رواية امقت اعرافهم لكنها حيتني الجزء التاسع

رواية امقت اعرافهم لكنها حيتني الجزء التاسع

للكاتبة نور

🔹🔸🥇🔹🔸

ﻫﺎﻳﻤﻪ ﺷﻠﻮﻧﻬﺎ ﻫﺴﻪ ﺍﺭﺗﺎﺣﺖ ﺍﻓﻮﺕ ﺍﺷﻮﻓﻬﺎ

.. ﺍﻱ ﻳﻤﻪ ﺍﺧﺘﻬﺎ ﻳﻤﻪ ﺗﻤﺸﻂ ﺷﻌﺮﻫﺎ ﺧﻞ ﺗﺨﻠﺺ ﻭﻓﻮﺕ

ﺭﺣﺖ ﻳﻢ ﺍﺑﻮﻱ ﺍﻟﺤﺠﻲ ﻭﺿﻠﻴﻨﻪ ﻧﺴﻮﻟﻒ ﻭﺳﺄﻟﻨﻲ ﻋﻦ ﺣﺎﻟﺘﻬﺎ ﻭﺷﺮﺣﺘﻠﻪ ﺗﻤﺮ ﺑﺤﺎﻟﻪ ﻋﺼﺒﻴﻪ ﺑﺴﺒﺐ ﺍﻟﺼﺎﺭ ﺑﻌﺪ ﺍﻟﻲ ﺻﺎﺭ ﺍﻟﺒﺎﺭﺣﻪ ﻛﻠﻬﺎ ﻋﺮﻓﺖ ﺿﻞ ﺍﺑﻮﻱ ﻳﻮﺻﻲ ﺑﻴﻪ

.. ﺑﻮﻳﻪ ﺍﺩﺭﻱ ﺑﻴﻬﺎ ﺻﻌﺒﻪ ﻋﻠﻴﻚ ﺑﺲ ﺍﻟﺨﺎﻃﺮﻱ ﺍﻧﺴﻪ ﻋﻤﻚ ﻭﻣﺮﺗﻪ ﻭﺍﻧﺴﻪ ﺍﻟﺼﺎﺭ ﺑﻨﺎﺕ ﻋﻤﻚ ﻣﺎﻟﻬﻦ ﻭﺍﻟﻲ ﻭﻻﻋﺪﻫﻦ ﺍﺧﻮﻭ ﺍﻧﺖ ﺍﻟﺨﺎﻃﺮﻱ ﻃﻠﻊ ﺣﮕﻬﻦ ﻭﺻﻴﺮﻟﻬﻦ ﺳﻨﺪ

ﺍﺑﻦ ﻋﻤﻚ ﺭﺍﻓﻊ ﺍﻟﺒﺎﺭﺣﻪ ﺣﺎﭼﺎﻧﻲ ﻭﺭﺍﻳﺪ ﻧﺴﺘﻌﺠﻞ ﺑﺨﻄﻮﺑﺘﻪ ﻭﺍﻧﻪ ﻛﺘﻠﻪ ﺍﻟﺸﻮﺭ ﻳﻢ ﻋﻠﻲ ﻫﻮﻩ ﻭﻋﻤﺎﻣﻚ ﺍﺫﺍ ﺍﻟﺒﻨﻴﻪ ﺭﺍﻳﺪﺗﻚ ﺑﻌﺪ ﺍﺣﺴﻦ ﻣﺎﺗﻠﮕﻪ ﺍﺣﺴﻦ ﻣﻨﻚ ﺍﺑﻦ ﻋﻤﻬﺎ ﻭﺳﻨﺪﻫﺎ

.. ﺣﺠﻲ ﺍﻟﻠﻪ ﻳﺸﻬﺪ ﻣﺎﺑﺎﻟﻲ ﺷﻲ ﻭﺧﺎﻳﻒ ﻋﻠﻴﻬﻦ ﻣﺜﻠﻚ ﻭﺍﻛﺜﺮ ﻭﻫﺬﺍ ﺍﻟﻲ ﻛﺎﺳﺮ ﻋﻠﻴﺎﺀ ﻫﻴﭻ ﻛﺴﺮﻩ ﺍﺣﺼﻠﻪ ﻟﻮ ﻳﻄﻴﺮ ﻭﺍﻧﻪ ﺍﻋﺮﻑ ﺷﻠﻮﻥ ﺍﻃﻠﻊ ﺣﮕﻬﺎ

ﺍﻧﺖ ﺍﺭﺗﺎﺡ ﻻﻳﻀﻞ ﺑﺎﻟﻚ

ﺑﺲ ﺳﺎﻟﻔﺔ ﺧﻄﻮﺑﺔ ﺭﺍﻓﻊ ﻣﻮ ﻭﻛﺘﻬﺎ ﺧﻠﻲ ﻳﺼﺒﺮ ﺍﺧﺘﻬﺎ ﺗﺼﻴﺮ ﺯﻳﻨﻪ ﻭﻧﺤﻞ ﻗﻀﻴﺘﻬﺎ ﻭﺍﻟﻒ ﻋﺎﻓﻴﻪ ﺧﻞ ﻳﺨﻄﺐ ﺍﺣﻨﻪ ﺷﻨﺮﻳﺪ ﻳﺎﺭﻳﺖ ﻧﻔﺮﺡ ﺧﻞ ﻳﺴﻮﻭﻥ ﻋﺮﺳﻬﻢ ﺳﻮﻩ ﻫﻮﻩ ﻭﻋﺒﺎﺱ

.. ﻭﺍﻧﺖ ﺷﻮﻛﺖ ﻧﺎﻭﻱ ﺍﺭﻳﺪ ﺍﺷﻮﻓﻚ ﻋﺮﻳﺲ ﮔﺒﻞ ﻻ ﺍﻣﻮﺕ

.. ﺍﻟﻚ ﻃﻮﻟﺔ ﺍﻟﻌﻤﺮ ﺑﻮﻳﻪ ﺗﻌﺮﻑ ﺷﺎﻳﻞ ﺍﻟﻔﻜﺮﻩ ﻣﻦ ﺣﺴﺎﺑﺎﺗﻲ

.. ﻭﺷﻮﻛﺖ ﺗﺤﺴﺒﻬﺎ ﺑﻮﻳﻪ ﺍﻟﻌﻤﺮ ﻳﻤﺸﻲ

.. ﺍﻟﻠﻪ ﻛﺮﻳﻢ ﺍﻟﻜﺎﺗﺒﻪ ﺍﻟﻠﻪ ﻳﺼﻴﺮ ..

ﺷﻮﻳﻪ ﻭﺭﺣﺖ ﻟﻠﻐﺮﻓﻪ ﺍﺷﻮﻓﻬﺎ

.. ﺷﻠﻮﻧﭻ ﺍﻟﻴﻮﻡ

.. ﺟﺎﻭﺑﺘﻪ ﺑﺼﻮﺕ ﺗﻌﺒﺎﻥ ﺍﻟﺤﻤﺪﻟﻠﻪ

.. ﻳﺴﺘﺎﻫﻞ ﺍﻟﺤﻤﺪ ﺍﻧﻪ ﺍﺷﻮﻓﭻ ﻛﻠﺶ ﺯﻳﻨﻪ ﺑﻴﭻ ﺣﻴﻞ ﻧﺴﻮﻟﻒ

.. ﺍﺷﺮﺗﻠﻪ ﺑﺮﺍﺳﻲ ﺑﻤﻌﻨﻰ ﺍﻱ

.. ﻋﻨﺪﻱ ﺍﺧﺒﺎﺭ ﺣﻠﻮﻩ ﺗﻔﺮﺣﭻ

.. ﺟﺎﻭﺑﺘﻪ ﺑﻠﻬﻔﻪ ﻣﺎﻳﻄﻠﮕﻨﻲ ﻣﻮﻭ ﺍﺟﻪ ﺣﺘﻪ ﻳﺎﺧﺬﻧﻲ

.. ﻣﻦ ﮔﺎﻟﺖ ﻫﻴﭻ ﺿﺠﺖ ﺑﻌﺪﻫﻲ ﺗﺤﺒﻪ ﻭﺭﻩ ﺳﻮﺍﻳﺎﺗﻪ ﻛﻠﻬﺎ ﻛﺘﻠﻬﺎ

ﻳﺎﻫﻮﻭ ﺗﻘﺼﺪﻳﻦ ﺑﻌﺪﭺ ﺗﺤﺒﻲ ﻭﺑﺎﻟﭻ ﻳﻤﻪ ﻣﺎﻋﺮﻓﺘﻲ ﺷﻨﻬﻲ ﻃﻴﻨﺘﻪ ﮔﺎﻋﺪ ﺍﻧﺪﻭﺭ ﻋﻠﻲ ﻭﻋﻠﻰ ﺍﻫﻠﻪ ﻭﻧﺘﺤﺎﺳﺐ ﻋﻠﻰ ﻛﻠﺸﻲ .. ﺗﻨﻬﺪﺕ ﺣﺴﻴﺖ ﻣﻮ ﻭﻛﺘﻪ ﺧﺎﻑ ﺗﺮﺟﻊ ﺗﺮﻳﺪ ﺍﻟﺤﺒﻮﺏ ﻭﺗﺤﺲ ﺑﺤﺎﺟﺘﻬﻦ

ﺍﻧﻪ ﺍﺟﻴﺘﭻ ﺣﺘﻪ ﺍﮔﻠﺞ ﺍﻟﺨﻄﻮﻩ ﺍﻷﻭﻟﻰ ﻭﺍﻷﻫﻢ ﻣﻦ ﻋﻼﺟﺞ ﻋﺪﺕ ﻭﺍﻟﻄﺒﻴﺐ ﺍﻧﻄﺎﻧﻲ ﺍﻟﭻ ﺣﺒﻮﺏ ﻳﻬﺪﻥ ﺍﻋﺼﺎﺑﺞ ﻭﻳﺮﻳﺤﻨﭻ ﺑﺲ ﻣﻮ ﺍﻛﺜﺮ ﻣﻦ ﺣﺒﺎﻳﻪ ﺑﺎﻟﻴﻮﻡ

ﻭﺷﻴﺸﺔ ﺍﻟﺪﻭﻩ ﺗﻀﻞ ﻋﻨﺪﻱ ﺍﻧﻪ ﺍﻧﻄﻴﭻ ﻳﻮﻣﻴﻪ ﺑﺎﻟﻠﻴﻞ ﻭﺣﺪﻩ ﻭﻣﻨﺎ ﻭﺭﺍﻳﺢ ﺍﻧﺘﻲ ﺍﻃﻠﻌﻴﻦ ﻭﺗﮕﻌﺪﻳﻦ ﻭﻱ ﺍﻟﺒﻨﺎﺕ ﺑﻌﺪ ﻣﺎﻛﻮ ﺣﺠﺰ ﺷﮕﻠﺘﻲ

.. ﺻﺪﮒ ﻳﻌﻨﻲ ﺍﻧﻪ ﻫﺴﻪ ﺍﮔﺪﺭ ﺍﻧﺎﻡ ﺑﺪﻭﻥ ﻭﺟﻊ ﺭﺍﺱ ﺍﻛﺪﺭ ﺍﻧﺎﻡ ﻭﺍﻋﺼﺎﺑﻲ ﻣﺮﺗﺎﺣﻪ

.. ﺍﺑﺘﺴﻤﺘﻠﻬﺎ . ﺍﻥ ﺷﺎﺀﺍﻟﻠﻪ

.. ﺍﮔﺪﺭ ﺍﻃﻠﻊ

.. ﻭﻳﻦ ﺗﺮﺩﻳﻦ

.. ﺃﻷﻱ ﻣﻜﺎﻥ

.. ﺗﺮﺣﻴﻦ ﺯﻳﺎﺭﻩ

.. ﻭﻳﻦ ﻳﻌﻨﻲ ﺯﻳﺎﺭﻩ

.. ﺑﻜﻴﻔﭻ ﺗﺮﺩﻳﻦ ﻧﺮﻭﺡ ﻛﺮﺑﻼﺀ ﻧﺠﻒ

.. ﺩﻣﻌﺖ ﻋﻴﻨﻲ ﺍﻧﻪ ﻣﺎﺯﺍﻳﺮﻩ ﺍﺑﺪ ﺑﺲ ﺑﺄﺭﺑﻌﻴﻦ ﺑﺎﺑﺎ ﺭﺣﺖ ﺍﻟﻨﺠﻒ ﻭﻛﺮﺑﻼﺀ ﺍﺑﺪ ﻣﺎﻭﺍﺻﻠﺘﻬﺎ

.. ﻫﺎﺍﺍ ﻟﻴﺶ

🔹🔸🥇🔹🔸

ﺑﺎﺑﺎ ﺟﺎﻥ ﻳﺮﻭﺡ ﻭﺣﺪﻩ ﻭﺍﺣﻨﻪ ﻣﺮﺍﻳﺤﻴﻦ

.. ﺷﻮﻛﺖ ﻣﺎﺗﺮﺗﺎﺣﻴﻦ ﻭﺗﺤﺴﻴﻦ ﺭﻭﺣﭻ ﺯﻳﻨﻪ ﻭﺗﺘﺤﻤﻠﻴﻦ ﺳﻔﺮ ﻧﺮﻭﺡ ﺯﻳﺎﺭﻩ ﺟﻤﺎﻋﻴﻪ ﺣﺘﻪ ﺗﺰﻭﺭﻳﻦ ﺍﺑﻮﭺ ﻫﻢ

ﺍﺭﺗﺎﺣﻲ ﻫﺴﻪ ﺍﻧﻪ ﻃﺎﻟﻊ ﺍﺧﺬﻱ ﺭﺍﺣﺘﭻ ﻭﻋﻼﺟﺞ ﺑﺎﻟﻠﻴﻞ ﺍﻧﻄﻲ ﺍﻟﺞ

.. ﺷﻔﺘﻪ ﮔﺎﻡ ﻭﺻﻞ ﺍﻟﺒﺎﺏ ﺻﺤﺘﻪ .. ﻋﻠﻲ

.. ﺩﺭﺕ ﻋﻠﻴﻬﺎ ﺑﺪﻭﻥ ﻣﺎﺍﺣﭽﻲ

.. ﺍﻟﻠﻪ ﻋﻠﻴﻚ ﺍﺣﭽﻲ ﺍﻟﺼﺪﮒ ﺍﻧﻲ ﻣﺎﺍﻋﺮﻑ ﻟﻴﺶ ﺍﻣﻨﺖ ﺑﻴﻚ ﻻﺗﺨﺪﻋﻨﻲ ﺑﻴﻚ ﻭﺗﻘﺸﻤﺮﻧﻲ ﺍﺣﭽﻴﻠﻲ ﺍﻟﺼﺪﮒ ﻋﻼﺀ ﺻﺪﮒ ﻣﻴﺮﻳﺪﻧﻲ ﺑﻌﺪ ﻣﻌﻘﻮﻟﻪ ﻣﺎﺍﺟﺎﻛﻢ ﺍﺧﺎﻑ ﺍﻧﺘﻮ ﻃﺮﺩﺗﻮﻭ ﻭﺣﺒﻴﺘﻮ ﺗﻨﺘﻘﻤﻮﻥ ﻣﻨﻲ

.. ﻟﻴﺶ ﻧﻨﺘﻘﻢ ﻣﻨﭻ ﺍﻧﺘﻲ ﺷﻤﺴﻮﻳﻪ ﺍﻟﻨﻪ ﺗﺮﻩ ﺍﻧﺘﻲ ﺑﺘﻨﻪ

.. ﻣﺎﺍﻋﺮﻑ ﺑﻴﻨﺎﺗﻜﻢ ﻛﺮﻩ ﻷﻥ ﺑﺎﺑﺎ ﺗﺰﻭﺝ ﻣﺎﻣﺎ ﻭﻣﻘﺒﻞ ﻳﺘﺰﻭﺝ ﺑﻨﺖ ﻋﻤﻪ ﻭﻣﺎﺍﻋﺮﻑ ﺷﻨﻮ ﺑﻴﻨﻬﺎ ﻭﺑﻴﻨﻚ ﺑﺎﻟﺬﺍﺕ

.. ﺿﺤﻜﺖ ﺑﺄﺳﺘﻬﺰﺍﺀ ﻫﺬﺍ ﻣﻨﻮ ﮔﻠﭻ ﺑﻬﺬﺍ ﺍﻟﻔﻠﻢ .. ﺍﻧﺘﻲ ﺗﻌﺒﺎﻧﻪ ﻣﺎﺍﺭﻳﺪ ﺍﺗﻌﺒﭻ ﺍﺯﻳﺪ ﻭﺍﻧﻪ ﮔﻠﺒﻲ ﺧﻠﺼﺎﻥ ﻭﻣﺎﺑﻴﻪ ﺍﺣﻤﻠﻪ ﺍﻛﺜﺮ .. ﺍﻧﺘﻲ ﺍﻟﻈﺎﻫﺮ ﺗﺤﺒﻲ ﺑﺲ ﺣﻀﺞ ﻣﻮ ﺣﻠﻮﻭ ﻭﺍﺧﺘﻴﺎﺭﺝ ﻏﻠﻂ ﺍﻧﻪ ﺑﻨﻔﺴﻲ ﺧﺎﺑﺮﺗﻪ ﻭﮔﺎﻝ ﺑﺘﻜﻢ ﻳﻤﻜﻢ ﻭﺍﻧﻪ ﺍﻃﻠﮕﻬﺎ ﻭﻫﻢ ﻣﺎﺳﻜﺘﺖ ﺧﻠﻴﺘﻬﻢ ﻳﺪﻭﺭﻭﻥ ﻋﻠﻲ ﻭﻧﻮﺻﻠﻪ ﻫﺎﻟﻜﻠﺐ ﻣﺎﻋﺪﻧﻪ ﻣﺮﻩ ﺗﻄﻠﮓ ﻭﻫﻴﻪ ﻋﺮﻭﺱ ﺗﻠﺚ ﺍﻳﺎﻡ ﺗﻌﺮﻓﻴﻦ ﺷﻨﻬﻲ ﺗﻠﺜﻴﺎﻡ ﻣﺎﻛﻮ ﺭﺟﺎﻝ ﻳﻄﻠﮕﻠﻪ ﻣﺮﻩ ﻫﻴﺞ ﺑﺪﻭﻥ ﺳﺒﺐ ﺧﻠﻲ ﻫﺎﻟﻤﻮﺿﻮﻉ ﻧﺴﻮﻟﻒ ﺑﻲ ﺑﻌﺪﻳﻦ ﺍﻧﻪ ﻫﻮﺍﻱ ﺣﭽﻲ ﻋﻨﺪﻱ ﻭﻳﺎﭺ ﻭﺍﺳﺌﻠﻪ ﺍﺩﻭﺭ ﺍﺑﺎﻟﻲ ﺑﺲ ﻣﻮ ﻭﻛﺘﻬﺎ ﺭﺍﻳﺪﺝ ﺗﺼﻴﺮﻳﻦ ﺯﻳﻨﻪ ﻭﻛﻠﺸﻲ ﻳﻨﺤﻞ ..

ﻃﻠﻌﺖ ﻣﻨﻬﺎ ﺻﺎﻳﺮ ﻧﺎﺭ ﻣﻦ ﻟﺰﻣﺖ ﺍﻟﺒﺎﺏ ﺷﻔﺖ ﺍﻳﺪﻱ ﺗﺮﺟﻒ ﺍﻋﺼﺎﺑﻲ ﺗﻠﻔﺖ ﻫﺎﻱ ﺍﻟﺒﻨﻴﻪ ﻏﺒﻴﻪ ﻟﻮ ﺗﺘﻐﺎﺑﻪ ﻟﻮ ﺣﺒﻪ ﻫﻴﭻ ﻋﺎﻣﻴﻬﺎ ﺍﺷﺎﻓﺖ ﻣﻨﻪ ﻫﺎﻟﺴﮕﻂ ﻭﺣﺒﺘﻪ

ﻻﺧﻠﻘﻪ ﻻ ﺍﺧﻼﻕ

ﻳﻤﻜﻨﻬﺎ ﺣﺒﺖ ﮔﺬﻟﺘﻪ ﻭﺍﻟﻠﻪ ﺍﻻ ﺍﺯﻳﻨﻬﺎ ﺍﻟﻪ ﺑﺲ ﺧﻞ ﺍﻟﺰﻣﻪ

ﺍﻧﻪ ﺍﺩﺭﻱ ﺭﺍﻓﻊ ﻣﻨﻴﻦ ﺟﺎﺑﻠﻲ ﺣﺴﺎﺏ ﺍﻟﻔﻴﺲ ﻭﺧﻼﻧﻲ ﺍﺷﻮﻑ ﺧﻠﻘﺘﻪ

ﻭﺩﻳﺘﻪ ﻳﺸﻮﻓﻠﻴﺎﻩ ﻭﻳﻦ ﻭﺩﺍﻟﻲ ﺻﻔﺤﺘﻪ ﻣﻦ ﺍﺣﺘﺮﮔﺖ ﺍﺻﻔﺎﺡ ﺍﻫﻠﻪ

ﻃﻠﻌﺖ ﻣﻦ ﺍﻟﺒﻴﺖ ﻭﺷﻐﻠﺖ ﺍﻟﺴﻴﺎﺭﻩ ﺧﺎﺑﺮﺕ

ﺭﺍﻓﻊ

.. ﻫﻼ ﺷﻴﺦ

.. ﻫﻼ ﺑﻴﻚ ﺷﻨﻬﻲ ﺍﻷﺧﺒﺎﺭ ﺷﻮ ﻃﻮﻟﺘﻬﺎ ﻭﻟﻚ ﺑﺲ ﻻ ﻣﮕﻀﻴﻬﺎ ﺻﻴﺎﻋﻪ ﺍﺑﻐﺪﺍﺩ

.. ﻣﻮ ﺑﺎﻟﺤﻴﻒ ﺍﺑﻦ ﻋﻤﻚ ﺫﻳﺐ ﺍﻧﺪﻟﻴﺘﻪ ﻭﻳﻦ

.. ﻛﻔﻮ ﻭﺍﻟﻨﻌﻢ ﻣﻨﻚ ﺫﻳﺐ ﺍﻣﻌﻂ ﺑﺲ ﮔﻠﻲ ﻭﻳﻦ ﺣﺘﻪ ﺍﻏﻄﻚ ﺍﺭﻳﺪ ﺍﻟﺰﻣﻪ ﺑﻴﺪﻱ ﻭﺍﺟﻴﺒﻪ ﺿﻴﻒ ﻋﺪﻧﻪ ﺷﺘﮕﻮﻝ

.. ﺍﻧﺖ ﺗﮕﻮﻝ ﺷﻴﺦ ﺍﻧﻪ ﺍﻧﻔﺬ

.. ﺣﻴﺎﻙ ﺍﻟﻠﻪ ﺑﺎﭼﺮ ﺟﺎﻳﺒﻴﻨﻪ ﻭﺭﺍﺟﻌﻴﻦ ﻧﺒﻴﺘﻪ ﻳﻤﻨﻪ

.. ﻫﺬﺍ ﻫﻮﻭ ﺍﻟﺴﻬﺮﻩ ﻋﻠﻴﻚ

.. ﻫﻬﻬﻬﻬﻪ ﻻ ﺍﻧﻪ ﻣﺎﺍﻃﻮﻝ ﺧﻠﮓ ﻣﻮ ﻣﺎﻝ ﺳﻬﺮﺍﺕ ﺑﺎﭼﺮ ﻧﺸﻮﻑ ﺷﻠﻮﻥ ﺗﺼﻔﻪ

ﺍﺣﺲ ﺍﻋﺼﺎﺑﻲ ﺍﺭﺗﺨﺖ ﻣﻦ ﻭﺻﻠﻨﺎﻟﻪ ﻭﻋﺮﻓﻨﻪ ﻣﻜﺎﻧﻪ

ﺭﺟﻌﺖ ﻟﻠﺒﻴﺖ ﻭﮔﻌﺪﺕ ﻳﻢ ﺍﻣﻲ ﻭﺍﻟﺒﻨﺎﺕ

.. ﻓﺎﻃﻤﻪ ﺷﻠﻮﻧﭻ ﻭﻱ ﺍﻟﺪﻭﺍﻡ

.. ﺍﻟﺤﻤﺪﻟﻠﻪ ﺯﻳﻨﻪ

.. ﻣﺮﺗﺎﺣﻪ ﻳﻌﻨﻲ ﺗﺮﺩﻳﻦ ﺷﻲ ﻣﺤﺘﺎﺟﻪ ﺷﻲ ﺍﻧﻪ ﻫﺎﻟﻔﺘﺮﻩ ﺍﻟﺘﻬﻴﺖ

.. ﺳﻼﻣﺘﻚ ﺧﻮﻳﻪ ﻛﻠﺸﻲ ﻣﺎﻣﺤﺘﺎﺟﻴﻦ ﺍﻧﺖ ﻣﺎﻣﻘﺼﺮ ﻭﻳﺎﻧﻪ

.. ﺷﻤﺎﺍﺳﻮﻳﻠﭽﻦ ﻗﻠﻴﻞ ﭼﺎ ﺍﺧﻮﻭ ﺍﺑﻼﺵ

.. ﺭﺑﻲ ﻳﺪﻳﻤﻚ ﺍﻟﻨﻪ ﻭﻳﻬﻨﻴﻚ

.. ﻳﻤﻪ ﺭﺍﺡ ﺍﺧﺎﺑﺮ ﻭﻟﻴﺪ ﻳﺠﻴﺐ ﺭﻳﻤﻪ ﻭﺟﻬﺎﻟﻬﺎ ﻭﻳﺠﻮﻥ ﻋﺸﺎﻛﻢ ﺍﻟﻴﻮﻡ ﻣﻦ ﺑﺮﻩ ﺍﻧﻪ ﺍﺟﻴﺒﻪ

ﺭﻓﻌﺖ ﻋﻴﻨﻲ ﺷﻔﺖ ﻋﻠﻴﺎﺀ ﻭﺍﻛﻔﻪ ﻳﻢ ﺍﻟﺒﺎﺏ ﺍﺷﺮﺕ ﺍﻷﻣﻲ ﺗﺼﻴﺤﻬﺎ ﺍﻓﻴﺎﺀ ﺗﻌﻮﺩﺕ ﻭﻳﺎﻧﻪ ﺑﺲ ﻫﻴﻪ ﻣﺎﺻﺎﺭ ﻓﺮﺻﻪ ﻧﻨﺠﻤﻊ

ﺻﺎﺣﺘﻬﺎ ﺍﻣﻲ ﻭﮔﻌﺪﺕ ﻣﻨﻌﺰﻟﻪ ﻗﺮﻳﺐ ﻉ ﺍﻟﺒﺎﺏ ﻣﺒﻴﻴﻦ ﺧﺎﻳﻔﻪ ﻣﻦ ﺷﻲ ﻭﻣﺎﻣﺮﺗﺎﺣﻪ

.. ﻳﻤﻪ ﺑﺎﭼﺮ ﺍﻧﻪ ﺭﺍﻳﺢ ﺍﻟﺒﻐﺪﺍﺩ

.. ﻫﺎ ﺍﻟﻠﻪ ﻳﺴﻬﻠﻚ ﺍﻥ ﺷﺎﺀﺍﻟﻠﻪ ﻋﻨﺪﻙ ﺷﻐﻞ ﻟﻮ ﻃﻼﺑﻪ

🔹🔸🥇🔹🔸

ﻃﻼﺑﻪ ﺍﺷﻮﻓﻬﺎ ﺷﻠﻮﻥ ﺗﻨﺤﻞ ﻣﺎﺍﻃﻮﻝ ﺑﻴﻮﻣﻲ ﺍﺭﺟﻊ

ﻋﻴﻨﻲ ﺻﺎﺭﺕ ﺑﻌﻴﻦ ﺍﻓﻴﺎﺀ ﺍﻋﺮﻓﻬﺎ ﺗﺪﺭﻱ ﺑﻜﻠﺸﻲ ﺍﻛﻴﺪ ﺭﺍﻓﻊ ﺣﺎﺟﻴﻠﻬﺎ

ﻋﻠﻴﺎﺀ

ﻣﺎﺍﻋﺮﻑ ﻟﻴﺶ ﻣﻦ ﺳﻤﻌﺖ ﺻﻮﺗﻪ ﺍﺟﻪ ﺣﺒﻴﺖ ﺍﻃﻠﻊ ﻣﻦ ﻏﺮﻓﺘﻲ ﻭﺍﮔﻌﺪ ﻳﻤﻬﻢ ﺍﻟﻮﺣﻴﺪ ﺍﻟﻲ ﺍﺣﺲ ﺑﺎﻣﺎﻥ ﻭﻳﺎﻩ ﺭﻏﻢ ﺍﻛﻮ ﺧﻮﻑ ﺑﺲ ﻗﻠﻴﻞ ﻛﻠﺶ ﻣﻦ ﮔﺎﻝ ﺑﺎﭼﺮ ﺭﺍﻳﺢ ﺍﻟﺒﻐﺪﺍﺩ ﺧﻔﺖ ﺍﻧﻲ ﻣﻨﻮﻭ ﺍﻟﻲ ﻳﺠﻮﺯ ﺍﺗﺨﺮﺑﻂ ﻳﺠﻮﺯ ﺣﺎﻟﺘﻲ ﺗﺮﺟﻊ ﺻﺎﺭﺕ ﻭﻳﺎﻱ ﻭﺳﺎﻭﺱ ﺍﺣﺲ ﺭﺍﺡ ﺍﺗﺨﺒﻞ ﺍﻭ ﻳﺼﻴﺮ ﺑﻴﻪ ﺷﻲ ﺍﺣﺲ ﻧﻔﺴﻲ ﻣﻮ ﻃﺒﻴﻌﻴﻪ ﻭﺍﻟﻜﻞ ﺗﻨﻈﺮﻟﻲ ﺑﺸﻔﻘﻪ ﻗﻠﺖ ﺛﻘﺘﻲ ﺑﻨﻔﺴﻲ ﺍﺷﻮﻑ ﺍﻻﺩﻭﺍﺭ ﺍﻧﻌﻜﺴﺖ ﻗﺒﻞ ﺍﻧﻲ ﺍﺟﺎﻣﻞ ﻭﺟﺮﻳﺌﻪ ﻭﺍﺣﺐ ﺍﺧﺘﻠﻂ ﻋﻜﺲ ﺍﻓﻴﺎﺀ ﺑﺲ ﻫﺴﻪ ﻻ ﺍﻓﻴﺎﺀ ﻋﺒﺎﻟﻚ ﺑﻨﺘﻬﻢ ﻭﺍﻧﻲ ﭼﻨﻲ ﻏﺮﻳﺒﻪ ﺑﻨﺼﻬﻢ ﻏﺮﻳﺒﻪ ﻣﻨﺒﻮﺫﻩ ﻣﻦ ﺍﻟﻜﻞ ﻣﺪﻣﻨﻪ ﻣﻄﻠﮕﻪ ﻭﻫﻴﻪ ﻋﺮﻭﺱ ﺑﺎﻭﻝ ﺍﻳﺎﻣﻬﺎ ﺍﺣﺲ ﺑﺎﻗﻴﻠﻲ ﺍﻣﻞ ﻭﺍﺣﺪ ﻭﻫﻮﻩ ﻋﻼﺀ ﻫﺬﺍ ﺍﻣﻠﻲ ﺍﻟﻮﺣﻴﺪ ﺍﺫﺍ ﺭﺟﻌﻠﻲ ﻭﺭﺟﻌﻨﻲ ﻭﻳﺎﻩ ﺭﺍﺡ ﺍﻟﻜﻞ ﻳﻨﺴﺎﻧﻲ ﻭﻳﻨﺴﻪ ﻣﻮﺿﻮﻉ ﺍﺩﻣﺎﻧﻲ ﻭﺣﺎﻟﺘﻲ ﺍﻟﻌﺼﺒﻴﻪ ﻭﺍﻧﻬﻴﺎﺭﻱ

ﻳﻌﻨﻲ ﻣﻌﻘﻮﻟﻪ ﻳﺘﺮﻛﻨﻲ ﻭﺣﺒﻪ ﻭﻟﻬﻔﺘﻪ ﻭﺍﺷﺘﻴﺎﻗﻪ ﺍﻟﻲ ﻣﺴﺘﺤﻴﻞ ﺍﺻﺪﮒ ﺍﻛﻴﺪ ﺍﻛﻮ ﺷﻲ

ﮔﻄﻊ ﺍﻓﻜﺎﺭﻱ ﺻﻮﺕ ﻋﻠﻲ

.. ﻋﻠﻴﺎﺀ ﺗﻌﺎﻟﻲ ﺍﺧﺬﻱ ﺩﻭﺍﭺ

.. ﺭﺣﺖ ﻣﻨﺼﺎﻋﻪ ﻋﺒﺎﻟﻚ ﺍﻣﺸﻲ ﺑﺪﻭﻥ ﺗﻔﻜﻴﺮ ﺍﺧﺬﺕ ﻣﻨﻪ ﺍﻟﺤﺒﺎﻳﻪ ﻭﺭﺟﻌﺖ ﺍﻟﻐﺮﻓﺘﻲ

ﺍﻟﻜﻞ ﻳﻀﺤﻜﻮﻥ ﻭﻣﻨﺪﻣﺠﻴﻦ ﺍﻟﺒﻨﺎﺕ ﻭﻋﻤﺘﻲ ﻭﺭﻳﻢ ﻣﻦ ﺍﺟﺖ ﺳﻠﻤﺖ ﻉ ﺍﻟﻜﻞ ﻭﺑﺎﻭﺳﺘﻬﻢ ﺍﻻ ﺍﻧﻲ ﻣﻦ ﺑﻌﻴﺪ ﺳﻠﻤﺖ ﻭﻣﺒﻴﻴﻦ ﻋﻠﻴﻬﺎ ﺍﻟﺨﻮﻑ ﻭﺍﻟﻘﻠﻖ ﻣﺎﺍﻋﺮﻑ ﻟﻴﺶ ﺷﻜﻠﻲ ﻳﺨﻮﻑ ﺍﻟﻬﺎﻟﺪﺭﺟﻪ ﺷﺒﻴﻪ ﺍﻧﻲ ﺷﺴﻮﻳﺖ ﺑﻬﺬﻱ ﺍﻷﻳﺎﻡ

ﺑﻌﺪ ﻣﺎﺍﺧﺬﺕ ﻋﻼﺟﻲ ﺭﺣﺖ ﺍﻟﻐﺮﻓﺘﻲ ﺑﺪﻭﻥ ﻣﺎﺍﻧﻄﻖ ﻛﻠﻤﻪ

ﺑﺲ ﻫﻮﻩ ﻟﻴﺶ ﺍﻧﻄﺎﻧﻲ ﺍﻟﻌﻼﺝ ﻳﻤﻬﻢ ﻟﻴﺶ ﻳﺤﺴﺴﻨﻲ ﺍﻧﻮ ﻫﻮﻩ ﻣﺴﺆﻭﻝ ﻋﻨﻲ ﺍﻟﻜﻞ ﺗﻔﺎﺟﺄﻭﻭ ﻣﻦ ﺍﻧﻄﺎﻧﻲ ﺍﻟﻌﻼﺝ ﻭﻧﻈﺮﻭﻟﻪ ﻧﻈﺮﻩ ﻏﺮﻳﺒﻪ ﺑﺲ ﻫﻮﻩ ﻣﺎﻣﻬﺘﻢ

ﺣﺴﻴﺖ ﺍﻟﻌﻼﺝ ﺍﺧﺬ ﻣﻔﻌﻮﻟﻪ ﻭﺍﺭﺗﺨﺖ ﺍﻋﺼﺎﺑﻲ ﻭﻧﻤﺖ

ﻋﻠﻲ ..

ﺑﻌﺪ ﻣﺎﺍﻧﻄﻴﺘﻬﺎ ﻋﻼﺟﻬﺎ ﻭﺭﺍﺣﺖ ﻃﻠﻌﺖ ﻳﻢ ﺍﻟﻮﻟﺪ ﻭﺣﭽﻴﺘﻠﻬﻢ ﺍﻧﻪ ﻭﻳﻦ ﺭﺍﻳﺢ ﻭﺑﺨﺼﻮﺹ ﺷﻨﻮﻭ

ﻭﻃﻠﺒﺖ ﻣﻨﻬﻢ ﻳﺤﻀﺮﻭﻟﻲ ﺑﻴﺖ ﺍﺣﻤﺪ

ﺍﺭﻳﺪﻩ ﺑﺎﺟﺮ ﻓﺎﺭﻍ ﺍﺭﻳﺪﻛﻢ ﺑﺲ ﺍﻧﺘﻮ ﺍﻟﺸﺒﺎﺏ ﺑﻲ ﻭﻋﺎﺋﻠﺘﻪ ﻳﻮﺩﻳﻬﺎ ﺍﻟﺒﻴﺖ ﻋﻤﻲ ﺧﺎﻟﺪ

ﺑﺎﻻﺭﺑﻌﻪ ﺍﻟﺼﺒﺢ ﻃﻠﻌﻨﻪ ﺍﻧﻪ ﻭﻋﺒﺎﺱ ﻭﺿﻠﻴﺖ ﻋﻠﻰ ﺗﻮﺍﺻﻞ ﻭﻱ ﺭﺍﻓﻊ

ﺑﺎﻟﺴﺒﻌﻪ ﺍﻟﺼﺒﺢ ﻃﺒﻴﻨﻪ ﺑﻐﺪﺍﺩ ﻭﻋﺮﻓﺖ ﻣﻨﻪ ﻫﻮﻩ ﻳﺪﺍﻭﻡ ﻭﻗﺒﻞ ﻳﻮﻣﻴﻦ ﺭﺍﺟﻊ ﻟﻠﻜﻠﻴﻪ ﺑﺲ ﻣﺎﮔﺎﻋﺪ ﻭﻱ ﺍﻫﻠﻪ ﮔﺎﻋﺪ ﻳﻢ ﺍﺻﺪﻗﺎﺋﻪ ﺑﺎﻗﺴﺎﻡ ﺩﺍﺧﻠﻴﻪ ﻣﺘﺼﻮﺭ ﺍﺣﻨﻪ ﻧﺮﺍﻗﺐ ﺑﻴﺖ ﺍﻫﻠﻪ ﻭﺑﺲ

ﻭﮔﻔﻨﻪ ﻗﺮﻳﺐ ﻟﻠﺠﺎﻣﻌﻪ ﺷﻮﻳﻪ ﻭﻃﺒﮕﺖ ﺳﻴﺎﺭﺗﻪ ﻭﻧﺰﻟﻮ ﻭﻳﺎﻩ ﺷﺒﺎﺏ ﺍﺛﻨﻴﻦ

ﺗﻮﺟﻬﻨﻪ ﻋﻠﻴﻬﻢ

.. ﺍﻟﺴﻼﻡ ﻋﻠﻴﻜﻢ ﺭﺩﻭ ﺍﻟﺴﻼﻡ ﺑﺲ ﻫﻮﻩ ﻣﻦ ﺷﺎﻑ ﺭﺍﻓﻊ ﺍﺭﺗﺒﻚ ﻭﺿﻞ ﻳﺘﻠﻔﺖ

.. ﺍﻟﻠﻪ ﺑﺎﻟﺨﻴﺮ ﺳﻴﺪ ﻋﻼﺀ ﻋﺪﻧﻪ ﻭﻳﺎﻙ ﺳﺎﻟﻔﻪ ﻭﺭﺍﻳﺪﻟﻬﺎ ﺣﻞ

.. ﺍﻧﻲ ﺍﺗﻔﻘﺖ ﻭﻳﺎﻛﻢ ﻭﺟﺎﻱ ﺍﻣﺸﻲ ﺑﺎﻷﺟﺮﺍﺋﺎﺕ

.. ﺍﻧﻪ ﻣﺎﺗﻬﻤﻨﻲ ﺍﺟﺮﺍﺋﺎﺕ ﺍﻟﺪﻭﻟﻪ ﻏﻴﺮ ﻧﻔﻬﻢ ﻟﻴﺶ ﻭﻋﻠﻴﺶ

.. ﺍﻧﺘﻮ ﻣﻮ ﺍﺧﺬﺗﻮﻫﺎ ﻭﮔﻠﺘﻮ ﻣﻨﻬﻴﻪ ﻭﺭﺍﻳﺪﻳﻬﺎ ﺑﻌﺪ ﺑﺘﻜﻢ ﻭﻋﺪﻛﻢ ﺷﺘﺮﺩﻭﻥ ﻣﻨﻲ

.. ﺩﺭﺕ ﻉ ﺍﻟﻮﻟﺪ ﺍﻟﻲ ﻭﻳﺎﻩ ﺷﺒﺎﺏ ﻣﻦ ﺭﺧﺼﺘﻜﻢ ﻣﻮﺿﻮﻉ ﻋﺎﺋﻠﻲ ﺑﻴﻨﺎﺗﻨﻪ

ﺭﺍﺣﻮﻭ ﺍﻟﻮﻟﺪ ﻭﺑﻘﻪ ﺑﺲ ﻫﻮﻩ ﮔﺘﻠﻪ

.. ﺍﻱ ﻛﻤﻞ ﻣﻨﻬﻴﻪ ﻭﺭﺍﻳﺪﻳﻬﺎ ﮔﺘﻠﻲ ﻭﺑﺘﻨﻪ ﻋﺪﻧﻪ ﻣﻮ ﺻﺢ ﻟﻬﻨﺎ ﻭﺻﻠﻨﻪ

.. ﺍﻱ ﺍﻧﺘﻮ ﺍﺧﺬﺗﻮﻫﺎ

.. ﺍﺫﺍ ﺍﻧﺖ ﺗﺪﺭﻱ ﺑﻴﻬﺎ ﻣﻨﻬﻴﻪ ﻭﻣﻮ ﮔﺪﻫﺎ ﻟﻴﺶ ﺗﻮﺭﻁ ﺭﻭﺣﻚ ﻭﻳﺎﻧﻪ

.. ﺍﻣﻬﺎ ﮔﺎﻟﺖ ﻣﺎﻳﺴﻮﻭﻥ ﺷﻲ

.. ﺣﭽﻴﻚ ﻭﻱ ﺍﻟﻨﺴﻮﺍﻥ ﺍﻧﺖ

.. ﻫﺴﻪ ﺍﻧﺘﻮ ﺷﺮﺍﻳﺪﻳﻦ ﻣﻨﻲ ﻋﻨﺪﻱ ﻣﺤﺎﺿﺮﺍﺕ

.. ﺍﻟﻴﻮﻡ ﻣﺤﺎﺿﺮﺍﺗﻚ ﻳﻤﻨﻪ ﺍﺿﺮﺏ ﺍﻟﺪﻭﺍﻡ ﺧﻞ ﻳﻮﻟﻲ

.. ﮔﺘﻠﻜﻢ ﺍﻃﻠﮕﻬﺎ ﺑﻌﺪ ﺷﺘﺮﺩﻭﻥ

.. ﺍﺻﻌﺪ ﻭﻳﺎﻧﻪ ﻧﺘﻔﺎﻫﻢ

.. ﻣﺎﺍﺭﻭﺡ ﺍﻷﻱ ﻣﻜﺎﻥ

.. ﺍﺻﻌﺪ ﻭﻳﺎﻧﻪ ﺑﺪﻭﻥ ﻛﻼﻡ ﺗﻌﺮﻑ ﻧﻨﺪﻝ ﻣﻜﺎﻧﻚ ﺑﻴﺘﻚ ﺍﻫﻠﻚ ﻭﻋﻤﺎﻣﻚ ﻭﺍﺟﺪﺍﺩ ﻭﺣﺘﻪ ﺧﻮﺍﻟﻚ ﺗﺎﺭﻛﻬﻦ ﻛﻠﻬﻦ ﻭﮔﺎﻋﺪ ﺑﺄﻗﺴﺎﻡ ﺩﺍﺧﻠﻴﻪ ﺷﺮﺍﻳﻚ ﻧﺤﺮﮔﻬﻦ ﻉ ﺍﻟﺒﻴﻬﻦ ﺗﺼﻌﺪ ﻟﻮ ﻧﻮﺝ ﺑﻴﻮﺕ ﺍﻫﻠﻚ ﻭﺟﻪ ﺟﻤﺎﻋﻴﻪ ﻧﺨﻠﻴﻬﺎ ﺗﻨﻮﺭ ﺍﻟﺼﺒﺎﺡ ﺍﻟﻠﻪ ﺗﻌﺮﻑ ﻣﺎﻋﺪﻧﻪ ﺷﻲ ﺍﻏﻠﻰ ﻣﻦ ﺍﻟﻌﺮﺽ ﺑﺘﻨﻪ ﻋﺮﻭﺱ ﺗﻜﺴﺮﻫﺎ ﻭﻃﻠﮕﻬﺎ ﺍﻟﻴﺎﺳﺒﺐ ﺧﺎﺑﺮﺗﻚ ﺑﻨﻔﺴﻲ ﻭﮔﺘﻠﻚ ﺗﻌﺎﻝ ﺟﻴﺐ ﺍﻫﻠﻚ ﻳﻤﺸﻮﻥ ﻭﺍﺧﺬﻫﺎ ﻣﺮﺗﻚ ﺗﺮﻭﺡ ﻭﻳﺎﻙ ﺑﻌﺪ ﺷﻨﻬﻲ ﻋﺬﺭﻙ

🔹🔸🥇🔹🔸

ﺍﻫﻠﻲ ﺷﻌﻠﻴﻬﻢ ﺷﻨﻮ ﻣﺎﻛﻮ ﻗﺎﻧﻮﻥ ﺍﻧﺘﻮ ﺗﺤﻜﻤﻮﻥ ﻣﻨﺎﻃﻘﻜﻢ ﻫﻨﺎ ﻣﺎﻟﻜﻢ ﺳﻠﻄﻪ

.. ﺍﺻﻌﺪ ﻭﻳﺎﻧﻪ ﻭﺧﻞ ﻗﺎﻧﻮﻧﻚ ﻳﻔﻴﺪﻙ

ﺩﻓﻌﺘﻪ ﻋﻠﻰ ﺭﺍﻓﻊ ﻭﻋﺒﺎﺱ ﻭﺻﻌﺪﻧﺎﻩ ﻭﻃﻠﻌﻨﻪ ﺑﻐﺪﺍﺩ ﻛﻠﻬﺎ

.. ﻭﻳﻦ ﻣﺎﺧﺬﻳﻨﻲ

ﺭﺍﻓﻊ .. ﺿﻴﺎﻓﻪ ﻳﺨﻮﻱ ﻻﺗﺨﺎﻑ ﻣﺎﺧﺬﻳﻨﻚ ﻧﻀﻴﻔﻚ ﻏﻴﺮ ﺍﻧﺖ ﺍﻟﻨﺴﻴﺐ

.. ﺍﻫﻠﻲ ﺍﺫﺍ ﻋﺮﻓﻮﻭ ﻣﺮﺍﺡ ﻳﺮﺣﻤﻮﻧﻜﻢ

ﻋﺒﺎﺱ .. ﺍﻭﻱ ﻓﺪﻭﻩ ﺭﺣﺘﻠﻚ ﺍﻧﻲ ﺍﺧﺎﻑ ﻟﺘﻬﺪﺩﻧﻪ ﺑﺄﻫﻠﻚ ﻟﻴﺮﻭﺡ ﻳﺼﻌﺪ ﺍﻟﺴﻜﺮ

ﺩﺭﺕ ﻭﺟﻬﻲ ﻋﻠﻰ ﺭﺍﻓﻊ ﻭﻟﻚ ﻃﺎﺣﻈﻚ ﺍﺫﺍ ﻫﺬﺍ ﻋﺪﻳﻠﻚ

ﻭﻟﻚ ﺻﻮﺗﻪ ﺍﻧﻌﻢ ﻣﻦ ﺻﻮﺕ ﺻﺎﺣﺒﺘﻲ

ﻋﻠﻲ .. ﻛﺎﻓﻲ ﺍﻧﺖ ﻭﻳﺎﻩ ﺧﻠﻮ ﻳﺮﺗﺎﺡ ﻭﺭﺍﻩ ﻣﺸﻮﺍﺭ ﻃﻮﻳﻞ

ﺍﻟﻄﺮﻳﻖ ﻛﻠﻪ ﻛﻞ ﺷﺔﻳﻪ ﻭﻳﺴﺄﻝ ﺍﻧﻲ ﻭﻳﻦ ﻣﺎﺧﺬﻳﻨﻲ ﺑﺲ ﺧﻠﻮﻧﻲ ﺍﺗﺼﻞ ﻋﻠﻰ ﺍﻫﻠﻲ

ﺟﺎﻭﺑﺘﻪ ﮔﺘﻠﻪ ﺍﺗﺼﻞ ﻛﻠﻬﻢ ﺍﻧﻪ ﺭﺍﻳﺢ ﺍﻟﻨﺴﺎﺑﺘﻲ ﻋﺰﻣﻮﻧﻲ

ﺍﺗﺼﻞ ﻭﺑﻠﻐﻬﻢ ﻫﻮﻩ ﺑﺎﻟﻄﺮﻳﻖ ﺭﺍﻳﺢ ﻟﻠﻨﺎﺻﺮﻳﻪ

ﻭﺻﻠﻨﻪ ﺍﻟﻈﻬﺮ ﻭﻃﻠﻌﻨﻪ ﺑﻮﺟﻬﻨﻪ ﺍﻟﺒﻴﺖ ﺍﺣﻤﺪ

ﻟﮕﻴﻨﻪ ﺍﻟﻮﻟﺪ ﻣﻮﺟﻮﺩﻳﻦ ﻭﺣﺘﻪ ﻋﻤﺎﻣﻲ ﻭﺻﻮﻭﻧﻪ ﻣﺎﻧﺘﻬﻮﺭ ﻭﻧﻔﺘﻬﻢ ﻣﻨﻪ ﻭﺑﺲ

ﺑﻘﻴﻨﻪ ﻭﻳﺎﻩ ﺑﺲ ﺍﻟﻜﺒﺎﺭ ﻭﺭﺍﻓﻊ ﻭﻳﺎﻧﻪ ﺍﻧﻪ ﻭﺍﺣﻤﺪ ﻭﻭﻟﻴﺪ

ﮔﺘﻠﻬﻢ ﻏﺪﻭﻭ ﻭﺑﻌﺪﻳﻦ ﻧﺤﭽﻲ

ﻫﻮﻩ ﻣﻦ ﺍﺗﻐﺪﻩ ﻭﺷﺮﺏ ﭼﺎﻱ ﺍﻣﻦ

.. ﮔﺘﻠﻪ ﻫﺴﻪ ﻧﺴﻮﻟﻒ

.. ﮔﺎﻝ ﺍﻱ ﺗﻔﻀﻞ

.. ﺷﻮﻑ ﻣﻦ ﺍﻟﺒﺪﺍﻳﻪ ﺧﺎﻑ ﺍﺑﺎﻟﻚ ﺟﺒﺘﻚ ﺗﺮﺟﻌﻬﺎ ﻟﻮ ﻣﺴﺘﻌﺰﻳﻦ ﺑﻴﻚ ﺷﻴﻞ ﺫﻧﻲ ﻣﻦ ﺑﺎﻟﻚ ﺍﻧﻪ ﻭﻳﺎﻙ ﻋﻨﺪﻱ ﺣﺴﺎﺏ ﻭﻛﻞ ﺣﺴﺎﺏ ﻻﺯﻡ ﻳﺼﻔﻪ

.. ﺷﻨﻮ ﺑﻴﻨﻲ ﻭﺑﻴﻨﻚ ﺍﻧﻲ ﺍﺻﻼ ﻣﺎﺍﻋﺮﻓﻚ

.. ﺍﻧﻪ ﺍﻋﺮﻓﻚ ﺍﻧﻪ ﺍﺑﻦ ﻋﻢ ﻋﻠﻴﺎﺀ

.. ﻭﺷﻨﻮ ﺗﺮﻳﺪ ﻣﻨﻲ

.. ﺍﺳﺄﻝ ﻭﺍﻧﺖ ﺗﺠﺎﻭﺏ

.. ﮔﻮﻝ

.. ﺍﻱ ﺭﺟﺎﻝ ﻣﻦ ﺗﺘﺴﻤﻪ ﻣﺮﻩ ﺑﺄﺳﻤﻪ ﻭﺗﺼﻴﺮ ﻣﺮﺗﻪ ﻛﺪﺍﻡ ﺍﻟﻠﻪ ﻭﺧﻠﮕﻪ ﺑﺪﻭﻥ ﺷﻌﻮﺭ ﺗﻨﺰﺭﻉ ﻏﻴﺮﻩ ﺑﺪﺍﺧﻠﻪ ﻏﻴﺮﻩ ﺗﺨﻠﻲ ﻳﻌﻤﻪ ﻭﺣﺘﻪ ﺧﻮﻓﻪ ﻳﺘﻼﺷﻪ ﻣﻦ ﻳﮕﺮﺑﻠﻬﺎ ﺷﺨﺺ ﻟﻮ ﭼﺎﻥ ﺍﺧﻮﻫﺎ ﻭﺭﺍﻳﺪ ﺍﺫﻳﺘﻬﺎ ﺍﻟﻤﺮﻩ ﺗﻜﻮﻥ ﺑﺤﻤﺎﻳﺔ ﺭﺟﻠﻬﺎ

ﺍﻧﺖ ﻭﻳﻦ ﻏﻴﺮﺗﻚ ﻣﻦ ﺍﻧﺠﺮﺕ ﻣﻦ ﺍﻳﺪﻙ

.. ﺍﻧﺘﻮ ﻣﺎﺧﻠﻴﺘﻮﻧﻲ ﺍﺗﺼﺮﻑ ﻫﺪﺩﺗﻮﻧﻲ ﻭﭼﺎﻧﻮ ﻣﺠﻤﻮﻋﺎﺕ ﻣﺴﻠﺤﻪ ﻣﻮﺟﻮﺩﻩ ﺷﺘﺮﻳﺪ ﺍﺳﻮﻱ

.. ﻣﻮ ﮔﺘﻠﻚ ﻟﻮ ﻋﻨﺪﻙ ﺍﻟﻐﻴﺮﻩ ﺍﻟﻌﺪ ﺍﻟﺮﺟﺎﻝ ﻣﻮ ﺍﻟﺬﻛﺮ ﻻ ﺍﻟﺮﺟﺎﻝ ﻃﺎﻥ ﻧﺴﻴﺖ ﺧﻮﻓﻚ ﻭﻣﺎﺷﻔﺖ ﺍﻟﺴﻼﺡ

ﻉ ﺍﻷﻗﻞ ﭼﺎﻥ ﮔﺘﻠﻬﻢ ﺍﻧﻪ ﻭﻫﻴﻪ ﻧﺮﻭﺡ ﺳﻮﻩ ﻭﺧﻠﻴﺖ ﺍﻫﻠﻚ ﻳﻠﺤﮕﻮﻧﻚ ﻭﻳﻤﺸﻮﻥ ﻋﻠﻰ ﻋﻤﺎﻣﻬﺎ ﻭﺗﺮﺟﻊ ﻣﺮﺗﻚ ﻭﻳﺎﻙ

.. ﺍﻧﻲ ﻣﺎﺍﻋﺮﻑ ﺷﻨﻮ ﻋﺎﺩﺍﺗﻜﻢ ﺣﺘﻪ ﺍﺣﻜﻢ

.. ﺯﻳﻦ ﺫﻳﺞ ﺧﻠﻬﺎ ﺗﻮﻟﻲ ﺑﻴﻮﻣﻬﺎ ﺧﺎﺑﺮﺗﻚ ﺍﻧﻪ ﻭﮔﺘﻠﻚ ﺍﻟﺴﻮﻭﻩ ﻣﻮ ﺻﺢ ﻭﺍﻧﻪ ﺷﻴﺨﻬﻢ ﻭﻣﺎﺭﺍﺿﻲ ﻋﻠﻲ ﻭﺟﻴﺐ ﺍﻫﻠﻚ ﻭﻋﻤﺎﻣﻚ ﺧﻞ ﻳﻤﺸﻮﻥ ﻭﻧﺘﻌﺮﻑ ﻋﻠﻴﻜﻢ ﻭﻣﺮﺗﻜﻢ ﺍﻟﻜﻢ ﻟﻴﺶ ﺗﺮﻳﺪ ﺍﻃﻠﮓ ﺷﺎﻳﻒ ﻋﻠﻴﻬﺎ ﺷﻲ ﻭﺭﺩﺕ ﺗﺨﻠﺺ ﻣﻨﻬﺎ

.. ﻣﻮ ﻫﻴﺞ ﺑﺲ ﺍﺣﻨﻪ ﻣﻨﺘﺮﺍﻫﻢ ﺍﻧﻲ ﻣﻦ ﺑﻴﻴﻪ ﻭﻫﻴﻪ ﻣﻦ ﺑﻴﺌﻪ

.. ﻭﻳﻦ ﺟﺎﻥ ﻓﻜﺮﻙ ﻣﻦ ﻭﺭﻃﺘﻬﺎ ﻭﻳﺎﻙ ﻭﺍﺧﺬﺗﻬﺎ ﻟﻴﺶ ﻣﺎﺩﻭﺭﺕ ﻣﻦ ﺑﻴﺌﺘﻚ

.. ﺍﻧﺖ ﻟﻴﺶ ﻣﻌﻈﻤﻬﺎ ﺍﻟﺰﻭﺍﺝ ﻭﺍﻟﻄﻼﮒ ﺷﻲ ﻃﺒﻴﻌﻲ ﺩﺧﻠﻨﻪ ﺑﺎﻟﻤﻌﺮﻭﻑ ﻭﻧﻄﻠﻊ ﺑﺎﻟﻤﻌﺮﻭﻑ

.. ﺷﻜﺪ ﻣﺎﺟﻨﺖ ﻫﺎﺩﺉ ﺑﺮﻭﺩﻩ ﻃﻴﺮ ﺩﻣﺎﻏﻲ

ﻣﺎﺣﺴﻴﺖ ﺍﻻ ﻭﺍﻧﻪ ﺧﺎﻧﻜﻪ ﻣﻦ ﻳﺎﺧﺘﻪ

.. ﻭﻟﻚ ﻳﺎﻣﻌﺮﻭﻑ ﻋﺮﻭﺱ ﺗﻠﺚ ﺍﻳﺎﻡ ﻣﻦ ﺍﻃﻠﻜﻬﺎ ﺍﻟﻌﺎﻟﻢ ﺷﺘﮕﻮﻝ ﻻﺗﺸﻮﻓﻨﻲ ﺑﺎﺭﺩ ﻭﻳﺎﻙ ﻭﺍﺣﺘﺮﻣﺘﻚ ﻫﻮﺍﻱ ﺗﺮﻩ ﺍﻟﺴﻮﺍﻟﻒ ﺍﻟﺜﻜﻴﻠﻪ ﺑﻌﺪﻧﻲ ﻣﺎﻭﺍﺻﻠﻬﺎ

.. ﺍﺧﻨﮕﺖ ﺿﻠﻴﺖ ﺍﮔﺢ ﻭﺣﺴﻴﺖ ﻧﻔﺴﻲ ﺗﻮﺭﻃﺖ ﻭﻳﺎﻫﻢ ﻛﺘﻠﻪ ﺍﻧﻲ ﻣﺎﺭﺍﻳﺪﻫﺎ ﺑﺲ ﺑﺎﻟﺒﺪﺍﻳﻪ ﺣﺒﻴﺖ ﺍﺗﻌﺮﻑ ﻋﻠﻴﻬﺎ

🔹🔸🥇🔹🔸

ﺩﺭﺕ ﻋﻠﻰ ﺍﻟﻮﻟﺪ ﻭﻟﻜﻢ ﻫﺬﺍ ﻳﺮﻳﺪ ﻳﺨﺒﻠﻨﻲ ﺷﻨﻌﻲ ﻣﺎﺭﺍﻳﺪﻫﺎ ﺟﺎﺍﻟﻤﻦ ﺧﻄﺒﺘﻬﺎ

.. ﺍﺣﺠﻲ ﻭﺗﻨﻄﻴﻨﻲ ﺍﻷﻣﺎﻥ

.. ﻫﻴﭻ ﻭﺍﻻ ﻫﻴﭻ ﺍﻧﺖ ﺣﺎﺟﻲ ﻣﺎﺗﻄﺎﻉ ﻣﻨﺎ ﺍﺫﺍ ﻣﻮ ﺍﻋﺮﻑ ﻛﻠﺸﻲ ﻭﺗﻄﻠﻊ ﺍﻧﺖ ﻭﺍﻟﻤﻮﺿﻮﻉ ﻣﻨﺘﻬﻲ

.. ﺑﺲ ﺍﻧﻄﻴﻨﻲ ﺍﻷﻣﺎﻥ

.. ﺍﻧﻄﻴﻚ ﺍﻷﻣﺎﻥ ﺭﻭﺣﻚ ﻣﺎﺗﻄﻠﻊ ﻭﺑﺲ ﻣﺎﺍﺭﻳﺪ ﺍﻭﺻﺦ ﺍﻳﺪﻱ ﺑﻴﻚ ﺑﺲ ﻛﻠﺸﻲ ﻏﻴﺮ ﺍﻟﻜﻮﺕ ﺍﺳﻮﻱ

.. ﺍﺭﺗﺒﻜﺖ ﺍﻛﺜﺮ ﺑﺲ ﺍﻣﻨﺖ ﺍﻫﻢ ﺷﻲ ﺍﻃﻠﻊ ﻣﻨﻬﻢ ﺍﺫﺍ ﻣﺎﻋﺮﻓﻮ ﻛﻠﺸﻲ ﻣﺎﺭﺍﺡ ﻳﻌﻮﻓﻮﻧﻲ ﻭﺑﻌﺪ ﺍﻟﻲ ﺻﺎﺭ ﺣﺘﻪ ﻣﺎﺍﻛﺪﺭ ﺍﺧﺬﻫﺎ ﻭﻳﺎﻱ ﻭﺍﺧﻠﺺ ﻧﻔﺴﻲ ﺑﻴﻬﺎ ﺍﺣﺴﻬﻢ ﻛﺸﻔﻮﻧﻲ

ﮔﺘﻠﻪ ﺍﻧﻲ ﺑﺎﻟﺒﺪﺍﻳﻪ ﻣﻦ ﺟﺎﻧﺖ ﻣﺮﺣﻠﻪ ﺍﻭﻟﻰ ﺍﻧﻲ ﻣﺮﺣﻠﻪ ﺛﺎﻧﻴﻪ

ﻭﻫﻴﻪ ﻋﺠﺒﺘﻨﻪ ﺍﻟﻤﺠﻤﻮﻋﻪ ﻛﻠﻬﺎ ﺭﺩﻧﺎﻫﺎ ﺍﻛﺜﺮ ﻣﻦ ﻭﺍﺣﺪ ﻭﻣﺎﺍﻧﻄﺖ ﺍﻟﻮﺍﺣﺪ ﻣﺠﺎﻝ ﺗﺮﺍﻫﻨﻪ ﻋﻠﻴﻬﺎ ﻳﺎﻫﻮ ﺍﻟﻤﻨﻪ ﻳﺎﺧﺬ ﮔﻠﺒﻬﺎ ﻭﻳﻠﻴﻦ ﺭﺍﺳﻬﺎ ﺍﻟﺒﺎﻗﻴﻦ ﻳﺸﺘﺮﻭﻟﻪ ﺳﻴﺎﺭﻩ

.. ﻣﻦ ﺳﻤﻌﺘﻪ ﺣﺴﻴﺖ ﺭﻭﺣﻲ ﻓﺎﺭﺕ ﺿﺮﺑﺘﻪ ﻋﻠﻰ ﻭﺟﻬﻪ ﺑﻜﻞ ﻗﻮﺗﻲ

.. ﻟﻚ ﺳﺎﻓﻞ ﻭﻳﻦ ﺍﻧﺘﻮﻭ ﮔﺎﻋﺪﻳﻦ ﻭﻟﻚ ﻳﺎﺑﻴﻮﺕ ﺍﻟﺮﺑﺘﻜﻢ ﻭﻟﺪ ﺍﻟﺤﺮﺍﻡ ﺗﺘﺮﺍﻫﻨﻮﻥ ﻋﻠﻰ ﺍﻋﺮﺍﺽ ﺍﻟﻨﺎﺱ

.. ﻣﺴﺤﺖ ﺍﻟﺪﻡ ﻣﻦ ﻭﺟﻬﻲ ﺍﻧﻲ ﺧﻔﺖ ﻋﻠﻴﻬﺎ ﺍﻛﺜﺮ ﻭﺍﺣﺪ ﻟﻮ ﻭﺍﺣﺪ ﻣﻨﻬﻢ ﻏﻴﺮﻱ ﻳﺄﺫﻳﻬﺎ ﺑﺲ ﺣﺎﻭﻟﺖ ﺍﺣﻤﻴﻬﺎ ﻣﻨﻬﻢ ﻭﻫﻴﻪ ﻣﻨﻄﺖ ﻣﺠﺎﻝ ﻻ ﺍﻟﻲ ﻭﻻ ﺍﻟﻐﻴﺮﻱ ﺑﻘﺖ ﺑﻌﻴﺪﻩ ﻋﻨﻪ ﻭﻋﻦ ﺍﻛﺜﺮ ﺍﻟﺸﺒﺎﺏ ﻋﺠﺒﻨﻲ ﺍﻟﺮﻫﺎﻥ ﻭﻗﺮﺭﺕ ﺍﻧﻈﻢ ﻟﮕﺮﻭﺑﺎﺗﻬﻢ ﻭﺭﻩ ﻓﺘﺮﻩ ﻃﻮﻳﻠﻪ ﮔﺪﺭﺕ ﺍﻭﺻﻞ ﺍﻟﮕﻠﺒﻬﺎ ﺣﺎﻭﻟﺖ ﻭﻳﺎﻫﺎ ﻣﺎﺍﻧﻄﺘﻨﻲ ﻣﺠﺎﻝ

.. ﺍﻧﺘﻢ ﻣﺘﺮﺍﻫﻨﻴﻦ ﻋﻠﻴﻬﺎ ﺣﺘﻪ ﺗﺴﻠﻢ ﻛﻠﺒﻬﺎ ﻭﺳﻠﻤﺘﻪ ﺍﻟﻚ ﺑﻌﺪ ﻳﺎﻣﺠﺎﻝ ﺗﺮﻳﺪ

.. ﺗﺮﺍﻫﻨﻪ ﻣﻨﻮ ﻣﻨﻪ ﻳﺎﺧﺬﻫﺎ ﻭﺗﻜﻮﻥ ﺍﻟﻪ

.. ﻳﺎﺧﺬﻫﺎ ﺷﻠﻮﻥ ﻳﻌﻨﻲ ﻭﻟﻚ ﻧﺎﻗﺺ ﺗﺘﺮﺍﻫﻨﻮﻥ ﻣﺠﻤﻮﻋﻪ ﻋﻠﻰ ﻣﺮﻳﻪ ﻣﻨﻮ ﻣﻨﻜﻢ ﻳﺘﺰﻭﺟﻬﻪ ﺍﻧﺖ ﻋﻨﺪﻙ ﻏﻴﺮﻩ ﺍﻧﺖ

.. ﻫﻮﺍﻱ ﺑﻨﺎﺕ ﻳﺴﻠﻤﻦ ﻧﻔﺴﻬﻦ ﺑﺎﺭﺍﺩﺗﻬﻦ ﺍﺣﻨﻪ ﻣﺎﺑﻨﻴﺘﻨﻪ ﺯﻭﺍﺝ

.. ﺿﺮﺑﺘﻪ ﺑﻜﻞ ﻗﻮﺗﻲ ﻭﺧﻠﺼﻮﻭ ﻣﻨﻲ ﺭﺍﻓﻊ ﻭﻋﺒﺎﺱ ﻛﺎﻟﻮﻭ ﺧﻞ ﻧﻔﻬﻢ

ﺍﻧﻲ ﺑﻮﻛﺘﻬﺎ ﻛﻞ ﻓﻜﺮﺗﻲ ﺻﺎﺭﺕ ﻫﻴﻪ ﻏﻠﻄﺎﻧﻪ ﻭﻳﺎﻩ ﻭﻫﻮﻩ ﻣﻮﺍﻋﺪﻫﺎ ﺑﺰﻭﺍﺝ ﻣﺆﻗﺖ ﻳﺴﺘﺮ ﻋﻠﻴﻬﺎ ﻭﺑﺲ ﻭﻫﺬﺍ ﺍﻟﻲ ﺻﺎﺭ ﺍﺣﺲ ﺭﻭﺣﻲ ﻃﻠﻌﺖ ﻭﺍﻟﺪﻧﻴﺎ ﺿﺎﮔﺖ ﺑﻴﻪ

ﻃﮕﻪ ﺭﺍﻓﻊ ﻋﻠﻰ ﻭﺟﻬﻪ

ﮔﺘﻠﻪ ﻋﻮﻓﻪ ﺧﻞ ﺍﻓﺘﻬﻢ

ﺭﺟﻌﺖ ﺣﺎﺟﻴﺘﻪ ﻳﻌﻨﻲ ﻫﻴﻪ ﻣﺴﻠﻤﺘﻚ ﻧﻔﺴﻬﺎ ﻭﺍﻧﺖ ﺣﺒﻴﺖ ﺗﺴﺘﺮ ﻋﻠﻴﻬﺎ ﺑﺰﻭﺍﺟﻚ ﻟﻮ ﺷﻨﻲ ﺍﺣﭽﻲ ﻭﻓﻀﻨﻲ

ﻧﻔﺴﻲ ﺛﮕﻞ ﻭﻟﻴﺪ ﮔﻠﻲ ﺍﻫﺪﺃ ﻭﺍﺧﺬﻟﻚ ﺑﺨﺎﺥ ﻣﺎﻃﺎﻳﺮ ﻫﻮﻩ ﻳﻤﻨﻪ ﻭﻫﻴﻪ ﻳﻤﻨﻪ

ﺟﺎﻭﺏ ﻫﻮﻩ ﺑﻌﺪ ﻣﺎﺣﺎﻥ ﻣﺘﻮﺟﻊ ﻣﻦ ﻃﮕﺔ ﺭﺍﻓﻊ

.. ﻣﻮ ﻫﻴﺞ ﺍﻟﻠﻪ ﻳﺸﻬﺪ ﻣﺎﺍﻧﻄﺖ ﻧﻔﺴﻬﺎ ﺍﺑﺪ ﻭﺍﻧﻪ ﻫﺬﺍ ﺍﻟﺤﺒﻴﺘﻪ ﺑﻴﻬﺎ ﻭﺣﺎﻭﻟﺖ ﻭﻳﺎﻫﺎ ﺑﺎﻟﺨﻄﻮﺑﻪ ﻭﺣﺘﻪ ﻣﻦ ﺍﺣﻨﻪ ﻋﺎﻗﺪﻳﻦ ﺑﺲ ﻣﺎﺳﻠﻤﺖ ﺭﻭﺣﻬﺎ ﻫﺬﺍ ﺍﻟﺤﻼﻫﺎ ﺑﻌﻴﻨﻲ ﺑﺲ ﻣﻦ ﺗﺰﻭﺟﺘﻬﺎ ﺍﺻﻼ ﻣﺎﺟﻨﺖ ﻧﺎﻭﻱ ﺍﻃﻮﻝ ﻭﻳﺎﻫﺎ ﮔﻠﺖ ﺍﺗﺰﻭﺟﻬﺎ ﺳﻨﻪ ﺳﻨﺘﻴﻦ ﺑﺪﻭﻥ ﺍﻃﻔﺎﻝ ﻭﺍﺣﺘﻤﺎﻝ ﺍﻃﻠﮕﻬﺎ ﺍﻓﻜﺎﺭﻧﻪ ﺗﺨﺘﻠﻒ ﻣﺎﺍﻧﻜﺮ ﺑﻴﻬﺎ ﺷﻴﺠﺬﺑﻨﻲ ﻭﺧﻼﻧﻲ ﺍﺣﺎﻭﻝ ﺍﺣﺎﻓﻆ ﻋﻠﻴﻬﺎ ﻭﻋﺠﺒﺘﻨﻲ ﻓﻜﺮﺓ ﺍﻧﻲ ﻓﺰﺕ ﺑﺎﻟﺮﻫﻦ ﻛﺪﺍﻡ ﺟﻤﺎﻋﺘﻲ ﻭﺣﺒﻴﺖ ﺍﺗﻮﻧﺲ ﻓﺘﺮﻩ ﺑﺴﺒﺎﻟﺤﻼﻝ ﻣﺎﺿﺤﻜﺖ ﻋﻠﻴﻬﺎ ﻭﻻ ﻗﺸﻤﺮﺗﻬﺎ ﺭﺩﺗﻬﺎ ﺯﻭﺟﻪ ﻓﺘﺮﻩ ﻭﺍﻃﻠﮓ ﻭﺍﻟﻲ ﻋﺮﻓﺘﻪ ﻋﻨﻬﺎ ﺳﺎﻋﺪﻧﻲ ﺍﺳﻮﻱ ﺍﻟﻲ ﺍﺑﺎﻟﻲ ﻭﺣﺘﻪ ﻭﺍﻧﻲ ﺭﺍﻳﺪ ﺍﻃﻠﮓ ﮔﻠﺖ ﺍﺧﻠﻴﻠﻬﺎ ﺑﻴﺖ ﺑﺎﺳﻤﻬﺎ ﻭﺳﻴﺎﺭﻩ ﻣﺮﺍﺡ ﺍﺗﺮﻛﻬﺎ ﻫﻴﭻ

.. ﻭﺍﻟﻠﻪ ﻭﺑﻴﻚ ﺍﻟﺨﻴﺮ ﻛﻠﻚ ﻏﻴﺮﻩ ﻭﺷﻬﺎﻣﻪ ﺷﻤﻌﻨﻪ ﻫﻴﻪ ﻣﻦ ﺩﻭﻥ ﺍﻟﺒﻨﺎﺕ ﻫﻮﺍﻱ ﺍﻛﻮ ﺷﺮﻳﻔﺎﺕ

.. ﺻﺎﺭﺕ ﺑﻌﺪ

.. ﺟﻨﺖ ﻓﺎﻗﺪ ﺍﻋﺼﺎﺑﻲ ﻭﺣﺴﻴﺖ ﺷﻤﺎ ﺍﻃﮕﻪ ﻣﺎﺗﺒﺮﺩ ﻧﺎﺭﻱ ﻧﺴﻴﺖ ﺍﻧﻪ ﺷﺤﺎﺟﻲ ﻳﻢ ﺍﻟﻮﻟﺪ ﻭﺷﻨﻮ ﺷﺎﺭﺣﻠﻬﻢ ﻋﻦ ﻣﺮﺿﻬﺎ

ﺳﺄﻟﺘﻪ ﻳﻤﻬﻢ ﻭﺳﺎﻟﻔﺔ ﺍﺩﻣﺎﻧﻬﺎ ﻟﻴﺶ ﺗﻌﻠﻤﻬﺎ ﻋﻠﻰ ﺣﺒﻮﺏ ﻣﺨﺪﺭﻩ

.. ﻣﻮ ﻫﻴﺞ ﺍﻧﻲ ﻛﺘﻠﻬﺎ ﻛﻄﻌﻲ ﺍﻳﺎﻡ ﻭﺑﺲ ﺍﺫﺍ ﻣﺪﻣﻨﻪ ﻋﻠﻲ ﻣﻌﻨﺎﻫﺎ ﻫﻴﻪ ﻣﺴﺘﻤﺮﻩ ﻓﺘﺮﻩ ﻃﻮﻳﻠﻪ ﻋﻠﻴﻪ

.. ﺻﺤﺖ ﺑﺼﻮﺕ ﻋﺎﻟﻲ ﻭﻟﻴﺶ ﺍﻧﺖ ﺗﻨﻄﻴﻬﺎ ﻣﻦ ﺍﻻﺳﺎﺱ

.. ﻫﻴﻪ ﺟﺎﻧﺖ ﺗﺨﺎﻑ ﻣﻦ ﺍﻟﻤﺸﺎﻛﻞ ﻭﻣﺘﻮﺗﺮﻩ ﻋﻠﻰ ﻃﻮﻝ ﻛﻠﺖ ﺍﺛﻨﻴﻦ ﺗﻼﺛﻪ ﻳﺮﻳﺤﻨﻬﺎ ﻭﺑﺎﻟﻌﺮﺱ ﻫﻢ ﻛﺘﻠﻬﺎ ﺍﺧﺬﻱ ﺣﺘﻪ ﺗﻬﺪﺃ ﺑﺲ ﺣﺬﺭﺗﻬﺎ ﻣﺘﺎﺧﺬ ﻣﻨﻪ ﻛﻞ ﻭﻗﺖ

.. ﻭﻟﻚ ﺍﻧﺖ ﺣﺮﺍﻣﺎﺕ ﺗﺘﺴﻤﻪ ﺭﺟﺎﻝ ﻭﺣﺮﺍﻣﺎﺕ ﺗﻨﺤﺴﺐ ﻉ ﺍﻟﺰﻟﻢ ﺑﺲ ﮔﻠﻲ ﻋﻨﺪﻙ ﺧﻮﺍﺕ ﻣﺎﺧﻔﺖ ﻳﻮﻡ ﻳﺴﻮﻥ ﺍﻟﻲ ﺗﺴﻮﻭﻧﻪ ﺍﺑﻨﺎﺕ ﺍﻟﻌﺎﻟﻢ

ﮔﻠﻲ ﻫﺴﻪ ﺷﻠﻮﻥ ﺍﺗﻌﺎﻣﻞ ﻭﻳﺎﻙ

.. ﺍﻧﺖ ﺍﻧﻄﻴﺘﻨﻲ ﺍﻷﻣﺎﻥ

.. ﻭﻟﻚ ﻟﻮ ﺍﻛﺘﻠﻚ ﻣﺮﻩ ﻭﻣﺮﺗﻴﻦ ﻭﺗﺮﺟﻊ ﺗﻌﻴﺶ ﻭﺍﺭﺟﻊ ﺍﻛﺘﻠﻚ ﻣﺎﺗﺒﺮﺩ ﻧﺎﺭﻱ ﺗﺪﺭﻱ ﺷﻨﻲ ﺍﻟﻲ ﻳﻤﻨﻌﻨﻲ ﻣﻦ ﻛﺘﻠﻚ ﻣﻮ ﻭﻋﺪ ﺍﻟﻮﻋﺪ ﻭﻳﺎﻙ ﻣﺎﻟﻪ ﻗﻴﻤﻪ ﺍﻟﻲ ﻳﻤﻨﻌﻨﻲ ﻣﻦ ﻛﺘﻠﻚ ﺧﺎﻑ ﻳﺤﺴﺒﻮﻧﻚ ﺯﻟﻤﻪ ﻋﻠﻴﻪ ﻭﻫﻀﻴﻤﻪ ﺍﺗﺤﺎﺳﺐ ﻋﻠﻰ ﺩﻡ ﻧﺠﺲ ﻣﺜﻞ ﺩﻣﻚ

ﻫﺴﻪ ﻣﺎﺍﺭﻳﺪ ﺷﻲ ﺑﺲ ﺷﺎﺭﺑﻚ ﻫﺬﺍ ﺑﻴﺪﻱ ﺍﺯﻳﻨﻪ ﻭﺭﺍﺳﻚ ﺍﺩﮔﻪ ﺻﻔﺮ

ﻭﺍﻫﻠﻚ ﻣﺎﺗﺮﺟﻌﻠﻬﻢ ﻟﻤﻦ ﻳﺠﻮﻥ ﻭﻧﺘﻔﺎﻫﻢ ﻋﻠﻰ ﻛﻠﺸﻲ

ﺍﺷﺮﺕ ﺍﻟﺮﺍﻓﻊ ﻳﺠﻴﺒﻠﻲ ﻣﻜﻴﻨﻪ ﻭﺑﻴﺪﻱ ﺍﺯﻳﻦ ﺷﺎﺭﺑﻪ

ﺳﻮﻳﺖ ﺍﻻﺭﻳﺪﻩ ﻭﻃﻠﻌﺖ

ﺍﻟﺤﻤﺪﻻﻩ ﻫﻮﻩ ﻛﺎﻝ ﻣﺎﺳﻠﻤﺖ ﻧﻔﺴﻬﺎ

ﻳﻌﻨﻲ ﺍﺧﺬﻫﺎ ﻭﻫﻴﻪ ﺣﻼﻟﻪ

ﻭﺍﻟﻐﺒﻴﻪ ﺍﻟﻬﺴﻪ ﺑﺎﻟﻬﺎ ﻳﻤﻪ

ﻭﻳﻦ ﭼﺎﻧﺘﻠﻲ ﻫﺎﻱ ﺍﻟﺴﺎﻟﻔﻪ ﻭﺷﻨﻮ ﻣﻦ ﻏﻴﺮﻩ ﺍﻟﻲ ﺗﺨﻠﻲ ﺭﺟﺎﻝ ﻳﺘﺮﺍﻫﻦ ﻋﻠﻰ ﺑﻨﻴﻪ ﻭﺷﺮﻓﻬﺎ

ﺧﺎﺑﺮ ﺍﻫﻠﻪ ﻭﻃﻠﺐ ﻣﻨﻬﻢ ﻳﻠﺤﮕﻮﻧﻪ

🔹🔸🥇🔹🔸

ﻃﻠﻌﺖ ﺑﺮﻩ ﺍﺭﻳﺪ ﺍﺳﺘﻮﻋﺐ ﺍﻟﻔﻜﺮﻩ ﺯﻳﻦ ﻫﺎﻱ ﺍﻟﻲ ﻛﻞ ﺷﻮﻳﻪ ﻭﺗﺴﺄﻝ ﻋﻠﻴﻪ ﺍﮔﻠﻬﺎ ﺍﻧﺘﻲ ﺷﻨﻮ ﺟﻨﺘﻲ ﺑﺎﻟﻨﺴﺒﻪ ﺍﻟﻪ ﺍﺷﻮﻓﻬﺎ ﺍﻟﺘﺴﺠﻴﻞ ﺍﻟﻲ ﺳﺠﻠﺘﻪ ﺍﻟﻪ ﺣﺘﻪ ﻣﺎﻳﻨﻜﺮ ﻳﻢ ﺍﻫﻠﻪ ﻭﻋﻤﺎﻣﻪ .. ﺷﻠﻮﻥ ﺍﺗﺼﺮﻑ ﻭﻳﺎﻫﺎ ﻫﺎﻟﺒﻨﻴﻪ ﺗﻜﺴﺮ ﺧﺎﻃﺮﻱ

ﺍﺥ ﻳﺎﺭﺑﻲ ﺷﻠﻮﻥ ﺍﺗﺼﺮﻑ ﺍﺣﺲ ﺭﻭﺣﻲ ﻋﺎﺟﺰ

ﮔﻄﻊ ﺍﻓﻜﺎﺭﻱ ﺻﻮﺕ ﺭﺍﻓﻊ

.. ﺷﺮﺍﺡ ﺗﺴﻮﻱ

.. ﺣﺎﻳﺮ ﺑﺰﻣﺎﻧﻲ ﻭﺣﺎﻟﻲ ﻣﺜﻞ ﺣﺎﻝ ﺍﻟﻐﺮﻳﺐ ﺍﻟﻲ ﻣﻀﻴﻊ ﻃﺮﻳﻘﻪ ﺭﺍﻓﻊ ﺍﻭﻝ ﻣﺮﻩ ﺍﺣﺲ ﺭﻭﺣﻲ ﻋﺎﺟﺰ

.. ﻫﻮﻩ ﻧﺎﻗﺺ ﻭﻋﻼﺟﻪ ﺭﺻﺎﺻﻪ ﻭﺣﺪﻩ ﺑﺲ ﻋﻠﻰ ﮔﻮﻟﺘﻚ ﻫﻈﻴﻤﻪ ﻳﻨﺤﺴﺐ ﺯﻟﻤﻪ ﻋﻠﻴﻨﻪ

.. ﻣﻮ ﺣﻞ ﻫﺬﺍ ﻧﻔﻀﺢ ﺍﺭﻭﺍﺣﻨﻪ ﻫﻴﺞ ﮔﺪﺍﻡ ﺍﻟﻠﻪ ﻭﺧﻠﮕﻪ ﻫﻴﻪ ﻣﺮﺗﻪ ﺑﺲ ﺍﻧﻪ ﺣﺎﻳﺮ ﺑﻬﺬﻱ ﺷﻜﻠﻬﺎ

.. ﮔﻠﻬﺎ ﺍﻟﺼﺪﮒ

.. ﻣﺎﺍﻋﺮﻑ ﻭﺩﻱ ﺍﮔﻠﻬﺎ ﺣﺘﻪ ﻣﺎﻳﻀﻞ ﺑﺎﻟﻬﺎ ﻳﻤﻪ ﻭﻭﺩﻱ ﺍﺳﻜﺖ ﺍﺧﺎﻑ ﺗﺤﺎﻭﻝ ﺗﺮﺟﻌﻠﻪ ﻭﻳﺴﺘﻐﻠﻬﺎ ﺍﻧﻪ ﺑﻴﻦ ﻧﺎﺭﻳﻦ

.. ﻋﻠﻲ ﺃﻧﻪ ﺍﮔﻮﻝ ﺗﮕﻠﻬﺎ ﻭﺧﻞ ﺗﻨﺼﺪﻡ ﻓﺘﺮﻩ ﻭﻻ ﺗﻀﻞ ﺑﺄﻣﻞ

.. ﻫﺎﻟﻤﺮﻩ ﺍﺧﻠﻴﻬﺎ ﻋﻠﻰ ﺍﻟﻠﻪ ﻫﻮﻩ ﻳﻬﺪﻳﻨﻲ ﻟﻠﺼﺤﻴﺢ ﻣﺎﺍﺭﻳﺪ ﺍﻓﻜﺮ ﺑﺸﻲ ﺑﺲ ﻫﺬﺍ ﺍﻧﺘﺒﻬﻮﻟﻪ ﻻﻳﻔﻄﺲ ﺧﻠﻮ ﻋﺎﻳﺶ ﻟﻤﺎ ﻳﺠﻮﻥ ﺍﻫﻠﻪ ﻭﻧﺘﻔﺎﻫﻢ

.. ﺷﺮﺍﺡ ﺗﮕﻠﻬﻢ

.. ﺍﺧﻠﻲ ﺳﻮﺍﻟﻒ ﺍﺑﻨﻬﻢ ﮔﺪﺍﻣﻬﻢ ﻭﺣﮓ ﺍﻟﻠﻪ ﻳﺤﻜﻢ ﺑﻴﻨﺎﺗﻨﻪ

.. ﺗﺤﺸﻤﻬﻢ ﻳﻌﻨﻲ ﺗﺨﻠﻴﻬﻢ ﻳﻔﺼﻠﻮﻥ

.. ﻓﻠﻮﺳﻬﻢ ﻭﻣﺪﺍﺳﻚ ﺣﺸﺎﻙ ﺗﻌﺮﻓﻨﻲ ﻣﻮ ﻣﻦ ﻫﺬﺍ ﺍﻟﻨﻮﻉ ﻣﺎﺍﺧﺬ ﻣﻨﻬﻢ ﻓﻠﻮﺱ ﺑﺲ ﺍﻃﻠﻊ ﺣﻠﻴﺐ ﺍﻣﻬﺎﺗﻬﻢ ﻣﻦ ﺧﺸﻮﻣﻬﻢ ﻭﻋﻠﻰ ﺍﻟﺴﻮﺍﻩ ﺑﻴﻨﻪ ﮔﺪﺍﻣﻪ ﺍﻫﻴﻦ ﺍﻫﻠﻪ ﻭﻋﻤﺎﻣﻪ ﺑﺄﻓﻌﺎﻟﻪ ﻛﻠﺶ ﻛﺎﻓﻲ ﺍﻋﺘﺮﺍﻓﻪ ﻭﺷﻮﻓﺔ ﺍﺑﻨﻬﻢ ﺑﻬﺎﻟﺤﺎﻝ ﻳﺠﻮﻥ ﻳﻌﺘﺬﺭﻭﻥ ﻭﻳﺎﺧﺬﻭﻥ ﺯﺑﺎﻟﺘﻬﻢ ﻭﻳﻮﻟﻮﻥ ﺷﺮﻃﻲ ﻋﻠﻴﻬﻢ ﻳﻄﻠﮕﻮﻥ ﺑﺄﺳﺮﻉ ﻭﻛﺖ

ﺍﻧﻪ ﺍﺭﻭﺡ ﺍﺷﻮﻑ ﺑﺖ ﻋﻤﻚ ﺷﻠﻮﻥ ﺍﮔﻠﻬﺎ ﻭﺟﺪﻙ ﻣﺎﺍﺭﻳﺪﻩ ﻳﻌﺮﻑ ﺷﻲ ﻣﺎﻳﺘﺤﻤﻞ ﻳﺮﻭﺡ ﺑﻴﻬﺎ

ﻃﻠﻌﺖ ﻟﻠﺒﻴﺖ

.. ﺍﻟﺴﻼﻡ ﻋﻠﻴﻜﻢ

.. ﻫﻼ ﻳﻤﻪ ﻫﻼ ﺑﻴﻚ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ

.. ﺍﻟﻠﻪ ﻳﺴﻠﻤﭻ ﻳﻤﻪ .. ﺍﻣﻲ ﻭﺍﺑﻮﻱ ﺷﻠﻮﻧﻬﻢ

.. ﺍﻟﺤﻤﺪﻟﻠﻪ ﺯﻳﻨﻴﻦ ﺳﺄﻟﻮ ﻋﻠﻴﻚ ﻭﮔﺘﻠﻬﻢ ﺭﺍﺡ ﺑﺸﻐﻠﻪ

.. ﺍﻏﺴﻞ ﻭﺍﺭﺗﺎﺡ ﻭﺍﻣﺮ ﺍﺷﻮﻓﻬﻢ

ﺭﺣﺖ ﺍﺧﺬﺕ ﻣﻼﺑﺴﻲ ﻭﺭﺣﺖ ﺍﻏﺴﻞ ﻻﮔﺘﻨﻲ ﺍﻓﻴﺎﺀ

.. ﺷﻠﻮﻧﻚ ﻋﻠﻲ

.. ﻫﻼ ﺍﻟﺤﻤﺪﻟﻠﻪ

.. ﻋﻼﺀ ﺑﻌﺪﻩ ﻳﻤﻜﻢ

.. ﺍﻱ ﺍﻧﺘﻲ ﺗﺪﺭﻳﻦ ﻣﻮﻭ

.. ﻣﻤﺼﺪﮔﻪ ﻣﻌﻘﻮﻟﻪ

.. ﻭﺍﻟﻠﻪ ﻫﺬﺍ ﺍﻟﺼﺎﺭ

.. ﻫﺴﻪ ﻛﺘﻮﻟﻪ ﻳﻄﻠﮓ ﻭﻳﻔﺾ ﺍﻟﺴﺎﻟﻔﻪ

.. ﺍﻱ ﻳﻄﻠﮕﻬﺎ ﺑﺄﺳﺮﻉ ﻭﻛﺖ ﻫﺬﺍ ﺷﺮﻃﻨﻪ ﺑﺪﻭﻥ ﻣﺤﺎﻛﻢ ﻭﺟﺮﺟﺮﻩ

.. ﺍﻟﺤﻤﺪﻟﻠﻪ ﺍﻟﻠﻪ ﺧﻠﺼﻬﺎ ﻣﻨﻪ

.. ﺍﻟﺤﻤﺪﻟﻠﻪ .. ﺑﮕﻠﺒﻲ ﻛﻠﺖ ﺑﻌﺪﻳﺶ ﻫﻴﻪ ﺭﺍﺣﺖ ﻭﺍﻧﻪ ﺭﺣﺖ ﻟﻠﺤﻤﺎﻡ

ﻋﻠﻴﺎﺀ ..

ﺳﻤﻌﺖ ﺻﻮﺗﻪ ﺍﺟﻪ ﺍﺭﻳﺪ ﺍﻃﻠﻊ ﻣﻦ ﻏﺮﻓﺘﻲ ﺳﻤﻌﺖ ﺷﺤﭽﻪ ﻭﻱ ﺍﻓﻴﺎﺀ ﺍﺣﺲ ﻧﻔﺴﻲ ﻣﺜﻞ ﺍﻟﻮﺍﮔﻌﻪ ﻣﻦ ﺷﻲ ﻋﺎﻟﻲ ﻭﻻ ﺍﻧﻲ ﺍﻟﺴﻤﺎ ﻭﻻ ﺍﻧﻲ ﻟﻠﮕﺎﻉ

ﺍﺧﺘﻲ ﺗﻌﺮﻑ ﺑﻴﻬﻢ ﻣﺘﻔﻘﻴﻦ ﻋﻠﻴﻪ ﻭﺟﺎﺑﺮﻳﻨﻪ ﻳﻄﻠﮓ ﻭﻭﺍﮔﻔﻪ ﻭﻳﺎﻫﻢ ﻟﻴﺶ ﺷﻤﺴﻮﻳﻪ ﺍﻧﻲ ﺿﻠﻴﺖ ﺍﻟﻮﺏ ﻭﺩﻣﻮﻋﻲ ﺑﺪﺕ ﺗﻨﺰﻝ ﻭﻳﻦ ﺍﺭﻭﺡ ﻭﺷﻠﻮﻥ ﺍﺧﻠﺼﻪ ﻣﻨﻬﻢ ﻭﻧﺸﺮﺩ ﺍﻧﻲ ﻭﻳﺎﻩ ﺍﺣﺲ ﻛﻼﻡ ﺍﻣﻲ ﺻﺢ ﻋﻨﻬﻢ

ﺑﻀﻮﺟﺘﻲ ﻭﺍﻟﺼﺪﻣﻪ ﺍﻻﻧﻲ ﺑﻴﻬﺎ ﺍﻧﺪﻛﺖ ﺍﻟﺒﺎﺏ

ﺟﺎﻭﺑﺖ ﺑﺼﻮﺕ ﻣﺨﻨﻮﮒ

.. ﻣﻨﻮﻭ

🔹🔸🥇🔹🔸

ﺍﻧﻪ ﻋﻠﻲ

.. ﺷﮕﺪ ﻛﺎﺭﻫﺘﻪ ﺑﻠﺤﻈﺘﻬﻪ ﮔﺘﻠﻪ ﻓﻮﺕ

.. ﺷﻠﻮﻧﭻ ﻋﻠﻴﺎﺀ

.. ﻣﻮ ﺯﻳﻨﻪ

.. ﻟﻴﺶ ﺍﻟﻌﻼﺝ ﻣﺎﻣﺮﺗﺎﺣﻪ ﻋﻠﻲ

.. ﻋﻠﻲ

.. ﮔﻮﻟﻲ

.. ﺍﻧﺖ ﻟﻴﺶ ﻫﻴﭻ ﺗﺘﺼﺮﻑ

.. ﺷﻠﻮﻥ ﻳﻌﻨﻲ ﮔﻠﺘﻬﺎ ﻭﺭﻓﻌﺖ ﺣﺎﺟﺒﻲ

.. ﺍﻧﺖ ﻟﻴﺶ ﻣﺘﻠﻮﻭﻥ ﺗﺴﻮﻱ ﻧﻔﺴﻚ ﻣﻬﺘﻢ ﺍﻟﻲ ﻭﺍﻧﺖ ﺟﺎﻱ ﺍﺩﻣﺮﻧﻲ

.. ﺍﻧﻪ ؟

.. ﺍﻱ ﺍﻧﺖ ﺍﻧﺖ ﺷﺘﺮﻳﺪ ﻣﻨﻲ ﺑﺎﻟﻀﺒﻂ ﺍﺧﺎﻑ ﻋﺒﺎﻟﻚ ﻧﻬﻴﺘﻮ ﻋﻠﻴﻪ ﻭﺗﺮﻳﺪ ﺗﺘﺰﻭﺟﻨﻲ ﺍﻧﺖ ﻟﻮ ﻏﻴﺮﻙ ﻉ ﺍﺑﻮ ﺍﺑﻦ ﻋﻤﻲ ﺍﻧﻲ ﻣﻮ ﻣﻠﻚ ﻻ ﺍﻟﻚ ﻭﻻ ﺍﻷﻱ ﺑﺸﺮ ﺍﻧﻲ ﻣﺒﻚ ﻧﻔﺴﻲ ﻭﺯﻭﺟﻲ ﺭﺍﻳﺪﺗﻪ ﻭﻣﺎﺍﻗﺒﻞ ﺑﻴﻚ ﺧﺎﻑ ﻣﺨﻠﻲ ﺑﺎﻟﻚ ﺍﻃﻠﮓ ﻭﺗﺘﺰﻭﺟﻨﻲ

.. ﺷﻬﺎﻟﺜﻘﻪ ﺍﻟﻌﻨﺪﺝ ﻋﺎﺩ ﺍﺗﺰﻭﺟﺞ ﻣﺮﻩ ﻭﺣﺪﻩ .. ﺍﻧﻪ ﺍﺻﻼ ﻣﺎﻣﻔﻜﺮ ﺑﺰﻭﺍﺝ ﻻﺑﻴﭻ ﻭﻻ ﺑﻐﻴﺮﭺ .. ﺷﻨﻬﻲ ﺍﻟﻴﺨﻠﻴﺞ ﺗﻔﻜﺮﻳﻦ ﺍﻧﻪ ﺭﺍﻳﺪﺝ ﺍﻧﺘﻲ ﻭﺍﻋﻴﻪ ﺷﺘﺤﭽﻴﻦ

.. ﺗﺼﺮﻓﺎﺗﻚ ﻭﺍﻓﻌﺎﻟﻚ ﻫﻴﭻ ﺗﮕﻮﻝ

.. ﻳﻌﻨﻲ ﭼﻲ ﺍﻫﺘﻤﻴﺖ ﺑﻴﭻ ﻭﺣﺎﻭﻟﺖ ﺍﺳﺎﻋﺪﭺ ﺷﻨﻮ ﺍﻫﺘﻤﺎﻣﻲ ﺑﻴﭻ ﻏﻴﺮ ﺍﺩﻣﺎﻧﺞ ﻭﺣﺎﻟﺘﺞ ﺍﻟﻲ ﻻﺯﻡ ﺗﺘﻌﺎﻟﺠﻴﻦ ﻣﻨﻬﺎ ﺣﺘﻪ ﻻﻧﻨﻔﻀﺢ .. ﺍﺫﺍ ﺳﺎﻋﺪﺗﺞ ﻣﻮ ﺍﻟﺨﺎﻃﺮﺝ ﻭﺑﺲ ﻻ ﺳﻤﻌﺘﻨﻪ ﻛﻠﻬﺎ ﻣﺮﺗﺒﻄﻪ ﺑﻴﺞ ﻭﺍﻧﺘﻲ ﻣﺎﻗﺼﺮﺗﻲ

.. ﻋﻠﻪ ﺻﻮﺗﻲ ﺍﻧﻲ ﻣﻤﺴﻮﻳﻪ ﺷﻲ ﻳﻀﺮ ﺑﻴﻚ ﻭﺑﺎﻫﻠﻚ ﺍﻧﻲ ﺳﻤﻌﺘﻲ ﻛﻠﺶ ﺯﻳﻨﻪ ﻭﺍﻟﺤﻤﺪﻟﻠﻪ ﻟﻴﺶ ﺗﺤﺴﺴﻨﻲ ﺍﻧﻲ ﻭﺣﺪﻩ ﻣﻮ ﺷﺮﻳﻔﻪ

.. ﺍﻟﺴﺎﻧﭻ ﻻﻃﻮﻟﻴﻨﻪ ﻻﻳﻨﮕﺺ ﻭﺻﻮﺗﺞ ﻫﺬﺍ ﻣﺮﻩ ﺛﺎﻧﻴﻪ ﺍﺫﺍ ﻋﻠﻪ ﺭﺍﺡ ﺍﺧﺮﺳﭻ ﻭﺍﻧﻪ ﻟﻮ ﺷﺎﻳﻔﭻ ﻣﻮ ﺷﺮﻳﻔﻪ ﺻﺪﮒ ﭼﺎﻥ ﻣﺎﺍﻫﺘﻤﻴﺖ ﺍﻟﭻ ﻭﺗﺨﻠﺼﺖ ﻣﻨﭻ ﻭﺍﺻﻼ ﺍﻧﺘﻲ ﻣﺎﺗﻌﻨﻴﻠﻲ ﺷﻲ ﺷﻮﻓﻲ ﺍﮔﻠﭻ ﺍﻧﺘﻲ ﺷﻨﻬﻲ ﺑﺎﻟﻨﺴﺒﻪ ﺍﻟﻲ ﺍﻧﺘﻲ ﺑﻨﺖ ﻭﺣﺪﻩ ﺷﺎﺭﻛﺖ ﺑﻘﺘﻞ ﻭﺍﻟﺪﻱ ﻭﺍﻋﺪﺍﻣﻪ ﻭﺑﻨﺖ ﻭﺍﺣﺪ ﻧﺎﻛﺮ ﺍﻟﺪﻡ ﺍﺧﻮﻭ ﻭﺍﺗﺒﻊ ﺷﻬﻮﺍﺗﻪ ﻭﺗﻘﺸﻤﺮ ﺑﺤﺐ ﻭﻓﻀﻞ ﺣﺒﻪ ﻋﻠﻰ ﺍﺧﻮﻭ ﻭﺍﺑﻦ ﺍﺧﻮﻭ ﻭﻋﺎﺋﻠﺘﻪ ﻋﺮﻓﺘﻲ ﺍﻣﺘﻲ ﺷﻨﻬﻲ ﺑﺎﻟﻨﺴﺒﻪ ﺍﻟﻲ ﺍﻧﺘﻲ ﺑﻨﺖ ﻧﺎﺱ ﺍﺧﺮ ﻣﻦ ﻳﻬﻤﻮﻧﻲ ﻫﻮﻩ ﻭﺍﺫﺍ ﺍﻛﻮ ﺷﺨﺺ ﺍﻛﺮﻫﺎ ﺑﺎﻟﺪﻧﻴﺎ ﺑﻌﺪ ﺍﻧﻲ ﻫﻤﻪ ﺍﻫﻠﭻ ﻓﺨﻠﻲ ﺍﺑﺎﻟﭻ ﻣﻮﻭ ﺍﻧﺘﻲ ﺍﻟﻲ ﺍﺗﺰﻭﺟﻬﺎ ﻭﻻ ﺍﻧﺘﻲ ﺍﻟﻲ ﺗﻬﻤﻴﻨﻲ ﻭﻻ ﺍﻧﻪ ﻧﺎﻫﻲ ﻋﻠﻴﺞ ﻭﻻ ﻧﻬﻮﻩ ﺗﻤﺸﻲ ﻋﻨﺪﻱ ﻟﻮ ﻣﺎ ﻫﺬﺍ ﺍﻟﺴﮕﻂ ﺍﻟﻲ ﺣﺒﻴﺘﻲ ﻫﻮﻩ ﻋﺎﻓﭻ ﺟﺎﻥ ﺍﻧﻪ ﺭﺟﻌﺘﺞ ﺍﻟﻪ

.. ﻣﻦ ﺣﺎﺟﻴﺘﻪ ﻭﺭﺩ ﻋﻠﻴﻪ ﺣﺴﻴﺖ ﻋﻴﻮﻧﻪ ﺻﺎﺭﻥ ﺩﻡ ﻭﺍﻋﺼﺎﺏ ﻭﺟﻬﻪ ﺑﺎﻧﻦ ﻳﻤﻜﻦ ﻟﻮ ﻳﻠﺰﻣﻨﻲ ﻳﻤﻮﺗﻨﻲ ﺟﻮﻩ ﺍﻳﺪﻩ ﻣﺎﺍﻧﻜﺮ ﺍﻧﻲ ﺧﻔﺖ ﻣﻦ ﺣﺎﺟﺎﻧﻲ ﺑﺲ ﺣﭽﻴﻪ ﺻﺪﻣﻨﻲ

.. ﺍﻣﻲ ﺷﻨﻮﻭ ﺍﻣﻲ ﺷﻌﻠﻴﻬﺎ ﺍﻣﻲ ﻣﺎﺗﻜﺘﻞ ﺟﺬﺍﺑﻴﻦ

.. ﺟﺬﺍﺑﻴﻦ ﻭﻧﺨﺪﻋﭻ ﻭﻣﻤﺼﺪﮔﻪ ﺑﻴﻨﻪ ﻳﻄﺒﭻ ﻃﻮﻭﺏ ﻛﺎﻓﻲ ﺗﺮﻩ ﻃﻮﺧﺘﻴﻬﺎ ﻭﺍﻧﻪ ﻣﺎﺍﺩﺭﻱ ﻟﻴﺶ ﻣﻄﻮﻝ ﺧﻠﮓ ﻭﻳﺎﺝ ﺍﻧﺘﻲ ﺷﻨﻮ ﻭﻣﻨﻮﻭ ﻭﮔﺎﻋﺪ ﺍﺳﻮﻟﻒ ﻭﻳﺎﭺ

ﺍﻧﺘﻲ ﻭﺣﺪﻩ ﻏﺒﻴﻴﻴﻪ ﺗﻌﺮﻓﻴﻦ ﺷﻨﻮﻭ ﻏﺒﻴﻪ

ﻏﺒﻴﻪ ﻣﺎﺗﻌﺮﻓﻴﻦ ﻳﺎﻫﻮ ﺍﻷﻟﺞ ﻭﺍﻟﻌﻠﻴﭻ

ﺷﻮﻓﻲ ﺍﺟﻴﺘﭻ ﻭﺣﺎﻳﺮ ﺷﻠﻮﻥ ﺍﻓﺘﺢ ﻭﻳﺎﺝ ﺍﻟﻤﻮﺿﻮﻉ ﺑﺲ ﺍﻧﺘﻲ ﺳﻬﻠﺘﻴﻬﺎ ﺗﻌﺮﻓﻴﻦ ﻟﻴﺶ ﻷﻥ ﻣﺎﺗﺴﺘﺎﻫﻠﻴﻦ ﺍﺩﺍﺭﻱ ﻣﺸﺎﻋﺮﺝ

ﺗﻌﺮﻓﻴﻦ ﺑﺮﺟﻠﺞ ﺍﻟﺤﻮﻙ ﺍﻟﻴﻮﻡ ﺟﺒﻨﺎﻩ ﻣﻦ ﺑﻐﺪﺍﺩ ﻭﻫﺴﻪ ﻫﻮﻩ ﻫﻨﺎ

ﺗﻌﺮﻓﻴﻦ ﺷﮕﺎﻝ ﻋﻨﭻ ﻟﻮ ﻫﻢ ﺍﻃﻠﻊ ﺟﺬﺍﺏ .. ﻟﺰﻣﺖ ﺗﻠﻴﻔﻮﻧﻲ ﻭﺧﺎﺑﺮﺕ ﻋﺒﺎﺱ

.. ﺍﻟﻮﻭ ﻭﻳﻨﻚ ﺟﻴﺒﻠﻲ ﺍﻟﻜﺎﻣﺮﻩ ﻭﺍﻟﺘﺼﻮﻳﺮ

.. ﻭﻳﻦ ﺍﻧﺖ

.. ﺍﺑﻴﺘﻲ ﺑﺴﺮﻋﻪ ﺗﻌﺎﻝ ﺟﻴﺒﻪ ﻭﺍﺭﺟﻊ ﻳﻢ ﺍﻟﺸﻔﻴﻪ

🔹🔸🥇🔹🔸

ﻛﻤﻠﺖ ﺣﭽﻲ ﻭﻳﺎﻫﺎ

ﺍﮔﻠﭻ ﺷﮕﺎﻝ ﻋﻨﭻ ﻭﺷﻨﻮ ﻧﻴﺘﻪ ﻭﻳﺎﭺ ﻟﻮ ﺍﻧﻪ ﺟﺬﺍﺏ ﻭﻋﻨﺪﻱ ﻧﻴﻪ ﺍﺧﺬﺝ ﻭﺍﻧﻬﻪ ﻋﻠﻴﭻ ﻣﻮ ﻣﺎﻛﻮ ﻧﺴﻮﺍﻥ ﺧﻠﺼﻦ ﻭﺍﺣﻂ ﻋﻴﻨﻲ ﻋﻠﻰ ﻭﺣﺪﻩ ﻣﺘﺰﻭﺟﻪ ﻭﺍﻃﻠﻜﻬﺎ ﻣﻦ ﺭﺟﻠﻬﺎ ﺟﻲ ﺍﻧﻪ ﺭﺍﻳﺪﻫﺎ

ﺷﮕﺎﻟﻮﻟﭻ ﺍﻧﻪ ﺧﺎﻟﭻ ﻣﺎﻫﺮ

ﻭﻟﭻ ﺑﺎﻟﻘﺮﺀﺍﻥ ﻣﺎﺍﻋﺮﻑ ﺷﻨﻬﻲ ﺍﻟﻤﺼﺒﺮﻧﻲ ﻋﻠﻴﭻ ﺑﻌﺪ ﺳﻮﺍﻳﺎﺗﭻ ﻛﻠﻬﺎ ﺻﻼﻓﺔ ﻋﻴﻨﭻ ﻭﺣﺪﻩ ﻏﻴﺮﭺ ﺍﻃﺮﻫﺎ ﻃﺮ ﻭﺍﻧﻌﻞ ﺍﻫﻠﻬﺎ ﻭﺳﺎﺳﻬﺎ

.. ﻻﺗﺤﭽﻲ ﻋﻠﻰ ﺍﻫﻠﻲ

.. ﺍﺣﺘﺮﮔﻮﻭ ﺍﻫﻠﭻ ﻭﺍﻫﻠﻲ ﻭﺍﻟﺴﺎﻋﻪ ﺍﻟﺼﺮﺕ ﺑﻴﻬﺎ ﻣﻨﻜﻢ ﻭﺍﻧﺘﻢ ﻣﻨﻲ ﻭﻟﺞ ﺍﻧﻪ ﺍﻟﻠﻴﻞ ﻣﺎﻧﺎﻳﻤﻪ ﻭﺍﻟﻴﻮﻡ ﻋﻠﻰ ﻭﻛﻔﻪ ﻭﺣﺪﻩ ﻭﺣﺎﻳﺮ ﺑﻴﭻ ﻭﺑﻤﺼﻴﺒﺘﺞ

.. ﻋﻼﺀ ﻭﻳﻦ

.. ﺍﻧﺘﻲ ﺗﺴﻜﺘﻴﻦ ﻟﻮ ﺗﺨﻠﻴﻨﻲ ﺍﺭﺗﻜﺐ ﺟﺮﻳﻤﻪ ﺑﻴﺞ ﻫﺴﻪ ﺳﻜﺘﻲ ﻭﺗﺎﻧﻲ ﺭﺯﻗﺞ

.. ﺳﻜﺘﺖ ﻷﻥ ﺧﻔﺖ ﻣﻨﻪ ﺑﺲ ﻛﻞ ﺍﻟﺤﺠﻴﺘﻪ ﻷﻥ ﺳﻤﻌﺘﻪ ﻳﺤﺠﻲ ﻭﻱ ﺍﻓﻴﺎﺀ ﺗﺼﻮﺭﺗﻪ ﻳﺮﻳﺪ ﻳﻄﻠﮕﻨﻲ ﻣﺘﻌﻤﺪ ﻣﺎﺍﺩﺭﻱ ﺑﻌﻼﺀ ﺷﺤﺎﺟﻴﻠﻬﻢ

ﺍﺟﺎﻩ ﺗﻠﻴﻔﻮﻥ ﻭﺍﺟﺖ ﺯﻳﻨﺐ ﺩﮔﺖ ﺍﻟﺒﺎﺏ ﻭﺍﻧﻄﺘﻪ ﺍﻟﻜﺎﻣﺮﻩ ﻭﻃﻠﻌﺖ ﺑﺲ ﭼﺎﻧﻮ ﺍﻟﻜﻞ ﺑﺎﻟﺼﺎﻟﻪ ﻳﺴﻤﻌﻮﻧﻪ ﺷﻴﺤﺠﻲ ﻭﺻﻮﺗﻪ ﻋﺎﻟﻲ ﺑﺲ ﻣﺤﺪ ﺍﺗﺠﺮﺃ ﻭﻓﺘﺢ ﺍﻟﺒﺎﺏ ﻟﻮ ﺣﺎﺟﺎﻩ

ﺑﻘﻴﺖ ﺍﻧﻲ ﻣﻴﺔ ﻓﻜﺮﻩ ﺍﺑﺎﻟﻲ ﺷﻨﻮ ﺍﻟﻲ ﻳﺨﻠﻲ ﻋﻼﺀ ﻳﻌﻮﻓﻨﻲ ﻳﻌﻨﻲ ﻣﻌﻘﻮﻟﻪ ﺯﻳﻦ ﺍﺻﺪﻛﻪ ﻟﻮ ﺍﺻﺪﻙ ﺍﻟﺴﻤﻌﺘﻪ

ﻓﺘﺢ ﺍﻟﻜﺎﻣﺮﻩ ﺟﺎﻧﺖ ﻭﺷﻮﻓﻨﻲ ﺍﻟﺘﺼﻮﻳﺮ ﺧﻼﻫﺎ ﺑﻴﺪﻱ ﻭﮔﺎﻝ ﺍﺳﻤﻌﻲ

ﺑﻴﺎﺗﻲ ﻣﻤﺘﻮﻗﻌﻪ ﺍﻟﻲ ﺳﻤﻌﺘﻪ ﺍﺻﻼ ﻣﺼﺎﻳﺮﻩ ﺑﺲ ﺑﺎﻷﻓﻼﻡ ﻭﺍﻟﻤﺴﻠﺴﻼﺕ ﻳﻌﻨﻲ ﺻﺪﻙ ﺍﻛﻮ ﻫﻴﭻ

ﺑﺪﻳﺖ ﺍﺑﺠﻲ ﻭﺧﻨﮕﺖ ﻋﺒﺮﺗﻲ ﻭﺑﻌﺪﻫﺎ ﻋﻠﻪ ﺻﻮﺗﻲ ﻭﻋﻠﻪ ﺍﻛﺜﺮ ﻭﺍﻛﺜﺮ ﺍﻟﺤﺪ ﻣﺮﺣﻠﻪ ﻓﻘﺪﺕ ﺑﻴﻬﺎ ﻣﻦ ﮔﺎﻝ ﻧﺎﻭﻱ ﺍﻃﻠﻜﻬﺎ ﻭﺍﻧﻄﻴﻬﺎ ﺑﻴﺖ ﻭﺭﺩﺕ ﺍﺗﻮﻧﺲ ﺑﺎﻟﺤﻼﻝ ﺑﺪﻳﺖ ﺍﺻﺮﺥ ﻭﺿﺮﺏ ﺑﻨﻔﺴﻲ

ﻭﺟﺴﻴﺖ ﺑﺮﻭﺣﻲ ﺧﺴﺮﺗﻪ ﻭﺧﺴﺮﺕ ﻋﻠﻲ ﻭﺧﺴﺮﺕ ﺍﻟﻜﻞ

ﻋﺎﻓﻨﻲ ﻫﻮﻩ ﻭﻃﻠﻊ

ﻭﺑﻌﺪﻫﺎ ﻣﺎﻋﺮﻓﺖ ﺍﻧﻲ ﻭﻳﻦ ﻭﺷﻨﻮ ﺍﻟﺼﺎﺭ ﺑﻴﻪ

ﻋﻠﻲ ..

ﺟﻨﺖ ﺟﺎﻱ ﻭﺍﻧﻲ ﺍﺭﻳﺪ ﺍﺗﺼﻨﻊ ﺍﻟﺒﺮﻭﺩ ﻳﻤﻬﺎ ﺑﺲ ﺣﭽﻴﻬﺎ ﺧﻼﻧﻲ ﺍﻓﻘﺪ ﺍﻓﻘﺪ ﻭﻣﺎﺍﻋﺮﻑ ﺷﺤﭽﻲ ﻛﻮﻩ ﻟﺰﻣﺖ ﺍﻳﺪﻱ ﻋﻨﻬﺎ

ﻣﻦ ﺷﻔﺘﻬﺎ ﺗﻬﺴﺘﺮﺕ ﻃﻠﻌﺖ ﻋﻨﻬﺎ ﻣﻮ ﻃﺎﻳﻘﻬﺎ ﻭﻻﻃﺎﻳﻖ ﺍﺷﻮﻓﻬﺎ ﻃﻠﻌﺖ ﺑﺮﻩ ﺍﺧﺬﺗﻠﻲ ﺟﮕﺎﺭﻩ ﻭﺳﺎﻋﺎﺕ ﺍﮔﻮﻝ ﺍﻧﻪ ﻟﻴﺶ ﻣﻬﺘﻢ ﻳﻄﺒﻬﺎ ﻃﻮﺏ ﻋﻤﺎﻣﻬﺎ ﺑﺎﻟﻮﺟﻮﺩ ﻭﻭﻟﺪ ﻋﻤﻬﺎ ﻫﻮﺍﻱ ﺧﻠﻲ ﺗﺮﻭﺡ ﻣﻦ ﺑﻴﺘﻲ ﻭﺗﻌﻴﺶ ﻭﻳﺎﻫﻢ ﻭﻫﻤﻪ ﻳﺘﻜﻔﻠﻮﻥ ﺑﻴﻬﺎ ﻭﺳﺎﻋﺎﺕ ﺍﻛﻮﻝ ﻻ ﺍﻧﻲ ﺍﻭﻟﻰ ﻷﻥ ﻋﺮﻓﺖ ﺣﺎﻟﺘﻬﺎ

ﭼﻨﺖ ﺍﺩﺧﻦ ﻭﺍﻫﺰ ﺑﺮﺟﻠﻲ ﺣﻴﻞ ﺷﻮﻳﻪ ﻭﺳﻤﻌﺖ ﺻﻴﺎﺡ ﻭﻫﻮﺳﻪ ﺑﺪﺍﺧﻞ ﺑﻴﺘﻨﻪ

ﻓﺘﺖ ﺟﻮﻩ ﮔﺎﻟﺖ ﺍﻣﻲ ﺍﻟﺤﻚ ﺑﻨﺖ ﻋﻤﻚ ﻣﺪﺭﻱ ﺷﺒﻴﻬﺎ

ﺩﺧﻠﺖ ﺷﻔﺘﻬﺎ ﻣﺘﺸﻨﺠﻪ ﻭﻋﻴﻮﻧﻬﺎ ﻣﮕﻠﻮﺑﻪ ﻭﺗﻬﺘﺰ ﺑﻘﻮﻩ

ﻭﺣﻠﮕﻬﺎ ﻛﻠﻪ ﺩﻡ

ﻧﺴﻴﺖ ﻛﻠﺸﻲ ﻭﺧﻠﻴﺖ ﺟﻤﺎﻏﻲ ﺑﻴﻦ ﺍﺳﻨﺎﻧﻬﺎ ﻭﺍﻟﺴﺎﻧﻬﺎ

ﺭﻓﻌﺖ ﺭﺍﺳﻬﺎ ﻭﺷﻠﺘﻬﺎ ﻟﻠﺴﻴﺎﺭﻩ

ﺍﻟﻨﺪﻡ ﺍﻛﻠﻨﻲ ﺍﻟﻄﺮﻳﻖ ﻛﻠﻪ ﺣﺴﻴﺖ ﺍﻧﻲ ﺍﻟﻤﺴﺆﻭﻝ ﻋﻦ ﺍﻟﻲ ﺻﺎﺭﻟﻬﺎ ﺍﻧﻲ ﺷﺒﻴﻪ ﺍﻧﻬﺪﻳﺖ ﺑﻴﻬﺎ ﺑﺲ ﻫﻴﻪ ﺟﺒﺮﺗﻨﻲ

ﺩﺧﻠﻨﺎﻫﺎ ﻃﻮﺍﺭﺉ ﻭﺍﻟﻄﺒﻴﺐ ﮔﺎﻝ ﻧﻮﺑﺔ ﺻﺮﻉ

ﺯﻳﻦ ﻫﻴﻪ ﻋﺪﻫﺎ ﻗﺒﻞ ﻟﻮ ﻫﺬﻱ ﺍﻭﻝ ﻣﺮﻩ ﺍﺗﺼﻠﺖ ﺑﺎﻓﻴﺎﺀ ﻭﮔﺎﻟﺖ ﻫﺬﻱ ﺍﻭﻝ ﻣﺮﻩ ﻛﻠﺸﻲ ﻣﺎﺑﻴﻬﺎ

ﺍﺣﺲ ﻫﻤﻮﻣﻲ ﺯﺍﺩﺕ ﻭﺍﻟﺪﻧﻴﺎ ﻣﺘﻘﺼﺪﺗﻨﻲ ﻟﻴﺶ ﺷﻜﻮ ﺷﻲ ﻣﻮ ﺯﻳﻦ ﻣﺮﺗﺒﻂ ﺑﻴﻪ ﻟﻴﺶ ﺍﺑﻜﻲ ﻧﻔﺴﻲ ﺑﺪﻭﺍﻣﻪ ﺗﺨﻠﺺ ﻭﺣﺪﻩ ﺗﺬﺑﻨﻲ ﺑﻮﺣﺪﻩ

ﺑﻌﺪ ﻓﺤﻮﺻﺎﺕ ﻫﻮﺍﻱ ﺍﻟﻄﺒﻴﺐ ﮔﺎﻝ ﺻﺪﻣﻪ ﻭﺣﺎﻟﻪ ﻧﻔﺴﻴﻪ ﻣﺴﺒﺒﺘﻠﻬﺎ ﻧﻮﺑﺔ ﺻﺮﻉ ﺍﺣﺘﻤﺎﻝ ﺗﺘﻌﺎﻟﺞ ﻣﻨﻬﺎ ﻭﺍﺣﺘﻤﺎﻝ ﺗﺒﻘﻪ ﻣﻼﺯﻣﺘﻬﺎ

ﺑﻴﻮﻣﻬﺎ ﻧﺎﻣﺖ ﻣﺴﺘﺸﻔﻰ ﻭﺑﻘﻴﺖ ﺍﻧﻪ ﻭﻳﺎﻫﺎ ﻭﺍﻣﻲ ﻫﻢ

ﺍﺣﺲ ﺟﺴﻤﻲ ﻣﺘﻜﺴﺮ ﻭﺭﺍﺳﻲ ﻳﺮﻳﺪ ﻳﻨﻔﺠﺮ

ﺻﺎﺭ ﻟﻴﻠﺘﻴﻦ ﻣﺎﺷﺎﻳﻒ ﺍﻟﻨﻮﻡ

ﻭﻳﻦ ﺗﺎﻟﻴﻬﺎ ﻭﺷﻠﻮﻥ ﺗﺼﻔﻪ

🔹🔸🥇🔹🔸

ﻋﻠﻴﺎﺀ ..

ﺑﻌﺪ ﻓﺘﺮﻩ ﮔﻌﺪﺕ ﺷﻔﺖ ﻧﻔﺴﻲ ﺑﺎﻟﻤﺴﺘﺸﻔﻰ ﻭﺭﺍﺳﻲ ﻭﺟﺴﻤﻲ ﻛﻠﻪ ﻳﻮﺟﻌﻨﻲ ﺍﺭﻳﺪ ﺍﺣﭽﻲ ﻣﺎﺍﮔﺪﺭ ﺑﺲ ﺩﻣﻮﻋﻲ ﺗﺼﺐ ﺑﺎﻭﻋﺖ ﺑﻌﻴﻨﻲ ﻋﻤﺘﻲ ﻳﻤﻲ

ﻭﻋﻠﻲ ﺑﺲ ﮔﺎﻋﺪ ﺑﻌﻴﺪ ﻭﺣﺘﻪ ﻣﻦ ﺷﺎﻓﻨﻲ ﮔﻌﺪﺕ ﻣﺎﺣﺎﭼﺎﻧﻲ ﻭﻻ ﻛﻠﻤﻪ ﺑﻘﻴﺖ ﻋﻠﻰ ﻭﺿﻌﻲ ﺍﺟﻪ ﺍﻟﻄﺒﻴﺐ ﻳﺴﺄﻝ ﺟﻨﺖ ﺍﺟﺎﻭﺏ ﺑﺎﻻﺷﺎﺭﻩ ﻭﺑﺲ

ﺍﻛﻮ ﺷﻲ ﻳﻮﺳﻮﺳﻠﻲ ﺍﻧﻪ ﻻﺯﻡ ﻣﺎﺍﻋﻴﺶ ﻭﺍﻣﻮﺕ ﺍﻓﻀﻞ ﺣﻞ ﺍﻟﻲ ﻭﺍﻟﻬﻢ

ﺍﻓﻜﺎﺭ ﺑﺪﺕ ﺗﺪﻭﺭ ﺑﺮﺍﺳﻲ ﻭﺩﻱ ﺍﻛﺘﻞ ﻋﻼﺀ ﻭﺑﻌﺪﻫﺎ ﺍﻛﺘﻞ ﻧﻔﺴﻲ ﺍﻱ ﻫﻴﺞ ﺍﺣﺴﻦ ﺟﻨﺖ ﺍﺭﻳﺪ ﺍﮔﻮﻡ ﺑﺲ ﺣﺘﻪ ﺍﻧﺘﻘﻢ

ﺑﺲ ﺍﻟﺨﻮﻑ ﺑﻌﺪﻩ ﻣﻼﺯﻣﻨﻲ ﻭﺍﻟﻘﻠﻖ ﻧﻔﺴﻪ

ﻣﻨﻐﻴﺮ ﺣﭽﻲ ﻋﻠﻲ ﻋﻦ ﺍﻣﻲ ﺍﻟﻲ ﺧﺮﺑﻄﻠﻲ ﺩﻣﺎﻏﻲ ﺍﺣﺲ ﺭﺍﺳﻲ ﺑﻲ ﻭﺷﻪ ﻣﻦ ﻛﺜﺮ ﺍﻷﻓﻜﺎﺭ

ﻋﻤﺘﻲ ﺟﺎﻧﺖ ﺗﻘﺮﻩ ﻋﻠﻴﻪ ﻭﺗﺤﺎﭼﻴﻨﻲ ﻭﺍﻧﻲ ﺑﺲ ﻋﻴﻮﻧﻲ ﺗﺪﻭﺭ ﻣﺎﺍﻛﺪﺭ ﺍﺣﭽﻲ

ﻋﻤﺘﻲ ﺗﮕﻠﻲ

.. ﻋﻤﻪ ﻋﻠﻴﺎﺀ ﺍﺳﻢ ﺍﻟﻠﻪ ﻋﻠﻴﺞ ﻛﻮﻣﻲ ﻳﻤﻪ ﺍﺳﻢ ﺍﻟﺮﺣﻤﺎﻥ ﺣﻮﻟﺞ ﻭﺣﻮﺍﻟﻴﺞ ﻋﻤﻪ ﻟﻴﺶ ﻫﻴﺞ ﻳﻄﺒﻪ ﻃﻮﺏ ﺍﻟﻤﺎﻳﺮﻳﺪﺝ ﻻﺗﺮﻳﺪﻱ ﺗﻌﻴﺸﻴﻦ ﺑﻴﻨﺎﺗﻨﻪ ﻣﻠﻜﻪ ﻻﺗﺨﺎﻓﻴﻦ ﺍﻫﻠﺞ ﻭﻧﺎﺳﺞ ﺍﺣﻨﻪ ﻳﻮﻟﻲ ﻫﻮﻩ ﻫﺎﻟﻨﺎﻗﺺ ﻏﻴﺮﻩ ﻳﺼﻴﺮ ﺑﻴﺞ ﻛﻞ ﻫﺬﺍ ﻋﻠﻲ

ﺳﻜﺘﺖ ﺍﺗﻲ ﻭﻣﺎﺣﺠﻴﺖ ﺷﻲ ﺑﺲ ﺩﻣﻮﻋﻲ ﺗﻨﺰﻝ

ﺳﻤﻌﺖ ﺻﻮﺕ ﻋﻠﻲ ﮔﻠﻬﺎ ﻳﻤﻪ ﺷﻮﻓﻴﻬﺎ ﺗﺎﻛﻞ ﺷﻲ ﺍﺟﻴﺒﻠﻬﺎ

ﺍﺷﺮﺗﻠﻬﺎ ﻣﺎﺍﺭﻳﺪ

ﮔﻠﻬﺎ ﻋﻮﻓﻴﻬﺎ ﺗﺮﺗﺎﺡ

ﺍﺣﺴﻪ ﻳﺴﻤﻌﻨﻲ ﺑﺲ ﻳﺤﺎﺟﻲ ﻋﻤﺘﻲ ﻭﺭﻩ ﺷﻮﻳﻪ ﮔﻠﻬﺎ ﺍﻧﻲ ﻃﺎﻟﻊ ﺍﺗﺼﻞ ﺑﺎﻟﻮﻟﺪ ﺍﺷﻮﻓﻬﻢ ﺷﺴﻮﻭ ﻭﻣﻨﻮ ﺍﺗﺼﻞ ﻣﻦ ﺍﻫﻠﻪ

ﺧﺎﺑﺮﺕ ﺍﺣﻤﺪ ﻛﺎﻝ ﻣﻮﺟﻮﺩ ﻭﻛﻠﺸﻲ ﺗﻤﺎﻡ ﻭﺍﻫﻠﻪ ﻛﻞ ﺷﻮﻳﻪ ﻳﺘﺼﻠﻮﻥ ﻭﺣﭽﺎﻟﻬﻢ ﻛﻠﺸﻲ ﻣﺎﺿﻢ ﻋﻠﻴﻬﻢ ﻫﻮﻩ

.. ﻫﺬﺍ ﻫﻮﻭ ﺑﺎﺟﺮ ﻧﺘﻔﺎﻫﻢ

ﻣﺎﮔﺪﺭﺕ ﺍﺭﻭﺡ ﺍﺭﺗﺎﺡ ﻭﺑﺎﺟﺮ ﻭﺭﺍﻱ ﮔﻌﺪﻩ ﻭﺍﺣﺲ ﺭﺍﺳﻲ ﻳﻨﻔﺠﺮ

ﺧﺎﺑﺮﺕ ﻋﺒﺎﺱ ﻳﺠﻲ ﺑﻤﻜﺎﻧﻲ ﻳﺒﺎﺕ ﻳﻤﻬﻢ ﻭﺭﺣﺖ ﻟﻠﺒﻴﺖ ﻟﻮ ﺍﻧﺎﻣﻠﻲ ﺳﺎﻋﻪ ﻛﺎﻓﻲ

ﺍﺟﻪ ﻋﺒﺎﺱ ﻭﺍﻧﻲ ﺭﺣﺖ

ﺫﺑﻴﺖ ﺭﻭﺣﻲ ﻉ ﺍﻟﻔﺮﺍﺵ ﻭﺛﺎﻧﻲ ﻳﻮﻡ ﮔﻌﺪﺕ ﻣﻦ ﻭﻛﺖ

ﻭﺗﺤﻀﺮﻧﻪ ﻭﻧﺎﺱ ﻣﻦ ﻋﻤﺎﻣﻨﻪ ﻫﻢ ﺍﺗﺼﻠﺖ ﺑﻴﻬﻢ ﻭﻓﻬﻤﺘﻬﻢ ﻛﻠﺸﻲ

ﺻﺎﺭﺕ ﺍﻟﮕﻌﺪﻩ ﻭﺍﺟﻮ ﻳﺘﻮﺳﻠﻮﻥ ﻭﺍﻋﺘﺮﻓﻮ ﺑﻐﻠﻄﻬﻢ

ﺍﻋﺘﺬﺭﻭﻭ ﻣﻨﻪ ﻭﻣﻦ ﻋﻤﺎﻣﻲ ﮔﺪﺍﻡ ﺍﻟﺸﻴﻮﺥ ﺍﻟﺠﺎﻳﺒﻬﻢ ﻣﻦ ﻏﻴﺮ ﻋﺸﺎﻳﺮ

ﻭﺷﺮﻃﺖ ﻋﻠﻴﻬﻢ ﻃﻼﻙ ﺑﺄﺳﺮﻉ ﻭﻛﺖ ﻭﻣﺎﻧﺮﻳﺪ ﻧﺸﻮﻑ ﺷﻜﻠﻪ ﺍﺑﺪ

ﻛﻠﻲ ﺍﻟﻲ ﺷﺎﻓﻮﻩ ﺑﺎﺑﻨﻬﻢ ﻣﺎﻋﺎﺗﺒﻮ ﻋﻠﻴﻪ ﺭﺍﺩﻭ ﺑﺲ ﻳﻄﻠﻊ ﺳﻼﻣﺎﺕ

ﺍﻧﻲ ﻣﺤﺘﺎﺭ ﺑﺸﻐﻠﺔ ﻋﻠﻴﺎﺀ ﺍﻻﺩﻣﺎﻥ ﺑﻌﺪ ﻣﺎﻣﺘﺨﻠﺼﻪ ﻣﻨﻪ ﻭﺻﺎﺭ ﻋﺪﻫﺎ ﺍﻧﻬﻴﺎﺭ ﻋﺼﺒﻲ ﻭﻧﻮﺑﺔ ﺻﺮﻉ ﺷﻜﻠﺖ ﻫﺎﻱ ﺍﻟﺒﻨﻴﻪ ﺷﻨﻮ ﺑﺎﻗﻲ ﻣﺎﺻﻠﻴﺮ ﻭﻳﺎﻫﺎ ﺑﺲ ﻛﻠﻪ ﻣﻦ ﺍﻳﺪﻫﺎ

ﺷﮕﺪ ﺣﺠﺖ ﻭﺷﻜﺪ ﻭﺟﺘﻨﻲ ﺑﺲ ﻣﺎﻛﺮﻫﺘﻬﺎ ﻟﻴﺶ ﻣﺎﺍﺩﺭﻱ ﻭﻭﺩﻱ ﺍﺳﺎﻋﺪﻫﺎ ﺑﻜﻞ ﻃﺮﻳﻘﻪ ﺑﺲ ﻋﻼﺟﻬﺎ ﻳﻄﻮﻭﻝ

ﻭﻳﺮﺍﺩﻟﻬﺎ ﻧﺎﺱ ﺗﺘﻔﻬﻢ ﺍﻟﻬﻴﻪ ﺑﻲ

ﻃﻠﻌﺖ ﻣﻦ ﺍﻟﻤﺴﺘﺸﻐﻰ ﻭﺑﻘﺖ ﻉ ﺍﻟﻌﻼﺝ ﺍﻭﻝ ﺍﺳﺒﻮﻉ ﻛﻠﻪ ﻫﻴﻪ ﺑﺲ ﻧﺎﻳﻤﻪ ﻭﻣﻦ ﺗﻄﻠﻊ ﻭﺗﺨﺘﻠﻂ ﻭﻱ ﺍﻟﺒﻨﺎﺕ ﻭﺗﻜﻌﺪ ﻳﻢ ﺍﺑﻮﻱ ﺍﻟﺤﺠﻲ ﻭﺍﻣﻲ ﺍﻧﻲ ﺍﻃﻠﻊ ﺑﻌﺪ ﺍﺧﺮ ﺣﭽﻲ ﺳﻤﻌﺘﻪ ﻣﻨﻬﺎ ﻭﺳﻤﻌﺘﻬﺎ ﻣﻨﻲ ﻣﺎﺍﻛﺪﺭ ﺍﺑﻘﻪ ﻭﻳﺎﻫﺎ ﺑﻨﻔﺲ ﺍﻟﻤﻜﺎﻥ

ﻋﻠﻴﺎﺀ ..

ﺣﺴﻴﺘﻪ ﻛﺎﺭﻫﻨﻲ ﻭﺑﺪﻩ ﻳﺒﺘﻌﺪ ﻋﻨﻲ ﺟﻨﺖ ﻣﻮ ﻣﻬﺘﻤﻪ ﺑﺲ ﻟﻜﻮ ﺷﻲ ﻳﻨﻘﺼﻨﻲ ﻭﺍﺻﻼ ﺍﻏﻠﺐ ﻭﻗﺘﻲ ﻧﺎﻳﻤﻪ ﻉ ﺍﻟﺤﺒﻮﺏ ﻭﻣﺎﺍﻓﻜﺮ ﺑﻲ ﻭﻻﺑﻐﻴﺮﻩ ﺣﺘﻪ ﻋﻼﺀ ﻣﺎﺍﻫﺘﻤﻴﺖ ﺍﻟﻪ ﻭﻛﺮﻫﺘﻪ ﻭﻛﺮﻫﺖ ﻛﻞ ﻟﺤﻈﻪ ﻭﻳﻮﻡ ﺧﻠﺼﺖ ﻭﺍﻧﻲ ﺍﻓﻜﺮ ﺑﻲ ﻭﻣﻬﺘﻤﺘﻠﻪ

ﻣﺮﺕ ﺍﻷﻳﺎﻡ ﻭﻫﻮﻩ ﻣﺜﻞ ﻣﺎﻫﻮﻩ ﺑﺲ ﺍﻋﺮﻑ ﺑﻲ ﻳﺬﻛﺮ ﺍﻓﻴﺎﺀ ﻋﻠﻰ ﻋﻼﺟﻲ ﻣﺮﺍﺕ ﺍﻧﻲ ﺍﻧﺴﺎﻩ ﻭﻫﻮﻩ ﻻ

ﻧﻮﺑﺔ ﺍﻟﺼﺮﻉ ﺻﺎﺭﺕ ﺗﺠﻴﻨﻲ ﻛﻞ ﻓﺘﺮﻩ

🔹🔸🥇🔹🔸

ﺑﻌﺪ ﺷﻬﺮﻳﻦ ﻣﻦ ﺍﻻﺣﺪﺍﺙ ﻗﺮﺭﻭ ﻳﺴﻮﻭﻥ ﻋﻘﺪ ﺭﺍﻓﻊ

ﺟﺎﻧﺖ ﻣﺸﺎﻋﺮﻱ ﻣﻴﺘﻪ ﺑﺲ ﻓﺮﺣﺖ ﺍﻷﻓﻴﺎﺀ ﻭﻋﻤﺘﻲ ﺣﻴﻞ ﺗﻌﻠﻘﺖ ﺑﻴﻬﺎ ﺍﻟﺒﻨﺎﺕ ﺯﻳﻨﺎﺕ ﻭﻳﺎﻱ ﺑﺲ ﺍﻛﻮ ﺣﺎﺟﺰ ﺑﻴﻨﺎﺗﻨﻪ

ﻣﺎﺗﺨﻄﻴﺘﻪ

ﺑﻴﻮﻡ ﺍﻟﻌﻘﺪ ﻫﻮﺳﻪ ﻭﺍﻟﻜﻞ ﻣﺸﻐﻮﻝ ﺟﺪﻱ ﻭﺑﻴﺒﻲ ﺗﻌﺒﺎﻧﻴﻦ ﻗﺮﺭﻭ ﺍﻟﻌﻘﺪ ﻳﺼﻴﺮ ﺍﺑﻴﺖ ﻋﻤﻲ ﺧﺎﻟﺪ ﻓﺎﻟﻜﻞ ﺭﺍﺡ ﻣﻦ ﻭﻛﺖ ﻭﺍﻧﻲ ﺭﺩﺕ ﺍﺣﻀﺮ ﻧﻔﺴﻲ ﻳﻠﻠﻪ ﺍﺭﻭﺡ ﺑﻘﻴﺖ ﻣﺘﺮﺩﺩﻩ ﺍﺭﻭﺡ ﻟﻮ ﻣﺎﺍﺭﻭﺡ ﺑﺲ ﺑﻌﺪﻫﺎ ﮔﻠﺖ ﺍﻓﻴﺎﺀ ﻣﺎﻋﺪﻫﺎ ﻏﻴﺮﻱ ﺍﻧﺤﻤﻞ ﻭﺍﺭﻭﺡ ﺭﻏﻢ ﺻﺎﺭﺕ ﻋﻨﺪﻱ ﻗﻠﺔ ﺛﻘﻪ ﺑﻨﻔﺴﻲ ﻭﺍﺣﺲ ﺑﻴﻪ ﻧﻘﺺ ﻭﺍﻟﻜﻞ ﻳﻌﺮﻑ ﺳﺎﻟﻔﺘﻲ ﺑﺲ ﺍﺣﺎﻭﻝ ﺍﻟﺨﺎﻃﺮﻫﺎ ﺍﺿﻐﻂ ﻋﻠﻰ ﻧﻔﺴﻲ

ﺍﻣﻲ ﻧﺮﻳﺪ ﻧﻌﺮﻑ ﺷﻲ ﻋﻨﻬﺎ ﻣﺎﻛﻮ ﺍﺧﺘﻔﺖ ﻭﺣﺘﻪ ﺭﺍﻓﻊ ﻣﺪﻭﺭ ﻋﻠﻴﻬﺎ ﺣﺘﻪ ﺗﺤﻀﺮ ﻋﻘﺪ ﺍﻓﻴﺎﺀ ﻣﻼﻛﻴﻬﺎ ﺍﻟﻈﺎﻫﺮ ﻫﻴﻪ ﻣﺴﺎﻓﺮﻩ ﺍﻟﺴﻮﺭﻳﺎ ﻭﻧﺴﺘﻨﻪ

ﺑﻴﻮﻣﻬﺎ ﺗﺬﻛﺮﺕ ﻛﻠﺸﻲ ﺍﻧﻪ ﺷﻮﺻﻠﻨﻲ ﻟﻬﻨﺎ ﻭﺍﻣﻲ ﻟﻴﺶ ﻫﻴﺞ ﻋﺎﻓﺘﻨﻪ ﺑﺠﻴﺖ ﻭﺣﺴﻴﺖ ﻧﻔﺴﻲ ﺗﻌﺒﺖ ﺭﺟﺖ ﺍﺩﺧﻞ ﻟﻠﺤﻤﺎﻡ ﻭﺑﻠﻐﺖ ﻋﻤﺘﻲ ﻻﻥ ﻳﺨﺎﻓﻮﻥ ﺗﺠﻴﻨﻲ ﻧﻮﺑﻪ ﺩﺍﺧﻞ ﺍﻟﺤﻤﺎﻡ ﭼﺎﻧﺖ ﻋﻤﺘﻲ ﺗﻜﻠﻲ ﺍﻟﺒﺎﺏ ﻟﺘﻘﻔﻠﻲ ﺑﺲ ﺍﻧﻲ ﺍﺳﺘﺤﻲ

ﮔﺘﻠﻬﺎ ﻋﻤﻪ ﺍﻧﻲ ﻓﺎﻳﺘﻪ ﻟﻠﺤﻤﺎﻡ ﮔﺎﻟﺖ ﺭﻭﺣﻲ ﺑﺲ ﻛﻞ ﺷﻮﻳﻪ ﺍﺻﻴﺤﺞ ﺟﺎﻭﺑﻴﻨﻲ

ﺩﺧﻠﺖ ﻭﺍﻧﻲ ﺗﻌﺒﺎﻧﻪ ﺑﺪﻳﺖ ﺍﻛﺎﺳﺮ ﺍﻟﻤﻲ ﻭﺻﺮﺕ ﺟﻮﻩ ﺍﻟﺪﻭﺵ ﺍﺑﺠﻲ ﺍﺗﺬﻛﺮ ﺣﻴﺎﺗﻲ ﺑﻮﺟﻮﺩ ﺑﺎﺑﺎ ﻟﻴﺶ ﻣﻦ ﺭﺍﺡ ﺍﺧﺘﻔﻪ ﻛﻠﺸﻲ ﺣﻠﻮﻭ ﻭﻳﺎﻩ

ﺣﺴﻴﺖ ﺭﻭﺣﻲ ﺗﻌﺒﺖ ﻭﺑﺪﺕ ﻋﻴﻨﻲ ﺗﺮﻑ ﺑﻘﻮﻩ ﺍﻋﺮﻑ ﻧﻔﺴﻲ ﺍﺟﺘﻨﻲ ﺍﻟﻨﻮﺑﻪ ﺑﺲ ﻣﺎﺍﻛﺪﺭ ﺍﺻﻴﺢ ﻭﺍﺑﻠﻎ ﺍﺣﺪ

ﻋﻠﻲ ..

ﺟﻨﺖ ﺑﺎﻟﺒﻴﺖ ﻭﺍﺣﭽﻲ ﻭﻱ ﺍﻣﻲ ﺑﺨﺼﻮﺹ ﺟﺪﻱ ﻫﺎﻱ ﺍﻟﻔﺘﺮﻩ ﻛﻠﺶ ﺗﻌﺒﺎﻥ ﻭﺑﻌﺪ ﺍﻟﻌﻼﺝ ﻛﺎﻡ ﻣﻴﻔﻴﺪﻩ ﻭﻣﻴﺴﻜﻦ ﺍﻟﻤﻪ ﻭﺍﺻﻼ ﺍﻻﻃﺒﺎﺀ ﻳﻜﻮﻟﻮﻥ ﻣﺎﻣﺘﻮﻗﻌﻴﻦ ﻳﻄﻮﻝ ﻫﺎﻟﮕﺪ ﺷﺒﺎﺏ ﺑﻴﻬﻢ ﻭﻣﺎﻳﻘﺎﻭﻣﻮﻥ ﺍﻟﻤﺮﺽ ﻣﺜﻠﻪ

ﻳﻌﻨﻲ ﺍﻟﻄﺒﻴﺐ ﺍﻟﻲ ﻳﺘﻌﺠﺐ ﻋﻠﻴﻪ ﺑﺎﻗﻲ ﻫﺎﻟﻜﺪ ﻳﺨﻠﻴﻨﻲ ﺃﺋﻴﺲ ﻣﻦ ﻋﻼﺟﻪ ﻭﺍﻋﺮﻑ ﺑﻲ ﻳﻌﺪ ﺍﺧﺮ ﺍﻳﺎﻣﻪ

ﺑﻌﺪﻫﺎ ﺳﺄﻟﺘﻬﺎ ﻉ ﺍﻟﺒﻨﺎﺕ ﻭﻣﻨﻮ ﻣﻮﺟﻮﺩ ﺣﺘﻪ ﺗﺮﻭﺡ ﻭﺍﻧﻪ ﺍﺑﻘﻪ ﻳﻢ ﺍﺑﻮﻱ ﻭﺍﻣﻲ ﺍﻟﺤﺠﻴﻪ

.. ﺻﺨﺎﻡ ﻋﻠﻲ ﻳﻤﻪ ﻧﺴﻴﺖ ﻋﻠﻴﺎﺀ ﻣﻦ ﺯﻣﺎﻥ ﺑﺎﻟﺤﻤﺎﻡ ﻭﻛﺘﻠﻬﺎ ﻛﻞ ﺷﻮﻳﻪ ﺍﺻﻴﺤﺞ ﺟﺎﻭﺑﻴﻨﻲ ﺧﻞ ﺍﺷﻮﻓﻬﺎ

.. ﻣﺎﺍﺩﺭﻱ ﻟﻴﺶ ﺣﺴﻴﺖ ﺑﺨﻮﻑ ﻃﻔﺮﺕ ﻭﻳﺎﻫﺎ ﻭﺑﺪﺕ ﺗﺼﻴﺢ ﻭﻣﺎﻛﻮ ﺭﺩ ﺩﻛﺖ ﺍﻟﺒﺎﺏ ﻭﻣﺎﻛﻮ ﺭﺩ

ﻣﺎﺑﻘﻪ ﻋﻨﺪﻱ ﺧﻴﺎﺭ ﻏﻴﺮ ﻛﺴﺮ ﺍﻟﺒﺎﺏ

ﻛﺴﺮﺗﻪ ﺑﺪﻭﻥ ﻭﻋﻲ ﺻﺎﺭﺕ ﮔﺒﺎﻟﻲ ﻭﺍﻟﻨﻮﺑﻪ ﺟﺎﻳﺘﻬﺎ ﺷﻔﺘﻬﺎ ﻛﻠﻬﺎ ﺍﻱ ﺷﻔﺘﻬﺎ ﺑﺲ ﻣﺎﻛﺪﺭﺕ ﺍﺩﺧﻞ ﺍﻣﻲ ﺟﺎﺑﺖ ﺟﺮﺟﻒ ﻭﻟﻔﺘﻬﺎ

ﺑﻌﺪ ﻣﺎﺻﺎﺭﺕ ﺗﺠﻴﻬﺎ ﺍﻟﻨﻮﺑﻪ ﻋﺮﻓﻨﻪ ﺷﻠﻮﻥ ﻧﺘﻌﺎﻣﻞ ﻭﻳﺎﻫﺎ ﺑﺲ ﺍﻟﻄﺒﻴﺐ ﺣﺬﺭ ﺧﺎﻑ ﺗﺒﻠﻊ ﺍﻟﺴﺎﻧﻬﺎ ﻭﺗﻤﻮﺕ ﺑﻬﺎﻟﺤﺎﻟﻪ

ﻣﻦ ﻟﻔﺘﻬﺎ ﺑﺠﺮﺟﻒ ﺷﻠﺘﻬﺎ ﺑﺲ ﺻﻮﺭﺗﻬﺎ ﻣﺎﻓﺎﺭﮔﺖ ﺧﻴﺎﻟﻲ ﺷﻜﺪ ﻣﺎﺍﺗﻌﻮﺫ ﻣﻦ ﺍﻟﺸﻴﻄﺎﻥ ﺗﺠﻲ ﺻﻮﺭﺗﻬﺎ ﺍﺑﺎﻟﻲ

ﻣﻦ ﺧﻮﻓﻲ ﻣﻦ ﺍﻓﻜﺎﺭﻱ ﻃﻠﻌﺖ ﻣﻦ ﺍﻟﺒﻴﺖ ﻛﻠﻪ ﺍﻭﻝ ﻣﺎﺻﺤﺖ

ﺑﻌﺪﻫﺎ ﺍﺗﺼﻠﺖ ﻋﻠﻰ ﺍﻣﻲ ﻋﺮﻓﺘﻬﺎ ﻣﺎﻛﺪﺭﺕ ﺗﺮﻭﺡ ﻟﻠﻌﻘﺪ

ﻭﺑﻘﺖ ﺑﺎﻟﺒﻴﺖ ﻭﺍﻣﻲ ﻭﻳﺎﻫﺎ

ﺍﻓﻴﺎﺀ ..

ﺍﻧﻲ ﻭﺭﺍﻓﻊ ﺣﺒﻴﺘﻪ ﻣﻦ ﺍﻭﻝ ﻣﺎﺷﻔﺘﻪ ﻣﻦ ﺍﺟﻴﺖ ﺍﻭﻝ ﻣﺮﻩ ﺍﻟﻬﻢ ﻭﺑﻘﻴﻨﻪ ﻧﺘﻮﺍﺻﻞ ﻭﺍﻋﺘﺮﻓﻠﻲ ﺑﺤﺒﻪ ﻭﺍﻧﻲ ﺗﺠﺎﻭﺑﺖ ﻭﻳﺎﻩ ﺑﺪﻭﻥ ﺧﻮﻑ ﻭﻳﺎﻩ ﺣﺴﻴﺖ ﺑﺎﻷﻣﺎﻥ

ﻛﻞ ﺍﻻﺣﺪﺍﺙ ﺍﻟﺼﺎﺭﺕ ﻭﻣﺎﻳﻮﻡ ﺍﻧﺎﻡ ﺍﺫﺍ ﻣﺎﺍﺳﻤﻊ ﺻﻮﺗﻪ ﻣﻦ ﺍﺟﻴﺖ ﻫﻨﺎ ﻳﻤﻬﻢ ﺑﺎﺷﺮ ﺑﻨﻘﻠﻲ ﻭﻧﻘﻠﻨﻲ ﺟﺎﻥ ﻳﺨﺠﻞ ﻣﻦ ﻋﻠﻲ ﻣﺎﻳﺠﻲ ﻟﻠﺒﻴﺖ ﺑﺲ ﺑﺎﻟﻜﻠﻴﻪ ﻧﻠﺘﻘﻲ ﻭﻫﻮﻩ ﻳﻮﺻﻠﻨﻲ ﻭﻳﺮﺟﻌﻨﻲ

ﺭﺍﻓﻊ ﻣﺘﻌﻴﻴﻦ ﺑﺎﻟﻤﺼﺮﻑ ﺧﺮﻳﺞ ﺍﺩﺍﺭﻩ ﻭﺍﻗﺘﺼﺎﺩ ﻗﺴﻢ ﻣﺤﺎﺳﺒﻪ

ﺍﺳﻤﺮ ﻋﻴﻮﻧﻪ ﻛﺒﺎﺭ ﻭﺣﻮﺍﺟﺒﻪ ﻣﺠﻤﻠﻪ ﻋﻴﻮﻧﻪ ﺍﻛﺜﺮ

ﻃﻮﻳﻞ ﻭﺟﺴﻤﻪ ﺭﺷﻴﻖ ﻃﺒﻴﻌﺘﻪ ﻣﺮﺡ ﻛﻠﺶ ﻭﻭﺍﺿﺢ ﻟﻠﻜﻞ ﻣﻮ ﻏﺎﻣﺾ ﻭﻻﻧﻜﺪﻱ

ﺍﻟﻴﻮﻡ ﺍﻟﻌﻘﺪ ﺍﺣﺲ ﻧﻔﺴﻲ ﻃﺎﻳﺮﻩ ﺭﺍﺡ ﺍﺻﻴﺮ ﺣﻼﻟﻪ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ

ﺑﻬﺬﺍ ﺍﻟﻴﻮﻡ ﻓﺮﺣﺘﻲ ﻣﺘﻨﻮﺻﻒ

ﺍﺧﺬﺗﻨﻲ ﻟﻠﺼﺎﻟﻮﻥ ﺑﻨﺎﺕ ﻋﻤﻲ ﻭﺑﻨﺎﺕ ﻋﻤﺘﻲ ﺭﺣﻨﻪ ﻛﻠﻨﻪ ﺍﻧﻲ ﻳﺠﻬﺰﻭﻧﻲ ﻭﻫﻨﻪ ﻫﻢ ﻋﺒﺎﻟﻚ ﻋﺮﺍﻳﺲ ﻭﻳﺎﻱ ﺍﻟﻜﻞ ﻓﺮﺣﺎﻥ ﺟﻨﺖ ﺍﺗﻤﻨﻰ ﻋﻠﻴﺎﺀ ﻃﺒﻴﻌﻴﻪ ﻣﺜﻞ ﻗﺒﻞ ﭼﺎﻥ ﻫﺴﻪ ﻓﺮﺣﺘﻠﻲ ﺍﻛﺜﺮ ﺍﻛﻴﺪ ﻫﺴﻪ ﻫﻴﻪ ﺗﻨﺘﻈﺮﻧﻲ ﺑﺎﻟﺒﻴﺖ

ﺑﻬﺬﺍ ﺍﻟﻴﻮﻡ ﺍﻣﻲ ﻣﺎﺍﺟﺖ ﻋﻠﻰ ﺑﺎﻟﻲ ﻭﻻﺗﻤﻨﻴﺖ ﻭﺟﻮﺩﻫﺎ ﻷﻥ ﻫﻴﻪ ﺍﻟﻲ ﺗﺮﻛﺘﻨﻪ ﻣﺠﺎﻧﺖ ﻣﺠﺒﻮﺭﻩ ﺗﺘﺮﻛﻨﻪ ﺧﻠﺼﺖ ﺗﺠﻬﻴﺰ ﻭﺷﻔﺖ ﻧﻔﺴﻲ ﻓﺮﺣﺖ ﺑﺸﻜﻠﻲ ﺑﺲ ﻣﻨﺘﻈﺮﻩ ﺭﺍﻓﻊ ﻭﺭﺩﺓ ﻓﻌﻠﻪ

ﺍﺟﻪ ﻭﻟﻴﺪ ﺍﺧﺬﻧﻪ ﻭﻭﺻﻠﻨﻪ ﻟﻠﺒﻴﺖ

ﻛﻌﺪﺕ ﻧﺺ ﺳﺎﻋﻪ ﻭﺍﺟﻪ ﻭﻟﻴﺪ ﮔﺎﻝ ﺧﻞ ﺗﺠﻲ ﻗﺮﻳﺐ ﻟﻠﺒﺎﺏ ﺗﻌﻘﺪ ﺍﻟﺸﻴﺦ ﻭﺻﻞ

ﻋﺎﺩﺍﺗﻬﻢ ﻫﻨﺎﻙ

ﻳﺨﻠﻮﻥ ﺑﻴﺪﻱ ﻫﻴﻞ ﻭﺍﻓﺘﺢ ﺍﻟﻘﺮﺀﺍﻥ ﻋﻠﻰ ﺳﻮﺭﺓ ﺍﻟﻨﻮﺭ ﻭﺑﻴﺪﻱ ﻣﺮﺍﻳﻪ ﻭﺍﻧﺘﻈﺮﻩ ﻳﺮﺩﺩ ﺍﻛﺜﺮ ﻣﻦ ﻣﺮﻩ ﻭﺍﻧﻲ ﺍﺟﺎﻭﺏ

ﺧﻠﺺ ﺍﻟﻌﻘﺪ ﻭﺻﺎﺭﺕ ﺍﻟﻬﻼﻫﻞ ﺟﻨﺖ ﺍﺩﻭﺭ ﻋﻠﻴﺎﺀ ﺑﺎﻟﻮﺟﻮﻩ ﻣﺎﺷﻔﺘﻬﺎ ﺣﺴﻴﺖ ﺑﻀﻮﺟﻪ ﺟﻨﺖ ﻣﺘﻤﻨﻴﺘﻬﺎ ﻭﻳﺎﻱ ﻟﻴﺶ ﺻﺎﻳﺮﻩ ﺑﺎﺭﺩﻩ ﺣﺘﻪ ﻣﺸﺎﻋﺮ ﻣﺎﻋﺪﻫﺎ

ﻣﻦ ﺩﺧﻞ ﺭﺍﻓﻊ ﻧﺴﻴﺖ ﻛﻠﺸﻲ ﺍﺑﺘﺴﻤﺖ ﺑﻮﺟﻬﻪ ﻭﻫﻮﻩ ﺑﺎﺩﻟﻨﻲ ﻧﻔﺲ ﺍﻷﺑﺘﺴﺎﻣﻪ

ﺑﺎﺱ ﮔﺼﺘﻲ ﻭﻭﮔﻒ ﻣﻘﺎﺑﻴﻠﻲ

.. ﻣﺒﺮﻭﻙ ﻋﻠﻴﺞ ﺍﻧﻲ ﻳﺎﺣﻠﻮﻩ ﻭﻟﭻ ﻳﺎﺣﻠﻮﻩ ﺗﺮﻭﺣﻠﺞ ﻓﺪﻭﻩ ﺍﻟﺤﻼﻩ ﻛﻠﻬﺎ

.. ﺍﺑﺘﺴﻤﺘﻠﻪ ﻭﺧﺠﻠﺖ ﻣﻦ ﺍﻟﻤﻮﺟﻮﺩﻳﻦ ﺍﻟﻠﻪ ﻳﺒﺎﺭﻙ ﺑﻴﻚ

.. ﻫﺎﻱ ﺍﻧﺘﻲ ﺷﻄﺎﻟﻌﻪ ﺍﻧﻲ ﺑﺤﺠﺎﺏ ﻳﻤﻲ ﻭﻣﺎﺍﻗﺎﻭﻡ ﺑﻬﺬﻱ ﺍﻟﺪﻟﻌﻪ ﻭﻓﺼﻮﺹ ﺍﻟﺜﻠﭻ ﺷﻠﻮﻥ ﺑﻴﻪ ﺟﺎﻥ ﻳﺤﭽﻲ ﻭﻋﻴﻨﻪ ﻋﻠﻰ ﺻﺪﺭﻱ

.. ﺍﻭﻭﻱ ﺭﺍﻓﻊ ﻟﺘﺨﺠﻠﻨﻲ ﻋﻔﻴﻪ

.. ﺍﺧﺦ ﺍﻻﻭﻭﻱ ﺷﻌﻠﺖ ﺍﺑﻮ ﺭﺍﻓﻊ ﺍﻧﺘﻲ ﻧﺎﻭﻳﻪ ﺗﻘﻀﻴﻦ ﻋﻠﻴﻪ ﺍﻷﻭﻭﻭﻱ ﻫﺎﻱ ﻻﺗﻜﻮﻟﻴﻬﺎ ﻳﻤﻲ ﻣﻨﺎ ﻟﻠﻌﺮﺱ ﻓﺎﻫﻤﻪ

.. ﻫﻬﻪ ﻟﻴﺶ ﺷﺒﻴﻬﺎ

.. ﺑﻴﻬﺎ ﻛﻞ ﺍﻟﺒﻼ ﺧﻠﻴﻨﻲ ﻋﺎﻗﻞ .. ﻟﺒﺴﺘﻬﺎ ﺍﻟﺬﻫﺐ ﻭﺿﻠﻴﻨﻪ ﻧﺴﻮﻟﻒ ﺷﻮﻳﻪ ﻭﻫﻤﺴﺘﻠﻲ

.. ﺭﺍﻓﻊ ﺍﺣﺒﻚ .. ﺟﻨﺖ ﺍﻫﻤﺴﻠﻪ ﻫﻤﺲ ﻣﻦ ﺍﻟﻤﻮﺟﻮﺩﻳﻦ ﺍﺣﺐ ﺍﺗﺤﺎﺭﺵ ﺑﻲ ﺍﺣﺲ ﺑﻤﺸﺎﻋﺮﻩ ﺻﺎﺩﻗﻪ ﻣﻦ ﻛﻠﺒﻪ ﻣﻦ ﻳﺮﺩﻟﻲ

.. ﺿﺤﻜﺖ ﻭﺍﻟﻠﻪ ﺍﻧﺘﻲ ﺗﺮﺩﻳﻦ ﺗﺨﺒﻠﻴﻨﻲ ﺍﻧﻪ ﺍﻋﺮﻓﺞ ﺗﺮﺩﻳﻦ ﺍﻃﻴﺮﻳﻦ ﻋﻘﻠﻲ ﻛﺪﺍﻡ ﺍﻫﻠﻲ ﻭﺍﻟﻜﺮﺍﻳﺐ ﻭﭼﻨﺞ ﻋﻠﻴﻬﺎ ﺩﺭﺕ ﻭﺟﻬﻲ ﻉ ﺍﻟﻤﻮﺟﻮﺩﻳﻦ ﺗﺪﺭﻭﻥ ﺷﻜﺎﻟﺖ

ﮔﺎﻟﺘﻠﻲ ﺭﺍﻓﻊ ﺍﺣﺒﻚ ﺗﺘﺤﺎﺭﺵ ﺑﻴﻪ ﻭﺍﻧﻲ ﻋﺎﻗﻞ

ﺷﻔﺘﻬﺎ ﻣﺼﺪﻭﻣﻪ ﺑﺴﺘﻬﺎ ﺑﺨﺪﻫﺎ ﻭﻛﻠﺖ ﺑﺼﻮﺕ ﻋﺎﻟﻲ ﺭﻭﺡ ﺭﺍﻓﻊ ﻭﮔﻠﺒﻪ ﺍﻧﻪ ﺍﻣﻮﺕ ﻋﻠﻴﭻ

ﮔﻠﺖ ﺍﻷﻣﻲ ﻭﺍﻟﺒﻨﺎﺕ ﻛﻠﻮﻟﻲ ﺍﻃﻠﻊ ﺍﺣﺴﻦ ﺗﺮﻩ ﺍﻧﻲ ﻭﺿﻌﻲ ﺗﺨﺮﺑﻂ ﻫﻴﺞ ﺍﻟﺴﺎﻟﻔﻪ ﺗﺨﺮﺏ ﻣﻦ ﺍﻭﻝ ﻳﻮﻡ

ﺿﺤﻜﻮﻭ ﺩﻧﮕﺖ ﻋﻠﻴﻬﺎ ﺑﺎﻟﻠﻴﻞ ﺍﻧﺘﻈﺮﻳﻨﻲ ﺍﺟﻴﺞ ﺍﺷﻮﻓﭻ ﻭﺳﻠﻤﺖ ﻭﻃﻠﻌﺖ

ﺑﻄﻠﻌﺘﻲ ﺳﺄﻟﺖ ﻭﺍﺳﺘﻐﺮﺑﺖ ﻋﻠﻲ ﻟﻴﺶ ﻣﺎﺣﺎﺿﺮ ﻋﻘﺪﻱ ﻣﻌﻘﻮﻟﻪ ﺍﻛﻮ ﺑﻌﺪ ﺍﻛﺜﺮ ﻣﻦ ﻫﻴﺞ ﻳﻮﻡ ﻳﻮﻛﻒ ﻭﻳﺎﻱ ﺑﻲ

ﮔﺎﻝ ﻭﻟﻴﺪ ﻻ ﻋﻠﻴﺎﺀ ﻣﺘﺨﺮﺑﻄﻪ ﻭﻫﻮﻩ ﻭﻋﻤﺘﻲ ﻣﺎﺍﺟﻮﻭ

ﺿﺠﺖ ﻋﻠﻴﻬﺎ ﻛﺘﻠﻬﻢ ﻟﺤﺪ ﻳﮕﻞ ﺍﻷﻓﻴﺎﺀ ﻫﺴﻪ ﺧﻞ ﺗﺮﺗﺎﺡ ﻳﻠﻠﻪ

ﻭﺍﺗﺼﻠﺖ ﺑﻌﻠﻲ

.. ﺍﻟﻮﻭ

.. ﻫﻼ ﺭﺍﻓﻊ ﺣﺒﻴﺒﻲ ﻣﺒﺮﻭﻙ ﺭﺑﻲ ﻳﺘﻤﻤﻠﻚ

.. ﻣﻜﺎﻧﻚ ﺧﺎﻟﻲ

.. ﻭﺍﻟﻠﻪ ﻣﺴﺘﺤﻲ ﻣﻨﻚ ﺑﺲ ﺻﺎﺭ ﺿﺮﻑ

.. ﻣﻌﺬﻭﺭ ﺍﻟﻠﻪ ﻳﻌﻴﻨﻚ ﻋﺎﻇﻲ ﺑﺲ ﻫﻴﻪ ﺷﻠﻮﻧﻬﺎ ﻫﺴﻪ

.. ﺧﻠﻴﺖ ﺍﻣﻲ ﻳﻤﻬﺎ ﺗﻌﺮﻑ ﻛﻞ ﻣﺮﻩ ﻣﻦ ﺗﺘﺨﺮﺑﻂ ﺗﻀﻞ ﻳﻮﻡ ﻳﻮﻣﻴﻦ ﺗﻌﺒﺎﻧﻪ ﻳﻠﻠﻪ ﺗﺘﺤﺴﻦ ﺍﻟﻌﺮﻭﺳﻪ ﺷﻠﻮﻧﻬﺎ ﺧﻮ ﻣﺎﻋﺮﻓﺖ

.. ﺍﻟﺤﻤﺪﻟﻠﻪ ﻻ ﻣﺎﺗﺪﺭﻱ ﺑﺲ ﺍﻛﻴﺪ ﻫﺴﻪ ﺭﺍﺡ ﺗﺴﺄﻝ

.. ﻣﺎﺍﻋﺮﻑ ﺷﻮﻛﺖ ﺗﺘﻌﺎﻟﺞ ﻭﺗﺨﻠﺺ ﻣﻦ ﻫﺎﻟﺤﺎﻟﻪ ﺗﻌﺮﻑ ﺍﻟﻴﻮﻡ ﺷﻮﻳﻪ ﻟﻮ ﻧﺘﺎﺧﺮﻳﻦ ﻣﺎﻧﻠﺤﻚ ﻋﻠﻴﻬﺎ

.. ﺍﻧﻲ ﺍﺩﺭﻱ ﺷﺒﻴﻬﺎ ﻫﻴﻪ ﺷﺠﻠﺒﺖ ﺑﻀﻮﺟﺘﻬﺎ ﻭﺣﺎﻟﺘﻬﺎ ﻫﺎﻱ

.. ﺗﻨﻬﺪﺕ ﻣﺎﺍﺩﺭﻱ ﻳﻠﻠﻪ ﺍﺧﺬ ﺭﺍﺣﺘﻚ ﻣﺒﺮﻭﻙ ﻣﺮﻩ ﺛﺎﻧﻴﻪ

.. ﺍﻟﻠﻪ ﻳﺒﺎﺭﻛﻠﻚ ﻳﻮﻡ ﺍﻷﻟﻚ

🔹🔸🥇🔹🔸

ﻳﺘﺒﻊ 

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤