رواية امي تبحث عن عريس الجزء الثاني

..

رواية امي تبحث عن عريس الجزء الثاني

للكاتبة أزهار ذابله

...

ﻭﺍﺧﻴﺮﺍﺍﺍﺍ ﺍﻗﺘﻨﻌﺖ ﺍﻣﻲ ﻭﺧﻠﺺ ﻣﻮﺿﻮﻉ ﻫﺬﺍ ﺍﻟﺴﻜﻴﺮ ﻭﺧﻠﻒ ﺍﻟﻠﻪ ﻉ ﺍﻡ ﺣﻤﻴﺪ ﻫﻲ ﺻﺢ ﺩﺟﺎﻟﻪ ﺑﺲ ﻧﻘﺬﺗﻨﻲ ..

ﺭﺟﻌﻨﺎ ﻟـ ﺍﻟﺒﻴﺖ ﻭﺍﻧﻲ ﺻﺪﻙ ﻓﺮﺣﺎﻧﻪ ﻭﻣﺮﺗﺎﺣﻪ ﻭﺣﺒﻴﺖ ﺍﻡ ﺣﻤﻴﺪ ﺍﻫﻮﺍﻳﻪ ﻣﺎﺍﻋﺮﻑ ﻟﻴﺶ ﺣﺴﻴﺘﻬﺎ ﻛﺎﻟﺖ ﻫﻴﺞ ﻻﻥ ﺣﺴﺖ ﺑﻴﻪ ﺭﺍﻓﻀﻪ ﻫﻨﻪ ﺍﻟﺴﺤﺎﺭﺍﺕ ﺻﺢ ﻣﻴﻔﺘﻬﻤﻦ ﺑﺲ ﻋﺪﻫﻢ ﻓﻄﻨﻪ ﻋﺠﻴﺒﻪ ﻳﻌﻨﻲ ﺍﻟﻲ ﺗﻜﺪﺭ ﺗﻀﺤﻚ ﻉ ﺍﻟﻨﺴﻮﺍﻥ ﻭﺗﻮﻫﻤﻬﻦ ﻫﻲ ﺗﻌﺮﻑ ﺷﻲ ﻫﻨﻪ ﻣﻴﻌﺮﻓﻨﻪ ﻭﺗﻘﻨﻌﻬﻦ ﺗﻜﺪﺭ ﺍﺗﻔﺴﺮ ﻣﻌﺎﻧﻲ ﻭﺟﻬﻲ ﺍﻟﺮﺍﻓﺾ ﺍﻟﻤﻮﺿﻮﻉ ﻭﻫﻢ ﺍﺣﺘﻤﺎﻝ ﺍﻛﻮﻥ ﺍﻟﺮﺯﻕ ﻣﺎﻟﺘﻬﺎ ﻭﻣﺘﺮﻳﺪ ﺍﺗﺰﻭﺝ ﺑﺴﺮﻋﻪ ﺑﻌﺪ ﺷﻠﻮﻥ ﺗﺴﺘﺮﺯﻕ ﻭﺑﻌﺪﻳﻦ ﺍﻧﻲ ﻣﺘﺄﻛﺪﻩ ﻫﻲ ﺍﺗﻌﺠﺒﺖ ﻣﻦ ﺍﻟﺼﺪﻓﻪ ﺍﻟﻲ ﺻﺎﺭﺕ ﻭﻳﺎﻫﺎ ﻭﺷﻠﻮﻥ ﺑﺲ ﺳﺒﺤﺘﻨﻲ ﺣﺠﻮ ﻋﻠﻴﻪ ﺍﻟﻨﺎﺱ ﻭﺍﻧﻲ ﻧﺎﻳﻤﻪ ﻉ ﻛﻠﺐ ﺍﻣﻲ ﺻﺎﺭ ﺷﻜﺪ ﻣﺤﺪ ﺩﺍﻙ ﺑﺎﺑﻲ ..

ﺭﺟﻌﺖ ﺑﺎﻟﺒﻴﺖ ﻃﺒﻴﻌﻲ

ﻭﺍﻣﻲ ﻛﺎﻟﺖ ﻟـ ﺍﺧﻮﺍﻧﻲ ﻳﻨﺴﻮﻥ ﺍﻟﻤﻮﺿﻮﻉ ﻭﻫﻲ ﺭﺍﻓﻀﻪ ﻭﺧﻠﺼﻨﺎ ..

ﺻﺎﺭ ﻣﻮﻋﺪ ﺍﻟﺮﻭﺍﺗﺐ ﻭﻻﺯﻡ ﺍﺭﻭﺡ ﺍﺟﻴﺐ ﺍﻟﺮﺍﺗﻲ ﻣﺎﻟﺘﻲ ﻣﻦ ﺍﻟﻤﺪﺭﺳﻪ ﺍﻧﻲ ﻣﺪﺭﺳﺘﻲ ﺑﻌﻴﺪﻩ ﻋﻦ ﺍﻟﺒﻴﺖ ﻳﻌﻨﻲ ﻣﻮ ﺑﻨﻔﺲ ﺍﻟﻤﻨﻄﻘﻪ ﻭﻻﺯﻡ ﻓﺮﻩ ﻭﺩﻭﺧﻪ ﻭﺍﻧﻲ ﻫﺎﻱ ﺍﻻﻳﺎﻡ ﻧﻔﺴﻴﺘﻲ ﺗﻌﺒﺎﻧﻪ ﻭﻣﺎﺍﻋﺮﻑ ﻭﻳﻦ ﺍﺭﻭﺡ ﺑﺎﻟﺨﻴﺎﻝ ..

ﻭﺍﺧﺎﻑ ﺍﻃﻠﻊ ﻭﺣﺪﻱ ﺍﻧﻮﺏ ﺍﺿﻴﻊ ﻟﻮ ﺍﺗﺨﺮﺑﻂ .

ﺗﻌﺒﺘﻨﻲ ﻫﺎﻱ ﺍﻟﺤﺎﻟﻪ ﻭﺍﺭﻳﺪ ﺍﺭﺍﺟﻊ ﺩﻛﺘﻮﺭ ﻧﻔﺴﻲ ﺑﺲ ﺍﺧﺎﻑ ﺍﻛﻮﻝ ﻟـ ﺍﻣﻲ ﻻﻥ ﺍﻋﺮﻑ ﺗﺄﺧﺬﻧﻲ ﻟـ ﻭﺍﺣﺪ ﺩﺟﺎﻝ ..

ﻭﺍﺩﻋﻲ ﻟﻴﻞ ﻭﻧﻬﺎﺭ ﻛﻮﻥ ﻣﺘﺤﺲ ﺑﻴﻪ ﻭﻻ ﺗﻼﺣﻆ ﻣﺤﺪ ﻳﺪﺭﻱ ﺑﺎﻻﺣﻼﻡ ﺍﻟﻲ ﺗﺮﺍﻭﺩﻧﻲ ﺑﺲ ﺷﻬﺎﻣﺔ ﺯﻭﺟﺔ ﻛﺮﻳﻢ ﻫﻲ ﺍﻟﻮﺣﻴﺪﻩ ﺗﻌﺮﻑ ﻭﺍﻧﻲ ﻋﻨﺪﻱ ﺛﻘﻪ ﺑﻴﻬﺎ ﻭﻫﻲ ﺍﺗﺤﺎﻭﻝ ﺍﺗﺴﺎﻋﺪﻧﻲ ﺑﺲ ﻣﺘﻜﺪﺭ ﻫﻢ ﻣﺴﺆﻭﻟﻴﻪ ﻭﺍﻃﻔﺎﻝ ﺧﻄﻴﻪ ﻣﺘﻠﺤﻚ ..

ﺍﻟﻤﻬﻢ ﺍﺗﺸﺠﻌﺖ ﻭﺩﻋﻴﺖ ﺭﺑﻲ ﻭﻃﻠﻌﺖ ﻣﻦ ﺍﻟﺒﻴﺖ ﻭﺑﻮﺟﻬﻲ ﻉ ﺍﻟﻤﺪﺭﺳﻪ ..

ﻭﺻﻠﺖ ﺑﺴﻼﻡ ﺑﺪﻭﻥ ﺍﻱ ﺣﻠﻢ ﻳﺬﻛﺮ ..

ﺷﻔﺖ ﻫﻢ ﺻﺪﻳﻘﺎﺗﻲ ﺍﻟﻤﺪﺭﺳﺎﺕ ﻭﻫﻢ ﺣﺠﻴﻨﺎ ﺍﺷﻮﻳﻪ ﻭﺭﺩﺕ ﺍﺭﺟﻊ ﺑﺲ ﺍﺳﺘﻮﻗﻔﺘﻨﻲ ﺳﺖ ﺣﻠﻴﻤﻪ ﻣﺪﺭﺳﺔ ﺍﻻﺳﺮﻳﻪ ﻫﻲ ﺗﻘﺮﻳﺒﺎ ﻋﻤﺮﻫﺎ ﺑﺎﻟﺨﻤﺴﻴﻦ ﺳﻨﻪ ﻭﺷﻜﻠﻬﺎ ﻣﺤﺒﻮﺏ ﺑﺲ ﺍﻧﻲ ﻣﺎﺍﺣﺒﻬﺎ ﻻﻥ ﺗﺤﺠﻲ ﺑﺼﻮﺕ ﻧﺎﺻﻲ ﻣﺜﻞ ﺍﻟﺤﻴﻪ ..

ﺣﻠﻴﻤﻪ : ﺍﻭﻛﻔﻲ ﻋﻴﻨﻲ ﺍﻧﻴﻦ ﺍﺭﻳﺪﺝ ﺑﻤﻮﺿﻮﻉ ‏( ﺗﻬﻤﺲ ﻫﻤﺲ ﻫﻴﺞ ﻛﺎﻥ ﺻﻮﺗﻬﺎ ‏) .

ﺍﻧﻴﻦ : ﻧﻌﻢ ﺳﺖ ﺍﺗﻔﻀﻠﻲ .

ـ ﺣﺒﻲ ﻣﻨﺨﻄﺒﺘﻲ . ?

ـ ﻻ ﻣﺎﻛﻮ ..

ـ ﻫﺎﺍﺍﺍ ﻟﻌﺪ ﻭﺳﻤﻴﺮ ﻟﻴﺶ ﻣﻮ ﺭﺟﺎﻝ !..

ـ ﺍﻧﺘﻲ ﻭﻳﻦ ﺍﺗﻌﺮﻓﻴﻦ ﺳﻤﻴﺮ ?..

ـ ﺍﻋﺮﻓﻪ ﻭﺍﻧﻲ ﺩﺯﻳﺘﻬﻢ ﻋﻠﻴﺞ ﻻﻥ ﻫﻮ ﻳﺼﻴﺮﻟﻲ ﺑﺲ ﻣﻦ ﺑﻌﻴﺪ .

ـ ﺧﻠﻒ ﺍﻟﻠﻪ ﻋﻠﻴﺞ ﺳﺖ ﺣﻠﻴﻤﻪ ﻭﺍﺩﺯﻳﻠﻲ ﻫﺬﺍ ﺍﻟﺘﻌﺒﺎﻥ ﺍﻟﻲ ﻣﺎﻳﺨﺎﻑ ﺍﻟﻠﻪ ..

ـ ﻟﻴﺶ ﻣﻨﻮ ﻛﻠﺞ ﻭﺍﻟﻠﻪ ﺧﻮﺵ ﺭﺟﺎﻝ ﻭﺍﺑﻦ ﻧﺎﺱ ﻭﻣﺘﺮﺑﻲ ﻭﺍﺑﺪ ﻣﺎﻋﻨﺪﻩ ﻫﻴﺞ ﺳﻮﺍﻟﻒ ﻭﺑﻌﺪﻳﻦ ﺍﻧﺘﻲ ﺑﻜﻴﻔﺞ ﺍﺫﺍ ﺍﺗﺮﻓﻀﻴﻦ ﺑﺲ ﺣﺮﺍﻡ ﺗﺤﺠﻴﻦ ﻉ ﺍﻟﻮﻟﺪ .

ـ ﻻ ﻻ ﺍﻧﻲ ﻣﺪﺍ ﺍﻓﺘﻬﻢ ﻫﻮ ﻣﻨﻮ ﺳﻤﻴﺮ ﻣﻮ ﻧﻔﺴﻪ ﺍﻟﻲ ﻳﻀﺮﺏ ﺍﻣﻪ ﺑﺎﻟﺸﺎﺭﻉ ﺍﻟﺴﻜﻴﺮ ﺍﻟﻲ ﻳﻮﻣﻴﻪ ﺑﺴﺠﻦ !..

ـ ﻫﺬﺍ ﻣﻨﻮ ﻫﻬﻬﻬﻬﻬﻪ ﺣﺒﻲ ﺳﻤﻴﺮ ﺍﻣﻪ ﻣﺘﻮﻓﻴﻪ ﻭﺭﺟﺎﻝ ﻣﺤﺘﺮﻡ ﻭﻣﺪﺭﺱ ﻛﻴﻤﻴﺎﺀ ﺑﺲ ﺍﻧﻔﺼﻞ ﻋﻦ ﺯﻭﺟﺘﻪ ﻟـ ﺍﺳﺒﺎﺏ ﺑﻴﻨﺎﺗﻬﻢ ﻳﻌﻨﻲ ﻣﺘﻘﻠﻞ ﻣﻦ ﻗﻴﻤﺘﻪ ﻭﻟﻌﻠﻤﺞ ﺳﻤﻴﺮ ﺑﺤﻴﺎﺗﻪ ﻣﺪﺍﺧﻞ ﺳﺠﻦ ﺍﺑﺪﺍ ﻭﺣﺘﻪ ﺗﺪﺧﻴﻦ ﻣﻴﺪﺧﻦ ..

ـ ﺳﺖ ﺑﺲ ﺍﺭﻳﺪ ﻋﻨﻮﺍﻧﻪ ﺍﺫﺍ ﺍﺗﻜﺪﺭﻳﻦ . .

ﺳﺖ ﺑﺲ ﺍﺭﻳﺪ ﻋﻨﻮﺍﻧﻪ ﺍﺫﺍ ﺍﺗﻜﺪﺭﻳﻦ .

ـ ﺣﺒﻲ ﺍﺫﺍ ﺭﻓﻀﺘﻲ ﺑﻌﺪ ﻣﺎﻛﻮ ﺩﺍﻋﻲ ﻟﻠـ ﻋﻨﻮﻥ .

ـ ﺍﺭﺟﻮﺝ ﺳﺖ ﺑﺲ ﺍﺭﻳﺪ ﺍﻟﻌﻨﻮﺍﻥ ﻟﻮ ﺳﻤﺤﺘﻲ .

ﺍﺧﺬﺕ ﺍﻟﻌﻨﻮﺍﻥ ﻣﻦ ﺳﺖ ﺣﻠﻴﻤﻪ ﻭﺑﺪﻭﻥ ﺗﻔﻜﻴﺮ ﻛﺒﻞ ﺭﺣﺖ ﻉ ﻧﻔﺲ ﺍﻟﻌﻨﻮﺍﻥ ﻭﺍﻭﻝ ﻣﺪﺧﻠﺖ ﺍﻟﻤﻨﻄﻘﻪ ﺷﻔﺖ ﺣﺠﻴﻪ ﺭﺍﺟﻌﻪ ﻣﻦ ﺍﻟﺴﻮﻙ ﺍﺳﺘﻮﻗﻔﺘﻬﺎ ﻭﺳﺎﻟﺘﻬﺎ ﻋﻠﻴﻪ ..

ﻛﺎﻟﺖ ﻣﺘﻌﺮﻓﻪ ..

ﺭﺟﻌﺖ ﺍﺳﺎﻝ ﺍﻫﻮﺍﻳﻪ ﻣﻌﺮﻓﻮﻩ ﺑﻌﺪﻳﻦ ﻟﻜﻴﺖ ﺭﺟﺎﻝ ﻗﺮﻳﺐ ﻋﻤﺮﻩ ﻉ ﺍﻟﺴﺘﻴﻦ ﻭﺟﺴﻤﻪ ﻣﻨﺤﻮﺕ ﻭﻟﺤﻴﺔ ﺑﻴﻀﻪ ﺟﺎﻥ ﺭﺟﻞ ﻭﻗﺮ ﻭﻣﺒﻴﻦ ﻋﻠﻴﻪ ﺍﻟﻬﻴﺒﻪ ﻭﺍﻻﺣﺘﺮﺍﻡ ... ﺳﺄﻟﺘﻪ ﻋﻦ ﺳﻤﻴﺮ ﻭﺟﺎﻧﺖ ﺍﻟﺼﺪﻣﻪ ﻫﻲ ﺟﻮﺍﺏ ﻫﺬﺍ ﺍﻟﺮﺟﺎﻝ . .

ﺍﻟﺮﺟﺎﻝ ﺣﺠﺎﻟﻲ ﺑﺎﻟﺘﻔﺼﻴﻞ ﺍﻟﻤُﻤﻞ ﻋﻦ ﺣﻴﺎﺓ ﺳﻤﻴﺮ ﻭﻃﻠﻊ ﺳﻤﻴﺮ ﻣﺜﻞ ﻣﻜﺎﻟﺖ ﺳﺖ ﺣﻠﻴﻤﻪ ﺭﺟﺎﻝ ﻣﺤﺘﺮﻡ ﻭﺍﺑﺪ ﻣﺎﻋﻨﺪﻩ ﻫﻴﺞ ﺳﻮﺍﻟﻒ ...

ﺍﺧﺬﺕ ﺧﻴﺒﺖ ﺍﻣﻠﻲ ﻭﻧﺼﻴﺒﻲ ﺍﻟﻲ ﻣﺎﺑﻲ ﺷﻲ ﺭﺟﺎﻝ ﻣﺤﺘﺮﻡ ﻭﺟﺎﻥ ﺧﻠﺼﻨﻲ ﻣﻦ ﺍﻣﻲ ﻭﻣﻦ ﺍﻟﺴﺤﺮ ﻭﺍﻟﺸﻌﻮﺫﻩ ﻭﺟﺎﻥ ﺍﺭﺗﺎﺣﻴﺖ ﻭﺭﻳﺤﺖ ﺍﻣﻲ ..

ﻟﻴﺶ ﺍﺣﻤﺪ ﺟﺬﺏ ﻋﻠﻴﻨﻪ ﻟﻴﺶ ﻟﻮ ﺑﺲ ﺍﻋﺮﻑ ﺷﻨﻮ ﻣﺼﻠﺤﺘﻪ ﺍﺑﻘﻪ ﺑﺪﻭﻥ ﺯﻭﺍﺝ ?..

ﺭﺟﻌﺖ ﻟﻠﺒﻴﺖ ﺍﻭﻝ ﻣﺎ ﻓﺘﺤﺖ ﺍﻟﺒﺎﺏ ﻭﺟﻪ ﺑﻮﺟﻪ ﻭﻳﻪ ﺍﺣﻤﺪ ..

ـ ﻫﺎﺍﺍ ﺍﻧﻴﻦ ﺍﻟﻠﻪ ﻳﺴﺎﻋﺪﺝ ﺍﻭﻛﻔﻲ ﻫﺎﻱ ﺷﻤﺨﻠﻴﻪ ﻟﻮﺟﻬﺞ ﻟﻴﺶ ﻫﺬﺍ ﺍﻟﻤﻜﻴﺎﺝ ..

ـ ﻭﻳﻦ ﺍﻟﻤﻜﻴﺎﺝ .. ﻫﺬﺍ ﻣﻦ ﺍﻟﺸﻤﺲ ﺍﻧﺼﻤﻄﺖ ﺻﻤﻂ ﻭﺭﺍﺳﻲ ﻣﻮﺭﺙ ﻭﺧﺮ ﻣﻦ ﻭﺟﻬﻲ ﺑﻬﺎﻱ ﺍﻟﺴﺎﻋﻪ ..

ـ ﻉ ﻛﻴﻔﺞ ﺷﻜﻠﻨﺎ ﺍﺣﻨﺎ ..

ـ ﺍﻱ ﺍﻟﻠﻪ ﻳﻮﻓﻘﻚ ﻋﻮﻓﻨﻲ ﺑﺤﺎﻟﻲ .

ـ ﺩﺭﻭﺣﻲ ﺧﻠﺼﺘﻲ ﻋﻤﺮﺝ ﻧﻔﺴﻴﻪ " ﺻﺪﻙ ﺍﻣﻲ ﻛﺎﻟﺖ ﺍﻟﻴﻮﻡ ﺗﺴﺘﻠﻤﻴﻦ ﺍﻟﺮﺍﺗﺐ ?..

ـ ﺍﻱ ﺍﺳﺘﻠﻤﺖ .

ـ ﺍﻱ ﺑﻌﺪ ﺍﺧﻮﺝ ﻣﺎﻛﻮ ﻣﻴﻪ ﺩﻳﻦ ﺑﺲ ﺷﻬﺮ ﻭﺍﺭﺟﻌﻬﻢ ﺍﻟﺞ ﻭﻓﻮﻛﻬﻢ ﺑﻮﺳﻪ ..

ـ ﻫﺴﻪ ﺭﻭﺡ ﻣﻦ ﺗﺮﺟﻊ ﺍﻟﻠﻪ ﻛﺮﻳﻢ ﻏﺎﻟﻲ ﻭﺍﻟﻄﻠﺐ ﺭﺧﻴﺺ .

ـ ﻳﻠﻪ ﺍﺷﻮﻓﺞ ﺑﺎﻱ ..

ﺩﺧﻠﺖ ﻟـ ﻏﺮﻓﺘﻲ ﺍﻣﻲ ﻣﻨﺘﺒﻬﺖ ﻋﻠﻴﻪ ﺟﺎﻧﺖ ﻣﻠﺘﻬﻴﻪ ﺗﺤﺠﻲ ﻭﻳﻪ ﺧﺎﻟﺘﻲ ﺳﻌﺎﺩ ﻫﺎﻱ ﻫﻢ ﻣﺴﻜﻴﻨﻪ ﻫﻢ ﻣﺒﺘﻠﻴﻪ ﻋﺒﺎﻟﻚ ﻣﺴﻮﻳﻪ ﺟﺮﻳﻤﻪ ﺷﻜﺒﺮﻫﺎ ﻭﺍﻟﻜﻞ ﻳﺘﺤﻜﻢ ﺑﻴﻬﺎ ﻻﻥ ﻣﻤﺘﺰﻭﺟﻪ ﻭﺑﺎﻟﺮﻏﻢ ﻣﺎ ﻫﻲ ﻣﻨﺎﻗﺼﻬﺎ ﺷﻲ ﺑﺲ ﻫﻮ ﻧﺼﻴﺐ ﻳﻌﻨﻲ ﻣﻮ ﺑﻴﺪﻫﺎ ﻛﻠﻪ ﻗﺴﻤﻪ ﻭ ﺭﺯﻕ ﻣﻦ ﺍﻟﻠﻪ ... ﻭﺷﻜﺪ ﺷﻔﺖ ﻣﺰﻭﺟﺎﺕ ﺑﺲ ﻣﻮ ﺑﺠﻤﺎﻟﻬﺎ ﻭﻻ ﺑﺸﻄﺎﺭﺗﻬﺎ ﺑﺲ ﺷﻨﻜﻮﻝ ﻫﻲ ﻫﺎﻱ ﺍﻟﺪﻧﻴﺎ ﻭﻻ ﺍﻋﺘﺮﺍﺽ ﻉ ﺣﻜﻢ ﺭﺏ ﺍﻟﻌﺎﻟﻤﻴﻦ .

ﺻﺎﺭ ﺍﻟﻌﺼﺮ ﻭﺩﺧﻠﺖ ﺍﻣﻲ ﺍﻟﻐﺮﻓﻪ ..

ـ ﻭﻧﻴﻦ ﻳﻤﻪ ﻟﻜﻴﺘﻠﺞ ﺧﻮﺵ ﻛﺸﺎﻓﻪ ﺍﺗﺨﺒﻞ ﻫﺎﻱ ﺍﻡ ﺣﻤﻴﺪ ﺧﻠﻲ ﺍﺗﻮﻟﻲ ﻣﺘﻔﺘﻬﻢ ﻏﺒﻴﻪ .

ـ ﺍﻱ ﻭﺍﻟﻠﻪ ﻳﻤﻪ ﻭﻻ ﺗﻔﺘﻬﻢ ﻭﻻ ﺍﺑﺪ ﻳﻤﻪ ﻛﻠﻬﻦ ﻧﻔﺲ ﺍﻟﺸﻲ ﻟﻴﺶ ﺍﺿﻴﻊ ﺭﺍﺗﺒﻲ ﻋﻠﻴﻬﻦ ﺧﻠﻲ ﺍﺳﻮﻱ ﺳﻠﻔﻪ ﻭﺍﻧﺮﻭﺡ ﺍﻧﻲ ﻭﻳﺎﺝ ﻟﻠﻌﻤﺮﻩ ..

ـ ﻳﺎ ﻫﻢ ﺭﺟﻌﻨﺎ ﻉ ﻧﻔﺲ ﺍﻟﺴﺎﻟﻔﻪ ﻣﺎﺍﺭﻳﺪ ﻭﻻ ﺍﺭﻳﺪ ﺍﺳﺎﻓﺮ ﻭﻻ ﺍﺭﺗﺎﺡ ﺍﺫﺍ ﻣﺎﺍﺷﻮﻓﺞ ﺑﻴﺖ ﺭﺟﻠﺞ ﻭﻣﺮﺗﺎﺣﻪ .

ـ ﻳﻌﻨﻲ ﻻﺯﻡ ﺍﺭﻭﺡ ﻭﻳﺎﺝ ﺍﻧﻲ ﺭﻭﺣﻲ ﻭﺣﺪﺝ ﻟﻬﺎﻱ ﺍﻟﺠﺪﻳﺪﻩ ..

ـ ﻻ ﻫﻲ ﺍﺗﺮﻳﺪﺝ ﻏﻴﺮ ﺗﻘﺮﺃ ﻋﻠﻴﺞ ﻳﻤﻪ ﺍﻧﺘﻲ ﻣﺪﺭﻱ ﺷﻨﻮ ﺍﻟﺒﻠﻪ ﺍﻟﺒﻴﺞ ﻭﺍﻟﻈﺎﻫﺮ ﺍﻟﻠﻪ ﻳﻜﻔﻴﻨﺎ ﺍﻟﺸﺮ ﻫﺬﺍ ﻋﻨﻮﺩﻱ ﻻﻥ ﻣﺎﺧﻠﻴﺖ ﻭﻻ ﺑﻜﻴﺖ ﻫﻮ ﺑﻌﺪﻩ ﻣﺎﻳﺮﻭﺡ ..

ـ ﻫﻬﻬﻬﻬﻪ ﻣﺎﻣﺎ ﻫﻮ ﺷﻨﻮ ﻭﺍﻟﻠﻪ ﻣﺎﺑﻴﻪ ﺷﻲ ﻭﺍﻧﻲ ﻣﺪﺭﺳﺔ ﺭﻳﺎﺿﻴﺎﺕ ﺗﻌﺮﻓﻴﻦ ﻫﺬﺍ ﺍﻟﺮﺍﺱ ﻛﻢ ﻣﻌﺎﺩﻟﻪ ﻭﻛﻢ ﻗﺎﻧﻮﻥ ﺑﻲ ﺍﻧﻲ ﺍﻓﻜﺮ ﺍﻛﻤﻞ ﺩﺭﺍﺳﺘﻲ ﻭﺗﻌﺮﻓﻴﻦ ﺣﻠﻤﻲ ﺍﻟﺪﻛﺘﻮﺭﺍ .

ـ ﻳﺎ ﺧﺎﻳﺒﺔ ﺍﻟﺮﺟﻪ ﻳﺎ ﺩﻛﺘﻮﺭ ﻳﺎ ﺑﻄﻴﺦ ﻟﻮ ﻣﺪﺭﻱ ﺷﺘﺤﻔﻈﻴﻦ ﻭﻳﻦ ﻣﺘﺼﻴﺮﻳﻦ ﺍﺫﺍ ﻣﻮ ﺑﺬﻣﺔ ﺭﺟﺎﻝ ﻣﺤﺪ ﻳﺤﺘﺮﻣﺞ ﻭﺍﺗﻈﻠﻴﻦ ﺗﺤﺖ ﺍﻛﺘﺎﺭ ﺍﻟﻨﺴﻮﺍﻥ ﻭﻳﻈﻠﻦ ﻳﺬﺑﻦ ﺑﻼﻭﻱ ﺑﺮﺍﺳﺞ .

ـ ﻳﻮﻡ " ﺍﺗﻌﺮﻓﻴﻦ ﻫﺬﺍ ﻧﺼﻴﺒﻲ ﻗﺪﺭﻱ ﻣﻦ ﺍﻟﻠﻪ ﻭﻣﺘﻌﺮﻓﻴﻦ ﺷﻨﻮ ﺭﺏ ﺍﻟﻌﺎﻟﻤﻴﻦ ﻇﺎﻣﻠﻲ ﻳﺠﻮﺯ ﺷﻲ ﺍﻓﻀﻞ ﻭﺍﻳﺠﻮﺯ ﻣﻤﻜﺘﻮﺑﻠﻲ ﺍﺗﺰﻭﺝ ..

ـ ﺍﺷﺸﺸﺸﺶ ﻣﺎﺍﺳﻤﻊ ﻫﺬﺍ ﺍﻟﺤﺠﻲ ﻭﻧﻌﻢ ﺑﺎﻟﻠﻪ ﺑﺲ ﺭﺑﺞ ﻫﻢ ﻛﺎﻝ ﺍﺳﻌﻮﺍ ﻭﺍﻧﺘﻲ ﻛﺎﻋﺪﻩ ﻭﺗﻨﺘﻈﺮﻳﻦ ﻧﺼﻴﺒﺞ ﻏﻴﺮ ﺗﺴﻌﻴﻦ ﻭﺗﺸﻮﻓﻴﻦ ﺭﻭﺣﺞ ﻭﻫﺬﺍ ﺍﻟﻌﻤﻞ ﺍﻟﻌﻠﻴﺞ ﻣﺪﺭﻱ ﻳﺎﻫﻲ ﻣﺘﺨﺎﻑ ﺍﻟﻠﻪ ﻛﻌﺪﺕ ﺑﺨﺘﺞ ﻛﻮﻥ ﺗﺸﻮﻓﻬﺎ ﺑﻨﺎﺗﻬﺎ .

ـ ﻳﻤﻪ ﻳﻤﻪ ﻭﺍﻟﻠﻪ ﻣﺎﻛﻮ ﺷﻲ ﻣﻦ ﺍﻟﻲ ﺍﺑﺎﻟﺞ ﻭﺍﻧﻲ ﻣﺎﺑﻴﻪ ﺷﻲ ﺑﺲ ﻫﻮ ﺗﺄﺧﻴﺮ ﻋﺎﺩﻱ ﺗﻌﺮﻓﻴﻦ ﺑﻐﻴﺮ ﺩﻭﻝ ﺍﻧﻲ ﻋﺎﺩﻱ ﺑﻌﺪﻧﻲ ﻣﻤﺘﺰﻭﺟﻪ ﻭﺍﻛﻮ ﺍﻛﺒﺮ ﻣﻨﻲ ﻭﻳﺘﺰﻭﺟﻦ ﻭﻻ ﻛﺄﻥ ﺷﻲ ﺻﺎﺭ ﻭﺍﻛﻮ ﻣﻴﺘﺰﻭﺟﻦ ﻭﻫﻢ ﻋﺎﺩﻱ ﻳﺴﺘﻘﻠﻦ ﺑﺤﻴﺎﺗﻬﻦ ﻭﻛﻠﺸﻲ ﺗﻤﺎﻡ ..

ـ ﺍﻛﻠﺞ ﻋﻮﻓﻲ ﺣﺠﻲ ﺍﻟﻜﻔﺎﺭ ﻫﺎﻱ ﻭﺍﺩﻡ ﻣﺘﺨﺎﻑ ﺍﻟﻠﻪ ﻭﻧﺴﻮﺍﻧﻬﻢ ﺍﺳﺘﻐﻔﺮ ﺍﻟﻠﻪ ﻣﺎﺍﺭﻳﺪ ﺍﺣﺠﻲ .

ـ ﻫﺴﻪ ﺗﺮﺩﻳﻦ ﺍﻧﺮﻭﺡ ﻟﻬﺎﻱ ﺍﻟﺴﺤﺎﺭﻩ ﺍﻟﺠﺪﻳﺪﻩ ﻣﻴﺨﺎﻟﻒ ﺑﺲ ﺑﺸﺮﻁ ﺍﻧﺴﻮﻱ ﺗﺠﺮﺑﻪ ﻭﺍﺫﺍ ﻗﺒﻠﺘﻲ ﺍﺭﻭﺡ ﻭﻳﺎﺝ ﻭﺍﺫﺍ ﻻ ﻣﺎﺍﺭﻭﺡ ﻭﻫﺬﺍ ﻗﺮﺍﺭ ﻧﻬﺎﺋﻲ ﻭﺑﻌﺪﻫﺎ ﻣﻨﺮﻭﺡ ﺍﻟـ ﺍﻱ ﻭﺣﺪﻩ ﺛﺎﻧﻴﻪ ﺍﺗﻔﻘﻨﺎ ..

ـ ﻭﺍﻟﻠﻪ ﺯﻣﻦ ﺑﻨﺎﺕ ﻳﺘﺸﺮﻃﻦ ﻉ ﺍﻣﻬﺎﺗﻬﻦ ﺟﻨﻪ ﻧﻤﺸﻲ ﻭﺭﺍ ﺍﻣﻲ ﻭﻣﺎﻧﺪﺭﻱ ﻭﻳﻦ ﺭﺍﻳﺤﻴﻦ ﻭﻟﺞ ﺯﻭﺟﻮﻧﻲ ﺍﺑﻮﺝ ﻭﺍﻧﻲ ﺣﺘﻪ ﻣﺸﺎﻳﻔﺘﻪ ﻭﻫﺴﻪ ﺗﺸﺮﻃﻦ ﻳﻠﻪ ﻫﻲ ﺧﺮﺑﺎﻧﻪ ...

ـ ﻳﻮﻡ " ﻏﻴﺮ ﻉ ﻣﻮﺩﺝ ﺯﻣﻨﻜﻢ ﻳﺨﺘﻠﻒ ﻋﻦ ﺯﻣﺎﻧﻪ ﻭﻣﻮ ﻋﻴﺐ ﻭﻻ ﻏﻠﻂ ﺍﺫﺍ ﺍﻧﻲ ﺍﻧﺼﺤﺞ ﻣﺜﻞ ﻣﺎﺍﻧﺘﻲ ﺗﻨﺼﺤﻴﻨﻲ ....

ـ......

ﺍﺷﺸﺸﺸﺸﺶ ﺍﻧﻮﺏ ﺗﻨﺼﺤﻨﻲ ﺑﺎﺟﺮ ﺗﺤﻀﺮﻳﻦ ﺭﻭﺣﺞ ﺧﻮﺵ .

ﺑﺲ ﻛﺎﻟﺖ ﻫﺎﻱ ﺍﺧﺮ ﻛﻠﻤﺎﺕ ﻭﺗﺮﻛﺘﻨﻲ ﻭﺣﺪﻱ ﺑﺪﻭﻥ ﻣﺘﻌﺮﻑ ﺷﻨﻮ ﺍﺭﻳﺪ ﻭﺍﻧﻲ ﺟﻨﺖ ﺍﺭﻳﺪ ﺍﻛﻠﻬﺎ ﻋﻦ ﺳﻤﻴﺮ ﺑﺲ ﺧﻔﺖ ﺍﻱ ﺍﺧﺎﻑ ﻫﺬﺍ ﻋﻤﺮﻱ ﻭﺩﺭﺍﺳﺘﻲ ﻭﺍﺧﺎﻑ ﻣﻦ ﺍﻣﻲ ﻭﻣﺘﻌﺠﺒﻪ ﺷﻠﻮﻥ ﻫﻴﺞ ﺣﺠﻴﺖ ﻛﺪﺍﻣﻬﺎ ﻭﺷﻠﻮﻥ ﺭﺍﺩﺩﺗﻬﺎ ...

ﺑﻘﻴﺖ ﻋﺎﺟﺰﻩ ﻣﺜﻞ ﻛﻞ ﻣﺮﻩ ﺍﻭﻛﻒ ﻋﺎﺟﺰﻩ ﺣﺘﻪ ﻋﻦ ﺍﻟﺘﻔﻜﻴﺮ ﻭﺍﺭﻳﺪ ﺍﻋﺮﻑ ﺍﺣﻤﺪ ﻟﻴﺶ ﻳﺠﺬﺏ ﻭﺷﻨﻮ ﻣﺼﻠﺤﺘﻪ ﻳﻌﻮﻓﻨﻲ ﻫﻴﺞ .

ﻣﺎﺍﻋﺮﻑ ﻋﺎﺟﺒﺘﻬﻢ ﺣﺎﻟﺘﻲ ﻭﺍﻟﻠﻪ ﻟﻮ ﻋﻠﻴﻪ ﻣﺎﺍﺭﻳﺪ ﺍﺗﺰﻭﺝ ﺑﺲ ﻫﺎﻱ ﺍﻣﻲ ﻫﻲ ﺍﺗﺮﻳﺪ ﺍﺗﺰﻭﺟﻨﻲ ﻭﻣﻦ ﺍﻧﻲ ﺑﺎﻻﻋﺪﺍﺩﻳﻪ ﺍﺩﻭﺭ ﻉ ﺯﻭﺝ ﻣﻨﺎﺳﺐ ﺍﻭ ﻏﻴﺮ ﻣﻨﺎﺳﺐ ﺍﻫﻢ ﺷﻲ ﺍﺗﺰﻭﺟﻨﻲ .

ﺣﺎﻭﻟﺖ ﺍﻧﺴﻪ ﺍﻟﻤﻮﺿﻮﻉ ﺍﻭ ﺍﺗﻨﺎﺳﺎﻩ ﺑﺎﻟﺘﻌﺒﻴﺮ ﺍﻟﺼﺤﻴﺢ ﻋﻔﺖ ﻛﻞ ﺍﻟﻬﻤﻮﻡ ﻭﺍﺭﻳﺪ ﺍﻧﺴﺎﻫﻢ ﻗﺮﺭﺕ ﺍﻃﺎﻭﻉ ﺍﻣﻲ ﻭﺑﺪﻭﻥ ﻧﻘﺎﺵ ﻭﺍﺭﺟﻊ ﺍﻧﻴﻦ ﺍﻟﻘﺪﻳﻤﻪ ﻭﺍﺗﺮﻙ ﺍﻟﺘﻔﻜﻴﺮ ﻭﺍﻟﺨﻄﻂ ... ﻣﺎﺭﺩﺕ ﺷﻲ ﻭﻻ ﺭﺩﺕ ﺍﻓﺮﺽ ﺭﺃﻱ ﻋﻠﻴﻬﺎ ﺑﺲ ﺭﺩﺕ ﺍﺗﻨﻔﺬ ﺍﻟﺨﻄﻪ ﺣﺘﻪ ﻧﻜﺸﻒ ﺟﺬﺑﻬﻦ ﺍﻟﺪﺟﺎﻻﺕ ﺭﺩﺗﻬﺎ ﺍﺗﺴﺎﻋﺪﻧﻲ ﺑﺲ ﻫﻲ ﻣﺼﺮﻩ ﺍﺗﺼﺪﻛﻬﻦ ﻭﺍﺗﺠﺬﺑﻨﻲ ...

ﻫﺎﻱ ﺷﺠﺎﺑﻨﻲ ﺍﻫﻨﺎ ...... ﺷﻨﻮ ﻫﺬﺍ ﺷﻠﻮﻥ ﺍﻛﻮ ﺑﺤﺮ ﻭﺻﺤﺮﺍﺀ ﺳﺒﺤﺎﻥ ﺍﻟﻠﻪ ..

ﻣﻨﻮ ﺍﻫﻨﺎ ﺍﻛﻮ ﺍﺣﺪ ﻳﺴﻤﻌﻨﻲ ﻳﺎ ﻧﺎﺱ ﻣﻨﻮ ﺍﻫﻨﺎ ..

ﻓﺠﺄﺓ ﻟﻜﻴﺖ ﻧﻔﺴﻲ ﺑﻤﻜﺎﻥ ﻏﺮﻳﺐ ﺍﻭﻝ ﻣﺮﻩ ﺍﺷﻮﻓﻪ ﺍﻟﻤﻜﺎﻥ ﻋﺒﺎﺭﻩ ﻋﻦ ﺑﺤﺮ ﻭﺍﺳﻊ ﻣﻤﺘﺪ ﻉ ﻃﻮﻝ ﺍﻻﻓﻖ ﻭﺑﺎﻻﺧﻴﺮ ﻣﻠﺘﻘﻲ ﻭﻳﻪ ﺍﻟﺴﻤﺎﺀ ﻭﻣﺨﺘﻠﻂ ﻟﻮﻥ ﺍﻟﺒﺤﺮ ﺑـ ﻟﻮﻥ ﺍﻟﺴﻤﺎﺀ ﻭﺍﻟﺒﺎﻗﻲ ﺻﺤﺮﺍﺀ ﻭﺍﺳﻌﻪ ﻭﺍﻟﻤﻜﺎﻥ ﻓﺎﺭﻍ ﻟﺪﺭﺟﻪ ﻣﺎﺑﻲ ﺍﻱ ﺻﻮﺕ ﺑﺲ ﺻﻮﺗﻲ ﻣﻦ ﺍﺻﻴﺢ ﻭﺍﺩﻭﺭ ﺷﺨﺺ ﻳﺨﻠﺼﻨﻲ ﻭﺍﻧﻲ ﺿﺎﻳﻌﻪ ﺑﻨﺺ ﻣﻜﺎﻥ ﻣﺎﺍﻋﺮﻑ ﺣﺘﻪ ﺷﻠﻮﻥ ﻳﻄﻠﻌﻮﻥ ﻣﻨﻪ ..

ﺑﻘﻴﺖ ﺍﻣﺸﻲ ﻟﺤﺪ ﻣﺎ ﺍﺧﺘﻔﻪ ﺍﻟﺒﺤﺮ ﺑﻘﻴﺖ ﻭﺳﻂ ﺍﻟﺼﺤﺮﺍﺀ ﻭﺑﺪﺕ ﺍﻟﺸﻤﺲ ﺍﺗﻐﻴﺐ ﻭﺍﻟﻤﻨﻈﺮ ﺟﺎﻥ ﻣﺮﻋﺐ ﻭﺍﺣﺲ ﺑﻨﺴﻤﻪ ﻫﻮﻩ ﺑﺎﺭﺩﻩ ﺩﺧﻠﺖ ﻟـ ﺟﺴﻤﻲ ﻭﺻﺎﺣﺒﺘﻬﺎ ﺭﻋﺸﻪ ﺍﺭﺗﻌﺶ ﺟﺴﻤﻲ ﺑﻄﺮﻳﻘﻪ ﺍﺳﻨﺎﻧﻲ ﻛﻠﻬﺎ ﺍﺻﺘﻜﺖ ﻭﺑﻌﺪ ﻣﺎﻛﺪﺭﺕ ﺍﻧﻄﻖ ﺣﺮﻑ ﻭﺍﺣﺪ ﺑﺲ ﺍﺭﺗﻌﺶ ﻭﺍﺣﺲ ﺍﻟﺼﺤﺮﺍﺀ ﺍﺑﺘﻠﻌﺘﻨﻲ ﻭﺍﺧﺘﻨﻜﺖ ﻧﻔﺴﻲ ﺍﻧﻜﻄﻊ ﺣﺘﻪ ﺻﻮﺗﻲ ﺭﺍﺡ ﺑﻌﺪ ﻣﺎﺍﻛﺪﺭ ﺍﺣﺠﻲ ﻭﻻ ﺍﺗﻨﻔﺲ ﻭﺍﺷﻮﻑ ﺍﻟﺸﻤﺲ ﺍﺧﺘﻔﺖ ﺍﻛﺒﺎﻟﻲ ﻭﻏﺮﻛﺖ ﻭﻳﺎﻱ ﺑﻨﻔﺲ ﺍﻟﺼﺤﺮﺍﺀ ﻭﻓﺠﺄﺓ ﺻﺤﻴﺖ ﻟﻜﻴﺖ ﻧﻔﺴﻲ ﺑﻐﺮﻓﺘﻲ ﻭﻛﺎﻋﺪﻩ ﻉ ﻧﻔﺲ ﻛﻌﺪﺗﻲ ﻣﻦ ﺟﺎﻧﺖ ﺍﻣﻲ ﻳﻤﻲ ﻭﺍﺷﻮﻑ ﺍﻟﺴﺎﻋﻪ ﺗﻘﺮﻳﺒﺎً ﺑﺘﻼﺛﻪ ﺍﻟﻔﺠﺮ ..

ﺍﺳﺘﻐﻔﺮﺕ ﺭﺑﻲ ﻭﺩﺧﻠﺖ ﺍﻟﺤﻤﺎﻡ ﺍﺗﻮﺿﻴﺖ ﻭﻛﻌﺪﺕ ﺍﺻﻠﻲ ﻭﺍﻗﺮﺃ ﻗﺮﺍﻥ ﺍﺣﺲ ﻧﻔﺴﻲ ﺗﻌﺒﺎﻧﻪ ﺗﻌﺒﺎﻧﻪ ﻣﻦ ﺭﻭﺣﻲ ﺍﺣﺲ ﺟﺴﻤﻲ ﻛﻞ ﻳﻮﻡ ﻳﺜﻜﻞ ﻣﺜﻞ ﻣﺎ ﺍﻧﻲ ﺛﻜﻴﻠﻪ ﻉ ﻛﻠﺐ ﺍﻣﻲ

ﺩﻋﻴﺖ ﺭﺑﻲ ﻭﺑﺠﻴﺖ ﻟﺤﺪ ﻣﺎ ﻧﻤﺖ ﻉ ﺍﻟﻤﺼﻼﻳﻪ ﺑﻌﺪ ﻣﺎﺻﻠﻴﺖ ﺍﻟﻔﺠﺮ ..

ﻛﻌﺪﺕ ﺛﺎﻧﻲ ﻳﻮﻡ ﻟﻜﻴﺖ ﻧﻔﺴﻲ ﻣﻜﺴﺮﻩ ﺑﻤﻜﺎﻧﻲ ...

ﺑﺪﻟﺖ ﻭﻃﻠﻌﺖ ﻳﻤﻬﻢ ﻭﺗﻼﻛﻨﻲ ﺍﺣﻤﺪ ﻉ ﻧﻔﺲ ﺍﻟﻘﺼﻪ ..

ـ ﻭﻳﻦ ﺍﻟﺸﻐﻠﻪ ﺍﻟﻜﺘﻠﺞ ﻋﻠﻴﻬﺎ ﺍﻧﻮﻭ .

ـ ﺍﻱ ﺗﺪﻟﻞ ﻫﺴﻪ ﺑﺲ ﻟﺤﻈﻪ .

ﺩﺧﻠﺖ ﺍﻟﻐﺮﻓﺘﻲ ﻭﺍﺧﺬﺕ ﻣﻦ ﺍﻟﺮﺍﺗﺐ ﻭﺍﻧﻄﻴﺘﻪ ﺑﺪﺀ ﻳﺒﻮﺱ ﻭﻳﻜﻮﻝ ﻛﻼﻡ ﺣﻠﻮ ﻣﺎﺍﺳﻤﻌﻪ ﺑﺲ ﺭﺍﺱ ﺍﻟﺸﻬﺮ ﻉ ﻫﺬﺍ ﺍﻟﻤﺒﻠﻎ ﻳﻜﻮﻝ ﺍﺟﻤﻞ ﻛﻠﻤﺎﺕ ﺑﺲ ﺍﺫﺍ ﻣﺎﻛﻮ ﻓﻠﻮﺱ ﺍﻃﻠﻊ ﺍﻟﻌﺎﻧﺲ ﺍﻟﻨﺎﻳﻤﻪ ﻉ ﻛﻠﺒﻬﻢ ..

ﺷﻜﻮﻝ ﺍﻟﺤﻤﺪ ﻟﻠﻪ ﻭﺍﻟﻠﻪ ﻣﻮﺟﻮﺩ ﻭﻣﺴﺘﺤﻴﻞ ﻳﻨﺴﺎﻧﻲ ..

ﺷﻬﺎﻣﺔ : ﺍﻧﻮﻭ ﻋﻨﺪﻱ ﻭﻳﺎﺝ ﻣﻮﺿﻮﻉ ﻓﺪﻭﻭﻩ ﺑﺲ ﻣﻮ ﻣﺜﻞ ﻛﻞ ﻣﺮﻩ ﻫﺎﻱ ﺍﻟﻤﺮﻩ ﺗﺨﺘﻠﻒ .

ﺭﻳﻢ : ﻫﻬﻬﻬﻬﻪ ﻛﻞ ﻣﺮﻩ ﻧﻔﺲ ﺍﻟﺸﻲ ﻧﻌﺮﻑ ﺍﻟﻘﺼﻪ ﺍﺧﻮﺝ ﻣﺎﻛﻮ ﻏﻴﺮﻩ ﻭﻟﺞ ﺷﻜﺪ ﻃﻤﺎﻋﻪ ﺗﺮﺩﻳﻦ ﺍﺧﻮﺝ ﻳﻌﻴﺶ ﺑﺮﺍﺱ ﻫﺎﻱ ﺍﻟﻌﺎﻧﺲ .

ﺍﻧﻴﻦ : ﺭﻳﻢ ﻣﺎﺍﺭﻳﺪ ﺍﺭﺩ ﻋﻠﻴﺞ ﺍﻧﻲ ﺩﺧﻠﺖ ﺍﻟﻤﻄﺒﺦ ﺑﺲ ﺍﺭﻳﺪ ﺍﺗﺮﻳﻚ ﻭﺍﻃﻠﻊ ﻣﻮ ﺣﺘﻪ ﺍﺗﻀﺨﻴﻦ ﺳﻤﺞ ﺑﻮﺟﻬﻲ ..

ﺭﻳﻢ : ﻫﻪ ﺍﻧﻮﺏ ﻋﻠﻴﻪ ﺍﻧﻴﻦ ﺍﻟﻌﺠﻮﺯ ..

ﺷﻬﺎﻣﺔ : ﻋﻴﺐ ﻋﻠﻴﺞ ﻫﺬﺍ ﺍﻟﺤﺠﻲ ﺍﻧﺘﻲ ﻟﻴﺶ ﺩﺧﻠﺘﻲ ﻧﻔﺴﺞ ﻣﻨﻮ ﺣﺎﺟﻲ ﻭﻳﺎﺝ ﻭﺍﻟﻠﻪ ﻫﺴﻪ ﺍﺫﺍ ﺍﻛﻮﻝ ﻟـ ﻋﻤﺘﻲ ﻋﻠﻴﺞ ﺗﻌﺮﻑ ﺷﻐﻠﻬﺎ ﻭﻳﺎﺝ .

ﺭﻳﻢ : ﺍﻋﺼﺎﺑﺞ ﻋﻴﻨﻲ ﺍﺧﺬﻱ ﺍﻟﺪﺟﺎﺟﻪ ﺍﻟﻲ ﺗﺒﻴﺾ ﻳﻮﻣﻴﻪ ﺑﻴﻀﻪ ﺫﻫﺐ ﺍﻧﻲ ﺷﻜﻮ ﺍﺧﺬ ﺭﻳﻮﻙ ﺍﻟﺠﻬﺎﻝ ﻭﺍﺭﻭﺡ ..

ﺍﻧﻴﻦ : ﺣﺒﻲ ﺷﻬﺎﻣﺔ ﺍﺣﺠﻲ ﻣﺎﻟﺞ ﺷﻐﻞ ﺷﻨﻮ ﺟﻨﺘﻲ ﺗﺮﺩﻳﻦ ?..

ﺷﻬﺎﻣﺔ : ﻋﻠﻲ " ﻣﻮﺍﻓﻖ ﻳﻌﻨﻲ ﻛـ ﺧﻄﻮﺑﻪ ﻭﻳﺮﻳﺪ ﻳﺘﻌﺮﻑ ﻋﻠﻴﺞ ﺑﻬﺎﻱ ﺍﻟﻔﺘﺮﻩ ﻳﻌﻨﻲ ﻗﺼﺪﻱ ﺍﻟﺨﻄﻮﺑﻪ ﻭﺍﺫﺍ ﺍﺗﻔﺎﻫﻤﺘﻮﺍ ﺍﻳﺼﻴﺮ ﺍﻟﺰﻭﺍﺝ .

ﺍﻧﻴﻦ : ﺑﺲ ﺍﻧﻲ ﻛﺘﻠﺞ ﻣﻦ ﻗﺒﻞ ﻣﺴﺘﺤﻴﻞ ﺍﻇﻠﻢ ﺍﺧﻮﺝ ﻭﻳﺎﻱ ﺍﻧﻲ ﺍﻛﺒﺮ ﻣﻨﻪ ﺧﻄﻴﻪ ﻟﻴﺶ ﺍﻇﻠﻤﻪ ..

ﺷﻬﺎﻣﺔ : ﻭﻧﺒﻲ ﻭﻻ ﻣﻤﺒﻴﻦ ﻋﻠﻴﺞ ﻭﺍﺗﺒﻴﻨﻴﻦ ﺍﺻﻐﺮ ﻣﻨﻪ ﺍﻧﺘﻲ ﻧﺎﻋﻤﻪ ﻭﺣﻠﻮﻩ ﻭﻣﺎﻟﺞ ﺷﻐﻞ ﺑﺤﺠﻲ ﻫﺎﻱ ﺍﻟﻤﺴﻤﻮﻣﻪ .

ﺷﻬﺎﻣﺔ : ﻭﻧﺒﻲ ﻭﻻ ﺍﻣﺒﻴﻦ ﻋﻠﻴﺞ ﻭﺍﺗﺒﻴﻨﻴﻦ ﺍﺻﻐﺮ ﻣﻨﻪ ﺍﻧﺘﻲ ﻧﺎﻋﻤﻪ ﻭﺣﻠﻮﻩ ﻭﻣﺎﻟﺞ ﺷﻐﻞ ﺑﺤﺠﻲ ﻫﺎﻱ ﺍﻟﻤﺴﻤﻮﻣﻪ .

ـ ﺑﺲ ﺍﻓﻬﻤﻴﻨﻲ ﺍﻧﺘﻲ ﺍﻟﻮﺣﻴﺪﻩ ﺍﻟﻲ ﺗﻔﻬﻤﻨﻲ ﻫﺎﻱ ﺍﻟﺸﻐﻠﻪ ﺍﻧﺴﻴﻬﺎ ﻣﺎﺍﻛﺪﺭ ﺍﻋﺘﺒﺮﻩ ﻣﺜﻞ ﺍﺧﻮﻱ ﺍﺣﻤﺪ ﻣﺎﺍﻛﺪﺭ ﺍﺷﻮﻓﻪ ﻏﻴﺮ ﺷﻲ ﻭﺍﻧﺖ ﺗﻌﺮﻓﻴﻦ ﺍﻟﺰﻭﺍﺝ ﻣﻮ ﻣﻬﻢ ﻋﻨﺪﻱ ﺧﻠﻲ ﺍﻣﻲ ﺗﺘﻌﺐ ﺑﻌﺪﻳﻦ ﺗﺘﻮﻗﻒ ﻋﻦ ﻛﻞ ﻫﺬﺍ ﻭﺗﻨﺴﻪ ﻗﺼﺘﻲ ﻭﺗﺴﺘﻠﻢ ﻭﻳﻤﻜﻦ ﺍﻛﻮ ﻋﻨﺪﻱ ﻧﺼﻴﺐ ﻭﻳﻪ ﺷﺨﺺ ﻳﺤﺒﻨﻲ ﻭﻫﻮ ﻳﺨﺘﺎﺭﻧﻲ ﻭﻳﻜﺪﺭ ﻳﺨﻠﺼﻨﻲ ﻣﻦ ﻛﻞ ﻫﺬﺍ ..

ـ ﺑﺲ ﺍﺳﻤﻌﻴﻨﻲ ﻓﺪﻭﻭﻩ ﺍﻧﻄﻲ ﻓﺮﺻﻪ ﺍﺧﻴﺮﻩ

ﺍﺗﻌﺮﻓﻮﺍ ﻉ ﺑﻌﺾ ﺑﺪﻭﻥ ﺧﻄﻮﺑﻪ ﺑﺲ ﺧﻠﻲ ﻳﺤﺠﻲ ﻭﻳﺎﺝ ﺍﻧﻄﻲ ﺭﻗﻤﺞ ﻭﺍﺣﺠﻮ ﻭﺍﺗﻔﺎﻫﻤﻮﺍ ﺷﻜﻠﺘﻲ .

ـ ﻉ ﺑﺨﺘﺞ ﻳﻌﻨﻲ ﻫﻴﺞ ﻇﻨﺞ ﺑﻴﻪ .

ـ ﻭﻟﺞ ﻣﻮ ﻗﺼﺪﻱ ﺑﺲ ﺍﺗﻔﺎﻫﻤﻮﺍ ﻭﺷﻮﻓﻲ ﺗﻔﻜﻴﺮﻩ ﻭﺍﻟﻠﻪ ﺍﺗﺤﺴﻴﻨﻪ ﺍﻛﺒﺮ ﻣﻨﺞ ﻫﻮ ﻣﻮ ﺑﺎﻟﻌﻤﺮ ... ﺍﻻﻣﺎﻡ ﻋﻠﻲ ‏( ﻋﻠﻴﻪ ﺍﻟﺴﻼﻡ ‏) . ﻳﻘﻮﻝ ‏( ﻛﻢ ﻣﻦ ﺻﻐﻴﺮ ﻭﻋﻘﻠﻪُ ﺑﺎﺭﻉ ﻭﻛﻢ ﻛﺒﻴﺮ ﻭﻋﻘﻠﻪ ﻓﺎﺭﻍ ‏) .

ـ ﻋﻠﻴﻪ ﺍﻟﺴﻼﻡ .... ﺍﻋﺮﻑ ﻭﺍﻟﻠﻪ ﺑﺲ ﻣﺎﺍﻛﺪﺭ ﺍﺗﻘﺒﻞ ﻫﻴﺞ ﺷﻲ ﻣﺎﺍﻛﺪﺭ ﺍﻗﺒﻠﻬﺎ ﻉ ﻧﻔﺴﻲ ﻫﺴﻪ ﺷﻔﺘﻲ ﺭﻳﻢ ﺷﻠﻮﻥ ﻛﺎﻟﺖ ﻭﻫﺎﻱ ﻣﻮ ﺑﺲ ﺭﺃﻳﻬﺎ ﺍﻟﻜﻞ ﻫﻴﺞ ﻳﻔﻜﺮ .

ـﻮﺍﻧﺘﻲ ﺍﺗﻌﻴﺸﻴﻦ ﻉ ﻣﻮﺩ ﺍﻟﻨﺎﺱ ﺷﻜﺎﻟﻮﺍ ﻭﺷﻨﻮ ﺣﺠﻮﺍ ﻭﺷﺮﺍﺡ ﻳﻜﻮﻟﻮﻥ ﺧﻠﺺ ﻋﻴﺸﻲ ﻉ ﻣﻮﺩﻫﻢ ﺑﺲ ﻣﺤﺪ ﻳﻨﻔﻌﺞ ﺑﻌﺪﻳﻦ ..

ـ ﻣﻮ ﻫﻴﺞ ﻗﺼﺪﻱ ﺑﺲ ﺍﺧﻮﺝ ﻳﻘﺒﻞ ﺍﺗﺮﻙ ﺍﻟﺘﺪﺭﻳﺲ ﺍﻭ ﺍﻟﺮﺍﺗﺐ ﻣﺎﻟﺘﻲ ﻛﻠﻪ ﺍﻧﻄﻲ ﻟـ ﺍﻣﻲ ﻭﻣﺎﺍﺧﺬ ﻭﻻ ﻓﻠﺲ ﻳﻘﺒﻞ ﺍﺫﺍ ﻳﻘﺒﻞ ﺍﻧﻲ ﻣﻮﺍﻓﻘﻪ .

ـ ﻣﻴﺨﺎﻟﻒ ﺑﺲ ﻫﻴﺞ ﻭﺍﻟﻠﻪ ﺍﺑﺴﻂ ﻃﻠﺐ ﺍﺻﻼ ﻫﻮ ﻣﺎﻋﻨﺪﻩ ﻣﺸﻜﻠﻪ ﺣﺘﻪ ﺍﺫﺍ ﺍﺗﺮﻛﻴﻦ ﺍﻟﻮﻇﻴﻔﻪ ﺍﺑﺮﺍﺣﺘﺞ ..

ـ ﻣﺘﺄﻛﺪﻩ ..

ـ ﺍﻱ ﻣﺘﺄﻛﺪﻩ ﻳﻌﻨﻲ ﺍﻧﻜﻮﻝ ﺷﺎﻳﻔﻴﻦ ﺍﻟﺨﻴﺮ ﻣﺒﺪﺋﻴﺎً ﺑﺲ ﺍﺣﺠﻲ ﻭﻳﺎﻩ ﻭﺗﻔﺎﻫﻤﻮﺍ ﺷﺘﻜﻮﻟﻴﻦ . ?

ـ ﺧﻠﻴﻨﻲ ﺍﻓﻜﺮ ﺍﻛﺜﺮ ..

ـ ﺑﺮﺍﺣﺘﺞ ﻣﻦ ﺗﺎﺧﺬﻳﻦ ﻗﺮﺍﺭ ﻛﻠﻴﻠﻲ ..

ﺧﻠﺼﺖ ﻣﻦ ﺷﻬﺎﻣﺔ ﺑﻠﻜﻮﻩ ﻭﻣﺎﺍﺭﻳﺪ ﺍﺣﺮﺟﻬﺎ ﻭﻣﺎﺍﺭﻳﺪ ﺍﺗﺰﻭﺝ ﺑﻬﻴﺞ ﻃﺮﻳﻘﻪ ﺍﻗﻨﺎﻉ ﺑـ ﺍﻗﻨﺎﻉ ﻫﻲ ﻗﻨﻌﺘﻪ ﻭﺍﻧﻮﺏ ﻣﻦ ﺍﺣﺠﻲ ﻭﻳﺎﻩ ﻫﻢ ﺍﻗﻨﻌﻪ ﺑﺲ ﺣﺘﻪ ﻳﻘﺒﻞ ﻣﺎ ﺍﺣﺐ ﻫﻴﺞ ﻣﺎﺍﺣﺐ ﺍﻛﻮﻥ ﺑﻬﻴﺞ ﻣﻮﻗﻒ ﻭﺍﻋﺮﻑ ﻧﻔﺴﻲ ﻭﺍﻋﺮﻑ ﺷﺨﺼﻴﺘﻲ ﻭﻣﺴﺘﺤﻴﻞ ﺷﺎﺏ ﺑﺸﻜﻞ ﻋﻠﻲ ﻳﻨﻌﺠﺐ ﺑﻴﻪ ﺍﻭ ﻳﻔﻜﺮ ﻳﺮﺗﺒﻂ ﺑﻮﺣﺪﻩ ﺍﻛﺒﺮ ﻣﻨﻪ ﻭﻫﻢ ﻣﺎﻋﻨﺪﻱ ﺷﺨﺼﻴﻪ ﺍﻟﻜﻞ ﻳﻜﻮﻟﻮﻥ ﻣﺎﻋﻨﺪﻱ ﺷﺨﺼﻴﻪ ﻣﺤﺪ ﻳﺮﻳﺪ ﻳﺸﻮﻑ ﺷﺨﺼﻴﺘﻲ ﺍﻟﺤﻘﻴﻘﻴﻪ ﻳﺸﻮﻓﻮﻥ ﺑﺲ ﺧﻮﻓﻲ ﻣﻦ ﺍﻣﻲ ﺍﻟﻲ ﻫﻤﻪ ﻳﻌﺘﺒﺮﻭﻧﻪ ﺧﻮﻑ ﺍﻧﻲ ﻣﺎﺍﻋﺮﻑ ﺷﻨﻮ ﺍﺳﻤﻲ ﻳﻤﻜﻦ ﻓﻌﻼ ﻣﺮﺍﺕ ﺧﻮﻑ ﺑﺲ ﺍﻏﻠﺐ ﺍﻻﺣﻴﺎﻥ ﺍﺣﺘﺮﺍﻡ ﻭﻣﺎﺍﻛﺪﺭ ﺍﻛﺴﺮ ﻛﻠﻤﺘﻬﺎ ﺻﺢ ﺍﻧﻲ ﺧﻄﺄ ﺑﺲ ﻭﻳﻪ ﺍﻣﻲ ﺍﻛﻮﻥ ﻫﻴﺞ ﻣﻮ ﻭﻳﻪ ﺍﻟﻜﻞ ﻭﺑﻌﺾ ﺍﻻﺣﻴﺎﻥ ﺍﻟﻲ ﻳﻀﺎﻳﻘﻨﻲ ﺑﻜﻼﻣﻪ ﺍﺗﺠﺎﻫﻠﻪ ﻳﻌﻨﻲ ﻣﺜﻞ ﺭﻳﻢ ﺍﻛﺪﺭ ﺍﺭﺩ ﻋﻠﻴﻬﺎ ﻭﺍﻋﺮﻑ ﺍﻋﻴﺮﻫﺎ ﺑﻬﻮﺍﻱ ﺳﻮﺍﻟﻒ ﺑﺲ ﻣﺎﺍﻋﺮﻑ ﻟﻴﺶ ﺍﻟﺘﺰﻡ ﺍﻟﺼﻤﺖ ﻭﺍﻟﺘﺠﺎﻫﻞ ﻋﺠﻴﺐ ﺣﺘﻪ ﻣﺎﺍﻧﻘﻬﺮ ﻣﻦ ﺣﺠﻴﻬﻢ ﻋﻠﻴﻪ ...

ﺍﻧﻴﻦ .... ﺍﻧﻴﻦ ... ﻋﺴﻰ ﻣﺎﻛﻮﻭ ﺍﻧﻴﻦ ﻭﻳﻦ ﻭﻟﻴﺘﻲ ﻭﻟﺞ ..

ـ ﻧﻌﻢ ﻳﻮﻡ " ﻣﻮﺟﻮﺩﻩ ..

ـ ﺷﻨﻮ ﻛﺘﻠﺞ ﻣﻮ ﻛﺘﻠﺞ ﺍﻟﻴﻮﻡ ﺍﻟﻜﺎﺝ ﻣﺘﺤﻀﺮﻩ ﺍﺷﻮ ﺭﺟﻌﺖ ﻣﻦ ﺍﻟﺴﻮﻙ ﻭﺍﻧﺘﻲ ﻣﺜﻞ ﻣﺎ ﻋﻔﺘﺞ ﺧﻴﺮ ?..

ـ ﻳﻮﻡ ﻫﻲ ﻋﺒﺎﻳﻪ ﻛﻠﺖ ﺑﺲ ﺗﻜﻮﻟﻴﻦ ﻳﻠﻪ ﻧﺮﻭﺡ ﺍﻟﺒﺴﻬﺎ ..

ـ ﻳﻠﻪ ﺑﺴﺮﻋﻪ ﻣﺎﻋﻨﺪﻱ ﻭﻛﺖ ..

ﺑﺴﺮﻋﻪ ﻟﺒﺴﺖ ﺷﺎﻝ ﺷﻠﻮﻥ ﻣﺠﺎﻥ ﻭﻋﺒﺎﻳﺘﻲ ﻭﻃﻠﻌﻨﺎ ﺍﻧﻲ ﻭﺍﻣﻲ ﻭﺑﺎﻟﻄﺮﻳﻖ ﺭﺩﺕ ﺍﺣﺠﻲ ﻭﻳﺎﻫﺎ ﻉ ﻣﻮﺿﻮﻉ ﺳﻤﻴﺮ ﺑﺲ ﺍﺗﺮﺩﺩﺕ ﺑﻌﺪﻳﻦ ﻫﻲ ﻛﺎﻟﺖ ..

ـ ﻭﻟﺞ ﻭﻧﻴﻦ ﺍﺣﻨﺎ ﺍﻧﻐﻠﺒﻨﺎ ﻫﺬﺍ ﺍﻟﻮﻟﺪ ﺍﻟﻲ ﺍﺟﻪ ﻳﺨﻄﺒﺞ ﺧﻮﺵ ﻭﻟﺪ ﺑﺲ ﺍﺧﻮﺝ ﺟﺬﺍﺏ ﻭﻛﻌﺪ ﺑﺨﺘﺞ ..

ـ ﺷﻠﻮﻥ ﻋﺮﻓﺘﻲ ?..

ـ ﻏﻴﺮ ﻃﻠﻌﺖ ﺍﻡ ﺳﺎﻟﻢ ﺍﺗﻌﺮﻓﻬﻢ ﻭﺗﺤﻤﺪ ﺑﻴﻬﻢ ﻭﺑـ ﺍﺻﻠﻬﻢ ﻭﺗﻜﻮﻝ ﺧﻮﺵ ﻭﻟﺪ ﺑﺲ ﻣﻄﻠﻚ ﻻﻥ ﻣﻤﺘﻔﺎﻫﻢ ﻭﻳﻪ ﻣﺮﻳﺘﻪ ﻭﻫﺬﺍ ﺍﻟـ *** ﻳﺠﺬﺏ ﻋﻠﻴﻪ ﻭﺍﻧﻲ ﻫﻢ ﻣﺎ ﺍﻗﺘﻨﻊ ﺑﺤﺠﻴﻬﻢ ﺑﺲ ﺍﻡ ﺣﻤﻴﺪ ﻃﻠﻌﺖ ﺟﺬﺍﺑﻪ ﻭﻛﻠﺸﻲ ﻣﺘﻔﺘﻬﻢ ﻣﻦ ﻋﺪﻫﺎ ﺍﻧﻲ ﻛﻠﺖ ﺍﻏﻴﺮﻫﺎ ﻭﻟﻜﻴﺖ ﻫﺎﻱ ﺍﻟﺠﺪﻳﺪﻩ ﺑﻠﻜﻲ ﺗﻄﻠﻊ ﺍﺣﺴﻦ ..

ـ ﻳﻮﻡ ﺍﻧﻲ ﺍﻛﻠﺞ ﺧﻠﻲ ﺍﻧﺴﻮﻱ ﺧﻄﻪ ?..

ـ ﺍﻫﻮﻭﻭ ﺭﺩﺕ ﻋﻠﻲ ﺑﺴﻮﺍﻟﻔﻬﺎ ﻭﻟﺞ ﻋﻴﺐ ﻣﺎﺍﺟﺬﺏ ﺑﻠﻪ ﻓﺸﻠﺘﻨﻲ ?..

ـ ﻫﻬﻬﻪ ﻳﻮﻡ ﻫﻨﻪ ﺷﻤﻌﺮﻓﻬﻦ ﺍﺗﺼﺪﻙ ﻭﺗﻨﻄﻴﺞ ﺷﻐﻞ ﻭﻳﺠﻮﺯ ﻫﻢ ﺗﺴﻮﻳﻠﻲ ﺩﻭﺵ ﻫﻪ .

ـ ﻭﻟﺞ ﻛﺎﻓﻲ ﺍﻣﺸﻲ ﻭﺍﻧﺘﻲ ﺳﺎﻛﺘﻪ ﻃﺎﻟﻌﻪ ﻋﻴﻨﺞ ﻭﺗﺘﻤﻀﺤﻜﻴﻦ ﻛﺎﻓﻲ ﻣﺎﺍﺟﺬﺏ ﺍﻧﻲ ..

ـ ﻟﻌﺪ ﺧﻠﻴﻬﻦ ﻫﻨﻪ ﻳﺠﺬﺑﻦ ﻋﻠﻴﻨﺎ ﺍﻓﻀﻞ ..

ـ ﺍﻧﻄﻤﻲ ﻭﺍﻣﺸﻲ ﺍﻣﺸﻲ ﻳﻀﻴﻢ ﻛﻠﺒﻲ ﺻﺪﻙ ﻟﻮ ﻛﺎﻟﻦ ﺍﻣﻬﺎﺗﻬﻨﺎ ﻫﻢ ﺍﻟﺒﻨﺎﺕ ﻟﻠﻤﻤﺎﺕ ..

ﻳﺘﺒﻊ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤