رواية امي تبحث عن عريس الجزء الرابع

..

رواية امي تبحث عن عريس الجزء الرابع

للكاتبة أزهار ذابله

...

ﻭﻛﻔﺖ ﻋﻠﻲ ﺟﺎﻧﺖ ﻣﺮﻋﺒﻪ ﺑﺎﻟﻨﺴﺒﻪ ﺍﻟﻴﻪ ﻭﺟﺎﻥ ﻣﺘﻮﺗﺮ ﻭﻗﻠﻘﻞ ...

ﻭﺍﻛﻒ ﺑﺸﻜﻞ ﻣﺎﺋﻞ ﻉ ﺍﻟﺒﺎﺏ ﻭﻫﻮ ﻃﻮﻳﻞ ﺑﺲ ﻭﺳﻂ ﻣﻮ ﻓﺎﺭﻉ ﺍﻟﻄﻮﻝ ﻭﺷﻌﺮﻩ ﻋﺎﻟﻲ ﻭ ﻣﻮ ﻣﺮﺗﺐ ﻭﻟﺤﻴﻪ ﺧﻔﻴﻔﻪ ﻭﻋﻴﻮﻧﻪ ﻛﺒﺎﺭ ﻭﻳﺸﻌﻦ ﺑﻨﻈﺮﻩ ﻭﺍﺛﻘﻪ ﺩﺍﺋﻤﺎ ﻭﺍﺛﻖ ﻣﻦ ﻧﻔﺴﻪ ﻭﻫﺬﺍ ﺍﻟﺸﻲ ﺍﻟﻲ ﻳﻨﻘﺼﻨﻲ ﻭﺍﺭﻳﺪ ﺍﺗﻌﻠﻤﻪ ﻣﻨﻪ ﻓﻌﻼ ﺍﻟﺸﺨﺼﻴﻪ ﻣﻮ ﺑﺎﻟﻌﻤﺮ ﺍﻧﻲ ﺍﻛﺒﺮ ﻣﻨﻪ ﺑﺲ ﻣﺎﺍﻣﻠﻚ ﺭﺑﻊ ﻣﻦ ﻣﻌﺮﻓﺘﻪ ﻭﺛﻘﺘﻪ ﺑﻨﻔﺴﻪ .. ﻧﺰﻟﻨﻲ ﻛﺮﻳﻢ ﻭﺭﻛﻦ ﺍﻟﺴﻴﺎﺭﻩ ﻭﺻﺮﺕ ﻭﺟﻪ ﺑﻮﺟﻪ ﻭﻳﻪ ﻋﻠﻲ ﻣﺎﺍﺣﺲ ﺑﺸﻲ ﺑﺲ ﺭﻋﺸﻪ ﻗﻮﻳﻪ ﺑﺪﺕ ﺑﺠﺴﻤﻲ ﻣﺎﺍﻋﺮﻑ ﺧﻮﻑ ﻣﺎﺍﻋﺮﻑ ﺷﻮﻕ ﻣﺎﺍﻋﺮﻑ ﺷﻨﻮ ﺍﻟﺴﺮ ﺑﺲ ﺍﻧﻲ ﺍﻗﻞ ﻣﻦ ﺍﻭﺟﻬﻪ ﻣﺎﻛﺪﺭﺕ ﺣﺘﻪ ﺍﺭﺩﻟﻪ ﺍﻟﺴﻼﻡ ﺑﺴﺮﻋﻪ ﺩﺧﻠﺖ ﻭﺭﻛﺾ ﻉ ﻏﺮﻓﺘﻲ ﻣﺎﺍﺭﻳﺪ ﺍﻋﺮﻑ ﺷﻲ ﻋﻦ ﺍﺣﺴﺎﺳﻲ ﺍﺗﺠﺎﻩ ﻋﻠﻲ ﻳﻤﻜﻦ ﺑﺪﻳﺖ ﺍﺣﺒﻪ ﻭﻳﻤﻜﻦ ﻻ ﻻ ﺍﻛﻴﺪ ﻻ ﻣﺴﺘﺤﻴﻞ ﺍﺣﺒﻪ ﻫﻮ ﺍﺻﻼ ﻣﻴﺤﺒﻨﻲ ﺑﺲ ﻳﻌﻄﻒ ﻋﻠﻴﻪ ﻭﺣﺐ ﻳﺴﺎﻋﺪﻧﻲ ﻭﺍﺧﺘﻪ ﺟﺒﺮﺗﻪ ﻳﺤﺠﻲ ﻭﻳﺎﻱ ﻻ ﻻ ﻣﺎﺍﺣﺒﻪ ...

ﺍﻭﻝ ﺷﻲ ﺭﺣﺖ ﺭﻛﺾ ﻉ ﺍﻟﻤﻮﺑﺎﻳﻞ ﻭﺷﻔﺖ ﻣﺴﺞ ﻣﻦ ﻋﻠﻲ ﻛﺎﺗﺐ ﺑﻲ ..

* ﺍﻧﻴﻦ ﻣﺎﺍﻋﺮﻑ ﺷﻠﻮﻥ ﺍﺑﺪﻱ ﻭﻻ ﺍﻋﺮﻑ ﺷﻠﻮﻥ ﺍﻛﻮﻟﺞ ﺍﻟﻜﻼﻡ ﺍﻟﻲ ﻣﺘﺤﺠﺮ ﻭﺳﻂ ﺣﻨﺠﺮﺗﻲ ﻣﺎﺍﻛﺪﺭ ﺍﻧﻄﻘﻪ ﺩﺍﺋﻤﺎ ﺧﻠﻒ ﻛﻞ ﻭﺩﺍﻉ ﺍﺭﻳﺪ ﺍﻛﻮﻟﻪ ﻭﺑﻌﺪﻳﻦ ﺍﺗﻮﻗﻒ ﻭﺍﻟﺴﺒﺐ ﺧﺠﻠﺞ ﻭﺗﺤﻔﻈﺞ ﻣﻨﻲ ﺑﺲ ﺑﻌﺪ ﻧﻔﺬ ﺻﺒﺮﻱ ﻭﺑﻌﺪ ﻻﺯﻡ ﺍﺣﺠﻲ ..

ﺍﻧﻴﻦ ﺍﺣﺒﺞ ﺍﻱ ﺍﻧﻲ ﺍﺣﺒﺞ ﻭﺍﻫﻮﺍﻳﻪ

ﻭﻣﺎﺍﻋﺮﻑ ﺍﻧﺘﻲ ﺷﻨﻮ ﺍﺗﺤﺴﻴﻦ ﺍﺗﺠﺎﻫﻲ ﺍﺧﺎﻑ ﻣﻦ ﺭﺩﺕ ﻓﻌﻠﺞ ﻭﺍﺧﺎﻑ ﺍﺧﺴﺮ ﺍﻧﻴﻦ ﺍﻟﺼﺪﻳﻘﻪ ﺍﻟﻲ ﺗﺴﻤﻌﻨﻲ ﻭﺍﺳﻤﻌﻬﺎ ﺍﺧﺎﻑ ﺍﺧﺴﺮﺝ ﺑﻄﺮﻳﻘﺘﻲ ﻭﺑﺸﺨﺼﻴﺘﻲ ﺍﻟﻤﺨﺘﻠﻔﻪ ﻋﻦ ﺷﺨﺼﻴﺘﺞ ﺍﻟﻬﺎﺩﺋﻪ ﻭﺍﻟﻤﺘﻮﺍﺿﻌﻪ ...

ﻣﺎﺍﺭﻳﺪ ﺍﻃﻮﻝ ﻋﻠﻴﺞ ﻭﻻ ﺍﺭﻳﺪ ﺍﺟﺒﺮﺝ ﻣﺜﻞ ﻣﺎ ﺟﺒﺮﺗﺞ ﺷﻬﺎﻣﺔ ﺗﺤﺠﻴﻦ ﻭﻳﺎﻱ ﺑﺲ ﺍﻧﻲ ﺍﻧﺘﻈﺮﺝ ﺑـ ﺍﺑﺎﺑﻜﻢ ﻭﻣﻦ ﺗﺸﻮﻓﻴﻦ ﺭﺳﺎﻟﺘﻲ ﺭﺩﻱ ﻭﻣﺎﺍﺭﻳﺪ ﺍﺣﺮﺟﺞ ﺭﺩﻱ ﺑﻜﻠﻤﻪ ﻭﺣﺪﻩ ﺑﺲ ﺍﻱ ﺍﻭ ﻻ ﻭﺍﻧﻲ ﺍﻛﻮﻥ ﺍﻛﻴﺪ ﺑﻬﺬﺍ ﺍﻟﻮﻛﺖ ﻳﻢ ﻛﺮﻳﻢ ﻭﻣﻦ ﺍﺷﻮﻑ ﺭﺩﺝ ﺍﺣﺠﻲ ﻭﻳﺎﻩ ﺑﻤﻮﺿﻮﻋﻨﺎ ..

ﻗﺮﺃﻳﺘﻬﺎ ﻟﺮﺳﺎﻟﻪ ﺑﺲ ﻣﻮ ﺭﺳﺎﻟﻪ ﻋﺎﺩﻳﻪ ﺟﺎﻧﺖ ﺗﻌﺘﺒﺮ ﻗﺮﺍﺭ ﻣﺼﻴﺮﻱ ﻻﺯﻡ ﺍﺗﺨﺬ ﻗﺮﺍﺭ ﺑﺴﺮﻋﻪ ﺍﻱ ﺍﻭ ﻻ ﻭﺍﻟﺨﻮﻑ ﺳﻴﻄﺮ ﻋﻠﻴﻪ ﻭﺭﺩﺕ ﺍﺭﺩ ﻻ ﻭﻓﻜﺮﺕ ﻻ ﻣﻮ ﺍﺧﺴﺮ ﻋﻠﻲ ﻫﻮ ﺑﺲ ﻳﻔﻬﻤﻨﻲ ﻭﻣﻘﺪﺭ ﻭﺿﻌﻲ ﻭﻫﻮ ﻳﻜﺪﺭ ﻳﻨﻘﺬﻧﻲ ﻣﻦ ﻏﻀﺐ ﺍﻣﻲ ﻭﺍﺫﺍ ﺍﻧﺨﻄﺒﺖ ﺍﺗﺴﺎﻣﺤﻨﻲ ﺍﻛﻴﺪ

ﻧﻔﺲ ﺍﻟﺨﻮﻑ ﻧﻔﺲ ﺍﻟﺸﻲ ﻗﺮﺍﺭ ﺳﺮﻳﻊ ﻭﺑﺪﻭﻥ ﺍﻱ ﺍﺣﺴﺎﺱ ﻟﻜﻴﺖ ﻧﻔﺴﻲ ﻛﺎﺗﺒﻪ ﺍﻱ ﻭﺩﺍﺯﺗﻬﺎ ...

ﺑﻌﺪ ﻣﺎ ﻃﻠﻌﺖ ﻭﻻ ﺗﺤﺮﻛﺖ ﻭﻻ ﻛﺪﺭﺕ ﺍﺗﻨﻔﺲ ﺍﺣﺲ ﻧﻔﺴﻲ ﻣﺨﻨﻮﻛﻪ ﺧﻨﻜﻪ ﺭﺍﺣﺖ ﺑﺲ ﺑﻬﺎﻱ ﺍﻟﻠﺤﻈﻪ ﺭﺟﻌﺖ ﺍﺗﺸﺠﻌﺖ ﻭﺑﺼﻌﻮﺑﻪ ﻛﺪﺭﺕ ﺍﻭﺻﻞ ﻟﻠﻌﻼﺝ ﻭﺍﺧﺬ ﺣﺒﺎﻳﻪ ﻭﺷﻮﻳﻪ ﺣﺴﻴﺖ ﺑﺮﺍﺣﻪ ﻭﺧﻔﺖ ﺍﻟﺨﻨﻜﻪ ﻭﻧﻤﺖ ﺑﺪﻭﻥ ﻣﺎﺍﻏﻴﺮ ﻣﻼﺑﺴﻲ ﺍﻟﺠﻨﺖ ﻃﺎﻟﻌﻪ ﺑﻴﻬﻢ ..

ﻓﺰﻳﺖ ﺍﻟﻔﺠﺮ ﻭ ﺍﻭﻝ ﺷﻲ ﺧﻄﺮ ﺍﺑﺎﻟﻲ ﻋﻠﻲ

ﺷﻔﺖ ﺍﻟﻤﻮﺑﺎﻳﻞ ﻟﻜﻴﺖ ﻣﻜﺎﻟﻤﺎﺕ ﺍﻫﻮﺍﻳﻪ ﻛﻠﻬﻢ ﻣﻦ ﻋﻠﻲ ...

ﻭﺩﺍﺯ ﻣﺴﺞ ..

ﺍﻧﻲ ﺳﻮﻳﺖ ﺍﻟﻌﻠﻴﻪ ﺑﻌﺪ ﺍﻟﺒﺎﻗﻲ ﻋﻠﻴﺞ ﻻﺯﻡ ﺍﺗﻮﺍﺟﻬﻴﻦ ﻛﻞ ﺍﻟﺨﻮﻑ ﻭﺗﺒﻘﻴﻦ ﻣﺼﺮﻩ ﻉ ﺍﻟـ ‏( ﺍﻱ ‏) ﺍﻟﻲ ﺻﻨﻌﺖ ﺑﻜﻠﺒﻲ ﻓﺮﺡ ﻋﻈﻴﻢ ..

ﺷﻨﻮ ﻳﻘﺼﺪ ﻋﻠﻲ ﻭﻟﻴﺶ ﻫﻴﺞ ﻳﺤﺠﻲ ﻻﺯﻡ ﺍﻟﺒﺎﺭﺣﻪ ﺻﺎﻳﺮ ﺭﻓﺾ ﻭﺍﻧﻲ ﻧﺎﻳﻤﻪ ﻭﻣﺎﺍﺩﺭﻱ ﺑﺸﻲ ..

ﻃﻠﻌﺖ ﺑﻌﺪ ﻣﺎﻛﻤﻠﺖ ﺻﻼﺗﻲ ﻭﻣﺎﻛﻴﺖ ﺍﺣﺪ

ﻃﻠﻌﺖ ﺑﻌﺪ ﻣﺎﻛﻤﻠﺖ ﺻﻼﺗﻲ ﻭﻣﺎﻟﻜﻴﺖ ﺍﺣﺪ ﻛﺎﻋﺪ ﺍﻟﻜﻞ ﻧﺎﻳﻢ ﺑﺲ ﺷﻔﺖ ﺍﻣﻲ ﺑﺎﻟﺤﺪﻳﻘﻪ ﺟﺎﻧﺖ ﻭﺍﻛﻔﻪ ﻭﺣﺪﻫﺎ ﻭﻫﺎﻱ ﻣﻮ ﻋﺎﺩﺗﻬﺎ ﻫﻲ ﺗﻜﻌﺪ ﺗﺘﺮﻳﻚ ﺑﺎﻟﻤﻄﺒﺦ ﻭﺑﻌﺪﻳﻦ ﺗﺮﺟﻊ ﻟـ ﺍﻟﺼﺎﻟﻪ . .

ﻓﺘﺖ ﻣﻦ ﻳﻤﻬﺎ ﻭﺧﻔﺖ ﺍﺣﺠﻲ ﻭﻳﺎﻫﺎ ﻭﺗﺮﻓﺾ ﺍﻭ ﺗﺘﻌﺼﺐ ﻭﺍﻧﻲ ﺍﺧﺎﻑ ﻋﻠﻴﻬﺎ .

ﺑﺲ ﻫﻲ ﺑﺪﺕ ﻭﺣﺠﺖ ﻭﻳﺎﻱ ﺑﺲ ﻛﺎﻟﺖ ﻭﻧﻴﻦ ﻋﺮﻓﺖ ﺍﻛﻮ ﻛﺎﺭﺛﺔ ﻻﻥ ﻫﻲ ﻣﻦ ﺍﻳﺼﻴﺮ ﺷﻲ ﺑﺴﺒﺒﻲ ﺍﺗﺴﻤﻴﻨﻲ ﻭﻧﻴﻦ ...

ـ ﻧﻌﻢ ﻳﻮﻡ "

ـ ﻣﺎﻋﺪﺝ ﻧﻴﻪ ﺗﺤﺠﻴﻦ ﻭﻳﺎﻱ ﻭﺑﻌﺪﺝ ﻣﻐﺘﺎﺿﻪ ﻋﻠﻴﻪ ﻣﻮ ..

ـ ﺣﻀﻨﺘﻬﺎ ﺑﻜﻞ ﻗﻮﺗﻲ ﺍﺣﺲ ﺭﻭﺣﻲ ﺧﻨﻜﺘﻬﺎ

ﺑﺲ ﺑﻌﺪﻧﻲ ﺍﺭﻳﺪ ﺍﺷﺒﻊ ﻣﻦ ﺭﻳﺤﺘﻬﺎ ﺻﺎﺭ ﺷﻬﺮﻳﻦ ﺍﻭ ﺍﻛﺜﺮ ﻣﺤﺮﻭﻣﻪ ﻣﻨﻬﺎ ﻭﻫﻲ ﻛﺪﺍﻡ ﻋﻴﻨﻲ ...

ـ ﻳﻤﻪ ﻭﻧﻴﻦ ﻃﻚ ﻛﻠﺒﻲ ﻋﻠﻴﺞ ﺑﺲ ﺍﻧﺘﻲ ﺗﻌﺒﺘﻴﻨﻲ ﻭﺣﺠﻴﺞ ﺍﺑﺪ ﻣﺎﻳﺮﻭﺡ ﻣﻦ ﺭﺍﺳﻲ ﺻﺪﻙ ﺍﻧﻲ ﻇﻠﻤﺘﺞ ﻳﻤﻜﻦ ﺍﻧﻲ ﺍﺗﺸﻮﻓﻴﻨﻲ ﺍﺭﻳﺪ ﺑﺲ ﺍﺧﻠﺺ ﻣﻨﺞ ﺑﺲ ﺍﻧﺘﻲ ﻇﺎﻟﻤﺘﻨﻲ ﺍﻧﻲ ﺷﻌﻨﺪﻱ ﻫﻮ ﺑﺲ ﺍﻧﺘﻲ ﺑﺲ ﺍﺭﻳﺪ ﺍﺭﺗﺎﺡ ﺍﺭﻳﺪ ﻣﻦ ﺍﺣﻂ ﺭﺍﺳﻲ ﻉ ﺍﻟﻤﺨﺪﻩ ﻣﺎﺍﺣﺴﺐ ﺍﺣﺴﺎﺏ ﺍﺗﺸﺎﻫﺪ ﻭﺍﻧﺎﻡ ﻭﺍﺫﺍ ﻣﺎﺻﺤﻴﺖ ﻣﻦ ﺍﻟﻨﻮﻡ ﻋﺎﺩﻱ ﺍﻣﻮﺕ ﻣﺎﻛﻮ ﻭﺭﺍﻱ ﺷﻲ ﺑﺲ ﺍﻧﺘﻲ ﺍﺫﺍ ﻣﺘﺖ ﻭﺍﻧﻲ ﻣﺎ ﻣﺰﻭﺟﺘﺞ ﻭﻣﺨﻠﻴﺘﺞ ﺍﻣﺎﻧﻪ ﺑﺮﻛﺒﺔ ﺭﺟﺎﻝ ﺷﻠﻮﻥ ﺍﺭﺗﺎﺡ ﺷﻠﻮﻥ ﺍﻧﺎﻡ ﻭﺍﺗﺸﺎﻫﺪ ﻭﺍﻧﻲ ﺍﺩﻋﻲ ﺭﺑﻲ ﻣﺎﻳﺨﺬ ﺍﻣﺎﻧﺘﻲ ﻫﺴﻪ ﺍﻻ ﺍﺧﻠﻴﺞ ﺑﻴﺖ ﺭﺟﻠﺞ ﻭﺣﺘﻪ ﻟﻮ ﺍﻣﻮﺕ ﺑﻌﺮﺳﺞ ﻫﻢ ﻣﻴﺨﺎﻟﻒ .

ـ ﺍﺳﻢ ﺍﻟﻠﻪ ﻳﻤﻪ ﺷﻨﻮ ﻫﺬﺍ ﺍﻟﺤﺠﻲ ﻓﺪﻭﻭﻭﻩ ﺍﺭﻭﺣﻠﺞ ﻣﻦ ﻋﻤﺮﻱ ﻉ ﻋﻤﺮﺝ .

ـ ﺧﻠﻲ ﺍﻛﻠﺞ ﺷﻲ ﺍﻟﺒﺎﺭﺣﻪ ﺍﺟﻴﺖ ﻭﺷﻔﺘﺞ ﻧﺎﻳﻤﻪ ﻭﻣﺎ ﻛﺪﺭﺕ ﺍﻛﻌﺪﺝ ...

ﺍﺧﻮ ﺷﻬﺎﻣﺔ ﺭﺍﻳﺪﺝ ﺑﺲ ﺍﺧﻮﺍﻧﺞ ﺍﺛﻨﻴﻨﻬﻢ ﻃﺮﺩﻭﻩ ﻭﺍﻧﻲ ﺑﻠﻜﻮﻩ ﺣﻤﻴﺘﻪ ﻣﻨﻬﻢ ﻭﻫﻢ ﻫﻮ ﺟﺎﻱ ﺑﺮﻭﺣﻪ ﻻ ﺍﻡ ﻭﻻ ﺍﺏ ﻳﻤﻜﻦ ﺍﻫﻠﻪ ﺭﺍﻓﻀﻴﻦ ﻭﺍﻟﺒﻴﺖ ﺍﻧﻜﻠﺐ ﻛﻠﺐ ﻉ ﺭﺍﺳﻲ ﻭﺍﻧﺘﻲ ﻳﻮﻧﻴﻦ ﻧﺎﻳﻤﻪ ﻭﻣﺎﺗﺪﺭﻳﻦ ..

ـ ﻳﻌﻨﻲ ﺷﻠﻮﻥ ﺍﻧﻲ .... ﺷﻨﻮ ... ﻳﻌﻨﻲ ﻻﺯﻡ ﺷﺴﻮﻱ ...

ـ ﺷﺘﺴﻮﻳﻦ ﺳﻮﻱ ﺑﺲ ﻻ ﺗﺨﻠﻴﻨﻬﻢ ﻳﺬﻟﻮﻧﺞ ﻭﻻ ﺗﺨﻠﻴﻦ ﻉ ﺭﻭﺣﺞ ﻟﺰﻣﻪ ﻻﻥ ﻫﻤﻪ ﺷﺎﻛﻴﻦ ﺑﻴﺞ ﺗﺤﺠﻴﻦ ﻭﻳﺎﻩ ﻓﻼ ﺗﺨﻠﻴﻨﻬﻢ ﺍﻳﻠﺰﻣﻮﻥ ﻋﻠﻴﺞ ﺷﻲ ..

ـ ﻻ ﻻ ﺷﻨﻮ ﺍﻧﻲ ....

ـ ﺍﻱ ﻳﺒﺰﺭ ﺑﻄﻨﻲ ﺍﻧﺘﻲ ﺑﺲ ﻋﻔﺘﺞ ﻟﻌﺒﺘﻲ ﻟﻌﺐ ﻭﺍﻧﻄﻴﺘﻬﻢ ﻣﺠﺎﻝ ﻳﺪﻭﺳﻮﻥ ﺭﺍﺳﺞ ﺍﻟﻲ ﺧﻠﺼﺘﻲ ﻋﻤﺮﺝ ﻣﺮﻓﻮﻉ ﺑﻴﻨﻬﻢ ﻭﺍﻧﻲ ﻫﻢ ﺭﺍﻓﻌﻪ ﺭﺍﺳﻲ ﺑﻴﺞ ﻭﺍﻛﻮﻝ ﺍﻧﻲ ﺍﻣﺞ ﻳﺎ ﺍﻧﻴﻦ ﻣﺪﺭﺳﻪ ﻭﺍﺭﺑﻊ ﺳﻨﻮﺍﺕ ﻛﻠﻴﻪ ﻭﻣﺎ ﺻﺎﺣﺒﺖ ﻭﻻ ﺣﺒﺖ ﻭﺩﻭﻣﻬﺎ ﺭﺍﻓﻌﻪ ﺭﺍﺳﻲ .....

ﺍﻱ ﻭﻧﻴﻦ ﺗﺎﻟﻲ ﻣﺎ ﺗﻠﻪ ﺍﺗﺤﺒﻴﻦ ﻫﺬﺍ ﺍﻟﺠﺎﻫﻞ ﺍﻟﻲ ﺍﻟﺒﺎﺭﺣﻪ ﺻﺎﺭ ﻭﺗﻨﺰﻟﻴﻦ ﺭﺍﺳﻲ ..

ـ ﻳﻤﻪ ﺑﺲ ﺍﺳﻤﻌﻴﻨﻲ ﻓﺪﻭﻭﻭﻩ ﻫﺎﻱ ﺍﻟﻤﺮﻩ ﻻ ﺗﻈﻠﻤﻴﻨﻲ .

ـ ﻭﺷﻠﻮﻥ ﻣﺎﺍﻇﻠﻤﺞ ﻳﻌﻨﻲ ﺍﻟﺤﺠﻲ ﺍﻟﻜﺎﻟﻪ ﻋﻠﻲ ﺍﻟﺒﺎﺭﺣﻪ ﺟﺬﺏ ..

ـ ﺷﻜﺎﻝ ﻫﻮ ?..

ـ ﻛﺎﻝ ﺍﺻﺨﺎﻡ ﻭﺟﻪ ﻛﺎﻝ ﻇﻴﻢ ..

ـ ﻳﻤﻪ ﺑﺲ ﺍﺣﺠﻲ ﺷﻜﺎﻝ ﻣﻮ ﻛﻠﺒﻲ ﺧﻠﺺ

....

....

ﻳﻌﻨﻲ ﻣﺘﺪﺭﻳﻦ ﺑﺤﺠﻴﻜﻢ ﺍﻧﺘﻲ ﻭﻳﺎﻩ ﻛﺎﻝ ﻛﺪﺍﻡ ﺍﺧﻮﺍﻧﺞ ﻭﻛﺪﺍﻣﻲ ﻛﺎﻝ ﺍﺣﺒﻬﺎ ﻭﺍﺣﻤﺪ ﻫﺪ ﻉ ﺍﻟﻮﻟﺪ ﺭﺍﺩ ﻳﻤﻮﺗﻪ ﻭﻛﺮﻳﻢ ﺍﻟﻌﺎﻗﻞ ﻫﻢ ﻫﺠﻢ ﻋﻠﻴﻪ ﻛﻮﻟﻲ ﺭﺑﺞ ﺳﺘﺮ ﻭﺍﻟﻮﻟﺪ ﺻﺎﺭ ﻋﺎﻗﻞ ﻭﻋﺮﻑ ﻳﺤﻤﻲ ﺭﻭﺣﻪ ﻣﻨﻬﻢ ﻭﻃﻠﻌﺘﻪ ﺑﺎﻟﻜﻮﻩ ﻣﻦ ﺍﺩﻳﻬﻢ ..

ـ ﻳﻤﻪ ﻋﺰﺍ ﺍﻟﻌﺰﺍﻧﻲ ﺍﻧﻲ ﺷﺴﻮﻳﺖ ﺑﺮﻭﺣﻲ ﻋﺰﺍﺍ ﺍﻟﻌﺰﺍﻧﻲ .

ـ ﻫﺴﻪ ﺍﻧﺘﻲ ﺷﻮﻓﻲ ﺷﻠﻮﻥ ﺗﺤﻠﻴﻦ ﻣﺸﻜﻠﺘﺞ ﺍﻧﻲ ﺑﻌﺪ ﻣﺎﻟﻲ ﺷﻐﻞ ..

ـ ﻻ ﻳﻤﻪ ﻓﺪﻭﻭﻭﻩ ﺣﺒﺎﺑﻪ ﺍﺑﻮﺱ ﺍﻳﺪﺝ ﺍﻭﻛﻔﻲ ﻭﻳﺎﻱ ﻳﻤﻪ ﺑﺲ ﻋﻠﻲ ﻳﺤﺒﻨﻲ ﻭﻫﻮ ﺍﺟﺎﻛﻢ ﻣﻦ ﺍﻟﺒﺎﺏ ﻭﺭﺍﻳﺪﻧﻲ ﺑﺎﻟﺤﻼﻝ ﻟﻴﺶ ﻫﻤﻪ ﻫﻴﺞ ﻳﺴﻮﻥ ﻭﺍﻧﺘﻲ ﻣﻮ ﺗﺮﺩﻳﻦ ﺍﺗﺰﻭﺝ ﻫﺬﺍ ﻋﺮﻳﺲ ﻭﻣﺎﺑﻲ ﺷﻲ ﻟﻴﺶ ﺭﺍﻓﻀﻴﻨﻪ ..

ـ ﺍﻧﻲ ﻟﻮ ﻛﺒﻞ ﺷﻬﺮﻳﻦ ﺍﻧﻲ ﺍﺯﻭﺟﺞ ﻟـ ﻋﻠﻲ ﻭﻏﺼﺒﻦ ﻋﻠﻴﻬﻢ ﻛﻠﻬﻢ ﺑﺲ ﻫﺴﻪ ﻻ ﺍﻧﺘﻲ ﻛﻠﺘﻲ ﺗﺮﺩﻳﻨﻲ ﻣﺎﺍﺩﺧﻞ ﻭﺍﻧﻲ ﻋﺪ ﻛﻠﻤﺘﻲ ﻣﺎﺍﺩﺧﻞ ﺍﻧﺘﻲ ﺍﺣﺠﻲ ﺍﻭﻛﻔﻲ ﺑﻮﺟﻬﻢ ﻭﻛﻠﻴﻠﻬﻢ ﺍﺭﻳﺪ ﺍﺗﺰﻭﺝ ﻭﺣﺎﻭﻟﻲ ﺗﺤﺠﻴﻦ ﻭﻳﻄﻠﻊ ﺍﻟﺴﺎﻧﺞ ﻣﻮ ﺑﺲ ﻳﻤﻲ ..

ـ ﻳﻤﻪ ﺣﺒﺎﺑﻪ ﺍﻧﺴﻲ ﺍﻟﻲ ﺻﺎﺭ ﻭﺑﺲ ﻫﺎﻱ ﺍﻟﻤﺮﻩ ﺍﻭﻛﻔﻲ ﻭﻳﺎﻱ ﻭﺑﻌﺪ ﺍﺑﺪ ﻣﺎﺍﻃﻠﺐ ﻣﻨﺞ ﺍﻱ ﻃﻠﺐ ﻓﺪﻭﻭﻩ ﻳﻤﻪ ﻓﺪﻭﻭﻩ .

ـ ﺍﻱ ﻫﺴﻪ ﻋﺮﻓﺘﻴﻨﻲ ﺑﺖ ﻋﺒﺪ ﻫﺴﻪ ﺻﺮﺕ ﺍﻣﺞ ﻭﻟﺞ ﻃﺎﻟﻌﻪ ﻉ ﺍﺑﻮﺝ ﻭﻻ ﻣﺨﻠﻴﻪ ﻣﻨﻪ ﺷﻲ ﺍﺑﺪ ..

ـ ﻳﻮﻡ " ﺷﺠﺎﺏ ﺍﺑﻮﻱ ﺑﺎﻟﻤﻮﺿﻮﻉ ﻭﻟﻴﺶ ﺍﺣﺴﺞ ﻇﺎﻣﻪ ﺷﻲ ﻋﻨﻪ ﻭﺍﺣﻨﺎ ﻣﻦ ﻋﺮﻓﻪ ..

ـ ﺍﺷﺸﺸﺸﺸﺶ ﻭﺭﻭﺣﻲ ﺷﻮﻓﻴﻠﺞ ﺣﻞ ﺑﺮﻭﺣﺞ ﻭﻻ ﺗﻈﻠﻴﻦ ﺳﺎﻛﺘﻪ ﻭﺍﻧﻲ ﻣﺎﺍﺧﻠﻴﺞ ﺑﺲ ﻣﺎﺍﺣﺠﻲ ﺍﻧﺘﻲ ﻫﺎﻱ ﺍﻟﻤﺮﻩ ﺍﺧﺬﻱ ﺣﻘﺞ ﻣﻨﻬﻢ ..

ﺧﻠﺘﻨﻲ ﺍﻣﻲ ﺑﺤﻴﺮﻩ ﻭﺭﺍﺣﺖ ﻟﻴﺶ ﻫﻴﺞ

ﻟﻴﺶ ﻫﺎﻱ ﺍﻟﻤﺮﻩ ﺍﺗﺮﻳﺪﻧﻲ ﺍﻭﻛﻒ ﺑﻮﺟﻪ ﺍﺧﻮﺍﻧﻲ ﻭﻫﻲ ﺗﻌﺮﻑ ﺍﻧﻲ ﺍﺿﻴﻊ ﻛﺪﺍﻣﻬﻢ ﺍﺳﺘﺤﻲ ﻣﻨﻬﻢ ﺍﺧﺠﻞ ﺍﻛﻠﻬﻢ ﺍﻧﻲ ﻣﻮﺍﻓﻘﻪ

ﻭﺷﻠﻮﻥ ﺍﺣﺠﻲ ﻻ ﻣﺴﺘﺤﻴﻞ ﺑﺲ ﺍﺳﻤﻊ ﺻﻮﺕ ﻛﺮﻳﻢ ﻳﺼﻴﺢ ﺍﻧﻬﻲ ﻛﻞ ﺷﻲ ﻭﺧﻠﺺ ﻋﻠﻲ ﺑﻌﺪﻩ ﺷﺎﺏ ﻭﺍﻟﻒ ﻭﺣﺪﻩ ﺗﺘﻤﻨﺎﻩ ﻭﺍﻧﻲ ﻣﺎﺍﺭﻳﺪ ﺍﻇﻠﻤﻪ ﻭﻳﺎﻱ ﻫﻮ ﺻﺢ ﺣﺎﺭﺏ ﻉ ﻣﻮﺩﻱ ﺑﺲ ﺍﻧﻲ ﻣﺎﺍﺳﺘﺎﻫﻞ ﺍﻧﻲ ﺟﺒﺎﻧﻪ ﻣﺎﺍﻛﺪﺭ ﺍﻭﺟﻪ ﺍﻓﻀﻞ ﺷﻲ ﺍﻛﻠﻪ ﻳﻨﻬﻲ ﺍﻟﻤﻮﺿﻮﻉ ﻭﺧﻠﻲ ﻳﺮﺟﻊ ﻟـ ﺍﻫﻠﻪ ﻭﻫﻤﻪ ﻳﺰﻭﺟﻪ ﻉ ﺫﻭﻗﻬﻢ ﺍﺣﺴﻦ ﻭﺍﻧﻲ ﻣﻮﺿﻮﻉ ﻣﺮﺿﻲ ﺑﻌﺪﻧﻲ ﻣﻤﺨﻠﺼﺘﻪ ﺍﻧﻮﺏ ﺍﺗﺰﻭﺝ ﺍﻟﻮﻟﺪ ﻳﺒﺘﻠﻲ ﺑﻴﻪ ..

ﺩﺧﻠﺖ ﺍﻟﻤﻄﺒﺦ ﺍﺳﻮﻱ ﺭﻳﻮﻙ ﻟـ ﺍﻣﻲ ﻭﺍﺷﻮﻑ ﺷﻬﺎﻣﺔ ﺩﺧﻠﺖ ﻭﺭﺍﻱ ﻟﻠﻤﻄﺒﺦ ﻭﺍﻋﻴﻮﻧﻬﺎ ﺗﺠﺪﺡ ﻏﻀﺐ ﻭﺻﺎﻳﺮﻩ ﻧﺎﺭ ..

ـ ﺷﻮﻓﻲ ﺍﻧﻴﻦ ﻋﻮﻓﻲ ﺍﺧﻮﻱ ﺑﺤﺎﻟﻪ ﻭﻛﺎﻓﻲ ﻟﺤﺪ ﺍﻫﻨﺎ ..

ـ ﺷﻨﻮ ﺷﻬﺎﻣﺔ ﻫﻮ ﻣﻨﻮ ﺍﻟﻲ ﻳﻠﺢ ﻣﻨﻮ ﺍﻟﻲ ﻗﻨﻌﻨﻲ ﺑﺲ ﺣﺘﻪ ﺍﺣﺠﻲ ﻭﻳﻪ ﻋﻠﻲ ﻭﻣﻨﻮ ﺍﻟﻲ ﻗﻨﻊ ﻋﻠﻲ ﻟﻴﺶ ﻫﻴﺞ ﺷﻨﻮ ﺍﺣﻨﺎ ﻟﻌﺒﻪ ﻋﻨﺪﺝ !..

ـ ﻭﺍﻟﻠﻪ ﻭﻃﺎﻟﻌﻠﺞ ﺍﻟﺴﺎﻥ ﻭﺍﻟﻠﻪ ﻣﺎ ﺟﻨﺖ ﻣﺘﻮﻗﻌﻪ ﻛﻞ ﻫﺬﺍ ﺍﻟﺨﺒﺚ ﻭﺍﻟﺤﻴﻠﻪ ﻣﻨﺞ ﻭﻟﺞ ﻓﺮﻳﺘﻲ ﺭﺍﺱ ﺍﻟﻮﻟﺪ ﻓﺮ ﺻﺎﻳﺮ ﻣﺠﻨﻮﻥ ﺑﻴﺞ ﺍﺗﻌﺮﻓﻴﻦ ﺻﺎﺭ ﺍﺳﺒﻮﻉ ﻋﺎﻳﻒ ﺍﻟﺒﻴﺖ ﻭﻟﺞ ﺍﺧﻮﻱ ﻫﻮ ﻏﻴﺮ ﺭﻭﺣﻲ ﻣﻦ ﺍﻟﺪﻧﻴﺎ ﻭﺑﺴﺒﺒﺞ ﻳﻨﺎﻡ ﺑﺎﻟﺒﻴﻮﺕ ..

ـ ﻭﺍﻟﻠﻪ ﻋﻤﻲ ﺩﻧﻴﺎ ﻫﻲ ﻫﻴﺞ ﺻﺎﺭﺕ ﻭﺍﻧﻲ ﺟﻨﺖ ﺣﺎﺳﺒﺘﺞ ﻣﺜﻞ ﺍﺧﺘﻲ ﻭﻣﺎﻋﻨﺪﻱ ﺍﺧﺖ ﻏﻴﺮﺝ ﻛﻞ ﻫﺬﺍ ﻳﻄﻠﻊ ﻣﻨﺞ ﻭﺍﻧﻲ ﺍﺗﻌﺮﻓﻴﻦ ﻛﻞ ﺍﻟﺰﻳﻦ ﻣﺎﺍﺣﺐ ﺍﺧﺮﺏ ﺣﻴﺎﺓ ﺍﺣﺪ ﻓـ ﺷﻠﻮﻥ ﺍﺧﺮﺏ ﺣﻴﺎﺓ ﺍﻻﻧﺴﺎﻥ ﺍﻟﻮﺣﻴﺪ ﺍﻟﻲ ﺣﺒﻨﻲ ﻭﺣﺎﺭﺏ ﻉ ﻣﻮﺩﻱ ﺍﻃﻤﺌﻨﻲ ﻳﺎﺍﺧﺘﻲ ﺍﻟﻲ ﺧﺬﻟﺘﻨﻲ ﺍﻧﻲ ﻣﻦ ﻋﺮﻓﺘﻪ ﻣﺘﻌﺎﺭﻙ ﻭﻣﻌﺎﻧﺪ ﻭﻃﺎﻟﻊ ﻣﻦ ﺍﻟﺒﻴﺖ ﺍﻧﻲ ﺑﻌﺪ ﻣﺎﺍﺭﻳﺪﻩ ﻭﺍﺭﻓﻀﻪ ﻭﺧﻠﻲ ﻋﻴﺶ ﺣﻴﺎﺗﻪ ﻣﺎﺍﺭﻳﺪ ﺍﺩﻣﺮﻫﺎ ﻭﺍﻧﻲ ﻣﻦ ﺍﻟﺒﺪﺍﻳﻪ ﺍﻋﺮﻑ ﻫﺎﻱ ﺍﻟﻨﻬﺎﻳﻪ .

ـ ﺍﻧﻴﻦ ﻣﺎﺗﻌﺮﻓﻴﻦ ﺍﻣﻲ ﺷﻠﻮﻥ ﻣﻜﺴﻮﺭﻩ ﻭﺷﻜﺪ ﺗﺒﺠﻲ ﺻﺎﺭ ﺍﺳﺒﻮﻉ ﻣﺎﺗﻜﺪﺭ ﺍﺗﻨﺎﻡ ..

ـ ﻟﻴﺶ ﻣﺎﻛﻠﺘﻴﻠﻲ ﻭﺍﻧﻲ ﺍﺷﻮﻓﺞ ﻣﺘﻐﻴﺮﻩ ﻋﻠﻴﻪ ﻭﺍﺳﺎﻟﺞ ﺗﺠﺎﻫﻠﻴﻨﻲ ..

ـ ﺷﻨﻮ ﺍﻛﻠﺞ ﻭﺍﻟﻠﻪ ﻫﻢ ﺍﺳﺘﺤﻲ ﻣﻨﺞ ﻻﻥ ﺍﻧﻲ ﺍﻟﺴﺒﺐ ﺑﻜﻞ ﺷﻲ ..

ـ ﺷﻠﻮﻥ ﺍﻧﺘﻲ ﺍﻟﺴﺒﺐ ?..

ـ ﺍﻧﻲ ﻋﺮﻓﺖ ﻣﻦ ﻛﺮﻳﻢ ﺍﻧﺘﻲ ﺍﺗﺮﺍﺟﻌﻴﻦ ﺩﻛﺘﻮﺭ ﻧﻔﺴﻲ ﻭﻃﻠﺒﺖ ﻣﻦ ﻋﻠﻲ ﻳﻌﻮﻓﺞ ﺑﺲ

ﻫﻮ ﻋﺎﻧﺪ ﻭﺭﻓﺾ ﻭﺍﻧﻲ ﻣﺎﺳﻜﺘﺖ ﻭﺭﺣﺖ ﻛﻠﺖ ﻟـ ﺍﻣﻲ ﻭﺍﻫﻠﻲ ﻛﻠﻬﻢ ﻋﺮﻓﻮﺍ ﻭﻣﻦ ﻛﺎﻟﻮﻟﻪ ﻳﻌﻮﻓﺞ ﺍﻧﺘﻔﺾ ﻭﺍﺗﺨﺒﻞ ﻭﻣﺎﻗﺒﻞ ﻭﻛﺘﻠﻪ ﻉ ﻣﺮﺿﺞ ﻭﻛﺎﻝ ﺍﻋﺮﻑ ﻭﻣﺎﺑﻴﻬﺎ ﺷﻲ ..

ـ ﺷﻬﺎﻣﺔ ﺭﻭﺣﻲ ﻣﻦ ﻳﻤﻲ ﻣﺎﺍﺭﻳﺪ ﺍﺷﻮﻓﺞ ﻋﻮﻓﻴﻨﻲ ﻭﺣﺪﻱ ﻋﻔﻴﻪ

....

ﺍﻧﻴﻦ ﺳﺎﻣﺤﻴﻨﻲ ﺑﺲ ﻫﻮ ﺍﺧﻮﻱ ﻭﻣﺎﻋﻨﺪﻱ ﻏﻴﺮﻩ ﻉ ﺍﻟﻌﻤﺮ ﻣﻴﺨﺎﻟﻒ ﻣﻤﺒﻴﻦ ﻋﻠﻴﺞ ﺑﺲ ﻣﻮ ﻣﺮﺽ ﻭﻧﻔﺴﻲ ﺍﺗﻌﺮﻓﻴﻦ ﺷﻨﻮ ﺣﺎﻟﻪ ﻧﻔﺴﻴﻪ ﻳﻌﻨﻲ ﻣﻦ ﻳﻤﻞ ﻣﻨﺞ ﺍﻟﺪﻛﺘﻮﺭ ﻳﺤﻮﻟﺞ ﻣﺼﺢ ﻋﻘﻠﻲ ..

ـ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻧﻲ ﻣﺠﻨﻮﻧﻪ ﻓﻌﻼ ﻣﺠﻨﻮﻧﻪ ﻭﺍﺣﺘﺎﺝ ﻣﺼﺢ ﻋﻘﻠﻲ ﻻﻥ ﻣﺠﻨﻮﻧﻪ ﺑﺲ ﺍﻧﺘﻲ ﺷﺘﺤﺘﺎﺟﻴﻦ ﻭﻳﻦ ﺍﻧﻮﺩﻳﺞ ﻻﺯﻡ ﻣﻜﺎﻥ ﺑﻲ ﻋﺰﻝ ﺍﻱ ﻋﺰﻝ ﻭﻣﻴﺨﻠﻮﻧﺞ ﻳﻢ ﺍﻟﺒﺸﺮ ..... ﺍﺭﺟﻮﺝ ﺍﺑﺘﻌﺪﻱ ﻋﻨﻲ ﺑﻬﺎﻱ ﺍﻟﻠﺤﻈﻪ ﺍﻧﻲ ﻋﻤﺮﻱ ﻣﺎﺍﺫﻳﺖ ﺍﺣﺪ ﺑﺲ ﺍﺫﺍ ﺗﺒﻘﻴﻦ ﺑﻌﺪ ﺍﻛﺜﺮ ﺍﺭﺗﻜﺐ ﺟﺮﻳﻤﻪ ..

ﻣﺎﺍﺣﺲ ﺑﺮﻭﺣﻲ ﺑﺲ ﺍﻧﻬﻴﺎﺭ ﻭﻛﻌﺖ ﺑﻤﻜﺎﻧﻲ ﻭﺑﺲ ﺍﺑﺠﻲ ....

ﺍﺑﺠﻲ ﻉ ﺣﻈﻲ ﻟﻮ ﻉ ﺍﺧﺘﻲ ﻟﻲ ﻃﻌﻨﺘﻲ ﺑﻈﻬﺮﻱ ﻟﻮ ﻉ ﺍﺧﻮﻱ ﻟﻲ ﻭﻋﺪﻧﻲ ﻣﻴﻜﻮﻝ ﻋﻦ ﻣﻮﺿﻮﻋﻲ ﻭﻃﻠﻊ ﻛﺎﻳﻞ ﻟـ ﺯﻭﺟﺘﻪ ﻟﻮ ﻉ ﻋﻠﻲ ﺍﻟﻲ ﺍﺗﺒﻬﺬﻝ ﻣﻦ ﻭﺭﺍﻱ ﻟﻮ ﻉ ﺍﻣﻲ ﺍﻟﻲ ﺍﺗﺒﺮﺕ ﻣﻨﻲ ...

ﻛﺪﺭﺕ ﺍﻟﺰﻡ ﻧﻔﺴﻲ ﺍﻛﺜﺮ ﻭﺍﺷﻮﻳﻪ ﺣﺴﻴﺖ ﺑﺮﻭﺣﻲ ﻗﻮﻳﻪ ﻭﻣﺎﺍﻋﺮﻑ ﺍﺣﺲ ﻋﻠﻲ ﻫﻮ ﺩﻣﺮ ﻛﻠﺸﻲ ﻟﻴﺶ ﻫﺬﺍ ﺍﻟﻄﻴﺶ ﻻﺯﻡ ﻳﻨﺘﻈﺮ ﺍﻫﻠﻪ ﻳﻮﺍﻓﻘﻮﻥ ﻭﻳﺠﻮﻥ ﻳﺨﻄﺒﻮﻧﻲ ﻣﻮ ﻳﺎﺧﺬﻫﺎ ﺑﺎﻟﻐﺮﻭﺭ ﻭﺍﻟﻤﺸﺎﻛﻞ ﻫﺬﺍ ﺍﻟﻮﻟﺪ ﻣﻴﻔﻴﺪﻧﻲ ﺍﺗﻌﺐ ﻭﺍﺷﺒﻊ ﻣﺸﺎﻛﻞ ﻭﺍﻧﻲ ﻣﻮ ﻣﺎﻝ ﻣﺸﺎﻛﻞ ﻻﺯﻡ ﺍﺭﻛﺰ ﻉ ﻋﻼﺟﻲ ﻭﻉ ﺗﻐﻴﻴﺮ ﺷﻐﻠﻲ ﻭﺍﺷﻮﻓﻠﻲ ﺣﻞ ﺑﺴﺮﻋﻪ ...

ﺍﻧﻄﻴﺖ ﻟـ ﺍﻣﻲ ﺍﻟﺮﻳﻮﻙ ﻭﺩﺧﻠﺖ ﻟـ ﺍﻟﻐﺮﻓﻪ ﻭﺧﺎﺑﺮﺕ ﻟـــ ﻋﻠﻲ ﺑﺲ ﻣﺎﺭﺩ ﻳﻤﻜﻦ ﺟﺎﻥ ﻧﺎﻳﻢ ﺑﺲ ﻣﺎ ﺗﺮﻛﺘﻪ ﻭﺭﺍ ﺳﺎﻋﻪ ﻫﻢ ﺭﺟﻌﺖ ﺧﺎﺑﺮﺗﻪ ..

ـ ﺍﻟﻮﻭ ‏( ﺑﺼﻮﺕ ﻧﺎﻋﺲ ‏)

ـ ﺍﻟﻮﻭ ﻋﻠﻲ ﺍﺳﻔﻪ ﻳﻤﻜﻦ ﺻﺤﻴﺘﻚ ﻣﻦ ﺍﻟﻨﻮﻡ ﺑﺲ ﺷﻲ ﻣﻬﻢ ﻭﻣﻴﺘﺄﺟﻞ ﺍﺭﺟﻮﻙ ﻣﻦ ﺗﺼﺤﻪ ﺧﺎﺑﺮﻧﻲ ..

ـ ﺑﺲ ﻟﺤﻈﻪ ﺍﻧﻄﻲ ﻣﺠﺎﻝ ﺻﺒﺎﺡ ﺍﻟﺤﺐ .

ـ ﻋﻠﻲ ﻣﺎﻛﻮ ﺣﺐ ﻭﺍﻧﺴﺎﻧﻲ ﻓﺪﻭﻭﻩ ..

ـ ﺷﻨﻮ ﺩﺍ ﺗﺤﺠﻴﻦ ﺑﺲ ﺍﺭﻳﺪ ﺍﻓﺘﻬﻢ ﻟﻴﺶ ﻫﻴﺞ ﺷﺼﺎﺭ ﺍﻟﺒﺎﺭﺣﻪ ﻭﺍﻓﻘﺘﻲ !...

ـ ﺧﻠﺺ ﻭﺍﻟﻴﻮﻡ ﺍﺭﻓﺾ ﻋﻠﻲ ﺍﺫﺍ ﺻﺪﻙ ﺍﻟﻲ ﺧﺎﻃﺮ ﻳﻤﻚ ﺍﺭﺟﻊ ﻟـ ﺑﻴﺘﻚ ﻭﻋﻴﺶ ﺣﻴﺎﺗﻚ ﻭﺍﻧﺴﺎﻧﻲ ﺍﺗﺮﺟﺎﻙ ﻻ ﺗﻌﺒﻨﻲ ﺍﻛﺜﺮ ﺍﻧﻲ ﺍﺳﻔﻪ ﺍﺳﻔﻪ ﺍﻫﻮﺍﻳﻪ ﺍﺳﻔﻪ ﺑﺲ ﻣﺎﺍﻛﺪﺭ ﺍﻛﻮﻥ ﻣﺜﻠﻚ ﻣﺎﺍﻛﺪﺭ ﺍﻭﻛﻒ ﺑﻮﺟﻪ ﺍﺧﻮﺍﻧﻲ ﻭﻻ ﺍﻛﺪﺭ ﺍﺗﺤﻤﻞ ﺭﻓﺾ ﺍﻫﻠﻚ ﺍﻧﻲ ﻣﺎﺍﻛﺪﺭ ﺍﻛﻤﻞ ﻫﻴﺞ ... ﻻ ﺗﻨﺴﻪ ﺍﻧﻲ ﻋﻨﺪﻱ ﺣﺎﻟﻪ ﻧﻔﺴﻴﻪ ﻭﻫﺎﻱ ﻓﺘﺮﺓ ﻋﻼﺝ ﺍﺭﻳﺪ ﺍﺭﺗﺎﺡ ﻭﻻﺯﻡ ﺍﺑﺘﻌﺪ ﻋﻦ ﺍﻱ ﺗﻮﺗﺮ ﻭﻗﻠﻖ ﺍﺭﺟﻮﻙ ﺗﻔﻬﻢ ﺣﺎﻟﺘﻲ ..

ـ ﺧﻠﺺ ﺍﻧﺴﻲ ﻭﺍﻋﺘﺒﺮﻱ ﺍﻟﻤﻮﺿﻮﻉ ﺑﻬﺬﺍ ﺍﻟﻮﻗﺖ ﺍﻧﺴﺪ ﺑﺲ ﻣﺎﺍﻋﻮﻓﺞ ﻭﻧﺒﻘﻪ ﺳﻮﻩ ﻭ ﺍﻭﻝ ﻣﺎﺗﺼﻴﺮﻳﻦ ﺯﻳﻨﻪ ﺍﺭﺟﻊ ﺍﺧﻄﺒﺞ ﻭﻏﺼﺒﻦ ﻉ ﺍﻟﻜﻞ ﺍﻧﺘﻲ ﺍﻟﻲ ﻭﺍﺫﺍ ﺍﺗﺮﻓﻀﻴﻨﻲ ﺍﻧﺘﻲ ﺑﻌﺪ ﻫﺬﺍ ﺷﻲ ﺛﺎﻧﻲ ..

ـ ﺧﻠﺺ ﺍﻧﺴﻪ ﻭﻧﺮﺟﻊ ﻣﺜﻞ ﻗﺒﻞ ...

ـ ﻻ ﻣﺎﺍﻋﻮﻓﺞ ﺍﻧﺘﻲ ﻣﻮ ﺑﻜﻴﻔﺞ ﻭﺍﻧﻲ ﻣﻮ ﻟﻌﺒﻪ ﻋﻨﺪﺝ ..

ـ ﺑﺲ ﺍﻧﺖ ﺑـ ﺍﺳﺘﻌﺠﺎﻟﻚ ﺩﻣﺮﺕ ﻛﻞ ﺷﻲ ﻭﺟﺎﻱ ﺗﻜﻠﻲ ﻣﻮ ﻟﻌﺒﻪ ﻟﻌﺪ ﺍﻧﻲ ﻟﻌﺒﻪ ﻭﺍﻛﻒ ﻟـ ﺍﺧﻮﺍﻧﻲ ﻭﺗﻜﻠﻬﻢ ﺍﺣﺒﻬﺎ ﻫﺬﺍ ﻣﻨﻄﻖ ﺑﻠﻪ ..

ـ ﻫﻤﻪ ﺑﺪﻭ ﺑﺲ ﺣﺠﻴﺖ ﺍﺗﺨﺒﻠﻮﺍ ﻭﻳﺴﺒﻮﻥ ﻳﻜﻮﻟﻮﻥ ﻃﻤﻌﺎﻥ ﺑﻴﻬﺎ ﻛﺘﻠﻬﻢ ﺍﺣﺒﻬﺎ ﻻﻥ ﺍﻧﻲ ﻣﺎﺍﺧﺎﻑ ﻭﻣﻤﺴﻮﻱ ﺷﻲ ﺧﻄﺎ ﻻ ﺗﺤﺴﺴﻴﻨﻲ ﺑﺎﻟﺬﻧﺐ ﺍﻧﻲ ﻣﻐﻠﻄﺖ ..

ـ ﻋﻠﻲ ﺍﻧﺴﺎﻧﻲ ﺍﻧﻲ ﻣﺎﺍﻓﻴﺪﻙ ﺍﻧﺖ ﺗﺴﺘﺤﻖ ﺑﻨﻴﻪ ﺍﻓﻀﻞ ﻣﻨﻲ ﻋﻴﺶ ﺣﻴﺎﺗﻚ ﻭﺍﻧﺴﺎﻧﻲ ..

ﺳﺪﻳﺖ ﺍﻟﺨﻂ ﻭﻓﺘﺤﺖ ﺍﻟﻤﻮﺑﺎﻳﻞ ﻭﻛﺴﺮﺕ ﺍﻟﺸﺮﻳﺤﻪ ﻭﺷﻤﺮﺕ ﺍﻟﺠﻬﺎﺯ ﻭﺍﻧﻲ ﺍﻋﺮﻑ ﺗﺼﺮﻑ ﻣﺠﻨﻮﻥ ﻭﺭﺩﺕ ﻓﻌﻞ ﻏﺒﻴﻪ ﻋﻠﻲ ﻫﻮ ﻃﻮﻕ ﺍﻟﻨﺠﺎﺓ ﺍﻟﻲ ﻳﺨﻠﺼﻨﻲ ﻣﻦ ﻛﻞ ﻫﺎﻱ ﺍﻟﻬﻤﻮﻡ ﺑﺲ ﺑﻨﻔﺲ ﺍﻟﻮﻗﺖ ﻣﺎﺍﺭﻳﺪ ﺍﻛﻮﻥ ﺍﻧﺎﻧﻴﻪ ﺻﺢ ﺿﺤﻴﺖ ﺑﻲ ﺑﺲ ﻣﻮ ﻟﻤﺼﻠﺤﺘﻲ ﻻﻥ ﻣﺼﻠﺤﺘﻲ ﺍﻛﻮﻥ ﻗﺮﻳﺒﻪ ﻋﻠﻴﻪ ﺿﺤﻴﺖ ﺑﻲ ﻉ ﻣﻮﺩﻩ ﻫﻮ ...

ﺍﺳﻤﻊ ﺻﻮﺕ ﻛﺮﻳﻢ ﻳﺼﻴﺢ ﻭﺍﻟﺒﻴﺖ ﺍﻧﺨﺒﺺ ﻭﺍﻧﻲ ﻣﻦ ﺣﺠﻴﺖ ﻭﻳﻪ ﻋﻠﻲ ﻭﺻﺎﺭ ﺳﺎﻋﺘﻴﻦ ﻉ ﻧﻔﺲ ﺍﻟﻜﻌﺪﻩ ﻣﺘﺤﺮﻛﺖ ﺍﺑﺪ

....

ﺍﺣﺲ ﺑﺨﻮﻑ ﻭﺍﻃﺮﺍﻓﻲ ﺑﺪﺕ ﺍﺗﻨﻤﻞ ﻭﺍﺳﻤﻊ ﺻﻮﺕ ﻋﻠﻲ ﻫﻢ ﻳﺼﻴﺢ ﻭﻛﺮﻳﻢ ﻭﺍﺣﻤﺪ ﻭﺍﻟﺒﻴﺖ ﺻﺎﺭ ﺑﺲ ﺍﺻﻴﺎﺡ ﺍﺭﻳﺪ ﺍﻃﻠﻊ ﺑﺲ ﻣﺎﻛﺪﺭﺕ ﺧﻮﻑ ﻉ ﺻﺪﻣﻪ ﻫﺬﺍ ﻋﻠﻲ ﺷﻨﻮ ﺭﺟﻌﻪ ﻭﺍﻟﻠﻪ ﻣﺎﻋﻨﺪﻱ ﺣﻆ ﺷﺠﺎﺑﻪ ﻫﺴﻪ ﻫﺬﻭﻝ ﻳﺴﻮﻥ ﺑﻲ ﺷﻲ ﻭﻛﻠﻬﺎ ﺗﻮﻛﻊ ﺑﺮﺍﺳﻲ ﺍﻧﻲ ﺍﻋﺮﻑ ﺣﻈﻲ ...

ﻭﻧﻴﻦ ﻳﻮﻧﻴﻦ ﺗﻌﺎﻱ ﺷﻮﻓﻲ ﺑﻼﻭﻳﺞ ﺗﻌﺎﻱ ..

ﺳﻤﻌﺖ ﺻﻮﺕ ﺍﻣﻲ ﺍﻧﻮﺏ ﺍﺣﺲ ﺟﺒﻞ ﻭﺻﻌﺪ ﻉ ﺻﺪﺭﻱ ﺛﻜﻞ ﻭﺧﻨﻜﻪ ﻣﺎﻛﺪﺭﺕ ﺍﺗﻨﻔﺲ ..

ﺩﺧﻞ ﺍﺣﻤﺪ ﻟﻐﺮﻓﺘﻲ ﻭﺳﺤﺒﻨﻲ ﻣﻦ ﺷﻌﺮﻱ ﻭﻳﻀﺮﺏ ﺑﻴﻪ ﻭﺍﻧﻲ ﺑﺲ ﺍﺭﻳﺪ ﺍﺗﻨﻔﺲ ﻣﺎﺍﻛﺪﺭ ﻃﻠﻌﻨﻲ ﻭﺷﻤﺮﻧﻲ ﺍﻛﺒﺎﻝ ﻋﻠﻲ ﻭﻳﺼﻴﺢ ﻫﺎﻱ ﺍﻟﻨﺬﻟﻪ ﺍﻟﺪﻧﻜﺖ ﺭﻭﺳﻨﺎ ﺑﺎﻟﻜﺎﻉ ﺍﻟﻴﻮﻡ ﺍﺫﺑﺤﻬﺎ ﻛﺪﺍﻣﻚ ﻭﺍﻧﺖ ﺑﻌﺪﻳﻦ ﺍﺫﺑﺤﻚ ..

ـ ﻛﺮﻳﻢ : ﺷﻨﻮ ﺍﺗﺴﻮﻱ ﺍﻧﺖ ﺧﺒﻞ ﻭﻟﻚ ﻫﺎﻱ ﺍﺧﺘﻚ ﻋﻮﻓﻬﺎ ﻭﻣﺎﻟﻚ ﺷﻐﻞ ﺍﻧﺖ ..

ﺍﺣﻤﺪ : ﻫﺎﺍﺍﺍ ﻫﺬﺍ ﻧﺴﻴﺒﻚ ﻭﺍﻧﺖ ﻣﺎﺗﺮﻳﺪ ﻣﺮﺗﻚ ﺗﺰﻋﻞ ﻣﻨﻚ ..

ﺷﻬﺎﻣﺔ : ﺍﺫﺍ ﺑﻴﻚ ﺧﻴﺮ ﺍﻟﺰﻡ ﺍﺧﺘﻚ ﻣﻮ ﺗﺸﻤﺮ ﺣﺠﻲ ﻋﻠﻴﻨﺎ ﺍﺧﻮﻱ ﺭﺟﺎﻝ ﻣﺎﻳﻌﻴﺒﻪ ﺷﻲ ﺑﺲ ﺍﺧﺘﻚ ﺍﻟﻌﺎﻧﺲ ﺍﻟﻲ ﺩﺍﺭﺕ ﻋﻠﻴﻪ ﻭﻟﺞ ﻣﺘﺴﺘﺤﻴﻦ ..

ﺍﻧﻴﻦ : ﻋﻮﻓﻮﻧﻲ ﺑﺤﺎﻟﻲ ﺷﻨﻮ ﺗﺮﺩﻭﻥ ﻣﻨﻲ ﻋﻮﻓﻮﻧﻲ ﻟﺤﺪ ﻳﺘﻘﺮﺏ ﻣﻨﻲ ﻣﺎﺍﺭﻳﺪ ﺍﺳﻤﻊ ﺻﻮﺗﻜﻢ ﻋﻮﻓﻨﻲ ﻣﺎﺍﺭﻳﺪ ﺷﻲ ﺑﺲ ﺧﻠﻮﻧﻲ ﻭﺣﺪﻱ ..

ﺍﻡ ﻛﺮﻳﻢ : ﻋﻮﻓﻬﺎ ﻭﺍﻟﻠﻪ ﺍﻟﻲ ﻳﻠﻤﺲ ﺷﻌﺮﻩ ﻣﻦ ﺭﺍﺱ ﺍﻧﻴﻦ ﺍﻧﻲ ﺑﺸﻴﺒﺎﺗﻲ ﺍﻧﺰﻉ ﺍﻟﻲ ﺑﺮﺟﻠﻲ ﻭﻉ ﺭﺍﺳﻪ ﻭﻟﻜﻢ ﻭﻟﻴﺘﻮﻫﺎ ﻻﻥ ﻳﺘﻴﻤﻪ ﻭﻧﺴﻴﺘﻮﺍ ﺍﻧﻲ ﺍﻣﻬﺎ ..

ﻋﻠﻲ : ﻣﺎ ﻃﻠﺒﺖ ﺷﻲ ﻣﻨﻜﻢ ﺑﺲ ﺍﺭﻳﺪ ﺍﻧﻴﻦ ﻉ ﺳﻨﺔ ﺍﻟﻠﻪ ﻭﺭﺳﻮﻟﻪ ﻭﻫﺬﺍ ﻻ ﻋﻴﺐ ﻭﻻ ﺣﺮﺍﻡ .

ﻛﺮﻳﻢ : ﺧﻠﺺ ﻋﻠﻲ ﺍﻧﺖ ﺗﺸﻮﻑ ﺣﺎﻟﺘﻬﺎ ﺷﻠﻮﻥ ﺻﺎﻳﺮﻩ ﺍﻧﺴﻪ ﺍﻟﻤﻮﺿﻮﻉ ﺍﺣﻨﺎ ﻣﻨﺰﻭﺟﻬﺎ ﻻﻥ ﺍﻟﺒﻨﻴﻪ ﻣﺮﻳﻀﻪ ﻣﺘﻨﻔﻊ ﻟـ ﺯﻭﺍﺝ ﺭﻭﺡ ﺍﻃﻠﻊ ﻣﻦ ﺍﻟﺒﻴﺖ ﺑﺴﺮﻋﻪ ﻭﺑﻌﺪ ﻻ ﺗﺮﺟﻊ ﻭﻻ ﺗﻔﺘﺢ ﻧﻔﺲ ﺍﻟﻤﻮﺿﻮﻉ ..

ﺍﺣﻤﺪ : ﻟﻚ ﺧﻠﻴﻨﻲ ﺍﺫﺑﺤﻪ ﻫﺬﺍ ﺍﻟﻤﺎﻳﺴﺘﺤﻲ ﻭﺑﻌﺪﻩ ﻳﻌﻴﺪ ﻧﻔﺲ ﺍﻟﺤﺠﻲ ﺑﻮﺟﻬﻨﺎ ﻳﻼ ﻭﻟﻲ ﺑﺴﺮﻋﻪ ﻛﺒﻞ ﻻ ﺍﺳﺤﻠﻚ ﺍﻧﻲ ..

ﻃﻠﻊ ﻋﻠﻲ ﺑﻌﺪ ﻫﻮﺳﻪ ﻭﻛﺮﻳﻢ ﻛﻼﻣﺎﺗﻪ ﺟﻨﺖ ﺍﺳﻤﻌﻬﻦ ﺍﻱ ﺍﺳﻤﻊ ﻛﻞ ﺣﺮﻑ ﻛﺎﻟﻪ ﻭﺍﺣﺴﻪ ﺷﻠﻮﻥ ﺍﻟﻨﺎﺭ ﺍﻟﺘﻨﺰﻝ ﻉ ﺟﺮﻭﺣﻲ ﺷﻠﻮﻥ ﻛﺪﺭ ﻳﻜﻮﻝ ﻫﻴﺞ ﻋﻠﻴﻪ ﺷﻠﻮﻥ ﻃﺎﻭﻋﻪ ﻛﻠﺒﻪ ..

ﺍﻣﻲ ﺣﻀﻨﺘﻨﻲ ﻭﺗﺒﺠﻲ ﺍﻭﻝ ﻣﺮﻩ ﺍﺷﻮﻑ ﺍﺩﻣﻮﻉ ﺍﻣﻲ ﺍﻭﻝ ﻣﺮﻩ ﺍﻋﺬﺭﻫﺎ ﺑﻜﻞ ﻃﺮﻗﻬﺎ ﺣﺘﻪ ﺍﺗﺰﻭﺟﻨﻲ ﺍﻭﻝ ﻣﺮﻩ ﺍﻋﺘﺮﻑ ﻫﻲ ﻣﻐﻠﻄﺎﻧﻪ ﻭﺍﺧﻮﺍﻧﻲ ﺻﺪﻙ ﺍﺫﺍ ﻣﺎﺗﺖ ﺍﻣﻲ ﻳﺘﻌﺒﻮﻧﻲ ﻭﻳﻤﻜﻦ ﺻﺪﻙ ﻳﺸﻤﺮﻭﻧﻲ ﺍﺫﺍ ﺍﻛﺒﺮ ﻭﺑﻌﺪ ﻣﺎﺍﻧﻔﻌﻬﻢ ...

ﺩﺧﻠﺘﻨﻲ ﺍﻣﻲ ﻭﺍﻧﻄﺘﻨﻲ ﻋﻼﺟﻲ ﺑﻌﺪ ﻫﻲ ﻋﺮﻓﺖ ﺍﻧﻲ ﺍﺭﺍﺟﻊ ﺩﻛﺘﻮﺭ ﻭﺑﻘﺖ ﻳﻤﻲ ﺗﻤﺴﺢ ﺭﺍﺳﻲ ﻭﺗﻤﺴﺢ ﻭﺟﻬﻲ ﻭﺗﺒﻮﺳﻨﻲ ﻭﺍﺣﺲ ﻋﻴﻮﻧﻬﺎ ﺑﻴﻬﺎ ﻋﺘﺐ ﻭﺑﻴﻬﺎ ﺣﺰﻥ ﻣﺎﻝ ﺳﻨﻴﻦ ﺑﺲ ﻣﺤﺒﻮﺳﻪ ﺍﻱ ﺣﺎﺑﺴﻪ ﺣﺰﻧﻬﺎ ﻭﺣﺎﺑﺴﻪ ﻋﺘﺒﻬﺎ ﻭﻋﻴﻮﻧﻬﺎ ﺗﺤﺠﻲ ﺑﺴﻜﺘﻪ

...

ﺭﺣﺖ ﺑﻐﻴﺮ ﻋﺎﻟﻢ ﺑﺪﻭﻥ ﻣﺎﺍﻧﺎﻡ ﺍﺷﻮﻑ ﻧﻔﺴﻲ ﺍﺭﻛﺾ ﺑﻜﻞ ﻗﻮﺗﻲ ﺍﺭﻛﺾ ﺑﺸﺎﺭﻉ ﺣﺎﻓﻴﻪ ﻭﺑﺪﻭﻥ ﺣﺠﺎﺏ ﻭﻻ ﻋﺒﺎﻳﻪ ﻭﻣﻼﺑﺲ ﺑﻴﺖ ﻭﻣﺴﺘﺤﻴﻪ ﻣﻦ ﺭﻭﺣﻲ ﻭﺍﻟﻨﺎﺱ ﻛﻠﻬﺎ ﺗﺸﻮﻓﻨﻲ ﻭﺍﻧﻲ ﺍﺭﻛﺾ ﺍﺭﻳﺪ ﺑﺲ ﺍﻭﺻﻞ ﻟﻤﻜﺎﻥ ﻳﺤﻤﻴﻨﻲ ﺍﺭﻳﺪ ﺑﻴﺖ ﺍﺭﻳﺪ ﻛﻮﺥ ﺍﻱ ﻣﻜﺎﻥ ﻳﺤﻤﻴﻨﻲ ﻣﻦ ﻋﻴﻮﻥ ﺍﻟﻨﺎﺱ ﻟﺤﺪ ﻣﺎ ﻭﺻﻠﺖ ﻟـ ﺑﻴﺮ ﻗﺪﻳﻢ ﺑﺲ ﺩﻧﻜﺖ ﺭﺍﺳﻲ ﺍﺭﻳﺪ ﺍﺷﻮﻑ ﺷﻨﻮ ﺑﻬﺬﺍ ﺍﻟﺒﻴﺮ ﻭﺍﻧﻲ ﺍﺩﻧﻚ ﺭﺍﺳﻲ ﺳﻤﻌﺖ ﺻﻮﺕ ﻳﻄﻠﻊ ﻣﻦ ﺍﻟﺒﻴﺮ ﺻﻮﺕ ﻳﺸﺒﻪ ﺻﻮﺗﻲ ﻭﻣﻦ ﺭﻛﺰﺕ ﺍﻟﺒﻴﺮ ﺍﻇﻠﻢ ﺑﺲ ﻛﺪﺭﺕ ﺍﺷﻮﻑ ﺭﻭﺣﻲ ﺍﻱ ﻫﺎﻱ ﺍﻧﻲ ﺍﻱ ﺍﻧﻲ ﻫﺎﻱ ﺷﻠﻮﻥ ﺑﺲ ﺷﻔﺖ ﺭﻭﺣﻲ ﺍﺧﺘﻨﻜﺖ ﻭﺑﺪﺕ ﻛﻞ ﺍﻋﻀﺎﺀ ﺟﺴﻤﻲ ﺗﺮﺗﻌﺶ ﻭﺍﺻﺮﺥ ﺑﺲ ﺑﺪﻭﻥ ﺻﻮﺕ ﻭﺍﺧﺘﻨﻜﺖ ﺑﺲ ﻣﺤﺪ ﻳﺴﻤﻌﻨﻲ ﺍﺷﻮﻑ ﺍﻣﻲ ﻧﺎﻳﻤﻪ ﻳﻤﻲ ﺑﺲ ﻣﺎﺍﻛﺪﺭ ﺍﺻﺤﻴﻬﺎ ﻣﺎﺍﻛﺪﺭ ﺍﺣﺠﻲ ﻇﻠﻴﺖ ﻣﺨﻨﻮﻛﻪ ﻟﺤﺪ ﻣﺎ ﻏﺒﺖ ﻋﻦ ﺍﻟﻮﻋﻲ ﻭﺑﻌﺪ ﻣﺎﺩﺭﻳﺖ ﺑﺮﻭﺣﻲ ..

ﺻﺎﺭ ﺍﻟﺼﺒﺢ ﻭﺍﺣﺲ ﺭﻭﺣﻲ ﺭﺟﻌﺖ ﻟـﻠﻮﻋﻲ ﻭﺍﺣﺲ ﺑـ ﺍﻣﻲ ﻣﻦ ﻣﺴﺤﺖ ﻉ ﺷﻌﺮﻱ ﻭﺍﺳﻤﻊ ﺧﻄﻮﺍﺗﻬﺎ ﻭﻫﻲ ﺗﻄﻠﻊ ﻭﺗﺴﺪ ﻭﺭﺍﻫﺎ ﺍﻟﺒﺎﺏ ... ﻛﺪﺭﺕ ﺍﺭﻓﻊ ﻧﻔﺴﻲ ﻣﻦ ﺍﻟﻔﺮﺍﺵ ﺑﺲ ﺑﻜﺴﻞ ﺍﺣﺲ ﺟﺴﻤﻲ ﻭﺍﻛﻊ ﻣﻦ ﺟﺒﻞ ﻭﻣﺘﻬﺸﻢ ﻣﺎﻛﻮ ﺷﻲ ﺳﻠﻴﻢ ﺑﺠﺴﻤﻲ ﺭﻭﺣﻲ ﻣﻜﺴﻮﺭﻩ ﺗﻌﺒﺎﻧﻪ ﻭﺣﺎﻟﺘﻲ ﺯﺍﺩﺕ ﺳﻮﺀ ﻉ ﺳﻮﺀ ﻭﺧﺎﻑ ﺍﻟﻌﻼﺝ ﻭﺍﻟﺠﻠﺴﺎﺕ ﺧﻠﻨﻲ ﺍﺗﺸﺠﻊ ﻭﺍﻛﺪﺭ ﺍﺟﺎﻭﺏ ﻫﺴﻪ ﺍﺣﺲ ﻧﻔﺴﻲ ﺭﺟﻌﺖ ﺍﺭﺟﻮﻉ ﻭﺭﺟﻌﺖ ﺳﻠﻤﺖ ﻭﺑﻌﺪ ﻣﺎﺍﻛﺪﺭ ﺍﻗﺎﻭﻡ ﻳﻤﻜﻦ ﺍﻧﻲ ﺍﻟﺴﺒﺐ ﺑﻜﻞ ﺍﻟﻲ ﺻﺎﺭ ﻣﻦ ﺍﻟﺒﺪﺍﻳﻪ ﻏﻠﻄﺖ .... ﺍﻱ ﻏﻠﻄﺖ ﻣﻦ ﺳﻤﻌﺖ ﻛﻼﻡ ﺷﻬﺎﻣﺔ ﻭﻏﻠﻄﺖ ﻣﻦ ﺯﻋﻠﺖ ﺍﻣﻲ ﺷﻨﻮ ﺣﺼﻠﺖ ﻣﻦ ﻋﻔﺘﻬﺎ ﻫﺴﻪ ﺍﻧﻲ ﺑﻨﻈﺮﻫﻢ ﻣﺠﻨﻮﻧﻪ ﻭﻋﺎﻧﺲ ﻭﺻﺎﺭ ﻫﺬﺍ ﻟﻘﺐ ﻭﺑﺼﻤﺔ ﻋﺎﺭ ﺍﻟﻲ ﺧﻼﻫﺎ ﺑﺠﺒﻴﻨﻲ ﻋﻠﻲ ﺑﻌﺪ ﻣﺎﻛﻠﻬﻢ ﺍﻳﺤﺒﻨﻲ ﻳﻌﻨﻲ ﺩﺧﻠﺖ ﻧﻔﺴﻲ ﺑﺪﻭﺍﻣﻪ ﺍﻧﻲ ﻣﻮ ﻛﺪﻫﺎ ﻭﻻﺯﻡ ﺍﺣﺎﻭﻝ ﺍﻛﻤﻞ ﺷﻲ ﺍﻗﻠﻬﺎ ﻋﻼﺟﻲ ﻭﻣﺎﺍﺧﺴﺮ ﻧﻔﺴﻲ ﻣﻦ ﺟﺪﻳﺪ ..

ﺣﺎﻭﻟﺖ ﺍﺑﺪﻝ ﻣﻼﺑﺴﻲ ﺑﺼﻌﻮﺑﻪ ﻭﻛﺪﺭﺕ ﺍﻃﻠﻊ ﺍﻱ ﺍﻭﺟﻬﻢ ﻭﺍﻛﻌﺪ ﺍﻛﺒﺎﻟﻬﻢ ﺍﻧﻲ ﻣﻤﺴﻮﻳﻪ ﺫﻧﺐ ﻭﻻ ﺳﻮﻳﺖ ﺟﺮﻳﻤﻪ ﻫﺬﺍ ﻋﻤﺮﻱ ﻛﻠﻪ ﺍﺣﺘﺮﻣﻬﻢ ﺑﺲ ﺍﺣﻤﺪ ﺍﺻﻐﺮ ﻣﻨﻲ ﻭﺗﺠﺮﺍﺀ ﻭﻳﺴﺤﺒﻨﻲ ﻣﻦ ﺷﻌﺮﻱ ﻛﺪﺍﻡ ﻋﻠﻲ ﻭﻛﻞ ﻫﺬﺍ ﻭﻛﺮﻳﻢ ﺳﺎﻛﺖ ﻟﻴﺶ ﺷﻨﻮ ﺍﻟﺬﻧﺐ ﺍﻟﻌﻈﻴﻢ ﺍﻟﻲ ﺍﺭﺗﻜﺒﺘﻪ ﻭﺍﻣﻲ ﺍﻟﻲ ﺟﻨﺖ ﺷﺎﻳﻠﻪ ﻋﻠﻴﻬﺎ ﻫﻲ ﺣﻤﺘﻨﻲ ﻣﻨﻬﻢ ﻫﻲ ﺷﻤﺮﺕ ﻧﻔﺴﻬﺎ ﻋﻠﻴﻪ ﻭﻟﻤﺘﻨﻲ ﺑﻌﺪ ﻣﺎ ﻃﺸﺮﻭﻧﻲ ﻭﺻﺮﺕ ﻣﺠﻨﻮﻧﻪ ﻭﻋﺎﻧﺲ ﻭﻣﺎﺍﺳﻮﻩ ﺷﻲ ...

ـ ﻫﻬﻬﻪ ﻭﺍﻟﻠﻪ ﻋﻨﺪﺝ ﺧﻠﻚ ﻭﻃﺎﻟﻌﻪ ﻣﻦ ﻏﺮﻓﺘﺞ ﻋﺰﺍﺍ ﺑﻌﻴﻨﺞ ﺷﻜﺪ ﻗﻮﻳﻪ ..

ـ ﺭﻳﻢ ﺣﺒﺎﺑﻪ ﻋﻮﻓﻴﻨﻲ ﺗﺮﺍ ﻣﻨﺎﻗﺼﻪ ﺍﺑﺪ ..

ـ ﻭﻟﺞ ﻫﺎﻱ ﺍﻧﺘﻲ ﺧﻠﺼﺘﻲ ﻋﻤﺮﺝ ﺍﺗﺼﺪﻛﻴﻦ ﺑﺎﻟﻨﺎﺱ ﻭﻫﺎﻱ ﺷﻬﺎﻣﺔ ﺩﻭﻟﺒﺘﺞ ﻣﻮ ﻛﺘﻠﺞ ﺑﺲ ﺍﻧﺘﻲ ﺗﻤﺸﻴﻦ ﻭﺭﺍﻫﺎ ﻣﺜﻞ ﺍﻟﻌﻤﻴﻪ ..

ـ ﻳﻌﻨﻲ ﻫﺴﻪ ﺍﻧﺘﻲ ﺍﺗﺤﺒﻴﻨﻲ ﻣﺜﻼ ﺍﻧﺘﻮ ﻛﻠﻜﻢ ﻧﻔﺲ ﺍﻟﺸﻲ ﺑﺲ ﺍﻛﻮ ﻓﺮﻕ ﺑﺴﻴﻂ ﺍﻟﻮﺟﻮﻩ ﺑﺲ ﺍﻛﻠﻮﺑﻜﻢ ﺳﻮﺩﻩ ﻭﻣﺎﺑﻴﻬﺎ ﺭﺣﻤﻪ ...

ـ ﺧﺎﺏ ﺷﻮﻑ ﻣﻨﻮ ﺗﺤﺠﻲ ﺑﺲ ﻳﻼ ﻣﺎﺍﺭﺩ ﻋﻠﻴﺞ ﻣﻌﺬﻭﺭﻩ ..

ـ ﺍﻱ ﻋﻔﻴﻪ ﻻ ﺗﺮﺩﻳﻦ ﺗﺮﺍ ﻋﻨﺪﻱ ﺷﻬﺎﺩﻩ ﺍﺫﺍ ﺩﻓﻨﺘﺞ ﺑﺎﻟﺤﺪﻳﻘﻪ ﻣﺤﺪ ﻳﺴﺠﻨﻲ ﻣﺠﻨﻮﻧﻪ ..

ـ ﺍﻟﻠﻪ ﻳﻜﻔﻴﻨﻲ ﺷﺮﺝ ﻳﻠﻪ ﺍﻧﻲ ﺍﺭﻭﺡ ﺟﻬﺎﻟﻲ ﻳﺮﺩﻭﻧﻲ ...

ﺭﺍﺣﺖ ﺑﻌﺪ ﻣﺎﺫﺑﺖ ﺳﻤﻬﺎ ﻛﻠﻪ ﺑﺲ ﻭﺍﻟﻠﻪ ﻋﺪﻫﺎ ﺣﻖ ﺍﻧﻲ ﺍﻧﻐﺸﻴﺖ ﺑﺎﻟﻮﺟﻮﻩ ﻭﻫﺎﻱ ﻛﻞ ﺍﺣﻼﻣﻲ ﻫﻲ ﻋﻼﻣﺎﺕ ﺑﺲ ﺍﻧﻲ ﻣﺎﺍﻓﺘﻬﻢ ﻛﻞ ﻣﺮﻩ ﺍﺷﻮﻑ . ﻧﺎﺱ ﻭﻳﺮﺩﻭﻥ ﻳﺴﺎﻋﺪﻭﻧﻲ ﺑﺲ ﺍﺧﺎﻑ ﻣﻦ ﻭﺟﻬﻢ ﻭﻣﻦ ﻳﺘﺮﻛﻮﻧﻲ ﺍﺿﻴﻊ ﻻﺯﻡ ﻣﺎﺍﻗﺘﻨﻊ ﺑﻌﺪ ﺑـ ﺍﻱ ﺷﺨﺺ ﻭﻻ ﺍﺛﻖ ﺑـ ﺍﻱ ﻭﺟﻪ .

ﻇﻠﻴﺖ ﻓﺘﺮﻩ ﻣﺎﺍﺣﺠﻲ ﻭﻳﻪ ﻛﺮﻳﻢ ﺑﻌﺪﻳﻦ ﻫﻮ ﺍﻋﺘﺬﺭ ﻭﺳﺎﻣﺤﺘﻪ ﻭﺍﺣﻤﺪ ﺍﺑﺪ ﻣﺎﺍﻋﺘﺬﺭ ﺑﺎﻟﻌﻜﺲ ﻛﻞ ﻣﺎﻳﺸﻮﻓﻨﻲ ﻳﺴﻤﻌﻨﻲ ﻛﻠﻤﻪ .... ﻋﻠﻲ ﻣﺎﺍﻋﺮﻑ ﺷﻲ ﻋﻨﻪ ﺍﻧﻜﻄﻌﺖ ﺍﺧﺒﺎﺭﻩ ﻋﻨﻲ ..

ﺭﺟﻌﺖ ﻟﻠﺪﻭﺍﻡ ﻭﻫﻢ ﺳﺎﻟﺘﻬﻢ ﺍﺫﺍ ﺍﻛﺪﺭ ﺍﺣﻮﻝ ﻉ ﻏﻴﺮ ﻭﺯﺍﺭﺓ ﺍﻟﻤﺪﻳﺮﻩ ﻛﺎﻟﺖ ﺍﻱ ﻳﺼﻴﺮ ﺑﺲ ﻻﺯﻡ ﺳﺒﺐ ﻣﻘﻨﻊ ...

ﺍﻟﺠﻠﺴﻪ ﺍﻟﺜﺎﻟﺜﺔ ﻣﻦ ﺭﺣﺖ ﻟﺪﻛﺘﻮﺭ ﻛﺘﻠﻪ ﻉ ﻛﻼﻡ ﺍﻟﻤﺪﻳﺮﻩ ﻭﻛﺘﺒﻠﻲ ﺗﻘﺮﻳﺮ ﻭﻫﻢ ﺳﺎﻋﺪﻧﻲ ﻭﺍﻧﺎﻃﺎﻧﻲ ﺍﺳﻢ ﻭﺯﺍﺭﺓ ﻳﺸﺘﻐﻞ ﺑﻴﻬﺎ ﺍﺧﻮﻩ ﻭﻣﺎﺍﻋﺮﻑ ﺍﺣﺲ ﻫﺬﺍ ﺍﻟﺪﻛﺘﻮﺭ ﺭﺏ ﺍﻟﻌﺎﻟﻤﻴﻦ ﺻﺨﺮﻩ ﺍﻟﻴﻪ ..

ﺭﺣﺖ ﻉ ﺍﻟﻮﺯﺍﺭﻩ ﻭﻗﺪﻣﺖ ﺍﻭﺭﺍﻗﻲ ﻭﺟﺎﻥ ﺍﻟﺴﺒﺐ ﻫﻮ ﺗﻌﺐ ﻧﻔﺴﻲ ﻣﻦ ﻛﺜﺮﺓ ﺍﻟﺘﺪﺭﻳﺲ ﻭﻣﻦ ﺍﺻﻮﺍﺕ ﺍﻟﻄﺎﻟﺒﺎﺕ ﻭﻻﺯﻡ ﺍﻧﺘﻘﻞ ﻟـ ﻣﻜﺎﻥ ﺍﻛﺜﺮ ﻫﺪﻭﺉ ﻭﻫﻢ ﻳﺘﻐﻴﻴﺮ ﺭﻭﺗﻴﻦ ﺣﻴﺎﺗﻲ .....

ﺻﺎﺭ ﻣﻜﺎﻥ ﻋﻤﻠﻲ ﺍﻟﺠﺪﻳﺪ ﻭﺯﺍﺭﺓ ﺍﻟﻤﺎﻟﻴﻪ ﺩﺍﺋﺮﻩ ﺟﺒﻴﺮﻩ ﻭﺑﻴﻬﺎ ﺍﻫﻮﺍﻳﻪ ﻣﻮﻇﻔﻴﻦ

ﻭﺍﻧﻲ ﺻﺎﺭ ﻣﻜﺘﺒﻲ ﺑﻮﺣﺪﺗﻪ ﺍﻟﺤﺴﺎﺑﺎﺕ .

ﻭﻳﺎﻱ ﺑﻨﻔﺲ ﺍﻟﻐﺮﻓﻪ ﻣﻜﺘﺒﻴﻦ ﺍﺑﻨﻴﻪ ﻭ ﻭﻟﺪ ﻫﻢ ﺑﻌﺪﻫﻢ ﺷﺒﺎﺏ ﺑﺲ ﺑﻘﻴﺖ ﺍﻟﻤﻮﻇﻔﻴﻦ ﺍﻏﻠﺒﻬﻢ ﺍﻛﺒﺎﺭ ﺑﺎﻟﻌﻤﺮ ...

ﺍﻭﻝ ﺍﻳﺎﻡ ﺍﺗﻌﻮﺩﺕ ﻉ ﺍﻟﺸﻐﻞ ﻭﻫﻢ ﺳﺎﻋﺪﻭﻧﻲ ﺣﺘﻪ ﺍﺗﻌﻠﻢ ﻭﻛﺪﺭﺕ ﺑﻔﺘﺮﺓ ﻗﺼﻴﺮﻩ ﺍﻛﻮﻥ ﻋﻼﻗﺎﺕ ﻭﻳﻪ ﺍﻟﻤﻮﻇﻔﺎﺕ ﻭﻋﺮﻓﺖ ﻗﺼﺼﻬﻢ ﺻﺮﺕ ﺍﺟﺘﻤﺎﻋﻴﻪ ﺍﻛﺜﺮ ﻣﻦ ﻗﺒﻞ ﻭﺍﻛﺪﺭ ﺍﻣﻴﺰ ﺑﻴﻦ ﺍﻟﻨﺎﺱ ﻭﺍﻋﺮﻑ ﻧﻮﻳﺎﻫﻢ ﻭﻣﺎﺍﻧﻐﺶ ﺑﺎﻟﻮﺟﻮﻩ ﺍﺑﺪ ...

ﻳﺘﺒﻊ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤