رواية امقت اعرافهم لكنها حيتني الجزء الثامن

رواية امقت اعرافهم لكنها حيتني الجزء الثامن

للكاتبة نور

🔹🔸🥇🔹🔸

ﺃﻟﻄﺮﻳﻖ ﻛﻠﻪ ﻋﻴﻨﻲ ﻋﻠﻴﻬﺎ ﻣﺎﺍﺧﺬﺕ ﻭﻳﺎﻱ ﺍﺣﺪ ﻏﻴﺮ ﺍﻓﻴﺎﺀ ﺍﺧﺘﻬﺎ ﻷﻥ ﻣﺎﺍﺭﻳﺪ ﺍﺣﺪ ﻳﻌﺮﻑ ﻫﻴﻪ ﻣﺪﻣﻨﻪ ﺣﺘﻪ ﺍﻣﻲ ﻣﺎﺍﺭﻳﺪ

ﺍﻟﺴﺎﻟﻔﻪ ﺗﻄﻠﻊ ﻭﺭﺍﺡ ﻳﺄﺛﺮ ﻋﻠﻴﻬﺎ ﻭﻋﻠﻰ ﺳﻤﻌﺘﻨﻪ ﺍﻣﺎ ﺍﻓﻴﺎﺀ ﺍﻛﻴﺪ ﻣﺮﺍﺡ ﺗﺤﭽﻲ

ﺩﺧﻠﻨﻪ ﺍﻟﻌﻴﺎﺩﻩ ﭼﻨﺖ ﺣﺎﺟﺰ ﻣﻦ ﺍﻟﻠﻴﻞ ﻣﻦ ﺍﻧﻄﺎﻧﻲ ﺍﻟﻄﺒﻴﺐ ﺍﻟﺮﻗﻢ ﺣﺠﺰﺕ ﺑﺲ ﺍﻛﺪﺕ ﺍﺳﻤﻬﺎ ﻉ ﺍﻟﺴﻜﺮﺗﻴﺮ ﺷﻮﻳﻪ ﻭﺩﺧﻠﻨﻪ ﻭﻣﺎﻗﺒﻞ ﺍﻻ ﺷﺨﺺ ﻭﺍﺣﺪ ﻳﺪﺧﻞ ﻭﻳﺎﻫﺎ

ﮔﻠﺖ ﺍﻷﻓﻴﺎﺀ ﺍﻧﻪ ﺍﻓﻮﺕ ﻭﻳﺎﻫﺎ ﺍﻧﺘﻲ ﺿﻠﻲ ﻫﻨﺎ

ﺩﺧﻠﻨﻪ ﻉ ﺍﻟﻄﺒﻴﺐ ﻭﺍﻧﻄﻴﻨﺎﻩ ﺍﻷﻭﺭﺍﻕ ﻭﺍﻟﺘﺤﺎﻟﻴﻞ ﺍﻟﻲ ﺳﻮﻳﻨﺎﻫﺎ ﻭﺍﻟﺘﻘﺮﻳﺮ

ﺍﻟﻄﺒﻴﺐ ﻭﺧﺮ ﻣﻨﺎﺿﺮﻩ ﻣﻦ ﻋﻴﻨﻪ ﻭﻋﺪﻝ ﮔﻌﺪﺗﻪ ﻭﺣﺎﭼﺎﻫﺎ

.. ﺑﺎﺑﺎ ﺑﻨﻴﻪ ﻣﺜﻠﭻ ﺑﻌﻤﺮ ﺍﻟﻮﺭﺩ ﺷﻨﻮ ﺍﻟﻲ ﻳﺨﻠﻴﻬﺎ ﺗﻨﺘﺤﺮ ﻭﺗﻨﻬﻲ ﺣﻴﺎﺗﻬﺎ ﺑﻬﺎﻟﻄﺮﻳﻘﻪ ﻣﻨﻮ ﻳﺴﺘﺎﻫﻞ ﻣﻨﺞ ﺗﻀﺤﻴﻠﻪ ﺑﺮﻭﺣﺞ ﻭﺗﺨﺴﺮﻳﻦ ﺩﻧﻴﺎﺗﭻ ﻭﺍﺧﺮﺗﭻ

.. ﻣﻦ ﺳﻤﻌﺖ ﻣﻨﻪ ﻛﻠﻤﺔ ﺑﺎﺑﺎ ﻧﺰﻟﺖ ﺩﻣﻌﺘﻲ ﺗﺬﻛﺮﺕ ﺣﻨﻴﺔ ﻭﺍﻟﺪﻱ ﺟﺎﻭﺑﺘﻪ ﺑﺼﻮﺕ ﺗﻌﺒﺎﻥ ﻭﻣﺒﺤﻮﺡ ﻭﺍﻟﻠﻪ ﻣﺎﺍﻋﺮﻑ ﺍﻧﻲ ﺑﺲ ﺭﺩﺕ ﺭﺍﺳﻲ ﻳﻬﺪﺃ ﻭﺍﺧﺬﺕ ﺣﺒﺎﻳﺘﻴﻦ ﻣﺎﻓﺎﺩﻥ ﺍﺧﺬﺕ ﺍﻟﺒﺎﻗﻲ ﺑﺎﻟﻌﺒﻪ ﻛﻠﻬﺎ ﻣﺎﺍﻋﺮﻑ ﺍﻧﻮ ﻳﺼﻴﺮ ﺑﻴﻪ ﻫﻴﺞ ﻭﺍﻧﻲ ﻣﻮ ﺿﻌﻴﻔﻪ ﺣﺘﻪ ﺍﻧﺘﺤﺮ ﺍﺑﺪ ﻣﻤﻔﻜﺮﻩ ﺑﺎﻷﻧﺘﺤﺎﺭ ﺭﺩﺕ ﺍﺭﻳﺢ ﺭﺍﺳﻲ ﻭﺑﺲ

.. ﻣﻦ ﺷﻮﻛﺖ ﺗﺎﺧﺬﻳﻦ ﻫﺬﻱ ﺍﻟﺤﺒﻮﺏ

.. ﻣﺼﺎﺭ ﻫﻮﺍﻱ ﻓﺘﺮﻩ ﻗﻠﻴﻠﻪ

.. ﻳﻌﻨﻲ ﺷﮕﺪ ﺑﺎﻟﻀﺒﻂ ﺗﺘﺬﻛﺮﻳﻦ

.. ﺃﻱ ﺍﺗﺬﻛﺮ .. ﺟﻨﺖ ﺍﺣﭽﻲ ﻟﻠﻄﺒﻴﺐ ﻭﻋﻴﻨﻲ ﻋﻠﻰ ﻋﻠﻲ ﭼﺎﻥ ﻳﻬﺰ ﺭﺟﻠﻴﻪ ﻭﻣﺒﻴﻴﻦ ﻋﻠﻲ ﻣﺘﻮﺗﺮ ﻭﻳﻠﻌﺐ ﺑﺎﻟﺴﺒﺤﻪ ﺍﻟﻲ ﺑﺄﻳﺪﻩ ﻛﻞ ﺷﻮﻳﻪ ﻳﺮﻓﻊ ﻋﻴﻨﻪ ﻋﻠﻴﻪ ﺍﺣﺲ ﻧﻈﺮﺍﺗﻪ ﺗﺨﻮﻑ ﻋﻴﻮﻧﻪ ﺣﻤﺮ ﻭﻣﺒﻴﻴﻦ ﻋﺼﺒﻲ ﺑﺲ ﺟﺎﻱ ﻳﻬﺪﺃ ﻧﻔﺴﻪ ﻣﺠﺒﻮﺭ ﻛﻤﻞ ﻛﻼﻣﻪ ﺍﻟﻄﺒﻴﺐ ﻭﻳﺎﻱ

.. ﺷﻨﻮ ﺍﻟﺨﻼﭺ ﺗﺎﺧﺬﻳﻦ ﻫﺬﻱ ﺍﻟﺤﺒﻮﺏ ﻣﻦ ﺷﻨﻮ ﺗﻌﺎﻧﻴﻦ ﻭﻳﺎﻃﺒﻴﺐ ﺍﻧﻄﺎﺝ ﻫﺎﻟﻮﺻﻔﻪ

.. ﻣﻮ ﻣﻦ ﻃﺒﻴﺐ ﭼﺎﻧﺖ ﺍﻛﻮ ﻣﺸﺎﻛﻞ ﻋﺎﺋﻠﻴﻪ ﻭﭼﻨﺖ ﺍﺗﻮﺗﺮ ﺣﻴﻞ ﻭﺍﻗﻠﻖ ﺍﻧﻲ ﻃﺒﻌﻲ ﺍﺿﻮﺝ ﻭﺍﺧﺎﻑ ﻣﻦ ﺍﻟﻤﺸﺎﻛﻞ ﻓﻀﻔﻀﺖ ﺍﻟﺰﻣﻼﺋﻲ ﻭﺷﺨﺺ ﺳﺎﻋﺪﻧﻲ ﻭﺍﻧﻄﺎﻧﻲ ﻫﺬﻱ ﺍﻟﺤﺒﻮﺏ ﮔﻠﻲ ﻣﻬﺪﺃ ﻣﻮ ﺍﻛﺜﺮ ﻭﺻﺪﮒ ﺑﺪﻳﺖ ﺍﺭﺗﺎﺡ ﻋﻠﻴﻬﺎ ﺑﺲ ﭼﻨﺖ ﻛﻞ ﻣﺘﺰﻳﺪ ﺍﻟﻤﺸﺎﻛﻞ ﺍﺯﻳﺪ ﺍﻟﺠﺮﻋﻪ ﻭﺍﺣﺲ ﻧﻔﺴﻲ ﻣﺮﺗﺎﺣﻪ ﻭﺗﺼﻴﺮ ﻋﻨﺪﻱ ﺍﻟﻘﻮﻩ ﺍﻟﻲ ﺗﺨﻠﻴﻨﻲ ﺍﺭﺩ ﺑﻴﻬﺎ ﻋﻠﻰ ﻛﻞ ﺷﺨﺺ ﻳﺄﺫﻳﻨﻲ

ﺳﻤﻌﺖ ﺻﻮﺕ ﻋﻠﻲ ﺗﻨﻬﺪ ﺑﺼﻮﺕ ﻭﺯﺍﺩﺕ ﻫﺰﺓ ﺭﺟﻠﻪ ﺗﻮﺗﺮﺕ ﺍﻧﻲ ﻣﻦ ﻳﻤﻲ ﻋﻴﻦ ﻋﻠﻴﻪ ﻭﻋﻴﻦ ﻉ ﺍﻟﻄﺒﻴﺐ ﺳﺄﻟﺘﻪ ﺩﻛﺘﻮﺭ ﻫﻴﻪ ﺷﺒﻴﻬﺎ ﻫﺬﻱ ﺍﻟﺤﺒﻮﺏ ﺑﻴﻬﺎ ﺃﺛﺎﺭ ﻳﻌﻨﻲ

.. ﺑﺎﺑﺎ ﺍﻧﺘﻲ ﻣﻮ ﻃﻔﻠﻪ ﻭﻻ ﻣﺮﺍﻫﻘﻪ ﺍﻧﺘﻲ ﻃﺎﻟﺒﻪ ﺟﺎﻣﻌﻴﻪ ﻳﻌﻨﻲ ﺍﻟﻤﻔﺮﻭﺽ ﺗﻜﻮﻧﻴﻦ ﻭﺍﻋﻴﻪ ﺍﻟﺤﺒﻮﺏ ﻫﺬﻱ ﻣﺨﺪﺭﻩ ﻭﺟﺴﻤﭻ ﺑﺪﻩ ﻳﺴﺘﺠﺎﺏ ﺍﻟﻬﺎ ﺑﺼﻮﺭﻩ ﺳﺮﻳﻌﻪ ﻟﻸﺳﻒ ﺍﻟﺤﺎﻟﻪ ﺍﻟﻲ ﺍﻧﺘﻲ ﺑﻴﻬﺎ ﺣﺎﻟﺔ ﺍﺩﻣﺎﻥ ﺗﻌﺘﺒﺮ ﻳﺮﺍﺩ ﻣﻨﭻ ﺍﻟﻘﻮﻩ ﻭﺍﻟﺸﺠﺎﻋﻪ ﺗﺘﺨﻠﺼﻴﻦ ﻣﻦ ﻫﺎﻷﻓﻪ ﺍﻧﺘﻲ ﻣﺴﺘﻌﺪﻩ ﺍﻟﻬﺬﺍ ﺍﻟﺸﻲ ﻣﺴﺘﻌﺪﻩ ﺗﻜﻮﻧﻴﻦ ﺷﺠﺎﻋﻪ ﻭﺗﻮﺍﺟﻬﻴﻦ ﻧﻔﺴﭻ

.. ﻣﻦ ﺳﻤﻌﺘﻪ ﺑﻘﻴﺖ ﻣﺒﻬﻮﺗﻪ ﻭﺻﺎﻓﻨﻪ ﺑﺲ ﺩﻣﻮﻋﻲ ﺍﺣﺴﻬﺎ ﺗﻨﺰﻝ ﺍﺭﺑﻌﻪ ﺍﺭﺑﻌﻪ ﮔﺘﻠﻪ ﻳﻌﻨﻲ ﺷﻨﻮ ﻣﺪﻣﻨﻪ ﻳﻌﻨﻲ ﻫﺬﻱ ﺍﻟﺤﺒﻮﺏ ﻣﺨﺪﺭﺍﺕ ﺗﻌﺘﺒﺮ ﻳﻌﻨﻲ ﻣﻮ ﻋﻼﺝ ﻣﻬﺪﺃ ﺍﻧﻲ ﻣﻮ ﻣﺪﻣﻨﻪ ﻻ ﺭﺍﺡ ﺍﮔﺪﺭ ﺍﺗﺤﻤﻞ ﺑﺪﻭﻧﻪ ﻭﺭﺍﺡ ﺗﺸﻮﻓﻮﻥ

.. ﺑﺎﺑﺎ ﺍﻫﺪﻱ ﻭﺍﻧﻲ ﺍﻓﻬﻤﭻ ﺍﻟﻲ ﺍﻧﻄﺎﺝ ﺍﻟﺤﺒﻮﺏ ﺷﻨﻮ ﻏﺎﻳﺘﻪ ﻣﺎﺍﻋﺮﻑ ﻣﺎﻛﻮ ﺷﺨﺺ ﻳﺤﺐ ﺷﺨﺺ ﻳﻨﻄﻲ ﻫﻴﭻ ﻧﻮﻉ ﻣﻦ ﺍﻟﺤﺒﻮﺏ ﺣﺘﻪ ﻟﻮ ﻛﺎﻥ ﺯﻣﻴﻞ ﺍﻟﻤﻔﺮﻭﺽ ﻣﺘﺄﻣﻨﻴﻦ ﺍﻷﻱ ﺷﺨﺺ ﻭﻣﺘﺎﺧﺬﻳﻦ ﻋﻼﺝ ﺑﺪﻭﻥ ﺍﺳﺘﺸﺎﺭﻩ

ﺍﻧﻲ ﻭﺍﺛﻖ ﺍﻧﺘﻲ ﻗﻮﻳﻪ ﻭﺭﺍﺡ ﺗﺘﺤﻤﻠﻴﻦ ﻛﻠﺸﻲ ﺣﺘﻪ ﺗﺘﻌﺪﻳﻦ ﻫﺬﻱ ﺍﻟﻤﺮﺣﻠﻪ ﺷﮕﻠﺘﻲ

🔹🔸🥇🔹🔸

 ﺍﻱ ﺷﻲ ﺍﺳﻮﻱ ﺑﺲ ﺍﺭﻳﺪ ﺍﺧﻠﺺ

.. ﺧﻠﺺ ﺍﻧﺘﻲ ﻫﺴﻪ ﺍﻃﻠﻌﻲ ﺍﻧﺘﻈﺮﻱ ﺑﺮﻩ ﻭﺍﻧﻲ ﻛﻼﻣﻲ ﺭﺍﺡ ﻳﻜﻮﻥ ﻭﻱ ﺍﻷﺥ

ﻃﻠﻌﺖ ﻭﺍﻧﻲ ﺍﺷﻮﻑ ﻋﻠﻲ ﺑﺪﻩ ﻳﺴﺤﺐ ﻧﻔﺲ ﻗﻮﻱ ﻭﻓﺘﺢ ﺍﻭﻝ ﺍﺯﺭﺍﺭ ﺑﺎﻟﺪﺷﺪﺍﺷﻪ ﻭﻋﺪﻝ ﮔﻌﺪﺗﻪ ﻳﺤﺎﻭﻝ ﻳﺼﻐﻲ ﻟﻠﻄﺒﻴﺐ

ﺍﻟﺪﻛﺘﻮﺭ .. ﺍﺥ ﻋﻠﻲ ﺍﻟﺒﻨﻴﻪ ﻳﻤﻜﻦ ﻣﺘﻌﺮﻑ ﺍﻷﺩﻣﺎﻥ ﻭﺍﺛﺎﺭﻩ ﻫﻴﻪ ﻫﺴﻪ ﻣﺘﺤﻤﺴﻪ ﺍﻧﻮ ﺗﺘﺨﻠﺺ ﻣﻨﻪ ﻭﻭﺍﺿﺢ ﻋﻠﻴﻬﺎ ﺍﻟﺼﺪﻣﻪ ﺍﻟﻈﺎﻫﺮ ﺻﺪﻳﻖ ﺍﻟﺴﻮﺀ ﻫﻮﻩ ﺍﻟﻲ ﻣﻮﺻﻠﻬﺎ ﺍﻟﻬﺬﻱ ﺍﻟﻤﺮﺣﻠﻪ ﺍﻟﻤﺸﻜﻠﻪ ﺍﺻﺮﺍﺭﻫﺎ ﻫﺬﺍ ﺭﺍﺡ ﻳﺨﺘﻔﻲ ﻣﻦ ﻳﺒﺪﻱ ﺟﺴﻤﻬﺎ ﻳﻄﻠﺐ ﺍﻟﻌﻼﺝ ﺍﺭﻳﺪﻙ ﺗﺤﺎﻭﻝ ﺗﺨﻠﻴﻬﺎ ﺑﻐﺮﻓﻪ ﺧﺎﺻﻪ ﺍﻟﻬﺎ ﺑﻌﻴﺪ ﻋﻦ ﺍﻱ ﺷﺨﺺ ﻣﺘﺜﻖ ﺑﻲ ﻭﻳﺎﺭﻳﺖ ﺗﻜﻮﻥ ﻗﺮﻳﺐ ﺍﻟﻬﺎ ﺣﺘﻪ ﺗﺄﻣﻦ ﺑﻮﺟﻮﺩﻙ ﻭﺍﻷﻫﻢ ﻣﻦ ﻛﻞ ﻫﺬﺍ ﺗﺒﻌﺪ ﺷﻜﻮ ﺍﺩﺍﺓ ﺣﺎﺩﻩ ﻋﻨﻬﺎ ﻣﻤﻜﻦ ﺗﺄﺫﻱ ﻧﻔﺴﺨﺎ ﻭﺍﻟﺤﻮﺍﻟﻴﻬﺎ ﻫﻴﻪ ﻓﺘﺮﻩ ﻗﻠﻴﻠﻪ ﻳﺮﺍﺩﻟﻬﺎ ﺻﺒﺮ ﻣﻨﻜﻢ ﺍﻧﺘﻮ ﺍﻫﻠﻬﺎ ﻭﻫﻴﻪ ﺍﻟﻠﻪ ﻳﻜﻮﻥ ﺑﻌﻮﻧﻬﺎ

.. ﻛﻞ ﻧﻘﻄﻪ ﺗﻜﻠﻢ ﻋﻨﻬﺎ ﺍﻟﻄﺒﻴﺐ ﺧﻠﻴﺘﻬﺎ ﺍﺑﺎﻟﻲ ﺗﺸﻜﺮﺕ ﻣﻨﻪ ﻭﻃﻠﻌﺖ ﺷﻔﺘﻬﺎ ﻣﻘﺎﺑﻴﻠﻲ ﻣﺨﻠﻴﻪ ﺭﺍﺳﻬﺎ ﻋﻠﻰ ﻣﺘﻦ ﺍﺧﺘﻬﺎ ﻭﺟﻬﻪ ﺣﻴﻞ ﺍﺻﻔﺮ ﺫﺑﻼﻧﻪ ﻭﻻ ﭼﻨﻬﺎ ﻫﺬﻱ ﺍﻟﺒﻨﺖ ﺍﻟﻘﻮﻳﻪ

ﺍﺟﻪ ﺍﺑﺎﻟﻲ ﺍﻟﺤﭽﻲ ﺍﻟﺤﭽﺘﻪ ﻭﻳﺎﻱ ﺑﻴﻮﻡ ﺍﻟﻲ ﺍﺟﺖ ﺑﻲ ﻣﻌﻘﻮﻟﻪ ﭼﺎﻧﺖ ﺗﺤﺖ ﺗﺄﺛﻴﺮ ﺍﻟﺤﺒﻮﺏ ﻟﻮ ﻫﻴﻪ ﻫﺬﻱ ﺷﺨﺼﻴﺘﻬﺎ ﺍﻧﻪ ﺣﺒﻴﺖ ﻗﻮﺗﻬﺎ ﺑﺲ ﻣﺎﺍﺟﻪ ﺍﺑﺎﻟﻲ ﻫﻴﻪ ﻫﻴﭻ ﻣﺎﻣﺒﻴﻴﻦ ﻋﻠﻴﻬﺎ ﺣﺎﻟﺔ ﺍﺩﻣﺎﻥ

ﺍﺣﺲ ﻧﻔﺴﻲ ﺗﻌﺒﺖ ﻭﻫﺬﻱ ﺍﻟﺸﻜﻢ ﻳﻮﻡ ﺍﻟﻤﺮﻥ ﻋﺪﻥ ﻋﻠﻴﻪ ﺑﺴﻨﻪ

ﻗﺮﺑﺖ ﻭﻣﺪﻳﺘﻠﻬﺎ ﺃﻳﺪﻱ ﻳﻠﻠﻪ ﻋﻠﻴﺎﺀ ﺗﻮﻛﻠﻲ ﺑﺎﻟﻠﻪ ﻭﮔﻮﻣﻲ

.. ﺑﺎﻭﻋﺖ ﺑﻌﻴﻨﻪ ﻭﺍﻧﻲ ﻣﺘﺮﺩﺩﻩ ﺍﺷﻮﻓﻪ ﺣﻨﻴﻦ ﺑﺲ ﻭﺭﻩ ﻫﺬﻱ ﺍﻟﻌﻴﻮﻥ ﺍﻛﻮ ﻛﻤﻴﻪ ﻣﻦ ﺍﻟﻘﺴﺎﻭﻩ ﻭﺍﻟﻌﺼﺒﻴﻪ ﻋﻴﻮﻧﻪ ﺍﺑﺪ ﻣﺘﻮﺣﻲ ﺍﻟﺤﻨﻴﺘﻪ

ﺑﺲ ﻫﻮﻩ ﻭﮔﻔﻠﻲ ﻭﺗﻌﺐ ﻭﻳﺎﻱ ﺍﻧﻄﻴﺘﻪ ﺍﻳﺪﻱ ﻭﮔﻤﺖ ﺍﺣﺲ ﺟﺴﻤﻲ ﻣﺘﻜﺴﺮ ﻭﻣﻌﺪﺗﻲ ﺍﻟﻬﺴﻪ ﺗﻮﺟﻌﻨﻲ ﻛﻞ ﺷﻮﻳﻪ ﺍﺭﻳﺪ ﺍﺳﺘﻔﺮﻍ ﺑﺲ ﺍﺟﺮ ﻧﻔﺲ ﻭﺍﻣﻨﻊ ﻧﻔﺴﻲ ﻣﺎﺍﻋﺮﻑ ﺍﻧﻲ ﺷﺒﻴﻪ ﻭﺷﻨﻮ ﺍﻟﻲ ﺻﺎﺭ ﻭﻳﺎﻱ

ﺍﻓﻴﺎﺀ ﺳﻨﺪﺗﻨﻲ ﻭﻫﻮﻩ ﻫﻢ ﺧﻠﻪ ﺍﻳﺪ ﻭﺭﻩ ﻇﻬﺮﻱ ﻭﻣﺸﻴﺖ ﺑﺨﻄﻮﺍﺕ ﻣﺘﻌﺜﺮﻩ ﻓﺘﺤﻠﻲ ﺑﺎﺑﺎ ﺍﻟﺴﻴﺎﺭﻩ ﻭﮔﻌﺪﺕ ﺍﻓﻴﺎﺀ ﻗﺒﻠﻲ ﮔﻠﻬﺎ ﺧﻠﻴﻬﺎ ﺗﺘﻤﺪﺩ ﻭﺍﻧﺘﻲ ﺳﻨﺪﻱ ﺭﺍﺳﻬﺎ

ﺍﻓﻴﺎﺀ ﺣﺎﻭﻟﺖ ﺗﻌﺮﻑ ﺷﻨﻮ ﺑﻴﻪ ﺍﻟﺤﺪ ﻫﺴﻪ ﻛﻠﺸﻲ ﻣﺘﻌﺮﻑ

ﮔﻠﻬﺎ ﻣﻦ ﻧﻮﺻﻞ ﺍﻓﻬﻤﭻ ﻟﻮ ﺳﺄﻟﻮﭺ ﺑﺎﻟﺒﻴﺖ ﮔﻮﻟﻲ ﻳﺮﺍﺩﻟﻬﺎ ﻣﺘﺎﺑﻌﻪ ﻷﻥ ﻭﺿﻌﻬﺎ ﺍﻟﺼﺤﻲ ﻣﻮ ﺷﻲ

ﺑﺪﻩ ﻳﺠﺮ ﻧﻔﺲ ﻗﻮﻱ ﻋﺒﺎﻟﻚ ﻣﺨﻨﻮﮒ

ﻭﺟﻬﻪ ﺻﺎﺭ ﻳﻨﻄﻲ ﻋﻠﻰ ﺣﻤﺎﺭ

ﺩﺧﻠﻨﻪ ﺟﻮﻩ ﺗﻠﮕﺘﻨﻪ ﻋﻤﺘﻲ ﻭﺍﻟﺒﻨﺎﺕ ﮔﻠﻬﻢ ﺯﻳﻨﻪ ﻫﻴﻪ ﻋﻮﻓﻮﻫﺎ ﻭﺗﻌﺎﻟﻲ ﺍﻓﻴﺎﺀ ﺧﻞ ﺍﻋﻠﻤﭻ ﻋﻠﻰ ﻋﻼﺟﻬﺎ

ﺩﺧﻞ ﻭﻳﺎﻱ ﻟﻠﻐﺮﻓﻪ

ﻭﺍﻓﻴﺎﺀ ﺗﺒﻌﺘﻨﻪ

ﮔﻠﻬﺎ ﺍﻟﻲ ﺍﮔﻮﻟﻪ ﺍﻟﺞ ﻣﺎﺍﺭﻳﺪ ﻣﺨﻠﻮﻕ ﻳﻌﺮﻑ ﺑﻲ ﻋﻠﻴﺎﺀ ﻣﺪﻣﻨﻪ ﻭﻻﺯﻡ ﺗﺘﻌﺎﻟﺞ ﻣﻦ ﺍﺩﻣﺎﻧﻬﺎ ﻭﺍﺭﻳﺪ ﻣﻨﭻ ﻣﺴﺎﻋﺪﻩ ﺗﺨﻠﻴﻦ ﻫﺬﻱ ﺍﻟﻐﺮﻓﻪ ﻣﻦ ﺍﻱ ﺍﺩﺍﺓ ﺣﺎﺩﻩ ﻻﺳﭽﻴﻦ ﻭﻻ ﻣﻔﺘﺎﺡ ﻭﻻ ﺣﺘﻪ ﻣﮕﺮﺍﺿﻪ ﻣﺪﺭﻱ ﺷﺘﺴﻤﻮﻫﺎ ﺍﻟﻤﻬﻢ ﺍﺭﻳﺪ ﺍﻟﻐﺮﻓﻪ ﻣﺎﺑﻴﻬﺎ ﺍﻱ ﺷﻲ ﻣﻤﻜﻦ ﺗﺄﺫﻱ ﺭﻭﺣﻬﺎ ﻣﻨﻪ ﺣﺘﻪ ﻟﻮ ﻗﺮﺍﺻﻪ

ﺍﻓﻴﺎﺀ .. ﺷﻴﺦ ﻓﺪﻭﻩ ﺷﻨﻮ ﻳﻌﻨﻲ ﻣﺪﻣﻨﻪ ﻣﻨﻴﻦ ﻭﺷﻠﻮﻥ ﻣﺎﺍﻋﺮﻑ ﺍﻧﻪ ﻣﺎﺍﻋﺮﻑ ﻛﻞ ﺍﻷﻋﺮﻓﻪ ﻫﺬﺍ ﺧﻠﻴﻨﻲ ﻭﻳﺎﻫﺎ ﻭﺣﺪﻧﻪ ﺣﺘﻪ ﺍﻓﺘﻬﻢ ﻣﻨﻬﺎ

ﻃﻠﻌﺖ ﺍﻓﻴﺎﺀ ﻭﻋﻴﻮﻧﻪ ﺗﻮﺟﻬﺖ ﻋﻠﻴﻪ

.. ﻋﻠﻴﺎﺀ ﻳﺎﻫﻮ ﺍﻟﻲ ﺍﻧﻄﺎﭺ ﻫﺎﻱ ﺍﻟﺤﺒﻮﺏ

.. ﺑﭽﻴﺖ ﻭﻣﺎﺟﺎﻭﺑﺘﻪ ﺷﻲ

.. ﻻﺗﺨﺎﻓﻴﻦ ﺍﻧﻪ ﺍﺳﺎﻋﺪﭺ ﻭﺍﻭﻋﺪﭺ ﻣﺮﺍﺡ ﺍﺧﻠﻲ ﺍﺣﺪ ﻳﻌﺮﻑ ﺑﻴﭻ ﺑﺲ ﮔﻠﻴﻠﻲ ﻳﺎﻫﻮ ﺍﻧﻄﺎﺝ ﻫﺬﻱ ﺍﻟﺤﺒﻮﺏ

.. ﺍﺭﻳﺪ ﺍﺑﻘﻪ ﻭﺣﺪﻱ

.. ﻋﻠﻰ ﺭﺍﺣﺘﭻ ﺍﻧﻪ ﻃﺎﻟﻊ

.. ﻋﻠﻲ

🔹🔸🥇🔹🔸

ﺩﺭﺕ ﺍﻟﻬﺎ ﻫﺎﺍ

.. ﺭﺍﺡ ﺗﺤﺠﺰﻧﻲ ﻣﻮﻭ

.. ﻣﻮ ﻫﻴﭻ ﺍﻧﻪ ﺍﺭﻳﺪ ﺍﺣﺮﺭﭺ ﻣﻦ ﺍﻷﻧﺘﻲ ﺑﻲ ﺭﺍﺡ ﺍﻗﻔﻞ ﻋﻠﻴﭻ ﺍﻟﺒﺎﺏ ﻭﻣﺤﺪ ﻏﻴﺮﻧﻪ ﺍﻧﻲ ﻭﺍﻓﻴﺎﺀ ﻧﺪﺧﻠﭻ

.. ﺍﻧﻲ ﻟﻴﺶ ﻫﻴﭻ ﻳﺼﻴﺮ ﺑﻴﻪ

.. ﻣﺎﺍﻋﺮﻑ ﺍﻧﻪ ﺍﻧﺘﻲ ﺷﻨﻮ ﻭﻣﻨﻮﻭ ﻛﻞ ﺍﻷﻋﺮﻓﻪ ﺍﻧﺘﻲ ﺑﻨﺖ ﻋﻤﻲ ﻭﻭﺍﺟﺒﻲ ﺍﺣﻤﻴﭻ ﺣﺘﻪ ﻟﻮ ﻣﻦ ﻧﻔﺴﭻ ﻷﻥ ﺍﻧﺘﻲ ﻣﺎﻣﺜﻠﻴﻦ ﺭﻭﺣﭻ ﻭﺑﺲ ﺍﻧﺘﻲ ﺍﺳﻢ ﺍﺑﻮﭺ ﻭﺍﻫﻠﭻ ﺍﻟﻲ ﻫﻤﻪ ﺍﻫﻠﻲ ﻫﺬﺍ ﺍﻟﻴﺮﺑﻄﻨﻲ ﺑﻴﭻ ﻭﺍﺣﺎﻭﻝ ﺍﺳﺎﻋﺪﭺ ﻭﺍﻃﻠﻌﻴﻦ ﻣﻦ ﻫﺎﻟﺸﺪﻩ

.. ﺑﺲ ﺍﻧﻲ ﻣﺎﻟﻲ ﺍﺣﺪ ﺍﺑﻮﻱ ﻭﻋﺎﻓﻨﻲ ﻭﺍﻣﻲ ﻭﺍﺗﺨﻠﺖ ﻋﻨﻲ ﻟﻴﺶ ﺍﻧﺖ ﺗﺴﺎﻋﺪﻧﻲ

.. ﺍﻟﺞ ﺍﻫﻠﭻ ﻭﻧﺎﺳﭻ ﻛﻠﻬﻢ ﻳﺤﺒﻮﭺ ﻭﺣﺎﻟﭻ ﻣﻮ ﺍﺣﺴﻦ ﻣﻦ ﺣﺎﻟﻲ ﭼﻨﺖ ﻃﻔﻞ ﻭﺧﺴﺮﺕ ﻛﻠﺸﻲ ﻭﻋﺸﺖ ﻷﻥ ﺍﻧﻲ ﺍﺭﻳﺪ ﺍﻋﻴﺶ ﻣﺎﺍﺣﺐ ﺍﻟﻀﻌﻒ ﺑﻴﻮﻡ ﻭﻻ ﺍﺭﻳﺪ ﺍﺿﻌﻒ ﺍﻷﻱ ﺳﺒﺐ ﺍﻷﻧﺴﺎﻥ ﺑﻜﻴﻔﻪ ﻳﮕﺪﺭ ﻳﻜﻮﻥ ﺷﺨﺼﻴﺘﻪ ﻭﺑﻤﺴﺎﻋﺪﺓ ﺍﻟﻲ ﻳﺤﺒﻮﻩ ﺍﻛﻴﺪ

.. ﺑﺲ ﺍﻧﻲ ﻣﺎﺍﮔﺪﺭ ﺍﻧﺎﻡ ﺑﺪﻭﻥ ﺍﻟﺤﺒﻮﺏ

.. ﻣﻌﻨﺎﻫﺎ ﻻﺗﻨﺎﻣﻴﻦ ﺍﺗﺤﻤﻠﻲ

ﻋﻠﻲ ..

ﻃﻠﻌﺖ ﻭﺍﺣﺲ ﺍﻟﺼﺒﺮ ﺑﺪﻩ ﻳﻨﻔﺬ ﻣﻨﻲ ﻭﻛﺎﻗﺘﻲ ﻗﺮﺑﺖ ﺗﺨﻠﺺ ﺷﻠﻮﻥ ﺑﻨﻴﻪ ﺗﺪﻣﻦ ﻭﻣﻨﻮ ﺍﻟﻲ ﻭﺻﻠﻬﺎ ﺍﻟﻬﺎﻟﻤﺮﺣﻠﻪ ﺍﺫﺍ ﺯﻣﻴﻠﻬﺎ ﺧﻼﻫﺎ ﺗﺼﻴﺮ ﻣﺪﻣﻨﻪ ﺍﻟﻠﻪ ﺍﻟﻴﻌﻠﻢ ﺑﺤﺎﻝ ﺯﻣﻼﺋﻬﺎ ﺷﻨﻮﻭ ﻭﺷﻠﻮﻥ ﺻﺎﻳﺮﻳﻦ

ﺍﺧﺨﺦ ﺍﺣﺲ ﺟﺪﻱ ﻏﻠﻂ ﻣﻦ ﻃﺮﺩ ﻋﻤﻲ ﻭﺧﺎﺻﺘﺎ ﻣﻦ ﻋﺮﻑ ﻫﻮﻩ ﺻﺎﺣﺐ ﺑﻨﺎﺕ ﻭﻣﺎﻗﺒﻞ ﻳﺮﺟﻊ ﻳﻤﻨﻪ ﺻﺢ ﭼﺎﻥ ﻣﺨﻠﻲ ﺍﻟﻲ ﺧﺎﻃﺮ ﺑﺲ ﻟﻮ ﺭﺍﺟﻊ ﻭﺑﻨﺎﺗﻨﻪ ﻳﺮﺑﻦ ﮔﺒﺎﻟﻨﻪ ﻣﺎﺻﺎﺭ ﺍﻟﻲ ﺻﺎﺭ

ﺭﺟﻌﺘﻠﻲ ﺣﺎﻟﺔ ﺍﻟﺮﺑﻮﻭ ﺍﻟﻴﻮﻡ ﺷﺮﺍﺡ ﻳﺨﻠﺼﻨﻲ ﺩﻭﺭﺕ ﻋﻠﻰ ﺍﻟﺒﺨﺎﺥ ﻭﺍﻟﻌﻼﺝ ﺍﻟﻌﻨﺪﻱ ﺍﻟﻈﺎﻫﺮ ﻣﺨﻠﺺ ﮔﻠﺖ ﺍﺭﻭﺡ ﺍﺭﺗﺎﺡ ﻭﺑﺎﻟﻠﻴﻞ ﺍﻃﻠﻊ ﺍﺷﺘﺮﻳﻠﻲ ﻋﻼﺝ

ﻧﻤﺖ ﻣﻦ ﺍﻟﺘﻌﺐ ﻭﻣﺎﺣﺴﻴﺖ ﺍﻻ ﻋﻠﻰ ﺻﻮﺕ ﺍﻣﻲ ﻭﺍﺣﺲ ﻭﺍﺣﺪ ﮔﺎﻋﺪ ﻋﻠﻰ ﺻﺪﺭﻱ ﺍﺭﻳﺪ ﺍﺟﺮ ﺍﻟﺘﻔﺲ ﻣﺎﺍﮔﺪﺭ

.. ﻋﻠﻲ ﻋﻠﻲ ﻳﻤﻪ ﺍﮔﻌﺪ ﻟﻴﺶ ﻗﺎﻓﻞ ﺍﻟﺒﺎﺏ ﻋﻠﻰ ﺑﻨﺖ ﻋﻤﻚ ﻳﻤﻪ ﻣﻮ ﻫﻴﺞ ﺧﻄﻴﻪ ﻣﺪﺭﻱ ﺗﺮﻳﺪ ﺗﻄﻠﻊ ﻣﺪﺭﻱ ﺗﺮﻳﺪ ﺗﺸﻮﻑ ﺍﺣﺪ

.. ﻫﻼ ﻳﻤﻪ ﻻﻳﻀﻞ ﺑﺎﻟﭻ ﻣﻮﺻﻲ ﺍﻓﻴﺎﺀ ﻭﻣﻨﻄﻴﻬﺎ ﻧﺴﺨﻪ ﻣﻦ ﺍﻟﻤﻔﺘﺎﺡ

.. ﺍﻱ ﻟﻴﺶ ﻳﺎﻳﻤﻪ

.. ﻳﻤﻪ ﺑﺪﻭﻥ ﻟﻴﺶ ﻫﻴﺞ ﺍﺣﺴﻦ .. ﺍﺣﺲ ﺍﻟﻨﻔﺲ ﺿﺎﻉ ﻋﻠﻴﻪ ﻭﮔﻔﺖ ﺍﺭﻳﺪ ﺍﻃﻠﻊ ﺍﺷﻢ ﺍﻟﻬﻮﻩ ﻟﺰﻣﺘﻨﻲ ﺍﻟﮕﺤﻪ ﻟﻤﺎ ﺗﻜﻮﻥ ﺣﺎﻟﺘﻲ ﻣﺘﺄﺯﻣﻪ ﻛﻠﺶ ﺗﻠﺰﻣﻨﻲ ﮔﺤﻪ ﻗﻮﻳﻪ ﻭﻣﺘﺘﺮﻛﻨﻲ ﻟﻤﻦ ﺍﺗﻘﻴﺄ

ﻃﻠﻌﺖ ﺍﺭﻳﺪ ﺍﺭﻭﺡ ﻟﻠﺤﻤﺎﻡ ﻭﺻﻠﺖ ﺍﻟﻐﺮﻓﺘﻬﺎ ﻋﺮﻓﺘﻬﺎ ﺑﺪﺕ ﺗﻔﻘﺪ ﺍﻋﺼﺎﺑﻬﺎ ﻣﻦ ﻃﺮﻳﻘﺔ ﺩﮔﻬﺎ ﻟﻠﺒﺎﺏ ﺍﺣﺘﺎﺭﻳﺖ ﺑﻴﻨﻲ ﻭﺑﻴﻨﻬﺎ ﺑﺲ ﺟﺴﻤﻲ ﺧﺎﻭﻱ ﺣﺘﻪ ﻣﺎﺑﻴﻪ ﻗﻮﻩ ﺍﺣﺎﭼﻴﻬﺎ ﺍﺷﺮﺕ ﺍﻷﻓﻴﺎﺀ ﻟﺘﻔﺘﺤﻴﻦ ﺍﻟﺒﺎﺏ

ﻭﺭﺣﺖ ﻟﻠﺤﻤﺎﻡ ﺍﺣﺲ ﻫﺬﻱ ﺍﺧﺮ ﺍﻧﻔﺎﺳﻲ

ﻟﺤﮕﺘﻨﻲ ﺍﻣﻲ

.. ﻳﻤﻪ ﻋﻠﻲ ﺳﻮﺩﻩ ﻋﻠﻴﻪ ﻭﻳﻦ ﻋﻼﺟﻚ ﻟﻴﺶ ﻳﻤﻪ ﻫﻴﭻ ﻟﻴﺶ ﺗﺨﻠﻲ ﺭﻭﺣﻚ ﺗﻮﺻﻞ ﺍﻟﻬﺎﻟﻤﻮﺍﺻﻴﻞ

.. ﻣﺎﺍﮔﺪﺭ ﺍﺣﺎﺟﻴﻬﺎ ﺑﺲ ﺍﺷﺮﺗﻠﻬﺎ ﺍﻧﻄﻴﻨﻲ ﺍﻟﻔﻮﻥ ﻭﺗﺼﻴﺢ ﻓﺎﻃﻤﻪ

ﻓﺎﻃﻤﻪ ﺍﺧﺘﻲ ﺍﻟﺼﻐﻴﺮﻩ ﻃﺎﻟﺒﺔ ﻛﻠﻴﻪ ﺍﻋﺘﺒﺮﻫﺎ ﺑﻨﺘﻲ ﻣﻮ ﺑﺲ ﺍﺧﺘﻲ ﻫﻴﻪ ﺑﺖ ﺑﺖ ﻋﻤﺘﻲ ﺑﺲ ﺭﺑﻴﻨﻪ ﺳﻮﻩ ﻭﭼﺎﻧﺖ ﺍﺯﻏﺮ ﺧﻮﺍﺗﻬﺎ ﺍﺟﻦ ﺧﻮﺍﺗﻲ ﺯﻳﻨﺐ ﻭﻓﺎﻃﻤﻪ ﺍﺷﺮﺕ ﺍﻟﻬﻦ ﻉ ﺍﻟﺘﻠﻴﻔﻮﻥ ﺍﺗﺼﻠﻦ ﺑﺮﻳﻢ ﻭﺭﺍﺩﻥ ﻭﻟﻴﺪ ﺑﻠﻐﻨﻪ ﻳﺠﻲ

ﺷﻮﻳﻪ ﻭﺍﺟﻮﻭ ﺭﺍﻓﻊ ﻭﻭﻟﻴﺪ ﻭﺍﺣﻤﺪ ﺍﺧﺬﻭﻧﻲ ﻟﻠﻤﺴﺘﺸﻔﻰ ﻭﻣﺜﻞ ﻛﻞ ﻣﺮﻩ ﻣﻦ ﺣﺎﻟﺘﻲ ﺗﺘﺄﺯﻡ ﺍﺑﺮﻩ ﺑﺎﻟﻮﺭﻳﺪ ﻭﻣﻐﺬﻱ ﻭﺍﻭﻛﺴﺠﻴﻦ ﻭﺣﺒﻮﺏ ﻻﺯﻡ ﺍﺳﺘﻤﺮ ﻋﺒﻴﻬﻦ ﻓﺘﺮﻩ ﺑﺲ ﻣﺸﻜﻠﺘﻲ ﺑﺲ ﻟﺘﺤﺴﻦ ﺍﮔﻄﻌﻬﻦ

ﺭﺟﻌﺖ ﻟﻠﺒﻴﺖ ﻭﺍﺣﺲ ﺭﻭﺣﻲ ﻣﻜﺴﺮ ﺍﺷﺘﺮﻭﻟﻲ ﻋﻼﺝ ﻭﺻﻠﻮﻧﻲ ﻟﻠﺒﻴﺖ ﻭﺭﺍﺣﻮﻭ

ﺗﻤﺪﺩﺕ ﻭﺍﺭﺗﺎﺣﻴﺖ ﻓﺰﻳﺖ ﻋﻠﻰ ﺻﻮﺕ ﺳﺎﻋﻪ ﺛﻨﺘﻴﻦ ﺑﺎﻟﻠﻴﻞ ﻃﻠﻌﺖ ﺍﻣﺸﻲ ﺷﻔﺖ ﺍﻓﻴﺎﺀ ﺗﺒﭽﻲ ﻭﻫﻴﻪ ﻭﺍﮔﻔﻪ ﻳﻢ ﺍﻟﺒﺎﺏ ﻭﺍﻣﻲ ﻳﻤﻬﺎ

.. ﻧﻈﺮﺍﺕ ﺍﻣﻲ ﺍﻟﻲ ﺑﻠﻮﻡ ﻭﻋﺘﺐ ﺍﺑﺪ ﻣﺎ ﺍﺗﺤﻤﻞ ﻫﻴﭻ ﻧﻈﺮﻩ

.. ﻭﺟﻬﺖ ﻛﻼﻣﻲ ﺍﻷﻓﻴﺎﺀ ﻟﻴﺶ ﺍﻧﺘﻲ ﻫﻨﺎ

🔹🔸🥇🔹🔸

ﻣﺎﺍﮔﺪﺭ ﺍﺗﺮﻛﻬﺎ ﻭﺍﺷﻮﻓﻬﺎ ﺗﺘﻌﺬﺏ

.. ﺑﺲ ﺍﻧﻲ ﻓﻬﻤﺘﭻ ﻛﻠﺸﻲ .. ﺷﻔﺘﻴﻬﺎ ﺧﺎﻑ ﺗﺮﻳﺪ ﺗﻄﻠﻊ ﻣﺤﺘﺎﺟﻪ ﺷﻲ ﻻ ﻗﺒﻞ ﺷﻮﻳﻪ ﺍﺧﺬﺗﻬﺎ ﺑﺲ ﻫﺴﻪ ﻣﺎﺍﻋﺮﻑ ﺷﺠﺎﻫﺎ ﻣﺴﺎﻉ ﻫﻢ ﻫﻴﭻ ﻭﺭﺍﻫﺎ ﻫﺪﺃﺕ ﻭﻫﺴﻪ ﺯﺍﺩﺕ ﺣﺎﻟﺘﻬﺎ

.. ﺍﺗﺮﻛﻮﻧﻲ ﺍﻧﻲ ﻭﻳﺎﻫﺎ

.. ﻋﻠﻲ ﻳﻤﻪ ﻣﺎﻳﺼﻴﺮ ﻫﻴﭻ

.. ﻳﻤﻪ ﺍﻧﺘﻲ ﻛﻠﺸﻲ ﻣﺎﺗﻌﺮﻓﻴﻦ ﺧﻠﻴﻨﻲ ﺑﻈﻴﻤﻲ

ﭼﻨﺖ ﺗﻌﺒﺎﻥ ﻭﻛﺎﻓﻲ ﻋﻠﻴﻪ ﻫﻤﻮﻡ ﻭﻗﻀﺎﻳﺎ ﺍﻟﻨﺎﺱ ﺍﻟﻲ ﺳﺎﻟﺒﻪ ﻭﻛﺘﻲ ﻭﻫﺴﻪ ﺍﺟﺎﻧﻲ ﻫﻢ ﺍﻛﺒﺮ ﻣﺎﺍﻋﺮﻑ ﺷﻠﻮﻥ ﺗﺼﻔﻪ ﻭﻳﺎﻱ

ﺍﺳﻤﻊ ﺻﻮﺗﻬﺎ

.. ﺍﻧﻄﻮﻧﻲ ﻭﺣﺪﻩ ﻓﺪﻭﻩ ﺑﺲ ﻭﺣﺪﻩ ﺍﺭﻳﺪ ﺍﺭﺗﺎﺡ ﺭﺍﺳﻲ ﺭﺍﺡ ﻳﻨﻔﺠﺮ

.. ﻋﻠﻴﺎﺀ ﺭﺍﺡ ﺍﻓﺘﺢ ﺍﻟﺒﺎﺏ ﺍﺭﻳﺪ ﺍﺷﻮﻓﭻ ﻋﺎﺩﻱ

.. ﺍﻧﻄﻴﻨﻲ ﺣﺒﺎﻳﻪ ﻭﻣﺎﺍﺭﻳﺪ ﻣﻨﻚ ﻛﻠﺸﻲ

.. ﻋﻠﻴﺎﺀ ﺍﺣﻨﻪ ﺷﺤﭽﻴﻨﻪ

.. ﻣﺎﻟﻲ ﻋﻼﻗﻪ ﺑﺎﻟﺤﭽﻴﻨﺎﻩ ﺭﺍﺳﻲ ﻳﺮﻳﺪ ﻳﻄﮓ

.. ﺯﻳﻦ ﺧﻞ ﺍﺩﺧﻞ ﺍﺗﻔﺎﻫﻢ ﻭﻳﺎﭺ ﻭﺍﻧﻲ ﺍﻧﻄﻴﭻ ﺣﺒﺎﻳﻪ ﺑﺲ ﺍﺩﺧﻞ ﻋﺎﺩﻱ ﺧﻠﻲ ﺷﻲ ﻋﻠﻰ ﺭﺍﺳﭻ

.. ﺍﻱ ﺗﻌﺎﻝ ﺟﻴﺐ ﺍﻟﺤﺒﺎﻳﻪ ﻭﺗﻌﺎﻝ

.. ﺍﺑﺎﻭﻉ ﺍﻷﻣﻲ ﻣﺎﻣﻔﺘﻬﻤﻪ ﻛﻠﺸﻲ ﻭﺗﺮﻳﺪ ﺍﻓﻬﻤﻬﺎ ﻭﺍﻓﻴﺎﺀ ﺑﺲ ﺗﺒﭽﻲ ﺷﻠﻮﻥ ﺭﺍﺡ ﺍﺿﻢ ﺍﻟﺴﺎﻟﻔﻪ ﻳﺎﺭﺏ ﺳﺎﻋﺪﻧﻲ ﺍﻟﺤﻤﺪﻟﻠﻪ ﺑﻴﺘﻨﻪ ﭼﺒﻴﺮ ﻭﺟﺪﻱ ﺗﻌﺒﺎﻥ ﻣﺎﻳﺴﻤﻊ ﺷﻲ ﺑﺲ ﺍﻭﻝ ﻭﺗﺎﻟﻲ ﺍﻟﻨﺎﺱ ﺗﻌﺮﻑ ﺍﻗﺼﺪ ﻋﻤﺎﻧﻲ ﻭﺑﻨﺎﺗﻬﻢ ﻭﺍﻟﻌﺎﻟﻢ ﺍﻟﻲ ﺗﺠﻴﻨﻪ ﻋﻠﻰ ﻃﻮﻝ

ﻓﺘﺤﺖ ﺍﻟﺒﺎﺏ ﺑﻬﺪﻭﺀ ﻭﺩﺧﻠﺖ ﻭﻗﻔﻠﺘﻪ ﻭﺍﻟﻤﻔﺘﺎﺡ ﺑﻴﺪﻱ

.. ﻭﻳﻦ ﺍﻟﺤﺒﺎﻳﻪ

.. ﺍﺑﺎﻭﻋﻠﻬﺎ ﺷﻜﻠﻬﺎ ﻣﻮ ﻫﻴﻪ ﻋﻴﻮﻧﻬﺎ ﺗﻌﺒﺎﻧﻪ ﻭﺷﻌﺮﻫﺎ ﻣﻨﻔﻮﺵ ﺑﺎﻭﻋﺖ ﺍﻛﻮ ﺷﺎﻝ ﻗﺮﻳﺐ ﻳﻤﻬﺎ ﺷﻠﺘﻪ ﻭﺧﻠﻴﺘﻪ ﻋﻠﻰ ﺭﺍﺳﻬﺎ

.. ﻭﻳﻦ ﺍﻟﺤﺒﺎﻳﻪ ﺍﻧﻄﻴﻨﻲ ﺑﺴﺮﻋﻪ ﺭﻟﺴﻲ ﻣﻮﺗﻨﻲ

.. ﻋﻠﻴﺎﺀ ﻣﺎﻛﻮ ﺣﺒﺎﻳﻪ ﺧﻞ ﺗﻮﻟﻲ ﺍﺩﻣﺮﭺ ﻭﺍﻟﻠﻪ

.. ﺍﻧﺖ ﺗﻀﺤﻚ ﻋﻠﻴﻪ ﻛﻠﻜﻢ ﻧﻔﺲ ﺍﻟﺸﻲ

.. ﻛﻠﻨﻪ ﻣﻨﻮﻭ

.. ﺍﻧﺖ ﻭﺍﻣﻲ ﻭﻋﻼﺀ

.. ﺍﻧﻲ ﺍﺭﻳﺪ ﺍﺳﺎﻋﺪﭺ ﻣﻮ ﺍﻛﺜﺮ ﭼﻨﺖ ﺗﻌﺒﺎﻥ ﻭﮔﻮﻩ ﺍﺣﭽﻲ ﻣﺎﻟﻲ ﺧﻠﮓ ﺍﻃﻮﻝ ﻭﻳﺎﻫﺎ

.. ﻻ ﻛﻠﻜﻢ ﺗﻘﺸﻤﺮﻭﻧﻲ ﺍﻧﻲ ﻏﺒﻴﻪ ﻣﻮﻭ

.. ﺿﻠﻴﺖ ﺍﺑﺎﻭﻋﻠﻬﺎ ﻭﺳﺎﻛﺖ ﻣﺎﺍﻋﺮﻑ ﺷﺤﭽﻲ

.. ﺃﻱ ﻭﺍﻟﻠﻪ ﻏﺒﻴﻪ ﺻﺪﮔﺖ ﺑﻮﺍﺣﺪ ﻉ ﺍﺳﺎﺱ ﺣﺒﻨﻲ ﻋﻠﻤﻨﻲ ﺍﺻﻴﺮ ﻣﺪﻣﻨﻪ ﻭﺗﺰﻭﺟﻨﻲ ﻭﻋﺎﻓﻨﻲ ﻭﺍﻧﻲ ﻋﺮﻭﺱ

.. ﻳﻌﻨﻲ ﺍﻟﻲ ﻋﻠﻤﭻ ﻉ ﺍﻟﺤﺒﻮﺏ ﻫﻮﻩ ﻫﺬﺍ ﻧﻔﺴﻪ ﺍﻟﻲ ﺗﺰﻭﺟﺞ

.. ﺍﻱ ﻫﻮﻩ ﺯﻭﺟﻲ ﺍﻧﻄﻴﻨﻲ ﺣﺒﺎﻳﻪ ﺍﻧﺖ ﻣﻮ ﻣﺴﺆﻭﻝ ﻋﻨﻲ ﺯﻭﺟﻲ ﻗﺎﺑﻞ ﺍﻧﺖ ﺷﻜﻮﻭ

.. ﺯﻭﺟﺞ ﻫﺬﺍ ﻣﻦ ﻳﺎﻣﻠﻪ ﻭﺷﻨﻲ ﻃﻴﻨﺘﻪ ﻭﻋﺪ ﻋﻠﻴﻪ ﺍﻻ ﺍﺧﻠﻲ ﻳﺮﻛﻊ ﺟﻮﻩ ﺭﺟﻠﺞ ﻧﺎﺩﻡ ﺑﺲ ﺻﻴﺮﻱ ﻗﻮﻳﻪ ﻭﺍﺗﺤﻤﻠﻲ ﺑﺲ ﻫﺬﺍ ﺍﻷﺳﺒﻮﻉ ﻭﺭﺍﺡ ﺗﺨﻒ ﺍﻷﻻﻡ

.. ﻣﺎﺍﮔﺪﺭ ﻣﺎﺍﮔﺪﺭ

.. ﮔﺎﻟﺘﻬﺎ ﻭﺑﭽﺖ ﺑﺼﻮﺕ ﻋﺎﻟﻲ ﺍﺣﺲ ﺍﺩﻳﻪ ﻣﺮﺑﻄﻪ ﺑﺴﺎﻋﺘﻬﺎ ﻣﺎﺗﻤﻨﻴﺖ ﺷﻲ ﺑﺲ ﺍﺗﻤﻨﻴﺖ ﻋﻼﺀ ﺑﺄﻳﺪﻱ ﺑﺲ ﻭﻳﻦ ﻳﺮﻭﺡ ﺍﻟﮕﺎﻩ ﻟﻮ ﻳﺼﻴﺮ ﺑﺴﺎﺑﻊ ﺳﻤﻪ

.. ﻋﻠﻴﺎﺀ ﺍﻧﺘﻲ ﺷﻨﻬﻲ ﺍﻟﺘﺮﺩﻳﻨﻪ ﺗﺮﺩﻳﻦ ﺗﻤﻮﺗﻴﻦ ﺑﺴﺒﺐ ﻭﺍﺣﺪ ﻣﺎﻳﺴﺘﺎﻫﻞ ﺩﻣﻌﻪ ﻣﻨﭻ ﻟﻮ ﺗﺮﺩﻳﻦ ﺗﺜﺒﺘﻴﻦ ﺍﻟﻪ ﻭﺍﻟﻐﻴﻴﺮﻩ ﺍﻧﺘﻲ ﻗﻮﻳﻪ ﻭﻣﺎﺗﻬﺘﻤﻴﻦ

.. ﺍﻧﻲ ﻛﻠﺸﻲ ﻣﺎﺍﺭﻳﺪ ﺍﺭﻳﺪ ﺣﺒﺎﻳﻪ ﺑﺲ ﻟﻮ ﺍﺣﺴﻦ ﺷﻲ ﺍﻧﺖ ﻣﻮ ﺑﻴﻨﻚ ﻭﺑﻴﻦ ﺍﻣﻲ ﺛﺎﺭ ﺍﺧﺬﻩ ﻣﻨﻲ ﻣﻮﺗﺘﻲ ﻭﺧﻠﺼﻨﻲ

.. ﺿﺤﻜﺖ ﺑﻤﺮﺍﺭﻩ ﺍﺧﺬ ﺍﻟﺜﺎﺭ ﻣﻨﭻ ﺍﻧﺘﻲ ﺍﺟﺖ ﻓﺮﺻﺘﻲ ﻭﭼﻨﺖ ﺍﮔﺪﺭ ﺍﻛﺘﻞ ﺍﻟﻲ ﻧﻔﺬ ﺍﻟﺤﻜﻢ ﺑﺄﺑﻮﻱ ﺑﺲ ﺗﻌﺮﻓﻴﻦ ﺷﻨﻬﻲ ﺍﻟﻤﻨﻌﻨﻲ ﺧﻮﺍﺗﻲ ﭼﺎﻥ ﻋﻨﺪﻩ ﺍﺛﻨﻴﻦ ﺑﻨﺎﺕ ﻭﻭﻟﺪ ﻣﻦ ﺍﻣﻲ ﻣﺎﮔﺪﺭﺕ ﺍﻳﺘﻤﻬﻢ ﻣﺜﻞ ﻣﺎﺗﻴﺘﻤﺖ ﺭﻏﻢ ﺍﻧﻲ ﻣﺎﺍﺣﺒﻬﻢ ﻭﻣﺎﺍﺣﺲ ﺑﻤﺸﺎﻋﺮ ﺍﺧﻮﻩ ﺍﺗﺠﺎﻫﻢ ﺑﺲ ﻣﻦ ﺷﻔﺘﻬﻢ ﺿﻌﻔﺖ

ﺭﺟﻌﺖ ﺑﺬﺍﻛﺮﺗﻲ ﻟﻠﻴﻮﻡ ﺍﻟﻲ ﺳﻘﻂ ﺑﻲ ﺍﻟﺤﻜﻢ ﺑﺄﺣﺘﻼﻝ ﺍﻟﻌﺮﺍﻕ ﺳﻨﺔ ﺍﻟﻔﻴﻦ ﻭﺗﻼﺛﻪ

ﻭﺭﻩ ﻣﺎﺗﺄﻛﺪ ﻟﻠﻨﺎﺱ ﺳﻘﻮﻁ ﺍﻟﻨﻈﺎﻡ

ﺑﺪﺕ ﺍﻟﻌﺎﻟﻢ ﺗﺼﻔﻲ ﺣﺴﺎﺑﺎﺗﻬﺎ ﻭﺑﺪﺕ ﺍﻟﺮﻭﺱ ﺍﻟﻜﺒﺎﺭ ﻣﺜﻞ ﻣﺎﻳﺴﻤﻮﻫﺎ ﺗﺸﺮﺩ ﻭﺗﻄﻠﻊ ﻣﻦ ﻣﻨﺎﻃﻘﻬﻢ ﻭﺑﻌﺪﻫﺎ ﻳﻄﻠﻌﻮﻥ ﺧﺎﺭﺝ ﺍﻟﻌﺮﺍﻕ ﺍﻟﻌﺎﻟﻢ ﭼﺎﻧﺖ ﻣﻜﺒﻮﺗﻪ ﻭﻣﻦ ﻗﻬﺮﻫﺎ ﻋﻠﻰ ﺷﺒﺎﺑﻬﺎ ﺍﻟﺮﺍﺣﺖ ﺑﺪﺕ ﺗﺘﺼﺮﻑ ﺑﺪﻭﻥ ﻭﻋﻲ ﺍﻟﻲ ﻭﺍﺻﻠﻴﻦ ﺑﺎﻟﺪﻭﻟﻪ ﺑﻴﻮﺗﻬﻢ ﺍﺣﺘﺮﮔﺖ ﻭﺍﻟﻲ ﺍﻧﻜﺘﻞ ﺑﺎﻟﻄﺮﻳﻖ ﻭﺍﻟﻲ ﮔﺪﺭ ﻳﻄﻠﻊ

ﭼﻨﻪ ﺷﺒﺎﺏ ﻭﺍﮔﻔﻴﻦ ﺑﻮﻛﺘﻬﺎ ﻋﻤﺎﻣﻲ ﺗﺄﻛﺪﻭﻭ ﻣﻦ ﺩﻭﺍﺋﺮ ﺍﻷﻣﻦ ﺍﻟﻲ ﻣﻘﺪﻣﻴﻦ ﺑﻼﻍ ﺍﻧﻮ ﺍﺑﻮﻱ ﻇﺎﺑﻂ ﻣﺘﺨﺎﺫﻝ ﻭﻣﻮﺻﻠﻴﻦ ﺍﻭﺭﺍﻕ ﻭﻛﺘﺐ ﺍﻟﺪﺍﺧﻞ ﺑﻴﺘﻪ ﻋﻦ ﻃﺮﻳﻖ ﺍﻣﻲ ﺑﻤﺴﺎﻋﺪﺓ ﺍﻡ ﻋﻠﻴﺎﺀ ﺍﻟﻲ ﻫﻴﻪ ﺍﺧﺖ ﻣﺎﻫﺮ ﻭﺯﻭﺟﺔ ﻋﻤﻲ ﺑﻮﻛﺘﻬﺎ ﺯﺍﺩ ﺣﻘﺪﻧﻪ ﻋﻠﻴﻬﺎ ﺍﻛﺜﺮ ﻭﺷﻜﻮﻛﻨﻪ ﺗﺄﻛﺪﺕ

ﭼﻨﻪ ﺷﺒﺎﺏ ﻭﺍﮔﻔﻴﻦ ﺑﻤﺪﺍﺧﻞ ﺍﻟﻤﺪﻳﻨﻪ ﻭﻣﺨﺎﺭﺟﻬﺎ ﻧﺮﻳﺪ ﻧﺤﻔﻆ ﻣﻨﻄﻘﺘﻨﻪ ﻣﻦ ﺍﻷﻏﺮﺍﺏ ﺍﻟﻮﺿﻊ ﻳﺨﻮﻑ ﻭﻣﺎﻛﻮ ﺳﻠﻄﻪ ﻭﻟﺪ ﺍﻟﻤﻨﺎﻃﻖ ﻫﻤﻪ ﺣﻤﻮ ﻣﻨﺎﻃﻘﻬﻢ

ﺟﻨﺖ ﻣﻠﺜﻢ ﺑﻴﻮﻣﻬﺎ ﺗﺮﺍﺏ ﻗﻮﻱ ﻭﺍﻟﺪﻧﻴﺎ ﺣﻤﺮﻩ ﻭﺍﻧﻪ ﻋﻨﺪﻱ ﺭﺑﻮﻭ ﭼﻨﻪ ﻧﺪﻭﺭ ﻋﻠﻰ ﻣﺎﻫﺮ ﻛﻠﻨﻪ

ﻣﺮﺕ ﺳﻴﺎﺭﻩ ﻣﻦ ﻳﻤﻨﻪ ﺑﻴﻬﺎ ﺑﻨﺎﺕ ﺗﻘﺮﻳﺒﺎ ﻣﺘﻮﺳﻄﻪ ﺍﻭ ﺍﺑﺘﻈﺎﺋﻴﻪ ﻭﻭﻟﺪ ﻋﻤﺮﻩ ﻳﻄﻠﻊ ﺗﺴﻊ ﺳﻨﻴﻦ ﻭﻣﺮﻳﻪ ﮔﺎﻋﺪﻩ ﮔﺪﺍﻡ ﺍﻟﻬﺴﻪ ﻣﺎﺍﻧﺴﻪ ﻧﻈﺮﺍﺗﻬﻢ ﻭﺷﻠﻮﻥ ﻳﺘﺮﺟﻮﻧﻪ ﺑﻨﻈﺮﺍﺗﻬﻢ

ﺍﻭﻝ ﻣﺎﺷﻔﺘﻬﻢ ﺍﻧﺼﺪﻣﺖ ﺍﻧﻪ ﻣﺎﻫﺮ ﻣﺎﺷﺎﻳﻔﻪ ﻭﻻ ﺍﻋﺮﻑ ﺭﻏﻢ ﭼﻨﻪ ﻣﻨﻄﻘﻪ ﻭﺣﺪﻩ ﺑﺲ ﺑﻌﺪ ﻣﺎﺍﺗﺰﻭﺝ ﺍﻣﻲ ﻫﻮﻩ ﺷﺎﻝ ﻭﻃﻠﻊ ﻣﻦ ﺍﻫﻠﻪ

ﻋﺮﻓﺘﻬﻢ ﻫﻤﻪ ﻣﻦ ﻋﻴﻮﻥ ﺍﻣﻲ ﻫﻴﻪ ﻧﻔﺴﻬﺎ ﺻﺎﺭ ﺳﻨﻴﻦ ﻣﺎﺷﺎﻳﻔﻬﺎ ﺑﺲ ﻋﺮﻓﺘﻬﺎ ﺭﻏﻢ ﻣﺘﻐﻴﺮﻩ ﻫﻮﺍﻱ

ﻃﻠﺒﺖ ﻫﻮﻳﺎﺗﻬﻢ ﺍﻳﺪﻩ ﭼﺎﻧﺖ ﺗﺮﺟﻒ ﻣﻦ ﺍﻧﻄﺎﻧﻲ ﻫﻮﻳﺘﻪ ﺍﺳﺘﻠﻤﺘﻬﺎ ﻭﺍﻳﺪﻱ ﺗﺮﺟﻒ ﻧﻔﺲ ﺭﺟﻔﺔ ﺍﻳﺪﻩ ﺑﻬﺎﻱ ﺍﻟﻠﺤﻈﺎﺕ ﺣﺴﻴﺘﻬﺎ ﻣﻮ ﻟﺤﻈﺎﺕ ﺣﺴﻴﺘﻬﻦ ﻋﻤﺮ ﻻﺯﻡ ﺍﻗﺮﺭ ﺍﺧﺬ ﺛﺎﺭﻱ ﻟﻮ ﻻ ﺍﺟﻪ ﺍﺑﺎﻟﻲ ﺳﺆﺍﻝ ﻭﺳﺄﻟﺘﻪ

ﻫﺬﻭﻝ ﺍﻻﻃﻔﺎﻝ ﺍﻟﻜﻢ

.. ﺟﺎﻭﺑﺘﻨﻲ ﺍﻣﻲ ﺍﻱ ﻫﺬﻭﻟﻪ ﺟﻬﺎﻟﻲ ﭼﺎﻧﺖ ﻋﻴﻮﻧﻬﺎ ﻣﻠﻴﺎﻧﻪ ﺩﻣﻮﻉ ﻣﻦ ﺍﻟﺨﻮﻑ ﺷﮕﺪ ﻛﺎﺭﻫﺎ ﻭﺷﮕﺪ ﻣﺘﻤﻨﻲ ﻫﺬﻱ ﺍﻟﻠﺤﻈﻪ ﺍﻟﻲ ﺍﻃﻴﺢ ﺑﻴﺪﻱ ﺑﺲ ﻣﻦ ﺷﻔﺖ ﻋﻴﻮﻧﻬﺎ ﻭﻋﻴﻮﻥ ﺍﻟﺒﻨﺎﺕ ﻣﺎﮔﺪﺭﺕ ﻳﻤﻜﻦ ﺟﺒﻨﺖ ﻭﻳﻤﻜﻦ ﭼﺎﻧﺖ ﺷﺠﺎﻋﻪ

ﻗﺮﺭﺕ ﺍﺻﻴﺮ ﺷﺠﺎﻉ ﺍﻛﺜﺮ ﻣﻨﻬﻢ ﻣﺎﺭﺩﺕ ﺍﻛﺘﻠﻪ ﮔﺒﺎﻝ ﺑﻨﺎﺗﻪ ﺑﻮﻛﺘﻬﺎ ﺣﺘﻪ ﺍﻣﻲ ﻣﺎﺷﻔﻌﺘﻠﻪ ﺑﮕﺪ ﺧﻮﻑ ﺑﻨﺎﺗﻪ ﻭﺍﺑﻨﻪ ﻋﻠﻲ ﭼﻨﺖ ﺍﺯﻏﺮ ﻣﻦ ﺍﻟﻮﻟﺪ ﺍﻟﻲ ﻭﻳﺎﻫﻢ ﻣﻦ ﺍﻧﻌﺪﻡ ﺍﺑﻮﻱ ﻣﺎﭼﻨﺖ ﺍﺭﻳﺪﻫﻢ ﻳﺤﺴﻮﻥ ﺑﺄﺣﺴﺎﺳﻲ ﺍﺻﻌﺐ ﻣﻮﻗﻒ ﻣﻦ ﮔﺘﻠﻬﻢ ﻋﺒﺮﻭﻭ ﺳﺎﻋﺎﺕ ﺍﺣﺲ ﺭﻭﺣﻲ ﺧﺬﻟﺖ ﺍﺑﻮﻱ ﻭﺳﺎﻋﺎﺕ ﺍﺣﺲ ﺭﻭﺣﻲ ﻗﻮﻱ ﺍﺗﺤﻈﻴﺖ ﻧﻔﺴﻲ ﻗﺒﻞ ﺍﻟﻜﻞ

ﺭﺟﻌﺖ ﻣﻦ ﺫﺍﻛﺮﺗﻲ ﻭﻋﻴﻨﻲ ﻋﻠﻰ ﻋﻠﻴﺎﺀ

.. ﺍﻧﺘﻲ ﺷﻤﻌﺮﻓﭻ ﺑﻴﻨﻲ ﻭﺑﻴﻦ ﺍﻣﭻ ﺛﺎﺭ ﻭﺗﻌﺮﻓﻴﻨﻪ ﺛﺎﺭ ﺷﻨﻮﻭ

.. ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻲ ﻛﻠﺸﻲ ﻣﺎﺍﻋﺮﻑ

.. ﭼﺎ ﺍﻧﺴﻲ ﻫﺬﺍ ﺍﻟﻤﻮﺿﻮﻉ ﻭﻻﺗﺬﻛﺮﻳﻨﻲ ﺑﻲ

🔹🔸🥇🔹🔸

ﺃﻧﺴﻪ ﺑﺲ ﺍﻧﻄﻴﻨﻲ ﺣﺒﺎﻳﻪ ﻓﺪﻭﻩ

.. ﻣﺎﺃﮔﺪﺭ ﺍﻧﻄﻴﭻ ﻣﻮ ﺯﻳﻦ ﻋﻠﻴﭻ ﺍﻓﺘﻬﻤﻲ .. ﺣﺴﻴﺖ ﻧﻔﺴﻲ ﺍﺧﺘﻨﮕﺖ ﻃﻠﻌﺖ ﺍﻟﺒﺨﺎﺥ ﻣﻦ ﺍﻳﺪﻱ ﻭﺍﺧﺬﺕ ﻧﻔﺲ

ﺭﺟﻌﺖ ﺣﺎﭼﻴﺘﻬﺎ ..

.. ﻋﻠﻴﺎﺀ ﺗﺤﻤﻠﻲ ﺑﺲ ﻫﺬﺍ ﺍﻷﺳﺒﻮﻉ ﺷﻮﻓﻲ ﺍﻧﻪ ﺭﺍﺡ ﺍﺑﺎﺷﺮ ﺑﻨﻘﻠﭻ ﻭﺭﺍﺡ ﺗﺮﺟﻌﻴﻦ ﻟﻠﺪﻭﺍﻡ ﺍﺭﻳﺪﭺ ﻗﻮﻳﻪ ﺩﺍﻭﻣﻲ ﻭﻱ ﻓﺎﻃﻤﻪ ﺍﺧﺘﻲ ﺑﺲ ﻻﺯﻡ ﺗﻨﺴﻴﻦ ﺍﻟﺤﺒﻮﺏ ﻭﺗﺤﺎﻭﻟﻴﻦ ﺗﺘﺤﺪﻳﻦ ﺭﻭﺣﭻ

.. ﺩﻣﻮﻋﻲ ﻧﺰﻟﺖ ﻭﺍﺣﺲ ﺻﻮﺗﻲ ﺗﻌﺐ ﺑﻌﺪ ﻣﺎﺑﻴﻪ ﺍﺻﻴﻴﺢ ﺗﺮﺟﻴﺘﻪ ﺑﻨﻈﺮﺍﺕ ﻋﻴﻮﻧﻲ ﻓﺪﻭﻩ ﺷﻠﻮﻥ ﺍﺗﺤﻤﻞ ﺍﻟﻢ ﺭﺍﺳﻲ ﻣﻴﻨﻄﺎﻕ ﻣﺎﺍﮔﺪﺭ ﺍﺗﺤﻤﻞ

.. ﺗﻨﻬﺪﺕ ﺩﺧﻴﻠﻚ ﻳﺎﺭﺑﻲ ﺻﺒﺮﻧﻲ .. ﺯﻳﻦ ﺍﻧﻪ ﺷﺒﻴﺪﻱ ﻋﻠﻴﭻ ﺷﺴﻮﻳﻠﭻ ﻣﺎﻛﻮ ﺣﻞ ﻏﻴﺮ ﺗﺼﺒﺮﻳﻦ

.. ﺍﺭﻳﺪ ﺍﻣﻲ ﻋﻔﻴﻪ

.. ﺍﻣﭻ ﻣﻨﻴﻦ ﺍﺟﻴﺒﻬﺎ ﺍﻟﭻ ﺍﻧﻪ ﺍﻋﺮﻑ ﺑﻴﻬﺎ ﻭﻳﻦ

.. ﺯﻳﻦ ﺣﺒﺎﻳﻪ ﻭﺣﺪﻩ ﺣﺘﻪ ﻟﻮ ﻧﺺ

.. ﻋﻠﻴﺎﺀ ﺍﻧﻪ ﺗﻌﺒﺎﻥ ﻭﺍﻧﺘﻲ ﺍﺗﻌﺒﻴﻨﻲ ﺍﺯﻳﻴﺪ ﺍﻟﻈﺎﻫﺮ ﺍﻟﺤﭽﻲ ﻣﺎﻳﺠﻴﺐ ﻧﺘﻴﺠﻪ ﺍﻃﻠﺒﻲ ﺍﻱ ﺷﻲ ﻣﻨﻲ ﻏﻴﺮ ﺍﻟﺤﺒﻮﺏ

.. ﻣﺎﺍﺭﻳﺪ ﺷﻲ ﺍﻃﻠﻊ ﻋﻮﻓﻨﻲ ﻭﺍﻃﻠﻊ

.. ﻫﻮﻩ ﻫﻢ ﻫﻴﭻ ﺍﻧﻪ ﻃﺎﻟﻊ ﺧﻠﻲ ﺣﭽﺎﻳﺎﺗﻲ ﺍﺑﺎﻟﭻ ﻣﺤﺪ ﻳﻔﻴﺪﭺ ﻏﻴﺮ ﺭﻭﺣﭻ ﺻﻴﺮﻱ ﻗﻮﻳﻪ ﺍﺭﻳﺪﭺ ﺍﻧﺘﻲ ﻗﻮﻳﻪ ﻣﻮ ﻗﻮﺗﭻ ﻭﻫﻤﻴﻪ ﺑﺴﺒﺐ ﺣﺒﻮﺏ ﺗﺎﺧﺬﻳﻬﺎ ﺍﻃﻴﺮ ﻋﻘﻠﭻ

ﻃﻠﻌﺖ ﺍﺟﺮ ﺑﺮﺟﻠﻴﻪ ﺍﺣﺲ ﺭﻭﺣﻲ ﺗﻌﺒﺎﻥ ﻛﻠﺶ ﻭﻋﻼﺝ ﺍﻟﺮﺑﻮﻭ ﻳﻨﺤﻞ ﺍﻧﻪ ﺻﻮﭼﻲ ﺧﻠﻴﺖ ﺣﺎﻟﺘﻲ ﺗﺘﺄﺯﻡ ﺍﻋﺮﻑ ﺭﻭﺣﻲ ﻣﻦ ﺍﺿﻮﺝ ﻭﺍﻓﻜﺮ ﺯﻳﺎﺩﻩ ﺗﺠﻴﻨﻲ ﻧﻮﺑﻪ ﺍﻟﻤﻔﺮﻭﺽ ﻣﺤﻀﺮ ﻋﻼﺟﻲ ﻭﻣﺼﺎﻳﺮ ﺑﻴﻪ ﺍﻟﻲ ﺻﺎﺭ

ﻟﮕﻴﺖ ﺍﻣﻲ ﻣﻨﺘﻈﺮﺗﻨﻲ ﺑﺎﻟﻐﺮﻓﻪ

.. ﻫﻼ ﻳﻤﻪ ﺷﻤﮕﻌﺪﭺ ﺍﻟﻬﺴﻪ

.. ﻳﻤﻪ ﺍﻟﻲ ﻳﺼﻴﺮ ﻣﻮ ﺻﺤﻴﺢ ﺍﻧﺖ ﻓﺎﻫﻢ ﻭﺍﺑﺪ ﻣﺎﺣﺎﭼﻴﻪ ﻭﻳﺎﻙ ﺑﻬﺎﻟﻄﺮﻳﻘﻪ ﻳﻤﻪ ﻃﻮﻝ ﻋﻤﺮﻙ ﺗﺼﺮﻓﺎﺗﻚ ﻣﻮﺯﻭﻧﻪ ﺑﺲ ﻫﺴﻪ ﻻ ﺟﺎﻱ ﺍﺷﻮﻓﻚ ﺍﻣﺘﻴﻪ ﺍﻟﻄﺮﻳﻖ

.. ﻳﻤﻪ ﺍﻧﻪ ﺗﻌﺒﺎﻥ ﺗﺮﺧﺼﻴﻨﻲ ﺍﺭﺗﺎﺡ ﻭﺑﺎﭼﺮ ﻧﺴﻮﻟﻒ

.. ﻟﻴﺶ ﺗﺘﻬﺮﺏ

.. ﺗﻌﺮﻓﻴﻨﻲ ﻣﺎﺍﺗﻬﺮﺏ ﻣﻦ ﺷﻲ ﻭﻻ ﻳﻬﻤﻨﻲ ﺷﻲ ﺑﺲ ﺍﻧﺘﻲ ﻓﺎﻫﻤﻪ ﺍﻟﻤﻮﺿﻮﻉ ﻏﻠﻂ

.. ﺍﻱ ﻓﻬﻤﻨﻲ

.. ﻳﻤﻪ ﺑﻨﺖ ﺍﺧﻮﺝ ﻧﻔﺴﻴﺘﻬﺎ ﺗﻌﺒﺎﻧﻪ ﻭﺍﻟﻄﺒﻴﺐ ﻋﻠﻤﻨﻲ ﺷﻠﻮﻥ ﺍﺗﻌﺎﻣﻞ ﻭﻳﺎﻫﺎ ﻫﺬﻱ ﺍﻟﺴﺎﻟﻔﻪ ﻭﻣﺎﺑﻴﻬﺎ

.. ﺻﺨﺎﻡ ﺍﻟﺼﺨﻤﻨﻲ ﺑﻴﻬﺎ ﺣﺎﻟﻪ ﻧﻔﺴﻴﻪ

.. ﻧﻔﺨﺖ ﺍﻟﻬﻮﻩ ﻧﻔﺴﻴﺘﻬﺎ ﺗﻌﺒﺎﻧﻪ ﻳﻤﻪ ﺣﻘﻬﺎ ﻋﺮﻭﺱ ﻭﺟﺮﻭﻫﺎ ﻣﻦ ﻳﻢ ﺭﺟﻠﻬﺎ ﻭﺫﺍﻙ ﺍﻟﺸﻔﻴﻪ ﻳﺮﻳﺪ ﻳﻄﻠﮓ ﺷﺘﺮﺩﻳﻦ ﻣﻨﻬﺎ

.. ﺻﺨﺎﻡ ﺑﻮﺟﻬﻲ ﺍﻟﺒﻨﻴﻪ ﺗﺨﺒﻠﺖ ﻭﻣﺎﺧﺬﻫﺎ ﺩﻛﺘﻮﺭ ﺑﻌﺪ ﺑﺲ ﻻﻳﺪﺧﻠﻮﻧﻬﺎ ﺷﻤﺎﻋﻴﻪ

.. ﻳﻤﻤﻤﻪ ﻓﺪﻭﻩ ﺍﺭﻭﺣﻠﭻ ﺍﻧﺘﻲ ﺗﺤﺮﻓﻴﻦ ﺣﭽﻴﻲ ﻟﻮ ﻧﺎﺻﺒﻪ ﻋﻠﻴﻪ ﺷﻨﻮ ﺷﻤﺎﻋﻴﻪ ﺷﻨﻮ ﻣﺮﻳﻀﻪ

ﻳﺮﺍﺩﻟﻬﺎ ﻣﺪﺍﺭﺍﻩ ﻭﺑﺲ

.. ﻭﺍﻧﺖ ﺭﺍﺡ ﺍﺩﺍﺭﻳﻬﺎ

.. ﺍﻟﻄﺒﻴﺐ ﻃﻠﺐ ﻣﻨﻲ ﺍﻫﺪﻳﻬﺎ ﺑﺄﺳﻠﻮﺏ ﻳﻤﻪ ﺑﺎﺟﺮ ﻧﺴﻮﻟﻒ ﻃﻔﻲ ﺍﻟﻀﻮﻩ ﻓﺪﻭﻩ ﺍﺭﻭﺣﻠﭻ ﺗﺮﻩ ﺍﻧﻪ ﺗﻌﺒﺎﻥ ﻭﺍﻟﻴﻮﻡ ﺍﻧﺘﻲ ﻣﺪﺭﻱ ﺷﺠﺮﺍﻟﭻ ﻳﺘﺮﺍﻭﺍﻟﻲ ﻣﺘﻬﻢ ﺑﻴﺪ ﺿﺎﺑﻂ

.. ﻳﻤﻪ ﻋﻤﺎﻣﻚ ﻳﻌﺮﻓﻮﻥ

.. ﻣﺎﺍﺭﻳﺪ ﻣﺨﻠﻮﻕ ﻳﻌﺮﻑ ﻻﻋﻤﺎﻣﻲ ﻭﻻﻏﻴﺮﻫﻢ ﻣﻮ ﺗﮕﻮﻟﻴﻦ ﻣﺎﮔﺎﻝ

🔹🔸🥇🔹🔸

ﻻ ﻻ ﻣﺎﺍﮔﻮﻝ ﻫﺬﺍ ﻫﻮﻭ

.. ﻳﻤﻪ ﺍﻟﻀﻮﻩ ﻭﻳﺎﭺ ﻓﺪﻭﻩ ﺍﻟﻄﻮﻟﭻ ﺍﻧﻪ

.. ﺍﺳﻢ ﺍﻟﻠﻪ ﻋﻠﻴﻚ ﺑﻌﺪ ﺍﻣﻚ

ﺍﺑﺘﺴﻤﺖ ﻋﻠﻰ ﻃﺮﻳﻘﺔ ﺍﻣﻲ ﻭﺍﺳﻠﻮﺑﻬﺎ ﻭﻻﺗﺘﺮﻛﻨﻲ ﺍﻻ ﺗﻌﺮﻑ ﺍﻟﺴﺎﻟﻔﻪ ﺷﻨﻬﻲ

ﻋﻤﺘﻲ ﺗﺴﺘﺎﻫﻞ ﺍﮔﻠﻬﺎ ﻳﻤﻪ ﻭﺗﺴﺘﺎﻫﻞ ﺍﻛﻮﻥ ﺟﻮﻩ ﺭﺟﻠﻴﻬﺎ ﺻﺪﮒ ﻟﻮ ﮔﺎﻟﻮ ﺍﻷﻡ ﺍﻟﻲ ﺗﺮﺑﻲ ﻣﻮ ﺍﻟﺘﺠﻴﺐ

ﺗﺬﻛﺮﺕ ﭼﻨﺖ ﺑﺎﻷﺑﺘﺪﺍﺋﻴﻪ ﻭﻋﻤﺘﻲ ﺷﺎﻟﺖ ﻣﺴﺆﻟﻴﺘﻲ ﻛﻠﻬﺎ ﻣﻦ ﺗﺰﻭﺟﺖ ﺗﻤﺮﺿﺖ ﻋﻠﻴﻬﺎ ﺭﻏﻢ ﺑﻴﺘﻬﺎ ﻣﻘﺎﺑﻴﻞ ﺑﻴﺘﻨﻪ ﭼﺎﻧﺖ ﻣﺘﺰﻭﺟﻪ ﺍﺑﻦ ﻋﻢ ﺍﺑﻮﻱ ﻭﺿﻠﻴﺖ ﺍﺗﺮﺩﺩ ﻋﻠﻴﻬﺎ ﻣﺎﺣﺴﺴﺘﻨﻲ ﺍﻛﻮ ﻓﺮﻕ ﺑﻌﺪ ﺯﻭﺍﺟﻬﺎ ﻭﭼﺎﻧﺖ ﺗﺠﻲ ﺗﺮﺗﺐ ﻏﺮﺍﺿﻲ ﻭﻏﺮﻓﺘﻲ ﻭﻣﻼﺑﺴﻲ ﻭﺗﺎﺧﺬﻧﻲ ﻭﻳﺎﻫﺎ ﺭﺟﻠﻬﺎ ﺟﺎﻥ ﻳﺤﺒﻨﻲ ﻭﭼﻨﺖ ﻣﺪﻟﻞ ﻋﺪﻫﻢ

ﺟﺎﺑﺖ ﺭﻳﻢ ﺍﻟﭽﺒﻴﺮﻩ ﻭﻣﺎﺗﻐﻴﺮﺕ ﻋﻠﻴﻪ ﺑﻴﻮﻡ

ﻭﺻﺎﺭﻭ ﻋﺪﻫﺎ ﺯﻳﻨﺐ ﻭﻓﺎﻃﻤﻪ ﻭﺑﻘﺖ ﻫﻴﻪ ﻫﻴﻪ ﻭﻳﻮﻡ ﻋﻦ ﻳﻮﻡ ﻳﺰﻳﺪ ﺍﻫﺘﻤﺎﻣﻬﺎ ﺑﻴﻪ

ﺍﻟﻰ ﺍﻥ ﺍﺗﻮﻓﻪ ﺭﺟﻠﻬﺎ ﺍﻟﻠﻪ ﻳﺮﺣﻤﻪ ﻭﺭﺟﻌﺖ ﻭﻳﺎﻧﻪ ﺑﻨﻔﺲ ﺍﻟﺒﻴﺖ ﻭﻫﺬﺍ ﻳﻮﻡ ﻭﺫﺍﻙ ﻳﻮﻡ ﻣﺎﺗﻔﺎﺭﮔﻨﻪ ﺍﺑﺪ ﺍﻻ ﻣﻦ ﺍﻃﻠﻊ ﺍﺳﺎﻓﺮ ﻭﺍﻛﺜﺮ ﻭﺣﺪﻩ ﺍﺷﺘﺎﻗﻠﻬﺎ ﻫﻴﻪ ﻭﺍﺑﻮﻱ ﻭﺍﻣﻲ ﺍﻟﺤﺠﻴﻪ ﺗﺠﻲ ﺑﻌﺪﻫﻢ

ﺍﺧﺬﺗﻨﻲ ﺫﺍﻛﺮﺗﻲ ﻟﻠﻤﺎﺿﻲ ﻭﻣﺎﺣﺴﻴﺖ ﻋﻠﻰ ﻧﻔﺴﻲ ﺍﻻ ﺛﺎﻧﻲ ﻳﻮﻡ ﺍﻟﺼﺒﺢ ﻣﺎﺍﻋﺮﻑ ﺷﻠﻮﻥ ﺍﺧﺬﺗﻨﻲ ﺍﻟﻨﻮﻣﻪ

ﻃﻠﻌﺖ ﺍﺷﻮﻑ ﻋﻠﻴﺎﺀ ﻟﮕﻴﺘﻬﺎ ﻧﺎﻳﻤﻪ ﻭﻫﻴﻪ ﮔﺎﻋﺪﻩ ﻭﺭﻩ ﺍﻟﺒﺎﺏ ﺍﻧﻜﺴﺮ ﮔﻠﺒﻲ ﻋﻠﻴﻬﺎ

ﺻﺤﺖ ﺍﻓﻴﺎﺀ ﺗﻌﺪﻝ ﻧﻮﻣﺘﻬﺎ ﻭﺗﻐﻄﻴﻬﺎ ﻭﺭﺣﺖ ﺍﮔﻌﺪ ﻳﻢ ﺍﺑﻮﻱ ﻭﺍﻣﻲ ﺍﻟﺤﺠﻴﻪ

.. ﺻﺒﺎﺡ ﺍﻟﺨﻴﺮ ﻳﻤﻪ ﺷﻠﻮﻧﻜﻢ ﺍﻟﻴﻮﻡ ﺍﻧﺘﻲ ﻭﺍﻟﺤﺠﻲ

.. ﻫﻼ ﻳﻤﻪ ﻫﻼ ﺑﺎﻟﻐﺎﻟﻲ ﺍﺑﻦ ﺍﻟﻐﺎﻟﻲ ﺍﻟﺤﻤﺪﻟﻠﻪ ﺍﻧﺖ ﺷﻠﻮﻥ ﺻﺮﺕ ﮔﺎﻟﻮ ﺍﻟﺒﺎﺭﺣﻪ ﺗﻌﺒﺎﻥ ﻭﺻﺪﺭﻙ ﻣﺘﻨﮓ

.. ﺍﻱ ﻭﺍﻟﻠﻪ ﻳﻤﻪ ﺑﺲ ﺍﻟﺤﻤﺪﻟﻠﻪ ﻫﺴﻪ ﺍﺣﺴﻦ

ﻗﺮﺑﺖ ﻋﻠﻰ ﺍﺑﻮﻱ ﺟﺮﻳﺖ ﻛﺮﺳﻲ ﻭﮔﻌﺪﺕ ﺻﺮﺕ ﻣﻘﺎﺑﻴﻠﻪ ﻉ ﺍﻟﭽﺮﺑﺎﻳﻪ

.. ﺷﻠﻮﻧﻚ ﺑﻮﻳﻪ ﻋﺴﺎﻙ ﺗﮕﻮﻩ

.. ﻫﻼ ﺑﻴﻚ ﻭﻟﻴﺪﻱ ﻣﺎﺿﻠﺖ ﮔﻮﻩ ﻭﻻﺿﻞ ﺣﻴﻞ ﺍﻟﺒﺮﻛﻪ ﺑﻴﻚ ﺍﻧﺖ ﻭﻋﻤﺎﻣﻚ ﻭﺍﻟﻮﻟﺪ ﺍﻟﻴﺤﺒﻨﻲ ﻳﻨﺪﻋﻲ ﺍﻟﻠﻪ ﻳﺎﺧﺬ ﺍﻣﺎﻧﺘﻪ ﻭﻳﺮﻳﺤﻨﻲ

.. ﺍﻓﺎﺍ ﻟﻴﺶ ﻫﺬﺍ ﺍﻟﺤﭽﻲ ﻣﻦ ﺍﻟﺼﺒﺢ ﺷﻠﻮﻥ ﮔﻠﺒﻚ ﻳﻨﻄﻴﻚ ﻭﺗﻜﻮﻟﻬﺎ ﺑﻮﺟﻬﻲ ﺷﻌﻨﺪﻱ ﻏﻴﺮﻙ ﺍﻧﻪ ﺍﻧﺖ ﺍﺑﻮﻱ ﻭﺳﻨﺪﻱ ﺑﻌﺪﻧﻲ ﺍﺷﻮﻑ ﺭﻭﺣﻲ ﻃﻔﻞ ﺑﻮﺟﻮﺩﻙ ﺍﻟﻠﻪ ﻻﻳﺤﺮﻣﻨﻲ ﻣﻨﻚ ﺣﺴﻚ ﺑﺎﻟﺪﻧﻴﺎ ﻛﺎﻓﻲ

.. ﺍﻟﻠﻪ ﻳﺤﻔﻈﻚ ﺑﻮﻳﻪ ﺍﻧﺖ ﻛﺒﺮﺕ ﻭﻣﺎﻳﻨﺨﺎﻑ ﻋﻠﻴﻚ ﺑﻌﺪ ﺯﻟﻤﻪ ﻣﻦ ﻇﻬﺮ ﺯﻟﻤﻪ ﻭﺍﻟﻨﻌﻢ ﻣﻨﻚ ﺍﻧﻲ ﻣﺄﻣﻦ ﻋﻠﻴﻚ ﻫﺴﻪ ﺟﺒﺖ ﻋﻤﺮﻱ ﻛﻠﻪ ﺗﻌﺐ ﺧﻠﻴﻨﻲ ﺍﺭﺗﺎﺡ ﻣﺎﻛﻮ ﺭﺍﺣﻪ ﺑﻬﺎﻟﺪﻧﻴﺎ

.. ﺍﻟﻠﻪ ﻛﺮﻳﻢ ﺑﻮﻳﻪ ﺿﺠﺖ ﻋﻠﻰ ﺟﺪﻱ ﻭﺍﻧﻪ ﺍﺷﻮﻓﻪ ﻳﺬﺑﻞ ﻳﻮﻡ ﺑﻌﺪ ﻳﻮﻡ ﺍﻟﻤﺮﺽ ﻧﺨﺮ ﺟﺴﻤﻪ ﻭﺻﺪﮒ ﺗﻌﺬﺏ ﺣﺎﻭﻟﺖ ﺍﻏﻴﻴﺮ ﺍﻟﻤﻮﺿﻮﻉ . ﺍﺑﺘﺴﻤﺘﻠﻪ ﺑﻮﻳﻪ ﺑﻌﺪﻙ ﺑﺤﻴﻠﻚ ﺷﺮﺍﻳﻚ ﺍﺷﻮﻓﻠﻚ ﻣﺮﻩ ﺑﺲ ﺑﻴﻨﻲ ﻭﺑﻴﻨﻚ ﻣﺎﺍﺭﻳﺪ ﺍﻣﻲ ﺗﺴﻤﻊ

.. ﻫﻬﻬﻬﻪ ﺍﻟﺴﻤﻌﺖ ﻭﺍﻟﻤﺎﺳﻤﻌﺖ ﺗﺪﺭﻱ ﺍﻟﺤﻴﻞ ﻣﺎﻛﻮ ﮔﺒﻞ ﭼﺎﻧﺖ ﻣﺎﺗﺮﺿﻪ ﻫﺴﻪ ﻣﺄﻳﺴﻪ ﻣﻨﻲ

ﺍﻟﺤﺠﻴﻪ .. ﻭﻟﻚ ﻋﻠﻴﻮﻱ ﺷﺘﺮﻳﺪ ﻣﻦ ﺟﺪﻙ ﺧﻠﻲ ﺍﻟﺰﻟﻤﻪ ﻣﺘﺜﮕﻞ

.. ﺿﺤﻜﺖ ﺑﺼﻮﺕ ﻋﺎﻟﻲ ﻳﻤﻪ ﻣﺎﻳﮕﺪﺭ ﻋﻠﻰ ﺯﻋﻠﭻ ﺍﺩﺭﻱ ﺑﻲ ﺑﺲ ﺍﺣﺐ ﺍﺗﻌﺎﺷﺮ ﻭﻳﺎﭺ ﺗﺮﻳﮕﺘﻮﻭ ﺍﺧﺬﺗﻮﻭ ﺩﻭﺍﻛﻢ

.. ﺍﻱ ﻳﻤﻪ ﻣﻦ ﺯﻣﺎﻥ ﺍﻧﺖ ﺍﻟﻴﻮﻡ ﺑﺎﻃﻲ ﺑﻨﻮﻣﺘﻚ

.. ﻳﻤﻪ ﺍﻟﺒﺎﺭﺣﻪ ﺗﻌﺒﺎﻥ ﺑﺲ ﻫﺴﻪ ﻋﻨﺪﻱ ﺷﻐﻞ ﻻﺯﻡ ﺍﮔﻀﻲ ﺍﻛﻮ ﻣﺸﻴﻪ ﺗﺨﺺ ﻋﺸﻴﺮﺓ ﺍﻝ .... ﻭﺍﺗﺼﻠﻮ ﺣﺘﻪ ﺍﺣﻀﺮﻫﺎ ﻭﺭﻩ ﺍﻟﻀﻬﺮ ﺍﺭﻭﺡ

🔹🔸🥇🔹🔸

ﺍﻟﻠﻪ ﻳﻨﻮﺭ ﺩﺭﺑﻚ ﻳﻤﻪ

.. ﺍﻥ ﺷﺎﺀﺍﻟﻠﻪ

ﺧﻠﻴﺘﻬﻢ ﻭﻃﻠﻌﺖ ﺟﺎﺑﺘﻠﻲ ﺯﻳﻨﺐ ﺍﻟﺮﻳﻮﮒ

ﻭﺍﻛﻮ ﺣﭽﻲ ﺑﻌﻴﻮﻧﻬﺎ

ﺗﺮﺩﺩﺕ ﺗﮕﻮﻟﻪ

.. ﺯﻧﻮﺑﻪ ﮔﻮﻟﻲ ﺷﻌﻨﺪﭺ

.. ﻻﺧﻮﻳﻪ ﻣﺎﻛﻮ ﺷﻲ ﻫﻴﭻ ﻻﻳﻀﻞ ﺍﺑﺎﻟﻚ

.. ﻣﺎﻛﻮ ﺷﻲ ﻣﺎﻛﻮ ﺷﻲ ﻋﻠﻰ ﺭﺍﺣﺘﭻ

ﺍﻣﻲ ﮔﺎﻟﺖ ﻻ ﻳﻤﻪ ﺧﻄﻴﺒﻬﺎ ﺭﺍﻳﺪﻫﺎ ﺗﻄﻠﻊ ﻭﻳﺎﻩ ﻳﺸﺘﺮﻳﻠﻬﺎ ﺷﻜﻢ ﻏﺮﺽ ﺍﺑﻦ ﻋﻤﻚ ﺗﻌﺮﻓﻪ ﻣﺎﻳﻌﺮﻑ ﻳﻠﺢ

ﺿﺤﻜﺖ ﺍﻱ ﻭﻳﺎﻫﻮ ﻳﺮﻭﺡ ﻭﻳﺎﻫﻢ

.. ﺑﺲ ﻫﻤﻪ ﻳﻤﻪ ﺍﻧﻪ ﻣﺎﺍﮔﺪﺭ ﺍﺭﻭﺡ ﺍﺟﺪﺍﺩﻙ ﻭﺣﺪﻫﻢ

.. ﻣﻴﺨﺎﻟﻒ ﻳﻤﻪ ﺧﻞ ﻳﺮﺣﻮﻥ ﺍﻧﻪ ﺍﻭﺻﻲ ﻋﺒﺎﺱ ﻣﺎﻳﺘﺄﺧﺮ

ﺍﻛﻠﺖ ﻭﺗﺤﻤﺪﺕ ﺭﺑﻲ ﻭﮔﻤﺖ ﺭﺟﻊ ﺻﻮﺕ ﺍﻟﺒﺎﺏ ﻳﻨﺪﮒ

ﺻﺤﺖ ﺍﻓﻴﺎﺀ ﺍﺧﺬﻱ ﺍﺧﺘﭻ ﺷﻮﻓﻴﻬﺎ ﺷﻤﺤﺘﺎﺟﻪ ﻭﺭﺟﻌﻴﻬﺎ ﺩﺍﻣﻨﻲ ﻫﻨﺎ ﻭﺧﻠﻴﻬﺎ ﺗﺎﻛﻞ ﻻﺗﻀﻌﻒ ﻭﺗﺘﺨﺮﺑﻂ

ﺍﻓﻴﺎﺀ ..

ﻓﺘﺤﺖ ﺍﻟﺒﺎﺏ ﺷﻔﺖ ﺍﺧﺘﻲ ﺑﺤﺎﻟﻪ ﻣﻮ ﻃﺒﻴﻌﻴﻪ ﻋﻴﻮﻧﻬﺎ ﻭﺷﻌﺮﻫﺎ ﻭﻛﺪﻣﺎﺕ ﺑﺮﺍﺳﻬﺎ ﺿﻠﻴﺖ ﻣﺒﻬﻮﺗﻪ

ﻛﻮﻣﺘﻬﺎ ﻛﻮﻩ ﺍﺣﺴﻬﺎ ﺧﺎﻭﻳﻪ ﺍﺧﺬﺗﻬﺎ ﻟﻠﺤﻤﺎﻡ ﻭﺍﺧﺬﺗﻠﻬﺎ ﻣﻼﺑﺲ ﺑﺪﻟﺖ ﺍﻟﻬﺎ ﻭﻏﺴﻠﺘﻠﻬﺎ ﻭﻃﻠﻌﺘﻬﺎ

ﻻﻛﺘﻨﻲ ﻋﻤﺘﻲ ﻟﻄﻤﺖ ﻋﻠﻰ ﺻﺪﺭﻫﺎ ﺿﻠﺖ ﺗﺴﺄﻝ ﺷﺒﻴﺞ ﻋﻠﻴﺎﺀ ﻋﻤﻪ ﻟﻴﺶ ﻫﻴﭻ ﺷﺒﻴﭻ

ﻋﻠﻴﺎﺀ ﺟﺎﻧﺖ ﺑﺲ ﻧﻈﺮﺍﺗﻬﺎ ﺗﺤﭽﻲ

ﺍﺟﻪ ﻋﻠﻲ ﺿﻞ ﻭﺍﮔﻒ ﻣﻦ ﺷﺎﻑ ﺍﻟﻜﺪﻣﺎﺕ ﺍﻟﻲ ﺑﻮﺟﻬﺎ ﻭﺑﮕﺼﺘﻬﺎ

ﮔﺎﻝ ﺍﻟﻌﻤﺘﻲ ﻳﻤﻪ ﺭﻭﺣﻲ ﺳﻮﻳﻠﻬﺎ ﺷﻲ ﺗﺎﻛﻠﻪ

ﻭﺩﺧﻞ ﮔﺒﻠﻲ ﺍﻟﻐﺮﻓﺘﻬﺎ

.. ﻋﻠﻴﺎﺀ ﻫﺎﻱ ﺍﻧﺘﻲ ﻣﺴﻮﻳﻪ ﺑﺮﻭﺣﭻ ﻫﻴﭻ ﻟﻴﺶ

.. ﺭﺍﺳﻲ ﻳﺮﻳﺪ ﻳﻨﻔﺠﺮ ﻭﺍﺣﺲ ﻳﺮﺗﺎﺡ ﻣﻦ ﺍﺿﺮﺏ ﺑﻲ

.. ﻓﺮﻛﺖ ﻭﺟﻬﻲ ﺑﻘﻮﻩ ﺷﺮﺍﺡ ﺍﺳﻮﻱ .. ﺑﺲ ﻫﻴﺞ ﺗﺘﺄﺫﻳﻦ

.. ﺍﻧﻪ ﻣﺘﺄﺫﻳﻪ ﻫﻴﺞ ﻭﺍﻻ ﻫﻴﭻ ﺍﻧﺖ ﺧﺎﻳﻒ ﻋﻠﻴﻪ ﺍﻧﻄﻴﻨﻲ ﺣﺒﺎﻳﻪ

.. ﻭﺍﻟﻠﻪ ﻣﻮ ﺑﻴﺪﻱ ﺍﻟﻄﺒﻴﺐ ﻣﻨﻌﻬﺎ ﻋﻨﭻ ﻭﺣﺎﻭﻟﺖ ﺍﺧﻠﻲ ﻳﺨﻔﻒ ﺍﻟﺠﺮﻉ ﺷﻮﻳﻪ ﺷﻮﻳﻪ ﺑﺲ ﻫﻮﻩ ﻣﺎﺭﺿﻪ ﻛﺎﻝ ﻫﻴﭻ ﺍﺣﺴﻦ

ﺍﻓﻴﺎﺀ ﺳﺎﻋﺪﻳﻬﺎ ﺧﻞ ﺗﺘﻤﺪﺩ ﻭﻭﻛﻠﻴﻬﺎ ﺯﻳﻦ ﺍﻧﻪ ﺍﻃﻠﻊ ﺑﺸﻐﻠﻪ ﻭﺍﺭﺟﻊ ﻋﻴﻨﭻ ﻋﻠﻴﻬﺎ

ﻃﻠﻌﺖ ﻭﺑﺎﻟﻲ ﻳﻤﻬﺎ ﻭﺍﺧﺬﺗﻨﻲ ﻗﻀﺎﻳﺎ ﺍﻟﻌﺸﻴﺮﻩ ﻭﺍﻟﺸﻴﻮﺥ ﺍﻟﻲ ﺟﺎﻳﻴﻦ ﻋﻠﻤﻮﺩ ﻃﻼﺑﻪ ﺗﺨﺼﻬﻢ

ﻋﻠﻤﺎ ﺧﻠﺺ ﺷﻐﻠﻲ ﺷﻔﺘﻬﺎ ﺳﺎﻋﻪ ﺧﻤﺴﻪ ﺍﻟﻌﺼﺮ

ﺭﺟﻌﺖ ﺑﺴﺮﻋﻪ ﻟﻠﺒﻴﺖ

ﭼﺎﻧﺖ ﺍﻟﻮﺟﻮﻩ ﻣﻮ ﻃﺒﻴﻌﻴﻪ

ﺑﺎﻟﺒﻴﺖ ﺑﻨﺎﺕ ﻋﻤﻲ ﻣﻮﺟﻮﺩﺍﺕ ﻭﻭﻟﻴﺪ ﻭﺍﺣﻤﺪ ﻭﺭﺍﻓﻊ

ﻣﺎﺍﺭﺗﺎﺣﻴﺖ ﺍﻟﻨﻈﺮﺍﺗﻬﻢ

.. ﻟﻤﺔ ﺧﻴﺮ ﺍﻥ ﺷﺎﺀ ﺍﻟﻠﻪ ﺷﺒﻴﻜﻢ ﺧﻮ ﻣﺎﻛﻮ ﺷﻲ ﻭﺟﻮﻫﻢ ﻣﺨﻄﻮﻓﻪ

ﺟﺎﻭﺑﻨﻲ ﺍﺣﻤﺪ

.. ﻋﻠﻴﺎﺀ ﺷﺒﻴﻬﺎ

.. ﺍﺣﺲ ﮔﻠﺒﻲ ﻭﺟﻌﻨﻲ ﻛﺘﻠﻪ ﺷﺒﻴﻬﺎ ﻭﻋﻴﻮﻧﻲ ﺗﺮﺍﻗﺒﻬﻢ ﺍﺭﻳﺪ ﻭﺍﺣﺪ ﻳﺤﭽﻲ

.. ﺍﻧﻪ ﺍﺳﺄﻟﻚ ﺷﺒﻴﻬﺎ ﮔﻠﺒﺖ ﺍﻟﺒﻴﺖ ﮔﻼﺏ ﻭﺭﺍﺩﺕ ﺗﺨﻨﮓ ﺍﺧﺘﻬﺎ ﻟﻮ ﻣﺎﺟﻨﻪ ﺻﺪﻓﻪ ﻫﻨﺎ ﻭﺍﺗﻼﺣﮕﻨﺎﻫﺎ

.. ﻭﻳﻨﻬﺎ ﻫﺴﻪ ﻣﺸﻴﺖ ﻣﻨﻬﻢ ﺑﺴﺮﻋﻪ ﻭﻃﻠﻌﺖ ﺍﻟﻤﻔﺘﺎﺡ ﻓﺘﺤﺘﻪ ﺷﻔﺘﻬﻢ ﻣﺮﺑﻄﻴﻬﺎ ﻭﺷﺎﺩﻳﻦ ﺣﻠﮕﻬﺎ ﺷﻤﺮﺕ ﺑﺸﺘﻲ ﻣﻦ ﻋﻠﻰ ﻇﻬﺮﻱ ﻭﻓﻠﻴﺖ ﺍﺩﻳﻬﺎ ﻭﺣﻠﮕﻬﺎ

.. ﺷﻠﻮﻥ ﻫﻴﭻ ﺗﺴﻮﻭﻥ ﺑﻴﻬﺎ

ﻭﻟﻴﺪ .. ﻋﻠﻲ ﺍﻧﺖ ﻣﺎﺷﻔﺘﻬﺎ ﻣﻦ ﻓﻘﺪﺕ ﻛﻮﻩ ﻓﻜﻴﻨﻪ ﺍﻓﻴﺎﺀ ﻣﻨﻬﺎ

🔹🔸🥇🔹🔸

ﻣﻴﺨﺎﻟﻒ ﺑﺲ ﻣﻮ ﻫﻴﭻ

.. ﻫﻴﻪ ﺗﺨﺒﻠﺖ ﻣﻌﻘﻮﻟﻪ ﺍﻟﺒﻨﻴﻪ ﺍﺟﺖ ﻣﺎﺑﻴﻬﺎ ﺷﻲ

.. ﻛﻠﺸﻲ ﻣﺎﺑﻴﻬﺎ ﻓﺘﺮﻩ ﻭﺗﺮﺟﻊ ﻃﺒﻴﻌﻴﻪ ﺑﺲ ﺍﻟﺴﻮﻳﺘﻮ ﻳﺰﻳﺪ ﺍﻟﻄﻴﻦ ﺑﻠﻪ ﻟﻴﺶ ﻣﺎﺧﺎﺑﺮﺗﻮﻧﻲ

.. ﺍﻧﺖ ﻟﻴﺶ ﻣﻬﺘﻢ ﺯﺍﻳﺪ ﺣﺎﻟﻨﻪ ﺣﺎﻟﻚ ﺍﺣﻨﻪ ﻧﺄﺫﻳﺨﺎ ﻭﺧﺎﻳﻒ ﻋﻠﻴﻬﺎ ﻣﻨﻪ

.. ﻭﻟﻴﺪ ﻻﺗﺤﺎﺟﻴﻨﻲ ﺑﻬﺎﻟﻄﺮﻳﻘﻪ ﻻﺗﺘﺠﺎﻭﺯ ﺣﺪﻙ ﺍﻧﻪ ﻣﻬﺘﻢ ﻷﻥ ﺍﻋﺮﻑ ﺣﺎﻟﺘﻬﺎ ﻭﺍﺩﺭﻱ ﺑﻴﻜﻢ ﻣﺎﺗﺄﺫﻭﻫﺎ ﺑﻘﺼﺪ ﺑﺲ ﻫﺴﻪ ﺷﻨﻬﻲ ﺍﻟﺴﻮﻳﺘﻮﻭ

ﻭﻟﻴﺪ .. ﺗﻌﺮﻑ ﻗﺪﺭﻙ ﻭﻣﻘﺎﻣﻚ ﻋﻨﺪﻱ ﺍﺑﻦ ﻋﻤﻲ ﻭﺣﺎﺳﺒﻚ ﺑﻤﻘﺎﻡ ﺍﻋﻤﺎﻣﻲ ﺑﺲ ﻓﻬﻤﻨﻪ ﺍﻟﻤﻮﺿﻮﻉ

ﻋﻠﻲ .. ﺍﻟﻜﻞ ﻳﻄﻠﻊ ﺧﻠﻮﻧﻲ ﺍﻧﻪ ﻭﻳﺎﻫﺎ ﻭﺍﻧﻪ ﺍﻓﻬﻤﻜﻢ ﻛﻠﺸﻲ

ﺩﺭﺕ ﻭﺟﻬﻲ ﻋﻠﻰ ﺭﺍﻓﻊ ﺍﻓﻴﺎﺀ ﺧﻮ ﻣﺎﺗﺄﺫﺕ

.. ﻻ ﻣﻮ ﻫﻮﺍﻱ ﺑﺲ ﺧﺎﻳﻔﻪ ﻋﻠﻰ ﺍﺧﺘﻬﺎ ﻭﻣﺼﺪﻭﻣﻪ ﻳﻢ ﻋﻤﺘﻲ ﻫﺴﻪ ﻭﺍﻟﺒﻨﺎﺕ ﻳﻤﻬﺎ

ﺑﺲ ﺧﻠﻮﻧﻲ ﺍﺣﭽﻲ ﻭﻳﺎﻫﺎ ﻭﺍﻫﺪﻳﻬﺎ

ﭼﺎﻧﺖ ﺗﺴﻤﻊ ﻛﻠﺸﻲ ﻭﻋﻴﻮﻧﻪ ﺗﺘﻔﺨﺺ ﺍﻟﻜﻞ ﻣﻨﻄﻮﻳﻪ ﻋﻠﻰ ﻧﻔﺴﻬﺎ ﻭﺧﺎﻳﻔﻪ

ﻃﻠﻌﻮﻭ ﻫﻤﻪ

ﺻﺮﺕ ﺑﻤﺴﺘﻮﺍﻫﺎ

.. ﻋﻠﻴﺎﺀ ﻟﻴﺶ ﻫﻴﭻ ﺍﺧﺘﭻ ﺷﻨﻮ ﺫﻧﺒﻬﺎ

.. ﻣﺎﺍﺩﺭﻱ ﻭﺍﻟﻠﻪ ﻣﺎﺍﺩﺭﻱ ﺑﺮﻭﺣﻲ ﺍﻻ ﺑﻌﺪ ﻣﺎﺗﺮﺑﻄﺖ ﻭﻋﻴﺖ ﻋﻠﻰ ﻧﻔﺴﻲ ﺑﭽﻴﺖ ﺑﺤﺮﮔﻪ ﺍﻧﻪ ﻣﺠﻨﻮﻧﻪ ﺻﺢ

.. ﻻ ﺍﻧﺘﻲ ﻣﻮ ﻣﺠﻨﻮﻧﻪ ﺍﻧﺘﻲ ﺗﻤﺮﻳﻦ ﺑﺤﺎﻟﻪ ﻫﺴﺘﻴﺮﻳﻪ ﻫﻤﻪ ﺍﺫﻭﭺ ﺍﻓﻴﺎﺀ ﺍﺫﺗﭻ ﻟﻴﺶ ﺗﺘﻬﺠﻤﻴﻢ ﻋﻠﻴﻬﺎ

.. ﻣﺎﺍﺩﺭﻱ ﺑﺲ ﭼﻨﺖ ﺍﺭﻳﺪ ﺍﻃﻠﻊ ﺍﺟﻴﺒﻠﻲ ﺣﺒﺎﻳﻪ ﻭﻣﻨﻌﺘﻨﻲ

.. ﺍﻧﺘﻲ ﻭﻳﺎﻱ ﻃﺒﻴﻌﻴﻪ ﻭﻫﺎﺩﺋﻪ ﻟﻴﺶ ﻭﻱ ﻏﻴﺮﻱ ﻣﺘﻀﺒﻄﻴﻦ ﺍﻋﺼﺎﺑﭻ ﺍﻟﺨﻠﻞ ﺑﻴﻬﻢ ﻟﻮ ﺷﻨﻲ

.. ﻣﺎﺍﻋﺮﻑ ﺑﺲ ﻓﺪﻭﻩ ﻻﺗﺮﺑﻄﻮﻧﻲ

.. ﻣﺤﺪ ﻳﺮﺑﻄﭻ ﺑﻌﺪ ﻭﻣﺤﺪ ﻳﺪﺧﻠﭻ ﻏﻴﺮﻱ ﻻﺗﺨﺎﻓﻴﻦ

ﻃﻠﻌﺖ ﻭﻟﮕﻴﺘﻬﻢ ﺍﻟﻜﻞ ﻣﺠﺘﻤﻌﻴﻦ ﺧﻔﺖ ﻳﺼﺪﮔﻮﻥ ﻣﺠﻨﻮﻧﻪ ﻭﻣﺎﺍﻛﺪﺭ ﺍﻛﻠﻬﻢ ﻣﺪﻣﻨﻪ

ﮔﺘﻠﻬﻢ ﻣﻦ ﺍﻟﻲ ﺷﺎﻓﺘﻪ ﺻﺎﺭ ﻋﺪﻫﺎ ﺍﻧﻬﻴﺎﺭ ﻋﺼﺒﻲ

ﻭﺍﻟﻄﺒﻴﺐ ﻳﻜﻮﻝ ﺍﻓﻀﻞ ﺷﻲ ﺍﻧﺘﻮ ﺗﻌﺎﻟﺠﻮﻫﺎ ﺑﻄﺮﻳﻘﺘﻜﻢ

ﺍﺣﻤﺪ .. ﻫﺬﺍ ﻣﻮ ﺍﻧﻬﻴﺎﺭ ﻫﺬﺍ ﺟﻨﻮﻥ ﺍﺧﺎﻑ ﺍﻟﻲ ﺍﺑﺎﻟﻲ ﺻﺢ ﻭﺗﻄﻠﻊ ﻣﺘﺨﺒﻠﻪ

.. ﻻ ﺍﻧﻪ ﺍﺧﺬﺗﻬﺎ ﺍﻟﻄﺒﻴﺐ ﻭﻓﻬﻤﻨﻲ ﺷﻠﻮﻥ ﺍﺗﻌﺎﻣﻞ ﻭﻳﺎﻫﺎ ﻋﻮﻓﻮﻫﺎ ﺻﺎﺭﺕ ﻣﺴﺆﻭﻟﻴﺘﻲ ﺑﺲ ﺍﺭﻳﺪ ﻣﻨﻜﻢ ﻭﺍﺣﺪ ﻳﺘﻔﺮﻍ ﻳﺮﻭﺡ ﺍﻟﺒﻐﺪﺍﺩ ﻳﺸﻮﻓﻠﻲ ﻫﺬﺍ ﺍﻟﺴﮕﻂ ﻣﻨﻴﻦ ﻫﻮﻩ ﻭﻣﻦ ﻳﺎﻋﻤﺎﻡ ﻭﺍﻫﻠﻪ ﻭﻳﻦ ﺻﺎﻳﺮﻳﻦ ﺍﻋﺮﻑ ﺗﻨﺪﻟﻮﻫﻢ ﺑﺲ ﺍﺭﻳﺪ ﻛﺒﺎﺭﻫﻢ

ﺭﺍﻓﻊ .. ﺍﻧﻪ ﺍﻋﺮﻑ ﺷﻠﻮﻥ ﺍﺻﻴﺪﻩ

.. ﻫﺬﻱ ﻣﻬﻤﺘﻚ

.. ﺍﻋﺘﺒﺮﻫﺎ ﺗﻨﻔﺬﺕ

.. ﻛﻮﺍﻙ ﺍﻟﻠﻪ

ﺷﻮﻓﻮ ﺍﻟﺼﺎﺭ ﻫﺬﺍ ﻳﺒﻘﻪ ﺑﻴﻨﺎﺗﻨﻪ ﻣﺎﺍﺭﻳﺪ ﻳﻄﻠﻊ ﻟﻠﻐﺮﺏ ﺍﻧﻪ ﭼﻨﺖ ﻧﺎﻭﻱ ﺍﺿﻢ ﺍﻟﺴﺎﻟﻔﻪ ﺍﻟﺤﺪ ﻣﺎﺗﺘﻌﺎﻟﺞ ﺑﺲ ﺍﻟﻲ ﺻﺎﺭ ﺻﺎﺭ

ﺍﺣﻤﺪ .. ﺿﺎﻡ ﺍﻟﻤﻮﺿﻮﻉ ﻋﻠﻴﻨﻪ ﻏﺮﺑﻪ ﺍﺣﻨﻪ ﻣﺎﺗﻮﻗﻌﺘﻬﺎ ﻣﻨﻚ ﺍﺑﻮ ﺷﻴﺨﻨﺎ

.. ﻣﻮ ﻫﻴﭻ ﺍﻟﺴﺎﻟﻔﻪ ﺗﻌﺮﻑ ﺍﻧﺘﻢ ﺷﻨﻲ ﺑﺎﻟﻨﺴﺒﻪ ﺍﻟﻲ ﺑﺲ ﻫﻴﻪ ﺍﺑﻨﻴﻪ ﻭﺗﺮﻳﺪ ﺗﻄﻠﮓ ﻣﺎﺣﻠﻮﻩ ﺑﺤﻘﻬﺎ ﺗﻄﻠﻊ ﻋﻠﻴﻬﺎ ﺳﺎﻟﻔﻪ ﺍﻧﺖ ﺗﻌﺮﻑ ﻳﻌﻨﻲ ﺍﻟﺴﻮﺍﻟﻒ ﺗﺰﻳﺪ ﻭﺗﺼﻴﺮ ﺷﻲ ﺛﺎﻧﻲ

ﺍﺣﻤﺪ .. ﺻﺢ ﻛﻼﻣﻚ ﺍﻋﺘﺒﺮ ﺍﻟﺼﺎﺭ ﺑﻴﻨﺎﺗﻨﻪ ﻛﻠﻨﻪ ﺑﻴﺖ ﻭﺍﺣﺪ ﻭﻛﻠﻜﻢ ﺗﺴﻤﻌﻮﻥ ﺯﻟﻢ ﻭﻧﺴﻮﺍﻥ ﺍﻟﻤﻮﺿﻮﻉ ﻣﺎﻳﻄﻠﻊ ﺣﺘﻪ ﺍﻷﻣﻬﺎﺗﻜﻢ ﻓﻬﻤﺘﻮﻭ

ﺍﻛﺪﻧﻪ ﻋﻠﻴﻬﻢ ﺍﻧﻪ ﻭﺍﺣﻤﺪ ﻳﺒﻘﻪ ﺍﻟﻤﻮﺿﻮﻉ ﺑﻴﻨﺎﺗﻨﻪ ﻭﺑﺲ

ﻭﻗﺮﺭﺕ ﺍﺧﺬ ﻋﻠﻴﺎﺀ ﻟﻠﻄﺒﻴﺐ ﻣﻦ ﺑﺎﺟﺮ ﻟﻮ ﺍﺭﻭﺣﻠﻪ ﻭﺣﺪﻱ ﻭﺍﺳﺘﺸﻴﺮﻩ ﺍﺫﺍ ﺣﺎﻟﺘﻬﺎ ﻣﺎﺗﺴﻤﺢ

ﺑﻬﺬﺍ ﺍﻟﻴﻮﻡ ﺿﻠﻴﺖ ﺍﺗﺮﺩﺩ ﻋﻠﻴﻬﺎ ﺟﺎﻧﺖ ﺷﺒﻪ ﻓﺎﻗﺪﻩ

ﺻﺎﺭ ﺍﻟﻠﻴﻞ ﻭﺑﺪﺕ ﺗﻀﺮﺏ ﺑﺎﻟﺒﺎﺏ ﺣﺎﻭﻟﺖ ﺍﺗﺮﻛﻬﺎ ﻓﺘﺮﻩ ﺑﺲ ﻣﺎﮔﺪﺭﺕ ﺣﺴﻴﺘﻬﺎ ﺗﺄﺫﻱ ﺭﻭﺣﻬﺎ ﻓﺘﺤﺖ ﺍﻟﺒﺎﺏ ﭼﺎﻧﺖ ﺍﻳﺪﻫﺎ ﻣﺰﻟﻐﻪ ﻣﻦ ﺿﺮﺏ ﺍﻟﺒﺎﺏ

ﻟﺰﻣﺘﻬﺎ ﺟﺎﻧﺖ ﺗﺘﻼﻭﻩ ﻭﻳﺎﻱ ﺑﻘﻮﺗﻲ ﺳﻴﻄﺮﺕ ﻋﻠﻴﻬﺎ ﻭﺿﺎﻋﺖ ﻗﻮﺗﻬﺎ

ﺑﺪﻳﺖ ﺍﺣﭽﻲ ﻭﻳﺎﻫﺎ

.. ﺍﻧﻪ ﺷﮕﻠﺖ ﻭﻳﻦ ﻗﻮﺗﭻ ﺍﻟﺘﺤﭽﻴﻦ ﺑﻴﻬﺎ

ﻫﺬﺍ ﺍﻟﻲ ﺗﺴﻮﻳﻨﻪ ﺿﻌﻒ ﻣﻮ ﻗﻮﻩ

ﺍﻫﺪﻱ ﺧﻞ ﺍﺣﭽﻴﻠﭻ ﻋﻨﻲ ﻣﻮ ﻳﮕﻮﻟﻮﻥ ﻣﻦ ﺷﺎﻑ ﻣﺼﺎﻳﺐ ﺍﻟﻨﺎﺱ ﻫﺎﻧﺖ ﻋﻠﻴﻪ ﻣﺼﻴﺒﺘﻪ

ﻣﺸﻜﻠﺘﺞ ﺷﻨﻬﻲ ﺑﺎﻟﻨﺴﺒﻪ ﺍﻟﻤﺸﻜﻠﺘﻲ

ﻻﺷﻲﺀ ﻫﻴﻪ ﻭﺍﻟﻤﺎﻛﻮ ﺳﻮﻩ

ﭼﺎﻧﺖ ﺗﻘﺎﻭﻡ ﻭﺍﻧﻲ ﻻﺯﻡ ﭼﻔﻮﻓﻬﺎ ﺑﺄﻳﺪﻱ ﺑﻘﻮﻩ

ﺗﻌﺮﻓﻴﻦ ﺷﻌﻮﺭ ﻭﻟﺪ ﻣﺮﺍﻫﻖ ﺗﻮﻩ ﺷﺎﺏ ﻳﻘﺮﻩ ﻣﺬﻛﺮﺍﺕ ﺍﺑﻮﻭ ﺍﻟﻲ ﺟﺎﻥ ﺣﻴﺎﺗﻪ ﻛﻠﻬﺎ

ﺑﻜﻞ ﺻﻔﺤﻪ ﻣﻨﻬﻦ ﭼﻨﺖ ﺍﻗﺮﻩ ﻗﻬﺮ ﻣﻜﺘﻮﻡ ﺑﮕﻠﺐ ﺍﺑﻮﻱ ﻣﺎﻣﺤﺴﺲ ﺍﺣﺪ ﺑﻲ ﭼﺎﻥ ﻳﺸﻴﻠﻨﻲ ﻳﻠﻌﺒﻨﻲ ﻳﺸﺘﺮﻳﻠﻲ ﻭﻳﺼﺮﻑ ﻋﻠﻴﻪ ﻳﺼﺒﺢ ﺑﻮﺟﻪ ﺍﺑﻮ ﻭﺑﻮﺟﻪ ﺍﻣﻪ ﻳﮕﻌﺪ ﻭﻱ ﺍﺧﻮﺍﻧﻪ ﻭﭼﻦ ﺣﻴﺎﺗﻪ ﻃﺒﻴﻌﻴﻪ

ﻭﻫﻮﻩ ﻳﺪﺭﻱ ﺑﺰﻭﺟﺘﻪ ﺍﻡ ﺍﺑﻨﻪ ﺗﺨﻮﻧﻪ ﻣﻤﻜﻦ ﻣﺎﺗﺨﻮﻧﻪ ﺑﻔﺮﺍﺷﺒﺲ ﺗﺨﻮﻧﻪ ﺑﻤﺤﺒﻪ ﻭﺗﻔﻜﻴﺮ ﻫﻴﻪ ﺍﺑﻴﺘﻪ ﻭﻓﻜﺮﻫﺎ ﻳﻢ ﺷﺨﺺ ﺛﺎﻧﻲ

ﺗﻌﺮﻓﻴﻦ ﺷﻨﻬﻲ ﺷﻌﻮﺭﻱ ﺑﻮﻛﺘﻬﺎ ﻭﺷﻨﻌﻲ ﺍﺣﺴﺎﺳﻲ

ﻃﻔﺮﺕ ﺩﻣﻌﻪ ﻣﻦ ﻋﻴﻨﻲ ﻣﺴﺤﺘﻬﺎ ﻭﺭﺟﻌﺖ ﺍﻛﻤﻞ ﺣﭽﻴﻲ ﻭﻳﺎﻫﺎ

ﺗﻌﺮﻓﻴﻦ ﻛﻦ ﻭﺻﻠﺖ ﻟﻼﻭﺭﺍﻕ ﺍﻟﻲ ﺷﺎﺭﺡ ﺑﻴﻬﺎ ﺷﻠﻮﻥ ﻳﻬﺪﺩﻭﻧﻪ ﻭﻣﺤﺎﻭﻻﺗﻪ ﻭﻳﺎﻫﻢ ﻭﺷﻠﻮﻥ ﻳﺠﺮﺟﺮﻭﻧﻪ ﻣﺠﺎﻟﺲ ﺗﺤﻘﻴﻖ ﺑﺪﻭﺍﻣﻪ ﻭﻫﻮﻩ ﻣﻴﺒﻴﻴﻦ ﻋﻠﻲ ﺗﻌﺮﻓﻴﻦ ﺷﻜﺪ ﭼﺎﻥ ﻋﻤﺮﻱ ﻣﻦ ﻗﺮﻳﺖ ﻛﻞ ﻫﺬﺍ ﺟﻨﺖ ﺷﺎﺏ ﺑﻌﻤﺮ ﺍﻝ١٨ﺳﻨﻪ

ﺟﺪﻱ ﺧﻼﻧﻲ ﺍﻗﺮﺍﻩ ﺑﻌﺪ ﻣﺤﺎﻭﻻﺕ ﻣﻦ ﺍﻣﻲ ﺗﺸﻮﻓﻨﻲ ﺑﻮﻛﺘﻬﺎ ﺣﻨﻴﺖ ﺍﻋﺮﻑ ﺍﺧﺒﺎﺭﻫﺎ ﻭﺟﺪﻱ ﻣﺎﺍﺗﺤﻤﻞ ﻛﺸﻔﻠﻲ ﺣﻘﻴﻘﺘﻬﺎ ﺑﺲ ﻣﻦ ﻫﺬﺍ ﺍﻟﻴﻮﻡ ﺣﺴﻴﺖ ﺷﻲ ﺑﺪﺍﺧﻠﻲ ﺍﻧﻜﺴﺮ ﺭﻏﻢ ﻫﺬﺍ ﻣﺎﺿﻌﻔﺖ ﻭﻻﻣﺸﻴﺖ ﺑﻄﺮﻳﻖ ﺍﻋﻮﺝ ﺑﺎﻟﻌﻜﺲ ﻫﺬﺍ ﺍﻟﺸﻲ ﺻﺎﺭﻟﻲ ﺍﺻﺮﺍﺭ ﺍﺭﻳﺢ ﻭﺍﻟﺪﻱ ﺑﮕﺒﺮﻩ ﻭﺍﺭﻓﻊ ﺍﺳﻤﻪ ﻛﻤﻠﺖ ﺩﺭﺍﺳﻪ

ﻭﺍﺗﺨﺮﺟﺖ ﻭﻗﺒﻞ ﻫﺬﺍ ﺍﻧﻲ ﻭﻳﻦ ﻣﺎﻳﺮﻭﺡ ﺟﺪﻱ ﺍﻧﻪ ﻭﻳﺎﻩ ﻳﻌﺪ ﻣﺎﺗﺨﺮﺟﺖ ﻟﺒﺴﻨﻲ ﺟﺪﻱ ﺟﻤﺎﻍ ﻭﻋﻜﺎﻝ ﻭﺍﺧﺬﻧﻲ ﻭﻳﺎﻩ ﺍﻟﻜﻞ ﻣﺠﻠﺲ ﻭﺍﻟﻜﻞ ﻗﻀﻴﻪ ﺧﻠﻪ ﺍﻟﻜﻞ ﻳﻌﺮﻓﻨﻲ ﻭﺍﺗﻌﻠﻤﺖ ﺷﻠﻮﻥ ﺍﺣﻞ ﺍﻟﻘﻀﺎﻳﺎ ﺑﻌﻘﻞ

ﺟﻨﺖ ﺍﺣﺠﻲ ﻭﺷﻔﺖ ﺍﻳﺪﻫﺎ ﺍﺭﺗﺨﺖ ﺑﻴﺪﻱ ﻭﺭﺍﺳﻬﺎ ﻣﺎﻝ ﻋﻠﻰ ﻣﺘﻨﻲ ﺟﻨﺖ ﻻﺯﻡ ﺍﻳﺪﻳﻬﺎ ﻭﺿﻬﺮﻫﺎ ﺻﺎﻳﺮ ﺑﺤﻀﻨﻲ ﻣﻤﻔﻜﺮ ﺑﺸﻲ ﻭﻻ ﺍﻓﻜﺮ ﺑﻮﻛﺘﻬﺎ ﺍﺗﻌﺎﻣﻞ ﻭﻳﺎﻫﺎ ﺑﺸﻔﻘﻪ ﻣﻮ ﺍﻛﺜﺮ ﻋﺮﻓﺘﻬﺎ ﻧﺎﻣﺖ ﻋﺪﻟﺘﻬﺎ ﻭﻃﻠﻌﺖ

ﻣﺎﺍﻋﺮﻑ ﺷﻨﻬﻲ ﺍﻟﺨﻼﻧﻲ ﺍﺣﺠﻴﻠﻬﺎ ﺳﻮﺍﻟﻒ ﻣﺎﺣﺎﭼﻴﻬﻦ ﻭﻱ ﺭﻭﺣﻲ

ﺛﺎﻧﻲ ﻳﻮﻡ ﺭﺣﺖ ﻟﻠﻄﺒﻴﺐ ﺍﻧﻄﺎﻧﻲ ﻋﻼﺝ ﻛﺎﻝ ﻣﻴﺎﺛﺮ ﻋﻠﻴﻬﺎ ﻭﺍﻟﻔﺘﺮﻩ ﺍﻟﺮﺩﺗﻬﺎ ﺑﺪﻭﻥ ﻋﻼﺝ ﻋﺪﺕ ﺍﻷﺭﻳﺪﻩ ﻣﻨﻚ ﻫﺴﻪ ﺗﺘﺤﺴﻦ ﻧﻔﺴﻴﺘﻬﺎ ﻭﺗﻄﻠﻊ ﺗﺨﺘﻠﻂ ﻭﻳﺎﻛﻢ

ﺭﺟﻌﺘﻠﻬﺎ ﻓﺮﺣﺎﻥ ﻓﺘﺤﺖ ﺍﻟﺒﺎﺏ ﻭﺍﺧﺬﺗﻬﺎ ﺍﻣﻲ ﻭﺍﻓﻴﺎﺀﻏﺴﻠﻦ ﺍﻟﻬﺎ ﻭﺑﺪﻟﻦ ﭼﺎﻧﻦ ﻣﺘﺨﻮﻓﺎﺕ

ﺭﺣﺖ ﺍﺣﺠﻲ ﻭﻳﺎﻫﺎ ﻭﺍﻧﻄﻴﻬﺎ ﺍﻟﺤﺒﻮﺏ

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤