رواية ذكريات عشق مؤلم الجزء الثامن
للكاتبة زينب ماجد
🔹🔸🔹🔸
ﺑﻌﺪ ﻣﺤﺎﻭﻻﺕ ﺭﺩﺗﻬﺎ ﻣﺘﻌﻮﻑ ﺍﻟﺒﻴﺖ ﺑﺲ ﻣﺎ ﻗﺒﻠﺖ ﺻﺢ ﻏﺎﺿﺐ ﻣﻨﻬﺎ ﺑﺲ ﻣﺎ ﺍﺭﻳﺪﻫﺎ ﺗﻌﻮﻓﻨﻲ ﻣﺎ ﺍﻛﺪﺭ ﻋﻠﻰ ﻓﺮﺍﻛﻬﺎ
ﻭﺧﺼﻮﺻﺎ ﺍﻧﻲ ﻣﻤﺘٲﻛﺪ ﻫﻴﻪ ﺍﻟﻠﻲ ﺍﺧﺬﺕ ﺍﻝ 300 ﻣﻠﻴﻮﻥ ﻣﺠﺮﺩ ﺷﻚ ﻭﻣﺎ ﺣﺎﺏ ﻫﺬﻩ ﺍﻟﺸﻚ ﻳﻔﺮﻗﻨﺎ ﻟﺰﻣﺖ ﺍﺳﺪ ﻭﻣﻘﺒﻠﺖ ﻳﺮﻭﺡ ﻭﻳﺎﻫﺎ
ﺍﻛﻴﺪ ﻣﺮﺍﺡ ﺍﺧﻠﻴﻪ ﻳﺮﻭﺡ ﻫﺬﻩ ﺍﺑﻨﻲ ﻭﺍﻧﻲ ﻣﺎ ﺍﻛﺪﺭ ﺑﺪﻭﻧﻪ ﻳﻮﻡ .. ﺍﻣﻮﺕ ﺍﺫﺍ ﺍﺑﺘﻌﺪ ﻋﻨﻲ ﺳﺎﻋﻪ ﺑﺲ ﻫﻢ ﻣﻘﺒﻠﺖ ﻭﻃﻠﻌﺖ
ﻃﻠﻌﺖ ﻭﺭﺍﻫﺎ ﻛﺘﻠﻬﺎ ﺻﻌﺪﻱ ﺍﻧﻲ ﺍﻭﺩﻳﺞ ﻻﻫﻠﺞ ﻭﻛﻔﺖ ﻧﺴﻴﺖ ﻣﻔﺘﺎﺡ ﺍﻟﺴﻴﺎﺭﻩ ﺭﻛﻀﺖ ﺑﺴﺮﻋﻪ ﺍﺟﻴﺒﻪ ﻃﻠﻌﺖ ﻟﻜﻴﺘﻬﺎ ﻣﺎﻛﻮ
ﺭﺣﺖ ﺍﺩﻭﺭ ﻋﻠﻴﻬﺎ ﺑﺲ ﻫﻢ ﻣﺎﻛﻮ ﻳﻤﻜﻦ ﺭﺍﺣﺖ ﻻﻫﻠﻬﺎ ﺣﺴﻴﺖ ﺍﻟﺪﻧﻴﺎ ﺍﺳﻮﺩﺕ ﺑﻮﺟﻬﻲ ﺍﺣﺎﻭﻝ ﺍﺟﺮ ﺍﻟﻨﻔﺲ ﺑﺲ ﻣﺎ ﺍﻛﺪﺭ ﺍﺣﺲ ﺍﻟﻨﻔﺲ ﻳﺠﺮﺣﻨﻲ ﻣﻦ ﻳﺼﻌﺪ
ﺍﺧﺘﻨﻜﺖ ﻛﻌﺪﺕ ﺑﺴﻴﺎﺭﺗﻲ ﺍﺑﺠﻲ ﺍﻧﻲ ﺷﺴﻮﻳﺖ ﺿﻴﻌﺖ ﺣﺐ ﻋﻤﺮﻱ ﻣﻦ ﺍﺩﻳﻪ ﺭﺍﺣﺖ ﻣﺎ ﺍﺿﻦ ﺗﺮﺟﻌﻠﻲ ﺑﻌﺪ ﺍﻟﺴﻮﻳﺘﻪ ﺑﻴﻬﺎ
ﺍﺗﺬﻛﺮﺕ ﺍﺳﺪ ﺑﻘﻪ ﻳﺒﺠﻲ ﺑﺎﻟﺒﻴﺖ ﺩﺭﺕ ﺍﻟﺴﻴﺎﺭﻩ ﻭﺭﺟﻌﺖ ﻟﻠﺒﻴﺖ ﻟﻜﻴﺖ ﺍﺳﺪ ﻫﻠﻜﺎﻥ ﻣﻦ ﺍﻟﺒﺠﻲ ﺍﺧﺬﺗﻪ ﻭﻃﺒﻴﺖ ﺑﻐﺮﻓﺔ ﺳﺎﺭﻩ ﻧﻮﻣﺘﻪ
ﻭﺑﻘﻴﺖ ﺍﺑﺎﻭﻉ ﻋﻠﻴﻪ ﻭﺍﺑﺠﻲ ﻫﻪ ﺍﻧﻲ ﺍﻟﻠﻲ ﻋﻤﺮﻱ ﻛﻠﻪ ﻣﺤﺪ ﻫﺰﻧﻲ ﻭﺑﺠﺎﻧﻲ ﺣﺘﻪ ﺯﻭﺝ ﺍﻣﻲ ﻣﻦ ﺟﺎﻥ ﻳﻀﺮﺑﻨﻲ ﻣﺎ ﺍﺑﺠﻲ ﻋﻠﻤﻮﺩ ﻻ ﺍﺿﻌﻒ ﻭﺗﻜﺴﺮﻧﻲ ﺩﻣﻮﻋﻲ
ﺑﺲ ﻓﺮﺍﻛﻬﺎ ﻋﻨﻲ ﻳﻌﻨﻴﻠﻲ ﺍﻟﻤﻮﺕ ﺍﺗﺼﻠﺖ ﻋﻠﻪ ﺍﺑﻮﻫﺎ
ﺍﺩﻫﻢ : ﺍﻟﻮ ﻫﺎ ﻋﻤﻲ ﺍﻟﻠﻪ ﻳﺴﺎﻋﺪﻙ
ﺍﺑﻮ ﺳﺎﺭﻩ : ﻫﻼ ﺑﻴﻚ ﻋﻤﻲ ﺷﻠﻮﻧﻚ
ﺍﺩﻫﻢ : ﺍﻛﻮﻝ ﻋﻤﻲ ﺳﺎﺭﻩ ﺍﺟﺘﻜﻢ
ﺍﺑﻮ ﺳﺎﺭﻩ : ﺍﻱ ﻋﻤﻲ ﻃﺒﺖ ﺗﺒﺠﻲ ﻣﺎ ﻧﻌﺮﻑ ﺷﺒﻴﻬﺎ ﺳٲﻟﻨﺎﻫﺎ ﻛﺎﻟﺖ ﺗﻌﺎﺭﻛﺖ ﻭﻳﺎ ﺿﺮﺍﺗﻲ ﻭﻃﻠﻌﺖ ﻟﻴﺶ ﻋﻤﻮ ﺷﺼﺎﻳﺮ
ﺍﺩﻫﻢ : ﻻ ﻋﻤﻮ ﻣﺼﺎﻳﺮ ﺷﻲ ﺧﻠﻴﻬﺎ ﺗﺮﺗﺎﺡ ﻭﺑﺮﺍﺣﺘﻬﺎ ﻭﺷﻮﻛﺖ ﻣﺘﺤﺐ ﺍﺟﻲ ﺍﺧﺬﻫﺎ … ﻋﺮﻓﺖ ﺍﻧﻮ ﻣﻜﺎﻳﻠﻪ ﺍﻻﺑﻮﻫﺎ ﻋﻞ ﺍﻟﻠﻲ ﺻﺎﺭ
ﺯﻳﻦ ﻟﻴﺶ ﻣﺤﺠﺘﻠﻬﻢ ﻣﻌﻘﻮﻟﻪ ﻫﻴﻪ ﺍﻟﻤﺎﺧﺬﻩ ﺍﻟﻔﻠﻮﺱ ﻭﺗﺨﺎﻑ ﺗﺤﺠﻲ ﺍﻭﻑ ﻳﺎﺭﺑﻲ ﺭﺍﺡ ﻳﻮﻛﻒ ﻋﻘﻠﻲ 😣 ﺧﻞ ﺍﺧﺎﺑﺮ ﻋﺼﺎﻡ ﻳﺠﻴﻨﻲ ﻟﻠﺒﻴﺖ ﻣﺎ ﺍﻛﺪﺭ ﺍﻟﺘﻘﻴﻪ ﺑﺎﻟﻜﻮﻓﻲ ﻻﻥ ﺍﺳﺪ ﻣﺎ ﺍﻛﺪﺭ ﺍﻋﻮﻓﻪ
ﺧﺎﺑﺮﺕ ﻋﺼﺎﻡ .. ﻭﻛﺘﻠﻪ ﺗﻌﺎﻝ ﺍﺟﻪ
ﻋﺼﺎﻡ : ﻫﻼ ﺧﻮﻳﻪ ﺍﺑﻮ ﺍﺳﺪ ﺷﻠﻮﻧﻚ
ﺍﺩﻫﻢ : ﻫﻼ ﺑﻴﻚ ﺧﻮﻳﻪ
ﻋﺼﺎﻡ : ﺧﻴﺮ ﺷﺼﺎﻳﺮ ﻭﺟﻬﻚ ﺗﻌﺒﺎﻥ
ﺍﺩﻫﻢ : ﻭﺍﻟﻠﻪ ﻣﺎ ﺍﻋﺮﻑ ﺷﻜﻮﻟﻚ
ﻋﺼﺎﻡ : ﺍﺣﺠﻲ ﺷﺒﻴﻚ ﺷﻐﻠﺖ ﺑﺎﻟﻲ
ﺍﺩﻫﻢ : ﻟﻚ ﻣﺨﻠﻲ 300 ﻣﻠﻴﻮﻥ ﺑﻐﺮﻓﺔ ﺳﺎﺭﻩ ﻭﺑﺲ ﻫﻴﻪ ﺗﻌﺮﻑ ﻣﻜﺎﻧﻬﻦ ﻭﺍﺟﻴﺖ ﺍﻟﻴﻮﻡ ﺍﻟﺼﺒﺢ ﻛﻮﻟﺸﻲ ﻣﺎ ﻟﻜﻴﺖ ﺳٲﻟﺘﻬﺎ ﺗﻨﻜﺮ ﻣﺘﺠﺎﻭﺏ
ﻋﺼﺎﻡ : ﺍﺩﻫﻢ ﺍﻧﺘﻪ ﺷﺒﻴﻚ ﺗﺨﺒﻠﺖ ﺗﻨﻜﺮ ﺷﻨﻮ .. ؟ ﺍﻟﻤﺮﻩ ﺻﺎﺭﻟﻬﺎ ﻭﻳﺎﻙ 4 ﺳﻨﻴﻦ ﻓﺪ ﻳﻮﻡ ﻣﺪﺕ ﺍﻳﺪﻫﺎ ﻋﻠﻰ ﺟﻴﺒﻚ ﺷﻨﻮ ﻫﺎﻱ ﺍﻭﻝ ﻣﺮﻩ ﺗٲﻣﻦ ﻋﺪﻫﺎﻛﻞ ﻣﺮﻩ ﻓﻠﻮﺳﻚ ﻳﻤﻬﺎ
🔸🔹🔸🔹
ﺍﺩﻫﻢ : ﻟﻚ ﻭﺍﻟﻠﻪ ﺩﺍﻳﺦ ﻳﻌﻨﻲ ﺻﻴﺮ ﺑﻤﻜﺎﻧﻲ ﺩﺍﻛﻮﻟﻚ ﺑﺲ ﻫﻴﻪ ﺗﻌﺮﻑ ﺍﻟﻤﻜﺎﻥ ﻣﺘٲﻛﺪ ﻣﻜﺎﻳﻞ ﻻ ﻟﺰﻫﺮﺍﺀ ﻭﻻ ﻻﺳﻴﻞ ﺯﻳﻦ ﻭﻳﻦ ﺭﺍﺣﻦ ﻣﺤﺘﺎﺟﻬﻦ ﺣﺎﻟﻴﺎ ﻟﻠﻤﺸﺮﻭﻉ ﺍﻟﻠﻲ ﺑﺪﻳﺘﻪ ﺑﻜﺮﺑﻼﺀ ﻛﻮﻟﻲ ﻫﺴﻪ ﺷﻠﻮﻥ ﺍﺩﺑﺮﻩ
ﻋﺼﺎﻡ : ﻭﺍﻟﻠﻪ ﻳﺎ ﺍﺩﻫﻢ ﻣﺎ ﺍﻋﺮﻑ ﺷﻜﻠﻚ ﺩﻭﺭﻭ ﺍﻟﻐﺮﻓﻪ ﺑﺎﻟﺒﻴﺖ ﻳﻤﻜﻦ ﺑﻴﻬﺎ ﻫﺴﻪ ﺍﻧﺘﻪ ﺗﻬﻤﺘﻬﺎ ﺑﻤﺠﺮﺩ ﻣﺎ ﻟﻜﻴﺘﻬﻦ ﺑﺎﻟﺨﺰﻧﻪ ﻳﻤﻜﻦ ﻣﺨﻠﻴﻬﺎ ﺑﻐﻴﺮ ﻣﻜﺎﻥ ﺗﺼﻴﺮ ﻫﻴﺞ ﺣﺎﻟﻪ ﺗﺨﻠﻲ ﻭﺗﻨﺴﺎ
ﺍﺩﻫﻢ .. ﻭﺍﻟﻠﻪ ﻣﺎ ﺍﻋﺮﻑ ﺩﺧﺖ ﻭﺍﻟﻠﻪ ﺩﺧﺖ ﻣﺎ ﺍﻛﺪﺭ ﻋﻠﻲ ﻓﺮﻛﻬﺎ .. ﻟﻮ ﺍﺩﺭﻱ ﺑﻴﻬﺎ ﺗﻄﻠﻊ ﻣﺎ ﺣﺠﻴﺖ
ﻋﺼﺎﻡ ﻛﻮﻝ ﻳﺎ ﺍﻟﻠﻪ ﺧﻮﻳﻪ .. ﺍﻧﺸﺎﻟﻠﻪ ﻳﻮﻣﻴﻦ ﻭﺗﻬﺪﺀ ﺍﻻﻣﻮﺭ ﻭﺻﺎﻟﺤﻬﺎ ..
ﺍﺩﻫﻢ .. ﺍﻧﺸﺎﻟﻠﻪ
……
ﺳﺎﺭﻩ … ﺑﻌﺪ ﻣﺎ ﻃﻠﻌﺖ ﻣﻨﻪ ﻭﻛﻔﻨﻲ ﻋﻠﻤﻮﺩ ﻳﻮﺻﻠﻨﻲ ﺑﺲ ﻣﺎ ﺍﻛﺪﺭ ﺍﺗﺤﻤﻞ ﺍﺷﻮﻓﻪ ﺑﻌﺪ ﻣﺎ ﺷﻚ ﺑﻴﻪ ﺍﺧﺬﺕ ﺗﻜﺴﻲ ﻭﺭﺣﺖ ﻻﻫﻠﻲ
ﺩﺧﻠﺖ ﻋﻴﻮﻧﻲ ﻣﻮﺭﻣﻪ ﻣﻦ ﺍﻟﺒﺠﻲ ﻋﻔﺖ ﺍﻫﻠﻲ ﻭﺻﻌﺪﺕ ﺑﻐﺮﻓﺔ ﺍﺧﺘﻲ ﺍﺑﺠﻲ ﺍﺟﻮ ﺍﻫﻠﻲ ﻳﺴٲﻟﻮﻧﻲ ﺷﺒﻴﺞ ﻣﺎ ﻛﻠﺘﻠﻬﻢ ﺿﺎﻳﻌﻪ ﻓﻠﻮﺱ
ﻛﺘﻠﻬﻢ ﻫﻴﺞ ﻣﺘﻌﺎﺭﻛﻪ ﻭﻳﻪ ﺿﺮﺍﺗﻲ ﻧﻤﺖ ﻭﻛﻌﺪﺕ ﺑﺎﻟﻴﻞ ﺍﺑﺠﻲ ﻋﻠﻰ ﺍﺳﺪ ﺑﻨﻔﺲ ﺍﻟﻤﻜﺎﻥ ﺍﻟﻠﻲ ﺟﻨﺖ ﺍﺑﺠﻲ ﺑﻴﻪ ﻋﻠﻪ ﻋﺒﺪﻟﻠﻪ ﺍﺑﻨﻲ
ﺍﻭﻑ ﺭﺑﻲ ﻟﻴﺶ ﻫﻴﺞ ﺗﺤﺮﻣﻨﻲ ﻣﻦ ﺍﻃﻔﺎﻟﻲ ﺷﻨﻮ ﺳﻮﻳﺖ ﻟﻴﺶ ﺍﺟﻴﺐ ﺍﻟﻄﻔﻞ ﻭﺍﺭﺑﻴﻪ ﻭﺍﺗﻌﻠﻖ ﺑﻴﻪ ﻭﺑﻌﺪﻳﻦ ﻳﺮﻭﺡ ﻣﻨﻲ
ﻟﻴﺶ ﻛﻞ ﺍﺗﻌﻠﻖ ﺑﻴﻪ ﻳﻀﻴﻊ ﻣﻦ ﺍﺩﻳﻪ .. ﻟﻴﺶ ﻫﻴﺞ ﺍﺩﻫﻢ ﺳﻮﻳﺖ ﺑﻴﻪ ﺗﻌﺮﻓﻨﻲ ﻣﺎ ﺍﻛﺪﺭ ﺍﻋﻴﺶ ﺑﻠﻴﺎﻙ ﺳﺎﻋﻪ
ﺻﺤﺖ ﺍﺧﺘﻲ ﻋﻠﻰ ﺻﻮﺕ ﺍﻟﺒﺠﻲ ﻣﺎﻟﺘﻲ ﻛﻌﺪﺕ ﺗﻮﺍﺳﻴﻨﻲ ﺑﺲ ﺷﺘﻮﺍﺳﻲ ﻋﻠﻪ ﻓﺮﺍﻙ ﺍﻃﻔﺎﻟﻲ ﻟﻮ ﻋﻠﻰ ﻓﺮﺍﻙ ﺍﺩﻫﻢ
ﻣﺮﺕ 3 ﺍﺳﺎﺑﻴﻊ ﻭﺍﺩﻫﻢ ﻣﺎﻛﻮ ﻣﻨﻪ ﻻ ﺣﺲ ﻭﻻ ﺧﺒﺮ ﻣﺘﺖ ﺍﺭﻳﺪ ﺍﺷﻮﻑ ﺍﺑﻨﻲ ..
ﻛﺎﻋﺪﻩ ﺑﻠﻴﻞ ﻋﻠﻤﻮﺑﺎﻳﻞ ﺍﺗﺼﻔﺢ ﻋﻠﻔﻴﺴﺒﻮﻙ ﻃﻠﻊ ﻋﻨﺪﻱ ﺍﺗﺼﺎﻝ ﻛﺎﻣﺮﺍ ﻋﻠﻤﺎﺳﻨﺠﺮ ﺑﺎﻭﻋﺘﻪ ﺍﺩﻫﻢ ﻓﺘﺤﺖ ﺷﻌﺮﻱ ﻭﻋﺪﻟﺖ ﻣﻼﺑﺴﻲ ﻭﺭﺩﻳﺖ
ﻟﻜﻴﺖ ﺍﺳﺪ ﻓﺮﺣﺖ ﻛﻮﻟﺶ ﻟﻤﺎ ﺷﻔﺘﻪ ﺣﺠﻴﺖ ﻭﻳﺎﻩ ﻭﺑﻮﺳﺘﻪ ﻧﻮﻣﺘﻪ ﻋﺒﺮ ﺍﻻﺗﺼﺎﻝ ﺑﻘﻴﺖ ﺍﻏﻨﻴﻠﻪ ﻭﺍﻧﻲ ﻓﺎﺗﺤﻪ ﺍﻟﻜﺎﻡ ﻟﺤﺪ ﻣﻨﺎﻡ
ﺷﻔﺖ ﺍﺩﻫﻢ ﻣﺎ ﺣﺠﻪ ﻭﻳﺎﻳﻪ ﺭﺩﺕ ﺍﻗﻄﻊ ﺍﺗﺼﺎﻝ ﺟﻨﺖ ﺍﺗﻤﻨﻪ ﺑﺲ ﺍﻟﻤﺤﻪ ﺍﺷﺘﺎﻗﻴﺘﻠﻪ ﻛﻮﻟﺶ ﻫﺎﻱ ﺍﻭﻝ ﻣﺮﻩ ﺍﻓﺎﺭﻛﻪ ﻫﻠﻜﺪ ﻣﻦ ﺗﺰﻭﺟﺘﻪ ﻟﻠﻴﻮﻡ
ﻫﻮﻩ ﺳﺤﺐ ﺍﻟﻤﻮﺑﺎﻳﻞ ﻣﻦ ﺍﻳﺪ ﺍﺳﺪ ﻭﻏﻄﺎﻩ ﻭﺣﻮﻝ ﺍﺗﺼﺎﻝ ﺍﻟﻜﺎﻣﺮﺍ ﺍﻟﻰ ﺍﺗﺼﺎﻝ ﻋﺎﺩﻱ ﺍﻧﻲ ﻣﻘﻄﻌﺖ ﺍﻻﺗﺼﺎﻝ ﻋﺴﺎ ﻭﻟﻌﻞ ﺍﺳﻤﻊ ﺻﻮﺗﻪ ﻭﺑﺎﻟﻔﻌﻞ ﺣﺠﻪ
ﺍﺩﻫﻢ : ﻫﻠﻪ ﺳﺎﺭﻩ ﺷﻠﻮﻧﺞ
ﺳﺎﺭﻩ : ﻫﻼ ﺣﺐ … ﺍﺟﻴﺖ ﺍﻛﻮﻟﻪ ﺣﺒﻴﺒﻲ ﻭﺗﺮﺩﺩﺕ ﻛﺘﻠﻪ ﻫﻼ ﺍﺩﻫﻢ
ﺍﺩﻫﻢ : ﺷﻮﻛﺖ ﻧﺎﻭﻳﻪ ﺗﺮﺟﻌﻴﻦ
ﺳﺎﺭﻩ : ﻣﺎ ﺍﺭﺟﻊ ﻟﺤﺪ ﻣﺘﺘﻴﻘﻦ ﺍﻧﻮ ﻣﻮ ﺍﻧﻲ ﺍﻟﻠﻲ ﺑﺎﻳﻜﺘﻚ ﻭﺗﻌﺘﺬﺭﻟﻲ ﺑﻮﻗﺘﻬﺎ ﺍﺭﺟﻊ
ﺍﺩﻫﻢ : ﻫﻤﻤﻤﻢ ﺑﺮﺍﺣﺘﺞ
ﺳﺎﺭﻩ : ﺍﺩﻫﻢ
ﺍﺩﻫﻢ : ﻧﻌﻢ
ﺳﺎﺭﻩ : ﺍﻟﻠﻪ ﻳﺨﻠﻴﻚ ﺍﻧﻄﻴﻨﻲ ﺍﺑﻨﻲ ﺣﺮﺍﻡ ﻋﻠﻴﻚ ﻭﺍﻟﻠﻪ ﺩﺍ ﺍﻣﻮﺕ ﻋﻠﻰ ﺭﻳﺤﺘﻪ ﻛﺎﻓﻲ ﻧﺤﺮﻣﺖ ﻣﻦ ﻋﺒﺪﻟﻠﻪ ﻟﻴﺶ ﺗﺤﺮﻣﻨﻲ ﻣﻦ ﺍﺳﺪ
🔹🔸🔹🔸
ﺍﺩﻫﻢ : ﺍﺳﻒ ﻣﺎ ﺍﻛﺪﺭ
ﺳﺎﺭﻩ : ﺍﻟﻠﻪ ﻳﺨﻠﻴﻚ ﺍﺩﻫﻢ ﻭﺍﻟﻠﻪ ﺭﺍﺡ ﺍﻣﻮﺕ ﻋﻠﻴﻪ ﻭﺑﻘﻴﺖ ﺍﺑﺠﻲ ﺑﻠﻜﺖ ﻳﺤﻦ ﻭﻳﻨﻄﻴﻨﻴﺎﻩ
ﺍﺩﻫﻢ : ﺑﺸﺮﻁ
ﺳﺎﺭﻩ : ﺷﻨﻮ ﺍﻟﺸﺮﻁ
ﺍﺩﻫﻢ : ﺗﻘﻀﻴﻦ ﻭﻳﺎﻳﻪ ﻳﻮﻡ ﻛﺎﻣﻞ ﻭﻛٲﻥ ﻣﺼﺎﺭ ﺷﻲ ﻣﺠﺮﺩ ﺗﺨﻠﻴﻨﻲ ﺍﺭﺗﺎﺡ
ﺳﺎﺭﻩ : ﺷﻨﻮ ﻫﻬﻬﻬﻬﻬﻬﻪ ﺍﻧﺘﻪ ﺗﺤﺠﻲ ﻣﻦ ﻛﻞ ﻋﻘﻠﻚ
ﺍﺩﻫﻢ : ﺑﻜﻴﻔﺞ ﻣﺘﺮﺩﻳﻦ ﻟﺘﺠﻴﻦ ﻭﺍﺳﺪ ﻣﺎﻛﻮ
ﺳﺎﺭﻩ : ﻟﺤﻀﻪ ﺑﺲ ﻟﻴﺶ ﺗﻄﻠﺐ ﻫﻴﺞ ﻃﻠﺐ ﻋﻨﺪﻙ ﻏﻴﺮﻱ 2 ﺗﻜﺪﺭ ﺗﺎﺧﺬ ﺭﺍﺣﺘﻚ ﻭﻳﺎﻫﻦ
ﺍﺩﻫﻢ : ﻋﻨﺪﻱ ﻏﻴﺮﺝ ﺑﺲ ﻣﺎ ﻋﻨﺪﻱ ﻣﺜﻠﺞ ﻭﺍﻧﺘﻲ ﺍﻟﻮﺣﻴﺪﻩ ﺍﻟﻠﻲ ﺗﻌﺮﻓﻴﻦ ﺷﻠﻮﻥ ﺗﺮﻳﺤﻴﻦ ﻭﺗﺨﻠﺼﻴﻨﻲ ﻣﻦ ﻫﻠﺘﻌﺐ
ﺳﺎﺭﻩ : ﻫﻠﻜﺪ ﺗﺤﺒﻨﻲ
ﺍﺩﻫﻢ : ______
ﺳﺎﺭﻩ : ﻫﻬﻬﻪ ﻟﺘﺤﺠﻲ .. ﺍﻭﻙ ﻣﻮﺍﻓﻘﻪ ﺑﺲ ﺑﻌﺪﻫﺎ ﺍﺳﺪ ﺍﺧﺬﻩ ﻭﻳﺎﻳﻪ
ﺍﺩﻫﻢ : ﺍﻭﻙ ﺑﻌﺪﻫﺎ ﺍﺧﻠﻴﻪ ﻳﻤﺞ
ﺳﺎﺭﻩ : ﺷﻮﻛﺖ
ﺍﺩﻫﻢ : ﺑﺎﺟﺮ ﺍﻟﻌﺼﺮ ﺍﻟﺴﺎﻋﻪ 4 ﺍﺟﻲ ﺍﺧﺬﺝ
ﺳﺎﺭﻩ : ﺍﻭﻑ ﻫﻠﻜﺪ ﻣﺴﺘﻌﺠﻞ .. ﻫﻬﻬﻪ ﺍﻭﻙ ﻣﺎﺷﻲ ﻳﻠﻪ ﺑﺎﻱ
ﺍﺩﻫﻢ : ﻭﻳﻦ
ﺳﺎﺭﻩ : ﺍﺭﻭﺡ ﺍﻧﺎﻡ
ﺍﺩﻫﻢ : ﻧﺎﻣﻲ ﺑﺲ ﻟﺘﺴﺪﻳﻦ ﺍﻟﺨﻂ
ﺳﺎﺭﻩ : ﻟﻴﺶ
ﺍﺩﻫﻢ : ﻋﺎﺟﺒﻨﻲ
ﺍﺩﻫﻢ . ﺑﻠﻴﻞ ﻛﺎﻋﺪ ﺍﻧﻲ ﻭﺍﺳﺪ ﺑﺎﻟﻐﺮﻓﻪ ﺩﺍ ﺍﺗﺼﻔﺢ ﻋﻠﻔﻴﺴﺒﻮﻙ ﻭﺍﺳﺪ ﻛﺎﻋﺪ ﻳﺘﻔﺮﺝ ﺍﻓﻼﻡ ﻛﺎﺭﺗﻮﻥ ﻟﺤﻀﻪ ﻭﺷﻔﺖ ﺻﻔﺤﺔ ﺳﺎﺭﻩ
ﺍﺧﺬﺕ ﻧﻔﺲ ﺍﻭﻑ ﺷﻠﻮﻥ ﺍﻛﺪﺭ ﺍﺣﺠﻲ ﻭﻳﺎﻫﺎ ﺍﺷﺘﺎﻗﻴﺘﻠﻬﺎ ﺣﻴﻞ ﺩﺧﻠﺖ ﻋﻠﺼﻔﺤﻪ ﻟﻜﻴﺘﻬﺎ ﻣﺘﺼﻠﻪ ﺑﺎﻟﻨﺖ ﺩﺭﺕ ﻭﺟﻬﻲ ﻋﻠﻪ ﺍﺳﺪ
ﻛﺘﻠﻪ ﺑﺎﺑﺎﺗﻲ ﺗﺮﻳﺪ ﺗﺤﺠﻲ ﻭﻳﻪ ﻣﺎﻣﺎ ﻫﻮﻩ ﻓﺮﺡ ﻭﺑﻘﻰ ﻳﺼﻔﻚ ﻫﻬﻪ ﺧﻠﻴﺖ ﺍﻟﺘﺎﺑﻠﺖ ﻛﺪﺍﻡ ﻭﺟﻪ ﺍﺳﺪ ﻭﺍﺗﺼﻠﺖ ﻛﺎﻡ
ﻟﺤﻀﺎﺕ ﻭﺟﺎﻭﺑﺖ ﻣﻦ ﺳﻤﻌﺖ ﺻﻮﺗﻬﺎ ﺣﺴﻴﺖ ﺭﺟﻌﺘﻠﻲ ﻋﺎﻓﻴﺘﻲ ﺑﻘﻴﺖ ﺍﺑﺎﻭﻋﻬﺎ ﻭﻫﻴﻪ ﺗﺤﺠﻲ ﻭﻳﻪ ﺍﺳﺪ ﺑﺲ ﻫﻴﻪ ﻣﺘﺸﻮﻓﻨﻲ
ﻻﻥ ﻋﺪﺳﺔ ﺍﻟﻜﺎﻣﺮﻩ ﻣﻮﺟﻬﺎ ﺑﺲ ﻋﻠﻰ ﺍﺳﺪ ﺑﻘﻴﺖ ﺻﺎﻓﻦ ﻋﻠﻪ ﺷﻌﺮﻫﺎ ﻋﻠﻰ ﻣﻼﻣﺤﻬﺎ ﻻﺑﺴﻪ ﺗﻴﺸﻴﺮﺕ ﺑﻨﻔﺴﺠﻲ ﻳﻜﺘﻞ ﻋﻠﻴﻬﺎ
ﺍﺧﺬﺕ ﻧﻔﺲ ﺍﻩ ﺍﺷﻠﻮﻥ ﺍﺭﺟﻌﻬﺎ ﻳﺎﺭﺑﻲ ﻣﺸﺘﺎﻕ ﻟﻜﻞ ﺟﺰﺀ ﺑﻴﻬﺎ ﻣﺎ ﺍﺣﺲ ﻋﺎﻳﺶ ﺑﺪﻭﻧﻬﺎ
ﺍﻧﻄﺖ ﺗﻌﻠﻴﻤﺎﺕ ﻻﺳﺪ ﻳﻨﺎﻡ ﻭﺑﻘﺖ ﻫﻴﻪ ﺗﻐﻨﻴﻠﻪ ﻭﺍﻧﻲ ﺍﺳﻤﻌﻬﺎ ﻟﺤﺪ ﻣﺎ ﺣﺴﻴﺖ ﺍﺳﺪ ﻏﻔﺎ ﺍﺧﺬﺕ ﺍﻟﻤﻮﺑﺎﻳﻞ ﻭﺣﻮﻟﺖ ﺍﻟﻜﺎﻣﺮﻩ ﺍﺗﺼﺎﻝ
ﻣﺎ ﺍﺭﻳﺪﻫﺎ ﺗﺸﻮﻑ ﻭﺟﻬﻲ ﻭﺗﺘﺬﻛﺮ ﺍﻟﻠﻲ ﺳﻮﻳﺘﻪ ﺑﻴﻬﺎ ﻃﻠﺒﺖ ﻣﻨﻬﺎ ﺗﺮﺟﻊ ﺑﺲ ﻣﻘﺒﻠﺖ ﺭﺍﺩﺕ ﺍﺑﻨﻬﺎ ﻭﺭﻓﻀﺖ ﻫﻮﻩ ﺑﺲ ﻫﺬﺍ ﺑﺎﻗﻴﻠﻲ ﻣﻦ ﺭﻳﺤﺘﻬﺎ
ﺷﻠﻮﻥ ﺍﻓﺮﻁ ﺑﻴﻪ .. ﺍﻧﻮﺏ ﺧﻄﺮﺕ ﺍﺑﺎﻟﻲ ﻓﻜﺮﻩ ﻛﺘﻠﻬﺎ ﺍﺭﻳﺪﺝ ﺗﻘﻀﻴﻦ ﻭﻳﺎﻳﻪ ﻳﻮﻡ ﻭﺍﻧﻲ ﺍﺧﻠﻲ ﺍﺳﺪ ﻳﻤﺞ ﺗﻌﺠﺒﺖ ﻫﻴﻪ ﻣﻦ ﻃﻠﺒﻲ
ﻭﺿﻠﺖ ﺗﻀﺤﻚ ﺣﻘﻬﺎ ﻣﺘﻌﺮﻑ ﻫﻴﻪ ﺷﻤﺴﻮﻳﻪ ﺑﻴﻪ ﻭﺍﻧﻲ ﻣﻦ ﻳﻮﻡ ﺍﻟﺮﺍﺣﺖ ﺣﺮﻣﺖ ﻋﻠﻴﻪ ﺯﻭﺟﺎﺗﻲ ﺧﻠﺼﺖ ﺍﻳﺎﻣﻲ ﻭﻳﻪ ﺍﺳﺪ ﺑﻐﺮﻓﺘﻬﺎ ﻭﺍﻓﻘﺖ ﻭﻭﺍﻋﺪﺗﻬﺎ ﺍﺟﻴﻬﺎ ﺑﺎﻻﺭﺑﻌﻪ
🔸🔹🔸🔹
ﺳﺎﺭﻩ : ﻛﻌﺪﺕ ﺍﻟﺼﺒﺢ ﻛﻠﺖ ﻻﻣﻲ ﺍﺩﻫﻢ ﻫﻴﺞ ﻃﻠﺐ ﻋﻠﻤﻮﺩ ﻳﻨﻄﻴﻨﻲ ﺍﺳﺪ ﺍﻣﻲ ﻛﺎﻟﺖ ﺧﺎﻑ ﻣﺴﻮﻳﻠﺞ ﻟﻌﺒﻪ ﻛﺘﻠﻬﺎ ﻻ ﻳﻤﻪ ﺍﺩﻫﻢ ﻣﺎ ﻋﻨﺪﻩ ﻫﻴﺞ ﺳﻮﺍﻟﻒ
ﺑﺲ ﺍﻣﻲ ﺯﺭﻋﺖ ﺍﻟﺸﻚ ﺑﺮﺍﺳﻲ ﺧﺎﻑ ﺻﺪﻭﻙ ﻣﺪﺧﻠﻨﻲ ﺑﻠﻌﺒﻪ ﻋﻠﻤﻮﺩ ﻳﺸﻮﻑ ﺷﻨﻮ ﺭﺩﺕ ﻓﻌﻠﻲ ﺑﺲ ﺍﺷﺘﻴﺎﻗﻲ ﺍﻟﻪ ﻛﺎﻥ ﺍﻛﺒﺮ ﻣﻦ ﺧﻮﻓﻲ
ﺍﺭﻭﺣﻠﻪ ﻭﺷﻴﺮﻳﺪ ﻳﺴﻮﻱ ﺧﻞ ﻳﺴﻮﻱ ﺍﻟﻤﻬﻢ ﺍﺷﻮﻓﻪ ﻭﺍﺷﺘﻢ ﺭﻳﺤﺘﻪ ﻭﺍﻛﺤﻞ ﻋﻴﻮﻧﻲ ﺑﺸﻮﻓﺔ ﻋﻴﻮﻧﻪ ..
ﺭﺣﺖ ﻟﻠﺼﺎﻟﻮﻥ ﻋﺪﻟﺖ ﻧﻔﺴﻲ ﺷﺴﻮﺭﺕ ﺷﻌﺮﻱ ﺣﻄﻴﺖ ﻣﻜﻴﺎﺝ ﺧﻔﻴﻒ ﻭﺍﻧﺘﻀﺮﺗﻪ ﻛﻠﺖ ﻻﺑﻮﻳﻪ ﺭﺍﺡ ﺍﺑﺎﺕ ﺑﻴﺖ ﻋﻤﺘﻲ
ﻭﺍﺗﻔﻘﺖ ﻭﻳﻪ ﻋﻤﺘﻲ ﻭﻛﺘﻠﻬﺎ ﻣﺘﻜﻮﻝ ..
ﺩﺯﻟﻲ ﻣﺴﺞ ﺍﺩﻫﻢ ﺍﻧﻲ ﺍﻧﺘﻀﺮﺝ ؏ﺷﺎﺭﻉ ﺍﻃﻠﻌﻲ ﻃﻠﻌﺖ ﻟﻜﻴﺘﻪ ﻻﺑﺲ ﻗﻤﻴﺺ ﺍﺳﻮﺩ ﻭﺍﻟﺠﻴﻨﺰ ﺑﻴﺞ ﻭﻫﻮ ﺍﺑﻴﺾ ﺍﻻﺳﻮﺩ ﻳﻤﻮﺕ ﻋﻠﻴﻪ ﺍﻭﻑ ﺷﻜﺪ ﻣﺸﺘﺎﻗﺘﻠﻪ
ﺍﺩﻫﻢ ﺩﺯﻳﺘﻠﻬﺎ ﻣﺴﺞ ﻭﻃﻠﻌﺘﻠﻲ ﺍﻭﻑ ﻳﺎﺑﻪ ﺗﺨﺒﻞ ﻻﺑﺴﻪ ﺟﻴﻨﺰ ﺍﺑﻴﺾ ﻭﺍﻟﻘﻤﻴﺺ ﺧﻤﺮﻱ ﺣﺎﻃﻪ ﻣﻜﻴﺎﺝ ﺧﻔﻴﻒ ﺗﻜﺘﻞ ﻭﺻﻠﺘﻠﻲ ﺍﺑﺘﺴﻤﺘﻠﻬﺎ ﻭﻛﻠﺖ
ﺍﺩﻫﻢ : ﻫﺎﻱ ﻫﻴﺞ ﻓﺮﺍﻛﻲ ﻳﺴﻮﻳﺞ ﺣﻠـِﯜﯞﻭﮪّ
ﺳﺎﺭﻩ : ﻫﻬﻬﻪ ﻻ ﺑﺲ ﺷﻮﻛﻲ ﺍﻟﻚ ﺧﻼﻧﻲ ﺍﺗﻠﻬﻒ ﻟﺸﻮﻓﺘﻚ ﻭﺭﺣﺖ ﺭﻛﺾ ﻋﺼﺎﻟﻮﻥ ﻟﺤﺘﻪ ﺍﻏﻴﺮ ﺑﻨﻔﺴﻲ
ﺍﺩﻫﻢ : ﻫﻬﻬﻬﻪ ﺍﻭﻙ ﻳﻠﻪ ﺍﺻﻌﺪﻱ … ﺻﻌﺪﺕ ﻭﻣﺸﻴﺖ ﺍﻟﺴﻴﺎﺭﻩ ﺷﻐﻠﺔ ﺍﻏﻨﻴﺔ ( ﺗﺴٲﻟﻴﻨﻲ ﻟﻴﺶ ﺍﺣﺒﺞ ﺍﺳٲﻟﻴﻨﻲ ﻋﻦ ﻋﺬﺍﺑﻲ ﻋﻦ ﺟﻨﻮﻧﻲ ﻋﻦ ﺣﻨﻴﻨﻲ )
ﺍﻏﻨﻴﻪ ﺭﻭﻣﺎﻧﺴﻴﻪ ﻃﻴﺮﺗﻨﺎ ﺑﺎﻟﻬﻮﺍ ﺑﻜﻠﻤﺎﺗﻬﺎ ﺑﻌﺪﻳﻦ ﺍﻟﺘﻔﺘﺖ ﺍﻟﻬﺎ ﻭﺳٲﻟﺘﻬﺎ
ﺍﺩﻫﻢ : ﺳﺎﺭﻩ ﺟﻨﻄﻪ ﺍﻟﺴﻮﺩﻩ ﻭﺑﻴﻬﺎ ﺑﻨﻔﺴﺠﻲ ﺍﻟﺞ
ﺳﺎﺭﻩ : ﺷﻨﻮ ﻣﻤﻤﻤﻢ ﻣﺎ ﺍﺗﺬﻛﺮ ﺍﻫﺎﺍﺍﺍﺍ ﺍﻱ ﺑﺲ ﻗﺪﻳﻤﻪ ﻣﺎ ﺍﺳﺘﺨﺪﻣﻬﺎ ﻣﺠﻤﻌﻪ ﺑﻴﻬﺎ ﻓﻠﻮﺱ
ﺍﺩﻫﻢ : ﺷﻜﺪ ﺑﻴﻬﺎ ﻓﻠﻮﺱ
ﺳﺎﺭﻩ .. ﻣﺎ ﺍﻋﺮﻑ ﻛﻠﻤﺎ ﺍﺭﻭﺡ ﻟﻠﺴﻮﻙ ﻭﻳﺰﻳﺪ ﻋﻨﺪﻱ ﺑﺎﻟﻤﺼﺮﻑ ﺍﺷﻤﺮﻩ ﺑﺎﻫﻠﺠﻨﻄﻪ .. ﻳﻤﻜﻦ ﺑﺤﺪﻭﺩ 500 ﺍﻟﻒ ﺩﻳﻨﺎﺭ ﺍﻗﻞ ﺍﻛﺜﺮ ﻣﺎ ﺍﻋﺮﻑ ﺑﺲ ﺑﺎﻟﺤﺪﻭﺩ
ﺍﺩﻫﻢ : ﺑﻴﻬﺎ 300 ﻣﻠﻴﻮﻥ ﻭ 540 ﺍﻟﻒ ﺩﻳﻨﺎﺭ ﻋﺮﺍﻗﻲ
ﺳﺎﺭﻩ : ﺷﻨﻮﻭﻭﻭﻭ .. ﻟﻜﻴﺖ ﻓﻠﻮﺳﻚ ﺑﺠﻨﻄﺘﻲ
ﺍﺩﻫﻢ : ﺍﺧﺬﺕ ﻧﻔﺲ ﻭﻛﻠﺖ ﺃﻳٌـ YES. ـﮧٌَ
ﺳﺎﺭﻩ : ﺷﻮﻑ ﺍﺩﻫﻢ ﻭﻟﻠﻪ ﻭﻏﻼﺗﻚ ﻭﻏﻼﺓ ﺍﺳﺪ ﻋﻨﺪﻱ ﻣﺸﺎﻳﻔﺘﻬﻦ ﻭﻻ ﺷﺎﻳﻠﻪ ﻓﻠﻮﺱ .. ﻭﻟﻮ ﺻﺪﻭﻙ ﺍﻧﻲ ﻣﺎ ﺧﺬﺗﻬﻦ
ﺟﺎﻥ ﻟﻤﺎ ﻃﻠﻌﺖ ﻣﻦ ﺑﻴﺘﻚ ﺍﺧﺬﺗﻬﻦ ﻭﻳﺎﻳﻪ ﺍﻧﻲ ﺍﺻﻼ ﻧﺴﻴﺖ ﺣﺘﻪ ﺍﺧﺬ ﺍﻟﻔﻠﻮﺱ ﺍﻟﺒﺠﻨﻄﻪ ﻭﻣﺎ ﺗﺘﺬﻛﺮﺗﻬﻦ ﺍﻻ ﻫﺴﻪ
ﺍﺩﻫﻢ : ﺍﻋﺮﻑ ﺑﺲ ﻣﻨﻮ ﻫﺬﺍ ﺍﻟﻠﻲ ﻳﺮﻳﺪ ﻳﻮﺭﻃﺞ ﻭﻣﺨﻠﻴﻦ ﺑﺠﻨﻄﺘﺞ
ﺳﺎﺭﻩ : ﺍﺩﻫﻢ ﻭﺍﻛﻮ ﻏﻴﺮﻫﻦ
ﺍﺩﻫﻢ : ﻣﻨﻮ .. ﺍﺫﺍ ﻋﻠﻰ ﺍﺳﻴﻞ ﻟﻮ ﺯﻫﺮﺍﺀ ﻣﺴﺘﺤﻴﻞ ﻫﻨﻪ ﺍﺻﻼ ﻣﻴﻌﺮﻓﻦ ﻣﻜﺎﻥ ﺍﻟﻔﻠﻮﺱ ﻭﻳﻦ
ﺳﺎﺭﻩ : ﺣﺒﻴﺒﻲ ﻫﺬﻧﻲ ﻳﻨﺪﻟﻦ ﺍﺑﻠﻴﺲ ﺑﻴﺎ ﻭﻛﺮ ﻧﺎﻳﻢ .. ﺍﻛﻴﺪ ﻫﻨﻪ
ﺍﺩﻫﻢ : ﻋﻨﺪﺝ ﺩﻟﻴﻞ
ﺳﺎﺭﻩ : ﻟــ NO ـﺎ
ﺍﺩﻫﻢ : ﻟﻌﺪ ﺍﺳﻜﺘﻲ ﻟﺘﻀﻠﻴﻦ ﺍﺗﻬﻤﻴﻦ ﻏﻴﺮﺝ ﺑﺎﻃﻞ
🔹🔸🔹🔸
ﺳﺎﺭﻩ : ﺍﻧﺘﻪ ﻭﻳﻦ ﻣﺎ ﺧﺬﻧﺎ ﻫﺬﺍ ﻣﻮ ﻃﺮﻳﻖ ﺍﻟﺒﻴﺖ
ﺍﺩﻫﻢ : ﻭﻣﻨﻮ ﻛﺎﻟﺞ ﺍﻧﻲ ﺭﺍﻳﺢ ﻟﻠﺒﻴﺖ ﺣﺠﺰﺕ ﻏﺮﻓﻪ ﺑﺎﻟﻔﻨﺪﻕ ﻟﻤﺪ 24 ﻭﻧﺮﺟﻊ
ﺳﺎﺭﻩ : ﺧﻔﺖ ﻟﻤﺎ ﻛﺎﻟﻲ ﺑﺎﻟﻔﻨﺪﻕ ﻟﻴﺶ ﻣﻮ ﺑﺎﻟﺒﻴﺖ ﻣﻌﻘﻮﻟﻪ ﻣﺴﻮﻳﻠﻲ ﻟﻌﺒﻪ ﻭﻛﻞ ﻫﻠﺤﺠﻲ ﺗﻠﻔﻴﻖ ﻣﻦ ﻋﻨﺪﻩ ﻋﻠﻤﻮﺩ ﻳﺠﺮﺟﺮﻧﻲ ﺑﺎﻟﺤﺠﻲ
ﻭﺻﻠﻨﺎ ﻟﻠﻔﻨﺪﻕ ﺩﺧﻠﻨﺎ ﺍﻟﻐﺮﻓﻪ ﺑﺎﻭﻋﺖ ﺍﻟﻐﺮﻓﻪ ﺣﻠﻮﻩ ﻭﻣﺮﻳﺤﻪ ﻭﺑﻴﻀﻪ ﻭﺍﺿﻮﺍﺀﻫﺎ ﻫﺎﺩﺋﻪ ﺑﺲ ﺑﻌﺪ ﺍﻟﺨﻮﻑ ﻣﺎﻛﻞ ﻛﻠﺒﻲ
ﺑﻘﻴﺖ ﺍﻓﺘﺮ ﺑﺎﻟﻐﺮﻓﻪ ﺣﺴﻴﺖ ﺍﺩﻫﻢ ﻭﺭﺍﻳﻪ ﻟﻒ ﺍﺩﻳﻪ ﻋﻠﻰ ﺧﺼﺮﻱ ﻭﺑﻘﻪ ﻳﺸﺘﻢ ﺑﺸﻌﺮﻱ ﻭﻳﺒﻮﺱ ﺑﺮﻛﺒﺘﻲ ﺑﺲ ﺍﻧﻲ ﺟﺎﻣﺪﻩ ﺑﻤﻜﺎﻧﻲ ﺩﺍﺭﻧﻲ ﺍﻟﻮﺟﻬﻪ ﻭﻛﺎﻝ
ﺍﺩﻫﻢ : ﺷﺒﻴﺞ ﻟﻴﺶ ﻫﻴﺞ ﺟﺎﻣﺪﻩ
ﺳﺎﺭﻩ : ﺻﺮﺍﺣﻪ ﺧﺎﻳﻔﻪ
ﺍﺩﻫﻢ : ﺧﺎﻳﻔﻪ ﻣﻨﻴﻦ .. ﻣﻨﻲ !!..
ﺳﺎﺭﻩ : ﻻ ﻣﻮ ﻣﻨﻚ ﻣﻦ ﺍﻟﻄﺮﻳﻘﻪ ﺍﻟﺠﺒﺘﻨﻲ ﺑﻴﻬﺎ ﻟﻴﺶ ﺑﺎﻟﻔﻨﺪﻕ ﻟﻴﺶ ﻣﻮ ﺑﺎﻟﺒﻴﺖ
ﺍﺩﻫﻢ : ﻫﺎﻱ ﺷﺒﻴﺞ ﺭﺩﺕ ﺍﺑﺘﻌﺪ ﺑﻴﺞ ﻋﻦ ﻛﻮﻟﺸﻲ ﻭﺍﺭﺗﺎﺡ ﻭﻳﺎﺝ ﻋﻠﻤﺰﺍﺟﻲ .. ﺷﻨﻮ ﻣﻌﻘﻮﻟﻪ ﻣﺜﻘﻴﻦ ﺑﻴﻪ
ﺳﺎﺭﻩ : ﻻ ﻃﺒﻌﺎ ﺍﺛﻖ ﺑﻴﻚ ﻗﺎﺑﻞ ﺍﻧﻲ ﺍﺩﻫﻢ ﻭﺍﺷﻚ ﺑﻴﻚ
ﺍﺩﻫﻢ : ﻫﻬﻬﻬﻬﻪ ﺑﻘﻴﺖ ﺍﺧﺬﺗﻬﺎ ﻭﺑﻮﺳﺘﻬﺎ ﻭﻋﺮﻓﺖ ﻣﻦ ﺧﻼﻝ ﻟﻬﻔﺘﻬﺎ ﻋﻠﻴﻪ ﺷﻜﺪ ﻫﻴﻪ ﻣﺸﺘﺎﻗﺘﻠﻲ ﻭﺍﺧﻴﺮﺍ ﺻﺎﺭﺕ ﺑﺤﻈﻨﻲ
ﻣﺎ ﺑﺪﻱ ﺍﺭﺟﻊ ﻭﻻ ﺑﺪﻱ ﺍﻃﻠﻊ ﺑﺎﺏ ﻫﺬﻱ ﺍﻟﻐﺮﻓﻪ ﺣﺎﺏ ﺍﻋﻴﺶ ﻭﻳﺎﻫﺎ ﺍﻟﻌﻤﺮ ﻛﻠﻪ ﻫﻴﻪ ﺳﺤﺎﺭﻩ ﺑﻬﻠﺸﻲ ﻣﺎ ﺍﻋﺮﻑ ﺷﻠﻮﻥ ﺗﺮﺧﻴﻠﻲ ﺍﻋﺼﺎﺑﻲ ﻭﺗﺨﻠﻴﻨﻲ ﺍﺭﺗﺎﺡ ﻏﺼﺒﺎ ﻋﻠﻴﻪ
ﺑﻘﻴﺖ ﺍﻟﻴﻞ ﻛﻠﻪ ﻭﻳﺎﻫﺎ ﻭﺑﺤﻀﻨﻬﺎ ﺳﺎﻋﻪ 5 ﺍﻟﻔﺠﺮ ﺑﻌﺪﻫﺎ ﺍﻟﺸﻤﺲ ﻣﺎ ﻃﺎﻟﻌﻪ ﺑﺲ ﺍﻟﻀﻮﻩ ﺧﻔﻴﻒ ﻛﻮﻟﺶ ﻭﺳﺎﺣﺮ ﻭﻫﻴﻪ ﻓﺎﺗﺤﻪ ﺑﺎﺏ ﺍﻟﺸﺮﻓﻪ ﻭﻣﻨﺘﺠﻴﻪ ﻋﻠﺒﺎﺏ ﻭﺗﺒﺎﻭﻉ
ﻓﺘﺤﺖ ﻋﻴﻮﻧﻲ ﻋﻠﻴﻬﺎ ﻭﺑﻘﻴﺖ ﺻﺎﻓﻦ ﺷﻠﻮﻥ ﺷﻌﺮﻫﺎ ﻳﻄﻴﺮ ﻣﻦ ﺍﻟﻬﻮﺍ ﻭﻫﻴﻪ ﺳﺮﺣﺎﻧﻪ ﻛﻤﺖ ﻣﻦ ﻓﺮﺍﺷﻲ ﺗﺠﻴﺘﻬﺎ ﻋﻠﻰ ﺣﺎﻓﺖ ﺍﻟﺒﺎﺏ
ﻭﻛﻤﺖ ﺍﺷﻢ ﺑﻴﻬﺎ ﻭﺍﺑﻮﺳﻬﺎ ﻭﻫﻴﻪ ﻓﻘﻂ ﺫﺍﻳﺒﻪ ﺑﺎﺩﻳﻪ ..
ﺍﻧﻮﺏ ﻛﻌﺪﺕ ﺍﻟﺴﺎﻋﻪ 9 ﺍﻟﺼﺒﺢ ﻫﻴﻪ ﻧﺎﻳﻤﻪ ﻭﺷﻌﺮﻫﺎ ﻣﻐﻄﻲ ﻭﺟﻬﺎ ﺑﻌﺪﺕ ﺷﻌﺮﻫﺎ ﻭﺑﻘﻴﺖ ﺍﺗٲﻣﻠﻬﺎ ﻓﺘﺤﺖ ﻋﻴﻮﻧﻬﺎ ﺍﺑﺘﺴﻤﺖ
ﺳﺎﺭﻩ : ﺻﺒﺎﺡ ﺍﻟﺮﻭﻣﺎﻧﺲ ﺣﺒﻴﺒﻲ
ﺍﺩﻫﻢ : ﻫﻬﻬﻪ ﺻﺒﺎﺣﻲ ﺍﻧﺘﻲ
ﺳﺎﺭﻩ : ﺍﺩﻫﻢ
ﺍﺩﻫﻢ : ﻋﻴﻮﻧﻪ
ﺳﺎﺭﻩ : ﻣﺎ ﺍﺭﻳﺪ ﺍﺭﻭﺡ ﻣﻨﺎ ﻭﻣﺎ ﺣﺎﺑﻪ ﺍﺑﺘﻌﺪ ﻋﻨﻚ ﺧﻄﻮﻩ ﺣﺎﺑﻪ ﺍﺿﻞ ﺑﺤﻀﻨﻚ ﻭﻣﺘﺮﻭﺡ ﻭﻏﻄﻴﺖ ﺭﺍﺳﻲ ﺑﺠﺴﻤﻪ
ﺍﺩﻫﻢ .. ﺍﻱ ﻟﺘﺮﻭﺣﻴﻦ ﺍﺭﺟﻌﻲ ﻭﻳﺎﻳﻪ ﻟﻠﺒﻴﺖ ﻫﺎﻱ ﺍﻟﻔﻠﻮﺱ ﻭﻟﻜﻴﺘﻬﻦ .. ﺑﻌﺪ ؏ﺷﻨﻮ ﺯﻋﻼﻧﻪ
ﺳﺎﺭﻩ .. ﻣﺎ ﺍﻛﺪﺭ .. ﺍﻟﻔﻠﻮﺱ ﻟﻜﻴﺘﻬﻦ ﺑﺠﻨﻄﺘﻲ .. ﻳﻌﻨﻲ ﻟﺴﻪ ﻣﺸﻜﻮﻙ ﺑﺄﻣﺮﻱ .. ﻣﺎ ﺍﺭﺟﻊ ﻟﺤﺪ ﻣﺘﻠﻜﻪ ﺍﻟﺨﻠﻪ ﺍﻟﻔﻠﻮﺱ ﺑﺠﻨﻄﺘﻲ ﻭﺭﺍﺩ ﻳﻮﺭﻃﻨﻲ
ﺍﺩﻫﻢ .. ﺯﻳﻦ ﻳﻤﻜﻦ ﺍﻧﺘﻲ ﺷﺎﻳﻠﺘﻬﻦ ﻭﻣﺨﻠﻴﺘﻬﻦ ﻭﻣﺘﺪﺭﻳﻦ
ﺳﺎﺭﻩ .. ﻣﺴﺘﺤﻴﻴﻴﻞ .. 300 ﻣﻠﻴﻮﻥ ﺍﺩﻫﻢ ﻣﻮ ﻣﺒﻠﻎ ﻗﻠﻴﻞ ﺣﺘﻰ ﺍﻧﺴﺎﻩ ﻟﻮ ﺷﻠﺘﻪ ﻭﻏﻴﺮﺕ ﻣﻜﺎﻧﻪ
ﺍﺩﻫﻢ .. ﻭﻫﺴﻪ ﺍﺷﻠﻮﻥ ﺍﺭﻳﺪﺝ .. ﻭﻣﺎ ﺍﺗﺤﻤﻞ ﺑﻌﺪﺝ
ﺳﺎﺭﻩ .. ﺍﺣﺒﻚ .. ﺑﺲ ﻣﺎ ﺍﻛﺪﺭ ﺍﻋﺬﺭﻧﻲ
🔸🔹🔸🔹
ﺑﻌﺪ ﺍﻟﻠﻴﻠﻪ ﺍﻟﺮﻭﻣﺎﻧﺴﻴﻪ ﺍﻟﻠﻲ ﻗﻀﻴﺘﻬﺎ ﻭﻳﺎﻩ ﺭﺟﻌﻨﺎ ﺍﺧﺬﺕ ﺍﺳﺪ ﻭﻭﺻﻠﻨﺎ ﻟﻠﺒﻴﺖ
ﻭﺭﻩ ﺍﺳﺒﻮﻉ ﺧﺎﺑﺮﻧﻲ ﻛﺎﻟﻲ ﺣﻀﺮﻳﻠﻲ ﺍﺳﺪ ﺍﺭﻳﺪ ﺍﺧﺬﻩ ﻛﺘﻠﻪ ﺍﻧﺘﻪ ﻣﻮ ﻛﻠﺖ ﺍﺑﻘﻴﻪ ﻋﻨﺪﺝ ﻛﺎﻝ ﺑﻌﺪ ﻣﺎ ﺍﺗﺤﻤﻞ ﻓﺮﺍﻛﻪ
ﻭﻣﻘﺒﻞ ﻳﺒﻘﻴﻪ ﻋﻨﺪﻱ ﻭﺭﺟﻊ ﺍﺧﺬﻩ ﻭﻫﻢ ﺗﻮﺳﻞ ﻋﻠﻤﻮﺩ ﺍﺭﺟﻊ ﻭﻳﺎﻩ .. ﺑﺲ ﻋﺎﻧﺪﺕ ﻣﺎ ﺍﺭﻭﺡ ﻭﻳﺎﻩ ﺍﻻ ﻳﻜﺘﺸﻒ ﻣﻨﻮ ﺍﻟﻠﻲ ﺳﻮﻩ ﻫﻠﺸﻲ ﻋﻠﻤﻮﺩ ﻳﻮﻛﻌﻨﻲ
ﻣﺮ ﺷﻬﺮ ﻭﺑﺪﺕ ﺭﻭﺣﻲ ﺗﻠﻌﺐ ﻭﺍﻟﺪﻭﺧﻪ ﻻﺯﻣﺘﻨﻲ ﻭﺍﻟﻌﺎﺩﻩ ﻣﺘٲﺧﺮﻩ ﻋﻨﺪﻱ ﺭﺣﺖ ﺳﻮﻳﺖ ﺗﺤﻠﻴﻞ ﻃﻠﻌﺖ ﺣﺎﻣﻞ
ﻓﺮﺣﺖ ﻫﻮﺍﻳﻪ ﺑﺲ ﻛﻠﺖ ﻣﺎ ﺍﻛﻮﻟﻪ ﻟﺤﺪ ﻣﺎ ﻳﻌﺘﺬﺭﻟﻲ ﻋﻠﺴﻮﺍﻩ ﻭﺛﺎﻧﻲ ﻳﻮﻡ ﺍﻟﺼﺒﺢ ﻣﺒﺪﻟﻪ ﻭﺍﺭﻳﺪ ﺍﻃﻠﻊ ﺩﻙ ﻣﻮﺑﺎﻳﻠﻲ ﺭﻗﻢ ﺍﻟﺒﻴﺖ
ﺳﺎﺭﻩ : ﺍﻟﻮ
ﺍﺳﻴﻞ : ﻫﻼ ﺳﺎﺭﻩ ﺍﻛﻮﻟﺞ ﻫﺬﺍ ﺍﺳﺪ ﺑﺲ ﻳﺒﺠﻲ ﺑﻠﻜﺖ ﺍﻧﺘﻲ ﺗﺠﻴﻦ ﺗﺴﻜﺘﻴﻪ
ﺳﺎﺭﻩ : ﻟﻌﺪ ﻭﻳﻦ ﺍﺩﻫﻢ
ﺍﺳﻴﻞ : ﺷﻨﻮ ﻣﺘﻌﺮﻓﻴﻦ
ﺳﺎﺭﻩ : ﻻ ﺷﻨﻮ ﺍﺣﺠﻲ
ﺍﺳﻴﻞ : ﺍﺩﻫﻢ ﺳﻮﻩ ﺣﺎﺩﺙ ﺳﻴﺎﺭﻩ ﻭﻫﺴﻪ ﻫﻮﻩ ﺑﺎﻟﻤﺴﺘﺸﻔﻰ
ﺳﺎﺭﻩ : ﺷﻨﻮﻭﻭﻭ ﺷﻮﻛﺖ ﻭﻭﻳﻦ ﻟﻴﺶ ﻣﺤﺪ ﻛﺎﻟﻲ
ﺍﺳﻴﻞ : ﻻ ﺯﻳﻦ ﺍﻃﻤﻨﺎ ﻋﻠﻴﻪ ﻭﻋﺼﺎﻡ ﻭﻳﺎﻩ ﺑﺎﻟﻤﺴﺘﺸﻔﻰ ﺑﺲ ﺍﺳﺪ ﻣﺎ ﻛﺎﻋﺪ ﻳﺴﻜﺖ ﺍﻟﻮ ﺍﻟﻮﻭﻭ ﻫﺎﻱ ﻭﻳﻦ ﺭﺣﺘﻲ ﺧﺮﺭﺭﺏ
ﺳﺎﺭﻩ : ﺑﻌﺪ ﻣﺨﺒﺮﺗﻨﻲ ﺍﺳﻴﻞ ﺑﺎﻟﺤﺎﺩﺙ ﻭﻛﻒ ﻛﻠﺒﻲ ﺻﺎﺭﺕ ﺩﻣﻮﻋﻲ ﺗﻨﺰﻝ ﺑﻮﺣﺪﻫﺎ ﺍﺧﺬﺕ ﺟﻨﻄﻲ ﻭﺭﻛﻀﺖ ﻃﻠﻌﺖ ﻣﻦ ﺍﻟﺒﻴﺖ
ﺧﺎﺑﺮﺕ ﻋﺼﺎﻡ ﻭﻛﺎﻟﻲ ﻋﻨﻮﺍﻥ ﺍﻟﻤﺴﺘﺸﻔﻰ ﺭﺣﺖ ﻟﻠﻤﺴﺘﺸﻔﻰ ﺩﺍ ﺍﺳٲﻝ ﺍﻻﺳﺘﻌﻼﻣﺎﺕ ﻟﻜﻴﺖ ﻋﺼﺎﻡ ﻛﺪﺍﻣﻲ ﺩﻻﻧﻲ ﻋﻠﻐﺮﻓﻪ ﻭﺭﺣﺖ ﺭﻛﺾ
ﺍﺩﻫﻢ …
ﺟﻨﺖ ﻛﺎﻋﺪ ﻭﺍﺳﺪ ﻳﺒﺠﻲ ﻋﻠﻰ ﺍﻣﻪ ﺣﺎﻭﻟﻨﻪ ﺍﻧﺴﻜﺘﻪ ﺑﺲ ﺑﻌﺪﻩ ﻳﺒﺠﻲ
ﺍﺳﻴﻞ : ﻣﺘﺮﺟﻊ ﺍﻣﻪ ﻣﻮ ﻟﻜﻴﺖ ﺍﻟﻔﻠﻮﺱ ﺑﻌﺪ ﺷﻜﻮ
ﺍﺩﻫﻢ : ﻣﻌﺎﻧﺪﻩ ﺍﻻ ﺗﻌﺮﻑ ﻣﻨﻮ ﺍﻟﺴﻮﻩ ﻫﻴﺞ ﻭﺭﺍﺩﻫﺎ ﻫﻴﻪ ﺗﻮﻛﻊ ﺑﻬﻠﻤﺸﻜﻠﻪ ﻭﺍﻧﻲ ﻣﻨﻴﻦ ﺍﻋﺮﻑ ﺣﺎﻭﻟﺖ ﻭﻳﺎﻫﺎ ﻣﺎﻛﻮ ﻣﺘﻘﺒﻞ
ﺍﺳﻴﻞ : ﺑﻜﻠﺒﻲ ﻛﻠﺖ ﺍﻧﻲ ﺍﻋﺮﻑ ﺍﻟﺴﻮﻩ ﺑﻴﻬﺎ ﻫﻴﺞ ﺧﻄﻴﻪ ﺷﻨﻮ ﺫﻧﺒﻬﺎ ﻫﻴﻪ ﻭﺍﺑﻨﻬﺎ ﻳﺘﻌﺬﺑﻮﻥ ﺑﺪﻭﻥ ﺫﻧﺐ ﺧﻞ ﺍﻛﻮﻝ ﻻﺩﻫﻢ ﻭﺷﻴﺮﻳﺪ ﻳﺼﻴﺮ ﺧﻞ ﻳﺼﻴﺮ …
ﺍﺩﻫﻢ ﺷﻨﻮ ﺭٲﻳﻚ ﻧﺎﺧﺬ ﺍﺳﺪ ﻭﻧﻮﺩﻳﻪ ﻟﻠﻤﺘﻨﺰﻩ ﻳﻠﻌﺐ ﺷﻮﻳﻪ ﻳﻨﺴﻪ ﺍﻣﻪ
ﺍﺩﻫﻢ : ﺍﻭﻙ ﺧﻮﺵ ﻓﻜﺮﻩ ﺑﺪﻟﻲ ﺧﻞ ﻧﺮﻭﺡ ﻭﻛﻮﻟﻲ ﻟﺰﻫﺮﺍﺀ ﺧﻞ ﺗﺤﻀﺮ ﻧﻔﺴﻬﺎ ﻭﺍﻟﺒﻨﺎﺕ ﺧﻄﻴﻪ ﻫﻢ ﻳﺘﻮﻧﺴﻦ
ﺍﺳﻴﻞ : ﻻ ﻋﻮﻑ ﺯﻫﺮﺍﺀ ﺍﺭﻳﺪﻙ ﺑﻤﻮﺿﻮﻉ ﻣﻬﻢ
ﺍﺩﻫﻢ : ﺧﻴﺮ ﺷﻜﻮ
ﺍﺳﻴﻞ : ﻣﻦ ﻧﻄﻠﻊ ﺍﻛﻮﻟﻚ .. ﺑﺪﻟﺖ ﺍﻟﻴﻪ ﻭﻻﺳﺪ ﻭﻃﻠﻌﻨﺎ ﻛﻌﺪﻧﺎ ﻭﺍﺳﺪ ﻳﻠﻌﺐ ﺑﺎﻟﻤﺮﺍﺟﻴﺢ ﺳٲﻟﻨﻲ ﺍﺩﻫﻢ
ﺍﺩﻫﻢ : ﺷﻨﻮ ﺍﻟﻤﻮﺿﻮﻉ ﺍﻟﻠﻲ ﻛﻠﺘﻲ ﻋﻠﻴﻪ
ﺍﺳﻴﻞ : ﺷﻮﻑ ﺍﺳﻔﻪ ﻻﻥ ﺿﻤﻴﺖ ﻋﻠﻴﻚ ﺑﺲ ﺧﻔﺖ ﺍﺳﻮﻱ ﻣﺸﻜﻠﻪ ﺍﻛﺒﺮ ﺍﺫﺍ ﺍﺣﺠﻲ
ﺍﺩﻫﻢ : ﺩﺣﺠﻲ ﻋﺎﺩ ﺷﻨﻮ ﺍﻟﻤﻮﺿﻮﻉ ﻗﻠﻘﺘﻴﻨﻲ
ﺍﺳﻴﻞ : ﺍﻋﺮﻑ ﻣﻨﻮ ﺳﻮﻩ ﻫﻴﺞ ﺑﻴﻚ ﻭﺑﺴﺎﺭﻩ ﻭﻣﻨﻮ ﺍﻟﻠﻲ ﺧﻠﻪ ﺍﻟﻔﻠﻮﺱ ﺑﺠﻨﻄﺔ ﺳﺎﺭﻩ ﻋﻠﻤﻮﺩ ﻳﻮﻛﻌﻬﺎ ﺑﺎﻟﺘﻬﻤﻪ
🔹🔸🔹🔸
ﺍﺩﻫﻢ : ﻣﻨﻮ ﻛﻮﻟﻲ ﺑﺴﺮﻋﻪ
ﺍﺳﻴﻞ : ﺯﻫﺮﺍﺀ . ﺫﺍﻙ ﺍﻟﻴﻮﻡ ﺳﻤﻌﺘﻬﺎ ﺗﺤﺠﻲ ﻭﻳﻪ ﺍﺧﺘﻬﺎ ﺩﻋﺎﺀ ﻭﻛﺎﻟﺖ ﺳﺎﺭﻩ ﺷﻤﺮﺗﻠﻬﺎ ﺗﻬﻤﻪ ﻭﺑﻌﺪﺗﻬﺎ ﻋﻦ ﺍﺩﻫﻢ ﺑﻘﻪ ﺑﺲ ﺍﺳﺪ ﻫﺬﺍ ﺷﻠﻮﻥ ﺍﺧﻠﺺ ﻣﻨﻪ
ﻣﻦ ﻳﻮﻡ ﺍﻟﺼﺎﺭ ﻭﺍﺩﻫﻢ ﻣﻴﺸﻮﻑ ﻏﻴﺮﻩ ﻻﺯﻡ ﺍﺑﻌﺪﻩ ﻋﻨﻪ ﻋﻠﻤﻮﺩ ﻳﺮﺟﻊ ﺍﺩﻫﻢ ﺍﻟﻲ ﻭﻟﺒﻨﺎﺗﻲ ﻭﺳﻤﻌﺘﻬﻦ ﺩﻳﺘﻔﻘﻦ ﻋﻠﻰ ﻫﻠﻤﻮﺿﻮﻉ
ﺍﺩﻫﻢ : ﺍﻧﺘﻲ ﺗﺤﺠﻴﻦ ﺻﺪﻭﻙ ﻟﻚ ﺍﻧﻲ ﺷﺴﻮﻳﺖ ﻭﺷﻠﻮﻥ ﺷﻜﻴﺖ ﺑﺴﺎﺭﻩ ﻭﺑﻌﺪﺗﻬﺎ ﻋﻨﻲ ﻭﻋﻦ ﺍﺳﺪ ﺷﻠﻮﻥ ﻫﻴﺞ ﺣﺮﻛﺖ ﻛﻠﺒﻬﺎ ﻭﻛﻠﺒﻲ ﺑﺪﻭﻥ ﺫﻧﺐ
ﻭﺑﺴﺒﺐ ﻟﻌﺒﻪ ﻗﺬﺭﻩ ﺍﻧﻲ ﺍﻋﻠﻤﻬﺎ ﺍﻟﺰﻫﺮﺍﺀ ﺍﺫﺍ ﻣﺎ ﺍﻃﻠﻜﻬﺎ ﻭﺍﺧﻠﻴﻬﺎ ﻭﺍﺧﺬ ﺑﻨﺎﺗﻬﺎ ﻭﺍﺣﺮﻣﻬﺎ ﻣﻨﻬﻦ ﻣﺜﻞ ﻣﺎ ﺣﺮﻣﺘﻨﻲ ﻣﻦ ﺳﺎﺭﻩ ﻭﺣﺮﺕ ﺳﺎﺭﻩ ﻣﻦ ﺍﺑﻨﻬﺎ
ﺍﺳﻴﻞ : ﻻ ﺍﺩﻫﻢ ﺍﻟﻠﻪ ﻳﺨﻠﻴﻚ ﺍﻧﻲ ﺧﻔﺖ ﺍﺣﺠﻴﻠﻚ ﻋﺮﻓﺖ ﺣﺘﺴﻮﻱ ﻫﻴﺞ ﻋﺎﻗﺒﻬﺎ ﺑﺲ ﻟﻄﻠﻜﻬﺎ ﻓﺪﻭﻩ ﺧﻄﻴﻪ ﺑﻨﺎﺗﻬﺎ ﻳﺘٲﺫﻥ ﺷﻔﺖ ﺍﺳﺪ ﺷﻠﻮﻥ ﻣﺘﺒﻬﺬﻝ ﺑﻼﻳﻪ ﺍﻣﻪ ﺧﻄﻴﻪ ﺍﻟﺒﻨﺎﺕ ﻫﻢ ﻳﺘﺒﻬﺬﻟﻦ ﺑﻠﻴﺎﻫﺎ
ﺍﺩﻫﻢ : ﻟﺞ ﺷﻠﻮﻥ ﺗﺮﺩﻳﻨﻲ ﺍﺳﻜﺘﻠﻬﺎ ﻋﻠﺴﻮﺗﻪ
ﺍﺳﻴﻞ : ﻣﺎ ﺍﻛﻠﻚ ﺍﺳﻜﺖ ﺑﺲ ﻋﺎﻗﺒﻬﺎ ﺑﻄﺮﻳﻘﺘﻚ ﻣﻮ ﺍﻃﻠﻜﻬﺎ ﺧﻄﻴﻪ ﺑﻨﺎﺗﻬﺎ ﺍﺩﻫﻢ ﺍﻟﻠﻪ ﻳﺨﻠﻴﻚ .. ﻭﺑﻌﺪﻳﻦ ﺍﺣﻨﻪ ﺿﺮﺍﻳﺮ ﻭﺍﻟﻤﺜﻞ ﻳﻜﻮﻝ ﺍﻟﻀﺮﻩ ﺗﺤﺮ ﺣﺘﻰ ﻟﻮ ﺑﺎﻟﻜﺒﺮ
ﺍﺩﻫﻢ : ﻫﺴﻪ ﺧﻠﻴﻨﺎ ﻣﻦ ﺍﻟﻨﻌﻞ ﺯﻫﺮﺍﺀ ﺍﻧﻲ ﻻﺯﻡ ﺍﺭﻭﺡ ﻫﺴﻪ ﻟﺴﺎﺭﻩ ﺍﻋﺘﺬﺭﻟﻬﺎ ﻭﺍﺟﻴﺒﻬﺎ ﻛﻮﻣﻲ ﺧﻞ ﺍﻭﺻﻠﻜﻢ ﻟﻠﺒﻴﺖ ﻭﻣﻨﺎﻙ ﺍﻃﻠﻌﻠﻬﺎ
ﻭﺻﻠﺖ ﺍﺳﺪ ﻭﺍﺳﻴﻞ ﻭﻃﻠﻌﺖ ﻟﺴﺎﺭﻩ ﺳﻘﺖ ﺍﻟﺴﻴﺎﺭﻩ ﺑﺴﺮﻋﻪ ﺑﺲ ﺍﺭﻳﺪ ﺍﻭﺻﻠﻠﻬﺎ ﻋﻠﻤﻮﺩ ﺍﻋﺘﺬﺭﻟﻬﺎ ﻣﺎ ﺍﺣﺲ ﺍﻻ ﻃﺎﻳﺮ ﺍﻧﻲ ﻭﺍﻟﺴﻴﺎﺭﻩ ﻣﺎ ﺣﺴﻴﺖ ﻋﻠﻰ ﺷﻲ ﺍﻻ ﺑﺎﻟﻤﺴﺘﺸﻔﻰ ﻭﻋﺼﺎﻡ ﻳﻤﻲ
ﺍﺩﻫﻢ : ﻋﺼﺎﻡ ﺍﻧﻲ ﻭﻳﻦ ﻭﺷﺼﺎﺭ
ﻋﺼﺎﻡ : ﺍﻟﺤﻤﺪﻟﻠﻪ ﻋﻠﻪ ﺳﻼﻣﺘﻚ ﺧﻮﻳﻪ ﺣﺎﺩﺙ ﺯﻏﻴﺮ ﻭﺍﻟﺤﻤﺪﻟﻠﻪ ﻋﺪﺕ ﺳﻼﻣﺎﺕ ﺷﻮﻱ ﻛﺴﺮ ﺑﺎﻟﺴﺎﻕ ﺍﻳﺎﻡ ﻭﺗﺘﺤﺴﻦ ﺍﻧﺸﺎﻟﻠﻪ
ﺍﺩﻫﻢ : ﺳﺎﺭﻩ ﻭﻳﻦ
ﻋﺼﺎﻡ : ﺍﺑﻴﺖ ﺍﻫﻠﻬﺎ .. ﻣﺤﺪ ﺧﺒﺮﻫﺎ
ﺍﺩﻫﻢ : ﻟﺤﺪ ﻳﺨﺒﺮﻫﺎ ﺍﻧﻲ ﺍﺻﻴﺮ ﺯﻳﻦ ﻭﺍﺭﻭﺣﻠﻬﺎ ﻻﺯﻡ ﺍﻋﺘﺬﺭﻟﻬﺎ ﻋﻠﺴﻮﺗﻪ ﺯﻫﺮﺍﺀ
ﻋﺼﺎﻡ : ﺷﺴﻮﺕ ﺯﻫﺮﺍﺀ
ﺍﺩﻫﻢ : ﻫﻴﻪ ﺍﻟﻤﺨﻠﻴﻪ ﺍﻟﻔﻠﻮﺱ ﺑﺠﻨﻄﺖ ﺳﺎﺭﻩ ﻋﻠﻤﻮﺩ ﺗﺒﻌﺪﻫﺎ ﻋﻨﻲ
ﻋﺼﺎﻡ : ﻣﻨﻮ ﻛﺎﻟﻚ ﻫﻴﻪ
ﺍﺩﻫﻢ : ﺍﺳﻴﻞ ﺳﺎﻣﻌﺘﻬﺎ ﻟﻤﺎ ﺟﺎﻧﺖ ﺗﺤﺠﻲ ﻭﻳﻪ ﺩﻋﺎﺀ
ﻋﺼﺎﻡ : ﻫﺎﻱ ﺻﺪﻭﻙ ﺗﺤﺠﻲ ﺍﻧﻲ ﺍﻟﻬﺎ ﺩﻋﺎﺀ ﺍﻋﺮﻑ ﺷﺼﺮﻑ ﻭﻳﺎﻩ
ﺍﺩﻫﻢ : ﺍﺷﺸﺸﺶ ﻣﻌﻠﻴﻚ ﺍﻧﺘﻪ ﻟﺘﺴﻮﻱ ﻣﺸﻜﻠﻪ ﺑﻴﻨﻚ ﻭﺑﻴﻦ ﻣﺮﺗﻚ ﺑﺴﺒﺐ ﻣﺸﺎﻛﻞ ﻧﺴﻮﺍﻧﻲ …
ﺍﺟﻪ ﺍﻟﺪﻛﺘﻮﺭ ﺍﻧﻄﺎﻧﻲ ﻣﻨﻮﻡ ﻋﻠﻤﻮﺩ ﻳﺨﻒ ﺍﻻﻟﻢ ﺍﻟﺒﺠﺴﻤﻲ ﻣﺎ ﺣﺴﻴﺖ ﺍﻻ ﺍﻟﺼﺒﺢ ﻛﻌﺪﺕ ﺍﺟﻮ ﺍﺻﺪﻗﺎﺋﻲ ﻳﻄﻤﻨﻮﻥ ﻋﻠﻴﻪ
ﻭﺷﻮﻳﻪ ﻭﺩﺧﻠﺖ ﺳﺎﺭﻩ ﺗﺒﺠﻲ ﻭﺷﺒﻜﺘﻨﻲ ﻓﺮﺣﺖ ﺑﺲ ﺷﻔﺖ ﻭﺍﺣﺪ ﻣﻦ ﺍﺻﺪﻗﺎﺋﻲ ﻳﺒﺎﻭﻉ ﻋﻠﻴﻬﺎ ﻭﻫﻴﻪ ﻻﺑﺴﻪ ﺑﻨﻄﺮﻭﻥ ﺍﺑﻴﺾ ﻭﻗﻤﻴﺺ ﻃﻮﻳﻞ ﺍﺧﻀﺮ ﺗﻔﺎﺣﻲ
ﻏﺮﺕ ﻛﻮﻟﺶ ﺣﺴﻴﺖ ﻋﻴﻮﻧﻲ ﺻﺎﺭﺕ ﺑﺮﺍﺳﻲ ﻓﺨﺰﺭﺗﻬﺎ ﻛﻠﺘﻠﻬﺎ
ﺍﺩﻫﻢ : ﺭﻭﺣﻲ ﻣﻨﺎ ﺑﺴﺮﻋﻪ ﻳﻠﻪ
ﺳﺎﺭﻩ : ﺍﺩﻫﻢ ﻭﺍﻟﻠﻪ ﺍﺳﻔﻪ ﺑﺲ ﺍﻣﻮﺕ ﺍﺫﺍ ﺻﺎﺭ ﺑﻴﻚ ﺷﻲ
ﺍﺩﻫﻢ : ﺩﺍ ﺍﻛﻮﻟﺞ ﺭﻭﺣﻲ
ﺳﺎﺭﻩ : ﻣﺎ ﻣﺎ ﻣﺎ ﺍﺭﻳﺪ ﺍﺑﻘﻰ ﻳﻤﻚ ﺑﻌﺪ ﻣﺎ ﺍﺭﻳﺪ ﺍﻓﺎﺭﻛﻚ
ﺍﺩﻫﻢ : ﻟﺞ ﺭﻭﺣﻲ ﺍﻟﻮﻟﺪ ﻛﻠﻬﺎ ﺩﺗﺒﺎﻭﻋﻠﺞ ﻫﻨﺎ ﺭﺍﺡ ﺍﺩﻓﻨﺞ ﻭﺍﻟﻠﻪ
ﺳﺎﺭﻩ : ﺍﺑﺘﺴﻤﺖ ﻫﻬﻪ ﻳﻐﺎﺭ ﻋﻠﻴﻪ ﺍﻭﻱ ﻓﺪﻳﺖ ﻣﻜﺴﺮ ﻭﻳﺨﺒﻞ ﻭﺍﻟﻠﻪ ﺍﺷﺘﺎﻗﻴﺘﻠﻪ ﺍﺑﺘﺴﻤﺖ ﻭﻛﻠﺘﻠﻪ ﺍﻭﻙ ﺭﺍﺡ ﺍﺭﻭﺡ
ﺍﺩﻫﻢ : ﺳﺎﺭﻩ ﻟﺘﺮﺣﻴﻦ ﻻﻫﻠﺞ ﺭﻭﺣﻲ ﻟﺒﻴﺘﻲ ﺧﻄﻴﻪ ﺍﺳﺪ ﺗﻠﻜﻴﻪ ﻳﺒﺠﻲ
ﺳﺎﺭﻩ : ﺍﻭﻙ ﺣﻴﺎﺗﻲ ﺭﺍﺡ ﺍﺭﻭﺡ ﻭﻋﻨﺪﻱ ﺍﻟﻚ ﺧﺒﺮ ﺣﻴﻄﻴﺮﻙ ﻣﻦ ﺍﻟﻔﺮﺡ
ﺍﺩﻫﻢ : ﺷﻨﻮ ﻫﻮﻩ
ﺳﺎﺭﻩ : ﻣﻦ ﺗﻄﻠﻊ ﺍﻛﻮﻟﻚ
ﺍﺩﻫﻢ : ﻛﻮﻟﻴﻠﻲ ﻫﺴﻪ ﻧﻔﺴﻴﺘﻲ ﺯﻓﺖ ﺑﻠﻜﺖ ﺻﺪﻭﻙ ﻳﻔﺮﺡ ﻭﺍﺭﺗﺎﺡ ﺷﻮﻳﻪ
ﺳﺎﺭﻩ : ﺍﻗﺘﺮﺑﺖ ﻣﻦ ﺍﺫﻧﻪ ﻭﻫﻤﺴﺖ ﺍﻧﻲ ﺣﺎﻣﻞ
ﺍﺩﻫﻢ : ﻫﻬﻬﻬﻬﻪ ﻭﺍﻟﻠﻪ .. ﻓﺮﺣﺖ ﻭﺍﺧﻴﺮﺍ ﺭﺍﺡ ﻳﺼﻴﺮ ﺍﺥ ﻻﺳﺪ
ﺳﺎﺭﻩ : ﺍﻧﺸﺎﻟﻠﻪ ﺣﺒﻴﺒﻲ ﻳﻠﻪ ﺍﻧﻲ ﺍﺭﻭﺡ ﺗﺤﺘﺎﺡ ﺷﻲ
🔸🔹🔸🔹
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء