رواية امي تبحث عن عريس الجزء الثالث

..

رواية امي تبحث عن عريس الجزء الثالث

للكاتبة أزهار ذابله

...

ﺍﻣﺸﻲ ﻛﺪﺍﻣﻲ ﺍﺣﺴﺎﺑﺞ ﺑﺎﻟﺒﻴﺖ ..

ﺍﻭﻝ ﻣﺪﺧﻠﻨﺎ ﺍﻟﺒﻴﺖ ﺻﺮﺧﺖ ﺍﻣﻲ ﻭﻟﻤﺘﻬﻢ ﻛﻠﻬﻢ ﻋﻠﻴﻨﺎ ﻭﺧﺒﺼﺖ ﺍﻟﺒﻴﺖ ..

ﻛﺮﻳﻢ : ﺷﻜﻮﻭ ﺷﺼﺎﺭ ﻭﻳﺎﻛﻢ ﻭﻳﻦ ﺟﻨﺘﻮﺍ ﻭﻟﻴﺶ ﺍﺗﺼﻴﺤﻴﻦ ﻳﻤﻪ ﺑﺲ ﺧﻠﻲ ﻧﻔﺘﻬﻢ ?..

ـ ﺍﻡ ﻛﺮﻳﻢ : ﺍﺭﻳﺪ ﺍﺣﻤﺪ ﺍﺭﻳﺪ ﺍﻟﻴﻮﻡ ﺍﻣﻮﺗﻪ ﺍﻟﻴﻮﻡ ﻣﺎﻳﻈﻞ ﺑﺎﻟﺒﻴﺖ ﺍﻟﻴﻮﻡ ﻟﻮ ﺍﻧﻲ ﻟﻮ ﻫﻮ ..

ـ ﺍﻧﻴﻦ : ﻳﻤﻪ ﻛﺎﻓﻲ ﺧﻠﻲ ﻫﺴﻪ ﻭﻳﻦ ﻳﺮﻭﺡ ﻭﺍﻧﺘﻲ ﺗﻌﺮﻓﻴﻦ ﻫﻮ ﺷﻐﻠﻪ ﻣﻮ ﻫﻠﻜﺪ ..

ـ ﺍﻡ ﻛﺮﻳﻢ : ﻭﺍﻧﺘﻲ ﻻ ﺗﺤﺠﻴﻦ ﺍﺭﻳﺪ ﻫﺬﺍ ﻫﺬﺍ ﺍﻟﻬﺬﺍﻙ ﺍﻟﻴﻮﻡ ﺻﺎﺭ ﻭﻫﺴﻪ ﻳﺮﻳﺪ ﻳﻜﺒﺮ ﺑﺮﺍﺳﻲ ﻭﺍﻟﻠﻪ ﺍﻟﺨﻠﻘﻪ ﺍﻟﻴﻮﻡ ﺍﻋﻠﻤﻪ ﻭﺍﺭﺩ ﺍﺭﺑﻲ ﻣﻦ ﺟﺪﻳﺪ ﻫﺎﻱ ﺗﺮﺑﻴﺘﻲ ﻫﺎﻱ ﺟﺰﺍﺗﻲ ﻛﺴﺮﺕ ﻇﻬﺮﻱ ﻋﻠﻴﻜﻢ ﻫﺎﺍﺍﺍﺍ ﻣﺎﺍﻋﺮﻑ ﺍﺗﺰﻭﺝ ﻣﺎﺍﻋﺮﻑ ﺍﺷﻤﺮﻛﻢ ﺣﺎﻟﻲ ﻣﻦ ﺣﺎﻝ ﻫﺎﻱ ﺍﻟﻨﺴﻮﺍﻥ ﻣﺎﺍﻋﺮﻑ ﻭﻟﻮ ﺍﺩﺭﻱ ﺑﻴﻜﻢ ﻫﻴﺞ ﺍﻃﻠﻌﻮﻥ ﻻ ﺍﺷﻤﺮﻛﻢ ﻭﺍﺗﺰﻭﺝ ﺑﺲ ﻻ ﺣﺎﺭﺑﺖ ﻉ ﻣﻮﺩﻛﻢ ...

ﻳﺠﻲ ﻋﻤﻜﻢ ﺍﺗﻌﺎﺭﻙ ﻭﻳﺎﻩ ﻭﺍﻃﺮﺩﻩ ﻭ ﺍﺧﺬﻛﻢ ﺑﺤﻀﻨﻲ ﻭ ﺷﻜﺪ ﺳﻬﺮﺕ ﻭﺩﺍﺭﻳﺖ ﻭﺍﺷﺘﻐﻠﺖ ﻭﺧﻠﻴﺘﻜﻢ ﺍﺛﻨﻴﻦ ﺯﻟﻢ ﻭﻣﺮﺍﺓ ...

ﻣﻮ ﻫﺬﺍ ﺍﻟﺼﺎﺭ ﻭﺷﻨﻮ ﺳﻮﻳﺘﻮﻟﻲ ﺟﺎﻭﺑﻮﺍ ﺷﻨﻮ ﺍﻟﻲ ﺍﺧﺬﺗﻪ ﻣﻨﻜﻢ ﺍﺣﺠﻮﻭﻭﻭﻭ .

ـ ﻛﺮﻳﻢ : ﻳﻤﻪ ﻛﺎﻓﻲ ﻣﻮ ﺯﻳﻦ ﻋﻠﻴﺞ ﺿﻐﻄﺞ ﻳﺮﺗﻔﻊ ﺑﺲ ﺍﻫﺪﺋﻲ ﻭﺍﺭﺗﺎﺣﻲ ﻭﺧﻠﻲ ﻧﻔﺘﻬﻢ ﺷﻨﻮ ﺍﺣﻤﺪ ﺷﻤﺴﻮﻱ ﻭﺍﻟﻠﻪ ﺍﻧﻲ ﺍﻃﻴﺢ ﺣﻈﻪ ﻭﻻ ﺗﻀﻮﺟﻴﻦ ﻧﻔﺴﺞ ..

ﺍﻡ ﻛﺮﻳﻢ : ﻛﻠﻜﻢ ﺭﻭﺣﻮﺍ ﻣﻦ ﻭﺟﻬﻲ ﻣﺎﺍﺭﻳﺪ ﺍﺷﻮﻓﻜﻢ ﻭﺍﻧﺘﻲ ﻭﻧﻴﻦ ﺑﻌﺪﻳﻦ ﺍﺣﺴﺎﺑﺞ ﻭﻫﺬﺍ ﺍﺣﻤﺪ ﻣﺎﻳﻈﻞ ﺑﺎﻟﺒﻴﺖ ﻫﺎﻱ ﺍﻟﺤﻴﻪ ﻣﺮﺗﻪ ﺳﻤﻌﺘﻨﻲ ﻭﻫﺴﻪ ﺍﺗﺨﺎﺑﺮﻩ ﻭﺗﻜﻠﻪ ﻣﺎﺍﺭﻳﺪ ﺍﺷﻮﻑ ﻭﺟﻪ .

ـ ﻛﺮﻳﻢ : ﺍﻧﻴﻦ ﺷﻨﻮ ﺻﺎﺭ ﻭﻳﻦ ﺟﻨﺘﻮﺍ ﻭﺷﺒﻴﻬﺎ ﺍﻣﻲ !..

ـ ﺍﻧﻴﻦ : ﺧﻠﻴﻬﺎ ﺗﺮﺗﺎﺡ ﺑﻌﺪﻳﻦ ﻫﻲ ﺗﺮﺿﻪ ﻭﺳﺎﻟﻔﺔ ﺍﺣﻤﺪ ﻣﺎﺍﻋﺮﻑ ﺷﻠﻮﻥ ﺍﺣﺠﻴﻬﺎ ﻭﺍﻟﻠﻪ ﺍﺧﺠﻞ ﻣﻨﻚ ﺑﺲ .. ﻫﻲ .... ﻣﺎﺍﺍﺍ ..

ﻛﺮﻳﻢ : ﺧﻠﺺ ﺍﻧﻴﻦ ﺍﺣﺠﻲ .....

ﺍﻧﻴﻦ : ﺍﺣﻤﺪ .. ﺍﺍ .. ﺍﺣﻤﺪ ﺟﺬﺏ ﻋﻠﻴﻨﺎ ﻭﺳﻤﻴﺮ ﺧﻮﺵ ﺭﺟﺎﻝ ﺑﺲ ﻫﻮ ﺟﺬﺏ ..

ﻛﺮﻳﻢ : ﻟﻴﺶ ﻟﻴﺶ ﻫﻴﺞ ﻳﺴﻮﻱ ﻭﺍﻣﻲ ﺷﻠﻮﻥ ﻋﺮﻓﺖ ?..

ـ ﺍﻧﻴﻦ : ﻭﺣﺪﻩ ﺗﻌﺮﻓﻬﻢ ﺍﺳﻤﻬﺎ ﺍﻡ ﺳﺎﻟﻢ ﻫﻲ ﻛﺎﻳﻠﻪ ﻟـ ﺍﻣﻲ ﻭﺍﻟﺮﺟﺎﻝ ﻃﻠﻊ ﺣﺘﻪ ﺍﻡ ﻣﺎﻋﻨﺪﻩ ﻭﺭﺟﺎﻝ ﻣﺪﺭﺱ ﻛﻴﻤﻴﺎﺀ ﻭﻣﺴﺘﻘﻞ ﻋﻦ ﺍﻫﻠﻪ ﺑﺲ ﻫﻮ ﻣﻨﻔﺼﻞ ﻋﻦ ﺯﻭﺟﺘﺔ ﻻﻥ ﻣﻤﺘﻔﺎﻫﻤﻴﻦ ..

ﻛﺮﻳﻢ : ﺧﻠﻲ ﺑﺲ ﻳﺠﻲ ﻭﺍﻧﻲ ﺍﻋﻠﻤﻪ ﻫﺬﺍ ﺍﻟﺤﻘﻴﺮ ﻟﻴﺶ ﻫﻴﺞ ﻣﻴﺨﺎﻑ ﺍﻟﻠﻪ ..

ﺍﻧﻴﻦ : ﻳﻌﻨﻲ ﺍﻧﺴﻜﺖ ﺍﻣﻲ ﺗﺮﺟﻊ ﺍﻧﺖ ﺑﺲ ﺍﺫﻛﺮ ﺍﻟﻠﻪ ﻭﺍﺭﺗﺎﺡ ﻣﻮ ﺯﻳﻦ ﻫﻴﺞ ﺍﺗﻌﺼﺐ ﺧﻠﺺ ﺑﻌﺪ ﻫﻮ ﻫﺬﺍ ﻧﺼﻴﺒﻲ ﻭﻛﻞ ﻣﺮﻩ ﻻﺯﻡ ﻳﺼﻴﺮ ﺷﻲ ﻭﺗﺨﺮﺏ ﺍﻟﺨﻄﻮﺑﻪ ﻗﺒﻞ ﻻ ﺗﺼﻴﺮ ﺑﻌﺪ ﺍﺗﻌﻮﺩﺕ ﻫﻮ ﺍﻭﻝ ﻣﺮﻩ ..

ﻛﺮﻳﻢ : ﻟﻴﺶ ﻣﺴﻠﻤﻪ ﺍﻣﺮﺝ ﻟـ ﺍﻟﻨﺎﺱ ﻟﻴﺶ ﻫﺬﺍ ﺍﻟﺨﻀﻮﻉ ?..

ﺍﻧﻴﻦ : ﺍﻧﻲ ﻣﺴﻠﻤﻪ ﺍﻣﺮﻱ ﻟﻠﻪ ..

ﺗﺮﻛﺖ ﻛﺮﻳﻢ ﻭﺩﺧﻠﺖ ﻳﻢ ﺍﻣﻲ ﺧﻄﻴﻪ ﺍﻟﻴﻮﻡ ﺿﻮﺟﺘﻬﺎ ﻭﻫﻲ ﻣﺘﺘﺤﻤﻞ ﺑﺴﺮﻋﻪ ﺗﻌﺼﺐ ﻭﻳﺮﺗﻔﻊ ﺿﻐﻄﻬﺎ ...

ﻳﻤﻪ ﺍﻧﻲ ﺍﺳﻔﻪ ﻓﺪﻭﻭﻩ ﺳﺎﻣﺤﻴﻨﻲ ﺑﺲ ﻭﺍﻟﻠﻪ ﺗﻌﺒﺖ ﺗﻌﺒﺖ ﻣﻦ ﻛﻞ ﻫﺬﺍ ..

ـ ﻣﺎﺍﺭﻳﺪ ﺍﺷﻮﻑ ﻭﺟﻬﺞ ﻭﻟﻮ ﻣﺎ ﺍﺑﻨﻴﻪ ﻃﺮﺩﺗﺞ ﻭﻳﻪ ﺍﺧﻮﺝ ﺑﺲ ﻛﻠﺒﻲ ﻣﺎﻳﻨﻄﻴﻨﻲ ..

ـ ﻳﻤﻪ ﺳﺎﻣﺤﻴﻨﻲ ﻭﺍﻟﻠﻪ ﻣﻠﻴﺖ ﻣﻠﻴﺖ ﺗﺪﺭﻳﻦ ﻣﻦ ﻛﺪ ﺍﻟﻀﻐﻂ ﻭﺍﻟﺘﻔﻜﻴﺮ ﻭﻣﻦ ﺍﺗﺠﺒﺮﻳﻨﻲ ﺍﺭﻭﺡ ﻟـ ﻫﺬﻧﻲ ﺍﻟﺴﺤﺎﺭﺍﺕ ﺗﻌﺮﻓﻴﻦ ﺷﻨﻮ ﺟﻨﺖ ﺍﺳﻮﻱ ﻣﻦ ﺍﻭﻝ ﻳﻮﻡ ﺟﺒﺮﺗﻴﻨﻲ ﺍﺭﻭﺡ ﻭﻳﺎﺝ ﺟﻨﺖ ﺍﺷﺮﺩ ﻣﻦ ﺍﻟﻮﺍﻗﻊ ﻭﺍﻣﺸﻲ ﻭﻳﺎﺝ ﺑﺲ ﺟﺴﺪ ﺑﺲ ﺟﻨﺖ ﺍﺗﻌﻤﺪ ﺍﺗﺨﻴﻞ ﺍﺗﺨﻴﻞ ﺍﻱ ﺍﺗﺨﻴﻞ ﻧﻔﺴﻲ ﺑﻤﻜﺎﻥ ﺍﺭﻳﺪﻩ ﺍﻧﻲ ﺍﺗﺨﻴﻞ ﻧﻔﺴﻲ ﺑﻐﻴﺮ ﻣﺠﺘﻤﻊ ﺑﻐﻴﺮ ﻋﺎﻟﻢ ﻭﻛﻞ ﻣﺮﻩ ﺍﻃﻠﻊ ﻭﻳﺎﺝ ﻟﻬﻴﺞ ﺍﻣﺎﻛﻦ ﺍﻧﻲ ﻣﺎﺟﻨﺖ ﺍﻧﺘﺒﻪ ﺍﻟﻬﻢ ﻭﻻ ﺍﻋﺮﻑ ﺷﻨﻮ ﻳﺤﺠﻮﻥ ﺟﻨﺖ ﻣﺴﻮﻳﻪ ﻟـ ﻧﻔﺴﻲ ﻋﺎﻟﻢ ﺧﺎﺹ .....

ﺑﺲ ﺍﻟﻜﺎﺭﺛﻪ ﻫﺴﻪ ﻣﺎﺍﻛﺪﺭ ﺍﻃﻠﻊ ﻣﻦ ﻋﺎﻟﻢ ﺍﻟﺨﻴﺎﻝ ﺟﻨﺖ ﺍﺗﺨﻴﻞ ﺑـ ﺍﺭﺍﺩﺗﻲ ﺑﺲ ﻫﺴﻪ ﻻ ﻻ ﻳﻤﻪ ﻫﺴﻪ ﺍﺗﺨﻴﻞ ﻏﺼﺐ ﻋﻨﻲ ﻳﻤﻪ ﺍﺧﺘﻨﻚ ﻭﻧﻔﺴﻲ ﻳﻨﻜﻄﻊ ﻳﻤﻪ ﺍﺭﻭﺡ ﺑﺎﻟﺨﻴﺎﻝ ﺑﺪﻭﻥ ﻣﺎﺍﺣﺲ ﺍﺗﺤﺴﻴﻦ ﺑﻴﻪ ﺍﻧﻲ ﺿﻌﺖ ﺍﻧﻲ ﺍﻧﺘﻬﻴﺖ ﻭﺍﻟﺴﺒﺐ ﻫﻮ ﺍﻟﺰﻭﺍﺝ ﺍﻟﺰﻭﺍﺝ ﻻﺯﻡ ﺍﺗﺰﻭﺝ ﻭﻻﺯﻡ ﺍﺗﻜﻮﻥ ﻋﻨﺪﻱ ﻋﺎﺋﻠﻪ ﺍﻃﻔﺎﻝ ﻭﺭﺟﺎﻝ ﻳﻜﻮﻥ ﺳﻨﺪ ﺍﻟﻲ ﻣﻮ . ﻣﻮ ﻫﻴﺞ ﺗﻔﻜﻴﺮﺝ ﻣﻮ ﻣﻮ ﻫﻴﺞ ..... ﺯﻳﻦ ﺷﻜﺪ ﺭﺣﺘﻲ ﻟـ ﻫﺬﻧﻲ . ﺷﻜﺪ ﺍﺟﻮﻧﻲ ﻧﺎﺱ ﻭﺭﺍﺩﻭﻧﻲ ﻣﻦ ﺻﺪﻙ ﻭﺍﻧﺘﻲ ﺑﻌﻴﻨﺞ ﺷﻔﺘﻲ ﺷﻠﻮﻥ ﺟﺎﻧﻮﺍ ﺑـ ﺍﺧﺮ ﻟﺤﻈﻪ ﻳﻨﺴﺤﺒﻮﻥ ﺍﻭ ﺍﺣﻨﻪ ﻧﺮﻓﺾ ﺍﻭ ﺍﻭ ﺍﻟﺦ ... ﺍﻧﺘﻲ ﺗﺬﻛﺮﻳﻦ ﻛﻞ ﺷﻲ ..

ﻣﺎﻣﺎ ﺗﻌﺒﺖ ﻣﺎﺍﺭﻳﺪ ﺍﺗﺰﻭﺝ ﻣﺎﺍﺭﻳﺪ ﺧﻠﻴﻨﻲ ﻳﻤﺞ ﺧﻠﻴﻨﻲ ﺍﻧﺎﻡ ﺟﻮﻩ ﺭﺟﻠﻴﺞ ﺍﻋﺘﺒﺮﻳﻨﻲ ﺣﻴﻮﺍﻥ ﻭﻣﺮﺑﻴﺘﻪ ﺍﻧﻲ ﺍﻇﻞ ﺟﻮﻩ ﺭﺟﻠﺞ ﻭﺍﺧﺪﻣﺞ ﻭﻣﺎﺍﻋﺘﺮﺽ ﻉ ﺷﻲ ﺍﺑﺪ ﺑﺲ ﺍﻧﺴﻲ ﻣﻮﺿﻮﻉ ﺍﻟﺰﻭﺍﺝ ﻭﺧﻠﻲ ﺍﺣﻤﺪ ﻳﺒﻘﻪ ﺑﺎﻟﺒﻴﺖ ..

ـ ﺧﻠﺼﺘﻲ ﻫﺬﺍ ﺣﺠﻴﺞ ﻭﺍﺩﻣﻮﻋﺞ ﺑﻌﺪ ﻃﻠﻌﻴﻨﻲ ﻇﺎﻟﻤﻪ ﺗﺒﺠﻴﻦ ﻭﺗﺤﺠﻴﻦ ﺍﻧﻲ ﻣﺮﺕ ﺍﺑﻮﺝ ﻣﻮ ﺍﻣﺞ ... ﻭﺍﺣﻤﺪ ﺍﻧﻲ ﺍﻋﻠﻤﻪ ﺧﻠﻲ ﺑﺎﻟﺒﻴﺖ ﺧﻠﻲ ﻭﺍﻧﺘﻲ ﻫﻢ ﻇﻠﻲ ﺑﺪﻭﻥ ﺯﻭﺍﺝ ﻇﻠﻮﺍ ﻫﻴﺞ ﺍﻧﻲ ﺑﻌﺪ ﻣﺎﺍﺩﺧﻞ ﺑﺲ ﺍﺗﺸﻮﻓﻮﻥ ﺷﻠﻮﻥ ﺍﻋﻠﻤﻜﻢ ﺍﻧﺘﻲ ﻭﺍﺣﻤﺪ ﺑﻌﺪ ﻣﺎﺍﺩﺧﻞ ﺑﻴﻜﻢ ﻭﻳﻠﻪ ﻭﺧﺮﻱ ﻣﻦ ﻭﺟﻬﻲ ﻣﺎﺍﺭﻳﺪ ﺍﺷﻮﻓﺞ

...

  ...

ﺍﻧﻄﺮﺩﺕ ﻣﻦ ﺭﺣﻤﺔ ﺍﻣﻲ ﻭﻫﺎﻱ ﺍﻭﻝ ﻣﺮﻩ ﺍﻋﻮﻑ ﺍﻣﻲ ﺯﻋﻼﻧﻪ ﻋﻠﻴﻪ ﻭﺍﻃﻠﻊ ﻇﻠﺖ ﺯﻋﻼﻧﻪ ﻣﺎﻗﺒﻠﺖ ﺗﺮﺿﻪ ﻭﻻ ﺳﻤﻌﺖ ﻣﻨﻲ ﺭﻓﻀﺘﻨﻲ ﻣﺜﻞ ﺍﻟﻨﺎﺱ ﺍﻟﺮﺍﻓﻀﻴﻨﻲ ﻣﺜﻞ ﺍﻟﻤﺠﺘﻤﻊ ﺍﻟﻲ ﻳﻄﻠﻖ ﻋﻠﻴﻪ ﻟﻘﺐ ﻋﺎﻧﺲ ﻣﺜﻞ ﻫﺬﺍﻙ ﺍﻟﺒﻌﻴﺪ ﺍﻟﻲ ﺩﺍﺋﻤﺎ ﺍﺗﺨﻴﻠﻪ ﻳﺠﻲ ﻭﻳﺨﻠﺼﻨﻲ ﻭﻳﻌﺎﻧﺪﻫﻢ ﻛﻠﻬﻢ ﻭﻳﻌﺎﻧﺪ ﺍﻟﻈﺮﻭﻑ ﻭﻳﺨﺘﺎﺭﻧﻲ ﻫﺬﺍﻙ ﺍﻟﺒﻌﻴﺪ ﺍﻟﻲ ﺩﺍﺋﻤﺎ ﻳﺮﺍﻓﻘﻨﻲ ﺑﺨﻴﺎﻟﻲ ﻭﺻﻮﺭﺗﻪ ﺍﻟﻤﺸﻮﺷﻪ ﺍﺑﺪ ﻣﺘﺮﻭﺡ ﻣﻦ ﺑﺎﻟﻲ ﺍﻋﺮﻓﻪ ﻫﻮ ﻳﻨﺘﻈﺮﻧﻲ ﻭﻳﻤﻜﻦ ﺑﻌﺪﻩ ﻣﺎﻳﻌﺮﻑ ﻃﺮﻳﻘﻲ ﺣﺎﻳﺮ ﻣﺜﻞ ﻣﺎ ﺍﻧﺎ ﺣﺎﻳﺮﻩ ..

ﻃﻠﻌﺖ ﻣﻦ ﺍﻣﻲ ﻣﻜﺴﻮﺭﻩ ﻃﻔﻠﻪ ﻳﺘﻴﻤﻪ ﻣﺸﺮﺩﻩ ﻣﺎﻋﺪﻫﺎ ﺣﻀﻦ ﺗﺮﺗﻤﻲ ﺑﻲ ﻃﻔﻠﻪ ﺟﻮﻋﺎﻧﻪ ﺑﺲ ﻣﻮ ﻟﻼﻛﻞ ﻻ ﺟﻮﻋﺎﻧﻪ ﻟﻠﺤﺐ ﺟﻮﻋﺎﻧﻪ ﻟﻼﻣﺎﻥ ﺟﻮﻋﺎﻧﻪ ﻟـ ﺻﺪﺭ ﺍﺏ ﻓﻘﺪﺗﻪ ﻭﻫﻲ ﻃﻔﻠﻪ ﺑﻌﻤﺮ ﺳﻨﺘﻴﻦ ﻓﻘﺪﺗﻪ ﻭﻫﻲ ﻣﺘﻌﺮﻓﻪ ﻭﻻ ﺗﻌﺮﻑ ﺭﻳﺤﺘﻪ ﻓﻘﺪﺗﻪ ﻭﻫﻲ ﺗﻌﺮﻑ ﺑﻌﺪ ﻣﺎﺗﻠﻜﻪ ﺣﻨﺎﻥ ﻭﺣﺐ ﻣﺜﻞ ﺍﻟﺤﺐ ﺍﻟﻲ ﺷﺎﻳﻠﻪ ﺍﺑﻮﻫﺎ ﺍﺷﻮﻑ ﺻﻮﺭ ﺍﺑﻮﻱ ﻭﺍﺑﺠﻲ ﺍﺷﻮﻑ ﻋﻴﻮﻧﻪ ﻭﺷﻠﻮﻥ ﻛﻠﻬﺎ ﺣﺐ ﻭﺍﻣﺎﻥ ..

ﻃﻠﻌﺖ ﻣﻦ ﺍﻣﻲ ﺑﺲ ﻣﻮ ﺍﻧﻲ ﻃﻠﻌﺖ ﺭﻭﺡ ﺗﺨﺘﻠﻒ ﻋﻦ ﻭﺣﻲ ﺭﻭﺡ ﺍﻣﺘﻠﻜﻬﺎ ﺍﻟﻴﺄﺱ

ﺍﺣﺲ ﺑﺸﻌﻮﺭ ﻣﺰﻋﺞ ﺍﺣﺲ ﺍﻟﺪﻧﻴﺎ ﻃﺒﻜﺖ ﻉ ﺍﻻﺭﺽ ﻭﺍﺣﺲ ﺑﺪﻭﺧﻪ ﻣﻦ ﻛﺪ ﺍﻟﺘﻌﺐ ..

ﻇﻠﻴﻨﺎ ﻉ ﻫﺬﺍ ﺍﻟﺤﺎﻝ ﺷﻬﺮ ﻛﺎﻣﻞ ﻭﺍﻣﻲ ﺍﺑﺪ ﻣﺘﺤﺠﻲ ﻭﻳﺎﻱ ﻭﻻ ﻭﻳﻪ ﺍﺣﻤﺪ ﻭﺍﺣﻤﺪ ﻣﻦ ﻋﺮﻑ ﺍﻧﻲ ﺧﻠﻴﺖ ﺍﻣﻲ ﺗﻐﻴﻴﺮ ﺭﺃﻳﻪ ﺑﻤﻮﺿﻮﻉ ﻃﺮﺩﻩ ﻣﻦ ﺍﻟﺒﻴﺖ ﺍﺟﺎﻧﻲ ﻭﺍﻋﺘﺬﺭ ﻣﻨﻲ ﻭﻃﻠﺐ ﺍﺳﺎﻣﺤﻪ .... ﻣﺎﺍﻛﺪﺭ ﺍﻛﻮﻝ ﺳﺎﻣﺤﺘﻪ ﺑﺲ ﺍﺗﻨﺎﺳﻴﺖ ﻻﻥ ﺑﺲ ﻫﻮ ﻭﻛﺮﻳﻢ ﻣﺎﻋﻨﺪﻱ ﻏﻴﺮﻫﻢ ﻣﺎﺍﻛﺪﺭ ﺍﺯﻋﻞ ﻋﻠﻴﻬﻢ ..

ﺣﺎﻟﺘﻲ ﻣﺎﺍﺗﺤﺴﻨﺖ ﺑﺎﻟﻌﻜﺲ ﻛﻞ ﻳﻮﻡ ﺍﺷﻮﻑ ﺧﻴﺎﻝ ﺷﻜﻞ ﺑﺲ ﺧﻠﺼﺖ ﻣﻦ ﺍﻟﺴﺤﺎﺭﺍﺕ ﻭﻣﻦ ﺳﻮﺍﻟﻔﻬﻦ ﻻﻥ ﺍﻣﻲ ﺯﻋﻼﻧﻪ ﻣﻨﻲ ﺑﺲ ﻫﻢ ﺗﺴﺎﻝ ﻋﻠﻴﻪ ﺍﺳﻤﻌﻬﺎ ﻣﻦ ﺗﺴﺎﻝ ﺷﻬﺎﻣﺔ

ﺷﻬﺎﻣﺔ ﺩﺍﺋﻤﺎ ﺗﺮﺟﻊ ﻧﻔﺲ ﺍﻟﻤﻮﺿﻮﻉ ﻉ ﺍﺧﻮﻫﺎ ﺑﺲ ﺍﻧﻲ ﺍﺗﻌﺬﺭ ﻭﺍﺧﺮ ﺷﻲ ﻇﻠﺖ ﺗﻠﺢ ﻭﻛﺎﻟﺖ ﺍﻧﻄﻴﺘﻪ ﺭﻗﻤﺞ ...

ﻭﺭﺍ ﻓﺘﺮﻩ ﺻﺎﺭ ﻋﻠﻲ ﺍﺧﻮ ﺷﻬﺎﻣﺔ ﻳﺘﺼﻞ ﻭﻳﺤﺠﻲ ﻭﻛﻞ ﻳﻮﻡ ﺍﻧﻈﻞ ﺍﻧﺴﻮﻟﻒ ﺍﻭﻝ ﻣﺮﻩ ﺟﻨﺖ ﺍﻇﻮﺝ ﺑﺲ ﺑﻌﺪﻳﻦ ﺍﺗﻌﻮﺩﺕ ﻋﻠﻴﻪ ﻭﻫﻮ ﻫﻢ ﻣﺜﻞ ﻣﻜﺎﻟﺖ ﺷﻬﺎﻣﺔ ﺷﺨﺼﻴﻪ ﻭﺣﺒﺎﺏ ﻭﻣﺆﺩﺏ ﺑﺲ ﻣﺎﺍﺣﺲ ﺑﻲ ﻓﻌﻼ ﻳﺤﺐ ﻳﺘﻌﺮﻑ ﻋﻠﻴﻪ ﺍﺣﺴﻪ ﻣﺠﺒﻮﺭ ﺍﺣﺴﻪ ﺩﺍ ﻳﻤﺜﻞ ﻣﺎﺍﻋﺮﻑ ﻳﻤﻜﻦ ﺍﻧﻲ ﺻﺎﻳﺮﻩ ﺍﺗﺤﺴﺲ ﻣﻦ ﺷﻐﻠﺔ ﺍﻟﻌﻤﺮ ﻭﺍﻟﺰﻭﺍﺝ ...

ﺑﺲ ﻣﺎﺧﻠﺼﺖ ﻣﻦ ﺍﻟﺨﻴﺎﻝ ﺍﻭ ﺍﻻﺣﻼﻡ ﺩﺍﺋﻤﺎ ﺗﺮﺍﻭﺩﻧﻲ ﻭﻣﺮﺍﺕ ﻭﺍﻧﻲ ﺍﺣﺠﻲ ﻭﻳﻪ ﻋﻠﻲ ﻭﺍﻋﻮﻓﻪ ﻭﺍﺳﺮﺡ ﺑﻐﻴﺮ ﻋﺎﻟﻢ ﻭﺻﺎﺭ ﻫﺬﺍ ﺍﻟﺸﻲ ﻳﺰﻋﺠﻨﻲ ﻭﻣﻦ ﻏﻴﺮ ﺍﻟﺨﻨﻜﻪ ﺍﻟﻲ ﺍﺧﺘﻨﻜﻬﺎ ..

ﺣﺠﻴﺖ ﻟـ ﻛﺮﻳﻢ ﻭﻛﺘﻠﻪ ﺍﺭﻳﺪ ﺍﺭﻭﺡ ﻟـ ﻛﺘﻮﺭ ﻧﻔﺴﻲ ﻭﻳﺸﻮﻑ ﺣﺎﻟﺘﻲ ...

ﺑﺲ ﻛﺮﻳﻢ ﻳﺨﺎﻑ ﻣﻦ ﺍﻣﻲ ﻭﺭﺩﺕ ﻓﻌﻠﻬﺎ ﻣﻦ ﻫﺬﺍ ﺍﻟﻤﻮﺿﻮﻉ ﺑﺲ ﺣﺎﻭﻟﺖ ﺍﻗﻨﻌﻪ ﻭﻫﻢ ﺻﺪﻳﻘﺘﻲ ﺯﻭﺟﻬﺎ ﺩﻛﺘﻮﺭ ﻧﻔﺴﻲ ﻭﻛﺎﻟﺖ ﺍﺧﺬﻟﺞ ﻣﻮﻋﺪ ﻭﺑﺪﻭﻥ ﻣﻨﻜﻮﻝ ﻟـ ﺍﻣﻲ ﻻﻥ ﺍﺫﺍ ﻋﺮﻓﺖ ﺻﺪﻙ ﺗﻜﻠﺐ ﺍﻟﺒﻴﺖ ﻋﺰﺍ ﻉ ﺭﻭﺳﻨﺎ ﻛﺎﻟﻬﺎ ﻛﺮﻳﻢ ﺭﺍﻳﺤﻴﻦ ﻟـ ﺯﻳﺎﺭﻩ ﻭﻃﻠﻌﻨﺎ ﻭﻉ ﻣﻮﻋﺪﻧﺎ ﻭﻳﻪ ﺍﻟﺪﻛﺘﻮﺭ ...

ﺑﺲ ﺍﻧﻲ ﻣﻴﺘﻪ ﻣﻦ ﺍﻟﺨﻮﻑ ﺧﻮﻑ ﻣﻦ ﺍﻟﻲ ﻳﻜﻮﻟﻪ ﺍﻟﺪﻛﺘﻮﺭ ﻋﻦ ﺣﺎﻟﺘﻲ ﻭﺧﻮﻑ ﻣﻦ ﺍﻣﻲ ﺍﺫﺍ ﻋﺮﻓﺖ ﻭﻫﻲ ﻋﺪﻫﺎ ﺍﻱ ﻭﺍﺣﺪ ﻳﺮﻭﺡ ﻟﺪﻛﺘﻮﺭ ﻧﻔﺴﻲ ﻳﻌﻨﻲ ﻣﺨﺒﻞ ﻭﺍﻧﻲ ﺑﻨﻴﻪ ﻭﺍﺫﺍ ﺍﺣﺪ ﺩﺭﻩ ﺍﻧﻲ ﻣﺨﺒﻠﻪ ﺑﻌﺪ ﻣﺎﺍﺗﺰﻭﺝ ﻭﺍﺗﺼﻴﺮ ﻛﺎﺭﺛﺔ ..

ﺍﻟﻤﻬﻢ ﻭﺻﻠﻨﺎ ﺍﻟﻌﻴﺎﺩﻩ ﺟﺎﻧﺖ ﺷﻲ ﺑﺴﻴﻂ ﻭﻣﺮﺗﺒﻪ ﻭﻣﻜﺎﻧﻬﺎ ﺑﻤﻨﻄﻘﻪ ﺭﺍﻗﻴﻪ ﻭﺍﻟﻤﻜﺎﻥ ﺍﻟﻲ ﻗﺮﻳﺐ ﻋﻠﻴﻬﺎ ﺣﻠﻮﻭ ﻭﻫﺎﺩﺉ ..

ﺍﻭﻝ ﻣﺪﺧﻠﻨﺎ ﻗﺒﻠﻨﺎ ﺟﺎﻥ ﺍﻛﻮ ﻣﺮﻳﺾ ﻭﺑﻌﺪﻫﺎ ﻭﺻﻞ ﺍﻟﻨﺎ ﺍﻟﺪﻭﺭ ﻭﺩﺧﻠﻨﺎ ..

ﺍﻭﻝ ﻣﺪﺧﻠﺖ ﺻﺎﺭ ﻣﻘﺎﺑﻴﻠﻲ ﺍﻟﻠﻮﺣﻪ ﻟﻮﺣﻪ ﺍﻧﻲ ﺷﺎﻳﻔﺘﻬﺎ ﺍﻱ ﻣﺘﺎﻛﺪﻩ ﺑﺲ ﻭﻳﻦ ﻣﺎﺍﻋﺮﻑ ﺷﺎﻳﻔﻪ ﻫﺬﻩ ﺍﻟﻨﺎﺭ ﻭﺷﺎﻳﻔﻪ ﻫﺬﻭﻝ ﺍﻟﻨﺎﺱ ﺑﺲ ﻣﺎﺍﺗﺬﻛﺮ ﻭﻳﻦ ..

ﻛﺮﻳﻢ : ﺳﻼﻡ ﻋﻠﻴﻜﻢ ﺩﻛﺘﻮﺭ ..

ﺩﻛﺘﻮﺭ ﻣﺤﻲ ﺍﻟﺪﻳﻦ : ﻭﻋﻠﻴﻜﻢ ﺍﻟﺴﻼﻡ ..

ﻛﺮﻳﻢ : ﺩﻛﺘﻮﺭ ﻫﺬﻩ ﺍﺧﺘﻲ ﺍﻧﻴﻦ ﻭﺍﺗﻤﻨﻰ ﺍﺗﺸﻮﻑ ﺣﺎﻟﺘﻬﺎ ﻭﺍﻃﻤﺌﻨﻪ ﻋﻠﻴﻬﺎ . .

ﺍﻟﺪﻛﺘﻮﺭ : ﺍﻧﻴﻦ ﺑﺎﺑﺎ ﺍﺗﺤﺒﻴﻦ ﺗﺤﺠﻴﻦ ﻳﻢ ﺍﺧﻮﺝ ﻟﻮ ﻳﻄﻠﻊ ?...

ﺍﻧﻴﻦ : ﺍﺑﺮﺍﺣﺘﻚ ﺩﻛﺘﻮﺭ .

ﻛﺮﻳﻢ : ﺍﻧﻲ ﺍﻧﺘﻈﺮﺝ ﺑﺮﻩ ..

ﻃﻠﻊ ﻛﺮﻳﻢ ﺑﻌﺪ ﻣﺎﺍﻓﺘﻬﻢ ﻣﻦ ﺍﻟﺪﻛﺘﻮﺭ ﺍﻧﻮ ﻣﻴﺼﻴﺮ ﻳﺒﻘﻪ ﻻﺯﻡ ﺍﺧﺬ ﺭﺍﺣﺘﻲ ﻭﺍﻟﺪﻛﺘﻮﺭ ﺣﺲ ﻋﻠﻴﻪ ﻣﺮﺗﺒﻜﻪ ﻭﺧﺎﻳﻔﻪ ..

ـ ﺳﺖ ﺍﻧﻴﻦ ﺷﻨﻮ ﻣﺸﻜﻠﺘﺞ ﺍﺗﻜﺪﺭﻳﻦ ﺗﺤﺠﻴﻦ ﺑﻜﻞ ﺛﻘﻪ ﻭ ﺍﻱ ﺷﻲ ﺗﺤﺠﻴﻦ ﻭﻋﺪ ﻳﻜﻮﻥ ﺳﺮ ﺍﻋﺘﺒﺮﻱ ﻧﻔﺴﺞ ﺗﺤﺠﻴﻦ ﻭﻳﻪ ﺭﻭﺣﺞ .

ـ ﺩﻛﺘﻮﺭ ﺍﻧﻲ ﻋﻨﺪﻱ ﻣﺸﻜﻠﻪ .... ﺍﻧﻲ ﺩﺍﺋﻤﺎ ﺍﺳﺮﺡ ﺑﺎﻟﺨﻴﺎﻝ ﻭﻣﺎﺍﻛﺪﺭ ﺍﻃﻠﻊ ﻣﻦ ﺍﻟﺨﻴﺎﻝ ﺑـ ﺍﺭﺍﺩﺗﻲ ﻣﺮﺍﺕ ﺍﻻ ﺍﺧﺘﻨﻚ ﻭﻣﺮﺍﺕ ﺍﻻ ﺷﺨﺺ ﻳﺼﺤﻴﻨﻲ ﻭﺍﻟﻤﺸﻜﻠﻪ ﻣﻮ ﺣﻠﻢ ﻭﻣﺮﺍﺕ ﻉ ﺷﻜﻞ ﺣﻠﻢ ..

ـ ﻣﻦ ﺷﻮﻛﺖ ﺑﺪﺕ ﻫﺎﻱ ﺍﻟﺤﺎﻟﻪ ﻭﻛﻢ ﻣﺮﻩ ﺗﻜﺮﺭ ﺑﺎﻟﻴﻮﻡ ﺍﻟﻮﺍﺣﺪ .

ـ ﻣﻦ ﻋﻤﺮﻱ ﺗﻼﺛﻴﻦ ﺳﻨﻪ ﻭﺍﻧﻲ ﻫﺴﻪ ﺍﺛﻨﻴﻦ ﻭﺍﺗﻼﺛﻴﻦ ﻳﻌﻨﻲ ﺳﻨﺘﻴﻦ ..

ـ ﺷﻠﻮﻥ ﺑﺪﺕ ?...

ـ ﺍﻧﻲ ...... ﺍﻧﻲ ﺟﻨﺖ ﺍﺗﻌﻤﺪ ﺍﺗﺨﻴﻞ .

ـ ﻳﻌﻨﻲ ﺟﻨﺘﻲ ﺍﺗﻌﺸﻴﻦ ﺑﺎﻟﺨﻴﺎﻝ !...

ـ ﻧﻌﻢ ﺩﻛﺘﻮﺭ ﺍﻧﻲ ﺟﻨﺖ ﺍﻋﻴﺶ ﺑﺎﻟﺨﻴﺎﻝ ﻣﺜﻼ ﺍﺫﺍ ﺍﻛﻮ ﻣﻮﻗﻒ ﻳﺼﻴﺮ ﻭﻳﺎﻱ ﺑﺎﻟﻮﺍﻗﻊ ﻣﺎﺍﻛﺪﺭ ﺍﺭﺩ ﺍﺗﺨﻴﻞ ﻧﻔﺴﻲ ﺭﺩﻳﺖ ﻭﺍﺗﺨﻴﻞ ﻧﻔﺴﻲ ﺍﻧﺘﺼﺮﺕ ﻭﺍﻓﺮﺡ ﻭﺍﺭﺗﺎﺡ ﻭﺍﺳﺘﻤﺮﺕ ﻫﺬﺍ ﺍﻟﺤﺎﻝ ﻟﺤﺪ ﻣﺎ ﺻﺎﺭ ﺍﺟﺒﺎﺭﻱ ﻭﺧﺮﺟﺖ ﺍﻻﺣﻼﻡ ﻋﻦ ﺍﻟﺴﻴﻄﺮﻩ ....

ﺍﺗﺼﻞ ﺍﻟﺪﻛﺘﻮﺭ ﻋﻞ ﺍﻟﺴﻜﺮﺗﻴﺮﻩ ﻭﺧﻼﻫﺎ ﺩﺧﻞ ﻛﺮﻳﻢ ﻭﺣﺠﻪ ﻫﻮ ﻭﻳﺎﻩ ﻭﺳﺠﻠﻲ ﻋﻼﺝ ..

ﻛﺎﻝ ﻣﻴﻜﺪﺭ ﻳﺸﺨﺺ ﺍﻟﺤﺎﻟﻪ ﻣﻦ ﺟﻠﺴﻪ ﻭﺣﺪﻩ ﻻﺯﻡ ﺑﻌﺪ ﺟﻠﺴﻪ ﻳﻠﻪ ﻳﻜﺪﺭ ﻳﺤﺪﺩ ﺷﻨﻮ ﻧﻮﻉ ﺍﻟﻤﺮﺽ ..

ﻳﺘﺒﻊ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤