ ﺍﻟﻤﺜﻞ ﺍﻟﻴﻜﻮﻝ ﺍﺗﻤﺴﻜﻦ ﻟﺤﺪ ﻣﺎ ﺍﺗﻤﻜﻦ ..

ﻫﺴﻪ ﺣﺒﺎﺑﻪ ﺑﻌﺪﻳﻦ ﺗﺎﺧﺬ ﺍﻻﻭﻝ ﻭﺗﺎﻟﻲ .. ﻛﺎﻟﺘﻠﻬﺎ ﻳﻌﻨﻲ ﺍﺣﺒﻞ .. ﺗﻜﻠﻬﺎ ﺍﻱ ﻋﻠﻤﻮﺩ ﺗﻨﻜﺴﺮ ﺭﻛﺒﺔ ﺣﺎﺭﺙ ﻭﻳﺘﺤﻤﻠﺞ ﻋﻠﻤﻮﺩ ﺟﻬﺎﻟﺞ ..

ﺿﺤﻜﺖ .. ﻫﺎﻱ ﺩﺗﻮﺭﻃﻬﺎ ﻭﻋﺒﺎﻟﻬﺎ ﺗﻨﺼﺤﻬﺎ .. ﻫﻮﻩ ﺍﻟﺤﺐ ﻟﻮ ﺗﺠﻲ ﺑﺎﻟﺨﻠﻔﻪ .. ﺟﺎﻥ ﻛﻌﺪ ﺣﻆ ﻫﻮﺍﻳﻪ ﻧﺴﻮﺍﻥ ..

ﻋﻔﺘﻬﻢ ﻭﻣﺸﻴﺖ .. ﻭﻓﻌﻼ ﻭﺭﻩ ﺷﻬﺮﻳﻦ .. ﺍﺟﺖ ﻭﻛﺎﻟﺖ ﺍﻧﻪ ﺣﺎﻣﻞ .. ﺣﺎﺭﺙ ﺍﺗﺨﺒﻞ .. ﻛﺎﻟﻠﻬﺎ ﺷﻨﻲ ﺍﻟﺴﺎﻟﻔﻪ ﻳﻤﻌﻮﺩﻩ

ﺫﻭﻝ ﺑﻌﺪﻫﻢ ﺻﻐﺎﺭ ﻛﺎﻟﺘﻠﻪ ﻫﻮﻩ ﻣﻨﻲ ﻏﻴﺮ ﻣﻨﻚ ﺣﺒﻼﻧﻪ .. ﻛﺎﻟﻠﻬﺎ ﻭﻫﺬﺍ ﺍﻟﺤﺐ ﺍﻻﺟﻴﺒﻪ ﻭﺍﺷﻤﺮ ﺑﻴﻪ ﻋﻠﻴﺞ ﻣﻨﻮ ﻳﺸﺮﺑﻪ ﺍﺑﻮﻱ ..

ﻛﺎﻟﺘﻠﻪ ﺑﻌﺪ ﺻﺎﺭ ﺷﺴﻮﻱ .. ﺍﻧﻲ ﺑﺲ ﺍﺿﺤﻚ ﻛﺘﻠﻪ ﺣﺎﺭﺙ ﺍﻧﻲ ﻫﻢ ﺍﺭﻳﺪ ﺍﺣﺒﻞ .. ﻛﺎﻝ ﺍﻱ ﻫﻴﻪ ﻛﺎﻟﻮﻫﺎ ﻟﻮ ﻣﺎ ﺍﻟﻐﻴﺮﻩ ﻣﺎ ﺣﺒﻠﺖ ﺍﻟﺨﻨﺰﻳﺮﻩ ..

ﻫﻬﻬﻬﻬﻬﻪ ﻋﺎﺑﺘﻠﻚ ﻻ ﻭﺍﻟﻠﻪ ﺟﺬﺏ ﺑﻴﻪ ﺣﻴﻞ ﺍﺧﻠﻒ ﻭﻳﻦ ﺍﻋﻮﻓﻪ . ﺭﻗﺎﻭﻱ ﻛﻮﻩ ﻣﺪﺑﺮﺗﻬﺎ ﻣﺨﺒﻠﻪ ﺍﺣﺒﻞ ..

ﻣﺮﺕ ﺍﻻﻳﺎﻡ ﻭﻓﺎﻃﻤﻪ ﻋﻠﻲ ﻏﻴﺮﺗﻬﺎ ﻭﻣﺸﺎﻛﻠﻬﺎ ﻭﺣﺎﻣﻞ ﻭﻣﺎ ﺍﺭﻳﺪ ﺍﺿﻮﺟﻬﺎ ﺑﺲ ﻣﻮﺗﺘﻨﻲ .. ﻭﺍﻧﻪ ﺍﺟﻴﺐ ﺑﺲ ﻭﻟﺪ ﻭﺍﻧﻪ ﺍﺟﻴﺐ ﺑﺲ ﻭﻟﺪ ..

ﺗﺎﻟﻲ ﺟﺎﺑﺖ ﺑﻨﻴﻪ .. ﺍﻟﺼﻤﺖ ﻣﺎ ﺣﺠﺖ ﻭﻻ ﺍﻧﻲ ﺣﺠﻴﺖ .. ﺑﺲ ﻛﺘﻠﻬﺎ ﺑﺎﻟﻌﺎﻓﻴﻪ ﺗﺘﺮﺑﻰ ﺑﻌﺰﻛﻢ .. ﺻﺎﺭ ﻻ ﻟﻴﻠﻬﺎ ﻟﻴﻞ ﻭﻻ ﻧﻬﺎﺭﻫﺎ ﻧﻬﺎﺭ

ﻭﺣﺎﺭﺙ ﺣﺘﻰ ﺑﺎﻟﻴﻮﻡ ﺍﻟﻠﻲ ﻫﻮﻩ ﺍﻟﻬﺎ ﻳﺠﻴﻨﻲ ﺷﺎﺭﺩ ﻳﻜﻮﻝ ﺭﺍﺡ ﻳﺨﺒﻠﻮﻧﻲ ﻭﺭﺍﻱ ﺩﻭﺍﻡ ﻭﻫﻴﻪ ﻭﻓﺮﻭﺧﻬﺎ ﻳﻌﻴﻄﻮﻥ

. ﺍﻧﻲ .. ﺍﻟﺤﻤﺪﻟﻠﻪ ﻣﺴﻮﻳﻪ ﺍﻟﺒﻨﺘﻲ ﻧﻈﺎﻡ .. ﺍﻟﺴﺎﻋﻪ 9 ﺍﻃﻔﻲ ﺍﻟﻈﻮﻩ ﻭﺍﺷﻐﻞ ﺑﺲ ﺍﻟﻀﻮﻩ ﺍﻻﺣﻤﺮ ﻭﺍﻧﻄﻴﻬﺎ ﻟﻌﺎﺑﻴﺘﻬﺎ ﻭﺍﻛﻮﻟﻬﺎ ﻧﺎﻣﻲ ﻣﺎﻡ

ﺗﺮﻭﺡ ﺗﻨﺎﻡ ﺑﺴﺮﻳﺮﻫﺎ ﺗﺒﻘﻰ ﺗﺼﻔﻦ ﻭﺗﺸﺮﺏ ﻣﻤﻪ ﻟﺤﺪ ﻣﺎ ﺗﻨﺎﻡ ..

ﻣﺮﺕ ﺍﻻﻳﺎﻡ ﻭﺍﺣﻨﻪ ﻋﻠﻰ ﺣﺎﻟﻨﻪ .. ﺍﻧﻲ ﺑﺪﻭﺍﻣﻲ ﻭﺣﺎﺭﺙ ﺑﺪﻭﺍﻣﻪ ﻭﺭﻗﻴﻪ ﺑﺎﻟﺤﺎﻇﻨﻪ .. ﻭﻣﻦ ﻧﺠﻲ ﻣﺸﺘﺎﻗﻴﻦ ﻟﺒﻌﺾ ﺗﻜﻮﻝ ﻋﺸﺎﻕ ﻭﻳﻠﺘﻘﻮﻥ ﻣﻮ ﻣﺰﻭﺟﻴﻦ

🔸🔹🥇🔸🔹

ﺑﻨﺘﻲ ﻛﺒﺮﺕ ﻭﺍﻟﺴﺎﻧﻬﺎ ﻳﺨﺒﻞ ﻭﺗﺤﺠﻲ ﺍﻧﻜﻠﻴﺰﻱ ﻋﻠﻤﻮﻫﺎ ﺑﺎﻟﺤﺎﻇﻨﻪ .. ﻣﻦ ﺗﻨﺎﻡ ﺗﻜﻮﻝ ﻻﺑﻮﻫﺎ ﻛﻮﻭﺩ ﻧﺎﺍﺍﻳﺖ ﺑﺎﺑﻲ .. ﻭﻫﻮﻩ ﻣﺘﺨﺒﻞ ﻋﻠﻴﻬﺎ

ﻣﻦ ﺗﻮﻛﻊ ﺗﺼﻴﺢ ﻣﺎﺍﺍﺍﺍﻡ ﻫﻴﻠﺐ ﻣﻲ .. ﻳﻌﻨﻲ ﺗﻌﺎﻟﻲ ﺳﺎﻋﺪﻳﻨﻲ .. ﻟﻮ ﻣﻦ ﺗﺤﺎﺟﻴﻬﺎ ﺗﻜﻮﻝ ﺍﻭﻭﻛﻲ .. ﺍﻟﺪﻧﻴﺎ ﻣﺘﺨﺒﻠﻪ ﻋﻠﻰ ﺣﺠﻴﻬﺎ . ﻭﺣﺎﺭﺙ ﻳﻜﻮﻝ ﻋﻠﻴﻬﺎ ﻣﺎﻳﻌﻪ ﺍﻛﺜﺮ ﻣﻦ ﺍﻣﻬﺎ ﺏ 10 ﻗﻮﻁ ... ﻫﻬﻬﻬﻪ

ﻓﺪ ﻣﺮﻩ ﺩﺧﻞ ﺣﺎﺭﺙ ﻳﺼﻴﺢ .. ﻭﺟﺎﻥ ﺍﻟﻴﻮﻡ ﻣﻮ ﺍﻟﻲ ﻻﺯﻡ ﻳﻢ ﻓﺎﻃﻤﻪ .. ﻛﺘﻠﻪ ﺷﺒﻴﻚ .. ﺻﺎﺡ ﻭﻟﺞ ﻣﻮﺗﺘﻨﻲ ﺍﻛﻠﻬﺎ ﺷﻴﻠﻲ ﺍﻟﻄﻔﻠﻪ ﻭﺩﻳﻬﺎ ﻫﻨﺎﻙ ﻧﻮﻣﻴﻬﺎ ..

ﺑﺲ ﺧﻞ ﺍﻧﺎﻡ ﻭﺭﺍﻱ ﻏﻀﺐ ﺩﻭﺍﻡ .. ﺗﻜﻠﻲ ﺷﻠﻮﻥ ﺍﺧﻨﻜﻬﺎ .. ﺍﻛﻠﻬﺎ ﺍﻛﻌﺪﻱ ﺑﺎﻟﻬﻮﻝ ﻧﻮﻣﻴﻬﺎ ﻭﺗﻌﺎﻱ .. ﺗﻜﻠﻲ ﻳﺎﺍﺍﺍﺍ ..

ﻭﺍﻟﻠﻪ ﺍﺟﻴﺖ ﺍﻟﺨﻬﺎ ﻋﻠﻰ ﻭﺟﻬﺎ ﻟﻮ ﻣﺎ ﺍﻟﻄﻔﻠﻪ ﺑﺄﻳﺪﻫﺎ .. ﻛﺘﻠﻪ ﻳﻤﻌﻮﺩ ﻋﻠﻰ ﻛﻴﻔﻚ ﺭﻗﻴﻪ ﻧﺎﻳﻤﻪ ﺗﻌﺎﻝ ﺗﻌﺎﻝ ﻫﺴﻪ ﺍﻧﺘﻪ ﺣﺎﺭﻙ ﺍﻋﺼﺎﺑﻚ ﻋﻠﻰ ﻫﻠﺸﻲ ..

ﺟﺮﻳﺘﻪ ﻭﻛﻌﺪﺗﻪ ﻋﻠﺴﺮﻳﺮ .. ﻛﺘﻠﻪ ﻛﻞ ﻳﻮﻡ ﺍﻧﻲ ﺍﻧﺎﻡ ﺑﺤﻈﻨﻚ ﺗﻌﺎﻝ ﺍﻧﺘﻪ ﻧﺎﻡ ﺑﺤﻈﻨﻲ ..

ﺿﺤﻚ ﻛﺎﻝ ﺩﻭﻟﻲ ﻟﺞ .. ﻧﺎﻡ ﻭﺟﺮﻧﻲ ﺍﻟﺤﻈﻨﻪ .. ﻭﺧﻠﻪ ﺍﻳﺪﻩ ﻋﻠﻰ ﺭﺍﺳﻪ .. ﺍﻧﻲ ﺑﻘﻴﺖ ﻣﺎ ﺍﺧﺬﺕ ﻋﻴﻨﻲ ﻧﻮﻡ ﻻﻥ ﻧﺎﻳﻤﻪ ﺍﻟﻀﻬﺮ ..

ﻣﺮﺕ ﺳﺎﻋﻪ ﻭﻫﻮﻩ ﺑﺲ ﻳﺸﻤﺮ ﺣﺴﺮﺍﺕ .. ﺣﺮﻛﺖ ﺍﻳﺪﻱ ﻋﻠﻰ ﺻﺪﺭﻩ ﺭﺩﺕ ﺍﺷﻮﻓﻪ ﻛﺎﻋﺪ .. ﺷﺎﻝ ﺍﻳﺪﻩ .. ﻛﺘﻠﻪ ﺷﺒﻴﻚ ﻟﻴﺶ ﻫﻴﺞ ﻣﺘﺰﻭﻫﺮ ﻣﺘﻜﺪﺭ ﺗﻨﺎﻡ

ﻛﺎﻝ ﺍﻓﻜﺎﺭ ﺍﺑﺎﻟﻲ ﻣﺠﺎﻱ ﺗﺨﻠﻴﻨﻲ ﺍﻧﺎﻡ .. ﻛﺘﻠﻪ ﻭﻫﻲ .. ﻛﺎﻝ ﻣﺎ ﺍﺭﻳﺪ ﺍﺩﻭﺧﺞ ﺑﻴﻬﺎ .. ﻛﺘﻠﻪ ﺣﺒﻴﺒﻲ ﺍﻟﺤﻴﺎﺓ ﺍﻟﺰﻭﺟﻴﻪ ﻣﺸﺎﺭﻛﻪ ﺍﺷﻴﻞ ﻋﻨﻚ ﻭﺗﺸﻴﻞ ﻋﻨﻲ ﺍﺣﺠﻲ ..

ﻛﺎﻝ ﻻ ﻭﺍﻟﻠﻪ ﻣﻮ ﻓﺪ ﺷﻲ ﺑﺲ ﺍﻟﻴﻮﻡ ﺟﻤﺎﻋﻪ ﺩﺯﻭﻟﻲ ﺿﺮﻑ ﻭﺑﻴﻪ ﻃﻠﻘﻪ .. ﻛﻤﺰﺕ ﻣﻦ ﻣﻜﺎﻧﻲ .. ﻛﺘﻠﻪ ﺣﺎﺭﺙ ﺷﺘﺤﺠﻲ ..

ﻛﺎﻝ ﺑﺎﻋﻲ ﻣﺎ ﺭﺩﺕ ﺍﺧﻮﻓﺞ .. ﺗﻌﺎﻱ ﺍﺭﺟﻌﻲ ﻣﺎﻛﻮ ﺷﻲ ﻭﺍﻟﻠﻪ .. ﻛﺘﻠﻪ ﻳﻌﻨﻲ ﺗﻬﺪﻳﺪ ﻏﻴﺮ .. ﻫﺰ ﺭﺍﺳﻪ .. ﻛﺘﻠﻪ ﻣﻨﻮ ﻛﺎﻝ ﻭﺍﺣﺪ ﺍﺳﻤﻪ ﻣﻬﻨﺪ ﺻﻜﺒﺎﻥ ﻭﺟﻤﺎﻋﺘﻪ ..

ﻛﺘﻠﻪ ﺷﺒﻴﻪ .. ﻛﺎﻝ ﺍﺧﻮﻩ ﺳﺠﻴﻦ ﻋﻨﺪﻱ ﺑﺎﻟﺘﻮﻗﻴﻒ ﺍﺟﻪ ﺍﻭﻝ ﺷﻲ ﻋﺰﻣﻨﻲ ﻣﺎ ﺭﺣﺘﻠﻪ .. ﺑﻌﺪﻳﻦ ﺍﺟﻪ ﻟﻤﻜﺘﺒﻲ ﻭﺣﺎﻭﻝ ﻳﺮﺷﻴﻨﻲ ﺑﻔﻠﻮﺱ ﻋﻠﻤﻮﺩ ﺍﻫﺮﺏ ﺍﺧﻮﻩ ﺭﻓﻀﺖ

ﻛﺎﻝ ﺍﺧﻮﻱ ﻻﺯﻡ ﻳﻄﻠﻊ ﻣﻦ ﺍﻟﺴﺠﻦ .. ﻛﺘﻠﻪ ﺍﺧﻮﻙ ﻣﺘﻮﺭﻁ ﺑﺠﺮﻳﻤﺔ ﻗﺘﻞ ﻭﺍﻟﻤﺤﻜﻤﻪ ﻗﺎﺋﻤﻪ ﺑﺄﺟﺮﺍﺋﺘﻬﺎ ..

ﺭﻭﺡ ﻋﺪﻙ ﻋﺸﻴﺮﻩ ﺍﺗﻔﺎﻭﺽ ﻭﻳﻪ ﻋﺸﻴﺮﺗﻪ ﻟﻮ ﺗﻨﺎﺯﻟﻮ ﺍﻫﻞ ﺍﻟﻤﺠﻨﻲ ﻋﻠﻴﻪ ﻭﺳﻮﻭﻫﺎ ﺳﺎﻟﻔﺔ ﻓﺼﻮﻝ ﺍﺣﻨﻪ ﻧﻄﻠﻌﻪ ..

ﻛﺎﻝ ﻻ ﺍﺣﻨﻪ ﻧﺤﻠﻬﺎ ﺑﻴﻨﺎ ﻭﺑﻴﻨﻜﻢ .. ﻭﺷﺘﺄﻣﺮ ﺍﺣﻨﻪ ﺣﺎﻇﺮﻳﻦ .. ﻛﺘﻠﻪ ﺍﻧﻲ ﺍﺧﺎﻑ ﺍﻟﻠﻪ ﻣﺎ ﺍﺳﺘﻠﻢ ﺭﺷﺎﻭﻱ .. ﻛﺎﻝ ﺗﺘﻨﺪﻡ .. ﻛﺘﻠﻪ ﺍﻋﺘﺒﺮﻩ ﺗﻬﺪﻳﺪ ..

ﻛﺎﻝ ﺑﻜﻴﻔﻚ .. ﻭﻣﺸﺎ .. ﺍﻟﺒﺎﺭﺣﻪ ﺷﻤﺮﻭﻟﻲ ﺍﻟﻀﺮﻑ ﻋﻠﻰ ﻣﺎﺳﺤﺔ ﺳﻴﺎﺭﺗﻲ .. ﻛﺘﻠﻪ ﺣﺎﺭﺙ ﻭﻫﺴﻪ .. ﻛﺎﻝ .. ﺭﺍﺡ ﺍﺑﻠﻎ ﻋﻠﻴﻪ ﺑﺎﺟﺮ ﻭﺍﺗﺨﺬ ﺍﻻﺟﺮﺍﺀ ﺑﺤﻘﻪ ..

ﻛﺘﻠﻪ ﺣﺎﺭﺙ ﺧﺎﻳﻔﻪ .. ﻛﺎﻝ ﻻ ﺗﺨﺎﻓﻴﻦ ﺣﺒﻴﺒﻲ ﺍﻧﺸﺎﻟﻠﻪ ﻣﺎﻛﻮ ﺷﻲ .. ﺧﻠﻴﺖ ﺭﺍﺳﻲ ﻋﻠﻰ ﺻﺪﺭﻩ ﻭﻫﻮﻩ ﻳﻤﺴﺢ ﻋﻠﻰ ﺭﺍﺳﻲ ..

ﻟﺸﻮﻱ ﺑﺠﺖ ﺭﻗﻴﻪ .. ﻛﻤﺘﻠﻬﺎ ﺍﺳﻜﺖ ﺑﻴﻬﺎ .. ﺗﺒﺠﻲ .. ﻛﺎﻝ ﺟﻴﺒﻴﻬﺎ ﻫﺎﻱ ﺗﺴﻜﺖ ﻋﻠﻰ ﺻﺪﺭﻱ .. ﻣﺪﺩﻫﺎ ﻋﻠﻰ ﺻﺪﺭﻩ .. ﻭﺻﺪﻙ ﺑﺎﺳﺘﻪ ﻭﻧﺎﻣﺖ ..

ﺑﺎﺱ ﺭﺍﺳﻬﺎ ﻭﺍﺧﺬﻧﻲ ﻋﻠﻰ ﺍﻳﺪﻩ .. ﺣﻀﻨﺘﻪ ﻭﺣﻈﻨﺖ ﺭﻗﻴﻪ . ﺑﺲ ﺣﺎﻭﻟﺖ ﺍﻧﺎﻡ ﺍﻟﻨﻮﻡ ﻣﺎ ﻳﺎﺧﺬ ﻟﻌﻴﻨﻲ .. ﻫﻮﻩ ﺷﻔﺘﻪ ﻧﺎﻡ ..

🔹🔸🥇🔹🔸

ﻛﻌﺪﺕ ﺍﻟﺼﺒﺢ ﻳﻮﻡ 25 2011_1_ ﻳﺼﺎﺩﻑ ﻳﻮﻡ ﺍﻟﺜﻼﺛﺎﺀ ..

ﻣﺸﺒﻌﺎﻧﻪ ﻧﻮﻡ ﻛﻞ ﺗﻔﻜﻴﺮﻱ ﺑﺤﺎﺭﺙ .. ﺳﺒﺤﺖ ﻭﺑﺪﻟﺖ ﻭﻛﻌﺪﺗﻪ ﻟﻠﺪﻭﺍﻡ .. ﻛﻌﺪﺕ ﺍﻣﻜﻴﺞ ﻭﺍﻟﻒ ﺣﺠﺎﺑﻲ .. ﺩﺧﻞ ﻫﻮﻩ ..

ﺑﺪﻟﺖ ﺭﻗﻴﻪ ﻭﺣﻈﺮﺗﻠﻬﺎ ﻏﺮﺍﺿﻬﺎ .. ﻛﺎﻝ ﻫﺎ ﻛﻤﻠﺘﻲ .. ﻛﺘﻠﻪ ﺍﻱ ﻛﺎﻝ ﻳﻠﻪ ﺍﻃﻠﻌﻮ .. ﺍﺧﺬﺕ ﺟﻨﻄﺘﻲ ﻭﻃﻠﻌﻨﻪ ..

ﻭﺩﻳﻨﻪ ﺭﻗﻴﻪ ﻟﻠﺤﻈﺎﻧﻪ ﻭﻣﺸﻴﻨﻪ ﻭﺻﻠﻨﻲ ﻟﻠﻤﺴﺘﻮﺻﻒ .. ﺩﺭﺗﻠﻪ ﻭﺟﻬﻲ .. ﻟﻜﻴﺘﻪ ﻳﺒﺎﻭﻉ ﻋﻠﻴﻪ .. ﻃﻮﻝ ﺑﺼﻔﻨﺘﻪ ﺑﻌﻴﻮﻧﻲ ..

ﻛﺘﻠﻬﺎ ﻫﺎ ﺣﺎﺭﺙ .. ﻛﺎﻝ ﻣﺠﺎﻱ ﺍﺷﺒﻊ ﻣﻨﺞ .. ﻛﺘﻠﻪ ﻭﻻ ﺍﻧﻲ .. ﻛﺎﻝ ﺍﻭﻋﺪﻳﻨﻲ .. ﻛﺘﻠﻪ ﺑﺸﻨﻮ .. ﻛﺎﻝ ﻫﺎﻱ ﺍﻟﻌﻴﻮﻥ ﻣﺎ ﺗﺸﻮﻑ ﻏﻴﺮﻱ ..

ﻛﺘﻠﻪ ﺷﻬﻠﺤﺠﻲ ﺣﺎﺭﺙ ﻫﻨﻪ ﻧﺨﻠﻘﻦ ﺣﺘﻰ ﻳﺸﻮﻓﻨﻚ .. ﻣﺴﺘﺤﻴﻞ ﺗﺒﺎﻭﻉ ﻟﻐﻴﺮﻙ .. ﻛﺎﻝ ﺍﻧﻪ ﺍﻏﺎﺭ ﻟﻮ ﻧﻀﺮﺗﻲ ﻟﻮﺍﺣﺪ ﺑﺎﻟﺼﺪﻓﻪ .. ﺣﻴﻞ ﺍﻏﺎﺭ ..

ﺿﺤﻜﺖ .. ﻛﺘﻠﻪ ﻭﺍﻧﻲ ﻣﻴﻌﺠﺒﻨﻲ ﺑﻬﻠﻌﺎﻟﻢ ﻏﻴﺮﻙ .. ﻛﺎﻝ ﺍﻋﺸﻘﺞ .. ﻛﺘﻠﻪ ﺍﻣﻮﻭﻭﺕ ﻋﻠﻴﻚ .. ﺑﺴﺘﻪ ﺑﺨﺪﻩ ﻭﻧﺰﻟﺖ ﻣﻦ ﺍﻟﺴﻴﺎﺭﻩ ..

ﻛﺘﻠﻪ ﺩﻳﺮ ﺑﺎﻟﻚ ﻋﻠﻰ ﺭﻭﺣﻚ ﺣﻴﺎﺗﻲ ﻫﺰﻟﻲ ﺑﺮﺍﺳﻬﺎ ﻭﺣﺮﻙ ﺍﻟﺴﻴﺎﺭﻩ .. ﺍﻧﻲ ﺗﻤﺸﻴﺖ ﻟﻠﻤﺴﺘﻮﺻﻒ ﺍﻭﻝ ﻣﺠﺎﻱ ﺍﺩﺧﻞ ..

ﻭﺍﺳﻤﻊ ﺍﻟﺮﻣﻲ ﺻﺎﺭ ﻛﻮﻟﺶ ﻗﻮﻱ .. ﻭﺻﻮﺕ ﻓﺮﺍﻣﻞ ﺳﻴﺎﺭﻩ ﻭﺍﻧﺼﺪﺍﻡ .. ﺷﻤﺮﺕ ﺟﻨﻄﺘﻲ ﻭﺭﻛﻀﺖ ﻣﺮﻋﻮﺑﻪ .. ﻭﺭﻛﻈﻮ ﺍﻟﺤﺮﺱ ﻣﺎﻝ ﺍﻟﻤﺴﺘﻮﺻﻒ ﻭﻳﺎﻱ ..

ﺷﻔﺖ ﺍﻟﺴﻴﺎﺭﻩ ﺍﻟﺘﺮﻣﻲ ﺷﺤﻄﺖ ﺍﻟﺤﺮﺱ ﺭﻛﺒﻮ ﺳﻴﺎﺭﺗﻬﻢ ﻭﻟﺤﻜﻮﻫﺎ .. ﺍﺑﺎﻭﻉ ﻟﺤﺎﺭﺙ ..

ﺟﺎﻥ ﻻﺑﺲ ﻗﻤﻴﺺ ﺍﺑﻴﺾ .. ﺍﻟﻘﻤﻴﺺ ﺷﻔﺘﻪ ﺍﺣﻤﺮ ﻣﻦ ﻛﺪ ﻣﺎ ﻣﺰﺭﻓﻴﻦ ﺻﺪﺭﻩ ﺑﺎﻟﻄﻠﻖ .. ﺻﺮﺧﺖ ﺑﻼ ﻭﻋﻲ ﻭﻟﻚ ﺣﺎﺍﺍﺍﺍﺍﺍﺍﺍﺍﺭﺙ ﻻﺍﺍﺍﺍﺍﺍﺍﺍﺍﺍﺍﺍﺍ

ﻓﺘﺤﺖ ﺍﻟﺴﻴﺎﺭﻩ ﻭﻛﻊ ﺑﻴﻦ ﺍﺩﻳﻪ ﻭﺍﺻﺮﺥ ﺣﺎﺍﺍﺍﺍﺍﺍﺍﺍﺍﺭﺙ ﻟﻚ ﺣﺎﺭﺙ ﺍﻛﻌﺪ ﻓﺪﻭﻩ ﺣﺎﺍﺍﺍﺭﺙ ﺍﻟﺘﻤﻮ ﺍﻟﻨﺎﺱ ﻋﻠﻴﻪ ...

ﻭﺷﺎﻟﻮﻩ ﻣﻦ ﺍﺩﻳﻪ ﻭﺭﻛﻀﻮ ﺑﻴﻪ .. ﻭﺍﻧﻲ ﺍﺭﻛﺾ ﻭﺭﺍﻫﻢ .. ﺩﺧﻠﻮﻫﺎ ﻟﻠﻤﺴﺘﻮﺻﻒ .. ﺍﻟﺪﻛﺎﺗﺮﻩ ﺍﻟﺘﻤﻮ ﻋﻠﻴﻪ ﻭﺍﻧﻲ ﺍﻟﺰﻣﻪ ﻭﺟﻬﺎ ﺍﺑﻮﺱ ﺑﻴﻪ ﻭﺍﺻﺮﺥ ..

ﻛﺎﻝ ﺍﻟﺪﻛﺘﻮﺭ ﻣﺎﺕ .. ﺑﺎﻭﻋﺘﻠﻪ ﺑﻐﻀﺐ ﺻﺤﺖ ﻻﺍﺍﺍﺍ ﺣﺎﺭﺙ ﻣﻴﻤﻮﺕ ﻭﺍﻟﻠﻪ ﺣﺎﺭﺙ ﻳﺤﺒﻨﻲ ﻣﻴﻌﻮﻓﻨﻲ .. ﻻ ﺣﺎﺭﺙ ﻻﺍﺍ

ﺍﺑﺎﻭﻉ ﻟﻤﻼﻣﺤﻪ ﻭﺍﺑﻮﺱ ﺑﻌﻴﻨﻪ ﻭﺑﺤﻠﻜﻪ ﻭﺑﺨﺪﻩ ﻭﺍﻛﻮﻟﻪ ﻓﺪﻭﻩ ﺍﻛﻌﺪ ﻛﻮﻟﻲ ﺟﺬﺏ ﻣﻤﻴﺖ ﺣﺎﺭﺙ ﻓﺪﻭﻩ ..

ﻛﺎﻋﺪ ﺍﺑﺠﻲ ﻭﻃﺒﻮ ﻭﻟﺪ ﻋﻤﻪ ﻭﻋﻤﺎﻣﻲ ﻳﺼﺮﺧﻮﻥ ﻭﻳﺒﺠﻮﻥ .. ﻭﺍﻧﻲ ﺍﺻﺮﺥ ﺑﻼ ﻭﻋﻲ .. ﺷﺎﻟﻮﻩ ﻭﺍﺧﺬﻭﻩ

ﻛﺘﻠﻬﻢ ﺍﺭﻭﺡ ﻭﻳﺎﻛﻢ ﻛﺎﻟﻮ ﻣﻤﻨﻮﻉ .. ﺑﻘﻴﺖ ﺍﺻﺮﺥ ﻭﺍﺑﺠﻲ ﻻ ﺗﺎﺧﺬﻭ ﻣﻨﻲ ﺍﻟﺒﺎﺭﺣﻪ ﻧﺎﻳﻢ ﺑﺪﻳﻪ ﺣﺮﺍﻡ ﻋﻠﻴﻜﻢ ﻭﺍﻟﻠﻪ ..

ﺑﻘﻴﺖ ﺍﺻﺮﺥ ﺷﻤﺮﻭﻧﻲ ﺑﺎﻟﺒﻴﺖ ﻟﻜﻴﺖ ﺧﻮﺍﺗﻪ ﻭﻓﺎﻃﻤﻪ ﻭﺍﻟﻌﺎﻟﻢ ﻣﻠﺘﻤﻪ ﺗﺼﺮﺥ .. ﻛﺘﻠﻪ ﺟﺎﺳﻢ ﺍﺭﻭﺡ ﻭﻳﺎﻛﻢ ﻻ ﺗﻌﻮﻓﻮﻧﻲ .. ﻛﺎﻝ ﺭﻓﻞ ﺍﻛﻌﺪﻱ ﻟﺨﺎﻃﺮ ﻣﺤﻤﺪ ..

ﺻﺮﺧﺖ ﺑﻮﺟﻬﺎ ﺍﻋﺮﻑ ﻛﺘﺎﻝ ﺣﺎﺭﺙ ﺍﻋﺮﻓﻪ .. ﺩﺍﺭﻭ ﻭﺟﻬﻢ ﻋﻠﻴﻪ .. ﻛﺎﻝ ﻣﻨﻮ ﻛﺘﻠﻪ ﻣﻬﻨﺪ ﺻﻜﺒﺎﻥ ﺍﺧﻮﻩ ﺑﺎﻟﺴﺠﻦ ﺍﺳﻤﻪ ﻗﺎﺳﻢ ﺭﺍﺩﻭ ﺣﺎﺭﺙ ﻳﻄﻠﻌﻪ ﻭﻣﺎ ﻗﺒﻞ ﺑﺎﻟﺮﺷﻮﻩ ﻭﺩﺯﻭﻟﻪ ﺗﻬﺪﻳﺪ ..

ﺍﻧﻜﻠﺒﺖ ﺍﻟﺰﻟﻢ ﻛﻼﺏ ﻋﻤﺎﻣﻪ ﻛﻠﻬﻢ ﺷﻤﺮﻭ ﻋﻜﻠﻬﻢ ﻛﺎﻟﻮ ﺣﺎﺭﺙ ﻣﺎ ﻳﻨﺪﻓﻦ ﻭﻻ ﻋﻜﻠﻨﻪ ﺗﻜﻌﺪ ﻋﻠﻰ ﺭﻭﺳﻨﻪ ﺍﻻ ﻧﺎﺧﺬ ﺛﺎﺭﻩ ..

🔸🔹🥇🔸🔹

ﻛﻠﺒﻮ ﺑﻴﺖ ﻣﻬﻨﺪ ﻛﺼﺒﺎﻥ ﻛﻠﺐ ﻫﺪﻭ ﻋﻠﻴﻬﻢ ﺑﺎﻟﺒﻲ ﻛﻲ ﺳﻲ ﻭﺍﻟﺮﺷﺎﺷﺎﺕ ﺍﻟﺪﻧﻴﺎ ﺍﻧﻜﻠﺒﺖ ﻭﺍﻧﻲ ﻣﺘﺖ ﺍﻛﻠﻬﻢ ﺑﺲ ﺟﻴﺒﻮ ..

ﻋﺮﻓﺖ ﻣﻦ ﺳﺠﺎﺩ ﻫﻮﻩ ﺑﻴﺎ ﻣﺴﺘﺸﻔﻰ ﺍﺧﺬﺕ ﺣﺠﺎﺑﻲ ﻭﻃﻠﻌﺖ ﺑﻼ ﻭﻋﻲ .. ﺩﺧﻠﺖ ﺍﻟﺪﻛﺎﺗﺮﻩ ﻛﺘﻠﻬﻢ ﺍﺭﻳﺪ ﺍﺷﻮﻑ ﺣﺎﺭﺙ .. ﻛﺎﻟﻮ ﻣﻤﻨﻮﻉ ﻛﺘﻠﻬﻢ ﺍﻧﻲ ﺩﻛﺘﻮﺭﺓ ﺍﺳﻨﺎﻥ ﻭﻫﺬﺍ ﺍﻟﺒﺎﺝ ﻣﺎﻟﺘﻲ

ﺯﻭﺟﻲ ﻣﻘﺘﻮﻝ ﻫﻨﺎ ﺑﺲ ﺍﺷﻮﻓﻪ ﻓﺪﻭﻩ ﻭﺑﻘﻴﺖ ﺍﺑﺠﻲ .. ﻭﺩﻭﻧﻲ ﻟﻠﺜﻼﺟﻪ .. ﻓﺘﺤﻮ ﺍﻟﺜﻼﺟﻪ ﻭﻃﻠﻌﻮ ﺻﺮﺧﺖ ..

ﻛﺘﻠﻪ ﺍﻟﺒﺎﺭﺣﻪ ﺍﺟﻴﺘﻨﻲ ﺷﺎﺭﺩ ﻣﻦ ﻫﻮﺳﺔ ﺍﻃﻔﺎﻟﻚ ﻟﺤﻈﻨﻲ ﺍﻟﻴﻮﻡ ﺗﻌﻮﻓﻨﻲ ﻟﻴﺶ ﺗﻘﺒﻠﻬﺎ ﻏﻴﺮﺗﻚ ﻳﺎ ﻏﻴﻮﺭ .. ﺍﻛﻌﺪ ﻟﻚ ﻓﺪﻭﻩ ﺍﺭﻭﺡ ﻟﻌﻴﻮﻧﻚ ﺍﻛﻌﺪ ..

ﺿﻠﻴﺖ ﺍﻣﺴﺢ ﺑﻮﺟﻬﺎ ﺷﻔﺘﻪ ﺯﺭﻛﻪ ﺻﺎﻳﺮﻩ .. ﺑﺴﺘﻬﺎ .. ﻛﺎﻝ ﺍﻟﻮﻟﺪ ﻣﻴﺠﻮﺯ ﻛﺘﻠﻪ ﻋﻮﻓﻨﻲ ﺑﻘﻴﺖ ﺣﺎﻇﻨﺘﻪ ﻭﺍﺑﺠﻲ ..

ﺍﻟﻰ ﺍﻥ ﺍﺟﻪ ﺟﺎﺳﻢ ﻭﺧﺮﻧﻲ ﻣﻨﺎ ﻛﺎﻝ ﺻﺪﻙ ﺟﺬﺏ ﺍﻃﻠﻌﻴﻦ ﺑﻬﻠﻴﻞ ﻭﺍﻧﺘﻲ ﺣﺮﻣﻪ ﻭﺣﺪﺝ ..

ﺍﺧﺬﻧﻲ ﻭﻭﺩﻭﻧﻲ ﻟﻠﺒﻴﺖ ﻟﻜﻴﺖ ﺍﻣﻲ ﺗﻠﻜﺘﻨﻲ ﺗﺼﺮﺥ ﻛﺘﻠﻬﺎ ﻳﻤﻪ ﺭﺍﺡ ﺣﺒﻴﺒﻲ ﺭﺍﺡ ﺿﻮﻩ ﻋﻴﻮﻧﻲ ﻳﻤﻪ ﻛﻠﺒﻲ ﻣﺎﺍﺍﺍﺍﺕ .. ﺑﻘﺖ ﺷﺎﺑﻜﺘﻨﻲ ﻭﺗﺒﺠﻲ ..

ﺍﻣﻪ ﺗﺨﺮﺑﻄﺖ ﻭﻭﺩﻭﻫﺎ ﻟﻠﻤﺴﺘﺸﻔﻰ ﺧﻮﺍﺗﻪ ﺷﺎﻛﺎﺕ ﻫﺪﻭﻣﻬﻦ ﻭﺍﻟﺨﺪ ﻛﻠﻪ ﺩﻡ ﻭﻓﺎﻃﻤﻪ ﻛﺬﻟﻚ ..

ﺑﻘﺖ 3 ﺍﻳﺎﻡ ﺍﻟﻨﺎﺱ ﻛﺎﻣﺖ ﺗﺘﻌﺎﺭﻙ ﻋﻤﺎﻣﻪ ﺗﻜﻮﻝ ﻣﺎ ﻧﺪﻓﻨﻪ ﻟﺤﺪ ﻣﺎ ﻧﻜﺘﻞ ﻛﺘﺎﻟﺘﻪ ﻭﻧﺎﺱ ﺗﻜﻮﻝ ﺍﻛﺮﺍﻡ ﺍﻟﻤﻴﺖ ﺩﻓﻨﻪ ﺣﺮﺍﻡ ﻋﻠﻴﻜﻢ

ﻭﻓﻌﻼ ﻛﺘﻠﻮ ﻣﻬﻨﺪ ﻭﺟﻤﺎﻋﺘﻪ ﻭﺟﺎﺑﻮﻫﻢ .. ﺟﺜﺚ ﻭﺟﺎﺑﻮ ﺗﺎﺑﻮﺕ ﺣﺎﺭﺙ ﺗﺨﺒﻠﻨﻪ ﺑﺠﻲ ﺯﻟﻐﺖ ﻭﺟﻬﻲ ﻟﻄﻤﺖ ﺍﺧﺬﻭ ﻭﺷﻴﻌﻮﻩ

ﺍﻟﺰﻟﻢ ﻛﻮﻣﻪ ﻟﻤﺖ ﺍﻟﺪﻧﻴﺎ ﻣﺤﺎﻓﻈﺎﺕ ﺍﻧﻜﻠﺒﺖ ﻋﻠﻴﻪ ﺍﻟﻔﺮﻉ ﻣﻦ ﺍﻟﺮﺍﺱ ﻟﻠﺮﺍﺱ ﺍﻧﺘﺮﺱ ﻧﺎﺱ ﺟﻴﺶ ﻭﺷﺮﻃﻪ ﻭﻋﺸﺎﻳﺮ ..

ﺣﺘﻰ ﻣﻨﻌﻮﻧﻪ ﻣﻦ ﻧﻄﻠﻊ ﺑﺘﺸﻴﻴﻌﻪ ﻻﻥ ﻛﻠﻬﺎ ﺯﻟﻢ .. ﻛﺘﻠﺖ ﺭﻭﺣﻲ ﺑﻐﻴﺎﺑﻪ .. ﺷﻠﻮﻥ ﺍﻋﻴﺶ ﺑﺪﻧﻴﺎ ﻭﺣﺎﺭﺙ ﻣﺎﺑﻴﻬﺎ .. ﻭﻟﻚ ﺍﻧﺘﻪ ﻣﺎ ﻧﻬﻴﺖ ﻋﻠﻰ ﺯﻭﺍﺟﻲ ﻧﻬﻴﺖ ﻋﻠﻰ ﺣﻴﺎﺗﻲ ﻟﻴﺶ ﺣﺎﺭﺙ ﻟﻴﺶ

ﻛﻤﻠﺖ ﺍﻟﻔﺎﺗﺤﻪ ﻭﺍﻻﺭﺑﻌﻴﻦ ﺍﻣﻪ ﺣﺎﻟﺘﻬﺎ ﻓﺪ ﻣﺮﻩ ﻣﺎ ﺻﺤﺖ ﺧﻠﺼﺘﻬﺎ ﺑﺎﻟﻤﺴﺘﺸﻔﻴﺎﺕ ﻣﻦ ﺗﻜﻌﺪ ﺗﻀﻞ ﺗﻠﻄﻢ ﻭﺗﺒﺠﻲ ﻭﺗﺼﻴﺢ ﻭﺣﻴﺪﻱ ﺿﻲ ﻋﻴﻨﻲ ﺍﺑﻮ ﺑﻴﺘﻲ ﺭﺍﺡ ﻭﺗﺘﺨﺮﺑﻂ ﻭﻳﺮﺟﻌﻮﻫﺎ ﻟﻠﻤﺴﺘﺸﻔﻰ ..

ﻟﺤﺪ ﻣﺎﻣﺎﺗﺖ ﻭﺭﺍﻩ ﻗﺒﻞ ﺍﻻﺭﺑﻌﻴﻦ ﻣﺎﻟﺘﻪ ﻫﻢ ﺍﻟﺪﻧﻴﺎ ﺍﻧﻜﻠﺒﺖ ﻋﻠﻰ ﻓﺎﺗﺤﺘﻬﺎ .. ﺩﻋﻴﺖ ﺍﻟﻠﻪ ﻳﺎﺧﺬ ﻋﻤﺮﻱ ﻭﺭﺍﻩ ﻣﺜﻞ ﻣﺎ ﺧﺬﻩ ﺍﻣﻪ ﺑﺴﺎﻉ ..

ﻣﻦ ﺑﻌﺪ ﺍﻻﺭﺑﻌﻴﻦ ﻣﺎﻝ ﻋﻤﺘﻲ ﺭﺟﻌﺖ ﻟﺒﻴﺖ ﺍﻫﻠﻲ ..

ﻋﺸﺖ ﻋﺪﻫﻢ ﺑﺲ ﺷﻌﺎﻳﺸﻪ ﺟﺴﺪ ﺑﻼﻳﻪ ﺭﻭﺡ .. ﺑﻌﺪﻳﻦ ﺣﻠﻠﺖ ﻃﻠﻌﺖ ﺣﺎﻣﻞ ﻣﻦ ﻋﻨﺪﻩ ﻭﻋﻠﻴﻪ 3 ﺍﺷﻬﺮ ﻭﻣﺎ ﺍﺩﺭﻱ ﺑﻨﻔﺴﻲ

ﺧﻠﺼﺖ ﻟﻴﻠﻲ ﺑﺎﻟﺒﺠﻲ ﺍﺑﻮﻳﻪ ﺍﻣﻲ ﻛﺘﻠﻮ ﺭﻭﺣﻬﻢ ﻋﻠﻰ ﻣﻮﺩﻱ ﺑﻨﺘﻲ ﻫﺠﺮﺗﻬﺎ ﻧﺴﻴﺘﻬﺎ ﺑﻘﺖ ﻋﺪ ﺍﻣﻲ .. ﺻﺎﺭ ﻋﻠﻴﻪ 9 ﺍﺷﻬﺮ ﻭﺍﻧﻲ ﺣﺘﻪ ﻣﺮﺍﻳﺤﻪ ﺩﻛﺘﻮﺭ ﻭﻻ ﺍﻋﺮﻑ ﺟﻨﺲ ﺍﻟﻄﻔﻞ ﺍﺻﻼ ..

ﺟﺒﺖ ﻭﻟﺪ ﻣﻦ ﺷﻔﺘﻪ ﻣﺘﺖ ﺑﺠﻲ .. ﻳﺸﺒﻪ ﺍﺑﻮ ﺑﺲ ﺍﻟﻤﻦ ﺟﺎﻳﺒﺘﻪ ﻭﺍﺑﻮﻩ ﻣﺎﻛﻮ ﻳﺎﺭﺑﻲ ﺣﺮﻛﻪ ﻛﻠﺒﻲ ﻣﺎ ﻋﺎﺩ ﻳﺘﺤﻤﻞ ..

ﻛﺎﻟﻮ ﺷﺘﺴﻤﻴﻪ .. ﻛﺘﻠﻬﻢ ﺍﺳﻤﻴﻪ ﺣﺎﺭﺙ .. ﻛﺎﻟﻮ ﻻ ﻛﺘﻠﻬﻢ ﺍﺑﺪ ﻫﻮﻩ ﻣﺎﺕ ﻭﺧﻠﻪ ﺭﻭﺣﻪ ﺍﺑﻄﻨﻲ ..

ﻣﺮﺕ ﺍﻟﺴﻨﻴﻦ ﻭﺍﻧﻲ ﺑﺲ ﺍﺗﺴﻤﻪ ﻋﺎﻳﺸﻪ .. ﺍﺷﺘﻐﻠﺖ ﺑﻤﺴﺘﺸﻔﻰ ﺍﻟﻜﺮﺥ ﻭﺍﺩﺭﺱ ﻟﺸﻬﺎﺩﺍﺕ ﻋﻠﻴﺎ ..

ﺍﻣﻲ ﺑﻄﻠﺖ ﻣﻦ ﻭﺿﻴﻔﺘﻬﺎ ﻛﺮﺳﺖ ﻛﻞ ﻭﻗﺘﻬﺎ ﻻﻃﻔﺎﻟﻲ .. ﻛﺘﻠﻬﺎ ﻟﻴﺶ ﻣﺎﻣﺎ ﻛﺎﻟﺖ ﺍﻧﻲ ﺻﺎﺭﻟﻲ ﺍﻛﺜﺮ ﻣﻦ 20 ﺳﻨﻪ ﺍﻇﺘﻐﻞ ﺍﺭﻳﺪ ﺍﺭﺗﺎﺡ ﻭﺍﺗﻔﺮﻍ ﻻﺣﻔﺎﺩﻱ ..

ﻓﺎﻃﻤﻪ ﺳﻤﻌﺖ ﺑﺨﺒﺎﺭﻫﺎ ﻣﺘﺴﺮ .. ﺍﻫﻠﻬﺎ ﻣﺘﻌﺎﺭﻛﻴﻦ ﻭﻳﺎﻫﺎ .. ﻳﻜﻠﻮﻟﻬﺎ ﺷﻤﺮﻱ ﺟﻬﺎﻟﺞ ﻭﺍﺗﺰﻭﺟﻲ ﻣﺎ ﻧﺘﺤﻤﻠﺞ ﺍﻧﺘﻲ ﻭﺟﻬﺎﻟﺞ ..

ﻭﻫﻴﻪ ﺗﺒﺠﻲ ﻭﺗﺼﺮﺥ ﻣﺎ ﺍﻋﻮﻑ ﺟﻬﺎﻟﻲ .. ﺭﺍﻳﺤﻪ ﻋﺎﻳﺸﻪ ﻋﺪ ﻋﻤﻲ ﺷﺎﻛﺮ ﻣﺎﺧﺬﻫﺎ .. ﻛﻠﺖ ﺍﻟﺒﺎﺑﺎ ﺟﻴﺒﻬﺎ ﻫﻨﺎ

ﻧﻨﻄﻴﻬﺎ ﻏﺮﻓﻪ ﻭﺟﻬﺎﻝ ﺣﺎﺭﺙ ﺍﻧﻲ ﺍﺻﺮﻑ ﻋﻠﻴﻬﻢ ﻣﺎﻗﺒﻠﺖ . ﺗﺠﻲ .. ﺧﻮﺍﺕ ﺣﺎﺭﺙ ﺍﺗﺰﻭﺟﻦ ﻭﺍﻟﻤﺎ ﺗﺰﻭﺟﺖ ﻛﻌﺪﺕ ﺑﺎﻟﺒﻴﺖ

ﻓﺎﻃﻤﻪ ﻣﺘﻌﺎﺭﻛﻪ ﻭﻳﻪ ﺧﻮﺍﺗﻪ ﻭﻣﺎ ﻗﺎﺑﻼﺕ ﺗﻌﻴﺶ ﻭﻳﺎﻫﻦ .. ﻋﺎﺩ ﺭﻓﻌﺖ ﻗﻀﻴﻪ ﻋﻠﺒﻴﺖ ﻫﻮﻩ ﺑﺄﺳﻢ ﺣﺎﺭﺙ ..

ﻛﺎﻟﻦ ﻫﺬﺍ ﺑﻴﺖ ﺍﺑﻮﻧﻪ ﻣﺎ ﻧﻌﻮﻓﻪ .. ﻛﺘﻠﻬﻢ ﺑﺲ ﺑﺄﺳﻢ ﺣﺎﺭﺙ .. ﺗﺒﻴﻌﻮﻥ ﺍﻟﺒﻴﺖ ﻭﺗﻨﻄﻮﻧﻪ ﺣﺼﺼﻨﻪ ﻟﻮ ﺍﺳﻮﻳﻬﺎ ﻗﺎﻧﻮﻥ ..

ﺍﺧﺮ ﺷﻲ ﺍﺩﺧﻠﻮ ﻋﻤﺎﻣﻨﻪ .. ﻛﺎﻟﻮ ﺷﻨﻮ ﺍﻟﺘﺮﻳﺪﻱ ﻓﻠﻮﺱ .. ﻛﺘﻠﻬﻢ ﻻ ﺍﺭﻳﺪ ﻧﺺ ﺍﻟﺒﻴﺖ .. ﻛﺎﻟﻮ ﺍﻧﺘﻲ ﻣﺎ ﻣﺤﺘﺎﺟﻪ .. ﻛﺘﻠﻬﻢ ﻋﺎﺟﺒﻨﻲ ﺍﺧﺬﻩ ..

ﺍﺧﺬﺕ ﻧﺺ ﻣﻨﻪ ﻭﻗﺴﻤﺘﻪ ﻭﺍﻧﻄﻴﺖ ﻣﻔﺎﺗﻴﺤﻪ ﻟﻔﺎﻃﻤﻪ .. ﻛﺘﻠﻬﺎ ﻻ ﺗﺨﻠﻴﻦ ﺍﻃﻔﺎﻝ ﺣﺎﺭﺙ ﻣﺸﺮﺩﻳﻦ ﺑﺎﻟﺒﻴﻮﺕ .. ﻭﺭﺍﺗﺐ ﺍﻃﻔﺎﻟﻪ ﻳﻮﺻﻠﺞ ﻛﻞ ﺷﻬﺮ ..

ﻋﺎﺩ ﺍﺑﻮﻳﻪ ﻭﻋﻤﺎﻣﻲ ﺧﺼﺼﻮ ﺭﺍﺗﺐ ﻛﻞ ﺷﻬﺮ .. ﻟﺤﺪ ﻣﺎ ﻃﻠﻊ ﺭﺍﺗﺐ ﺣﺎﺭﺙ ﻣﺎﻝ ﺷﻬﻴﺪ .. ﺍﺗﻨﺎﺯﻟﺖ ﻋﻨﻪ ﺍﻟﻬﺎ ..

ﻭﺍﻧﻲ ﻋﺸﺖ ﺍﺑﻴﺖ ﺍﻫﻠﻲ .. ﻣﺮﺕ 6 ﺳﻨﻴﻦ ﻋﻠﻰ ﻣﻮﺕ ﺣﺎﺭﺙ ﻭﻟﻠﻴﻮﻡ ﺟﻤﺮﺕ ﻓﺮﺍﻛﻪ ﻣﺎ ﻃﻔﺖ ﺑﺪﺍﺧﻠﻲ ..

ﻛﻞ ﻟﻴﻠﻪ ﺍﺷﻐﻞ ﺍﻏﻨﻴﺔ ﺍﺣﺒﺎﺏ ﺍﻟﺮﻭﺡ ﺟﺮﺣﻮﻧﻲ ﺭﺍﺣﻮ ﻟﺒﻌﻴﺪ ﻭﺧﻠﻮﻧﻲ .. ﻭﺍﺗﺬﻛﺮﻩ ﻭﺍﺑﺠﻲ ﺟﻨﻪ ﺍﻟﺒﺎﺭﺣﻪ ﻣﺎﺕ .. ﻭﺍﺗﺬﻛﺮ ﺍﺧﺮ ﻛﻠﻤﻪ ﻃﻠﻌﺖ ﻣﻦ ﺣﻠﻜﻪ ﺍﻋﺸﻘﺞ

ﻫﻮﺍﻱ ﺍﺗﻘﺪﻣﻮ ﺍﻟﺨﻄﺒﺘﻲ .. ﺍﻟﺪﻛﺘﻮﺭ ﻭﺍﻟﺘﺎﺟﺮ ﻭﺣﺘﻰ ﺍﻭﻻﺩ ﻣﺴﺆﻟﻴﻦ .. ﺑﺲ ﺍﺑﺪ ﻣﺎ ﺍﻭﺍﻓﻖ ﻭﻻ ﺭﺍﺡ ﺍﻗﺒﻞ ﺑﻐﻴﺮ ﺣﺎﺭﺙ ﻳﻤﺴﻨﻲ .. ﻟﻮ ﺗﺼﺪ ﻋﻴﻮﻧﻲ ﻟﻐﻴﺮﻩ ..

ﻭﻟﻬﻨﺎ ﺗﺨﻠﺺ ﻗﺼﺘﻲ ﺑﻨﻬﻮﺓ ﺣﺎﺭﺙ ﺍﻟﻠﻲ ﻧﻬﻰ ﺣﻴﺎﺗﻲ ﺑﻨﻬﻮﺓ ﻣﻮﺗﻪ .. ﺍﺫﺍ ﺗﺤﺒﻮﻧﻲ ﺍﺩﻋﻮﻟﻲ ﺍﻣﻮﺕ ﻭﺍﻟﺤﻜﻪ . ‏( ﺭﻓﻞ ‏) ﺯﻳﻨﺐ ﻣﺎﺟﺪ

🌺🌺🌺🌺🌺🌺

ﻭﻟﻬﻨﺎ ﺗﻨﺘﻬﻲ ﻗﺼﺘﻲ ﺑﻨﻬﻮﺓ ﺣﺎﺭﺙ ﺻﺢ ﻣﺆﻟﻤﻪ ﻟﻜﻦ ﻛﺎﻥ ﻻﺯﻡ ﺍﺳﺮﺩ ﻋﺸﻖ ﻫﻠﺮﺟﻞ ﺍﻟﻠﻲ ﻣﺎﺕ ﻭﻫﻮﻩ ﻳﻮﺻﻒ ﺣﺒﻪ .. ﻫﺬﻱ ﺍﻭﻝ ﻗﺼﻪ ﺍﺳﺮﺩﻫﺎ ﺑﻠﺴﺎﻥ ﺭﺟﻞ ﺑﺎﻟﺒﺪﺍﻳﻪ .. ﻓﻘﻂ ﻻﻥ ﺻﺎﺣﺒﺔ ﺍﻟﻘﺼﻪ ﻃﻠﺒﺖ ﻣﻨﻲ ﻫﻠﺸﻲ .. ﻻﻥ ﻫﻴﻪ ﺑﺎﻟﺒﺪﺍﻳﻪ ﻛﺎﻧﺖ ﺗﻜﺮﻩ ﻭﺗﺪﻋﻲ ﻋﻠﻴﻪ .. ﻛﺎﻟﺖ ﻣﺎ ﺍﺭﻳﺪ ﺗﺴﺮﺩﻳﻬﺎ ﺑﻠﺴﺎﻧﻲ .. ﺧﺎﻑ ﻳﺒﻴﻦ ﺑﺎﻟﺒﺪﺍﻳﻪ ﺣﻘﻴﺮ ﻭﻳﺪﻋﻮﻥ ﻋﻠﻴﻪ .. ﻣﺜﻞ ﻣﺎ ﺟﻨﺖ ﺍﺩﻋﻲ ﻋﻠﻴﻪ .. ﻟﺬﻟﻚ ﺳﺮﺩﺗﻬﺎ ﺑﻠﺴﺎﻧﻪ ﺍﻟﻠﻪ ﻳﺮﺣﻤﻪ .. ﺍﺗﻤﻨﻰ ﺍﺳﺘﻔﺪﺗﻮ ﻣﻦ ﺍﻟﻘﺼﻪ ﻭﺍﺳﺘﻤﺘﻌﺘﻮ ﺑﻴﻬﺎ ﺗﺤﻴﺎﺗﻲ ﺍﻟﻜﻢ ﺯﻳﻨﺐ ﻣﺎﺟﺪ ..

🔹🔸🥇🔹🔸

تحيات

فريق روايات - Novels 🥇

تحيات 

فريق تطبيق قصص عراقية 🥈

تحيات 

مطور التطبيق 

سيد مرتضى الموسوي 

. 

تابعوا جديدنا على تيليجرام 

@novels1234

🔸🔹🥇🔸🔹

الي عدها رواية تحب تكتبها يوجد فريق كاتبات حترافي في خدمتكم

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤