رواية امقت اعرافهم لكنها حيتني الجزء السابع
للكاتبة نور
🔹🔸🥇🔹🔸
ﺭﺣﺖ ﻟﻠﻄﺒﻴﺐ ﻭﺍﻧﻲ ﻓﻜﺮﻩ ﺗﺠﻴﺒﻨﻲ ﻭﻓﻜﺮﻩ ﺗﻮﺩﻳﻨﻲ ﺍﺭﻳﺪ ﺍﻋﺮﻑ ﺷﻨﻬﻲ ﺍﻟﻤﻮﺿﻮﻉ ﺑﺲ ﻻ ﺷﻚ ﺍﻟﻄﺒﻴﺐ ﺑﻤﺤﻠﻪ
ﺩﺧﻠﺖ ﺍﻟﺪﻛﺘﻮﺭ ﺍﺷﺮﻟﻲ ﺍﮔﻌﺪ ﻣﻘﺎﺑﻴﻠﻪ
.. ﺩﻛﺘﻮﺭ ﺍﺳﻤﻌﻚ ﺷﻨﻬﻲ ﺍﻟﻤﻮﺿﻮﻉ ﻭﺷﺒﻴﻬﺎ ﺍﻟﻤﺮﻳﻴﻀﻪ
.. ﺃﻧﺖ ﺷﻨﻮ ﺗﻘﺮﺑﻠﻬﺎ ﻭﻭﻳﻦ ﻭﻟﻲ ﺃﻣﺮﻫﺎ
.. ﺍﻧﻲ ﺍﺑﻦ ﻋﻤﻬﺎ ﻭﻟﻲ ﺍﻣﺮﻫﺎ ﻣﻮﺟﻮﺩ ﺟﺪﻫﺎ ﻷﻥ ﻭﺍﻟﺪﻫﺎ ﻣﺘﻮﻓﻲ ﻭﻣﺎﻋﺪﻫﺎ ﺍﺣﺪ ﻏﻴﺮﻧﻪ
.. ﻳﻌﻨﻲ ﻫﺴﻪ ﻫﻴﻪ ﺑﻤﺴﺆﻟﻴﺔ ﻣﻨﻮﻭ ﻣﻨﻮ ﻳﺘﻜﻔﻠﻬﺎ
.. ﺩﻛﺘﻮﺭ ﺍﻧﻲ ﺍﻟﻤﺴﺆﻝ ﻋﻨﻬﺎ ﺑﺲ ﮔﻠﻲ ﺍﻧﺖ ﺷﺎﻙ ﺑﺸﻲ
.. ﺍﻟﺤﻘﻴﻘﻪ ﺍﺗﻲ ﭼﻨﺖ ﺷﺎﻙ ﻭﻫﺴﻪ ﺗﻴﻘﻨﺖ ﺍﻟﻤﺮﻳﻀﻪ ﭼﺎﻧﺖ ﻣﺪﻣﻨﻪ ﻋﺪﻫﺎ ﺍﺩﻣﺎﻥ ﻋﻠﻰ ﻧﻮﻉ ﻣﻦ ﺍﻟﺤﺒﻮﺏ ﺍﻟﻤﻬﺪﺋﻪ ﺍﻟﻲ ﻣﺘﻨﻄﻲ ﺍﻻ ﺑﺮﺍﺟﻴﺘﻪ ﻭﺻﻌﺐ ﺍﻟﺤﺼﻮﻝ ﻋﻠﻴﻬﺎ ﺗﻌﺘﺒﺮ ﻧﻮﻉ ﻣﻦ ﺍﻧﻮﺍﻉ ﺗﻌﺎﻃﻲ ﺍﻟﻤﺨﺪﺭﺍﺕ
ﺍﺧﺬﻧﻪ ﻋﻴﻨﺎﺕ ﻣﻦ ﺩﻣﻬﺎ ﻭﻋﺮﻓﻨﻪ ﺍﻷﺩﻣﺎﻥ ﺻﺎﺭ ﻓﺘﺮﻩ ﺗﺎﺧﺬﻩ ﺑﺤﻴﺚ ﺟﺴﻤﻬﺎ ﻣﺘﺸﺒﻊ ﻣﻨﻪ
ﺑﺲ ﻫﺎﻟﻤﺮﻩ ﻣﺎﺧﺬﻩ ﺟﺮﻋﻪ ﺯﻳﺎﺩﻩ ﺳﻮﻳﻨﻪ ﺍﻟﻌﻠﻴﻨﻪ ﻭﺍﻟﺒﺎﻗﻲ ﻳﻢ ﺍﻟﻠﻪ ﻣﺎﺑﻴﺪﻧﻪ ﺷﻲ ﺍﻥ ﺷﺎﺀ ﺍﻟﻠﻪ ﺗﺘﺤﺴﻦ
ﺑﺲ ﻣﻌﻘﻮﻟﻪ ﺍﻧﺘﻮ ﻣﻌﺮﻓﺘﻮ ﺑﻴﻬﺎ ﺷﻲ ﻣﺎﺑﻴﻴﻦ ﻋﻠﻰ ﺗﺼﺮﻓﺎﺗﻬﺎ ﻳﻌﻨﻲ ﺍﻷﺩﻣﺎﻥ ﺷﻐﻠﻪ ﻣﻮ ﺳﻬﻠﻪ ﺍﺫﺍ ﺻﺤﺖ ﻳﺮﺍﺩﻟﻬﺎ ﻋﻼﺝ ﻭﻳﺮﺍﺩ ﻳﻨﻘﻄﻊ ﻋﻨﻬﺎ ﺑﺼﻮﺭﻩ ﺗﺪﺭﻳﺠﻴﻪ ﻭﺍﻛﻴﺪ ﻳﺮﺍﺩﻟﻚ ﺗﺎﺧﺬﻫﺎ ﺍﻟﻄﺒﻴﺐ ﺧﺎﺹ ﻳﻨﻄﻴﻜﻢ ﺍﻟﻄﺮﻕ ﺍﻟﻲ ﺗﺘﻌﺎﻣﻠﻮﻥ ﺑﻴﻬﺎ ﻭﻳﺎﻫﺎ ﻷﻥ ﺭﺍﺡ ﺗﺴﻮﺀ ﺧﺎﻟﺘﻬﺎ ﻭﺗﻘﺮﻳﺒﺎ ﺗﻔﻘﺪ ﺍﻟﺴﻴﻄﺮﻩ ﻋﻠﻰ ﻧﻔﺴﻬﺎ
.. ﺍﻟﻄﺒﻴﺐ ﻳﺸﺮﺣﻠﻲ ﻭﺍﻧﻲ ﻣﺼﺪﻭﻡ ﻛﻞ ﻫﺬﺍ ﻳﻄﻠﻊ ﻣﻨﻬﺎ ﺯﻳﻦ ﻣﻌﻘﻮﻟﻪ ﻫﺬﻱ ﺗﺮﺑﻴﺔ ﻋﻤﻲ ﺍﻧﻪ ﻫﺎﻱ ﺗﺎﻟﻴﺘﻲ ﺑﺖ ﻋﻤﻲ ﻣﺪﻣﻨﻪ ﻳﻤﻜﻦ ﺑﺘﺎﺭﻳﺦ ﺍﻟﻤﺤﺎﻓﻈﻪ ﻛﻠﻬﺎ ﺍﻟﻲ ﺍﻧﻲ ﺑﻴﻬﺎ ﻣﺴﺎﻣﻊ ﻳﻮﻡ ﺍﻛﻮ ﺣﺎﻟﺔ ﺍﺩﻣﺎﻥ ﺭﺑﻲ ﺳﺘﺮﻙ ﻣﻨﻴﻦ ﺍﺟﺘﻨﻲ ﻫﺎﻱ ﺍﻟﻄﺮﮔﺎﻋﻪ
ﺗﻨﺎﻗﺸﺖ ﻭﻱ ﺍﻟﻄﺒﻴﺐ ﻭﺣﺒﻴﺖ ﺍﻟﻤﻮﺿﻮﻉ ﻳﻀﻞ ﺑﻴﻨﻲ ﻭﺑﻴﻨﻪ ﻭﻣﺎﺍﺭﻳﺪ ﺍﺣﺪ ﻳﻌﺮﻑ ﺑﺎﻟﺼﺎﺭ
ﺭﺣﺖ ﺍﺭﺍﻗﺒﻬﺎ ﻭﻫﻴﻪ ﻋﻠﻰ ﺍﻟﺴﺮﻳﺮ
ﻭﺍﻷﺟﻬﺰﻩ ﺩﺍﻳﺮ ﻣﺪﺍﻳﺮﻫﺎ ﻳﺎﺭﺑﻲ ﻣﻌﻘﻮﻟﻪ ﮔﺎﻳﻢ ﻣﺎﺍﻋﺮﻑ ﺍﻟﺒﺸﺮ ﺍﻧﻪ ﺩﻭﻡ ﻧﻈﺮﺗﻲ ﻟﻸﻧﺴﺎﻥ ﺗﻜﻮﻥ ﺻﺤﻴﺤﻪ ﻭﺍﻧﻲ ﻣﻦ ﺷﻔﺘﻬﺎ ﺗﻮﻗﻌﺘﻬﺎ ﻣﻀﻠﻮﻣﻪ ﻭﺑﺮﻳﺌﻪ
ﻭﺍﻧﺴﺎﻧﻪ ﻃﺎﻫﺮﻩ ﻭﺻﺎﺩﻗﻪ
ﺍﺗﺬﻛﺮﺕ ﻣﻼﻣﺤﻬﺎ ﻋﻴﻮﻧﻬﺎ ﻭﻃﻮﻟﻬﺎ ﻟﻮﻥ ﺷﻌﺮﻫﺎ ﺍﻟﻲ ﺷﻔﺘﻪ ﻣﻦ ﺍﺟﻴﺖ ﺷﻠﺘﻬﺎ ﻭﺍﺧﺬﺗﻬﺎ ﻟﻠﻄﺒﻴﺐ
ﺻﺢ ﺍﻟﻤﻀﺎﻫﺮ ﺧﺪﺍﻋﻪ
ﻫﻴﻪ ﻣﻨﻴﻦ ﺗﻄﻠﻊ ﻳﻌﻨﻲ ﻭﻣﻨﻮ ﺍﻟﻲ ﺭﺑﺘﻬﺎ ﻭﻣﻦ ﻳﺎﺳﺎﺱ ﻫﻴﻪ
ﺗﺬﻛﺮﺕ ﺣﻴﺎﺗﻲ ﻗﺒﻞ ﺑﻮﺟﻮﺩ ﻭﺍﻟﺪﻱ ﻃﻔﻮﻟﺘﻲ ﺍﻟﻲ ﺍﺣﺲ ﺑﻴﻬﺎ ﭼﻨﺖ ﺻﺪﮒ ﻋﺎﻳﺶ ﻭﻣﺮﺗﺎﺡ ﺑﻌﺪﻫﺎ ﻣﺎﺣﺴﻴﺖ ﺑﻄﻌﻢ ﺍﻟﺮﺍﺣﻪ ﺭﻏﻢ ﺍﻫﻠﻲ ﻣﺎﻣﻘﺼﺮﻳﻦ ﻭﻣﺪﻟﻠﻴﻨﻲ
ﺗﺬﻛﺮﺕ ﭼﻨﺖ ﺑﻌﻤﺮ ﺍﻝ٥ﺳﻨﻴﻦ ﻭﺑﺪﺕ ﺍﻟﻤﺸﺎﻛﻞ ﺑﻴﻦ ﺍﻣﻲ ﻭﺍﺑﻮﻱ ﻭﺑﺪﺕ ﺗﺘﺤﺠﺞ ﻋﻠﻰ ﺍﺑﻮﻱ ﺑﺄﻱ ﺷﻲ ﺣﺘﻪ ﺗﺰﻋﻞ
ﭼﻨﺖ ﺍﺷﻮﻑ ﻭﺍﻟﺪﻱ ﻳﺤﺒﻬﺎ ﻭﻣﻤﻘﺼﺮ ﻭﻳﺎﻫﺎ ﺑﺸﻲ
ﭼﺎﻧﺖ ﺍﻛﺜﺮ ﻭﺣﺪﻩ ﻣﺪﻟﻠﻪ ﺑﻨﺴﻮﺍﻥ ﻋﻤﻮﻣﺘﻲ ﺍﻟﺒﻴﺖ ﻛﻠﻪ ﻳﻌﺮﻑ ﺑﻤﺸﺎﻛﻠﻬﻢ ﻭﺻﺎﺭﺕ ﺣﻴﺎﺗﻨﻪ ﺟﺤﻴﻢ ﻳﻮﻣﻴﻪ ﻣﺸﻜﻠﻪ ﭼﺎﻧﺖ ﺍﻣﻲ ﻋﺪﻫﺎ ﺻﺪﻳﻘﻪ ﺗﺠﻲ ﺍﻟﺒﻴﺘﻨﻪ ﻭﺗﺘﺮﺩﺩ ﻋﻠﻴﻬﺎ ﺗﺸﻮﻓﻬﺎ ﻣﻦ ﻧﻔﺲ ﺍﻟﻤﻨﻄﻘﻪ ﻭﺑﻨﺖ ﻧﺎﺱ ﻣﻌﺮﻭﻓﻴﻦ ﻛﻠﻬﻢ ﺑﺎﻟﺪﻭﻟﻪ ﺑﺬﺍﻙ ﺍﻟﻮﻛﺖ
ﻛﻞ ﻣﺎﺗﺠﻲ ﻭﺗﻄﻠﻊ ﺗﺰﻳﺪ ﺍﻟﻤﺸﺎﻛﻞ ﻭﺗﻜﺜﺮ
ﺑﻴﻮﻡ ﻣﻦ ﺍﻷﻳﺎﻡ ﺍﻣﻲ ﻃﻠﺒﺖ ﻣﻦ ﺍﺑﻮﻱ ﻳﻄﻠﮕﻬﺎ ﻭﺍﺑﻮﻱ ﺷﻚ ﺑﺎﻟﻤﻮﺿﻮﻉ ﻭﺣﺐ ﻳﻄﻘﺲ ﻭﻳﻌﺮﻑ ﻛﻠﺸﻲ
ﭼﻨﺖ ﺑﺬﺍﻙ ﺍﻟﻌﻤﺮ ﻣﻮ ﻭﺍﻋﻲ ﺑﺲ ﺑﻌﺪﻳﻦ ﻓﻬﻤﺖ ﻛﻠﺸﻲ
ﺍﺑﻮﻱ ﺷﺎﻙ ﺍﻛﻮ ﺷﻲ ﻭﻃﻠﻊ ﺷﻜﻪ ﺑﻤﺤﻠﻪ ﺍﻣﻲ ﻋﺎﺷﮕﻪ ﺍﺧﻮ ﺻﺪﻳﻘﺘﻬﺎ ﻭﻫﻮﻩ ﺭﺍﻳﺪﻫﺎ ﻭﻣﻘﻨﻌﻬﺎ ﺗﻄﻠﮓ ﺣﺘﻪ ﻳﺘﺰﻭﺟﻬﺎ ﭼﺎﻥ ﻫﻮﻩ ﻳﺘﻮﺍﺻﻞ ﻭﻳﺎﻫﺎ ﻋﻦ ﻃﺮﻳﻖ ﺍﺧﺘﻪ ﺍﻟﻲ ﻫﻴﻪ ﺻﺪﻳﻘﺔ ﺍﻣﻲ
ﺑﺬﺍﻙ ﺍﻟﻮﻛﺖ ﻭﺍﻟﺪﻱ ﻋﺎﺭﻑ ﻛﻠﺸﻲ ﻭﻣﻌﺎﻧﺪ ﻣﻴﻄﻠﮓ
ﻭﺑﺎﻗﻴﻦ ﺳﻨﺘﻴﻦ ﻋﻠﻰ ﻫﺎﻟﺤﺎﻝ ﻻﻫﻴﻪ ﺷﺎﻟﺖ ﺫﺍﻙ ﻣﻦ ﺭﺍﺳﻬﺎ ﻭﻻ ﺍﻟﻌﺎﺷﮕﻬﺎ ﺍﺳﺘﺤﻪ ﻭﮔﺎﻝ ﺣﺮﻣﻪ ﻣﺘﺰﻭﺟﻪ ﺭﻏﻢ ﺍﺑﻮﻱ ﻫﺠﺮﻫﺎ ﺑﺲ ﺑﻘﺖ ﻫﻴﻪ ﻣﻌﻠﮕﻪ
🔹🔸🥇🔹🔸
ﻭﺭﻩ ﺳﻨﺘﻴﻦ ﻭﻧﺺ ﺗﻘﺮﻳﺒﺎ ﭼﺎﻥ ﺷﺘﻪ ﻭﺍﻟﺠﻮﻭ ﺑﺎﺭﺩ ﻧﺰﻟﺖ ﺳﻴﺎﺭﺍﺕ ﻣﺪﻧﻴﻪ ﻭﺑﻴﻬﺎ ﻣﺠﻤﻮﻋﻪ ﻛﺴﺮﻭ ﺍﻟﺒﺎﺏ ﻭﺍﺧﺬﻭ ﺍﺑﻮﻱ ﻣﻦ ﺑﻴﻨﺎﺗﻨﻪ
ﺍﻣﻲ ﺑﻴﻮﻣﻬﺎ ﺑﺎﻟﻠﻴﻞ ﻋﺎﻓﺘﻨﻲ ﻭﺭﺍﺣﺖ ﺍﻟﺨﻮﺍﻟﻲ ﭼﻨﻬﺎ ﺗﻌﺮﻑ ﻭﺩﺍﺭﺳﻪ ﺍﻟﺨﻄﻪ ﻋﺪﻝ ﺍﻟﻜﻞ ﭼﺎﻥ ﻣﺴﺘﺒﻌﺪﻫﺎ ﻭﻣﺤﺪ ﻳﻌﺮﻑ ﺍﻟﺒﻴﻨﻬﺎ ﻭﺑﻴﻦ ﺍﺑﻮﻱ ﻭﻟﻴﻌﺮﻓﻮﻥ ﻫﺎﺟﺮﻫﺎ
ﺍﻻ ﺑﻌﺪ ﻓﺘﺮﻩ
ﺍﺑﻮﻱ ﺍﻟﻲ ﻫﻮﻩ ﺟﺪﻱ ﻭﻋﻤﺎﻣﻲ ﻳﺪﻭﺭﻭﻥ ﻋﻠﻰ ﺍﺑﻮﻱ ﺑﻜﻞ ﺍﻟﺴﺠﻮﻥ ﺑﺲ ﻣﺎﻟﻪ ﺍﺛﺮ ﺑﻴﻮﻡ ﺿﻬﺮﻳﻪ ﻭﭼﺎﻥ ﺍﻟﻮﻛﺖ ﻃﺎﻟﻊ ﻭﺍﻟﺠﻮ ﺗﻮﻩ ﺩﻓﻴﺎﻥ ﭼﻨﺖ ﺍﻟﻌﺐ ﺑﺎﻟﺒﺎﺏ ﻭﺍﺟﻮ ﺍﺛﻨﻴﻦ ﻻﺑﺴﻴﻦ ﺯﻱ ﻣﻌﻴﻴﻦ ﻭﺭﺍﺩﻭ ﻳﺤﺎﭼﻮﻥ ﺟﺪﻱ ﻟﻮ ﻭﺍﺣﺪ ﻣﻦ ﻋﻤﺎﻣﻲ
ﺻﺤﺘﻠﻬﻢ ﺟﺪﻱ ﻭﻃﻠﻌﺖ ﺍﻟﻌﺐ ﺑﺎﻟﺒﺎﺏ ﻗﺮﻳﺐ ﺍﻟﻬﻢ
ﺍﺳﻤﻌﺘﻬﻢ ﻃﻠﺒﻮﻭ ﻣﻦ ﺟﺪﻱ ﻳﺴﺘﻠﻢ ﺟﺜﺔ ﻭﺍﻟﺪﻱ ﻭﻳﺪﻓﻊ ﻓﻠﻮﺱ ﺍﻟﻄﻠﻘﺎﺕ ﺍﻟﻲ ﺍﻧﻌﺪﻡ ﺑﻴﻬﻦ
ﭼﻨﺖ ﺍﻓﺘﻬﻢ ﻭﺫﻛﻲ ﻣﻦ ﺻﻐﺮﻱ ﻣﺎﻛﻮ ﺷﻲ ﻳﻔﻮﺗﻨﻲ ﺑﺲ ﻫﻨﺎ ﺍﺭﻳﺪ ﺍﺳﺘﻮﻋﺐ ﺍﻟﺼﺎﺭ ﻣﺎﻋﺮﻓﺖ
ﺭﺍﺣﻮ ﻭﻋﺎﻓﻮ ﺟﺪﻱ ﺑﺤﻴﺮﺗﻪ ﺩﺧﻞ ﺟﻮﻩ ﻭﺑﭽﻪ ﺑﺼﻮﺕ ﻋﺎﻟﻲ ﺍﻟﺘﻤﻦ ﻋﻤﺎﺗﻲ ﻭﺑﻴﺒﻴﺘﻲ ﭼﺎﻧﺖ ﺑﺤﻴﻠﻬﺎ ﻃﻠﺐ ﻣﻨﻬﻦ ﻳﺴﻮﻥ ﻛﻠﺸﻲ ﺑﺴﻜﺘﻪ ﺣﺘﻪ ﺍﻟﺒﭽﻲ ﺍﻧﺤﺮﻣﻨﻪ ﻣﻨﻪ
ﺷﻌﻮﺭ ﺻﻌﺐ ﻭﺍﻟﺘﻬﻤﻪ ﻣﺎﻧﻌﺮﻓﻬﺎ ﺷﻨﻬﻲ
ﺑﻴﻮﻡ ﺍﻟﻲ ﺍﺳﺘﻠﻤﻮ ﺟﺜﺘﻪ ﭼﺎﻥ ﻣﻨﻄﻲ ﻭﺭﻗﻪ ﻟﻠﺤﺎﺭﺱ ﺍﻟﻲ ﻳﺸﺮﻑ ﻋﻠﻰ ﺍﻋﺪﺍﻣﻪ ﻭﺭﺍﻳﺪ ﻳﻮﺻﻠﻬﺎ ﺍﻷﺑﻮﻱ ﻭﺍﻋﻤﺎﻧﻲ ﻭﺍﻟﺤﺎﺭﺱ ﻭﺻﻠﻬﺎ ﺑﻴﻮﻡ ﺍﻟﻲ ﺭﺍﺣﻮ ﻳﺴﺘﻠﻤﻮﻥ ﺟﺜﺘﻪ
ﻣﻀﻤﻮﻥ ﺍﻟﻮﺭﻗﻪ
ﺑﻌﺪ ﺍﻟﺴﻼﻡ ﺍﻋﻠﻢ ﻳﺎﺍﺑﻲ ﺍﻧﻲ ﻗﺪ ﻓﺎﺭﻗﺖ ﻫﺬﻩ ﺍﻟﺪﻧﻴﺎ ﻭﺍﻧﺖ ﺗﻘﺮﺃ ﻣﺎﺧﻄﺖ ﻳﺪﻱ
ﻓﺎﺭﻗﺘﻬﺎ ﻭﺍﻧﺎ ﻣﺤﻜﻮﻡ ﺑﺎﻷﻋﺪﺍﻡ ﺩﻭﻥ ﺫﻧﺐ ﻛﺎﻥ ﺫﻧﺒﻲ ﻫﻮﻩ ﺍﻟﺤﻔﺎﻅ ﻋﻠﻰ ﺯﻭﺟﺘﻲ ﻭﺍﺳﺮﺗﻲ ﺑﻴﻦ ﻃﻴﺎﺕ ﻛﺘﺎﺏ ﺣﻴﺎﺗﻲ ﺳﻮﻑ ﺗﺠﺪ ﺍﻷﺳﻄﺮ ﺍﻟﺘﻲ ﺗﺒﻴﻴﻦ ﻟﻜﻢ ﻣﻦ ﻫﻮﻩ ﻏﺮﻳﻤﻲ ﻭﻣﺎﻓﻌﻠﺖ ﺍﻧﺎ ﻭﻣﺎﻫﻢ ﻓﻌﻠﻮﻭ
ﻭﺻﻴﺘﻲ ﻟﻚ ﻭﻷﺧﻮﺗﻲ ﺍﻭﺻﻴﻜﻢ ﺧﻴﺮ ﺑﻌﻠﻲ
ﻳﺎﺍﺑﻲ ﻛﻞ ﻣﺎﺭﺃﻳﺘﻪ ﺍﻣﺎﻣﻚ ﻛﺄﻧﻚ ﺗﺮﺍﻧﻲ
ﻋﺎﻣﻠﻪ ﻛﻤﺎ ﻋﺎﻣﻠﺘﻨﻲ ﻭﺍﺣﺴﻦ ﺗﺮﺑﻴﺘﻪ ﻭﺍﺑﻌﺪﻩ ﻋﻦ ﺭﺃﺱ ﺍﻷﻓﻌﻰ
ﭼﺎﻧﺖ ﺍﻟﻮﺭﻗﻪ ﻛﻠﻬﺎ ﺍﺳﺮﺍﺭ ﻭﻣﺎﻋﺮﻓﻮ ﻣﻀﻤﻮﻧﻬﺎ ﺑﺲ ﻋﻨﻲ ﻋﻤﻲ ﺧﺎﻟﺪ ﮔﺎﻝ ﺣﺴﻴﻦ ﻣﺎﻳﻜﺘﺐ ﻫﻴﭻ ﻫﻮﻩ ﺭﺍﺩ ﻳﻮﺻﻞ ﺭﺳﺎﻟﻪ
ﻭﺻﺪﮒ ﺩﻭﺭﻭ ﻣﻜﺘﺒﺘﻪ ﻭﻟﮕﻮﻭ ﻛﺘﺎﺏ ﻣﻦ ﺿﻤﻦ ﺍﻟﻌﻨﻮﺍﺕ ﺍﻟﺒﻲ ﻛﻠﻤﺔ ﺣﻴﺎﺗﻲ
ﺩﻭﺭﻭﻭ ﺍﻟﻜﺘﺎﺏ ﭼﺎﻥ ﺑﺪﺍﺧﻠﻪ ﺩﻓﺘﺮ ﻣﺬﻛﺮﺍﺕ ﻭﭼﺎﻥ ﺍﺑﻮﻱ ﻛﺎﺗﺐ ﻛﻠﺸﻲ
ﻫﺬﺍ ﺍﻟﺸﻲ ﻋﺮﻓﺘﻪ ﺑﻌﺪ ﻣﺎﻛﺒﺮﺕ ﺟﺪﻱ ﻓﻬﻤﻨﻲ ﻋﻠﻲ ﻭﻫﻮﻩ ﺿﺎﻡ ﺑﻴﺪﻩ ﺍﻟﺪﻓﺘﺮ ﻣﻦ ﻛﺒﺮﺕ ﻧﻄﺎﻧﻴﺎﻩ ﺑﺴﺒﺐ ﻣﻮﻗﻒ ﻣﻌﻴﻴﻦ
ﺍﻣﻲ ﻣﺎﻭﺻﻠﺖ ﺍﻟﻨﻪ ﺑﻌﺪ ﻭﺭﻩ ﻓﺘﺮﻩ ﻋﺮﻓﻨﻪ ﻫﻴﻪ ﻣﺘﺰﻭﺟﻪ ﺍﻟﻘﺎﺿﻲ ﻣﺎﻫﺮ ﺍﻟﻲ ﻫﻮﻩ ﺍﺧﻮﻭ ﺍﻡ ﻋﻠﻴﺎﺀ ﻋﺮﻓﻨﻪ ﻫﻴﻪ ﺍﻟﺴﺒﺐ ﺑﺎﻟﻲ ﺻﺎﺭ ﻭﻋﻦ ﻃﺮﻳﻘﻬﺎ ﺍﺧﻮﻫﺎ ﺭﺍﺩ ﺍﻣﻲ ﻭﻫﻴﻪ ﺍﻟﺴﺎﻋﺪﺕ ﺑﺎﻋﺪﺍﻡ ﺍﺑﻮﻱ
ﺟﺪﻱ ﺑﺬﺍﻙ ﺍﻟﻮﻛﺖ ﻣﺎﺳﻮﻩ ﺷﻲ ﻭﺑﻘﺖ ﻋﻠﺘﻪ ﺑﮕﻠﺒﻪ ﭼﺎﻧﻮ ﺍﻫﻞ ﻣﺎﻫﺮ ﻭﺍﺻﻠﻴﻦ ﺑﺎﻟﺪﻭﻟﻪ ﻛﻠﻬﻢ ﺿﺒﺎﻁ ﺍﻣﻦ ﻭﻗﻀﺎﺓ
ﭼﺎﻥ ﻳﮕﻠﻲ ﺟﺪﻱ ﻻﺗﺨﺎﻑ ﺛﺎﺭ ﺍﺑﻮﻙ ﻣﺎﺍﻋﻮﻓﻪ ﺍﻟﺒﺪﻭﻱ ﺍﺧﺬ ﺛﺎﺭﻩ ﻭﺭﻩ ﺍﺭﺑﻌﻴﻦ ﺳﻨﻪ ﻭﮔﺎﻝ ﺍﺳﺘﻌﺠﻠﺖ
ﺻﺤﻴﺖ ﻣﻦ ﺻﻔﻨﺘﻲ ﻋﻠﻰ ﺻﻮﺕ ﻋﻠﻴﺎﺀ ﺗﻮﻥ
ﻭﮔﻔﺖ ﻳﻢ ﺭﺍﺳﻬﺎ
.. ﺧﻴﺮﭺ ﺑﻴﭻ ﺷﻲ ﺍﺻﻴﺢ ﺍﻟﻄﺒﻴﺐ
ﺍﺷﺮﺕ ﺑﻌﻴﻮﻧﻬﺎ ﻭﭼﺎﻧﺖ ﺗﺘﺄﻟﻢ
ﻧﺴﻴﺖ ﺣﻘﺪﻱ ﻭﺧﻔﺖ ﻋﻠﻴﻬﺎ ﺭﺣﺖ ﻟﻠﻄﺒﻴﺐ ﺍﺟﻪ ﺷﺎﻓﻬﺎ ﮔﺎﻝ ﺍﻛﻴﺪ ﺗﻜﻮﻥ ﺗﻌﺒﺎﻧﻪ ﻏﺴﻞ ﺍﻟﻤﻌﺪﻩ ﻣﻮ ﺷﻲ ﺑﺴﻴﻂ ﻭﻫﻴﻪ ﻫﻢ ﺭﺍﺳﻬﺎ ﻳﻮﺟﻌﻬﺎ ﻭﺟﺴﻤﻬﺎ ﻧﺤﻼﻥ ﻣﻦ ﺍﻷﺩﻭﻳﻪ
ﻣﺮﺍﺡ ﺍﻧﻄﻴﻬﺎ ﻣﻨﻮﻡ ﺧﻠﻴﻬﺎ ﺗﺼﺤﺎ ﺷﺔﻳﻪ ﺍﻓﻀﻞ ﺍﻟﻬﺎ
ﻭﮔﻔﺖ ﻳﻤﻬﺎ ﻭﺣﺎﭼﻴﺘﻬﺎ
.. ﻣﻨﻮ ﻳﺴﺘﺎﻫﻞ ﺍﻟﺴﻮﻳﺘﻲ ﺑﺮﻭﺣﭻ ﻭﻟﻴﺶ ﻣﺎﻓﻜﺮﺗﻲ ﺑﺄﺧﺮﺗﭻ ﻟﻴﺶ
.. ﻣﻮﺑﻴﺪﻱ ﻭﺍﻟﻠﻪ ﻣﺎﭼﻨﺖ ﺍﺩﺭﻱ ﻫﻴﭻ ﻳﺼﻴﺮ
.. ﺍﺭﺗﺎﺣﻲ ﻫﺴﻪ ﻣﻮ ﻭﻛﺘﻌﺎ ﺑﻌﺪﻳﻦ ﻧﺴﻮﻟﻒ
ﻃﻠﻌﺖ ﻣﻨﻬﺎ ﻭﺧﺎﺑﺮﺕ ﺍﻷﻫﻞ ﻃﻤﻨﺘﻬﻢ
ﻭﺿﻠﺖ ﺫﻛﺮﻳﺎﺗﻲ ﺍﻃﺎﺭﺩﻧﻲ ﻣﺮﻥ ﻋﻠﻴﻪ ﺳﻨﻴﻦ ﻋﻤﺮﻱ ﻛﻠﻬﺎ ﺷﺠﺎﺑﻬﻦ ﮔﺪﺍﻣﻲ ﺑﻨﺎﺕ ﻋﻤﻲ ﻭﻟﻴﺶ ﺟﺮﻭﺣﻲ ﻛﻞ ﻣﺎﺍﺭﻳﺪ ﺍﺷﻠﻬﻦ ﻳﻨﻔﺘﺤﻦ
ﻟﻴﺶ ﻛﻞ ﻣﺎﺍﺭﻳﺪ ﺍﻧﺴﻪ ﻳﺼﻴﺮ ﻣﻮﻗﻒ ﻳﺬﻛﺮﻧﻲ ﺑﻜﻠﺸﻲ ﻣﻮ ﺣﻠﻮ ﺑﻌﻤﺮﻱ ﻭﺍﻭﻟﻬﻦ ﺍﻣﻲ ﻭﺍﻣﻬﻦ
ﺍﺥ ﺍﺣﺲ ﺭﻭﺣﻲ ﻣﻌﻠﻌﻠﻪ ﻭﻣﺎﻟﻬﺎ ﻃﺒﻴﺐ ﺗﻌﺒﺖ ﻭﺣﺴﻴﺖ ﻧﻔﺴﻲ ﻳﺮﺍﺩﻟﻲ ﻋﻼﺝ ﺑﺲ ﻋﻼﺟﻲ ﻣﺠﺎﻳﺒﻪ ﻭﻳﺎﻱ
ﺭﺩﺕ ﺍﺗﺼﻞ ﺑﺄﺣﺪ ﻳﺠﻴﺒﻪ ﺑﺲ ﺍﻟﻮﻗﺖ ﻣﺘﺄﺧﺮ
ﺍﻧﻲ ﻋﻨﺪﻱ ﺍﺯﻣﺔ ﺭﺑﻮﻭ ﺣﺎﺩﻩ ﻳﻌﻨﻲ ﻣﻦ ﺗﺘﺄﺯﻡ ﺣﺎﻟﺘﻲ ﺍﻧﺘﻬﻲ ﻭﻫﺎﻱ ﺍﻟﺤﺎﻟﻪ ﺗﺠﻴﻨﻲ ﻣﻦ ﺣﺎﻟﺘﻲ ﺍﻟﻨﻔﺴﻴﻪ ﺍﺫﺍ ﺗﻮﺗﺮﺕ ﻭﺍﺫﺍ ﭼﺎﻥ ﺍﻟﺠﻮﻭ ﺗﺮﺍﺏ ﻭﻣﺮﺍﺕ ﻣﻦ ﺍﺩﺧﻦ ﻫﻢ ﺗﺼﻴﺮ
ﻣﺎﺧﺎﺑﺮﺕ ﻭﮔﻠﺖ ﺍﻧﻲ ﺑﺎﻟﻤﺴﺘﺸﻔﻰ ﺍﺫﺍ ﺻﺎﺭ ﺷﻲ ﺍﻟﻌﻼﺝ ﻳﻤﻲ
ﺑﻘﻴﺖ ﺍﺭﺍﻗﺐ ﺣﺎﻟﺘﻬﺎ ﻭﺛﺎﻧﻲ ﻳﻮﻡ ﻗﺮﺭﻭﻟﻨﻪ ﺍﻟﺨﺮﻭﺝ ﻭﻻﺯﻡ ﺍﺧﺬﻫﺎ ﺍﻟﻄﺒﻴﺐ ﻳﺸﻮﻑ ﻧﺴﺒﺔ ﺍﻟﺘﺨﺪﻳﺮ ﺑﺪﻣﻬﺎ ﻭﺷﻨﻮ ﺗﺄﺛﻴﺮﻫﺎ ﻭﻛﻴﻔﻴﺔ ﺍﻟﻌﻼﺝ
ﺑﻴﻮﻣﻬﺎ ﻣﻮ ﻧﺎﻳﻢ ﻟﻠﺼﺒﺢ ﻭﺻﻠﺖ ﻟﻠﺒﻴﺖ ﻭﻫﻤﻪ ﺍﺳﺘﻘﺒﻠﻮﻫﺎ ﻓﻬﻤﺖ ﺍﻣﻲ ﻣﺎﺍﺭﻳﺪ ﺍﺣﺪ ﻳﻔﺘﺢ ﻭﻳﺎﻫﺎ ﻣﻮﺿﻮﻉ ﺍﻧﺘﺤﺎﺭﻫﺎ ﺍﺑﺪ ﺍﻧﻲ ﺭﺍﻳﺢ ﺍﺭﺗﺎﺡ
ﺭﺣﺖ ﺍﻧﺎﻡ ﻭﮔﻮﻩ ﺗﺨﻠﺼﺖ ﻣﻦ ﺍﻓﻜﺎﺭﻱ ﻭﻧﻤﺖ ﺻﺎﺭ ﺍﻟﻌﺼﺮ ﺍﺧﺬﺗﻬﺎ ﻭﺭﺣﺖ ﻟﻠﻄﺒﻴﺐ ﺟﺎﻥ ﻭﺟﻬﻪ ﺍﺻﻔﺮ ﻭﺫﺑﻼﻧﻪ ﺳﺎﻋﺎﺕ ﺍﺣﻘﺪ ﻋﻠﻴﻬﺎ ﻭﺳﺎﻋﺎﺕ ﺗﻜﺴﺮ ﺧﺎﻃﺮﻱ
ﺑﺲ ﻛﻞ ﻫﻤﻲ ﻫﺴﻪ ﺍﻋﺮﻑ ﺷﻠﻮﻥ ﺻﺎﺭ ﻋﺪﻫﺎ ﺍﺩﻣﺎﻥ ﻭﻫﺴﻪ ﺍﻟﻄﺒﻴﺐ ﻳﻌﺮﻑ ﻫﻴﻪ ﻣﺪﻣﻨﻪ ﺑﺎﺭﺍﺩﺗﻬﺎ ﻟﻮ ﭼﺎﻧﺖ ﻣﺮﻳﻀﻪ ﻭﻫﺬﺍ ﻋﻼﺝ ﺍﻟﻬﺎ
ﻳﺘﺒﻊ ..
ﺣﺒﺎﻳﺒﻲ ﺍﻧﻲ ﻣﻤﻨﻮﻧﻪ ﻣﻨﻜﻢ ﻭﻣﻦ ﻣﺘﺎﺑﻌﺘﻜﻢ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء