رواية ذكريات عشق مؤلم الجزء التاسع
للكاتبة زينب ماجد
🔹🔸🔹🔸
ﻋﺼﺎﻡ .. ﺩﺧﻠﺖ ﻟﻠﺮﺩﻫﺎ ﻻﺩﻫﻢ ﻟﻜﻴﺖ ﺳﺎﺭﻩ ﺗﺮﻳﺪ ﺗﺮﻭﺡ ﺍﺑﺎﻭﻋﻠﻬﺎ ﺷﻄﺎﻟﻌﻪ ﺗﺨﺒﻞ ﺗﻜﻮﻝ ﺟﺎﻳﻪ ﺣﻔﻠﻪ ﻣﻮ ﻣﺴﺘﺸﻔﻰ
ﻣﺎ ﺍﻋﺮﻑ ﻟﻴﺶ ﻣﺎ ﺍﻛﺪﺭ ﺍﻏﺾ ﻧﻀﺮﻱ ﻋﻨﻬﺎ .. ﻛﻠﻤﺎ ﺍﺣﺘﺼﺮ ﺍﻓﻜﺮ ﺑﻴﻬﺎ .. ﺩﻭﻡ ﺳﺎﻛﻨﻪ ﺧﻴﺎﻟﻲ .. ﺷﻜﺪ ﻣﺎ ﺍﺣﺎﻭﻝ ﺍﺑﻌﺪ ﻫﻠﺸﻲ ﻣﻮ ﺑﻴﺪﻱ .. ﺍﺭﺟﻊ ﺍﻓﻜﺮ ﺑﻴﻬﺎ
ﻣﺮﺣﻬﺎ ﺿﺤﻜﺘﻬﺎ ﺍﺳﻠﻮﺑﻬﺎ ﻛﻠﻬﺎ ﺗﻠﻔﺖ ﺍﻧﺘﺒﺎﻩ .. ﺗﺨﻠﻴﻚ ﺗﻔﻜﺮ ﺑﻜﻞ ﺣﺮﻛﻪ ﺗﺴﻮﻳﻬﺎ ﻭﺗﺴﻜﻦ ﺑﺎﻟﻚ ..
ﺭﺣﺖ ﻟﻠﺪﻛﺘﻮﺭ ﺍﺳﺌﻞ ﻋﻠﻰ ﺧﺮﻭﺝ ﺍﺩﻫﻢ .. ﻛﺎﻝ ﻳﻜﺪﺭ ﻳﻄﻠﻊ .. ﻟﻜﻦ ﺧﻞ ﻳﺮﺗﺎﺡ ﻭﻻ ﻳﺘﺤﺮﻙ ﻋﻠﻤﻮﺩ ﻳﺘﺤﺴﻦ ﺍﻟﻜﺴﺮ ﻣﺎﻝ ﺭﺟﻠﻪ ﺍﺧﺬﺗﻪ ﻭﻃﻠﻌﺖ ﺑﺎﻟﺴﻴﺎﺭﻩ
ﻋﺼﺎﻡ : ﻻﺯﻡ ﺍﺭﺗﺎﺣﻴﺖ ﻣﻦ ﺍﺟﺖ ﺳﺎﺭﻩ
ﺍﺩﻫﻢ : ﺍﻱ ﻭﺍﻟﻠﻪ
ﻋﺼﺎﻡ : ﻭﻟﻚ ﺗﺮﺩﻱ ﻟﻮ ﻣﺎ ﻣﺮﺗﻚ ﺟﺎﻥ ﻗﻔﺼﺖ ﻋﻠﻴﻬﺎ
ﺍﺩﻫﻢ : ﺍﻧﺠﺐ ﻟﻚ ﺍﺳﺘﺤﻲ
ﻋﺼﺎﻡ : ﻟﻚ ﺷﺒﻴﻚ ﺩﺍ ﺍﺗﺸﺎﻗﻪ ﻭﺍﻟﻠﻪ ﺑﺲ ﻭﺍﻟﻠﻪ ﻫﻴﻪ ﺣﻠﻮﻩ ﻭﺗﺠﺒﺮ ﺍﻟﻮﺍﺣﺪ ﻳﺒﺎﻭﻋﻠﻬﺎ
ﺍﺩﻫﻢ : ﺍﻧﺠﺐ 😒
ﻋﺼﺎﻡ : ﺍﻧﺠﺒﻴﺖ 😑
ﺍﺩﻫﻢ .. ﻫﻬﻬﻬﻬﻪ .. ﻣﺘﺸﻮﻑ ﺍﻭﻝ ﻣﺎ ﺷﻔﺘﻬﺎ ﻋﺮﺿﺖ ﻋﻠﻴﻬﺎ ﺍﻟﺰﻭﺍﺝ .. ﻫﻴﻪ ﻣﺤﺒﻮﺑﻪ
ﻋﺼﺎﻡ .. ﺍﻟﻠﻪ ﻳﺨﻠﻴﻬﺎ ﺍﻟﻚ ﺍﻧﺸﺎﻟﻠﻪ
ﺍﺩﻫﻢ .. ﺗﺴﻠﻢ
ﺩﺧﻠﺖ ﻟﻠﺒﻴﺖ ﺍﺧﺬﻧﻲ ﻋﺼﺎﻡ ﻟﻠﻐﺮﻓﻪ ﻣﺎﻝ ﺳﺎﺭﻩ ﺩﺧﻠﺖ ﻟﻜﻴﺖ ﺳﺎﺭﻩ ﻧﺎﻳﻢ ﻫﻴﻪ ﻭﺍﺳﺪ ﺍﻭﻭﻭﻭﻑ ﺷﻜﺪ ﺍﺭﺗﺎﺣﻴﺖ ﻟﻤﺎ ﻟﻜﻴﺘﻬﺎ ﻧﺎﻳﻤﻪ ﻣﺜﻞ ﺍﻟﻤﻼﻙ
ﺍﺷﺮﺕ ﻟﻌﺼﺎﻡ ﺑﻼ ﻣﻴﺴﻮﻱ ﺻﻮﺕ ﻭﺻﻠﻨﻲ ﻟﻠﺴﺮﻳﺮ ﻛﻌﺪﻧﻲ ﻭﻃﻠﻊ ﺑﻘﻴﺖ ﺍﺗﺼﻔﻦ ﺑﻴﻬﺎ ﺍﻟﻌﺐ ﺑﺸﻌﺮﻫﺎ ﻭﺑﻬﻼﺛﻨﺎﺀ ﺩﺧﻠﺖ ﺯﻫﺮﺍﺀ
ﻃﻠﻌﺖ ﺭﻭﺣﻲ ﻣﻦ ﺷﻔﺘﻬﺎ ﺭﺍﺩﺕ ﺗﺴﻠﻢ ﻋﻠﻴﻪ ﻃﺮﺩﺗﻬﺎ ﻭﻛﻠﺘﻠﻬﺎ ﺍﺣﺴﺎﺑﺞ ﻳﻤﻲ ﺑﻌﺪﻳﻦ ﻣﻦ ﺍﻟﺼﻮﺕ ﻛﻌﺪﺕ ﺳﺎﺭﻩ
ﺳﺎﺭﻩ : ﻫﺎ ﺣﺒﻴﺒﻲ ﻃﻠﻌﺖ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻭﺍﻟﻠﻪ ﺭﺩﺕ ﺍﻣﻮﺕ ﻟﻤﺎ ﺳﻤﻌﺖ ﺑﻴﻚ
ﺍﺩﻫﻢ : ﺍﻟﻠﻪ ﻳﺴﻠﻤﺞ ﺣﺒﻲ … ﺳﺎﺭﻩ …
ﺳﺎﺭﻩ : ﻫﺎ ﺣﺒﻴﺒﻲ
ﺍﺩﻫﻢ : ﺍﻧﻲ ﺍﺳﻒ ﻻﻥ ﺷﻜﻴﺖ ﺑﻴﺞ ﻓﻌﻼ ﻏﺒﻲ ﻭﺍﻟﻠﻪ .. ﺍﻟﻠﻪ ﻳﺨﻠﻴﺞ ﺳﺎﻣﺤﻴﻨﻲ
ﺳﺎﺭﻩ : ﻣﺴﺎﻣﺤﺘﻚ ﺣﺒﻴﺒﻲ ﻟﺘﻌﺐ ﻧﻔﺴﻚ ﻳﻠﻪ ﻧﺎﻡ ﺍﻧﻲ ﺭﺍﺡ ﺍﺭﻭﺡ ﺍﺟﻴﺐ ﻏﺮﺍﺿﻲ ﺑﻘﺖ ﺍﺑﻴﺖ ﺍﻫﻠﻲ ﻭﺍﺭﺟﻊ ﻣﺎ ﺍﻃﻮﻝ ﭐפﮔـﻴﮧ
ﺍﺩﻫﻢ : ﭐפﮔـﻴﮧ ﺣﺒﻴﺒﻲ
ﺳﺎﺭﻩ : ﺭﺩﺕ ﺍﻃﻠﻊ ﻭﺭﺟﻌﺖ ﻛﺘﻠﻪ ﻧﺴﻴﺖ ﺷﻐﻠﻪ
ﺍﺩﻫﻢ : ﺷﻨﻮ
ﺳﺎﺭﻩ : ﺗﻘﺮﺑﺖ ﻣﻨﻪ ﻭﻃﺒﻌﺖ ﺑﻮﺳﻪ ﻋﻠﻰ ﺷﻔﺎﻳﻔﻪ ﻫﻬﻪ ﺣﺴﻴﺘﻪ ﺫﺍﺏ ﻛﺪﺍﻣﻲ ﺿﺤﻜﺖ ﻭﻧﻮﻣﺘﻪ ﻭﻏﻄﻴﺘﻪ ﻭﻃﻠﻌﺖ ﻟﻜﻴﺖ ﻋﺼﺎﻡ
ﺳﺎﺭﻩ : ﻫﻼ ﻋﺼﺎﻡ
ﻋﺼﺎﻡ : ﻫﻼ ﺳﺎﺭﻩ ﻭﻳﻦ
ﺳﺎﺭﻩ : ﺭﺍﻳﺤﻪ ﻟﻠﺒﻴﺖ ﺍﺟﻴﺐ ﻏﺮﺍﺿﻲ ﻧﺴﻴﺘﻬﺎ ﺑﺒﻴﺖ ﺍﻫﻠﻲ
🔸🔹🔸🔹
ﻋﺼﺎﻡ : ﺍﻭﻙ ﺍﻣﺸﻲ ﺍﻭﺩﻳﺞ
ﺳﺎﺭﻩ : ﻻ ﻳﻤﻌﻮﺩ ﺍﻧﺘﻪ ﺍﺻﻼ ﺗﻌﺒﺎﻥ .. ﺗﻌﺒﺖ ﻭﻳﻪ ﺍﺩﻫﻢ ﻫﻮﺍﻳﻪ ﺍﺧﺬ ﺭﺍﺣﺘﻚ .. ﺍﻧﻲ ﺍﺧﺬ ﺗﻜﺴﻲ
ﻋﺼﺎﻡ : ﺍﻛﻠﻲ ﺗﺒﻦ ﺗﻤﺸﻴﻦ ﻫﻴﺞ ﺑﺎﺑﺎ ﺍﻧﺘﺒﻬﻲ ﻋﻠﻰ ﻧﻔﺴﺞ ﺗﺮﻩ ﺍﺣﻨﻪ ﻛﺎﻋﺪﻳﻦ ﺑﺎﻟﻌﺮﺍﻕ ﻣﻮ ﺑﺎﻭﺭﺑﺎ
ﺳﺎﺭﻩ : ﻟﻴﺶ ﺷﻼﺑﺴﻪ ﻣﺎ ﺑﻴﻬﺎ ﺷﻲ ﻣﻼﺑﺴﻲ
ﻋﺼﺎﻡ : ﺍﻱ ﺑﺲ ﺍﻟﺸﺎﺭﻉ ﻣﻴﺘٲﻣﻦ ﻭﺍﻧﺘﻲ ﺣﻠﻮﻩ ﻭﺯﻏﻴﺮﻩ ﻣﺎ ﻋﻨﺪﻱ ﺷﻲ ﺍﻧﻲ ﺍﻭﺩﻳﺞ ﻭﺍﺭﺟﻌﺞ
ﺳﺎﺭﻩ : ﺍﻭﻙ ﻳﻠﻪ .. ﺍﺳﺘﻐﺮﺑﺖ ﻋﺼﺎﻡ ﻟﻴﺶ ﻫﻴﺢ ﻳﻐﺎﺭ ﻋﻠﻰ ﻣﻼﺑﺴﻲ ﺍﺩﻫﻢ ﻧﻔﺴﻪ ﻣﺤﺎﺳﺒﻨﻲ .. ﻳﻠﻪ ﻫﻮﻩ ﻃﺒﻌﻪ ﻏﻴﻮﺭ ﺷﻮﻳﻪ
ﺻﻌﺪﻧﺎ ﺑﺎﻟﺴﻴﺎﺭﻩ ﺍﻟﻄﺮﻳﻖ ﻛﻠﻪ ﻣﺎ ﺷﺎﻝ ﻋﻴﻨﻪ ﻋﻨﻲ ﻣﺎ ﺍﻋﺮﻑ ﺻﺮﺍﺣﻪ ﺍﺳﺘﻐﺮﺑﺖ ﻧﻀﺮﺍﺗﻪ ﺑﺲ ﻣﻤﻌﻘﻮﻟﻪ ﻫﻮﻩ ﺍﺧﻮ ﺍﺩﻫﻢ ﻭﻳﺤﺐ ﺍﺩﻫﻢ ﻫﻮﺍﻳﻪ
ﻭﺻﻠﻨﺎ ﻟﺒﻴﺖ ﺍﻫﻠﻲ ﺟﺒﺖ ﻏﺮﺍﺿﻲ ﻭﺳﻠﻤﺖ ﻋﻠﻰ ﺍﻫﻠﻲ ﻭﻃﻠﻌﺖ ﻭﺻﻠﻨﺎ ﻟﻠﺒﻴﺖ ﻟﻜﻴﺖ ﺍﺩﻫﻢ ﻛﺎﻋﺪ ﺑﺎﻟﺼﺎﻟﻪ
ﻣﻦ ﺩﺧﻠﺖ ﺍﺑﺘﺴﻢ ﻭﺟﺎﻧﻮ ﺍﻫﻠﻪ ﻭﻋﻤﺎﻣﻪ ﻛﻮﻟﻬﻢ ﻣﻮﺟﻮﺩﻳﻦ ﺳﻠﻤﺖ ﻋﻠﻴﻬﻢ ﻭﻛﻌﺪﺕ ﻳﻢ ﺍﺩﻫﻢ
ﺍﺩﻫﻢ : ﻫﻤﺴﺖ ﺑﺄﺫﻧﻬﺎ ﺗﻮﻩ ﻧﻮﺭ ﺍﻟﺒﻴﺖ ﺣﺒﻴﺒﻲ
ﺳﺎﺭﻩ : ﻳﺤﻴﺎﺗﻲ ﻣﻨﻮﺭ ﺑﻮﺟﻮﺩﻙ
ﺍﺩﻫﻢ : ﻣﺸﺘﺎﻗﻠﺞ ﻛﻮﻣﻪ ﺑﻌﺪ ﻣﺎ ﺍﺳﻤﺤﻠﺞ ﺍﻃﻠﻌﻴﻦ ﺧﺎﺭﺝ ﺍﻟﺒﻴﺖ ﻟﻮ ﺍﻋﺮﻑ ﺍﺣﺒﺴﺞ ﺗﺤﺖ ﺳﺎﺑﻊ ﺍﺭﺽ
ﺳﺎﺭﻩ : ﻫﻬﻬﻪ ﻭﻋﺪ ﺑﻌﺪ ﻣﺎ ﺍﻃﻠﻊ ﺍﺑﻘﻰ ﻻﺯﻛﻪ ﻋﻠﻰ ﻛﻠﺒﻚ …
ﺍﺩﻫﻢ .. ﺍﺣﻠﻰ ﻟﺰﻛﻪ
ﺳﺎﺭﻩ .. ﻫﻬﻬﻬﻬﻪ ﻓﺪﻳﺖ .. ﺭﺣﺖ ﻟﻠﻤﻄﺒﺦ ﻭﻳﻪ ﺍﻟﺒﻨﺎﺕ ﺍﺳﻮﻱ ﺍﻛﻞ ﻛﻤﻠﻨﺎ ﺳﻮﻳﻨﺎ ﺳﻔﺮﻩ ﻻﻥ ﺍﻟﻜﻞ ﻣﻮﺟﻮﺩ ﻭﻋﻤﺎﻣﻪ ﻭﺧﻮﺍﻟﻪ
ﺣﺴﻴﺖ ﺑﻮﺟﻊ ﺍﺑﻄﻨﻲ ﺫﺑﺤﻨﻲ ﻭﺩﻭﺧﻪ ﻟﺰﻣﺘﻨﻲ .. ﺍﺣﺲ ﺍﻟﺪﻧﻴﺎ ﻛﺎﻣﺖ ﺗﻔﺘﺮ ﺑﻴﻪ ﺑﺎﻭﻋﺖ ﻻﺩﻫﻢ ﻳﺒﺎﻭﻋﻠﻲ ﻭﻳﺒﺘﺴﻢ ﻣﺎ ﺍﺣﺲ ﺍﻻ ﺍﻓﺘﺮﺕ ﺑﻴﻪ ﺍﻟﺪﻧﻴﺎ ﻭﻭﻛﻌﺖ
ﺍﺩﻫﻢ …
ﺩﺧﻠﺖ ﺗﺮﺗﺐ ﺍﻟﺴﻔﺮﻩ ﻭﺍﻧﻲ ﻓﺮﺣﺎﻥ ﺑﻮﺟﻮﺩﻫﺎ ﺑﺎﻟﺒﻴﺖ ﺍﺑﺎﻭﻋﻠﻬﺎ ﻭﺍﺑﺘﺴﻢ ﺣﺴﻴﺘﻬﺎ ﺗﺮﻳﺪ ﺗﻮﻛﻊ ﺍﺭﻳﺪ ﺍﻛﻮﻣﻠﻬﺎ ﺑﺲ ﻭﻛﻌﺖ ﻭﻭﻛﻌﺖ ﺍﻧﻲ ﻳﻤﻬﺎ ﻻﻥ ﻣﺎ ﺍﻛﺪﺭ ﺍﻛﻮﻡ ﺭﺟﻠﻲ ﻣﻜﺴﻮﺭﻩ
ﺍﺿﺮﺏ ﺑﻴﻬﺎ ﻣﺘﻜﻌﺪ ﺑﺎﻭﻋﺘﻠﻬﺎ ﺷﻔﺖ ﻣﻼﺑﺴﻬﺎ ﻛﻠﻬﺎ ﺩﻡ ﻓﺼﺤﺖ ﻋﻠﻰ ﻋﺼﺎﻡ ﻳﺸﻴﻠﻬﺎ ﻟﻠﻤﺴﺘﺸﻔﻰ
ﺍﺩﻫﻢ : ﻋﺼﺎﻡ ﻓﺪﻭﻩ ﺧﻮﻳﻪ ﺍﻟﺤﻚ ﻫﻴﻪ ﺣﺎﻣﻞ ﻻ ﺍﻧﻮﺏ ﺗﺴﻘﻂ ﻛﻠﻬﻢ ﺑﺎﻭﻋﻮﻟﻲ ﺑﺎﺳﺘﻐﺮﺍﺏ ﻻﻥ ﻫﻴﻪ ﺻﺎﺭﻟﻬﺎ ﺷﻬﺮﻳﻦ ﻋﺪ ﺍﻫﻠﻬﺎ ﻭﻣﻴﻌﺮﻓﻮﻥ ﺍﻧﻲ ﺍﺗﻮﺍﻋﺪﺕ ﻭﻳﺎﻫﺎ
ﻋﺼﺎﻡ …
ﺷﻠﺖ ﺳﺎﺭﻩ ﻭﺭﻛﻀﺖ ﻟﺴﻴﺎﺭﻩ ﻭﺻﻠﺖ ﻟﻠﻤﺴﺘﺸﻔﻰ ﻭﺷﻠﺘﻬﺎ ﻭﺩﻋﺎﺀ ﻭﻳﺎﻱ ﺑﺪﺕ ﺗﻬﺬﻱ ﻭﺗﺼﻴﺢ ﺍﺩﻫﻢ ﺍﺣﺒﻚ ﺍﺩﻫﻢ ﻟﺘﻌﻮﻓﻨﻲ
ﺍﻧﻮﺏ ﻣﺪﺕ ﺍﻳﺪﻫﺎ ﺗﺘﺤﺴﺲ ﺑﺮﻛﺒﺘﻲ ﻭﺑﻮﺟﻬﻲ ﻣﺎ ﺍﻋﺮﻑ ﺷﺼﺎﺭ ﺑﻴﻪ ﺭﺩﺕ ﺍﻭﻛﻌﻬﺎ ﻣﻦ ﻛﺪ ﻣﺎ ﺍﻟﺮﺟﻔﻪ ﺍﻟﺼﺎﺭﺕ ﺑﺠﺴﻤﻲ
ﺍﺣﺲ ﻛﻠﺒﻲ ﺣﻴﻮﻛﻒ ﺧﻠﻴﺖ ﺭﺍﺳﻬﺎ ﻋﻠﻰ ﻛﺘﻔﻲ ﻭﺍﻧﻲ ﺷﺎﻳﻬﺎ ﺑﻘﺖ ﺗﺘﺄﻭﻩ ﻣﻦ ﺍﻻﻟﻢ ﻭﺗﻬﻤﺲ ﺍﺩﻫﻢ ﺍﺩﻫﻢ ﻻ ﺗﻌﻮﻓﻨﻲ
ﺍﻭﻭﻭﻑ ﺻﺎﺭﺕ ﺣﺎﻟﺘﻲ ﻏﺮﻳﺒﻪ ﺍﺣﺲ ﺭﻭﺣﻲ ﺳﺨﻨﺖ ﻭﺩﻳﺘﻬﺎ ﻭﺩﺧﻠﺘﻬﺎ ﻛﺎﻟﻮ ﺍﻟﻄﻔﻞ ﻣﻴﺖ ﻻﺯﻣﻬﺎ ﻋﻤﻠﻴﺔ ﻋﻠﻤﻮﺩ ﻳﻨﺰﻟﻮﻥ ﺍﻟﻄﻔﻞ ﻭﻻﺯﻡ ﺗﻮﻗﻴﻊ ﺍﻟﺰﻭﺝ
ﻛﺘﻠﻬﻢ ﻫﻮﻩ ﺟﺎﻱ ﺑﺎﻟﻄﺮﻳﻖ ﺍﺑﺪﻭ ﺍﻟﻌﻤﻠﻴﻪ ﻭﺻﻞ ﺍﺩﻫﻢ ﻭﻭﻗﻊ ﻭﻛﻌﺪﻧﻪ ﻧﺘﺎﻧﻴﻬﺎ ﺍﻧﻲ ﻭﺍﺩﻫﻢ ﻭﺩﻋﺎﺀ ﺧﻠﺼﻮﻫﺎ ﻭﻃﻠﻌﻮﻫﺎ ﻟﻠﻐﺮﻓﻪ
🔹🔸🔹🔸
ﺍﻧﻮﺏ ﻛﺎﻣﺖ ﺗﻬﺬﻱ ﻣﺘﻨﻪ ﻣﻦ ﺍﻟﻀﺤﻚ ﻋﻠﻰ ﻫﺬﻳﺎﻧﻬﺎ ﺗﻐﻠﻂ ﻭﺗﻔﺸﺮ ﻋﻠﻰ ﺍﺩﻫﻢ ﻭﻫﺬﺍ ﺍﺩﻫﻢ ﻳﺴﻜﺖ ﺑﻴﻬﺎ ﻭﻳﻀﺤﻚ
ﺍﻧﻮﺏ ﻛﻌﺪﺕ ﺗﺘﺄﻟﻢ ﻭﺗﺒﺠﻲ .. ﺍﺟﺖ ﺍﻟﺪﻛﺘﻮﺭﻩ ﺍﻧﻄﺘﻬﺎ ﻣﻨﻮﻡ ﻋﻠﻤﻮﺩ ﻟﺘﺤﺲ ﺑﺎﻟﻮﺟﻊ ﻭﺭﺟﻌﺖ ﻧﺎﻣﺖ ﻭﻛﺎﻟﺖ ﻭﻛﺎﻟﺖ ﺍﻟﺪﻛﺘﻮﺭﻩ
ﺗﻜﺪﺭﻭﻥ ﺍﻃﻠﻌﻮﻥ ﻣﺎ ﻋﻠﻴﻬﺎ ﺷﻲ ﺑﺲ ﻳﺤﺘﺎﺟﻠﻬﺎ ﺭﺍﺣﻪ ﺩﻭﺭﻧﺎ ﻋﻠﻰ ﻛﺮﺳﻲ ﻣﺘﺤﺮﻙ ﻋﻠﻤﻮﺩ ﻧﺎﺧﺬﻫﺎ ﺑﻴﻪ ﻣﺎﻛﻮ
ﻛﻠﺖ ﻻﺩﻫﻢ ﻳﻤﻌﻮﺩ ﺟﺒﺘﻬﺎ ﺍﻟﻄﺮﻳﻖ ﻛﻠﻪ ﺷﺎﻳﻠﻬﺎ ﺑﻘﺖ ﻋﻠﻪ ﻫﻞ ﻛﻢ ﺧﻄﻮﻩ ﺍﺩﻫﻢ ﻛﺎﻝ ﻣﺎﺷﻲ ﻛﺘﻠﻪ ﺍﻧﺰﻝ ﺍﻧﺘﻪ ﻭﺩﻋﺎﺀ ﺑﺲ ﺧﻠﻴﻨﻄﻮﻧﻲ ﻭﺭﻗﺔ ﺍﻟﺨﺮﻭﺝ ﻭﺍﺟﻴﺒﻬﺎ ﻭﺍﺟﻲ
ﻭﻛﻠﺖ ﺍﻟﺪﻋﺎﺀ ﺍﻣﺸﻲ ﻭﻳﻪ ﺍﺩﻫﻢ ﻻﻥ ﻣﻴﻜﺪﺭ ﻳﻤﺸﻲ ﻛﻮﻩ ﻋﻠﻌﻜﺎﺯﻩ ﻃﻠﻌﻮ ﻭﺍﻧﻲ ﺗﺎﻧﻴﺖ ﺍﺧﺬ ﺍﻟﻮﺭﻗﻪ ﻭﺷﻠﺘﻬﺎ ﻭﻃﻠﻌﺖ ﺩﺍ ﺍﻣﺸﻲ
ﻭﺭﺍﺩﺕ ﺗﺰﻟﻚ ﻣﻦ ﺍﻳﺪﻱ ﺭﻓﻌﺘﻬﺎ ﻟﺼﺪﺭﻱ ﺣﻴﻞ ﻭﺟﻬﺎ ﺻﺎﺭ ﻛﺒﺎﻝ ﻭﺟﻬﻲ ﺩﺧﺖ ﺍﻭﻭﻭﻑ ﻳﺎﺭﺑﻲ ﻣﺎ ﺍﺭﻳﺪ ﺍﺑﺎﺍﻭﻋﻠﻬﺎ
ﻫﻴﻪ ﻣﺮﺕ ﺍﺧﻮﻳﻪ ﺍﺭﻳﺪ ﺑﺲ ﺍﺧﻠﺺ ﻣﻦ ﻫﻠﺸﻌﻮﺭ ﺍﻟﻐﺮﻳﺐ ﺑﺲ ﺍﺷﻮﻓﻬﺎ ﻣﺎ ﺍﻋﺮﺷﻴﺼﻴﺮ ﺑﺄﺣﻮﺍﻟﻲ ﺍﺗﺄﺫﻩ ﻣﻦ ﻫﻠﺸﻌﻮﺭ
ﺍﻧﻮﺏ ﻫﻴﻪ ﺯﺍﺩﺕ ﺑﺎﻟﻄﻴﻦ ﺑﻠﻪ ﻫﻢ ﻣﺪﺕ ﺍﻳﺪﻫﺎ ﻋﻠﻰ ﺭﻛﺒﺘﻲ ﻭﺑﻘﺖ ﺗﺘﺤﺴﺲ ﺑﺠﺴﻤﻲ ﺻﻌﺪﺕ ﺑﺎﻟﻤﺼﻌﺪ ﻭﻫﻴﻪ ﺑﺤﻀﻨﻲ
ﻛﺎﻣﺖ ﺗﻬﺬﻱ ﺑﺎﺩﻫﻢ ﻭﺍﻧﻲ ﺍﺑﺎﻭﻋﻠﻬﺎ ﻓﺘﺤﺖ ﻋﻴﻮﻧﻬﺎ ﺑﻴﻦ ﺍﻟﻨﺎﻳﻤﻪ ﻭﺍﻟﻜﺎﻋﺪﻩ .. ﻣﺪﺕ ﺭﺍﺳﻬﺎ ﻭﺑﻮﺳﺘﻨﻲ ﻋﺒﺎﻟﻬﺎ ﺍﺩﻫﻢ
ﺑﺲ ﺍﺣﺲ ﺭﻭﺣﻲ ﺭﺍﺡ ﺍﻭﻛﻊ ﺑﺪﻭﻥ ﺷﻌﻮﺭ ﺑﺎﺩﻟﺘﻬﺎ ﺍﻟﺒﻮﺱ ﻭﺑﻘﻴﺖ ﻭﻳﺎﻫﺎ ﻟﺤﺪ ﻣﻨﻔﺘﺢ ﺍﻟﻤﺼﻌﺪ ﻛﻤﺰﺕ ﻭﺍﻟﻜﻪ ﺩﻋﺎﺀ ﻛﺒﺎﻟﻲ
ﺗﺨﺒﻠﺖ ﻣﻦ ﺷﺎﻓﺘﻨﺎ ﺑﻬﻠﻮﺿﻊ ﻛﺘﻠﻬﺎ ﻫﻴﻪ ﺑﺎﺳﺘﻨﻲ ﻋﺒﺎﻟﻬﺎ ﺍﺩﻫﻢ ﺿﻠﺖ ﺗﺼﻴﺢ ﻭﺗﻜﻠﻲ ﻧﺰﻟﻬﺎ ﻟﺘﺸﻴﻠﻬﺎ ﺗﻌﺎﺭﻛﻨﺎ ﺍﻧﻲ ﻭﻳﺎﻫﺎ ﻭﻛﺘﻠﻬﺎ ﺭﻭﺣﻲ ﻟﻠﺴﻴﺎﺭﻩ ﻻ ﺍﺩﻓﻨﺞ ﻫﻨﺎ
ﺭﺍﺣﺖ ﺑﺲ ﺍﺩﻫﻢ ﺣﺲ ﻋﻠﻰ ﺩﻋﺎﺀ ﻣﺘﻌﺎﺭﻛﻪ ﻭﻳﺎﻳﻪ ﻭﺻﻠﺖ ﻟﻠﺴﻴﺎﺭﻩ ﻣﺪﺩﺕ ﺳﺎﺭﻩ ﺑﺎﻟﺴﻴﺎﺭﻩ ﻭﺩﺍ ﺍﺻﻌﺪ ﺍﺷﺮﻟﻲ ﺍﺩﻫﻢ
ﺍﺩﻫﻢ : ﺷﺒﻴﻬﺎ ﺩﻋﺎﺀ ﻟﻴﺶ ﺗﺒﺠﻲ
ﻋﺼﺎﻡ : ﻳﻤﻌﻮﺩ ﻫﺎﻱ ﻓﺎﺭﻏﻪ ﻣﻌﻠﻴﻚ ﺳﺎﺭﻩ ﻣﺎ ﺗﺪﺭﻱ ﻋﺒﺎﻟﻬﺎ ﺍﻧﺘﻪ ﻭﺑﺎﺳﺘﻨﻲ ﺑﺨﺪﻱ ﻛﻠﺒﺖ ﺍﻟﺪﻧﻴﺎ ﺷﻔﺖ ﺍﺩﻫﻢ ﺿﺎﺝ ﺑﺲ ﻣﺎ ﺣﺠﻪ
ﻭﺻﻌﺪﺕ ﺑﺎﻟﺴﻴﺎﺭﻩ ﺍﺑﺎﻭﻋﻠﻬﻢ ﻣﻦ ﺍﻟﻤﺮﺍﻳﺎ ﻣﺎﻝ ﺍﻟﺴﻴﺎﺭﻩ ﺳﺎﺭﻩ ﺑﺤﻀﻦ ﺍﺩﻫﻢ ﻧﺎﻳﻢ ﻭﻫﻮ ﻳﺒﻮﺱ ﺑﻴﻪ ﻣﻦ ﺧﺪﻭﺩﻫﺎ ﻭﺭﺍﺳﻬﺎ
ﻣﺎ ﺍﻋﺮﻑ ﻟﻴﺶ ﺿﺠﺖ ﻣﻦ ﺷﻔﺘﻬﻢ ﺍﻟﻤﻔﺮﻭﺽ ﺍﻓﺮﺡ ﻻﻥ ﻛﻮﻟﺸﻲ ﻳﻔﺮﺡ ﺍﺩﻫﻢ ﻳﻔﺮﺣﻨﻲ ﻋﺮﻓﺖ ﺑﻨﻔﺴﻲ ﻭﻛﻌﺖ ﺑﺤﺒﻬﺎ
ﺷﻠﻮﻥ ﺍﻃﻠﻌﻬﺎ ﻣﻦ ﻛﻠﺒﻲ ﻛﺮﻫﺖ ﻧﻔﺴﻲ ﻻﻥ ﺍﺣﺒﻬﺎ ﺷﻠﻮﻥ ﺍﻛﺪﺭ ﺍﺗﺨﻠﺺ ﻣﻦ ﺣﺒﻬﺎ ﻣﺎ ﺍﻛﺪﺭ ﺍﻓﻜﺮ ﻭﻻ ﻟﻠﺤﻀﻪ ﻣﻤﻜﻦ ﺍﺧﻮﻥ ﺍﻟﺨﻮﻩ ﺍﻟﺒﻴﻨﻲ ﻭﺑﻴﻦ ﺍﺩﻫﻢ
ﺑﺲ ﺷﺴﻮﻱ ﻣﻜﺎﻋﺪ ﺗﺮﻭﺡ ﻣﻦ ﻋﻘﻠﻲ .. ﻭﺻﻠﺘﻬﻢ ﻟﻠﺒﻴﺖ ﻭﻫﻢ ﺷﻠﺖ ﺳﺎﺭﻩ ﻭﺩﻳﺘﻬﺎ ﻟﻐﺮﻓﺘﻬﺎ ﻭﺩﺧﻞ ﺍﺩﻫﻢ ﺳﺎﻋﺪﺗﻪ ﺑٲﻧﻮ ﻳﻨﺎﻡ ﻋﻠﺴﺮﻳﺮ ﻏﻄﻴﺘﻪ ﻭﻃﻠﻌﺖ
ﺳﺎﺭﻩ
ﻛﻌﺪﺕ ﺍﻟﺼﺒﺢ ﻟﻜﻴﺖ ﻧﻔﺴﻲ ﺑﻐﺮﻓﺘﻲ ﺑﺲ ﺍﻟﻮﺟﻊ ﻳﻜﺘﻠﻨﻲ ﺑﺎﻭﻋﺖ ﻻﺩﻫﻢ ﻧﺎﻳﻢ ﻛﻤﺖ ﺍﺧﺬﺕ ﺑﻨﺪﻭﻝ ﻋﻠﻤﻮﺩ ﺍﺳﻜﻦ ﺍﻟﻮﺟﻊ ﻛﻌﺪ ﺍﺩﻫﻢ
ﻭﺑﻘﻴﺖ ﻧﺎﻳﻤﻪ ﺑﺤﻀﻨﻪ ﻭﻧﺴﻮﻟﻒ ﻛﺎﻟﻲ ﺷﺴﻮﻳﺖ ﻭﻳﻪ ﻋﺼﺎﻡ ﻭﺷﻠﻮﻥ ﻣﺮﺗﻪ ﺗﻌﺎﺭﻛﺖ ﻭﻳﺎﻩ ﻻﻥ ﺑﺴﺘﻪ ﺑﺨﺪﻩ ﺿﺠﺖ ﺷﻠﻮﻥ ﻣﺴﻮﻳﻪ ﻫﻴﺞ
🔸🔹🔸🔹
ﻃﻠﻌﺖ ﻟﻜﻴﺖ ﻋﺼﺎﻡ ﺩﻳﻄﻠﻊ ﻣﻦ ﺍﻟﺤﻤﺎﻡ ﻭﻛﻔﺘﻪ ﻭﻛﺘﻠﻪ
ﺳﺎﺭﻩ : ﻣﺎ ﺍﻋﺮﻑ ﺷﻠﻮﻥ ﺍﺷﻜﺮﻙ ﻋﻠﺴﻮﻳﺘﻪ ﻭﻳﺎﻳﻪ
ﻋﺼﺎﻡ : ﻳﻤﻌﻮﺩﻩ ﻣﺼﺎﺭ ﺷﻲ ﺍﻟﺤﻤﺪﻟﻠﻪ ﻋﻠﻰ ﺳﻠﻤﺘﺞ ﻭﺍﻟﻠﻪ ﻳﻌﻮﺿﺞ ﺍﺑﺪﺍﻝ ﺍﻟﻄﻔﻞ ﻋﺸﺮﻩ
ﺳﺎﺭﻩ : ﻫﻬﻬﻪ ﺻﺪﻭﻙ ﻳﻜﻮﻟﻮﻥ ﻛﺴﺮﺕ ﺿﻬﺮﻙ
ﻋﺼﺎﻡ : ﺷﺴﻮﻱ ﺷﻜﺒﺮﺝ ﻏﻴﺮ ﺗﺴﻮﻳﻦ ﺭﺟﻴﻢ ﺟﻨﺞ ﻓﻴﻞ ﻭﺷﺎﻳﻠﺞ 😂
ﺳﺎﺭﻩ : ﺍﻭﻭﻭ ﻋﺼﺎﻡ ﻋﺎﺑﺘﻠﻚ ﻣﻨﻴﻠﻲ ﺳﻤﻴﻨﻪ
ﻋﺼﺎﻡ : ﻻ ﺟﺬﺏ ﺩﺍ ﺍﺷﺎﻗﻪ ﻭﻳﺎﺝ
ﺳﺎﺭﻩ : ﺍﻧﻲ ﺍﺳﻔﻪ ﻻﻥ ﺻﺎﺭﺕ ﻣﺸﻜﻠﻪ ﺑﺴﺒﺒﻲ ﺑﻴﻨﻚ ﻭﺑﻴﻦ ﺩﻋﺎﺀ ﺑﺲ ﻭﺍﻟﻠﻪ ﻣﺎ ﺍﺩﺭﻱ ﻳﻤﻜﻦ ﻋﺒﺎﻟﻲ ﺍﺩﻫﻢ ﻣﺠﻨﺖ ﺣﺎﺳﻪ ﺑﺸﻲ ﻭﺑﻮﺳﺘﻚ ﺑﺨﺪﻙ
ﻋﺼﺎﻡ : ﻫﻪ ﺑﺨﺪﻱ ﻻ ﻳﺒﻨﺖ ﺩﻧﺘﻲ ﻋﻤﻠﺘﻲ ﺷﻐﻼﺕ ﺍﻛﺘﺮ ﻣﻦ ﻛﺪﺍ ﺑﻜﺘﻴﻴﻴﻴﺮ
ﺳﺎﺭﻩ : ﻻ ﺑﺮﺑﻚ ﺷﺴﻮﻳﺖ
ﻋﺼﺎﻡ : ﻣﺪﻳﺘﻲ ﺍﻳﺪﺝ ﺑﺠﺴﻤﻲ ﺗﺘﺤﺴﺴﻴﻦ ﺑﺼﺪﺭﻱ ﻭﺑﻮﺳﺘﻴﻨﻲ ﺣﻠﻚ
ﺳﺎﺭﻩ : ﻳﺎﺍﺍﺍ ﻋﺰﺯﺯﻩ ﻭﺍﻧﺘﻪ ﻣﺎ ﻣﻨﻌﺘﻨﻲ
ﻋﺼﺎﻡ : ﻭﺍﻟﻠﻪ ﺣﺎﻭﻟﺖ ﺍﻣﻨﻊ ﻧﻔﺴﻲ ﻣﻦ ﻋﻨﺪﺝ ﺑﺲ ﻣﺎ ﺍﻋﺮﻑ ﻣﻦ ﺍﺷﻮﻓﺞ ﺷﻴﺼﻴﺮ ﺑﻴﻪ
ﺳﺎﺭﻩ … ﺑﻘﻴﺖ ﻣﺼﺪﻭﻣﻪ ﺑﺤﺠﻴﻪ .. ﻫﺬﺍ ﺷﻠﻮﻥ ﻳﺤﺠﻲ ﻭﻳﺎﻳﻪ ﻫﻴﺞ .. ﻣﻌﻘﻮﻟﻪ ﻳﺤﺒﻨﻲ ﺑﺲ ﺷﻠﻮﻥ ﻳﺘﺠﺮﺀ ﺍﻧﻲ ﻣﺮﺕ ﺍﺩﻫﻢ
ﺍﻗﺮﺏ ﺍﻟﻨﺎﺱ ﺍﻟﻪ ﺑﻘﻴﺖ ﺍﻓﻜﺮ ﺑﺘﺼﺮﻓﺎﺗﻪ ﻭﻳﺎﻳﻪ ﻭﺑﻨﻀﺮﺍﺗﻪ ﺗٲﻛﺪﺕ ﻫﻮﻩ ﻳﺤﺒﻨﻲ ﺑﺲ ﺷﻠﻮﻥ ﺍﺧﻠﻴﻪ ﻳﻜﺮﻫﻨﻲ
ﻣﺎ ﺍﺭﻳﺪ ﺍﺻﻴﺮ ﺛﻐﺮﻩ ﺑﻴﻨﻬﻢ ﻭﺍﺧﺮﺏ ﺧﻮﺗﻬﻢ ﻫﻤﻪ ﻣﺎ ﺍﻟﻬﻢ ﻏﻴﺮ ﺑﻌﺾ ﺑﻘﻴﺖ ﻟﻠﻴﻞ ﺍﻓﻜﺮ ﻃﻠﻌﺖ ﺍﺷﺮﺏ ﻣﻲ ﺩﺧﻠﺖ ﻟﻠﻤﻄﺒﺦ ﺍﺿﻠﻢ ﻭﺍﻧﻲ ﺍﻓﻜﺮ ﻭﺍﻧﺼﺪﻣﺖ
ﺑﺸﺨﺺ ﻻﺑﺲ ﺍﺳﻮﺩ ﻭﻳﺒﺎﻭﻋﻠﻲ ﻭﻋﻴﻮﻧﻪ ﺗﺠﺪﺡ ﺗﻜﻮﻝ ﺑﺰﻭﻧﻪ ﺷﻔﺘﻪ ﻋﺼﺎﻡ ﻣﺎ ﻛﺪﺭﺕ ﺑﺴﺮﻋﻪ ﺍﻓﺘﺮﺕ ﺍﻟﺪﻧﻴﺎ ﺑﻴﻪ ﻭﻭﻛﻌﺖ
ﺑﺲ ﺍﺣﺲ ﻋﻠﻰ ﻧﻔﺴﻲ ﺑﺲ ﻣﺎ ﺍﻛﺪﺭ ﺍﺣﺮﻙ ﺟﺴﻤﻲ ﺷﺎﻟﻨﻲ ﻭﺩﺧﻠﻨﻲ ﺍﺩﻫﻢ ﻛﻤﺰ ﺷﺒﻴﻬﺎ ﻛﺎﻟﻪ ﻣﺎ ﺍﺩﺭﻱ ﻓﺠٲﻩ ﺗﺨﺮﺑﻄﺖ ﻭﻭﻛﻌﺖ ﺧﻠﻴﻬﺎ ﺗﻨﺎﻡ ﻳﻤﻜﻦ ﺑﻌﺪﻫﺎ ﺗﻌﺒﺎﻧﻪ ﺧﻄﻴﻪ
ﺍﺩﻫﻢ
ﺧﻔﺖ ﻋﻠﻴﻬﺎ ﻫﻮﺍﻳﻪ ﻛﻌﺪﺗﻬﺎ ﺷﺮﺑﻨﻬﺎ ﻣﻲ ﻭﺧﻠﻴﺘﻬﺎ ﻋﻠﻰ ﺍﻳﺪﻱ ﻭﻧﺎﻣﺖ ﻣﺮﺕ ﺍﻻﻳﺎﻡ ﻭﺭﻩ ﺷﻬﺮﻳﻦ ﺍﺟﺘﻨﻲ ﺧﺎﻟﺘﻲ ﺗﺸﻜﻴﻠﻲ ﻋﻦ ﻋﺼﺎﻡ ﻣﺰﺍﻋﻞ ﻣﺮﺗﻪ ﻭﻣﺮﺗﻪ ﻋﺪ ﺍﻫﻠﻬﺎ ﺯﻋﻼﻧﻪ
ﺳٲﻟﺘﻬﺎ ﺷﺒﻴﻪ ﺗﻜﻮﻟﻲ ﻳﺤﺐ ﻭﺣﺪﻩ ﺍﺳﻤﻬﺎ ﺳﺎﺭﻩ ﻭﻣﺮﺗﻪ ﺳﺎﻣﻌﺘﻪ ﻭﻫﻮ ﻧﺎﻳﻢ ﻳﺤﺠﻲ ﺑﺎﺳﻤﻬﺎ ﻭﺍﻧﻮﺏ ﺭﺍﻳﺪ ﻳﺼﻴﺢ ﻟﻤﺮﺗﻪ ﺻﺎﻳﺤﻠﻬﺎ ﺳﺎﺭﻩ ﻣﻮ ﺩﻋﺎﺀ
ﻭﻫﻴﻪ ﻣﺘﺨﺒﻠﻪ ﻭﺯﻋﻠﺖ ﺍﺣﺠﻲ ﻭﻳﺎﻩ ﺑﻠﻜﺖ ﺗﻌﺮﻑ ﻣﻨﻮ ﻫﺎﻱ ﺍﻟﻴﺤﺒﻬﺎ ﻭﺷﻨﺎﻭﻱ ﻋﻠﻴﻬﺎ ﻛﺘﻠﻬﺎ ﻣﺎﺷﻲ ﻭﻻ ﻳﻬﻤﺞ ﺍﻧﻲ ﺍﺣﺠﻲ ﻭﻳﺎﻩ ﺭﺣﺖ ﺍﻟﻠﺘﻘﻴﺖ ﺑﻴﻪ ﺳٲﻟﺘﻪ
ﺍﺩﻫﻢ : ﻭﻟﻚ ﻣﻨﻮ ﻫﺎﻱ ﺳﺎﺭﻩ ﺍﻟﻠﻲ ﺗﺤﺒﻬﺎ ﻧﻮﺏ ﻧﻔﺲ ﺍﺳﻢ ﻣﺮﺗﻲ ﻏﻴﺮﻩ ﺧﻮ ﻣﻮ ﻏﻴﺮﻩ 😂 ﺑﺲ ﺗﻔﺎﺟٲﺓ ﺑﻨﻜﺮﻩ
ﻋﺼﺎﻡ : ﻻ ﻳﻤﻌﻮﺩ ﺷﺒﻴﻚ ﻭﻻ ﺳﺎﺭﻩ ﻭﻻ ﺑﻄﻴﺦ ﻫﺎﻱ ﻣﺮﻳﻀﻪ ﻣﺮﺗﻲ ﻳﻤﻜﻦ ﻓﺪ ﻭﺣﺪﻩ ﻣﻦ ﺑﻨﺎﺕ ﺍﻟﻠﻴﻞ ﺍﺳﻤﻬﺎ ﻣﺸﻜﻞ ﺑﺮﺍﺳﻲ ﻭﻏﻠﻄﺖ ﺑﻴﻬﺎ ﻭﺩﻋﺎﺀ ﻣﻜﺒﺮﺗﻬﺎ
ﺍﺩﻫﻢ : ﺑﺎﻭﻋﺘﻠﻪ ﺍﻋﺮﻓﻪ ﻳﺠﺬﺏ ﻳﺪﻭﺭ ﺑﻌﻴﻮﻧﻪ ﻣﻨﺎ ﻭﻣﻨﺎ ﻭﺍﻟﻌﺮﻙ ﺗﺮﺱ ﻭﺟﻬﺎ .. ﺑﺲ ﻟﻴﺶ ﺣﺎﻭﻝ ﻳﺴﺪ ﺍﻟﻤﻮﺿﻮﻉ ﺑﻜﻞ ﺻﻮﺭﻩ
ﻣﻌﻘﻮﻟﻪ ﻳﻀﻢ ﻋﻠﻴﻪ ﻭﻟﻴﺶ ﺍﺭﺗﺒﻚ ﻛﻮﻟﺶ
ﻛﺎﻝ ﺍﻧﻲ ﺍﺗﺮﺧﺺ ﺗﻌﺒﺎﻥ ﺍﺭﻳﺪ ﺍﺭﻭﺡ ﻟﻠﺒﻴﺖ .. ﺑﻘﻴﺖ ﺻﺎﻓﻦ ﻫﺬﺍ ﺷﺒﻴﻪ ﻟﻴﺶ ﻫﻴﺞ ﻭﺿﻌﻪ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﻟﻠﺤﻀﻪ ﺷﻜﻴﺖ ﺍﻥ ﺍﻟﻠﻲ ﻳﺤﺒﻬﺎ ﻣﺮﺗﻲ
ﺍﺗﺬﻛﺮﺗﻪ ﺷﻠﻮﻥ ﻳﺪﺍﻓﻌﻠﻬﺎ ﻭﺷﻠﻮﻥ ﻳﻤﺪﺣﻬﺎ ﻛﺪﺍﻣﻲ ﺻﻮﺟﻲ ﺍﻧﻲ ﺍﻟﻠﻲ ﺣﺒﺒﺘﻪ ﺑﻴﻬﺎ ﺟﻨﺖ ﺍﺣﺠﻴﻠﻪ ﻛﻮﻟﺸﻲ ﻋﻨﻬﺎ ﺣﺘﻪ ﻋﻼﻗﺘﻨﺎ ﺍﻟﺨﺎﺻﻪ
ﻭﺍﻧﻲ ﺍﻋﺮﻓﻪ ﻫﻮﻩ ﻣﺤﺮﻭﻡ ﻣﻦ ﻫﻠﺸﻲ ﺍﻧﻲ ﺷﺴﻮﻳﺖ ﺑﻴﻪ ﺩﻣﺮﺗﻪ ﺍﻧﻲ ﺧﻠﻴﺘﻪ ﻳﺤﺐ ﻣﺮﺗﻲ ﺟﻨﺖ ﻣﺘﻤﻨﻲ ﻋﺼﺎﻡ ﻳﺤﺒﻠﻪ ﻭﺣﺪﻩ ﻭﻣﺴﺘﻌﺪ ﺍﺣﺎﺭﺏ ﺍﻟﺪﻧﻴﺎ ﻋﻠﻤﻮﺩ ﺍﺯﻭﺟﻪ ﻭﻳﺮﺗﺎﺡ
ﺑﺲ ﺷﻠﻮﻥ ﻭﻫﻮ ﻳﺤﺐ ﻣﺮﺗﻲ ﻣﺎ ﻏﺮﺕ ﻋﻠﻰ ﻣﺮﺗﻲ ﻣﻨﻪ ﺑﻜﺪ ﻣﺎ ﺿﺠﺖ ﻋﻠﻰ ﻭﺿﻌﻪ ﻫﻮﻩ ﻣﻮ ﻧﺎﻗﺼﻪ ﻫﻠﺤﺐ ﺍﻛﻴﺪ ﺿﻤﻴﺮﻩ ﺩﻳﻌﺬﺑﻪ ﻋﻠﻰ ﺍﻟﺪﻳﺴﻮﻳﻪ
ﺍﻛﻴﺪ ﻋﺎﻳﺶ ﻭﺍﻟﻐﺼﻪ ﺑﻜﻠﺒﻪ ﻻ ﻳﻜﺪﺭ ﻳﺨﻮﻧﻲ ﻭﻻ ﻳﻜﺪﺭ ﻳﻨﺴﺎﻫﺎ ﺭﺟﻌﺖ ﻟﻠﺒﻴﺖ ﺿﺎﻳﺞ ﻭﻃﺎﻓﺮﻩ ﺭﻭﺣﻲ ﻣﺎ ﺍﺭﻳﺪ ﻋﺼﺎﻡ ﻳﺘﻌﺬﺏ ﺑﺲ ﺷﻠﻮﻥ
ﻛﻠﻪ ﺻﻮﺟﻲ ﺍﻧﻲ ﺍﻟﺨﻠﻴﺘﻪ ﻳﺤﺒﻬﺎ ﻧﻤﺖ ﻳﻢ ﺳﺎﺭﻩ ﻭﺑﺎﻟﻲ ﺍﺻﻼ ﻣﻮ ﻳﻤﻬﺎ ﺳٲﻟﺘﻨﻲ
ﺳﺎﺭﻩ
ﺷﻔﺖ ﺍﺩﻫﻢ ﻣﻮ ﻋﻠﻰ ﺑﻌﻀﻪ ﻭﺩﺍﻳﺦ ﺣﺘﻰ ﻣﺎ ﻧﺎﻡ ﺍﻟﺴﺎﻋﻪ 3 ﻭﻫﻮﻩ ﻛﺎﻋﺪ ﺧﻠﻴﺖ ﺭﺍﺳﻲ ﻋﻠﻪ ﺻﺪﺭﻩ ﻭﺑﺎﻭﻋﺘﻠﻪ ﻛﺘﻠﻪ ﺷﺒﻴﻚ ﺣﺒﻴﺒﻲ ﻣﻮ ﻋﻠﻪ ﺑﻌﻀﻚ
ﺍﺩﻫﻢ : ﺑﺎﻟﻲ ﻣﺸﻐﻮﻝ ﺑﻌﺼﺎﻡ
ﺳﺎﺭﻩ : ﺷﺒﻴﻪ
ﺍﺩﻫﻢ : ﻳﺤﺐ ﻭﺣﺪﻩ ﻭﺳٲﻟﺘﻪ ﻭﻧﻜﺮ ﺑﺲ ﻋﺮﻓﺖ ﻣﻨﻮ ﻫﻴﻪ ﻣﻦ ﺧﻼﻝ ﻋﻴﻮﻧﻪ
ﺳﺎﺭﻩ : ﻣﻨﻮ
ﺍﺩﻫﻢ : ﺍﻧﺘﻲ .. ﻣﺎ ﺍﻋﺮﻑ ﺷﻠﻮﻥ ﻭﺷﻮﻛﺖ ﺣﺒﺞ ﺑﺲ ﺍﻧﻲ ﺷﻔﺘﺞ ﻛﺎﻋﺪﻩ ﺑﻨﺺ ﻋﻴﻮﻧﻪ ﺍﻧﻲ ﺍﻟﻠﻲ ﺧﻠﻴﺘﻪ ﻳﺤﺒﺞ ﺍﻋﺮﻑ ﻫﻮﻩ ﻣﺮﺗﻪ ﺣﺎﺭﻣﺘﻪ ﻣﻦ ﻛﻮﻟﺸﻲ
ﻭﺍﻧﻲ ﺟﻨﺖ ﺍﺳﻮﻟﻔﻠﻪ ﻋﻨﺞ ﺍﻧﻲ ﺍﻟﺪﺧﻠﺘﺞ ﺑﻜﻠﺒﻪ ﺍﻧﻲ ﺳﺒﺐ ﻋﺬﺍﺑﻪ ﻫﺴﻪ .. ﺛﻘﻲ ﻟﻮ ﻣﺎ ﺍﻧﺘﻲ ﺣﺒﻴﺒﺘﻲ ﻭﺍﻡ ﺍﺑﻨﻲ ﺍﺳﺪ ﺟﺎﻥ ﻃﻠﻜﺘﺞ ﻭﺟﺒﺮﺗﺞ ﺗﺘﺰﻭﺟﻴﻪ
ﺑﺲ ﺍﻋﺮﻑ ﻟﻮ ﺳﻮﻳﺘﻬﺎ ﺭﺍﺡ ﺍﻛﺮﻫﺞ ﻭﺍﻛﺮﻫﺎ ﻭﺍﻛﺮﻩ ﻧﻔﺴﻲ
ﺳﺎﺭﻩ : ﺍﻧﻲ ﺍﻋﺮﻑ ﻫﻮﻩ ﻳﺤﺒﻨﻲ ﺑﺲ ﻣﺎ ﺟﻨﺖ ﺍﺗﻮﻗﻊ ﻫﻠﻜﺪ ﺍﺗﻮﻗﻌﺖ ﺍﻋﺠﺎﺏ ﻓﻘﻂ
ﺍﺩﻫﻢ : ﻋﻘﺪﺕ ﺣﺎﺟﺒﻲ ﻭﺑﺎﻭﻋﺘﻠﻬﺎ ﺷﻨﻮ ﻭﺍﻧﺘﻲ ﻣﻨﻴﻦ ﺗﻌﺮﻓﻴﻦ
ﺳﺎﺭﻩ : ﻣﺎﻛﻮ ﻣﺮﻩ ﻣﺘﺤﺲ ﺑﺮﺟﺎﻝ ﻳﺤﺒﻬﺎ ﻭﻣﻌﺠﺐ ﺑﻴﻬﺎ ﻭﺍﻧﻲ ﺣﺴﻴﺖ ﻣﻦ ﺍﺳﻠﻮﺑﻪ ﻭﻧﻀﺮﺍﺗﻪ
ﺍﺩﻫﻢ : ﻭﻟﻴﺶ ﻣﻜﻠﺘﻴﻠﻲ
ﺳﺎﺭﻩ : ﻣﺎ ﺭﺩﺕ ﺍﻛﺒﺮ ﺍﻟﻤﻮﺿﻮﻉ ﻟﻮ ﺍﻓﺮﻕ ﺑﻴﻨﻚ ﻭﺑﻴﻨﻪ ﺳﻮﻳﺖ ﻧﻔﺴﻲ ﻣﺎ ﺍﻋﺮﻑ
🔹🔸🔹🔸
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء