رواية ذكريات عشق مؤلم الجزء العاشر | النهاية

رواية ذكريات عشق مؤلم الجزء العاشر | النهاية 

للكاتبة زينب ماجد 

🔸🔹🔸🔹

ﺍﺩﻫﻢ

ﻛﻌﺪﺕ ﺍﻟﺼﺒﺢ ﻧﺎﻳﻢ ﻳﻢ ﺳﺎﺭﻩ ﺑﺎﻭﻋﺘﻠﻬﺎ ﻭﺿﺤﻜﺖ ﻭﻫﻴﻪ ﻫﻢ ﻛﻌﺪﺕ ﺍﺑﺘﺴﻤﺘﻠﻬﺎ ﻭﻛﺘﻠﻬﺎ ﻋﻴﺪ ﻣﻴﻼﺩ ﺳﻌﻴﺪ ﻛﻞ ﻋﺎﻡ ﻭﺍﻧﺘﻲ ﺑﺤﻈﻨﻲ ﺍﻧﺸﺎﻟﻠﻪ

ﺿﺤﻜﺖ . ﺑﻮﺳﺘﻬﺎ . ﻭﺑﻘﻴﻨﻪ ﻧﺘﻐﺰﻝ ﺍﺑﻌﺾ ﻭ ﻧﺴﻮﻟﻒ ﺍﻧﻮﺏ ﻃﻠﻌﻨﺎ ﻭﺗﺮﻳﻜﻨﺎ ﻛﺘﻠﻬﺎ ﻣﺤﻀﺮﻟﺞ ﻣﻔﺎﺟﺌﻪ ﺗﻠﻜﻴﻬﺎ ﻋﻞ ﺍﻟﻔﻴﺴﺒﻮﻙ

ﺻﻮﺭﺗﻠﻬﺎ ﻓﻴﺪﻳﻮ ﻛﻠﻴﺐ ﻣﻮﻧﺘﺎﺝ ﻭﺍﻧﻲ ﺍﻏﻨﻴﻠﻬﺎ ﺍﻏﻨﻴﺔ ‏( ﺭﺑﻊ ﺣﺒﻲ ﻳﻌﺎﺩﻝ ﻛﻞ ﺍﻟﻴﺤﺒﻮﻥ ﻭﻧﺺ ﺣﺒﻲ ﺍﻟﻚ ﻣﺎ ﺣﺒﺘﻚ ﺍﻣﻚ ﻣﻦ ﺗﻨﺠﺮﺡ ﺍﻧﺘﻪ ﻳﺴﻴﻞ ﻣﻨﻚ ﺩﻡ ﺭﻭﺡ ﺍﻓﺤﺺ ﻭﺷﻮﻓﻪ ﺩﻣﻲ ﻋﻠﻴﻪ ﺗﻌﻮﺩﺕ ﻭﺑﺪﻭﻧﻲ ﺭﺍﺡ ﺗﻤﻮﺕ ﻭﻟﺤﺪ ﺍﻟﻤﻮﺕ ﻣﻦ ﺣﺒﻲ ﻭﻻ ﻓﻄﻤﻚ ‏)

ﺧﻠﻴﺘﻠﻬﺎ ﻫﺎﻱ ﺍﻻﻏﻨﻴﻪ ﻋﻠﻤﻮﺩ ﺍﻋﺒﺮﻟﻬﺎ ﻋﻦ ﺣﺒﻲ ﺍﻟﻬﺎ ﻛﺪﺍﻡ ﺍﻟﻌﺎﻟﻢ ﻛﻠﻪ ﻭﺑﻘﻴﺖ ﺑﻐﺮﻓﺘﻬﺎ ﻛﻠﺘﻠﻬﺎ ﺍﻟﻴﻮﻡ ﻣﺎ ﺍﺭﻳﺪ ﺍﻓﺎﺭﻛﺞ ﺍﺑﻘﻪ ﻭﻳﺎﺝ

ﺑﻘﻴﻨﻪ ﺻﺎﺭﺕ ﺍﻟﺴﺎﻋﻪ 5 ﻭﺍﻧﻲ ﻣﺤﻀﺮ ﺍﺳﻮﻳﻠﻬﺎ ﺣﻔﻠﻪ ﺑﺎﻟﺒﻴﺖ ﻟﻌﻴﺪ ﻣﻴﻼﺩﻫﺎ ﺑﺲ ﻧﺎﻗﺺ ﻫﺪﻳﻪ ﻣﺠﺎﻳﺒﻠﻬﺎ ﻓﻜﻠﺖ ﺧﻞ ﺍﺭﻭﺡ ﺍﻧﺰﻝ ﻟﻠﺴﻮﻙ ﺍﺟﻴﺒﻠﻬﺎ

ﺑﺪﻟﺖ ﻭﻃﻠﻌﺖ ﻛﺘﻠﻬﺎ ﻣﺎ ﺍﺗﺄﺧﺮ ﺷﻮﻱ ﻭﺍﺭﺟﻊ .. ﺑﻮﺳﺘﻬﺎ ﻭﺭﺣﺖ ﻃﺒﻜﺖ ﺍﻟﺴﻴﺎﺭﻩ ﺑﺎﻟﻜﺮﺍﺝ ﻭﺗﻤﺸﻴﺖ ﻟﻠﺴﻮﻙ ﻭﻣﺎ ﺣﺲ ﺍﻻ ﺍﻧﻔﺠﺎﺭ ﻗﻮﻱ ﻃﻴﺮﻧﻲ ﺑﺎﻟﻬﻮﻩ

ﺷﻔﺖ ﻧﻔﺴﻲ ﻛﻠﻲ ﺩﻡ ﺍﺗٲﻛﺪﺕ ﺍﻧﻲ ﺭﺍﺡ ﺍﻣﻮﺕ ﻭﺑﻌﺪﻫﺎ ﻏﻤﻀﺖ ﻭﻣﺎ ﺣﺴﻴﺖ ﻋﻠﻰ ﺷﻲ

ﺳﺎﺭﻩ

ﻃﻠﻊ ﺍﺩﻫﻢ ﺍﻟﻌﺼﺮ ﻓﺪﻳﺘﻪ ﺩﻳﺤﻀﺮ ﻟﻌﻴﺪ ﻣﻴﻼﺩﻱ ﻭﻛﺎﻝ ﺍﺭﻭﺡ ﺍﺟﻴﺐ ﺍﻟﻬﺪﻳﻪ ﻭﺍﺟﻲ ﻛﺘﻠﻪ ﻣﺎﻛﻮ ﺩﺍﻋﻲ ﻭﺟﻮﺩﻙ ﺑﺤﻴﺎﺗﻲ ﺍﺟﻤﻞ ﻫﺪﻳﻪ

ﺑﺲ ﻣﻘﺒﻞ ﻛﺎﻝ ﻻ ﻣﺘﻜﻤﻞ ﺭﺍﺡ ﻭﻭﺭﻩ ﺳﺎﻋﻪ ﺩﻙ ﺍﻟﻤﻮﺑﺎﻳﻞ ﺑﺎﻭﻋﺖ ﺭﻗﻢ ﺍﺩﻫﻢ ﺍﺩﻫﻢ ﺿﺤﻜﺖ ﻭﺟﺎﻭﺑﺖ ﻫﺎ ﺣﻴﺎﺗﻲ ..

ﻃﻠﻌﻠﻲ ﺷﺨﺺ ﻳﻜﻮﻟﻲ ﺻﺎﺣﺐ ﻫﺬﺍ ﺍﻟﺠﻬﺎﺯ ﺷﻴﻘﺮﺑﻠﺞ ﻛﺘﻠﻪ ﺯﻭﺟﻲ ﻛﺎﻝ ﺍﺧﺘﻲ ﺻﺎﺭ ﺍﻧﻔﺠﺎﺭ ﻭﻫﺬﺍ ﺍﻟﺮﺟﻞ ﻣﺘٲﺫﻱ ﺗﻌﺎﻟﻮ ﻣﻮﺟﻮﺩ ﺑﻤﺴﺘﺸﻔﻰ ﺍﻟﻜﻨﺪﻱ

ﺍﻭﻑ ﺭﺑﻲ ﻭﻛﻒ ﻛﻠﺒﻲ ﻣﻦ ﻛﺎﻟﻲ ﺍﺣﺲ ﺍﻟﺪﻧﻴﺎ ﺳﻮﺩﺕ ﺑﻮﺟﻬﻲ ﻃﻠﻌﺖ ﻣﺎ ﺍﺩﺭﻱ ﺑﺮﻭﺣﻲ ﺍﺭﻛﺾ ﺑﺎﻟﺸﺎﺭﻉ ﻣﺜﻞ ﺍﻟﻤﺨﺒﻠﻪ

ﺧﺎﺑﺮﺕ ﻋﺼﺎﻡ ﻭﻛﺘﻠﻪ ﻭﺍﺧﺬﺕ ﺗﻜﺴﻲ ﻭﺭﺣﺖ ﻭﺻﻠﺖ ﻟﻠﻤﺴﺘﺸﻔﻰ ﺍﻟﺪﻧﻴﺎ ﻣﻜﻠﻮﺑﻪ ﻭﺍﻟﺠﺜﺚ ﺑﻜﻞ ﻣﻜﺎﻥ ﺍﺑﺎﻭﻉ ﺑﺎﻟﺠﺜﺚ ﻣﻨﻮ ﺍﺩﻫﻢ

ﻟﻜﻴﺖ ﻋﺼﺎﻡ ﻫﻢ ﻣﻮﺟﻮﺩ ﻭﻳﺪﻭﺭ ﺭﺣﻨﺎ ﻧﺪﻭﺭ ﻋﻠﻴﻪ ﺑﺎﺛﻼﺟﺎﺕ ﻭﻫﻢ ﻣﺎﻛﻮ ﺍﺧﺮ ﺷﻲ ﻟﻜﻴﻨﺎﻩ ﺑﺮﺩﻫﺎ ﻭﻳﻪ ﺍﻟﺠﺮﺣﻰ ﺍﻟﺤﻤﺪﻟﻠﻪ ﻣﻤﻴﺖ ﺑﺲ ﻣﺘٲﺫﻱ ﻭﺟﻬﺎ ﻣﻴﻨﺸﺎﻑ ﻣﻦ ﻛﺪ ﺍﻟﺪﻡ

ﺷﻠﻨﺎﻩ ﺍﻧﻲ ﻭﻋﺼﺎﻡ ﻭﺍﺧﺬﻧﺎﻩ ﻟﻤﺴﺘﺸﻔﻰ ﺧﺎﺻﻪ ﻻﻥ ﻫﻨﺎ ﻣﻠﻴﺎﻥ ﺟﺮﺣﻲ ﻭﺩﻡ ﻣﺤﻴﻌﺘﻨﻮﻥ ﺑﻴﻪ ﺩﺧﻠﻮﻩ ﺑﺴﺮﻋﻪ ﻟﻠﻌﻤﻠﻴﺎﺕ ﻛﻌﺪﻧﺎ ﻧﻨﺘﻀﺮ 4 ﺳﺎﻋﺎﺕ ﻭﻫﻮ ﻣﻄﺎﻟﻊ

ﻣﺘﺖ ﺍﺣﺲ ﺍﻟﺪﻧﻴﺎ ﻭﻛﻔﺖ ﺑﻌﻴﻨﻲ ﺍﺣﺲ ﻛﻠﺒﻲ ﺣﻴﻄﻠﻊ ﺍﻟﺤﺰﻥ ﺍﻛﻞ ﻛﻠﺒﻲ ﻳﺎﺭﺑﻲ ﺍﺧﺬ ﺭﻭﺣﻲ ﺑﺲ ﻋﻮﻓﻪ

ﻭﻋﺼﺎﻡ ﻛﺪﺍﻣﻲ ﻫﻢ ﻳﺒﺠﻲ ﻭﻣﻮﻛﻔﻦ ﺩﻣﻮﻋﻪ ﺍﺑﺪ ﺳﺎﻋﻪ ﻳﻮﺍﺳﻴﻨﻲ ﻭﺳﺎﻋﻪ ﻳﺒﺠﻲ ﻭﻳﺎﻳﻪ ﺍﻟﻰ ﺍﻥ ﻃﻠﻌﻮﻩ ﻭﻧﻘﻠﻮﻩ ﺑﺎﻟﻐﺮﻓﻪ

ﻛﻌﺪﻧﺎ ﻳﻤﺎ ﻭﺍﺟﻮ ﺍﺻﺪﻗﺎﺋﻪ ﻭﺍﻫﻠﻪ ﻛﻠﻬﻢ ﻭﺭﺍﺣﻮ ﻭﺑﻘﻴﻨﺎ ﺑﺲ ﺍﻧﻲ ﻭﻋﺼﺎﻡ ﻛﺎﻟﻲ ﺭﻭﺣﻲ ﻟﻠﺒﻴﺖ ﺑﺲ ﺍﻧﻲ ﻣﻘﺒﻠﺖ ﺍﺗﺮﻛﻪ

🔹🔸🔹🔸

ﻟﻠﺼﺒﺢ ﺑﻘﻴﻨﺎ ﻛﺎﻋﺪﻳﻦ ﻋﻠﻰ ﺭﺍﺳﻪ ﻭﺍﺧﻴﺮﺍ ﺻﺤﻪ ﺷﺎﻓﻨﻲ ﺍﺑﺠﻲ ﻛﺎﻝ ﺑﺜﻜﻞ

ﺍﺩﻫﻢ : ﺣﺒﻴﺒﻲ ﻻ ﺗﺒﺠﻴﻦ ﺩﻣﻮﻋﺞ ﻳٲﺫﻧﻲ ﺍﻧﻲ ﺍﺩﺭﻱ ﺑﺮﻭﺣﻲ ﺭﺍﺡ ﺍﻣﻮﺕ ﺑﺲ ﻻﺯﻡ ﺗﺘﺤﻤﻠﻴﻦ

ﺳﺎﺭﻩ : ﺍﻟﻠﻪ ﻳﺨﻠﻴﻚ ﻟﺘﺤﺠﻲ ﻫﻴﺞ ﻭﺍﻟﻠﻪ ﻣﺎ ﺍﺗﺤﻤﻞ ﺍﻣﻮﺕ .. ﺍﻧﻮﺏ ﺍﺟﻪ ﺍﻟﺪﻛﺘﻮﺭ ﻓﺤﺼﻪ ﻭﻃﻠﻊ .. ﻭﻋﺼﺎﻡ ﺭﺍﺡ ﻭﺭﺍﻩ

ﻛﻌﺪﺕ ﻳﻢ ﺍﺩﻫﻢ ﻟﺤﺪ ﻣﻨﺎﻡ ﻭﺭﺣﺖ ﻭﺭﻩ ﻋﺼﺎﻡ ﻟﻜﻴﺘﻪ ﻣﺨﻠﻲ ﺍﺩﻳﻪ ﻋﻠﻪ ﺭﺍﺳﻪ ﻭﻳﺒﺠﻲ ﺗﻘﺮﺑﺖ ﻣﻨﻪ ﻭﻛﺘﻠﻪ ﻋﺼﺎﻡ ﺷﻜﺎﻟﻚ ﺍﻟﺪﻛﺘﻮﺭ

ﻣﺴﺢ ﺍﺩﻣﻮﻋﻪ ﻭﻛﺎﻝ ﻣﻜﺎﻝ ﺷﻲ ﺗﻮﺳﻠﺖ ﺑﻴﻪ ﻭﻛﺘﻠﻪ ﺍﻟﻠﻪ ﻳﺨﻠﻴﻚ ﻟﺘﻀﻢ ﻋﻠﻴﻪ .. ﺻﺮﺥ ﻭﺿﻞ ﻳﺒﺠﻲ ﺑﺼﻮﺕ ﻋﺎﻟﻲ

ﻭﻛﺎﻝ ﺍﻟﺪﻛﺘﻮﺭ ﻳﻜﻮﻟﻲ ﻣﺎﻛﻮ ﺍﺣﺘﻤﺎﻝ ﻳﻌﻴﺶ ﻭﺩﻋﻮﻩ ﻫﺬﻱ ﺍﻳﺎﻣﻪ ﺍﻟٲﺧﻴﺮﻩ ﺍﺟﻪ ﻫﺬﻩ ﺍﻟﺨﺒﺮ ﻣﺜﻞ ﺍﻟﺼﺎﻋﻘﻪ ﻋﻠﻰ ﺭﺍﺳﻲ

ﻣﻌﻘﻮﻟﻪ ﺣﺒﻲ ﻳﻀﻴﻊ ﻣﻦ ﺑﻴﻦ ﺍﺩﻳﻪ ﺷﻠﻮﻥ ﺍﻋﻴﺶ ﺑﺪﻭﻧﻪ ﺷﻠﻮﻥ ﺍﻛﺪﺭ ﺍﻓﺎﺭﻛﻪ .. ﺑﻘﻴﺖ ﺍﺑﺠﻲ ﻭﺩﻣﻮﻋﻲ ﻣﺎ ﺳﻜﺘﻦ ﻋﺼﺎﻡ ﻛﺎﻡ ﻣﻦ ﻋﻨﺪﻱ ﺑﻘﻴﺖ ﻛﺎﻋﺪﻩ ﺑﺎﻟﺴﺎﻋﺎﺕ ﺍﺑﺠﻲ ﻭﺍﺩﻋﻲ ﺍﻟﻠﻪ ﻳﺎﺧﺬ ﺭﻭﺣﻲ ﻗﺒﻞ ﺭﻭﺣﻪ

ﻋﺼﺎﻡ

ﻛﺎﻋﺪ ﻳﻢ ﺭﺍﺱ ﺍﺩﻫﻢ ﻭﻧﺪﻫﻠﻲ

ﺍﺩﻫﻢ : ﻋﺼﺎﻡ ﺧﺎﺑﺮ ﺍﻟﻤﺤﺎﻣﻲ ﺧﻠﻲ ﻳﺠﻲ

ﻋﺼﺎﻡ : ﺷﺘﺴﻮﻱ ﺑﺎﻟﻤﺤﺎﻣﻲ

ﺍﺩﻫﻢ : ﺩﺍﺭﻳﺪ ﺍﻛﺘﺐ ﻭﺻﻴﺘﻲ

ﻋﺼﺎﻡ : ﺍﺩﻫﻢ ﺍﻟﻠﻪ ﻳﺨﻠﻴﻚ ﻟﺘﻜﻮﻝ ﻫﻴﺞ ﺑﺎﺟﺮ ﺍﻃﻴﺐ ﻭﺗﺮﺟﻊ ﻣﺜﻞ ﺍﻟﻮﺭﺩ

ﺍﺩﻫﻢ : ﻋﺼﺎﻡ ﻻ ﺍﺗﻌﺒﻨﻲ ﺍﻧﻲ ﺍﻋﺮﻑ ﺭﺍﺡ ﺍﻣﻮﺕ ﺩﺍ ﺍﺷﻮﻑ ﺍﻟﻤﻮﺕ ﻳﻔﺘﺮ ﻋﻠﻴﻪ ﺑﻜﻞ ﻣﻜﺎﻥ ﺧﻠﻲ ﺍﺍﻣﻦ ﻣﺎﻟﻲ ﻭﺍﻣﻼﻛﻲ ﻭﺍﻛﺘﺐ ﻭﺻﻴﺘﻲ

ﻋﺼﺎﻡ : ﺑﺮﺍﺣﺘﻚ ﺧﻮﻳﻪ ﻫﺴﻪ ﺍﺧﺎﺑﺮﻩ … ﺧﺎﺑﺮﺕ ﺍﻟﻤﺤﺎﻣﻲ ﻭﻛﺎﻝ ﺳﺎﻋﺘﻴﻦ ﻭﺍﻧﻲ ﻳﻤﻜﻢ

ﺍﺩﻫﻢ : ﻋﺼﺎﻡ ﺷﻮﻑ .. ﺍﻧﻲ ﺭﺍﺡ ﺍﻛﺘﺐ ﺍﻟﺒﻴﺖ ﺍﻟﻜﺎﻋﺪﻳﻦ ﺑﻴﻪ ﺍﻟﺒﻨﺎﺗﻲ ﻭﻻﻣﻬﻦ .. ﻭﺍﺳﻴﻞ ﺍﻧﻄﻴﻬﺎ ﺍﻝ 100 ﻣﻠﻴﻮﻥ ﺍﻟﻠﻲ ﺑﺎﻋﺘﻨﻲ ﻋﻠﻤﻮﺩﻫﻦ

ﻭﺑﺎﻗﻲ ﺍﻣﻼﻛﻲ ﻭﻓﻠﻮﺳﻲ ﻛﻮﻟﻬﺎ ﺗﻨﺘﻘﻞ ﻻﺳﺪ ﺗﺤﺖ ﻭﺻﺎﻳﺔ ﺍﻣﻪ ﻟﺤﺪ ﻣﻴﺼﻴﺮ ﻋﻤﺮﻩ 18 ﺳﻨﻪ .. ﻋﺼﺎﻡ ﺷﻮﻑ ﺍﺫﺍ ﻣﺘﺖ ﺍﺑﻨﻲ ﺣﻴﻀﻴﻊ ﻣﻦ ﺑﻌﺪﻱ

ﻭﻣﺎ ﺍﺭﻳﺪ ﺍﻟﻤﺮﻳﺖ ﺑﻴﻪ .. ﺍﺑﻨﻲ ﻳﻤﺮ ﺑﻴﻪ ﺍﺫﺍ ﻣﺘﺖ ﺣﻴﺠﺒﺮﻭﻥ ﺳﺎﺭﻩ ﺗﺘﺰﻭﺝ ﻻﻥ ﺑﻌﺪﻫﺎ ﺯﻏﻴﺮﻩ ﻭﺍﺑﻨﻲ ﻣﺎ ﺍﺭﻳﺪﻩ ﻳﺮﺑﻲ ﺑﻴﺪ ﺍﻟﻐﺮﻳﺐ

ﻣﺎ ﺍﺭﻳﺪ ﻳﺠﻲ ﺭﺟﺎﻝ ﻭﻳﻀﺮﺏ ﺍﺑﻨﻲ ﻣﺜﻞ ﻣﺎ ﺯﻭﺝ ﺍﻣﻲ ﺟﺎﻥ ﻳﻀﺮﺑﻨﻲ ﻭﻣﺎ ﺍﺍﻣﻦ ﺑﺴﺎﺭﻩ ﻳﻢ ﺍﺣﺪ ﻏﻴﺮﻙ

ﺍﻧﻲ ﺍﻋﺮﻑ ﻋﻨﺪﻙ ﻣﺸﺎﻋﺮ ﺍﻟﻬﺎ ﻭﻣﺨﺒﻲ ﻫﺬﺍ ﺍﻟﺸﻲ ﺑﻜﻠﺒﻚ ﺑﺲ ﺍﻧﺘﻪ ﺗﻌﺮﻑ ﺍﻧﻲ ﺍﻓﻬﻤﻚ ﻣﻦ ﻋﻴﻮﻧﻚ ﻣﺎ ﺣﺎﺟﻪ ﺗﺤﺠﻴﻠﻲ

ﻋﺼﺎﻡ : ﻣﻦ ﺳﻤﻌﺘﻪ ﻛﺎﻝ ﻫﻴﺞ ﺑﻘﺖ ﺩﻣﻮﻋﻲ ﺗﻨﺰﻝ ﻳﻌﻨﻲ ﻳﻌﺮﻑ ﺑﻤﺸﺎﻋﺮﻱ ﺍﺗﺠﺎﻩ ﻣﺮﺗﻪ ﻭﻣﺨﺮﺏ ﺍﻟﺨﻮﻩ ﺍﻟﺒﻴﻨﺎﺗﻨﺎ

ﺷﻜﺪ ﻟﻌﺪ ﺍﻧﻲ ﺣﻘﻴﺮ ﻭﻫﻮﻩ ﻭﻓﻲ ﻭﻳﺎﻱ ﻭﻛﺘﻠﻪ ﻟﺘﻜﻮﻝ ﻫﻴﺞ ﻣﺴﺘﺤﻴﻞ ﺍﺧﺬ ﺷﻲ ﻓﺪ ﻳﻮﻡ ﺟﺎﻥ ﺍﻟﻚ ﺍﻫﺘﻢ ﺑﻴﻬﻢ ﺑﻌﻴﻨﻲ .. ﺑﺲ ﻣﺎ ﺍﻛﺪﺭ ﺍﻟﺨﻮﻥ ﺍﻟﻌﺸﺮﻩ ﻭﺍﺧﺬﻫﺎ

ﺍﺩﻫﻢ : ﻋﺼﺎﻡ ﺍﻟﻠﻪ ﻳﺨﻠﻴﻚ ﻻﺗﺮﻓﺾ ﺍﻧﻲ ﺍﻋﺮﻑ ﺳﺎﺭﻩ ﺣﺘﻨﺴﻌﺪ ﻭﻳﺎﻙ ﺍﻧﺘﻪ ﺭﺟﺎﻝ ﺷﻬﻢ ﻭﻃﻴﺐ ﻭﻣﺮﺍﺡ ﺗﻠﻜﻪ ﺍﺣﺴﻦ ﻣﻨﻚ

ﻭﺻﺪﻛﻨﻲ ﺭﺍﺡ ﺗﻌﻮﺿﻚ ﺧﻞ ﺍﻟﻠﻲ ﻓﻘﺪﺗﻪ ﻭﺭﺍﺡ ﺗﺮﺗﺎﺡ ﻭﻳﺎﻫﺎ .. ﺍﻟﻠﻪ ﻳﺨﻠﻴﻚ ﻃﻤﻨﻲ ﻭﻛﻮﻟﻲ ﺣﺘﺼﻴﺮ ﻟﺴﺎﺭﻩ ﺯﻭﺝ ﻣﺤﺐ ﻭﻻﺑﻨﻲ ﺍﺏ

🔸🔹🔸🔹

ﻭﻻ ﺗﺤﺴﺲ ﺍﺳﺪ ﺑﻐﻴﺎﺑﻲ ﺍﺗﺮﻙ ﻭﺿﻴﻔﺘﻚ ﻭﺩﻳﺮ ﺍﻋﻤﺎﻟﻲ ﻟﺤﺪ ﻣﻴﻜﺒﺮ ﺍﺳﺪ

ﻋﺼﺎﻡ : ﺧﻮﻳﻪ ﻻ ﺗﺤﺠﻲ ﻫﻴﺞ ﻭﻃﻤﻦ ﻭﺍﻟﻠﻪ ﺍﺧﻠﻴﻬﻢ ﺑﻌﻴﻮﻧﻲ ﻭﻣﺎ ﺍﺧﻠﻴﻬﻢ ﻳﺤﺘﺎﺟﻮﻥ ﺍﻱ ﺷﻲ ﺍﺭﺗﺎﺡ

ﺍﺩﻫﻢ : ﻣﺸﻜﻮﺭ ﻭﺍﻟﻠﻪ ﻃﻤﻨﺘﻨﻲ ﺍﻟﻠﻪ ﻳﺴﻌﺪﻙ ﻭﻳﺮﻳﺤﻚ ﺻﻴﺤﻠﻲ ﺳﺎﺭﻩ ﺍﺭﻳﺪ ﺍﺣﺠﻲ ﻭﻳﺎﻫﺎ

ﻋﺼﺎﻡ : ﻃﻠﻌﺖ ﺍﺻﻴﺢ ﺳﺎﺭﻩ ﻭﻣﻘﺒﻮﺽ ﻛﻠﺒﻲ ﻣﻦ ﺍﻟﺤﺠﻲ ﺍﻟﻠﻲ ﻛﺎﻟﻪ ﺍﺩﻫﻢ ﺻﺢ ﺍﺣﺐ ﺳﺎﺭﻩ ﺑﺲ ﺍﺣﺐ ﺍﺩﻫﻢ ﺍﻛﺜﺮ ﻣﻨﻬﺎ

ﻣﺎ ﺍﺭﻳﺪ ﺍﺧﺴﺮﻩ ﻣﺎ ﺍﺗﻮﻗﻊ ﻳﻤﺮ ﻳﻮﻡ ﻭﻣﺎ ﺍﻟﺘﻘﻴﻪ ﻫﻮﻩ ﺻﺪﻳﻘﻲ ﺍﻟﻮﺣﻴﺪ ﻭﺍﺧﻮﻳﻪ ﻭﻛﻠﺸﻲ ﺑﺤﻴﺎﺗﻲ

ﺳﺎﺭﻩ .. ﻧﺪﻫﻠﻲ ﻋﺼﺎﻡ ﻛﺎﻟﻲ ﺍﺩﻫﻢ ﻳﺮﻳﺪﺝ ﺩﺧﻠﺖ ﺍﺩﻫﻢ ﻛﺎﻟﻲ

ﺍﺩﻫﻢ : ﺗﻌﺎﻟﻲ ﺣﺒﻴﺒﻲ ﺍﺭﻳﺪ ﺍﺷﺒﻊ ﻣﻨﺞ ﺷﻮﻑ

ﺳﺎﺭﻩ : ﺍﺩﻫﻢ ﺍﻟﻠﻪ ﻳﺨﻠﻴﻚ ﻟﺘﺤﺠﻲ ﻫﻴﺞ ﻭﺍﻟﻠﻪ ﺍﻣﻮﺕ

ﺍﺩﻫﻢ : ﻻ ﺣﺒﻲ ﻣﺎ ﺍﺭﻳﺪﺝ ﺗﻤﻮﺗﻴﻦ ﻭﺍﺭﻳﺪﺝ ﺗﺼﻴﺮﻳﻦ ﻗﻮﻳﻪ ﻭﺍﻛﺪﺭ ﺍﻋﺘﻤﺪ ﻋﻠﻴﺞ ﺍﻧﻲ ﺳﺠﻠﺖ ﻭﺻﻴﺘﻲ ﻭﺭﺍﺡ ﺍﻧﻄﻴﻬﺎ ﻟﻠﻤﺤﺎﻣﻲ

95% ﻣﻦ ﺍﻻﻣﻼﻛﻲ ﺳﺠﻠﺘﻬﺎ ﺑﺎﺳﻢ ﺍﺳﺪ ﻟﺤﺘﻰ ﺍﺍﻣﻦ ﻣﺴﺘﻘﺒﻠﻪ ﺭﺑﻴﻪ ﻭﻋﻠﻤﻴﻪ ﻭﺫﻛﺮﻱ ﺑﻴﻪ ﻭﻻ ﺗﺨﻠﻴﻪ ﻳﻨﺴﺎﻧﻲ ﺧﻠﻴﺖ ﺍﻷﻣﻼﻙ ﺗﺤﺖ ﻭﺻﺎﻳﺘﺞ

ﻟﺤﺘﻪ ﻳﺒﻠﻎ ﻋﻤﺮ ﺍﻝ 18 ﺍﻭ ﻭﻗﺖ ﺍﻟﻠﻲ ﺗﺤﺴﻴﻪ ﻳﻜﺪﺭ ﻳﺘﺤﻤﻞ ﻣﺴﺆﻟﻴﺔ ﺍﻟﺤﻤﻞ ﺍﻟﺘﺮﻛﺘﻪ ﺳﻠﻤﻴﻪ ﻛﻠﺸﻲ

ﺳﺎﺭﻩ : ﺍﺩﻫﻢ ﺧﻼﺍﺍﺍﺹ ﻭﺍﻟﻠﻪ ﺣﻴﻮﻛﻒ ﻛﻠﺒﻲ .. ﺩﻣﻮﻋﻲ ﻣﺜﻞ ﺍﻟﻨﺎﺭ ﺗﻨﺰﻝ ﻭﻛﻠﺒﻲ ﻣﺎ ﺍﺣﺲ ﺑﻴﻪ

ﺍﺩﻫﻢ : ﻻ ﺗﺒﺠﻴﻦ ﻳﺮﻭﺣﻲ ﻫﺎﻱ ﺍﻟﻌﻴﻮﻥ ﺍﻟﺤﻠﻮﻩ ﻣﻴﻠﻮﻛﻠﻬﺎ ﺍﻟﺒﺠﻲ .. ﺑﺎﻋﻲ ﺑﻌﺪ ﻫﺬﻱ ﺍﻻﻣﻼﻙ ﻭﺍﻻﻣﻮﺍﻝ ﺍﻟﻠﻲ ﺣﺘﺼﻴﺮ ﺑﻴﺪﺝ

ﺣﺘﺸﻮﻓﻴﻦ ﻛﻞ ﺭﺟﻞ ﻛﺪﺍﻣﺞ ﻋﺎﺷﻖ ﻭﻃﻤﺎﻉ ﻟﺤﺘﻪ ﻳﺎﺧﺬﺝ ﻭﻳﺎﺧﺬ ﺍﻟﻌﻨﺪﺝ ﻻ ﺗٲﻣﻨﻴﻦ ﺑﺎﺣﺪ ﻏﻴﺮ ﻋﺼﺎﻡ ﻭﺻﻴﺘﻪ ﻋﻠﻴﺞ ﻭﻛﺘﻠﻪ ﺍﺗﺰﻭﺟﻬﺎ

ﺳﺎﺭﻩ : ﺷﻨﻮ ﺍﺩﻫﻢ ﺍﺳﻜﺖ ﺗﻤﺎﺩﻳﺖ ﻟﻬﻨﺎ ﻭﻛﺎﻓﻲ ﺍﺗﺰﻭﺟﻪ ﺷﻨﻮ ﺍﻛﻮ ﻭﺍﺣﺪ ﻳﺰﻭﺝ ﻣﺮﺗﻪ ﺷﺒﻴﻚ ﺗﺨﺒﻠﺖ

ﺍﺩﻫﻢ : ﺣﺒﻴﺒﻲ ﻭﺍﻟﻠﻪ ﻟﻤﺼﻠﺤﺘﺞ ﻭﺍﻟﻠﻪ ﻳﺎﻛﻠﺞ ﺍﻟﺤﺰﻥ ﺑﻌﺪﻱ ﻭﻣﺤﺪ ﺣﺘﻠﻜﻴﻦ ﻏﻴﺮ ﻋﺼﺎﻡ ﻳﺴﻨﺪﺝ ﻭﻳﺼﻴﺮ ﺍﺏ ﻻﺑﻨﻲ

ﻻ ﺗﺤﺮﻣﻴﻦ ﺍﺳﺪ ﻣﻦ ﺣﻨﺎﻥ ﺍﻻﺏ ﺍﻧﻲ ﻣﺘٲﻛﺪ ﻋﺼﺎﻡ ﺣﻴﻌﻮﺽ ﻣﻜﺎﻧﻲ ﻋﺪ ﺍﺳﺪ ﻭﻣﺮﺍﺡ ﻳﺤﺴﺴﻪ ﺑﺎﻟﻴﺘﻢ ﺍﻧﺘﻲ ﺗﻌﺮﻓﻴﻦ ﺑﻤﺸﺎﻋﺮ ﻋﺼﺎﻡ ﺍﺗﺠﺎﻫﺞ

ﻭﺍﻧﻲ ﺍﺗﻤﻨﻪ ﺍﻛﺪﺭ ﺍﺳﻌﺪﻩ ﻭﺍﺭﻳﺤﻪ ﻭﺳﺒﻖ ﻭﻛﺘﻠﺞ ﻟﻮ ﺍﻛﺪﺭ ﺟﺎﻥ ﻃﻠﻜﺘﺞ ﻭﺍﺯﻭﺟﺞ ﻟﻌﺼﺎﻡ ﺑﺲ ﺍﺣﺒﺞ ﻭﻣﺎ ﺍﻛﺪﺭ ﺍﺳﻮﻳﻬﺎ

ﺑﺲ ﺑﻌﺪ ﻣﺎ ﺍﻣﻮﺕ ﻣﺮﺍﺡ ﺍﻛﻮﻥ ﻣﻮ ﻣﻮﺟﻮﺩ ﻳﻌﻨﻲ ﻳﻜﺪﺭ ﻳﺎﺧﺬﺝ ﻣﺮﺍﺡ ﺗﻠﻜﻴﻦ ﺍﺣﺪ ﻳﺤﺒﺞ ﻣﺜﻠﻪ

ﺳﺎﺭﻩ : ﺍﺩﻫﻢ ﻛﺎﻓﻲ ﻛﺘﻠﻚ ﻣﺎ ﺗﺤﻤﻞ ﺍﺳﻤﻊ ﺑﻌﺪ

ﺍﺩﻫﻢ : ﻻ ﺣﺒﻲ ﻻﺯﻡ ﺗﺴﻤﻌﻴﻦ ﻭﺍﻟﻠﻪ ﻣﺎ ﺍﺭﻳﺪﺝ ﺗﺘﻌﺬﺑﻴﻦ ﺑﻌﺪﻱ ﻟﺘﺨﻠﻴﻦ ﻧﻔﺴﺞ ﺑﺎﻟﺤﺰﻥ ﻭﻣﺘﺤﺼﻠﻴﻦ ﺷﻲ ﺗﺎﻟﻲ ﺍﺳﺪ ﻳﺘﺰﻭﺝ ﻭﺗﺼﻔﻴﻦ ﻭﺣﺪﺝ ﻣﺤﺪ ﺍﻟﺞ

ﻋﺼﺎﻡ ﻳﻜﺮﻩ ﻣﺮﺗﻪ ﻭﻣﺎ ﺍﺗﺰﻭﺝ ﻋﻠﻴﻬﺎ ﻻﻥ ﻣﺎ ﻋﻨﺪﻩ ﺍﻣﻜﺎﻧﻴﻪ ﺑﺲ ﺍﻧﻲ ﻛﺘﻠﻪ ﻳﺘﺮﻙ ﻭﺿﻴﻔﺘﻪ ﻭﻳﺴﺘﻠﻢ ﺷﻐﻠﻲ ﻣﻦ ﺑﻌﺪﻱ

ﺳﺎﺭﻩ ﺑﺪﺍﻋﺘﻲ ﻋﻠﻴﺞ ﺍﺳﻌﺪﻳﻪ ﻭﻛﻮﻧﻲ ﺍﻟﻪ ﺯﻭﺟﺖ ﺻﺎﻟﺢ ﻭﺣﺒﻴﻪ ﻣﺜﻞ ﻣﺎ ﺣﺒﻴﺘﻴﻨﻲ ﻭﺳﻌﺪﺗﻴﻨﻲ .. ﺳﺎﺭﻩ ﺍﺫﺍ ﺷﻔﺘﻲ ﻋﺼﺎﻡ ﺍﺭﺗﺎﺡ

🔹🔸🔹🔸

ﺍﺗٲﻛﺪﻱ ﺍﻧﻲ ﺭﺍﺡ ﺍﻛﻮﻥ ﻣﺮﺗﺎﺡ ﺍﻣﻨﻴﺘﻲ ﺟﺎﻧﺖ ﺑﺎﻟﺪﻧﻴﺎ ﺍﺯﻭﺟﻪ ﻭﺍﺷﻮﻓﻪ ﻣﺮﺗﺎﺡ ﺣﻘﻘﻴﻠﻲ ﻫﺬﻱ ﺍﻻﻣﻨﻴﻪ ﺑﻌﺪ ﻣﺎ ﺍﻣﻮﺕ ﻭﺧﻠﻴﻨﻲ ﺍﻧﺎﻡ ﺑﺮﺍﺣﻪ …

ﺍﻧﺘﻲ ﻭﻋﺼﺎﻡ ﻭﺍﺳﺪ ﺍﻏﻠﻰ ﺷﻲ ﺍﻟﻠﻪ ﺍﻧﻄﺎﻧﻴﺎﻩ ﺍﺳﻌﺪﻭ ﺑﻌﺾ ﻟﺤﺘﻰ ﺗﺴﻌﺪﻭﻧﻲ ﺑﻜﺒﺮﻱ ..

ﺷﻔﺘﻬﺎ ﺑﻘﺖ ﺗﺒﺠﻲ ﻛﺪﺍﻣﻲ ﻭﻣﺎ ﺗﺤﺠﻲ .. ﻛﺎﻣﺖ ﺗﻨﺰﻝ ﺩﻣﻮﻋﻲ ﻣﻮﺳﻬﻠﻪ ﺍﻟﻮﺍﺣﺪ ﻳﻨﻄﻲ ﻣﺮﺗﻪ ﻟﺸﺨﺺ ﺛﺎﻧﻲ ﺑﺲ ﻻﺯﻡ ﺍﺍﻣﻦ ﺣﻴﺎﺗﻬﺎ

ﻭﺧﻠﻴﻬﺎ ﺗﻌﻴﺶ ﻣﺮﺗﺎﺣﻪ ﻭﻣﻴﺎﻛﻠﻬﺎ ﺍﻟﺤﺰﻥ ﺑﻌﺪﻱ … .

ﺍﺟﻪ ﻋﺼﺎﻡ ﻭﺟﺎﻳﺐ ﻛﻴﻚ ﻭﻋﺼﻴﺮ ﻟﺴﺎﺭﻩ ﻭﻛﺎﻟﻠﻬﺎ ﻫﺎﺝ ﺍﻛﻠﻲ ﺻﺎﺭﻟﺞ ﻳﻮﻣﻴﻦ ﻣﻤﺎﻛﻠﻪ ﺍﻱ ﺷﻲ ﻫﻴﻪ ﻣﺎ ﻗﺒﻠﺖ ﺑﺲ ﻫﻮﻩ ﻋﺎﻁ ﺑﻴﻬﺎ ﻭﺟﺒﺮﻫﺎ ﺗﺸﺮﺏ ﺍﻟﻌﺼﻴﺮ

ﻓﺮﺣﺖ ﻟﻤﺎ ﺷﻔﺘﻪ ﻣﻬﺘﻤﻠﻬﺎ ﻭﺣﺰﻧﺖ ﻻﻥ ﺑﻌﺪ ﻣﺎ ﺍﻛﺪﺭ ﺍﺩﺍﺭﻳﻬﺎ ﻭﺍﺣﻀﻨﻬﺎ ﺑﻨﻔﺴﻲ ﺭﺍﺡ ﺗﺮﻭﺡ ﻟﺤﻀﻦ ﻏﻴﺮﻱ ﺳﻮﻳﺖ ﺭﻭﺣﻲ ﻧﺎﻳﻢ ﺑﺲ ﺍﻧﻲ ﺑﺎﻟﺤﻘﻴﻘﻪ ﺍﺑﺠﻲ ﻋﻠﻤﻮﺩ ﻟﻴﺤﺴﻮﻥ ﻋﻠﻴﻪ

ﺳﺎﺭﻩ ﻣﺮ ﺍﺳﺒﻮﻉ ﻭﺍﺣﻨﻪ ﻭﻳﻪ ﺍﺩﻫﻢ ﺑﺎﻟﻤﺴﺘﺸﻔﻰ ﻭﺣﺎﻟﺘﻪ ﺧﻄﺮﻩ ﺍﻻﻃﺒﺎﺀ ﻛﺎﻟﻮ ﻣﻨﻜﺪﺭ ﻧﺴﻮﻳﻠﻪ ﺷﻲ ﻛﺎﻋﺪﻩ ﻭﺧﻠﻴﻪ ﺭﺍﺳﻲ ﻋﻠﻰ ﺍﻳﺪ ﺍﺩﻫﻢ ﻭﻧﺎﻳﻤﻪ

ﻭﻋﺼﺎﻡ ﻧﺎﻳﻢ ﻋﻠﻜﺮﺳﻲ ﺍﻟﻠﻤﻮﺟﻮﺩﻩ ﺑﺎﻟﻐﺮﻓﻪ ﻭﺍﺣﺲ ﺍﻟﻌﺪﺍﺩ ﻣﺎﻝ ﺍﻟﻘﻠﺐ ﻛﺎﻡ ﻳﺼﻔﺮ ﺻﺤﻴﺖ ﻟﻜﻴﺖ ﺍﺩﻫﻢ ﻋﻴﻮﻧﻪ ﻣﻔﺘﺤﻬﻦ ﻭﻛﺎﻋﺪ ﻳﺘﺸﺎﻫﺪ

ﺑﻘﻴﺖ ﺍﺻﻴﺢ ﺍﺟﻪ ﻋﺼﺎﻡ ﻭﻛﺎﻡ ﻳﺒﺠﻲ ﻭﻳﺼﺮﺥ ﻭﺻﺎﺡ ﺍﻻﻃﺒﺎﺀ ﺍﺩﻫﻢ ﺑﺎﻭﻋﻠﻨﻪ ﺍﻧﻲ ﻭﻋﺼﺎﻡ ﻭﻛﺎﻝ ﻟﻌﺼﺎﻡ

ﺍﺩﻫﻢ : ﻋﺼﺎﻡ ﺳﺎﺭﻩ ﺍﻣﺎﻧﻪ ﻋﻨﺪﻙ ﻫﺬﻱ ﻭﺭﺩﺍﻳﺘﻲ ﺍﺳﻘﻴﻠﻴﺎﻫﺎ ﻛﻞ ﻳﻮﻡ ﻭﻟﺘﻌﻮﻓﻬﺎ ﺗﺬﺑﻞ ﻭﺩﻳﺮﻭ ﺑﺎﻟﻜﻢ ﻉ .. ﻉ .. ﻋﻠﻰ ﺍﺳﺪ _______ ﺗﻮﻗﻒ ﻗﻠﺒﻪ

ﺳﺎﺭﻩ : ﺍﺩﻫﻤﻤﻤﻤﻤﻤﻢ ﺍﻟﻠﻪ ﻳﺨﻠﻴﻚ ﻟﺘﻌﻮﻓﻨﻲ ﺍﺩﻫﻢ ﺑﺼﻴﺎﺡ ﻭﺑﺠﻲ ﻻﺗﻤﻮﺕ ﻻ ﺗﻴﺘﻤﻨﺎ ﺣﺮﺍﻡ ﻋﻠﻴﻚ ﻭﻳﻦ ﻧﺮﻭﻭﻭﻭﻭﻭﻭﺡ ﺍﺩﻫﻤﻤﻤﻤﻤﻤﻤﻤﻤﻤﻢ

ﻋﺼﺎﻡ : ﺧﻮﻳﻪ ﻭﻟﻚ ﺧﻮﻳﻪ ﺍﻟﻠﻪ ﻋﻠﻴﻚ ﺍﺭﺟﻊ ﻭﻟﻜﻢ ﺍﺧﺬﻭ ﻛﻠﺒﻲ ﻭﺍﻧﻄﻮﻩ ﺍﻟﻪ ﺑﺲ ﺭﺟﻌﻮﻩ ﻭﻟﻚ ﺧﻮﻳﻴﻴﻴﻴﻴﻴﻴﻴﻴﻴﻴﻪ ﻻ ﺗﻌﻮﻓﻨﻲ ﻭﺣﺪﻱ ﻣﺎ ﺍﻟﻲ ﻏﻴﺮﻙ ﺍﺩﻫﻤﻤﻤﻤﻤﻤﻤﻢ

ﻣﺎﺕ ﺍﺩﻫﻢ ﻭﻏﻄﻮ ﻭﺟﻬﺎ ﻭﺟﺮﻭﻩ ﻛﻮﻩ ﻣﻦ ﺣﻀﻦ ﺳﺎﺭﻩ ﺍﻟﻠﻲ ﻛﻌﺪﺕ ﺗﺸﻢ ﻭﺗﺒﻮﺱ ﺑﻴﻪ ﻣﺎﺕ ﺍﻟﺤﺐ ﺍﻟﻠﻲ ﺟﺎﻥ ﻣﺎﻟﻲ ﻗﻠﻮﺑﻬﻢ ﻣﺎﺗﺖ ﺍﻟﺴﻌﺎﺩﻩ ﻣﺎﺕ ﺍﻻﻣﺎﻥ ﻣﺎﺕ ﺍﺩﻫﻢ

ﺳﺎﺭﻩ

ﺷﻔﺘﻬﻢ ﺟﺮﻭﻩ ﻣﻦ ﺣﻈﻨﻲ ﻭﺍﻧﻲ ﺍﻋﺮﻑ ﻫﺬﺍ ﺍﺧﺮ ﺣﻀﻦ ﻳﺠﻤﻌﻨﻲ ﺑﺎﺩﻫﻢ ﻛﻤﺖ ﺍﺻﻴﺢ ﻭﺍﻋﻴﻂ ﺑﻼ ﻭﻋﻲ ﻟﺤﺪ ﻣﺎ ﺍﻏﻤﻰ ﻋﻠﻴﻪ

ﻋﺼﺎﻡ ﻛﻤﺖ ﺍﺻﻴﺢ ﻋﻠﻤﻮﺩ ﻳﻜﻌﺪ ﻣﺎﻛﻮ ﻣﺎﺕ ﺍﺧﻮﻱ ﻣﺎﺕ ﺻﺪﻳﻘﻲ ﻣﺎﺗﺖ ﻃﻔﻮﻟﺘﻲ ﻣﺎﺕ ﺷﺒﺎﺑﻲ ﻣﺎﺕ ﻋﻤﺮﻱ ﺍﻟﻠﻲ ﻗﻀﻴﺘﻪ ﻭﻳﺎﻩ

ﺍﻧﻜﺴﺮ ﺿﻠﻌﻲ ﺷﻠﻮﻥ ﺍﻛﺪﺭ ﺍﻋﻴﺶ ﻣﻦ ﺩﻭﻧﻪ ﺷﻠﻮﻥ ﺍﻓﺘﺢ ﻋﻴﻨﻲ ﻋﻠﺪﻧﻴﺎ ﻭﺍﻧﻲ ﺍﺩﺭﻱ ﺍﺩﻫﻢ ﻣﻮ ﺑﻴﻬﺎ ﺷﻔﺖ ﺳﺎﺭﻩ ﺍﻏﻤﻰ ﻋﻠﻴﻬﺎ ﻛﺒﺎﻝ ﻋﻴﻨﻲ

ﺑﺲ ﻣﻦ ﺍﻟﺼﺪﻣﻪ ﻭﺍﻟﺤﺮﻛﻪ ﺍﻟﺒﻜﻠﺒﻲ ﻣﺎ ﻛﺪﺭﺕ ﺍﻛﻮﻣﻠﻬﺎ ﺍﻟﺘﻤﻮ ﺍﻻﻃﺒﺎﺀ ﻋﻠﻴﻬﺎ ﺧﺎﺑﺮﺕ ﺍﻫﻠﻬﺎ ﻳﺠﻮﻥ ﻋﻠﻴﻬﺎ ﻻﻥ ﻻﺯﻡ ﺍﺭﻭﺡ ﺍﺳﻮﻱ ﺷﻬﺎﺩﺓ ﺍﻟﻮﻓﺎﺓ ﻋﻠﻤﻮﺩ ﺍﻃﻠﻊ ﺟﺜﺔ ﺍﺩﻫﻢ

ﺧﺎﺑﺮﺕ ﻋﻠﻰ ﺑﻴﺘﻪ ﻭﺧﺒﺮﺕ ﻧﺴﻮﺍﻧﻪ ﻭﺧﺒﺮﺕ ﺍﻫﻠﻪ ﻭﻋﻤﺎﻣﻪ ﻛﻠﻬﻢ ﺍﺟﻮ ﺍﻟﺪﻧﻴﺎ ﺍﻟﺘﻤﺖ ﻋﻠﻴﻪ ﺑﺎﻟﻤﺴﺘﺸﻔﻰ ﻭﺍﺟﺖ ﺍﻡ ﺳﺎﺭﻩ

ﺍﻡ ﺳﺎﺭﻩ : ﺧﺎﻟﻪ ﻓﺪﻭﻩ ﻛﻮﻟﻲ ﻭﻳﻦ ﺑﻨﺘﻲ ﺷﺒﻴﻬﺎ

ﻋﺼﺎﻡ : ﻓﻮﻙ ﺧﺎﻟﻪ ﺍﺧﺬﻭﻫﺎ ﺣﺎﻟﺘﻬﺎ ﻣﻮ ﺯﻳﻨﻪ ﺍﺻﻌﺪﻳﻠﻬﺎ ﺍﻧﻲ .. ﺟﺎﻱ ﻭﻳﺎﺝ ﺍﺻﻼ ﻣﺮﺍﺡ ﻳﺴﻠﻤﻮﻧﻪ ﺍﻟﺠﺜﻪ ﺍﻻ ﺑﻌﺪ ﺳﺎﻋﻪ

🔸🔹🔸🔹

ﺻﻌﺪﻧﻪ ﻟﻜﻴﻨﻪ ﺳﺎﺭﻩ ﻧﺎﻳﻤﻪ ﺳٲﻟﻨﻪ ﺍﻟﺪﻛﺘﻮﺭ ﻋﻠﻴﻬﺎ ﻛﺎﻝ ﺍﻧﻬﻴﺎﺭ ﻋﺼﺒﻲ ﻭﺩﻗﺎﺕ ﺍﻟﻘﻠﺐ ﻋﺪﻫﺎ ﻣﻮ ﻣﻨﺘﻈﻤﻪ ﻭﺍﻟﻀﻐﻂ ﻣﺎﻟﺘﻬﺎ ﻣﻜﺎﻋﺪ ﻳﻨﺰﻝ ﻣﻦ ﺍﻝ 20

ﺍﺫﺍ ﺑﻘﺖ ﻋﻠﻰ ﻫﻠﺤﺎﻟﻪ ﺣﻨﺨﺴﺮﻫﺎ ﺍﺣﻨﻪ ﺍﻧﻄﻴﻨﺎﻫﺎ ﻣﻬﺪﺀ ﺣﺎﻭﻟﻮ ﺗﺨﻠﻮﻫﺎ ﻣﺎ ﺗﺒﺠﻲ ﻭﺗﺼﻴﺢ ﻻﻥ ﺣﻴٲﺛﺮ ﻋﻠﻴﻬﺎ

ﻛﻌﺪﺕ ﺗﺒﺠﻲ .. ﺍﺧﺬﺗﻬﺎ ﻭﻳﺎﻳﻪ ﻭﺍﺣﺎﻭﻝ ﺍﻫﺪﻳﻬﺎ ﻭﺍﺫﻛﺮ ﺍﺩﻫﻢ ﻣﻦ ﻭﺻﺎﻧﻲ ﻋﻠﻴﻬﺎ ﺍﺧﺬﻧﺎ ﺍﻟﺠﻨﺎﺯﻩ ﻭﺭﺣﻨﺎ ﻟﺒﻴﺘﻪ ﺑﺠﻮ ﻭﺗﺼﺎﺭﺧﻮ ﺍﻟﺪﻧﻴﺎ ﻛﻠﺘﺎ ﺍﻟﺘﻤﺖ ﻋﻠﻴﻪ

ﻭﺳﺎﺭﻩ ﻫﻢ ﺗﺨﺮﺑﻄﺘﺖ ﻋﻠﺠﻨﺎﺯﻩ ﻭﺷﻠﻨﺎﻫﺎ ﻭﻛﻌﺪﺕ ﺗﺘﻮﺳﻞ ﺑﻴﻪ ﺗﺮﻭﺡ ﻭﻳﺎﻧﺎ ﺧﻼﻝ ﺍﻟﺪﻓﻦ ﺍﺧﺬﺗﻬﺎ ﻣﺎ ﺍﺭﻳﺪ ﺗﺒﻘﻪ ﺑﻜﻠﺒﻬﺎ

ﺧﻞ ﺗﻮﺩﻋﻪ ﺍﺧﻴﺮ ﻣﺮﻩ ﻗﺒﻞ ﻻ ﻧﻮﺻﻞ ﻟﻠﻘﺒﺮ ﺍﻧﻄﻴﺘﻬﺎ ﻣﻬﺪﺀ ﻋﻠﻤﻮﺩ ﺗﺮﺗﺨﻲ ﺍﻋﺼﺎﺑﻬﺎ ﻭﻣﺘﺒﺠﻲ ﻭﻻ ﺗﺼﻴﺢ ﺑﻘﺖ ﺑﺲ ﺍﻟﺪﻣﻮﻉ ﺗﺠﺮﻱ ﺗﻜﻮﻝ ﺷﻼﻝ ﺭﺟﻌﻨﺎ ﻭﻫﻴﻪ ﺍﺣﺴﻬﺎ ﺧﻠﺼﺖ ﻣﻦ ﺍﻟﺒﺠﻲ

ﺳﺎﺭﻩ

ﻣﺮﺕ ﺍﻻﻳﺎﻡ ﻭﺍﻧﻲ ﻣﺎ ﺍﻛﺪﺭ ﺍﻧﺴﺎﻩ ﺷﻨﺴﻪ ﻭﻳﻦ ﻣﺎ ﺍﺭﻭﺡ ﺑﺎﻟﺒﻴﺖ ﺍﻟﻜﻪ ﺫﻛﺮﻩ ﻣﻨﻪ ﺑﺎﻟﺤﻤﺎﻡ ﺑﺎﻟﺼﺎﻟﻪ ﺑﺎﻟﻤﻄﺒﺦ ﺑﺎﻟﻜﺮﺍﺝ ﻭﻳﻦ ﻣﺎ ﺍﺭﻭﺡ ﺍﻟﻜﻪ ﺫﻛﺮﻳﺎﺕ

ﺍﻭﻭﻭﻭﻑ ﺭﺑﻲ ﻟﻴﺶ ﻫﻴﺞ ﻫﺴﻪ ﺣﺒﻨﺎ ﺑﺲ ﺫﻛﺮﻳﺎﺕ ‏( ﺫﻛﺮﻳﺎﺕ ﺫﻛﺮﻳﺎﺕ ﻫﺴﻪ ﺣﺒﻨﺎ ﺫﻛﺮﻳﺎﺕ ﻭﻫﺬﺍ ﻣﺎﺕ ﻛﻠﺒﻲ ﻣﺎﺕ ﻣﻦ ﻋﻔﺘﻨﻲ ﻛﻠﺒﻲ ﻣﺎﺕ ‏)

ﺳﻌﺎﺩﺗﻲ ﺗﺒﺨﺮﺕ ﺑﻴﻦ ﻟﻴﻠﻪ ﻭﻳﻮﻡ ﺻﺎﺭﺕ ﺿﻼﻡ ﺩﺍﻣﺲ ﻭﺣﺰﻥ ﺍﺑﺪﻱ ﻛﻞ ﻟﻴﻠﻪ ﻳﺼﺤﻮﻥ ﻋﻠﻲ ﺻﺮﻳﺨﻲ ﻭﺍﻧﻲ ﺑﺎﻟﻐﺮﻓﻪ ﺍﺗﺬﻛﺮ ﻟﺤﻀﺎﺕ ﺣﺒﻨﺎ ﻭﻏﺰﻟﻨﺎ ﻣﺎ ﺑﻘﺖ ﻣﻨﻪ ﻏﻴﺮ ﺫﻛﺮﻳﺎﺕ ﻋﺸﻖ ﻣﺆﻟﻢ …

. ﻋﺼﺎﻡ ﻣﺎ ﺗﺮﻛﻨﻲ ﻭﻻ ﻳﻮﻡ ﻣﻦ ﻭﻓﺎﺓ ﺍﺩﻫﻢ ﻫﻮﻩ ﺍﻟﻠﻲ ﺳﺎﻋﺪﻧﻲ ﺍﻭﻛﻒ ﻋﻠﻲ ﺣﻴﻠﻲ ﻭﻣﺎ ﺍﺿﻌﻒ ﻭﺍﻛﻤﻞ ﻟﺨﺎﻃﺮ ﺍﺑﻨﻲ

ﺑﻌﺪ ﻣﺮﻭﺭ ﺳﻨﻪ

ﺳﺎﺭﻩ ..

ﺍﺳﺪ ﺣﻴﻞ ﺍﺗﻌﻠﻖ ﺑﻌﺼﺎﻡ ﻭﻛﻞ ﺿﻨﻪ ﻫﻮﻩ ﺍﺑﻮﻩ ﻭﻳﺼﻴﺤﻠﻪ ﺑﺎﺑﺎ ﻭﻋﺼﺎﻡ ﻣﺎ ﺑﺨﻞ ﻋﻠﻴﻪ ﺑﺬﺭﺓ ﺣﻨﺎﻥ ﻳﻌﺎﻣﻠﻪ ﻣﺜﻞ ﻣﺠﺎﻥ ﻳﻌﺎﻣﻠﻪ ﺍﺩﻫﻢ

ﺻﺢ ﻣﺮﺕ ﺳﻨﻪ ﻋﻠﻰ ﻭﻓﺎﺗﻪ ﺑﺲ ﺑﻌﺪﻧﻲ ﻣﺎ ﺍﻛﺪﺭ ﺍﻧﺴﺎﻩ ﻭﻛﺎﻥ ﺍﻟﺒﺎﺭﺣﻪ ﻣﺎﺕ ﺍﻋﺮﻑ ﻭﺍﺣﺲ ﺑﻤﺸﺎﻋﺮ ﻋﺼﺎﻡ ﺍﺗﺠﺎﻫﻲ

ﻭﻳﺤﺎﻭﻝ ﺍﻳﺒﻴﻨﻠﻲ ﺣﺒﻪ ﺍﻟﻲ ﺑﺲ ﺍﻧﻲ ﻣﺎ ﺍﻛﺪﺭ ﻭﺍﺗﺠﺎﻫﻠﻪ ﺍﻟﻰ ﺍﻥ ﻫﻮﻩ ﺗﻘﺪﻡ ﻭﻃﻠﺐ ﺍﻳﺪﻱ ﺗﺰﻭﺟﺘﻪ ﻭﺷﺮﻃﺖ ﺍﻧﻮ ﺯﻭﺍﺟﻨﻪ ﻳﻜﻮﻥ ﻋﻠﻮﺭﻕ

ﻭﺍﻓﻖ ﻫﻮﻩ ﻭﺭﺣﺖ ﻋﺸﺖ ﻭﻳﺎﻩ ﺍﺑﻴﺘﻪ ﻋﻮﺿﻨﻪ ﺍﻟﺤﺮﻣﺎﻥ ﺍﻟﺘﺮﻛﻪ ﺍﺩﻫﻢ ﻣﺎ ﻋﻮﺽ ﻣﻜﺎﻧﻪ ﻟﻜﻦ ﻛﺪﺭ ﻳﺴﻌﺪﻧﺎ ﻭﻛﻤﻨﺎ ﻛﻞ ﻓﺘﺮﻩ ﻧﺎﺧﺬ ﺍﺳﺪ ﻭﻧﺴﺎﻓﺮ

ﺑﺪﺕ ﻣﺸﺎﻋﺮﻱ ﺗﺘﻐﻴﺮ ﺍﺗﺠﺎﻫﻪ ﺑﺪﻳﺖ ﺍﺗﻘﺒﻞ ﺣﺒﻪ ﻫﻮﻩ ﻳﺴﺘﺎﻫﻞ ﻃﻠﻖ ﻣﺮﺗﻪ ﻭﻋﺎﻑ ﺟﻬﺎﻟﻪ ﻋﻠﻪ ﻣﻮﺩﻱ ﺍﺗﺬﻛﺮﺕ ﺍﺩﻫﻢ ﻟﻤﺎ ﻛﺎﻝ ﺍﺳﻌﺪﻳﻪ ﻣﺜﻞ ﻣﺎ ﺳﻌﺪﺗﻴﻨﺐ

ﺑﺪﻟﺖ ﻭﻣﻜﻴﺠﺖ ﻭﻟﺒﺴﺖ ﺭﻭﺏ ﻧﻮﻡ ﺍﺑﻴﺾ ﻭﺩﺧﻠﺖ ﻋﻠﻴﻪ

ﻋﺼﺎﻡ

ﺑﻌﺪ ﻣﺎ ﺗﻘﺪﻣﺘﻠﻬﺎ ﻭﺍﻓﻘﺖ ﺑﺸﺮﻁ ﻳﺼﻴﺮ ﺯﻭﺍﺟﻨﺎ ﻋﻠﻮﺭﻕ ﻗﺒﻠﺖ .. ﺑﺲ ﺍﺭﻳﺪﻫﺎ ﺗﺼﻴﺮ ﻳﻤﻲ ﻣﺎ ﺍﻛﺪﺭ ﺗﻌﻮﺩﺕ ﺍﻟﻴﻬﺎ ﻛﻠﻴﻮﻡ ﺍﺧﺎﺑﺮﻫﺎ ﻭﺍﺣﺠﻲ ﻭﻳﺎﻫﺎ ﻭﺍﺩﻣﻨﺖ ﺣﺒﻬﺎ

ﺗﺰﻭﺟﺘﻬﺎ ﻭﻣﺘﻘﺮﺑﺘﻠﻬﺎ ﺍﺣﺘﺮﻣﺖ ﺣﺰﻧﻬﺎ ﻻﺩﻫﻢ ﻭﺍﻧﻲ ﺍﺗﺤﺴﺮ ﻋﻠﻴﻬﺎ ﻳﻮﻣﻴﻪ ﻭﺑﻴﻮﻡ ﻣﻦ ﺍﻻﻳﺎﻡ ﺑﻌﺪ ﻣﺮﻭﺭ ﺳﻨﻪ ﻋﻠﻪ ﺯﻭﺍﺟﻨﻪ

ﺩﺧﻠﺖ ﺍﻟﻐﺮﻓﺘﻲ ﻭﻻﺑﺴﻪ ﺭﻭﺏ ﻧﻮﻡ ﺍﺑﻴﺾ ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﺎ ﻭﻓﺮﺣﺖ ﺑﻴﻬﺎ ﻛﻮﻟﺶ ﻭﻛﻠﺖ

ﻋﺼﺎﻡ : ﻣﺎ ﺍﺻﺪﻙ ﺍﻧﻲ ﺑﺤﻠﻢ ﻭﻻ ﺣﻘﻴﻘﻪ

ﺳﺎﺭﻩ : ﻫﻬﻬﻪ ﺻﺪﻙ ﺗﺮﻩ ﺣﻘﻴﻘﻪ

ﻋﺼﺎﻡ : ﻣﻌﻘﻮﻟﻪ ﺣﺘﺼﻴﺮﻳﻦ ﺍﻟﻲ

ﺳﺎﺭﻩ : ﻋﺼﺎﻡ ﺍﻧﺘﻪ ﺗﺴﺘﺎﻫﻞ ﻭﻫﺬﺍ ﺍﻗﻞ ﺷﻲ ﻣﻤﻜﻦ ﺍﻗﺪﻣﻠﻜﻴﺎﻩ

ﻋﺼﺎﻡ ﺍﺧﺬﺗﻬﺎ ﺑﺤﻀﻨﻲ ﻭﻛٲﻧﻲ ﻃﻔﻞ ﻣﺘﻠﻬﻒ ﻟﺤﻈﻦ ﺍﻣﻪ ﻭﺍﺧﻴﺮ ﺻﺎﺭﺕ ﻣﺮﺗﻲ ﻭﻓﻌﻼ ﺣﺴﻴﺖ ﺑﺮﺍﺣﻪ ﻭ ﺍﺧﺬﺗﻨﻲ ﻟﻌﺎﻟﻢ ﺛﺎﻧﻲ

ﺍﺣﺲ ﻋﻤﺮﻱ ﻣﺘﻌﺮﻓﺖ ﻋﻠﻰ ﻣﺮﻩ ﻗﺒﻠﻬﺎ ﺍﺗﺬﻛﺮﺕ ﺷﻌﻮﺭ ﺍﺩﻫﻢ ﻟﻤﺎ ﺟﺎﻥ ﻳﺴﻮﻟﻔﻠﻲ ﻋﻨﻬﺎ ﺍﺑﺘﺴﻤﺖ ﻭﺗﺮﺣﻤﺘﻠﻪ ﻭﻋﻴﺸﺘﻬﺎ ﻣﺜﻞ ﺍﻻﻣﻴﺮﻩ

ﻳﻜﻔﻲ ﺗﻄﻠﺐ ﻭﺍﻧﻲ ﺍﻧﻔﺬ ﻋﺸﻘﺘﻬﺎ ﻋﺸﻖ ﻣﺎ ﺍﻋﺘﻘﺪ ﻋﺸﻘﻪ ﺍﺣﺪ ﻗﺒﻠﻲ ﺻﺮﺕ ﺍﺷﻢ ﺍﻟﺘﺮﺍﺏ ﺍﻟﻠﻲ ﺗﻤﺸﻲ ﻋﻠﻴﻪ ﻋﺸﻨﺎ

ﺣﻴﺎﺓ ﺳﻌﻴﺪﻩ ﻛﻮﻟﺶ ﻭﺫﻛﺮﻳﺎﺕ ﺍﺩﻫﻢ ﻭﻳﺎﻧﻪ ﺍﻟﻪ ﺍﻟﻔﻀﻞ ﺑﺴﻌﺎﺩﺗﻨﺎ ﻫﺴﻪ ﺍﺳﺪ ﺍﻋﺘﺒﺮﺗﻪ ﺍﻛﺜﺮ ﻣﻦ ﺍﺑﻦ ﻭﺍﺣﺒﻪ ﺑﻜﺪ ﺣﺒﻲ ﻻﺑﻮﻩ ﻭﻛﺪﺭﺕ ﺍﻛﺴﺐ ﺣﺒﻪ

ﻫﻮﻩ ﺍﺻﻼ ﻣﻴﺘﺬﻛﺮ ﺍﺑﻮﻩ ﻋﺒﺎﻟﻪ ﺍﻧﻲ ﺍﺑﻮﻩ ﺑﺲ ﺍﻧﻲ ﺩﺍﺋﻤﺎ ﺍﺧﺬﻩ ﻟﻘﺒﺮ ﺍﺩﻫﻢ ﻭﺍﺳﻮﻟﻔﻠﻪ ﻋﻨﻪ ﺣﻤﻠﺖ ﺳﺎﺭﻩ ﻣﻦ ﻋﻨﺪﻱ ﻭﺟﺎﺑﺖ ﻭﻟﺪ ﺳﻤﻴﻨﺎﻩ ﺍﺩﻫﻢ .. ﺍﻟﻮﻟﺪ ﻳﺸﺒﻪ ﺍﻣﻪ ﻫﻮﺍﻳﻪ

ﺩﻋﺎﺀ ﻣﻦ ﺗﺰﻭﺟﺖ ﺳﺎﺭﻩ ﺭﻓﻀﺖ ﺗﻌﻴﺶ ﻭﻳﺎﻳﻪ .. ﻭﻃﻠﺒﺖ ﺍﻟﻄﻼﻕ .. ﻃﻠﻘﺘﻬﺎ .. ﻭﺍﻣﻲ ﻏﻀﺒﺖ ﻻﻥ ﻃﻠﻘﺘﻬﺎ .. ﻋﺰﻟﺖ ﺑﺴﺎﺭﻩ ﺍﺑﻴﺖ ﻟﺤﺘﻲ ﻣﺘﺘﻀﺎﻳﻖ ﻣﻦ ﺍﻫﻠﻲ

ﻋﺸﻨﺎ ﺣﻴﺎﺗﻨﺎ ﺑﺴﻌﺎﺩﻩ ﺍﻧﻲ ﻭﻳﺎﻫﺎ ﻭﺍﻭﻻﺩﻧﺎ ﺩﻋﺎﺀ ﺗﺰﻭﺟﺖ ﻭﺭﺟﻌﺘﻠﻲ ﺍﻃﻔﺎﻟﻲ ﺯﻫﺮﺍﺀ ﻋﺎﺷﺖ ﻭﻳﻪ ﺑﻨﺎﺗﻬﺎ ﺑﺎﻟﺒﻴﺖ ﺍﻟﻠﻲ ﺑﻘﺎﻩ ﺍﺩﻫﻢ ﺍﻟﻬﻢ

ﻭﺍﻧﻲ ﺳﻮﻳﺘﻠﻬﻢ ﺭﺍﺗﺐ ﺷﻬﺮﻱ ﺍﻟﻬﻢ ﻟﺤﺘﻰ ﻣﻴﺤﺘﺎﺟﻮﻥ ﺷﻲ ﺍﺳﻴﻞ ﺗﺰﻭﺟﺖ ﻭﺻﺎﺭ ﻋﺪﻫﺎ ﻃﻔﻞ ﻣﻦ ﺯﻭﺟﻬﺎ ﺍﻟﺜﺎﻧﻲ ﻭﻋﺸﻨﺎ ﺑﺤﺐ ﻭﺑﻜﻠﺒﻨﺎ ﺫﻛﺮﻳﺎﺕ ﻣﺆﻟﻤﻪ ‏( ﺯﻳﻨﺐ ﻣﺎﺟﺪ ‏)

🔹🔸💗🔹🔸

… .. ﺍﻟﻨﻬﺎﻳﻪ

متابعة قناة التيلجرام الرسمية للتطبيق 
@novels1234 
لجديدنا ومنوعات حصرياً 
قفشات شعر تحشيش قصص عراقية قصيرة

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤